المساعد الشخصي الرقمي

مشاهدة النسخة كاملة : فوق هام السحب ( الشعر الشعبي) على متن القوافي


الصفحات : 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 [51] 52 53 54 55 56 57 58 59

الحمدان
01-26-2025, 11:53 AM
كل ما شفت وجهك ودي اكتب قصيده
انت وجهك بحور ومفردات ومعاني

حتى بيت القصيده فيك لا قمت اعيده
والله انْ من حلاه استطعمه في لساني

.....

الحمدان
01-26-2025, 11:55 AM
تعالي وخلّي العيون بشوفتك تروى
أنتي أجمل الحُب وأنتي أعظم مغانيمه

العمر من دون وصلك شيء مايسوى
وصلك عطى كل لحظه بالعمر قيمة

.....

الحمدان
01-26-2025, 11:58 AM
لو نفترض في يوم إن الوفا خان
آموت انا والله اذا يوم لك خنت

غلاي لك يابنت ما يوم لك هان
ولا هان لك قدر ٍ معي وين ما كنت

غلاي لك ماهو رخيص ٍ على شان
يُفرض غلا غيرك من الناس يابنت

.....

الحمدان
01-26-2025, 11:59 AM
ماكان عندي وجودك باب وأتسكَّر
يامطول الليل يوم يمر من دونك

تحسّسّ الصوت هذا زين وأتذكَّر
كم داعب أذنك قصيد ونوَّم عيونك

.....

الحمدان
01-26-2025, 01:49 PM
‏خذ لك مع العفو والتقدير حبة خشم
‏وإترك نوايا الأوادم داخل اصدورها

.....

الحمدان
01-26-2025, 01:50 PM
‏والله اني للمشاكل ما سعيت
‏ولا تبعت الواردة والصادره

‏من كثر ما شفت فالناس ولقيت
‏القلوب البيض عمله نادرة

.....

الحمدان
01-26-2025, 04:25 PM
الله عطاك الحسن من صغر سنك
للحوريات العين ترجع جذورك

قلبي من امطار العواصف يكنك
ونوب شعري يرشفن من زهورك

وفي مناوب مهجتي يعسلنك
وصوتك الشادي يجسد حضورك

لاتغترب لاقلت انا عاشقنك
وارسلت طيفي في غيابك يزورك

اهواك احبك واسال الليل عنك
اعشق جنونك كبريائك غرورك

ياليتني زرك وهيلك وبنك
وﻻ شرابك بعد وجبة فطورك

لاتغترب لاقلت لك عاشقنك
وصورتك عندي تجسد حضورك

....

الحمدان
01-27-2025, 01:33 PM
‏ياطيب المبدى ويا طيب الفال
‏خل الشهامه معك تأكل وتشرب

وأختر جليسك وأعرف أن المثل قال
‏من خالط الاجرب على الحول يجرب

.....

الحمدان
01-27-2025, 01:34 PM
‏الرفيق اللي يسر العين وينومس رفيقه
نشتريه ونشتري عرفه وحنا الرابحينا

خوة تبنى على التقدير بحبال وثيقه
‏عارف حقي عليه وعارف حقه علينا

.....

الحمدان
01-27-2025, 01:57 PM
ياليت قلبي يستطيع الزيارة
أقلع برحله من جميع المطارات

أهجم بشوقي والمحبه بغارة
وارفض محاكم في جميع القرارات

واعمل بجلدي لك مضله ستارة
واصنع لقلبك مـن عيوني اطارات

واجعل عيوني لك تولع إنارة
واقسم ضلوعي لك شوارع وحارات

وأسمر معك كل يوم في عمارة
نفطر بلندن والعشاء بالامارات


.....

الحمدان
01-27-2025, 02:08 PM
قال خب الحزن قلت الحزن ماله رادع
‏لي ثلاث سنين اقول ايامنا جماعه

‏انا من ذاك النهار اللي بدون موادع
‏عادني في وجعة منه الى ذالساعه

.....

الحمدان
01-27-2025, 02:08 PM
فلا تنشد بعيد الدار لامنه رجع وش جاب
‏تعذّر له ترى يمكن طواري البعد موجعته

.....

الحمدان
01-27-2025, 02:09 PM
انا الحضور اللي مايشبه للغياب
‏وانا الغياب اللي شعر به من حضر

‏لاجيت مثل المزن في عرض السحاب
‏وغيري سحاب مايجي منه مطر

.....

الحمدان
01-27-2025, 02:13 PM
مع هالصباح أقول صبّحتم بخير
‏لأهل القلوب اللي تزايد صفاها

‏ويالله عسى هاليوم كله تباشير
‏ويكفيكم شرور الحياه وغثاها

.....

الحمدان
01-27-2025, 02:15 PM
انت اللذي بين الحنايا تعمقت
ماغيرك احد يالغلا صار ذوقي

زرعت حبك في حشاي وتشمعت
انت الوحيد اللي لعيني يروقي

.....

الحمدان
01-27-2025, 02:16 PM
‏فيك الجمال وفيك كل التفاصيل
جعل الليالي بالمحبه تدومي

تبقى المشاعر والهقاوي مراسيل
عاى النقا دايم وقو العزومي

.....

الحمدان
01-27-2025, 02:41 PM
‏الله عطاها شيّ نادر وجذّاب
‏على كثر ماهي بسيطة جميلة

‏تشبه غزالٍ جفّله حس وإرتاب
‏أو وردةٍ مستورةٍ في خميلة

.....

الحمدان
01-27-2025, 02:42 PM
‏من ذاق لذة طاعة الله وتقواه
‏ ما عكّرت سود الليالي حياته

بقلمي

الحمدان
01-27-2025, 02:45 PM
‏اثبت وجودي واحترم كل مخلوق
‏وللطيب بوجيه النشاما علامه

‏اعاشر الطيّب على الطيب مطبوق
‏وأشوم عن غيره بعز وكرامه

.....

الحمدان
01-27-2025, 02:46 PM
‏أنا من الناس يا سهلي ويا صعبي
‏بحرٍٍ تشوفه ولا تقدر على عومه

.....

الحمدان
01-27-2025, 02:46 PM
‏لا شفت برق الحسد بعيون حسّادي
‏تقوى عزومي وعين الحاسد أعميها

.....

الحمدان
01-27-2025, 02:47 PM
سلامي على وجه الرضا و الجناب الزين
‏وسلامي على اللي لا عطى العهد وفا به

.....

الحمدان
01-27-2025, 02:48 PM
سلام على اللي فزّ لاشافني مشتاق
‏عيونه على زود الغلا باحت أسراره

‏أحبه وأحب اللي يحبه من الأعماق
‏تربّع بقلبي لو هي بعيدةٍ دياره

.....

الحمدان
01-27-2025, 02:50 PM
مثل مايحتاج الأنسان للماء فالحياه
‏الدروب اللي تودي عليه احتاجها

.....

الحمدان
01-27-2025, 02:51 PM
‏سألت عنك الشوق والذوق والحب
وناديت لك في كل وقت ودقيقه

يمرني طيفك وانادي له ارحب
وانا ادري إنه طيف ماهو حقيقه

.....

الحمدان
01-27-2025, 02:52 PM
الهوى مثل الوطن والقبيلة والنصيب
‏حاجةٍ تختار الإنسان ما يختارها

.....

الحمدان
01-27-2025, 02:53 PM
لا تضيق من الحياة ولا تكدر
‏دام تملك شيء غيرك فاقدينه

‏والله ان العافيه ماتنتقدر
‏والله انها ياعرب حاجه ثمينه

.....

الحمدان
01-27-2025, 02:55 PM
الي يبينا عمرنا مانخليه
‏ولا نبيه الي بعد مايبينا

‏مافيه داعي تسأل شْفيه مافيه
‏هذي طبايعنا ولاهي بيدينا

‏الي عطانا شي لابد نعطيه
‏اصلاً علينا حق لو ماعطينا

‏ليه الزعل والأسئله والمشاريه
‏ياربعنا بالله حنا خطينا

....

الحمدان
01-27-2025, 02:56 PM
الظالمين الله اكبر عليهم
اخطر فئة من ربنا مايخافون

صليت في مسجد ابي ادعي عليهم
لقيتهم في الصف الاول يصلون

.....

الحمدان
01-27-2025, 02:58 PM
‏ياجعل سمعتنا مثل كسرة العود
‏لا صابها حرّ الجمر تظهر الطيب

....

الحمدان
01-27-2025, 03:00 PM
يارفيق الذات من باب الحديث الودّي
‏صاحبك همه يموت ولا تخيب ظنه

‏والله إنه من غلاك وكبر قدرك ودّي
‏انتخاوى فالحياة ونلتقي فالجنة

.....

الحمدان
01-27-2025, 03:02 PM
اﻟعيون اللي تشوف حروف شوقي
‏بشروها اﻟيوم عن قلبي وشوقه

‏ماتخيّرته على ڪيفي وذوقي
‏وماتخيرني على ڪيفه وذوقه

‏النّصيب اقوى وحڪم الله فوقي
‏واﻟوله واﻟشوق من فوقي وفوقه

.....

الحمدان
01-27-2025, 03:04 PM
‏عدّاني العيب والتقصير وشرهات الافا واللوم
‏واذا طيبي غلط عمري ألا يازين غلطاتي

‏عدّاني الكذب والتسويف وكلمة حقها مهضوم
‏ وانا ماني ضعيفة باس تحكمني قراراتي

‏عزيزة نفس ما أرضى شموخي ينهزم في يوم
‏وسيعة بال وافعالي توردها قناعاتي

.....

الحمدان
01-27-2025, 03:04 PM
حذرى تنام وفيك ضيقه على الناس
سامح وغض الطرررف لاتصير عله

ولاتصير مع كل المخاليق حساس
من جاكك رحبه ومن ررراح خله

.....

الحمدان
01-27-2025, 03:05 PM
‏ما اتصيد للخطايا مثل بعض الضعوف
‏دام لي نفسٍ عزيزه ولي وجهٍ وجاه

‏ادمح الزله لا جتني واخليها تطوف
‏لين ينفذ كل صبري وياصل منتهاه

‏الكفو لا شمت عنّه ملكته بمعروف
‏والردي لا شمت عنّه تزايد في عماه

الحمدان
01-27-2025, 03:08 PM
‏انت الصباح واشعة الشمس والنور
‏وانت الحياه وريحة الورد لافاح

‏وانت الذي تجعل حياتي لها دور
‏يسعد صباحك يا غلا كل الاصباح

.....

الحمدان
01-27-2025, 03:09 PM
متقلب الود لا تقبل معاذيره
‏خله يذوق الجفى والويل والحرّه

‏من يضمن تسامح ذنوبه وتقصيره
‏يقدر يعيد الخطاء نفسه مية مرّه

.....

الحمدان
01-27-2025, 03:12 PM
استغل الحب واعطاني قفاه
وصرت تايه بين اه وبين وايه

اي تركني وراح خلاني وراه
والكرامه شي تمنعني اجيه

حتى لو انه من الناس الغلاه
الخطا بين وانا ماني سفيه

يسقي بذور الخيانه والغياه
والنتيجه يكسر الشوك بيديه

كنت درعه من غثاء الدنيا وعصاه
كنت عنده شخص مالي اي شبيه

حبه اقسى درس بدروس الحياه
والله اني فرصه وراحت عليه

.....

الحمدان
01-27-2025, 03:14 PM
ياصاحبي ماعاد بالخاطر احلام
لا الروح مرتاحه ولا القلب هادي

من كثر ماجارت بنا ظروف الايام
صرنا نرى صدماتنا شي عادي

.....

الحمدان
01-27-2025, 03:16 PM
ما عاد لي بمطارد الصَيد حاجه
‏إلا غزالٍ صادني قبل أصيده

ريمٍ لبس في عالم الزين تاجه
‏عزّاه داري عن دياره بعيده

.....

الحمدان
01-27-2025, 03:18 PM
شفت المطر ومعانق الغيم للغيم
‏وكيف البشر في روعة الجو هامت

‏يشبه حضورك يا فريد التراسيم
‏داخل عيوني الي عن الغير صامت

.....

الحمدان
01-27-2025, 03:22 PM
‏من يوم خيبو بعض الناس ظني
زادت طموحاتي ثقه ما تلاشت

خسرت بعض الناس يمكن لاني
أخلاقي مع رغباتھم ما تماشت

.....

الحمدان
01-27-2025, 06:57 PM
سبحان من سوى جمالك وحلاك
انا اشهد ان الله كريم بجمالك

اجزل عليك من الترف لين خلاك
الفارقه في كل مره لحالك

.....

الحمدان
01-27-2025, 07:14 PM
متعلقٍ لي في رجاء يشبه الياس
‏في مثل خيط العنكبوت امتعلق

.....

الحمدان
01-27-2025, 07:21 PM
على سكة التيه وعلى مفرق الخذلان
‏وقفت اتأمل ماحصل بينك وبيني

‏احاول على الصده واحاول على النسيان
‏وعلى فطم قلبي عنك ماعاد يمديني

‏تكاثرت وصلي وانت من جيتني ولهان
‏وعطيتك من سنين الحياه اجمل سنيني

‏انا ماقدر اصبر واتحمل قدر الامكان
‏وانا كل يوم اشوفك تطيح من عيني

.....

الحمدان
01-27-2025, 07:23 PM
كم لي وأنا منك لاداسم ولا ظافر
‏ياويل قلبي عليك ومنْك ياويله

‏جيتك من أقصى الدروب وبكره مسافر
‏على مواويل يادنيا من أنتي له

‏عطني من الوصل لو بروس الأظافر
‏إن شفتك اليوم ولاّ شفتك الليله

.....

الحمدان
01-27-2025, 07:24 PM
‏وإنّ تطرّقت القصايد ولا وفّت غلاك
‏يكرم البيت المسكّت من البيت الركيك

‏أنت لو تطلب ما ضمّت ضلوعي قلت جاك
‏اسهج الضلع الموالي واخذ ممّا يليك

.....

الحمدان
01-27-2025, 07:26 PM
‏"انهزم وأقول خيرة وانتصر وأقول خيرة
‏مدري الخيرة هي بهزيمتي والا انتصاري

‏في رجا الله لو يموت الحلم رحت وعشت غيره
‏اختيار الله سبحانه أخير من اختياري

.....

الحمدان
01-27-2025, 07:27 PM
اكثر قلوب الاوادم رهينة مغريات
‏الحظيظ اللي لا قفى ترك فيها وسم

‏يابعد من راحت سنين لكن يوم جات
‏جات ما معها غنيمه ولا معها قسم

.....

الحمدان
01-27-2025, 07:29 PM
انا قلبي يوم اشوفك يجي فيه ارعشه
‏حب مدري شوق مدري غلا مدري شفاه

‏انت مثل الغيث لامر له دار انعشه
‏صح من قال اقرب الحي ويزيدك حياه

.....

الحمدان
01-27-2025, 07:31 PM
‏بين حلو الشعور وبين عزف الاغاني
‏يمكن القاك فرصة بالعمر وغتمنها*

‏مثل ماجيت خلك ياحبيبي وزاني
‏او تروح انت واحلامي بعدك اهدمها

‏انت مانته حبيبي انت انسان ثاني
‏ياعسى ماهو انت الي ضنوني هزمها

.....

الحمدان
01-27-2025, 08:03 PM
كبدي اللي من الايام فيها وفيها
كنها حدر جمر وكنها فوق مله

البشر ماهي بتنباع لجل اشتريها
وانا ماعفت احد من رخص ولا ممْله

عزة النفس تمنع من تربى عليها
وانا قلبي ماقلت اخذه ولا قلت خله

الحقيقه بتسمعها ولو ماتبيها
انتهى كل شي وربي وربك الله

.....

الحمدان
01-27-2025, 08:07 PM
‏وش تبين من المطر والغيم ياضحكات خلي
‏من يشوفك شاف نوض البرق في عرض المخيله

‏زابن الصوت الرقيق وزابن الوجه المهلي
‏ماتسيّل وادي مانيب في حاجة مسيله

‏وامسك ايدي لين اجي كلي معك واروح كلي
‏اعتبرني تايه خلاك في الدرب الدليله

.....

الحمدان
01-27-2025, 08:10 PM
‏تعيدك ذكريات العام الأول يا الطريق العام
‏وأمرك ويتطرّق هاجسي لاخر طواريقي

‏قصيدة عذر مطلعها كبر وختامها أستسلام
‏معلّق وسطها احبك وقطعة من معاليقي

‏أشوفك من بعيد وتمتلي كل الدروب ألغام
‏واسوق الرجل صوبك ما تعبت ولا نشف ريقي

.....

الحمدان
01-27-2025, 08:12 PM
‏استريني ياعيوني من عيون العباد
لايبين فيك همي وحزني وزعلي

بيني لناس فرحتك لو الهم زاد
خالفي قلبي ومافيه ماكنه بلي

.....

الحمدان
01-27-2025, 08:15 PM
‏يعجبني الصمت والقليل من الكلام
يكفي رؤوس أقلام للعالم الواعيه

يعني تفاصيل المعزه تحيه واحترام
شيمه وقيمه مثل الورود الزاهيه

.....

الحمدان
01-27-2025, 08:17 PM
يا ليتني أحكي مثل أكثر الناس
‏حتى الكلام إللي بصدري أقوله

‏لكن رقيب الذات للحرف مقياس
‏ماكل كلمة تنحكى بسهوله

.....

الحمدان
01-27-2025, 08:19 PM
ليه في درب الهوى يا أغلا الحبايب صرت جاير
‏وليه لاوثقت لك حبل الوصل دايم تحلّه

‏والله اني ما أتبع المقفي ولو بعده خساير
‏ولا اتبعت رجلي خطا المقفي ولا دربه تدلّه

‏أثر صدق أهل المحبه فالهوى عمي البصاير
‏أمحق الله سعيهم ماهم على مذهب وملّه

......

الحمدان
01-27-2025, 08:22 PM
‏إذا جاد السكوت ولا لقيت إلا القصيد أفواه
‏ابكتب لين ما أوراق الدموع تْصير مبتلّة

‏ماعدت المستريح اللي طرب ناسه بحلو أحكاه
‏بديت أشعر بأن قلبي بقايا أرض محتلة

‏أشوف إن الطموح اللي تمنيته ماعدت أهواه
‏كرهته وأجمل أشيائي عليها الدمع منهلّه

.....

الحمدان
01-27-2025, 08:25 PM
‏لامتى وأنا أعشقك في حدود الأحترام
‏المحبّه مالها إلا البساط الأحمدي

‏لهفة العاشق تجيبه بنزعات إنتقام
‏إعذريني كل ماجيت جيّة معتدي

‏ما إنتظرت إلّا لياليك يابدر التمام
‏لو تغنّج لي ليالي الثرياء والجدي

.....

الحمدان
01-27-2025, 08:28 PM
‏ياعظيمة وأنتِ الأشياء الجديدة والقديمة
‏وأنتِ اللي لو تصد الأرض ماصدَيت عنها

‏وأنتِ أشجع الإنتصارات وملذات الهزيمة
‏وأنتِ اللي وين ما لقِيت قلبي قال عَنها

‏وأنتِ أعجوبة زمان الشاعر اللي هَلّ ديمة
‏وأرتوت جدب القصايد لين صح الله بدنها

.....

الحمدان
01-27-2025, 08:48 PM
‏أنا مشتاق أسولف لك واعيد الماضي اللي راح
‏مادام الحاضر اللي فيه حنّا ما اهتنينا به

‏حبيبي كل هالدنيا تعب ما احدٍ بها مرتاح
‏سوى المشتاق مثلي راحته في شوفة أحبابه

‏يموت الليل في وجه الصباح ويضحك الذباح
‏وانا في صبح وجهك تضحك عيوني وتحيا به

.....

الحمدان
01-27-2025, 08:48 PM
يموت الليل في وجه الصباح ويضحك الذبّاح
‏وأنا في صبح وجهك تضحك عيوني وتحيا به

.....

الحمدان
01-27-2025, 08:49 PM
‏مشتاق لك يانور عيني من الناس
‏شوق كثر ماقلت ماينوصف لك

‏انت الغلا وانت الهوى وانت الانفاس
‏بوح المشاعر كلها تنجرف لك

.....

الحمدان
01-27-2025, 08:52 PM
ياكثر ماتطري علينا الطواري
باحلامنا وقلوبنا بكل الاوقات

نجامل العالم غصب ونجاري
واعصابنا بكل ديرة لها اشتات

وكلام يوصلنا من الصدق عاري
لكن عسفنا نفوسنا للمسرات

.....

الحمدان
01-27-2025, 08:56 PM
الاصيله لا تفكر في زعلها
تحفظك لاغبت وتشيل الثقال

مهرتن ما تلتفت للي سالها
بنت شيخ تتعب عيون الرجال

.....

الحمدان
01-27-2025, 08:57 PM
بنت الشيوخ الي تشرف عربها
مهره اصيله راسها دوم مرفوع

هي الاصيله من عرفها حسبها
تخضع جزيلات القصايد لها طوع

.....

الحمدان
01-27-2025, 09:06 PM
ان جيتني بالطيب جيتك بالطيب
وان جيتني بالشين جيتك بالزين

طبعي نِقي ماجازي العيب بالعيب
وقلبي وفي ومانبض يوم بالشين

.....

الحمدان
01-27-2025, 09:07 PM
ياهداية قلب كنت أخشى ضياعه
‏جيتني مثل السعة من بعد ضيقه

‏ماقدرت أكبح شعوري واندفاعه
‏خاطري مُرهف وأحاسيسي رقيقه

‏عاشقك ماله على الصبر استطاعه
‏كل ماجا يلثم الورد ورحيقه

‏ان قدر يصبر لجل لقياك ساعه
‏ماقدر يصبر على بُعدك دقيقه

....

الحمدان
01-27-2025, 09:11 PM
‏يامساء الخير يا أحلى مساء
يامساء البرد وأنغام الشتاء

يامساء الورد وأنفاس المساء
يامساء الشهد من دون إكتفاء

يا مساء الحب نبدء هالمساء
مع رحيق الورد غنوا يامساء

.....

الحمدان
01-27-2025, 09:13 PM
صوتك مخارج حروفك ضحكك إسلوبك*
ما أشوفها تسليه أشوفها سلوه

سوالفك كنها في سمع محبوبك
ابيات حلوه وصارت أغنيه حلوه

.....

الحمدان
01-27-2025, 09:16 PM
يستريح الليل في عتمة جديلك ويتهنى
‏وإن تمرد ماخذا إلا من بياض العنق شامه

‏قلت أهز الجذع مره مادريت انه تثنى
‏لين طاحت من عناقيدك مواعيد وغمامه

‏جيت منا والجروح المستديمه جات منا
‏عارف ان الخوف مابعده تياسير وسلامه

.....

الحمدان
01-27-2025, 09:18 PM
وش عاد يرضيك ياللي ماكفاك الدلال
‏شرّعت لرضاك كل ابوابي المؤصده

‏ذابت بقايا فؤادي فوق جمرة تعال
‏ماتدري ان الحنين يفتت الأفئده

.....

الحمدان
01-27-2025, 09:21 PM
‏لاضاقـت بعينك قل الحمد لله
‏حمدٍ يليق بكبر فضله وجوده

‏الحمد للي ماتعدد عطاياه
‏والشكر للي من شكر له يزوده

.....

الحمدان
01-27-2025, 09:23 PM
‏إن طالت الدنيا وجيناك زوار
إحفظ عهود الود ياكامل الزين

وإن حالت الأيام دونك والأقدار
من عادة الدنيا فراق المحبين

.....

الحمدان
01-27-2025, 09:28 PM
ولا لي بالبشر غاية ولا لي بالثرى أوتاد
خفوقي حر وأتبع مايعز النفس وأرضيها

ولا مني عشقت أعشق شبيهي لو هواه جهاد
وأعاف اللي تذلل بالمحبة من بلاويها

.....

الحمدان
01-27-2025, 09:29 PM
‏ماحنّا على ضيقتك يالاجودي دارين
‏لاصارت بدون اسباب عساك ماترضى

‏ترانا يادوب نجامل العالم الصاحين
‏تبينا بعد انجامل العالم المرضى

.....

الحمدان
01-27-2025, 09:30 PM
خذني معك وانا على السد مامون
واعطيك من فلذات قلبي رتاعه

وارفق بقلبي ياحبيبي على الهون
وحيٍ يودك ياريش العين راعه

.....

الحمدان
01-27-2025, 09:44 PM
‏دايم على الخاطر تجي مثل الامطار
كنك تعرف اني من الشوق ظامي

انا فرشت القلب لك ورد وأزهار
وأنت بغلاتك أخذت كل أهتمامي

.....

الحمدان
01-27-2025, 09:45 PM
عسى الله يجملني مع طيبين الفال
وعسى سمعتي بالخير يارب مذكوره

.....

الحمدان
01-27-2025, 09:47 PM
‏والله أنّ أموت ما جاك من عندي بوار
‏خل في قلبك ثقة والثقة كنز الضمير

‏خذ كلام اللي يشوفك بعين الاعتبار
‏واحدٍ مـا لك بقلبه ولا عقله خشير

‏والمحبة مدرسة شي ثبوت وشي فرار
‏وأنت درسي مع هل الحب الأول والأخير

.....

الحمدان
01-27-2025, 09:49 PM
ماكل زولاََ يشبه الروح وأغليه
بعض البشر تبداه بكلمة كفايه

نسقي ورود الحب والشوق نعطيه
للغالي اللي مانبي له نهايه

يسكن حنايا الروح ولو غاب نبكيه
لانه عديل الروح وللنفس غايه

.....

الحمدان
01-27-2025, 09:51 PM
ياطير شيل الود وإحساسي الذوق
‏وصّل عديل الروح حرفي وقله

‏يسعد مساءه كثر مابي من الشوق
‏ياللي غلاك أكبر من الكون كله

.....

الحمدان
01-27-2025, 09:52 PM
توددت لك وأنت المدى واخر الأحباب
‏ياوجهٍ إلى من طلّ يستدرِك جروحي

‏أحبك من الماضي واحاوِلك بدون إسهاب
‏إذا صبك الماء شفت في ضحكتك دوحي

‏وتمرّ الليالي والمشاريه والأصحاب
‏وعسى طلَّتك ماتسرق النوّر من روحي

‏أنا اعرفك لو أفتح لجيتك مية باب
‏تبي تأخذ أحبابك وتتركني بروحي

.....

الحمدان
01-27-2025, 09:53 PM
‏بلاش من الزعل ومن الجفا ومن الشعور الشاك
‏مادام أن المشاعر واضحه فعيون راعيها

‏تقول أنك معي وأقول ياجعل الغياب فداك
‏أجل غيبتك عني هالليالي وش تسميها

.....

الحمدان
01-27-2025, 09:54 PM
‏جمع ربي سكينة خافقي في وجهك المزيون
‏ ياوجهٍ كل ما أشوفه يمدّ الله في عمري

.....

الحمدان
01-27-2025, 09:55 PM
عن البال ماراحت طواريك لجل تعود
‏مثل كل ليلة طيش مرَّت على تايب

‏طبيعي بأن الناس تستشعر الموجود
‏وأنا أستشعرك موجود وأستشعرك غايب

.....

الحمدان
01-27-2025, 09:59 PM
رجيتك وصال وشاب راسي وأنا راجيك
‏تراك السبب في حزن كبدي وغربالي
‏ㅤ
‏علام الظنون الطيبه يوم خابت فيك
‏تحد المدامع لأشهب اللال والصالي
‏ㅤ
‏ترا قلبي العابر قبل خيبته شاريك
‏طواه الحزن واقفى مع هجعة السالي

.....

الحمدان
01-27-2025, 10:01 PM
توقّد في ترايبك الذهب واشعل لهيب الشوق
‏يضاهيك الذهب لكن وصوفك من يضاهيها

‏حبيبي كانت أحبك كلام وتسليّة مخنوق
‏أحبك ذيك ماهي مثل هذي هذي أعنيها

‏تدلّل للدلال اللي مثل هذا علّي حقوق
‏من اللي تزعل عيونك عليه وما يراضيها

.....

الحمدان
01-27-2025, 10:03 PM
‏مراتعها السحاب وما يشابه رقّته واللون
‏لها في الأرض جرّه غير جرة آدم وحوّا

‏وكاد إن الحظيظ اللي تحبه ماهو بمغبون
‏أبعرف يوم حبّت آدمي وشلون وش سوّا

.....

الحمدان
01-27-2025, 10:04 PM
أنا ماعطيتك شي عادي عطيتك قلب
‏بعد مادعيت إن الله يجيبك وجابك

‏على إعجابك تقوم المحبّة وينبت حُب
‏ياسبحان من علّق شعوري ورا إعجابك

‏ماجات المحبّة لين شفتك علاج وطب
‏لي أيام وأنا أتابعك وأدخل حسابك

.....

الحمدان
01-27-2025, 10:10 PM
‏أجاهد غيابه والطواري وضيق البال
‏وأردد عسى مايكره خاطري خيره

‏ولـكن غلاه بكل حالٍ من الاحوال
‏عذاب الخفوق الصعب وأجمل مقاديره

‏عليه السلام وخالص الود والاجلال
‏وعلي الهيام أخفيه ويلوح تأثيره

.....

الحمدان
01-27-2025, 10:15 PM
ردّ لي كل السنين الأوّله او رد جوفي
‏طالبك لاتترك أيّامي تشردها القطيعه

‏إن تركت كتاب ضحكاتك على عاتق رفوفي
‏ماقدرت تردّ قلب ٍ جفّف التغرِيب رِيعه

‏أنت نورك يكفي إنه ينسج الضحكه لشوفي
‏والله إنّه أجمل بـواجد من أحداث الطبيعه

.....

الحمدان
01-27-2025, 10:17 PM
ضاقت علي الجهات وحلم عمري كليف
‏واستبسل الضيق لين أوقد بصدري لضى

‏أشعر بغربه من الواقع واحسه مخيف
‏من عقب ماكانت الدنيا بعيني فضى

‏متسربل الخوف بالظلما وعل الرفيف
‏يردني للسعاده مثل رد القضى

‏حصون حلمي تهاوت يالطموح المنيف
‏فالليله اللي نسايمها لهيب الغضى

.....

الحمدان
01-27-2025, 10:19 PM
‏خلوني اوسّع الخاطر بنظم البيوت
واجاوب اللي تنوح وتسجع ابصوتها

فالصدر ضيقة غياب وبعد الاحباب موت
وعيني من اغياب خلّي شايفه موتها

.....

الحمدان
01-27-2025, 10:21 PM
سقت عمري دون وجهك والحزن ولّت سنينه
‏ بين ضحكات الدروب وبين نشوات الهقاوي

‏من عرفتك وأنت محراب الشعور وقبلتينه
‏ يتجّه لك كل حس ويهتدي بك كل غاوي

.....

الحمدان
01-27-2025, 10:22 PM
‏يا أعظم من بقى يلمح بوجهي نوري الوقّاد
‏تعال أسرقني من سُخف الحياة وعالمٍ فاضي

‏على ماتشتهي خذني ولا تشاورني وتنقاد
‏قِدم رجليك لو مهما تودّيني أنا راضي

‏توسّدني وطن لو ماوسع صدرك فضاء وبلاد
‏أنا كل الدروب اللي تخلّت عنك فالماضي

.....

الحمدان
01-27-2025, 10:24 PM
‏ارسم الفرحه على وجهٍ من الآمال خالي
‏والفرح على بساط الحزن حزن بحد ذاته

‏مستحيل ترجّع الدنيا مكانة شخص غالي
‏ساعة إنّه طاح من عيني مثل ساعة وفاته

.....

الحمدان
01-27-2025, 10:29 PM
هلابـك هلا يالنـادر المتـرف الجـذاب
‏ترحـيب قلبـي فيـك من قبـل ترحابـي

‏غلبت الهـوى فتره لكـن الهـوى غـلاب
‏تمـادى ووقـف في طريقـي وأنـا مابـي

‏دخلت فـ حياتي عرض من أوسع الأبواب
‏وأنـا للـحبـايـب مـانـي مـشـرع أبـوابـي

‏عيونك قصيد وبسمتـك تخطف الألباب
‏وكلامك جميل وحكمتك حكمة اعرابـي

.....

الحمدان
01-27-2025, 10:29 PM
‏أستحيت من المشاريه ومعاتب جفاك
‏وأقتنعت إن الغلا مايجي عرض وطلب

‏قلت أصدّ بكل حبي وتعظيمة غلاك
‏قبل أصدّ بقلب عايف وحالٍ منقلب

.....

الحمدان
01-27-2025, 10:34 PM
بعض البشر أجمل من الشعر والبوح
واجمل من ألوان الرسم والمعاني

وبعض البشر ترد في نبضك الروح
من تبتسم لك يبتدى عمر ثاني

.....

الحمدان
01-27-2025, 10:38 PM
‏الغلا اللي كنت أخاف إنّه يعدّي عدّى
‏أسرع من الليله اللي مستحيل أنساها

‏كل ما حبّيت لي هامش يصير مبدّى
‏فالعيون اللي تراب الأرض ما يملاها

.....

الحمدان
01-27-2025, 10:47 PM
‏يقول لا من غبت بتحبّ غيري
‏قلت الغلا حاجه تجي دون سبه

‏بس الكلام اللي يدور بـ ضميري
‏هو فيه احد مثلك على عشان احبه

.....

الحمدان
01-27-2025, 10:48 PM
‏عليك من الضيا والنور ليلٍ يحتري ملفاك
‏وروحٍ عانقت حضن الرجا في بردها العاتي

‏ذرى عن كل مايوحش مكانٍ خاطره لقياك
‏سرى عن كل همٍ مايضيم الا مع سباتي

‏ورى ذيك النجوم الحايرة من مبسم محيّاك
‏عذوب المنطق اللي لاحكى يخطفني من ذاتي

.....

الحمدان
01-28-2025, 01:11 PM
يَاصاحبي لا تحاول تنبش جروحك
كم شخص قبلك بكى لين انجرح جفنه

لا شفت صدرك يضيق ويختنق بوحك
احيانًا يكون اكرام الحزن دفنه

.....

الحمدان
01-28-2025, 01:14 PM
‏تملكني الطيبه ويملكني الذوق
‏ويملكني الي صادق في كلامه

‏ياحظ منهو يحترم كل مخلوق
‏بشوش متواضع رفيع مقامه

.....

الحمدان
01-28-2025, 01:17 PM
إن جيت يامرحبا وإن رحت عذرك معاك
ماهُم يقولون مَن حبّك يبي يعذرك

كنت أنثر أعذب شعور وكنت أجمّع هلاك
كنت أدمح أكبر خطاك وكنت ما أصغرك

وفي المواقف يبيّن طيبتك من رداك
أنا تمسّكت وأنت الي عطيت ظْهرك

.....

الحمدان
01-28-2025, 01:21 PM
‏طبيعتي تاخذ من العز هيبه
ومبداي في درب الحياه التسامح

هذا عطى ربي وانا مرتضي به
وطبعي مخليني رزين المَلامح

.....

الحمدان
01-28-2025, 01:22 PM
‏يعجبني الصمت والقليل من الكلام
يكفي رؤوس أقلام للعالم الواعيه

يعني تفاصيل المعزه تحيه واحترام
شيمه وقيمه مثل الورود الزاهيه

.....

الحمدان
01-28-2025, 01:23 PM
‏ابَشّـرك ماعادني مـثـل مـاكـنــت
من بعد جرحك اكتسبت المناعة

انـا عطيتك صادق الـود بس انت
سـعـيـت فـيـمـا بـيـنـنا بالقطاعة

واليوم جعلك للهناء وين ماكنـت
وانا اتخذت اقـسـى قرار بـقـناعة

.....

الحمدان
01-28-2025, 01:24 PM
‏خلك مع اللي لا درى بضيقتك ضاق
وابعد عن اللي لا درى بضيقتك صد

.....

الحمدان
01-28-2025, 01:28 PM
‏احدن تمنى شوفته في السنه يوم
واحدن طوال العام ودكك تشوفه

واحدن يغيب ويحرم عيونك النوم
واحدن يغيب ولا تهمكك ظروفه

.....

الحمدان
01-28-2025, 01:30 PM
‏في كل ساعة من الأيام تجمعنا
‏ودي أقول لك كلمة بيني وبينك

تعال قرب لا أحد يفطن ويسمعنا
‏يازين الأيام في قربك ويازينك

.....

الحمدان
01-28-2025, 01:31 PM
‏انت وصلك روح وغيابك ممات
‏شوف صدك من ضلوعي وش سلب

‏ما ابي من بعد زولك مغريات
‏شوفتك عقب البطا عز الطلب

.....

الحمدان
01-28-2025, 02:10 PM
‏الوقت لو غير مفاهيم وطبوع
‏أبقى الذي ماغير الوقت طبعه

‏يوم الليالي جفوة أحباب وربوع
‏مابار بأحبابه ولا خان ربعه

‏ياللي تشوف العمر تابع ومتبوع
‏أنا أشوف العمر موقف وسمعه

.....

الحمدان
01-28-2025, 02:43 PM
تطري مع الںسجه هواجيس وعلوم
‏وانا مـن الـهـاجـوس مـاني بـخالي

‏يَاسـجـة الـبـارح وياسـجـة الـيـوم
مـدري مـتى يـرتـاح قـلـبي وبـالي

.....

الحمدان
01-28-2025, 03:19 PM
اعرف وجهك طلق كاسيه البياض
لو فيه من سود الليالي مرها

والله يـ لولا شوفتك وسط الرياض
علي الحرام اني ما عاد امرها

.....

الحمدان
01-28-2025, 03:44 PM
أنا اللي ماحقد قلبه على فكره
مشيت وواثق الخطوة على دربي

أنا لي قلب إذا ماحب مايكره
كذا طبعي وهذا من فضل ربي

.....

الحمدان
01-28-2025, 03:45 PM
العام عن زلت المخطين متغاضي
واكسب رضا الناس باسلوبي واجاملها

واليوم مانعرف الزعلان والراضي
واضعوف الافكار مدري ويش مزعلها

.....

الحمدان
01-28-2025, 03:47 PM
اشـوف لك من وين مارحت ذكرى
ولاشفتهـــــا صديت عنهـا ودنقـت

ماكـــــــل جـرحٍ لاخـذا أيـام يبـرى
بعض الجروح يزيد شره مع الوقت

.....

الحمدان
01-28-2025, 03:49 PM
لو كان للماضي وجع باكر افراح
ولو للحبايب ذاكره ما نسوني

رشيت من عطر التغاضي ولا فاح
الا بعد ما اقفوا ولا ودعوني

....

الحمدان
01-28-2025, 03:51 PM
يا قوقل إبحث بالاقمار الصناعيّة
‏عن دولة ٍ من بلاد الناس مغليها

‏عطني من الجو عاصمة السعوديّه
‏قلبي يحبّ الرياض ومن سكن فيها

‏‌سداح العتيبي⁩

الحمدان
01-28-2025, 04:03 PM
مشاعري ماجـت عبث فيك يا بنت
ولاهـو مجــرد هـــرج قاله لساني

يشهد عليــا الله فينـــــي تمكنت
وحبـك وعشقك يا الغلا في كياني

خذمن قصيدي كل مافيك دونت
وخذ من شعـوري كل مافي بياني

خطيتها لك كـل ابوهـــا واعلنت
انك حبيب الروح طـــول الزماني

.....

الحمدان
01-28-2025, 04:04 PM
يالله برزقٍ على غفله من الحسّاد
مدة كريمٍ تجود الناس من جوده

رزقٍ يجي دون تخطيطٍ ولاميعاد
دعوة مصلي دعاها لحظة سجوده

.....

الحمدان
01-28-2025, 04:06 PM
خذني غلا خذني وفا خذني إحساس
خذني دوا جرحك وبسمة شفاتك

وبأخذك إنسان يكفي عن الناس
بإحساسك وقلبك وباقي صفاتك

.....

الحمدان
01-28-2025, 04:10 PM
ياطول ما وسدت راسي كتاده
‏من خوفتي يعتاد لين الوسايد

راشد الخلاوي

الحمدان
01-28-2025, 04:14 PM
الناس بالدنيـا تواريخ وأرقـام
أحباب وأصحاب ومعارف وخلان

وإنت بقلبي جامع الأربع أقسام
وقدرك بقلبي دايم الدوم ما هـان

.....

الحمدان
01-28-2025, 04:18 PM
دخيل انا وجهك الي يشبه اسلوبك
وعيونك السود ولا الوجنه الحمرا

إليا مشيتي مشت كل العرب صوبك
الضاهر ان العرب تمشي على القمرا

الحب والعشق يُبنا من على طوبك
والزين يمشى على امرك ماهو بأمرا

من يوم ماقلتي اني صرت محبوبك
وانا كرهت العذارى بيضه وسمرا


.....

الحمدان
01-28-2025, 04:20 PM
كـلك حـلا يـاقـمة الفـن والــذوق
ومنـك المعـاني تاخـذ الوصف كلّـه

فيـك القـوافـي يرتـفع شانها فـوق
بـيـن النـجــوم الســاطعـه والاهـلّـه


.....

الحمدان
01-28-2025, 05:03 PM
‏مآ يغير ضحكتي حكم المزآج
‏ولا يغيـر نظرتي أعمى بصــر

‏لا تقــول إن الزمن كله عجآج
‏العجآج يموت في ساعة مطر

.....

الحمدان
01-28-2025, 05:31 PM
لا يصير فعلك مع ربعك بقايا عطر
‏لا هو مجمل ولا هو باقين بالثياب

النفع لاصار ما يقبل سوات المطر
‏الكذب ما جمع الغيمة وسوى سحاب

‏مرات ينهي معاناتك مجرد شطر
‏لا خابت الهقوة اللي ما وراها عتاب

‏ الناس عاشت على خبزة وقصف وخطر
‏ أرزاقها مقسمة من الولي بلا حساب

.....

الحمدان
01-28-2025, 06:16 PM
‏ما يطولوني صغار الهقاوي والظنون
‏عالمٍ ماهي بحولي ولا أنا بحولها

.....

الحمدان
01-28-2025, 06:19 PM
ابلشونا ياهل العرف سودان القلوب
يحسبون صدورنا كل شيٍ تقبله

....

الحمدان
01-28-2025, 06:20 PM
ياصاحب العرف لا تسال عن الماضي
خلك بحاضرك واعط الناس واجبها

لاتستمع في كلام العالم الفاضي
اضبط علاقتك مع ربك وجملها

صالح التون

الحمدان
01-28-2025, 06:21 PM
ياصاحبي ودنا نروح للقاضي
عنده يبين الكفو ويبين مخربها

حنا تعرف الوجيه ونعرف الماضي
من لاخذاها براسه خذ برجليها

الحمدان

الحمدان
01-30-2025, 03:33 PM
يطري علي زولك ويذبحني الشوق
‏ويزيد شوقي لك ويزداد حبك

.....

الحمدان
01-30-2025, 04:18 PM
لاضاقت النفس ومالقيت من يواسيك
صل على النبي واذكر الله وبتنجلي

اصحاب التيه لاصارو بكثره حواليك
تضيع حتى لو انك تذكر الله وتصلي

.....

الحمدان
01-30-2025, 04:19 PM
بعض العرب وصله ينسيك دنياك
‏ويسج بك عن كل هماً تشيله

.....

الحمدان
01-30-2025, 04:20 PM
لك فالغلا قمه ولك فالحشى بيت
مايسكنه غيرك ولو كان غالي

انت الوحيد الي بحبه تماديت
وغيرك بوسط القلب ماله مجالي

.....

الحمدان
01-30-2025, 04:40 PM
لو تلوي الدنيا سواعدنا لوي
ما تدخل السكين بين جنوبنا

.....

الحمدان
01-30-2025, 07:21 PM
‏عاتبيني لين أحس إني من الأعذار عاري
‏ولين أحس الصمت يغلبني وأنا أعذاري سمينه

‏وإجرحيني دام أنا راضي وجرحك بإختياري
‏الجروح أحيان ينبت في طرفها ياسمينه

‏ولا ضوت ذكراك قالوا وين رايح قلت ساري
‏ليله منتي بقمرها ما تغشاها السكينه

.....

الحمدان
01-30-2025, 07:22 PM
لقيته في متاهات السنين وطحت بين يديه
‏مطيح اللي بعين اطيب عياله شاف حقرانه

محمد العذبه

الحمدان
01-30-2025, 08:05 PM
‏معك ياحلو الشعور ومعك ياحلو السوالف
‏لاضحكت بسبّة ولامن ضحكت بدون سبة

‏أنت يوم الأرض مليانة سواليف ومواقف
‏دلّك الله الكلام اللي أفكّر به وأحبّه

.....

الحمدان
01-30-2025, 08:06 PM
‏والله ما أمل مشاهد عيونك وانا طبعي ملول
‏لعيونك اخذ مـن طواريق القصيد عيونها

‏حنا بدينا القصه اللي ماتصدقها العقول
‏وانتي غديتي عامريتها وانا مجنونها

‏انا طريح النظره اللي في نهايتها خمول
‏تمكنت بين الضلوع ودكت اللي دونها

.....

الحمدان
01-30-2025, 08:12 PM
جيت صوبك لاشعورياً وأنا يوم أتعنى
ما أتعنى غير للي جعل تِفداه المسافه

امنياتي كلها وجهك وأنا كيف اتمنى
غير وجهك وأنت وجهك من يشوفه مايعافه

.....

الحمدان
01-30-2025, 08:14 PM
سكنتك بقلبي ولاحد حواليك
وحطيت لك بوسط قلبي مكانه

مغليك من بد المخاليق مغليك
واصون حبك مثل صون الامانه

.....

الحمدان
01-30-2025, 08:15 PM
انت الشعور الصادق وغيرك سراب
وانت المقرّ الثابت وغيرك ممر

غلاك بضلوعي تربّع لين ذاب
يفوح مثل العود من فوق الجمر

يا أغلى البشر وجهك علاج الإكتئاب
ومْواصلك مثل السحاب المنّهمر

حتى ولو قلبي شَعر بالإغتراب
انت الوطن واجمل ملذّات العمر

.....

الحمدان
01-30-2025, 08:16 PM
‏الغايب اللي غاب لابد نلقاه
‏مير البلا من غاب تحت النصايب

‏يالله ترحم كل غاليٍ فقدناه
‏وبرحمتك تنجيه حر اللهايب

الحمدان
01-30-2025, 08:18 PM
‏عليك من الضيا والنور ليلٍ يحتري ملفاك
‏وروحٍ عانقت حضن الرجا في بردها العاتي

‏ذرى عن كل مايوحش مكانٍ خاطره لقياك
‏سرى عن كل همٍ مايضيم الا مع سباتي

‏ورى ذيك النجوم الحايرة من مبسم محيّاك
‏عذوب المنطق اللي لاحكى يخطفني من ذاتي

.....

الحمدان
01-30-2025, 08:22 PM
أعيشك تناقض بين ضحكة وصدرٍ غلق
‏تبسّام وجهي من سواياك وش يعني

‏وش الي يخليني على قُرب مثلك شفق
‏وأنا الي جمعني فيك ماعاد يجمعني

....

الحمدان
01-30-2025, 08:27 PM
انتي بوجهي من الدنيا لايلحقك خوف
‏مصيرها تضحك الدنيا لنا لو تضيق

‏مادامني حي حطيني بوجه الظروف
‏انا الابو والاخو وانا الولد والصديق

.....

الحمدان
01-30-2025, 09:17 PM
سامرت طيفك على ضوٍ تواقد سناه
وثنتين لا جات مع طاريك يازينها

النار ملح الشتا والبرد ملح الحياه
وأنتي حياة القلوب اللي تمرينها

.....

الحمدان
01-30-2025, 09:18 PM
خاطري ماهو بطيب ولامرتاح بال
والعرب معاد لي شفٍ في منطوقها

أتظاهر بالسعاده وأقول الحال عال
والا أنا ضايقٍ والأخلاق طايحٍ سوقها

.....

الحمدان
01-30-2025, 09:24 PM
لولا الحياء وعاداتنا والتقاليد
وسلومنا واطباع جدك وجدي

لاقول احبك واعترف للاجاويد
ولاهمني من عارض اليوم ردي

واجيك انا كلي بليا مواعيد
تمد لي يمناك وامد يدي

وتضحك لنا الدنيا ونرجع مواليد
ننسى زمان كان ضدك وضدي

.....

الحمدان
01-30-2025, 09:29 PM
عملت لك منشور ونشرت هشتاق
خايف یبيت الشوق خارج دیارة

ياساكن أعماق أنا حيل مشتاق
وعقلي من الأشواق خارج إطاره

إحساس قلبي يرتجي ضمة إعناق
ولا غير شوفك من يطفي نياره

.....

الحمدان
01-30-2025, 09:30 PM
‏تعال أحطك في خفوقي وأغطيك
‏وأكتب على الخفاق ممنوع الإزعاج

‏وأسمّعك نبض المحبة يسليك
‏صوت الغرام الّلي له الروح تحتاج

‏وإذاغشاك النوم في جوف غاليك
‏خليت لك قلب الغلا فرش ديباج

.....

الحمدان
01-30-2025, 09:32 PM
لك من عطور الشعر ماينعش الروح
‏ولك من مواجيب الغلا نبض واحساس

‏ولك في خفوقي بيت مازال مفتوح
‏مايسكنه غير انت يانقوة الناس


.....

الحمدان
01-30-2025, 09:33 PM
‏أرضى إذا وقتك سمح لي على طول
‏وان ماسمح في كل الأحوال راضي

‏أصير فاضي كل ماصرت مشغول
‏وتصير شغلي كل ماصرت فاضي

.....

الحمدان
01-30-2025, 09:34 PM
‏يالغلا في طلّتك تضوي سماك
ابتديتك حب والله ما انتهيك

وفي حياتي ماعرفت الا هواك
كل ماغبتِ عن العين احتريك

.....

الحمدان
01-30-2025, 09:35 PM
التغاضي والقناعه والرضى بانواعه
‏لانقص وحده بنفس الادمي كدرها

‏طـع مباديك وروض نفسـك الطماعه
‏وقلل الهقوات فالعالم ولا تحقرها

‏والزمن لازين ظروفك لمدة ساعه
‏عش مع الساعه ليالي كامله تذكرها

.....

الحمدان
01-30-2025, 10:33 PM
‌‏أبيك مثل الورد في الروح مزروع
والروح والاحساس والنفس بيتك

أبيك مثل النور في العين مطبوع
وأنظرك يوم أشتاق شوفك فديتك

أبيك مثل الطير له صوت مسموع
صوتك يداعب مسمعي لو بغيتك

.....

الحمدان
01-30-2025, 10:35 PM
‏تعيش داخل ضلوعي سيرة الراحلين
‏والكلمه الصامته والضحكه الزايفه

‏يا نايفه والعمر من دون وصلك حزين
‏لا تتركيني مع الايام يا نايفه

.....

الحمدان
01-30-2025, 10:37 PM
ولا زلت أحبك وأدري إنك اهم أشياي
‏وأشوفك أمان كل ما أحتجته أجي له

‏ليا أشتقت لك والأرض راحت قصيد وناي
‏ياصبر المحب ليا بكى من مواويله

‏لو أمشي على الماء لاذكرتك نبت ماطاي
‏خزامى وورد وكل وادي درج سيله

‏عسى باقيٍ لي معك ضحكه ترد رضاي
‏ولي عمر مهما فاتني معك باقي له

.....

الحمدان
01-30-2025, 10:38 PM
تحدني حدة الديّان من مده
واجيك واروح متغاضي ومتغابي

ماودي اجرب القدره على الصده
اخاف لا اقدر على الصده وانا مابي

.....

الحمدان
01-30-2025, 10:41 PM
مايهمّ العُمر لامنّه وقف لعيون غالي
‏كيف عاد أسوق لك عمري سحاب ولا تخيله

‏ردّني لأيامك الصلفات لازاد إنعزالي
‏آه ياذل السؤال إن صار ما في اليد حيله

‏ليش أميل لضحكتك وأكسِر لطارفك إعتدالي
‏وأتمنّى خنجرك وابدأ نهارك وأنتهي له

.....

الحمدان
01-30-2025, 10:43 PM
ليلةٍ فيها البراد مغلف أسوار المدينة
‏والحزن قلّط بقايا الشوق بالصدر وتحفّى

‏من رجف قلبه عليك وبيّنت رجفة يدينه
‏لو يحط من الحطب فوق اللهايب ماتدفّى

‏خايف إن أسعد ليالينا بقت ذكرى حزينة
‏والكلام اللي أنولد في ساعة فراقك توفّى

.....

الحمدان
01-30-2025, 10:44 PM
بخل فيك الزمان وجادت جداد الطواري فيك
‏تساهرني وأنا ماني على كثر السهر ضاري

‏ياليت أيامك اللي تاخذك تاخذ معك طاريك
‏إذا ما جابتك الأيام ليه يجيبك الطاري

.....

الحمدان
01-30-2025, 10:46 PM
العمر يبدأ منك ونهايته فيك
خذني جروح بروح من داك لدواك

اذكرك أدلك ماعرف*كيف الاقيك
أسمعك اشوفك بس ادورك مالقاك

مرات اشوفك في منامي واناجيك
وليا فتحت عيوني الليل خباك

.....

الحمدان
01-30-2025, 10:54 PM
دنياك هذي كل ابوها مصالح
من وين ماودك تمصلح تمصلح

أما يجي مصلح ولد عم صالح
ولا يجي صالح ولد عم مصلح

ياهادي ماحدن بدنياه فالح
اللي سلم من هم الايام مفلح

‏أنا شربت البحر والبحر مالح
والبحر نعرف ماه لو كان يمدح

ياهل المناصب والرتب والمشالح
أنا بلا منصب ورتبه ومشلح

لقيت مشلح جالسن جنب شالح
واشوف شالح ماوده شوف مشلح

.....

الحمدان
01-30-2025, 10:56 PM
تعالي نملي الدنيا خطاوي وآخذك وأعطيك
‏على كثر الليال المُظلمه ماغيّبت شمسي

‏نجوب الارض بين الناس ويديني تجوب يديك
‏عطيني احرميني عاتبيني إرفقي إقسي

‏خذيني عيّشيني في طقوسك واشغليني فيك
‏أنا ملّيت لي فوق السنه مشغول في نفسي

.....

الحمدان
01-30-2025, 11:00 PM
زينها ينتشّي ورد الخزام
هي تشِم العطر والا العطر يشمهَا

ميمي السبيعي

الحمدان
01-30-2025, 11:03 PM
‏شف مكانك في مكانن عن العالم دفين
‏في مكانن من وراء مثل عيدان الجريد

‏مكرمن حبك وله ف الحشا سمن وسمين
‏يقدع من الحال واصبله بن الوريد

‏افتضحت من الهواجيس بك فالمسلمين
‏كل من سولف علي قلت له وش قلت عيد

.....

الحمدان
01-30-2025, 11:11 PM
‏عادتك ما تترك لغيرك مجال
‏يختفون الكل اذا نجمك لمع

‏يضربون بنورك الطاغي مثال
‏منزلك عالي وشانك مرتفع

.....

الحمدان
01-30-2025, 11:12 PM
ياطاغي الأفكار يانبرة الشوق
صمتك مدينه للعيون وهدبها

تربعي فالقلب مامعك مخلوق
كانك وحيده نادره في عربها

.....

الحمدان
01-30-2025, 11:16 PM
الغايب اللي بحبي فاضت شجونه
‏الله يعجل مجيّه والله يعقله

‏تشرب ليال المفارق دمعة عيونه
‏والذكريات الجميلة ماكله عقله

‏الحب حمله على الكذاب يا هونه
‏ولا على اللي يحب بصدق يا ثقله

.....

الحمدان
01-30-2025, 11:17 PM
‏خاطري يستقبل جروح ويودّع جروح
‏والوداع أقسى على القلب من ضرب الرصاص

‏يوم تسبق دمعة العين تكفى لاتروح
‏كنّي إللي يطلب العفو من حكم القصاص

.....

الحمدان
01-30-2025, 11:22 PM
فرشت لك قلب مايملك بدونك قرار
‏يملك معاك أرض شاسعةٍ مساحاتها

‏خليني أسكن عيونك وامنحيني جوار
‏واهديك الأشعار وتصيرين مولاتها

‏للخالـق آيات بالدنيا ومنها النّهار
‏وانتي مابين البنات آيٰه من آياتها

.....

الحمدان
01-30-2025, 11:24 PM
‏أحبّك كثر ما قالوا هَنيك ياخلي البال
‏وأحبّك كثر ما أخفيتك عن رُبوعي وعذالي

‏حفظتك سِر مايظهر على العالم ولا ينقال
‏زرعتك بين تنهيد الضلوع وبين غربالي

‏لك الله مال غيرك فالحَنايا والضمير ظلال
‏أقرب من قريب الخلق وأقرب لي من ظلالي

.....

الحمدان
01-30-2025, 11:27 PM
‏تمنّا من أنصاف المشاكل تجيب أقصاي
‏وأنا أرجع من أكبر مشكله رجعة السّايح

‏لاتتعب تطاول واحدٍ مثلي وشراوي
‏مادام إني أطول من وقوفك وأنا طايح

‏تحسّف على الرايح وتحسب حساب الجاي
‏وأنا ماحسبت حساب للجاي والرايح

.....

الحمدان
01-30-2025, 11:30 PM
‏بعيونك اقرأ شوق ما يشبهه شي
‏وبانفاسك أحيا لو زماني جفاني

‏مشتاق اضمك وأزرع النور والضي
‏بأركان صدري وأعزفك لي أغاني

‏يكفي بوجودك أشعر إني معك حي
‏عطني وصالك عفت دونك زماني

.....

الحمدان
01-30-2025, 11:32 PM
ماهقيت الوقت يجبرني وانا صدري شمالي
‏بين خيبات الظنون وغيّهب الليل وهجاده

‏سامحيني لاتمادت غيبتي يا راس مالي
‏كل صدرٍ له رحاب وكل راسٍ له قناده

‏من تذرا فالليال البيض عن سود الليالي
‏عزتيله يوم وادع بيضه وصافح سواده

.....

الحمدان
01-30-2025, 11:34 PM
‏ذخرتك للشقى صدرٍ يكفيني عن الباقين
‏وذخرتك للمدى هقوه تشتت كل ضيقاتي

‏أنا ياضحكة سنين الزمان وكل علمٍ زين
‏تركت الناس متعمد وعليك أسوق هقواتي

.....

الحمدان
01-30-2025, 11:35 PM
درّةٍ بانت إلين استسمح البدر وجبينه
‏العذر منها وقفّى يوم فكّت له حلاها

‏جات تمشي كنها تسأل تقول الزين وينه
‏يوم صار الليل مجدولٍ تفلّه من وراها

‏لو يناظرها من استأمن بدعوة والدينه
‏تنحبس نفسه ليامن وقفت عنده وجاها

.....

الحمدان
01-31-2025, 01:23 PM
وش يرّد بهجة خاطري والعيون تشوف
‏سنين المُنى ولّت وحلم الحياة أقفى

‏مشاعر كثيرة دافية تحضن الملهوف
‏ولا فيه من جبر الخواطر شعور أدفى

‏ولا فيه رحلة ما غشاها شعور الخوف
‏ولا فيه من بعد السكينة شعور أصفى

‏ولا فيه عند الوافي أندى من المعروف
‏ولا فيه من رد الجمايل شعور أوفى

.....

الحمدان
01-31-2025, 01:25 PM
‏تروح مْن السنين أقسى السنين وينولد ترحاب
‏إذا شفتك و حسّيت الليالي معك محفوفة

‏أضيق و معك تتيسر ظروف وينفتح لي باب
‏ورحاب الارض تاتيني على البيبان مصفوفة

‏وهبك الله إلى قلبٍ ماخاف من الزمان شجاب
‏مدام إنْك الحبيب اللي لغيرك العين معيوفة

.....

الحمدان
01-31-2025, 01:26 PM
يامعشم خاطري معك بكبار الشفوف
‏راحت الدنيا مراح السنين الخاليه

‏كان لي عندك معزه ولي منك معروف
‏سلّني مع سلوة أهل القلوب الساليه

‏ولا تكلمني على عزة النفس العيوف
‏والله إن نفسي مثل ما أنت غالي غاليه

.....

الحمدان
01-31-2025, 01:28 PM
عليك الغلا والشوق ينساق لك بإهدار
‏أساس المشاعر انت ياسيّد اشواقي

‏فدا طلّتك قدامي الدار واهل الدار
‏ابيع العمر كلّه فدا حْضورك الراقي

‏أنا كلّما شفتك نبت فاضلوع ازهار
‏دخيل العيون الناعسه ترخي وثاقي

‏وش الحب لولا طلةٍ تخطف الانظار
‏من المبسم الآسر مغيبي ومشراقي

.....

الحمدان
01-31-2025, 01:33 PM
من دافع الشوق لا صار الكلام بحياء
‏وشلون اقول المدى طول وانا فاقدك

‏إعذرني أصارحك في علم ما به رياء
‏ياللي على اللي يكنّه قلبي معاهدك

‏اقوّي النفس بان الصبر للاقوياء
‏وفي وجيه خلق الله اليا مرّوا أشاهدك

.....

الحمدان
01-31-2025, 01:58 PM
‏ياكل حبي والمشاعر والإحساس
يارغبتي ياغايتي يا منايا

أنت الحلى والذوق ياعدم الأجناس
يامنبع الراحة ومعكم هنايا

أنته لنا مثل الهوى وسط الأنفاس
وقربك سوات الماء وبعدك ضمايا

هذا شعور اللي يحبك على ساس
صادق لسان أخلص لكم بالنوايا

.....

الحمدان
01-31-2025, 02:01 PM
‏ترى لا حاتيتك شعوري طبيعي
لايستفزك كبرياك الدفاعي

الله جعل قربك هواي وربيعي
وبيدك مجاديفي وبيدك شراعي

تاخذ بعض مني وتترك جميعي
كنك تعلقني وتلوي ذراعي

وداعتك قلبي وقلبك وديعي
وبتموت ما شافت عيونك وداعي

اذا غرامك هو بداية مضيعي
انا سعيد اني مكمل ضياعي

.....

الحمدان
01-31-2025, 02:04 PM
‏احبك خل احبك غير احبك شي مدري شلون
اقوله وإلا احبك كلمةٍ فالحب عاديّه

على عرش الجمال أنت المليك اللي مثل فرعون
وانا ماني رسولٍ له عصاةٍ تنقلب حيه

تسلهم بالعيون اللي لو الله ماخلقها عيون
هقيت إن البحر تحت الرموش يدور الفيه

.....

الحمدان
01-31-2025, 02:08 PM
لك في حنايا القلب معزوفة نغم
‏ولك في زوايا الروح همسات الحنين

‏ولك في تراتيل العمر حب وكرم
‏ولك في كفوف الود تقبيل الجبين

.....

الحمدان
01-31-2025, 02:10 PM
‏راج فكري بريضان الخيال الوسيعه
ولا دفعه في مراجه غير كثر الطواري

لين حطت لي بالشعر بصمه بديعه
يستلذون فيها بين كاتب وقاري

.....

الحمدان
01-31-2025, 02:16 PM
‏مابقى لك في مشاويري مسافه
اعتقد حنا وصلنا للأخير

الندم والعذر ودموع الحسافه
مالها قيمه بعد موت الضمير

البحر هادي وتغرينا ضفافه
بس لاهاج البحر موجه غزير

خايف مْن البُعد لالا لاتخافه
لاتخاف البُعد وأحبابك كثير

اشكر احساسك على قل الكلافه
ياكبيرٍ طحت من عيني صغير

.....

الحمدان
01-31-2025, 02:18 PM
‏سلام لك يـابعـد حـبي
القلب شرعـت بيبـانـه

من دلة الشوق لي صبي
ان كان دلتـك مليــانه

يا نسـمـة احبابنـا هبّي
مشتاق للورد واغصانه

من يوم جيتي على دربي
غنى لك الـقلب بالحانه

اليـوم حبك شلع قلـبي
قطـع عروقـه وشريانـه

يالله يالله ياربـي
تلطف بقلبي وحبانه

.....

الحمدان
01-31-2025, 02:21 PM
‏الرفيق الكفو نغليه ونجله
والجناب الدمث مانرخص مقامه

ومن تغطرس يقعد يسار ونزله
وانتغطرس معه من باب الصرامة

بعض الأحيان التواضع فيه ذلة
والغرور أحيان من حفظ الكرامة

.....

الحمدان
01-31-2025, 02:26 PM
‏يالله لطفك وسترٍ ماغنى عنه
وانك الى الخير ترشدنا وتهدينا

والرحمه والعتق من نارك الى جنه
وانك تحقق لـنا غايت امانينا

انت الذي لا عطى يعطي بلا منه
كريم ذو الجود لا امتدت ايادينا

يامن لعبده مجيب ولا خلف ظنه
احفظ بلادي وزلزل من يعادينا

بقلمي

الحمدان
01-31-2025, 02:28 PM
‏ياهيه قل للوله يخشى على دمه
ناديت وصلك الين انبح به صوتي

دام المشاعر بوصلك حيل مهتمه
وانت الذي في خفوقك قلتلي فوتي
خلك من الصدفيني اشواق ملتمه
ببحر بعينك قبل اصدمك ببهوتي

ارفق بحالي عرفتك عالي الهمه
ماهي بحاله اعاني الشوق مكبوتي

.....

الحمدان
01-31-2025, 02:32 PM
‏قـدرك الـلي رفـعته فـوق عـيني وراسي
مـاتزعزع ظـروف الـوقت والناس قدرك

غـيرك ايـمر عـابر وانـت ثـابت وأساسي
وان تـكدّرت لحظه جيت اشاركك كدرك

ابـتـعـد عـــن كــلام الـنـقل والإقـتـباسي
غيمة احساس صبت وبلها وسط صدرك

.....

الحمدان
01-31-2025, 02:39 PM
‏حيّا الله اللي رضاها يسعد اعماقي
تفهم وش اللي يسرّ القلب وافهمها

الفلسفه والترف والمستوى الراقي
والمعرفه والذكا سبحان ملهمها

يفزّ معها الفكر والحرف واوراقي
لين اقطف الشِعر من يدها ومن فمها

.....

الحمدان
01-31-2025, 02:55 PM
‏تستغرب اني أعدي لك ومتغاضي
أنا من الوقت قبل أعرفك متعلم

أشياء واجد تضايقني وأنا راضي
على رغم قوتي أسكت ولا أتكلم

أكثر إنسان مايحكي عن الماضي
هو أكثر إنسان من ماضيه يتألم

.....

الحمدان
01-31-2025, 02:57 PM
‏متى على الله تجيني ياغرامي واجيك
الشوق ماله عن القلب المعنا عزل

كانك تبى تغيب علمني وانا بحتريك
قلبي ليا حب دايم فالمحبه جزل

يحق لك يوم مالك وسط قلبي شريك
تسرح وتمرح ولاتحسب حساب وتزل

أحاول اكتب قصيد عتاب وازعل عليك
واذكر عيونك واخليها قصايد غزل

.....

الحمدان
01-31-2025, 02:58 PM
‏غلطان من دوّر رضا مرخصينه
طرد السراب ولا غدير المقفّين

.....

الحمدان
01-31-2025, 03:00 PM
‏صحيح الهوى مايثّر الا على راعيه
وجريح المحبّه تكشفه من حركاته

يبيّن عليه الحزن لو حاول يخفيه
ان ما بيّن بوجهه يبيّن على ابياته

يواسيه من مر بمعاناته الي فيه
ويضحك عليه اللي ماعانا معاناته

عسى من يلوم العاشق اللي فقد غاليه
تحده ظروف الوقت و يسوي سواته

.....

الحمدان
01-31-2025, 03:01 PM
‏صـحيح انـا هـادي وطـبعي كتومي
وعــن الـمـناقش راحـتـي مـشتريها

وان كان تبغى تعرف ابسط حلومي
ابـنـي بـيـوت الـشعر واعـيش فـيها

وبـعطيك نـبذه عـن تـفاصيل يومي
امـسي عـلى ذكـراك واصـبح عـليها

.....

الحمدان
01-31-2025, 03:01 PM
‏شفتك غـلا شفتك حلا شفتك إعجاب
شفتك عن العربان لي جـو هـادي

لامن جلست بوحدتي شـوق وعتاب
شفتك تفـاصيل البشر في فــؤادي

.....

الحمدان
01-31-2025, 03:02 PM
‏الزبده انك اغلى مخلوق واطيّب شريك
وجمعت طبّع الحبيب ومغريات الخوي

ياجعلني ما اخسر حبّك ولا اعتاض فيك
ولا اخلى من غلاك وشوقك الفوضّوي

.....

الحمدان
01-31-2025, 03:04 PM
لو كان غيرك في عيوني جواهر
انتي الدرر وانتي ضياها وماها

يامهجة اللي فيك هايم وشاعر
صبي وسط وجدان قلبي نداها

واستلهميني فكرة شعور زاهر
يسمومابين ضلوع صدرك دفاها

.....

الحمدان
01-31-2025, 03:30 PM
‏زحمة أفكاري ضروري تستثير إحساسي
‏وتقطع حْبال الهدوء وسجّة المتعايش

‏والله ان العالم اللي عايشٍ في راسي
‏ازحم من العالم اللي فيه راسي عايش

.....

الحمدان
01-31-2025, 03:35 PM
‏أبعرف كيف خلّيت الحنين يصافح الأهداب
‏يسهرّني إلين إني أنادي وما تحس فيني

‏أنادي لك أبي تسمع وليلي من حنيني شاب
‏أنادي لك أبي ترجع بلحظه كنت تحيّيني

‏ورحت أغفى وأنا فيني حنين وسالفه وعتاب
‏أنوّم جرحك بصدري ويجي طيفك يصحّيني

.....

الحمدان
01-31-2025, 03:38 PM
‏عزاي إني رغم شدَّة وضوحي ماعشقت إلَّاك
‏لَكنْ اللي سرقني عن عيونك شدَّة وضوحي

‏حبيبي وش مصير الشعر لولا طلَّة محيَّاك
‏دخيل الله لاتقتل هواي وتجرَح مزوحي

‏تخيّرتك وأنا ماني بجاهل وجهك ومبداك
‏أشوفك ديرةٍ ضمَّت مداي ونصف من روحي

.....

الحمدان
01-31-2025, 03:44 PM
‏حنيني عليك من الوله حنت المقهور
‏وانا مجري الهياب والقوم ممنها

‏ماشفت اكثر العشاق في غيبتك جمهور
‏قصيدي عليك من الوله صار يشحنها

.....

الحمدان
01-31-2025, 03:45 PM
‏يارفيق الذكريات ويا شريك فؤادي
‏كل ظنً فيك ظنيته تجي من فوقه

‏يتسلل صوتك من الذاكره وينادي
‏لين يفتق جوفي اللي كنت اخيط فتوقه

‏ايييه يالبيه ياموتي ويا ميلادي
‏جعل حزنً مرني ماتونسه وتذوقه

.....

الحمدان
01-31-2025, 03:47 PM
يوم راحوا مني ومني خذوا محبوبي
‏ولا تركوه الا بعد ما اعتاض قلبي عنه

‏قلت وش وداك معهم قال سود دروبي
‏قلت وش رجّعك منهم دنّق وقال إنه

‏كنت غالي عندهم لكنهم ضحّوا بي
‏مثل من ضحّى بغالي لجل الاغلى منّه

.....

الحمدان
01-31-2025, 03:51 PM
ماينكتب شعر بليا مشاعر
ولا ينكتب بيت بلا صدق واحساس

صحيح بين الناس مليون شاعر
لكن قليل اللي عجب شعره الناس

.....

الحمدان
01-31-2025, 03:55 PM
لاتشكي اللي تعاني منه وتذوقه
صرنا بعصر الفضا والهاتف اللوحي

الولد في عالمه والبنت مخنوقه
كلما تقله باروح يقول لها روحي

.....

الحمدان
01-31-2025, 05:17 PM
وّد الفقير انك تشيله جنازه
ولا يدور حاجةٍ ما ضمنها

.....

الحمدان
01-31-2025, 05:19 PM
لك علي انسى ليالي الوصل بالقطّاره
‏وابكي ابكي لين اصب القلب من جفنيني

.....

الحمدان
01-31-2025, 06:02 PM
قالوا تحب فقلت i'm sorry
الحُب ماهو ياعرب لعب ورعان

أنا الذي فالحُب ضيعت عمري
الحب أصبح ياعرب في خبر كان

.....

الحمدان
01-31-2025, 06:06 PM
تعال نتسامح وننسىٰ الذي صار
بيني وبينك لاعتب لاملامه

بيني وبينك من يبي يشعل النار
يحرق بها وتقوم عليه القيامه

.....

الحمدان
01-31-2025, 06:08 PM
نكابر ونتحمل ونصبر أمام الناس
ومن شافنا نضحك أمامه ونتبسم

يقول والله ان قلوبهم مابها إحساس
وما يدري ان جروحنا مالها بلسم

....

الحمدان
01-31-2025, 06:17 PM
بعيد من التصنع والتكلف والكلام الجاف
‏أقول اللي يجول بخاطري وأترجم شعوري

‏عرفت إن الشعور أعمق وأجل من الوزن والقاف
‏ولقيت إن صوت صدري مايشابه صوت حنجوري

‏تركت اللي يمرّه فالظلام الساري الحوّاف
‏وأخذت من النهار اللي كشف وجه الثرى نوري

‏تبـيّن جرتي بالوادي الموسوم والمشراف
‏معا سرب الطيور العابره ماطارت طيوري

‏ماني بمدوّر اللي يسمع بذكره ولاينشاف
‏ولاني واقفٍ في موقعٍ مايعرف حضوري

‏ورى وجه الكتاب اللي تشوفونه بدون غلاف
‏ربيع الجنة الخضرا عسل سدر وزهر جوري

‏لو بوّصف المشاعر جايز التبذير والأسراف
‏ولا من حقي أكنز جوهرة عمري وبلوري

‏كتبت أطراف صوتي في طريق العاشق الميلاف
‏وقدمت لمجاريح الليال البارده شوري

‏ورى الألقاب والنور الصناعي مارسمت أهداف
‏مع إني قد نحت صخور نجد براس باكوري

‏ولايخذلني اللي لاكتبني يكتب إسمي حاف
‏ولايزعلني اللي في طريقي طوّفوا دوري

‏ماني محتاج للتصفيق والتعليق والإنصاف
‏وأنا أحس الليالي والنجوم البيض جمهوري

.....

الحمدان
01-31-2025, 09:10 PM
من كثر ماعامل الناس بحسن نيہ
مااشك في خيرها ولااتقي شرها

ليت الصدور وضمايرها زجاجيہ
واعرف نوايا البشر من قبل اعاشرها

.....

الحمدان
01-31-2025, 09:11 PM
حبي وحبك نادر في زمانه
‏على الوفاء والصدق جاني هديه

‏عهد الوفا بيني وبينك أمانه
‏وتفداك روحي يوم روحك نديه

.....

الحمدان
01-31-2025, 09:12 PM
من نفسك إصنع لذاتك حشمه وقيمه
‏صنيعة الناس لا ودّت ولا جابت

بقلمي

الحمدان
01-31-2025, 09:16 PM
‏افا وشلون تجفاني وتتركني طريح الشوق
‏افا ماهزتك ذكرى ولا حنيت يالغالي

‏أحبك كثر ماهليت دمعٍ مامسكها الموق
‏أحبك حُب ما عمره لفى في بالك وبالي

.....

الحمدان
01-31-2025, 09:18 PM
على درب التعارف والوفاء والود والصحبه
قوانين الصداقه والصحب والمعرفه نوعين

الاول فسل تبقى صحبته طول الزمن نكبه
والاخر ساعة الشده بيدك سيف ابوحدين

.....

الحمدان
01-31-2025, 09:28 PM
يالله يامعطي العطايا مراديف
‏ياللي ماتلحق مد جودك بمنّه

‏ترزقني الخيره وزين التصاريف
‏ورضاك يوم رضاك مفتاح جنّه

بقلمي

الحمدان
02-01-2025, 11:52 AM
ذكّرتني يا حبيبي مانسيت
ومـا نسيـته ولا ذكّـرتـنـي

لامت فيني ولانابك حييت
ولا جمـعـتك ولا بعثـرتني

ولا تكلّـفت تلقـاني وجيت
ولا لقــيـتـك ولا دوّرتـني

رضيت بالهم وانا مارضيت
لا كنت عبدك ولا حررتني

يجوز ماخُنت لكن ماوفيت
وكم نصحتك ولا عَـبّرتني

ابقـاني الله وانـته لا بقـيت
غرّيت نفسك وما غرّيتني

لقيت مثلك ومثلي لا لقيت
قلّـه عشقـتك ومـا قـدرّتني

.....

الحمدان
02-01-2025, 12:17 PM
يبدو بأن الصباح اليوم بيكون غير
المعطيات تشير الأن إلى ذالك

بداية الخير تبدأ من صباح الخير
ياراعي الخير جعل الخير من فالك

.....

الحمدان
02-01-2025, 12:23 PM
‏حبك سكن مابين قلبي والأنفاس
ياحلوها لاجات منك ومني

مني احبك حب من دون مقياس
ومنك الوفا دايم على حسن ظني

.....

الحمدان
02-01-2025, 12:24 PM
‏انت ملح السوالف وانت سكرها
وانت روح القصيد ونبضي الهادي

وانت قصة غرام الليل يسهرها
وانت نهر الحنان لقلبي الظامي

.....

الحمدان
02-01-2025, 01:39 PM
‏عندي شعور أترك العالم وأغيب
وأبتعد عن مصدر إزعاج البشر

لا غريب ولا قريب ولا حبيب
لا حسـد لا هم لا ضيقة صدر

تعبت أنفاسي من الوقت الصعيب
وجار حظي من قسى حكم القدر

ليت وانا اعيش في عمري غريب
فوق كوكب او على سطح القمر

.....

الحمدان
02-01-2025, 01:43 PM
صرت أحب الإنعزال بصدر رحب وبال رايق
‏وودّي أهرب عنّي وعن قلبي المرهف وذاتي

‏وصرت أسلي نفسي بموّال تركي وابن شايق
‏والقصيد ودفتر أيامي وباقي ذكرياتي

‏أدري إنّ الدمع في عين المها ماهو بلايق
‏مايليق إلّا ابتسام وضحكتينٍ من شفاتي

.....

الحمدان
02-01-2025, 01:45 PM
‏على سكّة سفر كلٍ سعيد ورايق ومسرور
‏محد فيهم يْعرف إنّه على قلبي طريق أوجاع

‏على الشباك في بالي كثير من الفضول يدور
‏ياكيف تضيق في عيني دروبي والفجوج وساع

‏وليه أضيق وهو عادي مصير اللّيل بعده نور
‏ولكن ليه وش تنفع مادام إن الصدر ملتاع

.....

الحمدان
02-01-2025, 01:47 PM
‏وجودي والزمان اللي قسّم قلبي ثلاث أقسام
‏مابين الحزن وظروف الحياة ونفس لوّامه

‏لو أضحك ماضحكت من الفرح الفرح مادام
‏ولو ابكي مابكى إلا صدريّ اللي نحلت عظامه

.....

الحمدان
02-01-2025, 01:49 PM
‏ماهداك الله ترد الصوت مابيني وبينك
‏ماسمحت من الغياب اللي مسافاته عصية

‏قلبك اطيب من جفاك ومن خطاي ومن حنينك
‏والليالي يارهيف القلب عوج وسرمديه

.....

الحمدان
02-01-2025, 01:50 PM
‏يكفي إني فيك أعرف أيّامي البِيض الجميلة
‏لو يطول خلف بيبانك من اللهفة وقوفي

‏ولا تعذّر عن عيونك فالظروف المستحيلة
‏وأنت تدري ما ورا ضحكة هدبك إلَّا حتوفي

.....

الحمدان
02-01-2025, 01:55 PM
من عطاني قدري أعطيه احترامي
ومن تجاهلني تجاهلته وطفته

ومن يدوّر قربي أعطيه اهتمامي
ومن يقفي عني أهملته وعفته

والمكان اللي ينزّل من مقامي
تنكسر رجلي ليا جيته وحفته

.....

الحمدان
02-01-2025, 01:58 PM
‏المعذره ياحب قلي عن اذنك
ايش الذي خلاك تهجر غواليك

عز الله اني انتظر حرف منك
وارتاح من قلبي اذا شفت طاريك

ياحب انا مازلت لك حسب ظنك
وافي معك دايم ولا انا بناسيك

دايم اناجي طاري الشوق عنك
وينك مغيب وين غابت لياليك

.....

الحمدان
02-01-2025, 02:01 PM
فاتحٍ له في السراجيف بوابة
‏ماتسكّرها هل المدح والذمي

‏سعد بن جدلان

الحمدان
02-01-2025, 02:48 PM
يارب انا عبدك تماديت واخطيت
لين الشباب اقفى وانا اليوم شايب

امهلتني يوم اني اخطيت وابطيت
حاشـاك تطردني وانا جيت تايب

.....

الحمدان
02-01-2025, 02:49 PM
الناس ماتسقيك لا صرت عطشان
ولا يشرب المظمي حذا من ذراعه

اضرب على الكايد لا صرت بحلان
وعند الولي وصل الرشا وانقطاعه

عيبن على اللي يتقي عقب ما بان
وعيبن طمان النفس عقب ارتفاعه

.....

الحمدان
02-01-2025, 02:50 PM
كلام السفيه ان مر ماضر مهما كان
ولا اثّر على سوق التجاره ولا العمله

لاشفته يحاول يسرج الخيل للميدان
وانا خابره مافيه قوه ولا صمله

تبسمت له ماهوب ذله ولا نقصان
تبسّم نبي الله سليمان للنمله

.....

الحمدان
02-01-2025, 02:52 PM
الخيل للمغزا اذا مست السرج
والحيل بالله يامناوي هجاجه

وشرب الفتى من غير مشرب يده همج
قاله مجرب فج صدره خلاجه

.....

الحمدان
02-01-2025, 02:52 PM
الرفيق اللي خذلني يوم جيته
أدري انه قادرن يقضي لزومي

أسمه من القايمه كله محيته
ويش ابيبه يوم بانن العلومي

اللزوم ابشرك رحت وقضيته
عند رجلن جعل تفداه الرخومي

الكريم اللي تدل الناس بيته
قال لي تبشر ورحب في قدومي

.....

الحمدان
02-01-2025, 02:53 PM
وجهي شبر وأحن وجهي ليا احتاج
من عسرة الطيّب ومن هرج منة

جعل الكفو مايلحقه عقدة حجاج
وليت الردي ذبحه من الدين سنّة

.....

الحمدان
02-01-2025, 02:53 PM
انا والله اني ماتضايق بدون اسباب
ولاني بعجلٍ لاستحسيت من غالي

ادور له الاعذار ماودي افتح باب
انا لافتحته جبت الاول مع التالي

.....

الحمدان
02-01-2025, 02:54 PM
‏حنا عزاز ولا نحب التخضاع
والله خلق فينا الكرامه جبله

نكره وجيه الكبر في كل الاصقاع
والكبر يرخص كل نفس تشله

من عاش عمره للمخاليق تباع
يشرب فناجيل الغبن والمذله

وراع المعزه لو من الوقت يلتاع
يعيش شامخ ما انحنى غير لله

.....

الحمدان
02-01-2025, 02:54 PM
بعض العلوم تروح مرواح القطاء
مانلتفت فيها ولا من قالها

مادام حنا مانزلنا فالوطاء
مصيرها صفق الهواء يشتالها

والناس ماتصبر على كل الخطاء
تجزاء مقاريد الخطاء بافعالها

يمكن يجي مردودها عقب البطاء
وإلا يجي مردودها في حالها

.....