اخترنا لكم شعر نبطي وفصيح

[الحمدان]

ما نسيتك جعل ينساني زماني
كيف تبغى انساك وانت العمر كله

دوك هذي كلمتةٍ بلت لساني
والله احبك واموتك حب والله

عاد ودي يوم جيتك لو عشاني
جادلك هذا ابي كفك تفلّه

ودي أبحر فيك يا بحر الاماني
كل عرقٍ من عروق القلب بله

ليه تضحك حط نفسك في مكاني
اغنتك عن شوفتي صورة مجلة

.....

[الحمدان]

ماني من اللي يتبعون المقفين
ولاني من اللي يعبدون الزوايا

ترى التطاول شي مايرضي الدين
هذي صفاةٍ للحفاة العرايا

ياسيدي مابيك في ليلي تبين
بالله قلي ويش أبي بالهدايا

أبيك بس تفك قيد المساجين
اللي أياديهم تهز الحنايا

.....

[الحمدان]

تلمست لك عذر وتاملت بك ميعاد
من العام واقدامي على الدرب دواجه

اجي من هنا وانتي تروحين بي من غاد
تقل ما خلق ربي مواعيد ومواجه

ولا حن لك قلب ولا غصن فرعك ماد
ولا ارخصتي الدمعه وهي ملح وهماجه

ابسلبك من يمكن وبحاول وما فاد
وابذخرك لظروف المواعيد والحاجه

وابتليك لين اني واجهاد عليك جهاد
اذا اصلك والا دونك الموت وخلاجه

لك من السعه عين ومن الحاجبين حداد
انا وين اوديني عن الرمش وحجاجه

ولا انتي من اللي يظهر بحسنها الاضداد
ولا عينك النجلا تبي كحل ودعاجه

يصوت بك المخطر على الروس والاشهاد
عليك العوض كانك تمنين بعلاجه

حرام اننا نقضي على بعضنا بعناد
متاييه في بحر تلاطم بنا امواجه

اذا احتجت يا قلبي على الظلع الاطول ناد
على واحد عرض السموات محتاجه

.....

[الحمدان]

مرت من الغيد الفوارق وحده
ما هيب مثل العالم المراره

هذي حريقه جاهزه ماباقي
ما باقي الا وتشتعل شراره

عطر يداوره الهوى وتضمه
وتجامله وتهدي استنكاره

تتشقلب وجيه البشر لاعدت
وتعلق الدنيا على مسماره

خطواتها وحده وراها وحده
مقسمه بالشبر والمتاره

تمشي خطاويها برتم ونغمه
كنك تمشيها على القيثاره

واليا انثنت للارض تاخذ حاجه
اتقول طعم في طرف سناره

تحرق صدور المترفات ان مرت
اكثر من السيقار والسيقاره

اتوزع البسمه على اللي معها
اياك اعني واسمعي ياجاره

ارق من نسمة عبير غادي
تحت النحر وشوي فوق زراره

.....

[الحمدان]

ما عشقت من النجوم إلا السواري
وما كرهت من النفوس إلا الرديه

من خيوط الشمس يغزل لي نهاري
من يدين أمي الحنون الاجوديه

وفي بقايا الامس كان اخر وقاري
وكانت اخر خطوتين المقدريه

غرفتي قبري بعض حظي مزاري
حيز يعكس دنا الدنيا الدنيه

.....

[الحمدان]

ابيك بكل ما ربي عطاك من الحلا والزود
وابي كلك وابي قلبك وابي خيره وابي شره

قضى عمري وانا واقف على باب الرجا الموصود
واخاف اني ما عاد اقدر اصبر نفسي الحره

غيابك لعنبو هذا الغايب اللي ما منه فود
كسر حجر الضلوع وضيق الخاطر ولا سره

طلبتك لا تخلين العواذل تكثر المنقود
انا مضطر وطباع العواذل حيل مضطره

.....

[الحمدان]

دام المعارك صغيره ما علينا لزام
ينوب عن سيفي البتار اصغر جفير

قرات في ما قرأته من بلوغ المرام
اللي ترك شي لله عاضه الله بخير

.....

[الحمدان]

الشخص يلدغ من جحر ويتركه
وأنا لدغت عشر مرات لاكني

مازلت انوخ ركابي في مرابعه
يجفاه رأيي ورجليني يودني

ما كان صبراً عزيز النفس يمنعه
بل كان ضني وأضنه خايب ضني

هوجاس ياللي مضى لي وقت أصارعه
أنا سكين وهو ذا الحين ساكني

لابد أبين خصيمي قاتلي من هو
وادفنه حياً قبل برضاي يدفني

أنا سكيعً مشرد في شوارعه
وهو عزيز مكرم مادرا عني

القرش يرفع بيت لاعماد له
والفقر يهدم بيت العز ويدني

الله.. وربي..وديني لا أضيعه
شاء القضاء وجاني من يجنني

أبو جديل أليا منه نطق شنهو
شنه يشقق حشاي أو يلفعني

عين الحمام صفاءً في محاجره
ورمش ضليل لكن مايضللني

حاز الكمال جمالاً حتى أصبعه
والعين والخد والأذنان والسني

الله وأكبر عليه وكل مامعه
لاشفت زوله مقفى تقل يلفعني

غرونً وضعني جزافاً وسط مدفعه
و عقل قليبي وحاول بي وأقنعني

أن الذليل عزيز النفس يتبعه
والضن ضني وأضنه صايب ضني

.....

[الحمدان]

صاروا خبول الناس هم صفوة الجيل
والــســاده العقال مــاهــم بعـقـال

العقل وسلوم الــرجـــال المشاكيل
لو تنجلب في السوق ماجابت ريــال

.....

[الحمدان]

لو معك عرفٍ عن العوجا يردك
كان أخذنا معك بالهرج و عطينا

قد درسنا خارطة مزحك و جدك
و التزمنا الصمت عقب اللي لقينا

تخطي الأسناع لو ما هو بودك
من علومك قد شبعنا وارتوينا

ما يجاري لخبطة جزرك و مدك
غير من يقدر يشيل جبال سينا

إن تساهلنا معك جاوزت حدك
وإن هرجنا صارت الشرهه علينا

.....

[الحمدان]

يا خل سامحني لقل الكلافه
لو كان قدري غير ما قلت لك ليه

هذبت لك جرحي وشعري وقافه
وعنيت لفراقك ولو كنت شاريه

بالأمس كان الحب والشوق آفه
واليوم ما كنك بكيتي من التيه

جف الغرام ويا سبايب جفافه
مالك وسط روح المعنّى مشاريه

لو كان دمعك بحر يسقي ضفافه
ما لان لك قلب ٍ ابد ما عرفتيه

هذا الزمن عشقه مجرد سخافه
يمكن لاني ما عرفت الهوى فيه

على جدار الوقت بذكر خرافه
واكتب انا يا وقت مجروح غاليه

يمكن يحس اللي كتب بأعترافه
انك حبيبي قالها قلت له لييه

.....

[الحمدان]

بالله قولوا للسّفيه الـلابه
ماهو قبيلي كانها صارت أفعال

وإن كانها بالشّعر يامرحبا به
باشرب قراحه وأترك لمثله حثال

دام السّهر عنده سوالف صبابه
ودام الحنين بنظرته قد مياّل

ودام الشّعر عنده حبيب وغيابه
وأقصى همومه بالشّعر ساعة وصال

أنا السّهر عندي بلى مبتلابه
شيئٍ إذا جاني مواضيعه ثقال

وأنا الحنين إن مرّبي مايشابه
إلا حنينٍ مر برجال لرجال

وأنا الشّعر عندي خوي وقرابه
يشره علي لاخطيت وأفرحة الأنذال

باشعل جفوني للسًهر والكتابه
ودّي بشعرٍ ما بعد قبلي إنقال

ودّي بشعرٍ مايعرف الرًتابه
شعرٍ بعد موتي بيحييني أجيال

بقولها والله ولاني بآبه
ما دامني بالشّعر نقّاض فتّال

أحيان أغلي من غلى رجل لابه
وأحيان أبغض لابه لبغض رجّال

.....

[الحمدان]

يضيع بدفتري شعري..واضيع بزحمة الافكار
ادورني ولا القاني .. وادوّر بي ولا ألقابي

وأحس إني تعبت ولالقيت لها الغياب أعذار
يجمّلني مع منهو .. يبيله عذر لغيابي

وجيتك ياخويّي جرح .. انبت لو نزفت اشعار
جيتك كيف ما أدري .. ولكن جيت واقرابي

قصايدنا غدت حنطه .. تسولف للرحى أسرار
وتنور الزمن يحرق .. رغيف الشاعرالصابي

انا ادري هالزمن يرفض مثل ياكليب شب النار
لانه مو زمن شب وحطبها يمك ايجابي

قرف كل القصيد اللي .. سمعت فجلست السمار
ترف كل القصيد اللي.. حكوا لي عنه اصحابي

ابسأل ليه مانكتب .. نشيد الصبح للأحرار
ابسأل ليه ماننسى.. قصيدة غابوا احبابي

شف الأبطال اطفال.. بنادقهم صبر واحجار
عسى فيهم صلاح الدين يغسل فدمه ترابي

عزاي فـ أمة تنبت .. مع مرالزمن ثوار
وعزاي فأمة ارقى.. بها وارقى وترقابي

.....

[الحمدان]

رجل يبي طاريه عند الأشانيب
ورجل يبي طاريه عند الحبيبه

رجل يودي بالسواليف ويجيب
ورجل سواليفه لفعله تجيبه

رجل يغض الطرف عن جارة صحيب
ورجل عيونه في محارم صحيبه

ورجل تسد بغيبته يومه يغيب
ورجل ولا تقدر تسد بمغيبه

ورجل يغيب ويفقدونه هل الطيب
ورجل ليا من غاب محددريبه

ورجل اذا أخطى يرى نفسه مصيب
ورجلاذا أخطى يراها مصيبه

ورجل تشوف بخوته لك مكاسيب
ورجل تشوف بخوته لك غليبه

قلت الصراحه مابها شك أو ريب
كل على طبعه يجيبه حليبه

اشره وشره كان تبغي المواجيب
عط حق تاخذ حق مابه معيبه

.....

[الحمدان]

الشقاء عذب قلوب الناس واسرف في ألمها
والدموع الي على اوجان الفقارى مستهانة

يستشفون السعادة والاماني من عدمها
والضمير الي حكوله ما تحرك من مكانة

دوروا حل المشاكل والمشاكل وش رسمها
غير تغييب الضمير وغير تضييع الامانة

.....

[الحمدان]

في قلبك القبلة وفي وجهك النور
وفي عينك الطالات وأم المعارك

العز لك منهاج والشرع دستور
والطيب ذكرك والخلود أختيارك

في طولة الأمجاد لاتاخذ الشور
الشعب كله ما يخالف قرارك

أضرب بنا العسرات وأقطع بنا بحور
لا حالكت دنياك شعبك نهارك

دام عزك ياوطن

[الحمدان]

عساه يؤخذ في الضحى قولو امين
اللي بنات الناس شغله وهمه

احداً يحاول ستر عذراء البعيدين
واحد يدور بالردىء بنت عمه

قد قالها بندر قبل عدة سنين
يثور معها الحر ويثور دمه

ولا الردي لو مرته بين قوسين
تزول عن عينه مزول المغمه

.....

[الحمدان]

يا من سجد وجهي لوجهك ولا زال
يجني ثمار السجدة إللي سجدها

أنا بوجهك من عنى الوقت لا مال
وشر النفوس المبغضات وحسده

آمين

[الحمدان]

تقرا الجدار ويقطر الدرب عاري
بردان .. ما تدفي ترابه حروفك

وكنك تهجيت انكسار الذواري
وافسحت للكلمات باطراف شوفك

في جانب المنقد نصبت السواري
ودرت الحديث .. وزاحمنك صفوفك

كان المسا يشخب حليب الصحاري
بالعين ضرع يستدره وقوفك

كنت انتظر تفتح مداين غباري
وتسفح على جوع المداخل طيوفك

او تجترح صمت الرخام بمساري
يمكن على المرآة تصدا سيوفك

لكن . ضربت بقشعريرة نهاري
في موقفك واهتز ليمون خوفك

.....

[الحمدان]

يا البندري جيتك أمسيك بالخير
يسعد مساك الله وينْور مساكا

يا منتدىٍ فايق إستايلك عن الغير
غنجك وذوقك والدلع به شراكا

وصفك ابعيني فاق كل التصاوير
من بينهم مثل القمر في سماكا

صداك وسط الويب عدى المعايير
محال غيرك يوصل لمستواكا

أوحيت في فنك مهاره وتمرير
ما يدركه ولد البرازيل كاكا

أشهد وتشهدلك جميع الجماهير
الي تتابعلك سبايب غلاكا

وعيدها وقو ل مسيك بالخير
يامنتدى ٍ مثل القمر في سماكا

.....

[الحمدان]

في يومها الأول بدت مثل الخطوط الباهته
في لوحة الدنيا .. ولا هي ظلها ولا ضوها

وفي يومها الثاني بدا المجهول ينفض وحشته
سحب تكاثف وانحدار السيل يعلن جوها

وفي يومها الثالث تصدى للشعور ودقته
واصبحت اشوف اروع مزايا حسنها في سوها

وفي يومها الرابع بدا المغمور ياخذ فرصته
ما خلت احساس غريب ماحكته وتوها

وفي يومها الخامس وهذا اليوم يا.. يالهفته
فلت شراعاته وبعد شوي قالت طوها

.....

[الحمدان]

أنالي حبيبٍ إذا ماجبت به طاري
عنه فؤادي سألني إيش سّوا لك

أغليه أناحيل ليته بالغلا داري
واحبه أناحب مايخطر على بالك

مابعته أبداً لأني دوم له شاري
وش لون أبيعه وهو لِفؤادي المالك

هذا وله فوق حبي كل إصراري
على الوفاء دايماً واقسم على ذلك

ياعاذلي ويش لك تترقب أخباري
تموت مهموم أحسن روح في حالك

مافيه مصلوح لك من كشف أسراري
حتى ولو كان بعض الحكي يحلا لك

أنا مفوض أموري دوم للباري
وكيلي الله وحده مالي ومالك

أدري خساره حروفي فيك واشعاري
بس ودي أفضحك وافضح خيبة أعمالك

.....

[الحمدان]

شكى قلبي من عنادك وطُول الصد والهجران
وياليتك شعرت بْلوعة أشواقي وإحساسي

كذا تبعد وتتركني متيم في الهوى ولهان
كذا تقسى علي وتغيب عنّي يابعد ناسي

رسول الشوق نادى لك حبيبي لاتصم الآذان
ابي تسمع صدى صوتي وتقتل بالأمل يأسي

ابي لطفك يرافقني دواما مو بعض الاحيان
أبي أرفع حبيبي فيك مابين الملا رأسي

رسمتك لوحةٍ في خافقي تزهى بك الألوان
كتبتك لين مل من لون حبري وجه قرطاسي

يعين الله كم هي صعبة الفرقا على الإنسان
يعيش العمر في حسرة كبيرة دوم ويقاسي

ملكت الروح ياخلي وعشت بْداخل الوجدان
لك الله صرت لي أقرب الي نفسي من أنفاسي

يمر الوقت لكن لا طريقة لي الى النسيان
نسيت أنساك لا تعجب لاني أذكرك ناسي

هويتك والهوى ما يرتوي من نبعه العطشان
شربت إمن الوله لين أشتكى من شفقتي كاسي

.....

[الحمدان]

كم من مريض يعيش شهور وسنيني
وكم من صحيح رقد والنومة النومه

عبدالله بن زوبين

[الحمدان]

أن كان ما توقف معي وقفة أخو
لا بارك الله فيك والخوه سوى

والرجل مايعرف صديقه والعدو
الإ الى من حبل الأيام التوى

.....

[الحمدان]

أنتي أنتي مآ تغيرتي كثير
آلملامــح وآلبسآطه كلها

مآ يغيرك آلزمن مهمآ يصير
لان روحك طيبها محتلهآ

في غيآبك أرسم آلحلم ويطير
وأكره آلدنيآ وأحس بغلهآ

وشوفي كم مرت سنه مآني بخير
آلهموم تظلني وأظلهآ

.....

[الحمدان]

لا خير في رجلٍ بدون حميا
ما هيب منّه من هشاشة ساسه

سلّم على اللي عل المراجل عيا
من طيب أبوه ومن طناخة راسه

.....

[الحمدان]

غاب الذي ما كان لغيابه عذر
وكبر مع دوامة الحيرة سؤال

اللي على دروب الليالي والسهر
ترك وراه أشياء فيني لا تزال

.....

[الحمدان]

كتبت الشعر واثر الشعر لا يسمن ولا يغني
ولا ينسيني اجروح الهوى بالعكس يحييها

على بالي ابكتب شعر والمجمول يسمعني
ويتعاطف مع احساسي مشاعر حب يبديها

أثار الزين ما يكمل جميله وفكرها يعنى!
جمال الروح ولا حساس تفتقده اراضيها

أجهز دفتري واجي لها عاني ومتعني
ابي تسمع نبض حرفٍ كتبته لجل طاريها

اسمعها بيوت الشعر واقول اسمعي مني
مشاعر عاشقٍ ملهم لغيرك ما يطريها

تناظرني تهز الراس على بالي بتفهمني
وبان انها قليل ادراك ما يفهم معانيها

أنا ما ابي جسد عاري متى ما عاز يطلبني
ولا برضى اكون ابيوم ارا قوزٍ يسليها

ابي وحده عريبةاصل بهاالاقدار تجمعني
رفيعة قدر عريضة صدر مثل البدر اياديها

تبادلني حروف الشعر وابياته تسمّعني
تشاركني قصيدة حب وتسعفني قوافيها

الا ياليت ابلقاها واعيش العمر متهني
تسليني وتسلى بي وراعيها واداريها

.....

[الحمدان]

فكره وليده وامها حوريه
غابت وانا من بعدها محتاسي

تطري على بالي واجر الونه
والبيت يصلى من لهيب انفاسي

لاجيت اعبّر وانثر اللي داخلي
واكتب على بيض الورق بحساسي

ارجف وترجف في خفوقي عبره
دمعي غدى حبري على قرطاسي

وتزيل كُربة خاطري تنهيده
يصحو ا بها جيراني النّعاسي

.....

[الحمدان]

اتنقّى من فريد القاف غالي
عادةٍ لي يوم جا للبدع فاقه

فوق خد البوك اسطر ماطرالي
بيني وبين الشعر فن وعلاقه

كنّي الوالد وكنّه من عيالي
ومن غلاته ضفت انا اسمه فالبطاقه

يا ابو دانه مابقى فيها مجالي
وانت تدري وش مواجيب الرفاقه

يا ابو دانه مابقى فيها احتمالي
والصبر لو طال مر ٍ في مذاقه

انت تدري عن تفاصيل المقالي
وانت ما تجهل حديث ٍ في سياقه

الجمل دربه مع دروب الجمالي
والدوا قد قيل ما فاد الحماقه

والمراجل ماهي بخشم الريالي
والمطفّق ما يكبون الطفاقه

والدنافس مالها غير الحثالي
والبحر لو ديّس ما يخلف زراقه

ماجرالي يا ابو دانه ما جرالي
صك طاقه تنفتح الفين طاقه

خاب ظني فالبعيد وفالموالي
ومن يطيح يهاب درب الانزلاقه

.....

[الحمدان]

لا صرت غالي لا تغلى وانا اخوك
سيب التغلي عنك لا صرت غالي

روحي وقلبي يوم قفيَّت نادوك
يابعد من يشغل ليا غاب بالي

فكر ومرة نادهم كان لبَّوك
والا عليهم صيح وبصوت عالي

انا الوحيد اللي مشالك على الشوك
وان صحت جيتك مندفع لو لحالي

ياصاح تكفى لا تعذرب على اخوك
جتني الهموم وكل همن طرالي

جتني الهموم وداخلي قلب مصكوك
مصكوك صكة بس ياويل حالي

هذا خويك داخله هم مركوك
يخفيه عنَّك وانت مسرور خالي

.....

[الحمدان]

قبالين يا خطٍ قريته وطاب الجاش
أخشه و أرد أقراه و أقراه وأخشه

يضمد جروحي دون أداوي و قطن و شاش
سقا العافيه للجلد و العظم و المشه

أيدهده على قلبٍ بجوف الحشا منداش
و يبري سقم كبدٍ من الحزن منطشه

.....

[الحمدان]

يلوفني عن مقاصد خاطري لايف
وأمشي مع الدرب وعيوني لمرجاعي

لاعاد تنشد عيوني ويش أنا شايف
مافي عيوني يسولف لك عن أوضاعي

.....

[الحمدان]

الحياة أفراح وأحزان ودروس وعبر
والتجارب صفحة ايامنا وكتابها

مهما زاد الشخص في المال والعز وكبر
وأهدته شهوات نفسه جديد ثيابها

وأبرقت له زيف الأيام وأغرته وعبر
المصير أرضه يلحّف عليه ترابها

والمصايب حملها سم ودواها الصبر
ورحمة الله دون خلقه ما سكر بابها

وعن حياة الآدمي شيمته تبعد شبر
وان فقد من شيمته شي نفسه عافها

وانقبر في الغيب لو ما توفى وانقبر
والحياة اللي بها نقص من يرضى بها

.....

[الحمدان]

ما نيب مجازيك في صدك وهجرانك
ودعتك الله وتلقى واحد ثاني

أتعبت الأعيان والأقدام من شانك
وأنت ولا شيء سويته على شاني

فزيت لك يوم قلت أسمك وعنوانك
لو كان ما تنتمي لأسمي وعنواني

ما جيت أدورك ولا أطق بيبانك
وإلا ترجاك مثل فلان وفلاني

أنت الذي جيت لي وأعلنت بلسانك
أنك على شوفتي جايع وعطشاني

صدقت هرجك ومنطوقك من لسانك
وأقبلت لك مندفع من كل وجداني

ما كنت أفكر يجي في يوم نسيانك
وأنساك وأنت معاهدني ما تنساني

إلا بعد ما قريت الكذب في أعيانك
حاولت أوادعك وأنسى كل ما جاني

خلاص ما نيب متعني على شانك
ودعتك الله وتلقى واحد ثاني

.....

[الحمدان]

يا بنت أنا قلبي من البعد محروق
لا تحسبين أني قطعت العلاقه

محبتك في القلب و ابراجها فوق
تشيل صوت اسمك في حلم الصداقه

محبتن ما شالها كل مخلوق
بطاقتن يا حيها من بطاقه

يسوقني طاريك لمشاهدتك شوق
واشفق على لمست يدينك اشفاقه

و الصبر زين و كل مطرود ملحوق
شرهت قدم رجلي على عظم ساقه

زرعت لك زرع له اثمار وعروق
وقدمت لك من زهرت العمر باقه

وان كان عندك شك لا ناشك العود
في قلبي الي لك يزيد اشتياقه

الشوق مشتاق اكثر من الشوق
شوق ابدوي ضاعت نياقه

.....

[الحمدان]

ما كنت احسب لوقتي والليالي احساب
ولا كنت افكر وش اللي في زماني يصير

الا بعد ما نصفت العمر والراس شاب
وفقدت من ربعي الادنين جمعٍ غفير

عرفت ان الحياة مصارعه واكتئاب
واني مودع ولالي غير ربي نصير

ومن لا تزهب من التقوى لنفسه زهاب
لا مات وش حجته يوم النهار الكبير

فالموقف الي مافيه امجادله وانسحاب
منهوله لهاك النهار يشيب راس الغرير

لكن اليا اذنب نبي آدم واعترف ثم تاب
الله يغفر الذنوب وينصر المستجير

.....

[الحمدان]

الصاحب الي دونه الحزم ممدود
بقصى جبالن حيدها عارضن لي

ارسل مراسيله يبى العلم موكود
يا ليت مرسوله جلس ما وصلي

عقب السنين مشيبة كل مولود
اليوم من فرقاه دمعي يهلي

ياسعود قلبي راح ماعنه منشود
كب الظلوع وراح مرواح خلي

.....

[الحمدان]

تسابق زمان المجد بالفكر والتطوير
وتعطي لنا الواقع بصورة حقيقية

ومع كل مطلع عام ترسم لنا تغيير
يبدد عناء الروتين بالفكرة الحيه

تشجع وتعطي درس وافي بلا تقصير
وهذا ديدن الروس الكبار القياديه

لك الراية البيضاء مع الشكر والتقدير
يقولونه اهل البل جهارا علانيه

.....

[الحمدان]

يا حمود لا تنشد عن الحال وتسال
أظن مالك من جوابي مصاليح

لا تكشف المستور ياطيّب الفال
يغنيك عن ذكر التفاصيل تلميح

ارفق على قلبٍ مغلّق بالاقفال
لا عاد به حيلة ولا له مفاتيح

البال به ضيقة من القيل والقال
والضيم سيفه بذّح الكبد تبذيح

يا حمود ما والله بقى شي ينقال
ولا بقى بالهرج راحة وتفريح

.....

[الحمدان]

تعال أنسيك وتنسيني قشر وقت بوجهه شاح
ويصير الحلم والواقع بعين الوقت وأهدابه

تعال افتح معي صفحة جديدة كودنا نرتاح
ونبدا حيث وقفنا نتم اللي بدينا به

أنا أذكر إني أهديتك قلم وكتاب مع مسباح
وصورة بيت به صورة وقلت الله جذابه

وتذكر يوم تهديني عطر في تولته فواح
وشعر فيه تشكي لي عذاب القلب وأسبابه

حلاوة أمسنا هذي نبيها يومنا يا صاح
إذا تسمح توافقني نرد الحق لأصحابه

.....

[الحمدان]

شف يا حمد جرحي وأنا اللي تهيّبت
أبيّن أحوالي لكل الخلايق

يابوك من حظي والأيام شيّبت
لين أودعت بي من لظاها حرايق

شالتني أيامي وأنا ما تزهّبت
وأعطتني الدنيا كثير الحقايق

حلّقت في عالي سماها وغيّبت
لو كنت للتحليق مانيب طايق

تكسّرت جنحاني اليوم وانْصبت
ولا نيب للي ترغب النفس فايق

.....

[الحمدان]

القلب شرع لك من الحب بابين
لو هو على غيرك من الناس ضايق

بس انتبه ما يقبل البيت شطرين
وطروقهن متخالفات النسايق

يا صاحبي لا تدعي النار نارين
ارفق ترى مثلي ومثلك خلايق

وقال الوداع وحارت العين بالعين
كل بنا من علقم الياس ذايق

.....

[الحمدان]

من عاتب الوقت ما تجدي معاتبته
ذب الورق في مهب الريح واتبعني

قل للزمن يا زمن خذ كل ماجبته
مادام فيني تسامي ذات يرفعني

.....

[الحمدان]

يا صاحبي وقف لزيف الصحاري
وبشر هجير الشمس عن موعد السيل

حاول تغير في ملامح نهاري
واعط القمر مفتاح بوابة الليل

مدري لشنهو موعدي وانتظاري
ما دامت أيامي قليلة محاصيل

في داخلي نزعة خفوق انتحاري
حلم تكسر في ثنايا التفاصيل

واثر انكسار الحلم يعني انكساري
بغيت اكمل وانكسر فيني الحيل

.....

[الحمدان]

الرابح اللي يشتري راحة البال
في ذا الزمان اللي همومه كثيرة

مشاكل الدنيا عريضات وطوال
وصوادف الايام في كل ديرة

من عاش بالدنيا يبي يشوف الاهوال
واهل العفن ومطولين القصيرة

يا مال ما شفنا من الوقت يا مال
عقارب الساعة معه مستديرة

.....

[الحمدان]

ان كان تقدر لا طلب منك عازه
عطه الطلب تقدير لا يطوي الياس

واهم ميزه بالنفوس العزازه
والا ضعيف النفس ماهو على ساس

واظن مابه شخص مابه حزازه
يرضى على ناس ويزعل على ناس

ومن لا عرف قدر الشرف وامتيازه
هذاك لا يشعر ولا عنده أحساس
ضمير مايشعر عباره جنازه
ما يجمعه بالمجتمع نبض الأنفاس

وصحبت ضعيف العقل مثل القزازه
مهما تداريها تكّسر وتنحاس

هذا ولو كل المساعي مجازه
ما صار بالدنيا موازين وقياس

.....

[الحمدان]

يالله يا جالي صدى كل كربه
يا للي عن الطلاب ماصك بابه

تفرج لمن ذاق بالعمر طربه
شيبه تكامل قبل يكمل شبابه

امضى حياته بين سفره وغربه
ولا ساعده حظ الشقا بانقلابه
واقرب قريب ليا شكى ما نظر به

خلان وقتٍ اليوم كلٍ هبابه
ما كل طيرٍ يعجب اللي صقر به

ولا كل رجالٍ يثمن جوابه
ولا كل من يبني جدار استتر به

ولا كل جارٍ تستريح بجنابه
ولا كل من يملك رصيد افتخر به

مالٍ بدون حقوق واضح عيابه
الا الذي بالواجبات اشتهر به
يحوز تقدير الشرف باكتسابه

وطاع الذي فعل المكارم امربه
يرجي رضا الخالق ويخشى عذابه

.....

[الحمدان]

انا مع الطيّب على كل بابه
اللي ورى ظني تعدى هقاويه

احسب حسابه واتحمل عتابه
اللي من الحكمه نتايج مباديه

واللي يجي يمي هلا مرحبابه
عندي على الميسور والله يحييه

ومن صد عنّا ما حسبنا حسابه
لا هو برجيني ولا ني براجيه

من زارني زرته وأقدر جنابه
ولا همني شخصٍ عطاني علابيه

كان اجنبي والا من ادنى القرابه
ما اشره عليه ولا يجي لي مشاريه

سلامةٍ من بعض الأشياء كسابه
والرجل يعرف ما يصيبه ويخطيه

.....

[الحمدان]

لا شفت لي شخصٍ علي متغيّر
ماني على شوفه وروياه منحد

انا ليا مني توريت أسيّر
سيرت يم اللي ليا جيت ما صد

علاقتي بالناس مع كل خيّر
لو كان مالي في نسوبه نسب جد

وجه السعد في كل الأحوال نيّر
من مذموم الطبيعه تعقد

ماني رفيق اللي ذراعه قصيّر
لا صار ماهو بالمهمات مسند

انا من ابطال الرجال متخيّر
اللي مساعيهم شريفه وتحمد

ولاني من اقوال الغشوم متذيّد
راس على سرد السوالف تهدد

واللي يعيب الناس عقله صغيّر
لا شايف عيبه ولا حافظٍ سد

ماقلتها للناس قصدي معيّر
انا عن القول الرخيص اتبعد

ولا ني على فكر الأوادم مجيّر
الطبع تيارٍ بالافكار يصعد

.....

[الحمدان]

من لا يقدر واجبي ما رجيته
كان أجنبي والا من اقرب لحومي

اللي ليا مني بحاجه بغيته
عقد حجاجه تقل مصاص لومي

لو هو بكيفي يعلم الله رميته
واشوم للطيّب قوي العزومي

اللي يقدر عنوتي لا نصيته
يفرح ليا جيته ويقضي لزومي

وجه السعد فعله ورى اللي هقيته
لعل يفدونه جميع الرخومي


اللي مشرّع للمسايير بيته
مزاح ماهو دوبليٍ كظومي

.....

[الحمدان]

كان انت لا دورت تلقى طرايد
شد الرحال ومتر البر تمتير

خل الكسل لمكبرين الوسايد
ياللي مع الصحراء تدل المعابير

.....

[الحمدان]

الوضع اشوفه منعكس ومتغيّر
مهما بغيت تعدل الوضع عيّا

دورٍ به العاقل صحيح متحيّر
واللي يريد بخاطره ما تهيّا

واكبر مصيبة كل ما جا مسيّر
وقال الجماعه قلت ماهم هنيّا

دام القريب من القريب متذيّر
وسوس له الشيطان من غير شيّا

هذا خطا مايقبله كل خيّر
ما كان سلم اسلافنا هالسويّا

راحوا هل الجيره وحق المجيّر
ابعد علينا من نوال الثريّا

ولا اقول ماباقي للأجواد ديّر
ما أذم عشاق الشرف والحميّا

.....

[الحمدان]

ياللي تحيل والدهر فيك محتال
هاك الزمان اللى به الوجه مسهوج

ايام فيها عشت في خوف واذلال
مثل المريعي يسبر الحوم ويلوج

واليوم مامثلك ولا صار رجال
وعندك لتحريف السواليف كتلوج

عن جيلنا الحاضر وعن ماض الاجيال
تخفاك عادات العرب وانت مرجوج

وان طعتني تعرض عن القيل والقال
تراك مهما غرك الزود مفلوج

انعم بظل اللي لنا درع واظلال
للي يقودون السفينه مع الموج

قياد رايتنا صناديد الابطال
اهل السيوف اللي بها السم ممزوج

عيال الحرار اللي بها تضرب امثال
والا انت لو يضرب بك الوصف فروج

.....

[الحمدان]

يا رجل لا تنقل نباء كل نقال
به ناس حتى الميت ما يتركونه

والقيل عندي له مفاتيح واقفال
معناي ما كل العرب يفهمونه

ولا اقول انا زايد على كل رجال
كم واحد مايقصر العرف دونه

خص الرجال اللي يجيدون الامثال
البيت عن معناه ما ينقصونه

اخص لي ناس يحوسون الاقوال
البيت لو هو معتدل يكسرونه

لو هم كبار اعمار بالعرف جهال
ومن عمي قلبه ما تفيد عيونه

ينبيه عن حظه تواريخ الاجيال
يجهل خبر والناس ما يجهلونه

يشوف نفسه وين ما مثله امثال
ترميه باحضان الجهاله ظنونه

والناس تعرف بالطبايع والافعال
واللي تعزه سمعته يمدحونه

والماء يجيبه عذب ويجيبه احثال
والكون به من كل كاين نمونه

.....

[الحمدان]

العيب باللي به عن الطيب تقصير
اللي ليا أوجس نايبه غار لونه

وشعاد لو يملككنوز ودنانير
محروم ماله غير نظرة عيونه

لا قربوا عند الضريح الحفافير
والمال ضاع وصاحبه يدفنونه

ما نال به طوله ولا نال به خير
حصل غثاه وورثته يقسمونه

ويبقى الثناء لأهل الثناء يالمعاثير
وجزاء الكريم من الكريم المعونه

.....

[الحمدان]

صح بالعادات عنوان الدبور
تكثر الغلطات وأسباب النزاع

ان تحملنا الزعل فج الصدور
وان تكلمنا لنا حق الدفاع

كيف يترك كل نباحٍ عقور
تزعج العربان بحلوقٍ وساع

قامت الادياك تطمع بالصقور
والثعالب ما تهاب من السباع

وش هدفكم يامخوشة الجحور
مدة الفاره على الافعى الذراع

والوضيع اللي عن الراي امحقور
صار له بالمجتمع منطق وذاع

كيف ينسى قيمته ماض العصور
يومها بالملح والملحه يباع

كل شيٍ يامماليكمخبور
لم ربي شملكم عقب الضياع

في ظلال اللي لهم بالمجد دور
الاسود اللي لهم بالمجد باع

شبرهم زايد على كل الشبور
آل سعود اللي لهم امرٍ مطاع

ضدهم مكسور باسه ومعثور
وارثين المجد من ليثٍ شجاع

.....

[الحمدان]

ماني غديرٍ يرشح القيض نبعي
انا من الصافي تصدر رواتي

ولاني بحال اللي ضحك عقب شبعي
واصبح يحلل منطقي وكلماتي

قانع بعرفي لو ضحك كل هبعي
ناسٍ يحركها النسيم لشماتي

ادامها من حلق دبٍ وضبعي
ادرجتها في سلة المهملاتي

.....

[الحمدان]

ليت الذي تحت المقابر يشوفون
اللي عن البل جاهدوا بالعزايم

عنها بميدان المعارك يهوشون
يوم الرمك تعطي هجوم وهزايم

هذا وانا ما افرض على الناس قانون
وجهة نظر ما افرض عليهم لزايم

واللي عطوها حقها ما يلامون
بعناية البل مالحقهم لوايم

.....

[الحمدان]

الكريم اللي نزل عند البخيل
ضايقه ما يحتمل فعل الخيار

الكرم يصعب على الرجل الرذيل
ضعف نفسه عيّفه حسن الجوار

والكديش يهس عن شوط الاصيل
والصويتي ما يجاريه الثبار

الجزيله مايحصلها الهزيل
والتحرص ما يطّول بالعمار

والتويبع لا طلع ما سال سيل
والكرم كالغيث والبخل الغبار

والجزالة مستوى الرجل النبيل
والردى يمناه محسوب اليسار

الرجوله سلّّمٍ صعب وطويل
يمنع الرديان عنها الانهيار

.....

[الحمدان]

الناس تعرف طيور الصيد والبومه
والطيب تعرف رجاجيله وحزاته

المرجله بين كل الناس مقسومه
إلا الذي ما تطول الجود هقواته

هذاك نفسه من التقدير محرومه
محدود رزقه على بطنه ومخباته

شهامته من صميم الراس معدومه
الله يمحق تقاليده وعاداته

لا صار يجهل مجال الطيب وسلومه
احسن يغمض على ما فيه باسكاته

يغر من لا يعرفه وسع حلقومه
جعل الدركتر يضفه بين ويلاته

لا صار ما ياصل اهل الحق ولحومه
قدره وماله تحت رجليه واحذاته

.....

[الحمدان]

رجلٍ عن المنقود في راس تبه
يحفظ كرامة سمعته ويحماها

ماهوب مغرورٍ غروره نصبه
عشاق عميا عند وجهه قفاها

يجي لها باللي عشقها مغبه
والا النشاما ما تخثع أخطاها

وراع النميمة لا تداريه هبه
خله يروح بكلمته ما حكاها

.....

[الحمدان]

مدري حياة الزيف لازالت
والا البشر كلما لها واردى

قال الصحاري جرد ماسالت
قلت السما من فوقها جردى

.....

[الحمدان]

بلشت بك يا ضايع الراي واحترت
قبل امس اشوفك ذيب واليوم راعي

يا متّقي سم العقارب تعثرت
من غير ما تدري بسم الافاعي

.....

[الحمدان]

نسى صوت الحبايب لا يناديني وخفت انساه
وقلت املى يديهم بالقصايد قبل ينسوني

وطيت ارض القصيد وكل زادي دمعتين وآه
على الله ما حسبت حساب لضيوفٍ تحروني

.....

[الحمدان]

موعد وكوبين شاي وبنت تغليني
زعّلتها البارحه واليوم أصالحها

جتني وداع ولقا واحتارت يْديني
ما ادري ألوّح لها والا اصافحها

قلت استريحي هنا يرتاح تخميني
والشوق يفضح نواياها ويفضحها

في وجهها كل طهر الغيم يسقيني
تشرب من الشاي واشرب من ملامحها

قلت ابتديها قصايد مني وفيني
كتبتها والغموض العذب يشرحها

.....

[الحمدان]

لازال فيني حطب قادر على الإشتعال
لازال فيني شعر لازلت قادر عليه

والشعر سحر الكلام وهمهمات الخيال
غامض ولا ينتبهله غير قلبٍ نبيه

يجي كأنه سحابه والسحاب احتمال
اما احتواه المطر والا الظما يحتويه

كم شاعرٍ في أجاباته يضيع السؤال
وكم شاعرٍ يبتديه ولا عرف ينتهيه

والتاجر اللي معه سلطه وهيبه ومال
يموت ما يكتب حروفه ولا يشتريه

.....

[الحمدان]

لا تشتكي من جور الايام للناس
ادفن همومك في ثرى الصمت كله

اسرار عمرك خلها تحت الانفاس
لا صار هراج القفا فاطن له

هذاك يفرح لا لمس جرح الاحساس
وهذا مناه ايلا لقى فيك عله

تعيش بالوجدان ما عاش هالراس
لولاك قل لي ويش انا عايشن له

ان زانت الايام يا شوق لا باس
ولا صبرنا لين ربك يحله

.....

[الحمدان]

دام اللقاء ينتثر دمه من الفرقى
عطني وداع على لقياك يغريني

استقبلك والسماء بعيوننا زرقا
واودعك والمزون السود في عيني

راح اللقاء يلتهب باعصابنا الحرقى
يشعلني الخوف بعيونك ويطفيني

كل السوالف غدت بدموعنا غرقى
في موتها ما لقيت اللي يعزيني

إلا كفوفٍ غدت بمصافحك عرقى
كن الدقايق تطارد في شراييني

مع نبض وقتي عباير ساعتي ترقى
كيف الثواني بسيف الوقت تدميني

عبرة لقاء في جبين موادعك تبقى
تعطيك ميعاد ليتك منه تعطيني

عطني فراق تشيل أحزانه الورقا
لاجل اللقا كل حزن منك يرضيني

.....

[الحمدان]

ملتني احوالي كثر ماني احتجت
من عاهر ظروفي شويّة كرامه

تلجمني الحاجه ليا قمت واسرجت
ظني على رجلٍ خذلني كلامه

وتذبحني العزه ليا رحت واحرجت
نفسي مع اللي ما يذري مقامه

تعتب اوآسيني على كذبة ابهجت
وجه الزمان اللي لحقني ملامه

ياوقت تكفى بس يكفى ترى ازعجت
جيبٍ ملته قروش جرحي ندامه

موحش عويل الليل لامن تهودجت
السرمدي منه ليا اقبل عسامه

.....

[الحمدان]

لا تبروز اعذارك على وجهك أن جيت
دام الخطايا ترسم اكثر ملامحك

لو هي على قلبي مسامح لو أخطيت
المشكله عيّت جروحي تسامحك

.....

[الحمدان]

الصراحة لو تقول الناس راحه
في زمان اليوم ما صارت مريحه

كم صريحٍ عرقلو سكة نجاحه
كل ذنْبه دايم أقوال صريحه

والصراحه دامها صارت فضاحه
إحفرو لموضح الكلمه ضريحه

.....

[الحمدان]

أرسمي لي لوحة الوهم الكبير
وإمزجي لون الكواكب بالسحَر

وأرسمي شئٍ يصير وما يصير
قصر لؤالؤ نورشمعة بالبحر

وشعر عذرى يرتهش مثل الحرير
وشامةٍ تسمر تحت نور النحر

وعين ترقب عودة الخل الاسير
ودم عاشق طال صبره وأنتحر

ووردةٍ ذبلت على جال القدير
وطائرٍ حاول يرفرف وأندحر

.....

[الحمدان]

كالنخلة اللي فاقدٍ جذعها الري
رُغم العطش ما تنحني في سهولة

بأخر رمق تمتص من جذرها ألمي
وتبقا تقاوم دون أدني ميولة

يبقا على مر الزمن غصنها حي
وشموخها الأخّاذ يفرض مثولة

وكل ما احترق من غصنها اليابس الني
تعطي ثمرها بأكتماله وحولة

وأنتِ كذلك رغم تصديدك السي
يا كاسبة بالحسن كاس البطولة

.....

[الحمدان]

اشتاق لك لو غيبتك بالثواني
وشلون لو انها دقايق وساعات

جريت لك صوتي لحون واغاني
نقيت لك من ذوقنا عدت ابيات

انت الوحيد اللي تنير المكاني
في روحتك ذوقتني منك مأسات

اشقيتني وصبرت وصبري كواني
امرضتني يادواي ولابه سلامات

.....

[الحمدان]

‏لا تنزعج من جفاي و طبعي الشارد
أنا اكثر إنسان يمشي عكس رغباته

.....

[الحمدان]

الا يالزمان المقبل إقبل علي بزين
أنا سايلك بالله لا تلحق على الباقي

أنا من قبل يومين وأكثر إلين الحين
لا عينّت لي مخرج ولا زانت أخلاقي

غدا كل شيء فالعين ما عاد يملا عين
ولا عاد والله عندي في لحية أرزاقي

أدوّر شتات أوراق ضاعت قبل عامين
وأنا يالله ألقاني قبل أدور أوراقي

خريطة حياتي وقفتني على سيدين
تحيّرت كن القيد فيدي وفي ساقي

أنا عارف أن الصمت إبن سته وستين
ما أعده من أعدائي ولا ضمن عشاقي

لكن حالفٍ بالله ثلاث وقطعت يْمين
ما أعوّد على دربٍ نثر صافي أحداقي

أنا ما معي وجهين ولا ألعب على الحبلين
واذا جيت أعاتب شخص أعاتبه بفراقي

أغيب بهداوّه لين حتى الامور تزين
مع كامل الحب ومع خالص أشواقي

اذا الله كتب نرجع سوا زينٍ على زين
واذا عادك بتبقى كذا كمّل الباقي

.....

[الحمدان]

الغالي الي لا فارقني غديت اثنين
وان جاني اصير واحد لا شعوريا

وان شانت اخلاقه ، اخلاقي علي تشين
وارتاح نفسيا اذا ارتاح نفسيا

مشكلتي لاغليت شخص اطيح بين امرين
بين ابتعد منه ولا ازعجه يوميا

من زود ما اغليه ودي لو معي قلبين
اخاف قلبي يجي مختل قلبيا

.....

[الحمدان]

تغلا على كيفك مدامك غلا مغليك
يا محلا الغلا ياللي تغلا ويا مروعك

أحب الحياة اللي تضمك وبين يديك
أشوف الحياة اللي تضمك ولا توسعك

لأنك قمر أقول سبحان من يخفيك
شبيه القمر في كل مطلع شهر مطلعك

تحب المطر وأنت المطر ينزل يحاكيك
وتحب العطر وأنت العطر منك ومنبعك

تحب الغلا وأنت تغلا على غاليك
وأنا ودي أودع حياتي ولا اودعك

تكبرت ياللي مكبرك في عيوني ذيك
وأنا اللي نثرت لك القصايد عشان اجمعك

تغيب تعرف أني بعاني عشان اجيك
وتسترجع الذكرى وأنا اعرف وش رجعك

تعرف أني احبك محبه بلا تشكيك
ولو انك توزع للفقارى بوزعك

لا تزعل ولا يأخذك مني الزعل ،ابيك
تعرف أني اكثر شخص لو توجعه ما اوجعك

أنا احاول أني بقدر الإمكان ما اخليك
ولو يخدعك وقتك أنا مستحيل اخدعك

افكر وأنا ما ودي افكر الا فيك
وأسافر وأنا ماودي اسافر الا معك

.....

[الحمدان]

ما للرجا في بعض الأحوال قيمه
وما للعمي صبح ولو بات سهران

لو للزمن عن نية الغدر شيمه
ما فرق أحباب ولا بعد أوطان

.....

[الحمدان]

بالعقل والتركيز والصبر والعزم
لا بد من تحقيق اسمى المطامح

في ساعة يبحل بها اللاش والقزم
وفيها يفوز اللي عن الذل جامح

ومن لا بدى مسعاه بالجهد والحزم
ما نال صيت وصار للعزم رامح

ومن يمتلك شيئ لعانيه لازم
ما ينفعه لا شح والمال قامح

ماله وِقار وقيمته قيمة البزم
لو قيل جدّه كان للمجد طامح

ماهي ثقة بالنفس ولا هو بعد جزم
دمحه مذلّة ما قصد به تسامح

اللاش لو يملك خزاين خوازم
ما بان له بالطيب ذكر وملامح

يقضي حياته سالك مسلك الهزم
وان انشتم طبعه مع الناس دامح

.....

[الحمدان]

التفاؤل دافع المرء لنجاحه
فيه تحقيق الهدف مهما يكون

عكس معنى الياس مدعاة المطاحه
من يحيطه يكره الكون بجنون

.....

[الحمدان]

السفينه والبحر والهبايب والشراع
اختصار لعمر الانسان فالوقت الغوي

عمره وعقله ودنياه تبقى في صراع
لين ياصل للنهايه غني ولاّ خوي

والهوى والنفس وابليس ثالوث الضياع
من يعاندها على الخير يكويها كوي

والحياه تغرّ الانسان والدنيا متاع
والذهين اللي مشى صح فالدرب السوي

واوّل الدنيا لقا واخر الدنيا وداع
والوداعه في يد الخالق الفرد القوي

بعدها يمّا على نعمةٍ دون انقطاع
أو على نيران تشوي فرايصنا شوي

يالله إنّك لا تورّدني ادروب الخداع
والزمان الشين لا يلوي ذراعي لوي

يوم افكّر فالحياه وتفاصيل النزاع
أثرها حفنة ليالي ونطويها طوي

ما اسرع الأيام تمشي خطاويها سراع
كنّها ناقة هجن فوقها ورع بدوي

.....

[الحمدان]

ترى الخوي وقت الشدايد يجيبه
والا الرخا كل ٍ يجي فيه فزاع

نسيت عشرة صاحب ٍ تلتجي به
ونسيت يوم نقسّم الهم بالصاع

اي والله اشره والعتب ويش ابيبه
دام العتب مثل الصدى وسط الاسماع

واحذر ترى دنياك هذي عجيبه
ووقتك ترى يا صاحبي دوم خداع

.....

[الحمدان]

يا ربي يا اله الكون يا رحمان يا وهاب
طلبتك بعد غفران الذنوب ودمح زلاتي

تليّمني على العذب الرقيق الفاتن الجذاب
خوي الما وسط حلم الحناجر في بداياتي

وتسكن ثورة امواج الحنين بقلبي المرتاب
وتكبر في عيون الناس روحاتي وجياتي

.....

[الحمدان]

يا شعري اسلم وسلم لي على شعري
الين ترقى عقول فلان وفلانه

ان كان يدري عنه وان كان مايدري
يشرب دوى زمزمه ويشم ريحانه

ويعش وسط الورق ويموت في صدري
عشان قشة غريق مالها خانه

.....

[الحمدان]

الخوف ما يلحق اللي خاف من ربه
تلقاه بين الاوادم رافع الهامة

ولافيه شيٍ يصير الا وله سبه
والذيب عينٍ خلاف وعين قدامه

كم واحدٍ من رصاص القوم متنبه
ولا صابه الا الرصاص اللي من حزامه

.....

[الحمدان]

ما تِشيل الحمول إلا كتوف الرجَال
ولا تِهين الرجال إلا ظروف السنين

.....

[الحمدان]

الحر مثلك يستحي يصحب الديك
وان صاحبه عاعا معاعات الأدياك

صديقك اللي بالعطايا يمانيك
انصه بقضيا حاجةٍ قبل ينصاك

أما تجي منه العطايا تباريك
وإلاَّ تعذر دون مالك إلياجاك

.....

[الحمدان]

ما تطرد الضيقات كثر التناهيد
ولا كثرة الونات تبري جراحك

غرد بذكر الله تطيب التغاريد
وتحلا لك الدنيا ويحلى صباحك

.....

[الحمدان]

من اول طيب الولد من خواله
واليوم طيبه من خويٍ يخاويه

اما يقوده مع دروب الجماله
والا يدله للردى لين يرديه

[الحمدان]

يوم رمش الشمس في جفني غفا
وابتدا ليل المواجع والجروح

وكل نورٍ في عيوني لك طفا
وكل عرقٍ في خفوقي لك يبوح

قلت ابيّح سرّك اللي لو خفا
بان في عينك ولك طرفٍ فضوح

ويش علمك يامضيعّة الدفا
في ليالي البرد والوقت الشحوح

ويش علمك يوم قلبك ما صفا
يالهوى القتال يا السم الذحوح

ما كفاك اللي عطيتك ما كفا
يا حسايف يوم لي قلبٍ نصوح

يالمقفي طالبك ما تقول افا
يوم روحٍ تشتكي لفراق روح

والموادع لاتعنّيها حفا
خطوةٍ جاتك وخطواتٍ تروح

وياهلا بالحزن يوم انّه لفا
وعزة الرجال اغلى من الطموح

ما حسبنا هروج جتنا من قفا
والرجل والنعّم ابو وجهٍ سموح

ان عطينا ما عطينا الا وفا
وان عسفنا ما عسفنا الا جموح

وان عفينا كلمة الشيخ ان عفا
والله انه ما يعرضها مزوح

وان قسينا جينا اقسى من صفا
وان تواضعنا خجل وجهٍ صبوح

ما عاد تفرق هي وصل والا جفا
وما عاد تفرق لوتجي والا تروح

.....

[الحمدان]

سرا البارق اللي له زمانين ماسرا
صدوق المخايل بارقه يجذب الساري

على فرعة الوادي وسيله تحدرا
وغنت طيور الماء على الحاير الجاري

مر بي غزال بعد عرفه تنكرا
عليه الله أكبر كل ماحل له طاري

نطحني بقرض الهيل حدر المشجرا
جميل المحاسن لا ظخيم ولا عاري

أرى سلت العاتق إلى صد مادرا
من سلت العرجون في صافح الذاري

ابو لبة مثل القمر ضاح وأسفرا
وإلى غابت القمرا تقدى به الساري

صويب الهوى مسكين مشيه على ورا
ترى النقص فيه حيله أقوى من الضاري

برى الجرح منه ومن الجرح مابرا
وهو يحسب إني يوم طال المدى باري

سليمان بن شريم

[الحمدان]

لو القصائد تنزرع في يديني
لازرع بدال الجرح تهليل وأعيادْ

بس القصيدة ضي في دمع عيني
كل الحكايا فيه موتٍ وميلادْ

الله يا للي كان وعدك حنيني
ما عاد يبقالي مع الليل ميعاد

ساعاته الخرسا إذا قلت ويني
قالت ورا حزنك بلا ولف وبلادْ

وأنفاسه السكرى شجن يحتويني
أشوف ضحك الكون من حولي حدادْ

.....

[الحمدان]

يا موطني يا موطني خير الاوطان
يا دارنا يا عزنا يا سندنا

تبقى لمن ذاق التعب رمش واجفان
فيك الأمان ومن عطاك انوجدنا

غلاك فينا ما يقدر بالاثمان
حنا زرعنا من غلاك وحصدنا

طلنا وطاولنا معك غر الامزان
واستلهمت منك النفوس وصعدنا

دام عزك ياوطن

[الحمدان]

العيشة اللي تدبل الكبد تنعاف
والنفس عن ما تكرهه مستريحة

نفوسنا دايم عفيفات ونظاف
وابدانا من كل علة صحيحة

صاحين صافين المشاريب واشراف
ما ناكل المتردية والنطيحة

يوم السنين الماضية حيل وعجاف
يندر لنا من هبة الريح ريحه

اكرام لو يلحق بنا نقص وخلاف
نملا الصحن ونلحفه بالذبيحة

صلبين في وقت الشدايد وعرّاف
منا المشورة واختيار النصيحة

وان ثارت الهيجا لنا وسط واطراف
وجه الحريب نقنعه بالفضيحة

خلف بن هذال

[الحمدان]

تلاوعني الفرقى وانا ما قبل اللوعه
و من لاعته فرقى الحبايب بكى منها

يهج الحشا و الجفن ما جفت دموعه
و ابا اشتم محبة بعض الاصحاب و العنها

عسى الله يروع اللي يسبب لي الروعه
متى الريح تحملني و اواطن مواطنها

و متى ربعي الغياب تلتم بربوعه
و اقبل خدودآ باسود الرمش دافنها

دقاقة ملامح تفرع البيض مربوعه
و من حذقها في ردن ثوبك تكفنها

أولع شموع الوجد و أطفي شموعه
و أنا والهواء غبه و تلطم سفاينها

خلف بن هذال

[الحمدان]

جيت لك من نجد عاشق مستهام
وقبل أجي لك بالجسد بـ الروح جيت

عاجز أوصف بس بي بيت وسلام
ياملامح في ملامحها ربيت

في حنينٍ ماوصل سره وحمام
يعرفه من ذاق ( مايك ) يـ الكويت

.....

[الحمدان]

صادفنّي ثلات إحترت ويّاهن
أبهرني صحيح وقمت أطالعهن

طولهن واحد ،،ولبستهن ،،وممشاهن
والله أعلم بعد يمكن طبايعهن

زاهياتٍ براقعهن ،، وتزهاهن
لعنبو جدهن ما أحلى براقعهن

لا رضى ابوهن عن الناس خبّاهن
ولا بغى يدمّر العالم يطلّعهن

قمت أعدّد على نفسي مزاياهن
وقمت أردد على نفسي وأنا أتبعهن

هذي أحلاهن،،لالا،،هذي أحلاهن
لالا،،لاذيك لا،،لاماهي بمعهن

وإستدارن ،، بجنبي شخص ناداهن
قلت ذي فرصتي بأقصد وأسمّعهن

للقصايد مع إني حافظ أرداهن
إرتبكت وعجزت أتذكر أروعهن

والسوالف بعد خلني أنساهن
ضيعنّي صحيح الله يضيعهن

والدليل إني تخربطت ويّاهن
أبسلم عليهن ،،قمت أودّعهن

خالد المريخي

[الحمدان]

يا ناس خلّوني معه وإتركوني
محدٍ معوّضني غيابه إلا غاب

أغليه بس شلون لا تسألوني
الحب من ربي يجي ماله أسباب

شوفوه بعيوني قبل تعذلوني
شوفوا حبيبي ماهو بمثل الاحباب

ترضون ولا كيفكم تزعلوني
أنا حبيبي سيد تلعات الارقاب

مافيه مثله بالبشر صدقوني
مزيون متواضع وطيب وجذّاب

واذا مدحته قال لا تمدحوني
ماني من اللي يستحقون الاعجاب

يقول بس الزين فيني عيوني
وأقول أنا ذا بلا بوك ياعقاب

خالد المريخي

[الحمدان]

يا طبيب القلوب ان كان تعرف مرضهن
هن يداون جروح الوقت او ما يداون

الغريبه جروحي ما يدانن بعضهن
بس من طول مدتهن في قلبي تخاون

حسبي الله على الي وسط قلبي فرضهن
لين خلى اليالي في عيوني تساون

كل ما اونستهن قمت اشتكي واعرضهن
مير ذا الوقت في الشدات ما احد يعاون

.....

[الحمدان]

الحياة أحلامها تذهب أدراج الرياح
توهمك بأشيا تكوّن على البال وتبيح

أعذريني يوم أقابل طعونك بإرتياح
كيف لا والجرح مملوح والجارح مليح

أعذب من النسمه اللي يمر بها الصباح
لا أستقرت في فوادٍ من الفرقى جريح

.....

[الحمدان]

صدق الحياة تعلم اللي ما نفع فيه الكلام
وحتى القلوب الميته تبكي بوسط الزعزعه

مني سلام من أول القاعه إلى اخرها سلام
اللي يبي درس ببلاش يثمن اللي يسمعه

النور خدعه فيزياء واليوم كذبها الظلام
وما بقى من ظلم خلق الله ولا ضوء شمعه

الضيق ضيق القبر لا بالله بصدور الأنام
بالعكس يا بعض القبور انها لميتها سعه

.....

[الحمدان]

يا ليتها بين تشريقة وتغريبة
لا ضاعت المفردات البكر والثيّب

يا قلبي اللّي تمدّ النُبل والطيبة
ما ضيّع الطيّب الاّ قلبه الطيّب

.....

[الحمدان]

سقى الله يوم انا البس بشت ابوي وثوبه القيطان
واقلد كل شي ٍ فيه حكيه جده مزاحه

اشيل المسبحه مثله لياهوجس وهو سرحان
بيشعر واحسب ان اللي عطاه الشعر مسباحه

سقى الله بيتنا ذاك البسيط مشقق الجدران
شجاع ٍ يهزم الغدرا بقنديله ومصباحه

تكحلنا القناعه لا طمع لا هم لا حرمان
واذا جى الليل تكفينا ثلاث اخوان طراحه

.....

[الحمدان]

للترف خيل ٍ غدا مركاضها صدري
وطيور شوقي غدا مقيالها عيونه

لبا جفونه ولبا طبعها الخدري
ولبا سوادٍ رقد في خدري جفونه

اثره بضحكة سنونه حافر ٍ قبري
ولا كنت اظني باموت بضحكة سنونه

شرهة متونه على شلالها الخمري
وان نثرته الهبوب مردّه متونه

جيت اجبر الكسر لكنه كسر جبري
مجنون والحظ ساقه يم مجنونه

يتفنن بلوعتي واتفنن بصبري
حتى غدت لوعتي من اجمل فنونه

لا رحم ابوالحظ ساق الهجر من بدري
وشيّد جسور الجفا من دوني ودونه

واقفيت لاني ضرير ولاني ببصري
اليا منعني الحيا ساقتني المونه

وجهمت اسوق الخطا في الدرب واهذري
تكفون ياللي خذوا خلّي تردونه

ابطى وخلّى سؤال ٍ يلهث بفكري
مادري يصون الغلا مادري هو يخونه

ويوم اني اسجّ بين ادري وما ادري
عقب البطا جاء يقول الدار وشلونه

قلت انت دارك هنا واْشِر على صدري
قال انت دارك هنا واَشّر على عيونه

محمد الدحيمي

[الحمدان]

وش عاد لاهبّت طواريك يانود
بتضيع في عجّ الخماسين وتروح

دام الأمل وردٍ وريحته بارود
والحلم غدرا مافتق صدرها ضوح

كن الزمن حادي وانا أيامي الذود
لا الليل ذنب ولا خطا الفجر مدموح

.....

[الحمدان]

ذريني للوعد أرسم زمن واقف وأرض تدور
يمّر العمر أروي لك بعض صفحات وجداني

كفاني عن غياب الأرض تملين الحياة حضور
تكونين أجمل المنفى وأسميك أجمل أوطاني

.....

[الحمدان]

عادتي دماح زله ولا شلت لغدي
غير حلم وورد سلم وتباريح ورضا

وان مضيت الليل جايع تعصبت بيدي
وان لفحني برد هالبيد صرت لها غضا

وان تحنى ثار جدي على وجه ولدي
شلت جدي من ترابه الى هام الفضا

كم عبرت الأرض ماطاب لي فج ندي
لا الفياض استوعبتني ولا حلم القضا

.....

[الحمدان]

‏زلّ ، والاعذار سبعين . لكن لا تغيب
‏ما معي لمكابد الشوق صبر الممتحن

‏فدوتك عن ساير الناس يا الغض الرطيب
‏من تفرّقها المواقف ويجمعها الصحن

‏لا تخلّي لي من الطيش قدّام المشيب
‏كل ما شفت المشاعر على العقل انتحن

‏قبل تغويك الملامه ويذهبك النصيب
‏دوب في راسي من الحُب حَبٍ ما انطحن

.....

[الحمدان]

‏سافري في عالمي وأنتي وحيدة
‏وأنثريني وأجمعي باقي شتاتي

‏مامعي غير الأمل شي أستعيده
‏شنطة الآمال تحمل ذكرياتي

‏مستعد أكتب من آمالي قصيدة
‏حبرها دمي .. ودفترها حياتي

‏شاعرك رجلً طموحاته بعيدة
‏وإن عطاك الشئ ماقال لك هاتي

‏عاش تحت العز من فوق الحديده
‏هايمً محصور بين أربع جهاتي

.....

[الحمدان]

‏الصدور اللي وفاها ملاجي للرفيق
‏ضيقوها اللي على كل عوجا يقلطون

.....

[الحمدان]

‏ما يهيض كل مشـتاق فـي حـزة مسى
‏غير شاعر غـط جرحـك و ليته ما قصد

‏وما يحوس الخاطر اللي تضن انه نسى
‏كـون ذكـرى يـوم تاتيـك ما منها مصد

.....

[الحمدان]

وان هب نسناس النسيم وتمثناه
‏في ليلٍ اغوى العاشقين بظلامه

‏يسري ولا يدري على وين مسراه
‏هو يسرح ونوام الضحى في منامه

.....

[الحمدان]

قال المولع هب فوج النسيم
ما دري صبا ولا عوالي

ذكر فؤادي ما مضى من قديم
والانس في تلك الليالي

اقبل علي ظبي يرعى النعيم
من شوفته يا سقم حالي

من قبل اشوفه كان جسمي سليم
واليوم لا حالك بحالي

قالوا لي أهلي يوصفولي حكيم
من قبل يصير الجسم بالي

وانت الدواء يا روحي وانت الحكيم
وريقك الحالي شفالي

والله العشق في وسط قلبي مقيم
رسى وبنا له عوالي

وان مت في حب الغزال الفهيم
لا تأخذه يا اهلي بدالي

والختم صلوا ما تهب النسيم
على النبي نوره بدالي

إبراهيم الخفاجي

[الحمدان]

زواني الهاجوس ملعون ابو الاهل
يقول البيوت العصم اياك واياها

لاعينت كلمه قلت يضرب بها المثل
لقينا وراها كلمة كنها اياها

ماتنجح مدارس فلسفة علم في جهل
والعربان ماكل قدر يكسب ارضاها

يحاول قدر الامكان يعني على الأقل
يدخل في مفاهيم العرب يكسب اصغاها

سعد بن جدلان رحمه الله

[الحمدان]

كل من عاش بالدنيا يشوف العجايب
مثل ماشفت بالدنيا وشفته باهلها

قمت ابرق وافرق بين مخطي وصايب
مثل فرق الجبال النايفه من سهلها

والتوافيق عند الله حظوظ و وهايب
عند رب يجازي كل نفس بعملها

اشهد ان الهدوم يسترن المعايب
اثرها تستر الحرمه وتستر فحلها

الاوادم بعضهم مثل وصف الجلايب
لو توحد بها ذيب الخلا كان اكلها

مايسر ان حضر , وان غاب ماقيل غايب
مار الارزاق عند ربٍ لخلقه كفلها

مايضد الضديد ولايفيد القرايب
يوم نفسه تعدى حدها من زعلها

وفيه رجل يحل المشكله والنشايب
كل ماحملوه الواجبات احتملها

وااقفٍ للزوم ومرتكي للنوايب
والحمول الثقيله مالها الا جملها

ليت روحه قبل تركز عليه النصايب
حط عنه اربعين من الزلايب بدلها

وفيه منهو مسالم مايحب الطلايب
مشتقى من رضى نفسه ولا من زعلها

وفيه منهو اذا كبرت عليك المصايب
ساق وجهه وجاهه لك ونفسه بذلها

وفيه منهو يبا الجودا فلاشك هايب
كل ماناض صدره جى عضوده خللها

وفيه منهو يحل المعجزات الصعايب
اصغر افعاله الجزلات محدن فعلها

وفيه منهو يعيش وعيشته بالسبايب
كل ماسمعله غلطة من رفيقه نقلها

وفيه منهو على نفسه رضى بالغلايب
الله اللي رفع نفس ونفس خذلها

لو تبي تنصحه لله نجر الهبايب
انكرك والنصيحه ردها ماقبلها

اشهد انه عقوبه من كبار العقايب
قاصر المعرفه قلبه كما قلب بلها

احمد الناصر

[الحمدان]

يا ما حلا الفنجال مع سيحة البال
في مجلسن ما فيه نفسه ثقيله

هذا ولد عم وهذا ولد خال
وهذا رفيق ما لقينا مثيله

يا ليت رجال يبدل برجال
ويا ليت في بدلا الرياجيل حليه

يا بو هلا طير الهوى خبث البال
الطير نزر والحبارى قليله

يا الله يا اللي طالبه ما بعد فال
يا اللي من الضيفات نجى دخيله

أفرج لمن قلبه غدا فيه ولوال
والنوم ما جا عينه الا قليله

لا من ذكرت ارموس عصر لنا زال
شوف الفياض وفقد عز القبيله

يا زين شدتهم آليا روح المال
يتلون براق حقوق مخيله

يسقى خصيفا والثمان أرضها سال
مرتع معطره السيوف الصقيله

عجمان لا ركبوا على كل شملال
يفرح بهم راعى النياق الهزيله

من جو ساقان إلى السيف همال
وينوش حسنا والرديفة هميله

ولا قادنا من يمه القفر خيال
يصبح شديد البدو عجل رحيله

قاد السلف واستجنبوا كل مشوال
والعصر يا محلا تخيبط نزيله

وإن شرف البادي على روس الأقذال
والما كثر الزول زود جفيله

تلافحت ما بينا شهب الاذيال
ومن ضيع المفتاح يا عزتى له

ركبوا على طوعاتهم كل عيال
وكل لبلج يحرى بكسب النفيله

تغانموا المفزاع ذربين الافعال
من قبل تسبق غارة تنثنى له

يبغون طوعه روسهن قبل الادمال
وتغانموا خلف كثير هجيله

وحال الكمى من دون عطرات الاجهال
ومروا ولحقوا مقحمين الدبيله

واللى تريض عقبهم يلبس الشال
من صنع داود دروع ثقيله

يلزم عليهم علة عقب الانهال
ومن غارته لزم يضيع دليله

والدم من قحص الرمك يثعل اثعال
يزعج على وروك السبايا وشيله

هذى براعيها من المعرقه ماله
وهذى شكلها مطرق ما تشيله

من وقع كل مجرب قدله افعال
وفروخ صاد الحبارى فصيله

وليا ركبنا فوق عجلات الازوال
وبايمنا حدب السيوف الصقيله

وما حن نحسب لا شتبك عج واكتال
وترك صبى يفتنع بالفشيله

وصلاة ربي عد ما زايل زال
على نبى الحق راعى الفضيله

راكان بن حثلين

[الحمدان]

دنيا غريبه ما عرفنا لها اجناس
يصفق بنا الهاجوس في كل عاير

في الصبح نوم وتالي الليل هوجاس
نهدر كثير الوقت مافيه غاير

وكل يحسب انه على العين والرآس
وكل يسوي شيء من غير شاير

يمضي زمانه مايقيسه بآقياس
ويروح من عمره سنين غباير

ما يدري ان الوقت جاري وحساس
وما كل مخلوق معصوم وجاير

اعرف دروب المرجله منبع الساس
وانهج بها في منهج الطيب ساير

واترك دروب اهل الرذيله والادناس
وابعد عن الشبهات لاتصير حاير

وارفه مكانك منزلة حر قرناس
ينزل منازل شامخات عماير

وعز نفسك لاتنازل وتنداس
وتصير مثبور بك الوقت ثاير

ولاتشكي همومك على كل جساس
يفرح بهمك لو يبين عباير

ولا تفشي اسرارك في كل مجلاس
وخلك طويل البال لاتكون فاير

واصبرعلى ماجاك والصبر نوماس
ولا لا تندم لوتمر بخساير

وخلك على الشدات والضيق نبراس
وكل على شوفتك يعطي البشاير

وخلك على دينك غيور وحراس
واحذر فتاوى الساقطين الفجاير

واسلك طريق المصطفى هادي الناس
واكثر صلاتك كثر مزن الهماير

احمد الناصر

[الحمدان]

يا الدرب ياللي نحرت المهمه الخالي
عرفتني يابعد هالخبت ودروبه

عرفتني يا موديني هوى بالي
من قبل مادله واقول التوبه التوبه

الله مااوفاك ياشوق اشهب اللاّلي
تذكر خويك ثلاث سنين محسوبه

يادرب الاحباب ياما كنت تطرا لي
بالذات لا شفت محبوبٍ ومحبوبه

والشوق يوم يتمكّن دالهٍ سالي
ذكّّى التعب في ملامح وجهه شحوبه

لاعاد يوم ٍ تمادى الشوق بهبالي
و شريت معطوبةٍ من ربح معطوبه

كنت اتحرّا ضمير ٍ غاب يصحى لي
خلقه ربي كذا صحوته غيبوبه

جيتك وانا احضن سوادك باابيض الفالي
ورجعت والفكر سج ّ يراجع ذنوبه

راح يتهجا يدوّر باول وتالي
ذنبٍ جنيته وصاروا لأجله عقوبه

اللي غدا المرّ لرضاهم تقل حالي
واصبح غلاهم مجرد مزح واكذوبه

من عقب ماشتتوا عمري بروا حالي
ثم اتركوني جسد والقلب قفوا به

كنت احسب الدار هي داري ومنزالي
آثر العرب بدّلوا وش هو ب وشهو به

يرجون ( ابو زيد ) وانا ماني هلالي
انا سنافي على قوسه لبس ثوبه

اشوف جدّاني بعين اصغر عيالي
الطيب والمرجله ورثٍ تواصوا به

تقل ان ( جدي ) قرى كفي وفنجالي
يومه يحذرّني من الوقت واسلوبه

يرحمك عودٍ جميع اقواله امثالي
يقول قبل يتوسّد راسه الطوبه

في جيبك ريال فانت تساوي ريالي
هالوقت صار السنافي قدْره جيوبه

يمّا حداه الزمان لكل دجالي
يمّا يصير الوفا والطيب عذروبه

وش لي وبير ٍ خلط بزلاله حثالي
آموت ظامي ويخسى البير وغروبه

بارجع واصلي صلاة الغايب اشوى لي
حتى يوافي خفوق ٍٍ غاب مكتوبه

يالدرب ياللي انكتب ممشاك غربالي
نسيتني دارهم وش حدّني صوبه

الاّ تذكرت ! جيت اقول يالغالي
ليا جوك قول الدحيمي قال لي دوبه

اليوم والله لو يطرون في بالي
قمت اتوضّى وارتّل سورة التوبه

محمد الدحيمي

[الحمدان]

إلى منه افترق ولف القلوب وطالت المده
وشفت عيال حواء كلهم صربي وشيشااني

وصار العرف ضايع رابعه وده ولا وده
بعصر تعتبر فيه الجريمة موقف انسااني

تحزم بالعزيمه والظفر والأرض ممتده
وقل ماجابني لك ياحلوم الليل ودااني

لولا الكعبه مامرينا على الطايف وجده
أقول إحفظ قصيدي وإنس تاريخي وعنواني

أنا العبد الضعيف الي زمانه واقف ضده
لكن أموت ول أدها البري ولا أقطع العااني

بكيت من اليتم اللي نثر دمعه على خده
أثر دمع اليتيم اللي بكى كله على شااني

تواجهنا وكلٍ في زمانه بايح سده
لو أنه قال مسح دمعتي قلت أسرج حصااني

معي سيفٍ يلوح النصر في حده وفي حده
ويدفعني طموحٍ يفرق الهادم من البااني

اخاوي ونثني دون الخوي لا ثقلت الشده
ولا ابيع المعزه والغلا بخس الاثمااني

اكمل واجب الرجال واعده ولا اعده
إلين أجربه وصل التجارب خير برهااني

ماني بقلط الرجال واضحك له لأجل مده
ادسم مخلبي وإلا آتلحف ريش جنحااني

ودون الدم والعرض النزيه وهيبة البده
ارحب بالقشر ترحيب قوماني لقومااني

ورفيقي لا عمدني الخطا مالحقه حده
أخفي زلته وأرفى خماله والعمر فااني

أجنب عنه وإلا اشد والشده هي الشده
صيور الغرب وحبال المحاله تتعب السااني

فجوج الله وسيعه والحصان بشده وعده
أفاوله المفارق واذكره لو كان ينساني

فلاح القرقاح

[الحمدان]

‏خلّك على الوجه الأبيض وأصلح النيّه
لا تقول هذي لـجل هذي مسويها

قل جعلها حسنةٍ تقضي على السيّه
الناس مهما تسوي صعب ترضيها

يالله بذكرٍ جميل و سمعة حيه
والوقفه اللي تبيّض وجه راعيها

.....

[الحمدان]

يا قليل العرف عند الله سعه
والحقيقه ما لنا عنها غناه

عارف ٍٍ خافيك لو ما تطلعه
والغلا يا زين ما فيه اشتباه

يوم انامثلك بعد عنك امنعه
حرصي الزايد على عرفك محاه

فك سبق الطير وارفع برقعه
لا تسوي به سوات اللي شواه

كل حي ٍ للمقابر مرجعه
ميزة المغرور ما يدرك خطاه

قدر اللي فيك عمره ضيعه
يشتكيلك منك وافعل ماتراه

والتكلف منك دونك يمنعه
عز نفسه عن مطاليبه حداه

سوّبه معروف حاول تنفعه
والكريم يجود من ماالله عطاه

عبدالرحمن بن ربيعان

[الحمدان]

الدين ألي وابوي قبلي وجدي
ما منهم اللي مات ما هوب مديون

لكنهم يوم الزمان متردي
يحجون عن غارات بقعى ويذرون

ولا بان خطو الطاغي المستبدي
على عرانين الرجال يتوطون

[الحمدان]

يقول من بالصدق يبدي مثايله
ماهوب يم اللي ينقض جدايله

اقولها في منبع الجود والكرم
هذاك هو عبد العزيز وسلايله

احبهم واحب حي ٍ يحبهم
وغايات مثلي ماتبرر وسايله

يامير حسن الظن يمك يقودني
وهم ٍثمان سنين يامير شايله

ابوك ماقصر علينا وعزنا
يوم الولي عزّه غشتنا فضايله

هذا كلام الصدق مانيب كاذب
والناس تشهد لي بمانيب قايله

عسى جنان الخلد منزل معزي
عبد العزيز اللي تعجز فعايله

عبدالعزيز اللي عرف من يوده
ورفعله البيضا على كل طايله

وحنا ليا جينا نبا منك حاجه
رديتنا لاصغر موظف نحايله

وش ذنبي اللي دون جودك يردني
ونجمك طلوعه كل الامه تخايله

ان كان مابذلك بدنياي نالني
بالاخره كل ٍ يدوّر عمايله

ومثلك يبا يدمح ليا اخطيت زلتي
لوانها يامنبع الجود عايله

عبدالرحمن بن ربيعان

[الحمدان]

كل ٍ يقول ابوي و يقول جدي
ويعد نفسه خالد بن الوليدي

لا صار مانته بالمواقف تعدي
ذكر القبور الفانيه ما يفيدي

ليا قيل ويش الراي كسب التحدي
نبيد وامهال الليالي يبيدي

.....

[الحمدان]

يا صاحبي دوك كبدي زد مكاويها
مابي ليا ارضاك جرحي ذرة احساسي

نفسي ولاعاد عندي دبرة ٍ فيها
واللي يجي منك من عيني على راسي

رخصت لك مهجة لولاك مغليها
وحطيت لك منزل ٍ ما هوب للناسي

بلاي يوم اكحل ابك العين واعميها
مواحع ٍ منتهاها قلبك القاسي

أي والذي يعلم الدنياومافيها
أن الك فالقلب حب ماله أقياسي

.....

[الحمدان]

قل خاتمته هوى البال راضيها
يقتضي بي يوم الادنين باروبه

حاجته مني على الروح ابديها
مستعد ابيع ماملك لمطلوبه

ياعيون ٍ كامل الحسن معميها
الغرام بغيرها ويش ماجوبه

مثل ما ان جروحنا اللي نداويها
العليل دواه شوفه لمحبوبه

كنه اوصاف اتلع الجيد ناقيها
البها كاسيه تفصاله لثوبه

صاحبي والبيض بالغيض كاويها
ما تطاول روسهن سبت عرقوبه

جنّة ٍ ينعم بهاغير راجيها
من يلوم المبتلي لاشلح ثوبه

ياالله اني طالب انك تسويها
الملاذ ابك انت ياقابل التوبه

قدرة الله مالنا دبرة ٍفيها
في جبين العبد الاقدار مكتوبه

[الحمدان]

يا فاطري ما كسرت الكور
مير البلا من معازيبي

حطو مكان الوحش عصفور
والديك جاله مخاليبي

والله يا لولا العيون العور
واخاف من عالم الغيبي

لابين الخافي المستور
وأصيح باعلى المراقيبي

دوري قضى ما بقى لي دور
مخطي ولو إني مصيبي

يا حنيتي حنيت الباكور
صبري على شقة الجيبي

ارجي لعل الزمان يدور
ويحقق الله مطاليبي

[الحمدان]

الا يازين يا ضاف الجديله
على مغليك وش علمك تغلا

يردك واحد ٍ غاد ٍ دليله
يحسب انه على العالم مولا

وانا اللي منك حالي مستزيله
حشا لله مانيب آتسلا

مرادي وصلكم بأيت وسيله
الا يابدر ياليتك تجلا

على اللي عقب عرفك شال شيله
وجيب الثوب من دمعه تملا

[الحمدان]

آخذ واعوّد على كساب الامداحي
لعل بمعزبي مايختلف ضني

يا راعي الجود انا مانيب مرتاحي
الا أني انخاك تكفا قم وشل عني

انا رفيقك قبل لا اسلم اسلاحي
على النقا والجهات الست يدرني

من فعلنا كم عديم ٍ عط بصياحي
سحم الضواري على راسه يحامني

والمنه ألكم بعد ربي بالاصلاحي
و بيض الايادي بمثلي ما يضيعني

[الحمدان]

يا ربي اعوذ بك من سوء العذاب
من لا سواكا لا إله الا انت ألي

اعوذ بك والوذ وإليك المآب
ما خاب من لك يا إلاهي يسألي

[الحمدان]

ما يلوق لكل أصيله مثل خيالها
كم صبي ٍ يأكل تراب بالعلم الوكيد

والبلاد العامره خابرين رجالها
أعتزي يأم المداين بهارون الرشيد

من لها غيره الى زلزلت زلزالها
وارجفت سوق النحاسه بصقلات الحديد

[الحمدان]

ينعاف يا صاحبي ينعاف
من وضعه النفس منكزّه

ولا أقول أنا كامل الأوصاف
ماني بمعصوم ومنزّه

أصيب وأخطي ولي محراف
ولا همّني لابس البزّه

شاعر وناقد وأصون القاف
اللي عراويه منجزّه

وان جيت للحق يا نواف
الشعر ما عاد له مزّه

[الحمدان]

وين انت يا توم الحياة اليتيمه
فوق الثرى وإلا عليك الثرى ثار

كان انت حي وفي ظروفٍ سليمه
عز الله إنك جرت يوم الزمن جار

كان أنت ميت فالمصيبة عظيمه
الدمع ما يكفي ولو صب مدرار

تصبح حياتي كلّها دون قيمه
ونور الأمل في مهجتي ينقلب نار

[الحمدان]

يا بَحْرْ يا بَحْر اللآلي والاصداف
يا حافظ اسرار الغُبَبْ والبواخر

يالهادر السّادر ورى جُرف وضفاف
ياللي بكل أطياف الألوان زاخر

غامض ولا يقراك ساحر وعرّاف
لو يحرقون يدينهم في المباخر

صحيح مالي فيك مركب ومجداف
ولا عايشوك أوايلي والأواخر

جيتك غريبْ وصرت للشط ميلاف
وسافَرْت معك وصِغْت لي حلم فاخر

خيال شاعر يوم فكّر بالإنكاف
شاف الحقيقة كنها فيلم ساخر

روايته من دون عنوان وغلاف
تبدأ من الآخر وترجع للآخر

[الحمدان]

أنا أدخل على الله من هوى النفس والشيطان
عساني مع الأثنين ما نيب وحداني

[الحمدان]

فقدت الثقة في ناس واجد من اصحابي
وأنا ما هقيت إن الثقة فيهم أفقدها

أراهن عليهم وآخذ السلبي إيجابي
وأشوف الحقايق قِدْم عيني وأعاندها

وأعاتب وأنا خذلاني أكبر من عتابي
وأقارب مسافات الفجيعه وأسدّدها

أحب الوضوح ورحلته تتلف اعصابي
وأثر نعمة الناس البليدة تبلدها

[الحمدان]

بين باب وباب في لمحة خيال
عرَّضَتْ عن عِلْم ما ادري عن جَهَلْ

فاتنة وتعيد تعريف الجمال
شبه وضحاً ساقها بدر مهَلْ

[الحمدان]

قدّام جرح الهَدَبْ يا شِين جرح الكلام
وأنا جريح الكلام الملتهب والهدب

سمعت لي كلمةٍ تكسر صليب العظام
من محتواها الضلوع العُوْج صارت حطب

يا ورد يا ناعم الملمس وغض الكمام
من علّمك تزرع الشوكة وتشعل لهب

[الحمدان]

ياللي توَنَّسْ بين لندن وباريس
عزّ الله إنّك ما تْعَرْف الوناسه

وناسةٍ ماهيب مع حادي العيس
في راس راعيها عَطَبْ وانتكاسه

من فاته الوسمي ونفح النسانيس
ودّك عليه يشدّدون الحراسه

[الحمدان]

عامنا اللي راح ما نأسف عليه
راح باللي فيه من خيرٍ وشرّْ

وعامنا المقبل نبيه ولانبيه
جعل ماهو من هذاك أدهى وأمرّْ

[الحمدان]

قال العروبة قلت وين العروبة
قال العرب قلت العرب صوتهم ذاب

قال السبب قلت السبب لودَرَوْا بِه
ما غيّروا مثقال ذرّة بالاسباب

عدوّهم من ضَعفهم رحّبوا به
وحطّوا يديهم كلّها في فم الدّاب

والدّاب زانت له وهبّت هبوبه
قام يْتغدّى ويْتعشّى بالاعراب

يأكل ثناديهم وينفخ ذروبه
ولْيا شَبَعْ منهم وصَفْهم بالارهاب

[الحمدان]

مرت سحابة واستهلّت سحابه
والبرق يفتح باب ويسكّر أبواب

همس المطر للريح همس الربابه
وألاّ كلام أحباب في حضرة احباب

همسه يزيل اعن النفوس الكآبه
يا زين صوته بين الاسماع ينساب

[الحمدان]

كن قلبي طفل اخطا وانظرب
وكنك الحكمه عقب طول السنين

آه لولا الدلو وش يملا القرب
وألف آه ان مارضى القاسي يلين

للطرب عبره وفي صدري طرب
للحزن نبره وانا صوتي حزين

[الحمدان]

والله وخطت شوارب جرحي الثاني
والجرح الأول نبت له لحيه وشابت

يا كلها شف بعضها وين وداني
يا ظلها النور وجروحي متى طابت

من ينقل عتاب عدواني لخلاني
من ينزع الهم كانه بالصدر ثابت

يا بنت جيت ألحق أعذارك ولا أمداني
والشمس ما تشرق إلا إن كانها غابت

طيب نقول الرعد خاين وخلاني
بس المزن عقب هالغيبات وش جابت

كان الخطا بأن أنا مانيب أحد ثاني
فأنا أعترف رميتك يا عاذلي صابت

[الحمدان]

يا ليت بعض الحكي ما جا على لساني
أو ليتني ما هقيت الهقوه وخابت

واليوم لو أملك النسيان لأنساني
وأهز صملان عين بالبكا رابت

والله مأسأل من المجني من الجاني
لكن هي شموعنا تندم إذا ذابت

مدري أنا أكبر بكم دمعه من أحزاني
بس أدري بساعتي من عقربك هابت

والخوفه أنسا من اللي فيهم أشقاني
الحظ وإلا خفوق بالرجا سابت

من وين أنا جيت؟مدري! اسأل أوطاني
الظاهر أني مثل بعض الشجر نابت

والموت ياناس لوجرحي تعداني
والصالبه من ركيزات الصبر عابت

والله لأحلق شوارب جرحي الثاني
كان آخر أربع جروح من القهر شاب

[الحمدان]

ما لقيت اخس من حب التواصل
يحرق اعصابك على فاضي بلاش

لا طفش منك قـطع عنك المواصل
وعطاك الحظر في نص النقاش

والمصيبة يـمكن تـكافـح وتـاصل
وتنصدم بعد التعب في شخص ماش

[الحمدان]

العين تلمح من البشر مليون
والقلب يعشق من المليون وحده

[الحمدان]

كني ما بين المملكه والفيصليه بيت طين
من غربته تشكي شبابيكه على جدرانهـا

محتاج للعزله عن العالم وعن وجه السنين
مثل ما تحتاج البيوت العامره شيبانهـا

.....

[الحمدان]

گلً ب هـذا الزمان يقول انا الطيب
والطيب اللي يگف الناس من شره

.....

[الحمدان]

يالله عساني على طاعتك متوّجه
الوجهه اللي على طاعتك ترضاها

.....

[الحمدان]

سقى الله وصالك يوم درب المواصل سمح
يا طيب الزمان اللي مضى بك ويا طيبك

.....

[الحمدان]

فـي الليلة اللي قمرها خافتٍ نوره
يرسم خطوطٍ ظلام الليل يغشاها

الذكريات حضرت بالصوت والصوره
تكميل رسمي من اولها ليا اتلاها

تعرض تفاصيل حبٍ ولت عصوره
ما باقي من المحبه غير ذكراها

.....

[الحمدان]

‏سامح وغض الطرف لو كان ما كان
‏عمر البحر ما ضاق من لطمة الموج

‏ لو تلتفت في كل زلة من إنسان
‏شفت البشر من حولك أرقابهم عوج

.....

[الحمدان]

مرحوم يامن قال لي خلك عشير الغانمين
المشكلة فالغانمين اللي ما عاد نشوفها

عز الله ان المـال عذروب الرجال الطيبين
تزرع سنابل مرفعتها والهبوب تلوفهـا

.....

[الحمدان]

كل فتره زعليني وازعلي من غير سبّه
ابغي ارضيك لان رضاك يرفع من مقامي

مشاري المري

[الحمدان]

مدام راسك حي سقهـا وقدهـا
وان سقتها سقها وقدها على الزين

النفس متعهـا ودور سعدهـا
بحدود مايسمح به العقل والدين

.....

[الحمدان]

‏حزمت في قلبي تفاصيل ذكراك
‏وحددت للفرقا من العام ميعاد

‏واخترت تاريخ مميز لعيناك
‏تاريخ فرقا كل مًامت ينعاد

‏في يوم ميلادك تعمدت فرقاك
‏ابغيك تذكرني مع كل ميلاد

.....

[الحمدان]

تكفين ياحال الشقا تكفين
حني خفوق العاشق المسلول

ولو مأدري إنك بالبلا تدرين
هانت ولا عشت العمر معزول

يالله ألا والحين إيه ألحين
يا جيته وإلا تمام القول

وحذراك يالجمعه من الأثنين
وش لك بمن تحفا وراه رجول

.....

[الحمدان]

أنت اللقا دام المخاليق فرقا
أنت النفس وألا أطيب الناس كتمه
يا نازل ٍ للزين والكل يرقا
وجنات ظلك جنبها النور عتمه

والحفل عينك والمعازيم غرقا
ولحن الزمن غيرت عزفه ورتمه

خلّ القلوب تموت بالشوق حرقا
والشوف لامن غبت خلّه ليتمه

عشقك غصن تفاح والقلب ورقا
ولك نظرة ٍ صابته مثل أم صتمه

جرّيت حبل الوصل والكف عرقا
ورغم اني أحفظ حبك أعجز لأختمه

وعينك عسل ولظلك عيون زرقا
يا من هلاك النور مسراك حتمه

وهجرك وصل ومواصل الناس فرقا
لكن تراك ان غبت باموت كتمه

.....

[الحمدان]

هي لهم كل الأماكن لا غدا قدري مكان
التعب لرقابهم لا صرت بالصف الأخير

وإن ضحك وجه البنفسج وأستمال الخيزران
في ثنايا الجرح جرح وما بقا إلا الكثير

طال عمرك يالليالي ما نبي غير الامان
في نهار ٍ لو رضينا مارضى باللي يصير

طال عمرك وش بيدنا دام كوكبنا جبان
ماقدر يكون شمس ولا قمر دايم ينير

.....

[الحمدان]

راح علم وجاك علم وكل خافي له بيان
هرجةٍ قلنا وتمت من ورا خشمك تصير

من عوايدنا الصلافه لو نعم وجه الزمان
ومن يحقر الناس عند الناس هو أصلا ً حقير

ودعك يالجرح نزفي من جت الساعه ثمان
ونامت عيون الأوائل صرت انا الحلم الأخير

.....

[الحمدان]

يا مهمهي المحبه وش بقا تخفي
إن كان ما هو بوصلك فأتركه خافي

أنت الرجا بالعمر والخوف من حتفي
وأنت أبعد أحلام عمري وأقرب أهدافي

يا كثر ماتشبه أغصان الأثل نحفي
ويا قل مالملح سولف عنك لضفافي

والكرسي اللي عقب ذاك المسا مجفي
مثلي مريض الوله ويقول متعافي

.....

[الحمدان]

يا عنّها ما جت حياتي لو أقفيت
وش ينفع المجداف عقب السفينه

ياللي تتم اليوم عامك من أخطيت
وأنكرت من شالك بقلبه وعينه

إن كثرت البيبان لاتامن البيت
وأذكر ترى بعض الأغاني حزينه

ياشمع بلغ وردتي كم تمنيت
إن الشوارع تفهم أهل المدينه

واني غريب وكل ماقلت حنيت
تعلقت في رجل الإحساس طينه

.....

[الحمدان]

انتي مثل نجد وانا مثل اهلها
مالك الى من غبت يابنت مقدار

والنظره اللي تنكسر من خجلها
ماهيب لعيوني ابد سلم وكار

والقصه اللي مات فيها بطلها
صارت مع الأيام للناس تذكار

ولو الجروح تجاوب اللي سألها
ماعشت بين الدم والدمع محتار

تشبهني الايام لولا عجلها
وأنا أشبه اطراف المداين والأسوار

.....

[الحمدان]

انتي مثل نجد وانا مثل اهلها
مالك الى من غبت يابنت مقدار

والنظره اللي تنكسر من خجلها
ماهيب لعيوني ابد سلم وكار

والقصه اللي مات فيها بطلها
صارت مع الأيام للناس تذكار

ولو الجروح تجاوب اللي سألها
ماعشت بين الدم والدمع محتار

تشبهني الايام لولا عجلها
وأنا أشبه اطراف المداين والأسوار

.....

[الحمدان]

عفرى تقول مضايقتها الجدايل
قولوا لعفرى لاتقص الجديله

والنظره اللي راح فيها قبايل
هذا وهي طرقة غطاها ثقيله

وإلا ثغرها مكنز ٍ للهوايل
مايلحق يرد الشهاده قتيله

تجلس ونلقا عن قمرنا بدايل
تاقف ويكره كل خل ٍ خليله

عفرى وترتج الكبار الثقايل
والنور يرجع للسراب ويشيله

عفرى وتبرد وجنتين القوايل
والجدب يرضع شفتين المخيله

عفرى وتبدي من دلعها خصايل
ورد ٍ جمع قطر الندى في شليله

عفرى واشوف الفجر راح يتمايل
والليل راح بسكرته يرتكيله

عفرى واشوف طويق ذايب وسايل
والرمّه موقف يبيها تجيله

عفرى وينعس جفن رفحا وحايل
ويجي لهامة نجد قصه طويله

والحب مابه عند عفرى جمايل
ياوالله اللي شوف عفرى جميله

وعفرى تقول أحلى بدون الجدايل
قولوا لعفرى تنقض (أم) الجديله

.....

[الحمدان]

ساقك اللي يسوق الما بعرق الضمير
عقب ما أمسيت ميّّّّس من حياة الغراس

وان غدا الشعر غيرك ماورا الشعر خير
يامن رضاك يسوى عندي ألفين راس

.....

[الحمدان]

كن الهبايب يوم تمحا الخطاوي
عاشق بكفه يمسح دموع معشوق

والحزن عمره ما يبيّت خلاوي
ولا يرقد إلا مفترش عين مخلوق

ياورد علمني وش العطر ناوي
أوتدري أسكت(يمكن أنساه وأفوق)

وإن ما نبت بأطراف صوتي شكاوي
حاولت أسافر غيم وأعوّد بروق

......

[الحمدان]

من عاتب الوقت ماتجدي معاتبته
ذب الورق في مهب الريح واتبعني

قل للزمن يا زمن خذ كل ماجبته
ما دام فيني تسامي ذات يرفعني

.....

[الحمدان]

يا صاحبي وقف لزيف الصحاري
وبشر هجير الشمس عن موعد السيل

حاول تغير في ملامح نهاري
واعط القمر مفتاح بوابة الليل

مدري لشنهو موعدي وانتظاري
ما دامت أيامي قليلة محاصيل

في داخلي نزعة خفوق انتحاري
حلم تكسر في ثنايا التفاصيل

واثر انكسار الحلم يعني انكساري
بغيت اكمل وانكسر فيني الحيل

.....

[الحمدان]

حرية الفكر هي ابسط حقوق الحياه
والعاقل اللي يعرف حدود حريته

من سكر ابواب قلبه لا تفتش وراه
من حقه يعيش بالدنيا خصوصيته

.....

[الحمدان]

الله تـوفـيقك وتـسـهيل الأرزاق
يـا كافي بفضلك جميع المخاليق

منك الفرج يالله لا خاطري ضاق
انـت الـكريم اللي بيدك التوافيق

.....

[الحمدان]

يا صاحبي وقف لزيف الصحاري
وبشر هجير الشمس عن موعد السيل

حاول تغير في ملامح نهاري
واعط القمر مفتاح بوابة الليل

مدري لشنهو موعدي وانتظاري
ما دامت أيامي قليلة محاصيل

في داخلي نزعة خفوق انتحاري
حلم تكسر في ثنايا التفاصيل

واثر انكسار الحلم يعني انكساري
بغيت اكمل وانكسر فيني الحيل

.....

[الحمدان]

صدق من يقول الفجر فيه الفرج والأجر
وتارك صلاة الفجر مهموم ويعاني

اشوف التشابه في حروف الفرج والفجر
ولا ادري من اللي ماخذ اسمه من الثاني

عبدالله الطلحي

[الحمدان]

‏محلا المساء بطلتك دامك النور
ولا تلومني لا قلت معك المساء غير

معك مسائي ممتلي شعر وشعور
الله يمسي وجهك النـّير بخير

.....

[الحمدان]

‏اتعبوا لأهدافكم ياهل الحلم الشغوف
‏عنفوان زهور الأعمار قافيها المراح

‏الضعافة ويش ودت وجابت للضعوف
‏غير صبرٍ ما يواجر وهمٍ ما يزاح

‏الفشل لا تجعلونه ذريعة للوقوف
‏هو تراه أول مراحل محطات النجاح

‏ما يعديك المهونة ويلحقك الشفوف
‏غير ممشاك بشجاعة وعزمٍ من كفاح

.....

[الحمدان]

مدري عن التوبة يجي علم تالي
خلوني ابعد حالي اللي معنيه

انا خوي اللي ثنته الليالي
واللي بعد عيت لياليه تثنيه

.....

[الحمدان]

اروى وانا جرحي ثمل طين وتراب
قاع ٍ خطب ود الغيوم ونفاها

اروى وتكسر ضحكتي دمعة اسباب
وكم فرحة بعت بكدرها صفاها

تبعثرت في ذاكرة صيف كذاب
ادركت باديها ولذت بجفاها

كلي رجا ومنادمة ليل وعتاب
وجروح تركض عكس نقطة شفاها

اغمّض عيوني على برد الاهداب
واتذكر احضان امنحتني دفاها

والليل درويش ٍ حمل رفض الابواب
خبل ٍ شرب زيت الشموع وطفاها

وانا على جال السهر ظل وكتاب
احاول استرجع لاولى جفاها

.....

[الحمدان]

‏سبحان من يعطي قبول المخاليق
‏ وسبحان من يفرق عطا عبد عن عبد

‏ بعض الأوادم شوفها يجلي الضيق
‏ وبعض الأوادم شوفها يلوع الكبد

.....

[الحمدان]

تغانموا فعل الجمايل مع الناس
‏الناس صعبات الظروف اجرحتها

‏فعل الوفاء والخير فالناس نوماس
‏الطيب فوق الأرض ماهو تحتها

.....

[الحمدان]

‏إما تجي حكمة وتغلب على الصّمت
‏والا إلتِزم بالصمت والصمت حكمة

‏سعد بن جدلان رحمه الله

[الحمدان]

مد كفِّك للسلام ومد كفِّك للوداع
لا تبالغ بالتمسّك تنجرح قلب ويدين

.....

[الحمدان]

يا ساحة الشعر والشعّار والساحه
وش حيلة اللي جمال الكون في شَفّه

بعض القلوب الرهينه جات مرتاحه
لكن فؤادي من اللي واقف بصفّه

حسبي على اللي أخذ قلبي ومفتاحه
وعرق الهوى في ضميري لفّه بلفّه

أبو عيونٍ كحيله .. سود .. ذبّاحه
وغمازتينه دمارٍ تغزو الشفه

وليلٍ تحدّر ياكنّه لفّة وشاحه
ورموش عينه غرامٍ جات مصطفه

والخصر ياكثر ماني شايف لحاحه
على الردايف يقول بليز يالعفه

ما كنّه الا زجاجة عطر فوّاحه
زيِنه بكفه وزين الناس في كفه

عزّاه ياهب نفح الشرق ورياحه
ولبيه لامن وصلني من كذا هفه

.....

[الحمدان]

العاذل اللي يدوّر عثرة دروبي
ما يدري انّي عنيدٍ بايعٍ فادي

ياما طلبت وجاني عكس مطلوبي
يا ما خذلني رفيق وقلت له عادي

أحدٍ رجمْني بغيبٍ والتفت صوبي
أقبل يكيل المديح ويطلب ودادي

واحدٍ طلبني وعطيته يافهد ثوبي
لا ما هقيته يصير الدّ حسّادي

طيّب وصار الطيب عوقي وعذروبي
أشْره على النوق والا اشره على الحادي

استغفر الله عسى الله يغفر ذنوبي
مايغفر الذنب غير الواحد الهادي

مع كل شمسٍ جديده تشرق عيوبي
طالت دروب الخطايا وين انا غادي

[الحمدان]

علّم الريح تصهل واستثار الغمام
وعلّم الغصن الأرعن ينحني للنسيم

علّم الشمس تشرق من هديل الحمام
وعلّم الليل يضحك عقب ما هو كظيم

وعلم الحرب تخجل من رصيف السلام
والمشاعل تعيّي لا تشب الهشيم

أه يا ليت شعري ويش يفيد الكلام
الليالي غدت لي تقل خصم وخصيم

.....

[الحمدان]

اسرجت خيلي وامتلت روحي اصرار
هذا وانا اوّل عاشقٍ يشعل النار

ماجيتك اشكي غربة الاهل والدار
ولاجيت افلسف بالحكي بعض الافكار

انا خوي اللي يبي يآخذ الثار
وانا اليقين اللي به الشك يحتار

قلبي وطن للحب وظلوعي اوتار
إنْ جيت ريحٍ قابلك منّي اعصار

.....

[الحمدان]

كان الوفا نجر وفناجيل ودلال
يابوي انا مبطي مبهر دلالي

صبيتها للناس فنجال فنجال
ماهمني يقضون والا قبالي

ماعزني عمٍ ولاعزني خال
أنا الذي باعز عمي وخالي

ورّتني الدنيا خفيفات وثقال
الله يجيرك شفت غبن الليالي

أهْدتني الفرقا وانا طالب وصال
ماقدّرت يابوي صرخة سؤالي

يوم انّي اكتب ماخطر لي على بال
إنّ القصيد اعزّ واغلى عيالي

اكتب ويسري في المخاليق موّال
اكتب وتصهل مهرةٍ في خيالي

يابوي لاتجزع على كل الاحوال
ما تلحقك شمسٍ وانا لك ظلالي

ان قالها الله غير ابرهن بالافعال
ومافاتني أوّل أجيبه بتالي

.....

[الحمدان]

‏عن مناوي غايه النفس تقنعك السنين
ما صفت عوج الليالي و لا دامت لأحد

.....

[الحمدان]

ابتسم للضيف واضحك للمسير
‏الكرم يبدا بضحكة وابتسامة

‏اطلق حجاجك ووجهك لا يتغير
‏الحجاج المنطلق نص الكرامة

.....

[الحمدان]

لا تترك اللي خوته تجلب الطيب
أحرص على قربه لو الفقر غطاه

واحذرمن اللي خوته تجلب العيب
لو كثر ماله واعتلى سور مبناه

الصنف الأول يرفعك بالمواجيب
والصنف الآخر للمذمات ممشاه

هذي تجارب من علا راسه الشيب
واصبح خبير في صواديف دنياه

.....

[الحمدان]

لا تزعجون الناس بافعال الاموات
كفـوا وقفـوا كاسبين الجميلـه

عد انت وش سويت من فعل بالذات
اما كسبت النـعم والا بديلـه

سعود العتيبي

[الحمدان]

ظني انه صار شوف الطيبين شفاقه
‏والمراجل عقبهم قدها على تاليها

‏خالد بن مدعث

[الحمدان]

يبعث الله في المصلين السكينه
‏دون قرب الله حياة الشخص مُرّه

‏من يحط - الله تعالى - بين عينه
‏حطه الله في المقام اللي يسرّه

جابر بن علوش

[الحمدان]

أعلم ترا فيه وحده من صلواتك
‏في عمرك اخر صلاة لك تصليها

.....

[الحمدان]

يا رب ترزقني وترزق صديقي
‏تعطيه من خيرك وتعطيني اعطيه
‏
‏قبل امس وقفني وانا في طريقي
‏وقام ايتشكى لي وانا قمت اهدّيه
‏
‏ازريت لبلع من شكاويه ريقي
‏وانا ما عندي غير روحي وتفديه
‏
‏جاني من الاحراج شي ٍ حقيقي
‏في موقفاً ما ودي احدن يجي فيه

.....

[الحمدان]

اللي ما تبغي تلاحقها عيون الرجال
‏تلبس عباية ستر ما هي عباية خصر
‏
‏لا تظهرين المفاتن والدلع والجمال
‏وتطالبين الرجال تغض عنك البصر

.....

[الحمدان]

في ضلوعي طفل لامن جاع أغني
وأجرح الدنيا بنظرات الذهول

أنقسم ثلثين إنس وثلث جني
وأترك الصرخة تقول وما أقول

صاحبي مثل القصيدة ما فتني
لا تعرت حلم للقلب الخجول

في ملامحها الخفية شي مني
آيتي للناس والشاعر رسول

إن بكت تمطر غيوم بوجه ظني
هي سما روحي وأنا أوجاعي فصول

لا تبرقعها ظنونك بالتجني
عن ضما الوردة يكلمك الذبول

صاحبي خانوا ربوعي والتمني
ما بقا عندي سوى مهر جفول

إنكفوا شدوا وشد الصبح عني
خلوا الظلما تشكل ألف زول

عيشوني الخوف كله لكن إني
ما عطيت الشمس لأنصاف الحلول

ما خذيت الشعر طفل بالتبني
ولا تركت لخطوه الرفض القبول

دست بعنادي ظروف عاندني
قلت أباصل لو غدى الموت الوصول

سليمان المانع

[الحمدان]

كَأَنَّها إِذ خُضِبَت حِنّا وَدَم
وَالحُرُضُ العن وَالهَرمُ العُصُمْ

.....

[الحمدان]

على الوعد طال انتظارى هنيّا
وان جيت ابمشى شفت مانى بقالي

اصفق بكفينى واقلّب يديّا
حيره وتاخذنى خروص وهقاوي

واقول يمكن "ياجميل المحيا"
نسيتنى والا على الصد ناوي

راعى غنم ومعلقه بالثريا
روحى وقلبى للسحايب هواوي

تصلانى اشواقى واجيك اتفيّا
عنها بظلك وانت عنى نحاوي

فديت منّك أى شى ايتهيّا
عليه أعلّق غايتى والرجاوي

بس لاتخلينى أمانه كذيّا
على جمر طول انتظارك خلاوي

.....

[الحمدان]

أحلى تيراميسو على كوفى لاتيه
وانتى على بالى تزيدى حلاته

توى أذوق من الزمن طعم حاليه
معاك يا أحلى وأجمل بناته

ياكن هالمقهى وانا أستحضرك فيه
تغيب ناسه من على طاولاته

ألقاك حولى تجلسين بكراسيه
هنا وهنا وهناك وبكل جهاته

يلوح وجهك المحه عدة وجيه
فى وجه واحد تجتمع بالتفاته

آخذ قلم أرسمه أسرح أراعيه
ألقاه مثلى غارقن فى سكاته

.....

[الحمدان]

صباح النوايا الصافيه والقلوب البيض
وصباح الفرح والشوق والحب والطيبه

قضى يوم من عمرك وبدا يوم للتعويض
تجنب به اعراض المخاليق والغيبه

.....

[الحمدان]

‏أحدن يجي وأن راح محدً درى فيه
يعني حضوره و العدم شي واحد

و أحدن حضوره غير وان غاب ندعيه
واحد و يسوى بالعرب ألـف واحد

.....

[الحمدان]

انشوفها عوجا ونترك عوجها
تكرم لحانا عن هروج الرديين

وان كان نقال النمايم هرجها
انصد ما كنا عن الهرج دارين

.....

[الحمدان]

‏صباح الرضاء والحمد والذكر والتسبيح
صباح النفوس السامية والجناب الزين

أوصّل تحياتي مع كل نسمة ريح
عسى الله يجمّلنا ونوفي مع الوافين

عبدالله أبو عيون

[الحمدان]

‏أحلامنا طارت سما كنها ريش
نشأ السحاب وفرّق الريح شمله

أثر الزمن دوار وأيامنا طيش
ومصادم الأيام تحتاج صمله

الطير يأكل نملة الأرض ويعيش
وإن مات لحم الطير تأكلة نمله

رايد بن هلال

[الحمدان]

‏نعيــــش ونقــــاوم زمنــــا وما فيه
ونمشي ولا نشكــي لحــــد ما كتمنا

نكفــــن اوجاع الجـــوارح ونخفيه
ولا نبــــدي اللي فـي الحشايا دفنا

نضحك بوجه الناس والفرح نبديه
ونحاول اسعـد البشــر غصب عنا

ونصنع سعاده تحـرق اللي نعاديه
ونحفـــظ كرامتنا ونحفــظ قيمنا

.....

[الحمدان]

‏ليت الوجـع ما جاء على يد الاحباب
جرح الحبايب صعب نوصف علاجه

لو هو غريب الناس مابحسب احساب
امـا قريــــــــب الناس يا الله خراجه

جرح الحبايب داخــل الصدر ماطاب
اوجاع تفـــــرق عـن وجع كل حاجه

تبقــى معـي طول العمـر جرح لهاب
واكسار قلبــي مثل كســـر الزجاجه

.....

[الحمدان]

كل دقّة في وريدي تناديــه
والحشا من دون وصلك ما سلاك

يا غرامٍ ساكنٍ في مهجتيــه
يا أمل عمري وعِزّي في رضاك

لو غدت دنياي ضدّي ما أذريه
دامني حيٍ على العهد معاك

إن رضيت العمر كلّه أهديــه
وإن غضبت الموت يحلا في فداك

.....

[الحمدان]

‏نام الجميع وكيف النوم يطرقني
والنار في قلبي المشتاق تضطرم

ناموا هنيئا لكم إذ ليس يشغلكم
من الهوى أَمل مثلي ولا أَلم

أبيت وحدي في الظلماء تؤنسني
ذكرى الحبيب فتدميني وأَبتسم

يرفرف المجد فوقي والغرام معا
كلاهما خافق مايخفق العلم

.....

[الحمدان]

غــابــت عــن عيوني وجـيـه الـمـحـبـين
ومآ غـاب ذكـراهــم مـن الـقـلـب والروح

لـو يـعـلـمـوا يـاصــدورنا كــم تـخـبــيـن
مــــن الألــم والــحــزن والـهــم والــبـوح

عـقـب الـوصـال الـلـي فـرحنـا بـسـنـيـن
جـانـا الفـراق وخلّـف الجـرح مجروح

يا صاحبي والشوق فينا يعـزف حنين
ما ينطفي لولا يزول العمر والروح

كـم ليـلـةٍ عيـني تـرجّـت غـفـا ويـن
والـدمـع يـسقـي خـدّ يـنـوح مـن بوح

......

[الحمدان]

‏ليت الهـوى ياشـوق يسمحلي القاك
وآخفيك من شوف البشر في عروقي

وآروي ضمــاَ قلبــــي بطلة محياك
واذوب فـي لقياك ياشـــوق شوقي

والله انــــي كــل لحظـــــه تمناك
والشوق لك فالروح محرق خفوقي

ودايم على بالي وطيفـــك وذكراك
يسـري بدمــــي يا الغلا في عروقي

.....

[الحمدان]

‏ناديت لك مــن بين الايام ويـــن انت
محتاج أفضفض لك حديث المحاني

تعال وابعدنـــي من الحــزن لا هنت
ما غيـــرك انـت اللي يلطـــف زماني

يا حب ضايـق خاطـري وانت ما بنت
وشوفــك علاجــي لو مجــرد ثواني

يا مــن بعشقك وسـط قلبي تمكنت
ومحبتـــك حلــت بداخـــل كياني

.....

[الحمدان]

‏يا رب غفرانك ليا اصبحـت وامسيت
مـن الخطـايا والذنــــــوب الثقيله

ادعيك تغفـر لي خطايا إذا اخطيت
وكــل ذنــبن يا إلهـــــي تزيله

يارب أنا فـــي دعـــوتك ما تونيت
وحاجتي ماهــي عليــك مستحيله

ارزقني الراحــــــه علـى ما تمنيت
وسهـل برزقي في السنين المحيله

آمين

[الحمدان]

‏أمشي على درب السلامه موادع
‏ما عاد لي في درب الأحباب مسيار

.....

[الحمدان]

سرى الليل يامن ضيع الليل بالتمثيل
بقلبك كلامٍ ما تبيهم يعرفونه

وانا فاطنٍ لمبعثر الكحل والمنديل
وخدٍ تورد بالخجل واختلف لونه

وزفراتن اخفى من عتب وردتين وليل
على حالمن يشرب نداهن على هونه

احنّ المشاعر من تعب رحلة التحليل
خيالي (جريح) وساحة العذر مسكونه

على الهون ياللي من خلاك بخلاك تشيل
على عاشق تقرا خفاياه بعيونه

تهادت على دافي شواطيك غربة جيل
غريبة قرار ..بلعبة النار مفتونه

بغيتك تعيش الدور واتعبني التفصيل
تعب ( عاقلٍ ) راهن على احلام مجنونه

كسيتك ترف واستغربت عينك التدليل
مواري غرور ..وحسن ظني هفى دونه

تعلمت (فنّ) معاند الجرح للتجميل
ملامح سلام ولثغة الحرف ملحونه

غصون الخصوصيات يومي بها التدويل
واخاف الورق تسري به الريح وتخونه

.....

[الحمدان]

مدامك عاجز الحيلة وراك تحدني لاقصاي
ويوم ان الوفاء كايد وعودك ليه تعطيها

تضيعنا الثلاثه في دروبك والغريب الجاي
مثل سيلٍ يضيع ولا يمري في صباخيها

قريت آخر خبردمعة عتاب ولوم واستجداي
تقول ان الرها في بعض الاشياء سر غاديه

وبانت لي حياتي يوم فكرت بجميع اخطاي
زهر عباد شمس ضيع ايامه يراعيها

.....

[الحمدان]

واجهنّي ثلاثٍ موقفات
يالله إنّك تقدّي رابعتهن

بين ظلين وقفه والتفات
سايفن عن خززهن وافختتهن

قلت ياراعي الوقفات هات
ما بقى ألاّ انت ماتفهم لغتهن

لك زمانين وايامك فوات
ما ارثعنن في حوالك باركتتهن

لو فطامك على سكّر نبات
ريحة الحمض تمْرِي بمرقتهن

.....

[الحمدان]

ومريتي بموكب فرح كنّ مالي دور
تجرين عمرك فوق رحلة معاناتي

تلهين وانتي خابرتني غشيم قصور
ثقيلة على سجادة الفرو خطواتي

على اقل تقدير اجبري خاطرن مكسور
خذي واردي ماهوب من كثر جياتي

.....

[الحمدان]

يا هل البل خبّروا من كان ناسي
في مفال الشرف للشقحا غناجه

ايه اغنّي والدجر طيّر عماسي
زين مدح الروح لو فيها سماجه

روحن مثل القطا والعج كاسي
بكرتينن ما لهن بالطرش حاجه

.....

[الحمدان]

أشم ريح انفاسها بين الابيات
كن الصور تشعل باثرها مناير

وانا رهين الذات ومحاسب الذات
وذكرى صورها فوق كسري جباير

سيلتها حصبى ذهب واديٍ مات
حولين ما علّه يكود العباير

وانا رهين الليل والموت بسكات
لا شار بالمسرى خفيّ السراير

.....

[الحمدان]

عسى الله يفرج كربة اللي براه الشوق
أسير العيون السود ما في يدي حيله

سحره البها والملح من حسنه المنطوق
قليل العزى ماحدٍ من الناس ياوي له

نطحني على الكدلك حبيبي بعرض السوق
وعرض بخدٍ يجرحه لمس منديله

أبو وجنةٍ حمراً غشاها الهدب من فوق
تكاشف سناها من ورى طرقة الشيله

أنا إن ما حصل لي من ثمه حبةٍ بارفوق
فباقي حياتي ياهل العرف وشي له

ترى اللي يرد الروح للعاشق المعيوق
متى ما سمح سيده وقال أقبل الليله

عبدالله الفيصل

[الحمدان]

اشتقت لك يا فرحة العمر وين انت
يا للي عيوني منك ينبع ضياها

لولاك بالغايه بدنياي ما كنت
اشفق على ايامي يطول مداها

سرقتني مثل الكرى لي تمكنت
من مهجةٍ ما قبلك أحد غشاها

أشوف حسنٍ كل شئ تحاسنت
لو به ذهاب النفس أشوفه مناها

ما خبر يوم في منامي تطامنت
إلا أن بعثت الطيف لي في دجاها

أهين نفسي لك بمرضاك لاهنت
واتبع هواك بعسرها عن هواها

رجلي تيامن غصب كانك تيامنت
وان خذت باليسرى تياسر اخطاها

كلٍ بعينه زين ويلا تبينت
كلٍ زهد في خلقته ما بغاها

لوفات لك تسعين بالعمر ما شنت
في عين نفسٍ علقت بك رجاها

آمنت بك في عالم الحب آمنت
يا متلفٍ روح العنا يا دواها

عبدالله الفيصل

[الحمدان]

يا مِرْسِلْ الورد للولهان
الطَفْ من الورد مكتوبِك

نَغَشْتِني به ونا وجعان
ملكت باللّطف محسوبك

به ريحتك يا غصين البان
متعطرٍ نايشٍ ثوبك

.....

[الحمدان]

إنصح وخـل لكل واحــد مزاجه
حـاول تكـــون انسان طيّب ونشمي

وان شفت جرح وشفت مانت ابعلاجه
فحـذر تكـــون الجرح واسمع لنضمي

كـم يامتاعب فوق بقعاء نواجه
ماحد عليها مفتهن حسب فهمي

وانا ما ريـد من الحياة اي حاجه
الا رضى الله وابتسامـه من امي

.....

[الحمدان]

بين وقفة صديق وبين غدرة صديق
ضعت والله يجازي من بدا بالغدر

ياعسى الله يسامح من يشب الحريق
دام له في زوايا صدري الواسع قدر

.....

[الحمدان]

بقى ذنبٍ واحد من ذنوبي عجزت أنساه
بعد ما هداك الله يا قلبي على التوبة

لك الشوق يا ذنبٍ تركته لوجه الله
عسى سيئات الشوق ما هي بمحسوبه

.....

[الحمدان]

اللي يريد الوصل يا مكثر الطرق
‏لو وقّفوا كل العَرب في دروبه

.....

[الحمدان]

هَوِّن عليكَ فما الدُنيا بِدائِمَةٍ
ولا المقادير تجري كلها سعدُ

.....

[الحمدان]

جعل يسقى يوم أهيم بكل وادي
قبل أقول إن الهوى والحـب غايه

كانت الشرّد تحت ضغطة زنادي
من وفوق ومن رهاه ومن دراية

.....

[الحمدان]

راعِ المشاعرْ واحترمْ من تحاكيهْ
في ذمّتي بعضْ الصراحةْ وقاحةْ

كشفتْ عنْ سترتهْ وبيّنتْ خافيهْ
وتقولْ من طبعكْ تحبْ الصراحةْ

لو كلْ منْ يخطِي ويجهلْ نخطّيهْ
على الملَا لا شكْ صارتْ قباحةْ

نصحكْ إذا للهْ لا بد تخفيهْ
ويلاقي المنصوحْ منكْ السماحةْ

مذنبْ ولكْن محتاجْ تاخذْ بِاياديهْ
وتدعي له الواليْ يعجّلْ صلاحهْ

.....

[الحمدان]

‏ابشرك واقف على العز ماطحت
‏وان شفتني طايح ترا في منامك

.....

[الحمدان]

‏لا ضاع منْك الأدب والذّوق والحشمه
ما عاد تـسـوى بهالدّنيــا ولا حـاجــه

.....

[الحمدان]

بعض العرب لا حبّ .. بالحيل ينحب
‏وبعض العرب .. ما يقتله غيـر حبـّه

‏أعظم جروح الحب .. لا خانك محـب
‏وأكبر ذنوب الحـب .. فـــرقـا الأحبّـه

.....