اخترنا لكم

[الحمدان]

امست جميع الاوادم والجريح امسى
يسامر الليل والاشواق وحداني

من يحسب ان الهوى له مركب ومرسى
ترى المحبه عذاب وعالمٍ ثاني

يا محمد الوقت لو يجرح ولو يقسى
انا ما احب اكسر الخطّر ولا اداني

ولو اني انسى جميع الناس كيف انسى
اللي حلف ما يخليني وخلاني

.....

[الحمدان]

أسهر مع النجمه اللي ما بعد غابت
واراقب نجوم ليلٍ طال مسراها

كم ليلةٍ من هواجيس السهر شابت
يغشى سَحرها جدايل ليل ظلماها

.....

[الحمدان]

لانامت الناس قمنا بالهوى نسري
ناس تبوح المواجع وناس تخفيها

.....

[الحمدان]

فارقت يوم إن المفارق ضروري
وخليتهم للوقت والوقت دوار

لله در الكبرياء في شعوري
كبير وجروحه بعد مثله كبار

ما عاد يرضينا الهوى يا غروري
خل الهوى للي يجيدون الأدوار

.....

[الحمدان]

‏أحيان اشوف الخطا صحيح ومناسب
واحيان اشوف الصحيح وما يناسبني

.....

[الحمدان]

عذرته وسامحته على كل ماسواه
ومديت له كف المفارق وودعته

أحبه ولكن خآطري جاه ما كفـاه
يكفيني أني لا جرحته ولا اوجعته

.....

[الحمدان]

كيف أخلّي للزعل بيني وبينك مجال
وأنت صوتك يشرح الخاطر ووجهك حلو

كنّ ألوّك كل ما أزعل مع كل إتصال
جرعة مهدي للأعصاب ما كنّها بـ ألو

.....

[الحمدان]

‏الشاعر المرحوم حمد المغيولي رحمه الله رحمة واسعة،
ومن روائع شعره يقول:
‏
‏دنياك لو تسوى من الحــزن ذره
‏ما كان تاليها توابيت وقبور
‏
‏العمر يمضي بين حلوه ومــــره
‏والموت حق وقابض الروح مأمور
‏
‏دام الحياة الفانية مستقــــــره
‏ورزقك يجيك وبين الأجواد مستور
‏
‏لا تنشغل بالوقت برده وحـــره
‏واحذر تصير بقسمة الناس مقهور
‏
‏حكم القدر لاجاك خيره وشـره
‏أشكر عظيم الشان والذنب مغفـور
‏
‏أطلق خيالك وأترك النفس حـره
‏وخل الطبيعة في حياتك لهـا دور
‏
‏وبالليل لا بانت نجوم المجـــره
‏أذكر بديع الخلق بحساس وشعور
‏
‏وأسجد لرب الكون مره ومــره
‏وأحفظ لسانك وأترك الكذب والزور
‏
‏وفروض ربك خلها مستمــــره
‏وطاعتك لا يدخل بها نقص وقصور

[الحمدان]

من حاول النسيان خله وانسه
فالنور ولا فالظلام الدامس

كم واحدٍ لا من تثاقل نفسه
يصير ريشه لا عطيته خامس

.....

[الحمدان]

لنا الظواهر مير يالله بالهدايه والصلاح
ماعندنا تصحيح غايات البشر وظنونها

.....

[الحمدان]

مشاعر تعابير المحبه بدون ادراك
تسلط علي لامرني شي من طاريك

اكافح ظروفي لكن المشكله وياك
تسلهام عينك ضحكتك كل شي فيك

.....

[الحمدان]

مابقى إلا حاجتين ٍ فالضمير
وترجع الدنيا نظيفة صافية

الحقير نرجعه لصله حقير
والمريض نبشره بالعافية

والله أني قبل أحبك مستخير
وخيرة الله للبنادم شافية

رغم دربك صعب والموقف خطير
وافية يانور عيني وافية

أما أنا ياغايتي ماني بخير
القدم فالشوك تمشي حافية

.....

[الحمدان]

رفيق مايَنْفَعْكْ حزة لزومك
مثل السراب اللي يغرك لميعه

لاصار ماهو داريٍ وش همومك
مالك وماله خل نفسك رفيعه

ارفع طموحك لاتردى عزومك
والعز خله لك مقام وطبيعه

محدن على فعل الجزيله يلومك
ورزقك على اللي ماخسر من يطيعه

.....

[الحمدان]

‏من اوّلٍ طيب الولد من خواله
واليوم طيبه من خويٍ يخاويه

اما يقوده مع دروب الجماله
والا يدلّه للردى لين يرديه

.....

[الحمدان]

‏ليت القدر لا جمع الناس بالناس
يجمع قلوب الناس كلٍ وطبعه

مايستوي الألماس وجنبه نحاس
ولا يروي الصافي سوى عذب نبعه

.....

[الحمدان]

مساء الخــير ياحُــبي عسى ماجاك مـني اهمال
أمـانـة طـمّن الخاطر من الخاطر بـ ذي البيـتين

حبيبي أنت وحدك من سكن قلبي وصال وجال
ومصدر راحتي والأنُـس فـي الدنيا ونور العين

أحـبك حُـب مـاقـد حَـب مثـله في الخـلايق آل
أحبك حُب من ذا اليوم ياخلّي لـيوم الدين

.....

[الحمدان]

وخذاني خيّاله بين قمرا وشِبة ضوء
‏وسِرى بي مثل مسرى الهبّوب الشماليه

منصور الحبابي

[الحمدان]

‏وفيت ماكنت ادري أن الوفاء ذنب
‏واليوم ماني تحت طوعك ولا امرك

‌‏ساعدني أترك ذكرياتك على جنب
‏وأعيش عمري مثل ماعشت عمرك

منصور الحبابي

[الحمدان]

لبــيــك يلي ماخــذ القـلب والروح
ارحب مـكـانك واضـحٍ بلـمــحاني

اجرح وعذب ياهوا البال مسموح
وابشـر بقلبٍ سـامحك في ثوانـي

.....

[الحمدان]

مثل القمر وجهك مع الليل وضاح
سبحان من صور جمالك وتمه

مافيه غيرك في سما خافقي لاح
حتـى بغايبك طيف روحك ألومه

.....

[الحمدان]

‏ياحي القصيد الزين والبيت والبيتين
‏اليا صار سلة سيف ماهوب جنبيه
‏ِ
‏أنا بنت قومٍ فعلهم في الطغاه يبين
‏ولي عزةٍ فوق النجوم السماويه
‏ِ
‏مانطرد ورى المقفي ولا نتبع الغاوين
‏خلقنا كباريه ونبقى كباريه

.....

[الحمدان]

‏الكفيف اللي علــى المسجد سعـى
‏ما اتعض من فعلته شخصٍ بصير

‏العــمى بالقلـــب دامــه ما وعــى
‏دام قلبــك غافلٍ فانــت الضــرير

.....

[الحمدان]

‏يسعد مساء اللي مع المساء غرد
‏رايق وروق له من الناس مليـون

‏باسلوبه الراقــي وذوقــه تفرد
‏غرد وخلا الناس عقبه يــغـنـون

‏.....

[الحمدان]

‏حيل الله أقوى مابقى في يدي شيّ
‏مافيه حل ٍ في يدي ماذخرته

‏حاولت لكن المحاصيل هيّ هيّ
‏الطير طار ولا بقي الا شجرته

.....

[الحمدان]

الضحك هـيـبه للقـلـوب الحـزيـنـه
‏ما احدٍ درى عن داخل القلب وش فـيه

‏ان كان مـافــيــح شـعـوره كـنـيـنـه
‏يصـبـر وصـبـره زيـن يلقى الـذرى فـيه

.....

[الحمدان]

تـرى الغزل روح القصيد ومعانيه
‏وتـراه ملحه مـثـل ماتملـح الـزاد

‏اللي سبح بحـره وقف في موانيه
‏بعـيـد ويقـرب مسـافات الابعـاد

.....

[الحمدان]

الورد يبقى ورد في كل الأزمان
‏لو غيروا بالورد حجمه ولونه

‏ وانا أحب الورد في كل الألوان
‏ واحب ناس في طيبهم يشبهونه

.....

[الحمدان]

ياليل ماودك نجر المواويل
نزف من علو المواجع قدرنا

أفـج لك صـدر الأماني تعالـيل
وإليا ضوانا الصبح ننسى قدرنا

[الحمدان]

الشعر مصباح الحكم والعواطف
والقاف يرقى بالنفوس النقيه

والنفس تكسرها ردود المواقف
لو قابلت بعض الفعول الرديه

أصبحت مع بعض المخاليق والف
اعرف معادنهم ولو هي خفيه

ياكثرهم وقت الرخا والسوالف
وياقلهم وقت الوفا والحميه

.....

[الحمدان]

مرحوم ياللي كل ماجيت برثيه
‏عجزت اعبر بالحكي والكتابه

‏اللي خذاه الموت ماني بناسيه
‏وعقبه تجرعت الحزن والكأبه

‏الفقد موجع والقدر راضيّن فيه
‏والدمع يذرف مثل وبل السحابه

‏يالله ياللي نلتجي به وندعيه
‏تغفر ذنوبه ثم تسقي ترابه

آمين

[الحمدان]

تحزّمت في بيض النوايا وطيب يدي
‏من أول بدايات الزمان لنهاياته

.....

[الحمدان]

تحت الثرى ميّت وفي قلبي حيّ
يالله عسى الجنة مقرّك وملقاك

آمين

[الحمدان]

أرفق ترى النفس العزيزه عيوفه
‏ماكل عذرٍ تقبله منك لا أخطيت

.....

[الحمدان]

تعال عطيني من مساءك دقائق
خلي المسا بطلتك يشعل النــــور

تدري مساءك يجعل البال رايق
ويخلي الدنيــــا بها الورد منثـــور

.....

[الحمدان]

ودك تحب إنسان ما يعرف الكذب
‏مشاعــره لا قالها ما سـرقها

‏من قبل لا تسأل فؤاده عن الحب
‏تشوف أحبك في عيونه نطقها

.....

[الحمدان]

يالله اني في وجهك من الفقر و الحاجه
‏ومن وجيه تضحك بوجهي وهي تكرهني

‏ومن رفيق ما عرفنا علته وعلاجه
‏وكل يوم يذمني ولمن شافني يمدحني

.....

[الحمدان]

حًيّ آلَلَهِ آلَلَيّ مِنِوِر حًيآتُي قَبلَ جَوِآلَي
وِيطرب لَهِ آلَشّـوِقَ لَآ جَتُنِي مِرآسـيلَهِ

.....

[الحمدان]

حبيت اسلم واعرف اليوم وشحالك
‏من باب حق الوصال وقــدرك الغالي

‏وبعد السلام وسؤالي عنك واحوالك
‏كنت اتمناك لــو تنشد عن احوالي

‏كنت اتمناك لـــــو مريت في بالك
‏تذكر عهود الـوفــا في وقتنا الخالي

‏وتذكر ليالي هـوانــــا والبخت سالك
‏من قبل يصبح بختنا كـاســد وبالي

.....

[الحمدان]

‏اعلن مراسيم الوداع ان كنت للفرقى شغوف
‏شد الرّحال ومالك الا الي يلقيك القفى

‏ماطاح دمعي وانكسرلي قلب وعيونك تشوف
‏وشلون ابفتح باب لعتابك عشان اقول افا

‏الي يجي حسب الظروف اودّعه حسب الظروف
‏قلبي مع الي بايع العشره مثل صم الصفى

.....

[الحمدان]

‏ليه جيت وليه رحت وليه تبقى غالي
‏كل ليه أشوفها تحتاج منك قصه
‏⠀⠀⠀⠀⠀⠀⠀⠀
‏ليت بالي في يديني وابعدك عن بالي
‏العذاب اللي حصل منك يكفي نصه

.....

[الحمدان]

‏ِ
‏الديره اليا صفا لك حب من فيـها
‏راحـت بعينك مثـل باريس وفـيـنّا

‏صحيح حب الدّير من حب اهاليها
‏والّا المـنـازل حـديـد وطـوبٍ يـبـنّا

.....

[الحمدان]

اناشــــــدك بالله يا شـــــوق باللهون
قلبي فقـد يا شـــوق كامـــل عزومه

على الحبيب اللي في الروح مدفون
الغايـــب اللي في خـيالــــي رسـومه

ياشـوق خـذنــي وين ماكان ويكون
ودي ازور الـزين واعـــــرف عـلــومه

حـتـى ولو قالـــوا لي الناس مجنون
انا اعـرف المجـــنـــون ماحـد يلومه

.....

[الحمدان]

تغيب لكنك على البال موجود
ساكن بوسط القلب وسط الحشايا

حبك تربع جود في جود في جود
وسيطر على على كل البقع والزوايا

.....

[الحمدان]

‏ليا بغوا يمسون قالوا مساء الخير
وإذا كشخو قالوا مساء الورد ياورد

واحنا مسانا غير واحساسنا غير
انا مسائي انت واترك لك الرد

.....

[الحمدان]

‏عطني من احساسك قصيده للدفا
‏البـرد مايستوعب احساس البشـر

‏عن التعـب عن الوصـل عن الجفا
‏انـا مجـرد مستمع وانـت الشعـر

.....

[الحمدان]

يوم كلّن فزع له خاله وعمّه
يكفي إنّي وردت العد بذراعي

ارفع الراس بين الروس ما همه
واتباهة وأنا الغرقان بأوجاعي

يمّه الحُر طبعه يعشق القمة
وانتي إللي فطمتيني على أطباعي

.....

[الحمدان]

اقتنعت إن الليالي متاحف ذكريات
‏يوم تبطي سجّة البال بين أسوارها

.....

[الحمدان]

‏الحلم له نافذه والرزق بابه كبير
‏لا تقفل الباب وتعوّد على النافذه
‏
‏ظ“لايشغلك طير غيرك وانت طيرك يطير
‏ياتيك رزقك ورزق الناس ما تاخذه

.....

[الحمدان]

‏جيتك ونبض القلب بالحب خفاق
‏نبض وحساس ومشاعر كلها ذؤق
‏
‏جيتك وقلبي يامنى الروح مشتاق
‏وحتى عيوني من الوله كلها شوق

.....

[الحمدان]

‏أحدٍ كسر فنجال ويدوّر أعذار
‏وأحدٍ كسر له قلب ويقول عادي

.....

[الحمدان]

صدق المشاعر تصنع انسان شاعر
والناس دايم تنتظر وش جديده

عينه تشوف ان القصايد مشاعر
وهم يشوفون إن المشاعر قصيده

.....

[الحمدان]

‏شــوف لي ويــاك مـخــراج وتكـلم
‏ويـن افـر من الجمال ورمـش عينك

‏اسكـت مـن الشـوق وعيونـي تعلم
‏لو تصنـعـت الثقــل بينـي وبينك

‏انت يمكـن لو تمـر صدفـه تسلم
‏يمكن انسى نفسي واقول انت وينك

.....

[الحمدان]

‏من يحب الخيل يطرب بالصهيل
ومن يحب الصقر قايد ما يقاد

.....

[الحمدان]

اللي عطيته خير ماردلي خير
واللي نعلمه الرمايه رماني

غنيت له من غاب عني مقادير
وراح ونسى غاليه ذاك الاناني

معقوله اللي حصل كان تخدير
يبغى ينسيني وراح ونساني

.....

[الحمدان]

ياقلب لاتظهر خوافيك للناس
يكفيك من يعلم جميع الخوافي

عيش الأمل لوكنت غرقان بالياس
ياكم بلوى جت بعدها عوافي

.....

[الحمدان]

أحبه محبه داخل الصدر مزروعه
تغذى على دم الشرايين والمشه

هروج العواذل فيه ماهيب مسموعه
وراع الهوى من ينصحه كنه يغشه

تبيّن حقايق راع الحب بدموعه
وتظهر علومٍ بين الأضلاع منخشه

سعد ابن جدلان الله يرحمه

[الحمدان]

لك محبة في حياتي ماتقل
اصلها طيّب ومقصدها نزيه

ولك بريضان الغلا عندي حقل
كل شيءٍ صار ودّك فيه؟فيه

وناقلٍ حبّك مع سنيني نقل
بأي عمر ابداه او عام ابتديه

في غرامك اتفق قلب وعقل
كن حبك متفق شرعًا عليه

.....

[الحمدان]

ليت النصيب اللي خذاك يردك
واسامحه في الاوّله وانساها

يازين حظّي قبل اجرّب صدك
وارجع على رسايلك واقراها

قلبي معك لو كان كلّي ضدك
مْن اوّل العشره إلين اتلاها

ماغير اقول فْداك واللي ودك
والكلمه اللي ماعرف معناها

.....

[الحمدان]

تفداك نفـسٍ شالها الشـوق صوبك
ويفداك قلـبٍ ماغـدر فيـك او خان

وتفداك عيـنٍ ما تبـــي غير شوفك
ويفداك عمرٍ مافـــدا غيرك انسان

وتفداك روحٍ هايمـــه فـي طيوفك
ويفداك بالٍ مايجـــي مِنـه نِسيان

وتفداك نظــره ماتناست وصوفك
ويفداك راسي ودم روحي والابدان

.....

[الحمدان]

‏مبروك عرسك يوم جالك نصيبك
مبروك للي يسعد بشوف لقياك

شفت القدر ما حقق إني أجيبك
ولاحقق انـي التقي يـوم ويّـاك

أفرح على شوفك ولا ابغى مغيبك
وأمسي على طيفك وأصبح لطرياك

.....

[الحمدان]

‏من يلوم العين لو هلت دموع
ومن يلوم القلب لو صفق وصاح

آه من قلب رقص بين الضلوع
مثل رقص الطير مكسور الجناح

.....

[الحمدان]

يامعلقة قلب من حبك عليك السلام
اللي ترفرف على كبد السماء رايته

ان كان جيتي مجيك فوق صدري وسام
وان كان رحتي في امان لله ورعايته

.....

[الحمدان]

نصوم ونصلي وندعـــي ونرجيك
ورضاك مكسبنا وعفـــوك رجانا

مـــوحــــدين وكلنا منــك وإليك
عساك ياغـــفار تغفـــر خــــطانا

آمين

[الحمدان]

بعد ماكبّر بقلبي وصلّى به صلاة قيام
ترك بين الضلوع الحانيه سبحه وسجاده

واروح برحلةٍ ماهيب للراحه والاستجمام
تسافر بي بدون رضـاي في رحلة تنهّـاده

.....

[الحمدان]

مثل مايقطع الفنجال عرق الصداع
نقطع الحاجه الصعبه من جذوعها

.....

[الحمدان]

ضيعـتني يا غايتـي ضمن بلواك
وحسيت قلبي عقب رايك تدمر

اسقيتني كاس الالم من ثناياك
كنـه رصـاصً بـين جمرً مجَـمَر

وفيـت لـك والقـلـب لبـا. ولـباك
وحبيت روحك حب حايل لشمر

الله يبيحك من يسوي سواياك
وانت الوحيد اللي له القلب عمر

رذاذ الحبر

[الحمدان]

ما نسيتك من دعاي وحر مالي
في صيام وفي فطور وفي تهجّد

والله ان أموت ما فارقت بالي
لو سرى قلبي من الشوق يتوجد

.....

[الحمدان]

اسلوبك العذب واخلاقك وترحابك
‏خلت جميع المشاعر تتجه صوبك

‏حتى غموضك ورى الأسماء ماعابك
‏خلاني أحب شعري فيك ودروبك

مطلق العتيبي

[الحمدان]

تهادى سكون الليل وإنكفوا السمّار
وراق الهوى ترويقة السالي الداله

على الكون خيّم جو تسبيح وإستغفار
مشاعر تعيش فاقد الحاله الحاله

هني لمن يستغفر الله بالأسحار
وينفض غبار الصدر ويصحح أعماله

.....

[الحمدان]

الهدوء النفسي وضحكي وزين أخلاقي
لاتغرك تحسب اني بالحياه مرّفه

مرّ ثلثين العمر والثلث الآخر باقي
المفارق ناطحه والذكريات تدفّه

.....

[الحمدان]

لو حصلي شوفته همي يزول
وقتها أنسى البشر وأجلس معه

وأذكر إني بغيبته دايم أقول
هو حياة القلب وهو له مطمعه

.....

[الحمدان]

‏يانجد انا شاعر واحاسيسي كبار
‏وانتي بعد عليا مقام وكبيره

‏جيتك وانا موقد على شوفتك نار
‏كيفي عليها حابكه ماستعيره

‏رغباتي الدله واحاسيسي بهار
‏وفنجالها قافن ماهو مثل غيره

‏من شفت خطوْ إسمك على الذاكره مار
‏عرفت باني رايحن معك ديره

‏ماخترت احبك بس الأيام خطّار
‏ يجي معاها شي نجهل مصيره

‏ قلّطت جمع سهومك بصدري يسار
‏ وزبّنتها طيب وتقاليد جيره

‏انا طويل الباع يا اطوال الاعمار
‏وانا الشوير اللي لاجيت استشيره

‏عليك أنا وعزومي نشق الأقطار
‏اقعد يابو مدري بجنب أبو حيره

‏مشاعري لك ملك ماهي للاجار
‏ وعليك شاعرها مريّح ضميره

‏انا ابن عم لقلبك الطاهر البار
‏ لو كان مابيني وبينك عشيره

‏افتح علشانك من الضيقه زرار
‏واقفل علشانك مداخل كثيره

‏وشلون ماحبك وأزيّن لك أشعار
‏لا صرتي الاولى معي والاخيره
‏
‏لو بيني وبينك مسافات وأقفار
‏نبتك بقلبي كثر الله خيره

.....

[الحمدان]

ماهي صدفه هذا من سوء إختياري
وش يجي من الحب إذا ماجتك خيبه

راح أصحح غلطتي وأخذ قراري
وأترك الفرقا تجيب اللي تجيبه

ليتني مبعد فتيلك عن شراري
كان باقي ما أشتعل قلبي بشيبه

بأبتعد وأرد بالصد إعتباري
لو حياتي من بعد وصلك غريبه

لا رجوع ولا خضوع ولا طواري
ولا حنين ولا ملاقاةٍ قريبه

الصدر صدري وهذي النار ناري
ولو نَحَب قلب محد سامع نحيبه

كنت أشوف الغلطه بعينك وأداري
كان باين فيك شك وفيك ريبه

وأنت داري وقتها أني كنت داري
الأسف بعد الخطأ أكبر مصيبه

كل دار تلمنا ماهيب داري
وكل درب يلمنا الله حسيبه

إنفض غبارك وأنا بأنفض غباري
الجريح يطيب لا فارق حبيبه

.....

[الحمدان]

مبارك المطرباني يقول :

صدّت تبي يعني تغلى يابلفيت
‏قصايدي فيها علي كبرّتها

‏والله ماعاد تذوق مني ولا بيت
‏إلا رثاها لاسكنّت مقبرتها

لكن اعلن انهزامه بعد ماساقته الهواجيس
لدروب حبيبته وقال :

وأرضيني أدنات حاجه منكْ ترضيني
‏خيْطي معاليق قلبي وأخمدي ناره

‏لعيونش السود كن القاف يدعيني
‏أطاوع القاف تاره والعنه تـاره

‏ماردني عن سواد عيونش يْميني
‏كتبت فيها قصيد وسقت كفاره

[الحمدان]

محتاج دربٍ يا أول شفّي ومسعاي
‏وشعرٍ يواسي شعور الصمت والغربة

‏محتاج نورٍ يبشرني على رجواي
‏وأعرف هذا السديم إن طال يا قربه

‏محتاج فجر وسكينة لين أعس أقصاي
‏محتاج شيءٍ يرجّع روحي الطربه
‏
صالح الهويملي

[الحمدان]

‏على دربك لو إن العمر يوقف تمشي الاقدام
‏إلين اموت ابيك وغيرك من الناس ما ابيها

‏یا روح الشعر وحروف الكلام وسطوة الالهام
‏احاسيسي معك ماني بعارف كيف اخبيها

‏یا مرساي الاخير وذكرياتي في مدى الاعوام
‏يا ضحكة وجهي اللي تذبح اشواقي وتحييها

.....

[الحمدان]

‏عفى الله عن مواعيد إنتظارك والسنين حيام
‏وقفت وما معي غير الوله واقف ومتسامي

‏يخوّفني ضجيج الشوق لا ارتاد الطريق العام
‏وتغيرت بكل إتجاهاتي وتأثيري وهندامي

‏حرارة فقدك اقسى ما تجيبه بارد الانسام
‏وانا للحين من حر المفارق ترجف عظامي

.....

[الحمدان]

‏وش ذنبنا لا صار منطقنا صحيح
وقلوبنا ما كل من جاها قَلَط

‏حنا نحب الصدق ونقول الصحيح
‏والمشكلة بالناس تفهمنا غلط

.....

[الحمدان]

ودك تحطه بالعيون من العيون
‏وتبسط على رمض الثرى يمناك له

‏وتظله من الشمس في ظل الجفون
‏ولا يمر اذنه سوى لبـّاك له

محمد بن فطيس

[الحمدان]

هي راس مالي والعرب مايدركون
‏اني على باب الممات وماحكيت

‏يا قو قلبي يوم قفن الضعون
‏الي على ذاك الموادع مابكيت

‏وياصبر صبري والعواذل يحسبون
‏اني دلهت من الهوى ولا سليت

‏اسكت عساهم من اسكاتي يسكتون
‏وانا عن الي في ضميري مانتهيت

محمد بن فطيس

[الحمدان]

كانك مشّكك فالوفاء والغلا هاك
رقمك مع الصادر ولاوارد سِواك

محمد بن فطيس

[الحمدان]

‏عن وصل غيره يدين الحُب مكتوفه
‏وعن شوف غيره عيوني مالها طمعه

‏أنا قتيـله وانا أمْـنه وأنا خوفـه
‏وأنا غناته وأنا طرحه وأنا جَمعه

‏ياجعلي اسابقه للموت واطـوفـه
‏مـحـبـةٍ فـيـه لاخـذلـه ولا رمـعَـه

.....

[الحمدان]

معي قلب بدويٍ ما يعرف يعاتب الغيّاب
أعرف أغيب لكن مستحيل أناظر خلافي

.....

[الحمدان]

‏اسرقي قلبي وخلّيه في صدرك صويب
‏والله ان اموت ماني مدوّر مخرجي

‏والعيون اللي خذت صبر ابو عقلٍ لبيب
‏والله اني من سببها مكثّر بالمجي

.....

[الحمدان]

‏خلوني اكتب على عرفي وتفكيري
قناعتي ماحدٍ يقدر يغيرها

اعز نفسي وفضلها على غيري
والناس ماني على نهجي مسيرها

.....

[الحمدان]

قـلوب بعض الناس مثل الفوانيس
تقدر تشاهد نــــورها من صــــفاها

وقلوب بعض الناس مثل الكواليس
كـــــل المصايب حـاصـله من وراها

.....

[الحمدان]

نضــيـق لاكــن ضيـقنا يــرفع الراس
نضـحك بـغب الضــيق عــزة وشيمة

مهـما يضيق الحال إذا شـافنا الناس
نضحــك ونـخـفي كــل ذكــرى أليمة

.....

[الحمدان]

ياسعود ماعينت الي راحة البال
هي صدق والى كلبوكم سواتي

اسمع بطاريها لي اسنينن طوال
والاذكر اني شفتها في حياتي

دورتها في كثر الاصحاب والمال
وفي عمري الماضي وفي ذكرياتي

ودوجت في الدنيا من الجال للجال
وعجزت للقاها بكل الجهاتي

ماجد النصيف

[الحمدان]

يامقلب قلوب الخلايـق والأبصـار
ياحاشرن خلقـك حفـاة عراتي

أسألك أنا خشيتك في سـر وجهـار
وعلى الهدى طالبك ربـي الثباتي


آمين

[الحمدان]

يا ما من صدوف الليالي لقينا
وياكم صديقٍ يختفي لا بغيناه

وكم خابت الهقوات في من هقينا
والبعض منهم ليتنا ما عرفناه

نحفظ جميل اللي تجمل علينا
واللي تردىَ موقفه ما حسبناه

النجم العالي

[الحمدان]

رفيق القسا ودك تراكا على مركاه
‏ورفيق الرخا ودك تراكا على كبده

.....

[الحمدان]

لاصرت طيّب لاتهاب الضعيفين
لا بد ماتلقى ضعيفٍ يسبك

ليا تباغض واحدٍ لك او اثنين
يكفي مطاليق الجماعه تحبّك

.....

[الحمدان]

أثر الرياجيل تفرق بالمدا والعزوم
والطيب كايد وصكات المواقف محك

احدٍ على اتفه سبب ما عاد يقدر يقوم
واحدٍ لو تسكر الدنيا بوجهه ضحك

.....

[الحمدان]

الخلا عن زحمة الناس بوابة نجاه
يوم أشوف الذود والعين يبعد مدها

عاد شوف الذود حاجه توسع فالحياه
للصدور اللي من الوقت ماهو ودها

.....

[الحمدان]

‏افتح شبابيك الامـــل واطــرد الياس
وعيش عمــرك دون غصه وضيقه

مهما يضيق الوقـت وتزيد الاتعاس
لابـــد يفتــــح لك إلهـــي طريقه

ياخوك لاتجرح شعورك والاحساس
ولا تحتمـــل من فوق مالاتطيقه

خل السعاده داخلك دون مقياس
وعيش عمـرك كن عمرك دقيقه

......

[الحمدان]

لاشفت اسمك قلت يـاحي هالشوف
‏دقات قـلــبـي في ثواني تخالف

‏لا هو بمـن رهبه ولا هو بمـن خوف
‏فـرحـة وليف مــانســاه المـوالف

.....

[الحمدان]

‏تبعـد على عيني وباقـــي في القلب
وسط الخفوق اللي ذبحها التنهات

غالي ومايعلـم غلاتك سوى الرب
اللي زرع حبك معي داخـل الذات

مهما افترقنا يا حياتـي في الدرب
ذكرك مساير خافقي كل الاوقات

واتذكرك دايم ولاانساك يا حب
وطيفك بروحي مافرقني ولامات

.....

[الحمدان]

‏طبعـي على جبـــر الخواطــر تربيت
ودرب التواضــع والتفاهـم مساري

ماعمــــري اتخليــــت وإلا تغليت
ولا خذلــت انســان فــي انتظاري

وانا بفعل الطيــب دايــــم تعليت
وصنايع المعروف عنــدي ضماري

ولاجانــي الصاحــب اغثته ولبيت
وفعل الجمايـل في حياتي شعاري

.....

[الحمدان]

قالت بدا في خاطري شيٍ يجول
واخاف تزعّل يابن الاجواد منه

قلت الحكي لا صار لين ومعسول
مايجرّح العاشق ولا فيه منّه

قالت نويته واسكتت باخر القول
قلت الفراق وقالت الظاهر إنه

.....

[الحمدان]

بين الحنين ودلة العشق والتيه
شوقً يداري صدةً دون سبّه

من شحّ في صوته وطوّل تغلّيه
قولوا له لوضع الغرام يتنبّه

اخاف من يومً يجي فيه طاريه
وأصد صدة واحدً ما يحبه

.....

[الحمدان]

على ملامح جمالك ضاع ملح الكلام
معاد عندي كلام أقوله أو أكتبه

أحس صدري من التعبير فيه أزدحام
لله در الجمال اللي من الله هبه

.....

[الحمدان]

أدور على وصلك لو انك تحب تغيب
احامي عن الماضي وأحافظ على الباقي

اسولف معك في كل حاجه بلا ترتيب
كلامي حقيقي واشتياقي من أعماقي

.....

[الحمدان]

مـن يفـرح بفـرقـاك افــرح بفــرقـاه
ومن يبكـي لشـوفتـك امسـح دموعـه

اللي مـا يعـرف قيمتـك وانـت ويـاه
لا غـاب عنـك لا تحـرى رجـوعــه

.....

[الحمدان]

‏ياوقت ياشرهة جروح الصداقات
‏فيها تخاذل وإنحطاط وتحايـل

‏واللي جنيته من عظيم العلاقـات
‏صداع راس ودمعتين ورسايل

.....

[الحمدان]

فاقد اللي زود بعده مانقّص من غلاه
من يبشّرني بشوفه ويبشر بسعده

مابقى في ساحة البال من ذكرى لقاه
غير تلويحة وداعه وخذلان وعده

قلبي اللي عاش حلم المواصل في ذراه
خايف إنه من مهاده يوارى فلحده

.....

[الحمدان]

نخفي الوله وقلوبنا كلها شوق
وعيوننا تفضح غرام خفيناه

نكتب مشاعرنا تحت راية الذوق
والحرف من جوف الحنايا نزفناه

.....

[الحمدان]

إحتويتك في خفوقي همس محتاج لجواب
وارتضيتك حلم ليل وحرف بكفوف البريد

كل حرف من حروفك خالط إحساسي وذاب
عانقه نبضي وشوقي جاري مجرى الوريد

.....

[الحمدان]

أثر الجمايل في بطون المجانين
أخير منها في بطون الصحاحي

على الأقل لا أنكروا فعلك الزين
لك حق ماتشرّه على غير صاحي

.....

[الحمدان]

اغبط تقيٍ صار زوده بتقواه
‏عبدٍ لصوت الحق يرخي سموعه

‏يفرح بصوت منادي الحق لا اوحاه
‏عجل على المسجد بطيٍّ ركوعه

بندر بن سرور

[الحمدان]

الزين من زانت معاني حكاياه
ما هو بمن زانت معالم رسومه

.....

[الحمدان]

استميل لعزلتي وأبعد ولا عندي سبايب
‏غير حبّي للهدوء اللي عن اللجة مبدّا

‏في مكان ٍ ما يمرّه غير ذعذاع الهبايب
‏كل ما يطرق ضلوعي قلت هذي وصفة الدّاء

‏الخلا الخالي حبيبي كان باقي لي حبايب
‏عقب خلّيت الحسايف من معاليقي تغدّا

‏خاطري سامح وقلبي عن جميع الناس طايب
‏أكثر اللي كان طيّب تالي أيامه تردّا

.....

[الحمدان]

البرد ما هو برد عرعر ولا الجوف
ولا تبوك الثلج وجبال حايل

البرد برد القلب في داخل الجوف
لا حال ما بين المحبين حايل

.....

[الحمدان]

ما يرجع الفايت كثير الحسوفات
‏ولا يحيي الميت عيونٌ بكت له

.....

[الحمدان]

رمتني بسهمٍ فكان السهم رنانا
‏فوطّيت راسي فمر السهم من هانا

‏إن العيون التي في طرفها حورٌ
‏ودت عيال الحمايل في خبر كانا

‏يا من هواه أعزه وأذلني
‏ما هو بحقٍ تولعنا وتنسانا

‏لا تحسبن المجد تمرا أنت اكله
‏لن تبلغ المجد حتى يجيك ما جانا
😂

[الحمدان]

أعز ما أملك في حياتي علوي
وأشد ما أكره بالحياة الدناوه

توي علي تنزيلة الراس توي
راسي عنيد ولا براسي فضاوة

ماهمني قطو بشارع يموي
ولو تمتلي كل الشوارع قطاوة

فرحان قيران

[الحمدان]

ريحه مثل ريح النفل في شعيبه
في خايعٍ علّه من الوسم تشعيب

ممطورٍ أمس وممسيٍ ما وطي به
واليوم شمس وفاح طيبٍ على طيب

.....

[الحمدان]

يا طول ما وسدت راسي كتادة
من خوفتي يعتاد لين الوسايد

فمن عود العين الرقاد تعودت
ومن عود العين المساري تعاود

راشد الخلاوي

[الحمدان]

والله ما أخلي الطيب وانكس على الردى
والأموال عارية والأعمار فانية

راشد الخلاوي

[الحمدان]

ودي أطلع في خلا نجد وأفك الزرار
وأصدح بصوتي وأغني على واحد اثنين

.....

[الحمدان]

والله لو تكفخ كما يكفخ الطير
‏نصيبك يصيبك ولا لك بديله

‏لو ياقفون الناس دونه طوابير
‏يجي لك المكتوب والا تجيله

‏سعد بن جدلان

[الحمدان]

كلش يهون إلا الكِبر والتغطراس
‏هذي هي اللي عاقبتها مخيفة

‏وأبغى أعرف ليش التكبر على الناس
‏وبدايتك نُطفة وتاليك جيفة

ظافر بن فرحان

[الحمدان]

يا رب لا يفرح بنا كل شمات
‏ولا تحمّلنا ما لا نستطيعه

‏يا باسط الأرض وبديع السموات
‏تستر من صدوف الليال الشنيعة

‏ما نطلب ولا نرجي إلا أنت بالذات
‏ونفوسنا ماهي لغيرك مطيعة

‏وإن ضاقت الدنيا علينا سهالات
‏صدورنا من فضل ربي وسيعة

.....

[الحمدان]

من لا يكون بحوزته غير شاكوش
‏شاف الجماعه كلّبوهم مسامير

ناصر الفراعنة

[الحمدان]

أطى على نفسي برجلي وأهينها
ولا يهينها واحدٍ ما يعينها

أطى عليها من غلاها وعزها
يكفل لها التوفيق باقي سنينها

طاوعتها وقت مضى سافطٍ لها
وأثر دلال النفس لازم يهينها

علي أبو ماجد

[الحمدان]

فمان الله والعذر السمين أبلغ من التبرير
‏عفى الله عن خطايا اللي خطايانا على شانه
‏
‏فمان الله يالغصن اللّيان اللي هَجرك الطير
‏هذا طيرك يبلغك السلام بروس جنحانه

‏سمحت من المحبه وسامحني على التقصير
‏وصلنا آخر حدود العشره اللي مالها خانه

علي الدعيه

[الحمدان]

ماعندنا في القدس موقف حيادي
‏ القدس تبدا منّنا وْتنتهينا

‏وتبقى بلادي ثابته في المبادي
‏ولو حاولوا التشكيك منّا وفينا

.....

[الحمدان]

طويل عناني صقيل سناني
سليط لساني ملي الخزاين

شجاع منجى كريم محجى
أحل المسجى وأدل الدفاين

أفد المطايا وأصل السبايا
وأشق السرايا وأفك الرهاين

أنا ثمان السبع سبع العجايب
وعندي بدال المكينة مكاين

ناصر الفراعنة

[الحمدان]

عليت ياللي بالحشا طق الأوتاد
بالجنة العليا عسى لك مكاني

نزه عن الأدناس ما جاه نقّاد
يا نافلٍ جيله بكل المعاني

زيد الخشيم الخالدي

[الحمدان]

مهما يكن بين العرب من خلافات
‏جميعهم في ساعة الضيق واحد

‏يا غَزّة الإيمان صيحي في الأموات
‏لو ما يقوم من العرب غير واحد

ناصر الفراعنة

[الحمدان]

من التوافق بين الشعر النبطي والشعر الفصيح
هو قول الشاعر الكبير عبدالله بن نايف بن عون:

‏لا تبدي الشكوى ولو ضامك الشيل
‏إلا على رجل ً يحسّ بوجعها

‏وقول الشاعر الكبير كريم العراقي:

‏لا تشكُ للناسِ جُرحًا أنتَ صاحبه
‏لا يُؤلم الجرح إلا من به ألم

[الحمدان]

يجيني منه هيبة معزة سحى تقدير
‏أقابلْه عندي علم وأروح ما قلته

سعد بن جدلان رحمه الله

[الحمدان]

ياوجودي وجد عودن مربي له لعوب
‏واللعوب الحين تامر وتنهى وتعصاه

.....

[الحمدان]

يالله حسن الخاتمة وأنت المعين
رحمتك ترجيها النفوس الجانية

يالله تجعلنا من أصحاب اليمين
يوم الوجيه لوجه ربي عانية

يومٍ يقومونه لرب العالمين
كل النفوس القاصية والدانية

آمين

[الحمدان]

وأنا أحسب إني في فراقه تعافيت
وإن عبرتي من مدخل الزاد زاحت

.....

[الحمدان]

أداحم الوقت الأمحق بالجنوب المتان
إلين ضعفت عزومي وارتخى منكبي

أقوم قومة جمل وأطيح طيحة حصان
وأبقى على مذهبي ما يختلف مذهبي

.....

[الحمدان]

سمحين ونعدي الغلطات ونمشي
والظاهر إن بعضهم ناسين من حنا

كنا ذرى يوم كان الخوف متفشي
والحمدلله حنا مثل ما كنا

نجوع ونغدي الضيفان ونعشي
ونهون الكايدات ولا تهونا

نلين ونجامل العالم ببعض الشي
ولكن ببعض الأمور نموت ما لنا

سلطان بن بتلة

[الحمدان]

الذيب يسرح وجحر النوم ترقد به كبار الضبيع
والناس لا شافت وجيه الذيابة ترخص أموالها

صياف الحربي الله يرحمه

[الحمدان]

يا ذا الحمايم وش تبنّـي
‏مُغـرم ويتني علىظ° العوق

‏ويزيد همي يوم أغنّـي
‏والدّمع يتحدّر من الموق

‏باللّـه طيــرن وأتركنّـي
‏والشوق ماينزاد به شوق

.....

[الحمدان]

السيف لولا الحد والضرب والنار
إن كان ما اسمه سيف اسمه حديدة

.....

[الحمدان]

من تدخّل في امر مايعنيه واجه له مصيبه
‏ومن هرج في غيرفنّه ياحمد جاب المصايب

‏يا حمد لو ما شربت بحورها السبع العجيبه
‏كان ما سمّاني اْحْد ثامن السبع العجايب

‏والعجايب يا حمد لا جبتها ما هي غريبه
‏قبلي جدودي من الدَجره يجيبون الغرايب

‏آتتبّع جرّة الفرسان وآشقّ الكتيبه
‏من ضنا عودٍ صميدع ما تزعزعه الكتايب
‏لا قنصت اجيب ما لا كلّ قنّاصٍ يجيبه
‏يوم ولد اللاش مَحدٍ يسأله ويش انت جايب

‏ادفن الرديان وسط قبورهم واركز نصيبه
‏لين صدر الارض شفته ضاق من كثرالنصايب

ناصر الفراعنة

[الحمدان]

والعرب علمهم بي يوم صدري شمالي
والليالي ما قفت به لا يمكن تعيده

روحت مع مهب الريح يا هملالي
ما حد جت له الدنيا على ما يريده

.....

[الحمدان]

ثمان سنين ما هوا نجد قطرة
لا هب نسناس ولا ذاه بارق

يا نجد لا جاس الحيا فازعجي لي
مع الطير ولا موميات العلايق

أبو زيد الهلالي

[الحمدان]

مصيبة ليا من ابن عمك تردى فيك
ونصيت البعيد وقام معك وجلى همك

لا قال أبشر أبشر والله إن كأنه يعزيك
على موتة عروق الحمية في ابن عمك

حزمي بن سعد

[الحمدان]

قولوا لجدران البيوت القديمة
تكفين لو جار الزمن لاتطيحين

ياما عطيتي لأجمل العمر قيمة
يسلى بك الضايق من حين لحين

.....

[الحمدان]

كم ليلة من سببك العين ذرافة
من غيبة الشمس لين الصبح ينساقي

سعد بن جدلان

[الحمدان]

وإن كان الحليم اسمًا لربي خير معبود
فمن أسماء ربي المنتقم فافطن لما راد

ناصر الفراعنة

[الحمدان]

تحت حدب سيوفنا عيد ومسرة
للضعيف وللقريب وللجلاوي

الرفيق يشوف منّا ما يسره
والعدو يمسي على شر وبلاوي

محمد الشمالي المري

[الحمدان]

سلموني للفياح الخضر تسليم الرهينة
وانزلوا بي فوق عشب وتحت رعّاد يدوي

عبدالله آل لزيوح

[الحمدان]

يفطر عليك القلب وإن فارقك صام
والله لو إنك شوك سدرة كليتك

محمد بن فطيس

[الحمدان]

حفظته ودللته وغنيت له موال
وتخيرت قربه ليتني ما تخيرته

تركي الميزاني

[الحمدان]

اكحل عدوِّك لين تعمى عيونه
‏البس له أغلى اللبس لو كنت جايع

خلف بن هذال

[الحمدان]

والله أن رد الجمايل مثل رد الدموع
‏أن قدرت ترد دمعك قدرت تردها
‏
‏بدري بن صالح الشيب

[الحمدان]

ليلي أسهربه ولـ جاء النهار أشلى شوي
‏مرّهٍ أشلى ومرهٍ يعاودني بلاي

‏وأنت سبة كل شي ولا داويت شـي
‏كيف ياقادر على داي ماتقدر دواي

سعد بن جدلان رحمه الله

[الحمدان]

أتصبر وأقول إني على البعد قاوي
‏والله أعلم بقلبٍ فيه الأشواق حية

.....

[الحمدان]

وكم شايبٍ عبرته بالصدر دلّاجة
على عيالٍ تحسف يوم رباها

نسيته يوم أصبحت ماهي بتحتاجه
من عقب ما كان مزبنها وماواها

.....

[الحمدان]

ماهوب عيبٍ تعتذر من خطاياك
‏العيب والله صدتك وأنت مخطي

.....

[الحمدان]

أنا بعير الشقا وأنت حوار الربيع
مدري مربيك راس العود ولا المره

مستور العصيمي رحمه الله

[الحمدان]

‏اليتم يتم الأدب والموت موت الضمير
‏ والحب حب المعالي باختلافاتها
‏
‏والجرح جرح المشاعر من لسان الحقير
‏والصوم صوم الجوارح عن شهواتها
‏
‏والبخل بخل الغني والجود جود الفقير
‏والبعد بعد النظر ماهي مسافاتها
‏
‏راجح المغيري

[الحمدان]

‏ماتكنّ القلوب وماتشيل المخابي
‏بوحها يلحق الرجّال شكه وريبه
‏
‏بين هرجة عذول وبين شخصً حكابي
‏العرب صدقوا وانا دفعت الضريبه

‏لو نواياي تستر ماانكشف من ثيابي
‏المجامل بمن لايستحقه مصيبه

‏د. محمد مريبد

[الحمدان]

‏النعم مايطلق على كل رجال
‏ولا كل من يبغى المديحه وجدها

‏ولا كل رجلن للثقيلات شيال
‏ولا كل من يزرع زروعن حصدها

‏النعم للي للصعيبات حلّال
‏ولا شانت القالات حلل عقدها

‏لا جا مجال الطيب يضربه امثال
‏على اسمه الخفره تسمي ولدها

‏ماهوب ملقوفن على الربع شيّال
‏معطيه ربه نعمةٍ ما حمدها

ياسر الروقي

[الحمدان]

‏كل ما شانت وجيه الناس وسّع صدرك
‏لا تحسب إن في يدين الناس نار وجنّه

‏القريّب لا تكدّر خاطره وإستدرك
‏سامحه وإن جيته بزلّه تسامح منه

‏ولا تعلّق خافقك باللي ما يحفظ قدرك
‏كثر ما تقدر توخّر عنْه وخّر عنّه

.....

[الحمدان]

أَبَت عَبَراتُهُ إِلّا اِنسِكابا
وَنارُ غَرامِهِ إِلّا اِلتِهابا

وَمِن حَقِّ الطُلولِ عَلَيَّ أَلّا
أُغِبَّ مِنَ الدُموعِ لَها سَحابا

وَما قَصَّرتُ في تَسآلِ رَبعٍ
وَلَكِنّي سَأَلتُ فَما أَجابا

رَأَيتُ الشَيبَ لاحَ فَقُلتُ أَهلاً
وَوَدَّعتُ الغَوايَةَ وَالشَبابا

وَما إِن شِبتُ مِن كِبَرٍ وَلَكِن
رَأَيتُ مِنَ الأَحِبَّةِ ما أَشابا

أبو فراس الحمداني

[الحمدان]

فَلم يُنسِني ذِكراكِ يا غَزُّ شاغِلُ
ولا تَحسبي أنّي عَنِ الحالِ غافِلُ

فَفي القَلبِ آهاتٌ عليكِ وحَسرَةٌ
فِداؤكِ روحي والدموعُ الهواطِلُ

فصبرًا فلا يُخفى على اللهِ ظالِمٌ
ولابدَّ أن يُفنى الطغاةُ الأَرَاذِلُ

فرُحماكَ رُحماكَ إلهي وخالقي
بقومٍ تَوالَتْ في خُطاهُ النوازِلُ

.....

[الحمدان]

أَكرِم بِقَومٍ رَسولُ اللَهِ قائِدُهُم
إِذا تَفَرَّقَتِ الأَهواءُ وَالشِيَعُ

أَهدى لَهُم مِدحَتي قَلبٌ يُؤازِرُهُ
فيما يُحِبُّ لِسانٌ حائِكٌ صَنَعُ

فَإِنَّهُم أَفضَلُ الأَحياءِ كُلِّهِمِ
إِن جَدَّ بِالناسِ جِدُّ القَولِ أَو شَمِعوا

حسان بن ثابت

[الحمدان]

ويقرأُ الناسُ أحرُفَنا فتعجبُهم
ويحسبونَ بأن الحُزنَ إبداعُ

سيشهدُ الحرفُ أن الحبرَ أدمُعنا
لو يعلمون وأن السطرَ أوجاعُ

البوحُ فيضٌ من الآلامِ لو حُبِست
تهشّمت من أزيزِ الصدرِ أضلاعُ

.....

[الحمدان]

العِلْم يُحْيي قُلوبَ الميِّتِين كما
تَحْيا البلادُ إذا ما مَسَّها المَطَرُ.

والعِلم يَجْلو العَمَى عن قَلْب صاحِبه
كما يُجَلِّي سواد الظُّلْمة القمَرُ

.....

[الحمدان]

أَراكَ عَصِيَّ الدَمعِ شيمَتُكَ الصَبرُ
أَما لِلهَوى نَهيٌ عَلَيكَ وَلا أَمرُ

بَلى أَنا مُشتاقٌ وَعِندِيَ لَوعَةٌ
وَلَكِنَّ مِثلي لايُذاعُ لَهُ سِرُّ

أبو فراس الحمداني

[الحمدان]

‏يقول من بِلش وبحل
‏بمعادلة صبر وجبر

‏شفنا المذاهب والنِحل
‏شفنا الهوايل والعِبر

‏من تطعمه شَهد النحل
‏ياتقل تسقيه الصِبر

‏ومن ترفعه باعلى محل
‏يستعذب القاع الغَبر

‏راع الوفا عشبة محل
‏والصادق معدّى خبر

‏ايحبّ من طبّ الوحل
‏لو هو من الحال بثبر

‏ويعاف من لامس زحل
‏مهما ارتقى ما يعتبر

.....

[الحمدان]

‏ما يجحد حقوق الرياجيل رجال
‏ولا يحقر سلوم الصداقه سنافي

‏لا خابت الهقوات في بعض الاشكال
‏ماخابت الهقوات في كل وافي

.....

[الحمدان]

الصاحب اللي بطيحتي ماسندني
ماعاد له شرهه عليّه مع الوقت

.....

[الحمدان]

‏إن شحّت نجوم ليلك لا تحايلها
لا ترجي الليل نجمة والقمر باكر

تنتظرك أشياء كثيرة ما تخيّلها
عقب التعب مالك إلا طيبة الخاطر

.....

[الحمدان]

لا تلتفت للناس وتقول قالوا
عليك في نفسك ولا تتبع الناس

وان كان هم فى غفلة الوقت مالوا
خلك جبل واثبت على مبدأ وساس

.....

[الحمدان]

مانيب مجبور أخاطب على قد العقول
والله إن بعض القناعات عندي مهمله

الكلام تشوفه الناس حل من الحلول
مثل ما أشوف التجاهل يحل المشكله

.....

[الحمدان]

‏ياليت بعض الناس مايشغل الناس
ويكـون في نفسه جميع اهتمامه

بعض العرب هماز لماز بلاس
نسي العذاب ونسي يوم القيامة

[الحمدان]

نعتب على وقتنا ونقول
انه السبب في بلاوينا

ولو عدنا إلى المعقول
أكيد نلقى السبب فينا

.....

[الحمدان]

ترى التشكي للمخاليق يشــــــنـاك
يحط من قدرك ويفـرح امعــاديـك

وكثر التـشره يجعـل الناس تجـفاك
ولاعــاد تلـقى بيـنهـم من يخـاويك

.....

[الحمدان]

لاتطلق السر من سجنه وتطلب كفيل
‏دمار بعض القلوب البيض من طيبها

‏مير انتبه لايجي سـرك ذبيحه بخيـل
‏ماينبسط لين كل الناس تدريبها

.....

[الحمدان]

النفس لا طاوعتها عشت مغبون
ملزوم في بعض الامور تعصاها

.....

[الحمدان]

أطمح وأبالغ وأرسم أحلام وأطير
ما للأماني حد على حد علمي

دايم طموحي غير لأني أنا غير
ويارب تعطيني على قد حلمي

.....

[الحمدان]

لو تنكسر و تْطيح من طولك
الناس لا تدري عن احـوالك

إفرح اذا شفت الفرح حولك
واذا بتحزن احزن لحالك

.....

[الحمدان]

الشك باب ويفتحه كل مفتاح
وإذا إنفتح ضيّق عليك الزوايا

ان كان ودك تقضي العمر مرتاح
حاكم سلوك ولا تحاكم نوايا

.....

[الحمدان]

ولفت السهر ميلاف الأجواد للأجواد
‏عسى الله لآ يخليني من علومه الدسمه

‏تجمّل علي وطاب لي عنده المقعاد
‏وسكن فيه قلبي مثل ماتسكن النسمه

‏أنا من كثر ماني مقيّد معه بقياد
‏تبعت الظلام وبيّن بهالتي وسمه

‏أراقب نجوم الليل كني خبير أرصاد
‏ما خليت نجمً فالسما ما عرفت إسمه

.....

[الحمدان]

الكلمة الخايبـة لا جتك من خايب
كرم مسامعك عنھَا لا تعبـرھا

ماجابھَا إلآ ضَعيف النفَس والعايب
أدعس عليھا برجلك لا تگِبرها

.....

[الحمدان]

على الله شكينا كل هم يكود دواه
جزيل العطايا واحد ما انغلق بابه

سجدنا لعزه وانثنينا لحوز رضاه
عسى الله يفرج كل هم شقينا به

آمين

[الحمدان]

الحقد في بعض الاوادم وراثه
يظهر وفاه وسم الانياب مكبوت

من زود مافي داخله من خباثه
يمكن ليا منه بلع ريقه يموت

.....

[الحمدان]

‏تدري من أكثر شخص بالناس محبوب
‏شخـص إذا شــاف الأوادم تبســــم

ماهو على الضحكه مع الناس مغصوب
‏طبـع التواضـــع في حيـاته ترســــم

.....

[الحمدان]

ادركت من كثر التجــارب حقيقــه
إن البشر مثل إختلاف الأصــــابع

به من يصد إليا شــعر فيك ضيقه
لاصار حزنك في حناياك قابـــــــع

وفيهم صديق ٍ مايجافي صــديقــــه
وافي وقلبه بالوفــــــا دوم نابـــــع

.....

[الحمدان]

من خلقت الناس شماته ومداحه
ريح ضميرك ونفسك لاتضايقها

الشجره الطيبه بالطيب فواحه
ماتختلف لو سموم القيض تطرقها

مايثمر الشوك برحيه وتفاحه
حتى لو ان القراح العذب يغرقها

ارضى الله الوالي ان كانك تبى الراحه
ورزقك على اللي خلق خلقه ورازقها

.....

[الحمدان]

‏النفوس اللي على بغضك تجرت
‏عز نفسك قبل يـظهر لك غثاهـا

والوجيه اللي من الحشمة تبرت
‏صد عنها قـبل تـبلاك بـرداها

.....

[الحمدان]

ثمـن كلامـك قـبل تنـطق كلامـك
الهرج مثل السيف والسيف له حد

لجل ماتخسر قيمتك واحترامك
فرق ما بين الهزل والمزح والجد

.....

[الحمدان]

مــن يرخصـك لاتلتفت له وترجـاه
خلــه مـــع الايـــام ربـــــك حسيبه

هذا الردي يوم الرّخا الطيب ينساه
مــايذكــرك ليـــن الشـــدايد تجيبه

.....

[الحمدان]

من عاون المعتاز في ساعة الضيق
لامات يبقى في سماء المجد ذكره

ازرع بـذور الخير بارض المطاليق
واللي زرعت اليـوم تجنيه بكره

.....

[الحمدان]

‏الزعل اخطر محطه من محطـات العـلاقه
والرضى لولاه ماشفت المخاليق استفادو

مالعب في كبودنا ياكـود زلات الرفـاقه
ان زعلنا قاطعـونا وان دمحناها تمـادو

.....

[الحمدان]

‏أحيـان ننـدم مـن كـلامٍ نقولـه
‏وأحيان نندم ليه نسكت عن القول

‏الله يعيـن الحـرف لحظـة هطولـه
‏أنا أشهد أنه يكشف عقول وعقول

.....

[الحمدان]

خلك ابخل شخص في سوق الكلام
وخلك اجبن شخص في طعن القفاء

وان بغيـت تكـون فـي اعـلى المـقـام
احـسب الـف حسـاب مـن كلمة افاء

.....

[الحمدان]

‏هذي حياة مسطرين التواريخ
وهذي مضاربهم وهذا دبشهم

من دونها كم راح شيخٍ ولدشيخ
ماتروي حياض المنايا عطشهم

.....

[الحمدان]

الظروف تفر راسي وانا بالي طويل
ما ذبلت عزوم نفسي ولا ذليتها

الليالي ما عطتني سوى الشي القليل
بس روحي من قليل العطا أغنيتها

.....

[الحمدان]

حاولت اسوّي كل ما يقنع الراس
وشفت العَتب بين العباد متفشّي

مهما تسوي خير لا تامن الناس
اللي يبي الايام تمشي يمشّي

.....

[الحمدان]

ﺃﺭﺧﺺ ﻋﻼﻗﺎﺕ ﺍﻟﺤﻴﺎﺓ ﺍﻟﻤﺠﺎﻣﻞ
ﻭﺍﻗﻮﻯ ﻋﻼﻗﺎﺕ ﺍﻟﺤﻴﺎه ﺍﻟﺘﺠﻤﻞ

ﺍﻷﻭﻟﻰ ﻣﻦ ﺑــﺎﺏ ﺧﺒﺚ ﺍﻟﺘﻌـﺎﻣﻞ
ﻭﺍﻟﺜﺎﻧﻴﻪ ﻣﻦ ﺑﺎﺏ ﻗﻮ ﺍﻟﺘﺤﻤّﻞ

.....

[الحمدان]

مد الاجناح وإلا طيح من راس ضاحه
لا توقف إذا ما اقدر يشيلك جناحك

حاول انك تقول الصح قبل الصراحه
والغلط لا تظنه يوم يطلق صراحك

الغلط في عقيم الفكر مسرح وساحه
وانت لا تقترب منه يلامس وشاحك

خل بينك وبين اللي تحبه مساحه
لين ماتشرق الفرحه وتسعد صباحك

.....

[الحمدان]

لقد دَبَّتْ بجُنحِ الليلِ رِجْلِى
على رَجُلٍ ولم يَكُ في حِسابي

فقال مُهَزِّئًِا هلْ أنتَ أعمَى
فقلتُ نَعَم وَدَوَّاسُ الكِـــلابِ

.....

[الحمدان]

بيوت الشعر ماردت ولا عاشق على معشوق
نحسب الشعر يسلينا وهو اللي لعب فينا

.....

[الحمدان]

الاجــواد مــا تـبـخل والانــذال مـاتـجود
وشـتـان بـيـن الـنـاس الانـذال والاجـياد

الانـذال تـقضي جمل الاجواد بالجحود
والاجواد ترعىٰ الجمل في العين والفؤاد

وذي يـنـكر الـمعروف مـا يـحفظ الـوعود
ولا يـكتسب وجـهه سـوا الـلوم والـسواد

عـلـيك الـعـتب والـلوم يـا مـخلف الـعهود
ويـانـاكر الـمـعروف والـطـيب والــوداد

تـضـيق الـوسـيعة ضـيقة الـقبر والـلحود
مـتـى خـابـت الآمـال والـقصد والـمراد

فــي انـسـان كـنا لا زهـمنا نـجي حـشود
نـجـاهد عــلا شـانه فـي الـنايبه جـهاد

جـروح الـجسد من جنبية خصمي اللدود
يـهونين مـن مـا اطـلب مـن الفاتر الضماد

تـغـير نـفـوس الـبـعض الامـوال والـنقود
وتـجـفاء عـيـون الـكـفو واسـبالها الـرقاد

مـتى اهل الشوارب طايعة نادش الجعود
فــلا عــاد بــه رُكـنـىٰ عـليها ولا اعـتماد

ولـو جـد هـذا الـناس مـن خـيرة الـجدود
قـفا الـنار مـا تـلقىٰ سوى السود والرمـاد

.....

[الحمدان]

من حبهم قلبي قنع بالمختصر
لا سامح الله من رجع عن كلمته

قولو لهم ماعاد للرغبه اثر
والشوق ودع مابقي من همته

الصبر كان اول يراعي بالنظر
حتى بلغ حده وضاقت حكمته*

المبتدا في اوله حسب الخبر
اكد على موقف وخانت ذمته

كل الذي قد كان في لمح البصر
اصبح بلا معنى لفاقد بصمته

قد يمكن النسيان من طبع البشر
لكن ماهو عذر جاحد نعمته

من لا يقدر بي تجازيه العِبر
والكِبر يسقط من وصل لا قمته

.....

[الحمدان]

لِله بارفـــــــع يديـني
مِن قلب خاشع وحـاير

راجــيـه إنــه يِعــيـنـي
على جمـيع المَعــــاثر

انـا بـِ ربـــي يَـقيــنــي
في ذا الـزمن المُعاصر

ومـــا بَاوطـي جَـبيني
مِن دون ربي لكـــافر

.....

[الحمدان]

لو يجور الوقت والدنيا تشين
والزمان الي تكدر ما صفاء

ما يضيع الطيب عند الطيبين
والوفاء ما يضيع عند اهل الوفاء

.....

[الحمدان]

نحيا حياة أحرار راضين النصيب
ونموت ماتاطى لنا الدنيا طرف

ونقصر خطاوينا عن الدرب المعيب
وبالماقف اللي يبهج الخاطر نقف

ونطيب لو عيّت ليالينا تطيب
‏فضل من اللي جمّل الحال ولطف

مساعد الرشيدي رحمة الله عليه

[الحمدان]

بين الضياع وبين كثرة شتاتي
محتاج انا لي برّ يا كثر امانه

يا كثر ما حاولت بمحاولاتي
ووقتي بدى يكثر عليّ اللعانه

مليت من روتيني وأغنياتي
ومليت من قلبٍ تزايد حنانه

اطلع وانا والله ما اعرف جهاتي
وارجع وانا مدري وش ارجع عشانه

خايف يروح العمر دون امنياتي
واخاف حلمي ما يجي في مكانه

واخاف ما أخشع وازل بصلاتي
واخاف قلبي لا يخل اتزانه

واخاف اموت ولا احصل نجاتي
واخاف اضيع بلحظة الاستهانه

يارب وحدك عارفٍ في مماتي
ووحدك تعين الي طلب استعانه

تجعلني ابقى في ثباتي ثباتي
واعوذ بك من ذل وقت وهوانه

وتغفر جميع ذنوبي وسيئاتي
ويارب تجعلني اصون الامانه

.....

[الحمدان]

‏لي ايام وانا معلن الصدّه عن الكل
‏واليا شفت لي جو ٍ خلاوي تنطحته

‏اجامل وانا نفسي شقيه و ضغطي فل
‏وصابر وسرّي للمخاليق ما بحته

‏اثر صدق مجروح المعاليق ماله حل
‏لو جاامل تواارت دمعة العين وفضحته

‏لا وردت عليه هموم الايام دق وجل
‏تروح الفجوج الواسعه وسع مسبحته

.....

[الحمدان]

إبقي يَمي
وخلّي هاي الدنيا گلها

تصير ضِدي ه‍اچ چَفـي
وصَحيلي أغلاطي كُلها

المُهم خَليني إعلى گدچ
وانتِ هَم صيري أعلى گدي

شعر عراقي

[الحمدان]

أنت المُغِيث لِمَن مَاتت عَزائِمهُ
أنت الرَحِيم لِمَن قَد هَدّهُ التَعَب

.....

[الحمدان]

انتِ عَذبة شَلون دجلهَ
ويمَج تحوم النَوارس

والله لو كَلها بچمَالج
مَا بقى ليَل الله دَامس

النَاس حَلاها لبسَها
وانتِ حليتَي المَلابس

شعر عراقي

[الحمدان]

يارب وأنت بكل ما فيني عليم
‏سخّر لي أصحاب النفوس الصافيه

‏لو شحّت ظروفي فلا غيرك كريم
‏وأن جارت ذنوبي عساها خافيّـه

‏عن كل ذنب أستغفر الله العظيم
‏عن كل كسرة نفس أجرّ وعافيه

آمين

[الحمدان]

‏لـيت المشاعر لاتمادت خبيـره
ماساقها بالخلق خاين وكذاب

نمشي وراها فاقدين البصيره
ونرجع نلوم الوقت ونذم الاحباب

.....

[الحمدان]

مافيه داعي للزعل والانفعال
‏ومجادل الجاهل وكثر اللجلجه

‏خلك على ماقيل شيال الثقال
‏واللي يبي يزعجك صمتك يزعجه

.....

[الحمدان]

‏على الهون يا سود الليالي عليك اللوم
‏ترى قـلوبنا مـن واقـع أيامنا وَجْلة

‏ليالي الحزن ساعاتها في عيوني يوم
‏وليالي الفرح لا عرّضت عرّضت عجلة

.....

[الحمدان]

‏ماعاد لي قدره على فراق ووداع
‏ودعت ناس وناس هم ودعوني

‏ماهو جفا بس الزمن دوم خداع
‏ماياخذ الا ناس تسوى عيوني

.....

[الحمدان]

‌‎يا عبرة يلعب بها الصمت والنوح
وتخفي شفايف صمتها ضيقة البال

الى متى صمتك يردك عن البوح
والى متى حزنك مع الصمت رحال

.....

[الحمدان]

يابنك حبي أنتْ وأنتَ رصيـــــــــــده
لاضاع حبك ضعت واعلنت افــلاس

محبتي لك ياعيوني أكيـــــــــــــده
والحب لك كالبحر ماظن ينقـــــــاس

منك أحبك جات جرعة مفيـــــــــده
حبك تملّكني من الساس للـرأس

.....

[الحمدان]

‏كتبت لك وسط الدفاتر والاوراق
‏ونثرت لك حبري وحرفي دموعه

‏الشوق سيف مقطعن جوف الاعماق
‏وكل المشاعر جند لامرك وطوعه

.....

[الحمدان]

‏بعض القصايد تنولد من معاناه
وبعض القصايد فلسفتها سعيده

واللي كتب حرفه مغلّف من الآه
ماهو مثل من يبتسم له قصيده

.....

[الحمدان]

ليت النوايا مالهـا ستــر ولباس
تظهر من صدور المخاليق جردى

اللي تظنّه غير عن كـلّ هـــالناس
بكره تشوفه مثل هالناس واردى

.....

[الحمدان]

اعشق ثرا اخواني واحتمي في ذراهم
هم عزوتي لا من غدت ســود الأيــــام

ادعي عسانـــي ماختبر في غلاهــــم
يبقون هـم ذخري على مر الاعـــــوام

.....

[الحمدان]

هي شيخة الزين والاخلاق والعفه
سبحان من زين الخلقه وسواها

هي بكفه وخلق ربي كله بكفه
تفرق عن العالم بمجمل مزاياها

الوجه والخد والعينين والشفه
تبطي بطون الحريم تجيب شرواها

.....

[الحمدان]

تجاهلي لبعض الاوادم من الله
ماهيب شوفة نفس والا كِبر فِيّ

احب انزل كل شخص بمحله
ولا احب اجي لي في محلٍ مهو لي

.....

[الحمدان]

حتى لو ان الغلا فيني وصل حده
لي عقل يدرك حدود الشوق ويكابر

قياس عمق الجروح يحدد المده
مدة تحولك من غالي إلى عابر

لاشفت مركب غلاي رياحك تضده
بيصير مالك مكان وقيمة ودابر

كسرت لك خاطر ومديت لك صده
والخاطر إليا انكسر ماعاد له جابر

.....

[الحمدان]

مانيب شاعــــره مير للشعر ذويقه
احب جزل القصيد المترف الراقي

انثى ولكــن لي ميـــول وهوايـــه
احب شوف الخيل واعشق ركوبه

.....

[الحمدان]

يا صديق الملــوك ويا صديق الطفارى
يا الشراب الحلال ويا المزاج المحبَّك

يا صديق الدواهي وياصديق السهارى
نعنبو فن فنك كلبـــــونا نـحـبـك

انه الشاهي...

[الحمدان]

‏يـــــارب قـــوّ الخفوق وزوِّد إيماني
‏وأجعل همومي هموم الشرع والسنَّه

‏طالبك بعــــد الحيـاة وعمـري الفاني
‏المَغفــره والعفـــــو والستر والجنَّه

آمين

[الحمدان]

مالنا بالعمر والـــوقت والدنيا ضمان
والزمن دوار يمشي على بطن وظهر

.....

[الحمدان]

جاملت لي غالي على شان ابرضيه
واثري ارتكبت اكبر خطايا حياتي

لبست لي ثـوبً ولا ني براعـيـه
وضيـعت ذاتي كلها بوسط ذاتي

.....

[الحمدان]

‏عز الله اني جلست وطال مجلاسي
‏يالله عسى كل تاخيره بها خيره

.....

[الحمدان]

ياللي تراقب غروب الشمس خلك صبور
لاغابت الشمس ريّـــح وارقب اشروقهـا

اصبر ولا تحط نفسك مثل نقطة عــبور
في كل لحظه تمرّ الناس من فوقهــــا

.....

[الحمدان]

إن كان أمك بوسط البيت ريـحتها
حافــظ عليها تراها ريحــــة الجنة

خلك مطيع وحــنون ولب حاجتها
يــــا جعل أمي وأمك تدخل الجنة

آمين

[الحمدان]

وتــرى حــــلاة البنت مستورة الحال
من طاعــــة اللـه والنبـــي مستزيدة

والستر ما هــو في عبايــة ولا شال
ولا هــي نصايــــح تنكتب بالجريدة

الستــــــر حفظ الـدين حلٍّ وترحال
دايـــــم علاقتهــــا مــع اللـه وطيدة

تحفــــظ وجيه رجـال وتربي رجـال
على المـــراجل والخصـــال الحميده

.....

[الحمدان]

‏ياسعود وين اللي لهم صيت واذكار
‏اللي لهم بالدار صوله وجوله

‏اقفى بهم ياسعود قصاف الاعمار
‏اقفت بهم سود الليالي عجوله

‏راحو على طيب النوايا والإسرار
‏بيض الوجيه معدلين الميوله

.....

[الحمدان]

ارفع مقامك عن وكالة يقولون
مامن وراها غير هدم العلاقات

خلك نظيف القلب ظاهر ومظمون
شيل الجميل وخل كل التفاهات

.....

[الحمدان]

ياقلب لا تتعــب وواصـل تحديك
وخليـك من درب المقفين ساهي

ولا تتبــع إلا من يعــــزك ويغليك
واللي ابــد ماغــاب عنــك وتاهي

.....

[الحمدان]

‏نستحي من حزننا لا نكشفه
‏والحزن لا لقى الفرصه بطش
‏
‏كل يوم يصب كاس ونرشفه
‏وأرتوينا صح لكن با لعطش

......

[الحمدان]

‏أحلى القلوب اللي بها خشية الله
‏وأحلى الكلام اللي نقوله بذكره
‏
وأجمل شعور اللي مع الله كله
‏وأجمل محبة حُب ربي وشكره

.....

[الحمدان]

‏ملامح عفيف النفس ما تقبل التاويل
‏عن اللي حياه العفٌ يمنعني أقوله

‏ما بين أرتكازة معتدل وأنحدارة ميل
‏وخصرً هذا ضيقه وعنقً هذا طوله

‏سحاويً يروح الشفق لا انولج فالليل
‏مثل وجنته لا دسهّا تحت مجدوله

‏نحيل القوام اللي قطاته قطاة الخيل
‏يا حظ اشقرً يقتضّ ويلف من حوله

.....

[الحمدان]

‏مابين درب السلام وبين درب العنا
‏علاقتي معك مدري وين وصلتها
‏
‏كم كلمةٍ خافيه في جوف صدرك وانا
‏دورتها في عيونك لين حصلتها

.....

[الحمدان]

‏سمحت من الفراق وسطوة الذكرى على النسيان
‏واشوف الكبريا بعد التواضع موقف انساني
‏
‏حياتي فوضويه كيف اجمعها واصير انسان
‏انا هالحين نصف انسان وانتي نصفي الثاني

.....

[الحمدان]

يالله إنك ترحم الحال لاضاق المجال
مالنا في ساعه الضيق غيرك يارحيم

قاله اللي يرجي العفو وحموله ثقال
كل ما زادت همومه ذكر رب كريم

.....

[الحمدان]

‏غيرك يحاول ولا له على قلبي مجال
‏وانت حبك قد تمكن من القلب وعبر

‏وان نشدت وقلت عطني على قولك مثال
‏قلت معطيك الحنايا وزايد لك شبـر

‏وان سَمعت القول بين الحقيقه والخيال
‏قلت احبك فوق كل المحبه والامر

.....

[الحمدان]

يا مقر الزين يا قبلة مغنّه
‏التلاقي فالهوى عندي مقدس

‏ابك هجرك نار ومواصلك جنه
‏حاول نواجه بعض لو كان بالدس

‏من تثيقل في غرامك يحسب انه
‏لو يقابلني نفضته بالمسدس

.....

[الحمدان]

‏عبرت الطيف وانت اللي سبق وان مالك اي اشباه
‏على احوالي تدوّر ما تحسّن بي وتدمرها

‏جزاك الله يا شوق السنين وعوق كل الآه
‏اذا باقي في يدك جروح امانتها لا تذخرها

‏عليك بصدري اللي لا وصل فيه الحزن لاقصاه
‏تنهّاده ما يكسر من ضلوعه شي يجبرها

‏أنا باقي الصبور اللي ما يدري الصبر وش مسعاه
‏ليا طاله ندم هلّل على احلامه وكبّرها

‏عساها ما تفيق الا على المشهاة والمشكاة
‏لربٍ سيّر الدنيا مع اقداري وقدّرها

‏وتراني في طرف وجهك ليا مرّت علي ذكراه
‏لا تنشدني عن احوالي بعدها وانت تخبرها

.....

[الحمدان]

‏عـرفنا صـروف الـدهــر هبة بهبة
وعشـنا وشـفنا في زمنـا تجـاريب

الاعمــار تفــنى والليـالــي مغبــة
ومن لا يخاف الله ما يعرف العيب

ومن لا قضاهــا بالرضـا عنــد ربـه
ما ينفعـه مدح العرب والاجــانيب

.....

[الحمدان]

‏العقل نعمه والسوالف لها ساس
والشخص يُوزن كلمته لا نطقها

.....

[الحمدان]

مايـذبح العـاشـق الا نظـرت عيـونــہ
مايذبـح القلب غير البعـد عـن داره

عقب البطى جيت لـہ بنشده وش لونــہ
مـشـتـاق لـہ ولسـواليفہ ولاخـبـاره

.....