اخترنا لكم شعر نبطي وفصيح

[الحمدان]

يا صاحبي ون حصل تقصير ناتي طراح
فيما بدر من جوانبنا باخذ وعطا

مشاغل الوقت تاخذنا بليل وصباح
فالوقت قاسي وماشي بالدروب الخطا

لامن لفتني حروفك خاطري بارتياح
ويدق هاجوس موالي وهو مبسطا

جواعد الراس والعينين فرش وسناح
فقدرك بها يا رفيقي معتلي ماوطا

ونفاخر الناس والعربان بك بالمداح
يامن على الجود مداته لها مربطا

سلام يوصل جنابك عد براق لاح
وانشت مزونه وجرد العود منه شطا

القلب صافي ونبعه من عذايب قراح
من يشرب الهمج يصبح بالمسار الخطا

والشبح عالي وله مده تفوق الجناح
يا صاحبي ذا كلام الصدق بامر البطا

فاكثر الناس في ذا الوقت ماهم صحاح
كلن متوه علا فكره وهو محبطا

يا وجد قلبي وجود الي سهر للصباح
ويرومها طول ليله وكنه امجنطا

يذكر الوقت لي عنه توكل وراح
من بعد ما كان بالقمه ومنها اسقطا

صدام الوايلي

[الحمدان]

ما نكد بتالي العمر همٍ فالرصيد
مقصدي من كدتي ستر وجهي فالحياه

اغتني به عن سؤال القريّب والبعيد
واطلب اللي ليا عطى محدٍ يمنع عطاه

.....

[الحمدان]

‏والله لو لا الحسد بين القرايب
ما اظن رفعت فالمحاكم قضيّه

والله لو لا الغيبه ام المصايب
والنمّه إنهم في حياةٍ هنيّه

والله لو خلوا كلام الزلايب
إن الغلا في زود صبح وعشيّه

والله لو طاعوا فيهمٍ وشايب
إن المحبه بينهم سرمديّه

لكن عساهم يتركون النشايب
ويتعاملون بصدق واخلاص نيّه

.....

[الحمدان]

المرجله تشريف والطيب تكليف
‏والناس تسمع هرجة الناس وتشوف

‏واللي يناظر جاحدين المعاريف
‏ماهو مسوي بالرياجيل معروف

.....

[الحمدان]

اللي يكافح ميل وقته بتقواه
قد كفّن الضيقة وصلّى عليها

يا قُو عزم المُحسن الظن بالله
تمّرَّه الشدّات ما ضاق فيها

.....

[الحمدان]

أمنعونا من قهاوي حديثين الزمان
‏وقربوا شقرا نكيّف على فنجالها

.....

[الحمدان]

محتاج صبر الحليم وسجة الداشر
وقلبٍ يبيع المواجع بيعةٍ عجله

.....

[الحمدان]

يارب وجّهني طريق الصالحين
بدايته ونهايته، سترة نجاه

رفعت نفسي عن دروب التافهين
اللي ولا دربٍ يشدّ الانتباه

أمّا حياة الطيّبين الغانمين
ولا حياةٍ ما وراها من غناة

اللي حسبته من قروم الطيّبين
الوقت ماقصّر وبيّن لي خفاه

يزين طبع الناس ولا ما يزين
كلٍّ على حسب العمل يلقى جزاه

.....

[الحمدان]

اللي يكافح ميل وقته بتقواه
قد كفّن الضيقة وصلّى عليها

يا قُو عزم المُحسن الظن بالله
تمّرَّه الشدّات ما ضاق فيها

.....

[الحمدان]

الله من جفن عن النوم محروم
قلب رجف بين الضلوع النحايف

حاولت انام ولا تهيا لي النوم
الا لي النوم والهاجوس ماهم ولايف

ما تستريح العين والبال مهموم
ولا يستقر الحال والقلب خايف

غديت مثل اللي بالاعدام محكوم
ما مات لكنه من العمر عايف

.....

[الحمدان]

الناس ماهم مثل ما كانو زمان
الناس تتغير تبدل طبعها

العيب هو بناس ماهو با الزمان
حتا وان تبكي وينزل دمعها

الوقت نفس الوقت على ما كان كان
بس البشر تكذب وصمت سمعها

كان الرفيق في خوته ماهو جبان
والجار في جاره يقاسم شمعها

والكفو في ضيفه يغديه السمان
والعزه والنخوه بها في طعمها

والمرجله في القوم يا كم من فلان
ذي جرعو كاس الفساله قمعها

واليوم كم نسمع وشفنا با العيان
ودهور الواقع اموره جمعها

احوال فيها الناس من ضبعه وضان
وصبح ضعيف الناس لثعله طعمها

.....

[الحمدان]

نسولف مع الأشواق في حضرة الغياب
نحاكي صدى الذكرى وارسم لها آمالي

نجر العنا جر المدى والوفا نهاب
ولا عاد للمعروف قدر(ن) ولا جالي

خذتنا ليالي الوقت من طيب لعتاب
‏وصارت دروب الطيب تغلق بالأقفالي

نعدي سنين ما بها غير الأتعاب
‏ونضحك على الأيام والضيق بحبالي

دروب الزمن ما بين فرح وانسحاب
‏وما كل من يضحك سعيد وهني بالي

تعلمت ما أمد اليد إلا للخالق الوهاب
‏كريم(ن) اذا ضعف حالي يرفق بحالي

وتعلمت إن العمر درب(ن) به سراب
‏ولا شي دايم غير وجه المتعالي

وإن طالت الغفلة يجي فيها عقاب
‏يفز به القلب ويصحى من الضلالي

.....

[الحمدان]

‏اذكرك كان الغلا فنجال مـع تمـره
‏أيام تقدع غلاك ومجلسـك عينـي

‏تضحك وانا في سعادة غامرة غمرة
‏تحكي واقول الغلا جاني يواسيني

.....

[الحمدان]

ما بين هرجة سفيه وبين نظرة فطين
‏تلقى كلام الحقيقه واختصار الكلام

‏ما تشره الطيبين الا على الطيبين
‏ولا ضعاف الروابع ما عليهم ملام

.....

[الحمدان]

‏من لا يبى لك شور لا تستشيره
خله على كيفه بغمره وحناه

ترى دواليب الدهر مستديره
ورفيقك الطيب بسيفه وشلفاه

ودورات بقعاء يالبنادم خطيره
كم حولت من شيخ من فوق مركاه

وترى النميمه في المجالس معيره
أحذر من النمام تسمع حكاياه

فتى الجوف

[الحمدان]

بَدا لَكَ ضَوءُ ما اِحتَجَبَت عَلَيهِ
بُدُوَّ الشَمسِ مِن خَلَلِ الغَمامِ

.....

[الحمدان]

‏على كل حال الي تبينه يصير يصير
‏انا اموت فيك وموتتي فيك ميلادي

‏مع صادق الاحساس والود والتعبير
‏خذي زهرة اليشموم يا زهرة الوادي

‏يوم الله عطاك الحسن واحسنتي التدبير
‏هديتيني لدرب الهدى والله الهادي

‏يا وجه الرضى لو قصر الشوق والتقدير
‏وش الغايه من العمر يا غاية مرادي

.....

[الحمدان]

‏تمنيت العمر ويّاك لكن للظروف أحكام
‏وأنا ربّي حكم إني أحبك وانحرم منّك

.....

[الحمدان]

ما لقيتك غير غيثٍ شددت صوبه خطاوي
‏ قد حيا في رشّته قاعٍ تباطوا عن ربيعه

‏في خلافات المذاهب والمراجع والفتاوي
‏انت واحد تتفق في طلّته سنه و شيعه

‏اظلمك لا قلت عينك كنها عين النداوي
‏وانت عينك وصفها ما كل شاعر يستطيعه

.....

[الحمدان]

تبسّم لي فداك اللي مضى واللي بقى يفداك
‏ترى لولا غلاك وضحكتك ما بعت خلّاني
‏ㅤ
‏ولا جيت أتدارك ما بقى من فرحتي وألقاك
‏وأبيع العمر كله لا أبتسّم ثغرك على شاني

.....

[الحمدان]

‏جيتــك اصبــح يامنــى الروح بالنور
وأقـول ياالغالي هـلا كيـــف حـالك

يالله عساك بخـير طيـــب ومسرور
ويالله عساني مانحـرم من وصالك

وعساك طول العمر بالخير مغمور
وعسى السعاده دايـم الدوم فالك

.....

[الحمدان]

‏ودعني ب السّلام ورحمة الله وبركاته
‏واذكرني كلّ ماتطري على البال التحيه

‏واتركني ل الحنان اللي شعوري معجزاته
‏اِتركني ب الجروح الابجديه يا ابجديّه

‏اِتركني عاشقٍ يكتب بدمعه ذكرياته
‏من شعورٍ صادق ماهيب نظره عاطفيه

.....

[الحمدان]

‏اشوفك وطن وتشوفني رحلة استجمام
‏واشوفك عمر وسنين ما هيب منعاده

‏معي قلب واحد لو تقسمه خمس اقسام
‏بحبك بكل اقسامه الخمس وزياده

.....

[الحمدان]

والله بخيالي ضحكتك واضحة زين
يا بنت والله الزين ما هو بخافي

ضحكت ثغر والا ابتسامة شفاتين
احلى ملامح شخص لا صرت غافي

ادري تزعلني وهجرك طواعين
ليه التغلي والزعل والتجافي

زارع عنادك مثل زرع البساتين
وانا ودادي لك على طول صافي

دايم جنون الحب مسكه رياحين
الا انت زدت وزود بالطيب ظافي

لو كنت صحراء حر محدن لك يبين
انا الوحيد اللي ابى امشيك حافي

امشيك من اقصاك لاادناك ذالحين
ممشى نمر لامن فريسته شافي

ابفترسك بناظري يااكمل الزين
وابا اتعشى فيك والضو طافي

ماابغى رموشي تبتعد عنك لو حين
خوفي يصير لي شي منك خرافي

خوفي يفز القلب واصير مسكين
شخصن ابليا روح والقلب مافي

روحي معك اهديتها قبل عامين
جتك الهدية من حبيبك عوافي

والحين قلبي مابه النبض لك لين
تنشد عن المجروح في علم لافي

ادري بشوفك يااريش العين بالعين
ادري الزعل مايرد شخصن يوافي

وادري علي تحن حن الشفاتين
هي للتلاقي بالكلام المصافي

ناطرك خلك ياحبيبي الى الحين
حتى الحياة اللي بدونك تعافي

خالد سعد الحربي

[الحمدان]

لا صرت غالي لا تغلى وانا اخوك
سيب التغلي عنك لا صرت غالي

روحي وقلبي يوم قفيَّت نادوك
يا بعد من يشغل ليا غاب بالي

فكر ومرة نادهم كان لبَّوك
والا عليهم صيح وبصوت عالي

انا الوحيد اللي مشالك على الشوك
وان صحت جيتك مندفع لو لحالي

ياصاح تكفى لا تعذرب على اخوك
جتني الهموم وكل همن طرالي

جتني الهموم وداخلي قلب مصكوك
مصكوك صكة بس يا ويل حالي

هذا خويك داخله هم مركوك
يخفيه عنَّك وانت مسرور خالي

خالد سعد الحربي

[الحمدان]

يا ليتني بينك وبين المضره
من غزة الشوك الى سكرة الموت

اوليت شاورني القدر بس مره
ولبى مطالب رغبتي قبل ماموت

او ليتي لجرة مواطيك جره
احمي قدم رجلك مثل جزمة البوت

او ليت بيديني السعد والمسره
واحكم عليها عنك مالحظة تفوت

يفداك عمر منك يشعر بعمره
انتي الحياة لنفسي وردة الصوت

سعود بن بندر

[الحمدان]

منهو حبيبك غايتي بس أهنيه
على حسن حظه عشانك حبيبه

أنا أشهد إن الله يحبه ومعطيه
اللي هداك الرب تصبح نصيبه

ياللي خذيت من الحلا كل ما فيه
ومن الطبع كل الخصال الحبيبه

تسحر بهمساتك عقل من تحاكيه
مع خف دم وملح ما ينحكي به

لك حق يوم تموق وتحس بالتيه
الله وهبك أوصاف زينٍ غريبه

قبلك و أنا بعض الجمال ألتفت فيه
وعقبك ظهر في كل من شفت عيبه

سعود بن بندر

[الحمدان]

مات حبك والبقية في حياتك
في حنايا خافقي لاقى مصيره

خذ مع الجثمان باقي ذكرياتك
تجربة حبي معك كانت مريرة

يا عدو الحب ركب الحب فاتك
لا تجيب ان طعنتني للحب سيرة

ما يعرف الحب من سوى سواتك
يجهل الاخلاص من ضيّع ضميره

حبك اللي تدعّي هو حب ذاتك
ومن يحب الذات ما يخلص لغيره

غرنّي يا صاحبي ظاهر صفاتك
غلطتي للأسف كانت كبيرة

سعود بن بندر

[الحمدان]

جيت المكان اللي بدأ حبنا فيه
وأمطرته عيوني بدمع الحنيني

وشكيت له قسوتك .. وإنكار ماضيه
يوم العهد .. وأيديك تحضن يديني

تعتب على معذور .. بس الزعل ليه
وأنا أعترفت بغلطتي لك بحيني

لو قلبك أحد قال حبيت ... قلت أيه
شف كيف حبك .. قادر يسود فيني

هذا الدليل .. الساطع اللي لك أبديه
إنك تحكم القلب ... حكمٍ متيني

إلى متى ناوي فؤادي تعنيه
تحرم عيوني منك .. ياشوف عيني

عمري بلا قربك ..وشوفتك مابيه
من دونك الدنيا .. ملل ياضنيني

سعود بن بندر

[الحمدان]

‏ما علي لا كبر ولا صغر سني
‏الوكاد إني كبيرٍ .. فالمبادي

‏ومايهم إن طاب ولا خاب ظني
‏الثقة أهم شيٍ فـ إعتقادي

‏الخطا يالاجودي ماهوب مني
‏وأعتذر لا صار مني لا إرادي

‏وإن نويت تصد عني صد عني
‏والله إن الوضع عادي وإنت عادي

.....

[الحمدان]

‏من يبيعك كيف تبغــى تشتــريه
‏عـزّ نفسك عن دروبـه وعن هـواه

‏لو دواء جرحك تشوفه بيــن يديه
‏الله يغنيّ عن عـلاجه وعــن دواه

.....

[الحمدان]

أدري بيك تحبني ما داعي الكلام
وأدري بدموعك صدك تبچيلي

من تجيلي لا تَكلمني بغرام
وعفيه عوف الشوگ لا تحجيلي

أنا ليلي بلايه واهس ما أنام
شلون لو صرت أنتَ واهَس ليلي

شعر عراقي

[الحمدان]

يا قلب مهمـــا ضاقت الدنيا
لابد مـــــــــا تفرج وانا داري

اهم حاجـــــه بالرضى تحيا
ما خاب من يركن على الباري

سعدالله الجوهري

[الحمدان]

كان تبغالك من الراحه نصيب
اسمع اللي قلت وابشر بالسعد

عش وحيد ومت وحيد وكن غريب
لا تعلق الحياه بـ اي …. احد

المشاكل ماتجي الا من قريب
من حبيب او من صديق او من ولد

هل رايت جروح عيت … لا تتطيب
قالو ان اللي مسببها " محد "

ان لقيت الفرصه اصحى واكون ذيب
وكان تقدر … كن نمر* او كن اسـد

بد نفسك … لا تفكـر فـي حبيـب
انت عيـش … وتنحــرق بلـٰد

احمد فهد البلوي

[الحمدان]

قلت آه وارجلي لوهن بالاوجاد
وجدي عليهن وجد مظمي على بير

ماصونهن لاقيل للربع وراد
لاعاضب المسرى بناخ الدناقير

ياما لويناهن على خرج وشداد
وياما بدن في عاليات المسابير

وياما بداً في راس عرنان من غاد
على ديار مصلحين الخواوير

لوخيروني بين جده وبغداد
والله مارضى بالقوايم مخاسير

معوض بن جويبر البلوي

[الحمدان]

ترا الردي ماله مشاريه وحقوق
ذا سلمنا ومفهومنا اللي فهمنا

مادام عيت نظرته ترتفع فوق
مانلتفت يمه لو انه زهمنا

كانه زعل او رضي ماشي فروق
ولو يوزم القومه ؟ وقفنا

لكن ذاكرته مهمش ومحروق
وعنه الله اكرمنا … وحنا كرمنا

اول غنمنا مالها سعر فالسوق
وهذا مايسوي التاليه من غنمنا

عيد عوده البلوي

[الحمدان]

توافد على صدر الشقى من ثلاث ايام
مطاليع جادل ناهب القلب فارعها

لحمني مثل ماتلحمه دقّت الحام
تباكا العيون ولايع الشوق لاَيعها

تلاحم معاليقي غلا والقلب هيام
تهلّع ضلوعي كلها من تفجعّها

سلطان سلمان المنقره

[الحمدان]

لا تاخذ اوصافي من اللي وصفني
لا تصير كالدربيل كلن يوزنك

برق شوي شف روحك وشفني
لاحد يزيني ولاحد يزينك

انا لامني جيت كلٍ عرفني
وانت تجي وتروح محدٍ درى عنك

ناصر منصور منقره

[الحمدان]

نمشي مع الدنيا على العسر واللين
‏ونصبر على الدنيا ولو هي عسيره

‏ولو دارت الدنيا على السير ماشين
‏نصبر على المقسوم والصبر خيرة

.....

[الحمدان]

راقي بـ أسلوب التعامل مع الـناس
‏من مبتدا المنطق وحب الكرامه

‏أمشى على قانون مبني على ساس
‏المحترم يفرض عليك احترامه

.....

[الحمدان]

رجل تعزه بعد ما تلتقي فيه
ورجل قبل لا تلتقي به تعزه

ورجل ترزه بالمجالس مباديه
ورجل فلوسه بالمجالس ترزه

ورجل يموت ولا يجيبون طاريه
ورجل يجي طاريه في كل حزه

ورجل ضعيف ويستفزه معاديه
ورجل كلام إعداه ما يستفزه

ورجل يهزه بعض موقف ويشقيه
ورجل ما هوب ايات موقف يهزه

ورجل تلزه يعترف لك بخافيه
ورجل على خافيه محدً يلزه

ورجل يوزونه ويزعل بن أخيه
ورجل يزعل من يحاول يوزه

ورجل تكزه لازم إنك توصيه
ورجل بليا ما توصيه كزه

ومن لا فرش للمرجله ماتغطيه
ومن لا يخب الناس محدً يخزه

ابو مالك

[الحمدان]

‏يا سيدي يا صقر نجد العريبين
‏فعلك يصدق ما نطق به لسانك

‏ماهي غريبة، لا ولا . من سنين
‏وانت السناد اللي نِعم به زمانك

‏سيدت رايك بين جمع السلاطين
‏واثبت إن العالم يمشي على شانك

‏كم من زعيمٍ قال وماهم بفاعلين
‏وانت الفعل يسبق حكيك وبيانك

.....

[الحمدان]

‏ترى الكلام اللي مثل قطف الزهر
‏لاقيل عند اللي مايفطن له..ضياع

‏حتـى ولـو إنــه..مثل نبع النهر
‏والا الذ من الوصل بعد انقطاع

‏خله بصدرك..يوم..يومين ودهر
‏ولا تسولف به على الناس الرعاع

‏حسن استماع الناس..للكلمه مهر
‏وماتثمر الكلمه بلا حسن استماع

.....

[الحمدان]

على دروب الغلا ماعاد لك جره
‏وش غير القلب والاحساس يا كافي

‏أسرفت في حبك وبالغت بالمره
‏والظاهر الوقت حاسبني على اسرافي

.....

[الحمدان]

مهما تسوي فالردي من معاريف
ينكر معاريفك تقل ماقد كرمته

هذي طباعهم وهذي السواليف
ياخوك لاتجرب ولا مرة تخلّه

عزّام الجبلي

[الحمدان]

ما عدت اشكي والحشا يلتهب نار
وجرح الخفوق اللي من الهم غاير

جمًلت روحي بالصبر والتصبار
وسويت به من دون ربعي ستاير

أخفي عن الشمات جرحي بالاسرار
والله عليم بجرح يكوي السراير

ما دام جرح الحر يدمي للأحرار
خيطت بيدي الجرح مثل الحراير

.....

[الحمدان]

‏لا صد عنك مــن يساوي حياتك
‏علمه ب انك تعرف تصد ثم صد

‏ومن لا حشم روحك وقلبك وذاتك
‏على مدارى خاطره م انت محتد

.....

[الحمدان]

الله يزيل الضيق عن شاكي الضيق
ويعوّض الضايق سرور وسعاده

ويحقـق الأحلام للناس تحقيق
ويـزوّد الصابر صمود وجلاده

.....

[الحمدان]

مَا يعزك في زمآنك وأنت حي
غير طيبك عند ربعك يَا بعدي

ولآ يذلك في زمآنك غير شي
حآجتك لآ جآت في كف الردي

.....

[الحمدان]

لا تكره الدنيا ولا تلعن الناس
لِلحين فيها ناس مثلك نظيفة

وكانك تفكر وين تقدير الاحساس
غيرك يفكر وين ياكل رغيف

.....

[الحمدان]

ارتاح كانك تبي ترتاح
‏واعصر على الجرح ليمونه

‏علاقه القفل والمفتاح
‏ما هيب ياعلي مضمونه

مدغم ابو شيبه

[الحمدان]

يا رب سهل لي صلاة الجماعه
ومكني من اول صفوف المصلين

الفرض ما ياخذ ولا ربع ساعه
وحنا نجي عجلين ونروح عجلين

.....

[الحمدان]

يالله اللي بك الرزق مقسوم
منك العفو ومنك الرجاء وثباتي

انك تشيل الهم عن كل مهموم
وانك تزين ما باقى من حياتي

......

[الحمدان]

للناس عرضٍ لا تسولف عن العرض
من جاب طاري الناس جابوا بطاريه

والله أحقر رجل ف كوكب الأرض
اللي حكى بأسرار بنت وثقت فيه

.....

[الحمدان]

ما هي رجوله تجرح البنت وتروح
ولا انت بطل لا صرت تجرح بنيه

البنت مثلك يالردي عندها روح
ولا بارك الله بالعقول الرديه

.....

[الحمدان]

‏يا صاحبي والناس فيها وفيها
من يبذل المعروف لابد يلقاه

لا تعطي الحاجه وتسأل عليها
كف الكريم اذا عطت شي تنساه

.....

[الحمدان]

مساء الوفى والمنهج السمح والميثاق
‏مابين القلوب الي تربت على الفطره
‏
‏مساء النسيم الهادئ البارد المنساق
‏لياء حرك الورد وتعانق معه عطره

.....

[الحمدان]

درب جمعنا صار منسي ومهجور
‏ما عاد أنا قلبك ولا أنت لي عين
‏
‏جف السحاب ولا بقى ورد وزهور
‏وأصبحت أنا وياك نمشي بدربين

.....

[الحمدان]

سوالفه حلوة ومليانة إحساس
ومن كثر ماني منسجم ضاع حسي

يقول صدقني معك ناسي الناس
وأنا معه نسيت نفسي بـنفسي

.....

[الحمدان]

لا تعاتب ولا تحزن ولا تعترض
اجتهد لـ الفرح والا بـتبقى حزين

لا حضورك علاج ولا غيابك مرض
عيش عمرك لنفسك وأترك الآخرين

لا تحبّ الحياه أكثر من المفترض
ولا تخاف الفراق وكلّنا راحلين

.....

[الحمدان]

هذا الصحيح الي يعدل الموازين
مالك ومال الناس سارج وهارج

ماني مكلف في جهاد المجانين
أنا مع الصاحين دوب اتخارج

.....

[الحمدان]

‏يالنوم لك حطيت مفـرش ولا جـيت
‏وأتـعبـت راسي بـ أرتـفاع الوسايد

‏وش مزعلك مني عن العين صديت
‏وأنـا السهر ماهـو لــعـيني عــوايد

.....

[الحمدان]

‏صافح وسامح واترك القال والقيل
‏خلك نظيف القلـب والحقد خله

‏وابعد عن اللي ما وراهم محاصيل
‏اهل المعاصـي والدروب المخـله

.....

[الحمدان]

‏تغيّر علي الوقت وأخذني من أقصاي
‏يا وجدي على خبري من أول ويا صبري

‏عسى وضعي المزري يزيّنه الزمان الجاي
‏مابي من عطاه إلا إني أرجع على خبري

سعد بن جدلان رحمه الله

[الحمدان]

‏ماني بماخذ كل شور ولا بسامع كل رأي
المجد للي ما يحسْب حساب عاقبة الأمور

قل للسّنين اللي تراهنّي على كَسرة عصاي
ضربت الأرض إلين ثوَّرت الغبار من الصّدور

أنا على ما تشتهي نفسي ووين ألقى هَواي
محدٍ يحرّك وجهة شراعي على السّبع البُحور

إليا رضيت أطيّر الحاجة وأوصّلها سماي
‏وإليا زعلت أخلّي الحاجة دبورٍ في دبور

مزيد الوسمي

[الحمدان]

‏تعذّر.. لا تعذّر، ما على فعل الجمايل لوم
لك الله ما تنفّست الحياة.. إلا بـ غلطاتك

خطاك أجمل خطا وأعظم خطا للمتعب المهموم
صواب الناس عندي ما يساوي.. ربع زلّاتك

أنا راضي على المقسوم ما يفرق وش المقسوم
شقا؟ هاته، تعب؟ هاته، وهات الضّيقة، وهاتك

محبّة غيرك أوهام وسواليف وهوى مزعوم
ومحبّتك الصحيح وطمعتي نارك وجنّاتك

أنا من قبل أعرفك كنت من حلو الهوى محروم
وأنا اللي من عرفتك ما تعبت إلا لـ مرضاتك

جزاء الغيداني

[الحمدان]

خلوني أقضي باقي العمر سايح
مادام* للعمر المطرّف بواقي

أمشي تحت غرّ المزون الروايح
هذا هواي، ورغبتي، واشتياقي

يرتاح بالي يوم أودّه وأصايح
وأبسط فراشي في مبارك نياقي

أنحاش عن ناسٍ تسوّي الفضايح
عاشت بسوء أخلاق، كذب، ونفاقي

ناسٍ تسرّد للمشاكل شرايح
تثور من بين الأخوان الشقاقي

كل الحياة أحلام والعمْر رايح
طرقي بهالدنيا وغيري طراقي

خلف بن هذال

[الحمدان]

‏بكرة ليا منّك تذكرت واشتقت
بتراجع الذكرى وتبكي عليها

في ساعةٍ فيها تبي تذوق ماذقت
وتشوف عينك ويش شيءٍ يجيها

خسارةٍ تعتاض فيها مع الوقت
‏وخسارةٍ ما عوّض الوقت فيها

عبدالعزيز أبوظهير

[الحمدان]

‏أطهر ثرى فالبسيطة وأوسع رحاب
في شاسع الكون من شرقه لغربه

من كثر ما شرّعَت لـ ضيوفها الباب
ما يشعر المغترب فيها بـ غربة

يا قبلة الكون شعبك ستر وحجاب
رأيتك خضراء ودربك مثل دربه

تطمّني والبسي لـ العزّ جلباب
واستبشري والعبي من باب طربة

حبّات رملك ثمَنها روس وأرقاب
والكل منّا .. دفاع ورأس حربة

كل الأراضي ما غير تراب في تراب
إلا أرضك أنتِ ذهب ماهيب تربة

عبدالله السراهيد

[الحمدان]

‏لَا تُكثِرِ التَّفكِيرَ فِي أَمرٍ مَضَى
مِا دُمتَ فِي بَحرِ المَكَارِمِ تُبحِرُ

وَلتَمضِ فِي دَربِ المَعَالِي بَاسِمَاً
فَالأَرضُ مِن بَعدِ اليَبَابِ سَتُزهِرُ

جمال الحمداء

[الحمدان]

‏علمي عينك .. ونظرتها العميقه
‏لا تموتني .. وانا مفتون واعزل

‏انتي احلى حلم شفته بالحقيقه
‏كيف اشوفك مقبله ولا اتغزل ؟

‏اجمل من الورد واطيب من رحيقه
‏واعظم من الشعر والشعار واجزل

‏للفجر والصبح وانسامه صديقه
‏وللهدوء اللي يضم الليل منزل

‏ودي اخذك لسماء الدنيا دقيقه
‏واخذ القمرا من يديها وننزل


جزاء الغيداني

[الحمدان]

‏غمضي عينك وراسك لا يفارق كتفي
‏من هنا حتى تهبهب نسمة الفجريه

‏يا فؤاد القلب ، يا روح الهوى ، يا نصفي
‏يا مشاعر فرحتي ، يا السيره العطريه

‏يا سبايب قوتي ، يا احلى سبايب ضعفي
‏يالمزوح الرااايقه.. بالساعة الجديه

‏يا البشاير ، يالسعد ، يالفزعه اللي تكفي
‏يا ذعاذيع البراد نهاية الصيفيه

‏يا علاج الراس لا جاه الصداع النصفي
‏يا انشراح الخاطر من الحااله النفسيه

‏يا بخور الصبح ، يا نور الصباح الملفي
‏يا مسايير الحبيب و قهوة العصريه

‏يا القصيد النخبوي من بدعي ومن وصفي
‏يا عيون كتابتي ، يالهاله الشعريه

‏في قدومك كل ما يزعج مزاجي يقفي
‏وكان قفيتي تعود الضيقه الوحشيه

‏اشتكي من دمع عيني واشتكي من نزفي
‏لا لبس يوم التعب .. عباته الليليه

‏تطول يدينه ويركز خنجره في حرفي
‏لين يقبض روحه بصوره شبه وحشيه

‏اسمعي صمت العذاب اللي يقوله عزفي
‏حسي بموت اللحن والنوته الحرفيه

‏دندنه حزن ومساها من عناها مطفي
‏تمشي خطاها على جرة خطى المرثيه

‏واعذريني لو تعدى حد صبري وصفي
‏وسامحيني لو اقول اللي اقوله.. فيه

‏معك راحه ترمي حمول المتاعب خلفي
‏اقربي عسى يدك تشفي جروح يديه

‏وقصي حبال الهجوس اللي تقرب حتفي
‏وعمّري ليل السهر بـ احلامك الورديه


جزاء الغيداني

[الحمدان]

‏يالله الغفران بالعشر التوالي
‏يا عظيمٍ نرتجي عفوه و خيره

‏ظلنا في يوم نحتاج الظلالي
‏يوم ظلّك مالنا مزبان غيره


مساعد الرشيدي رحمه الله

[الحمدان]

‏رجّال ما صلى صلواته الخمس
‏ماهوب حول المرجلة كل أبوها
‏
عبدالله حنيف الشيباني

[الحمدان]

كنت أسري التيه غافل و أستمر الهجير
حتى تمعنت قول الله ألم ترى

كم همت وادي وحثيت القوافي مسير
لين أذنت روحي بتويقت أم القرى

يا رب بين الذنوب و بين صوت الضمير
عبدٍ فرش عتمة الثلث الأخير و سرى

تجري به الروح مايدري لوين المصير
يخاف بكرة يموت ، وما يناظر ورا

آمنت وأنت الغني وأذعنت وأنا الفقير
ياكثر مابعت للشيطان ذنب و شرى

ألبس من الدمع ملبوس الندم واستجير
وأنت أهل للمغفرة تعلم يارب وترى

عبدك ولد عبد ابن آمتك و أنت الكبير
اللي تعبده ملوك وترتجيه أُمرى


شاهر اللغبة

[الحمدان]

‏ياربّ وأشواقي لشوفتك تكبر
‏ياربّ وعيوني لجنّتْك ولهى

‏آنا عجزت القى فدنياي معبر
‏والناس مدري كيف ابرضي زعلها

‏ليلٍ يلم الحلم ويكبّه اغبر
‏وبنتٍ ترجى الصبح يشرق بأملها

‏وش تنفع الرجوى اذا الحظّ مدبر
‏وقلوب خلق الله تضيق بأهلها

‏لي روح من عمق المعاناة تصبر
‏ولأحلام عمري روح مكتوب أجلها

.....

[الحمدان]

طلبتك وانت غفّار الخطايا رازق النشّاد
تفيض برحمتك عاللي هلَك من كثرت ذنوبه

انا ياربّ احبك حبّ مايطري على العبّاد
واخافك خوف لو وزّع على اهل الأرض ماتوا به

.....

[الحمدان]

ملاذي من مقادير الحياة وداري وملجاي
أمامك يُكشف ستاري واقول لدمعتي هلّي

على بابك وقفت ادعيك طالبتك تجيب دْعاي
إليك المشتكى ياربّ في ترحالي وحلّي

اعرفك فاتحٍ بيبان عفوك ما تردّ الجاي
وجيتك راجيه عفوك، اذا ما جيت لك من لي

......

[الحمدان]

‏أتودَّد ضحكتك وأعشق قليلك
‏وأرتمي في رمش عينك وأتقيَّد

‏من صباحك وش خذى طرَّاف ليلك
‏أنت لو سادَ الزعل فيك، متسيَّد

‏يا حبيبي قبل لا تَطْلِق جديلك
‏واحدٍ ما شاف وَجهك لا يعيَّد!

محمد السلطان

[الحمدان]

‏منزالك الأهداب.. يا ناسع الجِيد
‏إليَا تجوَّد كلّ خلٍّ — فـ خلَّه!

‏أساوَم عيونك، وأداريك، وأزيد
‏أمانتك سيف الزعل، لا تسلَّه..

‏مهما تثنَّت في هوَاك العناقيْد
‏أنا أعْرِفك، وأعْرِف هوَاك، ومحلَّه

‏وشلون أساوِي ضحكتك فأوَّل العيد؟
‏وضحكتك أرقّ من أوَّل العيد كلَّه!

محمد السلطان

[الحمدان]

‏افك الستاير و انتظر من ورا الشباك
‏متى الليل يجبر خاطري واكسر سهاده

‏أنا أحق بـ أنسام الهوى من غصون الراك
‏لو أني ما اميل أن هبت النود بزيادة

‏معي بعد هذاك الغياب الطويل ادراك
‏ادراك اللي يدري بـ الخطا كل ماعاده

‏حبيبي من الـ لبيه لا يا عساه فداك
‏ماعندي لك الا قلبٍ بما نبض جاده

‏يناديني النسيان ، و اسمعّه ذكراك
‏على صوت فيروز وعلى القهوة السادة

‏يازين الحظوظ اللي رمتني على مرماك
‏عنودٍ تقود الصيد و اليوم منصاده

‏لا تستغرب اللهفه على ضحكتك و رضاك
‏رضاك السحاب و ضحكتك صوت رعاده

‏تماديت في قلبٍ جبره الحنين و جاك
‏و معجبني انه فيك " مسلوب الإرادة "

‏تمادى علي أكثر ، مادام الغلا ولاّك
‏لك القلب مرتاح و لك الروح منقادة

‏أحبك ، قبل لا أختار في وصلك و فرقاك
‏ولا فيه احد يختار موته و ميلاده

‏وش العيد و ايام الغلا و المطر لولاك ؟
‏يا فرحة ملذات العمر و أجمل أعياده

‏انا لو دريت اني بحبك قبل لا القاك
‏ماعشت آتمنى حظ ليلى و ولادة

‏ولو اني عرفت أسمك قبل طلة محياك
‏نقشت اول حروفه على عنقي قلادة

العنود الواصلية

[الحمدان]

‏قِدْ ضاع في غبْ الوساع المساويد
‏قلبٍ عجز ياصل لـ يابس ضفافك

‏من عقْب ماهو يقطع البيد .. والبيد
‏جفافها ماكنّه الّا جفافك

‏والله لو انّ الراحه فْـ راحة الايد
‏ماشفتني قدامك ، ولا خلافك

‏لكن وش اسوّي بقلبٍ مقيريد
‏يغليك ، وانت لـ دمّ الاجواد سافك

‏متعلّقٍ بين النحر ، واتلع الجيد
‏ولا طرا في باله انّه يعافك

‏تزعل ، وتنضب لا زعلت المواريد
‏على حبيبٍ يرتجيك ، ويخافك

‏وعلى رضى قلبك تفزّ الجراهيد
‏وان لاح برّاق الحيا من رهافك

‏يميل عودك ، واتّدلّى عناقيد
‏ثمرْك .. وآحنّ لـ مواسم قطافك

‏ لا صدفةٍ جابتْك .. ولا مواعيد
‏يبدو لي ان هذا هو آخر مطافك

‏يا سِعد عينٍ تلمحك في ضحى العيد
‏ترفل بنفنوفٍ توشّى عفافك

‏يا موقّف الدنيا ، واهلها على حيد
‏مافيه احد قدْ مرّ جنبك ، وطافك

‏محسود من شافك من بعيد لـ بعيد
‏وشلون عاد اللي من قريب شافك !

فهد العيبان

[الحمدان]

بين طيّات الوجيه الضاحكه والمسفهلّه
ما عرفت أكتم هواي، ولا عرفت أخفي مرادي

مرحبا، ما مالت غصون الشجر وأشتاق ظلّه
للحميميّه تحته، وللقصيد، وللتهادي

بـ القبال اللي تعجز الناس عن خالي محلّه
والحضور اللي بَعدْه حضور خلق الله عادي

تشتهيك الأرض، وغيوم السماء، والكون كلّه
والذهول في وجهٍ أبطى يشتهي طلّتك هادي

في مراتع -معشر الشعّار- ما دوّرت حلّه
قبْل أهيم في لِبّتك وأضيع ما دوّرت وادي

ما على وجه البسيطه بنتٍ تضاهيك لِلّه
قولي لـ من يبغى مثيلك: لا حياة لمن تنادي

جيتي أشهى من كلامٍ ساقه الطاري لـ حلّه
وأشهى من "لبيّه" لامن جاوبت صوت المنادي

تعرف عيونك رهيف الحب فـ الصدر وتدّله
لين بعدك صرت أشوف الغيد باللون الرمادي

أقبلي والريح تجمع شعرك شوي وتفلّه
كم عطى ربي يدين الريح من حظ الأيادي

منتظر مثل الكريم اللي ما ردّه يوم قِلّه
لا معي قلبٍ يبور، ولا معي صبر المهادي

لا انسدل فستانك اللي يعقد الحبل ويحلّه
فوق لينٍ يشتهيه العطر مانيب متحادي

أقبلي والعيد عيدك والشِّعر دقّه وجلّه
معك صار العيد غير وفيك توّ العيد بادي

ماجد النفيعي

[الحمدان]

ضحكتك طفلةٍ تلعب بقلب مهيوب
شبت الجمرتتين وهبت أنفاسها

من ظمأ روحي الوجلا شربت الهبوب
والسراب يحدى الغيمة ونسناسها

أشعب الركب شرق وكل هقوة جنوب
من متى خطوتي ما تتبع إحساسها

و أنتِ يالحسنة اللي بين كل الذنوب
كَلْ حلاج نفسي وأبو نواسها

آتصوف بعيد من الخطايا و أتوب
و آتزندق و أعصر الخِمرة بكاسها

بين جادل ثليل وبين راح مخضوب
هزت الليل عنوة وظفرت راسها

حولت حافية ترقص ما بين القلوب
بنت تقرأ حواميمي ووسواسها

يعتدل كل مايل عند خصر معصوب
وين ما لاعب الذعذاع مياسها

كلما لاح برق من الثنايا جذوب
رحت أراجع يقين النفس و إياسها

أنتشيت آتقهواها منايا و أذوب
ذوبة الحبر والمعنى بقرطاسها

ياحبيبة مجازاتي شروق وغروب
بانوا البدو والديرة بكت ناسها

عمري اللي مضى قبلك ماهو بمحسوب
لو تشد السنين بروح عسّاسها

إيه أحبك لو آحبك نداها طنوب
كلمةٍ ضيعتني داخل أقواسها

ليتني كل ما مريت ذيك الدروب
ما أتتقى عن أسوارك وحرَّاسها

شاهر اللغبة

[الحمدان]

الطموح الأولي مايعرف استسلامي
لا أزال اخطي خُطاي وهامتي مرفوعه

تشهد دروب المشقّة سعيي ودرهامي
-كلّ خطوة سيّرتني للحلم مدفوعه-

كلّما اكبر سنَه تكبر معاي احلامي
حالها حال الفجر ما قد حجبت طلوعه

وانت ياشخصٍ معاه الحلم يصبح سامي
من غلاك الجمّ صاير لإفتقادك لوعه

فيني من الشوق ما يملا فراغ أيامي
تفضح المشتاق لك تنهيدةٍ مسموعه

آتوجّد كلّما لاح السراب لظامي
ياوجودي لا استطبت الحاجه الممنوعه

عن جنون العاطفه صار العقل متعامي
وقلبي اللي بين ضلعيني خرَج عن طوعه

الحبيب اللي يضحّي في سبيل هيامي
كم على باب الرجاوي احتريت رجوعه

آتحلوى كلّ هاجس يجلبه قدّامي
وآتفدّا ضحكته لي وآتفدّا دموعه

يدري اني اكتبه وانه سبب فإلهامي
وادري انه حافظٍ حبّي مابين ضلوعه

.....

[الحمدان]

دارنا دار والعوجا لنا ملّة
والبيارق ترفرف فالسماء العالي

حن هل السيف وأهل الكيف والدلّة
وحن هل الدين من أول ومن تالي

ذا وطننا وحنا ظلنا ظلّه
دون حدّه نحارب كل عَيّالي

ما نعرف التخاذل لا ولا الذلّة
لا دعانا غدينا عيال رجّالي

محمد العجلان

[الحمدان]

‏إليا احتمت مابين دم وذخيرة
على يدين صقورها طارت أرقاب

اخذ الكلام وجاك منّي قصيرِه
من يستفزّ رجالها ياكل تراب

‏‌ عاتقة

[الحمدان]

‏يا مشرّف بي على روس الطوايل
‏العتب كفّى ودمع العين وفّى

‏لاحدٍ منّا على الشّوق يتحايل
‏الغلا لا بان ماعاد يتخفّى

‏كان ماتشفى من الوصل الغلايل
‏لا تساقيني من المُوت المصفّى

‏راثعٍ باللي ورى العوج النّحايل
‏وإن تواجهنا ترحّب وتتحفّى

‏من سعى لرضاك في شتّى الوسايل
‏كفّن آماله على بابك وقفّى

‏ما أنت مثلك فالقديم من الرِّسايل
‏فيك واحد حيّ والثاني توفّى

عبدالعزيز العبلان

[الحمدان]

‏تزعجني افكاري وانا "عبد الحليم"
‏واضدها بـ امر المعين المعتني

‏واتحمل الخافي وانا "عبد العليم"
‏لو انه ارهق روحي وعل بدني

‏ولو تقسي الايام انا "عبد العظيم"
‏اعظم شؤوني للمشيئه تنثني

‏ولو يمتحني جانب "الفقر" اللئيم!
‏ما والله اخافه وانا "عبد الغني"

‏اضرب مخاوف بكره بخوف القديم
‏بني الهدام أخير من هدم البني

جزاء الغيداني

[الحمدان]

‏ما دام إن العمر فاني.. وكل الليالي قصار
‏تعال أقطف زهر عمري ترى ما حول قلبي سور
‏
‏تشوف إن الطريق أطول وأشوف إن الأماني كثار
‏ولا تكفيني الدنيا لو أشرب من هواك بحور

‏وأشوف إن ضحكتك غيثٍ حيَت عقبه صحاري قفار
‏مثل ما الأرض ممطورة ثرى صدري غدا ممطور

‏يطول الدرب أو يقصر معك لين آخر المشوار
‏عيونك قبلة أحلامي ووجهك فالطريق النور

.....

[الحمدان]

‏يا لبيه يا وجه الرضا و الجناب السمح
‏يا عذب الوصوف و شف بالي و ترويقة

‏مضارب رموشك في خفوقي مضارب رمح
‏عليك الله ارفق فـ الخفوق و معاليقه

‏معك لـ القريحة لهفة و لـ المشاعر جمح
‏تهادى ولك عذب القصيد و طواريقه

‏انا اقول عاتبني يا مجمول وأكتب وامّح
‏علي الحرام اني معك ما اعرف الضيقه

عمر الوهيطي

[الحمدان]

ياليت لي جنحان واقدر على الطير
كان ارتميت بحضن غرّ السحايب

تعبت اجامل نفسي بقولة : بْخير
ماطاب حال و قلبي الهشّ طايب

خانتني ظروفي ولا خان تعبير
بعض الحروف احيان تصبح عقايب

كنت احسبه غير البشر واصبح الغير
في قلبي اقرب من عن العين غايب

ما عاد لي نفسٍ صبوره على السير
ولا عاد لي قلبٍ من الحبّ ذايب

كنت انتظر منه التفاته وتقدير
ما كنت اظن جروح هجره عطايب

قولوا له ان فكّر يجيني بتبرير
يرجع يدوّر في غيابه سبايب

لو كلّ شيٍّ بالعمر منكتب خير؟
مصيرها ترجع تدور النوايب

.....

[الحمدان]

أحب الوجيه البيض كره الوجيه السود
ولا احبّ أجامل واكره اللي يجاملني

مواطن لي حدودي مثل ماعليّ حدود
ولايمكن اسمح للخلايق تساهلني

يشوف الضعيّف كل وقفة شرف منقود
وانا ما اشوفه شي من شان يشغلني

ولائي لداري دم ماحتاج فيه شهود
تجاهلت صوت اللي من الناس يجهلني شيء

نِعم بالدول والمملكة ماعليها زود
مع معزّي أطول روسهم مايطاولني

ماوقف مع محمد عشانه من آل سعود
أوقف مع محمد عشانه يمثّلني.

أببقى معه مادمت فوق الثرى موجود
واباعيش اشوفه يوم عن يوم يذهلني

أيمن الرويلي

[الحمدان]

تعرف الليله ان بانت خوافيها
مثل عرف الخسيس فـ مزحه وجدّه

هروجه منه مختلّه معانيها
بيوت مْكسّره وبيوت منهدّه

حروفه ما تثمّن قدر قاريها
وقصيدٍ قيل من فمْه انقلب ضدّه

تغدر الناس من تأمن بـ واليها
تخونك .. كنّها للغدر منحدّه

عبيد فلوس تسترخص مباديها
تبيع شيوخها في ساعة الشدّه

وذليل القوم ما يدري بتاليها
نسف بفعوله الشينه فعل جدّه

تطيب أمّ الشعوب بطيب طاريها
شهادة حقّ فالتاريخ ممتدّه

جعل من خانها واخلف هقاويها
يموت بغيظه ويبقى الغدر حدّه

تعيش المملكه ويعيش راعيها
ويموت الذِّل ودموعه على خدّه
🇸🇦

[الحمدان]

يا نجد مازال الرجا فيك معقود
‏سليلة المجد و وريثة الأئمه

‏من لاحفظ ودّك من البيض والسود
‏جعله مراح مقيط وابوه وامه

‏والله مايلحق عاصب الراي منقود
‏دام العروق الخضر تنضح بدمّه

‏من شاف ضلع طويق فالأرض موجود
‏ماهوب شايف قمة ايڤرست قمه

مزيد الوسمي

[الحمدان]

يا مملكة عبدالعزيز السعودي
‏الحب مايعرف مواطن ولا شيخ

‏عنك وعن تاريخ الأمجاد ذودي
‏مافيه غيرك يكتب المجد تاريخ

‏وعلى مناف العز روحي وعودي
‏لو يزرعون ارضك شباك ومفاخيخ

‏عدوّك المتخفي اللا وجودي
‏ذكر الحرم لأمثاله اشدّ توبيخ

‏إذا النبي موسى من الطور نودي
‏انتي مهابط الانبيا ف التواريخ

‏ما طاولك نصراني ولا يهودي
‏كنتي ولا زلتي عصية شماريخ

مزيد الوسمي

[الحمدان]

السعودية وطنّا الثاني .. ودار الخلافه
‏من قطر ونقولها من طيب والدوحة وطنّا

‏الفخر عهده موثّق والغلا يلغي المسافه
‏حن هل المجد العريق وحن هل السيف المحنا

‏اتحدنا في الشعور اللي ارتوينا من ضفافه
‏كل من ضاقت عليه الارض يفرح لا زبنّا

‏معشر الشعار كلٍ يلزم حدوده وقافه
‏واحدٍ ما يحشم اهل المملكه ماهو بـ منّا

‏علّم اللي يكتب ابياته ويمسحها مخافه
‏إن كتبنا ما مسحنا .. وانشد التاريخ عنّا
‏🇶🇦🇸🇦

حمد البريدي

[الحمدان]

يعيش الزعيم اللي وقف لليمن والشام
‏عطى الشرق الاوسط ثقله وعدّل اوضاعه

‏أمير السلام اللي ليا ساقها قدّام
‏ما يسفك دم الاعزل ولا يلوي ذراعه

‏تشبّث به يدين العرب وامّة الاسلام
‏وحنّا على يمناه بالسمع والطاعه

‏قلبنا ملفات السياسه على الاعلام
‏مثل ما قلبنا ساحة الحرب في ساعه

فارس السميري

[الحمدان]

المجد للشعب السعودي بيت بيت
‏اللي يظلّون الخليج بظلّهم

‏يا سيّدي واحوالنا من يوم جيت
‏تموّت ضعاف النفوس بغلهّم

‏انت أشّر وتبشربنا لو ماحكيت
‏اذا تبي نحتلّهم نحتلّهم

‏نعذرك لو بالشرق الاوسط ما رقيت
‏حثالته والله ماهو يا قلّهم

‏لا يمكن نوقّف ليا منّك مشيت
‏اللي ماهم كفو المعالي خلهم

‏مايعتلينا راس من يوم اعتليت
‏يبغون في عمق الوحل ننزلّهم

‏لو ندري انك بالمسفّه مادريت
‏نحط عاقلهم على منحلّهم

‏لو ينهجى من بينهم واحد هجيت
‏ليه اكتب ابيات الهجاء واجلّهم

‏لاشفت منظرهم من الذل استحيت
‏امفشّل الشعب الكويتي ذلّهم

‏والله لو ان الازمة تخصّ الكويت
‏ماشفت عبّاد الدراهم كلّهم

أيمن الرويلي

[الحمدان]

وطن، آبايعك فخْر ومحبّة وانتماء و شعور
وطن، والقلب من زود الولاء ودّه يفادي لك

واذا قلبك كبير وخاطرك سمح وقبالك نور
من يلوم العرب لو تغتنم وصلك وتاوي لك؟

يحسدك من عجز يوقف مواقيفك كبر وغرور
ورغم ما عشت من أزمات ما وصلوا مواصيلك

تضمّ الشعب ما كنّك من تراب وحدود وسور
ومن افضالك علينا ينحني شعبك لتقبيلك

خضارك لجل رفرفته يموت العسكري مسرور
و يضحّي في سبيل الله لجل تبقى على حيلك

نحنّك من صواديف الحياة اللي تجي بالدّور
و لجل حفنة ترابك وقّفوا دونك رجاجيلك

كبرنا نعشق يباسك وما نرضا عليك الجور
وتربّينا على مْحبّة ضيا صبحك، دجا ليلك

جعل من وحّد ارضك يا وطن في جنّته مأجور
وجعل تسقي قبور اسيادك بفايض هماليلك

تحت ظلّك يعيش الناس راحة من سكن فـ قصور
و جميع الناس لا مرّوك هاموا في تفاصيلك

ياليتك يا وطن حاجة أخبيها عن الجمهور
واضمّك في فضا صدرٍ رغم ضيقاته يشيلك

لو يساق العمر لرضاك ماني بالوفاء مشكور
لو افديك بفؤادي يا وطنّا ماااا يكفّي لك

انا وشلون اردّ افضالك اللي مدّها موفور
وأنا مالي سوى تقديرك وحبّك وتبجيلك

وطن، كل الحروف الأبجدية في حياتي بور
رغم زود الجزاله عاجزه عن وصف حبّي لك

دام عزك يا وطن

[الحمدان]

حادي الصمت ما عندي لصمتي بديل
وأنت ليله تغافلها الجفا مادرت

وين أوديك ياهمٍ بقلبي ثقيل
جعل تسري بك الليله ليا من سرت

أيه خايف على دمعة عيوني تسيل
ماوقدرت أتجاهلها وهي ما أقدرت

كانت أصعب على نفسي من المستحيل
لين سالت على شان الغلا وأعبرت

عزتي تطلب الفرقا بيوم الرحيل
لو جروحي على طول العمر مابرت

جيت عابر سبيل ورحت عابر سبيل
والمحبه ربت في داخلي وأكبرت

أنت ياللي ليا مالت جروحك تميل
الليالي خذت مني وماقصرّت

لا تسولف ترا ليل المفارق طويل
كل كلمه على بالك فبالي طرت

شوف عيني وتلقى للمحبه دليل
مير نفسي لتقليب المواجع ضرت

طوّل الصمت وأربكت الشعور الجميل
قلت أببعد مدام أن الجروح أكثرت

خل دمعك يسولف للموادع ويسيل
ولا أنا دمعتي طاحت وهي مادرت

.....

[الحمدان]

‏ما للنشايب غير فكاك الأنشاب
‏برقع قرانيسك ونوّخ ركايبـك
‏
‏حول عن الطاره وخلك على الباب
‏جا راعي المركاض يا راعي الدبك
‏
‏أنا صريح وذا بلا أبوك يا عقاب
‏ناسبك وضعي عاد وإلا ما ناسبك
‏
‏جاين تبي تطلق بـ وقفتك الأرقاب
‏ووقفتك ما تطلق طليّين من شبك

‏عبدالرحمن بن جزا

[الحمدان]

يا ليلٍ تقلط في عيوني سهر وإسهاد
متى أشوفك تقلط سكون وطمأنينه

الإنسان مهما كان روتينه المعتاد
يكدر عليه أحيان تكرار روتينه

وداع النهار موادع اللي خرج لإجهاد
لا طاح الشفق طيحة عباير محبينه

شعوري وأنا أرفع للفجر صرخة إستنجاد
شعور الصويب اللي فقد نجدة يمينه

هنيي لو أني طير يجوب كل بلاد
تقطع بها أفاق الخضيرا جناحينه

حنين المحب يعيشه طرقة الكداد
لا سافر ترده لهفة الشوق من يحينه

هذا قلبي المنقاد يالعارض المنقاد
لو أنه يعريك فرق حجمه وتكوينه

أمرك وأنا مستبعد فكرة المعواد
ويغلب علي وجه الشبه بينك وبينه

ياغاية مراد اللي يشوفك أحق مراد
والأحق في بسمة شفاته وماء عينه

ملكني غرامك لين صرت أملك إستعداد
أناصر ضحايا الحب، وأفهم مجانينه

أدور لجرحك من يدين الطبيب ضماد
وأثر مايضمد جرحك الا سكاكينه

أنا قبل أعرفك كان قلبي عيوف وصاد
وبعدك ماصرت أعرف غير الله يعينه

لكن الله اللي مكنك والله اللي راد
تخلينه يحب الحياه .. وتخلينه

.....

[الحمدان]

ما يضاهي عزّة النفس في الدنيا غناه
‏عن دروب الذل ياخطوة العز انتحي
‏
‏الردي لو يشري المدح ما يخفى رداه
‏ندري أن ماكل من خاف ربّه ملتحي
‏
‏مشكلتنا كـل مـخـطي نبـرر له خطاه
‏نستحي في وقت فيه العرب ما تستحي

.....

[الحمدان]

تسامي وروحي مالنا ف المحبه دار
ولو قلبك من الحب واضح على عينك

لا تبدين بارسالة محبه وطيش صغار
تشوفين نفسك واثقه بااول سنينك

حذفتي علي من الغلا طير صيد وطار
ولاشاقني بالزين ثغرك وخدينك

تحسبيني اسهل من يراضى بدون اعذار
لا يذبحك تفكيرك عساء ربي يعينك

انا ماني ضعيف يجيب الردى والعار
على شان سود عيونك ومسكت يدينك

وانا ماني من اللي يهتكون عرض الجار
ولاهمني منطوق هرجك ولا زينك

تسامي وصدي خطوتك عن طريق المار
ترا الدرب هذا بالهوى يمكن يهينك

.....

[الحمدان]

لي أيام سارح مايشد إنتباهي شيء
يمر الكلام المختلف كنه العادي

تحاصرني الدنيا وأموري مثل ماهي
الإزعاج يملي مجرياتي وأنا هادي

أحس أني أملك كل حاجه مافيّ يْدي
وأحس أني الخسران من كثرة عنادي

وأحس بشعورٍ مضطرب بين شمس وفي
مع اللي مغربني وأنا أعيش فـ بلادي

يجوز أني أفنى من شعور الوجع والكي
لو أني ما أغني .. كل ماطاب مقعادي

أنا زهمت الشعر مره .. وقال شوي
متى ماتواعدنا يجي حسب ميعادي

حبيبي لا زال يمرني لـ إنعكاسك ضي
مثل مايمر الحسد فـ قلوب حسادي

متى مانتشر ريح المطر في زوايا الحي
يعم السكوت .. ويرتفع صوتك ينادي

متى تخاف ينسى ويتمادى بدرب الغي
يشوفك متى ماشاف نور القمر بادي

مع الشعر لك ميعاد مادام راسي حي
وأنا كل يوم أهيم لي في طرف وادي

.....

[الحمدان]

طويتك حافظة الصفحه ممله والسنين كتاب
كتاب العمر عنوانه نغيب أن ضاقت البقعه

فمان اللي كتب بعد هذا العمر نصير أغراب
ولا به شيء يعطيني على وصلك أبد دفعه

فمان الشوق والذكرى وأماني لمة الأحباب
فمان الله وخذ حبك ما عاد الصدر يتسعه

.....

[الحمدان]

‏تبرّيت من صوتي بعد ماعلي قسّاك
‏ووقفت لا ذاكر دروبي ولا ناسي

‏أعرف أتكلم لين أجي لزعلك ورضاك
‏أشوف الكلام أصغر بواجد من أحساسي

‏وأنا والله أن البسمه اللي تمر شفاك
‏ أدوّر عليها كنّي أدوّر أنفاسي

.....

[الحمدان]

لا توصيني على اللي فات يالعمر المولّي
السنين تدور، والأحداث ماهي مستمره

أتداعى .. لا هدأ روعي ولا عيّنت خلي
وأفهق شماغي، وأجرّ الصوت، وأفك الأزره

ماتنسيني وجيه العابرين الغايب اللي
باقيٍ في عيني طيوفه وفي قلبي مقره

وش عليه أن غره المحبوب وأغراه التغلي
ذاخرٍ له من سنيني عقد، ومن الأرض دره

لي على الأطلال وقفة خاطر ولحظة تجلي
وشرهةٍ كم ضيعتّها الفاتنه، في كل مره

أتطوى بين طيّات الغلا، وأضيع كلي
وأتجرع سكرة العشاق، لين أموت حرَّه

للجديل اللي يحجب الشمس، ترحالي وحلي
سرمديٍ كل مافلّ المساء .. لله دره

لا تزعلك الليال السود يالريم المفلّي
أضحك أنت، وتضحك الأيام وتعود المسره

أن فقدتك في مشاوير السنين البرق، من لي
وأن ذكرتك ماعليّ من الزمن خيره وشرّه

.....

[الحمدان]

حلّيت ليل، وعشت متبعثر شعور
‏ماجيتني عادي ولا رحت عادي

‏تيْه الدروب، أمرها ستة شهور
‏وأوجست بي غربة وطن في بلادي !

‏ماعاد تاسعني من الضيقه صْدور
‏لو كنت أجر خْطاي في كل وادي

‏حبيبي الغايب، سنا كل ديجور
‏في غيبتك دلّ الوهم جوف غادي

.....

[الحمدان]

أنا أدري أن الدمع من محجرك هلّ
لكن كذا الإنسان لا إنهد حيله

إليا ضماك الوقت، من "مشربي" عِلّ
وأن كان ماعَلّ الضما "عزتي له"

قبلك عرفت أن الهواوي ليا مَلّ
دوّر على وجنتين وجديله

حبيت لكن خَطب الأحباب لا جَلّ
ماعاشه الا من رضى بـ القليله

قمرًا، تهدْي بنورها القلب لا ضَلّ
ومابيني وبين السنا .. غير شيله

قلت إسمحي لي، دامنا في كنف ظلّ
أنتي بعد ذنب الليالي .. فضيله

من شفت رمشك قلت يارمشها صلّ
أنا يا لولا الرمش .. ما أذنبت ليله

ومن خطوتك، من لام متني ليا كَلّ
كنها تخطرا فوق جمر المليله

لكن مادام العمر معنا على مَلّ
وأنا سليل أحرار، وأنتي سليله

تدرين وأدري عن عنى القلب لا ذَلّ
وش عاد لا غِلل .. بيشفي غليله

مايبدع الشاعر وهو مافقد خلّ
قفّي .. وأنا إبن الشعر وأنا خليله

ضمن الحلول الواجده مابقى حَلّ
حظ الحظيظ اللي يشوفك حليله

بينك وبين الشعر "يا ليت، يا علّ"
أنتي جميله .. والقصايد جميله

.....

[الحمدان]

هذا الفجر حزنه يشابه لطعم الغياب
اللي بكت به عيوني شوق يوم اذكرك
‏
هذي سنه ماخذه عمري بدون انسياب
والعذر اصعب من اني اختنق واعذرك
‏
وحشتني قد ما كحلي عرَف الانسكاب
و من الغبا ارفضه و من الغلا انطرك

اتجاهلك قد ما اقدر واحسبك للذهاب
والقاك خطوهْ توافيقي لو استحقرك

الجرح من طيبة احساسي تعلّم وطاب
ولا حان وقت "الفجر" اتنفسك وانهرك
‏
الله ياخذني لـ دربك .. بـ رحلة اياب
اظ”لقاك فيها القديم من اولك لاخرك

.....

[الحمدان]

سلمته الروح وأغليته على البده
يرعى مفالي حشاي ويارد عدوده

من كثر ما أتوق له وأغليه وأووده
تنقص مقامات بعض الناس من زوده

.....

[الحمدان]

حاولت اعديها مع الصدر الوسيع
وارسم على وجه الزعل وجه الرضا

لكن بعض الاحيان قلبي مايطيع
بعض الخطا يضيق به وسع الفضا

.....

[الحمدان]

اتركوني في متاهات الحياة اشوالي
وابتسامات المجامل والحقيقة مرّه

جالس مع الناس لكن عالمي بلحالي
غربتي بيني وبيني والبشر منغرّه

يطربون ان جيت اغنّي بالشعر موّالي
ويسحر الاذان صوتي يوم اقوم آجرّه

وابتسم لكنّ في صدري لهيبٍ صالي
المشاعر تايهه والكبد فيها حرّه

ما اهتويت الحزن من فضوه ودمعي سالي
امتلا صدري حزن من كبر ذنب اقرّه

يا اله الكون يارحمن تصلح حالي
واقبل التوبة وانا ذنبي ما عاد آكرّه

وعلّق القلب المعنّى فيك يا متعالي
واقبل التوبة وانا ماعيدها بالمرّه

شبيه السيل

[الحمدان]

ياطير، شارب من عنا الوقت كاسه
ولاني هذاك اللي من أول قوي باس

ياطير، تحتاج السياسه سياسه
وأنا بسيط أنقى من الميّ بالكاس

عيا يجي حظي بـ لين وسلاسه
وعجزت أنام إليا لحق عيني نْعاس

وعجزت هذا الوقت لا أعرف مقاسه
وفي راسي من الشكّ ألفين وسواس

.....

[الحمدان]

‏الوعد لاوقفنا يوم عرض الصحايف
‏واحدٍ في ظلال،وواحدً في مليله

‏يوم تلقى كفوفك من ذنوبك غرايف
‏يوم كلٍ يشيل اللي فعل في شليله

‏يوم تشهد علينا يابسات الشفايف
‏يوم حتى البهايم ما تجنّت تشيله

‏كل رمحٍ ركزته بالضلوع الرهايف
‏كل حلمٍ هدمته..له عيونٍ تخيله

‏كل ليلٍ رقدنا..بالعيون الذرايف
‏كل غيضٍ كظمنا بالضلوع النحيله

‏كل همٍ تهامى بالليال العجايف
‏كل حزنٍ تنامى،كل ليله طويله

‏كل كلمه بلعنا شرّها بالكلايف
‏جعلها بالصحايف عند ربي ثقيله

.....

[الحمدان]

‏يمر الكلام وتستفز الركاب البيد
‏وأشوف أنك أعذب من هواي ومشاويري

‏يا أبو ضحكةٍ مسروقه من ليال العيد
‏أنا مستحيل أستوعب أنك لأحد غيري

......

[الحمدان]

‏ تذكّرتك وأنا لا زال في قلبي حنين وخوف
‏تصاغرت السنين وما تجيب ولا تصاغرتك

‏تعوّدت أني أكون الغريب اللي عليه ظروف
‏لأنك أرض، وظروفي تخون الأرض غادرتك

‏على كثر الوجيه اللي تمر ولا تزل الشوف
‏إلى مروا تذكّرتك، وإلى غابوا تذكّرتك

.....

[الحمدان]

‏كفكفي دمع المحاجر .. على فوح الزهر
‏ما يحسك من صدوف الدهر جعله فداك

‏لو نضمت سنين عمري على جيدك مهر
‏ما تساوي دمع عينك .. ولا ضحكة شفاك

.....

[الحمدان]

‏فيني من التفكيَر مايربكنيّ
‏عّن ما تخبي مقبَلات سنيني

‏خايف واحَس اني ماعاد امّلكني
‏كل مّ ضحكت دنياي رحَت ابكيني

‏لان الليَالي كل ما تضحّكني
‏لازم تطلع ضحّكتي من عيَني

.....

[الحمدان]

راح ليل، ولاح فجر، وحرّك الشوق الحنايا
‏والهوى مثل الأسير اللي مايدري وش مصيره

‏ودي أصافح يد الفرحه وأبادلها التحايا
‏واأتجح مثل الأمير اللي خطب ودّ الأميره

‏وأتفقّد نور وجهك في الدروب وفي الزوايا
‏وألمحه في كل عفريّه وريمٍ مستذيره

‏وش يفيد الشوق لو مايكسي قلوب العرايا ؟
‏وش يفيد النور لو ينقاد لـ العين الضريره ؟

‏أنتي أسمى من هوى النزوه وأعزّ من الحمايا
‏في عيون الفارس اللي سلّ سيفه من جفيره

‏وأن ظفرت بـ بقبلةٍ من ثغر معسول الشفايا
‏ليه لا ؟ وأنا الكبير اللي طموحاته كبيره !

‏بين عذبات الوصوف وبين ترفات الصبايا
‏شفت في وجهك ملامح سكرة الموت الأخيره

‏وأن تمعّنت التفاصيل الصغيره والحلايا
‏ضعت مابين الحلايا والتفاصيل الصغيره

‏في عيونك مايورّد عاشقك حوض المنايا
‏وفي قصيدي مايغيّر خارطة شبه الجزيره

‏غبتي وباقي لك بـ صدري من اللهفه بقايا
‏ياسرابٍ ماتت أحلامي على رجوى غديره

‏لو ماتلهمني الصبر ذيك الرسايل والهدايا
‏مت حزن، ومت شوق، ومت غبن، ومت غيره

.....

[الحمدان]

‏عداك الملام وشرهة الولف يا نزّاح
‏عن دياري اللي منت بأول خسايرها

‏تبعت السراب الين سلمك للمرواح
‏ولديت .. وعيوني تزوّر عبايرها

‏قنعت وتركتك للزمن والزمن فضّاح
‏على مهله اسرار المخاليق يظهرها

‏بقى لك معي ذكرى ليا غمّض المرتاح
‏تمشط بقايا كبدي بروس أظافرها

.....

[الحمدان]

‏الوقت يكشف لك وجوه الخسيسين
‏بالذات ابو وجهين لو قال ما قال

‏وإذا تبي تعرف صفات الخبيثين
‏راقب وشوف اقوالهم عكس الافعال

‏ناسٍ على جلب المشاكل حريصين
‏تلعب على الحبلين بأسلوب دجّال

‏وفوق الرزاله والخساسه غثيثين
‏فيهم صفات ابليس في زول رجّال

.....

[الحمدان]

‏لا تعقد حجاجك ولا تقعد تلوم
‏اللي ما ودك تمدحه لا تسبه

‏حب اللي بدنياك ما ودك يدوم
‏اللي تبيه يدوم لك لا تحبه

.....

[الحمدان]

‏الله يرحم زمان الطيب والخوه
‏تروح من طيب، وتلفي على طيب

‏الطيب، من بعدهم تمثيل ومشوه
‏راح الوفا،مع زمنهم والدهر شيب

.....

[الحمدان]

‏لا شفت عندي نقص ولا بي عيوب
‏ما فيه داعي كل هالناس تدري

‏بدال ما تفضحني وتكسب ذنوب
‏تعال علمني بها وأكسب أجري

.....

[الحمدان]

‏اعلم بان العمر ينقص ما يزود
‏والي يفوتك منه صعب ترجعه

‏لا تنظر لماضيك لانه مايعود
‏فكر بحاظرك الجديد وسنعه

.....

[الحمدان]

‏اقرب فديتك واترك العذر بعدين
‏وهات الكلام إللي على القلب محلاه

‏تدري حبيبي صورتك تسعد العين
‏حتى القمر لا شافها قال ويلاه

.....

[الحمدان]

‏عن المجامل وكسب الناس ورضاها
‏رضا ضميري على نفسي مكفيني

‏العمر يسلب من الدنيا مزاياها
‏ورغباتي تقل كل ما زادت سنيني

‏أشيـــاء يا كثرها كنت اتمناها
‏الحين ما عاد تسوى شي في عيني

.....

[الحمدان]

حتى الكلام الزين حظ وتوافيق
ماكل واحد في كلامه موفق

احدٍ كلامه بلسمً للمعاليق
ماله شبيه إلا العسل لا تدفق

وحدٍ كلامه يفتق الكبد تفتيق
إن كان قوله حق وإلا ملفق

.....

[الحمدان]

بين صدّفه جَابها العُمر و وداعٍ بـ أختياريّ
‏ما عرف قلبي يطيع الواقع أو يرضي ضميره

‏كنت اظن إن مرّت الأيام بـ يجف أنتظاري
‏ما هقيت إن الأمل يستمطر إليا جفّ بيره

‏كيف صارت وَحشة الغربه تغنّي في دياريّ
‏ذبلت أنوار الشوارع و انطفت شِبه الجزيرة

‏وديّ اقسى ودي انسى ودي ارسى في مساري
‏و أمسك يدين اليِقين اللي تخافه كل حِيره

.....

[الحمدان]

من تركنا ساعه الحاجه وقفى
لايجي لاصارت الدنيا عوافي

بيض الله وجه من كفئ ووفى
الرفيق اللي مع الصدقان وافي

د. ماجد عبدالله

[الحمدان]

‏ما فيه داعي لـ الزعل والإنفعال
‏ومجادل الجاهل وكثر اللجلجه

‏خلك على ما قيل شيّال الثقال
‏ومن يبي يزعجك صمتك يزعجه

.....

[الحمدان]

‏اللي يضر الناس بتضره الناس
‏واللي يسوي الخير مردود خيره

‏ طبع الزمن دوار والعرق دساس
‏وكلن على طبعه يرده مصيره

.....

[الحمدان]

‏لصبحت في صحه وربـك معافيك
لا تشتكي مـادام مـسـتـور حـالـك

رزقٍ يـسـد الـحـال لـو قـل يكفيك
خلك عزيز النفس لايضيق بالك

ولا تجعـل الدنيا تـصـدك وتغـويك
عـن ديـنـك اللي يعتبر راس مـالـك

واطلب كريمٍ عنده الخير يعطيك
الـواحـد الـلي مـايخـيـّب سـؤالـك

.....

[الحمدان]

تضيق الاماكن لا استضاقت قلوب الناس
مثل ما استضاق البيت يومه خلا منَّه

تمنّن علي في جيته وانتخى الاحساس
يلوذ الشعور ان جات الاشياء على ظنَّه

لو اني تمنّنت وسقيته بنفس الكاس
يخوفني الحبّ ان غدا فـ آخره مِنَّه

تحمَّلت ما لايدركه قلبه الحسَّاس
أحنَّه، لو ان قلبي من الهجر ما حنَّه

تطيح الدموع ان زارني طيفه العسَّاس
واحسّه يلبّي داعي الشوق ويكنَّه

وأنا مع جروح البارحه كلّنا جِلَّاس
نعزّي بعض في قلب محدٍ درى عنَّه

صداع الفؤاد اقسى ألم من صداع الراس
اثر لا الألم واحد … ولا الونَّه الونَّه

وانا لو شكيت الحظ ما قد شكيت الباس
ولا قد سكبت الماء على نار "يمكنَّه"

حبيب الليال السود ماذاق طعم الياس
مأمّل على نار الهجر تنقلب جنَّه

واذا يعرف الهجر الصريح و رجع محتاس
أعرف الغياب وأعرف آصدّ ممتنَّه

.....

[الحمدان]

معي حلمٍ تعثرت بـ طرفْه وطحت
أنا ما اخترت اعيشه .. والله اللي اختار

-ثلاث سنين- ماعمري شكيت وبحت
وسعيت بقلب ما هدّه عنا التكرار

جعل تفداك يا حلمٍ عشانه صحت
دموعٍ عشت احايلها بشقى الاعذار

أبي عقب العنا اقدر اقول ارتحت
ولا ينقال عانت وفشلت باصرار

مصير الوقت ينشد يوم كيف اصبحت
واردّ الصوت والضحكة تَعمْر الدار

.....

[الحمدان]

‏ما كلَّفك تسأل علي يومك رحلت
‏حتى الغريب لجرحي الدامي فطن

‏ضاقت معاذيرك على القلب وسألت
‏وش ذنب قلبي يومه اختارك وطن؟

‏الحزن حلَّ بخاطري يوم استحلْت
‏من رحت والضيقات فالصدر قلطن

‏لا هزِّك الشوق وتحسّفت وخجلت
‏شوف الليالي وش عطيت ووش عطن

.....

[الحمدان]

‏والله لو لا الحسد بين القرايب
ما اظن رفعت فالمحاكم قضيّه

والله لو لا الغيبه ام المصايب
والنمّه إنهم في حياةٍ هنيّه

والله لو خلوا كلام الزلايب
إن الغلا في زود صبح وعشيّه

والله لو طاعوا فيهمٍ وشايب
إن المحبه بينهم سرمديّه

لكن عساهم يتركون النشايب
ويتعاملون بصدق واخلاص نيّه

.....

[الحمدان]

رفيقي اواصله وانشد عن علومه
‏وإلى سبقني بها جعله على القوّ

‏على النقا والثقه ماهيب معدومه
‏نعرف حقوق الخوي ونقدّر الخوّه

.....

[الحمدان]

من لا يودّك لا تبيّن لـه الـودّ
‏مودةٍ بالكـذب ماهي مـودّه

‏وحبل الريا والكذب لو كان يمتدّ
‏دايم قصير حبال مهما تمـدّه

‏وشيٍ بني بالكذب مبناه ينهـدّ
‏دورات الأشهر والليالي تهـدّه

.....

[الحمدان]

ابوك لاتجحد جميله وتنساه
هو الذي رباك واعطاك خيره

اطلب عسى ربك يعزه ويحماه
مالك محب ٍ يسعد القلب غيره

بعد الولي ماكنت موجود لولاه
يتعب على شانك ويسْهَر نظيره

وليا بدالك حاجةٍ دوم تنصاه
تلقاه عونك بالليال العسيره

.....

[الحمدان]

تخسر صديق ولا تعوَض بداله
من شان كلمه ضايعه مالها ساس

أخطيت في حقه وضيقة باله
ولا كنت ترعى. للمشاعر والأحساس

تصرفك خاطئ وفعلك جهاله
ليتك عفوت. ولك. معزه ونوماس

وذكرت لأيام الوفا. والجماله
اللي لكم فيها وناسه ومجلاس

.....

[الحمدان]

️ياصاحبَ الحوض إنّ الروح ظامئةٌ
لشـربةٍ مـن ندى كفيكَ تسقيهـا

️تقطّعت بنا حبالُ الصبر في شغفٍ
والنفس فيها من الأيام ما فيها

️لولاك لم ندرِ ما تعني الحياةُ لنا
يا رحمةً من إلَـٰه الكون مهديها

️صَلَّى عَلَيكَ إِلَـٰهي كلّما نبضت
بيضُ القلوب تناجي لُطف واليهـا

صلوا عليه وسلموا تسلِيِّمَا
صل الله عليه وسلم

[الحمدان]

حرفي امامك.. ينحني اجلالا
من نور وجهك يستزيد جمالا

يا خير من... وطئ الاديم برجله
وبه المحاسن تستزيد كمالا

لله درك..... يا ابن اشرف منسبٍ
من بطن مكة للانام مثالا

ياابن الاكارم ليس مثلك في الورى
من ولد ادام هيبةً وجلالا

اشعلت........ من زيتونةٍ شرقية
قبساً اضاء الكون حين تعالا

ما كنت الا...... رحمة يا سيدي
لتزيل عن اعناقنا اغلالا

صلت عليك..... الكائنات وسلمت
يرجون من طه النبي وصالا

وعليك من صلوات ربي.... وابلٌ
ما دام يطلع في السماء هلالا
ﷺ

[الحمدان]

‏تعال ابوسك والّتوي فيك واذوب
واشم عطرك وارتوي من حنانك

سلبت عقلي شوفني شخص مسلوب
فاقد حلو صوتك وضمة كيانك

.....

[الحمدان]

يابو عيونٍ بخمر الـحب سكرانه
‏يا جرح كبدي عليك ويافري جيبي
‏
‏دامت حياتي وموتي عندك ارهانه
‏اريحلي الموت من قهري وتعذيبي
‏
‏اقضي علي واركزي فالقبر ريحانه
‏ولّا انقضي يـا جميله ما عملتيبي
‏
‏ولّا اوقفي وقـفة الـوافي لديــّانـه
‏وعاملك لين نمشط روسـنا شيبي
‏‌

سعد بن جدلان رحمه الله