اخترنا لكم

[الحمدان]

بيني وبينك تشرق الشمس وتغيب
ولو يفرق التوقيت ما يفرق غلاك

ولو غنت الفرقا على لحن النصيب
ماسارت اقدامي على سكة جفاك

معك معك لو انك لغيري حبيب
قدامك دروب القدر وأنا وراك

وراك والدنيا تجيب اللي تجيب
في ذمتي ما يرضي الخاطر سواك

....

[الحمدان]

‏نمشي علـى حـكم الزمن غصب عنا
ونقول ياقلـب العنا الف لاباس

حتــى ولو بالقلـب سـهم طعنا
نضحك ونخفي كل جرح عن الناس

....

[الحمدان]

‏ياالله طلبتك ياكريم ويارحيـم وياعظيم
‏ياواحَّـدنً بيديـنه أرزاق الخلايـَّق كُـلـها

‏يارب ترحمنا وتهدينا الصَّراط المستقيم
‏وتكـتب لنـا الجنه وننعم ياكريـم بظلها

آمين

[الحمدان]

‏ياللي تبي راحــة بدنك وضميرك
‏عن جملة العربـان خلك حيادي

‏لا صــار ما يـدري بخافيك غيرك
‏مبسوط لو انك عن الدرب غادي

....

[الحمدان]

‏مستعد أعطيك لو تطــلب عيــوني
‏ما لي أغلى من نظر عيني سواك

‏لو جميع النــاس من حبك جفوني
‏يكفي انك مخلص لي في هــــواك

....

[الحمدان]

احيان اقول واكتب بذوقي احساس
‏ماهوب شرط انــــي اعانيه واعنيه

‏اكتب على شان المغربل من الناس
‏لا شاف حرفي يلتفت فـــي معانيه

....

[الحمدان]

‏عليك باللـــي يلحق القول بأفعال
‏وإلا الـــردي خلـــه وجنــب مساره

‏انشهد إنه ماكـــذب واحـــدن قال
‏من لايعــــــدك ربح عـــده خسارة

....

[الحمدان]

يا عزة النفس معروفك على راسي
‏جمايلك من قديم الوقت خابرها

....

[الحمدان]

‏يسعد مساء اللي يحبون الاشعار
ويسعد مساء اللي معانا متابع

وحي الله الوافي وحي الله الجار
اللي لهم في عالم القاف طابع

بقلمي

[الحمدان]

اكذب عليك ان قلتلك لاتروحين
لني ما أملك غير فكر ومشاعر

اذَا بغيتي في حياتك تحبين
حبي ولاكن لا تحبين شاعر

....

[الحمدان]

‏اكثر قلوب البشر بالحب مسكونه
واللي معه قلب خالي يتركه خالي

الحب هالوقت مربوط بتليفونه
لا ضاع رقمه يضيع الحب طوالي

....

[الحمدان]

يا سلام الله على اللي يردون السلام
والوفاء يجزى وفاء والتحية وافية

مالقيت أزين من الطيب ومزوح الكلام
النوايا الطيبة والصدور الصافية

....

[الحمدان]

‏تعال عطني من مسائك دقايق
خل المساء بطلتك يشتعل نور

تدري مسائك يجعل البال رايق
ويخلي الدنيا بها الورد منثور

....

[الحمدان]

واللي على أصغر عيوبي ما تحملني
يامرحبا بالظروف الي تقفي به

....

[الحمدان]

ظــروف الايــام ما مـرت بعاديّه
خلتني اكبر سنه في يومها الواحد

....

[الحمدان]

الجفا والصمت سيفن يذبح القلب ويحزه
وانت سيفك ذا تسله مثل سيف ابن الوليد

ما بغيت تكون وحشي يالغلا واكون حمزة
خاف ربك لا تصوب رمح هجرك في الوريد

....

[الحمدان]

‏اصبر وتلقى بالصبر ما يسرك
‏لا بد من قبل الحلا يوصلك مر

....

[الحمدان]

اسمهـا دنيـا ولا فيهـا كـبير
الكـبير الله ولا غيـره أحد

في نهايتها الغني مثل الفقير
كلهم نفس الكفن نفس اللحد

....

[الحمدان]

لاتعطي أكثر من المطلوب واللازم
تراك لا طحت بيشوفونك مقصّر

....

[الحمدان]

تقولين الديار بعيد واقول القلوب أقراب
‏يسافر لك خيالي وين ما رحتي وسافرتي

....

[الحمدان]

و‏احد يقول ان الھوى فيه راحه
‏وواحد يقول ان المحبه كما الطـب
‏
‏وان كان تبغاها بـصدق وصراحه
‏بعض البشر مايدركون ماهو الحـب

....

[الحمدان]

بعض البشر رايق كلامه ومملوح
كله على بعضه عسل يلعن عداه

ينطق شهد والحب من ثغره يفوح
يعني تحبه غصب من طيب مبداه

....

[الحمدان]

‏تعال لك وحشه ترى القلب مشتاق
‏أقلط تربع وسط قلبي هلا بك
‏
‏صبيت لك فنجال من حب وأشواق
‏أشرب غلا يا غايتي مرحبا بك

....

[الحمدان]

القلوب الي صفت لك وأنصفت قدرك
لو جرحت عيونك الثنتين لا تجرحها

والعلوم اللي تحس انها تضيق صدرك
عند من يفرح بها طالبك لا تشرحها

....

[الحمدان]

بعض الـعرب كنـه محطة خساره
لا ينفع الرايـح ولاينـفع الـجــاي

....

[الحمدان]

أنا لي مزاج كنه العود والكبريت
أداريه من لمس البشر واحتكاكاته

....

[الحمدان]

ناسٍ ليا مات ابوهم جددو صيته
‏وناسٍ ليا مات ابوهم كلهم ماتو

....

[الحمدان]

والله أني من صدوف الوقت سدي بايح
اللّه أنه يصلّح الأحوال ويزيّنها

....

[الحمدان]

لاتظن ان العداله مساوات الجميع
حكمة اللّه في الأصابع ماخلاها سوى

....

[الحمدان]

‏لا يهمك جور الأيام يالصدر الرحوب
‏خلّها تمضي مثل ما على غيرك مضت

....

[الحمدان]

طاعة اللّه والمراجل وبر الوالدين
واهني من ضمّها وإعتنى بحقوقها

....

[الحمدان]

نبتسم حتى لو إن الحلم تالف
نزرع الامال لكن وش جنينا

ننجرح ونقول عادي ما يخالف
وكل جرحٍ يوصي الثاني علينا

....

[الحمدان]

ياليت كل الايام في يديني وارجعها
واعدل اشياء ماكانت على بالي

....

[الحمدان]

‏الخساير لا خسرنا عساها فاربعه
المنافق والردي والهلامه والبخيل

....

[الحمدان]

تموت الرجال وفعلها يذكر وينشاف
وتعيش الرخوم ولا لِقت من يعبرها

....

[الحمدان]

أغنيت نفسي ودرب العزّ مغنيني
عن واقعٍ من وراه الكبد مندبله

....

[الحمدان]

‏خذني شعر ادخل بجوك واجاريك
‏واقطف من احساسك خمايل ذكيه

يطرب شذاها هاجسي يوم اغنيك
‏واطلـق عنان الحـرف والشـاعريه

....

[الحمدان]

‏مادمت تنشد يا رفيقي عن الحال
مالي على كتمانها عنك حيله

الصبر عن بوح الاحاسيس قتال
والبوح في بعض المواقف فشيله

لو كل مايطري على البال ينقال
ماكان شفت ان الثقيله ثقيله

ابطيت اكافح ضيقة البال بالبال
وادفع بلا هاجوسها كل ليله

....

[الحمدان]

أرجُو وأخشى وأدعُو اللّه مُبتغيًا
‏ عفوًا وعافيةً في الرُوحِ والجسدِ

....

[الحمدان]

يالله ياللي صبحك اشرق على الكون
‏نسألك خــير اليــوم واللي ورا اليوم

‏ونعوذ بك من شــر ما كــان ويكون
‏ونطلبك فضلك و العفو دايم الدوم

آمين

[الحمدان]

لا شفت ما عفت لا تعتــب ولا تشره
‏الناس مرضى بسوء الظن في الغالب

‏دنيــــاك دايــــم مــا هـي 10 على 10
‏يجيـك يـــوم ٍ تجـي دنيـاك بالسالب

....

[الحمدان]

‏ميّاسة القد منجاي الكلام الصريح
‏نهاية العاطفة مع التجافي الجفاف

‏وش له تضدين باسي بالمحيّا المليح
‏وانا ما شدّ انتباهي حولك الا العفاف

‏ما بين عقلٍ رجيح وبين قلبٍ جريح
‏تفز لك روحي ويصعب علي الاعتراف

‏كنتي تقولين احبك واحسب انها صحيح
‏لين اجتهدتي على الفرقا من اوّل خلاف

....

[الحمدان]

‏ماكنت اشوفك بعين الشك والاحتمال
‏وما كنت اشوف المحبه تعتبر مرحله

‏اشوفك الحاجه اللي ما تساوم بمال
‏تشرى بطيب الفعل واللين والمرجله

‏معك يطيب السهر والشعر والانعزال
‏اول مساء ما تمنيت الفجر يدهله

‏قربك غناة الفقير وشوفتك راس مال
‏شوفي بقايا الهموم قبالك مجندله

....

[الحمدان]

‏اشوف واسمع واجحد السمع والعين
‏واحط نفسي في محل الغباوه

‏وان جاتني كلمه تحلل بوجهين
‏اردها للي قالها بالهداوه

‏والكلمه اخذها على وجهها الزين
‏خوف النقاش اللي يسبب عداوه

....

[الحمدان]

سلامي على الي شوفته تبري العله
عليه الحشى ملهوف والعين ضميانه

....

[الحمدان]

لْيا أقبلت قام يتكفكف دجا الليل
كل الديار المظلمة نوّرتها

ولْيا أدبرت غطّت جسدها المجاديل
بين الخلايق لو تعرّى كستها

إن كفّته مثل الغصون المحاميل
وإن فلّته قام يتثنّى تحتها

كنّه سبيب اللي ليا ماحت الذيل
رأسه تعدّا رأسها ورقبتها

....

[الحمدان]

تغاضي ياعيوني والسنين قصار
ما دام الوقت لا انصفني ولا انصفته

احب اللي مضى لي واكره التكرار
واشوف اللي يخوفني ولا خفته

غريب شعور والواقع غريب اطوار
كثر ماكنت راضي كثر ما عفته

ياكثر اللي تحاشيته يصير وصار
ياكثر اللي تمنيته ولا شفته

....

[الحمدان]

‏لا غمضت عيني أشاهد محياه
ولا فتحت عيني تمنيت أشوفه

ياحظ منهو جالس ألحين وياه
وياسعد من يمناه تلمس كفوفه

....

[الحمدان]

يا تباشير الصباح ويا نسيم الجنّة
يا خزامى النايفيّة يا سحابة لندن

الصباح اللي ما أشوفك فيه مدري عنّه
والصباح اللي أشوفك فيه رائع جداً

....

[الحمدان]

ما جيت لك نزوه ولا جيت لك طيش
ولاجيت أفتش وش ورى باب صمتك

جيتـك غلا لا تسـأل اشلـون أو ليش
إفتح شبابيك الـوصل لا عدمتك

....

[الحمدان]

من صدّ عنا دون لا يذكر أسباب
قولو له ان أغلى العرب فالمقابر

....

[الحمدان]

‏اللي جرحني بالوداع ولعبّي
‏احساسي انك من هدوئي تألمت

‏آسف على صمتي لكن وربّي
‏انا لو اقدر أتكلّم تكلّمت

....

[الحمدان]

وشلون ياوردة فؤادي تحاتين
وأنتِي مكانك في ضلوعي هنيّا

....

[الحمدان]

أبوي رباني على مكسب الطيب
من قبلها جدي على الطيب رباه

اصد عن أهل الردا والعذاريب
والطيب نلحق صاحبه ونتعداه

....

[الحمدان]

نوبٍ سهرها شديد ونوب نهّاجه
ومرٍّ تكنّ الدموع ومرّ تزْعَجها

عبدالله بن عون

[الحمدان]

صبّ لي فنجال يرضي غروري وزعلي
الوعد بيني وبينك قبل شمس الصباح

شبّ ضوك وإهبد القاع والباقي علي
القنا والخيل والليل والبكر الشناح

دونها راسٍ ينومس ونارٍ تسطلي
قربو صدر الكتب وأخلو أطراف المراح

وأقبلي يا أم النواميس لاقلت أقبلي
للكلام اللي نقوله مثل وقع السلاح

....

[الحمدان]

يا صاحبي لا تباطيتك وقلبي حزين
رحت انشد الدالهين اللي عليهم تمر

....

[الحمدان]

نشدت هدهد سبا عن عودة الراحلين
قال انتظر لين ياتيك الخبر من سبا

....

[الحمدان]

ابرجيه حتى يبلع الوادي أشجاره
وتسير الجبال وتشرق الشمس من قبلة

....

[الحمدان]

الجادل الطرقا طرقها الهوى طرق
على الطريق الدايري شوف عيني

تخالفت وجهاتنا قبله وشرق
وعيّا دركسوني يطاوع يديني

....

[الحمدان]

مرحبا ياباشة الغيد والحب العتيق
فتنة عيون المتيم و ياغلى من يطل

وجهك اللي كن تشعشاع نوره من بريق
القمر نص الشهر من على قمة مطل

كيف ينجا اللي وقع في بحر حبك غريق
والسماء من وين ما يهطل الشوق يهطل

من شرب من خمرة الحب مره ما يفيق
لين حتى يورد الموت ميراد البطل

....

[الحمدان]

صغار الجمايّل في عيون الكبار كبار
‏وكبار الجمايّل في الرديِّين مجحودة

....

[الحمدان]

باقي على عيد الاضحى عدّة أيام
ياللي غرامك داخل القلب بارك

كل عام وأنت بخير ياخير كل عام
ياعيد قلبي جعل عيدك مبارك

....

[الحمدان]

حبه بروحي وفي نفسي وفي دمي
‏هو بدر ليلي وهو في شمسي ظلالي
‏
‏أنا احمد الله غدا سيد العرب قسمي
‏من يوم شفته وانا طير السعد فالي

خالد الفيصل

[الحمدان]

ياوجد حالي وجد من مات غاليه
عاش الزمن ماله سوا ذكرياته

لا أقبل عليه الليل ثارت طواريه
وهموم قلبه من عنا الوقت جاته

....

[الحمدان]

‏يالله بصبحٍ فوق نوره فيه للمحتاج نور
‏تمشي به أقدام العباد ولاتضيّق دروبها

....

[الحمدان]

خلڪ سموح وخل وقلبڪ غناوي
واللي يروح يعوض الله بداله

....

[الحمدان]

سلم على اللي يقول انه على ما يرام
ويضحك لو ان الليالي زقمها ملتوي

....

[الحمدان]

لا تسير علي مسيار عابر سبيل
وأنت بين الضلوع العوج راعي محل

....

[الحمدان]

مو كل من يسكت عن الحق خوّاف
‏أحيان نسكت لجل ماضي جمعنا

....

[الحمدان]

ورثنا القبال الزيّن لو ماورثنا المال
ماينافس وساع صدورنا الا مجالسنا

....

[الحمدان]

حب البداوه مسكنه في الشرايين
‏ماتوب عن حبه ولو صار ما صار

....

[الحمدان]

‏يسعد مساكم يا جميلين الاطباع
ويسعد مساء البرنامج اللي جمعنا

....

[الحمدان]

ماهو بلازم كبير السن يرشدني
ابليس ضايع وهو مخلوق قبل ادم

....

[الحمدان]

كرامه النفس أعظم من مشاعرها
َمن عز نفسه لقى فالناس مقداره

....

[الحمدان]

مَاذا فعلت بيَ يا جميلي
أراك بخيالي وَبأحلامي

بِزحمتي وَانفرادي
مَرافقني بِكُل أحوَالي

لم تَذهب ثانية عن بَالي
ولمَ استطيع اخراجك

مَن قلبِي ومن داخلي
ماهيَ مرحلتي بِحبك

....

[الحمدان]

‏وين أخبيك عن نفسي وانــا فــيك
وكيف اشوفك بقلبي وانت عيني

ويـــن أوديـك عــن ودك واوديــك
وكيف ما إبيك حــولي وإنــت فيني

....

[الحمدان]

‏جيتك ونا كلي محبه واشواق
‏مشتاق لانفاسك وعطرك وذوقك

‏جيتك وجبت الورد لعيونك اطواق
‏تستاهل الغالي ترا السوق سوقك

....

[الحمدان]

عيون الروح ترقب بابتسامةْ
مقام الخلِّ ما أحلى مقامهْ

وتشدو بالقصيد العذب شدوا
وتبكي إذْ يقول مع السلامةْ

....

[الحمدان]

ودَّعتُ قلبي يوم توديعهم
وقلتُ يا قلبي عليكَ السَّلامْ

وأنتَ يا نومُ انصرفْ راشداً
فإنَّ عيِني بعدَهُمْ لا تنامْ

....

[الحمدان]

‏لك بالصدر مربى وبالعين مجلاس
‏وحبٍ نمى بين الضلوع النحايل

‏وش عاد ابي بالناس واللي ورا الناس
‏وانتي مليتيني جمال وجمايل

....

[الحمدان]

موسـمُ العشـــرِ كالبســاتين فيها
‏كــلُّ غصنٍ مَـــدّ الظِّـــلالَ وأثْمرْ

‏موسمُ العشْرِ مَوسمُ الذّكْر طوبى
‏لـمحـــبٍّ دعـــا مُنيـــباً وكـــبّرْ

....

[الحمدان]

تغنيك عن لذّة الدنيا وأهلها ثلاث
الستر والعافية والسمعة الطيبه

....

[الحمدان]

ماريّة أهل البيت لامنهم اغلوك
تشوفها في ورعهم لا لفيته

....

[الحمدان]

اغرد لحالي في علوم الوفاء والطيب
ولا احدن بيمنعني ولا احدن يجاريني

....

[الحمدان]

الرضا قدمي وكل اللي خسرته في خلافي
‏والقناعة داخلي تبقى مناكبها عريضة

‏والفراغ اللي يشوفونه من الاوجاع ضافي
‏ياكبر فضله علي لو مسّني حرّه وقيضه

‏راحة البال ونعيمه لا غفيت بقلب صافي
‏والمنبّه مايدق الا على وقت الفريضة

....

[الحمدان]

المحبة من الله والغلا له سبايب
وانت سبة غلاك اني احبك من الله

....

[الحمدان]

يا علّ الدروب اللي تضمك حيا وأزهار
لو إنك تعيش أيامك البيض من دوني

....

[الحمدان]

عن مناكيف الهموم ومراويح الصبر
‏كل يوم أودّع الهم وأجلس وأحتريه
‏ㅤㅤ
‏أثر لي نفسٍ جموحه ولي صدرٍ ضجر
‏وجد حالي وجد من صكت الدنيا عليه
‏ㅤㅤ
‏أتوزع بين الأفكار ويجف الحبر
‏صرت مثل المال لامن تولاه السفيه
‏ㅤㅤ
‏لاعرفت أرضى بواقع ولا أزعل من قدر
‏مشكله لاصدّت النفس عن ما تشتهيه

....

[الحمدان]

‏نسعى مع الناس لاجا للمواقف مجال
ولا نخلّي جميل الناس فإرقابنا

واصحابنا ما تغيّرهم ظروف الليال
حنا نعرف الليال ونعرف اصحابنا

....

[الحمدان]

تبقى النوايا الطيبه ميزة النفس
لو الزمـان بحـّد ذاته أنـانـي

....

[الحمدان]

ياناقش الحنا على كفك الزين
‏كفك عذاب قلوب من غير حنا

‏اخلفت عقّال العرب والمجانين
‏خلق الله تباريك منّا ومنّا

‏وعادك تمشّى في المحلات بزين
‏وتغريف وبرموش عينك تجنّا

‏بنظرتك ترسلهم يسار ويمين
‏احدٍ تبنّج معك واحدٍ معنّا

....

[الحمدان]

ان جيت اصلّحها غشا الجو دخان
وان رحت اخربها لضى النار صالي

اما كسبت من البعيدين عدوان
والا خسرت من القريبين غالي

....

[الحمدان]

‏الثقه بالنفس والصمت والخلق الرفيع
‏ أثمن كنوز الطبايع على مر الزمان

....

[الحمدان]

عليها الحلا والملح كنك تكوحه كوح
حضيض الفؤادَ المسعَد اللي يلايمها

عن المترفات الضمّر العقش فيها نوح
تحشر النفوس اللي قويٍ عزايمها

لاهي حص لاياقوت لاجوهرٍ مطروح
تقل فضة مصبوبة مِن مناجمها

على كيفها تومي بقلبي سوات اللوح
بلاي الغلا اللي بسرة القلب واسمها

....

[الحمدان]

للحزن ساحاتن بصدري مثل ساحات القتال
فيها الأصيل من المهار تعود بخيالها

ولايطفي حر مابي من حرايق وإشتعال
إلا الدموع اللي من عيوني يهل هلالها

لازال فيها دمعتين من الفراق ولاتزال
ذكرى هنوفن كل يوم أحطها وأشتالها

راحت عسى الله مايلحقني مشاريه الرجال
يقول كني ماخلقت من التراب إلا لها

عز الله إني مانسيت أفعالها بنت الحلال
لعل ربي مايجازيها بسوء أفعالها

أكبر جريمه ترتكبها في الهوى من وسع بال
لأول ضحاياها بصدري شيدوا تمثالها

وشلون تهجرني وأنا مالي على الهجر إحتمال
وشلون تهملني وأنا مانيب أطيق همالها

شلون تقطعني بسيف البعد قطاع الوصال
وأنا لو أقطع عرق قلبي ماقطعت وصالها

وشلون ماتشتاق ماترحم ماتذكر ماتسال
وشلون ماتطلق يدينن كبلت بأغلالها

وشلون مايطري عليها لاتفيت في الظلال
متشبثن لا وقفت جنبه قعد بظلالها

مكسور خاطر والسؤال أعوذ من ذل السؤال
ياما انتظر من برج هاتفها يبث إرسالها

لكن ما للآدمي حيله لامن الحظ مال
للميله اللي فال ربي خير له من فالها

هي فقدتني من هنا وأنا فقدت الإتصال
من يوم راحت لارسايلها ولا جوالها

ياقسوه الأيام والحظ الردي والإتكال
على مقوله للمواقف واللزوم رجالها

يا الله دخليلك من تردايت نسيب وشين فال
من حيرت أمري ليت عندي حليتن وأحتالها

إن رخصت قدري وطاحت قيمتي والهجر طال
قولو لها تترك مكابرها وتاخذ بالها

أنا من اللي فوق فوق وهاي هاي وعال عال
تركد ويركد عمها معها ويركد خالها

لاوصلت للحد هذا لانقاش ولاجدال
تبعد وتنكف الأمور دقاقها وجلالها

لو المفارق صعب والنسيان ضرب من الخيال
إرخاي راسي لايروق لها ولا يحلا لها

أحفظ لها قيمه غلاها وأنتظرها من شمال
إذا نستني هاذي الدنيا وهذا حالها

أما إني أنساها نسى الله من نسى ذاك القبال
ياصب روحي صب دلتها على فنجالها

قولولها لاستخسرت فيني ريالين إتصال
تهدي على جمعيه الصم البكم جوالها

....

[الحمدان]

يوم مرت وارسمت للموت صوره في خيالي
ماذبحني غير ذاك العنق من خلف القلادة

صدرها صاحب سمو وردفها صاحب معالي
وخصرها نقطة تلاقي بين أصحاب السعاده


....

[الحمدان]

علّموا زاهي القلايد والغوايش
كلمةٍ ماقلتها بالخش والدّس

اضحكي ترضى على الصبح الدرايش
وينضج التفّاح والورد يتكدّس

جعل تفداك العيون اللّي ترايش
ياعيون اللّي نبرقعها على الدّس

مات كلّ اللي بصدري كان عايش
وعاد صوتك باقي ووجهك مقدّس

....

[الحمدان]

كل ماغنوا وهزتك الطواري
لوّحي للحب بالكف المحنا

وانثني على اللحن والليل ساري
من يلوم الخيزران ليا تثنى

وان بدا للشوق في وجهك مواري
وافطنوا بك من دروا فينا وعنا

كان قالوا للهوى بايع وشاري
قولي اصلاً وش على العذال منا

وكان قالوا ما بقى للعشق طاري
قولي ادري آخر العشاق حنا

....

[الحمدان]

‏ياالله بصبر ايوب في حزة الباس
‏والا بصبرٍ مثل صبر المهادي

‏صبرٍ على الدنيا و صبرٍ على الناس
‏وصبرٍ على ما قدّر الله و أرادي

....

[الحمدان]

ودي ارد قلبي بالغزل ياغزاله
لايسوي سوات اللي يهمّل رفيقه

الهوى لذّته في طيشه وفي هباله
ولذّة اول شعور وربكة اول دقيقه

وجهٍ اللي يشوفه ينبهر من جماله
وطلةٍ تجعل الرجال يشرغ بـ ريقه!

ودي امثل مثول المتهم للعداله
ماعلي دامني بين اليدين الرقيقه

العفو ياشبيه اللي جفل من ظلاله
نظرتي في التفاصيل الدقيقه دقيقه

انت حتى الذهب يزهاه جيدك لحاله
ويتلاشى على غيرك ويفقد بريقه

....

[الحمدان]

‏ترى يمرّ بصـــدر الانسان ضيقة
‏تأخذ بصدره يـوم يومين وتـروح

‏والمزح له وقت ومكان وطريـقة
‏بابه ماهو في كل الاوقات مفتوح

....

[الحمدان]

وداعاً والوداع اخر قرار ياخذه راعيه
وينهي قصة أحلامه من اولها لتاليها

عن كبار الحسايف والندم وجروح ليه و ليه
على الدنيا السلام بكل ما منها وما فيها

....

[الحمدان]

بتدرك مع الأيام بعد الوصل والصد
حصيلة شعور وحاجه تعتبر منها

ما دام الحياة الفانيه فانيه لا بد
فلا تعطي أوقاتك سوى من يثمنها

....

[الحمدان]

تجمّل مع العالم وخلك حسين أخلاق
جميلك هو اللي لامن أقفيت يبقى لك

....

[الحمدان]

‏ومن ظن فينا خير نوفي له الكيل
‏نجي على ظنه ومن فوقه ظنه

....

[الحمدان]

‏احذف كل اللي يسبب لك ازعاج
‏ولا تفكر في شعوره دقييقه

‏خل التخلي لك على طول منهاج
‏وشف كيف تصفى لك وجيه الخليقه

‏الناس مافيهم إذا باروا عـلاج
‏ومن لا يثّمن قيمتك في حريقه

....

[الحمدان]

إن كان أمك بوسط البيت ريـحتها
حافــظ عليها تراها ريحــــة الجنة

خلك مطيع وحــنون ولب حاجتها
يــــا جعل أمي وأمك تدخل الجنة

....

[الحمدان]

وتــرى حــــلاة البنت مستورة الحال
من طاعــــة اللـه والنبـــي مستزيدة

والستر ما هــو في عبايــة ولا شال
ولا هــي نصايــــح تنكتب بالجريدة

الستــــــر حفظ الـدين حلٍّ وترحال
دايـــــم علاقتهــــا مــع اللـه وطيدة

تحفــــظ وجيه رجـال وتربي رجـال
على المـــراجل والخصـــال الحميده

....

[الحمدان]

غديت أودع المقفي ولا أحب اسمع التبرير
اشوف ان التفاصيل الكثيره مالها

....

[الحمدان]

عمر التواضع مادفن قيمة إنسان
وعمر التكبر ما عطى إنسان قيمه

....

[الحمدان]

يالله برزقٍ ما حسبنا له حساب
ولا وقفو قطاعة الرزق دونه

تفتح لي البيبان لا قفل الباب
وتبسط لي الراحه بكفٍ حنونه

آمين

[الحمدان]

تزرعين الورد من وين اتجهتي
من تبسامك خذا الورد اتجاه

للمسا والصبح في خدك جمعتي
ماخذه للشمس والقمرا اشتباه

اعجز اني اوصفك لكن ترى انتي
من عرف وجهك عرف طعم الحياه

....

[الحمدان]

لا تحاول تختبر قدرة الصدر الحليم
الصدور الواسعه دارها وافطن لها

....

[الحمدان]

‏يا سعود لا تنشد ترى ماني مجيب
خل الذي خافي له شهور خافي

إن شفتني مغتاظ لي حق ومصيب
يا سعود مزعلني جديد اكتشافي

الغالي اللي كان من قلبي قريب
بيني وبينه صار مثل التجافي

إن قلت زله مثلنا زلته عيب
من قال لك شمس الضحى ما تشافي

إن قلت هقوه يمكن تصيب وتخيب
كم لي سنه ما شفت فيه اختلافي

وإن صار في نفسه بعض شكة وريب
حتى البحر ما هو على طول صافي

صرنا من الصده سوات المصاويب
كلن نقل جرحه وقال امتعافي

أصعب فراق فراق عكف الأشانيب
ما هو مفارق لابسات الغدافي

والذيب لا منه عوى جاوبه ذيب
والعلم حامض بس وين الأشافي

دامه لقى له غير قلبي معازيب
الله يسمح درب هاك السنافي

يروح لا يرجي رسول ومكاتيب
هو خابر إني ما اتلفت خلافي

واللي تعلى فوق روس المراقيب
أكيد ما تسقى عليه السوافي

رح بشر اللي شال شلفا تريحيب
قله تراها كلبوها عوافي

اليوم نفسي طابت وباكر يطيب
جرحي لو انه من يدين المشافي

خلصت والدنيا دروس وتجاريب
سجل يا بو عبدالعزيز اعترافي

....

[الحمدان]

لاتعوّد ذكرياتك على شخص ومكان
وكــل حاجة تــرتبط بالمــحبة كبها

لاتبالغ في التعلق ترى طبع الــزمان
يسرق الحاجة على قدر منت تحبها

....

[الحمدان]

مياسة القد ليه خطاك مرتبكة
تمشين والارض مذهوله ومرتاعة

جيتي وللعطر فوح وللكعب دبكة
يزفك الغيث ويداعبك ذعذاعة

....

[الحمدان]

يوم إنها قامت تخطّى على الطين
والريح يعزل ثوبها عن جسدها

قلت ابعد النظرات ليسار ويمين
من خوف روحي لا يجيها جهدها

وما ابطت بي الدعوى وانا الدّ بالعين
إلين عيني وقعت في نهدها

....

[الحمدان]

البل شعاها نفيضه وسرحت يمّه
وهل الجهازات والشاصات خمّوها

تخبّطت في غديره واشرعت جمّه
وداجت وطابت خواطرها وردّوها

سعد بن جدلان

[الحمدان]

هذاك كل الخطاوي تِتجه صوبه
لو غاب عني أحسه في شراييني

هذاك حتى كلامه غير وأسلوبه
مدري على وين لا سولف يودّيني

....

[الحمدان]

إن لقيت الخير عادي وأن لقيت الشر خيره
لين صار أكثر كلام أردّده خيره وعادي

....

[الحمدان]

قولة هلا منك تسوى الهيل والزعفران
وصفراً يداوي عماس الراس فنجالها

....

[الحمدان]

يقولون فعل الطيب كايد ما بين الناس
وأنا أقول مردود الجمايل هو الكايد

....

[الحمدان]

‏حنا عزاز نفوس ونموت وافين
والطيبين اهل الوفا هم ونسها

نموت مانلبس ثياب الرديين
دور وتلقى غيرنا قد لبسها

....

[الحمدان]

على جبين الباب خط التجاعيد
يوم ارتخى عرق الوصال وتهرّى

والعشب فرّع خوف مدري تناهيد
من دمعة اللي عشّموه وتحرّى

....

[الحمدان]

العمر رحلة تماسك وإتزان و كفاح
لولا الصبر ما تجاوزنا ولا مرحله

أنفض غبار التعب واثبت بوجه الرياح
وأقول للمشكله عادي ماهي مشكله

....

[الحمدان]

في تفاصيل الأغاني والقصايد
كم ليلى ما درى التاريخ عنها

....

[الحمدان]

أنفاسها اللي برّدت شاهي الكوب
هي نفسها اللي دفّت أطراف يدها

....

[الحمدان]

عفى الله عنك يا حلم ٍ رسمته بالطريق وتـاه
وأنا في داخلي فوضى حزن وأوجاع مختلطه

....

[الحمدان]

ارفع مقامك عن وكالة يقولون
مامن وراها غير هدم العلاقات

خلك نظيف القلب ظاهر ومظمون
شيل الجميل وخل كل التفاهات

....

[الحمدان]

تساميت عن حبٍ تساوم به الخلان
وتنازلت لك عن عرش قلبي ووليتك

ماحبيتك بقدر استطاعه وقدر امكان
انا فوق ما لا يمكن احب حبيتك

....

[الحمدان]

القلوب اللي تغير اليا دار الزمان
يغني الله من وفاها وباقي ودها

....

[الحمدان]

‏هقيت فيك الهقاوي وأنت يا كافي
ما أبرد من أعذارك إلا وجهك البارد

....

[الحمدان]

يا مرحبا والغيم غطى سما الكــون
وخيطّ مساحتها سحابه سحابـــه

انخوا على الشيبان بالغيث يدعون
دعوات بيضان اللحا مستجابه

....

[الحمدان]

رافق ولكـن لا توافـق على خمـس
لو يطلـبونك صحـبتك لا توافـق

فاسد وراعي بخل والمزعج العمس
ومعهم رفيق المصلحه والمنافق

....

[الحمدان]

ياليت لي قدره على رد الاصوات
اللي علي اصحابها مايردون
ㅤㅤ
اللي مع دروب السفر راحو افوات
في رحلة ركابها مايعودون
ㅤㅤ
ياما خذينا معهم ايام حلوات
نلهي وهم ماعندهم وقت يلهــون
ㅤㅤ
نذكر محاسنهم وهم صاروا اموات
وننسى محاسنهم قبل مايموتون

اللهم ارحم كل من رحلوا عن الدنيا

[الحمدان]

خوة ماهيب لله نهايتها تزول
والمعاصي تضعف النفس لين تذلها

والتواضع والكرم باب توفيق وقبول
والحسد والبخل يفسد حياتك كلها

....

[الحمدان]

لو شبّهوني في حضوري بهالناس
‏باكر تبيّن في غيـابي فروقي

‏كل ماسمعت بقولة العِرق دساس
‏قمت أحمد الله في سلايل عروقي

....

[الحمدان]

عذر القصيد إليا قصر عنك مقبول
‏اوصافك اكبر من مدى شعر واعجاب

....

[الحمدان]

حتى ولو صارو عن العين غياب
يحفظ غلاهم ذكرياتٍ قديمـه

....

[الحمدان]

ابك انا في حبك اقوى بالمواقف واعتزيبه
عزوتن منها يخر اطلق شنب خوف ومهابه

ابك انا شوق العيوف اللي مناسبها عريبه
ماهي بعزوه جبان لا اعتزى ماحدً درابه

....

[الحمدان]

حي الله اللي غلاها بوسط شرياني
يجري مع الدم والقلب وشرايينه

تبقى على البال مامعها بشر ثاني
والحب الاول لها من ماضي سنينه

....

[الحمدان]

‏أخذت فنجال الزمان وشربته
‏قال أنت قد اللي تسويه قلت أيه

‏ما جيت أدوّر غير حقي وجبته
‏تبيني أخلّيه والله ما أخلّيه
‏
عبدالرحمن بن جزا

[الحمدان]

قهو المشاعر لاجاتك وانت راعي مكان
ورحب بها كل ما مرت على فالها

قولة هلا منك تسوى الهيل والزعفران
وصفراً يداوي عماس الراس فنجالها

....

[الحمدان]

أنتي عن الذل والحقران مرفوعه
والناس في خدمتك ورضاك طماعه

سمي وقولي ترى كلمتك مسموعه
واليا سكتي نقول السمع والطاعه

اهم شي التعب والضيق واللوعه
لا يرتدي وجهك الوضاح وشعاعه

أنتي بوجه العتيبي وايسر ضلوعه
سمي على قلبه ونامي على ذراعه

مطلق العتيبي

[الحمدان]

لاعسعس الليل زادت وحشتي وينك
الصوت ما يوصلك والشوق ما جابك

شكراً بحجم الغـلا اللي بيني وبينك
والّا بحجم الجروح اللي من أسبابك

....

[الحمدان]

‏وأنا بصدق كلامك واعتنز بالله
‏بقول للناس مايعنيك يعنيني

....

[الحمدان]

‏الكبد مجروحه والأحساس ملهود
‏والصدر ضايق والعذاب متواصل

‏والقلب يبغى شي ماهوب موجود
‏والعين تبغي شي ماهوب حاصل

....

[الحمدان]

يارب يسرها على كل ضايق
ورفع ستار الهم عن كل محزون

لو كان في درب السعادة عوائق
تهون مع رحمتك يا خالق الكون

آمين

[الحمدان]

يآ ليتنا نجـرح مثل باقـي الناس
ونكسر خواطر من كسرنا ونقسى

لكننا مــن كثر ما نملك احساس
نجبـر خواطر مــن كسرنا وننسى

....

[الحمدان]

لاتحاول تكسب إعجابي بحلو اسلوبك
المجامل شي وارد والصراحه علّه

ولا تطالع في عيوب الغير شوف عيوبك
الستر من فضل ربي والقبول من الله

....

[الحمدان]

‏أمانة لا رحلتي ودّعي قلبي شوي شوي
‏تراني منكسر من سيرة الفرقا وطاريها

‏تراني من هذاك اليوم لاميّت ولاني حيّ
‏ولا أدري عن جميع الناس قاصيها ودانيها
‏
‏أمانة وش معي والّا وش اللي من غيابك لي
‏يا كود الوّنة اللي ما تعدّت صدر راعيها

‏مشعان البراق

[الحمدان]

‏الكرم فنجال والدلة معزة
‏من بغى فنجالها يقدع رطبها

‏الردي بالضيق فنجاله يهزه
‏والشجاع إن جاته الدلة شربها

....

[الحمدان]

جيتك أصبح يامنى الروح بالنور
وأقول ياخلي هلا وكيف حالك

يالله عساك بخيرطيب ومسرور
ويالله عساني مانحرم من وصالك

ياملهم حروفي ترى القلب معذور
ويالله يسعدك وين ما تكون دارك

....

[الحمدان]

كل هالدنيا مواعيد ومشيتك
في طريق الذكريات اللي طوتني

أبتديتك حب لكن ما أنتهيتك
الدروب وساع لكن ما خذتني

....

[الحمدان]

حبه بصدري سالفة سر في بير
وكن الفواد يقول هذا زبيني

يا كثرهم غيرهم ولكن خبر خير
ما غير شوفه في الوجود يهنيني

محمد بن فطيس

[الحمدان]

ياصاحبي لو تسـمع هـروج عني
من ناس قالوا كلمة ما لها ساس

حاول تعــاملني بما شفت مني
ما هو تعـاملني بما قالـوا الناس

....

[الحمدان]

مالا يسرك تسمعه لا تقـولـه
ومالا رضيت بفعلته لا تسويه

....

[الحمدان]

مايعكر خاطر السمح من عقب المغيب
كود نسناس الهبايب بذگرى مبطيه

....

[الحمدان]

‏عقب الغلا ومزارق الطيب بالطيب
‏صار الغلا والطيب ذكرى قديمه

‌‏الله يعين اللي جروحه معاطيب
‏وباقي على مبدأ وشيمه وقيمه

....

[الحمدان]

غير حُب الإبل وحب الطيبين
‏خل قلبك لا يقاد ولا يساق

....

[الحمدان]

البارحـه عينـي جفـا النـوم موقهـا
تسبـر سنـا بـرق رفيفـه يشوقـهـا

جعلـه مـن المنشـى ينثـر مخائـلـه
مـن مزنـه غـرا تكاشـف بروقـهـا

لامرهـا العسـاس مـن غـب سيلهـا
عيـن خباريـهـا ووكــد حقوقـهـا

مدهـال ذود ماتقـرع مــن الطـنـف
لاقرعـت بعـض الرياجـيـل نوقـهـا

البـل تبـي رجـل عـزومـه قـويـه
ولانتـوت عـن دربـهـا مايعوقـهـا

لايسمـع العـاذل ولايسـمـع الــردي
رعايـه الربلـه ليبـسـت عروقـهـا

يـامـا رعيـنـا مشـبـر مارعـوبـه
اهــل الغنـيـم تـدقـق اربـوقـهـا

مافيـه ياكـود الشـقـاري وخلطـهـا
وفيه الخزامـي اللـي طـوال عنوقهـا

ترعابـه العـري ويبـنـي شحهـمـا
عقـب الدهـر خطـر تزايـد فتوقـهـا

يازينهـا ليـاجـت عـقـب المعـشـا
والنـار تشعـم والمعامـيـل فوقـهـا

اليـا لفـت عقـب العتيـم وتفاهـقـت
وغسلـت شمايلهـا ورفيـت شقوقهـا

هـذي تغـرز مـن غـلاهـا وقـدرهـا
وهـذي يـقـدم للنشـامـا غبوقـهـا

واليا اصبحت تسرح علي الر وض الادني
اليا اشرقـت الشمـس بـاول شروقهـا

لهبـك النسـنـاس تشفـيـك خنـتـه
ويكفيك عـن ريـح الخزامـي نشوقهـا

وراعي الوظيفه يرتخص عـن وظيفتـه
يرعابهـا القافـر ويتـبـع طروقـهـا

كلـه لعينـا الشايـب اللـي يحبـهـا
عـودا يقـلـط للنشـامـي حقوقـهـا

لايجـرح العانـي ولايزعـل الـخـوي
وعوق الخصوم اللـي وساعـا حلوقهـا

اللـي يحـب الطيـب يلـقـاه عـنـده
واللـي يــدور للـمـراره يذوقـهـا

ومن لايحـوش المرجلـه فـي شبابـه
واليا انتحـت صعـب وعسـر لحوقهـا

وختامهـا منـي صـلاه علـي النبـي
عـداد ماتنـشـي وتـبـرق بروقـهـا

سلطان الهاجري

[الحمدان]

سلام وشلونك عسى حالك بخير
اشتقت يا ملح الحياة القديمة

في غيبتك للناس قيمه وتقدير
وان جيت ما يبقى لهم اي قيمة

....

[الحمدان]

تزوم روحي مثل مازام خيال
بينه وبين حـصان روحــه محبه

ورثـت مـن جـدي ثمانيـن فنجال
وشربتها مابين شتم ومســبه

ماقد لعبت بقلب ولا صرت محتال
ومن طيب قلبي كل شخص لعب به

فيني سمو الطيش نظرة وترحال
وقلبي صخر ماينثني لكل هبه

فينا المكابر بالهوى دوم يختال
وجمر الصدر قدح المشاعر تشبه

وبالحب قلبي ماهو بقلب رجال
قلب الصغير اللي انفطم للمحبه

رذاذ الحبر

[الحمدان]

‏سجل قصيد الغـلا بإسمك وسجلني
‏أول متابـــع لأحاسيسك ولمسـاتك

‏لو تكـسر البيـت كمــــل لا تكلمنـــي
‏يكفيني اسمك مسجــل باخر أبياتك

....

[الحمدان]

البال ضايق يافهد خاطري عمس
ودي اسج الرجل وبعد عن الناس

احس قلبي ينحمس داخلي حمس
كما يحمسون الهراري بمحماس

حضر زهابك قبل لاتطلع الشمس
ودون مع الطرقه شعورك بقرطاس

وركب على سيت احمر اللون جي امس
يطوى جراهيد الخلا يمرس امراس

الفين كيلو بعدها مالنا رمس
ويستريح البال في بعد الارماس

....

[الحمدان]

مالك مِن أيامك إلا صالح أعمالك
‏ولا أنت جثه وأعز الناسَ يدفنها

....

[الحمدان]

أَضنى الفُؤادَ فَمَن يُريحُهُ
وَحَمى الرُقادَ فَمَن يُبيحُه

وَنَضا مِنَ الأَجفانِ سَيفًا
قَلَّ ما يَبقى جَريحُه

أَمُعَذِّبي بِالهَجرِ هَل
لي فيكَ يَومٌ أَستَريحُه

....

[الحمدان]

ما للسـعادة زمـــان ولا مكـــانٍ أمــين
‏والأشقياء من غباهـــم يعبدون الصنم

‏أحيان صاحب معالي طول عمره حزين
‏وأحيـــان تلقى السعادة عند راعي غنم

....

[الحمدان]

‏عليك الأمان أظهر تراني من التفكير
‏تعبت أكتب الأبيات وتروح دون أسمي

‏أنا فاقدك بالحيل واتعبني التغيير
‏من حسابي الوهمي إلى حسابي الرسمي

....

[الحمدان]

‏يالله في عشر ذي الحجة
‏جـــودك وفضلك وغفرانك

‏وتجعل لــنا فالحشــر حجه
‏في ســـاعةٍ نرجي احســانك

آمين

[الحمدان]

تغانموا فعل الجمايل مع الناس
‏الناس صعبات الظروف اجرحتها

‏فعل الوفاء والخير فالناس نوماس
‏الطيب فوق الأرض ماهو تحتها

....

[الحمدان]

نسبة نجاحك على الدنيا وتوفيقك
‏على حسب قربك من الله وطاعاته

‏الله هو اللــي يفرج همّك وضيقك
‏ابذل جهودك لاجل حبه ومرضاته

....

[الحمدان]

‏حُب غيرك ماخذيتهَ بعين الاعتبار
‏شف صروحك من بعضها دسمها مغبّره
‏
‏وأنت وصلك لا بغيته رضيت بالانتحار
‏مع طريقٍ قبل ما أجزم عليه اسبّره
‏
‏ما سكنة الا بعضو معاليقهَ يسار
‏والظروف اللي تردّه هي اللي تصبّره
‏
‏ما بدا حُبك وحبّه بالأسم المستعار
‏وما تعثّر في أي شيٍ ماهوب يدبّره

....

[الحمدان]

‏الصدق راعيه عند الناس وجهه طليق
‏والكذب راعيه فعله فاضحه فاضحه

‏أللي تشوفه عدو واللي تشوفه صديق
‏فالضيق بتشوفهم بالصوره الواضحه

....

[الحمدان]

صيتنا من قديم الوقت سيلٍ نحاوي
‏سيرة الطيب واضحه ومحدٍ جهلها

‏بين عز الشموخ وبين طيب العزاوي
‏ما تليق المكارم غير والله بأهلها

....

[الحمدان]

‏شاور حكيمٍ بالزمن له تجارب
اللي بكل إخلاص يعطيك شوره

وابعد عن اللي في كلامه تضارب
يعطيك قول ولا صدق في شعوره

احدن برايه للحقيقه إيقارب
واحدن بعيد الراي ماشيف دوره

ولا هو صحيح ان الاقارب عقارب
كم واحدن طيب إيشرف حضوره

....

[الحمدان]

محتاج لك يارب في كل خطوه
ومحتاج للتوبه قبل قطع الأنفاس

خوفي من ذنوبي على حين هفوه
ومن زله لساني على درب الإفلاس

يارب

[الحمدان]

‏سمحنا وعفنا وانثنينا عقب الاقبال
‏وذي عادة لايمكن ان حن نخليها
‏ㅤ
‏إذا ما لقينا من هل الدار طيبة فال
‏نشوم ونخليها لمن هو سكن فيها

....

[الحمدان]

قالوا يدور الزمن وابطا الزمن ماستدار
‏والضحكة اللي خذاها الوقت ماجابها

....

[الحمدان]

‏مابقى لك في مشاويري مسافه
‏اعتقد حنا وصلنا للأخير

‏الندم والعذر ودموع الحسافه
‏مالها قيمه بعد موت الضمير

‏البحر هادي وتغرينا ضفافه
‏بس لا هاج البحر موجه غزير

‏خايف من البُعد لا لاتخافه
‏لا تخاف البُعد وأحبابك كثير

‏اشكر احساسك على قل الكلافه
‏يا كبيرٍ طحت من عيني صغير

....

[الحمدان]

‏سولفت له عن جرح الأيّام وش فيه
‏قال المـراحـل في الـحياة اتـشابـه

‏وأنــا لو انــه قـال لي بـس لـبــيـه
‏عـلـمـتـه ان اللـي جرحـني غـيابـه

....

[الحمدان]

‏عطيتك اللي كنت منك اتمنّاه
‏ولا أخذت الا على خاطري منك

....

[الحمدان]

‏لو نكتب الشــوق ما تفنى دفاترنا
يفنى الورق والقلــم يكتب لنا وصاته

ولو نكتب الشــوق يطلع في مدامعنا
الشـــوق واضح على المشتاق نظراته

....

[الحمدان]

سيد جروحي شمس عمري وظلي
البعد طوّل والخطأ منك واضح

اذا غرورك يمنعك تعتذر لي
تعال جنبي وابتسم لي واسامح

تدري احبك لكن الموت ذلي
ادوس انا قلبي لو الشوق جامح

الله عطاك الحظ واصبحت خلي
والله عطانياك طاغى ملامح

سألتني يا ياسميني وفُلي
ياكيف يشفى الورد والشوك جارح

مثل العيون اللي لها كل كلي
زايد حلاها لكن الدمع مالح

وش تنتظر يكفي دلال وتغلى
الوقت ماهو للوصل دوم سانح

مادمت ترحالك ومادمت حلي
ان صرت انا خسران ماصرت رابح

لا تعطي الفرصة لعذالنا اللي
لكل ماهو يهدم الحب طامح

مالك صبر عني ومالي تسلي
والوقت خيل صوب الآجال رامح

سيد جروحي شمس عمري وظلي
الحب بعد وقرب مخطي وصافح

اذا غرورك يمنعك تعتذرلي
لا تعتذر لي قول اسمي واسامح

....

[الحمدان]

‌‎إنّي شَممتُ من العطورِ جميعها
وعَرفتُ أطيبها على الإطلاقِ

كلُّ العطورِ سينتهي مفعولُها
ويدومُ عطرُ مكارمِ الأخلاقِ

....

[الحمدان]

نسيت الروح يمك وانت روحي
تروح شلون مني وانت روحي

تظل انت حبيبي وانت روحي
وتظل رغم البعد غالي عليه

....

[الحمدان]

‏سبّح بحمد الله وإصبح على خير
في كل صبحٍ ينسلخ من ظلامه

يالله عسى هذا صباح التباشير
وصبح العفو والمغفره والسلامه

آمين

[الحمدان]

انا البارحه يوم العرب رقدوا ونيت
كن الحشى تشعل بوسطه لواهيبي

علي اللي بحبه وسط قلبي بنا له بيت
سكر على سر الهوى في الدواليبي

ويابو حمد كانك على بيتهم مريت
الى شفت سيد البيض زين الرعابيبي

قله ترى اخطا وانا مثبت ما اخطيت
واخطا علي يوم اقصر ت بي المواجيبي

تخالف علي جيراننا يحسبوني ميت
وهم درو ان ان الحب له درب وصعيبي

علي القحطاني

[الحمدان]

ليه نضعف كل ما مرّ الحنين
وليه نتعب كل ما نذكر احد

وليه ماضينا حكايا راحلين
وليه نوفي والزمن فينا جحد

....

[الحمدان]

يا قرب واشنطن ولندن وباريس
حذفة عصا للي رصيده ملايين

يا عزحالي للرجال المفاليس
اللي تضايقهم وجيه الديابين

وااللي قضى عمره وهو خالي الكيس
ما شاف من دنيا الورى الا عمى العين

يصير في عين البشر كنه أبليس
تكثر خطياته وهو ما عمل شين

يا رب يا ساتر على اهل النواميس
يا قاسم أرزاق الضعاف المساكين

تفرج لمن ضيع جميع المقاييس
يجاذب الونات والناس غافين


علي القحطاني

[الحمدان]

الجنوبي قال من شيء دهاه
من عذابه يسهر الليل الطويل

يا هلي صبري تعدى منتهاه
كيف يصبر واحد قلبه عليل

من نظر لي قال ذا ربي عطاه
مادرى بي صاحب القلب الهبيل

اطلب اللي ما يخيب من رجاه
حيث ربي يمنح الصبر الجميل

يجمع بشملي مع ريم الفلاه
بوثمان بيض والطرف الكحيل

الحبيب اللي اخد قلبي معاه
الهجر يا زين عطنا له دليا


علي القحطاني

[الحمدان]

ياقمر في السماء في الآرض مثلك قمر
يشبهك في وصوفك بالوفا والتمام

وأنت ماتظهر الا عقب نصف الشهر
ماأنت دايم معانا مثل باهي الوشام

لانظرته بعيني راح عني الكدر
لاخزرني بعينه قلت له ياسلام

هو ملاك ولكن عاش وياالبشر
نظرة عيونه اقوى من صواريخ سام

كلما قلت من بكره نويت السفر
قال تهجر محبك قلت لا لا حرام

في حضوره عيوني ماتمل السهر
تشرق الشمس يوم ان الخلايق تنام

علي القحطاني

[الحمدان]

يا رساله عزيزة ودي أقراها
بس يا للأسف خانتني اعصابي

صارلي مدة وانا اتحراها
من وليف عليه القلب منصابي

هوكتبها وعنونها وغراها
وانتظرني شهر ما رد له نابي

واعتبرني مقصر يوم وداها
ما درى اني حرقت الخط من مابي

ان قريته عيوني نثرت ماها
قالت الخط مرسول من احبابي

خلها تمشي الدنيا بمجراها
لا يجي جرح ينقض جرح ما طابي


علي القحطاني

[الحمدان]

يا علي جاني خبر صاحب غالي
عشرته يا خوي مانيب ناسيها

يحسبوني يا علي داله سالي
ما دروا عن حالي الهم طاويها

يا غزال البيد كنت احسبك خالي
لكن اتصبر وربك يسويها

والهوى ما يعرف الجد والخالي
والمحبة من يبيها يداريها

شاكيآ حالك وانا شكيا حالي
كل نفس عذبتها بلا ويها

اتركوا من شغله القيل والقال
جايب قصة وقصة يوديها

المحبة دايمآ مرها حالي
جربتها نفسي الله يعافيها

قل لخلك راعني يا هوى بالي
عشرة ايام مضت لاتخليها

الوفاء ما يظهر الا من التالي
هذي العشرة وهاذي معانيها

صورة المحبوب دايم ترواى لي
كل ليلة في حلا النوم أراعيها

زول خلي صار من بد الازوالي
قصة الحب الطويلة وما فيها

علي القحطاني

[الحمدان]

فوق بحر الهوى تجري مراكبنا
نقضي الليل كله فوق موجاته

نرضي احبابنا نوفي بواجبنا
من نقض عهدنا نقطع علاقاته

ما لنا غير خالقنا يحاسبنا
نبلغ اهدافنا والنفس مواته

با الصراحة نخاطب من يخاطبنا
لين يظهر لنا قصده وغاياته

الردي لا حشى ما هوبصاحبنا
حيث عاداتنا ما هي بعاداته

الوفى عند جاهلنا وشايبنا
راعي الطيب ما يحسب خساراته

نعرف اللي من الغيرة يحاربنا
لغلط حيلته والغيض قواته

انتهينا وصفينا تجاربنا
نعرف الهرج الى من جاء مجلاته


علي القحطاني

[الحمدان]

الي يحسبني على البعد سجيت
ولا ان عيوني للرقاد استباحت

ياليتني من قبل لا احبه اقفيت
ولا ان دروبي عن دروبه تناحت

....

[الحمدان]

أشهد إن القلب يجهل والحياه تعلّم
والضروف تقيّم الأصحاب واحد واحد

....

[الحمدان]

‏الله ولا بعض الكـلام اللي يحطك في حرج
‏الكلمة اللي ما تجـمّل خلـها في فالـها
‏
‏ودك يقولون العرب وش فيه ساكت ماهرج
‏ولا يقولون العرب ليتـه سـكـت ما قـالهـا

....

[الحمدان]

هيهات من يسلم من الشوم واللوم
رضا الناس فيه غاية ما ترامـي

ما ذكر مخلوق عن العيب معصوم
إلا الذي ظلـل عليـه الغمامـي

كم واحدٍ حده طغا الجهل والـزوم
حتى شرب بالكره كاس الحمامـي

كم ساريٍ في تالي الليل منجـوم
اصبح بصحـاح بعيـد المظامـي

حذراك خلان الرضا عدهـم قـوم
مروك ما ردوا عليـك السلامـي

كم جامع مال وهو منه محـروم
سلط على ماله عيـال الحرامـي

لا تكترب يا بايت بـات مهمـوم
ترى الفرج عند اكتراب الحزامـي

....

[الحمدان]

موت الفتى موتين موت من الفنـا
وموت من اخلاف الذراري جدودها

يا حيف ياشـم العرانيـن خلفـت
اراذل عميان تبـي مـن يقودهـا

ليت الذي حدر الثـرى فـوق الثـرى
وليت الذي فوق الثرى فـي لحودهـا

من مات ما أرَّث في ذراريـه مثلـه
فهو مثل نـار جـرَّ عنهـا وقودهـا

....

[الحمدان]

نبيع ليا باعوا ونشري ليا شـروا
ولا غبـن إلا بالنضـا والحلايـل

الكون مكفول ٍ والارزاق قسمـة
والرزق مبسوط ٍ ومغني وعايـل

فلا دابة ٍ إلا وعلـى الله رزقهـا
وترتـاب يالمخلـوق والله قايـل

ومن كانت الدنيا مـن الله حظـه
مغبون لو يعطـى مثلهـا مثايـل

والمال عده كالرديـف المحـول
والملك من هذا إلـى ذاك زايـل

ومن لايعز الجار ما عز نفسه
ومن لا يعز الناس باع القبايل

والحب سل ربك يكفيك شـره
حمله ثقيل ومتعب كل شايـل

ومن غرته دنياه يكسب مذلـه
والرب غفار الذنوب الجلايـل

وبالناس من لاله تقاة ترده
خاب وخسر من كان مختال نايل

ومن جاز ظلم من له الملك ذله
فمن جر ثوب الظلم للناس زايل

ولو أمهل الظالم من اخلاق حلمه
فله ساعة تلقى بها السرج مايل

والناس في الدنيا حظوظ وقسمه
وكل إلى ما قدر الله آيل

وطول التعني والتمني مذله
يشقى بها القايل ولا فيه طايل

والمال ميال له الكون كله
قليل الذي تلقى عن المال مايل

فاتعب عليها يانديمي ودور
وافعل معي ياصاح فعل الجمايل

ومن ساءت اخلاقه تزايد ضلاله
ومن طاف طغيانه مع الله زايل

ومن طالت حكاته جليسه يمله
ويشقى من الحاكي ويملا ملايل

باحذرك تاوي عند من لا يعزك
لو مت هلك في حزوم النثايل

ومن لا يعز الجار ما عز نفسه
ومن لا يعز النفس باع القبايل

إلى عدت في دار وفيها مذله
كن باكر عنها زتوت الحمايل

وبادر جفاها بالرحيل وقل لها
حقيق يادار الجفا بالبدايل

فالدار لا شفت الجفا لا تودها
فاصرم وعن دار الجفا لا تسايل

ومن كان ذا عقل وراي يدله
عن صحبة الخرقا يبت الوصايل

....

[الحمدان]

لا تاخذ الهزلى على شـان مالهـا
ولا تقتبس مـن نارهـا بالوقايـد

لا تاخـذ الا بنـت قـوم حمـيـده
عسى ولد منهـا يجيـب الحمايـد

ولا تتقي في شجرةٍ مـا بهـا ذرى
ولا تنـزل الا عنـد راع الوكايـد

ولا تسفهْ المنيوب لا جـاك عانـي
إياك يـا ابنـي ومطـل الوعايـد

من عوّد العيـن الرقـاد تعـوّدتْ
ومن عود العين المسـاري تعـاود

ومن عوّد القوم المناعيـر مطمـع
تلـوه بالانضـا والجيـاد العدايـد

ومن عود الصبيـان أكـلٍ ببيتـه
عادوه في عسـر الليـال الشدايـد

ومن عود الصبيان ضـربٍ بالقنـا
نخوه يوم الكون : يا بـا العوايـد

ومن كثّر الطلعـات للصّيْـد ربمـا
يوافيه غراتٍ تجـي منـه صايـد

ومن تابع المشراق والكن والـذرا
يموت مـا حاشـت يديـه الفوايـد

الايام ما باقٍ بها كثر مـا مضـى
والاعمار ماللي فات منهـا بعايـد

نعـد الليالـي والليالـي تعـدنـا
الاعمـار تفنـى والليالـي بزايـد

قولوا لبيت الفقر لا يامـن الغنـى
وبيت الغنا لايامـن الفقـر عايـد

ولا يامن المضهـود قـوم تعـزه
ولا يامن الجمع العزيـز الضهايـد

وادٍ جرى لا بد يجري مـن الحيـا
إن ما جرى عامٍ جرى عام عايـد

....

[الحمدان]

شعرٍ يموت وصاحبه حـي مـا فنـي
وشعرٍ يعيش بحد ما عـاش صاحبـه

ولا تعفو عن من لا يرى العفو منّـه
فالضد عفـوٍ عنـه يقـوي رغايبـه

وحريب جَدِّك لـو صفـا مـا يـودّك
وعيناه لو تبكـي لـك الـدّم كاذبـه

فاحْذَرْ حريبك في المـلا ففـرْد مـرّه
واحذر صديق السّو ألـفٍ تحـاط بـه

ومن هان نفسه للمـلا هـان قـدره
حتى تشـوف الـذّر يسعـى بغاربـه

ومن لا يعدّي عـن مراعـي جـدوده
بالسيف عِدّي عن مراعـي ركايبـه

وحذراك تبقى راس من هـان قـدره
فكم فارسٍ أفناه مـن لا يقـاس بـه

وترى ابرك ساعات الفتى ما بها الفتى
وما فات مات وساعة الغيب غايبـه

فاغنم متى لاحت من الوقت فرصـه
وان هبّ نسناسٍ فاذر فـي سوايبـه

وحيـاةٍ بـلا عـزٍّ محـا الله حظّهـا
حياة الفتى مـا فاتهـا العـزّ خايبـه

فلا بالتمنّـي تبلـغ النفـس حظّهـا
ولا بالتّأنّـي فـاز بالصّيـد طالـبـه

ومن لا يعدّي عـن حياضـه تشـرَّع
ومن لا يكرِّم لحيتـه حِلْـق شاربـه

والدار مـا يِحْصَـرْ عليهـا وليدهـا
دار الفتى ما طـاب فيهـا مكاسبـه

والملك تـاج مـا لـه إلاّ المصونـه
ومن لا يصونه ينزع التّـاج واهبـه

وامر الفتى في عالم الذّر قِـدْ مضـى
وما صاب ما اخطا وما اخطاه غايبـه

ولا يَــدٍ إلاّ يـــد الله فـوقـهـا
ولا غـالـبٍ إلاّ لــه الله غالـبـه

فالى الحر صار العار والـذّل حَظّـه
فالمـوت ستـر لـه يغطّـي معايبه

اشتر تبيع ونافِسْ الناس فـي الشـرا
وحذراً تغـرّ وخايـب الخـال جانبـه

وترى شور من لا يستشيرونه المـلا
شمعة نهارٍ في ضيا الشمـس ذايبـه

وترى النصايح في البرايـا فضايـح
كم ناصحٍ اضحى له النـاس عايبـه

والسالم اللـى كَـفّ خيـره وشَـرّه
ومن لا يسوّي خير ما جـاه نايبـه

ومـن عَـزّت الدنيـا قريـبٍ تذلّـه
ولـو كـان عـزّه بالثريّـا مناجبـه

فدنيـاك لـو لـك بايعـت لاتـغـرّك
غَدّارةٍ تفـري حشـا مـن تصاحبـه

وكـم حافـرٍ بيـرٍ خباهـا لغـيـره
فامسـى خديـعٍ ذاق فيهـا معاطبـه

ومن شال حملٍ فوق ما النفس طاقت
ضلّ القدا واخطا من الـراي صايبـه

....

[الحمدان]

يــارب عبــدك مــا بيــده حيله
‏ارفـــق عليه ومــن ذنــوبه نجه

‏في يوم ٍ ماحــد لو صــرخ ياويله
‏يوم ٍ عبــوس وبــه ضجيج ولجه

‏العمـــر يمضــي بين يــوم وليله
‏والكـــل منـــا طـــايــرٍ بالعجــه

....

[الحمدان]

اشتاق لك شوق الظوامي لميراد
‏لا شاقها الميراد في جـرهديه

‏واشتاق لك شوق الفقيرين للزاد
‏لا مر سوقه والايادي خليــــه

‏واشتاق لك شوق العمى كحل مرواد
‏يرد شــــوفه للعيون الشقيه

....

[الحمدان]

رجعت أدوّرك بين الرسايل والصور وأدعيك
‏وأنا مدري وش اللي من يد النسيان رجّعني

‏معي كلمة عتاب أكبر من اني فاقدك وأبغيك
‏ذرفت حروفها أوّل ما عرفت انك ما تسمعني

....

[الحمدان]

‏جتك الرسايل تعلن إنك على البال
ما غبت لو إنك عن العين غايب

مهما تبا عدنا ومهما الزمن طال
تبقى أعز الناس وأغلى الحبايب

....

[الحمدان]

‏معادن الناس تظهرها مواقفها
سلم على اللي يطول الوقت ماصدا

....

[الحمدان]

العيدُ يومٌ كأيَّامٍ لنا سلفت
لولا الأحبَّةُ ما طابت لياليها

....

[الحمدان]

ثلاث فيهن صِيت والا إهانه
الكرسي الدوار والبشت والمال

أما جعلن للرجل قدر ومكانه
ولا اجعلنّه مايساوي له ريال

....

[الحمدان]

لا تعتبر كل العرب ربع واصحاب
ترى بعضهم جمرتٍ في رماده

....

[الحمدان]

‏رزقي على اللي كافلٍ كل الارزاق
في رحمته ورجيه واخشى عذابه

اعيش متفائل لو ان الفضاء ضاق
واللي يهاب الناس دايم تهابه

يحرجني الطيّب بطيبه والاخلاق
واللي تردى ما حسبنا حسابه

....

[الحمدان]

يـامنبع النور بنت الغيم لا تزعلين
‏علامي اشوف لمعت عينك الواسعه

‏محبوبك الطرب دايم صار جداً حزين
‏والكـون كله بعد ضيقتك مـا ياسعه

‏نحتاج مـوعد غرام الساعه اللي تبين
‏إما على الثامنه ولا على التاسعه

....

[الحمدان]

يدك لامدت وفاء لاتحرى وش تجيب
‏كان جاتك سالمه حب يدك وخشها

‏وكل ما واجهت لك فالزمن وجه غريب
‏مثل ماقال المثل دام تمشي مشها

سعد بن جدلان رحمه الله

[الحمدان]

احسبني كل ما طالت المده سليت
‏واثر قلبي لو يطول المفارق ما سلا

‏كل ما عرض خياله على بالي بكيت
‏آه يا ذيك الليالي ويا ذاك الغلا

....

[الحمدان]

على حر إنتظاراتك قتلني جدًا التهميش
‏وأنا أدري لو يزيد البعد قربك ماني بحوله

‏عجزت أعيش رغم إنك على بعدي قدرت تعيش
‏رحلت وكانت الأحزان بعدك شبه مسؤوله

‏يروح الليل ما بين السؤال اللي يردد ليش
‏علام الورد ما ينبت مدام الأرض مبلوله

....

[الحمدان]

اغيب وابعد وانشغل واحاول انسى مانسيت
‏ماتنّسى ذكرى السنين اللي معك قضيتها

‏حاولت كم مره وكم مره ولكن ماقويت
‏حتى لو ان ذكراك مامرت علي مريتها

‏وشلون وانا كل ماتطري علي مت وحييت
‏لو ان معي قدره على نسيانها نسيتها

....

[الحمدان]

ياكم تمر ظروف وتعدي ظروف
‏ما نزعل من أقدارنا لا ابتلينا

‏تعدي الأحلام وعيوننا تشوف
‏وبما كتب ربي علينا رضينا

....

[الحمدان]

ياعالم سر الصدور المغاليق
ياذا العفو ياذا الكرم والفضيله

يافارج الكربات والهم والضيق
لاصار مابيدين الانسان حيله

خذني من دروب العنا للتوافيق
وحقق لي احلام السنين الطويله

آمين

[الحمدان]

على البال ياللي كل مامرني طاريك
‏بدت كل تنهيده تمارس هوايتها

‏أنا لو ينسيك الزمن ماني بناسيك
‏محبتك قصه ما اقدر اكتب نهايتها

‏لو الوقت يرجع قبل اعرفك وقبل اجيك
‏وقبل الهقاوي تنثني دون غايتها

‏باروح انتظر فأول مكانٍ جمعني فيك
‏و باعيد تجربتي معك من بدايتها

....

[الحمدان]

نطاوع الدنيا ونمشي بلا طـووع
‏وليا بغـونا اصحابنا ما اختفـينا

....

[الحمدان]

‏مابارت أهدافي لو إن الزمن بار
‏العزم مثل البحر ماله نهايه

‏ذقت الخساير والعزاير والأمرار
‏وسقت العمر كله على عشان غايه

‏ما يصنع التاريخ من هاب الأخطار
‏ولا رقا في قمّة المجد تايه

‏ولا يعلم الإنسان عن بعض الأقدار
‏يمكن بعد خط النهاية بدايه

....

[الحمدان]

‏وقت المساء يوجع ضلوع المخاليق
‏ويذكر المشتاق منهو له أشتاق

‏وين أنت يالي شوفتك تبعد الضيق
‏والخاطر ليا ضاق من شوفتك راق

....

[الحمدان]

عـلى دروب الـمحبه كـم تـعنيّنا
الـطـيّب نـقـدّره والـغـالي نـودّه

يـامـا أجـتـهدنا وكـفـينا ووفـينا
ولا لقينا سوى الهجران والصّده

....

[الحمدان]

هات من عذب السوالف ماتهيّا
ودي أمسك صوتك بكفي وأحبه

....

[الحمدان]

‏أسولف معك في كل حاجه بِلا ترتيب
‏كلامي حقيقي وأشتياقي من أعماقي

....

[الحمدان]

‏كانك تذكرني على البعد لحظـات
فأنـا علـى كـثـر الـولـه مانسيـتـك

تهزني الذكـرى علـى كـل مافـات
لاغبت عـن عينـي بقلبـي لقيتـك

....

[الحمدان]

لا صرت مشتاق لك لاتطول القصه
مشاعر الشوق فيني مالها مرجع

تغانم الشوق دام الشوق لـه فرصه
الشوق مثل العمر لا راح ما يرجع

....

[الحمدان]

الملتزم بالصمت لا يخطي ولا يخطى عليه
انشهد ان الصمت يحفظ للرجل شخصيته

لا تعطي الهذار وجه ولا تخاوي لك سفيه
لو ساق لك جاهه وطش عقاله وطاقيته

ما يطرح الرجال في عيني عسى الله يهديه
غير الكبر لو يفرق بطيبه وفي شكليته

سعد بن جدلان رحمه الله

[الحمدان]

‏ياماحلا لاصار بالجو براق
‏برقه حقوق ٍ والرعد مردف له

‏يضوي ونور البرق للعين سراق
‏ياسعد منهو خايله في محله

‏مرواح خير ٍ بارقه يرهق ارهاق
‏يالله عسى بالخير وبله يهله

‏يروي ديار سدير والسيل ينساق
‏بامر الولي الواحد اللي نجله

‏محمد بن محارب

[الحمدان]

يا أبيضَ القَلبِ لا تَحـزنْ إذا زَعمُـوا
أنّ البيَــاضَ بِهــذا العَصــرِ تَـغـفيــلُ

إنَّ البَيــــاضَ وإن أَعيَتــــهُ غُربتُـــهُ
أبهَى الصِّفاتِ وفَوقَ الرٌّوحِ إكليلُ

....

[الحمدان]

اي والله ان الشعور بالقلب نفس الشعور
مـهما تهــرب شــعوري منك يــشتاق لك

اتناقض احـيان لجلـك ونت كلك غرور
ورغــم هــــذا وذاك الروح مــحتاج لك

طبــيعة الطفـل في سن الطفولة غيور
وانا كمـا الطــفل يـــشتاقك وينصاع لك

كيف اقدر امحيك من عقلي وكلك حظور
في القلب والروح ما تقــوى وتتــجاهلك

انت الذي في حـياتي شـع بـــهجه ونور
ولاهتمامك شغف وادمــان كـم يشغلك

كلما تحدث معك روحــي يلاقي سرور
اخـشى تمله وهــــــو لا زال يتـــسالك

حاول تكون لجل فعل الخير دايم صبور
الله يجازيك كل الخيـــــــر ما اجملك

....

[الحمدان]

لملميني من شتاتي واجمعيني في كفوفك
وانثريني من كفوفك بين نظره وابتسامه

تضحك الدنيا بوجهي كل ما عيني تشوفك
وتظلم الدنيا بعيني لا سمعت مع السلامه

الحــروف الابجــديه كلـها تعبد حــروفك
والنقوش الحميـريه من براقش لا تهامه

يا حكاية في حكايه من لماك ومن وصوفك
فاقت الفن الثقافي في الكويت وفي المنامه

قلبي الهايم بحبك مستحيل أنه يعوفك
وان فرقنا الموت فجأه نلتقي يوم القيامه

....

[الحمدان]

من بحر الأشجان جهزنا حروف الغزل
ومن كثر الاشواق زاد الحب في داخلي

دام المحبه تجي والعشق ما انعزل
من بعدك انته فؤادي كم بقى شاعلي

قد جسمي والله ببعدك انت شوف انهزل
واصبحت مهموم متحسر على قاتلي

قاتلت قلبي وانا بسجع حروف الجزل
من شان عينك كتبت الشوق متكاملي

من كثر الاحساس قلبي في هواك اغتزل
ياراحه الروح يامن له الفؤاد حاملي

....

[الحمدان]

ذي الأيام إن غبت أظلمت الأفلاك
والنور غاب وسادها الاكتئابه

وجودك أمل والبُعد عنّك هلاك
وش لون نرضى بالزمن في غيابـه

....

[الحمدان]

بشغلك ياخاطري عنّه
مادام متغلي الغالي

في العيد كل ٍ حصل ظنّه
الا أنا قاعد لحالي

يالله عوضني الجنّه
ولا عاد يطري على بالي

مسلم ومناهجي السنّه
يالله تحقق لي آمالي

....

[الحمدان]

العقل ماله حدود إدراك
حتى العمر خارج إدراكه

مرات يسبح مع الافلاك
ومرات في القاع مبراكه

لا تلوم من في الهوى حاكاك
لوكان ما صادت شباكه

مدة ويأخذ على فرقاك
ويركد على باقي املاكه

....

[الحمدان]

اغراك حبك وأنا بالزين تغريني
وأشجان قلبي على صورتك مجنونه

أنته مشقى بغيري وليه تشقيني
والآدمي دايم ٍ منكوب بعيونه

....

[الحمدان]

أَلَسْتَ وعدتَني يا قلبُ أنِّي
إذا ما تُبْتُ عن ليلى تتوبُ

فَهَا أنا تائبٌ عن حبِّ ليلى
فما لكَ كُلَّما ذُكِرَتْ تذوبُ

قيس بن الملوح

[الحمدان]

ابداع في المعنى وراقي فنـونه
كلام ماله وصف في كل محفـد

ونشهـد الزيـن رابـي غصـونه
في المنضر الفتان نوره على الخد

سحابة الاشواق تمطــر مزونه
تشن ورد الشـوق غالي مخلد

ودي على نضره ونا لـــه زبونه
ولا على موعد بساعــه محدد

صوته شجي فتان يذرف لحونه
عند الغناء قطع فؤادي وقدد

خذا قليبي عند ضمت حنونه
والدمع تذرف شوق والله يشهد

كني مقيـــد في حباله بغـونه
هل عاد يفتح لي قيوده من الشد

....

[الحمدان]

لو بغيت احب غيرك والله إنهم واجد
بس مافي احلى من ثغرك وحلو عيونك

انت واحد وسط قلبي بس يا ذا الواحد
جعلهم يفدون ثراك وجعلهم يفدونك

....

[الحمدان]

‏كم غايب ماغاب ذكره عن البال
وكم حاضر يشبه حضوره غيابه

ماكل من يبعد عن العين ننساه
بعض البشر طيبه يعوض غيابه

....

[الحمدان]

علم عيـون السهـر تقرا ملامـحنا
الشوق رحلة شقى والليل مايرحم

....

[الحمدان]

‏على وجهك الراضي بدت لي الحياة تزين
لك الشكر من قلبي على وجهك الراضي

....

[الحمدان]

يعجبني اللي فاهم ويفهم الناس
وليا سألته قال ما أوحيت ماشفت

تقول ماعنده مشاعر ولا إحساس
متغابي وساكت وهو يعرف الكفت

....

[الحمدان]

خلي عيوني في عيونك تسلّى
يا من يعد الحسن منها و اليها

ما تل قلبي من عراويه الاّ
عيونك اللي يا ماشاء الله عليهـا

....

[الحمدان]

الله يعين اللي يردد كل يوم الله يعين
يطرد ورا حلمٍ قضى عمره وهو ما حققه

....

[الحمدان]

يالله لطفك باللي ضايق احجاجه
‏لاضاق صدره وبوحه ضاع تفسيره

‏ضيعت دربي مع الأوهام ودراجه
‏لا غرني من سراب الوهم تصويره

‏لاهل دمعٍ على الخدين هداجه
‏عافت عيوني علوم الناس والديره

....

[الحمدان]

إلى أقفى النهار وهفت الشمس واعزاه
على اللي غياب الشمس بيّح بمكنونه

يبي سلوة الخاطر ويرجع على دعواه
وقلب المولع في الهوى لا تلومونه

....