اخترنا لكم

[الحمدان]

طبعك تغيّر معاي وصعب تفسيره
تجرح شعوري جفا وتقول تغليني

.....

[الحمدان]

‏عميقات الرسايل مايجي من قبلها توقيع
‏عط الأنسان وجهٍ غير وجهه يقدر يواجه

‏شعور المقتدر لامن عشق حاجه ماهي للبيع
‏تراه العن من شعور الفقير اللي يبي حاجه

.....

[الحمدان]

‏انا لولا الوفا ماجيت درب الشوق واقداره
‏وتركت اللي يبي قربي عشان اكون مسجونك


‏سعود بن محمد العبدالله الفيصل

[الحمدان]

حتى لو الارض ضاقت فيك خلك ضحوك
وأحرص على الواجبات وخل صدرك ديار

لا صرت راعي صلاه ومرضي امك وابوك
لا ضاقت الأرض تضرب راسها في الجدار

.....

[الحمدان]

من عذوبة ما تقول العرب لا خاطبوك
تسمعك بقلوبها ما تسمعك بالاذان

يرحم الله شايبينٍ من الغيم قطفوك
وتركوك تعمّر الارض ورد وزعفران

....

[الحمدان]

عسى المترف اللي تشبعه حبتين التوت
يعوّد على خبري وأعوّد على خبره

حزمي بن سعد

[الحمدان]

عسى اللي هواه يهون البعد والمشوار
يعود على خبري به يحن ويواصل

عويد النجود

[الحمدان]

تصدّ القلوب من الغلا والنفوس تملّ
يا هُون الجفا لا شافت العين ما تكره

على رمح صوتك ماتو المشكله والحلّ
سراب الدروب أصدق من الحرف والنظره

أحبـك طواري بس ماعاد أحبك خلّ
ولازلت أحب العذر بشفاك وانتظره

على رمشك تسيل المحابر وينبت ظلّ
انا تحته المحتار واللي غريب أمره

تزلّ إيدي برقمك مثل ما اللسان يزلّ
مع اللي تحده كلمتينٍ على صدره

تورّيني ابواب المفارق وانا ما ادلّ
مثل من يورونه قبل موتته قبره

تغلى بكيفك لو تصير المحبه غلّ
لكن لا تساوم من يحبّك على قدره

تراي الفقير اللي غناته بكلمة ذلّ
تساما وهو لو جاد فيها دفن فقره

.....

[الحمدان]

وصلك يزيح الهم واقسى الاكتئاب
ويجعلني امن الحزن بظلال وذرا

وصوتك يذكرني بزخّات السحاب
اثنينكم في ردّة الروح اخشرا

.....

[الحمدان]

لو ينفجر صدري من الكتمان
خذيت من طبع البشر درسي

ودي افضفض لي على شيطان
واذا خلصت اقرا ايه الكرسي

.....

[الحمدان]

‏تخطي واسامح وانا الحين سامحتك
‏لا عاد تخطي لان خطاك يزعجني

‏احرص على القلب دام العين رافعتك
‏ان طحت منها قسم بالله تكرهني

.....

[الحمدان]

‏لا تذل النفس دايم وترضى بالنزول
‏ولا يجي منّك رخامه وتحريض وريا

‏مستحيل تحصل العز وتنال القبول
‏وانت ما عندك كرامه ولا عندك حيا

.....

[الحمدان]

‏الود بين الناس ماهو مطر صيف
‏تضحك سماه وتختفي في ثواني

‏الود له قيمة ومعنى وتشريـــــــف
‏فيه احترام ووصل طيب ومعاني

.....

[الحمدان]

على الهون ياسود الليالي تراني ماش
ونفسي من ظروف الزمن باح خافيها

عيوني على حظي وحظي طريح فراش
والآمال ماندري على وين تاليها

.....

[الحمدان]

‏لا صار لك غالي وشانت علومه
‏إصبر ولا تشكي همومك والاحزان
‏
‏إذا تغيّر صاحبك لا تلومه
‏هذا الزّمن تغيّرو فيه الاخوان

.....

[الحمدان]

نعيش الحياة ومانبي الا سلامتنا
‏لنا بالظواهر مالنا في خوافيها

‏ولو الناس فب بعض القناعات لامتنا
‏ترى أهم حاجة فالاوادم مباديها

‏على كل حاجه نصبر إلا كرامتنا
‏هي الحاجه اللي ما نساوم حدٍ فيها

.....

[الحمدان]

ما بين الصعب وبين الخوف والتجريب
أحاول ما أميل بيوم ولا تتشرد أفكاري

أمرّ بمرحلة صح أو خطأ أو صدق أو تكذيب
كأني تايه في شيء ولاني عارف أقداري

أنا يارب ما أدري وش اللي ينكتب بالغيب
ولكن رحمتك أكبر من اللي فيه أنا داري

.....

[الحمدان]

‏وشلون إنسان واحد يملك احساسك
وتصيـر دنـيـاك تتمـحــور حـواليـنـه

انا شربت الهـوا بـيديـك ومن كاسـك
والقلب لآمن عطش بالوصل تسقينه

.....

[الحمدان]

يازين عز النفس لو كان يفقرك
وياشين ذل النفس لو كان يغنيك

.....

[الحمدان]

كل هذا الغيث قطره من سحابه
وكل هذا الحب نبذّه من غلاي

من دريت إن بالمطر دعوه مُجابه
وأسمك أكثر أسمٍ أذكره في دُعاي

.....

[الحمدان]

الجو يرسم للوجيه ابتسامه
كنه يقول لضيقة الصدر ولي

.....

[الحمدان]

نجبر خواطرنا لنا اعوام وسنين
عسى الفرج لو طال دربه يجينا

.....

[الحمدان]

سلامي على الدنيا اذا كان فيها الناس
تحب الطمع حب المفاتن في العذراء

ولا جارت الايام وابكت شديد البأس
وسالت دموع الجيد من غير ما ندرى

.....

[الحمدان]

يرزقني إلي رزق مرزوق
بندق وموتر ومصريه

من أولٍ ياكل المرقوق
واليوم ياكل مولوخيه
😂

[الحمدان]

نزلّت لي طليان 🐑 للبيع بأعلان
وجاني عليه اللي بسومه فرقهن

قال أرسل الموقع وانا أرسلت فرحان
اثره عقبني للمراح وسرقهن
اهب هههه

[الحمدان]

‏نوفي مع الوافي بكل المطاليب
‏ونشـدّ ظهر الكفوو لاضاق حالة

‏وكلـن على عرقه يدق المواجيب
‏وكلـن على مربـاه ينطـق لسانه

.....

[الحمدان]

‏أصون عهد الوفاء وأحفظ مواثيقه
وأموت ماخنت عهد اللي مأمني

ولا أحب حكي القفا فيني ولا أطيقه
اللي يبـي شي في وجهي يقـــابلني

.....

[الحمدان]

يا ليت لحلوق الملاقيف ريموت
اليا دبل كبدك بضغطه تصكه

أذا تمادآ حيل حطه على ميوت
وأذا ضبط حآله ترد وتفكه

.....

[الحمدان]

ياعـذب حروف الشعر وأبلغ معانيه
ياحساس قلبي لا نكتب في قصيده

وياجمل شواطي العمر وآخر موانيه
الشــوق في قـلبي تــزايد رصــيده

اسمع صـدى صوتك واقول لبيه
لــبيه يانـبض الخـفـوق ووريـده

.....

[الحمدان]

ياونتي ونة ضلوع الدجاجه
لاخمها اللي لامس(ن)بطنه الجوع

ذيب الصحون اللي خبيث مزاجه
كفه كما المسحاه للزاد بالوع
هههههههه

[الحمدان]

جرحك تبيّن على الوجه وعلى النبره
الكل شافوه وانت تقول وش يعني

هذا القسى فيك ما اعرفه ولا اخبره
بس اعرفك واحدٍ ما كنت توجعني

.....

[الحمدان]

‏لا طابت نفوسنا من شيء وأقفينا
لا عود اللي خذاه الموت عودنا

.....

[الحمدان]

‏لا مات الشغف فالادمي كل شي مات
حتى اغلى طموحاته مع الوقت يهملها

.....

[الحمدان]

‏كنت انتقي لعيونها عيون القصيد
‏وأقول دوك عيونها ياعيونها

‏واليوم لا شاعر ولا عندي جديد
‏الشاعرية ناقصه من دونها

.....

[الحمدان]

‏عداك الملام وشرهة الولف يا نزّاح
‏عن دياري اللي منت بأول خسايرها

‏تبعت السراب الين سلمك للمرواح
‏ولديت وعيوني تزوّر عبايرها

‏قنعت وتركتك للزمن والزمن فضّاح
‏على مهله اسرار المخاليق يظهرها

‏بقى لك معي ذكرى ليا غمّض المرتاح
‏تمشط بقايا كبدي بروس أظافرها

.....

[الحمدان]

‏برّاقة الجيد لك سقت القصايد مهر
‏ما تطلبيني رضاك أنت ِ علي تامرين

‏لك التغلّي ولعيوني عليك السهر
‏ ازعل على كل غالي لو علي تزعلين

‏ما يغري البدر طرف ٍ من سناك انبهر
‏عليك كبدي تسيل مْن الوله والحنين

‏أنت ِ من آل الندى ولاّ من آل الزهر
‏ولاّ من الفجر وأنوار السماء تنتمين

.....

[الحمدان]

سنّد على اللي في يده ملك الأملاك
اللي ملوك الأرض عنـده مماليك

اليـا عطى لـو ضدّك العالم أعطـاك
وإليا منع ما أحدٍ من الناس معطيك

.....

[الحمدان]

‏والله ما مثل التوكل على الله
يملا لك الدنيا سعاده وتوفيق

واللي يردد دايم أسـتغفر الله
تلقاه مايدري عن الهم والضيق

.....

[الحمدان]

مصير الأيام تضحك لي وتفرحني
من بعد لوعه وضيقة خاطر ودمعه

والانسان يقضي حياته دوم متعني
والله مجيبً الدعاء في ليلة الجمعه

.....

[الحمدان]

انا عرفت الناس ما اجهل الناس
حتى غدت نفسي من الناس حذره

ماهو لزوم اللي زرع يحصد احساس
احيان تزرع لكن الارض قذره

.....

[الحمدان]

سلفوني وسع خاطر وخلوني اعيش
‏والله ان بعض الليالي تضيق خاطري

.....

[الحمدان]

أنا على وضح النقا صنت مبداي
أموت قبل أفقد مقامي وأنا حي

من تزعله يمناي ترضيه يسسراي
ومن راح من لاشي يرجع بلا شي

.....

[الحمدان]

من لا ملك روس الرياجيل بالطيب
لا يحـسـب أنـه بالدراهـم ملـكهـا

واللي يجنـب لا نصتـه المـواجيـب
يبطي دروب المـرجلـه مــا سلكـها

.....

[الحمدان]

قالو من انت وقلت انا انسان عادي
مجهول عند أهل الرتب والسلاطين

عايش عن ثقال النفوس انحيادي
عندي غناة النفس تسوى ملايين

.....

[الحمدان]

لاتحسب الأرزاق تاتي بحيله
لاجات بالحيله غدت مثل ماجات

ومن لايقدر جيتك لاتجي له
واخذ الحذر من باقي العهد بالذات

.....

[الحمدان]

‏يا مراسيل الغلا ودي سلامي
‏واحذري لا ترجعين الا بردّه

‏بلغيه أشواقي ولهفة غرامي
‏فوق باقة ورد مع زود الموده

.....

[الحمدان]

ما أخترت غيرك وقلبي فيك وصاني
‏إنت دواء النفس غيرك مايداويها

‏يحرم علي حب غيرك واحدثاني
‏ياطب قلبي وياروحي وأمانيها

.....

[الحمدان]

الدنيا تمد الناس بالخير والمكروه
في خيراتها شتى وفي شرها خشره

وسمات البخت لاشافو النور ما غطوه
واقوى رابطه في الزاد والملح والعشره

.....

[الحمدان]

‏اقــول لك شـي ما قلتـه لأحـد مره
ابختصــر لك شعـــوري فيـــه وأقوله

العشق مثل الممات ان جا يجي مره
ياخـذ مساحات قلبـك عرضـه وطوله

.....

[الحمدان]

‏ما يفهم إحساس القلم غير اï»·وراق
‏والكف يكتب ما يحسه خفوقي

‏الصمت يفرض هيبته وسط اï»·عماق
‏ويبعث لي إحساس الغلا في عروقي

.....

[الحمدان]

‏نور الـمساء اللي على طلتك فاق
يقطف من اشواق المحبين باقـه

بينك وبين المساء تحتار الأذواق
سكـر حضـورك نادراً في مـذاقـه

.....

[الحمدان]

عطـني من البومك ولو كان صـوره
‏يسلى بها الناظـر ويضحك ويختال

‏الفقد موحـش والمشاعر غيوره
‏وانا من الثنتين حـاير ومهــتال

‏خـلي سـموّ الشــوق يرضي غروره
‏حـتى يجي له بين اياديك مدهـال

.....

[الحمدان]

جيتك توقعـت الغـلا مثل ماكان
‏واثرك على فرقـاي عجـلٍ ذهابك

‏ادوّ الزلـه معي قـدر الامكـان
‏من شأن تصّـنع من وراها غـيابك

‏ليت الليــالي علّمت عنّك يافلان
‏قدام أعيشك حلم واطرد سرابك

.....

[الحمدان]

لد النظر في عيون اللي يحبّك وشوف
‏اشيا واجد بتعرف ويش تفسيرها
‏
‏ماهو ضروري احبك تنقرى بالحروف
‏عيـون الاحباب تغني عن تعابيرها

.....

[الحمدان]

يوم حزني في ضلوعي التئم
‏هيضته احلام وبيحت الكنين

‏في دويتو شاركت هي وسهم
‏حركو فينا المشاعر والحنين

‏شاعر سطر حروفه من الم
‏راح وخلانا على قاف حزين

.....

[الحمدان]

عيـن بدويه فارقــــه فـي حــلاهـــا
‏تأخـذ من عـيون الغزال التـواصيـف

‏الشعـر كــلـه والـقـوافـي فـداهـــا
‏الرمش فتنه والخشم سلة السـيـف

.....

[الحمدان]

‏يالله إنّك تغفر لمن هو نسى يستغفر
وترحم اللي ما ترك ذريّةٍ تدعي له

بقلمي

[الحمدان]

مرّت علي أيام من دون تحديد
أعيشها كأنّي بسجن انفرادي

أتصنّع الفرحة من بعيد لبعيد
حسّيت بالغربة وأنا في بلادي

حاولت فالفرحة مساء ثاني العيد
وأفرحت من حولي وأنا صرت هادي

ماعاد تغريني طبوول وزغاريد
والعيد كله صار لونه رمادي

بسّام بن عَشق

[الحمدان]

رح للسعة وش دخّلك بالنوايا
مالك بغيب الخلق لك في علنها

وكانك من اللي يبحثون الخفايا
حنا من اللي لا لقاها دفنها

ولا فيه أحد ماله ذنوب وخطايا
لا تشغل العالم ولا تمتحنها

أبك الرجال الكاملين المزايا
اللي يروح ويرجع العلم منها

نوبٍ تزل أقدامهم في قضايا
كانوا يردّون الجهاهيل عنها

.....

[الحمدان]

وجهٍ على راس المواجيب موشوم
ياكيف يرضى بالثرى والعدايم

عينٍ تطاول شهب وتسامر نجوم
لا ما تناظر بالسماء كل حايم

.....

[الحمدان]

يا طارد اللي راح خلّه وملواه
ما يستقيم الظل لا اعوجّ عوده

ولا ينفع الندمان قولة حلولاه
جحرٍ لدغ يمناك لا لا تعوده

مدّ النظر في خلق ربّي تمنّاه
إلى انتقص من حال حالٍ يزوده

الله جعل للمبتلَى داه ودواه
وكلٍّ على عزمات قلبه حدوده

الأمير خالد الفيصل

[الحمدان]

أما تجي حكمة وتغلب على الصمت
ولا التزم بالصمت والصمت حكمة

سعد بن جدلان

[الحمدان]

والله إني مفارقٍ شعر الغزل
بس من شفتك وأنا ببحره غريق

كامل الأوصاف والحسن اكتمل
كمّلك ربي وخصّك بالخليق

من كحل عينك عيوني تكتحل
وإن تناظر بي يجي بعيني بريق

.....

[الحمدان]

سريتك والسّماء ليلة وداع وقلبها مرتاب
‏وخذيتك وجهةٍ عن غربة الأرواح مجهولة

‏ما هو من طبعي أملّ المدينة وأتبع الغيّاب
‏أنا يوم إنّي اتبع ضحكتك لي عام وشهو له

.....

[الحمدان]

‏يمر الحزن في صدري ولا يلقى حضن وأعذار
‏وأفتّش عن عذر واحد ولا ألقى سوى الخيبة

‏تعلمّت الوقوف اللي يبعثر كومة الأسرار
‏وقفت بصف أحلامي وأماني ماهي قريبه

‏على درب الوفاء أمشي وأسكّت قلبي الثرثار
‏وأشيل من الغلا واجد ـــ وأشيل الضيق والطيبه

.....

[الحمدان]

‏تعال والله مالك الا العفو والي راح راح
‏انا ادري انك منت ناسيني وانا ماني خلي
‏
‏انا دوافع غيبتي اكبر من حدود السماح
‏لكن تعال وكل شي صار ف غيابك علي

.....

[الحمدان]

‏معه نفس لاعافت تفارق معاد تشين
‏فلا تختبر صبره معك طالبك طلبه

‏يحبك لكن ما ودّه إنك تعرفه زين
ولا ودّه تشوف الموازين منقلبه

‏ليا صد ماعاده مع الذكريات يلين
لو إن الهوى غلاب ماتقدر تغلبه

‏ولو حنّ له قلبه ورفّت عليك العين
‏يده سكرت عينه ورجله وطت قلبه

.....

[الحمدان]

‏ولا زلت اشوفك بوصلة قلبي الشكاك
‏وانا التايه اللي دل دربه مابين ايديك

‏تسريني انسام الهبايب على ذكراك
‏عساي اهتدي للمفرق اللي يدل إليك

‏مع اني بذلت الجهد كله عشان انساك
‏ما عندي سبب مقنع يخليني اخليك

عبدالله السراهيد

[الحمدان]

طواري الغايب اللي كل ما هبّ الهوى تنتاب
ضميري، والضمير الغايب أصلًا ساس تأنيبه

جذبك لخاطري تفكيري اللي مانساك وتاب
يعاتبك الغلا في بُعدك ويسأل عن الغيبه

نديمي لو تبعدّنا الليالي فالقلوب أقراب
يمر الوقت والدنيا تلهينا ماندري به

تأكد بأنك الحاضر في بالي لو وجودك غاب
ولوّ لرجعتك قيمه يا كل المال أفادي به

.....

[الحمدان]

الغلا اللي كنت اخاف انه يعدّي عدّى
اسرع من الليله اللي مستحيل أنساها

كل ما حبيت لي هامش يصير مبدّى
فالعيون اللي تراب الأرض ما يملاها

.....

[الحمدان]

‏كلّ ما في هذي اللّيله يقوم بدوره
‏ذكريات وهبّ نسْناس ومواري مسرا

‏تكثر أخطاء الحزين إذا اختلى بشعوره
‏ووالله إني بالشعور اللي في صدري أدرى

.....

[الحمدان]

‏عاطفيّة واللي مثلي ماتجيها بالغصيبه
‏ماتْدارى في رضاها كيييف في شدة زعلها
‏
‏اتهادى من مصيبه واتذرّى في مصيبه
‏جعل يدّي من خيال الحظ لا خيّل وبلها
‏
‏كانها بالزين ولا بالنسب طرقا عريبه
‏سامح الله حظ لمّح خطبته ولا صملها

واتلحف ماتبي التفكير والظلما تجيبه
واتحرى الشمس تاخذها من يديها وتلهى

.....

[الحمدان]

حبيبي كيف امرّ بـ شارعك ما تدري اني جاي
‏وانا اعرف الصباح اللي يجيبك من ذعاذيعه

‏يا سحر آخر قصيدة في عيون الشاعر الغوّاي
‏يا وجهٍ مستعد اعيش عمري في تقاطيعه

‏أمانه لا تغرك مرحباي وضحكة محيّاي
ترى حزني مثل رمشك طويل وضيعتي ضيعه

.....

[الحمدان]

واقفيت وانا اكبر من التبرير والعذر السمين
حتى لو اني خاطري ما كل شي يصبّره

القلب يكسره اللسان ولا تجبّره اليدين
ماهوب عظمٍ كل يوم تكسّره و تجبّره

ماعاد عندي فرصة من العمر الثمين
واللي بينشدها من اسباب الفراق تخبّره

حيث انه اول شخص يسقط من عيوني مرتين
وانا عيوني من سقط منها ماعاد تعبّره

.....

[الحمدان]

يالمتصل سولف معاي و تكلـم
علاج قلبي شوف جاري الكتابه

موعيب لوتدردش معي وتسلم
العيب تنسى صاحبك في غيابه

.....

[الحمدان]

كانك تحداني على عزة النفس
أموت ما وطيت للناس راسي

فيني شموخ غارسه شايبي غرس
ومهما يجور الوقت ما لان راسي

أبوي علمني وأنا حافظ الدرس
ما أخالف سلم جدي وساسي

أنا حمست العز في داخلي حمس
وهيلت فنجاله وقندت راسي

.....

[الحمدان]

من عطاك الحب من حـقـه عليك
تفقده إن غـاب وتـفـز إن حضر

صون حـبـه دام قـلبـه في يديك
وأنت كلك ذوق وإحساسك نظر

.....

[الحمدان]

الكفو كفو ۅالدنيا مواقف
ۅالخۅي ﻟﺎبد ينشد عن ﺧۅيه

ۅالجبال جبال ۅان هبت ﻋواﺻف
ﻣﺎﺗزﺣزح ﻟو ﻋۅاصفھﺎ ﻗۅيه

.....

[الحمدان]

الطـيـب يبقى والمـراجـل لها صرح
‏والـديـن راس الـمـال مهمـا يقولون

‏تدري وش اللي يجرح المرجله جرح
‏رجـلٍ جلس والـنـاس راحـوا يصلون

.....

[الحمدان]

تحت قدرة الله كل حيٍ يسوق خطاه
ولا نـدري الأيـام معها وش تخبي

يمر العمر فينا ونصحى على ذكراه
دخيلك من الغفلات والطيش يا ربي

.....

[الحمدان]

انا بشـر مانا على البعـض مكلـــوف
حتـى ولو نفســـي عليهم عطــوفة

اذا صار بِعض الناس جحاد معـروف
فلا خير في صحبة وراها حســــوفة

واذا سـيرك معجون بالشك والخـوف
فاخيــر من بعض المغـازي النكـوفـة

وان كان من تهوى على الكره معسوف
فعســاه ماترسـي عليــه الخلــوفــة

اشـوف في عيـني مثــاويـر وشـــعوف
ياللــي عيــونك ما تشـوفــه تطـــوفه

واشـوفك بعيـن الـود يا قاصر الشـوف
علـى طبعنـا ولـكل واحــد ظــروفـــه

.....

[الحمدان]

ليالـي مـوحـشه وايام سوداء مالها مصـباح
امانـي شـارده واحـلام لا تسـمع ولا توحي

تعبت ابحث عن الراحه ولاكن ما قدرت ارتاح
زماني صعب جــداً والمواجــع طلعت روحي

سـلام الله على الدنيا التي صارت مقر اشـباح
وحـظ اشقـى عيوني بالسهر ما ضمد جروحي

.....

[الحمدان]

الكلام الزين يعطيك السلا
والكلام الشين يعطيك الشتات

من كلامه زين علا واعتلا
ومن كلامه شين بين الناس مات

.....

[الحمدان]

ياليل انا متعب وماعاد بي حـيل
على السهر وهموم صـدري ثقـيله

ما اعطيتني غير المعاناة والويل
ولا تهنيت الـرقـــــــــاد فيك لـيله

يالـيل حـان البعد والهجر يالـيل
بيني وبينك والمراحـل طويله

.....

[الحمدان]

‏إن كنت تسمع كلام الناس فأصحابك
بكره ما تلقى من أصحابك ولا واحد

.....

[الحمدان]

في خفوقي ألف آه وألف دمعه في العيون
والف عبره خانقتنـي بـين خوف ولا أمان

اشـتكـي مـنها علـيها يا تكون او لا تكون
وانتظر منها العداله يـوم واحـد في الزمان

الوجـع محـتل صـدري بعد خـيبات الظنون
والأمل يلعب بفكري مـن مكان إلى مكان

شــان وجهك يا زماني في محيا كل لون
تتهم غـيرك بجُـرمك وانت بالجُـرم المدان

أنت اهلكت الموده داخـل القلـب الحنون
وانت مزقت المشاعـر بالكفوف وبالبنان

.....

[الحمدان]

‏ساري الليل فى صحراء وخوف وظلام
يا الله اســتر على بــدوي وحظه ردي

كلمـا شــاف زول يفــز تاك الخيـام
وكلما لاح نجـم يقول ذاك الجـدي

طــال ليلي وانا ما شفت زول وجهام
لكن الصــبح قرب والزمن ســرمدي

نامــت العـين والا جـعلـهـا مـاتنـام
قال خالي اقلب المعنى وقلت بعدي

اشهد انك على جرحي طرحت البهام
قلـت ذا كنـت افـكر فيه يالجــودي

واللـه ان المفـارق صاحـبه مايـــلام
من فراقه فقدت الـنوم في مرقــدي

اتنشـد عليهـم عــام من بعــد عـام
عــزت اخبارهـم يا خـال يا مسـندي

بين حـرب ودمار وبين شـوق الحلام
راحت ايـام عمـري انتهــي وابتــدي

وراح ذاك الزمـان اللي عليـه الكــلام
يوم كنـا حبـايب والبسـاط احمــدي

ان حـكينا ندمنــا وان سـكتنا مــلام
بين صبـر الحليـم وبين حقـد الردي

والعــزايم قـويـة حــرب والا ســلام
وانـت يالله يا نصـرك على المعتـدي

.....

[الحمدان]

عزيز النفس مايرضا المهوونه
ولو نفسه على الحاجه تلزه

تشوف العز يقدح من عيوونه
وميلات اللييالي ماتهزه

.....

[الحمدان]

تراودني الدنيا وتغريني الفرص
والايام توعدني مواعيد ناقصه

وانا لي هدف يرخص له المرء مارخص
ولي ضرف قاسي ينتقدني ويرخصه

فما قَل مقداره بقلبي ولا نقص
ومهما الزمن حاول بعيني ينقصه

ازيده غلا ودروس واوثّقه حصص
بهمه تشيدها طموحات مخلصه

من أجله على روس الثعابين كم رقص
طموحي وكم داس النيوب الملاقصه

.....

[الحمدان]

في مُعانتي على مرّ السنين
اتخذتُ الله وكيلاً ومُعين

وتحديتُ المخاطر والصِّعاب
كي اعيش برغم انف الحاقدين

في طريق الحق امشي شامخاً
رافع الرايه بعزمٍ لا يلين

وبـِ احزاني وغُلبي والأسى
لن ترى مني سِوى عزاً ودين

وستبقى رايتي طول الزمان
يسقطُ الظُلّام والمستعمرين

لسان حال كل مواطن فلسطيني

[الحمدان]

يجور الوقت والدنيا علينــا
ولو طالت علينا ما شكينــا

هممنـا ما يحطمهـا وجعنا
يطيب الجـرح ما كنا درينــا

يطير الرأس ما انهدت عزيمة
عليهــا من طفـولتنـا ربيــنا

تـربينــا على كــره الــمذلـه
وحب الخيـر من مالله عطينا

وما دامـت كـرامتنا مصـانة
كأن الارض في قبضة يدينــا

.....

[الحمدان]

بحجر الله مـــري يا سحـابة
على دار الحبيب اللي هوينا

اذا جيتيــه ردي له ســـلامي
وقــولي له.. بلينـــا وابتلينـا

عسى الايام تجمعنـــا قريب
نعـــود مثل ما كنــا بدينا

تعبنا من صهيل الموت فينا
واوجعنــا ولكن ما انحينــا

اذا الله كتب في العمــر بـاقي
تطمـــن عــاد احنا الا بدينا

.....

[الحمدان]

معي وجه واحد ما تغير مع الايام
‏على حشمته عند الاوادم وتقديره

.....

[الحمدان]

للمقّفي كان لوّح في يدينه
‏ما نغني ياغريب الدار عوّد

‏من يقرّبنا لقانا عند عينه
‏ومن يعوّدنا على البعد نتعوّد

.....

[الحمدان]

لاتقول ان الليالي فرقتنا
‏لاتقول ظروفنا عيّت علينا

‏الليالي يوم ودك جمعتنا
‏يوم ودك كل شيٍ في يدينا


الأمير خالد الفيصل

[الحمدان]

كنت أتمنى أقضي العمر وياك
‏ونعيش طول الوقت يّدك بـ يدّي

‏وكنت برغم طيشك وكثرة خطاياك
‏أحبك بضحكي وأحبك بجدّي

‏وكنت اتحدى فيك ذولا وذولاك
‏ويالـلاسف ماكنت قد التحدي

‏حدّيتني على الفراق بسواياك
‏والاّ أنا والله ما كان ودي

.....

[الحمدان]

‏يا ام العيون الذابحات المراييش
الناعسـات النجل يـذبـح هدبها

غطي عيـونك خلي العالم تعيش
خوفي من الله لا نموت بسببها

.....

[الحمدان]

فقدتك ولكن مافقدت الغلا والشوق
‏وحتى لو انك بعيد زولك تهيا لي

‏مادام القمر في كل ديره مكانه فوق
‏ابرفع عيوني فوق واشوفك قبالي

.....

[الحمدان]

امك وابوك اثنين مادونهم دون
هم لذة الدنيا بأول وتالي

الراس وش يسوي اذا ماله عيون
ياعيوني الثنتين ياراس مالي

.....

[الحمدان]

‏لو يردّك دمع سيّلنا لك بحر
‏ولو يردك صوت صرنا لك رعود
‏
يرحمك ربي عدد قطر المطر
‏وعدد حبات الصحاري والنفود
‏
وعدد ماكبّر على القبله بشر
‏وعدد ركعات المصلي والسجود

.....

[الحمدان]

‏مساء الامل بالله والخير والتوفيق
‏مساء الظنـون الطيبه بالـقـدر كله

‏ترا الابتسامه والبشاشه تفك الضيق
‏تبسم وقل هالابتسامه لوجـه الله

.....

[الحمدان]

هذا رفيقي ضحكته دون تكليف
تنزع همومي والأسى والكآبه

اليا دعيته واستهلّت سواليف
تحلو مسامرنا لو انّا بخرابه

.....

[الحمدان]

الله رفعنا في جميع المواجيب
‏والناس ما يلحقهم الذمّ منا
‏
‏لا جا مجال الناس شرواهم الطيب
‏وان جا مجال الطيب شرواه حنا

.....

[الحمدان]

أنا في غنى عن زايف المدح والإعجاب
ولا في يوم قلت لراعي الطبل طبل لي

.....

[الحمدان]

جعلني ما أندم على شي تركته
والله يجعلها مع الأيام خيره

وجعلني لا تبت عن شي وخسرته
يرزق الله خاطري في شي غيره

.....

[الحمدان]

شفت المكان اللي جـلسـنابه العام
جـدد جـروحي يـوم جـيـته لـحالي

عـقب الوصـل جارت مقـادير الايام
ودارت رحـا الفـرقا وسـود الليــالي

.....

[الحمدان]

ياما على وصـلـك ركضت وتعـنـيت
وفـتـحت لك قلبٍ من الحب تـايب

والحين عنــك ياهوى البال صـديت
حال الفراق وخاطري منك طايب

.....

[الحمدان]

ياطيف قلبي ياسحـــايب سنينيّ
‏ياشوق عمـري مامضي مني وراح

‏آشتاق لك شوق المطــر في حنينيّ
‏شوقٍ يفيض بصـدر مغليك لي فـاح

.....

[الحمدان]

ان عطينا عهدنا بالوفا مانهاب
مايوقف عزوم الحر حتى الصقيل

ان تركنا تركنا الي يعيب ويعاب
وان خذينا خذينا النادر المستحيل

.....

[الحمدان]

تعلق حبهـا بين الحنايا
ابنساهـا وروحي مانستهـا

رقى بي حبهـا حتى وصلبي
لبوهـا وامهـا الي جايبتهـا

.....

[الحمدان]

على غثا الدنيا ترى الصبر مطلوب
واجه عناء الدنيا بصبر وعزيمه

يالله ترزقنـا مثـل صبـر آيووب
صبراً تواليه الفـرج والغنيمه

.....

[الحمدان]

مداهيل حبه بين حدب الضلوع العوج
‏مراتع غرام ٍ عن هوى الغير محميه

‏عناقيد ورد العشق بفياضها منسوج
‏سقاها من قنوف الغلا ديم وسميه

.....

[الحمدان]

‏لو خاب ظني بالزمن والمخاليق
ما خاب ظني في جزيل العطيه

نصبر على الدنيا ونصبر على الضيق
وعزومنا من فضل ربي قويه

.....

[الحمدان]

عذوبة الفجر نور البدر لين الحرير
‏آمنت باللي نثر هذا وفيك اِجْمَعَه

‏تشتّتين الفكر مثل السؤال المثير
‏وتبقين في النفس مثل الحجّة المُقنعة

.....

[الحمدان]

‏برّاقة الجيد لك سقت القصايد مهر
‏ما تطلبيني رضاك أنت ِ علي تامرين

‏لك التغلّي ولعيوني عليك السهر
‏ازعل على كل غالي لو علي تزعلين

‏ما يغري البدر طرف ٍ من سناك انبهر
‏عليك كبدي تسيل مْن الوله والحنين

‏أنت ِ من آل الندى ولاّ من آل الزهر
‏ولاّ من الفجر وأنوار السماء تنتمين

.....

[الحمدان]

‏أصون عهد الصداقه وأحفظ مواثيقه
‏وأموت ما خنت عهد اللي مأمني
‏
‏ولا أحب حكي القفا فيني ولا أطيقه
‏اللي يبـي شي في وجهي يقـــابلني

.....

[الحمدان]

‏أنا في رجا الله لو ما تنصفني الأقدار
‏أوقف وانا متسامي وخاطري راضي

‏تهون الحياة من وين ما شفت لطف البار
‏لو يروح حلمي من يدي عشت متغاضي

‏تمنيت شيء وقَدّر الله شيء وصار
‏يعيض الله اللي راح حلمه على الفاضي

.....

[الحمدان]

سكب وصلك على قلبي رذاذ من الغلا والود
وغمرني بالدلال الراقي بأعذب تفاصيلة

أحبك غيث هماله على متن السماء يرعد
واحبك وبْل في صحرى الفيافي دارجٍ سيلة

واشوفك لاوصل فيني الحزن والضيق لآخر حد
سحابٍ يروي احساسي وتنعشني هماليله

.....

[الحمدان]

تروح مْن السنين أقسى السنين وينولد ترحاب
إذا شفتك وحسّيت الليالي معك محفوفة

أضيق و معك تتيسر ظروف وينفتح لي باب
ورحاب الارض تاتيني على البيبان مصفوفة

وهبك الله إلى قلبٍ ماخاف من الزمان شجاب
مدام إنْك الحبيب اللي لغيرك العين معيوفة

.....

[الحمدان]

الصــاحب أليا صار فالطرقه ردي
‏اســـايره حتى انتهـــي مــن طرقته

‏ومن بعدها قص شنبي واقطع يدي
‏إن عـــاد جيتــه لجـــل ادور رفقته

.....

[الحمدان]

معادن الناس ماهي بالسهولــه تبيـن
‏ياكثر الأصحاب دامك في نعيم وسعه

‏لكن الليا منّها جـارت عليـك السنيــن
‏تحمّد الليا صفا من الأربعــين أربعــه

.....

[الحمدان]

مابين هرجة سفيه وبين نظرة فطين
‏تـلقى كـلام الحقيقة وإختصار الكلام

‏مـا يـشـره الطيبين إلا علـى الطيبين
‏والا ضعاف الـروابـع مـا عليها مـلام

.....

[الحمدان]

خيــر الكلام اللــي قليله يدلّك
‏أخير من واجد ولا فيه مضمون

‏بعض العرب هرجه كثير ويعلّك
‏دايم وهو ما بين قـالوا يقولون

.....

[الحمدان]

يا صاحبي لا تنشد الا عن الطيب
‏رغـم الظروف القاســية ما علينا

‏دايـــم وحــنا للهقـاوي معازيب
‏شف كيف هقـوات الرياجيل فينا

‏الطيب يولد من بطون المواجيب
‏وحـــنا وراه مشمـــرين ٍ يـديـــنا

‏ما نعرف الا نمد ونجــود ونطيب
‏هـــذي الخيــارات المتاحه لدينا

.....

[الحمدان]

‏على كثر الوجيه الغايبة عن راسي المزحوم
‏حضر وجهك نيابه عن عموم وجيه غيّابي

‏يعسّ بقاع بالي فيضة جروح ومناقع لوم
‏وينصب له خيام من السهر ويطيّر أسرابي

‏خذاك الحلم من نوم العوافي لين صح النوم
‏وخذاني ليلٍ لا جيت أرقده وقف على أهدابي

.....

[الحمدان]

‏والله أني جيت ماني بمحدودي
‏ماخذك من زاوية طب وتخيّر

‏لين خوفي من مسامير الكبودي
‏ردني لأجيك ضيف ولا مسيّر

‏والغلا زاد وتعدا بي الحدودي
‏وأنت ماترحم كبيرك يا الصغير

‏لعنبو جدك تقول أنك يهودي
‏ماتقول أني برّي وأنسان خير

‏أنت حبك كنه الحكم السعودي
‏ثبته عبد العزيز ولا تـغيـر

.....

[الحمدان]

الصبح ربح وراقـد الصبح خسران
‏حتــى ولوّ ان مرقــده فيه ما فيه

‏واللـــي رفع راسه قبل رفع الآذان
‏شيطانه اللــي صـــافيٍ له يجافيه

‏الليـــل سجن وشقة النـــور بيبان
‏وظروف من ضيّع مخارجه تشقيه

.....

[الحمدان]

‏يشح البخيل وراعي الجود ماينذم
‏لو انه يبيح الكيف قهواك من دمه

‏وانا مايفـــور دمـــي الا ثقيل الدم
‏ليا قام يقـــدح فالنشاما وهو رمه

.....

[الحمدان]

‏ياعلي صب من أحمر الشاي كاسه
‏دام الطبيب يقول ماهو بممنوع

‏الاجـــودي يـا كـثـر شـكـواه راسـه
‏ولا عـاد عـنـده حاجـة تهدّي الرّوع

‏تـستكثـر الــدنـيـا علـيـنـا الوناسـة
‏مـا كنّــها للآدمـي حـق مـشـروع

.....

[الحمدان]

‏لا تحسبون العمر في طول الاجيال
‏عمرك لصــرت ابخير والجو طايب

‏احيان شايب وانت في عمر الاطفال
‏واحيان في عمـر الصبا وانت شايب

.....

[الحمدان]

أصعب شعور انك تمثل على الناس
‏وتظهر قبل حلـــو الكلام ابتسامه

‏ويظهر على وجهك علامه من الياس
‏والضيق له بين الحــواجب علامه

.....

[الحمدان]

‏يوم طاب السهر عيت تطيب النفوس
‏جت من الله وأنا كم كنت محتاجها

‏كنها من حلاها كل ليلة عروس
‏خايفة من عيون الناس وإحراجها

.....

[الحمدان]

دار الزمن حولي وانا في مكاني
حاولت ارجع كل شي لا مكانه

لاكن حسافه مافهمني زماني
ولا فهمته بعدما اسرج حصانه

.....

[الحمدان]

‏يا مُنــادي إذا ناديت فينا شديــد
ودهم بـس والا فأبشــرك بالسعد

كلنـا يد وحــده عنــد رأي السديد
يأمـر الحاضـر الغايب وجاه المدد

عند زحــف الكتايب ما ندبر شريد
من حضــر مننا غطى وما أحد رقد

في حِمَــانا تقَدِّم كُل أُسْرَة شهيديد
قافِلــة خِيرة الجدعــان واَحنِج ولد

وإن قـدرنا عــدلنا وإن نقصنا نـزيد
من طناخة بنــي عمي نسينا العدد

الله اللي خلقنــا احرار ما احنا عبيد
لو تقــوم القيامة ما خضعنـا لاحد

.....

[الحمدان]

‏اصبـر على الـدنيـا وقـدر ثمنهــا
ولا تبيــع الاخـرة لاجــل دنيـــاك

بالعقل تعـرف قبحهـا من حسنها
وبالقلب تعرف من يحبك ويشناك

ان اقبلـت لا تأمـن العيـــب منهـا
وان ادبـرت نـوخ على الله مطـاياك

الاقــدار ما تعمـي اذا الله دحنـــها
والابصـار ما تنجيك لو جت منـاياك

.....

[الحمدان]

يا كثركم يا جعلكم ما تكثرون
‏ياهل الهروج اللي ما منها فايده

‏وقت العوافي تذبحون وتصلخون
‏وقت القسى ماتنطحون الكايده

.....

[الحمدان]

من جـاد لك جـد له وخصـه بتقدير
واحرص على وصله وعطه اهتمامك

وان كان قـصّـر فالتمس له معـاذير
وافـتـح له ابـواب الـغـلا واحـترامك

ما ينـكر المعـروف من يبـذل الخـير
والطيب حـبـله بـين الاخيـار سـامك

.....

[الحمدان]

يالله يامجري تصاريف الاقدار
ياعالمٍ جهري وخافي السريره

اعوذ بك من عثرة الوقت لا دار
واسألك توفيقٍ وحسن البصيره

.....

[الحمدان]

الجرح لا طول يجي فيه التهاب
‏مير التحف عنه العباه الدافيه

‏دور علاجه في الطبابه والكتاب
‏وأحذر تولع ناره اللي طافيه

‏كثر المجامل يورث النفس العذاب
‏لكن لا تجرح نفوسٍ صافيه

.....

[الحمدان]

‏المواقف تكشف الطيبين من الرخوم
وكل طير سـود الايام تكشف برقـعه

.....

[الحمدان]

‏الكنز كنز القناعه والغنى بالنفوس
والحـر عبد المطامع فـي ملذاتهـا

وفقر العقول البلا ماهو بفقر الفلوس
وغنى النفوس الكفاف وكبح رغباتها

.....

[الحمدان]

لك في القمر صوره وله فيك صوره
يظهر تشـابهها باســآليب آخــرى

غاب القمــر وجهـــك يمثل حظـوره
غبت انت يملى خانتك بألف ذكرى

مقــدرت اميــز بين نـورك ونـوره
غاب القمـر غدرى وغبت انت غدرى

لا غبــت عــن قلبــي تشتت شعوره
وتطيب في وصلك جروحي وتبرى

ويـــزورنـي ليـــل اشتيـــاقي وآزوره
وانـثـر صباباتــي مــن الوجــد نثـرى

وإطــلالتك تبعــث بقلبــي ســروره
تلقي ثمان إحســاسه العذب عشرى

.....

[الحمدان]

‏زله لسان الأدمي بعض الأحيان
تقطع علاقات الرفيق برفـيقه

كم رفقه دامت زمان وازمان
عقب المعزه أنتهت في دقيقه

.....

[الحمدان]

‏خلك على النيه تجيك التوافيـق
‏لو أغلب قلوب المخاليق ظلماء

‏اللّه يبل الريق في حزة الضيق
‏لاشحت كفوف المخاليق بالماء

.....

[الحمدان]

الناس في أول لقاء ميه على ميه
‏مشكلتي إني مصيد الناس من بدري

‏عفوي وأعامل عباد الله بعفويه
‏وأطير فيهم وأقلطهم بصدر صدري

‏كم واحدٍ تحسبه ماشي على النيه
‏وتلاحظ إنك على النيه ولا تدري

[الحمدان]

‏ماقِلت أحبك ولا قد قلت ما أحبِك
‏ الحب مالي عيوني وإنت تسواها

‏لو تدري إشكثر تعني لي تعرف إنَّك
‏ آخر أمل في حياتي وأول مُناها

‏يا كثر أحسّ إنْ بِك مني وبي منِك
‏روح قسمها على شخصين مَولاهَا

.....

[الحمدان]

‏فز قلبي لا طرا لي مثل فزة سجين
‏سامعٍ عقب البطى صوت أخيه وشايبه

.....

[الحمدان]

‏يالـيـت القلوب الـبـاردة تنعرض للسوم
‏ابا اشـريـك ياقـلب اجـوديٍّ عـلى بـالي

‏ابا آخذك وقت النوم لين انّي اشبع نوم
‏وارجعك حين اصحى من النوم طوالي

.....

[الحمدان]

‏حـيّ الله اللي لـيامن غبت يفقـدني
‏إلي يـزول الزعل والضيق بـقـدومـه

‏إقـرب وسولف علي لـكنْ لاتنشدنـي
‏مغليك لا شاف عينك ضاعت علوم

.....

[الحمدان]

‏في حياة الناس ماعندي فضول
‏الخلايق يستر الله حالها

‏ادري ان الناس عاقل ومهبول
‏وافصل العقال عن جهّالها

‏يرجح الميزان في حجم العقول
‏ماهو بهندامها واموالها

‏والطيور تطير وتحوم وتجول
‏ولا توقع غير فوق اشكالها

.....

[الحمدان]

‏حظك كبير بصّفة الريش ياطير
‏لك خاطرً ما بيّح الوقت سدّه

‏عطني جناحك بس في حزة عصير
‏ولك وجهي إنه لظلم الليل ارده

.....

[الحمدان]

مشغول عني ليش يا قرة العين
وانا الذي للوصل ما شفت غيرك

من بعد ما عشقك جرى في الشرايين
تهمل محبك كثر الله خيرك

واضح نويت الصد والبعد والبين
وفي سماء غيري تحلق بطيرك

.....

[الحمدان]

انا عليك اشتاق وأقلق واحاتي
العين الاغفت تجيها با الاحلام

منساك لاصاحي ولا في مباتي
اسمر مع طيفك على البال لاحام

يا أول اللي من بدونه حياتي
ماكنهامن ضمن عمري والايام

.....

[الحمدان]

‏طويت صفحات الهوى والتلاقي
‏وقلت أتسلى وأترك الجرح للوقت
‏
‏وألقـاك في قلبـي ولا زلـت باقي
‏قِمت أتامل في رسايلك وإشتقت

.....

[الحمدان]

علمني الليل كيف احلم على كيفي
وعلمني الصبح بان احلامنا تكذب

ارتآح بين الضلوع العوج ياضيفي
أقدارنا من قبل نخلق وهي تكتَب

.....

[الحمدان]

بعض الجروح تروح مع مر الايام
‏وبعض الجروح نموت وفينا اثرها

‏ياكم بنينا من اماني واحلام
‏لكن رداة الحظ الاقشر نثرها

.....

[الحمدان]

‏ليلة وداعه كنها ساعة الموت
‏ودعت روحي والسنين القديمه
‏
‏ماينفع الانسان لافاته الفوت
‏يجلس يقلب ذكرياتٍ اليمه
‏
‏هاتو لي النسيان للصوره والصوت
وهاتو هدوء النفس اكبر غنيمه

.....

[الحمدان]

‏يا سليل القمر عطني من الليل ساعة
المساري مواقد شوق والشوق حامي

الفضاء ما كفى محزون رغم اتساعه
والبحر رغم وفرة ماه مابلّ ضامي

.....

[الحمدان]

وشلون ساقك غرورك صوب ترحالك
‏ما تلتفت في جروحك يا مداويها

‏وقّف وعوّد هذا قدرك ومنزالك
‏وهذي بروكٍ على خبرك مفاليها

.....

[الحمدان]

تسهَّل والسنين تعالج المجروح
‏ويرجع مثل ما كان الشجاع أشجع

‏أنا ماني مثل غيري يجي ويروح
‏أنا مثل العمر لا راح ما يرجع

.....

[الحمدان]

وجهك بحر ورموشك السود سياف
‏وبين الغرق والموت برق وقلاده

‏الشال لا منه تهاوى للكتاف
‏شعرك خطف لون الدجى من سواده

‏ما عاد باقي للجميلات أوصاف
‏خذتي وصوف العالمين و زياده

.....

[الحمدان]

ملاذ الروح وشعورك معي ما تلحقه شكات
‏اعرف ان وجهتك وحده وغيري ما تنبيته

‏تعودني على جبر الخواطر وطيب البسمات
‏وانا لو اشتكي لجدار ماله روح هديته

‏عطيتك عمري الباقي ولا ترجع على اللي فات
‏ترا اللي فات همنً في عيون الناس بقيته

.....

[الحمدان]

العمر وقفات والدنيا دروس وعبر
والعاقل اللي عرف الايام وحمولها

من جادل الجاهلين يضيع له في بحر
فلا تخاطب الناس إلا بمستوى عقولها

ثنتين خذها معك يا من يهمه الأمر
وصى عليها الحكيم لطيب مفعولها

لا تمدح العود لين يحط فوق الجمر
ولا تمدح الناس حتى تظهر فعولها

.....

[الحمدان]

إن شانت الدنيا ترا العمر مقسوم
محدٍ حياته جت على ما يريده

دايم تفائل بالامل واترك اللوم
عش لحضتك واللي مضى لا تعيده

.....

[الحمدان]

احسب اني كل ما طالت المده سليت
واثر قلبي لو يطول المفارق ماسلى

كل ماعرّض خياله على بالي بكيت
آه يا ذيك الليالي وياذاك الغلى

المفارق في المحبه هوينً لودريت
قادرً جرحك يطيب وهمك ينجلى

بس فرقى غالي مات مامثله رأيت
ينبري حالك ونفسك يطاولها البلى


فهد الخضران

[الحمدان]

الا ياحبيبي كلما قلت جابك شوق
تجي تنبش الماضي وتعتب على الفاضي

ترا المشكلة حنا على الأرض وانته فوق
عجزنا نسلي خاطرك وانت مو راضي

بلال الحاج

[الحمدان]

كلما مريت في بالي مرور
تضحك الدنيا ولو هي باكية

بس فيك العنجهية والغرور
ايقضت فيني الجروح الناكية


بلال الحاج

[الحمدان]

يالله يامن تعز العبد والا تذل
انا أحمدك عد ما هبت علينا الهبوب

وحدك إلاهي عليك الرُكن والمُتكل
لاضاقت الأرض عندك ماتضيق الدروب

ياغافر الذنب لاجيتك ذنوبي دبل
برحمتك وانت عارف وش تكن القلوب

بلال الحاج

[الحمدان]

ماتضيق الا على الناس الزحول
ولا تزين الا مع الناس الهمل

وانت وانا ياصديقي ابنطول
الصعايب دام بالله الأمل



بلال الحاج

[الحمدان]

يعم الهدوء ويستثير السكون الصوت
‏وأنا بين صوت العقل واحساسي الجايش

‏ماضيعني وذوقني الموت قبل أموت
‏الا عقلي المتحرّص وقلبي الطايش

‏أشوف الحياة جنازةٍ في بطن تابوت
‏لكني رغم كل الصعوبات متعايش

‏ترا ما أصعب من الموت واللي خلاف الموت
‏إلا الفترة اللي لا أنت ميت ولا عايش

.....

[الحمدان]

‏عذرته وسامحته على كل ماسواه
‏ومديت له يمنى المفارق وودعته

‏احبه و لكن خاطري جاه ما كفاه
‏يكفيني اني لا جرحته ولا اوجعته

.....

[الحمدان]

ليــس الحلا بالحسن والذوق والزين
ولا بلبـــــس المغريــــات الجميلـــــه

بل حسنــك الدايـــم بالخلاق والدين
متحشمــه قــــدوه بنيــــه اصيلـــــه

وما جــوها مايــل لفعـل الشياطيـــن
متــــربيــه واخــــلاق دره فضيلــــه

ونعم بها بنــت الشيــوخ السلاطيــن
وامثــالها فــي الكــــون هاذا قليلـــه

.....

[الحمدان]

يــارب لاتجعلنــي الجـــى لمخلــوق
ولا تخلــي حاجتــي عنــــد واحـــد

اما تعيشنــي وراســـي الـــى فــوق
ولايجينــي المــوت راضــي وحامد

ويــارب لاتجعل حثاله مـن الســوق
تشمــخ علــى كمــن مكافح مجاهـد

ويــارب فرجهــا علــى كــل مخنوق
من حالــة الــدنيا ومـــن كل فاســد

ويـارب ترزقنـي مــن الخير وتفـوق
نفــزع مــع المحتاج ونغيض حاسد

.....

[الحمدان]

بعض العـرب تزهـا عليه الاماره
المعضله عنـده مثل شربة الماي

و بعض العرب كنه محطة خساره
لا نافع الرايـح و لا نافع الجاي

سعد الفعم

[الحمدان]

يا منير عمر لي من التتن معمار
يبرى الغليل اللي على القلب سالي

وإلا رفعت الصوت وأبديت ما صار
من شان تدري ويش ولىّ بحالي

ما اكفاك مني سجتي بعض الأمرار
أنهج جنوب وحاجتي بالشمالي

أركض مع الدنيا كما ركض دوّار
يا ما كسب زندي ويا ما غدا لي

بندر بن سرور رحمه الله

[الحمدان]

الرزق بامر اللي على العرش مرفوع
الله عظيم الشان جزل النعايم

والذيب يصبر كل ماحده الجوع
ويضرب تخاتيخ الخلاء والخرايم

وكثر العتب واللوم والهجر ممنوع
بين القلوب إللي بها الحب قايم

والسب مايبني للانسان مشروع
واهل الشتايم يحصدون الشتايم

‎عبدالله مشاع السمي

[الحمدان]

معاد من جيلي سوى واحد اثنين
قفتبهم غبر السنين السريعه

اللي مراجلهم على العسر والين
ومنزالهم بين الحفر والوريعه

سعد بن سحو

[الحمدان]

طويت الرّشا عن ماردٍ مابهـج ظامـيه
وصدّرت يوم النفس من مشربه طابت

تركته لو ان القلب زود الظما طاويه
ولـو ان كبدي من هـجير اللّظى ذابت

هقينا وخاب الظن في من هقينا فيه
ولا فيه أخس من الهقاوي اليا خابت

هزاع الغميسي

[الحمدان]

الظروف القاسيه تظهر زحول الرجال
كل مانقيت عشره خرج منهم اثنين

من ذكرك بطيب واثني لامن جالك مجال
اعرف انه المحزم الجبر والدرع المتين

.....

[الحمدان]

عـسى بارد الجنّه وحوض النبي والحور
جـزا واحـدن مـوجـعني اليـوم فقدانه

وعسى مجلسه في جنة الخلد منبر نور
يـجـاور بـهـا رب الـسـمـوات سـبـحانه

رحـيـل الأبـو يـتـرك فؤاد الولد مكسور
بعد كان لا ضاقت لقى الأمن بأحضانه

عبدالله بن رشيد الجش

[الحمدان]

يامل قلب ٍ يلوعه طاري الفرقا
كما يلوع الحمام الورق شيهانـه

إن حوّلن حوّلت وإليا رقن ترقـا
متعليّتهـن وهـي حدمه وجيعانـه

على وليفٍ نحا مع روق عن برقا
عليه عيني بصاف الدمع غرقانه

أبوثـمـانٍ رهــاف ودقــةٍ زرقـــا
موتي ولا صدته عني وهجرانـه

.....

[الحمدان]

يقولون لاضاقت عليك الوسيعة غن
وانا اقول لاضاقت عليك اتجه لله

لياضاق صدرك مايداويه شعر وفن
يداويه ذكر اللي بيديه الفرج كله

.....

[الحمدان]

لا ضاع الجميل اللي مسوى على الرديان
ما ضاع الجميل اللي مسوى لوجه الله

.....

[الحمدان]

ياشين شوف الدار من عقبهم شيناه
مداهيلهم ماشفت انا الزول يمشي به

والله لولا الصبر يوم اجحده واكناه
لاصيح واشلع مقدم الثوب وارمي به

.....

[الحمدان]

اجمع له سمان الهرج خوف من التقصير
واليا جيت أبشرح له كلامي تهيزلته


يجيني منه هيبه معزه سحى تقدير
أقابله عندي علم وأروح ماقلته

سعد بن جدلان

[الحمدان]

طرات الرجل لا لحقه من الزمان هموم
ما يدري بسده كود خيرة بني عمه

وسيع البنايد في الشدايد قوي عزوم
لعظك زمانك شال همّك مع همّه

سلطان الهاجري

[الحمدان]

مادام جودات الفتى من ذراعه
فنا طويل الباع مانيب مجهول

ماني امير مير طيب جماعه
سيف لربعي بالمواجيب مسلول

لاقدموني لابتي ظرف ساعه
قدمتهم مقدار خمسة عشر حول

سعد بن هيل الدوسري

[الحمدان]

بعض البشر طبعه مقدر محشوم
وبعض البشر عيب عليك احترامه

والي ستر جسمه عن الناس بهدوم
وش يستره لاصار عيبه كلامه

.....

[الحمدان]

يالله تقديني لدرب الصالحين
اللي مافيهم لا نفاق ولا ريا

وانا فوجهك من وجيه الكارهين
ومْن الرخوم ومن قليلين الحيا

.....

[الحمدان]

الردي لو يستره ثوب وش يستر رداه
دام لايحشم قرابه ولا يحشم وجيه

انصحووه يبيع ثوبه ويشريله عباه
طاح من عين المراجل ولاعادت تبيه

والسفيه ان ما تبلّاك ماتسلم غثااه
حاول انك ماتقرّب يدينك من يديه

صافح كفوف الزمن وابتسم لاجل الحياه
واعلم ان الله اذا حب عبدٍ يبتلييه

.....

[الحمدان]

الرجل مايملى يده قول ياليت
ومايدرك الغايات لو ماطردها

غايتك لو هي في قلوب العفاريت
انزع بيدك قلوبها من جسدها

.....

[الحمدان]

انا لامنها تساوت في عيوني الأمور
ما عاد تفرق معي غدت سوا كلها

اللي علي ماتمر اسمحلها بالمرور
لو اني افطن لها ماكني افطن لها

.....

[الحمدان]

‏لا إله إلا انت ياربي وانا مطلوبي
سترك من العالم اللي يحترون الزله

قبل روحي لاتفيض أغفر جميع ذنوبي
وثبّت لساني بكلمة لا إله إلا الله

.....

[الحمدان]

على مرقب العليا عروش الـمراجل كوم
تفضل واخـذ منها متـر في متـر وافـلح

يــروم الـنـوادر واحــدً لانـصـوه الـقـوم
يـحـل القضـايا قبل لايـلبس الـمشـلح

.....

[الحمدان]

لاقمت اتحاشا الناس واقفي شوي شوي
ولاعاد صرت احب اسولف على من شفت

تراني من الدنيا واهلها نفضت يدي
ومن جملة احلامٍ كثيرة قنعت وعفت

ناصر الحمادين

[الحمدان]

الياء اقبلت لك شهب الايام باقبال
عطها نحرك و مقبل الوقت مقفي

ترى السنين حداد و عراض وطوال
و الرابح اللي تالي العمر معفي

من شال هم الوقت وضروف الأحوال
ان عاش فوقه ذاري الجور يسفي

حط الك بصمة طيب في كتب الاجيال
وعمرك سراج تالي العمر يطفي

‎سعد الجذع

[الحمدان]

ياكثر كرهي للعفون اللي مثل شغل النمل
اللي تجمع للـــوريث ولا تـــــسر نفوســها

وياكثر حبي للرجال اللي يلــــمون الشمل
اللي يصادمها الزمان ولا يلـــــــين روسها

الراي يبغاله رجل والحـــمل يبغاله جمل
والطيب يبغاله رجال ماتــــــصر فلوسها

مفلح الرقابي

[الحمدان]

الفجوج اوساع والضيق فالقبر الهيال
والغناة بروج وشموخ الأنظار الدرج

أعرف أنك صعب لا كثر من حولك جدال
وأعرف إنك راس لاطرًف الذيل وهرج

عش معزز لو ماتملك جنيه ولا ريـال
خير لك من شرح ظرفك لفراج وفرج

.....

[الحمدان]

ياصاحبي ماللفقارى بني عم
يوم الغني كلٍ يجيك ابن عمه

.....

[الحمدان]

أنا لاذكــــرت المـــوت وأمفـارق الأحبـاب
تضايقـت ثــم جريــت ونـّه بأثــر ونّـه

ومن حطتـه دنياه مابيـــن ضــرس ونـاب
يذوق المراره والعـــرب لاهيـــه عنّـه

لاشك السعيـد أللي من الذنب عاف وتـاب
توجـــــه لربـه خالــــق النــار والجنّـه

.....

[الحمدان]

لا تزهم المقفي ولا تقول لّه ليه
لا صار مقفي عنك مالك ومـاله

حذراك حتى للنظر في محـاريـه
اجزل عنه جزل الرشا عن محاله

خله يـروح وطول الايـام يرضيـه
ممكن إقفـايـه خير لك من قباله

ما يتبـع المقفين غير المسافيـه
اللي على مـا قيـل زايـد اهبــاله

.....

[الحمدان]

ياهن لو عندك مفاتيح الارزاق
ان كان تقفل باب الارزاق عنا

والرزق عندالله وتيسير الاوفاق
هذا اختصار العلم منا ومنا

حنّا يكفّينا المعرفة والأخلاق
والدين والحكمه وهيبة وطنا

.....

[الحمدان]

الرزق بامر اللي على العرش مرفوع
الله عظيم الشان جزل النعايم

والذيب يصبر كل ماحده الجوع
ويضرب تخاتيخ الخلاء والخرايم

وكثر العتب واللوم والهجر ممنوع
بين القلوب إللي بها الحب قايم

والسب مايبني للانسان مشروع
واهل الشتايم يحصدون الشتايم

.....

[الحمدان]

استر على مابيننا من مراسيل
انا قطت الوصل مع كل الامه

اودعك بالمسك والورد والهيل
موفقٍ مع كل درب ٍويمّه

.....

[الحمدان]

زين المكان بطيب من شاركك فيه
وطيب الديار بطيب منهو سنكها

وليا تغيّر قلب من كنت تغليه
بئس القلوب وبئس منهو ضمنها

كل البشر ماكل شخصٍ بترضيه
بعض النفوس الله يخارجك منها

.....

[الحمدان]

مدري شبلاهم ربعنا مايردون
رد السلام بشرعهم يمنعونه

متعالي المجمول طاغي ومزيون
ويشوفنا في عينه اليوم دونه

لا ياسمي الوالده ليه هالون
مانستحق ياشوق منك المهونه

ليتك تشوف بداخل الجوف مكنون
وتشوف حبك كيف ثبت ركونه

حبي تعدى حب ليلى ومجنون
قيس ان جلس وياي هانت جنونه

.....

[الحمدان]

كل بنتٍ قطعة من قلب ابوها
دمعها يجرح وضحكتها تداوي

ذي حقيقة وانشـد اللي جربوها
قبل تقدِم للزواج إن كنت ناوي

‎.....

[الحمدان]

بيض الله وجه صكات الليالي
بينت معدن قليلين المروه

الله اكبر كم واحد كان غالي
إنقلب ميزان قدره من علوه

يوم جاء للموقف الحاسم مجالي
بان راع الزيف والوجه المشوه

.....

[الحمدان]

من لايثمن جيتك لانصيته
أحذر تحث خطاك يمه وتنصاه

جنب طريقه لاتجي يم بيته
خله على يسراك ومش وتعداه

للي ليا منك نصيته وجيته
يشوش ويرحب ويضحك محياه

أتلى العهد بالهم ساعة لفيته
ألله يطول عمره وعمر شرواه

.....

[الحمدان]

امك وابوك اللي من الصغر ربوك
أحـرص على تقديرهم واحترمهم

يبـغون مـنك المنفعه يــوم جابوك
لاتجحـد المعـروف و الخير منهم

انته لهــم يا طيب الفـــال مملوك
أحـــذر زعلــهم وادفع الشر عنهم

كم مرة في وسط الاحضان حطوك
من شـــان تفــرح لو تكـــدر زمنهم

.....

[الحمدان]

الوقت هذا طبعِه أقشر يروّع
الكذِب له جمهور والصدِق مكبوت

والكفو من ماهو يشوفِه ملَوّع
صار الخبِل له دور والعلِم مثبوت

وقتٍ يهَمّشْ فيه شيخ ومطوّع
ويمجّدون الناس بالكذِب سربوت

.....

[الحمدان]

لاتنخدع بالعالـم المتمصلحـه
مجَوّفين الروس وكبار البطون

لويمدحونك يوم لاجل المصلحه
بعده يذمونك سنين ويسخطون

.....

[الحمدان]

تعال خاشرني ترا الحي للحيّ
الخير خير الله ماهوب خيري

حلفت ما اكنز من حلالي ولاشيّ
كيف اكنـزه وانا ادري انه لغيري

عسى بيـوت ٍ ما لجـدرانها فيّ
تصيبـها دعـوة الاميـر السديري

فلاح القرقاح

[الحمدان]

نشدت لي شايبً عن زبدة علومه
جاوب سّوالي وعينه جالھا لمعه

اربع تھز الصُبور وتكسّر عزومه
جور الولد والفقر والشيب والدمعه

.....

[الحمدان]

العذر عند اهل الوجيه المطاليق
مقبول لو ان الخطأ كبـر ابانــات

مهما حصل ما دققوا فيه تدقيق
من طيبهم كل الدعاوي سهالات

.....

[الحمدان]

الرفقه اللي ماتوثق على ساس
لو جاملوا فيها قصيرٍ مداها

لا بدها من يوم تخرب وتنحاس
بعدين كيف الناس تكسب رضاها

.....

[الحمدان]

مهما بلغت من المكانة بالاعراق
ومهما ملكت أضعاف مايملكه حي

دام الرصيد أصفار في بنك الأخلاق
تأكد إنك شخص ماتمتلك شي

.....

[الحمدان]

ﺗﺪﺭﻱ ﻭﺵ ﺍﻟﻠﻲ ﻳﺠﺮﺡ ﺍﻟﻜﺒﺪ ﻳﺎﺳﻌﻮﺩ
ﺯﺭﻉ ﺍﻟﺠﻤﻴﻠﻪ ﺑﺲ ﻓﻲ ﻏﻴﺮ ﺃﻫﻠﻬﺎ

ﻳﺎ ﻛﺜﺮ ﻧﺎﺱ ٍ ﺗﺠﺰﻱ ﺍﻟﺒﻴﺾ ﺑﺎﻟﺴـﻮﺩ
ﻭﻏﺮّﺍﺕ ﺑﻴﻀـﺎﻥ ﺍﻟﻮﺟﻴـﻪ ﺇﺗﺨﺘﻠﻬـﺎ


...

[الحمدان]

لاتهمل صلاتك واغتنمها مدامك حي
من اهمل صلاته والله ان عيشته ودْره

لو ان عنده امن المال مالً مهوب شوي
لايمكن بكثر المال يشري سعة صدره

.....

[الحمدان]

إن طاب حظك باعلك وإشترالك
واذا تردى فاطيب أرياك يعميك

وان طاب حظك في المجالس حكالك
وليا تردى الحظ قام وحكى فيك

وان خاب حظك آه وعزتالك
راحت عذاريب العرب كلها فيك

وإذا تردى الحظ عزي لحالك
أدنات مابه ناقص العقل يذّيك

.....

[الحمدان]

ماهو بشرط النور نور المصابيح
النور والله نـور قـلـب وبصيره
.
ترى طراة العمر ذكرٍ وتسبيح
دام البنادم بين طـاري وسيره

.....

[الحمدان]

للرجل لامنك عرضت العزومه
لا تحرج الرجال في كثر الاديان

اعزم وجوب وفرحةً في قدومه
وليا رفض معذور والعلم نيشان

ترا العزومه فال ماهي خصومه
تقدير ويقدم من إنسان لنسان

الناس كلاََ وسط صدره علومه
وفلان ظرفه يختلف عنك يافلان

.....

[الحمدان]

بعض الخلايق مثل الافعى والحنشّ
يتصيّد العثرات ويبثّ السموم

وبعض الخلايق مثل حرّك تبتلشّ
تمزح معه ويجيك فالعجّه يحوم

وبعض الخلايق لايهشّ ولاينشّ
لاينطح الغاره ولايقضي اللزوم

ياراسي الشامخ تنصّب وانتعشّ
واللي يطيح يطيح جعله مايقوم

.....

[الحمدان]

تلاث مذمومه وضايع سندها
على ردي الحظ ماهي غرابه

زلة رفيقٍ فالمحافل قصدها
وطعن القريب اللي يخون القرابه

وااللي من الثنتين امرْ وادها
اللي يخون الدار وقت الحِرابه

.....

[الحمدان]

تدري وش اللي يرفعك عند مولاك
والحاجه اللي تجعل الناس تغليك

لا زانت اخلاقك وطابت نواياك
وثابت على نهجك وصادق مباديك

وتدري وش اللي ضر دينك ودنياك
لاشانت اخلاقك وبارت مساعيك

والناس من حولك تذمك وتشناك
وخاب الرفيق اللي هقى هقوةً فيك

.....

[الحمدان]

الكذب ما احبه ولا اطيق راعيه
ولاتنبني بيني وبينه علاقه

اللي لا سولف قام ينفخزعلابيه
وليا بحثت العلم مقطوع ساقه

اللي يزوٌرْ هرجته وش تبي فيه
قلعة سواليفه ومطيب فراقه

[الحمدان]

لا شانت الدنيا وشفت الغرابيل
والصدر ضايق من هموم المعاصي

صل الصلاه الخاشعه تالي الليل
واسجد بقلبك مع سجود النواصي

وازبن على اللي رحمته تسبق الويل
ما خاب منهو جاه تايب وناصي

اللي عليه المغفرة والتساهيل
رازق جميع الخلق داني وقاصي

.....

[الحمدان]

من قصّة آدم وحنّا ابليس معمسنا
يالله يارب لاتبحث خفايانا

ياكثر مانذنب ونخطي على أنفسنا
وياكثر مايغفر الله من خطايانا

لولا الشيم والقيم والدين يحبسنا
يمكن تغيّر سذاجتنا سجايانا

وسلوم اهلنا من الماضي يحسسنا
بالواجب على دربه مطايانا

.....

[الحمدان]

ياللي عزمت الضيف وتقول عيا
الضيف يفطن للعزيمه لياجات

شكله يعرف انك عزمته كذيا
بعض العزايم مثل قولة خدمات

.....

[الحمدان]

هـذا زمـان الي يـغـره زمانـه
من طيشته يشوف محدٍ بقده

وده يجي مكان ماهـو مكانه
والناس حتى فالرخا ماتعـده

ماعنده امجادن تثبت كيانه
لاذكر ابوه ولا ذكر فعل جده

.....

[الحمدان]

‏من لا صحى من صكت الوقت لا دار
ما عاد يصحي لو تدور الدواير

ومن لا قراء معنى الاشاره باالانظار
ما عاد ينفع لا انفضح له سراير

الحر يفقس بيضته عزم وإصرار
ولا ضف ريشه يعتلي الجو طاير

.....

[الحمدان]

اختر خوة الي لا عطتك الظروف آيعاز
هبد صدره وحرر قيودك من الضيقه

خطوى نادر ماهوب يزمل ولا ينهاز
في نظرت عيونه حلمك تشوف تحقيقه

واترك خوة الي لا بدا لازمك ينحاز
تقول آدْمي ٍ متوكد من تفافيقه

عسى الي يثمن وقفت الطيب المعتاز
يفاجى بشيك يربك البنك تصديقه

.....

[الحمدان]

لمحت جرح الثرياء في ظلام الليال
يوم اشتكت نجمة الاحلام من جرحها

انا ادري انك حقيقه في رفوف الخيال
واكبر دليل الغبار اللي على سطحها

.....

[الحمدان]

وقفنا على باب الأمل وقفة المحتاج
ورجينا كريمٍ ماهو يصكّ بيبانه

يناجيه عبده وما يردّه سحا واحراج
ويطلبه من فضله ومدّته واحسانه

عسى مِقبِل الأيام يسر ورخا وافراج
وعسى ما مضى يمحاه عفوه وغفرانه

.....

[الحمدان]

الصباح اللي يجي مع طلته لك سـيره
أشهد إنه صبح متميز ولاهو عادي

والغيـاب اللـي يطول ولاحصل تبريره
يشغل افكاري وروحي تفقدك وتنادي

.....

[الحمدان]

الصبح به ميزات عن كل الأوقات
ماتـشمل اللـي للفجر مايقومون

دقايقه تمضي تتابَع سبوقات
يظفـر بها اللـي للفرايض يؤدون

واللي يبي يشوف هذي الفروقات
يقوم ويصلي مع اللي يصلون

.....

[الحمدان]

مادام الحياه موليه والعمر محدود
ونا مسلم ومومن وربي معافيني

ابا اتبع هوا نفسي وبطلب من الله زود
ولامت عسى الله من النار ينجيني

.....

[الحمدان]

قربك من اهل الطيب فيه المكاسيب
تـجـني ثـمـرهـا بـالحـيـاه الكـرامـه

ان جـيتهم يطربك زيـن الـتـراحيب
وان رحـت عـنـهم ودعـوك السلامه

واهل الردى قربك من بيوتهم عيب
لأجـيـتـهم ماشلت غـيـر الـمـلامـه

مايـنـكـرون افعالهم بالاصـاحـيـب
عـدوان تبغـى لرفيق انهـزامـه

.....

[الحمدان]

سرينا سرينا ياخويي حداني الضيق
علي الطواري ي احمر العين مجتمعه

يغلوي فوادي يبن ابي مثل غلو بريق
ولا باقي الا شوي واسيل الدمعه

شعفني هبوب بقيق من يوم جيت بقيق
وانا ادرى على المنقود وادرى على السمعه

.....

[الحمدان]

سقنا الهقاوي الى العليا وساقتنا
عزايم من ظروف الوقت مالانت

وان جات زلة رفيق من رفاقتنا
ماضاقت اخلاقنا منها ولاشانت

الا لامنها تعدت فوق طاقتنا
نصد والنفس لاذلت ولاهانت

حتى ولو نرجع وترجع علاقتنا
لايمكن انها بترجع مثل ماكانت

.....

[الحمدان]

لو كان نحسب كل زلـة وتقصير
كـان البشر ما فـيـهم اللي نـوده

عيش وتعايش في حياتك مع الغير
وإذا أرتـخى حبل العلاقات شـده

ومن لا يبي شوفك عسى فاله الخير
مـن راح لا تـطـرد وراه وتـرده

.....

[الحمدان]

يافاطري حني حنينك بلاحيك
كلٍ رقد وانا اخر الليل واعي

في ديرة الاجناب والله لاضريك
بالمبرك الصّفره وعقل الذراعي

.....

[الحمدان]

أنا ويش ابا بالرفقه اللي ماهيب اتدوم
علاقـة مصالح وآخر الوقت منـتهيـه

جدايد علاقتها عزايم وحب خشـوم
وبعد ما انتهت مالحيةٍ قالت إلّحيـه

.....

[الحمدان]

لا صارت الخوه هروج ومناقيد
ماللي وراها يابن الاجواد حاجه

ان كان ماللطيب فيها مواريد
طارت مع اللي طيرتها العجاجه

.....

[الحمدان]

نصون العهود ونحفظ الود والتقدير
ولاتخلف الدنيا واهلها مبادينا

تطمن ياراع الخير ماحاصل الا خير
ترانا على هقوات منهو هقى فينا

.....

[الحمدان]

الخبل لامنه تجرا على النــاس
قـام يتـبعج بالمجـالس خبالــه

أما نقل لـه هرجةٍ مالـها راس
والا صنـع لـه كذبةٍ من حلالـه

.....

[الحمدان]

ماهو بشرط النور نور المصابيح
النور والله نـور قـلـب وبصيره

ترى طراة العمر ذكرٍ وتسبيح
دام البنادم بين طـاري وسيره

.....

[الحمدان]

اليا أبليت بكملتن مالها علاج
عوجا وجاتك من عوج صد منها

دور لها يامحكم الشور مخراج
ولا تنشد اللي جابها عن ثمنها

مانته مكلف بين ناقل وهراج
أرفع مقامك يابيض الوجه عنها

.....

[الحمدان]

فكر بحالك وانتبه في خطاياك
حاسب ضميرك لاتمادى بعيبك

الموت ماتقدر ترده اليا جاك
وماقدر المولى لزومٍ يصيبك

خلك على اللي يرفع الراس ممشاك
وتواضعك للناس من زود طيبك

واحذر من التقصير في حق مولاك
وابعد عن اللي في حياتك يعيبك

.....

[الحمدان]

صواريخ العيون النرجسيه
رمني من هدبها واوقعني

هدفها تقتل النفس البريه
الا يالله بها لاتمتحني

.....