فوق هام السحب ( الشعر الشعبي) على متن القوافي

[الحمدان]

ياكثر ماغنيت في يوم فرقاك
ابيات تنزف من جروحن حزينه

انا وحزني والليالي وذكراك
الاربعه فينا مواجع دفينه

.....

[الحمدان]

‏ياربّ خذني من بساط الدالهين الغافلين
‏وأجعل بنفسي لامشت درب الخطيّه تنفره

‏وأرزقني القدره على التقوى وبر الوالدين
‏أبي من الكره أخيره وأبي من الخيّر أوفره

‏وأجعل كتابي لاخذيته ما أخذ إلا باليمين
‏مع النفوس الراضيه ومع الوجيه المسفره

.....

[الحمدان]

احبابي اللي في هواكم اغني
ترا حياتي بعدكم ماهي زينه

البارحه اطق طاري وأغني
أغني ابيات عليكم حزينه

.....

[الحمدان]

الله يذكر ذيك الأيام بالخير
وانتي قريبة كنت اشوفك بعيدة

واليوم انتي غير وانا بعد غير
ياليت وقت ٍراح نرجع نعيده

يرف قلبك لي مثل رفة الطير
اكتب من دموع المعايد قصيدة

انسي معك معاد ابي اي تبرير
من ضحكتك تبعث حياة جديدة

احب اعيش الحب بلا معاذير
احب اعيش المستحيلة اكيدة

.....

[الحمدان]

عاداتنا شامخه وهذي طبايعنا
والحمدلله على إلهامه مراسينا

مانشتري بالكرامه شخص بايعنا
ولا نبيع بكنوز الأرض شارينا

.....

[الحمدان]

من لايعيش العمر سامي ومتغاضي
ماهيب دايم ظروف الوقت خادمته

كنز القناعه غناة النفس للراضي
يعيش دنياه فاهمها وفاهمته

.....

[الحمدان]

انا وصلت لمرحلة ما ابي شي
‏والمرحلة هذي ختام المراحل

‏لا باكيّن ميت ولا راجيّن حي
‏ولانيب متحسف على كل راحل

‏شفنا وعفنا وانتهت رحلة الغي
‏ماعاد به مركب ولا فيه ساحل

.....

[الحمدان]

ضاق المكان اللي من أول أحبه وأجيه
‏مدري هو الدرب والا الصدر مابه سعه
‏
‏كم مرّت وجيه في عمري وعدت وجيه
‏ومافيهم اللي بقى لي أو خذاني معه
‏
‏ياعابرين الحياه أحتاج قلبٍ نزيه
‏عفويتي قابلتها قلوب متصنعه
‏
‏القلب مافيه أحد يستاهل يعيش فيه
‏رفعتهم فوق لكن طاحت الأقنعه

.....

[الحمدان]

كبرت أتفكّر وأتقرّف من التقليد
‏وأخيل العوض لو كان منيب معتاضة

‏ما أحب أنحصر في زين قامة و طولة جيد
‏أنا روحي أكثر روح حرّة وفضفاضة

‏يخوّفني النسيان واخاف لا التخليد
‏يخوّفني أكثر والمقادير ركّاضة

‏أنا فالنهاية بنت بدوٍ منيب أحيد
‏تضاحك لو إن عيونها السود فيّاضة

.....

[الحمدان]

‏ماني بمحتاج شي اكثر من السلوة
‏خل الهبوب الله يخليك تطرقني

‏يمكن يخف الحنين وتصغر البلوة
‏وارتاح من همي اللي كان مرهقني

‏امّا انّي انساك وانسى ايامنا الحلوه
‏هذا هو المستحيل يصير صدقني

.....

[الحمدان]

خل البشر تذكرك بالخير والطيب
السمعه الزينه رصيد وغنيمه

ان جيت تلقى المسهلا والتراحيب
وان غبت تمدحك النفوس الكريمه

محبة العالم من اغلى المكاتيب
بعيونهم بتشوف معنى الحشيمه

.....

[الحمدان]

كل القصايد في غلاك مدوّنه
الله ياصدق المشاعر والحروف

زرعت في دربك ورود ملوّنه
وأثرك بليدً لاتشم ولا تشووف

.....

[الحمدان]

حن الخفوق وقايد الشوق مقدام
‏حنة عديمٍ نافذٍ منه صبره

‏سريت مسرا اللي مع الخط مانام
‏مغرم وساري له على صوت نبره

.....

[الحمدان]

- اما عن الأماني :
‏تمنيت شي وقدّر الله شي وصار
‏ولا لي سوَى وجه الرضى لو تصنعتّه

‏- واما عن الخيره :
‏أنا هقيت إن راحة العبد في ما أختار
‏واثَر خيرة المولى لعبده مسنّعته

‏- واما عن الواقع :
‏تبون الصراحة والله إني بغيت انهار
‏ظروف الحياة أقسى من اللي توقعته

[الحمدان]

من يلوم القلب لا منه تباها
في كبير الجاه شيال الثقالي

ما بقى قمة مفاخر ما نصاها
راقي شم المراقيب الطوالي

لدراك الصعبه يجيب اللي وراها
ثم سندها على روسس المعاليي

كيف ما غتر دام انا عيني ملاها
اللي مزود مع غروري دلالي

.....

[الحمدان]

اللي لسانه طلق من خلف الستار
‏تلقاه قدّام العرب فيه طْرمه
‏
‏الطيّب اليا شبّ للضيفان نار
‏كنه يشب النار في كل رخمه

.....

[الحمدان]

والله انك بهجت افراحي وعيدي
ونك اجمل همس من بد البريه

جعل يفداك القدايم مع جديدي
والحروف الانقلش واليعربيه

.....

[الحمدان]

‏علمني الصدق حط لريبتي رادع
‏حتى ظنون الحزين توافق شعوره

‏لسانك يرّحب ونظراتك توادع
‏أصدق الصوت والا أصدق الصوره

.....

[الحمدان]

بادري بالعذر وانا بابادر بالقبول
‏ المحبة وجهها ادناة عذر يبيّضه

‏ولا نويتي بشريني متى عاد الوصول
‏أنا مستعجل على الوصل وأنتي ريّضه

.....

[الحمدان]

محتاج ليه عسل صافي
وين انتو ياللي تبيعونه

هذا الزمن ناس ياكافي
حتى المفتح يغشونه

متعب الحربي

[الحمدان]

‏الله يسعد لي مساك ودنياك
‏وجعل الفرح يبقى ويملا حياتك

‏حتى المساء اللي اعيشه بلياك
‏صرت أتنفس فيه من ذكرياتك

.....

[الحمدان]

‏سايق ركاب الدعاوي على باب الكريم
‏طامع ٍ في مد جوده وستره والغناه

.....

[الحمدان]

كلن بهذا الزمان يقول أنا الطيب
‏والطيب اللي يفك الناس من شره

....

[الحمدان]

ودي اكتب والقلم عيا يطيع
ما ادري الأشواق والا انت السبب

كيف اعبر والحكي مني يضيع
اسعفيني يا قواميس العرب

.....

[الحمدان]

‏ماني مبشّر بالعوض وأنت موجود
‏أنت الأصل جعل الأصل ما يبدّل

.....

[الحمدان]

‏عسى الله يجمّلني مع الطيبين بالطيب
‏وعسى من هقى فيني اجي فوق هقواته

.....

[الحمدان]

​تركتني للغياب وضيقة انفاسي
حتى الفرح في حياتي طافي سراجه

خذيت مني خفوقي واجمل احساسي
خليت لي ويش ماخليت لي حاجه

.....

[الحمدان]

أختار سمحات الدروب النظيفه
‏اللّي غسلها رايح المزن برشاش

‏يمشونها قوم النفوس الشريفه
‏اللي ضمايرهم نقيّه كما الشاش

....

[الحمدان]

‏اجمل هدايا العمر انسان يغليك
واجمل هدايا الحب انسان وافي

روحه رهينه لك وبالعمر يفديك
فيه الوفاء والعهد للحب صافي

.....

[الحمدان]

تذبحني الغيـره وانـا واثـقن فيـك
واصبر ولا ودي تعرف اش حصل لي

من كثر خوفي زايد الشـوق ياذيـك
صبرت مااحد في عذابي فطـن لـي

بالضحك وحروف القصايـد مسليـك
والنار فـي عقلـي وقلبـي وكلـي

عـز الله انـك هـم لكنـي اغليـك
والله حتـى همكـم جايـز لـي

تشوف شوقٍ في عيونـي يناجيـك
واشـوف بعيونـك عذابـي وغلـي

.....

[الحمدان]

اهديك انا قلــب مـن الود شاريك
ارحـب على نبضـه وتسكن وريده

روحي مع قلبي مـع العمر يفديك
هذا كلام الصــدق ماهـو قصيده

وانت راجـــــــع يا غلايا خوافيك
وخليــك واثــق بي ولك ماتريده

.....

[الحمدان]

‏ياعايش الدنيا ترى الحظ مقسوم
مثل الهبوب اللي بلا دار وديار

نجري ورى الدنيا مع الليل واليوم
وياما وطت الأقدام عجلات الأقدار

.....

[الحمدان]

حي الغلا حي المحبه والأشواق
حياك ياقلبن بالأحساس وافي

أهلاً هلا ياللي له القلب يشتاق
ومهما أقول وقلت ماهو بكافي

غلاك مثل الصبح في لحظة إشراق
في داخلي يظهر جميع الخوافي

.....

[الحمدان]

‏اضحك واسولف وأنا فيك مشغول
‏يا مأخذ فكري عن الناس وينك

‏خايف تسج وغيبتك عني تطول
‏وتنسى حقوق الود بيني وبينك

.....

[الحمدان]

‏شفتك وأنا عن جرح الأقدار مسؤول
‏كبير وجروحي على حجم قدري

‏خفت اسـألك تذكر وخفت إنك تقول
‏أنا أذكر إني شايفك وين مدري

.....

[الحمدان]

مسأ القصيد العذب لاداعب الهواجيس
يجدد مشاعر داخل القلب مدفونه

‏ونا سجين الكلام اللي بصـمتك رماسيس
سولف عليك الحـرف ولهـفتي مشحونه

ما ودي الا لـيا سـولفت في الاحاسيس
ما يوقف احساسك وما توقف الحونه

.....

[الحمدان]

معقول ما تسمـــــع خَفوقي ينِاديك
والنبضِ في صَـــدري بِيعشق جنونك

والليلِ يســري بي عَلى جالِ شاطيك
هايمْ وِكلي مِنوَخـــــــذ في عيونك

ان الهَوى في كل ِ ليلــــــــه ينِاجيك
يتنشَّقك زهرٍ تِراقــــــــــص بِكونك

.....

[الحمدان]

يا هاجســــــي امسيـت بالفكر محتار
وامســـى خيالــــي في مراحل بعيده

فـــزات عينـــي بالسهــر نومهـــا طار
واشــــواق قلبــــي نابعـــه من وريده

فكرت وايش ارسل للاصحاب واختار
وايش الذي يســـوى غلاهـــم وازيده

ماغيــــر أدون ذكرهـــم بين الاشعار
واكتب غــلاء الاحباب داخل قصيده

زانت حياتــــــي بينهـــم دون مختار
صدفـــه وجتنـــي بالحظوظ الفريده

.....

[الحمدان]

‏يوم العهد بـه حـده أسبـوع لا راح
‏أسبوع ويعود علي شوق ودموع

‏واليوم خمسة سنين والهم ما زاح
‏هم الفـرااق الي بـلا عـذر مشروع

‏اسـتغفـر الله تسعـة شهـور يا صـاح
‏في غيبته قمت احسب اليوم بأسبوع

.....

[الحمدان]

احذر تجامل حب مالك أمل فيه
صبرك على اللي ما يفيدك يضرك

لا تنتظر من فاقد الشي يعطيه
وأبو السوالف هيبته لا تغرك

.....

[الحمدان]

اكسر الصمت واشعل للحكاوي فتيل
ما ورا الصمت نفعه وانت حكيك عسل

المسامع عطاشا وانت صاير بخيل
لا اتكاسل فديتك خل عنك الكسل

.....

[الحمدان]

وش حيلةالمشتاق لا اخفى اشتياقه
في قلبه الهايم تعابير وشعور

لاطايق صبره ولا البعد طاقه
قسى عليه الوقت ويظل مجبور

.....

[الحمدان]

‏اجمل هدايا العمر انسان يغليك
واجمل هدايا الحب انسان وافي

روحه رهينه لك وبالعمر يفديك
فيه الوفاء والعهد للحب صافي

.....

[الحمدان]

دك الحنين أسـوار فكـري بطـرياك
وأوقـد ظنون الشوق جمر انتظاري

أبعثرك فـي داخـل القلـب والقاك
حـرفٍ يمـر العشق فـي كل طـاري

.....

[الحمدان]

‏هواك يجبرني على سجة الليل
‏لاهب نسناسه نـسيت المنامي

ياللي عليك القلب ولهان بالحيل
عـليك من زود المحبه سـلامي

.....

[الحمدان]

‏تخفي غرامك لـكـن الشوق فضاح
والحب ما يستر عـيـوب المحبين

واللي ابتلي بالحب وشلون يرتاح
لاصار عنده جرح واليوم جرحين

.....

[الحمدان]

‏بيني وبينك لو مضى العمر ماتبتَ
حبُبك ملكني يا خطايَ وصوابيَ .

الله يديمه لي على كل الأحوال
‏ولاعيش يومٍ من حياتي بدونه

.....

[الحمدان]

يامن غرامك داخل الدم يسري
ووسط قلبي لك لحالك مساحه

بدري على بعد المحبين بــدري
يامن خدوده ناعمه كاالتفاحه

ياليت صدرك لو يعانق لصدري
في ضمتك جنه وفسحه وراحه

مافارقك لو سرت في وسط قبري
بعدك يسبب ياحبيبي انطفاحه

قلبي يحبك حب ان كنت تدري
يابــــــدر لانور ملا كل ساحه

.....

[الحمدان]

مليـار مسلـــم صمتـهـم يؤلم
أقسى مــن المجــرم ونيـرانه

والعالم أصبح في نفق مظلم
يوقـف مــع الظــالم وطغيانه

بقلمي

[الحمدان]

أتحرى مجيّك وأتشوّق لقاك
‏والمُتيّم عقارب ساعته تقرصه

‏كيف ضحّيت في قلبٍ يدوّر رضاك
‏الذهب ما يفرّط فيه من يبخصه

‏ليه تجبرني اكره كل ذكرى معاك
‏من ملك في الحياة أحباب وش ينقصه

‏لا تراهن على الحُب ويغّرك غلاك
‏قلبي أثمن من إن إنسان يسترخصه

سعود مهدي

[الحمدان]

يزف الفجر خيبات الظنون ويشعل الوسواس
بشمسٍ من سناها جذوة الأوجاع وهّاجه

عليه الناس ترقب موعدك ياسيّد الهوجاس
عطاشى حرفك اللي من زمن ماشح هدّاجه

ولدت بمهمةٍ فيه الأماني كفها من فاس
تباشر في مجيّك غيمةٍ بالدمع ثجاجّه

يجوز إن المطر مولد سعاده أو بداية ياس
هزيمه ما أرجهن ولا قدرت تعاتب إزعاجه

قرا جدك بسمعك سورتينٍ كلها فالناس
وإلين اليوم وأرقاب البشر بالظلم منعاجه

سدلت سلومك العفرا بصدرك والسحاب لباس
ظلالك كل ماطال النهار يزين منهاجه

كبرت ومامعك غير القلم، والفكر والقرطاس
وبيتٍ مابقى من روحه الا هالة سراجه

تعبت وقلبك المؤمن يناجي جرحك الخنّاس
لا يكشف عورة أوجاعك مادام الناس هراجه

تعبت تشوف وجهك في عيون الحزن والجلاس
تعبت تصارع المجد التليد وعاتي أمواجه

تعبت وريح همّك في ضلوعك تقرع الأجراس
تعبت وحلمك المنفي بجوفك تلمح إحراجه

تمرك سالف الذكرى ويجرح خاطرك لا باس
وتركض في مسافات السنين وتلعن الحاجه

وتاصل لآخر حدود المواجع ناحلٍ حسّاس
تهزّك نسمة الماضي وحلمك يسحب أدراجه

[الحمدان]

‏خابر حظي ماقد جاب شي مرتجيه
ماشفع لي طيب جدي وقوة منسبي

.....

[الحمدان]

أشوف الوجيه العابره مع طريق المار
‏ولا زال وجهك في جميع إتجاهاتي

‏وش البال لو مافيه طاري ولا تذكار
‏وش الحب لو ماكنتي أول علاقاتي

‏وش الليل لو مافلّ جادل وفك زرار
‏وش الحلم لو ماصرتي أعذب طموحاتي

‏بعدك السماء والأرض والدار وأهل الدار
‏مجرد فراغ يمرني في فراغاتي

‏ماعادت طواريق القصيدة محط أنظار
‏بعد غابت عيونك عن آخر كتاباتي

.....

[الحمدان]

‏ياوسيع البال ضيّقت الصدور
‏رحت ماعلّمتني وين أنت ساري

‏في غيابك مال خلق الله حضور
‏وفي حضورك مالهم بالبال طاري

‏صاحبى محتاج لك شعر وشعور
‏وإحتياجى شي ماكان إختياري

‏من متى والغصن يختار الطيور
‏من متى والبال يختار الطواري

.....

[الحمدان]

ياصاحبي لايحزنك جور الايام
مهما تكون التضحيه والخساره

جور العجاف السبع ينزاح في عام
والحزن له غاره ولله غاره

ايام فيها عسر واحزان وآلام
وايام تأتي بالفرج والبشاره

والظلم زائل بعدما الصبر ينضام
واول بدايات الحريقة شراره

الفأس يتكفل بتكسير الاصنام
والجهل يتحظَّر له آخر زياره

.....

[الحمدان]

‏من عطاه الله محبة فالقلوب
‏أشهد أن الله معطيه الكثير

‏جعلني لاجيت للناس محبوب
‏وجعلني لاغبت مذكورٍ بخير

.....

[الحمدان]

‏ويالله ياذي بـــيدك الحــل والفــرج
تــقرب مراحلهــا وتفتح فجــوجهــا

لك الحمد يامن تفقد الناس من حوج
واذا اتعوجت يالله ســمحت عوجهـا

ولا تنفـع الحـكمة ولا تنفع الحجـــج
اذا خيــلها ما عاد شـــلت سروجهــا

تعبنــا وتعبنــا رجاجيــل من حنـــج
تســابق على الجـوده وترقى بروجهــا

عليهــم سـلام الله ما صبحــه انبلــج
وعلى دارهــم يالله تـسقي نهـوجهــا

.....

[الحمدان]

ذا ما ترجل وعاد الناس في بابه
لا عاد يدور من أهل المرجله نابي

الناس للناس والصاحب له اصحابه
وانا لي الله لا فكوني اصحابي

.....

[الحمدان]

ياطيّب الهقوه وياطيّب الساس
لك في علوم الـطيب دايم مزايا

مواقفك في صفحه المجد نبراس
ولك مكانه ياكريم السجايا

....

[الحمدان]

‏يسعد مساء اللي على بالي سواليفه
اللي ليا صار حولي زانت اخلاقي

نبضي وانا والقصايد من مواليفه
والروح والبوح له والقلب يشتاقي

.....

[الحمدان]

‏الطيب للطيب بعيد الهقاوي
اللي يحد السيف ويعن خيله

وإلا ردي النفس عقله سناوي
دائم على درب الردى والفشيله

.....

[الحمدان]

‏ياروح روحي يا آخر عشق يا أوله
يا أول الحب في عمري ويا آخره

لو أكتب الشوق فوق الغيم وأحوله
صارت صحاريك ميناء والغلا باخره

.....

[الحمدان]

أغليك واهدي لك عيوني تراعيك
وتصد عن غيرك وتضوي لك بروق

واعطيك قلب مايبي غير طاريك
ونفس حداها الشوق ياغاية الشوق

.....

[الحمدان]

‏اخترت نفسي ما رضيت الهزيلات
يقسى علي الوقت وأقول عادي

صعب ولا تعجبني كثر العلاقات
وبعالمي أحب أكون انفرادي

.....

[الحمدان]

‏ياكثر المرحبا والمسهلا والشوق واللبّيه
‏على الشبّاك نفسه باقيه ماراح طاريها

‏هذا نفس المكان اللي بدينا فيه جينا فيه
‏نعيد الذكريات ونستفز اشواقنا فيها

.....

[الحمدان]

خذني⁩ معك لأخر مدارات الاشواق
‏⁧ واشعل⁩ على متن السحابه حنيني

‏⁧ خل⁩ الوله يمطر على غصن الأوراق
‏⁧ يروي⁩ جفاف فصول باقي سنيني

.....

[الحمدان]

جـاهـد وكـافـح والـليالي تـوافيق
وعـيش الـحياه بـفراحها والمسرّه

لايلحقك بالوقت حسره ولاضيق
واغنم ترى الفرصه في العمر مرّه

.....

[الحمدان]

‏أحّـلامـي أكْـبـر من الدنيا ومافيها
واللي حلمته وأبيه أكبر من أحلامي

قـدام عـيـني تزيد أشياء ما أبيها
وأشياء أسعى لها وتضيع قدامي

.....

[الحمدان]

بعض المواقف تسبب للفكر ضجّه
لاصار ماينعرف وش هي سبايبها

اعيش جوي وأخذ لي بالزمن سجّه
والنفس تسعد على شوفة حبايبها

.....

[الحمدان]

ولا لي بالبشر غايه ولا لي بالثرى أوتاد
‏خفوقي حر وأتبع ما يعز النفس وأرضيها

[الحمدان]

‏يهبّ فيني حنين بكل هبّة نسيم
والذكريات القديمه طارفٍ بابها

غشاني الشّوق يا وجهٍ ببالي مقيم
اشتقت لك والمشاعر حثّت ركابها

.....

[الحمدان]

يالله ياباسط أراضي فسيحه
تعيننا يالله بالعسر واللين

ياكاشف إهموم القلوبزالجريحه
يامن بفضلك كل الأحوال بتزين

.....

[الحمدان]

‏الكفو لو طاح لايعتذر عذره سمين
لو يمينه فوق راحة يساره طقها

وده إنه يفعل الطيب للناس أجمعين
بس عاد ظروف الأيام تاخذ حقها

......

[الحمدان]

يافوح صدري فوحة البن لافاح
‏على هروج أهل القلوب النظافي

‏أرتاح لأهل الطيب والعرف وارتاح
‏على الذي قلبه من الغش صافي

.....

[الحمدان]

الطيّب اللي له التقدير والأعتبار
دايم لرد الجمايل والوفاء ماجحد

واللي جهل قدرنا وراح عكس المسار
يرده الوقت مهمازغاب وإلا ابتعد

.....

[الحمدان]

‏ترا الصداقه والمحبه والإعجاب
‏ماهي بتوخذ غصب للي يبيها

‏إن كنت مقبول ومعك طيب وأداب
‏تاخذ قلوب أهل آلوفا من يديها

.....

[الحمدان]

العمر فرصه والحياه إدروس والدنيا متاع
والطيب والمعروف عند اللي تجاهل مافرق

والغالي اللي يبدي إعلومه على زين الطباع
يرحب عددماهلّت إمزونه ومابرقه برق

.....

[الحمدان]

عودت نفسي ما أتحسف على شي
لأن العمر ما يحتمل للحسايف

بعيش لحظات الفرح دامني حي
وبزرع الضحكه بجرد الشفايف


.....

[الحمدان]

الذكريات اللي على البال تطري
وش حيلتي لا بعثرت تالي الشوق

صفحاتها ب أيامها وسط صدري
عزآه ياصدر ٍ من الوجد محروق

.....

[الحمدان]

كل ذكرى ما تجيب إلا الحنين
شوق عيني قاع والغايب سما

وين دربه يا دروب الغانمين
السما تمطر وانا فيني ضما

.....

[الحمدان]

‏أكرم موازين المخاليق الأخلاق
‏وأكبر كنوز الأرض كنز القناعه

‏والرابح اللي لداعي الخير سبّاق
‏ودون المعاصي له من الله مناعه

.....

[الحمدان]

‏غربة الصمت تشبه الليل البهيم
‏في انعكاس البوح معزوفة حزن

‏بين بيض المشاعر واسهاف السديم
‏انكسار الحرف في كسرة وزن

.....

[الحمدان]

ياليل يعجبني سكونك وهاويك
ماغير أنا وياك والناس نامت

فكري لقى راحته في مساريك
والنفس في مسرى لياليك هامت

.....

[الحمدان]

‏بالوفا والطيب حثينا المسير
طبعنا الطيبه وعادات الكرم

كل طيرٍ لا صفى جوه يطير
ناوي المسرى وبجناحه عزم

.....

[الحمدان]

‌‎لا هبت انسامها مع السحب والغيوم
هذي هي الطلعه اللي وافيه بالغرض

برفقه اللي ليا احتجته بوقت اللزوم
يفز مثل الصقر ولحاجتك ما رفض

.....

[الحمدان]

‏الا يارفيقي مابقى بالعلوم علوم
ولا عاد بالموضوع وده ولا هاته

عرفنا الصحيح اللي تكنّه صدور القوم
مثل مايعررف الادمي نفسه وذاته

.....

[الحمدان]

‏عزاز نفس وبالمقادير راضين
‏ونفوسنا من فضل ربي رضيّه

‏وظروفنا إللي في يديها سكاكين
‏نشكي مواجعها لرب البريّه

.....

[الحمدان]

‌‎عطيناك مكنون الصدور وسكتنا يوم
لكن ما بقى للصبر في القلب غاياته

عرفنا الخطا منك وعرفناك زول اللوم
لو طال العذر ما ترجع النفس راياته

.....

[الحمدان]

‏حافظ على اللي خوته تشرح البال
‏الصاحب اللي يعتزي لا نخيته

‏يفزع بما عنده من الحال والمال
‏وإذا أظلمت دنياك جنبك لقيته

.....

[الحمدان]

يابرد الشتاء خل الحنين القديم يموت
امانه معك لاتبعث الشوق من قبره

أنا من كثر ماني بمتضايق ومكبوت
لو يقول احد وش فيك غصتني العبره

إذا الناس تحتاج اكسجين وشراب وقوت
أنا احتاج جبرة خاطرٍ ما لقى جبره

.....

[الحمدان]

اللي على وضح النقا دوميوفون
صنايعالمعروف فيهم طبيعه

على عهود المرجله مايبيعون
واللي شرانا بالغلا مانبيعه

.....

[الحمدان]

‏يارب وأنت بكل مافيني عليم
‏سخر لي أصحاب النفوس الصافيه

‏لاشحت ظروفي فلا غيرك كريم
‏وان جارت ذنوبي عساهـا خافيه

‏عن كل ذنب أستغفر الله العظيم
‏وعن كل كسرة نفس أجر وعافيه

.....

[الحمدان]

‏قهوتي حبك وحبك لي الكيف
ومن دلتك كني بروس النوايف

احب معك الليل شعر وسواليف
قصايد توصف غلاتي وصايف

.....

[الحمدان]

‏دامني ماخطيـت في حق الاوادم
مـن زعـل منـي بلا سـبـه بگـيـفـه

لا يحسـب انـي علـى فـرقاه نـادم
نظرت عيوني عـن المقفـي گفيفـه

.....

[الحمدان]

‏العتب ما يلحقك يلحق بياض احلامي
قبل اعرف إن الدروب اللي تجيب تودي

كنت اظنك بالمواقف بندقي وحزامي
واثر ما انت قد وقفاتي ولا انت بقدي

.....

[الحمدان]

‏أنت تدري عن مكانك وتقديره
شوفتك لو هي من بعيد تنفعني

والقدر لو هو على الكيف تغييره
معك أخلي بيض الأيام تجمعني

.....

[الحمدان]

‏الوصل ما يطلب ولا ينفرض فرض
والحب متبري من اهمال واجحاف

جيتك نهر دجله من الطول للعرض
لكن غرقت بيابسة قلبك الجاف

.....

[الحمدان]

‏من حبه الله والخلايق تحبه
‏المسلم اللي مايخلي صلاته

‏هي العهد مابينه وبين ربه
‏وهي السراج اللي ينور حياته

.....

[الحمدان]

البارحه برد الشتا كان قاسي
واشد من برده علينا قساوتك

اقفيت يوم اخضعت للحب راسي
وكسرت نفس في غلا الروح ساوتك

.....

[الحمدان]

‏الغياب اغراك والاشواق ماتت
‏والمحبه من جفا الغالين جفت

‏رح وراك وفرصتك عدت وفاتت
‏غيبتك يَا صاحبي كفت ووفت

.....

[الحمدان]

‏ترا الصـداقه والمحبـه والإعجاب
‏ماهي بتوخذ غصب للي يبيها

‏إن كنت مقبول ومعك طيب وأداب
‏تاخذ قلوب أهل الوفا من يديها

.....

[الحمدان]

عشقنا الطناخه وارتفعنا عن المنقود
رقينا على عرش الكرامة ولازلنا

طموحاتنا بعزومنا تبلغ المقصود
وعلوم القلوب الحاقده ما تنزلنا

[الحمدان]

‏تغيب عن عيني ولاغاب لك طيف
واسامح جروحك ولو كنت مخطي

ليتك تعرف الشوق في غيبتك كيف
حتى تعرف القلب لك كيف يعطي

.....

[الحمدان]

اتفاخر بك واحبك يالجناب الطيّب
واتباهى في وصالك جعل راسك سالم

جعلك انت اللي على باقي الحياه قريّب
دامني في حضرتك كنّي ملكت العالم

.....

[الحمدان]

مرحبا بالغالي اللي على زين الوصوف
في محلٍ عامرٍ بالمحبه والغلا

لا تبادلنا المشاعر مع ضرب الدفوف
الفرح بقلوبنا والموده والولا

.....

[الحمدان]

‏لاترتكي دايم على المال والزود
والجاه والمنصب والاسم المعرب

يمكن تثور في الخبا وانت بارود
ولا تصدي وانت سيفٍ مجرب

.....

[الحمدان]

القدم تمشي على شف القلوب
‏والمحبه مثل خيمه تشد أطنابها

‏ديرة لاجيت باطرافها كنك مغصوب
‏وديرة من حب أهلها تحب ترابها

.....

[الحمدان]

لا قلت صح لسانك ازداد لك شوق
احس فيها شعر من نوع ثاني

وانا رسمتك شعر في داخل الموق
وخليت بيبان المحاني محاني

.....

[الحمدان]

ياحضره الصمت عبر كل مافيني
البوح عاجز عن التعبير له فتره

صوت التناهيت يطربني ويكفيني
واعاتب الواقع الملموس بالنظره

.....

[الحمدان]

ادري بيك تحبني ما داعي الكلام
وادري بدموعك صدك تبجيلي

من تجيني لا تكلمني بغرام
وعفيه عوف الشوك لا تحجيلي

انه ليلي بلايه واهس ما انام
شلون لو صرت انته واهس ليلي

شلون لو حبيت شكلك والخِصال
شلون لو باجر تجيني وتعتذر

وهم ترد لمن اكلـك تعال
وتنتظر لمن اكلك انتـظر

دنيا مو دنيا عشگ يبن الحلال
لا تخلينا بمحبتك ننجـبر

جبار رشيد .. العراق

[الحمدان]

منين نجيب مثلك حتئ ننساك
ومنو المثلك يعوضك لو خسرنه

الشبه كل اربعين حجايه تنكال
واذا واحد يصح جان انتضرنه

شعر عراقي

[الحمدان]

جعل القلوب اللى له القلب يشتاق
‏تصبح وتمسي بالهنا والسعاده

‏وجعل النفوس اللى تحلت بالاخلاق
‏تصبح وتمسي ماتشوف النكاده

.....

[الحمدان]

اعشق ثرا اخواني واحتمي في ذراهم
‏هم عزوتي لا من غدت سود الأيام

‏ادعي عساني ماختبر في غلاهم
‏يبقون هم ذخري على مر الاعوام

.....

[الحمدان]

‏لا ضاق صدري قلت يارب رحماك
‏ياللي بذكرك ينجلي ضيق صدري

‏استغفرك وأتوب لك واطلب رضاك
‏ماغيرك احدٍ عن خفا النفس يدري

.....

[الحمدان]

اصبر شوي لين الله يزيّنها
لا تسنّدها على كتفي ونا طايح

والله ان انتصف لك لو اطيّنها
ويلزم اسمي لسان الجاي والرايح

.....

[الحمدان]

تخطي وأعذرك وأتحمّل خطاياك
‏هويت غلطاتك كثر ما هويتك

‏والآن :

‏تعبت أدور لك عذرٍ بين الأعذار
‏لكنّ عذرًا يقبلك ما لقيته

[الحمدان]

‏اسهل مفاتيح القلوب ابتسامه
‏واترك عيوب الناس وتموت راضي

‌‏والصمت في بعض المواقف كرامه
‏قد قيل ثلثين السعاده تغاضس

.....

[الحمدان]

الهايم اللي يكافح نظرة عيونه
‏ودّه يعوّد على ظروفه يكافحها

‏لو يقدر يشيل ضلع طويق بمتونه
‏مايقدر يشيل عينه من ملامحها

.....

[الحمدان]

ماتربينا على ترك الرفيق
‏وماتعودنا على سب الخوي

‏بالجبال السود نفتح له طريق
‏ونلوي ذراع الليالي له لوي

.....

[الحمدان]

يكفيني البارح إني في عيونك سهرت
‏وقفت بين العيون السود وانعاسها

‏إن رحت منت أول اللي راح وليا حضرت
‏قلت الليال الجميله هب نسناسها

.....

[الحمدان]

حضرتي والسحاب اللي نوى يمطر لنا ما جاب
‏سهى بك مثلما يسهى فؤادي عند جلاّسه

‏ملكتي هيبة الموقف حصدتي نظرة الإعجاب
‏ومثلك لاحضر حفلٍ هدم ناسه على ناسه

‏تربعتي على عرش الجمال العذب والجذاب
‏وخليتي الفؤاد الصعب لجلك ينثر إحساسه

.....

[الحمدان]

ياللي تخاف ضروف الايام تمحاه
ارتاح دام ان المواصل يقويه

انت انت وانا انا وقلبي هو إياه
حتى ولو بتغيب ذكراك تكفيه

.....

[الحمدان]

‏كلن يعبر في الدنيا عن الحال
ناس لھا بالشعر وناس خواطر

وناس هواها بالمعاني والامثال
وناس تلاعب بالھوى والمشاعر

.....

[الحمدان]

‏يفداك قلبي والغلا والشرايين
وتفداك روحي والمحبه تليها

ضميتك بقلبي وسكنّتك العين
ومن دون شوفك دنيتي ما أبيها

.....

[الحمدان]

‏ماعاد فيني حيل لمعاتب النّاس
‏مليت اداريهم وأساير هواهم
‏
‏اللي ييون القرب على العين والراس
‏واللي يبون البعد ربّي معاهم

.....

[الحمدان]

‏يا وحشــة الدنيا إذا صـرت مشتاق
كن البشــر ماهي علـى الكون حيّه

هذا الذي مخفيـه مابـين الاعماق
ماهمنــي غيـــرك جميـــع البريه

مشتاق لك والشـوق غارق ودفاق
شــوق السواحــل للبحـور العتيه

شوقي معك يازيــن وافي وصداق
ودقــــات قلبـي لـك قويـه قويه

.....

[الحمدان]

عاد المساء والقلب ينبض مساء خير
عسـى يـدوم الخيـر دائــم عليكم

والمعــذره لــو تلمسـوا أي تقصيــر
منــي فـانــا منكــم وعائـد إليكـم

أسعد مساكم ماسبح بالسمـاء طيـر
يا من فــؤادي بالوفــاء يحـتـويـكم

.....

[الحمدان]

‏اتجاهل شوفتك كثر ما ودّي اجيك
‏وكلمة احبك بعيني ولو ماقلتها

‏والله ان بعض الاغاني لها طاري عليك
‏كنّي اشوفك قبالي ليا شغّلتها

.....

[الحمدان]

انت المحبه والمشاعر الإحساس
‏وانت الغلا والشوق وانت جنوني

‏اخفيك عن نفسي وعن باقي الناس
‏واثريك ظاهر في ملامح عيوني

.....

[الحمدان]

خرزة وصاحية وكضاك خرّاز
صاغك مَحبس وحطّاك بيدة

يا واهس شاعر وحط بالّة وياك
يا اول بيت المحلي القصيدة

خلصت وانتهت وانتهى المشوار
وحتى الما يعرف گال عيدة

شعر عراقي

[الحمدان]

‏ياوسيع البال ضيّقت الصدور
‏رحت ماعلّمتني وين أنت ساري

‏في غيابك مال خلق الله حضور
‏وفي حضورك مالهم بالبال طاري

‏صاحبى محتاج لك شعر وشعور
‏وإحتياجى شي ماكان إختياري

‏من متى والغصن يختار الطيور
‏من متى والبال يختار الطواري

.....

[الحمدان]

دنياك ياغادي تخيف المخيفين
خِفْها ترا المركى عليها مزله

تقبل زمان ثم تقفي زمانيين
والدور الآخر مقعدك به مذله

محمد العوني

[الحمدان]

الله يزيل الضيق عن شاكي الضيق
‏ويعوّض الضايق سرور وسعاده

‏ويحقق الأحلام للناس تحقيق
‏ويزوّد الصابر صمود وجلاده

.....

[الحمدان]

القصايد سلوة النفس والابداع ذوق
وكل بيتٍ يلفت العين يسلم شاعره

.....

[الحمدان]

‏أحيان تخـرج دمعــة تجــرح العيــن
دمعة تعاندني وانا اعرف سببها

ان جيت بآخر دمعتي تتحسب دين
وان طعت دمع العين احرق هدبها

.....

[الحمدان]

إذا جفتك الحظوظ البيض هملها
تأتيك بكرة على الرجلين منساقة

.....

[الحمدان]

سبحان من بأمره تهب الهبايب
علام ما يخفي البصر والسموعي

اللي لنا بأصناف خلقه عجايب
ربٍ لغيره ما يجوز الركوعي

.....

[الحمدان]

‏اسجد لربك وحضن الارض في ذل
لاضاق صدرك من هموم المعاصي

واخضع خضوع العبد يوم القدم زل
وانص الذي ماخاب من جاه ناصي

.....

[الحمدان]

‏والله اني للمشاكل ما سعيت
‏ولا تبعت الواردة والصادره
‏
‏من كثر ما شفت فالناس ولقيت
‏القلوب البيض عمله نادرة

.....

[الحمدان]

‏يقول مساعد الرشيدي:

‏اللي يبيك يجـيك لو دونك قيود
‏يكسر على شانك خشوم الصعايب

‏واللي يبي فرقاك لو دربك ورود
‏ما جاك لو انك من ادنى القرايب

[الحمدان]

‏يازين لهجة بعض الاحباب زيناه
صرنا نردد حكيهم لا حكينا

....

[الحمدان]

من صد عنا دون لايذكر اسباب
قولوله له ان اغلى العرب فالمقابر

....

[الحمدان]

ياللي خطفت بكل مافيك الأضواء
أنت البلاد وباقي الناس غربه

البيت هذا ماهو بحاجة إهداء
مجرد إني أكتبه دل دربه

.....

[الحمدان]

كان ما للعين فالواقع نظر
يخطي الإنسان فالدنيا مصيره

مو صحيح العين بس نعمة بصر
الصحيح العين دافع للبصيره

.....

[الحمدان]

عُمر الهوى ما غيّرته المسافة
لو اللقاء ما يحصل إلّا بلأحلام

لا تشيل هم من الفراق وتخافه
قرب القلوب أهم من قرب الأجسام

.....

[الحمدان]

مضايقني بغنجه ولا فك لي مطلاع
وسيع النواظر لا ربى الروح غايلها

عنودي مراوغ للحشا قاطع وشلاع
مسيطر ودايم للصعيبات طايلها

.....

[الحمدان]

العيون اللي بها فكري سرى
سارت العاشق على رمش العيون

حبها في وسط قلبي قد جرى
مثل ماتجري السحايب والمزون

.....

[الحمدان]

الصبح من دونك يحس أنه غريب
لأن وجهك موطنه يا فارقه

حبيبتي والشمس لو تشرق تغيب
وأنتي خلقك الله دايم شارقه

.....

[الحمدان]

هذا صباح الخير والا محيّاك
يا فاتنة حتى بطلة ظلالك

الشامة اللي في طرف ثغرك هناك
قطرة حبر عجزت توصّف جمالك

.....

[الحمدان]

يعيش الحب ويعيش الولَه ويموت كل فراق
لنا الله ما انتهينا يالغرام وحبّنا باقي

صباح الخير من قلبً لحوح وخافقً مشتاق
انا مع كل صبح اقوم واعبّر عن اشواقي

.....

[الحمدان]

اي والله أبكي ليتني ما فقدتك
اي والله انه ماجبر خاطري شي

كل ما سجدت لوجه ربي ذكرتك
يالميت اللي باقي في داخلي حي

.....

[الحمدان]

ينبش الماضي ذعاذيع نسناس العصير
‏واتصدد مابغي الناس تدري بانحوي

‏صاير صدري ظويق ونفسي نفس طير
‏والضلوع تلج بالصوت والقلب يعوي

‏لي سنه لاني بداله ولا حالي بخير
‏كن في عيني ساحبه وفي راسي دوي

.....

[الحمدان]

لولا الغلا مانشدتك وين هالغيبه
ولولا انت ماتهمني ماقلت لك وينك

لكن مساء الخير والاحساس والطيبه
لاعاد تبطي عسى روحي فدا عينك

.....

[الحمدان]

ليه المسا يزيد في وجهه الشوق
ويكشف شعور اللي للاحباب مشتاق

في جيته سهم الوله يرتفع فوق
يموت دونه شوق وتحيا به اشواق

.....

[الحمدان]

اليا دنا وقت المساء همي دناء
والليله الوحده تعادل ليلتين

شفني بعد ذيك السعاده والهناء
اسري وانا مشتاق واعوّد حزين

وزوداً على جور المفارق والعناء
مخالفاتي فوق خمسه واربعين

ساهر ما عاقب كاميراته غير انا
اللي تحت كبري حويته من يمين

.....

[الحمدان]

يا مساء الخير ياهل الثقافه والأدب
يارجال أهلا وسهلا وطبتم ياشباب

إرحبوا ثم إرحبوا يا جهاديم العرب
مرحباياكل نشمي بكم فوق السحاب

بقلمي

[الحمدان]

ياكبر قدرك بعيني ولكن ماتشوف
الغلا لك تجدد وفي قلبي ربا

الطواري كل يوم تجيبك والطيوف
والمشاعر في غيابك مراضى واتعبا

لو تاخذك الليالي وتاخذك الظروف
مانسيتك شاء من شاء ويأبا من أبا

ولو يبقى من الوصل شيء إلا الصدوف
مرحبا بالصدفه إللي تجيبك مرحبا

.....

[الحمدان]

أنا ماكنت أخاف من الليال السود يادكتور
ولا كان الكلام اللي على قلبي على لساني

نسانيس الفجر كنها ترجعني ثلاث شهور
دواك اللي صرفته مابرى جرحي ونسّاني

تموت الأمنيات ويجبر الله الخاطر المكسور
مثل مامت في ليلة فراقه والله أحياني

.....

[الحمدان]

لو تعتذر و دموع عينك من محاجرها تسيل
بستان حبَّك يا قديمي صارت ورودة سُمر

وشلون تبكي فوق نعشي وأنت مرديني قتيل
وتقرا علي سبع المثاني وأنت دامرني دمر

والله لو أبدع لك من أشعار الغزل شعرٍ جزيل
وأقطف لك النجمة وأغلف من كواكبها قمر

مانيب مستغرب لو إنك رحت ما أوفيت الجميل
من يزرع الصبار غير الشوك ما يجني ثمر

هذا أنت ما والله تغيّر تحسب الواجد قليل
قنوع إلا في عطى كفوفي لو أعطيك العمر

عاهدتني في حب غيري ما تحيد ولا تميل
وأثرك مخاشر قلبي وقلبه لياليك الحمر

أخذ أسفك ماعاد لي بال على كذبك طويل
إن كان بعدك مر قربك ياشقى قلبي أمرّ

والله لو من فوق عنقي تشهر السيف الصقيل
إن رجعتك تحرَّم عليّه مثل تحريم الخمر

.....

[الحمدان]

‏تسيّرني مقاديري على القسوة
‏مع إني ماقسيت إلا على أحلامي

‏عسى مابيني وبين الفرح فجوة
‏عسى ماينتهي صبري وأنا ظامي

.....

[الحمدان]

‏شالت لك ضلوعي من الشوق ماشالت
‏قلبي اعرفه وانا اظنك تعرفينه

‏يصدق اشواق قلبه كل ما احتالت
‏انك للحين ماضعتي من يدينه

‏سولفت سولفت لين السالفه طالت
‏بالله ماهو عيب اللي تسوينه

‏حبيبك دموع عينه كلها سالت
‏ماعاد باقي دموع تطيح من عينه

‏قصايده سولفت لك عنه وقالت
‏وشلون واحد مثل هذا تخلينه

.....

[الحمدان]

لو تدري الأرض بإنك مندفن فيها
قالت ياكبر الجميل اللي ملا بطني

.....

[الحمدان]

‏اشتاق اسولف معه من غير احد يدري
اسرارنا عن جميع الناس مصيونه


احيان في حكيه يقول ياعمري
واحيان لاقال اسمي قلت ياعيونه

.....

[الحمدان]

لو المسافه عاندتني بدربي
وين أبلقى لي مسافه واكونك

كل يوم اسولف عن عيونك لقلبي
مافيه طاري عندي إلا عيونك

.....

[الحمدان]

خلوني احب خشمه وألمس كفوفه
لو كان أشوفه من الجمعه إلى الجمعه

ياكبر جمله علي وكبر معروفه
ولباه والناس مفترقه ومجتمعه

.....

[الحمدان]

خلّك على الوجه الابيض وأصلح النيه
لاتقول هاذي لأجل هاذي مسويها

قل جعلها حسنةٍ تقضي على سيّه
الناس مهما تسوي صعب ترضيها

يالله بذكرٍ جميل وسمعةٍ حيه
والوقفه اللي تبيّض وجه راعيها

.....

[الحمدان]

اعتزالي عالمٍ يسمعون وينقلون
عزلة الزاهد عن العيش بين العالمين

اتركوني خارج الدايره لو تسمحون
لا بديتوا في مزارق لحوم الغافلين

.....

[الحمدان]

قالو لي هالدنيا ذهب أطمع شوي
ياليتهم يدرون قلبي من الماس

نفسي ثمينه دامني بالزمن حي
قل للرخيص الغصن مايشكي الفأس

أنا الشموخ إللي من وقوفي الفّي
وأنا البسيط إللـي يبكيه الاحساس

ما أحتجت في الدنيا وإذا أحتجت لي شي
محتاج ربي ماني محتاج للناس

.....

[الحمدان]

عليك في طيب النوايا والصلاة
ولا تنشغل في ذا الحياة الفانية

ترا الحياة الاوله ماهي حياة
رتب امورك للحياه الثانيه

.....

[الحمدان]

أستوى في عين شوقك رحيلي مع بقاي
‏أستوي يا الأرض ما للغريب إلا أهله

.....

[الحمدان]

لا تعاتبني على فعل الليالي فيني
‏ودي إنها مثل ما ودك ولكن عيَّت

.....

[الحمدان]

مدام في قربك مابلقى هناي
‏مالك بقلبي نصيب دامك هامله

‏هقوتي بك مغير جابت لي عناي
‏وقلبك على الصد لازم أعامله

.....

[الحمدان]

ونفْسَكَ فاحفَظْها ولا تُفْشِ للعِدَا
مِنَ السِّرِّ ما يَطوِي عليه ضَميرُها

فما يَحفَظُ المَكتومَ مِنْ سِرِّ أهلِهِ
إذا عُقَدُ الأسرارِ ضاعَ كثيرُها

مِنَ القوْمِ إلا ذو عفافٍ يُعينُه
على ذاكَ منه صِدْقُ نفْسٍ وخِيرُها

.....

[الحمدان]

على مفرق طريقين الرجوع، وسكّة الغِيَّاب
تخيرت الطريق اللي عسى مايشبه الرجعه

تبعتك لين جف الحنين وماتت الأسباب
ولا باقي سبب عندي يحرضني على الجمعه

.....

[الحمدان]

البس من ثياب المعزة لك لباس
وناس مايفرح قربها لاتجيها

واليا بنيت ابن العلاقة على ساس
وارض النفوس اللي تبيك وتبيها

.....

[الحمدان]

‏ماعاد توجعني خيانات الأحباب
وما عاد يصدمني الخـوي لاتردا

الناس من علّق عليها الأمل خاب
والدهر ماجابه مع الوقت ودا

.....

[الحمدان]

بنيت السعه من الصبّر وش حدّني للضيق
‏وأنا خابرٍ مثلي على مِثلهم واجد

.....

[الحمدان]

سقى الله ذارهم من غزير المطر همّال
ثقيل السحاب الليّ رعوده لها حنّه

.....

[الحمدان]

‏يالله بحظ يطيب العمر من طيبه
يجبر كسور الزمن ويشيل عثراته

.....

[الحمدان]

حفظنا شيمنا يوم كلن حفظ مبداه
تصُاريف بقعا ما تغير ملامحنا

.....

[الحمدان]

‏جامل زمانك لو حصل منه تقصير
‏محد تجي دنياه حسب اختياره

.....

[الحمدان]

ياعاشق الدنيا تراها محطات
تعيش في ديره وتفنى بديره

لاياخذك طرد الهواء والملذات
اذكر محطات الحياة الاخيره

.....

[الحمدان]

‏فيني من الشوق لك ياشاغل أفكاري
كتلة مشاعر وله مابقدر احصيها

اسامر الليل واكتب فيك اشعاري
من بوح صدري ارتبها واغنيها

.....

[الحمدان]

‏امد النظر واساير الشوف في دنياه
واشوف الجمال اقوى من الحرب وسنينه

واشوف الحياة اخلاق ماتشترى بالجاه
واشوف الوفا من شيمة الرجل من دينه

على الراس قدر من يحطك على يمناه
وعلى القاع حط الغير بالطيب واللينه

.....

[الحمدان]

تعال يامن على صرح الهوى سيطر
وش يمنعك ماتبادل عيني النظره

لوما انت والله طرف العين مايسهر
ولا المشاعر تعيش العمر في سكره

حبيتني بس احبك يالحبيب اكثر
وحبك اللي مجنني على فكره

خذني معك ياحبيبي بحر والا بر
لاعاد تهرب عليا هذه المرّه

[الحمدان]

‏القصيده في عيوني بدونك ماتزين
لازم ان اجيب طاريك يا ملح النشيد

انت ياللي من بطين الفؤاد الى الاذين
والله ان حبك مع الوقت ماينقص يزيد

في غيابك لك محبه ولك شوق وونين
وفي حضورك شف عيوني كلامي مايفيد

.....

[الحمدان]

اعضم صداقه صداقة مطانيخ
واعضم صديق تحبه وهو يحبك

الذهب يبقا ذهب فوق الشواميخ
والفسل لاقفيت من وجهه يسبك

.....

[الحمدان]

قال الوداع وعبرته تخنق الصوت
وقلت الوداع وعبرتي خانقتني

حر الفراق احر من جرعة الموت
حاولت اطفي جمرته واحرقتني

.....

[الحمدان]

‏هذي هي الدنيا رحى مستديره
تمسي على حال وتصبح على حال

اصبر ترى فالصبر حكمه وخيره
وخل الرجى بالله لو الصبر طال

.....

[الحمدان]

غلاه من فوق الغلا ماهو بدون
وحكاه سمعك يجبرك بارخاك له

ودك تحطه فالعيون من العيون
وتبسط على رمضى الثرا يمناك له

وتظله من الشمس في ظل الجفون
ولا يمر اذنه سوا لباك له

محمد بن فطيس

[الحمدان]

محتاج لي شخص يفهمني ويسمعني
ودي افضفض عن اللي بالحشا خافي

تعبت أخفي الهموم اللي تزاحمني
وعجزت لا أقول لهموم الزمن كافي

.....

[الحمدان]

سقف الطموحات ماعاده على خبرك
النصف من كل حاجه صار يقنعني

.....

[الحمدان]

الحال ياللي نيتك تعرف الحال
‏كانك تبيها قلب والا لساني

‏الحال بلساني منٍ العال للعال
‏والحال في قلبي ترا حال ثاني

.....

[الحمدان]

وين ابلقاك ودروب المواصل رحيل
وانت صدفه جميله ما تخيلتها

.....

[الحمدان]

لو جيت اعاتبك دخيلك لا تناظرني
اخاف انسى العتب واغازل عيونك

.....

[الحمدان]

سَواد بعِینچ وبالگوة تحچين
شبيها عُيونچ تريدين تبچین

شبيچ احچيلي لتخافين
ليش هواية ذبلانة

وليش بداخلچ بُركان
رَاح يموتج الكتمان

شعر عراقي

[الحمدان]

‏في ذمتي خاطرك ماودي إزعاجه
‏لكن معك غيرتي آخاف تهلكني
‏
‏أنا تربيت من صغري على حاجه
‏آغلى الهدايا محد فيها يشاركني

.....

[الحمدان]

البشر يخطون والتقصير حاصل
وان حصل مني خطيه سامحوني

وكان غبت وما حصل مني تواصل
بالدعاء والخير والنعم اذكروني

بقلمي

[الحمدان]

ما طرى لي طاريّ إنك بتصبح لي خصيم
ليتني داري وحطيت من صوبك ذرى

.....

[الحمدان]

البسمة اللي ترحّب بي وأنا مقبل
يا جعلني ماخلا من وجه راعيها

.....

[الحمدان]

اضحك وسولف وابتسم للمخاليق
وخل الامل بين العيون وهدبها

دنياك ماتسوا يجي داخلك ضيق
وايامك اللي ماضيه لاتحسبها

.....

[الحمدان]

مادريت إنك اوقدت الجحيم
ماخشيت الله ولا خفت الورا

كل غدر فيك من طبع ٍ قديم
ليت قلبي عنك ساهي مادرى

.....

[الحمدان]

احدن على شانه تجوز المشاريه
واحدن تعدا بالخطايا حدوده

ومن لايعزك لاتعزه وتغليه
ومن لأرفع قدرك تجاهل وجوده

.....

[الحمدان]

‏ترى الأخ مهما حصل يبقى عضيد
‏وترى عيال العم ماعنهم غناه

‏الناس دايم ماتهاب اللي وحيد
‏اللي ليا منه وقف محدٍ معاه

.....

[الحمدان]

اللي بقلبـي يختلف عن كلامي
ماكل كيف الحال قصدي به الحال

احيان كيفك تعني القلب ضامي
واحيان وينك تعني البعد قتال

.....

[الحمدان]

‏رغم الملام اللي بصدري جمعته
لو ترجع وتسأل من تحب قلت أنت

كل ما أرتفع صوت الأذان وسمعته
دعيت ربي يحفظك وين ماكنت

.....

[الحمدان]

سارق النوم رد النوم لعيوني
السهر في غيابك كيف سوّابي

كان قادر تعيش العمر من دوني
أنا من الشوق ضاقت فيني ثيابي

.....

[الحمدان]

‏مالي معك حل إلا الصمت والحيره
‏تركت درب العتب من كثر مافيني

‏طبعك تغيّر معاي وصعب تفسيره
‏تجرح شعوري جفا وتقول تغليني

.....

[الحمدان]

‏ماكل مبدع لازم يكون مشهور
وماكل مشهور بيجي شعره ابداع

وماكل مبدع يملك القاء وحضور
يكفيه يملك شعر الى حد الامتاع

.....

[الحمدان]

‏بيني وبين النفس حرب وطلايب
‏مرات انا الغالب ومرات مغلوب

‏تمضي حياتي بين مذنب وتايب
‏واللي يريده خالق الناس مكتوب

‏والغيب عند الرب ماهو بغايب
‏لكن عن المخلوق خافي ومحجوب

‏والنفس والشيطان ربع وحبايب
‏بآسبابهم كم واحد راح معطوب

.....

[الحمدان]

‏ياخي تبسم في وجيه المخاليق
‏احيان بالبسمه تسوي جماله

‏اليا ابتسمت بوجه من صابه الضيق
‏واوصلت بالبسمه لقلبه رساله

‏لابد للأحلام في يوم تحقيق
‏ولا بد للصعبه تعود سهاله

.....

[الحمدان]

ياضيقة الصدر بالله لو تفكيني
مافي حيل ٍ على الهوجاس والضيقه

ادخل على الله ماجاني يكفيني
حتى الصبر فيّ بأسبابك نشف ريقه

الفقد محرق خفوقي ومسهر عيني
وصار العبث بالمشاعر سهل تحقيقه

واليوم لى هبت النسمه تبكيني
أطلال وذكرى وفقد ٍ تم توثيقه

.....

[الحمدان]

الطير يرحل لو غدا ضايق البال
يفرد جناحه فوق همه ويرحل

وانا حظوظي تنتظر طير رحال
الهم طوقي وراعي الهم ينحل

.....

[الحمدان]

ماحدن على الدنيا من الناس مرتاح
كلن بصدره ضيق واحزان وهموم

يالله عسى الضيقة تبدل بالافراح
وطير السعادة بالسماء يدرج الحوم

.....

[الحمدان]

يابعد من مابعد جاء ومن عدا
‏ويابعد من ساج روض الحشا نشره

‏يوم صار الحب جزيه ولك تـدا
‏والقصيد اسهل من كتابته نشره

‏خذ قصيدي ياشذا الورد لاندا
‏وانتبه لي واستمع موجز النشره

‏والله انك بالغلا فارق جدا
‏مثل فرق الابتسامه عن الكشره

.....

[الحمدان]

مثل من يحجب بيده عن عيونه شعاع النور
‏انا وشلون بنفي فقدك وتأثيره وجوره

‏فقدتك كني أول من فقد غالي وعاش الدور
‏ولا احدٍ قد فقد غالي قبله ويفهم شعوره

‏عبث تحضن خطاوي الدروب ودمعي المنثور
‏تطلّعه ابتسامات الرضا والحب من طوره

‏كأني وان عرفت سرور قبلك ماعرفت سرور
‏او إن القلب زهّده الحزن واستكثر سروره
‏
‏اشوفك كل ماغنى على غصن الشجر عصفور
‏ولا عاد الشجر نفسه ولا غصنه وعصفوره
‏
‏يمر بعيني اشهغŒ ماخلق ربي بدون شعور
‏صحيح إن القلوب جنود منهيّه ومأمورة

‏حبيبي مابقغŒ دافع وسط بالي ولا لي دور
‏والارض اصلا كذا ولا كذا بالناس معموره

‏انا لو ذكرياتك ماتعمّر بالي المهجور
‏تعدّته الطواري من فزعها وانهدم سوره

‏على وجهك تحاسيف الزمان وصوتي المكسور
‏ياضيعة جرة انسامه من الصدر ومن كسوره

‏تركت من الجفا قلبٍ يحبك راضي ومجبور
‏ولا ملّله طول البعد منْك ولا معي شوره

‏عسغŒ الله لا يضيّع لي سنين وجعلني مأجور
‏ولو ماتدمل اعذارك جروح القلب معذوره

‏احسك اقرب من اني اقول انّا ظلال وسور
‏واحس الأرض مادارت بعد عينك ولا دوره

‏ على صوره موقفني حنيني لي ثلاث شهور
‏وعيت لاتدور الأرض مادري عيت الصوره

.....

[الحمدان]

بِنَت شيخٍ لا يهاب ولا يُضام
‏تعطي الجزله وجزلٍ مدها

‏كايده وقت الفعايل والزحام
‏طيبها من طيب ابوها وجدها

.....

[الحمدان]

ابتسم للوقت واضحك للحياة
لا يروح العمر في هم ونكد

عيش يومك واحتسب للي وراه
من يعد الوقت يبلش في العدد

.....

[الحمدان]

ما ذكر للحب قاضي ولا جاء له طبيب
من جرح قلب المعنى يدور له دواه

لابغيت ارتاح واضرب على الدنيا صليب
دق هاجوس الضماير وجاء قلبي عناه

صرت انا والوقت من بين مطلوب وطليب
لاعطيت الوقت وجههي يلقيني قفاه

الليالي شيبت بي قبل وقت المشيب
وعزتي للي يصارع زمانن ما قواه

.....

[الحمدان]

شيبت بي الدنيا قبل سن المشيب
من غرابيل الحياه وكثر اعكوسها

.....

[الحمدان]

البارحة ساهر والقلب يجتالي
ما هملجت حيث صالي القلب صاليها

دنياً تشيب الوليد بهول وهوالي
قامت تخبط ولا ادري ويش تاليها

شيبت قبل المشيب ونشت الحالي
كن ابو صيخان بالقدوم باريها

سعد بن سريع

[الحمدان]

والله اني بعض الاحيان من دمعي قريب
في ضميري حاجةً ما قدرت ازلها

اشهد انها شيبت بي قبل حل المشيب
واشهد انه ما ستوى حلها في حلها

.....

[الحمدان]

دنياك ياغادي تخيف المخيفين
خِفْها ترا المركى عليها مزله

تقبل زمان ثم تقفي زمانيين
والدور الآخر مقعدك به مذله

محمد العوني

[الحمدان]

‏ياليــــت انا جــــوال لك في يمينك
يكفـــي تضمينــــي بصابيع يمناك

في كــل لحظـــــه ما افارق يدينك
فرشـي بنانك والدفـــاء لون حناك

واسهر معك وتحطنــي في جبينك
وقت اتصالك واستمع حلو مغناك

هذا امانــــي خاطـــري يا ضنينك
ياليت اعيش العمر في ضم يمناك

.....

[الحمدان]

للناسِ عنديَ أوزانٌ وأحجامُ
منهم كبارٌ وبعضُ الناسِ أقزامُ

فالمرءُ ترجحُ بالأخلاقِ كِفَّتُهُ
وما سواها فأضغاثٌ وأوهامُ

.....

[الحمدان]

سقّى الله علّي ذكراك يالغايب الموجود
قبل لا تعرف تغيب وتطوّل الصّده

.....

[الحمدان]

أخايل مزون وصله وأرقب لمحة بروقه
وأدعي عساها تهل وتروي اشواقي

.....

[الحمدان]

ولا فيه شـيٍ يصـيـر الا ولـه سـبه
‏والذيـب عينٍ خـلاف وعين قدامه

‏كم واحـدٍ مـن رصاص القـوم متنبه
‏ولاصابه الا الرصاص اللي من حزامه

.....

[الحمدان]

أفواه خلقت للمهايط والكلامم
‌اليا رضى يمدح ويشتم لا زعل

وافواه ماتعرف سوى رد السلام
لكنها وقت القشر قول وفعل

.....

[الحمدان]

يالله عسى الوقت يمضي على خير
وكـل الأمور اللي على الـبال تـفـرج

وتـشرق لنا شـمس الأمـل بالتباشير
وتجعل لنا مـن ضيقة الصدر مخرج

.....

[الحمدان]

ليا نصاك اللي يبي منك مطلوب
‏تراه قبل يجيك بالطيب هاقي

‏خلك على الهقوة ولا تقلب الثوب
‏اثبت له ان الطيب لازال باقي

.....

[الحمدان]

‏ماعلى الدنيا مقيم ولا على الدنيا مخلّد
‏اغتنم فرصة حياتك بالصلاه وبالعباده

.....

[الحمدان]

الفقر ماهو عيب يامدور العيب
العيب زود النفس ولا الظليمه

كم واحـد فقير راعي مواجيب
وافي ولـه عنـد المطاليق قيمه

.....

[الحمدان]

من رافق قوم الرجاجيل كسبان
ومن رافق الهبلان يحيف حيفه

الحر ما يرضى مهونه وحقران
والذيب مايسري على عشان جيفه

.....

[الحمدان]

متسّيده وسط القلوبُ النظيفات
شيخه وبنت شيوخ عفا حشيمة

مانيّ من اللي يلتفت للتفاهات
أنا على روس العذارى عظيمة

.....

[الحمدان]

احنا طبايعنا في السلم عقال
لكن ترونا في الوازم مجانين

رجال مافينا سوى كل رجال
يسوى من العربان وحده ثمانين

بالعز قهويني من الموت فنجال
عليه ربوني نشامى ميامين

.....

[الحمدان]

عزيز النفس مايرضى المهونه
ولو نفسه على الحاجه تلزّه

تشوف العز يقدح من عيونه
وميلات الليالي ماتهزّه

.....

[الحمدان]

خل في صـدرك على الدنيا قبول
واعرف ان الشمس تشرق لو تغيب

وعوّد لسانك ليا ضاقت يقول
الأماني في رجى الله ماتخيب

.....

[الحمدان]

يالله ياللي فزعتك تكشف الضيق
في بحر عفوك ماتضيق المراسي

انا فوجهك من قليل التوافيق
ومن موقفٍ مايرتفع فيه راسي

.....

[الحمدان]

‏لاتشيل همك لين بكــره وبعـدين
عـين الله بكــل الخــــلايق بصــيره

واعـرف مصـير الوقت لاشــان بيزين
ومصيـر ضيقـات الخـواطـر قصيـره

ماتــدري الله كاتـب الخيــر لك ويـن
احيـان تكـره شـي ويصـير خيـره

.....

[الحمدان]

خَلِّ الثقَه بالله مَنبَر صَلاتَكْ
يبقَى الأمَل مَمدُود بينَكْ وبينه

لا تِشتَكِي لِلنَّاس مِن مشكِلاتَكْ
البَحر عُمْرَه مَا اشتكَى مِن سفِينه

تَرَى العيُون الحَالمَه فِي شمَاتَكْ
تِرْوِي عَطَشْهَا بالدِّمُوع الحزينه

.....

[الحمدان]

أكتب على كيفك ترى الناس تقراك
وان كنت طيب طاب مثلك كلامك

خذ هالنصيحه وخلها دوم وياك
كل ما احترمت الناس زاد احترامك

.....

[الحمدان]

ما كل من غنّى ورا المايك مشحون
ولا كل صوتٍ ينسمع صار ماهر

كم من شجاعٍ سكتة الحق مزيون
وكم من حكيمٍ بالنفاق يتباهر

الطيب يبقى والمراجل بها لون
والعقل يفرق بين خافي وظاهر

يا ليت من باع الكرامة بلا هون
يفهم إن النفس غالية بالمنابر

ما كل راعي حكمته دوم يزيون
ولا كل فاهم يفهم الغدر جاهر

أحيي كلامك عن مبادي المزون
لكن أزيدك النفس للعز آمر

عش للعلا واترك حديث المجانين
وخلّك على طيب الخصال مسافر

.....

[الحمدان]

ماكل من غنى بالمساحات دندون
ولا كل من دخل المساحات فاجر

اللي على طيب المراجل ويمشون
ماباع نفسه واب ثمنها يتاجر

ويجيك من يم العرب لاش مغبون
ويبيع في نفسه مثل بيع البناجر

يومن راعي الطيب ماخيب ظنون
وطيبه يصوت به في كل الحناجر

مايزبرق الشينات والسير مدهون
ولا باع نفسه لاجل سوق المتاجر

فارق عيال اللاش و ادفع المليون
بعض الحكي يشبه طعن الخناجر


سعود العتيبي

[الحمدان]

مَا تَرَجَّلْت عَنْ خَيْل الطِّمُوْح
ولا تِثَنَّيْت عَنْ دَرْب الْـمُـرَادْ

لَيْن شَيْبِيْ مِنْ الْعَارِضْ تِمَكَّنْ
وِانْقِضَى الْعِمْر مَا بَانَتْ سُعَادْ


سيف السَّعدي

[الحمدان]

ممتلي قلبي إحساس وشعور وحنين
والطهر مصدره والمرجله منبعه

أشعر إنّي وحيدٍ فالحياه وحزين
كل ما ودّي أسمع صوتك ولا أسمعه

.....

[الحمدان]

شوقي متعبّني معاك أنت بالذّات
عظيم عظم إحساس قلبي وشطري

غيرك ليا منّه طرا يطري أوقات
وإلّا أنت وحدك كل الأوقات تطري

.....

[الحمدان]

صوتك غنيمه لي لو انه دقايق
الله يصبرني على فقدت الصوت

اليا بغيت الجد ماني برايق
من غيبتك وانا اتصارع مع الموت

.....

[الحمدان]

صوتِك ينسيني شقىٰ جور الايام
اعيش واحيا به غرامي والاشواق

اشتاق ثم اشتاق والبُعد هدام
كم هدْ حيل وهدْ مِن قلب خفاق

لولا سماعه ما بنينا لنا احلام
وآمالنا العذراء تعلّت بالافاق

.....

[الحمدان]

انت ياعذب السجايا والجمال
من مثيلك فالوسيعه مالقيت

صال حبك في معاليقي وجال
مانسيتك والله اني مانسيت

.....