اخترنا لكم

[الحمدان]

‏ابوي رباني وزرع بي مواجيب
‏يجني ثمرها كل منهو عرفني

‏اقّدر الطيّب واجازيه بالطيب
‏ولا الردي ماهمني وش وصفني

.....

[الحمدان]

اقلطي ملعون من شافك ولا رحّب وهلّا
‏اقلطي يا ثامنة سبع العجايب لا تراوي

‏لعنبوك انتي بشر والا قمر بدرٍ تجلّى
‏وش يساوي كل حسن الخلق جنبك وش يساوي

‏صرت اشكّ انّك بحر نورٍ دنا حتى تدلّى
‏من كواعب جنّة المأوى من النور السماوي

ناصر الفراعنه

[الحمدان]

لاتخضّع ولاتخشى سوا المفني الخلاق
ترا الناس لا تفني ولا هيب خلاقه

ولا ترتجي غير الله المانع الرزاق
ترا الناس لا تمنع ولا هيب رزاقه

وحياة البشر مابين لمّة شمل وفراق
ولا يفقد إلا طيبٍ يوجع فراقه

.....

[الحمدان]

كل مادلهت قلبي وارجهني
‏هيضتني دمعة العين الحزينه

‏اشهد ان لوعات الايام ابعدنّي
‏وانقطع حبل الرجا بيني وبينه

.....

[الحمدان]

على بساط الليل نسّري بالأحلام
ونسامر نجوُم السماء بالأماني

.....

[الحمدان]

‏اقول له مسيٺ بالخير ياخير
‏ويقول انا مسائك ونور دربك

‏اي والله انك يامسائي مسا غير
‏شمالك وشرقك وجنوبك وغربك

.....

[الحمدان]

‏ما بين الصعب وبين الخوف والتجريب
‏أحاول ما أميل بيوم ولا تتشرّد أفكاري

‏أمر بمرحلة صح أو خطأ أو صدق أو تكذيب
‏كأني تايه في شيء ولاني عارف أقداري

‏أنا ياربّ ما أدري وش اللي ينكتب بالغيب
‏ولكن رحمتك أكبر من اللي فيه أنا داري

.....

[الحمدان]

‏أنا مابي من الدنيا بعد هالمرحلة رغبات
‏عسى الله بس يكفيني هوى نفسي وزلّاتي

.....

[الحمدان]

‏تضيق بوجهي الدنيا والاقي في رحابك باب
‏واحسك مثل شيٍ كان ينقصني وكملته

‏اجي صوبك وانا لوجهك يسابق وجهي الترحاب
‏واشوفك مثل نجمٍ فالسما كم لي تخايلته

‏حبيبي والمدى حاِلك وانا في غيبتك مرتاب
‏ولا غيرك هوى قلبي ومن قلبي أنا نلته

.....

[الحمدان]

‏عرفت إن القدر فرصة سعيدة والحياة أعراف
‏لو إن الشوق من كثر البعاد المُرّ صالينا

‏أنا ماكنت في عمري إلى هالمُنتهى شفّاف
‏لقيتك والزمان حالف يخون أطهر أمانينا

‏أزورك حلم من خلف الحقيقه والشعور لحاف
‏ما دام إن الوَلـه واقف على سكّة هقاوينا

.....

[الحمدان]

الحلم لا ضاع والفرصة ليا قفّت
‏ثنتين لو هوّنوها الناس ما هانت

.....

[الحمدان]

‏على كثر الشتات اللي يمر ويربك افكاري
‏لقيتك ظلي الثابت معي دايم على الهقوة

‏ياوجهٍ كل ما ضاقت علي وشانت اقداري
‏ذكرته وانجلى ضيقي وصارت عبرتي غنوة

‏تخيرتك ولو غيرك وجوده عندي اجباري
‏اعرف ان الحياة بدون وصلك ماهي بحلوة

.....

[الحمدان]

‏ياوجهٍ ما وراه إلا جميل وعزوة وسلوان
‏تعبت أدورك وأثر الأيادي عنك مكتوفه

‏إذا فعيونك المنفى وإذا لعيونك التحنان
‏غريرٍ جاك وش ذنبه تشب النار في جوفه

.....

[الحمدان]

‏أول أحب الظهور لمعظم أسباب الظهور
‏واليوم حتى معظم أسباب الظهور ألغيتها

‏ماهوبّ من باب الثقه عندي ولا باب الغرور
‏حبيت اعلمكم عن اللي فالضمير أخفيتها

‏أنا أستفدت من الكلام اللي يخبى فالصدور
‏خلاني أكره ناس واجد مثل ما حبيتها

.....

[الحمدان]

يطول الليل وتطول القصايد والبيوت سهاف
‏طويت البعد وامرك قصيدة نلتقي فيها

‏سريتك ليلةٍ ظلمى هزيل بقلبي الخواف
‏مشيت بخطوة التايّه ولا ادري وش تواليها

.....

[الحمدان]

يالغزال اللي تذيّر من انياب السباع
واحتمى في ضلع صدري وانا ضلعي صليب

ماخذك من بدّ خلق الله بطول الذراع
وحافظك في عيني من الصبا لين المشيب

مكسبي والكسب عند النشاما مايباع
دام فيني راسً اصوك وقلبي قلب ذيب

.....

[الحمدان]

ودي اسولف عن شعوري واعلم
انك اغلى من على الدنيا لقيتك

فدوتك قلب من جروحه تالم
دامني من بد خلق الله بغيتك

.....

[الحمدان]

‏اي والله إني عليك من الوله ضامي
‏وأشفق على شوفتك من بد خلق الله

.....

[الحمدان]

عطيتك محبه صادقه مابها تشويه
وجعلتك بقلبي منفرد فيه وحداني

وغيرك بغاني بالمحبه وانا مابيه
دام انت عندي وش ابي بواحدٍ ثاني

تراني ليا شفتك اسج الفكر واشقيه
واشوف القمر واقول عندي قمر ثاني

غلاتك بقلبي شيء يطغى على التشبيه
كيف اوصفك والوصف يعجز به لساني

.....

[الحمدان]

أنا والله إني ارحمّك رحمة المسكين
‏تشب الشبوب وتحرق ايامك بنارك

‏كليم القفى وينك وأنا عن كلامك وين
‏تبي تموت مارد الصدى صوت مزمارك

‏أعرف اجرحك جرحٍ يوسّم ليوم الدين
‏ولكن شرف عداوتي فوق مقدارك

.....

[الحمدان]

مرت من الايام ياكم وياكم
لا احنا نسينا لا ولا احنا التقينا

والذكريات الي مظت بيننا كم
فالقلب ظلت حيث سرنا وجينا

لكن هي الاقدار والله يحكم
بما يريده من لنا او علينا

لكن خفوق القلب مازال ينغم
مهما تجاهلنا ومهما نسينا

لذكريات الامس لروح بلسم
تشفي جراحن ماليها قد سعينا

ذكرى سرت بين الشرايين فالدم
وللاسف ما هو الذي قد جنينا

.....

[الحمدان]

‏على سفوح الذكريات اللي ابت ما تنطوي
‏باقي على الكف ارتعاش وفي وسط صدري كلام

‏ما عاد انا اللي مثل ما انتي خابره عزمه قوي
‏صار اتفه اسباب الغرام يقودني نحو الهيام

‏يا ليت ما قد فات يرجع لي بهوبال بدوي
‏كان اهتنيتك بالتناهيت وصدى صوتي يَمام

.....

[الحمدان]

بعض البشر يجمع شتاتك حضوره
في شوفته بهجة ومنطوقه علاج

.....

[الحمدان]

‏القلب حيا والمشاعر لك رحبت
والعين فزت حين دقيت الحروف

والرقم اشر والرسايل ترجمت
اجمل معاني خاص للغالي تطوف

قدرك بقلبي والمشاعر عمدت
ماهي تغيرها الليالي والظروف

.....

[الحمدان]

‏ما تركته في حدود المُمكنه والمستحيله
‏كنت اداري خاطره لو خاطره مدري علامه

‏يدري ان الدمعه اللي في طرف عيني ثقيله
‏وادري ان عيونه اللي صدت ابلغ من كلامه

.....

[الحمدان]

في مثل هذي العيون اللي هدبها كثيف
‏تسلّم الروح ويموت الشجاع بشرف

‏راحت بقلبي مثل ماراح حكم الشريف
‏مراح غرسٍ جرفْه السيل يوم انجرف

.....

[الحمدان]

‏مايكشف المستور غير الشدايد
ولا الرخى بعض الحقايق مغطاه

التجربه فيها العبر والفوايد
ويعرف به الصديق ربعه من اعداه

.....

[الحمدان]

روحها من خِفّها لاهبّت النسمة تطير
‏وفكرها علّق على متن الشموخ خصالها

‏واضحة تسكب رذاذ العطر بأنفاس العبير
‏غامضة من ثقلها يحتار فيها ظلالها

‏يغرق أجزل بحر شعر فـبحر عفّتها الغزير
‏كل ماينبض خجلها يرتعش سلسالها

‏بنت شعر وأم طهر وأخت للبدر المنير
‏فاتنة تجلس على عرش الكمال لحالها

.....

[الحمدان]

‏قالوا من انتي قلت بنتن ولي شأن
‏شيخة وذيبة وافتخر في ربوعي

‏ومكمّلة ومجمّلة ماش نقصان
‏ماحدن يمشيني على غير طوعي

.....

[الحمدان]

عليه من الملامة مايصحح غلطة المخطين
‏وأنا بسقي نوابت ضيقتي بأسوء قراراتي

‏باصد وابشعل من الهجر نار وتنطفي نارين
‏واروح الروحه اللي توجع أرضي ثقل خطواتي

‏ابشبع رغبة الهجران فيني واتمادی لین
‏احس اني على كثر ابتعادي مرضي ٍ ذاتي

.....

[الحمدان]

بين الخطا اللي دون قصد وقولة حصل خير
‏تاقف معاذير القلوب البيض من دون حركه

‏تغانمني تراني من القطيعه والجفا بموت
‏عساي إن مت ياغالي أموت وعادني غالي

.....

[الحمدان]

‏فيه ساعه فالعمر لحظاتها مسترّه
‏بس لا عدّت دقايقها تصير احسوفه

‏تشبه الوجه الجميل اللي تشوفه مرّه
‏عقبها لو تقلب الدنيا ما عاد تشوفه

.....

[الحمدان]

عطاك الله من اوصاف الجمال الطاغي الفتّان
وعطيتك معظم شعور الغلا من دون تعطيني

.....

[الحمدان]

دنياك هاذي ماتجي لك على الكيف
لابد ماتخْدَعْك لوكنت معها

كم فرقت من بين ناسٍ مواليف
ولا طاوعت من هو بحبه تبعها

دنيا المآسي والألم والتكاليف
ياقل لذتها وماكثر وجعها

يالله عسى منها سلامه وتخفيف
ياباسطٍ سبعٍ وسبعٍ رفعها

.....

[الحمدان]

‏يا طارق الباب رفقاً حين تطرقهُ
فإنه لم يعد في الدار أصحابُ

تفرقوا في دروبِ الأرض وانتثروا
كأنه لم يكن أنسٌ وأحبـابُ

ارحم يديك فما في الدار من أحد
لا ترج رداً فأهل الود قد راحوا

ولترحم الدار لا توقظ مواجعها
للدور روحٌ كما للناس أرواحُ

.....

[الحمدان]

ياقلب لاساقك زمانك على الهم
غاير جروحگ لا تبيًح خفاها

مصيرها مع طول الايام تلتم
والا تموت ويخلف الله علاها

.....

[الحمدان]

رمضان يَدنو والقلوب تشوَقت
‏ونسائِمُ الذكرى يَفيضُ حَنينُها

بقلمي

اللهم بلغنا رمضان وانت راضاً عنا
واعنا على صيامه وقيامه

[الحمدان]

اضحك ترى عوج الليالي مدابير
وما للخلايق في قضا الرب حيله

ترى الشدايد قافيتها التياسير
ياللي تشيل الهم ربك يزيله

.....

[الحمدان]

ترى صدور الناس مثل المخازن
ياما بداخلها من الشر والخير

وأكبر نجاحك في الحياة التوازن
والصبر لا صكّت عليك المقادير

.....

[الحمدان]

‏ان كان مالك نفس قلي ومسموح
‏ولا تكرهّني بنفسك وانا اغليك

‏الروح ما تجبر على معرفة الروح
‏فكر وعطني صامل العلم واعطيك

‏ان ما حصل من بيننا ضحك ومزوح
‏بالغصب ماني يا أريش العين باغيك

.....

[الحمدان]

ما قد تحسفنا على مدت الطيب
‏ما تضوي بعين الكريم الحسايف

.....

[الحمدان]

البارحة ياسعود سهران ما مسيت
أرعى نجوم الليل مما جرا لي

.....

[الحمدان]

في الفِراق يقول الجاحِظ:

ما ضاءَ لي نهارٌ ولا دجا لي ليلٌ
مذ فارقتُك إلا وجدتُ الشّوقَ
إليك قد حزَّ في كبِدي
والأسَفَ عليكَ قد أُسقِطَ في يدي
والنِّزاعُ نحوكَ قد خان جلَدي
فأنا بين حَشًا خافقةٍ ودمعةٍ مُهراقة
ونَفسٍ قد ذبُلت بما تُجاهِد
وجوانِحَ قد أُبلِيَت بما تُكابِد

ويقول أبو تمام:

جَزى اللَهُ أَيّامَ الفِراقِ مَلامَةً
كَما لَيسَ يَومٌ في التَفَرُّقِ يُحمَدُ

إِذا ما اِنقَضى يَومٌ بِشَوقٍ مُبَرِّحٍ
أَتى بِاِشتِياقٍ فادِحٍ بَعدَهُ غَدُ

فَلَم يُبقِ مِنّي طولُ شَوقي إِلَيهِمُ
سِوى حَسَراتٍ في الحَشى تَتَرَدَّدُ

[الحمدان]

قالوا علامك صامت وقلت ياناس
كثر الكلام يقل لأجله مقامي

الصمت حكمة والحكي مصدر إفلاس
ولقيت في صمتي يزيد احترامي

.....

[الحمدان]

‏قلوب البشر ياصاحبي لها مفاتيح
وكل قلب مفتاحه بوصف وعلامه

واذا تبي مفتاح من غير تصريح
افتح قلوب الناس بالابتسامة

.....

[الحمدان]

ياذا المساء روق وهات الطواريق
خل النفوس بروعه الجو تسلى

فنجال من دله وكاسه من أبريق
ونفس خفيفه مع قصيد محلى

.....

[الحمدان]

‏من ذاق في دنياه حلو المشاريب
لا يحسب أوقات السعادة مقيمة

‏العمر رحلة والمواقف تجاريب
‏ومن لا تستفاد من التجارب مصيبة

.....

[الحمدان]

الزمن واقف وانا ماقدر على تقديمه
‏دونك الساعة بيوم ومعك يا مسرعها

‏يا اتجاه القلب يا جاهه ويا تعظيمه
‏وجهتك ماهيب ضمن البوصله واربعها

‏عاشقك عشق الطيور اللي مهيب مقيمه
‏للفياض ولندفاع الشمس من مطلعها

.....

[الحمدان]

اعشق وثرا اخواني احتمي في ذراهم
هم عزوتي لا من غدت سود الأيام

ادعي عساني ماختبر في غلاهم
يبقون هم ذخري على مر الاعوام

.....

[الحمدان]

الناس بالناس ما دامَ الوفاء بهم
والعسر واليسر ساعات وأوقاتُ

وأكرم الناس ما بين الورى رجل
تُقضى على يده للناس حاجاتُ

لا تقطعنّ يد المعروف عن أحدٍ
إنْ كنتَ تقـــدر فالأيام تاراتُ

واشكر صنيع فضل الله إذ جعلت
إليك لا لك عند الناس حـــاجاتُ

قد ماتَ قومٌ وما ماتتْ فضائلهم
وعاشَ قوم وهم في الناس أمواتُ

.....

[الحمدان]

ياما حياي وعزّ نفسي منعني
‏من فرصةٍ طول الحياة ارتجيها

.....

[الحمدان]

أنا ما بي من الدنيا بعد هالمرحله رغبات
‏ عسى الله بس يكفيني هَوى نفسي وزلّاتي

.....

[الحمدان]

ماعاد نؤمن بشي إلّا برب العباد
‏والباقي أشياء تجي وتروح بظروفها

.....

[الحمدان]

الزمن دوار وصدوف الدهر حواجه
والليالي حذفها من كل جال ووجهه

جعل وجهٍ حال دون الي يبيه احراجه
ماتحداه الليالي عند سومة وجهه

.....

[الحمدان]

قال أبو علي مهما طالت الغيبه
واختفي عنكم لابد نتلاقي

يا رجال الوفاء والخير والطيبه
في عناوينها واسلوبها الراقي

بقلمي

[الحمدان]

من عادتي كلما حسيت بالضيقه
مش ممكن الإبتسامه أن تفارقني

حتى ولو شفت وجه انسان ماطيقه
أحِد نفسي على الضحكه تطاوعني

بقلمي

[الحمدان]

وداعيه تهز ضلوع صدر العاشق الولهان
وداع فيه من صدق الحزن مالا ينسيني

فمان الله وعيون السهر في وداعة الرحمن
فمان الله ياول من سكن من بيني وبيني

فمان الله يا آخر جرح دامي وأول الخلان
فمان الله يا ملح القصيد وباقي سنيني

فمان الله يا من لك بقلبي مرتع وأوطان
ولك بين الضلوع العوج بيت ولك عناويني

عليك أرسل مراسل الغرام بلهفة الأحزان
وأتوق لرد يذبح طاري الفرقى ويحييني

تعبت أراقبك وأطرد سرابك تايه وضميان
أسوق الرجل وأقدار الزمن صوبك توديني

فمان الله هاك آخر قصيده مالها عنوان
ولكن طالبك لا أقفيت عني لا تخليني

.....

[الحمدان]

إذا جفتك الحظوظ البيض همّلها
‏تجيك بكره على الرجلين منساقه

.....

[الحمدان]

صبي لي الكيف من صوتك وقهويني
‏انا تراني بدونـك قهوتي ساده

[الحمدان]

‏يوم جيتي كان ياكثر الكلام اللي بقوله
‏ويوم رحتي مالقيت من الكلام الا تعالي

‏إن ذبحتيني جعل روحي فدا العين الخجوله
‏وإن عتقتيني جعلت الليله أعز الليالي

‏لا المحبه طاوعتني في زعلك ولا الرجوله
‏غاليه يالدمعه اللي ما تطيح الا لغالي

.....

[الحمدان]

ياخوفي من كثر حبك اغيب عن شوفة عيونك
اغيب بداخلك وانته تدور في عذاب الويل

تصور لو حصل هالشئ وعشت العمر من دونك
تصور حالتك دوني وانا وانته صباح وليل

.....

[الحمدان]

‏تراني ليا شفتك أسج الفكر وأشقيه
‏وأشوف القمر وأقول عندي قمر ثاني

‏غلاتك بقلبي شي يطغى على التّشبيه
‏يا كيف أوصفك والوصف يعجز به لساني

.....

[الحمدان]

‏ماني بشايب لكن الراس شايب
شايب من اللي شفت واللي يسوون

اعطيتهم عمري وروحي وهايب
واشوفهم مع مر الأيام يقسون

ناديتهم ياناس ماني بطايب
ردّو عليّ ياناس تكفون تكفون

لكن عرفنا في الأخير السبايب
اعطيتهم من فوق مايستحقون

.....

[الحمدان]

للطيب باب وللردى عشرة ابواب
وكلن على ماقيل يختار بابه

.....

[الحمدان]

‏إفتح شبابيك الأمل يدخل النور
‏على حياتك ليه مظلم ويائس

‏أنت الذي بيدينك تعيش مسرور
‏وانت الذي بيدينك تموت بائس

.....

[الحمدان]

‏تروح مْن السنين أقسى السنين وينولد ترحاب
‏إذا شفتـك وحسّيت الليالي معك محفوفة

‏أضيق و معك تتيسر ظروف وينفتح لي باب
‏ورحاب الارض تاتيني على البيبان مصفوفة

.....

[الحمدان]

‏مؤمن بحبك واشوفك مثل شوف السراب
‏مثل ماني مؤمن بقاعِدة محد لحد

‏من قبل موت المحبه ومن قبل الغياب
‏شفت فيك اللي لي سنين ماشفته باحد

.....

[الحمدان]

‏اخوي لا ضاق الفضا والدهر شان
يبقي علي سود الليالي عضيدي

اضرب بسيفه هيبة الانس والجان
واسقيه لامنه ظما من وريدي

.....

[الحمدان]

‏الواجب اللي عليك من الخوي تمه
‏شرهات الاجواد ما تخطي معارفها

.....

[الحمدان]

‏حاول تعيش العمر باحساس السنين
‏عابر وإذا مرّيت ما ترجع لـ أحد

.....

[الحمدان]

‏فيك اشوف لحزة الضيق فرجة واتسّاع
‏ومنك اشوف ان عاد الايام والدنيا بخير

.....

[الحمدان]

‏انا القديم الي يحب القديمين
‏وانا مريض الماضي وذكرياته

.....

[الحمدان]

اخذت من وقتك يادكتور العيون
عالج عيوني لو بعد طبك عميت

واستر علي والي معك لايفطنون
انـت الوحيد الي بعد ربي دريت

محمد بن فطيس

[الحمدان]

لا سراء الليل وتهنّو سليمين الصدور
‏أشتحن صدري وعود على قلبي بلاه

.....

[الحمدان]

حداني على الخط المزفلت ومسرا اليل
غلا واحدا لا جيت بنام سراني

.....

[الحمدان]

‏لا جفاك الي من الناس له عندك مقام
‏نعمة النسيان جزلة وفي الدنيا سعه

بقلمي

[الحمدان]

يامرحبا باهل التواضع والأخلاق
‏واهل الوفاء والصدق واهل المروه

‏اللي نواياهم كما بيض الاوراق
‏تقديرهم واجب علينا بقوه

.....

[الحمدان]

مانويتك بالجفا والبعد لكن
الظروف القاسيه عنْك أبعدتنا

.....

[الحمدان]

بين الردا والطيب تصنيف للناس
‏ياخذ بها الانسان تقرير سمعه

‏اما يجي مثل الذهب طيب الساس
‏والا كما القصدير ما غير لمعه

.....

[الحمدان]

على سبيل الصمت يا مكبر البوح
‏والعين تحكي بوح قد طال صمتـه
‏
‏بعض الكلام يعانق الروح ويــروح
‏وبعض الكلام يموت بك ما نطقتها

.....

[الحمدان]

وحَلمتُ انَّ الليلَ يَحْمُلني الى
عَينيكِ بينَ كوَاكِبِ الأفْــــلاكِ

ولَمَحْتُ في كبدِ السَّماءِ كواكِباً
فَإذَا ببَــدْرٍ سَاحِرٍ بسَنَــــــــاكِ

فَسَألْتُهُ عِنوانَ وَصْلكِ قالَ لي
أمْراً يَفوقُ جَمالُــهُ اسْتِدْرَاكي

إذْهَبْ الى تِلكَ النجوم أشارَ لي
ما بَعْـد آخـــرِ كوكبٍ بسَمَـــاكِ

سَافرتُ والأشواقُ تَحملُ خَافقي
صَوبَ الجَمالِ وغَايَتي رُؤياكِ

فَوَجَدتُ نَهْرَاً قُرْبَ ثَغْركِ يَرْتَمي
وبِحَــــارَ خَمْرٍ تَخْتَفي بِشِفَـــاكِ

قَمَرٌ يَدورُ على الخدودِ مُسَبِّحَاً
واحَاتُ عِشْقٍ ما عَرِفْنَ سِوَاكِ

والشّمسُ تَجْري وَالعيونُ مدارها
وغروبُها في رِمشِــــكِ الفتَّــاكِ

مِنْ أيِّ آلاءِ الجَمالِ سَحَرْتِنـــي
كُلُّ الجَمَــــالِ تَوَاضُــــعٌ إلَّاكِ

يَا شَمْسَ صُبْحي يا بَهاءَ قَصَائِدي
يَا لَيلَ عِشْـــقٍ يَشْتَفـــي بهَلاكي

كُلُّ النساءِ الى جَمَالكِ تَنْتَمي
سُبْحَانَهُ مِنْ بالجَمالِ حَباكِ

لَولاكِ مَا كانَ الجَمالُ وَلا بَدَا
وسِوَاكِ هُنَّ مَوَاضِعُ الإشْرَاكِ

.....

[الحمدان]

لو كتبت من القصايد للعرب عن حبك
ماتعبر عن مدا حبيٍ وصدق احساسي

سم بالرحمن واخذ العلم واذكر ربك
والله ان يبطي غلاك الين يدفن راسي

.....

[الحمدان]

سلام الله لمن يقرأ سلامي
ويسلم من يبادلني سلامه

سلام يرتوي به كل ضامي
وفي الوجدان تبقاله علامه

ويشفي من بقلبه جرح دامي
ويزرع فالوجوه الابتسامه

بتقديري وودي واحترامي
إليكم ود قلبي واحترامي

بقلمي

[الحمدان]

تمن في جيتك ونجيت تستعجل
ارحم سهير طفش من نور جواله

.....

[الحمدان]

ضايق وحالي ماش وعلومي علـوم
ودي اهج من ضيقتي ومن هدومي

مرهق واعاني هم واطيح واقوم
يا ضيقة الخاطر عن الصدر قومـي

.....

[الحمدان]

رباه عونكُ فالأمواجُ عاصفةُ
ومركبي تائهٌ والبحرُ مسجورُ

سعـيـتُ نحـوكَ ياربي ولي أملٌ
والسعيُ في طاعةِ الرحمنِ مشكورُ

مني اجتهادٌ وسعيٌ في مناكبها
ومنك ياربّ توفيقٌ وتيسيرُ

.....

[الحمدان]

‏لو كانَ يـرزُقُني بِقـدْرِ عبادتِي
‏ما ذُقتُ في دنيايَ شربةَ ماءِ

.....

[الحمدان]

الوقت يمضي والليالي تدورُ
ما بين حالٍ سرّه مستورُ

أيامنا مثل السحاب العابرِ
تمضي سراعًا والرجوع نَدورُ

أمسٍ رحل واليوم نصفُ يدور
وغدًا سرابٌ في المدى مكسورُ

لا تغترر بالدنيا وزين متاعها
فالدهر غدّارٌ وعمرك نورُ

إن كنت في خيرٍ فزد من سعيك
فالوقت يمضي والخطى محسورُ

وازرع جميلًا في دروب حياتك
فالحب يبقى والوفا معمورُ

.....

[الحمدان]

‏اكحل عيون القصايد لين كفتني
عن كل طرقا بيوت الشعر تجذبها

اشيل حمل الزمان ولا ارتخى متني
انا بدويٍ ذلول الجود يشعبها

ماحقد على الناس لو الناس ضرتني
وكلمة قليل المعّرفه ليه اعاتبها

حتى لو الكلمه اللي جات خصتني
من يجهل الناس عادي لو يعذربها

.....

[الحمدان]

لو يموت التواصل بين . ليله ويوم
ماتموت الضماير في صدور الكرام

.....

[الحمدان]

أسوء شعـور يدمرك في حياتك
انك تحس بذنب لـو منت غلطان

واكبر جريمه منكْ في حق ذاتك
انك تكون انسان تتبع لك انسان

.....

[الحمدان]

تدري وش افضل ما يسوى مع الناس
‏حـاجـه تــسـر ولا وراهـا مـخـاطـر
‏
‏على النفوس اغلى من عقود الالماس
‏ومضمـونها غيث ٍ من الـمـزن ماطر
‏
‏تعطي نـتـايـج مـالها حد وقـيـاس
‏وتـغني باذن من نـزل آيـات فاطر
‏
‏بالاخـتصار اقـولها بين الاقـواس
ياكبر حظ اصحاب جبر الخواطر

.....

[الحمدان]

ﺍﻟﺼﻤــﺖ ﻋﻦ ﺯﻻﺕ ﺍﻻﻗــﺮﺍﺏ ﺣﺸﻤﻪ
ﻭﺍﻟﺼﻤــﺖ ﻋﻦ ﺯﻟﺔ ﻣﻌــﺎﺩﻳﻚ ﺣﻘﺮﺍﻥ

ﻳﻌﻨﻲ ﺑﻜﻞ ﺍﺣﻮﺍﻟﻚ ﺍﻟﺼﻤﺖ ﺣﻜﻤﻪ
ﺍﻣﺎ ﻳﺠﻴﻚ ﺑﺮﺑــﺢ ﺍﻭ منت ﺧﺴﺮﺍﻥ

.....

[الحمدان]

وانا لٱ طرالي من خذاه الزمان بعيد
توارد علئ نفس الشقيه مواجعها

.....

[الحمدان]

فضايح الخلق حذرك لا ترددها
وتصير سهله على لسانك وترويها

لو هي حقيقه فلا لك حق تسردها
وشلون لو هي ظلايم خاب حاكيها

.....

[الحمدان]

مدام ان الزمن قاسي ومدات اليلي شحاح
ترا مال الفقير الا يمد يديه لخلاقه

وانا من فضل ربي عشت في وقت العنا مرتاح
وذا جار الزمن ما قمت احكي نوض براقه

رعاك الله يلي طال صبري لين سدي باح
وقلبي في يدك بابه ومزلاجه ومغلاقه

سرقت القلب وثرك تعتبرها سارقة المزاح
حدن شافه ضحك ون ماحدن شافه رقع ساقه

.....

[الحمدان]

اهل النفوس يشغلون فلوسهم
ما دام حتى فالعقول متاجره

بعض الرجال عقولهم في روسهم
وبعض الرجال عقولهم مستاجره

خشم الريال يحوسهم ويدوسهم
تقدر تحولهم طيور مهاجره

لا تامن الي يطرحون انفوسهم
ترى ضعيف النفس مثل الفاجره

وصل العطياني

[الحمدان]

صبرك على الدنيا ولا منة الناس
خلك سما ومن القدر لما تضيق

من طاح في الدنيا وهو رافع الراس
ماطاح قدره من ععيون الخلايق

لجين الشهراني

[الحمدان]

ترا الشبه ماهو ضروري بالأشكال
يمكن قصيده جت على مثل جرحك

ولاهو بلازم تعرفه بين الأزوال
لكن كتب له طرح يشبه لطرحك

العبره أنك ما انت وحدك فالأحوال
كثير منهم شبه حزنك وفرحك

.....

[الحمدان]

لمحت انا بين المخاليق مخلوق
من زينها بالليل طفيت ضوي

يا زينها تضوي على الخلق ببروق
ورموشها تطلق صواريخ جوي

لولا الحيا من الناس والهرج ما يلوق
سلمت له واللي يريده يسوي

.....

[الحمدان]

‏عطاك الله قبول وكل مامر العرب طاريك
تلّج أصواتهم مابين نعم وحيّ هالطاري

.....

[الحمدان]

‏ياهبوب الليل هبّي على صدر العليل
‏يوم سالت عبرة العين وأسقت خدها
‏َ
‏مابكت من ضعف عيني ولا قلبي ذليل
‏حدّها الحظ الردي لين جابت حدها

.....

[الحمدان]

سواد الليل جلاب الهموم
على الروح الحزينه يافهـد

فقدت النوم سامرت النجوم
ياروحي ماحدٍ ياوي لحـد

يغيب النجم والتالي ينوم
بذاك الحي بعرض البلـد

اطالع ساعتي واجلس واقوم
يازارعني على نار الوعـد

سبايب من على خده رقوم
ذبحني بالموده وابتعـد

سرى ليلي تحريت القدوم
ياعيني ارقدي قالت بعـد

.....

[الحمدان]

حداني حنين الشوق ومخِايلك بالعين
مع ‌الليل ‌تسريبي طواريك ‌دُون شعُور

.....

[الحمدان]

ليتنا في بعض الاحيان خالين الشعور
لجل مانستـرجع الذكريـات الماضيه

يا قديمات الطواري مبيـحة الصـدور
جنبي نفسٍ عن الـوقت ماهي راضيه

.....

[الحمدان]

ياشيخ بسألك عن الي فالهوى جاني
وبغا جوابك بحكم الشرع والسنّه

الآدمي لاسرق قلب آدمي ثاني
هو يدخل النار ولا يدخل الجنّه

.....

[الحمدان]

نكتم شعور قلوبنا من حيا الروح
دام الأماني بالمحاني كثيرة

أحياناً نطريها على البال وتروح
وأحياناً تطغى بالخفوق وتثيرة

.....

[الحمدان]

‏أحبك ولو عادت جميع الوجيه أغراب
‏خذيتك أمان يشرد الخوف من طيبه

‏أشوف الحياه اللي مع الناس ملح وذاب
‏وأشوفك يقينٍ يقطع الشك والريبه

‏أبيع السنين الي بدونك برخص تراب
‏وأساوم على اللحظه معاك أنت باللي به

.....

[الحمدان]

يثـور فكـري وانفصل عنـك واروح
والقاك في غيـمـة نهاية هـجـوسي

مايختلف في ناظري همس او بوح
كل الـجهـات الاربعة لـك طقـوسي

احبك امن الـعـام واليـوم والـروح
واخـذ مـن عـيـونك دفاتر دروسي

.....

[الحمدان]

‏غالي وابغليه واقف معه في صفه
‏وأطاوعه لو أضيم النفس وازعلها

‏مالي وليف عليه الروح ملتفه
‏إلا انت ياللي عليك الروح باذلها

‏وان كان في صالحك ما ترجح الكفه
‏وش خانة الحب والعشره من أولها

.....

[الحمدان]

العبث ماهوب طيب خصوصاً فالقلوب
‏لاسكنتوا في قلوب البشر روفوبها

.....

[الحمدان]

ياوجودي كل ماحال دون الراي راي
والظروف القاسيه ساري مفعولها

كم نويت اقول كلمه تبيّن وش بلاي
وامنعتني شيمتي واستحيت اقولها

خايف ابدي بعض الاسرار وافرّح عداي
عالما ياليت ربي يرد عقولها

اربع وعشرين ساعه وهي تمشي وراي
كتي آخذ لقمة العيش من محصولها

منصور الحبابي

[الحمدان]

‏لو قلّوا احبابك ولو كثروا احبابك
‏يكفيني اني في قلبك ساكن لحالي
‏
‏مهما تمادى الزمان وطوّل غيابك
‏انا ادري انك تتابعني وتقرالي

.....

[الحمدان]

الخاطر إن عاف مثل النفس لا طابت
‏تقفي ولا عاد به شي ٍ يجودها

‏أنا بغيت الغلا يوم الغلا ثابت
‏واقفيت والنفس مدري وش يراودها

‏رميت لي رمية ٍ وحده ولا صابت
‏وحلفت بالله ماعـاد أتعودها

.....

[الحمدان]

‏أعطيه من وقتي يسولف وأسمعه
وأرخي له فؤادي وأرخي مسمعي

من كثر ما قلبي وتفكيري معه
أشتاق له حتى وهو يتكلم معي

.....

[الحمدان]

قالت تغزل في عيوني يا معذبها
قلت اسمعيني ياجعل الناس يفدونك

عيونك اكثر قصيده مقدر اكتبها
اخاف من كثر ما اوصفها يعرفونك

.....

[الحمدان]

بكره يمر احلى من اللي نويناه
بكره تزين بعون ربي وتمضي

[الحمدان]

عفى الله عن مواعيد انتظارك والسنين حيام
‏وقفت وما معي غير الوله واقف ومتسامي

‏يخوفني ضجيج الشوق لا ارتاد الطريق العام
‏وتغيرت بكل اتجاهاتي وتأثيري وهندامي

‏حرارة فقدك اقسى ما تجيبه بارد الانسام
‏وانا للحين من حر المفارق ترجف عظامي

.....

[الحمدان]

ثقيل الحزن لاصار في كل ليله ضيف
‏ليا رحت أدوّر للفرح درب يمسكني

‏ومن كثر ماني فاقد الضحك مدري كيف
‏تمنيت لو شر البليّه يضحّكني

.....

[الحمدان]

المحبه شي عادي والعداوه شي عادي
‏القلوب لها نظر وأحساسها مثل المنبّه

‏حب من ودّك تحب وعاد من ودك تعادي
‏بس عيب إنك تشوّه سمعة إللي ماتحبّه

.....

[الحمدان]

‏ثم أهجري كل البشر وأسكنيني
وصيري مثل من بدل الدار بديار

.....

[الحمدان]

القناعه كنز حتى في شعورك
إرضىَ بالمقسوم لا تطلب مشاعر

.....

[الحمدان]

علموه اني لو ابعد وتلهيني الظروف
ما حدٍ غيره من الناس في بالي طرا

.....

[الحمدان]

لو الغـلاء يُكتـب علـى كــف مغليك
نقشت حرف اسمك على كف يمناي

ولو العمر يهـدى على الناس لهديك
عمـــــري وكل اللـي ملكتـه بدنياي

يا ساكنــن روحــــي انا ميتــن فيك
واهواك واحبك من اقصاي لقصاي

ومن زود حبـك يا غلا الروح افديك
بروحي وقلبي لك مع كامل اعضاي

.....

[الحمدان]

‏أغويتني بالحب والحب سلطان
وسرقت قلبي والعواقب وخيمه

في عالم الانسان وحقوق الانسان
سرق المشاعر مثل فعل الجريمه

.....

[الحمدان]

إذا انشدوك الناس احرص على الميم
ماشفت ماقلت ماسويت ما ادري

سعد بن جدلان

[الحمدان]

‏إيه أنا الصعب الثقيل العنيد المستحيل
تفرض النفس الثقيله عليّ اغرورها

والله إني فالحكي دايمً طبعي بخيل
في سماي وعزه النفس تلعب دورها

ما جنيت إلا مساريك يا الليل الطويل
وما حسدت إلا مقام السما وطيورها

.....

[الحمدان]

‏انا نويت اشرح لك الوضع كله
‏واحط لك خطين تحت العباره

‏لان السكوت عن الخطا شبه عله
‏وانا ما احب الخطا برّه وداره

‏ودين الهوى مافيه مذهب ومله
‏حتى الكلام الزين رهن الاشاره

‏اخّيه من حب يجي فيه ذله
‏يحط من قدر المحب ووقاره

‏من لا يرى في عشرتي مكسب له
‏فانا ماشوف في فراقه خساره

.....

[الحمدان]

لا تتلف الروح لجل الناس ترضيها
وهم ولا يوم سوّوها على شانك

والله ماتندم على الدنيا ومافيها
لو تعرف الوقت من موتك لنسيانك

.....

[الحمدان]

‏الموده لها ميلاد ونعي
‏ولها عمر الله يرحم والديك

عمرها يحتاج تجديد وسعي
وعاقل يدمح خطا هذي بذيك


‏يامسولف سولف وعندك وعي
‏واحسب حساب الكلام اللي بيجيك

‏انت تدري ويش مشكلتك معي
‏تذكر اللي لك وتنسى اللي عليك

.....

[الحمدان]

‏أحيان تاخذني عن الناس سجه
واقند القهـوه قرنفل مـع الهيل

أحتاج انا في بعض لحيان هجه
واقعد لحالي بين شعر ومواويل

.....

[الحمدان]

‏الصاحب اللي فاللوازم مايغيب
‏حطه على يمناك وابشر بالسعد

.....

[الحمدان]

‏لا تحاول تبهر الناس وتدور قبول
‏القبول ان جاك ربك هو اللي نزّله

.....

[الحمدان]

‏نوفي مع الوافي بكل المطاليب
‏ونشـدّ ظهر الكفوو لاضاق حالة

‏وكلـن على عرقه يدق المواجيب
‏وكلـن على مربـاه ينطـق لسانه

.....

[الحمدان]

الحب مايعرف سلوم وقـبيله
مثل النسيم العذب يدخل بالانفاس

واللي شعر بالحب قلبه دليـله
ماينشد العالم ولا ينشد الناس

.....

[الحمدان]

‏حبك لفاني ضيف وأسرفت برضاه
قدمت لـه طيـبـي وصفـيت جـوّه

على يسار القلـب حطيـت مركـاه
وعلى يميـن القلـب شبيت ضــوّه

.....

[الحمدان]

من الوفا نلبس على روسنا تاج
ومن يبذل المعروف بالناس يلقاه

ولاتقول الوقت به ميل وإزعاج
بيت الوفا كل الأجاويد تنصاه

.....

[الحمدان]

حيَّ الله اللي يتابعني غلا واحترام
وحيَّ الله اللي بعد معهم يتابع كذا

وأقول من خاطري يامرحبا بالكرام
ترحيبةٍ كلبـوها ريح عود وشـــذا

بقلمي

[الحمدان]

الملح عمره ما اجتمع وسط سكّـر
‏إلا معك شفت الحلا ممتلي ملح

‏يا أقصى طموحات المـزاج المعكّـر
‏يقتل تفاصيل الغضب وجهك السمح

.....

[الحمدان]

‏الزين فتنه والحيا زادها زين
وليا مشت سبحان ربي خلقها

ما كنها إلا مهره بـالمياديـن
الله عن الخيل الأصيله فرقها

.....

[الحمدان]

‏لواجمع الدنياجواهر وياقوت
ولو افهق ظلعي واقول سمي

مانا بوافي حقها لين ماموت
غاليه وغلاها ساكن وسط دمي

الام بس....

.....

[الحمدان]

‏على النقا نبقى ولو عاقنا عوق
ويبقى الوفا منّا وفينا وإلينا

ووجيهنا بيضا وهاماتنا فوق
وان ضاقت الدنيا ما ضاقت علينا

.....

[الحمدان]

‏ياطير تبكي ضما وإلا بعد جايع
‏وإلا وليفك ھجرك وفارق غصونك

‏بقيت وحدك على أوراق الشجر ضايع
‏تبكي وليفك وأنـا تبكيني لحونك

.....

[الحمدان]

فَمن صبَ ليِ من دلته ربع فنجان
صَببتُ له من خافق الروح دله

من ساق لي بالطيب أقوال وأفعال
أسوق له الروح والعمر كُله

.....

[الحمدان]

لا طابت النفس ما للهوى داعي
‏حتى المشاعر تموت ونارها حيّه

.....

[الحمدان]

سيفي ولد عمي ودرعي شقيقي
وصاحبي من ينتقدني اذا اخطيت

وبيتي الصح المره ياصديقي
لو مامعا بيتي مره مامعي بيت

هي سور بيتي والسراج الحقيقي
والقفل والمفتاح لاغبت واقفيت

أحس معها بالسعه في مضيقي
لافارقتني يوم بالضيق حسيت

ذي رافقتني من بداية طريقي
ياخزوتي لو عن رفيقي تخليت

هي في ظلام الليل الاسود رفيقي
هي الرفيق اللي إلفته وحبيت

.....

[الحمدان]

عـلـيك قلـبـي يغنـي باعـذب الحانه
تعال شـوف نبض قلبي كيف لك يعزف

والروح عليك ياحـبيب الروح ضـمـيانه
تعزف مع القلب لك لحن الغرام وتزُف

ياخُضــرة القلـب ياخــوخه ورُمانه
لا تترك إحساس شاعـر في هواك ينزف

.....

[الحمدان]

اما عن الي رضي من يومها نفترق
الهجر قتال والرجعه تفض القصيب

اما الذي دللو قلبي إلى أن غرق
لامن بعيد ابغي القاهم ولا من قريب

وصلت لا مرحله عادي حنق من حنق
وافعل لمن غادرو حفله وفيديو كليب

ماني بفاضي اداريهم ولا انا شبق
داريت حتى بدا راسي ودقني يشيب

.....

[الحمدان]

انا ملاحـــظ شيء يـلحقـــنا مـلام
‏لكـــن عسى الســـيه تبدل بالأجر

‏نحـــط توقيـــت المنــبه للدوام
‏ما هو من أجل انقوم ونصل الفجر

.....

[الحمدان]

‏بادري بالعذر وانا ببادر بالقبول
‏ المحبة وجهها ادناة عذر يبيّضه

‏ولا نويتي بشريني متى عاد الوصول
‏أنا مستعجل على الوصل وأنتي ريّضه

.....

[الحمدان]

‏من حسنها غنّى لها الأبكم على وصف الكفيف
‏ما بالكم في مبصرن يدرك جمال اوصافها

.....

[الحمدان]

‏البارحة ما هملج الطرف بنعاس
‏وما فاض من نجمٍ عيوني تخيله

‏لا باس يا عيني على السهر لا باس
‏على وليفٍ فات ما القى مثيله

‏يا ونّتي منها المعاليق يبّاس
‏صبري قضى ما باقي الا قليله

‏صبرت صبرٍ صابني منه وسواس
‏صبرٍ له النفس العزيزة ذليله

.....

[الحمدان]

‏من راح جعله مايعوّد إليا راح
‏خلّ الغشيم يلاعب الريح خلّه

‏دام القلوب صحاح والخطّر صحاح
‏ماني على ما قيل طرّاد زلّه

‏ياعنْك صدري ما تضايق ولا فاح
‏من جا محلّه سدّ فرجة محلّه

‏من راح تومي به على خفّ وجْناح
‏إكسر على فرقاه فنجال دلّه

.....

[الحمدان]

‏ياحبيبي لا تخاف من السحَايب
‏لا تروّعك المزون المستهّله

‏المطر ما يعشقه غير الحبايب
‏وابله لا هلّ يبري كلّ علّه

.....

[الحمدان]

خليني شوي مع نفسي ومع همي
‏يمكن مع العزله القى ما يداويني

‏وان كان طوّلت بغيابي ولا جيتك
‏تكفين تكفين لا تروحي وتخليني

‏وان كان ماعاد لي قيمة في عيونك
‏في بالك أرجوك خليني لا تنسيني

.....

[الحمدان]

‏سامرت طيفك على ضوٍ تواقد سناه
‏وثنتين لا جات مع طاريك يازينها

‏النار ملح الشتا والبرد ملح الحياه
‏وأنتي حياة القلوب اللي تمرينها

.....

[الحمدان]

‏ما للزمن في حزنك وفرحتك راي
‏عش يومك وقلبك بالاقدار راضي

‏واللي يقول الماضي احلى من الجاي
‏قل له مصير الجاي بيكون ماضي

.....

[الحمدان]

لا تضيق مْن الهموم ولا تعسّر
‏راحة المسلم برفعة راحتينه

‏أفتح القرآن واقرا ما تيَسّر
‏لين تنزل لك من الرحمه سكينه

.....

[الحمدان]

من ناتج الدنيا ومن واقع الناس
‏تدري وش اللي عن قناعه طرالي

‏شطرٍ مدون للسديري بالألماس
‏المستريح اللي من العقل خالي

.....

[الحمدان]

‏لا بغيت الطيب يالطيب يطيب
‏لا تدور بالعطايا الحاسبه

‏ولا بغيت العلم ماراسك يشيب
‏دور الخال العيال وناسبه

.....

[الحمدان]

ودي أسوي قصيدة فيك يا أمي
‏مير ما أدري ويش أقول ويش أمجد

‏لو كتبت 2000 بيت ابخطّ دمي
‏ما تساوي دعوتك وقت التهجـد

.....

[الحمدان]

خذيت من جور الليالي تجاريب
‏ولقيت مال الادمي كود صبره

‏يصبر ولو زادت عليه الاصاعيب
‏ولو كان يقضي بالصبر كل عمره

.....

[الحمدان]

اشوف حاجات واجد خاطري فيها
‏والنفس تبغالها عزم ٍ يروضها

‏كم خلّت النفس شيٍ من مشاهيها
‏لله وانا واثق ان الله يعوضها

.....

[الحمدان]

‏كنتي ارق واحلى واجمل الحاضرين
‏فيك زين ودلال وكبرياء وخجل

‏يوم شفتك وقفتي والعرب جالسين
‏قلت فديت كبد ام العيون النجـل

‏طالعيني وشوفي العالم بنص عين
‏انتي أجمل بنات الارض وانا رجل

[الحمدان]

‏الوجيه اللي تمر تمر ماتغريني
‏ماتحرك غافية صدري ولا سمّاره

‏غير وجهن ضحكته تلزمني وتعنيني
‏فاقده ومعلّق الضحكه على مسياره

‏يبتدي فيه الشعور وينتهي به فيني
‏كنه يمر الشعور فقلبي ويختاره

.....

[الحمدان]

يستاهل الحب من⁩ ⁦ ⁦ صحّح عشانك خطاه
‏واثمر معاه التعب من غير ما يسألك

‏اللي رمى لأجل عينك كل حاجة وراه
‏ترقب عيونه رضاك وينكسر لزعلك

.....

[الحمدان]

لعنبوها حاجه ترخصك وانت محسوب
في عيون القوم ويطيح قدرك عندها

كبها لو هي ثمينه وعرضها الهبوب
وانسها لارحم ابوها على ابو جدها

.....

[الحمدان]

لا تخلي الوصل من حزه لحزه
ثم تجي بأسلوب مطرود وسارق

يا تواصلني على عز ومعزه
يا تسلم راية الحب وتفارق

.....

[الحمدان]

قدام ياقومي على العز قدام
في حلنا ترحالنا في سفرنا

على النقاء من عام لا عام لاعام
لا ما توردنا المنايا حفرنا

كم من صميدع قاسي ضرغام
نغيب لكن لا حضرنا حضرنا

واهل الردا الي بين شاني ولوام
تعمى بصايرهم متها جاء بصرنا

فتش علينا ،في مكاتيب الأقلام
واسأل علينا الارض تلقاء خبرنا

العز فينا مثل ما دين الاسلام
والمرجله ماتعشق الا صورنا

بقلمي

[الحمدان]

‏ماكل مهره ترتخي بيد خيال
ولا كل خيالٍ يقيد رسنها

بعض النساء تسوا ثمانين رجال
من طيبها ترقى وغالي ثمنها

.....

[الحمدان]

تربينا على العز وكـلن عـلى مـرباه
عشقنا المباديء ماعشقنا مصالحنا

.....

[الحمدان]

ياشين طعم الصبر لا صرتَ مجبور
تصبر ولا تدريْ وش الايـام تعطيكُ

.....

[الحمدان]

لا تتعب ورى اللي ماورى عرفهم نوماس
ولا تستحي من ناس مهيب مستحيه

لو أن الحيا مثل الشعر في وجيه الناس
لقيت أكثر العالم لا شارب ولا لحيه

.....

[الحمدان]

ماتنشري روس الرياجيل بفلوس
ماينشرى بالمال غيــــر البهايــم

لا قوه امريكا ولا قــوه الـــروس
تقـــدر علي اللي يملكون العزايم

.....

[الحمدان]

تغريك حاجه وتلقى من وراها ضما
‏بعض التسرع يحط الناس في مشكله

‏ماكل من ضاع فالدنيا فعينه عما
‏بعض العيون السليمه دربها تجهله

.....

[الحمدان]

كلنـا جينا على تسعه شھور
‏وكلنا في الملتقى يوم الحساب
‏
‏لا تكابر ما على الدنيا غرور
‏الكبير الله ومرجعنا تـراب

.....

[الحمدان]

أحر من وقع السيوف وأشد من طعن الرماح
لاصار فيك الهم باين وانت صامل تنكره

.....

[الحمدان]

انت لي في صبح الأشواق تعديلة مزاج
كن صوتك لصبح الصبح فنجال اقهوه

.....

[الحمدان]

مالك من ايامك الا صالح اعمالك
‏والا انت جثهّ واعز الناس يدفنها

.....

[الحمدان]

صبرك على الدنيا ولا منة الناس
خلك سما ومن القدر لا تضيق

من طاح في الدنيا وهو رافع الراس
ماطاح قدره من ععيون الخلايق

.....

[الحمدان]

متسيده وسط القلوبُ النظيفات
شيخه وبنت شيوخ عفا حشيمة

ماني من اللي يلتفت للتفاهات
أنا على روس العذارى عظيمة

.....

[الحمدان]

تغريك حاجه وتلقى من وراها ضما
‏بعض التسرع يحط الناس في مشكله

‏ماكل من ضاع فالدنيا فعينه عما
‏بعض العيون السليمه دربها تجهله

.....

[الحمدان]

ماهو بكفو الوقت حبك يمحيّه
‏ياللي تخاف صروف الأيام تمحاه

‏إرتاح دام إن المواصل يقويه
‏أنت أنت وأنا أنا وقلبي هو إياه

حتى ولو بتغيب ذكراك تكفيه
يا واحدٍ تكفي عن الناس ذكراه

وصلك يخيط الصدر والبعد يفريه
ويابري حالي كان صديت برياه

.....

[الحمدان]

‏انت حبك كنّه الحكم السعودي
‏ثبّته عبدالعزيز ولا تغيّر 🇸🇦

.....

[الحمدان]

دنياك ماتمشي على الكيف دايم
بين الفرح والضيق حلوه ومرّه

مرٍ تذوقك العناء والهزريم
ومرٍ تعيشك الهناء والمسسرّه

.....

[الحمدان]

الترفـه اللي ملامحها خيـاليـه
لا سولفـت لـي بديت أحن لسكوتي

إن زعلت خلت اللهجـه محليـه
وإن روقـت سولفت شامي وبيروتي

.....

[الحمدان]

خُلِقنا مؤنساتٍ لا نكدَ فينا
والنكدُ تهمةٌ فيها ابتُلينا

.....

[الحمدان]

‏في زمان العولمه خلك حيادي
‏لا تطيع اللي مباديهم وضيعه

‏شرع ربي حكّمه لا شفت غادي
‏لا تهاون فِي الحدود اللي منيعه

.....

[الحمدان]

الطيب للإنسان مثل الوداعه
يستخدمه لمكافحة بعض الامراض

واكبر مرض واجب عليه انتزاعه
الحقد والغيبه وتشويه الاعراض

.....

[الحمدان]

رَأيتُ بِحُلمي إنّنا إلتَقينا
مُصَادَفةً حُلوةً فِي الزِّحَامْ

حَديثٌ قَصيرٌ جَرى بَينَّنا
سُؤالٌ عَنِ الحَالِ ثُمَّ سَلامْ

وإمّا العُيونُ فَقالَت كَثيرًا
وَأزهَرَ قَلبي لِوِقعِ الكَلامْ

فَليتَ اللِقاءَ يَكونُ يَقينًا
وَليتَ الفِراقَ حَديثُ المَنامْ

.....

[الحمدان]

‏لولا الحياء ما أسلم ألا باليسار
على وجيةٍ لاتصان ولا تصون

.....

[الحمدان]

‏الوقوف اللي مابين التراجع والرحيل
‏أكرهـه كره اليتامى لسور المقبره

.....

[الحمدان]

اخذ مابقى ويّاك وارحَل عساك تحَس
‏تخيلني اني حلَم لو مت ماطلته

‏انا ودّي اسامح واراضي غروري بسَ
‏عفى الله عنّك مابقى شيَ ما قلته

.....

[الحمدان]

‏أنتي من أعطيتي أسراب الحمام الهديل
‏وأنتي من أهديتي الليل العتيم القمر
‏‌ ㅤ
‏رفيقة الدرب لاشان الطريق الطويل
‏وصديقة الليل لاطابت ليال السمر

.....

[الحمدان]

كنت أقول إن المشاعر عنك توبتها نصوحه
‏وأثرها عمرٍ مايعطى فيه عهد ولا ضمانه

‏الغلا في كل يوم يطيح صرحٍ من صروحه
‏إدرك اللي باقي من الحب قبل يفوت أوانه

‏لا تحملك الخطايا هم عذر ولا سموحه
‏أرجع انت وكل شيٍ فات يرجع في مكانه

.....

[الحمدان]

وجيه العابرين تمرّني ما تلفت الانظار
‏مدامك لافت انظار القصيد ولافت انظاري

‏انا كل اللي اعرفه احبك حُب باستمرار
‏واشوفك راحة ايامي واشوفك اجمل اقداري

.....

[الحمدان]

‏عليه من الملامة مايصحح غلطة المخطين
‏وأنا بسقي نوابت ضيقتي بأسوء قراراتي

‏بصد وبشعل من الهجر نار وتنطفي نارين
‏واروح الروحه اللي توجع أرضي ثقل خطواتي

‏ابشبع رغبة الهجران فيني واتمادی لین
‏احس اني على كثر ابتعادي مرضي ٍذاتي

.....

[الحمدان]

الهبايب وجّهت ذعذاعها والشوق ذعذع
‏ليت ياقلبي معك قدره لذعذاع الهبايب

‏لايهمك ياقفص صدري لو ان الهم يجذع
‏كل ضلعٍ من جذوره مع عدم ذكر السبايب

‏المحبه شي فطري ومعطيات الحب تلذع
‏والمحب بمنتصف عمره تشوفه كنه شايب

.....

[الحمدان]

رغم مفهومي للأرض وديرتي وترابي
‏الوطن يمكن يكون انسان والا انسانة

‏في محطات القطار اخر فصول كتابي
‏ماحسبت حساب عمري لين فات اوانه

‏وينه اللي كل ما ضاقت علي رحابي
‏أترك الدنيا وأهلها وأرتمي فأحضانه

.....

[الحمدان]

‏بعض الغياب يعلمك كيف تشتاق
وبعض الغياب يعلمك من يودك

وانا ترى قلبي من الشوق خفاق
والبال سارح طول الاوقات عندك

وينك حبيبي هدني كثر الافراق
وكثر البعاد وكثر هجرك وصدك

ليتك تحس بناري اللي بالاعماق
والله ما تبخل عليا بردك

.....

[الحمدان]

‏ما اشوف في دنياي غيرك ضروري
‏لقيت بك عقب الشقى زود الأوناس

‏يضيق بالي يوم افكر بأموري
‏وانسى الشقى لامن ذكرتك والاتعاس

‏لارضـاك يا نوار عمري ونـوري
‏هرجت عذولي تحت الأقدام تنداس

.....

[الحمدان]

والله إني زاهدٍ في غير وجهك لو تباعد
‏بيني وبينك سهوم الحظ ورماح المنيّه

.....

[الحمدان]

‏مامشيت الا وانا عايف وعندي يقين
‏القلوب ان ذاقت الغبن ماهيب لاينه

‏رحت لا مكسور خاطر ولاشكلي حزين
‏وحافظً قلبي من العابثين وصاينه

.....

[الحمدان]

‏لا تلوم اللي لقى فيك السرور
‏لا قصر صوته وطوّل في النظر

‏في عيونك لمعة احساس وشعور
‏تشبه الشارع بعد رش المطر 🌧️

.....

[الحمدان]

‏سواليفك ونظراتك وضحكة محيّاك
‏يا ليت الزمان ابطى بها والفرص واتت

‏محبتّك في قلبي مثل لحظة الإدراك
‏ليا فاتت وحسيت فيها بعد فاتت

.....

[الحمدان]

عسى مدهال ملهوف الحشا للرايح الصباب
‏ يصب من الوله ويعانق المحبوب محبوبه

‏كلام الحب وعيون القصيد ونظرة الإعجاب
‏تناقلها القلوب الخالية وتروح مجلوبه

‏ونور الشمس والماء والظمأ والريح والترحاب
‏فدا للجادل اللي من زلال الغيم مصبوبه

‏تقول الآدمي قلبه رهيف إن حب حن وذاب
‏وأقول القلب راح قلادةٍ في عنق رعبوبه

‏عنودٍ كل يوم أقرأ عليها صفحتين كتاب
‏وهي سطرٍ من سطور الكتاب وثامن إعجوبه

‏مضى عمري على طرد الهوى وأثر الهوى غلاب
‏وأنا راضي أعيد حكايته وأعاود ذنوبه

‏ما عندي للقصيد الا الجروح اللي من الأحباب
‏ ولا عندي جديد الا الغرام وتالي دروبه

‏حديثي في تفاصيل الحياة وكل فصل وباب
‏والأجدر بالحديث إن نعمة النسيان مسلوبه

‏يا كثري يوم أوزع بسمتي في شارع الغياب
‏ويا قلي يوم أحاول حاجةٍ ماهيب مكتوبه

‏الأحداث الأخيرة كلها حيرة وحرب أعصاب
‏وقلبٍ ما يرجعه لحياته غير مطلوبه

‏أوقف كل ما هب الهوى في عالي المرقاب
‏وأغني مثل من عدى الرقيبه راس مشذوبه

‏وش يطمنك من بعد الجفا يا قلبي المرتاب
‏وأنا شاعر يشوف البيد بيته والقلق ثوبه

.....

[الحمدان]

صعب نسيان الملامح ونسيان الصفات
‏أصعب من الليلة اللي خذتك أقدارها

‏مثل مالك في عيوني طيوفٍ ماتبات
‏لك ورى صدري مدينة تشع أنوارها

‏روحي اللي كانت تشوف فيك الأمنيات
‏كل ما هبّ الهوى الصلف ثار غبارها

‏لو تطيح أركانها الواقفة . . وقفة ثبات
‏ما تطيح الصورة العالقة فجدارها

.....

[الحمدان]

الجادل اللي تربيتها وافية عند الرجال
تشربت كل العوايد والسلوم الغالية

العمر كله شامخة ونايفة مثل الجبال
ما اهتز منها ركن ما دامت منيفة عالية

نجود الفيصل

[الحمدان]

هات الحطب ما عاد لأوجاعنا نوم
بدا يطول الليل ويضيق صدري

شفني اشيل حمول واطيح واقوم
الأرض فوقي والسماوات حدري

أثر الزمن فتاك وعزومي عزوم
توك تلاحظ كيف أصاليه بدري

البارحة راحت هواجيس وهموم
من رجع إحساس المعاناه مدري

.....

[الحمدان]

‏تبعـد على عيني وباقـي في القلب
وسط الخفوق اللي ذبحها التنهات

غالي ومايعلـم غلاتك سوى الرب
اللي زرع حبك معي داخـل الذات

مهما افترقنا يا حياتـي في الدرب
ذكرك مساير خافقي كل الاوقات

واتذكرك دايم ولا انساك ياحب
وطيفك بروحي ما فارقني ولامات

.....

[الحمدان]

‏يا برد مالــي حيــل في قسوة البرد
خـــف القساوة خــــف فينا شويه

شهرين وانا وانت يا بــرد في طرد
أدفـــــئ وتلحقنـــــي بلهفه قويه

مجــرم ولا خليــت فينــا ولا فرد
إلا وجرعتـــــــــــه سقــام المنيه

كافـــي امانه مابقـــــى شي يابرد
ارحل وهات الصيف ندفا شويه

.....

[الحمدان]

‏سرى الليل وعيون المولع على الجوال
يراقب ظهور الصاحب اللي على باله

يخاطب نجوم الليل لامن ليله طال
لعل النجوم تطمن القلب عن حاله

.....

[الحمدان]

‏كان الامل اني مع الوقت بنساك
يا مانسيت آمالي ولا نسيتك

واليوم يا بعدك ويا صعب لقياك
لكني ابحث عنك لا من بكيتك

انا فقدت مصافحة كف يمناك
وانا عشقت اول مكان التقيتك

ماقول غير الله يحفظك ويرعاك
والله يصبرني اليا شفت بيتك

.....

[الحمدان]

لبيه ياللي غلاك أتنفسه فيني
لبيه من قلب ماحدٍ يملكه غيرك

لبيه يا نبض قلبي في شـراييني
لبيه يا كـــثر حبي لك وتقديرك

.....

[الحمدان]

تعال نتقهوى من الشوق فنجان
‏وأسقي خفوقي من حكاياك دله

‏ودي اعيشك كيف وجنون وإدمان
‏وأحيا معك لحظه من العمر كله

.....

[الحمدان]

حتى وأنا فاقد صباحات خيرك
حتى لو الإحساس لا قلتها غير

أسمع صباح الخير بأصوات غيرك
وأتخيل إنك قلتها وأصبح بخير

.....

[الحمدان]

خلك على النية تجيك التوافيق
‏لو أغلب قلوب المخاليق ظلماء
‏َ
‏اللّه يبل الريق في حزة الضيق
‏لاشحت كفوف المخاليق بالماء

.....

[الحمدان]

‏اضبط لسانك بالحكي واحسن الظن
‏حتى مع العالم يزيد احترامك

‏ترا اللطافه والادب تعتبر فن
‏ألزم حدودك ترتفع في مقامك

.....

[الحمدان]

ماعاد صدري لضيقات الليالي وسيع
‏ولا عاد باقي لباقي الناس عندي قبول

‏يارب محتاج صدر من الصبر يستطيع
‏يتحمل اهل الردا والمصلحه والخبول

.....

[الحمدان]

وابشر بعقلٍ لا تباطيت ينساك
‏وابشر بروح ما تعبر طيوفك

‏ان بعتنا برخيص بتراب بعناك
‏والله وحلفي ما يشابه حلوفك

.....

[الحمدان]

‏على غزير الدمع ضميت الاهداب
صديت لين الدمع يقفي سحابه

بعض الوجع يمكن تداويه الاعشاب
وبعض الوجع ياويل من هو سطابه

.....

[الحمدان]

‏بعض البشر يعجبك حتى احترامه
‏وتحب فيه اجمل صفاته وترتــاح

‏وان غاب تشفق في لقاه وسلامه
‏وإذا حضر همك من القلب ينزاح

.....

[الحمدان]

‏تعلمت من سود الليالي حكم ودروس
ولازلت أردد بيت شعرٍ على لساني

صديقٍ المصالح لو شراء خوتك بفلوس
طبيعي يبيعك لاقسى الوقت مجاني

.....

[الحمدان]

بين الجمايل والمراجل علاقات
‏وبين الضعافه والرخامه علامه

‏يموت راع الطيب والطيب مامات
‏يبقى صدى فعل الوفاء والصداقه

.....

[الحمدان]

‏مابي اعترف لك بالغلا وانت غالي
‏خلك كذا مابين ضامن وشكاك

‏مره تقول ان فيه غيرك في بالي
‏ومره تقول ان مابه إنسان يسواك

.....

[الحمدان]

‏تذكرته وضاق الصدر يا حلو ذكراه
‏خذاه النصيب وراح ماعاد له جيه

‏وأنا كل مايطري علي قلت يا ويلاه
‏أجامل غيابه والشقا والعنا ليه

.....

[الحمدان]

رافق أصيلٍ في زمانك يصافيك
لا شاف زلاتك عن الناس غطاك

ترى الصديق اللي يحبك ويغليك
تلقاه عون بكل شده ويمناك

.....

[الحمدان]

يميّز الانسان عقله وثقله
وانا بعمري ماتصنعت ثقلي

اخاطب الجاهل على قد عقله
واخاطب العاقل على قد عقلي

.....

[الحمدان]

مابين خوفي من الدنيا وخوفي عليك
ضيعت عمري مابين اقفي والا اتبعك

ماني بخايف توادعني وانا أحتريك
خايف يديني تخون احساسي وتوادعك

.....

[الحمدان]

‏سألت عنك الشوق والذوق والحب
وناديت لك في كل وقت ودقيقه

يمرني طيفك وانادي له ارحب
وانا ادري إنه طيف ما هو حقيقه

.....

[الحمدان]

نصد صدة واحدٍ ماله علاج
‏اللي من الضيقه كره لبس ثوبه
‏
‏ونعطي ولا نرجي ثنا كل هراج
‏ونحضر لكلمة مرحبا وابشروبه

.....

[الحمدان]

قطعت الرجاء من يوم برق الموادع لاح
‏غدت كل حاجه ما تبكي تبكّـيني

‏على اللي برى حالي غيابه وسدي باح
‏اكابر وازيف ضحكتي والبلا فيني

.....

[الحمدان]

‏انا العيوف اللي تَعاف ولاتِعاف
‏وانا غزالٍ بس ماني شارده

‏انا المهاه اللي هدب عيني لحاف
‏بحري غزير وصعب ماحدٍ يارده

.....

[الحمدان]

‏ابوي رباني وزرع بي مواجيب
‏يجني ثمرها كل منهو عرفني

‏اقّدر الطيّب واجازيه بالطيب
‏ولا الردي ماهمني وش وصفني

.....

[الحمدان]

‏لاغاب عنك اللي غيابه مصيبه
وطالت به الغيبه ولاجابه الشوق

ما فيه داعي تنشده عن مغيبه
ماغاب عنك الا وهو منك مسروق

.....

[الحمدان]

‏ياخاطري لاباح صبرك ومليت
‏مالك عن المقسوم صده وحيله

‏ان زان حظك جاب لك ماتمنيت
‏وان شان خـّلا الهينه مستحيله

.....

[الحمدان]

‏بعض الصداقه لو اهلها يغيبون
‏تبقى لو ظروف المواجه شحيحه

‏والرفقه اللي حدها بالتلفون
‏تضيع لا ضاعت علينا الشريحه

.....

[الحمدان]

السهر شين وساعـة النوم حلت
وابي السموحه وانتلاقا على خير

النـفس مـنكم لا تظنون ملت
ابداً وكلي عذر عن كل تقصير

.....

[الحمدان]

انت اللذي بين الحنايا تعمقت
ماغيرك احد يا لغلا صار ذوقي

زرعت حبك في حشاي وتشمعت
انت الوحيد اللي لعيني يروقي

.....

[الحمدان]

‏غلاك فاق الوصف يا كامل الذوق
‏النبض يعزف على المهاديف لحنك

‏حبر القصيد وعطر الأنفاس والشوق
‏ جمعتها داخل خفوقي لعينك

.....

[الحمدان]

اللي يعزك مايشوف الردا فيك
ومن يكرهك حتى بخيرك يذمك

ترضيه ماترضيه ماهو براضيك
لو هو من اقرابك ولحمك ودمك

.....

[الحمدان]

‏الجو هادي والمشاعرلها بوح
والصمت في بوح المشاعر مسره

إقرب وواصلني من الروح للروح
قربك حياتن ماوراها مضرة

.....

[الحمدان]

كنت احسبك سارح في عيوني
اثرك معاي وانت فكرك مع الغير

تعال نحسمها بحطم سكوني
تعبت من صمتن يبي منك تفسير

لاصرت تقدر عيش عمرك بدوني
والله يذكر هالعلاقه على خير

.....

[الحمدان]

جعل القلوب اللى له القلب يشتاق
‏تصبح وتمسي بالهنا والسعاده

‏وجعل النفوس اللى تحلت بالاخلاق
‏تصبح وتمسي ماتشوف النكاده

.....

[الحمدان]

انت طبعك غير واسلوبك عنيد
‏وأنا طبعي مستحيل اطق باب

‏قلت بافتح لك صفحة من جديد
‏شفتك تكابر وسكرت الكتاب

.....

[الحمدان]

القلوب اسرار والدنيا عبر
والعمر لو طال تاليه الرحيل

والخواطر كسرها ماله جبر
لو يعيد الوقت ماضيه الجميل

.....

[الحمدان]

فـز قلبي من ضلوعي يوم شفتك
‏كـنّك مسوّي لاحاسيسي إعـاده

‏يذكرك بالخير ياللي من عرفتك
‏ما عرفت الا المسرّة والسعاده

.....

[الحمدان]

الذيب لا كثرت عليه المشاعيبِ
‏أقفا بجوعه وأمرحت عقبه الشاه

‏والرجل دام إنه ترفّع عن العيب ّ
‏لو يظلمـونه مـا يقصـوّن يمناه

.....

[الحمدان]

‏حتى ولو وجه الليالي مرعب
‏باب الفرج عند الولي مفتاحه

‏اللي يبي الراحه لازم يتعب
‏لا يمكن الراحه تجي بالراحه

.....

[الحمدان]

‏حنا الوفي من صافي الود نسقيه
‏ومن زادنا بالطيب حنا نزيده

‏والي طرانا ساعة الضيق نطريه
‏ونكون عونه بالظروف الشديده

.....