مشاهدة النسخة كاملة : فوق هام السحب ( الشعر الشعبي) على متن القوافي
الحمدان
02-28-2024, 09:51 PM
الصاحب إلي بالـمـوده مصافيك
إلي مـعـك فـي كـل حلـوه ومُرّه
لاتخذله فالوقت دامه وثق فيك
وإن كـان مـا أنـت نافعه لاتضره
الحمدان
02-28-2024, 09:51 PM
لا تستمع لاهل الحكا والتخاريف
هراجة المجلس بليا صمايل
ما يظهر الحرمة كثر السواليف
وما يظهر الرجال غير الفعايل
الحمدان
02-28-2024, 09:54 PM
يالله بنصراََ منك ينصـــر فلسطـــين
نصـــراََ عــــظيماََ منه تجبر وجعــــها
يالواحــــد اللـــي تبدل العســر بالين
فــرق اهـل الطاغـوت واللــي جمعها
طالبــــك انا يالله قــــولــــو امــــين
تقضي على أهل الشرك واللي تبعها
الحمدان
02-28-2024, 09:55 PM
غنيت لك من مدى ضيقي وش اخباري
وما رد الا صدى صوتي على صوتي
لا تقول وش ذكرك ولا وش الطاري
ما غبت عن خاطري ولا عن بيوتي
الحمدان
02-28-2024, 09:57 PM
عساك ماتفقد محبك ومغليك
ولا تشتكي من جايرات الليالي
دعوه محب من ضميره مصافيك
قلبه من الأحقاد والكذب خالي
الحمدان
02-28-2024, 09:58 PM
إحذر تصك الباب في وجه من جاك
وأحذر تبيع إنـسان بالوقت شاريـك
ولا تحقّر اللـي بالليالـي يبي رضاك
ولا تشتـري اللـي بالـزمن مـا يدانيك
الحمدان
02-28-2024, 09:59 PM
مني لاعز الناس حلو التراحيب؛؛
مضمونها تقدير من قلب صافي
سلام ياراعي الوفا والمواجيب
سلام يازين مع الناس وافي
لك منزل بين الضلوع المحاديب
عساك دايم بالوجود متعافي
الحمدان
02-28-2024, 10:00 PM
لاجل الغلا برسل مع الشـوق ورده
أرويتها من ماي عيني غلاها
أمنتك الله ضمّهـا كـل مـده
حتى أحس ضمّيت قلبـي معاها
الحمدان
02-28-2024, 10:01 PM
اجلس مع اللي راسه الشيب ماليه
واللي تجاعيد الزمن في جفونه
يعطيك من خبرة حياته وماضيه
درس كثير من البشر يجهلون
الحمدان
02-28-2024, 10:01 PM
القلـب صافي والنواياا توديـه
على دروب الطيب والرب شااهـد
والي نسـاني يرحم الله لياليـه
أقـول له مسموح والحال واحـد
الحمدان
02-28-2024, 10:03 PM
كــلٍ علـى هـمـه يســجل حضــوره
وأنــا على همي أدور لـه أبـيــات
يمــكن ذكرني أمــس لحـظه مروره
يمكن ونفسي داخلي تقول هـيـهـات
الحمدان
02-28-2024, 10:03 PM
تدري من اللي عاش بالوقت مرتاح
ولاشال من حمل الليالي ولا طن
طول العمر مرتاح من وين ماراح
اللي ضميره بالبشر يحسن الظن
الحمدان
02-28-2024, 10:04 PM
لاتحسب ان الناس بالناس تهتم
مهما بلــغ حــد الغـــلا والميانه
كم واحــد تجري غلاته مع الدم
واليــوم تجري في عروقه خيانه
الحمدان
02-28-2024, 10:05 PM
يا مركبي لو ضايقـك دف الأمـواج
أثبت ..على متنك حمـول الأمانـي
الموج لو صوتـه مريـع ٍ و لجّـاج
خل الصدى منك الصبر و التفانـي
الحمدان
02-28-2024, 10:06 PM
من لا يـداري خاطـرك لا تداريـہ
بـعض المدارى لـلخواطر مـذلـہ
كم واحدٍ تتعب عـ شان ترضـيـہ
ويصير ظنك فيه ما هو بـمحلـہ
الحمدان
02-28-2024, 10:07 PM
من صغرنا مَ اثـر القول فينا
نعرف مقام نفوسنا و نحشمها
من لا يعجبہ طبعنا .... لا يجينا
ومن هو يطب حدودنا يحترمها
الحمدان
02-28-2024, 10:07 PM
الصبح ماهو بس شمس وعصافير
الصبح بسماتك ، وصوتك ، ونورك
يعني صباح الورد ، والنور ، والخير
مفروض ماتنقال ..غير بـ حضورك
الحمدان
02-28-2024, 10:08 PM
آلصدق والثقه والشوق والخوف
مَاهيب في عيُون المحبيـن لعبه
الحب كَلمه تنكَتـب بَأربع حرُوف
لكنهـآ في كل الأحوال~ صعبه
الحمدان
02-28-2024, 10:10 PM
آقول لـهہ: مسيت بـآلخير ي خير
ويـقول: آنـآا مسآائـك ونـور دربـك
آي وآللـہ آنــك ي مـسآئي مسآ غير
شمآلـك ، وشرقـك ، وجنوبـك ، وغربـك
الحمدان
02-28-2024, 10:12 PM
تدللّي يا شيخة الزين دامك
مثل المهار النايفآت الآصايل
حتى صهيل الخيل شآيل وسآمك
لآمن ضحتكي يعتدل كل مآيل
الحمدان
02-28-2024, 10:13 PM
هي شيخة الترفات هي منبع الذوق
هي الاصل بالزيـن والباقي اشباه
منطــوقها بالشعر غيــر اي منطوق
مهــره اصيـــله بالجزايـــل مـــرباه
الحمدان
02-28-2024, 10:14 PM
أن كانها مهره فـ أنا خير خيّال
هذي سواياها وهذا رسنها
عنها لو تسولف هل القيل والقال
بموت وأنا .. ماتخليت عنها
الحمدان
02-28-2024, 10:16 PM
أسمـع مـن العقّـال حتـى تستفيـد
وابعد عـن الجهّال قـدر المستطاع
يدلّك العاقل ...على الراي السديد
ويـدلّك الجاهل على درب الضياع
الحمدان
02-28-2024, 10:17 PM
الذكريـات بـكـل الأحـوال تشقيك
مافيه روح من الحنين استراحت
تحـزن على ذكـرى حـزينه تبكيك
وتضيق من ذكرى جميله وراحت
الحمدان
03-02-2024, 10:06 PM
الشـوق ماله وقـت يا ساكـــن الروح
ما دام طيفـــــك ما يفــــارق خيالي
اتذكـــرك والقلـــب يشتــاق وينوح
ويصيــح فــي الاعمـاق يابعد حالي
كابرت شوقي لاكن الشوق مفضوح
والشوق مالـــي في سكوته مجالي.
الحمدان
03-02-2024, 10:09 PM
عين الردي يقصر نظرها من الطيب
لو كان شوفه شوف زرقا اليمامه
يغويه شور قريـّبين المحاضيب
ويعميه من كسب الجميل الرخامه
الحمدان
03-02-2024, 10:10 PM
لو يركض العبد بيدينه ورجلينه
الصفقه الخاسرة ماهو برابحها
إن كان مالله معاه.. ولا الله معينه
بيخرّب اللي يحسب إنه يصلحها
والعمر مهما يطول بتقضي سنينه
وأول ما يشهد على نفسك جوارحها
يالله ،،،،، بقلبٍ سليم ونيةٍ زينه
تفتح لنا أبواب ما نقدر نفتّحها
الحمدان
03-02-2024, 10:10 PM
البارحه دمعي على الخد همال
والحزن في صدري يجر معزوفه
صدري لصكات المقادير مدهال
ودمعي اخاف ان الاودام تشوفه
اغيب وادور على راحة البال
عن حاجةٍ فالقلب قامت تلوفه
العيب فالوافين والا فالانذال
هو فيه باقي ظلم يمكن نشوفه
هاذي بدايات العمر كيف لو طال
انشهد اني ي عرب قمت اعوفه
لاصار مابه خير في جمع الاعمال
باقي حياتي ماعليها حسوفه
وضحاء العتيبي
الحمدان
03-02-2024, 10:11 PM
راح الجـهـل والطـيـش والشـيـب جانا
وصرنا نحسب حساب وش يخفي الغيب
حتى الأمـاني يــوم شــابـت لـحـانـا
ماهـيـب امـانينا قبل يطلع الشيب
الحمدان
03-03-2024, 03:11 PM
لايخدَعَك صاحب الوجهين
بكـل يـوم ومعـه صاحـب
يلبـس علـى وجهـه قناعين
وجهه يالو ينكشف شاحب
يتظاهر بطيب وِهْـوَه شَين
ولاتصدق لنَـوحِه الناحـب
الحمدان
03-03-2024, 03:14 PM
النفس لاشامت مثل عاصي الخيل
يصعب على الخيال قبضة رسنها
لاشامت النفس العزيزه عـن الميل
مـــن عقبها الشــرهات يطـوا كفنها
شــرهتك سـندهـا لــروس الـمشاكي
ولا عـــن الــرديان شــرهــتك صـنها
الحمدان
03-03-2024, 03:16 PM
لا تنكر المعروف لا جاله مجال
واليافعلت الطيب لا تقفّيه صوت
جمايل الرّجال فـ ظهور الرِجال
تسجيلةً ماهيب تسجيلة بلوت
الحمدان
03-03-2024, 03:22 PM
اركدي يالوهوم وجـرهدي يالطموح
وانفضي الضيق عنك واشعليها أمـل
زلزل الهم تكسب من وراء الروح روح
عيشة الذل شينة والمراحل دول
ما يرد المـانيا كل وجه صبـوح
ولا تجيـك السلامة من خبيث العمـل
خــل قلبك جنــوبي يهتـويه الــوضوح
وخـل صدرك شمـالي ما يحب العجل
وخذ من الشـرق عزمك لا تعد الجروح
وخذ من الغـرب عـادات المثل بالمثل
واكسر الصمـت لو ما عاد غيرك يبـوح
وان حكوا الغير يكفوا وانت خلك وسل
وارفــع الــرأس وقت الجـد ولا المزوح
لا تــوطي جبينــك لو حصـل ما حصل
الحمدان
03-03-2024, 10:48 PM
ياربّ غفرانك ورحمتك وارضاك
وعطفك ولطفك ياعزيز الجلالي
اعوذبك و الوذبك واترجاك
رحماك يارحمن تلطف بحالي
يارب انا عبدك ضعيفأً بلياك
وعفوك تراه اكبرطموحي وآمالي
الفضل فضلك والعطاياعطاياك
مكاسب الدنياماهي راس مالي!!
الحمدان
03-03-2024, 10:50 PM
نكتب ويحفظ ماكتبته ايدينا
لو نمسحه يبقى على اللوح مكتوب
لكن عسسساه النا ولا هو علينا
في يوم يوزن فيه حسنات وذنوب
ويعر ض علينا ماكتبنا وقرينا
في يوم ما ينفعك لو قلت ابتوب
الحمدان
03-03-2024, 10:52 PM
يا ربي وأنا عبدك وكلي ندم وذنوب
خطاي اكبر من طويق والنفس لوامه
ما بين الهوى والنفس والغي والمكثوب
يقف ثابت الخطوة ولا تثبت أقدامه
أجرني من ذنوبي وعفوك هو المطلوب
ياعالم بما وسوس به الصدر و وهامه
الحمدان
03-03-2024, 10:53 PM
والله مـايـذبـحــك يــاكـــود حــاجـــه
لاصار في وجهك حيا وانـت محتـاج
بالعـسـر يـسـر وللهمــوم انـفـراجـه
يجيلهـا مـن والـي الـعـرش مـخـراج
ارفـــع ايـديـنـك للـسـمـا ثـــم نـاجــه
يظهـرك لودونـك شرابيـك واسـيـاج
الحمدان
03-03-2024, 10:54 PM
تواصل مع اللي في وصاله مطر وغيوم
ومن صد جعله للتساهيل في صده
وتركّد على قلبك ،، ولاتثقله بهموم ،
كثير الزعل يتعب لك القلب ويهده
الحمدان
03-03-2024, 10:55 PM
من حبـه الله يحبـونه مخاليقه
ركز على السطر هذا وأفتح عيونك
لاتقول هجر العرب يسبب الضيقه
زين عـلاقتك مع ربــك يحبونك
الحمدان
03-03-2024, 10:56 PM
في هالزمن ياصآحبي عيش دنيآك
لا لا تـحـآول تـفهم اللي حوآليــك
تكشف لـك الأيآم مـن كـآن يهوآاك
ومن هو يـمثل دور إنــسآن يغليك
الحمدان
03-03-2024, 10:58 PM
أفتح جهازي وأدور داخل الوارد
رسايل منك بالأشـواق مرسـولـه
أقرا بيوت الغلا والفكر بك شارد
وأهز راسي قهر وأقـول معقـوله
الحمدان
03-03-2024, 10:58 PM
لانويت الشعر جبت المستحيل
وَحْبُكه حَبْك الكواكب فالفلك
ولا ركبت الخيل جودت الاصيل
شاعرة وجيتك على هيبة ملك
الحمدان
03-03-2024, 10:59 PM
ما تربينـا على كـسر الخواطر
لـو خواطرنا من العالم تكسّر
امزحوآ في كل شي إلا المشاعر
جبرها يبطي ويمكن ما تجبّر
الحمدان
03-03-2024, 11:02 PM
بعض البشر مثل الذهب في نوعه
وطابعه دون. الخلايق راقي
يشفي مواجع داخلك. مـــوجوعه
محال مثله شخص عاد تلاقي
ترتاح من حكيه ومن مـوضـــوعه
ويجبرك له دايمً* تشتاقي
تحصله. في فـكرته. مـــوســــوعه
تسير به بين البشر عملاقي
لك هاج فكري وارتقا. مـشــروعه
باالله مثلك وين وين نلاقي
الحمدان
03-03-2024, 11:06 PM
ليت مافـــي بالعمر تلويحة كفوف
لا فـــــــراق ولا وداع ولا سفــــــــر
وليت مايعوق الوصــــل اية ظروف
لا مسافــــه ولا اختلاف ولا عــــذر
الحمدان
03-03-2024, 11:07 PM
مثل القمر يالنادره في جمالك
ماشفت مثلك بالخلايق وصيفه
على البحر ليتك بجنبي لحالك
والموج هادي والمشاعر رهيفه
الحمدان
03-03-2024, 11:08 PM
بالعين بوح وداخل الصدر ونات
ولا فيه احد يفهمك ياقلب شاعر
صحيح اني اكتم الجرح بسكات
ومقدر على كتم الشِعر والمشاعر
الحمدان
03-03-2024, 11:10 PM
أعامل الناس بأسلوبي وباخلاقي
والناس بأسلوبها نعرف معادنها
وسلم على المحترم بأسلوبه الراقي
وجنب عن اللي علومه ما يثمنها
الحمدان
03-03-2024, 11:12 PM
أبتسم مع بسمته من دون مدري
من حلاهــ كن ورد الكون فيه
كل ما يضحـك يفـز اللي بصـدري
ودي أحضن بسمتــه واقرأ عليها
الحمدان
03-04-2024, 04:32 PM
بيني وبينك فارق السن موجود
هذا الذي مالي عليه استطاعة
يا ليت عمري مثل عمرك بلا زود
السن واحد وأصلنا من جماعة
أو إني أشري فارق السن بنقود
من شخص مافاده شبابة وباعه
وليا طمعتي في هوى الشايب العود
وياطالما صار الهوى كالبضاعه
مادام محسودة وأنا شخص محسود
كلمة وأنا أشري لك من الماس ساعة
تمتعي بالعز مافيه منقود
بس أطلبي وأقول سمع وطاعة
وأعطيك حب فائضه غير محدود
ترسي على جسر المحاني قلاعه
علي القحطاني
الحمدان
03-04-2024, 09:56 PM
يا قو قلبك على الصّده و يا صبرك
و يا وسع صدري على صدك ويا صبري
و يا طول عمرك بذاكرتي و يا كبرك
و يا شيب عيني بشيّب عاد ذا كبري
والله لو ان حمل صبري فوقك ان تبرك
والله ولو تعتذر منتب على خبري
ان ما جبرك الغلا ما اقدر على جبرك
ياللي على ارض الوفا ما شبرك بشبري
تزعل وترجع و تلقاني على خبرك
وانا انكسر لك و اجيك ادوّر لجبري
طيفك وذكراك طيلة غيبتك سبرك
وشوقي لشوفتك طيلة غيبتـك سبري
امحق وليف ومحبه والا اقول..ابرك
حسبي عليك اعشقك وانت اتحفر قبري
محمد بن فطيس
الحمدان
03-04-2024, 10:25 PM
يسوقني طاريك لمشاهدك سوق
و أشفق على لمسة يدينك شفاقه
زرعت لك زرعٍ له أثمار و عروق
و قدمت لك من زهرة العمَر باقه
و أن كان عندك شك لاناشك العوق
في قلبي إللي لك يزيد أشتياقه
الشوق مشتاق لك أكثر من الشوق
شوق بدويٍ ضاعت أغلى نياقه
...
الحمدان
03-04-2024, 11:16 PM
علــى هونكم يا اللي تجرون عندي الصوت
ترى المشتحن يبكي على الصوت لا سمعه
اجاريكم وقد لي وانـا صايم امن القوت
وهمومي من مفـارق من احب مجتمـعــه
يا ليت الليال الماضيه ترجع بــريمـوت
ما والله اقول ان عاد فالمقبلـه طمـعـــه
وانا داري انه عقـب صدته فـات الفــوت
ولا عـاد ربــي بكاتــب لنـا .. ولا جمـعــه
يا بـرد المفـارق ما لقينا لبردك كوت
ولا بـه ذرى للوصــل لا ينطفــي شمعه
يقولون لي هليت دمعك وأنا مبهوت
وأنا آقول هذي رمعةٍ ماهي برمعه
أحبه وحبه في فواد الشقي منحوت
لكنه ماطيح من عيوني ولآدمعه
عزاز النفوس تعيش لو هي بدون بخوت
ماهي تنحني للذل وتضيع السمعه
فراق الولايف والله إنه سوات الموت
جعل ماهوب يسقى علي ليلة الجمعه
...
الحمدان
03-07-2024, 09:04 PM
يا سيد الاحباب زحت الهم عن بالـي
عنـدك بكسـب الحبايـب دبلوماسـيـة
لك فرصـة تجمـع الغالـي مـع الغالـي
من غير موعد تجي وتـروح عفويـة
أخذتني مـن معاصيـر أشهـب اللالـي
ورمستني رمس بأجواك الرومانسية
غطيت وجه السمـاء بغيـوم وخيالـي
والأرض غطيتـهـا بــورود سحـريـة
متشابـكٍ نبتهـا مــن كــل الأشكـالـي
من كل الأشكال تقـل انقـوش زوليـة
وصممـت طـيـارةٍ تصميمـهـا عـالـي
مــا صممتـهـا الـولايــات المريـكـيـة
من غير كبتن تجـول فـوق الأطلالـي
وغمـزت زر المحـرك وأقلـعـت فـيّـه
طارت عن الأرض مليارات الأميالي
شـوي وإلا لمسـت الشـمـس بيـديـة
وتحطمت بالمضامي والخلاء الخالـي
جيـعـان ضمـيـان لا هــذي ولا ذيــة
متعلـقٍ فـي عـمـود الـيـاس بحبـالـي
متلـولـحٍ مــا تـطـب الأرض رجلـيـة
جميـع مـا شفـت بـس أشيـاً تهيـالـي
أفـكـار وضـنــون وأوهـــامٍ خيـالـيـة
يا سيد الأحباب تضرب فيك الأمثالي
من سابق الكون لك حسنة ولك سية
حسنتك تجمع لك أجيـالٍ مـع أجيالـي
الـعـالـم الـمـيـتـه
والـعـالــم الـحـيــة
وسيتـك تـدفـن بـوايـق كــل ختـالـي
مـن السبـاع الضـوراي والحرامـيـة
عبدالله بن زويبن
الحمدان
03-07-2024, 09:34 PM
سقوا سقى الله من مطر كل ناشـي
ربعٍ لهم في منبت القفـر مغبـاش
يتلون درب اللـي لبرقـه تواشـي
كثحه على حد السما تقـل لطـاش
كم مـرة بيـن السفـر والغطاشـي
دكوا على جول المها منه وأنحـاش
وبنوا به اللي مثل روس الدشاشـي
مثل القور ماهن هداريس وعشـاش
لاشافها الجيعـان جـاك متحاشـي
يقلط على بيض المناسف والاكبـاش
وصفر من الصالي لهـن اجتواشـي
يصوك ريح ابهارهن كـل ماغـاش
والتمر والمركـا ودمـث الفراشـي
زل ٍ برومـا لـه مـوزع ونقـاش
ماحسبـوا تـال الشهـر للمعاشـي
ولاسعروا حمل البواخر على الطاش
بالسوق عملتهم ماغيـر المواشـي
اللي من اللي ينبت الغيـث تعتـاش
وإن جـاء بلدهـم زاد ولا قماشـي
وسمعوا ووافاهم بالاخبـار طـراش
ودوا لسوق البيـع فاطـر وحاشـي
والمندرج بالسوق من باق الادبـاش
والطيب سعره صعـب ماهوبلاشـي
فازوبه اللي يدفعون الثمـن كـاش
ماجاب غيب قلوبهـم كـل واشـي
بين القبايل ذكرهم يدهـش ادهـاش
مافض مجلسهـم خطـاة الدفاشـي
اللي يتوع بكلمـة تصطـح الجـاش
همـاز لمـاز هـبـود اريـاشـي
سبـاب نمـام مـراوغ وهــلاش
الليا نصحتـه زاد شـره وطاشـي
انحل امانه وانفـرط تقـل رشـاش
ينبش جثث ناس بها الـدود ماشـي
وسط اللحود اللي توحـش توحـاش
حـرااام فيهـا مايجـوز النقاشـي
جنايز حـدر الثـرى كيـف تنـاش
كل العلـوم الطيبـة فـي تلاشـي
تمضحلت واللي بقي ( طاش ماطاش)
عبدالله بن زويبن
الحمدان
03-07-2024, 10:19 PM
يا عين هلي صافي الدمع هليه
وإلى قضى صافيه هاتي سريبه
ياعين شوفي زرع خلك وراعيه
هذي معاويده وهذي قليبه
البارحة لا مال رايه نماليه
واليوم جيتهم علينا صعيبة
إن مرني بالدرب مقدر أحاكيه
مصيبة يا كبرها من مصيبة
اللي يبينا عيت النفس تبغيه
واللي نبيه عيا البخت لا يجيبه
نوره الحوشان
الحمدان
03-07-2024, 10:21 PM
يا من لقلب حب نورة تغشلاه
يومي به أو ماي الهوا بالشراعِ
إن نمت عندي وان تنبهت ما ألقاه
ما أسج عن طرياه لو كان واعي
قلبي دوى به داه ما يسمع إنداه
إلى سمع من ينهاه طقه جلاعِ
عليك يا اللي كن واضح ثناياه
يردى قنوف يوم هل النواعِ
يا من يعرف السحر هو وين مجناه
هو حب ولا ولف ولا انهزاعِ
عبود بن سويلم
الحمدان
03-09-2024, 01:59 PM
ابن جدلان وابن علوش
ومحاوره من طراز فاخر
سـعــد بـــن عــلــوش
يابن جـدلان والدنيـا مداهـا طويـل
ياعسانـا مـن اللـي يكسـب الاخـره
الصعاليـك سيّـاد الـكـلام الجمـيـل
العبوا فـي شفـوف العالـم الفاخـره
سـعــد بـــن جــــدلان
يابن علـوش يوجـه الرضـي الدليـل
جامع كـل زوج اثنـان فـي الباخـره
مايقـول الفقيـر الا الكـلام القلـيـل
من معه ذخـر مـدري لينتـى ذاخـره
سـعــد بـــن عــلــوش
ماتقطـع وصـل ولا الرجـا مستحيـل
من زخر جاتـه ورود العطـا زاخـره
دام وجهك طويـل ودام سيفـك صقيـل
اقطع لسام راعـي الكلمـة الساخـره
سـعــد بـــن جــــدلان
اه مـن سالفـة هابيـل والا قابـيـل
ياسعد انت فادنـى البحـر والا اخـره
كانت الجند في المقدس تحـط وتشيـل
وابـن داوود ميـت والعصـا ناخـره
سـعــد بـــن عــلــوش
هذي عادتك يالراس الشنـوح العليـل
تلطم الشاي من قبـل تهـدي باخـره
كان ما انت بعلى على منوك تحيل وتعيل
مالله بسايقـه يـمـك ولا صـاخـره
سـعــد بـــن جــــدلان
ماورى النار للظاميـن مـن سلسبيـل
جمعـي مامضـى يالكلمـه الفـاخـره
عاد صدري وسيع وعاد صبري طويـل
لكن احـذر عبـاب المـوج ياماخـره
الحمدان
03-09-2024, 03:29 PM
يذوب قلبي شوق من شدة آلشوق
وتدمع عيــوني لآطرا لــي خيالـك
آلشوق ما يرحــم ولآ يعرف آلذوق
ياللـي ملكت آلروح وقلبي حلالك
زهرة اللوتس
الحمدان
03-09-2024, 03:34 PM
يا مركب الشوق ضاع العمـر وتحطم
على صخـــور الليــالي من مــأسيهــا
مــن غيــر دستـــور لا ودع ولا سلـــم
ســـود الليــالي طـــوتنا قبل نطويهــا
ما دام في العمــر باقي عيــش لا تهتـم
اركـــن علــى الله وربـــك بــا يجليهـــا
علوي الباشا
الحمدان
03-10-2024, 04:09 AM
يالساني احذر عن فمي لاتعدى
قدام لاعضك على الضرس والناب
واحذر تودي هرجةْ ماتودي
واليا بدت قالوا لك الناس كذاب
اللي تعشى بالكذب ماتغدى
والي تعالج به من السقم ماطاب
واذر ثم احذر بالردي لاتجدي
حاجتك ماتقضي وسرك مع الباب
من يوم مايفهم حقيقتك صدي
واصبح يسولف بك مع الناس الاجناب
عز الله اني تبت وابا اتعدي
توبة نصوحٍ عن دروب الخطا تاب
واحدي عن اصحاب الردي وأتحدي
خله يقولون العرب ماله اصحاب
عبدالله المسعودي
الحمدان
03-10-2024, 04:10 AM
يامستغيب الناس ماني غيوبي
ماني لغيري لا اباودي ولا اجيب
عن عيب غيري شاغلتني عيوب
من يشغله عيبه ماشاهد لاحد عيب
الصدق مثل الريس من الدروبي
اللي ماتغني عنه كل المجانيب
والكذب ظلمه فوق وجه الكذوبي
ظلام ليل ولاظلام الاكاذيب
عبدالله المسعودي
الحمدان
03-10-2024, 10:12 PM
في الرجال معاكز ٍٍ(ن) ومراكز
مثل اليمين تمد قبل إشمالها
وفي الرجال مثل الجبال الشمخ
فيها الذراء والماء و طيّب فالها
وفي الرجال حوينيٍ ٍ ودويني
له مجلس ٍ عند الرخم وأشكالها
وفي الرجال مثل المهمهيه
الانذال لا تغزي ولا يعزى لها
....
الحمدان
03-12-2024, 02:21 AM
اكتب ويكتب لي وانا اقول حتيش
حبرٍ على القرطاس ماهوب كافي
والوضع ماهو قابل للمطاريش
يامير بشرني عساها عوافي
سجيت يوم غصون قلبي مواريش
واليوم يافرز الوغى شاب قافي
عروق قلبي يالسديري معاطيش
امسي وانا مقفي واعاين خلافي
رافقت حجاج الهنود الدراويش
وسريت مسرى الذيب رجلي وحافي
وطال المسير وصار بالجو تشويش
متى على الله يصبح الجو صافي
شي يخدش ثومة القلب تخديش
وسره يعود الى القلوب النظافي
يكفيك لايح كلمتي دون تفتيش
وعندك خبر ماقال صقر النصافي
ومدام انا قلبي جزوع الى نيش
حساس من كلمه سريع العيافي
ارض خلا لومابها لقمة العيش
اخير من رزق عليه اختلافي
والرمز يكفي الحر والخاتمه ويش
واقبل تحياتي وانا شاب قافي
رشيد الزلامي
رد الأمير محمد السديري يقول :
ياطير ياللي بالهوى تنفض الريش
ياللي تهز اطراف ريشك خفافي
ياللي نهضت الصبح عقب المغابيش
وقت الصباح وكلٍ ابصر وشافي
اعطيك سر مخزنه بالنشانيش
انحر رشيد ولك بداره ملافي
رشيد من ربعه عداة مداغيش
وصل كلامي للعديم السنافي
قل له عرفت اهل القلوب المغاشيش
اللي عصو باللي ثمانه رهافي
زين الصباح ينفش الخد تفتيش
عين العنود اللي ترب السعافي
برق يفوتك لو مزونه مراهيش
لاتستخيل امطار سحب مقافي
العام قلت اطلب هل الخيل والجيش
اهل البيوت موسعين الرفافي
الى غدى فعل المراجل تناويش
افعالهم مثل الغتر بالكشافي
وقلوبهم للضيف دايم هشاهيش
وعدوهم اسقوه سم زعافي
دور مع الاجواد ضاف العكاريش
وابعد عن اهل الكيد والستر ضافي
رزق ورى النذال جوع وعراميش
والشرب منهم يالزلامي عيافي
اجزم وشم واعرض وبعد عن الهيش
مافيه كود الشوك مثل الشلافي
وفيه العقارب والافاعي محانيش
والفعل وسط قلوب الاشرار خافي
الى عصو مالك بنجد مهاويش
شرع للشريعه لحافي
راحت سنين الخيل مع حزب الجيش
وهذي سنين يالزلامي عجافي
رشيد اهل خلك ترى عندهم طيش
ويفرقون اهل القلوب المشافي
الحمدان
03-13-2024, 11:59 PM
احسب ان ما للجمايل على الدنيا جحود
لين معروفي بذلته ب ناس وجحدوه
واشهد ن من يفعل الجود في من لايجود
مثل من حجج على غاربه ذباح ابوه
حمد هادي المسردي
الحمدان
03-14-2024, 12:54 AM
يالله يامجري القمر من مغيبه
يامرجعه للشرق من عقب تغريب
تفرج لعين من وجعها مريبه
عيّا يفيد بها الدوا والتطابيب
هذا لها خامس شهر مستصيبه
بين الرجا والياس والخبث والطيب
على الذي من دونه ارض تعيبه
ما ياصلنّه متعبات المناجيب
ليت الهبوب اللي تجيني تجيبه
لاشرّقت من نجد من غير تجنيب
لين اني اقضب مقدمه والتوى به
عقب التفرّق والبطا والتغاريب
يقرا لمظموني وانا اقرا لغيبه
سراير تكشف بليّا مكاتيب
اللي على فراق شوفه غصيبه
نهار قفّينا على الفطّر الشيب
ادعج غنج كنّه عيون الربيبه
شيهانة تفرس بكل المخالب
المترف اللي مايماتع صويبه
جرّبت منه وكل شي بتجريب
العين خرسا من طربها غضيبه
فيها لطرّاد المودّه مغاليب
والراس ذيل اشقر يشعشع سبيبه
يسبق اذا جنّ السبايا جناديب
والخد قنديل الدجا ينسري به
عليه من شغل النصارى كواليب
وعوده كما البردي ليان رطيبه
يومي به النسناس بين النبانيب
وملامس مانشت منها لبيبه
الين من الديباج دمث المقاضيب
وريحه كما ريح الزهر في شعيبه
في مربع علّه من الوبل تشعيب
ممطور امس ومدرس ماوطيبه
واليوم شمس وفاح طيب على طيب
لاوهني الذيب يرفع قنيبه
وانا قنيبي بالخفا شقًت الجيب
ماوالله اصخي به وانا خاطري به
لو غتّرت سود العوارض من الشيب
يا اهل الهوى سود الليالي صعيبه
ياما سمعن بفراقهم عقب تقريب
خطّ بسجلي مالغيري قريبه
عطف بلطف واجتماع وترحيب
وصلوا على سيد البرايا طبيبه
ماافترّ دولاب الهوى للطواليب
سليمان بن شريم المري
الحمدان
03-14-2024, 01:34 AM
في وسط نجد اتبع هوى كل نسناس
واطرب لشوف طيورها وتغريدة
اعشق ليالي نجد لو أنها ادماس
وأيامها عندي جنان سعيدة
شمي لعشب رياضا يقعد الراس
وما فات من ساعات عمري يعيده
وله أيضاً:
الى هب الهوى يزداد وجدي
على شانه يجي من يم نجدي
وله أيضاً:
أنا من نجد يكفيني هواها
ويبري لوعتي شربي لماها
وأيضاً:
ان كان بي عذروب حبي لاهل نجد
احبها واحب شمة هواه
احبها يوم انها درة المجد
دار تمكن بالضماير غلاها
دار غلاها باجد مهجتي بجد
دار لنا دار ظلالي سماها
محمد الأحمد السديري
الحمدان
03-14-2024, 08:41 PM
الرفيق اللي يجي لك محبه واحترام
قم بماجوبه ولا لك فضل ولا صنيع
قدم اللي تقدره من حفاوه واهتمام
والبشاشه ثم قدم له اللي تستطيع
واعرف انه ما يبي لا شراب ولا طعام
العرب كل بخيره ودنياهم ربيع
بس لك عنده مكانه ولك قدر ومقام
والرفيق اللي يقدر ترا قدره رفيع
والبخيت اللي رفيقه يمره للسلام
ما يجنب ويتعدى مع الخط السريع
....
الحمدان
03-16-2024, 02:29 AM
الطيب مايصعب على راعي الطيب
والا الردي ماهو ، على الطيب طايل
كلن يقول ، انه على المرجلة ، ذيب
القـول قـولن .والفعايل .فعايل
ياللي تحسـب الطيب يشــرى وينباع
الطيب كايـد والمواقــــف توافيــــــق
احدن نظـــر عينـــه على واطي القاع
واحدن طلـوعه فوق روس الشواهيق.
....
الحمدان
03-16-2024, 02:42 AM
بيض الله وجه من سدد وقارب
وكمل الواجب....وعن ربعه تغاضى
الصبر مطلوب في وصل....الأقارب
ومن يشيل...الحقد ماعمره تقاضى
منصور بن عطيه بن جفين
الحمدان
03-16-2024, 02:43 AM
الناس ما خلت حدٍ ما حكت فيه
كم قيل في غيري وكم قيل فيني
لو كل من يحكي بي اطرد حكاويه
تاهت بي الخطوه وضاعت سنيني
وانا احمد الله درب الاكرام ماشيه
ومدي الفروض ومرضيٍ والديني
واليا ترك بعض الخلايق مباديه
صنت المبادي في سلومي وديني
....
الحمدان
03-16-2024, 02:45 AM
تعال خاشرني ترا الحي للحيّ
الخير خير الله ماهوب خيري
حلفت ما اكنز من حلالي ولاشيّ
كيف اكنـزه وانا ادري انه لغيري
عسى بيـوت ٍ ما لجـدرانها فيّ ؟
تصيبـها دعـوة الاميـر السديري
فلاح القرقاح
الحمدان
03-16-2024, 02:47 AM
رح للسعة وش دخلك بالنوايا
مالك بسر صدورنا لك علنها !
وكانك من اللي يبحثون الخفايا
حنا من اللي لا لقاها دفنها
والله تكفّل في حساب البرايا
والله يحاسبها على ما ائتمنها
وما فيه احد ما له ذنوب وخطايا
ولا تشغل العالم ولا تمتحنها
....
الحمدان
03-16-2024, 03:28 AM
من له رفيقٍ لا يجي بمحاسبه دايم دقيق
عن زلته يقصر نظر عينه ماكنه يشوفها
يجامله ويقدر ظروفه ما دام انه رفيق
ويدراه عن ناسٍ على الساقه تحد سيوفها
ترى التغاضي يكسي الرفقه بملبوسٍ يليق
يستر خملها ويتجلى فيه زين وصوفها
واللي يدور للزعل لابد يلقى له طريق
حتى يصافح حزة افراقٍ تمد كفوفها
خليل بن هدلان
الحمدان
03-16-2024, 03:29 AM
حنا عزاز ولا نحب التخضاع
والله خلق فينا الكرامه جبله
نكره وجيه الكبر في كل الاصقاع
والكبر يرخص كل نفسٍ تشله
من عاش عمره للمخاليق تباع
يشرب فناجيل الغبن والمذله
وراع المعزه لو من الوقت يلتاع
يعيش شامخ ما انحنى غير لله
خليل بن هدلان
الحمدان
03-16-2024, 03:30 AM
مافيه مثل العافيه ستر وغناة
ان جات للمسلم ،، تراها كافية
كم واحد يطلب ملذات الحياة
واذا مرض مايطلب الا العافية
....
الحمدان
03-16-2024, 03:31 AM
المـشـاكـل كبرتني وانـا مـانـي كبير
شـيّـبـت فــي الليالي وبـقـعـا تـوهـا
الليال اللي مضت بين شر وبين خير
والليال الـمقبلـه مـا دِري وش نـوهـا
عبدالله بن زويبن
الحمدان
03-16-2024, 03:40 AM
كثير العرب لو صد عنا ماقلنا ليش
ترا قيمة الرجال من قيمة فعوله
مثل روغة المشبوه من نقطة التفتيش
يروغ الردي لاحتاج له كل من حوله
ترا واحدٍ يكسي جناح الصقر بالريش
كسانا بثوبٍ من غنى النفس ذا طوله
رغم مايواجه من عراقيل صقر قريش
لكنه كسر كل الخصوم وبناء دوله
عايض العاطفي
الحمدان
03-17-2024, 12:32 AM
حافظ على المصحف و 5 الصلاوات
مع الجماعه واطلب الله سماحه
و اتعب لطاعة ربك بكل الاوقات
لان التعب في طاعة الله راحه
لا تقضي ايام الشهر فـ الملذات
مابين ملعب طائره و استراحه
جراح العتيبي
الحمدان
03-17-2024, 12:38 AM
علمو مـن ينقل الهـرج لفـلان وفـلان
لا يجيب الهرج عندي ولا يجلس معي
السوالـــف بالقفا مالها عنـــدي مكان
قبل لا احشم السانـي حاشــم مسمعي
لقائلها
الحمدان
03-17-2024, 12:38 AM
الوقت لابده ليا شان واعياك
يسقيك من حلوه وتنسى هماجه
اصبر على الشدات مهما تحداك
كم مزنةٍ يسبق مطرها عجاجه
خليل بن هدلان
الحمدان
03-17-2024, 12:43 AM
مـافيه مخلوق الا شقاء واستـراحي
ومـا فيه لا دايــم ولا فيـه مضمـون
ولا فيــه هـــم الا وراه . انشـراحي
ولا فيه مـرتـاحٍ عـن الهـم مصـيـون
بيـتٍ عجبني .. من جميع النواحي
قــاله شـاعـر ٍ .. مثـبـت ومــوزون
تبطي عن المجنون .. تلقاه صاحي
وتبطي عن الصاحي وتلقاه مجنون
....
الحمدان
03-17-2024, 12:46 AM
إبتسم للكل تكسب ناس يا مال الغنيمه
خل للبسمه علي وجهك مع العالم علامه
القلوب الطيبه واللي من الداخل سليمه
ما تفارقها النوايا الطيبه والابتسامه
....
الحمدان
03-17-2024, 12:47 AM
يا صـاحبـي والـنـاس فيها وفيها
ومـن يبذل المعـروف لابـد يلقـاه
لا تعـطـي الحـاجه وتسـأل عليها
كف الكريم اليا عطت شي تنساه
...
الحمدان
03-17-2024, 12:53 AM
الموت امره بسيط الموت فاللي وراه
لو ندركه .. ما لقيت دروبنـا ممحله !
نحلم نعيش المراحل كلها فـ الحيـاه
ما ندري ان " الحياه بكبرهـا " مرحله
....
الحمدان
03-17-2024, 12:54 AM
إستر على الناس ، ربّي يغفر { ذنوبك }
لا تقعد ؛ تذم فـ الخلق . . . وتعذربها
برِّق ، فـ عمرك ؛ وتلقى ، واجد عيوبك
والناس ؛ منت ، بكفيل إبْها . . تناشبها
....
الحمدان
03-17-2024, 12:56 AM
تباهى على غيرك ب حشمه وزين قبال
وعينٍ تصيب المبتلي فيك وتتلّه
من يلوم فيك الذايقه كل ماتختال
لك من القصيد أطلال ومن القمر طلّه
يحبك من قلوب الأوادم كريم خصال
يدوّرك وإن ما جيت ما دوّر الزلّه
....
الحمدان
03-17-2024, 12:59 AM
كنت اكتب الشعر قبل الشعر يكتبني
حتى غدا الشعر نبض القلب ولساني
من بعدها صار بعض الشعر يتعبني
يبحث خفا هاجسي والناس تقراني
....
الحمدان
03-17-2024, 01:01 AM
أكبرغلط سـرك للانـذال تبديه
وتصاحب الخاين قليـل المـروه
وتسوي المعروف في غير راعيه
وتجامل الغلطان وتقـول خـوه
وتشره على اللي مايعرف المشاريه
ويلقا على سبـك طريق المفـوه
وتبع المقفي نقص لو كـان تغليـه
تونس غلاه بسـرة القلـب جـوه
واكبر خطأ راع الجهاله تلاغيـه
بنفس الكـلام اللـي تفـوه تفـوه
وتلعب على الحبلين والحق تخفيـه
وعلى نظيف القلب تقـدر تمـوه
ونفس الكلام اللي تجيبـه توديـه
ولسمعـة الاجـواد تقعـد تشـوه
وتعجبك قوة سلطة الجـاه وتيـه
وتقول انا اللي منزلي فـي علـوه
أعلم تراك انسان وظعيف ياهيـه
ماغير قـوة خالـق الكـون قـوه
هذي نصيحة من تحكمـه مباديـه
من المجتمع ماراق بالـه وجـوه
ولاقول كل المجتمع ماذكّـر فيـه
الناس فيهم مـن براسـه حمـوه
خصيت فيها اللي عريبه مجانيـه
ومن باب حبي له وبـاب الأخـوه
....
الحمدان
03-18-2024, 11:55 PM
ألا يالله ياللي تحت هيبة سلطنتك أسلمت
لك المسلم يسبح لك بحمدك وإلك الإسلامي
احمدك وأشكرك وأثني عليك بما علي انعمت
وزدني في وفا بر العشير ووصل الأرحامي
ولهت الفجر ياليل الذهول اللي علي أظلمت
بعرضك واقع الذكرى عليه عرض الأفلامي
وولهتك يالنديم اللي على صافي وفاك أضرمت
بصفحة ذكريات العام واللي من ورى العامي
عطتني عزلة إخلاصي معك نسيان من نادمت
كتبتك وانطوت صحفي عليك وجفت أقلامي
بعد تقرير مشوار التجارب نجحت وأجزمت
بأن السيف سيفي والعصا والمحزم حزامي
أباهي لا أبالي وأتبسيط كل ما قدمت
أشب النار قدام العرب وأشيد خيامي
نهاري حر شمسه يستحي منها لسان الشمت
وليلي ترجم نجومه ملامة كل من لامي
على ضو الكلام اللي كشف عنا ستار الصمت
وعرفت ان به وجيه باليمن ووجيه بالشامي
احسب انك تيمم باتجاهي وين ما يممت
اثر لا انته ورايه بالطريق ولا أنت قدامي
وكثر ماحن صدري للونيس وكثر ما درهمت
فجع صدري حنيني وأتعب الأقدام درهامي
مصيبة لا تردت قيمتك في عين من قيمت
يشوفك بالسهل وانته تشوفه بالسما السامي
مادام ان جانبي شام لجنابك وانت عني شمت
كثر خيرك وانا لانيب لا جايع ولا ضامي
اشوف انه علي واجب اليا مريتكم سلمت
مرور كرام تربطها الكرامة عند الاكرامي
على شان الخفوق اللي على عرشه قعدت وقمت
وحجب عنك الدجا لين اشرقت لك بيض الأيامي
مصير الوقت يشرح لك ظروفه لا غفلت ونمت
يصيحيك الزمان اللي يصحي كل من نامي
وتعرفني لمنها ضاعت اوهامك بمن وهمت
وعرفت الفرق في حب الخشوم وحب الأقدامي
ختام السالفة يا طيب العشرة كرمت ودمت
هذا حقك علي وحق شرهاتي على أوهامي
سعد بن جدلان
الحمدان
03-19-2024, 10:42 PM
وآهني الصخرة اللي مايحرقها سمـوم
الزمان اللـي يهـد الحيل ماهدهـا
الزمان اللـي تحـدى قوييـن العـزوم
ليـن مشاهـا علـى ود ماهـو ودهـا
المجامل بعض الأحيان مايقضي لـزوم
قاضب النفس الضعيفه ولاهـو قدهـا
كل ماكبرت وضاقت على عيال الرخوم
نحتزم لأكبر مصيبـه وناطـا خدهـا
ياعيـال آدم وحـواء تراهـا ماتـدوم
دورة الأيــام لابـدهـا لابـدهــا
أدري إن فالناس معطى وفالناس محروم
هيـه يابيـض النوايـا ويامسـودهـا
جعل قسمي عند ربي من خيار القسـوم
واحـدٍ يعـط العطايـا ولا يرتـدهـا
ياوليد البط وشلـون ماتعـرف تعـوم
وأنت أبوك يعوم جزر البحور ومدهـا
أنت ياحلمٍ حلمته ماهـو مثـل الحلـوم
ياضحية مزح الأحلام مـادري جدهـا
ياضميري لايهمك مـن الدنيـا همـوم
الصعيبـه حلهـا والبسيطـه عـدهـا
جات في شد الشوارب وفي قرب الخشوم
كبر الضيفه وعش الضيـوف وغدهـا
الردي لو درس المرجله في كـل يـوم
المراجل عنـد أهلهـا يذعـذع ندهـا
ماكشفت إلا وضيـع النمايـم والعلـوم
يارسول الحكي هـات العلـوم وودهـا
الصفوف أثنين هـذا دفـاع وذا هجـوم
وأنت أظنك مانت معها ولا أنت بضدها
مير في سوق الأظله تريـح ومخـدوم
وان ذبحك الجوع عان التكاسـي كدهـا
شاعر العرب
سلطان الهاجري
الحمدان
03-20-2024, 10:29 PM
نعيش الحياة .. ومانبي الإ : سلامتنا
لنا بالظـواهـر .. مالنا في : خـوافيها
لو الناس في بعض القناعات لامتنا
ترى آهـم حاجـة فـ الاوادم : مباديها
على كلّ حاجـة نصبـر .. الإ كرامتنا
هي الحاجـة اللي ما نساوم حدٍ فيها
....
الحمدان
03-20-2024, 10:30 PM
الطبايع مايغيرها طبيب جراحه
لا تراقب وش تقول الناس راقب ربك
المبادي ثابته واهل العقول براحه
الظروف تبيّن اللي يكرهك ويحبك
انتكاسات الفطر فالعالم المداحه
من مدحك اليوم بكره جايز يسبك
....
الحمدان
03-22-2024, 03:45 PM
آمنـت بالله وارجـي مـن عـطـى جــوده
و اعـوذ بالله مـن الحرمـان و الكـودا
عشـاقـة الليلـكـي وشـجـرة الـعـوده
كـلا يـدق الطبـول و يـسـرج الـقـودا
المرجلـه فـي مساعـي الرجـل محمـوده
ولا لــهــا لــــون لا بـيـضــا ولا ســــودا
العـلـم مــا يلحـقـون العـالـم حـــدوده
حـتــى جـلالــة سـلـيـمـان بــــن داؤودا
كل المشاهيـر فـي التاريـخ موجـوده
مقري و مسموع و مجغرف و مشهودا
و ثنتين في عالم التاريـخ مفقـوده
جـنـازة حسـيـن و مـثـلـث بـرامــودا
سعد بن جدلان
الحمدان
03-23-2024, 03:11 AM
ياصاحبي ماني براعي مهاداه
اماارضني وإلا اجفني واستخيري
اما تعال وماطلبناك عطناه
وإلا تروح وجعل دربك سفيري
من شق شق يااريش العين يرفاه
وانت الذي شقيت خافي ضميري
تضحك وانا صملان قلبي مطواه
تقول لي لين الفلك يستديري
مانيب من يطرد سراب بمضماه
شاف السراب ويحسب انه غديري
عيني على شوف الولايف مضراه
جزوع لاشفت الجفا من عشيري
مايستوي حب بليا مراضاه
بيني وبينك ياالغضي مايصيري
صقر النصافي
الحمدان
03-25-2024, 04:31 AM
النوم سباي المراجل والارزاق
يا قل نوم مدورين المكاسيب
ان كان ما جاك الولد نومه اشفاق
تحرم عليه مشوهقات المراقيب
الملك فيصل بن عبدالعزيز
رحمه الله
الحمدان
03-25-2024, 04:39 AM
انا الوحيد وقومي اكثر من الروم
وفي لمة العربان كني خلاوي
حتى رفيقي صار من حسبت القوم
وضاعت عزوم مكثرين العزاوي
الامير محمد الاحمد السديري
الحمدان
03-26-2024, 03:13 AM
بسم رحمن ٍ رحيم نعبده ونستعينه
بالنوايا نيته تبطل حقايق كل نيّة
بالربوبية وبالشان العظيم موحدينه
الرقيب المطلع فالبينات وفي الخفيّة
لا مفرٍ من قضاه ولا هروبٍ من يقينه
و لا حماية للحصون إلا حمايته القويّه
يا بنات الفكر هاتي لي نوادرك الثمينة
في نبا سلمان بن عبدالعزيز أمشي جريّه
في سنام طويق يزرع لك من الياقوت عينه
في زاد وفيه شرب وفيه كن وفيه فيّه
جودته تغني الفقارى وارجحٍ خطلاً يمينه
لطمته تعمي عداه ونفح جوده مسفطيّه
طول الله في بقاه ومدد الله في سنينه
الخصال الطيبه في شيخ أهل نجد العذّيه
شايل الحمل الثقيل ومعتق النفس الرهينه
بالدليل وطايع ربه ومتبع نبيه
يا ولد قايد مسيرتنا وربان السفينه
الزعيم الفيصلي مرسي الحدود الفيصليه
صبح المديون قبل الفجر ثم ارتد دينه
قمته ست الركايب وار بعين بوارديه
لا يغدر ولا يخون ولا يحقر محاربينه
يرفع البيرق على وضح النقا والشمس حيّه
بعد ما سيطر على الخزان واستولى الخزينه
صوتوا بالحكم بين مقيبره والناصريه
كانت اقلوب أهلها شتى وكلٍ له ضغينه
في جهل وأعمالهم سلب ونهب وعنصريه
جاته الأسياد تعطيه الولا ومبايعنيه
بعد شافوا ضرب أبو تركي ومركاض العبيّه
كان في الشبه أربعين وكان به عشره بطينه
فأشهد إن عبدالعزيز الفيصلي ما فيه زيّه
سيدي قدام أجيك القلب ما يظهر كنينه
أتلزا بالعزوم اليوم والصبح وقفيّه
وعندكم يا بو فهد تبدا الظواهر والبطينه
انتوا اللي بعد رب البيت منصى للشكيّه
سيدي ترك الحقوق اللازمه ما هيب زينه
خص عند اللي يقول حقٍ علي وحق ليّه
إن بغيت أصد لا الصده عن الماجوب شينه
و إن بغيت أجود شحّن المصاري من يديّه
في وجهك ووجه أبوك أو جاه مكه والمدينه
و جاه من صام رمضان وجاه من حج الضحيّه
من قيادٍ عند أخس الناس ورّانا الغبينه
و الدهر يا كثر قشرانه وياقل أجوديّه
يا صلاة الله على من دين أهل الاسلام دينه
و السلام ورحمة الله وبركاته والتحيّه
سعد بن جدلان
الحمدان
03-27-2024, 02:16 AM
آه واجض قلبي جضة الممروض لا اونس يدين الكاوي
جضت اللي وطى بالرجل حيه ما درى والقدم واطيها
آه يامن ضربني في يده كف على خدتي عسراوي
ما استحقيت به غير الموده بالخطا صابر راعيها
من سبايب عشيرن لا نطحني لابس المقطع الكيناوي
والتحظ لي بنجل مدعجات وغرة ربها حاليها
كن صفت مجاديله عريش كروش بنت اشقر الصقلاوي
سامك ذيلها والعرف سكرانه وعج الرمك غاشيها
يا أتلع الجيد ما ترحم ولا انتب ياقليل المروه تاوي
مادريت ان عيني من فراقك دمعها بالخفا محفيها
كل مازل هود الليل اجاوب في طويل الجذيب العاوي
وانت لي حاجة عندك ولا تاخذ ثمنها ولا تهديها
منوتي والمنا مكروه منهو لموضي الجبين فداوي
يسمح البال يوم انه يوصيني على حاجه واقضيها
آه واجض قلبي جضة الممروض لا اونس يدين الكاوي
جضت اللي وطى بالرجل حيه ما درى والقدم واطيها
عبدالله علي بن دويرج
الحمدان
03-28-2024, 03:23 AM
لو وفيت وجيت يومٍ زرتني
لو صدقت أفنيت روحي في هواك
لو سمحت بنظرتك وامهلتني
أحضن عيونك بقلبٍ ما نساك
لو لمست الوجد بي ولّعتني
واهتديت بنور قلبي وافتداك
لو نظرت بعين قلبك شفتني
ما معي مخلوق يستاهل غلاك
ليتك من الحبّ ما خوّفتني
كان أعيش الفين عمرٍ في رجاك
يا قليل الحظ لو رغبتني
كان اخجّل كل بدر من رضاكَ
الأمير خالد الفيصل
الحمدان
03-30-2024, 09:40 PM
ياحسين لاتطلب من النـذل حاجـه
لو أنت بأقصى ساعة الضيق محتاج
أللي عن الطولات يرخي حجاجـه
من خلقتـه ماعلقـوا فوقـه التـاج
للصيد ماغـذوا عيـال الدجاجـه
وحمر البقر مالبسوهـا بالاسـراج
بعدك عن ألأنـذال فيـه أنفراجـه
وعند ألولي مفتاح بيبـان ألافـراج
أشرب قراح ألماء وجنب هماجـه
وورد على عد مثـل عـد هـداج
أن زاد وراده يـزيـد أرتهـاجـه
وأن قل ورده قام يلطـم بالامـواج
لقيت خبـل كـل هرجـه سماجـه
ويشيل نفس كبر أبانـات وسـواج
الحـر بالبيـداء وسيـع مـداجـه
لاحسه الحاسوس فوق الهـواء راج
محمد الأحمد السديري
الحمدان
03-31-2024, 03:43 AM
لاضاق صدرك والليالي تحدتك
اصبر عليها والصبر زين لو طال
لاتنحني للوقت وتروح هيبتك
وتموت بالحسرة ولو كنت رجال
واحذر تدور عند الأنذال حاجتك
لا تقضي الحاجة ولا تستر الحال
واحذر تبين لأقرب الناس شدتك
لوتزعله لحظه حكت فيك لأجيال
وان صرت ضيف الناس لاتطول مدتك
غالي تجي وتروح ياطيب الفال
وإذا كان همك بالزمن بس لقمتك
الفول بريالين والخبز بريال
سعد بن جدلان
الحمدان
04-01-2024, 01:11 AM
يالله يارب الضعوف المساكين
اللي لك المخلوق يحسن صلاته
تستر على غوشن صغارن مكفين
أكبرهم العارف دليله عصاته
لا يا عيالي كلبوكم حبيبين
عندي وعند الناس كلن وذاته
عندي غلاكم يدفن الزين والشين
وعند العرب كلن تشاف اخملاته
يا عبيد أنا خابرك ورعن لهالحين
داوي بغبات الجهل وظلماته
لاشك علمي لك محبه وتفطين
تسمع الوالد وثبت وصاته
وصاة مخلوقن يعرف القوانين
مافاة عمره بالجهل والهياته
يا عبيد انا أوصيك مني بثنتين
ثنتين هن سؤ البشر وحسناته
أوصيك لاتبحث سدود المغيبين
ولاتجهر اللي غارقن بغفلاته
ترى النميمه تمحق الرزق والدين
والمنزل العالي تهدم اطبقاته
لاتحسبن أهل الظليمه بخيتين
كلن يوافق ما عمل في وفاته
وانذرك عن حق الضعيف المسيكين
اللي على حقه يهل اعبراته
ترى الضعيف الليا غدى الليل ليلين
يدعي وعند الله توافق ادعاته
الظلم فان الظلم يفنى السلاطين
ياويل راعي الظلم من مقبلاته
وانذرك عن ربعة رخو من هياسين
اللي سوالفهم بوده وهاته
ويا عبيد الأقشر لوصفا لك نهارين
نهار ثالث جاك يرفع عصاته
والله عندي ربعة الناس الأقصين
ولا صديقا يبلشك في حياته
ترى الرجال ابهم فهود وحياوين
جاك الكلام اللي صحيحا ثباته
ان كان ما تدري ترى الناس دراين
الرجل مدحه بالمجالس طراته
رجلن تعلق به رجالن مسمين
عز الرفيق ولابته والحماته
ورجلن تشوفه جسم وعيون ويدين
ولولا الشعر ما تفرقه من خواته
كم واحد بالبيت يضرب بسيفين
وأن جاء حزم كلاب قبع عبادته
والحلم عن الغيض ينجي الشياطين
يكفيك شر إبليس هو و دحراته
مرشد البذالي
الحمدان
04-01-2024, 10:53 PM
رضى البشر ماهو من اركان الايمان
ولا هو بشرطٍ من شروط العبادة
لا صار ما همّك رضى فلان وفلان
تراك فـ أعلى مرحلة لـ السعادة
عمران الزراقي
الحمدان
04-01-2024, 10:54 PM
من لا يصلي لا تعده غناوي
فقير لو ماله كثر مال قارون
لو غرته دنيا الترف وش تساوي
اليا نعوه وصار بالقبر مدفون
خليل بن هدلان
الحمدان
04-01-2024, 10:54 PM
نسعى مع المحتاج كنه حدانا
حتى لو انه نايد الدار والساس
نروف باللي من عنا الوقت عانا
ونفرح ليا زلنا عنه جور الاتعاس
والناس لو قاصيهم اللي قصانا
نبدي على حاجاتنا حاجة الناس
ما هو علشان الخلايق ترانا
عشان منهو محصيٍ كل الاجناس
الواحد اللي فيه دايم رجانا
نرجي ثوابه قبل قطاف الانفاس
خليل بن هدلان
الحمدان
04-01-2024, 10:56 PM
سلّم على اللي طريق العز ماشيته
مع درب الأسلاف لاملّوولا هاتَو
ناسٍ ليا مات ابوهم جددو صيته
وناسٍ ليا مات ابوهم كلهم ماتَو
نايف اباالعون
الحمدان
04-01-2024, 11:01 PM
رفيق المصالح لو تعذر وجاء لرضاك
يجي لجل مصلوحه ماهو لجل معروفك
تغاضى وسامح وانت عندك عقل وادراك
لو يحصّل الفرصه على اكلتك مايطوفك
يخاويك ماهو لجل طيبك لجل مخباك
يحسدك على رزقك وطمعته مصروفك
يمثل خبث مبداه وانت حلو مبداك
تغاضى عنه تحسبه واحد من ضعوفك
عقاب الميموني
الحمدان
04-01-2024, 11:03 PM
لاشـفت قلبك فيه بعض الطـواري
مـر الـقـبـور وعـلمه عـن نـهـايـتـك
قــله تــرى درب الـمـقابـر جبـاري
هــذا مصيـرك في نهـاية مسيرتك
احـذر من الغفله حذاري حـذاري
يمكن تصير الخاتمه وقت غفلتك
عبدالعزيز بن مفلح
الحمدان
04-04-2024, 02:31 AM
رح للفقارا وعاين في مضاجعها
وأعلم ترى الخافيات أدهى من البادي
العسر خلى الرجال تعض أصابعها
ياما كسر من مقام وكسر أوتادي
مايطعم المرة إلا من تجرعها
انشد مجرب يجيك بعلم الأوكادي
الطيبة في المكان الطيب ازرعها
انفق من المال لاتطغيك الاعدادي
ابعد عن الشر والفتنة ومولعها
النار تمسي شرار وتصبح رمادي
ارفق على النفس واحذر من تراجعها
خلك مجاهد جهادٍ صدق ومفادي
على الهوى واصل الرحلة وتابعها
ارجع كما كنت ماعنها تلدلادي
أصل المحلات الأربع لاتقاطعها
حتى لو صدفةٍ من غير ميعادي
ميصالك إلها يذكرك بمنافعها
فزعة وجزعة وتذكير وتعبادي
ترى الوداعة بترجع عند مودعها
والصفحة تبين الممتاز والعادي
لابد من يوم ينزعها منازعها
تدور اللي يذكرها التشهادي
مهما تطول العمار اللحد مرجعها
رعيان الأدباش وإلا ملوك وأسيادي
مصلح بن عياد الحارثي
الحمدان
04-04-2024, 03:28 AM
البارحه الدنيـا عليـه فضاهـا
أضيق من الإبرة على ناظم السلك
أسباب نفسٍ غيضها من رضاهـا
أهبي يا نفس الخطأ ويش مزعلـك
وأنا أدعي وأقول نفسـي قساهـا
فيه أفتخر لكن عسى الله يفشلـك
بينتـي الخلّـة لحـرصٍ وراهـا
يركض حرص يبغي خوافي مسائلك
اليوم حصـل حجـةٍ لـه بغاهـا
فاتت علي يا نفس وشلون أعقلك
قدمك أنفوسٍ مثل ما جاك جاها
ما شايلوها مثل مانـي بشايلـك
سوات غمضة عين قبـل أنتباهـا
مشموت عذالك ومفلوج حاملك
الشاعر ذعار الحربي
الحمدان
04-05-2024, 01:50 AM
يا مدور الهين ترى الكايد احلى
واسأل مغني كايدات الطروقي
الزين غالي لكن الأزين اغلى
ولكل شراي بضاعه وسوقي
النو عالي والسما فوقه اعلى
ولا فاق علم جاه عالم يفوقي
والصعب هلا قلت ياصعب سهلا
دامك تبيني فانت ياصعب شوقي
أحب عسف المهرة اللي تغلى
واحب أروض كل طرف يموقي
واحب اسافرمع سحاب تعلى
وأحب فوق الغيم لمع لبروقي
وأحب أساهر بدري اللي تجلى
وارسم شعاع الشمس عند الشروقي
يامن على ثاير فوادي تولى
خلك على قلب الكرامه شفوقي
أكرم عزيز بالعمر مااستذلا
يسوق عمره للمشاريف سوقي
اخترتك من الناس للقلب خلى
ياحيثك مرادي وكيفي وذوقي
مارحت أدور كل زول تحلى
لولاك تسوى ماعطيتك خفوقي
الامير خالد الفيصل
الحمدان
04-05-2024, 01:51 AM
يا عناء القناص يالصيد المدسم
ياكتاب الشمس وكتاب الطلاسم
أملك أعصابي وإذا شفتك تبسم
كنك تكويني على الكبد بمياسم
حبكم سيـطر على قلبي ورسم
مثل ماسيطر على بغـداد قاسم
كن بياضك في حمارك لا تقسم
عارضٍ في وجنتك موكب مراسم
سعد بن جدلان
الحمدان
04-06-2024, 12:18 AM
غزا عقاب العواجي
وجماعته وبعد مدة طويلة من الغزو وأثناء رجوعه وعند وصوله الى أحياء قبيلته اعترضته فتاة تسأله عن
حليلها وكان من الفرسان المرافقين له ولم تراه مع الفرسان فقالت وقلبها يخفق :
ياعقاب ياحبس الضعن باللقا الشين
ياللـي حريبـك بالهزيمـه يمنّـا
عيّنت ذيب الخيل يـوم الأكاويـن
نور العيون بغيبـة الشمـس عنـا
هـو سالـم ولا رمـوه المعاديـن
يا عقـاب خبرنـي تـراي اتمنـا
فأجابها عقاب قائلا :
يا بنت ياللي عن حليلـك تسأليـن
حنـا لنـا حيي يسألـون عنـا
خمسة عشر ليله على الوجه مقفين
نـدور وضـح بالأباهـر تحـنـا
وشفنا هل البل شاربين الغلاويـن
مـن دون رخـم للحويّـر تحنـا
جونـا ثلاثميـة وحنـا ثمانـيـن
مثل المحوص الشلف منهم ومنـا
وبانت رديتهـم وشفنـا الردييـن
وكل عرفنـا عزوتـه يـوم كنـا
ليتك تراعي يا عـذاب المزاييـن
يـوم أن عيـدان القنـا يطعننـا
منا حليلك طـاح بيـن المثاريـن
في ديرة فيهـا الوضيحـي تثنـا
ومنهم جدعنا عند شوقك ثلاثيـن
وكم خير من راس رمحـي يونـا
في ساعة فيها تشيـب الغلاميـن
انطح نحور الخيـل يـوم اقبلنـا
ياما نقلت الدين والحقتـه الديـن
وحريبنا فـي نومتـه مـا تهنـا
أرسي لهم يا بنت وانتي تعرفيـن
لياما حمام النصر رفـرف وغنـا
وأردها وألحـق ربـوع مخليـن
بوجيـه قـوم يطلقـون الأعـنـا
عاداتنا نخلي سـروج المسميـن
ونروي حـدود مصقـلات تجنـا
وقلايعي من نقوة الخيل عشريـن
قـب ولافيهـن ثـبـار ودنــا
الحمدان
04-08-2024, 03:28 AM
هذا البيت المشهور
حدوني على ركب الغمارة وانا آبغي فوق
ابي مُـقــدم الصندوق ولا عـلـى السلــــــة
هو للشاعر/ مجدل بن ربيّع ال مسعود القحطاني
المولود في قرية الهياثم جنوب شرق الرياض سنة1326هـ . تقريبا.
وإليكم القصة والقصيدة
كان في الكويت قبل حوالي 70 سنه وكان احد اقاربه
عنده ثلاث بنات.. فتقدم خاطباً البنت الوسطى لكن والدهم زوجه
الكبرى حسب ما تقتضيه التقاليد آنذاك.. ولم يكن منه إلا القبول
وبعد الزواج بفترة قال هذه الأبيات معبراً عن ماكان يجول
بخاطره وموضحاً رغبته في الزواج من الوسطى التي لم تتحقق
انا هاضنـي ليـن اودع القلـب فيـه فتـوق
خـلــوج ولـدهــا عـقــب فـرقــاه مـخـتـلـة
بعد هاضني لعب الحمامـة مـع الغرنـوق
علـى كـل غصـن ترفـع الصـوت وتشـلـه
ليا شفـت طيـر ٍ يكسـر الحـوم قمـت أتـوق
أبــاري لطـيـر الـجـو واسـيـر فــي ظـلــه
أنـــا لازم أرســـل كـتــابٍ مـعــ مـاثــوق
مع الطـارش ابـن حمـود يوصلـه عبـدالله
فيـازوع قلبـي زوع طـيـرٍ طلـيـق سـبـوق
شهـر فـي خضيـرا الجـو يكفـخ ورا ظلـه
حدوني على ركب الغمارة وانا ابغـي فـوق
ابـي مـقـدم الصـنـدوق ولا عـلـى السـلـة
معي دفتر الرخصة وانا ما عرفت اسوق
ولا جيـت ابـشـري مـوتـر مــا ورد كـلـه
وإلى صبـو الفنجـان الاول مـابـي لــه ذوق
ابــي ثـانـي الفنـجـال مــن صـافـي الـدلـة
اقلط علـى الضيفـة وأنـا شفـي المفهـوق
ابي قسمي اللـي راعـي البيـت يفطـن لـه
وانــا لا تذكـرتـه يهـايـف بــي الـطــاروق
جبرني على الروحـات صوبـة و انـا دلـه
هني ّ واحد ماهوب عاشق و لا معشـوق
ولا يشحنـه فرقـا و لا البـعـد عــن خـلـه
مجدل بن ربيّع المسعودي
الحمدان
04-11-2024, 03:07 AM
يا صاح من باب التعامل بالانصـاح
و معاملـة الانسـان بالآخريـنـي
يا صاح لا تشغلك دنياك يـا صـاح
تقطع حبال الوصل بينـك و بينـي
خل القلوب اصحاح و البال مرتـاح
نرتاح في الدنيا و اجيك و تجينـي
لا طاح سهم البورصه و الذهب طاح
ترقى سهـوم الطيـب و الطيبينـي
مثل ولد راجح عبييـد بـن شـلاح
إللـي تذكـر حاجتـي مانسيـنـي
تبناله البيضا علـى كـل مضـواح
من ساحة التبـع الـى الفرقدينـي
وبني هزر ربعه بواليـج الاصبـاح
تودع دواجيـر الدجـى شقرتينـي
روس التغالب مرويه علط الارمـاح
خضر النمش و مذلقـات العرينـي
مطنخ الفزعه عشاشيـق الامـداح
كـل يقـول ان اللـزوم يعنيـنـي
شومي لهـم يـام الخلاخيـل والداح
لا جا المزاحم في الشهير الثمينـي
أمجادهم غنا بهـا الـورق صـداح
مع هل المسحوب و اهل الهجينـي
يتلـون شيـخ ٍ للمهمـات نطـاح
زيزومها الصاري طويـل اليمينـي
ربعي و نجمي في سما مجدهم لاح
اكلـب مدلهـة الغريـب الحزينـي
اسدودنا بالغيظ مـا هيـب تنبـاح
و بخوتنـا مـا تبهـت الغايبينـي
و لا نستغل الطيب من نادي الـراح
و حاجاتنا مـا تجهـد المستحينـي
و ما حن نسعى للتجاير و الاربـاح
و لا هيب ورث جدودنـا الاولينـي
مثل الفهود أرزاقنا نهب و صيـاح
تزيـن و لاّ جعلهـا مـا تزيـنـي
ما طاح في فـم الفهـد جايـع راح
و ما طاح من فم الفهد للحصينـي
اسعد بن جدلان
الحمدان
04-13-2024, 03:41 AM
بعض العرب تزهى عليه الاماره
المعضله عنده مثل شربة الماي
وبعض العرب كنه محطه خساره
لا نافع الرايح ولا نافع الجاي !
سعد الفعم
الحمدان
04-13-2024, 10:24 PM
قصيده يوضح فيها الشاعر اثر الاقتراض وعدم السداد
بن ثامره (بدع)
الله ياتالصفه يكفينا بلاويها وشرها
لو يجيني واحداً يطلب سلف اعزم على منقوده
ان تعذرتوه ضاق وقال هذا مامعه مزا
لو يكون اعطى السلف لاعطيه حقه قبل راس دور
ان غديت امزا منه واسلفه ماخذت لي الا طلبه
لو مهلته شهر والا دور وخر دورنا سنه
مامعي الا بكره فى بعده ومن ذا السوق فى ذا السوق
ان غديت اقاتله ياشرهتاه امسي غديت اهب له
وان غديت اعفي عنه ماعندنا للناس بيت مال
والسلف والعار هذه الصفه ماتعرف لقدرها
الحمدان
04-13-2024, 10:25 PM
قصيدة بن ثامره
في موضوع بين النصباء وعويره بخصوص العقبة
البدع
يا سلامي يالذي جمع العلل يعرف دوالــها
بالمقلّت يوم يصبح في صباح الفرعه والاّلي
كم من ألا بلاك صاح الله عليها وانتهــبتها
يوم قلنا يا دول عبشان جنب عن لباسي وانته
يوم ياجينا المصيح في بلدنا قلت جانبي
وان دعانا المنصري وإلا دعانا الشيخ يارها
الرد
يا طفيلي هبت لك خمس(ن) وهب خمس(ن) دوالها
أما أنا باعطيه قول الشرع ياجي الحق لك وإلا لي
غير جنب عن كتاب الشده ماهوب أنت هبتها
وإلا خذ خمس(ن) وعشرين إن ما سوى الكتاب إلا انته
واني ماخذتوه حتى شرتكم مــن كل جانبي
أعطها وإلا اقتبلها خــذ من اشوارك خيارهــا
الحمدان
04-13-2024, 10:26 PM
قصيدة لمحمد بن ثامره في سوق الشعراء
البدع
يا سلام الله على سوق(ن) عقوده فالقسا واللين
بالمفضل دون عقده والقوافل ماليمن تلفيهم
تأمن الشعراء ويأمن كل حلالا يحلــــــــها
وانظروا مكس ابن طالع عن نصاة القوم زرفلة
اعد به مثل النشا يا لاحنم الرعاد وانشى بغيره
والجمايل عزك اللي طرح اشراكه وصادهــا
الرد
صانع البندق وصناع الجنابى خالفوا كلين
حزموا بالنافعى ناس(ن) شراب ألما خسارة فيهم
بعضهم تحرج عليه النيبه مايسطا يحلها
ما لغبين إلا الخطل لا ريت في كفه مزر فله
فادها يعرض بها وإلا ينكرنا وينشب غيره
يحرث الفتنه ويذراها ولا يحضر حصادهــا
الحمدان
04-13-2024, 10:53 PM
عقلي من الباري جهاز إكتروني
بذاكرة أربع مية ألف قيقا
عيني ترى العالم وهم مايروني
كأنني مارد من الجان وأرقى
شاعر وعايش دون ماينظروني
وان شاهدوني مافي الأمر فرقا
ماكنت غادر وإن نوو يغدروني
قلبي لهم أصفى من البحر وأنقاء
بشر يذموني بشر يشكروني
الكذب يرحل والمروات تبقى
الحمدان
04-15-2024, 01:18 AM
انفض غبار الهم عن قلبك ترى المهموم ميت
انحش عن الضيقه وشرّف في الرجوم وذبها
لاتنطوي نفسك على نفسك وتذبل مادريت
خل المطر يمطر عليها والهبوب تهبّها
ان مالقيت الي تحب.. لازم تحب اللي لقيت
اصعب حياة .. تعيش ماعندك حياة تحبها...
محمد المقحم
الحمدان
04-16-2024, 12:32 AM
علم الرسام لا يتعب يدينه
وعلم المرسوم ماله فيه حاجه
طاح في موقف عسى ربي يعينه
وحاول ايخبي عن الناس انزعاجه
واحتقر رسماته وخبرة سنينه
وحال خوفه دون فالرسم اندماجه
رسمته للمستحيل اكبر غبينه
مثل من يصلح تكسّار الزجاجه
مستحيل يجيب خشمه .. كيف عينه
ابتلش عاده يبي يرسم حجاجه
وان رسم عقب التروي حاجبينه
كيف يضبط حاجبه عند انعواجه
وكيف ينحت بالقلم غمازتينه
ويرسم الماء في عيونه وارتجاجه
وكيف يضبط قذلته تمسح جبينه
ولون وجهه لانحرج عقب امتزاجه
ويوم جا المبسم بدت ترجف يدينه
وبان فالمرسوم ضحكه وانحراجه
علم الرسام لا يتعب يمينه
ولا يخسر من الورق والحبر حاجه
وعلم المرسوم مهما كان زينه
لو يلاقي صاحبي عكّر مزاجه
محمد بن فطيس المري
الحمدان
04-16-2024, 01:40 AM
يالله عسى من تركني ساعة الشدّه
تحدّه ظروف وقته لين ياتيني
حتى إنّي أعطيه مطلوبه ولا أردّه
ويشوف فرق المراجل بينه وبيني
أنا رفيقي على العسرات ما احدّه
أدرى رفيقي مثل ما ادرى على عيني
وأنا رفيقي ليا شفت الزمن ضدّه
أقوم في واجبه من قبل يدعيني
وإن كان لا جاء لزومي يقدر يسدّه
وألاّ ترى العذر لا جاء منه يكفيني
ما يوجع الكبد كود البور والصدّه
من واحدٍ يقدر وما قام يسقيني
مشعل بن سابر القحطاني
الحمدان
04-16-2024, 01:54 AM
محـري بالخيـر يامـزن نـشـا
ياحلو عقب الوسم رجع السحاب
هل رذراذك على روض الحشـا
ربع بقلـب دوام لـك شبـاب
كل زهر فاح عطـره واغتشـى
بالرياض وبالنفـود وبالهضـاب
مانسيتك ياهـوى بالـي حشـا
حبك بروحـي وبالخفـاق ذاب
عادنـي شـوق قديـم وانتشـى
لـو غشانـي بالمـوده ماغشـى
أشتهي فيك الهوى لو هو عـذاب
فيك من طبع الظبي ليمن مشـى
لين عاود وألتفت ثـم استـراب
ياحلـو فـزة جفالـك يارشـا
يوم تسبح بالصحاري في سـراب
الهـوى معطيـك منـي ماتشـا
فـي حياتـي ياحياتـي لاتهـاب
مايفوز الحاسد اللي بـك وشـى
فيك حساد الهوى ياكـل تـراب
الأمير خالد الفيصل
الحمدان
04-17-2024, 01:36 AM
عودت نفسي ما تحسف على شي
لو كان غالي ارخصه لنهِ قفا
من عاش بالظلمة ترى يكره الضي
وأنا بوسط الليل صرت أتخفا
خلف السراب اركض , أدور على في
ما مال لي ظلٍ ولا نلت شفا
داويت جرح القلب مجبور بل كي
كود اللهيب إلي تزايد يخفا
زودت في ضيمه تعذب وهو حي
من حسرتي صكيت كفٍ بكفا
خسران في دنياي لا ذي ولا ذي
طال العنابي لين كفا ووفا
يا زينها الظلمة ولو ما بها شي
يكفي أألف من خيالي وصفا
بنات فكرٍ جافله تكره الغي
يلها بها الشقيان لا يستخفا !!
حمد السعيد
الكويت
الحمدان
04-17-2024, 02:13 AM
لعل السحاب اللي يخيل وفيه بروق
على اول دخول الوسم مع طيحة الامطار
تساقا ثعوله من سميره ليا ساحوق
على الديره اللي تنبت الربل والنوار
تباشر به البدوان معهم يزيد الشوق
مشوا واشملوا من عقب ما انووا علىالمحدار
ليا جاهم العساس والعلم جا ماثوق
ولقا شبعة البل فالخزامى وفالصفار
ليا زوعت برقا واحالت تباري روق
تخالط دبشهم فالمضحى وفالمحضار
منازيلهم دايم دكاك ودماث عروق
ويشبون للبل لا ضوت فالمراح النار
نباها تزوع يا محمد مع المشقوق
تحط الينوفي والعبل والجذيب يسار
مجاهيم شول يوم تزمي مع اللاهوق
كما الغيم الاسود يوم يزمي مع النهار
سوادت وبرها كن فيه الكحل مسحوق
هي البل ليا قامت تبادح تقول احرار
عددها يجي تسعين ملحا ومنها فوق
فطاير وسدس وربع واثنا ومعها بكار
تخازر تبا الراعي ليا ساق له مسيوق
طوال الغوارب واللحي والردوف قصار
مذاريب اذانيها كما الخنجر المذلوق
وساع المناكب والنحر والظهور كبار
مواريث اهلنا ما شرانا جلايب سوق
لو ان البداوه عودت في يد التجار
بنات الجمل حرشان هرشٍ بعيد عموق
كبير الخفاف وطول جنبه ثلاث امتار
سنامه عن الغارب ورا فاهقٍ مفهوق
طويل السنام ليا زما يجحد الفقار
عريض بخده رخوم ووسيع شدوق
جليل العضود وشطحٍ ما تنوش الزار
انا مولع ٍ فالبل واوصف وراعي ذوق
ولي نظرةٍ والناس تخالف الانظار
ترى البل تسلي واحدٍ خاطره مخنوق
اناسه ورفع حجاج وتهيض الشعار
تخض العشوب وتقطف الربل والزملوق
ثلاثين ليل يبين الزود
خالد الكسر المرشدي العتيبي
الحمدان
04-17-2024, 02:14 AM
الله من قلبٍ نهيته ولا طـــــاع
يلعب به الهاجوس لعب المنازيع
متحيرٍ بأمرة غدى شمله امزاع
صبرٍ جميل ويرجع القلب ويطيع
قفت تجره خافظة روس الآصباع
ام الثمان الضيقات اللواميـــــــع
خلي من الخفرات ماهيب مهباع
ولاهي من السرد الطوال النعانيع
بطنه عفيف جاذبه طول الاضــواع
ركَّابها دايم بتل المصـاريع
ما شذبت بالزور طراف الأكـواع
لا ضكت العيرات تسبق على الريع
يا عود ريحانٍ غدى له تمرياع
تذري عليه من الهبايب ذعاذيـع
لا شفت زوله يجني القلب مرباع
لو ما حصل لي من قباله منافيع
عيوا بها عني قليلين الأسنـاع
اسباب ساس البغض ماهم طماميع
ادعي عليهم والدعا حيث مدلاع
ادعوا معي عسى تصيب المقانيـــع
ارجي عساهم للبلاوي والأوجــاع
من كل صادوفٍ تجيهم قوامـــــــيــع
الله يعرضهم من روس الأشـــعاع
ذريةٍ من محكمات المصـانـيع
دخانها مثل القبيسي الا انـــــذاع
تآخذ على طرافهم بضع أســــابــيع
عند الأوادم هاجنينٍ وصـــــــــراع
طش الجماجم كالزبيدي مصـــــاليع
الله يعرضهم غضب كل ما طــــاع
من مزنة يرمي بردها صــــــوامــيع
هديمةٍ ما ضاح بالشوف لمـــــاع
يسوقها الغربي وشرقي رواديـــــع
تبحل فيهم القلب منهم ويرتــــاع
منها تضيع أفكارهم والمــــــراميــــع
يعلن بغالي سلعته كــــــل طماع
وتذهل عن المرضع قلوب المراضــيع
تآخذ ثلاث شهور والمزن ما مـــاع
والسيل حاير ما لقى له مطــــاليع
واليا غدوا مثل الطفل والنسم ضاع
يفتح لهم بالقاع درب وبواليــــــــــع
هفت غريق الموج من غير مرجــاع
من فوقهم سبع الاراضي شواميع
يضرب بهم وسم على كل الأنــواع
تشهر بهم كل المحطات وتــــذيع
خالد بن عقاب المرشدي العتيبي
الحمدان
04-17-2024, 02:31 AM
هذي هـي الدنيـا من الباب للباب
وعن القدر ياناس .. مـابــه مفـره
جينا عليها أغراب و بنروح أغراب
ويابخت منهو يكفـي الناس شره
....
الحمدان
04-17-2024, 02:31 AM
تحت قدرة الله كل حيٍ يسوق اخطاه
ولا ندري الأيام معـنا . . وش اتخـبيّ
،
يمر العمر فينا ، ونصحىظ° علىظ° ذكراه
دخيلك من الغفلات ، والطيش يا ربّي
....
الحمدان
04-17-2024, 02:32 AM
علم اللي كل يوم يدور له رفيق
الرفاقه ماهي بعقد شهري واشتراك
،
لي رفيق لاذكرته وصدري مستضيق
ابتسمت وقلت للضيق هات اللي وراك
....
الحمدان
04-18-2024, 12:23 AM
عسى الله يسمح دربكم يا أهل الدمـام
مشيتوا ومعكم واحد مانـوى الروحـه
وانا جيتكم عاني من اقصى مناطق يام
اعيد النظر وأسكن معاكـم بمنفوحـه
وفجأة تغير وضعكم للظـروف احكـام
تركتوا صلاة الفجر الأبواب مفتوحـه
قريب من المنزل مشيتوا على الاقـدام
وجدنا دموع ً فـي مناديـل ممسوحـه
وصبيت دمعي فوق دمع الـذي قـدام
لأنه مشى معكم وروحي مـع روحـه
وكانت مشاهد لوتوفـق بهـا رسـام
تميز برسم أصدق عبارة على لوحـه
وخلوني ابكي راعي الحـب ماينـلام
وجودي مع وجده ونوحي مع نوحـه
عسى مايسوى في وليفه سواة العـام
ترك في الرياض أكباد وقلوب مجروحه
وشكواي لك يالواحـد العالـي العـلام
على غيرك الشكوى ذليله ومفضوحـه
علي القحطاني
الحمدان
04-18-2024, 09:03 PM
في وجه غيرك مسكر عيني وبابي
غالي وزاد الغلا يوم اني اغليتك
شفني ليا مر طيفك فزة اهدابي
وشلون لامن ندهت اسمي ولبيتك
...
الحمدان
04-18-2024, 09:06 PM
يآبنت مآعندي . . غرآم وموده
لا تلمحي لي بالعيون آلمدآعيج
توك من آهل آلجآمعة مستجده
وآنآ بآخر كورس يآ بنت خريج
...
الحمدان
04-18-2024, 09:07 PM
جيت المكان اللي لنا فيه*ذكرى*
قلت*أتسلى عن غيابك بذكراك
ماني لحالي فاقدك .. واتحرى
حتى المكان اللي جمعنا تحراك
...
الحمدان
04-18-2024, 09:07 PM
اعمارنا مثل الحطب في طرف نار
شي احترق واللي بقى جايه الدورظ*
وارزاقنا مثل السحايب والامطار
اللي مهو مقسوم ماهو بممطور
...
الحمدان
04-18-2024, 09:08 PM
حليت ضيف ورحت من غير تكليف
واقفيت ما تدري عن اللي خــذيته
رد الامانه لااهــل الدار يا ضيــف
قلبن رهيف احساس وانت ابتلــيته
...
الحمدان
04-18-2024, 09:08 PM
يا مخترع بالطب تصغير البطون
لو تخترع لنا بالطب تقصير اللسان
عن الكذب و الغيبة و شر الظنون
و عن النميمة و الشتيمة و اللعان
...
الحمدان
04-18-2024, 09:09 PM
كلن يعاتبني اليا صرت ضايق
اصحاب واقراب ومعارف وخلاّن
وانا بشر ماكل الاوقات رايق
اضيق بعض احيان واستانس احيان
...
الحمدان
04-18-2024, 09:09 PM
تظاهرت اني سالي ولاعلي خلاف
وعيني تروب بصافي الدمع وتريقه
هني من غفت عينه بنومه وجر لحاف
ولاقزته بعض التفاكير و الضيقه
...
الحمدان
04-18-2024, 11:30 PM
يالله ياللي عليك من الامل ماعليك
فـ ايامي المقبله وايامي الراحله
كرامتي في يدي وحاجتي في يديك
واللي يجي من يدين الناس مرتاح له
...
الحمدان
04-18-2024, 11:31 PM
الذكريات تصحي الهم بدري
تأثرت مني ومنها تأثرت
من حمكة الله حط همي بصدري
لو ان همي في رجولي تعثرت
...
الحمدان
04-18-2024, 11:32 PM
يوم الوداع يحطم عزوم الشجاع
لا بارك الله فالوداع وساعته
انا شجاع الا بـلحظات الوداع
ودعتك اللي ماتضيع وداعته
...
الحمدان
04-19-2024, 12:22 AM
يالله ياجال الامور المهمــــه
تجلا وهـــــج قلب برا حال راعيـــــه
البر دجته والبحر رحت يمـــه
يقطعك ياحظ على الله مساعده
يوم ان ولد اللاش رزقه على امه
رزقي على اللي ميت القشع يحييـه
يامل قلب كل مامات همــه
دارت دواليب الدهر لين تحييه
فراق شمل الناس عيا يلمه
وقت يشيب الـراس من شاية فيـه
احد ينام وحاط راسه بكمـه
واحـــد تخم النوم عيـــنه وتخطيه
واحد يحاول بالردى بنت عمـه
واحد يحاول ستر عذرى عوانــــيــه
ماني وانا بندر ببياع دمــــــه
يقطعك يابيــــاع دمــــه ومهفيه
اللي يبيع لابسات الازمــــــــه
ثور يــبابيض الرعــــابيب تغنيه
يزعل ليا جت ليلة الدور يمــــه
يرضى بسوق المال فخوه وفابيـــه
خطو البخيل اللي يكبر معمــه
يقرا الكتاب وواجب الله يخليه
إمر هرج لك في رفيقه بنمــه
والا عطا وامه تضـــيع هقاويـه
أنشدك ياللي كل فرض تتمـه
تقرا الكتاب وكل فـــرض تصليه
ويش القليب اللي غميق مجمـه
مافاد غرسه ماه وعطشى سوانيــه
تخالف الانظار شرق ويمــــــه
وكل هدف رآيه من الناس مرضيه
سم السبب ياعارف عنه سمعه
سم السبب ياعارفه قبل اسميه
بندر بن سرور
الحمدان
04-19-2024, 12:23 AM
يا مالي الذرعان مانيب مرجــــوج
رجتــــــني الدنيا بغدر وحيلـــــه
يابنت لولا اللي على تاسع الفــوج
تركت نجــــد وعزوه بالقبيـــــله
لا شك حاديني على نجد هـــيدوج
مسقى الفيافي لين يدرج مسيله
تركي لي من البلاوي غدن عـــوج
حملــه عتيبه كلها ماتشيلــه
يرسى كما مينا البواخر على الموج
ومنين ماصك البحر ترتكيلــه
مادام تركي حي مـــــــاودي ادوج
وان غاب غبت من الرجوم الطويله
بندر بن سرور
الحمدان
04-19-2024, 12:25 AM
أيامنا والليالى كم نعاتبها
شبنا وشابت وعفنا بعض الاحوالى
تاعد مواعيد والجاهل مصدقها
واللى عرف حدها من همها سالى
ان اقبلت يوم ما تصفى مشاربها
تقفى وتقبل وما دامت على حالى
فى كل يوم تورينا عجايبها
واليوم الاول تراه احسن من التالى
ايام فى غلبها وايام نغلبها
وايام فيها سوى والدهر ميالى
جربت الايام ومثلى من يجربها
تجريب عاقل وذقت المر والحالى
نضحك مع الناس والدنيا نلاعبها
ونمشى مع الفي طوع حيث ما مالى
بديوي الوقداني
الحمدان
04-19-2024, 12:26 AM
يا مرقب بالصبح ضليت اباديك
ما واحد قبلي خبرته تعلاك
وليت يا ذا الدهر ما اكثر بلاويك
الله يزودنا السلامه من اتلاك
يللي على العربان عمت شكاويك
وليت يا دهر الخطا ول مقواك
واليوم هالكانون غادي شبابيك
تلعب به الارياح من كل شباك
يا مالك اسمع جابتي يوم اوصيك
واعرف ترى يا بوك بامرك وانهاك
وصية من والد طامع فيك
تسبق على الساقه لسانه لعلياك
اوصيك بالتقوى عسى الله يهديك
لها وتدركها بتوفيق مولاك
الله بحق اجدادك الغر يعطيك
رضاه مع كل ما تمنى من امناك
احفظ دبشك اللي عن الناس مغنيك
اللي الى بان الخلل فيك يرفاك
واعرف ترى مكه ولاها بناخيك
لو تطلبه خمسة دواوين ما أعطاك
اجعل دروب المرجلة من معانيك
وادراج سيسها على العز مرقاك
لا تنسدح عنها وتبغيني اعطيك
جميع ما يكفيك ما حاصل ذاك
احذر امر ليعات تبيها لتاليك
ايضا ويرخص عندها قدر مأواك
ادب ولدك ان كان تبغيه يشفيك
واستسعفه من بعد مرباه يالاك
اما سمج واستسمجك عند شانيك
ويفر من فعله صديقك وشرواك
والا بعد جهله ترا هو بياذيك
لو زعلت امه لا تخليه يالاك
واحذر تضيع كل من هو ذخر فيك
معروفه لا تنساه واوفه لعرفاك
ترا الصنايع بين الاجواد تشريك
الى طمعت بركزها لا تعداك
واحذر سرور بغبة البحر يرميك
ولا عنده افلس من تشكيك وبكاك
واوف الرجال حقوقها قبل تعنيك
لا تعتمد بالعفو فالحق يقفاك
وهرج النميمه والقفا لا يجي فيك
واياك وعرض الغافل اياي واياك
تبدي حديث للناس فيه تشكيك
وتهيم عند الناس بالكذب واشراك
واذا نويت احذر تعلم بطاريك
كم واحد تبغي به العرف واغواك
واحذر شماتة صاحب لك مصافيك
والى جرا لك جاري قال لولاك
ولا تحسب ان الله قطوع يخليك
ولا تفرح ان الله على الخلق بداك
شالح بن هدلان
الحمدان
04-19-2024, 12:27 AM
يا بنت ما نرضى المهونه والاضعاف
لنا على روس المشاريف صيحه
لا تنشدين عن المنازل والأسلاف
يوم اذكر الماضي تهيج القريحه
فينا صفات الطيب يا بنت واوضاف
ما تنطبق في غيرنا يا مليحه
ونفوسنا دايم عفيفات وانظاف
واداننا من كل عله صحيحه
....
الحمدان
04-19-2024, 12:28 AM
أيامنا والليالى كم نعاتبها
شبنا وشابت وعفنا بعض الاحوالى
تاعد مواعيد والجاهل مصدقها
واللى عرف حدها من همها سالى
ان اقبلت يوم ما تصفى مشاربها
تقفى وتقبل وما دامت على حالى
فى كل يوم تورينا عجايبها
واليوم الاول تراه احسن من التالى
ايام فى غلبها وايام نغلبها
وايام فيها سوى والدهر ميالى
جربت الايام ومثلى من يجربها
تجريب عاقل وذقت المر والحالى
نضحك مع الناس والدنيا نلاعبها
ونمشى مع الفي طوع حيث ما مالى
بركات الشريف
الحمدان
04-19-2024, 11:29 PM
قريت خطّك بالوفا عشر مرّات
في كل مرّه تنثر العين ماها
ذكرتني هاك الليال الجميلات
لو كان قلبي ذاكر(ن) ما نساها
من عقبكم ما عاد للعيش لذّات
ما التذّ في دنيا مخالف هواها
اليوم انا مثلك جداي التنهات
عيني تهل دموعها من عناها
هايم بعيد الدّار سهران ما بات
أتبع هواجيس(ن) بعيد(ن) مداها
نار(ن) تلهّب بين الاضلاع زافات
نار(ن) لجت بالخوف العالي سناها
الأمير خالد الفيصل
الحمدان
04-19-2024, 11:30 PM
لبست الّليل وعانقني قمرها
وزفّتني نجوم الليل ساري
ركبت الموج أسافر في بحرها
على شطّين ليلي مع نهاري
وعيني صاحبت لاجلك سهرها
وقلبي وهّج الظّلما بناري
غروب الشمس أواصله بْسحرها
بنورٍ من شعاع الحب جاري
وإذا شفتك نسيت أطول شهرها
وطارت فرحتي والوقت طارِِِ
ضحك في عيني بشوفك بصرها
وغنَّى سمعي بْصوت الكناري
وهلّت غيمتي باحْلى مطرها
وطالت كل الأغصان القصارِ
رعاك الله يا ناعم زهرها
تفوح بريحك ريْاض الصحارى
الأمير خالد الفيصل
الحمدان
04-19-2024, 11:31 PM
اخلفتني نظرة عيون الهنوفه
خلفة الصقار لا شاف الحباري
واقت النظره على قلبي تشوفه
واشعل بقلبي كما البرّاق ساري
صد عني طاغي النظره مروفه
ظالم(ن) قلبي وهو بالظلم داري
ياحبيبي صدتك عني حسوفه
ارسل سهوم الذوابح لاتداري
ارسل رماح الهوا وارسل سيوفه
يشتهيك القلب في كل الطواري
عيني لحسن الذي غيرك عيوفه
في عيوني غيرك من الحسن عاري
الأمير خالد الفيصل
الحمدان
04-19-2024, 11:32 PM
يا سيّدي عاش راسك عاش
عسَى أكثر الناس يفدونه
شيخ(ن) لكل المراجل حاش
ما يتلي الناس يتلونه
صدره بحب العرب جيّاش
تضحك ثناياه وعيونه
ومخلاب صقر(ن) إلَى من ناش
يفصل عن الهامه مُتونه
يا سيّدي ما أرغب المطراش
لولا لزوم(ن) تعرُفونه
أخاف من هرجة الأوباش
يمشون بالكذب يرمونه
ياما تمنّيت لكن ماش
أسير مع ظلّك ودونه
وما البس بدال الحرير خُياش
ومن حبّه القلب ما خونه
وإن سلم راسك برَدْت الجاش
وما فات يا شيخ يا هونه
الامير خالد الفيصل
الحمدان
04-20-2024, 03:02 PM
يا حبني له وياويلي على شوفه
يا وجد روحي عليه ويا بري حالي
لبست فضله عليّ وكبر معروفه
وأكذب ليا قلت مايطري على بالي
تكفون شدوه لين اويق في جوفه
أنا لي أيام فالصدّه يورّالي
ماغير أنوش كفوفي راحة كفوفه
كني يتيمٍ شكا من قلّة الوالي
ويا حبني له ويا ويلي على شوفه
شايع العيافي
الحمدان
04-21-2024, 07:47 PM
راس مالي في الحياة الطيبين
الي على وضح النقا دستورها
النهج واضح لا يسار ولا يمين
والوجه واحد لو تشين امورها
الحمدان
04-21-2024, 07:48 PM
سـود الـلـيـالـي عـلـمـتـنـي حـاجـتـيـن
ان الـحـيـاة دروس والـعـيـشـة كـفـاح
وان حـاربـونـي بـالـنـجـاح الـصـاقـطـيـن
اقـول حـرب الـصـاقـطـيـن اكـبـر نـجـاح
مـحـمـد الـشـمـالـي
الحمدان
04-21-2024, 07:48 PM
من خلقت الناس شماته ومداحه
* ريح ضميرك ونفسك ..لاتضايقها
الشجره الطيبه ...بالطيب فواحه
ماتختلف لو سموم القيض تطرقها
مايثمر الشوك .....برحيه وتفاحه
*** حتى لو ان القراح العذب يغرقها
ارضى الله الوالي ان كانك تبى الراحه
ورزقك على الي خلق خلقه ورازقها
فهد سالم
الحمدان
04-21-2024, 07:49 PM
جعلني ما أندم على شي تركته
والله يجعلها مع الأيام خيره ..
وجعلني لا تبت عن شي وخسرته
يرزق الله خاطري في شي غيره
الحمدان
04-21-2024, 07:49 PM
الكفو عثرة لسانه تقلل من غلاه
والردي يخطي ويبطي لامنه ولاعليه
والثقه كنز ركونه تنومس من بناه
والحكي لو نزّه الدنس مادنّس نزيه
فلاح القرقاح
الحمدان
04-21-2024, 07:49 PM
خوفي من الله وإتكالي على الله
لا خايفٍ هذا .. ولا راجياً ذاك
يا خالقي .. يرجعلك الامر كله
المد مدك .. والعطايا عطاياك
الحمدان
04-21-2024, 07:49 PM
صدورنا صافيه والجود فالموجود
يالله عسى هالليالي كلها صافيه
جعله يجي العيد لا فاقد ولا مفقود
والله يعوده علينا بصحه وعافيه
الحمدان
04-21-2024, 07:50 PM
والله اني صرت عن رفقة العالم جزوع
من كثر ما اكشف خفايا صديقٍ وانصدم
كرهوني بالصداقه خبيثين الطبوع
كل ما ابني هقوة الطيب فيهم تنهدم
من قربهم ذوقوه الغثا من كل نوع
ما يحصل من ورا قربهم كود الندم
يوهمونك بالتصنع وبالشكل الخدوع
والحقيقه طيب الافعال فيهم منعدم
خليل بن هدلان
الحمدان
04-21-2024, 07:50 PM
كلن* يشـوف* انـه** سليم* الاعتقاد
وان* الله* الـهـادي* و هو* المهتدي*
الـبـخل في عيـن البخيلين* اقتصاد
والضعف حكمة في عيون الاجودي
واسـهل عـمـل للفاشـليـن الانتقاد*
كلٍ يسـب اهـل الردى حتى الـردي
حتى الـجـبان يصـير طـارق بن زياد
اليا جـلس* على* البساط الاحمدي
جمال بندر
الحمدان
04-21-2024, 07:51 PM
لا تشوف الناس ضعفك وانكسارك
لو عظامك تنكسر ما جبروها
انتصب كنك طلعت من المعارك
مــاخذٍ ثــار الــقبيله كــلبوهــا
ناصر الحمادين
الحمدان
04-21-2024, 07:51 PM
ياما قطعت الطريق الموحش لحالي
في حزّةً تذبح الساعه عقاربها
مايرخص العمر غير اللي فقد غالي
ومازاد روس الدهاه إلا تجاربها
يمناي يمناي لا عمي ولا خالي
يوم المصايب تفتلي شواربها
الحمدان
04-21-2024, 07:51 PM
من عز نفسه*** زاد رفعه.*** وقيمه
لو ان رزقه مثل رزق اشقر** الريش
ياصاحبي****** ودروبنا**** مستقيمه
لو فتّشت** عنا نقاط.***** التفاتيش
مايرخص* البندق ولا** شداد ريمه
الا الضعيف اللي* يدوّر** عراميش
بعض النفوس تصد لو هي محيمه
تقبل وهي ظمياء وتقفي معاطيش
محمد مريبد
الحمدان
04-21-2024, 07:52 PM
العافية والستر ، مع راحة البال
هذي الثلاث ، اعدها راس مالي
ياللي تقول الغالي اشريه بالمال
اللي يجي بالمال ، ماهوب غالي
عبدالله الطلحي
الحمدان
04-21-2024, 07:52 PM
جعل الكفو تبطي سنينه وهو حي
اللي شنار الطيب طاله وحازه
ماعنده إلاّ أبشر ومن ذي قبل ذي
يا سِعد عين اللي يجي له* بعازه
يفداه ابو ماقدر و كلمني شوي
اللي ما تعرف ليّنه من عزازه
هذا ليا مني زهمته على شي
لو هو مداوم قال أنا في إجازه
عطا الله ممدوح
الحمدان
04-21-2024, 07:52 PM
سلام الله على الصدر الوسيع ودامح الزلات
مخيب ظن نقال الهروج وراعي الفتنه
تقول مركبٍ بذنه جهازٍ لانكر الأصوات
يعرف الهرجة اللي طالعة من جيفةٍ نتنه
إليا جته العلوم التافهه راحت تقل ما جات
وإذا جته الحمول الكايده عرض لها متنه
عبدالعزيز بن سدحان
الحمدان
04-21-2024, 07:53 PM
انا غرامي شـوفة البـرق لالاح
ترزم رعوده والخيال يتبارى
والى نزل وبله على القاع وانساح
الروض يذرف والشـغايا تجـارى
لخذت لي مع مسهج السيل مسراح
امـا ضـحى والا تلـيـة نهــارى
ماني محسب للخساير والارباح
رزقي على رب الغني والفقارى
*********
بدر الحويفي
رحمه الله
الحمدان
04-21-2024, 07:53 PM
الصاحب الغالي نحنه وندراه
عن شامتٍ يفرح لا شاف انزعاجه
نستر عذاريبه وندمح خطاياه
ولا نبين عثرته وانحراجه
نصون رفقة راعي العز والجاه
ونطيب له تقدير ما هو لحاجه
واليا هرجنا له بهرجٍ نقيناه
خوف يتعكر من سببنا مزاجه
خوينا عاداتنا نكسب رضاه
ونزيح همه لين يضحك حجاجه
خليل بن هدلان
الحمدان
04-21-2024, 07:53 PM
كلامكم يَ مقولبين السواليف
على عيال الطيب برد وسلاما
غشّوا بعضكم .. يكرمون العواريف
اللي على خطّر بعضها تحاما
الله ليا حط الضعافا .. مواليف
حط النشاما في طريق النشاما
الطايله لنا عليها مشاريف
غصباً على غل النفوس السقاما
ناصر مناحي
الحمدان
04-22-2024, 01:22 AM
في ليلةٍ عيّا على النوم..كسري
كنت احسب إني فـ الليالي صبورة
و برحمتك جيتي مع الوقت..جبري!
نورة..ومن مثلك على الأرض نورة
على اهتمامك كيف يوفيّك شكري
و أنتي تمدين المعونه..ضرورة
يبقى جميلك في دهاليز صدري
مثلك تخلّيني وراها فخورة
...
الحمدان
04-22-2024, 01:28 AM
انا من ورى ابها بين ساحل وبين هضاب
اسوق الركايب بين وديان وجبالي
ليا رحت عقب العصر عديت في المرقاب
اغني على المسحوب واجر موالي
قعدت اتذكر ياسعد ربعنا الغياب
وأنا دارين ما مر الأول وطى التالي
لو احاول انسى ما مضى وادرك الاسباب
أنا شايف أن القلب مهوب متشالي
اضيع دليل الراي واخطي طريق الباب
ولا عاد افكر في خروجي ومدخالي
واسامر سواد الليل ونجومه السكاب
واسولف على نفسي وانا بالخلا الخالي
هواجيس قلبي بالدقيقه تجيها اسراب
وانا ما بكيت الماضي إلا من هبالي
وش الفايدة ياعين، حكم القدر غصاب
حياة ابن ادم هكذا شمس وظلالي
خلاص انتهاء مافات وامر الله الغلاب
وكلاً معرض للضماء واشهب اللالي
صواديف بقعاء غيبها مثل سم الداب
ومادام راسي حي بمشي على فالي
انا اشوف راسي من زمان العجايب شاب
ولولا رجا الله كان وشلون ابا احتالي
زمان يهين الروس ويقصر الاشناب
ولا يصفي الا للبغيضين الانذالي
ألا ياسعد مر الجعيثين وعطه كتاب
تكرم وسلم سيد الشعر مرسالي
ابا لقبه سيد الشعر سيد الألقاب
اديب الادب يوم اكثر الناس جهالي
يخاطب رجال العلم ويدرس الطلاب
موازين شعر وللشعاعير مكيالي
قصيده عجايب ومعجباً فيه أشد عجاب
وهو شاعراً بالشعر تضربه أمثالي
وله مجلس ماحط دونه ذرا وحجاب
مداخن وعود ازرق وكيفات ودلالي
وقله ترى دنيا ابن شايق شقا واتعاب
عقب مافقد ربع لهم صيت وافعالي
فقدت الطرب والأنس والربع والأصحاب
وفراق النشامى زاد شري وغربالي
وفقدت التواضع والتراحيب والآداب
وفقدت الثقه من يوم فارقت الأبطالي
قرانيس حر يشهر الكف والمخلاب
حراراً تخلي صافي الدم شلالي
حراراً هددهم خفة النفس والرحـاب
عليهم عيوني دمعها يهمل اهمالي
أنا والله أن ابكي عليهم كالأغراب
اببكي على اللي مابعد ضيقوا بالـي
ولا حسوا الخاطر ولا سببوا لانشاب
حليب الصديق وللعدو سم قتالي
أنا من بعدهم مثل سعدون عقب عقاب
حياتي بعدهم عندي ارخص من ريالي
فلا كل رماياً طرح شارة المضراب
ولا كل من قال اركب الخيل خيالي
ولا كل غايب نفقده يا سعد لا غاب
ولا كل رجال يعوضك برجالي
سقى الله ليالاً عشت فيها مع الاحباب
ليا جيتهم ضايق رجع خاطري سالي
شباباً على ما قال الاول رجال أجناب
جذبهم عريب الجد والعم والخالي
سقى الله بلاداً فيه لطيبين أقرب
وسقى الله مكاناً فيه لرسومهم تالي
احب التراب اللي مشوبه لونه تراب
وامر المكان اللي لهم فيه مدهالي
عليهم عيوني دمعها دايماً صباب
وانا ما خبرت العين تبكي على الخالي
ولا طاح بيتاً باقياً له عمد واطناب
بيوت المعزه عز في كل الاحوالي
اقول الصحيح وحاسباً لرجال حساب
وانا عارفاً منزال غيري ومنزالي
الاجواد واجد والمراجل لها كساب
لكن واعد العشرة ليا صرت جمالي
يطير الشرار وكل ناراً لها شباب
ومن ولع النيران يصبر على الصالي
تجارب حياتي مع جزا والدروب صعاب
لقيت الرجال انواع والوان واشكالي
صديق الشدايد ما خذا منك علم وجاب
وسيع الصدر يضحك ولا هوب زعالي
صديق الشدايد ما ينافق ولا يغتاب
يدله غريب الجار ويزبن الجالي
وصديق الرخى عقاب ومصادقه عقاب
شجاع الحكي والمدح بالقيل والقالي
وصديق الرخى ما غير صوره ولبس ثياب
يا ليته يبرقع ماله شماغ وعقالي
وعندي نصيحه جد ماقلتها لعاب
أقول الصحيح ونايم القلب يصحالي
ترا خوة أهل الطيب يالطيبين أطباب
يطيب السقيم وخوة الاش سلالي
تغانم شبابك يا بيض الوجه دامك شاب
ترى البدر لو يطلع قمر عود أهلالي
فلا تهجر المسجد وخلك ورى المحراب
ترى روضة المسجد لها منزلٍ عالي
ولا تترك اللي يزهمك خايفٍ مرتاب
ترى الذل ما نجى الثعل با لتحيالي
ولا لندى غير الفدى لو تروح أرقاب
ومن ضاع رايه يا خذ الشور ويمالي
ومن با شرك بالعذر لاتلحقه بعتاب
ولا تشوف نفسك شيخ والناس عمالي
ولا تهين نفسك لو تجي بين ضرس وناب
وهيبتك لا تنقص ولو ربع مثقالي
وبنت الردي لا يعجبك زينها الجذاب
تراها كما المخيال خيل وتخيالي
ولو شفت حمر خدودها واثمان أعذاب
لا بدك تمنى ليت ما جالك أعيالي
ولدها لا ياشاف النقى والملاقى هاب
ذليلٍ بخيلٍ فيه خفخاف وجفالي
أخذ بنت قرمٍ طيبٍ ساسها ما عاب
تنومسك بنت الشبل ويجي لك أشبالي
أعيال الذياب تصير مثل الذياب أذياب
وعيال الثعالب مثلها زهر الاذيالي
وفرخ الصقر مثله وفرخ الغراب غراب
وبوم الخراب ايقابل العش ويلالي
الى صار راسك فوق يا طيب الانساب
فلا ينحني لقدام رجلين ونعالي
لكن الله اللي يكتب الرزق يا خطاب
هو اللي يفك الباب ويقص الاقفالي
ولا يهمل الا واحدٍ عايفٍ الاشباب
ولا ضيع حقوق البشر غير الا همالي
وترى للقصايد كيف والكيف له شراب
وانا ما شرب الا كيف راسي بفنجالي
ولا طاوع الجاهل ولا جامل النصاب
أقدم يمين الحق واحط معذالي
ولا نيب و الله طيبٍ له مع من طاب
ومن طاب لي برخص له الحال والمالي
أكذب وانا خابر واجامل وانا كذاب
سنين مضت هي صدق والا يورى لي
تلخبط جهاز المخ وانهارت الاعصاب
وفورت دمي وارتفع ضغطه العالي
لكن في رجى اللي من رجى رحمته ماخاب
هو الواحد العالي وهو ربنا الوالي
وهو الخالق الرازق وهو المعطي الوهاب
له الملك كله والكمايل والاكمالي
رئوفٍ رئيفٍ رحمته تنقذ المنصاب
يغيث الديار الممحله عقب المحالي
شديد العقاب ويعتق المذنب اللي تاب
عسى ما يواخذنا بسيات الاعمالي
كما قاله الله فصبروا يأولي الالباب
ترى الصبر زين وكلمة الحق تنقالي
واصلي واسلم عد ما تنبت الاعشاب
وما لاح براقٍ سرى يشعل أشعالي
على المصطفى اللي وحد الدين والاحزاب
شفيع أمته يوم الهوايل والاهوالي
عبدالله بن شايق
الحمدان
04-22-2024, 01:32 AM
زمّليني من هواجيس الغياب اللاإرادي
إن ذبحني طاري الفرقى وش أنتي مستفيده
اعبري بي لا اغدي عادي و أنا مانيب عادي
*الحريص تورّده للموت غلطته الوحيده
الحمدان
04-22-2024, 01:32 AM
يا رب .. نفسي تزعلني وترضيني
بين الملذات والطاعات منشطره
انا موحدّك لو قصرت في ديني
اسوي الذنب لكني على الفطره
يارب طالبك ترزقني وتهديني
والستر والعافيه والسيرة العطره
...
الحمدان
04-23-2024, 01:17 AM
يا رجل يا للي في غيابي تكلمت
علمك على بالي ورمزك فهمته
يا للي بحجه مستحيله توهمت
حولت حظك وسط بير وهدمته
سيلك تدفق من شفاك وتخرمت
ليتك عن اللي ما استحقه ردمته
وإن كان هادف لك هدف يوم هاجمت
العقل شوري والتزامك بصمته
وكان الجهل سيطر عليك وتقدمت
ما ظن يثبت قولك اللي زعمته
وإن ضعت مع جيش الطواري وهايمت
بركت للحق المصيب وغرمته
غادي وخيل لك خيالك ورهمت
وسم الحنش لو تلحسه ما جغمته
غروك ناسٍ من نسمهم تسممت
واللي عطى لو ما تبي ما حرمته
أنصحك وألا ما علي لو تقحمت
دام أحتمل زلة رفيقي حشمته
ونصيحتي وجهة نظر ما تغيشمت
شبحي بعيد ومن غدا ما غشمته
وليا بغيت أهدي هدية وقسمت
ما هس بالميزان قسمٍ قسمته
أنا ليامني بالأوضاع ساهمت
أصور الواقع نظر لا رسمته
ماني غشيم من التجارب تعلمت
وإن مال ميزان القريحة حكمته
لأمعنت بأسلوب المعاني وخاصمت
خصمي بجزلات المعاني خصمته
بلحام سكرت الملاحم ولحمت
وعلى منافيذ الملاحم برمته
لا سقت طاروق القريحة وصممت
حذفي على اللي يستحقه رجمته
وبعض الكلام أخير من رده الصمت
وإن جاء من الجاهل غلط ما جرمته
وعن بعض ما نسمع ويهرج تشيمت
وسلم الرجال أهل السلوم احترمته
ولو كل ما ثارت عجاجة تحيزمت
تهت الطريق وكل عابر صدمته
مهما حصل بأسلوب عقلي تحكمت
ورأي الحكيم المعتدل ما لطمته
لو كان به ناس توجه لي الشمت
مهما يقال بغيبتي ما حلمته
بعض الكلام الياسمعته تلطمت
وفيض المجالس ما أزعجتني نغمته
طبعي على تأديب الأخلاق داومت
ومن ضاع عن درب السنع ما دعمته
لا بس حرامي من شفا السيل وأحرمت
والعلم بالقلب المفتح حزمته
وحقيقة الواقع بها ما تحلمت
من مصدرٍ ماثوق سر وكتمته
إن شافها وإلا نصيته وسلمت
وحددت له مرسام حد ووسمته
ودليته اليمّه وبالله تعصمت
إلا أن تراجع صاحبي عن وهمته
ظنه ظنين اليا قريته وترجمت
بالحق وإسناد الوثايق هزمته
وإن ضاق صدره من كلامي تبسمت
وإن مد لي كف الرضا ما شتمته
ماني سفيه إليا إحترك عود برعمت
واللي مجنب سيرتي ما عزمته
وإن دار دولاب الهواجيس وأبرمت
معناي عن نقد العوارف عصمته
ما بعت في سوق الضغاين ولا سمت
ما أخطي ومن ميَّل عليه خزمته
ما أفطر على تشويه الأوضاع لا صمت
ورأس الصديع إليا اعترضني حجمته
وبسلوم لزمات الرجاجيل لا زمت
أسير مع سلم الرجال ولزمته
وليا سفهت التافهه ما تندمت
وما عون خلاق المشاكل خدمته
وأنا مع اللي يفتهمها تفاهمت
ومن لا تطرق منهجي ما زهمته
وإن حدني حادي قوامه وقاومت
سبحت مع موج البحر واقتحمته
جهزت نفسي للعبور وتولمت
عمق البحر لوهاج موجة دحمته
وجهتها بيضا صريحه وحكمت
أحكمت مضمون الجواب ونظمته
تم الجواب اللي نظمته وتممت
والوصل من راع البريد استلمته
وصدرتها بأسلوب هادي وترجمت
ومن لا ظلم نفسه حشا ما ظلمته
أدخل على الله بالخطأ ما تذممت
وحق العباد وقدرهم ما هضمته
وجو الصداقه ما سهجته ولغمت
معرض عن الغايب ولا آكل لحمته
ودام أمتلك نفسي عن الظلم حرمت
لو كان تجذبني لشخص أتهمته
لبستها ثوب المناعة وسجمت
وأرجي عسى الجاهل يوطي رضمته
بدر الحويفي الحربي
الحمدان
04-24-2024, 12:10 AM
راسي ملك متواضع وصدري وطن
واخاطب اصحاب العقول الرايده
ياللي تراكا لك على اسفنج وقطن
غيرك تراكا للحمول الكايده
وكم واحدٍ يظهرخلاف اللي بطن
ومن ابسط الاشيا يدورفايده
لو عايدك(عيدالفطر)خلك فطن
يبيك لاجا(عيدالاضحى)تعايده
معروف بعض الناس علة في البطن
تبقا تعاني منه مثل:الزايده
...
الحمدان
04-25-2024, 04:43 PM
لانامت الناس وانته ضايقاُ بالك
وقامت عليك الهموم تشن غــارتها
لاتــظن فالـــنـــاس لاما تــــراجع اعمالك
وتــــشوف ضــيقتك هذي ويــش ســــبتها
لاتقول قلبـــي نـــظيف وهــو يــــورى لك
مـــا دهــــورالــــــناس هذي غـــير نـيتها
وان كان ضيك مــــرض داخـلك في حـالك
غـــــير الله اللــــــي يفــــكك من مصيبتها
قـــــوم وتــــوضى وربك يعلم احـــوالك
وارفــــع يـــدينك على الـــــقبله ونـــيتها
قــــــــــول يـــــالله يـــــاربي وانا ســالك
لاتّحـــمل نــــفوس خـــلقك غير قــدرتها
وان جـــتك من صاحبٍ طفشان من جالك
لاتــــعتجل لــــين تـــــكشفلك حـــقيقتــها
ماكل صاحب لــــيا صاحبك يـــصفى لك
ماجاب مجنون لــــيـــلى غير ضحـــكتها
والنذل يبـــــقى نذل مهــــما تســــاوى لك
واهل الحـــــــركات ماتترك حركـــــــتها
ولا تشتـــــكي غير للــــّي لـــرتكى شالك
والا المســـــاكين ماترفـــعـــك فـــزعتـها
وان جتك من عمك اخو ابوك او خــالك
ثــــــلاثه لــــعمك وخــــالك تــــــــفوتها
لانهو مثل مـــــابــــالجيب يبـــــقى لـــك
اقولـــــهـــــا واحتـــمـــي ماقلت واثــبتها
وان كنـــهـــا من خبل تطـــنيشه اشوى لك
الخـــبالين مــــعروفــــة مسيـــرتـــــها
اهرج مع الخبل زين وعــطه من مـــالك
والـــحــــاجـــه اللــــي تفـــكك منه مدتها
وان كنـــهـــا باللـــــيالي عزي لــحـــالك
لو بشرت فالـــسعـــد ترجع لـــعادتــهـــا
شربت فـــــناجيل مــــاهو غـــير فنـجالك
وشالت لها اشناب مــــادري وين ودتــها
وكـــــان انها منــك فـــال الله ولا فــالك
مــــجبور تصـــــبر لحسنتـــهــا وسيتها
وان عودت للرضـــى ماترضـــي عيالك
الناس حتى احكام الشـــــرع ما ارضتها
دق مـــــوترك ســـــلف وجـــــر موالك
ماتــستريح النفـــــوس الا برغـــبتــــها
وانصى محل الوحوش وصــك جـوالك
لاتبلشك نــــاس ماتطفــي شريحتــــــها
ولــــجيــــت فاللــــي تبيها نـــزل دلالك
واتـــعب عـــــلى دلةٍ تنعـــشك ريحتــها
وان كـــتم الــجو خـــله لين يصــــفى لك
لاتـــــغش نـــفسك وثم تـــــقوم تشمتــها
وخذ بــــندقك لاصـــفى لـــو انك لـــحالك
وابعد عن الــــســوق والـعـــالم وصـجتها
سالم المرواني الجهني
الحمدان
04-26-2024, 05:33 PM
الرفيق اللي يجي لك محبه واحترام
قم بماجوبه ولا لك فضل ولا صنيع
قدم اللي تقدره من حفاوه واهتمام
والبشاشه ثم قدم له اللي تستطيع
واعرف انه ما يبي لا شراب ولا طعام
العرب كل بخيره ودنياهم ربيع
بس لك عنده مكانه ولك قدر ومقام
والرفيق اللي يقدر ترا قدره رفيع
والبخيت اللي رفيقه يمره للسلام
ما يجنب ويتعدى مع الخط السريع
...
الحمدان
04-26-2024, 08:49 PM
لاصار ابن عمك قليل توافيق
خل الزمان يعلمه من عضيده
تجيه صكات الليالي على الريق
يمكن زمانه لاصحى لك يعيده
ون ماصحى لايفرحون المطافيق
أهل السوالف مشعلين الوقيده
لاتستمع لمدورين التفاريق
خلك شهم فيك الحميا عقيده
الهاب بدر
الحمدان
04-26-2024, 08:52 PM
للجود كف ،، و للمكارم ،، رياجيل
وللطيب فرصه وان تعدت تعدت
ٰ
وللقوم شيخ وللصعيبه حلاحيل
وللنفس عزه لا اكرهت شي صدت
يحيى الاحمري
الحمدان
04-26-2024, 10:23 PM
ياموتري شد حيلك خاطري ضايق
انحر دياراً تفرج هم ضايقها
اضرب فجوج الخلا لاحاشك العايق
داراً تكدر خواطرنا نفارقها
وكالة أحمد جميل صناعة الرايق
شرابة الكاس ماصلت لخالقها
والي على طارتك ياموتري سايق
حتى الفروت القديمه كان سايقها
ياموتري سايقك مع سنحتك لايق
مزين تباديل قيرك يوم يلحقها
لاداس ابنصك يشوش ولسفر فأيق
دايم ورجله على بأنصك يسارقها
واليا اعترض لك خطوطٍ تربش السايق
سايقك من خبرته يعرف مفارقها
يجداك فالبيد لاتايه ولا تايق
وانته بعد هقوة الطيب تحققها
يالجيب شوقي يسابق شوق ابن شايق
فاللي يبيها وعيى الجيب يلحقها
راعيك يبغى يزور الصلب ويوايق
من فوق جواً مزونه لاح بارقها
لشوف جو الحجايا مشتهن شايق
يازين فيها القصايد يوم نطرقها
مطلق فالح
الحمدان
04-27-2024, 12:07 PM
يا كثر ما نقرى من بيوت الاشعار
اما هزيل البيت و الا جزيله
اللي يجيب الهزل يخرج من الدار
دار الشعر دايم تعاف الهزيله
واللي يجيب الجزل شاعر وجبار
جبار في حبك البيوت الثقيله
والشاعر اللي للجزيلات يختار
في الشعر سوّا يا عربنا جميله
...
الحمدان
04-27-2024, 12:11 PM
نعيش الحياه ومانبي إلا سلامتنا
لنا بـالظواهر مالنا في خوافيها
ㅤㅤ
ولو الناس في بعض القناعات لامتنا
ترى أهم حاجه فـ الأوادم مباديها
ㅤㅤ
على كل حاجه نصبر إلا كرامتنا
هي الحاجه اللي ما نساوم حدٍ فيها
...
الحمدان
04-27-2024, 05:36 PM
احب الرفيق اللي ليا شافني زليت
يوضّح خطاي وكلمة الحق ترضيني
صريحٍ بوجهي يحترمني ليا صديت
ليا ضاقت الدنيا علي ما يخليني
هذا والله اللي لا طرت سيرته فزّيت
وانا له رفيقٍ وقفته تبهج العيني
مشخص الفهري
الحمدان
04-27-2024, 05:37 PM
يارفيقي رفقتك ،، حلوه ومره
ليه تخلط مع حلاوتها ،، مراره
ان كسبنا رفقتك طيب ومسرّه
وإن خسرنارفقتك كبر الخساره
لا تمادى بالخطا ،، مرّه و مرّه
غلطة العاقل تنقّص من وقاره
ان تشرّهنا ،، لنا حق ،، إنتشرّه
وإن سكتنا يفهم الحر الاشاره
...
الحمدان
04-27-2024, 05:38 PM
شكاني زماني وأشتكيت الزمن لله
ولا خاب من ربه همومه تولاها
أبي رفقة الطيب وأدور على لا ماه
وأبي فزعة المرهي اليامن تقصاها
وأبي خوة اللي ما تحسف على دنياه
وأبي وقفة الصامل اليامن تبناها
وأبي هرجة العاقل اليامن قل حكاه
وأبي صيرميٍ يعرف الناس ودهاها
مشعل بن بصيص
الحمدان
04-27-2024, 05:39 PM
رضـيـنـا بـواقـع وقــتـنــا والله الـرزاق
ولاني بـجـاهـل ف الأمـور اتـجـاهـلها
وكم حاجـةٍ كنسلتـها قـلـت بالطـقـاق
مـادام إن وقـتـي مـايـبـيـن لي اهـلها
عسى حاجتي لانساقت بقدرة الخـلاق
على الكفو راعي سم وابشربي وازهلها
سلطان الجابري
الحمدان
04-27-2024, 05:40 PM
إياك لاتحزن ترى الرزق مضمون
ابذل سبب والله عليه التوافيق
اللي خلقك من العدم خالق الكون
هو الذي يرزقك في ساعة الضيق
ولا تكون أنسان بالوقت محزون
وانته تحت رحمة ولي المخاليق
سعود عايد العلوي
الحمدان
04-28-2024, 04:45 AM
ياعاشق الدنيا تراها محطات
تعيش في ديـره وتفنى بديره
لاياخذك طرد الهـوى والملذات
اذكر محطات الحياه الاخيره
...
الحمدان
04-28-2024, 02:53 PM
الجفا مثل الشتا برد وصقيع
والمواصل لـ القلوب أحلى دفا
ان شراك الخـل ابدا لا تبيع
المحبه ( عهـد ) و الدنيــا وفا
الحمدان
04-28-2024, 02:54 PM
من كثر مامرّوا . . على قلبي كرام
وقّفتهم . . بين الحقيقه و الوهم
ظ°
الّا أنت ياللي لك محطّات إهتمام
إن لم تكن أنت المهم أنت الاهم !
الحمدان
04-28-2024, 06:03 PM
كل شي له " ثبوت " وله ، دلايل
والزماااان الصلف مامنّه سلامه
اعرف : سلوب التخفي والتحايل
وابخص الرجال من منطق كلامه
جعلهم يبطون صدقان ، الفعايل
وجعلهم يفنون صدقاان الرخامه
صدتي عن وجه ' جحاد الجمايل '
صدت الواافين عن شوف الهلامه
....
الحمدان
04-28-2024, 07:41 PM
ياعاشق الدنيا تراها محطات
تعيش في ديـره وتفنى بديره
لاياخذك طرد الهـوى والملذات
اذكر محطات الحياه الاخيره
...
الحمدان
04-28-2024, 07:42 PM
للقلوب* أقفال* وللماضي حنين
ومـن* معه* مفتـآح قلبـي ضيّعه
لا قدرت* أبوح** بـالسـّر* الدفين
ولاقدرت أشكي من اللي أوجعه
الحمدان
04-28-2024, 07:43 PM
مـهما*يـضيق*الـحال*لا*بده*يزين
والـلي*يـغيب*يـعود*بـعد*البعادي
ومـن*يـقدرنا*على*الرأس*والعين
حنا*معه*بالطيب*وصدق*المبادي
الحمدان
04-28-2024, 07:46 PM
وانت .. يا روح المشاعر ، والأماني
ودي أوصف لك شعوري بسّ مقدر
ضحكتك مرسى .. ونظراتك مواني
أبتسم لا شفتها ، من دون ما أشعر
مااختلفنا .. بـ القصايد ، والأغاني :
اختلفنا من .. يحب الثاني أكثر
الحمدان
04-29-2024, 10:37 AM
نفسٍ* خفيفــة* ظل وتــونّس الــــروح...
ونفسٍ عليعھ أثقــل مــن العھون عھله..
ونفسٍ مثل نفسعھ تجي مععھ وتروح...
ونفسٍ* عــزيزة* مـــا تحب المــذلــــة....
ونفسٍ خلقهــا الله دوا* عھل مجــروح...
ونفس* علـى عھبود* المخاليـــق علـــة..
ونفسٍ لهـا بيبـــان الأضلاع مفتـــوح...
ونفسٍ تعــــرف الــدرب زين* وتدلــه
...
الحمدان
04-29-2024, 10:38 AM
مايعيش البنادم .. مرتين
والزمن ماالتفت في شاتمه
غايتي في حياتي حاجتين
ستر ربي وحسن الخاتمه
الحمدان
04-29-2024, 10:39 AM
مهما حصل لي في حياتي من اشياء
و عاشت معي من مولدي لي وفاتي
تبقى* تفاصيلك من الالف لـ الياء
و محبتك اجمل حدث في حياتي
الحمدان
04-29-2024, 10:40 AM
- وفيت من قلبي وجيته من اقصاي
واعطيت من وقتي وغيره حرمته
واليوم يجفاني وكنه من اعداي
لاوالله حسافت حبي اللي ذخرته
الحمدان
04-29-2024, 11:05 AM
يا ساكنــــين القلــب يسعد مساكم
بالعووود والعنبـــر ونفحــة عطوره
والله ورب البيـــت ماقــــد نساكم
واشلون ينسى من سكن في قصوره
في داخلـي ماحد وصـل مستواكم
زايــد غلاكم صعب نوصف شعوره
لو تعرفــــوا مقــدار زايـــد غلاكم
مايوصفه شاعـــر بكامــل سطوره
...
الحمدان
04-29-2024, 11:08 AM
أشغلتني وكيف عن عيني تغــيب
وطيفك معي ومشاعـري لك وفيه
على غروب الشمش قلبي يمسيك
يسعد مسا من ساكن الروح طيفه
يسعد مساك ويسعد الله لياليك
يالي سكنة القلب وصبحت ظيه
الحمدان
04-29-2024, 11:09 AM
يا ليتني . أجرح مثل بااقي الناس.
واكسر خواطر من كسرني واقسى.
لكني . من كثر ما أملك إحساس.
أجبر خواطر .. من كسرني وأنسى
الحمدان
04-29-2024, 11:10 AM
تابعني بصمت بس* لاتنشغل* عني
خلني* بقلبك* وتابع* كل* شعري
كل* القصايد* ترى لاشفتها* مني
تقصدك* ياللي عيونك شوفها عيدي
الحمدان
04-29-2024, 11:10 AM
ياعاشق الدنيا تراها محطات
تعيش في ديـره وتفنى بديره
لاياخذك طرد الهـوى والملذات
* اذكر محطات الحياه الاخيره
الحمدان
04-29-2024, 11:11 AM
ياحروف الشعر وابيات القصيد
انشدي عنه* وداري* لهفتي
ارسلي حرفه وحرفي من جديد
خلي ابياته* تعاند وحشتي
الحمدان
04-29-2024, 11:11 AM
للقلوب* أقفال* وللماضي حنين
ومـن* معه* مفتـآح قلبـي ضيّعه
لا قدرت* أبوح** بـالسـّر* الدفين
ولاقدرت أشكي من اللي أوجعه
الحمدان
04-29-2024, 11:12 AM
مدري لويش ارتاح لحظه اشوفك
وانسـى وربــــي ضيقتي والكئابة
أكتب ورب البيت اعشق حروفك
واعشق معاك الدردشه والكتابه
تدري بشوقي بـس اقدر ظروفك
واتجاهلك واتابعــك عـن كثابه
واضـيـق يوم انه تجيني طيوفك
واقـــــول يا الله لا تــزود غيابه
واقــــول يا الله لا تــزود غيابه
الحمدان
04-29-2024, 11:12 AM
قال الوفا بين المحبين موجود
والشوق خصلة من خصايل وفانا
القلب لو مشغول بالحب مردود
يطري بكل لحضه علينا هوانا
الحمدان
04-29-2024, 11:12 AM
اضحك ومن شاف الضحك قال مرتاح
وامـرح ومــن شاف المـرح قال سالي
مايدري انـي ضحكتي ضحكت اجراح
ومايدري ان المـــزح من ضيق حالي
يااهل العيـون الحاسده وضعنا طاح
ماعاد بقــــــي للراحــه ايت مجالي
الوضع حطــم داخلــــي كل الافراح
والياس حطـــــم داخلـــي مابقالي
الحمدان
04-29-2024, 11:13 AM
احيان اجامــل خاطـــري بالوناسه
واضحك وضحكي يابشـر ماوجدته
ضجه براســــي واكتــأب وتعاسه
عن كل من حولـي بصدري كتمته
غريب وضعي ماافتهم لي اساسه
ودورت ايــــش اسبابهـا ماعرفته
متغير اطباعـــي بكامــل حواسه
ودرب التفائــل بالتعاسه هدمته
ودرب التفائــل بالتعاسه هدمته
الحمدان
04-29-2024, 11:13 AM
..حي الصباح اللي يساوي مــلايين
ومن دونكــم مالقى الصباح لــوونه
يسعد صباحكم*** يـ صباح* المحبين
وانا أشهد إن الغلا ... تستاهلــون !"..
*****
الحمدان
04-29-2024, 11:14 AM
من كثر صدماتـي عشقــت المعاناه
ومن كثر خيباتـي عشقــت التحدي
ومن كثر طعناتي نسيــت المداواه
ومن كثر اجراحي كرهــت المهدي
ومن اكثراحزاني طفشت المواساه
ومن كثر نكساتي تركــت التصدي
ومن كثر خذلاني قطعت المخاواه
ومن كثر هجراني جهلـت المعدي
الحمدان
04-29-2024, 11:17 AM
للقلوب أقفال وللماضي حنين
ومـن معه مفتـآح قلبـي ضيّعه
لا قدرت أبوح بـالسـّر الدفين
ولاقدرت أشكي من اللي أوجعه
الحمدان
05-02-2024, 10:41 AM
يسأل عليك اللي من الناس يغليك
يســــــأل ويرسل ما يبي غير ردّك
سلام والخافق من الشوق يطريك
مشتــاق لك لـيت الـرساله تـشدك .
الحمدان
05-02-2024, 10:42 AM
ياذووق* قلـبي* وانا فيــك* ذواق
اخترت حُبك عن جميع الخلايق
دام المحبـه بـ اختـلاف* الاذواق
انت* الوحيد* اللي له الحب لايق
الحمدان
05-02-2024, 10:43 AM
تذبحني عيـونك كذا من دون ليـه
وتعطيني انفاسك دبل عمري عمر
الي يقول إن القمر . . ماله شبيه
مايدري ان نورك طمس نور القمر
الحمدان
05-02-2024, 10:45 AM
رآقـي وعـذب ونــآدر وصـآدق وذوّق
واروع مشـآعـر شـفتهـآ بـك فـديتـك
إنْ شفتني جيتك فـ انآ جيتْ من شوّق
شوقي جبرني لجيّتي لك .. وجيتـك
الحمدان
05-02-2024, 10:47 AM
اقول يامالك كل الأحاسيس فــيني
ودي اسولف للملا عنك وش.،،، انت
ملكت قلبي مع غــلاي وحنيني
وكل المشاعر تتبعك وين ماكنت
الحمدان
05-02-2024, 10:48 AM
عقلي تولع بـك وقلبـي* يناجيـك
وحبك ملك روحي ومنـي سلبهـا
وإن كان هذاالوضع لائق ويرضيك
يستاهل اللي* لـك** حياتـه* وهبهـا
الحمدان
05-02-2024, 01:06 PM
تبسّم ترى الدنيا مثل آلة التصوير
تصورك في غفلتك وتوزع الصورة
وجوه البشر وجهين وجهٍ بشارة خير
ووجهٍ يجيب الهم شوفته وحضوره
عبدالله الطلحي
الحمدان
05-02-2024, 01:06 PM
إذا أعـجـبـك شيء بالإنـسـان صرّح به
وإن ما أعجبك كفّ عنه حكاك ولسانك
اللي مايعجبك بعض الناس يعَجَبْ به
وأكـبـر خـطـا تـحـكـم الـعـالم بميزانك
عبدالله الجش
الحمدان
05-02-2024, 01:07 PM
خلك بحالك واترك الناس ترتاح
اترك هموم الخلق للي خلقها
مالك ومال الناس فاضح وفضاح
الناس كثر همومها من بعضها
الهاب بدر
الحمدان
05-02-2024, 01:09 PM
الا ياكريمٍ من كرمك العباد تجود
لطيفٍ رحيم وتغفر الذنب بالتوبه
نسالك تغفرالذنب يالواحد المعبود
نتوب ونعود وكل الاعمال مكتوبه
سعود بن سالم
الحمدان
05-02-2024, 01:09 PM
الحاجة اللـــي حـدة الحر للبوم
يدفق دماء وجهه ويرخي متونه
لا شك أنا عنها من رجال ٍ تشوم
لو كان حظـــي مكسرات قرونه
راضي بكل اللي مقدّر ومقسوم
حتى ولـو كتفـي ثقيلـه ديونـه
أبيع وأشري وأفرق السوم واسوم
والطيّب الوافـي ترانــي زبونـه
عايش ابوليل
الحمدان
05-02-2024, 01:10 PM
ابو وجه قدامي وعشرة وجيه اخلاف
لعل الضروف تحول مابيني وبينه
،
سرابٍ يجي ويروح في ساعة الميقاف
ينوع لي الضحكات والغدر في عينه
،
عايض ابوشيبه
الحمدان
05-02-2024, 01:11 PM
الخطيّه من عدوّك ..... لاتهمّك
زلّته ،،،،،،،، متوقّعه ماهي غريبه
البلاء . لاجات من لحمك ودمّك
هذي اكبر كارثه . واكبر مصيبه
سعيد العلياني
الحمدان
05-02-2024, 01:11 PM
قطف أمل دنياك وأبعد عن الياس
وأضحك وعيش "وتالي العمر" بايد
مهما تسوي طيب ما ترضي الناس
من خلقة الدنيا ، رضى الناس كايد
حمود البغيلى
الحمدان
05-02-2024, 01:12 PM
لاصرت ماتقضي لزوم الرجاجيل
خـل المـكـان لــواحـدٍ يـرتكـي لـه
خلـه لمنهـو ينقـل الحمـل ويشـيـل
ويشيل حمل اللـي عجز مايشيله
سالم الخضير
الحمدان
05-02-2024, 01:13 PM
لا صار بشتك ما يلحّف قرابتك
لفّه وخلّه مع عباة الحليله
الناس ما تنظر لوجهك وصورتك
لا صار ثقل الحمل ما ترتكي له
...
الحمدان
05-02-2024, 03:16 PM
اكـرم مـوازين الـمخاليقالاخلاق
واكـــبر كنوز الارض كـنز القناعه
والـرابح اللي لداعي الـخير سباق
دون المعاصي له من الله مناعه
...
الحمدان
05-02-2024, 03:31 PM
من لا سأل عني وقدّر ظروفي
والله لاسلي خاطري وتناساه
لو أنه أغلى من عيوني وشوفي
من باعنا بالهون بالرخص بعناه
وحنا علينا المخطيه ماتطوفي
ودرب المهونه نتركه وأنتعداه
هرج القفى معروف طبع الضعوفي
وكلٍ يبين موقفه فعل يمناه
....
الحمدان
05-02-2024, 03:40 PM
عطيتك اللي ماعطيت اقرب الناس
وعلقت فيك أحلام عمري وضاعت
لي قلب مايقسى وصادق وحساس
ولي عين ماصدت وخانت وباعت
ولك قلب طيب بس ماعندك احساس
ولك عين ماشافت جروحي وراعت
جيتك على وضح النقى رافع الراس
وطوعت لك نفسٍ عزيزه وطاعت
ابعتبر حُبك مثل غلطة إحساس
وانت اعتبرني مثل فُرصه وضاعت
...
الحمدان
05-02-2024, 04:09 PM
أبعدت عن ناسٍ بلااحساس وشعور
من بعد ماشفت الخطا في عيوني
ماني على اللي يوجـع الراس مجبور
راسي عزيـز ويرفع انـه امتوني
صبـرت لي عدّة سـنوات وشهور
لكنّـهـم على الرحيـل اجبروني
ماني مسامحهم على الشك والزور
الله يجازيهـم مثـل مااظلموني
...
الحمدان
05-02-2024, 04:12 PM
مالله كتب لي فيك حظ ولا نصيب
ربي حكم اني أحبك وانحرم منك
تمنيت العمر وياك لكن الضروف احكام
من الغلا ، والحب بنيت لك بيت
ف وسط صدري
مير ان كان الله احياني وكان الله احياك
انك تبقى وليف القلب محد خشيرك
...
الحمدان
05-02-2024, 04:45 PM
اللي تبينه على خشمي وجعله فداك
والطعنة اللي تجيني من يدك جايزة
إن كان هذا تغلي مايغرك غلاك
وإن كان هذا تحدي فـ أنتي الفايزة
...
الحمدان
05-02-2024, 04:46 PM
زان حـالي في لِـقاك و طـاب فالي
والغلا في القلب ثابت في محله
كيف مـ افضى لك وانا بـ عز انشغالي
وانت لحظة معك تسوى العمر كله
...
الحمدان
05-02-2024, 04:47 PM
على رفقة الطيّب يسير الزمن قدّام
أماري بطيبه و أرفع الرّاس و أردّد
سلامي على اللي ما تنكّر ، مع الأيّام
غلاه و نباه و موقف الطّيب متجدّد
...
الحمدان
05-02-2024, 04:48 PM
كم خيمةٍ برواقها للعرب ظل
وكم فلةٍ ماتحتها الا المهونه
لايغرك الديكور والقصر والزل
كم من كريمٍ كرمته من ديونه
...
الحمدان
05-02-2024, 04:49 PM
احذر تشاور ،، " كل واحد يمرّك "
ان شفت رايك صايب اقدح من الراس
اما تشاور لك ( حكيمــاً يبرّك )
ولا تراك ادرى بنفسك من الناس
...
الحمدان
05-04-2024, 07:28 AM
المرجله بيره بعيد المجاذ يب
على بعض ناس ٍ عسير ٍ متله
حشته ونشته يا نحاز الاجانيب
حيثك مثل حر ٍ ضرب له حبلّه
حشته بعدواتٍ بروس المراقيب
لا غبت يا حمض الكبود المغله
ياطير شلوى ما لقي بك عذاريب
لو تستحي ما تاخذ الطيب كله
إنت الذي تلفي عليك المراكيب
حين ٍ غلا يا مير واحيان ذ له
يا مير طيبك ما لقي له حواسيب
ظلما وغدر وتايه ٍ مستد له
يا بو اليتامى والأرامل ومن عيب
وابو لمن صار العصا ثالث ٍ له
لا جا يتوكى فوق عوج المصاليب
لامال وقته صرت إنت ولد ٍ له
تكفي محاليب ٍ وتملا محاليب
كبد تيبسها وكبد ٍ تبله
مده رهن لولاك ما قلت يا كليب
ولا قول شب النار : صر موقد ٍ له
في ليلة ٍ تجدع سواة المشاهيب
نسرية ٍ تلصق خليل ٍ لخله
نطعن بعزك يا حصان الاطاليب
عسى اللي يجمع حزمتك ما يفله
يالجوهر النارينز يالمسك ياطيب
يا عنبر ٍ مع ناقله ما يمله
إن كان هرجي به عليكم عذاريب
سامح عسى من عقبك لألف حله
ولا انسى حمودٍ راس حصن المطاليب
لا خالف المسمار بالقاز تله
دغيم الظلماوي
الحمدان
05-04-2024, 07:31 AM
صباح عطر الورد مترف وغرقان
مدري هو أنتم العطر اوالعطر فيكم
أعزف صباحي شعر بإحسآس فنان
وأنا بروعة هالصباح جيت أصبحكم
...
الحمدان
05-04-2024, 07:31 AM
يـا رب يـسرهـــا على كل ضايـق
وارفع ستار الهــم عن كل محزون
لـو كان في درب السعادة عوايق
تهون مع رحمتك ياخالق الكــون
الحمدان
05-04-2024, 07:31 AM
اشهد إنـي ماتصنعّت* الشعور
معّك يانبض الغلا كيف أصنعه
،،،،،،،
هام* قلبي* فيك* والقلب معذور
ولا قويت أنهاه* عنك ولا أمنعه
الحمدان
05-04-2024, 07:32 AM
لـو الـغـلا يُـكتـب على كـف مـغـليك
نقشت حرف اسمك على كف يمناي
.
ولو العمر يُـهدى على الناس لهديك
عـمـري وكـل اللـي مـلكتـه بـدنـيـاي
الحمدان
05-04-2024, 09:53 AM
جعل ترويك السحايب و يرضيك الربيع
* ياديارٍ . . مبطي البرق فيها ماشعى
و تصبح فياضك مثل راعي الصدر الوسيع
واحد ٍ ماغيّر الوقت ساسه . . من وعى
...
الحمدان
05-04-2024, 10:12 AM
ساق السَّحَاب اَللَّه وَاشُوف بَرَّاق
* يَرهَش مِن اَلقُبلة وَيرُج بِرعود
يالله عسى مَا أَقبَله الخيْر يَنْساق
لِلْأرْض يَا سُمهَا وَنبَت الرَّعْد زَوَّد
صِيبه نَافِع مَا ابْركه كُلَّه أَرزَاق
خَيْر الزَّمَان أَخصَبه لِلنَّاس مَشهُود
...
الحمدان
05-04-2024, 10:21 AM
ياقلب لا تتعــب وواصـل تحديك
وخليـك من درب المقفين ساهي
ولا تتبــع إلا من يعــــزك ويغليك
واللي ابــد ماغــاب عنــك وتاهي
...
vBulletin® v3.8.7, Copyright ©2000-2025, vBulletin Solutions, Inc Trans by mbcbaba
diamond