فوق هام السحب ( الشعر الشعبي) على متن القوافي

[الحمدان]

‏في عالم الغربة صدى تسمع لصوته حسيس
‏خلف حدبٍ تهاوى في ستاره قصدره

‏صهوة جواد المروٌه حوٌلت بردوف عيس
‏بين جفوى الآنام ماعاد تلقى ندٌره

‏ان تهادت تنادي با الغلا ليلاه قيس
‏وان تمادى نياها ضمٌت عيونه جمهره

‏الوفاء مات حسره والوفي حضه تعيس
‏ياكم كم وكم ناس كدٌر خطٌره

.....

[الحمدان]

‏جالس اخاطب وحدتي غير القلم مالي جليس
‏والبوك يضحك له طرب ياشاف دم المحبره

‏اترجم افكاري نقى والفكر بالمعنى انيس
‏احيان يطلع بي سما واحيان يلم البعثره

‏الحر يجوب الفضا والذيب ما ياكل فطيس
‏والذات يسما شموخه عن مجال الثرثره

.....

[الحمدان]

‏أنثى ولا مثلك أنثى في نسا العالمين
‏لو تنجب الحور حور في كل مطلع شهر

‏إن قلت فيك القصيد الزين تستاهلين
‏حقّك وحق الجمال الباهر المزدهر

‏إن جاز لك غايتي وإن كان ماجاز شين
‏والناس ماهمّني من ذمّ ومن أنبهر

‏تمشين وتطيح خلق الله يسار و يمين
‏هذا يبايعك خل وذا يقدّم مهر

.....

[الحمدان]

ساعتي والحلم باقي تحتريك
‏والصباح يقول لي يمكن يُمر

‏انكسرت اكثر من اللازم عليك
‏وانتظرتك عمر ثاني بـالعمر

.....

[الحمدان]

‏خلاص ماهو شرط تشرح ظروفك
‏أبعد وانا بصبـر على جور الايام

‏واذا غلبني الشوق واحتجت شوفك
‏بسكر عيوني واشوفك بالاحلاام

.....

[الحمدان]

‏تمرين واشوف الجمال الباذخ الجبّار
‏وقالوا تغاضى بس ماني بمتغاضي

‏تعالي وفجّي صدري بـ رمشك البتار
‏من يموت من سلهامتك قانع وراضي

‏تعالي ترى ما أخترت غيرك ولا بختار
‏انا واحدٍ ما عاد يغريني الماضي

‏انا الصادق اللي جابتك صوبه الاقدار
‏محبتك صدق وحب غيرك على الفاضي

.....

[الحمدان]

‏لا عادها الله من جماله ولا يوم
‏فينا تجمّلت وترديت فينا

‏معك مشينا في تقاليد وسلوم
‏بس الصراحه ليتنا ما مشينا

‏تطيح كم مره ونرفعك وتقوم
‏المشكله لا قمت ترجع علينا

‏ياليت منت قريب منّا من القوم
‏ان كان يمدي فوق خدك وطينا

.....

[الحمدان]

‏بشروني ياهوى البال بالردّه
‏وانشرح صدري وريحت لي بالي
‏
‏قالوا انطر ردته كانك تودّه
‏قلت ايوالله غيرها ما شغل بالي

.....

[الحمدان]

‏ليه ما أليّن مشاريهي معك وأسلوبي
‏لا انثنى عودك وانا بينه وبين ظلاله

‏ماتركتك للزمان الصلف يامحبوبي
‏لو عذابك مستمر ونعمتك زوّاله

.....

[الحمدان]

‏كثر ما احب الشعر ماني با احب الظهور
‏اشعر برغبه شديده للجفى السرمدي

‏ودي بدرب الغياب اللي يصون الشعور
‏ولا حضورٍ كسر نفسيتي وجْسدي

‏مشكلتي إني مزاجي وإنتقائي حضور
‏إذا انتهوا فوضويّين الظهور ابتدي

‏بيني وبين المقام السهل حالة نفوور
‏ادوّر الحاجه اللي تستحق جْهدي

.....

[الحمدان]

‏انا دخيل الغلا والوصل وأشواقي
ودخيل حبٍ ماهو مبني على فرقا

خلك بحبك معي يا غايتي راقي
وعطني يدك خلنا في حبنا نرقى

.....

[الحمدان]

‏خل في صدرك على الدنيا قبول
‏واعرف ان الشمس تشرق لو تغيب
‏
وعوّد لسانك ليا ضاقت يقوول
‏الأماني في رجى الله ما تخيب

سبحانه

[الحمدان]

فتحت باب الليل واقول بيتين
طاب السهر يالليل والعمر قدام

هاتي عيونك للمعاني عناوين
فيها يطيب الشعر ويزين اللهام

والبوح فن وعزف تحت القوانين
وزينك تمرد فوق بوحي والاقلام

.....

[الحمدان]

جيت افتّش في حنايا العمر عن لحظة حنان
وما لقيت الا الحياة تنوشني بانيابها

كنت طفله آتهجى الخوف في كلمة أمان
وافهم الاشيا قبل لاقرا خفايا كْتابها

طفلةٍ سهلة رضا عيّا يراضيها الزمان
ما لقت من يخفض جْناحه وينشد مابها

لا تزاحم جوفها بعتاب فايتهْ الأوان
تضحك فوجه المقادير وتدنّ عْتابها

والظروف ان بهذلتها واختنق فيها المكان
عانقت صدر الحياه واستوسدت ألعابها

.....

[الحمدان]

‏الصاحب اللي يفضفض لي وافضفض له
جـارت عـلـيـه الـظـروف وصـار نـفسـيـة

.....

[الحمدان]

‏لا مرني طيفك تقهويت وياه
طبعي كريم وطيفك اغلى ضيوفي

.....

[الحمدان]

انا وقلبي مثل نوح وولد نوح
نصحته وعياء يطيع النصيحه

.....

[الحمدان]

احلامي الواجد اللي ما تهيت لي
اودعتها عند رب الكون سبحانه

سبحانه

[الحمدان]

‏الايام دوّاره ماتبقى على حال
‏يشيلك ولدك اللي من اول تشيله

.....

[الحمدان]

العيون الي علينا تناضر
شلت البيرق واكبر صداره

صوبن يا ناس مثل المعابر
ومن تصيبه ما يحس الخساره

.....

[الحمدان]

‏كبرت ماني بصاحبك الاولي ذاك
‏راح الحماس اللي تبي واندفاعه

.....

[الحمدان]

تدري وش الي يذبح القلب يازين
ويجيب للفرقا ثلاثين سيره

الشك والغيره وذا تعشق اثنين
والله يقطع والدين الاخيره

.....

[الحمدان]

الله يزيل الضيق عن شاكي الضيق
ويعوّض الضايق سرور وسعاده

آمين

[الحمدان]

بعض العرب في كل مجلس مكوع
‏لاهوب لاساكت ولا مرخي الصوت

‏اليا جلس مع المشايخ مطوع
‏وليا جلس مع السرابيت سربوت

.....

[الحمدان]

بعض البشر يعجبك حتى في احترامه
وتحب في اجمل صفاته وترتاح

إن غاب تشفق في لقاه وسلامه
وأليا حظر همك من القلب ينزاح

.....

[الحمدان]

بين حلم الآدمي والعزيمة
‏حذفت عصا للي يروم الصِعيبات
‏
وإن كان بدّلت العزم بالهزيمة
‏قبر الفشل وإن طحت به قيل موّات
‏
عمرٍ بليا حلم ما فيه قيمة
‏كنه شبيه القاع ما يظْهِر نِبات
‏
وأحلام عمرك لا تعوّد عقيمة
‏والمجد كايد ما يجي بالسهالات
‏
واجعل مع أحلامك نوايا سليمة
‏وارقى بطموحك فوق رووس الطويلات

والحلم عندي قِد لفاني نسيمه
‏بعد الشقى بعد التعب والمعانات
‏
حاطت بي ظروف الزمان الأليمة
‏ضرَت ولكن زود بالمنفعة جات
‏
شِفني من ظروفي كسبت الغنيمة
‏والحلم ما بيني وبينه مسافات

.....

[الحمدان]

‏سقى الله ليالٍ في خيالي تقول احلام
تغيب وتجيب الذاكره مامضى منها

وانا لو نسيت اللي مضى لي مع الايام
ياكيف القلوب تسج ياصاحبي عنها

.....

[الحمدان]

أنا تدري اني شخص ماني سريع اعجاب
ولا كل حاجه عابره تكسب اعجابي

غلبت الهوى فتره لكن الهوى غلاب
تمادى ووقف في طريقي وانا مابي

دخلت فِحياتي عرض من اوسع الابواب
وانا لِلحبايب ماني مشرّع ابوابي

وعطاك الله من الود والحُب والاعجاب
مايجعلك سيد قلبي وسيد احباب

.....

[الحمدان]

أنا مسالم ما أحب العداوات
العُمر فاني و الليالي قصيره

ترى السكوت أحيان مثل الإجابات
الصمت نعمه له معاني مثيره

ماهو ضروري تعيش عندك علاقات
العُزله أحياناً علاقه كبيره

.....

[الحمدان]

اترك الليله تجر الخطاوي للشتات
لي على دربه مساري وفمراحه وسم

لو عطيت العمر جملة هقاوي وامنيات
ما عطيت الحزن من باقي ايامي قسم

من بديت اقسى على كل ضجه بالسكات
ما كبر للهم هامه ولا للحزن اسم

صاير امر المنازل واشوف الذكريات
وانفض يديني من اللي تبقى وابتسم

.....

[الحمدان]

يالله انا طالبك ياسامع الصوت
يلي خلقت الخلق لأجل العباده

ترزقني التوبه قبل ساعة الموت
ومن قبل نزع الروح نطق الشهادة

آمين

[الحمدان]

‏تولعت بك ولعة هل الطير للمقناص
‏ياعين العديم اللي على كف صقاره

.....

[الحمدان]

وانا لو رقدت بظلمة القبر والتابوت
فلا زال حبك مشعلٍ شمع وجداني

تلعب بقلبي في يدك لعبة البيلوت
وانا يالحبيب مالي أشكل ولا ثاني

.....

[الحمدان]

‏لا ضاق صدري قلت يارب رحماك
‏ياللي بذكرك ينجلي ضيق صدري

‏استغفرك وأتوب لك واطلب رضاك
‏ماغيرك احدٍ عن خفا النفس يدري

سبحانه

[الحمدان]

‏تغاضى قد ما تقـدر مادام إن العمـر محدود
‏ولاتحزن على الفايت رحاب الأرض ممدوده

.....

[الحمدان]

ياربي إغفر لي ذنوبي وأنت غفّار الذنوب
النفس تغريها ملذات الحياة الفانيه

يسّر لي التوبه تراني كل ما قرّرت أتوب
وسوس لي الشيطان لين أذنبت مره ثانيه

آمين

[الحمدان]

لا توصيني ولا احتاج في حُبـك وصاه
لو ظروف الوقت من دون وصلك حايله

الغلا لك والمحبه على كل اتجاه
لا يهمك دام حُـبك بقلبي شايله

لو تباعدنا وشانت مقادير الحياه
ما سكن غيرك في قلبي ولاحدٍ طايله

.....

[الحمدان]

حبيبي طواري الشوق والهجر ما تنطاق
فراقك عذاب وذكريات الغلا مرّه

على كثر ما عانيت مع قلبي المشتاق
فقدت الامل في طاري الوصل بالمرّه

.....

[الحمدان]

من طب بحر الهوى ماعاد عيّن خلاص
وقايع الحب فالعاشق طويلة أجل

تعال بالسيف والشلفا وبإم الرصاص
ولاتجي بالمعنق والعيون النجل

.....

[الحمدان]

مرحبا يا أغلى من الشوف لعيون الضرير
المشاعر في حضورك تبدي لْك إعجابها

ما أنت عادي والذي حط لك رمشٍ غفير
أنت فرصة عمر يا سِعْد من يحظى بها

أخاف لا مريت، قلبي من ضلوعي يطير
وأقوم أفتّش في زواياها وأقفّل بابها

.....

[الحمدان]

‏كل ما اقبل علمٍ يسر وافردت الكفوف
‏حال دونه علمً اخر ورده وصرفه

‏صار حلمي بيت بدواً يرزونه ضعوف
‏كل ما قام اطرفه ميّل وطاح اطرفه

‏ياوجودي وجد من لاعته شهب الظروف
‏لين شافه من يعرفه ولاعاد عرفه

‏ووده انه بعض الاحيان ماهوب معروف
‏كل ماضاقت عيونه من الدمع اذرفه

.....

[الحمدان]

‏منهو إللي ما يهوجس وصدره ما يضيق
‏ أعتقد ما فيه حيٍ على هالدنيا أستراح

.....

[الحمدان]

أنتي عن الذل والحقران مرفوعه
والناس في خدمتك ورضاك طمّاعه

سمّي وقولي ترا كلمتك مسموعه
واذا سكتي نقول السمع والطاعه

اهم شيء التعب والضيق واللوعه
لا يرتدي وجهك الوضاّح وشعاعه

.....

[الحمدان]

يمّرني شي يغيب بالاذهان
الله ياجعله مايمر الصحيبي

يعني لو مألتهي بعض الأحيان
والله العظيم أن تفرط يدي جيبي

.....

[الحمدان]

‏الناقص اللي ينـقـل القيـل والقـال
نشطـب علـى مثلـه مدامـه خسـاره

قد قال شالح في قديمات الأمثـال
مـن شـق ستر الناس شقـو ستـاره

.....

[الحمدان]

‏يوم بان الحق قدام الصحيح
إتضح لي كثرهم من قلهم

كنت أظن واحد ورا واحد يطيح
كيف طاحوا من عيوني كلهم

.....

[الحمدان]

ابحث عن القمه ترا القاع مزحوم
‏لا تنزل لبعض العرب وانت عالي

الحبابي

[الحمدان]

‏مامسحت محادثتنا كل يوم اقراها
‏وكل يوم يطيح دمعي لا قريت حروفك
‏َ
‏يا سقى الله ليلةٍ نسهر على قمراها
‏يوم أقول الشعر من جوفي ويدخل جوفك
‏َ
‏عشت أنا وياك ب أغلا ايامنا واحلاها
‏يوم كنت تزورني ما تعتذر ب ظروفك
‏َ
‏كيف رحت مع الجفيّا وأنت ما تقواها
‏كيف ترقد عينك الحلوه وأنا ما اشوفك

.....

[الحمدان]

‏نسايم هبوب عصير هبّي على المشتاق
‏أمانه قبل وقت الغروب أطرقي جوفه

‏طواري غروب الشمس مالي عليها أخلاق
‏وعلى كثر ماهي تتعب القلب مألوفه

.....

[الحمدان]

‏لا عاد تنشدني ورى الخاطر حزين
‏ان كان عندك عقل شفني واعتبر

‏الفقد يوجع والغياب احيان شين
‏ولا تنفع الحيله اليا باح الصبر

‏واللي يقول مع الشتاء الخطّر تزين
‏ما جرّب الفرقا ولا الحظ الغبر

‏بدا يطول الليل ويزيد الحنين
‏للغايبين اللي ما طقو لي خبر

.....

[الحمدان]

‏تركت امنياتي للنهار الطويل ونمت
‏وذرفت أخر دموعي على خيبة ظنوني

‏ياجعل الكلام اللي مايقدر عليه الصمت
‏فدا للشعور اللي تسولف به عيوني

.....

[الحمدان]

‏سرقني مثل مايسرق هدب عيني لذيذ نعاس
‏وأخذني مثل ماحوله خذت رجلي على السكّه
‏
‏على وجهه يدور من العجب دهشه وحبس أنفاس
‏تشك إنه ملاك ولبتسم ماتلحقه شكه

.....

[الحمدان]

‏أنا مسائي صوتك اللي احبه
‏متى على الله يبتدي بك مسائي
‏
‏سجنتني شوق وغرام ومحبه
‏قلي مساء الخير واطلق سراحي

.....

[الحمدان]

‏مرّني لا تاه دربك من زحام الحياة
‏الغلا اللي رحت منّه على حطّت يدك

.....

[الحمدان]

‏يا بروق الخيال اللي تسرّ الخليقه
‏سامحيني ترى نفسي على طارفتها

.....

[الحمدان]

‏ماأحدٍ مخاشرك في قلبي وفي بالي
‏والعين ماهي تلد لغير غاليها

‏ولولا رسايلك ماناظرت جوالي
‏ولولاك مااشتقت للديره ومن فيها

.....

[الحمدان]

والله ان كني على صالي النار الشبوب
‏من لهبها يفهقون الغواري والدلال
‏
‏عقلي الي كان يبغى من الواقع هروب
‏تالي الايام يبغى الهروب من الخيال

.....

[الحمدان]

‏العام للقلب يمه شف وجروه
‏ومعيفه في محبة كل مملوحي

‏يوم ان حبه بقلبي تشتعل ضوه
‏وانا له اسبق من المدعي على اللوحي

‏واليوم صار الغلا مشبوه ومشوه
‏وانا تنازلت والمجمول مسموحي

‏والله لأعزي فوادي عنه بالقوه
‏واكامد الغيض عقب الانس وفروحي

....

[الحمدان]

‏رح قبل ما الله يبيّن في عيونك قدري
‏خبّ ما باقي من احساسك وخلّه ذكرى

‏ ولا تقول ان النصيب يصيب دامك تدري
‏بكرة الدنيا تلهّينا وبكرة نبرى

‏ادري ان البعد ماهو باختيارك وادري
‏انك ابيض وجه لكنّ الليالي غبْرا

.....

[الحمدان]

‏قلبي على قو التحمل مضرا
‏من صغر سني للصعيبات ضاري

‏كانك تحرا طيحتي لاتحرّا
‏انا تراي ان ضقت صرت انتحاري

.....

[الحمدان]

الذاكره عيت لا تمحي الطيبين
‏ صوره على عيني وصوت بمسمعي

‏تمرّ ذكـرى مـن بقايا الراحلين
‏ ان ما انكتم صدري تغارق مدمعي

‏ما عاد فيني للموادع والحنين
‏ اللي يـبـي يرحل يخربها معي

.....

[الحمدان]

‏أشقيتني فالحياة وجيت تتليني
في صفحتي وش تبي يالصاحب المعني

‏بالواقع اغليك بالموقع لا تغليني
‏في صفحتي دعني اخذ راحتي دعني

‏أنا مايردعني إلا الوازع الديني
‏وإلا أنت وافكارك الخبلة ماتردعني

.....

[الحمدان]

‏من كثــر مادونت في عشقـك ابيات
ماعاد بقـي لهواجــس الشعر طاقه

كتبت لك مــن كل معجـم عبارات
ومن قصيـد الحــب حالـي مذاقه

وش عاد بكتب مابقى شي فالذات
خِلصــت دفاترنا وخلِصــت وراقه

ماعاد معي غيــــر الوله والتنهات
في داخلـي والشـــوق لآخر نطاقه

.....

[الحمدان]

اما تبادلنا الغلا ولا دفنته فالتراب
وغلاك لامني دفنته يندفن ذكرك معه

.....

[الحمدان]

بين الصبر والصمت والخاطر الشين
ما قلـــت يا ليل العنا وش جرالـــي

ومن كثر صـــدماتي بناس العــزيزين
قمت اتحرى صــدمتي مـــن ظــلالي

د. ماجد عبدالله

[الحمدان]

حسبي على من فرق اثنين حسبي
والله يساامح كل من كان غايب

قلبي معذّب وعرف الحب ذنبي
والمشكله ماني من الحب تايب

أسرفت في حبك شعوري وكسبي
وهذا ومن عيني دفعت الضرايب

رغبة وصالك يا حياتي وطبّي
وإجلال قدرك يا أمير الكتايب

انت الجمال وما على الناس نسبي
ياثامن السبع العظام العجايب

.....

[الحمدان]

لا تنشـدوني يـا عرب وين باروح
بسري مع الهاجوس وأتبع ظنونـي

الضيقه اللـي تاتـي شوي وتـروح
أحـيان تقعــد لـين تبكـي عيونـي

.....

[الحمدان]

أزرع حــروفي في ريـاضك معاني
بيني وبينك تنتشـي لا عـرفتك

جيتـك وهذا الشـوق راسم حناني
لوحة مشـاعر في ضـلوعي نقشتك

.....

[الحمدان]

‏الليل تشبه ظلمته كحل عينك
وشفايفك تشبه غروب أحمر الشمس

لبا البياض اللي على وجنتينك
مدري بياض اليوم ولا بياض امس

.....

[الحمدان]

لايهمك وصدري درعك الواقي
من ضروف الزمن ماتوصلك ضربه

في عيوني محلك داخل أحداقي
بحفظك ماطلبته جاك وابشر به

طاب لك شفت ذوقك ناسب أذواقي
تحت أمرك بماتنهي وتأمر به

شفت ماطاب لك بامكانك إحراقي
أحكم أعدام في قلبي وعزر به

خذ قرارك إذا ناوي على افراقي
رح بدربك وغيرك حر في دربه

لا تفكر على الله اترك الباقي
كل غدار رب الكون يغدر به

وضعنا اليوم كله كذب ونفاقي
كل من حب أصبح ناوي الهربه

.....

[الحمدان]

الناس انواع وانت نوع لحالك
‏مافي احد يشبهك الاول ولا ثاني

‏ سجلني اعز خلق الله بجوالك
‏واسجلك اجمل العالم بجوالي

.....

[الحمدان]

ما كل من تحسن به الظن طيّب
احيان ظنك ما يجي في محلّه

مثل السراب اللي تشوفه قريّب
واليا قربته بـالنظـر ضاع كله

.....

[الحمدان]

‏لا عاد تسألني عن علوم واخبار
‏مابهزجديد الا الجروح القديمه

‏اودعت في قلبي من جروحك اسرار
‏واودعت في عيني دموعً اليتيمه

.....

[الحمدان]

ودي اجيلك خاص واشرح لك الحال
ولكن اشوفك كاتب الخاص ممنوع

لو كان لي يازين مخرج ومدخال
الا واطق الباب واالراس مرفوع

.....

[الحمدان]

تحملت صمتك لجل عينك ترد الروح
وتشرح لي الاوضاع وتدخل بوجداني

احس اني في جو غريب فرح ومزوح
ولو سولف المحبوب انا فجوي الثاني

عيونك تغطي كل مافيك يالمملوح
ولو جيت انا بوصفك هل انته انساني

.....

[الحمدان]

ترى صدور الناس مثل المخازن
ياما بداخلها من الشر والخير

وأكبر نجاحك في الحياة التوازن
والصبر لا صكّت عليك المقادير

.....

[الحمدان]

‏لـو الخلايـق علـى حبك تنـازعني
‏يبـطون مآحركوا فيني مغز إبره

‌‏ماغيرك أحـد ٍ قوى قلبي وولعني
‏وغلاك عندي بوسط القلب ياكبره

.....

[الحمدان]

لا شـفت مرسـالك تـزيـد التراحيـب
وانسى الدوا والقلـب ينسى جراحه

معـك معـك ولـو مـلا راسي الشيب
هـذي الصـراحه لابغـيت الصـراحه

أوعدك ياروحي وانا ما اعلـم الغيب
القلـب بيتــك والعيـون اسـتراحـه

.....

[الحمدان]

إن كسّبتني كسبت لك صدوق
‏وإن خسرتني خسرت لك سند

‏أعجبك لأ صارت الدنيا حقوق
صحيح انا واحد لكن عن بلد

.....

[الحمدان]

احرص على الشيبان ياللي تجيهم
ترى كبير السن يفرح بمن جـاه

لكن طلبتك لاتســولف عليهــم
هذا دنى موته وهــــذا دفناه

.....

[الحمدان]

أتهزأ بالدعاء وتزدريه
وما تدري بما صنع الدعاء

سهام الليل لا تخطي ولكن
لها أمد وللأمد انقضاء

.....

[الحمدان]

ناداك قلبي خاشعاً ولساني
ياعالماً بالسر واﻹعلان

يامن حفظت محمداً وحبيبه
في الغار ياذا المن والإحسان

فرج كروب المسلمين جميعهم
واحفظ علينا نعمة الإيمان

يارب عبدك من عذابك مشفق
بك مستجير من لظى النيران

فارحم تضرعه إليك وحزنه
وامنن عليه اليوم بالغفران

يامن إذا وقف المسيء ببابه
ستر القبيح وجاد بالغفران

تعفو الملوك عن النزيل بحيّهم
كيف النزيل بساحة الرحمن

يارب وفقني أعيش موحداً
ومهللاً أدعوك بالقرآن

يارب عند الموت أحسن منطقي
عند السؤال وملتقى الملكان

آمين

[الحمدان]

طوبى لعبد غدا في الدهر مجتهدا
يسعى لنشر الهدى والعلم والكتبِ

فإنّ بثّ الهدى في الناس منقبةٌ
والسعي في بثّهِ من أشرف القُرَبِ

والعلم لو بات في الآفاق منتشرا
لانهدّ منهُ صروح الجهل والكذبِ

وما عَلَتْ رايةُ الأفّاك في زمنٍ
وما رأيتَ الورى تهوى ذوي الرّيَبِ

والمرء لا شك عن دنياه مرتحِلٌ
يوما ويمضي بلا مالٍ ولا ذهَبِ

فيا هناء الذي أموالهُ صُرفتْ
في خدمة الدين أو في العلم والأدبِ

يبقى له المال بعد الموت مدّخَرا
وفي القيامة يلقى عاليَ الرّتَبِ

آمين

[الحمدان]

‏الدار ليست بالبناء جميلةٌ
إن الديـار جميـلةٌ بـذويهـا

قد يعشقُ الإنسانُ أسوأ بقعةٍ
ويزورها من أجل شخصٍ فيها

.....

[الحمدان]

ويخبرني الصباح بأن عسرا
إذا ما اشتد فاستبشر بيسر

وجاهد واصطبر واصبر وصابر
فليس دواء كربك مثل صبر

.....

[الحمدان]

رباه عونك فالأمواج عاصفة
ومركبي تائه والبـحر مسجـور

مني اجتهاد وسعي في مناكبها
ومنـك يا رب تـوفـيق وتيسيـر

آمين

[الحمدان]

أثر الليالي دون وصلك تـروع
ياواحدٍ فيك العوض مالقيته

.....

[الحمدان]

هاجس الفقد يجبرني على الإعتراف
ايه أحبّك ومن يخشى الفراق امْعذور

.....

[الحمدان]

عشقتك وصار القلب ملككّ وبين ايديك
ولاطعت من قال الهوى صاحبه غادي

.....

[الحمدان]

‏خلك جميل النفس ميّال للضحك
‏خلك على مَا قيل دنيا وبتروح

.....

[الحمدان]

‏أنا الحضور اللي مايشبه للغياب
وأنا الغياب اللي شعر به من حضر

لا جيت مثل المزن في عرض السحاب
وغيري سحاب مايجي منه مطر

.....

[الحمدان]

الـطيب لـه بـين الـملا شأنٍ عريق
والـعـاقل الـلي مـن كـلامه تـفهمه

وما بذلته من عطاء لأجل الرفيق
تـلـقاه لا مـنّـك بـالـشدايد تـزهمه

.....

[الحمدان]

‏يا كبر قدرك يا رفيقي عن الناسَ
ما يشبهك في طبعك إلا المرايا

هِي تعكس الأشياء بدقّه ومقياس
وأنت تعكس طيبك وبيض النوايا

.....

[الحمدان]

‏خلك غريب وممتلي حلم واسرار
حتى طموحك مختلف فـي اتجاهه

عادي تغيب احيان عن كل الأنظار
البعد عن بعض الأوادم نقاهه

.....

[الحمدان]

‏الشعر لعيون الصبايا بدعنا
‏ومن الكلام السنع جبنا سمانه

‏معهم مشاوير المجارا قطعنا
‏ماهي اغاني للغزل دان دانه

‏درب ٍ على جال النقا قد وسعنا
‏وكل عن الزلات صاين لسانه

.....

[الحمدان]

‏ما دريت الا وهو بالقلب وازي
‏غفلةٍ ماهي على قلبي حسوفه

‏قلت يا عذب المها ثقل المرازي
‏يا بعد من داعبت كفي كفوفه

‏قال يابويا وهو ماهو حجازي
‏قلت وابوياه من قلبٍ تلوفه

‏مساعد الرشيدي

[الحمدان]

ياريت تسمح لي عل خاص رسالك
وسالك عن حالك وتسمع كلامي

وياريت تسمح لي وشوفك وقابلك
وشكي لك اجروحي ولهفت غرامي

عز الله اني في غرامك توسلك
وني لكاس الود ي زين ضامي

.....

[الحمدان]

‏لاباس ياصكات الايام لاباس
‏وش ذا التغلب المزاج ياروحي

‏كذبت فيك الي يقولونه الناس
‏وصدقت فيك الي تشوفه عيوني

.....

[الحمدان]

‏بعض الخطا لو تعتذر عنه مافاد
‏يسقط معه تقديرك اللي من أوّل

‏واللي يحسب انـه طبيعي ومعتاد
‏على الخطا هذا مريضن مهوّل

.....

[الحمدان]

من زمان أنتظرها فرحتي من زمان
لوترى جايتك وش لون مفعولها

فرحتي واصلة لما السماء والعنان
كود لانا ملكت الأرض في طولها

إحتفالات كبرى داخلي مهرجان
والجوارح تهني كل من حولها

أنت روحي ولك داخل عيوني مكان
عندي أغلا من الدنياء وبترولها

فيك ميت وبك مجنون بجنن جنان
والعيون النواعس صرت مقتولها

بختصرها ترى التعبير خان اللسان
ايه أحبك بمعناها ومدلولها

.....

[الحمدان]

قـدر مـقـام اللـي يـقـدر مـقامـك
‏واجز الذي عاملك بالخير خيرين

‏أحـذر تـنقص للـوفـي اهتمامـك
‏مايجحد الـوافيـن غيـر الـردييـن

.....

[الحمدان]

يازين السعه والبعد عن قوم قال وقيل
وعن اللي لسانه يمنع الناس من قربه

.....

[الحمدان]

‏خل الصبر مبدأك لو خاطرك ضاق
‏ ودام المجامل ماله أضرار جامل

.....

[الحمدان]

عـز الله ان القـــلـب بيـــحبك كثـير
وان المـــشاعر فــــي غـيابك فاشله

وان الحــــياة اللي بـدونك ما تصير
لن الحـــياة اللـــــي بـــــدونك زايله

ارحم محبك في الهــواء خلك كبير
واعطي محبــــك كل ما يســــتاهله

انسان همـــه يجــــعلك دايم بخـير
حـتى ولو يخــــسر حــــياته كامله

عز الله ان القلب مـن دونــك كسير
وان قد غـــيابك مثل طعـــنه قاتله

ارفق بقلبي لجــل ما عقــــلي يطير
حتى رسايل يكفي انـــي عــــاجله

عز الله ان القلب من داخـل فقـــير
وان قد غيــــابك زاد ازمـــه داخله

واني بحبك مثل ما الطـير الاسـير
عجل بوصلك قد حيـــــاتي قافله

.....

[الحمدان]

ترى الكلام الزين مثل المفاتيح
‏يفتح لك أبواب القلوب الصعيبه

.....

[الحمدان]

‏قفلت باب المواصل مثل ماودك
‏لو كان دمـعي بعد فرقاك سيلته

‏أنـا تــعـودت تـطلــبـني ولاأردك
‏لو إنـه فـراقـك الـلي مـا تـخيلته

.....

[الحمدان]

‏في غـيبـتك اجـمع كلامك واحـاكيك
‏وان شـفت زولك يـنعـقد بي لساني

‏احـب شـوفك واحب امـسك اياديك
‏في رعـشة ايـديـنك احـس بــأمـاني

.....

[الحمدان]

‏من عيوني خذ مراسيل الغرام
‏كان تفهم في غلا حب العيون

‏معك أنا مقدر على لفظ الكلام
‏وأنت تعرف في حياتي من تكون

.....

[الحمدان]

‏على رغم غيبته ما كنت ناسيه
‏كنت اتحرى طلّته واحتفي به

‏وشلون اعالج جرح قلبي واداويه
‏لاصار قلبي منجرح من طبيبه

.....

[الحمدان]

‏والله إني ماتصنعّت الشعور
‏معّك يانبض الغلا كيف أصنعه

‏‌هام قلبي فيك والقلب معذور
‏ولاقويت أنهاه عنك ولا أمنعه

.....

[الحمدان]

عندي سؤال وبساله ياهل الدين
‏ يومنكم للدين والعلم ينبوع
‏
‏يجوز اصير محاميه للمحبين
‏فيما يباح وصوت للحق مسموع
‏

‏اشوفهم في مجتمعنا مساكين
‏قلوا محاميهم وانا جيتهم طوع
‏
‏ياكثر قتلاهم وكثر المصابين
‏واللي يون من الهوى صايبه لوع
‏
‏وانا هنا محتارة بين الآمرين
‏بسأل هل المعروف في كم موضوع

‏سؤال عن حكم الهوى والقوانين
‏ من يسترد القلب لاصار منزوع

‏اعرف بحكم السن والعين بالعين
‏واجهل بحكم الوصل لاصار مقطوع

.....

[الحمدان]

ماعرف اعاتب احبابي ولا اتشره
‏اعرف الأنسحاب الراكد الهادي

.....

[الحمدان]

‏من شفت الأشياء تصغر يوم أهمّشها
‏عرفت بإني هذاك اللي نضج واجد

.....

[الحمدان]

‏قل للزمن لا ضاق صدري عوافي
‏بكره تزين وينشرح خاطر الوجـد

‏كان الألم في محجر العين غآفي
‏ترا الأمل ماله وسط خافقـي حـد

.....

[الحمدان]

‏على سبــيل الصمت يا مكبر البوح
‏والعين تحكي بوح قـد طال صمته

‏بعـــض الكلام يعانق الروح ويــروح
‏وبعض الكلام يموت بك ما نطقـته

.....

[الحمدان]

‏مايجبر الخاطر سوى حبر الاقلام
‏لافضفض الشاعر وبالصدر ضيقه
‏
‏بعض الجروح مدبلجه كنها افلام
‏يكتب شـعر والشعر مابل ريقه

.....

[الحمدان]

‏تمشي على جرّة ظنوني رجولي
‏أحب دون أسباب وأصدّ لأسباب

‏مهما يـمر العـمر قـلبي طـفـولي
‏وظنّي بـعـيني ينقرا مثل الـكـتاب

.....

[الحمدان]

‏لاصـد عنك مـن تحبه وتغليه
‏خله ولاتاخــذك كثر الحسايف

‏يمكن ظروفه غيرت من مباديه
‏ويمـكن لقاء غيرك ربـوع ولايف

.....

[الحمدان]

‏وليفي وأنا من بين الإفصاح والتلميح
‏تهايق على قلب الهواوي واخذ علمه

‏أخاف اسكت يروح الوعد في مهبّ الريح
‏وأخاف أتكلم يمكن أندم على كلمة

‏أنا الظاهر إنّي طحت في علّة ابن صبيح
‏يوم إّنه ما يدري وش شعوره ورا حلمه

.....

[الحمدان]

‏الليل دون أحباب عُمرك ماهو ليل
‏لا صرت وحدك بين ضيق وأغآني

‏مثل الشعور اللي بليا تفاصيل
‏اسمه شعور ولا يهز المحـآني

.....

[الحمدان]

‏لوطاوعك هالغياب وجيت لا تسأل
‏بيزيد فيك التعب من زود تكرارك

‏يمكن بتسمع جواب من الصبر مثقل
‏أنا حزين بغيابك وأنت شخبارك

.....

[الحمدان]

‏ﺑﺪﻕ ﺩﻗّﻪ ﻋﻠﻰ ﺍﻟﺰﻋﻼ‌ﻥ ﻭﺍﺳﻜِّﺮ
‏ﺑﺸﻮﻑ ﻭﺵ ﻗﻴﻤﺘﻲ ﻓﻲ ﻋﻴﻦ ﻣﻀﻨﻮﻧﻲ
‏
‏إﻥ قال ﻳﺎﻣﺮﺣﺒﺎ ﻳﺎﺣﻆ ﻣﺘﺸﻜِّﺮ
‏ﻭاﻥ قال ﺧﻴﺮ ﺷﺘﺒﻲ ﻛﺴﺮﺕ ﺗﻠﻔﻮﻧﻲ


.....

[الحمدان]

مـــاعندي الا قلب واحــد ومسروق
‏والســـارق اللي ســارقه جـــايزٍ لي

‏عســـاه مايعثر ولا يصدفــه عــوق
‏وعســـاه مع طول العمر صافـيٍ لي

.....

[الحمدان]

لاتخاوي غير مطنوخ يجمل
‏النوايا طيبه والراس طيب

‏واترك اللي لاينوب ولا يكمل
‏مانفع بأول حياته لين شيب

.....

[الحمدان]

لا صرت ماتعرف اسلوبي وعاداتي
اكرمني بحسن ظنك وازهل الباقي

.....

[الحمدان]

يكفي وجودك في حياتي وطاريك
إسمك ورسمك في سمائي غنيمة

انت القمر والشمس قلبي يراعيك
أنت الغمام إللي سقى الروح دِيمة

.....

[الحمدان]

مدري السهر بلوى وفيـه إبتلينا
وإلا ظــلام الليل حنــا هوينـاه

.....

[الحمدان]

من اللي عيونه نعّس وعاتقه منتوق
شعوري شعور المغترب لا ضحك سنّه

غدت نظرتي لعيونه وليله المفهوق
مثل نظرة اللي مالقى واحد يحنّه

.....

[الحمدان]

من دون خلي يمر الوقت مالي به
وش لي بليلٍ طويل وسيده غايب

.....

[الحمدان]

الناس نامت وليل الصمت ياطوله
ومسافة العشق للمشتاق طاويها

قصايد الهمس بالاشواق محموله
ماتسمع الا بتالي الليل طاريها

.....

[الحمدان]

‏بادر بوصلك مدام ظروفنا سمحه
‏بكره يشح الزمن وتردك ظروفك

‏على الاقل خلها لو بالشهر لمحه
‏ترا اسعد ايام عمري ساعة اشوفك

.....

[الحمدان]

نفس المكان انتظرتك ولا جيت
‏وجابت النسمه عطرك اللي أعرفه

‏صرت اردد شعر البدر بيت بيت
‏ليت الشوارع تجمع اثنين صدفه

.....

[الحمدان]

فداك السنين اللي عوضها وجهك المزيون
وفداك الشعر واغلى المشاعر بينك وبيني

.....

[الحمدان]

يوم طاوعت كبريائي وقسوتي وعنادي
صديت عنه والمحبه قدرها متواجد

يالنسيم اللي تمر دياره وترتادي
بلغه شرهة خفوقي والسلام الواجد

.....

[الحمدان]

يستاهل⁩ ‌ الحب⁩ ‌ من⁩ ‌ صحّح⁩ عشانك خطاه
‏وأثمر معاه التعب من غير ما يسألك

‏اللي رمى لأجل عينك كل حاجة وراه
‏ترقب عيونه رضاك و ينكسر لزعلك

.....

[الحمدان]

عاد لك فالبال ذكرى وفالخافق مكان
يابعد عمر السنين الشحاح الممحله

ماتنسيني لياليك طيّات الزمان
وأنت في يوم من الأيام سيّد مرحله

.....

[الحمدان]

‏فيني عتب بس أستحي من عتابه
دام إنشغل عني وفي حقي أهمل

يبقى السؤال اللي أبي له إجابة
ليه المحبة فالبدايات أجمل

.....

[الحمدان]

‏ياخاطري دندن وخلها سهالات
ترا العرب ماهي لحزنك حزينه

.....

[الحمدان]

لايحسبـني برخصـه بعـد ماغـاب
طـال المـدى ولا قصـر وافـيٍ لـه

أضم طيفه ضم من بين الأهداب
وأقــول لـه سلم عليـه بمـحله

.....

[الحمدان]

تمرّ الهقاوي بين ليْل الحكي والنّور
وأنا ما معي غير أنت واسمك وموضوعك

.....

[الحمدان]

‏تعال ادورلك عذر وانت مخطي
‏ماهو على شانك على شان ماضيك

‏مبطي واطوّف لك مهو توّ مبطي
‏طوفت لك مرات من كثر ماغليك

.....

[الحمدان]

معي قلب واحد لو تقسمه 5 اقسام
بحبك بكل أقسامه الخمس وزياده

.....

[الحمدان]

يامساء⁩ ⁦ الخير⁩⁦ يايو⁩ ⁦ الخميس⁩
‏يا مساء الضحك من بعد الكدر
‏
يا راسم البسمه على وجه التعيس
‏ويامريّح الاحباب من ضيق الصدر

.....

[الحمدان]

الدروب وساع لوضاق وقتك ماتضيق
وككل الله والعقل بالوهم لاتنهكه

ولاتشره كل ماجتك غلطه من رفيق
والله ان كثر المشاريه مافيها بركه

.....

[الحمدان]

يقولون حل الضيق كشته وشبة نار
وأنا أقول حل الضيقه لا شافته عيني

.....

[الحمدان]

يوم مرتني حياتي كلها ما شفت غيرك
أنت صورة كل مشهد وأنت قصة كل ليله

.....

[الحمدان]

مصير الأيام تضحك لي وتفرحني
من بعد لوعه وضيقة خاطر ودمعه

وبعض الاحيان تجي ضروف مجتمعه
وأنا اتصبر بالدعاء في مساء الجمعه

.....

[الحمدان]

يهبّ فيني حنين بكل هبّة نسيم
والذكريات القديمه طارفٍ بابها

غشاني الشّوق يا وجهٍ فبالي مقيم
اشتقت لك والمشاعر حثّت ركابها

.....

[الحمدان]

سلامي ع اللي كل مامني عنه اقفيت
يقوم الغلا والحب والولف يشعاني

احبه ولا ضعفت عزومي ولا مليت
وببتل على هالحب ان كان الله احياني

.....

[الحمدان]

خلّونـي امر مدهاله وأجـي بيته
لو كان ما عاد به صوتٍ ولا جرّه

.....

[الحمدان]

القلوب اللي تغيّر ليا دار الزمـان
يغني الله من وفاها وباقـي ودها

.....

[الحمدان]

ترا السكوت أحيان مثل الإجابات
الصّمت نعمَه له معاني مثيره

ماهو ضروري تعيش عندك علاقات
الوحده أحياناً علاقه كبيره

.....

[الحمدان]

سطّح علاقاتك مع الناس ترتاح
وخل العلاقه في حدود الصداقه

حنا هنا مجرد حروف وارواح
لاتدور ورا الشاشات حب وعلاقه

.....

[الحمدان]

عن الكلام الشين يازين السكات
ناسٍ ما توصل مستواها خلها

.....

[الحمدان]

الناس واجد وفرق الناس متوفر
‏تشوفها في حياتك شبه يومياً

‏وجيه لا شفتها لا بد تستغفر
‏ووجيه لا شفتها ترتاح نفسياً

.....

[الحمدان]

تقولين الديار بعيد واقول القلوب قراب
يسافر لك خيالي وين مارحتي وسافرتي

.....

[الحمدان]

لاتحسبني من اللي يتبع المقفي ليا راح
يهـون الموت فعيوني ولا طرد المقفيني

.....

[الحمدان]

من زينها الطاغي يغارون كل الزيّان
العنق عنق المها والعين عين الظبي

موتٍ حمر وان تثنت كنها الخيزران
الحكي حكي عربْي والدم دم عربْي

.....

[الحمدان]

لك من مسائي سحابه بالغلا تمطر
ولك في حياتي دروب الورد تمشيها

يافزة القلب واحلا من حلا السكر
اي والله إنك عروقي ومن يغذيها

.....

[الحمدان]

ابتسم بارضٍ خلا وتصير جنه
والتفت صوب الشعر ويفك بابه

.....

[الحمدان]

عليك الغرام يدفه الشوق والنسناس
يا روحً عليها غييمه الود منسكبه

مزاياك تغري شاعرك والقصيد احساس
طواري غلاك اللي على القلب مشتكيه

.....

[الحمدان]

يا طير صوتك حرك اشواق وجراح
ودموع عيني من على الخد ساحي

يا ليتني مثلك على الغصن نواح
من فوق غصن البان يشرق صباحي

ويا ليت لي يا طير ريشن مع جناح
كنت امتلكت الجو وابسط جناحي

حرن مع احساسي ومطلوق سراح
عايش مع اشواقي ومطلق سراحي

يا طير ياللي في هوى الشوق لواح
شفتك وفاض الوجد والسد باحي

نبض الهوى ساكن مع بعض الارواح
ما بينها همس وتناغم مباحي

ياما على دنيا الامل باب مرواح
وياما سجين البعد ماله مراحي

.....

[الحمدان]

مرحبا ماهي بمررة ولا عشرين مرة
لين يقطع صوتي ويبتدي ترحييب عيـني

كنت احسب الصوت ماهو يرد الروح مرّه
واثر صوتك لا سمعته يرد الروح فيني

.....

[الحمدان]

‏الـجـو هادي والـمـشاعـر لها بـوح
‏والصمت في بوح المشاعـر مسره

‏إقرب و واصلني من الروح للـروح
‏قـربـك حـياتن مـاوراهــا مضـره

.....

[الحمدان]

مـن يفـرح بفـرقـاك افــرح بفــرقـاه
ومن يبكـي لشـوفتـك امسـح دموعـه

اللي مـا يعـرف قيمتـك وانـت ويـاه
لا غـاب عنـك لا تحـرى رجـوعــه

.....

[الحمدان]

نعيش بالدنيا كما حال الصقر
طاير ولاعين على الارض وطنه

وبالرغم كثر ظروفنا اني اقر
الطيب والمعروف ماحدنا عنه

لا من لفانا ظيف نعقر له عقر
صدورنا ما تظيق لو يقعد سنه

الله خلقنا كرام ما نخشاء الفقر
نعطف على المحتاج واحنا احوج منه

.....

[الحمدان]

ماطاح في قلب الغلا غير الاوجاع
وماشالت كفـوف الندم غير ضيقه

أثر الغلا لا زاد عن حــده أنبــاع
مثل الدفى لازاد يصبح حريقه

.....

[الحمدان]

مهما خسرت أحذر تخسر الكرامه
حتى ولو تخسر حبايب وفارقت

ولو شحت كفوف الزمن بإبتسامه
أصبر وقول المسألة مسالة وقت

خلك قوي عزوم مرفوع هامه
لاتنحني للوقت مهما تضايقت

.....

[الحمدان]

بين الصبر والصمت والخاطر الشين
ما قلـــت يا ليل العنا وش جرالـــي

ومن كثر صـــدماتي بناس العــزيزين
قمت اتحرى صــدمتي مـــن ظــلالي

.....

[الحمدان]

فأنظــر بعقـلك إن العــيـن كـاذبــةٍ
واسـمــع بقـلبـكَ إنَّ السـمعَ خـوان

ولآ تقــل كــل ذي عيــنٍ لـه نظـــرٍ
إنَّ الـرعاة تـرى مـا لآ ترى الضَّـان

....

[الحمدان]

يا طير انا مثلك مقيد ومحبوس
حبسي طويل وشفت منه الغبينه

يا طير حزني داخل القلب مغروس
حزن الليال وموحشات سنينه

ثوب الشقا كنه مفصل وملبوس
والوقت ينحر كل فر صة ثمينه

.....

[الحمدان]

‏ماهو صحيح انك على شوقي اشتقت
لو انت صادق كان جابتك الأشواق

ياللي بطول البعد عذبت واحرقت
قلب تولع بك وبالشوق لك ضاق

لوذقت من نار الوله مثل ما ذقت
ما طال يالمشتاق هجرك لمشتاق

وين الوعد وش فيك عني تعوقت
طال الرجا والشوق ماهوب بينطاق

.....

[الحمدان]

‏خذوا الفعول وردوا العلم عنا
‏ياللي تدور من ورانا عذاريب

‏تنافسوا على رداكم وحنا
‏متنافسين كل ابونا على الطيب

.....

[الحمدان]

‏ناسٍ تبيّن لي مع كل شدّه
‏وناسٍ توارت يوم محدٍ زهمها

‏وناسٍ عدمها من حياتي مسدّه
‏وناسٍ لا والله جعلني ما اعدمها

.....

[الحمدان]

‏معذبٍ نفسك وزايد حماسك
‏ماتدري ان الكذب عيب وفشيله

‏فصلت لك ثوبٍ ولاهو قياسك
‏الثوب قاصر والمخابي طويله

....

[الحمدان]

حاول يكـون لنظرتك هيبه وصيت
لأن الثقه بالنفـس فضـل وفضيله

وجامل وعامل بالمثل وخلك ان جيت
جية مطـر وان غبـت غيبـة قبيـله

....

[الحمدان]

ما كل واحد في كلامه موفّق
‏الخبل دايم سالفته اجوديّة

‏سيله من جبال العلوم يْتدفّق
‏تفرح به اهل الثرثرة والقفيّة

‏اذنه على اسرار البيوت تْشفّق
‏كنّه يجازا لاجمعها عطيّة

....

[الحمدان]

لا تغير شي من طبعك لجل محبوبك
الحبايب راضيه بأحبابها ومرضيّه

العيون اللي تحبك ماتشوف عيوبك
لو خطاياك أكبر من الكورة الارضيه

.....

[الحمدان]

‏جعل يفداك القصيد إللي يثير إعجابك
‏تدري إن ذكراك بين الذكريات أزينها

‏حافظك بأصغر تفاصيلك وأدقّ أسبابك
‏ومعتبرك أجمل توافيق القدر وأثمنها

.....

[الحمدان]

‏إن ڪانها غيبه وبترجع بأحتريڪ
‏وان ڪنـت نــاوي نفترق خذني معڪ

....

[الحمدان]

حلوه ودلوعه وتمشي على الهون
‏ والزين فيها من جميع النواحي
‏
‏ والصاحي الي شافها صار مجنون
‏ ويشوفها المجنون ويصير صاحي

.....

[الحمدان]

‏ما غفيت اليــــــوم والبارح كذالك
حيـل انا تعبــان واشواقـــي ثقيله

حالة الاشـــواق ماترحـــم لحالك
دائماً تغـــزي القلوب المستحيله

ياخفـوق القلـــب بالله ما جرالك
جاوبيني الشـوق من اشعل فتيله

ادري ان البُعـد حطـم لك منالك
يا حبيـــب الروح ارحمنـي قليله

....

[الحمدان]

‏إذا بغيـت أفــرح وخانقني الشوق
أرجع و أدور راحتــي فـي الرسايل

اقراء كلامـك يبتعـد منـي العوق
واحس راحةتنعش القلب واصل

لاكن فديتـك يا غلا الروح برفوق
قلبي تــرى ماعاد للشـوق شايل

ارحم متيم قلبه اليــوم محروق
من غيبتك ضاقت علية الوسايل

....

[الحمدان]

‏جیتك علی طاري صباح الورد مشتاق
جیتـــك وانا محتـــــاج منــك زيارة

ياساكن أعمـــاق أنا حيـــل مشتاق
وعقلي مـــن الأشــواق خارج إطاره

إحساس قلبي يرتجي ضمــة إعناق
ولا غيــر شوفــــك من يطفي نياره

....

[الحمدان]

‏تمطـــر مشاعـرنا مــن الود مالاق
لاهـل النفـــوس الطيبــة والانيقة

اللي غلاهم في صميمي والأعماق
ومكانهم وسـط الخفوق العميقه

صبحكــم الله بالمحبه والاشواق
واطيب ورود الكون واجمل رحيقه

خطيتها من هاجسي فوق الأوراق
مني لكم يا اهل القلـوب الرقيقه

....

[الحمدان]

‏يا هاجســــي اصبحت بالفكر محتار
واصبح خيالــــي فـي مراحل بعيده

فـــزات عينـــي بالسهــر نومها طار
واشـــواق قلبـي نابعـــه من وريده

فكرت ايش ارسل للاصحاب واختار
وايش الذي يسوى غلاهــم وازيده

ماغيـــر أدون ذكرهـم بين الاشعار
واكتب غلى الاحباب داخل قصيده

....

[الحمدان]

‏يسعد صباح الي له القلب مشتاق
والي صحي من فجر يسعد صباحه

وانا صباحي في الرسايل والأوراق
واقرأ حروف الحب واشعر براحه

....

[الحمدان]

مايهز الجبل طفل رماء بالحصاء
ومن يلوم الطفل لا صار عقله صغير

....

[الحمدان]

‏اخاوي اللي طيبه من الله هَبه
لو الفقر ياخــذ مـنـه حريّته

ماهو مهـم يكــون علـى مرتبه
اهـم شي يْكـــــون علـى نيّتـه

....

[الحمدان]

‏ماكل من يملك له اموال رجّال
المال مايحصر جميع المواجيب

تلقى رجال افعال ماعندهم مال
وتلقى رجال اعمال ماعندهم طيب

.....

[الحمدان]

أمنيتي أتصل وأسال عن أخبارك
واحجيلك عليَّ وتسمع أخباري

واگلك وين انته هواي مفتقدك
هواي اشياء صارت بيه ما داري

واسولفلك حبيبي شسوه بيه الشوگ
يلبكل بيت قصدك أشعاري

وتره اليشتاگ أصغر موقف يموته
وانه يومية موقف يشعل بناري

بس من اذكر انته بعيد اتراجع
واضمك وي جروحي بين اسراري

شعر عراقي

[الحمدان]

لآ تشتكي هَمّ الصـــدر للمخاليق
‏السـر يفســـد لا خرج عن نطاقـه

‏لا ضاق صدرك أطلب الرب توفيق
‏وأصـــبر على ما قــدر الله وساقـه

....

[الحمدان]

كثير الشكوك مع التوهم وظن السو
‏مرض منتشــر ما له عــلاجٍ ولا قاري

‏ولا تلحق الشكــات غير الردي والبو
‏ضعوف الروابع يا عسا ما لهم طاري

....

[الحمدان]

سـلام مثل الغيث تحيا بـه القاع
‏يحيي قلوبن مـا تـحـب القطيعه

‏قـلـوب تربطها الاخـوه بالاجماع
‏تتبادل المعروف فـوق الوسيعه

....

[الحمدان]

لاضاق صدري قلت يارب رحماك
‏ياللي بذكرك ينجلي ضيق صدري

‏استغفرك واتوب لك واطلب رضاك
‏ماغيرك احد عن خفى النفس يدري

....

[الحمدان]

‏يا أجمل الناس في قلبي وفي عيني
‏يا احلى طيف يمر العين ويشقيها

‏انا أشهد إن لك غلا مبطي وهو فيني
‏قصة غريبة ولا أدري وش اسميها

....

[الحمدان]

‏ليت الامل يدري وش اللي بغيته
يمكن يقدرْ خاطر اللي تمنـا

بنيت حلم ليتني ما بنيته
هو يهدمه منـا وأنا ابنيـه منـا

....

[الحمدان]

‏غدًا يأتِي برحمتهِ
‏بهيًّا رائعًا أفضل

‏غدًا تنساقُ أفراحٌ
‏لقلبٍ مُنهكٍ مُذبل

....

[الحمدان]

‏مشتاق لك والشـوق قطــع فؤادي
بالله ترحمني مــن الشــوق لاموت

معقـــــول يا لذة شرابـــي وزادي
احرمتني حتــى على نبـرة الصوت

حبـــك علينا يا الغـلاء غيـر عادي
لعبــت بي لعبة برامــج وريموت

....

[الحمدان]

ان مرني طاريك اكيف وانبسط
واسمع احاسيسي باسمك يهتفون

كنك على العشاق قايم بالقسط
تحكم واهم دايم بحكمك يكتفون

في الحب لا تبسط يدك كل البسط
ولا تقصرها فمن بك يحتفون

انت البداية والنهايه والوسط
مع طلتك كل الكواكب يختفون

....

[الحمدان]

ماني بمحتاج شي اكثر من السلوه
‏خل الهبوب الله يخليك تطرقني

‏يمكن يخف الحنين وتصغر البلوه
‏وارتاح من همي اللي كان مرهقني

‏امّا انّي انساك وانسى ايامنا الحلوه
‏هذا هو المستحيل يصير صدقني

....

[الحمدان]

دام عزك ياوطن

مد انظرك وانشد هل العرف والبخص
‏وتدري ان ابو سلمان ماحد ٍ بحوله

‏حنا سمعنا دولة ٍ تشفع لشخص
‏ومحمد اول شخص يشفع لدوله

سلطان بن بتلاء

[الحمدان]

لاتظن اني لفيتك يالخوي محتاج حاجه
والله اني مالفيتك غير من زايد وفاي

بين ادور عن خوين صادقن مابه عواجه
مايخلي القلب ياتيه الحسايف عن غلاي

ابو حسين الوايلي

[الحمدان]

يقولوا الناس وش لي فيك ضايق دايم وزعلان
واقول اسبابها جرح الصديق الــي غــدر فيــني

تروا ماهد قَلبي واوجــعه واوهاه في الاحزان
سواء غدر الصديق الي حــسبته مثل الاخواني

.....

[الحمدان]

الصدق ماعاد شي بهاذي الازمنه
ماعاد ڵـهٍ ميدان في بعض القلوب

ياصاحبي وش فْيَك في بدع السنه
توعد ولاتوفي غدى هرجك كذوب

ان كان قصدك في الكلام البحننه
ترى الوعد مثل الرعد دايم ينوب

....

[الحمدان]

يالايــح العــين يــالــي صــوبنا مَآتشُوٌفْ
مانطــــرد الــي يــقفي منــنا لاقــفــى

ان شــفتنا حن نشوفك غير ذا مَآنشُوٌفْ
ومن نظره الرجل نعرف مقصده والخفى

ان رفــت فيــنا ترانا فْيَــگ والله نروف
ون عفتــنا حن نعوفك ذا الخبر والعفى

ان كان قدر الخوي عندك يجيه الشهوف
فــدروبنا في الوســايع مايجيها الحفى

تحكم علا قد عقلك قبل مــنتا تطــوف
وتزعل علا كيف كيفك وتبتدع بالجفى

تــرى دروب المــراجل سلمنا والعروف
وكــل شي له سلــوفه كان ذهنك غفى

ولاتــقول اننا بالطــيب إنحــن ضعوف
لٱ والله الا فعــول الطــيب درب الوفى

فالطيب منا وفينا لْـۆ تجــور الضروف
وعــند وقــت والشدايد الــشلي يعرفى

....

[الحمدان]

ياطير يانايح عسى منت مجروح
وعساك ماجــريت نوحــك لــغالي

ياطــير كودك من عناء الوقت مجروح
والا تعاني م‌ـــِْن صــدوف الــليالي

ياطير قلي يمكن اعطيك منصوح
ويصير صدرك من غثاء الوقت خالي

ياطير مارجي منك فيده ومصلوح
ولارتجي مـڼـڱ على النصح مــالي

ماغير انا من كثر مانحــت مفحوح
وخذيت من كثر المواجع مثالي

.....

[الحمدان]

رد قلب ٍ في ديار الحب ضـــاع
يوم ضاع القلب ضيّعت الدليل

الغلا و الحب تشرى ماتباع
والوفـا نــادر ومن يصدق قليل

الفراق اكبر مرض بالحب شاع
والدوا لاصرت في حضن الخليل

الرحيل الموت والدمعه متـاع
لعنبــوه القلب لو يقوى الرحيل

عبدالله الصقري

[الحمدان]

والله أن رد الجمايل مثل رد الدموع
‏أن قدرت ترد دمعك قدرت تردها
‏
‏بدري الشيب

[الحمدان]

تغرس بذور الغلا ويموت غارسها
والموت موت المشاعر ماهو الفرقى

عندي قناعه من الايام دارسها
الحب يبقى لو اهل الحب ماتبقى

د. ماجد عبدالله

[الحمدان]

‏انتي الجاه المقدّر ومعنى الاقتدار
‏وانتي البدر السماوي وغيرك فيته

‏سالبه لبّ المدايح وتيجان الوقار
‏وفارقه في جيل متشابهه نوعيته

.....

[الحمدان]

ليت كل الناس بأوصاف الغيوم
‏لا سـواد ولا نفـاق ولا ريـا

.....

[الحمدان]

ابتسم بارض خلا وتصير جنه
والتفت صوب الشعر ويفك بابه

.....

[الحمدان]

لكن ماعقب الرحيل الا الرحيل
ماتوقف الدنيا على غيبه بشر

.....

[الحمدان]

لاترخص النفس والايام ملحوقه
أجمع من العز مايروي مشاويرك

ولو غدت فرحتك ساعات مسروقه
عزومك الصامده تكسر مقاديرك

.....

[الحمدان]

بين ثلج الثمان وبين جمر الشفايف
لا ابردتـني ثمانه فالدفـى في ثنينه

لا تلثـم فلا لحقـت نفسـي حسايف
عاضنـي منه سلة سيفه وحاجبينه

.....

[الحمدان]

على كَثر ما أشوف إن يدينك تشح دواي
‏أجيك الحزين الليّ من الهجر مستدرك

‏ومَع إن الزمن في كل صبح يجيب أقصاي
‏لكني ما أعرف أهين قدريّ ولا قدرك

‏لو تغيب يكَفي شوف طيفك على يمناي
‏ترى لك بصدري شي ماهوب فيّ صدرك

.....

[الحمدان]

‏الهلا لآخر هلا والرحب لآخر رِحب
‏تنثنا لك يا المقام الموقر والنزيه

‏جابك الله عيضةٍ عن لياليّ الشحب
‏وجيت لك صلصال طينٍ وسو اللي تبيه

‏أنت تدري ما على الأرض منك أغلى وأحب
‏وأنا داري ما على الأرض غيري تهتويه

‏من يحبك يقعد العمر كله ما يحب
‏لو تجيه حمول الأيام فـاللي يشتهيه

....

[الحمدان]

‏لا توصّيني على اللي فات يالعمر المولّي
‏السنين تدور والأحداث ماهي مستمرّه

‏أتداعى لا هدى روعي ولا عيّنت خلّي
‏وأفهق شماغي وأجرّ الصوت وأفك الأزرَّه

‏ماتنسّيني وجيه العابرين الغايب اللّي
‏باقيٍ في عيني طيوفه وفي قلبي مقرّه

....

[الحمدان]

‏ما فيه احد ما يامن الرجل شرّه
‏دام الحسد موجود وابليس موجود

‏تسامح وعيش الحياه بمسرّه
‏قبل لا ياكل باقي عظامك الدود

‏ماهو بشرط الحب منه مبرّه
‏وماهو بشرط الكره بالكره مردود

‏المبغض اللي ما يبي لك مضرّه
‏افضل من محبٍ ما يبغي لك الزود

....

[الحمدان]

‏هبت شمال وسولف الشوق للنود
‏وامطر على الذكرى وهلّت سحابه

‏وقطفت له من غصن الاشعار عنقود
‏وشكرت غيمٍ بأول الليل جابه

....

[الحمدان]

‏جيت بيدينك جرح والا معاذير
‏شوقي يبي قربك ونفسي تكابر

‏اخاف لا اكابر على الصد وتصير
‏مدامعي موتى وجفني مقابر

‏ضيق الفراق اقسى من الضيقه عصير
‏وانا اتصبر مير ماني بصابر

‏ليش بغيابك كنت فارق عن الغير
‏وشلون منت بمثلهم شخص عابر

‏نادمت بعدك موحشات المشاوير
‏وبكيت لين الدمع بل المحابر

‏وتسأل عن اخباري ابد ماني بخير
‏جرحي على حطة يدك وانت خابر

‏ان ماتت احبك بفم المقادير
‏ما للجروح الا القصايد منابر

....

[الحمدان]

امدمج السّاق حطّيت الْك خلخال
‏وسوارة وخاتم من الماس فاصبعك

‏وعلّقت في عنقك من الغيّ سلسال
‏ومشيت واربع خدم في السوق تتبعك

‏جيت لوعودك وعودك فالهوى مال
‏ضامي وجايع تلاقي كيف ابشبعك

‏الخدّ موتٍ حمر والرمش قتّال
‏والجدّ شيخ الجموع ونجد مربعك

.....

[الحمدان]

يانسيم الصبح حملتك سلام
‏انشــر الأمــال في كــل الدُّنا

‏ومن قـراء مني تحية واحترام
‏وأثني التقـــدير مع شكر وثنا

....

[الحمدان]

‏ياعميقه في زمان الفارغين
‏أنتي وحده صح في عالم غلط

....

[الحمدان]

‏التظاهر بالقساوة مثل رد أعتبار
‏للقلوب اللي ملتها سكاكين الغدر

‏ياقصيدة من قصايد سعد ولا نزار
‏عاد انا ماهوب يصلح لي الا ماندر

‏انتي اطهر ذنب وأجمل غلط وأشجع قرار
‏حطك الله في ليال العمر ليلة قدر

‏الهزيمه في عيونك بطعم الانتصار
‏من يقاوم سحر عينك ورمشك لا خدر

....

[الحمدان]

ياما على شانه تعبت وتعنيت
‏وياما على شانه تركت أمنياتي

....

[الحمدان]

كل مامر طاري قلت يالله تعين
‏ليت جرحي عقب طول المفارق برى

‏لا اقبل الفجر كنّه يغتشيني الحنين
‏أثر الاشواق دايم من ثلاث وورى

....

[الحمدان]

‏فدى شماغك فاقدين المروّه
‏اللي تنادي بـإنفتاح الستيره

‏من ماضي الايام ماهو بتوّه
‏يالعنبوا رجال مافيه غيره

....

[الحمدان]

‏اعتبر صمتي محبّه يا الحنون المُدرك
‏انت غير الناس هذي لا بغيت الزبده

‏علّق الشطر الاخير قلادةٍ في صدرك
‏من فقد مثلك فقد له قطعةٍ من كبده

....

[الحمدان]

‏من تجمل فيك لا تجحد جميله
‏جاحد المعروف وش خانة حياته

‏ومن تردى فيك خله في سبيله
‏لا اتردى فيه وتسوي سواته

....

[الحمدان]

لي قـلـب ينـبـض بالـوفــا والموده
‏ابيض ولا يحمل عــداوات واحقـاد

‏لاهـل الـوفـا والطيب نبـضه يشـده
‏يعشق هل المعروف لو كانوا ابعـاد

....

[الحمدان]

اسباب بعدك ظروفٍ عذرها ما يساق
ظروفنا مالها بالبعد منطق وجيه
ِ
من باب زرع التواصل لوّ يطول الفراق
اللي يجي ديرة الثاني يسلّم عليه

.....

[الحمدان]

مخلوقـةًُ مـن طـين لكنك مــلاك
ومستوطنه بـقلـوب كل الحالميـن

ليه الزعـل والعمر مكتـوب لرضـاك
وجهك فرح مـاهو بـلايق تحزنين

....

[الحمدان]

ما أقول تفرق في عيوني عن الناس
العين مافيها من الناس غيرك

....

[الحمدان]

وجهك الله جاعله منبع سرور
كل من شافه غدا فيه فهوة

تدري وش محتاج من دنيا العبور
السعاده وانت وفنجال اقهوة

.....

[الحمدان]

مهـرةٍ ماحولهـا كـل ريمـية
جامعه مابين نجدي وشرقاوي

بينها وبين العذارى حزازية
كن فالدعوى هـلالي ونصراوي

.....

[الحمدان]

وانا شف بالي وليفً نسى غاليه
وعليه السلام اعداد ماخاطري حبه

.....

[الحمدان]

يا طير جيت أشكيلك الحال يا طير
جيتك وانـــــا يا طير نفسي عليله

في هالزمن ياطير ما ينفع الطيب
ولا تنفعك حتى الافعال الجميـــــله

....

[الحمدان]

اجبـــر بخاطـــر مــن تعـزه وتغليــه
‏وهده شعور الجبــر من طيب خاطر

‏وعطه الغلا من يستحق منك تعطيـه
‏لين الغــلا يضهــر بفيــض المشاعـر

....

[الحمدان]

ما كل من تحسن به الظن طيّب
‏احيان ظنك مـا يجي في مـحلّـه

‏مثل السراب اللي تشوفه قريّب
‏واليا قـربـته بالنظـر ضاع كـله

....

[الحمدان]

‏ليت كل الناس من حولك انا
وليت عينك ماترى احدن سواي

وليت لا مني تمنيتك هنا
ألتفت والقاك ياروحي معاي

....

[الحمدان]

‏لا تكبر علينا ما ورا الكبر قيمه
‏من تكبر نحطه فالمكان المناسب

....

[الحمدان]

أحذر تجامل كلمة الحق قلها
لاخير باللي عادته يخفي النور

ترى الخطيه خاسرن من فعلها
ولابيض الله وجه من يشهدالزور

ناسٍ تشوف الطيبه في عملها
تلقى لها فعلٍ به الخير مذكور

وناسٍ بها تقصير ماكثر جهلها
ماتسمع الناصح ولا تقبل الشور

....

[الحمدان]

لاتشتكي من بعض الأصحاب وتبوح
كـلـن يبيّن بآخـــر الـوقـت أصله

أحـدن يجيلك لأجل حاجات ويروح
واحــدن لوانه راح ماغاب وصله

.....

[الحمدان]

‏يارب مسي كل غـــالي بغاليه
‏واجعل لهـم من كل شبر سلامة

‏واجعل لنا من منزل الطيب عاليه
‏وأحفظ عبيدك من دروب الندامه

آمين

[الحمدان]

خلك معي لآخر محطات عمري
حسبة يتيم تكفله من ضياعه

وأمانتك روحي وقلبي وقدري
صنها ترى الوافي يصون الوداعه

.....

[الحمدان]

عطينا من محبتنا بدون حساب
نحسب الناس نسخة من طبايعنا

.....

[الحمدان]

‏يا لايمي يوم صرت اليوم وحداني
‏عن كثرت الناس تكفيني هواجيسي

.....

[الحمدان]

‏تري الحروف خيول لا صرت شاعر
وما كل بيتٍ ينعسف لا كتبته

وتري القصيد أنواع جزلٍ وعابر
وما كل حرفٍ تنطرب لا سمعته

.....