اخترنا لكم شعر نبطي وفصيح

[الحمدان]

‏الله عليـك شـلون فيني تكــوّنـت
‏سوّيت فيني شي ما كان فينـي

‏ولخاطرك ما أشوف بالناس إلا أنت
‏يا إحساس يكبر كل لحظه بعـيني

.....

[الحمدان]

عسى تالي الايام للصابرين إفراج
ويالله على من ضاق صدره تفرجها

انا ماني لغير الله بفزعته محتاج
هو اللي خلق خلقه ويقضي حوايجها

.....

[الحمدان]

لا بلاك الله بشخصٍ مثل ساعي البريد
ما معه لا جاك شغله سوى نقل الكلام

معرفتكم خلها من بعيد الى بعيد
ما اتعدّا كيف حالك عسى امورك تمام

.....

[الحمدان]

ما لعب في حسبة اشواق الوصل غير المكابر
‏فوضيني فالشعور اللي يخليني مفوض

‏عادي أبقى في عيون الناس مثل الناس عابر
‏المهم إني في عينك شي لا يمكن يعوض

.....

[حسن بن عبدالله]

أخي العزيز الحمدان
شكرا لك على هذه التواجد الفعال
والمشاركات النافعه والمفيده
فبارك الله فيك وجزاك الله خير

[الحمدان]

أخي العزيز الحمدان
شكرا لك على هذه التواجد الفعال
والمشاركات النافعه والمفيده
فبارك الله فيك وجزاك الله خير


اخي الغالي وميرنا الرائع أبو حوفان
اشكرك جزيل الشكر لتعقيبه الجميل
وفقك الله لكل خير وبارك فيك

[الحمدان]

صبرك على جمرت معاديك منقود
‏وصبرك على جمرت قريبك شجاعه

‏لو هي على قول العرب علة كبود
‏اهون ولا نار الجفاء والقطاعه

.....

[الحمدان]

تدري وش اللي غيّر الناس يا فلان
‏شرع المصالح وانعدام الصراحه

‏صرنا نجامل بالخطا كل غلطان
‏لين اكثر الغلطات صارت مباحه

‏نمدح كلام فلان من دون برهان
‏وفلان نجرح بالتجاهل نجاحه

.....

[الحمدان]

تدري وش اللي غيّر الناس يا فلان
‏شرع المصالح وانعدام الصراحه

‏صرنا نجامل بالخطا كل غلطان
‏لين اكثر الغلطات صارت مباحه

‏نمدح كلام فلان من دون برهان
‏وفلان نجرح بالتجاهل نجاحه

.....

[الحمدان]

تنَفَّسَ الصُّبحُ بالآمالِ يسكُبُها
في موكبِ السُّحبِ كلُّ الناسِ مُبتَسِمَةْ

أما ترى القَطرَ من شَوقِ الوصالِ هَمَى
يُقَبِّلُ الأرضَ والأشواقُ مُرتَسِمَةْ

.....

[الحمدان]

مكارم النفس بالأخلاق مغروسه
وهبه مع الآدمي سبحان واهبها

لو يشتريها غني المال بفلوسه
ما كان شفنا فقير الحال كاسبها

.....

[الحمدان]

عَلى مَاذا اتفَقنَا يا فُؤادِي
إذا ضاقَتْ علَيك فَمَنْ تُنادِي

تُنادِيْ اللهَ خَلّاقَ البَرايَا
تُنادِيْ مَنْ يُنادِي يا عِبِادِيْ

.....

[الحمدان]

هذي هـي الدنيـا من الباب للباب
وعن القدر يا ناس مـابــه مفـره

جينا عليها أغراب و بنروح أغراب
ويا بخت منهو يكفـي الناس شره

.....

[الحمدان]

تعكر الجو من بعد إحتمال الصفاء
ضاع الوفاء والزمان اقفا علىٰ المعرفه

والود بدل ثيابه من ثياب الجفاء
ومن تخفىٰ يبان الطبع في موقفه

وصاحب الوجه ما بدل بوجهه قفا
دايم علىٰ العهد وايام الزمن تنصفه

الطيب بالطيب يبقىٰ والوفاء بالوفاء
والمعرفة بحر واجواد العرب تغرفه

.....

[الحمدان]

يا قلب لا تتعب من هموم الايام
خابرك يا قلبي تشيل الثقيله

ياما عطاك الوقت من همه اكوام
ومحد درى عن همك اللي تشيله

.....

[الحمدان]

ياوقـت لا تبحـث خفـايا المخاليق
مـا عـاد نبغى مـنـك غـير السلامه

انا السعيد اللي ملا صدره الضيق
وانا الحزيـن اللي بـكى بـ بتسامه

.....

[الحمدان]

على بساط الليل نسري بالأحلام
‏ونسامر نجوم السما بالأماني

.....

[الحمدان]

‏في هالزمن مـ أحتاج سيفٍ ولا رمـح
‏والهــرج واجـد بـس ماني براعيــــه

‏'بقلوبنــا فطنــه' و لبصــارنا لمــح
‏وتــرا البنـادم حوبته مــن مساعيــه

‏من طيـب نيتنا ومن طبعنا السمــح
‏بعض الكـــلام يمــر ما نلتفت فيــه

.....

[الحمدان]

‏يا راحلاً وجميل الصبر يتبعهُ
هل من سبيلٍ إلى لقياك يتفقُ

ما أنصفتكَ جفوني وهي دامعةُ
ولا وفَى لك قلبي وهو يحترقُ

.....

[الحمدان]

بُليت بإبليس ونفسي والهوى
‏كيفَ النجاةُ وكلهم أعدائي

.....

[الحمدان]

بعض العرب في زين الاخلاق فارق
والله عطاه من الخلايق محبه

مثل الصباح اللي به النور شارق
يعجبك في طبعه وكلٍ يحبه

وبعض العرب في جو الاوهام غارق
وقته يروح وغافلٍ ما تنبّه

ما يدري أنه عن حياته مفارق
ولابد من فرقى لمن هو يحبه

.....

[الحمدان]

مابين صدري والمقابر علاقات
بالاسم والمعنى ودفن الضحيه

الفرق بن المقبره تحضن اموات
وانا دفنت اشياء بالصدر حيه

دفنت حبك عن هروج السخافات
ودفنت شوقي عن عيون البريه

ودفنت في صدري غرابيل واهات
واسرار نفسِ من زمنها شقيه

امنتك اللّه يابعد راس الابيات
ياملهم قافي صباح وعشيه

ان حل بي طاريك وقفت بسكات
وان زارني طيفك عطيته تحيه

من زود حبك ماحسبت المسافات
ومن زود شوقي ماتهم المنيه

مدري علام القلب يهواك بالذات
وعروق شوقه بارض حبك نديه

يمكن لانك كنت اول بدايات
حبه وانا مديت به لك هديه

فتى الجوف

[الحمدان]

يقول محمد بن فطيس

كن العيون من النظر عقبك ايتام
وكنّي ماريت الا انت من يوم ريتك

وكنك معي وانا فقدت من أعوام
مع الخيال ألقاك كنّي لقيتك

[الحمدان]

‏علّـموه إن القدر ماهو عناديّ
‏ميـر مانملك على ماصار حيله

‏المحبه كنها حرب وجهاديّ
‏فالغياب أنا معك راعي طويله

.....

[الحمدان]

نطوي سنه مرت بها ضيق وافراح
‏ونبدي سنه فيها العلوم السعـيده

‏يالله تجعل مامضى العام ينزاح
‏ونلقى السعاده في سـنتنا الجديده

.....

[الحمدان]

عامٍ رحل مسرع مثل سرعة الطير
‏يالله ترحم ميت الناس والحي

‏وتجعل خواتيم العمل كلها خير
‏وحسناتنا يا رب تقضي على السي

.....

[الحمدان]

‏بين عامٍ يروح وبين عامٍ يجينا
ياالله انك تجملنا بحسن الختام

يوم نرحل من الدنيا ويبكي علينا
كل غالي عزيز و كل راعي مقام

فايز المنصوري

[الحمدان]

طاعتك لله هي ساس السعادة
في عبادة ربك احذر لا اتساهل

ما لقيت اللذّه الا فالعبادة
وما لقيت الراحه الا فالتجاهل

.....

[الحمدان]

تبين الرجال ونعرف ان الضعوف ضعوف
‏ولا يكشف المعدن سوى الماقف الحساس

‏عسى الله يبيض وجه من يفعل المعروف
‏سوى انه ولد عم وسوى انه من اقصى الناس

.....

[الحمدان]

‏تكفون يالي في سميه تنادون
‏تكفون يكفي ما بقلبي مكفيه

‏ادق لي رقم وراعيه مدفون
‏حسبت جواله ليا دق يوحيه

.....

[الحمدان]

كثر التغلي ما يخليك غالي
‏وكثر الزعل يملل الناس منك

.....

[الحمدان]

ابوك في صغرك على العز رباك
‏على امل توفي له الدين كله

‏ان كان ما رديت له بعض ماجاك
‏على الاقل في سمعتك لا تذله

.....

[الحمدان]

لو ان الليالي تعطي الضايق المحروم
‏ما شفت الليالي لا بغينا الهنا عيت

‏عليها السلام ليا ادبرت والشقا مقسوم
‏تضيق الصدور ولا يرد العزا ميت

.....

[الحمدان]

عسفت الصعايب لين راحت وجيه عداي
‏من الغبن يسفي فوق هاماتها السافي

‏نجاحي مكفّي عن تعب رمحي وشلفاي
‏كشف لي من الكذاب والصاحب الوافي

‏تراكيت يوم الناس بانت على مركاي
‏ولا عاد به شيٍ مغطّى ولا خافي

‏هل الطيب والمعروف شفهم على يمناي
‏وهل الخبث وعلوم الردى شفهم خلافي

.....

[الحمدان]

مالك من ايامك الا صالح اعمالك
‏والا انت جثّه واعز الناس يدفنها

.....

[الحمدان]

يا قلبّي المسكين أسمعني وطيع
‏الحب دربه مرّ ولو قالو حلو
‏
‏محد لحد لا تتبع أوهامك تضيع
‏يا كثرهم قالو نحبّك وأرحلو

.....

[حسن بن عبدالله]

أخي العزيز الحمدان
شكرا لك على هذه التواجد الفعال
والمشاركات النافعه والمفيده
فبارك الله فيك وجزاك الله خير

[الحمدان]

أخي العزيز الحمدان
شكرا لك على هذه التواجد الفعال
والمشاركات النافعه والمفيده
فبارك الله فيك وجزاك الله خير




ارحب اخي الغالي ومديرنا الرائع
ابو حوفان
اشكرك جزيل الشكر لتعقيبك المميز
لك مني أجمل تحية وتقدير لا عدمتك

[الحمدان]

لاستانس الخافق ذكر من يحبه
ورجع يراجع فى الوناسات ما فات

يا مرتع القلب الحزين ومربّه
يزين بك مثل الذهب صدر الابيات

هيهات ينسى القلب شخصٍ يحبه
وهيهات يدله خاطري منك هيهات

ونبع الغلا عندك وعندي مصبه
ومن الوله في خافقي لك ولايات

محمد بن فطيس

[الحمدان]

عسى المطر يغسل قلوب المخاليق
من همّها من غمّها من كدرها

ويمطر على اللي فالقبور المغاليق
من مزنةٍ يسبق بردها رعدها

.....

[الحمدان]

لا شفت أحد طاح لا ترمي سكاكينك
‏الوقت دوّار لا تشمت ولا تضحك
‏
‏بكرة إذا طحت والدمعة ملت عينك
‏بتشوف منهو يجي يضحك على جرحك

.....

[الحمدان]

لا تخذل الي علق اماله .. عليك
‏خلك .. على قد الهقاوي والثقه
‏
‏انت الوحيد الي بعد ربي اجيك
‏اذا شعرت ب ضيق ولا ب غلقه

.....

[الحمدان]

لاطارت العجه بريش العصافير
‏وصارت على ميراد الامثال لمّه

‏وفاضة على الساحه علوم المشاوير
‏لا تخطي اعلوم العجاج وتخمّه

.....

[الحمدان]

من عطاه الله محبة فـ القلوب
‏أشهد أن الله معطيه .. الكثير

‏جعلني لاجيت للناس محبوب
‏وجعلني لاغبت .. مذكورٍ بخير

.....

[الحمدان]

لي صاحبٍ ماهو يقدر ب الاثمان
‏وفي كل موقف طيب ينشاف بدري

‏اجيه واخطي خاطره بعض الاحيان
‏وازل .. وان زليت ما طاح قدري

‏واحتاج واهوجس واغطرف بالالحان
‏واليا درى ما والله يضيق . . صدري

‏يخلص الشغله والى قلت يا فلان
‏من اللي خلص شغلتي قال مدري

.....

[الحمدان]

تنشد عن الأحوال يسرك الحال
أرجو كريمٍ ما لنا رب غيره

وينك وذكراك ما غابت عن البال
من بعدكم مرّت أمورٍ كثيره

سؤال جاني طاريٍ وسط الآمال
من هو عشيرك في بقايا المسيره

وش صار بضحكاتك وسهرٍ لنا طال
يوم إني أشوفك في دروبي أميره

.....

[الحمدان]

‏يا رب تجعل حاجتي منك وإليك
يا خالقٍ سبع السموات والأرض

يا مصرف الاكوان والرزق بيديك
يا من جعلت الخمس في ديننا فرض

يا واحدن ما خاب من كان يرجيك
يا رب تستر حالنا ساعة العرض

لا جا نهارن فيه كل الرجا فيك
ولا فيه بالأعمال سلفه ولا قرض

[الحمدان]

‏لا تحط راي الناس فالناس مقياس
‏ما يسلم من الناس حتى المسالم

‏بتعرف قصدي لا لحق حالك الباس
‏ثم حطك الله علكه بضرس ظالم

لا تقول مافي قلبهم ذرة احساس
قبلك قد انظلموا من الناس عالم

‏ما قصر التاريخ في ظلم جساس
‏وجساس كان اكرم من الزير سالم

.....

[الحمدان]

يا حامِلَ الهَمِّ هَذا الهَمُّ مَنزوحُ
أبشِر بِخَيرٍ فَبابُ الله مَفتوحُ

فَارفع يَديكَ إلى الرحمنِ مرتجيا
‏فَكُلُّ بابٍ سِوى الرَّحمنِ مَطروحُ

.....

[حسن بن عبدالله]

أخي العزيز الحمدان
شكرا لك على هذه التواجد الفعال
والمشاركات النافعه والمفيده
فبارك الله فيك وجزاك الله خير

[الحمدان]

أخي العزيز الحمدان
شكرا لك على هذه التواجد الفعال
والمشاركات النافعه والمفيده
فبارك الله فيك وجزاك الله خير



اخي الغالي ومديرنا الرائع
ابو حوفان
اشكرك جزيل الشكر لتعقيبك الجميل
لك مني أجمل تحية وتقدير لا عدمتك

[الحمدان]

لنا الله يا دنيا بها الضيق والتعب
تزايد علا صدري وحرك مواكبه

لنا الله يا خيبت املنا في الصحب
ومن ضن خايب خاب في وقت نايبه

لنا الله يانفسي لنا فارج الكرب
لنا الله بعد اسنين واظنون خايبه

عليا الحرام ان الشنب دايما شنب
ولا يختلف عن بند سنه وصايبه

ولا يقتلب طبعه ولو وقته اقتلب
ومبداه ثابت مايغير جوانبه

وذاك المثل ذا قالها صح ما كذب
له العار من فلت رفيقه وصاحبه

.....

[الحمدان]

‏اروع شعور انك تولع بمخلوق
‏تنسئ بحبه حب كل الخلايق

‏تلغي حقوق وتخترع لجله حقوق
‏ولو يطلبك روحك تجيه بدقايق

.....

[الحمدان]

‏لا تعترض للي طريقه مجنبك
‏ولا تترك اللي فالشدايد يخاويك

‏وإعرف مواجيب العرب قبل واجبك
‏إن كان عقلك في حياتك يقديك

.....

[الحمدان]

لا تعلمنا عن اللي هرج فينا وقال
‏اعتبرنا لين هالحين ماندري عنْه

‏لو نبا ندنق على الطايح يطيح العقال
‏والعقال اللي على روسنا ما اغلى منْه

‏الجريدة عشر صفحات قيمتها ريال
‏لو كلام الناس محسوب ما هذا ثمنْه

.....

[الحمدان]

عـز الـقلــوب الوافـيـــه بالشهـامــه
والطيب من دون التسـامح اكـاذيـب

والصاحـب اللي ما يعــــز الكراااامه
لا تصحبه بأي الطرق والاسـاليــب

من لا يـقدر قيـمـتك من مـــقـامـه
لاتقبله مهما بلـغ مستوى الـطــيب

اما الــذي ماشــفـت غير إحــترامـه
ابقــى خوي الذيــــب لارافقك ذيب

الـجـــيـد يبــقــى جيد رغم اتــهـامـه
يبقـى مـــدى الازمان راعــي مواجيب

ذي دايـمـا بالــجـود يمـلك عـلامه
عـزه ضـمـاره بل واغـــلا المكاسيب

والـصــبر نعمه في زمان العدامه
والصدق راحه في زمان الالاعيب

مــن وقـتـنا مـانرتجـي الا الــسـلام
النـــفس مـا تعـشق كثــير المطاليب

.....

[الحمدان]

طارت طيور الشوق من فوق الأيام
تسبق خطوط الغيم لـ أجمل حليله

يا من هديتي العمر بهجة واستسلام
بعد التعب والهم والمستحيله

أشرق بوجهك صبح زاحف لـ قدام
يطرد ظلامٍ عشت قبلك كفيله

أقسمت لك باللي رفع سبع الأجرام
إنك بـ وسط العين مالك بديله

.....

[الحمدان]

‏كلن على عرقه يمد المواجيب
وكلن على مرباه ينطق لسانه

ناسٍ تجد فيها الأصاله مع الطيب
وناسٍ تجد فيها الغدر والخيانه

.....

[الحمدان]

‏ضحيت بالواقع على شان الاحلام
وضحيت بالغالي على شان غالي

حتى الغرام اللي كسر قلبي العام
ماني بحاله كان ماهو بحالي

ماينحسب عمر البنادم بالاعوام
بعض السنين نعيش فيها ليالي

وجه التشابه بين قلبك والايام
القلب خالي والليالي خوالي

.....

[الحمدان]

‏يالله ثبتنا على دين الاسلام
‏يوم البشر هالوقت زلّت خطاها

‏ثم اكفنا شر الليالي والايام
‏واكتب لنا خير الحياة ورخاها

.....

[الحمدان]

يا مادح الأنذال مدحك خساره
وراك ما تمدح هل الفضل والجود

اللي يشوفون المدايح تجاره
وأعراضها ما حاشها علم منقود

لا تمدح اللي جاله المدح عاره
لا ورثه لا أبوه ولا هو بمعدود

جده وأبوه يحلبون الوباره
ويدورون التمر في مقلع العود

لو جبت له منظوم طول المناره
ومسطره بالمسك وأقلامه العود

ضيعت مدحك في حصيني مغاره
سعده مع الفيران والنمل والدود

أما الردي لو تقذفه بالحجاره
وإلا مطارق شوك وسلاح محدود

جنبه متين ولا يخاف المعاره
ولا يعرف البيض ولا يعرف السود

والحر دايم يحترك بالإشارة
يفز مثل الزند لا قدح بارود

رجال يسوى له ثمانين حاره
ورجال ما يسوى ولا عظم مجرود

بديوي الوقداني

[الحمدان]

الدم تظهر علته بـ التحاليل
تطلع نتيجه علته في ورقها

واللي يسلم لحيته للرجاجيل
لا عاد ينشد منهو اللي حلقها

.....

[الحمدان]

تبين لك الأيام ما كان خافي
وتظهر لك أصحاب الرخا والشدايد

والرجل ما يقلق وفيه العوافي
يصبر على المكتوب والحظ قايد

وما كل من جالك بالوجه صافي
بعض العرب فزعات فمه عوايد

.....

[الحمدان]

النفس تصبر لو لحقها مجاعه
ولا تنزل للرديين هامه

والحر يفهم بالإشاره كلامه
ويعيش بالدنيا بعز ومناعه

من لا يعز النفس في كل ساعه
تقفي به الأيام ماله كرامه

.....

[الحمدان]

الرجل يظهر في نهار المراجيل
بأفعال صدق تنومس اللي نصاها

خلك جبل شامخ بوجه الغرابيل
ما هزته ريح السنين وعناها

والنفس تصبر لو حوتها المعاضيل
ولا تذل للردي في رجاها

خاوي الطنوخ اللي يشد المحاميل
اللي ليا بارت بك الناس جاها

يارد حياض الضيق عقب التهاويل
ولا الردي وقت الشدايد نساها

ترى الفتى فعله يقود الرجاجيل
والصمت هيبة للنفوس ومدّاها

.....

[الحمدان]

يا سرور انا في عالي الرجم عديت
وحاولت افكر وافتكر مثل غيري

ودعيت ناسن خالفوني وناديت
واقفوا وانا في ماقفي مستخيري

بغيت اعدل مايل الناس وازريت
وازريت اعدل مايلن في ضميري

ما جتني الدنيا على ما تمنيت
يوم انقطع حبل الرجاء من عشيري

وايست من طرد المقفين واقفيت
ونزلت ملواحي وبرقعت طيري

وليا وجب واجب على استعديت
ماني مهين ولا ذراعي قصيري


ساير الحربي

[الحمدان]

بان القناع وبان ما كان مستور
يا خاين العشرة عرفنا حقيقة

وفر معاذيرك ترى القلب مجبور
يسلى عن اللي ما يداري رفيقه

ما عاد لك في بهجة العمر مقدور
والباب يوسع للمفارق طريقه

.....

[الحمدان]

جيت متمرد على الأشواق وأقهرها
هامةٍ ما تنحني لو زاد غربالي

يوم نفسي عن دروب الذل اذخرها
مر طيفك بالخيال وهد تمثالي

أقرب الصور البعيدة لجل اكبرها
ناويٍ القى بعينك عذر ما جالي

.....

[الحمدان]

يا رب تِجْعل مِقبل أيـامنا خيـر
وتْشيل عنّا كـل هـمٍ وضيـقه

وتْثبّت الخطوة على سِكّة الخير
ونْعيش بالدنيا بنِـيّه طليـقه

.....

[الحمدان]

​ما بيننا ضاعت صفات التراحم
وقلوبنا ما عادها مستقيمة

​صرنا نجاري بعضنا بالتشاتم
ونعامل الآخر بنية أليمة

​صرنا نشوف الكذب ساس التفاهم
والحقد والبغضاء ميزة عظيمة

​صارت صداقتنا فقط للدراهم
وحبنا أصبح مجرد غنيمة

​ماتت بنا الرحمة بكثر التخاصم
وما بيننا ما عاد للحب قيمة

.....

[الحمدان]

‏الطيب في روس النشاما علامات
واللي كسب نعمين لله دره

احدن يموت وتبكي العين لا مات
واحدن يموت ويكفي الناس شره

.....

[الحمدان]

والله لوتملك من المال مليار
وانته قليل الدين مالك سعاده

أن كان تبغالك معزه ومقدار
خل اجتهادك في كثير العباده

ترى صلاتك هي نجاتك من النار
وعدوك الشيطان واصل جهاده

واطلب ولي العرش لاصرت محتار
هوالذي يغفر ويرحم عباده

.....

[الحمدان]

ياللي قريت بصفحتي كم منشور
ما كل في بالي جديدآ كتبته

شمال صدري فيه البث محضور
كل المواقع تختفي لا ذكرته

نكتب ونكتب همنا سعي مبرور
جبر الخواطر فظلها كم شكرته

صمتي عن حروف العتب فيه دستور
واللي خفى في خافقي ما لمسته

ما همني قول الردي وأي مأجور
حتى ولو في نيتي شي صنته

خلّك مع اللي في وفاه أنت مسرور
واجعل من أوقاتك جديدٍ حفظته

.....

[الحمدان]

​حاولت احرك فيك كل العواطف
واعاملك غير التعامل مع الناس

​بس الحقيقه مثلما انت شايف
طلعت ماعندك مشاعر ولا احساس

.....

[الحمدان]

العلوم الــــطيّـبه تســوى مسـاوي
سـامـــيه بالــذات عالي مستواها

والــعـلـوم الّي لها هــــدرة وداوي
ترخـــــص الّي قــالها والّي رواها

يا مــداوي كـــــل عـلّـه بالـمكاوي
ريحـة الـعِـلـه تعــــطـر مَن كواها

لـو مــــــداواة الـبــلاوي بالـبلاوي
داو داءك يا مــداوي مـبــــــتلاها

انتها في الهـاويه هــاوي هـواوي
طـاع نفـسه واْتّــبعـها في هـواها

وانطفت عين البصيره عند غاوي
بعـد مـا حـاول يـكـحّـلـهـا عمـاها

والبـلاد الّـي تســــــيّـرها حـزاوي
عَـزهـا في عِــــــزها لا في عزاها

سقـفـها موقــــوز والبنيان خاوي
والبلاوي بين مــــــرعـاهـا وماها


.....

[الحمدان]

أتغيشم لك وأنا ماني غشيم
‏والخطا مردود والزلّه بلاش

‏النقاش أحيان موضوعه عقيم
‏لا تلوم اللي قفل باب النقاش

.....

[الحمدان]

تجاهل الجاهل على شان ترتاح
‏واسمع من العارف لا منّه تكلّم

‏لا تندفع تنطح لك صياح بصياح
‏اصمت وحاول تستفيد وتعلّم

.....

[الحمدان]

لا توصي يبن عمي وانا مثلك حريص
‏اسمك اللي بالبطاقه نشيله كلّنا

.....

[الحمدان]

من لا حسب قبل النسب معدن الخال
‏لا ينشد المولود من وين عيبه

.....

[الحمدان]

لا ضاق صدرك والحزن داخلك لج
استغفر الله خالقك هو يفكه

ينسيك هم العبد ومحارب الفج
علم ومؤكد ما وجد فيه شكه

وان كان تبقى الاخره اطلب الحج
خير اقترابك للولي ارض مكه

.....

[الحمدان]

‏يا باغي الرفعه ترى العز بالدين
لا عـز للانسان مـن غيـر دينـه

والمرجله عشق الرجال المديحين
ومـن كبها يا عنك تربت يمينه

سعود القت

[الحمدان]

‏أنا أشهد ان الصمت للعاقل علاج
والعذر منكـم كان طـوّل سـكـوتي

لا كثـروا أهل الهرج ماني بهـراج
ولانـي على بلـوى الخلايق شموتي

امـا كـلام ً مطلـعـه نـور وسـراج
ولا بلاشـي تسمـع النـاس صـوتـي

أعيـش لـي سيـرة ومبـدا ومنهـاج
مـن يـوم ميـلادي لـيـا يـوم مـوتي

ماجد المسعودي

[الحمدان]

ظروفنا كثرت وقلت خطانا
‏ولا عاد ندري وش جديد الجماعه
‏
‏يطيب جرح وجرح قام يحدانا
‏والناس تحسبنا نحب القطاعه

.....

[الحمدان]

بعض المشاكل حلها بالفراسة
‏لا شان وجه الوقت وامتس حبله

‏يضيع فيها فيلسوف الدراسة
‏ويحلها لك شايبٍ يتبع ابله

.....

[الحمدان]

الحظ ماهو حظ من يملك المال
‏الحظ حظ اللـي تمّسك بدينه

‏الخير في قلبه توّثق ولا زال
‏وبعد رضا الله مرضيٍ والدينه

.....

[الحمدان]

كسبت من دنيا العناء طولت البال
‏ما ارخيت راسي تحت موطى قدمها

‏لو حدني وقتي على هايف الجال
‏روحي على الدنيا طويلٍ نسمها

‏لا تبدي الحاجه على بعض الاشكال
‏الناس تال الوقت قلت شيمها

‏احذر من اللي ينقل القيل والقال
‏الحيه اللي سمها وسط فمها

.....

[الحمدان]

إن شانت الدنيا ترا العمر مقسوم
‏محدٍ حياته جت على ما يريده

‏دايم تفائل بالامل واترك اللوم
‏عش لحضتك واللي مضى لا تعيده

.....

[الحمدان]

‏الوقـت يمضي والليالي سريعه
مـرت سنيـن اعـمـارنا ما درينا

نطـرد ورى بكـره ونـرجي تبيعه
كـبرت حـدود احـلامنا والتهينا

حكم الزمن غصب ًعلينا نطيعه
يـوم ًلنا والـيـوم الآخـر عـلـيـنا

اللـي لـنـا نـشري عـليه ونبيعه
واللـي عـلـيـنـا ليتنا ماشريـنـا

.....

[الحمدان]

الصاحب الغالي نحنّه وندراه
‏عن شامتٍ يفرح لا شاف انزعاجه

‏نستر عذاريبه وندمح خطاياه
‏ولا نبيّن عثرته وانحراجه

‏نصون رفقة راعي العز والجاه
‏ونطيب له تقدير ماهو لحاجه

.....

[الحمدان]

والله لو نتبع من الناس زلات
‏لا غير نبقى بالمجالس وّحدنا

‏لكن نصد ونحتفظ بالعلاقات
‏ونبقى على الخوّه ونوفي وعدنا

‏وصدورنا مثل الفجوج الوسيعات
‏وعن الدروب الغانمه ما ابتعدنا

.....

[الحمدان]

حي راسٍ ماتوطيه المصايب
‏يرتفع عند المصايب في علوه

‏خالقه ربي لوقفات الصعايب
‏الصعايب ما تزيده غير قوه

.....

[الحمدان]

‏شيبتنا سود الأيام قــدام المشيب
وأرتوينا من حلاها وذقنا مرها

والليال المقبله ما عرفنا وش تجيب
مير يا ربي طلبناك تبعد شرها

أحمد البلادي

[الحمدان]

‏راحوا اللي في كبار المواقف ياقفون
وذكرهم لازال باقي على قيد الحياه

واشغلونا اللي يقولون ما لا يفعلون
الهروج اكبار والفعل ما يازن حصاه

ذيب المهّــان

[الحمدان]

‏الخوه الخوه الله يرحم الخوه
ويرحم قبور الرجال اللي تقدرها

شيمه و فزعه وخفة نفس ومروه
صعبه على الجاهل اللي مايدبرها

فهد بن شعلان الاكلبي

[الحمدان]

اذا العيون اللي تكلم بدالك
تترك فصيح الناس يحتلها الصمت

واذا الطبيعة تنبهر من جمالك
كيف البشر لغضت عيونك وسلهمت

من نظرتك من بسمتك من دلالك
كن الطبيعة تبتسم لا تبسمت

....

[الحمدان]

توك غرير ولا عرفت الهوى كيف
وسحرت قلبي جارك الله بزينك

عطاك ربي كاملات التواصيف
حتى القمر نوره سطع في جينك

والله عطاك عيون تمضي كما السيف
الخاسر اللي جات عينه بعينك

اخر لقا وياك في عطلة الصيف
يوم الضباب يحول بيني وبينك

.....

[الحمدان]

ألا ياقلب قلّي وشبلاكَا
تعلمت الهوى بأول صباكَا

خذاك الشوق ياقلب المعنى
وطحت وضعت في بحر الهلاكَا

ترى لأهل الهوى قبلك سوالف
حكايتن فيها شبه ارتباكَا

تراهم بالهوى نفس الطبيعة
قلوب صغار وعيونٍ تباكَا

.....

[الحمدان]

‏ضاقت علي كل الدروب الوساعي
امشي واخطط يابس القاع بالعود

ماهيب والله قصرةٍ فـي ذراعـي
مير الرجال إلها قوانين وحـدود

أحمد الناصر

[الحمدان]

البارحه زعلان مدري على ويش
‏يمكن من الحرمان ولا محطم

‏لا والله الا ضيقو لقمة العيش
‏البنت تكشف والسنافي يتلطم

.....

[الحمدان]

مواقف الطيب محسوبه ومشهوده
‏ورجلٍ بلا طيب لا يذكر ولا يحسب

‏واللي كسبها بعرفه قبل مجهوده
‏فعايله طيّبه ومجالسه مكسب

.....

[الحمدان]

تقدم على وضح النقى واضرب الميدان
‏ولا تلتفت يا عاشق المجد والقمه

‏تنّهض سوات الطير واصهل صهيل حصان
‏ولا يزعجك صفق الهبايب ولا الغمه

.....

[الحمدان]

الهرجه اليا جتك من غير ميزان
‏أفضل طريقة ردها صد عنها

‏صدتك عنها تجرحه قدر الإمكان
‏وده يرجعها ويدفع ثمنها

.....

[الحمدان]

الناس صايبهم عمى قلوب وعيون
‏وأول عماهم عاكسين اصدقاهم
‏
‏ان صادقو طيب يقولون مجنون
‏وان صادقو نصاب سموه فاهم

.....

[الحمدان]

كف المخاليق لا تعطي ولا تمنع
‏المعطي المانع الوهاب سبحانه
‏
‏النفس عاداتها فالزود ما تقنع
‏لوتملك من الذهب وديان مليانه

.....

[الحمدان]

عزوم الرجال تبين فالموقف الغصاب
‏وعن نفعة الضابط يبا ايسدّك الجندي

‏يمال الغنى يا مجمل الربع والاجناب
‏ابو خنجرٍ تفعل وابو جبهةٍ تندي

.....

[الحمدان]

تطوي خطاوينا مسافات الأيام
‏وتجنح بنا الدّنيا وحنّا غافلين

‏يا الله تنجينا من دروب الظلام
‏وتختم لنا الدنيا وحنّا ساجدين

.....

[الحمدان]

أبتوّضى وآتقبّل واصلي
‏مادام ما صليت ماني بمرتاح

‏ما يقبل التقصير عمراً مولي
‏ما باقيٍ لي بالدهر كثر ماراح

‏بكره ليا فل المحاسب سجلي
‏ماهو بنافعني غنيم ابن بطاح

‏لو ان تاريخ القبايل يسلي
‏الطيبين اللي يحوشون الامداح

.....

[الحمدان]

علمتنا الليالي واختلاف السنين
‏لين شفنا الصحيح وبانت الخافيه

‏تكتشف معدن الانسان في حاجتين
‏لا تولى الفلوس ولا اونس العافيه

.....

[الحمدان]

لا صار خصمك من تعزه وتغليه
‏سلم سلاحك وأقتـنع بالهزيمة

.....

[الحمدان]

‏يامن تحت يدك مقادير الانام
ياللي لك الطاعه على كل طاعه

انا بوجهك من صواديف الايام
اللي تكدر خاطري كل ساعة

.....

[الحمدان]

‏شيٍ نقوله يصلح الحال لا قيل
وشيٍ ٍكفايه نفهمه بس يا فلان

عسى الذي يامر على الغيم ويسيل
يامر على قلبك ويرجع كما كان

.....

[الحمدان]

‏والله ان الموت خيرٍ من ردات النصيب
خص لا صكّت على اللي ظروفه تمنعه

لا تخاف من العدو المناطح للحريب
والحذر من رفقة الصاحب بقلب امعة

.....

[الحمدان]

‏المزح يابن آدم ترا له تواقيت
وخطوط حمرا في طرفها فتيله

فتيلةٍ ما هيب تحتاج كبريت
كبريتها بعض المزوح الثقيله

.....

[الحمدان]

ترا المنافق يعجبك في حديثه
اليا تكلم دايمن يغسل المخ

مظهرْه طيّب والنوايا خبيثه
حذراك لا يغريك وتطيح بالفخ

.....

[الحمدان]

سلمولي على اللي خلفنا يهرجون
طمنوهم ترانا مانلتفت للورى

السماء ما يطوله غير شوف العيون
وساكنين الثريا يجهلون الثرى

.....

[الحمدان]

لا تطلق السر من سجنه وتطلب كفيل
دمار بعض القلـوب البيض من طيبها

غير انتبه لا يجــي سرك كرامة بخيل
ما ينبســـط لين كل الـــناس تدريبها

.....

[الحمدان]

‏مشينا على خطوات شيباننا الوافين
خذينا وتعلمنا النصيحه من العقال

يرزك فعل يمناك والله عطاك ايدين
وهنا يفرق الرجال فعله عن الرجال

.....

[الحمدان]

مشتاق للجنه وخايف من النار
‏والله كــريم ومايخاب الرجابه

‏يغفر ذنوبي كلها صـــغار وكبار
‏طلبت عفـوه ومنتـظـر للأجابه

‏عالـم خفايا ماتخـفيه الأســـرار
‏عونٍ لمــن ضاقت عليه ولجابه

‏عليه نشـكي همنا ســـــر وجهار
‏ولكل مـــن يرجيه دعوه مجابه

.....

[الحمدان]

‏بعض البشر يكفيك منه كلامه
فيه الأدب والطيب زايد والأخلاق

يفرض على كل العباد احترامه
وينطبع قدره في اعماق الأعماق

.....

[الحمدان]

كان تبيَ الناس تعطيك احترام
احترم نفسك وعطهم قدرهم

وابتعـد عمـا يعرضـك المـلام
والوعـد تمـه وجـنّب غـدرهم

وانشر انوارك على وجه الظلام
وبالليال السـود خـلك بدرهم

.....

[الحمدان]

‏ترى الذي قدّْرْك من شان حاجه
لا بد ما ينساك كانه فقدها

لا بد من يومٍ يعقّد أحجاجه
أن كان عندك حاجته ماوجدها

الهجر طبه والمفارق علاجه
وعز النفوس أكرامها هو سعدها

.....

[الحمدان]

فكر بحالك وانتبه في خطاياك
قبل تعيب الناس فكر بعيبك

الموت ماتقدر ترده اليا جاك
وماقدر المولى لزومٍ يصيبك

خلك على اللي يرفع الراس ممشاك
وتواضعك للناس من زود طيبك

وأحذر من التقصير في حق مولاك
وابعد عن اللي في حياتك يعيبك

.....

[الحمدان]

إن طعتني لا عاد تشره على الناس
من جاك رحِّـب به ومن راح خَلّـه

لا تجرح الغـالي ولا تقطع اليـاس
واضحك ولو بالقلـب ستّـين عِـلّه

لا تنقـل الهرجـة ولا تصـير بـلّاس
حتى ولـو تمـلــك عـليـها الأدلّــة

واحذر تصير انسان ضايق وحسّاس
وتبـالـش العالـم عـلى كـل زلّــه

واصبر على دنياك بالعزم والباس
حتى لـو انّـك عايـشٍ فـوق مـلـه

وان صرت طيّب خلْ طيبك له إقياس
الطّـيب في بعض المواقف مذلّه

وان جاك محتاجٍ من الوقت محتاس
إفـزع معه وحجاجك الطّلق فِلّه

خـلّك بـدرب الحـق نـورٍ ونبراس
حتى لـو إن اللي مشـوا فيـه قِـله

إمّـا يقولون العرب حيّ ذا الراس
والا يقـولـون العـرب منـك لله

.....

[الحمدان]

بعض الكلام اللي ماتحسب له حساب
‏في قـلب غـيرك مـا يمر بســهوله

‏خلك مـــع العـالم تـعاملك مـن باب
‏اللـــي ما تـرضـــى تسـمعه لا تقــوله

.....

[الحمدان]

الله اللي عز بالدين سادات العرب
القياده جابهـا الله لنا واختارهـا 💚

خلف بن هذال

[الحمدان]

كيف يلحقني من الوقت والأيام روع
‏وأنت مدّاتك سحابة وفزعاتك وبـل

.....

[الحمدان]

سرا البارق اللي له زمانين ماسرا
صدوق المخايل بارقه يجذب الساري

على فرعة الوادي وسيله تحدرا
وغنت طيور الماء على الحاير الجاري

مر بي غزال بعد عرفه تنكرا
عليه الله أكبر كل ماحل له طاري

نطحني بقرض الهيل حدر المشجرا
جميل المحاسن لا ظخيم ولا عاري

أرى سلت العاتق إلى صد مادرا
من سلت العرجون في صافح الذاري

ابو لبة مثل القمر ضاح وأسفرا
وإلى غابت القمرا تقدى به الساري

صويب الهوى مسكين مشيه على ورا
ترى النقص فيه حيله أقوى من الضاري

برى الجرح منه ومن الجرح مابرا
وهو يحسب إني يوم طال المدى باري

سليمان بن شريم

[الحمدان]

يا حمامه تغرّد فوق غصن الجريد
هيّضتني وشاني مفختٍ شانها

جعلها الله لراعي شوزنيٍٍّ مجيد
يكسر النايفه من ريش جنحانها

الحمامه لها بالناس كيدٍ شديد
كل حيٍّ شكا من قوّ شيطانها

ذكرتني هوى اللي مثل عنق الفريد
قبل تدهكني الأيام بثقانها

لا سقى الله على قلبي نهار الشديد
يوم فرقا العيون لشوف حيانها

كل ما قلت طاب الجرح عوّد جديد
يوم فارقت منزلها وبلدانها

الهوى طالبه لا مات كنه شهيد
والمحبه كثير الناس ما صانها

منوتي والتمني خابره ما يقيد
من قضب سلعته من عقب جحدانها

لذة العمر تنقص والليالي تزيد
سنة الله بهاليها وسلطانها

كل من جت له الدنيا على ما يريد
بدّلت له طرابتها بحقرانها

سليمان بن شريم

[الحمدان]

حيا الله اللى يغيب ويسرع الرده
اللى يجيني الى منه تباطاني

قلبي يوده و حالي كنها القده
ودي بشوفه ودونه حوم عقباني

يا صاحبي جارك الله وش ها الصده
مهوب حق تولعني و تنساني

ان كان عندك حكي بي خامل السده
فانت المصدق وانا حقي وما جاني

اهرج على ما تورى والبخت بده
لا تستحي يا بعد حي وحياتي

ترى حلاة الهوى لا طالت المده
مهوب يوم صديق ويوم قوماني

وان كان ما انت بمصافيني على الشده
وقت الرخا واجد ربعي وخلاني

سليمان بن شريم

[الحمدان]

يا وجه الأرض ومعانيها وعنوانها
وأصدق نجاحتها وأعز سكانها

كل عام وأنتِ على العليا بعز وفخر
وجبالك الشامخة ما اهتزت أركانها

العز عزك والبقا والمجد مجدك ما بقى
من طارف عيالك ولد لا قلتي العليا رقى

من شر حاسد لا حسد عشتي عزيزة يا بلد
حنا سندك بكل حال وأنتِ لجيرانك سند

يا أكبر من العشق والتحنان والعاشقين
وأكبر من الثرثرة والحقد والحاسدين

يا حاجة المضطهد يا غاية المستهام
يا مقصد اليعربي يا قبلة المسلمين

وأكرم من نخيلك عطاك يا دار لا تبت يداك
بالفي ضللتي المدى ما تلحق الفي مداك

يا سعودي الأصيل وعاشت سنينه
يحبك أنتِ ويا دارة تحبينه

واللي يجرب دفا حضنك تراه معذور
لو كان كل الديار تطيح من عينها

ياسر التويجري

[الحمدان]

يا لا يمي قلبي عن اللوم محجوب
لوفي يدينك سيف والفين حجة

ما هوزبكيفي في هوا البال مغصوب
والقلب لا منه توجه توجه

كن الهوا شي على القلب مكتوب
والعقل به من لعبة الحب رجه

وان شفتني في ساحة الحب مغلوب
لا تفترح صمتي ترافيه سجه

طويل بال ولي مع الصبر ملعوب
لا بد مازيصفي ولو طال عجه

والقاوسط ذيك الملايين محبوب
ونعيش بس اثنينادون صجه

كان امس هذاالحلم واليوم مصلوب
حلمي على باب الرجا والتوجه

كان امس همي تافه هم مكذوب
واكبرهمومي صارت اليوم حجه

تغسل ذنوب القلب يارب وتوب
على غرير صوب بابك توجه

ذنبي كبير وعفوك اكبر من ذنوب
قلب رغم ذنبه ثبت على المحجه

صالح القرني

[الحمدان]

يا صاحبي لو كثرت طعونك تراني لك طبيب
والدمعه اللي ما تطيب خاطرك لا تهلها

.....

[الحمدان]

إحذرتصك الباب في وجه من جاك
وأحذر تبيع إنـسان بالوقت شـاريك

.....

[الحمدان]

اغبط تقيٍ صار زوده بتقواه
‏عبدٍ لصوت الحق يرخي سموعه

‏يفرح بصوت منادي الحق لا اوحاه
‏عجل على المسجد بطيٍّ ركوعه

بندر بن سرور

[الحمدان]

يالله برزق ما صعق دونه الباب
‏ولا وقف قطّاع الأرزاق دونه

.....

[الحمدان]

هُو الحَبيبُ الّذي تُرجَىٰ شفاعَتُهُ
‏صَلُّوا عَلَيْهِ وَسَلِّمُوا تَسْلِيمًا
ﷺ

[الحمدان]

‏أنا عندي يقين أن التفاؤل زينة الأحوال
‏لو أن الحزن خيّم في مداي وضيق آفاقي

‏أحب من التفاؤل خيرته وأنا كريمة فال
‏أنا كيف أتشائم والله اللي كافل أرزاقي

.....

[الحمدان]

ازرع بذور الطيب في الناس وتضيع
واغليهم ويقفون من دون سبه

من كثر ماشفت ابتسامات تصنيع
تعبت اقول الظاهر اني مشبه

.....

[الحمدان]

نصبر عــلى مَـيل الــزمن وانــعواجه
ونسعى لكسب الطيب في كل منهاج

وزمن لا تبسم لك لا تكون في احتياجه
وكتم حروفك لا صارت تسبب ازعاج
.....

[الحمدان]

محمد بن فطيس :

لا شعرت إن المواصل يذل النفس
كابر ولو إنك من الشوق ميت

[الحمدان]

‏ترانا على سود الليالي وساع صدور
لو إنها ما خلت كل شي على حله

.....

[الحمدان]

‏مسامحك جعل كل اللي فعلته فداك
‏ضيعت فرصة عمر واخترت غلطة عمر

‏لا تحسبـني ليا مـن رحت بطـرد وراك
‏لا غابت الشمس ياتـي من وراهـا قمر

.....

[الحمدان]

سبحان مـن سـوّى ثناياك سبحان
سبحان من سوّى الخدود الجميله

خطـافـة الابـصار فـي كل الازمان
أُم الحِـسـن وأم العـيـون الكـحيله

تعجز في اوصافك قصايد وقيفان
اوصاف مثلك في البشر مستحيله

كـل القصايد والرسـايل والالـحان
في حق مـثـلك يَا فـلانـه قلـيله

.....

[الحمدان]

‏القلــوب آسرار والدنيـا عـبر
والعمر لو طال تاليه الرحيل

والخواطـر كسرها ماله جبر
لو يعيـد الوقت ماضيه الجميل

.....

[الحمدان]

‏الناس تفرق عن بعضها بالإحساس
فرق الكـــرم لا قارنو معه البخل

أحدن يحس وموقفه يرفع الراس
وأحدن يقول أبعد ترى مالي دخل

.....

[الحمدان]

طيبك غشاني والوفى في مباديك
واضح مثل بدر السماء في مداره

أكذب على نفسي إذا قلت ما أغليك
وأكذب عليك إن قلت مالك وقاره

لقيت فيك الطيب من غرس أهاليك
ولقيت في موقفك حس وأصاله

.....

[الحمدان]

يا مادحٍ نفسك بلا طيب وأفعال
عزالله أنك ما كسبت المديحه

الطيب يبغاله من الناس رجال
اللي فعوله بالمواقف صحيحه

اللي يَوَفّي في كلامه ليا قال
وفي مجلسه تلقى الوجيه الفليحه

سمح القبال ومنْطقه يشرح البال
شوفه ولا شوف الوجيه الشحيحه

.....

[الحمدان]

على رفيقك خفف ملاحظاتك
ما فيه من بين البشر كامل خصال

كن للخوي مثل الشجر في ثباتك
إن مالقى عندك ثمر حصل ظلال

.....

[الحمدان]

‏ليت الزمن وقف على ذيك الايام
‏يوم العباد قلوبهم مستريحه

‏لكنها قفّت مثل طيف الاحلام
‏ياجعل اهلها للجنان الفسيحه

.....

[الحمدان]

‏يا شينها لا صرت طيّب على طول
‏وتظهر رضا نفسك وتخفي زعلها

‏وقلوب بعض الناس تحتاج ديتول
‏يقتل جراثيم الحسَد ويغسلها

.....

[الحمدان]

‏لا طابت النفس العزيزه من انسان
مـا عـاد يسوى في نظرها ولا شي

تجـوز عــن رفقته لـو كان مـا كان
وتقفي كما يقفي عـن الميت الحي

.....

[الحمدان]

‌‏يا قلب لا شفت الزمان استفـزك
اصبر ولا تزعـل ترى الوقت دوار

خلك عزيز وعز من هو يعـزك
ولا تخاوي كل خاين وغدار

.....

[الحمدان]

‏تبـي الكـلام الصـدق بينـي وبينك
اسمع معي هالبيت ما دمت وياك

من باع كل الناس من شان عينك
حطه بعينك واجـعله نور دنياك

.....

[الحمدان]

خلك عزيز النفس لو همومك جبال
لا تشتكي لناس من جور ما فيك

هاذا الزمن يا صاحبي كله اهوال
يهدي لك البسمه ويرجع يبكيك

.....

[الحمدان]

شرهة الغالي على الغالي محبه
وصدة الغالي من الغالي فجيعه

ومن نساني واختفى من دون سبه
الـفجوج اعـراض والدنيا وسيعه

.....

[الحمدان]

‏يا الله ياللي ما معي فيك تشكيك
القلـب مخلص والعقيده نقيه

أدعيك واستهديك واشكرك وأرجيك
واستغفرك مــن كل ذنب وخطيه

.....

[الحمدان]

افعل المعروف وتشوف العجايب
كل حاجه ممكنه تقدر عليها

يمكن تنجّيك من بعض المصايب
حاجةٍ في وقتها وفقت فيها

قمت معّ محتاج والا اسعدت شايب
انت ناسيها وربك مانسيها

.....

[الحمدان]

فهمت الحياه وعشت في مدرسة الايام
من العمر ما يكفي مواجه خوافيها

من العزم امد النفس بالصبر والاقدام
ضعاف العزايم ماتبيني ولا ابيها

.....

[الحمدان]

ياما قطعناها من الميل للميل
تبي تجمركنا ولا جمركتنا

تلعب بنا الدنيا وحنا رياجيل
لا غيّرت فينا ولا حركتنا

.....

[الحمدان]

يقولون لا تدعي على الكافرين بخير
و انا اقول جعل مسوي الهاتف الجنه

ليّا صرت فى دارن وخلك بدارن غير
يسولف عليك وكنّك قريّبٍ منه

.....

[الحمدان]

اليا اذن المذن تهيأ للصلاه
والله ما تلقى خير من تاخيرها

قد ماتوا اللي يستحقون الحياه
يعني بتبقى حي دوّر غيرها

.....

[الحمدان]

من لا يودّك لا تبيّن لـه الـودّ
‏مودةٍ بالكـذب ماهي مـودّه

‏وحبل الريا والكذب لو كان يمتدّ
‏دايم قصير حبال مهما تمـدّه

‏وشيٍ بني بالكذب مبناه ينهـدّ
‏دورات الأشهر والليالي تهـدّه

.....

[الحمدان]

دور اللي خوته تنشرى بالمال كاش
‏واحدن لا حل طاريه قالوا والنعم

‏لا زهمته حزة الضيق ماجاه ارتعاش
‏يثني المحزم وياقف على ساق وقدم

.....

[الحمدان]

‏من ميزة الافكار تحديد الاهداف
والنفس تتعب لين تلحق هدفها

وما كل من عدى على راس مشراف
يرجع ونفسه قد تلاشى كلــفها

ويبين الرجــال لا صار ميــقاف
امـا وقـف عنـها او انــه وقـفـها

وليت البشوت اللي يغطن الاكتاف
تحرم على ناسً رضت في شرفها

تركي العريدي

[الحمدان]

‏على الهون يا وقتٍ خذا كل راحة بال
عزاز النفوس لذلّها منت حاديها

ليا هانت العشره وجات القصار طوال
تموت الرجال بعزّها وبمباديها

ترى اللي تسوق إله الغرابيل فالفنجال
كبار الخطوب وهو صبي متقهويها

من إشتدّ عوده في معافر ردى الأحوال
بعد ما بلغ شدّه ماهو مبتلش فيها

فهد سفر

[الحمدان]

‏لا تطغيك عافيتك وفنجالها مشروب
ولا تآمن رماح المنايا وزرقتها

ولا تستعيب الناس لوّك خلّي عيوب
دعْ الخلق لـ الخالق بصيرٍ بخلقتها

ترى مال مخلوقٍ محاصٍ عن المكتوب
ولا كلّف الله نفس أحد فوق طاقتها

عن أكثر تصنّاع الآوادم بطيب قلوب
مع الله نفسك لا تضيّع علاقتها
‎
.....

[الحمدان]

‏اليّا طعن فيك الردي لاتجاريه
اليا سفهته تذبحه ذبحة الشاه

ترى مجاراته تحقق مساعيه
خلّه يفارق حاملٍ داه برداه

الجيل هذا كاثراتن بلاويه
متخالطن شره وخيره وبلواه

.....

[الحمدان]

بعض العرب كنّه صناديق ساهر
‏من صادفه ماعين إلا الخساره

‏وبعض العرب مثل الذهب والجواهر
‏في لبس ولّا في عروض التجاره

‏عبدالله أبو عيون

[الحمدان]

يا الله يـا رازق مساكـيـن وضـعـوف
‏تـغـفـر لـعـبـدٍ بين رجـوى وراعـه
‏
‏النفس تفنى ما لها يـوم مـعـروف
‏يـا رب عـفـوك والرضـا والقنـاعـه
‏
‏الـموت له نزعه قويه من الجوف
‏يـا رب لـطـفـك يـوم رد الـوداعـه
‏
.....

[الحمدان]

يا الآدمي عمرك دقائق وساعات
‏تقرب من أجلك في ثوان الدقيقة

‏لكن تغانمها عبادة وطاعات
‏وأقص العمر كله بهذا الطريقة

‏وحافظ على دينك وصل الصلاوات
‏ما دمت متعافي ونفسك طليقة

.....

[الحمدان]

يا الله جيتك طايع الأمر كلي
‏خليت دنياية وباقي شتاتي

‏افر من ذنبي لرحماك راجي
‏واقوم بالأركان والواجباتي

‏يارب تقبل دعوتي يوم اصلي
‏ياعالم بسري وعالم نجاتي

‏ادعوك متأمل للطفك وراجي
‏العفو والغفران قبل المماتي

‏ محمد القت

[الحمدان]

‏يارب انا في حماك وراجياً لطفك
‏انك تجاوز خطاي وتغفر ذنوبي

‏انا بوعدك وعبدك في رجا عطفك
‏ارضاك والجنة ورحمتك مطلوبي

آمين

[الحمدان]

رفيقي اواصله وانشد عن علومه
‏وإلى سبقني بها جعله على القوّه

‏على النقا والثقه ماهيب معدومه
‏نعرف حقوق الخوي ونقدّر الخوّه

.....

[الحمدان]

من لا يودّك لا تبيّن لـه الـودّ
‏مودةٍ بالكـذب ماهي مـودّه

‏وحبل الريا والكذب لو كان يمتدّ
‏دايم قصير حبال مهما تمـدّه

‏وشيٍ بني بالكذب مبناه ينهـدّ
‏دورات الأشهر والليالي تهـدّه

.....

[الحمدان]

‏مريت بالدنيا وانا عابر سبيل
ولقيت جرة ناس قبلي راحلين

أقفوا وراحوا بين يوم وبين ليل
واليوم صاروا بالمقابر نازلين

راح الصغير وراح ابوعمرٍ طويل
تذكروا يوم الحشر يالغافلين

يا رب ترحمنا ليا حان الرحيل
وصرنا عن الدنيا واهلها مغادرين

‎ابوسلطان

[الحمدان]

لا مات صبر الحليم وضاعت الذمه
‏سافر بليا موادع والطريق اطوه
‏
‏عزز طموحك وشد الحيل والهمه
‏ما يرضخ المجد غير لواثق الخطوه

.....

[الحمدان]

لو بشوت الفقر تدري عن بشوت الغناه
ما تساوت ربع ساعه على منكب ردي

.....

[الحمدان]

اكبر مع الايام و اشطب علاقات
واطوي يدين الوقت وامد ساقي

ما عاد تفرق سود الايام لو جات
اسود من اللي فات ماظن باقي

.....

[الحمدان]

ابعد عن الناس من فتره اليا فتره
وأقرب من الله بتسبيحك وتهليلك

واسجد لـ ربك تعالى واطلبه ستره
تراك والله ما تدري كم باقي لك

والقبر مافيه لا مشلح ولا غتره
ان كان مالك عمل ينجيك يا ويلك

.....

[الحمدان]

اثر التواضع بير ما نعرف مداه
‏الله يعين اللي هقاويهم تبور
‏
‏لازم نعلّم كل واحد مستواه
‏عشان ما يقعد يلفّ ولا يدور

.....

[الحمدان]

الخبل كيف نعالجه من خبالة
‏ والنذل كيف نجنبة درب الانذال

‏ بعض الخبال تهون معه النذاله
‏ مير البلا لا جت نذالة مع خبال

.....

[الحمدان]

الله يعين الكبير اللي طموحه كبير
‏وظروفه اتحاول تهزه ولا هزته
‏
‏لو الليالي خذت من ما بغاه الكثير
‏والله ما ترهي وتاخذ شي من عزته

.....

[الحمدان]

‏من شعر بدر الحويفي:

‏يا زيد لـو كـل الرجاجيل وافين
‏ ما صار بالعالم عـفـون ونشاما

‏الطيـب منهاج الـرجال الوفيين
‏وإلا العفون من الرجوله يتاما

[الحمدان]

السمع لا ترخيه للقال والقيل
خلّك رزينٍ من نظر لك يهابك

ولا تاخذك يا صاح سود الهزاويل
واعرف ترى منهو حكالك حكابك

.....

[الحمدان]

بعض البشر مثل العسل والجواهر
‏مهما وصفته بالحلا ماله اوصاف
‏
‏بعض البشر طيبه على الناس ظاهر
‏ما يختفي مثل القمر دوم ينشاف

.....

[الحمدان]

‏احـدن يجـي عـرفه يسـرك وينفعك
واحـدن يجـي عـرفه بليا مــســره

واحدن ليامن طحت ياقف ويرفعك
واحدن يالـيـته بس يكفـيك شــــره

[الحمدان]

‏وقت الرخى كل الرفاقه مطاليق
وفي ساعة الشدة يا قل الجماعه

يا خوي من وقف معك حزة الضيق
احفظ وداده مثل حفظ الوداعه

.....

[الحمدان]

‏تامر على حاجه وتامر على شي
‏حتى الردي يقولها لا مشى منْك

‏لكن تبوون الجد والواقع الحي
‏يا قلّ من لا ضقت شال الحمل عنْك

.....

[الحمدان]

لا صار اعز الناس يلوي ذراعك
‏لا عاد ترجي من ورى عشرته خير
‏
‏ارفع على متن السفينه شراعك
‏وارحل على متن البحر والمقادير

.....

[الحمدان]

سكتنا واستحينا والحيا ما صار له مردود
‏قليلين الحيا لو استحينا ما استحوا منا

.....

[الحمدان]

آه يا ثقل الكلام اللي ورى صدري عتابه ،
‏وآه يا شين الطواري يوم اقلّبها براسي

.....

[الحمدان]

سوالفه حلوة ومليانة إحساس
ومن كثر ماني منسجم ضاع حسي

يقول صدقني معك ناسي الناس
وأنا معه نسيت نفسي بـنفسي

.....

[الحمدان]

لا تعاتب ولا تحزن ولا تعترض
اجتهد للفرح والا بـتبقى حزين

لا حضورك علاج ولا غيابك مرض
عيش عمرك لنفسك وأترك الآخرين

لا تحبّ الحياه أكثر من المفترض
ولا تخاف الفراق وكلّنا راحلين

.....

[الحمدان]

هذا الصحيح الي يعدل الموازين
مالك ومال الناس سارج وهارج

ماني مكلف في جهاد المجانين
أنا مع الصاحين دوب اتخارج

.....

[الحمدان]

تعيش النفوس اللي على الطيب سباقه
وتموت النفـوس اللي تدور مصالحها

.....

[الحمدان]

الجناب الدمث ، والوجه الحياوي
والكلام الذرب ، والنفس النقيه

والعقل ، والدين ، والكف الرهاوي
سبع تفرض لك حضور وقابليه

.....

[الحمدان]

اسأل عيوني وهي تجاوبك عني
عن كم حبي وعن شانك وعن قدرك

ما عرف وش كثر أحبك بس أعرف إني
عمري ما حبيت في الدنيا أحد كثرك

.....

[الحمدان]

علّمني الليل كيف احلم على كيفي
وعلّمني الصُبح بإن احلامنا تكذب

.....

[الحمدان]

ليت المنايا ليا شافت لها هاب ريح
تصد وتخلي الطيّب على راحته

.....

[الحمدان]

هو روح شعري وأمنياته وماضيه
جذع الشجر وش كان لولا غصونه

أكتب لغيره والقصايد تجي فيه
كن القصايد حالفه ما تخونه

.....

[الحمدان]

نمضي مع الدنيا على سكة عبور
ولو نجهل الاقدار بكره جابها
‏
وفي عالم الاحلام شيّدنا قصور
ولا عرفنا كيف نفتح بابها

.....

[الحمدان]

يا وليف الروح يا نور الفلك
قد عشقتك عشق ماله ترجمان

آه يا حمل المحبه ما أثقلك
من عنادك مات حبي والحنان

يا امير الحسن يا أجمل ملك
رد قلبي رد لا بر الأمان

وأن فؤادك في طريقي ما سلك
خيرت الله بس والله المستعان

بعشقك حتى غرامي يوصلك
أو يوصلني غرامك للجنان صباح

الورد ماهي بالحروف
‏ابيات شعر وشوق واكثر معاني

‏يسعد صباحك والغلا داخل الجوف
‏يظهر بعيني قبل ينطق لساني

.....

[الحمدان]

يا ما وقفت بوجه الايام ماطحت
ويا ما وثقت بناس والناس راحوا

مشيت في الدنيا وتعلمت وارتحت
اهل المصالح لاخذو شي راحــوا

.....

[الحمدان]

ما ترتفع قيمتك من قيمة ثيابك
يرفعك نفسً لغير الله ما انصاعت

والغالب من البشر لا صارو احبابك
تصدّ لا شبعت وتشتاق لا جاعت

تصبح مثل هامش الاشياء بدولابك
يومياً تشوفها ولا احتجتها ضاعت

.....

[الحمدان]

‏ما دام الحياة الفانيه فانيه لابد
‏فلا تعطي ايامك سوى من يثمنها

.....

[الحمدان]

‏قالت مساء الورد والصوت مبحوح
قلت المساء مـــع طلتك شـي ثاني

قالت تعشــق الروح يا منيـة الروح
قلت اندماج ارواح وسـط المحاني

قالت سلام الله وانا عنــك باروح
قلت السلامه فــي عيــونك اماني

.....

[الحمدان]

‏جعل الاخو اللي على اخته ذرى
‏مايشتكي ضيم الليالي والسنين

‏وجعل الاخو اللي عن اخته مادرى
‏يبقى مثل ظلمه اسير الظالمين

.....

[الحمدان]

يا كبر قدرك يا رفيقي عن الناس
‏مـا يشبهك في طبعك إلا المرايا

‏هي تعكس الاشيا بدقة ومقياس
‏وانت تعكس طيبك وبيض النوايا

.....

[الحمدان]

البشاشه والتسامح والتغاضي
‏من صفات اللي ضمايرهم نظيفه

.....

[الحمدان]

لاصرت متعافي وطيب ومستور
غيرك تمنى العافيه والستيره

العافيه تسوى ملايين وقصور
يعرف ثمنها من يلازم سريره

.....

[الحمدان]

العمر ما يوقف والأحزان بتفوت
ما راح اعيش اللي بقى عند بابك

حتى لو أن غيابك أصعب من الموت
صدقني بلقى من يعوّض غيابك

.....

[الحمدان]

الصاحب اللي ينصحك لا تمله
‏هو راس مالك فـ الليال المعاسير

‏واللي يخاف العيب ويراقب الله
‏احرص على خوته كانك تبي الخير

‏واحفظ لسانك لا يجي منك زلة
‏تندم بيوم ٍما تفيده معاذير

‏وابعد عن دروب الردىٰ والمذلة
‏فوق ٍ على ذنبك هموم ومخاسير

.....

[الحمدان]

ما دام راسي على متني وعظمي سليم
‏الباقـي من الخساير كلها هيّنة

‏نوب أتغيشم كذا مع إن ماني غشيم
‏لين الليالـي تجيب الحجّة البيّنة

‏واللّي تجي بالصّميم أردّها بالصّميم
‏ولا يكسر القاسية من يعصر اللّينة

‏ما يستغل الكرام إلا الردي واللّئيم
‏وما شوّه الطيب كله غير هالعيّنة

.....

[الحمدان]

وطينا على الدنيا وعشنا كبار بخوت
على منهج أبشر واحتزم بي ومالك هم

.....

[الحمدان]

لا تسأل السرحان في من يفكر
لو كان يبغى يعترف لك حكالك

يمكن في باله باب لكن مسكر
والباب هذا هو اجابة سؤالك

.....

[الحمدان]

‏نيابة عن كل المشاعر والأشواق
‏جيتك غلا والود يسبق حرووفي

‏الله عطاكِ من المحبه بالأعماق
‏صرتِ بحياتي مثل سمعي وشوفي

.....

[الحمدان]

جرّب الاصحاب في الساعه اللي ما تطاق
‏لين تعرف كم صفى لك وكم اللي بقى

‏الكفو حطّه على ايمنك كان الوقت ضاق
‏والضعيّف خله اول لقى واخر لقى

‏العرب ذا الوقت متغيّره لـ اخر نطاق
‏كل يوم الوقت يخلف هقاوي من هقى

‏واغلب المتووفر اهل المصالح والنفاق
‏صعب تلقى لك رفيق ٍ على وضح النقاء

.....

[الحمدان]

كما يمضي سرُورك وهْو جمعٌ
كذلك ما يسوءك لا يدوم

.....

[الحمدان]

لا تجامل فالمواقف ولا تمدح ردي
عھل واحد حسب فعله يدسّم شاربه

العرب فيها نشاما وفيها الأجودي
والعھفو عھفو لو أن الخبول تحاربه

.....

[الحمدان]

كل الليالي لـ شوفة بسمتك حنّت
يدري بها من سرى في ليلها المنهك

عدّت عيوني حدود الشوق وانجنت
سارت تشوف الوجيه العابره وجهك

.....

[الحمدان]

الا يالزمان المقبل إقبل علي بزين
أنا سايلك بالله لا تلحق على الباقي

أنا من قبل يومين وأكثر إلين الحين
لا عينّت لي مخرج ولا زانت أخلاقي

غدا كل شيء فـ العين ماعاد يملا عين
ولا عاد والله عندي في لحية أرزاقي

أدوّر شتات أوراق ضاعت قبل عامين
وأنا يالله ألقاني قبل أدور أوراقي

خريطة حياتي وقفتني على سيدين
تحيّرت كن القيد فـ يدي وفي ساقي

أنا عارف أن الصمت إبن سته وستين
ما أعده من أعدائي ولا ضمن عشاقي

لكن حالفٍ بالله ثلاث وقطعت يْمين
ما أعوّد على دربٍ نثر صافي أحداقي

أنا مامعي وجهين ولا ألعب على الحبلين
واذا جيت أعاتب شخص أعاتبه بفراقي

أغيب بهداوّه .. لين حتى الامور تزين
مع كامل الحب ومع خالص أشواقي

اذا الله كتب نرجع سوا زينٍ على زين
واذا عادك بتبقى كذا كمّل الباقي

محمد الغبر

[الحمدان]

الغالي الي لا فارقني غديت اثنين
وان جاني اصير واحد لا شعوريا

وان شانت اخلاقه ، اخلاقي علي تشين
وارتاح نفسيا اذا ارتاح نفسيا

مشكلتي لاغليت شخص اطيح بين امرين
بين ابتعد منه ولا ازعجه يوميا

من زود ما اغليه ودي لو معي قلبين
اخاف قلبي يجي مختل قلبيا

.....

[الحمدان]

قال سعد علوش:
‏
الجو له شغل بالإحساس
‏هالشي أنا مجرِّبه والله

‏في الغيم أسامح جميع الناس
‏وفي العج أدوِّر على الزلة

[الحمدان]

انا ماني معلمك الخطا والصح يا رجال
‏تبي تعرف ليا خاويتنا وشهي مراجلنا

‏قصرنا الخطوة اللي قدمها كل الدروب هزال
‏وعلى درب السنع سقنا خطاوينا وعجلنا

‏على ظهور الاصايل ما نسابق غير طيّب فال
‏واذا شفنا الردي يبغى يسابقنا ترجلّنا

.....

[الحمدان]

‏المشكلة اللي حلها خشم الريال
‏أدعس على خشم الريال وحلها

‏ما دام دنياك الدنيه .. للزوال
‏الله ولا ضيم النفوس وذلها

‏مال بليّا عز ما هو راس مال
‏ لو صاحبه حاز المناصب كلها

‏لا تمشي برجلك على درب الخمال
‏ رجلك عن اللي ما يعز أفطن لها

.....

[الحمدان]

‏امك وابوك اللي من الصغر ربوك
‏احرص على تقديرهم واحترمهم

‏يرجون منك المنفعة يوم جابوك
‏لا تجحد المعروف والخير منهم

.....

[الحمدان]

‏ليت العمر وقف على ذيك الازمان
‏وليت الطفولة ما عطتنا ظهرها

.....

[الحمدان]

‏بنت الكفو ماهي بحاجه للامداح
‏عن مدحها يكفي لها صيت ابوها

[الحمدان]

رفيقي اواصله وانشد عن علومه
‏وإلى سبقني بها جعله على القوّ

‏على النقا والثقه ماهيب معدومه
‏نعرف حقوق الخوي ونقدّر الخوّه

.....

[الحمدان]

من لا يودّك لا تبيّن لـه الـودّ
‏مودةٍ بالكـذب ماهي مـودّه

‏وحبل الريا والكذب لو كان يمتدّ
‏دايم قصير حبال مهما تمـدّه

‏وشيٍ بني بالكذب مبناه ينهـدّ
‏دورات الأشهر والليالي تهـدّه

.....

[الحمدان]

دور اللي خوته تنشرى بالمال كاش
‏واحدن لا حل طاريه قالوا والنعم

‏لا زهمته حزة الضيق ماجاه ارتعاش
‏يثني المحزم وياقف على ساق وقدم

.....

[الحمدان]

المرجله تشريف والطيب تكليف
‏والناس تسمع هرجة الناس وتشوف

‏واللي يناظر جاحدين المعاريف
‏ماهو مسوي بالرياجيل معروف

.....

[الحمدان]

الناس عاملها مثل ما تعاملك
‏كب الردي والطيّب ان طاب طب له

‏والصاحب اللي خوته ما تجمّلك
‏صلاة مسفوهٍ على غير قبله

.....

[الحمدان]

توّنس بهالدنيا قبل تنتهي دنياك
‏على ويـش نفـسك كل يـومٍ تـزعلها

‏ترى م انت مـكلوفٍ بهـذا ولا هذاك
‏ماهي شغلتك غلطات غيرك تعدلها

.....

[الحمدان]

جعل عيني ما تشوف إلا عيونك
‏وجعل حالي ما يضمه غير حالك
‏
‏انت قل لي وش هالدنيا بدونك
‏والله ان مابه حياه إلا وصالك

.....

[الحمدان]

ياصاحبي درس الزمان اعطى مناعه للضمير
‏والنفس من سود الليالي زاد فيها عزها

‏شامخ ولو هب الهوى والكل من حولي قصير
‏وضلوع صدري ثابته ميل الزمن ماهزها

.....

[الحمدان]

عليك باللي فالمواقف مجرّب
‏اللي جمع بين الأجر والغنيمه

‏وجنّب عن اللي بس ياكل ويشرب
‏اللي طبوعه مثل طبع البهيمه

.....

[الحمدان]

اللي يكافح ميل وقته بتقواه
قد كفّن الضيقة وصلّى عليها

يا قُو عزم المُحسن الظن بالله
تمّرَّه الشدّات ما ضاق فيها

.....

[الحمدان]

ما بين هرجة سفيه وبين نظرة فطين
‏تلقى كلام الحقيقه واختصار الكلام

‏ما تشره الطيبين الا على الطيبين
‏والا ضعاف الروابع ماعليهم ملام

.....

[الحمدان]

خلك على وضح النقا تكسب الناس
‏وان ما كسبت الناس راحتك مكسب

‏وكل على جوه ويقدح من الراس
‏الناس كل له طبيعه ومذهب

.....

[الحمدان]

اطلق زمام النفس لا يدخلك خوف
‏العمر يمضي بين روحه وجيه

‏مد النظر قدام لا تقصر الشوف
‏اطرب شبابك دام الاشواق حيه

.....

[الحمدان]

وقت الرخا كل الرفاقة مطاليق
‏وفي ساعة الشدة ياقل الجماعة

‏ياخوي من وقف معك حزة الضيق
‏إحفظ وداده مثل حفظ الوداعة

.....

[الحمدان]

أخذت من دنياي مايبهج الروح
‏وعطيتها كل التعب واتعبتني

‏وحبيت كل الناس من غير مصلوح
‏وطردت ظلماهم بشمسٍ خذتني

.....

[الحمدان]

جاملوه وصفقو له ثم شاش
‏وجا يخطف راسها ورجولها

‏كل كلمه قالها يقال عاش
‏لين ضيّع عرضها من طولها

‏والله انه كل ما طال النقاش
‏بان لك فالناس حجم عقولها

.....

[الحمدان]

الله يجعلني على ظن الرفيق
‏اللي هقى بي خير جعله ياجده

‏يبشر بي حزامه و يرقى بي طويق
‏ويدحم بي ظروف الزمان الواجده

.....

[الحمدان]

الله هو اللي وزع الرزق بقياس
‏ومن دنيتك ما تاخذ الا نصيبك

‏ان زاد رزق الناس لا تحسد الناس
‏الله حسيب الناس والله حسيبك

.....

[الحمدان]

من عاش في ضل الرياجيل مسكين
‏حاسو مريره وافقدوه احترامه

‏أن كان منت تعيش رجلٍ حمر عين
‏اصبحت من ضمن الهلايم هلامه

.....

[الحمدان]

‏تجمعو في المكان الطيب الطيبين
على بساطه ودين وحسن خلق وثُقل

شبابهم طيّب وشيبانهم شامخين
لو ما عليهم بشوت ولا عليهم عُقل

مبارك بن وادعه

[الحمدان]

‏جوالك اللي في يدينك تحمله
حمله خفيف وياثقل ذنبه عليك

احذر من الذنب الخفي لا تجهله
قبل الندامه والغبن تجني يديك

وان كان في خير ونصح تستعمله
تلقى عملك اللي يسرك مقتفيك

رجا بن عوض

[الحمدان]

ياداير الظــهــر ياعيــــباه درت الـقــفى
وانا اعرفك رجل وافي ماتدور قــفاك

سقهنتني بالتجافي يوم ســقت الوفـى
ونسيت منهو معك يوفا بكامل خطاك

اصفى المخوه عطيتك بالعلن والخفــى
وبنيت لك قصر عالي عن جميع اخوياك

.....