فوق هام السحب ( الشعر الشعبي) على متن القوافي

[الحمدان]

‏مساء الغلا والشوق كلـه ودهـن العـود
مادام اسمك يفوق الخلايـق واساميها

مساء اشتياقي واشتياقي عليك يزود
عيوني تمنـى شــوفتك وانتي غاليه

.....

[الحمدان]

‏اللي يحبك تحـس بحبّه وحرصه
‏يخـاف يجرح شعـورك لأنه يحبك

‏لمواصلك يستميت ويصنع الفرصه
‏ما يعترف بالسعاده غير في قربك

.....

[الحمدان]

هذا الزمن ما بين ذاكر وجاحد
‏ وكلن على ماقيل بانت خطاويه

.....

[الحمدان]

‏لا تستفزّك ذكريات الراحلين
‏مافيه أحد يبقى معك إلى الأبد

‏تظاهر بضحكتك لو قلبك حزين
‏ملامحك فيها من الغربة بلد

‏حاول تعيش العمْر بإحساس السنين
‏عابر وإذا مرّيت ما ترجع لاحد

‏وإذا ذبحك الشوق وأوجعك الحنين
‏تذكّر إنك مانت وحدك من فقد

.....

[الحمدان]

تدري وش الي بالهوى يقتل الود
جو الغموض الي يلف الأماكن

لاجيت تحمل في يدك باقة الورد
ضاعت حروفك بين يمكن ولكن

.....

[الحمدان]

‏يا قبلة الاحساس ياللي بالغلا مالك خشير
‏يوم الليال ملاح انا مرجعك وانتي مرجعي

.....

[الحمدان]

‏صباحك نبض الشعر والشوق لعيونك
وصباحي نظره من عيونك تطالعني

الشوق لك والغلا في قلب مجنونك
والشعر لاجبت لك طاري يطاوعني

.....

[الحمدان]

السحاب اللي جحدني يوم أجي له ظامي
‏لا يجيني لا أرتويت ودمعته محبوبه

.....

[الحمدان]

أصعب عذاب الشوق لاصار صامت
مثل الطفل يفهم ولا يعرف البوح

.....

[الحمدان]

‏السـكـوت اللي يصاحب طيبتـي
علمك بان الخطـأ ماهـو خطـاي

لا تــقول إنـك حـزيـن بغيبتـي
أنت ذابـحـني وتبكـي فـي عزاي

.....

[الحمدان]

ما تعودنا على كـسر الـخـواطر
لو خـواطرنا مـن الـعالم تـكـسر

امزحوا في كل شي الا المشاعر
جبـرها يبـطي ويـمـكن ما تـجبر

.....

[الحمدان]

‏الله خلقني طيب القلب حسّاس
‏مشاعري ماهي خداع ومظاهر

‏مقدر على جرح المشاعر والإحساس
‏يصعب على أكسر للأحباب خاطر

.....

[الحمدان]

ماورى حدب الضلوع الا مكانك
ولا سكن فالقلب غيرك واستحلّه

يكفي انه من حنانك في حنانك
ويكفي انه قال سم وجاك كله

.....

[الحمدان]

‏ما قلتلك انك عن الباقين غير
‏وفي شوفتك معنى ملذات الحياه

‏يا ملهمي يا سيد الحب الكبير
‏يا أوله يا أصدقه يا مُنتهاه

.....

[الحمدان]

بعض البشر يعجبك حتى إحترامه
‏وتحب فيه أجمـل صفاتـه وترتاح

‏أن غاب تشفق فـي لقـاه وسلامه
‏واليا حظر همك مـن القلب ينزاح

.....

[الحمدان]

مادام عرش الغلا فالصدر تحتله
‏لو تكثر الناس حولي لا يهمونك

.....

[الحمدان]

أجي لك شوق وأرقى بك غلا
وأستثيرك حب وأعيشك جنون

جعلني من قربك أنت ما أخلا
وجعلني من دون حبك ما أكون

.....

[الحمدان]

كل صبحٍ ما تجي مع أوّله مالي به
‏الصباح اللي معاك يكون جدًا فارق

.....

[الحمدان]

‏ياحب لك عنـــدي محبــه وميثاق
حالـــف بربــي متركـــك لو دقيقه

صـــرنا انا وانتـه حبايــب وعشاق
والصعب حد يقدر يفارق عشيقه

ياساكن اعماقي لك القلب مشتاق
والشــوق لك فينـي مولع حريقه

كامل حواسي ترتجتي ضمة اعناق
وروحي تمنـى ضمتــك لو دقيقه

.....

[الحمدان]

‏لك في عيوني همس وحروف وابيات
ولي في عيونك من دفا الحب تجديد

يا سيد إحساسي تموت المسافات
في داخل عيونك وتحيا المواعيد

.....

[الحمدان]

‏ياما وقفت بوجه الأيام ماطحت
‏وياما وثقت بناس والناس طاحو

‏مشيت يالدنيا وتعلمت وارتحت
‏اهل المصالح لاخذوا شي راحو

.....

[الحمدان]

وان طروا النسيان ماني بناسيك
ياراس مالي في الحياة وغناتي

وان طروا السلوان ماني بساليك
طيفك معي حتى وانا في صلاتي

.....

[الحمدان]

‏مدّ لي وصلك أنا مفتون فيك
وقلبي المشتاق شوقه فاضحه

أستحي من كلمة آحبك وأبيك
شوفها بعيني تراها واضحه

.....

[الحمدان]

ياكثر ما نخفي من اوجاع ودموع
‏وياكثر ما نشكي ولا احـد سمعنا
‏
‏ماجـور ياقلب من الحــزن موجوع
‏نوفي لهـم بــس الوفا ما نفـعنا

.....

[الحمدان]

مابقى في ساحة البال من ذكرى لقاه
‏غير تلويحة وداعه وخذلان اوعده

.....

[الحمدان]

مانسيتك لو تغيّبك السنين
والليالي عنك ماردت خبر

والله اني كل مايقسى الحنين
رحت افتّش فالرسايل والصور

.....

[الحمدان]

أتابعـك فـي صمـت واكـره غيابـك
وارتـاح وستانس ليا صرت موجـود

ودايـم علـى بالـي اراقـب حسابـك
واقـرا كلامـك ذوق واشتـاق له زود

.....

[الحمدان]

وفك نشاب صدري لكل سهم بي روح
واكفر بلحنين الما اجه بوكته

الترس راسي بغيابك ريحة البارود
ساتر ورصاص يخيط بكصته

طفه وجهي بخيالك لو بعده موجود
من نجمه على نجمه ليل ورثته

شعر عراقي

[الحمدان]

‏لك من صميم الروح ميزه عن الغير
‏ولك في خفوقي من الوله شي ثاني

‏القلب يحمل لك معزه وتقدير
‏والعين تعشق شوفتك لو ثواني

.....

[الحمدان]

تلعب بي امواج الهواجيس واحتار
مابين شوقـي لك وبين الضياعـي

موجة حنين تزيدني حب واصـرار
وموجات عن شاطيك تبعد شراعي

.....

[الحمدان]

لاتقبل تعيش المحبه بنقصان
اما الكمال او البعاد وهمومه

تبقى وحيد افضل من مْواصل انسان
يسدد بوصلك فراغات يومه

.....

[الحمدان]

بين واقع حزين وبين جرحٍ مضى
ودي أحكي وأخاف أندم لو إني حكيت

كنت أقول السكوت إنه علامة رضى
لين سكّتني الواقع وأنا ما رضيت

.....

[الحمدان]

‏تمنيتك وحلمــــــي فيــــك طول
وحظـــــي ماتحقق فيـــه حلمي

عليـــــك الله ياحظـــــــي تحول
ترى يأســـي هـدم بي كل عزمي

محبتها تزيــــد اكثــــــر من اول
وشوق القلب هش اليوم عظمي

ونار البُعد في الاضــــلاع تشعل
ومن جـــور الفـــراق ازداد همي

.....

[الحمدان]

والله ان الغالي اللي صد وجهه عنّا
‏لابغيت اروح صوبه نفسي اللي عيّت

‏كيف نركع للمقفي فالحياة وحنّا
‏ما ركعنا للمقفي في صلاة الميّت

.....

[الحمدان]

كرامه النفس أعظم من مشاعرها
‏َمن عز نفسه لقى فالناس مقداره

.....

[الحمدان]

اهديك بيتين شعر وأنت تستاهل
‏لاكن تمعن بها واعرف خوافيها

‏الحب في القلب ماينشال بالساهل
‏ولاينمحي من القلوب إذانطبع فيها

.....

[الحمدان]

‏غلاك فطره وحبك شي من حالي
والشوق يمك ياروح الروح يدفعني

انت اول الناس يوم اصحى على بالي
وانت اخر انسان قبل انام في عيني

.....

[الحمدان]

نجبر خواطرنا لنا اعوام وسنين
عسى الفرج لو طال دربه يجينا

.....

[الحمدان]

‏الصمت نعمه يوم الانذال تحكي
والثُقل ميزه في حياتي ودستور

مانا من اللي لاقسى الوقت يشكي
اجمع حطام القلب وابني به قصور

.....

[الحمدان]

‏لاتشيل همك لين بكره وبعـدين
عين الله بكل الخلايق بصيره

واعرف مصير الوقت لاشان بيزين
ومصير ضيقات الخواطر قصيره

ماتدري الله كاتب الخير لك وين
احيان تكره شي ويصير خيره

.....

[الحمدان]

وتانيت النده وما لحگت تعبان
گلت شيصير انام وعادي ما رسمك

الضوه ماله خلگ يعبر من الشباچ
اول مره يوصل ما يشوف اسمك

شعر عراقي

[الحمدان]

بس ارفعي راسك بلـيا نقاشات
‏تلقين نفسك بالسحاب انرسمتي

‏ڪن البروق اللي تڪاشف فلاشات
‏تبي تصور بسمتك لا ابتسمتي

.....

[الحمدان]

ياللي في الغيبه تماديت واكثرت
خفف ترا حملك ثقيل الذنوبي

بقلمي

[الحمدان]

لي دائماً فالصـمـت عن كل ثرثار
عاده ولي عـاده مـع كل وافي

إذا نخاني صاحبـي دُست الاخطار
وفزعت فـزعة قـرم عاصـر سـنافي

أفزع ولو في دربـنا تشتعل نار
وامشي عليها شـامخ الراس حافي

.....

[الحمدان]

‏في ظلام الليل ميلاد الحنين
‏وفي هدوئه يبتدي صوت الصخب
‏
‏أشهقك مشتاق وأزفرك بأنين
‏إيه أنا مشتاق لك حد التعب

.....

[الحمدان]

يـالـلّـي تـغنيتوا بلنـدن وباريس
‏وبـجـوها وبـغـيـمـها وبـمـطرها

‏جو الطائف أحلى بكل المقاييس
‏غـيم ومـطر واللـيل مـنور قمرها

.....

[الحمدان]

ريحوا بال الظنون وقفلوا باب الملامة
العرب ماعاد تدري من تحب ومن تعادي

.....

[الحمدان]

حطيتك بعيني علشان ما انسـاك
وناديت لضلوع الغـلا واستجابت

شف وشكثر هيبة محبتك لرضاك
حتى عواذيل الهـــوى منــه هابت

.....

[الحمدان]

‏لا تكثر بالكلام وبالحلوف
‏الزمن يكشف جميع الاقنعه

‏الزمن دوّار وعيونك تشووف
‏وكل معدن مرجعه من مصنعه

‏لي متى وانت تعذّر بالظروف
‏والوصل ما فيه شيٍ يمنعه

‏لا تحسب ان القناعه بالحلوف
‏المواقف ياحبيبي مقنعه

.....

[الحمدان]

على كثر ما يقلط علي الليل واحييه
‏عن ايامنا ما جاب سيره وهو داري

‏لكن امس تبغي الصدق طراك مدري ليه
‏ مع اني قسم بالله ماجبت لك طاري

.....

[الحمدان]

سعد من قلبه على الفرقا شمالي
مايھمه فالهوا وصل وقطاعه

.....

[الحمدان]

محبة الناس نعمه وان بغيت الصحيح
محبة انسان واحد بالعمر كافيه

والله ما ازين من القلب النظيف الصريح
والخوه الطيبه والنيه الصافيه

.....

[الحمدان]

يازين جوّ وجوّنا ليلة الأمس
عيت جفون العين فيها تنامي

ليله قضينا سرّنا جمعة الاُنس
فيها الفرح فيها الخوال وعمامي

من زينها في جرسها همسنا همس
شعر وطرب حر إقترب بالسلامي

كل الهلا وكل الغلا وافي الخمس
في حرفنا من قلبنا لك ضوامي

.....

[الحمدان]

المساء لولا عيونك ما عشقته
‏فيه من حبك ومن شوقي دلايل

‏والشعر لولا عيونك ما كتبته
‏وان كتبته مالقى غيرك بدايل

.....

[الحمدان]

‏يا رضى صبح السماحة يا ذوالوجه البشوش‏
من يصبح وجهك العذب وش عاده يبي

.....

[الحمدان]

كل الملا تحت أمرك لامعك راس مال
حتى ولو مامعك شي عقل مش مشكله

وانك بلا مال لوعقلك بوزن الجبال
في سوق الانذال ماتسوى ولا باوله

النعجه الراس ماليه تقود الجمال
في مجتمعنا وتترأس على القافله

وتخلي الذيب يحرسها بخمسه ريال
هي الزعيمه هي الشيخه هي العاقله

.....

[الحمدان]

بعض ألغلا ماتنصفه بدعت ألقاف
متعب ويتعب مسرجين ألقوآفي

يستنزف ألفكره وتخطيه ألاوصاف
وألشعر كله فيه ما هو بكافي

.....

[الحمدان]

‏ماصرت رسمي بالتعامل مع الناس
الا بعــد ماغيــر الــوقـــت نــاسـي

غيـرت طبعي عن قناعه من الراس
عشان اريـح من غثى الناس راسي

.....

[الحمدان]

‏خذ ياسحاب الشوق من قلبي الشوق
وارحل جعـل مسعاك درب السلامة

صــوب الذي له شــآن ومكانته فوق
وسط الضلوع العــوج ساكن غرامه

قله قسم قلبي من الشــوق محروق
والنار تنهــش في الخفــوق إلتهامه

والجسم كامل صابه الياس والعوق
والقلب ينـــزف داخلي مـن سقامه

.....

[الحمدان]

‏أنا وياه مثل اللي يحاتي واحدٍ يغليه
‏يشوف ان المفارق صعب لكن شايلٍ همّه

‏يقول الموت لامن صار دوني تقدر أنك تجيه
‏وأقول الموت وينه ياحبيبي واتجه يمّه

.....

[الحمدان]

من كثر ما اتوق له واغليه واودّه
‏تنقص مقامات بعض الناس من زوده

.....

[الحمدان]

اسرح مع التفكير واخذ مشاوير
واقطع بعيد الدار وانا بمكاني

.....

[الحمدان]

‏مايجاوبني صدى صوته ليا مني دعيته
‏شيب عيني طر جيبي يافهد ياويل حالي

‏ولعت نار الجفى في جوف صدري واحتريته
‏منتظر له جيتٍ عندي تساوي كل غالي

.....

[الحمدان]

‏شعوري اللي لو أقوله لفت الإنتباه
‏من سبة الناس في وسط الصدر حاكره

‏عندي كلامٍ عن أشياء واجده فالحياه
‏محتاج افضفض لشخص ويفقد الذاكره

.....

[الحمدان]

‏أنت القديم اللي تجدّده المحبه كل يوم
‏والحاجه اللي حالف إن اموت ما خليتها

.....

[الحمدان]

احسب إنّي كل ما ضقت بلقى لي صديق
‏وأثر كل النَّاس صدقان في وقت السعة

.....

[الحمدان]

يا مل عينٍ تلد خلافها والدرب قدام
‏وان كان تمت على ذا الحال يا مطول سقامي

‏ويا مل قلبٍ من الفرقا يحن ويرزم ارزام
‏ارزام خلجٍ طلوع سهيل يوم القيض حامي

.....

[الحمدان]

‏استبحت الجرح من باب الميًانه
‏تحسب ان نفسي على عذرك جرّيه

‏مابقى للحّب في عيني مكانـه
‏رحت والذمه من الذمه برّيـه

.....

[الحمدان]

لا اليأسُ ثوبي ولا الأحزانُ تكسرني
جُرحي عنيدٌ بِلسع النارِ يلتئمُ

كريم العراقي

[الحمدان]

القل قل الحيا والوازع الديني
والكثر كثر الثنا لله سبحانه

.....

[الحمدان]

يا صاحبي امشي على مهلك
لا تِنخرط في الواقع الوهمي

فَـكر ودبر وإتخذ عقلك
دليل توصل به لِما ترمي

خلِ الأمل في الواقع اقرب لك
وابعد عن اليأس قربته تِعمي

وإصنع من الاحداث لك مسلك
وإبني طموحاتك بِها تنمي

لا تِكترث لـَ اللي بيكره لك
الخير وإتجا هله يانشمي

انت الذي تختار طريقك لك
فاصنع طريق العز به تَسمي

.....

[الحمدان]

انه انغَشيت بيك عيونَك كبار
بس عيوبَك أكبر ما شفته

شعر عراقي

[الحمدان]

‏نفسي اللي ودي أتركها على راحتها
ما تجيب الا الطيوف اللي تنشّف ريقي

....

[الحمدان]

ذكرتك في دجا ليلٍ ْسهجني حزنْه المعتْاد
على لامـاك ومعانق يُدينك وابتساماتك

.....

[الحمدان]

‏لا تخليك السنين تصير عادي
‏في عيون اللي يقاسمك امنياته

‏ونادني لو لا حياة لمن تنادي
‏اسمي بـصوتك حياه بحد ذاته

.....

[الحمدان]

‏سلمت لك مفتاح قلبي وقفيت
‏حتى عيوني جتك مني هديه
‏
‏احفظ قليبي كانني يوم ابطيت
‏تراه مثل الشهد وسط الخليه

.....

[الحمدان]

يالله بصبحٍ فيه رحمة وتوفيق
‏من عند ربٍ ما انقفل يوم بابه

‏صبح السعه مافيه همٍ ولا ضيق
‏فوق البشاير دعوّةٍ مستجابه

.....

[الحمدان]

‏ياصدري اللي على الكتمان متعوّد
ياكبر قدرك مادام الناس ماتدري

خلك على واقعك بالصبر متجوّد
لين الله يبدل الأحوال ياقلبي

.....

[الحمدان]

‏ماتساوى الروس في عز النفوس
‏فرق شاسع بالمكانه والقدر
‏
‏فيه روس تنحني قدام روس
‏وفيه روس شامخه عز وفخر

.....

[الحمدان]

‏حمدتك على خير وحمدتك على مكروه
‏وسبحانك إللي لا ألتجى عبدك أنصفته

‏أجي لك بوجهٍ ساير الناس ما شافوه
‏على شان وجهٍ ساير الناس عارفته

.....

[الحمدان]

‏جوارحي للغياب المر مضطره
‏والوصل مانيب فيه اليوم متجود

‏ان كانك تروح مره وتحضر مره
‏انا اقدر اروح لكن ماقدر اعود

.....

[الحمدان]

‏اليوم يشرح خاطرك شوفة الجو
‏جوٍ اليا قالو خيالي خيالي

‏الشمس حاجب نورها زحمة النو
‏وريح المطر جت به هبوب الشمالي

بقلمي

[الحمدان]

من عطاه الله محبة فالقلوب
أشهد أن الله معطيه الكثير

جعلني لاجيت للناس محبوب
وجعلني لاغبت مذكورٍ بخير

.....

[الحمدان]

‏مايرد الروح وسط العروق الباليه
غير ودّان المطر والمواصل من قطوع

.....

[الحمدان]

الخاطر اللي يلحقه في تالي الأيام جور
يحتاج له عزله عن العالم وصبرٍ يسعفه

.....

[الحمدان]

من يحبّ المطر يشتاق شوف السحاب
وانت وصلك سحاب وشوف وجهَك مطر

.....

[الحمدان]

‏ياللي شريت البعد ماغاب طاريك
حتى لو أن البعـد سوى سواته

ماهو بمحزني على حاجةٍ فيك
الا أن قلبي شايـفٍ بك غناته

كن الطيوف تقول وشحال مغليك
واقـول راح مابقى إلا غـلاته

وأن بغيـت ترد قلبي ما أوصيك
أحسن عزاه اللي دريت بوفاته

.....

[الحمدان]

أدك الأرض لا منك زعلتي بالخطاوي دك
‏أسابق بالرضا دمعك قبل لا يجرح أهدابك

.....

[الحمدان]

‏البشر فيهم هوامش ومن سقط المتاع
‏مالهم تأثير واضح على مستقبلي

....

[الحمدان]

‏بلّغ معاذير الكلام السلامه
‏ما عاد لصدور المشاريه قاضي

.....

[الحمدان]

‏لا تصدقون اوهام ووعود وحلوف
‏شوفوا وصولي للسحاب ورجوعي
‏
اللي مخليني من الدمع ما اشوف
‏هو نفسه اللي كان يمسح دموعي

.....

[الحمدان]

يا مرحبا والقصيد العذب من تالي
ما عاد يكفيك لا دقه ولا جله

يا اغلى من أكثر غلا واحّلا من الحَالي
يتلك الشوق لا من غبت وتتله

وأحبك بزود من حبك تهيالي
يا مأخذ اللي تبيه من الشعر كله

طواري الغير ما مرت على بالي
الا طواريك وسط البال محتله

.....

[الحمدان]

‏كم خويً كنت احسبه عشير الغانمين
لين قالت سود الايام محزمك ارتخى

.....

[الحمدان]

الوصل واجب وانا ما أقوى على صدك
ليتك مثل رمشك اللي يعرف الواجب

ينزل على الهون ويسلم على خدك
ويطلع على الهون ويسلم على الحاجب

.....

[الحمدان]

شرّعي باب المعاتب بدون مقدمات
واطلقي ماكان في صدرك إطلاق سجنا

حاصريني بالتشره من الاربع جهات
أنتي المشروه منّك مثل رد الثنا

اعتذر لك عن غيابٍ بدون مبررات
لو ما بالقلب خالي ولا الصدر دهنا

صح ما ودي بهجرك لو يطول السكات
بس ما ودي بوصلك وانا مانيب انا

.....

[الحمدان]

غضّ عن بعض التفاصيل وتغافل
أن بغيت تْعيش طيّب لا تدقّق

.....

[الحمدان]

الهوى معروف شيء لا إرادي
والنتيجة مؤسفه ما أحدٍ حَمدها

يتسرّب مع حلاه من المبادي
سم حيّة والفراق أمرّ وأدهى

.....

[الحمدان]

لكشفت سطوات الايام عوراة الصدور
صد عنها صدة الشهم عن بنت قصراه

.....

[الحمدان]

فاقد اللي صوته ليا غدا كنه علاج
وشوفتة للروح جرعة سعاده ممتعة

.....

[الحمدان]

باب يساوم عزة النفس مردود
محدٍ على نفسي العزيزة مبدأ

.....

[الحمدان]

ودي أضيع بين يديك عقب البعاد
ضيعة اللي ما عيّن عاقلٍ ينصحه

.....

[الحمدان]

احب السوالف معك منا ليوم الدين
واحب التغلي منك واموت بعنادك

تسولف لي بتاريخ جدانك الميتين
واهو والله التاريخ تاريخ ميلادك

.....

[الحمدان]

خذيت السوالف ياحنين الغرام دروب
‏ووقّفت عند أول أحبك على بالي

‏ياحلو البدايه لو كلامك ماهو محسوب
‏يشدّك سكون اللحظه وتجهل التالي

.....

[الحمدان]

واضح مثل الشريعه في قلوب المؤمنين
‏وثابت مثل النخيل وواقف مثل الشجرّ

‏شامخ ما هز ثوبي لا رياح ولا يدين
‏أن رقيت ارقى نجوم وأن نزلت أنزل قمر

.....

[الحمدان]

من صبَ ليِ من دلته ربع فنجان
صَببتُ له من خافق الروح دله

من ساق لي بالطيب أقوال وأفعال
أسوق له الروح والعمر كُله

.....

[الحمدان]

بقى من اللي خذيته قلب بين اصبعين
وان قلت هاته من عيوني وتامر أمر

.....

[الحمدان]

يامعودني على طول الغياب
كل غالي طول غيابه رخص

مطلق الثبيتي

[الحمدان]

ورّد البرد خدك وأنت خدك رقيـق
وما رحم عودك الميّال ريح الشّمال

من بنفسج ثغرك ووجنتك لاتضيق
حاول البرد تشويهك وزادك جمال

.....

[الحمدان]

أتابعـك فـي صمـت واكـره غيابـك
وارتـاح وستانس ليا صرت موجـود

ودايـم علـى بالـي اراقـب حسابـك
واقـرا كلامـك ذوق واشتـاق له زود

.....

[الحمدان]

‏عطيتك محبه صادقه مابها تشويه
‏وجعلتك بقلبي منفرد فيه وجداني

‏ وغيرك يبغاني بالمحبه وأنا مابيه
‏دام أنت عندي ويش أبي بواحد ثاني

‏ تراني ليا شفتك أسج الفكر وأشقيه
‏وأشوف القمر وأقول عندي قمر ثاني

‏غلاتك بقلبي شي يطغى على التّشبيه
‏كيف أوصفك والوصف يعجز به لساني

.....

[الحمدان]

‏انت عندي عز من شافت عيوني
وانت عندي عز من قلبي هواه

وانت عندي عز مخلوقن بكوني
وانت عندي شخص له قيمه وجاه

وانت عندي شي لايمكن يهوني
وانت عندي شي غالي مستواه

وانت عندي من تربع في جفوني
وانت عندي من سكن قلبي غلاه

.....

[الحمدان]

‏ابشرك قلبي من الضيم قد طاب
وكل ضيقن في خفوقي نسيته

من بعدما كحلت عيني والاهداب
بشوفت الوجه المنور فديته

ارتحت بك وارتاح دمي بالاعصاب
وارتاح شوقن في ضلوعي خفيته

وارتاح قلبن ذاب من جور الاغياب
من عقب مانا في فراقك لقيته

.....

[الحمدان]

‏ياليت أنا جوال قدام عينك
تناظري لي يا الغلا كل الاوقات

تلامسي روحي بصابع يدينك
وتسعدي قلبي بضغط الزرارات

اشتقت لك ياسكن الروح وينك
وينك مغيب ياحبيبي سلامات

القلب ضايق ياغلايا بدونك
وانا بدونك ياغلا الرووح اشتات

.....

[الحمدان]

‏نفسي اضمك ضمة تنعش الراس
إلين اشمك عطر واسكر حلاتك

ابختلط بك روح وانفاس واحساس
واضيعك فيني واجمع شتاتك

.....

[الحمدان]

‏احسبني كل ما طالت المده سليت
‏واثر قلبي لو يطول المفارق ما سلا

‏كل ما عرض خياله على بالي بكيت
‏آخ يا ذيك اللياليي ويا ذاك الغلا

.....

[الحمدان]

‏جعلني ما أندم على شي تركته
‏والله يجعلها مع الأيام خيره

‏وجعلني لا تبت عن شي وخسرته
‏يرزق الله خاطري في شي غيره

.....

[الحمدان]

قالو تغيب وقلت لا غابو الناس
وإليا حضرت احضورنا يعرفونه

‏أرد وجاري واحب التونـــْاس
وأطرب لمن تطرب معاني الحونه

من جا لنا قدره على العين والراس
ومن راح في دربه ولا له مهونه

‏ما نبحث الخافي ولا نوجع الراس
‏والناس ما ندري وش اللي يبونه


‏⁧منصور الحبابي

[الحمدان]

أنشدوني عنك وماحبيت أعلم
‏قالو ابطى قلت مهما صار غالي ‏

وقلت دايم يتصل فيني ويسلم
ما دروا بانك مخليني لحالي

.....

[الحمدان]

ما كل ضحكه عليها للسعاده ضمان
ولا كل وجهٍ بشوش مخلّيته الظروف

مفارق أحباب ومواجه ظروف الزمان
والحمدلله مستانس مثل ما تشوف

.....

[الحمدان]

‏يامالك الاحساس ياطيب الساس
لاجلك ولاجل الشـوق عنّيت ساقي

فيك الصفات اللي كما صافي الماس
كتله من الإحساس واسلوب راقي

وان كنت ماتدرك شعوري والاحساس
يفوح لك بين السطور اشتياقي

.....

[الحمدان]

جاك عقلي وفكري والنظر والفؤاد
وجاك قلبي وروحي سقتها في يديك

كل شيً أخذته صرت مثل الجماد
ما بقى الا عروقي ما تبيني تبيك

.....

[الحمدان]

‏لا تحسف وأبذل الطيب في كل أتجاه
‏من قضى للناس حاجه قضى الله حاجته

.....

[الحمدان]

‏اما صباح يجيب طلتك ويروح
وتبقى صباحي لين تفنى حياتي

ولا فلا لي فيك يالصبح مصلوح
خلك على صبحك وانا في مباتي

.....

[الحمدان]

يا وليف الروح ياحلو الوصايف
‏يا بعد من شافت عيوني عيونه

‏احبك حب غير عن كل الولايف
‏حب صعب على الأوادم يفهمونه

.....

[الحمدان]

‏من غيابه صرت كنّي شخص ثاني
‏وكن في وسط الحشا نيران حيّه

‏والله إن صدري من الضيقه يعاني
‏كثر ما عانت فلسطين الأبيّه

.....

[الحمدان]

من عطاني قدري أعطيه احترامي
‏ومن تجاهلني تجاهلته وطفته

‏ومن يدوّر قربي أعطيه اهتمامي
‏ومن يقفي عني أهملته وعفته

‏والمكان اللي ينزّل من مقامي
‏تنكسر رجلي ليا جيته وحفته

.....

[الحمدان]

‏الفقد مسراي وأحلامي بعيدة منال
‏كم واحدٍ أشعر بفقده من قبل لا أفقده

‏ذابت بقايا فؤادي فوق جمرة تعال
‏ماتدري إن الحنين يفتت الأفئدة

‏ما عاد لي خاطر يداري غياب ووصال
‏إن جيت يامرحبا و إن رحت فالمزهده

.....

[الحمدان]

أكبر فخر للناس أنك من الناس
وأكبر فخر للارض ممشاك فيها

في من غلاك أحساس مايحده قياس
أغلى من الدنيا ومن هو عليهـا

.....

[الحمدان]

السعي فالحاجات ومساعد الغير
‏هذا الرصيد الباقي اللي يسرك

‏وان كان مالله قدّرك تفعل الخير
‏على الاقل امنع عن الناس شرك

.....

[الحمدان]

قابلت انا الدكتور ثم قال وشفيك
قلت العفو لجل المرض جيت يمك

قال انصرف واطلب من الله يشافيك
مابه مرض معروف شفته بدمك

ارجع على منهو تحبه يداويك
يبرى المرض اذا على الصدر ضمك

.....

[الحمدان]

في حياتي مابقى حاجةٍ تغلى عليه
‏فدوته حالي ومالي وضحكي وزعلي

‏والذي علاّه بأفعال جدانه وابيه
‏انه بعيني يفوق الغوالي من هلي

.....

[الحمدان]

‏ياسبحان من حط الشتاء للبشر ترفيه
تقول الرحابه والسعد فيه مزروعه

.....

[الحمدان]

‏‌ياليت الأيام في يديني وأرجعها
‏وأعدل أشياء ما كانت على بالي

.....

[الحمدان]

صواريخ العيون النرجسيه
رمني من هدبها واوقعني

هدفها تقتل النفس البريه
الا يالله بها لاتمتحني

.....

[الحمدان]

مابيك بالقوه ولابيك بالطيب
أبيك من كيفك تحس بحنيني

مابيك تقبل باخر العمر وتغيب
أبيك دايم بين رمشي وعيني

خذني وغربني عن الناس تغريب
مابي اشوف انسان غيرك بعيني

.....

[الحمدان]

حطيتك بعيني علشان ما انسـاك
وناديت لضلوع الغـلا واستجابت

شف وشكثر هيبة محبتك لرضاك
حتى عواذيل الهـــوى منــه هابت

.....

[الحمدان]

لاتصدق الناس مهما شفت قدامك
واليا انشدوك العرب ركز على مدري

لايغرّك اللي يبيك تحقق أحلامك
كلن يدوّر مطيحك وأنت ماتدري

.....

[الحمدان]

‏يامهدي الورد إنت الورد في ذاته
‏لاتهدي الورد عطرني من أنفاسك

‏خذ قلبي إللي بغاك وخافقك هاته
‏أنت الغلا والوفى من رأسك لساسك

.....

[الحمدان]

مادرى انه بلسم لجرحي وطبه
ومادرى ان حبه عن العالم تعدا

.....

[الحمدان]

‏تراني طالب القهوة بلا سكّر
دخيلك هات لي صوتك يحليها

ابسمع لو مسا الخير واسكر
قبل لا تبرد القهوة واخليها

.....

[الحمدان]

‏شفني معك وشلون راضي ومرتاح
‏مابي أحد غيرك وغيرك يبيني

‏مرتاح في قربك ولو راح من راح
‏انت الحنين اللي يجدّد سنيني

.....

[الحمدان]

انتي اجمل من تفاصيل الجمال
‏ضحكتك اجمل ماعيني شافته

‏لك عيون تْثير في صدري جدال
‏ولي عيونن غير زولك عافته

.....

[الحمدان]

مكارم الناس بالأخلاق مذكورَة
وبيض النوايا تبّيض وجه راعيها

.....

[الحمدان]

‏ماني اقل وماني ازود من الناس
‏ولاحدن يشابهني ولا اشبه لغيري
‏
‏من طاب لي شلته على العين والراس
‏ومن صد ما حثيت خلفه مسيري

.....

[الحمدان]

ياوليفي اخذ ما فالضمير بـقناعه
وانت لـك فالضلوع العوج حل ومتاعي

اختصار السوالف وصل مثلك أطماعه
يمشي القلب صوبك دون يدعيه داعي

.....

[الحمدان]

تربعت وحدك بالخفوق وقفلت الباب
وجودك هواي وضحكتك شربي وزادي

لأتتركني لحالي مع العالم الكذاب
آنا أحس بالغربه وأنا ساكن بلادي

.....

[الحمدان]

‏اسري مع الشوق واخذ بالدفا وقفه
يوم إنسكب ريح عطرك داخل ايديني

لو رافق العقل من غيّ الهوى خفّه
نثرت عمر المشاعر بينك وبيني

.....

[الحمدان]

‏ماني بكيفك لا تفرغت لبيك
‏والله لو انه في يدينك مصيري

‏من راس مال الوقت عطني وبعطيك
‏زكاة وقتك خلها لناس غيري

.....

[الحمدان]

شوقي شقاي وعلّتي ودواي طلّة مطلعك
ولا ودي اشقى من غيابك والمحبين اشقيا

.....

[الحمدان]

الشيخه اللي كل عاصي تقهره
هبلـت بــالناس يخـرب بيتهــا

حـاولو فيهـا ولا هــزوا شعـره
ماصدق من قال جتني وجيتها

مـا انت عـارف عـاقله متهوره
الـغـازهــا واجــد ولا حـليتهــا

منـت داري طيبــه او متكبره
ما حكو لـي بس انا حسيتها

.....

[الحمدان]

كل منهم له وجهة نظر مختلفة مع العلم ان اختلاف الرأي لايفسد للود قضية :

خلوني اسج عن موضوعه احسن لي
والا الغلا والله إن يبطي وهو غالي
سعد جدلان

خلوني اسج واﻻ ﻻتخلوني
ماوالله اسج عن صوته ونظراته

مع احترامي لكم ياللي تحبوني
ومع احترامي لبن جدﻻن وابياته

خالد مبارك

[الحمدان]

ا‏مطري ياسحابه فوق داري وغني
ضامي الشوق فينا والاماني كثيره

.....

[الحمدان]

‏عاشقك ما ضاع وليا ضاع دلّك
‏والمشاعــر ما تضيع وقلبه ادرى

‏يوم قفّا الوقت فيك ورحت كلك
‏ما بقــى له من غيابك غير ذكـرى

‏حاول يخلي غلاك وصار خلـك
‏وحاول النسيان يوم اقفيت وازرى

‏ادري ان الشوق من قلبي وصل لك
‏وادري انــك تفتـح حسابي وتقــرى

.....

[الحمدان]

وان غاب نور القمر في عتّمة الليل
‏ينشاف نور البدر في وجـه خلّي

.....

[الحمدان]

يا من دعيت القلب والقلب لباك
يا جعل قلبك ما يشوف الفجيعه

الروح ترخص لك والعين تفداك
أشرييك بالغالي وغيرك نبيعه

.....

[الحمدان]

‏كلهم شافوك واحد بس انا شفتك وطن
‏والله انك في عيوني كل كوني والحياه

‏لو يشوفونك فعيني شافوا ان مالك ثمن
‏ياغناة الي يدور من فقر عمره غناه

.....

[الحمدان]

أنت العمـر لاجيـت والموت لارحـت
‏وإنت الضيـا للعيـن يانـور عينـي

‏ أشتاق في لقيـاك وأشتاق لاغبـت
‏وأشتاق لو ضمـت يمينـك يمينـي

‏ إنت القمـر لانمـت والشمس لاقمـت
‏وإنت الشفـا من كل همً يجينـي

.....

[الحمدان]

‏حنيت قلبي بوصل الحب وانقاشه
ونقشت حرفـك بدم الجوف ياحيّه

يفـداك قلبـن حياتـه يالغلا عاشه
مابيـن طيـفك وبين احلام ورديـّه

.....

[الحمدان]

من اموت برودتك خليها ع التابوت
وبيدك كون نعش جنازتي اطبكه

وخليلي دمعتك عالكبر نيشان
خاف بجفن كبري دموع ما تلكه

وخاف يمر وكت وتزورني من بعيد
تدليلك بمكاني حرورت الشهكه

شعر عراقي

[الحمدان]

منين نجيب مثلك حتى ننساك
ومنو المثلَك يعوضك لو خِسرنة

الشبه كل اربعين حچاية تنگال
واذا واحد يِصح چان انتظرنة


جبار رشيد .. العراق

[الحمدان]

زينٍك يعادل قناطير الذهب واللجين
والنفط والأرصدة والمركز المصرفي

أبشر بشعر تحطه شامة فالجبين
بابدع من اجلك وازيد إنتاجي المعرفي

.....

[الحمدان]

ابتدى ليل الشتاء في جيّته كالعادة
يغري اللي بالهم سالي ولايغريني

يعرض فبالي لكل الذكريات اعادة
عاد انا اللي فيني من همومي مكفيني

.....

[الحمدان]

وانا يالطيف الروح روحي تراك دواه
مريض الهوى ماينفعه كود محبوبه

.....

[الحمدان]

ابيـك العاشق اللي لو بغيتـه مـا خلـف ظـني
‏ابيـك أولـه من عيوني إذا ساقت لك النظرة

‏ابيك أطيب من ظنوني وابيك شوي وأكثرني
‏أبـي قلبـك على خبـري مثل ماني على خبـره

.....

[الحمدان]

اشفق على شوفه وضحكة حجاجه
واشتاق له شوق المغاليق للبوح

واليا ارتخى ليله وولع سراجه
جريت له صوتٍ من الشوق مبحوح

.....

[الحمدان]

ورى احبّك كلام ومن ورى كل الكلام إشتقت
‏عليك الشوق ماخذ عن جميع الناس تفكيري

‏لو أضمن ياخذك من يستحقّك بالبشر ماضقت
‏ولكن ما أشوف ان فيه أحد يستاهلك غيري

.....

[الحمدان]

لاتلوم الشوق ان صار مزعج
ترى الغلا ما هو على كيف راعيه

.....

[الحمدان]

وانا يالطيف الروح روحي تراك دواه
مريض الهوى ماينفعه كود محبوبهْ

.....

[الحمدان]

‏عطيتك محبه صادقه مابها تشويه
‏وجعلتك بقلبي منفرد فيه وحداني

‏ وغيرك يبغاني بالمحبه وأنا مابيه
‏دام أنت عندي ويش أبي بواحد ثاني

‏ تراني ليا شفتك أسج الفكر وأشقيه
‏وأشوف القمر وأقول عندي قمر ثاني

‏غلاتك بقلبي شي يطغى على التّشبيه
‏كيف أوصفك والوصف يعجز به لساني

.....

[الحمدان]

‏جيتك وانا من كثرة الشوق محتاج
‏احتاج اكون بكــل الاوقات قــربك

‏عطني خفوقك كان مــاعندك احراج
‏قلبي ملاه الشــوق واحتاج قلبك

.....

[الحمدان]

عطني على قد الغلا في ضميرك
‏وعطنـي علـى قد العطايا بيمناك

يومك بديت الحـب كمل مسيرك
‏وأسعد قليـبٍ فــــي حياته تمناك

.....

[الحمدان]

مابيك بالقوه ولابيك بالطيب
أبيك من كيفك تحس بحنيني

مابيك تقبل باخر العمر وتغيب
أبيك دايم بين رمشي وعيني

خذني وغربني عن الناس تغريب
مابي اشوف انسان غيرك بعيني

.....

[الحمدان]

انكابد ضروف الدهر بالعزايم
ونواجه الدنيا على كيف ماجات

مادامت الفرحه ولا الحزن دايم
لكن تعلمنا من اللي مضى وفات

درب الدنى ماهي تداني الصتايم
متغطرسه بالعز في كل لوقات

وإن ضاقت الدنيا علينا الزايم
نجمل السمعه بطيب وبطولات

ونروح ونعدي من اهل الشتايم
اللي تعذرب فالنفوس البريات

تفرق هل السنه وسود العمايم
كلٍ على مله وشرع ودلالات

فرق الكفو والاش منه ملايم
الفرق بين الارض لين السموات

.....

[الحمدان]

‏الليالي صابها الخوف و أخطاها الامان
‏والمشاعر بعد طول الصفو متكدّرة

‏رغم صدمات الأوادم وصدمات الزمان
‏صدمتي فيك أنت لا زالت المتصدّرة

.....

[الحمدان]

‏سمي على قلبي اللي طاح واقري عليه
وان قاله الله عيونك سحرها ينجلي

كم مرني من وجيه وكم تعدى وجيه
ولا شفت وجهٍ يضاهي وجهك المخملي

.....

[الحمدان]

الناس مـن حـولك يشوفــك مرتاح
‏ويحســدوا حظــك اذا كنــت رايق

‏مايـدروا ان النفـــس مليانه اجراح
‏والقلـب من كثــر المواجيـع زاهق

‏حال البشر نظراتهم عكس ياصاح
‏مايشعــروا باللـي خفتـه الحقايق

‏يقيموا وضعك على ضحك وامزوح
‏ولو كان قلبك داخل الصدر ضايق

.....

[الحمدان]

‏ 🌙🕌

الْلَّھُم أَهِلَهُ عَليْنَا بِالْأمْنِ وَالإِيْمَانِ وَالْسَّلامَةِ وَالْإِسْلَامِ وَالْعَوْنٓ عَلَى الْصَّلاةِ وَالصِّيَامِ وَتِلَاوَةِ الْقُرْآَنِ الْلَّھُمّ سَلِّمْنَا لِرَمَضَانَ وَسَلِّمْهُ لنا وَتَسَلَّمْهُ مِنّا مُتَقَبَّلاً يٓارٓبٓ العٓالِٓمينْ .

مُبارٓكٌ علٓيْكم شّٓهرُ رٓمٓضٓان

وكل عام وأنتم بألف خير🌙✨

[الحمدان]

جعل ماجانا من الوقت كفارة ذنوب
وجعل طربات الليالي تجي متساويه

.....

[الحمدان]

‏حي المساء اللي نشوفك تجي فيه
‏ياللي عليك الروح كل يـوم تـولـه

‏يا لذ واجمل شي تطري طواريه
‏ياغاية المشتاق واللي يـقـولـه

.....

[الحمدان]

أهلاً بشهر التقى والجود والكرم
شَهْـرِ الصِّيَامِ رَفِيْعِ الْقَدْرِ فِي الأُمَمِ

أَقْبَلْتَ فِيْ حُلَّـةٍ حَفَّ الْبَهَـاءُ بِهَا
وَمِـنْ ضِيَائِكَ غَابَتْ بَصْمَـةُ الظُّلَمِ

العامُ يمضي والمواسمُ عدّةٌ
لكنّما رمضانُ شهرٌ واحدُ

رمضانُ هلَّ وجاءَنا بِسعادةٍ
قدْ أقبَلتْ بقُدومهِ الحسناتُ


﴿أَيَّام مَّعْدُودَات﴾
اللّٰهُمَّ اجعل اجورنا بها
لا تُعد ودعواتٍ لا تُرد

[الحمدان]

لاتحاول تقنع الناس بقناعه داخليه
كل صدرً فيه شور وكل رأس فيه حيله

.....

[الحمدان]

خذلك عن الضيق في جو الخلا سجه
حاجتك لله ومالك فالبشر حاجه

.....

[الحمدان]

احساسي لك وعروقي عروق
فيها بدال الدم الاحساس جاري

حتى بديت اشوفك بكل مخلوق
ويجتاحني طاريك مع كل طاري

بشر تراني ودي اغفى ولا افوق
وابيع لك عمري ليا صرت شاري

.....

[الحمدان]

‏العمر مرة والقلوب البيض ماتبغى دليل
‏والناس لا طابت نواياها تطيب حظوظها

.....

[الحمدان]

‏حتى الثوابت تغير من مواقعها
‏الثابت ان كل شيٍ في الزمن وارد

‏عن مغريات الحياه وعن مواجعها
‏محتاج قلب البليد وسجة الشارد

‏لا طابت النفس مابه شي يقنعها
‏لو تمسح العقل ولا تمسح المارد

‏بعض العلاقات تشبه لو نرجعها
‏القهوه البارده والشاهي البارد

.....

[الحمدان]

وين اللي يفهم خاطري قبل احاكيه
ويضيق لو يلمح طرف دمع عيني

.....

[الحمدان]

من جاك عاني كاسبٍ بك جماله
‏في وقت قل الوصل مابين الارحام

‏اجلس معه لاتستشك وش طراله
‏الله كفيل الخلق من عهد الايام

‏فنجال مع ضحكه بعدها بياله
و‏يذكرك لامن راح في سبعة انعام

هذا الزمن ماهو زمان العباله
يوم العرب جوعا وكبودها حيام

الله عكس الاحوال واكبر دلاله
كل بيت تلقى فيه سايق وخدام

.....

[الحمدان]

عسى الله يجنبنا دروب الردى والهون
وعسى الله يجملنا ليا حل واجبنا

.....

[الحمدان]

‏لا تستفزّك ذكريات الراحلين
‏مافيه أحد يبقى معك إلى الأبد

‏تظاهر بضحكتك لو قلبك حزين
‏ملامحك فيها من الغربة بلد

‏حاول تعيش العمْر بإحساس السنين
‏عابر وإذا مرّيت ما ترجع لأحد

‏وإذا ذبحك الشوق وأوجعك الحنين
‏تذكّر إنك مانت وحدك من فقد

منصور الحبابي

[الحمدان]

‏لاعاد تبكين قطعتي معاليقي
مادام قلبي معك وش داعي الدمعه

انا مع الناس حلم وصعب تحقيقي
وتحقق الحلم لك والناس مجتمعه

.....

[الحمدان]

‏ياللي خذيـت القلب مني ومافـيـه
‏إرفـق بقلبي يا بعـد كل مــن لـــه
‏
‏جيتك وأنا شوقي يسابق خطاويه
‏شوق الخليل اللي فقد شوف خله

.....

[الحمدان]

يسعد مسا منهو تربى على الطيب
ترسم حروفي تفاصيله ومضمونه

كنه معي مثل القلم داخل الجيب
قريب من قلبي ولو غابت اعيونه

.....

[الحمدان]

‏كتبت لي جملة على شاطيئ الشوق
وعبرت فيها عن مضامين شوقي

يوم احتضنها موج الانظار عن ذوق
واستلهمت احساس فكري وذوقي

اخذت لي مع سجة البال طاروق
وغنيت لحن استاحشت به عروقي

.....

[الحمدان]

ياخيبة الضن في عاشق من الحب تاب
وجا غزال البوادي حاوره واقنعه

بعد عليه الغشاوه كلها والضباب
وهو غبي فكـره صادق وقم يسمعه

احيا بروحه حيات الحب دون الـعـتاب
حتا السعاده بدت تحويه متربعه

وضن ما مثلها فرصه لها الوقت جاب
والروح في حضرت العشاق متوسعه

فجئه وذي شب نار الحب سابك وغاب
والقلب ذي مات يترما ويتنصعه

طلع غرامك بكله والمحبه سراب
ماغير قلبك من اوجاع الزمان اوجعه

ياخيبه الضن هل عندك لقلبي جواب
والصوت ذا يشتكي ياناس من يسمعه

شيبت بي يازمان الحـب وانا شباب
والقلب ذا حب خلانه لقا مصرعه

.....

[الحمدان]

لت جاك هرجٍ من سفيه الفعايل
طنش وخل النار تاكل حطبها

.....

[الحمدان]

روحي تحبك جعلها فدوة لك
ياللي ملكت القلب ومعاليقه

كل العروق تدق بالحب لاجلك
وغلاك بالخافق وربي حقيقه

.....

[الحمدان]

هذا نصيبي مع الايام من صغري
‏احيان اقوى الحزن واحيان ما اقوى

‏لوتدري الناس ويش اشيل في صدري
‏ماعاتبتني على شغلات ماتسوى

.....

[الحمدان]

ان ادبرت ولا اقبلت دنيا نهايتها حطام
سجدة على وجه التراب اخير منها كلّها

.....

[الحمدان]

لعيون احبابي اتبسم ونا محزون
قلبي من اجل الغوالي يرخص الغالي

امزح واسلي على من خاطره مغبون
ولاتخليت عن حد يشهد الوالي

حبيت فرخ الظبي والناس ما يدرون
عن حبنا لا من الاول ولا التالي

مفتون قولوا لمن نشد عني مفتون
في خد ذاك الذي ماغاب عن بالي

بالزين قلبي متيم عاشق مجنون
غيب ولاخاطري في غيبته سالي

.....

[الحمدان]

‏خلك معي وأبشر بقلب يداريك
يصون حبك في زمان المجامل

يغليك يعني في عيونه يخليك
واعرف ترى ما بالمخاليق كامل

.....

[الحمدان]

العلاقة هي مشاعر تختلط في لون دمي
حتى لو ما قلتها لك يا حلم في امنياتي

والمحبة هي تواصل روح لا نطقي وفمي
مثلما روحك وروحي لحن يعزف اغنياتي

انت يا أغلى واحلى من دعت لي فيها امي
انت يا كل الحكاية أنت دعوة فيها حياتي

انت الهامي وابياتي واشعاري ورسمي
انت اجمل ما مضي فيني واجمل ما سيأتي

لاتقولي لي احبك قولها لي زاد همي
لنها كلمة بسيطة لو اقلها لك غلاتي

ما توفي بعض حبي ما تساوي فيه كَمِّ
واللي في قلبي تعدى كل ما جاء في لغاتِ

.....

[الحمدان]

وين اللي يفهم خاطري قبل احاكيه
‏ويضـيق لـو يلمح طرف دمع عيني

‏ويـحاول يـسليّ خـفوقي ويرضــيه
‏وان غـبت جاني قبل لا يحتريني

.....

[الحمدان]

‏رغم الغياب اللي ذبحني وانا حي
الا اني احيابك وانا ميت فيك

عجزت لا القى عن لهيب الجفا في
وعجزت اكف الدمع لا حل طاريك

ما عاد ابي من دنيتي كلها شي
الا وصالك يابعد روح مغليك

.....

[الحمدان]

اذكريني في اغنية وين احب وين اهيم
واذكريني كل ما قالو أن ضيدان قال

انظري لي نظرة الشوق للشي القديم
او وجودي كل ماهب نسناس الشمال

.....

[الحمدان]

العيطموس اللي هدب عينها سام
وطول رقبتها خمس بوسات بالضبط

.....

[الحمدان]

افرح ولو انـيّ مـن الـوقت عانيت
‏اسعى وانا راضي بما ينكتب لي ‏

.....

[الحمدان]

‏لاتغيّر شي من طبعك لجل محبوبك
‏الحبايب راضيه بأحبابها ومرضيّه
‏
‏العيون اللي تحبك ماتشوف عيوبك
‏لو خطاياك أكبر مْن الكورة الارضيّه

.....

[الحمدان]

‏أنا كبرت ومغرياتي كبرت
‏ما عادة أدنى سالفة تغريني

.....

[الحمدان]

‏حاول تعيش العمر باحساس السنين
‏عابر وأذا مرّيت ما ترجع لـ أحد

.....

[الحمدان]

‏لا تنكســـر لو فاتك اللي تمنيت
‏إلا على التقــوى وحسن العبادة

‏يمكن تكون اسعد ليامن تخليت
‏عن مطلب ٍظنيت فيه السـعادة

.....

[الحمدان]

تعال أسمّعك قصايد الغيبه
يا شوق نبض القصيد وغاية مراده

أنت بلد ناقصهْ شاعر يغنّي به
وأنا قصيدٍ فقدَ شـاعره وبلاده

.....

[الحمدان]

بـچـيـت ومـابـرد كـلـبـي
أحس بصدري شي أسود

قـبـل لا أنـام يـخـنـكـنـي
لأن مـاسـولـفـت لأحـد

وأي واحـد يـسـولـف
يــلــچـم جـــروحـــي

ومن كد ما دخـت يـا نـاس
صافن بالمرايا وماشفت روحي

شعر عراقي

[الحمدان]

‏ثنتين لو مهما حصل لا تجي فيك
‏كـره الـرفيق وحـب من لا يودك
‏
‏والثالثة كانـك تبي النـاس تعطيك
‏مكانتك فاعرف مع الناس حدك

.....

[الحمدان]

انا بدوي وامشي على منهج العود
‏ودامي على نهجه يزيد افتخاري

‏نبقى على ما قيل والعلم مردود
‏حنا بدو لو مستوانا حضاري

.....

[الحمدان]

‏عظّم الله أجر الهقاوي والظنون
‏التزمت الصمت عن كثر الكلام

.....

[الحمدان]

لا غياب ولا جروح ولا ظنـون
حب نفسك واعتبر نفسك حبيب

.....

[الحمدان]

من صدّ عني ترى مانيب بمحتاجه
من دونه أعيش دامه عاش من دوني

بعيوني تصير ما تسوى ولا حاجه
من بعد ما كنت تسوى الناس بعيوني

.....

[الحمدان]

ترى صدور الناس مثل المخازن
‏ياما بداخلها من الشر والخير

‏وأكبر نجاحك في الحياة التوازن
‏والصبر لا صكت عليك المقادير

.....

[الحمدان]

‏كم غايب ماغاب ذكره عن البال
وكم حاضر يشبه حضوره غيابه

ماكل من يبتعد عن العين ننساه
بعض البشر طيبته تعوض غيابه

.....

[الحمدان]

‏الفقر سيء في ظروفه وبلواه
‏نصفه مرارة طعم والنصف مالح

‏لكن تبي تعرف وش اجمل هداياه
‏انه ما يجلب لك صديق المصالح

.....

[الحمدان]

ماجيتك أعلمك كيف المشاعر تدار
‏جيتك بقلبٍ سليم ونيّةٍ صافيه

‏أنا شعفني هواك وجنّة الحب نار
‏وعيني من النوم مطروفه ومتجافيه

‏أقبل إلى شفتني على وشك الانهيار
‏وأقوم مثل المريض إلى أونس العافيه

.....

[الحمدان]

ليتك على كبر الهقاوي تسنعت
لكن ردي الساس مافيه حيله

.....

[الحمدان]

‏أترك أثر طيب تسولف به الناس
‏الصيت يغني والجمايل خزاين

.....

[الحمدان]

‏يا صباح الخير والدنيا عوافي
‏ابتسم وابدا صباحك وأنت رايق
‏
دامها تشرق ودام الجو صافي
‏أذكر الله واشكره لو كنت ضايق

.....

[الحمدان]

‏الا يالله تسند وقفتي لا تنهزع يا الله
‏ترى لولا الرجا بك ماتهقوينا بأمانينا

‏يا ربي تدري اني لا جزوع ولا قليل جاه
‏ما دام الجاه جاهك وانت تمنعنا وتعطينا

.....

[الحمدان]

‏تعجبني الطنخه ويعجبني الطيب
وتعجبني عزوم الرجال القويه

ويعجبني اللي يجتلد كنه الذيب
هقوات راسه فالشدايد جريه

.....

[الحمدان]

‏الشوق مثل الموت نزاع للروح
‏ياخذ من اجساد البشر عافيتها

‏كنه رفيف الطير لا صار مذبوح
‏يرقص الم للروح بمفارقتها

.....

[الحمدان]

يشهد الله كل ما غبت ساعه احتريك
وكل ما شافتـك عيوني يزيد اعجابها

.....

[الحمدان]

ترى صدور الناس مثل المخازن
ياما بداخلها من الشر والخير

وأكبر نجاحك في الحياة التوازن
والصبر لا صكّت عليك المقادير

.....

[الحمدان]

‏من يـهـمه حضوري يسعد الله نـباه
ومن لايـهمه حضوري مرحبا به هلا

وانت يَاللي وجـودك يلفت الانـتباه
من وجودك عساني يَالغلا ماخـلا

.....

[الحمدان]

‏لا تلوم الحظ يوم الحظ خانك
الحظـوظ أرزاق مافيهـا زعــل

خلها دايم على طرف لسانـك
قـــدر الله ومــا شـــاء فــعــل

.....

[الحمدان]

ضيعـتني يا غايتـي ضمن بلواك
وحسيت قلبي عقب رايك تدمر

اسقيتني كاس الالم من ثناياك
كنـه رصـاصً بـين جمرً مجَـمَر

وفيـت لـك والقـلـب لبـا ولـباك
وحبيت روحك حب حايل لشمر

الله يبيحك من يسوي سواياك
وانت الوحيد اللي له القلب عمر

.....

[الحمدان]

الله أقوى لين خانتنا الظروف
ماهقيت الليل ما يوفي الوعد

.....

[الحمدان]

في طريق الردى المليان غدر وشماتة
‏ماني بمسـتغلّ الفــرصة إليا تهيّت

‏وش يعذّرنـي مْن اللي عطاني وصاته
‏مستحي منه حيّ ومستحي منه ميّت

.....

[الحمدان]

‏لو تسأل الديره وأهلها عن الآه
‏تسمع صدى صوت المحبين ساجع

‏كل المدينه في غيابك معاناه
‏سميتها عقبك بلاد المواجع

.....

[الحمدان]

يا الله عجل بالفرج ونت راعيه
كم ساعا ظاقت وعندك فرجها

انت الذي في خافي الغيب ندعيه
ونت الوحيد الي يعدل عوجها

.....

[الحمدان]

تعودّت ما أدوّر ورا العالمين سناد
‏أعنّز على يمناي وأوقف على ساقي

‏وتعاملت بأخلاقي مع الناكر الجحّاد
‏ولو الزمن يرجع تعاملت بأخلاقي

.....

[الحمدان]

عليه من الملامة ما يصحح غلطة المخطين
‏وأنا بسقي نوابت ضيقتي بأسوء قراراتي

‏باصد وبشعل من الهجر نار وتنطفي نارين
‏واروح الروحه اللي توجع أرضي ثقل خطواتي

‏ابشبع رغبة الهجران فيني واتمادی لین
‏احس اني على كثر ابتعادي مرضي ٍذاتي

.....

[الحمدان]

‏من حبه الله والخلايق تحبه
المسلم اللي مايخلي صلاته

هي العهد مابينه وبين ربه
وهي السراج اللي ينور حياته

....

[الحمدان]

ترا الشوق وأنفاس الوله وآخر الليل
والشعر وإحساسة ونفحة عبيرة

يسري بها العاشق قصيد وتعاليل
وقلب الهواوي كل طاري يثيرة

.....

[الحمدان]

يالله برزقٍ تـنـجلي بـه مـعـناه
قلبٍ من الأيـام زادت جروحه

بفضل الكريم اللي جزيله عياه
اللي يـحـقـق لـلـبناد موطموحه

.....

[الحمدان]

يابوح قِل للصمت لا يكسر الروح
عبر وخل الناس تسمع وتقرى

لو كان للذكرى مسافات وجروح
يبقى أمل ان أجمل الوقت ذكرى

.....

[الحمدان]

يالله عسى مَوتي يجي وقت طاعةٌ
‏وآمَوت ساجد وأطلب الله نجاتيَ

‏ يَالله ترزقنــيَ العفو والشفاعةّ
‏واتوب قبلل تحين لحظةِ وفــٌاتيَ

.....

[الحمدان]

بالفتح والفاتحة والتين والزيتون
والحشر والفجر وايات الفلق والطور

والعصر والنصر والاخلاص والماعون
وحق الاقصى حق الكعبه المعمور

ما نترك القدس يحكمها بني صهيون
لوما بقت عين في الدنيا تشوف النور

لو يصبح الحي في بطن الثرى مدفون
او يرجع الميت ويقوم الذي مقبور

‎عباد ابوحاتم

[الحمدان]

يازين الجو والسماء كلها غيم
‏ريح المطر يبري عليل المحبه

‏يعني نفسّرها بجميع المفاهيم
‏يحتاج لك جلسه مع اللي تحبه

.....

[الحمدان]

ريحوا بال الظنون وقفلوا باب الملام
البشر ماعاد تدري من تحب ومن تعادي

.....

[الحمدان]

يالله ياللي بيدك باني السموات
‏ياعلم مافي الصدور الحنــونـه

‏تمحي هموم اللي بصدره خفيات
‏منك الفرج منك العطا والمعـونـه

.....

[الحمدان]

‏اعوام مضت على رحيلك وفرقاك
‏جسمي مع العالم وقلبي معك ميت
‏
اشد من فرقاك تقليب ذكراك
‏مر وندم حسرة ذهول وتشتيت
‏
اليا الحين واقفن بي الزمان ماتعداك
‏اليا لحين اتخيل نظرتك يوم قفيت
‏
وزولك وصوتك وابتسامة محياك
‏وطهر الحياد اللي بوجهك الياجيت
‏
ليت القدر عنك خذاني وخلاك
‏واخطاك بي يامبسم الحي والميت

.....

[الحمدان]

من يطلب الراحه على كف الاحلام
يجيه كف الواقع اللي يصحيه

مع إن دنيانا زخاريف واوهام
لكن نسايرها على اللي تجي فيه

ونخوضها في قولة العمر قدام
كن العمر مضمون في كف راعيه

.....

[الحمدان]

تشوف صدري على الدنيا وأهلها رحاب
‏تضيع فرجة مناكبها ما بين اذرعي

‏وتقول لك كلمةٍ ما تحسب لها حساب
‏تأخذ لها مدةٍ تمسي وتصبح معي

.....