اخترنا لكم

[الحمدان]

‏لااله الا انت يا مــن لا تعد افضالك
‏اهدني درب النجاه وحسن نهج المله

‏ما رجيت الا رضاك ولا سجدت الا لك
‏احلل العقــده من لساني وصنه ودله

بقلمي

[الحمدان]

‏الخاطر اللـــي على سود الليالي صبور
‏يسري به الفكر ويحسب الاوادم سرت

‏احـــيان نمشي مع العـــالم بليا شعور
‏والنـــاس عن ما تكن صــدورنا مادرت

‏كم حـــاجةٍ في معـــال الضماير تدور
‏اقـــوم و اخلي المجلس لا منها طرت

‏الــناس ماهيب تدري عن خفايا الامور
‏ما سمعت اسماعها وعـــيونها ماقرت

.....

[الحمدان]

على كثـر زيف الضماير والوجيه
‏ما عنـــدنا الا ما يعــدينا الملام

‏حنا يدينـــا ما تجيب اللــي نبيه
‏من كثر ردات الجمايل و السلام

‏ما نكتفي بالاحـــترام من النزيه
‏حتى الردي نفرض عليه الاحترام

‏الصمت في وجه الخطا رد ٍ عليه
‏ماهـــوب لازم بالكـــلام الانتقام

‏صدك عن الزله وسفهان السفيه
‏يســـوي اللـــي ما يسويه الكلام

.....

[الحمدان]

دروس الايام اخذنا قسمنا منها
وأسرار الايام مانعرف خوافيها

اللي حفر حفره لاخيه يدفنها
يمكن يدور الزمان ويندفن فيها

.....

[الحمدان]

‏لا جات محتشمه تفوق المزايين
ماهي على الموضه سريعه اخطاها

تمشي على العادات والشرع والدين
مستوره وزايد حلاها حياها

.....

[الحمدان]

اليوم جو الرياض أرضى غرور الرياض
‏من أصبح الصبح وأنا جالس أتابعه

‏أتبع هوا نفسـي اللي ما عليه أعتراض
‏وابليس جالس وراي يطقطق اصابعه

.....

[الحمدان]

‏عليه السلام ولهفتي وانكسار الروح
‏الا قمت افكر فيه واقول راح ورحت

‏لو ان المحاجر من دموع الفراق تفوح
‏سمح خاطري وايقنت باللي حصل وارتحت

‏احسب الوداع مزوح واثره ماهوب مزوح
‏يقص الفؤاد ويأكله مثل مكل السحت

‏يقولون مالك غير شي ٍ كتب فاللوح
‏وانا كل ماجيت اتعافى وقفت وطحت

.....

[الحمدان]

‏انا ما اقول لا ما اقول منت شايف خيره
‏وانا ماني بقايل صاحبك وافي ولا خوان

‏يقولون القمر لاغاب يضويله على ديره
‏ وانا اقول الحبيب ان غاب يضويله على خلان

.....

[الحمدان]

المرجـــلة لو طالـــها كـل هراج
‏رخصـت فعـــايلها وقلّت شيمها

‏لو الرجــال تقاس بالبشت والتاج
‏ما نفرق شيوخ العرب من خدمها

‏من جرب الحاجه عذر كل محتاج
‏ناس ٍعطاهـــا الله وناس ٍحرمــها

.....

[الحمدان]

اعتدت صمت المشاعر وانتبذت الكلام
ياوجهة شعوري اللي صعب تحديدها

.....

[الحمدان]

تقول لي مشتاق وتقفل الباب
الباب بابك والمفاتيح يمك

والله لو العلم يشكى على اللباب
ما كان تشكي للصواديف همك

ماعاد به عذر ولا ينفع عتاب
دام العذر موجود بأطراف فمك

ودك تروح وكل شي له اسباب
عذرك سمين وسبته وسط دمك

.....

[الحمدان]

فيه أمور ما يجوز العذر فيها والتغاضي
‏لا وصلنا عندها حطيت قلبي تحت رجلي

.....

[الحمدان]

‏ابشرك قلبي من الضيم قد طاب
وكل ضيقن في خفوقي نسيته

من بعدما كحلت عيني والاهداب
بشوفـت الوجه المنور فديته

ارتحـت بك وارتاح دمي بالاعصاب
وارتاح شوقن في ضلوعي خفيته

وارتاح قلبن ذاب من جور الغياب
من عقب مانا في فراقك لقيته

.....

[الحمدان]

احرص على اللي عاقل وزين الاخلاق
وصريح لو جارت عليه الظروفي

والصدق عند اهله شريعة وميثاق
والصادق الواضح عديم الوصوفي

نجود الفيصل

[الحمدان]

‏على دربك لو إن العمر يوقف تمشي الاقدام
‏إلين اموت ابيك وغيرك من الناس ما ابيها

‏يا روح الشعر وحروف الكلام وسطوة الالهام
‏احاسيسي معك ماني بعارف كيف اخبّيها

‏يا مرساي الاخير وذكرياتي في مدى الاعوام
‏يا ضحكة وجهي اللي تذبح اشواقي وتحييها

.....

[الحمدان]

البل شعاها نفيضه وسرحت يمّه
وهل الجهازات والشاصات خمّوها

تخبّطت في غديره واشرعت جمّه
وداجت وطابت خواطرها وردّوها

.....

[الحمدان]

تغاضي ياعيوني والسنين قصار
ما دام الوقت لا انصفني ولا انصفته

احب اللي مضى لي واكره التكرار
واشوف اللي يخوفني ولا خفته

غريب شعور والواقع غريب اطوار
كثر ماكنت راضي كثر ما عفته

ياكثر اللي تحاشيته يصير وصار
ياكثر اللي تمنيته ولا شفته

.....

[الحمدان]

تقول صوّر لي المطر لا تمشيت
وشلون اصوَّر للسحابة مطرها

.....

[الحمدان]

ياقبلة الروح مدري قبلة المترفات
مازال حبك مقيم وذكرياتك عطر

لو تكثر الامنيات وتكثر المغريات
مالي طمع غير في صوتك وصوت المطر

.....

[الحمدان]

يارفيق الذكريات وياشريك فؤادي
‏كل ظن فيك ظنيته تجي من فوقه

‏ يتسلل صوتك من الذاكره وينادي
‏لين يفتق جوفي اللي كنت أخيط فتوقه

‏ايه يا لبيه يا موتي ويا ميلادي
‏جعل حزنٍ مرني ما تونسه وتذوقه

‏ياوقودي وأندفاعي بالحياة وزادي
‏ياحشاشة جوفي وقلبي ودم عروقه

.....

[الحمدان]

‏من زعلك يا نــــــوم تهجــــر عيوني
المعـــــذره يانـوم لا كنــــت زعلان

خليتنـــــي ساهــــــر اردد لحوني
والناس مرتاحــــه وانا الان سهران

لاشك في موضـــــوع زود جنوني
خــلاك تهجرنــــي ومانا بغلطان

الضيق اضنانــــي وسهر جفوني
يانوم كافـي خاطـري حيل تعبان

.....

[الحمدان]

إذا جاد السكوت ولا لقيت إلا القصيد أفواه
‏ابكتب لين ما أوراق الدموع تصير مبتلّه

‏ما عدت المستريح اللي طرب ناسه بحلو أحكاه
‏بديت أشعر بأن قلبي بقايا أرض محتله

‏أشوف إن الطموح اللي تمنيته ماعدت أهواه
‏كرهته وأجمل أشيائي عليها الدمع منهلّه

.....

[الحمدان]

‏ليه توقد من هجيرك جمرةٍ بين المحاني
‏كنّ هذا العمر ناقص خوف وجروحٍ جديده

‏ودّي اسرق من جيوب الوقت ضحكات وأماني
‏ودّي انسف أول الأوجاع في مطلع قصيده

.....

[الحمدان]

قلوبنا ما تحتمل بُعد الأقراب
‏فيها ما يكفيها من اللي يغيبون
‏
‏من كثر مانسمع عن جروح الأحباب
‏خفنا من الحبّ ومن اللي يحبّون

.....

[الحمدان]

‏أحبك ولو عادت جميع الوجيه أغراب
‏خذيتك أمان يشرد الخوف من طيبه

‏أشوف الحياه اللي مع الناس ملح وذاب
‏وأشوفك يقينٍ يقطع الشك والريبه

‏أبيع السنين الي بدونك برخص تراب
‏وأساوم على اللحظه معاك أنت باللي به

.....

[الحمدان]

يثـور فكـري وانفصل عنـك واروح
والقاك في غيـمـة نهاية هـجـوسي

مايختلف في ناظري همس اوبوح
كل الـجهـات الاربعة لـك طقـوسي

احبك امن الـعـام واليـوم بالـروح
واخـذ مـن عـيـونك دفاتر دروسي

.....

[الحمدان]

نكتم شعور قلوبنا من حيا الروح
دام الأماني بالمحاني كثيرة

أحياناً نطريها على البال وتروح
وأحياناً تطغى بالخفوق وتثيرة

.....

[الحمدان]

‏يقولون البدو عن العيون
"مغاريف الكلام"
يكذب عليك الإنسان بكلامه
وتفضحه عينه:

يا كثر ما تلزم الصمت وعيونك تنوب
لحظة فيها لسانك رهين الاعتقال
جابر النشيرا

لكن نبي نعطي عيونك زمام الكلام
خل النواعس تقوم وتدلي بدلوها
عبدالله السراهيد

[الحمدان]

‏لا جاتني الكلمة اللي تجرح شعوري
عرّضتها الرِيح ولا كنّي اسمعها

سعد علوش

[الحمدان]

خيطت جرحي بالتناسي والاوهام
يفـك خيـط الجـرح لا مـر طيـفه

ياضـيق حال الي بحوسـات الايام
كل من جـبر جـرحه يعاود نزيـفه


.....

[الحمدان]

ﺇﻥ ﺷﻔﺖ ﻓﻲ ﺧﻠﻖ اﻟﻠﮧ ﺃخطاﺀ ﻭﻋﻴﻮﺏ
ﻭﻓﻲ ﻛﻞ ﺛﻮﺏ ﺗﺸﻮﻑ ﺷـﻖٍ ﻭﺭقعه

اﻋـﺮﻑ باﻧـﻚ ﻻﺑﺲ اﻟﺜـﻮﺏ مقلوب
ﻭﻛﻠﻦ ﻳﺸﻮﻑ اﻟﻨـاس ﺑﻋﻴﻮﻥ طبعه

.....

[الحمدان]

‏ليت كل الناس بأوصاف الغيوم
لا سـواد ولا نفـاق ولا ريـا

تسكب الامطار من فوق الهموم
وتنثر الدمعه على شـان الحيا

.....

[الحمدان]

‏دامني في ذراك اعيش عيشة كريمة
‏والكرم والرجولة عادةٍ للسنافي

‏ماخذه من طبوعك قو باس وعزيمة
‏والهدوء والرزانة والثقل والتكافي

‏خلنا نقلب الأمثال لو هي حكيمة
‏ودي اوضح الصورة ببعض القوافي

‏خلف كل الرجال نشوف مرأه عظيمة
‏بس انا أحس بالعظمة لأنك خلافي

.....

[الحمدان]

لاباس ياشكاية الوقت لاباس
‏عند المدبر دبرتن نحتريها

عبدالرحمن بن بديع

[الحمدان]

‏هاك القصايد لا تضايقت وأقرا
‏شف وش كثر فيها لضحكاتك أشتقت

‏لا تنشغل فيني أنا بحالي أدرى
‏قلبٍ تعلّق فيك ينسى مع الوقت

‏أشوف لك من وين ما رحت ذكرى
‏ولا شفتها صدّيت عنها ودنّقت

‏ما كل جرحٍ لا خذ أيام يبرى
‏بعض الجروح يزيد شرّه مع الوقت

‏متعب التركي

[الحمدان]

‏يالله ياربّي وأنا عبدك وإبن عبدك وخايف
‏خايفٍ من وقفتي قدّامك في يوم القيامه

‏كل يوم أحسِّب ذنوبي وتاكلنّي الحسايف
‏إهدني يارب وارزقني طريق الاستقامه

بقلمي

[الحمدان]

احرص على الشيبان ياللي تجيهم
ترى كبير السن يفرح بمن جاه

لكن طلبتك لاتسولف عليهم
هذا دنى موته وهذا دفناه

بقلمي

[الحمدان]

يقولون ماودّعك قلت الفراق وصار
‏والانسان تسلب روحه ولا يودّعها

متعب التركي

[الحمدان]

هزّني لا نويت تغيب هزّة وداع
‏يمكن يطيح مع دمعي غلاك في يدي

نواف الدويش

[الحمدان]

‏لعنبو من لامني لا تجاهلت الوداع
‏الموادع حط له في الحشا جرحٍ شنيع

سعد بن جدلان

[الحمدان]

‏يا كثركم يا جعلكم ما تكثرون
‏ياهل الهروج اللي مامنها فايده

‏وقت العوافي تذبحون وتصلخون
‏ووقت القسى ماتنطحون الكايده

.....

[الحمدان]

‏اذا غبت عنّك ظنّ فـيني بظـن الطيب
‏ما ابيك الرفيق اللي من ظنونه تـحنّه

‏تنقّ الظنون اللي مثل ماتصيب تخيب
‏ترى فيه ناس تميّز الشخص من ظنّه

.....

[الحمدان]

‏الكلمة اللي تضايقنا نعديها
‏وإن جاتنا من سفيه العقل طنشنا

‏مادام نقدر نمشيها نمشيها
‏من خوف نبلش مع الجاهل ويبلشنا

‏لوكل عوجا تجينا نلتفت فيها
‏ماكان نمشي مع العالم ولا عشنا

.....

[الحمدان]

‏والله إن مانِي على كية الحب مغصوب
‏غير ما عينت مثلك على الكون الرحبّ

‏لك كلام أعذب من الماء ولك صوتٍ عذوب
‏يشهد الله كنّه العافيه عقب التعب

‏ولي خفوقٍ عن محبتك عيا لا يتوب
‏جنته وصلك وفرقاك سوء المُنقلب

.....

[الحمدان]

عدّيتك الكلمة اللي تجرح الخاطر
‏وأنتِ لو إنك مكاني كان قلتيها

صالح النشيرا

[الحمدان]

جَوّد يدينك في يدين اللي تحب
‏من قبل تاتي له يدين تجوّده

.....

[الحمدان]

‏أعتبرني في حياتك من الماضي الجميل
‏أن ذكرتة تبتسم وأن بغيته ما رجع

.....

[الحمدان]

‏ما عاد لي خاطر ولا عاد لي نفس
ولا صرت أدوّر وصل من لا يبيني

من قرّب بخطوة أقرب له بخمس
ومن هو تغيّر عمد لا يحتريني

.....

[الحمدان]

تواضع تغافل لاتدقق وخلك سمح
جمال الحياة إنك تساير بساطتها

.....

[الحمدان]

تعدّى الظروف بلين جانب وقوّة باس
وتوكّل على اللي بيده العجز والقدره

من يحطّ قـدره سلعةٍ في يدين الناس
لا يزعل لا حطّوه الاوادم تحت قـدره

.....

[الحمدان]

عطاه الله قوامٍ تطرقه الانسام وتثنّيه
ووجهٍ كن شمس الصبح تشرق بين حجانه

على متنه عتيمٍ تلتحفه الشمس وتحنّيه
وورا ثغره مزامير الهيام وخَمْرَة الحانه

من اللي شافه يغنّي غيا ولا تغنّى فيه
ومن اللي كوسره طربه ولا صح الله لسانه

.....

[الحمدان]

الليالي صابها الخوف واخطاها الامان
والمشاعر بعد طول الصفو متكدره

رغم صدمات الاوادم وصدمات الزمان
صدمتي فيك انت لا زالت المتصدره

.....

[الحمدان]

‏جعلني ما أسوق وجهي عند من يجهل وقاري
‏وجعلني ما أعرّض النفس العزيزه للاهانه

‏جل شأن اللي خضوعي له وذلي وانكساري
‏كل ما يخضع له المؤمن رفع قدره وشأنه

‏اطلبه توفيقه اللي يجعل الصعب اختياري
‏وأستعين بقدرته ولا يخيب من استعانه

.....

[الحمدان]

‏مرحبا ياغاية القلب وأقصى منتهاه
‏ريف قلبي جعل عُمري معك ماينتهي

‏والله انك وسط قلبي وهاذا مبتغاه
‏والعمر من دون وصلك ترا مايشتهي

‏والله انك زين مبسم وطبع وزين جاه
‏جعل عين الناس منك تسج وتلتهي

‏واحدٍ مافيه مثلك وربي قد عطاه
‏الحسن والذوق والعز والوجه البهي

.....

[الحمدان]

الجمايل في بنوك الجمايل ماتضيع
وراعي المعروف لا جاء يدور له لقاه

.....

[الحمدان]

‏ماجرح قلبي ولا هزّ الفراق احساسي
ذكرياتي معك أنا نادم على مجمَلها

لا تعاتبني ليا من صرت مثلك قاسي
غيّرتني مجريات الوقت وأنت أوّلها

عبدالعزيز العبلان

[الحمدان]

تندر أشباهك مع العالم وأنا متنبّه
الحقيقة كل حسنٍ غير حسنك عادي

انت وجهك يوم أشوفه لاتقول مشبّه
مستحيل انه يذكّرني بواحد ثاني

.....

[الحمدان]

خابت ظنوني بس ظني بالذي
من ظن بينه دايما ماخــاب ظن

اسأل من الله يبعد الشخص الاذي
عني وعن قومي وصحــبي والوطن

.....

[الحمدان]

على كيفك ويكفـيني تقلّي كيف
وكذبـة كيف كـيّفـها عـلى كيفك

وما ينفك عن كيفك يكفه سيف
وما من فك قد ينفك من سيفك

على عيفك على زيني بعزة عيف
وعزة زيني اعلى من على عيفك

الاعيبك عبـاره عـن نزاهـة زيف
وذنبـي بالوفا كـالأجر في زيفك

انا لاكنت في قلبك مجرّد ضيف
ولالك قلب يستأمن على ضيفك

ولامريت في جوّي سحابةصيف
ولايـعني خريفي مسئـلة صيفك

كـلانـا مر بالاخـر مـرور الـطـيف
وكلكل عافية طيفي وجع طيفك

.....

[الحمدان]

سعودي وافاخر يوم حكامنا ال سعود
وياقف لنا التاريخ هجري وميلادي

وطنا هواه يفوح بالمسك والكمبود
وطنا على العالم سطع نجمه البادي

نعيش بـرغد والشكر للواحد المعبود
ونحفظ ما جاء فالمصحف وسنة الهادي

بقلمي

[الحمدان]

من حب لازم يذوق المر والعلقم
من كأس مائة كوى قلبي ووجداني

الحب عله يخَل القلب يتآلم
يعيش تعبان وطول الليل سهراني

الحب ياناس كم جنن وكم حطم
وكم ناس منه مسجونة ومرضاني

الناس ترقد طوال الليل تتنعم
وانا اعاني ونوم العين ما جاني

مادم والناس يانبض القلب ماترحم
اصبر تحمل على شانك ومن شاني

.....

[الحمدان]

قَدْ تَحبِس العَينُ دَمعًا لَا مِدادَ لهُ
أوَّآهُ مِنْ دَمعةٍ فِي القَلْبِ مَجْراهَا

.....

[الحمدان]

‏غَرسُوا فِي العُمْقِ مِنَّا غصَّةً
ثُمَّ قالوا ما بهِ لمْ يَتَكلَّم

ليسَ كلُّ الصَّمت فينا عنْ رِضًا
كَم ضَحكنَا حِينَ كنا نتألم

.....

[الحمدان]

إذا فارقتَ فارقْ دونَ جرحٍ
كفى جرحُ الفراقِ بمن تفارقْ

فإنَّ غيابَ من يهواه عنهُ
أشدُّ عليهِ من حبلِ المشانقْ

.....

[الحمدان]

صنعاء انت عروس الكون صنعاء
والسبعة الشم زينات وتيجان

عريقة انت في التاريخ ان ذكرت
يفوح من ذكرها عطرا وريحان

صنعاء صنعاء حبك لا يجاوره
سوى فلسطين في عيني سكان

عينان للمراء تلك القدس واحدة
وانت واحده اهواك صنعاء


شعر يمني

[الحمدان]

هِـيَ القَنَاعة فالـزَمْهَا تَعِشْ مَلكًا
لَو لَـمْ يَكنْ مِنـهَا إلَّا راحَةُ البَـدنِ

وانْـظُرْ لِمَـنْ مَلَكَ الدُّنيَا بأجمَعِهَا
هَل رَاحَ مِنهَا بِغَيرِ القُطنِ الكَـفَنِ

.....

[الحمدان]

يومًا سننسى الهمَّ والتعبَ
والكونُ يفتحُ صدرَهُ الرحبَ

يومًا ستشرقُ كلّ أمنيةٍ
فجرًا يقيلُ الضيقَ والوصبَ

يومًا سنرفعُ بالمنى وطنًا
ونجودُ لمّا نعتلي الرّتبَ

ونقولُ أنّ الأمسَ غادرنا
والحلمُ بعد الهمّةِ اقتربَ

يومًا سنجني ما حصدناهُ
فرحًا بأنّ الحزنَ قد ذهبَ

.....

[الحمدان]

يا طير خذ مني سلام و تحايا
‏واقصد بها ناس على العز رابيين

‏ناس لهم طبع المحبـّـه سجايا
‏وفيهم من أصناف الكرامة عناوين

.....

[الحمدان]

كل شمسّ ماتجيبك في ضحاها فدوه لك
وكل صدر ماتنفس صبحٍ وجهك عزتي له

.....

[الحمدان]

مابين ناسٍ تجي وما بين ناسٍ تروح
ما كل واحد يناسبني لو أناسبـه

.....

[الحمدان]

ودك تحطه فالعيون من العيون
وتبسط على رمضى الثرى يمناك له

محمد بن فطيس

[الحمدان]

ياغايبه عن عيوني ماكفاك الغياب
وأنتِ اكثر انسان تملك في خفوقي سعه

ماغير اردد لاشفت الجو كله سحاب
الله يجيب المطر والله يجيبك معه

.....

[الحمدان]

ما نسيتك لو تحس اني نسيت
‏سيرتك للحين تملاني حضور

‏اذكر اني يوم ودعتك بكيت
‏من بعد هاليوم ما املك شعور

.....

[الحمدان]

على الود والاشواق ياهاجسي ادعيه
عسى عيني تشوفه الا وابري حالي

تجدد طعونه كل ما جددوا طاريه
عقب ما سرق قلبي وخلاني لحالي

نجود الفيصل

[الحمدان]

عيني سهيره وقلبي للغلا مشتاق
والفكر شارد ونار الشوق حراقه

والضيق طوق بقلبي والحزن طواق
والصبر يصرخ كفى ماعاد لي طاقه

وانت السبب انت يامن لك تخر اعناق
وتهز شُمخ بغمزة عين براقه

ياللي غرامك وحبك وسط قلبي بآق
دايم مضمن وماغيرك في ارواقه

عليك حنيت حنه من وسط لعماق
حنة كسيرن ومافزعوا له ارفاقه

من بعدما غاب شخصك عازمن لفراق
كأن ماله جمل فالامر او ناقـــه

.....

[الحمدان]

‏من زعلك يا نوم تهجر عيوني
المعذره يانوم لا كنت زعلان

خليتني ساهر اردد لحوني
والناس مرتاحه وانا الان سهران

لاشك في موضوع زود جنوني
خلاك تهجرني ومانا بغلطان

الضيق اضناني وسهر جفوني
يانوم كافي خاطري حيل تعبان

.....

[الحمدان]

‏صباحُ الحُبِّ أشْرَقَ من سَناكِ
على قلبٍ أحبَّكِ واصطفاكِ

كأنَّكِ والصَّبَا فرَسَا رهانٍ
إذا هبَّتْ يـُسابِقُهَـا شذاكِ

.....

[الحمدان]

نبتسم في وجه الايام لو مابه حصيل
خاطر الطيّب ما كل الظروف تكدره

.....

[الحمدان]

اللّي خذلنا ما نعيد الرجاء فيه
لو هو بجنب أكتافنا ما نشوفه

.....

[الحمدان]

خلك لحالك وكف خيرك وشرك
محدن وراء المقفين بتوقف حياته

.....

[الحمدان]

ياهاتفي وصل من الشعر ما طاب
وأسمى شعور الود مع نفخة الطيب

باسم الوفاء خاطب عزيزين واحباب
واحمل مضامين الغلاء والمواجيب

.....

[الحمدان]

ادري ان الحلم لامنّي عطيته إهتمامي
صارحلمٍ للجميع وصارله معنى وقيمه

الخساير في حياتي ماتنزّل من مقامي
انخلقت بقلب طير و روح ما ترضى الهزيمه

.....

[الحمدان]

جعل ماجانا من الوقت كفارة ذنوب
وجعل طربات الليالي تجي متساويه

.....

[الحمدان]

ماني من اللي يتبع المقفين يا نايف
طبعٍ ورثته من اللي مات ما خرّف

من صد صديت لو هو بالغلا كايف
وإن راح جعله مراح الطير لا صرّف

.....

[الحمدان]

من جاك عاني كاسبٍ بك جماله
‏في وقت قل الوصل مابين الارحام

‏اجلس معه لاتستشك وش طراله
‏الله كفيل الخلق من عهد الايام

‏فنجال مع ضحكه بعدها بياله
و‏يذكرك لامن راح في سبعة انعام

هذا الزمن ماهو زمان العباله
يوم العرب جوعا وكبودها حيام

الله عكس الاحوال واكبر دلاله
كل بيت تلقى فيه سايق وخدام

.....

[الحمدان]

‏آساير ظروفي ٍ ليتها جت على ودي
‏عسى الله يعدل ميلها لين تصفالي

‏أبصبر ولو حلم العمر واقف ٍ ضدي
‏لعل الحظوظ اتزين في عمري التالي

.....

[الحمدان]

إن زانت ظروف الليالي ضحكنا
وإن كانها شانت ضحكنا عليها

.....

[الحمدان]

عسى الله يجنبنا دروب الردى والهون
وعسى الله يجملنا ليا حل واجبنا

.....

[الحمدان]

لا تلتفت للناس مهما يقولون
خل القفا لأهل القفا لا تحاكت

.....

[الحمدان]

‏النذل خلّو مجلسه عند الانذال
ما للردي في سكٌة الطيب جرّه

امّا يجي رجّال ويروح رجّال
والاّ يصد ويكفي الناس شره

.....

[الحمدان]

‏يا كثركم يا جعلكم ما تكثرون
‏ياهل الهروج اللي مامنها فايده

‏وقت العوافي تذبحون وتصلخون
‏ووقت القسى ماتنطحون الكايده

.....

[الحمدان]

‏لولا الدلال وشبة النار و الكيف
‏والعود الازرق والكرم والطناخه

‏وكلمة هلا واقلط على العز ياضيف
‏ما كان بيت الطيب يعرف مناخه

.....

[الحمدان]

‏أتغيشم لك وأنا ماني غشيم
والخطا مردود والزلّه بلاش

النقاش أحيان موضوعه عقيم
لا تلوم اللي قفل باب النقاش

.....

[الحمدان]

‏لي صاحبٍ في تالي الوقت خيّب
وقام يتعمّد بالردى ويتحدى

وصار البعيد اللي من أول قريّب
من بعد ما كان الرفيق المبدى

كنت أفقده لو راح عني وغيّب
وكان الرفيق اللي له القدر جدا

ماني بقايل صاحبي كان طيّب
لو كان طيّب صاحبي ما تردى

.....

[الحمدان]

انا الغايب الي كان بين العرب موجود
‏رفيق السهر لين السهر مل من عينه

‏تعبت من الدنيا ولا لي وراها زود
‏وانا من نشدني قلت له كلها زينه

.....

[الحمدان]

على الوفا عشنا ولاملنا مع الايام
عسى الله مع الاجواد دايم يجملنا

نساير ضروف الوقت ونسوقها قدام
على العز مبدانا وحنا ما تمايلنا

.....

[الحمدان]

‏النفس طيـر وطاعة الـرب روضه
‏ونفسٍ تفـوز بطـاعة الله حظيظه

‏والادمـي لاطاع واكمـل فـروضه
‏تطيب نفسه كان نفــسه مريضه

.....

[الحمدان]

جمايلك لا تدري بها الناس مهما كان
‏حلات الجمايل بين الاضلاع منكنه

‏ترى موتها هرجك على فلان ولا فلان
‏يموت الجميل اللي يجي عقبه المنه

.....

[الحمدان]

يا كم ذكرى نعيش ومانسيناها
‏انا بالذات من اللي جاي تسرقني

‏حنيني للديار اللي تركناها
‏رغم هذي المسافه ما يفارقني

.....

[الحمدان]

‏سامرت طيفك على ضوٍ تواقد سناه
‏وثنتين لا جات مع طاريك يازينها

‏النار ملح الشتا والبرد ملح الحياه
‏وأنتي حياة القلوب اللي تمرينها

.....

[الحمدان]

‏من مفرق الوادي بعد هب الهوى
‏رفّت طوارف روحي وعيني سهت

‏وين استريح وغصني الاخضر ذوى
‏تجرّد من اوراقه وظلّه بهت

‏مالك دخل ياقلبي ومالك لوى
‏دعاني الشوق وطواريه اشرهت

‏اتركني ما بين الصبابه والجوى
‏لهّيت نفسي فالحياة ولا لهت

‏الذكريات اللي خلقناها سوى
‏حرام اسميها علاقه وانتهت

.....

[الحمدان]

‏كنت أظنّ العشق موطن يضمّ العاشقين
‏واكتشفت انه مسافات وحشه وأغتراب

‏لا افتحوا باب التواصل وهم متأملين
‏تفتح الدنيا على فراقهم سبعين باب

.....

[الحمدان]

من يحترم نفسه ويحفظ مباديه
‏ماحدٍ يقلل قيمته واحترامه

‏احدٍ كلامه للمهالك يوديه
‏واحدٍ يفك من المهالك كلامه

.....

[الحمدان]

فكرت بالدنيا واثر ما بها شي
‏مدري علام الناس تركض وراها

‏تتعاقب الاجيال فيھا وهى هي
‏جيلٍ ﯾودعها وجيلٍ لفاها

‏احدٍ اخذ حقه واخذ فوقه شوي
‏واحدٍ يموت وسكته ما بدأها

.....

[الحمدان]

لاطالت الخوة تبين العذاريب
‏وتعرف قراح البير وإلا هماجه

‏أبعد عن اللي لازعل ينكر الطيب
‏اللي تقلّب عشرته مع مزاجه

.....

[الحمدان]

‏حفظت لي بيت عجيبني معانيه
‏بيت عجيب وفيه فكرة عجيبه

‏كبر الخطأ ما كل عذر يغطيه
‏مثل التعازي ما ترد المصيبه

.....

[الحمدان]

مبطي من السجه ومن فل الحجاج
‏غديت مثل الي يدوّر له غرض

‏ادوّر وجيهٍ مقابلها علاج
‏ما ادوّر وجيهٍ مقابلها مرض

.....

[الحمدان]

‏ياعشير الروح والله مابدّل بك عشير
‏لو فقد وجهك جماله وعودك سكبته
‏
‏المحبه تدخل القلب مثل المستجير
‏سوّد الله وجه قلبٍ ما يثني ركبته
‏
‏لهفة الخاطر على شوفتك لهفة غرير
‏مستحيل يقاوم الشوق مهما يكبته
‏
‏من عشق مثلك ما فكّر يتوب ويستخير
‏لين يلقى من جراير حبيبه نكبته

.....

[الحمدان]

ياقلب العنا في كل حاجه تبي مسموح
‏لكن لاتطيع اللي يقولون لك طعنا

‏انت اللي يعاني لوعه الفقد والمجروح
‏وانا وانت عاشرنا وعشنا وودعنا

‏خلقنا بشر فينا مشاعر وصمت وبوح
‏لو ان الحيا في بعض الاحيان يمنعنا

‏من الكبت صارت عاريات الصدور تفوح
‏ومن خوفنا من نظرة المجتمع ضعنا

.....

[الحمدان]

‏حشمت نفسي عن سواليف الانذال
‏حتى مانزّل قيمتي في رداهم

‏اهل النميمه والحسد وأهل الاقوال
‏ماني مدور من زعلهم رضاهم

.....

[الحمدان]

‏ياناكر العشره ترا الوقت دوار
‏واعلمك مع الوفا والامانه

‏رحتي وخليتي للايام مقدار
‏في ذمتي يم الحسد والخيانه

‏روحي بدربك ماترجعك الاعذار
‏الحر مايقبل عليه الاهانه

.....

[الحمدان]

‏اغربي ياشمس واطفي قناديل النهار
‏مع ظلام الليل معنى السكينه يبتدي

‏ودّنا نستكشـف الكون ونرود المدار
‏من منازل عمّنا سهيل لنجوع الجدي

‏في فضا من كوّن الكون وابدع باقتدار
‏مُتّسع لـ احلامنا والسلام السرمدي

‏تبصِـره وايمان باللي خلقنا وافتكار
‏وانعتاقة روح من بوتق النفس الردي

.....

[الحمدان]

‏محبتي لك نقاها مثل بيض القلوب
‏ماهي محبة ابي سنابك وصور وألو

‏وبكره لاطال الطريق وظلمنّ الدروب
‏تدرين بإن المحبه واهلها ماخلو

‏قالت كلامك حلو لكن شكلك كذوب
‏وانا ماحب الكذوب اللي كلامه حلو

.....

[الحمدان]

‏تمر فالبال عادي من يرد الشروق
‏تسيل للخد طيب من يحب الضمى

‏بتروح عادي ولكن إحذر تروح فوق
‏انا اقدر لكل درب الا طريق السما

.....

[الحمدان]

‏الحب خلّانا مجانين واغراب
‏لين اكثر اللي مايحسّون حسّو

‏طعم الفراق اللي يجي بين الأحباب
‏ما يفرق بواجد عن الأسبريسو

.....

[الحمدان]

‏أعذريني لا طلبت العذر وارضي يا مليحه
‏واستغلي فرصة أحلامي قبل يمكن صوابي

‏كيف قلبك يخفي المشروه وعيونك صريحه
‏المعاتب بالعيون أقسى من طعون الجنابي

‏أقلطي بأسلوبك الطاغي على صدر القريحه
‏واستقري لين تجنين العذوبة من عذابي

.....

[الحمدان]

‏يومها بين إيديني والغلا عادي
‏ويوم قفت تفجر حبها فيني

‏كنها حطت التوقيت بفؤادي
‏لا مشت حبها يفجر شراينيي

‏قبل تقفي وأنا متماسك هادي
‏وعقبهآ ضاق كل الكون فينني

‏غلطتي كنت مترآهي ومتمآدي
‏وكنت أحسب الزمن والوقت يمديني

‏وأثر من لا تغانم فرصته غادي
‏اه يا فرصةٍ ضآعت من سنيني

.....

[الحمدان]

يارب والحاجة اللي بخاطر أحبابي
‏لا تغرب الشمس إلا وأنت قاضيها

.....

[الحمدان]

ما يخفّف ضغط الأيام وظروف الحياة
‏غير قرب اللي تحبّه وتستانس معه

.....

[الحمدان]

‏الجمايل باقية إلى الأبد
والوفاء لأهل الوفاء طول السنين

والنقاء والطيب ما هو ملك حـد
غير أصحاب النقــاء والطيبين

.....

[الحمدان]

حبك عتيبه وقلبي نجد وهضابه
ومتربعن فيه من حدك ليا حدك

.....

[الحمدان]

لاعسعس الليل زادت وحشتي وينك
الصوت ما يوصلك والشوق ما جابك

شكراً بحجم الغلا اللي بيني وبينك
والّا بحجم الجروح اللي من أسبابك

.....

[الحمدان]

سلام وصباح الخير واهلاً وحييت
سلام شرع الله من الروح والعنق

ماعندنا الا سلمنا كل ماجيت
خلك من اللي صباحهم قودمورننق

.....

[الحمدان]

أثبت لك اكبر دليل إن الزمن جاحد
‏وإن المفاهيم عند الناس مختلطه

‏أفعالنا الصح يلغيها غلط واحد
‏وأفعالنا الصح ماتلغي ولا غلطه

.....

[الحمدان]

تمرك العابرين وما تسلم عليك
إلا غريب طوته الأرض بسنينها

قال أنت جالس لحالك تنتظر من يجيك
قلت أنتظر نفسي اللي ماعرف وينها

.....

[الحمدان]

لاتستهين بشوق الاحباب وتروح
وتقول جرح ودمعتين وعبرا

الشوق وحشة روح من غيبة الروح
ماهو بجرح ايدين يدمي ويبرى

.....

[الحمدان]

‏صاحبي لو كان للناس والدنيا أمان
ما تموت زهور الأحلام قبل نشمَّها

.....

[الحمدان]

كل غالي من غلاته ما نخيّب ظنه
‏وأنت عاد الغالي اللي ماوراك ودونك

.....

[الحمدان]

الحب غفوه نوم في جفن سهران
سحابه الاشواق والوصل ديمه

والبعد جرح انسان ف داخل انسان
تبطي وسومه بالحنايا مقيمه

.....

[الحمدان]

الكلمه الطيبه لو هي مجرد سلام
يبقى لها في قلوب الناس قيمه واثر

.....

[الحمدان]

حسن النوايا في زمنّا ولا شيء
‏مذموم لو تعطي الخلايق عيونك

.....

[الحمدان]

ماجيت احبك حب مثل المحبين
جيتك غلا بحساس قلبي يوده

اهديك روحي بالغلا ومحجر العين
أبني غلاك بقصر ماحد يهده

وافرش لك بالصدر ورد ورياحيين
واسقيك من نبع الحنان الموده

واكتب قصيد الحب فيك بقوانين
دستور ما غيرك بشر يستمده

‏يبرق غلاك وسط قلبي مثل الماس
ويشـع نوره فوق الارض وفضاها

ميزتك في وسط قلبي بالإحساس
وبعض المشاعر صعب يوصف مداها

.....

[الحمدان]

‏يا صباح الخير والدنيا عوافي
‏ابتسم وابدا صباحك وأنت رايق
‏
دامها تشرق ودام الجو صافي
‏أذكر الله واشكره لو كنت ضايق

.....

[الحمدان]

‏سـلام مثل الغيث تحيا بـه القاع
‏يحيي قلوبن مـا تـحـب القطيعه

‏قـلـوب تربطها الاخـوه بالاجماع
‏تتبادل المعروف فـوق الوسيعه

.....

[الحمدان]

يا الله بفضلٍ منك يغني على خير
‏ما يحني الهامه ولا يرخص الوجه

.....

[الحمدان]

مساء الامل بالله والخير والتوفيق
مساء الظنون الطيبه بالقدر كله

ترا الابتسامه والبشاشه تفك الضيق
تبسم وقل هالابتسامه لوجه الله

.....

[الحمدان]

الصداقه والمعزه وقرب الطيبين
والوفاء والجيره وغيرها حب الخوي

والكرم والبر وحب الوالدين
مكسبي ما دام قلبي على الدنيا قوي

.....

[الحمدان]

‏بيني وبين الحب رمـــــز وإشارات
افهم حروفه قبـــــل يفهم حروفي

يكتب لي الكلمه ويتـــــرك فراغات
واترجم المقصود فـي وسط جوفي

وإن غاب عن عيني تجيني علامات
ويزيد نبض القلب من كثر خــــوفي

.....

[الحمدان]

‏خلك بسـيط وحب للعـالـم الخـير
‏حبك لفعل الخير يعكس تواضعك
‏
‏وعلى كثر منت متواضع مع الغير
‏على كثر ما الله مع الناس يرفعك

.....

[الحمدان]

خذها كذا من شخص يتقن البوح
عندالعرب حيل الوفا حيل شايب

لاصار بين الناس مايكسر اللوح
إياك تمشي في دروب المعايب

واحرص على ماطاب ياطيب الفوح
خلك كما الأزهار بين العشايب

ياليت نصحى والتهاديل بالدوح
في كل صبح والفكك للصعايب

وانعيش يوم قبل الروح ما اتروح
فيه السعد يترك مشد الركايب

.....

[الحمدان]

يازمن العجائب وش بقـا ماظهـر
كـل ماقلت هانت جد علم جديد

ان حكينا ندمنا وان سكتنا قهـر
بين قلب عطيب وبين خـل عنيد

.....

[الحمدان]

‏لاتوعد بشي واحسـاسك مهو قده
‏تـرى المشـاعر ثمـينـه والـوفا نـادر

‏لاتجـازي اللي عطاك الود بالصـده
‏ماكل قـلب على حفـظ الغـلا قـادر

.....

[الحمدان]

‏ما كل مستشفى علاجه يداويك
‏ولا كل دكتورٍ يداوي جروحك

‏جرحك علاجه يووم خلّك يناديك
‏هـذا علاج القلب وعلاج روحك

.....

[الحمدان]

بعض البشر لا غاب نفقد جنابه
لو ما سألنا عنه غـالي ومقبول

وبعض البشر لاغاب قلنا غيابه
أفضل وليته دايم الدوم مشغول

.....

[الحمدان]

عمر البحر مالتفت للي رماه بحصاة
يبقى هدوءه لنا عبرة وموجه خطر

لاتترك الهم يفقدك الفرح بالحياة
مابعد طول الجفاف الا هطول المطر

.....

[الحمدان]

‏احيان مالي مزاج اكتب ولا حاجه
‏وأحيان قبل اكتب الأبيات تكتبني

‏وأحيان ما اطيق كل الخلق وأزعاجه
‏وأحيان حتى ضجيج الناس يعجبني

.....

[الحمدان]

‏الشــك مـــايدخل قلــــوب الـــواثقين
اهل العقــل والعــرف وابعاد النــظر

والصبـــر خصله طيبــــه للصـــابرين
اللـــي لجيت اوصف معانيهم بحــر

لاصار هادي شفت فيه المــبحرين
وان هاج ما للـــي علــى موجه مفر

.....

[الحمدان]

كن صافـــي النيه وتوكل على الله
من كيد عدوانك يصونك ويحميك

ارفع مقامك عــن علوم المذله
وربك على طيبة نواياك يعطيك

واللي يثير الـــشك والكره خله
ارسم علــــى بيض النوايا مباديك

.....

[الحمدان]

‏خلك مثل نجم ٍ تعلى عن القاع
كلاً يشوفك بس ما ياصلونك

وخلك على كلمة نعم دوم طماع
افعل وغصب عنهم يمجدونك

عدوان عينك ترتخي لك وتنصاع
من زود طيبك فوق ما يلحقونك

تحرق بهم بالطيب ولكل لك طاع
من طيب راسك كلهم يسمعونك

واسلم وسلم وحفظ العلم بالساع
أن كان تبغي العز ثبت اركونك

.....

[الحمدان]

وفيك من وضحى يمارى بها بين الحلال
‏من غلاها راعي الابل ماهوب يسوقها

‏لابغوها اهل الملاين مرخين الريال
‏حبها في قلوب اهلها موقف سوقها

.....

[الحمدان]

قالو تغيب وقلت لاغابو الناس
‏وإليا حضرت احضورنا يعرفونه

‏أرد وجاري واحب التوناس
وأطرب لمن تطرب معاني الحونه

من جا لنا قدره على العين والراس
ومن راح في دربه ولا له مهونه

ما نبحث الخا في ولا نوجع الراس
والناس ما ندري وش اللي يبونه

.....

[الحمدان]

خلك لحالك وكف خيرك وشرك
محدن وراء المقفين بتوقف حياته

.....

[الحمدان]

ما كل ضحكه عليها للسعاده ضمان
ولا كل وجهٍ بشوش مخلّيته الظروف

مفارق أحباب ومواجه ظروف الزمان
والحمدلله مستانس مثل ما تشوف

.....

[الحمدان]

أميل لفكرة الوحده بدون قياس
واحب الانعزال ابو الخصوصيه

انا مرتاح مع نفسي بدون الناس
بدون الناس راحه مش طبيعيه

.....

[الحمدان]

احرص على الطيب اليا اقبلت واقفيت
تلقاه لامن طاب من طيب ذاته

والا الردي لاطاب دور على الصيت
لازم يعلمنا على سناب شاته

لاتحسبه طيب مثل ما تهقويت
يومين والثالث يبين رداته

لان الردي راسه مثل راس كبريت
ما يقدح الا مرة في حياته

.....

[الحمدان]

ترمي بنا الدنيا من الجال للجال
مثل السكارى في حياة النكايد

مابين كف وكف جمره لها اشعال
يجهل وجعها متعبين الوسايد

واحلامنا من دونها ابواب واقفال
وعزومنا منها تهون الشدايد

بيضٍ نوايانا على كل الاحوال
نفعل جميل ومرضي الناس كايد

.....

[الحمدان]

‏ويا لائِمي في عَبرَةٍ قد سَفحتُها
لِبَينٍ وأخرى قبلها لِتَجَنُّبِ

تحاولُ مِنّي شِيمةً غيرَ شيمتي
وتطلبُ عندي مذهباً غير مذهبي

ولمّا تَزايَلنا مِنَ الجِزعِ وَاِنتَأى
مُشَرِّقُ رَكبٍ مُصعِداً عن مغرِّبِ

تَبَيَّنتُ أَن لا دارَ من بعدِ عالجٍ
تَسُرُّ وأن لا خُلَّةً بعدَ زينبِ

.....

[الحمدان]

نزعل لا شان الزمان وشحّت يدينه
لكن قنوعين باللي ربنا كاتب

فان شفتني ضايق ونفسيتي شينه
لا عاد تشره ياخوك وتقعد تعاتب

المزح والضحك والنفسية الزينه
ماتطلع الا من الراتب إلى الراتب

.....

[الحمدان]

يا البنا ادم ما تفيدك فزعة الفزاعه
العرب لو افزعت ما تنفعك فزعتها

اطلب المولى ترى الايام فيها ساعه
ساعةً لن وافقت ما رجعت دعوتها

واعبر الدرب السليم وكب عنك الضاعه
الرجال دروبها ما تنمحي جرتها

.....

[الحمدان]

متجليه للعين من دون تشفير
خطاك ياقلبي على العين فادح

في ذمتي ما عاد فاحلامها خير
والشر في عيون الليال يتقادح

وان ما صفا مكنونها خير ياطير
اضرب جدار احلامها بالصنادح

.....

[الحمدان]

يَاخوك ضايق وضغْطي واصلن حدّه
من كثر ضلْم البشر والكون وازعاجَه

يومين مدري ثَلاث النفس منسدّه
والقلب مدري علامه ضَاع منهاجَه

.....

[الحمدان]

بعض البشر خيره على المجتع فاض
مثل المطر لامن وقع ينفع الارض

وبعض البشر مثل الوباء شر وامراض
ياما شذب غافل وياما طعن عرض

.....

[الحمدان]

وأنا ​على ⁦ الليل حدتنيّ مقاديري
‏مجبور ​​اساير سواده والأمل بكره

.....

[الحمدان]

‏أغيب لكني مع الناس موجود
وعلاقتي بالناس جداً لطيفه

نغض طرف العين عن كل منقود
وحلوين بيضان القلوب النظيفه

[الحمدان]

جيتك بقلبي مدري قلبي جابني لك واحتراك
واللي ينادينا تعب صوته شحب ما نسمعه

وفي موعدك مدري من اللي شجع الثاني وجاك
هو قلبي اللي جا معي والاّ أنا جيتك معه

.....

[الحمدان]

ياحي من جاني وفي عينه الشوق
ياحـي منطـوقـه وياحـي شـوفه

الغالي اللـي بالغَـلا منزله فوق
كل المشاعر فـي حضوره شغوفه

.....

[الحمدان]

‏اسمها دنيا ولا فيها كبير
الكبير الله ولا غيره احد

في نهايتها الغني مثل الفقير
كلهم نفس الكفن نفس اللحد

....

[الحمدان]

من تجربة وأحداث عمر وحكايات
‏لقيت في آخـر فصول الرواية

‏فالحب حاول ما تثق فالبدايات
‏الصدق دايم يتّضح فالنهايه

.....

[الحمدان]

مالي معك حل الا الصّمت والحيرة
‏تركت درب العتب من كثر مافيني

‏طبعك تغير معي وصعب تفسيره
‏تجرح شعوري جفا وتقول تغليني

.....

[الحمدان]

ارفع يدينك وما في خاطرك قوله
‏من رحـمـة الله لا تيأس ولا تـقلق

‏لا شـفت قـدامك البيبان مـقفـوله
‏بيبان ربي كـريـم الـوجـه ما تغلق

بقلمي

[الحمدان]

‎على دروب الوفاء ما نعرف الإنكسار
كرامه النفس غايتنا ومعنى الـهدف

ولا نخاوي سوى أصحابالعقول الكبار
وقفاتهم بالشدايد دوم عز وشرف

.....

[الحمدان]

بعض الشعر ودك لو تشوف راعيه
‏تصب له فنجال وتحب خشمه

‏من زين منطوقه وروعة قوافيه
‏لو ما تعرفه من كلامه تحشمه

.....

[الحمدان]

اكره الكذب لو من والديني
‏واعشق الصدق حتى من عدوّي

.....

[الحمدان]

يارب أنا عبدك وفي قلبي خشوع
وأنت مداتك سحابة وفزعاتك وبل

بقلمي

[الحمدان]

خلوني احب خشمه وألمس كفوفه
لو كان أشوفه من الجمعه إلى الجمعه

ياكبر جمله علي وكبر معروفه
ولباه والناس مفترقه ومجتمعه

.....

[الحمدان]

ليت كل الناس بأوصاف الغيوم
‏لا سـواد ولا نفـاق ولا ريـا

.....

[الحمدان]

‏حنا أهل الطيب وللطيب مردنا
ترا الطيب ما هو بهبل الله هداك

ان طبت طِبنا وفوق طيبك زدنا
‏ولو شئت علي الأرض ما شفناك

الطيب حِنا وعلى الجود تعودنا
‏وإن كنت إنت النجم حنا سماك

.....

[الحمدان]

‏انت الشعور الصادق وغيرك سراب
وانـت المقـر الثابـت وغيـرك ممـر

غـلاك بـضلـوعـي تـربّـع لـيـن ذاب
يفـوح مثـل العـود من فوق الجمـر

يا أغلى البشر وجهك علاج الإكتئاب
ومواصلك مثل السحاب المنهمـر

حتـى ولـو قلبـي شعر بالإغـتـراب
انت الوطن واجمل ملذات العـمـر

.....

[الحمدان]

يُساء فهمك بين النّاس أحيانًا
فيخلقون لك الأوصاف ألوانًا

فقد تكون ملاكًا عند بعضهم
وقد تكون بعين البعض شيطانيًا

طبائع النّاس شتّى وهي أمزجة
ولن تطيق لها بالفهم إمكانا

فلا يغرّك مدحٌ لو أتوك به
ولا يضرّك ذمّ كيفما كانَ

لا يعرف النّفس شخص مثل صاحبها
فكن لنفسك في التّقييم ميزانًا

.....

[الحمدان]

ياقلبه الاحساس ياللي بالغلا مالك خشير
اقرب وانا اقرب ماورانا الا المقابر والنعي

.....

[الحمدان]

وش فايدة‏ قربه ‏وكنّه ظلالي
‏دايمٍ معي ‏لكن عجزت أستظلّه

.....

[الحمدان]

ذولا هـل العوجاء ولابه مروات
شرب المصايب مثل شرب الفناجيل🇸🇦

.....

[الحمدان]

ماعاد تغريني ملذات الحياه
اشوفها مثل الليالي العاتمه

يا رب عبدك طالبك يرفع يداه
سترك وتوفيقك وحسن الخاتمه

بقلمي

[الحمدان]

والله انّه مايمر اليوم لين تمر بالي
آه من وجهٍ يشع النور مع طلة جبينه

مالقيت لوجهك أشباهٍ على مر الليالي
حطّه الله نسخةً وحده ولا حط اربعينه

.....

[الحمدان]

مرابيعهم شفي وداره غدت مشهاي
عسى مدهله روايح المزن مسقيته

.....

[الحمدان]

أنعش عروق الغلا في مد فنجالك
‏يازين هيل الغلا ويازين معموله
‏
‏أفرح بشوفك وأبل الريق بدلالك
‏وأصبح وأمسي وغلاك محد يطوله

جيتك غلا يوم الغلا وسط قلبي
أسس مدينة عاصمتها وجودك

اي والله انك طب لاقلت طبي
ياطب روحي لاتطول صدودك

.....

[الحمدان]

تعالي واشربي من خفوقي فناجيل
قهوة غرامـك طعمها شـي ثاني

الهيل حبك والوفـا له معاميل
والنار شوقي وسط ذيك المحاني

دلة هوانا حب واحلى محاصيل
يسمع صداها كل قاصي وداني

يرسم غلاتك في بيوته تفاصيل
يانور عمري فيكٍ بسمة زماني

شوفي خفوقي والحنايا مداهيل
ماريد غيرك لو يجوني ثماني

.....

[الحمدان]

أن ‏شفت شيٍ عليه الناس ملتمه
لو ودي أجيه طبعي عنه يمنعني

لي شيمةٍ ما تحوم إلا على القمه
أرفع لها راسي العالي وترفعني

أبعد عن اللي ينوش العزم والهمه
وأقرب من اللي بطولاته تشجعني

والطيب اللي اتجاه البوصله يمه
تلقاه دايم بتقدير العرب معني

.....

[الحمدان]

اليا سرى الليل سرتني مقاديري
على شمال الفضاء وشرقه وغربه

اسري مع اللي سرى بقلبي وتفكيري
الصاحب اللي ذبحني شوقه وحبه

.....

[الحمدان]

غرورك تمتع به على اللاش والمسكين
أما أنا نظام الغطرسه ما يناسبني

يكسبني الكلام الواقعي والجناب الزين
وردي العقل بالذات ماهوب كاسبني

.....

[الحمدان]

درب الهوى مافيه كاسب وخسران
دام الحبايب بين بايع وشاري

يجلط خفوقي كلّ حاسد وخوان
اللي يحاول يبعدك عن مساري

.....

[الحمدان]

شوفك ينسيني شقى كل الايام
ادخل على الله لاتفارق عيوني

وان كان غيبتك مقادير الايام
صورتك والله باقيه في عيوني

.....

[الحمدان]

أقدارنا نجهل تودينا لوين
الله عطا والله خذا والله كتب

نعوذ بك ياربنا من حاجتين
كآبة المنظر وسوء آلمنقلب

.....

[الحمدان]

على الله على الله سيرها والرجا ماخاب
على الواحد اللي فيه الامال معقوده

كريمٍ ليامني دعيته فتح لي باب
حليمٍ ليا زليت ما ايّست من جوده

.....

[الحمدان]

يا جماعة كان لي حقٍ عليكم
أدعوا أنّ اللي على البال يتحقّق

ضايقٍ صدري وأنا منكم وفيكم
كن قلبي بين الأضلاع يتشقق

.....

[الحمدان]

اسمحوا لي لين أطيّب خاطري وأخفي حضوري
ودّي أبعد عن جميع الناس دون أدناة سبّه

الحضور أشبع غروري والغياب أصبح ضروري
والعرب ما عندهم غير المحبّه والمسبّه

.....

[الحمدان]

لا تسخر من المبلي وتضحك على بلواه
يقولون من يضحك على شي يبلابه

إذا الله بستره ما شمل عبده وغطّاه
الإنسان ما تستر عذرايبه ثيابه

.....

[الحمدان]

الضيقه أحيان من لا شي تبلاني
وأنا بلا شي فيني ما يكفيني

أسألك ربي تخفف جملة أحزاني
وتدخل على قلبي الفرحه وتهديني

.....

[الحمدان]

البارحه ماني من الهم خالي
لو كان عيني بالسهر مالها ذنب

ياشين سكين الرفيق الموالي
اللي توغل بك من الجنب للجنب

.....

[الحمدان]

نهارٍ غثيره يرضي الخاطر الزعلان
لك الله كن الشمس بالغيم محجوبه

تخفّى بعضها فالغثير وبعضها بان
مثل بنت عودٍ يوم شافوه هلو به

عطوه النشاما منحر المجلس المليان
وهي تتقي من زحمة الناس في ثوبه

.....

[الحمدان]

ياربّ هذا زمن فتنة ووقت إنقسام
ما أدوّر إلا الثبات وما أطلب إلا اليقين

أدعي مثل ما دعا يوسف عليه السلام
توفني مسلماً وألحقني بالصالحين

.....

[الحمدان]

يقولون كيف الحال واقول ماش الحال
وانا والله ان قدلي شهر ماني بطيب

تحت رحمت الرحمن فالحل والترحال
لكن اعذررني كاني ابطيت متغيب

....

[الحمدان]

والنوم لي وقت لاجيته ولاجاني
يرسل علي والسهر يذبح مراسيله

.....

[الحمدان]

ماعاد حنا أثنين يامساء الأثنين
جارت علينا ظروف الزمن وافترقنا

.....

[الحمدان]

هنيّاً ...لمن يستغفر الله بالاسحار
وينفض غبارالصدر ويصحح اعماله

طقوس العبادة تنعش المخ والافكار
وتعطي الجسم طاقة مثل طاقة الآله

.....

[الحمدان]

ماني بمصخي به ولاني بناسيه
صدري مداهليه وقلبي محله

بعيش لآخر يوم في عمري ارجيه
رجوى المريض اللي تحت رحمة الله

.....

[الحمدان]

تصبح الدنيا وأهلها على شمس الصباح
وأنتِ شوفك صبح ثاني وشمسً ثانيه

.....

[الحمدان]

يسعد مساء من داعب الشوق طاريه
اللي سكن بالقلب مع صادق الشوق

ويسعد حياته واسعد الله لياليه
اللي غلاه يفوق عن كل مخلوق

.....

[الحمدان]

الله عطا للرياض من الحظ حظين
زودٍ على نسمة هواهـا وجودك

.....

[الحمدان]

‏لاتكابر شوف لك نظره وعدي
ماعلى النظره على اشعاري حساب

ادخل اقراء شعور قلبي وماكتبت يدي
من قصايد شــوق واشعــار العـتاب

كلـها لك وانت مقصــودي وقصـدي
وانت تدري بــس ما تعطـي جــواب

طبعك القاسـي حـرق قلـبي وكـبدي
وذقت منه الويل واصناف العذاب

.....

[الحمدان]

لا هزتك ذكراي في يوم واشتقت
والشوق لا مرك مع الوقت قلي

لا تحسب اني في غيابك تضايقت
حتى خيالك في غيابك يسلي

.....

[الحمدان]

انا اشهد ان كلمة احبك لها دور
لكن ما يشعر بها قلب خالي

يشعر بهاقلب له احساس وشعور
قلب يعاني الشوق من بعد غالي

بين الحنايا داخل الصدر ماسور
في كف من هو صار للقلب والي

قلبن وفي مايعرف اللف والدور
ولايصدق هرج قولة وقالو

يصبرمن اجل الحب للظلم والجور
ثابت على حبه ثبوت الجبالـي

.....

[الحمدان]

حسايف الحزن يغشى وجهك الطاهر
والورد في وجنتك حرام تغريقه

يفداك قلب على ما تشتهي حاضر
يفداك باللي بقى لي من معاليقه

.....

[الحمدان]

مِن بحر جدَّه إلى شرق الخُبر
في الحضر والبدو ما تلقى حَلاه

شوفِة المحبوب والروضَ الخضر
تِنعش القلب المِشقَّي واتغذّاه

.....

[الحمدان]

‏عاتبني عتاب غالي لا حصل زله
وقبل المعاتب ضروري تعرف أحوالي

ظلم إنك تقول ناسيني وأنا والله
ما فيه لحظة تمر وما أنت في بالي

.....

[الحمدان]

‏يارب لاجاني من الوقت ضيقه
مالي سواك انت الذي تبعد الضيق

ضيقي مسوي في شعوري حريقه
والحال اغرقني في الهم تغريق

يارب شف لي مـن فروجك طريقه
همي كثر وانا على الضيق ماطيق

فيك الرجاء يا اللي حبالك وثيقه
وفيك الامل يافارج الهم والضيق

.....

[الحمدان]

جيت فرصة عمر وسط الضمير معموره
ڪل طاري يجيبڪ لي فرصه سعيده

أتـذڪرڪ لامن القمـر شــع نــوره
والنجوم إبتدت بالڪون رحله جديده

في مرابع غلاڪ اللي ما يرضي غروره
غير حب فقدتہ وأشهد إنـه فقيـده


.....

[الحمدان]

‏من غلاه وحشمتي له وخوفي لايضيع
‏ناقلً هم المفارق وهو عاده معي

‏جعل رب حط حبه ورى صدري وديع
‏مايخلي صوته العذب يجفى مسمعي

.....

[الحمدان]

كل المشاعر على دربك تودّيني
ولغيرك الصدر مَا رحّب ولا هلا

.....

[الحمدان]

صاحب حافظ غلاه وصاحب عني محيته
واكثر الاصحاب تتغير ولا ادري وش بلاها

من يقفي خله يقفي ويبطي مارجيته
ماتعودت اطرد المقفين والا ابحث وراها

.....

[الحمدان]

مع الشوق للماضي تفوح الطواري فوح
مثل قوة التيار قوة مشاعرها

.....

[الحمدان]

يارسول المحبه بين قلبي وقلبه
لو جرحني حبيبي زاد في القلب حبه

بلغه بالسلام وذكره بالغرام
قله ارحم حبيبك وين يلقاك وينك

.....

[الحمدان]

‏طول علي الوقت والقلب شره جاه
وضيعت انا وقتي والايام محسوبه

وانا حالف مدله ولا اتوب من هواه
ماني بورعً دلهو له بلعبوبه

ياحرق قلبي فوق جمر الغضا حرقاه
لما حل طاريهم دنا القلب لاهوبه

.....

[الحمدان]

أنتي فقط لاتزعلين وترحلين
أحبك الزعلانه المتغاضيه

جيتي وخليتيني أحب السنين
وانقد على بعض السنين الماضيه

والليلة اللي في مجيها تضحكين
ياحلوها حلواه وأنتي راضيه

.....

[الحمدان]

ياشوق روحي وقلبي وقطعة مني
عتابك ألطف من النسمة على فؤادي

مايجرح القلب إلا غيبتك عني
ولا عتابك يشابه طبعك الهادي

أنا أهتني يوم أشوفك أنت متهني
وأشوف نور الهنا في طلتك بادي

ما يختلف فيك ظني ياحسن ظني
دايم وفيه معي ياغاية مرادي

.....

[الحمدان]

الله خلقها حشيمه من سلالة حشام
تاخذ من الصمت عزّ ومن الحيا فالها

كريمة شعور وما بعض الأوادم كرام
لو طالو الغيم محدٍ منهم طالها

مرّت عليها ليالي ما تمر بسلام
تقدر بوجه الليالي توقف لحالها

.....

[الحمدان]

‏طرالي غزالٍ مع هل الصنف ماقد سيق
لغيره من الخفرات ما عاد لي طمعه

يقهونه غسال الفناجيل فك الريق
وتقرأ عليه الناس والفتح والجمعه

.....

[الحمدان]

الصمت اجمل احاسيس الغلا ذوق
واحلا كلام الحب شعر وخواطر

وان مارتوينا من غمام المطر شوق
لا بد من وقت به الشوق ماطر

.....

[الحمدان]

أصد عن بعض الخطأ والتفاهات
اللي تضيع وقت من خاض فيها

ودك ترتب قائمة للعلاقات
وتحط مجموعةٍ ما يشره عليها

.....

[الحمدان]

ياسعود ماعندك سلف نوم ساعه
للي عيونه تسهر الليل ما تنام

ياسعود وش حيلة من الهم لاعه
ماعاد به صبر ً على سود الأيام

أسهر لياما الصبح يضوي شعاعه
ياسعود كن عيون صاحبك صيام

اسهر سهر منهو يشوف القطاعه
فيه الرحم والناس قطاعة ارحام

.....

[الحمدان]

لاتزعلني وتحكم علي إني زعول
وأنت تدري مستحيل ازعل إلا من بلا

والعذر في بعض الاحيان مايلقى قبول
في وسع صدرٍ تحمل زعل لين امتلا

مشكلة غلطتك ماتقبل انصاف الحلول
والمصيبه لك معزة وتقدير وغلا

.....

[الحمدان]

‏ليت القدر أن جمع ناس في ناس
‏يجــمع قلوب الــناس كلاً وطـبعه

‏والكل يعرف معدن الخام والماس
‏ولا يروي الصافي سوى عذب نبعه

.....

[الحمدان]

‏عزالله إني دريت إنه الوداع الأخير
‏وإن هذا آخر عناق وهذا آخر لقا

‏حسيت في نبرتك وبنظرتك شي غير
‏فيها كلامٍ ورا حدب الضلوع إتقا

‏من أول إن جيت شفت بنظرتك كل خير
‏واليوم والله ماشفت بعينك ألا الشقا

‏الظاهر إنك مشاور نفسك ومستخير
‏جايً تبي تقول ماعقب الفراق إلتقا

‏عزمت تبعد وتتركني لبئس المصير
‏من بعد ذيك المحبة والغلا وش بقا

‏بتروح رح لكن الرجعة ترا ماتصير
‏لا يُمكن العاشقين يعوّدون أصدقا

‏ليتك وضعت إعتبار لما مضى يالعشير
‏على الأقل كان فأسلوب الفراق أرتقا

‏ليتك يوم إنك نويت إن ذا الوداع الأخير
‏علّمتني إن هذا هو آخر عناق ولقا

.....

[الحمدان]

‏محبة الناس خير وطاعة الله فرض
وعمر البنادم ماهو من ضمن ملكيّته

ان طال والا قصر يعرض له الموت عرض
ثم بعدها تنتهي مدّة صلاحيته

آشبه ما يمكن يكون فكل الاحوال قرض
ولا باقي الا الذكر كل ٍ وشخصيّته

كم واحد تحت الارض وسيرته فوق الارض
وكم واحد فوق الارض وسيرته ميّته

.....

[الحمدان]

فيه ساعه فالعمر لحظاتها مسترّه
بس لا عدّت دقايقها تصير احسوفه

تشبه الوجه الجميل اللي تشوفه مرّه
عقبها لو تقلب الدنيا ما عاد تشوفه

.....

[الحمدان]

‏يوم جيت ديار ابو سودٍ مظلّه
للقدم وقفة وللقلب إلتفاته

مختصرها بالسلام ورحمة الله
السلام ورحمة الله وبركاته

ودي آخذ عندهم فنجال دلّه
ونفسي أوّل من كلاني بالشماته

يرفع الرجال صبرٍ في محلّه
ويرخص الرجال كثر محاولاته

.....

[الحمدان]

الحُب تلميحه وتلميحته يا هي
ألذّ من كلمة أحبك مية مرّه

جاني من الحب ما يلفت تنبّاهي
وأخاف يطغى الشعور وينكشف سرّه

شيءٍ طرح قلبي وشيءٍ طرح جاهي
وغدرٍ ماهو يغدره جساس بن مُرّه

.....

[الحمدان]

صباحٍ بلا وصلك حصادٍ بلا مردود
‏وعينٍ بلا شوفك وش اللي يداويها

.....

[الحمدان]

من رقّ انوثتها بـلا الحسن غيره
هذا ياكيف وكل بنت غبنتها

في عينها سيف العقيد وشويره
ورموشها جند الخمول أكتستها

غيٍّ من الفستان يلمع حريره
فستانها الاسود يبرهن صفتها

غنجا لذيذه ريق عفّه صغيره
عزلا دقيقة خصر خفّ حركتها

الى وقفت كلن يعذرب قصيره
والى جلست ياطول رزّ ارقبتها

.....

[الحمدان]

أغصُ بالحرف شوقاً حين اذكرهُ
وأكتفي بلقاءٍ في خيالاتي

وما تمنيت شيئاً مثل رُؤيتهِ
حلماً أُحقق فيه كل غاياتي

أضمُ روحي لصدري بعد غربتهِ
واستلذُ بحضن الذات للذاتِ

لعل نبض فؤادي بين أضلعهِ
يبوح إنْ قصرتْ في البوح أبياتي

.....

[الحمدان]

إمتلكتي غايته لو كان ماله فيك غايه
وإنتصرتي في عيونه وإعترف لك بالهزيمه

أنتي فارعه بقد وجد وأسماء وكنايه
من عشق مثلك يجوز من الهوى وشداد ريمه

.....

[الحمدان]

عن البال ما راحت طواريك لجل تعود
مثل كل ليلة طيش مرَّت على تايب

طبيعي بأن الناس تستشعر الموجود
وأنا أستشعرك موجود وأستشعرك غايب

.....

[الحمدان]

مياسة العود عودك آخر آمالي
اللي لو اني على المحراب يحرفني

وشلون ابوصف حلاك الزايد لحالي
لا طاب جرح القصيد وقلتي اوصفني

اذا تضايقتي يضيق الخلا الخالي
واذا رضيتي رضت ريحي على سفني

واذا عرفني غلاك وقلبك السالي
ما عاد ابي الليل والبيداء تعرفني

....

[الحمدان]

لي مهرةٍ مركاضها بالصدر والقلب العفيف
في حبها ما أتوب واليا تبت رحت أعودها

ما تشبه إلا خيل جداني بمعركة الشريف
أصايـلٍ ترهِب صناديد العدا بطرودهـا

.....

[الحمدان]

روحها من خِفّها لاهبّت النسمة تطير
وفكرها علّق على متن الشموخ خصالها

واضحة تسكب رذاذ العطر بأنفاس العبير
غامضة من ثقلها يحتار فيها ظلالها

يغرق أجزل بحر شعر فـبحر عفّتها الغزير
كل ماينبض خجلها يرتعش سلسالها

بنت شعر وأم طهر وأخت للبدر المنير
فاتنة تجلس على عرش الكمال لحالها

.....

[الحمدان]

الجادل اللي عليها الحال مبريه
فالغيد والله مانلقى شبيهتها

من الدلع والتغنج والرومانسيه
معاد يفرق دلعها عن فهاوتها

.....

[الحمدان]

‏لا بد ماتصفي المقابيل وتزين
ونروح ونسج القدم في فلكها

.....

[الحمدان]

قالو من انت وقلت انا انسان عادي
مجهول عند اهل الرتب والسلاطين

عايش عن ثقال النفوس انحيادي
عندي غناة النفس تسوى ملايين

.....

[الحمدان]

تعال قبل الورد يذبل والسهر عينه تنام
قبل تجف المرحبا وتموت بلساني هلا

ترى عزيز النفس لامن عاف عاف بلا كلام
والله لو أنه وطن ماعاد له حب وولا

ماينتهي كثر الغلا إلا بقلّ الإهتمام
وإن جيتني بعدين مالك لا حضوَر ولا غلا

.....

[الحمدان]

تصد القلوب من الغلا والنفوس تملّ
يهون الجفا لا شافت العين ما تكره

.....