فوق هام السحب ( الشعر الشعبي) على متن القوافي

[الحمدان]

الجو يحيي كل إحساس غايب
ويذكرك في ناس صعب تتكرر

اللّه يخلي لي جميع الحبايب
والله يساامح من هو تغير


....

[الحمدان]

‏عيـن بھالوعـة الأشـواق مـلحوظه
ماكل من هب والا دب يملاهـا

لك دون غيرك حقوق الحب محفوظه
يـ أعز هالناس فـي قـلبي ويغلاُها

....

[الحمدان]

‏لو كل واحدٍ يجي وده على وده
‏ما طال صبر العقيم لشوف مولوده

‏وراعي القناعة ليا من الزمن حدّه
‏يرضى بحظٍ ذخر جوده وماجوده

....

[الحمدان]

يوم أنت محتاج لي ما شفت عذروبي
واليوم عقب الرخا بانت عذاريبي

تدري وش اللي خذاك ورجّعك صوبي
خذاك مني رداك ورجّعك طيبي

....

[الحمدان]

الإنسان حساس مع من يحب
مثل ما قال الشاعر :

أطراف كبدي من جهتكم رقاقة
لامرّها النسناس يأثر عليها

[الحمدان]

دامك سكنت بداخل القلب يرعاك
هذا خفوقي وأنشده كيف يغليك

قلبي وأعـرفه بالغـلا كـم تمناك
مدري على كثـر الغلا ويـن أوديك

....

[الحمدان]

النفس طابت والحياه اجبرتنـــي
اساير أيامــــي على قـــدر المكان

والوقت قاسي والظروف اتعبتني
والحظ مايل عـــن مسارة ولا زان

....

[الحمدان]

حاول تعوّد على التطنيش
صمتك عن الناقص يهينه

لايشغلك من يهز الريش
أغلب طيور البلد زينه

أمسح على روسها بشويش
ضعوف الأجواد مسكينه

كم واحدٍ مايبيك تعيش
لو إن الأعمار بيدينه

....

[الحمدان]

أنا على وضح النقا صنت مبداي
أموت قبل أفقد مقامي وأنا حي

من تزعله يمناي ترضيه يسراي
ومن راح من لاشي يرجع بلا شي

....

[الحمدان]

يا قلب خفّف من عتبك شويّ
رحيب حلمك ما لحقت اقصاه

فـ ان ما تهيّى اللي تودّه هيّ
صبراً يونّس ضيقتك بـ حكاه

يمكن عوض صبرك يكون بـ شيّ
أحسن من اللي كنت تتمنّاه

....

[الحمدان]

‏يارب أنا العبد الضعيف المستجير
إذا شبعت أعصي ولامن جعت طعت

ثبّت خطا رجلي على الدرب المنير
وأنا على عهدك ووعدك ما إستطعت

بقلمي

[الحمدان]

‏لا تضيـق إن قفلت دنياك باب
اطلب الله ياعسى فالأمر خير

دام باب الرزق مادونه حجاب
عش حيـاتك والامل بالله كبيـر

بقلمي

[الحمدان]

‏يارب ثبتني على دين الإسلام
أليا غدت من تحتي القاع رخوه

اخاف يومٍ فيه توزيع الأقسام
يـومٍ ما ينفع فيه عـزوه ونخـوه

بقلمي

[الحمدان]

‏يارب تكتـب لي الغفــران والجنـه
ولكل مسلـم رجا عفـوك وغفـرانك

ياللي لك الشكـر والتسبيح والمنه
لانصكت ابــواب ماصكيت بيبانك

بقلمي

[الحمدان]

طالمـا الزعل وارد
لابد من وقوعه
فلا تحبون الا
اللي يحـن عليكم
مثل اللي قـال

عسى ما زعلتك البارح و زودت الجراح جراح
عسى ما مرت الدمعة ع اهدابك من أسبابي

....

[الحمدان]

بعض البشر يـفـرح علىٰ حـزن غـيـره
وبعض البشر يزعـل علىٰ ضيقة الغير

وبعض البشر يـسـوىٰ بطيبـه عـشيـره
وبعض البشر ما فـيـه نـخوة ولا خـير

....

[الحمدان]

‏الود بين الناس ماهو مطر صيف
تضحك سماه وتختفي في ثواني

الود له قيمة ومعنى وتشريف
فيه احترام ووصل طيب ومعاني

....

[الحمدان]

الشوق ذابحني وأنا خاطري حي
بعض البشر ياليت تفهم قصيدي

حكيت بس المشكلة ماحصل شي
مرتاح غيري والشقاء في وريدي

....

[الحمدان]

حنا بدونك ياعظيمه مساكين
‏كل ما كبرتي عمر يكبر مكانك

‏يا امي يدينك لاتحسبينها يدين
‏هي العطاء هي الدعاء هي حنانك

‏وشلون ما نرضيك وانتي تخبرين
‏إن الله بيرضى علينا عشانك

....

[الحمدان]

‏رح فمان الله وابعد بقدر المستطاع
‏والله ان تبقى غرامي وتبقى مطمعي

‏والله اني في غرامك شجاع من شجاع
‏لجلك الدنيا توقف على راس اصبعي

‏دمعتك يوم ذرفت في ضحى يوم الوداع
‏والله ان ابطي وهي تشرب وتاكل معي

....

[الحمدان]

لاقلت لك خلني تكفى تخليني
‏النفس ضاقت وتعرف من مضيقها

‏ماني بحاجة علومك لو تسليني
‏بعّد عن العين واحسن لو تفارقها

....

[الحمدان]

راسك علامك رافعه يوم أحاكيك
‏الظاهر إني فوق حجمك عطيتك

‏لحظه نبي نرجع دقيقه لماضيك
‏بذكرك في أي حاله لقيتك

‏كان الضياع ودمعتين تخاويك
‏منهار وفي عز انهيارك خذيتك

‏وأرخصت عمري لجل أحبك وأداريك
‏هدمت قصر الذل فيك وبنيتك

‏كان الغلا شمعه تنور لياليك
‏لوأظلمت دنياك جيت وحتويتك

....

[الحمدان]

رفعت نفسك لين نزلت قيمتك
معاد لك قيمة وصرت اتحداك

كرامتي تسوى اهلك وكرامتك
نفسي عزيزه م تنزل لـ شرواك

ابعد وانا ببعد وتلقى معرفتك
ربعك ترا واجد ويمشون ممشاك

لاععاد تذكرني ولابي محبتك
عندي ترا هاليوم هو يوم فرقاك

....

[الحمدان]

ابنصحك واخذ النصيحه مغطاه
من دون ما تتعب ومن غير تشفير

كل شئ لك ترضاه للغير ارضاه
وكل شئ ما ترضاه كفه عن الغير

....

[الحمدان]

درب يجيبك مرحبا فيه مليون
يا فرحة احساسي وقلبي وعيني

حتى القصائد بحرها فيك موزون
يرفض كسور القافية يا ضنيني

....

[الحمدان]

‏لاجاء تالي الليل والناس هجّاع
‏ناديت باسم اللي على الكون ظلّه

‏عبدك رفع كفيه مع عشر الاصبّاع
‏بليلة دجا تحت النجوم المطلة

‏قبل السحر ياقف على عود بركاع
‏مكه وبيت المصطفى قبلة الله

‏يا مسكّن الروعات في قلب مرتاع
‏عبـدك على درب الهـداية تدلّـه

....

[الحمدان]

‏تسامحت مع نفسي وهوّن عليّ دعاي
‏خصوصاً دعاي اللي دعيته وأنا ساجد

‏غمرني شعور من الرضا للزمان الجاي
‏ولا صار عندي خوف من عضة الناجد

‏أثر من عطاه الله نزاهة ضمير ورأي
‏يغيب الغياب اللي يخلّيه متواجد

‏لاتشره عليّ يوم أبتسم في وجيه عداي
‏محبّيني أكثر من معاديني بـ واجد

....

[الحمدان]

‏نضحك وكن اللي حصل مافهمناه
‏وحنا نشوف لكل خمله دلايل
‏
‏واللي حصل ماكن بالعين شفناه
‏ذي ميزةٍ في كل طيّب سلايل

....

[الحمدان]

‏يا أطهر من لمح في طارفي بسمـه
‏وأصدق من ظنون الهاقي الخايف

‏تجي لي مثل صبحٍ يجلي العتمـه
‏وعمرٍ قبل أعرفك كان لي مؤسف

‏عوض صبري على أيامي الظلمـه
‏وعطا ربي عطاني قلبك المرهف

‏معك عشت العمر في رأفـه ورحمـه
‏ولقيت بشمس عمري ظلك مـوارف

....

[الحمدان]

‏سمح خاطري واستثقل الصبر والمقعاد
‏لو انك الوحيد الفارع وصفوة الصفوه
‏
‏مراحي جهاد ورجعتي لك عنا وجهاد
‏بدا غافل الايــام يصحى من الغفوه
‏
‏برود المشاعر شــاخ بين القلوب وساد
‏ماعاد اعرفك بالشكل والاســم والحفوه

....

[الحمدان]

‏لي أيام ما عندي مشاكل مع الاحساس
‏معاد أفرح بـ غالي ولا أزعل لجل غالي

‏أنا ويش جاني صرت ماني بمثل الناس
‏أنا فاقدٍ ليّ قلب ولا يورالي

....

[الحمدان]

‏اما تجيني كلك ادناك واقصاك
والا على ماقيل درب السلامه

مابيك نص ونصك الثاني هناك
اما كمال الحب والا عدامـه

انا على وصلك وشوفك ولاماك
والمبسم الي غير كل ابتسامه

....

[الحمدان]

‏الشـوق ما يهدأ علـى غيـــر مشتاق
ياللـي غـــلاك بداخـل القلـب باقي

يا طيــر ياللـي بالجناحـــين خفاق
بلـــغ سلامـي والوفـــاء واشتياقي

للي خذا مابــين جوفـي والأعماق
واللي ملك كـل الشعــور العماقي

قله رفيقـك مـات مابـين الأشواق
بين البعـــاد وبين جمـــر الفراقي

....

[الحمدان]

‏لاتكابــر شـــوف لك نظــــره وعدي
ماعلى النظــره على اشعاري حساب

ادخــل اقـــراء ماكتــب قلبي بيدي
من قصايد شــوق واشعــار العتاب

كلها لك وانت مقصــودي وقصدي
وانت تدري بــس ما تعطـي جواب

طبعك القاسـي حـرق قلبي وكبدي
وذقت منه الويل واصناف العذاب

....

[الحمدان]

‏أرهقــت نفسي بإنتظـارك ولا جيت
والناس حولي شافـت الشوق فيني

لامرني بيتن عـــن الحـب صديت
شعـــرن جـرحني وزاد فيني حنيني

ياغايبــــن عني تـــرا عني ابطيت
بُعــــدك علينـا ايـام كِنهـا سنيني

كل ماتذكرتك من الشــوق حنيت
ودموع شوقي واضحه وسط عيني

....

[الحمدان]

أنا وإنت في الحب ماعندنا ذوق
دايم أنا بيني وبينك مناوش

نهجر بعض مده ونرجع من الشوق
واليا رجعنا بعد يوم انتهاوش


....

[الحمدان]

‏نمشي على بيض النوايا والاسباب
لاهمنا المقفي ولا من جفانا

لانسأل الواشي عن العيب لاعاب
ولا ننشد اللي خاننا في قفانا

بعض الصداقـه مثلها مثل الاسراب
تغري نظـرنا وقت لحظه ظمانا

وإن جيتهم ظميان صارو لنا اغراب
حتى قريب الناس ماعد لفانا

....

[الحمدان]

‏ياقلب لاتنجرح وفر لي احساسك
‏انا ادري انك تجي دايم على النيه
‏
‏لاتفكر تحب شيل الحب من راسك
‏كل العلاقات هاليومين وهميه

....

[الحمدان]

‏لاتعترض للي طريقه مجنبك
‏ولا تترك اللي فالشدايد يخاويك

‏وإعرف مواجيب العرب قبل واجبك
‏إن كان عقلك في حياتك يقديك

....

[الحمدان]

‏تدري وش اللي تعتبرها غريبه
‏إذا فقدت انسان غالي وهو حي

‏وتدري وش اللي تعتبرها مصيبه
‏إنك تضحي والمقابل ولا شي

....

[الحمدان]

‏ماني بفاضي للمشاريه واللوم
ولحداً يدوّر من ورا الهرج زله

تمسكوا فيني تراني من اليوم
عادي أخربها مع الشعب كله

....

[الحمدان]

لاتلبسين الخوف وأنتِ شجاعه
لو المواقف بعض الأحيان تنهاب

ولاتقبلين القل وأنتِ كثيرة
ولاتطلبين الحل وانتِ الأجابات

....

[الحمدان]

اخوك شيله في عيونك وزيده
تقدير واخلاص ومحبه وناموس

من لا يعز اخوه روّح طريده
تحدّه الدنيا وتبري له القوس

تعلموا يا اهل العقول العنيده
وخذوا عِبَر من فعل الاطفال ودروس

....

[الحمدان]

اخوك اليا خاب خلّه مع الدرب
وإن طاب لاترفع على الناس نجمه

خلّك مثل ( 1) وسَط جـدول الضرب
ما يعطي اللي قابله فوق حجمه

....

[الحمدان]

ياقلب صارحني هل الحب حالي
لوكنت صادق ليش عمرك معذّب

أرجوك ياقلبي تجاوب سؤالي
أو تلتزم بالصمت واجلس مهذّب

الحب قال القلب فيه المعالي
من يجهله يفقد سروره ويتعب

بالحب يبقا القلب رايق وسالي
أيضاً ويخسر كل من فيه يلعب

....

[الحمدان]

‏مشكور يا بايع مشاعرك مشكور
‏العام ذنب وهالسنة ذنْب ثاني

‏وش عاد أقول ولا بقى شيّ مستور
‏ما طعتني يوم إبتسم لي زماني

‏لاتعتذر لو خاطري منك مكسور
‏لاتفتكرني دام قلبك نساني

....

[الحمدان]

ياليت الزمن يرجع معي يوم كنت صغير
‏الأحلام محدوده والايام تقزيره

‏ماكنت أتضايق ضيقه اللي غدا له طير
‏في جو خلا موحش ولا حولهم ديره

‏على اللي تعبت انسى غلاه وتعبت اسير
‏على جرته من يوم قفت مظاهيره

‏حداني على شينين بالموت بالتهجير
‏بعد مَ كنت في بيت الغلا اغلى مساييره

....

[الحمدان]

‏ياربّ وأنت القوي واللي معك ما يُضام
‏ومشاعر اليأس يا ربّي ما هي في يدي

‏أنهكني الضيق.. وأستنزفني الإنهزام
‏وأنت أعلم إنّي بذلت ولا ذخرت جهَدي

‏جنّبني الياس وأزرع وسط روحي سلام
‏فيه أتجاوز طريق أحلامي الجرهدي

....

[الحمدان]

كل صمت بداخلي خلفه كلام
حزني المهجور مامنه مفر

افتح أيدين الوصل محتاج انام
نومه التعبان من طول السهر

....

[الحمدان]

رفيقنا لا لحقه من العلوم العلوم
ماعندنا غير سنّد واحتزم وازهله

نفتك وجهه ليا صكت عليه الخصوم
نشوش له ونتجمّل فيه ونجمّله

....

[الحمدان]

الأصيله لو رخيت لها الرسـن
ماتروح لغــيرك وانت خيّالها

الأصــيله وافـيــه بـليّا رسـن
ماتخــون ولو قــسى خــيالها

....

[الحمدان]

من لاشرب من كف يمناه باالطيب
شربه على اكفوف النشاما مهونه

‏ومن لايعدي طايلات المراقيب
الراس ما بين بليا متونه

‏ومن لايشيل اسمه بطيب المشاريب
الاسم ما شاله وقوى اركونه

‏كم واحدن جده مهو من هل الطيب
‏وابنه طلع من دون اسمه ودونه

....

[الحمدان]

يارب وان ضاقت عليّ الوسيعة
أنت الذي لاضاق صدري أناجيه

وعبدك لو إن الوقت عيا يطيعه
ما ينحني راسه لغيرك ويرجيه

....

[الحمدان]

يالله وانا طالبك من خير هالساعه
عطفك ولطفك وعن تقصيرنا ترضى..

واشرح لنا صدورنا بالذكر والطاعه
وان ترحم الميتين وتشفي المرضى

....

[الحمدان]

والله اني بخير وكل اموري بخير
لو كانت دمعه عيوني ماتشوفونها

أنا اكثر انسان في صمته كلام كثير
ويخفي اشياء كان الله في عونها

....

[الحمدان]

والله ماعندي حبيب ولا شي
اجمع أحساس الخلايق وأصبه

المجتمع وأحد والأعذار هي هي
هو فيه أحد يستاهل أني أحبه

بقلمي

[الحمدان]

يارب عفوك لانقطعنا من الناس
وهلو علينا من تراب المقابر

نخطي ونذنب بليا حد وقياس
العبد دايم من ذنوبه يكابر

....

[الحمدان]

‏مال اللزوم الا قويين العزوم
وترديد بعض الهرج ما له فايده

المرجله سهله على عيال القروم
اما على اضعاف الروابع كايده

....

[الحمدان]

دايم مواقفنا على الدرب النزيه
‏عند اللوازم مانغيب وما نصد

‏ولا يزعّـلنا حكي سود الوجيه
‏ما نلـتفت لأهل الردى واهل الحسد

....

[الحمدان]

ضرينا على بيض الفعايل وكبر الشان
‏وعلى كل علمً يطلق الوجه واليمنى

‏ما نرخي مناكبنا سوا لـطاعة الرحمن
‏ولا تعترض فـ نحورنا الا محازمنا

بقلمي

[الحمدان]

‏الخاطر إن عاف مثل النفس لا طابت
‏تقفي ولا عاد به شي ٍ يجودها

‏أنا بغيت الغلا يوم الغلا ثابت
‏واقفيت والنفس مدري وش يراودها

‏رميت لي رمية ٍ وحده ولا صابت
‏وحلفت بالله ماعـاد أتعودها

....

[الحمدان]

‏ماني بـ مجبور أحايل عقلك الطايش
ولا ابرر وأسمع منك تبريرك

معاك ولا بدونك عايش عايش
ما هي بتوقف عليك ولا على غيرك

....

[الحمدان]

نوفـي مـع الـوافي بـكل المطاليب
ونـشد ظهـر الكفـو لاضـاق حـاله

نعيش فالعلياء من المهد لا الشيب
والـجـيـد مـا يقـبل حيـاة الفـسـالة

عـاداتـنـا مـا نـرد العيـب بـ العـيب
ولا نـكـرنـا خـيـر لأهـل الجـمــالـة

يوم البشر تشقى لاجل المكاسيب
احنا شقـينا لأجـل تبـقى الـرجاله

....

[الحمدان]

لو هو صحيح الأوادم تفهم الخافيي
ما كان قال المثل والخافيات أعظم

أهمشي كلمتي والموقف الوافيي
والناس تفهمم مثل ما ودها تفهمم

....

[الحمدان]

سلم على اللي طريق العز ماشينه
مع درب الأسلاف لاماتوا ولا هانو

ناس ليا مات أبوهم جددو صيته
وناس ليا مات ابوهم كلهم ماتو

....

[الحمدان]

‏نشفق لـ باكر والمواعيد بالذات
ونسهر إلين الفجر ما فيه ممسى

مهما غرقنا في الحزن والمتاهات
أشيآئنا الحلوه من الصعب تنسى

....

[الحمدان]

يامبعدن عن عيوني الشوق ماجابك
من بعد فرقاك كني فاقد بلادي

ماكنت اقرب على نفسك من ثيابك
واليوم شوف الظروف تزيد ببعادي

لاتحسب اني فرحت بحزة غيابك
الجرح ينزف ولو كابرت بعنادي

البعد يذبح ولاني طايق غيابك
مهما كتمت الدموع وقلتلك عادي

دامك بديت المفارق والبلا صابك
قل للجروح العميقه بعلن حدادي

ماكنت عايش حياتي والزمن جابك
يوم اللقى في عيوني يوم ميلادي

ماني معاتبك دام البعد طلابك
البعد سيفه صقيل وكبل قيادي

يقطعك ياقلب كيف الحب سوا بك
ماكنت داري يثور فيني زنادي

يرميني الوقت من شوقي على بابك
ماجيت ادور سوى لجروحي ضمادي

فيروز دمعي نزل كله من اسبابك
نسم علينا الهوا من مفرق الوادي

....

[الحمدان]

رغم اإمتداد التعب عيا يموت الطموح
وبابٍ وراه اعتزازي طارقه طارقه

عزيمتي ما يحطمها الزمان الشحوح
والشمس بكرة رغم أنف الزمن شارقه

....

[الحمدان]

‏يا طير حالة راعـي العشق حاله
يحب والمحبوب من دونه دروب

ياطير خذ له من ضميري رساله
قله بعدك الحال ضايع ومنكوب

....

[الحمدان]

عذابي هنوفٍ شوفها يكفي مَن القوت
وريثة عفاف وفيِ ذرى العز مصيونه

خذت من تعزّال الفرس عودها المنحوت
وعِنق الغزال الذاير وَلمحة عيونة

....

[الحمدان]

‏ﻣﻦ ﺍﻭﻝ ﺍﻟﻄﻴﺮ ﻭﻓﺮﻭﺥ ﺍﻟﺸﻴﺎﻫﻴـﻦ
‏ﺗﻜﺮﻩ ﺳﺠﻮﻥ ﺍﻟﻈﻼ‌ﻡ ﺍﻥ ﺑﺮﻗﻌﻮﻫـﺎ

‏ﻭﻣﻦ ﺷﺎﻓﺖ ﻣﺒﺮﻗﻌﻚ ﻳﺎﻧﺎﻋﺲ ﺍﻟﻌﻴﻦ
‏ﻋﺎﺩﺕ ﻭﺣﻮﺵٍ ﻋﻠﻰ ﺍﻟﻠﻲ ﻗﺮﻧﺴﻮﻫﺎ

‏نايف صقر

[الحمدان]

‏طويت صـفحآت الهوى والتلآقي
وقلت اتسّلى وآترك الجرح للوقت

والقـآك فـي قلبي ولآزلـت بآقي
قمت آتآمل في رسآيلك واشتقت

....

[الحمدان]

أعترض لي الحظ وانا من الواقع رضيت
داري انها ما تجيبك لعَل ويا عسى

انت ياللي تحسب إني نسيتك وانتهيت
عاد زولك في عييُوني وقلبي مانسى

....

[الحمدان]

اسعـد مساكـم وطابت اوقاتكـم
وسعــد الله خـواطـــر الجميــع

جيتكم متابعينـي فديـت اقبالكم
والخـيـر في عند ربي ما يضيـع

البال رايق لبعـض منشوراتكـم
بعد ماغـاب قلبي وهـو وجيـــع

وفــال ربــي ولا هـــــو فالكـــم
لاتدخلونـي في الخط السـريـع

لاكـان شعري دخل فـي بالكـم
كليـن يشجع بمـا هـو يستطيـع

الله يصلـــح لكــــــم جهالكــــم
كبيرهـــم والــذي عـاده رضيـع

ويبــارك ارزاقكـــــم واموالكــم
ما بعد هـذا التجمـال والصنيـع

اميره الورد

[الحمدان]

‏حزت الجمال بكل الأوصاف ياللّي
كمّلك ربّي كن ما فيك نقصان

ان جيت ارحّب بك واكبّر واهلّي
ياخي بوجودك تنجلي كل الأحزان


....

[الحمدان]

الله يزيل الضيق عن شاكي الضيق
ويعوض الضايق سرور وسعادة

ويحقق الأحلام للناس تحقيق
ويزوّد الصابر صمود وجلاده

بقلمي

[الحمدان]

‏يمكن عنيده لكن أعشق عنادي
‏عندي ثقه بالنفس والساس موثوق

‏الله خلقني لـ القيم والمباديء
‏اعرف حدودي واحترم كل مخلوق

....

[الحمدان]

‏يارب غفرانك ليا اصبحت وامسيت
مـن الخطـايا والذنـــــوب الثقيله

ادعيك تغفر لي خطايا إذا اخطيت
وكــل (ذنـب ن) يا إلهـــــي تزيله

يارب أنا فــي دعـــوتك ما تونيت
وحاجتي ماهــي عليـك مستحيله

ارزقني الراحـــــه علـى ما تمنيت
وسهـل برزقي فـ السنين المحيله

....

[الحمدان]

‏رسالـة اليــــوم انا مشتـــاق لعيونك
ياليــت ياليــت تشعــــر بالذي فيني

انا المتيـــم علـى حبـــك ومجنونك
وعشقـــــك اللي معذبني ومشقيني

يامترف الطرف قلبي ذاب من دونك
والعقــل ولهان والاشـــواق تكويني

ياليت ياحــب ترحــم حال مفتونك
وتجي بقربـــي وفي وصلك تداويني

....

[الحمدان]

‏مدري وش الي مزعـــل الوقت مني
راحت حياتــي بين حــزن وتناهيت

ماينتهي حزنـــــي ولو ضحك سني
ولا سـارت الدنيـــاء على ماتمنيت

لا أظلـــم عليا اليــل حسيت كني
مالي اهـــل مالي قرايـب ولا بيت

اليل موحش واخلف الوقت ضني
وعلى كثــر ما قـد تونست عانيت

....

[الحمدان]

ماني آقل وماني أزود من الناس
‏ولحدن يشابهني ولا أشبه لـ غيريّ

‏من طاب لي شلته ع العين والراس
‏ومن صد ما حثيت خلفه مسيريّ

شيهانه السبيعي

[الحمدان]

مادريت ان ضحكة الوقت خداعه
شفت مدخالي ولاشفت مطلاعي

لابغيت اسـج ولّا انبسط ساعه
دق قلبي من ورى حدب الاضلاعي

هـم قلبي مايفرّق تجمّاعه
غير جر الصوت والناس هجّاعيً

....

[الحمدان]

‏محتاج لي قلب مايتعب من هيامه
‏ ان حب له شخص وفارق مايتعبني

‏ومحتاج لي وقت يغنيني من أيامه
‏كل يوم اجمل من الثاني ويعجبني

‏ومحتاج لي شخص لو سولفت قدامه
‏عن كل حـاجه بنفسي مـايعاتبني

....

[الحمدان]

ما كل ضحكه عليها لـ السعاده ضمان
ولا كل وجه بشوش مخليته الظروف

مفارق احباب ومواجه ظروف الزمان
والحمدلله مستانس مثل ماتشوف

....

[الحمدان]

من لايداري خاطرك لاتداريه
بعض المدارى لـلخواطر مذله

كم واحدآ تتعب على شان ترضيه
ويصير ظنك فيه ماهو محله

والصحبه اللي من وراها مشاريه
احظر تجامل صحبته رح وخله

عليك باللي كل ماحل طاريه
كلمة نعم تنساقله وتحصله

....

[الحمدان]

النفـوس أنـواع والدنيـا مصالح
والستر مكسب ويغنيك إن كسبته

لاجبرك الوقـت تشرب ماء مالح
أشـرب ولا تقـول للعـالم شربتــه

....

[الحمدان]

يـآ مساء الهيـل والبن النظـيف
نـسكبـه للـي لهـم قـدر وغلآ

تدري أن الكيف مآيكمل بكيف
الا إذا حطـوآ مع القهوه حلآ


....

[الحمدان]

يارب وان ضاقت عليّ الوسيعه
‏انت الذي لاضاق صدري اناجيه

‏وعبدك لو ان الوقت عيّا يطيعه
‏ماينحني راسه لغيرك ويرجيه

....

[الحمدان]

نفسك لا ترخصها ولو حدك الوقت
خلك عزيز النفس لو مامعك لون

أصبر لونك من زمانك تضايقت
وباب الفرج والرزق للعبد مضمون

شيهانه

[الحمدان]

النفـوس أنـواع والدنيـا مصالح
والستر مكسب ويغنيك إن كسبته

لاجبرك الوقـت تشرب ماء مالح
أشـرب ولا تقـول للعـالم شربتــه

....

[الحمدان]

يانجد لازلنا على العهد باقين
حنا انت من زود الغلا وانت حنا

عشنا بك الشدة وعشنا بك اللين
من يوم حولنا عليك ونزلنا

....

[الحمدان]

بين عقل و بين قلب وبين روح
والتفاصيل الصغيرة والجروح

اختياري صعب لكن مالي حل
إلا أني أعشقك صمت وبـوح

....

[الحمدان]

‏يسعد مساء اللي على بالي سواليفه
اللي ليا صار حولي زانت اخلاقي

نبضي وانا والقصايد من مواليفه
والروح والبوح له والقلب يشتاقي

....

[الحمدان]

‏عسى المطر يغسل قلوب المخاليق
‏من همّها من غمّها من كدرها

‏ويمطر على اللي فالقبور المغاليق
‏من مزنةٍ يسبق بردها رعدها

....

[الحمدان]

‏حي الرفيق اللي له الطيب منهاج
اللي ليا جيته يضوي سراجه

لو ماقضى حاجتك لاصرت محتاج
على الاقل تكفيك ضحكة حجـاجه

....

[الحمدان]

ياللي لك الشعر يُكتب والمشاعر تذوب
الشوق ماهو بيرحم والطواري بلا

تعال ما فيه واحد خالي من الذنوب
اما كذا مواصل العشاق ولاّ فلا

ان كان للحب دوله تستضيف القلوب
من غيرك اباييعه واقدّم لْه الولا

انا معك خاطري واسع وصدري رحوب
حتى لو اني حزين وخاطري ماسلا

[الحمدان]

‏يالله توسّع خاطري دامني حي
‏وتجعل هناي وراحتي في صلاتي

‏يارب مابي خاطري يكسره شي
‏ابيك تسعد مابقى من حياتي

بقلمي

[الحمدان]

ياملفت الانظار من غير كلمه
ياسارق ايامي غداً وامس واليوم

لو يقدر الشخص يتحكم بحلمه
سكنتك احلامي وعشت العمر نوم

....

[الحمدان]

عز اللـه إن الوقت ما هو بـ مضمـون
فيه الخطوره مـن جميع النـواحي

نبطي عن الصاحي ونلقـاه مجنـون
ونبطي عـن المجنـون نلقـاه صاحي

....

[الحمدان]

لازاد ظلم الزمـان وكثـرت أوجاعه
‏بـالعزم والصبـر والحكمـه نعالجها

‏مالي ورا الناس لامطلب ولاحاجه
‏أرفـع يـدينـي وأقـول الله يفرجهـا

....

[الحمدان]

‏خلّونــي ارتـاح كم لي فاقـــد الراحه
لاحــــد يكــــدر امانـه جــــــــوي الراقي

اليـــوم نفســي بفضـل الله مرتاحه
ونفسي اضحك قسم من داخل اعماقي

خلاص قررت بنسا الضيق واجراحه
وارمـــي تعاسات حظـــي فوق الافاقي

واعيش جو العمر بالسُعد وافراحه
والشكــــــر لله رب العــــــرش خلاقي

شيهانه

[الحمدان]

‏ماعندي الا جسد ربي نفخ فيه روح
‏ماهمه يحاسب العالم ولا تحاسبه

‏انا صديق الوفا وانا صديق الوضوح
‏اللي معاها كثير من البشر راسبه

‏ماكل من شافني شفته بعين الطموح
‏احساس الانسان ماهو بآلةٍ حاسبه

‏مابين ناسٍ تجي ومابين ناسٍ تروح
‏ماكل واحد يناسبني لو اناسبه

....

[الحمدان]

‏ناشك الحزن يا وجه الصديق السنافي
‏واضحٍ فيك حتى ضحكتك لي عليها


لانشدتك تطمني بكلمة عوافي
‏والعوافي بعيدٍ منك لو تدعيها

....

[الحمدان]

‏ اكبر هموم القلب تركك للصلاة
‏والا ترى الدنيا مشّاكلها تهون

‏ماتستريح النفس وتزين الحياة
‏الا مع اللي يركعون ويسجدون

....

[الحمدان]

يا خاطري ماني معوّدك بالضيق
‏وعليك لون الضيق ما هوب لايق

‏خابرك حر ماتعرف المسابيق
‏وشفيك من حر الهواجيس ضايق
....

[الحمدان]

انا اكذب فالقصيد وكلكم دارين
‏ولا فكرت فالشاره ولا الناقد

‏اقول البارحه ماغمضت لي عين
‏وانا من يوم صليت العشاء راقد

....

[الحمدان]

‏ما يفيد البوح في همس الكلام
والأماني مثل مجنون انتحر

يا شواطي احضني باقي الحطام
واسألي عن طيف مشتاق عبر

....

[الحمدان]

أقرا رسايل ماضيه كنت ويّاك
‏واتأمل اللّي صار من ذكرياتي
‏َ
‏وأراجع اللي فات من حلو ذكراك
‏وتضيق فيني كل الأربع جهاتي
‏َ
‏هلت دموعي ياحبيبي بلياك
‏وأنت الذي لا هلّ دمعي تحاتي
‏َ
‏شف حالتي من يوم ماحان فرقاك
‏ضاعت مع فرقاك كل أمنياتي

اميره الورد

[الحمدان]

اذا كان حبك عام حبي معك دول
وذا كان حبك نار قلبي معك بحور

اشوفك بعيني اكبر الناس من زحل
واشوفك بقلبي نور باقي مدى الدهور

وفيك الهوى والحب ما خاب له أمل
احبك مدى الأيام والعام والشهور

ونا ياحبيبة الروح قلبي معك رحل
كما ذبذبات البث متجاوز القصور

حياتي وفكري انتي والشعر والغزل
وقلبي وروحي في محبتك ما يبور

احبك ولكٍ في داخل الروح مرتحل
ولكٍ في وسط عيني مقاعد بها الزهور

اشوفك نجوم الكون وشوف بك مثل
وحبك على مر الزمــــان والعصـــور

لك الله أن الحب لكٍ يطوي الخجل
يفوق الهوى والحب والشوق والشعور

ترا القلب بسمك لو تقع معكٍ وصل
فلا شك يسبق خافق القلب والمرور

اميره الورد

[الحمدان]

لاهانت الرفقه على من نصافيه
‏الصد للنفس العزيزه كرامه

‏ماللوفاء سوق نبيعه ونشريه
‏ولا لنيات الخلايق علامه

....

[الحمدان]

‏واحد من الناس يكفيني وراضيبه
ماريد غيره ابيه اموت واحيابه

يامر وينهى ولبي لـه مطاليبه
تفداه روحي وقلبن تله انهابه

الزين والذوق هي جملة عذاريبه
وحلو النبا مع دلولن حيل جذابه


...

[الحمدان]

في عروش القلب متربع على كرسيه
حاكمٍ كل المشاعر والحواس الخمسه

ماتشوف عيوني الا هو ولا به زيه
ولا لمست كفوف غيره واه محلى لمسه

وما تنفّس صدري الاّ انفاسه الورديه
ولا عشقت من الكلام الا ذرابة رمسه

....

[الحمدان]

تمر الليالي وكل ليلة ازيد إيمان
‏ماضاعت ليالي من على الله لياليّه

‏ولو ضاع حلمي قلت من دافع إطمئنان
‏عوض ربي أجمل من خيالي وامانيّه

‏على الله ولاضاعت رجاويك للرحمن
‏يا قلبً خلقه اللهَ من ضلع حنبيه

....

[الحمدان]

يا صبـاح الخيــر والدنيا عوافـي
ابتسم وابدأ صباحك وانت رايـق

لشرقت شمس الصبح والجو صافي
اذكرالله واشكره لوكنت ضايـق

....

[الحمدان]

‏لو تغيب الناس من حولي وتروح
‏مافقــدت إلا وجــودك ياغـلاي

‏إنت وحدك لا غدى وقتي جروح
‏بلسم لـ حالي وطبّي مع هواي

....

[الحمدان]

سـلام لك يسلي فـؤادك ويرضيك
رضـاك غـاية فـي فـؤدي أكـيدة

كل الغـلا والشـوق بقلبي يناديك
مدري سمعت الصوت وإلا اعيده

الشـاهـد الله كـم أعـزك وأغليك
رغم المسافة والظروف الشديدة

اميره الورد

[الحمدان]

مسا الخير يا غلا من تعلق فيه قلب وبوح
نثر حرفي غلاه وصار روضه في دواويني

مسا الورد يا عطر الورود اللي شذاه يفوح
مساءٍ يربط شعور الغلا اللي بينك وبيني

اميره الورد

[الحمدان]

‏أهديتني عطرك وانا هديتك الجوف
لـبـييه ياعطرك ويـفداك جـووفـي

عطرك يطفي شوق عاشق وملـهـوف
والجوف في عـطـرك عطاه امخلوفي

....

[الحمدان]

‏فــز قلـبي وأنضبط جو القصيد
في حضورك صار جوي شاعري

تلهم إحسـاسي على الذوق الفريد
حضرتك بـ الحيل تسعد خاطري

اميره الورد

[الحمدان]

‏ياشيخ ربي يزيدك خير
نظف ضميرك من العالق

تبقى على العز والتقدير
لو تترك الخلق للخالق

الهمز واللمز والتمرير
ينافي مروّة الحالق

لاتامن الوقت والتغيير
سبحان من للصبح فالق

....

[الحمدان]

سهيت لحظه وقمت ابحث بجوالي
اقرا الرسايل وامسح مابقى منها

لقيت ذكرى رساله والرقم غالي
مكتوب فيها اذا انا مت فامسحها

فكرت فيك ولقيتك عايش وسالي
وماظن ياصاحبي في يوم تذكرها

الموت عندي يساوي غيابك الحالي
والحين بستئذنك يازين وامسحها

....

[الحمدان]

‏نضحك وفـ الدنيا كثيرين يبكون
وإذا اضحكوا في يوم حنّا بكينا

أحوالـنـا في كـل ليلة لها لون
مـرّة لنا الـدّنيـا ومرّه عليـنا

....

[الحمدان]

‏ابتسم مهما قست فيك الظروف
من سحاب الكون ماضاق السما

كم كفيف قلبه الـمُبصر يشوف
وكم بصير قلبه الميت عما

....

[الحمدان]

‏يســعد مسائكم بالقصايـد والأبيات
واجمل حروف الشعر واجمل قوافي

والورد والنرجس من القلب باقات
مـن قلب صافي للقلوب الصـوافي

....

[الحمدان]

‏غشّوا بعضكم يكرمون العواريف
اللي على خطّر بعضها تحاما

الله ليا حط الضعافا مواليف
حط النشاما في طريق النشاما

....

[الحمدان]

أنا عرفت الناس ما أجهل الناس
حتى غدت نفسي من الناس حذره

ماهو لزوم اللي زرع يحصد إحساس
أحيان تزرع لكن الأرض قذره

....

[الحمدان]

‏بقا ذنب واحد من ذنوبي عجزت أنساه
بعد ماهداك الله ياقلبي على التوبه
ٰ
لك الشوق يا ذنبٍ تركته لوجه الله
عسى سيئات الشوق ماهي بمحسوبه

....

[الحمدان]

وأبوح للخيل الحنون بسري
وابث لها مما يخبئ صدري

قد تفهم الأنعام كلام عيوننا
والناس عن احساسنا لاتدري

....

[الحمدان]

‏إنَّ الصلاةَ على النبيِّ مُحمدٍ
يُشفى بها مَنْ لازَمَتْ شفَتيْهِ

كم طوَّقَ الهَمُّ المُبرِّحُ مُهجَتي
فَكُفيتُ همِّي بالصلاةِ عليهِ

صلو عليه
اللهم صل وسلم وبارك على نبينا محمد

[الحمدان]

̶اهجر بيوت الذل لو هي من ذهب
̶وأسكن بيوت العز لو هي خرابه

بقلمي

[الحمدان]

تبادلنا مقاواة الصباح ورحت كني طير
‏على متن السحاب يشيلني عشقٍ ملا صدري

‏ماذقت من الكلام ألذ من كلمة صباح الخير
‏من اللي ينطفي نور الصباح ان ما قعد بدري

....

[الحمدان]

بغيت أتنهت مير بدّلتها تهليل
‏وأنا والله إنّي محريٍ بالتنهاته

ذائقة

[الحمدان]

ودك الرجل قبل إنه يربي عياله
‏يتربى على مبدا التشكي مذله

من تعوّد على فزعات عمه وخاله
‏كل ماشانت الدنيا برك في محلّه

....

[الحمدان]

أنا السعودي رايتي رمز الإسلام
وانا العرب واصل العروبه بلادي

وأنا سليل المجد من بدأ الأيام
الناس تشهد لي ويشهد جهادي

دستوري القران قانون ونظام
وسنة نبي الله لنا خير هادي

....

[الحمدان]

💚🇸🇦
ياموطنـي واللي خلق دمّي الحار
‏فيني على مشراف حبّك حميّة
‏⁧
🇸🇦💚

[الحمدان]

(سعودي)

إثباتي فوق راسي ووسط الجيب
أكابر به الرّفعة وأنافس به الحكام

سعد بن جدلان

[الحمدان]

أعترض لي الحظ وانا من الواقع رضيت
داري انها ما تجيبك لعَل ويا عسى

انت ياللي تحسب إني نسيتك وانتهيت
عاد زولك في عييُوني وقلبي مانسى

....

[الحمدان]

يازين المحبه لاتوافق عليها اثنين
ويازين اللقى لاصارت النفس مشتاقه

اناطحت في زين ماقد شفت مثله زين
مع زود زينه ياعرب مزين اخلاقه

....

[الحمدان]

انا انجرحت ف بعدك وضاق صدري
وتشوفني لاهي وناسي واناني

ماهوب شرط ابكي على شان تدري
الحزن شي ودمعتي شي ثاني

....

[الحمدان]

طيفك يمر وهاجس الشعر يدعيك
مـشـاعـري في بحـر حبك غريقـه

ايــوالله احبك وبالحيــل اغليك
واشـتـاق لك بالثانـيـه والدقيقـه

....

[الحمدان]

سقى الله زمان فات عاد القلوب نظاف
قبل ما يجي وسط الشرايين جرثومه

تغيّر مسار الناس يالله ياروّاف
تروف بقلوبٍٍ من عنا الوقت مظلومه


....

[الحمدان]

يوم وقفّت بسم ملّحقين التوالي
الفعول ابلغ من الهرج ميلون مره

لجلهم مرخصً شعري وحالي ومالي
عزوةً فوق مزموم النباء مستقره


فهد العزيزي

[الحمدان]

إحشم ولد عمّك إذا سولفوا عـنْـه
لو هو على شوفك يعـقّـد حجاجه

خشمك تراه بوجهك وقطعةٍ منْه
حتى لو إن الخشم فيه إنـعـواجه


خالد الهدباني

[الحمدان]

ماخاف شر المعاصي غير حي الضمير
الادمي مايسره غير طيب اعمله

ياقوم عز الحياة اللي مداها قصير
تغر قلب الغشيم اللي غشاه اجهله

كم طيرت من ملوك وحولت من وزير
لو عز قارون ماله فالاخير اخذله

مع انفتاح الحياه وشرها المستطير
ماغير نجمع ذنوب وبالصلاة اعجله


خالد المذعور

[الحمدان]

حنا بلشنا مع الصاحين والمرضى
ماعاد ندري عن الزعـلان والراضي

اللي رضى خير والزعلان لايرضى
ماني على خلق ربي ياعرب قاضي


سلمان الذيابي

[الحمدان]

يامل قلب ٍ يلوعه طاري الفرقا
كما يلوع الحمام الورق شيهانـه

إن حوّلن حوّلت وإليا رقن ترقـا
متعليّتهـن وهـي حدمه وجيعانـه

على وليفٍ نحا مع روق عن برقا
عليه عيني بصاف الدمع غرقانه

أبوثـمـانٍ رهــاف ودقــةٍ زرقـــا
موتي ولا صدته عني وهجرانـه

....

[الحمدان]

‏يارب حنّا عبادك يالعـظيم الحليم*
‏نـوّر عـلينا الدروب ونوّر قـلوبنا

‏نطلبك عطفك ولطفك يالعزيز الكريم
‏هوّن علينا الـشدايد وإغفر ذنوبنا

يالله استرني بـ لطفك دام سترك ثوبي
‏واغفر لـ عبد ٍكساه الذنب واصفح عنّه

‏مذنب ولا جيت اقارن رحمتك بذنوبي
‏اذكر ان ذنبي عظيم وعفوك اعظم منّه

‏
....

[الحمدان]

يالله بصبح ٍ فيه عفو ٍ وغفران
‏صبح ٍ ينفس كل همٍ وكربه
‏
‏وصلاح ذريه وتوفيق وإحسان
‏وطاعتك تجعلها محبه ورغبه

....

[الحمدان]

‏انت يالي تدور من ورى الناس حاجه
عزة النفس عنك اتسكر ابواب منه

صل وارفع كفوفك واطلب الله وناجه
ماوراء الناس نار ولا وراء الناس جنه

....

[الحمدان]

يوم الوفاء يجمع شتات المخاليق
يطري على قلبي من الخلق مخلوق

فكري معك ي صاحبي له طواريق
منت برخيصٍ ي بعد كل مخلوق

....

[الحمدان]

‏جيتك أمسي يامنــى الروح بالنور
وأقول ياقلبي هـلا وكيف حـالك

يالله عساك بخـير طـيب ومسرور
ويالله عساني مانحرم من وصالك

....

[الحمدان]

‏مُدَّثِّرٌ مُزَّمِّلٌ نوديتَ في آيِ
‏الإلهِ ومُحكماتِ الأحرفِ

‏صلَّى عليكَ اللهُ مَا عبدٌ دعا
‏للهِ مُبتهلاً بليلٍ أجوفِ

اللهم صل وسلم وبارك على نبينا محمد

[الحمدان]

‏انا ماجيت أبرر شي ولا ب أعاتبك باحساس
‏ولا يفرق سواء رحت ولا جيت بـ الخيره

‏تخيلتك تشابهني على طيب الأصل والراس
‏وأثر اسباب خيبات العشم من زود تقديره

‏فلا يلحقك فيني عطف ولا يحتلك الوسواس
‏أنا دولة وقلبك كان مواطن خاين الديره


....

[الحمدان]

ياالله برفعة راس بين المخاليق
وبياض وجهاً فيه نفخر ونرقـاء

ومخوة أسياد الرجال المطاليق
ذي صيتهم يلمع لياء لاح برقاء

....

[الحمدان]

يا ثانيَ اثنينِ لمْ يشبهْكَ إنسانُ
‏ياكاملَ الحسْنِ لمْ يَنقصْكَ إحسانُ

‏صلى عَليكَ الله ماهلّ الهنا
وانزاحَ همٌّ وانجلتْ أحزانُ

اللهم صل وسلم وبارك على نبينا محمد

[الحمدان]

وقفت لعيونك على طول طولي
ودقات قلبي تنحني حب لرضاك

وكل البشر دوني وخلفي وحولي
ماحد عطيته بالغلا ربع ماجاك

اميره الورد

[الحمدان]

‏لبى عليل الهــوى لاهب من يمك
ياورد عطرك يفووح بروح وجدني

مشتاق لك والخيال الرحب لاضمك
ماعــاد يرضيه غيرك واحـد ثاني

....

[الحمدان]

مساء الذوق والورد وغلاكم
‏وشموع الود والبسمه القريبة

‏مساء الطيب ياروعة حلاكم
‏مسائي عطر طلتكم وطيبه

بقلمي

[الحمدان]

مسيت بالشوق يا اغلى من تمنـيتـه
ونفس تحبك عن عيون البشر عيت

لاشفت اسمك على الجوال واوحيته
كل المشاعر لعينك هلت وحيت

....

[الحمدان]

مشتاق له لاكن حروفي تكابر
والخل مثلي طايحً في غروره

ودي رساله منه تسعد للنضار
مادام في قلبي وروحي حضوره

محتار من حبه انا سرت محتار
ما الحل قولو له مراقب مروره

....

[الحمدان]

‏النيه الطيّبه من طيب منبعها
‏وكلّن على قدر طيبه يسرج خيوله

‏مثل القصيده يدلّك طيب مطلعها
‏عنها وتبقى بكل لسان مقيوله

....

[الحمدان]

كف المخاليق لاتعطي ولاتمنع
‏المعطي المانع الوهاب سبحانه
‏ٰٰ
‏النفس عاداتها فالزود ماتقنع
‏لوتملك من الذهب وديان مليانه

بقلمي

[الحمدان]

لاصار طبعي ي أبيض الوجه دمّاح
‏لاتحسبني ميت القلب والروح
‏
‏بعض الخطايا موجعة كنها رماح
‏وبعض الخطايا تاخذ شوي وتروح

....

[الحمدان]

نطيح من عثرات الأيام ونقوم
‏وتزيدنا الطيحه شموخ وكرامه

‏نواجه الدنيا بصملات وعزوم
‏ولا هزنا هرج الردي والهلامه

....

[الحمدان]

خلك سما واترك هل القاع للقاع
‏وارفع عيونك للنجوم المطله

‏وخلك مثل ما قيل للعزم تبّاع
‏مافيه صعب إلا وربك يحله

....

[الحمدان]

عزوم الرجال تبين فالموقف الغصاب
‏وعن نفعة الضابط يبا ايسدّك الجندي

‏يمال الغنى يا مجمل الربع والاجناب
‏ابو خنجرٍ تفعل وابو جبهةٍ تندي

....

[الحمدان]

‏لـيـت الامـانـي لاتمنيت تنـسـاق
‏يـالـيتهـا بالـحـب تـوفـي وتـبـقـى
‏
‏ليت الحبيب اللي له القلب يشتاق
‏يبقى على طول الزمن دون فرقى

....

[الحمدان]

خارج الصندوق....

في أدب العلاقات والتماس الأعذار للآخرين
يقول دكتور مصطفى محمود :
لو دخل كل منا قلب الآخر لأشفق عليه
ولرأى عدل الموازين الباطنيّة برغم اختلال الموازين الظاهرية
ولما شعر بحسد ولا بحقد ولا بزهو ولا بغرور

و يقول الرافعي :
في كل انسانٍ تعرفه انسان لاتعرفه

بقلمي

[الحمدان]

يا من لقلبي والمعاليق غثاث
ومأثثٍ حبه وراء الروح تأثيث

حبك جرح قلبي بصاروخ نفاث
اشكيك يا ظالم على منشي الغيث


لافي الهمزاني الشمري

[الحمدان]

آهـ وقلبي اللي خمسة أشهر مريض
ما وصف له طبيب ولا عرف له دواء

نوب بالقلب برد ونوب بالقلب قيض
سمه الحب واصبح من نصيب النواء

كل ما قلت ابصبر جض قلبي جضيض
جضة اللي على رجيليه داب التواء


لافي الهمزاني الشمري

[الحمدان]

ليت الخبر ما كان في ليلة السبت
ويوم الاحد ما كان يوم الوداعي

عز الله اني يا هوى البال شيبت
قلبي من الفرقا عليكم يلاعي

لوعة هبوبٍ يا صفق ناعم النبت
من لوعته يبست زهور المراعي


لافي الهمزاني الشمري

[الحمدان]

يا جاهل الدنيا بحالك تدرا
تراه ما غير انت والله بحالك

ياطحت منك اقرب قريب يتبرأ
لو ينظرك بالنار ماجا وشالك

يالعبد دار وللملا لا تحراء
ابوك ما ينفع وعمك وخالك


لافي الهمزاني الشمري

[الحمدان]

يقول من مرت عليه التجاريب
ميّز سلوم الباديه وأهل الأسواق

شاف السعاده والاسى والاصاعيب
وشارك جميع أهل المشاهي بالاذواق

حلو النبا والطيب شيخ المواجيب
وعند الولي علم الخفايا والارزاق

ولولا الفعل ما يعرف البس والذيب
والفرق واضح في نباتات الاوراق

وعز الفتى لو فوق نار اللواهيب
اخير من منات عفنين الاعماق


لافي الهمزاني الشمري

[الحمدان]

يبكي على ماضي زمانه وجيله
يحن يبي ايامه الماضياتي

تقل له الدنيا حياةٍ طويله
ما يعلم انه للفنى والمماتي

لابد من يومٍ سريعٍ رحيله
لو طال عمره خاتمته الفواتي


لافي الهمزاني الشمري

[الحمدان]

اروح للطيب اليا احتجت حاجه
واجنب اهل التفرقه والنقيلي

وعندي ردي الناس مثل الدجاجه
والا الدجاجه من وراها حصيلي

والقرم يا جيته لحاجه يواجه
والا ردي النفس دايم ذليلي


لافي الهمزاني الشمري

[الحمدان]

كلٍ تصاريفه على قد عرفه
لاتشمتون بذا ولا ذا ولا ذا

هذاك في حرفه وهذا بحرفه
كلٍ له اسمه والطبايع شذاذا

طيب ومتوسط ودونه وكرفه
وكلٍ يشوف بسير طبعه شذاذا

هذاك في فندق وهذا بغرفه
وهذاك ما له في حياته ملاذا

يا ناس خلو كل خطٍ بزرفه
أعوذ بالله عنكم بالمعاذا

ما للفتى عن صرفة الله صرفه
لو مالحفيظ الله صرتوا بذاذا


لافي الهمزاني الشمري

[الحمدان]

العلم ميدان المكاسب والأرباح
والجهل ميدان الهزل والقباحه

العلم أمان الحي للعالم سلاح
والجهل هو بيت الخزاء والوقاحه

والجهل سرابٍ على قاع صحصاح
والعلم ساسٍ للعلا والسماحه


لافي الهمزاني الشمري

[الحمدان]

وحنا رجال معنويات عزمنا
مثل الجبال الراسية فوق بيدها

حنا جنود الأمن نومن بديننا
ياغرت النفس الدنية بليدها

عاداتنا وقت اللوازم نشرف
عدواننا يهاجمونا نبيدها

ولا فرق بين الأمن والجيش والحرس
سور الجزيرة من عدوٍ يريدها


لافي الهمزاني الشمري

[الحمدان]

‏يالله برزقٍ على غفله من الحسّاد
‏مدة كريمٍ تجود الناس من جوده

‏رزقٍ يجي دون تخطيطٍ ولاميعاد
‏دعوة مصلي دعاها لحظة سجوده

....

[الحمدان]

اشهد ان الله عطا وجهك قبول
كل ما اشوفه اشـوف العافيه

جيتك وصدري من اللهفه يقول
ممتلي شـوق ومشاعر دافيه

انت حتى الشعر في وصفك خجول
وكل كلمه في سمـوك وافيه

نصف ساعه فاهي بوجهك واقول
اشهد ان وجهك يجيب العافيه

....

[الحمدان]

‏القلب زاره من الشوق مرسال
‏يامرحبا بالشوق وراع المراسيل

‏هنا اقول الحب يبقى ولا زال
‏وهنا يعيش الحب عزف ومواويل

....

[الحمدان]

‏بعض البشر طبعه مقدر ومحشـوم
‏وبعض البشر عيبٍ عليك احترامه

‏اللي ستر عيبه عن الناس بهـدوم
‏وش يستره لاصار عيبـه كلامـه

[الحمدان]

‏الله هو اللي وزع الرزق بقياس
‏ومن دنيتك ماتاخذ الا نصيبك

‏ان زاد رزق الناس لاتحسد الناس
‏الله حسيب الناس والله حسيبك

....

[الحمدان]

انا على كف الزمن عايش الجو
لو الظروف اقسى من اللي تجينا

عشت الحياه وقلت ياخاطري سو
محدٍ تفضل بالوناسه علينا

....

[الحمدان]

بنك المحبه لك على طول مديون
لو زاد صرفك مايخلص رصيدك

انتي الذي يفداك ماملك بها لكون
وانتي الوحيده اللي قلبي يريدك

....

[الحمدان]

‏خاويت بالدنيا خلايق وفارقت
‏انا الوحيد اللي لنفسي بقالي

‏ماني بمحتاج البشر لاتضايقت
‏اقدر اكمل نص عمري لحالي

....

[الحمدان]

‏الصمت صوت الصبور اللي بلاه الكلام
‏والصد عين الحليم اللي يقود العمى

‏من يبغى يعيش بالدنيا رفيع المقام
‏لاشاف بالارض غبنـه يرتفع لـ السما

....

[الحمدان]

ياليت عنـدي قلـــب ماعنـده احساس
من شان اطنـش من جرحنـــي غروره

واتجاهل اللـي شاف حاله من الناس
واصـد وجهـي واقهــــره في حضوره

بس انخلق لي قلـب طيب وحساس
فيه الوفــاء والطيـب ساكـن شعوره

....

[الحمدان]

‏لاتتبع المقفين وتقـول غاليين
مادامهم أقفوا هـمّ مرخصينك

خلهم مثل مايرخصونك رخيصين
أكبـر خساره تشتري بايعينك

....

[الحمدان]

انا على كف الزمن عايش الجو
لو الظروف اقسى من اللي تجينا

عشت الحياه وقلت ياخاطري سو
محدٍ تفضل بالوناسه علينا

....

[الحمدان]

عندي سؤال ومن له القدره يرد
وش رايكم في شخص يترك اخوته

هل هو تكبر يوم انه يبتعد
او هو اناني منخدع في قوته

بالله قولوا رايكم وش تعتقد
هل هكذا ربوه اهله واسرته

....

[الحمدان]

من خبر للحب دكتورٍ مداوي
من عشير حط وسط القلب كيه

لعنبو ترف الحشا ماهوب ياوي
قاسيٍ قلبه ولا به مرحميه

صاحبي عرض على قلبي مكاوي
ما سقاني من شفاياه العذيه

واحدٍ دايم يرجوي بالعطاوي
هو يمنيني ولا شفت العطيه

....

[الحمدان]

‏يمكن عنيده لكن اعشق عنادي
‏عندي ثقه بالنفس والاساس موثوق

‏الله خلقني للقيم والمبادي
‏أعرف حدودي واحترم كل مخلوق

....

[الحمدان]

‏ياليت إلي بالبنك اربع ملايين
‏واربع عماير كلهن بالعليا

‏واربع حريمٍ كلبوهن مزايين
‏ارداهن اللي مثل نجم الثريا

....

[الحمدان]

‏ماني مفتش في خفا كل مدسوس
‏ولاني براعي صحبة مالها ساس

‏خذيت من وقتي تجاريب ودروس
‏وعرفت وشلون اتعامل مع الناس

....

[الحمدان]

‏توسعوا يامدورين المشاريه
‏خذوا من ارض الله شبر واتركوني

‏من يسمع اول هرجكم عاف تاليّه
‏لكن قبل لا تسترشدون أسمعوني

‏رضاكم الله لايحييه ما ابيه
‏والبعد عنكم مايحرك شجّوني

....

[الحمدان]

لاعادها ظروف تاخذك ولا عاده فراق
الفرحه تشح والضيقه تجي تدهر

والله من رحت والروتين ماله مذاق
الصبح ماينقعد والليل ماينسهر

....

[الحمدان]

‏يكفيك عن بعض الردود ابتسامه
‏والرجل ماكل السوالف تهزه

‏ناسٍ تعاملها بقدر و كرامه
‏وناسٍ تجاهلها لنفسك معزه

‏المحترم يفرض عليك احترامه
‏وترفاه عن شيٍ بنفسه يحزه

‏والمجلس اللي ماينومس مقامه
‏عجل بفنجالك وكرّم وهزه

....

[الحمدان]

‏متابعيني كلهم قمة الذوق
من حبهم حتى التواصل هويته

اناوهم تشبيه عاشق ومعشوق
وغلاتهم داخل خفوقي بنيته

هذا كلام القلب من كل الاخفوق
من قلب صادق بالمحبه حكيته

ارسل لهم حبي مع كامل الشوق
لكل غالي في حياتي هديته

بقلمي

[الحمدان]

‏انشهد ان الوقت هذا تغيّر
‏ياراحت الميت ويابلشة الحي

‏حتى ولو جيت ابن عمك مسيّر
‏قالو ترى ماسير الا يبي شى

....

[الحمدان]

مثل البريق اللي على طلعة الغاط
‏ابريق شاهي بس مافيه شاهي

‏ديكور ماهو حق جلسه ومقلاط
‏على الطريق مصمم ٍ للتباهي

....

[الحمدان]

‏أحيانًا الصمت هو افضل وسيلة هروب
‏عن قولة الناس هذي ليت ماقالها

‏والكلمة الطيّبة مـفـتـاح كـل القلوب
‏لـو انّها كـلّ يـوم تـبـدّل أقـفـالـهـا

....

[الحمدان]

الصمت أدب ومعاندك بالخطا عيب
‏وشيمتك عن زلة رفيقك جماله

‏وإن ماقدرت تجازي الطيب بالطيب
‏باب الخطا صكه وقفل مجاله

....

[الحمدان]

‏جنوبية ﺗﺴﺘﺪﺭﺝ ﺍﻟﻐﻴﻢ ﻭﺗﺼﻴﺪﻩ
ﺗﺮﺳﻢ ﻧﺠﻮﻡ ﺍﻟﺴﻤﺎ ﺷﻌﺮ ﻭﻗﻼﻳﺪ

ﺣﻠﻤﻬﺎ ﺗﻜﺒﺮ ﺗﺒﻲ ﺗﻜﺘﺐ ﻗﺼﻴﺪﻩ
ﻟﻴﻦ ﻛﺒﺮﺕ ﻭﺍﻧﻜﺘﺐ ﻓﻴﻬﺎ ﻗﺼﺎيد

....

[الحمدان]

لاتلومني لاجيت كلي من أقصاي
مافيـه غيرك لاتضايقت جيتـه

جيتك ولا غيرك ذكرته بمسـراي
جيتك وكل إنسان غيرك نسيتـه

جيتك وأنا ماني بـ أنا تايه الـراي
جيتك وأنا مدري وش اللي بغيته

....

[الحمدان]

‏الناس تفرح ب الرواتب وانا اضيق
‏اموزعه كله قبل لايجيني

‏امشي الدنيا بسلفه وتلفيق
‏وأقول من حافزك يمه عطيني

....

[الحمدان]

‏لك من عطور الشعر ماينعش الروح
‏ولك من مواجيب الغلا نبض واحساس

‏ولك في خفوقي بيت مازال مفتوح
‏مايسكنه غير انت يانقوة الناس

....

[الحمدان]

‏أتركوني فالصغار من الأمور مغيّب
‏وأذخروني لا احتمى ضرب السنين القشره

‏ودك إن اللي يحز الخاطر من قريّب
‏مايجي بينك وبينه سَلم ولا عشره

‏صرت مثل الطيّب اللي في محل الطيّب
‏ورعهم يخطي عليه ومستحي لايشرهه

....

[الحمدان]

‏تحبك الارض والغيمه وسرب الحمام
‏وتشتاق لك عاصمة نجد ومطاراتها

‏ويشتاق لك كل حيٍ في طريق الامام
‏وكل الاماكن مبانيها ولوحاتها

‏وقلبي وانا يااخر احبابي ومسك الختام
‏ونفس معك شفها واغلى طموحاتها

‏ماني بحبك شوي الا علي الحرام
‏انك دواي وهوى نفسي ومشهاتها

....

[الحمدان]

‏ذكريات العاشق اللي ماتمحاها السنين
‏تنطح العاشق مع الوجه ولّا تختله

‏يدري ان مايقتله شوق وغياب وحنين
‏التفاصيل الصغيرة هي اللي تقتله

....

[الحمدان]

‏خوفي من الله وإتكالي على الله
‏لاخايفٍ هذا ولا راجياً ذاك

‏ياخالقي يرجع لك الامر كله
‏المد مدك والعطايا عطاياك

....

[الحمدان]

‏اقفت نجوم القيض واقفت سمومه
‏وسهيل جاء له بالهبايب ذعاذيع

‏من لامني فالبر ربي يلومه
‏الـبر طب ٍ للقوب المواجيع

....

[الحمدان]

الجاهل اللي يخونه سوء تعبيره
‏خلك معَ غلطته لاجتك متساهل

‏تراك وان كان عاملته بتفكيره
‏ماعاد تدري من اللي فيكم الجاهل

....

[الحمدان]

لاصرت طيّب وقوت أعيالك أيسدهم
‏هذي ترى نعمةٍ في حدها كافيه

‏تحّمد الله ترى به أغنيا ودّهم
‏بفلوسهم يشترون الستر والعافيه

....

[الحمدان]

اسمع واشوف وكن مانيب شايف
‏سوالف سجلتها ضد مجهول

‏سد المغفل مثل باب مسايف
‏ماغير دفه ينفتح لك على طول

....

[الحمدان]

عوّدت نفسي ما تحسّف على شي
‏لأن العمر مايحتمل للحسايف

‏بعيش لحظات الفرح دامني حي
‏وبزرع الضحكه بجرد الشفايف

‏ولا ألحق الهقوات شيٍ ماهو لي
‏ولاعدت اجزع من فراق الولايف

‏إن غاب غالي فـ الحزن باخذ شوّي
‏أيام وتروّح علومه طرايف

‏....

[الحمدان]

‏مزاجي بحاجة لدكتور نفساني
‏يرتب أفكار مافكرت أرتبها

‏احيان أصلح علاقاتي على شاني
‏وأحيان ما ارتاح لين إني اخربها

....

[الحمدان]

‏يالله بوسمٍ مبكّر قبـل ميعاده
‏نشوف سيله ونفرح في تباشيره

‏يسقى جذور النبات وتزهر اعواده
‏والأرض تخضَرّ بامر الله وتقديره

‏ويزين جو الخلا ويذعذع بـراده
‏من بعد قيضٍ حبسنا داخل الديره

....

[الحمدان]

‏رأسي الليله مزاجه راعيً سوداني
‏لابس ثوب جديد وشنطته في كفه
‏
‏لاتحاول تقنعه يصبر ليومً ثاني
‏سلمه باقي الحساب ووصله لـ اللفه

....

[الحمدان]

‏ذبحني الشوق واتعبني وعناني
كله على شان حبك يابعد حالي

أبا اعترفلك وأبا اقول لك بلساني
إني أحبك وحبك مشغلن بالي

....

[الحمدان]

‏حظ من حول لوجه الله تعالى دمعه
‏وكل ماضاقت به الدنيا سجد ماكلّم

‏وتدري الخسران منهو في نهار الجمعه
‏اللي ماصلى على وجه الرسول وسلّم

اللهم صل وسلم وبارك على نبينا محمد

[الحمدان]

نكتم ونشكي من الاحزان في خلوة
‏واليوم في صمت لانكتم ولا نشكي

‏لو ان دنيا الشقا يا صاحبي حلوة
‏ماكان شفت الطفل يولد وهو يبكي

....

[الحمدان]

‏ان مر طيفي على بالك بليلة ربوع
‏اسأل غرورك وش الدنيا بليّا متاع

‏وأنا بحافظ على جرحك مابين الضلوع
‏وإليّا ذكرتك تنحرت الفجوج الوسـاع

....

[الحمدان]

‏لاتامن الدنيا وحظك والمصير
‏دنياك مهي طول وقتك صافيه

‏تكبر مثل مايكبر الطفل الصغير
‏وتصغر من عقول الكبار العافية

....

[الحمدان]

‏ياما هقينا ف الاوادم وياما
‏راحت هقاوينا لاهذي ولا ذي

‏ي صاحبي حنّا ماحنّا يتاما
‏بس الليالي تطوي عزومنا طي

‏ليت الليال القادمه والقداما
‏ترفق على الوافين وتهدّي شوي

‏وليت الظروف اللي تمر النشاما
‏تمر ناسٍ لانشاما ولا شي

....

[الحمدان]

ادري كبرت وصارت احلامي كبار
‏وبديت احس ان الليالي عجوله

‏واللي اكتشفته بعد ما هالعمر دار
‏إن اجمـل سنين الحياه الطفوله

بقلمي

[الحمدان]

تجاهل الجاهل على شان ترتاح
‏واسمع من العارف لا منّه تكلّم

‏لاتندفع تنطح لك صياح بصياح
‏اصمت وحاول تستفيد وتعلّم

....

[الحمدان]

‏اقول ياصدري من الضيق لاباس
إن مرّ في بالك لحظن حزن غنّه

لازم تذوق اللي يذوقونه الناس
هذا الفراق اللي يقولون عنّه

....

[الحمدان]

‏ليت قلبي يشبه لـ قلب ابو نوم ٍ ثقيل
‏اللي لو يشب فـ اطراف ثوبه ماصحى

‏بس انا من كثر ماني شقي نومي قليل
‏والهموم تدور في خاطري دور الرحى

‏صرت لـ الاحزان ملجى ولـ الضيقه عميل
‏واتظاهر بـ السعاده وانا حالي محى

‏وسالفة بـ اعدل النوم هاذي مستحيل
‏والله يا بعض الليالي ماانام الا الضحى

....

[الحمدان]

إن زرعت الطيب في قلب الأصيل
‏لو تمر سنين على طيبك مانساه

‏والردي لو ماي عينك له سبيل
‏ينكر المعروف ووقفاتك معاه

....

[الحمدان]

بين القدوم وبين نار الانتظار
‏تمضي ليال العمْر وأخرها رحيل

‏الدنيا هذي كنّها صالة مطار
‏تْودع مْغادر وتستقبل بديل

....

[الحمدان]

ياصاحبي لوتذكر الناس ب الخير
‏ماكان أشوفك طول الأيام عابس

‏رفرف بجنحانك على الغصن ياطير
‏حلو الثمر ماطاح من غصن يابس

....

[الحمدان]

مايهز المشاعر مثل عذب الكلام
ليت كل الكلام اللّي يقال محسوب

حرفك اللّي تدلى وارتوى واستقام
غردت به حناجر وارتوت به قلوب

....

[الحمدان]

هبت رياح الشوق من روض الاحباب
واهتز غصن القلب من طيب ريحه

سلام يللي زادني شوق واعجاب
ويامرحبا باهل النوايا الصريحه

....

[الحمدان]

انت الذي قلت والله لو سماي امطرت
وتلاطم البحر بامطار السحاب الثقال

ماحب غيرك ولا الفرقا ببالي طرت
اما معك أنت ولا قبر تحت الرمال

....

[الحمدان]

خذيت من خير العلوم إعتبارها
وشفت من كل الوجوه المعانده

وما عرفت الناس عند إختبارها
كمى عرفت الكل عند المسانده

....

[الحمدان]

يا قــرة عيــون الغــلا مــانسيتك
أحس بأحساسك وانا في مكاني


تبقى القلــوب كبار مهمــا جفيتك
ويبقى غلاك بداخلي مــاجفــاني

....

[الحمدان]

الله يزيل الضيق عن شاكي الضيق
‏ويعوض الضايق سرور وسعادة

ويحقق الأحلام للناس تحقيق
‏ويزود الصابر صمود وجلادة

....

[الحمدان]

‏تفاصيل شخصيتي لو أخذ عليها زوم
‏يجوز أكتشف لغز التناقض ولا أحلّه
‏َ
‏غموضي يوضحني وصمتي سوالف قوم
‏ورحيلي بدون عتاب وأسباب وأدلّه
‏َ
‏تكاثرت خذلاني وقفّلت باب اللوم
‏ملامي على روحي وصبري على حِله
‏َ
‏من العمر كله ما أعرف كم باقي يوم
‏لكن جعل باقي يوم يسوى العمر كله

....

[الحمدان]

ماني ضعيف إيمان لكني انسان
تجرحني الكلمة ويقتلني الظن

قصة مشاعر خلفها الف خذلان
عاشت وكبرت مثل مايكبر السن

انا ضحية صمت في ظلم الأزمان
صابر واقول الجاي يارب احسن

ياكثر شرهاتي علئ ماضي كان
وياكبر هقواتي علئ احلام ماجن

....

[الحمدان]

‏تربعي بين الحشى والأزارير
وأخذي على ترويقة البال فلّه

وإلا أصبري بطيّر القلب تطيّير
وأنتي تعالي وأجلسي في محلّه

....

[الحمدان]

يامل قلب ٍ يلوعه طاري الفرقا
كما يلوع الحمام الورق شيهانـه

إن حوّلن حوّلت وإليا رقن ترقـا
متعليّتهـن وهـي حدمه وجيعانـه

على وليفٍ نحا مع روق عن برقا
عليه عيني بصاف الدمع غرقانه

أبوثـمـانٍ رهــاف ودقــةٍ زرقـــا
موتي ولا صدته عني وهجرانـه

....

[الحمدان]

لاشفت لك مجروح حاول تداويه
داوه ولو من باب الإحسان داوه

وإن شفت من يبكي ف لاتسأله ليه
الدمع ماعمره نزل من فضاوه

....

[الحمدان]

المبسم النرجسي والنظره الخجلا
تناقضاتك تزيد اهل الهوى عله

وش هو له تكٌحلين عيونك النجلا
انتي الكحل في عيونك وهبه من الله

....

[الحمدان]

‏يالله بدعوه صادقه من ظهر غيب
‏من واحدٍ محبتا لك من الله

‏تفتح لك ابواب السماء والدواليب
‏وتظلك بيوم الحشر تحت ظله

‏دعوة محبن ما وراها مكاسيب
‏من قلب مؤمن لاخطا أستغفر الله

....

[الحمدان]

‏مؤمن بالقدر والصبر إتخاذي
‏مابعد ضيق الصدور إلا سعتها

‏وش يحزّن خاطري والارض هذي
‏كل حي ٍفوقها يرجع تحتها

....

[الحمدان]

دام المساء في حضوري شي ثاني
‏أنا حضرت واسعد الله مساكم

‏يسعد مساء اللي يواصلني بذوقي
‏ويسعد مساء اللي منور مسائي

....

[الحمدان]

خل الشماته يابن عمي وقل خير
ماتضمن اللي صابهم مايجينا

يمكن تجي حاجاتنا في يد الغير
من عقب ما حاجاتهم في يدينا

....

[الحمدان]

لي عدة ايام متعُومس ولا نمت زين
وليا اقبل الليل زاد الهم بين الضلوع

فِي خاطِري شي مدري شوق ولا حنين
ماباقي الا اردِف الونه واهل الدموع

ماني بخايف من العذال والحاسدين
خايف من الغيبه اللي مابعدها رجوع

....

[الحمدان]

‏يالله بدعوه صادقه من ظهر غيب
‏من واحدٍ محبتا لك من الله

‏تفتح لك ابواب السماء والدواليب
‏وتظلك بيوم الحشر تحت ظله

‏دعوة محبن ما وراها مكاسيب
‏من قلب مؤمن لاخطا أستغفر الله

....