اخترنا لكم

[الحمدان]

لا صكّت أبواب البشر لا تبالي
باب الولي مفتوح في كلّ الأوقات

سبحانه

[الحمدان]

‏عضت شفايفها وأنا جاني الموت
تغمز بعينٍ وزادت الطين بلّه

كن الثنايا ثلج وتعض في توت
ومن خدها تقطف من الورد سله

ومعلقه في نحرها عقد ياقوت
ومن البياض العقد ضيع محله

عنقا طويلة راعية خصر منحوت
البطن ضامر والفواكة مطله

اذا أقبلت هيبة لها تقطع الصوت
واذا أدبرت من ردفها جاك عله

.....

[الحمدان]

يوم عرّض نابي الردف ضنيته عرج
اثر مشي ام الردايييف يجي فيه عرجه

تستحي عند العرب لابغت ترقا درج
تسحب الخطوة و تاقف على كل درجه

.....

[الحمدان]

ياجعل من ينسى معاريف الاجواد
ينسى الشهاده عند لحضه وفاته

ومن يرخص الوقفات الملح والزاد
يخسى ويخزى من يسوي سواته

.....

[الحمدان]

‏على دروب الامل سقنا خطاوينا
يالله عسى خيرة الأيـام تسعدنا

آمين

[الحمدان]

يخطي واروح التمس له عذر واعذره
من صوبه العين عورا والاذن صقها

جابر النشيرا

[الحمدان]

‏خل الحياة تسوي اللي تسويه
‏دامك على شداد الكرامه متكي
‏
عناد الشيباني

[الحمدان]

‏ليت رمضـــان اللي به العــام ينعاد
نــــاس غلاها وسط قلبي مقـــــره

العـــام معنى ويتحــــــرون الأعياد
وهذي السنه غـــابو عن العين مره

الله كـــــم غــــــالي فقدنــاه ماعاد
يقطعك يــــــادنيـــا ماوراها مسره

فيالله يـــــارب له الخلاق سجــــاد
من راح في الفردوس الأعلى مقره

.....

[الحمدان]

جميله كان للعمر فرصه ما تعاد
الليالي كيف ترحم قلوب الصّابرين

إن نشدك الوقت عني تراني فالمراد
قولي إنه ما تعدا سلّوم الأولين

ما شكى من قل مشرب ولا من قل زاد
إلا من قل المواصل ومن كثر الحنين

.....

[الحمدان]

ياحبيبة عيون الي عيونه فضيحه
تنطق الكلمة الي لا استحى ما نطقها

تستحقين من صافي قراح القريحه
كل ما طالت الليله ونورك فهقها

لكن الشعر لوّثه الضعيف ومديحه
صار ما يجذب اسماعك ولا يسترقها

ودي أتغافلك وأقول أحبك صريحة
حتى لو للجدار آذان آذانيه صقها

خلي الحب يهتك صمتك ويستبيحه
ويتمثنى خلايا عقلك ويخترقها

قولي أنت اللي مجمله حتى مطيحه
وسمٍ يلبس غصون المعاني ورقها

منك بالذات لو إن الشهايد جريحه
كنها البندق الي ما يكذب فشقها

كل من لامني من باب حب النصيحه
الملامه يبللها ويشرب مرقها

بدويٍ ترك صيد المهاه المليحة
وشاف وش هي عليها ملّتك واعتنقها

غلطتي يوم اجاهر فيك غلطه صحيحه
مدري شلون بس الي خلقها فرقها

صار بينه وبين الموج قومه وطيحه
لين ما غاص غبات البحور وغرقها

درةٍ ماهيب للعالم المستريحه
وش توقع شعور السارق الي سرقها

.....

[الحمدان]

القصيد العذب وأكواب المقاهي
والهلا لا رحبت فيني عيونك

والشعور اللي أنا احسه تجاهي
لاضحك سنك معاي وزان لونك

والسكوت اللي معه كان انتباهي
كيف يفتنّي معك حتى سكونك

كيف صار العادي بجنبك يضاهي
كل لحظة مدهشة عدت بدونك

.....

[الحمدان]

‏برّاقة الجيد لك سقت القصايد مهر
‏ما تطلبيني رضاك أنت ِ علي تامرين

‏لك التغلّي ولعيوني عليك السهر
‏ ازعل على كل غالي لو علي تزعلين

‏ما يغري البدر طرف ٍ من سناك انبهر
‏عليك كبدي تسيل مْن الوله والحنين

‏أنت ِ من آل الندى والاّ من آل الزهر
‏ولاّ من الفجر وأنوار السماء تنتمين

.....

[الحمدان]

‏لا طابت نفوسنا من شيء وأقفينا
لا عود اللي خذاه الموت عودنا

.....

[الحمدان]

‏مديت لك عمري على كف يمناك
وغيرك على رجوى هلا مد عمره

نزعت بيبان الثقل غايه ارضاك
وشرعت لك قلبي ويا طول صبره

ميت شعور وفز قلبي لطرياك
واعرف شعوري ما يجي غير مره

.....

[الحمدان]

تعال وتذرّى بين غصن الرجا والياس
تحت جذع صدري لين توقف على حيلك

بعدها تعرف إن الذهب ذاك كان نحاس
ولا فيه أحد كثري من الناس صافيٍ لـك

.....

[الحمدان]

‏ يعيش الغلا باسباب ولا بدون اسباب
‏ لو اقدر اتوب من الغلا ماهو بتايب

‏تقول الحنين اسبابه الفقد والغيّاب
‏انا احن لك موجود واحن لك غايب

.....

[الحمدان]

ماقلْ ودلْ وزبدة الهرج نيشان
‏والهرج يكفي صامله عن كثيرة
‏
‏الذم مايهفي للأجواد ميزان
‏والمدح ماطول يدينٍ قصيرة

راكان بن حثلين

[الحمدان]

‏بنت قلبي وام روحي واخت عيني
‏سيدة كل العلاقات الحميمه

سعد علوش

[الحمدان]

‏مامشيت الا وانا عايف وعندي يقين
‏القلوب ان ذاقت الغبن ماهيب لاينه

‏رحت لا مكسور خاطر ولاشكلي حزين
‏وحافظ قلبي من العابثين وصاينه

.....

[الحمدان]

‏مهما يدور الوقت وتدور الليال
‏لك صاحبً رغم القطاعه ناطرك

‏أن ضاقت الدنيا أنا حزامك تعال
‏والله لضيق من يضيق خاطرك

.....

[الحمدان]

لا ضاق صدري قلت يارب رحماك
ياللي بذكرك ينجلي ضيق صدري

استغفرك وأتوب إليك واطلب رضاك
ماغيرك احدٍ عن خفا النفس يدري

آمين

[الحمدان]

ارقى سنود ولايجي خاطرك شين
في ذمتي من عاق دربك نعيقه

وان عاندك مجنون حنّا مجانين
ومن لايهابك يبشر بنشف ريقه

.....

[الحمدان]

‏ما كل ما تلقاه عينك تمناه
بعض الاماني تنصدم بالحقايق

ولا كل شيٍ في الحياه انتحداه
الاقدار تحكمنا بحكم الوثايق

ولو كان كل اللي بغيناه نلقاه
ما شفت فالدنيا حزينٍ وضايق

.....

[الحمدان]

عوايد الدنيا وتصاريف الاقدار
إن مارضيت اليوم يرضيك بكره

.....

[الحمدان]

الا يا عين العديم الاشقر الجارح
هو اشقرن عاتقه وانتي بعد شقرا

طرحتك عيّت لا تستر رمشك الطارح
وش عاد في وجنتك وشفاهك الحمرا

نحرك شمسٍ عليها يسرح السارح
والخد يفضح ظلام الليله الغدرا

ما كنك الا السحاب اللي من البارح
يصبح على ساجر ويمسي على شقرا

.....

[الحمدان]

المعاريف نحفظها مثل حفظ الوجيه
والجميل اليا فعلناه ما ننشد عنه

وواحدٍ ينسى معاريف خلق الله عليه
ياعسى ماهو بمنّا ولا حنا منه

.....

[الحمدان]

‏وشلون ماغيّرت وجهك ظروف الزمان
‏كبرتي وعاد ذيك الساهيه ساهيه

‏لا زال وجهك على حطّة يدي من زمان
‏نيّر وثغرة بشوش وطلّته باهيه

.....

[الحمدان]

بداية نهايه مرحبا في امان الله
‏محبة وفاء وختامها مسك يالغالي

‏انا لا سمحت اقفيت واللي وراي اجفاه
‏اخليه في فاله وانا اروح في فالي

‏ما كني عرفت اسمه ولا عشت انا وياه
‏هذا طبعي الاول وذا طبعي التالي

عبدالله بن شايق رحمه الله

[الحمدان]

‏ليلة البرد مليانه مْن الذكريات
‏كل ذكرى جميله هبّ نسناسها

‏جعل من يحيي الاجساد عقب الممات
‏ميتيين المشاعر يحّيي احساسها

.....

[الحمدان]

شجاعٍ حذف لك بندقه والرصاص يثور
‏ ولا تذبحينه عقب ما سلّم سلاحه
‏
صالح النشيرا

[الحمدان]

أنهزمت من الفراق وحزن قلبي راقي
‏والشجاع ان حب توخذ بندقه من كفه

‏ناصر الحمادين

[الحمدان]

‏ياصاحب الابداع والطرق الحزين
‏حبي يمر البال والا مايمر

‏البعد مهما طال تاليه الحنين
‏والشوق لامن فاض تالي ينهمر

‏لو شح بك وقتك وبيحك الكنين
‏ارجع وتلقاني بدل عمرك عمر

‏هذا الهوى مايجرح الا الطيبين
‏اللي مشاعرهم على صالي الجمر

.....

[الحمدان]

‏مشاعرنا مثل طفلٍ يدرج خطوته ويطيح
‏تعثر والحروف بكل مره تسند ايديها

‏مشاعرنا على كف القدر والشوق والتبريح
‏تكف دموعها لين الجفا سوّد لياليها

‏مابين الشوق واللهفه نثرت احساسي مع الريح
‏ولا عاد بيديني شي مير الله يسويها

.....

[الحمدان]

لا تحسب إن الليالي كل أبوها ربيع
‏لابد تلوفك هبوب القيض وسمومها

.....

[الحمدان]

‏جل شان اللي خضوعي له وذلي وأنكساري
‏كل ما يخضع له المؤمن رفع قدره وشانه

سبحانه

[الحمدان]

‏جَوّد يدينك في يدين اللي تحب
‏من قبل تاتي له يدين وتجوّده

.....

[الحمدان]

أعوذ بالله من يومٍ بلا قهوة
‏اللي بلا ريحها ما ينعدل راسي

حمدان الديحاني

[الحمدان]

يــــاسلام الله على اللي يردون السلام
والـوفـــــا يجزي وفا والتحيه وافـيه

مالقيت ازين من الطيب ومزوح الكلام
والنـوايــا الطيبـــه والصـدور الصـافـيه

.....

[الحمدان]

احسب ايام العمر راحت عليه
‏مادريت ان أجمله في ما تبقى

‏اشكر أيامي على كبر الهديه
‏اثرها لا من بغت تعرف تنقى

.....

[الحمدان]

‏تكاثرت عذرك لين صار الفراق رضاي
‏وأنا انسان ما يكذب لسانه على قلبه

.....

[الحمدان]

لا يقودك سوء ظنك مثل قود الذلول
ما يقاد إلا البهايـــــم وعميان القلوب

من عطاء عقله لغيره مغفل ومهبـول
وظالم ٍ نفسه بفعلـــه وحملها الذنوب

الوضـــوح وكلمة الحق للباب العقول
والجبال الراسيه ما تحركها الهبـــوب

.....

[الحمدان]

‏تعايش مع العالم وطنش كثير علوم
‏وبابٍ تحس إنّه وراه الغثا سده

.....

[الحمدان]

‏كل ما سموك باسمك فز قلبي
‏والضماير والمدامع شاغلني

‏ياحبيبي يوم جنبت الحبايب
‏عفت لآجلك كل من قبلك فتني

.....

[الحمدان]

‏توكل على الله واترك الهم والوسواس
‏لا خاب الرجاء بالناس ما خاب عند الله

.....

[الحمدان]

‏يارب مالي سـوى عفـوك وغفـرانـك
‏يامالك المـلك ياذو العـطف والمـنه

‏يـا أكـرم المحسنين أسألك إحسانـك
‏وأسألك من رحمـتـك والفوز بـالجنة

آمين

[الحمدان]

‏بشاشة الوجه تكسب لك قبول الجميع
‏الناس ماتشوف غير اللي يشوفونها

‏وانكان تبغى معاريف الوفا ماتضيع
‏سو المعاريف فاللي يستحقونها

.....

[الحمدان]

‏تعودت ما أدوّر ورا العالمين سناد
‏أعنّز على يمناي وأوقف على ساقي

‏وتعاملت بأخلاقي مع الناكر الجحّاد
‏ولو الزمن يرجع تعاملت بأخلاقي

.....

[الحمدان]

‏يا بعيدٍ صالف الوقت وآخذك الزمان
‏لا تتاجر في ظنون المحبّ متاجره

‏معك خفّاقي سوات المساجد برمضان
‏ما يردك وانت لك عام كامل هاجره

.....

[الحمدان]

‏ياربي طالبك لا جيت بين النار والجنة
‏تحاسبني بعفوك ما تحاسبني على اعمالي

.....

[الحمدان]

‏يارب لا تعمي البصاير والألباب
‏وعلى طريق الحق والخير قدنا

آمين

[الحمدان]

‏الطف بنا واغفر لنا تقصيرنا
‏لا التف ساق الآدمي في ساقه

‏محمد الشمالي الله يغفر له

[الحمدان]

‏بعض الصداقه لو اهلها يغيبون
‏تبقى لو ظروف المواجه شحيحه

‏والرفقه اللي حدها بالتلفون
‏تضيع لا ضاعت علينا الشريحه

.....

[الحمدان]

‏قالوا أَساءَ حَبيبُهُ فَأَجَبتُهُم
‏إِنَّ الحَبيبَ وَإِن أَساءَ حَبيبُ

.....

[الحمدان]

الحب بلوى وهم من هموم الزمان
لكن عليك بكلام الله وهدي النبيي

.....

[الحمدان]

انا مهستر حركاتك وسربوتك
واسهابتي فيك فلتة عالم الذره

ترا خلاياي مدمنة على صوتك
كلمني الصبح مره والمسا مره

سعد بن جدلان

[الحمدان]

ياذيب يالّلي بالحنايا لك قنيب
أتلفتني بعواك يامال التلف

دوّر لجوعك رجم ولهمّي شعيب
ودوّر لعيني نوم لو كانه سلف

.....

[الحمدان]

‏ليت طبع الناس من طبع الغصون
‏إن تعلّت ظل وإن طاحت حطب

.....

[الحمدان]

‏يـاشايل الظبي بين ايديه
‏يستاهل الظبي من شاله

.....

[الحمدان]

‏ أحبّك جعل حبٍ يجي من بعدك يعاف
‏وأنا حالفٍ حبك مع الوقت ما أخونه

‏ليا شفت وجهك والله إن ماعلّي خلاف
‏فلا تنشد اللي شاف غايته وش لونه

.....

[الحمدان]

‏مايشبهونك ولا بِه حولهم ديره
‏لو كلّ واحد عطاني بيده أعيانه

‏غيرك لو يروح قلت ان روحته خيره
‏الا انت روحتك عمر يصكّ بيبانه

‏هو انت الغير واللّي ما ابي غيره
‏وانت اللي اوقف الدنيا على شانه

.....

[الحمدان]

لو عرفنا وش تخبي مغاليق الصدور
‏ماضحكنا عند ناس ماهيب تحبنا

.....

[الحمدان]

تبخّرت كل الأماني وأنتهت كل الحلول
‏يا روضة أحلامي تعدّاك السحاب المنهمر

.....

[الحمدان]

‏يا ذا المساء عطني العلم من بدري
ويش انت ناوي ترجع لي من الذكرى

إن كانها حزن فـانا ممتلي صدري
وإن كانها خير يمكن ضيقتي تبرى

.....

[الحمدان]

‏الكبد مجروحه والأحساس ملّهود
‏والصدر ضايق والعذاب متواصل

‏والقلب يبغى شي ماهوب موجود
‏والعين تبغي شي ماهوب حاصل

.....

[الحمدان]

ياصاحبي لو تسـمع هـروج عني
من ناس قالوا كلمة ما لها ساس

حاول تعــاملني بما شفت مني
ما هو تعـاملني بما قالـوا الناس

.....

[الحمدان]

يتعّبني اللي كل ما جيت اجاريه
بالطيب يسبقني ثمانين خطوة

ابوي

[الحمدان]

يا الله وفقنـا لحـــل المشـاكـل
وإنصاف كل إنسان حاير ومظلوم

ماهمنــا ونعم ولا أطلب مقابـل
رضاك يا الله رزق والـرزق مقسوم

هـــذا زمن فيه الفتـن والـزلازل
ما يثبت إلا كـل قرم وزيـزوم

ماميز العاقل عن إنسان جاهل
إلا المواقـف ذا بهـا الحــــل معـدوم

والناس ماحـد منهم عاش كامل
كل البشــر تخطي ولا شخص معصوم

خلك بوقت الجــد ثابت وصامل
تعيش شـــامخ وأن أتى الموت مرحوم

ولاتجـالـس كـل نمـام هــامل
أبعـد عـن الأنـــــذال ما يلحقـك لـوم

وإن جاتك الزله من إنسان خامل
طعـن القفا ماتـوجـع إنسـان محشوم

أهـم شي تعـرف مع من تعــامل
الصقـر ما يلحـق قفـا خـربشـة بـــوم

أصدق مع نفسك بدرب المراجل
تعيـش رآيـق بــــــال والحـال منعـوم

والشاعــــر اللي راس ماله زوامل
نفسه غنيه لوقضـى العمـر محــــروم

لاخــير في شاعـر مطبل مجامل
الشعـر ديـــوان العـرب دآيــم الــدوم

.....

[حسن بن عبدالله]

أخي العزيز الحمدان
شكرا لك على هذه التواجد الفعال
والمشاركات النافعه والمفيده
فبارك الله فيك وجزاك الله خير

[الحمدان]

لمّا التقيتُك أحيَا الحُبُّ أورِدتي
وأيقظَ النَّبضَ في رُوحي وأحياها

كأنّ دُنيايَ أهدتْني سعادتَها
فما أرقّ وما أحلى هداياها

فيا لِبهجةِ عَينٍ أنتَ ساكِنُها
ويا لِفرحةِ رُوحٍ أنتَ دُنياها

فأنتَ ألطفُ إحساسٍ جرى بِدَمي
وأنتَ أجملُ أقداري وأحلاها

.....

[الحمدان]

‏خلابة العيد يا دهشة عيون الحضور
‏تشابه الحسن وأنتِ حسنك اللي فرق

‏يصيب رمشك قلوب مشاهدينك سرور
‏ويمطر على جباه حسادك سحايب عرق

‏يا فتنة العيد شمسي والضحى والبكور
‏غابو عن الصبح لاكن وجهك اللي شرق

‏عيدك مبارك وأنا عيدي غرام وشعور
‏مايوصفه شعري اللي لباب قلبك طرق

.....

[الحمدان]

‏أشوف بعيونك مماتي ومحياي
‏الله عليّ وعيونك الله عليها

‏كنها مابين الانتباهه والاغضاي
‏تموت والله ينفخ الروح فيها

.....

[الحمدان]

‏اعذريني بعد ثقلي ليا جيت كلي
‏الثقل فالغلا مثل الريا فالعقيده

‏اسمي اكبر من آسلوب اللهو والتسلي
‏وحبك اسما من اهداف السهم والطريده

‏انتي اسباب صقل الموهبه والتجلي
‏صوتك الهام وغضايتك فكره جديده

‏كل ما ادخل معى باب الغلا والتغلي
‏اطلع بذنب ولا اطلع بمطلع قصيده

.....

[الحمدان]

‏افتح شبابيك الامل وافرد ايديك
‏واستقبل آرزاقك ورح في وعدها

‏لا صــار ربك عنك راضي بيهديك
‏خيرٍ من الدنيــا لا غنــى سعدها

.....

[الحمدان]

‏أستبيحي رهبة العوج النحايف
‏قبل آغني للمساءْ يا نار شبّي

‏عاشقٍ دون المعنّق والشفايف
‏أتنصّى الموت وأهلّي وألّبي

‏ ليتني لا شفت جرحي والحتايف
‏ماتورّيني صدوف الوقت طبّي

‏ضاعت سنيني وأنا لازلت خايف
‏بين أخاف أضيّعك وأخاف ربي

.....

[الحمدان]

‏من حسنها غنّى لها الأبكم على وصف الكفيف
‏ما بالكم في مبصرن يدرك جمال اوصافها

.....

[الحمدان]

‏دروب النقى تغني عن الظن والتخمين
‏واشوف انّها من ذات مبدا واهميّه

‏صدوف الحياة تجابه الشخص لين يلين
‏مع انّه ماشاف اصلاً ثلاثين بالميّه

‏على انّي ماحّث خطاي واعاتب المقفين
‏لو ان الصدور وساع تستغرب الجيّه

‏ماحّس الوفى يحتاج دافع وظرفٍ زين
‏احسّه بكل انسان حاجه بديهيّه

‏اجامل وانا مابين بعض الظنون وبين
‏اخالف جدا المخطين والّا احسن النيّه

‏اذا ان الظروف بصغرها تزعِل السالين
‏انا اشوفها ماهي بسهله وعاديّه

‏اظّن الوقوف بصّف الاحباب والغالين
‏يسمّى الوقوف اللي بحّق وحياديّه

.....

[الحمدان]

‏قلبي هواك وعايفٍ باقي الناس
‏انت الوحيد اللي ملكته واحبك

‏فيك النقاء فيك الوفاء كلك احساس
‏حلفت مابعد عن طريقك ودربك

.....

[الحمدان]

‏دورولي شـاعرن لايشـك ولايضـيق
‏يعرف المعنى ويبدع ليا حان اللقا

‏بين دورات الليالي وشرهات الرفيق
‏عشت ياراسن هجوسك على وضح النقا

.....

[الحمدان]

‏التناقض في قرارت الهوى ماهوب فيني
‏يفهم العاشق وش اول لذته واخر محزة

‏مثل قولة حدد انت تحبني والا تبيني
‏ان بغا فحوا الجواب يهز قلبك ما يهزه

‏لا تركتك لا تروح ولا ندبتك لا تجيني
‏ودي اشعر بالعذاب وودي اشعر بالمعزه

.....

[الحمدان]

‏أعفوني من النشده وكثر الإزعاج
‏انا ابخص بدرب السنع والمتاهه

‏يا كثر ما صديت منعاً للإحراج
‏وضيعتكم بين الغباء والنباهه

‏أنا بشر وأمر بظروف وأحتاج
‏عن عالم الإزعاج فترة نقاهه

.....

[الحمدان]

أذكر إنّي قبل أكون إنسان في عالمها
‏كنت آماطل لالقيت الواحد يماطل بي

‏بس هذي رفرفت روحي على معصمها
‏وانشغل بالي عليها واستباحت سَلبي

‏كل حرف يثيرني لا من طلع من فمها
‏حتى بسم الله على قلبك تعوّر قلبي

.....

[الحمدان]

‏في زحمة الإعجاب وهتاف الحضور
‏وش مطمعي بغيرك وأنا كلي معك

‏أحيان تأكلك المظنة بلا شعور
‏‌وأنت الذي تحكم فؤادي بأصبعك

‏ما اخترتك من الناس يا وجه السرور
‏لأجل أزعزع من ثباتك وأفزعك

‏لوّك تشوف آثار حبك بالصدور
‏كان اقتنعت إني محال استشبعك

.....

[الحمدان]

بين رحلة غياب و بين رحلة حضور
‏وبين مبروك ماجاك وأحسن الله عزاك

‏من هنا تصبح الدنيا محطة عبور
‏وأنها لا تساوي وزن عود الأراك

.....

[الحمدان]

‏خذ ماتبي من غلاك وعطني عتابك
وإجرح وماجاز لك في عاشقك سوّه

وراك قلبي مجوّد طارف ثيابك
طفلٍ ربى في حجاك وفاطمٍ توّه

لي بال لا غبت ماينساك فـ غيابك
يرعاك هتّانه وهمّاله ونوّه

وإن جابك الشوق ماني قايل شجابك
بضمّك بكل ما أوتيت من قوّه

.....

[الحمدان]

‏في الناس ناس عندها عادي العيب
وفي الناس ناس كنها الجالسه بي

ياخوك بعض الناس يزرع بك الشيب
وياخوك بعض الناس لك شمس وفي

في الناس واحد فزته كنه الذيب
وفي الناس واحد لا طلب ذنب لك عي

ياخوك انا حافظ سواليفهم غيب
ما كل خي قال انا خي لك خي

.....

[الحمدان]

‏مساء الغلا والشوق كلـه ودهـن العـود
مادام اسمك يفوق الخلايـق واساميها

مساء اشتياقي واشتياقي عليك يزود
عيوني تمنـى شــوفتك وانت غاليه

.....

[الحمدان]

‏نوفي مع الوافي بكل المطاليب
‏ونشـدّ ظهر الكفوو لاضاق حالة

‏وكلـن على عرقه يدق المواجيب
‏وكلـن على مربـاه ينطـق لسانه

.....

[الحمدان]

‏لا تحاول تبهر الناس وتدور قبول*
‏القبول ان جاك ربك هو اللي نزّله

.....

[الحمدان]

فيك فن وفيك بوح وفيك ذوق
وفيك كل اللي من الدنيا بغيت

كل ما فيني عليك يموت شوق
والمشاعر والخفوق الي خذيت

.....

[الحمدان]

‏يا بايع ورد المحبه والاشـــواق
عطني من الجوري وكادي وفله

حتى مسائي يليق بكــل الاذواق
لا قلت مساء الورد ما حد يمله

.....

[الحمدان]

من الوفا نلبس على روسنا تاج
ومن يبذل المعروف بالناس يلقاه

ولاتقول الوقت به ميل وإزعاج
بيت الوفا كل الأجاويد تنصاه

.....

[الحمدان]

نجبر خواطرنا لنا عام وسنيّين
عسى الفرج لو طال دربه يجينا

.....

[الحمدان]

كل عطر وله تفاصيل وحنين
يستفز احساس قلب وأمنيات

ياخذك بين الأماكن والسنين
بين جزر وبين مد الذكريات

.....

[الحمدان]

خلك ابخل شخص في سوق الكلام
وخلك اجبن شخص في طعن القفاء

وان بغيـت تكـون فـي اعـلى المـقـام
احـسب الـف حسـاب مـن كلمة افاء

.....

[الحمدان]

‏أحيـان ننـدم مـن كـلامٍ نقولـه
‏وأحيان نندم ليه نسكت عن القول

‏الله يعيـن الحـرف لحظـة هطولـه
‏أنا أشهد أنه يكشف عقول وعقول

.....

[الحمدان]

مسّكر اذني ومقلل علاقاتي
تتساقط الناس من عيني وأخليها

مزعّل الليل ومخاوي صباحاتي
تمرني وجيه ما أحفظ أساميها

.....

[الحمدان]

‏من حلاها تقترب منها الغيوم
‏تبتسم للغيم ويتساقط مطر

‏ومن دلعها تختفي كل النجوم
‏النجوم نجوم والا انتي قمر

.....

[الحمدان]

‏لك الله ياغزه ولك منع منعنا
إذا ما انتقمنا لك من المجرم الوضيع

‏بذلنا على صون الشرف ما بوسعنا
وفي وسعنا نحمي شرفنا ونستطيع

دمانا الزكيه ثورت لجل ربعنا
ومهما صرفنا الدم ماشي لنا صنيع
‎

.....

[الحمدان]

والصحه احياناً على هيئة بشر
‏لاشفت من تغلية شفت العافيه

.....

[الحمدان]

مرّني لا تاه دربك من زحام الحياة
‏الغلا اللي رحت منه على حطت يدك

سعد بن جدلان

‏

[الحمدان]

‏لا حبك اخترته ولا أخترت فرقاك
‏الحب صدفه والفراق اختيارك

‏بس اذكر اني أخترت في مره انساك
‏ولقيت كل الذاكره في انتظارك

.....

[الحمدان]

‏كل طيحه تهـون وطيحة الدمع شينه
‏يـ أخر أحلامي اللي ذبل الوقت أملها

‏أخذ قلبي من أوجاعـه وقسوة حنينه
‏وردني لك عشـان ترد روحي لهلها

.....

[الحمدان]

‏على سبيل الأمنيات الجميله
طلبت رب الكون يسعد مساكم

انتم صدى الاحساس في كل ليله
ابحر على زورق هجوسي معاكم

ماني من اصحاب النفوس البخيله
ادعي عسى ربي يحقق مناكم

تعاملي معكم بأجمل وسيله
من طيب معدنكم وروعة وياكم

.....

[الحمدان]

يا ميمتي هذي عروقك عناقيد
‏شفت السنين بظلّها مرجهنّة

‏واللي على يدّيك ماهي تجاعيد
‏هذي زخارف نور ودروب جنّة

.....

[الحمدان]

ولا لي بالبشر غايه ولا لي بالثرى أوتاد
خفوقي حر وأتبع مايعز النفس وأرضيها

.....

[الحمدان]

‏الطيب للطيب بعيد الهقاوي
اللي يحد السيف ويعن خيله

وإلا ردي النفس عقله سناوي
دائم على درب الردى والفشيله

.....

[الحمدان]

الطيب مـا هـو بالدراهم و الهدوم
الطيب بأخلاق البشر وافعالها

يالله عسى عز المظاهـر ما يدوم
اللي تخدع أهل الوفا بأشكالها

.....

[الحمدان]

‏يارب عنا على التقوى وزدنا ثبوت
‏في مغريات الحياه اللي علينا تمر

‏ نلهى والايام تجري والليالي تفوت
‏والعمر محدود والدنيا الدنيه ممر

آمين

[الحمدان]

‏العقل ماهوب دايم صحيح الاتجاه
‏الـدروب أحيان ودّك تخالف سيرها

.....

[الحمدان]

‏دنيا دنيّة يارفاق
‏وبها المتاعب والمشاق

‏دُنيا الفناءُ مصيرها
‏وبجنَّة يحلو التلاق

‏فاعمل وجاهد واصطبر
‏فالصبر أخّاذ المذاق

دُنيا لها من اسمها
‏حظٌ فسارِع في السباق

‏واجعل فؤادك سالمًا
‏من حقدِ نفسٍ أو نفاق

.....

[الحمدان]

روحي وياك ماتكطع وصلها
وتفرح لو رسالة منك وصلها

تظل نَبع المعزة انت واصلها
وتظل رغم البعد غالي عليه

شعر عراقي

[الحمدان]

ماني عميل التصنّع والكبر والغرور
‏ على النوايا النظيفه خطوتي سقتها

.....

[الحمدان]

‏عقلك براسك ووضعك في يدينك
‏الهــروج العـوج لا تحـرف مسارك

‏لا تصـدق شـيء مـا شـفته بعينك
‏ما على الألسن جــوازات وجمارك

.....

[الحمدان]

‏إسأل واجاوب واترك العذل واللوم
‏علمنـي أسئلتك واجـــاوب عليــها

‏قال الصـلاة وقلت خيرا من النوم
‏الخـــير والتـــوفيق والعـــز فيــها

.....

[الحمدان]

‏سامح الله من قسى قلبه وعدّى من أمامي
‏ما زرع في وجهي الولهان لو غصن ابتسامة

.....

[الحمدان]

شي طبيعي لو ابي ابعد لأنّي
‏حالتي وياك ماهي مستقرّه
‏
‏كل ما ظنيت فيك يخيب ظنّي
‏كم مرّه انخذلت وكم مرّه
‏
‏حالف لي في غلاتي وادري إنّي
‏مالي بقلبك ولا مثقال ذرّه

.....

[الحمدان]

‏انا الحزين اللي على الحزن معتاد
‏لا قلت غاب الحزن رجع يحتويني

.....

[الحمدان]

اوعدك كان حضّوري مسبب ازعاج
بودعك واغيب والغي حضوري

ماني بفاتحٍ باب قلبي للإحراج
وما احب اكون انسان ماهو ضروري

يوم انت كنت بظلمة ايامي سراج
ما خافت الخطوات حزة عبوري

ببعد وانا ادري ما ورا بعدك علاج
والهجر ماهو من دواعِ سروري

.....

[الحمدان]

تحريتك على رجوى وصالٍ مابعده غياب
وتمنيتك وأنا حزني عليك أكبر من الجيّه

.....

[الحمدان]

‏ياكم شمت يابيض النوايا وكم عديت
‏وتجاهلت من طيبي وأنا ماني بجاهل

‏ومن كثر ماغشوني الناس وأنغشيت
‏معا كل خيبة هقوه آردد أستاهل

.....

[الحمدان]

ليا منا لقينا كل بابٍ للأمل مسدود
‏طرقنا باب ربٍ ما عليه أقفال وحراسة

سبحانه

[الحمدان]

‏على الهون ياسود الليالي عليك اللوم
ترا قلوبنا من واقع ايامنا وجله

ليالي الحزن ساعاتها في عيوني يوم
وليالي الفرح لاعرضت عرضت عجله

.....

[الحمدان]

مؤمن ولا عـمـره دخل قلبي الياس
عـن التفائل دايمّ احـمـل رسالـه

اليا خـسـرت بشيْ آقـول لا بـاس
لابـد مـن شيٍ يعـوّض بـدالـه

.....

[الحمدان]

أنت مدهال الأماني وميزان الشعور
معك أواجه سُود الأيام و أغني لها

.....

[الحمدان]

‏أعطيه من وقتي ويسولف وأسمعه
‏وأرخى له فؤادي وأرخي مسمعي

‏من كثر م قلبّي وتفكيري معاه
‏اشتاق له حتى وهو يسولف معي

.....

[الحمدان]

‏أن غاب صوتك حياتي مالها داعي
حاول تعيد النظر مشتاق للنبره

نبرتك أقسم قسم اتخفف أوجاعي
والوقت في غيبتك ما أقوى على صبره

.....

[الحمدان]

تدري وش اجمـل شي يمكـن تحسـه
انـك تـحــب انــــســــان لله فـي الله

وتـدري وش اكثر شي تـقـدر تجسـه
نـبـض الصـديق اللي تـخـافـه وتبغاه

وتــدري وش اكـثر شـي تقـدر تمسـه
يـمـنـا صــديــق ٍ قــبــل تـنخاه تلـقاه

.....

[الحمدان]

يا نظر عيـني ويا غاية مناي
لا يطول البعد ويطول السهر

خل عنك الكبـــر وأتمنا لقاي
لو طلبـت الروح أهديها مهر

.....

[الحمدان]

لا دعاك الشوق والوصل أخجلك
وأنكشف حبك على قلبي وبأن

لا تضن الشوق في قلبي هلك
أو تفكر حبكزأمحاه الزمان

والله أني دائماً مشتاق لك
شوق صايم منتظر وقت الاذان

يا وليف الروح يا نور الفلك
قد عشقتك عشق ماله ترجمان

آه يا حمل المحبه ما أثقلك
من عنادك مات حبي والحنان

يا امير الحسن يا أجملزملك
رد قلبي رد لا بر الأمان

وأن فؤادك في طريقي ما سلك
خيرت الله بس والله المستعان

بعشقك حتى غرامي يوصلك
أو يوصلني غرامك للجنان

.....

[الحمدان]

لملميني من شتاتي واجمعيني في كفوفك
وانثريني من كفوفك بين نظره وابتسامه

تضحك الدنيا بوجهي كل ما عيني تشوفك
وتظلم الدنيا بعيني لا سمعت مع السلامه

الحــروف الابجــديه كلـها تعبد حــروفك
والنقوش الحميـريه من براقش لا تهامه

يا حكاية في حكايه من لماك ومن وصوفك
فاقت الفن الثقافي ف الكويت وف المنامه

قلبي الهايم بحبك مستحيل أنه يعوفك
وان فرقنا الموت فجأه نلتقي يوم القيامه

.....

[الحمدان]

يا منشغل عن عاشقك بايش مشغول
ترئ انشغالك عن حبيبك نذاله

كنك عن اللي صار له غير مسؤول
رغم انك المسئول عن ما جرئ له

بالأمس قلبه حي واليوم مقتول
وانت المـــدبر للأســـف لإاغتياله

ما كان متوقع ولا كان معقول
يطري على البال اللذي ما طرئ له

امشي بلا عنوان في درب مجهول
والورد يفقد في عيوني جماله

في وجهي القيت الألم سيف مسلول
وحللت له قلبي ولاهـو حلاله

اهديتك الياقوت والدر واللول
واهديتني جرح المشاعر بداله

باسبابك اصبح اشعاري النص منقول
وابيات شعري والأدب والجزاله

تاهت سفن فكري وانا اقول واقول
يمين حرفي تختلف عن شماله

مشيت درب الحب بالعرض والطول
وبان لي بدر الهوئ من هلاله

وفي الأخير العذر حاظر ومقبول
لكل حاله في حياتي مقاله

.....

[الحمدان]

مشتاقلك والعشق فنك و مبداك
بس اهتمامي فيك زود غرورك

انا احتظنتك يوم حظك تحداك
واوفيت لك يوم انكر الكل دورك

داويت جرحي بك وداويت لك داك
والطيف في عيني مليته بنورك

كان الطريق الي يجيبك ووداك
صدري وكأسي فاك والفرش زورك

واليوم تحرم قلب بشوق ناداك
ولعتني والان معلن نفورك

ياذوق وانت الذوق حاشا يعداك
وفن حرفي من روايع زهورك

ان غبت حاشا من حضر سد فقداك
وان جيت تلفت من مهابة حضورك

انا اشهد انك دايمن قاهر اعداك
واكبر مصيبة يوم تعصب لشورك

والكذب لاعشاك ماظن غداك
الا متى تكتم وتخفي شعورك

وانت الذي لوتطلب الروح يفداك
يامن جبرتك رغم كثرة كسورك

.....

[الحمدان]

الحـب ذي يبداء ويكبر علا الصـح
يـخـلـي ألانـسـان عـايـش بـراحـه

سامح علا ألزّلات مـن بعـد تنصح
وأتـرك لـخلـك في حياته مـساحة

وإن عـاد نادم بعـدما زّلّ فأصفـح
تموت ألاخطا حين تأتي الصراحه

.....

[الحمدان]

يهبّ فيني حنين بكل هبّة نسيم
‏والذكريات القديمه طارفٍ بابها

‏غشاني الشّوق يا وجهٍ فبالي مقيم
‏اشتقت لك والمشاعر حثّت ركابها

.....

[الحمدان]

لا تستغرب اللهفه على ضحكتك ورضاك
‏رضاك السحاب وضحكتك صوت رعاده

‏تمادى علي أكثر ما دام الغـلا ولّاك
‏لك القلب منقاد ولك النفس منقاده

.....

[الحمدان]

خلك فطين وعاشر الناس باحسان
والطيب سوّه كان تقدر على الطيب

واختار لك ربعن نشاما على شان
مايخدعك حصني ولا يجرحك ذيب

.....

[الحمدان]

الهيل والدله وجلست هل الطيب
في مجلسن مافيه هرجن تمله

واليا لفيت الدار تلقى التراحيب
ناسٍ تشوف وجيهها مسفهله

.....

[الحمدان]

اشد من طعن السيوف المحاديب
شوف الكريم مبهذلته الليالي

.....

[الحمدان]

تلاشى ما دام إن التلاشي هو آخر حلّ
‏وجودك ما عاد يفيد وغيابك إلزامي

‏فقدتك بما فيه الكفاية حبيب وخلّ
‏وأخذت أغلب امالي معك وآغلب احلامي

.....

[الحمدان]

العسل والسمن لو انه يسيلي
‏سيلوه من النماص إلى تنومه

‏الشيوخ اللي لهم وزنن ثقيلي
‏كل شيخٍ عامر داره وقومه

‏ان نصيت العسبلي ولا الشبيلي
‏واحدن منهم يكفي عن حكومه

.....

[الحمدان]

الأخ ذا ما يدري ايش المُخُـوّه
ولا يقــدّر سعرها كم تساوي

لا تنتظر منّه يسـوّي مُــرُوّه
ما هو مسوّي فيك غير المَسَاوي

ومـَن درى ان الأخ للاخ قــوّه
مُحال في ظهره يحط المكاوي

او يعــرضه للبـــيع في كل زُوّه
بِـقْـرش لَـصْحَـب ثامنه ما يخاوي

.....

[الحمدان]

والقلب لاصابه وجع من يداويه
دام الوجع من شخص كان اهتمامه

.....

[الحمدان]

عزيز النفس مايرضى المهونه
ولو نفسه على الحاجـه تـلـزّه

تشوف العـز يقدح من عيونـه
ومـيـلات اللــيــالــي مـاتهـزّه

.....

[الحمدان]

النوايا صادقه والله يشهد
والثقه فينا عزايمها قويه

الخيانه ما تجي منا تأكد
ما نفرط في قيمنا والهويه

نهجنا واضح ومبدأنا موحد
بالشجاعه والوفا والمعنويه

.....

[الحمدان]

‏الشعر حنا محبينه وشعاره
طالع بديباجته وإلا اقر دستوره

افكارنا تحتوي لوله ومحاره
نسبح بمده وجزره داخل بحوره

اذا نزلنا بسوقه نرفع اسعاره
نرضي غروره ونرضي ذوق جمهوره

نبنيه بالمعرفه ونشيد اسواره
ونصب ساسه ذهب وندعم جسوره

.....

[الحمدان]

‏علّم اللي يحسب الطيب له وقت ومدا
‏النعم ماتمطر من السما للمستريح

.....

[الحمدان]

‏قلوبنا ماهي مجرد قواميس
تجمع الماضي عناوين وايام

قلوبنا قمة مشاعر واحاسيس
من حلها تصدر على كل الارقام

.....

[الحمدان]

دقت مراسيل الموده تناديك
‏يامن على الخاطرلك الاولويه

‏غالي ودوم الروح تتبع خطاويك
‏وتعزف لك اوتار القُلوب النقيه

.....

[الحمدان]

‏غير الوفاء والطيب ما قول عطني
وغير الغلا منگ ماني بطمعان

لا صار منگ الحب وصار مني
ترى نعيش العمر أشكال وألوان

ولا صار كل الكون بعيد عني
يكفي وجودگ داخل القلب أوطان

.....

[الحمدان]

أنا مهما جفيتك ردني لك ياحبيبي الشوق
وأجي كني مسولف لك قبل ليله عن أحلامي

مكانك هو مكانك ماوصله بغيبتك مخلوق
يا أول من فتح باب الكلام وصدّق أوهامي

أحبك والله إني ما قدرت أقولها مخنوق
خايف أخسرك ولو أخسرك وشهي قيمة أيامي

.....

[الحمدان]

حنّا نعاني لكن نعاني وقوف
مثل الجبال اللي يذرّي ذراها

.....

[الحمدان]

‏يابنت ياللي تعرفين المشاكيل
لا تعشقين الامعه والهلامه

والشاعر اللي بين ضول الرجاجيل
يسوقه لدرب الملامه كلامه

اما ذكر وصفك بادق التفاصيل
ولا تكلم عن خصايص غرامه

شومي لذربين الكلام الحلاحيل
اهل الكرم والمعرفه والشهامه

.....

[الحمدان]

مهما الزمن يخفيك يا راعي الطيب
‏يبقى شذى طيبك على النفس طايب

‏وفي كل يوم تشرق الشمس وتغيب
‏ تبقى رفيق العمر وان كنت غايب

.....

[الحمدان]

‏في بحر حبك تستريح قواربي
وتعوم فوق صفائه اشجاني

فأنا اذا ما مرّ طيفُك عابراً
أنسى هموماً لم تكن تنساني

.....

[الحمدان]

لا صار قول الحق اكبر فشيله
قل للردي مبروك هذا زمانك

.....

[الحمدان]

ترا بعض الكلام رصاص لا صار اللسان زناد
ياليت الادمي مايهرج اليا ضاقت اخلاقه

.....

[الحمدان]

نمشي ولا ندري متى الوقت بيزين
ونصبر ولو جور الـــــدهر ما رحمنا

.....

[الحمدان]

نحفظ العهود ونستر السّر مانطريه
ونحب الوفاء والطيبّ حنا معازيبه

.....

[الحمدان]

‏تعاتبنا وشدّينا الرّحال مفارقين احباب
‏وتعاهدنا على حفظ الجميل وطيّب السيرة

‏وتوادعنا وشفٍ في الصّدور لبعضنا ما طاب
‏وقلنا جعلها خيرة وندري ما هي بخيرة

.....

[الحمدان]

مرحبا ياحرة من بطن حرّه
يا وحيده قلب ابوك من الاناثي

.....

[الحمدان]

‏بعض الجروح تطيب لو هي اليمه
والبعض الاخر طال همه مع دواه

والحب له بين المخاليق قيمه
وقليل من يعرف حقوقه ومعناه

.....

[الحمدان]

لا خاب حظك والليالي تحدتك
اصبر عليها زين والصبر لو طال

لا تنحني للوقت وتضيع هيبتك
وتموت فالحسره ولو كنت رجال

وان كان همك فالزمن بس لقمتك
الفول بريالين والخبز بريال

سعد بن جدلان رحمه الله

[الحمدان]

مرّت سنين العمر في لمحة بصر
‏ولا دريت إلين قمت أعدّها

‏مدري كبرت بعمري او عمري قصر
‏أثر الليالي المسرعة من جدّها

.....

[الحمدان]

‏بيمدحون الناس وإلا يسبّون
‏ماغيرك اطلبه الرضا والمعونه

‏أجيهم بوجهٍ مقدّر ومصيون
‏لكنّ أجيك بوجه ما يعرفونه

‏ياليتني لاصغر عطاياك ممنون
‏إنّي على رغم الجهل والرعونه

‏أظهرت منّي للبشر ما يحبّون
‏وسترت عنهم كلّ ما يكرهونه

.....

[الحمدان]

‏من يجي قبره يسلم عليه ازكى السلام
‏جعل قبره روضة في الجنان معلقه

‏علموه ان صرح عزه بلغ حد الغمام
‏وسمعته بين الجدي والنجوم محلقه

‏وعلموه ان البل بخير واهلها تمام
‏كون روح من وجع غيبته متغلقه

رحمه الله

[الحمدان]

يا كثر ما اخطي ليا من ثارت اعصابي
واثر الخطاء والتسرّع ميزة الجاهل

كم واحدٍ خابره من خيرة اصحابي
ضيّقت صدره وهو ماهو بيستاهل

.....

[الحمدان]

اتصنع بالسعاده وقول اني مجار
‏والسعاده في الهوى ماعرفت اذوقها

‏واتحلى بالشجاعه واقول الذل عار
‏واطلب الله بالقطاعة تنوح بروقها

‏احسب اني فزت واقول لنا رديت ثار
‏ماحسبت احساب طعناتها وافتوقها

.....

[الحمدان]

ياربّ خذني من بساط الدالهين الغافلين
وأجعل بنفسي لامشت درب الخطيّه تنفره

وأرزقني القدره على التقوى وبر الوالدين
أبي من الكره أخيره وأبي من الخيّر أوفره

وأجعل كتابي لاخذيته ما أخذ إلا باليمين
مع النفوس الراضيه ومع الوجيه المسفره

آمين

[الحمدان]

أعصابي التالفه صارت محطّة عبور
‏ان مرّها شيء عدّا ما ألتوى كاحله
‏
لفّيت وجهي أدوّر في ظلامي لنُور
‏وفتّحت بيباني اللي من سنَه قافله
‏
مدري تساوت بعيني ولّا قلبي صبور
‏عْيوني لو شافت العثرات متفائله
‏
والذكريات الكثيره من صور او عطور
‏خلّتني ما ألتفت للعالم الراحله

.....

[الحمدان]

هون على نفسك إذا ضقت وتهون
لا تنشغل بالشرح والجرح جرحك
ِ
الي يبي كرهك بيكرهك من دون
واللي يحبك ما هو محتاج شرحك

.....

[الحمدان]

‏انا ماهمني لاصار سيلي عارفٍ مجراه
‏ابفرش ضحكتي بعيون كل الي يمرّوني

.....

[الحمدان]

بيني وبين صويحبي وقّفتْ احوال
‏يامن يدير الصلح بينه وبيني
‏ㅤ
‏واعطيه ماتملك يميني من المال
‏واجعل مقرّه بين جفني وعيني

.....

[الحمدان]

ودع الليل العتيم ولا تمره
وكل ذكرى طالبك حس بوجعها

وإن تلقيت الليالي وشفت جره
صد عنها لا تفكر تتبعها

من عرفتك ماعرفت الا المضره
وقبل اعرفك اعرف الدنيا وسنعها

يا حبيبي لا تضيق ولا اتشره
وانت تدري في غلاتك ما اصطنعها

الحياه إن ضايقتنا مستمره
والحزن مافاد هالناس ونفعها

.....

[الحمدان]

كان الملك فيصل ينصح ابناءه
يقول لا تغضب لا تغضب لا تغضب
واذا غضبت لا ترضى

ويقول مسهوج الدوح :
اليا زعلت انتبه ترضى على ادنى كلام
من يضمن رضاك ما يحسب حساب زعلك

[الحمدان]

تجيبك في ربوع الذاكره يا صفوة الخطّار
‏مقاديرٍ رمت بك في طريقي وانت ما تدري

‏على ربعة خفوقٍ مرحباه يعيدها تكرار
‏لاجيت تقوم من كثر الحفاوه قال لك بدري

.....

[الحمدان]

جيتك مع الدرب البعيد اللي مساراته سراب
‏شرهات قلبي تذكرة و الذكريات الامتعة

‏لا تنهر الحلم الكبير اللي على متن السحاب
‏حديتني على الجفا من ضيق ما هو من سِعة

.....

[الحمدان]

‏ياوجودي ⁦ لا⁩⁦ أقبل⁩⁦ الليل⁩والصدر محشور
‏والبلد غيم سماها وغاب اهلالها

‏ويش اسوي في سؤالٍ على بالي يدور
‏عقدةٍ فالحبل ما حلها حلالها

‏ادري إني لو تعذرت مانيب معذور
‏هقوة الطيب على الناس تفرض حالها

.....

[الحمدان]

أمّا أنا فكأنني في حُبِّها
أسدٌ تُكبّل مِعصميهِ غزالُ

.....

[الحمدان]

الشهد تُعرف جودته من مـذاقـه
والطيب تتميز صنوفه بالاخشام

والجود بـ اصحابه يـحدد نطاقه
ويتضح معنى الحقيقه والاوهام

لا تصحب ألا من يصـون اتفـاقه
وبالمواقف عــاد لــه وجـه يلتام

وإحذر ترافق من يخون الصداقه
ولاتثق في شخص واشي ونمام

.....

[الحمدان]

شعر ليبي...

زمان فيه ماودك ادير حبايب
اللي بالمواجع رادين اسلافي

والدنيا عجيبه كل يوم عجايب
ايخونك الخاين وانت صاين وافي

احمد البهيجي المغربي

[الحمدان]

شعر ليبي...

منحاش للعرب مادرتشى صفايه
لين كل حد تعرف مدى تعبيره

هناك نوع فيهم خامته صدايه
حتى لو جليته تصيرله تغبيره

وان طال مصلحه ماايدير فيك ادمايه
مفطوم عالطمع عايش على تقطيره

وهناك نوع يسموا أجواد سمايا
كيف الذهب لا نقص لا تغييره

إدريس الشيخى

[الحمدان]

حتى سمح الجناب اللي ماهو ببعيد
قام يجهل شعوري ويتجاهلني

كان يحرص على صوتي صباح العيد
وصار حتى رساله ما يراسلني

.....

[الحمدان]

من حلاها ما توصفها الحروف الأبجدية
كيف توصف وردة يبري حالي شذاها

الورود تغار منها مزهرية مزهرية
وان تباهت عذرها معها يحق لها تباها

لا يشابهها شبيه ولا يحاليها حلية
جل ربٍ يوم صورها فرقها عن سواها

.....

[الحمدان]

ارفع مقامك في عيون الرياجيل
‏ووثَق مكانك فوق روس النوايف

.....

[الحمدان]

وإن قفّت الناس عنا ما لحقناها
ما نرخص النفس للي مَا يقدرها

.....

[الحمدان]

العقل والتجربه نعمه وسترة نجاه
‏والقل قل الثقه والضعف ضعف العزوم

‏سلم على اللي مايدرون العرب وش وراه
‏إلا لاجات العلوم اللي عليها العلووم

‏وابعد من اللي يحاول يلفت الانتباه
‏مثل ماتبعد من اللي مايسد اللزوم

.....

[الحمدان]

احبه من اعماقي وخاطري فيه
وانا وما تملك يدي فدوة ٍ له

بعيش لآخر يوم في عمري ارجيه
رجوى المريض اللي تحت رحمة الله

.....

[الحمدان]

الندم ماكلني چي ظليت وياك
المفروض من الأول ما أحبك

آنه الما مكرر لبسة مرتين
عجيبة تقبلت مرتين أرد لك

فشلة المثلك يبجيني بالليل
نعمة المثلي كون تبوس چفك

غشيم الخشب من روحه يصنع فاس
هدمت روحي وبنيت أنسان مثلك

شعر عراقي

[الحمدان]

انا باللاوعي من اطيتك الروح
وعقل ما چان عندي وهسة فزيت

ما چذب واگلك باچر انساك
عفتني وذكريات هواية خليت

اذا كل حايط البي اسمك يطيح
على هـالحالة لازم نهدم البيت

إيهاب المالكي.. العراق

[الحمدان]

لَا تَلمِسِ الوَردَ فَالأَشوَاك تَملَؤُه
وَأَرفِق بِكَفِّك إِنَّ الورد مَغرور

لَهُ المَعَاذِير فِي إِدمَاءِ لَامِسِه
وَالوَرد حَتَّى وَإِن أَدمَاك معذور

.....

[الحمدان]

جتني مشاريهك البارح وأنا البارح
أقدر على الرد لكن يومها جتني

حنيتك من الكلام الموجع الجارح
وسكت وأنا ماعاش اللي يسكتني

.....

[الحمدان]

بنيت فيك الهقاوي وأخلفت ظني
يستاهل اللي بنا أحلامه على أخرته

ما كنت متوقع اللي صار لكني
بتحامل المرّ شرهاته وعاقبته

كنت أنت فيني وأشوفك قطعةٍ مني
اللي على الروح والاحلام فضّلته

كنت أستصيغ القصايد فيك وأغني
وعلى عطا الجرح والاجحاف لحنته

ما كنت إنسان عشمّني ووعدني
من بعد ما أسدل جدار الصمت اسئلته

يا سهر الأيام منك ما ضحك سني
على كثر ما تضايق حيل ما أسعدته

رجع عليّ الصدر قلبي واعتبرك اني
وجهٍ ما حبيته بعمري ولا شفته

واذا سألوك البشر عن حبي وعني
قل انك أخطيت في حبي وضيعته

وانا بعد كل هذا بتركك لاني
أفارق الشخص لامني تصاغرته

.....

[الحمدان]

إن ضاقت الأرض كان الحُب ياسعنا
معقولة أيامنا صارت من الماضي

كل ما جلست بمكانٍ كان يجمعنا
يملاني الشوق من كرسيّه الفاضي

.....

[الحمدان]

‏ولا لي بالبشر غاية ولا لي بالثـرى أوتاد
‏خفوقي حر واتبع ما يعز النفس وارضيها

‏تركت أحلام واجد لأنها في ناظري أقیاد
‏وأنا ما ارضى القيود اللي تشل الروح بيديها

.....

[الحمدان]

مادريت أنّ القلوب العاشقه حساسه
‏لين من وثقّ قيادي حطّني في كمّه

‏شالني والحب ذعذع وأحتمى نسناسه
‏والعهد بيني وبينه ما تبور الذمّه

‏واحدٍ طوّع عنادي قبل ألين باسه
‏والجوارح كلّبوها بوصلتها يمّه

‏أتجمد فوق صمته وأحترق بأنفاسه
‏وأتبخر من هيامي وأنثره وألمّه

.....

[الحمدان]

والله إني جريح ووالله إني حزين
وليت حزني طبيعه كان بدلتها

مير حزني من الصده وطول الحنين
وخيبة آمالي اللي فيك أملتها

كان مرخصني الله مايرخص ثمين
كان جافي زعل تراك طولتها

عايدوك المسيحيين والمسلمين
وانا روحي على معايدك علّلتها

ياحسافه على الرفقه وحب السنين
حتى كل عام وانت بخير ماقلتها

.....

[الحمدان]

لوّح لك الماء ياربيع العمر وأغراك اليباس
شاخت غصونك والطيور اللي بصدرك عايفه

إنسان عالق في إطار إنسان ميّت فالأساس
لولا وجودك سولف التاريخ عنّك سالفه

هذا الكلام اللي تسمونه وأنا أسميه ياس
لو ماهو أكبر من كذا مامات وأنا خايفه

أنسى الهزيمه والهزيمه أذكر أني كنت حاس
يوم أقبل الواقع يشيل أحلام عمري تالفه!

على قياس أن التعب بصدورنا ماله قياس
شفني تعدتني سنيني كنها مو شايفه

.....

[الحمدان]

‏بين الغلا وعتاب قلبي وشوقه
‏احترت في دنيا جفت بين الاحباب

‏الي مثل شمس الضحى في شروقه
‏غيب علينا مثل ما النور قد غاب

‏ليه الجفاء للي الغلا في عروقه
‏وشلون ترضى بوجهنا صكت الباب

‏الصد جرحٍ ماتبين فتوقه
‏بين الضلوع يشب بالصدر شباب

‏لولاك غالي ماحسبنا حروقه
‏ولاشكينا البعد يالب الالباب

‏توقف دموعي بين جفني وموقه
‏يوم الغلا قفى بلا ذنب وأسباب

.....

[الحمدان]

لو تعتذر ودموع عينك من محاجرها تسيل
بستان حبَّك يا قديمي صارت ورودة سُمر

وشلون تبكي فوق نعشي وأنت مرديني قتيل
وتقرا علي سبع المثاني وأنت دامرني دمر

والله لو أبدع لك من أشعار الغزل شعرٍ جزيل
وأقطف لك النجمة وأغلف من كواكبها قمر

مانيب مستغرب لو إنك رحت ما أوفيت الجميل
من يزرع الصبار غير الشوك ما يجني ثمر

هذا أنت ما والله تغيّر تحسب الواجد قليل
قنوع إلا في عطى كفوفي لو أعطيك العمر

عاهدتني في حب غيري ما تحيد ولا تميل
وأثرك مخاشر قلبي وقلبه لياليك الحمر

أخذ أسفك ماعاد لي بال على كذبك طويل
إن كان بعدك مر قربك ياشقى قلبي أمرّ

والله لو من فوق عنقي تشهر السيف الصقيل
إن رجعتك تحرَّم عليّه مثل تحريم الخمر

.....

[الحمدان]

الأيام ظلما والليالي عديمة راي
مشاويرها حرمان ودروبها حره

خذت مني أغلى ماتمنيت في دنياي
وخلت لي اللي ماتعوذّت من شره

أنا بخير والله لو معي ذاكرة نسّاي
ماهي بالحنين ولوعة الوجد مضطره

تفاصيل ماترحم وقوفي ولا ممشاي
وجعها يجي ويروح ويعاود الكره

سلامي على المتحكمه بزعلْي ورضاي
وعلى الغره اللي طوقّتني على غره

ولا هان عُودٍ شوفته تطلق محيّاي
نسيم الهبوب يداعبه كل مامرّه

هذي جرته في مرتع الصدر رايح جاي
من أبسط حقوق الحر خطواته الحره

يامحبوبتي لا زال كوعي على مركاي
تحلويت صكّات الليالي وهْي مره

أنا أجر قلبي مع طريقي وأجر خطاي
وأخاف أجرحه ويسيل دمي على الجره

تغربّت حتى عن ربوعي وعن مرباي
أحس الوطن مافيه عارض ولا حره

بعدك الليالي صوتها صوت عازف ناي
يهيّض جروح القلب ويقلّب صورّه

إذا مابقى حنيةٍ تستعيد قواي
حنانيك باللي يقطع الشوق بالمره

وقوف الحياد أستنقصه من سنين صباي
أشوف أهله فالغالب أصغر من الذره

لا شان الزمان يضرني واحد من عداي
ولا غالي لا سرّ وضعي ولا ضرّه

لو الموت مرّه ماتعنيت في دنياي
أنا أشوف لي حييّن ماتوا مية مرّه

.....

[الحمدان]

‏ياهلي ياليتني دالهٍ سالي
‏ليت قلبي ماتولع بمضنونه

‏لا ولد عمي ولا هو ولد خالي
‏ويش اسوي يوم ربي بلاني به

.....

[الحمدان]

‏لا إله الا الله اللي لا إله الا هو
‏يامجير المستجير ومن لجى لك جرني

‏دلني لا تهت واصرفني عن اللي تاهو
‏واهدني للحق واغفر زلتي واسترني

آمين

[الحمدان]

لاتدّور ترى ماغير نسخة وحيدة
‏تلقى غيري ولكن منت لاقي بدالي

‏الفقيدة ماهو اللي يموت الفقيدة
‏غاليٍ صار مع الايام مهو بغالي

.....

[الحمدان]

‏البارحه في غبّة الوصـل سبّاح
‏واليوم من عرش المواصيل مخلوع

‏يا صاحبي صرح الهوى والوفا طاح
‏والقلب كنه من عراويه مقشوع

.....

[الحمدان]

‏يا راسي اللي ما تغيّر مباديه
‏لا زلت حاير في مباديك وأمرك

‏أشكرك وألومك على اللي تسويه
‏سنعّت خلق الله وضيّعت عمرك

.....

[الحمدان]

‏مصير الأيام تكشف لك كنين الصدور
‏كانك تشوف الوجيه وتجهل قلوبها

‏قلبك دليلك ليا اشتبهت عليك الأمور
‏لا تقرب اللي يجيك الشك من صوبها

.....

[الحمدان]

‏تجمل ترا والله ما للجميل أنكار
‏ولا ينكره من كان في راسه مروه

‏عسى راعي أبشر ما تقفي به الأقدار
‏ولا ينقطع ذكره ولا ينطفي ضوه

.....

[الحمدان]

‏ناسٍ مــن الطيب تلبسني قلايدها
‏وناسٍ من حقودها كن ودها قتلي

‏يالله عسّى الناس طيّبها وحاقدها
‏كلٍ له اضعاف ما نفسه تمنّت لي

.....

[الحمدان]

‏اما تسابقني على العز والطيب
‏والا معي يا صاحبي لا تردى

‏فلا تدوّر من ورانا عذاريب
‏حنا نشوف أهل الردى وانتعدى

.....

[الحمدان]

‏بين المقام الذرب والساس الاعرق
‏الطيب من يمناك والساس ساسك

‏لا تطيّب اشماغك من العود الازرق
‏يكفي شماغك طيب من طيب راسك

.....

[الحمدان]

‏رغم ابتعادي عن مراسيء تلاقيك
‏ تبقى على ضفة فؤادي سفينه
‏
‏ أحيان اشوفك في خيالي واناجيك
‏ وأحيان فصل الشوق يمطر حنينه

.....

[الحمدان]

‏يا ضيفنا قرب على هبة الريـح
‏لا صار عندك للمجيّ استطاعه

‏حـنـا مجالـسنا بـليا مـفاتيــح
‏امشرعه اربعه وعشرين ساعه

.....

[الحمدان]

‏لو كل مايطري على البال ينقال
‏قلنا جميع اللي نبي ما استحينا

‏لاكنّنا عقّال وعيال عقّال
‏يحسب لنا مثل مايحسب علينا

.....

[الحمدان]

‏صويحبي صار يتبع موضة الشله
‏بعد أرحب يقول ولكـم يابري حالي

‏العـام أعـرفه يحب الكيـف فالدله
‏واليـوم فستاربكس تغير الغالي

.....

[الحمدان]

الوفاء عند الوفي دين في الذمه
والملامه حمل من يجحد الوافي

من يبى يرقاء ويبقاء في القمه
لا زعل ليكون في خصمته جافي

معدن الطيب ولو شي حصل قدمه
مايضيع الود واتخمج الصافي

كل واحد له مكانه وله حجمه
ما ننقص جيد او نرفع الهافي

والمواقف وحدها تعتبر نعمه
فحصها شامل وبرهانها كافي


.....

[الحمدان]

يعجبني الصاحب اذا كان طحطوح
والصدق يعجبني وقول الصراحه

الجـيـد وسط القلب له قدر مطروح
واعـتـز به فــي كل ديـره وسـاحــه

بوقف مـعـه لا كان ضايق ومجـروح
واشيل هـمـه واعـتـني في جراحـه

الراس يفـدا كل غالي مـع الروح
بالذات اهل الصدق واهل الفصاحه

.....

[الحمدان]

‏مليت من شعري وقلبي وأنينه
ودي أعيش العمر وأكون فرحان

ودي أعوض مر عمري وسنينه
وأنسى زمان ليته اليوم ماكان

من يشتري مني قصايد حزينه
ويبيع لي شعر بلا هم واحزان

.....

[الحمدان]

غلطتي إني على النيّه مشيت
ما حسبت حساب دورات الزمان

كنت لاهي ما تصورت وهقيت
إن بعض الناس مافيها أمان

.....

[الحمدان]

الصـبــــر يا قلبــي على مُــر الايام
لاتنطــــوي ياقلـــب خليــك رايق

مَنته لحالك في همومك والاوهام
كم مالبشـر قلبـه مـن الحال ضايق

.....

[الحمدان]

‏أغـنـى فــقــيـر وعــزّتـه أكـبـر رصـيــد
وأفـقـر غـني وما أغـتـنى من رصـيـده

وأكـرم رجـل مـن جـاد مـن قـلّ ويزيد
وأبـخـل رجـل مـحـدٍ دعـى الله يزيده

.....

[الحمدان]

‏ياصاحبي واللي يضايقْك قلّه
نفوسنا بالعز تامر وتنهاء

والحاجه الي في طرفها مذلّه
الله يغنيني ويغنيك عنها

.....

[الحمدان]

‏نعيش الحياة بطيب نيّه وصدق شعور
‏ونحفظ مقام الكفـو ونقـدِّر الخـوّه

.....

[الحمدان]

‏نفسي عّزيزه ما تود اللي وداده ضاع
‏ولا تهوى رفيقٍ كل يوم مبدل أطباعه

.....

[الحمدان]

‏نفوسنا سمحه ونياتنا بيض
واللي يجي بقلوبنا بألسنتنا

نقول قول الحق لو انه يغيض
هذي معادنا وهذي سمتنا

.....