فوق هام السحب ( الشعر الشعبي) على متن القوافي

[الحمدان]

‏مرحبا يانفحت الصبح ونسيمه
اشرقت الانوار من كل النواحي

وجهك اللي يا عسا ربي يديمه
مصدر البهجة وسر الانشراحي

طلتك ياصاحبي لفته كريمه
جعله ابرك طلةٍ وابرك صباحي

....

[الحمدان]

‏تدري وش اللي ماتغير ولا شي
ذاك الغلا اللي لك بقلبي دفنته

تدري وش اللي في خفوقي بعد حي
ذاك الشعور اللي ذبحني بصمته

....

[الحمدان]

‏يا هاجســــي اصبحت بالفكر محتار
واصبح خيالــــي فـي مراحل بعيده

فـــزات عينـــي بالسهــر نومها طار
واشـــواق قلبـي نابعـــه من وريده

فكرت ايش ارسل للاصحاب واختار
وايش الذي يسوى غلاهــم وازيده

ماغيـــر أدون ذكرهـم بين الاشعار
واكتب غلى الاحباب داخل قصيده

....

[الحمدان]

‏الصمت كافـي بالتعابير يا ناس
لاصار كثر الهرج ماله معاني

كثر الأمل زود حياتي بالاتعاس
واتعب خفوق الصدر بين المحاني

ياناس هم الوقت شيب لي الراس
والحظ عاثر مالحظي ضماني

والوضع ياعالم رماني في الياس
حتى اظلمت بالوجه كل الاماني

....

[الحمدان]

‏البرد لهفة شوق والليل ساكن
وانا تشفقت اللقاء وأحتريتك

ما شفت قلبي والعيون يتشاكن
أغير منهم من كثر ما هويتك

سريت لك مشتاق والليل داكن
يستر ظلامه وقفتي عند قلبك

تقول حبك بين الأضلاع راكن
وأقول هذا اللي ذبحني وجيتك

....

[الحمدان]

تجيني علومك من مسافات وابعاد
وارتاح يوم اسمع علومك بخيره

واقول يامرسي في الارض الاوتاد
تجعل حظوظه بالسعاده كثيره

عِز الرفيق اللي له القلب ينقاد
واللي بوسط الروح مابه نظيره

ولوكان حولي غيرك اعداد واعداد
انت الوحيد اللي غلاتك كبيره

....

[الحمدان]

‌‏أبيك مثل الورد في الروح مزروع
والروح والاحساس والنفس بيتك

أبيك مثل النور في العين مطبوع
وأنظرك يوم أشتاق شوفك فديتك

أبيك مثل الطير له صوت مسموع
صوتك يداعب مسمعي لو بغيتك

....

[الحمدان]

‏اليـــوم انا مرتاح والقلـــــب مرتاح
وفيني سعـــاده ماليـــه كل كوني

اضحك ووجهي بالمسرات وضاح
وسرالسعاده واضحه في عيوني

يارب اسالك ديــم لي كل الافراح
وديــم لي كـل السعـاده بكوني

وابعد همومــي يا الهي والاجراح
وفــي حياتــي لاتخيــب ظنوني

....

[الحمدان]

أنا أكثر السكّات وأكثر من يسولف بالعيون
‏سعيد لأن أكثر خساراتي ماكانت من يدي

‏لولا الهقاوي ماعرفنا الصالحون السيئون
‏عيب الليالي ماتشين الا على صدر أجودي

‏صحيح من قال البشر ماهي على حسب الظنون
‏كنت أحسبك طيّب وتحسبني على ظنّك ردي

....

[الحمدان]

‏لاتنشد الشوق عني ونت أدرابي
‏نفسي تمناك ونت أغلى حبايبها

أغلى من عيوني الثنتين وأصحابي
‏وأغلى من الناس حاضرها وغايبها

....

[الحمدان]

بنت الرجال اللي كساها الحيا ثوب
تمشي على نهج الشريعة والايمان

مصيونةً بالدين من كل عذروب
مثل الجواهر ماتقدر بالاثمان

....

[الحمدان]

ابوي رباني على مكسب الطيب
ومن قبلها جدي على الطيب رباه

نقصر عن دروب الردى والعذاريب
والطيب نلحق صاحبه ونتعداه

بقلمي

[الحمدان]

لعيونك اكتب حرف وأصدّ عن حرف
‏من خوف لا تجرح حروفي شعورك

‏ما فيه احد يسواك يا ناعس الطّرف
‏ولا فيه احد عندي يساوي حضورك

....

[الحمدان]

#مساء__الخيرِ

نمشي على النيات مانحمل الكيد
ونفوسنا من فضل ربي سليمه

ناخذ ونعطي دون نقصٍ وتحديد
عوايد نـ طـول اللـيالي مقيـمـه

....

[الحمدان]

‏مالي مزاج ومعجبتني الصده
‏وسكرت عن كـل الكلام آذاني

‏مانيب مع هـذا ولاني ضـده
‏أنا معا نفسي ويامحلاني

....

[الحمدان]

‏لاتشتري ميزان توزن به الناس
‏ الناس ما ميزانها الا الشدايد

‏عند الشدايد كل مخلوق ينقاس
‏ وترجح الكفات لأهل العوايد

....

[الحمدان]

لاتسألوني عن سبب دمعة العين
والله مدري دمعتي وش سببها

يجوز تبكي من بعد ناس غالين
ويجوز تبكي حين ساعة غضبها

دنيا غريبه ماعرفنا لها زين
محدن على طيبه بيومن كسبـها

....

[الحمدان]

‏لاشفت أحد طاح لاترمي سكاكينك
الوقت دوّار لاتشمت ولا تضحك

بكرة إذا طحت والدمعة ملت عينك
بتشوف منهو يجي يضحك على جرحك

....

[الحمدان]

‏فـي ذمتي صمتي يوصف غلاتك
لولا الغلا والحب ما صرت ساكت

ولو اختفـى زولي وغبـت بحياتك
يكفي عروق القلب بـ إسمك تحاكت

....

[الحمدان]

‏ياكــثر ماقلنا علـى الجـرح لا باس
والوقت يكـرب مـن شـقانا حـزامه

طابت خواطرنا من الوقت والناس
ما عـاد نبغـى الا السـتر والسـلامه

....

[الحمدان]

الشتاء واليل موحش والشجر صوته حزين
من ورا الشباك عيني تعكس انوار المدينه

الـشـوارع والامـاكـن كلـها اكتضت حنين
لك شعوري لو وصفته فوق ماتتخيلينه

....

[الحمدان]

‏ياقلبي ادري داخلك شي حساس
لاباس وان كانت جروحك كثيره

حزنك وضيقك وانعزالك عن الناس
صدقني انها بعض الاحيان خيره

....

[الحمدان]

معك معك ياجناح الليل خذني معك
باسري معك طالما همي ملأ مخدعي

ليت انت ياليل تتكلم وانا باسمعك
عساك في حسرتي هذه تفضفض معي

احترت ياليل كيف احويك واستجمعك
لاطاب لونك ولا صمتك صفد مدمعي

....

[الحمدان]

يا أخر الليل عطني العلم من بدري
‏وش انت ناوي ترجع لي من الذكرى
‏
‏ان كانها حزن فأنا ممتلى صدري
‏وان كانها خير يمكن ضيقتي تبرى

....

[الحمدان]

ياليل خبرني لماذا انت عاتي
تفرض عليا ليش حضر التجول

وليش خاصم نوم عيني سباتي
وامسي على باب الكرى في تسول

لامدخلاتي قابله مخرجاتي
ولا امنياتي لاقيه من يمول

....

[الحمدان]

واجه الخذلان بالصبر والبال الطويل
منت بـ أول من تجمل ولا أخر من خذل

بقلمي

[الحمدان]

ياليت الايام في يديني وارجعها
واعدل اشياء ماكانت على بالي

...

[الحمدان]

‏الله يمسي راعي الخير بالخير
الي بوسط القلب باقي محله

الصاحب الي له مكانه وتقدير
أغليه وأحبه وأعزه وأجله

كل مانشدته قالي منزلك غير
تمر السنين ولا لفى منه زله

أن ضاق بالي عاضني بالتياسير
ون ضاق باله جيت له فدوةٍ له

....

[الحمدان]

‏يافاتنه والشوق ماله براهيين
مثل الحقوق الضايعه في زمنّا

ينشاف لامن طاحت العين بـ العين
وان مر بال مرّيح البال غنّا

خلوني أزبن قلب سيد المزايين
إلى متى وانا زبون المجنّا

محتاج لي فنجال من وجهك الزين
لونه مثل لون الذراع المحنّا*

....

[الحمدان]

يقولون الزمن عايب وانا اقول الزمان ادوال
ولا دامــت لغيـــر الله ما دامت لاحد ثاني

زمانك لو صفالك فاحتزم له والرجال افعال
يجــي لك يوم وانك ما تجد قاصي ولا داني

يقولون العــرب الايـام عبرة والزمان احوال
تعلمــك الحياة الدرس والتعليم مجـــاني

صروف الدهر سنة تشمل الخمال والعقال
ودورات الزمـــان تســدد المظلوم والجاني

وفي عرف الكرام الطيب مكسب والغلط بطال
ومن طبـع الكبـار يراعوا المحبوب والشاني

وفي الاعراف والاسلاف والعادات والامثـال
يحل الكايـدات رجال تصبر والعمــر فانـي

....

[الحمدان]

‏ياباقي العمر دنيا الناس خداعة
تجــري سفنها ولا نعرف مراسيها

تطوي من أعمارنا باليوم والساعة
والعالم الله كيف نعيش باقيها

يالله بحسن الختام وصادق الطاعة
وأعمال تبقى تبيض وجه راعيها

....

[الحمدان]

‏اكتبيني شعر وانثرني حنين
لاتقولين الهوى والعمر فات

وارسميني في خيالك ياسمين
بعثري همسك ولميني فتات

افرحي فيني وقولي للسنين
توني جمّعت عمري من شتات

عانقيها يالسعادة كلّ حين
داعبي أحضان خلّي في سكات

حلّقي فيها لأحلى أكسجين
عطريها من نسيم انفس نبات

....

[الحمدان]

الحب شاطيء والعواذل سفينة
والقلب عمره ماجمع حب شخصين

العشق دولة والمشاعر مدينه
والشوق جمره والجفا طعن سكين

....

[الحمدان]

كل ماذكرتك يصبح القلب خفاق
ينبض بحبك فالدروب المعيقه

ارسلت لك قلبي مع كل الاشواق
والروح مايغلاك دامك رفيقه

ماطاق قلبي بعد الاحباب ماطاق
صعب الفراق يازين ماعاد اطيقه

....

[الحمدان]

اليا بدالك حاجةٍ عند مخلوق
أطلب عساها من وليّك تيسّر

عسى الفرج ياتيك من واحدن فوق
اللي يهون كل شيٍ تعسّر

ولاهو صحيح أن كل مطرود ملحوق
والله جعل للناس دينه ميسّر

جاك الكلام الصح والعلم موثوق
أصبر على ماجاك واحذر* تحسّر

....

[الحمدان]

لاتحرق أعصابك وتجرح مشاعرك
اللي مضى ماهو على الكيف راجع

هون على نفسك وريّح لخاطرك
ترى الهموم تزيد كثر المواجع

مافات فات وخل همّك بحاظرك
واصل طموحك وانتبه لا تراجع

وسارع لفعل الخير والرب ياجرك
والصبر وقت الضيق لك حل ناجع

....

[الحمدان]

أحذر من اللي ينقل الهرج ويجيب
وشخصٍ حكالك عند غيرك حكى فيك

متعودن طبعه بشذب العراقيب
يبغاك تمشي في طريقه ويغويك

لاتسْمع اللي ماعرف قيمة الطيب
خلك على درب النشاما مماشيك

ورزقك على اللي يعلم السر والغيب
واللي خلقك من العدم مايخليك

....

[الحمدان]

من عاش بالحيلات يرجع للافلاس
لابد من يومٍ يشوف الخساره

لاكاسبٍ طوله ولاجاب نوماس
ماشاف عند الناس كود أحتقاره

والصدق سمعة صاحبه ترفع الراس
عند العرب يبقى رفيعٍ وقاره

اللي كلامه دوم يبنى على ساس
دايم على درب النشاما مساره

....

[الحمدان]

يالعبد مالك عن مقادير مولاك
واللي كتب باللوح ملزوم ياتيك

هو الذي هيًا لك الرزق وأعطاك
واللي خلقك من العدم مايخليك

سبحان من كون صفاتك وسواك
وفي رحمته من كيد الاشرار يحميك

اغناك عن منة هل الشح واعطاك
خلك شكور لنعمته وأرفع يديك

....

[الحمدان]

بعض البشر لاشاف نعمة حسدها
حاسد ويحسد فالسماء حايم الطير

وبعض البشر لاشاف نعمة حمدها
من طيب قلبه وده الناس في خير

....

[الحمدان]

‏رد الجميل لصاحبه لو بعد حين
مال الجماله كود رد الجماله

ماينكر المعروف كود الرديين
اللي بهم طبع الردى والنذاله

واهل الوفا يبقون دايم وفيين
تبقا طبايعهم علوم الشكاله

اللي مباديهم على العز والدين
طريقهم للخير في كل حاله

....

[الحمدان]

مافيه مخلوقٍ من العيب سالم
الا النبي المصطفى منبع الجود

والله جعل بالناس جاهل وعالم
واسعد بشر من كان بالفعل محمود

ولاخير باللي للمخاليق ظالم
حبله قصير وعنده الحق مفقود

ليته قبل موته يرد المظالم
والعمر لو طالت لياليه محدود

....

[الحمدان]

بعض العرب في زين الاخلاق فارق
والله عطاه من الخلايق محبه

مثل الصباح اللي به النور شارق
يعجبك في طبعه وكلٍ يحبه

وبعض العرب في جو الاوهام غارق
وقته يروح وغافلٍ ماتنبّه

مايدري أنه عن حياته مفارق
ولابد من فرقى لمن هو يحبه

....

[الحمدان]

أن كان ودك بالحياة السعيده
وتبغى تعز النفس وتريح البال

خل اهتمامك بالأمورالمفيده
وابعد جنابك عن هل القيل والقال

سجل طموحك للأمور البعيده
اللي بها في عالي المجد منزال

وافتح لفعل الخير صفحه جديده
ترى الأمل باقي مع الوقت مازال

....

[الحمدان]

والله لاوسع خاطري وتسلّى
ولا علي اخلاف مادامني حي

رزقي على اللي فوق عرشه تعلّى
منش السحاب اللي للاموات يحيي

هو الذي لرزاق خلقه تولّى
الرّازق المعطي ولايعجزه شي

لو كل خلقه تسأله مايملّى
المستجيب لكل سائل ويعطي

....

[الحمدان]

عن الكلام اللي في القلــب مخفيه
يا اهل العيـــون اللي تناظر كلامي

برد الشتاء بالروح مـن هـو يدفيه
واللي احبــــه ما اشوفـــه امامي

فيني من الاشــواق يانبض مغليه
مايحرق اعصابي وينهش عظامي

بعُد المسافه والقـدر باعدت فيه
والحـــظ باعــــد بيننا والسلامي

....

[الحمدان]

‏مملكة سحر الطبيعه والجمال
في عيوني انتي اجمل مملكه

تحتويني فا الغنج يام الدلال
وفالحنان اللي بداخلك املكه

....

[الحمدان]

يامرحبا في طلتك يامسا الخير
والي سعى بالطيب ربي يدله

كلمتك مثل الغيم كله تباشير
لوما تحدر ماه يكفيك ظله

....

[الحمدان]

ساس الرجوله كلها دين وأفعال
ومن غير هالثنتين ماهي رجوله

ماهي تراها بالمهايط ولا المال
ولا هي بكبر المرتبه والحموله

المال كلآ يملكه حتئ الأنذال
والمرجله ماكل رجلآ يطوله

....

[الحمدان]

والله اني ماتردى ولاحب القصور
واتجاهل كل منهو ضعيف ومبتلي

رافعتني عزة النفس الى حد الغرور
والثقه بالنفس لاعلى مكان معتلي

لادعو لي والديني بتيسير الأمور
ماعلي من باقي الناس لو تدعي علي

....

[الحمدان]

‏الله يمسيكم على ماتحبون
والله يقويكم لطاعته ورضاه

ياجعل من عسرت مطاليبه تهون
وياجعل من له منوةٍ يلحق مناه

مني لكم مع التحية

[الحمدان]

ياكم فقدنا ناس أغلى من الروح
ولكن عشنا بعدهم غصب عنّا

وهكذا هي الدنيا مسرات وجروح
ماحد يحقق كل ماهو تمنّى

....

[الحمدان]

ماشبعت من التغلي والغياب
يكفي اللي طاح من دمعي عليك

ضاع عمري بالغياب وبالعتاب
حس فيني يرحم الله والديك

....

[الحمدان]

الله يسعد مساء الزين الي بَكَر
نَوَّر صباحي بطلت وجـهه الباهي

أنا اشهد انه يشابه قطعة السُكر
اللي نحي بها القهوه أو الشاهي

إذا حضر في حضوره ينهي المُنكر
باسلوب راقي رُقيه غير متناهي

....

[الحمدان]

عساك في خير ياللي غبت لك مدّه
ماعاد شـفناك علمنا عن اخبارك

حتى لو أبعدت لد الشوف لي لدّه
بتشوف كيف الشعور الفارق اختارك

....

[الحمدان]

‏ياجوهر العشق يانبضه ويا روحه
يسعد مساء الغلا والشوق وعيونك

دامك مساء القصيد إللي لك أبوحه
يسعد مساء الوله في قلب محبوبك

....

[الحمدان]

عيون المحب يبين فيها حنين الشوق
ولو حاول يداري عن الناس نظراته

يكابر بضحكة سن ويزين المنطوق
ويبلاه ربي لاحكى بالتنهاته

....

[الحمدان]

‏ياساكن القلب دوبك ياغلا دوبك
‏بشويش قلبي جريح الحب وفنونك

‏دايم غرامي وروحي ياغلا صوبك
‏اموت في بسمتك واموت بعيونك

....

[الحمدان]

‏الحب يبقى لو انه من طرف واحد
‏ويموت هالحب لاشحيت بعتابك
‏
‏لاتحاسب اللي على شانك خسر واجد
‏ان كان ودك تحاسب حاسب غيابك

....

[الحمدان]

‏اكبر هموم القلب تركك للصلاه
والا ترى الدنيا مشاكلها تهون

ماتستريح النفس وتزين الحياه
الا مع اللي يركعون ويسجدون

بقلمي

[الحمدان]

‏ياعايش الدنيا ترى الحظ مقسوم
مثل الهبوب اللي بلا دار وديار

نجري ورى الدنيا مع الليل واليوم
وياما وطت الأقدام عجلات الأقدار

....

[الحمدان]

‏واعلم بأن العمر ينقص مايزود
‏واللي يفوتك منْه صعْب ترجّعه

‏ولا تنْظر لماضيك لأنّه مايعود
‏فكر بحاضِرك الجديد وسنّعه

‏وأبذل عشان أحلامك أضعاف الجهود
‏وباب الأمل بين المَحَاني شَرّعه

‏سعد بن جدلان⁩ الله يرحمه

[الحمدان]

والله انّه ماعلى قلبي ملامه
‏لانوى عنّك عقب حبّك يفارق

‏وانت لك يومٍ تعذبك الندامه
‏لافقدت اللي بعشقك كان غارق

....

[الحمدان]

‏يا أهل المحبه نور عيني علامه
ماشفته يغرد من الشعر وش فيه

أنا ليا شفت القصيده وكلامه
يرتاح بالي والتهي في معانيه

....

[الحمدان]

‏محدن يمشينا على رغبته غصب
‏ولا نزعل على غيرنا بليا سبايب
‏
وثنتين فالدنيا ترى مالها طب
خيانة الصحبه وظلم القرايب

....

[الحمدان]

لو الرسالة تقتل ابعاد وفراق
لأرسلت لك في كل لحظة عبارة

حبك جريمة والجزا سجن الأشواق
سجني مؤبد بس صوتك زيارة

لكن لي قلب للأحباب تواق
لو غاب محبوبه بقى في انتظار

....

[الحمدان]

اقفيت عني والتناهيت تختال
واعلنت لسيوف المفارق خضوعي

طعنتني وادميت قلبي ولا زال
خنجر فراقك ناشبٍ في ضلوعي

يالحب لوعة فراقك عذبت روحي
وشلون ترحل وانا من قلبي احبك

تعال عيد الغرام وعالج جروحي
قلبي تعود عليك وهام في قربك

....

[الحمدان]

إن قلت لك أقدر على البعد كذّابه
الموت هو فرقاك الله يجيرك

مهره

[الحمدان]

في برد الشتاء ماتدفينا الجواكيت
البرد قارس والاجسام حساسه

لاشبه النار تنفع ولا عود الكباريت
ماينفع الا حضن الوليف ورمساسه

....

[الحمدان]

ياصاحبي صاحبك مايعرف البوح
صعبه يسولف لك عن آخر جروحه

صاحبك يضحك لو غدى كله جروح
وإليا تضايق شال ضيقه بروحه

....

[الحمدان]

لحظه قبل لاتجمع الوصل وتروح
قبل الموادع يطلق ايديك وايدي

البارحه قامت على صوتك جروح
عقب البطا ماوسّع طعونها في

كم لي وانا اقول الخطا منك مسموح
واسامحك والزله تشيلها لي

ابسألك وان قلت لي بعدها روح
صحيح مايسوى غيابي ولا شي

....

[الحمدان]

اضحك ولو خاطرك ضايق وصدرك حزين
ترا ايامك بتخلّص وانت فيها ماقد ارتحت

خلك مثلي مقنّف ثقيل في طبعك رزين
لك مقام عالي فوق ليس اسفل وتحت

....

[الحمدان]

‏مابين شوق الوله وانفاس تغريدك
يطيب جو القصيد وينتعش جوه

على دروب الوصل تزهر مواعيدك
يامرحبا والغلا شبيت لك ضوه

....

[الحمدان]

الجو روعه والسماء هل غيثه
واليوم جمعة والدعاء مستجابي

صلو على اللي ماجهلنا حديثه
وشفيعنا يوم الحشر والحسابي

اللهم صل وسلم وبارك على نبينا محمد

[الحمدان]

وإن كانهاَ بالزينٌ ويش عاد خلتّ
وإن كانهاَ بصّيتٌ شوف صيتٌ بوهاَ

بقلمي

[الحمدان]

ينتابني شي مايعلم به الا الله
يجعلني اصد وجهي واجلس لحالي

من ضيقة الصدر اخاف تخوني زله
وتجرح لها واحدٍ في خاطري غالي

عرش الهوى اللي تولّى فيه واحتله
لاطاح منه وش اللي عاد يبقى لي

بتعّم في صدري الفوضى و تحتلّه
واعيش في حزني وفي خيبت امالي

نادر ابن علي

[الحمدان]

رساله ليولك...

سُئِلَ الإمامُ أحمد بن حنبل
حاتم الأصم وكان من الحكماء :
كيف السبيلُ الى السَّلامةِ من النَّاسِ
فأجابه حاتم :
تعطيهم ولا تأخذ منهم
ويؤذونك ولا تُؤذِهم
وتقضِي مصالحهم
ولا تكلفهم بقضاءِ مصالحك
قال أحمد : انها صعبة يا حاتم
قال : وليتك تسلم

بقلمي

[الحمدان]

‏بعض الغياب يعلمك كيف تشتاق
وبعض الغياب يعلمك من يودك

وانا ترى قلبي من الشوق خفاق
والبال سارح طول الاوقات عندك

وينك حبيبي هدني كثر الافراق
وكثر البعاد وكثر هجرك وصدك

ليتك تحس بناري اللي بالاعماق
والله ماتبخل عليا بردك

....

[الحمدان]

ما نسيتك لو تغيّبك السنين
والليالـي عنك ماردت خبر

والله إني كل ما يقسى الحنين
رحت افتش فالرسايل والصور

....

[الحمدان]

تعلموا ي هل الردى من هل الطيب
وإن م عرفتوا شي كفو غثاكم

....

[الحمدان]

الصاحب اللي علومه كلها ذربه
‏ماهوب من قوم قبل أنفعك تنفعني
‏
‏أطرب على شوفته وأشفق على قربه
‏وأطريه بالخير لو ماكان يسمعني


....

[الحمدان]

يقـولـون متغير وانا ماتغيرت
من جيت للدنيا وهـذا مسيري

من عادتي لاضقت والا تحيرت
أصد وأكفي الناس شري وخيري


....

[الحمدان]

نفوسنا الطيبه ماتترك الطيبه
نبغى نخالف هواها غير تمنعنا

الله خلقنا كذا في خير تركيبه
على تطباعنا تطغى طبايعنا

اثاري الطيبه اللي مالها هيبه
تروح ف الناس لاقيمه ولامعنى

....

[الحمدان]

‏قالوا علامك ب البداوه تولعت
قلت البداوه اكسجين لـ حيآتي

البر احبه حب مخلص ولا بعت
حبه وشوف الذود عندي غناتي


....

[الحمدان]

التعمّق بعض الاحيان مامنْه ثمره
‏خلك السطحي لو انك تعيش بلا شعور

‏تضعف الجوده لاسوّيت زوم الكيمره
‏وانت قسها في حياتك على كل الامور

....

[الحمدان]

انا حسبت الارض بالطول والعرض
‏الين اكتشفت ان المسافه خديعه

‏لو الوسيعه اسم يطلق على الارض
‏انا من عيونك عرفت الوسيعه

....

[الحمدان]

ماني رديه نفس ياولد الاجواد
امك وابوك اجواد ولا انت غادي

دور على مثلك مفاليس وزهاد
واترك نفيس الناس لا صرت صادي

ماني من الي تشفق لساقط الزاد
ولاني من اللي تلتفت للمنادي

مليانه عيوني مطاليق واسياد
مابه محل لبايعين المبادي

....

[الحمدان]

ماعاد يرضيني وِفاء ولا يزعّلني جِفا
‏متساويٍ في خاطري ظلم العرب وانصافها

‏ولا تاقف الدنيا على شمع الغرام اللي طفى
‏ بعض الشموع أنا أتعمد كسرها واتلافها

....

[الحمدان]

كم حي مايسوى وجوده ولاشي
يضيق صدر الارض من ثقل دمه

وكم ميتٍ يسوى وجوده مية حي
ميت ويخدم صيته عيال عمه

....

[الحمدان]

لي صاحبٍ جعل يفدا مواطيه العذول
الله اللي حط حبه فـ قلبي وفرضه

كل فجر ومغرب ارفع يدي لله واقول
جعلني ما اذوق حزنه ولا ذوق مرضه


....

[الحمدان]

دلهنا واثر بعض الطواري عدو الخير
تضوي على قلبي مواقيف تمرضني

انا كن قلبي صار تامين ضد الغير
يعوض قبيلي بس انا مايعوضني

....

[الحمدان]

: وقفنا عند بابك مالنا مطلوب غير رضاك
معاصينا كبار وعفوك اكبر من معاصينا

بقلمي

[الحمدان]

لاتنتضر من ناقص العقل حكمه
ولا تنتضر من فاقد المرجله خير

ولايغرك في الردي لمعة اسمه
الريش ماطير نعامه وهي طير

....

[الحمدان]

جرحن جرحني وجارح الجرح جراح
يجرح جروح الجرح والجرح مجروح

...

[الحمدان]

‏صدق المشاعر تصنع إنسان شاعر
‏والناس تقرأ وش كتب في جديده

‏عينه تشوف إن القصايد مشاعر
‏وانتم تشوفون المشاعر قصيده

....

[الحمدان]

‏تبي النصيحه يالمتابع وانا اخوك
قدم لدينك شي يرفع مقامك

ارض الولي ومن ثم اثنين جابوك
عطهم جميع احقوقهم واهتمامك

بقلمي

[الحمدان]

‏قال الماورديُّ رحمه الله
اعلم أنَّ ‎الكريم يجتزي بالكرامة واللُّطف
واللَّئيم يجتزي بالمهانة والعنف
فلا يجود إلَّا خوفًا
ولا يجيب إلَّا عنفًا
كما قال ‎الشَّاعر:

رأيتك مثل ‎الجوز يمنَع لبَّه
صحيحًا ويعطي خيره حين يُكْسَر

ادب الدنيا والدين

[الحمدان]

خارج الصندوق...

الحيلولة والقيلولة والعيلولة

الحيلولة : هي النوم بعد صلاة الفجر
وهي تحول بينك وبين رزقك

القيلولة : هي النوم بعد صلاة الظهر
مدة 30 دقيقه وهي مفيدة للصحة الجسم

العيلولة : هي النوم بعد صلاة العصر وهي تسبب علة للجسم والنفس وضيق الصدر

بقلمي

[الحمدان]

‏يوم الأيام السعيده علي متتاليه
‏حيّها مزين ظماها ومزين جوعها

‏راحت أيامٍ و مرّت علينا غاليه
‏يوم حنا في رجاها يعود رجوعها

‏تايهٍ في مجتمع ذا السنين التاليه
‏عالمٍ متغيرٍ سلمها و طبوعها
ِ
....

[الحمدان]

‏من يوم ودّعتك وانا ماني مرتاح
‏يالله عسى النعيم يلازمك في قبرك

‏ماطاحت الدمعة إلا كلّ حيلي طاح
‏ولاغاب عنّا طاريك ولاغاب ذكرك

‏يالله عسى روحك من العنا ترتاح
‏وعساك بأعلى جنان ربي مستقرّ

....

[الحمدان]

شابعٍ من وش جديدك ومن صبّ العلوم
‏ومن سوالف طوّل البال والدنيا يسر

‏لي ثلاث سنين قلبي تخاطفه الهموم
‏شف وضعي ما يطمن وحالي ما يسرّ

‏لو تقوّيت وتصبرت من فوق اللزوم
‏خاطري من سود الايام مكسورٍ كسر

‏ضيقةٍ عيّت تفارق وحزن وقلّ نوم
‏وعينٍ اليا شافت النوم قالت قمّ واسر

....

[الحمدان]

خل في صدرك على الدنيا قبول
‏واعرف ان الشمس تشرق لو تغيب

‏وعوّد لسانك ليا ضاقت يقول
‏الأماني في رجى اللّٰه ماتخيب

....

[الحمدان]

حنيت له والقلب بالبعد مجبور
‏وش حيلتي لا اشتقت له ومالقيته

....

[الحمدان]

فاقدٍ لي عمر من عمري وفاقد وجه نير
‏كان قربه من متاهات العمر مخرج طواري
....

[الحمدان]

حنا على الدنيا ودايع وأمانات
‏والموت يأخذ كل يوم ً وداعه

‏نحسب حساب أرباحنا في التحيات
‏وليا خسرنا مانصلي جماعه

‏نجمع وسخ دنيا ونجمع عقارات
‏ونخسر بنفس الوقت كنز القناعه

‏ونبني مع كل الاوادم علاقات
‏وحنا مع رب الاوادم قطاعه

....

[الحمدان]

الطيب ماهو سهل والا الردا هّين
‏والناس بالطيّبه تشرا وتنباعي

‏والمنطق المحترم والجانب الليّن
‏اطيب من الكلمه اللي مالها داعي

....

[الحمدان]

‏رماني الدهرُ بالأرزاءِ حتّى
فؤادي في غشاءٍ من نِبالِ

فصرْتُ إذا أصابتني سِهامٌ
تكسّرتِ النِّصالُ على النِّصالِ

المتنبي

[الحمدان]

يامن غرامك داخل الدم يسري
ووسط قلبي لك لحالك مساحه

بدري على بعد المحبين بدري
يامن خدوده ناعمه كاالتفاحه

ياليت صدرك لو يعانق لصدري
في ضمتك جنه وفسحه وراحه

مافارقك لو سرت في وسط قبري
بعدك يسبب ياحبيبي انطفاحه

قلبي يحبك حب ان كنت تدري
يابدر لانور ملا كل ساحه

....

[الحمدان]

فارقت كل الخلق من بعد فرقاك
مالي سوى طيفٍ مع الفجر يسري

عيني غشاها الدمع لاحل طرياك
غصبٍ علي حبك مع الدم يجري

ساعدني أبعد عن همومي وذكراك
ساعدني أطوي كل جرحًٍ بصدري

....

[الحمدان]

صورتك في عيني وفي القلب طاريك
تعال شوف بدنيتي وش مكانك

ان جيت كل دقات قلبي تحييك
وان رحت يكفيني بقايا حنانك

أعاهدك مايوم ممكن أخليك
وماعاش من ياخذ بقلبي مكانك

....

[الحمدان]

رص المشاعر بالحبر ياقلم رص
وبعد المشاعر باقي الحب رصه

قلبي يعاني وانت بالحب مختص
انت الذي عقلي بالافكار خصه

قصة غرام كانت اكبر من النص
فيها حبيب ساكن القلب نصه

اخر كلامي اطلبك ياقلم وص
خلّي على حبي بالاشواق وصه

....

[الحمدان]

تناطح وجيه البنادق بالعوايد والسلوم
وعيونك تشوف المنايا تطلع من حلوقها

المعدم اللي خاطره من لذة الصبر معدوم
والا انت نوب تسوقك الدنيا ونوب تسوقها

الذيابي

[الحمدان]

أعاهدك باللي خلقنا من الطين
تبقى بقلبي لين تفنى حياتي

عز الله اني تهت في نظرة العين
وعز الله انك قد تملكت ذاتي

هايم وحالي فيك حال المجانين
لامرني طيفك احاكي شفاتي

اقسم قسم حبك سكن فالشرايين
واستوطن اعماقي وروحي وذاتي

....

[الحمدان]

طيبك غشاني والوفى في مباديك
واضح مثل بدر السماء في مداره

أكذب على نفسي إذا قلت ما أغليك
وأكذب عليك إن قلت مالك وقاره

لقيت فيك الطيب من غرس أهاليك
ولقيت في موقفك حس وأصاله

....

[الحمدان]

ونعم بمن هو مستقيم مثل الالف
مايعرف العوجا وخبث الاحتيال

اما الذي يوعد ويرجع يختلف
انشهد انه نذل مايسوى ريال

....

[الحمدان]

إن جيت حيا بك وإن قفيت هذا واجبك
لا آنا من أصحابك ولا أنته بالنهايه صاحبي

لو كان قلبك مثل ثوبك مايخيب الظن بك
لاكن عيبك وسط قلبك مثل عيب الاجنبي

....

[الحمدان]

ماكل كلمة جات تستاهل الرد
او كل متحدث بحاجة اجابة

الحكي بعض احيان ملطام عـ الخد
والصمت في بعض المجالس مهابة

....

[الحمدان]

يقولون مايبكي على المقفيّه رجال
وانا اقول جعل قلوبهم مالها والي

خلاص انتهينا مابقى للسنين آمال
بعد ماقصر مرسالها مات مرسالي

اللحين صارت راعية بيت وام عيال
وانا الحين مثل اول على خبرها حالي

....

[الحمدان]

راح ليل ولاح فجر وحرّك الشوق الحنايا
‏والهوى مثل الأسير اللي مايدري وش مصيره

‏ودي أصافح يد الفرحه وأبادلها التحايا
‏وأتجه مثل الأمير اللي خطب ودّ الأميره

‏وأتفقّد نور وجهك في الدروب وفي الزوايا
‏وألمحه في كل عفريّه وريمٍ مستذيره

‏وش يفيد الشوق لو مايكسي قلوب العرايا
‏وش يفيد النور لو ينقاد لـ العين الضريره

‏أنتي أسمى من هوى النزوه وأعزّ من الحمايا
‏في عيون الفارس اللي سلّ سيفه من جفيره

‏وأن ظفرت ببقبلةٍ من ثغر معسول الشفايا
‏ليه لا وأنا الكبير اللي طموحاته كبيره

‏بين عذبات الوصوف وبين ترفات الصبايا
‏شفت في وجهك ملامح سكرة الموت الأخيره

‏وأن تمعّنت التفاصيل الصغيره والحلايا
‏ضعت مابين الحلايا والتفاصيل الصغيره

‏في عيونك مايورّد عاشقك حوض المنايا
‏وفي قصيدي مايغيّر خارطة شبه الجزيره

‏غبتي وباقي لك بصدري من اللهفه بقايا
‏ياسرابٍ ماتت أحلامي على رجوى غديره

‏لو ماتلهمني الصبر ذيك الرسايل والهدايا
‏مت حزن ومت شوق ومت غبن، ومت غيره

....

[الحمدان]

‏سافري من دون تلويحة وداع
‏سافري وانسي الوداع وفكرته

‏الشجاع اللي تخبرينه شجاع
‏في وداعك ماتشيله ركبته

....

[الحمدان]

‏وجودي على اللي ماتهيأ على مشهاي
‏عليه الحسوف تجر روحي وتوجعها

‏حسبت النصيب مع الليالي يجيب مناي
‏وتردى النصيب وعزة النفس تمنعها

‏جحدت الطعون وصرت صابر على بلواي
‏من الياس حتى النفس عافت مطامعها

‏عليك الخلف ياعالم السر يامشكاي
‏لك إيديننا في حال رجواك نرفعها

....

[الحمدان]

‏تقولين انت من قدك واناظر قدك المياس
‏واقول اليا تمايل قدك المياس من قدي

‏ابي ليله ماغير انتي وانا والشعر والنسناس
‏بعدها مايهم ان وقفو كل البشر ضدي

‏خالد بن طفلان

[الحمدان]

العمر يبغى متونٍ ماتدحمها متون
ماهيب تمسي قوية وتصبح ليّنه

ادري إن الناس بتظن حسب اللي يبون
و الردي لاظن فيك الردى مابيّنه

....

[الحمدان]

يارفيق الذكريات ويا شريك فؤادي
‏كل ظنٍ فيك ظنيته تجي من فوقه

‏يتسلل صوتك من الذاكره وينادي
‏لين يفتق جوفي اللي كنت أخيط فتوقه

‏ايييه يالبيه ياموتي ويا ميلادي
‏جعل حزنٍ مرني ماتونسه وتذوقه

‏ياوقودي وإندفاعي بالحياة وزادي
‏ياحشاشة جوفي وقلبي ودم عروقه

....

[الحمدان]

يالليل الشتاء لاتكشف الخافي المستور
‏وتنّـجح طرف كبد من الهجر مستقّـيه

‏طواري غرام وفلم ذكرى ودقت زور
‏وروحٍ من صدوف المقادير مشتقيّه

‏مريض الهوى لايمكن يعالجه دكتور
‏ولا ينفعه فحص استشاري ولا رقيّه

‏يسولف وهو لاهوب داله ولا مسرور
‏وتقى رمش عينه دمعة الفقد متقيّه

....

[الحمدان]

‏اناظر فالسما واقول يارب السما والقاع
‏عسى اللي صار تكفيرة ذنوب وفاتحة توبه

‏غريبه كيف راودك الندم يابنادم الطمّاع
‏يادوب النفس نالت ماتبي والقلب يادوبه

‏صحيح ان الحكي بالفايته مايبري الاوجاع
‏لكن اقل شي يذكّر النسّاي بذنوبه

‏همومي واجد وزلّاتي كثيره وعمري ضاع
‏وصبري لايزال يطارد الآمال باعجوبه

‏تقول ان الوحيد اليا تضايق مالقى فزاع
‏وصدقتك وكثّرت اصدقاي وصاروا عقوبه

‏عزاي اني حفيد اللي عزاويهم على المطلاع
‏معاصير الدول يوم الإمام يجيّش شعوبه

‏ياكم مرّه يضيّعني التواضع لكن الاوضاع
‏ترد الطيّب اللي مستحيل يغيّر اسلوبه

‏واذا طاح المطر والبرق لاح وقرّب المرباع
‏ذكرت اللي تجيني راضيه وتروح مغصوبه

‏سلام الله على وجهٍ عليه الخاطر الملتاع
‏مايبرد لو نسانيس الشمال ملاعبه ثوبه

‏وجودي يوم راحت من يدي وانا طويل ذراع
‏وجود الشايب اللي برّ بعياله و باروا به

بدر بن ذنبوح

[الحمدان]

‏وين ابلقاك يا شهد الحروف
لين يرضى علي عذب اللما

جيت للشعر واتعبني الوقوف
عند بابه وبي جوع وظما

ماذبح لي مصابيح وطيوف
ولا سقاني الكواكب في السما

ان سألني حبيبي والكفوف
تضرب الغيم والاشعار ما

عن قصيدي تذكرت الظروف
وقلت شعري نسيته انما

ليتني قبل اشوفك ما اشوف
وليت قلبي قبل حبّك عمى

....

[الحمدان]

متني ماعاد يشيل خلوني ارتاح
‏وقلبي ماعاد يشيل ماشال متني

‏محتاج سجادة ومصحف ومسباح
‏افلها لامن همومي طوتني

....

[الحمدان]

أحِنُّ لِوَصلِكِ فِي كُلِّ حِيْن
مَتَى يَا بُنَيَّه مَتَى ألْتَقِيْكْ

بِكُلّ اتِّجَاهٍ أرَاكِ كَطَيفٍ
يُلازمُ عَينِي فَأرنُو إليكْ

فَليتَ الطُّيوفَ تَكُونُ حَقَائِق
وَلَيتَ الشُعُورَ يَكُونُ لَدَيكْ

وَيَا لَيتَ لَيلِيَ يَهنَى بِقُربِك
وَتَدنُو بِصَدْرِي عَلَى وَجنَتَيكْ

فَأنسَى هُمُومِي وَيَرتَاحُ بَالِي
وَيَا سَعَدَ قَلبِي بِلَمْسِ يَدَيْكْ


....

[الحمدان]

‏فَأَنْتِ النَّبضُ فـي قَلبِـي وأَغْلَـى
وَأَنتِ الـحُلْـمُ في طَيِّ الأَمَــــاني

وَأَنْتِ الرُّوحُ في جَسَـدِي وَأَشْهَى
مِن الأَحـلامِ في صَدرِي المُعَـانِي

وأنتِ الخُلدُ في عَدَمِي وبـؤسـي
وأنتِ الطِّيبُ في جُــورِ الـزَّمَـــانِ

....

[الحمدان]

ابشرك ماعـاد لك عندي عتاب
‏ولاعاد عندي بالزمن شي اخافه

‏اسلم وسلم لي على كل من غاب
‏الخاطر إليا عاف له شي عافه

....

[الحمدان]

أبكي لأنك كنت نازل بصدري
‏وشلون تنزل في مكان وتضرّه

‏ليت النهاية كانت شوي بدري
‏يمكن قدرت أسامحك وأتشرّه

‏وبتدوّر من بين النسا لين تدري
‏إنك خسرت أندر نساء المجرّه

....

[الحمدان]

‏رسالتي لك....

من تمارض مَرِض
‏ومن تفاقر افتقر
‏ومن تذلل ذُل
‏ومن تهاون هان
‏ومن اعتزَّ عز
‏ومن استحصن حُصن
‏ومن استعصم عُصم
‏أنت حصيلة ماتمليه على نفسك

بقلمي

[الحمدان]

إييه أحبك لعنبو ابليس الهيام
كثر شوق العين لطيوف اللقى

رحت من عندي وفي قلبي كلام
ويوه ي كثر الكلام اللي بقى

....

[الحمدان]

‏الله خلقها حشيمه من سلالة حشام
ماتطاوع النفس في حاجه وتحتالها

كريمة شعور لو ما دبعض الأوادم كرام
لو طالوا الغيم محدٍ منهم طالها

تسكت مثل نظرةٍ تسوى جميع الكلام
تأخذ من الصمت عزو من الكبر فالها

كن وجهها العذر من شافه يطيح الملام
حظيظ منهو على الدنيا يمر بالها

....

[الحمدان]

أكبر هموم القلب تركك للصلاه
والا ترى الـدنيا مشاكلها تهون

ماتستريح النفس وتزين الحياه
الا مع اللي يركعون ويسجدون

....

[الحمدان]

‏شبّ ضوّك في حنايا الصدر لابرد زماني
واحرق الفرقا بنار الوصل واشبعني سكينه

غايتي ومناي وأحلامي وذكراي وكياني
كلها تفداك ويفداك العمر واغلى سنينه

من خذا ربع اهتمامك في حياته لو ثواني
ينجلي همّه ويضحك خاطره وتجفّ عينه

....

[الحمدان]

ماكل فعل ٍ تنضرب فيه الأمثال
الفعل كايد والكلام بسهوله

فعل ٍ يموت وفعل يبقى للأجيال
وفعل ٍ تبيه الناس ماحد يطوله

....

[الحمدان]

انا ماني بني عم الرخوم الضعوف
الي كل منحكى بضهري صفقوله

بني عمي رجال مايعرفون الخوف
عزوتي لاغزاني الضيق وقفوله

....

[الحمدان]

‏غير الوفاء والطيب لا ماتخيّرت
‏لو مالت الأيام ماني بمايل

‏باقي على ساق الوفاء ماتغيّرت
‏تسوقني الشيمة وأسوق الجمايل

....

[الحمدان]

حنا ربينا في مرابي اهل الطيب
اللي تميزهم وصوف وعلامه

وان كان لبيوت المعزه معازيب
حنا معازيب الوفا والعھرامه

....

[الحمدان]

يعجبني الواثق سليم النوايا
نهجه على وضح النقا مايهمه

واكره من المرتاب كل السوايا
مهما مدح نفسه سواته تذمه

....

[الحمدان]

ياخوي انت السند حزة الضيق
وانت الذي يغني عن الناس ظله

الطيب يرفع من مقام المخاليق
وانت بمقامك ترفع الطيب كله

....

[الحمدان]

‏لاتوصيني على حفظ السراير وانت غالي
‏والله اني حافظك وادرى عليك وكلني لك

‏لاكتبت اسمك وانا فالبر لو اني لحالي
‏ألتفت وامحيه من خوفي عليك وحبني لك

....

[الحمدان]

اللي اليا شافني قصّرت كمّلني
ياكيف أجازيه ولا أرد له طيبه

واللي على أصغر عيوبي ماتحمّلني
يامرحبا بالضروف اللي تقفي به

....

[الحمدان]

فدا عينك زمانٍ فات من لوعه ومن هوجاس
‏ومن ضحكة سراب سافرت في بحر أوهامي

....

[الحمدان]

من نفسك أصنع لذاتك حشمه وقيمه
‏صنيعة الناس لاودت ولا جابت

....

[الحمدان]

صرت أوالف جوي الهادي وأحب العزله
‏والنفوس اللي تشل الحقد ما أواطنها

بقلمي

[الحمدان]

من سمو المهابه اخذت طبع العلو
‏ما التفت لغياب ولا انتظرت الوعود

‏وما يسد بمكاني ناس مهما علو
‏في سما عزتي ماللكبر اي وجود

....

[الحمدان]

عن مايشد الاخرين اغض عيني باعتزاز
‏العين شرهه والضمير اللي ورا العوج استراح

‏واللي مُتاح من الفرص مهوب يسوا الانتهاز
‏انا احب الكايد اللي مستحيل انه يُتاح

....

[الحمدان]

انا ادري انك تمر وتدخل حسابي
‏واحيان تقرى الشعر واحيان ماتقرى

‏حتى ولو ماتحط لشعري اعجابي
‏يكفيني اني أمر البال وانت ادرى

....

[الحمدان]

كبريائي فالغلا ماهو تسلي
‏ندرة الأشياء تغريني وابيها

‏ما اداني إمتلاك الحاجه اللي
‏كل واحد يقدر يحصل عليها

....

[الحمدان]

مع نفسي اعاتب نفسي واتأسّف
‏انا استاهل وإلا جد مَاستاهل

‏اجي كلّي مع العالم واتحسّف
‏على وجه الردي وضحكة الجاهل

....

[الحمدان]

كنت اشوفك كل ماغنو الاماكن
‏وجيت قبل العطر يبرد مالقيتك

‏ للامانه ماقدرت انساك لكن
‏كبريائي حدني غصب ونسيتك

....

[الحمدان]

ماعلمك طول الغياب إني كبير
‏وإني على كثر اشتياقي ما أتبعك

‏ماقلت لك قبل التمادي استخير
‏خل العناد اللي غدابك ينفعك

....

[الحمدان]

قل للفخر معاد له عندي حدود
‏وقل للكرامة دايم الدوم ترقى

‏وقل للشموخ اللي ورثته من جدود
‏يبقون فيني دام هالنفس تبقى

....

[الحمدان]

‏عندي يقين إن الليالي المقبله ماهي بسود
‏أنقى من قنوف السحاب اللي تلوح بروقها

....

[الحمدان]

ماعلمك صمتي شكثر فيني كلام
‏والا انا اللي بس احسك واسمعك
‏
ما اذكرك مُر الجفا بحلو الغرام
‏والا انت بالثنتين ماتفرق معك

....

[الحمدان]

‏الغيم يشبه خافقك لامتلا شوق
‏يمطر غلا ويسقي ثراي وخيالي

....

[الحمدان]

ماكل خاطر نبي نتبع مراعاته
‏بعض الخواطر حرام انك تراعيها

‏اللي يقدمك عن كل اهتماماته
‏حاول تقدم له الدنيا بما فيها

....

[الحمدان]

حزمت في قلبي تفاصيل ذكراك
‏وحدّدت للفرقا من العام ميعاد

‏واخترت تاريخٍ تحبّه ويزهاك
‏تاريخ فرقا كل ماراح ينعاد

‏في يوم ميلادك تعمّدت فرقاك
‏أبغيك تذكرني مع كل ميلاد

....

[الحمدان]

عمر العنب ماشال هم العناقيد
‏ولا درت عن ضيقة الأرض غيمة

‏ولا شكى كثر الوطى واسع البيد
‏ولا جرح وجهه الحيا قِل شيمة

‏العقل نعمة والقناعات تجديد
‏وأفكارنا ماهي بدايم حكيمة

‏بعض الوضوح أحيان يحتاج تعقيد
‏لأن الحياة أصلاً ماهي مستقيمة

....

[الحمدان]

يكفي وفاك وطيبتك في نواياك
‏ويكفي ليا من زاد همي نصيتك

‏حياك في وسط الحشا لاعدمناك
‏القلب قلبك والشرايين بيتك

....

[الحمدان]

أنا ببعد عن دروبك وأكمل باقي سنيني
‏لأن البعد يتعبني وفرقى من تحبّ تلوع

‏فمان الله أنا آسف ترى ماهو بيديني
‏لأن درب العشق واضح وأشوف إن الأمل مقطوع

....

[الحمدان]

ذخرتك للشقى صدرٍ يكفيني عن الباقين
‏و ذخرتك للمدى هقوه تشتت كل ضيقاتي

‏انا ياضحكة سنين الزمان وكل علمٍ زين
‏تركت الناس متعمد وعليك اسوق هقواتي

....

[الحمدان]

ايه أحبه كثر حبي للمعاني والقصيد
‏وكثر ماهلّت دموعي يوم حل موادعه

‏أحتاج له كثر إحتياج القلب للدّم والوريد
‏وأنفعه مثل العشير الي عشيره ينفعه

‏آه لو أملك ربع ماتملكه ايد الوليد
‏لأجل أحقق أمنياته ولأجل ألبي مطمعه

....

[الحمدان]

من يعز النفس مايصبح ذليل
‏والردي الوقت يكشف لك رداه

‏ماتحسفنا على فعل الجميل
‏نعتبرها في الردي مثل الزكاه

....

[الحمدان]

ماجاء ردى مني ولا جيت بقصور
‏طبعي كذا دايم مع الخلق كله

‏لي عزةٍ تطغى على كل دستور
‏من خلقتي والطيب عندي جبله

‏ياقلب من قفى عن العين معذور
‏نفسي عزيزة والمقفي تمله
‏
....

[الحمدان]

بعض البشر محتاج للذوق خبره
‏عندي نصيحه له على مَرّ الازمان

‏المرء بأخلاقه وذوقه وفكره
‏وبروعة أسلوبه يصيرأجمل انسان

....

[الحمدان]

سلام الله لمن يقرأ سلامي
ويسلم من يبادلني سلامه

سلام يرتوي به كل ضامي
وفي الوجدان تبقاله علامه

ويشفي من بقلبه جرح دامي
ويزرع فالوجوه الابتسامه

بتقديري وودي واحترامي
إليكم ود قلبي واحترامي

بقلمي

[الحمدان]

الله أنطَاك عمِري وعَشتِ وياي
وِي غيري شتضن هَم الله ينطيِك

جِنطة سَفِر دمعِي ومَاخَذه وياي
خِلص بأول محَطهِ گبَال طارِيك

عليك مخلِي بَالي وخَاف فَد يومَ
تبَرد بَيَه حَاسبَ بيِش أغطِيك

أنَا مُوصي الجُروحَ يَلبِسن ثَياب
مو لجِل السترَ بَس خاف أمر بيك

أكو حضنة ملاگه وحضنة وداعَ
ياهِي تريِد منهِن مِن ألاگِيك

شعر عراقي

[الحمدان]

رسالتي لك...

حافظوا على محتويات هواتفكم
فنحن لانعلم متى تغلق
أعيننا إلى الأبد
فتصبح إما أجراً لنا
أو إثماً جارياً علينا

بقلمي

[الحمدان]

‏ياسيد الثقلين نلت المنزلةْ
‏ياخير من عَبَدَ الإله وبَجَّلَهْ

‏صلى عليك الله ماغيث همى
‏ياشافعا للناس يوم الزلزلةْ

اللهم صل وسلم وبارك على نبينا محمد

[الحمدان]

‏رساله لي ولك...

كلما أوَيْتَ إلى فِراشِكَ
تذكَّرْ أنَّ رجلاً من أهل الجنَّة
لم يكُنْ كثير العمل
ولكنه كان سليم الصَّدرِ
لاينامُ وفي قلبِهِ حِقْدٌ على أحدٍ

بقلمي

[الحمدان]

‏يكفيني إنّي عن ثرى الزيف معزول
لو عشت في نجم الحقيقة لحالي

....

[الحمدان]

‏ياحاكمن قلبي تول الرئاسه
‏الحكم حكمك والحنايا تلبيك

‏تاج الحلا زاهيه من فوق راسه
‏اقلط على عرشك ومنصب معاليك

....

[الحمدان]

‏لك في عيوني همس وحروف وابيات
‏ولي في عيونك من دفا الحب تجديد

‏ياسيد إحساسي تموت المسافات
‏في داخل عيونك وتحيا المواعيد

....

[الحمدان]

‏الله خلقها حشيمه من سلالة حشام
ماتطاوع النفس في حاجه وتحتالها

كريمة شعور لو البعض ماهم كرام
لو طالوا الغيم محدٍ منهم طالها

تسكت مثل نظرةٍ تسوى جميع الكلام
تأخذ من الصمت عز ومن الكبر فالها

كن وجهها العذر من شافه يطيح الملام
حظيظ منهو على الدنيا يمر بالها

....

[الحمدان]

اطلق خيالك واترك النفس حُرّه
‏وخَلّ الطبيعه في حياتك لها دور
‏
وفي الليل لابانت نجوم المجرّه
‏اذكر بديع الخلق بإحساس وشعور

....

[الحمدان]

روحي فمان الله ورعاية الله
مع السلامة رافقتك السلامة

روحي وخلِّي من نثرتي بقاياه
يمضي عليه العمر عامه بعامه

يومٍ بقايا دمعته في مصلاه
يبقى لها لا دور يومه علامة

ويومٍ إبهامه بين راحة شفاياه
من لوعة الفرقا يعضّه ندامة

ويومٍ يفضفض للمكان وزواياه
عن كل شيء ولا يكمّل كلامه


مدغم ابو شيبه

[الحمدان]

هذيك أمي وجلستها ومرحبها
‏يباريها الدفى والشمس ممتنّة

‏تقول الشمس لا امتدّت مساربها
‏تلمّس بالزوالي ريحة الجنّة

جمال الشمري

[الحمدان]

مرحبا والعذر بشت وعود هندي
‏عيضةٍ لك في لزوم ماتهيّا

‏أنت تبغي حاجةٍ ماهي بعندي
‏جيت راعيها على شانك وعيّا

عبدالله بن مجحود

[الحمدان]

اللي تعس ضلوعي اليا تألمت
‏تمسح على راسي وتقرا عليّه

‏تعْرف وش فيني وانا ماتكلمت
‏وتخبي الفرحه حلاو بيديّه

....

[الحمدان]

قارنت بين الخميس وليلة الجمعه
‏لافرق لافرق بين اليوم والبارح

‏الحزن نفس الحزن والدمعه الدمعه
‏والجرح لازال والجارح هو الجارح
‏
محمد الشمالي

[الحمدان]

أمسيت هاك الليل نفسي جزوعه
‏والقلب كنه من محانيه مشلوع

‏مانيب يم الحكي من حيث نوعه
‏ومن وجّهه يمي فلا هو بمسموع

‏بس اشرب الماء والتوجد قدوعه
‏لازلّ قرطوعٍ تليته بقرطوع

‏عبدالله بن عون

[الحمدان]

لاتمنّ بضحكة الفمّ الرغيد
‏وانت ثغرك يشبه احلام الصبا

‏ضحكتك ذبّاحة الحزن الشريد
‏ضحكتك بارود واحزاني ظِبا

....

[الحمدان]

شروق الشمس مايعني رجوع الحب والآمال
‏يجوز إنه وداع الليل لأحلامي بمرثيّة

‏وأظن حتى غروب الشمس مايعني ظلام الحال
‏أنا أشعر فيه يكسيني حكاوي ناس منسيّة

....

[الحمدان]

كم ياخذ النور من تلويحة المغرب
‏وأنت أول الشمس وأنت آخر ملذاتها

‏مابعدك إلا المدى وأنت المدى وأرحب
‏الأرض لـ الناس وأنت أرحب سماواتها

....

[الحمدان]

‏انا لي ثلاث شهور من شدة التفكير
‏امر الإشاره والعه وتعداها

‏ونجاني الله من حوادث مرور السير
‏واكيد ان لي لحظة وداع اتحراها

‏
بخيت السناني

[الحمدان]

أحبّ لي وحده والاخرى تحبّني
واللّي انا حبّيتها تحبّ ثاني

واللّي هي تحبّه يفكّر بغيرها
ولا ادري من فينا الوفي والاناني

عبدالله علّوش

[الحمدان]

المعطف الجلدي تتلّه على الراس
تبيه يدفيها وهي صدق تدفيه

والله لو في برد الشتاء ذره احساس
لازم يذوب الثلج لاقالت احيه

سليمان المانع

[الحمدان]

أنا شعوري لو تذعذع به النود
‏ماني على العرض الشريف متعدّي

‏أقبل على سلهامة عيونك السُود
‏ويردّني ذكر الله و ذكر جدّي

بندر الشيب

[الحمدان]

يامطر لاتتردد في سماي
‏لاتمرجح على حبال النصيب

بل ريق الورق قدر ظماي
وبسلامتك لاتملا الشعيب

....

[الحمدان]

يالهذا الليل يابرد المشاعر كيف ندفى
‏والحبيب اللي ليا من قلت قرّب حيل عيّا
‏
ذلّني ينعن ابو شكله ولاتعنيه تكفى
‏والشتا كسّر ضلوع الروح واستوطن هنيّا

....

[الحمدان]

يالمّاح تلحقك المشاريه يالمّاح
‏مادام إنك تميّز متى مزحي وجدّي

‏إذا شفتني عيّيت كثّر من الإلحاح
‏تراني أقول إني ماودّي وأنا ودّي

....

[الحمدان]

طلتْه هي الحياة وكانت اجمل قدر
‏لكن سرقه الغياب اللي ذبحني عليه

‏ملامحي مثل شباكه ملامح هجر
‏والبال مهد اسئلة كيف ومتى نلتقيه

‏بعده هوى كل حلم ومات حتى الصبر
‏كأن ربي جعل سر الحياة ابيديه

‏ماهو انا بس من شوقه تعب ينتظر
‏حتى الشجر جفت عروقه وهو يحتريه

....

[الحمدان]

يالسراب اللي بصحرا نجد وهقني بريقه
‏ماحصل لي من وراه الا الظمى والموت جاني

‏رشيد الزلامي

[الحمدان]

رحنا وتركنا أنفاسنا تحرس الباب
‏نخاف لونه تجرحه شدّة الريح
‏
‏حنّا لبسنا أصواتهم للشتا ثياب
‏وقلوبنا صارت لأثرهم مصابيح

....

[الحمدان]

حبيبيتي لولا تْعَشيم الاماني
‏ماكان قلبي يستبيح التجاريح
‏
شوفيه ظنّ الشعر هذا أغاني
وأن الهموم اللي تهزّه مراجيح

....

[الحمدان]

تبي تجيني مرحبا جب معك فاس
‏نفسي على كل المواجع حدوها

‏مرّوا على أغصاني قبل جيّتك ناس
‏كل الغصون الخضر بي جرّدوها

....

[الحمدان]

رفت على الغصن بضلوعي حمامة سلام
‏ناحت وقاموا على سمعي يغنونها
‏
‏أشفيت أدور حقيقة حلم قبل المنام
‏والا أتماكن طوارف علم بعيونها
‏
‏حتى لو أكسر مجاديف الغلا والغرام
‏أنا بحرها وغارقها ومطعونها

....

[الحمدان]

جاني ولدها يبتسم بين الأطفال
‏ومن ضحكته ذكرت أنا ضحكة أمه

‏وساعة حضنته والطفل في يدي مال
‏شمّيت ريحتها على أطراف كمه

‏محمد الحارثي

[الحمدان]

عقبك ليالي بردنا مستديمة
‏هذا وحنّا بالغليظ انتدرّا

‏كِن الشتاء في غيبتك ياعميمة
‏على مشاعرنا الدفينة تجرّا

....

[الحمدان]

أنا مابيك ترهقني بظن وظن
‏وكل ليلة ترفرف في سماي طيور

‏مواري الشك بانت لاتظل تحن
‏أنا ناقص توردني وطن مهجور

‏انا اللي قلت لك سولف دخيلك غن
‏حناجرهم ظلام ونبرتك من نور

‏رسمتك والصور فيها ملامح فن
‏كذا أبعاد تتشكل مدى وشعور

....

[الحمدان]

الله يوسّعها على الصدر لاضاق
‏وشرهة اهرامك على عذب نيلك

‏خلك على طبعك حياوي واخلاق
‏لوّك تحس الجيل ماهو بجيلك

‏واعرف ترى كل اللقا بعده فراق
‏واختم فبيت من الوفا ينثني لك

‏والله لو ترقى على سبع الاطباق
‏شيٍ ماهو مقسوم لك مايجيلك

....

[الحمدان]

من سوء حظّ العتمة انك من النور
‏ومن حسن حظّ احلامي انك حقيقة

....

[الحمدان]

لو تذهله نجمة ويغريه قنديل
‏لو يلعب بنار البطا والجفيّا

‏قلبه عسفته بالهوى مثل ماقيل
‏يلعب وانا حبل الرسن في يديّا

....

[الحمدان]

مايصقل الانسان مثل النهايات
‏واحيانًا تكون النهاية نهاية

‏واقصى مراحل لادمي في المُعاناة
‏اليا تحاشى صورته في المرايه

.....

[الحمدان]

‏خارج الصندوق...

قال ابن القيم رحمه الله:‌
النظرة تُوَلِّدُ ‌خطرة
ثم تولد الخطرة فكرة
ثم تولد الفكرة شهوة
ثم تولد الشهوة إرادة جازمة
فيقع الشر والعياذ بالله
فمن لم يحفظ بصره لم يحفظ فرجه

قالى تعالى:
(قل للمؤمنين يغضوا من أبصارهم
ويحفظوا فروجهم )


بقلمي

[الحمدان]

فاحَ العبيرُ بِذكرِ أحمدَ وانْبَرَا
نَحوَ القلوبِ مُعَطِّرًا ومُبشِّرا

في جُمعَةٍ تهدي فضائلَ ذِكرهِ
صلُّوا عليهِ فقد أتيتُ مُذَكِّرا

اللهم صل وسلم وبارك على نبينا محمد

[الحمدان]

رسالتي لك...

[ لَا تَأْخُذُهُ سِنَةٌ وَلَا نَوْمٌ ]
عن رِعايتنا رِعاية أحلامِنا
عن الضجة المُختبئةِ
فِي حُجُراتِ قلوبِنا
عن أمُورنا المؤرّقة
عن أيامنِا الثِقيلة
نحنُّ فِي رِعايةِ الله
وبين حَنايا لُطفهِ دوماً

بقلمي

[الحمدان]

دايم على الخاطر تجي مثل الأمطار
وانا اعترف أني من الشوق ضامي

أنا فرشت القلب لك ورد وازهار
وأنت بغلاك أخذت كل إهتمامي

....

[الحمدان]

كيف بالله بنسى والجروح جداد
وذكرياتٍ ما زال يمر مقطعها

ليت كل الكلام اللي تقول يعاد
وليتها دايم تسولف وأنا أسمعها

مدة الوقت ماكانت على المعتاد
ليه وارف غصون الوصل تقطعها

علموه إني أراوي على المعواد
وفرصة العمر جعله مايضيعها

....

[الحمدان]

‏اكتبيني شعر وانثرني حنين
لاتقولين الهوى والعمر فات

وارسميني في خيالك ياسمين
بعثري همسك ولميني فتات

افرحي فيني وقولي للسنين
توني جمّعت عمري من شتات

عانقيها يالسعادة كلّ حين
داعبي أحضان خلّي في سكات

حلّـقي فيها لأحلى أكسجين
عطريها من نسيم انفس نبات

....

[الحمدان]

‏الناس أنواع وأنت نوع بلحالك
مافيه أحد يشبهك لا أول ولا تالي

سجلني أعز خلق الله بجوالك
وأسجلك أجمل العالم بجوالي

....

[الحمدان]

الحب شاطيء والعواذل سفينة
والقلب عمره ماجمع حب شخصين

العشق دولة والمشاعر مدينه
والشوق جمره والجفا طعن سكين

....

[الحمدان]

‏مساء الغلا والشوق كله ودهن العود
مادام اسمك يفوق الخلايـق واساميها

مساء اشتياقي واشتياقي عليك يزود
عيوني تمنى شوفتك وانت غاليها

....

[الحمدان]

على صوته المبحوح لاقال كيف الحال
تطيب الخواطر لو لها عام زعلانه

....

[الحمدان]

يالله عسى كل الليالي لنا خير
وفيها الحظوظ الطيبه تحترينا

....

[الحمدان]

‏طرد المقفي عيب ولو كان غالي
خله وتلقى من يعزك ويغليك

....

[الحمدان]

‏من باب الاعجاب لاتسأل عن اعجابي
اسألني تحب بجاوبك حبيتك

أي والله إني عشقتك يا اخر احبابي
وصديت عن مجمل البشر من جيتك

في وجه غيرك مسكر عيني وبابي
غالي وزاد الغلا يوم إني أغليتك

....

[الحمدان]

مايطلع الصبح لين يقوم من نومه
‏ومن نور وجهه تنوّر سبع الاراضي

‏الصبح لو مايجيني غير بعلومه
‏لقيتني رايق ومستانس وراضي

....

[الحمدان]

‏أنا البارحة ياطول ليلي غدا ليلين
‏تبيّن شعاع الشمس مارتحت برقادي

‏أعد النجوم الساريه والعرب ممسين
‏وأعد الأسامي وأرفع الصوت وانادي

‏سرى النوم من عيني مع هجعة التالين
‏وصارت هجوس القلب سردادي مردادي

....

[الحمدان]

سموتَ بالأكوانِ ذِكرًا عاطِرًا
وكساكَ منْ حُللِ الجمالِ وأودَعا

حلّتْ عليكَ صلاةُ ربِي كُلّما
رُفعت أكفٌ للإله تضرعا

فعليكَ من صلواتِ ربّي هَاطلاً
عدَّ الحصَى مُتَرَادِفًا مُتتابِعًا


اللهم صل وسلم وبارك على نبينا محمد

[الحمدان]

مع الهواجيس اندمج والزم الصمت
الهاجس اللي بالضماير كتمته

شفت الردي في الاصدقا يوم فكرت
يا كم صديق لي عرفته وعفته

....

[الحمدان]

ياحي طبع اللي يصون الصداقه
حتى لو انه ماتعنّى وسيَّر

يحفظ أصول المعرفه والعلاقه
ويبقى على طول الدّهر ماتغيّر

....

[الحمدان]

ياحبي الاول ترا الدنيا مطاف
قد مت في حبك وعمري مستمر

هاتي يديني في يدينك لانخاف
انا معك وانتي معي والله امر

فراش موتك صار لي قاعة زفاف
قدمت لك خاتم وقدمتي عمر

....

[الحمدان]

‏اشلون أبدل راحة القلب وانساك
‏وسلى بحياتي مثل كل الاوادم

‏المشكله انك داخل القلب وهواك
‏وبعيش بك حبٍ ولاني بنادم

....

[الحمدان]

مادامت الدعوه قصيد ومحبين
ومادمت يالمحبوب عندي مكرم

بقول حاجه وحطها بين قوسين
حبك حلال وحب غيرك محرم

....

[الحمدان]

كلاً ينام وتقبل النوم عينه
قلبي هواجيسه عن النوم تشقيه

اضحك مع العالم وروحي عليله
واكتم بقلبي شئ ماودي اطريه

....

[الحمدان]

يامارد القيفان نيابه قم وصل الحرف عني
الى ملوك الجن في كل الصحاري والشعاب

قلهم الدين واحد كلنا انسي وجني
وديننا الاسلام يجمعنا على نفس الكتاب

الشرف لي قربهم وهم كذا بالقرب مني
ياعساهم يقبلو مايرفضو نص الجواب

الحقيقه يـوم انا حبيت منهم بنت جني
الاميره بنت شيخ الجن زينات الشبـاب

وليتهم مايرفضو ماجيت انا لجله تعني
يقبلو باللي انا جيته ويلبون الطلاب

....

[الحمدان]

‏تغاضي ياعيوني والسنين قصار
‏مادام الوقت لا أنصفني ولا أنصفته

‏أحب إللي مضالي وأكره التكرار
‏وأشوف إللي يخوفني ولا خفته

‏غريب شعور والواقع غريب أطوار
‏كثر ماكنت راضي كثر ماعفته

‏ياكثر إللي تحاشيته يصير وصار
‏ويا كثر إللي تمنيته ولا شفته

....

[الحمدان]

‏يوم الأيام السعيده علي متتاليه
‏حيّها مزين ظماها ومزين جوعها

راحت أيامٍ و مرّت علينا غاليه
‏عاد حنا في رجاها يعود رجوعها

تايهٍ في مجتمع ذا السنين التاليه
‏عالمٍ متغيرٍ سلمها وطبوعها

....

[الحمدان]

اذكرك ياقلبي قبل عده سنين
‏تعشق تفاصيل الحياة وصخبها

‏عايش بدون قيود وبدون روتين
‏تمشي ورا احلامك وتنسى تعبها

‏هاذا وتوك ما وصلت الثلاثين
‏موتت شغفك الغامضه وش سببها

....

[الحمدان]

جف صوت الحروف وشح فكر الكلام
‏وانعقد حبل فوقه عبرة جانيه

‏كل ماقلت هانت بذكر الله وانام
‏ناخ ركب الجروح اللي لفت عانيه

‏كل ليلة بصدري مؤتمر لسلام
‏وينقصف مايكمل بالفرح ثانيه

‏الطف الكذب قولة بأن حالي تمام
‏والمعارك بصدري طحن متفانيه

بين خابت ظنوني بين كثر الملام
ارجي الله جزانا ثمرة دانيه

كيف بقنع عزومي تستمر ل الامام
وانا حكمة حياتي فانيه فانيه

....

[الحمدان]

أخلفني الوقت مخلف كل متنبّي
‏أنا اشهد إني بحاجة من يواسيني

‏بين الرفاقه مثل خطوات متصبّي
‏كنا من اللي على يسراي ويميني

‏أسرق من الونّه اللي ضيقت لبّي
‏ولا أزعج الدمع إلين الدمع يعميني

....

[الحمدان]

ياربِّ صلِّ على النبي المصطفى
‏ما اهتزَّتِ الأزهارُ من نَفَسِ الصَّبا

‏ياربِّ صلِّ على النبي وآله
‏ماكوكبٌ في الجوِّ قابل كوكبا

‏صلوا على المختار فهو شفيعكم
‏في يوم يُبعثُ كل طفل أشيبا

اللهم صل وسلم وبارك على نبينا محمد
صلو عليه

[الحمدان]

رساله لي ولك...

أنتَ عَجَزتَ أيّها الإنسانُ
فأيقَنتَ أنَّكَ لا تَستطِيعُ
أنْ تُغَيِّرَ أطوارَ الدُّنيا
ولكِنْ كيفَ نَسِيتَ الذي
يَستطِيعُ أن يُغيِّرَها
وهو يُغيِّرُها كُلِّ طَرفَةِ عَينٍ

بقلمي

[الحمدان]

الشوق مجرم حرب والحب قاتل
مافيه رحمة كله آلام وغياب

مسكين من حبة مع الناس ذابل
ومنطقه من حزن اجراح وعتاب

قصة عليها العشق للحب قافل
واشكاله الأيام من خلف سرداب

طال الصبر وانا على الصبر عامل
أشواقي الأشواق صادق وكذاب

ازرع لهم بسمة وهم في مشاكل
والعالم الله وين من كان منصاب

مافي آمل خابت عليا العوامل
والحب انا وياه في الوقت طلاب

....

[الحمدان]

اﺷﺘﻘﺖ ﻟﻚ ﻳﺎﺭﺍحة ﺍﻟﻘﻠﺐ ﻭﺍﻟﺮﻭﺡ
ﻭﺍﺷﺘﻘﺖ ﺍﺳﻮﻟﻒ ﻟﻚ ﻋﻦ ﺍﻟﺤﺐ ﻭﻳﻨﻚ

ﺍﻟﺸﻮﻕ ﻻﺟﻠﻚ ﺩﺍﺧﻞ ﺍﻟﻌﻴﻦ ﻣﻔﻀﻮﺡ
ﻟﻴﺘﻚ ﺗﺸﻮﻑ ﺷﻮﻕ ﻋﻴﻨﻲ ﺑﻌﻴﻨك

....

[الحمدان]

عيش طيب ولكن كل شي له مقام
خل قلبك على صون الكرامه حريص

لاتبالغ في التقدير والاهتمام
لجل مايرخص الغالي ويُغلا الرخيص

....

[الحمدان]

‏فـي ذمتي صمتي يوصف غلاتك
لولا الغلا والحب ماصرت ساكت

ولو اختفـى زولي وغبـت بحياتك
يكفي عروق القلب بإسمك تحاكت

....

[الحمدان]

خليت قلبي لك سما وضلوعي وطن
‏أنت نبض هالقلب وأنت اللي أبيك

....

[الحمدان]

‏ليت الغلا دله واقهويك فنجال
‏فنجال من زين طعمه ماتمله
‏
‏مبنى على حسن العلاقه ولازال
‏نبهره بالحب والود ثمٍ نزله

....

[الحمدان]

ان قلت احبك يقول القلب يالبى
لبيه ياللي فتن عيني وحبيته

الحب لك فالحشا محفوظ ومخبى
سميت به عن سواك وجيتك اهديته

....

[الحمدان]

لبىَ ياعرب واحد في ذمتَي لبيه
لا ناديته اقبل علي وقال ياعيوُنه

اضيع انا واتوُه من دوون ليه وليه
جعلني فدووةٍ له وتسلم ليَ عيونه

[الحمدان]

وديننا اعرف روعة إحساسك وشعرك
كل حرفٍ يالغلا يسوى قصيدة

لامسه روعة خيالك وفـن سحرك
وانحقن عذب القوافي في وريده

تاهو الشعار في برك وبحرك
ماتصيدي الا الجزايل والفريدة

....

[الحمدان]

‏الله يمسي صادق القلب بالخير
‏صدره نظيف ومايعرف النذاله
‏
‏اهل النفوس الصافيه قربهم غير
‏متبادلين الطيب فـي كل حاله

....

[الحمدان]

يقول شريان الديحاني :

محتاج لـ أشياء كثيرة وأنت أولها
وإذا لقيتك أبستغني عن الباقي

[الحمدان]

هات لي من صوتك الرايق قصيد
من زمن ماعاد بالساحه شعر

صح قلبك لو تقول ولو تعيد
انت همساتك وٲنفاسك عطر

....