اخترنا لكم

[الحمدان]

‏بعض الصور في الذاكره همً سريع الأشتعال
‏تاخذ من الإنسان عافيته وتعطيه وجعه

.....

[الحمدان]

‏الكفو لا شال همه شال همّه بروحه
‏ولا من فرح وزع على اللي حواليه

.....

[الحمدان]

‏يقولون قاسي قلب واقول لا والله
‏ولكن علاج الصده ان طالت الصده

‏انا ويش اسوي ذا خفوقي وذا مبداه
‏اذا حب من جده واذا صد من جده

الحبابي

[الحمدان]

متفائل بشكل ما يوصف وعندي يقين
‏اني تجاوزت بامر الله تعالى الشقى

‏ايام واعانق الفرحه معانق ثنين
‏تعانقو فالوداع اللي مابعده لقى

.....

[الحمدان]

العمر يفنى والحياة أحلام والدنيا متاع
‏يا كمّ نفسٍ روّحت ما حقّقت مطْلوبها

.....

[الحمدان]

خلك مـع أهـل المكارم صافيين القلوب
وأبعد عن الـلّي يحاول بالزمن يجرحك

الوقت يظهر لك الصادق ومن هو كذوب
ووقت الـشدايد بتعرف من تجمّل معك

.....

[الحمدان]

كلمة شكر يابوي ماتوفي الشعور
واحساسي صوبك يابعدي أكبر كثير

مهما شكرتك لازم أشعر بقصور
بنتك يابوي دايم تشوفك كبير

.....

[الحمدان]

‏لوهي حقيقة كل مطرود ملحوق
‏ما فاتـــنا شيٍ من اللـــي طردناه

‏نطرد وتبعـــدنا مسافات وفروق
‏وللـــي نريــده فاتنـــا ما لحقناه

.....

[الحمدان]

‏ترى يمرّ بصـــدر الانسان ضيقة
‏تأخذ بصدره يـوم يومين وتـروح

‏والمزح له وقت ومكان وطريـقة
‏بابه ماهو في كل الاوقات مفتوح

.....

[الحمدان]

‏ســلم على الوافي اللـــي نيته زرجه
‏اللي على الطيب و فعول الوفا دارب

‏ان غاب عـن صف ربعه بان له فرجه
‏له وقفــةٍ دون ربــعه كنـــه محارب

‏واليا حضر فالمجالس ما كثر هرجـه
‏واليا هرج هرجته تجمد على الشارب

.....

[الحمدان]

لك في عيوني يانظرها مكانه
ماطالها قبلك ولا بعدك إنسان

أنت الغلا كله ونبضه وشانه
تفداك عيني يابعد كل الاعيان

حمد السعيد

[الحمدان]

تدري زمان أول وش اللي محليّه
إن النوايا مع قسى الوقت زينه

.....

[الحمدان]

أحب العلوم الغانمه وأحب شوف الذود
وأحب النشاما اللي على الطيب سباقه

.....

[الحمدان]

نبعد عن درب الردئ والعذاريب
والطيب نلحق صاحبه ونتعداه

.....

[الحمدان]

اخيله بعيني لين شفت الجبل غباه
وامش الدموع الجاريه والتفت صوبه

.....

[الحمدان]

ماكل بنت في مواقع التواصل رديه
بعض البنات فعولها توزن جبال

تلقى بها حشمه وعفه وطبع أجوديه
واليا حكت ينصت ثلاثين رجال

.....

[الحمدان]

مايزعلنا كلام القفى بين الرخوم
‏الجبال جبال وضرب الحصى ماهزها

.....

[الحمدان]

‏معك ذقت الأمان ومعك أحس إني بدون قُيود
‏ أنا قلبي أمانة في يدك و يشوفك آمانه

‏عيونك غير يا ذات الدلال المترف من الخود
‏ من عيونك غديت أوّل سجين يحَب سجّانه

‏تباهي في ذراي ولك يلين الخاطر الجلمود
‏ جعل قلب يوريك القسى ما يقبل إحسانه

.....

[الحمدان]

‏سولفت له عن جرح الايام وش فيه
‏قال المراحل فـ الحياة أتشابه

‏وانا لو انه قال لي بس لبيه
‏علمته ان الي جرحني غيابه

.....

[الحمدان]

‏أنا لو لي قدرة أدّسك عن الانظار
‏مابي غيري يشوفك ولا تقعد قْباله

‏فإذا غرك الغوَّاص لا استخرج المحّار
‏أنا مستعد اغرف لك البحر ببياله

.....

[الحمدان]

‏ياقاسيه يالي مع قسوتك لين
‏كل الجروح الماضيات اتركيها

‏رسالتي يمكن تخليك تبكي
‏ماهو طبيعي حجم الاحساس فيها

‏باقي ثلاث دموع وتصير بيتين
‏بيتين صح الله عيوني عليها

.....

[الحمدان]

‏هذا زمان الشك والوسواس
‏الوضع من جرفٍ لدحديره

‏لا تقول للمقفي عسى ماباس
‏خله وشف لك صاحب ٍ غيره

‏ترى الرفيق إليا غدا حساس
‏شرّه يبي يطغى على خيره

‏واللي يبي يسمع كلاام الناس
‏ماهوب والله رايح ٍ ديره

.....

[الحمدان]

أنا أفتل البيت القوي وأعقده
‏وأحب كل المبدعين أمثالي

‏الناقد أحترمه وأقدّر نقده
‏والحاقد يراجع مدير أعمالي

.....

[الحمدان]

‏ماهـي فطينـه عـلى النيـه مشـاعـرها
‏طـابت مـع نـاس ماكانـوا عـلى النيـه

.....

[الحمدان]

على الله يا حب طواه الزمان و راح
وعلى الله يا درب مشيته وضيعني

.....

[الحمدان]

لقيت نفسي عن سخف الأوادم جفول
‏أبتعد عنهم وهجعة البال أكبر غنيمة

‏لو بالحديث والرأي تفردت الوصول
‏مع الجاهل وصولك ما كان الأ هزيمة

.....

[الحمدان]

‏الوقت ساومني على راحتي لين
‏قررت أثمّن راحتي وأشتريها

‏أثر الدقايق بعضها تاخذ سنين
‏لين نتجاوز كل ما صار فيها

‏أقسى شعور يراود القلب والعين
‏يـوم نتذكر حاجةٍ ما نبيها

‏المستريح اللي جمع بين ثنتين
‏صدرٍ وسيع و ذاكرة لك عليها

.....

[الحمدان]

‏خل صدرك يالسنافي على الدنيا وسيع
‏وأعرف إن الضيق فالقبر والدنيا سعه

‏كلنا مثل الطراقي مع الخط السريع
‏نمشي مع الخط مانضمن نعوّد معه

‏قدم من اللي يجمل كثر ماتستطيع
‏والزمان إن كان ماطاوعك فأنته طعه

‏لا تحسب العمر دايم ربيع في ربيع
‏لازم أتمرك جميع الفصول الأربعه

.....

[الحمدان]

‏قال انت جالس لحالك تنتظر من يجيك
‏قلت انتظر نفسي الي مادري وينها

.....

[الحمدان]

مافيه يانايم احلى من نسيم الصباح
‏لا قمت له بعد نومه مع صلاة الفجر

‏فيه السكينه وفيه النـــور والانشراح
‏وسلامة الصدر وعلاج النكد والضجر

‏وقت ٍتحضره ملائكة الرضــا والفلاح
‏تنزل وتصعد لربك في علــوم البشر

.....

[الحمدان]

راع البخل كفّه عــدو المصاريف
‏و يحـــارب الطيّب لـو انه قريبـه

‏يزعل ليا شاف ولدْه جايب ٍضيف
‏تقـــول كنّه جـــايب ٍ له مصيبـه

.....

[الحمدان]

لو ينبت الورد فوق ارض الغياب الهجير
‏يمدي تزين السنين وتترك عماسها

‏اقسى من الدمعْ في عين العزيز الفقير
‏الكلمه اللي تموت وندفن احساسها

‏البارحه ما فقدتك .. رحت فاقد مصير
‏وانت اخبر الناس في (وينك) وهوجاسها

‏كنت اقطع الشك وآخذ في يدين الضرير
‏لين امتلت كل فكره .. شر وسواسها

‏كيف آمنك وانت خايف واحتضر واستخير
‏يا بهجة النفس ، نفسي ضاقت انفاسها

‏حلّلني ارجوك من بعد العَشاء الاخير
‏خانتني الامنيات ودقّت اجراسها

‏ياما وياما طفت شمعه وفاحت عبير
‏بعض الاماكن تضيق بـ ضيق جلّاسها

‏يوم انتظرتك لحالي جيت جمعٍ غفير
‏تبّت يد الذكريات وعاش كرّاسها

‏لو اسهرك ما سهرتك لجل احبك كسير
‏توارد اوجاع روحي تطرد نعاسها

‏الطف من الصبح واعذب من قراح الغدير
‏صوتٍ يمر الليال وينجلي ياسها

‏اخفض جناح الهوى وامسك يديني وطِير
‏محتاجلك حاجةٍ ما دنّقت راسها

‏محبةٍ مابها غصّه و صحوة ضمير
‏حرام ودّك تبور وتعلن فْلاسها

.....

[الحمدان]

‏ياحسنٍ كل ما طرّوا ذوات الحسن والانساب
‏عرفت إنك من أحفاده وجدّانك من أسلافه

‏ورثتيهم مثل ورث الملوك اللي تقص أرقاب
‏ويزبن في ذراهم من خسر داره ومشرافه

.....

[الحمدان]

مابقى لي قلب يشفع لك خطيه
‏ذوبته جروح صدك والخطايا

‏صاحبي بالله لاتعتب علي
‏العتب ماعاد تاسعه الحنايا

.....

[الحمدان]

‏وقدرت أخذ من عيون الزمان الممحلة مفتاح
‏وعجزت أفجّ بيبان الوصل عن بكرة أبِيْها

‏تمرّك ذكريات العام نوقٍ شدّها المسراح
‏وأمرِّك ليلةٍ تتعب رجولي من مسارِيْها

‏غريبٍ ما لمَح وَجْهك وجيه وطبْعِه اللمَّاح
‏خذى كفّ القصايد لين سلَّم لك نواصِيْها

.....

[الحمدان]

‏البخل في عين البخيلين إقتصاد
‏والضعف حكمة في عيون الأجودي

‏وأسهل عمل للفاشلين الإنتقاد
‏كلٍ يسب أهل الردى حتى الردي

‏حتى الجبان يصير طارق بن زياد
‏إذا جلس على البساط الأحمدي

.....

[الحمدان]

ماخذٍ قلبه غلاي وماطمع قلبي بغيره
‏قصةٍ فيها تركنا من منادمنا بقيه

‏قلت قلّي وش تحب من الكبيره للصغيره
‏غير حبّك للفضايل والفضا والافضليه

‏قال وش أقول وأنتي كل خير وكل خيره
‏وكل صبح وكل ليل وكل نور وكل فيّه

.....

[الحمدان]

‏تمردي بالتغنج وألعبي بالطروق
‏اللي بها الغطرسه والعنفوان اخلطا

‏انتي من اللي عليه قلوب الامه تتوق
‏منتي من اللي ليا روّح مراح القطا

.....

[الحمدان]

‏على دربك لو إن العمر يوقف تمشي الاقدام
‏إلين اموت ابيك وغيرك من الناس ما ابيها

‏يا روح الشعر وحروف الكلام وسطوة الالهام
‏احاسيسي معك ماني بعارف كيف اخبّيها

‏يا مرساي الاخير و ذكرياتي في مدى الاعوام
‏يا ضحكة وجهي اللي تذبح اشواقي وتحييها

.....

[الحمدان]

‏تبعته دون خوف من الكلام وشرهة العذال
‏وسقيته من هواي العفّ شيٍ معه يحلالي

‏لقيته في محطات العمر صدفه وقلبي قال
‏هذا اللي تمنيت وفداه اللي تبقى لي

‏مواقفه الكثيره خلت سواد الكحل سيّال
‏وأنا بنت يليق بها الترف و الحب يزهالي

.....

[الحمدان]

‏الصمت موت وسكرته لـذّة البوح
‏وانا أمـوت بطلّتك بس في صمت
‏
‏لاشفتك ارسل لك سلامي من الروح
‏يسعد مسا قلبك وانا ما تكلمت

.....

[الحمدان]

‏نرسم خطاوينا على رمل الأيام
‏نرجع نبيها والرياح دفنتها

.....

[الحمدان]

‏الشعر فن وذوق واسلوب وعماد
‏ولاكل من ينطق كلام يجيده

‏اشكالهم واجد وبالمجتمع زاد
‏وليت العقول بعرفها مستفيده

‏لا سار ماللشعر محلل ونقاد
‏يضيع معنى مفرداتٍ عديده

.....

[الحمدان]

‏هجير الشمس ذوٌب بالمحاني جليد
‏لوعة الوقت لوعه ذاق منها غصته

‏في شموخه تهادى بين عرق ووريد
‏نامت افراح روحه في جناها كفته

‏استباح البعد طيفٍ من سهاده رصيد
‏واستلذ البوح صمتٍ في علاوي قمته

.....

[الحمدان]

‏عليك بوحي نازع الصمت قوه
‏ابطى يدك ضلوع هدفٍ محاديب

‏بينه وبين البعد رفقه وخوه
‏مرٌه ضيوف الجاش ومرٌه معازيب

.....

[الحمدان]

ولقد نويتُ الحبّ حين رأيتهُ
‏ولكل قلبٍ في المحبةِ ما نوَى

‏أهواهُ عند القربِ او في بعدهِ
‏ما ضل قلبي في هواه وما غوى

.....

[الحمدان]

‏مادامها النية على طيّب الفال
‏أبشر وتلقى صاحبك في سلامه

‏آنا أكّتفيت ومسألة مابها جدال
‏والله يصبّر خاطري بإلتزامه

.....

[الحمدان]

‏سوالفك تلهم كل راعي شغف وإحساس
‏ يزاول معك من يملك إبداع موهبته

‏لقى بك غريبٍ منعزل عن جميع الناس
‏وطن يحتويه ويحتوي عمق تجربته

‏من أول ماشاف السحر في قدك الميّاس
‏ وهو داري إنه طاح في سوء عاقبته

.....

[الحمدان]

‏جيتك مجيَّ الكرام اللي تحب الكرام
‏واخترت دربٍ توقف عندك نهايته

‏أن كان جيتي مجيَّك فوق صدري وسام
‏وان كان رحتي فمان الله ورعايته

.....

[الحمدان]

‏جرحتها قبل لا ترحل عشان أستريح
‏أهملت وجناتها وأرخصت منتوقها

‏راحت تجر الحزن ورا الزمان الشحيح
‏مدري تحت لرض ولا عايشه فوقها

.....

[الحمدان]

‏طامعٍ بالقرب منّك ولو إني قنوع
‏ليه ما أطمع وأنتي الزين والشان الرفيع

‏أنتي أوّل من تربّع ورا حدب الضلوع
‏إرتكيتي لك على قلب يشري ما يبيع

.....

[الحمدان]

يالله ياللــي زمــام امـورنا في يديك
‏لا تجعل المغـريات اكـبـر طمواحتنا

‏نسألك عفوك ولطفك والتوكل عليك
‏والعـافيـه والنـجـاه وسـتـر عـوراتنا

‏يارب ما فـــيـه ملجا مــنّك الا اليك
‏نخطـي وتقبل تضرعـــنا وحـاجـاتنا

آمين

[الحمدان]

‏ما يرى فيك العيوب اللي يحبك
‏والمعادي مـا يرى فـيك الـمزايا

‏لو تطيب العمر تلقى من يسبك
‏ما سـلم من الـبشر خـير الـبرايا

.....

[الحمدان]

الخاطر لياطاب من شخص تغليه
‏ماعاد يبقى له قدر واحترامي

‏يطيح من عينـك ولو كنت شـاريه
‏ماهو رفيقٍ بالمواقف حزامي

‏واللي مزاجه بعض الاحيان يغويه
‏حتى جهل دور الخوي والنظامي

‏من خانة التقديـر والقرب نعفيه
‏ولا التفت صوبه علي الحرامي

.....

[الحمدان]

اقفى ولكنه ترك داخلي شي
‏وانا تركت بداخله ألف حاجة

‏مدري مصير الحي بيلاقي الحي
‏ولا انا وياه صعب نتواجه

.....

[الحمدان]

كذبت لي كذبه وعودت صدقت
‏انه مصير الحي بيلاقي الحي

‏بس الحقيقة يوم منها تحققت
‏ان الفرح والحب أشياء ماهي لي

.....

[الحمدان]

‏مهما يكون الشعور اللي علي بادي
‏لا زلت أنا الوارد اللي ما طوى حبله

.....

[الحمدان]

‏اتنفَّس به ليا مات في صدري كلام
‏واتعنَّز به ليا مال جسمي للمطيح

.....

[الحمدان]

عن الخطأ ماني منزه ومعصوم
‏لكن احاول قدر الإمكان ما اخطي

‏وان جاتني غلطه من انسان محشوم
‏اغض عنها الطرف لا اخذ ولا اعطي

‏الصمت يحميني من العيب واللوم
‏والهرج تأثيره يطول ويبطي

.....

[الحمدان]

انتبه من طيحةٍ ماعاد منْها قومه
وانتبه من قومةٍ مجلاسك ابرك منْها

المواقف تمّسك الرجال من حلقومه
يا يداحمها بجنبه يا يجنب عنها

.....

[الحمدان]

‏لا تندفع واصبر لا جالك دافع
‏بالوقت هذا غلطتك محسوبه
‏
‏من لاصنع فعلٍ يجيله شافع
‏لا يصنع اللي جاريات ذنوبه

.....

[الحمدان]

‏الاجور مقيّده وانت في قيد الحياه
‏اغتنمها في حياتك وفك قيادها
‏
‏دام رب البيت مغنيك يا مال الغناه
‏اعط يمناك الاجر شفها ومرادها

.....

[الحمدان]

‏لو كـان نحســب كل زلـة وتقصير
‏كـان البشـر ما فـيـهم اللــي نـوده

‏عيش وتعايش في حياتك مع الغير
‏وإذا أرتـخــى حبل العلاقات شـده

.....

[الحمدان]

ان كــان ودك تعتلــي راس الهرم
‏اخذ النصيحه واترك اللي ماخذى

‏من قبل لا تسعــى على كف الكرم
‏لا بد ما تسعـــى على كـــف الاذى

.....

[الحمدان]

‏زعلّني الوقت والظاهر نسيت ارضا
‏مدري الصبر غلطتي ولاّ الوفا عيبي
‏
‏محتاج قلبٍ يطلّعني من الفوضى
‏يشعل بصيص الامل ويعيد ترتيبي

.....

[الحمدان]

‏على البال ياللي كل مامرني طاريك
‏بدت كل تنهيده تمارس هوايتها

‏أنا لو ينسيك الزمن ماني بناسيك
‏محبتك قصه ما اقدر اكتب نهايتها

‏لو الوقت يرجع قبل اعرفك وقبل اجيك
‏وقبل الهقاوي تنثني دون غايتها

‏باروح انتظر فأول مكانٍ جمعني فيك
‏وبـا اعيد تجربتي معك من بدايتها

.....

[الحمدان]

على الزعل والضيق طحنا كبرنا
ماعاد فيه أشياء تستاهل الضيق

واذا اعتزلنا الكل محدٍ جبرنا
العزله أصدق من وجيه المخاليق

حتى على صد الحبايب صبرنا
الحلم لولا الصبر مافيه تحقيق

من كثر خيبات الحياه اعتبرنا
العمر لحظة والليالي توافيق

.....

[الحمدان]

تعبت أجبر الخاطر وانا خاطري مكسور
وآداري مشاعر عالم ما تداريني

أجامل واخبي وأتصنع وأعيش الدور
على إني قويه وأنا اللي فيني مكفيني

يحسبوني يوم أبتسم دايماً مسرور
مايدرون في دمع حبسته ورا عيني

.....

[الحمدان]

يا ليت الوجيه اللي هقينا بأهلها خير
بقى لونها هو لونها في بدايتهم

عطيناهم الإكرام والحب والتقدير
وعطونا جروحٍ ما تعالج بخيبتهم

شبعنا من العذر ومللنا من التقصير
ولا عاد نبغى منهم الا سلامتهم

.....

[الحمدان]

ياليت لو لي قلب سالي ومرتاح
المشكلة تنتابني حالة اجنون

دايم وهي تغش المشاعر وتجتاح
واصبر على بارق أمل باكر إتهون

.....

[الحمدان]

ضايق صدري ولا ادري وين اروح
كل ماحاولت اسلي نفسي ماقويت

ان شكيت الهــم تزداد الجــروح
وان كتمت الحزن من همي بكيت

.....

[الحمدان]

بعض الحكي ماينحكى صعب ينقال
لو ينحكى يمكن يدمر كثيرين

في داخلي للكل بيت ومدهال
دايم وهقواتي مع الزين والزين

متقهوي اللوعات من دلة البال
ما هز فنجان الصبر لو هو عشرين

في راس مرقابي اهيجن بموال
طاروق له ونه وحنه ومضامين

.....

[الحمدان]

لاصرت تنشد يارفيقي عن الحال
مالي على كتمانها عنك حيله

الصبر عن بوح الاحاسيس قتال
والبوح في بعض المواقف فشيله

لو كل ما يطري على البال ينقال
ما كان شفت ان الثقيلة ثقيله

ابطيت أكافح ضيقة البال بالبال
وادفع بلى هـاجوسها كل ليلـه

.....

[الحمدان]

لوا التواصل بيننا دوم ممدود
الله يحب الوصل مرسل نبيه

هو منزل القران للناس يا حمود
وهو خالق الإنسان وبعده منيه

ليه المحبه دربها صار مسدود
وليه التراحم والموده ضحيه

.....

[الحمدان]

الصيت لاصار طيّب و النبا عاطر
وقلبك بالايمان متطيب و متعطر

لوكان رزقك على قول العرب قاطر
الناس باخلاقها المبسوط والمضطر

مرٍ تشين الظروف و يصفي الخاطر
ومرٍ تزين الظروف وتخرب الخطر

لاتحسب اللي يمضي حجته شاطر
الشاطر اللي عن المنقود متشطر

.....

[الحمدان]

‏مابقى من ثورة الفكر وابداع القصيد
‏غير مايقضي لوازم ومايهدي بشر

‏اعتبر كل القصايد خطا ساعي بريد
‏جا يسلّم ظرف سرّي ولكنه انتشر

.....

[الحمدان]

يارب ما نرتجي غير الرضـا والـقـبول
عفوك يامحييّ الهشيم البايد من المحل

كـلٍ يسبـح ونادر نفقـه اللـي يـقــول
حتى تضاريس الأرض القاحله تبتهل

سبحانه

[الحمدان]

العين ساحة حرب والدمع بارود
والضيق جندي مابخل بالذخيره

.....

[الحمدان]

وإليا ترديت حدّرنا بك الوادي
‏و لا أنت بأول رفيقٍ بار في ربعه

‏أجفاك وأنساك وأقطع عرفك وعادي
‏لو إن صداقتك منقوشه ومنطبعه

.....

[الحمدان]

الحزن ما يصلح على وجهك ابد
‏تبسمّي واخذي من احساسي يقين

‏حتى لو ان الله خلقنا في كَبد
‏الله خلق وجهك يسر الناظرين

.....

[الحمدان]

ماني يميـن الدرب ولا يسـاره
‏الدرب أنا كلّه من أدناه لأقصـاه

.....

[الحمدان]

تبجحوا بالكلام اللي يجيب الصداع
‏ لاكبرت المشكلة حنا معازيبها

.....

[الحمدان]

‏القصيده في عيوني بدونك ما تزين
لازم ان اجيب طاريك يا ملح النشيد

انت ياللي من بطين الفؤاد الى الاذين
والله ان حبك مع الوقت ماينقص يزيد

في غيابك لك محبه ولك شوق وونين
وفي حضورك شف عيوني كلامي ما يفيد

.....

[الحمدان]

يراقبني بعينه وانا اراقبه بالعين
نبي بعضنا لكن الاوضاع تمنعنا
ٰ
الا ياحبيبي حن عرب في الهوى خجلين
نضيق ونخاف من المناقيد توجعنا
ٰ
نمشي بعض الاشياء ونسكت وحن دارين
ماجا في مسامعنا خرج من مسامعنا
ٰ
انا وانت في عالم لا مرضى ولاصاحين
عرب كنها معنا وهي ماهي بمعنا

.....

[الحمدان]

----
لا بارك الله في عمري ولا طوّل سنيني
ان كان خلّيتك ما بين غصه و عبره

تراك في وجهي بالزين و الشيني
اموت ولا اسمع كسرك في نبره

عيوني الي تشوفين ماهي بـ عيني
هي محلك يا كسر خاطري و جبره

ترا شاعرك تاه في حبك بالله دليّني
باع العمر يوم في عينك حفر قبره

وانا معك يا ملاذي فالعسر و الليني
شاعرك تقصر الايام ماينقصر شبره

والله ان ماقبلك فالغلا غير والديني
ولا بعدك احد كانك على خبره

.....

[الحمدان]

ماجيت احبك حب مثل المحبين
جيتك غلا باحساس قلبي يوده

اهديك روحي بالغلا ومحجر العين
ابني غلاك بـ قصر محد يهده

وافرش لك بالصدر ورد و رياحيين
واسقيك من نبع الحنان والموده

واكتب قصايد الحب فيك بقوانين
دستور ماغيرك من البشر يتسمده

.....

[الحمدان]

الفقد ماهو فقد من غاب عنـا
‏الفقد والله من بيدينا دفناه

.....

[الحمدان]

حقير الشوق ما يرحم ما له وقت أو حزه
يعور قلب كل إنسان فقد له واحد يعزه

.....

[الحمدان]

مايعرف الضيق غير الي فقد غالي
‏يبطي ونفسه من الأيام ملتاعه

.....

[الحمدان]

جعل لامن طاح حظي مثل دمعة ساجد
يرتفع قدري مثل سبابة المتشهد

آمين

[الحمدان]

لا حداني وقتي الغلاب وانا راهي
قلت من راسٍ فطين ومدرك ومتربي

جعلني ما اطيح فاللي ما يقدر جاهي
وجعل راسي مايطيح إلا لرحمة ربي

آمين

[الحمدان]

اخاف انحرم من شوفتك والذكي خواف
اطيع الزمن لو كان ماودي اطيعه

احبك وتباً للتقاليد والاعراف
ابضيع بين ايديك والضيعة الضيعة

وصلتك بما فيني من ارهاق واستنزاف
اقدم لك الطاعة واجدد لك البيعة

متى اضعف والاحظ مفرداتي تصير ضعاف
اذا جيت اوادع واحدن صعب توديعه

.....

[الحمدان]

تذكرت والذكرى الحزينه تهد الروح
ومن ذاق وجعتها معاد يتصورها

.....

[الحمدان]

يفطر عليك القلب وان فارقك صام
والله لو انك شوك سدره كليتك

القلب طير لا دعي للهوي حام
ولا انت وكره من كثر ما هويتك

كن العيون من النظر عقبك ايتام
وكني ما رايت الا انت من يوم رايتك

محمد بن فطيس

[الحمدان]

يايمه معاد ابي سوا راحة البال
حتى الهواء اليوم معاد هو ليّه

يايمه يطيح من التعب قلب رجال
وشلون انا ما أطيح وانا بنيه

معاد قلبي يحتمل خيبة آمال
خذيني بحضنك وسمي عليه

.....

[الحمدان]

تفارقنـا وصـرنا يـا حبيبـي بالزمـان أغـراب
وتاهت في دروب الشوق يا عمـري خطاوينـا

تفارقنا ولا ندري عـن الفـرقـا وش الأسبـاب
ظـروف الوقـت ولا خانت أحكـام القـدر فينـا

حبيبي يا بعد كل الحضور ويا بعد مـن غـاب
ترى لـو عـانـدت دنيـاي مـا واللـه تنـسـيـنـا

أكيـد إنـا تفارقـنـا ولكـن مـا نـزال أحبـاب
سكن فينا غلاك اللـي علـى بعـدك يواسينـا

.....

[الحمدان]

صدفه غريبه والحقيقه ماعلى الدنيا غريب
يا زينها صدفه بلا سابق وعد يا زينها .

الله صرفها لي مثل صرف العلاج من الطبيب
أثر الجروح تطيب لا من عولجت في حينها .

لا طاب جرحي منه من غيره لعلّه ما يطيب
يطعن وطعناته على شان الغلا راضينها

.....

[الحمدان]

من يعزّك مايشوف الردى فيك
ومن يكرهك حتى بخيرك يذمك

.....

[الحمدان]

‏لولا سجودي وأنكساري لربّي
مارتحت يانفسي من الضيق ساعه

في سجدتي القى علاجي وطبّي
وفي دعوتي معنى الرضا والقناعه

.....

[الحمدان]

ما علم الا جرحه بقلب واوراق
كثر القلوب اللي توسم بوسمي

ولا طاح كبري غير له خلق واخلاق
واللي خلق من سلسله طين جسمي

يا عل مالي فالوهم حلم منساق
وعسى شعوري دايما حول قسمي

يطري علي ان حمر الشمس الاشراق
ويطري علي ان سيل الغيم وسمي

وانا ادري ان له قلب ما غثه فراق
ويمكن مع الايام ما يذكر اسمي

أجيه مملي لهفه وخوف واشواق
واروح كاسر خاطري رد رسمي

.....

[الحمدان]

لو غاب نور البدر في عتمة الليل
ينشاف نور البدر في وجه خَلي

.....

[الحمدان]

اعتبرني غير فاهم وعتبر غيري معقد
بس وش هو الي يحدك تستشير من البدايه

يارفيقي هد روعك واسترح وذكر محمد
واسمع الهرج الصحيح وقصتي حتى النهايه

الثقه بـ النفس حلوه وفق منهجها المحدد
كون فخرك واعتزازك ما يقودك للغوايه

واحتقارك للخلايق حكم بـ السجن المؤبد
لن تجد من حولك إلا صورتك ذي فـ المرايه

والمعارف بحر واسع سايره بـ الجرز والمد
لا تقول ان المعارف كذب والشورى دعايه

والذي يعرف ركوب الخيل والموقف مسدد
عادني بـا علمه فن السباحه والرمايه

محسن حسين المصري
اليمن

[الحمدان]

ياملتقى أرواح وحروف الابداع
‏فيك النفوس المتعبه مستريحه

‏اجيك كلي هم ووجاع وصداع
‏وطلع ونا نفسي تعافت شريحه

‏ابعدت ضيقٍ منه خايف ومرتاع
‏وشرحت نفسي لنفوس المريحه

‏لقيت فيك الطيب لنفس مرباع
‏وعطيتني جوك ودارك فسيحه

.....

[الحمدان]

خـذ العفو ودايم تَـرفّع عـن الناس
وحافظ على اللي قال سم ان زهمتّه

الله خلقنا ألوان واشكال واجناس
و الكـل واحـد عـنـد ربي و عَـظمتّـه

لكن ترى الدنيا بها رخوم و انجاس
وفيها الكفو اللي فز لك لا احتزمتـه

المحترم قدره على العين والراس
و لا الردي شرهـه لو إنّـك احترمتـه

.....

[الحمدان]

من يوم خيبو بعض الناس ظني
‏زادت طموحاتي ثقه ما تلاشت

‏خسرت بعض الناس يمكن لاني
‏أخلاقي مع رغباتھم ما تماشت

.....

[الحمدان]

سلمت نفسي يا مقادير الايام
دام القدر حاصل ولافيه حيله

ليت النهايه مثل تمثيل الافلام
بعد العنا نشوف السعاده طويله

.....

[الحمدان]

زهرة شبابي من غثاء الوقت ذبله
‏ومن قال لي كيف انت قلت له مسرور

‏صدري غـدا للحـزن والهـم قبله
‏ماجور يا صـدري من الضيـق ماجور

‏في جوفي حروبٍ وللحرب طبله
‏ما بيـن عقلٍ آمر و قلـب مأمور

‏لـو اشتـكي للغيـم بيهـل وبله
‏وتشوف في كبد السماء قلب مكسور

.....

[الحمدان]

تكشف لك الأيام مضمون الاصحاب
وتعـّد اساميهم بروس الأصـابع


ماجد عبدالله

[الحمدان]

صغير حساس يتحسس من الملمس
احساس مرهف وبشرح حيل حساسه

يتحسس الجسم من لبسه لا اتلبس
ناعم وارطب من النسناس نسناسه

لباس له خاص ماهو نفس مانلبس
حرير فاخر من اعلى الراس لا ساسه

مايقبل الشمس يتعب لو تمسه مس
من رقته لا تشمس يوجعه راسه

.....

[الحمدان]

‏جعل نفسي في ذرى ربي ورحمة ربي
من ذنوب الغافلين ومن ظنون الريبه

ماجد عبدالله

[الحمدان]

لا خانك الطيب وتخمين البشر والشعور
ما يخونك اللطف من ربي وتعويضه

ماجد عبدالله

[الحمدان]

‏يالله ياللي ترزق الخلق وتزيد
تعطي على قد النوايا طلبها

ماجد عبدالله

[الحمدان]

اضرب على الصعب دايم والسهل خلّه
ما ياخذ السهل غير الهيّن الـعادي

.....

[الحمدان]

‏منهج كرامتنا على العز ما مات
نموت لجل نصونها ما ارتخينا

من طيبنا نرقىٰ بروس الطويلات
ولا ننشد اللي قال وش قال فينا

.....

[الحمدان]

من سمح لك نهب قلبي
من سمح لك تجرحه

من سعى قاصد لحربي
ربنا لا سامحه

ويل من شكك بحبي
له من الغير مصلحه

ايش سويت ايش ذنبي
وانت باول صافحه

ماطويتك لا وربي
بل قريت الفاتحه

فضل الدروبي

[الحمدان]

‏يا فقــــر قلبي للمحـبـــه والاشواق
وياشــــوق روحــي لليالي الجميله

اللي بهــا كنــا حبايـــــب وعشاق
واليــوم صـــرنا كل حد في سبيله

غيب كما غاب القمر عند الاشراق
من دون ياخـــذ اذن له في رحيله

من يومهـا والنار تشعـل بالاعماق
والقلــب نايـــح بالجروح العليله

.....

[الحمدان]

‏انت قصيدة طابقت كل الالحان
مهما نظمتك ما اكتمل فيك بوحي

وانـت حياتي لو على هيئة إنسان
أفرح بقربك يابعد روح روحي

.....

[الحمدان]

على كثر ما كانت ليالي الوصال قصار
على كثر ما كانت طويله بذاكرتي

.....

[الحمدان]

العين تلمح في نظـرها مـلايين
والقلب يعشق في الملايين واحد

.....

[الحمدان]

‏ليت الخلايق تنقلب کلها أنــت
‏واصير أشوفك کل ما شفت مخلوق

.....

[الحمدان]

لو ترفع الهافي بروس الطويلات
يجيك من روس الطويلات هافي

.....

[الحمدان]

للود بين الناس وزن ومعايير
ودٍ صحيـح وود حسب المصالح

ويبين بظـروف الليالي المداوير
اللـي تميّز لك خبيثٍ وصالح

‎النجم العالي

[الحمدان]

تتقي ورى لسانك بالكلام اللين
وأنت في كبدك حزوز ونيتك ملعونة

تحسب إني يوم تضحك لي عليك هوين
والخبيث أدري بخبثه لو ضحك بسنونه

أنت قلي من سواد القلب ويش تعين
هقوة الطيب وراك وهقوتك من دونه

لكن خذ الصادقة وأخذ الكلام البين
من فتح فيه طرف عينه طمست عيونه

شايع العيافي

[الحمدان]

احفظ مباديك واحفظ وجهك وقدرك
واحرص على الطيبه لو انها كلفه

مانته لحالك تشيل الهم في صدرك
من هرجة الناس ومن النظره الصلفه

الناس غايات والغايات لاتدرك
كم شيخ قومٍ عليه القوم مختلفه

‎فايز سراحان

[الحمدان]

‏يا اصحابنا مكثرين الضرب والطعنا
وش حالكم طيبين الله يمنعكم

ان زانت النفس نص الزاد يعجبنا
وانتو من الشك حتى الضحك يزعجكم

ناصر بن منقرة

[الحمدان]

ياناقد الناس وينك عن مناقبها
غرات الاجواد عند العارفه مثلم

مطية إبليس حبلك فوق غاربها
سريت لك في طريق ٍ منه ماتسلم

الكامل الله وخلقه لاتعذربها
حتى القمر هو قمر له جانب ٍ مظلم

ضيف الله أبا العون

[الحمدان]

يا رفيقي ما ورى الدنيا وأهلها طمعه
والأماني ما تحقق حلم للمتحلّم

أجتهد فالدين دام الدين راس السمعه
وأستعن بالله وخلّك للسفر متولّم

حظ من حول لوجه الله تعالى دمعه
وكل ما ضاقت به الدنيا سجد ما كلّم

وتدري الخسران منهو في نهار الجمعه ؟
اللي ما صلى على وجه الرسول وسلّم

صل الله عليه وسلم

[الحمدان]

هي تقول :
‏أنت وطن قلبي و أجمل أمانيه
‏يا ثاني رجال أحبّه بعد أبي

‏وهو يقول :
‏انتي في حفظ الله وقلبي انا
‏يا ثاني بنت احبها بعد امي

[الحمدان]

الاصدقاء لاصـادقو صـــدق اصدقاء
والصـدق يتـوثق بـذي حـبله وثيق

.....

[الحمدان]

مااحناء من اللي يحب المشاكل
لاكن لياء جت ترانــاء اهــلـهـاء

.....

[الحمدان]

يـــاطير وسّع خاطرك فوق الاشـــجار
واصـــدح بزينات اللــحون الجميلـــه

لـــو بالخواطر ضيق واحزان واســرار
الصـــبر غايـــات النـــفوس النبيـــله

.....

[الحمدان]

اضحك تصير أقبح همومي وسيمة
وأبخل يدين الوقت فزعات أجاويد

.....

[الحمدان]

‏حاولت اعديها مع الصدر الوسيع
‏وارسم على وجه الزعل وجه الرضا

‏لكن بعض لحيان قلبي ما يطيع
‏بعض الخطا يضيق به وسع الفضا

.....

[الحمدان]

اللي يصون العرض تاجٍ على الراس
يبقى عزيـــز النفس عالي مقامــه

.....

[الحمدان]

‏يحسب ان قلبي عقب صده توفى
بشرّوا المقفي ترى الدعوه عوافي

لو نشوف الجور والموت المصفّى
ما بكينا حزن لحظات التجافي

.....

[الحمدان]

لا تحسب ان الصد والهجر نوماس
ترا الخطا مدموح بين المحبين

.....

[الحمدان]

‏اللي جرحني بالوداع ولعبّي
‏احساسي انك من هدوئي تألمت

‏آسف على صمتي لكن وربّي
‏انا لو اقدر أتكلّم تكلّمت

.....

[الحمدان]

الدرب خله سمح لا تزرعه شوك
يمكن يجي لك يوم وتمر حافى

.....

[الحمدان]

دافنين احزاننا تحت الوسايد
‏ما بغينا الناس تعرف من جرحنا

‏ويوم صرنا نكتب ابيات و قصايد
‏بان وجه الحزن فينا وانفضحنا

.....

[الحمدان]

على هامش الذكرى وقفت أناظر إللي فات
‏لقيت أجمل أيام العمُر أصبحت ماضي

.....

[الحمدان]

الطاري اللي يجيبك ليته يجيبك
‏أنا تعبت أسهج الطاري مع المسرا
‏
‏تاخذك الايام عن عيني وتقفي بك
‏وأنت أقرب لعيني اليمنى من اليسرا

.....

[الحمدان]

مابعد عسـر الزمـآن الا تيآسـيره
لـو سـود اليـآم تفجعنـآ حقآيقهـآ

بنسوقهآ في رجآ اللي مآلنآ غيره
خلاّق النفـس وكآفلهـآ ورآزقهـآ

سبحانه

[الحمدان]

قـدّر مـقام اللي يقـدر مـقامك
واجز الذي عاملك بالخير خيرين

أحــــذر تـــنقص للــــوفـي اهتمامـك
مايجحـــِد الوافيــن غير الـردييـن

.....

[الحمدان]

سلامي على اللي ماتغير مع الايام
‏ ولا زال يذكرنا ولا زال صاحـبنا

.....

[الحمدان]

‏من يزرع الورد بأرض مالها ساقي
‏يجني ثمار الجفا في سلة أحزانه

.....

[الحمدان]

‏حنا هل العاداتَ وحنا اللي نفك المنيّع
‏ كم دولةٍ صالت علينا و ارتكينا لهَا
🇸🇦💚

[الحمدان]

‏لولا الدلال وشبة النار و الكيف
‏والعود الازرق والكرم والطناخه

‏وكلمة هلا واقلط على العز ياضيف
‏ما كان بيت الطيب يعرف مناخه

.....

[الحمدان]

‏عين الردي يقصر نظرها من الطيب
لو كان شوفه شوف زرقاء اليمامه

يغويه شور قريّبين المحاضيب
ويعميه من كسب الجميل الرخامه

.....

[الحمدان]

‏سلام مثـل الغيث تحيا به القاع
يحـيي قلوبن ماتحـب القطيعه

قلوب تربطها الاخـوه بالاجماع
تتبادل المعـروف فـوق الوسيعه

.....

[الحمدان]

ابتسم للوقت لو تقسى الظروف
من سحاب الكون ماضاقت سما

كم كفيف قلبه المُبصر يشوف
وكم بصير قلبه الميت عمى

.....

[الحمدان]

صدق المشاعر تصنع انسان شاعر
والناس دايم تنتظر وش جديده

عينه تشوف ان القصايد مشاعر
وهم يشوفو إن المشاعر قصيده

.....

[الحمدان]

‏نبعد عن زحام المخاليق ونغيب
‏والبعد بعض احيان للراس راحه

‏يبعدك عن كثر الحكي والاكاذيب
‏وبينك وبين الناس يعطي مساحه

‏لو ان بعض البعد مابه مكاسيب
‏لكن فيه الصدر يلقى انشراحه

.....

[الحمدان]

‏ماهو بكل من يغيب ندوره وينه
ماندور إلا المهم الطيب الغالي

الغالي اللي يغار الزين من زينه
وإن غاب ماغاب من قلبي وعن بالي

.....

[الحمدان]

يالله بصبحٍ فيه رحمة وتوفيق
‏من عند ربٍ ما انقفل يوم بابه

‏صبح السعه مافيه همٍ ولا ضيق
‏فوق البشاير دعوّةٍ مستجابه

.....

[الحمدان]

‏مو كل بنت تحادثك صارت عشيقة
احيان توثق بك تشوفك مثل اخوها

الوهم لايعميك عن شوف الحقيقة
صون الامانة واعتبر نفسك أخوها

.....

[الحمدان]

سـلام مثل الغيث تحيا بـه القاع
‏يحيي قلوبن مـا تـحـب القطيعه

‏قـلـوب تربطها الاخـوه بالاجماع
‏تتبادل المعروف فـوق الوسيعه

.....

[الحمدان]

‏خلك معـي اقرب من الروح للروح
‏اقرب مــن انفاســي ودقات قلبــي
‏
‏ابيك في قربــــي من وين ما اروح
‏ من وين ما وجهت انا ابيك جنبـي

.....

[الحمدان]

اغليك جداً عسى الله لايبين غلاك
ياواحدً لو طلب عمري مايغلى عليه

والله مدري وش اخطائي ولكن خطاك
انك الي الان ماتدري وش اللي تبيه

واني اللي الان ماني مستعد لجفاك
تبيني اذوق طعم الانكسارات ليه

.....

[الحمدان]

لاتهدد شخص كله على بعضه كسور
ماتلاقي عظم صاحي بجسمه تكسره

إنتبه كسر الخواطر عواقبها دبور
خاطر المكسور مفروض منك تجبره

لا قساوة لايقة بك ولا هذا الغرور
ولا ولا لك بالجفاء والتعالي معذره

الحذر تمشي على الأرض مختالآ فخور
وعترف بالفضل لله وحده وشكره

خذ نصيحة من محبك عساها ماتبور
وتق الله فيه تربح ولو شأت أخسره

ماتجاهلتك وأنت السبب فيما يدور
أنت زلاتك كبيرة وجرحي مكبره

.....

[الحمدان]

إنت الحروف اللي كتبها قصيدي
فيك المشاعر ساكنه وسط هالروح


تفداك روحي ودم قلبي ووريدي
اغلى البشر يامقصدي وسط هالبوح

.....

[الحمدان]

‏لقيـت بالـدنيـا نتـايـج وتـأكيـد
‏واللي مشى بفجوجها ينتهجهــا

‏يوم يتكدر خاطر ويوم به عيـد
‏وتضيق والله قاسمٍ لك فرجها

‏مشيت في دنيا وظلام وسراميد
‏وجاهدتها حتى تعـدّل عـوجـها

‏واللي بقى مالي عليها تواكـيــد
‏يكفي بياض قلوبنا في لجـجـها

.....

[الحمدان]

ماغير أقول أسال من الله يهديك
ويحفظك من كل قلبي دعيته

الله يعينك ياحبيبي ويحميك
وتنال من رب السماء مانويته

لاتحسب إن الحب لعبة تسليك
على مزاجك تلعبه أو رميته

يامبتلي بالحب أنا مبتلي فيك
لاتشكي البلوى على من بليته

لا تقتدي بالظن والشك يعميك
لبيك خذ من عاشقك مابغيته

أنا أحبك افهم الله يخليك
وراك تهدم مابيدك بنيته

.....

[الحمدان]

يا اللي لقلبي دوم تحلا حكاويه
وشوفته عندي بهالكون كله

انت الوحيد اللي حروفي تناديه
وانت قمر قلبي وشمسه وظله

يا قبلة اشواقي ويا روح مغليه
انت الوحيد اللي ابد ما امله

الكون مظلم في غيابك وتضويه
لا لاح طيفك يا سلا روح خله

.....

[الحمدان]

انت لغـــــــــــز وفيك حل المسأله
وانت حاجه عندها فصل الخطاب

ادري إن حبي لمثلــــــــك مشـكله
وادري انـــك كنز في نص الكتاب

بس كيف ارقــــــــــا لهـاذا المنزله
انت متعلم ومــــــعك الجـو طاب

كل مـــــــــا وقفّــت عند البسمله
انجرحت ومـــــاقويت على العتاب

خاف ربك عـــــــاد عمري فاوله
لا تحطم قلب فــــي ريع الشباب

.....

[الحمدان]

الجنون عيون وعيونك وطن
والوطن من غير عينك ما يكون

لا شوارع ولا اماني ولا سكن
ولا حياة ولا ممات ولا طعون

انت لحالك زمن داخل زمن
كيف عمري ينحسب لو تحسبون

.....

[الحمدان]

انت الهوى والعشق لي وانت الخليل
يا من بزينه والحلا ما لك مثال

يا سلوة الخاطر دواء قلب العليل
انته ظماء المشتاق والماء الزلال

محراب حرفي انت للشعر الجزيل
قلبي من اشواقه ينادي لك تعال

راحة لروحي انت بك همي يزيل
ان غبت عن عيني معشعش بالخيال

فكيف في مثلك انا اقبل بديل
من بعد ذا كله تاكد ذا محال

.....

[الحمدان]

أنت نور الشمس في الاصباح واليل الهلال
وأنت طب القلب يا قلبـي بدون أيت خبـر

أنت أغلى شي وهبني بالحياه مولى الجلال
بل وأول حب قلبــي حب يا أجمـــل قمــر

أنت من بالحسن وحدك بالحلا فاق الجمال
فاسال الرحمن وادعيه يحرسك من كل شر

.....

[الحمدان]

ياشاغل البال قلي ياالغلا وينك
الكون كله اذا ماشفتكم ظلماء

والناس دونك لوأنم دينهم دينك
اراهم اغراب واحفظهم حروف اسماء

وانته برغم الجفا محلاك يازينك
غالي كأنك لروحي زادها والماء

موتي ومحياي يا اغيد بين نهدينك
مشتاق لك شوق شق الشمخ الصماء

قلبي وعقلي عصيني يوم والينك
لا تترك الروح مابين اذرعك يضماء

وانا وعمري وما املك ملك ايدينك
تصد والشوق لك يكبر ويتنماء

ايش الذي حال مابيني ومابينك
يامن بعادك سهر واقفايتك حماء

قلي متى يحتويني ياقمر لينك
يا مهر جامح وظبية جادلة عصماء

وانت الذي لو تقلي هات لي عينك
لاقول خذ مني الثنتين وابقا اعماء

.....

[الحمدان]

انت فالحسن آية ماكتنفها قصور
وانت نجم الثريا وانت شمس النهار

اشهد انك بحسنك فقت بدر البدور
والقمر لويشوفك من جمالك يغار

ياقمروالكواكب في مساره تدور
راكعه تحت عرشه يمنته واليسار

انته الذوق كله يارقيق الشعور
في خدودك تألف ماء وحمر الشرار

في حضورك مميز دون كل الحضور
وانت سيد الغواني تاجهن والسوار

في قدومك كان النور يزداد نور
تلفت انظار من حولك بفن الحوار

همس صوتك كانه مثل نوح الطيور
يا اريش الرمش عينك بحر ماله قرار

.....

[الحمدان]

عليك الله حسبي ياحبيب اهملت محبوبك
قفا ماذاب بين ايديك وادمن ذوقك الراقي

وبدلت السعادة بالحزن واتغير اسلوبك
نزعت الروح وتوليت يازابن الناس خفاقي

شربت المر من يدك وكان الحلو مشروبك
بسكين الجفا اجهضت الامل وانكرته اخلاقي

ارى كل الطرق من دون جدوى تتجه صوبك
وحين اتعمد النسيان ساقتني لك اشواقي

انا روح انتهت بيدك ضحية ايش مطلوبك
وقد عشتك عمر وانذرت لجلك عمري الباقي

ولا كن رغم هذا ما استطعت اقنع ولا توبك
وكيف اقدر علا بعدك وحبك ساكن اعماقي

.....

[الحمدان]

‏زرعت لك في داخل القلب احساس
ونثرت لك بالحرف عـذب القوافي

ياللي غلاك مخالطٍ عـذب الانفاس
يالله عساك لنبض روحي عـوافي

دامك سكنت الروح من بد ذالناس
شـعر الغـزل يزهاك والقاف وافـي

.....

[الحمدان]

يـا حـبي الاول ويـا اخـر حب لي
حـبـك سـكـينه مـفـعمه روحـانيه

لا عــــد عـلـيـا يـــا قــمـر تـدلـلـي
مــدي حـبـال الـوصل والانـسانيه

يـكـفي عـذابـي اسـألك لا تـبخلي
عــلـى فــؤادي غــذي الـوجـدانيه

الـحب يـا من في هوى حبك بلي
قـلـبـي واصـبـح فـاقـد الـمـيزانيه

انـتـي الـتـي الـفـت مـنـك مـندلي
وصـغت تـحفه من هواك يا غانيه

لـو تـعلمي كـم قـدر حبش داخلي
لا تـخـجلي يــا الـدره المرجانيه

وتسرعي في شوق نحوي تحملي
وتـعـاهـديني مـــا تـغـيـبي ثـانـيه

لو مثل ما عنك اسأل انتي تسألي
عـنـي لـكـنـتي مـنـصفه مـتـفانيه

لــكـن مـــع ذالـــك عـلـيـا تـبـخلي
قـتـيل وانـتي مـا سـواك الـجانيه

انــا لــك الـدكـتور وانـا الـصيدلي
وانـتـي لــي الـعـالم بـكل مـعانيه

.....

[الحمدان]

بعد ماخلي جرحني خاص متعمد حظرني
شل اعصابي وجسمي والفؤاد اصبح سقيم

قصدها تجرح فؤادي كيد يعمل بس قهرني
بعد. حبي وله وعشقي جنتي صارت جحيم

والله اني كنت عاشق كل مافيها عجبني
بس.. فعله قد قتلني ضاع محبوبي القديم

قد. نسي حبي وعشقي تسليه لعبه جعلني
قلب قاسي مارحمني عاش باحزاني نعيم

صار يتجاهل غراامي صوب البندق قتلني
اخترق قلبي وصابه يلعن ابليس الرجيم

قد نسي ماكان مني ماجرى حتى هجرني
الوفاء قد شاف مني ربنا شاهد عليم

اشكي احزاني لربي لان محبوبي غدرني
ربنا حسبي وكيلي من باوصافه عظيم

.....

[الحمدان]

ياعطر ياكـــــاذي وياورد جـوري
ياجتن خضرا لها اثـــمار دانـي

يامصدر افراحي ومنبع ســـروري
وغاية آمــــــالي وكل الأمـــــاني

وين انت غايب هل غيابك ضروري
أو صرت عايفني وما عـد تباني

أو شفتني هايم وصابك غروري
من كثر حبي لك وكثر التفـــاني

أبغى انصحك قبل الدواير تدوري
وارجع تدور لي وما عد تراني

.....

[الحمدان]

‏فاقدٍ لي عمر من عمري وفاقدٍ وجه نيّر
‏كان قربه من متاهات العمر مخرج طواري

.....

[الحمدان]

لو رِمال البحر وامواجه حُروف
وصف حُبّك ما يعبر بُه حكي

.....

[الحمدان]

لي قلب واحد وانت من جيت محتله
‏معك ذقت لذات الهوى وانت ذايقها

‏تعدت مراحل خلٍ يموت في خله
‏أنا ادمنت بك حتى العذاريب عاشقها

حمد سعيد

[الحمدان]

مالقيت اشد واخطر من انواع الحروب
‏غير حرب النفس للذكريات الفايته

.....

[الحمدان]

‏والله انّي في محبّتـك إكتـفيت
‏والسعاده في وصالك تـستـمر

‏انت ماتدري بشعوري لا حكيت
‏كلمةٍ منّـك تكـفّيني عـمر

.....

[الحمدان]

دايم مسائي منشغل في طواريك
‏حتى لو ان عيني هوى ما حكتلك

.....

[الحمدان]

لا تجعـلي التبريـر مفـلى ومـيراد
‏العشـق مـن رب البرايـا عطـيَّه

‏خلي الهوى يجري والانفاس ترتاد
‏في مهـمهٍ مـا فـيه نفــسٍ زكـيَّه

‏حـتى عـلى جـمر المخاليق تعـتاد
‏وتمـيَّز أوصـاف الـردي والـرديَّه

.....

[الحمدان]

ويا حي لمس الكف والعنق والخد
‏ يـالـلي تعـدَّى طلـعةَ البـدر خــدَّه

‏في خـايعٍ نبتـه مـن الفـل والرنْـد
‏ وزاده جمال اليـا مِشَـنْ فيه مـرْدَه

.....

[الحمدان]

يطيح واقف راعي الطيب لو طاح
طيبه رصيده فالشدايد يشيله

يموت راع الطيب والطيب ماراح
يبقى مع الأجيال لو راح جيله

.....

[الحمدان]

‏ثنتين لو مهـما حصل لا تجي فيك
كـره الـرفيق وحـب مـن لا يـودك

والثالثة كانـك تبي النـاس تعطيك
مكانتك فاعرف مع الناس حدك

.....

[الحمدان]

‏احذر تشاور كل واحد يمرّك
‏ان شفت رايك صايب اقدح من الراس

‏اما تشاور لك حكيمــاً يبرّك
‏ولا تراك ادرى بنفسك من الناس

.....

[الحمدان]

ياحـظ بيـت ضـف زولك وربّـاك
‏وياحـظ عيـنٍ تنـاظـرك وأنـت ساهِي

.....

[الحمدان]

بشتري حزنك لا ضاقت عليك الدنيا
‏وابيع روحي لأجل فرحت عيونك

.....

[الحمدان]

‏يالله دخيلك من طعـون المناقـيد
‏ومن غلطة العاقل وقـل المـروه

‏ومن كلمة تفهم على غير ماريد
‏يمسـك طـرفهـا منك خبـل مفـوه

.....

[الحمدان]

‏القلب معك و فدوةٍ لك ليا ضـاع
‏تصرفي به واشتري به وبيعـي

‏لو ضاع والله مايجي فيه شفـاع
‏أنا ولي أمره ولأمرك مطيعـي

‏أما أنت يالمجمول يفداك من بـاع
‏والله مابيعك وأنت زهرة ربيعـي

‏يابو جبينٍ بالدجى له تشعشـاع
‏ومجـدلاتٍ مثل ذيل الطليـعي

.....

[الحمدان]

‏والله ان قدني من الدنيا واهلها زاهد
‏ والقصايد كلبوها والهوى ودروبه

‏ودي اجلس فاخر المسرح هناك اشاهد
‏البطل والفلم والمخرج وكيف اسلوبه

.....

[الحمدان]

لاقمت اتحاشا الناس واقفي شوي شوي
‏ولاعاد صرت احب اسولف على من شفت

‏تراني من الدنيا واهلها نفضت يدي
‏ومن جملة احلامٍ كثيرة قنعت وعفت

.....

[الحمدان]

‏بدا يعيش الخوف في قلب الشجاع
‏وبديت امل مّن الحياة الفانيه

‏والمشكله مدري متى يوم الوداع
‏ومدري متى يوم القطوف الدانيه

‏لكن على طاري ضياع وما ضياع
‏انا بديت اضيع مره ثانيه

.....

[الحمدان]

‏قبل يلهينا التكاثر وتاخذنا الوفاه
‏المعزّه خير والضعف مافيه بركه

‏كل ماشفت القصور الوسيعه والغناه
‏قلت سحقاً يا صعاليك ليه الصعلكه

‏لو يعاتبني رفيقي عسى الدنيا فداه
‏ما درا إن إللي ورا الصدر قتلا معركه

‏كل مستغني عن الناس مهيوبً حماه
‏يكبر الرجال لا صار محدٍ يملكه

.....

[الحمدان]

‏يـاهواي وشف بالي ومطلوبي
‏كل كلمة حب في خاطرك قلها

‏عطني من الود حقّي وماجوبي
‏واكشف اسرار المحبين وازهلها

‏وان قضى هرج المحبّه يامحبوبي
‏مفردات الحب عدها من أولها

.....

[الحمدان]

‏نشوف العوج ونشجعه في إعوجاجه
‏راحـت مبـاديـنـا مـجـامـل وتـدليس
‏
‏مـرض تـصـعـب مـالـقـيـنـا عــلاجـه
‏بـعـنـا ذمـمـنـا بالفلس للـمـفـاليس
‏
‏درب السنع واضـح وسيع إنـفـراجـه
‏إما الدروب العوج مسلك متاعيـس
‏
‏واللـي مغير يطير وسط العـجـاجـه
‏قرطاس من صنف الورق والقراطيس

.....

[الحمدان]

‏سقى الله ذاك الوقت الاوّل وذاك الجيل
‏يوم إن القلوب نظاف والناس مجتمعه

‏يوم إن الحياه القاسيّه بين حط وشيل
‏زمان الوفاء والطيب والجود والفزعه

.....

[الحمدان]

‏الحظ طيب بفضل الله وتوفيقه
‏والهقوه تسوقنا للي على الهقوه

‏يوم إن بعض الأوادم يشرق بريقه
‏أصـحابنا نقـوه وهـقواتنا نقـوه

.....

[الحمدان]

‏انتِ شي من الحقيقة وضرب من الخيال
‏ صفوة التالين وآخر بقايا الأولين

.....

[الحمدان]

قل لمن صدره يضيق بكل مأزق
‏لا تستسلم للكدر والضيق تكفـىَ

‏دامنا فـوق الارض حـيين نُرزق
‏الظـروف تزول والأوجاع تُشفـىَ

.....

[الحمدان]

ما عاد تغريني علوم المحبيّن
‏من عقب ما فارق خيالك خيالي

‏عرضتني صلف الهوى والعنا لين
‏تفتقت منك جويد الحبالي

‏ويش جابك من بعد خمسة سنين
‏تقعد تنشّد عن علومي وحالي

‏علومي تسرك وزين على زين
‏لو إني أشوى زولك إليّا طرالي

‏قد كنت متمسك بحبّك وذلحين
‏سمحت من طرد الهوىّ والوصالي

.....

[الحمدان]

‏اعتبرني ملاذ تحس قربه بـامان
‏وأيّ كلمة تخاف تقولها قولها

‏اعتبرني شعور وفاقده من زمان
‏وجا يلبّي ندا عينك ومرسولها

.....

[الحمدان]

‏اشوف حاجات واجد خاطري فيها
‏والنفس تبغى لها عزم يروضها

‏كم خلت النفس شيٍ من مشاهيها
‏لله وانا واثق ان الله يعوضها

سبحانه

[الحمدان]

‏يا ذكرياته وانا وشلون ابنساه
‏وانا طيوفه علي تامر وتنهى

‏اصد عن كل ذكرى لكن القاه
‏تقول مافيه دارٍ ما سكنها

‏حتى هداياه ياقسوة هداياه
‏لليوم من حزني ادفع له ثمنها

.....

[الحمدان]

‏والله ماني حزين ولاقصيدي حزين
‏لو اني اشعر بشي فيه ماتشعرون

‏اقروا مابين السطور وناظروا كل عين
‏الصدق بالشعر ولا في كلام العيون؟

‏التاليه علمتني كل علم يقين
‏والاوله للظنون اللي وراها ظنون

‏الشوق للراحلين اللي ماْهم راجعين
‏اقسى من الشوق للي يمكن يعودون

.....

[الحمدان]

الفرق فرق العقول وفرق الافعال
‏ماهوب فرق الدقون ولا الشوارب

‏ماشفت بين العلوم انواع واشكال
‏علمٍ نفعني مثل علم التجارب

‏لو انخدع في مكايد بعض الازوال
‏ما عكّروا شي من صفو المشارب

‏ما للخرافات في مخباي مدخال
‏الفار ما له دخل في سد مارب

‏مانيب عقرب ثرا تلدغ وتحتال
‏عشان آميّز حركات العقارب

‏علّمني ابوي كيف آصير رجال
‏وآشوم لا اعتادت الوطي الغوارب

‏الاستراحة ماهيب لروس الابطال
‏المستريحين ما فيهم محارب

.....

[الحمدان]

‏كل الالوان غير الاحمر الفاقع
‏ذكرياته معي ماهي بمنسيه

‏خانك الحلم والا خانك الواقع
‏الاجابة هنا من دون اهمية

.....

[الحمدان]

ايا قلبي اللي فيك غصه متى بتتوب
‏وتستوعب ان اغلى النعم منك زواله

‏مصيرك مصير الورد تظلّم بدون ذنوب
‏مع انه مهو باياة مخلوق يهدى له

‏تعجل بموته من ترده مع المندوب
‏وهو كان عقب ايام بيموت من حاله

.....

[الحمدان]

‏كنت اظن وكنت دايم فوق ظني
‏معك ما قد صار شيٍ كنت أخافه

‏يا بعد من خاطري معه مْتعنّي
‏فيك عنّيت الشعر وزنه وقافه

‏وألمحوك بصوتي الولهان أغني
‏يا ربيع العمر يا محيي جفافه

‏وهبّوا بزينك ولا عفتك مع أني
‏أي شي تهب فيه الناس أعافه

.....

[الحمدان]

ملح وجهك لا طرا فبالي وحلو اسلوبك
‏اشرب القهوه على سكر حديثك ساده
‏
‏لا غمرك الشوق لا تسأل بشوقي صوبك
‏دون لا تسأل انا مشتاق لك كالعاده

.....

[الحمدان]

‏خبني بين الضلوع إن كان ما فيها كلافة
‏ ما دخلت إلا على شيٍ أبيه وفيه شفّي

‏جيت هارون الرشيد اللي بنى قصر الخلافة
‏والله إن الشوق فاضح لو أكابر به وأخفّي

‏معك ما استصعب محال وما توقفني خرافة
‏للصبر آخر وأنا دايم معك صبري مكفّي

.....

[الحمدان]

‏ودي أكمّل معك حتى الحياة البرزخية
‏وين تلقى عاشقٍ يبغاك حتى في مماته

‏من يشوفك يدري إن الموت حاجة عايديه
‏كل ليلة في طوارف مبسمك يعلن وفاته

‏هات فنجال الهوى بإيدك وحطه في يديّه
‏لو تصبّ الموت في فنجال حبّك قلت هاته

.....

[الحمدان]

يا ليت الزمان يعود بي لاول المشوار
‏قبل لا تقص أحداث الأيام تذكرتي

‏وتاخذني الدنيا عن الدار وأهل الدار
‏غريبٍ يضج بغصّتي همس حنجرتي

‏شعوري شعور التايه المرغم المنهار
‏آعرف آوّلي لكنّي آجهل وش آخرتي

‏أنا اللي بعد زود الغلا والسلام الحار
‏تنازلت لعيون المها عن مكابرتي

‏يابنت المطر مالك مصدٍ عن الامطار
‏من الغيم ولا من نسيمه تعطّرتي

‏عرفتك وانا نفسي صبوره على الاقدار
‏قبل تختبر صكات الاقدار مقدرتي

‏ماعاد آعرف من كثر ماني معك محتار
‏تغيّرت انا ولا أنتي اللي تغيرتي

‏يا شين الخطايا يوم تكبر مع الاعذار
‏تروحين كنك مخطية ما تعذّرتي

‏كلام العيون يبرر الواقع اللي صار
‏عطاك الزمن عدة خيارات واخترتي

‏ورحتي وأنا من يوم رحتي غريب أطوار
‏من الضيق صرت آدور في نفس دايرتي

‏يا ليت الكلام اللي حبسته ورى الاسوار
‏مجرد رسايل عالقة في مذكرتي

‏على كثر ما كانت ليال الوصال قصار
‏على كثر ما كانت طويلة بذاكرتي

.....

[الحمدان]

‏نمشي ولانعلم خفايا المقادير
‏يالله عسى في غيب الأيام خيره

آمين

[الحمدان]

‏ماني زيادة عدد بين الحضور
‏مالي منافس تأكد يا غلاي

‏لو تلف الكون كله لو تـدور
‏ما تلاقي مثل طهري أو وفـاي

.....

[الحمدان]

‏لا تتلف الروح لجل الناس ترضيها
‏وهمّ ولا يوم سوّوها على شانك

‏والله ماتندم على الدنيا ومافيها
‏لو تعرف الوقت من موتك لنسيانك

.....

[الحمدان]

‏بـعض الكلام أسرار لا صار تلميح
‏مثل المعانـي بـالـقصايد غـريقـه

‏وبعض السكوت طعون من غير تجريح
‏تـكـشف خفايا الـناس لـو هي عميقـه

.....

[الحمدان]

عرفت إن القدر فرصه سعيده والحياه أعراف
‏لو إن الشوق من كثر البعاد المُرّ يصلينا
‏
‏أزورك حلم من خلف الحقيقه والشعور لحاف
‏ما دام إن الوله واقف على سكة هقاوينا

.....

[الحمدان]

‏سمح خاطري واستثقل الصبر والمقعاد
‏لو انك الوحيد الفارع وصفوة الصفوه
‏
‏مراحي جهاد ورجعتي لك عنا وجهاد
‏بدا غافل الايام يصحى من الغفوه
‏
‏برود المشاعر شاخ بين القلوب وساد
‏ماعاد اعرفك بالشكل والاسم والحفوه

.....

[الحمدان]

‏بعض الأوادم تراسلني وتشغلني
‏وأدور أسباب تزعلني وأصرفها

‏بعض العرب لو يغيب أسبوع جنّني
‏أجيه لو إن ديرته تكثر مخاوفها

‏وبعض العرب لو يغيب سنين ما أشحني
‏وبعض الأوادم خساره يوم تعرفها

.....

[الحمدان]

حبيبي وش مصير الشعر لولا طلَّة محيَّاك ؟
‏دخيل الله لا تقتل هواي وتجرَح مزوحي

‏تخيّرتك وأنا ماني بجاهل وجهك ومبداك
‏أشوفك ديرةٍ ضمَّت مداي، ونصف من روحي

.....

[الحمدان]

عيوني تحاول تفضح السر مدري ليه
‏وقلبي يحاول دون الاسرار يستنفر

‏وشعوري شعور مطوعَ مشغله ماضيه
‏ليا مر حي مذنبً فيه يستغفر

......

[الحمدان]

‏جادك الغيث ياقفرٍ بصدري سناوي
‏له زمن مانبت عشبه ولا سال سغŒله

‏فيه جرة هنوف وفيه مرقب نداوي
‏وفيه صوتٍ يذكر كل خلّ بخليله

‏كيف ابسلاك ياوجهٍ من الحسن ضاوي
‏العمى فيه يمكنه يقدّي دليله

‏جيت له ناوي وضيعت وش كنت ناوي
‏جيت عابر سبيل وصرت راعي طويله

.....

[الحمدان]

‏عقارب الساعات ماهي من عدم
‏واللي يراقبهـا على همه سرى

‏أحيـان وده لو يقــدمها قــدم
‏وأحيـان وده لو يرجعهـا ورى

.....

[الحمدان]

‏في معزلن عن جميع الخلق وازعاجه
‏ماسمع من الناس لو تكثر لجالجها

‏ماغير اهوجس تقول مضيعن حاجه
‏واخذ واسند على روحي واهرجها

.....

[الحمدان]

‏جيتك وانا من كثرة الشوق محتاج
احتاج اكون بكــل الاوقات قــربك

عطني خفوقك كان مــاعندك احراج
قلبي ملاه الشــوق واحتاج قلبك

.....

[الحمدان]

‏ﻳﺂﻣـﺪﻋﻲ ﺑاﻟـﻌﺸﻖ ﻭﺁﻟﺤـﺐ ﻭاﻟﺸـﻮﻕ
‏ﻋــﻄﻨﻲ ﺩﻟﻴــلك ﺑاﻟــﻐﻼ ﻭاﻟـمـوده

‏ﺁﻟﺤﺐ ﻭﺻﻞ ﻭﺷﻮﻕ ﻭأﺧﻶﺹ ﻭﺣﻘﻮﻕ
‏ﻣﺂﻫـﻮ ﺗﻮﺁﺻـﻞ ﺑــﻴﻦ ﻣـﺪه ﻭﻣـﺪه

.....

[الحمدان]

‏ياليال الــــــود ودي له رساله
‏لا قــــــراها يعرف أني مانسيته

‏عـــــلميه أن الغلا فاحت ادلاله
‏فوق جمر الشـوق يومن أحتريته

‏مانسيته لـــــو طراله ما طراله
‏ساكن بقصا الحشا والقلب بيته

.....

[الحمدان]

لو أن قلبي على اللي صار متعود
‏ماكان شفتي بوجهي الي تشوفينه

‏أنتي تقولين لي بروح وأعود
‏وعيونك تقول غير اللي تقولينه

.....

[الحمدان]

‏بغيت اتردى فيك لكن عيا الـطـيـب
‏سلوم المطيري ردته وانت متردي

.....

[الحمدان]

‏لا تتمسك بعلاقة سامه التخلص منها غنيمة:

‏بعت الرخيص رخيص والحمدلله
‏حصلت لي بالسوق لاشٍ يـسـومه

‏علقه واكلناها ودرس وفـهـمـناه
‏مافات مات ومـا نجـدد رسـومـه

.....

[الحمدان]

‏للحسن سطوة وللقلب لحظات إنهزام
‏والله إن ما كل غيبة خفوقي قدها

‏انبلج مثل الضياء وانهمر مثل الغمام
‏ كل ما نالت يديني ملامس يدها

‏لا قصيد إلا قصيد توليه إهتمام
‏ذايقتها ماهو أية قصيد يشدها

‏لو عيون الحب تبصر مغبات الغرام
‏ ما وقف قلبي معاها وعقلي ضدها

.....

[الحمدان]

‏لا خابت الهقوه ترى مابها عيب
‏قلّطتها واشره على اللي فهقها

‏النّيه اللي كانت تصيب وتخيب
‏ضاعت مثل عمياً تغنيّ لصقها

.....

[الحمدان]

‏نهب قلبي هواك وصار قلبي في هواك أْسير
‏ عيوني زاهدة في كل شي وفيك طماعة
‏
‏ تمنّي ما تبين ولك علي اللي تبين يصير
‏ لي أدوّر رضاك ومالك إلاّ السمع والطاعة

‏دلالك غير عن كل الغواني لأْنك أنت ِ غير
‏ فدى بسمتكْ روح ٍ جاتك مْن الشوق منصاعه

.....

[الحمدان]

‏اجمع له سمان الهرج خوفٍ من التقصير
‏وإلى جيت بشرح له كلامي تهيزلته

‏يجيني منه هيبة معزة سحى تقدير
‏اقابله عندي علم واروح ماقلته

سعد بن جدلان رحمه الله

[الحمدان]

‏ما جيت آسمّعك الكلام اللي تبيه
‏جيت أودِع الذكرى القديمة فاللحد

‏خل الكلام الحاد والراي الوجيه
‏يمكن يكون الاعتراف أقسى واحد

‏ما كنت وجه وبس من ضمن الوجيه
‏إنسان عاهدني على شي وجحد

‏أنت الشعور اللي ما قد حسيت فيه
‏وأنت الكلام اللي ما قد قلته لاحد

.....

[الحمدان]

‏يشوفني عينه وأغلى من العين
‏وأشوف فيه اللي محدٍ فيه شافه

‏عند الزعل ناخذ لنا شوي ونلين
‏البعد لو هو ظرف ساعة نخافه

‏قال أنتِ بس أقول أحبك وترضين
‏وقلت أنت ترضى من قصيدي وقافه

‏كنا ولا زلنا حبايب بسيطين
‏محدٍ على الثاني يطيق الكلافه

‏حنا فبعضنا طيبين ووفيين
‏وعلى بعضنا مانشيل الحسافه

.....

[الحمدان]

‏ياسعود نام البوح في خانة الصمت
‏ابطى يعاني من ضنا الوجد غافي

.....

[الحمدان]

‏ما هوب أنا اللي لا خذا حاجته راح
‏مـا أحب هالعاده ولا أحب أهلها

‏والله ما يرضى ضميري ولا أرتاح
‏حتى أدرك لراعي الجميله بدلها

.....

[الحمدان]

‏ودي احط اسمــك على كل الابيــات
‏واقــــول من يقــــراك هذا حبيبــــي

‏في كل بيت اكتبــك للعالم اثبــــات
‏انك عـــذاب القلـــب وانك طبيبــــي

‏ما احتاج للعالـــم بعدك علاقــــات
‏ان كان حظـــي زين جابك نصيبــي

‏ادعـي وانا ساجـــد بكل الصلـوات
‏اقضي معاك العمـــر لساعة مشيبي

.....

[الحمدان]

‏طيفك هو المرحبا والمسهلا والسرور
‏وشوفك هي المنوه اللي صعب تحقيقها

‏لك الغلا والتفاني والشعر والشعور
‏وروح تشوف ان وجودك ضمن توفيقها

‏وقفت بين احتياجي لك وبين العبور
‏وما بين شرهات الاحباب ومواثيقها

‏من كثر ما اشوف وجهك في وجيه الحضور
‏صرت اقبل وجيه ناس ٍ كنت ما اطيقها

.....

[الحمدان]

‏سرحت بخيالي فيك وأسهيت فالتفكير
‏وطلّعت كل اللي مخبّى ورى صدري

‏ما تمنعني حدود المسافة عن التعبير
‏أنا توّي مسولف معك وأنت ما تدري

.....

[الحمدان]

‏والله أني يا زماني كنّت أكذب نفسي
‏لين عشت اللحظه اللي كنت خايف منها

‏المها اللي خابر إنها ما تروح بنفسي
‏صارت تعرّض على دربي وأجنّب عنها

.....

[الحمدان]

‏أهل المصالح يارفيقي كثيرين
و أهل النميمه والحسد مايعدون

لا صرت طيب قالوا فلان مسكين
ولا صرت فاهم قالوا فلان ملعون

.....

[الحمدان]

‏فيني عتب بس آستحي من عتآبہ
‏دآمه انشغل عني في حقي آهمل

‏يبقى السـؤال اللي آبي له آجـآبہ
‏ليشَ المعزه بالبدآيآت اجمل

.....

[الحمدان]

‏عارفٍ علة ضميري واعرف الي صابه
‏لا توديني طبيب ولا تجيب مطوّع

‏القمر والليل وطيوف الغضي وغيابه
‏اتعبت قلبٍ على درب الغرام ملوّع

‏الله يسمح خطاه ويرحم اللي جابه
‏لوه خلاني عطيب وضاميٍ ومجوّع

‏لا تلوم اللي من الفرقا يشق ثيابه
‏والله ان الحزن قاسي والحنين يروّع

.....

[الحمدان]

‏بار فينا الحظّ ولا ما نعرف البوره
‏والحظوظ البايره مفروض مانضمنها

‏جعل قصتنا ماهيب القصة المشهوره
‏لا قروها اللي تكُد هروجها و السنها

‏دام حنْ بأخر مطاف قلوبنا المكسوره
‏ودي أسلّمك حاجة قبل تنشد عنها

‏هاك من دمعي وداع وفي يدينك صوره
‏هذي أغلى ما ملكت وراسك أغلى منها

.....

[الحمدان]

إلى قريت الكــلام الزين يعجبني
‏أثني على صـــاحبه وأعيد تغريده

‏والكلمة اللــــي من الله ما تقرّبني
‏ابدالها أحضى بتسبيحة وتحميدة

.....

[الحمدان]

تلبس لنا الدنيا نفيس الحلل لين
‏نغتـــر بالدنــيا وتنـــزع حللــها

‏هـــذا عملــها بالأوادم من سنين
‏تحطهـــم في بطنـــها من سهلها

‏يدخل على الدنيا البنادم و بعدين
‏يطلع من الدنيــا مثــل ما دخلها

.....

[الحمدان]

‏الخبل لامنه تجرا على النـاس
‏قـام يتـبعج بالمجالس خباله

‏أما نقل لـه هرجةٍ مالـها راس
‏والا صنـع له كذبةٍ من حلالـه

.....

[الحمدان]

‏احفظ لسانك وحفظ الله يحفظك
‏وليا حفظت الله تجـــده اتجـاهك

‏انت محاسب عن عملك وتلفظك
‏وعلى البصـر والسّمع دير انتباهك

‏و اهمـــال دينك للعقوبة يعرّضك
‏ولا يفيـــدك كثـــر مالك وجاهك

.....