فوق هام السحب ( الشعر الشعبي) على متن القوافي

[الحمدان]

يبقى* آلوفاء طبعي ولو راح عمِرَيّ
لَآنٌ آلوفاء خصله رَفيع آصلها

مِآهمني لَوُ خانوا آجيال عصري
آلَطيب عنواني وصبري رسنها

.....

[الحمدان]

جدي وابوي وعمي وخالي وانا
واخوي وعيالي واذا جاء لي حفيد

مع الملوك اخوان نوره كلنا
مبايعين ولانميل ولانحيد

من تحت رايتهم فخرنا وعزنا
وفكل الايام لنا مع الامجاد عيد
🇸🇦💚

[الحمدان]

تجور الاحمال وتصير الحقائق خيال
وكل جمَّال يعرف ناقته والجمل

والمعرفة مال واغلى راس مال العيال
وصاحب اجمال معروفه نما واكتمل

وخير الاعمال مهنة ليس فيها احتيال
وكُثر الإهمال يُقتل في النفوس الأمل

صلاتي إكمال نور ايامنا و الليال
مفتاح الآمال ذكر المصطفى لا يُمل

.....

[الحمدان]

مع اختلاف المبادي واختلاف العقول
تضيع الاجيال بين الظلم والهيمنه

حتى مراجيم بقعاء ماتصيب الفسول
تهجم على الصف ماتتخير الا احسنه

.....

[الحمدان]

مع دورة الدنيا يقلون الأصحاب
واليا صفى الصافي تريح فؤادي

بقى بجنبي محزمي وقت الأنشاب
وبقى معي راع الوفاء والمبادي

ياكثرهم جازوا هل الطيب بغياب
كيف اختفوا في وضع ماهو بعادي

اللي من اول حاسب ٍ فيهم حساب
بانت حقيقتهم وزان ابتعادي

.....

[الحمدان]

‏ماعاد يرضيني وفا ولا عاد يزعلني جفا
‏مُتساوي الخاطر وظلم العرب وانصافها

....

[الحمدان]

الله أكبر الله أكبر الله أكبر
لا إله الا الله
الله أكبر الله أكبر
ولله الحمد

كبروا حتى يبلغ تكبيركم عنان السماء

[الحمدان]

جرّبت أجامل ناس وأقسى على ناس
‏ما اقول انا الصاحي ولا الناس مرضى

‏وإن قلت فيه إنسـان طيّب وحسّاس
‏ما فيه أحـــد ياخـــذ نصيبه ويرضى

.....

[الحمدان]

والله اني محملك الخطــأ يا زمـــاني
‏ان قدرت ابلغ المقصـود وان ماقدرته

‏الله اللــي حــرمني والله اللــي عطاني
‏وان حرمني حمدته وان عطاني شكرته

....

[الحمدان]

‏طبيـعة الدنـيا مصـافح وتــوديــع
‏لا تتعب احساسك ورى شي تشقى

‏ اللــي تخاف انه يبي يضيع بيضيع
‏واللـــي تمنيـــت انـه يــروح يبقى

....

[الحمدان]

أن زان حظك فالزم السر والصمت
وإن شأن لا تجعل عدوك يشوفه

....

[الحمدان]

اللي يعزك ما يشوف الردى فيك
ومن يكرهك حتى بخيرك يذمك

....

[الحمدان]

‏عشقت التميز والتميز عمَل مسموح
‏والليّ يعذربني علي أنت ويش لاقي

‏اذا جيت أجي وأترك حضوريّ لاجيت أروح
‏لاجل سمَعتي تنوب في فترة فراقي

‏ونفسيَ وحش ماهي بسهله على الطاروح
‏تموت النفوس ولا تهقوت بمسباقي

....

[الحمدان]

لو نكتب الشـــــــوق ما تفنى دفاترنا
يفنى الورق والقلــم يكتب لنا وصاته

ولو نكتب الشــوق يطلع في مدامعنا
الشـــوق واضح على المشتاق نظراته

....

[الحمدان]

يوم الحسن ما بين خلق الله يجي فيه إشتباه
‏بينك وبين الناس يا الفارق فروقٍ شاسعه

....

[الحمدان]

اختياري لك لأن ذوقي رفيع
والرضا منك جمعني من شتاتي

في كلام الناس عنك ما أطيع
أنت ثابت في حياتي لا تحاتي

سيد الضحكات يا الحُسن البديع
من لقيتك بالعُمر لقيت ذاتي

من صفاتك تضحك بوجه الجميع
وغيرة العشاق من أكبر صفاتي

الحروف اللي على ثغرك تميع
جنّنت قلبي وهزّت من ثباتي

ووجهك اللي يسرق أنظار الجميع
انتشلني من غياهب ذكرياتي

ابتسم محتاج في وجهك أضيع
الضياع بضحكتك من أمنياتي

شفت كيف الورد يزهر في الربيع
كنها لحظة دخولك في حياتي

....

[الحمدان]

الله يمسي صادق القلب بالخير
صدره نظيف وكل حكيه صراحه

اهل النفوس الصافيه قربهم غير
متبادلين الطيب في كل راحه

....

[الحمدان]

‏سلامي على اللي ماتغير مع الايام
‏ ولا زال يذكرنا ولا زال صاحـبنا

....

[الحمدان]

ولك في خيال الشاعر المهتوي ميعاد
‏ومجلس على غيمة وليلة قمر نجدي

....

[الحمدان]

‏تعال خذني للامل حب واحساس
وارسم على ذكرى الوله ذكرياتك

ما دام حنا نـاس والناس للناس
اكتب على قلبي جميـع امنياتك

....

[الحمدان]

‏يا حبيبي كل ما ضاق المزاج
منك تسعدني الحكايا الدافيه

ما ابي دكتور يصرف لي علاج
شوفتك تكفي تجيب العافيه

بيني وبينك مشاعر واندماج
بالمحبه والقلوب الصافيه

ابتدينا الحب يا طلق الحجاج
يوم عين الشك عنا غافيه

نورك اللي شاع في قلبي سراج
والف شمعه بعد حبك طافيه

وقبل حبك خافقي حوله سياج
كيف احب اهل القلوب الجافيه

انت كلك حب صادق وابتهاج
ومنك تكفيني الحكايا الدافيه

....

[الحمدان]

عطني يديـك وسكّر عيونـك شوي
واتخيّل ان الكون ماشي ومقفي

باقول احبك وان شعرت امسك يدي
لا تقول احبّك قبضة يديك تكفي

....

[الحمدان]

ياويل قلبي منك ياكثـر ما اغليـك
أغلى من الدنيا ثراهـا وسماهـا

ياويل قلبي منـك لاحـل طاريـك
نفسي وهي نفسي تشـك بغلاهـا

....

[الحمدان]

سألت عنك الشوق والذوق والحب
وناديت لك في كل وقت ودقيقة

يمرني طيفك وانادي له ارحب
وانا ادري انه طيف ماهو حقيقة

....

[الحمدان]

‏يامساء الخير والدنيا بخير
‏يامساء مسكنه بيض القلوب
‏
‏يا مساء الطير لا غنى لطير
‏في لحن شوقً له المسمع يذوب

....

[الحمدان]

‏انا كل ماجيت انتظر جيت المحبوب
‏تركني اسير الوقت و قصده يجنني

‏وهذي دروب الحب والحظ والمكتوب
‏يا لله عسى المحبوب ظنه على ظني

....

[الحمدان]

‏يامساء الخير من بعد السلام
ويامساء الذوق يل اهلًا هلا

يا مساء الورد بالناس الكرام
يا مساء الشوق وحروف الغلا

....

[الحمدان]

ضلـوع صـدري للوطـن فيهـا بـلاد
‏وبكـل شبرٍ مـن بـلادي لـي وطـن
💚🇸🇦

[الحمدان]

لا تعلقني على وصل وقطاعة
ياتسر القلب والا لا تضره

....

[الحمدان]

من بـاعـني زعـلان بـعـته اليارقت
‏مـاني معـلق في سـواحـل عـيونه

‏عـندي قناعه ما تـغـير مـع الوقت
‏إن الغـلا يـسـتـاهـله من يـصـونه

....

[الحمدان]

أجمع أول حرف من كل السطور
حتى تعرف كيف أعبر عن غلاك

بس قلت أقولها بأبسط شعور
كلمه وماهي تليق إلا معاك

....

[الحمدان]

الله عطى نُور القمر وقت ويغيب
والله عطاك النور في كل الأوقات

....

[الحمدان]

‏لك في عيوني همس وحروف وابيات
‏ولي في عيونك من دفا الحب تجديد

‏يا سيد إحساسي تموت المسافات
‏في داخـــل عيونك وتحيا المواعيد

....

[الحمدان]

حبر المعـــاني لخبــط اوراق الزمـن
والخوف في شرع العرب سحر البطون

يا رب كلمـــــــة ما يوازنهـــا ثمــن
ما يفهموها غير حمــــــران العيــون

....

[الحمدان]

شوقي مسافة وهمساتي مدار وفلك
‏ ان ماضميتك غلا ياعلني مارتويك

مساعد الرشيدي

[الحمدان]

ثنتيـن حـارب دونـهـا لـذة الـنـوم
فرض الصلاة وباب رزق انفتح لك

عن غيرها لو نمت ما يلحقك لوم
مـا كـل مـا يصلح لغيرك صلح لك

....

[الحمدان]

‏لاجاتك الحكمه من لسان شايب
خذها وسكر بالحشا دونها الباب

مرت به الدنيا وشاف العجايب
وجمع بقلبه من تجاريبها كتاب

....

[الحمدان]

‏ارقا مراقي العز من دون الادنين
‏العمر واحد والمعزه مناوي

‏لاصرت من قوم ًكرام ًمسمين
‏خلك لدرب الطيب دايم شفاوي

....

[الحمدان]

الظنون أحيان يخطيها الصواب
مثل طيبك في زمن مافيه طيب

....

[الحمدان]

‏والله ما مثل التوكل على الله
يملا لك الدنيا سعاده وتوفيق

واللي يردد دايم أسـتغفر الله
تلقاه مايدري عن الهم والضيق

....

[الحمدان]

ياليل وين اللي على البال ذكراه
جـفت مراسيله وغـاب اتصاله

يمكن نسانا يحسب انا نسيناه
وهو عـلى البـال وفكري خياله

قم يا قلم واكتب له بالخط يقراه
وبـشره تـرى مالي غالـي بـداله

....

[الحمدان]

وأنتي الشي الوحيد اللي بقلبي ما تمايل
‏كل فجر وكل صبح وكل عصر وكل ليله

‏وأنتي الشي الكثير وكل من حولك قلايل
‏والكثير إليا حصل لي طاب نفسي من قليله

....

[الحمدان]

‏ليتهـا ما مـرّت أحلامـي الجميـله
‏ولاخذت من قلبي الوافي حنينه

‏خـالطـت روحـي وخلتهـا عليـله
‏ليتهـا مرّت وهـي فيهـا السكينه

....

[الحمدان]

تـدري وش احلى مـوقفً للـمواليف
سـهـلـه وخـذهـا قاعــده من محبك

لاشـفـتنــي غارق معـك بالـسوالـيف
سـكـتنـــي بالـقـوه وقـل لي احـبك

....

[الحمدان]

مدري عشقتك دون صوره ولا صوت
‏وش حال لو شفتك وصوتك سمعتـه

‏احلم بشوفك شوفتي لك ترى قـوت
‏والقلب عن غيـرك وشوفـي منعتـه

‏همسك على قلبي كما نكهة التـوت
‏فيني الغلا والشـوق بيـدك زرعتـه

....

[الحمدان]

أنا من الناس ياسهلي وياصعبي
بحرٍ تشوفه ولا تقدر على عومه

....

[الحمدان]

‏يسعد مساء اللي يحبون الاشعار
ويسعد مساء اللي معانا متابع

وحي الله الوافي وحي الله الجار
اللي لهم في عالم القاف طابع

بقلمي

[الحمدان]

‏تعال عطني من مسائك دقايق
خل المساء بطلتك يشتعل نور

تدري مسائك يجعل البال رايق
ويخلي الدنيا بها الورد منثور

....

[الحمدان]

بعض البشر مثل الأشجار الصناعيه
مهما سقيته من المعروف ما يثمر

....

[الحمدان]

‏ما فيه احد ما يامن الرجل شرّه
‏دام الحسد موجود وابليس موجود

‏تسامح وعيش الحياه بمسرّه
‏قبل لا ياكل باقي عظامك الدود

‏ماهو بشرط الحب منه مبرّه
‏وماهو بشرط الكره بالكره مردود

‏المبغض اللي ما يبي لك مضرّه
‏افضل من محبٍ ما يبغي لك الزود

....

[الحمدان]

‏ماهي خساره طيبتي بالرديين
‏محدن جبرني بالعطا غير طبعي

....

[الحمدان]

‏حي الله اللي قباله عالمٍ ثاني
‏اسج به عن غثا الدنيا وما فيها

....

[الحمدان]

اشوف ماشـــافه كثيـــرين عقال
ان المـجامل عيب والـصدق جنه

والي يجامل نصــف ماهو برجال
يالي تـــريد العلم شــــــــله وغنه

....

[الحمدان]

الوقــت هـذا ما عـرفنا نظامـه
واللـي مـوافقـنـي يسجـل موافق

ياليت في وجـه الوفي به علامـه
ومكتوب فـي وجه المنافق منافق

....

[الحمدان]

كم ضيقةٍ كنيتها بين الأضلاع
اكنها واضحك لا شفت الجماعه

....

[الحمدان]

قطعت الرجاء من يوم برق الموادع لاح
‏وغدت كل حاجه ماتبكي تبكيّني

....

[الحمدان]

مابين يمكن تزين وبين ربك يعين
هاذي تراتيل نفسي وسط محرابها

....

[الحمدان]

العاقل اليوم حاله مثل حال الغريب
‏يستغرب الناس من حوله وتستغربه

....

[الحمدان]

يالله يارحمن عفـــوك وجنتك
‏ترضيك خشيتنا وترضى علينا

‏عن منة العالم بلطفك ومنتك
‏تقضي حوايجـــنا وتغني يدينا

آمين

[الحمدان]

انتي الجاه المقدّر ومعنى الاقتدار
‏وانتي البدر السماوي وغيرك فيته

‏سالبه لبّ المدايح وتيجان الوقار
‏وفارقه في جيل متشابهه نوعيته

....

[الحمدان]

اعتدت صمت المشاعر وانتبذت الكلام
ياوجهة شعوري اللي صعب تحديدها

....

[الحمدان]

ما شدني صوبك سوى طبعك الزين
والا الحلا فالناس ماهو بنادر

....

[الحمدان]

‏ملهم عيون القصيد وناتقً صيده
مضراب عينه مرامي بندق الرامي

الوصف لو كان بالأمكان تحديده
وش عنقه الفارع ووش عوده النامي

يقرب خيالي ويرسم صورة بعيدة
والصورة أحيان تعطي مصدر ألهامي

وش ياخذ العذق من داني عناقيده
والأدمي وش خذا من ارقاب الأدامي

....

[الحمدان]

ياخاطري لاباح صبرك ومليــت
مالك عن المقسوم صده وحيلــه

ان زان حظك جاب لك ماتمنيت
وان شان خـّلا الهينه مستحيله

....

[الحمدان]

كن النحر لا فك عن زر الاثنين
شعاع شمسٍ من ورا العرق شارق

والخصر من دقه ومن شدة اللين
تقول منه الصدر والردف سارق

وجدي عليها وجد راعي ملايين
في الدَّين من بعد الملايين غارق

....

[الحمدان]

يا حبيبة قلبي اللي جيت صوبك عاني
أشهد إن حبك قوي وأسرع من التلميحه

زيحي ضلوعي بحبك وأسكني وجداني
وزيحي اللي قبلك من الناس يالزحزيحه

ما ثبت في قلبي ألا حبك الرباني
کن قلبي سوريا وأنتي من الشبيحه

جابنا الله لين طحنا كلنا في الثاني
ايوه جعل أبرك زمان وحب وأبرك طيحه

....

[الحمدان]

يا قُرَّةَ العَينِ يا عِطري ويا نغَمي
يا فخرَ عُمري ويا فِكري وإيناسي

....

[الحمدان]

ياصوتك الدافي ولذة لحونك
يامبسمٍ ربي من الورد سواه

حتى عيونك لك أجر في عيونك
كل ماسرحت برمشها قلت الله

....

[الحمدان]

جادلٍ لا شاقها البرق، وأغراها الرفيف
السماء تقرأ عليها والأرض تزفّها

إن تهادت يفهق الليل برّاق القنيف
وإن مشت تمشي على الريح يوم تدفّها

وش يعذرني من الشعر فالقدّ الرهيف
كل مافلّت جعدها وحنّت كفّها

....

[الحمدان]

جادل نسيانها بين لو وبين ليت
وان تهقويت المواصيل ياقل جهدي

وكل ما كني دلهت وتشاليت ونسيت
هب نسناس الشمال وتذكرت وعدي

....

[الحمدان]

‏الضيقه الي على وجهي مواريها
‏ومن كثر ما اخفيها بانت وسط عيني

‏يا كثر ما اهدي العالم واواسيها
‏وانا لهالحين مدري من يواسيني

....

[الحمدان]

‏ما أبي اعترف لك بالغلا وانت غالي
خلك كذا ما بين ضامن وشكاك

مره تقول ان فيه غيرك ببالي
ومره تقول ان مابه انسان يسواك

....

[الحمدان]

‏ترى الأماكن لا خلت منك تنعاف
‏مثل الليالي لا خلت من قمرها

....

[الحمدان]

ياناشدن عني تراني حدا اثنين
‏اما جليس كرام ولا خلاوي

....

[الحمدان]

خلّ بينك وبين اللي تعـزّه مسافه
‏لجل يحفظ مكانك وأنت تحفظ مكانه

....

[الحمدان]

مايوجع الطيّب إلا قلبه الطيّب
‏ولا الخساير فدى راسه ورجلينه

....

[الحمدان]

الموقع اللي فيه من كل الأنـواع
يالله مـع أهل الطيب فيه تجمعنا

....

[الحمدان]

ليت الهواء انفاسك واتنفسه دوم
ياللي غلاك فالقلب واطي وساكن

ليتك نسيم الليل يا ورد مشموم
يفوح عطرك في جميع الأماكن

....

[الحمدان]

ليل ياساريه كم قد سرينا مساري
ماسرى ليل إلا بعد ما قد سريته

ادعيت الغبا وانا في السر داري
والغبي يحسب إني ماعرفته وريته

إن قلت الصراحه فالصراحه ضماري
بينما صمتي ابلغ من مدا ماقريته

والحياه جاريه والحفظ والمسح جاري
ماجراه القدر في مجرياته جريته

....

[الحمدان]

يا مــدور الهيــن قليل الحميــة
ما ينفعــك من لا تـرده حميــاه

من كان عـزمه في العوافي شوية
وقت الشدايـد جعل بقعا تعشاه

الجيــد ما هو للمصالـح مطــية
الجيــد والله من طريقه مخــلاه

مــانا رفيــق اللي يخلـي خـويــه
انا رفيقي اللي يجي لك من اقصاه

ان كانهـا بيــده طــويل النهيــه
وان كــان ما بيـده تسرك نـواياه

تغــزلي بالطيــب يالغشـمريــة
واستبشــري خلي يدينـك محناه

عــاد الليالــي مـقبلــة يـا بنيــه
بافـراحها اللي ما تجـي بالمراضاه

بــالله وثـم باهـل العـزوم القـوية
اللي تــرد السيـل يــرجع لمنحـاه

من عــاش ما عنده لنفسه قضيـة
يمــوت ما حد يذكره واش سواياه


....

[الحمدان]

الدرب خله سمح لاتزرعه شوك
يمكن يجي لك يوم وتمر حافي

....

[الحمدان]

ماﻛل شخص قال وش فيك رديت
لأني ٱشوف ٲحيان ﺻمتي إجابه

الصمت في عوج الحنايا بنى بيت
يصعب على بعض العرب فك بابه

....

[الحمدان]

‏وان علمتني الفاتنه وشلون اسير بلا بصر
‏علمتها الفنجال وشلون اتحدى واشربه

‏وعلمتها إني كذا طال الزمن ولا قصر
‏وان اعذب الحبّ اصدقه وان اعذب الشعر اكذبه

....

[الحمدان]

يا الله يا منـــزل تـبارك والانــفال
‏تكتب لنا عفــوك وعتقك من النار

‏يا منجيٍ ذا النون من درك الاهوال
‏يا واحـدٍ تعلـــم خفـــيات الاسرار

آمين

[الحمدان]

‏ما للزمن في حزنــك وفرحتــك رأي
‏عش يومك وقلبــك بالأقدار راضــي

‏واللي يقول الماضي أحلى من الجاي
‏قله مصير الجـــــاي بيكون ماضــي

....

[الحمدان]

واللي يريـد الوصـل يـا مكثـر الطـرق
‏ لـو وقفـوا كـل العـرب فـي دروبـه

محمد بن فطيس

[الحمدان]

أنا فجرك وأنا صبحك وأنا عصرك وأنا ممساك
‏وأنا اللي لا خذلك الوقت ما خليتك لحالك

‏أنا كفك وأنا سيفك وأنا رمحك وأنا شلفاك
‏وأنا اللي لا عدوك الناس أول شخص يطرا لك

‏أنا وجدك وأنا شوقك وأنا قلبك وأنا مضناك
‏وأنا اللي لا هزمك الشوق اجيك اوقف قبالك

....

[الحمدان]

‏ضمني والشوُق في قلبي مصبه
خل عطرك يوم اشوفك يحتويني

لا تحداني على كثر المحبه
انت في دنياي ثالث والديني

....

[الحمدان]

يقولون بان الزين مثل الحيا متبوع
وانا اقول طالت طرقتي يا مشاويري

لي الحين حول اسبوع واكثر من اسبوع
وانا منشلع قلبي ومسلوب تفكيري

غدا بي غزالٍ حلو خلقه وحلو طبوع
تقول يحلف والله ما تنسون تاثيري

....

[الحمدان]

اللي يسوِّي الطيّبـه من نصيبه
يلقى بها قدمه معاميل وفراش

والبعد ما ينحى الفتى عن صحيبه
والقرب ما ينفعك فالصاحب اللاش

فالح الزراقي

[الحمدان]

ياللي تراقب غروب الشمس خلك صبور
لاغابت الشمس ريّـــح وارقب اشروقهـا

اصبر ولا تحط نفسك مثل نقطة عــبور
في كل لحظه تمرّ الناس من فوقهــــا

....

[الحمدان]

أحفظ لسانك عن البهتــــــان والغيبــه
وأغنم حيـاة السعــــد والعز من بدري ِ

من ينشغل في عيوب الناس عن عيبه
زادت عيوبـــه وهو مشغـــول ما يدري

....

[الحمدان]

الورد لا كثرت يدين العرب حوله
حتى ولو ما إنقطف ما عاد يغريني

....

[الحمدان]

‏ياقلبي ان طعت شوري صك بيبانك
واكتب على بابك المكسور للمنفى

ما احد يحس بمشاعر ثوره احزانك
حتى حبيبك اخذ من صحتك واقفى

....

[الحمدان]

خذيت السوالف ياحنين الغرام دروب
ووقّفت عند أول أحبك على بالي

ياحلو البدايه لو كلامك ماهو محسوب
يشدّك سكون اللحظه وتجهل التالي

....

[الحمدان]

‏الطاري اللي يجيبك ليته يجيبك
‏أنا تعبت أسهج الطاري مع المسرا
‏
‏تاخذك الايام عن عيني وتقفي بك
‏وأنت أقرب لعيني اليمنى من اليسرا

....

[الحمدان]

خمرية اللون وضلوعي فدا طعونك
مدام لك طبعٍ ذرب وحسن رباني

تطالعين السما واطالع عيونك
واقول منهو خذا وسعه مـن الثاني

....

[الحمدان]

إذا وقف خاطرك بين الغلا والزعل
‏سلم سلام الزعول إللي بصدره غلا

....

[الحمدان]

مرابيعهم شفي وداره غدت مشهاي
عسى مدهله روايح المزن مسقيته

....

[الحمدان]

لهفه الخاطر على شوفتك لهفه غرير
مستحيل يقاوم الشوق مهما يكبته

....

[الحمدان]

إطلبوهآ وإسألوها باحترام
قلبها لدرب القساوه مايطيق

مايليق لمثلها شين الكلام
عاملوها بطيب القول الرقيق

....

[الحمدان]

من فقد وصلك وصوتك راح عمره كله
بين دكتور العياده والطبيب الشعبي

....

[الحمدان]

لو تبي ما يجيك الا الصحيح
إنت من ولع القلب وخذاه

سيدي ما يزيد بـك المديـح
أنت فوق المديـح ومستـواه

....

[الحمدان]

لو تبي ما يجيك الا الصحيح
إنت من ولع القلب وخذاه..

سيدي ما يزيد بـك المديـح
أنت فوق المديـح ومستـواه

....

[الحمدان]

‏تعال والله مالك الا العفو والي راح راح
‏انا ادري انك منت ناسيني وانا ماني خلي
‏
‏انا دوافع غيبتي اكبر من حدود السماح
‏لكن تعال وكل شي صار فغيابك علي

....

[الحمدان]

ياكحيل الطرف والوجه البشى
ياجميل الحسن والخد المذاب

كل كلماتك تنادي بالحشى
ياعسى قربك دوى القلب المصاب

....

[الحمدان]

اكره ما اشوف اللي يناظرنا بنص عين
وان ذاق طعم الذل والحقران لايستغربه

حنا نحب الطيب ونميز وجيه الطيبين
واللي مو مكسب اسعد يوم ساعه نخسره

....

[الحمدان]

‏خذني ودثّرني عن الهم والحيف
‏معاك أحس لباقي العمر قيمه
‏
مطلق بن شويه

[الحمدان]

ماهو صحيح الصمت يحتاج له بوح
مرات بوحك يجرحك وانت ساهي

تدري متى جرحك يخاونّه جروح
لاصار كلٍّ يسمعك بس لاهـي

....

[الحمدان]

الكلمه الطيّبه نعمه ودلالة أصل
‏لو ما أسعدت خاطر الأنسان ما ضرته

....

[الحمدان]

‏ناسن تعاملها بعز وكرامه
وناسن تجاهلها لنفسك معزه

....

[الحمدان]

والله لاعين الصقر ولا لعين الغزال
مايشبه لعينك الا عينك الثانيه

....

[الحمدان]

‏جامل العالم مادام ان به مجال تجامل
‏المجامل فـ الحياه يزيد عمر الخـوّه

‏ان كسبنا ماكسبنا إلا الرفيق الصـامل
‏وان خسرنا ما خسرنا إلا قلـيل مــروّه

‏صالح النشيرا

[الحمدان]

الموت هيـن والبـلا وش ورا المـوت
‏عند الحسـاب يهـون سهـم المنايـا

‏باكر نموت و تصبـح قبورنـا بيـوت
‏وعقـب القصـور بضيقـات الزوايـا

‏في جوف الارض وكل من حولك سكوت
‏وتعاقبـن بالقـبـر عــوج الحنـايـا

‏يارب يا منجـي نبيـك مـن الحـوت
‏سترك وعفـوك يـوم كشـف الخفايـا

آمين

[الحمدان]

أيه أحبك قبـل خطوه مـن حضورك
قبـل نبضه تطرق ابواب الشعور

وأكتشفت أحساس حبك من شعورك
قبل نبض الشوق وانفاس الحضور

....

[الحمدان]

محبة انسان واحد صادق وفيه خير
أبرك من ألفين شخص يحبك مجامله

....

[الحمدان]

‏الذاكـرة شابت وتمسح ملفات
‏شيٍ نبيه وشـــي مـنه إسترحنا

‏لكنـــها ما تمسح إثنين بالذات
‏اللي فرحـــنا معه واللي جرحنا

....

[الحمدان]

‏يارب سامحني على شوف عيني
‏عبدك ضعيف ودايم حدوده الشوف

‏ماهي على كيفي ولا‌ في يديني
‏قلبي خضر والشعب ثلثينه خشوف

....

[الحمدان]

‏لا تجلدين الذات وتقولين عن نفسك قْمر
‏كان القمر آيه من الآيات فأنتِ البسّمله

‏ترى القمر ما يكتمل زينه سوى نصف الشهر
‏وأنتِ طول العمّر كله كامله ومكملْه

....

[الحمدان]

ياطالب الغفران سبّح وكبّر
وابليس عن درب النبي لايصدّك

وأن شفت شدّه في زمانك تصبّرْ
واطلب كريمٍ من عطائه يمدّك

وخلّك طليق حجاج واحذر تكبّر
وإياك تتبع واحدن مايودك

والعبد في حكمة وليه مدبّرْ
واصل طموحك والكسل لايردك

....

[الحمدان]

طبع الردي مايحسن الظن فالناس
‏لانه يحسب الناس مثلـه رديــه

‏وليا سمع لـه كلمـةٍ جاه وسواس
‏قـال انـت تقـصدني وهـرجتك فيه

....

[الحمدان]

‏نامـي على النيـه وقـولي على خـير
‏بكره تطل الشمس والحلم يظحك

‏من علم غـيوم السما تحظن الطير
‏قـادر يـزيح الحـزن ويـظم جـرحك

....

[الحمدان]

‏لاجـيت ابي ارتـاح واغـمض الـعين
‏يـطـري على قـلـبي طـواري كـثـيره

‏تـاخـذني الذكـرا ولا أدري على وين
‏شـطـر ذبـحـني والـمشاعـر كسـيره

....

[الحمدان]

أنا فجرك وأنا صبحك وأنا عصرك وأنا ممساك
‏وأنا اللي لا خذلك الوقت ما خليتك لحالك

‏أنا كفك وأنا سيفك وأنا رمحك وأنا شلفاك
‏وأنا اللي لا عدوك الناس أول شخص يطرا لك

‏أنا وجدك وأنا شوقك وأنا قلبك وأنا مضناك
‏وأنا اللي لا هزمك الشوق اجيك اوقف قبالك

....

[الحمدان]

الطموح الي سرت من نجد وامست بالحويه
ضيقت صدر الرياض وسافر الطايف وجاها

وانثنى غيم الحجاز بخد نجد النرجسيه
يوم جاتها من زعلها كنها تقصر خطاها

سامح الله جروحها الغض بالخضر النديه
والله يسامح خناجرها ويعفو عن خطاها

عرضتني للهبايب والزعل والمهمهيه
والله يسامح ظلمها ويعفو خطاها

....

[الحمدان]

قل للعيون اللي شكت بعد الأحباب
وقل للدموع اللي من الشوق هلت

وقل للشعور اللي من الهم منصاب
وقل للجروح اللي بالاحساس حلت

وقل للخفوق اللي عجز عنه الأطباب
ترى المشاعر من عنا البعد ملت

....

[الحمدان]

ظنّك إنّك يوم ضقتي رحت أدوّر لك بدايل
‏أنتي الشيء الوحيد اللي ما راح ألقى بديله

‏و أنتي الشيء الوحيد اللي بقلبي ما تمايـل
‏كل فجر، و كل صبح و كل عصر و كل ليلة

‏و أنتي الشيء الكثير و كل من حولك قلايل
‏و الكثير إليا حصل لي طاب نفسي من قليلة

....

[الحمدان]

المحبه غاليه بس المشاعر ماتثمّن
‏والتهور في دروب الحب يبغيله جراوه

‏ياحبيبي ودي اسأل لاتخاف ابغى اتطمّن
‏هو غلا والا كلامك بس من باب الفضاوه

‏خايفٍ اسخي شعوري في دروب الحب ثمّن
‏يطلع الناتج من الاحداث خذلان وقساوه

‏كلمة احبك كذا من غير فعلٍ ماتسمّن
‏كنها ارحب من بخيلٍ ما يلحقها حفاوه

....

[الحمدان]

ما تنمحي ذكريات البدو لو شدّو
تبقى حياة البداوه شوق راعيها

....

[الحمدان]

رجعت من الزعل تايب وتاب الله على من تاب
‏وسمحت من الزمان اللي تكسّر فيه مجدافي

‏حبيبي جعل مايقفى مواصيلي معاك غياب
‏أنا مالي بعد غيمك سحاب يبلل أطرافي

....

[الحمدان]

يا جاهل الدنيا تماثيل وضحوك
تخلص معك فترة وفترة تخونك

ناسٍ ترقدهم ليالي على الشوك
وناسٍ على اللذات ما يذكرونك

وناسٍ عليهم باب الارزاق مصكوك
وناسٍ وراك وناسٍ لا شك دونك

هذي حياة الناس انسات وصكوك
وتشرح لهم لكن ما يفهمونك

اليا كثر مالك تعنوا وزاروك
ويحكون عنك بخير ويعظمونك

بسم الفخر والجود سموك
وتقطر عرق من كثر ما يمدحونك

شالوك بالمدح المزيف وحطوك
مدح الثناء والقصد يستعطفونك

وإن قل مالك لا تعنوا ولا جوك
وإن جيتهم ما كنهم يعرفونك


الذويبي

[الحمدان]

الله اكبر يا زماني انا وش بيدي
كلما عدلت واحد يميل الثاني

قيدوني يا الله انك تحل القيدي
من يحل القيد ويرضي الزعلاني

قلت بالله قلنا بالسعر ياسيدي
كم تبيع الورد يا صاحب البستاني


علي القحطاني

[الحمدان]

ودي افضفـض لكن البوح قتّال
لو كان بعض الـبوح للنفس راحـه

في داخلي صبحِ فقد شمس الآمال
وفي ظـاهري ليلٍ تبسّم صباحه

ليت الشعور اللي ملى الجوف ينقال
لكسر قيود البوح واطلق سراحه

....

[الحمدان]

يا عشير تردى مع عشيره
كان يطلب مصالح وانتهت

عشرة المصلحة دايم قصيرة
وان مشت يوم ثاني وقفت

قلت يا الله عسى في الامر خيره
حارت الرجل والنفس أكتفت

شوفي الدرب يا العين البصيرة
قالت ان الدروب اتبذلت

وان بذلت ذا المسلم بغيره
لوتمد العلاقة ما صفت

والمواثيق عندالله كبيرة
لكن ان القلوب تغيرت

ودي انك تسافر كل ديره
تدري ان البشر ما توالفت

واحسن الناس من ريح ضميره
لويشوف العجايب ما ألتفت

كل ذا الناس في هم وحيره
تاهت أفكارهم وتخالفت


علي القحطاني

[الحمدان]

أبدأ باسم الله واكتب بالقلم
ومن بدا بالله يامن لا يخاف

ربك اللي يخلق الشي من عدم
عالم سر الخفا اللي ما ينشاف

بعد ذا يا من على خده رقم
ابتدينا الصلح وانهينا الخلاف

خلنا ناخد من الدنيا حكم
والعمر مره ونصف العمر طاف

يا خفيف الدم يا ترى القدم
خلنا من هم ذا الدنيا اخفاف

وش يفيد اللي قضى عمره بهم
والنتيجة واحدة باخر المطاف


علي القحطاني

[الحمدان]

‏وعند الكرامه ابيعك وأنت خابرني
‏ماعمر احد راح من كيفه وناديته

....

[الحمدان]

‏ياصاحبي وإن زاد ظلم المخاليق
‏فلا تحسب إن الله عن الخلق سالي

‏والطيب يمحى العيب عرف ومواثيق
‏والا الخطا ماله على الطيب والي

....

[الحمدان]

‏على عيدك مبارك تاقف آمال إنتظاري سيد
‏هي اللي كانها ما جات منّك مالها شاغر

....

[الحمدان]

شيطان حبك في البدايه غـواني
‏قلبي ضعيف ايمان صدّق وعوده
‏
‏يـاذنب آدم كيف عـاده زمـاني
‏حتى اقترفت الحب واعلن جحوده

....

[الحمدان]

ما گل صدفه للبشر تجمع احبآب
ولا گل فرصه في حياتـگ سعيـده

يمگن يگون احيان اغلاق الگتـاب
أفضل ترى من فتح صفحه جديده

....

[الحمدان]

‏من شاف ابوه وحب راسه وقهواه
عيده سعيد ولا تكدر مبيته

انا تصافحني ضحى العيد ذكراه
وتخنقني العبرة ليا جيت بيته

في كل عيد اشفق لشوفه ولقياه
وان جيت لجل اعايده مالقيته

....

[الحمدان]

صدورنا صافيه والجود فالموجود
يالله عسى هالليالي كلها صافيه

جعله يجي العيد لا فاقد ولا مفقود
والله يعوده علينا بصحه وعافيه

آمين

[الحمدان]

يا ردة الغيَّاب يا شوف الأقراب
يا أجمل مقاديري ويا أغلى هديَّة

مر الديار وحيّها حيّها غاب
من شانك الميّت يرد التحيَّة

غاب الفرح دونك وكل التعب خاب
وميل السهر كحّل عيونٍ شقيَّة

طاف الهواوي لله بمكة وتاب
عن حبك الخالد مع أكبر خطيَّة

....

[الحمدان]

‏الناس ما هي عارفه وش خوافيك
زيّن لها الظاهر وحسن العباره

وإليا هرجت إحذر تكثر حكاويك
قل الحكي للرجل يحفظ وقاره

ونور الامل عن منة الناس يغنيك
حتى لو إن جوّك تطاير غباره

....

[الحمدان]

الوقت يجري والزمان يدور

الهرجه اللي ماتناصيك زِلها

ولاتلتفت لمجادل العور والصور

وعيال عمك لاتقصر في حقهم

اتحدك الايام تقلط على السور

والمشكله لاجات مابين ربعك

لاعظم مكسورٍ ولا دم منثور

حاول تدمدمها وتطفي لهيبها

وشاور عليها من يجيد الشور

[الحمدان]

‏ياللي على دفتر ايامي كتبت ورسمت
‏ابشرك راحت ايام السهر والشموع

‏البارحه مرّ طيفك بالغلط وابتسمت
‏ما عادت الذكريات تجيب راس الدموع

‏سالم حمد

[الحمدان]

ابتديتك وانتهيتك وأنقفل موضوعك
‏لا تجي وإن طال بعدي عنك لا تمنّاني

‏الخطا ما ينمحي لو تغسله بدموعك
‏والله إن تبطي تدوّرني ولا عاد تلقاني

....

[الحمدان]

تربينا على العز وكلن على مرباه
‏عشقنا المبادي ماعشقنا مصالحنا

....

[الحمدان]

قعدنا نداري خاطر الناس لين الناس
‏تعدت حدودٍ مالها حق تاصلها

....

[الحمدان]

تبخّرت كل الأماني وأنتهت كل الحلول
‏يا روضة أحلامي تعدّاك السحاب المنهمر

....

[الحمدان]

لا حقرت احقر من القوم نكارٍ جحود
‏وان ذخرت اذخر بوقتك سيوفٍ مجربه

....

[الحمدان]

حتى الفساتين وعقود الذهب تحتريك
الكل منها يبي يلمس خصوصيتك

....

[الحمدان]

حاولت اعديها مع الصدر الوسيع
وارسم على وجه الزعل وجه الرضا

لاكن بعض الاحيان قلبي مايطيع
بعض الخطا يضيق به وسع الفضا

....

[الحمدان]

يابوي مالي في حياتي مطاليب
الا رضاك ودعوتك في صلاتك

افداك من رجلك الى نقرة الشيب
واخدمك من صغري وخذني عصاتك

وان كان مالي في حياتي مكاسيب
كسبي الوحيد اني على أربع جهاتك

....

[الحمدان]

سليت قلبي ياسلا القلب والروح
للمه كلامك يجعل القلب سالي

حتا ولو جيتك معذب ومجروح
بضحكتك انـسا تعب من ليالي

واش با تردي لو لك القلب مفتوح
ولو عرفت انك على القلب غالي

هل باتقل قلبي لعيناك مسموح
او باتزيد من الغلا والتــــعالي

ياذي رياحك مثلما العطر بتفوح
واجمل من انوار القمر والهلالي

خط الامل ما بيننا سار مفتوح
والبال في ذكرك يزيد انشغالي

على الوفا والعهد ما يوم باروح
يامن حلاتك فايقه كل حالي

....

[الحمدان]

لا دعاك الشوق والوصل أخجلك
وأنكشف حبك على قلبي وبأن

لا تضن الشوق في قلبي هلك
أو تفكر حبك أمحاه الزمان

والله أني دائماً مشتاق لك
شوق صايم منتظر وقت الاذان

يا وليف الروح يا نور الفلك
قد عشقتك عشق ماله ترجمان

آه يا حمل المحبه ما أثقلك
من عنادك مات حبي والحنان

يا امير الحسن يا أجمل ملك
رد قلبي رد لا بر الأمان

وأن فؤادك في طريقي ما سلك
خيرت الله بس والله المستعان

بعشقك حتى غرامي يوصلك
أو يوصلني غرامك للجنان

....

[الحمدان]

حي المساء لا جاء بعطر الخزامي
يفوح عطره من غلا صاحب الطيب

وحي العيون الي ترد السلامي
لا سلهمت ترسل مع الشوق ترحيب

....

[الحمدان]

وش يفيد الحب لا صار الوفا فيه احتمالي
وانتهى وقت الحنين وصار قربي لك ملالي

شفت خلي ما هو خلي وش بقى غير انكساري
ضاع مني يوم شفته ما عرف حتى سؤالي

كان يمشي في عيوني مثل طيفٍ لا محالي
يوم كنت أصدق غرامه، ما درى عنّي ولا لي

قلت أحبك من وفا وانت حبك له مجالي
تشتري حبٍ رخيص وتكسر أغلى احتمالي

الله أكبر يا وجع صدرك وأنا صبري مثالي
بس علّمتك كرامه ما تعلّمت الجدالي

....

[الحمدان]

ماجابك الشوق قلي شعاد بيجيبك
ياللي ذبحّت الحنين بقسّوة غيابك

اصحى وخل الزمان يعيّد ترتيبك
ترى الله يجيّب غيرك مثل ماجابك

....

[الحمدان]

‏ياليل سامِحني على شبة النَّـــار
‏عِشق الدَّفَى خلَّاني ازعِج هُـــدوءك

‏والله مَالي قَصد في بُوح اﻻسـرار
‏بس اعتَذِر عن هاجِسي من سمـوِّك

....

[الحمدان]

في خيالي شوق وأطلال وحبايب
جت بها الذكرى وهاجوسي سهرها

زار حلمي طيفها اللي كان غايب
مانساها القلب لو حلمي ذكرها

....

[الحمدان]

والله مابي شي منه دامه مقفي
ماغير بنشد عقب فرقاي وشلونه

ان كانه بخير قلت الله يسهل له
ماني بقايل عساها تدمع عيونه

تكفون ياللي تجونه من يبشّرني
عساه ما زال رقمــي في تلفونه

....

[الحمدان]

ياحلوها لاشفت جاري الكتابه
من غالي يسوي بعيني ملآيين

....

[الحمدان]

كل واحد شايفٍ نفسه علينا
يستوي عندي حضوره مع غيابه

....

[الحمدان]

اليوم في ها الزمن ما عد به ذمه
في الناس تذكر ولا باقي بهم طيبه

ما باقي الا الردي والاش والخمه
إلي مقابل مثلهم عندي مصيبه

على الردى بالمجالس دوم ملتمه
هرج القفى طبعها والذم والغيبه

ما خافت الله ولا في قلوبها ذمه
وحق الخوي عندهم تجهل مواجيبه

صالح القريني

[الحمدان]

ماني من اللي يرمي العيب بالعيب
عايش أدور عالســـتر والســلامة

واللي تكلم عني بالسـر والغيـب
أبسط ردودي له أردها ابتسـامة

....

[الحمدان]

أدفن همومك بالصدر واكرم الذات
سجن الحزن يبقي كرامتك حُرّه

تتعب على كتمان الاوجاع مرات
و لا تــحـس بذلـّة البــوح مـره

....

[الحمدان]

ﺇﻥ ﺷﻔﺖ ﻓﻲ ﺧﻠﻖ ﺁﻟﻠﮧ ﺃﺧﻄﭑﺀ ﻭﻋﻴﻮﺏ
ﻭﻓﻲ ﻛﻞ ﺛﻮﺏ ﺗﺸﻮﻑ ﺷـﻖٍ ﻭ ﺭﻗــﻌﮧ

ﺁﻋـﺮﻑ ﺑﺁﻧـﻚ ﻻﺑﺲ ﺁﻟﺜـﻮﺏ مقلوب
ﻭﻛﻠﻦ ﻳﺸﻮﻑ ﺁﻟﻨـآس ﺑﻋﻴﻮﻥ ﻃﺒــﻌﮧ


....

[الحمدان]

‏عمر الحكي ما كان له بالغلا دور
وحبٍ ماهو من قلب صعبٍ قبوله.

الحب صدق القلب إحساس وشعور
والا الكلام الزين كلٍن يقوله

....

[الحمدان]

ما قول تكرم لجل عينك مدينة
أقول تكرم لجل عينك بلادي

....

[الحمدان]

التشبه بالغلا مثل التشبه
‏بالامور اللي محد يقدر عليها

‏غشّني في كل شي الا المحبه
‏المحبه مستحيل انغش فيها

....

[الحمدان]

‏عسانا ليا جينا نجي فالمقام الذربّ
‏وعسانا ليا غبنا غيابٍ على هيبه

....

[الحمدان]

بيني وبين الحظ قومه وطيحة
‏لاقلت هانت قال ماهو بهالحين

نفوسنا من بعض الأشياء جريحه
‏لا صار طبع الناس ماهو بليّن

....

[الحمدان]

‏تعال عطني من مسائك دقايق
خل المساء بطلتك يشتعل نور

تدري مسائك يجعل البال رايق
ويخلي الدنيا بها الورد منثور

....

[الحمدان]

حي المساء لا جاء بعطر الخزامي
يفوح عطره من غلا صاحب الطيب

وحي العيون الي ترد السلامي
لا سلهمت ترسل مع الشوق ترحيب

....

[الحمدان]

عن وصل غيره يدين الحُب مكتوفه
‏وعن شوف غيره عيوني مالها طمعه

‏أنا قتيـله وانا أمْـنه وأنا خوفـه
‏وأنا غناته وأنا طرحه وأنا جَمعه

....

[الحمدان]

فاقد اللي زود بعده مانقّص من غلاه
‏من يبشّرني بشوفه ويبشر بسعده

‏مابقى في ساحة البال من ذكرى لقاه
‏ غير تلويحة وداعه وخذلان وعده

‏قلبي اللي عاش حلم المواصل في ذراه
‏ خايف إنه من مهاده يوارى فلحده

....

[الحمدان]

‏ياكثر مامرت على عيوني عيون
تمرنـي وأسأل عليـك إنت وينك

ماهمنـي لـو بـالثــواني يمـرون
تكفي عن عيون المخاليق عينك

....

[الحمدان]

أورد لك عروق من الظما جفت وتحيا بك
بعد ماشفت براق الوله يمم مداهيلي

أناجي الليل واشوفه دفا بكفوف ترحابك
أضم كفوف ترحابك وعطرك في مناديلي

وصدر الشوق ياخذني أنا وياك واهنا بك
وادور في حكايا قلتها لك في مراسيلي

أساوم عينك بكل ماتبي لا ترخي أهدابك
أبيها توثق الصورة وانا أردد مواويلي

ولها الله كيف نستني اللوم وعتابك
وطويت الحجة اللي دونها طاحت معاديلي

هلا بك كثر ماهزالحنايا شوق في غيابك
هلا بك كثر ما طيفك يشاركني تفاصيلي

....

[الحمدان]

حاولت اعلمك الوفا طول الاوقات
حتي تعلمت الجفا منك وأقفيت

....

[الحمدان]

اشتقتلك بالامس واليوم مشتاق
‏وبكرة اذا شفتك يزيد اشتياقي
‏
‏لجلك يزيد الحب وتزيد الاشواق
‏ويزيد من بين الظلوع احتراقي
‏
‏الله جمع فيكٍ الحلاوة والاخلاق
‏مثلك ولو دورت ماني بلاقي

....

[الحمدان]

كثـر التغلي يرخصك لو كنت غالي
‏وكثر المحبه من طرف واحد مذلـه

....

[الحمدان]

ما بين حب القصيد و بين سرد الشعور
الشوق غصباً عليك إن زاد بتودعه

الحب له بين ريضان المغاليق دور
يدمر الشخص بعض أحيان ويضيعه

عندي من الشعر شيئاً ما يحب الظهور
لو أكتب الشعر بعض أحيان و أسمعه

يوم أن غير يجيب البيت معدم شعور
البيت مني خليط أشواق متجمعه

ماني بشاعر على بعض القصيد معثور
لجاني البيت ما أصفصفه و لمعه

على هذيك القديم اللي لها عيون حور
اللي تتل الخفوق الصلف وتطمعه

ماهي بحاجه لفن كليف ولا ديور
ما كنها من الالماس متجمعه

من قلبها اللي تمادا ما بقا لي شعور
الله حسيبه على اللي صار والله معه

اعيش بالمتصل واموت باخر ظهور
وانا ادري الحب لامن طال بنودعه

....

[الحمدان]

‏ماني زيادة عدد بين الحضور
‏مالي منافس تأكد يا غلاي

‏لو تلف الكون كله لو تـدور
‏ما تلاقي مثل طهري أو وفـاي

....

[الحمدان]

حتى لو ان احساس قلبي مايخيب
‏سفك الشعور اشد من سفك الدما

‏والغيمه الي تاخذ شوي وتغيب
‏ماتغري إلا الميتين من الضما

‏احيان حتى اللي تحس انه قريب
‏يمكن يكون ابعد عليك من السما

....

[الحمدان]

‏دايم على الخاطر تجي مثل الامطار
‏ كنك تعرف اني من الشــــوق ظامي

‏انا فرشت القلـــــــب لك ورد وأزهار
‏وأنت بغــــلاتك أخذت كل أهتمامي

....

[الحمدان]

حتى المكان استاحش أحبابه وغادر ألُفته
ماعاد باقي في المكان إلا عزيز الذكريات

....

[الحمدان]

يحدني وقتي على شي مابيه
وأمشي على درب المجامل غصيبه

أشيل ضيقات العتب والمشاريه
وأدفع من أعصابي وعمري ضريبه

....

[الحمدان]

‏لا تساومني على جاهي وقدري
‏ويش ابي بالعمر من دون الكرامه

‏ان لفيت اهلاً وسهلاً وسط صدري
‏وان بغيت تروح مرواح السلامه

....

[الحمدان]

بين الصبر والصمت والخاطر الشين
ما قلـــت يا ليل العنا وش جرالـــي

ومن كثر صـــدماتي بناس العــزيزين
قمت اتحرى صــدمتي مـــن ظــلالي

....

[الحمدان]

‏صحيح الخطأ وارد لكن الأسف مطلوب
‏ماهو عيب لازليت ثم جيت متأسف
‏
‏لكن لا تحاول تلبس الثوب بالمقلوب
‏تزيد الخطأ بـعناد وتصير متحسف

....

[الحمدان]

‏اشوف واسمع واجحد السمع والعين
‏واحط نفسي في محل الغباوه

‏والكلمه اخذها على وجهها الزين
‏خوف النقاش اللي يسبب عداوه

....

[الحمدان]

راقـي بهـمسك وبـالمشاعر وبـالـذوق
والـذوق بـذوقك يـصبح الـذوق راقـي

تـسرق بـطلـتك بـالوله سـايق الـشوق
حـتى بـقربـك لك من الـشوق بـاقي

....

[الحمدان]

‏شوفتك عن باقيُ الناس تغنينِيُ
‏قرة عيُون الأماكن وقرّة عيوني

....

[الحمدان]

مابقى لي قلب يشفع لك خطيه
‏ذوبته جروح صدك والخطايا

‏صاحبي بالله لاتعتب علي
‏العتب ماعاد تاسعه الحنايا

....

[الحمدان]

‏الوصل يجذب غلا روحك ويجذبني
‏ليه نتغلى وجمر الــشوق يحرقنا

‏اعلــــمك بالصحيح وما تكـــذبني
‏ذكراك ما فـــــارقتني مں تــعارفنا

....

[الحمدان]

لا تعيـش بـلا امــال ولا هــدف
ولا تـقول ان الـزمن دايـم بـخـيل

اجمل الاشـياء تـلقاها صـدف
والفرح دايـم ورى الصـبر الجميل

....

[الحمدان]

‏علم فراغك لايجي في إنشغالي
ماجيت أكمل في حياتك فراغات

....

[الحمدان]

احبك يا اريش العينين واعشق جوك العاطر
ونفسي في هواك العذب والجذاب مسحوره

احبك ف الزمان اللي مضا واهواك ف الحاضر
واودك يا دواء قلبي من الآمه ودكتوره

انا في حبك المفتون انا المجنون انا الشاعر
انا روح الموده والجسد والصوت والصوره

انا في عشقك المخفي انا في حبك الضاهر
انا في ملعبك يا خلي الهداف والكوره

انا باشواقي المسجون وانت القفل والداير
حبست القلب باشواقك ونفسي فيك مأسوره

شعوري والمشاعر يكتسحها طيفك العابر
برغم ان الطرق للوصل بك للان محضوره

....

[الحمدان]

أصبر على زلة رفيقك ليا جتك
‏لو كان مضربها بوسط المعاليق
‏َ
‏وتجاهل الهرجه ليا من تعدتك
‏وصم المسامع عن هروج المطافيق

....

[الحمدان]

عزيت نفسي عن بشر ظنهم شين
‏مهما رفعت بقدرهم قل ادبهم

حاولت اكسبهم على العسر واللين
‏واقفيت عنهم يوم ربي كشفهم

....

[الحمدان]

انت لغـــــــــــز وفيك حل المسأله
وانت حاجه عندها فصل الخطاب

ادري إن حبي لمثلــــــــك مشـكله
وادري انـــك كنز في نص الكتاب

بس كيف ارقــــــــــا لهـاذا المنزله
انت متعلم ومــــــعك الجـو طاب

كل مـــــــــا وقفّــت عند البسمله
انجرحت ومـاقويت على العتاب

خاف ربك عـــــــاد عمري فاوله
لا تحطم قلب فــــي ريع الشباب

....

[الحمدان]

خلك معي لآخر محطات عمري
حسبة يتيم تكفله من ضياعه

وأمانتك روحي وقلبي وقدري
صنها ترى الوافي يصون الوداعه

.....

[الحمدان]

‏سامح الله من قسى قلبه وعدّى من أمامي
‏ما زرع في وجهي الولهان لو غصن ابتسامة

.....

[الحمدان]

‏لا تخفي الشوق كانك في الهوى صادق
‏خل المشاعر تسولف عن هــوى قلــبك

‏صارح حبيبك ترا كتم الهــوى حــارق
‏ماهيب صـــعبة تـــراها كلـــمة احبك

.....

[الحمدان]

عيدك مبارك ياالغلا كل لاعوام
دوم السعاده طول عمرك سعيده

والله يعيده دوم لك يا الغلا دام
بالعافيه لك في حياتك مديده

.....

[الحمدان]

‏مرحبابك والمشاعر لو تشوف أقصاها
‏تدري إن جيّتك عندي ماهي بعاديه

.....

[الحمدان]

‏الشوق ذوق وللمواصيل ميعاد
يآشوقي وذوقي وكل المحبه

لآ صار قلبي فدوتك قول وش عاد
قلبي اسير وانت بالوصل طبه

.....

[الحمدان]

مشاعري وياك في ليله العيد
ماهـي مجرد ياحياتي مشاعر

انتي بعيني باشه الزين والغيد
وانا لعينك جيت واليوم شاعر

.....

[الحمدان]

‏رعاك الله يا بيت ليا منّي بغيت أجيك
‏توقفني تقاليد القبايل دون بيبانك

‏يا ليتك ليل أسود كان أسجّك بالقدم وأسريك
‏لكنك بيت طين وحاجتي بين جدرانك

‏حفظت الجوهر الغالي ومن سبّة غلاه أغليك
‏وألا يا كثر حبي لك وألا يا صعب نسيانك

.....

[الحمدان]

انتي جيتي الكون في ليله قدر
‏ دعوه امك تمتلك اجمل فتاه

‏ماشبه نورك سوى نور البدر
‏والحياه بطلتك صارت حياه

.....

[الحمدان]

‏لا تشوفني مبتسم وتقول ماهو حزين
‏غلاف بعض الكتب اجمل من المحتوى

.....

[الحمدان]

فـي عـيوني مـاحدا غيرك جميل
وفي خفوقي ماحدا يوصل غلاك

كيف اخونك وانتي الظل الظليل
وكيف بـانسـى يا الغلا دايم عطاك

مـمكن القى فـي حياتي لك بديل
بـس وين اللي يـساوي مـستواك

.....

[الحمدان]

أهديك قلب ماسكن فيه مخلوق
قلب عجز لايقنعه اي انســـان

قلب عنيد ونظرته دايمن فـوق
قلب كتوم وماشكى هم واحزان

قلب بغاك وحافظك وسط صندوق
قلب ترك غيـــرك فلا هزه إنسان

.....

[الحمدان]

يالله يارحمن عفـــوك وجنتك
‏ترضيك خشيتنا وترضى علينا

‏عن منة العالم بلطفك ومنتك
‏تقضي حوايجـــنا وتغني يدينا

آمين

[الحمدان]

‏تذبحني الغيره وانا واثق ن فيك
‏اخاف من غيري يجي في مكاني
‏
‏ازعل عليك من الغلا وقصدي ارضيك
‏وارضيك لاشفتك تدور حناني

.....

[الحمدان]

‏أبكي وأنــادي ليه قطــع المواصيــل
متى على الله ساعــه الوصـل تاتــي

يا دمعــتــي لا تطـلــبيــن المنـاديــل
تكفين يا عيونــي من الدمــع هاتــي

وينه ونيس الصبح والعصر والليــل
في غيبتــه غابــت جميـع أمنياتــي

.....

[الحمدان]

‏جيتك غــلا مايحمله اي مخلوق
لك الوفا والشوق مـن غير منه

عليك قلبي يدفعه واهج الشوق
قلب عطاك الــــود ماخاب ظنه

.....

[الحمدان]

غنيت بأسمك قصيدي بأجمل ألحاني
أسمك يعطر حروفـي في قوافيها

أنت بيوت القصيد بكل الأوزاني
بأسمك بيوت الشعر تكمل معانيها

وأنت أحساس القلب بدم شرياني
تروي نبض القصـايد يوم أغنيـها

.....

[الحمدان]

‏القـلب حيا والمشاعر لك رحبت
والـعين فزت حين دقيت الحروف

والــرقم اشر والــرسايل ترجمت
اجمل معاني خاص للغالي تطوف

قـدرك بقلبي والمشاعر عمدت
مابي تغـيرها الليالي والظــروف

.....

[الحمدان]

‏على دربك لو إن العمر يوقف تمشي الاقدام
‏إلين اموت ابيك وغيرك من الناس ما ابيها

‏يا روح الشعر وحروف الكلام وسطوة الالهام
‏احاسيسي معك ماني بعارف كيف اخبّيها

‏يا مرساي الاخير وذكرياتي في مدى الاعوام
‏يا ضحكة وجهي اللي تذبح اشواقي وتحييها

.....

[الحمدان]

‏يطيح الليل من عيني وأدور بالدروب احساس
‏ولا أسمع صوت بالدنيا سوى شعري وخطواتي

‏ظلام الشوق ياخذني على كف الحزن واليأس
‏ ياثقل الظلم لاقامت تعاتبني طموحاتي

‏احس بصدري المعبد واحس براسي الأجراس
‏ يـدق الحزن في راسي وتضحك لي خرافاتي

.....

[الحمدان]

‏تسوق الطف أنسام الغلا ضحكة محياك
‏على روح من طالت عقوده وهو ضامي

‏ياسبحان من خلاني أدورك والقاك
‏وأشوف أبسط حقوقي معاك أكبر أحلامي

‏لا تستغرب إن بعت الوجيه وشريت رضاك
‏وأنا مرخص ليومٍ معك جملة أيامي

‏تمثنى فجوج القلب وأسلى وسج خطاك
‏على عين حاسد ضحكتي لك ولوّامي

.....

[الحمدان]

‏تطري علي واشتاق لك واتمناك
‏والقاك حلمٍ من بعض ذكرياتي

انا ادري اني صرت ماني بوياك
‏لكنك احلى حلم مر بحياتي

من عاشرك ماظنتي بيوم ينساك
‏مهما تغيب تكون لي مثل ذاتي

واصعب مواقف دنيتي يوم فرقاك
‏فيها عرفت انك تساوي حياتي

.....

[الحمدان]

‏على سور دارك صرت أشوف الورود أشواك
‏ولا عاد جيّاتي عليها تسلّيني

‏بكى كل طيرٍ كان يضحك على الشباك
‏يغرّد وكنّه في وداعك يواسيني

‏أنا منصدم وأعيش يومي بدون إدراك
‏ماباقي معي من عقلي اللي يقدّيني

‏أسولف على طيفك وأغني على ذكراك
‏عسى الله يضمّد جرح قلبي ويهديني

.....

[الحمدان]

أخلفني الوقت مخلف كل متنبّي
‏أنا اشهد إني بحاجة من يواسيني

‏بين الرفاقه مثل خطوات متصبّي
‏أكنا من اللي على يسراي ويميني

‏أسرق من الونّه اللي ضيقت لبّي
‏ولا أزعج الدمع إلين الدمع يعميني

.....

[الحمدان]

‏كنّي بديت أخاف عُمر الثلاثين
‏خايف لا اجيه بدون حلم وهوايه

‏بفقد شعور القادم افضل وبعدين
‏وبفقد آمان التجربّه والغوايه

‏وبتغيب عني الوان وابقى بلونين
‏ويبدا يناظرني القلق فالمرايه

‏وبشوف فعيوني شعور المسنين
‏والمنتصف ما بعده الا النهايه

.....

[الحمدان]

ان غبت خلوني على راحتي شوي
‏احس في بعدي عن الناس راحه

.....

[الحمدان]

‏تقول لي مات حلمك أقولك خيره
مصير الأحزان والضيقه تودعنا

البوح والبوح ياخي فض هالسيره
أحياناً البوح هو سبة مواجعنا ،

.....

[الحمدان]

حداني على العزله وتقفيلة الجوال
‏همومٍ تغث القلب وتشتت احلامه

.....

[الحمدان]

‏بعض القلوب أوطان للحب والذوق
‏للطهـر أرض وللمشـاعر حـقايــق

‏لا غابت أيامـاً حـدانا لها الشــوق
‏يكفـي حضوره عن كثير الخلايـق

.....

[الحمدان]

ماخاف فرقا عشان الخطاء والصواب
اخاف لا نفترق لان المواصل ممل

سعد علوش

[الحمدان]

بخروهـا عن عيون الحاسدين

وعلموهـا كيف تذكر ربهـا

طفلةٍ تـكبر ويكبر حبهـا

.....

[الحمدان]

تدري وش اقسى شي يابعد عيني
اني اشــوفك مـــبتسم وانا حزين

ضيعت عمري فيك واجمل سنيني
ماكنت اضن انْك بجرحي تستهين

مــــا بـيني وبـينك وبـينك وبـيني
عشرة عمـر مـضمونها بـين قـلبين

لكن حـسافه ويـــش سـويت فيني
ارخصت قدري يوم انا قدري ثمين

الشريف

[الحمدان]

‏أحلى هدية في حياتي وجودك
جتني من دروب الصدف بـابتسامة

بالأمس خايف لاتعـدى حدودكك
واليوم اسمك فـي خفوقي فخامة

.....

[الحمدان]

قالوا طريق الحب كله مجانين
قلت الطريق الصعب يبغى مجنن

.....

[الحمدان]

‏بعض البشر مثـــل العســل والجواهر
مهمـا وصفته بالحـــلا مالـه أوصـاف

وبعض البشر طيبـه على الناس ظاهر
ما يختفــي مثـل القمر دوم ينـشـاف

وبعض البشر غايــب وإن كان حاضر
من ثقـل دمـــه شوفتـه دوم تنعـاف

وبعض البشر مثل القلم في يد شاعر
يسعد قلوب الناس بطيبه والالطاف

.....

[الحمدان]

‏أتصنع وسعة البال في وجه الظروف
‏وجهٍ أضحك له محبه ووجه أجامله

.....

[الحمدان]

من صب لي من دلته ربُع فِنجان
صَبيت له من خافقي الروح دله

ومن ساق لي بالطيب قول وأفعال
أسوق له الروح والعمر كُله

.....

[الحمدان]

ﺳﻠﻤﻮﻟﻲ ﻋلى اﻟﻠﻲ ماﺗﺸﻮفه ﻋﻴﻮﻧﻲ
ﻓﺮﺣﺔ ﺍﻟقلب ﻋﻨﺪﻱ ﻳﻮﻡ طيفه تهيا

كاﻥ ﺭﺩﺍﻟﺘﺤﻴــــّﺔ ﻋﺠﻠﻮﺍ ﺧﺒﺮﻭﻧــــﻲ
ﺑﺲ ﻵ ﺗﺤــــﺮﺟﻮنــــه كاﻥ باﻟﺮﺩ عيا

.....

[الحمدان]

يا اجمل اقدار المحبه وياعز اختيار
اصطفاك الله حبيبه على حظ اجنبي

اقربي ويسولف الليل ويصد النهار
لين ماتروا المشاعر وناخذ مانبي

لاتلوميني ليا عشت ذنبك بختصار
انتي فتنه ماتضاها وانا ماني نبي

.....

[الحمدان]

الله اكبر كيف ما عاد للدنيا طرَاه
لا طعم لا لون لا مِلح مير الله يعين

هب يا بعض المفارق يعوّفك الحياه
والسماء والارض والكون والناس اجمعِين

.....

[الحمدان]

من كثر ما أتوق له وأغليه وأودّه
تنقص مقامات بعض الناس من زوده

ما والله أقسى على العاشق من الصدّه
إلّا إنّ كبده بحدّ الموس مقدوده

.....

[الحمدان]

‏عداك الملام وشرهة الولف يا نزّاح
‏عن دياري اللي منت بأول خسايرها

‏تبعت السراب الين سلمك للمرواح
‏ولديت وعيوني تزوّر عبايرها

‏قنعت وتركتك للزمن والزمن فضّاح
‏على مهله اسرار المخاليق يظهرها

‏بقى لك معي ذكرى ليا غمّض المرتاح
‏تمشط بقايا كبدي بروس أظافرها

.....

[الحمدان]

سلام من شاعر حــروفه من ذهب
منظــومه ابيــاته بنظــــم القــافيه

لكــــل انثى عــــارفه معــنا الادب
والطــيب والعــفه بهــا متــــوافيه

سلامي لها بالاســم يوصل واللقب
يحمل حــروفي بالصــفات الكــافيه

.....

[الحمدان]

لا تذل النفس دايم وترضى بالنزول
ولا يجي منّك رخامه و تحريض وريا

مستحيل تحصل العز وتنال القبول
وانت ما عندك كرامه ولا عندك حيا

.....

[الحمدان]

والله إن كل الكلام اللي يقوله
‏مايجي ربع الشعور اللي يحسّه

عبدالله السراهيد

[الحمدان]

مهما تردّى وقتنا لازم نطيب
ما نكسر بخاطر ولا نجرح شعور

ان ما حضرنا بْما يجمّلنا نغيب
بعض الغياب أجمل كثير مْن الحضور

.....

[الحمدان]

الله عطاك الزين والزين جذاب
واعطاك فوق الزين عقل ولباقه

واعطاك رب خالقك خلق واداب
كلك على بعضك جمال وأناقه

.....

[الحمدان]

اشهد ان الحب علّه والموادع علّه
والزمن شتت لي أحلامي وسبب رعبي

ياحبيبي خل طيشك والمكابر خلّه
أنا قبلك ما نفعني طيشي ولا لعبي

من فقد وصلك وصوتك راح عمره كله
بين دكتور العياده والطبيب الشعبي

.....