فوق هام السحب ( الشعر الشعبي) على متن القوافي

[الحمدان]

كم واحدن جارت عليه الليالي
وازرا يصارعها على مر الازمان

من دون وجهه يستدين الريالي
واصبح ضحيه بين داين وديان

لاراس مال ولاجمع له حلالي
لكن على فعل الجزيلات شفقان

.....

[الحمدان]

مايصحي غفوة الشوق في جوف الضلوع
غير ذكرى لا اظلم الليل تفتح بابها

.....

[الحمدان]

كل شي في الأرض له وزنه وميزانه
إلّا غلاك أنت أتعب لي موازيني

.....

[الحمدان]

الخاطر ان طاب من حاجه عليها السلام
لو انها اغلى من عيوني علي عفتها

.....

[الحمدان]

‏ليل الشتاء غربه وجرح وتناهيد
كنه يفتش بالقلوب الحزينه

يطيب ليله وقت قرب المواعيد
ويشين لا صارت مواريه شينه

.....

[الحمدان]

شربت فنجال الغلا من دلالك
وأرويت قُلبي من فناجيل حبك

ياللي سكنت بوسط قلبي لحالك
شوفك منُاي شلون في يوم أكبك

.....

[الحمدان]

الحب ماهي بكلمة اهواك واغليك
صـدق المشاعـر تبينـه لـك الافعـال

والا الكـلام العـذب كلٍ بيعطيك
تلقاه مـع شاعـر وعاشـق ومحتـال

.....

[الحمدان]

‏كان تبغي طيبك اللي بذلته مايضيع
‏احسن النيه ترا كل قلب ومانوى

‏من يسوي بين قدر السنافي والوضيع
‏والله ان تعطيه الايام جرح بلا دوى

‏لاتضن العداله مساوات الجميع
‏حكمة الله فالاصابع ماخلاها سوى

‏عايض العاطفي

[الحمدان]

‏كل المواجع طابت الا وجعة الحب الاخير
‏ تروح الارض حطام لو ابث حزني ووجعي
‏
‏ياقبلة الاحساس ياللي بالغلا مالك خشير
‏ يوم الليال ملاح انا مرجعك وانته مرجعي

‏سفر الدغيلبي

[الحمدان]

أبوها تطغى فعوله على كل الفعول
‏وهي على كل الغنادير يطغى زينها

.....

[الحمدان]

‏على جال ناره مركي ٍدلة الرسلان
‏يزيل العمس فنجالها لا تقهويته

.....

[الحمدان]

‏
‏مايشبهك في طلتك غير الاشراق
‏ولايشبهك في غيبتك غـير ظلك

.....

[الحمدان]

‏ريح المطر والمساء روعه بعينـي
‏من فرحتـي بالجو مدري شسوي

‏أكتب شعر وأقول ليتك تجينـي
‏زودٍ على هالزين بيزين جوّي

.....

[الحمدان]

عسى السحابة من وراها سحابة
‏غيم ومطر وأخبار خير وتباشير

.....

[الحمدان]

‏تعال عانق في مساء الحب روحي
‏خل المساء يرتاح في ضم روحين
‏
‏خله يزيح الصمت عن صدق بوحي
‏واحكي لك الي في خفوقي من سنين

.....

[الحمدان]

‏والله انـك فـي عيوني كنز مايفقد غلاه
درة فاقت جميع الوصـف غالـي اثمانها

كيف اوصف لك شعور القلب ياغاية مناه
وانت حبك في معاليـق الخفـوق اوطانها

.....

[الحمدان]

‏أشتقت لك يـاراحـة القلب والـروح
‏وأشتقت أسولف لك عن الحب وينك
‏
‏الشوق لأجلك داخــل العين مفضوح
‏ليتك تشوف شــوق عيني بعينك

.....

[الحمدان]

‏مالقيت اجمل من احساسك شعور
‏ارتويته وصرت في حبه غريق

‏اشعر بنشوه تعيشني بحبور
‏وصرت لدروب الغرام احسن رفيق

.....

[الحمدان]

علموه ان الغلا باقي محلـه
لا يهـاب البعد عني لا يهـابه

والله ان الحب له والشوق كله
ما يغيرني جفاه ولا غيابه

.....

[الحمدان]

يامن خذيت القلب أنا جيت أهنيك
حبك سكن قلبي ويجري مع الدم

أصبحت نبض القلب ياروح مغليك
والأمر منك لو يجي قلت لك تم

اطلب حبيبي ماتريده وانا اعطيك
حبك قياسي كل الأرقام حطم

لاغبت ساعه فز قلبي يناديك
كبير حبك لي وحبي لك اعظم

.....

[الحمدان]

مافيك حيلـه شاغلن كل فكـري
وفالك من الخفاق مليـون ورده

محيط حبك صار مرساه صدري
ياجـزر قلـبي ويا غلاتـه ومــده

.....

[الحمدان]

دع الحرص عن الدنيا وفي العيش فلا تطمع
ولاتجمع من الأموال فلا تدري لمن تجمع

فإن الرزق هو مقسوم وسوء الظن لا ينفع
فقيرً كل ذي حرصٍ غنيً كل من يقنع

.....

[الحمدان]

‏ليت الوفـاء سلعه لها النـاس تشتري
‏كان اشتري بعض الوفاء وامنح الناس
‏
‏بس الـوفـاء فـطره مـع الـدم تـجـري
‏ماهي صناعه بالخواطر والاحساس

.....

[الحمدان]

‏يا صاحبي والناس فيها وفيها
ومن يبذل المعروف لابد يلقاه

لا تعطي الحاجه وتسأل عليها
طبع الكريم إذا عطا شيئ ينساه

.....

[الحمدان]

‏احــيان نعشق مـن ديــارٍ بعــيده
من دون مانحسب مسافات وابعاد

مانــدري ان الشــوق نــاره شديده
تحـرق خيام اهل المـحبه والاوتاد

.....

[الحمدان]

‏الزعل في نظرتك له جاذبيه
كيف لا منك رضيتي وزان لونك

اجمل اشياء الحياه الدائريه
القمر والشمس والثالث عيونك

.....

[الحمدان]

‏أغيب عن دارك وأحن لطواريك
‏وأخالـط أشواقي بعذب المعاني

‏يعني تطمـن يابعـد روح مغليك
‏طيفك معـي في كل حين ومكاني

.....

[الحمدان]

‏للنوم سلطة تكتسح كل إنسان
يهزم جيوش رموشنا ويغلبها

صح الذي سماك يا النوم سلطان
مهما عصتك العين تطوي هدبها

.....

[الحمدان]

عن صلاة الفجر ياخي لاتنوم
ركعتين الفجر خير من الحياة

قوم لايلعب بك الشيطان قُووم
ولاتقول النوم خير من الصلاه

.....

[الحمدان]

‏حنا على روس المعالي رقينا
نظراتنا دايم لروس العلا فوق

بعنا وفي سوق المراجل شرينا
وشرياتنا جزله ومن نقوة السوق

ولا نلتفت للاش لو لد فينا
نرفع مقام النفس عن كل مطفوق

.....

[الحمدان]

‏من وثق فينا يشوف الوفى ماله حدود
نحفظ الاسرار ونصون عهده والوعد

والله انا مانخون المواثق والعهود
لو فقدت الروح من دون عهدي مستعد

.....

[الحمدان]

‏من صافحت يمناي بالطيب يمناه
حطيت قدره بالشحم في يميني

ومن صد عني بالخفى كثرت حكاه
حطيت قدره في مكانٍ مهيني

.....

[الحمدان]

‏نحبّ الوفاء واهل الوفاء طيبين الساس
عـسى الله يقوّيهم وحنا يقويّنا

خلقنا الولي ننسى معاريفنا فالناس
ولكنّ ماننسى معاريفهم فينا

.....

[الحمدان]

‏يارب وصيتك بنفسي على طول
‏وانا عدو نفسي اذا انكرت شكرك
‏
‏إن شفتني في لذة العمر مشغول
‏يارب لا تشغلني الا بذكرك

.....

[الحمدان]

‏ما أستفدت من الفراق ظ³لا القصيد
ومـا فقـدت من العمـر غيـر اربعه

الوفــا والحب والحـــظ السـعـيـد
والحبيب إللي قصيـدي ما اشبعه

.....

[الحمدان]

يالله طلبتك ولاغيرك نريد منه
للخلق والناس انا ماني بمحتاج

مانرتجي غير رضوانك مع الجنه
يالله لعفوك تراني جيت محتاج

بقلمي

[الحمدان]

‏النفس من رزقها ماهيب محرومه
‏لامن دعينا فرب الكون سامعنا

‏ما دام الارزاق عند الخلق مقسومه
‏اللي رزق غيرنا ماهوب مانعنا

.....

[الحمدان]

بيني وبينه وصل وأسرار وعهود
‏مصيونةٍ ماتدري الناس عنها

‏⁧خلف بن هذال⁩

[الحمدان]

خليها على الله وهونها تهون
لا تحمل نفسك فوق مالا تستطيعه

حاول تعيش مع الايام مجنون
والعقل لا حصلت له مشتري بيعه

.....

[الحمدان]

اما جلوس العز بين الاجـاويد
ربعن على المذهب ونعم البطانه

وإلا لحالك سج رجلك مع البيد
واحذر جلوسً المهزله والمهانـه

.....

[الحمدان]

البل عطايا الله جزيلات العطاء
‏قطاعة الفرجة طويلات الخطاء

‏مع ظلام الليل أدل من القطاء
‏سفن الصحاري والذكاء بأذهانها

.....

[الحمدان]

بعض البشر لوكل عمرك تراعيه
غلطـه وحيده تهدم اللـي بنيته

لاشاف شيءٍ ما يوده ويرضيه
ينسى جميع اللي بذلت وعطيته

.....

[الحمدان]

‏لولا صواديف الزمـان الثقيلات
ماينعرف طيب العرب من رداها

مشكور ياوقت ٍ غـدا فيه ميلات
عرفتنا بالناس وش هو مداها

.....

[الحمدان]

طعنتني في لذة الحب بسكات
حتى بطعناتك عن الناس فارق

ﺗﻌﺎﻝ ﺍﻭﺻﻒ ﻟﻚ ﺷﻌﻮﺭﻱ ﺑﻟﺤﻈﺎت
ﻳـﻮﻡ ﺍﻟـﺘﻔﺖ ﻭﻻ‌ﺡ للبعد ﺑﺎﺭﻕ

ﺍﺻﺪﻕ ﻣﻦ ﺍﻟﺪﻣﻌﻪ ﻋﻠﻰ ﻓﻘﺪ ﺍﻷ‌ﻣﻮﺍﺕ
ﻭﺍﻛﺬﺏ ﻣﻦ ﺍﻟﺒﺴﻤﻪ ﻧﻬﺎﺭ ﺍﻟﻤﻔﺎﺭق
.....

[الحمدان]

‏نبعد عن زحام المخاليق ونغيب
‏والبعد بعض احيان للراس راحه

‏يبعدك عن كثر الحكي والاكاذيب
‏وبينك وبين الناس يعطي مساحه

‏لو ان بعض البعد مابه مكاسيب
‏لكن فيه الصدر يلقى انشراحه


.....

[الحمدان]

‏اسهـل مفـاتيح القلوب ابتسامـه
‏ واترك عيوب الناس وتموت راضي

‌‏والصمت في بعض المواقف كرامه
‏وقـد قيـل ثلثين السعـاده تغـاضـي

....

[الحمدان]

‏لهفتي تشبه شعور الأبرياء
في ملامح طفل يخفي غلطته

جيتك بعفويتي ماهي رياء
حبك اصدق شي نفسي سوّته

.....

[الحمدان]

المسأله ظروف وقـت وتعدي
‏والناس تحكمها ظروف ومقادير
‏
‏وقف معي لا وقف الوقت ضدي
‏وإلا إعتبرني ظرف عدى على خير

.....

[الحمدان]

روح ابعد والله اني لن اموت
يا الذي شاعر بحبك مستهام

دام حرفي فيك ما هز السكوت
وشوق شاعر ما لقي منك اهتمام

لو انت ليا بحر وانا فيك حوت
مرحبا بالموت يا حالي القوام

شوف وصل اللي تحبه كالكروت
ان شحنته زاد يا غالي ودام

والهجر ينهي رصيده والصموت
يفصل الخدمة وينهيه الغرام

المشاعر شف كخيط العنكبوت
تنقطع من صد فافهم هالكلام

....

[الحمدان]

‏أيش اجــبرك تبعد وانا خاطري فيك
والله جــريمــه يا عديــــم المشــاعر

هجـــرتني وانا احبــــــك واغليــــك
وكســرت فـــيني والقسـم كل خاطر

ياســاكــن اعماقـــي انا مـيتن فـيك
والقلــب يا قـلبي عليــك انـت ثايــر

ليتــك تداري قلـب بالصــدر يبـغيـك
وتصــون قلبي مــن جـميـع الكسـاير

.....

[الحمدان]

‏بعض الظروف احيـان مثـل المنبّه
لاصرت غـافي عـن رفيقـك تصحيك

تكشـف لك الكـاذب وزيـف المحبّه
وتكشف لك الصادق اذا كان يغليك

.....

[الحمدان]

‏الصمت حكمه لكن البوح نعمه
وكلاهما يحمل مزايا مع عيوب

احذر تبالغ يصبح الوضع نقمه
خلك وسط ما بين غالب ومغلوب

وخذ من تجارب رحلة العمر حكمه
وترى الوقار بكل الاحوال مطلوب

....

[الحمدان]

‏غلاك في قلبي مع الوقت يزداد
‏احساس وشعور وغرام وحكايه

‏في نظرتي بين البشر مالك انداد
‏ويبقى وجودك في حياتي كفايه

.....

[الحمدان]

‏رغم ابتعادي عن مراسيء تلاقيك
‏تبقى على ضفة فؤادي سفينه

‏أحيان اشوفك في خيالي واناجيك
‏وأحيان فصل الشوق يمطر حنينه

.....

[الحمدان]

‏لا تبتعد يا حبيبي اكره الابتعاد
‏الهجر ناره تولع في ضلوعي كما

‏اجروم سمرن تضوت لين صارت رماد
‏وعيني على شوف غيرك كن فيها عما

.....

[الحمدان]

تعَال افگدني لتخلِي العذر مَهرب
‏تَراچي اثنينة وبَس نفترگ نَخرب

شعر عراقي

[الحمدان]

خلك عزيز النفس والعز ماواك
‏كلن عطه تفصيل ثوبه ع قده

....

[الحمدان]

ماتت امانينا على كف الايام
‏وحكم القدر فارض علينا ميوله

....

[الحمدان]

من خلقنا الله وحنا رفيعين المقام
مانعرف الكبر لكن نعز نفوسنا

.....

[الحمدان]

‏اما تجي حكمه وتغلب على الصمت
‏ولا التزم بالصمت والصمت حكمه

.....

[الحمدان]

صَاير ما تِحن كلش هالأيام
وحِيل تغيرت بيك المَودة

شعر عراقي

[الحمدان]

يزين نور الشمس ف عيونك الحور
ويزين صبحي عند شوفتك صاحي

انتي صباح الخير والورد والنور
وانتي الصباح اللي يجمل صباحي

.....

[الحمدان]

من صد عني جعله اخر همومي
ومن صان قدري فوق راسي مكانه

.....

[الحمدان]

فيني طبايع ناس ماتوا من زمان
وفيني صبر ايوُب على الي بلاني

.....

[الحمدان]

كثـر التغلي يرخصك لو كنت غالي
‏ وكثر المحبه من طرف واحد مذلـه

.....

[الحمدان]

جعلنا عن منّة الناس دايم في غناه
والغنا في عزة النفس ماهو فالفلوس

خوة أهل المصلحه ما تطوّل فالحياه
مثل شيلات المزاين وشيلات العروس

.....

[الحمدان]

انت عمرٍ لا سألوني وش تمنى قلت اعيده
وأنت فرحه يوم جت لي ماتت أحزاني بعَدها

انت لو للناس دنيا صرت لي دنيا جديده
ما حييت إلا عليها ولا أندفنت إلا فلحَدها

انت خيرٍ جابه الله خصّني به من عبيده
وانت نعمة قلبي اللي كل ما ينبض حمَدها

.....

[الحمدان]

لك محبة في حياتي ماتقل
اصلها طيّب ومقصدها نزيه

ولك بريضان الغلا عندي حقل
كل شيءٍ صار ودّك فيه فيه

وناقلٍ حبّك مع سنيني نقل
بأي عمر ابداه او عام ابتديه

في غرامك اتفق قلب وعقل
كن حبك متفق شرعًا عليه

.....

[الحمدان]

كل الغلا في شيك من قلبي اهديك
جاري حسابه في بنوك الغوالي

الشاهد الله كلما مرّ طاريك
كم ينشرح صدري ويرتاح بالي

.....

[الحمدان]

لامـرنـي طيـفك قصـيدي تحـداه
ويشوش راسي باسمك اليا طريته

انت الحياه وراحـت القلــب ومناه
وانـت الوحـيد الي خفوقي خذيته

وانا هديـتك كـل قلبي مـن اقـصاه
واهديت لك شعـري ولجلك بنيـته

.....

[الحمدان]

الطيب جمّع ناس لا عرق فيها
والحقد فرق ناس من صلب جدان

عمر الردايا ما تمثل ذويها
والطيّبين اخوان لو ماهم اخوان

.....

[الحمدان]

سبح وكبر كل ما اصبحت وامسيت
واستغفر الله كل لحظه وساعه

واخشع ليا منك بالاوقات صليت
وعليك بالإخلاص في كل طاعه

وإن طعت ربك فزت باللي تمنيت
واصبحت لك عنده قبول وشفاعه

وعجل على التوبه ليا منك اخطيت
وخلك بها الدنيـا كثير القناعه

.....

[الحمدان]

انت الكريم وكل خلقك ترجاك
نطلبك جودك يامنجي دخيله

يافارج الشدات بالضيق ننصاك
عليك تخفيف الحمول الثقيله

.....

[الحمدان]

‏عليك يارب البشر كل الآمال
محقق المستعصية المستحيلة

يارب من يعمل من الخير مثقال
ذرة يراه وماتضيع الحصيلة

وأنا ياربي شلت صعبات الأحمال
والغاية أكبر من طموح الوسيلة

مستعصم ٍ بك عن غوى كل دجال
قبل الوداع القلب يعلن رحيلة

.....

[الحمدان]

صوتك يرد الروح ويثير الإحساس
ومع كل نبره منه يزداد شوقي

اليا اختلط مع بحته حر الأنفاس
كنـه يضـخ العافيه في عروقي

.....

[الحمدان]

جيتك وانا كلي تعب ودي ارتاح
أبيك تسمع نبض قلبي وحرفي

نظمت لك شعر الغزل عطر فواح
ونسجت لك تاج المحبه بكفي

الصبر طبعي لكن الشوق فضاح
واللي يحب من قلب صعبه يخفي

[الحمدان]

مسكين ياللي تظلم الناس مسكين
لابد من يومٍ تشوف الندامه

في خاطرك ضيقه وفي ذمتك دين
وعليك من سو العواقب علامه

أد الحقوق ولاتعوّد على الشين
كانك تبي يوم القيامه سلامه

أحذر تماطل في حقوق المساكين
واللي حقر للناس ضاع أحترامه

.....

[الحمدان]

دام النـوايـا فـي حشانـا سليمه
ماهمنا من قال فينا ومن عاب

حنـا خلقـنا مـن سلاله كريمه
ما نلتفت لكلام عايب وكذاب

.....

[الحمدان]

‏لك بين نبض القلب والطرف مسكن
ولك في ثنايا الروح طيفٍ وصوره

ولك في شعور الذات حبٍ تمكن
والبال ما يرتاح إلا بحضوره

.....

[الحمدان]

تدري وش اللي لافقدته خساره
ماينتعوض لو رصيدك ملى ابنوك

اخوك لا منك هفيت بوقاره
وخاويتلك من نايد الناس صعلوك

مكسبك فالدنيا وساس التجاره
تراه اخوك ولا احد ايعوّض اخوك

مادامكم حيين خلك جواره
ماينفعك لامات لو فيه عزوك

.....

[الحمدان]

رسمت امنياتي وامنياتي تبي تحقيق
تجي ما تجي مدري عسى الله يوفقني

ليه ازعل وانا بنادم لو اطيق مالا اطيق
تدور السنين وسارق العمر يسرقني

نسفت الهموم وقلت يالله بالتوفيق
ولحقت الامل يوم ان الاوهام تلحقني

.....

[الحمدان]

تحاربت انا والحظ حربٍ بدون سيوف
على مطلبٍ مدري متى الحظ بيجيبه

.....

[الحمدان]

اغفل عن الناس وحاول لاتراقبهم
ركز بنفسك وخلك صافي النيه

....

[الحمدان]

أُمِّي الحياةُ بعرضِها وبطُولها
أمّي الهناءُ يحلّ حيثُ حلولهَا

....

[الحمدان]

‏الوقت ياما جاب من ناس ويجيب
‏بس أنت في خافي ضلوعي توطنت

‏ملكتني في حسن الاخلاق والطيب
‏هذا شعوري وافهم الحكي لاهنت

.....

[الحمدان]

‏ابوح له بالشوق والشوق ممنوع
واهتف باسمه بين نفسي وبيني

رغم الوصل مابيننا شبه مقطوع
عندي امل بالقاه ويحس فيني

.....

[الحمدان]

‏اهل الغلا لو همّ ثمانين مليون
‏قدرك تعدىَ قدرهم وانت واحد

.....

[الحمدان]

ماكل حي تفقده جاك مشتاق
وما كل مخلوقٍ لقى ما تمنى

عند الله المعبود توزيـع الارزاق
كل ٍ يجـيه الرزق لو ما تعنى

.....

[الحمدان]

احيان تاخذني عن الناس سجه
‏واقند القهـوه قرنفل مـع الهيل

‏أحتاج انا في بعض الحيان هجه
‏واقعد لحالي بين شعر ومواويل

....

[الحمدان]

دايما من يلزم الصمت تلقاه محشـوم
وان حكــا يملا من البيـر دلو السانيـه

والا راعـي البـربــرة لو يبربر كل يـوم
دايمـا مسفوه مثل القناة الـثانيـه

.....

[الحمدان]

‏كم خيمةٍ برواقها للعرب ظل
وكم فلةٍ ماتحتها الا المهونه

لايغرك الديكور والقصر والزل
كم من كريمٍ كرمته من ديونه

.....

[الحمدان]

‏الحب خلّانا مجانين واغراب
‏لين اكثر اللي مايحسّون حسّو

‏طعم الفراق اللي يجي بين الأحباب
‏ما يفرق بواجد عن الأسبريسو

.....

[الحمدان]

أجي لك شوق وأرقى بك غلا
وأستثيرك حب وأعيشك جنون

جعلني من قربك أنت ما أخلا
وجعلني من دون حبك ما أكون

.....

[الحمدان]

يا ناوي الشر والنكـبات لصـحابك
ابشرك كل ماتفعل خـــبر فاضـي

تغتاب غيرك وغيرك قام يغتابك
مثل السلف والسلف لابد يتقاضي

....

[الحمدان]

‏ماهمنـــــي يا وقــــت غــــادر وخوان
لإنـي على النيـه مـــع الناس واضح

ارمي جوارح خاطــــــري خلف الامتان
وامشي على نهج الوفـاء والتسامح

مااطيــــق حمــل أوزار كاين ومن كان
قلبي نظيف من الحسـد والتجارح

ما احسب حساب الغدر من اي انسان
عايــش مع كل البشـــر بالتصالح

.....

[الحمدان]

‏المحبه كان ماهيب لك يعني لمن
‏شوف عيني كم لها في عيونك سارحه

‏ما تنسيني جمايلك دورات الزمن
‏لين راعي الجرح ينسى ملامح جارحه

‏معك للايام لذه ولـ اللحظه ثمن
‏أنت ضحك اليوم على دموع البارحه

....

[الحمدان]

يجوز إني من اللهفة سريتك ضايق ومرتاب
‏اشيل من الهوى حملٍ على شانك تحملته

‏تضيق بوجهي الدنيا والاقي في رحابك باب
‏وأحسك مثل شيءٍ كان ينقصني وكملته

‏أجي صوبك وأنا لوجهك يسابق وجهي الترحاب
‏وأشوفك مثل نجمٍ فالسماء كم لي تخايلته

.....

[الحمدان]

‏جيتك وانا من كثرة الشوق محتاج
‏احتاج اكون بكل الاوقات قربك

‏عطني خفوقك كان ماعندك احراج
‏قلبي ملاه الشوق واحتاج قلبك

.....

[الحمدان]

‏لاتشتكين الليالي دام ضلعي متين
‏انتي في وجهي من الدنيا وفضا كونها

‏في ذمتي مايطولك جور ضيم السنين
‏انا الملاذ المجير وصوت هارونها

.....

[الحمدان]

يراودني خيالك كل ماطل القمر وارتاب
جمعتك في عيوني نور مزنٍ لاح بارقها

حفظتك في حنايا خاطري شوق وغلا واعجاب
وربي مادرى بمحبتك ياكون خالقها

....

[الحمدان]

ترى بيني وبين اللي مضى بالذاكره ميلاف
‏وإلين الحين ياخذني شعورٍ من أغانينا
‏ㅤ
‏عرفت إن القدر فرصه سعيده والحياه أعراف
‏لو إن الشوق من كثر البعاد المُرّ يصلينا
‏ㅤ
‏أزورك حلم من خلف الحقيقه والشعور لحاف
‏ما دام إن الوله واقف على سكة هقاوينا

....

[الحمدان]

‏مابعد عسر الزمان الا تياسيره
‏لو سود الايام تفجعنا حقايقها

‏بنسوقها في رجا اللي مالنا غيره
‏خلاّق الأنفس وكافلها ورازقها

....

[الحمدان]

أنا فدا وجهك اللي كل ماشوفه
أقول لضيق رح دور على غيري

....

[الحمدان]

‏الصدور اللي وفاها ملاجي للرفيق
ضيقوها اللي على كل عوجا يقلطون

عزتي للقلب الابيض وللوجه الطليق
لا حداه الله على عالمٍ ما يستحون

....

[الحمدان]

ياوجد حالي وجد من مات غاليه
عاش الـزمـن مـاله سوا ذكـريــاته

لا أقبل علـيه الليل ثارت طـواريه
وهموم قلبه من عنا الوقت جـاته

....

[الحمدان]

العقل نعمه والسوالف لهاساس
والشخص يوزن كلمته لانطقها

واللي بيسمع مايقولونه الناس
نفسه بهذا القول حتـماً حرقها

.....

[الحمدان]

الزين عقب العربيات ينعاف
غيد لهن بالزين ذكره وسيره

فيهن حلا طاغي ولين وتعطاف
وفيهن حنان يشعل القلب غيره

حلوات وصف وفاهمات بالاعراف
زينات منطق صافيات السريره

بنات قوم طيبهم غصب ينشاف
الزين عقب العربيات ينعاف

.....

[الحمدان]

كل البلاد بها الجميلة والأوصاف
والزين بالحشمة يزيد بريقه

والمرجلة ماهي حكي بس واهداف
الأصل طيب والنوايا عميقه

.....

[الحمدان]

جيتك وكلي شوق ياعذب الاحساس
اهـيم بـك واهـواك واعيـش ذاتـك

واعيش في روحك على ثوره احساس
وعلى ثرى خـطواتك الروح جـاتـك

....

[الحمدان]

‏لاتنخدع في بعض الأبيات والبوح
مرات كل اللي نقوله خيالي

نكتب فرح والقلب مرات مجروح
ونكتب حزن مرات والبال خالي

.....

[الحمدان]

‏يا طيب حظك لا تعلّقت بالله
‏ويازين فعلك لا تجملّت بالناس

....

[الحمدان]

‏كثر التغلّي يرخصك لو كنت غالي
‏وكثر المحبه من طرف واحد مذله

....

[الحمدان]

اصدق صباح الخير صبح الحبيب
تشعر مع حروفه بدفء أنفاسه

واذا قريت رسالته نفسك تطيب
من الكون مايرضيك غير احساسه

نجود الفيصل

[الحمدان]

عقلي على قلبي من العشق يشره
وقلبي على عقلي من الثقل موجوع

....

[الحمدان]

على اللي برى حالي غيابه وسدي باح
اكابر وازيف ضحكتي والبلا فيني

طواريه تاخذ بي مع سيرته مشواح
على شوفته وحكاه ماعاد يمديني

بقى له معي صوره عن البال ماتنزاح
حفظها غلاه اللي جرى مع شراييني

ادور على السجه واسولف مع المزاح
وانا فيني اللي من فراقه مكفيني

.....

[الحمدان]

لبيه يا اغلى مـن تجلّى بالاعماق
‏قرّب عسى التحنان يترك محلّه

‏واليا نويت تغيب من باب الاخلاق
‏حنّا بجفاك صدورنا مسفهلّه

‏تصد عنّا مستحي وانت مشتاق
‏صدً يكفّينا عن القرب كلّه

....

[الحمدان]

قهوتي حبك وحبك لي الكيف
‏ومن دلتك كني بروس النوايف

‏احب معك الليل شعر وسواليف
‏قصايد توصف غلاتي وصايف

.....

[الحمدان]

عادك بقلبي وعاد الحب الأول ماتغيّر
‏كنك العادات والأعراف في دم القبايل

....

[الحمدان]

حتى البحر لاستضاق تفضفض امواجه
‏للرمله اللي قضى العمر يتحضنها

‏البوح لو هو فضوح احيان نحتاجه
‏نحتاج نرمي متاعبنا وندفنها

ما أصعب من الحاجه إلاّ قضاية الحاجه
‏لاحدّك الوقت للناس وتمننها

‏وماصعب من الدين في الدنيا سوى مواجه
‏ديانك ومامعاك وينشدك عنها

.....

[الحمدان]

‏يا غزالٍ ما تصاد ولا تبان ولا تكون
‏سِيد تلعات الرقاب وسِيد خفرات العذارى

.....

[الحمدان]

الناس والايام تحتاج وجهين
وانا معي واحد ويبغى السلامه

.....

[الحمدان]

تبينها من جد ولا من خيال
ملامحك ملح الحياه ولونها

خلي عيون الطير وعيون الغزال
عيونك اجمل من جمال عيونها

.....

[الحمدان]

محبّتك فوق العتب والمشاريه
‏ومشاعري تلقى بقربك دواها

‏على كثر ما شافت عيوني وجيه
مافيه وجهٍ غير وجهك ملاها

.....

[الحمدان]

‏طوينا خيام الحب ياللي تبي المنزال
‏ونوينا الشديد من المحبة واراضيها

.....

[الحمدان]

‏تندر اشباهك مع العالم وانا متنبّه
والحقيقة كل حسنٍ غير حسنك فاني

انت وجهك يوم اشوفه لاتقول مشبّه
مستحيل انه يذكّرني بواحد ثاني

.....

[الحمدان]

‏اكـتب لك اشعاري واكـتب حروفـي
لجلك واسمك يامنى القلـب مكتـوب

طيفـك مـلازمنـي وسـره يحـوفـي
يـاعـالـم العشــاق للـعشـق منـدوب

.....

[الحمدان]

‏لبيه لبا وردك اللي حملتيه
لبّا عيون ٍ تنظر الطيف فوقي

هاتيه أضم الورد وأضم راعيه
يامن ملكت كل حسن وذوقي

.....

[الحمدان]

النــفس طــابت وڪـل اللــي مضــى خيره
وإن طــابت النفس تڪــره ڪــثر ماحــبت

....

[الحمدان]

‏قلنا صباح الخير والمسك والنور
‏للي يتابع كل حرف نشرته

‏واللي يبادرني من القلب مشكور
‏اعظم تحياتي لقلبه نسبته

بقلمي

[الحمدان]

يبقى الوفاء طبعي ولو راح عمِرَي
لانٌ لوفاء خصله رَفيع اصلها

ماهمني لَوُ خانوا اجيال عصري
الطيب عنواني وصبري رسنها

....

[الحمدان]

سم اللقا صدفه وأسميه ميعاد
‏انا انتظرتك وأنت مريت صدفه

.....

[الحمدان]

إسلوبها راقي ودايم خجوله
وكلامها ما بين تسلم ولا هنت

صعبه ولا يمكن تجي بالسهوله
انشهد إنها تختلف هذي البنت

....

[الحمدان]

تعال واحضن كل ضلعن لك يحن
يامنيتي لك شـوق اعيشه امانـي

جيتك وفا ملهوف كلي لك احـن
انبضك عشق وبوح قلبي معاني

.....

[الحمدان]

‏لبيك من قاصـي خفــوقي ولبيك
يالي لك الاشـواق فـ القـلـب حيه

اسكن بقلـبً ماعشـق غير طاريك
مـن يــوم شافك رحب وقال حيه

بين البشر والكون محدن يساويك
غــلاك زايــد لعـنـبو حــي حيه

.....

[الحمدان]

‏تعال واسمعني ترى ودي اقول
كلمه ولامني سكت اعتمدها

اشتاق لك واللي خلقني على طول
واشتاق لهفة خافقك وافتقدها

.....

[الحمدان]

‏انا مامحيتك من خيالي وكيف امحاك
ولك صورةٍ في متحف القلب موجوده

نساني تبسّام الفَرح لو بغيت انساك
تدور الليالي ما أَخلف العاشق عهوده

.....

[الحمدان]

لو الليالي اسلمتنا من بلاوي الاحزان
والظروف القاسيه مدت يدها ولانت

كان محتجنا مشافي وطب بن حيان
ولا كانت انفوسنا من الامراض عانت

.....

[الحمدان]

‏يا كيف اعبر لك عن إحساس قلبــي
‏وانت بحضورك تسرق حروف شعري

‏يمكن غلاك إيجاب والشـــوق سلبـي
‏كل ما صدفتـك انجذب دون لا ادري

.....

[الحمدان]

ماتفعله يمناك في واجب الغير
‏تلقاه لاضاقت عليك الوسيعه

‏ابذل من المعروف وابذل من الخير
‏الرازق الله والجمايل وديعه

.....

[الحمدان]

لا تعتبر كل العرب ربع واصحاب
‏ترى بعضهم جمرتٍ في رماده

....

[الحمدان]

‏نسلي النفس والباقي على الوالي
‏الخير والرزق عند الله مفاتيحه

....

[الحمدان]

‏القلب لا من عاف صد و تشيّم
‏والنفس لا طابت رخص كل غالي

....

[الحمدان]

رفيقي الغالي والأيام قدام
أزعلتني وأشعلت فيني وقايد

لا تفرح بوضعك ترا سود الايام
بكره اذا دارت تشوف النكايد

خسرت لك غالين ورجال حشام
من اول لا ضقت كانو سنايد

تقول انا مشغول والعالم ازحام
وتوعد ولا به من وعودك فوايد

اهديتني نور الأمل لكن اوهام
وكذبك علي يشبه كذب الجرايد

أنا حسبتك بالشدايد لي حزام
وأثرك مع اول ريح وقت الشدايد

مبارك الجحيلان

[الحمدان]

‏ياهل المرور شلون اسوق المعاذير
مافيه يوم يمرّ ماتذكّروني

والله ماهي من زود فضوه وتبذير
لكنها من دون وجهي ودوني

لو كان عندي شي ما أحتاج تذكير
سددتكم قدام اسدد ديوني

.....

[الحمدان]

في كنف ليلٍ نجومه تشد الإنتباه
تبتدي غربة من يعيش في حضن بلده

شاعرٍ كن الليالي تواصي في عناه
لاحقه من ميلة الوقت ضيقه وزهدَه

فاقد اللي زود بُعده مانقص من غلاه
من يبشرني بشوفه ويبشر بسعده

مابقى في ساحة البال من ذكرى لقاه
غير تلويحة وداعه وخذلان وعده

قلبي اللي عاش حلم المواصل في ذراه
خايف أنا من مهاده يوارى فـ لحده

كني أبوٍ مسه الفقر من بعد الغناه
يتقي من نظرة العجز في عين ولده

سامح الله من تركني على سكة جفاه
ضاميٍ لا لاح برقه ولا حن رعده

تختلي به سود الأفكار وتبيّح خفاه
تاركه فالحلق عبره وفالكبد لهده

الحزين يشوف في بسمته سترة نجاه
لو ورا البسمه من الحزن قومه وقعده

كثرة التفكير في بكره وفي اللي وراه
تشغل الواحد عن الحاجه اللي في يده

.....

[الحمدان]

الشاص لهل العز وأهل النواميس
شوفه دواء القلب العليل وعلاجه

....

[الحمدان]

ولا تحسب اني لو يطول الجفى ناسيك
‏انا الليلة الاولى عجزت اتخطاها

.....

[الحمدان]

‏أبرك مصاديف العمر يوم لقياك
‏من يومها صرت بحنايا خفوقي

‏لبّى طريقٍ ساقني صوب دنياك
‏ولبّى دروبٍ صوب دربك تسوقي

.....

[الحمدان]

‏لا تحسب اني بدونك ماقضي العازه
‏غلطان لا صار ذا ظنك وتفكيرك

‏غيرك يسد اللوازم يوم نعتازه
‏على البلاطه مشاريهي على غيرك

.....

[الحمدان]

‏من صفالي ماتركته لو يطول الزمان
ومن تغيّر تغيرنا عليه وعينه تشوف

.....

[الحمدان]

المال يصنع لك مكان ووجاهه
لكن ما يقدر يخليك رجال

....

[الحمدان]

لا ٺنصدم من صده ‏​‏​‏​‏​‏مالهَا اسباب
بعض البشر ماله مع الناس مبدى

....

[الحمدان]

حبيبي مرَّني وجهك مثل حقٍ بدون جْدال
‏مثل صمتٍ على تايه مثل تايه يبي له شوَر

....

[الحمدان]

‏ماحن لفعل الطيب نحتـاج تذكيـر
‏محفــزات الطــيب منا وفينــا

‏عند الخوي ماحن نسوق المعاذير
‏يبشـر بنـا من قبـل يزهـم علينـا

....

[الحمدان]

تجاهلي لبعض الاوادم من الله
ماهيب شوفة نفس والا كِبر فِيّ

احب انزل كل شخص بمحله
ولا احب اجي لي في محلٍ مهو لي

....

[الحمدان]

‏أنا على كف الزمن عايش الجو
‏لو الظروف أقسى من اللي تجينا

‏عشت الحياه وقلت ياخاطري سو
‏محد تفضل بالوناسه علينا

.....

[الحمدان]

‏لا ذعذع الغربي زعلت من الهبوب
‏وضاقت علي من المحبه والوله

‏قلوبنا ماهيب حي الله قلوب
‏إن كان حبت مشكلتها مشكله

.....

[الحمدان]

‏حنا الوفي من صافي الود نسقيه
‏ومن زادنا بالطيب إحنا نزيده

‏والي طرانا ساعة الضيق نطريه
‏ونكون عونه بالظروف الشديده

‏نغليه والله راعي الجود نغليه
‏ونصون قدره لو دياره بعيده

.....

[الحمدان]

عشنا حياه الوفاء طيبه وعفويه
من يفهم الجود يفهم طبع الاجواد

.....

[الحمدان]

ماهي بسيطة عزتي عند ذاتي
وماعدّ نفسي شي دون الكرامه

رح علّـم اللي قلّلوا مـن غلاتي
من باعني برخيص درب السلامه

.....

[الحمدان]

انا اتخذت القرار اللي يناسبني
وعن معظم الناس قمت اغيّر الوجهه

من يبدي الوصل لايمكن يعاتبني
ومن يقطع الوصل خليته على وجهه

.....

[الحمدان]

لاتخدعك دمعة ولا يخدعك بوح
بعض الغلآ أحيان ماله معاني

كم واحدٍ كنت أحسبه حسبة الـروح
صدّت به سنين الحيـاة ونساني

.....

[الحمدان]

‏سولف مع العالم مثل ما يحبون
واترك لهم على الهوامش مساحة

اثنين في هذا الزمن ما يعيشون
راعي الضمير ومن يقول الصراحة

.....

[الحمدان]

احلا مساء انك معي وين ماكنت
يسعد مساك يوم مسى بك الورد

واحلا مساء اني بمساك تكونت
منك مساء النور تدفي عن البرد

.....

[الحمدان]

ماسلمنا من سكـاكين القرايب
ولا سلمنا من اقـاويل الصداقه

ابشع الصدات صدات الحبايب
واشنع الطعنات طعنات الرفاقه

.....

[الحمدان]

أقبلـي يـا طب قلبـي وإرتياعـي
أقبلي عقب المسافات الطويله

واحفظيني يا جميله من ضياعي
الضياع اللـي مـاخـلا لي وسيلـه

مرحبابـك من ذراعي لا ذراعـي
جابك الله علم وأنتي حلم ليله

يا ثمر قلبي وشوقي وإندفاعـي
يا غناتي فالسنين المستحيلـه

.....

[الحمدان]

ماهو طمع لامن بغيت احتويك
ومالي هدف لكنه الشوق قاسي

تبي تعرف غايتي ليه ‎احتريك
أنت خذيت القلب وأفكار راسي

.....

[الحمدان]

قالت علامك قلت مدري علامي
بس المصيبه كن في خاطري شي

قالت تفضل بدي اسمع كلامك
قلت الصراحه فيك ميت وانا حي

.....

[الحمدان]

خذني بلهفة شوق وشعور واحساس
‏لين اتعدا بالشعور الغمامه
‏
‏واهتم فيني قبل تهتم فالنـااس
‏اهم حاجه فالحبيب اهتمامه

.....

[الحمدان]

خل البشر تذكرك بالخير والطيب
السمعه الزينه رصيد وغنيمه

ان جيت تلقى المسهلا والتراحيب
وان غبت تمدحك النفوس الكريمه

محبة العالم من اغلى المكاتيب
بعيونهم بتشوف معنى الحشيمه

.....

[الحمدان]

ماعاد صدري لضيقات الليالي وسيع
‏ولا عاد باقي لباقي الناس عندي قبول

‏يارب محتاج صدر من الصبر يستطيع
‏يتحمل اهل الردا والمصلحه والخبول

.....

[الحمدان]

‏مدري تتابع معي ولا نسيت الغلا
‏احتار فكري وقامت تكثر ضنوني

‏تعال عطني علومك يابعد هالملا
‏شوفتك عندي تساوي العمر ياعيوني

.....

[الحمدان]

ياطير خذ مني سلام وتحايا
وأقصد بها على ناس على العز رابين

ناس لهم طبع المحبه سجايا
وفيهم من أصناف الكرامه عناوين

.....

[الحمدان]

‏يا سجون الدهر ردي لي جواب
‏عن خوين غاب وابطى ما رجع
‏
‏اذرفت عيني مثل وبل السحاب
‏واغتشى قلبي من الفرقا وجع

.....

[الحمدان]

‏ حتى ولو ضاقت عليك الوسيعه
خلك على عرش العزوم متعلي

العزم لو غالي الثمن ﻻتبيعه
والضعف خله للرديف المولي

.....

[الحمدان]

ماحدن على الدنيا من الناس مرتاح
كلن بصدره ضيق واحزان وهموم

يالله عسى الضيقة تبدل بالافراح
وطير السعادة بالسماء يدرج الحوم

.....

[الحمدان]

مسيت يامن طرا بالخير في بالي
‏ماهو مساءٍ جميع الناس يوحونه

.....

[الحمدان]

تعال يا كل الغلا بشكل انسان
‏تعال انت علاج دواء كل عله

‏تعال انا برضيك لو كنت زعلان
‏انت الغلا الباقي وللقلب خله

.....

[الحمدان]

احساسي لك وعروقي عروق
فيها بدال الدم الاحساس جاري

حتى بديت اشوفك بكل مخلوق
ويجتاحني طاريك مع كل طاري

بشر تراني ودي اغفى ولا افوق
وابيع لك عمري ليا صرت شاري

.....

[الحمدان]

أنتِ بيوت القصيد بكل الأوزاني
بأسمك بيوت الشعر تكمل معانيها

وأنت أحساس الحنان بدم شرياني
تروي نبض القصـايد يوم أغنيـها

وأنت قصيدي وجمهوري وقيفاني
طاريك دافع لنبض الروح يحييها

.....

[الحمدان]

‏انت الحلا كلك حلا والنعومه
وانت الهنا وانت الغلا والموده

القلب جالك دون بايع يسومه
احفظ خفوقي اوطلبتك ترده

هذا خفوقي دوم هذي علومه
وافي مع اللي بالوفا بان جده

.....

[الحمدان]

اهتف باسمك ويجاوبني صدى الصوت
كل ما اقول وينك يرد ويقول وينك

انا باقي على العهد لين يا خذني الموت
وابقى على الامل عيني تشوف عينك

.....

[الحمدان]

‏يـامـصـدرالشوق يـانـبـع الـغـلا كـلـه
تـعـال نـاظر رسـومك داخـل جـفوني

لاتـزعـجك ضـحكتي لـلـناس والشّله
اجـامل بـضحكتي لو زادت اطعوني

حـبـك مـلك خـافقي والـعرش محتله
دوك الكلام الصحيح ودوك مضموني

.....

[الحمدان]

‏يا مدعين المحبة زايفين الشعور
سوق المشاعر جحدكم قال محدن شرا

شرهاتكم تلحق الموتان وسط القبور
ونياتكم ما تقدي الساري اللي سرا

خافوا من الله ترا الدنيا متاع الغرور
ارخصتو الحب كنه سلعةٍ تنشرا

الحب حاجة ما تدخل ضمن آخر ظهور
يبقى مخلّد لو ان صاحبه تحت الثرى

.....

[الحمدان]

الله يمسيكم على ماتحبون
‏والله يقويكم لطاعته ورضاه

‏ياجعل من عسرت مطاليبه تهون
‏وياجعل من له منوةٍ يلحق مناه

بقلمي

[الحمدان]

‏كنت أحب الصبر وأحلامي تضيع
‏وضاعت الأحلام يوم إني صبرت
‏ㅤ
‏كنت أقول أكبر وأحققها جميع
‏ما تحقق شيء غير إني كبرت

.....

[الحمدان]

ابيك دنيا اعيشها طول الأزمان
وابيك شوق كثر ماابيه يبيني

ابيك حب ماشعر فيه انسان
وابيك عشق بين قلبي وعيني

.....

[الحمدان]

سلام لك من صادق القلب مشروح
ياللي غلاك بداخل القلب ماراح

ناس تجي وتروح ماهزت الروح
وناس غلاها ثابت وسط الارواح

.....

[الحمدان]

‏اسمها دنيا ولا فيها كبير
الكبير الله ولا غيره احد

في نهايتها الغني مثل الفقير
كلهم نفس الكفن نفس اللحد

بقلمي

[الحمدان]

‏ياشوق قلبي باقي الوقـت مافـات
دام القلوب في داخل الصـدر حيه

من قبل اعرفك تايهن بين الاوقات
وساعة عرفتك اشعل الشوق ضيه

ماعاد بيني وبـين قلبك مـسافات
وما عـاد بينك وبـين قلبي خـفيه

.....

[الحمدان]

لا شـفت مرسـالك تـزيـد التراحيـب
وانسى الدوا والقلـب ينسى جراحه

معـك معـك ولـو مـلا راسي الشيب
هـذي الصـراحه لابغـيت الصـراحه

أوعدك ياروحي وانا ما اعلـم الغيب
القلـب بيتــك والعيـون اسـتراحـه

.....

[الحمدان]

شفت النجوم الي تخاوت مع الليل
اضرب عـددها في عددها وزدها

أحسب خطوط الطول والعرض بالميل
وأجمع شعوب الأرض وأدبل عددها

وأكتب رقم مليار مليار تدبيل
مليار في مليار وضاعف عددها

وأحسب عدد ماسبح العبد بالليل
ومادارت أيام السنه في بددها

شـوف النتيجه كم تطلع بتحليل
ذي قيمتك عندي وهذا عددها

.....

[الحمدان]

‏نظرة عيونك تعالج كل مجروح
‏ونبرة كلامك كنها عطر فواح

‏ياسارق القلب لا تتركه وتروح
‏قلبي لغيرك من الناس ما باح

.....

[الحمدان]

لاصار طب البرد ضم الحبايب
الله يعين الي حبيبه مجافيه

واللي حبيبه دوم مبعد وغايب
ما أظن حتا الشمس ممكن تدفيه

.....

[الحمدان]

من يقول إن الغلا حده حدود
ومن يقول إن الهوى جامل أحد

جيت لك بالوعد با أحلى الوعود
جيت لك بالشوق واللهفه بعد

.....

[الحمدان]

لعيونكم نرسل مكاتيب وحروف
ياللي ورى الشاشه سلام وتحيه

يازين ياللي حال من دونك الشوف
غلاكم يبقى دامت الروح حيه

بقلمي

[الحمدان]

زينك مسوي للعذراء مصايب
كم نفس من زينك تزايد قهرها

لا تلومني والحب نعمه وهايب
ولا عاش منهو نعمته ماشكرها

انحمد الله يومك اغلا الحبايب
واغلا هديه جعلني ما اخسرها

.....

[الحمدان]

من كثر ما طيبه تعلّق بالاذهان
لا شفت لي موقف يشرّف ذكرته

.....

[الحمدان]

ياوجودي كل ماحال دون الراي راي
والظروف القاسيه ساري مفعولها

كم نويت اقول كلمه تبيّن وش بلاي
وامنعتني شيمتي واستحيت اقولها

خايف ابدي بعض الاسرار وافرّح عداي
عالم يا ليت ربي يرد عقولها

اربع وعشرين ساعه وهي تمشي وراي
كتي آخذ لقمة العيش من محصولها

منصور الحبابي

[الحمدان]

على الهون يا جرح المفارق وضيق البال
على الهـون ياهمٍ سطابي وقدرته

المستشار تركي الميزاني

[الحمدان]

المواقف تكشف اصحاب المواقف
بيض الله وجه الايام القديمه

والرجل من لا دعيته برق خاطف
قال يا لبيك لو كانك غريمه

سعدالله الجوهري

[الحمدان]

‏إنت لوحة عشق بعيوني رسمتك
‏كل مَ اغمّض أشوفك وسط عيني

‏وعن عيون الناس في قلبي حفظتك
‏كل مَ ينبض أحسّك انتَ فيني

.....

[الحمدان]

‏ما يفهم إحساس القلم غير الاوراق
‏والكف يكتب ما يحسه خفوقي

‏الصمت يفرض هيبته وسط الاعماق
‏ويبعث لي إحساس الغلا في عروقي

.....

[الحمدان]

يابحر خذني بين مدّك والامواج
اعزف نغم شوقي وهمسة حنيني

وارسم لخافقي مع الوقت منهاج
واخفي تعب روحي وصرخة ونيني

.....

[الحمدان]

وين أودي شوق قـلـبي والـوله
لو غديت بعيد عني ماأسمعك

تملك احساسي وفكري تشغله
ترحل طيوفك وفكري يجمعك

.....

[الحمدان]

‏ياللي قسمت القلب نصفين نصفين
نصفه غرام والنصف الآخر عنادك

امسك كفوفي وقابل العين بالعين
وأبصم على قلب المتيّم وسامك

.....

[الحمدان]

رغم المسافة وابتعادك عـن الـشـوف
‏الـشـوق يـرسـم لـي مـلامـح عـيـونـك

.....

[الحمدان]

جفت عروق الشوق يا سارق الروح
وإنسـاب في صــدر المواجع غيابـك

إرحم جنون العقل في ساعة البوح
لا ينكسـر صمـت الغــلا مـن عتابـك

.....

[الحمدان]

‏اجمع شرايين قلبي واعزف لحونك
مادام حبك يعيــش بمسـتوى راقي

هـذا قلـيبي فـداك ويافـدا عينـك
مادام روحك وحبك تسكن اشواقي

.....

[الحمدان]

يابحر خذني بين مدّك والامواج
اعزف نغم شوقي وهمسة حنيني

وارسم لخافقي مع الوقت منهاج
واخفي تعب روحي وصرخة ونيني

.....

[الحمدان]

تعال سجل في عيوني حضورك
‏وانا بسجل في عيونك حضوري

‏واحط لك اعجاب واشكر مرورك
‏واقول وجودك في حياتي ضروري

.....

[الحمدان]

اسقيتني من قهوة الحب فنجال
وانا سقيتك من قهاوي دلالي

ان كنت متعافي فنا طيب الحال
وان حام حولك شر ياويل حالي

.....

[الحمدان]

‏فاحت ورود الشوق من قلب مغليك
تحضن مشاعر خاطرك في حياتك

أرتاح لك وأرتاح لسمك وطاريك
وأحب همسات الغلا في كلامك

.....

[الحمدان]

‏كل حرفٍ ينحني شوق لغرامك
وكل خطوه تسبق الخطوه تبيك

برسمك صوره وأبدأها بسلامك
يمكن أقدر في خيالي أحتويك

.....

[الحمدان]

الشوق غنى لك من البوح بيتين
وأنا لك من الشوق غنيت كلي

تعال يا نبض الحشا والشرايين
للخـاطراللـي لا لفيته يهلي

.....

[الحمدان]

‏انت مطر دنياي إنت السحابه
‏إنت غلا روحي وعمري والاشواق
‏
‏انا عشقتك روح قبل الكتابه
‏حبك لجا في داخلي وسط الاعماق

.....

[الحمدان]

هلا يا أعز وأغلى كل من ودّا الزمان وجاب
هلابك في خفوقٍ فرّغ الخلان من شانك

.....

[الحمدان]

ﻣﺎ ﻛﻞ ﺻﻮﺕٍ ﻳﻬﺰ ﺍﻟﻘﻠﺐ ﻭاﺭﻛﺎﻧﻪ
ﺃﻻّ ﺃﻧﺖ ﺻﻮﺗﻚ ﻭﺣﺴﻚ ﻻﻋﺐٍ ﻓﻴﻨﻲ

ﻳﺎﺯﻳﻦ ﺻﻮﺗﻚ ﻟﻴﺎ ﻣﻦ ﻗﻠﺖ ﻭﺷﻠﻮﻧﻚ
ﻭﺃﻗﻮﻝ ﻃﻴّﺐْ ﻣﺎﺩﺍﻡ ﺃﻧﻚ ﺗﺤﺎﻛﻴﻨﻲ

.....

[الحمدان]

فديت روحش ياللي بالحشاء تربعتي
وفداش روحي يالغلا يالدره النرجسيه

وان ما كفاش الروح ولا بيومي تبسمتي
جعل يفدونش اهل الكوره الارضيه

.....

[الحمدان]

عشان الفجر وأيام الحنين وضحكة المقفين
‏عشان السهد والذكرى الحنونه وخاطري الباقي

‏تعال احساس لا تسال متى او كيف ليه ووين
‏تعال اي شي يسرقني وينفض عني ما باقي

‏فتحت لك أبواب الضلوع أقصى مسافه لين
‏وصلت لآخرك لهفه وشفتك بآخر أعماقي

.....

[الحمدان]

تعال عانق في مساء الحب روحي
‏خل المسا يرتاح في ضم روحين

‏خليه يزيح الصمت عن صدق بوحي
‏واحكي لك اللي في خفوقي من سنين

.....

[الحمدان]

تهادى على جفني أمل عن سراب الياس
‏وواعدني أن نوم ظلام المسا جروحي

‏أنا والمدينة والشوارع وصوت الناس
‏تراي اضعف مْن مْواجَه عيونك بروحي

.....

[الحمدان]

‏هزمت الصبر مرّه وأنهزمت من الصبر مرّات
‏عسى الله لا يذوّقك الشقا اللي عقبك أذوقه

‏ترى أكثر من يحبّك من يبادلك السكات سكات
‏ماهو باللي ليا من طال هرجه زلّ منطوقه

.....

[الحمدان]

‏ماعاد عندي فرصة تهدر من العمر الثمين
‏واللي بينشده من أسباب الفراق يخبره
‏
‏حيث إنه أول شخص يسقط من عيوني مرتين
‏وأنا عيوني من سقط منها ماعاد تعبره

.....

[الحمدان]

‏اصعب سؤال فحزّة الضيق وشفيك
خصاً ليا من جاك من شخص غالي

.....

[الحمدان]

من عقبك الصبر أخذ دور المواسي وأجاد
‏وأنا لو أخذت دور أيوّب ماني نبي

‏أجاهد الشوق بعد غيابك أعظم جهاد
‏أي والله أبيك لكن المراجل تبي

.....

[الحمدان]

ليتني راجع من الشوق وأنت المنتظر
‏مغترب من شوف وجهك وجيت أناظرك

‏وانتبه تاتي من الشوق ماسك لك زهر
‏كيف تاتي بالزهر والزهر في ناظرك

.....

[الحمدان]

‏بعتني قبل أتبصر في مشاويرك شفوفي
‏وإلا أنا قلبك لو إنه في يديني كيف أبيعه

‏قرب ركابك وقل لآخرك لامن حب يوفي
‏لاتعلق خاطري في صيفه وتسرق ربيعه

‏جيت من كل الدروب وشدد أيامك نكوفي
‏ماقدرت ألحق هواك وخطوة أيامك سريعة

‏أنت تعرفني وتفهم حزني وتجهل وصوفي
‏يتصنع خاطري نسيانك ويخسر صنيعه

.....

[الحمدان]

‏مدري لويش ارتاح لحظه اشوفك
وانسى وربي ضيقتي والكئابة

أكتب ورب البيت اعشق حروفك
واعشق معاك الدردشه والكتابه

تدري بشوقي بس اقدر ظروفك
واتجاهلك واتابعك عن كثابه

واضيق يوم انه تجيني طيوفك
واقول يا الله لا تزود غيابه

.....

[الحمدان]

اتذَّكرك ويطول مشواري على ذيك السنين
‏لين الصباح يسلّم المشتاق لكفوف المسا

‏ماعاد قلبي في رجا بانك تجين او ماتجين
‏اللي تجرّع قسوتك ماعاد يرعبْه القسا

‏واللي تذكّره الحنين أو ماتذكّره الحنين
‏ابرك من اللي ماهو بيذكر ولا هو ينسّا

.....

[الحمدان]

‏لك الله كل ما أناظر تفاصيل البشر بارجاي
‏أشوفك في ملامحهم وتزداد الجروح جروح

‏حبيبي دولة أحساسي ذريعة ضحكتي ورضاي
‏تعال وكل ماجاني من صدودك غدا مسموح

‏إذا الماضي عذر هجرك ترى الحاضر عثا بقصاي
‏وإذا ماني باحبك حيل ترى ما للندم مصلوح

.....

[الحمدان]

المحبة غالية بس المشاعر ما تثمّن
‏والتهوّر في دروب الحب يبغي له جراوة

‏ياحبيبي ودي أسأل لا تخاف أبغى أتطمّن
‏هو غلا ولا كلامك بس من باب الفضاوة

‏خايفٍ أسخي شعوري في دروب الحب ثمّن
‏يطلع الناتج من الأحداث خذلان وقساوة

.....

[الحمدان]

أنت وحدك تستفزّ الصمّت وتردّ الطواري
‏ما قدرت ألدّ لك تقدير وإلا أصدّ شيمه

‏ما عليّ من الجفاف إن طالت يدينه دياري
‏وين ما لدّيت أشوفك نوض بَرق ووبل غيمه

.....

[الحمدان]

غلاك ما يمحيه قل الـمواصيل
في كل حزه لك مع البال ميعـاد

.....

[الحمدان]

سـلام مثل الغيث تحيا بـه القاع
‏يحيي قلوبن مـا تـحـب القطيعه

‏قـلـوب تربطها الاخـوه بالاجماع
‏تتبادل المعروف فـوق الوسيعه

.....

[الحمدان]

‏قالوا تحبه قلت من قلب حبـيت
‏اعجبني اسلوبه وذوقه عجبني

‏يقطر حنان ومن غرامه تقهويت
‏وجنني احساسه وصوته جذبني

‏لجله كتبت الشعر وبالشعر غنيت
‏ونبض المشاعر لوعصيته غصبني

.....

[الحمدان]

‏كل غالي من غلاته ما نخيّب ظنّه
وأنت عاد الغالي اللي ما وراك ودونك

.....

[الحمدان]

حزين وكل ما هب الهوى غنيت
‏على ذكرى السنين اللي تقافت جمع

‏وذكرتك يا غريبه وارتحلت وجيت
‏اصافح ذكرياتك بالنظر والسمع

‏كثر ما كان لعيونك جمال وصيت
‏كثر ما كان لسيوفك بريق ولمع

‏عرفتيني وانا اكتب بيت وامسح بيت
‏وتركتيني وانا اكتب بيت وامسح دمع

.....

[الحمدان]

‏ما بقى من حبه ألا بقايا ذكريات
‏ودي إنه راح كله وأخذها كلها

.....

[الحمدان]

ياللي لك الشعر يُكتب والمشاعر تذوب
‏الشوق ماهو بيرحم والطواري بلا

‏تعال ما فيه واحد خالي من الذنوب
‏اما كذا مواصل العشاق ولاّ فلا

‏ان كان للحب دوله تستضيف القلوب
‏من غيرك ابايعه واقدّم لْه الولا

‏انا معك خاطري واسع وصدري رحوب
‏حتى لو اني حزين وخاطري ما سلا

.....

[الحمدان]

أستوى في عين شوقك رحيلي مع بقاي
‏أستوي يا الأرض ما للغريب إلا أهله

.....

[الحمدان]

‏تعاهدت انا وياه وادري وهو يدري
‏بتمضي السنين وسالفة حبنا حيه

.....

[الحمدان]

‏رفيقك اللي على الشدات يصفالك
لا شان حظه فلا تبخل بماجوبه

اوقف معه لو تفدي حاله بحالك
رد الجمايل على الاجواد محسوبه

.....

[الحمدان]

‏أشتاق في لقياك وأشتاق لاغبت
وأشتاق لو ضمت يمينك يميني

إنت القمر لانمت والشمس لاقمت
وإنت الشفا من كل همً يجيني

.....

[الحمدان]

ما كل من قال احبك يعني يحبك
البعض يحكيها من مصدر اعجاب

.....

[الحمدان]

اشتقت له والشوق ماينطاق
والشوق في قلبي للعين باين

.....

[الحمدان]

‏أعرف إن القلوب تملّ مدة والنفوس تشين
ومعك حتى الحزن لا من غمرني زانت أخلاقي

.....

[الحمدان]

‏مآ يغير ضحكتي حكم المزآج
‏ولا يغيـر نظرتي أعمى بصــر

‏لا تقــول إن الزمن كله عجآج
‏العجآج يموت في ساعة مطر

.....

[الحمدان]

صدري سما والامر عندي سهالات
‏مدام ذكر الله يرطب لساني

‏ماهمني وقتي ولو زاد عثرات
‏دام الرجا في واحدٍ مانساني

.....

[الحمدان]

‏لاتمارس في حضوري حركات الكبير
‏وأنا آشوفك كل ما امرك نهاية ممر

‏أتجاهل وأتغاضى وسيرها تسير
‏الليالي البيض ماودي تعود سمر

‏شىء عادي مايحس الصغير انه صغير
‏لين تحقره النشاما ويقتنع بالامر

‏انتهى الموضوع وانا نظامي من الاخير
‏من تجاهلني ثواني تجاهلتهّ عمــر

.....