اخترنا لكم

[الحمدان]

لولا الأمل ماعاشوا الناس سالين
‏ولولا المـواقف ماعـرفنا بعضـنا

‏نكسب ونخسر والتجارب براهين
‏وياليتـنـا ممـا نشــوف اتعــضنا

.....

[الحمدان]

لا ضاق فيك الدرب لا ترجع ورى
‏إصبر وغامر والعمر حظ ونصيب

‏أحـــدٍ لقى في مقبل أيــامه ذرى
‏وأحــدٍ رمى لكن عـــيا لا يصيب

.....

[الحمدان]

الا يا مرحبا وأهلين يا وجه الرضا الفتّان
‏ويا جعل العمر يفداه بأيامه وأسابيعه

.....

[الحمدان]

‏كثر ما شفت من الملامح والعيون
‏في ناهيات الحسن من بيض وسمر

‏ما كان فرقك فرق شكل وفرق لون
‏فرق النجوم الساريات من القمر

‏تمر في بال القصايد واللحون
‏إن ماا قدرت إنّك على بالي تمر

‏الله يسامحني على بعض الظنون
‏كنت أحسب إنّك مرحلة وأثرك عمر

.....

[الحمدان]

‏مابين لدغات القرايب والاجناب
‏ما قمت افرق بين عقرب وحيه

‏ناس تقلب ماعرفنا لها اسباب
‏تصبح بنيه وثم تمسي بنيه

‏صار التشتت عاده بين الاقراب
‏والكل يرمي صاحبه بالخطيه

‏اكثر سوالفنا مشاريه وعتاب
‏حتى بعدنا عن حلول القضيه

‏قل التراحم واغلقوا دونه الباب
‏وقل التواصل والغلا والحميه

‏وين القلوب الصافيه وين الاحباب
‏وين القلوب الطاهره والبريه

.....

[الحمدان]

‏يعم الهدوء و يستثير السكون الصوت
‏و أنا بين صوت العقل و إحساسي الجايش

‏ما ضيّعني و ذوّقني الموت قبل أموت
‏إلا عقلي المتحرّص و قلبي الطايش

‏أشوف الحياة جنازةٍ في بطن تابوت
‏لكنّي رغم كل الصعوبات..متعايش

‏ترا ما أصعب من الموت و اللي خلاف الموت
‏إلا الفترة اللي لا أنت ميت ولا عايش

.....

[الحمدان]

مرت ثلاث شهور نفسي طايبه والحال حال
‏وين القدا يالي تعرفون القدا وين القدا

‏من كثر ماجربت فالدنيا ومن سود الليال
‏اعذرت في بعض الامور وراحت احلامي سدا

‏ماشفت شيً يغري العالم مثل خشم الريال
‏يقدر يرد الي من اول مايردون الندا

‏ياهيه يالي مشغلن عمرك ترى مالك مجال
‏تضحك لو ان عروق قلبك داخلً فيها صدا

.....

[الحمدان]

‏وين انت ياللي تسبب غيبتك تكه
‏ادمنت حبك تقول ادمان متعاطي

‏ياللي جديلك تلمه فوق وتفكه
‏تقول موج البحر يصفق على الشاطي

‏لايدخلك من محاريف الهوى شكه
‏ويضيّعك فالمساري فهمك الخاطي

‏يحرم علي مثل حرم الصيد في مكه
‏نسيان من فالمحبه يدمح أغلاطي

.....

[الحمدان]

‏ياللي خذاك الطيش واعماك الغرور
‏الحب مثل الدين لا إكراه فيه

‏ترى السنين تدور والدنيا تدور
‏ماهيب واقفةٍ عليك ولا عليه

‏لا تنشد اللي لاحقه منها قصور
‏مير انشد اللي ماليٍ منها يديه

.....

[الحمدان]

‏لا تبحّث عن خفايا صدري المتغاضي
‏ما بقى الا هرجةٍ كادت فم المتكلّم

‏ماشبعنا الا من صحون الكلام الفاضي
‏الحياه ام التجارب والظروف تعلّم

.....

[الحمدان]

شيمة الانسان ميزان اعتداله وانحرافه
‏تنذره لا شافت الاوضاع ما هي مستتبه

‏إن عجزت إنّك ترد النفس عن شيٍ تعافه
‏ماقدرت تحطّ نفسك فالمكان اللي تحبه

.....

[الحمدان]

‏عسى الرفيق الطيّب اللي فيه خير
‏يقوم بالواجب الى جاه الخبر

‏حاول تصير علاج روح ولا تصير
‏اللي الى مرّ الخواطر ماجبر

‏احدٍ كبر عقله وهو سنّه صغير
‏واحدٍ كبر سنّه وعقله ماكبر

.....

[الحمدان]

أتظاهر بقوّي في الظروف القويه
‏وابتسم رغم حرماني وقو احتياجي
‏
‏ليت قلبي حديد وليت نفسي جريّة
‏في مواجه مقادير الزمن الإزدواجي
‏
‏صار حتى القصيد اللي طروقه عذيه
‏أكبر أسباب ضيقة خاطري وانزعاجي

.....

[الحمدان]

‏خلّيتك وحيدٍ في الحنايا ولا لك ندّ
‏يامن قد خذيت القلب في شفّك لحالك

‏دروب الهوى صوبك تلدد وفيك تلدّ
‏ولا تبغي منك إلا شوفك ومرسالك

‏خيالك بصدري فالوصل بين هات وودّ
‏مثل ما ادري اني في خيالك وفي بالك

.....

[الحمدان]

‏والله انها معجبه والقصايد معجبات
‏ما يقنّد راسها الا القصيد النخبوي

‏مستعد اكسي نحرها بسبع معلّقات
‏كلها في مجدها والجمال الانثوي

‏كل مالدت بسود العيون الناعسات
‏كنها تطعن بشلفا الامير ابن جلوي

.....

[الحمدان]

نعيش بالدنيا ضيوف وعابرين
فلا تكدرنا ظروف سنينها

الدهر طبعه من زمان الغابرين
يومين بامر الله يداول بينها

لازانت الأيام حنا شاكرين
وإن كان شانت ما شكينا شينها

نصبر وعند الله ثواب الصابرين
ياما سنين أقفت بشين وزينها

النجم العالي

[الحمدان]

لاتفتخر في كسر غيرك ياعنيد
بكره وراك حساب وعقاب وحشر

أكسر قلم أكسر شطر أكسر قصيد
بس انتبه في دنيتك تكسر بشر

.....

[الحمدان]

‏ثنتين عنهن ماتجوز المعاذير
سترك لأهل بيتك ومكسب يمينك

وثنتين لو طال الزمن مابهن خير
هرج القفا ومجاملة من يهينك

.....

[الحمدان]

‏اليا اقضبوك الرجال بطيب وإلا معروف
اشقح كبار الهقاوي لا تجي دونها

واليا نصوك الضيوف انطح عيون الضيوف
ترا عيون الضيوف اوسع من ابطونها

.....

[الحمدان]

‏ياباغي الرفعه ترى العز بالدين
لا عـز للانسان مـن غيـر دينـه

والمرجله عشق الرجال المديحين
ومـن كبها يا عنك تربت يمينه

سعود القت

[الحمدان]

‏أنا أشهد ان الصمت للعاقل علاج
والعذر منكـم كان طـوّل سـكـوتي

لاكثـروا أهل الهرج ماني ب هـراج
ولانـي على بلـوى الخلايق شموتي

امـا كـلام ً مطلـعـه نـور وسـراج
ولا بلاشـي تسمـع النـاس صـوتـي

أعيـش لـي سيـرة ومبـدا ومنهـاج
مـن يـوم ميـلادي لـيـا يـوم مـوتي

ماجد المسعودي

[الحمدان]

بيض الله وجه الايام ياوجه الحسود
أنت والرديان مثلك وجيه مصديه

يالوجيه اللي من الذل والخذلان سود
حظكم جاب النطيحه مع المترديه

العلوم الغانمه مالها معكم وجود
كل يوم تمر من عندكم متعديه

والكريم ليا تضايق من الدنيا يجود
يوم يعطي كنه آكل حبوب مهديه

.....

[الحمدان]

الذنب يعمي العيون أكثر من العجة
والنفس جهل وهوى وابليس مغويها

يالله وأنا طالبك في عشر ذي الحجة
تغفر لـــنا حـــاضر الدنـــيا وماضيها

تركي القرني

[الحمدان]

‏تسلم يمين اللي نظيفه يمينه
ونفسه على فعل المكارم تحثه

وتبت يدين اللي خبيثه يدينه
شغله مابين الناس سمه يبثه

اهل الردا وأهل النفوس اللعينه
مثل الذباب المجتمع فوق جثه

احيان اقول الطيب سلعه ثمينه
واحيان اقول الطيب بالبعض غثه

.....

[الحمدان]

اي والله انـي كـل مـا أراجـع شـريـط الذكريات
من ضيـقـتـي ماعــاد تاســــعني بلاد ولا فضا

لوهـو صحيح اللي يقولوا كل ماقد فات مات
ماكان عاد اللي مضى فالقلب حي ومامضى

.....

[الحمدان]

الله رفعنا في جميع المواجيب
‏والناس ما يلحقهم الذمّ منا
‏
‏لا جا مجال الناس شرواهم الطيب
‏وان جا مجال الطيب شرواه حنا

.....

[الحمدان]

‏تعال والله مالك الا العفو والي راح راح
‏انا ادري انك منت ناسيني وانا ماني خلي
‏
‏انا دوافع غيبتي اكبر من حدود السماح
‏لكن تعال وكل شي صار فغيابك علي

.....

[الحمدان]

همت لك ملهوف وشعوري نَدى
‏ يوم شعّارك تهيم بكل واد

‏مرتوي بك حب والدنيا مَدى
‏والسنين رياح والقسمة رماد

‏لا حدا شعري معه قلبي حدا
‏يا هجير البعد يا ليل الهجاد

‏كل خلّان الرخا راحوا سَدى
‏كيل كيّالٍ سَمح عقب الحصاد

‏يا سكون البال في لَحظ الصدى
‏ما جَهلتك خل وعيونك بلاد

.....

[الحمدان]

‏بعيد من الغَضب وإلَّا قريب من الرضا والجوْد
‏تمهَّلْ ما ورا عِنق الغزال إلَّا مواطنْها

‏حبيبي جادَ صوتي والبدو تعطي من الموجود
‏وأنا لو ما عذرت ظروْفَها ما جِيْت ضامنْها

‏أعرْفك وأتردَّد مع سيوفك والهوى مردود
‏يا ربي لا تَسكّن روحي إلَّا في مساكنْها

‏ترى حتى هروجِك فالسّحاب وفي هبوب النود
‏أنا ما أصدّ عنها لو تصدّ أيَّامنا عنها

‏تذكَّرني إليَا مالت حياتي مع ليَان العود
‏وعلَّقني سنينٍ في رجاوِي عينك أرهنْها

‏عساني لا وقف عمري ما بَيْن النار والبارود
‏أدَاعِب وَجْنتك لين الحقايق «تأمِر، وتنْهى

‏ديارٍ ما تغافلها الربيع أشوفها في زود
‏أعرف أشجارَها وأعشق هواها قبل لا أسكنْها

‏وِش يشدّ العواصف وأنت بابك للهوى مَسدود
‏تجرَّى والله إن حلو المحبَّة من مجنَّنها

‏أنا لولاي أحبَّك ما بذلت لضحكتك مجهود
‏ولا غنّيت في بيوت القصيد وبيتك أثمنْها

‏إذا ما سِقت لك صفو الحيا وصافي القرهود
‏تمادى واِسْرق حقوق العرب لا سنَّت سْننها

‏تحمَّلت اللَّيالي في ديَارك ما قدرَت أعود
‏وأنا ما أقدَر أخوْن أيَّامها لو قلْت لي خِنْها

‏أحبّ أحلى مشاوِيْري لـعينك يا أوَّل العنقود
‏وأعرف إن الصباحات الجميلة تنخلق منْها

.....

[الحمدان]

‏ياجرّ قلبي جرّ قوس الربابه
‏في يد غشيم ومونسٍ حرّ فرقا
‏
‏بالغصب جرّ القوس من غلّ مابه
‏متْعَومسٍ باله والأعصاب حرقا

.....

[الحمدان]

‏أعيش في فترة تصالح مع الذات
‏ماعشتها قبل كذا في حياتي

‏أرتحت يوم أجاوب الناس بسكات
‏ويرتاح مثلي من يسوي سواتي

‏شفني وأنا مقفي ماأحب التلفات
‏لو ألتفت ضيعت كل أمنياتي

‏معاد أبي غير الرضا والسلامات
‏ومع السلامه والبقى في حياتي

.....

[الحمدان]

‏انتي حروفك نبض يحيي الشرايين
ويعيش به عرقٍ بدربه يمرّه

أشتاق لحروفك واجاريك يازين
وأعشق غزلك القلب عندي يسرّه

.....

[الحمدان]

لا تسمـع في هـرج نقـال ولا قـال
خلـه يقـل الحكـي بينـه وبينــك

وسـدك فلا تعطيـه عـمٍ ولا خـال
كـم واحـدٍ بالهـرج يبحـث كنينـه

مقعـدك مع ناسٍ لهـم عنك منـزال
لا هـم بـراجينـك ولا خـايفينـك

معهـم خبـرك وكايلينـك بمكيـال
على العسر واليسـر هـم عارفينـك

في مجلـسٍ مـالك مقـامٍ وتفضـال
أخيـر مـا تفعـل مقامـك بحينـك

.....

[الحمدان]

اللي يضيق من الخلاء لا ترضّاه
الناس جاء فيها غرور وتغلّي

والوقت متغيّر من أدناه لأقصاه
ماعاد تلقى الحاجة اللي تسلّي

حتى الرفيق اللي ليا ضقت تنصاه
وينزل على الصعبة نزول المظلّي

ماهو بدايم كل الأوقات تلقاه
‏أحيان يمسك له خطيطٍ يولّي

.....

[الحمدان]

من حيث ما وجّهت شوف المستحيل
ترى السعادة تختبي خلف الشقى

.....

[الحمدان]

غلطتي اني عشقتك بعد فات
والغلط مرجوع والدنيا نصيب

.....

[الحمدان]

انا عدو الحقد والحقد والعيب
مااصافح الطيب عشان استغله

.....

[الحمدان]

لا تلتفت للناس مهما يقولون
خل الـقفى لإهل الـقفى لا تحاكت

.....

[الحمدان]

قلبٍ نظيف ويعزك
لا تِستهين به وتقهره

خالِد الفيصل

[الحمدان]

يعني طريح فراش والحظ مطروح
باقي علـي شـوي واصبـح قتيــلك

.....

[الحمدان]

الكلمه الصادقه لو تجرح المخطي
احسن من الكذبه اللي تستر عيوبه

.....

[الحمدان]

يا وقت ماني طامع في عطياك
لا دامت الدنيا ولا نيب دائم

.....

[الحمدان]

يالله بصبحٍ تستحي منه الاحزان
‏ويالله بيومٍ يبعد الضيق عنــا

آمين

[الحمدان]

ليت الاحلام سهله والأماني رحابه
وليت الأيام رغبه والزمن يستجيّبه

.....

[الحمدان]

يامه بدمع المُــــقل خطــيت قافيتي
من حالتك يـــوم اراها يا نظــر عيني

اعطيني اوجاعك ونا بعطيك عافيتي
صح الـمرض فـــيك لكن الالــم فيني

ّناصر الرخيص

[الحمدان]

‏ترفعنا عن الساقط من الاقوال والافعال
‏وصدينا عن اللي مالهم مذهب ولا مله

.....

[الحمدان]

‏مجاهد النفس أقسى من جهاد الحياه
‏ ما بين عقلٍ ثقيل وبين قلبٍ خضر

.....

[الحمدان]

‏ايامنا ماهي على الكيف يا فلان
يومٍ يسر القلب ويومٍ يعله

.....

[الحمدان]

مشكله لازاد من تعشق عناده
والمصيبه في الهوا الخل العنيد

المحبه صوبها يصعب ضماده
كل ما زاد الغلا صوبك يزيد

في شروع الحب با قدم افاده
خاف خلي من لفاده يستفيد

المحبه حربها حرب الاباده
كم جريح وكم فقيد وكم شهيد

بس عاد المهتجس معلن جهاده
يا جروح الحب هل عندك مزيد

في هواكم عندنا منصب قياده
خذت رتبه عاليه فوق العميد

اعشق العالي وذا صعب اصتياده
ماعشقت الا الذي غالي فريد

القبيلي ما يساوم في مراده
يوصل اهدافه لو هدافه بعيد

.....

[الحمدان]

وإن ضاع عمري في وجهك جعله يضيع
على الأقل ضاع في حاجه جميله

سعد بن علوش

[الحمدان]

يامدمنين الخيانه والجفاء والحبوب
رغم ختلاف القضايا كلهم مدمنين

وياقاتلين المحبه وقاتلين القلوب
رغم ختلاف القضايا كلهم قاتلين

.....

[الحمدان]

يكفيني رحلت ولا حصل مني خطا وقصور
‏وانا حتى وداعي فيه بصمه تثبت اخلاقي

‏تخير فالديار اللي يغشيها ظلام ونور
‏وفرق النور بالظلمه يبين غلطة فراقي

‏تمرك ليلة تطغى مشاعرها على المغرور
‏تدور فالبشر مثلي ولكن صعبه تلاقي

‏فمان الله يا اخر محطه والسنين تدور
‏فمان الله والهقوه تخيب هقوة الهاقي

.....

[الحمدان]

صحيح ما جتنا الليالي على الكيف
مرة يجن ثقال ومرة خفافي

والحال ما يحتاج نشده وتوصيف
ما كل يوم ينحسب لي عوافي

ظروفنا تشبه سحابٍ من الصيف
بعد المطر تعب صلف السوافي

وإليا نشدنا من يحب السواليف
قلنا بخير ولا لحقنا خلافي

.....

[الحمدان]

مادام ترقد ليلتك ومتعافي
وغيرك لذيذ النوم ماطب عينه

خذلك نصيحة ود من قلب صافي
استغفر الله واشكره واستعينه

صحيح

[الحمدان]

عسى مقبل الأيام كله فرح و سرور
‏وعسى ماضي الأيام مغفور من ربي

آمين

[الحمدان]

انا يا بحر يوم أصد واخفي دمعتي معذور
لك الله يابحر صديت والصدة هي الصدة

اخاف تقول عني يابحر ضيدان بن منصور
وقف في يوم من الأيام ودموعه على خده

وانا ماني بحي الله بشر يكشف لك المستور
أنا رجلٌ يموت ولا درت الأمواج عن سده

.....

[الحمدان]

الغياب ان طيّح دموعي ماطيّح قدري
راح أذوق مْن الشعور المر لين أتعوّد

وليه أفكر فيك من بعد المفارق وأدري
مستحيل اني أجيك ومستحيل تعوّد

.....

[الحمدان]

ما تنفع الحبه على جباه الأموات
لا أقفى المقفّي من يرد المقفّي

حضورك الغايب بعد فايتً فات
حبّة عذر على جبين متوفّي

.....

[الحمدان]

من خلقنّا الله وحنا عزيزين نفوس
مانوطي شمّخ الراس غير لربها

ماردينا والليالي لها وجهٍ عبوس
خل يوم إن الليالي سميحٍ دربها

.....

[الحمدان]

العدود من القـراح الـعـذب ملي
والقلـوب مدربه وصـل وقطـاعه

علم اللي ماستفاق وعـلـم اللـي
متعبن نفسه علـى قـلـة سناعـه

ان بغاوها باللي احسن جيت كلي
وان بغاوها بـاللكاعه بـاللكاعه

[الحمدان]

عزاي انك رجاي العذب لو كل الدروب عثور
وصلت او ما وصلت أعرفك ما أنت منتظر غيري

حبيبي وكل الله لاتحسبني بليد شعور
لو أنت المستحيل الصعب ما ابدّي لك معاذيري

مساعد الرشيدي

[الحمدان]

‏عسانا ليا جينا نجي فالمقام الذرب
‏وعسانا ليا غبنا غيابٍ على هيبه

.....

[الحمدان]

من جعل حق البعيد اهم من حق القرابه
‏كنه اللي يجعل العادات اهم من العقيده

.....

[الحمدان]

‏يا طيب حظك لا تعلّقت بالله
‏ويازين فعلك لا تجملت بالناس

.....

[الحمدان]

سلامي سلام مودعٍ مايبي فرقاك
ولا له على شوفتك قدره ولا سلطه

يشوفك بعد ماقفيت وانته تجر خطاك
وكنه صويبٍ معطبينه هـل البلطه

تهشم خفوقه يوم لوحت له بيداك
يناديك ودموعه على الخد مختلطه

.....

[الحمدان]

لاتزعلني وتحكم علي اني زعول
وأنت تدري مُستحيل أزعل إلَا من بلا

والعذرُ في بعض الأحيان ما يلقى قبولٌ
في وسع صدرٍ تحمل زعل لئن امتلأ

مشكلة غلطتك ماتقبل أنصاف الحلول
والمصيبة لك معزة وتقدير وغلا

.....

[الحمدان]

‏بيني وبين النفس حرب وطلايب
‏مرات انا الغالب ومرات مغلوب
‏
‏تمضي حياتي بين مذنب وتايب
‏واللي يريده خالق الناس مكتوب
‏
‏والغيب عند الرب ماهو بغايب
‏لكن عن المخلوق خافي ومحجوب
‏
‏والنفس والشيطان ربع وحبايب
‏بأسبابهم كم واحد راح معطوب

.....

[الحمدان]

‏لا تشتكي من جرح الأيام وتروح
‏احسب احساب لجرح دورات الأيام

‏سلامتك وان كان لك قلب مجروح
‏انا بليّا قلب عايش من العام

.....

[الحمدان]

ودّي اخسر كل شي إلا ضميري
‏اللي يسعف صاحبه لا من تحيّر

‏من كثر ما غيّرت الأيام غيري
‏والله اني خايف اني لا اتغيّر

.....

[الحمدان]

نفسك على العز سقها للعلا والصعود
‏مهما تشوف الظروف القاسيه متعبه

.....

[الحمدان]

ترانا على الغالين ما نذخر الأشواق
‏و لكن نعيف القرب لا صار به منّه

.....

[الحمدان]

على القلوب المصدّه ما يفيد العتاب
‏كنّك تسولف على الأموات في قبورها
‏
عايض العاطفي

[الحمدان]

مع السلامه يابعد كل الاحباب
ياللي فراقه عندي اكبر هزيمه

ماهو بكيفي لكن الوقت غلاب
من دونك الدنيا بليات قيمه

لو غبت عني طيف ذكراك ماغاب
طيفن يداعبني هواه ونسيمه

ومدام للحب انفتح بيننا باب
باب عسى رب الخلايق يديمه

فرقاك جرحن ينقض كل ماطاب
جرح الفراق اللي فؤادي يظيمه

جرحن بدون اسباب والا له اسباب
جرح اليالي للحبايب قديمه

مهما نحانا الوقت وابعد بنا احباب
هذا الزمن يتبع عذابه نعيمه

.....

[الحمدان]

رعى خيالك في خيالي واناجيك
واضم طيفك وأحسب انه قوامك

واشتاق لك واحلم بزولك واراعيك
واخاف من غيري يفوز بغرامك

علمتني فن السهر في لياليك
وسحرتني بمداعبك وابتسامك

ايماني بحبك سبب رغبتي فيك
تأمر واطيعك ما سالتك علامك

حتى حياتي غيرتها مباديك
واصبحت اقدر يا حبيبي مقامك

.....

[الحمدان]

يا حبيبً لو يقصر في طريق الوصل وافي
كل ماتجرح لجرحك جبت عذر وجبت سبّه

لا تخليني وأنا فمحبّتك طال إعتكافي
فز لا ناجاك قلبي من تباريحه ولبّه

البشر مخلوقةً للوصل ولا للتجافي
من تعود يكره معَ الوقت تذبحه المحبّه

.....

[الحمدان]

اعرض على بيتك وعيني تلد يسار
ابي جيتك لو كان ماهيب مقدوره

وصلنا ختام التجربه والسنين قصار
تصحي هبيل القلب وتبلد شعوره

.....

[الحمدان]

أنا إللي شاف أن التغاضي حل والصده صواب
وأقفى له بقلبٍ ماهو يجزع وعزمٍ ضامنه

لو الهزيمه من عدوي كان باب وله جواب
مايوجعك كون الهزيمه من حدٍ مستامنه

.....

[الحمدان]

يا جملة أحلام الحياة السعيده
عمري قضى مابين قسوه وشده

ما عاد باقي غير خطوة وحيده
على التلاقي والغلا والموده

.....

[الحمدان]

‏أنا عبدك اللي مسرف في حياته غير
‏تولاني برحمتك واسترني بسترك

آمين

[الحمدان]

غلطان من دوّر رضا مرخصينه
‏طرد السراب ولا غدير المقفّين

.....

[الحمدان]

أجيب سالفتين حولك حواليك
لعلّ ياتي لك مع الناس طاري

وإنّ جا مجالك وأستمرّوا بطاريك
قمت أتليهى كن ماني بداري

.....

[الحمدان]

حبك اللي كف نفسي عن دروب الضياع
لايوردني على الموت فالفصل الأخير

كِثر خيرك في فقيرٍ لقى الدنيا متاع
واغتنى من بعد حبك وصار أغنى فقير

.....

[الحمدان]

فمان الكريم وفرصة العمر ماهي دوم
‏يادار ربت روح الغلا في مشارفها

‏آجيها وانا متشتت وضايق ومهموم
‏واعود وكبدي ميسم الشوق ناصفها

على اطلالها خليت ضحكة ولذت نوم
وراحة ضميرٍ جاير الفقد خاطفها

.....

[الحمدان]

ياخليل القلب ماعاد يصلح له خليل
غيرك الله يقلع اللي ليا عاهد يخون

لاتجاملني ترا قلبي أحساسه ثقيل
لو تقول أهلاً وسهلاً يحس انه يمون

أنت لو تدري بحبك طلبت المستحيل
مستحيلً عندك وعندي أهون مايكون

.....

[الحمدان]

قبل تطرق باب فرقاً ما يقفاها رجوع
اتّزن حتى تفكّر بعقل المتّزن

كل حاجه ترجع الا المكانه والدموع
ما تطيح الا يصير المقام بلا وزن

لا تكابر و الحقيقه ورى باب الضلوع
ابيَن من اثْر الندى اللي عقب وبل المزن

ليه اهدّك في سبيل الجفا والحزن طوع
وانت وجهك و الله انه يحنّ من الحزن

.....

[الحمدان]

يجرّ المشاعر في مساريك خيط الصوف
‏لو ان خطوة احساسي معك خطوة المنهي

‏انزّل غلاك بمنزلة راعي المعروف
‏على كل يومٍ كنت في فرحته مرهي

‏الى استوطن احساسك من البعد لحظة خوف
‏تذرّى عن الخوف وعن الشك في وجهي

.....

[الحمدان]

‏خلٍ صناديق صدري منه مختلّه
‏بطّل علي الهوى مع كل بيبانه

‏لين احترق زرع قلبي وانصرم كله
‏والقلب وش خانته لا راح بستانه

‏قلبً شعاه الغرام وصادفه عله
‏ماله اعلاجٍ يلين يشوف خلانه

.....

[الحمدان]

‏نبتسم في وجه الأيام لو مابه حصيل
‏خاطر الطيـّب ما كل الظروف تكدره

.....

[الحمدان]

لا تنادي للمقفي ولا تهيم بكل وادي
القلوب اللي تحبك ماهي بحاجة عزيمة

.....

[الحمدان]

‏أمان الله على قلبٍ ذخر كل الكلام سكات
‏علشان العمر يمضي على قولة محبينه

.....

[الحمدان]

الوضع مثل ما قال بن جدلان

مرةً اشلا ومرً يعاودني بلاي

.....

[الحمدان]

‏دنياك ماهي بدايم وجها صافي
يجي لها يوم ماتعرف ملامحها

.....

[الحمدان]

تراني واذا غرّبت عنك ولو شرّقت
على درب غيرك ماخذا القلب منهاجه

يقولون بلقى لك شبيه بس ماصدقت
شبيهك على وضح النقى وقّف انتاجه

.....

[الحمدان]

تمرك العابرين وماتسلم عليك
إلا غريب طوته الأرض بسنينها

قال انت جالس لحالك تنتظر من يجيك
قلت انتظر نفسي اللي ما اعرف وينها

.....

[الحمدان]

‏ما ودي أنك تواخذني على إهمالي
‏أنا شعوري غريب وحرتي حرة

‏نفسية الشاعر اللي مالها والي
‏تزين وتشين فالساعة مية مرة

.....

[الحمدان]

شاورتني وانا بلا شور وياك
إرضاك بندٍ من بنود ارتياحي

وعتابي ومشروهي الصلف يفداك
لو ان مراحك ما يشابه مراحي

والله مافيني شده اقول وش جاك
انا مريض وتو ما صرت صاحي

لي مده مطفّي مواطير الادراك
ومسلّم شراعي لرغبة رياحي

والحمد لله وسلامتك واعفاك
صلاحك ابدى من رضاي وصلاحي

الله معك لو كان موضوع فرقاك
يبي دراسه من جميع النواحي

.....

[الحمدان]

الوضع له مده من العين معيوف
ياوقتي الحالي ووقتي هذاكا

انا نشبت بزحمه احلام وظروف
من كثرها نسيت كيف اتراكا

.....

[الحمدان]

خلوا الهايم يهوجس ويتمتع في هيامه
كل ماعادت به الذكرى وليل الحزن هوّد

والحبيب اللي كلام عيونه أكثر من كلامه
ودي أمسك كل لحظه في وصاله واتجوّد

في غيابك جالس أدوّر على نص ابتسامه
قال خايف قلت أخاف انك تروح ماتعوّد

.....

[الحمدان]

يا رب وأنا من عناي استجيرك
عبدك، وهاجدني من الضيق هاجد

طمَّاع في مغفرتك وجود خيرك
وفي خاطري حاجات ماهيب واجد

تغنيني من الحاجة اللي لغيرك
وأحيا على طاعتك واموت ساجد

آمين

[الحمدان]

طراة الحياة ولذة العمر لا سجيت
مع ارضٍ تسر النفس والعين شوفتها

ِفجوجاً تمد الشوف من حيث ما لديت
بعيداً عن ازعاج المدينه وضجتها

.....

[الحمدان]

فيني من الحزن ما ينزف على شفاهي
وفيني من الشعر ما ينزف مع العبّره

أحاول أعيش في الدنيا وأنا ساهي
لكن إذا صرت بالحالي وشهي الدبّره

.....

[الحمدان]

يوم أنا مالي من الدنيا سوى وجهك زهاب
عن حمولك هاك متني واللّي في بالك قله

إيه يا فرحة وصول الحلم وأعتاق الرقاب
وأثمن أقدار السنين الماضيه والمقبله

.....

[الحمدان]

ياليت عيني تشوف وياليت قلبي حجر
ما كان أشيل البشر وفي كل مره تطيح !

مابعد سود الليالِ الا بياض الفجر
ومابعد زيف الكلام إلا الكلام الصريح

.....

[الحمدان]

نكتم شعور قلوبنا من حيا الروح
دام الأمـانـي بـالمحاني كثيره

احيان نطريها على البال وتروح
واحيان تطغى بالخفوق وتثيره

.....

[الحمدان]

المعزه بين الاصحاب كنز وراس مال
علمـوا من يجهل العلم هـذا علمـوه

ما جهلنا في ‎حقوق الرفيق بكل حال
لا حداه الوقت جيناه لامن هملوه

.....

[الحمدان]

‏الحقد في قلب السفيه متخبّي
مايطلع الا بعـد خطـه وتهريب

عن الحقود اعطيك تقرير طبي
من راسه لرجليه كله عذاريب

.....

[الحمدان]

‏فهمت الحياه وعشت في مدرسة الايام
‏من العمر مايكفي مواجه خوافيها

‏من العزم أمد النفس بالصبر والاقدام
‏ضعاف العزايم ماتبيني ولا أبيها

.....

[الحمدان]

ومن يقول العيب لو خلّص الجيب
العيب لو مالك حرام إكتسبته

والعيب الأكبر بس لو تعرف العيب
انك لربّك بالزمن ماعرفته

.....

[الحمدان]

‏سـمعـة الرجّال أغـلى من حياته
‏وطيبته لو طاب لك من طيب فكره

‏وموتت الرجال ماهي في وفـاته
‏موتتـه لا مات بين الناس ذِكره

.....

[الحمدان]

‏يالعنبو الرديان واحد واحد
من تردى ودك انه خارج الجنسيه

لاكريم ولاشجاع وللجمايل جاحد
شوفته نقص وتجيب العله النفسيه

.....

[الحمدان]

‏يالله إني في ذراك من الفقر والحاجة
ومن وجيه تضحك بوجهي وهي تكرهني

ِومن رفيقٍ ما عرفنا علته وعلاجه
كل يوم يذمني و إن شافني يمدحني

.....

[الحمدان]

‏أقبل على التوبه قبل يقبل الموت
ترى حياة العبد ماهي طويله

تشوتك الاقدار في بحرها شوت
وتغيب شمسك بين يومٍ وليله

.....

[الحمدان]

‏أيام تاخذنا من الشوق للتيه
‏خلت مشاعرنا الجديده قديمه

‏والموعد اللي ماتت احلامنا فيه
‏ماكان موعد كان مسرح جريمه

.....

[الحمدان]

صحيح الخطأ وارد لكن الأسف مطلوب
ماهو عيب لازليت ثم جيت متأسف

لكن لا تحاول تلبس الثوب بالمقلوب
تزيد الخطأ بعناد وتصير متحسف

.....

[الحمدان]

الناس تاهت في وسيعات الدروب
‏ومن لا تعدّل في خطاويه يغدي

‏أكثر من يسولف عن الصدق الكذوب
‏وأكثر من يسولف عن الطيب الردي

.....

[الحمدان]

المحبة فالصدور اللي تحب ولا تغير
فطرة ما يعرفون أسرارها جيل الإضافة

سرها نبض القلوب اللي تطب ولا تخير
ويسترها وعي العقول اللي تعددها تعافه

أعذريني ماقدر اسير وانا ماني بسير
لين اجي مع باب مقداري قبل باب الضيافة

.....

[الحمدان]

أنت الحشيم العديم النادر الناهي
‏غيرك من الناس لا شفي ولا لي به

الحبابي

[الحمدان]

على كثر ما غنىّ المغنى على ليّلاه
‏معايير راحة خاطري ماهي بواجد

‏أبي فرحة إللي رده الله على مرباه
‏وأبي راحة إللي هل دمعه وهو ساجد

الحبابي

[الحمدان]

‏أمسيت أكبّر هقوة المشتاق فالصبح السعيد
‏وأصبحت وأنت أبعد من البارح ومن عوّادته

.....

[الحمدان]

‏مابين الصعب وبين الخوف والتجريب
‏أحاول ما أميل بيوم ولا تتشرد أفكاري

‏أمرّ بمرحلة صح أو خطا أو صدق أو تكذيب
‏كأني تايه في شيء ولاني عارف أقداري

‏أنا يارب ما أدري وش اللي ينكتب بالغيب
‏ولكن رحمتك أكبر من اللي فيه أنا داري

آمين

[الحمدان]

‏ما قبلك حدٍ عوّد لعيني بعد ماطاح
‏ولا بعدك إلا الضحكة اللي مضيّعها

‏إذا أن الحياة اللي معك هم ماينزاح
‏أبعيشها بهمومها وبمدامعها

‏تمادى السكوت اللي دفنته ورا الأفراح
‏هذي ضحكتي لي عام وأنا أتصنعها

‏دفعت الثمن في لحظةٍ عشتها مرتاح
‏أبضيع فيها وضاع كل العمر معها

.....

[الحمدان]

‏لو يردّك دمع سيّلنا لك بحر
‏ ولو يردك صوت صرنا لك رعود

‏يرحمك ربي عدد قطر المطر
‏وعدد حبات الصحاري والنفود

‏وعدد ماكبر على القبله بشر
‏وعدد ركعات المصلي والسجود

آمين

[الحمدان]

عرفت إن القدر فرصه سعيده والحياه أعراف
‏لو إن الشوق من كثر البعاد المُرّ يصلينا
‏
‏أزورك حلم من خلف الحقيقه والشعور لحاف
‏ما دام إن الوله واقف على سكة هقاوينا

.....

[الحمدان]

‏ياعميقه في زمان الفارغين
‏أنتي وحده صح في عالم غلط

.....

[الحمدان]

‏من الماضي وانا وياك للمستقبل المجهول
‏اعالج كل جرحً وسط قلبك ناقلً همه

‏مع ان قلبي غدا كنه جسد سيف الله المسلول
‏ماتلقى موضع الا فيه جرحً نازفً دمه

.....

[الحمدان]

‏مابين غفلات الضميّر وبين لحظات الجنون
‏رجعت أعدل غلطتي لو أنها ب لحالها

‏والله معاد أطرد ورى ذيك الهقاوي والظنون
‏الى متى والنفس تطرد بطيشها وهبالها

‏الناس والدنيا ودورات الليالي من تكون
‏ماطيّبت فالي عشان اقوم اطيّب فالها

.....

[الحمدان]

فمان الله والعذر السمين أبلغ من التبرير
‏عفى الله عن خطايا اللي خطايانا على شانه
‏
‏فمان الله يالغصن اللّيان اللي هَجرك الطير
‏هذا طيرك يبلغك السلام بروس جنحانه

‏سمحت من المحبه وانت سامحني على التقصير
‏وصلنا آخر حدود العشره اللي مالها خانه

.....

[الحمدان]

‏على الهون يازهرة شبابي وتو الناس
‏علام العمر يمضي والافراح منسرقه

‏تلّج الطواري كل ماذعذع النسناس
‏على واحدٍ بين العرب واضحٍ فرقه

‏شعور المسافة بين حبل الرجا والياس
‏شعور المسافر كل ما طالت الطرقه

.....

[الحمدان]

‏ما ذبحنا الا الحيا والثقل طول السنين
‏لين راحت كل الاحلام مرواح القطاه

‏يا وجودي ليت قلبي مثل عقلي رزين
‏ اعذروا قلباً من الوقت جاه اللي كفاه

‏فيه من شر المخاليق سحر وحسد عين
‏وفيه من شيمة ذوي عون مايجبر عزاه

‏المهم اني لهالحين يجذبني حنين
‏ للسنين الاوله يوم للدنيا طراه

.....

[الحمدان]

‏ياغريبه ويش أسوي وانا شاعر حزين
‏يوم شافك قال قلبه لقلبك ياهلا

‏والله انه مايزين قصيد المبدعين
‏غير وجه ياخذ العقل وينقط حلا

.....

[الحمدان]

‏وانتي يا ملفى الشعر والملح والقبله
‏اعاتب الحور ولا المبسم الصافي

‏آمال ليلى وقيس وعنتر وعبله
‏راحت مثل ريش طيرٍ في طرف سافي

‏ما دام ما فيه لا مشلح ولا دبله
‏سمحت واللي مضى من طيشنا كافي

‏نحرك ساحة حرم وشفاهك القبله
‏لكنّي آثرت دين آبائي واسلافي

.....

[الحمدان]

‏عيطموسٍ وصفها فاق عن كل الوصوف
‏من روايع حسنها تذهل عقول الرجال
‏
‏لا عرض لي زولها ويش أطالع ويش أشوف
‏عود ريانٍ ليا هبّه النسناس مال

.....

[الحمدان]

‏حط لهقوتك في معظم الناس حد وقيد
‏لاترجع مع الاوهام في حرب ومشاجر

‏ضياع العشم يأثر على البال بالتنكيد
‏مثل ما السهر يأثر سواده على الحاجر

‏بعضهم حبال الوصل تمدي معه وتزيد
‏وبعضهم سلام وانت هناك ومواجر

‏احد جيّته لك عيد واحد ٍ مراحه عيد
‏مابين الغلا والكره ومقيم ومهاجر

.....

[الحمدان]

‏الكـون أصبح ، وأصبـح الملك لله
‏والفجــر شع بنــور صبح التباشير

‏ومنهو سعى للرزق في صبح مولاه
‏ارزقه يا ربـــي من فضلك الخـــير

آمين

[الحمدان]

مسيتو باجمل بيوت الشعر واكملها
‏اللي تشيل الغلا والحب واشواقي

‏تجيكم ووصوفكم العذبه تجملها
‏مثل ورود الربيع اللي على الساقي

مني لكم....

[الحمدان]

‏تابعني بصمت اذا لك رغبةٍ فيني
‏وسكر على ذكريات اسمي مع اسمك

‏غالي ولكن طلبتك لا تلاحيني
‏ماضنتي يتفق حسي مع حسك

‏انا مع نفسي ادور مداويني
‏اسلمني الضيقه وخلك مع نفسك

‏محبتك درس واثاره على عيني
‏شكراً جزيلٍ لك وشكرا على درسك

.....

[الحمدان]

‏خلّ صوتي منسجن لين ما الله يعتقه
‏خلّني معزول الاحداث يالقلب النصوح

‏راثعٍ في البال طاري وفي الصدر اغلقه
‏وان بغيت اروح والله مدري وين اروح

.....

[الحمدان]

نفوسنا سمحه ونياتنا بيض
‏واللي يجي بقلوبنا بألسنتنا

‏ونقول قول الحق لو انه يغيض
‏هذي معادنا وهذي سمتنا

.....

[الحمدان]

‏شعوري الليله شعور البدايه
‏بين القديم من السكك والمنازل

‏غريب ماله من ورا الناس غايه
‏وبينه وبين الواقعيه عوازل

‏راحت حياته ينتظر والنهايه
‏يوم اقترب من كل حاجه تنازل

.....

[الحمدان]

‏العالم إللي تشغل العالم بتحليل الكلام
‏ودك تعزّيها على فقد الثقه فنفوسها

‏والله ما ندري مشكلتها وسوسه ولا إنفصام
‏ولا الرخامه منتشر فيروسها في روسها

.....

[الحمدان]

‏لا يهمك كلّ نفسٍ للجفا متجهة
‏القلوب الحانية وقت القسى معروفة

‏والله انّ اللي يحبّك تعرفة من وجهه
‏نظرتة فيها حنان وبسمتة مألوفة

.....

[الحمدان]

‏قمت اتذكر من الماضي بعض مانسيت
‏واكثر مايأثر علي فالحاضر اللي مضى

‏والصاحب اللي رضى يبعد وانا مارضيت
‏لكن جبرت ابتعد وارضى مثل مارضى

‏اتلى العهد به يقول اكلمك لافضيت
‏واليوم قد له سنه واكثر وهو مافضى

‏فيه الرجى ماقضى وانا مابعد قضيت
‏لكن حبه وتقديره هو اللي قضى

.....

[الحمدان]

‏رحلة خيالي تسافربي بليّا حدود
‏على مرابي طويلة عنق ومعرّبه

‏حوريةٍ جابها الله من جنان الخلود
‏جتنا زياره تشوف الكون وتجربه

.....

[الحمدان]

‏الهوى لذّته في طيشه وفي هباله
‏ولذّة اول شعور وربكة أول دقيقه

.....

[الحمدان]

‏حطني بين المعنق وبين الخوختين
‏وانثر السود الجدايل عليّ وفلها
‏
‏يا جميل الوصف عز الله ان الزين زين
‏رش روحي من سحابك وكبدي بلها
‏
‏الصباح اللي جمعني معك له طلتين
‏وانت والصبح اجمل ايات ربي كلها

.....

[الحمدان]

‏مامالت الأرض فيني وإستقرّت سماي
‏عشان آخايل بْكل منهو لمع بارقه

‏يستعذبك قلبي المُضنى ولي فيك راي
‏تأثيره أقوى عليّ من سحر الآفارقه

‏معاي ماكنّك إلاّ من هلي وإخوياي
‏ياشمس لو تظلم الدنيا عليّ شارقه

‏وشلون أبجحد معاريفك عليّ ومعاي
‏وأنتِ نبيلة شعور ووقفتك فارقه

.....

[الحمدان]

‏ان فرشت عمامتي من محبتك وغلاك
‏لأنّها اقرب شي مّما يوالي هامتي
‏ِ
‏غير احس اني مقصّر بقدرك يا ملاك
‏ودي احط لك كبدي ماهوب عمامتي

....

[الحمدان]

‏لعلك بخير وعافية وتحيا وتدوم
‏بركات صوتك كافية والوصال ابرك

‏احبك قبل يبرك على صدرك الجاثوم
‏أنا احق منه بالزيارة وبالمبرك

.....

[الحمدان]

‏لك عدة ايام واسلوبك معي سلبي
‏وتشك في دايم ونفسي فلا شكت

‏لاتهوز قلبي على الفرقا ترا قلبي
‏اصمل من البندق اللي مابعد لكت

.....

[الحمدان]

كل الدروب اللي تودّي لودِّي
من دونها سبعة بحور الكرامة

.....

[الحمدان]

‏بعض البشر لا غاب عن ناظر العين
احـس كل الناس في الكـون راحت

وبعض البشر لو غاب ايام واسنين
مااشتاق له قلبي ولا النفس ناحت

انا اشهد ان البعـض ماله شبيهين
بافعاله اللي مثلما الطيـب فاحت

غالي وحُبـــه حــل بين الشرايين
ومكانته وسـط القلوب استباحت

.....

[الحمدان]

ترى قلبٍ تولع فالهوى ما يلحقه منقود
‏ليا صار الهدف حبٍ عفيف وخاطرٍ صافي

أحنّ شعورها و أدرى عليها من هبوب النود
‏واجيها والظمأ يرعى حشاي وعمري خلافي

.....

[الحمدان]

نامي وخليني اتحرى مجيك في منامي
ياغذى قلبي وياروحه وياجرحه وطبه

.....

[الحمدان]

عتابنا طيّب ومشروهنا ذرب
وان وصلت حدود الملام اختفينا

.....

[الحمدان]

‏لا تدور قيمتك عند مخلوق
قيمتك عند نفسك تكفيك

د. ماجد عبدالله

[الحمدان]

‏القليل من التجاهل سلاح العاقلين
يجبر اللي غره الكبر يرجع مستواه

.....

[الحمدان]

ﺻﺎﺭ ﺍﻟﻮﻓﺎﺀ ﻓﻲ ﻫﺎﻟﺰﻣﻦ ﻛﺮﺕ ﻣﺤﺮﻭﻕ
ﻭﺻﺎﺭ ﺍﻟﺮﻓﻴﻖ ﺍﻟﻴﻮﻡ ﻳﻐﺪﺭ ﺭﻓﻴﻘﻪ

ﺍﻟﻮﻗﺖ ﻣﺎﻳﺮﺣﻢ ﻭﻻ‌ﻳﻌﻄﻲ ﺣﻘﻮﻕ
ﻭﺍﻟﺤﻆ ﻣﻴﺖ ﻭﺍﻟﺤﻘﻴﻘﻪ ﻏﺮﻳﻘﻪ

ﻋﻨﺪﻱ ﺧﺒﺮ ﺣﺼﺮﻱ ﺣﻘﻴﻘﻲ ﻭﻣﻮﺛﻮﻕ
ﻭﻋﻨﺪﻱ ﻋﻠﻴﻪ ﺃﻭﺭﺍﻕ ﻭﻋﻨﺪﻱ ﻭﺛﻴﻘﻪ

ﺗﺒﻲ ﺗﺼﻴﺮ ﺃﻧﺴﺎﻥ ﻓﻲ ﻗﻤﺔ ﺍﻟﺬﻭﻕ
ﺃﻛﺬﺏ ﻭﻧﺎﻓﻖ ﻻ‌ﺗﻘﻮﻝ ﺍﻟﺤﻘﻴﻘﻪ

ﻭﺗﺒﻲ ﺗﻜﻮﻥ ﺃﻧﺴﺎﻥ ﺗﺎﻓﻪ ﻭﻣﻄﻔﻮﻕ
ﺃﺻﺪﻕ ﻭﺗﺼﻐﺮ ﻓﻲ ﻋﻴﻮﻥ ﺍﻟﺨﻠﻴﻘﻪ

د. ماجد عبدالله

[الحمدان]

تحملت صمتك لجل عينك ترد الروح
وتشرح لي الاوضاع وتدخل بوجداني

احس اني في جو غريب فرح ومزوح
ولو سولف المحبوب انا بجوي الثاني

عيونك تغطي كل مافيك يالمملوح
ولو جيت انا بوصفك هل انته انساني

.....

[الحمدان]

ياقلب حبيتك ولك حب صافي
خط الوفا حبك وفيه احتريته

حنان قلبك يجعل القلب دافي
ياكنز في دنيا المواجع لقيته

انت الذي للقلب دكتــور شافي
وانت الهوا والحب منك طريته

وانت النشيد المنبهر والقوافي
وانت الشرف ذا يلمع اليوم صيته

وانت الوفا في يوم ماعاد وافي
وانت الذي وحدك بقلبي هويته

وانت الشرف والطهر وانت العفافي
بك مكتفي قلبي وفيك اكتـــفيته

ماهما تـشوف القلب لوا وطـــافي
يعود لك مادمت له كــل بيته

حلق خيالاتك معي في ضفــافي
ياللي نصع قلبي بطلقه رميته

ماعاد من دنيا المواجع نخافي
مادام قلبي وسط قلبك حميته

راحت سنين القهر راح الجفافي
من مثل حبك فالهوا لاسقيته

حبو وعيشو الحب دامت عوافي
ومن يحبك فا الخفوق احتريته

.....

[الحمدان]

تنبض غرام وينبض القلب لبيك
يا معجزة شعري ونشوة جنونه

مركاك صدر القاف لاجن يدعيك
الحرف تلو الحرف يعزف لحونه

.....

[الحمدان]

بين الضلوع الحدب اسمك نحته
يبقى ‎وتبقى دام انا باقين حي

وجميع من قبلك وبعدك مسحته
لك مملكة صدري وغيرك ولا شي

.....

[الحمدان]

اهملت عاشق تعلق فيك حد الجنون
لاصار محتاج وصلك وانت ماتمنحه

كثير عشاق لاشافوا الجفا يرحلون
من زود الاهمال يطلع للفراق اجنحه

.....

[الحمدان]

ياللي صباحك غير كل الصباحات
اجمل صباحي انت والفل خله

كلمه صباح الخير منك انت بالذات
تسوى الفل اللي بها لكون كله

.....

[الحمدان]

كان تبغى رضاك وراحتك وانشراحك
والدوا اللي من الامراض يعطي مناعه

جرعة في مساك وجرعة في صباحك
العشا في جماعه والفجر في جماعه

.....

[الحمدان]

ياويل قلبي منك ياكثر مغليك
اغلى من الدنيا ثراها وسماها

ياويل قلبي منك لأحل طاريك
نفسي وهي نفسي تشك بغلاها

انسى اسامي الناس واغلط واناديك
قلبي معك وكل الاسامي نساها

.....

[الحمدان]

مامثل عينه في الملايين واحد
وانا الوحيد إلي اشوفه ملايين


والي يقول ان بيننا احناء تباعد
قله قسم أن احناء ابعد قريبين

.....

[الحمدان]

تقول لي مشتاق وتقفل الباب
الباب بابك والمفاتيح يمك

والله لو العلم يشكى على اللباب
ما كان تشكي للصواديف همك

ماعاد به عذر ولا تنفع عتاب
دام العذر موجود بأطراف فمك

ودك تروح وكل شي له اسباب
عذرك سمين وسبته وسط دمك

.....

[الحمدان]

لا تنتظر للحب ذا مات ميلاد
لايمكن استرجاع ميت من اللحد

افرش لماضينا من الصمت سجاد
وزين اطلاله بباقه من الورد

أبشرك جرح الهواء ماله ضماد
لا استوطن الخافق وخيم على الكبد

يا حباً أعلنته على روس الأشهاد
إللي يفك دفاه يستاهل البرد

ما اوفيت في عمرك معي بأي ميعاد
وأنا معك سمح الخُطاء وافي الوعد

لقاك الأول كان لي عيد الاعياد
وآخر لقاء هد أمنياتي. معك هد

أريد وإنت تريد والله ما راد
له الثنئ والمن والشكر والحمد

.....

[الحمدان]

‏مـــا للزمــن في حزنك وفرحـتك راي
‏عش يومـك وقـلبك بالاقـدار راضي

‏واللي يقول الماضي احلى من الجاي
‏قل له مصير الـجاي بيكون ماضـي

.....

[الحمدان]

العيون اللي من اللهفه مطالبها لحوحه
‏ودّها تبكي ولا ادري من تبي تبكي عشانه
‏
‏صاحبي مامرّ يوم إلّا ولك جيّه وروحه
‏وش بقى غير الطيوف اللي لها قد ومكانه
‏
‏كنت أقول إنّ المشاعر عنْك توبتها نصوحه
‏وأثرها عمرٍ مايعطى فيه عهد ولا ضمانه

.....

[الحمدان]

قولوا لمن غيـبة تواسـي حـبَّــــه
الشوق ضـيق بالـــوَلَهْ أنفـــــاسي

لو فاض وجدي بالهــوي ما ذنـبه
الذنب ذنب اللي سلب إحســـاسي

قَنص فؤادي قنْص واستفرد بـــه
أنساه مش ممكن وهو إينـاسي

يا اهل الهوي بالله كيف افعل بــه
مشــاعري تهــذي بـها وحــواســي

لو الــمشــاعــر ترتســل بالكــتبـه
حروف شوقي أحرقت قرطــاسـي

شوق الغرام أشـــعل لجذوة حـبـه
أنهك قوى صبري وشـدة بــاســـي

فجر أحاسيـسي قصـائد عذبــــــه
يُنـــظَم لـها المغـنَى لكل الــــــناسِ

.....

[الحمدان]

هزي غصون الشوق يا نسمه الليل
هاتي طيوف الغايبه عن عيوني

هب الحنين وخالطه ريحه الهيل
والشوق فاح وزاد فيني طعوني

آهات صدري يعزفني مواويل
يا صوتي المبحوح اجرح لحوني

داوي جروح مفارقي بالتعاليل
جيبه وخيّب كان تقدر ظنوني

تعبت ارسم مزنه الوصل وآخيل
يا ليتها تمطر وتسقي غصوني

.....

[الحمدان]

‏ليه تغريك المسافات يالظبي النحيل
والمسافة كلّها زيف وأنتي داريه

المدى مافيه غير الجروح اللي تسيل
والمسا مافيه غير النجوم الساريه

والشعر بعضه مخافه وبعضه سلسبيل
والعمر لو يبري القوس ما أنتي باريه

والسماء ماتشبه الّا القلوب اللي تشيل
والنهر مايشبه الّا الدموع الجاريه

.....

[الحمدان]

كنت لك مثل القمر في الليل الاضلم
بل وفضلتك على نفسي وذاتي

كنت لك لاصاب قلبك جرح بلسم
فوق هاذا انت بتحاول شتاتي

كنت اعزك عز مثل الاخ واعظم
وكنت اغلى شي في داخل حياتي

وكل هاذا ماقطع فيك ليش ما اعلم
رغم انك كنت اجمل امنياتي

ماتوقعت ان قلبك بالطمع يشبه جهنم
بعد ما استكفيت بتدور مماتي

والحياه مابش ولاحد منها ما قد تعلم
بس انا استاهل لأن الطيب والاخلاص صفاتي

كثر الله الف خيرك كل ماسويته اسلم
لاهنيه بس لني قد معي منك كفاتي

.....

[الحمدان]

دايما من يلزم الصمت تلقاه امحشـوم
وان حكــا يملا من البيـر دلو السانيـه

والا راعـي البـربــرة لو يبربر كل يـوم
دايمـا مسفــــوه مثل القناة الـثانيـه

.....

[الحمدان]

‏ان كان مالك نفس قلي ومسموح
‏ولا تكرهّني بنفسك وانا اغليك

‏الروح ما تجبر على معرفة روح
‏فكر وعطني صامل العلم واعطيك

‏ان ما حصل من بيننا ضحك ومزوح
‏بالغصب ماني يا أريش العين باغيك

.....

[الحمدان]

ما قد تحسفنا على مدت الطيب
‏ما تضوي بعين الكريم الحسايف

.....

[الحمدان]

على الجفا والقطيعة لا تشجعني
‏ما ودي أمر عينك واتعداها

.....

[الحمدان]

صحصح وخل الضيق والحزن والهم
وأستقبل الصبح برضا وابتســـامة

وقــــرر تسافر لمنياتك من اليوم
وبـــإذن الله بتوصل لهــا بالسلامــــة

.....

[الحمدان]

ليت النوايا مالهـا ستــر ولباس
تظهر من صدور المخاليق جردى

اللي تظنّه غير عن كـلّ هـــالناس
بكره تشوفه مثل هالناس واردى

.....

[الحمدان]

ولِأنَّ بَعضَ الحَالِ يصعبُ شَرحهُ
آثَرتُ صَمتًا والسُّكُوتُ مريرُ

.....

[الحمدان]

أنت الوحيد اللي مع الوقت نبغاك
ونرخص لأجل عينك نوايا كريمه

خلك بجنبي كان وقتك تحداك
وشوف الفعول الراقيه والعظيمه

في ذمتي لأشيل حزنك وما جاك
واسقيك حبي من مشاعر رحيمه

.....

[الحمدان]

‏ياشوق قلبي باقي الوقـت مافـات
دام القلوب في داخل الصـدر حيه

من قبل اعرفك تايهن بين الاوقات
وساعة عرفتك اشعل الشوق ضيه

ماعاد بيني وبـين قلبك مـسافات
وما عـاد بينك وبـين قلبي خـفيه

.....

[الحمدان]

‏اي والله احـبـه وشـاري وصـالـه
ماخون عهده لو رماني بالاخطار

من بد جميع الناس قلبي صفاله
عـالي مقامـه لـه معـزه ومقـدار

نـادر وجـوده ويـن ابلقى بدالـه
هو الوحيد الي له القلب يندار

.....

[الحمدان]

‏كم غايب ماغاب ذكره عن البال
وكم حاضر يشبه حضوره غيابه

ماكل من يبتعد عن العين ننساه
بعض البشر طيبه يعوض غيابه

.....

[الحمدان]

رأس مالي في الحياة الطيبين
الي على وضح النقا دستورها

النهــج واضح لايسار ولا يمين
والوجه واحد لو تشين أمورها

.....

[الحمدان]

مايغثك غير لا صار في وجهك حيا
وأبتلاك الله في عالم ما يستحــون

.....

[الحمدان]

متى ينفــخ اسرافيل وأستبشر بلقياك
وأشوفــك بعد حال القبر بينك وبيني

عسى الله يغفر لك كثر ما عطت يمناك
وعسى الله يصبرني كثر ما بكت عيني

.....

[الحمدان]

إن سرك الوقت ياجعله على القوة
وإن ضرك الوقت دورني وتلقاني

.....

[الحمدان]

‏منت بحلالي ولا انت بشخص يقرب لي
‏في قلب غيري وانا ماكل عشاء غيري

‏حتى ولو كنت تعشقني وتطرب لي
‏مافيه أمل يلتقي سيرك معى سيري

.....

[الحمدان]

والله إني في ربيع العمر مرخصٍ لك سنيني
ما نبت للعمر زهر إلا عشانك تقطفينه

.....

[الحمدان]

‏خسران ياللي بالخفا تراقب الناس
‏اتعبت حالك والعرب مادروبك

.....

[الحمدان]

أنا والله المجنون والناس ما يدرون
‏وحي المجننّ تنتداوا ولا جني

‏تجننت من خمرة لسانٍ وسحر عيون
‏ولا لي جدا غير أرفع الصوت وأغني

‏ولا صدتْ منها الا اربعٍ تبحث المكنون
‏يا وجدي وياليته ويمكن ولو أني

‏سعد بن جدلان رحمه الله

[الحمدان]

عليه الخفوق يحِن لا مرني طاريه
وأدور مع الاجواد عن طاري أخباره

.....

[الحمدان]

انا عرفت الناس ما اجهل الناس
حتى غدت نفسي من الناس حذره

ماهو لزوم اللي زرع يحصد احساس
احيان تزرع لكن الارض قذره

.....

[الحمدان]

الطيب فطره والشجاعه من الله
والمرجله ماهي بمنصب ولا مال

والعاقل اللي كاف خيره وشره
ماهو مثل طبع الردي القيل والقال

.....

[الحمدان]

حدد مسارك واترك الناس للناس
‏ورفع طموحك فوق ظهر المجره

‏دور على اللي خوته ترفع الراس
‏اللي على المجد المسمى مقره

.....

[الحمدان]

على السعه ياللي معك خاطري رحب
ووسام حبي لك على صدري وشاح

غيرك معرف أعشق ولآ أعرف أحب
قلبي جمع فيك الأحاسيس وإرتاح

.....

[الحمدان]

‏أنا لك أصدق من الضحكه على وجهّك
‏وأحن من خاطرك وأقرب من ضلالك

.....

[الحمدان]

‏اشفق على شوفـه وضحكة حجاجه
‏واشتاق له شوق المغاليق للبـوح

تركـي الميزاني

[الحمدان]

ذنبي هويتك وانته الصد ذنبك
وفي دنيتك يا زين انا صرت مغلوب

في من هويك ليش ما خفت ربك
غيبت عني وصرت ضايق ومكروب

من بعد ما ادمنتك وهايم بقربك
غيرت ارقامك وصكيتها البوب

ولا قدرت انساك وانساه حبك
من ذنب حبك عاصي القلب ما يتوب

ولا قبل غيرك فمولاك حسبك
تعبت روحي ومنك القلب متعوب

.....

[الحمدان]

ياصاحبي الله يمسيك بالخير
‏عقب البطا بنشدك وشلون حالك

‏من بيننا رفقه ومعزه وتقدير
‏وقل اتصالي يوم قل اتصالك

‏اقفت بك الايام من دون تبرير
‏ وجعل الفرح والطيب فالي وفالك

.....

[الحمدان]

‏لاضاق صدري قلت يارب رحماك
‏ياللي بذكرك ينجلي ضيق صدري

‏استغفرك واتوب لك واطلب رضاك
‏ماغيرك احد عن خفى النفس يدري

.....

[الحمدان]

‏من باعني زعلان بعته اليا رقت
‏ماني معلق في سواحل عيونه

‏عندي قناعه ماتغير مع الوقت
‏ان الغلا يستاهله من يصونه

[الحمدان]

‏لاتحملني خطايا نفسك المندفعه
‏الخطايا الي يحاسبني عليها ربي

‏ان عمدتك بالجفى ثقل وشموخ ورفعه
‏وان وصلتك من وفاي ومن نزاهه حبي

.....

[الحمدان]

الروح تحيا يوم تسمع بطاريگ
‏ودنياي بـوجودك صارت هنيــہ

‏مثل المطر تحيي الشعوب المهاليگ
‏تــروي القـلوب الظاميات الشقيـــہ

.....

[الحمدان]

‏الانبساط والانسجام وقمّة الاعجابي
‏والله ان كنّه يقدمها علي بكفوفه

‏تكثر اصحابي علي ولا تقّل اصحابي
‏المهم اني ماني مرتاح لين اشوفه

.....

[الحمدان]

‏ليت الليالي علمتني بالأقدار
‏كان ابتعدت وزال عني خطرها

‏وأثر الليالي ما تبيّن بالأسرار
‏تضحك لنا ساعه وتبدي كدرها

.....

[الحمدان]

ودّي اخسر كل شي إلا ضميري
‏اللي يسعف صاحبه لا من تحيّر

‏من كثر ما غيّرت الأيام غيري
‏والله اني خايف اني لا اتغيّر

.....

[الحمدان]

قانع ولا اتحسف على فايتٍ راح
مالي على حكم القدر اي تغيير

عقب الحزن لابد ماتأتي الافراح
وبعد الضماء بروا قراحٍ من البير

انا بسيط اعيش جوي ومرتاح
ميلة مزاجي تعدله سجة عصير

مااحسب تكاليف الخساير والارباح
دام العمر مره وانا عايشٍ بخير

.....

[الحمدان]

مساء الوفى والمنهج السمح والميثاق
‏مابين القلوب الي تربت على الفطره
‏
‏مساء النسيم الهادئ البارد المنساق
‏لياء حرك الورد وتعانق معه عطره

.....

[الحمدان]

ياسعود كان الناس يدرون عن شيّ
أشيا ترا ماتدري الناس عنها

يدري بها اللي يازن الشمس والفيّ
مكفّن اسرار القلوب بكفنها

أنا بشر شتّى هموم البشر فيّ
وان شفتني مانيب جزعان منها

ترا ماغير اضحك واجاملكم شويّ
وآدمدم جروحٍ نبشها زمنها

‎سفر الدغيلبي

[الحمدان]

‏تموت جروحنا مادرى عن نزفها مخلوق
‏مقابرها الصدور وعزة النفس تدفنها

.....

[الحمدان]

أنا واقفة لأحلام عمري وقوف غير
وقوف الكريم ليا تلافوا مساييره

.....

[الحمدان]

‏اتذرى في سكوتي واتبرى
‏من شعور غير قابل للكتابه

.....

[الحمدان]

‏جعلني لا جيت بين الناس محبوب
‏وجعلني لا رحت مذكور بالخير

‏ماندري متى الايام تقفي بنا ونروح
‏عسى ذكرنا بالطيب يبقى ليا رحنا

.....

[الحمدان]

‏كرامة النفس أعظم من مشاعرها
من عز نفسه لقى في الناس مقداره

.....

[الحمدان]

‏يالله عـجل بالفـرج وانـت راعـيه
‏كم ساعة ضـاقت وعندك فرجها

‏انت الذي في خافي الغيب ندعيه
‏وانت الوحـيد اللي يقدي عـوجها

.....

[الحمدان]

‏عـقب البـطاقـال علمني عن أحوالك
‏واقول عـقـبك حزين وشانت احوالي

‏يـقـول في ذمتـك ماجـيت في بـالك
‏واقـول فـي ذمتي ماراحـت عن بـالي

.....

[الحمدان]

‏وانا على حـبه ولا اقـدر بلياه
‏ليته معي في كل لحظه قبالي

‏كل البشر تسعـى على ماتمناه
‏يارب حبيبي مايفـارق اظـلاي

....

[الحمدان]

ظَنَنْتُهُ حائِراً لا يِعْرِفُ الكَلام
‏ فَوَجَدْتُهُ لِغَيْري شاعِراً بِالْهِيام

‏ كَأَنَّ الحُروفَ إذا جاءَتْني تُعْجِزُ
‏ وَتَسيلُ لَهُمْ دونَ أَيِّ الْتِزام

.....

[الحمدان]

‏اغـليك واظهـر للبشر عكـس ذالك
‏واخفيت حـبي خـوفـي الناس يدرون

‏يـلـي رســمت بنون عيني خـيالك
‏واخشى عليك بنظـرتي لايـشوفـون

.....

[الحمدان]

صدفه لقيت اشياء يالحب المقيم
‏تحت السديم اوراق وحروف وعطر

‏من خافقي مديتـها مـدة كـريم
‏و رتبتـها مـع عـبـرتي وصارت شطر

‏انتي السحاب وعاشقك قاعٍ هشيم
‏تكـرمي واروي معــاليقه قَـطِر

.....

[الحمدان]

ﻋﻠﻴﻚ ﺃﻫــﻴﻢ ﻣﻦ ﺍﻟﻈﻤﺎ ﻛﻞ ﻣﺎﻏــﺒﺖ
‏ﺗﺒﻌﺪ ﻭﺃﺟﻴﻚ ﺑﺼﺪﻕ ﺍﻻﺣﺴــﺎﺱ ﻭﺍﺭﺩ

‏ﺟﺎﻣﻠﺖ ﺟﻴﺖ ﺍﻗﻔﻴﺖ ﺻﺪﻳﺖ ﻋﺎﺗﺒﺖ
‏ﺗﺒﻘﻰ ﺍﻟﺤﺒﻴﺐ ﺍﻟﻠﻲ ﺑﻪ ﺍﻟﻘﻠﺐ ﺷـــﺎﺭﺩ

.....

[الحمدان]

ما عاد اعاين لا يسار ولا يمين
أمشي حذر واقول يارب النجاه

اما الحضور اللي يسر الناظرين
والا الغياب اللي ما يدرا وش وراه

.....

[الحمدان]

ياضايق الخاطر ترا تزين الايام
ويلوح لك برق السعد من غمامه

لا تصير من صكات الايام منضام
ما فيه ابد مخلوق عاش بسلامه

.....

[الحمدان]

يارب سامحني قبل حزة النوم
وأغفر خطأ نفسي وزله لساني

ما فيه من يضمن بعد نومه يقوم
مدام كل اللي على الارض فاني

آمين

[الحمدان]

‏انا ماني ناكر ولاني جحود وقطوع
‏اقدم الطيب واهل الحاجه اعينها

‏لأني خوي الحرار الي تحب الطلوع
‏وتحوز الافعال والطالات بيدينها

.....

[الحمدان]

‏يـالله جـمّلـنا مـعـا كـل طيّب
‏واجعل لنا منزال في كل قمّه

‏مافيه غيرك لا دعـينا قريّب
‏ومافيه غيرك نلفت الشوف يمّه

آمين

[الحمدان]

‏علموه إن كـان ينشد عن غلاه
‏مختصر وضعي معه في كلمتين

‏ان لقيته مـالقيت الا الغنـاه
‏وان فقدته مـافقدت الإ الثـمين

.....

[الحمدان]

‏شد حيلكَ طالبك لاعاد ترخص قدري
‏والله أني بين فك البعد وحظٍ عاثر

‏أنت تدري والعرب عن حبنا مَاتدري
‏ياحبيبي ليه فيّ وصلك علي متكاثر
‏
‏كم شريدة شوق شفها في زوايا صدريّ
‏أجمع اللي باقيٍ من شوقي المتناثر

.....

[الحمدان]

‏ما بيننا غيـــر شـاشـه فــي تعاملــنا
‏مـع بعض لكن نفرض بيننا الإحــترام

‏من طاب طبنا معــه وأن مال ما مـلنا
‏نبقى على الطيب والهقوه ونهج الكرام

.....

[الحمدان]

‏لا تسأل السرحان في من يفكـر
‏لوكان يبغـي يعترف لك حكا لك
‏
‏يمكن في بالـه بـاب لَكـن مسكر
‏والباب هذا هو إجابة سـؤالك

.....

[الحمدان]

انت دكتـــور المحـــبه بكمــــله
لا تطيل الهجــر وتطيل الغياب

قد خذيت القلب دفعه كامله
ياهلال الكون ذي بين السحاب

حبنا واضح من اول مرحـــله
عهد في قلبي ولا فيه انسحـاب

التـــلاقي كان حاجــــه مذهله
نرسم الوجـدان في احلا خطاب

نطف نار الشوق لو هي مشعله
قد فتحت الروح ماسكرت باب

سحـــر عيناك الجميلـــه كاحله
كيف بصبر لا متا صبري عذاب

.....

[الحمدان]

اشوف منك الصد بانت مواريه
‏وشوف باسلوبك علومٍٍ جدايد

‏ترى الهوا تاليه تفضح مساريه
‏والوصل يقفاه الهجـر والنقايد

‏دام المفارق ياريش العين شاريه
‏ياجعل مايلحقك ضيم وشدايد

.....

[الحمدان]

بعض المواقف يجي مردودها عكسي
‏واثر البشر فيه معتدله ومعكوسه

‏ويصير مثل طبايع سايق التكسي
‏مايخدمك لين ياخذ كامل افلوسه

.....

[الحمدان]

اللي مكانك داخل القلــب وتويق
‏وشي هروجي مع بنات الحمايل

‏ماتدري انـي دونـها ماقدر اليق
‏وغلاه مورّيــني نجـــــوم القوايل

‏تومي بقلبي ليـن ما ينشف الريق
‏من عينها النجلاء وشقر الجدايل

.....

[الحمدان]

علموه ان حبه بقلبي لايمكن يزول
لين يفنى كل عمري على قيد الحياه

.....

[الحمدان]

نسهر مع الليل ونسامر مشاعرنا
ونهيم في لحظة الذكرى وطاريها

.....

[الحمدان]

أسترح في خافق اللي يعشقك وامرح به
واخذ ما تبغي بصدري كل ما يحلا لك

كان قلبي يقنعك يفدا يمينك رح به
ماخلقه الله من بين الضلوع الاّ لك

.....

[الحمدان]

لي عين تملاها عيونك ولي قلب
‏تملاه ضحكة خاطر من محياك

‏عندي مشاعر للبشر لكن الحب
‏شعور ماراح اشعره غير وياك

.....

[الحمدان]

‏ارسم لنفسك حدود لاتعداها
‏من حط نفسه بدرب الضيق يحرجها

.....

[الحمدان]

كل ماهب الهوى ينساق ذكرك صوبي
ياعذابي فالغرام وكل جرحٍ ساطي

جعل حبك يالغلا ماهوب ضمن ذنوبي
عشت حبك مثل عيشت واحدٍ متعاطي

.....

[الحمدان]

‏أسهــر على صورھ وذكــرى قديمة
واكتب قصيـدي وانتظـر نـور بكـرى

أصعب مواقف هالحيَــاھ الأليمة
لا غاب عنك إنسَـان وأعطاك ذكـرى

.....

[الحمدان]

خلوني امشي في غـرامه وخــلوه
‏دام الغــــلا يمشــي بدمي ودمــه
‏
انا عليــه احــن من خــافق ابــــوه
‏واشفق عليه ان غاب من خافق امه

.....

[الحمدان]

عيش ياراسي على العز والدنيا مدار
ماتضيق صدورنا والدروب موسعه

طبعنـا من ربعنـا وقـّـر وتلقــا وقــار
وأن عطينــا مانـدور وراهـا منفعــه

.....

[الحمدان]

يطيبُون في وقت الشدَايد خيار القُوم
مثل ما يطِيب العود الأزرق على الجمرة

.....

[الحمدان]

والله ما أشوف المخاليق كود بنص عين
وأنت لا مرّيــت لديــــت عيني كاملة

.....

[الحمدان]

‏صارت اللهفة طبيعة وصار الشوق عُرف
‏يا حبيبي كل ليلة نتوب و ما نتوب

‏جيت أدوّر منك كلمة ولا جاءْ منك حرف
‏ليتني ماجيت راضي ولا رحت مغصوب

.....

[الحمدان]

‏فتح الصور يفتح على قلبك شْعور
‏لا مرّت الأيّام وأبطيت عنها

‏به صورة منها على وجهك سْرور
‏وبه صورة تغورق العين منها

.....