فوق هام السحب ( الشعر الشعبي) على متن القوافي

[الحمدان]

القلب لازاره من الشوق مرسال
‏يامرحبا بالشوق وراع المراسيل
‏
‏هنا اقول الحب يبقى ولازال
‏وهنا يعيش الحب عزف ومواويل

....

[الحمدان]

تالي الليل روحي تصير مرجوحه
تهز كلبي لأن مايغفن جروحه

حته النفس يعثر من يمر طاريك
أحس الريه فوكه أتطيح وتلوحه

كلشي يختلف بيه من أفكر بيك
احس ذاكرتي تصبح ورقه ممسوحه

معقوله أحبك أدري يعني ايصير
ماي يحب سراب ويكفر بروحه

معقوله أحبك أدري يعني يصير
سر بدمعه أظمه وهيه مفضوحه

سميتك حبيبي وموطني تسميت
وكل زله تصير وياك مسموحه

ياأول وطن ماعنده وصله كاع
موبس كاع مابيها ذره ملوحه

أخذ وياك عمري وردلي بس يومين
مابيهن هواك وذله جروحه


شعر عراقي

[الحمدان]

في ذمتي صمتي يوصف غلاتك
لولا الغلا والحب ماصرت ساكت

ولو اختفى زولي وغبت بحياتك
يكفي عروق القلب باسمك تحاكت

....

[الحمدان]

ترى حياتي لاخلت منك تنعاف
مثل الليالي لاخلت من قمرها

كل مانسيتك اشعل الطيب ذكراك
لاعاش مخلوق تجاهل وجودك

....

[الحمدان]

‏اليل موحش والسهر لمة احباب
والجرح من كثر المعاذير عاري

ليت المجامل يغلق بوجهي الباب
مدام شرهات المواصل طواري

....

[الحمدان]

العيون اللي بها فكري سرى
سارت العاشق على رمش العيون

حبها في وسط قلبي قد جرى
مثل ماتجري السحايب والمزون

....

[الحمدان]

ماتفيد العيون اهل القلوب الضريرة
كم عيونٍ تشوف الدرب والقلب عيّا

واضح الفرق مابين البصر والبصيرة
مثل فرق المدى بين الثرا والثريا


عبدالله الطلحي

[الحمدان]

بالعصر قالو ينعرف ليل الاعياد
يـبان مثل السحب فيها مخيله

يوعد ويخلف كل ماصار ميعاد
ومدات وصله بالمواصل بخيله

ومــادام راع الـود مـاعنه نـشاد
لاعــاد يـوعـدني تـراني دخـيله


عبدالله بن زابن

[الحمدان]

انا خابر طرد الموده على المخلوق
عذابٍ وعيا القلب ماطاع عذاله

فنا حالفٍ ماجوز عن جرة الطاروق
ولا اخلي المشراف مادمت بحتاله


سعد بن هتيل

[الحمدان]

سود الله لحيتي يوم اترجى واتحرى
احسبن عيال خلق الله تبي تقضي لزومي

الرفيق اللي عن ايام الشتاء فيه اتذرا
عقب الرفقه وراه وعارض الخط العمومي

صاحبٍ ماهوب ياقف معك في سرا وضرا
لاتجي قدمه على المفرق وتاقفله وتومي


دسمان بن مناحي

[الحمدان]

مايذبح الرجال ويزيد غبنه
الا الفقر وملاحق الدين بدين

اتخلي الرجال يختل وزنه
تحداه لايشري مع الناس ويبيع

ومن ينظر خيالً تعداه مزنه
يلقا على درب السحابه قراطيع


حمود الجداعي

[الحمدان]

سامحوا واعفوا ترا الحسنه تشيل السيِّه
قبل تنحطون بكرة في لحود اللاحد

والمحبّة لاتصير حْبالـها مرخيِّه
عـززوا وصـل الرفـاقه لو بـعضهم جاحد

وتوبوا وصلوا مادام النفس باقي حيِّه
والله انه مايُكّب الموت منكم واحد


سعود بن رباح

[الحمدان]

خلك بحر ماتعرف النـاس سره
لو هاج موجه غبته تستر السر

وحكّم بعقلك كل كلمه تمره
لاينطق لسانك على كل مامر

للصمت وقت وكلمة الحق دُره
كم كلمة جابت لمن قالها شر

لاتشيل في قلبك من الكبر ذره
من يحقر العالم يجي يوم يحقر


بريكان بندر

[الحمدان]

الله عوين اللي تعكّر مزاجه
اللي يدور ستر وجهه عن الناس

تظهر علامات الحيا في حجاجه
وفي نـاظره تقرأ عناوين الافلاس

يصبر على حلو الزمان وهماجه
مايبدي الحاجه على كل عساس

من خوف تظهر حاجته وإنحراجه
ويدريبها اللي يقرن الراس بالراس


لاحق العضياني

[الحمدان]

عسى الله يعاوني على حاجة المحتاج
ليا احتاجني ماابخل بوجهي ولاجاهي

اقف في لزومه لين مايعدل المنعاج
ويضفي عليه من السعد ثوبه الزاهي

تبين الجمايل في كريم ٍمثل هداج
ولااحتجت له هقوتك تبقى مثل ماهي

وتذوب الجمايل في يد الخبل والهلباج
مثل مايذوب السكر الخشن في الشاهي


﮼معيض

[الحمدان]

الناس تبغى الجناب الدمث واللييّن
وتلقى كثير العرب لاشافته حيّت

ولا تقبل اللي يحب الماقف الهيّن
اللي يمينه عن دروب السخى عيّت

وطبع الخطا لاحصل معاد يتزيّن
مصير الأعذار لاذرّت ولا فيت

العذر بعد الخطا اللي واضح وبيّن
مثـل الـعزا ما يرجّـع واحدٍ مـيّت
ٓ
حباب بن عماش

[الحمدان]

ماعاد باقي فـالمشـاريه مذخور
النفس طابت والمشـاريه خابت

صدور الاوادم جرد وقلوبها دهور
ورموشنا مما ترى العين شابت

نقدّي الاعمى ونبلش مع العور
وايامنا ياويش ودت وجابت

الناس هي الناس لانفخة الصور
الطبع ثابت مثل ما الضلع ثابت


بندر بن خربوش

[الحمدان]

وش فيك دايم تلف ولا كشفتك تدور
ياليت بعض السوالف صالحه للنشر

انا مع اللي يقول انك عديم الشعور
ماني مع اللي يقول انك تحس وبشر


جحان زيد

[الحمدان]

تبي تغيّبك المواجيع وتغيب
وتترك هواجس وش تظن وتعتقد

ابعد ولكن خلك من الله قريب
مهما تغرّبك الحياه وتبتعد


جحان زيد

[الحمدان]

يارب وانا من عناي استجيرك
عبدك وهاجدني من الضيق هاجد

طماع في مغفرتك وجود خيرك
وفي خاطري حاجات ماهيب واجد

تغنيني من الحاجه اللي لغيرك
واحيّـا على طاعتك واموت ساجد

جابر آل دجران

[الحمدان]

العلوم الطيبه ماهيب ملك محصور
ملك كل الناس والناس كل وجهده

لكن الطيب ليا طاب مابطيبه قصور
دايم وطيبه ليا طاب ياطول أمده

والـردي طيبـه وضيـفه على بنـد الاجـور
لو يطيب اليـوم بكره تخاف من انكده


لافي الغيداني

[الحمدان]

أكتب ويبقى الشّعر في حقّك شوَيْ
أبني حروف الوصف وتطـيح دونِك

يـاجعـلني فـدوة عيـونـِك وأنـا حَيْ
وإن مت جعـل الكون يفدا عيـونِك

ياحظ ربعِك فيك يابارد الفَيْ
إنتي الرّبيع إللّي تمايل غصونِك

....

[الحمدان]

لك ثلاث أيام والشرح في عينك يطول
‏ودك تفضفض ولا أدري وش اللي عايقك

‏أبتسم مال للحزن في سناء وجهك قبول
‏ولا تضيق الله يضيّق على من ضايقك

....

[الحمدان]

‏عشقتها واهديتها القلب والبوح
واذوب كلي شوق في كف يدها

المهره اللي تفتح النفس والروح
تكسر يمين اللي يدور نكدها

....

[الحمدان]

‏واجب نمسيكم ونسئل عليكم
ياكل متفاعل وحاضر وغايب

بالخير يسعدكم وينعم مساكم
يامبدعين يامرسلين المواهب

مني اليكم مع التحية

[الحمدان]

تزاحمت بالصدر بعض العبارات
‏وفضلت عن بعض الكلام السكوتي

‏واخذت لي هدنه ووقفه مع الذات
‏حتي اختفت بالحلق نبرات صوتي

....

[الحمدان]

‏اتابعك من دون تدري ولاتشوف
‏شتاق لك وان قلت لـيه مدري

‏اتابعك وان غبت يرعبني الخوف
‏واهتم لـ امرك كني اهتم ل امري

....

[الحمدان]

تعال اضمك ضمة انسـان شفقان
شاركتـه بعطره ونبضه وهمه

ماني مغير عطر ضمات الاحضان
لاحتجته بلحظه معي قمت اشمه

....

[الحمدان]

ظروف الايام مثل السمعه الشينه
ما ودك اتشوفها في واحدٍ غالي

....

[الحمدان]

أشتقت لـ انسان لكن كيف اوضح له
أخاف لو قلت انا مشـتاق له يغتر

أشتقت له شوق واجد لعن ابو شكله
ما أجمله حينما يمشي ويتبختر

كلمة صباح السعاده تعتبر قُبله
مِن مَبسمه لانطقها داخلي يحتر

....

[الحمدان]

مناقب الطيب والجوده لمن شلها
ماجودة الوافي إلا من شهامه وطيب

والمرجله والشجاعه تعرف اين اهلها
ماكفوها غير ذا راوي من أمه حليب

والقبيله ذا عليها مثل ماهو لها
عند القبايل وشمس المعرفه ماتغيب

والود بالود والجفوه بها مثلها
والصاع بالصاع وافي للعدو والحبيب

صون القيم والمبادي وإجتهد لجلها
وإسعئ لفعل الجمايل من سعئ مايخيب

وإن جار حملك والاصحاب أختفت كلها
إتذكر إنك خلقته ذيب من صلب ذيب

وحاول إصنع من أوجاع العلل مصلها
ماكل عله يداويها علاج الطبيب


د. أحمد العميسي

[الحمدان]

اللي إذا غبت يحضر وان حضرت انت غاب
ما داعي انك تظل العمر تلحق وراه

الأمر واضح ولا داعي لطول العذاب
دعه بكيفه يغادر قلبك الله معاه

هل شفت انسان فالصحراء يلاحق سراب
حصل على الماء مـن سعيه وحقق مناه

....

[الحمدان]

أحبك من الله وأحبك من زمان
لاتسأل الحب ليه ومن متى

أنا أذكره كان في مثل هذا الزمان
أواخر الصيف وبدايات الشتاء

....

[الحمدان]

أشتاقت أعياني لشوفة رفاقي
يوم الزمان أقبل بقسوة شديدة

ذكرتهم يوم أستهانو فراقي
وصارت أيام التواصل بعيدة

ذكرت ساعات الصفاء والتلاقي
حتى بكت لجلي حروف القصيدة

ياهل ترى عاد الصحب عهد باقي
أو كل واحد جمده في وريدة

حتى الذي كنا لهم درع واقي
ماعاد جونا بالعلوم الأكيدة

رغم الجفاء منهم يزيد إشتياقي
وآحاول أمنحهم صوافح جديدة

لكن أسف ذي مامعه حس راقي
ماآظن ياشوق الصحب تستعيدة

ياالوقت أنا باقي بحسب إتفاقي
وخبر أصحاب الوجيه العديدة

مااحنا من اللي يأكلون البواقي
أو يطرح عند الذي مايريدة


أمين عاطف .. اليمن

[الحمدان]

حتى المساء ياحبيب الروح من دونك
بارد ولا فيه لاضَجه ولا بَهجه

كن السعاده تجي وتروح لعيونك
تعال شفني بدونك حالتي حَرجه

....

[الحمدان]

حبيبتي ليتك بعينك تشوفيين
ليتك تشوفي فالمرايه حلاتك

انتي قمر واكثر في الحسن والزين
كل النجوم مستلهمه من صفاتك

الشمس تنزل كل يوم قبل تصحين
تستأذنك تاخذ بعض محتواتك

وتعلميها كيف تشرق وتعطين
لخدودها من بعض مستحظراتك

....

[الحمدان]

تنام من دون ماتنشد عن اخباري
الظاهر انك بدأت تغير الوجهه

مدري علامك تريد تشوش افكاري
وتعتقد إن هذي المسأله نُزهه

أو إنك الآن تُسلك درب إجباري
ومشاعرك نحو هذا الدرب متجهه

....

[الحمدان]

إللي يبيك لو تخطي مايخليك
يتصاغر الذنب لو الذنب يا كبره

بقلمي

[الحمدان]

سلام لك يسلي فؤادك ويرضيك
رضاك غاية في فؤدي أكيدة

كل الغلا والشوق بقلبي يناديك
مدري سمعت الصوت وإلا اعيده

الشاهد الله كم أعزك وأغليك
رغم المسافة والظروف الشديدة

....

[الحمدان]

كل ماذكرتك يصبح القلب خفاق
ينبض بحبك فالدروب المعيقه

ارسلت لك قلبي مع كل الاشواق
والروح مايغلاك دامك رفيقه

ماطاق قلبي بعد الاحباب ماطاق
صعب الفراق يازين ماعاد اطيقه

....

[الحمدان]

ياصاحبي والله ماني بناسيك
لو قل مرسالي وقل اتصالي

تراك في بالي واقدرك واغليك
وتبقى على قلبي عزيز وغالي

....

[الحمدان]

اضبط لسانك لابديت وتكلمت
خل الحكي مثل الشهد منك حالي

لاتجرح الانسان لو كان بالصمت
قدّر من اجناس العرب كل غالي

....

[الحمدان]

‏ان ضاق صدرك بين هم وحاجه
‏لاتبدي اسرارك على غير موثوق

‏ولو كل من يمرض عرفنا عـلاجه
‏ماضاعت الدنيا ولا مات مخلوق

....

[الحمدان]

الحــزن مهما طــــال لايمكن يدوم
بعض التجارب فـي حياتك مفيده

وان كنت من عذبات الايام محروم
منت الوحيــد اللي ظروفه عنيده

مادمــت لاظــــالم ولاأنت بمظلوم
وقلبـــك بعد لازال ينـبــض وريده

إنفض غبار الهم واصحى من النوم
واصبر على الشدات لوهي شديده

....

[الحمدان]

لابارك الله في رفاق المصالح
اهل الوجيه العايبه والقبيحه

ذا غيروا اشكالهم والملامح
خلف اقنعه متصنعه بالسميحه

....

[الحمدان]

سوالفه حلوه ومليانه إحساس
ومن كثر ماني منسجم ضاع حسي

يقول صدقني معك ناسي الناس
وأنا معه نسيت نفسي بنفسي

....

[الحمدان]

ماني من اللي يتبع المقفين يانايف
طبعٍ ورثته من اللي مات ماخرّف

من صد صديت لو هو بالغلا كايف
وان راح جعله مراح الطير لاصرّف

....

[الحمدان]

مافيه داعي تنشده عن مغيبه
ماغاب عنك الا وهو منك مسروق

خله يكمل غيبـته وش تـبي به
لاتلحقه لو كل مطـرود ملحوق

....

[الحمدان]

فنجال واحد منك ماظن يكفي
ان لامست راحت كفوفي كفوفك

قربك هو اجمل شيء للروح يشفي
عطني من ادلالك وعيني تشوفك

....

[الحمدان]

ياويل حالي كل ماهزني شوق
على وليف قاع قلبي يهزه

منه غدى قلبي من البعد محروق
وعني يغيب العقل حزه وحزه

....

[الحمدان]

شدوا بدو قلبي عن ديار قلبك
والبدو لاشدوا عن الدار يبطون

واذانشدوك الناس وش كان ذنبك
قل البدو لآعافو القاع يمشون

....

[الحمدان]

يكفي وفاك وطيبتك في نواياك
‏ويكفي ليا من زاد همي نصيتك

‏حياك في وسط الحشا لاعدمناك
‏القلب قلبك والشرايين بيتك

....

[الحمدان]

عن نسيم البرد والليل روحي في ذراك
‏كل ليلة فـ الشتاء معك ليله دافيه

‏من يعيش سنين عمره على ضفّة غلاك
‏مايبي غير الرضى والعفو والعافيه

....

[الحمدان]

‏اﻻ ليت وقتن فات للطيبين يعود
‏وترجع لنا هاك السنين
وسعادتها

‏يوم ان العرب ماتعرف الكبر وﻻ الزود
‏نفوسن على الفطره تعيش بطبيعتها

....

[الحمدان]

مكملك ربي ولابك عذاريب
ولك عند خلقه حشمه وقابليّه

ماتلحقك شكّه ولا ينقصك طيب
ولا تطرّيك العلوم الرديّه

....

[الحمدان]

تهب لي مع طواري لهفتي نسمه
وتطري علي كل مانسنس واغنيها

له صورة في حنايا الصدر مبتسمه
لاغـاب عني اقبلها واحييها

....

[الحمدان]

حاول تخلّي جلستك عند العرب ركعة وتر
خفيفةٍ تقضي لزومك كل ماصليتها

وحاول تخلّي كلمتك عند العرب ليلة قدر
كلٍ يدورها ولايدري متى توقيتها

وحاول تخلّي كلمتك وقت العتب رشّة عطر
يفطن لها المخطئ ولاتندم إذا رشيتها

....

[الحمدان]

الغيث لا هلّ كنّه عذْر رد إعتبار
عن الغياب الطويل وجارح شْموسها

ياحبّني للغيوم الزِّم والإنهمار
من يومني صْغير وانا ودّي أبوسها

الغيم والحُب وأنفاس المطر والوَقَار
أشياء ماتشتريها النّاس بفلوسها

....

[الحمدان]

‏هذي بدايات الشتاء شوق وحنين
ياللي معودني على طيب النبأ

ذكراك تتجدد على طول السنين
ولها الغلا والمسهلا والمرحبا

....

[الحمدان]

مرحبا من سبب ولا بليّا سبايب
ياسبب كل جرح ويادوى كل عله

ياحبيبي بدون أدنى شكوك وطلايب
والله وبالله اللي كوّن الكون كله

إنك الحاضر اللي كن ماهوب غايب
وإنك الغايب اللي ماتغير محله

....

[الحمدان]

‏عز الله إن الوقت ماهو بمضمون
‏فيه الخطورة من جميع النواحي
‏
‏تبطي عن الصاحي وتلقاه مجنون
‏وتبطي عن المجنون تلقاه صاحي

....

[الحمدان]

ماودي أذكر شي من ذكرياتي
‏شوفوا لنا رحلة فرح نبتديها

‏الذكريات الي مضت في حياتي
‏الله يرحمها و يستر عليها

....

[الحمدان]

عمر العنب ماشال هم العناقيد
‏ولا درت عن ضيقة الأرض غيمـة

‏ولا شكى كثر الوطى واسع البيد
‏ولا جرح وجهه الحيا قِل شيمة

‏العقل نعمة والقناعات تجديد
‏وأفكارنا ماهي بـ دايم حكيمة

‏بعض الوضوح أحيان يحتاج تعقيد
‏لأن الحياة أصلاً ماهي مستقيمة

....

[الحمدان]

كون كَل شارع أشوفك
چا كضيت العَمر أمشي

وكون اكابل مرة وجهك
ألة اعميهن أذا ينطبك رمشي

مو مجرد صدفة انت ولا محطة
يمها اكعد واستراح انت كلشي


شعر عراقي

[الحمدان]

‏لا تزعل ان سويت خير وجاك شر
احيان تلقى من ورا هالشر خير

عشان تعرف وش كسبت ووش خسرت
لازم تصير اشياء ماودك تصير

....

[الحمدان]

‏لك من حـروفي سـحابة بالغـلا تمطر
‏ولك من حيـاتي دروب الـورد تمشيها

‏يـافـزة القلـب وأحـلا من حـلا السـكر
‏اي والله انك عـروقي ومـن يغـذيها

....

[الحمدان]

كون كَل شارع أشوفك
چا كضيت العَمر أمشي
وكون اكابل مرة وجهك
ألة اعميهن أذا ينطبك رمشي
مو مجرد صدفة انت ولا محطة
يمها اكعد واستراح
انت كلشي


شعر عراقي

[الحمدان]

‏عزلة الإنسان تغنيه عن بعض الامور
‏ عندها يرتاح عقله ويرتاح بدنه

....

[الحمدان]

شيمة الانسان ميزان اعتداله وانحرافه
تنذره لا شافت الاوضاع ماهي مستتبه

إن عجزت إنك ترد النفس عن شيٍ تعافه
ماقدرت تحطّ نفسك فالمكان اللي تحبه

....

[الحمدان]

كتب الحميدي الحربي :
في اتصال هاتفي سألني
الشاعر الكبير بدر الحويفي
عن قائل هذين البيتين :



أي الذي من قاعة البير يظهرك
أياه وأيا اللي تراكى على الجال

قدرك وتقديرك لمن لايقدرك
غبنٍ ولا يصبر على الغبن رجال




قلت له إنني لا أعرف القائل
ولم أسمع الأبيات من غيرك
فقال لقد أثاراني بجمال
معناهما فكتبت هذه الأبيات
على نفس المعنى والبحر
والقافية :


لاتصاحب اللي بالقسا ما يشاطرك
عند النوايب لاتحطه على البال

لاصار باوضاع القسا ما يباصرك
طبيعته ماله على الطيب مدخال

العفن لو هو في رضاعك مخاشرك
عليه لاتسند ولا تشكى الحال

اسند على اللي صحبته ما تحدّرك
وان جا مجاله قالوا الناس رجال

والراي لا تعطيه من لا يشاورك
مالك وماله لاشكى لك ولا سال


بدر الحويفي

[الحمدان]

جارب علمتنا وصمينا الدروس
نعرف النفس المريضة ونعرف طبها

....

[الحمدان]

لعل ودّانٍ من المزن وجها
قام يترزّم في تواليه ثجّاج

برقه على كبد السما لا فلجها
طلسم طبيبٍ كاتبٍ وصفة علاج


سعد بن جدلان

[الحمدان]

‏هذا زمان الشك والوسواس
‏الوضع من جرفٍ لدحديره

‏لاتقول للمقفي عسى ماباس
‏خله وشف لك صاحب ٍ غيره

‏ترى الرفيق إليا غدا حساس
‏شرّه يبي يطغى على خيره

‏واللي يبي يسمع كلام الناس
‏ماهوب والله رايح ٍ ديره

...

[الحمدان]

تغريني البسمه على وجهك الزين
‏مثل مايغريني المطر في بلادي

‏ياللي لك الدنيا على ماتحبين
‏حبيني وخلي المبادي مبادي

‏أنا ضحيه غمزتين وهدب عين
‏يوم اعترضتي لي وانا كنت هادي

‏مقفلً باب المحبه بقفلين
‏لا انشد عن المقبل ولا ارد غادي

‏سلهامة عيونك لو انك تشوفين
‏قامت تغرب بي مع كل وادي

‏احب وجهك من ضميري وتدرين
‏اني ليا حبيت مانيب عادي

....

[الحمدان]

‏لعنبوها عيونها تذبح بدون سلاح
‏ما تمهل المذبوح نطق الشهاده

‏في رمشها الأيمن سكاكين ورماح
‏وفي رمشها الأيسر حقوق السياده

....

[الحمدان]

الكبير أي شي منّه يجي مثله كبير
أنت نصف الأرض والنصف الآخر ناسها

أهْدني أي شيء أي شيء لو إنّه صغير
الهدايا ماتهم المهم إحساسها

....

[الحمدان]

‏ياكمً عاشقً من دون خلّه حداه الريب
‏ظروف الليال القشَر مجبرته ايغيّب

‏ماكنه يقول الّا ماواجهت غير الطيب
‏ماينسى وليفً كنّه الماطر الصيّب

‏تشيب الملامح والشعر يكتسيه الشيب
‏ويثقل مسير الرَجل والقلب ماشيّب

....

[الحمدان]

‏ياحفيدة متعبين الخيل مروين الهنادي
‏كل بيتً فيك يلبس له عن الابيات زيِنه

‏لاتلوميني ليا من جيت لك كلي مفادي
‏من يشوفك مستعد يسوق لك عمره رهينه

‏في وصوفك يعجز لساني ولا يعجز فؤادي
‏يوصلك شعري من الاعماق كنّك تخطفينه

....

[الحمدان]

‏بعض الشجر لو يبطي الغيم ما أسقاه
‏يموت راس الغصن والجذع نابت
‏
‏مثل الكفوو صلف الزمن لو تحداه
‏تشوف حاله شين والطيب ثابت

....

[الحمدان]

‏وين انت لك مده عن العين غايب
‏لاحس لاصوره والا منك مرسول

‏اسوق صوبك يالخفوق الركايب
‏ركايب الاشواق لوكنت مشغول

....

[الحمدان]

‏يوم الوفاء طبعك وانا عند ظنك
‏ أعاتبك وأشره ولارحت عودت
‏
‏واليوم لاتشره لو أبطيت عنك
‏ على كثر مافي وصالك تجودت

‏ لاعاد تنشدني عن الشوق لانك
‏ عودتني على بعادك وانا تعودت

....

[الحمدان]

‏انتهى عمرٍ من الحب ياسرع السنين
‏انجلا والله مدري على ويش انجلا

‏النهايه طعمها مر والتهميش شين
‏لو يحس المبتلي بنكسار المبتلى

‏المشاعر كنها القبر ما تاخذ ثنين
‏واحدٍ يدله ويسلى وواحدٍ ماسلا

‏سعد عينيّ قبل لا اكون مثل الاخرين
‏وبري حالي يوم بدلت لبيه بهلا

....

[الحمدان]

‏ياليتني في خطوتي مـاتعنيت
ولاسراب الليل طقيت بابه

عز الله اني لمت حالي وونيت
لويش اطق الباب واتبع سرابه

....

[الحمدان]

خل النوايا الطيّبه نصب عينك
واعبر طريقك لامشيت وترفّق

حتى لوّ إن أهل الردا محتسينك
من أخلص النيّه لربه توفّق

....

[الحمدان]

‏الشوق ما يهدأ علـى غير مشتاق
ياللـي غلاك بداخـل القلب باقي

يا طيــر ياللي بالجناحـين خفاق
بلـــغ سلامي والوفـاء واشتياقي

للي اخذ مابين جوفي والأعماق
واللي ملك كل الشعورالعماقي

قلةرفيقك مات مابين الأشواق
بين البعاد وبين جمر الفراقي

....

[الحمدان]

لاتصدق الناس مهما شفت قدامك
واليا انشدوك العرب ركز على مدري

لايغرّك اللي يبيك تحقق أحلامك
كلن يدوّر مطيحك وأنت ماتدري

....

[الحمدان]

‏يارفيق الذات من باب الحديث الودّي
صاحبك همه يموت ولا تخيب ظنه

والله إنه من غلاك وكبر قدرك ودّي
انتخاوى فـ الحياة ونلتقي في الجنه

....

[الحمدان]

‏غلاك مثل الذهب بالهون والشده
مايختلف بإختلاف العالم الحالي

غيرك إليا غاب ما أحسبه ولا أعـده
وإلا أنت غير البشر دايم على بالي

....

[الحمدان]

‏الحب كم عذّب وكم شيّب عقول
‏وكم حطّم قلوبٍ على مر الأجيال

‏حبٍ قصير وحب يبقى على طول
‏وحبٍ يموت وحب تضرب به أمثال

....

[الحمدان]

‏احيان مالي مزاج اكتب ولا حاجه
‏وأحيان قبل اكتب الأبيات تكتبني

‏وأحيان ما اطيق كل الخلق وأزعاجه
‏وأحيان حتى ضجيج الناس يعجبني

....

[الحمدان]

‏مستعد أعطيك لو تطــلب عيــوني
ما لي أغلى من نظر عيني سواك

لو جميع النــاس من حبك جفوني
يكفي انك مخلص لي في هــــواك

صـورتك بالعين تحميهـــا جفـــوني
وصوره الإخلاص جسدها وفــاك

....

[الحمدان]

‏الشك مايدخل قلوب الواثقين
اهل العقل والعرف وابعاد النظر

والصبر خصله طيبه للصابرين
اللي لجيت اوصف معانيهم بحر

لاصار هادي شفت فيه المبحرين
وان هاج ماللي على موجه مقر

....

[الحمدان]

كن صافي النيه وتوكل على الله
من كيد عدوانك يصونك ويحميك

ارفع مقامك عن علوم المذله
وربك على طيبة نواياك يعطيك

واللي يثير الشك والكره خله
ارسم على بيض النوايا مباديك

....

[الحمدان]

‏خلك مثل نجم ٍ تعلى عن القاع
كلاً يشوفك بس ما ياصلونك

وخلك على كلمة نعم دوم طماع
افعل وغصب ٍعنهم يمجدونك

عدوان عينك ترتخي لك وتنصاع
من زود طيبك فوق ما يلحقونك

تحرق بهم بالطيب ولكل لك طاع
من طيب راسك كلهم يسمعونك

واسلم وسلم وحفظ العلم بالساع
أن كان تبغي العز ثبت اركونك

....

[الحمدان]

أطيب من الطيب تلقانا بطيبتنا
وأشر من شر من ينوي يعادينا

من عاش معنا يعيش بطيب رفقتا
ومن خان فينا تبلوى في بلاوينّا

أحرار مادنقت للقاع هامتنا
يوم العزاوي شرفنا في عزاوينا

مانقبل الظيم لو تقطع معيشتنا
قطره من العز تشبعنا وتروينا

بقلمي

[الحمدان]

هات القلم بكتب من الشعر ما لاق
دام القصايد في هجوسي تلجي

مبطي وفكري ياهل الحب ماراق
وافكار شعري قدم عيني تعجي

على الذي قلبي له اليوم مشتاق
الصاحب اللي سهم عينه يفجي

....

[الحمدان]

‏ياعابرين الدروب وعابرين القلوب
رغم إختلاف المقاصد كلكم عابرين

اثاركم في المشاعر مثل اثار الحروب
اللي تشتّ الشمل وتروّع الآمنين

....

[الحمدان]

طيبك غشاني والوفى في مباديك
‏واضح مثل بدر السّماء في مداره

‏ لقيت فيك الطّيب من غرس أهاليك
‏ولقيت فـي موقفك حس وأصالة
‏‌
....

[الحمدان]

‏الا يارفيقي مابقى بالعلوم علوم
‏ولا عاد بالموضوع وده ولا هاته

‏عرفنا الصحيح اللي تكنّه صدور القوم
‏مثل مايعررف الادمي نفسه وذاته

....

[الحمدان]

لاتقول يادكتور مافيك وش فيك
جيتك انا والنفس تبغا طلبها

جيت وامالي ترا واجده فيك
لاهب جروح الصدر مقوا لهبها

داوي جروح الصدر ربي يعافيك
وشرح لي اسباب العلل وش سببها

ماحل صدرك قال ماهو بخافيك
ولا ضن تجهلها وتجهل سببها

الله يعينك دام خلك مجافيك
هاذي هي الدنيا وهاذي كتبها

مره تشين معك ومره تصافيك
ومره كما هاذي ومره قلبها

يامدبل اجروحي عسى الله يجازيك
ليه الجفى والنفس تنسى تعبها

قد كنت اداري خاطرك كل ماجيك
وضحك وسولف لك وتقطف عنبها

واليوم تجفاني ونا قلت اجافيك
ماني بلعبه كل من جا لعبها

ولاعاد لي قوه ولا حيل اداريك
فعلك ومحطابك تحمل حطبها

روح مع دربك ولاني بناسيك
بعيش مع ذكرا وقلبي رغبها

ون كان عاد به حض بينلتقي فيك
لوكنت وسط اسحار ونا في ابها

....

[الحمدان]

قالت بروح وقلت يابنت الحلال
الصبر قالت من عرفتك صابره

قلت الوصل قالت مللت امن الوصال
قلت الغلا قالت غلاك وخابره

لكن انا بروح مافيها جدال
مريت قلبك واعتبرني عابره

....

[الحمدان]

قد قُلتها لك يازمن مالك أمان
من يأمنك يخسر ويندم بالأخير

واللي طغىٰ خلّيه يرجع بالزمان
ينظر إلىٰ من كان قبله والمصير

فرعون والنمرود كانوا آيتان
عِبرة وموعضه لمن قلبه منير

بعض البشر قد يعتقد أنّه مصان
فـي هذهِ الدنيا لهُ شأنٌ كبير

وفي النهاية سوف يبقىٰ هو مهان
يلقىٰ مصيره حينها صاغر كسير

والحقّ واضح ياعديم الإتّزان
لاترتجف تبقىٰ معَ القوم الخسير

خلّيك ثابت بالهدىٰ عند الهوان
واصبر علىٰ بلواك بالوقت العسير

واللي صبر هو فاز بعد الأمتحان
واللي كفر هو سوف يلظىٰ بالسعير

حدّد مسارك أين والله المستعان
كل من عليها نحو حتفه بيسير

....

[الحمدان]

‏يامن وجودك في حسابي ضروره
لولا وجودك في حسابي حذفته

اشـوف روحي فيك في كل صوره
وليتك تشوف اللي انا فيك شفته

....

[الحمدان]

كيف بالله بنسى والجروح جداد
وذكرياتٍ مازال يمر مقطعها

ليت كل الكلام اللي تقول يعاد
وليتها دايم تسولف وأنا أسمعها

مدة الوقت ماكانت على المعتاد
ليه وارف غصون الوصل تقطعها

علموه إني أراوي على المعواد
وفرصة العمر جعله مايضيعها

....

[الحمدان]

ثاريها الضنون تخيب وتخيب

ايد على الصور والثانيه تعيب

وبس الماي يكسر جنح الرماد

نفرض شگگتهن خاف ماطيب

شگ الثوب فوگ الميت شفاد

شعر عراقي

[الحمدان]

وش حيلة اللي شاف بعيونك بلد
ولو غابت عيونك يحس انه غريب

مافوق قدرك يا بعد عمري احد
ومابعد حبك ياضيا عيني حبيب

....

[الحمدان]

‏اذا غدرت من كل فج ونهج واسناع
فطنب خيام الرأي باوتاد مشروعة

على مذهب البدوان ماشي ذياب جياع
ولا الذيب يعدي في مراعيه وأربوعه

زمانك اذا حدك على البيع لاتنباع
ولا تنحني دام السماوات مرفوعة

وعش بالعزيمة والوفاء والرجال طباع
والاجال بيد الله ماهي بمقطوعه

بقلمي

[الحمدان]

‏ياباقي العمر دنيا الناس خداعة
تجري سفنها ولا نعرف مراسيها

تطوي من أعمارنا باليوم والساعة
والعالم الله كيف نعيش باقيها

يالله بحسن الختام وصادق الطاعة
وأعمال تبقى تبيض وجه راعيها

....

[الحمدان]

بالنور والسجده ومريم والفلق
والحشر والدخان ثم الواقعه

والنجم والطارق وعزة من خلق
ونون والفرقان ثم القارعه

الحق مثل الشمس واللي ما نطق
بالحق ما عنده كرامه نابعه

عز الرجال اخلاقها والحق حق
وفرق ما بين القرون الرادعه

هل يستوي أهل الشهامه والدنق
وشم النواصي والنفوس الخانعه

وهل يستوي أهل التعفف والسرق
واهل الوجيه المسفره والناصعه

اقسم بمن شق الحيود السود شق
العز في عز النفوس القانعه

واحنا على عهد الوفاء لاخر رمق
حتى تقوم الراجفه والنازعه

....

[الحمدان]

‏لك من مسائي سحابة بالغلا تمطر
ولَك من حياتي دروب الورد تمشيها

يافزّة القلب وأحلا من حلا السكر
اي والله إنك عروقي ومن يغذِّيها

....

[الحمدان]

‏اغيب لاكني مع الناس موجود
‏وعلاقتي بالناس جداً لطيفه

‏غضيت طرف العين عن كل منقود
‏وخاويت بيضان القلوب النظيفه

بقلمي

[الحمدان]

مؤمن بالقدر والصبر اتخاذي
‏مابعد ضيق الصدور إلا سعتها

‏وش يحزن خاطري والأرض هذي
‏كل حي ٍفوقها يرجع تحتها

....

[الحمدان]

جيت المكان اللي لنا فيه ذكرى
قلت اتسلا عن غيابك بذكراك

ماني لحالي فاقدك واتحرى
حتى المكان اللي جمعنا تحراك

....

[الحمدان]

‏ياحلو عز النفس لو كان يفقرك
‏ويامر ذل النفس لو كان يغنيك

‏احذر تواضع عند من لايوقرك
‏واحذر تكبر عند من كان يغليك

بقلمي

[الحمدان]

‏يالله ياللي بك مواثيق الآمال
‏ياخالق الدنيا ومحصي عددها

‏يامن سجد وجهي لوجهك ولا زال
‏يجني ثمار السجدة اللي سجدها

‏أنا بوجهك من عنى الوقت لامال
‏وشر القلوب المبغضات وحسدها

....

[الحمدان]

يارب وأنت بكل مافيني عليّم
‏سخر لي أصحاب النفوس الصافية

‏لو شحت ظروفي فلا غيرك كريم
‏وان جارت ذنوبي عساها خافيه

‏عن كل ذنب أستغفر الله العظيم
‏عن كل كسرة نفس أجر وعافية

....

[الحمدان]

‏لا تترك ضلوعي ويآكلني البرد
وأنت الدفا من ضمتك يحتويني

عطني يدينك عطر وأنفاسك الورد
وأعطيك قلبي يادفاي وحنيني

...

[الحمدان]

‏املا المكان بجمر شوقي و ادفيه
وأحس بإحساس الغلا مع طيوفه

من كثر ماحبه ومن كثر ماغليه
أحضن خياله واتلمس كفوفه

....

[الحمدان]

‏ياوجدحالي كل ماصحت لبيه
لبيه ياسارق غلا القلب كله

ماغيرك اللي شرع القلب بيديه
ولا غيرك اللي شد قلبي وتله

....

[الحمدان]

رسالتي لك...

لاتقهر أحد لتسعد نفسك
ولا تظلم شخص لتبرر اخطائك
حاول دائماً بناء سعادتك
بعيد عن الم الناس

بقلمي

[الحمدان]

لاجيت تقرا في قصيدي عبارات
لاتفسر المعنى على شي تبغيه

ترا المهم انك تمعن بالابيات
تقرا قصيدي ثم تفهم معانيه

واعرف ترا مابين الابيات شارات
قليل من يفهم من الناس خافيه

....

[الحمدان]

‏أبتسم للوقت واضحك للحياة
لايروح العمر في هم ونكد

عيش يومك واحتسب للي وراه
من يعد الوقت يبلش في العدد

....

[الحمدان]

القول والفعل غير الشوف والمنظر
ماكل من جاء بثوب الصدق صدّقته

مايظهر الفرق بين الملح والسكر
وتعرف الحالي الا ... لاتذوقته

....

[الحمدان]

‏تدري وش اجمل شي بعيون الانسان
‏انه يشوف انسان يسوى عيونه

‏يعني تشوف الناس في كل الاحيان
‏وتحس كل الكون غايب بدونه

....

[الحمدان]

‏لك الله ياقلبٍ تعاين بك الجراح
‏حداك الزمان وغير الوقت دقاتك

‏عقب منت خالي من هموم الشقا مرتاح
‏تمايل بك ايامك على عكس مشهاتك

‏تصبرت لين الجرح عمّر وزاد اجراح
‏وحظك تردى في طموحك وهقواتك

‏سلامات والايام ماترجع اللي راح
‏تصبّر ولو زيفت واقع معاناتك

....

[الحمدان]

‏كل البشَر مافيهمِ انسان كامل
‏الكل منا عنده أخطاه و ذنوب

‏واكبر خَطأ فيّ الـناس سوءْ التعامل
‏واكبر ذنوب الناس تذنبْ ولا تتوب

بقلمي

[الحمدان]

القلب وش خلاه مخنوق الانفاس
بين الضلوع العوج ينزف وريده

الا الفراق وغربة الناس للناس
وبعض السوالف والعلوم المكيده

....

[الحمدان]

‏ياصاحبي لايضايقك الزمان وغثاه
الامر لامن قسى لابد بانه يلين

اصبر على ما ابتلاك الله واشكر عطاه
بشارة الله لنا .. { وبشر الصّابرين }

بقلمي

[الحمدان]

‏سولف عساني ما افقدك في حياتي
سولف وبادلني شعورك و الاشواق

سولف وريح خاطري ياغناتي
سولف وطفي ناري اللي بالاعماق

سولف ورب البيت هرجك هواتي
سولف كلامك ذوق مابعده اذواق

سولف واسعدني واجمـع شتاتي
سولف انا لك يالغلا حيل مشتاق

....

[الحمدان]

‏أربع تسر النفس وتجيـب ارتياح
‏صوت المطر والثانيه شوف الربيع

‏والثالثه لاقيل حيّ للفلاح
‏والرابعه خوّة هل الصدر الوسيع

ذائقة

[الحمدان]

حنا كذا صافين دايم ووافين
ما عندنا فالناس نية خباثه

الطيب والمعروف والصدق والدين
والجود والاخلاق فينا وراثه

اصحابنا سبعين مدري ثمانين
والصادقين ثنين مدري ثلاثه

....

[الحمدان]

طيب اذا قلبي انا مو مكفيك
وش ودك اكثر طيب الله فالك

وش ودك اكثر من محب يداريك
قلبٍ سفطته فوق راحت دلالك

قلبٍ وطا جمر البطا لاجل يرضيك
قلبٍ مولع في سواد برا لك

....

[الحمدان]

‏ماكل من طاب في رأيه بطبعه يطيب
ولا كل من يدّعي حق التساوي سوي

ولا كل من تعتزي به لانخيته يجيب
ياقل من هو لحمل الكايدة يحتوي

من عسرالأيام شاب الرأس قبل المشيب
ومن حر جور الليالي عارضي مشتوي

لقيت لي في غناة النفس وصفة طبيب
ولقيت فالمكتفي بالذات دافع قوي

....

[الحمدان]

‏لاحـد يكلمني تـــرى خاطـــري شين
ونفسي من الضيقات تعبت وتاهت

واوجـاع فينــي مختبيه وراء العين
من جورها ماعاد لي العيــن نامت

لاوين ياحـــظ الشقاء بــس لاوين
لاوين تاخــذنا قـــد الروس شابت

كل ما أنتظرنا للامــــل بيننا البين
حظـي تعثــــر بـي والآمـال خابت

....

[الحمدان]

‏ليت الهـوى ياشـوق يسمحلي القاك
وآخفيك من شوف البشر في عروقي

وآروي ضمــاَ قلبـــــي بطلة محياك
واذوب فـي لقياك ياشــــوق شوقي

والله انـــــي كــل لحظــــــه تمناك
والشوق لك فالروح محرق خفوقي

ودايم على بالي وطيفـــك وذكراك
يسـري بدمـــي يا الغــلا في عروقي

....

[الحمدان]

انـا مـدينه بـاالغلا والـوفا اســـوار
فـيها معـالم قيــمتك مــع غـــلاتك

انت الغـلا والحـب واشـواقي امـطار
وكـل الوصـوف النـادره مـن صـفاتك

وانـت ربـيع القـلب لاعــاد تحـتـار
ولا عـاد يـاروحــي تشـك بـــغلاتك

انت الوحيد اللـي لـه الجـوف مـقدار
وانـت الوحيد اللـي حيــاتي حـياتـك

تـعال بـمزونك عسـى تنـبت ازهـار
وينـبت نـباته مـثل منــبت نبــاتــك

انـت وقـلبك وسـط ذاتـي لكـم كـار
وانـا وقلـبي يـاالغلا وسـط ذاتـــك

زفـيت لـك كـل المشـاعر بالاشـعار
لاعــاد تجــهل عطـرها يـوم جــاتك

....

[الحمدان]

حيّ العــيون اللي بـكـتني وانا حـيّ
سـبة غيـاب وحين فرحـة حضـوري

ماهي من اللي دربـها الزيـف والـغيّ
ولا هي مـن الـلي للـولايـف غــدوري

اللي بصـدق احسـاس للولـف تـرهيّ
وتفتـح له ابـواب الفَـرَح والسـروري

يا فـرحــة الظـميـان اذا لـقي الـميّ
حي الحضــور اللي يـداهـم غـروري

....

[الحمدان]

‏مقباس نار الوفاء مضمون من زندي
والا الـفـتن نـارهـا صمـتـي يطفيها

الكلمه اللي في وجهي ردهـا عـنـدي
والكلمه اللي وراي في وجــه راعيها

بقلمي

[الحمدان]

‏سلام والمنطق من الله وهايب
لاتقوللي والله من الناس عانيت

الناس دايم بين مخطي وصايب
فيهم حكيم الرآي وفيهم عفاريت

خلك على ماقيل فوق السحايب
واترك طمان القاع ياطيب الصيت

عيش الحياه وفالك اليوم طايب
ماينفعك ياصاحبي قول ياليت

....

[الحمدان]

اتخيّل وجهك الزين وامسّي عليه
كل وجه غير وجهك مايغري ناظري

انت من حبّه خذاني من العالم اليه
وانت من شوفة محياه سلوة خاطري

....

[الحمدان]

اهجر انا كالطير لاضاق صدري
واترك هموم القلب خلفي والاجراح

محتاج انا للحرف في تيه فكري
مثل الغريب اللي غدا اليوم سواح

بين القراطيس الحزينة وحبري
يرسم مساري والكتابة لها اجناح

اصبر وانا المحزون واحيان صبري
يكسر جناحه شدة الحزن وارياح

حتى القلم يخفين بسكات سري
لكن خفايا الحرف عالدوم فضاح

....

[الحمدان]

وأنت تدري عن مكانك وتقديره
‏شوفتك لو هي من بعيد تنفعني

‏والقدر لو هو على الكيف تغييره
‏معك أخلي بيض الأيام تجمعني

....

[الحمدان]

‏لاتسولف لي عن الجو وجماله
زولك اللي جمّل الجو بعيوني

عاشقك ياغايتي واسع خياله
جامله لو كان تفكيره جنوني

....

[الحمدان]

نحترم من يستحق الاحترام
والرزين اللي مصفّي نيّته

انتعنى للكفو وأهل المقام
والردي تحرم علينا جيّته

....

[الحمدان]

النفس طابت من كثير المعاذير
لاعاد ترسم للعلاقه علامه

ان جيتني تلقى معزه وتقدير
وان رحت تلقى ف الطريق السلامه

....

[الحمدان]

لاطابت النفس العزيزه من انسان
ماعاد يسوى في نظرها ولاشي

تجوز عن رفقته لو كان ماكان
وتقفي كما تقفي عن الميت الحي

بقلمي

[الحمدان]

تجمل و كلمني و الاشواق ما تخفاك
تراني على الجرف المهايل من البارح

جعل هرجك الجارح بعد غيبتك يفداك
غيابك بدون اسباب هذا هو الجارح

....

[الحمدان]

يا فخامة حضــورك بين كل الحضور
تلتغي مع حضورك كل شيخة جمال

الدلـع والتـــباهي والفخـــر والغرور
لو تحرم على غــيرك لك انتي حلال

....

[الحمدان]

‏قـالـوا تدفـا والبس البشت والكـوت
قـلـت الـدفـا ضمـة مـتون المـواليف

الجـادل اللـي صبلي سحــــر تـاروت
قهوى عروقي نشوة الذوق والكيف

ابــو ثـنـايـا لــذة الـشـهــد والـتـوت
من نظرته يجعل صقيع الشتا صيف

....

[الحمدان]

ينتقدك اللي مايوصل مستواك
والتطفل شيئ ناتج عن ملل

لاتضايقك السوالف من وراك
هالفئة هذي تعاني من خلل

بقلمي

[الحمدان]

لاصد عنك اللي تعزه وتغليه
خله ولا تاخذك كثر الحسايف

يمكن ظروفه غيرت من مباديه
ويمكن لقى غيرك ربوع وولايف

....

[الحمدان]

لو صدري من البطا والبعد متواقد
والشوق يرخي وثيق الحبل ويتله

ماكل مفقودٍ يوجد له بدل فاقد
من ندرة الشي ماتلقى شبيهٍ له

....

[الحمدان]

‏طبعي ضحوك وخاطري دوم مرتاح
‏ماشيل في قلبي على الناس حاجه

‏مع الجميع اعيش يومي بالافـراح
‏طبعـي كـذا سيـده ولا بـه عواجه

....

[الحمدان]

‏ذبحني غيابـك يامـن الروح لك بيت
والقلـب فاقــد لك من اعماق ذاته

بكيـــت مــن بُعــدك عليـا وونيت
ونت مصــاب اليـآس دمــر حياته

في كـل لحظـــه لاذكرتــك ووليت
اصيــح لك من قلب واضح شتاته

فيك الامل ياللي في القلب حليت
وانت الحيــاه للروح وانت امنياته

....

[الحمدان]

‏بعض البشر عالي مقامه ولو غاب
مثل النقوش اللي بقت في حَجرها

مرّت عليها دهور وعصور واحقاب
عيّت تروح اخلآص للي حفرها

....

[الحمدان]

‏صبرك على الدنيا ولا منة الناس
خلك سما ومن القدر لاتضايق

من طاح فالدنيا وهو رافع الراس
ماطاح قدره من عيون الخلايق

...

[الحمدان]

‏تمرّنِي ذكرى ليالي قديمة
في محتواها سالفة عمر وأحلام

شوق وصفا قلب ونوايا سليمة
ما اقول غير الله على ذييك الأيام

بقلمي

[الحمدان]

‏شفت الزمن وشلون يقسى علينا
صرنا انا وياك في حبنا اغراب

مدري من الدنيا او العيب فينا
صرنا نتجاهل بعضنا دون اسباب

....

[الحمدان]

‏ي ليل يعجبني سكونك وهاويك
‏مغير انا وياك والناس نامت

‏فكري لقاله راحتٍ في مساريك
‏والنفس في مسرى لياليك هامت

....

[الحمدان]

الــرزق بيـد الله خـلاق البشــر
وهاكذا الدنياتجي موجةبموج

ايـام يبـسط رزقنـا مثل المطـر
وايـام تـتـعسـر ونتمنـا الفـروج

....

[الحمدان]

‏لا تستشير الناس في كل موضوع
بعض البشر مـن حقدهـا مـا تسرك

ماكل شورن يابن الأجواد مسموع
كــم واحـدن وده بـ شوره يـضـرك

بقلمي

[الحمدان]

‏يا فقــــــر قلبي للمحـبـــــه والاشواق
وياشوق روحــي لليالي الجميله

اللي بهــا كنـــا حبايــــــــب وعشاق
واليــوم صرنا كل حد في سبيله

غيب كما غاب القمـر عند الاشراق
من دون ياخذ اذن له في رحيله

من يومها والنار تشعـــل بالاعماق
والقلب نايـــح بالجروح العليله

....

[الحمدان]

‏قالت هلا قلت الهلا من شفاياك
تسوى ملايين البشر ي عيوني

قالت غلا قلت الغلا في محياك
يا صرخة ازعاجي وقمة سكوني

قالت وله قلت الوله يوم لقياك
لو وقفو حساد دونك ودوني

قالت دلع قلت الدلع في حلاياك
ياابلغ قصيده ترجمتها فنوني

....

[الحمدان]

‏قالوا علامــك ضايــــق البال محتار
قلت الزمـــن والوضـع هذا كسرني

الحــظ عاثـر والزمـــــن صار غدار
والوقــت يا عالــم بأســـره غدرني

اصيـح باعـلا صـوت والحال منهار
والقهـر في كبــــدي ولاشي جبرني

ماغير اترجــم كل حزنـي بالاشعار
والدمع من ضيق المحاني غمرني

....

[الحمدان]

‏الصمت يجبـــر كل مخلـوق يخفي
هرجــه بصــدره مايحاكيه لانسان

لاكــن انا الشاعـــر ابوحــه بحرفي
وادون احساسي على شكل قيفان

ياهاجس ابياتي مـن الشعر يكفي
يكفــي نبيـن ماحوتنا مـن احزان

خل المشاعر داخل القلب تغفي
واخفي ألمها داخلي قدر الامكان

....

[الحمدان]

‏عسى خير بعد اتعابنا يوم نرتاح
وعسى الامل يأتي بطيب الاماني

وعسى ورا الاحزان تأتينا الافراح
وعسى السعاده ماتفارق كياني

وعسى حظوظ الوقت تنسينا الاجراح
وعسى القدر يمحي جروح المحاني

وعسى الزمن يضحك لناعقب ماطاح
وعسى المرح يبقى طوال الزماني

....

[الحمدان]

‏يا حبيبي مُـــت انا والقلـــب فيك
وصاب قلبي من هوا عشقك بلاء

مامعي فالكون غيرك من شريك
ماخـذن في داخلـي كل الغلاء

بي جنون العشق ذابحني عليك
جعل حبك في حياتـي ماخلاء

ايه احبــك ايه احبـك ايه ابيك
وايه احبك حب خالص من ولاء

وايه احبـك ايه احبـك ايه ابيك
بصوت عالي يسمعه كل الملاء

....

[الحمدان]

لاتدور من ورى العالم شعور
اشعر بنفسك ونفسك تشعرك

وأي واحد قال لك هذا غرور
قول له بكره تجي واذكّرك

....

[الحمدان]

ماكل فعل ٍ تنضرب فيه الأمثال
الفعل كايد والكلام بسهوله

فعل ٍ يموت وفعل يبقى للأجيال
وفعل ٍ تبيه الناس ماحد يطوله

....

[الحمدان]

‏يا احلا صباح عمري واجمل ايامي
‏يا للي خذيت الغلا كله وحليته
‏
‏لاصرت اشوفك بعين الحب قدامي
‏في كل صباح على طاريك غنيته

....

[الحمدان]

خل عنك السوالف وارخ جفنك ونام
أسهرك كثر خـوفك لـين ليلك سرى

التعب في عــــيونٍ مثل عـينك حرام
وانت لا ابطيت عنـي كل طاري طرى

يفضـحك دمع عـينك لو منعت الكلام
وما تطيعك جـفـونك لو بغــيت الكرى

كان قصـدك محـبتنا علـي الحرام
وحـدك اللي تعيش من الظلوع وورى

....

[الحمدان]

‏الطير يشكي ضيم الايام للريح
والريح تكسر ساعده باالهبايب

هذي هي الدنيا مجافى وتجريح
فيها حظوظ الناس خايب وصايب

....

[الحمدان]

‏ابرسل تحياتي على شاشه الجوال
‏ومسي على من شافها دام يقراها

‏مساء الخير دام الحرف عبرعن الارسال
‏مساء الورد وحروف السعاده بمبداها

إليكم مع التحية

[الحمدان]

اشفق عليك واعتني بك واداريك
واسكّنك عنّ البشر وسط عـيني

ياما زعلت وقلت ماعاد احاكيك
ويردني شوقي عليك وحنيني

خـوذ الصراحه من حبيبٍ مصافيك
انت اجمل اللي مرني في سنيني

....

[الحمدان]

ياشينها لاصرت معجب وخجلان
خوف المصارح لايجيب المطمّه

اخاف اصارح بالغلا ذاك الإنسان
وينقلب جو المصارح مذمّه

....

[الحمدان]

‏أنت أكثر من الكلام اللي على بالي
‏وأغلى من انّك تذوق الكلمة المرّة

‏أحيان أفضّل سكوتي وأمشي لحالي
‏واقول ليت الهبايب تدفن الجرّة

‏ماودّي انّك تواخذني على إهمالي
‏أنا شعوري غريب وحرّتي حرّة

‏نفسيّة الشاعر اللي مالها والي
‏تزين وتشين فـ الساعة مية مرّة

....

[الحمدان]

‏جعل صبح فيه ممل وليل فيه اشوف
‏طيفك اللي ينزع الضيق ويزيح الشقى

‏تردفه نفحة وصال مثل غيث القنوف
‏في كنف بشت الغلا اللي على وضح النقى

‏عاد هقواتي مواكيرها روس الطفوف
‏وعاد ظني فيك من فوق هقوة من هقى

‏في رجى بوح المظاليل واعناق الكفوف
‏واللقا اللي بعد عامين من إلى اللقى

....

[الحمدان]

‏أنا من إهمالك تعلمت الإهمال
على كثر ما أحتجت لك مَالقيتك

من كثر ما خابت بك ظنون وامال
صرت أستحي من خافقي لاطريتك

....

[الحمدان]

‏الى طالت المدّه وشابت ظنون الشوق
‏ووقّف عن غصون الامل ساقي الرجوى
‏
‏وغلّت الاماني وانشحط صوتها المخنوق
‏وقامت تناهيت الحزن فالحشا تلوى
‏
‏تـهاوى وصاله في طمان الرجا من فوق
‏كما وبل رجعٍ يحيي الصحصح الخلوى
‏
‏وينبت ورى سور الحنايا من الزملوق
‏عناقيد شوقٍ بالوصل منه ماتروى

....

[الحمدان]

‏الهوى دربه طويل وحرّ شمسك جايزٍ لي
‏كلما ازداد الشعور تقل لرضاك المسافة

‏لاتحاول يابعد كل الأحبة خاطر اللي
‏ ماتلدّد في ديارك غير من كثر الحسافة

‏إن رضيت أجيك كلي وإن زعلت أجيك كلي
‏أنت ذنبٍ لو يُعاد الوقت باعيد اقترافه

....

[الحمدان]

‏تخطي وأجيك أعتذر كن الخطا منّي
‏متقمّص الدور وجروحي هي جروحي
‏
‏يهزمني الشوق لين أرضيك لو إني
‏لاني براضي عليك ولا على روحي

....

[الحمدان]

‏حتى عشيري بعد ماراح مالدّ في
‏وانا احسب ان القصايد تاصل لمسمعه

‏يوم الفراق استوى له قلت خلّه وعيّ
‏لكنّه اختار باب البعد والله معه

‏كنت احسب انّي بموت ان راح ماني بحي
‏واثر الذهب ملمعه يبقى على ملمعه

‏ماهو مخرّب مزاجي دامني ماعلي
‏وموجّهٍ للحفر ومعقّب المجمعه

....

[الحمدان]

‏ياقمر لو تكتمل كل يوم وكل ليل
‏والله انك ماتسيّد على سيد الملاح

‏الخليل اللي مابعده ولا قبله خليل
‏هني من سجله معه في عقد النكاح

‏والله ان جنسه وشكله مع العالم قليل
‏ويش فيها من ذرابه وفيها من سماح

‏ياجميله قدريني على رد الجميل
‏وإقراء اذكار المساء واقرا اذكار الصباح

....

[الحمدان]

‏ياريم نجد العذيَّة للدروب الطوال
‏مسافةٍ يتعب الرحّال من طردها

‏ماعلّمتك الأراضي والسماء والجبال
‏عن صدفةٍ كم لي أرمي للمدى نردها

‏لازلت أحبك وانا أحبك على كل حال
‏وأخاف من ليلة الذكرى ومن بردها

‏يومي بي الريح وإن هبّ الهوى من شمال
‏ماعاد تعني لي القصة ولا سردها

....

[الحمدان]

‏ياوقت الفرح حتى لو انك وسيع بطان
‏اباخذ معك فنجــال واحد عن الشكه

‏أنا والهموم اللــي تجيني ربع واخوان
‏نسامر بعضنا مثل الاصحاب فالدكه

‏ليا قال دجال السوالف يقول فلان
‏عن اللي يقول خل صدرك حرم مكه

....

[الحمدان]

‏كل مانويت ابتعد واجزاء الغياب بغياب
‏ابلشني الشوق لين اشتقت وابلشتها

‏اقرا رسايل غلا وارسل رسايل عْتاب
‏وان وصلني رد طنّشته وطنّشتها

‏بداية الحُب عذب ونصفه أعذب عذاب
‏ونْهايته ودّك انك تموت ماعشتها

....

[الحمدان]

‏تسوق الطف أنسام الغلا ضحكة محياك
‏على روح من طالت عقوده وهو ضامي

‏ياسبحان من خلاني أدورك والقاك
‏وأشوف أبسط حقوقي معاك أكبر أحلامي

‏لاتستغرب إن بعت الوجيه وشريت رضاك
‏وأنا مرخص ليومٍ معك جملة أيامي

‏تمثنى فجوج القلب وأسلى وسج خطاك
‏على عين حاسد ضحكتي لك ولوّامي

....

[الحمدان]

أهَجر الساري ويوحشني قديم عْتابه
‏الغياب أسهل عليّ وأنا ما أعرْف أجادل

‏وين أروح بْعيد يافجرٍ خذَا جلبابه
‏من زمانٍ مِسدل مْن أسود عتيمه سادل

‏وأنت تتعمَّد تراود غايبك فـ غْيابه
‏مثل ماتتعمَّد إحراج الصغير الجادَل

‏مايقصَّر عمر الإنسان أكثر مْن أحبابه
‏والتشبّث والشعور اللي ماهو متبادل

‏أوجَع مْن الشعر لانبَّش حزن كتَّابه
‏وأكذب مْن الضحكة اللي في محيَّا النادل

‏قلّ لطرفك لايناديني كسول أهدابه
‏مبطي وما عادني بْـ داري أدلّ أو ما ادلّ

‏ويش حبَّبني بـ فيضة موطنْك وتْرابه
‏وأنت لاقاضي نزيه ولا أنت حاكم عادل

....

[الحمدان]

‏يجي الفرق مابين الرياجيل فـ الميراد
‏حدن يتبع الجره واحد يصنع الجره

‏ترا أحياناً ضعيف الروابع حفيد أسياد
‏يجي من ظهر حر ويجي من بطن حره

‏لاكثرو معاديني أنا أستاهل الحساد
‏لو أفشل ماعين لي معادين بالمره

....

[الحمدان]

طرقني غرامك ياجميل المزايا طرق
‏كما يطرق الحداد صيخٍ على جمره

‏ترى الحب يسرق حال راع المحبه سرق
‏خفايف خفايف لين يقضِي على عمره

....

[الحمدان]

‏انتِ المرباع والقايده والاتجاه
‏واخر الامال واكبر هدف واول طموح
‏
‏قبل اعرفك ماعرفت الوضيحي والمهاه
‏ولا اعرف ورقاً تغني ولا ورقاً تنوح
‏
‏بايعً لـ اجلك حياتي وانا احب الحياه
‏الحياه بدووونك اشر من روحٍ تروح

....

[الحمدان]

والله ان الغالي اللي صد وجهه عنا
‏لابغيت اروح صوبه نفسي الي عيّت

‏كيف نركع للمقّفي في الحياة وحنا
‏ ماركعنا للمقفي في صلاة الميّت

....

[الحمدان]

‏عليك الغلا والشوق ينساق لك بإهدار
‏أساس المشاعر انت يا سيّد اشواقي

‏فدا طلّتك قدامي الدار واهل الدار
‏ابيع العمر كلّه فدا حْضورك الراقي

‏أنا كلّما شفتك نبت فـ ضلوع ازهار
‏دخيل العيون الناعسه ترخي وثاقي

‏وش الحب لولا طلةٍ تخطف الانظار
‏من المبسم الآسر مغيبي ومشراقي

....

[الحمدان]

انت عندي بدت العالم لحالك عالم
‏اتعايش فيه قدام الملا واعيشه
‏
‏والله إن عذرك سمين ورد عذرك والم
‏وإن مواطيها على قلبي مواطي ريشه
‏
‏دامها ماهيب في الشكات راسك سالم
‏اخير من الخوض في موضوعنا تطنيشه
‏
‏ماقدر اصخي بك سوا مظلوم ولا ظالم
‏امحق ارضٍ تفقدك وامحق حياة وعيشه

....

[الحمدان]

‏تطول المساري مير راع الهوى مفضوح
‏عيون الطواري تنتبه له وهو سارح

‏يصد الامان ويقبل الخوف والمجروح
‏ماهو خايف من الجرح خايف من الجارح

‏يقول الموادع بعض الاحيان طلعة روح
‏واقول الحياة بكبرها ماتت البارح

....

[الحمدان]

‏ياسيّد الليل لاغابت مصابيحه
‏يمَّل بك انك على الهقوه ويمَّل بي

‏والحب ماجض منه الا مجاريحه
‏اللي هواهم عفيف وحظهم سلبي

‏قد تبت منه وردّتني ملاويحه
‏وانا على جرف وادنى مايميّل بي

‏الله معك وان حداك الوقت للطيحه
‏تحد كل الظروف وطح على قلبي

....

[الحمدان]

‏دام السماء لله ماضاقت الأرض
‏ماني من دروب المقادير جازع

‏لي موعدٍ مع ليلةٍ نجمها الحظ
‏ أشوف فيها ماتمنيت واقع

....

[الحمدان]

‏الناس ماهم كل ابوهم مطانيخ
‏الله مقسمهم فصيلة فصيلة
‏
‏احيان تلقى لك قبيلة بلا شيخ
‏واحيان تلقى شيخ يسوى قبيلة

....

[الحمدان]

‏ريح المطر ينعش صدورٍ مغاليق
‏والغيم يجعل كل مهموم رايق

‏تباشروا بالخير كل المخاليق
‏من يوم جاله في سمانا حقايق

....

[الحمدان]

‏صكوك الجمايل فـ النشاما مسن سيوف
‏مادام السنافي بين وقفة وترحيبة

‏تقدم على درب القدا والعيون تشوف
‏سهوم الليالي تخطي الكفو وتصيبه

‏ترا شرهة اللي لاجمالة ولا معروف
‏مثل منّة اللي ماعطى شي من جيبه

....

[الحمدان]

‏استانسو ترا الليالي زايله
‏ولا تكدركم تصاريف الحياه

‏ماينفع المهموم همٍ شايله
‏الرابح الي يعطي الدنيا قفاه

‏وترا التشكي بالظروف المايله
‏اتشين الرجال وتقلل حلاه

‏حتى ولو عاين نجوم القايله
‏يخلي الشكوى لربه في دعاه

‏واللي يدور لدروب الطايله
‏فلا يخلي طاعة الله والصلاه

....

[الحمدان]

ياصاحبي ضاق صدر الزمان وضقت
‏وانا اعتبر صدرك ملاذي وملجاي

‏سحب الدياجي حيل ماتسقي النبت
‏يعزف جفاف الحض في خافقي ناي

‏الوقت هيبني وانا هبت وارتبت
‏وحيد اصارع بين ناري ومركاي

....

[الحمدان]

رسالتك اقسى رساله وارده
‏كانت قليلة حس رغم اني كثير

‏مايوجعك غير الردود البارده
‏على الكلام اللي كتبته من ضمير

بقلمي

[الحمدان]

‏جفت عروق الشوق ياسارق الروح
وانساب فـي صدر المواجع غيابك

تعبت اخبي ما اهذريه وانوح
والقلب ياقلبي حرق من عذابك

لي نبض متعذب ولي قلب مذبوح
ولي روح تسرح كل يومي صوابك

ولي جفن مايغفي ولي دمع مسفوح
ولي عين توله بالسهر في عتابك

....

[الحمدان]

‏طبعي كتوم ومن سمعني عذرني
ماحب احكي مابقلبي من اسرار

انا كذا من يوم ربي خلقني
اخفي بصدري ماجرا لي وماصار

حال الزمن والوقت هذا جبرني
خلاني اعشق وحدتي خلف الانظار

اكتم شعوري داخلي غصب عني
واضمد اوجاعي ومابي من اكسار

....

[الحمدان]

‏ياويــل قلبي منّـــك لاحــل طاريك
نفسي وهــي نفسي تشــك بـ غلاها

أنسى اسامي الناس واغلط واناديك
قلبي معــك كـل الاسامـــي نساها

ياساكـن اعماقــي انا ميت ن فيك
ومشاعــري بالقلــب حُبك خذاها

وقلبي مولَـع بك وهايـــم بطاريك
وروحي تحبـك حُــب لآخـر مداها

....

[الحمدان]

‏من ناحيـة قلبي قسمتـه لك أنصاف
النصـف لك والنصـف الآخر لاهلك

اللي عطوني بنت ماشي لها اصناف
ولا شاهـدت عيني بها الكون مثلك

تحفه خلقها الله محمـود الالطاف
سبحان مـن صّـور حلاتك وشكلك

اعطاك ربي زين نادر بالاوصاف
ومن اجمـل الاوصاف ربي وهبلك

....

[الحمدان]

‏يافاتني قلبي تمنــــى ملاقاك
مشتـاق لك بالحيل ودي اشوفك

يا كـم سهــرت الليـل وانا تمناك
ودي بضـم ايدك وضمة كفوفك

قلبي غدا في نار من عُقب فرقاك
والعقــل متلهف يعانـق طيوفك

والروح مشتـاقــه لطلـه محياك
والعيـــن ولهانــه تمنى تشوفك

والعيـــن ولهانــه تمنى تشوفك

....

[الحمدان]

‏أعاهـــــدك باللي خلقنـا مـن الطين
تبقـــى بقلبــــــي ليــن تفنى حياتي

عز الله اني تهــت في نظـــرة العين
وعـز الله انك قـــــد تملكــت ذاتي

هايم وحالي فيـــك حال المجانين
لامرنـــي طيفـــك احاكــي شفاتي

اقسم قسم حبك سكن فالشرايين
واستوطـــن اعماقي وروحي وذاتي

....

[الحمدان]

‏ودي اضمــك ضمـة الشـوق للشوق
ضمــة مهاجــر بعـــد غيبــه طويله

اسقي عروق القلــب ياحالـي الذوق
واروي مشاعر مـــن فراقـــك عليله

اشتقت لك وانا من الشوق محروق
والشـــوق ولع في خفوقـــي فتيله

والروح من فرقاك قد صابها العوق
والنفـس شالـت فــوق مالا تشيله

.....

[الحمدان]

‏ليــت المسـاء قــدام عينك اعيشه
واقـــراء بعينـك عشقهـا والمعاني

يكفي اضمــك بالحشا ضم ريشه
حتى ولو مــــر المســاء في ثواني

اتخيلك ساهر معـي في العريشه
والنـــور نــورك يا منيـــر المكاني

احلم معـي في حلم واقع نعيشه
عل الزمــن يأتــي بطيب الاماني

....

[الحمدان]

‏قُل لي صباح الخير أو سلِّم بها
لـيظـل حُـبـك في دمي مُتوقِّدا

هـذا غَرامك في عيونِك قد بدا
قـل لـي أُحـبـك لا تـكـن مُتردِّدا

كـل الـزهــور تـقـولـهـا بـعبيرهـا
ويـقـولها العصفورُ إن هـو غـرَّدا

....

[الحمدان]

‏كـل مـافيني اقولــــــه لـك وعيده
ياوليـف الروح انا فاقــــــد شعور

خافق اعماقي تجمـــد في وريده
من كثر ماجاه من حبــك قصور

ليت ماضي حبك الطاغي تعيده
لجـل حبي لك في اعصابي يدور

مثـل دور الدم في داخـل وريده
ينعش القلــب الذي صابه فتور

....

[الحمدان]

‏تعال يا صاحـب الإحساس حاكيني
ماغيرصوتك دواء للقلب واجراحه

افرح بصوتك واشوف انك تناديني
واحـس قربـك معايا كامل الراحه

يا راحة الروح والاحساس واسيني
اظن طيفك ملك بالقلب مفتاحه

ماهمني الناس وانت الي مكفيني
وانت سـر السعـاده وانته افراحه

....

[الحمدان]

‏الناس نامــت مابقــي حد صاحي
ماغير انا واحساس قلبـي والافكار

نمسي نقضـي الليل بين النواحي
ونترجم اشواق المشاعر بالاشعار

هذا شعور اللي في الهجـر طاحي
واللي غدا قلبه من العشق منهار

يمسي قلم شاعر الليل لين الصباحي
والرووح مشتاقـه وقلبـه على نار

....

[الحمدان]

‏تصــدق كل ما غمضت اشوفك
واتخيـــــل حـلاتك فـي خيالي

ولا لحظـه نسئ عقلي طيوفك
ولا غيبــت مــن فكــري وبالي

وطول الوقـت اتذكـر وصوفك
واســرح فيك يازين الخصالي

ومهما غبت واجبرتك ظروفك
بتبقى طول وقتـي فـي خيالي

وعينـي كل ماتغفـي تشوفك
كأنك يا غـــلا روحــــي قبالي

....

[الحمدان]

‏يارب فــي وقـــت الاجابـه دعيتك
يارب سهـــــل ما لقلبـــــي تمناه

إقضي برأفــــة رحمتـك ماطلبتك
واقضي لعبــدك كل حاجه بدنياه

يارب انا في باب عفـــوك نصيتك
تسعد خفوقي من بلا هم قد جاه

ماغيرك انت اللي نخيتك وجيتك
يامن اذا ما اختـاره العبــــد لباه

....

[الحمدان]

‏اكبـــر سعــاده فـي حياتك ودنياك
انك تشـوف احباب قلبــك بخيرين

تزورك افراحـــك وتملـــى محياك
وتحس بالراحه في القلب ضعفين

يا الله ياسامــع دعاء كل من جاك
ياالله تسعد من على القلب غالين

واحمي حبايبنا من الشـر بحماك
واسعد جميع الخلق يارب آمين

....

[الحمدان]

‏يا الله يامن رحمتك مثل وصفك
يامستجيب لكل داعــي دعاويه

حقق لنا كل الامانـــي بعطفك
وجودك اللي مالجودك يجاريه

يارب كل انسان طامـع بلطفك
وكل من له حلم نفسه تساويه

يامن امانـي كل واحـــد بكفك
يارب حقق مـن دعا لك امانيه

....

[الحمدان]

‏ليــت الوجـــــع ماجاء على يد الاحباب
جرح الحبايب صعب نوصف علاجه

لو هو غريب الناس مابحسب احساب
امـا قريــــــب الناس يا الله خراجه

جرح الحبايب داخـــل الصدر ماطاب
اوجاع تفـــرق عـن وجع كل حاجه

تبقــى معـي طول العمـر جرح لهاب
واكسار قلبـي مثل كســر الزجاجه

....

[الحمدان]

‏تمطر مشاعرنا من الود مالاق
لاهل النفوس الطيبة والانيقة

اللي غلاهم في صميمي والأعماق
ومكانهم وسط الخفوق العميقه

صباحي يصلكم بالمحبه والاشواق
واطيب ورد الكون واجمل رحيقه

خطيتها من هاجسي فـوق الأوراق
مني لكم يا اهل القلوب الرقيقه

....

[الحمدان]

‏شفتك ولا مليـــت من نظرتــي فيك
سبحـان من زيـــــن حلاتك وسواك

من يوم شفتـك خافقي صـار بيديك
والعقل عنـــدك ماقـدر يوم ينساك

فيك الجمــال اللـي به الله محليك
وفيك الوصوف اللي به الرب حلاك

وفيك الدلع فارق على الكل يغنيك
وتطغى عن اللي في جماله تحداك

....

[الحمدان]

‏ذرابتك واسلوبك وحسن ذوقك
وإحساسك المتفرّد الغير عادي

مواصفات تخلي أبسط حقوقك
إنك تكون المُنفرد في فؤادي

....

[الحمدان]

‏قلبـــي سجيـــــن الحيأ وطيبته زاده
لو شان وجه الزمـن ما شانت أخلاقي

وانا تربيــــــت والطيبــــه لنـا عاده
واخلاقـــــي العاليه واسلوبي الراقي

قصــر المكارم مشيـد فيني امجاده
وقصر الوفاوالشهامه ساكن اعماقي

والطيب في داخلي مغروسه اوتاده
ماحيل وابقـى على عهدي وميثاقي

....

[الحمدان]

‏اشكي لمن يارب من ضيق الأنفاس
طول العمر ضايق وفي وقت قاسي

صابتني الدنيا بالإحباط واليأس
ومرت على حالي جميع المأسي

من باطل الدنيا وإبليس والناس
اتلخبطت فيني جميع الحواسي

ومن شراب المر خذيت لي كاس
والحظ عاندني ولااشتد باسي

ومن هموم الحظ قدشيب الراس
وانا الفتى المارد مثيل الرواسي

....

[الحمدان]

‏والله انـي مابقـى فيني مشاعر
كامل اشعاري مــن اوهـام الخيال

اكتـب ابياتـــي لقلبي جبـر خاطر
رغم ان الحزن في صــدري جبال

يا ظـروف العمــر كم نبقى نكابر
ضاقــت انفاسي ولاعد بي مجال

راحتي ساعـه وباق الوقت ضاجر
والسعادةاصبحت صعب المنال

....

[الحمدان]

‏لاحــد يلوم القلــب لو جاله الضيق
لان السعــاده بيــن الايــام شاحت

مـات الفــرح فينا مــع كل تشويق
وافراحنا فـي العمــر ولت وراحت

قهر الزمن والحال نشـف لنا الريق
وهموم ياسه للقلـــوب استباحت

واحلامنـــا ماتـت بــلا اي تحقيق
وحظوظنا من جورالاوجاع طاحت

....

[الحمدان]

‏ليت المواجـع تبتعـــد عــن طريقي
وليت المأسي ماتجيني مــن الساس

وليت الملل واليـاس ماهـــو رفيقي
وليت الزهـق ماحـل قلبي والانفاس

وليت الامل يملا الشعــور العميقي
وليت الفرح يملاخفوقي والاحساس

وليت ان حظـي ماتعلـــق بضيقي
وليت ان قلبي ماعرف لحظة الياس

....

[الحمدان]

‏صـدري وطــن لو خانتك كل الاوطان
لو فارقـــوك الكــل عمــري مخونك

انت الذي لك في حشا الروح بستان
ووسط الكبد غارس ونابت غصونك

والله لو ماضـــل في الكــون انسان
انا معــك احفــظ مقامك واصونك

ولو حــال فيمـا بيننا قهـــر الازمان
يحــرم عليا العيــش لحظه بدونك

....

[الحمدان]

‏لاتسأل الشـــوق عنـي وانت أدرابي
نفسي تمنـاك وانـت أغلـى حبايبها

أغلى من عيوني الثنتيـن وأصحابي
وأغلى من الناس حاضـرها وغايبها

ياراعي الحـب حبك ذوب اعصابي
والهجـــر والبُعــــد ذابلها وذايبها

والروح تشكي غلايا جــور الاغيابي
بالله عليـــك يا غــلايا ليـه سايبها

....

[الحمدان]

‏قلبي سجين الحيأ وطيبته زاده
لو شان وجه الزمن ماشانت أخلاقي

وانا تربيت والطيبه لنا عاده
واخلاقي العاليه واسلوبي الراقي

قصر المكارم مشيد فيني امجاده
وقصر الوفا والشهامه ساكن اعماقي

والطيب في داخلي مغروسه اوتاده
مازلت وابقى على عهدي وميثاقي

بقلمي

[الحمدان]

‏لاتربط احلامك مع ريح الاوهام
خليك في الواقع وعيش الحقيقه

سر بالطموح اللي يوديك الاحلام
وخلي امل خطوات دربك وثيقه

ياصاحبي وإن ضاق بك عِسر الايام
حاول تعديها بأيت طريقه

وأمشي الى حلمك بعزمك والإقدام
من شان تجعل كل حلمك حقيقه

....

[الحمدان]

‏لاحد يلوم القلب لو جاله الضيق
لان السعاده بين الايام شاحت

مات الفرح فينا مع كل تشويق
وافراحنا في العمر ولت وراحت

قهر الزمن والحال نشف لنا الريق
وهموم ياسه للقلوب استباحت

واحلامنا ماتت بلا اي تحقيق
وحظوظنا من جور الاوجاع طاحت

....

[الحمدان]

من كثر حُبـي وعشقي لك
ما اقوى على فُرقتك ساعه

أصبحت مدمن على وصلك
والروح لك حـــيل مـلـتـاعه

تعال بـ الحال من فضـلك
يابلـسم القلــب واوجـاعه

....

[الحمدان]

‏غلاه عندي يساوي الكون واوطانه
‏اللي خذا القلب باخلاقه وبسلوبه

‏دامه تميّز عن* العربان* بالحانه
‏هذي لحوني بحبه تتجه صوبه

....

[الحمدان]

‏اختار قلبي مابين قلوب كل العباد
وملا عيوني سهاد وسط قلبي غفى

عن لاهب القيض يلقى فيه ظل وبراد
وعن ليلة البرد يلقى فيه نور ودفى

....

[الحمدان]

‏دامك سكنت بداخل القلب يرعاك
هذا خفوقي و أنشده كيف يغليك

قلبي و أعـرفه بالغـلا كـم تمناك
مدري على كثـر الغلا ويـن أوديك

....

[الحمدان]

‏تدري وش اللي بالخلايق يمشيك
‏ويحط لك بـ الناس قيمه وشيمه
‏
‏طيبك واخـلاقك وصادق مباديك
‏ونفسٍ بشوشه بـ التعامل حشيمه

....

[الحمدان]

الله الله يالدروب المستقيمه
كيف اجادل واحدٍ ماهوب قدّي

شرهة العاقل على النفس الكريمه
واحتفظ بالرد في مزحي وجدي

يفرح الجاهل ويحسبها هزيمه
مادرى عيني لمثله ماتلَّدي

صدتي من بعض خلق الله غنيمه
مايوالف قلبي القلب المصدّي

....

[الحمدان]

يالله يامسـوي النوايا والاعمال
تسوي لنا النية وتصلح عملنا

الرزق والتوفيق بيدك والاجال
والذنب والتقصير والجهل منا

بقلمي

[الحمدان]

قديش تخدعني المظاهـر ولا اتـوب
ماكنهامـرّت عـلـيّ التجـاريـب

كم واحدٍ يعطينـي الهـرج مقلـوب
وانا إعتبرته من خيـار الأصاحيـب

الفرق بين الناس في عقول وقلـوب
واسرارهم يعلم بهـا عالـم الغيـب

العين ماتكشف لك اللي ورى الثوب
كلٍ يظن ويخطـي الظـن ويصيـب

اللي يودّك مايـرى فيـك عـذروب
واللي شناك يحـط فيـك العذاريـب

إن كان ولينك من العقـل موهـوب
لاتستمـع لمروّجـيـن الأكـاذيـب

كم من حديثٍ قـد لقينـاه مكـذوب
على النبي اللي منزّه عـن العيـب

العبد فـي دنيـاه غالـب ومغلـوب
والعمر جـاري والليالـي دواليـب

يجمع مع الأيـام حسنـات وذنـوب
والستر ظافـي والعِبَـر بالعواقيـب

إصبر على الدنيا ترى الصبر مطلوب
وإستخدم الحكمه وحسـن الأساليـب

وإحذر تلجّ عواك في كـل عرقـوب
محدٍ بقايـل وش مسرّيـك ياذيـب

ولايعتريك الهـم والـرزق مكتـوب
مضمون لك مافيـه شـكٍ ولاريـب

كثر الطمع يدفعك راضي ومغصـوب
للبخل والعزلـه وتـرك المواجيـب

والنفس لاتارد على كـل مشـروب
حتى تورّدهـا لصافـي المشاريـب

لاتندفع معهـا ورى كـل محبـوب
وتعلقك في حبـال الآمـال وتخيـب

الناس قالوا كـل ممنـوع مرغـوب
والعاقل اللي يشغل النفـس بالطيـب

وإلياإمتطيت من الجهل كل مركـوب
ضاعت سنين العمر من غير ترتيب

إن كان ماتحسب ترى العمر محسوب
في كل يومٍ تطلع الشمـس وتغيـب

ولابد تطلع فيـك ميـزات وعيـوب
واقبح عيوب الرجل عيبٍ على شيب


عبدالله الطلحي

[الحمدان]

عند الفرج ماياخذ الضيق ساعه
دنيا تضيق وفزعة الله سريعه

اجاهد الدنيا بعزم وشجاعه
ما الين لو ضاقت فجوج الوسيعه

عمّا يهين النفس عندي مناعه
الله خلقها في ضميري طبيعه

لو لازمي يقضيه بعض الجماعه
الله ولا بعض الرجال ونفيعه


فلاح بن مبرد

[الحمدان]

ياكثر الكلام اللي يدف الصدر بيديه
يبا الانصراف وعوج الاضلاع مانعته

بلشنا فـ ابو وجهين مدري ثلاث وجيه
وسمحنا من الفلم الطويل ومتَابعته

يخيب الامل في واحدٍ كنت هاقي فيه
ويطيب الامل في واحدٍ ماتوقعته


سفر بريك

[الحمدان]

يقولون لاضاقت عليك الوسيعة غن
وانا اقول لاضاقت عليك اتجه لله

لياضاق صدرك مايداويه شعر وفن
يداويه ذكر اللي بيديه الفرج كله

....

[الحمدان]

اليا طلبتك حاجتي قلت بعدين
وبعدين عيا يومها لايتهيا

ان كان ماهي ساعة تقضي الدين
ماني على بعدين عايش كذيا


خالد الحصني

[الحمدان]

من رضى يرخي مقامه للعرب ياويله
كل يوم معرّضينه هجمةٍ مرتده

راس أبو قلب(ن) فضيخ تقول راس تريله
إن زعل وإلا رضى كل(ن) ما غير يكدّه

لاتصير اللي يقولون العرب ياحليله
خلّك السيف الحديد اللي يروّع حدّه


عناد الشيباني

[الحمدان]

اكثر مايضايق خاطري نشدة الملقوف
ليا شاف فيني من ظروف الزمن خله

عساني ليا زليت مازل عند ضعوف
عسى زلتي قدام من يدمح الزله

....

[الحمدان]

كم قست سود الليالي على روس الرجال
الظروف تمر والنار تسعر جوفها

جعل من هو يجحد الكفو لاجاله مجال
تاخذه صكات بقعا بروس سيوفها

جمل الله وجه منصى كريمين السبال
مدهل المحتاج والناس وقت ظروفها


طلال ابن جسار

[الحمدان]

يالله تقديني لدرب الصالحين
اللي مافيهم لا نفاق ولا ريا

وانا فوجهك من وجيه الكارهين
ومْن الرخوم ومن قليلين الحيا

م

[الحمدان]

صباح الورد يافال السعد مني صباح الخير
صباح النور ياوجه الصباح ونور تسبيحه

صباح الفل والكادي صباح النبت والتزهير
صباح المسك والعنبر صباحه لانتثر ريحه

....