فوق هام السحب ( الشعر الشعبي) على متن القوافي

[الحمدان]

في غيابك ملتهب قلبي على جمر انتظاري
‏والحزن ان ماتعشا من قفص صدري تغدا

‏ذي طيوفك من يميني ذي طيوفك من يساري
‏تطرق فباب الطواري طيف جاب وطيف ودا

‏والله اني في محيا وجهك الطاهر اماري
‏وكل زينٍ يمرني عقبك امره واتعدى

.....

[الحمدان]

‏انا لو لا غرامك ما قبلت لصدتك تبرير
‏ويا ليت لغيابك عذر مايطري على بالي

‏اكابر واتظاهر بالصبر واشره على التقصير
‏وانا في كل يوم يمر اشوف النقص في حالي

.....

[الحمدان]

في رمشها المسموم فتنه وتأويل
وفي عينها نجد العذيه وأبوها

.....

[الحمدان]

قالوا علامك صامت وقلت ياناس
كثر الكلام يقل لأجله مقامـي

الصمت حكمة والحكي مصدر إفلاس
ولقيت في صمتي يزيد احترامي

.....

[الحمدان]

الفلوس تنصب الخبل وعيال الرخوم
والعلوم الغانمه تشتكي من جورها

انتهى وقت المطاليق وعيال القروم
وجاك وقت أهل الدنانير تلعب دورها

فايزالمنصوري

[الحمدان]

يالله يالي بذكرك ينشرح صدري
ياواحدًا لا إله إلا أنت سبحانك

تغفر ذنوبي وترفع فالسماء قدري
أنت الكريم الودود أطلبك غفرانك

.....

[الحمدان]

‏لو بساطي من التربة وسقفي عريش
‏نفسي أسمى من الارض ودراويشها

‏يمكن أقنع بحلمٍ ماوصلته وأعيش
‏ما لبعض الأماني غير تطنيشها

‏لكن آعيش عيشة منكسر ماعليش
‏هذي العيشة اللي ما اقدر أعيشها

.....

[الحمدان]

عجل على التوبه قبل فايت الفوت
ولاتقول الوقت باقي وتوه

أحذر ترى التسويف شرٍ وممقوت
واللي أمربه دين الأسلام سوه

العمر لابده من العجز والموت
لو مر به في بعض الأحيان قوه

.....

[الحمدان]

‏والله انك دون خلق الله لحالك
‏مالك بقلبي شريك ولا مضاهي

‏والعمر خذ ماتبي منّه حلالك
‏حافظك حفظي لماء وجهي وجاهي

.....

[الحمدان]

يابو نـوايا طيبه وين اوديك
ما عاد حد من طيبين النوايا

آثارهم من كل صوب تناديك
والوقت ضيق من جميع الزوايا

صحوة ضميرك واحترامك مباديك
ما تختلف حسب اختلاف الروايا

حاولت اهديهم وحاولت اهديك
واطماع بقعا ذا تسوي سوايا

أسود تتمرق على بيضة الديك
وكلب يتعشى الغنم فالحوايا

.....

[الحمدان]

بعض القلوب إحساسها يشبه الورد
‏تزهر لقا وإن مرّها البعد تذبل

‏وأجمل قلوب نعيشها شايلة الود
‏فيها الوفا وإن هزّها الشوق تسأل

.....

[الحمدان]

على سور قلبي لا تغرّك جموع الناس
ترى ما ورا بيبانه إلا مداهيلك

.....

[الحمدان]

‏ياللي تجاذبين الصوت قدام قافي
‏الشعر كن جماله من جمال الطبيعه

‏ليت ربي عطاني مثل صوت العيافي
‏والله إن تشبعين من اللحون السريعه

‏أحسب إنك تحفظ السر وأثرك تذيعه
‏دام باب الموادع حول باب التجافي

‏لا حدٍ يدري إن بيني وبينك قطيعه
‏خلها زلةٍ من وافيٍّ عند وافي

.....

[الحمدان]

‏النديم الي يعاتب ويتشره
‏لا يخاويني ولا لي معه طرقه

.....

[الحمدان]

‏قطعت الرجاء عقب السنة والثلاث شهور
‏وقفّيت عنك إقفاية السامح الراضي

‏معي حلم وامال وطموحٍ ما شاف النور
‏وقصيد من الذكرى وشيءٍ من الماضي

.....

[الحمدان]

‏صل وتصدق واترك اللـــي يمنون
‏مالك ومــال مولف القيل والقـال

‏وابوك وامك برهـــم لين يرضـون
‏احرص ترى في برهم زين الاعمال

.....

[الحمدان]

‏الســنافي ليت راسه ما يشيب
‏وليت عمره يندبل تسعين مره

‏والردي ليته مـن الدنيــا يغيب
‏دام خــيره ما يعــادل ربع شره

......

[الحمدان]

يامرحبا في طلتك يا مسا الخير
‏والي سعى بالطيب* ربي يدله

‏كلمتك مثل الغيم كله تباشير
‏لوما تحدر ماه يكفيك ظله

.....

[الحمدان]

‏يسولف علي بشويش وانا على لباه
‏ويسكت ليا مني بلبيه وهقته
‏
‏َاصدق كلامه وافهمه واكتبه واقراه
‏لو انه يقول ان البحر جف صدقته

.....

[الحمدان]

‏اجمل هدايا العمر انسان يغليك
وجمل هدايا الحب انسان وافي

روحه رهينه لك وبالعمر يفديك
فيه الوفاء والعهد للحب صافي

.....

[الحمدان]

ماعاد يـوم الخميس وليلة الجمعه
يجتاحنـي شـوقـها قـدام مـوعـدها

ذخرت للذكريات الماضيه دمعه
ازرع بها فرحة الآيام واحصدها

.....

[الحمدان]

الا يا هبوب اليل لا تطرقين الجوف
دخيلك ترى نار المعاذير وهّاجه

.....

[الحمدان]

رغم امتداد التعب عيا يموت الطموح
وبابٍ وراه اعتزازي طارقه طارقه

عزيمتي ما يحطّمها الزمان الشحوح
والشمس بكره رغم انف الدجا شارقه

.....

[الحمدان]

فترة وتلقى لك من المشكلة حلّ
‏مانت الوحيد اللي تعَب في حياته

‏اللي يضحّي فامنياته ليا ملّ
‏بكرة يضحّي فاكثر من امنياته

.....

[الحمدان]

وشلون أبلقى عذر عشان أواصلها
وأنا أعرف أشتاق لكن ماعرف أنادي

.....

[الحمدان]

منتظر من بيض الأيام ما يرضي الشفوف
‏دام كل إنسان يُجزى على حسب عمله

.....

[الحمدان]

‏يا سجّان الشعور إسجن شعوري واترك التبرير
‏ أنا أكبر من تبارحيك معي في الليله القشرى

‏تناهيدك كلام وعبرتك طيحه وسدكّ بير
‏ ماهي تغريك دعوه ماجنه في ليلةٍ حمرا

.....

[الحمدان]

‏اليا نويت الرحيل ودونك الوقت دار
‏اقرا دعاء السفر ماعاد فيها حلول

‏الحب سكه طويله والمشاعر قطار
‏لها بدايه جميله والنهايه الوصول

.....

[الحمدان]

والله لو تسعى من الشرق للغرب
يالعبد مالك كود شيٍ كتب لك

هذي هي الدنيا بها الضيق والكرب
كم واحدٍ فيها شكى الهم قبلك

تابع طريق المصطفى وأسلك الدرب
ولا ينقطع من عروة الدين حبلك

واحذر عدوك جاهده واعلن الحرب
شيطانك اللي بالمكايد نصب لك

.....

[الحمدان]

قفلت بيبان العتب والمشاريه
وفتحت شارع للتجاهل بكبره

وريحت راسي من عناه وطواريه
واخذت لي من بعض الاصحاب عبرة

من لا يودك لا تجـــود عراويه
لا شفت وصله صار مافيه دبره

الله خلق دنيا وســاع التهاتيه
ماضاقت الدنيا على خرم ابره

.....

[الحمدان]

وش ذنبنا لا صار منطقنا فـصيح
وقـلوبنا ما كل من جـاها قـلط

حنا نحب الصدق ونقول الصحيح
والمشكله فالناس تـفهمنا غلط

.....

[الحمدان]

ياللي على غيبتك هلّت مدامعنا
لا واخسارة وفاي وسابق ايامي

اشبعتني بالكلام اللي بلا معنى
لكن بالافعال شفني جايع وضامي

.....

[الحمدان]

‏ذاب قلبي من حنانك في عتابك
وان بغيت اعاتبك ماطاع شوري

يابري حالي على حتى ثيابك
يوم خالط عطرها ريحة عطوري

جعلني فدوة غلاك وكل مابك
انت يوزر قلبي وكلمة مروري

.....

[الحمدان]

ﺍﺷﺘﻘﺖ ﻟﻚ ﻳﺎ ﺭﺍﺣــــﺔ ﺍﻟﻘﻠﺐ ﻭﺍﻟﺮﻭﺡ
ﻭﺍﺷﺘﻘﺖ ﺍﺳﻮﻟﻒ ﻟﻚ ﻋﻦ ﺍﻟﺤﺐ ﻭﻳﻨﻚ

ﺍﻟﺸﻮﻕ ﻻﺟﻠﻚ ﺩﺍﺧــﻞ ﺍﻟﻌﻴﻦ ﻣﻔﻀﻮﺡ
ﻟﻴﺘﻚ ﺗﺸﻮﻑ ﺷﻮﻕ ﻋﻴﻨـــﻲ ﺑﻌﻴﻨـــﻚ

.....

[الحمدان]

‏بعض القلوب النادره تشبه الورد
‏ لا زارها أحساس المحبه رواها

.....

[الحمدان]

طال ليل الهجاد ولا بقى فيه مسرى
غير همّي وحزني والجروح الجفايا

اكتب الحزن في صدري والاحباب تقرا
واتعب الوقت حالي فالسنين العرايا

.....

[الحمدان]

غدير عليه الناس صادر وورادي
اعيفه لو إنه من زلال المطر يسقى

انا غايتي ومُناي ودواي ومرادي
مذاق على غيري صعيب ولا يلقى

.....

[الحمدان]

حد السهر ويّاك طال وتعدّا
‏لاجاب لي موعد ولاجاب لي علم
‏
‏إن كان واقعنا فـي شوفك تردّا
‏عسى يجود النوم ويجيبك الحلم

.....

[الحمدان]

ياليت للعشاق تامين شامل
يحمل تكاليف اصطدام المحبين

أما يشيل الحادث بشكل كامل
أو يقسم الأضرار 50 / 50

[الحمدان]

مَشيت بلا سَبب مافَكرّت شيصير
ولا گلت اليّحبَك مُمكن تجرحَة

عَفتني بيَا ذَنب سوَيتة ويَّاك
وشنو نوع السمَعتة وتعجَز تشرحَة

الحَجوا عَني گدَامك صدگتهم ليش
وما كلفت نَفسك توصَل توَضحة

چَنت محتَاچ منَك بَس حَرف وتروح
حَتى اقتنع بَعد مَا حاجَة للفرحَة

هَسة تگلِي سامح وأنسى الصار
هيچ بكل سهولة ونَگلب الصفحَة

تَره العَفتة جَرح مِيطيب بالنسيان
بكلمَة أَسامَح تگدر ترَجعة

أنَة كلي صَلح ومَسامحك على الصَار
بَس گلبي لنكسَر وَيَّاك شيصلحَة

شعر عراقي

[الحمدان]

وادع لوجه الله ولا تجرح إنسان
وإترك بعد فرقاك ذكرى جميله

وضعي قبل ماهو مثل وضعي الآن
عرفت فرق الغايه من الوسيله

.....

[الحمدان]

يا شوق سمعي يستمع لك ويوحيك
ويا شوق عيني لو تشوفك ضنيني

ليتـك تنـاديني وأنـا أقـول لبيك
لبيـك يا قلبـي وروحي وعيني

لبيـك يـلـي يخطف العقـل طاريك
لبيـك يـا شوقي وفرحة سنينـي

.....

[الحمدان]

تبقى مفاهيم البشر مالها ساس
وانا شباب وعايش بقلب شايب

لاصار قمة مكسبك ترضي الناس
كنك تلوح بالخطا وانت صايب

.....

[الحمدان]

‏ما فات من دنياك لا تحسبه مات
يبقى العمل موجود حتى مماتك

اسـتغفـر الله لا تذگرت ما فات
واصلح مع الرحمن باقي حياتك

.....

[الحمدان]

‏تـفـائلوا بالخيـر في كل الاحـوال
‏الله كريم وراعــي الصبـر ماجــور

‏لولا الشقى ماحدٍ عرف راحة البال
‏ولولا الدجى ما بـينت قيمة النــور

.....

[الحمدان]

‏مشتاق لك واحسـاس قلبي يناديك
وعينـي على شوفك تخايل بصـرها

الروح ذابــت يابعـــد روح مغليك
والنفس تعبت مـن غيابك كسرها

يا كم سهر قلبـي وشوقــه يناديك
يحاكي السما منك ويسال قمرها

وينك قسم نفسي ترى ذايبه فيك
والروح مشتاقه وبُعـــدك أسرها

......

[الحمدان]

‏ان مر يوم بالعمر منت وياي
‏أشتاق لك شوق المسافر لبيته

‏مثل الهوا تحتاجه الناس والماي
‏يحتاج لك قلب هواك وهويته


ثامر شبيب

[الحمدان]

تبي الصراحة توقعتك تكلمني
‏ماني بمتخيل أن الشوق ما جابك

‏كنت أحسب أنك ولهت وحيل فاقدني
‏ما كنت متصور إني أرخص أحبابك

.....

[الحمدان]

اما المحبّه وضعها وضع حسّاس
‏اغار حتى فالهوى من ظلالي

‏ماني بحـب اللي يحبونه الناس
‏انا احب اللي احبّه لحالي

.....

[الحمدان]

مثل الحطب كنت احترق لجل ادفيك
ويومك دفيت الحين تنفخ رمادي

.....

[الحمدان]

‏همس المساء مرسال مابين شخصين
كنه عناق ارواح ماهوب عادي

لحظه تمر القلب يزهر بساتين
بورود حب وشوق جوري وكادي

.....

[الحمدان]

إن جيت خل الكل يفرح بلقياك
‏محبوب عند الناس ويقدرونه

.....

[الحمدان]

سبحان من سوا لها شان سلطان
والعين عين الريم منها عذابي

اوصافها ما توجد بأي انسان
وحبها من طيش سن الشبابي

.....

[الحمدان]

‏العين تذبح لا ارتفع حاجبك فـوق
والـخد مـا تت عـنده طيور شلـوى

والضحكه اللي مالها وصف موثوق
الا عـلى قـول الـمـخالـيـق حـلــوى

.....

[الحمدان]

بيني وبينك تشرق الشمس وتغيب
ولو يفرق التوقيت ما يفرق غلاك

ولو غنت الفرقا على لحن النصيب
ماسارت اقدامي على سكة جفاك

معك معك لو انك لغيري حبيب
قدامك دروب القدر وأنا وراك

وراك والدنيا تجيب اللي تجيب
في ذمتي ما يرضي الخاطر سواك

.....

[الحمدان]

‏إنت الغلا يا اروع الخلق والناس
‌‎وإنت السوالف بين نفسي وبيني

‌‎دايم على بالي ولك شوق وإحساس
‌‎ولا زلت اشوفك وين ما احط عيني
.....

[الحمدان]

الصمت يروي بعض حالات الانسان
يشرح له احزانه ويشرح سروره

حتى ترى الشاعر وهو شاعر احيان
يحتاج له شاعر يترجم شعوره

.....

[الحمدان]

إسكن بقلبي وإحسب البيت بيتك
وفيه إعتبرني ضيف قاصد محياك

إن احتواك الشوق وإلا احتويتك
خذ ناظر عيوني على كيف ماجاك

وإن ما كفاك القلب روحي عطيتك
يفداك قلبٍ قلبه الروح تفداك

.....

[الحمدان]

ليت الهواء انفاسك واتنفسه دوم
ياللي غلاك فالقلب جالس وساكن

ليتك نســيم الليل يا ورد مشموم
يفووح عطرك في جمييع الأماكن

.....

[الحمدان]

‏أحبك كثر دقات القلوب بعالم العشاق
أحبك كثر دمعات العيون بخدهم جاري

أحبك كثر ونات الهموم بخافق المشتاق
أحبك كثر أنفاسي وأشواقي وأشعاري

أحبك كثر أحزاني كثر ماخاطري قد ضاق
أحبك كثر دمعاتي كثر ما جابك الطاري

.....

[الحمدان]

تجمل يمال العافية دام راسك حي
‏ترى زينة وجيه النشاما فعايلها

.....

[الحمدان]

اهملت عاشق تعلق فيك حد الجنون
لاصار محـتاج وصلك وانت ماتمنحه

كثير عشاق لو شافـوا جـفاء يرحلون
من زود الاهمال يطلـع للفراق اجنحه

.....

[الحمدان]

يا أَصدَقَ الناسِ مَوعوداً إِذا وَعَدا
وَأَحسَنَ الناسِ في عَيني وَأَجمَلَهُم

عُمر بن أبي ربيعة

[الحمدان]

‏حصيلي من الحب التوجاد والتنهيد
‏وذكرى الجروح وعالم الفقد ودروبه

‏أنا التايب إللي سامح من غرام الغيد
‏لاكن معك مدري ليه مافادت التوبه

.....

[الحمدان]

كل ماغنوا وهزتك الطواري
‏لوّحي للحب بالكف المحنا

‏وانثني على اللحن والليل ساري
‏من يلوم الخيزران ليا تثنى؟

‏وان بدا للشوق في وجهك مواري
‏وافطنوبك من دروا فينا وعنا

‏كان قالوا للهوى بايع وشاري
‏قولي اصلاً وش على العذال منا

‏وكان قالوا ما بقى للعشق طاري
‏قولي ادري آخر العشاق حنا

.....

[الحمدان]

‏فديتك تغانم باقي الليل معك ووص
‏عيونك تراها تاخذ اللي تحبه طرق

‏تبجح مابين ضلوع صدريفداك وقص
‏عروقه وسند في خفوقي وحول وارق

‏تنشد عن علومي وسولف وعم وخص
‏ترى كل كلمة منك تصنع بعمري فرق

‏ترايع جديلك تحت خصرك بشبر ونص
‏ترايع مجاهيم البدو في بطانة عرق

.....

[الحمدان]

‏ابيك بكل ماربي عطاك من الحلا والزود
‏وابي كلك وابي قلبك وابي خيره وشره

‏قضى عمري وانا واقف على باب الرجا الموصود واخاف إني ماعاد اقدر اصبّر نفسي الحرّه

‏غيابك لعنبو هذا الغياب اللي مامنه فود
‏كسر حجر الضلوع وضيّق الخاطر ولا سره

.....

[الحمدان]

‏على موعد تلاقينا ويا حلو اللقى والجوّ
‏سرقت من القمر ضيّه وغارت منك نجماته

‏وأنا أشوف الثواني كل ما مرت معك تحلّو
‏يطيب العمر بمقابل سنَا وجهك وضحكاته

‏وأنا اللي ودي أنطق قبل لا تمشي حبيبي توّ
‏أحس الوقت تسبقني معاك أحيان ساعاته

.....

[الحمدان]

ما شدَّت عيون المساء كفّ الأعذار
‏هذي مقاديْري وهذي جروحي

‏كيف أتصدَّد عنك يا كلّ الأسرار
‏إليَا لقاك المنتبه في مزوحي

‏لولا غصون أشجارك وبِيْض الأسوار
‏ضاعت حقوق اِسمي وطاحت صروحي

‏أنا يا أبو وجهٍ مشاوِيْره كثار
‏ما زلت أدوَّر في مرابيك روحي

.....

[الحمدان]

ما شدَّت عيون المساء كفّ الأعذار
‏هذي مقاديْري وهذي جروحي

‏كيف أتصدَّد عنك يا كلّ الأسرار
‏إليَا لقاك المنتبه في مزوحي

‏لولا غصون أشجارك وبِيْض الأسوار
‏ضاعت حقوق اِسمي وطاحت صروحي

‏أنا يا أبو وجهٍ مشاوِيْره كثار
‏ما زلت أدوَّر في مرابيك روحي

.....

[الحمدان]

‏حتى ولو صار التعب من نصيبي
يكفيني المح نظرتك وانسى الالام

يكفيني انك في حيــاتي حبـبيبي
وعينٍ تذوق العشق ما تقدر تنـام

.....

[الحمدان]

‏اثر الغـلا و الحب ماهو بالشـوف
‏كم شخص يعشق شخص ما يوم شافه

‏الحب فجأه يسكن القلب والجووف
‏وأغلب بدايات الغـــلا ضحكة حروفه

.....

[الحمدان]

حنّـا هـل العوجـا ولا بـه مـراوات
شرب المصايب مثل شرب الفناجيل

.....

[الحمدان]

جردت قلبك يالغضي من مباديه
حتى تغير مع ثنا الوقـت لـونه

اقفيت به عني وانا كنت راعيه
خذته غصيبه رغم نظرة عيونه


رذاذ الحبر

[الحمدان]

من قــال لـك بانقســـــم الحــــب نصيــــن
قلـــه قــد اهـــل الحـــب باعـــــــوه كــــله

باقــي معــــانا في الميــــه واحــد اثنيــــن
مــا قـــط بـانـــت منهــــــــم أي خــــــــــله

أمـــا البقيـــــه يعـــــلم اللـــه لا ويــــــــــن
با يجــــلبــوا زهــــــر الحسينـــــي وفــــله

الحــب يـ هـــل الحــب نظـــــــره بثنتيــن
ما حـد بنـــــص العيــــن ينظـــــر لخـــــله

الحضـــــرميــه ما تقـــع في جهــــــازيــن
في حدهـــــا الشـــــافي دوا كــل عـــــلـه

نظــره من الدنيــــا ونظــــره مــن الــزيـن
كحلتهــــن في راس واحـــــــــد و ســــله

احبــــاب قلبــــي فيهم الـزين والشيـــن
احبهــــم في كــل مــذهـــــــــب ومــــــله

توجـــت ذكــراهـــم على الـراس والعيــن
بيـن الكـــواكـــب والنجــــــــوم المطـــله

لهــل الهـــوى رديـت بالصــــاع صــــاعين
واحـــرجت بيـــاع الهــــــــــوى في محله

خـــاتـم عقيــق وجـوهــره بين قـوســـين
واللغــــز واضـــح بـــس ما اقدر يحـــــله

زهـــرة شبــــابي غـــارقــه بين روحــــين
والجــــاذبيــه زادت الطيـــــــــــن بـــــلــه

اهــــوين يادنيـــــا المحبـــــه واقليــــــــن
حتـى عـــــزيز الدمــــــع عينـــــي تهــــلـه

الله يفـــــرق من فـــرق بيــن قلبيـــــــــن
في يــوم له ريحــــه وشمســـــه وظــــله

حسبـــي عليـــك الله ياحــــادي البيـــــن
قلبــي ضنــــاه الشــــــــــوق لا تستغــــله

وكيــف يانبــــض المشـــــــاعر وبعــــدين
زاد العــــــــــواذل والمحبيـــــــــــن قــــله

واحــــد يقلك تقضــــي الــدين بالـــــدين
قــله يحــــــــط الحمــــــــــل والا يشـــله

ما حـــد يداوي جـــرح نازف بجــرحيـــن
و لا يبـــــــــــــدل بالمعــــــــزه مــــذله

ذي مـــا يـذوق المــــــــر ذاق الأمــــــرين
ما عـــاد تغفـــــــر له في الحــــــــــب زله

واللـــي يقــــــلك نقســــم الهــــم نصيـــن
هــــذا الــذي يستــــاهــل الحـــب كــــلــه


براق مارب .. اليمن

[الحمدان]

يناديك الشعور اللي قبل شوفك غريب اوطان
‏عسى صوت الأمل يسمع صداه بنبرة حروفك

‏انا واقع حياتي قبل لا اشوفك بدون اللوان
‏و لقيت ابهج ليالي دنيتي يوم اني اشوفك

‏وحديث النفس بشعور الغرام وصوته الرنان
‏و كلام ما سمعته كان داخل عين ملهوفك

.....

[الحمدان]

‏الصاحب اللي يفضفض لي وافضفض له
جـارت عـلـيـه الـظـروف وصـار نـفسـيـة

.....

[الحمدان]

‏جعل النفوس اللى تحلت بالاخلاق
‏تصبح وتمسي ماتشوف النكاده

.....

[الحمدان]

واهني اللي توفّى على الدين الحنيف
ما بعد خالف نبيه وبدل سنّته

جعلني لا جيت في بيته المعمور ضيف
اخسر الدنيا واهلها وافوز بجنّته

.....

[الحمدان]

‏جيتك سوالف حب باسلوب مشتاق
جيتك بعد مافاض قلبي من الشوق

جيتك شعر مجنـون بالـذات لافـاق
جيتك ولإجلــي رد لبيـــه يالـــذوق

.....

[الحمدان]

‏الصمت يغني عن كثير من الكلام
‏والحظ ياحظي من القلب جافل

‏راحت ليالي العمر احلام واوهام
‏كتاب عمري من عنا الشوق حافل

.....

[الحمدان]

‏ما طمعنا غير في طاعة الله والصلاه
‏وخوّة اللي خوّته مايجي فيها ردى

‏الكفو نقدّر جنابه ولا ينقص غلاه
‏والجمايل بين الاجواد ماتذهب سدى

.....

[الحمدان]

‏تمتلكني بالغياب و بالحضور
لا تشكك بالضمير المنفصل

و لا تراقبني متى أخر ظهور
دامني في نبض قلبك متصل

.....

[الحمدان]

نمشي مع التيار ماندري لوين
تفكيرنا مركون دايم على جنب

نتبع رجال الدين اكثر من الدين
ونخاف فعل العيب اكثر من الذنب

.....

[الحمدان]

‏ماني بحي ّ الله تحده على اقصاه
‏حتى لو اني عن مقامي تواضعت

‏انا السماء ما لي على قاعك اشباه
‏شريت نفسي بالمعزه ولا بعت

‏لولا الصبر والصمت والحِلم والجاه
‏ضاعت وجيه الناس وآنا بعد ضعت

‏من طاح من عين الرضا حقّه وجاه
‏انا عن اللي ما يناسبني ترفعت

.....

[الحمدان]

‏سهجت مشرافه وقلبي على سيم
‏معلقٍ بين الأسف والندامه

‏حالة مريض الحب تحتاج تقييم
‏واخلاء طبي في سبيل السلامه

.....

[الحمدان]

‏فالهوى لا يشبع الشخص رغباته
‏التّشبع في العلاقات ينهيها

‏ياحبيبي فرصة الحب فوّاته
‏والعناق اهم حاجه نسوّيها

‏ضمّتن فيها حنين وتنهّاته
‏لا تروح وعاد لي خاطرً فيها

.....

[الحمدان]

‏أطهر ثرى وأصدق علم وأرفع مقام
‏ما يشبهك غيرك عسى خيرك يدوم
💚

[الحمدان]

البنادم دائــم ٍطبعه يحـــب ويكره
‏يمكن اللي يكرهه له فيّه خير وخيره

‏امس واليوم انتهى ماضيه باقي بكره
‏كـــل يـــوم ينتهي ماضيه عد لغيره

.....

[الحمدان]

‏والله ما مثل التوكل على الله
‏يملي لك الدنيا سعاده وتوفيق

‏واللي يردد دايم أستغفر الله
‏تلقاه مايدري عن الهم والضيق

.....

[الحمدان]

لا صرت مستانس وعايش حياتك
فلا عليك من البشر وش يقولون

.....

[الحمدان]

يـــاحض منهو آخر الليل سهـران
لاهي بذكــــر الله ويقـــرأ كتابــه

قلبه نظيف وشع من قلبه إيمـان
يمشي على نهج النبي والصحابه

.....

[الحمدان]

‏مشتاق لك فاقدك ذابحني الشوق
‏استنتج من هالشطر كيف حالي

‏وعفواً نسيت اقول ضايق ومخنوق
‏وما عاد صدري في غيابك شمالي

.....

[الحمدان]

‏أنــت في قلبــي رفيعٍ مســتواك
‏في صميم القلب ماتملك شريك

‏والله أنــك فارض فينــي غــلاك
‏خطوتي تمشي وتجبرنــي عليك

.....

[الحمدان]

‏يالغالي اللي دعاك الشوق من كل باب
‏انت الوحيد الذي سيطر على ساحتي

‏اعشقك واهواك صدري صار مثل الكتاب
‏تعال اعانقك دام انها معك راحتي

.....

[الحمدان]

‏صباح الورود اللي مغلٌــف بباقات
باقـــة ورود لكل واحـــــد تصله

اهديتها عبــر القصايــد والابيات
لكــل غالـــي توصلـه فـي محله

وفوقها اجمـــل ســلام وتحيات
للاصدقاء بأطيـاب عطــره وفله

وصبحكم الله بالرضا والمسرات
يا اللي غلاكم ماخــذ القلب كله

.....

[الحمدان]

بخصتك وشفتك شي مايستحق الجهد
وصديت عنك صدت القانع الراضي

ابعتبرك من اغراضي اللي تركت بزهد
وصارت لغيري بعد ما كانت اغراضي

.....

[الحمدان]

يمكن حلاها بس صبغه وتصميم
كم شينةٍ تضبط ليا مـكيـجوهـا

ماتضبط الا عقب حمره وتـنظيـم
وعلى الطبيعه وجهها وجه أخوها
هههه

[الحمدان]

الظنون أحيان يخطيها الصواب
مثل طيبك في زمن مافيه طيب

.....

[الحمدان]

ياصاحبي ماعاد بالخاطر احلام
لاالروح مرتاحه والا القلب هادي

من كثر ماجارت بنا ظروف الايام
صرنا نرى صدماتنا شي عادي

.....

[الحمدان]

سبحان من حط وصلك في عيوني حلال
‏وان شفت غيرك من الخشيه اغض البصر
‏
‏لو فرّقتنا الظـروف الظالمة والليال
‏انت الغلا طال عمر الحب ولّا قصر

.....

[الحمدان]

ليا هانت الرفقة على قاصر الذرعان
علينا ترى رفقة هل الطيب ما هانت

نحب الوفاء ونردّ الإحسان بالإحسان
ولا شانت أنفسنا لو أيامنا شانت

.....

[الحمدان]

من قدّم الطيب يلقى الطيب قدامه
والناس بأفعالها من قبل أساميها

.....

[الحمدان]

تدومين يانفسي طليقة فخر وبخير
عسى ذكرك الخالد عوض عمرك الفاني

سقيتك قراح العز وااقع ماهو تصوير
حشمتك عن الرّديان من قاصي وداني

عطيتك كرامة لين عفتي خطا التقصير
وهالحين يا نفسي ترى العيب عدّاني

.....

[الحمدان]

بين رحلة غرامك وإتخاذ القرار
‏كنت جالس معاك وداخلي معركه

‏ الليّال الأخيرة ما عليها غبار
‏عشت فيها معاك وشفت فيها بركه

‏لو تركت السنين اللي بدون إنبهار
‏قلبك اللي بهرني عشق كيف اتركه

‏من بداياتنا لين الزعل وانت مار
‏كل ضحكه هنا ماكانت مفبركه

.....

[الحمدان]

‏عرق الردى من منبعه لا قطعته
‏ماهو بلاحقني ورى قطعته عار

‏ضرسي شلعني قبل عام وقلعته
‏لاعاد تنشدني بعد عام وش صار

.....

[الحمدان]

أحد نحبه من طبوعه ونغليه
وأحد نعافه والسبايب طبوعه

.....

[الحمدان]

احبك كثر ماتعانق عيوني صورتك واحتار
واحبك كثر ما اوله عليك ان جيت بالطاري

احبك كثر مارفرف حمام الدار فوق الدار
واحبك كثر ماغنى الغريب أشتقت لدياري

.....

[الحمدان]

أواجه أحزاني بحبك ولا أخاف
وأصبح قوي لو شافوا الحال ناحل

عمري مراحل يحمل أشكال وأصناف
وحبك يعدّيني جميع المراحل

ما ابغي معي في بحر الأيام مجداف
مادمت لي طوق النجاة وسواحل

.....

[الحمدان]

‏عشان تشوف قيمة غيبتي وتقدرّ حضوري
‏تركتك والليال السود تكفي يا أبيض الغرّه

‏بدا دور الليالي وإلا أنا معك أنتهى دوري
‏ومعك معاد تنفع شرهتي وحكاي بالمرّه

‏فمان اللي زرع حبك بقلبي وأصدق شعوري
‏وأنا شخصٍ ليّا ترجم شعوره ينكشف سرّه

.....

[الحمدان]

تدري اني شخص ماني سريع اعجاب
‏ولا كل حاجه عابره تكسب اعجابي

‏غلبت الهوى فتره لكن الهوى غلاب
‏تمادى ووقف في طريقي وانا مابي

‏دخلت ف حياتي عرض من اوسع الابواب
‏وانا للحبايب ماني مشرع ابوابي

‏وعطاك الله من الود والحب والاعجاب
‏مايجعلك دايم نبض قلبي واحبابي

.....

[الحمدان]

انتي شموخك عظيم ويجذب الاهتمام
وانا ماقلّط عليك الفكره البايته

جيتك مجيَّ الكرام اللي تحب الكرام
واخترت دربٍ توقف عندك نهايته

أن كان جيتي مجيَّك فوق صدري وسام
وان كان رحتي فمان الله ورعايته

.....

[الحمدان]

حنا الوفيّ من صافـي الود نسقيه
ومـن زادنـا باالطيب حنـا نـزيده

واللي طـرانا ساعة الضيق نطـريه
ونكون عـونـه بالظروف الشديده

نغليـه واللـه راعي الجـود نغليـه
ونصـون قــدره لـو ديـاره بعيــده

.....

[الحمدان]

أغرد ويبقى الشعر في حقك شوي
أبني حروف الوصف وتطـيح دونـك

يا جعـلني فـدوة عيـونـك وأنا حي
وإن غبت جعل الكون يفدا عيـونك

.....

[الحمدان]

كلنـــا فالزمن على مفــارق طرق
‏وكل واحد عليه من الشقاء ماعليه

‏وكل واحـــد يخــايل بــارقه لا برق
‏في حيــاته لزوم او حــاجة ٍتحتريه

‏بالشغف يسرق الايـــام لو ما سرق
‏والزمن يسرق اللي ماسكه في يديه

.....

[الحمدان]

أحرص على درب النقا والطهارة
‏فـا الآخــرة لا مـال ينفع ولا جاه

‏ودايـم تذكـر في حيـاتك عبـارة
‏الآدمـي مكتـوب له كـل ماجـاه

.....

[الحمدان]

الـحر حـر ولـه مـواقـــف وينـــهـاب
‏والـلاش لاش ولا حســبـنا حســـابـه

‏ماكل صاحب ندرجه ضمن الاصحاب
‏ما نـدرج الحـصنـــي بصـف الذيابـه

.....

[الحمدان]

شد عزمك كل مااشتد وقتك شد شد
الشدايد مالها الا اولي الباس الشديد

في دروب العز ناضل وكافح واجتهد
مــــــا ينال العز غير المكافح والعنيد

.....

[الحمدان]

‏ليت الذي جالي من الشوق جالك
وتحــس مافيني وتقـــــرا شعوري

كانك معـــي مايـوم تبقى لحالك
ولا تخلينـي وتجهـــــل حضوري

حرام تحـــــرم من ترجــا وصالك
وحرام تبعـــد من حياتي سروري

صعبه عليا مــوت اجهل خيالك
يعنى وجودك في حياتي ضروري

.....

[الحمدان]

اثر الجمايل في بطون المجانين
اخير منها في بطون الصحاحي

على الاقل الى انكروا فعلك الزين
لك حق ما تشره على غير صاحي

.....

[الحمدان]

راح ميدان الشعر عج وسوافي
وزاد منسوب الهزل فوق السماني

والركض مابين خيالٍ وحافي
شاعر ومستشعري تالي الزماني

الشعر يحتاج له وزن وقوافي
حبكه وسبكه من الجزل الثماني

يسبكه سبك الذهب وافي وصافي
من رصيده فوق حد الأتماني

.....

[الحمدان]

يا نفس خلّي مغرياتك على جنـب
تـرى وراك حســاب يــوم القيامـة

تقتلني الحسره على فعلي الذنب
وارجـع وكـنّي ما عرفـت الندامــة

.....

[الحمدان]

‏ابعد عن الناس من فتره اليا فتره
وأقرب من الله بتسبيحك وتهليلك

واسجد لـ ربك تعالى واطلبه ستره
تراك والله ماتدري كم باقي لك

والقبر مافيه لا مشلح ولا غتره
ان كان مالك عمل ينجيك ياويلك

.....

[الحمدان]

ياهييه ياللي تجيدون الغمز واللمز
وتدوّرون الخطَاء لو إن مافيه خطَاء

إسلـوبكم مايبـي تحليل وإلا رمز
الخبث مكشوف مهما كان حوله غطاء

.....

[الحمدان]

يمين الكريم لياخذت شي ردت شي
ويمين البخيل لياخذت شي ماردت

تجمـل مـدام الله مغنيك وانتـه حي
ليا مت لاجابت فلوسـك ولا ودت

.....

[الحمدان]

رميت ياحظي جناحين الاسباب
باخر رصاصة من حزام الذخيرة

عز الله اني كنت ماحسب لها حساب
لكن عسى ماتكره النفس خيرة

حاولت اجنب مير مافيه مجناب
ورميت حبي فالرحى المستديرة

.....

[الحمدان]

مايذبح الصبر غير مدور الحاجه
اللي يدور ستر وجهه عن الناس

تضهر علامات الحيا في حجاجة
وفي ناظره تقراء عناوين الافلاس

يصبر على حلو الزمان وهماجه
مايبدي الحاجه على كل عساس

من خوف تظهر حاجته وإنحراجه
ويدريبها اللي يقرن الراس بالراس

.....

[الحمدان]

مني عهـد مايختـلف يارياجـيل
يلحقني المشروه لن ماحميـته

للي دعالي مخلصن تالي الليل
والله لموت وماقفـه مانسيـته

وللي يبيـني في طويل الغراميل
يفـرح ليامـنه سمعـني رقـيـته

والله لغث كبود لأجله مغاليل
وأكتب تحياتي على باب بيـته

.....

[الحمدان]

انا ما يلوّع كبدي الا صديع الراس
هبيلٍ على جرة عجوزٍ مربيته

كريمً على قل السنع عند بعض الناس
بخيلٍ على جيران بيته واهل بيته

.....

[الحمدان]

ليت الـردي معـروف بين المخاليق
ويصير لـه بيـن الاوادم علامه

حتى نعرف اللي بروس الشواهيق
ولايلحق اهل الطيب لوم وملامه

الرجل بيـن الناس طيـبه تـوافيق
ويمناه تندى بالوفـى والكرامه

والا الضعوف اللي سواة المعاليق
مكسبك منهم بعدهم والسـلامه

.....

[الحمدان]

نسدد فواتير الوفاء من غلا واحساس
راع الطيب مانجحد جميله ومعروفه

ابن عم والا من بعيد العرب والناس
رجالٍ ماتلحق طيبها من وحسوفه

يقولون بالامثال عرق النسب دساس
وانا شوف عيني مثل ماغيري يشوفه

وعروق النداء تنداء لو اوراقها يباس
على مختلف دورات الايام وظروفه

.....

[الحمدان]

والله اني الوقت ذا ملتزم في حاجتين
حاجتـــةٍ من وراهـــا لقيـــت المنفعه

السكوت اللي يوافق مع العقل الرزين
وابتعـــادي عن مناقش سفيه و امْعه

والتّجاهـل خبرةً تكتسب عبر السنين
والتســـامح عملـةً ما تحـــب الاقنعه

.....

[الحمدان]

في ذا الزمن كلن يحب البداوه
حب البداوه صار في الناس عدوا

اللي معه مال ولو كان جاوه
شرا له ابل من الحراج و تبدوا

.....

[الحمدان]

كانك خوي الغني اللي محد حوله
حنا مانطمع بخـوة من كثـر ماله

نخاوي الطيّب اللي طابت افعـوله
حتى لوانه فقيرن حالته حاله

.....

[الحمدان]

ليا بدا النقص في حالي وفي مالي
على كثيـر العـرب مانـي بمتجـري

اترك ملايين وانصـى واحـدٍ غالـي
اما قضى لازمـي ولا خفـظ سـري

سفر الدغيلبي

[الحمدان]

اليا أبليت بكملتن مالها علاج
عوجا وجاتك من عوج صد منها

دور لها يامحكم الشور مخراج
ولا تنشد اللي جابها عن ثمنها

مانته مكلف بين ناقل وهراج
أرفع مقامك يابيض الوجه عنها

.....

[الحمدان]

الصمت مكسب ليامن طاح سعر الكلام
قفل خزاين كلامك والمقام إحفظه

ماهو ضروري تزاحم عاشقين الزحام
للبيعة البايرة لا تفتح المحفظة

على المناكف وترديد الهروج السلام
لابد سقف الطموح المرتفع تخفضه

ماهي جميع السوالف تلفت الاهتمام
عليك تسجيل يرصد كل ما تلفظه

.....

[الحمدان]

بغينا العرب ترضا لكن العرب مرضا
تخلي الصغآر كبار وتدور الزله

وانا مالي ومال العرب تزعل وترضا
انا يالله بعمري وش ابغي بخلق الله

.....

[الحمدان]

صح الكرم يستر كبار العذاريب
والاّ الشجاعه تكفي الوضع كلّه

ومن لارقا في عاليات المراقيب
لا ينتقد خلقه على كل زلّه

الزين مافاد البنات الرعابيب
لاصار معتوهه وفي العقل خلّه

وقت ٍتعّوذ منه حتى اشهب الذيب
تغيّرت حتى النجوم المطلّه

.....

[الحمدان]

الرجل مايملى يده قول ياليت
ومايدرك الغايات لو ماطردها

غايتك لو هي في قلوب العفاريت
انزع بيدك قلوبها من جسدها

.....

[الحمدان]

سِج يا قلبي من الضيق واللي فيك فيك
وإن تنطحتك صدوف الزمن عطها قفاك

عيش يومك وإنبسط وإن تمادت ما عليك
العمر له يوم واليوم لا من جاك جاك

دامك مصلي صلاتك ومرضي والديك
الأمور الباقية جعلها والله فداك

.....

[الحمدان]

إن طاب حظك باعلك وإشترالك
واذا تردى فاطيب أرياك يعميك

وان طاب حظك في المجالس حكالك
وليا تردى الحظ قام وحكى فيك

وان خاب حظك آه وعزتالك
راحت عذاريب العرب كلها فيك

وإذا تردى الحظ عزي لحالك
أدنات مابه ناقص العقل يذّيك

.....

[الحمدان]

يقول ذا شل بالدنياء وحط
واتعلم الصح من أول خطأ

رد الغلط بالغلط أكبر غلط
وأكبر خطأ تكررت نفس الخطأ

وكل واحد معه سكه وخط
وقال الأول من استعجل بطا

ومن توكل على ربه فقط
مايرجع ألا بخيره وآلعطاء

والحق واضح يكفينا سخط
ماكل مكشوف يبغا له غُطا

ما ميّزين الحروف ألا النقط
وما اظهرين الطريق ألا الخُطى

والكبر من يعتلي خيله سقط
ومن تمطاه ليته ما امتطا

ذا ما حسب للطرف مثل الوسط
مايدري إلا وهو حيث الوطا

[الحمدان]

قـال لـو تدري حبـيـبي كم احبك
قلت قلّي نفسي ادري قال مدري

قلت كيف اْدري بمدري خاف ربك
قـال بيتـدري وتـدري بـس بدري

قلت من عمرك ومن عمري بقربك
قال عمري مِه فديتك انت عمري

قلت لاتطغى على صدقي بكذبك
قال سرّي في غرامك مثل جهري

قـلـت متـمرد وحـبك مـثل حربك
لاتـراوغ لا يـغـرّك طــول صـبـري

قـال مـتمـرد ومـتعـطّش لـضربك
ونفصالي عن هوى غيرك وشطري

قلت يا مملوك من سهلك لصعبك
لاشمـالك لاجنـوبك مـلك حصري

لاسما ارضـك ولِا شـرقك وغـربك
لـم ولـن تُحـكَم بدكـتاتـور غـيري

قال قلبي قـلت قُـل ياقـلب قلبك
قـال عـانقـني وطـفّي نـار صدري

.....

[الحمدان]

قالو لي إكتب قصايد حب يابو هديل
قلت المحبه وعيش السعد لهل الريال

واحنا المساكين راحة مثلنا مستحيل
مافيه لنا فالهوى مكسب ولا راس مال

سنين من يوم فارقنا الشعور الجميل
والسعد ياالله نشوفه بس مثل الخيال

ماآظن تعشق وحملك فوق ظهرك ثقيل
وقسوة الوضع ماخلت لعاشق مجال

غبني لمن كان مثلي شهم وافي أصيل
وصابه الدين والأزمه وقهر الرجال


د/أحمد العميسي

[الحمدان]

مسامحين اللي تناسوا عطانا
بقلوبنا نخوه وفينا مروّه

و إذا خطينا نعتذر عن خطانا
ماهو بضعف إلا شجاعه وقوّه

وما نلتفت للي كلامه ورانا
لو ألتفتنا له عطيناه جوّه

واللي يقدّرنا ويوقف معانا
نعامله باللي يليق بسموّه

نهتم في اللي كل همه رضانا
ونقدّر الطيب ونحب الأخوّه

.....

[الحمدان]

ما بين الصعب وبين الخوف والتجريب
‏أحاول ما أميل بيوم ولا تتشرّد أفكاري

‏أمر بمرحلة صح أو خطأ أو صدق أو تكذيب
‏كأني تايه في شيء ولاني عارف أقداري

‏أنا يا ربّ ما أدري وش اللي ينكتب بالغيب
‏ولكن رحمتك أكبر من اللي فيه أنا داري

.....

[الحمدان]

‏تدري وش اللي يجعل النفس ترتاح
‏ولا تشتكي من بعده الهم والضيق

‏كلام رب الكون مكسب والارباح
‏فيه السعادة مع جميع التوافيق

.....

[الحمدان]

من قلة الراحة وضغط الدوام
تفكيري مشتت وعقلي مضطرب
‏
طيشي يقو إلى الأمام إلى الأمام
ورشدي يقول لا تقترب لا تقترب
‏
ماني بخايف من كلام أهل الكلام
لكن خايف عقب ذا العمر اخرب
‏
ماني بحاجة للغلا والإهتمام
أنا بحاجة للوناسة والطرب

.....

[الحمدان]

ويقولون متكبر واقول اتكبر ليه
‏وانا في ذرى ربي وعبده وابن عبده
‏
‏طويل الذراع ان عّرض اسمي تعلق فيه
‏وضعيف الروابع كني امشي على كبده

.....

[الحمدان]

‏عن كل شيٍ كان نفسي فيه سجّيت وسليت
‏وصرفت عيني عن جميع أحلامي وغضيتها

‏ماعاد في صدري مساحه للرضا لكن رضيت
‏نفسي عن اشياء واجده زعّلتها وأرضيتها

‏والله ما عاد يهمني إن رحت والا إن بقيت
‏بقول مره لا تروح وإن رحت ما ثنّيتها

.....

[الحمدان]

شديتني واخذت قلبي مع الروح
‏تعال قلي أنت مني وفيني

‏خذني معك ورافقك وين ماتروح
‏أنا بدونك تايهات سنيني

.....

[الحمدان]

يا للصباحِ الذي فاضت مشارقُه
‏بالحسنِ والبرّ تسبيحا وتوحيدا

‏سبحان من فلقَ الإصباحَ فاندفقت
‏قوافلُ النور إحياءً وتجديدا

.....

[الحمدان]

تعلمت من سود الليالي حكَم ودروس
‏ولازلت أردد بيت شعرٍ على لساني

‏صديق المصالح لو شرى خوّتك بفلوس
‏طبيعي يبيعك لا قسى الوقت مجاني

.....

[الحمدان]

حي الرفيق اللي له الطيب منهاج
اللي ليا جيته يضوي سراجه

لو ماقضى حاجتك لاصرت محتاج
على الأقل تكفيك ضحكة حجاجه

.....

[الحمدان]

راحتي فيها انتكاسه وصبري فاحتيال
‏واتجاهاتي عليها ضغوط وفرمته

‏ودي ارسم خط رجعه لو انه من خيال
‏ودي انسى حزن قلبي وادور فرحته

.....

[الحمدان]

‏القاك في درب القصايد والاشعار
والقـاك في كل المشاعـر أحـادي

مالك شريك بقلب حطك له اسوار
واشوف غيرك في عيوني جمادي

جتـني طواريـّك مـع الليل زوار
احسـّها كـل ما تصـيح وتنـادي

اعبـر بها يمـك على مـوج الافكار
خـيـال لكـنـّة بقـلـبـي وكــادي

.....

[الحمدان]

من لحظة ادراك الحقيقه تنتهي كل الثقه
خارج روابطها الوثيقه ويل من ظل الطريق

يا بادره بآخر دقيقه من نوايا مسبقه
في من تغير واختلف عنا بصوره ما تليق

لا سامح الله من صديقه ظن به او صدّقه
وبعدما حصل طريقه خان عهده والرفيق


.....

[الحمدان]

اشوف منك الصد بانت مواريه
‏وشوف باسلوبك علومٍٍ جدايد

‏ترى الهوا تاليه تفضح مساريه
‏والوصل يقفاه الهجـر والنقايد

‏دام المفارق ياريش العين شاريه
‏ياجعل مايلحقك ضيم وشدايد

.....

[الحمدان]

أكتب قصيدي من جروحك وأغنيك
‏واذا عجبك البوح قل صح بوحك

‏لا تحسب إني قلتها لاجل أعنيك
‏لكن ذكرت إني قبل كنت روحك

‏على جروح الوقت حبيت أهنيك
‏ياللي تقول إني هواك وطموحك

‏لا تنصدم لا قلت أنا الحين ماأبيك
‏كل الجروح اللي تجيني جروحك

.....

[الحمدان]

عين بدويه والخشم سلـة السيـف
‏والعنق عـنـق الريـم ياوجـد حـالي

‏ياوجـد حالي كامله بالـتـواصـيـف
‏تأخـذ من وصوف المها والغـزالـي

‏أنشهد أنك كيف ومشاهدك كـيف
‏والكـيف شـوفك يابعـد كل غـالـي

......

[الحمدان]

نطيح من عثرات الأيام ونقوم
وتزيدنا الطيحه شموخ وكرامه

نواجه الدنيا بصملات وعزوم
ولا هزنا هرج الردي والهلامه

.....

[الحمدان]

راسي مصدع وين مسكن صداعي
اللي اليا شفته نسيت كل الأوجاع

اليا ابتسم عقلي مع الزين ضاعي
تحسنت حالي وتزين الاوضاع

واليا همس باذني يطيب استماعي
من بحة بصوته لها القلب يرتاع

وان قال شي قلت امرك مطاعي
لا يا شفاء همي وللنفس مرباع

.....

[الحمدان]

طـيفِكٍ يجيتـي دوم مع لاهب الشوق
وارجـــع انـاظــر صورتك واحتضنها

وانا اشهد انـك كـاملة الوصف يـالذوق
مــكـانـتـك يــقــصّــرن مـــا يـجــنـها

قـلـبي بهـــواكــٍ بالـغلا طـوّقه طوق
كـــل الـــمـحــبـة عــنـد رمشِك رهنها

دون الـبشـر غــالـية ولـكٍ مـنزلٍ فـوق
ومـعـزتِـك بـالـقلــب مـا ياصَـلنها

.....

[الحمدان]

اشوفك بعيد وانت الحين قدامي
ياصعب درب الشتات اللي تساهلته

مشيت فيه ابني مع الخطوة أحلامي
ورغم ان الآمال خابت فيك كملته

مدري غموضك يزيد الجرح وآلامي
ولا آخر الحب ما يشبه لأولته

تقول لي لا تجي يمي بالاقدامي
وعيونك تقول لي عكس الذي قلته

.....

[الحمدان]

‏يا ليل يا ليل الــــسهر والـــــمعاناة
وش حيلة اللي فارق النوم عــــينه

القلب يبحث في الزمن عن خفاياه
الله على ذكـــرى اللـــــيالي يــعين

.....

[الحمدان]

لا تساومني على جاهي وقدري
‏ويش ابي بالعمر من دون الكرامه

‏ان لفيت اهلاً وسهلاً وسط صدري
‏وان بغيت تروح مرواح السلامه

.....

[الحمدان]

اكثر ما يضيق خاطري نشدة الملقوف
ليا شاف فيني من ظروف الزمن خله

عساني ليا زليت ما زل عند ضعوف
عسى زلتي قدام من يدمح الزله

.....

[الحمدان]

يالله اللي في يدك فك العسر وإفراجه
أغنني عن كل من هو في غناةٍ عني

وأكفني يالله من شر الفقر والحاجه
وأعطني يارب من فضلك ولاتحرمني

يالرحيم وكل نفس لرحمتك محتاجه
أسالك تشملني بغفرانك وترحمني


النجم العالي

[الحمدان]

يا العظيم اللي عظيمٍ شانك وسلطانك
أستمع دعواتي ونجواي وأقبل منّي

لا إله الا أنت يارب السماء سبحانك
أسألك يا رب تغفر لي وتعفو عنّي

امين

[الحمدان]

‏لا تبخل على الي محرجته الضروف احراج
تجمل وساعد واعط مما عطاك الله

من يدور المحتاج وايساعد المحتاج
فدته الوجيه الي آتدور على الزله

متعب بن مرزوق

[الحمدان]

طـبنا وشـبنا واتـعبتنا المـشـاريـف
والمـرقب العـالي هـبـوبـه عـنيفـه

ويا حظ من لا عرف منهو ولا شيف
ان طـاب يـحمد وان تـردى بكيـفـه

بدر عبدالمحسن

[الحمدان]

ماعاد ينفع فالشدايد ولد عم
مار الله الله فالدعاء والصلاوات

ماتو هل ابشر وازهل وتامر وتم
ولا الردي لامنه نفعه ولا مات

ماجد العتيبي

[الحمدان]

‏انا لو لا غرامك ما قبلت لصدتك تبرير
‏ويا ليت لغيابك عذر مايطري على بالي

‏اكابر واتظاهر بالصبر واشره على التقصير
‏وانا في كل يوم يمر اشوف النقص في حالي

.....

[الحمدان]

‏لاعاد تبكين قطعتي معاليقي
مادام قلبي معش وش داعي الدمعه

انا مع الناس حلم وصعب تحقيقي
وتحقق الحلم لك والناس مجتمعه

منصور الحبابي

[الحمدان]

أشياء واجد تضايقني وانا راضي
‏على رغم قوتي اسكت ولا أتكلم

‏ترى اكثر إنسان مايحكي عن الماضي
‏هو اكثر إنسان من ماضيّه يتألم

.....

[الحمدان]

يسعد مسا منهو تربى على الطيب
ترسم حروفي تفاصيله ومضمونه

كنه معي مثل القلم داخل الجيب
قريب من قلبي ولو غابت اعيونه

.....

[الحمدان]

عز الله ان الشدايد عندي اكبــر فضيله
عرفت فيها جميع الناس هــين وغـالي

عرفت فيها النشاما والنفــوس الـذليله
كسبت منها رجال الجــود وهل المعالي

ياعاشق المال كسب المال ماهو وسيله
انا الشرف والمروه والكرم راس مـــالي

.....

[الحمدان]

‏سرى اللّيل والذِّكرى ثلاثيّة الأبعاد
‏بعد ما تغيب الشمس تبدأ طواريها

‏على الساعة الثنتين في وقتها المعتاد
‏عسى الله يعين اللّي سواتي يعانيها

‏حنينٍ على الماضي وشوق وعنا وجهاد
‏وجمرة غضى لا هبّت الرّيح تحييها

‏يا كمّ ذكرياتٍ نزفها فالحنايا حاد
‏لو أتصنّع النسيان مانيب ناسيها

.....

[الحمدان]

‏ياطير تكفى لفّني بـالجناحيـن
‏ودّي معاك أطير يا طير خذني
‏
‏مادام مالك لا حدود وقوانيـن
‏خذني قبل هالحال يا طير يفني

.....

[الحمدان]

حنا بدو نطرب على شبه النار
وريح الحطب بثيابنا لاملاها

.....

[الحمدان]

يانجد والله مالنا عنك مجناب
اسمك لحاله راس مال وهويه

ومثل ماقال الشاعر الهاوي الحاب
تبقين يانجد العذيه عذيه

.....

[الحمدان]

الجـو غـيـم وفـيـه رذاذ هتان
‏يمطر شـوي ويمطر احيان قـوَّه

‏صوت المطر يشبه تعاليل خلان
‏في حبهم صدق وعفاف ومـروَّه

.....

[الحمدان]

تحديت الليّال المظلمَه والسور والأقفال
‏ووصلت لكل ما يطري علي بفجّة إشراقي

.....

[الحمدان]

‏البروق تلوح منا والرعود تحنّ منّا
‏المطر ما وقّف من البارحة والسيل جاري

‏والحكومة تنذر العالم عن اخطاره وحنّا
‏من سعادتنا نباري السيل لو ماله مباري

.....

[الحمدان]

الهبايب وجّهت ذعذاعها والشوق ذعذع
‏ليت يا قلبي معك قدره لذعذاع الهبايب

‏لا يهمك يا قفص صدري لو ان الهم يجذع
‏كل ضلعٍ من جذوره مع عدم ذكر السبايب

‏المحبه شي فطري ومعطيات الحب تلذع
‏والمحب بمنتصف عمره تشوفه كنه شايب

.....

[الحمدان]

‏لاتشيل همك لين بكــره وبعـدين
عـين الله بكــل الخــــلايق بصــيره

واعـرف مصـير الوقت لاشــان بيزين
ومصيـر ضيقـات الخـواطـر قصيـره

ماتــدري الله كاتـب الخيــر لك ويـن
احيـان تكـره شـي ويصـير خيـره

.....

[الحمدان]

بعض البشر بأخلاقها تشبه الغيم
من وين ماتقبل تسوق البشاير

.....

[الحمدان]

لا يزعجك كثر حرصي لانك انت الوحيد
‏اللي المشاعر عليه تبيّن عتابها

‏اهم حاجه اشوفك طول عمرك سعيد
‏خل الجروح بخفوقي ينقفل بابها

‏انا احبك محبه والاكيد الاكيد
‏النفس مهما حصل ما تكره احبابها

.....

[الحمدان]

ما ابغاك تتعلق زياده بي وتبقى جانبي
ولا عليك الزام في قربي بصوره دايمه

مارس حياتك فوق حبي صح وافعل ماتبي
مادام قلبي بالثقه حبك ونفسي فاهمه

.....

[الحمدان]

ضايق ومستانس وراضي وزعلان
مدري وش اللي يجمع الكل فيني

احيان اجر الصوت مغرم وطربان
واحيان اجر الصوت وتهل عيني

.....

[الحمدان]

‏كنت أنصح اهل الهوى في كل ليل ونهار
‏وأثر الهوى من غرق فيه يغرق في بحر

‏كنّي مؤلف كتاب مُحارب الانتحار
‏اللي بعد ما انتهى من فلسفته أنتحر

......

[الحمدان]

الروح تحيا يوم تسمع بطاريك
‏ودنياي بـوجودك صارت هنيه

‏مثل المطر تحيي الشعوب المهاليك
‏تــروي القـلوب الظاميات الشقيه

.....

[الحمدان]

‏حمرة شفاياها مناقع زعفران
‏أبطت مراويح السحاب تكدها

‏عينٍ رهاويه وعنقٍ صولجان
‏وزينٍ يخلي كل عين تودها

‏عجايب الدنيا لا سبع ولا ثمان
‏ثنتين في يمنى ويسرى خدها

.....

[الحمدان]

كل جرح فيك أحسه من نصيبي
‏البروده والقساوه والعنـــا

‏إن قسينا طيبتك تشكي لطيبي
‏وإن ضحكنا تضحك الدنيا لنـــا

.....

[الحمدان]

مانويت افتح قروب ولا نويت اغرّد
‏لين صبري في متاهات الهجر حللته

‏ياعسى الله يامر اللي بالحلا متفرّد
‏يدخل حسابي ويقرا كل بيت قلته

.....

[الحمدان]

‏حـبك نبت بالقلب والشـوق يسـقيه
مـثل الورود اللـي سـقتها الغـمامه

ياجـمل بشـر بالكـون واجـمل لياليه
واعذب بيوت الشعر واصدق كلامه

.....

[الحمدان]

‏بعض البشر اجمل من الشعر والبوح
واجـمل مـن الوان الرسـم والمعاني

بعض البشـر ترد في نبضك الروح
مـن تبتسـم لك يبتـدى عمـر ثانـي

.....

[الحمدان]

مكانِتـك ما زادهـا المدح مقيـاس
ولا يقـلـل شـانهـا منتـقـدهـا

أنت اللي تحدد مقامك مع الناس
من وين ما حطيت نفسك تجدها

.....

[الحمدان]

ياذا القمر قامت تغير مساريك
‏يا بطي مطلاعك وياسرع مسراك

‏طفت النجوم اللي من اول تباريك
‏ما شفت نجماً بان قبلك وخاواك

‏قبل امس اعد الليالي واراعيك
‏واليوم عني نازح البعد خفاك

خلف بن هذال

[الحمدان]

خــوفي من الله وإتكالي على الله
‏لا خــايــفٍ هــذا ولا راجيـــاً ذاك

‏يا خـــالقــي يرجعلك الامــر كـله
‏المــد مــدك والعــطايا عــطاياك

.....

[الحمدان]

يا عاشـــق الدنيا تراها محـطات
تعيش فـــي ديره وتفنـى بـــديره

لا ياخذك طرد الهواء والملــذات
اذكـــــر محطات الحياة الاخيره

.....

[الحمدان]

لا تذخرون الرسايل والرسايل حياة
‏ولا تقطعون المواصل والمواصل جبر

.....

[الحمدان]

ماجبرتك للمحبه عسى عُمرك يدوم
انت من جاب المحبه وقلبي واصله

.....

[الحمدان]

أسامر طيوفك كل ما غابوا السمّار
‏مع إني وحيد شلون ماآحس بالوحدة

‏ورى كل بسمة فاتنة تلفت الأنظار
‏عليها المشاعر فآخر الليل متحدة

‏حبيبي لا تخشى ضيعتي والحياة أقدار
‏ضياعي حقيقة عمر ماهيب منجحدة

‏تبيها وصل ولاتبيها فراق اختار
‏أنا ما قدرت أختار منها ولا وحدة

.....

[الحمدان]

عمرنا ما طلبنا من المقفي وصل
‏كل شمس تغيب يطلع وراها قمر

.....

[الحمدان]

‏في محطات العمر ما كنت من ضمن إختياري
‏القدر جابك وأنـا ممنـون للأقدار جداً

.....

[الحمدان]

يارب وإن جاتك الدعوات مكسورة
افرد جناح الرضا واجبر خواطرنا

امين

[الحمدان]

نشيل ماشالوا هل الطيب ونقوم
من فضل ربي مارجــينا الخليقه

.....

[الحمدان]

من طاب فعله شاع ذكره مع الناس
أمّا الردي ماله مع الناس طاري

.....

[الحمدان]

لا تعلمنـا عن اللي هـرج فينا وقال
اعتبـرنا لين هالحين ما نـدري عنْه

لو نبا ندنق على الطايح يطيح العقال
والعقال اللي على روسنا ما اغلى منْه

الجريدة عشر صفحات قيمتها ريال
لو كلام الناس محسوب ما هذا ثمنْه

.....

[الحمدان]

الخاطر ان طاب من حاجه عليها السلام
لو إنها اغلى من عيوني علي عفتها

.....

[الحمدان]

الطيب يرجع لك لو صار ما صار
من يزرع المعروف يحصد مثاله

.....

[الحمدان]

خلك على غلطات الاجواد ستـار
تكسب بها أجر وغنيمــه وجماله

.....

[الحمدان]

‏السنين اللي بدونك ما قدرت اشرحها
‏كيف بشرح والحنين ان مرني سكتّني

.....

[الحمدان]

قالوترى النسيان نعمه زينه
وش لي بنعمة دامها نسيانك

بلال الماضي

[الحمدان]

‏تعيش المواقف ما تحلل مع الاجساد
‏دفنا النشاما ما دفنا جمايلها

.....

[الحمدان]

كل نجمه شعشعة والقلب عتمه كانت أنتِ
وكل حرفٍ حرك اشفاهي بكلمه عنك أنتِ

.....

[الحمدان]

الكرامه والحميه والمواقيف العظيمه
هذي اللي دونها الاعذار نوع من الرخامه

لاتدور لـ السلامه وانت ودك فالغنيمه
من يفكر فالغنيمه مايدور للسلامه

لاتحــاول أنك تبيع الكرامه بأي قيمه
لأن مــابه قيمةٍ فيها بتشري لك كرامه

.....

[الحمدان]

حـنا ربينا في مـرابي هل الطــيب
اللـــي تميزهم وصـوف وعلامــه

وان كان لبيوت المعزه معــازيب
حــنا معازيب الوفــاء والكـــرامة

.....

[الحمدان]

اسأل الليل عنك والبحر والنسيم
والوفا والمحبه والعشق والوصال

والقمر والثريا والزمان القديم
والحلم والاماني واقعي والخيال

.....

[الحمدان]

جيتك مجيَّ الكرام اللي تحب الكرام
‏واخترت دربٍ توقف عندك نهايته

‏أن كان جيتي مجيَّك فوق صدري وسام
‏وان كان رحتي فمان الله ورعايته

.....

[الحمدان]

بعض الاوادم عطاه الله على طيبه قبول
‏ ان جاك زاد الغلا وان غاب زاد الغلا

.....

[الحمدان]

الملتزم بالصمت ما يخطي ولا يخطى عليه
‏أنشهد إن الصمت يحفظ للأدمي شخصيته

.....

[الحمدان]

ليه التفتّي يوم ليل الوله طال
‏اعياك كثر الشوق ما عاد بدري

‏ودّعتك البارح مواديع الابطال
‏رغم انّي اشعر فالمعارك بصدري

.....

[الحمدان]

دستور يالساحل الغربـي
‏فلّيت في بحرك شراعـي

‏ياموج هوّن علـى قلبـي
‏داعيه من شطّكـم داعـي

.....

[الحمدان]

انتي مـلاذ السـفر وانتي مـلاذ البلاد
في كل موضـع قـدم يا فارقه فارقه

ليه التفت للحزن والعاذل من العباد
وانا حبيـب القـمر والنجـمة البارقه

.....

[الحمدان]

أتنفّس عـطـر أنفاســه وأناظــر
في عــيونه يوم لامســــنـي جـبينه

وأتأمّل في جمال الورد ظاهــــر
مِن بياض الثلج كنْها ياســــمينه

.....

[الحمدان]

دخيلك يالهوى الغربي على قلبي تهب بزين
تراك محمل باشياء تهز القلب وضللوعه

.....

[الحمدان]

النوم ما شافته عيني وذقت السهر
يالناعمه نومتك من وين تلقيناها

.....

[الحمدان]

‏والله ما أغلي رخيص ولا أرخص غالي
‏الطيّب أغليه والمغشوش ما أسومه

.....

[الحمدان]

ودي تقهوينـــي وأشبع من سواليــفك
ويــمضي بي الوقت ماهـزيت فنجالك

تـقدح حروفي غلا وأقصد على كيفـك
وأجيـب كـل الطروق اللي على بالـــك

.....

[الحمدان]

تولعت في غروٍ عن الغيد شكله غير
ما ياصف جماله حبكة البيت والفكره

خذا من الظبي عنقٍ طويل ومن الطير
عيون العديم اللي مفرع على وكره

.....

[الحمدان]

تستانس الروح لاجتني مراسيلك
والنفس ترتاح يا نبـض الغلا كله

والقلب يافرحته لحظة مواصيلك
ينسا التعب والوجع والضيق والعله

.....

[الحمدان]

وانا من غيرتي حتى الهوى لا تعداك
اقول وش تبي يالهوى فِي حلالي

محمد بن فطيس

[الحمدان]

‏لا تذخرون الناس لليوم الأسود
‏بعض الأوادم حدّها بيض الأيام

.....

[الحمدان]

‏تبرّت طيوفهم منهم و راحت معي
‏لله در الطيوف أوفى من أصحابها

.....

[الحمدان]

من رخصني ما ربح غير ابتعادي
‏ومن ربحني لو يبي عيوني عطيته

.....

[الحمدان]

طبطب على كتفي واخذني بالاحضان
واسألني شلونك ولو كذب عادي

ترى الكلام الحلو في بعض الاحيان
يخلّي الاحلام بين الايادي

انا بحاجة صوت هادي وحنان
سولف عن الحنان وبصوت هادي

وساعدني ألقى فيك راحه وسلوان
تراني بوادي وقلبي بوادي

.....

[الحمدان]

ماني أقل وماني أزود من الناس
‏ولا احدٍ يشابهني ولا أشبه لغيري

.....

[الحمدان]

طاح من عيني ولاعاد يشقيني رضاه
‏جعّل من خان الأجاويد ياقع في نكد

.....

[الحمدان]

ياليل ماودك نجر المواويل
نزف من علو المواجع قدرنا

أفـج لك صـدر الأماني تعالـيل
وإليا ضوانا الصبح ننسى قدرنا

.....

[الحمدان]

ياما على شانك نويت المطاريش
وياما تبعتِك شرق والناس قبله

.....

[الحمدان]

الشعر مصباح الحكم والعواطف
والقاف يرقى بالنفوس النقيه

والنفس تكسرها ردود المواقف
لو قابلت بعض الفعول الرديه

أصبحت مع بعض المخاليق والف
اعرف معادنهم ولو هي خفيه

ياكثرهم وقت الرخا والسوالف
وياقلهم وقت الوفا والحميه

.....

[الحمدان]

مرحوم ياللي كل ماجيت برثيه
‏عجزت اعبر بالحكي والكتابه

‏اللي خذاه الموت ماني بناسيه
‏وعقبه تجرعت الحزن والكأبه

‏الفقد موجع والقدر راضيّن فيه
‏والدمع يذرف مثل وبل السحابه

‏يالله ياللي نلتجي به وندعيه
‏تغفر ذنوبه ثم تسقي ترابه

.....

[الحمدان]

تحزّمت في بيض النوايا وطيب يدي
‏من أول بدايات الزمان لا نهاياته

.....

[الحمدان]

تحت الثرى ميّت وفي قلبي حيّ
يالله عسى الجنة مقرّك وملقاك

.....

[الحمدان]

يازين السعه والبعد عن قوم قال وقيل
وعن اللي لسانه يمنع الناس من قربه

.....

[الحمدان]

أرفق ترى النفس العزيزه عيوفه
‏ماكل عذرٍ تقبله منك لا أخطيت

.....

[الحمدان]

عسى الله يجمّلني مع العالم الوافين
‏ربوع السعد والخير والطيب والخوه

.....