اخترنا لكم

[الحمدان]

‏
‏تدري متـى يلعب بك الفــين وسواس
‏و تحس كنك فاهـــم النــاس توك

‏ليا ظلمك انســان كان اقرب الناس
‏وانصفك شخص ٍ تحسب انه عدوك

.....

[الحمدان]

‏الخبل بالمجلس لا تجلس تواليه
‏وســـوالفه بالــذات لا تعتراضها

‏خله بحـــاله قبـــل لا تبتلش فيه
‏وآترك ســـواليفه تســري بعضها

.....

[الحمدان]

‏تعالي الله لا يبيّض وجه دورات السنين
‏مسليات البال من بعدك ما هيب مسلّية

‏ما همّني كثرة تراحيب اللسان ولا اليدين
‏أهم شيء إن العيون مرحّبة ومهلّية

.....

[الحمدان]

‏فقدتك ما دريت إني بصير الفاقد المفقود
‏اشوف اشباهك توّزع في وجهي وين ما افرّه

‏يا ذنبٍ كل ما قلت انتهى بي دربه الممدود
‏لقيت عيوني تراقب حِماه وتكسر الجرّه

.....

[الحمدان]

اي والله انّا نحـب الشـعر ونـغرّد
‏مع راعي الجزل والجزلات نوفيها

‏الحرف جذّاب والمضمون متفرّد
‏معنى على دقّة اِمغنّى قوافيـها

.....

[الحمدان]

يا جاهل الشعر ماهو مسرحية عيال
‏والساحه نصـــون مذهبها وقانونها

‏حتى لو ان مصدر الألهام فيها الخيال
‏الشاعر يشـــوف حاجه ما تشوفونها

.....

[الحمدان]

‏صمتي وتفكيـري وجرحي والايآم
‏تجمعـت ضــدي وأنـا كنـت غافــل

‏حفلة مواجع قسمت صدري اقسـآم
‏منها عرفـت إنــي للاوجــآع كافــل

.....

[الحمدان]

‏من يطلب الراحه على كف الاحلام
‏يجيه كف الواقع اللي يصحيه

‏مع إن دنيانا زخاريف واوهام
‏لكن نسايرها على اللي تجي فيه

‏ونخوضها في قولة العمر قدام
‏كن العمر مضمون في كف راعيه

.....

[الحمدان]

‏قل للمساء اللي على طلتك طل
‏ياخذ من الليل الجميل ابتسامه

‏دامك مساء الشعر والعطر والفل
‏هاك الخفوق اللي مسائك غرامه

.....

[الحمدان]

‏عدّاني العيب والتقصير وشرهات ال أفا واللوم
‏وإذا طيبي غلط عمري ألَا يازين غلطاتي

‏عدّاني الكذب والتسويف وكلمة حقها مهضوم
‏وأنا ماني ضعيفة باس تحكمني قراراتي

‏عزيزة نفس ما أرضى شموخي ينهزم في يوم
‏وسيعة بال وأفعالي تورّدها قناعاتي

.....

[الحمدان]

هني من عـــاش معتمد على حاله
‏ولا يبي من البشـــر شـــكر ولا منه

‏ما دور لـ صحبة التــاجر لجل ماله
‏ما يبغي الا الستـــر والعفو والجنه

‏يـنـام من كـــل هـــم مريـــح باله
‏وصلى فروضه وصلى الوتر والسنه

‏ماهوب يدعى عليه إنسان يدعى له
‏النـــاس حبـــوه والله راضـــي عنه

.....

[الحمدان]

‏يالله برزقٍ حـــلال ويســـتر الحاجه
‏يذهل جميع البنـــوك اللي يمر ابها

‏يعـدل الوضـع مـزريّـــه ومنـعاجه
‏وتضيق منه الوسيــعه في مـــناكبها

‏ويضيق منه العــدو ويعقّد احجاجه
‏ويموت من حر من صدره يشب ابها

.....

[الحمدان]

‏ازعجتنـــا بالمرجـــله والمـــواجيب
‏وراسك على اهل المرجله داخلٍ عرض

‏لا تنقـــد اهل الطيب وانته عن الطيب
‏ابعـــد من المريخ عن كـــوكب الارض

.....

[الحمدان]

أبعد عن اللي مصـادرهم يقولون
‏ويروجـون النـميـمة والإشــاعــة

‏حلـوقهم دايـماً مثـل الـتـلــفون
‏تحت الطلب أربع وعشرين ساعة

.....

[الحمدان]

‏لا ضاق صـــــدري وباغتتني دموعي
‏المصحف المصحف ولا غـيرھ علاج

‏گـــــلام ربي لا دخــل في ضلـــوعي
‏يصبح لظلمة صدري والضيقه سراج

.....

[الحمدان]

‏اللي مـعـك مـاهـوب فــي خط واحد
‏صـداقـته لــو طـوّلــت مـابـهــا خير

‏وش ترتجي من شخص خايب وجاحد
‏عـن صـحـبـتـه يغـنـيك وال المقادير

.....

[الحمدان]

‏على سكة متاهات المشاعر واخر المشوار
‏خذتني لهفة اشواقي على ذكرى بداياتي

‏غريب استوطن اعماقي وسبب حالة استنفار
‏وضيع كل تفاصيلي بعد ما شتت شتاتي

‏نطق حرف ونزف جرح وتحرر عقلي المنهار
‏وكتبتك للسكوت اللي تكلم عن متاهاتي

.....

[الحمدان]

‏يا ذات القوام الفارع الناحل الميّال
‏أنا أحتاج أشوفك كل ليلة عشان أفرح

‏كتبتك وغنّيت القصيدة على الأطلال
‏قبل لا أكتب أبيات القصيدة على المسرح

‏خذيني من هموم المسافة وضيق البال
‏وعن اللي بصدري لا يهدّي ولا يبرح

‏وتجرّي علي برمشك الجارح القتّال
‏وش اللي يرد رموشك السود لا تجرح

.....

[الحمدان]

‏يا رفيقي واجه الوقت بالرّاي الوجيه
‏المواجه بعض الاحيان نوع من الحلول

‏كل ما حدّك زمانك على اللي ما تبيه
‏الله الله فالمواقف على حسب الاصول

‏لا تسوم الوجه الابيض ولا ترضى عليه
‏ما يقلل قيمته عند ذربين الفعول

‏الحياء لا قل فالارض ولا في الوجيه
‏قل مافيها من الجاذبيه والقبول

.....

[الحمدان]

‏تعوّضك في خساير وقتك ارباحه
‏ياللي تقول الليالي ضيّقت صدري

‏وضع الدهر مثل وضع الشعر فالساحه
‏اللي تجمّع بها الفوقي مع الحدري

‏غامر لو الصبر ضاع وضاع مفتاحه
‏والحق على لذّه الايام من بدري

‏ترا حياة الرغـد والنـوم والراحـه
‏تأخذ من ايام عمرك وانت ما تدري

.....

[الحمدان]

كـل قـلـب مـنـت قـادر تـسـعـده خـلـه وروح
يمكن أنـه في حياة ألـغـيـر يـلـقـى لـه حـيـاه

.....

[الحمدان]

يتوق الخفوق لشاطي ٍخابره ويميل
‏على المنـظر اللي زاهي ٍبالتـلاويني

‏حمار الشفق قبل يتدلّا سواد الليل
‏وزراق البحر حوله خضار البساتيني

.....

[الحمدان]

من قذلتي لو تسجد بكبرك اعذار
‏ما اسامحك لو السما فوقي تْطيح

‏نثرت حبك فوق تعويذة العار
‏وعلقت لك باقي رمادك مع الريح

‏رح للشقى للخوف للموت للنار
‏مع الملامه رافقتك التباريح

‏يا مالك ابن الريب للريب مسمار
‏مضروب في بؤبؤ يقين المجاريح

‏ما كنت اظن ان المحبين زوّار
‏ما ياكلون الا عيون المصابيح

‏طفلة وغررها معك حلم واشعار
‏كانت تشوف ان المشانق مراجيح

.....

[الحمدان]

ان صابت الهقوات فالشك زايل
وان خابت الهقوات مانعلم الغيب

عادي لاشفت من الحياه الهوايل
الناس مختلفين بالذات فالعيب

ترى الردي يطرب لهزل الفعايل
مثل مايطرب راعي الطيب للطيب

.....

[الحمدان]

‌‎ابتسم للضيف واضحك للمسيّر
الكرم يبدا بضحكة وابتسامة

اطلق حجاجك ووجهك لا يتغيّر
الحجاج المنطلق نص الكرامة

والعرب لا شاف فعلك تستبشّر
ترفعك بين القبايل قامه وقامه

الردي لو يعطا كنوزٍ ما يغيّر
والكفو يكفيه طيبٍ في سنامه

.....

[الحمدان]

لا يزعجك كثر حرصي لانك انت الوحيد
اللي المشاعر عليه تبيّن عتابها

اهم حاجه اشوفك طول عمرك سعيد
خل الجروح بخفوقي ينقفل بابها

انا احبك محبه والاكيد الاكيد
النفس مهما حصل ما تكره احبابها

.....

[الحمدان]

لم تكن يوماً بكفي قوتي
قوتي بالله رب العالمين

حيلتي بالصبر والله معي
إن رب الكون لي خير معين

كم رجوت الأمر بالناس سدى
وتهادى القلب مكسوراً حزين

إن لي ربّاً كريماً منعماً
نافعاً حياً وبراً ومتين

.....

[الحمدان]

ضيقتي في غيابك فوق ماني جريح
كــــنها ضيقة اللي فاقد له بلد

وفرحتي في وصالك لابغيت الصحيح
مثل فرحة عقيم بشروه بولد

.....

[الحمدان]

رفيق المصالح مايباء غير راس المال
يدوِّر على مافي مخابيك ويدينك

ولا غلّق اللّي معك معاد عنّك سال
عساء ذلفته خيره ولا تنشده وينك

رفيقك تراه اللّي لياء صك جالٍ جال
على ماتبيه حصان ماتفقده عينك

وسيع البنايد كل ماقلت يارجّال
يقول أبشر وطبعه وسلمه على دينك

.....

[الحمدان]

يا نفحة الورد الذي أهفو له
ياصوت قلبي في السكون و رَدَّهُ

يا نزعة الطيش التي أبكي لها
يا لهف قلبي للغرام و حَدَّهُ

يا كل زاوية أراها في المدى
يا كل شيء في الحياة وضِدَّهُ

.....

[الحمدان]

اربع ليا جات فالرجال ياطيبه
الطيب والجود والاخلاق والذمه

واربع ليا جات فالرجال والخيبه
البخل والكذب والخذلان والنّمه

.....

[الحمدان]

‏لو جاك من بعض المهابيل زلات
ارفع مقامك لا تدقق وراهم

وتجاهل الجاهل تعيش بسلامات
خذها نصيحه وابتعد عن غثاهم

ولا تشغل افكارك تراها سهالات
بعض البشر لا تنزل لمستواهم

.....

[الحمدان]

ï»» تستحي لو مر في نفسك الخوف
خوف العزيز من المذله بطولة

العثره اللي من رجل حر معروف
جبر لخواطر ناقصين الرجولة

.....

[الحمدان]

ولا تبكين ياضيّ العمر كلّه ولا تبكين
‏ولا يطري عليك الدمع يا أوّل وأخر أحبابي

.....

[الحمدان]

كثر التغلي ما يخليك غالي
و كثر الزعل يملل الناس منك

.....

[الحمدان]

انا وياك رحنا والزمن الي جمعنا راح
ولكن ذكرياتك من خيالي وش يروحها

صورك استوطنت ذاكرتي وعاشت بسبع ارواح
لو يطول الزمن ما يقدر يشوه ملامحها

.....

[الحمدان]

‏ياهل البيت القديم وذكريات الماضي
دقت اشواقي بقلبي قبل دقت بابه

.....

[الحمدان]

ليت البشر مثل الصور تبقى على مر الزمان
‏لا موت ياخذها ولا حتى تغيرها السنين

.....

[الحمدان]

‏فمان الله يا قصة غرام واصبحت تذكار
صنعها الحب في لحظه ولا كمل تفاصيله

.....

[الحمدان]

بين الجمايل والمراجل علاقات
‏وبين الضعافه والرخامه علامه

‏يموت راع الطيب والطيب مامات
‏يبقى صدى فعل الوفاء والصداقه

.....

[الحمدان]

ياكحيل الطـرف لا قلبـك تغلا
بايطول الهجر واضمن لك ضمانه

بالمـشاعر من لعب ولا تسـلا
لا يقـلد فوقنـا عنـتر زمانـه

من تولع بالمـحبـه ما عيـحلا
لو يذوق المر من كاس الخيانه

كنت اقلك مرحـبا واهلا وسهلا
حين قلـبي كان معجب بك امانه

شـئت اقـلك ان قلـبي قد تخلا
دع فؤادي لي ودع قلبي وشانه

طارق البداي

[الحمدان]

‏اضبط لسانك بالحكي واحسن الظن
‏حتى مع العالم يزيد احترامك

‏ترا اللطافه والادب تعتبر فن
ألزم حدودك ترتفع في مقامك

.....

[الحمدان]

‏لاتربــط احلامـــك مع ريـــح الاوهام
خليك في الواقــع وعيـــش الحقيقه

سِـر بالطمـــوح اللي يوديك الاحلام
وخلي امــل خطـــوات دربك وثيقه

ياصاحبي وإن ضاق بك عِســر الايام
حــاول تعديهـــــا بأيـــــت طريقه

وأمشي الى حلمك بعزمك والإقدام
من شان تجعل وهم حلمك حقيقه

.....

[الحمدان]

‏الناس نامــت مابقــي حد صاحي
ماغير انا واحساس قلبـي والافكار

نمسي نقضـي الليل بين النواحي
ونترجم اشواق المشاعر بالاشعار

هذا شعور اللي في الهجـر طاحي
واللي غدا قلبه من العشق منهار

.....

[الحمدان]

أنا عرفت أن التجارب مكاسيب
ومن طاوع الجهال شاف العجايب

والراي بندق تخطي أحيان وتصيب
ما فيه رايً طـول الأيام صايب

.....

[الحمدان]

‏‎وفِي العتابِ وصالٌ كنتُ أجهلهُ
وفِي الوصالِ عتابٌ كنتُ أُخفيهِ

وللعيون متاهاتٌ متى ندبتْ
شوقاً أقلّتْ سحاباً حيث تسقيهِ

وأشجعُ الحبِّ أنْ تحيا فتكتمهُ
وأعدل الشوق ما تسعى لتُبديهِ

.....

[الحمدان]

‏قالوا تحبه قلت من قلبي أغليه
أيوالله أني مانسيته وأحبه

يفز قلبي كل ماحل طاريه
ولوا أتمنى قلت ياليت قربه

لو طالت الأيام ماني بناسيه
وهو معي دايم على العز دربه

.....

[الحمدان]

أنا هنا بين الشعور وبين زيف إللا شعور
‏مشتت بين الحضور ورغبتي بإلانعزال

.....

[الحمدان]

‏الأَمْرُ للهِ وَالأَقْدَارُ نَافِـــــــذَةٌ
‏وَنَحْنُ مَا بَيْنَ إِقْبَالٍ وَإِعْرَاضِ

‏عَجِيْبَةٌ هَذِهِ الدُّنْيَا مَـــرَاكِبُهَا
‏تَجْرِيْ بِنَا فَوْقَ أَشْلَاءٍ وَأَنْقَاضِ

‏نَفِرُّ مِنْ كَبَدٍ فِيْهَا إِلَــــــىٰ كَبَدٍ
‏وَلَيْسَ يَرْتَاحُ إِلَّا القَانِعُ الرَّاضِي

.....

[الحمدان]

‏ما عاد تامرني الليالي وتنهى
‏وما احط عمري فدائره لا تحيّرت

‏وتغيّرات الناس ما اخاف منها
‏الخوف من نفسي انا لا تغيرت

.....

[الحمدان]

‏عوايد النفس ما يرتاح صاحبها
‏ان طاعها درهمت وان ردّها ملّت

‏ولو اني اكبّها من دون احاسبها
‏راحت على الوجه لا صامت ولا صلّت

.....

[الحمدان]

صدوف وقتي يا بعد عمري اصدوف
‏ومن البلا ما عاد صدري شمالي

‏ما عدت اميز في غيابك ولا اشوف
‏ولاعاد افرق بين سود الليالي

‏قلبي على جيتك ضامي وملهوف
‏مليت اعانق صورتك في خيالي

.....

[الحمدان]

‏المشكلة إن الخطاء ماهو بصغير
‏عذرك هزيل ومايحل المشكلة

‏تعال في عذرٍ مثل ذنبك كبير
‏وأمّا المسامح والعفو حنا هله

.....

[الحمدان]

‏صاموا معانا العام ناسٍ عزيزين
‏واليوم نذكرهم ولا هم معانا

‏يالله ياللي كلنا لك مطيعين
‏تدخلهم الجنه وتقبل دعانا

آمين

[الحمدان]

‏خذني على قد قلبي خل عقلي بعيد
‏العقل مهما كبر فالحب وش دخله

‏مشاعر الناس ما تمشي بعقلٍ رشيد
‏تمشي بحكم الغلا والعاطفه والولَه

.....

[الحمدان]

‏رفعت نفسي عن كلام المهابيل
‏ومهابد المترديّه والنطيحه

‏ترا الخبل تلقى بداياته خبيل
‏مهما كبر ما يستمع للنصيحه

.....

[الحمدان]

‏أثر الجمايل في بطون المجانين
‏أخير منها في بطون الصحاحي

‏على الأقل لا أنكروا فعلك الزين
‏لك حق ماتشرّه على غير صاحي

.....

[الحمدان]

‏مصير الأيام تكشف لك كنين الصدور
‏كانك تشوف الوجيه وتجهل قلوبها

‏قلبك دليلك ليا اشتبهت عليك الأمور
‏لا تقرب اللي يجيك الشك من صوبها

.....

[الحمدان]

‏تبختري بالعز يا شيخة الزين
‏ياللي عيونك غير دربك كفيفه

‏الله عطاك العقل والثقل والدين
‏والستر والحشمة ونفسٍ عفيفه

.....

[الحمدان]

‏الى متى والشوق دوره يستثير الهامي
‏كل ما جيت بسلى فالحياة يجيني

‏الغياب اكبر مصيبه والوصال الزامي
‏لا تعذبني وانا دمعي ما هو بيديني

‏دمعتين من جفاك ونظرة استسلامي
‏قادره تخطف حياتي عاد من يحييني

‏اخذني عن لهفة اشواقي وكبر احلامي
‏والله الله فالمواصل والله الله فيني

.....

[الحمدان]

لا انريد مَن ينصح ولا يفتالي
ايهوِّن بقولة ساهله وحملها

اللي قبل كانت لي ما تبقالي
وتبقى لغيري كيف نا نقبلها

شعر ليبي

[الحمدان]

يدور الزمان ويثبتون الكبار كبار
على مرجلة وفعول وسلوم ومروة

ماكل من ناداك يستاهل المشوار
ولا كل من خاواك يستاهل الخوه

.....

[الحمدان]

أصبر على زلة رفيقك ليا جتك
‏لو كان مضربها بوسط المعاليق
‏
‏وتجاهل الهرجه ليا من تعدتك
‏وصم المسامع عن هروج المطافيق

.....

[الحمدان]

الوقت مهما حرمني قربك وشوفك
لا يمكن البعد يجبرني على كرهك

لا زلت أحبك ولا همتني ظروفك
ان كانها جابتك ولا على وجهك

.....

[الحمدان]

‏الحب لو طال لازم يحتويه الغياب
أما تغيب المحبه أو تغيب الوجيه

.....

[الحمدان]

‏آزعل ولكن آلغــــــلآ مثل مآ هـو
لان آلزعـل مآله دخل بالمحبـــه

مآني من آللـي كـل ليله وله جـو
يمدح صديقه وإن زعل منه سبه

.....

[الحمدان]

الاصحاب واجد كل واحد وراه علوم
على الفايت اللي فات ماعاد يمدينا

بعضهم نعلمه الرمايه وينصى القوم
وبعضهم نعلمه الرمايه ويرمينا

.....

[الحمدان]

‏انا معـــي قلب طيـب لاكـــن اتعبني
وطيبتــي للبشـــــر زادت في اتعابي

اوفي مع الناس بـس الناس تخدعني
واكثر اكسار قلبـــــي من بلا اقرابي

كم يا متاعب فـــي اعماقي تعذبني
من جور طعنات اعز الناس واحبابي

وياكم جروحن بوسط الروح تحرقني
كانوا سببها رفاق العمــر واصحابي

.....

[الحمدان]

‏دافنيـن أوجاعنــــا بيـــن الضماير
مانحــب الناس تعــرف ما جرحنا

ويوم صرنا نكتـب ابيات المشاعر
بان كل الحـــزن فينــا وافتضحنا

يا جــروح الوقـت صابتنا الكساير
حـزننا غطــــــاء بدنيـــانا فرحنا

كل ما حاولـت مـــن حزنـي أكابر
هاجسـي قدام خلـق الله فضحنا

.....

[الحمدان]

‏نمشي على بيــــض النوايا والاسباب
لا همنا المقفــــــي ولا مــن جفانا

لا نسأل الواشــي عن العيب لاعاب
ولا ننشــــد اللي خاننا فـــي قفانا

بعض الصداقه مثلها مثل الاسراب
تغــــري نظرنا وقت لحظه ظمانا

وإن جيتهم ظميان صارو لنا اغراب
حتى قريـــب الناس ماعــاد لفانا

.....

[الحمدان]

‏السن ما يحكم عقول الأوادم
ميزان عقل الأدمي في لسانه

.....

[الحمدان]

ماميّز الماضين غير البساطه
ما ضيّع التالين غير التصنّع

.....

[الحمدان]

‌‎على كثر ما شريط الذاكرة يطوى
ما فيه وجهٍ ثبت في الذاكرة كثرك

.....

[الحمدان]

‏مساكم الله بالرضى والمســرات
واجمل حروف الشعر واجمل قوافي

لكل غالــــي مسكنه داخـــل الذات
ومكانته وســـط الضلـــوع الخوافي

مني ســلام الود واجمـــــل تحيات
مخصوص توصـــل كل انسان وافي

بالورد والنرجــس على شكل باقات
من قلب صافــي للقلوب الصوافي

.....

[الحمدان]

سلمت لك قلبي براحة يديني
واعطيتني قبلة عطيتك بدلها

ياعز واجمل ماحصل في سنيني
صدك حمولة هدّحيلي ثقلها

وانك صراحة يالغضي ما تبيني
ابا انسحب من دنيتك واعتزلها

وكأنّ ماشي صار بينك وبيني
ومن فك روحه كن ماهو قتلها

لكنّك انته يا مطفي حنيني
مكانتك عيني وساكن مقلها

سعادتي ما همني طز فيني
ماودي إلا لسعادة تصلها

وان كان ودك يالغلا تقطعيني
مانقطع الّي بالمودة وصلها

والله يصبرني عليك ياضنيني
روحي عليلة لانزيد عللها

.....

[الحمدان]

ماراح شي الا ولك فيه خيره
‏حتى لو انه كان في راحة يديك

‏الي خسرته تقدر تجيب غيره
‏وان كان ماتقدر ترا المشكلة فيك

.....

[الحمدان]

‏ماعاد إبي من دنيتي غير ثنتين
‏يوم إن للثنتين مذهب وملّه
‏
‏نذكَر بخير ان كان صرنا مقفّين
‏وماننشغل ياكود في طاعة الله

.....

[الحمدان]

‏ترا ماحـدن منا سلم من كلام الناس
‏مـدام إن به مـن ينقـل الهـرج ويـرده
‏
‏وسيع البنايد يبتسم من طناخة رأس
‏وضعيف الروابع تجلس بخاطره مده

.....

[الحمدان]

عيني على القمه ورجلي على الارض
‏والناس ماخلوا حدٍ ماحكوبه
‏
‏وان كانها تنقاس بالطول والعرض
‏عدونا من طيبنا ضاق ثوبه

.....

[الحمدان]

ماجيت يم السوق لجل اتشرى
‏لا والله الا ضاق صدري ومليت

‏تاخذني الضيقة من البيت برى
‏واليا طلعت أرضى على ضيقة البيت

.....

[الحمدان]

يا رب لا يفرح بنا كل شمات
‏ولا تحمّلنا ما لا نستطيعه

‏يا باسط الأرض وبديع السموات
‏تستر من صدوف الليال الشنيعة

‏ما نطلب ولا نرجي إلا أنت بالذات
‏ونفوسنا ماهي لغيرك مطيعة

‏وإن ضاقت الدنيا علينا سهالات
‏صدورنا من فضل ربي وسيعة

.....

[الحمدان]

‏‌ عام هجري جديد ١٤٤٧

‏العمر يمضي والليالي مديدة
‏عام انصرم والعام الاخر لفانا

‏وش رايكم نبدا بصفحة جديدة
‏عنـوانها نبغا نعدل خطانا

‏‌ علي الشريف ⁩

[الحمدان]

‏علم اللـي كل واحد مايشوف الثاني
ماتفيد العيشه اللـي ماوراها جمعه

يابنادم لـو يطـول العمر عمرك فـاني
كل عام يمر تطفي من سنينك شمعه

لو تـدورنـي بـعـد مـده ولا تـلقانـي
وش يفيدك بعد موتي لوتهل الدمعه

وان رحلنا يا عسانا نفوز بالأحساني
وياعسانا ما نخلي غير طيب السمعه

فهد الشبلي

[الحمدان]

‏بين عامٍ يروح وبين عامٍ يجينا
ياالله انك تجملنا بحسن الختام

يوم نرحل من الدنيا ويبكي علينا
كل غالي عزيز و كل راعي مقام

فايز المنصوري

[الحمدان]

‏ما عاد لي في تالي العمر حاجه
إلا صلاةٍ مع جموع المصلين

ستين عام وكننا فـي عجاجه
نركض ورا الدنيا مع الناس لاهين

راح الشباب وراح وقت ابتهاجه
والشيب لاح بعارضي والكبر شين

وبان الظهر لا قمت فيه انعواجه
وصار النظر ماهو بعيدٍ عن العين

.....

[الحمدان]

الله يا سرع الليالي والايـام
‏راحت سنه من عمرنا مادرينا

‏قبل امس اذكر توّنا بأول العام
‏واليوم بالعام الجديد ابتدينا

‏لا هين بالدنيا على حمر الانعام
‏نضحك على الدنيا وتضحك علينا

.....

[الحمدان]

‏فــي حياتي مـاكرهت إلا ثلاثه
‏الـزعـول اللي ولا شـي يتحمّل

‏والضحوك اللي ورا هرجه خباثه
‏والضعيف اللي علومه ما تجمّل

.....

[الحمدان]

وإن ضما قلبي من الوقت وإجحاف السنين
من مناهل وجهك السمح عيني ترتوي

.....

[الحمدان]

من يلوم القلب لامنّه تباها
في كبير الجاه شيّال الثقالي

ما بقى قمّة مفاخر ما نصاها
راقيٍ شمّ المراقيب الطوالي

لا أدرك الصعبة يجيب اللي وراها
ثم سنّدها على روس المعالي

كيف ما اغترّ دام أنا عيني ملاها
اللي مزوّد مع غروري دلالي

غريب العتيبي

[الحمدان]

هذاك أخوي اللي يميلون ما مال
في ذمتي يبطون ما يوصلونه

الله يديمه لي على كل الأحوال
ولا أعيش يوم من حياتي بدونه

ويالله عساني قبله بصفّ الآجال
ويلقوا غلاه بصفحتي ينشدونه

بشاير المقبل

[الحمدان]

عزّي لحالك يا عزيّز وأنا أبوك
كان الزمان اللي توطّاني توطّاك

افهم وصاتي يا عزيّز وأنا أبوك
دامك صغير وغاية العلم يقراك

تراه ما ينفعك خالك ولا أخوك
لا صار ماتقضي لزومك بيمناك

وصاة سليمان بن شريم لولده عزيز

[الحمدان]

لك فزعةٍ عند المواقف مُهيبة
وقدرك على كل المخاليق زايد

غيرك ليا من طاب قلنا غريبة
ولا أنت لا من طبت قلنا عوايد

.....

[الحمدان]

دام السماء لله ماضاقت الأرض
ماني من دروب المقادير جازع

لي موعدٍ مع ليلةٍ نجمها الحظ
أشوف فيها ما تمنيت واقع

.....

[الحمدان]

‏أستغفر الله من طيشي وتقصيري
الطيش بالذنب والتقصير بالطاعة

يا عالم بكل ما لا يعلمه غيري
رحمتك قبل القبر والحشر والساعة

آمين

[الحمدان]

أقبلت وأستغفر الله كأنها حوريّة
والشَّعر مثل الذهب يلعب على الأمتاني

إن تثنّت كأنها مأمورةٍ منهيًة
وإن تمايل عودها يا الله لا تبلاني

قلت وش هالغنج قالت لي كذا عفويّة
بنت مملوحة جميلة والجمال أطغاني

.....

[الحمدان]

واصاحبي ياطا على القطن وأحفاه
يامن يسوي له من الماء نعالي

ولا يسوي له على قد ماطاه
قطعة نعال من هبوب الشمالي

.....

[الحمدان]

‏ياما سبقنا نسمة الصبح شَفقِين
للراحة اللي في كفوفك تذرّى

ونشرّع الباب الشمالي نهارين
فيها نصفّ أحلامنا ونتحرّى

شفنا عجزنا نسكّر الباب للحين
عيّت يدينا في غيابك تجرّا

من قسوة الإحساس ومكاود البين
صرنا نخاف نسكّره وأنت برّا

جمال الشمري

[الحمدان]

تصد القلوب من الغلا والنفوس تمل
يهُون الجفاء لا شافت العين ماتكره

تَغَلّى بكيفك لو تصير المحبة غل
‏لكن لاتساوم من يحبّك على قدره

توريني أبواب المفارق وأنا ما أدلّ
مثل من يورونه قبل موتته قبره

تراي الفقير اللي غناته بكلمة ذل
تسامى وهو لو جاد فيها دفن فقره

.....

[الحمدان]

‏جعلنا في حاجة الي نخانا قادرين
‏إن ذكر معروفنا وإن جحد معروفنا

‏نجتهد وندور الطيب لأنا طيبين
‏ماهوب والله عشان الرجال تشوفنا

‏خالد ماطر

[الحمدان]

‏لا يهمّك ليه رحت وليه جيت ولاتبرّر
‏انت جيت ولاتدور من ورى جيّتك سبّه

‏جيب من عذب السّوالف ماتهيّالك وكرر
‏والله ان صوتك هو اكثر شي بالدنيا أحبّه

.....

[الحمدان]

يشبه رجوعك بعد ما غبت وأبطيت
توبة بعد ما تطلع الشمس من غرب

.....

[الحمدان]

ﻣﺎﺫﺍ ﺃﻗﻮﻝ ﻭﻧﺒﺾُ ﺭﻭﺣﻲَ ﻣُﻠﻬَﺐُ
ﻭﺍﻟﻘﻠﺐُ ﻋَﻦ ﻣُﺘﻊِ ﺍﻟﺤﻴﺎﺓِ ﻣُﻐﻴّﺐُ

ﻳﺎ ﻟﻴﺖَ ﻣﻦ ﺃﻫﻮﻯ ﻳُﺤِﺲُّ ﺑﺄﻥّ ﺑﻲ
ﺷﻮﻗًﺎ ﺇﻟﻴﻪِ ﻭﻟﻮﻋﺔً ﻻ ﺗﻜﺬﺏُ

ﻓﻠﻄﺎﻟﻤﺎ ﻟﻤّﺤﺖُ ﺩﻭﻥَ ﻧﺘﻴﺠﺔٍ
ﻓﺄﻟﻮﻡُ ﻧﻔﺴﻲ ﻭﺍﻟﺸﻌﻮﺭُ ﻣُﺨﻴّﺐُ

ﻣﺎ ﺍﻟﺬﻧﺐُ ﺫﻧﺒﻲ ﺣﻴﻨﻤﺎ ﺃﺩﻣﻨﺘُﻪُ
ﻓﺎﻟﺤﺐُّ ﻳﻌﺒﺚُ ﺑﺎﻟﻘﻠﻮﺏِ ﻭﻳﺬﻫﺐُ

ﻗﺪَﺭﻱ ﺑﺄﻥ ﺃﺣﻴﺎ ﺑﻘﻠﺐٍ ﺣﺎﺋﺮٍ
ﻏﺾٍ ﻋﻠﻰ ﺟﻤﺮِ ﺍﻟﻬﻮﻯ ﻳﺘﻘﻠّﺐُ

ﺻﻌﺐٌ ﻋﻠﻲّ ﺑﺄﻥ ﺃﺑﻮﺡَ ﺑﺤُﺒّﻪِ
ﻟﻜﻦّ ﻛﺘﻤﺎﻥَ ﺍﻟﻤﺸﺎﻋﺮ ﺃﺻﻌﺐُ

.....

[الحمدان]

‏ما يستغل نيّة الطيّب وتقصيره
‏إلا فطانة رديٍ شافها فرصه

.....

[الحمدان]

‏قناديلك ضوت ليل الحزين وجاز لي مسراي
‏دخيل الليل لا يبهت معه تذبل قناديلك

‏ترى كل البلاد اللي بلا وجهك مثل منفاي
‏وأنا للحين في سكرة شعوري من تفاصيلك

‏وعميق الجرح لا هبت رياحك صار قلبي ناي
‏وتراقص دمعتي قبل المطيح وغاب منديلك

.....

[الحمدان]

دونك الدنيا عساها ماتكون
مالها في خاطري اي اهتمام

يشهد الله مسكنك وسط العيون
وانك اول من صحى فيها ونام

لو تبي عمري مع ايامه تمون
فدوتك عمري ولا فيها كلام

.....

[الحمدان]

‏وصفك على وصـف المخاليق يفرق
مــدري حــواك الزيـــن ولا حويته

وطلتك في العيـــن تنـــور وتشرق
مثل القمر والشمـس نورك فديته

لي قلب متعذب وبي شوق محرق
ولك عشق طاغي بالحشا ماقويته

وفيني محبــه لك في الروح تغرق
عالم بأسره في ضلوعـــي خفيته

.....

[الحمدان]

‏احذر تعاتب من تعمد يجافيك.
لوم العتب بعـد التجافي مذله

لاخير في من باع عهد الوفا فيك
ولاخير في خلن جفا عهـد خـله

.....

[الحمدان]

يا طير يالي ترفع الصوت بغناك
هونك علا المشتاق يا طير هونك

مادام ربي خصك بريش واعطاك
جنب عن المشتاق واسجع لحونك

خذ لي مراسيل الغلا عند مسراك
واحمل ظروف الود داخل عيونك

وهدية للي خصه القلب واوصاك
ناسن يعزونك وناسن يبونك

.....

[الحمدان]

ماعاد يجبر خاطري فالزمن شي
‏لحظة وداعك تبرَي الحال كله

‏في ذمتي مانساك ما دامني حي
‏حتى تروح الروح في ذمة الله

.....

[الحمدان]

خلك مع الناس مثل كسرة العود
لا صابها حر الجمر تظهر الطيب

.....

[الحمدان]

لا تبالغ بالمحبه وتصدمك الظروف
ولا تعمق بالمشاعر وخلك واقعي

.....

[الحمدان]

يالغايب اللي غِيابك زاد عن حدّه
‏ لك ذكريات تعيد الشوق وتزيده

.....

[الحمدان]

ماهو بكل من قال يفداك يفديك
‏بعض البشر هذي صفه له وعاده

‏وماهو بكل من عطيته وفا يوفيك
‏بعض البشر ماعندهم للفعايل اراده

.....

[الحمدان]

‏الصمت نعمه لكن البوح راحه
‏وياحـظ من صمته يــدله ويغويه

‏وياحظ من جوفه يعيش الـصراحه
‏مـا يشغله هـرج العرب والمشاريه

.....

[الحمدان]

‏يَجْني عَليّ وَأحْنُو صَافِحاً أبَدًا
لا شَيءَ أحسَنُ مِنْ حانٍ على جانِ

.....

[الحمدان]

‏ياشيخ وش لك بقيل وقال
‏اتــرك هل القـــاع للقاعه

‏الهــرج ما يتعــب النقــال
‏يتعب ورى الهــــرج تباعه

‏لا تضيع وتغــــرك الأزوال
‏تــرى البــراويــــز خـداعة

‏ما كل شـــارب على رجــال
‏ولا كل لحيــــة على طــاعة

.....

[الحمدان]

صــبرك على همك ولا فزعة اللاش
‏ياما عرضــــها ميــــر محـدٍ شراها

‏فقاعـةٍ تكبــــر وترجــــع على ماش
‏مثل الهــــوا تســمع بهـــا ماتـراها

‏واحذر ترى سده كما قطعة الشاش
‏شـفافـةٍ مـا تسـتر اللــــي وراهــــا

.....

[الحمدان]

استثقلت روحـــك عليّ التعاليل
‏واستكثرت نفسك عليّ المسافة

‏ما بين شرهات البطا والمواصيل
‏لقيتنـــي بيــن الســهاد وضفافه

‏واحــترت أدوّر للمشــاريه تأويل
‏كنّـــك مطــر يــومٍ أحبّه واخافه

‏جيت آتهادى لك دروب ومداهيل
‏شــاعر نحيل بضيقته وارتجافه

.....

[الحمدان]

إتبع أوامر خالقك وأطلب رضاه
‏وعلق هوى قلبك بإقامة صلاتك

‏ولا مــال راع الغي في درب دنياه
‏حاول يكـــون بدرب دينك ثباتك

‏وبوالدينــك بــــر والبــــر تلقاه
‏دين تســـده قبل ســاعة وفاتك

.....

[الحمدان]

اي والله اقدّره واقدّر ظروفه
لكنّ مدري متى الايام تجمعنا

.....

[الحمدان]

تعبت اراقبك واطرد سرابك تايه وضميان
اسوق الرجل واقدار الزمن صوبك توديني

.....

[الحمدان]

ردّيت بابي يوم طاح اللي هقيته ما يطيح
‏ولا عاد باقي غير دمعٍ لو أردّه طحت أنا

.....

[الحمدان]

‏أنا في غنى عن صاحبٍ لي خشيرٍ فيه
‏إليا صار ماني بالمبدّا على غيري

.....

[الحمدان]

‏على الفضيلة عـــوّد النفس تعتاد
‏وعن ما يريب القلب تبقى سليمة

.....

[الحمدان]

بعض البشر يوم إنها جاتك إظروف
‏مـا يـلتفت يـمّك ويـنسى الـصداقه

‏أمــــا رفــيـقٍ بـالـمـهمات مــعـروف
وإلا بـــلاهـــا خـــوّتـــه والــعــلاقـه

.....

[الحمدان]

إنْ لم تكن صدرًا بأول جملة
أو فاعلًا للمجدِ في إسهاب

إياك أن تبقى ضميرًا غائبًا
أو لا محل له من الإعراب

.....

[الحمدان]

يالله يا ربــــــي عليك التـواكيـــــــل
فــي شدة الدنيا وفــــــــي مرتخاها

ويالله يا ربــــــي عليك التساهيــــل
لا عــــــوكست بقعاء ودارت رحـاها

.....

[الحمدان]

يســرنـــــي مايسعد الناس وابديه
طبيعتـــــي ماهــــــو تصنع وحيله

ويغثني مايزعـــــج الناس واخفيه
لو طحت من ضربات غيري قتيله

.....

[الحمدان]

‏سجيت لك من بحة الصوت مـوال
وكم قلت لك بأن المشاعر خجوله

مـا كـل حاجـة ياهوى القلب تنقال
بعض الحكـي فالصـدر محـد يقوله

.....

[الحمدان]

غديت مثل الغريب اللي جفاه المكان
في ديرةٍ ساقه الحظ الردي صوبها

.....

[الحمدان]

الطيب ماهو مُحتكر للرجاجيل
حتى بنات الجـــود فيهن حميا

.....

[الحمدان]

على الثرى وعيُوننا فالثريّا
مانعشق الهيّن ولا ننتمي له

.....

[الحمدان]

‏مشيت بالدنيا وتعلمت وارتحت
اهل المصالح لاخذوا شي راحو

.....

[الحمدان]

بڪيت من ڪلمةٍ ما تڪسر الخاطر
وضحڪت من ڪلمةٍ ما ينضحك منها

.....

[الحمدان]

تلوح البروق وصدر راع الهوى ميلاف
‏ليا لاح بارق مزنةٍ قام يرجيها

‏عساها على دار الغضيّ كامل الاوصاف
‏تدفق عبايرها وتسقي مراعيها

.....

[الحمدان]

‏يا مْـدوّر الهين ترى الصعب حِجّـة
ما هي بسهلة للصّعايب مـواجيب

ما يِعسف المركوب مَن حط سِرجه
الخيـل شُغل معــوّجين المـراكيب

إمّــا يْــروّضهــا علـى كل سِــجّـــة
ولا حداهــا حادي العيـس وتْطيـب

لا هِنــت يـا خيّـــال في كل هِـجّــة
خيالهــا اللـي شيخــوه المعـازيـب

.....

[الحمدان]

عذاب القهر قد زاد إضطرابي
وشاب الرأس في سِّنَ الشبابِ

فليسَ الحُزن يَتركني بشأني
بل إنّ الحُزن يَسعدُ بِإكتئابي

فقدتُ سعادتي في عز فقدٍ
بِفُقدي للرفاق وللصحابِ

وغابت شمسها في يوم غابوا
وحلّ ليلُ حُزني بالغيابِ

.....

[الحمدان]

والله ان ماهي شجاعه ولافعلٍ سمين
لارمى الرجل إبن عمه وبن عمه رماه

لاكن الدنيا والاقدار وأبليس اللعين
أبتلت حتا ضعيفٍ ملقيها قفاه

ماحدا يضمن بلاوي الزمن لوهو فطين
الزمن دوار والموت مامنه نجاه

.....

[الحمدان]

‏للسوالف معك لذّه وطربه وانتعاش
لو تخربط فالسوالف احب السالفه

في عيون اللي يحبّك فهاوه واندهاش
والجوارح في وجودك غدت متخالفه

من غلاك اشوف ذا الناس في عيني بلاش
وكل من جاني يوالف عجزت اوالفه

.....

[الحمدان]

لو يجتمع في داخل الصدر قلبين
ماغير نبضك في حشا الروح لايق

وأن كان روحك ضيعتها العناوين
تعال تلقى في ضميري حقايق

.....

[الحمدان]

‏ادري وحشتك لو تكابر بصدّك
وادري خيالي ما يفارق خيالك

وادري حنينك صوب قلبي يحدّك
حتى في بعدي ما تركتك لحالك

.....

[الحمدان]

كل ماطــــارت عمـــــــــامة فارسي
وانفجر صاروخ في قلـــــب الكيان

شفت وجه الشرق الأوسط مكتسي
بالسعـــادة ذا حِـرمهــا من زمــــان

ياشـــعارات المجـــــــوس اتنكسي
مابقي لــك فـــوق أرض الله أمان

اطعمي مر الحـــــــرايب واحتسي
وابل اعمالــك بخشم العيـــــــلمان

وافرحي يارض العرب واتنفسي
كلما شاهـــــدتي إيراني يـــــــــهان

.....

[الحمدان]

‏بيـن حرب ودمار وبين شـوق ومقام
راحت ايـام عمـري انتهــي وابتــدي

وراح ذاك الزمـان اللي عليـه الكـلام
يوم كنـا حبـايب والبســاط احمـدي

ان حـكينا ندمنــا وان سـكتنا مــلام
بين صبــر الحليم وبين حقـد الردي

والعـزايم قــويـة حـرب والا ســلام
وانـت يالله يا نصـرك على المعتدي

.....

[الحمدان]

‏مثلي مثل غيري مزاجي وحساس
ماهو ضروريّ مثل ما اصبحت امسي

احياناُ اشعر بارتياحي مع الناس
وأحيانأً مالي خلق حتى لنفسي
‎
.....

[الحمدان]

‏صباح التفائـل والسعاده والأفراح
صباح الرواقه والنفوس السعيده

يارب يامن في يدك طب الاجراح
اجبر خواطـر في الضماير نكيده

وافتــح لنا بالخيــر يا خيـر فتاح
فيك الامل يا الله وفيك العقيده

.....

[الحمدان]

‏إذا بغيـت أفــرح وخانقني الشوق
أرجع و أدور راحتــي فـي الرسايل

اقراء كلامـك يبتعـد منـي العوق
واحس راحةتنعش القلب واصل

لاكن فديتـك يا غلا الروح برفوق
قلبي تــرئ ماعاد للشـوق شايل

ارحم متيم قلبه اليــوم محروق
من غيبتك ضاقت علية الوسايل

.....

[الحمدان]

‏تعال يا صاحـــب الإحساس حاكيني
ماغير صوتك دواء للقلب واجراحه

افرح بصوتك واشـوف انك تناديني
واحـس قربــك معايا كامل الراحه

يا راحة الروح والاحسـاس واسيني
ااظن طيفك ملك بالقلب مفتاحه

ماهمني الناس ونت اللي مكفيني
وانت سـر السعـاده وانته افراحه

.....

[الحمدان]

‏لو الغـلاء يُكتـب علـى كــف مغليك
نقشت حرف اسمك على كف يمناي

ولو العمر يهـدى على الناس لهديك
عمـــــري وكل اللـي ملكتـه بدنياي

يا سكنــن روحــــي انا ميتــن فيك
واهواك واحبك من اقصاي لقصاي

ومن زود حبـك يا غلا الروح افديك
بروحي وقلبي لك مع كامل اعضاي

.....

[الحمدان]

خلاص بعد اليوم قررت الفراق
ما عاد قلبي في محبتها يطيق

سببت لي ياحب ضيقه واختناق
والصدر منك صابته كربه وضيق

كنت احسبك زادي وشربي والمذاق
ايضن ومثل العين اشوفك واستفيق

لاكن غرورك زاد عن حد الطباق
والكبرياء خلاني احرقها حريق

الله معك روح ودور لك رفاق
واختار فالدنيا حبيبك والصديق

.....

[الحمدان]

ياطالب الدنياء قل الحمدلله
أنعام ربي لي وهبنا كثيره

.....

[الحمدان]

مادامت مسلم تعبد الله وتخشاه
باقي الأمور الي في بالك يسيره

والعافية الي لقاها بدنياه
أنشهد أنها عند غيري كبيره

والله ولا مخلوق بالكون ينساه
حتى نضام الكون عنده يديره

.....

[الحمدان]

قلبٍ يعرف الصعب ويطول الاصعاب
‏ما ينكسر لو لاهب الوقت مسّه

‏أنا كبرت أكثر على كلمة عتاب
‏وعن رفع شيٍ بالأراضي مدسه

‏روحوا ولكن لا تقولون لي خاب
‏ما يخيب اللي يعرف قدر نفسه

.....

[الحمدان]

‏القلب سلمته لواحد من الناس
‏وماالله خلقلي في الجسد قلب ثاني

‏له المحبه والمشاعر والاحساس
‏وما تكتب يديني وينطق لساني

.....

[الحمدان]

يارب يامن في يدك طب الاجراح
اجبر خواطـر في الضماير نكيده

وافتــح لنا بالخيــر يا خيـر فتاح
فيك الامل يا الله وفيك العقيده

.....

[الحمدان]

‏ليش البشـر صارو غريبيـن الاطوار
وصـارو ابو وجهيــن مخلـص وبايق

من كثرهــم مقـدرت اميز بالانظار
ولااقدرت افرق بين كاذب وصادق

حتى الصديق اللي أعـــده للاخطار
واللي أضنه للصحـب شخص لايق

يتقـــــن ويتفنــن بتمثيــل الادوار
وفي طلتي صــادق وخلفـي منافق

.....

[الحمدان]

‏عسى خيـــــر بعـــد اتعابنا يــوم نرتاح
وعسى الامــل يأتي بطيــب الاماني

وعسى ورا الاحـــــــزان تأتينــا الافراح
وعسى السعــاده ماتفـــارق كياني

وعسى حظوظ الوقت تنسينا الاجراح
وعسى القدر يمحي جروح المحاني

وعسى الزمن يضحك لناعقب ماطاح
وعسى المـرح يبقى طوال الزماني

.....

[الحمدان]

‏مشتاق لك واحسـاس قلبي يناديك
وعينـي على شوفك تخايل بصـرها

الروح ذابــت يابعـــد روح مغليك
والنفس تعبت مـن غيابك كسرها

يا كم سهر قلبـي وشوقــه يناديك
يحاكي السما منك ويسال قمرها

وينك قسم نفسي ترى ذايبه فيك
والروح مشتاقه وبُعـــدك أسرها

.....

[الحمدان]

‏يا حبيــب الروح لاتهـمــــل ضياعي
عاشقـــك اصبـــح في الدنيا قطيع

صرت مثل اليخـت مقطوع الشراعي
تايهـــن دربه في البحـــــر الوسيع

ليت يا المحبــوب تصغي لاستماعي
قبـــل ماعقلي مــن الفرقى يضيع

لاتعـــــذبني بهجــــــــري وانقطاعي
يكفي ان القلب من هجرك وجيع

.....

[الحمدان]

‏إن كنت لي مشتاق شوقي لك اضعاف
وشوقي ضعـف شوقـك بعشرين مره

ياليت كان الشـــوق بالعيـــن ينشاف
كانك عرفت بكبــــر شوقـــي وقدره

ياخل شوقي لك قسـم ماله اوصاف
من غيبتــك قلبـــي تعــــذب بقهره

راعي شعـــورك لو مــن الله بتخاف
وارحم معـذب عاش دونك بحسره

.....

[الحمدان]

‏الناس مـن حـولك يشوفـوك مرتاح
ويحســدوا حظـــك اذا كنــت رايق

مايـدروا ان النفـــس مليانه اجراح
والقلـب من كثــر المواجيـع زاهق

حال البشر نظراتهم عكس ياصاح
مايشعــروا باللــي خفتـه الحقايق

يقيموا وضعك على ضحك وامزاح
ولو كان قلبك داخل الصدر ضايق

.....

[الحمدان]

‏ياعين نامـي مابقــى لك من الليل
لا تحتريــن اللي مـن الخلق ناموا

اظن مالك من وراهــم محاصيل
ولا ظنتي حســوا بشوقك وقاموا

ياشوق والله مابقـى داخلي حيل
من السهر واصــل عيوني تعاموا

.....

[الحمدان]

‏غـرامـك دم يسـري في عـروقـي
وباسمـك ينبـض الخافـق معـانـي

أنـا اللـي كثــر حبـي لــك أحبـك
أنـا اللـي فيـك مجنـــون وأنـانـي

.....

[الحمدان]

‏عاد المساء والقلب ينبض مساء خير
عســى يــدوم الخيــر دائــم عليكــم

والمعــــذره لــو تلمســوا أي تقصيــر
منــي فـانــا منكــم وعـائـــد إليكــــم

أسعد مساكم ماسبح بالسمـاء طيــر
يا من فــؤادي بالوفــــاء يحـتـويـكــم

.....

[الحمدان]

في غيابك من قصيده في قصيده
ودّي أنسى والقصايد تنتبهْ لك

كل مافتح بالخفا صفحه جديده
يرتسم وجهك عليها واتّجهْ لك

.....

[الحمدان]

إن كتبنا ما كتبنا إلا الفرايد
وإن صمتنا صمتنا عزه وشيمه

وإن وقفنا ما لنا موقف محايد
وإن صبرنا صبرنا روح العزيمه

وإن حظرنا ما حسبنا للشدايد
وإن غبنا ما نجيب إلا الغنيمه

ما تعودنا على غير العوايد
وماعرفنا غير الأعراف الكريمه

من خلال اضرارنا نكسب فوايد
ومن غضبنا نعرف الناس الحكيمه

ما ندوّر من وراء الجودات عايد
العطاء منهاج والنيه سليمه

.....

[الحمدان]

‏احفظي يا بيض الايام من يرعـى الجميل
لو نسـت ســود الليــالي خبيثين العمل

عادها الا يوم رســت على الوزن الثقيـل
با تبــرك من عنــاها جمل يدحـن جمل

الله اللي بايــده الامــر ما جهـده قــليل
عــادها ياهل المــواجيب با ترعى همل

علوي الباشا

[الحمدان]

تشاليت لكن الحمامه من الموذين
تجدد جروحي يوم تزهم خويتها

مقبل بن حربان

[الحمدان]

الناس ما خلقت لجل ترضي الناس
‏من دوّر رضاها يطيح بزعلها

.....

[الحمدان]

ترا اختلاف الناس نعمه على الناس
لو مجتمع فالناس دم ونسابه

الله مقسّم كل الارزاق بقياس
ماتبور سلعه والسلع ما اتشابه

.....

[الحمدان]

‏الصدق والإحساس والبوح والذوق
‏أربع لهن في داخل الخلق تشويـق

‏هذي تميز من بغى الحـب والشوق
‏وتغنيه عن باقى العرب والمخاليق

.....

[الحمدان]

‏يا عزة النفسِ كوني في العُلا قمراً
فالعيش دونكِ مثل الغُصنِ إن مالا

.....

[الحمدان]

أحلى القلوب اللي بها خشية الله
وأحلى الكلام اللي نقوله بذكره

وأجمل شعور اللي مع الله كله
وأجمل محبة حُب ربي وشكره

.....

[الحمدان]

مات الشغف والجرح بالقلب مامات
تو انتظـارك واللـيالي ممله

ارقب ظهورك كلما غبت با الذات
وكل غايب له مشاعر تدله

حاولت الملم من شتاتي لك اوقات
ياخل طبعك ماترفق بخله

ياما شكيتك جرح الاهمال بـساكات
وكل مره بسمتك تستغله

كم قلت لك كل الفرص لايدك جات
قلبي يحبك لاتحاول تذله

واهملـت ودي لين ما كل شـي فات
وانهيت فينا ماضي الحب كله

مات الهوى لخصت لك مجمل ابيات
من غاب لا يرجع يدور محله

.....

[الحمدان]

دام الأمل موجود لاتتبع الياس
وافتح مع الآمال صفحة جديدة

والضيق ما هو للمخاليق مقياس
كم ضايقن تصبح حياته سعيدة

.....

[الحمدان]

للساقطه لاقط وللطايله ذيب
وللدرب قصّاصه وللسيف سلّه

وللهرج ناس وللفعايل معازيب
واللي يبي درب المراجل يدّله

.....

[الحمدان]

طيّب المعدن مثل عودٍ معتّق
كل مازاد الزمن يزداد طيبه

.....

[الحمدان]

ياذيب ماكل المغازي عوافي
ولا كل يوم يدسم الدم نابك

مره تصيد وتاخذ الحق وافي
ومره يصير الصيد حضرت جنابك

.....

[الحمدان]

دنياك هاذي ماتجي لك على الكيف
لابد ماتخْدَعْك لوكنت معها

كم فرقت من بين ناسٍ مواليف
ولاطاوعت من هو بحبه تبعها

دنيا المآسي والألم والتكاليف
ياقل لذتها وماكثر وجعها

يالله عسى منها سلامه وتخفيف
ياباسطٍ سبعٍ وسبعٍ رفعها

.....

[الحمدان]

‏لاصارمالك من وراء الناس حاجه
مالك ومـال الخلق واللي يقولون

ريح ضميرك واطلب الله ونـاجه
وخل البشر للي خلق كامل الكـون

.....

[الحمدان]

ترى التواضع يجعل الشخص غالي
والكبر شين وعادته يقتل الحي

ناسن تشوف نفوسها بالعلالي
والواقع الملموس تطلع وﻻ شي

.....

[الحمدان]

عـمـرك الفايـت تـرا مالـه عـوض
والـحيـاة ايـام و الـدنيـا تـدور

وكل ماضاقت على صدرك تـوض
الصـلاة عـلاج ضيقـات الصـدور

.....

[الحمدان]

‏علم اللـي كل واحد مايشوف الثاني
ماتفيد العيشه اللـي ماوراها جمعه

يابنادم لـو يطـول العمر عمرك فـاني
كل عام يمرتطفي من سنينك شمعه

لو تـدورنـي بـعـد مـده ولا تـلقانـي
وش يفيدك بعد موتي لوتهل الدمعه

وان رحلنا ياعسانا نفوز بالأحساني
وياعسانا مانخلي غيرطيب السمعه

فهد الشبلي

[الحمدان]

‏لا صـار حظـك مـع غـلا الروح مـايل
‏اصبر على ظرف العنــــا يوم يشتد

‏لأن الأصــــــايل مـا تخـون الأصـايل
‏يـردهـــا طبـع الوفـــــــا منبـع الجد

.....

[الحمدان]

فنم قريرًا ولا تجْهد بنازلةٍ
فكل شيءٍ بلوح الله مكتوبُ

.....

[الحمدان]

يالله رجيتك مع صــباح الجمعة
‏تغفـر خطايا عبـدك اللي يناديك

‏وعسى لنا في عالي الخلد جَمعة
‏هـذا رجــاي وأمـرها في أياديـك

.....

[الحمدان]

‏ياعظيمه وانتي الاشياء الجديده والقديمه
‏وانتي اللي لو تصد الارض ماصديت عنها

‏وانتي اشجع الانتصارات وملذات الهزيمه
‏وانتي اللي وين مالقيّت قلبي قال عنها

‏وانتي اعجوبة زمان الشاعر اللي هل ديمه
‏وارتوت جدب القصايد لين صح الله بدنها

.....

[الحمدان]

‏مغاتير صدري يطردن المجاهيم
‏في عثعثٍ بين الضلوع وحجبها

‏قامت تلافى باالضماير معازيم
‏خيلٍ تجاريها وخيل تعقبها

‏داست حذاها فوق بيض المراسيم
‏واستلهمت طوق العنى من غضبها

‏مدار فكري فوق من تحته الغيم
‏سحبٍ عن الأنضار دوم تحجبها

.....

[الحمدان]

إذا شكى القولون منك بليلة
فعليك باليانسون دون جدالي

وإذا أصبت بنزلة خذ زعتراً
فهو العلاج لكحةٍ وسعال

واستزرع الجرجير فهو كلحمة
فاللحم قد يأتي على أشكال

واغسل كُلاك بضمتي بقدونسٍ
وعلاج حب للشباب مثالي

وعصارة النعناع خير معالجٍ
ومنشطٍ قلب العليل البالي

وعليك بالشوفان أفضل حميةٍ
يكوي الدهون بغير حد نصال

والزنجبيل لوحده مستوصف
كالصيدلية فاغله للغالي

ودوا التهابات الحشا بابونجٌ
ومنوم للرضع الأطفال

ولدورة دموية خذ قرفةً
او كرفساً إن كان ضغطك عالي

والثوم كم في لبه من نعمةٍ
مئتا علاج يشترى بريال

واهرع إلى الملفوف إن بك سكرٌ
ولمن تصدع فالدواء دوالي

الله يخلق داءنا ودواءنا
سبحانه ربٌ عظيمٌ عالي

.....

[الحمدان]

‏بســألك بسم المحبــــه وابــي رد الســــؤال
ليه حــال القلـــب في غيــبتك ماهو قــــوي

لا يطـــول البُـــــعد يا لذة الدنيـــــا تعـــــــال
القلـــوب الضـــامـيه بالمـواصــــل ترتــــوي
‎
.....

[الحمدان]

وش عاد اسوي يومك اقفيت عني
لا انا اتبع المقفي ولا احب فرقاك

.....

[الحمدان]

يـا فاتـــــنه يـامترفـــه يـاجميلـــــه
ياللــي ذوات الحسن منك يغــارون

يـاللـــي جمـــالك مــالقينـــا مثيـلـه
وياللـي ذوات الـذوق منك يعانــون

.....

[الحمدان]

اثر البيوت بدون اهلها ولاشي
يجلب محبتها غلا من سكنها

في مامضى نشفق على البيت والحي
واليوم لامريت صديت عنها

.....

[الحمدان]

‏مشغلني التفكير في بعض الأمور
‏تجمعت في وقت واحد كلهّا

‏محتاج لي مخرج ومنفذ للعبور
‏للشجره اللي تحتويني ظلها

‏صبرت فالدنيا وانا مّاني صبور
‏شيّبت من كثر الهموم وحملها

من كثر ما اعشق ملذات الشعور
اهم لذه ماعرفت اسعى لها

‏أحلام في عقلي وفي راسي تدور
‏بس النهايه ما قدرت اوصل لهّا
ِ
.....

[الحمدان]

افا ياصدري ضقت من جاير الوقت
‏خابرك ياصدري تشيل الثقايل

‏وش فيك علمني لك ايام ما رقت
‏ضايق وفيك الهم صايل وجايل

‏خابرك ما عمرك للأحزان رافقت
‏و اليوم كنك شايل جبال حايل

.....

[الحمدان]

‏تحاذف على راسي من البارحه لليوم
‏همومً مع هوج المراويح تومي به

‏انا من دموع العين والله ماحولي نوم
‏ماغير اسكب دموعي من الفجر للغيبه

‏يا دمعي عداك اللوم والله ما حولك لوم
‏تصبر على موته وماجت به تجيبه

صديقي خذاه الموت والموعد المحتوم
وحزني على كبدي تراكت مشاهيبه

قبرته وصدري من خبر موته مزحوم
هذي والله الغيبه ليا قالو الغيبه

لو ان البكاء بيفيد ببكيه لين يقوم
خذته الليالي من يدي كيف بتجيبه

ياوجدي وياويلي وكبدي ومال القوم
على اللي خذاه الله وانا عاد ودي به
ِ
.....

[الحمدان]

‏اتركوني من النشده وبحث الخوافي
‏وابعدوني من الديره لدارً فسيحه

‏جعل مامر صدري مايمر السنافي
‏عفت شوف الحضور ومطرويً القريحه

‏ضايقً من فراق وضايقً من تجافي
‏اتقوى وانا حالي دنى من مطيحه

‏يكذب اللي يقول ان المفارق عوافي
‏لا يحس بشعور ولا يعرف النصيحه

.....

[الحمدان]

‏تدور الليالي والعرب بين حال وحال
‏وتبقى النفوس الطاهره نهجها بيّن

.....

[الحمدان]

أغلب هل المزح واللي ضحكهم واجد
‏يخفون بالصدر من جُور الزمن عبره

.....

[الحمدان]

المُوجِعاتُ على المدى أَمرانِ
فَقدُ الحبيبِ وغُربةُ الأوطانِ

.....

[الحمدان]

احلامنا ماهي على الله صعيبه
‏لا بد ما ياتي لها يوم و تكون

‏لو كان تالي وقتنا يندعي به
‏ياكثر من يضحك وبه ناس يبكون

‏السيل لا من سال يجرف شعيبه
‏وخلاه قاع ومن قطن به يهلكون

.....

[الحمدان]

‏ينتابني ضيقٍ من أوجاع وآلام
‏وينتابني ضيقٍ على غير سبّه

‏رجعني التفكير عامٍ ورا عام
‏في غرفةٍ ما زارها إلا الأطبّة

‏وعرفت وش تعني تفاهات الأيام
‏وتصاغرت نفسي شعور المحبّة

‏الي عليه أعلق آمال وأحلام
‏وراعيه يجرحني ولا خاف ربه

‏الله يجيب العافية والتبسام
‏وتقبل علينا أوضاعنا المستتبّه

.....

[الحمدان]

لو جارت بك الدنيا بتلقاني معك
‏ أقرب من أصابع يدينك للكفوف

.....

[الحمدان]

فهمت الحياه وعشت في مدرسة الايام
من العمر ما يكفي مواجه خوافيها

من العزم امد النفس بالصبر والاقدام
ضعاف العزايم ما تبيني ولا ابيها

.....