فوق هام السحب ( الشعر الشعبي) على متن القوافي

[الحمدان]

يا قاضي العشاق ليـه أنـت صامت
ما شفـت قلبـي يـوم ينزف وريده

كـل الخلايق لا اقبـل الليل نامت
وأنـا السهـر قسمي وجسمي يريده

غربـة مشاعر لا اقبل الليل هامت
يـا حـظ من يهنـى بلحظه سعيـده

خلي يـشـوف الحزن فينـي و شامت
مبسوط معجب فـي معانـي القصيده

......

[الحمدان]

ياريت يفتح باب قلب الحنـونه
طـرقت ماجـوب لصـوتاً يناديه

اشكي الى الله شـد ازري بعـونه
والي اسر قلبي عسى الله هاديه

دي شايفاً حالـه بجد اخبـرونه
اسلك طريق السلم.ماريد عاديه

اعزم وماارجع عـلا الشي بدونه
حتى ولو كلف علي هجر واديه

انذار يامن صابني سهم نونه
لا تاخـذ التهـديد باقـوال عـاديه

......

[الحمدان]

انتظر يا ليل لاعـــاد تسـتعـجــل تراك
كل ما قـفيت تجــرح شــعوري مرتين

مرتن لـ انك تقـفــي وتتركنـي وراك
ومرتن لـ انك ترى غير كل الراحلين

واجد الي قالوا الظاهر ان خلك نساك
بس انا لازلت صـابر ومشتاق وحـزين

يابعد كل الحبايب عسى الدنيا فـداك
حـيرتنـي غيبتك واتعب الشك اليقين

ودي ادري من هو الي بعد ربي خذاك
مني ان كانه نصيبك ترى ماهو بـ زين

......

[الحمدان]

كان اختصرت الطريق وقلت واحشني
ماکان لازم تزيـد القلـب تعذيبه

تجـــــهل شــعـوري ولا تبغـى تناقشني
وان جـيتني قلت صدفة من بعد غيبه

وأنا أدري من الوله ودك تفتشني
وتشوف صـــدر ن هجرته كيف ترحيبه

لا تخـتـبر قيمتك ولا تغششني
ياكم حفظتك بـ قلبـي وانته حبيبه

حاربت لـ رضاك يوم الناس تبلشني
وأخـلفت ظن الحــبيب وحس بـ الخـيبه

لاتنهمك في غلاي ولا تهمّشني
لكن غيابك وربي أكبر مصيبه

......

[الحمدان]

‏القصيده في عيوني بدونك ما تزين
لازم ان اجيب طاريك يا ملح النشيد

انت ياللي من بطين الفؤاد الى الاذين
والله ان حبك مع الوقت ماينقص يزيد

في غيابك لك محبه ولك شوق وونين
وفي حضورك شف عيوني كلامي ما يفيد

......

[الحمدان]

على لحون الهجر و الشعر له معنى
‏جريت صوتي عسى الغيّاب يوحونه
‏ٰ
‏يا ليت الأيام فـ اقرب وقت تجمعنا
‏ولا تشافى جروح الشوق و طعونه
‏ٰ
‏يا قلبي اللي طواه البعد لين اسنى
‏جفت سواقي غلاه و ماتت غصونه
‏ٰ
‏على الذي فالضلوع وياخذ من أدنى
‏ما وفر اللي ورى قلبي و من دونه

......

[الحمدان]

يا زين من بعدك معذب ومجروح
ماذقت نوم العين فوق الوساده

في غيبتك ماتكتمل راحت الروح
ولاعشت بعدك بالهنا والسعاده

يا الي تعذبني ترا منت مسمووح
احرمت متمني لغايت مراده

عذبت ابوالمختار بالصمت والبووح
والقلب بعدك بالعنا ويش فاده

.....

[الحمدان]

أبسألك يـاليـل هـو بـاقي أحباب
‏والا الوفــا ماله بهــالــوقت قيمه

‏اللي بقالي دمعــه تحرق اهداب
وأحلام خلقت في حياتي يتيمه

......

[الحمدان]

اغيب وابعد لكن ما اطري النسيان
ابقا لك عرش وانت سيدي والملك

ابقا عايش بذكراك ي اغلى انسان
وتبقا علي مفروض مايمرك ترك

لو مااشوفك معي انت كل مكان
ثق فيني وايقن بحبي ولا تشك

......

[الحمدان]

لـو كـل شيء بالخوآطر نطولـه
مآ كآن جفْ الحبر في وسط الأقلآم

شفتگ و في قلبي گـلآمن ب أقولـه
و سبقتني في قولة الله من أيآم

......

[الحمدان]

ياليال الــــــود ودي له رساله
لا قــــــراها يعرف أني مانسيته

عـــــلميه أن الغلا فاحت ادلاله
فوق جمر الشـوق يومن أحتريته

مانسيته لـــــو طراله ما طراله
ساكن بقصاالحشاوالقلب بيته

......

[الحمدان]

والله ان صـدري معافى وخفاقي نظيف
لو اشوف الحزن في عين حسادي زعلت

الملامح بعض الاحــيان تظهرني عنيف
ولا انا بـ الكلمه الطـيبه ما قد بخلت

اقبل بوجـــهٍ يشــرف ومنطـوقٍ عـفـيف
ولا لقيت اللي ينقص من حضوري رحلت

آتعدا عن عيوب البشر كني كفيف
ولا تبين شـيء لـ العين جنبت وغفلت

......

[الحمدان]

يا بنت كسّاب الثنا مقدي العوج
‏وقلوب عدوانه من الغيض تدمـا

‏لك بالشرف قدر ومدارات وبروج
‏واسمٍ تنومس هيبته بين الأسمـا

‏أنا دخيل الكحل والعطر والروج
‏والضحكة اللي قادت العِشب للما

‏لا يزعَل اللولوّ يموت أزرق الموج
‏والحِلم يغرق والمجازيف تظمـا

......

[الحمدان]

يا نفس بالحب ب الله لا تذليني
كوني عفيفة وراياتي تعليها

حب الغواني أنا ما أريد تبليني
وهامتي الشامخة فيها توطيها

حبي لمحبوب قلبي بس يكفيني
بهجة حياتي وروحي لي سكن فيها

مافيش غيره قمر يملأ نظر عيني
وبسمته تسوى الدنيا وما فيها

حبه بدمي وفي مجرى شراييني
هو امنياتي الذي قلبي تمنيها

ماريد غيره ب قربي يا محبيني
ولا مداوي لأجراحي يداويها

وحده حبيبي الطبيب اللي يداويني
من كل علة ونار الشوق يطفيها

إن كنت بردان ب أحضانه يدفيني
وأن كنت عطشان يسقي الروح وارويها

ما اخون عهدي وأنا ثابت على ديني
حتى ولا الشرع حلل لي أثنيها

لا نجمة الهند واسنطبول تغريني
ولا خليجية أو شامية توازيها

من مثل خلي سيسعدني وهنيني
حطه بعيني ورمش العين اغطيها

محبوب قلبي قمر يضوي سماءكوني
روحي فداء له وهو لي الروح يفديها

......

[الحمدان]

التجارب حقائق والزمن خير شاهد
والحياه مدرسه والناس رايح وغادي

والشدائد تصفـي لك من الألف واحد
والبقيه بـ وادي وانت وحدك بـ وادي

كل صادر وله في كف الاقـدار وارد
والفطـين الذي مايحسب الأمر عادي

لا تراهـن على غايـب بـ ناقص وزايد
وان راهنت باتصبح بـ سجن انفرادي

طالما اضـرار قومٌ عـند قومٌ فوائد
والله إن الحذر واجب ومبدأ سـيادي

......

[الحمدان]

زاد الألــم ياخـفيف الدم زاد الألــم
هات القـلـم دام مايـنـفع معاك الكلام

و زوّده دم لا خـلـص مـــداد القـلـم
تراكم الهم في صدري ولااقدرت انام

ارغمني احساسي اتكلم بصوت الندم
فـ سود الايام ما مرت مرور الكرام

تركتني وانت تعلم كم أحبك وكم
والآن هٰذه وصاتي لك ومسك الختام

المحــترم ياحــبيبـي دائما يُحــترم
والبادئ اظلم وهــٰذا الرد لك والسلام

......

[الحمدان]

‏قلبـي معــك عنـدك وضعته امانه
حاول تشـوف اخبار قلبـي ومافيه

لاتسألونـي يا الغـــلا عــــن مكانه
مكان قلبـي فــي ضلوعك مخبيه

مابه لزوم اعطــي لحبـك ضمانه
ضمانتك حبك وعشقك سكنفيه

حافظ عليه من الزمـن وامتحانه
أمنتك الله احفظ القلب واحميه

......

[الحمدان]

طال انتظاري والوله يحــرق الجوف
والصبر مايطفي من البعد ناري

اكتم شعور الشوق واصارع الخوف
وفي داخلي نهر من الهم جاري

اضحك ولحن الحزن بالصدر معزوف
ودمعي حبسته لايبين انهيـاري

......

[الحمدان]

سـراب الأعـذار ما يقطع ضـمّا الوارد
‏في عينه الأرض جـردا والسماء زرقا

‏ردودك الـبـاردة ،، وأســلـوبـك الـبارد
‏كــنّـها تـوريـنــي المــنـهاج ، والـفـرقا

‏وأعـذارك الواهـيْـه من ذهـنك الشارد
‏أغصان هجـر ن عليها ناحـت الورقا

‏من دون طيحة غلاك حروب ومطارد
‏والعــين ما طاح منها مستحــيل يرقا

......

[الحمدان]

نسيتك چذبة عبرت ع الخلگ كلها
وبعدها جروح گلبي عيونك تحلها

بعدني من أذكر أيامك گليبي يشيط
مدلل وأبچي ،طط خايب ياهو يقبلها

نسيتَك من سمعها الگلب فَز مرعوب
حتى السودة منَّك آنة أشتاگ الها

شعر عراقي

[الحمدان]

عندك غيري
بس غيرك فلا عندي

وليغرك الناس الأضحك وياهُم
آنة بوكت الحزن وحدي

ومِن يبدي الوجع يشبه كلام الناس
وشيخلص كلام الناس مِن يبدي

شعر عراقي

[الحمدان]

بعدني اشتاگلك صدگني ما ناسيك
ولحظات المفارگ من تمر صعبه

تمر بيه الليالي وشوگ يا خذ شوگ
ويا شوگ العمر حسره باثر حسره

تمنيتك تجي وتشيل هاي وهاي
هواي جروح بيه شما تريد اقره

شسولفلك عليه شصار من فرگاك
مثل خيط بغيابك فارگ الابره

شعر عراقي

[الحمدان]

ﻳﺴﻌﺪﻣﺴﺎﺀ ﻣﻦ ﻳﻘﺮﺃ ﺍﻟﺒﻴﺖ ﺑﺈﻋﺠﺎﺏ
‏ﻭﺍﻟﻔﻴﻦ ﻫﻼ‌ ﻣﻦ ﻳﺮﺩﻑ ﺍﻟﺒﻴﺖ ﺗﻌﻠﻴـﻖ

‏ﻳـﺎ تاج ﻋـﺰ ﺍﻟﻤﺠﺪ ﻳﺎ ﺧﻴﺮﺓ ﺃﺻﺤﺎﺏ
‏ﺳــﻼ‌ﻡ ﺻـﺎفي ﻧﻤﻄـﺮﻩ ﺩﻭﻥ ﺗﻠﻔﻴــﻖ

......

[الحمدان]

‏أنت الحياه وراحـت القلــب ومنـاه
وأنـت الوحـيد الي خفوقي خذيته

وأنا عطيتك كـل قلبي مـن اقـصـاه
وأهديت لك .. قاف القصيـد وبنيتـه

......

[الحمدان]

ياشيـــنها لا صـرت معـجب من الــروح
في شخـص گنــه بالغـلا قطــــعةٍ منــك

لا تقـــدر تعــــــبّر ولا تقـــــدر تبـــــوح
مشغـــول به بالك وهـــو ما درى عـنك

......

[الحمدان]

الزهر ينبت بعد الرعد والمطر
وظلمة الليل تحلي طلة القمر

فاصنع من الحزن جسرا للعبور به
نحو السعادة وسط الهم والكدر

واعلم بأن سواد العين يجعلها
وسط البياض محل الحسن والبصر

وجرعة الماء لا تحلو بلا ظمأ
وذروة الشوق لا تأتي بلا سفر

......

[الحمدان]

نسيتك چذبة عبرت ع الخلگ كلها
وبعدها جروح گلبي عيونك تحلها

بعدني من أذكر أيامك گليبي يشيط
مدلل وأبچي خايب ياهو يقبلها

نسيتَك من سمعها الگلب فَز مرعوب
حتى السودة منَّك آنة أشتاگ الها

شعر عراقي

[الحمدان]

‏كان المعزه عندكم يوم واسبوع
ثم تنتهي مع دورة الوقت واتضيع

حنه المعزه عندنا راس مرفوع
لامن شرينا شخص مانقدر انبيع

......

[الحمدان]

يسألوني اعله حـالـي شبيك مـابيك
اشـو وجــهك كئيب ولــونـه شاحب

وجــــــاوبـهـم وأگـــول الــحـمد لله
بـس عـيـنـي عكـس شفتي تجـاوب

واجاريهـم أحــاول مــــا يـحـســون
ادري عـــيـــون شـــمــاتــي تـراقب

واضـحـك شـفــتـي گــدام اليسألون
وأنـه بصدري حـزن يلطــم مــواكب

يـگــلولي ضحكتك بــارده هــــــواي
...وشو للصفنـــه دومك حيل راغـب

. گبل چانت ضحكتك مالـــيه البيت
ولـسانـك حــرك كـلـش مـــشـــاغـب

شـجـاك شغيرك وشصـــايــــر ويــاك
تـوزع هـمـــوم وبيدك چــن محاسب

شعر عراقي

[الحمدان]

‏ويش أسوي ياعيون الوحش عنّق الغزال
لاحصل طاريك يفتح على قلبي رواق

لي ثلاث سنين بين الحقيقة والخيال
وآخر شهر ذا السنة تكمل الرابع غلاق

شبه وضحا فالمخاضير زاويها الحيال
من غلاها عن أهلها تبارى ما تساق

عندي إنك ماخذ تاج ربات الجمال
سلموك الحسن من باب صنعاء للعراق

......

[الحمدان]

يالله برزقٍ على غفله من الحسّاد
‏مدة كريمٍ تجود الناس من جوده

‏رزقٍ يجي دون تخطيطٍ ولاميعاد
‏دعوة مصلي دعاها لحظة سجوده

......

[الحمدان]

‏لا عاد تسألني عن الحال وش فيه
مشتاق لـكن الزمن ما صفى لي

لو تكشف اللي في خفوقي مخبيه
يمكن عيونك ما تنام الليالي

......

[الحمدان]

‏امست جميع الاوادم والجريح امسى
‏يسامر الليل والاشواق وحداني

‏من يحسب ان الهوى له مركب ومرسى
‏ترى المحبه عذاب وعالمٍ ثاني

‏يا ياصاحبي الوقت لو يجرح ولو يقسى
‏انا ما احب اكسر الخطّر ولا اداني

‏ولو اني انسى جميع الناس كيف انسى
‏اللي حلف ما يخليني وخلاني

......

[الحمدان]

‏ماني معاتبك بس أبيك تفهمني
‏حسّسني إنك تبيني وإتبع أشواقي
‏
‏ وإن كان تبغي فراقي لا تعلّمني
‏خلّك مقفي وأنا اللي بفهم الباقي

......

[الحمدان]

‏آه ياكثر الكلام اللي يموت بـ صدري
وكلمة أحبك لو أعرفها ما أعرِف أنطقها

رغم كل الصمت هذا ودّي إنك تدري
كل حاجه فيك صرت أحبّها وأعشقها

......

[الحمدان]

غرك اني في فضاء دنياك هايم
‏في سواك من البشر ما انا اتفكر

‏وغرك اني ما اتسمع فيك لايم
‏من مجاميع المؤنث والمذكر

‏تحسب ان قلبي ملكته ملك دايم
‏يوم شفته لا يخوووون ولا تنكر

‏انتبه من سجة القلب المهايم
‏لا نسى ينسى ولا عاد يتذكر

......

[الحمدان]

انا على كف الزمن عايش الجو
لو الظروف اقسى من اللي تجينا

عشت الحياه وقلت ياخاطري سو
محدٍ تفضل بـ الوناسه علينا

[الحمدان]

‏الله هو اللي وزع الرزق بقياس
‏ومن دنيتك ما تاخذ الا نصيبك

‏ان زاد رزق الناس لا تحسد الناس
‏الله حسيب الناس والله حسيبك

......

[الحمدان]

‏سلّم على اللي طريق العز ماشينه
‏ مع درب الأسلاف لاملّو ولا هانو

‏ ناسٍ ليا مات ابوهم جددو صيته
‏ وناسٍ ليا مات ابوهم كلهم ماتَو

......

[الحمدان]

الود بين الناس ماهو مطر صيف
تضحك سماه وتختفي في ثواني

الود ..له قيمة ومعنى وتشريف
فيه احترام و وصل طيب ومعاني


......

[الحمدان]

‏يافخامة حضــورك بين كل الحضور
تلتغي مع حضورك كل شيخة جمال

الدلـع والتـــباهي والفخـــر والغرور
لو تحرم على غــيرك لك انتي حلال

......

[الحمدان]

يا صاحبي لو تسمع هروج عني
من ناس قالوا كلمةٍ مالها ساس

حاول تعاملني بما شفت مني
ماهو تعاملني بما قالوا الناس

......

[الحمدان]

أبخـتلي في وحـدتي وأتـرك الناس
يمكن أحصل في إبتعادي وجودي

وإذا غـزاني الهـم والضيـق والياس
ناجيت من يسمع دعاي بسجودي

......

[الحمدان]

أذكاركم في كل يومٍ حصنكم
‏من شرِّ كل موسوسٍ خنــاسِ

‏هي رفعةٌ، هي جنَّـــةٌ ومثابـةٌ
هي قُربـةٌ للهِ ربِّ النَّـــاس

‏
أذكاركم حِرزٌ ووِقَايَـة

[الحمدان]

فيني شموخ غارسه شايـبي غرس
‏ومهما يجور الوقت مالان باسي

‏ابوي علمني وأنا حافظه الدرس
‏مقدر أخالف سلم جدي وساسي

......

[الحمدان]

‏أضحك وأسولف وآتواصل مع الناس
‏والناس ما تـدري عن اللي بصـدري

‏وأخفي حزن قلبي ولا أبيّن إحسـاس
‏خـايف عيون الناس بالضيــق تـدري

‏بغيت افض الصمت هوجاس هوجاس
‏ثم قلت ياصدري على البـوح بـدري

......

[الحمدان]

ما دام راسي على متني وعظمي سليم
الباقـي من الخساير كلها هيّنة

نوب أتغيشم كذا مع إن ماني غشيم
لين الليالـي تجيب الحجّة البيّنة

واللّي تجي بالصّميم أردّها بالصّميم
ولا يكسر القاسية من يعصر اللّينة

ما يستغل الكرام إلا الردي واللّئيم
وما شوّه الطيب كله غير هالعيّنة

......

[الحمدان]

‏الذكريات بكل الأحوال تشقيك
‏مافيه روح من الحنين استراحت

‏تحزن على ذكرى حزينه تبكيك
‏وتضيق من ذكرى جميلة وراحت

......

[الحمدان]

أكتب غلاك بصفحة الطيب والجود
على الوفاء يا صاحبــــي ما نسيتك

وأنا الذي في صحبتك حيل محسود
لو تطلب عيـــــوني وروحي عطيتك

......

[الحمدان]

مثلي مثِل غيري مثل باقــي الناس
ماهو ضروري مثل م اصبحت امسي

احيان اشعر ب ارتياحـي مع الناس
واحيان مالي خلـق حتــى لنفسي‏

......

[الحمدان]

سبحانه اللي يزرع بذور المحبة فالقلوب
‏واليا عطى عبده قبول الناس جاته مقبلة

‏ بعض الآوادم تقبله لو فيه شي من العيوب
‏ وبعض الآوادم لو تحاول تقبله ما تقبله

......

[الحمدان]

‏ياويل قلبي منك ياكثر مغليك
اغلى من الدنيا ثراها وسماها

ياويل قلبي منك لأحل طاريك
نفسي وهي نفسي تشك بغلاها

انسى اسامي الناس واغلط واناديك
قلبي معك وكل الأسامي نساها

......

[الحمدان]

على الطريق اللي نهاياته بدايات انطلاق
‏يبدا الخيال يعيش جوه والقديم يجدده

‏خلوني اخذ راحتي وارتاح من ضيق الخناق
‏محتاج لي سجّه تعيد الراحه المستبعده

......

[الحمدان]

ليه المساء عوق الشقاوي وطبه
وليه الهبوب تصحي القلب لا بات

وليه القمر يدعي جريح المحبة
ويقول له ياهيه ما فات ما مات

جرحك ظهر لو قلت للوجه خبّه
وللحزن في ضحكك رسوم وعلامات

وليه المطر بالذات ريحه وصبه
كنه رسول بين الأحباب بالذات

اشتاق فيه لشوفتك واتنبه
للي نسيته من مواقف ونظرات

......

[الحمدان]

لا تكــره الدنيـــا ولا تلعــــن الناس
لِ آلحين فيها ناس مثلك نظيفة

و كانك تفكر وين تقدير الاحساس
غيرك يفكر وين ياكل رغيفه

بقلمي

[الحمدان]

الزين كلن يعـشقُه ويتـمـناه
بالذات لا من خالط الزين طيبه

الوجه روعه والوسامه تغشاه
والروح حلوة يا صفات الحبيبه

......

[الحمدان]

‏لا تقيس المحبة في وصوف الكلام
‏قيسها في عيوني لا احضنت طلتك

‏تحكي الحب وشعور الفرح والسلام
‏لو تناظرك طول العمر ما ملتك

......

[الحمدان]

يَ آلله على بآبك يآ فتآح الأبواب
‏مآفيه غيرك يقصد آلعبد بآبه

‏إن رآح رزق حاسبين له حساب
‏يآ الله برزق ما حسبنآ حسآبه

‏......

[الحمدان]

‏أعطّرك من فيض شـــعري وأغنّيك
‏وأنسَى مع شـــوفتك باقي همومي

وأمُد لك فنجال عشـــقي وأخلّيك
‏تصرخ بعالِ الصّوت ضاعت علومي

......

[الحمدان]

طاب السهر حتى ولو كنت غايب
‏انا وشعري مع طيوفك سهارى

‏جميعنا في حضرة الطيف ذايب
‏لو طال فينا الليل فيه نتدارى

......

[الحمدان]

لابد من عقب المطاريش معواد
ولابد من عقب المواجع عوافي

ولابد من عقب السهر لذة ارقاد
ولابد من عقب الكدر جو صافي

سعد بن جدلان

[الحمدان]

يامساء الخير والنور وانسام الزهـور
بالمحبـه والغلا من ضميري للجميـع

لو يبـور الوقت معنــا ترانا ما نبـور
نشتري قـرب القلوب النقيــه ما نبيع

الحمدان....

[الحمدان]

‏يآليت مٓــنّ ودي عيـوني تشوفه
آلقآه وآقف بين رمشي ورمشي

ويآليت مٓــنّ جآرت علينآ ظروفه
نلقآه لو صدفه مع آلنـآس يمشي

......

[الحمدان]

رَبَّــــاهُ صَـلِّ عَـلَى الـنـَّبِـيِّ مُـحَـمَّــدٍ
أَزْكَى الصَّـلَاةِ وَسَـلِّمَنْ تَسْـلِيمَا

بــَــارِكْ عَـلَـيْـهِ وَآلِــهِ مَـعْ صَـحْبِــهِ
وَالْقَائِمِـيـنَ بِنَهْــجِــهِ تَـقْـوِيـمَــا

وَابـْعَـثْـهُ مَحْمُـــودَ الْمَقَـامِ مُكَـرَّمَـا
أَنْتَ الْكَرِيمُ فَـزِدْ لَهُ التَّــكْرِيمَـا

اللهم صل وسلم على نبينا محمد

[الحمدان]

ياوقت مالي فيك حاجه ولا شي
ولاني بقايل ارحم الحال ياوقت

رزقي على اللي بمره الادمي حي
ماغيره اللي اطلبه كل ماضقت

......

[الحمدان]

‏تبي الصحيح أني بليـاك مفقـود
‏جسمي هنا والروح عندك وهايب

‏تفداك عين تنظـرك وأنت موجود
‏ويفداك قلب يذكرك وأنت غايب

......

[الحمدان]

القرب لهفه تجمع الروح بالروح
مايمنعه بين الحبايب مسافه

فيه الغلا شوقه من البعد مفضوح
صدق الولا زاده حنين ولطافه

على النقا فيه الوفا ساس وصروح
عدله ثبات ولايجيه انحراف

......

[الحمدان]

‏فيـــك الرفاهيــــــه لهـا عـــدة الوان
ذوق ودلال وعِـــــز واحســـاس راقي

اعميت عينـي من هـواء اي انسان
واخــذت قلبـي يا الغـلا من عماقي

واشلون ما احبــك وما اكون سكران
من خمـــــر حُبــك يا لذيذ المذاقي

......

[الحمدان]

ناس رغم الفقر تبني للخراب
وناس تهدم مجدها رغم الغنى

و ناس في الصحراء تبحث عن سراب
و ناس مثل السيف عمره ما انحنى

ما حسبت الصقر يتحول غراب
أو يغيب الصدق في دار الفنا

نحن من آدم و آدم من تراب
يا صلاة الله على احمد و الثنا

......

[الحمدان]

‏كتبت لي جملة على شاطيئ الشوق
وعبرت فيها عن مضامين شوقي

يوم احتضنها موج الانظار عن ذوق
واستلهمت احساس فكري وذوقي

اخذت لي مع سجة البال طاروق
وغنيت لحن استاحشت به عروقي

......

[الحمدان]

الغلا اللي تبيّن قيمته بالوجيه
هو وقود الحياه ومصدر إلهامها

اشهد ان لك غلا لو اكتبه واحكيه
بح صوت الحروف وجفّت أقلامها

......

[الحمدان]

يديمك الله ياوجهٍ كل ماشفته
اشوف سـجات عمري في تفاصيله

اضيع مابين سالفتي وسالفته
وانسى معه ماضي الوقت ومقابيله

يا اجمل احساس حسيته ولا عفته
من يوم ذقته وجازت لي معاميله

......

[الحمدان]

عينها عين* اللي تتل السبوقي
شيهانةٍ تلفت نظر كـل صقَّار
⠀
توصيفها حيّر جميع* الطروقي
الشعر فيها تاه والشاعر احتار

......

[الحمدان]

محتزم لظروف الايام بالصبر الجميل
ومن نشدني قلت طيبّ واموري طيّبة

مارجيت من البشر لا كثير ولا قليل
في رجا اللي من رجا رحمته ماخيّبه

......

[الحمدان]

‏نمشي على بيـــــض النوايا والاسباب
لا همنا المقفـــــــي ولا من جفانا

لا نسأل الواشـــي عن العيب لاعاب
ولا ننشــــــد اللي خاننا في قفانا

بعض الصداقـه مثلها مثل الاسراب
تغري نظـــرنا وقت لحظه ظمانا

وإن جيتهم ظميان صارو لنا اغراب
حتى قريــــب الناس ماعد لفانا

......

[الحمدان]

‏أبشرك سكرت من دونك الباب
ولا عاد يشملك السكن و الضيافه

اسلم وسلملي على كل من غاب
الخاطر اليا عاف له شي عافه

......

[الحمدان]

ياقلب لا تتعــب وواصـل تحديك
وخليـك من درب المقفين ساهي

ولا تتبــع إلا من يعــــزك ويغليك
واللي ابــد ماغــاب عنــك وتاهي

......

[الحمدان]

‏يا قلب لا تنجرح وفر لي احساسك
‏انا ادري انك تجي دايم على النيه'
‏
‏لا لا تفكر تحب شيل الحب من راسك
كل العلاقات هاليومين وهـميه

......

[الحمدان]

‏دلة أهـل المفارق كـل ساعة تفوح
بين جمرة عذول وبين كلمة خوي

كـل حاجة مـع الأيـام يمكن تروح
غير حـبٍ تربع فـي ضلوع ابدوي

......

[الحمدان]

ال‏هنوف اللي تزين ولاتزينها القلايد
القلايد لابغيت الصدق تزها في نحرها

والله ان الشاعر اللي مالي الدنيا قصائد
كنها تربط لسانه مثل ماتربط شعرها

الغزل صار بنظرها عادةٍ ضمن العوايد
نادر اللي لا مدح في زينها يلفت نظرها

......

[الحمدان]

ياصاحبي ماعاد بالخاطر أحلام
لا الروح مرتاحه ولا القلب هادي

من كثر ماجارت بنا ظروف الأيام
صرنا نرى صدماتنا شيء عادي

......

[الحمدان]

اخوك شيله في عيونك وزيده
تقدير واخلاص ومحبه وناموس

من لا يعز اخوه روّح طريده
تحدّه الدنيا وتبري له القوس

تعلموا يا اهل العقول العنيده
وخذوا عِبَر من فعل الاطفال ودروس

......

[الحمدان]

اخوك اليا خاب خلّه مع الدرب
وإن طاب لا ترفع على الناس نجمه

خلّك مثل ( 1) وسَط جـدول الضرب
ما يعطي اللي قابلـه فوق حجمه

......

[الحمدان]

‏النـاس مـا تشعـــر بحاسيــس الانسان
كل البشــــر تحكـم علـى ماتشوفه

مايدرو ان الشخـص في بعـض الاحيان
يضحك علن والســــر يبكي ظروفه

طبــع البشــر هـذا علـى مــر الازمان
يتحاسـدوا حظــك ولو به حسوفه

ولو ضاق قلبــك بالتعاســه والاحزان
يقولــوا انك فــي سعـاده شغوفه

......

[الحمدان]

ياقلب صارحني هل الحب حالي
لوكنت صادق ليش عمرك معذّب

أرجوك ياقلبي تجاوب سؤالي
أو تلتزم بالصمت واجلس مهذّب

الحب قال القلب فيه المعالي
من يجهله يفقد سروره ويتعب

بالحب يبقا القلب رايق وسالي
أيضاً ويخسر كل من فيه يلعب

......

[الحمدان]

‏ياطير في عالي سماك ايش الاخبار
هل من خبــر ياطيــر للي عشقته

ذاك الذي له داخل القلب مقدار
بالله هــل ناظـــرت زوله وشفته

لامـــــر لك قله انا حيـــل منهار
من كثر غيباته ترى العيش عفته

وقله انا عايــــش بدونه على نار
وخايف اموت بيـوم ماقد نظرته


......

[الحمدان]

‏ياليت عنـدي قلـــب ماعنـده احساس
من شان اطنـش من جرحنـــي غروره

واتجاهل اللـي شاف حاله من الناس
واصـد وجهـي واقهــــره في حضوره

بس انخلق لي قلـب طيب وحساس
فيه الوفــاء والطيـب ساكـن شعوره

مااحب اجرح من جرحني من الناس
ولا احب اعاتب مـن وصلني قصوره

......

[الحمدان]

‏ناديت لك مــن بين الايام ويـــن انت
محتاج أفضفض لك حديث المحاني

تعال وابعدنـــي من الحــزن لاهنت
ماغيـــرك انـت اللي يلطـــف زماني

ياحب ضايـق خاطـري وانت مابنت
وشوفــك علاجــي لو مجــرد ثواني

يامــن بعشقك وسـط قلبي تمكنت
ومحبتـــك حلــت بداخـــل كياني

......

[الحمدان]

‏الصـبــر يا قلبـــي على مُـــر الايام
لاتنطـــوي ياقلــب خليـــك رايق

مَنتة لحالك في همومك والاوهام
كم يابشر قلبـه مـن الحال ضايق

ياقلب هذا الوقت صابك بالاسقام
وحمــلك احمــال مَنتـه بِطـايق

لاكــن عسى بالصبـر تنزاح الآلام
وتنزاح من دربك جميـع العوايق

......

[الحمدان]

‏انا معـــي قلب طيـب لاكـــن اتعبني
وطيبتــي للبشـــــر زادت في اتعابي

اوفي مع الناس بـس الناس تخدعني
واكثر اكسار قلبـــــي من بلا اقرابي

كم يا متاعب فـــي اعماقي تعذبني
من جور طعنات اعز الناس واحبابي

وياكم جروحن بوسط الروح تحرقني
كانوا سببها رفاق العمــر واصحابي

......

[الحمدان]

‏القلــب لك مفتــوح يا مرحـبا فيك
اسكن بقلبي واحســب البيت بيتك

مادام قلبـــي عشقك الله محييك
القلب لك مفتــوح لجـلك فديتك

اقسم برب البيـت اعـزك واغليك
واهواك من لحظات مانا ألتقيتك

وحبيت قربك لي وحبيت طاريك
وسلبت عقلــي من مجـرد رأيتك

......

[الحمدان]

‏قلبي بلانــي في هــوى شخص دلوع
فيـه الدلـع من ساق ساســه لراسه

غنــوج فيــه الغنـج ثابـت ومطبوع
وعناد دايـــم ووسـط راسـه يباسه

لاكن احبــه واعشقـه عشق ممنوع
واعشـق غــروره والدلـع والغلاسه

وعشقةتمكن وسط قلبي والاضلوع
عشقـن مـن الاعمـاق لاخـر قياسه


......

[الحمدان]

‏انت حاجــه نادره عنـــدي صراحه
غير خلــق الله وغيــــر اللي نشوف

مثل ضو الشمس في طلة صباحه
مالها فـي الارض والعالـم وصوف

انت يااخي نلـت في قلبي مساحه
صـرت له مملوك والباقي ضيوف

شوفتك اقسم قسم متعه وراحه
وطلتك عنـدي قسـم تسوا ألوف


......

[الحمدان]

‏عيني عليك اضحت من الشوف عميا
ماعاد تشــوف من المخاليق إلا انت

خليتها من باطـــل الشــــوق ضميا
واحرقتها من كثـــر تنشد عليك انت

غايــــــب عليها ايـام ما قلــت حيا
واحرمتهــا شوفـــك اسابيع مابنت

وطويــت نظرتهـا عليـــك انت طيا
حتـى احرمتني نومهــا ايـام مانمت


......

[الحمدان]

‏تعال عطر الذوووق في طلتك فـاح
دام اجمل الساعات ساعة حضورك

مجرد اقرا حـرفك النفـس ترتــاح
والروح تستانـس بشوفـة سطورك

يا مرحبا مليون ياطب الاجراح
ترحيـب من قلبي يلامس شعورك

يامن وجودك يجعل البال مرتـاح
والقلــب يتغنى بلحظــة عبـورك



......

[الحمدان]

‏يا عنفـوان الصباح المشرق الباهي
طلــــي علينا وضـــوي نورنا منك

لاتنشغــل عننا وتكــــون متلاهي
والله مالـي بطاقــه ابتعـــد عنك

كيف اقدرابعد وقلبي بالهوا تاهي
وانا في الحـب ماخيبت في ظنك

وافي معك دوم لاناسي ولاساهي
وانت ياخي عسى ما ننحـرم منك


......

[الحمدان]

اناشــــدك بالله يا شــــوق باللهون
قلبي فقـد يا شـــوق كامــل عزومه

على الحبيب اللي في الروح مدفون
الغايـــب اللي في خيالـــي رسومه

ياشوق خذنـــي وين ماكان ويكون
ودي ازور الحـــب واعــرف علومه

حتى ولو قالـــوا لي الناس مجنون
انا اعرف المجنــون ماحــد يلومه

......

[الحمدان]

‏ماكنــت متوقــع جمــالك بها الشكل
ولاكنـت اظــن انك مـلاكــن سماوي

كنت احسب انك مثل ماباقي الخلق
اثر البشر فــي الزيـــن مو بالتساوي

سبحان من افرق جمـالك على الكل
واطغا جمالك عـن جميـع النساوي

وجمـلك بأوصــاف ماشفتهــا قبل
مثل القمر في الليـل لحظة يضاوي


......

[الحمدان]

‏يا ما كتبـت اشعـار وابيـات وحــروف
ونشرتهـــــا ماشفــــت اي استجابه

وقلت في نفسي يجــي يوم ويشوف
اشعـــاري اللــي قلتهــــا في عتابه

اشعار تحكي قصـة انسان مشغوف
في عشـق من احــرق فؤادي غيابه

دونتها من شوق واحساس ملهوف
وقلب قاسىَ فــــي غرامــه عذابه


......

[الحمدان]

‏جمعه لاعـز احباب قلبي والاصحاب
نسمــة ثمـــار الود فيهــــا عميقه

ارســل بهـا منـي تحيـــه للاحباب
وسلام لاصحــاب القلوب الرقيقه

أهـدي بها للكل حاضـر ومن غاب
بأطيب عطور الورد وأطيب رحيقه

واجمل تحيةمن عيوني والاهداب
للي غلاهـــم فـي خفوقــي بريقه


بقلمي

[الحمدان]

‏عود بي لاحضنــك الدافــي فديتك
عود بي قــد هدنـــي كثــر الغياب

عود بي ياحــب انامن شوق جيتك
عود بي مافايـــده جــــور العتاب

ياحبيب الروح اقســـم ما نسيتك
في غيابـــك صــارت آمالي سراب

ضاق بي حظي مـن اول ماجفيتك
والغياب احـرق عيونــي والهداب


......

[الحمدان]

‏علاقتـــــــي بالناس مثــــــل الاخوه
محال افرق بين الاخـوه والاصحاب

طبعي اذا صاحبـــت اصاحـب بقوه
وانصح في الصحبه ولاهُم الاتعاب

واقــدر الصاحــــــب وقــدر سموه
وارفع مكانه واحفظه بين الاهداب

واصارحــــــه في حضرته او غّدوه
ولا اذُمــــه فــي غيابـه ولا اغتاب

......

[الحمدان]

أحنه من الدنيا و أحبه نقا و أغليه
‏وهو بالغلا عندي يجي بعد شيباني

‏واداريه حتى من النسانيس لا توذيه
‏واخصه بدعواتي لاصليت وانساني

‏له عهود قلبي تالي الوقت وماضيه
‏ما ابدل مكانه لو يقفي ويجفاني

‏بعوّد على العزله واردد قصيدي فيه
‏وهو لو قسى وقته بيرجع ويلقاني

......

[الحمدان]

‏اضحك ومن شاف الضحك قال مرتاح
وامرح ومن شاف المرح قال سالي

مايدري انـي ضحكتي ضحكت اجراح
ومايدري ان المزح من ضيق حالي

يااهل العيـون الحاسده وضعنا طاح
ماعاد بقــــي للراحـه ايت مجالي

الوضع حطــم داخلــــي كل الافراح
والياس حطــم داخلـــي مابقالي


......

[الحمدان]

‏تعال قبل الوّرد يذبل والسهر عينه تنام
قبل تجف الـ مرحبا وتموت بلسانيَ هلا

ترىّ عزيز النفس لامن عاف عاف بلا كلام
والله لو أنه وطن ماعاد له حبَ وولا

ماينتهيّ كثر الغلا إلا بقل الأهتمام
وإن جيتني بعدين مالك لا حضوَر ولا غلا

......

[الحمدان]

‏صبحتني بالخيـــــر ياعــــز الاحباب
منك صباح الخيــــر يسعد صباحي

ياللي بصباحــك تنفتح كل الابواب
ومعاك احـــس براحتـي وارتياحي

بأنوارك الضيـه لها خاطــري طاب
اسعدتني ياابو العـيون الصحاحي

شوفتك تجلي داخلي كـل الاتعاب
في صبح يومــي يامليح الملاحي


......

[الحمدان]

‏المعـذره يا اصحابــي الحال منهار
والنفـس منزعجـه من الكون كله

محتاج اتباعد على شـوف الانظار
ومحتاج لي يانـاس وحـده وعزله

مالي بخاطر احكي اللي معي صار
ولا القلب يبغا يشرح اللي حصله

كل الذي في داخلي كومـة اسرار
وسكـوت يحمـل داخله كل عله



......

[الحمدان]

‏يا حب لك عنـــدي محبــه وميثاق
حالـــف بربــي متركــك لو دقيقه

صـــرنا انا وانتـه حبايــب وعشاق
والصعب حد يقدر يفارق عشيقه

ياساكن اعماقي لك القلب مشتاق
والشــوق لك فينـي مولع حريقه

كامل حواسي ترتجتي ضمةاعناق
وروحي تمنـى ضمتــك لو دقيقه



......

[الحمدان]

‏أنشـر لك احساســــي على شان تقراه
ماهو عشان تسوي اعجاب👍🏻 وتروح

حبيت تعـرف ماحـوى القلب واخفاه
وتفهم فديتــك ماقصدته فـي البوح

لك فـي خفوقـي حُـب ياحب مقواه
ولك عشق فينـي ساكن الروح ياروح

ولك في صميمــي ود ما اقدر انساه
ولك شوق دايم مسكنةداخل الروح

......

[الحمدان]

‏سويـت لك من داخـل القلب فنجال
بنـــه أحاسيســي و هيلـه طموحـي

الهيـــل انا اهـــواك في كل الأحوال
والبـن أحبــك يابـعـد روح روحـــي

هذا شعـوري لك على شكل الامثال
ترجمتهـا لك في حروفـي وبوحــي

بإحساس مغـرم داخله عشق قتال
وشوق يسكن يا الغلا وسـط روحي

......

[الحمدان]

تعال عيوني عدهن عتــب ويـاك
عفتني وبقن بيه شگد نياشيــن

مارهمن بدونــك ليلــي وجفـــاك
فاضحني السكوت ودمعة العيـن

يمر ليلي واگولـــن باچــر انســاك
يجي ابالي حنينك مدري امنين

صبر ماظل بعد لأن روحي تهــواك
تعدي ايام هجرك چنهـــن سنين


شعر عراقي

[الحمدان]

يا أم العَيون الـبشَمس

تَنشاف گلش شگرة

ومنَ يَلتقن رَمش برمش

تِلگيني راَيح سفرة

وحتى الَزعل مالچ حلو

منِ يجي الليل وماأجي

وأبقى آنه طالع برة

شعر عراقي

[الحمدان]

‏مساء الورود اللي مغلٌــف بباقات
باقـــة ورود لكل واحـــــد تصله

اهديتها عبــر القصايــد والابيات
لكــل غالـــي توصلـه فـي محله

وفوقها اجمـــل ســلام وتحيات
للاصدقاء بأطيــب عطــره وفله

ومساكم الله بالرضا والمسرات
يا اللي غلاكم ماخــذ القلب كله

بقلمي

[الحمدان]

‏ألقى بحبگ يآغلآ الروح توثيق
وتلقى حياتي گلهآ لگ ، وثآيق

لآضمني حُبگ بوسط المعآليق
مآعآد فگري يآضياً الروح فآيق

......

[الحمدان]

عودت نفسي كل ما زارني ضيف
‏اضبط الفنجال واصب واعطيه

‏لكن مشكلتي ليآ زارني طيف
‏سجيت به ودموع عيني تقھويه

......

[الحمدان]

‏ارفق بقلبي يابعد كل مغليك
‏لاتاخذك دنياك في جو ثاني

‏ارفق بقلبً يجمع الدم ويعطيك
‏قلبي لحبك في عروقه اناني

......

[الحمدان]

بينك وبين حروف شعري مواعيد
يعني وجودك يلهم احساس بوحي

لاشفت زولك صفّ شعري عناقيد
انت الوحيد اللي سلب لبّ روحي

......

[الحمدان]

‏حس فـــــــيني لا تخليني أجيگ
وأشتكي لك يوم تحرمني عطاك


كل نبضه في خــفوقي لك تبيك
ولا حـــياة لخـــافقي إلا مـعاگ

......

[الحمدان]

‏في داخلي شي ٍعن الناس مستور
حرك سكون القلب والقلب لبـــــاه

مـدري غلا والا حـزن والا ســرور
مدري بداية فرح والا معاناه

[الحمدان]

‏لاجل الغلا الاوّلي و احساسه الباقي
كل الاماكن معك تستاهل العنوه

لا زلت بـ اعماق من بمحبتك شاقي
ولا زال قدرك عزيز و شوفتك منوه

......

[الحمدان]

‏ماكل مستشفى علاجه يداويك
‏ولا كل دكتور يداوي جروحي
‏
‏جرحي علاجه يوم باسمك اناديك
‏هذا علاج القلب يا روح روحي

......

[الحمدان]

‏ياللي تحسـب الطيب يشـرى وينباع
الطيب كايـد والمـواقف توافيق

احـدن نظـر عينه على واطي القاع
واحدن طلـوعه فوق روس الشواهيق

......

[الحمدان]

‏يا مرحبا واعداد ما هل السحاب
واعداد من في غيبتك تاق وصبر

حتى و لو طولت يا شيخ الغياب
مدامك معافى فهذا احلى خبر

......

[الحمدان]

‏تمضي الأيام وتبيّن خفاها
ومن كسب حب الأوادم فاز فيها

النفوس الصافيه كـمّـل معاها
والقلوب الطاهرة حافظ عليها

......

[الحمدان]

‏ياالمساء سلم لي على كل غالي
‏قله مساء الخير مخصوص بالذات

‏وقله ترى لو هو قليلاً وصالي
‏عرق الغلا ينبض وفاء واجمل إحساس


......

[الحمدان]

ﺃﻧﺖ ﻏﺎﻟﻲ ﻭﺍﻟﻐﻼ ﻣﺎﻫﻮ ﻛﺜﻴﺮ
ﻣﺎﺃﺑﺎﻟﻎ ﻟﻮ ﺃﻗﻮﻝ ﺍﻟﻌﻤﺮ ﻟﻚ

ﻳﻮﻡ ﻏﺎﺑﺖ ﺿﺤﻜﺘﻚ ﻗﻠﺖ ﺑﻀﻤﻴﺮ
‏ ﺍﻷﻣﺎﻛﻦ ﻛﻠﻬﺎ ﺗﺸﺘﺎﻕ ﻟﻚ


......

[الحمدان]

أنا على خـــبرك مع ذاك الإحسـاس
‏مـع لهفتي لك مـع عظيم اشتيـاقـي

‏ولو عاش قلبي عيشة الضيم والياس
‏كـلـي مــعـــك لـــــو كان مابه تلآقــي

......

[الحمدان]

يافخامة حضــورك بين كل الحضور
‏تلتغي مع حضورك كل شيخة جمال

‏الدلـع والتـــباهي والفخـــر والغرور
‏لو تحرم على غــيرك لك انتي حلال

......

[الحمدان]

الناس أنواع وأنت نوع بـ لحالك
مافيـہ أحد يشبهك لا أول ولا تالي

سجلني أعز خلق اللـہ بـ جوالك
وأسجلك أجمل العالم بـ جوالي



......

[الحمدان]

‏الشوق مثل الموت نزاع للروح
‏ياخذ من اجساد البشر عافيتها

‏كنه رفيف الطير لا صار مذبوح
‏يرقص الم للروح بـ مفارقتها

......

[الحمدان]

الله يسعـد مساء اللـي علـي بالـي
اللـي الامـن ذكرتــه بسمتـي بانـت

ي ويـل قلبـي عليــه ويابـرى حالـي
دنـيـاي مـن يـوم حبيتـه معــي زانـت

......

[الحمدان]

‏مدري عشان اني احبك واغليك
ولا عشان ان الغلا من سماتي
.
ماقول غير الله من الخلق يحميك
يآغلا غلا مـر بكياني وذاتي

......

[الحمدان]

ولا ندري عن الأقدارِ شيئًا
‏وفي الأقدارِ منفعةٌ و ضُرُّ

‏فقد يأتي من المكروه خيرٌ
‏كما يأتي من المحبوبِ شَرُّ

......

[الحمدان]

قالوا الصمت يا ناس هيبه
لاصار كثر الحكي ماله تعابير

لكن ترا الساكت سكوته مصيبه
يسكت وهرجه بوسط جوفه براكين ..

......

[الحمدان]

‏سجل قصيد آلغلآ بـ أسمك وسجلني
أول متآبع لـ أحآسيسك ولمسآتك

لو تكسر آلبيت كمل لآتكلمني
يكفيني أسمك مسجل بـ أخر أبيآتك

......

[الحمدان]

‏نمشي على النيات وأرزاقنا فوق
عند الإله اللي على العرش عالي

ما نعرف الحيلات والغدر والبوق
وتشيل ماشالت ظهور الجمالي

......

[الحمدان]

‏اي والله اني احبك واعشقك كلي
ياللي بقلبي محد يوصل مواصيلك

ان كنت تعشق خفوقي يالغلا قلي
يا زارع الحب ابشر في محاصيلك

......

[الحمدان]

‏ياليت الشعر يجيب الصوت والصوره
‏كـود اني اشوف مخلوقن على بالـي

‏وين انت ياللي عليك الروح مفطـوره
‏ودي بشوفـك وشوفـك ما تهيالـي

......

[الحمدان]

‏هات لي قلب يواجـه هالحنين
‏قبل تسأل ليـه عيونـك باكيـه
‏
‏حيـل تتعبني طيـوف الغـايبين
‏حيـل تتعبني دموعي الوافيـه

......

[الحمدان]

‏دامك بخير انا على طول في خيـر
حتى ولو عانيت من شـوق بُعـدك

غلاك عندي يختلف عن غلا الغير
ولا همني واحـد من الناس بعـدك

......

[الحمدان]

‏يا تبختار الملوك اللي يحبون السيادة
وياتغنج مهرةٍ فالمشي ماجابت جهدها

ويــا عيون مرقبٍ توّه على حزة هدادة
ويــا تغلي بكرةٍ من حب راعيها فرَدها

......

[الحمدان]

بعض البشـــر تغليه لو ما تشوفه
‏يجذبك له شيٍ غريب بالإحساس

‏تسمع كلامـــه ثم تقـٌـرا حــــروفه
‏تبحر معه تنسى مشاكلك والناس

......

[الحمدان]

‏يابـعد غيـرك علـى قلبـي ويـاقربك.!
ياللي معاك التعب اجمل من الراحه

هديت طيرالمشاعر في سما حـبك
يلعب به الشـوق والآشواق ذبـاحه

......

[الحمدان]

مالي بغيرك ياهوى القلب غايات
انت الوحيد اللي لروحي سحرها

لك الوله والقلب ملكك ولايات
وخل العواذل سمها في نحرها

......

[الحمدان]

‏لاصرت بأسلوبي معك شخص راقي
اراعـي أحسـاسـك مـن البـوح للبـوح

لا تحسب أن قلبي لقى فيك لاقـــي
أنـا احـترم كـل المخـاليـق يـ الـذوق

......

[الحمدان]

‏أراقـب طيوفــــہّ واتابع خطاويہّ
‏واصد عن جرح الحشا حشمہّ ٍ لہّ

‏ومادام راسـہّ حي واللہّ معافيہّ
‏أنا بخيـــر وضيقتـي فـدوةٍ لہّ

......

[الحمدان]

نلتقي بأرواح لا نعرف ملامحها
ونحب كلمات دون النظر لكآتبهآ

ونسعد مع عيون لم تبصر عيوننا
ويبقى احترام الروح أسمى تعارفنا

......

[الحمدان]

‏تمّـايلي فوق الـــضلوع الخفيــفه
ثم ازهمـي قلباً من الشوق ضامي

عين الـمــوده دون شوفك كفـيفه
مشكلتي أني شخص دايم نظامي

......

[الحمدان]

‏الظروف احياناً سمحه وممشاها تمام
‏وفي بعض الحيان عوجا مثل قرن الوعل

‏ينخفض سعر المواقيف في سوق الكلام
‏ويرتفع سعر المواقيف في سوق الفعل

......

[الحمدان]

‏حذرى تسلم قلبك انسان جاحد
‏اللي يسولف فيك موجز و نشره

‏ترى الطهور ان حب ب يحب واحد
‏والي يحب اثنين ب يحب عشره

......

[الحمدان]

لا واللـذي اغــلاك في قلب مغليك
واللي جـمـع بالحـب بـيني وبـيـنك

أنا عـلى عـهدك اصـونك واراعـيـك
وترخص مـداين كلـها لاجـل عـينك

ولاهب نسناس الهواء جاب طاريك
والشـوق لا ذعــذع يحاكي حنـينك

......

[الحمدان]

وشلون مدري كيف روحين في روح
ماكنـت اصـدق بانـدمـاجك يالارواح

معقول احد يمشي معي وين ماأروح
ومعـقول انا امـشي مـعه وين ماراح

......

[الحمدان]

لا تشتكي همك على ساير الناس
ماكل من تـشـكيلـه الــهـم يــمــك

مهما تسوي خير ياطيب الســاس
الناس احد يمدحك واحـــدٍ يذمــك

......

[الحمدان]

فزت الاشواق واحتار الكلام
وابتدى يوم من العمر محسوب

دقت الساعه وله شوق وغرام
ساعتي اثنى عشر بعد الغروب

ابتدت تركض ثوانيها حرام
كل شمعه من بعد شمعه تذوب

القمر نوره فضح ستر الظلام
ما ترك له من بقايا الليل ثوب

......

[الحمدان]

اغراك صمتي واصدق الصمت كذاب
للصمت وجهٍ مـايعكس الـحقـيـقه

موحش سـراديـب الحكي دونها بـاب
عيـت مقـاضـيب الضمـاير تطـيـقـه

بعض الجمل إعرابهـا مالهـا إعـراب !
وبعض الـنـفوس ثقال لوهي رقـيـقـه

الـسـهل تـبـرير المواقف بـالاسباب
الـصـعب إطفاء اللهب بـالـحريـقـه

......

[الحمدان]

في طريقك تحريت المواعيد
من يقول الهوى مابه كلافه ؟

كم لشوقي وانا انادي واعيد
انت عفت الوعد .. ولا تخافه ؟

لا تلحق عتب عيني مناقيد
ولا تلحق ندم قلبي حسافه

حس بي .. منت عن تنهيدي بعيد
من متى وانت تحسب هالمسافه ؟

من بعادك امتلى صوتي تجاعيد
وزاد قلبي من الفرقا نحافه

......

[الحمدان]

طاريك تالي الليل ما يخلف عهود
يحتل فكري بين ضحكــه وبسمه

يهز قلــــبي هــــــزة الريح للعود
لا هبــني من ريحة الشوق نسمه

جنة قصيــدي ببسمته تقتّح ورود
والشـعر يسهل تالي الليل نظمه

ما يمر شــعري غير يثبت له اوجود
لن مر يترك فــي يد القاف وشمه

......

[الحمدان]

‏بعض البشر لا غاب عن ناظر العين
احـس كل الناس في الكـون راحت

وبعض البشر لوغاب ايام واسنين
مااشتاق له قلبي ولاالنفس ناحت

انا اشهد ان البعض ماله شبيهين
بافعاله اللي مثلما الطيب فاحت

غالي وحُبـــه حــل بين الشرايين
ومكانته وسط القلوب استباحت

......

[الحمدان]

‏كل مافكرت بالوقت القديم
والقلوب الطيبه وأهل الوفا

قلت يارب الخلايق ياكريم
أعف عنهم ياعليمٍ بالخفا

وأجعل الجنه لهم دارٍ مُقيم
يامحل الخير وأعظم من عفا

يسألونك وأنت غفار ٍرحيم
أعطهم جنه وقرب المصطفى


......

[الحمدان]

موج الغلا في داخلي حرك الشوق
وقلبـي تحـرك من يسـاره ليمـينـه

ليت الـغـلا بالكون انسان مخلـوق
في كل لحظة كـنت اقـبل جـبـيـنه

انت الهوا والشوق يا كامل الذوق
وانـت الغـلا ياروح روحـي بعيـنه

غـلاك فـي دمـي بيجـري بالعروق
لو غـاب طيـفه زاد قلـبي حنـيــنه

......

[الحمدان]

ليه يانور عيني غبت وأخلفت ظـنّي
علموك وتعلمت الجــــفا والقطاعة

تحسب أنّي نسيتك عقب ماغبت عني
لا وربّ السما ماعنك سجيت ساعة

......

[الحمدان]

مصير الايام تكشف لك خفايا الصدور
‏كانك تشوف الوجية وتجهل قلوبها‏ٓ‏

قلبك دليلك ليا اشتبهت عليك الامور
‏لاتقرب اللي يجيك الشك من صوبها

......

[الحمدان]

أحبك ولو يمطر سحاب الدروب أحباب
‏رضيت بضماك وخل الأنسام تسري به

‏وأحبك ولو عادت جميع الوجيه أغراب
‏خذيتك أمان يشرّد الخوف من طيبه

......

[الحمدان]

‏فرقى الولايف عالمحبين تعذيب
‏والله يعين الي مفارق. وليفه

‏تصلاه ناراً بين عسم المحاديب
‏والروح من فرقى غلااها كليفه

......

[الحمدان]

بعض الجرووح ان صابت القلب تنهيه
وبعض الجرووح تزود القلب قوه

الله كتب والسهم في كف راميه
واللي تشوفه يا ابيض الوجه سوه

......

[الحمدان]

يا سارق القلب وش علاجك وطبك!
ما قدر على وصلك ولاقدر على غيابك

الله رماني عليك وطحت في حبك!
وأصبحت شاعر؟ يقول الشعر بأسبابك

......

[الحمدان]

ياطير بلغ صاحبي كان تلقاه
ياطير عن فرقاي ياما نهيته

ياطير عقبه مقعد الطيب عفناه
والهم بين ضلوع صدري طويته

ياطير ذا منزله وذاك ماطاه
وهذا مراحه وذاك يوم التقيته

......

[الحمدان]

أنت الصديق الي له القلب يرتاح
أنت العشير الي يساوي عشيرة

أنت الرفيق اللي من العين ماطاح
أنت الشقيق اللي مسيري مسيره

......

[الحمدان]

روسٍ نقـــدرها معـــزه ونوماس
وروسٍ نساويـها بـــروس البهايم

وروسٍ تزينها الفعايل مع الناس
وروسٍ تزينها العقــــل والعمايم

......

[الحمدان]

مصــدر حياتـــي عزتــــي واعذريني
مقدر اوطــي بالهــوى وحنـي الراس

صحيح حبــك نقطـة الضعف فيني
ما انكـرت لكن عزتــي مالها اقياس

محــال يامــن تسكني وســط عيني
اخضع لحبـك او لواحد من الناس

خلـي عهـــود الحــب بينـك وبيني
مافايده كسر المشاعـر والاحساس

......

[الحمدان]

عيـن بـلا شوفـك تسمـى يتيمـه
وسمع بلا صوتك ترى فيه نقصـان

والصبر فـي بعدك ضيـاع وهزيمه
لـو اكسب العالـم وافقدك خسران

......

[الحمدان]

يقول منهو على صوت الغناء غنا
على الذي درات الافكار من شانه

ياشوق طبع الوفاء منكم وهو منا
تبقى الاساليب مقبولة وفنـــــــانه

حنا على العهد لا خنتم ولا خنـــا
ولا نطيع الذي فالحب خـــــــــوانه

مادام حنا بصحبتكم تماكنـّــــــا
فالقلب يازين لا تكثربه اشجــانه

يازين عنا على درب الهوى عنأ
لا تحرم النفس دام النفس شفقانه

ترنا على عهدكم باقي كما كنـــا
مازال شوق الهوى فينا وتحنــــانه

......

[الحمدان]

‏ما يعـيش الحب الا بـ اهتمام
ومايموت الا من احساسٍ فقيـر

أصدق العـشّاق ما يعرف ينـام
وأقبـح العـشّاق مايعطي كثيـر

......

[الحمدان]

لا تغرك ظنون الطيب فـ اول مواجه
المقادير تفجع والهقاوي غشيشه

يوم للخيل في سوق المنايا عجاجه
مايسرّ اشجع الشجعان سرج الكديشه

ينقل الحمل هرشٍ في رقبته عواجه
وابرق الريش ماردّه من الموت ريشه

خل قلبك جسور وواجه اللي تواجه
مامع الذل عز ومامع الذل عيشه

......

[الحمدان]

من شـد على يدك حـذاري تخليه
ولو فلتـوه النـاس حـطـه بقلبـك

ولو طال وقتك إحذر إنك تعاديه
ولا تجحد المعروف ان خفت ربك

الشخص يسقط حين تسقط مباديه
وأنته تـأكد من طـريقك ودربـك

مش لجل تعند وأنت غلطان تمشيه
إحسب حسابك بين شرقك وغـربك

واختار لك بين البشر من تخاويه
تلقاه في ضيقك وسلمك وحربك

......

[الحمدان]

‏يا مايس القد ما يستاهلك غيري
لو خلفك الناس مفتونة و منجنه

ضحك لي الوقت بعدك ضحك هستيري
و انـا مـن اول يا دوب المـح طـرف سنـه

يحتاج لـ الزين هذا موكب اميري
يراقـب اخطـاه و يداريـه و يحنّـه

كل الوجيه ابتسامتها عمل خيري
وانت ابتسامة ثغْرك تدّخل الجنة

......

[الحمدان]

ياسيّد الليل لا غابت مصابيحه
يمَّل بك انك على الهقوه ويمَّل بي

و الحب ما جض منه الا مجاريحه
اللي هواهم عفيف وحظهم سلبي

قد تبت منه وردّتني ملاويحه
وانا على جرف وادنى مايميّل بي

الله معك وان حداك الوقت للطيحه
تحد كل الظروف وطح على قلبي

......

[الحمدان]

بنك المحبه لك على طول مديون
لو زاد صرفك مايخلص رصيدك

انتي الذي يفداك ماملك بها لكون
وانتي الوحيده اللي قلبي يريدك

......

[الحمدان]

تنامت الغيره وفكت على الشك باب
وإستوطن الضيق في عينك ياعين الظبي

يا وجهها إلي لبسك الحزن لبس الثياب
قلي وش الحزن في ذيك الملامح يبي

لو الحزن يستحي من وجهها كان تاب
الحزن مايدري إن شكله عليها غبي

وإن دمعها لو يطيح تطيح دونه رقاب
ومايدري ان قلبها وصى عليه النبي

......

[الحمدان]

الجسم وصفه وصف حدث لا حرج
تقسيمته بعطيك وصف فصولها

الخصر تقويسه قسمها بين وبين
تحيرك شيً لها وما هو لها

الخصر ضامر والشبّع فوق وتحت
تقدر من اوسطها تجي وتغولها

والردف من ثقله غدابه اختلال
يرقص طرب لو كان ما غنولها

......

[الحمدان]

لا تلومني لا جيت كلي من أقصاي
مافيـه غيرك لا تضايقت جيتـه

جيتك ولا غيرك ذكرته بمسـراي
جيتك وكل إنسان غيرك نسيتـه

جيتك وأنا ماني بـ أنا تايه الـراي
جيتك وأنا مدري وش اللي بغيته

......

[الحمدان]

أستقبلك كن مالي قبل عرفك طراه
وأستدبر الأرض عنوه والبساط احمدي

سمي دروبي بـ أساميها مضيق ونفاه
وأخذي من الشعر إذعان الرضا واخلدي

محتاج وجهٍ يرجعني أحب الحياة
وأنتِ جميع الحلول الممكنة في يدي

......

[الحمدان]

يالله بصبحٍ يجتمع فيه ثنتين
سترك وعفوك ياكريم العطايا

وانك تثبتنا على منهج الدين
والرابعه تمحي جميع الخطايا

بقلمي

[الحمدان]

شكراً على الخذلان والا مُبالاه
قوّيت قلبي بـ الجروح . وتقـوّى

سويت لك كل شي كنت اتمنّاه
وسويت فيني شي ما ينتسوّى

......

[الحمدان]

‏من يــدوّر للمشــاكل والكلام الفــاضي
‏بشّره يلقــاء بها قسمــه ويشبــع منها

‏عزتي لـه كانه بوضعــه ونفســه راضي
‏ويحسب العالم بترفعــها اليا طمّــنها

‏لايقول أن غلطتي بكره بتصبح ماضي
‏لا أحصلت ما عاد ينفع لو تراجع عنها

‏عبدالله بن حمد⁩

[الحمدان]

لا صار صاحبك بين الرَيب والشِكّة
‏لا تعطي الأجودي قدرٍ ماهو قدره
‏
‏لو هو ضحك والسنون البيض مصطكّه
‏ماتامنه و الزمن ماينومن غدره
‏
‏وإن جيت فالموقف اللّي ما مِنْه فكّة
‏الله لا يحداك فوق الفزعة الودره
‏
‏أحدٍ ليا قلت تكفى يضرب السكّة
‏و أحدٍ ليا قلت له تكفى ضرب صدره
‏
‏‌عيضه الثبيتي⁩

[الحمدان]

الطلقة اللي بالظهر من ولد عّم
‏أنشهد إنها يافهد روعتني

‏حاولت أغطي جرحها واستر الدم
‏وأقول ثارت بالخطأ ماوجعتني

‏‌ زياد بن نحيت⁩

[الحمدان]

‏على الهون يا وقتٍ خذا كل راحة بال
‏عزاز النفوس لذلّها منت حاديها

‏ليا هانت العشره وجات القصار طوال
‏تموت الرجال بعزّها ..وبمباديها

‏ترى اللي تسوق إله الغرابيل فالفنجال
‏كبار الخطوب وهو صبي متقهويها

‏من إشتدّ عوده في معافر ردى الأحوال
‏بعد ما بلغ شدّه ماهو مبتلش فيها

‏فهد سفر

[الحمدان]

تغاضى وخلك سمح وابعد عن الواشين
‏ترا اهل الوشا دايم على النار وقاده

‏تعايش مع الافكار مابين زين وشين
‏وحذرا تحلل كل منطوق يزياده

‏ولاجل ماتعيش العمر كله مابين وبين
‏تجاهل ترا بعض الجهل نوعه عباده

‏يقولون لاتسمع سواليف ابووجهين
‏وانا اقول سور الصين من يقدر ابعاده

‏‌ نواف العضياني⁩

[الحمدان]

لاتقول ابشر لانخوك الرجاجيل
‏الا انت قدّن له وكفو وصتيمه

‏النعم كايد مايجي بالتعاليــل
‏قول وفعل ماهو سوالف هليمه

‏اليا بغيت النعم خاو المشاكيل
‏وافزع لمن ضاقت عليه الخريمه

‏وخلك على ماقيل طيب وحلحيل
‏عزيز قوم وفيك نخوة وشيمه

‏‌ محمد بن طواله⁩

[الحمدان]

غياب الكفوا يوّجع وفرقىَ الردي نعمه
‏وأنا اقولها من واقع .. التجربه برهان

‏أعز الكفوا وأغليه ... في ذمتي ذمه
‏وأقدر جنابه زانت أو شانت ألأزمان

‏ووجه الردي ما يفقده غير قلب أمه
‏خوي الفلَس ماينحسب حسبةألشجعان

‏‌ النجم العالي⁩

[الحمدان]

‏أنا أشهد ان الصمت للعاقل علاج
والعذر منكـم كان طـوّل سـكـوتي

لاكثـروا أهل الهرج ماني ب هـراج
ولانـي على بلـوى الخلايق شموتي

امـا كـلام ً مطلـعـه نـور وسـراج
ولا بلاشـي تسمـع النـاس صـوتـي

أعيـش لـي سيـرة ومبـدا ومنهـاج
مـن يـوم ميـلادي لـيـا يـوم مـوتي

ماجد المسعودي

[الحمدان]

‏سمعت لي كلمةٍ مدري وش أقصاها
حزت بنفسي وأنا مانيب هارجها

ْلو كل كلمة اليا جتنا طردناها
بعنا الثمينه بسعرٍ ما يخارجها

ْلو مرت السمع ما كنا سمعناها
ونقفل الـراس عـنها لا يبرمجها
ْ
ومن يم هذا لهذا ما نقلناها
والناس واجد وتلقى من يروجها


عبدالله بن زويبن

[الحمدان]

‏من تركني ساعة الحاجة وقفّى
‏لايجي...لاصارت الدنيا عوافي

‏وبيض الله وجه من كفّى ووفّى
‏الرفيق اللي مع الصدْقان وافي

‏علي الشريف

[الحمدان]

ما خلقنا الله نداري في بشرها
‏وما تربينا نبادلها الملامه

‏من بغانا ياخذ العين ونظرها
‏ومن تركنا جعل تصحبه السلامه

......

[الحمدان]

‏مشينا على درب المعزه ونهج العود
‏وفي مدرسـة شيخ المراجل تعلمنا

‏عسى الله يبعدنا عن العيب والمنقود
‏وعسى الله فعيون النشاما يجملنا

......

[الحمدان]

دام النهاية قبر والقبر طوله متر
‏غلطان من يحسب الدنيا عليها سعه

‏ماعاد أبي شي غير العافية والستر
‏أنا قنوع ووصلت لـ مرحلة مقنعه

......

[الحمدان]

من بغى قربك يسوي المستحيل
ومن يشوف انك خساره اخسره

لا تنادي من بغى درب الرحيل
ابتسم له في رحيله واشكره

......

[الحمدان]

‏لا ترهق افكارك ولا تسرح بعيد
‏الشمس تفضح ماخفا بشروقها

‏ازرع بوقتك طيب وانت المستفيد
‏الطيب شجره ماتموت اعروقها

......

[الحمدان]

‏إن شانت الدنيا ترا العمر مقسوم
‏محدٍ حياته جت على ما يريده

‏دايم تفائل بالامل واترك اللوم
‏عش لحضتك واللي مضى لا تعيده

......

[الحمدان]

يا صباح الخيــر والدنيا عوافـي
‏ابتسم وابدأ صباحك وإنت رايـق

‏لشرقت شمس الصبح والجو صافي
‏اذكرالله واشكره لوكنت ضايق

بقلمي

[الحمدان]

‏تجمّل يامال العافية دام راسك حي
‏ترى زينة وجيه النشاما فعايلها
‏
‏عرفنا مفاهيم الليالي جميل وسي
‏تموت الآوادم بس تبقى جمايلها

......

[الحمدان]

‏اقطف ثمر دنياك وابعد عن الياس
‏اضحك وعيش وتالي العمر بايد..!
ٰ‏
‏مهما تسوي طيب ما ترضي الناس
‏من خلقة الدنيا رضى الناس كايد

......

[الحمدان]

‏يالله ياللي في يدك كل الامال
‏ياعالمن جهر البنادم وغيبه
‏
‏إنه يزين الحال يمزين الحال
‏وانك تسهل هالامور الصعيبه
⁩
......

[الحمدان]

‏من يشوف بعين عقله و يتدبّر
‏يطلب الله رحمته و الراس خاضع
‏ِ
‏التكبّر يهلك أصحاب التكبّر
‏والتواضع يرفع أصحاب التواضع

......

[الحمدان]

‏عزيت نفسي عن بشر ظنهم شين
‏مھٓمآ رفعت بقدرهم قل آدبهم
‏ٰ
‏حآولت اكسبهم على آلعسر و آللين
‏و آقفيت عنهم يوم ربي كشفهم

......

[الحمدان]

‏تبارك الله والله احسن الخالقين
‏يامرحبا بالجمال الحوري اليوسفي

‏سبحانك الله يامن تصطفي المرسلين
‏بقدرتك من مزايين البشر تصطفي

‏زينً يعادل قناطير الذهب واللجين
‏والنفط والأرصدة ، والمركز المصرفي

‏يالفاتن اللي تقول إنك من المعجبين
‏بالعكس انا المعجب الشفقان وانت اهدفي

......

[الحمدان]

خلّ لك فوق الشّواهيق والعليا مكان
‏اِردع النفس العنيدة وخالف ودّها

‏لا تحدّك سود الأيّام وظروف الزّمان
‏كل ما شفت اللّيالي تحدّك حدّها

......

[الحمدان]

‏إن طارت طيور السماء بأرزاقها
‏أرزاقنا من عند ربي ما تطير

‏النفس يكفل رزقها خلّاقها
‏واللي كاتبه الله على خلقه يصير

......

[الحمدان]

ماني دخيل الفرح عن حزني الحارق
‏إلا من أمرٍ وحيد أخشاه في همّي

‏عن كل سكة حزن، وظروف، ومفارق
‏أعوذ بالله من يومٍ بدون أمّـي

......

[الحمدان]

يا قلبي اللي تعودت احترام الكلام
كثرت الأعذار في غيابك وقل ازعلي

والله معاد أسألك ماهوب قل اهتمام
اخاف .. لاتنحرج مني وتكذب علي

......

[الحمدان]

القلوب آسرآر و آلدنيآ عبر
وآلعمر لو طآل تآليه آلرحيل

و آلخوآطر كسرهآ مآله جبر
لو يعيد آلوقت مآضيه آلجميل

......

[الحمدان]

ماهمني من قال ؛ واللي يقولون
ما دام ربي عالـم بكـل ،، نيّـه

ترى الحكي لو زاد او كان مدفون
مايهزنـي ما دامـت الروح حيّـه

......

[الحمدان]

كنت اسمع الابيات عن سحر العيون
واليوم شفت السحر بـ عيون الغزال

في عينها اليمنى من الحب الجنون
وفي عينها اليسرى مساحات الخيال

......

[الحمدان]

لولا الحسد ماشفت بالناس ضايق
وماشفت ناسٍ تشتكي من مرضها

الوقت علّمنا دروس وحقايق
الناس كل أسبابها من بعضها

......

[الحمدان]

لا تنتظر مــن فاقــد العقل حكمه
ولا تنتظر مــن فاقد المرجله خـير

ولا يــغرك فــي الردي لمعه اســمه
الريش ماطـير دجاجه وهي طير

......

[الحمدان]

تجاهل الجاهل على شان ترتاح
‏و اسمع من العارف لامنه تكلم

‏لاتندفع وتنطـّح صياح بـ صياح
‏اصمت و حاول تستفيد و تعلم

......

[الحمدان]

بتزين واللي خالق الخلق بتزين
عندي امل فالله لو هي عسيره

كم واحداً يمسي على الهم والبين
والصبح ربي كاتبن له سريره

حنا علينا الفعل ونزيده يقين
نؤمن بحكم الله شره وخيره

......

[الحمدان]

‏من مدلي من طارف الورد ورده
اهديت له من غالي الورد بستان

ومن صب لي فنجال طيبه ومده
صبيت له دله بدل كل فنجال

.....

[الحمدان]

‏قل للزمن لآضاق صدري عوآفي
‏ بكره تزين وينشرح خآطر آلوجد

‏كآن الالم في محجر العين غآفي
‏ ترآ الامل مآله وسط خآفقي حد

......

[الحمدان]

‏غناة نفسك فالحياه أكبر غناه
وشيمتك عن بعض الأمور أكبر وفا

ولا فيه أحب من التواصل فالحياه
ولا فيه أشد من القطاعه والجفا

......

[الحمدان]

‏ماهو بعيب القلب لابان مخـدوع
طيب النوايا للقلــوب السليمه


العيب في قلبٍ به الغـدر مطبوع
يسـوق وِده والمشــاعـر عقيمـه

......

[الحمدان]

‏أعطيه من وقتي يسولف وأسمعه
‏وأرخي له فؤادي وأرخي مسمعي

‏من كثر ما قلبي وتفكيري معه
‏أشتاق له حتى وهو يتكلم معي

......

[الحمدان]

سكنــت فـي قلبــي وانا اليــوم اغليك
ارفــــق علـى قلـــبن عطـــاك السياده

خــذلك هــوا روحــي وبالروح افديك
انت الغــــلا كــــل الغــــلا مـن زياده

وان مقصدك قلبي فانا القلب بعطيك
القلــب قلبــك بـــس تلقـــى السعاده

هـــذي حروفــــي قلتهـا لجــل اسليك
وابعـد عــن انفاسـك جـروح النكاده

مــا قلتهـا والله مــــن اجــــل اغريك
والله اعــــزك عــــــز غالــــــي زياده

......

[الحمدان]

‏حاولت أطيع القناعه و أهمل الانتظار
مدري غلبني حنيني أو غلبني غلاك

يحدني لك وله عيّا يصون الوقار
وأخاف نفسك تثاقلني و أداري هواك

ولا قدرت امنع احساسي يحب و يغار
أروح و أرجع أدور عن دقايق لقاك

لا تختصر،في كلامك أكره الاختصار
ولا تبتعد عن خفوقً عاف غيرك وجاك

كذبت من قالوا أن قلوبنا باليسار
من كثر ماكنت أحس القلب يمشي وراك

لا يستفزك شعوري و السوالف كبار
واللهْ ما جيت كلي عاشق الا معاك

......

[الحمدان]

‏خلك معي اقرب من الروح للروح
‏أقـرب مـن انفاسي ودقـات قلبي

‏أبيـك في قربي من ويـن مـا أروح
‏من ويـن ماوجهت انا ابيك جنبي

......

[الحمدان]

‏الحب روعه بين عاشق ومــعشوق
‏والصدق فوق الوصل نقطة نجاحه،
‏
‏وانا اشهد إن العشق له لــذه وذوق
‏اذا اجتمع حــبل الــوفاء والصراحه

......

[الحمدان]

قد قلت لك يا بوح صدري تركد
‏ماكل شخصٍ لا دعيته يلبيك

‏مهما شكيت الحال علمٍ مــوكد
‏محدٍ يحس بلووعتك غير مغليك

......

[الحمدان]

‏أحّـلامـي أكْـبـر من الدنيا ومافيها
‏واللي حلمته وأبيه أكبر من أحلامي

‏قـدام عـيـني تزيد أشياء ما أبيها
‏وأشياء أسعى لها وتضيع قدامي

......

[الحمدان]

لا تــتاجر في محـــبتنا تجـــاره
لا تخـــرب ما بنــــيته من زمان

دام قد حزت التمـــيز والصداره
واسمك اتصدر على راس البيان

دام انا لك فالهوى رهن الاشاره
لا تدور غـــير حــــبي والـــحنان

شوف ها؟ ما تشوف الا الخساره
غير حـبي ماعلى العـالم ضـــمان

وانت فكر قبل لعـبك والشطـاره
لا تـراهن وانت خاســر فــالرهان

كل كوكب فالسـما يعرف مـداره
وانـت مـالك غير قلبي مــن مكان

ماحدا فـالحب يخلف عن مساره
هـكـذا طبع المــــحبه يافلان

لا يـعـود القـلب من بعد انكساره
او يسامح بــعد مـا* فـات الاواان

......

[الحمدان]

‏اصحى وصح أفراح قلبك من النـوم
‏خل الصبح يـفـرح بلــذة صباحـك

‏وانسى هموم البارحـه واضحك اليوم
‏عسى صباح اليـوم يسعد صباحـك

......

[الحمدان]

‏يـارب ثبتنــي اذا جـانــي المـوت
لآ غـرغرت روحي و خلّت جسدها

رحماك يامنجي نبيك من الحوت
في ساعتن تنسى الحنونـه ولدها

بقلمي

[الحمدان]

‏عندي قصيده بس باقول بيتين
‏بيتين تسوى في عيوني قصيده
‏
‏الناس ماتتميز الا بثنتين
‏زين الطبايع والصفات الحميده

......

[الحمدان]

‏طال الغياب وطوّل سكوتك
‏وكتبتك بـ شعري عشان اقراك

‏وخلّيت احلا ايامنا تفوتك
‏وتنسى وانا اللي ماقدرت انساك

‏العام كنت أغفى على صوتك
‏واليوم صرت أسهر على ذكراك

......

[الحمدان]

‏دام الزمن ياصاحبي يمشي سريـع
وش لي بتفتيش الصدور الخافيه

يامنوتـي محـدٍ بهالدنيا يضيـع
غيــر المبادي والقلوب الوافيه

......

[الحمدان]

‏لاتحسف على شيٍ مضى
‏خل قلبك على الدنيا غليظ

‏عيش يومك وساعات الرضا
‏واعرف انك على الدنيا حظيظ

‏يومك اللي تعدى وانقضى
‏مايعود ولو دمعك يفيض

......

[الحمدان]

‏والله ما عندي حبيب و لا شي
‏أجمع أحاسيس الخلايق و أصبّه

‏المجتمع واحد و الأعذار هي هي
‏هو في أحد يستاهل إني أحبه

بقلمي

[الحمدان]

‏لاتامن الطيب ولا تامن الشين
‏خلك فطين وخل نفسك حريصه

‏حنا بزمن فيه اختلاف الموازين
‏ماعاد تعرف غاليه من رخيصه

بقلمي

[الحمدان]

‏ياطير غرد وارفع الصوت تغريد
‏وحول على الغالين وسلم عليهم
‏
‏قل يا صباح الخير شوق وتناهيد
‏ من قلب صافي بالصدر محتويهم

بقلمي

[الحمدان]

‏أعيش في بال الأماكن وحيدة
‏لو حولي أحباب العمر و الصديقات

‏ماني أحاسيس الأغاني الجديدة
‏أنا أحاسيس الأغاني القديمات

......

[الحمدان]

حنا نحب الصدق ونقول الصحيح
وقلـــوبنا ما كـــل مـــن جاها قلط

مو مشكله لا صــار منطقنا صريـــح
المشكــله فـــي الناس تفهـمنا غلط

بقلمي

[الحمدان]

‏أسهر وأراقب طلعة الشمس بشرووق
وأحارب الهـآجوس وأرجـع و أطـيـعـه


أمشي مع آلعـآلم ولي قلب مسرووق
يالله عـسـى اللـي سـآرقـه مـآيـبـيعـه

......

[الحمدان]

‏أعز نفسي عن غثى الناس و اصد
‏ورفعت راسي عن مذلات الأهانه

‏ماهو انا الي يخلط المزح بالجد
‏ولاني من اللي يستغلون الميانه

بقلمي

[الحمدان]

‏ما عادت الأيام هي نفس الأيام
‏ولا عادت الناس الحبيبه حبيبه
‏ٰ
‏احتار فكري قبل تحتار الأقدام
‏الدرب موحش والمشاعر غريبه

......

[الحمدان]

عاملتني بأسـلـوب ما يعجبني
كن انت سجاني وانا مسجونك

ماكنت اظن الحب با يتـعبنـي
قد كنت في نعمه وراحه دونك

لا هكذا طـبـعك فلا تحـسبني
محبـوبك الغالي ولا مـجـنونك

لا عـاد تسـألـني ولا تطـلـــبني
عهد الوفى يامـن نفذ مخزونك

لو ما الحلا اللي فيك ماتجذبني
ولولا اليميـن السابقه ماصونك

طبـعك تغــير كيـف بي تكسبـني
من غيـّر احـساسك وبدل لونك

ان كان قصدك بالـجفا تسلـبني
ماقول غير الله يكون في عونك

......

[الحمدان]

‏أذكر انك كنت جنبي واستخير
يوم ابيك ويختنق عندي النفس

حتى يوم اتعبني غيابك كثير
قلت جعله مايحس اللي احس

......

[الحمدان]

ما كل طاري يثيرالصمت فـ آعماقي
‏إلا انت طاريك لامن مر آوقف له
‏
‏تدري شسوي ليا من زادت آشواقي
‏آرسم خيالك على بالي وآسولف له

.....
‏

[الحمدان]

‏عرش الهوى اللي تولى فيه وأحتله
‏لا طاح منه وش اللي عاد يبقالي

‏بتعم في صدري الفوضى وتحتله
‏وأعيش باحزاني وخيبة آمالي

......

[الحمدان]

يارب وان ضاقت عليّ الوسيعه
‏انت الذي لا ضاق صدري اناجيه

‏وعبدك لو ان الوقت عيّا يطيعه
‏ما ينحني راسه لغيرك ويرجيه

......

[الحمدان]

قلبي عطـاك مـــن المحبـــه كفاتك
يامغرمي راعي شعـوري والاحساس

زينك اســـر قلبي بكامــــل صفاتك
وحبـــك ملكني يا غلايا من الساس

اصبحت عاشق لك وعاشق حياتك
واقرب بشـر مني لروحي والانفاس

......