اخترنا لكم شعر نبطي وفصيح

[الحمدان]

‏بعض الاوادم لـــو يوريـــك طيبه
‏كم واحـــد طيبه خديعه وتدليس

‏يمكن وجـــوده في حياتك مصيبه
‏آدم خسر جنه سبب صحبة ابليس

.....

[الحمدان]

مجلسـك حنه من ثلاثــة رجاجيل
‏ اللــي ما منــه خــير لا تستضيفه

‏الأول اللـي قلبه أســود من الليل
‏طبيعــته عكـس القلـوب النظيفه

‏و الثـاني اللـي ينقل القال والقيل
‏يعطيك هـرج و منك ياخذ رديفه

‏وأحرص من الثالث لايلقا مداخيل
‏ اللــي مالــه ذمه ونفسه ضعيفه

.....

[الحمدان]

‏العبي اليا لعبت بك نسانيس الهبوب
‏يا عنود كمّل الله جميع وصوفها

‏احذفي الشيله وغني مع القاف العذوب
‏الـمشاعر من جـفيّاك طـال وقوفها

‏وطوّحي يا فتنة الروح بالصوت الطروب
‏العرب من عقب شوفك ما عاد اشوفها

‏ادري ان ظروفنا اقبلت من كل صوب
‏والـعواذل في هوانا تـحد سيوفها

.....

[الحمدان]

لا تطلب الحـــاجه ورا قاصر المد
‏ولا تستمع فعلوم جاهل وملقوف

‏ولا تعطي اسرارك لمن يفشي السد
‏ولا تنتظر من فـاقدوالطيب معروف

.....

[الحمدان]

‏حــاول بدنيـــاك لا تزعل ولا تشره
‏و الكلمه الهــافيه لا جتك جز عنها

‏كانك تبي موقفك عشره على عشره
‏نصيحـــةٍ مـــن يجـــربهـا يثمنهـا

.....

[الحمدان]

‏الشـــك باب ويفتحه كل مفتاح
‏وإذا أنفتح ضـيق عليك الـــزوايا

‏إن كان ودك تقضي العمر مرتاح
‏حاكم ســلوك ولا تحــاكم نوايا

.....

[الحمدان]

‏فاقد اللي في تفاصيلها مت وحييت
‏اللي قلبي من بعدها الشكوك تساوره

‏كلّ ما طالعت فيها طلعت بشطر بيت
‏كنّ صف رموشها السود صف محاورة

‏أنا مثل إحساسها العذب ماعمري لقيت
‏المطر تستنطقه والسحاب تزاوره

‏كانت تْسولف عن الغيم مرّة ما دريت
‏ألا أنا جالس على الغيمة المجاورة

.....

[الحمدان]

‏ايه لبى نور وجهه وداره واعربه
‏واييييه لبى كل حاجه بدون مقدمات

‏لاهنف لليل وراخى الظلام بـمنكبه
‏جات سكرات المحبه مع كل الجهات

‏من تفاخر ب الحسن والدلال بينكبه
‏كن من فوق البسيطه ماغيره مُغريات

‏لا مشى بشويش بشويش كلً ينتبه
‏يسلب عقول الرجاجيل وعقول البنات

.....

[الحمدان]

‏لاعاد تنشدني ورى خاطرك شين
‏بالله خل اللي بصدري بصدري

‏ أنا أدري إنك يارفيقي حمر عين
‏ ولاتنشد إلا كود من زود قدري

‏ مير الزمن يومي بنا يسار ويمين
‏ وأنا تصدد منك مبغاك تدري

‏ دايم نقول إن تالي الوقت بتزين
‏وإن كان تبغى الصدق والله مدري

.....

[الحمدان]

‏خلك على الدنيا صبور وقوي باس
‏وخلك على الشــده قوي العزيمه

‏ولا ترتجــي رد الجمايل من الناس
‏النــاس إذا افتكيت أذاهـم غنيمه

.....

[الحمدان]

جنب اللـي لا بغـيته ما لقـيته
‏وكـل ما دقـيت له سكر جهازه

‏وأزبن اللي يعجبك لامن نصيته
‏لازمك يـقـضـيه لـو انه باجازه

.....

[الحمدان]

منطق لسانك يكشف السر للناس
‏عن تربيتك وساس جدك ومعدنك

‏لو كـان للطيب علامــه على الراس
‏مـا قـيـل مـن لا يعرفك مـا يثمنك

.....

[الحمدان]

سعد عيني فيك والا سعد عينك
‏يا غرامٍ لا بغيت انساه عيّا

‏لا يمر الشك من بيني وبينك
‏والله أن قلبي لغيرك ما تهيّا

.....

[الحمدان]

واخير منها ركعتينٍ بالاسحار
لاطاب نوم اللي حياته خساره


الشيخ تركي بن حميد رحمه الله

[الحمدان]

إليكم مع التحيه...

أهلاً بكلِّ مُتابعٍ ومتابِعَةْ
بقناتِنَا الشعريةِ المُتَوَاضِعَةْ

موسوعةٌ جمعت قصائد جمة
فكأنها بحرٌ عميقٌ في السِّعَةْ

أبياتها كلآليءٍ قد أُفْرِغَتْ
فيها كأمثالِ النجوم اللامِعَةْ

طوبى لمن قد بات فيها متابعاً
يقتصُّ من هذي الثمارِ اليانِعَةْ

[الحمدان]

‏عساني ما أثقل على قلب مخلوق
‏ولا أســـــوي مـــــايسبب عتـــابه

‏أنـــــا أحب الــــذوق وأدور الذوق
‏عنـــــد التعامل والحكـي والكتابه

.....

[الحمدان]

أن ضامني حظي مثل ماتشوفون
‏ماضاق صدري ولا تعقّد حجاجي

‏نصبر على الصعبه مثل صبر سعدون
‏صبرٍ يجي بعده عقاب العواجي

.....

[الحمدان]

لا تضاعــــف جرح غاير فـــوق جــرحي
قلبــــي المجــروح مثـخــن بالجـــــروح

ادرس الموضــــــــوع واتفهم لــطرحي
لا تبالغ بالجفاء وانتــــه ســــــــــــموح

كلما جيتك مهــــــرول رُمت كبـــــحــي
ليش هذا الصــــد يا المــــــهر الجموح

لا تهدم قصــــــري العامر وصـــــــرحي
وانت ذي شيدت قصـــري والصــروح

بعدك المقصود بالهــــــــــــجران يـوحي
من لغة بوح الجسد شره يلــــــــــــوح

من سمح لك يا اريش العينيـن ذبحــي
بعدما عانيت هجــرك والنــــــــــــزوح

لا تعيش العــمر قصة حب سطــــــحي
والمشاعر شمها العاطــــــر يفـــــــــوح

شوف راسي من هواكم صار مقـــحي
صرت دونك كالجـسد من غيـــر روح

وانت نبضـي ياحياتي وانــــــت روحي
اسألك بالله يكفـــــــــــي لا تـــــــروح

و انت راس المال حقي وانت ربحــي
والفوايد والمكاســب والربــــــــــوح

صعب تجمعنــــي غلاتك بعد طرحي
والخيانه شمها العابق يفــــــــــــوح

بعدما عيشتني في حجر صــــــــحي
منعزل عن عالمــــك لا عتنـــــــــــوح

صعب ان الصمت يكسر حجز بوحي
وانت صامت بالمحبه لو تبــــــــوح

والنوى يغــــتالني ليلـــــي وصــــبحي
لا قـد اتعشيت حرمــت الصـــــــبوح

ابو همام الطاهش

[الحمدان]

‏حتى لو أعيد النظر فِي العلاقات
وانسى ثلاث ارباعها مانسيتك

أنساك هذي ثامن المستحيلات
السابعه كانت لقاك ولقيتك

.....

[الحمدان]

ياما وقفت بوجه الأيام ماطحت
وياما وثقت بناس والناس طاحو
ٰ
مشيت بالدنيا وتعلمت وارتحت
اهل المصالح لاخذوا شي راحو

.....

[الحمدان]

ظروفنا تنطح صفا لكن عليك الاتكال
‏مال الحقوق الواجبة منّا مصد ، ولا مفر
‏
‏عسى الجمال اللّي نبرّكها وتشتال الثقال
‏يبرالها يوم السعد ويقودها الحظ العفر

.....

[الحمدان]

يلي تقول السماء وشلون ما تمطر
‏حنا نقول القيامة كيف ما قامت

‏تشوف لك شي والي ما تشوف اكثر
‏سبحان من لا غفت عينه ولا نامت

.....

[الحمدان]

كله لعين اللي كسى راسه الشيب
عودآ جبينه من عنا الوقت ندّا

أفنى حياته خلف حرش العراقيب
وعاون معاوينه وعشى وغدّا

.....

[الحمدان]

الكذب واللمز والنمات والخفه
اربع تعيب الرجل وتحط من شأنه

والصدق والطيب فوق الثقل والعفه
اربع تعز الرجل لو وسط عدوانه

.....

[الحمدان]

قال سعد بن جدلان :

مرّني لاتاه دربك من زحام الحياه
الغلا الي رحَت منه على حطّت يدك

[الحمدان]

‏استر على المخطي ترا الوقت دوار
‏يمكن يدور وتطلب الستر منه

.....

[الحمدان]

يا ليل تقلط في عيوني سهر وسهاد
‏متى أشوفك تقلط سكون وطمأنينة

‏الإنسان مهما كان روتينه المعتاد
‏يكدره عليه أحيان تكرار روتينه

‏وداعي النهار موادع اللي خرج لجهاد
‏لا طاح الشفق طيحة عباير محبينه

‏شعوري وأنا ارفع للفجر صرخة استنجاد
‏شعور الصويب اللي فقد نجدة يمينه

‏هنيي لو اني طير يجوب كل بلاد
‏تقطع به آفاق الخضيرا جناحينه

‏ماعاد يتحمل خاطري منظر العداد
‏يدنق بذل ضعيف كلٍ يهينه

‏حنين المحب يعيّشه طرقة الكداد
‏لا سافر ترده لهفة الشوق من حينه

‏امرّك وأنا مستبعد فكرة المعواد
‏ويغلب علي وجه الشبه بينك وبينه

‏يا غاية مراد اللي يشوفك احق مراد
‏والأحق في بسمة شفاته وماء عينه

‏ملكني غرامك لين صرت أملك استعداد
‏اناصر ضحايا الحب وافهم مجانينه

‏ادور لجرحك من يدين الطبيب ضماد
‏واثر ما يضمد جرحك إلا سكاكينه

‏أنا قبل أعرفك كان قلبي عيوف وصاد
‏وبعدك ما صرت اعرف غير الله يعينه

‏لكن الله اللي مكنك والله اللي راد
‏تخلينه يحب الحياة وتخلينه

.....

[الحمدان]

ياشايل الكبر في نفسك على العالم
‏النـــاس ما تنتعاشـــر غير بالعملة

‏تــرى سليمـــان بن داؤد يالظــالم
‏وقف على شأن يسمع هرجة النمله

.....

[الحمدان]

‏أثر لذّات الهوى ضوح برقٍ في غدير
‏رميةٍ تقْصر عن الصيد وتعوّد علي

‏ياوليفي صار حبك رحاةٍ تستدير
‏والنفوس من المشقه مزاهبها ملي

‏لاتجرب قسوة النفس مع قلبٍ كسير
‏خلها عشبة ربيعٍ على جرة ولي

‏المحبه طبّ الأرواح الأول والأخير
‏والعلاج اللّي مانلقاه عند الصيدلي

.....

[الحمدان]

‏لو توقّفني مشاوير الليالي في النصيفة
‏كل ليلٍ عاد عينك تسهره ما فات أوانه

‏شاعرك تعرف متى يستوقفك صدقه وزيفه
‏كل ما غابت عن عْيون البشر ضحكة ثمانه

‏يغترب بين القلوب المدلهمّة والنظيفة
‏يشعر أليا مرَّ قلبٍ غير قلبك بالإهانة

‏يحتري فجرك ولو ما بايعك تحت السقيفة
‏كل ما طال الحديث وغير مجلاسك وزانه

‏الخريف اللي يداعب نسمته ثوبك خريفه
‏والمكان اللي يمرّه صوت ضحكاتك مكانه

.....

[الحمدان]

يالله بـحظً يجمـــل وذكرً ما يغيب
‏مانبي إلا الوجه الابيض وستر العايبه

‏دلنا حسن النــوايا و توفيق النصيب
‏واكفنا من شر بعض الظنون الخايبه

.....

[الحمدان]

وبعض القصايد على وزنه وقافيه
‏تبدأ و تقضي ولا ادري وين معناها

‏وبعض القصايد تقل كبسة عزوبيه
‏أما نقص ملحـــها والا نقص ماها

.....

[الحمدان]

‏اعتزلت الناس وابشرك طيّب
‏ما غبطت اللي ورا الدنيا يطارد

‏جعلني ما اسوم وجهي عند خيّب
‏المقابل شين والترحيب بارد

‏الرفيق اللي محاضيبه قريّب
‏ما يوردها عذيّات الموارد

‏محسنٍ ظنّي وحسن الظن طيّب
‏غير في بعض الامور الشك وارد

.....

[الحمدان]

‏ربتني الدنيا على الحمد لله
‏عندي يقين وعنده الامر كلّه

‏على الطريق اللي عيوبه مزاياه
‏ما كنت اعقد الحبل عشان احله

‏يا ما رميت الحزن للا مبالاه
‏ويا ما صنعت الضحكة المسفهلّة

‏دليلي انّ الحظ لا ضاع بالقاه
‏احساس والاحساس سيد الادلّه

.....

[الحمدان]

‏يانجد لو صيفك عجاج وعواصيف
‏غلاك يبقى في الشرايين دارج
‏
‏ لو كان جوّك حر في لاهب الصيف
‏نصبر على الملهاب والله يخارج

.....

[الحمدان]

اكثر ما يضحكني بعالَم تويتر
اللي اشترىَ له بالريال متابعين

مهما يهايط حالته في توتر
ومتابعينه لو دفَع متناقصين

مثله مثِل بعض الصور بالفلاتر
وضع المفلتر والأصل متناقضين

النجم العالي

[الحمدان]

انا بفضل الله تراني من النوع
اللي يموت ولا يبيح كنينه

الفرحه اعرفها من اسبوع لسبوع
واتصنع اني عايشٍ في سكينه

ما تِسمن الشكوى ولا تغني الجوع
شكوى لغير الله بعدها غبينه

.....

[الحمدان]

لاصارمالك من وراء الناس حاجه
مالك ومـال الخلق واللي يقولون

ريح ضميرك واطلب الله ونـاجه
وخل البشر لله هـو خالق الكـون

سعود العتيبي

[الحمدان]

وجيه الردى ماتستحي من وجيه الطيب
بعد ما بدى الماقف وكل ن بدى وجهه

وجيه نقلطها على الطيب والترحيب
ووجيه نعرّضها على الصد والسفهة

لاشك الوجيه اللي كساها الردى والعيب
ترى ذكرها شرهة و تقديرها شرهة

اعد الصراحة والبشر مخطي ومصيب
ولا نيب راعي هرجة ما لها وجهة

علي الشنّاني

[الحمدان]

‏ماعاد عندي من سمَان المعاذير
‏غير الخطوط اللّي على بطن كفّي

‏دربك شفوف ودرب غيرك مقادير
‏وأنا ما اعَرف أعاتب اعَرف أقفّي

‏باقي عشان أنسَاك عمر ومشاوير
‏والخطوتين اللّي معي ما تكفّي

.....

[الحمدان]

‏يا بعيدٍ صالف الوقت و آخذك الزمان
‏لا تتاجر في ظنون المحبّ متاجره

‏معك خفّاقي سوات المساجد برمضان
‏ما يردك وانت لك عام كامل هاجره

.....

[الحمدان]

‏بكرا اذا هلّت عيونك من الشوق
‏خل الغيابّ اللي بغيته يسرك

.....

[الحمدان]

‏يَا كم شمت يَا بيض النوايا وكم عديت
‏وتجاهلت من طيبي وأنا مانيب جاهل

‏يَا كثر مَ غشوني الناس وأنغشيت
‏مع كل خييبة هقوة أردد استاهل

.....

[الحمدان]

فمان الله والعذر السمين أبلغ من التبرير
عفى الله عن خطّايا اللي خطّايانا على شانه

فمان الله يالغصن الليان اللي هجرك الطير
هذا طيرك يبلغك السّلام بروس جنحانه

سمحت من المحبه وسامحني على التقصير
وصلنا آخر حدود العشره اللي مالهّا خانه

.....

[الحمدان]

‏الورد له إحساس ياعاشق الورد
لاتطعن الإحساس في قلب ورده

الورد معنى العشق والحب والود
بين البشر أجمل رسالة مودّة

.....

[الحمدان]

قالو لي احذر من خويك واتركه
تــــــراه من ناسٍ خبيثٍ دلهم

ثم اكتشفت انه اكذاب وفبـركه
لقيته أطلــق من لحاهم كلهم

.....

[الحمدان]

‏اعتقيني لا تمرين قدمي بالصباح
‏كيف اشوف اعيونك السود و ألد النظر

‏العيون السود تفتك مثل فتك السلاح
‏وانتي عيونك كحيله وانا قلبي خضر

.....

[الحمدان]

ماودنا ندخل معك في تفاصيل
حنّا نعرف ان المطاليق نُدره

واللي ينطّحها وجيه المقبايل
انكان مانت بـ ناطحه لاتغدره

ماحدنا نرسل عليك المراسيل
الا زمان ٍ مالنا فيه قُدره

من ضاق صدره من لزوم الرياجيل
لاعاد يضرب ل الرياجيل صدره

.....

[الحمدان]

‏مشيت وخطوتي يمكن تشكل للغريب بلاد
‏ضجيج الأرض من خلفي وقدم عيوني السجّه

‏ركنت الحلم في رفّ الأماني بعد كثر إجهاد
‏أنا اللي ما ملك حاجة لو إنه يملك الحجّه

.....

[الحمدان]

قطعت الأمل من حاجةٍ في يدين الناس
‏و عقدت الأمل في حاجةٍ في يدين الله

.....

[الحمدان]

‏ابتسم للنـاس واضحـك للحيـاه
‏ولـو تضيق اليـوم قـل باكر تزيين

‏اعــرف إن الله وحـــده لا ســواه
‏قــادر انـه يبهـج الصـدر الحزيـن

.....

[الحمدان]

‏يا سلّابة حشاي الحب فيه من الجنون فصول
‏جمالك كعبة متيم هواك وقبلة أشعاره

‏يميزك الدلع عن كل هيفاء عودها مفتول
‏لقاك المشهد اللي ما تملّ العين تكراره

‏كحيلة طرف عاجية ترايب فاحمة مجدول
‏مزّينك الترف ما زيّنك خلخال وسوارة

.....

[الحمدان]

يا مرحبا واتركي الاعذار عذرك سمين
‏جيتي و كل الأماكن قرّت عيونها

‏هاللحظة اللي فرح فيها الشعور الحزين
‏باعيش واموت شاكرها وممنونها

.....

[الحمدان]

يالله أني طالبك ياذوا الجلال
‏حاجتين في حـــياتي كـافيه

‏طالبك بالستر والرزق الحلال
‏وغيرها ماعاد أبي ألا العافيه

.....

[الحمدان]

ياللي تميلح بالسنابات مفضوح
‏الكذب عيب وكلمة الحق تنقال

‏حصلت لك فلتر يخليك مملوح
‏دور على فلـــتر يخليــك رجـال

.....

[الحمدان]

والله اني ما اتحســـف واتصاغر حالي
‏غير يوم أخطي على طيّب ويغضي عني

‏الله يقطع هــرجةٍ تجـرح مشاعر غالي
‏والله يقطع هــرجةٍ تـزعل صديقي مني

.....

[الحمدان]

لا ضاع لك معروف في بارد الحيل
‏لا تعتبرهـــا ضـعـف والّا هـزيـمـه

‏ترى الجمايل في ضعـوف الرياجيل
‏مثل المطـــر على الديــار الوخيمه

‏اكرب حزامك والعوض فالمقابيل
‏والـتـجـربه تـعـطـي للانسان قيـمه

.....

[الحمدان]

‏يالطيف الروح يالغرو الصغيّر
‏ياغزالً فـ الحسن زايد رصيده

‏كل وصف يسير لك ماهو مخيّر
‏يالوصوف النادرات من القصيده

‏منتي بشوط القعود ولا حويّر
‏والله انك نخبةً الزين الوحيده

.....

[الحمدان]

‏صـار أكثر حكانا مشاريـه وعتاب
وصـار التواصل بس لاصـار فاقه

وصار الزعل من بينا ماله أسباب
وعلى الرضى ماعاد للقلب طاقه

وقلت سوالفنا عقب ذاك الاسهاب
وراح التـودد واصطنـاع اللباقه

طاحت مناعـة حبنا والغـلا شاب
وهذي مواري قرب موت العلاقه

.....

[الحمدان]

محـبتك بس من مـده إلى مـده
والوصل دايم على كيفك ومشهاتك

دامك نويت الجفا والبعد والصده
مافيه داعي تتراجع عن قرارتك

إن كان جو الملل حدك على الرده
مالله خلقني عشان أملا فراغاتك

.....

[الحمدان]

العين يـا عين الـغلا عـافت النوم
والبعد يا بعد العـنا هـو سـببـها

الشوق يذبحني ولا عـاد لـي لوم
ليتك معي يا نار شوقي وحطبها

.....

[الحمدان]

أحلى القلوب اللي بها خشية الله
وأحلى الكلام اللي نقوله بذكره

وأجمل شعور اللي مع الله كله
وأجمل محبة حُب ربي وشكره

.....

[الحمدان]

كل حبٍ غير حبك ينكشف لي زيفه
‏وكل طيفٍ غير طيفك مايهزّ إحساسي

‏وكل وجهٍ غير وجهك فالوجيه اعيفه
‏وكل صوتٍ غير صوتك ما يقنّد راسي

.....

[الحمدان]

أول دروب الخطا بتعلمك بالصحيح
‏وآخر جروح الوفا بتردك من الضياع

‏من يوم عقلي غلب قلبي وانا مستريح
‏طافت همومي على صدري طواف الوداع

.....

[الحمدان]

تضيق بوجهي الدنيا والاقي في رحابك باب
‏واحسك مثل شيٍ كان ينقصني وكملته

‏اجي صوبك وانا لوجهك يسابق وجهي الترحاب
‏واشوفك مثل نجمٍ فالسما كم لي تخايلته

‏حبيبي والمدى حاِلك وانا في غيبتك مرتاب
‏ولا غيرك هوى قلبي ومن قلبي أنا نلته

.....

[الحمدان]

مامرك الشوق يسأل عن شعور الغياب
‏ماقلت خذني لها وان عيّت لطيفها

‏حتى لو الوصل صاير مثل طرد السراب
‏الارض ما ملّت شتاها ولا صيفها

‏عطني يدك واترك الاوهام والارتياب
‏ماقدر اخليك لافكارك وتحريفها

.....

[الحمدان]

ولا تنشد عن هزائم وقفتي وإلَّا انتصاري
‏الجروح اللي على خبرك على خبرك قديمة

‏هات لي عمر انتظاراتي وشعري واعتباري
‏والحقيقة لو عواقبها على روحي وخيمة

‏كل درب ما يجيب عيونك النجل اضطراري
‏والدروب اللي تجيبك يا آخر أحبابي كريمة

.....

[الحمدان]

اشوف الليل باطرافه على ضو القمر يلتو
‏على ما تشتهي يا ليل حقق كل غاياتك

‏علامك يا سواد الليل من نور القمر تشكو
‏صفاه إلهام للي يشتكي من جور ظلماتك

‏الا يا قلبي الطيب من الطيبه خطاك السو
‏بياضك في سواد الناس هو سبت معاناتك

.....

[الحمدان]

‏ في غيابك ماني إلّا غصن في رجوى سحابه
‏ما فقدت إلّا السحاب وما أنتظرت إلاّ هطوله

‏خاطري مملي كلام وغيبتك فيها غرابه
‏أزهر احساسي معك والورد يخشى من ذبوله

‏كم سؤالٍ ودّي اقوله وأنا عارف جوابه
‏وكم جواب ٍ ودي اعرفه ولا ودّي تقوله

.....

[الحمدان]

دامني مؤمن بربي و قانع في عطاه
‏كل هم يضيّق الصدر بعطيه ظهري

.....

[الحمدان]

أنا مدري بعينك هو أنا الصادق أو الكذاب
‏لكنّي جيت لك و الناس مالي غايةٍ فيها

‏معي عمر وبقايا أمنيات وضحكتين وباب
‏معك مفتاح لحلو الحياة اللي أنا أرجيها

‏دخيلك لاتساومني على الفرقا وانا مرتاب
‏أعيش العمر فاقد ضحكةٍ ماني بناسيها

.....

[الحمدان]

الثنا والشكر لله رب العالمين
والحوال بخير من فضل ربي وكرمه

ياالشيوخ الله يطول عمر الطيبين
والردي الله يعجل علينا بعدمه

سعد بن جدلان رحمه الله

[الحمدان]

أبدا باسم من خضوعي له وتوحيـدي
والسبحنـه والتشـهــــــــد والتحيـاتـي

كرسي جلاله على عرشه مدا الميـدي
في وسع سبع الاراضـي والسمواتـي

عسى عراه الوثق طوق على جيـدي
ولا يفـرّح حساسـيـدي وشمّـــــاتـي

إللي كتب في عبيده شقـي واسعيـدي
ورفع بعضهم علـى بعـضٍ درجـــاتـي

ويد ل منطق لساني فـي الأ ناشيـدي
ويزيدني مع هل العـرف إعتباراتـي

سعد بن جدلان رحمه الله

[الحمدان]

‏اشتـــاقـلك شــــوق يليـق بمقـامـك
يعنــي حـدود الشـوق ماتنتهي فيك

يسعـد خـــلايا القلب حتى سلامك
شلـون حالي عـاد لا صـرت احاكيك

ياللي خـذا قلـبـي هـواك وغـرامك
وسخّرت حرفي فيك عساه يرضيك

.....

[الحمدان]

اسمع ولا ابغئ الي وزانك يسمعون
ربي كتب يكشف لك اسراري وجيت

.....

[الحمدان]

يامساء الشعر لا غازل عيونك
واستلمها من هدبـها لا هدبــها

والمساء العذب ما يكمل بدونك
وانتي اجمل صدفـةٍ ربـي كتبها

.....

[الحمدان]

‏الكـرم والطيب مايعـرف إلا الطيبين
والردي محدن يبي لاغداه ولاعشاه

الكفو مفتوح بابه على طول السنين
والـردي ما ينفتح بـابه إلا في عـزاه

.....

[الحمدان]

المرءُ ساعٍ لشيء ليس يدركهُ
والعيشُ شحٌّ وإشفاقٌ وتأميلُ

.....

[الحمدان]

أجمل محاصيل الزمان وعطاياه
‏وجهٍ ليا منه طرى لي تبسمت

.....

[الحمدان]

جابك الله يوم قالو معوّض خير
‏اشهد ان الخير وجّهك وترحابك

.....

[الحمدان]

‏لا صـار حظـك مـع غـلا الروح مـايل
‏اصبر على ظرف العنــــا يوم يشتد

‏لأن الأصــــــايل مـا تخـون الأصـايل
‏يـردهـــا طبـع الوفـــــــا منبـع الجد

.....

[الحمدان]

‏يغنيك عن ود النفاق الجماعي
‏وِد الرفيق اللي تسرّك حماياه

.....

[الحمدان]

طبع الردي ما يحسن الظن في الناس
دايــم يـظـن الـنــاس مــثــلـه رديــه

......

[الحمدان]

والله لو تبطي عن القلب وتغيب
ماضخت عروق المحبه لغيريك

.....

[الحمدان]

نسري مع الـليل ونسامر مواجعنا
ونهيم في لحظة الذڪرى وطاريها

[الحمدان]

والمـعـزه عـزة النـفـس لا ذل الذليل
لعنبو من ذل نفسه على ادنى ما لقى

.....

[الحمدان]

معوّض خير ياحيٍ تهقوى في الزمـان ومـال
سنينك لو رقيـت بعدلهـا يطرحـك مايلهـا

تعلّم وإعرف إن الدرب قدامك سهـل وجبـال
جبـال تطولهـا وجبـال بعيونـك تخايلـهـا

ومعوّض خير ياحيٍ وردت الماء بدون حبـال
يطول بك الوقوف وشربة المـاء ماتحصّلهـا

وقوفك عند راس البير مايسقيك لـو فنجـال
ولاينفعك شوف الجمـه اللـي منـت طايلهـا

ومعوّض خير ياحيٍ خدعك من الرجال أشكـال
تشوف أشكالها وتحطها أرفـع مـن منازلهـا

تعلّم من زمانك لاتصير مـن أجهـل الجهـال
ترى في كل يـوم تجيـك عبـره لاتجاهلهـا

إذا ربي وهب لك عقل تلقى في الرجال رجـال
تعرف اللـي يطلّـع قيمتـك واللـي ينزلهـا

ترى من بعض مايندي الجبين ويحرج الرجال
لياسـاق الميانـه فـي نفـوسٍ ماتقبّلـهـا

ومهما شفت في صاحبك من نخوه وطيبة فال
ترى بعض السجايـا كثـرة الإلحـاح يقتلهـا

معاريف الرجال ديون وديون الرجـال ثقـال
لياصرت متعافي ليش تغـرق فـي جمايلهـا

رصيدك في حياتك سمعتك مع طيبيـن الفـال
رجال الطيب والمعروف بالمعـروف عاملهـا

ولاتبدي بجاهـك فـي مقـامٍ مايسـر الحـال
ولاتشفـع لنـاسٍ ماتنومـسـك بفعايلـهـا

لياجاتك تعذّرهـا مـدام العـذر لـه مدخـال
ووقت الجد قول لهـا الصحيـح ولاتجاملهـا

وخذ منـي نصيحـه لاتصـدق كـل ماينقـال
يجـرك للنميمـه ليـن يطرحـك بحبايلـهـا

يجيلك ناقـل النمّـات بهـروجٍ تغـث البـال
سوالف في قفاك وحظك أطيب يـوم تجهلهـا

يبـرر بالحميـه والصداقـه شينـة الأفعـال
يجمّـل صورتـه بعلومـه اللـي ماتجمّلـهـا

ولو كانت حميه فيك رد المخطيه فـي الحـال
ولاكان إستمعها فـي قفـاك وجـاك شايلهـا

ترى من جاب لك ودّى وهذي عـادة النقـال
يحاول يقتنص من فمك كلمـه لأجـل ينقلهـا

ومثل ماقال عندك راح عنك وعند غيرك قـال
وزوّد عشر فوق الكلمه اللـي كنـت قايلهـا

تجنّب مجلسه لاتجلس إلا مع كريـم خصـال
تحمّـل ميلتـه وإن ملـت ميلتـك يتحمّلهـا

ولاتصبر على الجار الردي لوهي ثلاث ليـال
تضـرك جيرتـه لوكـان بيبانـك تقفلـهـا

وبيع الدار بأول سومةٍ تعرض علـى الـدلال
ورزقـك عنـد ربٍ كاتـب اللقمـه وكافلهـا

وبنتك لاتزوجها الردي لوهـو كثيـر المـال
تربيهـا علـى الطـالات وتشـوّه سلايلهـا

وكم من لاش يرمي خيبة إبنه فوق راس الخال
لوإن الخال من روس الرجال ومـن دلايلهـا

ليامنك عرفـت تميّـز الطيّـب مـن البطـال
وفادتك التجارب في الحيـاة وفـي مسايلهـا

وكشفت الفرق مابين الصحيح وحيلة المحتـال
وتعلمت الفراسه في الوجيـه اللـي تقابلهـا

بعد هذي ترى مالك غنى عن صحبة العقّـال
يدلونـك بـرايٍ ينقـض الدعـوه ويفتلهـا

يقولون الرجال اللي سوالفهـم حِكـم وأمثـال
ليامن ضاعت الحيلـه يـدل القـوم عاقلهـا

نصيحة واحدٍ جرّب وشاف من الزمان اهـوال
يقدّم لـك خلاصـة هجـرةٍ جـرّب هوايلهـا

عبدالله الطلحي

[الحمدان]

ياليل وش غير ظلامك بهالليل
كن القمر نور بصدرك قلاده

.....

[الحمدان]

المواقف دين والصحبه تجارة
والرجاله ربح ياحيدي اكيد

والرجال الصادقه ماهي خسارة
الخسارة للذهب يرجع حديد

.....

[الحمدان]

‏يجور الوقت والدنيا علينــا
ولو طالت علينا ما شكينــا

هممنـا ما يحطمهـا وجعنا
يطيب الجـرح ما كنا درينـا

يطير الرأس ما انهدت عزيمة
عليهــا من طفــولتنـا ربيــنا

تـربينــا على كـــره الـمذلـه
وحب الخيـر من مالله عطينا

وما دامــت كـرامتنا مصـانـة
كأن الارض في قبضـة يدينــا

.....

[الحمدان]

‏معجب بشخص وتعجبنـي كتاباته
‏وسطوره اللي ذهب لاقـام يكتبها
‏
‏ لاشفت رده علـى حروفي وكلماته
‏جات القصايد تلاعبني وألاعبهـا

.....

[الحمدان]

قال المعنى يامقادير العناء
ماذا علينا في سجلات السنين

كُنا في الماضي نداوي بعضنا
واليوم نجرح بعضنا في كل حين

ما همّنا لو كل كائن ضدنا
والله معانا صاحب الحبل المتين

ما همّنا إلا كيف نرضي ربنا
حتى ولو تزعل وجيه العالمين

......

[الحمدان]

قـلـوبـنا مــن طيبها تـحـفـظ الطيب
‏واللي يجينا من ردى الناس ننساه

‏حنا بشر نخطي مع الوقت ونصيب
‏وان بان في ثوب الخوي شق رقعناه

.....

[الحمدان]

عَلِقَ الفُؤادُ بِحُبِّ ظَبيِ لاعِبٍ
عَلِقَت بِقَلبي مِنهُ نارُ غرامِهِ

فَتّانَ يُؤيسُني بِقَسوَةِ قَلبِهِ
مِنهُ وَيُطمِعُني بِلينِ قَوامِهِ

أَدنو فَيُبعِدُني بِغَيرِ جِنايَةٍ
مِنّي وَيُكَلِّمُني بِسوءِ كَلامِهِ

وَأُعَقِّدُ الأَيمانَ في صَبري عَلى
سَلوانِهِ فَيَحِلُّها بِسَلامِهِ

.....

[الحمدان]

من حل ديار الناس حلوا دياره
لابد ماتسكن دياره ويغبن

ومن شق ستر الناس شقوا ستاره
ومن ضحك بالثرمان يضحك بلا سن

.....

[الحمدان]

هبوبٍ لبوبٍ لا شمالٍ ولا صبا
العصر تنحى شمسكم عن مُغيبها

هبوبٍ تبوجَ الشام من يمّ خيبر
يفطِّر خُشوم العُرب الاثنا لسيبها

تراها هبوبَ الوقت ياجاهلٍ بها
اوصيك ياللي عقبنا تقتدي بها

راشد الخلاوي

[الحمدان]

عيناكِ مثل الروسِ في الطغيانِ
ضَربَتْ بأسْلحة الدّمارِ كِياني

وأنا المحاصرُ تحت قصفِ لحاظِها
والقلبُ مثلُ مدائنِ الأوكرانِ

أمّلْتِني ونقضْتِ ميثاقَ الهوى
ووعدتني والوعدُ أمْريكاني

.....

[الحمدان]

ولو أخّرتْ رجلي خطاها قطعتُها
وألقيتُ في كفِّ الرياحِ قيادي

فلا مُهجتي منّي إذا راعَها الشّقا
ولا الرأسُ منّي إنْ حنَتْه عوادي

ولا الروحُ مني إن تباكت وإن شكا
فؤادي أساهُ فهو ليسَ فؤادي

.....

[الحمدان]

‏يا قـرة العين ما تعلـى على الحاجب
واعمــارنا في الوفا ما هي بمحسوبة

يؤخذ من العمر ما يحتاجـه الصاحب
لو ما بقـي فيه غيــر الساع مطلـوبه

بعض المحبة بحكم الفرض والواجب
والباقيــة كل احــد جوده وماجوبــة

لله حكمة وهو يحكــم على الصـايب
امنــت بــالله في حكمــه ومكتــوبة

مشيـئتـه كلهـا من خيــره الغالــب
يا زيــن بنيانهــا طــوبة على طوبــة

واقـدارنا في مــدار المعطي الواهب
يـالله بحسن الختـام وصادق التـوبة

.....

[الحمدان]

‏لا جـفـاك اللي تـحبـه فلا تـلحق وراه
ماجـفـاك الا هـو وده انـك تـقـطـعه

عـز نـفسك عن تـقـفاه لا لـقى قـفاه
ماخبل اللي كل مـاقفى وليـفه يتبعه

.....

[الحمدان]

احيان اقول الوقت ذا متغير
واحيان اقول احنا ذا اتغيرنا

قولو لنا يااصحابنا ايش السر
العيب في ذا الوقت اوفينا احنا

.....

[الحمدان]

دع غـرورك لـست إلا ضيف عابر
لـسـت إلا ضـيف عابر دع غـروك

ضع شعورك بين شعرك ولمشاعر
بين شعرك ولمشاعر ضع شعورك

لاشـعـورك لا يغـشّـك ونت شاعر
ونت شاعر لا يغـشّـك لاشـعـورك

مـانفـورك مِـن عـبورك ونت قادر
ونت قـادر مـانفورك مِـن عـبورك

في بحورك لـول نادر بَل جـواهر
لـول نادر بَل جـواهر في بحورك

حـان دورك قُـم بإنعـاش الضمائر
قُـم بإنعـاش الضـمائر حان دورك

خَلف سورك معركةكسر الخواطر
معركةكسر الخواطر خَلف سورك

خُـذ زهـورك واْلقها بـين الخناجر
الـقـهـا بين الخناجر خُـذ زهـورك

لك ظـهـورك بيـن عمـيان البصائر
بيـن عمـيان البصائر لك ظـهـورك

في حضورك يصبـح الواقع مغاير
يصبح الـواقع مغاير في حضورك

هِــل نـورك للـبـوادي والـحـواضر
للـبـوادي والـحــواضر هِــل نورك

قـد يـزورك في ظلام اللـيـل زائر
في ظلام اللـيـل زائـر قـد يزورك

خِف جَورك قـبل سيرك يا مسافر
يا مسافر قـبل سيرك خِف جَورك

شَرط حُورك لِسن ذاكرقلب طاهر
لِسن ذاكرقلب طاهر شَرط حُورك

يا سـرورك يوم لاتخـفى الـسرائر
يوم لاتـخـفى الـسرائر يا سرورك

.....

[الحمدان]

‏للقلوب أقفال وللماضي حنين
‏ومـن معه مفتـاح قلبـي ضيّعه
‏
‏لا قدرت أبوح بـالسـّر الدفين
‏ولا قدرت أشكي من اللي أوجعه

.....

[الحمدان]

‏عط الليل فرصة من جديلك ياروح الروح
‏معك ودّي إن الشمس تشرق بعد بكره

‏أنا اشفق على لبّيه من صوتك المبحوح
‏لا حلّ الظلام وعوّد الطير في وكره

‏تحت عنقك الفارع ورى زرارك المفتوح
‏ما باقي عليّ إلّا ألحق السكره السكره

‏يغنّي على شباك دارك حمام الدوح
‏وأغنّي عليك البيت والقاف والفكره

.....

[الحمدان]

‏بنت الرجال اللي عريبٍ نسبها
تغار ماترضى لأهلها الفشيله

واللي رخيصه ودها تقل ادبها
لاتكتب اسم العائله والقبيله

.....

[الحمدان]

الغايبين اللي تمادوا في الغياب
‏نحبهم والا ما عاد نحبهم

‏الجواب الأول :
‏أصبر ولو بالصبر سوط من العذاب
‏ولا تشتكي للناس ربك ربهم

‏الجواب الثاني :
‏ارسل لهم وان ماحصل منهم جواب
‏علـى مكب دلال بيتك كبهم

‏الجواب الثالث :
‏اذا حصل منهم خطاء عبدٍ و تاب
‏اسمح لهم لكن لا عاد تعدهم

[الحمدان]

قبلن عـلـي اتغيب روحـك راجع
عندي مكانك نـاس كـان اتغيب

بحّت بروحك وين غاب مراجع
جو في مكانه ربحك واشعيب

شعر ليبي

[حسن بن عبدالله]

أخي العزيز الحمدان
شكرا لك على هذه التواجد الفعال
والمشاركات النافعه والمفيده
فبارك الله فيك وجزاك الله خير

[الحمدان]

النفوس تعيش بالدنيا ودايع
والودايع ...للمنايا ...ماخذتها

وكلنا نشكي من هموم ومواجع
والهموم ذنوبنا اللي سببتها

دامنا فوق البسيطة ونتقاطع!!!
ليش نذكر بعض لاصرنا تحتها؟

فالفتن لا شتت شمل الجمايع
القرابة والرحم ماجمعتها

بن طريخم

[الحمدان]

أخي العزيز الحمدان
شكرا لك على هذه التواجد الفعال
والمشاركات النافعه والمفيده
فبارك الله فيك وجزاك الله خير



أرحب اخي الغالي ابو حوفات
اشكرك جزيل الشكر لتعقيبك المميز
لك من كل الاحترام والتقدير لاعدمتك

[الحمدان]

المجلس اللي مايقدرك راعيه
لو كان من صف القرابه تعداه

اقصر خطاك ولاتلد النظر فيه
ماحاز كسب الطيب ساسه ومبناه

لابد دورات الليالي تربيه
والا صواديف الليالي تعشاه

صهيب السلمي

[الحمدان]

أحب الرفيق اللي تجي رفقته بإنصاح
اللي عن غلاي وزود قدري يصارحني

نصوح صريح محزم ينذخر وسلاح
الى طبت يفرح لي والا اخطيت ينصحني

.....

[الحمدان]

غلاك عنـدي فارق عن غلا الناس
لو هم خذو بعضه لك القلب كله

.....

[الحمدان]

سلامي على اللي مايجي منه التقصير
ليا شافـنـي ضايـق تـبـسّموطـمـنّي

أوده ولـه بـالـقلب مكـانه ولـه تـقـدير
ودوم أحسب أحسابه ولا خاب به ظني

.....

[الحمدان]

من كثر ما الله عطاها عند خلقه قبول
ماعاد خلت لباقي الناس ذرة ثقل

العمر ناهي وراهي والمحيا خجول
وزودٍ على زينها ما الله حرمها العقل

.....

[الحمدان]

‏لاتربــط احلامـــك مع ريـــح الاوهام
خليك في الواقــع وعيـــش الحقيقه

سِـر بالطمـــوح اللي يوديك الاحلام
وخلي امــل خطـــوات دربك وثيقه

ياصاحبي وإن ضاق بك عِســر الايام
حــاول تعديهـــــا بأيـــــت طريقه

وأمشي الى حلمك بعزمك والإقدام
من شان تجعل وهم حلمك حقيقه

.....

[الحمدان]

يداعــب الشـــــوق قلبي كل ماتطري
او مــر طيفـــك على بالــي ووجداني

ويِحــرق الشـوق قلبي وانت ماتدري
وتلهــــب النار فـــي نبضي وشرياني

.....

[الحمدان]

‏الحديث احيان لادار مايقضي لزوم
لا تخلي ضعف الايمان صوبه يدفعك

خير من طرد السوالف وجماع العلوم
كلمتن عند الله وعند خلقه ترفعك

.....

[الحمدان]

إن مزحنا لجل تخفيف الطعون
إبتلشنا بالصدور الضايقه

وإن سكتنا ما مزحنا يزعلون
ما عرفنا كيف نرضي الذايقه

.....

[الحمدان]

نعيش الليالي بالأمل والحياه أسباب
ورجواي في اللي بيده الفضل والمنّه

ومن شاف نفسه وابتعد عننا أو غاب
مــصـيـره يــعـوّد والـلـيـالي يــردّنـه

.....

[الحمدان]

‏ترا النفوس العزاز إليا استضاقت تروح
‏لـو تخسر من العباد اعـز ما تمّلكه

.....

[الحمدان]

ثقيلة الطبع لكن فالهوى طفلة
تضيع في ساعة الغيرة ملامحها

.....

[الحمدان]

‏مافات رزق ولاعجل قضى حاجه
ولا اغتنى بالتماني كل متمني

ولاتعرف الرفيق إلين تحتاجه
ياصل هقاويك ولايخلف الظني

.....

[الحمدان]

الظن يوجع راعي الظن لا خاب
والنفس لاطابت من الشي طابت

عزالله ان الجرح يبطي ولا طاب
والمشكله لاعافت النفس عافت

.....

[الحمدان]

‏عـرش الغلا مايدخـله كل مخـلغ†ق
‏يابلسم الجرح الموالي وطبه
‏
‏لولا الحنين ولهفة الوجد والشغ†ق
‏ماعاش حب ولا استمرت محبه
‏‌
.....

[الحمدان]

‏إن شانت الدنيا ترا العمر مقسوم
محدٍ حياته جت على ما يريده

دايم تفائل بالامل واترك اللوم
عش لحضتك واللي مضى لا تعيده

.....

[الحمدان]

من عطاك الحب عطه الحب كله
لاعرفت أنه صدوقٍ في المحبه

وأنتبه من حب يجلب لك مذله
ومن يودك لجل حاجه لاتحبه

أتركه وأن طعتني جنّب وخله
والله أنه ماتعلق فيك قلبه

مثل هذا فيه لوفكرت عله
وأعرف أن الصد والهجران طبه

.....

[الحمدان]

‌‎كلما اقفيت ناداني تعالْ
وكلما اقبلت عزّم بالرحيلْ

الحقيقة غدت مثل الخيالْ
هو عدوي وهو أغلى خليلْ

.....

[الحمدان]

تقول وينك قلت حاضر وغايب
غايب عن الدنيا وحاضر مع الشوق

اشوف طيفك بين سبع العجايب
في كل ليله ماوقف حوله العوق

والى سرى يبقى بقلبي لهايب
بس انتظر ليل يجيني عالذوق

ذي قصتي وياك ولا مانيب تايب
حاضر وغايب وخافقي منك محروق

.....

[الحمدان]

‏لا صار عندك سر لا تامن البير
البير يسقي قريتك كل ابوها

.....

[الحمدان]

‏لا صار طبعي يا أبيض الوجه دمّاح
لا تحسبني ميت القلب والروح

بعض الخطايا موجعة كنها رماح
وبعض الخطايا تاخذ شوي وتروح

.....

[الحمدان]

تعلّق خاطري في اللي جمع دلّ وقبول زين
‏يازين الحال بحضوره وياشين الحال من دونه

.....

[الحمدان]

معك ذقت الأمان ومعك أحس إني بدون قُيود
‏ أنا قلبي أمانة في يدك و يشوفك آمانه

‏عيونك غير يا ذات الدلال المترف من الخود
‏ من عيونك غديت أوّل سجين يحَب سجّانه

‏تباهي في ذراي ولك يلين الخاطر الجلمود
‏ جعل قلب يوريك القسى ما يقبل إحسانه

.....

[الحمدان]

بعترف لك بالحقيقه كامله وانت وضميرك
‏بعد ماخضت الحياة بسكة الصبر الطويله

‏يوم مرتني حياتي كلها ما شفت غيرك
‏انت صورة كل مشهد وانت قصة كل ليله

.....

[الحمدان]

‏على دربك لو إن العمر يوقف تمشي الاقدام
‏إلين اموت ابيك وغيرك من الناس ما ابيها

‏يا روح الشعر وحروف الكلام وسطوة الالهام
‏احاسيسي معك ماني بعارف كيف اخبّيها

‏يا مرساي الاخير و ذكرياتي في مدى الاعوام
‏يا ضحكة وجهي اللي تذبح اشواقي و تحييها

.....

[الحمدان]

‏لو خاب ظني بالزمن والمخاليق
ما خاب ظني في جزيل العطيه

نصبر على الدنيا ونصبر على الضيق
وعزومنا من فضل ربي قويه

.....

[الحمدان]

‏يا ما وراء بعض ابتسامات الوجيه
‏خواطرٍ جار الزمان وكسرها

.....

[الحمدان]

دنيا تقلبنا على شوك الاقدار
ولولا ضماد الصبر كان انتهينا

.....

[الحمدان]

عزيز النفس ما يقبل محبة بابها مسدود
‏ولا يمشي على دربٍ يذل الراس و يضره

.....

[الحمدان]

طواري الليل تاخذني على الذكرى
‏ويطول ليلي وانا ما غمضت عيني

‏ياطاري الليل لا ممسى ولا مسرى
‏دايم على ضيقة الخاطر توديني

.....

[الحمدان]

عرفت انّ الشجاعة رجعة القادر على الإقدام
‏لا بان الذلّ في وجه الفريسة شام فارسها

‏وعرفت انّ الفقر عذر الردي وإلا الكرام كرام
‏ياوسع صدورها للضيف لوضاقت مجالسها

‏و عرفت ان النقي لا استغفلوه الناس ما ينلام
‏ما يفهم في حيالات الضعوف الا ممارسها

.....

[الحمدان]

معجب بشخص وتعجبنـي كتاباته
وسطوره اللي ذهب لاقـام يكتبها

لاشفت رده علـى حروفي وكلماته
جات القصايد تلاعبني وألاعبهـا

.....

[الحمدان]

تمرّ السنين ومجريات الحياه تدور
‏تجدّد أماني الناس وأمنيتي أمنيتي

‏جعل ظني في بيض الليالي ماهوب يبور
‏يابيض الليالي لا تغلّين لا أقفيتي

‏تعبت أتصنّع في ابتهاجي وأعيش الدور
‏وأنا أخفي عن العالم شجاي وتناهيتي

.....

[الحمدان]

‏عليه تمر لا بان الحزن في وجهك المخطوف
‏من الشكّ الوشيك اللي ليا مرّ الوهم يِطرى

‏غريب ٍ كل ماطاح الظلام وبان فيك الخوف
‏هربت مْن إرتيابك والأرق للشعر والمسرى

‏تِفَكّر في لياليك القِدام وحلمك المكتوف
‏وأمانيك القديمه في زنازين الظروف أسرى

.....

[الحمدان]

‏مالله كتب لي بقربك يا حبيبي نصيب
‏وش عاد نقدر نسوي هذا حكم الزمن

‏كانك بدوني وحيد وفاقد لك حبيب
‏أنا بدونك غريب وفاقد لي وطن

.....

[الحمدان]

‏أحبّك كثر ما قالوا هَنيك يا خلّي البال
‏وأحبّك كثر ما أخفيتك عن ربوعي وعذالي

‏حفظتك سِر ما يظهر على العالم ولا ينقال
‏زرعتك بين تنهيد الضلوع وبين غربالي

‏لك الله ما لغيرك فالحنايا والضمير ظلال
‏يا اقرب من قريب الناس وأقرب لي من ظلالي

.....

[الحمدان]

‏عاد للذكرى القديمه محلٍ فالضمير
‏كل ماجاء الليل جات الطواري ساريه

‏صورتك وأسمك وطاريك فالثلث الاخير
‏كيف أواجهها بصدرٍ ضلوعه عاريه

.....

[الحمدان]

يا أبوي مالي في حياتي مطاليب
إلا رضاك ودعوتك في صلاتك

أفداك من رجلك إلى نقرة الشيب
وأخدمك من صغري وخذني عصاتك

وإن كان مالي في حياتي مكاسيب
كسبي الوحيد إني على أربع جهاتك

واعرف ليا من أقبلنّ اللواهيب
كفي عن الرمضاء ترى اليوم جاتك

واعرف ليا من أقبلنّ المواجيب
يشدّ عزمي والعزم من صفاتك

وإن قالوا إني معتلي في المراقيب
بقول يا أبوي تراها وصاتك

ولا يلحقك يا أبوي شكٍّ ولا ريب
أبشر بنا يا أبوي قبل التفاتك

جميل العتيبي

[الحمدان]

معك الليال أفراح ودروبي وساع
والحب ثوبٍ من لبسته زهى بي

شلون بجزع معك وأضيق وأرتاع
وأنت العوض عن كل خوفٍ عثى بي

.....

[الحمدان]

تمشي على رجليك والله معافيك
وغيرك على بيض السراير يونّا

كان الذي مزعجك شيٍّ بماضيك
ما أنتَه معدّل مايلاتٍ مضنّا

.....

[الحمدان]

حنا لاجينا الحبل مبرم ومفتول
أما نعقد الحبل ولا نحله

إليا عشقنا نعطي الحب مدبول
ولا نهين الحب ولا نذله

وإليا انجرحنا مازعلنا على طول
‏وإليا زعلنا! نزعل العمر كله

‏محمد المقحم

[الحمدان]

نعيش في ظِلّ الأماني والأحلام
ونشتاق إذا للذكريات التفتنا

يوم أستعيد العام واللي ورا العام
في ديرةٍ منها الظروف اخطفتنا

دارٍ لنا نطرب لها شوق وهيام
منها بدينا للسعد فلسفتنا

ياحلوها ذيك الليالي والأيام
يوم المودة والغلا سالفتنا

.....

[الحمدان]

دامني في ذراك أعيش عيشة كريمة
والكرم والرجولة عادةٍ للسنافي

ماخذه من طبوعك قو باس وعزيمة
والهدوء والرزانة والثقل والتكافي

خلنا نقلب الأمثال لو هي حكيمة
ودي أوضّح الصورة ب بعض القوافي

خلف كل الرجال نشوف مرأة عظيمة
بس أنا أحس بالعظمة لأنك خلافي

.....

[الحمدان]

تشعفني الغيمة ويشجنّي الطير
والأرض ما كن ودي أمشي عليها

وفي عيني الدنيا قليلٍ من كثير
جرادةٍ من صادها يشتويها

وللناس وجهتهم وأنا وجهتي غير
ولكل حيّ هوايةٍ يهتويها

والأيام ممزوجٍ صفاها بتكدير
والله كريم ورحمته نرتجيها

وأنا صبور وقانعٍ بالمقادير
ومتوقّعٍ ساعة فرج وأحتريها

مهذل الصقور

[الحمدان]

الناس ماخلقت حواليك ترضيك
مثلك مقادير الولي تعترضها

أخير لك لاتندفع في هقاويك
تلمّس الأعذار ولا افترضها

مافيه شيء إلا ليا راد واليك
ولا فيه صعبة كان ربك فرضها

اللي ماتقسم ماتجي في مراميك
لو كان تلحم بندقك وتحفظها

ورمي الركادة غير رمي التماتيك
والفرق في هذي وهذي غرضها

اكحل عدوّك من سعادة مصافيك
ولا يشغلك غيب القلوب ومرضها

يظهر صديقك ويتبيّن معاديك
‏وكذا الحياة بما تلاقيه خضها

وسّع مفاهيمك، وجوّد مباديك
‏وكرامتك عن مايشوب انتهضها

دايم جناحين المعزّة تعلّيك
بالك لحاجات النفوس تخفضها

إلّا الوفاء، خل الوفاء في مباديك
عملة رجال تعدّها وتحفظها

يا صاحبي في وقفتك كيف أجازيك
وأنا أدري انك ماتدوّر عوضها

مايجعل الأحرار مثل المماليك
‏إلا معاريف الرجال فبعضها

عكاش الذيابي

[الحمدان]

من طق باب الجود يحضى بترحاب
ومن طق باب البخل شاف احتقاره

ومن رافق أهل الطيب طابوا له وطاب
وإن ما ربح ما شاف منهم خسارة

.....

[الحمدان]

يا ليتكم يا أهل الوفاء ما تموتون
يوم الرّدي حتى المنايا تعافه

.....

[الحمدان]

يميّز الإنسان عقله وثقله
وأنا بعمري ماتصنعت ثقلي

أخاطب الجاهل على قد عقله
وأخاطب العاقل على قد عقلي

.....

[الحمدان]

‏تجوّدي في صباح الخير وابتسمي
حتى لو ظروفنا ماهيب مبتسمة

أنتِ وجودك معي كأنه وجود اسمي
وأنا من اللي يقدّر قيمته واسمه

.....

[الحمدان]

اصبر على ما جاك واقبل بما جاك
وحبل الرجاء خله مباري لحبلك

لو تضرب الدنيا من هناك لهناك
مالك من الدنيا سوى ما كتب لك

.....

[الحمدان]

‏والله إن هالات عينك تزود الزين زين
ما تقلل من حسن هالعيون الطاغية

القمر مازيّنه غير هاك الندبتين
ولا هو من دونها لمبةٍ متصاغية

يزيد الفوازي

[الحمدان]

أنا من يوم شفتك فز كلي
وصافحت الزمن كله بيديّا

لبست أحلى الكلام وجيت أهلّي
هلا بالعمر يا سمح المحيّا

.....

[الحمدان]

‏اطلب الله فالستر واسجد وهلل
واجتهد فالنافلة وهي الفريضة

واعلم إن العمر أيامه تخلل
بالسعادة ولا بأيامٍ بغيضة

والعشر ماقد خبر ضله يضلل
في ربيع الوقت ولافي مقيضة

وإن شعرت اليأس في قلبك تسلل
عن ديار الضعف لك دارٍ عريضة

ومن يحاول من نجاحاتك يقلل
اقطع حبالك منه لو هي غليضة
‏‌
إبراهيم أبو فمين

[الحمدان]

‏في رجا الله ما يخليني لجّدي واجتهادي
مارجيت إلا وعده وما خشيت إلا وعيده

‏صالح النشيرا

[الحمدان]

من متى وأرواحنا عطشى لمزاحك
لي متى وهذا الوله ساكن غرفنا

من صغرنا ماننام إلا ببراحك
ومن كبرنا غير ضحكك ماعرفنا

ليت قبرك وسعه بوسع انشراحك
وليتنا من وحشة الدنيا سلمنا

.....

[الحمدان]

‏وآلّله ما مثـل آلتـوكـل على آلّله
يملآ لك آلدنيـآ سـعاده و توفيق

وآللـي يردد دآيـم آستغفر آللـه
تلقآه مايدري عن آلهم وآلضيق

.....

[الحمدان]

اسرقيه من التشاؤم والشماته
‏واسهري له في لياليه الطويله

‏واضحكي له لو هموم الوقت جاته
‏ضحكتك قمـرا تنوّر كل ليله

‏و كل ما ضاعت من يدينه حياته
‏امسكي ايدينه بقوه واضحكي له

.....

[الحمدان]

من ساقه الحظّ لين يصبّح بوجهك
‏ يشوف خير الصباح اللي يقولونه

.....

[الحمدان]

حتى مواعيدنا لو ما تتم ما تموت
أنتِ كريمة جفى وأنا كريم إنتظار

.....

[الحمدان]

محبتْك حتى في غيابك مثل ما هيّ
‏لا هانت لياليك القديمة ولا هنتي

‏من المستحيل يحول عن ذكرياتك شيّ
‏لو يحول من دون اللقاء حاجز إسمنتي

‏يروحون كل الناس مني شوي شويّ
‏ولا فيه أحد يبقى على البال غير أنتي

.....

[الحمدان]

صباح الوله ياللي معاك المشاعر فرض
‏تصادق عليها الشمس والصبح يضمنها

‏تعالي وسط صدرٍ ملكتيه طول وعرض
‏عن الخوف غافل رقّتك لين يامنها

‏تقول السماء لا شافتك ماشية في الأرض
‏علام السحايب ناسية قطعةٍ منها

.....

[الحمدان]

حبيبي من غفى طرفك قبل حزّة طلوع النور
‏وأنا للحين أحس الصبح متخبّي ورى أهدابك

.....

[الحمدان]

قلت اصبري قالت أنا أقولك زين
قلت أتمنّى ما تكوني بخيلة

ضمت يديني قلت توّك تحنين
قالت يدينك بس هذي قليلة

يوم حضنتني دمّعت قلت تبكين
قالت أظن الدمع أصدق وسيلة

ردّت وقالت وش عذاب المحبين
قلت الغياب وفي عيونك دليله

.....

[الحمدان]

روحي فدا الي يليق ابها النبط والفصيح
‏الي عليها القصيده تزهم القافيه

‏ان اقبلت شفت وش معنا الزمان الشحيح
‏وان دبرت شفت معنا النعمه الضافيه

‏الله عطاها الذرابه واللسان الفصيح
‏والضمه الدافيه والكلمه الخافيه

‏فرعاً عليها السحابه تستلذ المطيح
‏وتباشر الارض فيها لامشت حافيه

.....

[الحمدان]

اخاف لا منك بغيتي تنامين
‏ما أحدٍ يمد لحافك ليا استويتي

‏وأخاف ما أحد يقول لك يوم تدعين
‏أبشرك زانت بعد ما دعيتي

‏وأخاف لا قمتي وخاطرك شين
‏ما أحدٍ يعرف من نظرتك وش بغيتي

‏وأخاف واجد واجد إنك تروحين
‏يا ويلي ان رحتي ولا عاد جيتي

.....

[الحمدان]

أبي لي ساعةٍ تبتّل فيها للشفوف عروق
‏تعال وهات معك الساعة اللي نختلي فيها

‏تعال ورّد عمرٍ من ربيع أيامنا مسروق
‏معاك أنت الدقايق كانت أيام بلياليها

.....

[الحمدان]

ياللي فرقتي بالكلام وبالغياب وبالحضور
‏يا سالبة عقل الغلام اللي فهق سن المهد

‏حقك علي اكبر من أحبك و وينك لو تجور
‏عاد انت تامر وانا تحت أمرك بأحاول واجتهد

‏ببقى معك لين الحياة تدور واسكن فالقبور
‏هذا عهد وانا من اللي ما يخونون العهد

.....

[الحمدان]

يزيدك دلالك تِيه وازيد فيك هْبال
‏أنا اللي يشوفك قِبلته وين ما وجّه

‏ألبّي وأفدّي كل ما جيتني تختال
‏وأشاهدك ْ وألقى في مشاهدتك السجّة

‏على بحر ْ جيدك قشّة الغارق السلسال
‏أدوّر نجاتي بعد ما صرت في لجّة

‏من يلوم طرف ٍ هام في عودك الميّال
‏عيون ٍ فتنها الحسن هذا لها حجّة

.....

[الحمدان]

لا تخاوي البخلان وتساير اللاش
‏تسلك مساليك الردى وانت جيّد

.....

[الحمدان]

اللّي خذلنا ما نعيد الرجاء فيه
لو هو بجنب أكتافنا ما نشوفه

.....

[الحمدان]

‏تعايشنا وعشنا فالبسيطه محسنين الظن
‏عسى من ظن فينا الخير ناتي له على ظنّه

.....

[الحمدان]

‏هـو يدري انه ذبح روحـي بسكينـه
‏ان كان مايدري عـن الحال عـزالـي

‏عبـرت عـن مـا بقلبـي يـم غالينـه
‏اللـي بقلبـي غـلاهـم اول وتالـي
‏
‏بعض الغلا كان مـا تثمـر بساتينـه
‏من سبة الهجرٍ ِ بين الغالي وغالـي

‏ياعين ياعين دمعـك يـوم تخفينـه
‏عشان ماتشمت العالـم وعذالـي

.....

[الحمدان]

تدري وش الي بالهوى يقتل الود
جو الغموض الي يلف الأماكن

لاجيت تحمل في يدك باقة الورد
ضاعت حروفك بين يمكن ولكن

.....

[الحمدان]

‏لاتامن الطيب ولا تامن الشين
‏خلك فطين وخل نفسك حريصه

‏حنا بزمن فيه اختلاف الموازين
‏ماعاد تعرف غاليه من رخيصه

.....

[الحمدان]

‏يوم قفا الوقت فيك ورحت كلك
مابقى لي من غيابك غير ذكرى

ادري إن الشوق من قلبي وصلك
وادري انك تفتح حسابي وتقرآ

.....

[الحمدان]

لو يعُود بي عمري ويسترجع الأعوام
‏ما لمَّت كفوفي غير لحظات غاليها

‏تظل السنه وأغلى التواريخ محض أرقام
‏لكن ما يخلِّدها سوى ما جرى فيها

.....

[الحمدان]

‏ياصباح الرسايل مع طيور الحمام
وَيَا صباح المحيا وَيَا صباح الهلا

وياصباح الصباح اللي يزيل الظلام
لاتبسم صباحك قلت يامسهلا

.....

[الحمدان]

على سبيل التمني جعل حظي يجيب
‏لي حاجةٍ في ضميري حيل ودّي بها
‏ِ
‏ماهي شفا عن مرض ولا مواصل حبيب
‏يعلم بها اللي غيوب الناس يدري بها

سبحانه

[الحمدان]

عطني صباحك واخذ الوقت كله
‏مافيه غيرك يجعل الوجه ضاحك

‏ياللي سكنت القلب واصبحت خله
‏ يسعد صباحي ويسعد الله صباحك

....

[الحمدان]

‏جاني سلام اصويحبي اول الصيف
‏كنه يقول أذكر وعدنا لا تنسى

‏هو يحسب إني خفت كثر المصاريف
‏أو خفت طول الدرب والليل لمسى

‏لا يريش العين يا حيف يا حيف
‏صاحبك طبع الخوف ماهو بجنسه

‏ليا بغيت أجيك جيتك على الكيف
‏جيتك بيومي قبل لا اتغيب شمسه

‏عمان عندي كنها كشتة السيف
‏في دربها مابدل القير خمسه

.....

[الحمدان]

‏ذقنا ملذات الهوى حب وفراق
‏وشفنا من صدوف الزمن واكتفينا

‏وعشنا ثلاث سنين بالضبط عشاق
‏احلى ثلاث سنين مرت علينا

.....

[الحمدان]

طلَّ الصباحُ ولم أظفر بطلَّتِها
‏فهلْ يكونُ صباح دون إشراقِ

.....

[الحمدان]

‏غلاك ما يحتاج توثيق وحروف
والله خلق حبك من الحب فيني

وعزفت نغمة عشق عن كل معزوف
وسكنت في قلبي وروحي وعيني

.....

[الحمدان]

‏يا ليل عطني مابقا منك وأعطيك
خذ الهموم اللي على القلب قامت

يا ليل ياليل السهر وين ساريك
أنا معك سهران والناس نامت

.....

[الحمدان]

قال المثل مـن جد فالدنيا وجــد
وغارس الاشـواك ما يحصد ورود

مش عيب لا كافح وناضل واجتهد
العيب فـي انسان مضاها رقود

والعــــز مـا ياتــي لمن قالو رقد
الا لمـن يبـذل في الدنيا الجهـود

.....

[الحمدان]

يستاهل الشعب اي والله يستاهل
يتحمل الجور لا ما يكتسر ظهره

في سكة الجهل ماقد حط له كاهل
لا بارك الله في سره وفي جهره

مادام والعقل طايش والهوا جاهل
إن مات بالحرب وإلا مات من قهره

.....

[الحمدان]

الحب ماهو بس كلمة وتنقال
ولاهو سوالف بين هذا وذية

الحب شعور بالقلب يغني عن المال
وله بالقلوب احساس ماهو شوية

الروح لاحبت تنسى للاموال
وتعيش بين الناس بنفسِ غنية

لكن يموت الحب لاصار به اهمال
ويضعف شعور القلب شوية شوية

الحب قد يثنيك عن بعض الاعمال
لكن تعيش العمر ونفسك رضية

باكتب له الابيات شيلة وموال
والحان الحنها بنفسِ هنية

[الحمدان]

‏اللي خلق في مشاعرنا من البعد خوف
خلق لنا نعمة النسيّان في غيرها

تموت الأحلام دايم في يدين الظروف
وتعيش الآمال وتواصل مشاويرها

في ليلةٍ تاهت الخطوه وطال الوقوف
هي نفسها الليله اللي شرها خيرها

جيت ومعي قلبٍ يحب ويحن ويروف
ورحت ومعي قلبٍ أقسى من معّاذيرها

.....

[الحمدان]

ويش أكلفك يا زماني قمت تتبدل
وأيامك السود لأصحاب الوفا خانت

تعبت أنا فيك ما لي قدره أتحمل
كنت أحسبك زين لكن نيتك بانت

شفت النشامى والأجواد فيك تتبهذل
وتعذّبَت فيك أعز الناس واهتانت

وأهل الكرم والعطى تطلب وتتسوّل
وكم وكم ناس منك يازمن عانت

ذي روسهم فوق وطو روسهم منزّل
وأهل الوفا والمبادئ شفتها أتوانت

يا كم تمنّيت ترجع مثل زي أول
والناس الأجواد ترجع مثل ما كانت

بس للأسف بعدما شفت الخبر طوّل
وأذلّ وأنذل بشر لأهل الوفا دانت

لا عاد يوجد أمل عندي ولا به حل
حانت تقوم القيامة يا زمن حانت

ابو عمران

[الحمدان]

يا لابـس البــرقـع تسلطـــت مــن ويــن
عــــلى فــوادٍ مـــــا يَعَــــرْف الرقـــابــه

ورمـيت قلعــــاته مـن يـســـار ويميــن
واليــوم ينــعق في المحـــاني غـــــرابه

خـافِ الــذي ســواك يا بنــت من طيــن
حنـا ليـا شفـِــــــنا المحـاجر غـــــــلابـــه

يا بــــدر حــــاذر مـن عيــــون المزاييـن
تـــــرَى علاجــــــك من منـابع رضـــابـــه

.....

[الحمدان]

مـاتـضـيــق الاّ تــزيــن وتنفرج
يامساحات الفرج كوني حياه

الظروف أحيان خيل وتنسرج
عــنـهـا بــيـن الأمــل والانتباه

.....

[الحمدان]

‏يا ما كتبـت اشعـار وابيـات وحــروف
ونشرتهـــــا ماشفــــت اي استجابه

وقلت في نفسي يجــي يوم ويشوف
اشعـــاري اللــي قلتهــــا في عتابه

اشعار تحكي قصـة انسان مشغوف
في عشـق من احــرق فؤادي غيابه

دونتها من شوق واحساس ملهوف
وقلب قاسىَ فــــي غرامــه عذابه

.....

[الحمدان]

عَلى الكُرهِ ما فارَقتُ أَحمَدَ وَاِنطَوى
عَلَيهِ بِناءٌ جَندَلٌ وَرَزينُ

وَأَسكَنتُهُ بَيتاً خَسيساً مَتاعُهُ
وَإِنّي عَلى رُغمي بِهِ لَضَنينُ

وَلَولا التَأَسّي بِالنَبِيِّ وَأَهلِهِ
لَأَسبَلَ مِن عَيني عَلَيهِ شُؤونُ

.....

[الحمدان]

الطـيب درب ماندم من مشى فيـــه
ممشى الكرام اهـل النفوس الاصيــله

.....

[الحمدان]

‏ازعل على كيفك كثر ماتبي وارض
‏وخذ بدال العام عشرين عامي

‏لا قامت الساعه ولا ضاقت الأرض
‏ومانيب لا جايع ولانيب ضامي

‏واسمك ليا من طاح من شاشة العرض
‏تراه ماهو من كبار الأسامي

‏ومواصلك لاهوب سنه ولا فرض
‏ومواجهك ماهو بكل اهتمامي

.....

[الحمدان]

‏اول علامات الردى والرخامه
نقل الحكايا وانعـدام الحميه

واول علامات الوفا والشهامه
فزعة خويٍ مايخلي خويه

.....

[الحمدان]

على النقا والبياض وصافي النيّه
‏نعامل الناس صادقها وحاقدها

.....

[الحمدان]

أن ضويت الله يحييك يابرقٍ ضويت
وأن سريت فعز واليك يابرقً سرى

.....

[الحمدان]

بكره تقوم حظوظنا ياصابريـن
وباب الامل يصبح ويمسي علينا

.....

[الحمدان]

كرامة النفس حالت دون رغبتها
‏عزيت نفسي ولو ان الثمن غالي

.....

[الحمدان]

اناشــــــدك بالله يا شـــــوق باللهون
قلبي فقـد يا شـــوق كامـــل عزومه

على الحبيب اللي في الروح مدفون
الغايـــب اللي في خـيالــــي رسـومه

ياشـوق خـذنــي وين ماكان ويكون
ودي ازور الـزين واعـــــرف عـلــومه

حـتـى ولو قالـــوا لي الناس مجنون
انا اعـرف المجـــنـــون ماحـد يلومه

.....

[الحمدان]

جعل عيني ما تشوف إلا عيونك
وجعل حالي ما يضمه غير حالك

انت قل لي وش هالـــدنيا بدونك
والله ان مـــــابه حياه إلا وصالك

.....

[الحمدان]

انت الوحيد اللي عطا قلبي الامان
يوم انه ابوي في صفوف الميتين

شفت فيك اللي فقدته من زمان
لا تخليني يتيمه مرتين

.....

[الحمدان]

عن كل ماضي خوفك لا تخافين
لو الليالي والزمان يتحداك

لايضيق لك خاطر عسى ماتضيقين
كل الظروف اللي تشوفين تفداك

.....

[الحمدان]

‏عطني جروحك كلها وارقد الليل
واترك عيوني للسهر ترقب الضي

كل ماتضايق خاطرك ضمني حيل
لا تشتكي للناس همك وانا حي

.....

[الحمدان]

‏ياشوق لا تقسى على عيونه السود
انا دخيلك لا تعذب جفونه

ما زال في عمر الصبا ناعم العود
حرام غير الكحل يلمس عيونـه

.....

[الحمدان]

‏تدري وش اكثر شي خلاني اهواك
حبك وعطفك والغلا والتفاني

وتدري وش اللي مايخليني انساك
خوفك عليّ وتضحياتك عشاني

.....

[الحمدان]

يامن جرح قلبي وخلاني عليل
أشتقت لك تكفى لوجه الله تعال

مالي غنا عنّك اذا اعلنت الرحيل
ومستحيل انسى ونسيانك مـــحال

لعيونك الثنتين اجيب المستحيل
وادفع لها ما في يميني والشمال

.....

[الحمدان]

تذبحني الغيـره وانـا واثـقن فيـك
واصبر ولا ودي تعرف اش حصل لي

من كثر خوفي زايد الشـوق ياذيـك
صبرت ما احد في عذابي فطـن لـي

بالضحك وحروف القصايـد مسليـك
والنار فـي عقلـي وقلبـي وكلـي

عـز الله انـك هـم لكنـي اغليـك
والله حتـى همكـم جايـز لـي

تشوف شوقٍ في عيونـي يناجيـك
واشـوف بعيونـك عذابـي وغلـي

.....

[الحمدان]

‏ياعايش الدنيا ترى الحظ مقسوم
مثل الهبوب اللي بلا دار وديار

نجري ورى الدنيا مع الليل واليوم
ويا ما وطت الأقدام عجلات الأقدار

.....

[الحمدان]

حي الغلا حي المحبه والأشواق
حياك ياقلبن بالأحساس وافي

أهلاً هلا ياللي له القلب يشتاق
ومهما أقول وقلت ماهو بكافي

غلاك مثل الصبح في لحظة إشراق
في داخلي يظهر جميع الخوافي

.....

[الحمدان]

تــذكرني ليا ضاق المكان وشانت ظروفك
تراني مثل طيآت الذهب ما يختلف لونــي

.....

[الحمدان]

اشتقت لك والشوق ماله مواقيت
يا أجمل احـداث العمر في حياتي

قلبي وعيني ياغـلا الروح لك بيت
ولافيـه غيــرك يمتلك نبض ذاتي

احبك ولو عنـي تأخرت وابطيت
واموت بك يااغلا بشر في حياتي

واهواك مهما في غيابك تماديت
وتبقى امل روحــي وكل امنياتâپ¦

.....

[الحمدان]

‏مدام انا وانتي علــى الارض حيين
ياسعـــد عينك لـــو بكيتـــي شويه

والله لانسيك الزعـــل لين ترضين
وامهـــد لك الدنيا فجـــوجٍ فضيه

واحماك مثل حماية الجفن للعين
وكلش فـــداك اليا بغيتـــي شريه

يفداك ماشافت عيونك من الزين
لو ان متر الثوب مـــن خمس ميه

لو اني اسجل علـــى ذمتـــي دين
زودٍ علــــــى مـــايمـــلكنـــه اديه

.....

[الحمدان]

‏صرنا نراقب بعضنا من بعيد لبعيد
‏هو يحتري جيتي وانا احتري جيته

‏هذي حياة العنيد إليا عشق له عنيد
‏كلٍ ينتظر الثاني وحسب مزاجيته

.....

[الحمدان]

‏ستر المـــواجع داخل القلب راحه
لو يمـتلي صدري بــها ما تكلمت

ما هو جديد الـقلب يخفي جراحه
ولاهو غريب الضحك مهما تألمت

.....

[الحمدان]

‏يـا معاتب الناس لاتعتب ولا تشره
موارد الطيب بين الناس معروفه

والي تجاهل حقوق وواجب العشره
اجعل حقوقه من التفكير محذوفه

.....

[الحمدان]

كنت بكلامك تاخذ الحزن عني
واليوم غبت وراح عني كلامك

ياصاحبي وشلون خيبت ضني
يا باخلاً بإحساس قلبك علامك

.....

[الحمدان]

‏للحين احبك بس حبي من بعيد
لـي قـلب والله يعلم شلون حاله

صرت أتحرى لك من العيد للعيد
يـمكن تجـيني مـن يدينك رسالـه

.....

[الحمدان]

‏ودي اقول اني احبك واغليك
وودي اقول يابعد عمري فديتك

وودي اروح لديرتك والتقى فيك
واقول لك ياضي لعيون جيتك

وانته تطالعني وتنظر حواليك
وتقول ليتك جيت من قبل ليتك

.....

[الحمدان]

كل دارً يستريح بها ضميري داري
وكل وجهً يستريح له الفؤاد أحبه

.....

[الحمدان]

في سهلة فيها المنايا متاريس
‏يبدي بها المشحوف مافي ضميره

‏اليا بغيت اجلس ترى لي مجاليس
‏واليا بغيت انهج دروبي عسيره

.....

[الحمدان]

تعال ياسكر نبات العشق ياملح القصيد
غيبتك لي مدة وانا اغني على طاروقها

واصبحت تسري وسط شرياني وفالوريد
تقفي وتقبل وانت لي طعم الحياة وذوقها

.....

[الحمدان]

هلا باللي مراسيله تنور شاشة الجوال
يفز القلب لاجتني رسالة من مراسيله

.....

[الحمدان]

تولعّت في غرو غريرٍ يتلّ السير
ابيّ نظرتٍ من لفتة الحرّ وسبلته

صغيرٍ بسنّه غير عندي ماهو بصغير
يامغلاه في قلبي وياكبر منزلته

أجمع له سمان الهرج خوفٍ من التقصير
ولا جيت ابشرح له كلامي تهيزلته

يجيني منّه هيبه معزة سحى تقدير
اقابله عندي علم وأروح ماقلته

سعد بن جدلان رحمه الله

[الحمدان]

عانو اللي نصف سعره يهز الاقتصاد
جيب لكزس تو صدّر جديد اخر موديل

ما يكيّش سعره الا هوامير البلاااد
مايجيبه راعي القرض والدخل القليل

لو شريته صبّحوني مكافحة الفساد
وقتها في ذمتي ما يطلعني الكفيل

ومستحيل اجيبه الا لمن الله اراد
وانا داري ماعلى الله شي ٍمستحيل

جراح العتيبي

[الحمدان]

كرامة الطيّب اكبر من كبار الظروف
وقسوة ظروف الحياة تلاوعه في شقى

والوقت متغير وصلف الليالي تحوف
عزيز قومٍ يكابر و الظروف محقى

ولو يختلف كل شي وكل شي منه خوف
يبقى على ارحب وحي الله ودام البقى

لو كان ما يملك من المال قيمة خروف
يملك وسبعين نعم وهقوة اللي هقى

.....

[الحمدان]

خلوني الحالي بعيدً عن الناس
مرتاح بالي في حياة البساطه

ما غرّني كثر الدراهم والإلماس
وشوفة زخاريف القصور و بلاطه

اسبح الله واحمده مذهب الباس
اخير من حكي البشر واختلاطه

‎رجا عوض العتيبي

[الحمدان]

واصل قريبك قبل تحضر وفاته
وتودعه في المقبرة بين الاموات

قريبك اللي قاطـعه في حياته
ويش فايده قبلة جبينه ليامات

‎عبدالله الطلحي

[الحمدان]

الكريم اللي يحب الضيف يسلم فاله
فاتحٍ بابه وسمحان الوجيه اتدلّه

من كرم يمناه دايم تشتكي عماله
بين ود الطيب رد الطيب هات الدله

.....

[الحمدان]

لاشفت طيبي صاير اليوم ضدي
واللاش وعيال الردي تلبس البشت

صرت اتمنى عصر جدك وجدي
لو كان ماشفته تمنيت به عشت

.....

[الحمدان]

تدري زمان أول وش اللي محليه
إن النوايا في قسى الوقت زينه

وصدق النفوس وطهرها والمشاريه
وخوة شرف لأجله تباع الثمينه

.....

[الحمدان]

ترى شرهة البندق على وقفة الرماي
مثل شرهة الفارس على زرقة الحربه

.....

[الحمدان]

الزمان يدور والحية الرقطا تدور
وكل ضلعٍ نايفٍ تنطوي في فيته

وكان حنا ما دفنا الحيايا بالجحور
بعد بكره كل جحرٍ تجينا حيته

خليل بن هدلان

[الحمدان]

عـدوّك البيّن ابرك لك من الخافـي
اللي يعاديك ويِسمّك على الصامت

الوجه وجه الصديق المخلص الوافي
والقلب قلب العدوّ الحاقد الشامت

.....

[الحمدان]

الرفقه اللي مالها ساق وعروق
لو هزها صلف الزمن يقتلعها

واليوم لاتشره على كل مخلوق
خذ ماتيسر واكثر الناس دعها

والسلعة اللي ماتجملك فالسوق
بارخص ثمن عند اول السوم بعها

وعلاقتك بالمجتمع فوق لافوق
تبعدك عن عرف الهموس وطمعها

.....

[الحمدان]

يامل قلب ٍ يلوعه طاري الفرقا
كما يلوع الحمام الورق شيهانـه

إن حوّلن حوّلت وإليا رقن ترقـا
متعليّتهـن وهـي حدمه وجيعانـه

على وليفٍ نحا مع روق عن برقا
عليه عيني بصاف الدمع غرقانه

أبوثـمـانٍ رهــاف ودقــةٍ زرقـــا
موتي ولا صدته عني وهجرانـه

.....

[الحمدان]

مدري علام الوقت مايرحم ظروف الطيّبين
خلّى نواحيـه الرحيبـات وتركـني فـي نحا

وان جيت ادوّر عن مسيري في رياض الصالحين
كـني مـدوّر فالطحين اللي تـدور إبه الرحى

صدّيت عن مُجمل طموحاتي وقلت الله يعين
صـدّة فقيـرٍ لقمته عنـد اليتاما واستحى

.....

[الحمدان]

يارب تجعل حاجتي منك وإليك
ياخالقٍ سبع السموات والأرض

يامصرف الاكوان والرزق بيديك
يامن جعلت الخمس في ديننا فرض

يا واحدن ماخاب من كان يرجيك
يارب تستر حالنا ساعة العرض

لاجا نهارن فيه كل الرجا فيك
ولافيه بالأعمال سلفه ولا قرض

.....

[الحمدان]

نجـود من مايجـود ربـي علينـا
ونعين ونعاون ونحتـاج للعـون

إن سـاعفت مانـبذل الثمينـا
وان عاضبتنا حـالنا ما تشوفون

على سـلوم جـدودنـا الاوّلـينـا
والناس فيها خير وابليس ملعون

الله يديم أمن الوطن ويحمينا
لاقاموا اهل الشر للشر يسعون

.....