فوق هام السحب ( الشعر الشعبي) على متن القوافي

[الحمدان]

‏القلب بـيتك والغـلا ورد وزهور
يفوح عطر الشوق لحظة مرورك

جـاوزت لعيونك محيطات وبـحور
من قبل أصافح بالمعاني سطورك

....

[الحمدان]

مساء الكلمة الحلوة
مساء الحب بليا حدود

مساء ريحته قهوة
وطعمه بالحلا معقود

مساك نغمته تغريد
وصوته ينعش المجهود

مساك خير يا الغالي
مساء الشوق ودهن العود

مساء يحتويه الكون
لأنك أنت فيه موجود

....

[الحمدان]

ياجعل عين تعشقك ماتفقدك يوم
‏وياجعل قلب هواك يهنى بوجودك

‏مابي من بعد عشرتك غير انها تدوم
‏يكفي عشقتك وخذتني دنيتي صوبك

....

[الحمدان]

‏تدري وش اللي تعتبرها غريبه
إذا فقدت انسان غالي وهو حي

وتدري وش اللي تعتبرها مصيبه
إنك تضحي والمقابل ولا شي

....

[الحمدان]

‏الأخلاق تبني لك عمارات وقصور
ماهي فوق الأرض في داخل الناس

تحيا بها وإن مت بالخير مذكور
وتلقى بها في جنة الخلد مجلاس

....

[الحمدان]

العمر رحلة ضيق وأوجاع وأحزان
نعيش حالة حرب في عالم السلم

ٰباليل نبني قصور ونعمر أوطان
والصبح نلقى السالفه كلها حلم

....

[الحمدان]

ليت الأماني تحقق ﻻتمنينا
‏ويا ليت اﻻيام تجبر في خواطرنا

‏على دروب الأمل سقنا خطاوينا
‏يالله عسى خيرة الأيام تنطرنا

....

[الحمدان]

‏حيّ الرفيق اللي يبادر بالوصل
لو ان شرهات الليالي جارحه

تغيب عنّه كم شهر وليا اتصل
يكلمك كنك معاه البارحه

....

[الحمدان]

‌‎وعسى الرفيق الاش منا ينفصل
كفايه مجامل نريد مصارحه

مانبغي الا الكفو ومعرب لصل
الي مواقيفه لطيبه شارحه

....

[الحمدان]

خليك معا غيري عسئ الله يهنيك
يمكن اكون الي مضايق حياتك

دامك لقيت الي يحبك ويغليك
انا لقيت الي مسح ذكرياتك

....

[الحمدان]

‏ضمنـي مابين قلبك والـعيون
خلني أنسى زماني والمكان

ضمنـي بإحساس تكفى يالحنون
واروني من فيض حبك والحنان

....

[الحمدان]

‏موضة زعل يا عسى الزعلان ما يرضى
اليوم حتى الزعل موضه شبابيه

الله يعين الدكاتر كثروا المرضى
فاضت نفوس البشر بأمراض نفسيّه

....

[الحمدان]

افلتّ كفّك من يدي واضعتني
وأنا الذي من دون وجهك ضائعٌ

أبكي واندب مهجتي وأجرّها
سقماً يصبُّ دمي ويرجع جائعُ

....

[الحمدان]

قال ابو زيد من يغتر في ماله
ربماء يخسر اصحابه وراس المال

اين قارون والنمرود والاعماله
واين تجارهم من صالح الاعمال

واين سار الجمل واموال جماله
واين تاج الملك والشاقي الحمال

انتهو كلهم والناس كماله
والحياه القصيره مالها كمال

ويله الويل من يتعمد اهماله
يوم يتحاسب العالم علا الاهمال

....

[الحمدان]

‏نعيش في الدنيا جماعات وافراد
وكلن على الغبراء يروم السعادة

احدن اذا زاد القسى زاده اعناد
ماينحني راسه قوي الارادة

واحدن يسايرها فلا سيلها زاد
ماشي مع التيار فارش بجاده

والناس يابن الناس رامي وعواد
ومن لامعه همة فلا منه افاده

....

[الحمدان]

فما يُطفي حنيني بات يكويني
فبئِس البُعد و الاشُواقُ ترقبُني

فما شيئُاٌ يُراوِدني علىَ ليلي
وما ليلى بِقُربي كي توانِسُني

وما حولي سِوى الأطيافُ حاظرهً
وما صمتي على دمعي يُنسيني

....

[الحمدان]

صوت الضمير الحي ميثاق الشرف
والنظرة الانسانية كعبة طواف

لارق قلب الادمي دمعه ذرف
ولا تعجرف ينهش اكباد الضعاف

اطماع بقعا ما لسكتها طرف
جمالها يتقعف السم الزعاف

سوى شرب من جالها وإلا أغترف
هو كل ما زاد الطمع زاد الجفاف

انسان ما يندم على ذنب اقترف
ما ناقص عليه الا الوطاف

كلن يراجـع وارده والمنصرف
يا سعد ذا ساروا من الدنيا خفاف

لا اتغيرت لوضاع والسير انحـرف
ضاع الهدف ذي كان لاسي فالمشاف

قل الكلام احلاه والحله سرف
والصمت في شرع المحبين اعتراف



صالح الاحمدي

[الحمدان]

‏لاضاق صدري اقول ان الامل بكره
واللـي خلق هالبشر ماهو مخليها

محتاج لوجيه لاتحقد ولا تكره
والا القلوب الله أعلم في خوافيها

....

[الحمدان]

‏لاضاق صدري اقول ان الامل بكره
واللي خلق هالبشر ماهو مخليها

محتاج لوجيه لا تحقد ولا تكره
والا القلوب الله أعلم في خوافيها

....

[الحمدان]

هُناك ببداخلي حربٌ ومنها
صفوف الحُزن جعلتني خراباَ

فلا الطوفان يُغرقني ولاكن
شُتات النور قد باتت سراباَ.

[الحمدان]

هُناك ببداخلي حربٌ ومنها
صفوف الحُزن جعلتني خرابا

فلا الطوفان يُغرقني ولاكن
شُتات النور قد باتت سرابا

....

[الحمدان]

نخطي ونستغفر عن الذنب ونتوب
‏ونرجع على نفس الخطاء مادرينا

‏يارب يا من ردّ يوسف ليعقوب
‏عفوك وغفرانك وحلمك علينا

....

[الحمدان]

سامح من اخطأ واعتذر
فالعفو بعد الإعتذار

مامن تعالى واستمر
على الخطأ ماله جوار

الشمس يتبعها القمر
والليل يعقبه النهار

....

[الحمدان]

آتي إليك مهرولاً
وترد قلبي خائباً

وأقول إني عاشقاً
وتقول قلبك تائباً

هل ماصنعت جريمهً
أو كان حبي كاذباً

كلا وحبي صادقاً
بالفعل كان مؤكداً

لاكن قلبك عافنا
وأضاعنا في وهمنا

يبكي الفصيح اذا حكى
حباً وردو بالجفى

....

[الحمدان]

كتبت لها القصائد دون جدوى
كطفلٍ لم يجد في العيد حلوى

وراسلت العيون لعلّ قلبي
يحط رحالهُ ويحس مأوى

وصدت عن حنيني ذات ليلٍ
وليس سوى السماء أبث شكوى

تقول لقد تمطى البين حتى
تناسى الوصل صار الحب أحوى

رويدك يا ابنة الإحساس إني
شريدٌ والتشرد صار بلوى

بلادي كلها حطبٌ وخبزي
على نيرانهِ ماعدتُ أقوى

على التأنيب والتوبيخ ذوقي
وداعي لن أعود إليك أروى

قلبتُ لها المجنّ بغير ظهرٍ
وعانقت الربى صرفاً ونحوا

وانستُ الضياء بكل وادٍ
ومثلي نازحٌ أيريدُ فتوى

لكي يرقى على معراج حلمٍ
بلا أنثى فيقضي العمر غزوا

....

[الحمدان]

أنا أحبك لكن أنت لست ترىٰ
سوى المواجع والأهآت في حُبي

ولو نظرت إلى قلبي وأوردتي
لما رأيت سواك انسان في قلبي

....

[الحمدان]

اثر الصداقه بعض الاحيان بلوى
اليا ابتليت بواحدن يجحد الطيب

لا والله الا راحت طيور شلوى
وجات ناسن ماتعرف المواجيب

....

[الحمدان]

‏سلمولي على اللي ماتشوفه عيوني
‏فرحة القلب عندي يوم طيفه تهيا

‏كان رد التحية عجلوا خبروني
‏بس لأتحرجونه كان بالرد عيا

....

[الحمدان]

‏يا زين عقلي في هـوئ حبك سقط
وصار حبك نبض قلبي والسكون

كلمة أحبك قلتها لك بلغلط
لأن حبك صار باالنسبه جنون

لو بس تحذف للجنون نقطه فقط
يمكن تغير قلبك القاسي حنون

شجون لاتحذف من الشين النقط
بتحط اشواقي لقربك فـي سجون

[الحمدان]

في ذمتي صمتي يوصف غلاتك
لولا الغلا والحب ماصرت ساكت

ولو اختفى طيفي وغبت بحياتك
يكفي عروق القلب باسمك تحاكت

....

[الحمدان]

ياليتني في أنفاس روحك ودمك
أبقى معك وأعيش الأيام وياك

ابنثرك في عروق قلبي والمك
واحسسك بالحب في يوم لقياك

....

[الحمدان]

‏روحي وروحك يالغلا ضمّها الشوق
في روح واحد بالهوى ضم روحين

من يوصف العاشق اذا صار معشوق
هـي قمة الاشواق بين المحبين

....

[الحمدان]

‏إن قال لجل العين تكرم مدينه
ماني بقايل لجل عينه مداين

وش هي المداين عندرمشه وعيـنه
إلا تطيح ارقاب وتعتق رهاين

....

[الحمدان]

‏عندي حنين وركن هادي وساكن
ودي أهيم بضجة الغيم وأرتاح

اللي سأل منهو ترك هالأماكن
عابر خذا حلمي وضيعني وراح

....

[الحمدان]

‌‎لاغـاب عنك اللي غيابه مصيبه
وطالت به الغيبه ولا جابه الشوق

مافيه داعي تنشده عن مغيبه
ماغاب عنك الا وهو منك مسروق

خله يكمل غيبته وش تبي به
لاتلحقه لو كل مطرود ملحوق

....

[الحمدان]

‏يسعد مساء اللي يحبون الاشعار
‏ويسعد مساء اللي معانا متابع

‏وحي الله الوافي وحي الله الجار
‏اللي لهم في عالم القاف طابع

بقلمي

[الحمدان]

ياعين وين اللي من الناس اغليه
‏الصاحب اللي مايفارق خيالي

يفز له قلبي اذا حل طاريه
عز الله انه شخص في الروح غالي

ادمنت وصله واعشقـه بكل مافيه
وحبه تربع بي من اول وتالي

واعشق دلع طبعه واعشق تجافيه
والقلب ميت فيه ياويل حالي

....

[الحمدان]

يابنت يالي خذتي القلب والروح
خليتي العاشق بحبك متيم

يهيم في حبك من البعد مجروح
ساهر طوال اليل بالقرب يحلم

....

[الحمدان]

‏من عقب أحبك قلت كلمة أعزك
‏ودي أشوف شلون تاثيرها فيك

‏سولفت عن غيرك عشان أستفزك
‏ياحلو صرخة غيرتك يوم أحاكيك

....

[الحمدان]

شعري يترجم واقعي في قوافيه
يمطر قصيدي والهقاوي سحايب

واحيان مايكشف قصيدي معانيه
بين الحروف الغامضه شخص غايب

....

[الحمدان]

‏لاتحسب ان البعد يرخص مقامك
واللي خلق الكون ماني بناسيك

لو غاب وجهي واختفى من امامك
قلبي بنار الشوق دايم يناديك

....

[الحمدان]

‏لبيه ياللى ترسل الشوق مشتاق
هيضت قلبي وروحي ببعدك تعاني

إن كنت مشتاق انا كلي أشواق
وروحي على شوقك تعد الثواني

....

[الحمدان]

‏لايذبحك شكك ولا تنشد الناس
ولا انت في حاجه لنبضي تجسّه

خلك هنا بين المشاعر والاحساس
نفس الشعور اللي تحسه أحسّه

....

[الحمدان]

اهديكُم دعوَة جميلَة....

ربـي أَسعِد كل روح تتوآجد هُنَآ
وامْلأ قُلوبَهم بِالرضًا والسَعادَة

بقلمي

[الحمدان]

قالت مساء الورد والصوت مبحوح
قلت المساء مـع طلتك شي ثاني

قالت تعشق الروح يامنية الروح
قلت اندماج ارواح وسط المحاني

قالت سلام الله وانا عنك باروح
قلت السلامه في عيونك اماني

....

[الحمدان]

‏انا لي وليفه والله انها خفيفة ظل
كثر ماعشقت عيونها الا أستحي منها

تقول اجمع شتاتي بقلبك حبيبي وقل
عسى ماتفارق ضحكتك عن مواطنها

....

[الحمدان]

‏أنت الغرام وشمعة الجلاس
ونورك على قلب العناء شارق

وجهك من الفردوس والنوماس
وخصرك قتيل و مبسمك سارق

كل يوم أشوفك غير كل الناس
وكل يوم أشوفك نادر وفارق

....

[الحمدان]

‏قرب عسى العذال تفدى مواطيك
وتعـال لين تصير يدك ب يدي

ب أقول لك جمله عن الكل تغنيكك
مادمت عندي مالحـد شي عندي

....

[الحمدان]

‏انت اقرب قلب لو كنت البعيد
وانت اغلى حلم واغلى امنيه

وانت اجمل بيت ب ابيات القصيد
وانت احلى شعر واحلى اغنيه

....

[الحمدان]

نكره اللي صدّ ونعاف من ينسى الجميل
‏راحليين وتاركين الحياه الفانية

يعتقد مافيه غيره بالدنيا بديل
‏الدقايق ماتحسّـب حساب الثانية

‏للأسف بعض الخلايق رضاهم مستحيل
‏لو عطيته عين يسأل لـ من الـثانيه

....

[الحمدان]

‏اذا الحزن غنّا على كل موال
القى بوصلك من عنا الوجّد فرحه

يامن وهبت لمهجتي حب وآمال
كم مال بي وقي ولا مال صرحه

....

[الحمدان]

‏قريب وصله لو بعيد المسافات
جعله بحفظ الله ويعيش هاني

الفكر ماينساه في كل الأوقات
واردد اسمه كل لحظه وثواني

انشهد ان الحب للقلب نبضات
يسكنه واحد مامعه شخص ثاني

....

[الحمدان]

المحبه مشاعر والكرامه وجيه
‏ارتجي ربك وغيره فلا ترتجي

‏من يودّك يجي لك لاتدور عليه
‏كل حاجه تدورها ترى ما تجي

....

[الحمدان]

‏دار الزمان وشفت فيه العجايب
‏شفت الغلا والبين والزين والشين

‏شفت القلوب الحاقده والحبايب
‏واللى يعيش بوجه واللى بوجهين

‏تلقى الجفا والصد طبع القرايب
‏والا الوصل والطيب طبع البعيدين

....

[الحمدان]

‏مإبين تقليب المواجع والاسباب
فاصل رقيق من التعب والكئابه

ومَابيين تغيير النوايا والاحباب
دمعه وصوت وذكريات وكتابه

....

[الحمدان]

رحنا وجينا وصار الصبر مثل السلاح
‏ماعندنا كان ماطاعك زمانك طعه

‏نخاشر الطير لو انه يرفّ الجناح
‏ونسوق الاقدام ودروب النشاما سعه

....

[الحمدان]

‏أخوك لو شان الدّهر فيك ماشان
سيفٍ اليا ضاق الفضا فيك سلّه .

إدمح له الزلة ولو كان غلطان
حذرا تعيبه لو بدا فيه خلّه

ذائقة

[الحمدان]

‏يارقيق الطبع يا الذوق الفريد
ليت تعرف داخلـي معنى غلاك

انت عشق وانت حب وانت عيد
وانت نور الكون وانـواره معاك

كل لحظه يا الغلا حبك يزيد
وكل يوم اعشقك لاخر مداك

ايه احبك واعشقـك واعشق وازيد
وانتثر واموت في روعة هواك

....

[الحمدان]

الادمي من طيبه ومن شيمته
مايعترف بالكبرفي فقر وغناه

ياخي ترى الرجال تنقص قيمته
لاقام يعطي كل خلق الله قفاه

حتا الامام اليا انتهت تسليمته
يدير وجهه للصفوف اللي وراه

عناد الشيباني العتيبي

[الحمدان]

‏ماغفيت اليوم والبارح كذالك
حيل انا تعبان واشواقي ثقيله

حالة الاشواق ماترحم لحالك
دائماً تغزي القلوب المستحيله

ياخفوق القلب بالله وش جرا لك
جاوبيني الشوق من اشعل فتيله

ادري ان البُعد حطم لك منالك
يا حبيب الروح ارحمني قليله

....

[الحمدان]

لغز ....

انشدك عن رغدا جميله مستقله ساهره
عفرا اجتماعيه سياسيه طبيبه ما تنام

بيضاء رياضيه مثيره حاتميه شاعره
جلبابها الاخضر بيتكلم من البهجه كلام

حروفها بالابجديه في سماها ظاهره
سبعه ولو بالانجليزي تسعه احرف بالتمام

إذا عرفت الاسم والبنت العنود الساحره
اهديك من باقات تقديري حفاوه واحترام

....

[الحمدان]

يانفس بالحب بالله لاتذليني
كوني عفيفة وراياتي تعليها

حب الغواني أنا ما أريد تبليني
وهامتي الشامخة فيها توطيها

حبي لمحبوب قلبي بس يكفيني
بهجة حياتي وروحي هو سكن فيها

مافيه غيره قمر يملأ نظر عيني
وبسمته تسوى الدنيا وما فيها

حبه بدمي وفي مجرى شراييني
هو امنياتي الذي قلبي تمنيها

ماريد غيره بقربي يا محبيني
ولا مداوي لأجراحي يداويها

وحده حبيبي الطبيب اللي يداويني
من كل علة ونار الشوق يطفيها

إن كنت بردان ب أحضانه يدفيني
وأن كنت عطشان يسقي الروح وارويها

ما اخون عهدي وأنا ثابت على ديني
حتى ولا الشرع حلل لي أثنيها

لا نجمة الهند واسنطبول تغريني
ولا خليجية أو شامية توازيها

من مثل خلي سيسعدني وهنيني
حطه بعيني ورمش العين اغطيها

محبوب قلبي قمر يضوي سماء كوني
روحي فداء له وهو لي الروح يفديها

....

[الحمدان]

من شد على يدك حذاري تخليه
ولو فلتوه النـاس حطه بقلبك

ولو طال وقتك إحذر إنك تعاديه
ولا تجحد المعروف ان خفت ربك

الشخص يسقط حين تسقط مباديه
وأنته تـأكد من طريقك ودربك

مش لجل تعند وأنت غلطان تمشيه
إحسب حسابك بين شرقك وغربك

واختار لك بين البشر من تخاويه
تلقاه في ضيقك وسلمك وحربك

....

[الحمدان]

أنت الكفوو اللي يعرف المواجيب
والمحزم اللي بالمواقف نعده

ألطيب فيك ومنبع الطيب منشاك
وذكرك يعز ويرفع الراس طاريك

....

[الحمدان]

‏رافقت لي ناسٍ على الطيب يمشون
هم الاصل والـطيب هم الفخامه

طيب اللقى بصدور رحبه يهلون
ومن رافق الـطيبين يكبر مقامه

عن الكلام الشين حشمه يصدون
بعيونهم توصيف طبع الشهامه

بقلمي

[الحمدان]

‏شربت من صافي غلاڪ وحنانڪ
حتى وصلت لمرحلة عشق وادمان

ملڪڪ خفوقي وانت سيـّد زمانڪ
وفي ذمتي بالذوق مامثلڪ إنسان

....

[الحمدان]

‏يالله صباح العطا والقرب والطاعة
‏يامالك الجود يامعطي بلا منّه

‏عفوك بعبدٍ لشوفك كثرت أطمآعه
‏يبغى يفوز برضاك ويدخل الجنّة

....

[الحمدان]

‏يامن وجودك في حسابي ضروره
‏لولا وجودك في حسابي حذفته

‏اشوف روحي فيك في كل صوره
‏وليتك تشوف اللي انا فيك شفته

....

[الحمدان]

ودّعوني كل مايسرق الشمس الغروب
‏المسا يحتاج عُزلة ونظرة عن كثَب

‏اتركوني كلّي بصوب والعالم بصوب
‏وارفعو عن طيش الاقلام والفكر العتَب

‏هاجسي كنّه يدور على باب الهروب
‏مايريّح لين ما ألقى على المطلع سبَب

‏عاد انا اللي كل ما طالت طوال الدروب
‏ماتحد ركاب صبري على ثني الركَب

‏كل ماعيّت تهيّا تباشير النصوب
‏اتبسّم للمقابيل واصبر واحتسب

‏وأتغنّى فالمواعيد ياخضر القلوب
‏لين اقرّب كل صدفة يميّلها الطرب

‏ياهنوفٍ دونها العمر ماهو بمحسوب
‏الزعل تبّت يدينه وما جابت وتبّ

‏أقبلي مثل الهمايل على القاع الجدوب
‏وأوقفي لين أسرق النوم من شّط الهدب

‏وانثني مثل الخزامى ليا هبّت هبوب
‏وإثبتي مثل المواثيق مابين العرب

‏وإقلطي لاجابك الشوق فالصدر الرحوب
‏وهزّي جذوع القريحه تساقط لك كُتب

‏وعاتبيني كان ما ألبستك من الودّ ثوب
‏وإعذريني لو تماديت في ساعة غضب

‏والله إن ماني على كيّة الحب مْغصوب
‏مير ماعيّنت مثلك على الكون الرحب

‏لك كلام اعذب من الما ولك صوتٍ عذوب
‏يشهد الله كنّه العافيه عقب التعَب

‏ولي خفوقٍ عن محبّتك عيّا لايتوب
‏جنّته وصلك وفرقالك سوء المنقلب

....

[الحمدان]

التجربه تعطيك فكر وسياسه
‏من كان عنده تجربه*تنحسب له

‏والقل كل الشر من تحت راسه
‏لويقنع*المخلوق باللي كتب له

‏بعض المشاكل حلها بالفراسه
‏لاشان وجه الوقت وامتّس حبله

‏يضيع فيها فيلسوف الدراسه
‏ويحلها لك شايب ٍ يتبع ابله

....

[الحمدان]

لو عشت عمري بين حزني وياسي
‏من المحال ان وجهي يصير وجهين

‏ثوب الردى والهون ماهو قياسي
‏لو كان تنعم في دفاه الرديين

‏ومهما تجي دون الطموح المأسي
‏وصاروا لي الاحباب مثل المعادين

‏لازال ذاك الصوت يصرخ براسي
‏مردّها تنصفك الايام وتزين

....

[الحمدان]

‏حطني بين المعنق وبين الخوختين
‏وانثر السود الجدايل عليّ و فلها
‏ㅤ
‏يا جميل الوصف عز الله ان الزين زين
‏رش روحي من سحابك و كبدي بلها

....

[الحمدان]

‏على شان عنقٍ كل ما جيت له موعود
‏أجي له وأنا مرمي وأعوّد وأنا رامي

‏يا لبيه يا احلى فاتنة من بنات العود
‏يا لبيه لين يجيبك العمر قدّامي

‏اسوق الهقاوي ما لشوقي عليك حدود
‏وادوّرك وأسرج مهرتي واكرب حزامي

‏وأرد البرا وأقول يا ام العيون السود
‏انا الصادق اللي موقفه فالهوى سامي

....

[الحمدان]

حاولت اعديها مع الصدر الوسيع
وارسم على وجه الزعل وجه الرضا

لكن بعض الاحيان قلبي ما يطيـٰع
بعض الخطأ يضيق به وسع الفضا

....

[الحمدان]

اهل الكرم والطيب دايم على طيب
حتى لو ان الوقت قاسي ومتعوب

ترى البشر نوعين مخطين ومصيب
خلك حكيم ولا تكن شخص مغلوب

....

[الحمدان]

‏سجل قصيد الغلا بأسمك وسجلني
أول متآبع لـ أحاسيسك ولمساتك

لو تكسر البيت كمل لاتكلمني
يكفيني أسمك مسجل بأخر أبياتك

....

[الحمدان]

من سواد العين والا من حلو سود الاهداب
الكحل ياخذ سواده من سواد عيونها

ومن بياض العين والا عينها ثلج وضباب
حتى أعطت للثلوج ولوّنتها ب لونها

والزهر لونه وعطره سارقه خد الرباب
حتى أنها لامشت له تابعتها غصونها

والعسل ياخذ حلاوه من شفاها ومنها طاب
والنسيم العذب هل بشعرها ولمتونها

....

[الحمدان]

‏ لا تاخذك كثر الحسايف على شي
‏الرزق بيد الله مثل منت شايف

‏دامك بخير وتشرب وتاكل وحي
‏مافيه شي يستحق الحسايف

....

[الحمدان]

اشاهدك متصل وقول في نفسي
ياليت تقلي ولوحتى مساء الخير

وان قلت شبدأ انا اتحاكا ولك مسي
اخاف تجرح شعوري بالسكوت والضير

ارحمني ياذاك حبك قد ربش حسي
وانت جالس تدردش تعتني بالغير

آخر ظهورك اشوفه وآنا بس منسي
ماتدري عني متى ادخل ووقت السير

حولتني في الصحاري عنتره العبسي
هايم مشرد بأرض الله مثل الطير

ونا الذي كنت ريد الحب رومانسي
لكنني اخطأت في التفكير والتقدير

مجروح من داخلي وفي الكتف قوسي
مااقدر ادافع على نفسي ولا لك شير

اعبر بحورك ولا أعرف متى ارسي
ماقد جنيت منك غير الصد والتبرير

بجولة الحب مستني على تكسي
ارصد مرورك ولوم نفسي على التقصير

سلبت عقلي بحسنك ياالرشا المكسي
لكنني مالقيت منك ولا تعبير

توجتك التاج واعليتك على الكرسي
بخرت عرشك ولكن مانفع تبخير

حطيت حبك وتقدريك على راسي
وصرت حبك وقلبي قد تفائل خير

لكن خساره فؤادك قد طلع قاسي
وصمتك المستمر قد زادني تاثير

....

[الحمدان]

من باعنا لجل يكبر في عيون الناس
لابد يصـــغر بعــــــين الناس والعالم

وتحـت الاقـــدام قدره دائماً ينداس
مهما ترفـع مــكانه عـــندهم خادم

زنانــت الجـــو بقـــطع عنها الانفاس
واقولها الحـــال عــــندي دائماً سالم

رغم المعانات عشـنا رافــعين الراس
ما همنا من طعــن من خلف يا فاهم

ثعـــالب انــــذال مـكاره كما جساس**
تطعن بضهـر الوفـــي والله ذي عالم

يا فاعل السم لصحابك بوسط الكاس
من يلطم الناس يلقى عــــنده اللاطم

....

[الحمدان]

من يقطع الوصل عنك بلا سبب قلّه
‏لا يعتذر بالظروف ويعقد حجاجه

‏إن كان طول عليك بغيبته خلّه
‏الي خذته الظروف تجيبه الحاجه

....

[الحمدان]

‏ياشوقي لصوته وشوقي لسواليفه
‏شوق اليتيم اللي ملا قلبه الياس

‏يبكي النهار ويدعي الله يعينه
‏وينام ودمعه مادرو عنه الناس

....

[الحمدان]

‏القاك في درب القصايد والاشعار
والقـاك في كل المشاعـر أحـادي

مالك شريك بقلب حطك له اسوار
واشوف غيرك في عيوني جمادي

جتـني طواريـّك مـع الليل زوار
احسـّها كـل ما تصـيح وتنـادي

اعبـر بها يمـك على مـوج الافكار
خـيـال لكـنـّة بقـلـبـي وكــادي

....

[الحمدان]

‏حـي الله اللي عـليها الـكبد مـحتـره
اللي ذبـحـني غـلاهـا يـا حمد بـدري

تـلعب عـلى القلب والـشريان وتـفره
والـعقل سـلم لـها بـالغصب مايـدري

فـتـنة جـمـالـه غـريبـه حـيل بالمــره
والمشكله ياحمد صاب السهم صدري

....

[الحمدان]

‏انت وينك عن مساء الأشواق قلي
كيف عايش يا جميل الروح دوني

في غيابك يا حبيب الروح من لي
انت اجمل من ساكن داخل عيوني

....

[الحمدان]

‏واجب نمسيكم ونسئل عليكم
‏ياكل متفاعل وحاضر وغايب

‏بالخير يسعدكم وينعم مساكم
‏يامبدعين يا مرسلين المواهب

بقلمي

[الحمدان]

‏ابيك دنيا اعيشها طول الأزمان
وابيك شوقٍ كثر مابيه يبيني

أبيك حبٍ ماشعر فيه إنسان
وابيك عشقٍ بين قلبي وعيني

....

[الحمدان]

‏سرا الليل والقمرا سرا نورها وضّاح
تهيض خفوق اللي تعود على المسرى

وترجع به الذكرى على وقته اللي راح
والا واعذاب القلب لامّرت الذكرى

....

[الحمدان]

‏اللي طيوفه شاركتني الاماكن
‏احزن على ذكراه ويضيق بالي

‏ماني وحيد احبابي كثار لكن
‏لامن ذكرته لازم اجلس لحالي

....

[الحمدان]

البعد وحشة والمشاعر غريبه
يا مطول الغيبات غرك زمانك

تدري متى تندم على كل غيبه
لاشفت غيرك جالس في مكانك

....

[الحمدان]

رسمته في خيالي مع الاحلام
وصف حبيته من صغر سني

عبر الاقمار يبث لي وقت مانام
ولا دري من أي أرض وصلني

كل انسان وله بلجوف رسام
شكل تهواه من بين البشر ملكني

....

[الحمدان]

‏كلّ عامٍ والمملكة العربية السعودية
تعانق المجد
وتحضن السّحاب
بالفخر والعز
دامت المملكة العزيزة حبّاً وعشقاً أبدياً
دام عزك ياوطن
اليوم الوطني السعودي 94

بقلمي

[الحمدان]

‏جــذاب خصـــرها وتتبختـــر وترتـز
‏رعبــوبه تـرف وكـل مــابها ترزه

‏مع كل خطوة لامشت الردف يهتز
‏مــدري دلــع والا عباطه ... تهزه

شافي

[الحمدان]

وقفنا مع اهل الطيب وقفات جديه
وياحي قومً ب الوفاء جاك طاريها

نقايس ونحسبها حسابات فكريه
ونبقاء وتبقاء القوم تحفظ مباديها

شافي

[الحمدان]

يامساء يوم الوطن بالفخر والعهود
يامساء فرحه وطن غالي عن الاوطان

دام عزك ياوطن في ذرى آل سعود
دمت شامخ بالفخر والامن والآمان

[الحمدان]

وش هو سبب ياناس صد المحبين
حتى الرسائل ماتجي من طرفهم

اشوفهم ماهم علينا حريصين
مدري من اللي من سمانا خطفهم

مدري زعل وألا مع الناس لاهين
عجزت أحدد يابشر وش هدفهم

....

[الحمدان]

عساي ما اثقل على قلب مخلوق
ولا اسوي مايسـبب عـتابه

انا احـب الذوق وادور الذوق
عند التعامل والحكي والكتابه

بقلمي

[الحمدان]

لاتعاتب قلـب مايحفــظ غـــلاك
‏ودعه في صمت واعزم بالرحيل
‏
ولاتقــول الشــوق وردك الهلاك
‏لو يحبك مالـقى غـيرك بديل

....

[الحمدان]

‏القناعه والكرامه غناة ورأس مال
‏من ملكها مانشد وين بقعا رايحه

وصل العطياني

[الحمدان]

جملة صباح الخير مع طلّتك غير
‏حيّا القبال السمح والخاطر الولف

‏الورد وأغصان الشجر والعصافير
‏وكل الصباح يقول يا مرحباً الف

....

[الحمدان]

‏إنت الحروف اللي كتبها قصيدي
‏فيك المشاعر ساكنه داخل الروح

‏يفداك عمري والفؤاد وريدي
‏ياللي تهيض داخلي لجلك البوح

....

[الحمدان]

‏وطن مْعَزّي؛
‏وفي ذرى عياله العزوة..
‏
‏سنبقى على العهد نرعى الذمم
‏حُماة البلاد حُماة العلم

[الحمدان]

ماجيتك ألعب بالمشاعر وأخليك
وماجيت لأجل أستغفلك وأستغلك

كيف أنشغل عنك وأنا منشغل فيك
ليت الشعور اللي بقلبي وصل لك

....

[الحمدان]

الله عطا بعض العرب ذوق واسلوب
زين بل عقل ويـجذبك في كلامه

مملـوح بـالـفطره وللناس محبوب
لبى خـفـوقه لاضحك بابـتـسامه

....

[الحمدان]

أحدن لـو إنـه زاد قدره وشانه
لاغاب تلقى من يعـوضك ودّه

وأحدن إليا من غاب يبقى مكانه
لو تجتمـع كل البشـر ما تسدّه

....

[الحمدان]

‏يا عديل الروح يا حلو الوصايف
‏يا بعد من شافت عيوني عيونه

‏ايه احبك غير عن كـل الولايف
‏حب صعب ان الاوادم يفهمونه

....

[الحمدان]

الصاحب الي تل قـلبي وبه هـمت
وبسبته مـانمت باليـل سهـران

يمكـنك انـي بالمـحبه توهـمـت
والي يتوهم يصبح اليوم خسران

‏زرعـت فـي قلبـي غـلاك وتمكنت
‏وأول حصادي منك صده وهجران

‏دنيـاك ماتسـوى على غيبتـك أنـت
‏يـامـولــع بـالقلـب حسـره ونيـران

....

[الحمدان]

‏بيتن عجبني ياعرب يقعد الراس
رضى البشر يا ناس ماهو فريضه

اعيش جوي واترك الناس للناس
مالى ومال اهل العقول المريضه

....

[الحمدان]

ستر المواجع داخل القلب راحه
‏لو يمتلي صدري بها ماتكلمت

‏ماهو جديد القلب يخفي جراحه
‏ولاهو غريب الضحك مهما تألمت

....

[الحمدان]

‏الوقت قاسي ومنة النفس مقهورة
‏والحزن في وقتنا القاسي يحاصرنا
‏
‏يالله وان جاتك الدعوات مكسورة
‏افرد جناح الرضا واجبر خواطرنا

....

[الحمدان]

مجاراه بين الشاعر عبدالله
والشاعر أبو خبان

قولو ل عبد الله اليله يجاريني
لانه في الشعر متمكن وهو دكتور

مسلم وباموت واستشهد علا ديني
يهناه من مات ياغالي بنات الحور
أبو خبان


يا مسلمين الله قد وصـى
وصـى رسول الله بلحصه

علوم في القران ماتحصـى
الحق واضح فيه والقصه

المشكـله فـ المسلمين نقصى
وكـل مسلم ما عرف نقـصه

وهي حقوق الله ذي تعصـى
ذي واجـبه للـه ومـختـصـه

لو كـل مسلم فيهن اتقـصـى
ملمسلمين اليوم في خبصه

لوكـل واحـد هـم واختصـى
وقــال هـذا الدين ذي خصه

للـصـف يتـوحـد ويـرتصـى
من اليمـن لا مصر لا حمـصه

ندخل نحرر مسجد الأقصـى
مـاشي مـعانا غيرهـا فرصـه

عبد الله

[الحمدان]

يا ساحه البدوان واهل القصايد
في متلقئ شعر القصيد الخليجي

عندي لكم من دين ربي فوايد
غصن الاثيل النافحه والاريجي

المسك ريحه والنسايم نوايد
يحي به القلب الكئيب الطجيجي

يازورق ن في يم ساهد وواهد
تتلاطمه موجات في بحر لجي

لاعاصم الا الله باقي وواحد
امسك بحبله وانتهج خير نهجي

أبو خبان مغنيز

[الحمدان]

ياصاحبي الدنيا لها طبع ميال
كلن بياخذ من شقاها نصيبه

ماكل من ساق الخيل صار خيال
وما كل طلقه في هدفها تصيبه

عبد الله

[الحمدان]

مرايف عليك ارياف نبي نشوفك

يا هنا عمري يا جميل حروفك

مشتاق نسمع صـوتـك

مشتاق نسمع ضحكتك و اسلوبك

ومشتاقلك ياروح قلبي نا ملهوفك

انريدك على طول الزمان رفيقي

والعقل زاد مايفكر الا في صوبك

امرايف عليك العقل يبي يشوفك

يـاهنا عمــرى يا جميل اسلوبك

....

[الحمدان]

مشاعرنا ضحايا الصمت والعھتمان
‏وعھرامتنا تخـيرنا مابين أمرين

‏جميل الصبر والا نعمة النسيان
‏عسى ربي ما يحرمنـا من الثنتين

....

[الحمدان]

ترى الحياة بكبرها تلهوّه
‏دخلتها والصبح تظهر منها

‏لاصار في وجهك حيا ومروه
‏اختر من جزال العلوم اثمنها

‏حارب عدوك في نقاط القوه
‏اما نقاط الضعف جنب عنها

....

[الحمدان]

تدور الليالي والمقادير خيل وجيش
ولولا الصبر ما كان رحنا ولا جينا

رمتنا الليالي في نعيم الطرب والطيش
وشلنا على ركب الهقاوي هقاوينا

طوينا سجلّاتٍ كثيره عشان نعيش
ما ندري إن سجلّات المقادير تطوينا

....

[الحمدان]

‏العز ماهو بشت او ميلة عقال
العز تختصره فعايل يدينا

مو مشكلة حنا نسويك رجال
بس الخطأ انك تمرجل علينا

....

[الحمدان]

بسيطه من الجهال تخطي على العقّال
لكن عاقل ويخطي على جاهل مصيبه

تغافلت عن بعض الخطايا وانا رجال
اذا ردّ من حقه واذا صدّ من طيبه

....

[الحمدان]

رسالتي لك....

من أسباب حفظ الأمن والاستقرار :
‏الإيمان بالله وتوحيده والحذر من الشرك وهوما كان يلهج به أبينا إبراهيم عليه السلام كما قال الله عنه :
{وإذ قال إبراهيم رب اجعل هذا البلد آمنا واجنبني وبني أن نعبد الأصنام}
‏وقال سبحانه :
(الذين آمنوا ولم يلبسوا إيمانهم بظلم أولئك لهم الأمن وهم مهتدون)

[الحمدان]

مساء الخير ياسيد الأدب والذوق
عسى الله ياغلاي يسعد اوقاتك

على همس المشاعر وانتثار الشوق
حروف الشعر ضاعت في متاهاتك

....

[الحمدان]

احيان نلقى الدواء من ناس مجهــوله
تحڪي وتشفي مــواجع مالها دڪتور

ڪلام مثل الدواء في وسط ڪبسـوله
وحروف مثل العسل تجبر المڪســور

ياحـظ مـن مــثلها شـاف مــن حــوله
يـعيش طـول العـمر بـين البـشر مسرور

....

[الحمدان]

ليل جمعني به عسى ليته يعو
يبعد عن النفس الحزينه حزنها

....

[الحمدان]

يسعد مسـاء نـاسٍ عليـنا عزيزين
قبل اللسان القلـب سـاق التحيـه

مكانهم عندي على الراس والعين
وأحبهم في الله وبـ طيب نيــه

بقلمي
‎

[الحمدان]

جتني رساله رمزها يشرح البال
هزت شعوري يوم عيني قرتها

مشكور يالغالي يا أغلى مرسال
الرساله غاليه من غلا اللي أرسلها

....

[الحمدان]

‏مستحيل ترجّع الدنيا مكانة شخص غالي
‏ساعة انه طاح من عيني مثل ساعة وفاته
‏-عويّد النجود

‏حيث انه اول شخص يسقط من عيوني مرتين
‏وأنا عيوني من سقط منها ما عاد تعبرّه
‏-صالح النشيرا

‏العين/ ثم القلب/ ثم الذاكرة
‏لا طحت من الأولى؟ تطيح من الثلاث
‏-سعد علوش

[الحمدان]

‏عزت علي نفسي وأنا أطلب وصالك
‏أسكت ولو ماني على الوضع راضي

‏لاصرت تنساني بـ وقت انشغالـك
‏مابيك تذكرني إذا صرت فـاضـي

....

[الحمدان]

‏يقولون لي حبيت وأقول ماحبّيت
‏وأنا أحبّ حبٍ كلهم ما يحبونه
‏
‏لكنّي ما أعرف أعلّم الناس وش سويت
‏الأخبار مخصوصة والأسرار مدفونة
‏
‏أنا سرّ قلبي بين الأضلاع معنى بيت
‏يغنونه اللي ما يعرفون مضمونه

....

[الحمدان]

‏لاضاقـت الدنيا قل الحمدلله
‏حتى ولو إنـك مـن الوقـت هايـم
‏
‏ماخاب منهـو يحسن الظن بالله
‏وما ضاق صدرن يذكر الله دايـم

....

[الحمدان]

الناس نامت وانا ياسعود سهران
والعين تبي النوم والنوم يجفيها

اشتقت وانا من كثر الشوق تعبان
والنفس مالقت من يواسيها

وقلبي حزين والخاطر ماهوب طربان
والنفس مالقت يا سعود من يسليها

....

[الحمدان]

أحبك وعرّضت النقاييد هبوب النود
فعولك اتنومسني وذكرك يْهيضني

يالبيه يا وجهٍ عليه الرضا معقود
أشوفه وأشوفك في سنيني معوضني

....

[الحمدان]

ما الله خلقني للمخاليق تبّاع
ولا أشرب الشربه وغيري سكبها

أما خذينا مطلب الروح بذراع
وإلا تعف أرواحنا عن طلبها

....

[الحمدان]

صغير السن قدرك مثل قدر المكان
في عيون الي يحب المكان ولا يجيه

عينك الي مابعد مرها جور الزمان
شافت الي ما يحب الخطاء واخطت عليه

لازم ارخصلك حياتي قبل وجهي عشان
تدري ان العمر ماهوب اهم أمن الوجيه

....

[الحمدان]

مشكلتي اني مزاجي وانتقائي حضور
إذا انتهوا فوضويّين الظهور ابتدي

بيني وبين المقام السهل حالة نفور
ادوّر الحاجه اللي تستحق اجهدي

....

[الحمدان]

كل ما جيت اعترفلك قلت فاتك
ما لقيت لطاري الفرقا مبرر

تعتبرني ذكرى حلوه في حياتك
وانت فرصة في حياتي ما تكرر

....

[الحمدان]

الخلا عن زحمة الناس بوابة نجاه
يوم أشوف الذود والعين يبعد مدها

عاد شوف الذود حاجه توسع فالحياه
للصدور اللي من الوقت ماهو ودها

....

[الحمدان]

حاولت اعديها مع الصدر الوسيع
وارسم على وجه الزعل وجه الرضا

لكن بعض الاحيان قلبي ما يطيـٰع
بعض الخطأ يضيق به وسع الفضا

....

[الحمدان]

روّح فمان الله من غير تبرير
عيّت عليك أقدارك المستحيله

أوعدك حفظ السر حتى عن البير
وإن زلّت الدمعه بحقك قليله

راحت بك ظروفك ولا رحت للغير
وأنا أملك الغايه ولا أملك وسيله

مافي يدي غير إني أدعيلك بخير
مخلوق ماعندي بالأقدار حيله

....

[الحمدان]

ليه أترك الحلم وأذرف من وراه الدموع
وأحلام الإنسان توخذ غصب ما تنعطى

تشكّلي يا ظروف الدهر ومن أيّ نوع
بـ أجيك هادي ومتوازن وواثق خطى

القلب ضد الكسر والراس ضد الخضوع
والمتن للشيل واليمنى لبذل العطا

....

[الحمدان]

يابنت ياللي قدام عيوني تقهويين
شفايفك بانت وانا رحت فيها

اما تعالي ندبل الكاس كاسيين
ولا شفاتك عن عيوني استريها

....

[الحمدان]

أنا اعتبر مزحك دواء كل علّة
امزح معي واللي يجي منك مقبول

ومن ناحـيـة هـم الزعـل لا تشله
معقوله ازعل منك ماهو بمعقول

حتى لو أزعل والزعل في محله
بزعل عليك شوي وأرضى على طول

....

[الحمدان]

خلك بـحر غامض وباعماقك أسرار
وفي ظاهـرك للناس عزه وهيبــة

لاتشتـكي جــرح الليــالي والاقدار
يدوس جرحك من تحسبه طبيبه

....

[الحمدان]

من يهمه حضـوري يسعد الله نباه
ومن لا يهمه حضوري مرحبا به هلا

وانت يَااللي وجـودك يلفت الانتباه
من وجودك عساني يَاالغلا ماخلا

....

[الحمدان]

طول غيابك ولا حصلت منك نباء
مابين لحظه ولحظه اعتبرها سنين

ارسلت اغلاء رسائل يازمان الصباء
عنوانها شوق قاتل والرسائل حنين

جني سليمان ارسلته وهدهد سباء
لاشفت جني ولا هدهد رجع باليقين

....

[الحمدان]

مرحبا يانادر الوصف يابو المغريات
انت مخلوقاً من تراب ولا من زهر

ينكتب في قدك الزين عشر معلقات
ومن زعل يزعل وجعله يطق من القهر

ووجهك المملوح يحرق كروت الفاتنات
والعيون الناعسه حسن ولا من سهر

والقوام اللين اللي مافيه ملاحظات
والجديل اللي على عاتقك مجرا نهر

....

[الحمدان]

غروٍ ذبحني فارع الطول مزّاح
هو غايتي لامن حبيبي تهيّا

العنق عنق الريم والخد وضّاح
يطوي قرونه فوق الأمتان طيّا

العين سودا وسطها سيف ذبّاح
والوجه يضوي مثل نجم الثريّا

....

[الحمدان]

ياحـــب يادرة اصحـــابي واحـــبابي
يجـــري مجاري نفس روحي وينهبها

انت البعيـد القريب وصفـــحة كتابي
في شـاطي الشوق ترسـي بي مراكبها

عايش وتاهت خطاي وتعبت اعصابي
مابين رغبــة هــوى نفسي وواجـــبها

وأهيــم في خبت خالي كل شي غــابي
واحــاول انسى الهموم واذكر اطيبهــا

من زود همي تعبـت وناخــت ركـابـي
والارض من لوعـتي ضـــاقت مناكبــها

سنيــن تمضي وانا جالس على النــابي
والــيوم مثل السنة لــوجيت تحسبــها

هذه حكــاية عــذابي وانــت ادرى بـي
ما ادري كتبها القــدر والا انــت كاتبها

‎....

[الحمدان]

‏وش بقى في الشعر شيٍ ما كتبته
ووش بقى بالشوق أكثر من أبيك

ووش بقى بالحسن زودٍ ماوصفته
واحلف لك إنّه مايليق إلاّ عليك

....

[الحمدان]

يقول سلمان بن خالد :

والله اني بحاجه للغغياب الطويل
دام كل شي احبه بالحياه اخسره

[الحمدان]

قال أنت جالس لحالك تنتظر من يجيك
قلت انتظر نفسي اللي ما اعرف وينها

....

[الحمدان]

‏في سجن حبك أشوف السجن حريه
‏راضي وحكمي بسجنك تم تاكيده

‏طالبك نفسي بحكمك طيب مرضيه
‏مسجون في خافق السجان تابيده

....

[الحمدان]

الصدفه اللي جابتك والا القدر
مدري ولكن المشاعر حيتك

دايم تبشر بالمطر وانت المطر
اللي يربـع خـاطري من جيتـك

....

[الحمدان]

‏القلب قلبك مع عيوني والنفاس
كلي لاجل عينك حلالك حلالك

مالي لزوم بقرب غيرك من الناس
يكفي وجـودك جـعل غيرك فدالك

....

[الحمدان]

ي عشق ماله نهايه لو يموت الغرام
ي وجه أحبّه ليا منّه ضحك أو كدر

ي أغلى من الكل واقربهم غلا وأهتمام
ي درب أحبّه ولالي عن طريقه مفر

....

[الحمدان]

تغيب ياغايب وأنا دوم مشتاق
حر.ّقت قلبي طالبك خاف ربك

ان كان في غيبتك تلميحه افراق
لاشفتني ميت ترى الذنب ذنبك

....

[الحمدان]

‏ياكثر حبي لك وياكثر ما أغليك
‏وياكثر مالك في ضميري معزه

‏انسى حياتي بس ماني بناسيك
‏حبك بوسط القلب محدن يهزه

....

[الحمدان]

‏اغليه و يغليني ونعشق بعضنا
‌وان قال احبك قلت كلك عشقتك
‌‏
‌‏وان غاب واحد في رسالة كتبنا
‌‏اشتقتلك وش فيك وينك فقدتك

....

[الحمدان]

خدرة السّود الوساع اللي تقيدها المبادي
لا استحت غطت بيدها ضوح نور ونار حيه

اقتصاديه وانا فالحب ماني باقتصادي
كل يوم انحر لخاطرها من احلامي ضحيه

....

[الحمدان]

من رق انوثتها بـ الحسن غيره
هذا ياكيف وكل بنت اغبنتها

في عينها سيف العقيد وشويره
ورموشها جند الخمول اكتستها

عين من الفستان يلمع حريره
فستانها الأخضر يبرهن صفتها

غنجا لذيذه ريق عفه صغيره
عزلا دقيقة خصر خفه حركتها

الي وقفت كلن يعذرب قصيره
والي جلست ياطول رز ارقبتها

....

[الحمدان]

اهلين ياسمح المحيا وسلهين
ياراس مال اللي يبيك ورصيدة

اشتاق لك شوق الشقي للملايين
اللي حياتة كلها عالحديدة

....

[الحمدان]

خارج الصندوق....

الإنسان في صراعه مع نفسه
يتوه بين ما يشعر به من قوة
والضعف الذي يسكنه
وكأن الحياة امتحان دائم
للقيم الحقيقية

دوستويفسكي

[الحمدان]

مشاعرنا ضحايا الصمت والڪتمان
‏وڪرامتنا تخـيرنا مابين أمرين

‏جميل الصبر والا نعمة النسيان
‏عسى ربي ما يحرمنـا من الثنتين

....

[الحمدان]

‏ليت الأماني تحقق ï»» تمنينا
‏ويا ليت اï»»يام تجبر في خواطرنا

‏على دروب الأمل سقنا خطاوينا
‏يالله عسى خيرة الأيام تنطرنا


....

[الحمدان]

‌‎وعسى الرفيق الاش منا ينفصل
كفايه مجامل نريد مصارحه

مانبغي الا الكفو ومعرب لصل
الي مواقيفه لطيبه شارحه

....

[الحمدان]

‏معذور لو تشتاق لك حاسة اللمس
معذور لو تشتاق لك حاسة الذوق

انت القمر ماني مشبهك بالشمس
ماطالعك غير الذي نظرته فوق

تبغى الحقيقه كل حواسي الخمس
تبغى وصالك يابعد كل مخلوق

....

[الحمدان]

في هالزمن حتى الغلا صار مقلوب
قلوبنا مدري وش الله بلاها

ناسٍ تقول ان الغلا يذبح قلوب
وانا لقيت قلوب تذبح غلاها

....

[الحمدان]

‏وينك ترى من كثرة الشوق محتاج
ياليتني في كل الاوقات قربك

تعال قرب كان ماعندك احراج
قلبي ملاه الشوق يحتاج قلبك

....

[الحمدان]

وجهك عليه رسوم وش معنى الحياه
في نظرتك في بسمتك كوني يكون

ياليت عمري معك في كل اتجاه
وانت النظر ماعاد ابي دونك عيون

....

[الحمدان]

‏غرامك مثل نار حطبها الغلا والنار
تموت وغلاك اللي بقلبي يولعها

غلاك بضميري واضح ماعليه غبار
تشيل الغلا نفسي وانا عاجز امنعها

....

[الحمدان]

‏في وجودك للفرح مليون طيف
‏وفي غيابك للحزن مليون آآه

‏انت كل الكون يالقلب النظيف
‏وأنت كل الحب وزهور الحياه

....

[الحمدان]

‏تراني على ظن النشاما وربي فوق
ولانيب من صوب المطاليق متردي

اسوق القدم للطيب رغم المتاعب سوق
وتبطي ظروف الوقت مابيحت سدي

....

[الحمدان]

‏معذور لو تشتاق لك حاسة اللمس
معذور لو تشتاق لك حاسة الذوق

انت القمر ماني مشبهك بالشمس
ما طالعك غير الذي نظرته فوق

تبغى الحقيقه كل حواسي الخمس
تبغى وصالك يابعد كل مخلوق

....

[الحمدان]

‏ارسلت لك من زين الاشعار حرفين
حرفن عتاب وحرف شوق ومحبه

اقرى حروفي زين يا نظر العين
ورحم محبن عانده شوق قلبه

....

[الحمدان]

‏لك في عيوني همس وحروف وابيات
‏ولي في عيونك من دفا الحب تجديد

‏يا سيد احساسي تموت المسافات
‏ في داخل عيونك وتحيا المواعيد

....

[الحمدان]

‏ﺗﺪﺭﻱ ﻭﺵ احلئ ﺷﻲ لا ﺻﺮﺕ ﺗﺸتاق
‏انك تشوف ﺍﻟﻠﻲ ﻳﺤﺒﻚ ﻳﻨﺎﺩﻳﻚ

‏وان ﺟﻴﺖ ﺟﻨﺒﻪ ﺗﺒﺘﺪﻱ ﺣﺮﺏ ﺍﻻﺷﻮﺍﻕ
‏ﻣﻦ ﺍﻟﻮﻟﻪ ﻭﺍﻟﺸﻮﻕ لنه قبالك

‏ﻭﺗﺸﻮﻑ ﻓ ﻋﻴﻨﻪ ﻣﻦ ﺍﻟﺤﺐ براق
‏ﻓﻴﻬﺎ ﺗﺤﺲ ﺍﻧﻪ ﻣﻦ ﺍﻟﻨﺎﺱ ﺷﺎﺭﻳﻚ

....

[الحمدان]

العين تلمح في نظرها ملايين
والقلب يعشق في الملايين واحد

كيف أتفق في حبك القلب والعين
وحدك ملكتهم وصاروا شواهد

....

[الحمدان]

‏الأدمي يسعى ويأخذ بالاسباب
‏والمجتهد ما يأخذ إلا نصيبه

‏لو طالت الطرقه وخيط الشفق غاب
‏البعد زرفال الركايب يجيبه

‏والطيب والمعروف له عدّة ابواب
‏والصدق وجه الحق والكذب خيبه

‏ومن لا اغتنم درب المراجل وهو شاب
‏ماهوب مدركها إلى صار شيبه

....

[الحمدان]

لو كان ندري وش تخبّيه الأيام
‏كان أكثر الأخطاء ما نرتكبها

‏نتعب ولا يشعر بنا غير الأقلام
‏تشرح مشاعرنا وتجهل سببها

....

[الحمدان]

روضت⁩ لك خيل الغلا وسط صدري
‏واصهل عليك ⁧الشوق⁩ من بين الأضلاع
‏

‏⁧ليتك⁩ عن اللي خلف الأضلاع تدري
‏حتى تجي لي ⁧بالغلا⁩ غصب منصاع

....

[الحمدان]

ماعشقتك لـ اجل ترحل في سلام
‏ولا عشقتك لـ اجل تهديني جفى

‏المحبه ماهي بس كثرة كلام
‏المحبه صدق واحساس ووفى

....

[الحمدان]

‏لكم مساء الخير من قلب صادق
لعيون من يقراء كتابات شعري

الي لهم بالقلب اكبر مساحه
مني لهم اغلى عبارات شكري

بقلمي

[الحمدان]

‏هذا أنت ياللي مال حبّك نهايات
‏يستقبلك حاضر ويحضنك ماضي
‏
‏في زحمة العالم لو تمر لحظات
‏كنّ المكان إللي تجي فيه فاضي
‏
‏بس أنت من يجعل من الهم بسمات
‏يمرّك الزعلان ويروح راضي

....

[الحمدان]

رسالتي لك....

أحياناً نكتب مانشعر به
‏أحياناً نكتب مانتمنى
‏أحياناً نكتب ما فات وانتهى
‏وأحياناً نكتب لأنفسنا
‏بحروف لايقرؤها ‏إلا من يشعر بنا
‏ويبقَى الحرف هو سفير القلوب
فانتقِ حروفك بدقة ورقة

كنْ أملاً ولا تكن ألماً
كنْ فرحاً ولا تكن وجعاً

بقلمي

[الحمدان]

اجمل هدايا العمر انسان يغليك
واجمل هدايا الحب انسان* وافي

روحه رهينه لك وبالعمر يفديك
فيه الوفاء والعهد للحب صافي

....

[الحمدان]

برسلك إحساسي يمسي بالخير
ويقول لك مشتاق يا اغلا الحبايب

مساء الغلا والشوق واحلى التعابير
واحساس ماينساك لو كنت غايب

....

[الحمدان]

‏صدري فراشك كان تشكي من البرد
وعيني غطاك وفي ذراعي وسادتك

أهديتني قلبك وانا اهديتك الورد
نامي بعيوني كان هذي سعادتك

....

[الحمدان]

لله در الصديق الصادق الوافي
ولله در الخوي مقدر الخوه

الكفو يبقى معك مطنوخ وسنافي
واللاش فـ كل لحظه يختلف جوه

....

[الحمدان]

روعتك يازين تكمل في حلاك
في عيونك في دلالك في بهاك

روعتك غطت على كل البنات
من لمح زولك يكول انت ملاك

القمر والشمس ضاعت في سماك
واختفت من عقب ما شافت خطاك

يا بديع الحسن يا كل الصفات
لاتلومين البشر كلا بغاك

الله الي جملك والله هداك
من جمال الحور زين مطلعك

يا زهور الشوك يا سكر نبات
يا نسيم الصبح يا روعة شفاك

يا دهون المسك يا عنبر نغم
يا ذهب يا الماس يلمع من غلاك

....

[الحمدان]

‌‏مبطي من علومك وذابحني الشوق
‎وعيني على شوفتك روح بصرها

‎المشكله فترة غيابك يومين وفوق
‎وعلاج عيني شوفتك يانظرها

....

[الحمدان]

ماٌني بـ شاٌعر ُلكنيٌ شٌخصٌ متٌذوق
أميز الكلمة الهزله من الجزلهٌ

وإنٌ ماٌ حصٌلي قصيدً جزل ٌومٌشوق
جلسٌت عٌن مٌدعيٌن الشعر فيٌ عزلٌهٌ

....

[الحمدان]

ياويـل قلبـي مـن مـوادع عيـونـك
‏لاحدنـي وقتـي علـى ليـل فـرقـاك
‏
‏ياكـم وكـم فيهـا أخـذنـي جنـونـك
‏رمــشٍ يعانقـنـي وجـفـنٍ تـحـداك
‏
‏هـذي عيـونـي حالـفـه ماتخـونـك
‏وهذي المشاعر ماتبي غير دنياك
‏
‏تآمر علـى نبضـات قلبـييجونـك
‏هـذي حيـاتـي ياحيـاتـي وتـفـداك

....

[الحمدان]

تدري وش اللي في غيـــــــابك يسلي
نسخة مــراسيلك ومـاضي شعــــورك

اســـــد فيها فجــــــوة العطف واملي
منهــا فـــــراغي وانشغل في إمــورك

كلما سقط واستعمر الشـــــــوق كلي
اعـــود في حرب الهوى من سطورك

إســـال عليا كل خــــــاطر وصل لي
وكل جمله عـــابره من بحـــــــــورك

إسال بريـدك والــــــــــرسايل وقلي
ايش بايقوله عني اخــــــــر ظهورك

افطر على ماضي شعــــورك واحلي
في همسة إعجــابك وريحة مرورك

....

[الحمدان]

‏مإبين تقليب المواجع والاسباب
فاصل رقيق من التعب والكئابه

ومَا بيين تغيير النوايا والاحباب
دمعه وصوت وذكريات وكتابه

....

[الحمدان]

ليا طرت كل البدايات دنقت
وجريت لي ونه من اقصى حشايه

سبحانه اللي غيرك وأخلف الوقت
اللي من اول كل وقتك معايه

....

[الحمدان]

نكره اللي صدّ ونعاف من ينسى الجميل
‏راحليين وتاركين الحياه الفانية

‏يعتقد مافيه غيره بهالدنيا بديل
‏الدقايق ماتحسّب حساب الثانية

‏للأسف بعض الخلايق رضاهم مستحيل
‏لو عطيته عين يسأل لـ من الثانيه

....

[الحمدان]

الزينه يومن يطروها أصيلة ما عذربوها
تربت من كف ابوها صيت الاجواد محليها

الله حلاها بالطبع وابوها من وجوه الربع
يوم يارد من لون السبع بالفعل الطيب حاميها

خجلا تخاف من اهلها ماردت يوم جيت اسألها
وليا ذكرتك فاولها انتي عرفتي تاليها


كفو من البنت وبوها

[الحمدان]

‏شفتك وأنا عن جرح الأقدار مسؤول
‏كبير وجروحي على حجم قدري

‏خفت اسـألك تذكر وخفت إنك تقول
‏أنا أذكر إني شايفك وين مدري

....

[الحمدان]

ﺍﻟﺠﻤﺎﻝ ﻳﻤﻮﺕ ﻭﺍﻷﺧﻼﻕ ﺗﺒﻘﻰ
ﻭﺍﻟﺤﻼ ﻓﺎﻟﺮﻭﺡ ﻣﺎﻫﻮ ﻓﻲ ﺳﻮﺍﻫﺎ


ﺍﻟﺒﺸﺮ ﺑﺄﺧﻼﻗﻬﺎ ﻭﺍﻟﺬﻭﻕ ﺗﺮﻗﺎ
ﻣﺎﺗﺰﻳﺪ ﺃﺷﻜﺎﻟﻬﺎ ﻣﻦ ﻣﺴﺘﻮﺍﻫﺎ

....

[الحمدان]

‏يوم العهد بـه حـده أسبـوع لاراح
‏أسبوع ويعود علي شوق ودموع

‏واليوم خمسة سنين والهم ما زاح
‏هم الفـراق الي بـلا عـذر مشروع

‏اسـتغفـر الله تسعـة شهـور يا صـاح
‏في غيبته قمت احسب اليوم بأسبوع

....

[الحمدان]

‏لا زلت أحبك لو أن الوقت غيرني
وأذكر زماني معاك بخيره وشرّه

وفاك لامن بغيت أنسى يذكرني
يـ ليتك تخون لجل أنساك بالمره

....

[الحمدان]

جيتِك وانا كُـُلِي من الحُـب اشواق
ليتِك تلبي اليوم ماجِيت لاجله

جيتِك وانا لي قـلب عاشـق وذواق
ماقد لقيت يابنت او شفت مثله

جيتِك وانا لي قلب هايم ومشتاق
والكل يعرف عن شعوري وشكله

جيِتك وانا لي قلب شامخ وعملاق
ساكن وسْط صدري وفارض محله

جيِتك وانا لي قلب يابنت مُنساق
وانتي الذي نحوك طلبني بنقله

جيِتك وانا لي قلب طيب واخلاق
كم ياقلوب صارت تِحـلم بوصله

....

[الحمدان]

لو عطيتك فرحتي صارت قليله
وان عطيت العمر قلت العمر كلّه

اعذر الحاجه ترى ايامي بخيله
واسمع المجروح وان ضايقك خَلّه

اسهل الأوجاع صمتك والفشيله
واصعب الأوجاع ترضى بـ المذلّه

....

[الحمدان]

ياجرح ﻟﻮ ﺗﻠﺘﻬﺐ ﻣﺎﻫﻮ على كيفك
‏ﺍﻟﺤﺎﺟﻪ ﺍﻟﻠﻲ ﺗﺬﻝ ﺍﻟﻨﻔﺲ ﻣﺎﺍﺑﻴﻬﺎ

‏ياجرح ﻟﻮ ﻓﻲ خفوقي ﻣﺎﻛﻦ سيفك
‏ﺍﻟﻌﺰﻩ ﺍﻟﻠﻲ براسي ﻣﻨﺖ قاويها

‏ﻳﺎﻗﻠﺐ ﻳﺎﻟﻠﻲ جروحك ﻣﻦ ﻣﻮﺍﻟﻴﻔﻚ
‏ﻧﺎﺱ سعت ﻓﻲ عذابك ﻟﻴﺶ تغليها

....

[الحمدان]

لاشفت أحد طاح لاترمي سكاكينك
الوقت دوّار لاتشمت ولا تضحك

بكرة إذا طحت والدمعة ملت عينك
بتشوف منهو يجي يضحك على جرحك

....

[الحمدان]

لاتندم أبدًا على معرفة أي شخص في حياتك
فالناس الجيدون يعطونك السعادة

والناس السيئون يعطونك التجربة
أما أسوا الناس فيعطونكَ درسًا

بقلمي

[الحمدان]

عطيتك محبّه صادقه مابها تشويه
‏وجعلتك بقلبي منفرد فيه وحداني

‏وغيرك بغاني بالمحبّه وأنا مابيه
‏دام أنت عندي ويش أبي بواحدٍ ثاني

‏تراني ليا شفتك أسج الفكر وأشقيه
‏وأشوف القمر وأقول عندي قمر ثاني

‏غلاتك بقلبي شي يطغى على التّشبيه
‏كيف أوصفك والوصف يعجز به لساني

....

[الحمدان]

مهما يدور الوقت وتروح الايام
يبقى عزيز النفس غـالي مقامه

مايختلف طبعه علا مر الاعوام
لاغاب نبكي من فراقه ندامه

وانت الوحيد الي معي قرم مقدام
وانت الصديق الي اعز احترامه

....

[الحمدان]

‏بالله لا ترقى على ضلوع الاشواق
خلك هنا في وسط جوفي مكانك

ياللي كتبتك حب في كل الأوراق
حتى حروفي تبتسم لي عشانك


....

[الحمدان]

يا قلب ريّح لا تحرّى التباشير
يعني وش اللي ممكن يصير بكرى

لو كان في مستقبل أيامنا خير
ما كان خلّى للمعاناة ذكرى

....

[الحمدان]

اللّه لايجعل حاجتي من ورا الناس
وعساي ما اظلمهم لو يظلموني

وعساي ما أخاوي بعمري ردي ساس
وجعلني نصير الحق لو يكرهوني

....

[الحمدان]

يا وش بقى بأعطيك مني ولاجاك
ماباقي إلا روحي أحيا بها لك


يالغايب الحاضر بقلبي ولا القاك
اقرب من عروقي وصعب منالك

شالك زماني عن عيوني ووداك
لا شك وثق في ضلوعي حبالك

يا حاجب ٍ شمسي وراه ليل جفواك
ما بالعهد بك قاصي ٍفي وصالك


ولا انتفض قلبي من الحب لولاك
ولولاك ما يبدي عليك ما بدالك

....

[الحمدان]

مابلني غيثك على طول مشتاك
لكن حرق جوفي من الحر صيفك

اصبر على كيفك الى صار ملفاك
وانت المحلي والمعاليق ظيفك

يسامر نجوم على غير مسراك
لاباح له خافي ولاشاف طيفك

....

[الحمدان]

في معركة ياسي هزمت امنياتي
والمعركة في داخلي مالها صوت

من كثر ما صارعت ذاتي بذاتي
نصي يبي الدنيا ونصي يبي يموت

....

[الحمدان]

ياناشد عني تسرك علومي
انا بفضل الله بخير من الله

ان متت ماني ميت قبل يومي
وان عشت ماني عايش الوقت كله

....

[الحمدان]

‏ماشفت شيٍ يخطف الانفاس
‏كثر ابتسامة وجهك البدري

‏العين خَدرى كن فيك نعاس
‏حتى لو انّك قايمه بدري

‏والراحتين احلى عقود ألماس
‏والشفتين احلى عسل سدري

‏سبحان من سوّاك بالمقياس
‏فـ الجانب العلوي وفـ الحدري

‏اقري على الزين الفلق والناس
‏يمكن تصيبك عين ما ندري

‏وخلي البيوت العامره بالناس
‏ولا تسكنين إلا قفص صدري

....

[الحمدان]

لا تحدثوني مرة أخرى عن حقوق الانسان والطفل
لا شي يوحي بأننا في بلاد المسلمين غير صوت الأذان
اللهم انتقاماً لا بحجم الألم بل بقدرتك المطلقة يارب
اللهم أعز الإسلام والمسلمين وأذل الشرك والمشركين ودمر أعداء الدين وانصر عبادك الموحدين واجعل اللهم بلاد العرب المسلمين آمنه مطمئنة يارب العالمين

بقلمي

[الحمدان]

‏لاضاقت الدنيا قل الحمدلله
حتى ولو إنك من الوقت هايم

ماخاب منهو يحسن الظن بالله
وما ضاق صدرن يذكر الله دايم

....

[الحمدان]

‏مهما ومهما صار تبقى انت حُبي
‏أغليك لو عني تباعد خطاويك

‏لاطحت من عيني تلقّاك قلبي
‏ولا طحت من قلبي على الكف اداريك

....

[الحمدان]

حكمه اليوم....
‏

إبتسم فلا محبتهم تبني لك قصراً
ولا كرههم يحفر لك قبرآ
أخبرونا بأن لا نبكي أمام الأهل
كي لا يحملوا همًّا فوق همومهم
قالوا لنا لا تبكوا أمام الآخرين
كي لا تكونوا ضعفاء
ولا تبكوا أمام أعدائكم
فلن تحتملوا شماتتهم
وأن لا نبكي أمام أنفسنا
كي لا يصيبنا انهيار
الدموع كلمات في القلب
لم يستطع اللسان نطقها
ولم يستطع القلب تحملها
الدموع الحقيقية
ليست اللواتي تجري على الخدود
بل تلك التي تحرق القلوب
يتحمل القلب ألف هزيمة
يقاوم ألف ابتلاء
لكن تأتي قشة الخذلان فتكسر ظهره

بقلمي

[الحمدان]

يا شين مس الشوق في كبد مشتاق
مثل الجمر لا شب من تحت دله

يبطي به العاشق من الشوق ما فاق
ويحط في كبده ثمانين عله

....

[الحمدان]

مشاعرنا ضحايا الصمت والعھتمان
‏وعھرامتنا تخيرنا مابين أمرين

‏جميل الصبر والا نعمة النسيان
‏عسى ربي مايحرمنـا من الثنتين

....

[الحمدان]

‏أعرف إن الطواري ماتمّر إلا تجيب أحباب
‏يجي طاريك كن البال في جدول مواعيده

‏ادوّر لك عذر ياللي تدوّر لـ الغياب أسباب
‏يا شين الكلمة اللي بعدها غصّة و تنهيـده

‏من آداب الفراق إنّك تصون العهد للغيّاب
‏أخاف الجرح يهدى وإنت تلقى عذر وتزيده

....

[الحمدان]

‏قائد وشعبٍ همته هامة طويق
‏وعدى على نجم الجدي والثريا

‏لاتحسدونه يا عموم المخاليق
‏ حيثه تعلى فوق وانتم هنيّا

....

[الحمدان]

الاماّكن لو يغيرها الزمان
من يعوضني مكانك لافضى

كل مامريت في نفس المكان
مرني نفس الشعور اللي مضي

....

[الحمدان]

لبا الدلع ياناس في وقفت الريم
متذيّره متغنجه .. مستحيله

شوفة محياها كمى صبة الديم
يا سعد من قلبه غدت له حليله

....

[الحمدان]

تبتخري بين التواضع والغرور
وأخذي من ابيات الغزل ماتشتهين

ومري على قصايدي مثل البخور
لين اتنفس شعر مهوب اكسجين

الحب إذا ماكان لك ماهوب شعور
والشعر إذا ماكان لك ماهوب زين

....

[الحمدان]

جادلٍ مستزم و فالحلا ريم عفرا
اسهرتني وسوت في خفوقي سوايا

عنق ظبيٍ جفول وعينها عين خدرا
فاتنه فالجمال وفالغنج والمزايا

....

[الحمدان]

‏يارقيقة مدّي الحسن وتمادي
‏وإشرحي لـ ليل مفهوم الوسامه

‏وإفتحي شبّاك تفكيري ونادي
‏كل نجم أخايله تارك علامة

‏إضحكي للغيم دام الجو هادي
‏مثلك إنتي له غلاه وله مقامه

‏القصايد مالها موقف حيادي
‏في عيونك يعلن الشعر انهزامه

....

[الحمدان]

مرحبا بالي حضوره سر بالي
له معزه وسط قلبي يمتلكها

الغلا له وسط قلبي دوم غالي
له محبه وسط شرياني شبكها

....

[الحمدان]

مرحبا لبيه ياللي وسايدك الجفون
فرشك الـ لبيه والمقربا والمرحبا

الردّي من قالك لا يانجل العيون
أبشري برضاك و اللي يزعلّك يهبا

عودك المترف تكوّن على أجمل ما يكون
لين ورّد من نعومة وندّى من صِبا

جل من عودك خلق فيه من لين الغصون
و من سراجيف الجياد ومن أجياد الظبا

....

[الحمدان]

انا ما شعاني غير خلٍ من الاجناب
بعيدٍ ولا لي مع اهله قرب وعنوه

لكن ومع ذلك :

اذا ما جمعنا الاسم يكفي جمعنا الحب
ذوي الحب اقوى رابطة من ذوي القربى

ذائقة

[الحمدان]

‏كنت أتمنى أقضي العمر وياك
ونعيش طول الوقت يدّك بـ يدّي

وكنت برُغم طيشك وكثرة خطاياك
أحبك بـ ضحكي وأحبك بـ جدّي

وكنت أتحدى فيك ذولا وذولاك
ويا لـ الأسف ما كنت قد التحدي

حدّيتني على الفراق بـ سواياك
ولّا أنا والله ما كان ودّي

....

[الحمدان]

‏أم العيون اللي هدبها بلاجيك
‏والباقي من أوصافها آمرّ وادها
‏
‏يمرّها المستعجل ويضرب بريك
‏وينسى مواعيده ويرقب وعدها
‏
‏ياليتها ماقالت الله يعافيك
‏والله ماشفت العافيه من بعدها

....

[الحمدان]

‏وشلون اخفف لهفتي واشتياقي
والشوق ياخذني معك وين ماروح

قربك حياة الروح عكس الفراقي
اقسى من ايا روح لافارقـت روح

....

[الحمدان]

يسعد مسائك لو ما جابك الشوق
*ياللي مسائي ضاوي في حروفـك

*تبي الصراحة أنت كتله من الذوق
*كلك على بعضك تجنن وصوفـك

....

[الحمدان]

يسوق روحي شوقها والوله سوق
نحوك وحولك يدرج القلب ويحوم

راقي وكلك ذوق واطلالتك ذوق
والذوق لولاك انت يا الذوق معدوم

ولولاك ما قاسيت من لوعة الشوق
الي حرم عيناي من لذة النوم

....

[الحمدان]

‏غرد على كيفك من الوجد بركود
طرز مفاهيم الغلا ابيات واحساس

وابشر من حروفي بنظم لك عقود
واهديه لعيونك من الروح بإحساس

....

[الحمدان]

‏لاستانس الخافق ذكر من يحبه
‏ورجع يراجع فى الوناسات مافات
‏
‏يا مرتع القلب الحزين ومربّه
‏يزين بك مثل الذهب صدر الابيات
‏
‏هيهات ينسى القلب شخصٍ يحبه
‏وهيهات يدله خاطري منك هيهات
‏
‏ونبع الغلا عندك وعندي مصبه
‏ومن الوله في خافقي لك ولايات

محمد بن فطيس المري

[الحمدان]

وش فيك تالي الليل جريت موال
صحيت به من كان نايم وهادي

سرا يقلب ذكرياته ولازال
يجمع شتات ويصفقن بالايادي

يهل دمعن من سبايبك همال
فاضت عليه وسيلت كل وادي

....

[الحمدان]

دام عز النفس باقي يا زمان الكوبه
‏والله إن شبحي بعيد وعزتي تغنيني

‏القدر حُكمه كذا ولاّ الزمان اعجوبه
‏مالقيت من الفرح ذره ولايسقيني

‏العطا مد الكريم معجل بـ التوبه
‏لانوى يونسّ خفوق ولانوى يشقيني

‏جعل رزق الاوله من حظنا مكسوبه
‏وجعل خيره والفرح من مدته يعطيني

....

[الحمدان]

في الوقت لي ماعاد به ناس غالين
أنت الغلا لك زايدٍ فوق حدّه

بعيوني اسكنتك ووسط الشرايين
وباب المحبّة ماهقيتك تصدّه

....

[الحمدان]

يامهرةالعز عيشي اجمل اوقاتك
ست الاصايل فريده صعب ترويضك

‏جزل القوافي تفاخر في مناجاتك
طاغي حظورك جميل وصعب تعويضك

....

[الحمدان]

ترا الوحيد اللي من الناس هو انت
يامر على ضلوعي وقلبي وروحي

ايقنت بـ ان الحب لعبه وايقنت
انك مع الدنيا تزود جروحي

....

[الحمدان]

‏مرحبا يـ ام خصرً كن طاويه جوع
من يشوفه يحلْف انه مجوّع شهر

‏حط فيك الله مْن الزين من كل نوع
‏لبةٍ تسحر وعين وقوام وطهر

والله اني قنوع وفيك ماني قنوع
‏ودّي أسوق لك كل العذارى مهر

‏قومي وطفي اللّمبه وشبّي الشموع
‏وقولي لـ فارعات الطول موتن قهر

....

[الحمدان]

‏يوم اقّبلت قام السحاب يتزبّر
‏عيونها والموت ما بينهم فرق

‏الرمش اقام الفرض والجفن كبّر
‏وعيونها الثنتين صلّت بنا شرق

....

[الحمدان]

ي عظيمه ليه نظراتك حزينه
‏اضحكي دنياك اصغر من حزن
‏
‏دمعتك بَ عيون خلق الله ثمينه
‏كيف اجل بعيون من شافك وطن

....

[الحمدان]

شفت الفرح والشوق بعيون الاحباب
‏هذا شعوري لاتواجهت وياك

‏تشتاق لك عيني وترمش بالاهداب
‏ترقب حضورك كل ماحل طرياك

....

[الحمدان]

‏اللي تبينه على خشمي وجعله فداك
‏والطعنة اللي تجيني من يدك جايزة

‏إن كان هذا تغلي مايغرك غلاك
‏وإن كان هذا تحدي فأنتي الفايزة

....

[الحمدان]

ماكنت افكر بالمحبه والاحباب
ودايم اقول الحب روّح زمانه

حتى صدفته وصار مابيننا إعجاب
وضحيت باللي يعَشقوني عشانه

انا اشهد انه يابشر حَل الاعصاب
وصار قلبي في المحبه مكانه

وصار اغلى من عيوني والاهداب
وصار عندي كل حاجه أمانه

....

[الحمدان]

ياقلبي أدري فيك طاهر وحساس
لاباس وإن كانت جروحك كثيره

حزنك وضيقك وإنعزالك عن الناس
صدقني إنها بعض الأحيان خِيره

....