اخترنا لكم

[الحمدان]

‏عـوايـد الـنـفس مـايـرتـاح صـاحبها
‏ان طـاعـها درهـمـت وان ردها ملت

‏لـو انـي اكـبـها مـن دون احـاسـبها
‏راحت على الوجه لاصامت ولا صّلت

.....

[الحمدان]

بعض البشر له منصب وشانه كبير
‏وتلقـاه دايـــم بالـتواضع مـدرسه

‏والبـعض ما يملك قليـل ولا كثيـر
‏وتلـقى رويسه ممتـلي بالغطـرسه

.....

[الحمدان]

لـولا الضمــا ما ودع الغصن الأوراق
‏ولولا المطـــر رحـــنا ضحية مجاعه

‏ولولا الوجع ما شفت محبط ومنعاق
‏ولولا الرجـــا وشلـــون نـــزرع زراعه

‏ولولا الحــزن ما يحجب الليل الافاق
‏ولولا الفـــرح مـــال المشاعر مناعه

‏ولولا الشـــعر بين المعــاليق ينساق
‏ما فل في بحـــر الشـــرايد شـــراعه

.....

[الحمدان]

‏العين ساحه حرب والدمع بارود
‏والضيق جندي مآبخل بالذخيره

‏اجامل العالم وصبري له حدود
‏ومن قال ويش العلم قلت الستيره

.....

[الحمدان]

عزالله إني دريت إنه الوداع الأخير
‏وإن هذا آخر عناق وهذا آخر لقا

‏حسيت في نبرتك وبنظرتك شي غير
‏فيها كلامٍ ورا حدب الضلوع إتقا

‏من أول إن جيت شفت بنظرتك كل خير
‏واليوم والله ماشفت بعينك إلا الشقا

‏الظاهر إنك مشاور نفسك ومستخير
‏جايً تبي تقول ماعقب الفراق إلتقا

‏عزمت تبعد وتتركني لبئس المصير
‏من بعد ذيك المحبة والغلا وش بقا

‏بتروح رح لكن الرجعة ترا ماتصير
‏لا يُمكن العاشقين يعوّدون أصدقا

‏ليتك وضعت إعتبار لمامضى يالعشير
‏على الأقل كان فأسلوب الفراق أرتقا

‏ليتك يوم إنك نويت إن ذا الوداع الأخير
‏علّمتني إن هذا هو آخر عناق ولقا

.....

[الحمدان]

فاتنة قلبي انا فيك مدري ويش اقول
‏خايف اسرف بالغزل وارجع اسرف بالوداع
‏
‏ لو رضيت فتالي الدرب بانصاف الحلول
‏وش يصبرني على البعد وعيوني جياع

‏اعرف الصدمه من الحب ماعرف الذهول
‏واعرف ان لك خصر ضيق ولك نجلٍ وساع
‏
‏فيك ترتاح الاحاسيس وتضيع العقول
‏ويلتهي من ضرب روس المجاويخ الشجاع
‏
‏ليتني مابين معسوله وطرفٍ خجول
‏للعمر عمرٍ إضافي و للدنيا متاع
‏
‏لو تبين مْن العمر ما بقى بأربع فصول
‏مرخصٍ لك باقي العمر رغبه و اقتناع

‏مستحيل اشوف منتوقك بعين الملول
‏دايم اشوفه وانا بين لهفه واندفاع

‏من يتوب مْن الهوا والمحبه عرض طول
‏عاد له في عودك المنبري حب إطلاع

.....

[الحمدان]

‏اذكر أيام الغرام وحبك اللي ما نسيته
‏لو يوردني الهلاك ولو يجرعني النكاده

‏أتذكر وجهك الطاهر وصوتٍ ما سليته
‏يتردد في مسامع عاشقك حزة رقاده

‏باقي أنت المنال ومطلبي واللي بغيته
‏يبطي غيابك يحد القلب عن غاية مراده

‏نعرف الغربه من يسافر عن بلاده وبيته
‏كيف قلبي متغرب وسط بيته في بلاده

.....

[الحمدان]

‏انا فوادي من اللوعات ماهو خلي
‏واصوم لكن شفوف قلوبنا ماتصوم

‏يالغايب اللي لو الدنيا تردك علي
‏عيدت والعيد باقي له ثلاثين يوم

.....

[الحمدان]

لا تعلقنّي على براق صيفك
‏من قليل مواصلك محتر صدري

‏لا تخليني على كيفك وكيفك
‏يوم زين ويوم شين ويوم مدري

.....

[الحمدان]

‏خيّبت ظني معْ انك طيّب وغالي
‏واقفيت منك وانا مخذول واغنّي

‏حتى لو ارجع على اللي ضيقو بالي
‏لايمكن ارجع على اللي خيّبو ظنّي

.....

[الحمدان]

‏على البال ياللي كل ما مرني طاريك
‏بدت كل تنهيده تمارس هوايتها

‏انا لو ينسيك الزمن ماني بناسيك
‏محبتك قصّة ما اقدر اكتب نهايتها

‏لو الوقت يرجع قبل اعرفك وقبل اجيك
‏وقبل الهقاوي تنثني دون غايتها

‏بأروح انتظر فأول مكان ٍ جمعني فيك
‏وبأعيد تجربتي معك من بدايتها

.....

[الحمدان]

‏خل ابو نوره يغني لو يزيد احزاني
‏البشر ماعاد تفهمني وانا مافهمها

‏مذهبات الروح شوق وحنجرة جيزاني
‏ومذهبات العقل خمر وحبةٍ من فمها

.....

[الحمدان]

‏الديره اليا صفا لك حب من فيـها
‏راحـت بعينك مثـل باريس وفـيـنّا

‏صحيح حب الدّير من حب اهاليها
‏والّا المـنـازل حـديـد وطـوبٍ يـبـنّا

.....

[الحمدان]

‏افخر بصمتي عن كلام المهابيل
‏اذا افــتـخـر فـي زلّـتّه كـل جاهل

‏انا سكوتي عن هل القال والقيل
‏يـدرّس الجـهّال فن التجاهل

.....

[الحمدان]

‏والله اني حافظك يالغالي بقلبي وعيني
‏حافظك وادرى عليك وكلني لك وانت غالي

‏راهنٍ روحي بمرضاتك وماتملك يديني
‏ياحسين الوصف يازين الطبايع والخصالي

.....

[الحمدان]

ياصباح الخير يالعود المسقى
‏في بساتينه على الفلجان راوي

‏ارتوى بالزين ما خلا وبقى
‏قلبي المغرم عنه ماهو بقاوي

‏من تعلق في غرامه ما تشقى
‏اشهد انه طب للقلب الهواوي

.....

[الحمدان]

‏لك فالدلع عـاده ولك فالحلا ذوق
وانت الاميـــــر وكلهـــم لك حراسه

تسلم لقلبي يا هواء الحب والشوق
يا مالكــه فـي الروح كامــل حواسه

اصبحت بك شاعر وهايم ومعشوق
واصبحـــت لي عالم بربعـه وناسه

مايشبهك في العين والروح مخلوق
ياللي اخذتــي خافقــي من اساسه

.....

[الحمدان]

‏يا صاحبي وش بك علينا تغيرت
حتى الرسايل من طرفكم قليله

مدري الزمن قساك ولا تكبرت
ولا الزمن نساك ذكرى جميله

.....

[الحمدان]

تمخطر بخصرٍ ما يحتاج تشبيه
من كثر ما هو مفرطٍ في الليانه

في خطوةٍ وحده تعدله و تثنيه
كنك بيدينك تثني الخيزرانه

.....

[الحمدان]

معك ربّيت المحبة على قد الطموح
والنصيب يحدها والجفى يوميلها

اثري الغيبه حقيقة وأنا احسبها مزوح
قامت الدنيا علينا وشدّت حيلها

ياحبيبي انشد الوقت والحظ الشحوح
من جدار البال صورتك كيف أشيلها

.....

[الحمدان]

بنتن لاقامت تزيد المشي حنية
تاطى على القاع كنّه قبر جدتها

.....

[الحمدان]

عفت الغرام ومتاهاته وعوبلته
كرامتي فووق لو اعيش في غربه

ملفك اللي بوسط القلب قفلته
والعقل معلن على شرع الهوى حربه

حتى العذر يستحي من كثر ماقلته
ما عاد لك عذر يالغالي تعذر به

.....

[الحمدان]

تكابر مع أنك تدري أني أعرفك زين
مثل ما أنت تعرف وش علومي وخابرها

يا كبر الجروح اللي من أيدينك الثنتين
وأنا من كثر ما أحبها ما أتكابرها

.....

[الحمدان]

مدام ان جنابك شام عني وانت عني شمت
كثر خيرك وانا مانيب لاجايع ولاظامي

اشوف انه علي واجب لامريتك وسلمت
مرور اكرام تربطه الكرامه عند الاكرامي

سعد بن جدلان رحمه الله

[الحمدان]

والعيون عيون حرٍ شاف صيده
بالحشا مضرابهن بالحيل كايد

والخدود بفيّ رمشك مستفيده
والثنايا نظم لولو بالقلايد

ويش أوصف فيك وأوصافك عديده
لو أوصف بك سنة مانلت فايد

.....

[الحمدان]

عز الله اني تهت في داعج العين
وتاه النظر في عينه المسفهله

ياريم ياللي برقعوك البداوين
انتي قمر لو غطوا الوجه كله

.....

[الحمدان]

َاحترم نفسي واقدرها واصِح لساني
‏قبل ما أصح الحروف اللي محد صححها

‏أعرف الدوني وأعرف اللي وقف من داني
‏وأعرف انفس عن الانفس وأعرف اكبحها

‏َوأعرف اسولف لعداوني وهم عدواني
‏لين اخليها على مرمى الهدف واذبحها

.....

[الحمدان]

وان عيّت الدينا تجينا على الكيف
حـنّا على درب الـصبر قـد مشينا

.....

[الحمدان]

يا هنوفٍ علّقت قلب شاعرها وطاح
وحفرت له في مسايل مدامعها ضريح

.....

[الحمدان]

من يحب المطر يشتاق شوف السحاب
وانت وصلك سحاب وشوف وجهك مطر

.....

[الحمدان]

خشف ريم حبها بين العذارى يندعابه
ماتقارن فالبني من شامها لاقصى يمنها

فارع من دونها الحجار الاقشر صك بابه
ان خذاها خانت الميثاق وان عيّت سجنها

كل مايِرسل عليه من القبايل شيخ لابه
قال يا تلبس ثياب العرس ياتلبس كفنها

.....

[الحمدان]

ياخاطري لو بعض الاحلام صدت
لاتستضيق وضحكه العام جبها

كم فرصه كنت انتظرها وعدت
حاولت فيها بس مالله كتبها

.....

[الحمدان]

تحسب إني شخص خربوطي
لا حشا ماني بخراطي

ما سكرت بخمرة القوطي
شاربٍ فالحب بإفراطي

البطن ضامر ومشفوطي
والردف ليّن ومطاطي

الخصر دملوق ممشوطي
صرت مدمن حب متعاطي

الهوى خابط ومخبوطي
وبالهوى معروف مخباطي

محزمي جاهز ومربوطي
وفالمعارك سيف قشاطي

.....

[الحمدان]

واخلي اللي في محاجر عيونه
خيلٍ مشاهيرٍ تطارد بأهلها

.....

[الحمدان]

ماتبين النجوم إلا بوقت الظلام
ولا يبين الصديق إلا بوقت اللزوم

.....

[الحمدان]

إن زان حظك إلزم السر والصمت
وإن شان لا تجعل عدوك يشوفه

.....

[الحمدان]

الطيب في وجه المطاليق ما راح
ولا الـردي مـا ينفعك لـو نفعتـه

.....

[الحمدان]

الغايب اللي تلّ قلبي من أقصاه
‏ما عاد آحس إن ذكرياته ملاذي

‏البارحة جاء من يذكّرني إيّاه
‏ليته تخيّر له طريقٍ محاذي

‏طرّا عليّ قصيدتي عقب فرقاه
‏اللي ما كان برغبتي واتّخاذي

‏بدا يعدّ أبياتها قلت بالله
‏شف لك قصيدة ثانية غير هذي

.....

[الحمدان]

‏فرقا عزاز ولا مهانة مواصيل
وغيبة حشيم ولا ملاقا مهونه

نجي رجاجيل ونقفي رجاجيل
حنّا كذا وانتم على اللي تبونه

.....

[الحمدان]

و انها من صوب جاهل ومطفوق
‏مــا تـجـرح الـخـاطر ولا تـستفزه

‏لـكنها مـن راس غالي و مـرموق
‏واعـتـابنا مــن بــاب قـدر ومـعزة

.....

[الحمدان]

لبّى الديار اللي بها تسكـن الـروح
‏ولبّى الفكـر يــومه مكث فـي ديـاره

‏حبيبي اللي نظرتـه تبـري جـروح
‏والقرب منّـه فرحتـي لـو زيـاره

.....

[الحمدان]

‏كيف اكف دموع عين تشتهي شوفك مدامه
لا بكت وحده بكت الاخرى من اللهفه معاها

يا عواذيل الوصل كفو عن العاشق ملامه
ان وصلها حي ولا مات عند الله جزاهاا

ان زعلتوا وان رضيتوا ما يلحقكم ملامه
الزعل والله زعلها والرضى والله رضاها

.....

[الحمدان]

ياشينها لا صار خصمك قريبك
خصومته بين المعاليق تجرحك

إن طبت به ماشاف فعلك وطيبك
وإن شنت به عند الرياجيل يفضحك

.....

[الحمدان]

‏من حلاها ماتوصفها الحروُف الابجديه
كيف توصّف وردةٍ يبري العلة شذاها

الورود تغار منها مزهرية مزهرية
وان تباهت عذرها معها يحق لها تباها

ما يشابها شبيه ولا يحاليها حلية
جل ربٍ يوم صورها فرقها عن سواها

.....

[الحمدان]

والله اني بوسط الناس كني خلاوي
من يلوم المفارق عقب فرقى خويه

أشهد ان المفارق من عظيم البلاوي
مير هذا نصيبك يالعيون الشقيه

اتجلد واقول اني على البعد قاوي
والله اعلم بقلب فيه الاشواق حيه

.....

[الحمدان]

‏ما عبس وجه الزمان إلا لقيتك من وراه
ضحكةٍ تطرد سراب الخوف وتغيث الطريق

.....

[الحمدان]

أنتِ الِّلي تستحقين مالا تملكين
من كنوز الأرضْ ومن الحفاوه والرحاب

والله إنك يوم تمْشين بين العابرين
ودي إن الأرض تحتك ذَهب ماهي تراب

.....

[الحمدان]

تدري وش اللي يجرح القلب والروح
انك تذوق المر ، وتقول حالي

وتضحك ولا كنك من القلب مجروح
عشان ماتجرح لك انسان غالي

.....

[الحمدان]

أعتبرني عن قديمات الزلل متعامّي
عذرك أكبر من خطاك وزلّتك مقبولة

.....

[الحمدان]

‏عطوني اللي مرّها ماهو مثل مرّ الحياه
‏ما كنّها إلا ترفةٍ يستر زعلها زينها

‏إليا لذعت طارف لساني ردّت إلي الانتباه
‏وإليا وصلت لأعماق راسي قلت مبطي وينها

الدله

[الحمدان]

يالتني طفل واجي له واسلم
واجلس بجنبه وانشده عن علومه

محد علي ناقد ولاحدن معلم
طفل يسلم لعنبو من يلومه

.....

[الحمدان]

تخطي واجيك اعتذر كن الخطأ مني
متقمص الدور وجروحي هي جروحي

يهزمني الشوق لين ارضيك لو اني
لاني براضي عليك ولا على رووحي

.....

[الحمدان]

‏البساط الأحمدي مع واحدٍ يغلينا
‏ خير من ناسٍ نجالسها ولا نامنها

.....

[الحمدان]

‏الطيب واحد ولو تكثر عناوينه
‏يميّز الناس غير الصوت والصورة

‏النيّة الصادقه والكلمة الزينه
‏تعيش عمر بقلوب الناس مأثورة

.....

[الحمدان]

انا في رجا الله واطلبه كل ماصَليت
عن الناس واللي من ورا الناس يغنيني

آمين

[الحمدان]

وش يفيد الشوق لو ما يكسي قلوب العرايا
وش يفيد النور لو ينقاد للعين الضريره

انتي اسمى من هوى النزوه واعزّ من الحمايا
في عيون الفارس اللي سلّ سيفه من جفيرة

وان ظفرت بقبلةٍ من ثغر معسول الشفايا
ليه لا وانا الكبير اللي طموحاته كبيره

.....

[الحمدان]

اشتر فراق اللي يبي اليوم فرقاك
من لا يبي قربك مفارقه خيره

.....

[الحمدان]

عطيتك اطيب قلب لكن ترديت
وجرحتني يابو مشاعر خجوله

سويت لك عالم مثل ما انت حبيت
احساس طاغي في براءة طفوله

يمكن لو انه مرك الشوق حسيت
انك حديث العام واربع فصوله

.....

[الحمدان]

اضحك تصير أقبح همومي وسيمة
وأبخل يدين الوقت فزعات أجاويد

.....

[الحمدان]

عندي نصيحه وعتبرها بمليون
الحب ما ياتي بيومن وليله

احيان كثر المال يجعلك مزيون
وانتي بعد يجعل خدودك جميله

.....

[الحمدان]

‏روحي فمان الله ورعاية الله
‏مع السلامه رافقتك السلامه

‏وضحكت من دوّر حبيبك وتلقاه
‏ألقاه عند العرض يوم القيامه

‏روحي وخلّي من نثرتي بقاياه
‏يمضي عليه العُمر عامه بعامه

مدغم أبو شيبه

[الحمدان]

القهوه اللي تعدّل راس شاربها
ماهي تعدّل مزاجه لانها حلوى

تبقى المراره على كبده تحاربها
ويقلّب الراي ملوى تقتفي ملوى

يبني هجوسٍ كثير الهم خاربها
لعل نفسيته تصبر على البلوى

حتى يعلق رسنها فوق غاربها
مادامها من غرابيل الزمن تلوى

.....

[الحمدان]

‏رضا الأوادم لا فضيلة ولا فرض
وان ضاقوا فجوج الأراضي رحيبه

.....

[الحمدان]

اللي تحامل على وجعة محبينه
خلوه يصبر على حظه وخذلانه

ما طيّح الدمعه اللي من ورى عينه
الا ممات الكـلام اللي على لسانه

.....

[الحمدان]

‏ما يضاهي عزّة النفس بالدنيا غناة
عن دروب الذل يا خطوة العز أنتحي

سفر الدغيلبيّ

[الحمدان]

تصد النفوس اللي من الشين نفّاره
مثل صدة الطيب عن الكلمة الخبله

.....

[الحمدان]

استريحي فالمعاليق يالضبي اللعوب
واسكني في ضِلع قلبي ونامي بايسره

.....

[الحمدان]

أحب اللي محبّتهم تدوم سنين ما تنعاف
ماهوب ياللي محبّتهم سحابة صيف خداعة

------
سمحين ونصون الهوى لا هوينا
صلفين لا ثار العَجاج وتطاير

خلف بن هذال

[الحمدان]

تبغى تصير إنسان عايش براحه
لا تشغل التفكير فأوضاع غيرك

واصنع لنفسك في حياتك مساحه
وابعد عن العالم وريح ضميرك

.....

[الحمدان]

الغزال الي يسمونه البدو اللعّوب
الله يسمح دروبه ويمحي سيته

من تولع في عيُونه وهو ناوي يتوب
والله إن يومي به الموت ما اخلص نيته

.....

[الحمدان]

الطواري صاخبة و الفرح وجهه شحوب
طارقات البال تبغي لها مرتاح بال

.....

[الحمدان]

‏الود نعمة والتواصل براهين
‏واجب تواصل كل شخصٍ تودّه

‏وان كان في الزحمة تضيع العناوين
‏يا طير خذ مني سلامي وودّه

.....

[الحمدان]

‏ياليتني دكتور في مهنة الطب
‏واعالج اللي مشاكلهم صعيبه

‏واول مريض اعالجه صاحب الحب
‏اوقف بجنبه لين ينسى حبيبه

.....

[الحمدان]

‏مالي ملام إن كان شافوني تغيّرت
‏أنا أكثر من كفى شره وماكفى خيره

‏عليّ السلام ورحمة الله إذا قصرت
‏أنا أكثر بني آدم عطى فرحته غيره

.....

[الحمدان]

‏معنّق تمشي على الارض برفوق
رزم المطر دقة كعبها على القاع

مثل النهار اللي من الليل مفهوق
و مثل الغزال اللي من الصيد مرتاع

عن كل غيدا فارقه حسن وطروق
وتفهق عن عقول النساء باع وذراع

.....

[الحمدان]

‏عادةً نتلعثم عندما نقابل من نحب
وأبن جدلان رحمه الله شرحها بطريقه
مذهله قال :

اجمع له سمان الهرج خوف من التقصير
واليا جيت أبشرح له كلامي تهيزلته

يجيني منه هيبه معزه سحى تقدير
أقابله عندي علم وأروح ماقلته

[الحمدان]

لاتحرق أعصابك على شي ماضي
مافات فات ومستحيلٍ رجوعه

خلك على ماجاك صابر وراضي
ولحدن خبر دنياه تمشي بطوعه

ولا لك على حكم الإله أعتراضي
والصبر مبدى كل نفسٍ قنوعه

واشتك على خلاّق سبع الاراضي
اللي رفع عن كل مهموم روعه

سبحانه

[الحمدان]

بن جدلان في قمه الشوق قال:
كثر ماحن صدري للونيس وكثر مادرهمت
فجع صدري حنيني واتعب الاقدام درهامي

بعد الخيبه قال:
أحسب انك تيمم بأتجاهي وين مايمّمت
اثر لا انت ب وراي بالطريق ولانت قدّامي

وعند انسحابه قال:
ختام السالفه ياطيب العشره كرمت ودمت
هذا حقك علي وحق شرهاتي على أوهامي

[الحمدان]

هذي نهاية كل من والف هنوفٍ مترفه
يضحك مع العالم وتفكيره وقلبه يمّها

عجب المسردي

[الحمدان]

ما بعتك بالسحايب والبروق السمر والأنسام
وساموني بتلويحة وداع وبعت بأوّل سوم

مدغم أبو شيبه

[الحمدان]

دايمٍ تخطي واسامحك من قلبٍ ودود
وادمح الغلطه ليا جات كن محدٍ درا

هات من عندك من الصد وأنا اللي بزود
لين تدري وش معناة مردود البرا

.....

[الحمدان]

عسى المترف اللي تشبعه حبتين التوت
يعوّد على خبري وأعوّد على خبره

حزمي بن سعد

[الحمدان]

عسى اللي هواه يهون البعد والمشوار
يعود على خبري به يحن ويواصل

عويد النجود

[الحمدان]

ترى النفس إذا خابت أو خُذلت ما عاد
تثِق ولا عاد تامن حتى لو سامحت

محمد المقحم

[الحمدان]

النفس لا طابت ترا ما بها طبّ
أصعب علاج علاج نفسٍ عزيزه

.....

[الحمدان]

القبول من الله ليا من وهبك بركتْه
للصدور أقفال يفتحها عطى ربّاني

بن بتلاء

[الحمدان]

اللي عليّ الاجتهاد أمّا القبول
سبحان من يعطي القبول لمن يشاء

السراهيد

[الحمدان]

المحبة خصوصية وراعي الحب شكاك
والسؤال المكرر فنهم والشك فني

سفر الدغيلبي

[الحمدان]

قل لي كلامٍ زين يمكنّي أرتاح
ولا كلامٍ شين يمكنّي أسمح

خالد مبارك

[الحمدان]

ودي أعلق على الصدر ممنوع الدخول
لأن قلبي من دخل فيه ما يطلع منه

جمال بندر

[الحمدان]

ودي أبعد عن ضجيج الناس وأسكت وأسمع
صوت خطواتي وأنا أمشي فالظلام لحالي

فيصل العطاوي

[الحمدان]

أشهّد على حبّك ملوكٍ على متني
ويشهد ضميري من ونينٍ تنهت به

سعد بن جدلان رحمه الله

[الحمدان]

سفر الدغيلبي يقول بـ ٢٠١٨ :

الليالي عيفتنيّ وانا طبعي عـيوف
لينّ نفسي فضلت صبرها وسكاتها

وفي عام ٢٠٢٠ قال :

المهم إنـي معيـف وخاطـري سامـح وطايب
ما بقى عندي من أصناف الطموح إلا القناعه

وفي عام ٢٠٢٢ قال :

غرايب وشطحات وخروجٍ عن المألوف
لـي سنيـن أمثـل مجتمـع مـا يمثلنـيّ

[الحمدان]

حنّيتك من الكلام الموجِع الجارح
وسكت وأنا ماعاش اللّي يسكتني

سعيد المري

[الحمدان]

‏تعجبني حنّية عبدالله بن هندي
لمّا زعل من حبيبته وراح يراضيها
مختصره في ثلاث ابيات :


‏احنّ وادوّر ادنى شي يِفرحها
‏وان زعّلوها وقفت بفعلي السّاطي

‏وان زعلتني سكتّ اخاف لا اجرحها
‏اظنّني مدمن رضاها ومتعاطي

‏تقول كم مره اغلط وانت تدمحها
‏واقول ماتغلطين الا من اغلاطي

[الحمدان]

‏يا رهيف الحلايا من رهافة حلاك
كل من كنت أحبه صار عقبك بغيض

سفر الدغيلبي

[الحمدان]

‏السعه هي غاية النفس مامعها خشير
‏ماخذ جويّ لحالي وعايش في فضاي

.....

[الحمدان]

تكاثر علي الله يجازيه كيف الحال
‏وانا يوم أسوق العمر له ما تكاثرته

.....

[الحمدان]

تكبّرنا فعول الطيب ولو إنّا صغار أعمار
‏ويْحوينا صدق مبدأ وهيبة عقولٍ مسنّة

.....

[الحمدان]

الا نزلنا بسوقه نرفع اسعاره
نرضي غروره ونرضي ذوق جمهوره

نبنيه بالمعرفه ونشيد اسواره
ونصب ساسه ذهب وندعم جسوره

.....

[الحمدان]

‏الشعر حنا محبينه وشعاره
طالع بديباجته وإلا اقر دستوره

افكارنا تحتوي لوله ومحاره
نسبح بمده وجزره داخل بحوره

.....

[الحمدان]

اضحك ترا الدنيا لها ايـــام وتروح
لاتشيل هم الوقت من فوق راسك

.....

[الحمدان]

قلب ماليه الحسد ماهو موفق
لو يقوم الليل ويصلي صلاتـــه

.....

[الحمدان]

مالنا بالعمر والـــوقت والدنيا ضمان
والزمن دوار يمشي على بطن وظهر

.....

[الحمدان]

ودق البـــهــــار وبـــهَره ثم صــبـه
تصبغ على الفنجال مثل الخـضابي

ومن يوجعه راسه ترى الهيل طبه
وليا تقــهوى غاية الكـــــيف طابي

.....

[الحمدان]

ستر المواجع داخل القلب راحه
لو يمتلي صدري بها ماتكلمت

ماهو جديد القلب يخفي جراحه
ولاهو غريب الضحك مهما تألمت

.....

[الحمدان]

‏يالله وسـع خاطـر العبد لا ضـاق
مـا غيــرك اللي عـالم ما خفينـا

يارب آجرنا علـى حسن الاخـلاق
و عنـد الخـطا يـارب تستر علينـا

آمين

[الحمدان]

‏صار الخروف يخوف الذيب ويهاب
صقر النداوي من هديل الحماامه

واردى العرب يلبس عمامه وجلباب
وهو من اول كان حلمه عمامه

.....

[الحمدان]

‏تاخذ من اوصاف الغزال التلفات
‏وتاخذ من الصقر المبرقع عيونه

‏من زينها لو يجمعون الملذات
‏يبطون وصف الفاتنه ياصلونه

.....

[الحمدان]

الصقر له هيبه كما هيبة السيف
أغلى الطيور وموسم بالشجاعه

اذا شافته طيور الحباري مواليف
تطلق جناح الريح خوف وراعه

.....

[الحمدان]

‏بين هقوات المشاعر ونظرات العيون
‏كل شفرات المحبه مثيره للجدل

‏لاتضيعك الهقاوي وتخلفك الظنون
‏تحسب ان الوضع عادي وللفاقد بدل

‏وين ابلقى لي مع اللي يروحون ويجون
‏قلبً ليا راح يرجع واذا مال اعتدل

‏المحب اليا تعدا محطات الجنون
‏لو يدلونه على الدرب لايمكن يدل

.....

[الحمدان]

تعال واجلس عندي ترى الأعمار محدوده
‏أخاف أموت وتموت محدٍ حصّل الثاني

عبدالله بن شايق

[الحمدان]

من شافني ضاحك بكل التواقيت
يقول ما عنده من الهم ذره

ما يدري انه في صلاتي لا صليت
اسجد سجود السهو عشرين مره

.....

[الحمدان]

لا ترمي المزحه على كل جالس
ترا نفوس الناس ماهي سويّه

احفظ لسانك لادخلت المجالس
ماكل من قابلت تصبح خويّه

.....

[الحمدان]

‏كل ماضاق الصدر قلنا سعه
‏وكل ماقل الصبر زدنا صبر

‏الصقر ليته سلم من برقعه
‏والكفو ليته تعداه الفقر

حمد السعيد

[الحمدان]

يا صقر يوم تصد وش جاك مني
صدتك عني ضعف ولا جزاله

ماخاب ظني فيك يـا حسن ظني
انا ادري ان الصقر صعب مناله

.....

[الحمدان]

‏لا تأمن الدنيا ترى الدنيا تدور
والقوم تسبر والقيامه قايمه

أما تعيش بمخلبك مثل الصقور
وإلا تعشاك الطيور الحايمه

.....

[الحمدان]

تاخذني الذكرى لبعض المداهيل
وازورها لو اني اصـد عنها

عذري موادع ضيقةٍ هدت الحيل
كم لي سنه والقلب يدفع ثمنها

مع كل مبدا صبح والا مساء ليل
يارد على حدب المحاني ضعنها

تقبل على قلبي كما قرح الخيل
وادوي وتامر في خفوقي وتنها

.....

[الحمدان]

الخوة البايرة مثل الفلوس الحرام
مهما تحافظ عليها ضايعة ضايعة

.....

[الحمدان]

صدوف الليالي ما بها يمكن وبعدين
وسنين العمر ماهي على كيف راعيها

......

[الحمدان]

ما عاد لي خاطر ولا عاد لي نفس
ولا صرت أدوّر وصل من لا يبيني

من قرّب بخطوة أقرب له بخمس
ومن هو تغيّر عمد لا يحتريني

.....

[الحمدان]

صبور أي والله اني ما ثنيت العزم قبل ادوج
بريضان الجفا واظما لوصلك لين تسقيني

شجاع اي والله اني ما عرفت الذل قبل اسوج
قدم رجلي على درب لبيت اهلك يوديني

كريم اي والله اني ما عرفت الشح قبل تروج
دموعي في عيوني ثم اشح بحسرتي فيني

احبك حسبي الله ليت مالك في سماي بروج
ولا لك في البسيطة كود شي بينك وبيني

دخيلك لا تلفت رح بفالك واترك المرجوج
تغانم ما بقى لك ولا انا ما عاد يمديني

فمان الله سق ركبك على درب السنين العوج
ولكن طالبك لا اقفيت عني لا تخليني

.....

[الحمدان]

‏ياهل الصدور الضائقة عينو خير
لجروحكم عندي علاجن يضمد

لاشانت ظروف الزمن والمقادير
صلو على خير البريه محمد

صل الله عليه وسلم

[الحمدان]

مزيونه وفيها من الزين ماقيل
في كل شعر وكل مدح وقصيده

تاخذ من اهل الارض حلا وتعاليل
وتاخذ من الجنه جمال وعقيده

لحضـورها هيبـه ولغيابها شـوق
فـي وصفھا دآيـم شمـوخ ومھابه

.....

[الحمدان]

في كل لبسٍ تلبسينه فتنتي
يا شيخة الاذواق بالطول والعرض

ما انتي مثل باقي الجميلات انتي
آخر ملامح يوسفيه على الارض

.....

[الحمدان]

‏قـل للـمصاايب والعنا والغرابيل
‏تـرى شـربنـا مـرهـا وارتـووينا

‏وقـل للضلوع العــوج تبقى مقافيل
‏بنموت ولغيـر الولي مـا شكينا

.....

[الحمدان]

حنا بسيطين وادنى مايفرّحنا
رشة مطر ممكن تبيّح خوافينا

مع المطر كنها تزهر ملامحنا
وكانه مايسقي عروق النبت يسقينا

.....

[الحمدان]

ياطيبها لا زادت الزين بالدين
ثم جلست فِ الصدر مثل الحكومة

الله فرقها عن جمميع المزايين
شيهانة ما بين عشرين بومة

.....

[الحمدان]

غرورك تمتع به على الاش والمسكين
اما انا نظام الغطرسه ما يناسبنيي

.....

[الحمدان]

النفوس اليا استعزّت تعلمها الغناه
مكسب الانسان فالوقت ستر وعافيه

.....

[الحمدان]

ارواحنا بعض الكلام يهزها
ونطلع سما لو مجتمعنا في نزول

نحفظ قيمنا والنفوس نعزها
لا باروا اللي مايعرفون الاصول

.....

[الحمدان]

قال سامحني على اللي صار قلت مسامَح
أنت مثل السيل يحيي الأرض لو يجرحها

.....

[الحمدان]

يعجبني اللي فاهم ويفهم الناس
وليا سألته قال ما أوحيت ماشفت

تقول ماعنده مشاعر ولا إحساس
متغابي وساكت وهو يعرف الكفت

.....

[الحمدان]

تصدّ القلوب من الغلا و النفوس تمـلّ
يا هون الجفا لا شافت العين ما تكره

.....

[الحمدان]

ماجمع الناس غير الخوف والحاجة
ولا فرق الناس غير الأمن والشبعة

.....

[الحمدان]

كن ربي حط معها علاج الاكتئاب
جلسة في جالها طب ومفارق وباء

.....

[الحمدان]

غديت أودِّع المقفي ولا أحب أسمع التبرير
‏ اشوف إن التفاصيل الصغيره مالها داعي

.....

[الحمدان]

الله يعين اللي طوى قلبه الشوق
البرد منا واقشر الشوق منا

.....

[الحمدان]

من غلاه اتخيل عنده السم والشفا
لاجله مقدر حتى الردي من جماعته

سفر الدغيلبي

[الحمدان]

مزيونه اللي ممتلى ردفها ذنوب
هي مسلمه بس الكفر بردوفها

اذا مشت يادوب تمشي دوب دوب
واذا وقفت طق الهواء نفنوفها

.....

[الحمدان]

‏إذا أنت فرصه وفاتتني ذهاب وإياب
‏فأنا واحدٍ ما يلد العين للفايته

.....

[الحمدان]

‏محدٍ كسَب مخلوق بالخاطر العبـس
‏تـرى مفاتيـح القلـوب إبتسامه

.....

[الحمدان]

يشوقني جو الرياض وبراده
وتاخذني الذكرى لرحلة بعيده

.....

[الحمدان]

فاهرُبْ بِنَفسِكَ وَاستَأنِسْ بِوَحدَتِهَا
تَبقَى سَعِيدًا إذَا مَا كُنتَ مُنفَرِدَا

الشَّافِعِي

[الحمدان]

يارب وإن طاحت من عيوني جبال
ماطاح من عيني عظيم الرجاء بك

سبحانه

[الحمدان]

‏مشينـا على طيـب النوايــا ولا ندري
‏عسى الله يجازينـا على طيبـة النيــه

آمين

[الحمدان]

يازين السعه والبعد عن قوم قال وقيل
وعن اللي لسانه يمنع الناس من قربه

.....

[الحمدان]

يالله بصبحٍ يسر الروح مطـلاعه
‏تلقى بـه النفس ما تحتاج وتعيشه

‏مبـداه بأسم الله الرحمن والطـاعه
‏مع حزة الطير لامنه نفـض ريـشه

.....

[الحمدان]

يالله عليك ولا على اللي ما يسدون اللزوم
حتـــى اللي والله والنعم يالله عليك ولا عليه

آمين

[الحمدان]

لاتطلق السر من سجنه وتطلب كفيل
‏دمار بعض القلوب البيض من طيبها
‏
‏غير انتبه لا يجي سرك كرامة بخيل
‏ماينبسط ليـن كـل الناس تـدريبها

.....

[الحمدان]

‏لايغرك رفيقك لو بوجهك ضحك
مايبين الرفيق إلا بوقت اللزوم

الجمايل تبيّن والمواقف محك
من ردي العزوم ومن قوي العزوم

.....

[الحمدان]

غلُآك غيَرٍ ۆفَزَةّ آلُقلُبْ لُك غيَرٍ
ۆآلُعٍمِرٍ بْۆجٍۆدِك لُهِ احٍساس ثْآنْيَ



.....

[الحمدان]

كلُّ المهالكِ في سجودِكَ تنقضي
‏والبُؤَس يُنسى والمواجع تنتهي

.....

[الحمدان]

قالوا يدور الزمن وابطا الزمن ماستدار
والضحكة اللي خذاها الوقت ماجابها

.....

[الحمدان]

تعودّت أطلق حجاج الهنا وأتبسّم لجرحي
‏كأن الله خلق فيني ملامح بالشجن سمحه

‏أمسّي بالهلا وأستودع الرحمن في صبحي
‏ولا عمر الوداع أبدا بوجهي للحزن لمحه

‏وإذا مرّت جيوش الشوق في ليله تبي ذبحي
‏على قلبي من العزّه دروع وخطوتي رمحه

‏ظما والدرب صحرا والسراب أنفى خبر صلحي
‏وهماج الماء يقول إنّ القراح بتصفية ملحه

‏وبعد كثر السلام وكثر أمان الله مع صفحي
‏عرفت انّ المدى طاري حزين وكلمةٍ شرحه

‏محد شارك يديني بالبناء يوم أنبنى صرحي
‏أنا الفكره وأنا التخطيط والمشروع أنا ربحه

‏أنا كتابٍ صعب تلقى وسيله تختصر شرحي
‏علي أقسى تواريخ السنين ومنهج الفرحه

‏كتبت أعمق تفاصيل العمر للقارئ السطحي
‏سهوله بأمتناع تطوّع الإبداع والصفحه

.....

[الحمدان]

‏لو نكتب الشوق ما تكفي دفاترنا
يفنى الورق والقلم يكتب لنا اصواته

ولو نكتم الشوق يطلع في مدامعنا
الشوق واضح على المشتاق نظراته

.....

[الحمدان]

جل شأن اللي خضوعي له وذلي وانكساري
‏كل ما يخضع له المؤمن رفع قدره وشأنه

‏اطلبه توفيقه اللي يجعل الصعب اختياري
‏وأستعين بقدرته ولا يخيب من استعانه

آمين

[الحمدان]

خلك سموح وخل قلبك غناوي
واللي يروح يعوض الله بداله

.....

[الحمدان]

ياصدري أحنك عن الضيق وتضيق
إلى متى ذا الحزن يا صدر قل لي

.....

[الحمدان]

يهون لو أشرب أوجاعي على ريقي
‏إلاّ زعلك إنت ما أحبّببه ولا لي به

.....

[الحمدان]

عقب المحبه والغلا ياريش العين
وادعتني واليوم شفني امودع

ماعاد يجمعني معك غير ثنتين
صح الله السانك وبالحيل مبدع

.....

[الحمدان]

يا حُلوَةً جارت عليَّ لِحُسنِها
قَتَلَت ولم تأْبه لحالِ قتيلِها

.....

[الحمدان]

ياعساني فدى حمر الخدود النديه
اقطعي بي حبل حزنك وخوفك وريبك

والله انك بوجهي بإذن رب البريه
ماضي وحاضر ومقبل صباك ومشيبك

.....

[الحمدان]

‏ليت طبع الناس من طبع الغصون
‏إن تعلّت ظل وإن طاحت حطب

.....

[الحمدان]

‏يقول أبو طارق إن الجيــد ما يخضـع
إلا لمــولى الجـلاله والسماء مرفــوع

ماشـي يقع جيد لا يشــفع ولا ينفـــع
الجيـد من يخلق الجودة من الممنوع

ما أروع الجـود والجـودة تكـون أروع
ممن يداوي مرض غيره وهو موجـوع

الــوقت لـو زان لك ياصــاح لاتطمـع
وان شـان لوشي عـزيمة باترده طــوع

من ربعــه أجـواد با يقطـع وبا يبــدع
سيـد قـراره ولا قد هو لاحـد مطبـوع

يا مركـب الميل من منزل ومن مطلع
جارت عليك الحمولة والغلـط مرجوع

يكفيك.. خـيره عـليك اتصدق المرجع
من قبل تدي الغرامه والخطأ مربــوع

علوي الباشا .. اليمن

[الحمدان]

عزيز النفس مايرضا المهوونه
ولو نفسه على الحاجه تلزه

تشوف العز يقدح من عيوونه
وميلات الليالى ما تهزه

.....

[الحمدان]

لاجاك بعض الكلام ومالقيت ارتياح
استوضح ولا تخلي القدر ماله غطا

احيان سوء الفهم يمشي بعكس الرياح
ولايخلي مابين العالم اخذ وعطا

قال انت وش اسمك مالك صلاح
هذا يقول إسمه وهذا فهمها خطـــــا

.....

[الحمدان]

‏ياهدوء الليل عندي لك سؤال
لـيه لامن جـيت يزداد الحنين

تكثـر الاشواق فوق الاحتمـال
وتكثر اللهفه بشريان الوتين

رد لي يا ليل لو عندك مجال
هالسؤال محيرني طول السنين

هل ظلام الليل عنوان الوصال
او السبب حكمة من رب العالمين

.....

[الحمدان]

مع غياب التفاهم يستمر الغياب
حتى نراجع حساب الوضع والعاقبه

مافاد مره ورى مره كلام العتاب
يوم المعاني تعبر والثقه غايبه

وان كان ودك ولك نيه في الانسحاب
تذكر ان الذي حبك فعل واجبه


هاني العسل

[الحمدان]

‏زمانك لو صفالك خل صدرك ياسع المضهود
ولو شــان الزمان ابقــى جبـل ما هزته نـوده

ولو صاحبت صاحب من فلا احتجته ونعم وزود
ولا تشــره لان الجيــد من جـوده وماجــوده

يكفيني من الصاحــب اذا منه ابلغ المجهــود
يدوم الطيب واهل الطيب مقبوله ومــردوده

يظل الجمل لاهل الجمل شاهد والعباد شهود
ونفس الحــر تأبى الضيم مرفوعه ومحسوده

وان عـاديت فاختـار العـدو لاتحسب المنقود
تـرى حتى العـداوه كل احد يختار من عــوده

تنقـى في الصداقة والعداوة وافهم المقصود
شــف الرجال يعرف من عـلاقاته ومجهــوده

ســلام الله على الدنيـا اذا صــار الوفـا مفقود
وسلام الله على اللي يقضي المعروف بالجودة

علوي الباشا

[الحمدان]

دورة الايـام تاخذ حقهـا وزيـاده
والحظيظ اللي عن الطاعة مايدرج ملي

ياعقالي لاتطيح الا على السجاده
طيـحةٍ ترفـع مقامي فـوق يوم اصـلي

عناد الشيباني

[الحمدان]

أستغـل العمـر لاياصـل مـداه
وانت تشتم في الزمن وتعاتبه

فـي النهـايه من ملـذات الحياه
ما انت ماخذ شي ما الله كاتبـه

.....

[الحمدان]

انت صوتي وابتساماتي والتفاتي
للحنين اللي ما وقف عند حدّه

انت مستقبل جديد لذكرياتي
والوحيد اللي عجزت اكـون ضده

.....

[الحمدان]

يارب والاماني اللي بخاطري دايم
لاتشرق الشمس الا وانت قاضيهـا

آمين

[الحمدان]

يا الله يا عالم اسراري ومطلوبي
يا الواحد اللي في غيرك ما لنا طمعه

طالبك ترحمني وتستر لي عيوبي
وتغفر ذنوبي من الجمعة الى الجمعة

آمين

[الحمدان]

يـراودني خيالك كـل ماطل القـمر وارتـاب
جمــعتك في عيوني نور مزنٍٍ لاح بارقها

.....

[الحمدان]

يانحر خشفً جفول ياعذاب المستهام
ياعيون الحر الاشقر يافرس متبختره

يالقبال العذب ياللي لك سنا يجلى الظلام
والله ان مالك مثيل الا انعكاس المنظره

.....

[الحمدان]

أن غبت خلوني على راحتي شوي
‏أحس في بعدي عن الناس خيرة

.....

[الحمدان]

والله لو حولي من الناس مليون
محدٍ يلد العين والقلب غيّرك

يعني تطمن يابعد كل هالكوُن
بأمر الغلا والحُب قلبي أسيرك

.....

[الحمدان]

‏أثر ضياع الغلا كنه ضياع الجميل
‏لا صار في واحدٍ ماهوب يستاهله

.....

[الحمدان]

‏بتمرّك الذكرى بطارف لياليك
‏وتعلمك معنى القلوب العظيمة

‏لحظة ما ندري تسعدك أو تبكيك
‏بس الأكيد إن المشاعر أليمة

‏أصعب شعور إن تدعي الله ينسّيك
‏من كنت تدعي يا عسى الله يديمه

.....

[الحمدان]

‏من يفلـت النـادر وهو مابين يـديه
‏ماعاد يرجـع بالمدامـع والصـياح

‏مافي شي يبقـى على ماهـو عليه
‏حتى الجبال الصمد تنحتها الرياح

.....

[الحمدان]

اسامح المخطي ولا أنسى خطاياه
‏يعني خطاه أطـوّفـه ما أطـوفـه

‏جرحٍ أثره يزول بعد المداواه
‏وجرحٍ لو إنه طاب عينك تشوفه

علي بن حمري

[الحمدان]

‏حتى المكان اللي عجزت اتعدّاه
‏أقسى عليه أحيان وأحيـان احنّه،

‏بسيط للحدّ اللي أرتـاح ويّـاه
‏وعميق للحدّ اللي أخاف منه

‏مزيد الوسمي

[الحمدان]

‏يا أجمل بداياتي اللي في بداياتي
‏واخر ملذاتي اللي عشقك اولها

‏تعالي استقبليني فوق هقواتي
‏واخذيني لدولة العشق ومنازلها

‏اليوم اعيشك وطن من ذاتي لذاتي
‏على ثراك اسعد اللحظات واجملها

‏تركي الميزاني
‏‌

[الحمدان]

‏ترى صدق الغلا يجبّر حطام الخاطر المكسور
‏و أنا مهما منحتك من غلاي أشعر بتقصيري

.....

[الحمدان]

‏مايهّز الصادق الا دمع عينه
‏لا عطى من كل قلبه وأنخذل

.....

[الحمدان]

والله إن أقسى من البعد وأوقات الوداع
‏لحظةٍ يمشي بها الشخص وعيونه وراه

راكان بن ملهي

[الحمدان]

‏مريت قلبه عابر وليتني ما عبرت
‏تركت كلي هناك وجيت من دوني

.....

[الحمدان]

الشوق يكبر وقدرك بالغلا يكبر
‏ شف ودّك اللي خذاني وين وداني

‏أخاف أبين مدى حبك و تتّكبر
‏ وأخاف أبين صبر قلبي وتنساني

.....

[الحمدان]

‏حسبتك لا عطيتك دم قلبي تحفظ المعروف
‏حميتك بالنوايا ما هقيتك تنوي إتلافيّ

.....

[الحمدان]

‏العيون اللي تراقب من بعيد
‏ياعساها ماتشوف إلا الهنا

‏استريحي يالغلا مامن جديد
‏العهد باقي وأنا مازلت أنا

.....

[الحمدان]

اللي يعدك شمس لا تخلف له ظنونه
‏أشرق على قلبه من الحب وأغرب به

.....

[الحمدان]

‏مابين الحب والغيرة وكثر اللوم
‏دعيت اللي جمعني بك ما يبعدنا

‏معي قلبٍ كثر ما يعشقك مظلوم
‏صبر لـ اجلك لو العذال تحسدنا

‏لأ عانقتك وانا من ضمّتك محروم
‏ تحدِّيت الليال اللي تعاندنا

‏احبك والمسا ما هو مسانا اليوم
‏ انا الي فاقد شلونك وفاقدنا

.....

[الحمدان]

أنت السنين الوافية وأنت القريب اللي بعيد
وأنت الحظوظ الصايبة اللي مشيت اسعى لها

.....

[الحمدان]

‏أحب انا شوفك وصوتك وطاريك
‏دايم وفكري فيك هايم وحاير

‏بالصمت أهوَ جس بك وبالصوت ‏أناديك
والله عليم البينه والسرَاير

‏أنا وقلبي والهوى بين أياديك
‏عندك مفاتيح الهنا للضمائر

‏من روحي أحبك ومن روحي أفديك
يامن غرامه والحسن فيه ثاير

[الحمدان]

ماني احبك لاجل تملى فراغي
فرّغت لك قلبي علشان تملاه

بدر عبد المحسن

[الحمدان]

‏لا يا بعد عمري اللي راح والباقي
‏ياجعل يومي قبل يومك لو بساعة

‏ضيدان بن قضعان

[الحمدان]

جعل عيني ماتشوف إلا عيونك
وجعل حالي مايضمه غير حالك

أنت قل لي ويش هالدنيا بدونك
والله أن مابه حياه إلا وصالك

.....

[الحمدان]

‏ضحكةٍ تاخذ شعور الِّلي سمعها
‏من أراضي الضِيق لين أرض الرحابه

[الحمدان]

وان ودكم بالي حصلي تعرفون
اخاف من هرج العواذل لا ابتلوا

الهم والتفكير واكثار الظنون
تناوشو حدب الحنيا واقتلوا

ماتت عروق الروح من كثر الطعون
ياللي عروق الروح عندك قد سلوا

.....

[الحمدان]

ضحكت مابغى الناس تدري يبالفيت
لكنها غصب على العين ساحت

حارت دموعي في عيوني وصديت
ورمشت ابيها ما تبين وطاحت

.....

[الحمدان]

تصبر على بلواك واصبر على بلواي
أنا لو ما اكتم عبرتي من يناحيني

أشوف الخلل والحزن بين على ممشاي
وأمسك وجامل لين بان الخلل فيني

اقضي نهاري في المشاوير رايح جاي
لكن البلا مع غيبت الشمس ياتيني

[الحمدان]

‏البساط الأحمدي مع واحدٍ يغلينا
‏ خير من ناس نجالسها ولا نامنها

.....

[الحمدان]

‏من سمَع صوتك وهو ضايق من الدنيا
‏ ترجع له الضحكه اللي مبطي عنها

.....

[الحمدان]

‏القلب لك لو يفصل بيننا عرقين
‏ولو الدنيا صعبه معك هي عوافي

‏ان بغيت لك الروح بيدك اليمين
‏ما عطيتها الاقرم وشيخٍ سنافي

‏عشت لك بالدنيا وانا املك قلبين
‏قلب باقصى الصلح وقلبٍ لك وافي

‏المحبه تزيد وانا على علم ويقين
‏ما ضاقت بي الخطوه وانت خلافي

.....

[الحمدان]

‏على البال ياللي كل ما مرني طاريك
‏بدت كل تنهيده تمارس هوايتها

‏انا لو ينسيك الزمن ماني بناسيك
‏محبتك قصه ما اقدر اكتب نهايتها

‏لو الوقت يرجع قبل اعرفك وقبل اجيك
‏وقبل الهقاوي تنثني دون غايتها

‏بروح انتظر فأول مكان جمعني فيك
‏وبعيد تجربتي معك من بدايتها

.....

[الحمدان]

وش حيلة اللي شاف بعيونك بلد؟
ولو غابت عيونك يحس انه غريب

مافوق قدرك يابعد عمري احد
ومابعد حبك ياضيّا عيوني حبيب

.....

[الحمدان]

عطني عهد وأعطيك كل المواثيق
عطني الغلا وأعطيك كل المودة

.....

[الحمدان]

‏مـن عرفـتـك والغـلا فالصـدر لله دره
‏يا أجمل ارزاق الحياة ومكسبي واقـداري

.....

[الحمدان]

‏كتبت ومليت الأرض شعر ووله وهيام
‏ولا طعت فيك الناس والناس نقّاده

‏تشوفني وطن واشوفك رحلة أستجمام
‏وأشوفك عمر وسنين ماهي بمنعاده

‏معي قلب واحد لو تقسمه خمس أقسام
‏يحبك بكل أقسامه الخمس وزياده

.....

[الحمدان]

‏اللّي يعدّك شمس لا تخلف له ظنونه
‏ أشرق على قلبه من الحب وأغرب به

.....

[الحمدان]

وأنا لي في الدنيا قلبٌ نقي
‏يهواهُ من في الحبِّ يسري برفقِ

‏فليس له مكانٌ في يدي كلِّ غريب
‏بل يسكنه العزيزُ في القلبِ العميقِ

‏فقلبي حصنٌ لمن يستحقُ
‏ومن يراعي ودادهُ برقيقِ

‏فما أملكه إلا لمن صان الحب
‏وعاش في قلبٍ وفيٍّ وصديقِ

.....

[الحمدان]

‏على باب وصلك ياشحيح المواصل شف
‏بتلقى بصاماتي على الباب مطبوعه

‏فلاح بن راجح

[الحمدان]

‏أغليّـك وأشريك بالغالي ولا أبيع
‏وأمشي دروبك ولو إنها طويله

‏وإن ضاع عُمري فوجهك جعله يضيع
‏على الأقل ضاع في حاجه جميله

.....

[الحمدان]

ليتك تشوف القلب منهو سكن فيه
وتاخذ مع الشريان دوجه وسجه

وتشوف بيتن بين الاضلاع بانيه
ولا تزعجك دقات قلبي ولجه

بيتك خفوقي وانت للبيت راعيه
نام وتهنا دون هوسه وضجه

.....

[الحمدان]

‏أجلس تربع بالحشى حط مركاك
‏ وأشرب من عروق الغلا لين تروى
‏
‏وأمر و تدلل وأطلب الروح تفداك
‏وشلون أفرط بك وأنا حي وأقوى

مساعد الرشيدي

[الحمدان]

‏تغيّبت لكن ما تغيّب شَغَف لقياك
‏على البال فارش لك دروب الحنين ورود

‏انا كل ليله ألتقي خِلسه بطرياك
‏واعلمك بعلومي كأنك معي موجود

.....

[الحمدان]

انا من غلاته كنّي اللي ملكت الارض
‏وأحس السما وافلاكهّا صارت افلاكي

مبارك بن وافي

[الحمدان]

يا صدفة أجمل من خيالات القصص
‏يا فرصة أسعد وأحلى من كل الفرص

[الحمدان]

صحيت جمره وذاب الشمع والسكر
وشلون ماتذكرك وتمرّ في بالي

ياكثر حبك بقلبي والغرام اكثر
واتخيل وش كثر احبك وانت غربالي

رح وين ماتشتهي رح قد ما تقدر
انا اول الناس بقلبك وانا التالي

.....

[الحمدان]

‏ليت الدقايق طالت يوم شفتك
‏ما تأملتك ورضيت ربع أشواقي

‏ماذقت لذة الحب إلا يوم عرفتك
‏من شفتك رميت بـ جميع اوراقي

‏انا من بين جموع الناس اخترتك
‏واخترت ابعد أحبابي وعشاقي

‏مابين سطور قصايدي وحروفي كتبتك
‏ياكل دروبي ونور عتمتي واشراقي

.....

[الحمدان]

خلك معي اَقرب من الشوف للعين
‏وابقى معك مثل العيُون ونضرها

.....

[الحمدان]

‏والصحه احيان على هيئة بشر
‏لاشفت من تغليه شفت العافيه

.....

[الحمدان]

هات من عذبّ السوالف ما تهيّا
‏ودّي امسك صوتك بكفي وأحبه

مساعد الرشيدي

[الحمدان]

‏يا زين صوتك لا غفى في مسامي
‏يرجع مع الذكرى ويصحى حنيني

‏ما كنت أظن البعد يسكن غرامي
‏ لين إنت غبت وصار طيفك سجيني

‏أشتاق لك شوق الصحاري للغيم
‏ وشلون ما أشتاق وانت بعيوني

محمد بن فطيس

[الحمدان]

‏عـزّ ممشاك عن أرض ماتحـوفك
‏ومن يشتري خـاطرك أشتريه بعـمرك

‏والجمايـل لاعجزت تردهـا قدّرهـا
‏واللي مايثمر فيه خيـرك ذوقه مُـرك

‏ومن يستكثر عليك الوضوح أتـركه
‏ومصير الليالي السـّود يظهر قمـرها

.....

[الحمدان]

غلاك في قلبي مـع الوقت يزداد
‏إحساس وشعـور وغـرام وحكايه

‏في نظرتي بين البشر مالك انداد
‏ويبقى وجـودك في حياتي كفايه

.....

[الحمدان]

أعترفلك ما بقى بالصدر شي
كل نبضٍ في غيابك له حنين

كنت أنادي والصدى يرجع إليّ
لين شفتك واكتمل فيني اليقين

.....

[الحمدان]

أعترف إني أحبك من زمن
من قبل أعرف وش يعني الهوى

كنت حلمي ثم صرتك علن
وصرت أجمل من تمنّى وارتوى

.....

[الحمدان]

ما كتبتك بس حسّك في سطوري
وإن نطقتك صار للحرف اكتفاء

أنت صوتي وانت ضيّ ناظري
وأنا فيك ومنك ولك وانتهى العناء

.....

[الحمدان]

‏ما بين الصعب وبين الخوف والتجريب
‏أحاول ما اميل بيوم ولا تتشرد افكاري

‏أمر بمرحلة صح أو خطأ اوصدق او تكذيب
‏كأني تايه في شيء ولاني عارف اقداري

‏انا يا رب ما أدري ايش الي ينكتب بالغيب
‏ولكن رحمتك أكبر من الي فيه انا داري

.....

[الحمدان]

يطل القمر والا يغيب القمر لا باس
‏الاغلى تهون بحضرته قيمة الغالي

‏عن الطلة اللي تنتظرها جميع الناس
‏أنا فـانتظار الطلة اللي على بالي

عبدالله السراهيد

[الحمدان]

لو قدرت أجمع ما بين السهل والمستحيل
‏كيف بجمع عقل ناضج وقلبٍ عاطفي

.....

[الحمدان]

‏فتحت لك قلبي على سبعة أبواب
‏وغيـرك على بـاب الأمل ينتظـرني

.....

[الحمدان]

بعض الغياب يعلمك كيف تشتاق
‏وبعض الغياب يعلمك من يحبك

.....

[الحمدان]

‏اما تجيني كلك ادناك واقصاك
‏والا على ماقيل درب السلامه

‏مابيك نص ونصك الثاني هناك
‏اما كمال الحب والا عدامـه

‏انا على وصلك وشوفك ولاماك
‏والمبسم الي غير كل ابتسامه

.....

[الحمدان]

وحنا صغار نقول ياليت نكبر
حتـــى نعيش بواقعٍ مانطوله

واليوم حنا نقول ياليت نصغر
حتى نعيش أيام ذيك الطفولة

.....

[الحمدان]

أكثر صداقات الرخا مثل الأنسام
تروح منك بشي وتمرّك بشي

على العموم الله يبارك بالأيام
أصحابي الواجد تخليهم شوي

.....

[الحمدان]

حبيب عيوني وأول الدرب والمشوار
‏معك يا حلو دربي ويا خفّ خطواتي

‏على كثر ما أخاف النهايات بإستمرار
‏أنا مؤمن أنك باقيه في نهاياتي

‏أحبك جنون ومرحلة طيش وإستهتار
‏وأشوفك سوالف عزلتي وإهتماماتي

‏عليك المشاعر صادقة والغلا مدرار
‏وعلي أكتبك في كل بيتٍ من أبياتي

.....

[الحمدان]

إنت لو تضحك بوسط العاصمة
‏ تبتسم جدة من انوار الرياض

.....

[الحمدان]

اقفل على جرحك بسجن وشبابيك
‏والصبر في وقت الشدايد جزاله

.....

[الحمدان]

‏يا عابرين الحياه أحتاج قلبٍ نزيه
عفويتي قابلتها قلـوب متصنّعه

القلب مافيه أحد يستاهل يْعيش فيه
رفعتهم فووق لكن طاحت الأقنعه

.....

[الحمدان]

‏بعد الغلا أي والله إني عليك آمنت
بإن المحبة رزق والرزق من ربك

علي السلام ووافر الشوق ولا أنت
عليك السلام ورحمة الله وأحبك

.....

[الحمدان]

‏مدركينٍ هقوة الطيب عند الطيبين
‏وان تردى وقتنا ما قصرنا دونها

‏نستحي والله كريمٍ يحب المستحين
‏وحافظين سلومنا والعهود نصونها

‏وان كرهنا فالعرب نكره المتكبرين
‏ما يتكبر فالرياجيل غير عفونها

الحبابي

[الحمدان]

يالله عسى تمطر عقب ماهي غبار
‏وتـبرق ونسمع فـي سمانـا رعدهـآ

‏وديـارنـا تطهـر بقطرات الامطار
‏وتـطهر صـدور يـشفي اللـه نكدها

.....

[الحمدان]

متحبني واحبك المصيبة انوب
اريدك وانهزم من اليريدوني

من دونك صرت ماعيش وي الناس
وانت بكل سعاده تعيش من دوني

شعر عراقي

[الحمدان]

شموخنا فاق الجبال المنيعــــــــه
واصرارنا والعزم فوق الترليـــون

اللي شرانا بالوفاء مانبيعـــــــــــه
لو كان في بيعه مكاسيب قارون

.....

[الحمدان]

وين الفرح والناس تحسد بعضها
لو تاكل التمـره يقولون من ويـن

بعض البشر تمرض ومعّدي مرضها
الله يكافينا من الحسد والعيـن

.....

[الحمدان]

يكفي إني ما لحقتك بنقصان
‏وحتى الخطأ منك قبلته وعذرته

‏وعلى كثر ما صابني منك خذلان
‏إلا إن قلبك بالجفى ما كسرته

.....