اخترنا لكم

[الحمدان]

وصالك يخيط الجرح ي الطيب السباق
‏وغلطتك مسموحة وزلتك مدموحة

‏عليك الأمور الكايدة والحزن مالاق
‏تعابير وجهك بين سمحة ومملوحة

.....

[الحمدان]

‏أنت تدري اني بنت ماني سريعة اعجاب
‏ولا كل حاجه عابره تكسب اعجابي

‏غلبت الهوى فتره لكن الهوى غلاب
‏تمادى ووقف في طريقي وانا مابي

‏دخلت فحياتي عرض من اوسع الابواب
‏وانا للحبايب ماني مشرّع ابوابي

‏وعطاك الله من الود والحب والاعجاب
‏مايجعلك سيد قلبي وسيد احبابي

.....

[الحمدان]

‏يقولون قاسي قلب واقول لا والله
‏ولكن علاج الصده ان طالت الصده

‏انا ويش اسوي ذا خفوقي وذا مبداه
‏اذا حب من جده واذا صد من جده

.....

[الحمدان]

والله إن القلب شفقٍ على بعض الأمور
بس عندي عزة النفس حاجه ثانيه

مساعد الرشيدي

[الحمدان]

خلك مـع أهـل المكارم صافيين القلوب
وأبعد عن الـلّي يحاول بالزمن يجرحك

الوقت يظهر لك الصادق ومن هوكذوب
ووقت الـشدايد بتعرف من تجمّل معك

.....

[الحمدان]

يـارب يـسرها على كـل ضايق
‏وارفع ستار الهم عن كل محزون

‏لـو كان في درب السعاده عوايق
‏تهون مع رحمتك يا خالق الكون

.....

[الحمدان]

حلمي معزالوقت تتحقق طموحاتي
ومـشـاعـري لـلـمـحبه دايــمٍ حــيّـه

أعـيش جـو الأمل في كل الأوقاتي
ومـواقـفي بـالـكرم والـطيب مـبنيه

.....

[الحمدان]

‏أنت وجهك من لقاه أصلًا عشان يخلّا
يالقبال اللي به ظروف الدهر منّانه

ماينافسني على صادق محبتك إلا
العقيم اللي تعلّق في عيال أخوانه

.....

[الحمدان]

‏وجودي عليك ووجد حالي ويامصعبك
ظروف حدتني عنـك مانـي بطايعهـا

أيا واحدٍ لـونك بعيـدٍ علـيّ مقربـك
سكنت العيون وكـن قلبـي منازعهـا

.....

[الحمدان]

ياصباح الرضا من قاضي الحاجة
‏للمحبّة مواصيلٍ نوثـّقها

‏وكل نفس ٍ لكسب الـرزق دوّاجة
‏سهـّل الله مساعيها ووفّقها

.....

[الحمدان]

صباح الخير والرحمه وحلو التغاريد
ويارب تسعد لي صباحي وصباحهم

عسانا على حوض السعاده مواريد
وعسانا من اللي خير ربي عطاهم

بقلمي

[الحمدان]

لي مُنيـةٌ تعدل الدنيـا وما حَمَـلتْ
أرجو الكريمَ وأخشى سـوءَ أوزاري

منـايَ أسمعه صـوتٌ يُبشـّرني
يا عبـدُ أعتقكَ المولى من النَّـارِِ

بقلمي

[الحمدان]

‏مرحوم ياوجهٍ ابكيه إلى اليوم
‏مرحوم يا كبد كبدي وفلذاتها

‏بعد فقدك غدا بخاطري علوم
‏عليك العيون تهمل دمعاتها

‏من بعدك ما هنا لعيني النوم
‏ترجعني لايامك وضحكاتها

‏من بعد فقدك معاد علي لوم
‏إليا تاهت النفس بحد ذاتها

بقلمي

[الحمدان]

‏تضيق الصدور ورحمة الله تفك الضيق
‏وانا في رجاء رب المخاليق سبحانه

بقلمي

[الحمدان]

علــى النهــج بانمضــي بهامــات شاهقــه
علــى النهــج غيــرنا صـداهــــا ولونهــــا

علــى النهــج بانمضــي بخطوات واثقـــه
وبانسجـــن الايــام داخـــــل سجــــونهـا

مضينــا مــع العالــــم بنيــات صـــادقـــه
وحمــل الامــانــه قــط مابــانخـــونهـــــا

يمانــي لمع فـــي الكــون صيته وبارقــه
يمانـــي يجـــن الجــن ساعــة جنـونهـــا

علــى المــوت نتسابــق جميعــاً مسابقــه
والفتنــه الــي جــــات نقلــــع عيــــونهــا

وباندفــن الغـــدار فــي وســـط خندقــه
والــي بــرأســــه جــا يـــروح بــدونهــــا

وعيشــة الــــذل مــن ايــامنــا طــالقـــه
مــانــرتــــضيها ولانقبــــل بمخــــزونهــا

وعــزة النفــس فينــا دايمــــه مــطُلقـــه
امــا ونحيــــا بهــــا او ننفنــــي دونهــــا

ابوضاح النفيش .. اليمن

[الحمدان]

‏تدري ان حبك عمل فيني عمايل
‏وادري ان ودك تغامر واتّجرا

‏حايل ٍ من دونك سلوم القبايل
‏الوصل محذور والعالم تزرّا

‏يا حبيبي ليت لوصالك وسايل
‏برني بالوصل ساعه ونتبرا

.....

[الحمدان]

‏ياللي على دفتر ايامي كتبت ورسمت
‏ابشرك راحت ايام السهر والشموع

‏البارحه مرّ طيفك بالغلط وابتسمت
‏ما عادت الذكريات تجيب راس الدموع

.....

[الحمدان]

‏تـغيب وتغيب الـسعادة والأفــراح
وترجـع وترجـع فرحتـي فـي ثواني

انشهد إن الشـــــوق قتال الأرواح
وبُعـدك عليا شـــي يدمــر كياني

يامـا بك اتونــس ويامـا بك ارتاح
وياما بك انسى معضلات الزماني

وياما احبك موت واهواك ياصاح
وقربك حياتـــــي غايتي وامتناني

.....

[الحمدان]

لك عليّ إني ما أحطك على لسان الشموت
‏ولي عليك إن كان صدرك تضايق مرني

‏وسبة ضعاف الروابع وظلّام البخوت
‏كان ما هي نافعتني ماهيب تضرني

‏مستعد أموت لجلك ولكن قبل أموت
‏كان عندك شي يثبت غلاتي ورّني

.....

[الحمدان]

السماء مشهد وداع وريبة شعورك غداري
‏ورغم هذا خـازن لعيونك الثنتين قيمة

‏كيف أحبّك وانت مستسهل غيابي وإنتظاري
‏وكيف أعافك والهوى غلّاب وعيونك غنيمة

‏طَل صبحك نوق بدوٍ خيّطت ثوب الصحاري
‏وجيت أدف الخوف وأذب لمساعيك الخريمة

.....

[الحمدان]

لا تضيق من التشاؤم واحتمالات الأناني
‏خايفٍ اشرب بعد كاس النصر من كاس المذله
‏
‏قال وش تبغي بحكي الحزن والدنيا تماني
‏لا تعيشنا زمان الحزن قبل يحل حله
‏
‏قلت ماتدري وانا الداري بعاقبة التماني
‏غير عاهدني وريحني واشل الحزن كله

.....

[الحمدان]

‏مرحبا وأهلاً هلا فيك يا عين الهنوف
اصبري نفرش لك الارض لا تمشينها

الكواكب والمجرّة تصفق لك وقوف
كل منهم قال رد السلام لعينها

.....

[الحمدان]

‏يافاتنه كل شي في وصوفك بديع
‏كل ما تمرين الاستغراب لازم يمر

‏أستغرب ان الضواحك ثلجةٍ ماتميع
‏مع إنها في الشفايف والشفايف جمر

‏العقل لو عاند وما طاع قلبي يطيع
‏الامر لله تعالى ثم إليك الامر

‏تداركي عمري الفاني قبل لا يضيع
‏احساسي يقول شي قادم ادهى وامر

.....

[الحمدان]

اضحك ترا عوج الليالي مدابير
‏وما للخلايق في قضا الرب حيله

‏أضحك لو هموم قلبك طوابير
‏وما يقسمه ربك تروح وتجي له

‏لو ضاقت الدنيا تراها مقادير
‏وخلك جبل ما هزته كل ميله

.....

[الحمدان]

إرضى بيومك ولاتبكي على الماضي
وخذ النصيحة من ابو زيد وطبقها

ان كان ودك تعيش وخاطـرك راضي
لا تحلم احـلام ماتقـدر تحققها

.....

[الحمدان]

يضيق فيني الوقت واجر الآهات
واصبر على كسر الزمن واتجبر

ادرج ايام العمر كيف ماجات
يالله عسى أيامي تزين وتدبر

.....

[الحمدان]

‏ما زلت لاهي وانا من غيبتك ما ألها
‏كنّي عن علوم غيرك فالعمر منهي

‏ما زلت أناقش خفايا الروح وأسألها
‏الحاجه اللي تعوض غيبتك وش هي

.....

[الحمدان]

على ولد عمي مـاتقدر تـعدى
‏دام الحميا تجري بوسط دمي
‏
‏يوم إن كلن في إبن عـمـه تردى
‏مال الردا مدخل على عيال عمي

بقلمي

[الحمدان]

‏لا تلومني يوم اني اقرا ولا ارد
‏ما للعتب نبره ولا للندم صوت

‏رسالتين بهالعمر مالهن ردّ
‏رسالة التوديع ورسالة الموت

.....

[الحمدان]

‏والتلاعب بالمشاعر لا تسميها شطاره
‏كم نديمٍ زاد همه والسبايب من نديمه

‏ما يجوز إنك تصلي قبل تبدى فالطهاره
‏ولايجوز انك تحب ونيّتك ماهي سليمه

.....

[الحمدان]

ما عاد في خاطري لومٌ على أحد
ما قيمة اللوم والإحساس قد فقدا

أعاتب من أهوى على قدر وده
ولا ود عندي للذي لا أعاتبه

إن لم يكن الود من القلب منبعه
فسلاماً على الود ومتصنعه

.....

[الحمدان]

اعشق ثرا اخواني واحتمي في ذراهم
هم عزوتي لا من غدت ســود الأيــــام

ادعي عسانـــي ماختبر في غلاهــــم
يبقون هـم ذخري على مر الاعـــــوام

.....

[الحمدان]

ماني ضعيف النفس حتى ترجاك
مغنيني الله عنك ماني في حاجتكك

حتى تعرف اليوم قدرك ومبداك
المال ماسرك ولازاد قيمتكك


متعب الحربي

[الحمدان]

‏عزاز نفس وبالمقادير راضين
ونفوسنا من فضل ربي رضيّه

وظروفنا إللي في يديها سكاكين
نشكي مواجعها لرب البريّه

.....

[الحمدان]

نعطي ولا نتبع عطانا بالأقوال
ونبذل ونسكت كننا ما عطينا

وان باعوا الشيمة بدينار وريال
حنا دخلنا سوقها واشترينا

‎محمد الاحمد السديري

[الحمدان]

ياوجـودي ليت مالي على الدنيا وجـود
او وجودي ليتني عشت بالكون اوّحدي

وياعذابي لادنى الليل وابـذلت الجهـود
ابغي ارقـد واثـر نـومي محارب مرقدي

اتقلب في فراشي وخلق الله رقـّود
وينه اللي يقسم النوم واقول بعدي

مرحباً ياقشر الاقدار لا جيتي وفود
فطرة الله في ضلوعي تحيّي موقدي

.....

[الحمدان]

المساجد في عيون اللي هجر شهواته
اوكسجين الراحه العظمى وباب الجنّه

ماحسدت الا كبير السن في - خطواته
يوم يسبقني على المسجد وانا اسبق منه

‎عناد الشيباني

[الحمدان]

خاب الأمل في رجعتك يا اخر العنقود
وانا كنت احسب ان كلها ايام معدوده

من رحت من عندي وانا في رجاك تعود
وانا خايف ان روحتك مني بلا عوده

انا حالتي من بعدكم مثل حالة عود
وصى على ابله بعد ماضعف مجهوده

يقول احذروني لاتطرون بيع الذود
وجاه الخبر قد هو يحرج على ذوده

‎مهنا السعدي

[الحمدان]

سامح وقلبك لاتلوّثه الأحقاد
عش زهرة الدنيا وجنّب غثاها

وان مر بك هرّاج بظهور الأجواد
قل له ترى الدنيا قصيرٍ مداها

بالك تجامل كل ناقل ونقّاد
المخطية لابد تعرف خطاها

‎
محمد الرشيد

[الحمدان]

الا ياوجودي وجد من هام يبغى النوم
جفاه المنام وصار في خلوة همومه

و قامت هواجيسه تنّبش عليه علوم
ويصفق ايدينه ويلعن الحظ و يلومه

وجود اليتيم اللي من امه ربا محروم
يجر الونين ولا حدن قال وش قومه

.....

[الحمدان]

عسانا لانصانا اللي ماريحه الزمن يرتاح
وعسانا مانسوي طيب وانا ننتضر رده

وعسانا لاتجملنا في احد مانذكر الي راح
وعسانا مانقابل راعي المعروف بالصده

وعسانا لاحصل منا قصور بساعة الافراح
مايلقون العرب منا قصور بساعة الشدة

حزمي سعد السبيعي

[الحمدان]

جفى الغايبين الي ليا عاهدو ماجاو
هـو الـي يخلي سيرة الحب مكروهه

لهم فالحشا مضراب شلفن تقص الماو
أشـد التهـابٍ مـن ذوايب ثـم الفوهـه

ياشيب الخفوق وهشم كبدي وياه وياو
صـواب عذابـه يخلف الـرأي والبوهـه

.....

[الحمدان]

اثقل ديون الطيب دين الجماله
وألذ طعم الطيب طيب المواقيف

وازكى دروب الطيب درب العداله
وابرز صفات الطيب رد المعاريف

واللي تجمل فيك بأغلا حلاله
لا تتركه لا عارضنه صواديف

ترا الجزاله مالها الا الجزاله
والمرجله قد قيل تبغا تكاليف

‎محمد سالم الطريسي

[الحمدان]

رزقي على اللي لا عطى شي مامنّه
وإلا يديـن العرب تعـطي ومنانـه

لو شحوا الناس ربي يعطي الجنّه
مايـغني إلا كـريم الـوجه سبحانه

والعز للنفس واجب والحيا سنّة
وأنا إيديني من الثنتين مليــانه

‎رشيد الزلامي

[الحمدان]

فــزعة رفـيقٍ ماحسبت حــسابه
في ساعـةٍ عـذر الــردي بغـيابه

تبقىٰ على طـول الدهـر محفوظه
في صفحة أهـل الطيب وسط كتابه

يخذلك بعض أحيان أقرب مالك
وينفعك مطنوخٍ من أقصىٰ أجنابه

‎غزاي الحربي

[الحمدان]

من كان ذا مالٍ ولم يكسب الثنا
فلا المال موفور ٍولا الحال كاسبه

والاجواد دون الحال بالمال تتقي
والانذال دون المال بالحال حالبه

ولا خير في حالٍ غلا المال دونه
ولاخير في مال حوى ذم صاحبه

راشد الخلاوي

[الحمدان]

ألآ يالله اني سد وجهك من الخذلآن
ومن غيبة الغايب ومن موتة الفجعه

ومن صحبة الي نعتبرهم مثل لخوان
وهم ماهم بصــافين وقلوبهم وجعه

وانا م اظلم الي شانهم بالمواقف شان
رجالٍ على دنيا من المجد مضطجعه

منتشريات

[الحمدان]

اليتم يتم الأدب والموت موت الضمير
والحب حب المعالي باختلافاتها

والجرح جرح المشاعر من لسان الحقير
والصوم صوم الجوارح عن شهواتها

والبخل بخل الغني والجود جود الفقير
والبعد بعد النظر ماهي مسافاتها

والعز عز التقى والصبر صبر الضرير
والذل ذل المعاصي واقترافاتها

.....

[الحمدان]

راسي تركز فـيـه شـيــبـه وشـبــه
غير جماله عقب ماكان زاهـــي

والشيب ياراسـي نــذيــر مـنـبه
عساه يوقض غفلتي بانتباهــــي

نصف العمر قفا وكــنـي بـغـبــه
مشغول في الدنيا وسالي ولاهي

فرقا الاهل والمال واللـي نـحـبــه
لابد منها غير مدري متاهـــــي

بدر الحويفي

[الحمدان]

جعل حظي مايطيح ولا يصير قريب
فى نحى اللي تالي الايام جاهم خفه

وجعل طاريه وذكري مايقال امغيب
من هل الامجاد معروفين واهل الوقفه

ولويشيب الراس هقواتي ماهيب تشيب
فالرفيق اللي على ماقيل ماسك صفه

وخل عنك اللي يقول انا تراني طيب
الظروف تطلعه بكره يالين اتعرفه

زايد نوار

[الحمدان]

دوّر على اللي يموت ولا ظهر زيفه
يبقى لك اقرب من اخوك وولد عمك

خلك من اللي مشاريهه على كيفه
لامن رضا يمدحك واليا زعل ذمك

‎حمدان الديحاني

[الحمدان]

نرزك نبيك تطيب لكن عجزنا فيك
يابونيةٍ شينه وابو ناظرٍ عاقد

بذلنا الجمايل فيك لكن مايرضيك
تردى مع الوافين وتفرح الحاقد

توكل على الله لا نشوفك ولا نبغيك
ومصير الليال تعلمك عقلك الفااقد

مواقيفنا لا كلح الناب ماتخفيك
تعل الكبود السود وتصحي الراقد

عبدالله بن سالم

[الحمدان]

زايـد ونـاقـص ياعـرب بـينهـم فرق
والــفـرق واضـح بـيـن هـاذا وهـاذا

سلم على الى ماخذن حاجته طرق
مـــاجـــادل الـــعـــربـــان لاذا ولاذا

يـدرك مـرامه دام ينبض معه عرق
ولاحـط خـيـبات الـرجـا لــه مــلاذا
‎

بن زابن

[الحمدان]

ألآ يالله اني سد وجهك من الخذلآن
ومن غيبة الغايب ومن موتة الفجعه

ومن صحبة الي نعتبرهم مثل لخوان
وهم ماهم بصــافين وقلوبهم وجعه

وانا م اظلم الي شانهم بالمواقف شان
رجالٍ على دنيا من المجد مضطجعه

منتشريات

[الحمدان]

طيبً تعدى والدينك مهو طيب
وفزعه تعدى اخوك ماتـنـتـبدى

ابوك وامك من كبار المواجيب
واخـوك للفـزعه تـراه المبـدى

هذا كلامً يلمس الحق ويصيب
واللي يحب الطيب صعب يتردى

تركي العريدي

[الحمدان]

تموت الرجال وتندفن ما يموت الصيت
عسى الله على درب الهدايه يقدّيني

يقولون تسلى في حياتك ليا غنّيت
واقول السعاده في صفوف المصليني

وانا في رجا الله واطلبه كل ما صليت
عن الناس واللي من ورا الناس يغنيني

‎مشخص الفهري

[الحمدان]

فاقد الي ماترك غير جرح ودمعتين
وذكرياتٍ تاخذ الحاضر وترجع ورا

انقضى نصف العمر بين ضيق وبين بّين
لا سلا خاطر ولا جرحي الموغر برا

ليت لي دعوه مجابه ترد الغايبين
دعوة مصلي وتايب في بيت ام القرى

.....

[الحمدان]

شرهتك مشتالها ماوقعّت فالتراب
من حشمتك جاتني تمشي وجيت اعدي

وشرهة ولد عمي الطيّب ومنصى الركاب
افرش لها ظلع خفاقي وراحة يدي

بعض المشاريه لا جتني عذاب بعذاب
والا بعضها معرضها الهوى وتغدي
‎
مرزوق الثبيتي

[الحمدان]

ما تزعل العاقل هروج المهابيل
اللي تضيق ابهم وساع الدروبي

ياللي وراي تهد وتحط وتشيل
افرح ليا وجهت غارتك صوبي

انا ركابي من ذنوبي محاميل
تكفى تجمل واخذ باقي ذنوبي

‎عايض بن ساقان الأكلبي

[الحمدان]

آخر زمن تزرى علي ياشليويح
وتسب نومي ياحليف الوساده

يابوك انامبطي ونومي شلافيح
يوم ان كلن مهتني في رقاده

آجاهد الايام وأقوم وأطيح
عندي على الصكات صبر وجلاده

نفسي معودها على هبت الريح
ومختشرتن في الشقى والسعاده

‎مرزوق المقاطي

[الحمدان]

ما يفتخر في قروم القوم كود القروم
تطرب لتاريخها وتشوش لافعالها

والا الحسد من قديم الوقت طبع الرخوم
اللي عن الطيب دايم تقصر حبالها

تغتاض من مدحة اللي للمعالي تروم
وان زاد عد المدايح زاد سلالها

عشق المراجل واهلها بالرخوم معدوم
ما تعشق الا الردى الله يقطع اشكالها

خليل بن هدلان

[الحمدان]

اعـتزالي عالمٍ يسمعون وينقلون
عزلة الزاهد عـن العيش بين العالمين

اتركوني خارج الدايره لـو تسمحون
لا بديتوا في مزارق لحوم الغافلين

.....

[الحمدان]

كبار ما حنّا من أهل التلّفات
‏ونفوسنا من بعض الأشياء عيوفه
‏
‏نقدّر اللي يبيّن وقت المهمات
‏واللي ما كنّه يشوفنا ما نشوفه
‏
‏والحاجة اللي ننتظرها ولا جات
‏إن جات ولا ما عليها حسوفه

.....

[الحمدان]

تطفو على سطح الوداع السكينة
وتغرق بقاع دموعنا نظرة الخوف

ما بَينَ دمعة وابتسامة حزينة
ضاع بحناجرنا حكي ماله حروف

.....

[الحمدان]

يالله ياللي تكشف الهم والضيق
يالواحد المعبود رب البريّة

أنت الرجا يالله لا ينشف الريق
دون المشيب ودون خط الوصيّة

يالله طلبتك ما طلبت المخاليق
وكيف بارجو خلق مثلي شقيّة

ياعالم ٍ بالسر وسط المعاليق
أستغفرك من كل ذنب وخطيّة

الهم فيني طوّق الفكر تطويق
والقلب ضايق والمشاعر خفيّة

والعمر رايح وما بقى فيه توثيق
واللي مضى لاشك صعبٍ مجيّه

يالله تجعل كل عمري توافيق
من لحظتي يالله حتى المنيّه

.....

[الحمدان]

‏يا عبرة يلعب بها الصمت والنوح
وتخفي شفايف صمتها ضيقة البال

الى متى صمتك يردك عن البوح
والى متى حزنك مع الصمت رحال

.....

[الحمدان]

لا تأسفي يا نفس والناس أطباع
فيهم صفا النية وفيهم جحود

الخير يبقى رغم جور الأوضاع
والحق يظهر لو تطول العقود

.....

[الحمدان]

‏أنت وحدك تستفزّ الصمّت وتردّ الطواري
‏ما قدرت ألدّ لك تقدير وإلا أصدّ شيمه

‏ما عليّ من الجفاف إن طالت يدينه دياري
‏وين ما لدّيت أشوفك نوض بَرق ووبل غيمه

.....

[الحمدان]

‏الليل و القمراء ونسناس الهبوب
‏تخلّي الشاعر يغنّي من طرب

‏وانامقفل هاتفي قبل الغروب
‏ومبعد عن الديره ولا حولي عرب

‏معي خوي ٍ لا صدوق ولا كذوب
‏تضارب افكاره ومخّه ماضرب

‏سوالفه يجيبها من كل صوب
‏اقبل على حد الخراب ولا خرب

‏ولا قلت سولف لي عن الظبي اللعوب
‏سولف عن نياقه عساها للجرب

.....

[الحمدان]

‏كل شي يربطني معك عاش فالبال
‏لو ما آتكلّم صوت قلبي مصدّق

‏يقرا قصيدي من بعد عمري أجيال
‏ويبكي على جرحه بعد مايصفّق

‏حقّقت كل أحلام عمري ولازال
‏حلمي بقربك للأسف ماتحقّق

.....

[الحمدان]

‏فلوسك اللي ما رقت بك على الطيب
‏بشر بها في سكرة الموت وارث

‏ولا صرت مقفي عن وجيه المواجيب
‏غيرك ترى ينطح وجيه الكوارث

.....

[الحمدان]

‏تغانموا فعل الجمايل مع الناس
‏النــاس صعبات الظروف اجرحتها

‏فعل الوفاء والخير فالناس نوماس
‏الطيب فـــوق الأرض ماهو تحتها

.....

[الحمدان]

‏نطرد ورى الدنـــيا وحـــنا معاطيش
‏وارزاقـــنا تكتـــب ونبـــذل سببـــها

‏ونتعب ونشقى والطلب لقمة العيش
‏هـــذي مقـــادير الحـــياة وطلـــبها

.....

[الحمدان]

من يحسبون العمـر توه ولازال
‏ما بين يوم وليل وشابت لحاها

‏واحلامها صارت مثل راحة البال
‏كـــلٍ يدورهـــا ولاحـــدٍ لقاها

.....

[الحمدان]

كان المسا محتاجلك والحاجه ام الاختراع
‏كن الليالي تحتري شمسٍ تسابق ظلّها

‏شوفي مشاويري معك لا دمع عين ولا وداع
‏ابتسمي انتي والقلوب الميّته تفطنلها

‏وعيونك اكبر مشكلة بين انتمائي والضياع
‏ان جيت كيف احلّها وان رحت كيف احلّها

‏ما يلوي ذراع الشجاع الّاك يا قلب الشجاع
‏لا بح صوت وسال دمع ومال خصر وملّها

‏انا فدا ذاك الجمر والعنق والحور الوساع
‏والورد وانغام الفجر لولاك مدري من لها

‏انتي من اللي ينتمي للريح والما والشراع
‏وانا تبعتك خطوتين ان ضيّعتك ادلها

‏لا مالت كفوفك ترف واخفيت حسن وحسن ذاع
‏تتساقط اوراق الشعر مابين ليت وعلّها

‏اختاري الفكره وانا برضيك قدر المستطاع
‏شاعر ولكن صورتك فوق المشاعر كلها

.....

[الحمدان]

‏طوال الدروب اللي على وجهها قدام
‏اتبيّح خفى اللي مابعد بيّح بسدّه
‏
‏لاطال الطريق وطال صبرٍ ماهو بأيام
‏تشوف الخلل فحجاج من ضاق من جدّه
‏
‏طواري ليال العام عادت علي ذا العام
‏وانا قبلها داله ومرتاح لي مدّه
‏
‏بغيت ألتفت واصد واجنّب الاوهام
‏ولقيت الوهم قدم التلفّات والصدّه

.....

[الحمدان]

‏اتنهّت والهقاوي ضياعٍ في ضياع
‏والمقدّر ما عنه والليالي جاريه

‏الزمان يسلّ سيفه على قلب الشجاع
‏ما يحنّه والمخاليق ماهي داريه

‏والله انه ما يحدّك تكبّ الاجتماع
‏غير ضيقٍ ما يخفّى وذكرىً طاريه

.....

[الحمدان]

‏وجيه العابرين تمرّني ما تلفت الانظار
‏مدامك لافت انظار القصيد ولافت انظاري

‏انا كل اللي اعرفه احبك حُب باستمرار
‏واشوفك راحة ايامي واشوفك اجمل اقداري

.....

[الحمدان]

‏لو معي من غيب الأيام والدنيا دليل
‏كان أجنّب بعض الأشياء قبل ما ابدا بها

.....

[الحمدان]

‏فاقدك والكون بغيابك كئيب
‏لا أحدٍ قبلك ولا بعد أحد

‏عفت خلق الله من بْعيد وقريب
‏وأعتزلت الناس من بعدك للأبد

‏كل واحد صار بعيوني غريب
‏مافقدك كنّ فاقد لي بلد

‏كان همّي في حياتي لا تغيب
‏الحياة بدون ضحكاتك نكد

‏ماني أول شخص فاقد له حبيب
‏بسّ بغيبتك أنا اكثر من فقد
ِ
.....

[الحمدان]

من قال لك بنقسم الحب نصين
قله قد اهل الحب باعوه كله

باقي معانا في الميه واحد اثنين
ما قط بـانت منهم أي خله

أما البقيه يعلم الله لا وين
بيجلبوا زهر الحسيني وفله

الحب يهل الحب نظره بثنتين
ما حد بنص العين ينظر لخله

الحضرميه ما تقع في جهازين
في حدها الشافي دوا كل عله

نظره من الدنيا ونظره من الزين
كحلتهن في راس واحد وسله

احباب قلبي فيهم الـزين والشين
احبهـم في كل مذهب ومله

توجت ذكراهم على الـراس والعين
بين الكواكب والنجوم المطله

لهل الهوى رديت بالصاع صاعين
واحرجت بيـاع الهوى في محله

خاتم عقيق وجوهره بين قوسين
واللغز واضح بس ما اقدر يحله

زهرة شبابي غارقه بين روحين
والجاذبيه زادت الطين بله

اهوين يادنيا المحبه واقلين
حتى عزيز الدمع عيني تهله

الله يفرق من فرق بين قلبين
في يوم له ريحه وشمسه وظله

حسبي عليك الله ياحادي البين
قلبي ضناه الشوق لا تستغله

وكيف يانبض المشاعر وبعدين
زاد العواذل والمحبين قله

واحد يقلك تقضي الدين بالدين
قله يحط الحمل والا يشله

ما حد يداوي جرح نازف بجرحين
ولا يبدل بالمعزه مذله

ذي ما يـذوق المر ذاق الأمرين
ما عاد تغفر له في الحب زله

واللي يقلك نقسم الهم نصين
هذا الذي يستاهل الحب كله

.....

[الحمدان]

يا مـل عيـن فـي محاجيرهـا شوك
والقلب به عـن لذة النوم دكاك

لا دك فـي قلـبـي مــن الـهـم داكـوك
جاوبت طربان الحمايم عـلى الـراك

عزي لحـالك يا عـزيـز وأنا أبـوك
كان الزمان اللي وطـاني تـوطـاك


سليمان بن شريم

[الحمدان]

‏غلاك مطر رشرش على القلب واحياه
اسقى جفــاف الــروح وأنبت زهــرها

حبــــك قمر نــور على الكون وأضواه
اهدى عيــوني الشوف واصبح نظرها

.....

[الحمدان]

‏أنا وروحي وعذب الشعر جينالك
‏والقلب نبضه معك ويقول كلي لك

‏والشعرمرسالي المخلص ومرسالك
‏والقلب مهما قست الأيام وافي لك

.....

[الحمدان]

كان أحسب إن لحبنا عشرة أرواح
‏إلين شفت الحبل بيديه مقطوع

‏يوم العهد به حدّه إسبوع لاراح
‏إسبوع ويعوّد عليّ شوق ودموع

‏واليوم خمس سنين والهم مازاح
‏هم الفراق اللّي بلا عذر مشروع


محمّد بن فطيس

[الحمدان]

وحيداً تُلاقيني اللّيالي بثقلها
غريبٌ فلا أنس يواسي غربتي

عليل أحاطتني الجُرُوح بِعُنفِها
سقيمُ فلا طِبُ يُداوِي علَّتِيَ

.....

[الحمدان]

‏ما قلتلك عمر سيف العشق ما يقتلك
‏ماتشوفني حي قدامك وانا اموت فيك

‏اشتقتلك قبل اجيك وجيت واشتقتلك
‏البارحه طول ليلي بين هذي وذيك

‏مليت جمر انتظارك واستحيت اسألك
‏واحسبتني ما بعد جيتك وفكرت اجيك

‏اثرك بقلبي من البارح وانا استعجلك
‏واثري نسيتك من الفرحة وقمت احتريك

مساعد الرشيدي

[الحمدان]

شد حيلك فالصلاه وفالعباده
للحياه المقبله ويش انت ذاخر

دام راسك حي وتعيش بسعاده
استغل الخير في العشر الاواخر

.....

[الحمدان]

الوقت يمضى والليالي سريعه
راح الشهر واللي بقى عدة ايام

حطو لكم من اجر ربي وديعه
واللي يقدم شي يلقاه قدام

.....

[الحمدان]

‏نَادَيْتُ فِي جُبِّ اللَّيَالِي
يَا إِلَهِي مَنْ سِوَاكْ

أَنَا لَسْتُ يُوْسُفَ إِنَّمَا
عَبْدٌ تَرَاهُ وَلَا يَرَاكْ

الذَّنْبُ يُثْقِلُهُ وَلَكِنْ
كَمْ يَخِفُّ إِذَا دَعَاكْ!

يَرْجُو رِضَاكَ وَلَيْسَ أَعْظَمُ
يَا إِلَهِي مِنْ رِضَاكْ

....

[الحمدان]

يا مالك الملك يا رحمن سبحانك
لي خمس دعوات يا ربي تحققها

جودك وسترك وعافيتك وغفرانك
والخامسه روحي من النار تعتقها

.....

[الحمدان]

‏ياسامرين الليل في بحر الاشواق
ياليتني معكم يلـوح شراعـي

بين القمر والموج لمعه وبراق
والنسمه العذبـه للاحبـاب داعِـي

القرب يالغالين للروح ترياق
والبعد ذباح القلوب الوجاعـي

.....

[الحمدان]

‏ما طاح في قلب الغلا غير الأوجاع
وما شالت كفوف الندم غير ضيقه

أثر الغلا لا زاد عن حده أنباع
مثل الدفا لا زاد يصبح حريقة

.....

[الحمدان]

‏شـهر رمضان اللي به الروح ترتاح
وفيه الشـياطين بسلاسل تسلسـل

وقـته ثمين وفيـه للخــير مفــتاح
لاتـهـدره مابــين نــوم و مسلسـل

أشفق على اللي وقته بـهاتفه راح
مــرات يســتقبـل ومــرات يرسـل

هذي تراها فرصـه لـجني الأربـاح
احذر عن الطاعة تقاعس وتكسل

.....

[الحمدان]

‏حيا الحنين اللي بصدري يوم مات
‏مع السحاب اللي تساوى وانهمر

‏كن المطر يطق باب الذكريات
‏اللي ما تفتح بابها الا للمطر

.....

[الحمدان]

رزقك ترى مهو على هذا وذاك
رزقك على اللي يميتك ويحييك

لا تحسب أن الله خالقك وينساك
رب عليم ن بك ويعلم مماشيك

.....

[الحمدان]

‏عزاي في اللي بنيته يوم راح ثعوي
‏قصايد ما تشابه غير وبل الحيا

‏يا اللي عليك اطيب ابيات القصيد امحوي
‏مع كل نظره كم استأسرتي من ابريا

‏يابنت حتى لو انك بنت قوم وذوي
‏ليه التكبر وزود الغطرسة والغيا

‏تخطين واجد وانا عاقل ورجل سوي
‏مانيب احب الخطا يامال قلع النيا

‏عز الله انك خسرتي في الغرام بدوي
‏والبدو هم والله اللي في الغرام اوفيا

‏مع كامل الاحترام لزينك الفوضوي
‏انتي كثيرة حلا لكن قليلة حيا

.....

[الحمدان]

ما هو حرام اقول احبك برمضان
اي والله احبك مثل باقي الشهور

ان كان حبك ذنب يانور الزمان
اقول انا احبك واقول اللّه غفور

.....

[الحمدان]

تعودنا نقول بخير لا قيل كيف الحال
وحنا ظروف الوقت ما قصرت فينا

.....

[الحمدان]

يتعب الأنســان في طرد أُمنياته
‏ما درى ان تحقيقهــا قدام عينه

‏من يبى درب السعادة في حياته
‏يرضي الله ثــم يرضي والـــدينه

.....

[الحمدان]

يا باغـــي الدنـــيا على ما تمنــيت
‏قبلي وقبلك ما صفت للصحابه

‏تحمّد الله كل مصبحت وامسيت
‏واذكر زوال العمـر واحسب حسابه

.....

[الحمدان]

ما فيه شـــي الا بجهـــد وكلافه
‏هذا الكلام اللي مجرّب ومعروف

‏الراحـــه إن زادت تولّــد ضعافه
‏ولا التعب لو زاد منسي ومخلوف

.....

[الحمدان]

‏تاقف قدم رجلي على بعض الاطلال
‏وأذكر ملامح كل نفس ٍ مشت به

‏وأقول للواقع وأنا ضايق البال
‏ماجابته سود الليالي غدت به

.....

[الحمدان]

إن هرج لي عيد وإن مد ليّ يمناه عيد
يوخذ الفنجال مِنها على غير شهوه

.....

[الحمدان]

يارب زدنا خشوع وحسن ظن وتقى
ياللي ما تاخذك لحظه نوم ولا سنه

اغفر لنا اللي مضى واحسن لنا اللي بقى
واختر لنا من العمل ومن الكلام أحسنه

بقلمي

[الحمدان]

يالله ونا طالبك في ليلة الجمعة
المغفرة والعفو ولاجر والتوبة

والخير والرزق والتوفيق والسمعة
والرحمه اللي بوسط اللوح مكتوبه

مطلق العتيبي

[الحمدان]

احبه كثر مامريت بيته والعباد رقود
‏وكثر مالاح براق الغرام اللي مسريني

‏احبه مير ماجابه غلاي وحظي المقرود
‏ولا جابه حنين الشوق واللي منه مذيني

.....

[الحمدان]

أبكتب قصيدي فيك وأعلن غلاك إعلان
‏وأسميك ليل الشعر والشعر مجنونك

‏‌تجاوز غرامك واقع الصمت والنسيان
‏أحبك وأحب أرضك وناس يحبونك

.....

[الحمدان]

‏حبيبي والسوالف بيننا لوم وزعل وعتاب
‏أنا ساکت غلا ما ودّي أندم في تواليها

‏أنا مدري بعينك هو أنا الصادق أو الكذّاب
‏لكنّي جيت لك والناس مالي غايةٍ فيها

‏معي عمر وبقايا أمنيات وضحكتين وباب
‏معك مفتاحه لحلو الحياة اللي أنا أرجيها

.....

[الحمدان]

‏عساني ماخلا من حبّك الطاهر ليوم الدّين
‏اخايلني معك من وين ماوجّهت وجهاتك

‏أشوفك ظلّي الوارف وأشوفك بين قلب وعين
‏وأحبك حب مايطري على بال انتظاراتك

.....

[الحمدان]

‏تعال سولف علي بأسلوبك الساخر
‏خلّ الحزن ذاك تِضحكني تفاصيله

‏الليلة أن كان عندك للمطاف آخر
‏وصّلني آخر مطاف أحزانك الليلة

.....

[الحمدان]

العافية والديّن ساس الغنايـم
‏وأغلى كنوز الأرض كنز القناعة

.....

[الحمدان]

في ضميري لك بيوت ولك عماير
والحشا لاغبت صلف الشوق هزه

ما يرد العيـن من هـل العبـايـر
كون شوفـة صورتك في كل حزه

.....

[الحمدان]

‏ماهوبشرط آحب لاقلت مشتاق
ولاهو بشرط اكون فاقد حبايب

يمكن عشان ارضي جماهير واذواق
آحن من لاشيء واكتب لغايب

[الحمدان]

ليا منه سرى الليّل جاء للشوق تأثير
تـوارد لهفة الوصَل من كـل النواحي

.....

[الحمدان]

‏مرحبا بالي حضوره سر بالي
له معزه وسط قلبي يمتلكها

الغلا له وسط قلبي دوم غالي
له محبه وسط شرياني شبكها

.....

[الحمدان]

يامساء الخير والنور وانسام الزهـور
بالمحبـه والغلا من ضميري للجميـع

لو يبـور الوقت معنــا ترانا ما نبـور
نشتري قـرب القلوب النقيــه ما نبيع

.....

[الحمدان]

إذا وقف خاطرك بين الغلا والزعل
‏سلم سلام الزعول إللي بصدره غلا

.....

[الحمدان]

‏طواري غروب الشمس مالي عليها أخلاق
‏وعلى كثر ماهي تتعب القلب مألوفه .

‏نسايم هبوب عصير هبّي على المشتاق
‏أمانه قبل وقت الغروب أطرقي جوفه

.....

[الحمدان]

خلك مع اللي شوفته مثل الأمطار
واطيب من التمر الحساوي مع الكيف

وإبعد عن اللي للقريبين والجار
ما يشبه إلا العج عصرية الصيف

.....

[الحمدان]

تعبنا من الايام والعالم الفاضين
نجامل واثر ساس البلا يوم جاملنا

.....

[الحمدان]

‏تجاهل المخطين وتشوف الأفراح
مـا دام تـاريخك بالأمـجاد حـافـل

وتـغـافل الـزلات وتعيـش مرتاح
ثـلاثـة أربـاع العــقل بالـتغافـل

.....

[الحمدان]

هذا السهر ضريبة أشواق وهموم
‏يعني على ما قيل سهران سهران
‏
‏وحده من الثنتين ما تجلب النوم
‏يا من همومك أو مشتاق لإنسان

.....

[الحمدان]

‏عوّدت نفسي ما آتعوّد على إنسان
اللي وصل من مُرّ الأيام كافي

خيبات وجروح ومواجع وخذلان
مافيه أحد يبقى على طول وافي

.....

[الحمدان]

من جرب الخذلان مايامن النآس
‏معذور لو شفت الحذر في عيونه

.....

[الحمدان]

‏سقى غيثك صحاري قلبي و قلبي بدوي أطباع
‏يرحّب بالمطر حتى ولو بلّ المطر ثوبه

.....

[الحمدان]

‏ماعاد عندي صبر يستحمل رفاقه وزملاء
‏قلبي على جنحان قمريّه وضحكي مستعار

.....

[الحمدان]

‏تغانمني ترى قِد كبدي من الصبر عشر أقسام
‏على أدنى شي يمكنّي أغني لك وداعيَّة

.....

[الحمدان]

‏اشتقت اسولف للسماء لا مر غيم
‏عن بهجة الخاطر ولحظات الهنا

‏ما زارني قيظ الحياة ولا النسيم
‏مدري وش العتمه ولا اعرف السنا

‏ملّيت افتّش في ممرّات الهشيم
‏بعضي يدوّر بعضي الواقف هنا

‏أزريت بعد الطيحه ارجع واستقيم
‏الظاهر اني مختلف ما عدت انا

.....

[الحمدان]

‏ياصاحبي الله يمسيك بالخير
‏عقب البطا بنشدك وشلون حالك

‏من بيننا رفقه ومعزه وتقدير
‏وقل اتصالي يوم قل اتصالك

‏اقفت بك الايام من دون تبرير
‏وجعل الفرح والطيب فالي وفالك

.....

[الحمدان]

‏على وجهك الراضي بدت لي الحياه تزين
‏لك الشكر من قلبي على وجهك الراضي

‏تفكر في وجهي وأسمع اللي أقوله زين
‏حيـاةٍ بدونك والله انها على الفاضي

.....

[الحمدان]

‏خذتني الذكريات وجيت لك سيراً على الاحلام
‏لو اني ما اذكر اني قلت لك بمشي وقلتي وين

‏يا فرصة عمر كيف افرح بها واعيشها مادام
‏بغمضة عين جات وسافرت عني بغمضة عين

‏ذكرتك وابتسمت وبانت الدمعه ولا تنلام
‏ذكرت احلى الليالي من شهر سته لشهر اثنين

.....

[الحمدان]

‏تباهى بي على ركب الحياة وجرّة المنقود
‏ تباهى والصباح يبّث نوره من تلفّاتك

‏حبيبي لا تقول إن الرضا والجود فالماجود
‏وأنا ثلثين عمري ضيّعته من بسمة شفاتك

‏ أنا ظلّك وأنا كلّك وأنا مشوارك المعهود
‏من أضغاث الحياة القاسية لأحضان ضحكاتك

[الحمدان]

‏طاحت من عيون الليالي طموحات
‏واشتد برد ولاح للشوق بارق

‏كن الشتاء مخلوق للحب بالذات
‏وكن الفصول الباقيه للمفارق

.....

[الحمدان]

‏اكثر قلوب الاوادم رهينة مغريات
‏الحظيظ اللي لا قفى ترك فيها وسم

‏يابعد من راحت سنين لكن يوم جات
‏جات ما معها غنيمه ولا معها قسم

.....

[الحمدان]

‏مانيب مجبور أخاطب على قد العقول
‏والله إن بعض القناعات عندي مهمله

‏الكلام تشوفه الناس حل من الحلول
‏مثل ما أشوف التجاهل يحل المشكله

.....

[الحمدان]

‏مانـي بشاكـي لك عقب يوم فرقـاك
‏ياللي معك ماتت جميـع امنيـاتي

‏وايامـي اللي عشتـها قبل ويـاك
‏ايـام تبقى خالـده في حياتـي

.....

[الحمدان]

‏لا تاخذك لهفة العالم على الإنفتاح
‏مرت على غيرك اللي توها مرتك

‏ماكل حبٍ يجي منه سلام وصلاح
‏أحيانًا الناس لا من حبتك ضرتك

.....

[الحمدان]

ثنتين والثالثه من نظرة أعيانه
‏والرابعه من كلامه حين يبدي به

‏حلو بشكله وحلو بمنطق لسانه
‏مثل العسل عند دكتور يداوي به

كن العسل منطقه واللّول بأسنانه
‏ومجدلاتٍ تدق ليا عراقيبه

.....

[الحمدان]

‏ما طمعنا غير في طاعة الله والصلاه
وخوّة اللي خوّته مايجي فيها ردى

الكفو نقدّر جنابه ولا ينقص غلاه
والجمايل بين الاجواد ماتذهب سدى

.....

[الحمدان]

‏ارفع مقامك عن علوم المذله
وربك على طيبة نواياك يعطيك

واللي يثير الشك والكره خله
ارسم على بيض النوايا مباديك

.....

[الحمدان]

قفلت بيبان العتب والمشاريه
وفتحت بيبان الرضى والكرامه

اللي يجينا جعل ربي يحييه
ومن صد مانكثر عليه الملامه

اكثر كلام الناس ما كني اوحيه
بعض التغافل طيب ماهو رخامه

المال ماقلنا تصدق لنا فيه
ليتك تصدق بس بالابتسامه

ما ارافق الجاهل ولاني معاديه
يكفي سلام ومرحبا والسلامه

صالح الناصر

[الحمدان]

راحت أيام الهنا كنها حلممٍ قصير
ولابقى غير التوجد وحلو الذكريات

.....

[الحمدان]

كل عام وأنت بخير وعيدك مبارك
وكل عام وأنت عيدي في كل الأعوام

وكل عام وأنت الفرح على محياك
وكل عام وأنت أجمل حب وغرام

وكل عام وقلبي بيتك أنت ودارك
وكل عام وأنت حب وشعور وهيام

تأمر تدلل تبشر جعلني كلي فداك
ياللي سكنت القلب عيدك مبارك

.....

[الحمدان]

اعشق سموك واعشق طقوس جوك
‏واعشق سواليفك وزود اهتمامك

‏يا مِلهم شعري عشقنا سموك
‏غصبن من افعالك يزيد احترامك

.....

[الحمدان]

‏أتعبني الليل والذكرى على ماهي
تستنزف الدمع من عيني وتسهرها

والدمعه اللي على خدي وانا ساهي
كرامة طيوفك اللي في محآجرها

.....

[الحمدان]

يامرحبا باللي يصـون الصداقه
حتى ولو فيها عوايق كثيره

يحفـظ أصول المعرفه والعلاقه
ويكون في بحرالصحب كالجزيره

الصدق ينفع صاحبه كالبطاقه
والكذب دايم هي حباله قصيره

فالوعد قاطع مثل موس الحلاقه
وخيانة الصاحب جريمه كبيره

.....

[الحمدان]

إنْ كان ونّ الصوت والقلب ناداك
ارخ المسامع وشوف وشهو يريده

يمكن احاسيسه والاشـواق تبغـاك
ويمكن على طيفك يسوّي قصيده

.....

[الحمدان]

الله يجعل ختام الشهر في جـبرك
يجبر فـؤادك وتتغـير إلي الأفضل

ويزين حالك بعد ما قد نفذ صبرك
تستاهل الخير كملك حر ومناضل

.....

[الحمدان]

‏يامساء الخير ياعـــــذب القصيد
‏يالبيوت اللي لسامعها دوى

‏انت لك طاري يجيني من بعيد
‏كل ماصلحت فنجـــــال قهـوى

.....

[الحمدان]

‏ترا الصـداقه والمحبـه والإعجاب
‏ماهي بتوخذ غصب للي يبيها

‏إن كنت مقبول ومعك طيب وأداب
‏تاخذ قلوب أهل الوفا من يديها

.....

[الحمدان]

طبعك هو اللّي على الفرقى مقدّرني
‏واحس نفسك على التجريح مجبولة

‏تعرف تقول الكلام اللّي يكدّرني
‏بسّ الكلام الحلو ما تعرف تقوله

.....

[الحمدان]

‏ما طمعنا غير في طاعة الله والصلاه
‏وخوّة اللي خوّته مايجي فيها ردى

‏الكفو نقدّر جنابه ولا ينقص غلاه
‏والجمايل بين الاجواد ماتذهب سدى

.....

[الحمدان]

‏اضبط لسانك بالحكي واحسن الظن
‏حتى مع العالم يزيد احترامك

‏ترا اللطافه والادب تعتبر فن
‏ألزم حدودك ترتفع في مقامك

.....

[الحمدان]

‏لو ان عند الناس بعض القناعه
‏ويمان بالمكتوب ماصارو ثنين

‏احدٍ من همومه يبي اليوم ساعه
‏واحدٍ من الفرحه يبي اليوم يومين

.....

[الحمدان]

يا اللي أخذت القلب ما قلت لك خذ
منك مساء الخير هي زبدة الخير

فيك يتباهى الشعر والشاعر الفذ
يا اللي حضورك غير وإطلالتك غير

.....

[الحمدان]

شفي مع لابتي شيبان ومعوّل
ربع نهار الوغى للروس قصاصه

حنا هل الطايله ذلحين ومنوّل
من طاح في نحورنا يا صعب مخلاصه

صغيرنا يحتمي الميقاف لاحوّل
لو الفخر وسط جوف البحر لاغاصه

.....

[الحمدان]

‏دربي طويل وخاطري واصل اقصاه
‏واخاف لا اهوّن واكف اجتهادي

‏يارب لامن صارو العالم اشباه
‏ميزّني انا ما اقدر اعيش عادي

.....

[الحمدان]

‏الشاعر خلف الأسلمي بعد أن وقع أسير سنة ١٩٩٠ في العراق أصابه الحزن على فراق بنته الصغيرة نوف وخشي أن يموت وتفقده بنته فقال أبياته المشهورة :

الكل يفرح في نهار الزيارة
وأنا الوحيد بعبرة الشوق مخنوق

وأن مت في سجن الرمادي بـغارة
قولو لنوف الحين يرجّع من السوق

[الحمدان]

‏ھذا غرامي سمّه اللي تسمّيه
جنون عشق أو سمّه اللي بدالك

ياصاحبي ماعاد تفرق معانيه
القصد حبك والأماني وصالك

.....

[الحمدان]

‏خذت ليالي غيابك من عناويني
‏ماياخذ الطير من ديره إلى ديره
‏
‏وقصايدي فيك والشوق وسهر عيني
‏والبعد والإنتظار وغيره . وغيره

.....

[الحمدان]

‏يا مناة الروح يا فرحة القلب الحزين
جعلني من شوف زولك وحبك ماخلآ

لايغرك بعد دارك وصكات السنين
والله ان لك يا هوى البال في قلبي ولآ

.....

[الحمدان]

قلت اعذريني كان في الحب معــذور
والا اغرقيني عاشق في بحــــــــورك

يا اجمل بنات الخلق ياشيخه الحور
الراي رايك وادري الشور شـــــورك

ان قلت احبك والله ان عندي شعور
ان ابتسام الفجر يشبه شعـــورك

.....

[الحمدان]

ليه الأيام خرساء ماترد السلام
وليه حتي السنين الماضية ماترد

لي سنة رافع كفي بليا كلام
وإنكسر خاطر الغيمة ورد الرعد

.....

[الحمدان]

من غلاتك مابـــقى فيني غـــــلا
يشهــد الله مالكٍ قلبي غـــــــلاك

الحبيب ان حب عمره ماســــــلا
وانت قلبي ماخبر يومٍ ســـــلاك

ان حكيت وقـلت لـــبيه وهـــــلا
كم يطـرب مسمعي عذب محكاك

انت عندي غير عـــن كــل المـــلا
ياحبيبي صورتــك عندي مـــلاك

ماحـدن بالكــون عمـــره مابــــلا
وانت قاسي يالغــلا هــذا بـــلاك

حدني وقتي وانـــا جيتـــك ولا
ثابتن عهدي وانــــا كـلي فـــداك

لايهمك مـــن يـروح ومــن خــلا
لـــو يروح الكون انا باقي معـاك

.....

[الحمدان]

وش حيلة المشتاق لا ناموا الناس
لا مرّت الذكرى بساعة مبـاتـه

ووش حيلة اللي كل ماصابه نعاس
صفّت طيوفك فوق رمشه وجـاته

الفقد جمره مثل ماقربك احساس
لـو عاشها مابـين ذاتـه وذاتـه

اعظم شعور يزوّد الهم والباس
من يـرثـي بعينه جميع امنياته

.....

[الحمدان]

‏سرى الليل وعيون المولع على الجوال
‏يراقب ظهوّر الصاحب اللي على باله
‏
‏يخاطب نجوم الليل لامن ليله طال
‏لعل النجوم تطمن القلب عن حاله

.....

[الحمدان]

نتعب علي الطيب والايام ملحوقہ
‏واللي يقدر غيابك يحفظ اسبابك

‏الصاحب اللي رزين وعذب منطوقہ
‏احفظ حضوره مثل مايحفظ اغيابك

.....

[الحمدان]

تِتمتم نظرة عيونك وتفهق عتمة الديجور
‏تناوش فرحة أعيادي وتسحرني رياحينك

‏تمد الشوق في غمرة شعور وتستميل النور
‏وتسرقني من العالم وأعيش بلطفك ولينك

.....

[الحمدان]

‏جاملت بعض الناس قدر المستطاع
‏و ازريت في حالي بصبري واجهدي

‏الايام تكشف كل من يلبس قناع
‏وتظهر لك الجيد وتكشف لك ردي

‏ومن عافنا عفناه لو نمسي جياع
‏م حنا على طرد المقفين انعدي

.....

[الحمدان]

كل البشر ب انواعها تملك احساس
لايغرك اللي ما بعد جاك يشكي

ترا اللي يضحك دايم ويسعد الناس
لو سولف وقال الحقيقه بتبكي

.....

[الحمدان]

‏جل جلالك تعالى واعتلى شانك
وحدك ولاغيرك أحدٍنلتفت صوبة

مافوق عظمة جباروتك وسلطانك
بيديك الأعمار والآقدار مكتوبة

يستغفرك لاإله إلاأنت سبحانك
عبدٍيحس بـخطاه ووحشة ذنوبة

أن ماغفل قال مغفرتك ورضوانك
وليا غفل هو والدنيا بغيبوبة

العفو والستر والغفران غفرانك
يامن تغفرالذنوب وتقبل التوبة

.....

[الحمدان]

‏أختـرت من بين النصايح نصيحه
وحبيـت أوجهها الى كل مسلم

عليك بالخمس الفـروض المريحه
وعلى النبي ياخوك صلي وسلم
ﷺ

[الحمدان]

‏أطلبك يارافع جميع السماوات
يا باسطٍ سبعٍ تحتها تقاوت

تغفر ذنوب اللي من الخلق قد مات
وتدمح ذنوبٍ من عبادك تهاوت

بقلمي

[الحمدان]

فيما مضى كنتَ بالأحبابِ في رغدٍ
والدهرُ يُسعِدُكَ والأيامُ كالأعيادِ

واليومَ أصبحتَ لا خلٌ ولا وطنٌ
ولا صديقٌ ولا دارٌ ولا زادِ

.....

[الحمدان]

استر عيوب الناس تستر عيوبك
يا اللـي لسانك للمخاليق فضّاح

واترك ذنوب الخلق وانظر ذنوبك
ترى الزمن دوّار والسّر ينباح

.....

[الحمدان]

الصاحب الزين مثل الغرسه المثمره
كريمة الجود ذي ماتخلف اثمارها

والصاحب الشين مثل الشوكه المزهره
تجرح يدك لانويت تقطف ازهارها

وصحبة الجيد مثل النسمه العاطره
وصحبة النذل مثل الريح واعصارها

والظلم يخزيك في الدنيا وفى الأخره
والعدل يرفع ثمن نفسك ومقدارها

وكلمة الحق مثل الغيمه الممطره
ذا تحيي الارض بعد الموت بمطارها


.....

[الحمدان]

خلك علا مبداك في كل عمرك
واحياء عزيز النفس والعمر مره

وصاحبك لاجاك في ضيق سرك
واجب عليك انته تجمل وسره

ومن نوى للعيب في يوم ضرك
اطلب من الله في حياته يضره

واعمل لنفسك خير ينفع بقبرك
لن الاجل وصال والناس عبره

.....

[الحمدان]

ماني صديق اللي يشيل بقلبه
انا صديق الطيّبين الندّر

أشباهي اللي طيبته من قلبه
يسامح المخطي قبل يتعذّر

.....

[الحمدان]

‏ياعظيم الملك يارب العباد
ماسجد وجهي لغيرك ياكريم

أسألك عفوك وسترك والرشاد
وأسألك حظٍ عظيمٍ ياعظيم

وأسألك من غيث جودك ياجواد
وأسألك من نور علمك يا حكيم

وأسألك يارافع السبع الشداد
الصبر والحلم والقلب السليم

وأسألك تكفي عبادك والبلاد
الحسد والسحر وابليس الرجيم

.....

[الحمدان]

حاولــــت انام ولا تهيالــــي النوم
النوم والهاجــــوس ماهــــم ولايف

ماتستريح العين والبال مهمــــوم
ولا يستقر الحال والقلــــب خايف

غديت مثل الي بالإعدام محكوم
ما مات لاكنه مــــن العمر عايف

.....

[الحمدان]

‏احشم لساني يوم عقلي حشمني
وكلن حسب عقله يسولف لسانه

.....

[الحمدان]

‏بين الكثير من التساؤل والقليل من اليقين
‏المشكله ماني بأعرف المشكله وأحلها

‏أنا تعبت من الوصل والبعد والناس أجمعين
‏وقلوب تبغيني وانا ما عاد أبيها كلها

.....

[الحمدان]

‏وين انت يأللي كتبت الشعر لعيونك
‏عطني تفاصيل حرفك وأترك الخآفي

‏إن كآن جمر القصيد يحرك شجونك
‏وشفيك ماتبدي إعجابـك عـلى قآفي

.....

[الحمدان]

‏قالوا علامك شارد الفكر مسلـوب
‏قلت اعذروني ماعـرفتو بالاسباب

‏قالوا تريث فالـهوى دوبك ودوب
‏قلت السموحه راعي الحب منصاب


قالوا تغلى واثقل اتكون مـحبـوب
‏قلت الثقل بالحب كم فرق احـباب

‏قالواتحمل مايجي واكسب ذنـوب
‏قلت ابغـلاته لا حـسابن ولا عقـاب

.....

[الحمدان]

نثرت لك عمري عطر فـي سنينك
وأرويت روحي منك ياأعذب الري

لو تنزل أعماقي تشوف أنت وينك
باقصى الحشا لك شان ماياصله حي

.....

[الحمدان]

زادني في حب خلي ضحكةٍ مرموقه
لا تلوم القلب في حب الهنوف الطرقا

كنّ في صدري صهيل ودبّك خيل الروقه
يوم عنّت والعزاوي بين روق وبرقا

.....

[الحمدان]

نكابر ونصبر مانريد العزوم أتلين
ونضحك ولو النفس متسكر اجواها

نشد الهمم ونكابد الوقت لا جأ شين
ونصبر على جور الليالي وبلواها

.....

[الحمدان]

عليه الخفوق يحنّ لامرني طاريه
وادور مع الاجواد عن طاري أخباره

يقولون ياصبّر الهواوي على مافيه
وانا اقول جار البيت ياحظّه بجاره

.....

[الحمدان]

يامساء دارً تأسس بالفخر والعهود
يامساء فرحه وطن غالي عن الاوطان

دام عزك ياوطن في ذرى آل سعود
دمت شامخ بالفخر والامن والآمان

دام عزك ياوطن

[الحمدان]

من بدينا والبلد هذه بلدنا
ثابتٍ في قلوبنا دايم غلاها

السنين موثقة على عهدنـا
ما جحدنا خيرها ولا عطاها💚

دام عزك ياوطن

[الحمدان]

اطلب من الله عسى انك دوم متهني
في دارك اللي إلهي بك مهنيها

وعساك دايم بقلبي تحسن الظني
ياشمس داري وبدر في لياليهـا

.....

[الحمدان]

عليك بالتقوى ترى العز بالدين
ولا فيه شيٍ ينْفعكًْ غير دينك

ََالموت ماخلى ملوك وسلاطين
ولابد من يومٍ تشوفه بعينك
َ
لو كان تملك في رصيدك ملايين
غير العمل مافيه شيٍ يعينك

وان كان تبغى لك معزه وتمكين
لا تّتْبعْ الشيطان دربه يهينك

.....

[الحمدان]

لا تشتري ميزان وتوزن به الناس
الـناس ما يوزنها إلا الشـدايـد

عند الشدايد كل مخلوق ينقاس
وتـرجـح الكفـات لاهل العوايد

.....

[الحمدان]

سامح ويا ما أحلى الرضى والتسامح
درب التسامح يجمع الناس بالناس

إن جيت لأصحابك بزين الملامح
لقيت من يلقاك في نفس الإحساس

.....

[الحمدان]

‏نفوسنا سمحه ونياتنا بيض
واللي يجي بقلوبنا بـألسنتنا

نقول قول الحق لو انه يغيض
هذي معادنا وهذي سمتنا

.....

[الحمدان]

العيدُ أجملُ ما يكون إذا رأت
‏عينايَ من أهوى بأحسَنِ حالِ

‏من أجلهِم فرَحي وأعيادي لهُم
‏الحاضِرون على الدَّوام بِبالي

الحمدان

[الحمدان]

ترا جمال الشخص في حسن الاخلاق
وشخصٍ بدون اخلاق ماله محبه

لو تختلف عند العرب بعض الاذواق
تلقى خفيف النفس كلن يحبه

.....

[الحمدان]

دروس الأيام خذنا قسمنا منها
وأسرار الأيام ما نعرف خوافيها

اللّي حفر حفرتن لأخيه يدفنها
يمكن يدور الزمان و يندفن فيها

.....

[الحمدان]

لولا صواديف الزمان الثقيلات
ماينعرف طيب العرب من رداها

مشكور ياوقتٍ غدا فيه ميلات
عرّفتني بالناس وش هو مداها

.....

[الحمدان]

تخيب هقواتك معا الناس وتصيب
الا معا الله ماتخيب الهقاوي

يا الله نطلبك العفو قبل مانغيب
وقبل العمر يلحاه موتً لحاوي

.....

[الحمدان]

يارب ما ضاق الفضـاء وانت موجود
عنــدك حلول المشكلات الفضيعه

جيتك وقلبي من بلا الحــال مكبود
والروح من كثــر المتاعـب وجيعه

يارب مالـــي فـي رجــاء اي معبود
ولالي احد في الكــون هذا جميعه

ماغيرك انت اللي بدعواي مقصود
يامـن حياتـي فـي كفوفـك وديعه

.....

[الحمدان]

‏مامشيت الا وانا عايف وعندي يقين
‏القلوب ان ذاقت الغبن ماهيب لاينه

‏رحت لا مكسور خاطر ولاشكلي حزين
‏وحافظً قلبي من العابثين وصاينه

.....

[الحمدان]

‏حطني في وجه حضنك من صدوف الليال
‏تايهٍ لا أخطيت من ضمتك وين أغدي

‏عن ضجيج الناس والمجتمع جاني جفال
‏كن ما ذولا بناسي ولا ذي ببلدي

.....

[الحمدان]

‏حدد مسارك واترك الناس للناس
‏ورفع طموحك فوق ظهر المجره

‏دور على اللي خوته ترفع الراس
‏اللي على المجد المسمى مقره

‏ابغاك مثل الذيب قطاع الارماس
‏يسري ولا يمشي على كل جره

.....

[الحمدان]

‏توقف لك أرصفة الشوارع وهي جلّاس
‏واوقف أنا وانا صديق الشعر والليل

‏عسى الله يكثر خير وجهك على هالناس
‏هو اللي بعد وجهي حبيبي سقاه السيل

‏تجي مثل زخّات المطر يتبعك نسناس
‏ووطنك القديم اللي تحبه يحبّك حيل

.....

[الحمدان]

اقطع وصل بايع الرفقه على أول زبون
‏مثل ماتقطع يمين السارق اللـي سرق

‏واليا استغلو وفاك اللي ماهم يستحون
‏فلا تشيّــم من وجـــيهٍ مهيب تعـــرق

.....

[الحمدان]

‏يارب ما ضاق الفضـاء وانت موجود
عنــدك حلول المشكلات الفضيعه

جيتك وقلبي من بلا الحــال مكبود
والروح من كثــر المتاعـب وجيعه

يارب مالـــي فـي رجــاء اي معبود
ولالي احد في الكــون هذا جميعه

ماغيرك انت اللي بدعواي مقصود
يامـن حياتـي فـي كفوفـك وديعه

.....

[الحمدان]

الشاعر الراحل صالح بوعياد

مِن حقِّي إنِّي ننسى اللي نسيوني
حتَّى والمزابه ع الخراب خراب

مع غيرهم بالك نسايم عوني
يهبَّن و يبقالي مقام و قاب

الله لاتسامحهم إنهم ذمُّوني
براي جايبه مِني إلهم كذَّاب

ولا إغيابهم عنِّي يظلِّم كوني
ولا إلقطع رزقي يملكوا لسباب

يغنيني الله عنهم اللي ازمقوني
وقولولهم ماني وطاة أجداب

وقولولهم إن كان هم اللي إخلقوني
تعاتم يردوني إنكون تراب

شعر ليبي

[الحمدان]

‏ﻟﻴﺖ ﺍﻟﻮﻓﺎ ﺳﻠﻌﻪ ﻟﻬﺎ ﺍﻟﻨﺎﺱ تشري
ﻛﺎﻥ ﺍﺷﺘﺮﻱ ﺑﻌﺾ ﺍﻟﻮﻓﺎ ﻭاﻣﻨﺢ ﺍﻟﻨﺎﺱ

ﺑﺲ ﺍﻟﻮﻓﺎ ﻓﻄﺮﻩ ﻣﻊ ﺍﻟﺪﻡ ﺗﺠﺮﻱ
ﻣﺎﻫﻲ ﺻﻨﺎﻋﻪ ﺑﺎﻟﺨﻮﺍﻃﺮ ﻭالاﺣﺴﺎﺱ

....

[الحمدان]

‏حرمتني صوتك وشوفك ولقياك
‏وعطيتني ظلمك وقسوة سموك

‏هذا ونا احبك وهاذي سواياك
‏مدري وش تسوي لو اني عدوك

.....

[الحمدان]

تذكر يوم جيت من الحزن متضايق ومكسور
فرشت لك الضلوع وقلت لك يا سيد عشاقي

خذ ضلوعي وابن فيها يسار الصدر بيت وسور
ترى مافيه قبلك من سكن صدري وخفاقي

وبعد هذا رحلت ولا بقى الا بيتك المهجور
وألا ياكبرها لا من رحلت ومنزلك باقي

.....

[الحمدان]

‏حبيبي ترا بيني وبينك عتابّ احباب
‏ولولا غلا حضرتك والله ما أعاتبها

‏من الشوق والغيره عليك افقد الاعصاب
‏ تراني دخيلك حالتي لا تعذبها

‏لو اقول بزعل جد وافارقك ؟ كذاب
‏اول مره اضحي بروحي و اكذبها

‏مال احباب عيني قبل اشوفك حصر وحساب
‏لكن بعد ما شافتك عافت حبايبها

.....

[الحمدان]

‏الي تركني وانا بالحيل محتاجه
‏يحتاج غيري مع الايام ويفقدني

‏لا شك يجي يوم انا وياه نتواجه
‏خله يجرب شعور الفقد ويذكرني

‏ادري هجرني وانا ماحب احراجه
‏تعبت اقدره ولا اشوفه يقدرني

.....

[الحمدان]

كُـل ذِكرى بيننا صارت أوهام
‏صرنا بَعد حلو الليالي غَريبين

‏ماعاد تجمعنا مَواعيد الايام
‏ولا عاد تجمعنا دورب المحبين

.....

[الحمدان]

العِيدُ صَوتُكَ وَالوِصَال
العِيدُ هَمسُكَ فِي الظِّلَال

العِيدُ شَوقٌ لَم يَزَل
يَنمُو وَيزدَادُ اشتِعَال

العِيدُ أنتَ وَأنتَ مَن
تَأتِي بِهِ عَذبًا زُلَال

.....

[الحمدان]

‏تضحك وفي خدها الفتان غمازه
وتجيد عزف البيانو بين أصابعها

وأنا مع الورد بين الشمع والفازه
كفي على الخد وأعيوني إتّابعها

.....

[الحمدان]

‏يامساء الخير والخير بوجودك
يامساء المسك وأنفاسك دخـون

تكفى هـات الرد تسعدني ردودك
والله إنــك غـالي وغــيرك يهـون

.....

[الحمدان]

سبحان من حط ألحلا في عيونك
ووزع على باقيك حلو ألتواصيف

كيف أقنع أبيات الشعر يوصفونك
وأنت بجمالك فوق كل ألتعاريف

.....

[الحمدان]

للروح قيمة وعز النفس دايم لذا
‏اصبر ولو تثقل العزه على كاهلك

‏احد تحبه كذا واحد تعيفه كذا
‏الحب والكره حاجه بس من داخلك

‏مشاعر الشوق مخلوطة بورد وشذا
‏ومشاعر الجرح ممن كان يتجاهلك

‏ لا تعطي قلبك سوى اللي عارفٍ وش خذا
‏ما كل مخلوق في دنياك يستاهلك

.....

[الحمدان]

من سكر ابواب قلبه لا تفتش وراه
من حقه يعيش بالدنيا خصوصيته

.....

[الحمدان]

‏يـا معاتب الناس لاتعتب ولا تشره
موارد الطيب بين الناس معروفه

والي تجاهل حقوق وواجب العشره
اجعل حقوقه من التفكير محذوفه

.....

[الحمدان]

يا الله يامـن بالـخــفـىظ° انت تعلم
استغفرك وارجـوك* غـفـران ذنبـي

جيتك وانا مرهق وفي داخلي هم
مـكـسـور مـتألـم مـضـيع لدربي

بــي أنت يامولاي من نفـسـي ارحم
إذا رضيت عـنـي رضاك أنت حسبي

.....

[الحمدان]

اختك شعر وجهك وسترك ومبداك
الاخت تلجأ قبل ابوها لخوها

خلك ظهر لاختك على طول تلقاك
وان مات ابوك الواجب تكون ابوها

.....

[الحمدان]

يا نديم الخاطر اللي مرتبط فاحساسي
‏لا تغرك ضحكة الشمات والمتلون

‏ادري إنك لو يطول البعد ما أنت بناسي
‏وتدري إني من غرامك مستحيل اهون

.....

[الحمدان]

مرحبا يا لابس الثوب المخور
‏ياسليل أطهر نسب وأطهر سلاله

‏جادلٍ في عينها الحور إتحور
‏يحذف الطيّب ليا جاها عقاله

.....

[الحمدان]

بعض المواقف ترا تبغى شجاعة قرار
‏مايضيّع الواحد إلا ضعف شخصيته

‏لاتترك الحلــلم بالدنيا يموت انتظار
‏قبل المطر لايجيك تشوف ماريته

‏يتبددّ الليـــل واحــــزانه بنور النهار
‏الفجر يعلن لك العصفور عن جيته

‏مادام عندك عن الصبر الطويل اختيار
‏خذ الفـــــــــــرح كل مايقبل بعفويته

‏ْ لاتحطّ للحزن وجــروح الزمان اعتبار
‏من يدمن الحزن ماترتاح نفســــيته

‏ لاترخي الراس لو مرّت فصول انكسار
‏اصنع لنفسك امــــل وارتاح في فيته

.....

[الحمدان]

سولف يهون الوقت عندي ولا هنت
‏معاك لحظات انشغالي ثمينة

‏وشلون ماحبّ السّوالف معك وانت
‏شايل على صوتك شعور السكينة

.....

[الحمدان]

احذف كل اللي يسبب لك ازعاج
واحذر تفكر في شعوره دقيقه

الناس ما فيهم إذا بارو علاج
ومن لا يثمن قيمتك في حريقه

.....

[الحمدان]

لي رفيقٍ لاذكرته وصدري مستضيق
‏ابتسم واقول للضيق هات اللي وراك

.....

[الحمدان]

تكرم خطانا عن دروب المقفيّن
ويكرم قصيد الشوق وأعذب حروفه

واللي خلق صف الرجال المصليّن
إني على قد المحبه عيوفه

طرى علي بيتٍ من شهور وسنين
ومعاني البيت الجزيل معروفه

إن كانه السلطان حنّا سلاطين
ومن زلّ عنّا بالنظر ما نشووفه

.....

[الحمدان]

مايزعلنا كلام القفى بين الرخوم
‏الجبال جبال وضرب الحصى ماهزها

.....

[الحمدان]

استانسو ترا الليالي زايله
ولا تكدركم تصاريف الحياه

ماينفع المهموم همٍ شايله
الرابح الي يعطي الدنيا قفاه

وترا التشكي بالظروف المايله
اتشين الرجال وتقلل حلاه

حتى ولو عاين نجوم القايله
يخلي الشكوى لربه في دعاه

واللي يدور للدروب الطايله
فلا يخلي طاعة الله والصلاه

.....

[الحمدان]

لاتشتكي من بعض الأصحاب وتبوح
كـلـن يبيّن بآخـــر الـوقـت أصله

أحـدن يجيلك لأجل حاجات ويروح
واحــدن لوانه راح ماغاب وصله

.....

[الحمدان]

خلّوه يحضن راحة القلب وينام
‏قــرا كـــلام الله ونـامت عيــونه

‏خلَّى لكـم كلّ الدفــاتر والأقلام
‏خلّوا له القرآن لا تأخــذونه

.....

[الحمدان]

‏بخير دام إن عندنا من يقولون
متى الصلاة وكم باقي عليها

.....

[الحمدان]

‏يارب مسي كل غالي بغاليه
‏واجعل لهم من كل شبر سلامة

‏واجعل لنا من منزل الطيب عاليه
‏وأحفظ عبيدك من دروب الندامه

.....

[الحمدان]

تبي الصراحه ومعه الموجز المختصر
خلك مع الناس سلام وعليك السلام

ماعاد تدري وش اللي في نفوس البشر
احيانا تشك كل الناس فيها انفصام

اسبوع مثل نسيم الصبح عقب المطر
واسبوع مثل العجاج اللي يشيل الخيام

.....

[الحمدان]

لـو فاتك اللي فـي حياتـك تمناه
‏ماهـوب مثل اللي اذا متّ فاتك

‏ساعـه تعيش بها على طاعة الله
‏تسوى جميع اللي جمعت بحياتك

.....

[الحمدان]

‏لاجاتك الحكمه من لسان شايب
خذها وسكر بالحشا دونها الباب

مرت به الدنيا وشاف العجايب
وجمع بقلبه من تجاريبها كتاب

.....

[الحمدان]

مشاكــل الـــدنيا وكثـــر الضغوطات
تخلــــي اللــــي ما يعانــــي يعانــــي

كم لي وانا ابني في خيالي طموحات
وراح العمــــر وانا مكانـــي مكانـــــي

.....

[الحمدان]

لو تشوف الكُلّ عكس الإتجاه
‏لا تسوي شيءٍ من غير إقتناع

‏إختلاف الرأي مفهوم الحياة
‏وإتباع الناس مفهوم الضياع

.....

[الحمدان]

‏اضحك ترى الدنيا على الكيف ماجات
لا بد ما تصفى وتونس رغدها

والنـاس لو تلحق لشخـصك ملامات
طنش وخل أهل النكد في نكدها

.....

[الحمدان]

‏على البال منت تمر دايم والى مريت
اهيم بخيال الشعر والاعب بحوره

واحس بوجودك وابتسم كل ما حسّيت
مجرد شعور شلون بالصوت والصوره

.....

[الحمدان]

‏يا بعيدٍ صالف الوقت وآخذك الزمان
لا تتاجر في ظنون المحبّ متاجره

معك خفّاقي سوات المساجد برمضان
ما يردك وانت لك عام كامل هاجره

.....

[الحمدان]

‏عزاز النفوس أحبهم حب يعنيني
‏وانا مثلهم والنفس تعشق مباديها*
‏
‏لو إني فقير ومدحت الشيخ تغنيني
‏وجيه الرجال أكرم لها من مخابيها

.....

[الحمدان]

‏نموت ما عشنا على رزق الذليل
‏والنفس نجبرها على حب الصبر
‏
‏لو ما نطول التمر في روس النخيل
‏نموت ما ناكل من الطايح تمر

.....

[الحمدان]

لاتوصي الطيّب على موقف
الطيب
اللي على كبار المواقف تعوّد

ولاتخاوي اللي مايعرف المواجيب
يمشي معك وان صمل العلم عوّد

.....

[الحمدان]

لاتجبر الناس بالدنيا على قربك
يبقى لعمرك ثمن مهما تساهلته

البعض تهتم له بـس ماهو يحبك
والبعض يبدأ يحبك لاتجاهلته

.....

[الحمدان]

لاتوصي الطيّب على موقف
الطيب
اللي على كبار المواقف تعوّد

ولاتخاوي اللي مايعرف المواجيب
يمشي معك وان صمل العلم عوّد

.....