فوق هام السحب ( الشعر الشعبي) على متن القوافي

[الحمدان]

‏وشلون احرر ما بصدري من زحام
‏وانا عجزت اخذ من الضيّقة نسم

.....

[الحمدان]

جو الشتاء دايم يجيب السعاده
‏يومه جميل من اوله لين تاليه

.....

[الحمدان]

ترى السنين اللي تروح أغلب لياليها هدوء
مغلّفه بالكلمة الزينة والوجه السعيد

.....

[الحمدان]

تمنيت لو عطري من الجاعد المنثور
‏ومن خدها قوتي ومن ريقها خمري

‏على جيدها لو ذاب سلسالها معذور
‏انا يوم ماكتب فيه الاشعار وش عذري

‏تقول انت شاعر قلت للفاترات الحور
‏تقول انت عاشق قلت لمعنق العفري

‏انا والقصيد وقلبي المنهي المأمور
‏فدا قالت انت انسان مجنون قلت ادري

.....

[الحمدان]

متفرده ف عالم كله أشباه
مترفعه مثل الجبال المنيفه

متسلسله من منسب العز والجاه
متباهيه مثل السيووف الرهيبه

.....

[الحمدان]

لاتنتظر رد الجمايل والارباح
ولاتلتفت في طيبك الي صنعته

الطيب بوجيه الكريمين ماراح
والا الردي ماينفعك لو نفعته

.....

[الحمدان]

‏يا بعد من مرّ في بالي النسّاي وبصدري نزل
كنّ القصيد إن ما لمح وجهك يعيش نهايته

.....

[الحمدان]

ذكريات أول محبه وحزن أول فراق
‏مستحيل تصير فوق الرفوف المهمله

.....

[الحمدان]

لايهمك وصدري درعك الواقي
من ضروف الزمن ماتوصلك ضربه

في عيوني محلك داخل أحداقي
بحفظك ماطلبته جاك وابشر به

طاب لك شفت ذوقك ناسب أذواقي
تحت أمرك بماتنهي وتأمر به

شفت ماطاب لك بامكانك إحراقي
أحكم أعدام في قلبي وعزر به

خذ قرارك إذا ناوي على افراقي
رح بدربك وغيرك حر في دربه

لا تفكر على الله اترك الباقي
كل غدار رب الكون يغدر به

وضعنا اليوم كله كذب ونفاقي
كل من حب أصبح ناوي الهربه

.....

[الحمدان]

لا غـيب الله في سـمانا ظـهورك
يا اجمل حقيقه لاكتمال الشهور

يكفي ظهورك بالسما عن حظورك
تانس بك الدنياء وبطـــل غرور

انت القمر والكون محتاج نورك
ليش تحتجب يا بدر كل البدور

خلقك لحكمة في مدارك ودورك
حكمة من الله يا انيق الظـهور

.....

[الحمدان]

ألا يا الله إني طالبٍ طاعتك ورضاك
وعلمٍ ليا ذكروا هل الخير نذكر به

أنا في رجى عطفك و أنا ملتجي بحماك
تفرج هموم القلب يافارج الكربه

آمين

[الحمدان]

ياحبيبي لاتوريني طرف دمعك واحبّه
وانت لك عينٍ ترد الادمي لأول حياته

الوكاد اني عليك من الهيام امشي واشبّه
يا حبيبي والسلام ورحمة الله وبركاته

.....

[الحمدان]

ماكنت افكر بالمحبّه والاحباب
ودايم اقول الحب رايح زمانه

حتى لقيته صدّفه وصار الاعجاب
وضحييت باللي يعشقوني عشانه

.....

[الحمدان]

اشبه باللّي عـسيفٍ من الخِيـل
تلعَب وأنا حَبل الرسّن في ايديّا

.....

[الحمدان]

‏يا رب قوّ الخفوق وزوِّد إيماني
وأجعل همومي هموم الشرع والسنة

طالبك بعد الحياة وعمري الفاني
المغفرة والعفو والستر والجنة

آمين

[الحمدان]

يامرحبابك وبشرني عن أحوالك
قوافي الشعر ساقت لك مودتها

فالقلب قدرك رفع للعين منزالك
قربك منى الروح وبداية سعادتها

.....

[الحمدان]

ماندمت الا على نومٍ سرقني من صلاتي
ولحظةٍ مرت وعدت ماذكرت الله فيها

اللهم الثبات

[الحمدان]

ياضايق الصدر بالله وسع الخاطر
دنياك يازين ما تستاهل الضيقه

حسايف الحزن يغشى وجهك الطاهر
والورد في وجنتك حرام تغريقه

يفداك قلبٍ على ما تشتهي حاضر
يفداك باللي بقى لي من معاليقه

.....

[الحمدان]

للعيـن والقــــمرا وحسنـك مواعيــد
وليـــل الهوى شرّع للأحباب بابـه

ياما زعجت الصوت باسمك تراديـد
ويــامــا نسيم الوجد يمّك سرابه

.....

[الحمدان]

من غلاه اتخيل عنده السم والشفا
لاجله مقدر حتى الردي من جماعته

سفر الدغيلبي

[الحمدان]

رفرفي يارايه العز يامجد السنام
رفرفي بالعز في ظل قادات الامم

دارنا ومنا له غلا والمحبه والسلام
نرفع الرايه لحكامنا بيوم العلم
🇸🇦

[الحمدان]

ما تغيرنا هم اللي غيرونا
‏ماعرفنا الصد لكن علمونا

‏خيرونا بين زين الطبع وشينه
‏وقبل لا نختار بالشين أجبرونا

.....

[الحمدان]

وش حيلة المشتاق لا ناموا الناس
لا مرّت الذكرى بساعة مبـاتـه

ووش حيلة اللي كل ماصابه نعاس
صفّت طيوفك فوق رمشه وجـاته

الفقد جمره مثل ماقربك احساس
لـو عاشها مابـين ذاتـه وذاتـه

اعظم شعور يزوّد الهم والباس
من يـرثـي بعينه جميع امنياته

....

[الحمدان]

كل سوقٍ له زبون وكل شيٍ له سبايب
ونعمة الله ما تدوم إلا على عبدٍ حمدها

الحمد لله

[الحمدان]

‏عن الثقه بالبشر مبطي وأنا تايب
‏الماء لو أقدر غسلته قبل ما ذوقه

.....

[الحمدان]

لا تقول ان المسافة ماتجيب الغايب
‏البنادم لا اشتهى قلبه مشت رجلينه

.....

[الحمدان]

يا مرحبا ترحيبة تجلي الضيق
معطرة بالمسك في وسط باقة

باقة خزامى مع ورود الزماليق
وفيها من الشهد المصفى ذواقة

.....

[الحمدان]

‏اشتاق لكِ شوق الهوى للمسافات
واشتاق لكِ شوق القمر لليالي

واندم على وقت قبل شوفتك فات
واحرص على وقت بحبك بقى لي

.....

[الحمدان]

من صد عني قسم بالله ما ارده
لو هو طبيبي وانا في حاجة علاجه

احب طبع الوفا والوافي اوده
واللي يخون العهد ماني بمحتاجه

.....

[الحمدان]

صبرك على الدنيا ولا منه الناس
خلك سماء ومن القدر لا تضايق

من طاح فالدنيا هو رافع الراس
ما طاح قدره من عيون الخلايق

.....

[الحمدان]

واقسم بمن سواك ماجيت اراضيك
إلا لحـزنـك قـلت أكسر غروري

ودي تروح والقسم ما اقاضـيك
وخلك قوي لا تنكسر في مروري

ان جيت لجل الطيب اترك تغاضيك
ون رحت بعدك من دواعي سروري

.....

[الحمدان]

ياغايب عن عيوني خاطري يطريك
في كل لحظة عيونك كيف بانساها

لو غبت ماغاب طيفك عني وطاريك
كنك معي في خفايا الروح واقصاها

.....

[الحمدان]

‏ياروح روحــــــي لا تخليني اشتــاق
ما من ورا الاشـــواق غيـر المتاعب

يكفي فديتــك قهـــر قلبي وماذاق
من كثـر هجـرك يا اعـــز الحبايب

ياروح روحي الجفاء صعـب ينطاق
بُعد الغوالي يجعــل القلب ذايب

وانا ورب البيـت ذايــب بالاشواق
وشوقي مسوي وسط قلبي لهايب

.....

[الحمدان]

يامنوه الروح يوم ان الحشا ظمك
تلي حشى القلب تل ورزي القامه

وَيَا فتنة الغيد يوم ان الغلا زمك
سمي على القلب من خلفه وقدامه

.....

[الحمدان]

‏أقبلي يمي ولا لك سوى حسن القبال
‏غير ترديد التراحيب ما أنتي لاقيه

‏مرحبا والساعة اللي تجيبك راس مال
‏في دقايقها نعيم القلوب الشاقيه

‏ليلة جادت بوصلك بعد شح الليال
‏ليلةٍ ماهيب مثل الليال الباقيه

.....

[الحمدان]

جفّت الأرض منك وكل وادي سألك
‏ومابقى لك ربيع فصدري ولا وسم

‏يوم أداري شعورك من رضاك لزعلك
‏كان في خاطري غصة وكنت أبتسم

‏ليه أخليك لحساسي وهو ما وصلك
‏ما لتايه ظنوني فيك غير الحسم

‏كنت أحبك وأحب أرضك وناسك وأهلك
‏وصرت حتى أكره أشباهك ملامح وأسمه

.....

[الحمدان]

‏تعالي لا طغى حزنك وعن شمسه بغيتي في
‏تذري في ذرا من هو يحب ويعشق ترابك

‏ولا تشكين من جور الليالي دام راسي حي
‏ما عاش اللي يكدر خاطرك وينرفز أعصابك

‏وأنا لا انهارت الدنيا في عينك شلتها بيّدي
‏وناديني وتلقيني معاك أقرب من ثيابك

‏تجين بليلةٍ وجهك على حالك سماها ضي
‏وتزهين المكان اللي تجينه قبل يزهى بك

‏ولا ينشاف هالعالم ولا ناسه في عيني شي
‏وأنا لي موطن ومنفى تضمّه ناعس أهدابك

.....

[الحمدان]

‏عندي يقين إن الليالي المقبله ماهيب سود
‏انقى من قنوف السـحاب الي تلوح بروقـها

.....

[الحمدان]

‏مدري عشان اني احبك واغليك
‏ولا عشان الغلاء من سماتي

‏ما قول غير الله من الخلق يحميك
‏يا أغلى غلاء مر بكياني وذاتي

.....

[الحمدان]

‏حتى لو ان الغلا فيني وصل حده
‏لي عقل يدرك حدود الشوق ويكابر

‏قياس عمق الجروح يحدد المده
‏مدة تحولك من غالي إلى عابر

‏لاشفت مركب غلاي رياحك تضده
‏بيصير مالك مكان وقيمة ودابر

‏كسرت لك خاطر ومديت لك صده
‏والخاطر إليا انكسر ماعاد له جابر

.....

[الحمدان]

‏خالي و كني في زحام قلبي تلهب وانشوى
‏ما عاد اميز بالحشى والا على الضو الجمر

‏وين انت يا داعي سلام وين انت يا بايع دوا
‏ردولي النومه ترى بالعين جلاد السهر

.....

[الحمدان]

‏أحبّك جعل حبٍ يجي من بعدك يعاف
‏وأنا حالفٍ حبك مع الوقت ما أخونه

‏ليا شفت وجهك والله إن ما علّي خلاف
‏فلا تنشد اللي شاف غايته وش لونه

.....

[الحمدان]

يموت العذر ويموت العتب دام الغلط مرجوع
‏ويبقى الحب مرسول السلام اللي يواسيني

‏تطمّن يا حبيبي لا تقول وصالنا ممنوع
‏وانا في كل يوم القاك بين دعاي وآميني

‏تمادى فالطعون الخضر مادام العتب مرفوع
‏ترى قلبي ملاذك لا نويت تطيح من عيني

.....

[الحمدان]

‏والله مـدري وش تـصاريـف الايــام
‏يالله عـسى في تالي الـوقت خـيـره

‏يارب تـفـرج هـم من جاك منـظام
‏انت الوحـيـد اللي تـعرف السريـره

.....

[الحمدان]

‏غاية العاشقين الي خذاك الغرور
‏انا الي كبرت قدرك لين صابك كبر

‏على العموم التعاسة يقتفيها سرور
‏اهم حاجه بخصتك وانت كلك نظر

‏ ماني بزعلان والدنيا تلف ودور
‏يجيبك الوقت متضايق وتطلب عذر

‏كلامي الي سمعته لا يمرك مرور
‏بذكرك فيه كان الله عطاني عمر

.....

[الحمدان]

‏اقرأ من القرآن وأدعي وأصلّي
‏وأدناة ذنبٍ مرني رحت وإياه

‏يا رب لا تغضب على عبدك اللي
‏يضحك قبل ذنبه ويبكي لا سوّاه

.....

[الحمدان]

‏سبحان من حط وصلك في عـيوني حـلال
‏وان شفت غيرك من الخشيه أغض البصر
‏
‏لو فرّقتنا الظـروف الظـالـمه والـليـال
‏انت الغـلا طـال عـمر الحـب ولّا قـصـر

.....

[الحمدان]

‏يابو قلب أطهر من ثيابك ليا صليت
‏يابو ضحكه من تبتسم يبتسم كوني

‏يابو وجه يغار القمر منك لا طليت
‏وش العمر من دونك ودنياك دوني

.....

[الحمدان]

‏الطواري تالي الليل تلعب في الضمير
‏والله إن بعض الطواري تجي مستلعنه

.....

[الحمدان]

‏يانفس تـوبي عسى الله يـغفرذنوبك
‏كوني على اللي مضى يانفس ندمانه

‏تـخطـين دايـم وربي يـسـتـرعيوبك
‏الى مـتى فـي دروب الـلـهـو طربانـه

.....

[الحمدان]

‏ظروف الايام مثل السمعه الشينه
‏ماودك تشوفها في واحد غالي

.....

[الحمدان]

‏سلامي عليك إعجاب وأكبار واستعظام
‏وسلامي لغيرك حق مسلم على مسلم

.....

[الحمدان]

‏طبع الردي مايحسن الظن بالناس
‏دايم يظن الناس مثله رديه

.....

[الحمدان]

‏تعيش الاحلام فالصدر الوسيع الرحوب
وتموت في جوف نفس ٍضاقت أخلاقها

.....

[الحمدان]

ليت المشاعر كلها شعر وحروف
تنقل لكم بعض الغلا والحقـايق

غالين وأغلا من غلا السمع والشوف
ياقمة الاخلاق بين الخلايق

.....

[الحمدان]

‏دنيا تسوق العبد والضيق ماطيق
‏وحنا على حكم الليالي وديعه
‏
‏صكات بقعى في صدور المطاليق
‏راحت على المخلوق مثل الطبيعه

.....

[الحمدان]

لاتقول الخبل يمكن من خباله صحى
مايفيق الخبل لو عاش له تسعين حول

لايغرك لايح الشيب في عرض اللحى
اللحى تكرم باهلها حسب وزن العقول

كم صبين توه صغير . وجهه مالتحى
بس لاجت للصمايل يعد من الزحول

‎سعد عبيد

[الحمدان]

ياكافل الارزاق ياعالي الشان
ياقاضي ما دون حسناك قاضي

فزعتك تغنيني عن فلان وفلان
لاصار بالدعوى سواد وبياضي

عبدالكريم البدراني

[الحمدان]

ياغـافـل عن الديـن غــرتك دنياك
تغـانـم الـلـي بـاقـيلـك مــن ايــام

احفض حقوق الله من الشرياقاك
تــرا العمــر مـادام والخيــر مادام

ماتـدري ان الديـن سيـفن بيمناك
ويعـز شانك مع عزيـزيــن وكـرام

ماينفعـك لامـت جـاهـك ومخبـاك
لاطويت الصفحه وجفـن الاقـلام

‎بندر فيحان

[الحمدان]

ﺳﻜﺐ ﺍﻟﺼﺒﺎﺡ ﻋﻠﻰ ﺍﻟﻮﺟﻮﺩِ ﻋﺒﻴﺮﺍ
ﻭﻛﺴـاه ﻣﻦ ﺣﻠﻞِ ﺍﻟﻀﻴﺎﺀِ ﺣريرا

ﻓﺎﺑﺪﺃ بأﺫﻛـار ﺍﻟﺼﺒﺎﺡ ﺗﻜﻦ ﺑﻬـا
ﻓﻲ ﻛـل ﺻﺒﺢٍ ﻣحصنًا ﻣﺴﺮﻭﺭا

.....

[الحمدان]

‏خلصنا من الأحلام يامفسرالأحلام
‏عسى الله على حمده وشكره يقدرنا

‏على كثر ماعشنا وشفنا من الأيام
‏سمحنّا من الدنيا وطابت خواطرنا

.....

[الحمدان]

قبلك خفوقي عايش بدار مأتم
‏مابه حياه من المحبين خاوي

‏وبعدك جروح الروح تبرى وتلتم
‏وليل المحبه أصبح اليوم ضاوي

.....

[الحمدان]

يامــن حروفك تشرح القلب والبال
‏يامرحبـــا بك في حروف القصيدة

‏غنت حروفــك داخــل القلب موال
‏أبيــات روعـــــه مــن زوايا عديدة

‏الحـــب يابــنـــت الأجــاويـد قتال
‏أذا دخـــل بالقلــب يعصــف وريدة

‏ياحظ من هـو بالهــوى طيب الفال
‏مع حبيــب القلـــب روحــة سعيدة

.....

[الحمدان]

‏بعض المشاعـــر لوكتبنا بها ابيات
‏تعجز حروف الشعــر والقاف عنها

‌‏مهما كتبنا وابدع الحــرف هيهات
‏ينصف مشــــــاعر شاعرٍ قد رهنها

.....

[الحمدان]

‏ضمني في كلامك دام صدرك بعيد
خل بحة حروفك للمشاعر دفا

لو تثير المشاعر زان جو القصيد
ما يعكر مزاجي كود ذكرى الجفا

.....

[الحمدان]

‏شعر الغزل من يوم شفتك بلاني
اصبحت مبدع فيه بالحيل بالحيل

يمكن غلاك يشدني للمعاني
لو اكتب بغيرك غزل بس تمثيـل

.....

[الحمدان]

يامن جرح قلبي وخلاني عليل
أشتقت لك تكفى لوجه الله تعال

مالي غناعنّك اذا اعلنت الرحيل
ومستحيل انسى ونسيانك مـــحال

لعيونك الثنتين اجيب المستحيل
وادفع لها ما في يميني والشمال

.....

[الحمدان]

‏انت مطر دنياي إنت السحابه
‏إنت غلا روحي وعمري والاشواق
‏
‏انا عشقتك روح قبل الكتابه
‏حبك نما في داخلي وسط الاعماق

.....

[الحمدان]

‏مايشبهك إلا القمر لاتمسّاك
ولايعرفك غير العطا والمهابه

اليا مشيتي يسبق الورد ماطاك
والعطر عقبك بالأماكن طغى به

.....

[الحمدان]

‏لك من مسائي سحابة بالغلا تمطر
ولَك من حياتي دروب الورد تمشيها

يافزّة القلب وأحلا من حلا السكر
اي والله إنك عروقي ومن يغذِّيها

.....

[الحمدان]

خلك مـعـي وأسـمـع دقات الأحساس
وشوف الغلا شلون لأجلك خذاني

أخـفـي غـرام تفضحه كـل الانـفـاس
غلاك على فضح المشاعـر بلاني

.....

[الحمدان]

‏متى تصحى وتلقاني مثل ماكنت
يرفرف لك على غصن إشتياقي طير

صباح الخير لا والله صباحي أنت
ياكل الناس بـعيوني وكل الخير

.....

[الحمدان]

جعل القلوب اللى له القلب يشتاق
‏تصبح وتمسي بالهنا والسعاده

‏وجعل النفوس اللى تحلت بالاخلاق
‏تصبح وتمسي ماتشوف النكاده

آمين

[الحمدان]

‏لك الغلآ مكنون بالحب والشووق
وأحلى المشاعر في سموك تجدد

محبتك فآقت على كل مخلوق
أسئل خفوقي كان ودك تأكد

.....

[الحمدان]

أرجوك ياخياط ليا جاك خلي
ضيق علية الثوب من عند الأرداف

خل النهد فوق الصدر باين لي
وقصر كموم الثوب ليا حد الاكتاف

.....

[الحمدان]

‏كلامك عسل وانا اشهد انك عسل كلك
وجودي على شوفك وشوقي على ملقاك

واذا ابعدت مني والزمن طال ما ملك
فديت العيون السود ما قدر على فرقاك

عشقتك واحب الي يحبك واحب اهلك
ولي قلب عايش ي اريش العين في ذكراك

.....

[الحمدان]

ضاعت علينا ايام وشهور واعوام
واحنا نقول لا باس والخير قادم

.....

[الحمدان]

امهلينا يالليالي نوفي بالوعود
مانقول الكلمه الا وحنا قدها

.....

[الحمدان]

‏يحسب ان قلبي عقب صده توفى
بشرّوا المقفي ترى الدعوه عوافي

لو نشوف الجور والموت المصفّى
ما بكينا حزن لحظات التجافي

.....

[الحمدان]

‏يحسب ان قلبي عقب صده توفى
بشرّوا المقفي ترى الدعوه عوافي

لو نشوف الجور والموت المصفّى
ما بكينا حزن لحظات التجافي

.....

[الحمدان]

أحنّك وأنت في عيوني ديار أحبابي ومرباي
‏وطيرٍ ما شدَى إلَّا فوق غصنك واِهتوى رِيْفك

‏حبيبي لا تناسى ضحكتي وأيَّامي ومسعاي
‏وأنا حتى ليا هب النسيم أذكر معاريفك

.....

[الحمدان]

يهب برد الوداع بليلة المسرى
‏تقفي بوشاح الدفا وتجرّد اضلاعي

‏ويلوح طيفك حنين بسكة الذكرى
‏يحرث بقايا سهر ويجدد اوجاعي

.....

[الحمدان]

‏يسيل المطر وتْطيح كبدي على المشراف
‏على الضو والفنجال والروض وانسامه

.....

[الحمدان]

‏جعل واهِج غرامَك مثل وجديّ وناري
‏مير ماضنتي دنيا المحبّه عداله

.....

[الحمدان]

يضيق من مدح الكفو بارد الحيل
‏ لانـــه يبي مثلـه ويــده قصيـرة

‏ ومايمدح الرجال بين الرجاجيل
‏الآ يميـن بــالمـــراجــل شهيــرة

.....

[الحمدان]

بنت شيخ مدلعه في عز ابوها
‏راكده من يومها فيها شمووخ
‏
‏شيخة ومنطوقها لا عاندووها
‏لاتعاندني وانا بنت الشيووخ

.....

[الحمدان]

‏طبع الردي مايحسن الظن بالناس
‏دايم يظن الناس مثله رديه

.....

[الحمدان]

‏في مجربات الحياه العقل دربه دليل
‏إسرافك الزايد بطيبك بلا فايده

‏حاول تجي معتدل ويصير مالك مثيل
‏ما ينكب الطيّب إلا الطيبه الزايده

.....

[الحمدان]

‏يكذب اللي قال يخلق ف الاشباه أربعين
‏أربعيني وين ما قابلوني في الحياه

.....

[الحمدان]

وعليك اخاف لاتبرد ويزعل جونا ويثير
تعال وأحطب ضلوعي نارك وجمرك

عليك من الغرام إلى تجرع والغلا تعزير
تواري فالضلوع إلى تدلك لا لفح عطرك

.....

[الحمدان]

قھوي مزاجي بنظراتك وقھويني
وانا بقھويك شعرٍ عذب و محــلاّ

كل المشاعر على دربك تودينـي
ولغيرك الصدر مارّحب ولا هــــلاّ

.....

[الحمدان]

‏اتبختر وانا المثيره بين كل الحضور
‏واستفرد بالقصايد واغِري أوزانها

‏واطغى على الناس وامشي بالدلع والغرور
‏انا من اكبر حمايلها وشيخانها

‏عيوني اللي تحلى بالتعب والفتور
‏مدري متى الله يخفف من طيشانها

‏غيدٍ ارد المعيف من زمان الدهور
‏للواحه اللي تهب النود باغصانها

.....

[الحمدان]

‏مالله كتب لي فيك حظ ولا نصيب
‏الواقع أصدق من يا ليت وربما

‏حتى لو إن إحساس قـلبي ما يخيب
‏سفك الشعور أشد من سفك الدما

‏والغيمه اللي تاخذ شوي وتغيب
‏ما تغري ألا الميّتين من الضما

‏أحيان حتى اللي تحس إنه قريب
‏يمكن يكون أبعد عليك من السما

.....

[الحمدان]

انت الذي أعنيه وسط الدواوين
وانت الذي خليتني صرت شاعر

وانت الذي وسط الكبد والشرايين
وانت الذي في الروح ناهي وآمر

.....

[الحمدان]

مرات الإنسان يبغى الصد والابتعاد
عن كل الاشياء حتى لوهو يحبها

.....

[الحمدان]

‏فقدتك وأدور لك من ايّام واحاتيك
وغربت غيابك زودّت غربتي غربه

امر الدروب اللي تمرك وأفكر فيك
مثل ما يفكر ضايع الدرب في دربه

.....

[الحمدان]

يالبيه ياللي*من جمالك تغار الحور
وطاحت جميع الحور يابنت من دونك

عسى من يزعل قلبك انتي يجيه الجور
وعسى فدوتك ناسً غدو مايحبونك

جمالك جعل كل العذارى وراء السور
لانهم اساساً في الزمن ما يساوونك

.....

[الحمدان]

لاتقول ان المعاصي شي عادي
المعاصي شر تخْذل من مشاها

من فعلها هايمٍ في كل وادي
مايحَصّل كود نقصٍ من وراها

والسبب شيطان يبغاله جهادي
خل نفسك فوق وارفع مستواها

لاتطيع ابليس دامه لك معادي
وامنع النفس الشقيه عن هواها

.....

[الحمدان]

تمونين يا بنت السحايب على الروح
لو كل ضـلع ٍ فالحشــى تكسـرينـه

خطاكٍ لو تخطين منســي مدموح
ما اعـاتبـك في خــافق ٍ تـملكيـنـه

انتــي دواء قلٰبٍ من الوقـت مـجروح
يفـداكٍ معلـوقي ولو تـجـرحـينـه

[الحمدان]

‏ما للغلا غير القلوب النظيفه
‏اللي على صدق المعاني يحبون

‏الود صادق والمشاعر عفيفه
‏ولآغبت عنهم للعهد مايحيدون

منصور الحبابي

[الحمدان]

اكتب على كيفك ترىٰ الناس تقراك
وان كنت طيّب طاب مثلك كلامك

خذها نصيحه وخلّها دوم ويّاك
كل ما احترمت الناس زاد احترامك

.....

[الحمدان]

‏يـاهواي وشف بالي ومطلوبي
‏كل كلمة حب في خاطرك قلها

‏عطني من الود حقّي وماجوبي
‏واكشف اسرار المحبين وازهلها

‏وان قضى هرج المحبّه يامحبوبي
‏مفردات الحب عدها من أولها

.....

[الحمدان]

‏اقرأ من القرآن وأدعي وأصلّي
‏وأدناة ذنبٍ مرني رحت وإياه

‏يا رب لا تغضب على عبدك اللي
‏يضحك قبل ذنبه ويبكي لا سوّاه

آمين

[الحمدان]

‏عجزت أوصف ملامحها وأنا شاعر
‏ومن يوم ماشفتها تملاني الدهشه

‏حنا بدو فالحروب ألعن من الكافر
‏لكن بوقت الغرام قلوبنا هـشّه

.....

[الحمدان]

‏يابو قلب أطهر من ثيابك ليا صليت
‏يابو ضحكه من تبتسم يبتسم كوني

‏يابو وجه يغار القمر منك لا طليت
‏وش العمر من دونك ودنياك دوني

.....

[الحمدان]

يازين السعه والبعد عن قوم قال وقيل
وعن اللي لسانه يمنع الناس من قربه

.....

[الحمدان]

عسى الله يجمّلني مع العالم الوافين
‏ربوع السعد والخير والطيب والخوه

.....

[الحمدان]

ياما على وصـلـك ركضت وتعـنـيت
وفـتـحت لك قلبٍ من الحب تـايب

والحين عنــك ياهوى البال صـديت
حال الفراق وخاطري منك طايب

.....

[الحمدان]

تولعت ومشيت الدرب لا فاقد ولا مفقود
‏وأثرني كل يوم أكتب قصيدة وأخسر سنافي

أجاهد في سبيل الحبّ كلّه لأول العنقود
‏وأجاهر في غلاها كل ما عدّيت مشرافي

‏ترى قلبٍ تولّع فالهوى ما يلحقه منقود
‏ليا صار الهدف حبٍ عفيف وخاطرٍ صافي

.....

[الحمدان]

آعطيه من وقتي يسولف واسمعـه
وارخي له فوادي وارخّي مسمعي

من كثـر ما قلبي وتفكيـري معـه
آشتاق له حتى الى قـد هو مـعي

.....

[الحمدان]

يناديك الشعور اللي قبل شوفك غريب اوطان
‏عسى صوت الأمل يسمع صداه بنبرة حروفك

‏انا واقع حياتي قبل لا اشوفك بدون اللوان
‏ولقيت ابهج ليالي دنيتي يوم اني اشوفك

‏وحديث النفس بشعور الغرام وصوته الرنان
‏وكلام ما سمعته كان داخل عين ملهوفك

.....

[الحمدان]

ماكتبت الا لطاريك ياوضح النقى
‏انت تستاهل قصيدي وتستاهل غلاي

.....

[الحمدان]

ابي اعتذر عن غيبتي عنك لحظه
غمضت عيني واثرني فيك ساهي

نسيت نفسي ياغلا الروح ومضه
وفزيت واثرك داخل العين لاهي

.....

[الحمدان]

‏إذا كتبت إكتب عن الشيء الفريد
‏و لاتكتب اللي قبلك أحدٍن كاتبه

‏هذا انا أكتب حُب والشيء الاكيد
‏مالي حبيب أصلن عشان أعاتبه

.....

[الحمدان]

‏لا جاك هرجٍ من سفيه الفعايل
‏طنش وخل النار تاكل حطبها

.....

[الحمدان]

ماكل من حبيت واغليت يغليك
‏ولا كل من تشفق على حبه اغلاك

.....

[الحمدان]

‏ياكثر مامرت على عيوني عيون
تمرنـي وأسأل عليـك إنت وينك

ماهمنـي لـو بـالثــواني يمـرون
تكفي عن عيون المخاليق عينك

.....

[الحمدان]

ليتك على كبر الهقاوي تسنعت
لكن ردي الساس مافيه حيله

.....

[الحمدان]

‏اسجدو لله وارخو المناكب والجباه
احنو الهامات لله في سجدة شكر

من تطعم لذة السجده اللي في الصلاه
والله انه مـا يخلي لا شـفـع ولا وتـر

.....

[الحمدان]

أنت وجهك فيه سحر وفيه رقية راقي
تبتسم قدمه ملائكة الرضا وتحفه

أنت حلم لو كسرته كني أكسر ساقي
مثل حلم القدس في رام الله وفالضفه

.....

[الحمدان]

‏نخطي ونستغفرمن الذنب ونتوب
‏ونرجع على نفس الخطاء مادرينا

‏يارب يامن رد يوسف ليعقوب
‏عفوك وغفرانك وسترك علينا

‏آمين

[الحمدان]

مانويت اطاوع القلب لو انه رزين
‏انت غالي بس الايام ملعونة جدف

‏رغم حوم الشك حولي بقى عندي يقين
‏لو تفرقنا الليالي بتجمعنا الصدف

.....

[الحمدان]

عز الله اني ظلمت اسمي وميقافي
واخطيت في حق نفسي والخطا وارد

هقيت فيك الهقاوي وانت يا كافي
ما ابرد من عذرك الا وجهك البارد

.....

[الحمدان]

نطرد سراب احلامنا والله يعين
‏يامصعب الدنيا وماقسى جورها

‏يمكن نحقق مانبي لو بعد حين
‏ويمكن نموت ولا قطفنا زهورها

.....

[الحمدان]

لا يخدعك فالشخص دقّه وجلّه
‏حتى تجرّب معدنه والدهَر صَلْف

‏اللاش لاشٍ عند كثره وقلّه
‏نفس الوجه بالزلف والا بلا زِلْف

‏لا صار سيفك في الوغى ما تسلّه
‏اهْده على قرمٍ وخُذ لك عصا قِلْف

السِرّ حطّه عند واحد وخلّه
‏والشور شاور من زحول الرجال اْلف

‏طيب الفتى لا صار ما هو جبلّه
‏ما هو مطوّل وان تقدّم رجع خَلف

ناصر الفراعنة

[الحمدان]

تخفي هيامك وأنت ميت وملتاع
ما تدري أنه في ملامحك منحوت

بن فطيس

[الحمدان]

من لا يثمن فالمجالس كلامه
يطيح فيمن يصمخه لين يعميه

ناصر الفراعنة

[الحمدان]

اقعد واسولف مع العربان واكابر
‏وأحاول أخفي دموع الحزن وجروحي

‏وأقول عادي وأنا اللي داري و خابر
‏إن البلا لاسريت وقدني بروحي

.....

[الحمدان]

ليت الغرابيل جتني من عدوّ لي
‏اما تقاضيت ولا بيتقاضى لي

‏لكن من واحدٍ ذكره غناةٍ لي
‏ولا زلت أحبه وابا أحبه ولا ابالي

‏لامر طرق بخدراته سلامّ لي
‏كنه يسلم علي بصوته العالي

‏خلوني اسج عن موضوعه احسن لي
‏والا الغلا والله ان يبطي وهو غالي

سعد بن جدلان رحمه الله

[الحمدان]

قدّم معاريضك لرب السماوات
‏وإن طعت شوري خل عنك البرية

‏صل الوتر بالليل واقرأ لك آيات
‏وارفع يدينك له وتلقى العطية

.....

[الحمدان]

عليك الفرّج ياللي تزيل العنا والهم
‏تقّوي عزوم القلب لا ينقطع حبله

.....

[الحمدان]

‏جعلنا في حاجة الي نخانا قادرين
‏إن ذكر معروفنا وإن جحد معروفنا

‏نجتهد وندور الطيب لأنا طيبين
‏ماهو بوالله عشان الرجال تشوفنا

‏خالد ماطر

[الحمدان]

‏دام راسي بخير ونجدتي من ذراعي
‏شرهتي بالضمير وصدتي عن قناعه

‏من يخوض المعارك لازم يكون واعي
‏الهزيمه سريعه والنصر صبر ساعه

‏والخزى والله اني عنه طاوٍ شراعي
‏ودي اني بسوقه ماتجي لي بضاعه

‏ماحتمل شرهة الطيب حميد المساعي
‏لاسمع مني اللي مايسره سماعه

‏خالد ماطر

[الحمدان]

وَنَحْنُ مَنْ نَحْنُ نَحْنُ الشَّمْسُ فَوْقَهُمُ
وَنَحْنُ مَا نَحْنُ نَحْنُ العَيْنُ وَالأُذُنُ

كُلُّ الخَرَائِطِ جُزْءٌ مِنْ خَرَائِطِنَا
فَكَيْفَ تَعْلُو عَلَى أَسْيَادِهَا الجُبُنُ

يَا أَيُّهَا المَوْتُ مَا أَحْلَاكَ مِنْ وَطَنٍ
لِمَنْ أَتَاكَ شَهِيدًا جُرْحُهُ الوَطَنُ

حذيفة العرجي

[الحمدان]

لِكُلِّ شَيءٍ إِذا ما تَمّ نُقصانُ
فَلا يُغَرَّ بِطيبِ العَيشِ إِنسانُ

هِيَ الأُمُورُ كَما شاهَدتُها دُوَلٌ
مَن سَرّهُ زَمَنٌ ساءَتهُ أَزمانُ

وَهَذِهِ الدارُ لا تُبقي عَلى أَحَدٍ
وَلا يَدُومُ عَلى حالٍ لَها شانُ

يُمَزِّقُ الدَهرُ حَتمًا كُلَّ سابِغَةٍ
إِذا نَبَت مَشرَفِيّات وَخرصانُ

أبو البقاء الرندي

سابغة: دِرْع واسعة واقية.
الخُرصان جمع (خُرص): هو الرمح
كما قال الفيروز آبادي في القاموس

[الحمدان]

‏نخطي ونستغفرمن الذنب ونتوب
‏ونرجع على نفس الخطاء مادرينا

‏يارب يامن رد يوسف ليعقوب
‏عفوك وغفرانك وسترك علينا

‏اللهم ثبتنا على طاعتك

[الحمدان]

‏جعلنا في حاجة الي نخانا قادرين
‏إن ذكر معروفنا وإن جحد معروفنا

‏نجتهد وندور الطيب لأنا طيبين
‏ماهو بوالله عشان الرجال تشوفنا

‏خالد ماطر

[الحمدان]

لا تتلف الروح لجل الناس ترضيها
وهمّ ولا يوم سوّوها على شانك

والله ماتندم على الدنيا ومافيها
لو تعرف الوقت من موتك لنسيانك

.....

[الحمدان]

الذاكرة شابت وتمسح ملفات
شيٍ نبيه وشي منه إسترحنا

لكنها ما تمسح إثنين بالذات
اللي فرحنا معه واللي جرحنا

.....

[الحمدان]

‏تدري ويش اللي مالها طب وعلاج
وتحز في نفس الحشيم وتغيضه

شوفت عزيزٍ نوخه موقف احراج
وفرحو عليه اهل الوجيه البغيضه

.....

[الحمدان]

احترم مشاعر الناس لو انك تمون
وثمن علومك وكلمتك حطلها وزن

لا يغرونك لو يسولفون ويضحكون
اغلب العربان شبعانه هم وحزن

.....

[الحمدان]

ما عاد فالدنيا مسارات وأوناس
عـله تقــفي عنــك وتجــيك عــله

لي فالملأ نظـره ومبـدأ ومقـياس
ولا اقول اخذت العرف والعلم كله

.....

[الحمدان]

‏العقل نعمه والسوالف لها ساس
‏والشخص يوزن كلمته لا نطقها

واللي بيسمع مايقولونه الناس
‏نفسه على طرد السوالف حرقها

.....

[الحمدان]

عز نفسك لاتخاوي ضعيفين النفوس
واترك الي في الشدايد ماتلاقي له وجود

واقطع الي لآبغى حاجتن جالك يحوس
لآتسولف مع كذوب ولا تعاشر حسود

.....

[الحمدان]

نعزّ النفوس وما أشتكينا من الأقدار
لو أن العـرب سلّت علينا خناجرها

سحانا وقار وصمتنا عزّة ومقدار
ووجيةٍ ما تعرف قدرنا ما نقدرها

.....

[الحمدان]

والله يابنـت ما قـبـلك ولا بَعـدك
إنـسان قـد حل واتربع على قلـبـي

تظنـي السـوء فينـي لعـنـبـو جدك
ما تـدري الظـن هــٰذا حَــرمـه ربـي

يابنت لا زلـت احبك وانتظر ردك
وكـل حـلـمـي تكونـي دائـمـاً قُربـي

إن كان يازين ردك والجواب صدك
فآنا إلى الـيوم لجلك فاتحـي دربي

وعندما القاك اضع قُبله على خـدك
حتى لو اذنبت انا ذنبي على جـنبي

.....

[الحمدان]

الزمن يكشف حقايق بالادله
والتجارب اكدت بالفعل ذلك

كل واحد له قناعه مستقله
في قراره بالتأني والتمالك

والتواضع والعطا من يستغله
يصنع المعروف في عدة مسالك

بالثقه في من اليه الامر كله
والتوكل من رضا كامل كذلك

كن مع الله واعبده دايم وقله
بسمك اللهم جنبنا المهالك

.....

[الحمدان]

يَمچ أني شوگت مَا تحتاجيني
وحَتى لو أبتعد بگلبچ تلاكيني

شعر عراقي

[الحمدان]

وشما حصل بينچ وبيني
حبي الچ ظل هوَ نفسه

شعر عراقي

[الحمدان]

موعد وشاطي جفنها
غارت الحورية منها

بيها اشكال الدلال
يا قمر يا ابو الليالي

شعر عراقي

[الحمدان]

‏يامساء الخير مع ريح البـخـور
ويامساء الشوق والطلّه البهية

المسـاء مـع طـلتك زايـد سـرور
لك حضور يغطي غياب البقيـة

.....

[الحمدان]

‏عساك في خير ياللي غبت لك مدّه
ماعاد شفنـاك علمـنا وش اخبارك

حتى لو أبعدت لد الـشوف لي لدّه
بتشوف كيف الشعور الفارق اختارك

.....

[الحمدان]

جيتك مـن الشـوق أغـرد أخـر أبياتي
لعيـونك أكتب جـديد الشعـر لعيـونك

لو كان هالوقت ماهـو ضمن حــزاتي
جيتك أغـرد قصيد الشـوق بلحـونك

.....

[الحمدان]

‏تـدري وش اللي مضايقني ومحزني
انـي عـطيتك عـيوني وانـت تعميها

وتدري وش اللي قهر روحي وغابني
نـبضاتي الـلي بصدري من يداريها

تدري وش اللي على بعدك مصبرني
اسمك حروفه بكل ابياتي اطريها

.....

[الحمدان]

الله لا يكشف خوافيك يالصدر الكتوم
إلا في برّ القريبين وإفشاء السلام

ودّي إني في المجره وأسولف للنجوم
لا أتكلم مع هل الأرض ولا أسمع كلام

لكن انماط التقاليد واعراف السلوم
خلت الدنيا نظام يطور له نظام

مدغم بو شيبه

[الحمدان]

يا طير جيت أشكيلك الحال يا طير
جيتك وانـــــا يا طير نفسي عليله

في هالزمن ياطير ما ينفع الطيب
ولا تنفعك حتى الفعول الجميـله

.....

[الحمدان]

خلك عزيز النفس لو همومك جبال
لا تشتكي للناس من حرر مافيك

هذا الزمن ياصاحبي كله أهوال
يهدي لك البسمه ويرجع يبكيك

.....

[الحمدان]

‏جيتك من دروب الحزن ودي أرتاح
تعبت أدور شخص يفهم كلامي

الناس في وجهي سكاكين ورماح
وأنا عزيز وجرح الأيام دامي

.....

[الحمدان]

‏أحبك كثر دقات القلوب بعالم العشاق
أحبك كثر دمعات العيون بخدهم جاري

أحبك كثر ونــّـات الهموم بخافق المشتاق
أحبك كثر أنفاسي وأشواقي وأشعاري

أحبك كثر أحزاني كثر ما خاطري قد ضاق
أحبك كثر دمعاتي كثر ما جابك الطاري

.....

[الحمدان]

ما كنت افكر بالمحبه والاحباب
ودايم اقـول الحـب رايـح زمانـه

حتى لقيته صدفه وصار اعجاب
وضحيت باللي يعشقوني عشانه

.....

[الحمدان]

أحفظ لسانك عن البهتــــــان والغيبــه
وأغنم حيـاة السعــــد والعز من بدري ِ

من ينشغل في عيوب الناس عن عيبه
زادت عيوبـــه وهو مشغـــول ما يدري

.....

[الحمدان]

يا مرحبا والغيم غطى سما الكــون*
وخيطّ مساحتها سحابه سحابـــه

انخوا على الشيبان بالغيث يدعون
دعوات بيضان اللحا مستجابه

.....

[الحمدان]

على كل ما فات جعل العوض بعدين
‏يسوق الله الغيث اللي يعدل أوضاعي

‏ هذي عادة الأيام وأنا أعرفها زين
‏ما تحلا لي إلا عقب ما تغسل شراعي

.....

[الحمدان]

‏عاضني ربي وانا اللي شجّع العبره وعيّت
‏وجادت الفرحه على روحي بعودتها الحميده

‏والله ان قد لي ثلاث سنين وانا شبه ميّت
‏لين شفت الطلة اللي كنها بيت القصيده

.....

[الحمدان]

يامن سرق ضحكتي مني بسمح القبال
‏اقلط على خافقي ليل الغرام معتم

‏وراك تفتح بصدك للعواذل مجال
‏حتى تشمت بي اللي يستحق الشتم

‏سود الليالي طوتني وين بيض الليال
‏راحت حياتي وانا عايش على ذا الرتم

‏انشهد ان الهوى يدمي قلوب الرجال
‏محتومً امر الهواوي والمحبه حتم

‏والبعد سقم الجوارح والمواصل خيال
‏كم لي وانا منك متعذب واحس بيتم

‏فارقت واثر المفارق حالته بري حال
‏ليا تذكر وداع اللي يحبه كتم

‏ياللي تغلّى طلبتك لا تغلّى تععال
‏واحي الضلوع الهشيمه والحنايا الهتم

‏ضرب العيون الوسيعه والرموش الطوال
‏تقول ضرب السلاح اللي رصاصه صتم

‏تاهت قدم خطوتي بين الرجاء والمحال
‏على املً فرحةً عيّت معك لا تتم

‏العين عين الوحش والعنق عنق الغزال
‏وفمك فم الغرشه اللي ختمها اطلق ختم

.....

[الحمدان]

‏نخسر بشر بس مانخسر مبادينا
‏ودروبنا صوب فعل الطيب مندفعه

‏ما نلتفت للكلام اللي يجي فينا
‏نفوسنا عن كلام الناس مرتفعه

.....

[الحمدان]

‏كل الخساير عوضها عند رب الانام
‏واكبر خسارات خلق الله كراماتها

‏واهانة النفس عيب انكان ماهي حرام
‏وطرد المقفي علامه من علاماتها

.....

[الحمدان]

مدري وش اللي بالمقادير لافي
لكن طلبتك شي مابي بديله

ان طالت الغيبه وانا صرت جافي
خلني بدنياك ذكرى جميله

.....

[الحمدان]

‏لكن ترا طلقات عينك قويّه
مدري فشق رشاش ولا فشق فرد

حتى كلامك تصنعه في خليّه 🍯
كيلو عسل سدره وكيلو عسل وَرد

.....

[الحمدان]

‏جيتك سوالف حب باسلوب مشتاق
‏جيتك بعد مافاض قلبي من الشوق

‏جيتك شعر مجنـون بالـذات لافـاق
‏جيتــك ولأجلي رد لبيـــه يالـــذوق

.....

[الحمدان]

‏على الزعل والضيق حنا كبرنا
‏ما عاد في اشياء تستاهل الضيق

‏واذا اعتزلنا الكلّ محدٍ جبرنا
‏ العزله أصدق من وجيه المخاليق

‏حتّى على صدّ الحبايب صبرنا
‏الحلم لولا الصبر مافيه تحقيق

‏من كثر خيبات الحياه اعتبرنا
‏العمر لحظة واليالي توافيق

.....

[الحمدان]

‏انا من بديت افقد من احساسك الانصاف
‏لقيت العمر باهت والاحلام منذبله

‏من اول كلامك كلّه من الالف للكاف
‏شهاليل نوٍ نافر النبت من وبله

‏من اللي معلّمك القسى والكلام الجاف
‏بعد كنت ارقّ من النسانيس من قبله

.....

[الحمدان]

‏النـــاس يعميهـــا عن الصح الغرور
‏يا شيـــن نفس ٍ بالخطــأ متعايشه

‏تركت كل اللـــي ورد بين الســـطور
‏وحفظت وش قال الرسول لعايشه

‏مؤمـن بما عنـــد الله الحــيّ الغفور
‏أحسن من اللـــي في يدينــي حايشه

‏طامــع بغفرانه وقصر من القصور
‏تفتـــح علــى نهـــر النبــي درايشــه

.....

[الحمدان]

ماني وكيـــل آدم على الجمع الغفير
‏لكـــن ضميـــري يسمع ونفسي ترى

‏افرح لا شفت الضيف في بيت الفقير
‏واحزن لاشفت القصر من دون قصرا

.....

[الحمدان]

‏قربـك يطوقـني فـرح ياهـوى الـبال
‏والقلب بإيـدك راحـته وانقطـاعه

‏ليت البشر تصبح على هيئة اظلال
‏واصبح مثل ظلك معـك كل ساعـه

.....

[الحمدان]

تقول لي وش فيك ماعـاد غرّدت
ما عــاد شفنا لك قصــايد جديدة

قلت ان دخلت وما لقيتك تكدّرت
عفت البرامج والعرب والقصيدة

.....

[الحمدان]

لولا القيم ماصار للناس قيمه
ولولا المواقف ماظهر راعي الطيب

وتبقى المعزه للرجال الحشيمه
اللي لهم وقفات وقت المواجيب

وتلقى السعاده للقلوب السليمه
اللي لهم هيبه وبعدن عن العيب

ومن طاوع الشيطان شاف الهزيمه
ولاخير باللي ماشكر عالم الغيب

.....

[الحمدان]

‏تفـاءلو بالخير ياتيـكم الخير
ما للحياة بدون الآمال قيمه

الصبر مفتاح الفرج والتباشير
واليأس مفتاح الحزن والهزيمه

.....

[الحمدان]

على إخدود حبك شبت النار والحريـق
وشبـت براكيـنـي وضـجـت بداخــلك

وانا اللفــظ انفاسـي على بحـرك الغريـق
ونفسي قد استـشرت على طول ساحـلك

ونخسـي قـطع لاجلك زفـيره مع الشهـيق
ويامـا قرب طيفـك وطـولت مراحـلك

وياما اللتـواء حبلـي على حبلك الوثيق
وياما اقتـطـع منـّك لكثــرة عمايـلك

وروحي علـيله فيك ياحلـمي العتـيق
ولازلت مستـسلم وكافــل بكاهـــلك

ولاهـمـي المصـروف والبر والدقيـق
ولاهـُم غــيرك رغم كثـرت فـعايلك

ولو كنت ترفق بي ولو كنت بي شفيق
لأسرعـت نحــو طز بعـلك وجاهــلك

ابوهمام

[الحمدان]

‏قمت أتصفح في سجلات الأرقام
مرت أسامي واجد ٍ فـي سجـلي

منهم يواصلني على طـول الأيام
أن جيت له والا تـعـنّى محلي

والبعض منهم كان علمي به العام
ودي أجـيـه وشـوفتـه منـوةٍ لي

والبعض هملته وله حق الاسلام
مانـيـب جايــز له ولا جايـزٍ لي

عبدالرحمن السنيد

[الحمدان]

‏ليت الرفيق ان غاب يعذر رفيقه
ولا يلحقه بالشين لو كان جافي

ترى الحياة تروح مثل الدقيقه
اما ذكرت بخير والا عوافي

محمد شقير

[الحمدان]

والحسد علة قلب ابسط معانيه
يلبس الرجال ثوب المذمه

ولا ينجذب للعز والطيب راعيه
ولايندفع نحو الامور المهمه

بالمختصر راعيه محدن يدانيه
وهو سلعته مابين غيبه ونمه

.....

[الحمدان]

‏مال الطناخه غير روس المطانيخ
الي سلوم اجدادهم. مانسوها

ولا كل راعي بشت شيخ ولد شيخ
تالي الزمن حتى الرخوم لبسوها

متعب بن كروز

[الحمدان]

عسى مقبلة الأيام وصلٍ على الغايات
ومن جود مدات الزمن خاطري راضي

على الله يحقق حاجةٍ فالزمن ما جات
فلا غيره الحاكم ولا غيره القاضي

آمين

[الحمدان]

ماعلى وجه البسيطه من أشباهك شبيه
طيبتك من مسك أبيض ومن تربه قمر

.....

[الحمدان]

لبيه ياســـيد المــزايين لبيه
لبـــــيـــه يا قلبي ويا نور عيــــــني

لبيه باللي يشرح الصدر طاريـه
لبـــــيـه باللي صار بينك وبينــــي

.....

[الحمدان]

من يعيّن في حياته على قلبك طريق
يختصر على السِعادة مسافة كافيه

الله اللي حط وجهك يداوي كل ضيق
لبى والله وجهك اللي يجيب العافيه

.....

[الحمدان]

كل مابريَت جروحي من الحزن القديم
جيت دارن حايلن البطى من دونـهـا

.....

[الحمدان]

نصوم ونصلي وندعـــي ونرجيك
ورضاك مكسبنا وعفـــوك رجانا

مـــوحــــدين وكلنا منــك وإليك
يارب ياغـــفار تغفـــر خــــطانا

آمين

[الحمدان]

آنا الذي نـثـر هـمّه على سـطـره
لو مـغريات الزمن ماعـاد تغرينـي

والـجنّه الـخالده والسـمعـه العَطْره
الثانيــه شيمتــي والاولــه دينـــي

.....

[الحمدان]

انا اللي مايملك غير ثوب وشماغ ديور
وقلبٍ تهزه دمعة الشوق واطيحه

يا حلم الحياه الفاني مجمل ومشكور
هذا الواقع اللي ما تمنيت توضيحه

.....

[الحمدان]

سبحان من ريّض أشواقي على همسه
لين آخر الليل صار بساعتي بدري

سوالفه من حرير وضحكـته ونسه
رقراق نهرٍ على طول السنه يجري

.....

[الحمدان]

يطيح من عيني عزيز ويكبر بعيني سراب
وإللي يطيح من العيون يموت مايرجع لها

.....

[الحمدان]

حبني مثل الخيال وخلني مثل المخيله
القبول اللي لمسته منك يكفي عن قبيله

يوم مرتني حياتي كلها ماشفت غيرك
انت صورة كل مشهد وانت قصة كل ليله

.....

[الحمدان]

‏هي اربع اشياء تشرح حالة العاشق
الورد والغيم والاشواق والقهوه

.....

[الحمدان]

حاولت اتوبك وماتطري على بالي
لكن لقيت الحنين اكبر من التوبة

.....

[الحمدان]

‏اللي يتابعنا على الراس من فوق
عسى ف صفحتنا من الشعر مسرور

واللي يصد عنا له الشكر مرفوق
حضوره يشرف ولو غاب معذور

بقلمي

[الحمدان]

‏اشتقت لك شوق مايدري به الا الله
‏واخاف لا قول لك مشتاق واتكابر

‏ياصاحبي والله إن ماني بحي الله
‏اضعفني الشوق لك عقب ال انا خابر

.....

[الحمدان]

‏تقولون دام إنه سراب ولحقته ليه
‏ترى متعتي في شوفه وفي ملاحقته

.....

[الحمدان]

‏أنا مُجرّد ليف وشموع وفتيل
‏محتاج لي كبريت حبّ يشبّني

‏القاتل إللي صار بعدين القتيل
‏ياحبّني للدور ذا ياحبّني

.....

[الحمدان]

‏تعال حل المساء دام المساء حل
‏تحلا بك الجلسه ويحلا بك الجو
‏
‏غيابك اللي طال مالك معه حل
‏غيرك يجوني بس ما كنهم جو

.....

[الحمدان]

‏انا الليلة غريب ردته من غربته الاقدار
‏على دار يشوف اللوم حتى في شوارعها

.....

[الحمدان]

روسٍ خلقها الله لنوم المخده
‏وروسٍ خلقها الله ليوم العزاوي

.....

[الحمدان]

هي بنت شيخٍ معاريفه يسار ويمين
مالينت راسه الدنيا وصكاتهـا

اليا تعزوت براسه روع الصاملين
لو تطلبه عروش كسرى جاتها جاتها

متيهه في ذرى اللي يحتمون العرين
العزوه اللي تدك الضلع غاراتــها

لا جا الفخر والسوالف صرّت الحاجبين
واسترسلت بالكلام وفي غزواتها

.....

[الحمدان]

انا البارحه يا حمود عيني جفاها النوم
سبب واحدن يا حمود ماف العرب زيه

لا هب طاريها علي العاشق المحروم
اغاني بيوت الشعر واسمر طواريه

علي اللي نهب قلبي وصدر علي المرسوم
وطبق علي الحكم لا رحم ابو حيه

.....

[الحمدان]

غديرٍ عليه الناس صادر وورّادي
اعيفه لو أنه من زلال المطر يسقى
ِ
أنا غايتي ومناي ودواي ومرادي
مذاقٍ على غيري صعيب ولا يلقى

.....

[الحمدان]

يا قايد الريم فيك اوصاف من خلي
‏العنق و عيونه عين شيهانه

‏غروٍ دعاني غلاه وجيت له كلي
‏مثل قطيعٍ على الحيضان ضميانه

‏غلاه حش الضلوع وتلني تلي
‏تلت سبوق الوحش لرخا بجنحانه

.....

[الحمدان]

معي قلب لا هبت عليه الهبوب يحنّ
‏يا ويل القلوب القاسيه من عذاب الله

.....

[الحمدان]

‏استريحيى يا عيـوني واستكنّي
مابـه الا ما كتبه الله علينا

لو نحصّل ما نحبه بالتمنّي
كان كل اللي نحبه في يدينا

.....

[الحمدان]

بك ملامح نجد لكن بشرتك شامية
‏ما بعد مرك سموم الصيف فالصماني

.....

[الحمدان]

سامرت طيفك على ضوٍ تواقد سناه
‏وثنتين لا جات مع طاريك يا زينها

النار ملح الشتاء والبرد ملح الحياه
‏وأنتي حياة القلوب اللي تمرينها

.....

[الحمدان]

العود الأصلي دايم يفوح بالطيب
والكير مابينه وبينه تشابه

فينا شموخ الصقر وطبايع الذيب
قبيلتي له بالقبايل مهابه

هاماتنا تبقى بروس المراقيب
والطيب فينا دوم مابه غرابه

مانعشق إلا كل نادر مع أصعيب
في رأس منهو لابغى الشي جابه

.....

[الحمدان]

‏رد الجميل لصاحبه لو بعد حين
مال الجماله كود رد الجماله

ماينكر المعروف كود الرديين
اللي بهم طبع الردى والنذاله

واهل الوفا يبقون دايم وفيين
تبقا طبايعهم علوم الشكاله

اللي مباديهم على العز والدين
طريقهم للخير في كل حاله

.....

[الحمدان]

عطانا الزمان من التجاريب مــايكفي
دروس تصحي غافل القلب من نومه

عرفنا مقابيل الرفـــاقـه مـــن المقفي
وعرفنا الصقور الصيرميه من البومه

.....

[الحمدان]

فنجان قهوة وابتسامه وسعة بال
تلقى المساء يروق لو كنت ضايـق

لا تقول مالي خلق و تكـــدر الحال
حــاول تعيش من التفــاؤل دقايق

.....

[الحمدان]

تغانموا مايوصلكم لخضر الجنان
ليالــي العمـــر ما تمشي على مهلها

.....

[الحمدان]

تسامحـــوا عــــــن كل زله وتقصيـر
تـــرى حيــــــاة الناس ماهي مديده

والمخطي اللي مـــا يجيب المعاذير
مـــــاهــو مبشر بـــالحياة السعيــده

.....

[الحمدان]

لاتقوم تحط نفسك تحت رحمة حظك
اجتهد وان طاح حظك حط رجلك فوقه

.....

[الحمدان]

لبى عليل الهوى لا هب من يمك
يـاورد عطرك يفوح بروح وجداني

مشتاقلك والخيـال الرحب لاضمك
ما عاد يرضيه غيرك واحـدا ثاني

.....

[الحمدان]

بعض البشر حُبه سكن وسط الاعماق
مـهـمـا فـعـل مُـحَــال تقوى فـراقــه

لو غاب لحظه صرت ضايق ومشتاق
حـَـتَّى ولـُو حُــبَّه مُـجـَـرَّد صـَـدَاقـَـه

.....

[الحمدان]

‏گان المعزھـ عندكم يوم وأسبوع
‏ثم تنتھي مع دورة الوقت وتضيع
‏
‏حنا المعزه عندنا راس مرفوع
‏لا من شرينا شخص مانقدر نبيع

.....

[الحمدان]

‏تمشي على كيف البشر وانت زعلان
طالب رضا كل المخاليق غادي

صدقني ارضاء البشر بعض الاحيان
يمرضك وتصير امّعه غير عادي

.....

[الحمدان]

من عطاه الله محبة فالقلوب
أشهد أن الله معطيه الكثير

جعلني لاجيت للناس محبوب
وجعلني لاغبت مذكورٍ بخير

آمين

[الحمدان]

اضحك وسولف وابتسم للمخاليق
وخل الامل بين العيون وهدبها

دنياك ما تسوا يجي داخلك ضيق
وايامك اللي ماضيه لا تحسبها

.....

[الحمدان]

يارب وآن جاتك الدعوات مكسورة
إفرد جناح الرضا وأجبر خواطرنـــا

آمين

[الحمدان]

يالله بدعوه صادقه من ظهر غيب
‏من واحــــدٍ محبتـا لك من الله

‏تفتح لك ابواب السماء والدواليب
‏وتظلك بيـــوم الحشــر تحت ظله

‏دعوة محبن ما وراها مكاسيب
‏من قلب مؤمن لاخطا أستغفر الله

آمين

[الحمدان]

شــــد حيلك فالصلاه وفالعباده
للحياه المقبله ويش انت ذاخــر

.....

[الحمدان]

ليت الذي ياخذ من حسابي أبيات
يمر على قلبي وياخذ جروحي

.....

[الحمدان]

‏أنا ما استفيد من السهر غير في ثنتين
‏صلاة الفجر ومقابل الصبح واشعاعه

.....

[الحمدان]

يـــارب سـامحــنا علـى كل تقصير
انـت الكريــم ورحمــتك واسعتــنا

نخطي ونلحق من خطانا المعاذير
ولولا الامـل في رحمـتك كان متنا

آمين

[الحمدان]

‏هذا المساء يحتاج دلة وفنجال
وقلوب ينبع من صفاها العذوبة

لا فكروا بالدنيا ولا فكروا بالمال
والضيق لو هو حولهم مادروبه

.....

[الحمدان]

البارحه شبيت روس الزقاير
واحرقت جرحً داخل الصدر مدفون

قصدي اخف من كنين الضماير
واليا جروح تزود والقلب مغبون

.....

[الحمدان]

أنا ادري أني عند الأجواد محبوب
‏لــكــن حضي صايبه ياعرب عين

‏طـيب لكن الحض مبلي ومنكوب
‏الله على حـــض الوفي دايم يعين

.....

[الحمدان]

‏سولف عساني منحرم منك يا عين
جمعـــت لك ثنتيـن شـوقي وذوقي

صوتـك يوديني لمدري علــى ويـن
بـس الأكيـد إنـه يريّـح خفــوقي

.....

[الحمدان]

‏يبقى الوفاء فينا لو الناس خانت
فطره من المولى وصبرٍ على سكات

نذكر لهم من بيننا ايام زانت
وحنا على درب الوفاء للنهايات

.....

[الحمدان]

لك بوسط قلبـــــي شموخ وجمايل
يمشــــون تحت امرك على مابغيته

انت الملك والمملكـــــــه والقبايــــل
وانت الخفوق اللى دعاَنى واجيتــه

.....

[الحمدان]

‏الموت ماهـو بس في طلعــة الروح
‏أكـبر جريمـة قتل كسر الخواطر

‏لو العزاء في غير الأموات مسموح
‏أعظم تعازي في جريح المشاعر

.....

[الحمدان]

انت خلك بالتعامل شخص راقي
واحرص انك ماتجيب الا الثمينه

.....

[الحمدان]

‏ﻻﺗﺮﺧﺺ ﺍﻟﻠﻲ ﺳﺎﻣﻚ ﺑﺴﻌﺮ ﻏﺎﻟﻲ
ﻭﻻ ﺗﺨﺬﻝ ﺍﻟﻠﻲ ﺑﺎﺡ ﻟﻚ ﻛﻞ ﺳﺮﻩ

ﺍﻭﻓﻲ ﻣﻊ ﺍﻟﻠﻲ ﺣﻂ ﻟﻚ ﻗﺪﺭ ﻋﺎﻟﻲ
ﻭﺍﺑﻌﺪ ﻋﻦ ﺍﻟﻠﻲ ﻳﺮﺧﺼﻚ ﻛﻞ ﻣﺮﻩ ‎

.....

[الحمدان]

بعض البشر حُبه سكن وسط الاعماق
مـهـمـا فـعـل مُـحَــال تقوى فـراقــه

لو غاب لحظه صرت ضايق ومشتاق
حـَـتَّى ولـُو حُــبَّه مُـجـَـرَّد صـَـدَاقـَـه

.....

[الحمدان]

وش بقى في الشعر شيٍ ما كتبته
ووش بقى بالشوق أكثر من أبيك

ووش بقى بالحسن زودٍ ماوصفته
واحلف إنّه ما يليق إلاّ عليك

.....

[الحمدان]

لذيذة الريق عنقا تبري العلّه
نحيلة الخصر جيعانه وشبعانه

اليا نشف مبسم المجمول ويبلّه
ماعاد يروي عطشك الما وغدرانه

.....

[الحمدان]

لديار ريم الصيد لبّاس القلايد والحجول
اللي توقّى في غصون الطلح وجذوع السمر

يرخي ثلاث ليال في داره منافيع الثعول
أنا أعرفه يطرب على شوف السحاب المنهمر

مع إن داره ماهي بحاجة مطر ولا سيول
مكفي منابتها خجل خطوته يومنه يمرّ

.....

[الحمدان]

أنا وهو من دون ذكر التفاصيل
الصمت طال وننتظر من يبادر

كنت أستعّد أنطق أشتقت حيل
وقبل أقول أشتقت شفته يغادر

.....

[الحمدان]

مطيح المطر بالارض يشبه مطيح خطاك
على جرف جفني يا مطر ناظري مري

أحبك واقول اني احبك ولا يخفاك
انا المعجب المعلن وأنا المعجب السري

.....

[الحمدان]

على رغم غيبته ما كنت ناسيه
كنت أتحرى طلته وأحتفي به

وشلون أعالج جرح قلبي وأداويه
لا صار قلبي منجرح من طبيبه

.....

[الحمدان]

ناعس الطرف ابورموش عيونه مظله
ماخلق له شبيهة بين شرق وشامي

في المحاني بناله قصر قلبي محله
وفي عيوني يشاركني حتى في منامي

هيه ياللي تمر بحيهم او تدله
بلغ الزين منا له كثير السلامي

.....

[الحمدان]

لاكسبت طاعة الله وبر الوالدين
خل وساع الحناجر تموت بهمها

.....

[الحمدان]

‏توقف لك أرصفة الشوارع وهي جلّاس
‏واوقف أنا وانا صديق الشعر والليل

‏عسى الله يكثر خير وجهك على هالناس
‏هو اللي بعد وجهي حبيبي سقاه السيل

‏تجي مثل زخّات المطر يتبعك نسناس
‏ووطنك القديم اللي تحبه يحبّك حيل

.....

[الحمدان]

‏مامشيت الا وانا عايف وعندي يقين
‏القلوب ان ذاقت الغبن ماهيب لاينه

‏رحت لا مكسور خاطر ولاشكلي حزين
‏وحافظً قلبي من العابثين وصاينه

.....