فوق هام السحب ( الشعر الشعبي) على متن القوافي

[الحمدان]

يالله برزقٍ يطاول ناطحات السحاب
ان زاد فيه بركه وان قل فيه بركه

رزقٍ بيوم التغابن فيه ظل وزهاب
يومٍ ب هوله ماتسمع للعباد حركه

إلا قريع الظما قرقاع شنة ركاب
طاح الرديف وجثا الركبي على مبركه

الناس تزحف من الاجداث يوم الحساب
لو تبلع الريق حتى الريق ماتدركه

محمد مريبد العازمي

[الحمدان]

يامنتهي الشرهه تجيك المشاريه
النفس لاجرحت يبين زعلها

الشعر زعلته وجت لك معانيه
وان طافتك هذي تحرى بدلها

لوجيت ادور لك عذر وين الاقيه
تجاهلك حتى اعذاري قتلها

انا اعرفك لو ينشري الطيب تشريه
لكن حسافه ليت غيرك فعلها

ان كان في نفسك كلام مخفيه
الكلمه اللي تجرح النفس قلها

مهوب انا اللي خمس كلمات ترضيه
الناس يافلان تقاس بعملها

بعض الاوادم ضحكة الزيف تغريه
لين يتجرع سمها في عسلها

واللي عن الواجب طواريه تعميه
تمر ميلات الخطا ماعدلها

واللي عيونه تنخدع في مباريه
لو كلمته عوجا عشانه قبلها

واللي نسى يعرف عدوه ومغليه
نفسه تساوت علمها مع جهلها

هذاك ياكود القصايد توعيه
حتى يعرف ان المشاعر خذلها


من صد عني عمد ولله مارجيه
لو حاجتي عنده حشا لااعتزلها

انا من اللي عزة النفس تغنيه
ماذل نفسي للحياة وغزلها

وانا من اللي حاضره مثل ماضيه
لااكبرت القاله تعود لاهلها

كلن تحثه للمعالي هقاويه
بس الثقيله مالها الا جملها

الصاحب الطيب على الروح ابديه
والا الثعاله تنكشف من حيلها

من ترده الشرهه تجيه المشاريه
النفس لاجرحت يبين زعلها


........

[الحمدان]

الشيب ماهو عيب يا معذرب الشيب
‏الشيب فـي راس الـولـد له سبايب

‏إما كريمٍ شاب يبحث عن الطيب
‏وإلا شـجـاعنٍ عذبته المصــَايب

.......

[الحمدان]

يقول منهو على صوت الغناء غنا
على الذي درات الافكار من شانه

ياشوق طبع الوفاء منكم وهو منا
تبقى الاساليب مقبولة وفنـــــــانه

حنا على العهد لا خنتم ولا خنـــا
ولا نطيع الذي فالحب خـــــــــوانه

مادام حنا بصحبتكم تماكنـّــــــا
فالقلب يازين لا تكثربه اشجــانه

يازين عنا على درب الهوى عنأ
لا تحرم النفس دام النفس شفقانه

ترنا على عهدكم باقي كما كنـــا
مازال شوق الهوى فينا وتحنــــانه

.......

[الحمدان]

‏الزين في وجه الفتى مايعزه
ان كان ماهو في الطبايع والافعال

بيت لـ أبو الطيّب عظيمٍ منزه
سقته بتعبيري ولا هان من قال

ترى الفتى لاصار مافيه فزه
والله مايبلغ من العز مثقال

ودك اذا شفت الهلامه تكزه
لين يغدي مثل الرجاجيل رجال


.......

[الحمدان]

ماكل صـديـقٍ تـذخـره للمـهـمات
بعـض الصداقه تنجلي حـزّة الضيـق

اخـتـر صـديـقٍ يـرتكـي لثـقـيــلات
هذا الـصديق اللي يصون المواثيـق

واحد ويكفي عن كثير الصـداقات
خوت شرف ما هيه خـوت تلافـيق

.......

[الحمدان]

الله يمسي كل الأحباب بالخير
ويسعد لياليهم ويسعد مساهم

وياالله يامعبود يا رازق الطير
ريح خواطرهم وزود هناهم

.......

[الحمدان]

المشاعر والمعاني يولدها الحنين
ودمعة مفارق حبيبة بخدة تجرحة

ياوجودي وجد من عاش فالدنيا حزين
من بعد فرقاء حبيبة وش الي يفرحة

يامنال الروح ماتت امانــي الحالمين
انقطع حبل الامل في رجاءالي نطمحة

صار وصل احبابنا مثل وصل الميتين
مابقي غير القبر لجل نقــراء الفاتحة

.......

[الحمدان]

شعر باللهجة اليبية

نسكت ونا عارف اني مظلوم
ونحكي ونا عارف ثقيل كلامي

ونزعل ولكن مانريد نلوم
ايش فايدة يابورفيق ملامي

ونقول ساهلة واللي جرا مقسوم
وايش الحياة اصلا امغير قسامي

حتى لو مع جرحي حزين نزوم
نحط فالرفق والطيبة قدامي

ونمشّي وصيور العلل مردوم
سريب الزعل واللوم جوا كامي

واللي في بحر موج الاوهام يعوم
صيوره ايجي عطشان شوري ضامي

ما يهمني خاطي رفيع السوم
اللي فخاطره ديما مقامي سامي

الصاحب اللي صاحب رفيقه دوم
مايتركه ديما عليه يحامي

والدنيا قديمه قوم تخلف قوم
وماينذكر فيها الا المسامي

اصحاب الشهامه فزعة المظيوم
امان وهنا للي ايجيهم رامي

تقول في سما ليل الزمان نجوم
هذوم الونس في وقت قاسي دامي


سالم درياق

الله على أهل ليبيا

[الحمدان]

انشهد أن الحيا يسرق قلوب الرجال
‏مثل الزهر طلعه الاول خفيف وندي

‏اجحد ليا شفت منسوب الحيا لايزال
‏واقول ماشفت ويشوف الغشيم بعدي

‏الطف من الحلم واحلا من نسيج الخيال
‏واطهر من المدلهمْ اللي يصب بردي

‏عذراً تقول انها يوم اعتراها الجفال
‏ورعٍ يبا يهج لكن مايعرف يعدي
‏
.......

[الحمدان]

‏على فكري الخصب وعلى أحساسي اللوام
‏وعلى راسي الصلب وعلى قلبي الليّن
‏⠀⠀
‏يمر الشعور المرّ ماهو مرور إكرام
‏مثل قسوة التأنيب في خلوة الديّن
‏⠀⠀
‏على هامش أحداث الحياه أحسب الأيام
‏لو أن ماني بـ مزعوج من شيٍ معيّن
‏⠀⠀
‏سقى الله يوم أن العمر رحلة استجمام
‏قبل يصغر الحلم وقبل يكبر الهيّن

.......

[الحمدان]

يا الهي لاتدع قلبي .. رهين ذنوبي
ولاتذرني فرد بين العالم المنجنه

الطف بحالي لاحط ابليس دوبه دوبي
ياما صدقته .. وانا اكثر من تعوذ منه

لو اقصر بـ الفروض ، ولو اطول ثوبي
ان نسيت النار ماعمري نسيت الجنه

.......

[الحمدان]

الحلم .. يشبه ظلام الليل والقمره
‏تعيش متأمله .. وتموت ما جيته

‏يعني .. ليا طاب حظّك في العمر مرّه
‏ما هو ضروري يجيك اللي تمنيته

.......

[الحمدان]

‏في غيبتك دآيـم أردد مـع النـوم
‏بيتٍ ذبحني بالشرآييـن سـاري

‏ي غآيبٍ عنّي تـرى للبطـى لـوم
‏لا شآفتك عيني و لا جبـت طـآري

.......

[الحمدان]

يـسوق روحـي شوقها والوله سوق
نحوك وحولك يدرج القلب ويحوم

راقــي وكـلك ذوق واطـلالتك ذوق
والذوق لولاك انت يا الذوق معدوم

ولولاك ما قاسيت من لوعة الشوق
الــي حــرم عـيـناي مـن لـذة الـنوم


.......

[الحمدان]

بعض السوالف مثل سم الثعابين
وطعم العسل معروف للي يذوقه

والكلمه اللي مثل حد السكاكين
تقضي غرضها لين تنزف عروقه

ياشينها لن جات من ناس غالين
زلة لسانٍ بالهنادي سبوقه

قول المثل علمٍ عليه البراهين
اليا انتثر دمها ماتقدر تحوقه

صهيب السلمي

[الحمدان]

لو غبت عن عيني دقائق لك اشتاق
واللحضه بغـيابك تمر كنها عـام

اشتاق لك شوقين عواصف واحراق
واتخايلك عبر الحقيقه والاوهام

واحــن كـالزلزال مـن وسـط الاعماق
وانتج من اشــواقي حكايات وافلام

واعزف غرامك في حروفي والاوراق
بالحان ترسل لك على الخاص والعام


.......

[الحمدان]

يامرحبا يوم جيتي ياشبيه القمر
‏يامنوة العاشقين وعزوة اخوانها

‏يادرة ماتحصل وسط جوف البحر
‏ويالمهره اللي وهبني ربي اعنانها

‏ماأختارت من العيون الا عيون الصقر
‏يوم ربي عطاها زين حجانها

‏مرات اقول اني بحاجة لشمس الظهر
‏وان اقبلت قال قلبي عانها عانها

.......

[الحمدان]

‏يا غافر الذنب يا معطي ولا لك شوير
يا الواحد العالم الأوْحد عظيم الجلال

جلا جلالك آله الكون وانت الكبير
يا موجد المستحيل ولا تعرف المحال

رجواي عفوك وانا عبدك ضعيف وصغير
وانت الغفور الحليم ولا انقطع بك آمال

.......

[الحمدان]

‏استغفر الله كلما اصبحت وامسيت
وعلى مدار الثانيه والدقيه

استغفر الله كلما غفيت وصحيت
علاقتك تبقا بربك وثيقه

استغفر الله داخل وخارج البيت
وصفة دوا تحميك من كل ضيقه

استغفر الله كلما رحت او جيت
زاد القلوب الطيبات الرقيقه

.......

[الحمدان]

جمعت بعض الابيات اللي اتمنى تنال اعجابكم



ثــلاث حـبـات خـالٍ حـول مـبـسمـهـا
والـمـنـهـل الـعـذب تـكـثـر حـولـه الـزحـمـه
الـشـاعـر : مـحـمـد الـدحـيـمـي



انـا بـلـيـت بـحـبـهـم مـن هـبـالـي
والا انـت ظــل مـالـنـا فـيـه مـقـيـال
الشـاعـر : عـبـدالـلـه الـفـيـصـل




نـادت مـشـاري صــاحـو الـخـلـق لـبـيـه
مـن زيـنـهـا كـل الـخـلايـق مـشـاري
الشـاعـر : فـهـد عـافـت



يـمكـن لـونـه يـلـمـس الـجـرح بـيـديـه
يـسـتـغـرب ان اللي لـمـسـهـا طـعـونـه
الشـاعـر : مـتـعـب الـتـركـي




قـبـل انـتـفـارق ودي اسـئـلـك عـن شـي
وش تـسـتـفـيـد ان قـيـل هـذا قـتـيـلـك
الشـاعـر : عـدنـان الـدخـيـل


بـعـض الـغـلا مـامـنـه غـيـر المضره
لي صـار خـلـك بـالـهـوى مـايـشـاطـرك
الشـاعـر : خـالـد بـن سـعـود الـكـبـيـر


ان كـان مـنـت بـمـصـافـيـني على الـشـده
وقت الرخا واجد ربعي وخـلانـي
الشـاعـر : سـلـيـمـان الـشـريـم



وش يـذبـح الـرجـال غـيـر انـه يـشـوف
اخـس خـلـق الـلـه يـاخـذ مـكـانـه
الشـاعـر : طـلال حـمـزه



مـاكـل جـرح لاخـذ ايـام يـبـرى
بـعـض الـجـروح يـزيـد شـره مـع الـوقـت
الشـاعـر : مـتـعـب الـتـركـي




الـلـه ولاوردٍ يـجـي حـولـه الـشـوك
يـنعـاف ذاك الـورد مـن كـثـر شـوكـه
الـشـاعـر : نـاصـر الـضـويـحـي



كـان الـرجـا فـي شـوفـتـك يـوم فـرقـاك
الـلـه يـجـيـب مـوادعـك لجل اشـوفـك
الشـاعـر : مـسـاعـد الـرشـيـدي




صـدك عـن اللي مـلـتـفـت لـك ردى حـظ
وركـضـك ورى اللي ماهو بـيـمك مـذلـه
الشـاعـره : ريـمـيـه



مـادريـت الا وهي مثل النفس بـيـن الحنايا
ان شهقت اموت منها وان زفرت اموت فيها
الشـاعـر : نـاصـر الـقـحـطـانـي




جـعـل جـرح مـن فـراقـه مـايـطـيـب
مـابـقـت ذكـرى اذا جـرحي بـرى
الشـاعـر : عـبـدالـلـه الـرويـلـي




احب الصدق واعمل به
كسبت او كنت انا خسران

ولو صدقي يخسرني
تـشرفـنـي خساراتي
الشـاعـر : سـعـد آل سـعـود


بـعـض الـعـرب مـن روحـتـه يـطـرب الـبـال
وبـعـض الـعـرب لاراح قلبك يـشـيـلـه
الشـاعـره : ريـم الـصـحـراء



الا الـعـيـون ابـخـل بـهـا مـقـدر اعـطـيـك
وش فـايـدة دنـيـاي من غـيـر شـوفـــك
الشـاعـر : عـلـي الـفـهـيـدي



حـب قـصـيـر وحـب مـالـه نـهـايـه
وحب يـموت وحـب اقـوى مـن الـمـوت
الشـاعـر : عـبـدالـلـه الـقـحـطـانـي



مـن كـثـر مـا جـربـت واقـبـلـت واقـفـيـت
قـولـة هـلا مـن لايـودٌك مـهـونـه
الشـاعـر : بـنـدر بـن سـرور


مـافـيـه فـرقٍ بـيـن حـيٍ ومـقـبـور
لاصـرت حـي وعـن هـوى الـنـفـس قـاصـر
الشـاعـر : ابــراهـــيــم بــن ســعــيــد


لـولا الـوفـا مـااحـتـاجـت الـنـاس لـنـاس
ولـولا الـمـواقـف مـا عـرفـنـا بـعـضـنا
الشـاعـر : فـوزي الـرشـيدي

[الحمدان]

‏ياناس فكونا من النقد واللوم
‏كل البشر مافيهم انسان كامل

‏ما انت بوكيل ادم ولا انته بملزوم
‏وربك ماهو سائلك عن كل هامل

‏كلٍ بعقله راضي وعنده علوم
‏من بيننا نحتاج حسن التعامل

‏والادمي بظروف الايام محكوم
‏لازم نسايرها ولازم نجامل

.......

[الحمدان]

يـالله ياللي بـــيدك الحــل والفــرج
تــقرب مراحلهـــا وتفتـح فجوجهــا

لك الحمد يامن تفقد الناس من حوج
واذا اتعوجت يالله ســمحت عوجهـا

ولا تنفع الحـكمة ولا تتفع الحجـــج
اذا خيــلها ما عاد شــلت سروجهــا

تعبنـــا واتعبنـا رجاجيــل من حنـج
تســابق على الجوده وترقى بروجهـا

عليهـم ســـلام الله ما صبحها وهـج
وعلى دارهــم يالله تـسقي نهـوجهـا

‎

.......

[الحمدان]

قالوودي منك من الشعر بيتي
عن الجفا والبعد والشوق والصد

قلت الجفاء ذباح ياكاملزالزين
والبعد هم ودمعته تجرح الخد

والشوق مثل السيف يقسمك نصفين
والصد نارنزفي الحشاء مالها حد

قال إذن ماالحل ياقرة العين
من شان نتجنب أسى الحب لأشتد

قلت العطاء والاخذ مابيننا البين
والوصل والاخلاصزياناعم القلب

.......

[الحمدان]

كلِ يبي الدنيا على غاية مناه
‏وله غايةٍ يبطي وهو مالحقها

‏يطرد خلاف الحلم ويمد يمناه
‏واللي نصيبه في الوعد ماسبقها

‏ومافات مايرجع لو إنا ندمناه
‏وكل البشر من يوم ربي خلقها

‏يالله يامن بأمرك الفرض اقمناه
‏عفوك قبل مالروح تطوي ورقها

......

[الحمدان]

اكثر بلاوي الناس من أعيّن الناس
الله يشافي الناس من كل عله

بالله خلو فيكم شوية احـساس
من شاف شي وجاز له يذكر الله

[الحمدان]

ياطير وسّـع خاطرك فوق الاشجار
واصـدح بزينات اللحون الجميله
‏
‏لو بالخواطر ضيق واحزان واسرار
الـصـبـر غـايـات النفوس النبيله

.......

[الحمدان]

ابشرك ياحب لخبط حياتي
طويت صفحة داخلي اسمها انت

وابشرك لملمت كامل شتاتي
وفر عليك اهلا وسهلا وكيفنت

وابشرك اصبحت عايش حياتي
وابشرك ماعادنا داري اين انت

شليت من همك ودحسك كفاتي
ادركت أن الموت قربك واأمنت



......

[الحمدان]

آلنفس مــآ تجبــر ولآ تجبــر آلنآس
‏مـن عآفنآ جعل آلسـعآدهہ طـريقه

‏تگشــف لــگ آلآيآم آنـوآع وآجنآس
‏وآلمـعـدن آلصـآفي يبيـن بريقــه

.......

[الحمدان]

اهلا هلا بعداد ماناض براق
‏واعداد همال المطر في مسيله

‏واعداد طلع الشمس بوقت الاشراق
واعداد ماتضفي على الكون ليله

‏يامرحبا ترحيبة الهيل لانساق
‏اجمل تحيه يالوجيه الجليله


.......

[الحمدان]

‏لاتسأل الشـــوق عنـي وانت أدرابي
نفسي تمنـاك وانـت أغلـى حبايبها

أغلى من عيوني الثنتيـن وأصحابي
وأغلى من الناس حاضـرها وغايبها

ياراعي الحـب حبك ذوب اعصابي
والهجـــر والبُعـــد ذابلها وذايبها

.......

[الحمدان]

‏تعـــــالي نكتب فالمحبه روايه
‏باسمك وباسمي واسمها قلبي يهواك

‏انا هويتك عشق ماهي حكايه
‏تنقال في هــذا وتنقـــال في ذاك

‏جيت وتركت الناس كلهـا ورايه
‏شلتك هنا في القلب والعالم هناك

.......

[الحمدان]

تدري وش اللي غير الناس يافلان
شـرع المصالح وانعدام الصراحه

صرنا نجامل بالخطاء كـل غلطان
لين اكـثر الغلطات صارت مبـاحه

نمدح كـلام فلان من دون بـرهان
وفلان نجــرح بالتجاهل نجـاحــه

.......

[الحمدان]

الآماني ف الهوى مثل السراب
ممتع الإحساس لكنه كذوب

من هجر مره يطيب له الغياب
ومن عشق مره يموت ولا يتوب


.......

[الحمدان]

اشوفك ملجئي الهادي واشوفك غربتي والدار
‏واشوفك رجعة انفاسي ليا من ضاقت انفاسي

‏على وجهك يا ما شاء الله ولطفه و السلام الحار
‏يا وجهٍ كل ما شفته اردد .. يا بعد ناسي

‏تغيب الشمس و اشوف القمر في طلتك يحتار
‏يقول شجابني فـ الارض شكله حضرته ناسي

.......

[الحمدان]

ماينقّص قدر نفسك غير طبعك
وانت ماترضا عليها .. بالمهونه

لاتسولف في قفا ربعك وربعك
من يسولف في قفاك يسكّتونه

.......

[الحمدان]

تدري متى يعجز لساني عن الشرح
‏وأشعر بجسمي مـاتشيله عظامي

‏إذا جـرحت اللي مـَايستاهل الجرح
‏في حينها يـذبح سكوتي كلامي

.......

[الحمدان]

تدري وش الي بالهوى يقتل الود
‏جو الغموض الي يلف الأماكن

‏لاجيت تحمل في يدك باقة الورد
‏ضاعت حروفك بين يمكن ولكن

.....

[الحمدان]

ليت كل الناس بـ أوصاف الغيوم
لا سـوآد .. و لا نفـآق .. و لا ريـآ

تسكب الأمطار من فوق الہموم
وتنثـر الدمعـه علــى شـآن الحيآ ‎

.......

[الحمدان]

‏مشاعرنا ضحايا الصمت والكتمان
وكـرامتنا تـخـيّـرنـا ما بين أمرين

جميل الصبر وإلا نعمة النسيان
عسى ربـي ما يحرمنا من الثنتين

.......

[الحمدان]

قصه قديمه جرت على بنت من الباديه عندما جاء أخوها في نصف الليل قصده يسرق إبل زوج أخته وعندما قرب من البيت قلد صوت الذيب وقام يعوي , سمعته أخته لكن ماتقدر تطلع عليه خايفه من حماتها إخت زوجها فقالت هذه الأبيات

ياذيـب ياللـي جـر صـوت عـوى بـه
مدري طرب وإلا من الجوع ياذيب

يـاذيـب لاتـقـهـرك عـنـهـا المـهـابـه
يامجفـل الغـزلان حـنـا المعـازيـب

الـبـوش كـلـه يـــم خـشــم اللهابـــه
في فيضة السرداح والبل عوازيب

سمعتها حماتها فظنت أنها تناجي عشيقا لها وأنشدت الحماه

يابنت ليا الذيـب ينهشـك نابـه
يقذلك من بد البني الرعابيب

تراك مثل اللي جلب له جلابـه
لادارها السّوام يلقى عذاريب

فردت البنت بهذه القصيدة موضحة الأمر لحماتها

وحيـاة جـلاب المـطـر مــن سحـابـه
إني عذيّـه مادخـل عرضـي العيـب

أنــــا كــمــا عــــدٍ قـلـيــل شــرابــه
مادوّجـت عليـه حـرش العراقـيـب

الذيـب أخـوي اللـي يشيـل الكسـابـه
يوم ان نجوم الليل مثل المشاهيب

واللـي ظلمنـي جعلـهـا فــي شبـابـه
وتحدره من عاليات المراقيب

[الحمدان]

تدري متى ترتاح وتعيش في خير
لاصار مالك قلب يحقد على الناس

عـش الحياة ويرزقك رازق الطــير
ولـغير رب الـناس لاتـخصع الـراس

.......

[الحمدان]

‏شابت لحانا ما لحقنا هوانا
عزّي لمن شابت لحاهم علا ماش

العمر رحلة والليالي تدانى
والآدمي لو راقب الوقت ما عاش

يا ما سمعنا علم شينٍ دهانا
سهوم المنايا بين مسرى وغباش

العلم واضح والطريق يحدانا
وما كل ما نبغاه يحصل وينّاش

دنيا تقلّب ما عليها ضمانا
والرابح اللي سيرته كنها الشاش

‏والله عن دروب المعاصي نهانا
ونتعب ع الأخيار ونجنّب اللاش

ويا الله من شر الأمور تحمانا
وتفكّنا من كل حاسد و غشاش

.......

[الحمدان]

انا خوي من هو ضحوك و مزاح
و انا خوي اهل الهقاوي البعيده

وانا خوي من صان سري ولا باح
دامه صفا لي و الله اني عضيده

اشفق على لقــياه و اعده سلاح
و لا غاب عنــي والله انه فقيده


محسن بن دقله

[الحمدان]

‏الحلم والحكمه مع العقل النّبيه
ثلاث تلزمها وتكفيك الملام

ترفع مقامك عند بيضان الوجيه
اللي لهم في قمة العليا مقام

وابعد عن جدال الهلامه والسّفيه
عشّاقة النّمه وردّاد الكلام


عبدالله ناصر

[الحمدان]

كلِ يبي الدنيا على غاية مناه
‏وله غايةٍ يبطي وهو مالحقها

‏يطرد خلاف الحلم ويمد يمناه
‏واللي نصيبه في الوعد ماسبقها

‏ومافات مايرجع لو إنا ندمناه
‏وكل البشر من يوم ربي خلقها

‏يالله يامن بأمرك الفرض اقمناه
‏عفوك قبل مالروح تطوي ورقها


.......

[الحمدان]

إلى طرقت الباب وما جاك الجواب
إعرف ترا ما لك من اصحابه نصيب

إرجـع ولك كم ناس غـير وكم بـاب
يمكن تَوَفّـق يـوم وتلقى لك مجيب

وان كان ما حسّبت للصده حسـاب
تفلس من اللي كان له ظنك قـريب

.......

[الحمدان]

الـضايع اللي علومه .. مـالها خانه
عن حروة اهل الكلام الذرب يا بعده

ودك يسوون ( ربط لـسان ) لـ السانه
مثل ما سوو .. لـ غيره ربط لـ المعده

.......

[الحمدان]

‏بعض المواقف خير لك تلزم الصمت
لو الـكـلام اصبح تغابي ونسيان

كم كلمةٍ تخرج ليا من تخاصمت
تبقى طوال العمر في قلب انسان

والمعرفة بصمة ولو انت بصمت
اترك اثرها تنذكر صدق واحسان

......

[الحمدان]

بعض البشـر قلبـه للاسـرار صـندوق
تعـطـيـه سـرك وانت واثـق ومرتـاح

وبعض البشر ما هو على حرف ماثوق
كل واحـدٍ بـه يمتلك بـاب ومـفـتـاح

عـلـيـك باللي بالرجـاجـيـل مـرمـوق
عـلـمـك بصـدره بـات آمن ومـرتـاح

.......

[الحمدان]

‏مشينا على درب المعزه ونهج العود
‏وفي مدرسـة شيخ المراجل تعلمنا

‏عسى الله يبعدنا عن العيب والمنقود
‏وعسى الله فعيون النشاما يجملنا

‏
أحمدالبلادي

[الحمدان]

لو نطلب الناس لا سرت ولا ضرت
‏الخالق الله و احنا من مخاليقه

‏يامل قلب(ن) يغرد كل ماغرد
‏كنه يعبر عن اللي في معاليقه

‏ومنين ماكبر قرص الشمس واحمرت
‏كبرت على الضايق اللي مثلي الضيقه

‏يالله بنفحات جودٍ كل مامرت
‏يمر معها فرج ربي وتوفيقه

‏
علي الدعيه

[الحمدان]

‏يالله برزقٍ يطاول ناطحات السحاب
‏ان زاد فيه بركه وان قل فيه بركه

‏رزقٍ بيوم التغابن فيه ظل وزهاب
‏يومٍ ب هوله ماتسمع للعباد حركه

‏إلا قريع الظما قرقاع شنة ركاب
‏طاح الرديف وجثا الركبي على مبركه

‏الناس تزحف من الاجداث يوم الحساب
‏لو تبلع الريق حتى الريق ماتدركه

‏
محمد بن مريبد العازمي

[الحمدان]

‏احيان اجيب لمخطي الراي تصحيح
‏واحيان .. مدري عن خطاي وصحيحي

‏يالله بحظٍ مايخليني اطيح
‏وان طحت مايدري حدٍ عن مطيحي

‏
فواز العزيزي

[الحمدان]

الطيب يرقى بك علـــو المـشاريف
‏مثل التواضع من صمــــيم المروه

‏الرد بالقســوة مثل ضــربة السيف
‏تزيل من بعــض القلــوب الاخــوه

‏والجاهل اللي في كلامه تخــــاريف
‏تجاهله واعطه على حســــب جوه

‏اكرم خصومك مثل ما تكرم الضيف
‏الغيـــث سامــي في بروقه ونــــوه

.......

[الحمدان]

تدري وش اللي غير الناس... يافلان
شـرع المصالح وانعدام الصراحه

صرنا نجامل بالخطاء كـل... غلطان
لين اكـثر الغلطات صارت مبـاحه

نمدح كـلام فلان من دون... بـرهان
وفلان نجــرح بالتجاهل نجاحه

.......

[الحمدان]

لا تتلف الروح لجل الناس ترضيها
وهمّ ولا يوم سوّوها على . . شانك

والله ماتندم على الدنيا . . ومافيها
لو تعرف الوقت من موتك لنسيانك

.......

[الحمدان]

‏بالشعر اسلي خاطري بعض الاوقات
عـن الـزمان بـزحمـتـه وانـفـتـاحــه

اصرف هواجس خاطري بين الابيات
والقى عـلى صـدر الـقوافي مساحـه

لله در الـشــعـر مــالـه جـــوازات
كـل الـمواني في بـحـوره مـتـاحــه


.......

[الحمدان]

منطق لسانك يگشف السر للناس
عن تربيتك وساس جدك ومعدنك

لو گان للطيّب علامہ على الراس
ماقيل من لا يعرفك ..مايثمنك

......

[الحمدان]

في كل خمسه ايام خمسه بيانات
وكل خمسه ايام خمسين ضربه

تتكلم الدانات قبل الادانات
ياللي تقولوا مســرحيه وكذبه

ولا سوانا من تحـدى الكيانات
ولاسوانا روس صمــا وصلبه

ما نأمن الا يـوم فك الامانات
ويوم تلصى النار في كل تبه

......

[الحمدان]

لو كانت الدنيا تْخَلّدْ لمخلوق
وجدت فيها سيد الخلق باقي

لا كنها دنيا بها الهم والعوق
ومن طبعها عقب التّلاقي فراقي

ولاكل مطرودن بها صار ملحوق
كم كدرت للناس حلوا المذاقي

والله جعل فيها مشاريه وحقوق
وكلٍ يبي ماقدمه له،،،،. إيلاقي

......

[الحمدان]

يا بيت يوم آقف وبالعين أراعيك
ما هُو طرب وإلاّ عََجَب في بناكا

بيتٍ قديم وْظاهِرك مثل خافِيْك
وْلا عاد باقي فالمباني سواكا

شدّوا هَلِك وْخلّوك وخلّوا ضواحيك
وذِي حالتك في صيفك وْفي شتاكا

حتى الفريق اللّي من أوّل حوالِيك
اليوم ما منهم حَدٍ في ثراكا

يا بيت يوم آقف وبالعين أراعيك
ما والله أدري إلا عيوني تباكا





أحمد بن عايش الميموني

[الحمدان]

يا بير طيّك طي وأعماقك أعماق
يعيش بك داب وْحمامه وعصفور

وْياكم وردك صدّرك ضين ونْياق
وياكم بَهج جمّك بعارين وصْدور

ويا مارطب نخلك تعسّل في الأرياق
وياما طحين أرضك تقسّم على الدور

وياما وِهْبتي جل وأفنيتي أدقاق
وياما هماجك حل في الخصب والبور



نايف صقر

[الحمدان]

الكيف يا بدر عفِت اليوم مَشْروبه
ما عاد به كيف لاِ مرٍّ ولا حالي

راحوا رجالٍ زمانٍ فات فازوا به
يومٍ رَمز المعاني نِجروِ دْلالي

يومٍ ناره بعون السّمر مَشبوُبه
والْبُن يقْلاه في المحماس رجّالي

ودَقّه بنجرٍ إالْيامنّه نِقر نوبه
سَيّر عليه القِصير بدون مرسالي

وْزَلّه بصفراء من الرّسْلان مربوبه
فنجالها كايفٍ ياوَي فنجالي


شبّاب بن فايح السيحاني

[الحمدان]

دستور يالساحل الغربي
فليت في بحرك شراعي

ياموج هون على قلبي
داعيه من شطكم داعي

اللي لها مبسمٍ عذبي
رعبوب وعيونها وساعي

مملحوه زادها ربي
لفتة ظبي يوم يراعي

لوماتهيت على دربي
لقنني بدربها ساعي

حنيتها من حمل ذنبي
لي مت وعيونها تراعي


الأمير خالد الفيصل

[الحمدان]

لاضاق صدرك وابتدى داخلك هم
وشح الزمان وصرت بالحيل مرتاب

وصار الملل في داخلك كنه اليمً
حتى عيونك للنظر صارت أغراب

ارفع يديك لكاشف الضر والغمً
ماخاب من وجًه له ايديه طلاب

الواحد اللي بالمخاليق يعلمً
هو الذي لاضقت يفتح لك ابواب

لامن عطا من غير كيف ٍ ولاكمً
ماشحًت ايدينه على مذنب ٍ تاب

يغفر ذنوب العبد لوهي تردمً
ويستر خفا ذنب ٍ على صاحبه عاب

والنفس للانسان تسقيه علقمً
ومن لانهى نفسه عن الشر ماصاب

كم واحد ٍ بأسباب نفسه تندمً
ماينفعه دمع ٍ على العين سكاب

ياقارئ الابيات تكفى . وقل تمً
خالف هوى نفسك ترى قدمك حساب

من قبل لا ترحل لقبر ٍ مظلّمً
تبقى وحيد ٍ ملتوي فوقك الداب

داب ٍ اذا ضمك ضلوعك تحطمً
ضمة ماهي ضمة قريبين واصحاب

في ساعة ٍ فيها القبر كله اعتمً
شي ٍ مخيف وكل من حولك اغراب

يالآدمي بادر على الخير واغنمً
اغنم حياتك قبل تفريق الاحباب

ترى الحياة اللي بها موت ٍ وغمً
واجل ٍ بها لو طال محدود بكتاب

واللي خلق ياناس بعروقنا دمً
هذي حياة ٍ مابها غير الاتعاب


محمد القحطاني

[الحمدان]

انا الذي لاضاق صدري من الناس
اشكي همومي لخالق الناس كله

أتعوذه من كل شيطان خناس
وارجيه يبري كل همٍ وعله

وانا الذي لا من غدى الحال منحاس
رجيت ربي يصبح الحال فله

ياشاكيٍ همك الى الناس من باس
ماكل همٍ هالخلايق تحله

بعض البشر يزود اتعاسك اتعاس
شخصٍ يزُود الهم ياصاح خله

نفسي عزيزه ولا نحنى دوم هالراس
الا لربه يوم كبّر وصله

اسطر حروفي على أوراق قرطاس
من ضيقةٍ في وسط قلبي محله

ولا شكي لغير اللي خلق كل هالناس
الواحد اللي فوق خلقه تعَلّه


محمد الدخيل

[الحمدان]

لا ضاق صدري نحرت بلاد جداني
يا زين ديرة هلي واللي سكن فيها

لا جيتها زال همي وكل الاحزاني
خص ليا شفتها وطبيت أراضيها

يا عكل احبك ولاجلك دوم ولهاني
ياديرة وسط قلبي دوم هاويها

يا مسقط الرأس قلبي فيك حيراني
يا ما حلا ديرتي لا حل طاريها

لا أقبلت وشفت النخيل يهز وجداني
ذكرت عصر الجدود وعصر ماضيها

وذكرت أبوي وخوالي وكل عماني
بوسط النقيب وسوابيط حواليها

يا ما لقوا من متاعب ذيك الازماني
اللي بها الجوع وفيها صبر أهاليها

واليوم راحت ولا به غير جدراني
وأفعالهم باقية ولا أحد بناسيها

يالله عساهم بجنات وريضاني
والكل يشرب من أنهار بواديها


محمد بن عبد العزيز الخنيفر

[الحمدان]

‏من عادة الوقت لامن خاب يوجعنا
‏ومن عادة الصمت يحكي كل مافينا

‏واصدق دروس الحياه اللي تعلمنا
‏دنيا قصيره .... تضحكنا وتبكينا

.......

[الحمدان]

وين الغلا بسئل سعــادة معاليگ
ليـش الهـوى يحتال ونته رضالك

قرب امانه لجـل ودّي اخالــٰيــگ
ليش الجمال اليوم وحده جمالك

ليش الحلا دايم سهومه تباريــگ
شكل الحلا شكل الحلا من عيالك

.......

[الحمدان]

إياك تثقل على اللي حافظاً عهدك
وياك تعمي عيوني وانت راعيها

من كثر ماكتب من الأشعار من قدك
ماحلى القصائد بعينك يوم اغنيها

....

[الحمدان]

‏ارضيك لو ارضاك صعب المنالي
لو مستحيل ارضاك لابد نرضيك

لك عندنا قدرنٍ رفيعٍ وعالي
نبيع ما تملك يدانا و نشريك

غالي وتبقى دايم الدوم غالي
في قلب من قلبه يحبك ويغليك

.....

[الحمدان]

‏في وسط عيني لك غلا لو تشوفه
ادركت انك داخلي نبض وانفاس

يامن سكن كلي وقلبي وجوفه
انت الذهب يانور عيني مع الماس

قربك امان القلب والشوق كيفه
واغلى البشر واللي عرفنا من الناس

......

[الحمدان]

أحدن على كثر الصبر مآلقى شي
واحدن وهو مرتآح زانت أموره

أحدن يموت وموتته توجع الحي
واحدن غيآبه مثل حزة حضوره

.....

[الحمدان]

فلت شعرها واقبل الحسن يختال
عنقا جدايلها الهبوب انثرتها

إليا جلست غطى جسدها تقل شال
وإليا وقفت قام يتثنى تحتها

.....

[الحمدان]

العمر مع كل اختلاف الاسامي
‏يخطف من الانسان حتى اهتمامه

‏كنت احسبنه وقت واثره حرامي
‏ما كنت اظنه يسرق الابتسامه

‏
عبدالله حنيف

[الحمدان]

يا نفسي ترا الدنيا عقايب وهجمة خيل
‏من المغريات ولذة المعصيه توبي

‏انا والهموم الجايحه بين حط وشيل
‏الد النظر عنها وهي تلفت صوبي

‏افكار البنادم عند نفسه ضعيفة حيل
‏يا ساتر عيوب المسلمين استر عيوبي

......

[الحمدان]

‏ياملاك الحسن ياذات القوام الناهي
‏تفتحين آفاق للشاعر وهو ما فكّر

‏بالشفايا والعيون وكل . . شيٍ راهي
‏وخدك اللي من شعاعه كل طيرٍ وكّر

‏ومن تحت عنق الغزال ولبّك المتباهي
‏النهد كنه يوايق .. والزرار مسكّر

‏الاطباء مانعينك تشربين الشااهي
‏اشربي قهوتك مره دام ريقك سكّر

.......

[الحمدان]

‏فاقد الشي لايعطيه ماهي صحيحه
‏هذا أنا فاقده واعطي ولا أحد عطاني
‏بندر الدويش

‏كذب من يقول إن فاقد الشي ما يعطيه
‏وأنا اعطيك ضحك ٍ لي سنه يوم فارقته
‏علي ال صبيح

[الحمدان]

‏رغم الشقاء رغم التعب والمعانات
‏وطول السنين وغيبتك ما نسيتك

‏حتى ولو سجيّت في بعض الاوقات
‏ما فيه يوم من ( الدعاء ) الا نويتك

‏جيتك ودمعي حار وافكاري شتات
‏واقفيت عنك وصاح قلبي وجيتك

‏وشلون اقفّي وابتعد عنك بالذات
‏وانا ليا من ضاق صدري نصيتك

.......

[الحمدان]

‏مشكلة عقلي نبيه ومشكلة قلبي سروح
‏وبين هذا وبين ذاك آتوه وآجن واعتمي

‏آه من طيش الهيام ونزوة القلب اللحوح
‏اكسروني كسرة الابيات بلسان اعجمي

‏السؤال اللي سلب لُب الإجابة: وين اروح؟
‏وغربتي غربة مشاعر بس لقلبك تنتمي

......

[الحمدان]

‏يابو ضحكةٍ ماتعترف في وطن وحدود
‏تمر القلوب الصادقه .. دون تأشيره
‏
‏وانا واحدٍ قلبه نظيفٍ وعِرفه زود
‏مهو ب لاحقك شرّه إذا ما الحقك خيره
‏
‏يشوف السنين اللي معك هي عمر و وجود
‏وباقي السنين اللي بليّاك تقزيرره
‏
‏جعل وجهك أبيض من كثر ما يديك تْجود
‏يا ويش الشعور اللي معي منك تأثيره

.......

[الحمدان]

‏ليت الليالي علمتني بالاقدار
‏كان ابتعدت وزال عني خطرها

‏واثر الليالي ماتبين بالاسرار
‏تضحك لنا ساعه وتبدي كدرها

......

[الحمدان]

يمكن أبشع صفة فيني الزعل والعناد
‏وأملك أسلوب قاسي بس ما اجرح أحد

‏منطقية حياتي ماتعرف الحياد
‏غصب عني أكابد بالعمر وأجتهد

‏والمفارق مايعني بأن قلبي جماد
‏العلاقات رزق إن ماصلحت ابتعد

‏الحشيمه بتبقى لو يروح الوداد
‏بحفظ العشره بقلبي وأصون العهد

.......

[الحمدان]

لا تفتح أبوابْ ما تقدر تسكّرها
دامك على قدّ حالك خلك بحالك

ولا تكسر قلوبْ منْت بكفو تجبرها
في ما بها خلّها… وخلك على فالك

المرجلة ما تبي من لا يقدرها
مقصودها وقفتك ماهو كثر مالك

.......

[الحمدان]

‏حمدتك على خير وحمدتك على مكروه
‏وسبحانك اللي لا ألتجى عبدك، أنصفته

‏أجي لك بوجهٍ ساير الناس ما شافوه
‏على شان وجهٍ ساير الناس عارفته

.......

[الحمدان]

مخافة الخالق معزه ونوماس
‏ومكارم اخلاق ونقاوه و مله

‏ومخافة العالم نقيصه ووسواس
‏و دناءة اخلاق و جهاله و ذله

‏النار والجنه هي ادق مقياس
‏على مراحل عمر الانسان كله

‏احزن على فئة كثيره من الناس
‏خافت من الناس وماخافت من الله

.......

[الحمدان]

ياصاحبي وش بك علينا تغيرت
حتى الرسايل من طرفكم قليله

مدري الزمن غيرك ولا تكبرت
ولا الزمن نساك ذكرى جميله

.......

[الحمدان]

‏صرنا نراقب بعضنا من بعيد لـ بعيد
هو يحتري جيتي و أنا أحتري جيته

هذي حياة العنيد إليا عشق له عنيد
كلن جلس ينتظر حسب مزاجيته

.......

[الحمدان]

قال المثل من يجهل الصقر يشويه
ومن عرف قد ر الأسد ما يصيده

من داس في رجله على النار تكويه
يتحمل اوجاع الجروح الصديده

وإنسان ما يقطع به العيش ما ابيه
لو كان أقرب شخص لي ما أريده

و الصاحب الي ما يغير مباديه
باعطيه من فيض احترامي وازيده

و الي مرض بالذل ما حد يداويه
لان الهلع والخوف داخل وريده

من كان يعرف قيمتك لا تعاديه
اوقف معه وقت الظروف الشديده

وانسان صاحب مصلحه لا تخاويه
حتى ولو يحلف بسوره مجيده

الصاحب الوافي يجي وقت تدعيه
ما تحجبه عنك مسافه بعيده

و الورد يتقطف على يد ساقيه
لا اغراه محبوبه بجمله مفيده

كثر الثقه بالشخص أحيانتعميه
لو شاف نفسه مفتخر في رصيده

احذرعدوك وان طلب عفو فاعفيه
هذه من اخلاق العقول الرشيده

وانسان ابو وجهين لما تلاقيه
قله تعرفنا وفرصه سعيده

.......

[الحمدان]

‏على كثر ما أشُوف انِّ يدينك تشح دواي
‏أجيك الحزين اللى من الهجر مستدرك
‏
‏مع إنِّ الزمان في كل ليله يجيب أقصِاي
‏لكنّي ما اعرف اهين قدري ولا قدرك
‏
‏لو تغيب يكفي شوف طيفك على يمناي
‏ترى لِك بصدري شيءٍ ماهوب في صدرك

......

[الحمدان]

‏زهدت بكل لحظه كنت اغنيها على الشباك
‏بعد شفت الجفا رجفة هبوبه ترهق عظامي
‏
‏سَلك دربك بعد لحظة وداعك من خفيف خطاك
‏وانا دربي عن الممشى بدونك يثقل اقدامي
‏
‏قديم الحب ضحكه في عيوني ما ابرقت لولاك
‏احبك يوم انا لاقلت احبك هانت آلامي

‏تساهلت الجروح وكل لحظه موجعه تفداك
‏الين ايست من صبري عليك وكثرت اوهامي
‏
‏تعال ألقاك عن طاري نهايتنا تعال ألقاك
‏رغم ياسي تنفست العطور وزان هندامي

‏واذا جيت لوعدنا موّت احساسك عشان انساك
‏ قديم ايامك الحلوه تزعلني على ايامي

.......

[الحمدان]

من عذاب الشوق يا ربّي طلبتك نَجّه
‏لا تعوّر قلبه بفرقاي لـو خلّاني ..

‏الطرق واجد بدوني .. والبدايل فَجّه
‏حتى لو ما من شبيه لضحكتي ولساني

‏ولّا انا وجهي معه من وين ماهو وجّه
‏لو يبي يلقاني بجنبه .. يبي يلقاني

.......

[الحمدان]

كل سنين الهوى والحبّ والذكريات
‏في قلب عيّا يعاف وخاطرٍ ما سلا

‏أهديلك من العمر وأسبرلك الشاردات
‏وأفرش لك الأرض تقدير وغرام وغلا

‏وأرخص لك الشعر والأيام والأمنيات
‏وأجدّد البيعة لقلبك وأعيد الولا

‏حبّيتك وصرت أشوف أن المحبة حياة
‏ونطقت أحبَّك علانيَّة وأمام الملا

.......

[الحمدان]

‏بابٍ طرقته كثير وماانفتح خلّه
‏تلقى لك ابواب مفتوحة ومبلولة

‏اختار لك غيم ما تشفق على بلّه
‏تنسى الظما من كثر ما مرّك هطوله

‏واختار لك حلم ما تغفى تحت ظلّه
‏لو يذبل النور، سال النور بـ سهوله

‏ما يكفي الحُب لو ما عشت به كلّه
‏وما يكفي العمر للي ضاع بـ فصوله

.......

[الحمدان]

يا مرحـبا بإنسـان أحـبه وأداريـه
بإحساس يتـفـجر إذا مــر طـرياه

وإن كان لجلك باقي العمر بقضيه
وأنا انتظـر إللي هـويـته وأبـغـاه

ولو كان كل من يدخل القلب يغريـه
ما كانت عـيوني وروحي تـمـنـاه

بعدك سقم والقرب للجسم يشفيه
وأنته هــدف مـبعـد عـلـيا بـمـرمـاه

الوصل يلحـم قلب والهجر يفريـه
لولاه ما بنشد على العشق والله

.......

[الحمدان]

‏من عف كف ومن تألم تعّلم
‏ومن عاش بالواقع ما تغريه الأحلام
‏
‏ما يندم الساكت كثر ما تكلم
‏ولا يامن العاقل صواديف الأيام
‏.......
‏

[الحمدان]

‏اساير الحظ والا اساير احلامي
الحظ مكتوف والاحلام مكتوفه

احيان باب الفرج ينسد قدامي
واحيان يفتح بوجهي بس مااشوفه

......

[الحمدان]

‏يا عنفـوان الصباح المشرق الباهي
طلــــي علينا وضـــوي نورنا منك

لاتنشغــل عننا وتكــــون متلاهي
والله مالـي بطاقــه ابتعـــد عنك

كيف اقدر ابعد وقلبي بالهوا تاهي
وانا في الحـب ماخيبت في ظنك

وافي معك دوم لاناسي ولاساهي
وانت ياخي عسى ما انحـرم منك

.......

[الحمدان]

ذي عشـر ذي الحجه بها فضـلٍ عظيم
فـيـهـا رضى الله والسـعـاده والـثـواب

من يغـتـنـمـهــا فـاز بالخـير الـعمـيم
يا حظ من فيها اجتهد واخلص واصاب

يـالله يـالـمـعــبــود يـالـرب الـكـريـم
تقبل عمل عبـدٍ لك اذعـن واسـتجـاب

.......

[الحمدان]

‏تغانموا كل نفحة جود من ربي
‏بـ نيّةٍ خالصه وبـ قلب متوجّه

‏من فاته إنه مع الحجاج ويلبّي
‏فلا تفوته ليالي عشر ذي الحجة

.....

[الحمدان]

‏يتوه فيك النظر و لا اقدر ارده
‏في طرفك الناعس وفي خصرك الناحل

‏اللي خذا منك الالهام من قده
‏انتي محاسن قصيد الشاعر الراحل

‏الحب مثل البحر في جزره ومده
‏وانا غريقك من الهامة إلى الكاحل

‏غريق ولا لقوه الا بعد مده
‏ميت بعد مارماه الموج فالساحل

.......

[الحمدان]

‏يا راعـــي الـورد وينــــك ماتواصلني
هــو خلّـص الـورد ولا يبســت أوراقه

لا تحـرم القلــب حكاينــي وجاملني
مادام قلبـــي هداكــم باقـــة أشواقه

أرسل غرامـي واشوفـك ماتراسلني
وأعطيـك قلبــي وزدت اليوم بحراقه

بطـــل غـــرورك وبطــــل لا تغافلني
الحـب ماهو مواسـم داخـل أسواقه


.......

[الحمدان]

‏تدري وايش اللي يجعل الصف خارب
لو صـــار بين القوم بانـــي وهـــدام

وتدري واش اللي يجعل الـراي صايب
الـــراي لـو قالــوه شــجعان وكــرام

وعند العـــرب ما ديرة الا بشـــايب
و لا هيـــبة الا لو في القوم مقـــدام

‎......

[الحمدان]

تخطي علي وتقول وشفيك زعلان
زعلان من غلطاتك المستمره

مماهو صحيح اني ع طول غلطان
اخطيت فعلا لكن اخطيت مره

عشان ما نخسر بعض اشره احيان
ما هو ... بلازم كل يوم ، اتشره

من تسعة وعشرين مايو إلى الآن
وأنا بـ حالة ما هي بـ مستقرة

لا حالتي زانت ولا خاطري زان
ياني بحاجة لـ الفرح والمسرة

ظلمت لك قلب مليء طهر وإيمان
ما يحمل من الحقد مقدار ذرة

يا محترم ترى أبسط حقوق الإنسان
اذا : ما تقدر .. تنفعه لا تضره


فهد بن شويمي

[الحمدان]

شابت بنا الدنيا والايام شابت
والعالم الله كيف حضي معاها

ياما حلمنا بالسعادة وغابت
وشمس الاماني غايبة من سماها

أخفي ألم صدري والاشجان ذابت
والنار تكوي خافقي من لضاها

حتى الرفاق اللي بها الظن خابت
ونقصت في خافقي مستواها

كم ناس في وقت المزاح استجابت
لا وقت ماتحتاجها ما تراها

لا طابت الدنيا ولا الناس طابت
كتبت هذا القافية في عزاها

مشكور يادنيا اوعدتني وعابت
راحت وراح اجمل سنيني معاها

......

[الحمدان]

تضيق بنا الدنيا من كثر الجراح
‏ونقول عسى الايام تغير خطاها

‏وكل ما قلنا عسى القلب يرتاح
‏عادت لنا الاحزان من مبتداها

.......

[الحمدان]

‏اصعـب شعــور انك تصارع حياتك
واقرب قراب الناس ماهمهم فيك
تعيـش وحدك في المواجع بذاتك
وحولك كثير ولا تجد من يواسيك

تجيك كم صدمـات تنهـك قواتك
ويرميك حظك بالشقا والمهاليك

ولا تلاقــي حـــد يجمــع شتاتك
حتى الذي تتعــب عشانه يخليك



.......

[الحمدان]

‏اصـد عن بعض الخطا والتفاهات
اللي تضـيّع وقت من خاض فيها

ودك ترتب قائمــه للعلاقات
وتحط مجموعه ما يشره عليها

.....

[الحمدان]

تعال خل القلوب تبوح خافيها
ترا المفارق عذاب وحيّة رقطا

بكره ليا جرّت الفرقا خطاويها
وش فايدة طقة الابهام بالوسطى

عطيتك اوّل طموحاتي وتاليها
وقلب ٍ ليا هام في بحر الغرام ابطى

ماباقي الا الكرامه مقدر اعطيها
كرامة النفس لا توخذ ولا تعطى

.......

[الحمدان]

يادوب لاح الفرح والخير قدامي
تعبت من دورة الدنيا ومشاكلها

بعض التفاصيل تبغى حرً قطامي
يقنص فرصها ويذبحها وياكلها

.......

[الحمدان]

‏مامشيت الا وانا عايف وعندي يقين
‏القلوب ان ذاقت الغبن ماهيب لاينه
‏
‏رحت لا مكسور خاطر ولاشكلي حزين
‏وحافظً قلبي من العابثين وصاينه

.....

[الحمدان]

تسامحوا ياناس عن كل مافات
حتى لرب البيت يرفع عملكم

ياهل المعزه و الوفا والمروات
مافيه داعي لا يَطَوّلْ زعلكم

لا تسْمعون اقوال حاسد وشمّات
وترى االتّقاطع يعتبر من جهلكم

شيطانكم هوصاحب الشر بالذات
وان طعتم الشيطان دربه خذلكم

.......

[الحمدان]

‏يمّه .. على سمْح الليالي كبرنا
‏والجار كانت خشرته عيش وثياب

‏ما عاد يلحقنا القمر في سفرنا
‏والغيم لا يبكي ولا يمطر أحباب

‏والريح لا قامت تصلّي بشجرنا
‏ما فززّت ليل النواعس والأبواب

‏والدمعة اللي سيّرت في سهرنا
‏اليوم يمّه حثربت بين الأهداب

.......

[الحمدان]

فيني مكابر غناوي و انعزالة فقير
و فيني عواجة مصلفق و استقامة سوي

انقد على اللي من الفرحه يخب و يطير
و اضحك لا شفت النجوم الساميات تهوي

ما اطرّي الا الانافه و القصيد المثير
و الا انكساري و ضعفي مالها مطروي

ضرايب الحزن و العزله و صوت الضمير
اما دموعٍ قويّه او قصيدٍ قوي

.......

[الحمدان]

‏ما للنشايب غير فكاك الأنشاب
‏برقع ( قرانيسك ) و نوّخ ركايبـك
‏
‏حول عن الطاره و خلك على الباب
‏جا راعي المركاض يا راعي الدبك
‏
‏أنا صريح و ذا بلا أبوك يا عقاب
‏ناسبك وضعي عاد ، و إلا ما ناسبك
‏
‏جاين تبي تطلق بـ وقفتك الأرقاب
‏و وقفتك ما تطلق طليّين من شبك


‏عبدالرحمن بن جزا

[الحمدان]

حادي الصمت ماعندي لصمتي بديل
وأنت ليله تغافلها الجفا مادرت

وين أوديك ياهمٍ بقلبي ثقيل ؟
جعل تسري بك الليله ليا من سرت

أيه خايف على دمعة عيوني تسيل
ماقدرت أتجاهلها وهي ما أقدرت

كانت أصعب على نفسي من المستحيل
لين سالت على شان الغلا وأعبرت

عزتي تطلب الفرقا بيوم الرحيل
لو جروحي على طول العمر مابرت

جيت عابر سبيل ورحت عابر سبيل
والمحبه ربت في داخلي وأكبرت

أنت ياللي ليا مالت جروحك تميل
الليالي خذت مني وماقصرّت !

لا تسولف ترا ليل المفارق طويل
كل كلمه على بالك فبالي طرت

شوف عيني وتلقى للمحبه دليل
مير نفسي لتقليب المواجع ضرت

طوّل الصمت وأربكت الشعور الجميل
قلت أببعد مدام أن الجروح أكثرت

خل دمعك يسولف للموادع ويسيل
ولا أنا دمعتي طاحت وهي مادرت

.......

[الحمدان]

‏أحسب أني يوم أعدي على الضلع المنيف
‏قلبي بـ يبرى صوابه و تركد ونّته

‏واقف مثل المعزّب على باب المضيف
‏بيت شعر كل ما قلت بنسى غنّته

‏علموها لاتسامر ببعدي كل طيف
‏في رجا ليل رسمته و صبح ظنّته

‏مابقى لـ أنصاف الاحلام في صدري مصيف
‏صدري أنهكته دروب الحياة و عنّته

‏يوم عاد البال ممطور و الخاطر مريف
‏قلت ما تبديه عيني و نفسي كنّته

‏الليالي وقعها في النشاما وقع سيف
‏و البشاير في هماليلها متعنّته

‏القوي يضحك على طيحة دموع الضعيف
‏و البشر من طاح بيدينها ما حنّته

‏لو تعلمنا نصايح بركات الشريف
‏ كان مندوب المحاكم قصرنا منّته

‏واهني اللي توفّى على الدين الحنيف
‏ما بعد خالف نبيه و بدل سنّته

‏جعلني لا جيت في بيته المعمور ضيف
‏أخسر الدنيا و أهلها و أفوز بجنّته

.......

[الحمدان]

أوضح مْن الحزين اللي سرى ليله
لا طوته المسافه والدجى ظافي

تعتعة صوتي اللي مالها حيله
أسحب الحرف كنّه قِيدٍ خلافي

لي سنه والحزن يحمس معاميله
فوق كبدي ولا قهويته بـ قافي

لين حن الصدر وأمسيت أهادي له
من بقايا الوهم عزيت ميقافي

لـ أتلع الجيد مات الصمت تأويله
وأنتخيت السهر يستنطق الخافي

شاعرك كانت أوراقه مناديله
ربّعت في ذرى طاريّك الدافي

لي معك: قلبي اللي من تعاليله
كن فيه الرعود تْصحي الغافي

أحفظه، لين راسي يحترق هيله
ويبرك الكبرياء خاذل له سْنافي

العمر: وجهك وضيّعته فـ ليله
كنت فيها نصير الحزن وأعرافي

أشتياقي نسى بـ أنك مداهيله
تكسره خيبته ماقدّر اللافي

أهزمي ميّس الراحه ونادي له
مثل مايهزم التعبان متشافي

وأرجعي لي تجاه أعشق تفاصيله
وأتبعك عَيّل أستبشر بـ ميلافي

مايموت الظلام إلا بْـ قناديله
بك يطيح التعب من نايف أكتافي

لا تخلين قلبي في غرابيله
أشرقي وأنطقي لفراقنا كافي

.......

[الحمدان]

عن ضيعة اللي ماله الا وقوفه
وأن طاح مايبكي، وإذا قام مابان

من يسند لـ راسي دماثة كتوفه
من المحبه أو من باب الإحسان

تملأ عظامي حاجتي للمروفه
ماني معرّض للبكاء مثلي الآن

اللي حسبت أني قوي يوم أطوفه
جردني من أبسط أحاسيس الإنسان

الا من إحساس الترقّب وخوفه
وْدموعه اللي مالها داعي أحيان

الخوف تحديدًا لا يمكن تشوفه
لكن له مخلب، وله عين، ولسان

ينهش ظنوني قبل يملي ظروفه
وْيدور الفرصه علي قدر الإمكان

وأن أضمر إحساس التربّص بـ جوفه
لا قلت له: كيف الهرب؟ قال: سيّان

مع أن لـ أحزاني وجيه مْعروفه
الا أن لي فتره في حالة تَوهان

يملاني إحساس البكاء لين أشوفه
وأن جيت ببكي كل داعي بكاء هان

ماكل حاجه هينّه ومْخلوفه
لكن القلب أن قسى جد ما لان

اللي حسبت أني قوي يوم أطوفه
جردني من أبسط أحاسيس الإنسان

.....

[الحمدان]

يانديمه جادت اللقيا سلام
يوم صبري في تناهيدي شَرق

عشت أنا لا طارت أسراب الحمام
في رجاء غيمهووبارق مابرق

كان قلبي في دهاليز الظلام
شاعر وغاوي تدَثره الأرق

وكانت أقلامي إذا كَبْر الملام
تشكي آثار الثماله للورق

وأكتبك وأعانق حدود الغمام
وأرتوي وأظماك وأهوى وأغرق

.......

[الحمدان]

حلّيت ليل وعشت متبعثر شعور
‏ماجيتني عادي ولا رحت عادي

‏تيْه الدروب أمرها ستة شهور
‏وأوجست بي غربة وطن في بلادي

‏ماعاد تاسعني من الضيقه صْدور
‏لو كنت أجر خْطاي في كل وادي

‏حبيبي الغايب سنا كل ديجور
‏في غيبتك دلّ الوهم جوف غادي

......

[الحمدان]

بتمرك الذكرى بِـ طارف لياليك
‏و تعلمك معنى القلوب العظيمة

‏لحظةٍ ما تدري تسعدك او تبكيك
‏بس الأكيد أن المشاعر أليمه

‏فرصة محبةٍ يوم ضاعت من يديك
‏الحين تسأل وينها دون قيّـمة

‏أصعب شعور أن تدعي الله ينسيك
‏من كنت تدعي يا عسى الله يديمه

......

[الحمدان]

‏ليا شانت وجيه الليالي و قلّ الراي
‏وخلايا الدماغ من التفاكير مضطربه
‏ً
‏عط الراي عمرك لا تشاور به الحكاي
‏لو ان الطواري سربةٍ من بعد سربه
‏ً
‏فلا تزتمل وتقول ماجت على مشهاي
‏فرجها ليا ضاعت على فارج الكربه
‏ً
‏ترى شرهة البندق على وقفة الرماي
‏مثل شرهة الفارس على زرقة الحربه

......

[الحمدان]

‏ادري انه يسمع الشعر وتجيه العلوم
‏ويدري انه من نصيبه قراه او ماقراه

‏ياحبيبي مابقى الا تضيق بي الهدوم
‏وانت عارف من حبيبك وعارف مستواه

‏كان عينك ترقد الليل عيني ماتنوم
‏لين يذّن مذّن الفجر وتقام الصلاه

‏كل يوم اقول ترجع وتغريك الرسوم
‏وانت مدري دون ظني معك ولا وراه

.......

[الحمدان]

الا يالزمان المقبل إقبل علي بزين
أنا سايلك بالله لا تلحق على الباقي

أنا من قبل يومين وأكثر إلين الحين
لا عينّت لي مخرج ولا زانت أخلاقي

غدا كل شيء فـ العين ماعاد يملا عين
ولا عاد والله عندي في لحية أرزاقي

أدوّر شتات أوراق ضاعت قبل عامين
وأنا يالله ألقاني قبل أدور أوراقي

خريطة حياتي وقفتني على سيدين
تحيّرت كن القيد فـ يدي وفي ساقي

أنا عارف أن الصمت إبن سته وستين
ما أعده من أعدائي ولا ضمن عشاقي

لكن حالفٍ بالله ثلاث وقطعت يْمين
ما أعوّد على دربٍ نثر صافي أحداقي

أنا مامعي وجهين ولا ألعب على الحبلين
واذا جيت أعاتب شخص أعاتبه بفراقي

أغيب بهداوّه .. لين حتى الامور تزين
مع كامل الحب ومع خالص أشواقي

اذا الله كتب نرجع سوا زينٍ على زين
واذا عادك بتبقى كذا كمّل الباقي

.......

[الحمدان]

يارقبة غزيّلٍ غِرّ ياحَقْو الفهَد
فيك من صبحك بياضٍ ومن ليلك سواد

ياغضيض الطَّرف ابو حرفْ ياغضّ النهِد
يا جمالٍ ما ذكر في البلاد وفي العباد

من يشوفك عن حسن غيركم صدّ وزهد
وكل من مرّك تمرّه ذعاذيع البراد

لو لمح زينك رضيعٍ تكلّم في المهد
ويتحرّك لو يشوفك حصا الارض الجماد

ولو يشوفك فرخ طيرٍ بلا ريش استهدّ
يا جمالٍ ينقلب منه حرف السين صاد

"عشت في فرقاك عِيْش الشِّريد المضطهد
لين صار الهم* مني على راس الشَّداد

آه من قصر الأيادي* ومن* قلّ* الجهَد
وآه من كذب الأماني ومن بعد المراد

بين من يرعى نياقه ومن يرعى القهَد
قمت اقصّ جْريرتك من* بلاد* اليا* بلاد

يا كثر ما سقت عشواي واشتلت الوهَد
من وراك وقدت خيلٍ* تِقْاد* بلا* قِيْاد".

"وش ينوبك من عيونٍ تعرمشها السهَد
وش ينوبك لا تطاير من العين الرَّقاد

ومن عنا راعي فؤادٍ* تعذَب* وانلهَد
امسي فْوادي معي واصبح* بليّا* فؤاد

في شتا ليلٍ* خلا* برْد* وامطار* ورهَد
زدتني فوق الغبينه* غبن* والهم* زاد

كان ما ربُّوك ربعك على حفظ العهَد
ابذل الوصل صْدِقه تنفعك يوم المعاد

يا قراح الماء البويرد* ويا طعم الشَّهد
لا متى وعروق قلبي عليكم في حداد".

ناصر الفراعنه

[الحمدان]

يا مرحبا يوم جيتي يا شبيه القمر
‏يا منوة العاشقين وعزوة أخوانها
‏
‏يا درة ما تحصل وسط جوف البحر
‏ويا المهره اللي وهبني ربي عنانها
‏
‏ماختارت من العيون إلا عيون الصقر
‏يوم إن ربي عطاها زين حجانها
‏
‏مرات أقول إني بحاجة لشمس الظهر
‏وإن أقبلت قال قلبي عانها عانها

‏ومرات أقول إني بـ حاجة لـ ليل السهر
‏وتحط لي من جدايلها على أمتانها
‏
‏يا شارب الخمر لا داعي لـ شرب الخمر
‏ما الخمر إلا شذى من ورد بستانها
‏
‏شفني قعدت أتفلسف في فنون الشعر
‏وأنا سعدها ومدغمها وضيدانها

كذبتها يوم قالت والله إني بشر
‏أصدّق الشوف ولا أصدق أديانها
‏
‏أول ضحايا هواها في سنين العمر
‏تذابحوا عند أبوها .. عيال عمانها

.......

[الحمدان]

‏اضحك ترا الدنيا لها ايام وتروح
لاتشيل هم الوقت من فوق راسك

ومن زعلك قل له تراك انت مسموح
سَامح مادام ان العفو من صفاتك

....

[الحمدان]

‌‎نمشي تغاريب ونمشي تشاريق
نسعي ورا اللقمة ندور هناها

الرزق مايأتيك مع فكة الريق
أسباب والأسباب حثو خطاها

......

[الحمدان]

عليك بالتقوى ترى العز بالدين
ولا فيه شيٍ ينْفعك غير دينك

ََالموت ماخلى ملوك وسلاطين
ولابد من يومٍ تشوفه بعينك

لو كان تملك في رصيدك ملايين
غير العمل مافيه شيٍ يعينك

وان كان تبغى لك معزه وتمكين
لا تّتْبعْ الشيطان دربه يهينك

.......

[الحمدان]

‏البخل في عين البخيلين إقتصاد
والضعف حكمه في عيون الأجودي

وأسهل عمل للفاشلين الإنتقاد
كلن يسب أهل الردى حتى الردي

حتى الجبان يصير طارق بن زياد
إذا جلس على البساط الأحمدي

....

[الحمدان]

‏اليا بليت بكلمتن مالها علاج
عوجا وجاتك من عوّج صد عنها

دور لها يامحكم الشور مخراج
ولا تنشد اللي جابها عن ثمنها

ما انته مكلف بين ناقل وهراج
ارفع مقامك يابيض الوجه عنها

....

[الحمدان]

‏صف النوايا واذكر الله ترتاح
واللي تشوفه قابله بأبتسامه

وخلك وسيع الصدر طيب ومزاح
ترا الزمن مايستحق الملامة

....

[الحمدان]

‏لاتنخدع في بعض الأبيات والبوح
مرات كل اللي نقوله خيالـي

نكتب فرح والقلب مرات مجروح
ونكتب حزن مرات والبال خالي

....

[الحمدان]

اسهـل مفـاتيح الـقلـوب ابتسامـه
واترك عيوب الناس وتموت راضي

والصمت في بعض المواقف كرامه
وقد قيل ثلثين السعـاده تغاضي

.....

[الحمدان]

أنت العمر لاجيت والموت لارحت
وإنت الضيا للعين يانور عيني

أشتاق في لقياك وأشتاق لاغبت
وأشتاق لو ضمت يمينك يميني

إنت القمر لانمت والشمس لاقمت
وإنت الشفا من كل هم يجيني

......

[الحمدان]

‏صبرك علـى نفسك وصبرك عل النـاس
يعطيـك عـن بعـض الـمشـاكل منـاعـه
.
لا تـأيـد المـخطـي ولا تحـنـي الـرأس
والصبـر فـي بعض المـواقـف شجاعـه

....

[الحمدان]

‏لابد ما نفرح ولو صابنا الياس
ولابد ما نرتـاح عُقب المأسي

ولابد مانضحك بقوه للاتعاس
ولابد نتبسم لكل إنتكاسي

ولابد نتجاوز وجعنا والاحساس
ولابد ننعــم بالشعـور الحماسي

ولابد مانسرح ونمرح مع الناس
ولابد ما نسعَد لاخر قياسي

.......

[الحمدان]

‏يا صديقي خذ من الدنيا وجوه أربع
السعد والحزن والحرمان والنعمة

والدهر غدّار فاحذر من أمور أربع
الكبر والكذب والعصيان والعظمة

فالحال قد زاد فوق المنغصات أربع
الجور والحقد والبغضاء والظلمة

فيا إبن آدم تمهّل واستعن بأربع
بالله والصبر والإيمان والحكمة

وإن رمت راحة ضميرك فارتضي بأربع
بالرزق والحق والمكتوب والقسمة

وعامل الله تأمن من مصير أربع
السخط والبطش والحرمان والنقمة

.....

[الحمدان]

اذا ابتـلاك الله بـأمـر و تأذيـت
اصبر وربي يغفر الجهل والعمد

يا شينها لا قلت انا ويش سويت
ويا زينها لا قلت ربي لك الحمد

......

[الحمدان]

‏أبتسـم للنـاس وأضحـك للحيـاه
ولو تضيق اليوم قل بكره تزين

أعــرف أن اللـه وحـده لا سـواه
قـادر إنـه يبهج الصـدر الحزين
......

[الحمدان]

‏خلك كريم الفعل والطيب والجاه
‏و اسلك طريق النعم بالطول والعرض

‏ضعيّف الوقفه يمن بـ عطاياه
‏والا ترى الطيّب يشوف الكرم فرض

‏الغيم لا منّه عطى الارض من ماه
‏ماينتظر رد العطايا من الارض

.....

[الحمدان]

انـا احبـك ياهوى البـال ، واغليـك
وان غبت عني يالغـلا ضاق صدري

قلبـي يحبـك لـو دروبـك تهاليـك
وش حيلتي لا صرت مغرور تـدري

انت الوحيد اللي احبك واداريـك
انت الحيـاه يانبض قلبي وعمري

امـر تدلل يالغـلا " عند غاليك "
قلبي يحبك يالغـلا وانت تدري

.....

[الحمدان]

يا جميله كان للعمر فرصه ما تعاد
الليالي كيف ترحم قلوب الصّابرين

إن نشدك الوقت عني تراني فالمراد
قولي إنه ما تعدا سلّوم الأولين

ما شكى من قل مشرب ولا من قل زاد
إلا من قل المواصل ومن كثر الحنين

.....

[الحمدان]

صبرك على جمرة معاديك منقود
وصبرك على جمرة قريبك شجاعه

لو هي على قول العرب علة كبود
اهون ولا نار الجفى . . والقطاعه

....

[الحمدان]

من نصائح "بندر بن سرور" الشعريّة
المخلدة بالذاكرة :
يا بنت عيـفي واحــدٍ مايصلي
تارك عمــود الدين مــالك وماله

[الحمدان]

على البال ياللي كل ما مرني طاريك
بدت كل تنهيده .. تمارس هوايتها

انا لو ينسيك الزمن ماني بناسيك
محبتك قصّة ما اقدر اكتب نهايتها

لو الوقت يرجع قبل اعرفك وقبل اجيك
وقبل الهقاوي تنثني دون غايتها

بأروح انتظر فأول مكان ٍ جمعني فيك
وبأعيد تجربتي معك من بدايتها

.....

[الحمدان]

لا تغرك ظنون الطيب فـ اول مواجه
المقادير تفجع والهقاوي غشيشه

يوم للخيل في سوق المنايا عجاجه
مايسرّ اشجع الشجعان سرج الكديشه

ينقل الحمل هرشٍ في رقبته عواجه
وابرق الريش ماردّه من الموت ريشه

خل قلبك جسور وواجه اللي تواجه
مامع الذل عز ومامع الذل عيشه

.....

[الحمدان]

ساحر*وفاتن*زين*وفوقگ* لثامه
فكيف*لا شلت اللثام* في يدك شيل

تطل*مثل*النجم**خلف*الغمامه
من هيبتگ والحسن* ينهد بي الحيل

لبسمتگ*باعماق**قلبي*** ابتسامه
لا*شفتها*يصبح*نهار* عندي*الليل

ريقگ*عسل يشفي*لقلبي* سقامه
حالي كما*القهوه**وزايد*به** الهيل

وصوتگ*كما*تغريد*طير الحمامه
وفي*جبينگ*ضي*شمعه** وقنديل

روعة* وذوق يابن*السمو* والفخامه
من فرقتگ سالت دموعي كما السيل

ارجوك*جاوبني*وقلي*علامه
هذا*الدلع**والغنج والصد والميل

وانا*الذي لك* ذل* وارخئ* زمامه
وقبَّلك*بالحرف*والشعر تقبيل

....

[الحمدان]

ساحر وفاتن زين وفوقك لثامه
فكيف لا شلت اللثام في يدك شيل

تطل مثل النجم خلف الغمامه
من هيبتگ والحسن ينهد بي الحيل

لبسمتگ باعماق قلبي ابتسامه
لاشفتها يصبح نهار عندي الليل

ريقگ عسل يشفي لقلبي سقامه
حالي كما القهوه وزايد به الهيل

وصوتگ كما تغريد طير الحمامه
وفي جبينگ ضي شمعه وقنديل

روعة وذوق يابن السمو والفخامه
من فرقتگ سالت دموعي كما السيل

ارجوك جاوبني وقلي علامه
هذا الدلع والغنج والصد والميل

وانا الذي لك ذل وارخئ زمامه
وقبَّلك بالحرف والشعر تقبيل

.....

[الحمدان]

مغنيتني عزة النفس عن كل معثور
‏وعن مكان مايليق بـ مقامي يوم اجيه

‏لا اعتلى صوت النفاق وصدح صوت الفجور
‏وبتدا ضحك المنافق وتطبيل السفيه

‏صد قلبي صدة الطيب الي مايبور
‏لين بار الوقت في سعيه وبارو ذويه

‏ومكتفي عن مجلس مهرج ونقال زور
‏برفقت اهل العرف والراي والعرض النزيه

......

[الحمدان]

لاتســـــمع الي قال واللي يقولون
بعض البشر ماهمـــهم غير قالــــو

ولا تميل لو شفت الخلايق يميلون
خليك جبل في ضــلك الناس مالؤ

......

[الحمدان]

‏يا صوتك الي عليه الروح ملهوفه
ان جابه الخط له شكري و تقديري

انا فدا وجهك اللي كل ما اشوفه
اقول لـ ضيق روح دور على غيري

......

[الحمدان]

‏ﻟﻴﺖ ﺍﻟﻮﻓﺎ ﺳﻠﻌﻪ ﻟﻬﺎ ﺍﻟﻨـــﺎﺱ ﺗﺸــــﺮﻱ
ﻛﺎﻥ ﺍﺷﺘﺮﻱ ﺑﻌﺾ ﺍﻟﻮﻓﺎ ﻭاﻣﻨﺢ ﺍﻟﻨﺎﺱ

ﺑﺲ ﺍﻟﻮﻓﺎ ﻓﻄــــﺮﻩ ﻣـــﻊ ﺍﻟــﺪﻡ ﺗﺠﺮﻱ
ﻣﺎﻫﻲ ﺻﻨﺎﻋﻪ ﺑﺎﻟﺨﻮﺍﻃﺮ ﻭﺍﻼﺣﺴــﺎﺱ

.......

[الحمدان]

يالآدمي مـا دمـت فـي صحـة و خير
تحمــد الله و أعتـبـر نـفـسـك غـنـي

لاصـرت متعـافي ولـو انـك فـقـيــــر
تراك ف عيون المريـض أكبـر غنـــي

......

[الحمدان]

‏خلك على النيه تجيك التوافيق
لو أغلب قلوب المخاليق ضلماء

الله يبل الريق في حزة الضيق
لاشحت كفوف المخاليق باالماء

......

[الحمدان]

بعيونك اقرأ شوق ما يشبهه شي
وبانفاسك أحيا لو زماني .. جفاني

مشتاق اضمك وازرع النور والضي
بأركان صدري واعزفك لي .. أغاني

يكفي بوجودك أشعر إني معك حي
عطني وصالك عفت دونك زماني


......

[الحمدان]

علمتني سود الايام عن وجه الرفيق
وكشفت زيف الحقايق وزيف الاقنعه

الرفيق اللي بوقت الرخا وجهه طليق
يبهرك في هيلمانه وطيبه ترمعه

مير حزات الشدايد تيبس كل ريق
ما يبل الريق غير اللي سموه يرفعه

شامخ بفعل المكارم مثل قمة طويق
مزبن للذيب سرحان ليا صف اربعه

دور اللي يحتملها ولو طال الطريق
لو يجور الحمل شاله وشال اللي معه

خل سحب الصيف لو انها تبرق بريق
انكشف زيف الحقايق وبان الامعه


سعود حمود العتيبي

[الحمدان]

تعلم من الدنيا وسوق الخطاوي سوق
وبه ناس رافقها وبه ناس جنبها

‏وخلك سواة اللي ليا من دخل بالسوق
‏ يشوف السلع واليا شرى يشري اطيبها

صديقٍ يحاضي للصداقه وشبحه فوق
وصديقٍ مشاريب الصداقه يغثربها

بعيد المدى من رافقه يبتهج ويروق
وقريب المدى لا رافق الناس ينشبها

مع الوقت شفت ان بين هذا وذاك فروق
وعطتني الليالي عبرةٍ من تجاربها

وترى الرفقه اللي ما تسر النظر وتشوق
خذ الشور مني يا المعرب وشطبها

وجيه الردى لو كان تخدعك بالمنطوق
ترى عرقها الدساس لابد يجذبها

لو تبرها لابد تجزا البريرة بوق
تموت العفون ولا تخلي مذاهبها

خليل بن هدلان

[الحمدان]

دايم يجي من بيني وبينك خناق
وتطول لسانك واطول لساني

وتسبني وتروح وتشين الاخلاق
واحس في ضيقه واغير مكاني

ولمن تفارقنا تعذبنا الاشواق
وكل يجي الثاني من الشوق عاني

وناخذ بعضنا لهفة وضم وعناق
ونقضي الليلة غرام واماني

.....

[الحمدان]

مسـاء المحبـه والسعاده والاشواق
مســـاء يليـق بحضرتك واحترامك

ذوقك رفيع وغيــر عن كل الاذواق
واجمل بيوت الشعـر قيلت عشانك

.....

[الحمدان]

مني لاعز الناس حلو التراحيب
مضمونها تقدير من قلب صافي

سلام ياراعي الوفا والمواجيب
سلام يازين مع الناس وافي

لك منزل بين الضلوع المحاديب
عساك دايم بالوجود متعافي

.....

[الحمدان]

‏وادع لـوجه الله ولا تجرح إنسان
وإترك بعد فرقاك .. ذكرى جميله

وضعي قبل ماهو مثل وضعي الآن
عرفت فرق الغايه من الوسيله

.....

[الحمدان]

يشتاق لك قلبي وينشد عن الحال
ياللـي عليـك الحـال واصل لحـده

الـود جـوا الـقـلـب لازال.. مـازال
قلبــي علــى كيفـك تتـل وتشـده

لك داخله منـزل وبالعرق مدهـال
يوفـــي لك العهـد مـاباح ســـده

اسقيتك من الحب يا قلب فنجال
وبهاره مـن العشق صـدق ومــوده

......

[الحمدان]

عش كمَا شئت لا مُكره ولا مُضطهدْ
‏و أيقنْ إن ما ورى غيب المنايا دليل
‏
‏من رضى الهينه ما جابت امه ولد
‏لو تسامى بمال و جاه يبقى ذليل
‏
‏و لا تحاول تكون المنتصر للأبد
‏أصعب من الجميل إنك ترد الجميل

.......

[الحمدان]

اجلس مع اللي راسه الشيب ماليه
‏واللي تجاعيد الزمن في جفونه

‏يعطيك من خبرة حياته وماضيه
درس كثير من البشر يجهلون

.....

[الحمدان]

أبشرك ، متعافين ولا عَلينا خلاف
‏نرِد السلام . . ونناطِح الي يناطحّنا

‏يوم الضعوف اتطيح في ساعة الميقاف
‏لك الحمد يا ربي . . وقفنا ولا طحنا

......

[الحمدان]

يا شارعٍ في طرفك الداخلي بيته
والله ما جيت متسكّع و متطفل

تسوقني لهفة الأشواق ناحيته
وانا ادري اني بلاقي بابه مقفل

الوصل ! فرضٍ على العشاق تأديته
مهما قطعه الزمن ماهوب متنفل

خلّ التواصل على الرقم ولا دقيته
سمّعني النبره المعسوله و قفّل

......

[الحمدان]

منابر السنه اللي للعقيدة منار
ننطح سهوم المنايا قبل تدويلها

ولضيف بيت الكريم اكرم واعز اعتبار
اقلط خدمك الملوك ومن يوالي لها

في وادي غير ذي ريبه عزيزً مجار
والمستحيلات لـ اجلك تم تذليلها

البس حرامك وامانك والحفاوة مدار
وسحب السكينه عليك اضفت شماليلها

ولاللحديا مطير بكبد جو الحرار
مادام اهل مكة ابخص في مداهيلها

نجم الاسلمي

[الحمدان]

والله .. ما عطيتك هزال المواثيق
ولا يصيبك من وفاي .. استداره

مازلت .. متعلق معي فِ المعاليق
رغم الغياب اللي صلاني .. بناره

.....

[الحمدان]

عليك السلام ورحمة الله والرضوان
ياقلبٌ تعب واخفى عن العالم اوجاعه

يذوق الالم ومكابد الضيق والّاحزان
ولا يشتكي لو تلوي الضيقه ذراعه

توشح بصبر ايوب والصمت له عنوان
ولا غيرت ضيقات الايام بـ اطباعه

......

[الحمدان]

ارهقت نفسي بانتظارك و لا جيت
و الناس حولي شافت الشوق فيني

لا مرني بيتٍ عن الحب صديت
شعرٍ جرحني و زاد فيني حنيني

......

[الحمدان]

التغاضي فيه مكسب والعتاب مخسّر
والعرب فيها من الصكات ما يكفيها

ومن نوى عسر الدروب يفوته المتيسّر
والكلام الزين يرضي الناس ويشفّيها

......

[الحمدان]

ماشلع قلبي وطير معه خمسه ضلوع
غير عين تطرح الطير من سابع سما

كل ما ناظرتها قلت يابخت الدموع
الدموع الي تبختر على خد طخما

......

[الحمدان]

‏إن طارت طيور السماء بأرزاقها
‏أرزاقنا من عند ربي ما تطير

‏النفس يكفل رزقها خلّاقها
‏واللي كتبه الله على خلقه يصير

......

[الحمدان]

‏لويلبسون اغلى ملابس على العيد
‏ويزيدوا الكشخه بلبس الجواهر

‏ينقص حلاهم في حضورك ولا يفيد
‏اللبس ولكشخه وكثر المظاهر

‏تبقين انتي شيخة الحسن والغيد
‏وجمالك الطاغي على وجه طاهر

‏ ‌......

[الحمدان]

يا سحايب شوق ودي للحبيـب
السـلام وبلغيــه احلـى مســاء

غيركم م ماله في الطيب نصيب
ما يطيـب ولو قسي زدنا قســى

هـو غـريب وانا في عينه غــريب
مفـلسآ منـي وانا منــه افلســـا

مثل صايح في الخلاء ماله مجيب
في عجاج الصيف ورمال الحــسا

‎......

[الحمدان]

‏يا صباح الخير والدنيا عوافي
‏ابتسم وابدا صباحك وأنت رايق
‏
دامها تشرق ودام الجو صافي
‏أذكر الله واشكره لو كنت ضايق
‏

[الحمدان]

‏ياصاحبي في وقفتك كيف اجازيك
‏ وانا ادري انّك ماتدوّر عوضها

‏ مايجعل الأحرار مثل المماليك
‏ إلاّ معاريف الرجال افْبعضها

.....

[الحمدان]

‏تعبنــا من الدنيا علينـا تســوق اللــوم
ضغــوط الحيـاة وحـالة النــاس تعبانه

ولغبنا من اللي يعطف القوم فوق القوم
عيونه بشوف العيـب والبغــض مليــانه

وصبــرنا وقلنا يا عسى الجاي غير اليوم
على شـان بعض الناس وايضآ على شانه

ومشينـا على عادات اهلنا وفــا وعـزوم
نعــز الرفيـق ونحسـب انا من اخــوانه

ونحـمي الصديق ولو غلط تونا محشوم
وايش الطيـب لوما صرت بيته وعنـوانه

لان الحيـاة اتــزول .. والباقيــات تـدوم
ولا بــاقي .. الا رحمــة الله ســبحــانــه

......

[الحمدان]

اثر البيوت بدون اهلها ولا شي
يجلب محبتها غلا من سكنها

في مامضى نشفق على البيت والحي
واليوم لا مريت صديت عنها

......

[الحمدان]

عزالله إني نمت نومه واناحاج
‏الذّ نومه نمتها في حياتي

‏حلمت بالجنة وانا لابس التاج
‏والله مسامحني على سيئاتي

‏لاحدٍ يصحيني قبل بعث الافواج
‏في نومتي حققت كل امنياتي

‏ماودي ارجع للمشاكل والازعاج
‏ويصير حلمي شي من ذكرياتي

‏روحو ونامو بالفنادق والأبراج
‏وانا اتركوني نايم في حصاتي


‏⁧ نايف ابا العون ⁩

[الحمدان]

أرسلت لك شوقي ولك تم الأرسال
‏بس الغـلا كـيف الغـلا يـرسلــونـه

‏مـاهو مجـرد شعر يرســل بجوال
‏ولا مـن اهل المدح ذي يمدحـونه

‏أغليك مـن قلـبي غـلا قول وفـعال
‏ والطيـب مثـلك بالـوفا يذكــرونه

......

[الحمدان]

النيه الطيّبه مــن طيـــب منبعهـــا
وكلّن على قدر طيبه يسرج خيوله

مـثل القصيده يدلّـك طيب مطلعها
عنها وتبقـى بكـل لسـان مقيــولــه

......

[الحمدان]

لاتســـــمع الي قال واللي يقولون
بعض البشر ماهمـــهم غير قالــــو

ولا تميل لو شفت الخلايق يميلون
خليك جبل في ضــلك الناس مالؤ

.......

[الحمدان]

‏اخاووووي اللي ما تغيرّ مباديه
واسراااارنا فالعمر بير وغطاها


يفهم مبادي نظرتي قبل احاكيه
يعني قبل لا اقوووولها له قراها

.....

[الحمدان]

الضرس لامنه دخل وسطه السوس
مافيه طب الا تشيله بسوسه

هذا زمانٍ يعطي العالم دروس
والرابح اللي يتعظ من دروسه

......

[الحمدان]

لا تكــره الدنيـــا ولا تلعــــن الناس
لِ آلحين فيها ناس مثلك نظيفة

و كانك تفكر وين تقدير الاحساس
غيرك يفكر وين ياكل رغيفـه

......

[الحمدان]

‏أحب راعي الوفـاء و أحـب منهاجه
واقــدر الطيب المطنــوخ واحشمه

واللي يسد اللزوم ويقضي الحاجه
بلـغ سلامي عليه وحب لـي خشمه

......

[الحمدان]

الناس يأبن النـاس فيهـــم وفيهــم
بعطيـك عنهــم ما يكفيــك عنهــم

حاول تحب اللي ما شاء الله عليهم
و تخلـي اللــي اعوذ بالله منهـم

......

[الحمدان]

الناس مثل البن والوقت محماس
‏ومن تحتهم نار السنين العجافي

‏نوع ليا ذقته يكييف لك الراس
‏ونوع عسى ربي يديم العوافي
‏

......

[الحمدان]

يالله سـألـتـك يـا غـفـور ويـا رحـيـم
تغفر ذنـوب اللي رجـا عـفـوك وتـاب

أنت اللطيف انت الحليم انت الكريم
واللي عـصـاك وتـاب تجـزاه الثـواب

وانت المحيط الواحد الفرد العـلـيم
ما خاب من لك يا عظيم الشان اناب

......

[الحمدان]

‏يمّه .. على سمْح الليالي كبرنا
‏والجار كانت خشرته عيش وثياب

‏ما عاد يلحقنا القمر في سفرنا
‏والغيم لا يبكي ولا يمطر أحباب

‏والريح لا قامت تصلّي بشجرنا
‏ما فززّت ليل النواعس والأبواب

‏والدمعة اللي سيّرت في سهرنا
‏اليوم يمّه حثربت بين الأهداب

....

[الحمدان]

يا ليلٍ تقلط في عيوني سهر وإسهاد
متى أشوفك تقلط سكون وطمأنينه ؟

الإنسان مهما كان روتينه المعتاد
يكدر عليه أحيان تكرار روتينه

وداع النهار موادع اللي خرج لإجهاد
لا طاح الشفق طيحة عباير محبينه

شعوري وأنا أرفع للفجر صرخة إستنجاد
شعور الصويب اللي فقد نجدة يمينه

هنيي لو أني طير يجوب كل بلاد
تقطع بها أفاق الخضيرا جناحينه

حنين المحب يعيشه طرقة الكداد
لا سافر ترده لهفة الشوق من يحينه

هذا قلبي المنقاد يالعارض المنقاد
لو أنه يعريك فرق حجمه وتكوينه

أمرك وأنا مستبعد فكرة المعواد
ويغلب علي وجه الشبه بينك وبينه

ياغاية مراد اللي يشوفك أحق مراد
والأحق في بسمة شفاته وماء عينه

ملكني غرامك لين صرت أملك إستعداد
أناصر ضحايا الحب، وأفهم مجانينه

أدور لجرحك من يدين الطبيب ضماد
وأثر مايضمد جرحك الا سكاكينه

أنا قبل أعرفك كان قلبي عيوف وصاد
وبعدك ماصرت أعرف غير الله يعينه

لكن الله اللي مكنك والله اللي راد
تخلينه يحب الحياه .. وتخلينه

......

[الحمدان]

حادي الصمت ماعندي لصمتي بديل
وأنت ليله تغافلها الجفا مادرت

وين أوديك ياهمٍ بقلبي ثقيل ؟
جعل تسري بك الليله ليا من سرت

أيه خايف على دمعة عيوني تسيل
ماقدرت أتجاهلها وهي ما أقدرت

كانت أصعب على نفسي من المستحيل
لين سالت على شان الغلا وأعبرت

عزتي تطلب الفرقا بيوم الرحيل
لو جروحي على طول العمر مابرت

جيت عابر سبيل ورحت عابر سبيل
والمحبه ربت في داخلي وأكبرت

أنت ياللي ليا مالت جروحك تميل
الليالي خذت مني وماقصرّت !

لا تسولف ترا ليل المفارق طويل
كل كلمه على بالك فبالي طرت

شوف عيني وتلقى للمحبه دليل
مير نفسي لتقليب المواجع ضرت

طوّل الصمت وأربكت الشعور الجميل
قلت أببعد مدام أن الجروح أكثرت

خل دمعك يسولف للموادع ويسيل
ولا أنا دمعتي طاحت وهي مادرت

.......

[الحمدان]

‏أحسب أني يوم أعدي على الضلع المنيف
‏قلبي بـ يبرى صوابه و تركد ونّته

‏واقف مثل " المعزّب " على باب المضيف
‏بيت شعر كل ما قلت بنسى غنّته

‏( علموها ) لا تسامر ببعدي كل طيف
‏في رجا " ليل رسمته " و " صبح ظنّته "

‏مابقى لـ أنصاف الاحلام في صدري مصيف
‏صدري أنهكته دروب الحياة و عنّته !

‏يوم : عاد البال ممطور و الخاطر مريف
‏قلت ما تبديه عيني و نفسي كنّته

‏الليالي وقعها في النشاما وقع سيف
‏و البشاير في هماليلها ، متعنّته

‏القوي يضحك على طيحة دموع الضعيف
‏و البشر من طاح بيدينها ما حنّته !

‏لو تعلمنا نصايح " بركات الشريف "
‏( كان مندوب المحاكم قصرنا منّته )

‏واهني اللي توفّى على الدين الحنيف
‏ما بعد خالف نبيه و بدل سنّته

‏جعلني لا جيت في بيته المعمور ضيف
‏أخسر الدنيا و أهلها و أفوز " بجنّته "

.....

[الحمدان]

حاول تخلّي جلستك عند العرب ركعة وتر
‏خفيفةٍ تقضي لزومك كل ماصليتها

‏وحاول تخلّي كلمتك عند العرب ليلة قدر
‏كلٍ يدورها ولا يدرى متى توقيتها

‏وحاول تخلّي كلمتك وقت العتب رشّة عطر
‏يفطن لها المخطي ولاتندم إذا رشيتها

.....

[الحمدان]

ابغى اشوف الثرى والناس دايم بخير
‏حتى تنام البشر ونفوسها رايقه

‏يحزني الفقد والحاجه وضعف الكبير
‏ودي الحوايج تجي سهله مهي عايقه

‏يارب لا تترك على الارض هذي فقير
‏ولا تخلي الصدور الطيبه ضايقه


.....

[الحمدان]

تدري وش إللي ماتجي بالملايين
العافية لا صرت محروم منها

وتدري وش إللي حدّها حدّ سكين
الحاجة اللي مانت قاوي ثمنها

وتدري وش اللي ماتوّفي لها الدين
اللي غذتك بصغر سنّك لبـنها

وتدري وش إللي راجحه بالموازين
سجدة سَحَر لاناموا الناس عنها

......

[الحمدان]

‏ترى عيون الحب ماهي تدقق
لايمكن تناظر عيوب ‎المحبين

اللي يحب بصدق دايم يصدق
ان تلغلا والحب يقسم على ثنين

.....

[الحمدان]

ما لهذا الشوق اخر ولا هو بالاخير
غيبتك طالت ولكن عجزت اعتادها*

اضحك بوجه الاماني وانا ماني بخير
ضحكهٍ لا في سنعها ولا ميعادها

.....

[الحمدان]

عاد عيد الشوق واشواقي تكلم
عن غلاك وكيف احبك واهتويتك

ودي اسولف عن شعوري واعلـــم
انك اغلى من على الدنيا لقيتكــــ

فدوتك قلب من جروحه تالم
دامني من بد خلق الله بغيتك

لا انتهت خطبة صلاة العيد كلــم
خلك اول صوت يعايدني فديتك


......

[الحمدان]

يـسوق روحـي شوقها والوله سوق
نحوك وحولك يدرج القلب ويحوم

راقــي وكـلك ذوق واطـلالتك ذوق
والذوق لولاك انت يا الذوق معدوم

ولولاك ما قاسيت من لوعة الشوق
الــي حــرم عـيـناي مـن لـذة الـنوم

.....

[الحمدان]

متابعيني كلهم قمــــة الذوووووق
من حبهـم حتى التواصـــل هويته

اناوهم تشبيه عاشـــق ومعشوق
وغلاتهم داخــــل خفوقــي بنيته

هذا كلام القلب من كل الاخفوق
من قلب صادق بالمحبـه حكيته

ارسل لهم حبي مع كامل الشوق
لكل غالي في حياتي هديته

الحمدان

[الحمدان]

‏أشعل قناديل السهر وإنثر الورد
على دروب اللي يتابعك بسكات

وإحضن مشاعر من يحبك عن البرد
دام الغلا في داخله حي ما مات

ياما لك أرسل في بريد الهوى طرد
وأبطيت ماجيته ولا رسالتك جات

.....

[الحمدان]

‏بين المطر والارض عشق وسواليف
‏فاضت من اشواقه عيون السحابه

‏مثل الوصل لاقلّ بين المواليف
‏يظهر جفافه ف الشعر والكتابه
‏
......
‏

[الحمدان]

أنت العمـر.لاجيـت والموت لارحـت
وإنت الضيـا للعيـن يانـور عينـي

أشتاق في لقيـاك!! وأشتاق لاغبـت
وأشتاق لو ضمـت .. يمينـك يمينـي

.....

[الحمدان]

‏ياماسك الهاتف وجوك رايق
كيف التواصل يالغلا خبرني

لايق عليكم يالدماني لايق
اسود على وردي وذا حيرني

ولون البياض وقدك المتناسق
وخدودك الحمرا بها تاسرني

فيها مطر هامل ولاضي بارق
وفيها سحر هاروت يا باهرني

عين المهايا ف الجهاز توايق
اعطف علينا يالمها و حررني

......

[الحمدان]

‏عجيب يابن ادم ليا حدالاعجاب
لاقامت آصدوف الليالي تحوفك
َ
تغفل عن اللي ماعلى بابه احجاب
وتشكي على اللي مايقدرظروفك

.....

[الحمدان]

‏تعيش فالدنيا وتكسب تجاريب
اخذ الكلام اللي يصحي من النوم

عنـد السـعه ياكثر عـد الاصاحيب
وعند الشدايد علمهم يرجع حلوم

رفقة رخى فيها سـلام وتراحيب
ولافيهـم الصامل ولا فيهـم عزوم

الصحبه اللي ماتعرف المواجيب
لعلها قطـع الرجا ،،،، دايـم الدوم


ابوعبدالله

[الحمدان]

يا للي تباهي بكثرت متابعينك
قيّم حسابك محتواه وخوافيه

الناس لو كثروا ماهم نافعينك
لاصرت ماتغرف من النبع صافيه

الدرب واضح واطلب الله يعينك
وتميّز المضمون .. جزله وهافيه

.......

[الحمدان]

‏مابعد عسر الزمان الا تياسيره
‏لو سود الأيام تفجعنا حقايقها
‏
‏بنسوقها في رجاء إللي مالنا غيره
‏خلاق الانفس وكافلها و رازقها

.....

[الحمدان]

‏ماعاد بي شدّه على طرد السراب
ومراقبة شمسٍ توارت .. للغروب

إماّ حضورٍ .. يلوي ذراع الغياب
والا غيابٍ يفضح الوصل الكذوب
.....

[الحمدان]

‏تستانــس الروح لاجتنــي مراسيلك
‏والنفـــس ترتاح يا نبــــض الغلا كله

‏والقلب يافرحتــه لحظــة مواصيلك
‏ينسا التعب والوجع والضيق والعله

‏سعادة الروح يوم اسمــــع تعاليلك
‏وصوتك العـذب يـوم اسمّعه مامله


.....

[الحمدان]

كانك تذكرني على البعد لحظات
فأنا على كثر الـولـه مانسيتك

تهزني الذكـرى علـى كـل مافـات
لاغبت عـن عينـي بقلبـي لقيتـك

حزني وشوقي والليالي لك إثبات
إنـي علـى درب الغـلا ماجفيتـك


.....

[الحمدان]

‏من تجاهل وجودي ماحسبله وجود
‏علم اهل القلوب اللي غطاها الصدا

‏والكبر ناقص بالناس ماهو بزود
‏والردي طول عمـره من ردا في ردا

[الحمدان]

يسوق روحي شوقها والوله سوق
نحوك وحولك يدرج القلب ويحوم

راقــي وكـلك ذوق واطـلالتك ذوق
والذوق لولاك انت يا الذوق معدوم

ولولاك ما قاسيت من لوعة الشوق
الــي حــرم عـيـناي مـن لـذة الـنوم

.....

[الحمدان]

‏ماكل خاطر نبي نتبع مراعاته
‏بعض الخواطر حرام انك تراعيها

‏اللي يقدّمك عن كل اهتماماته
‏حاول تقدّم له الدنيا بما فيها

.....

[الحمدان]

دايـم على بالـي ولا يــوم ناسيك
وانته لزيـم الرووح واكثــر شويه

بدرب المعـزه اشهد اني مخاويك
واخترت شخصك بين كـل البريه

الرب يعــلم بالغـــلا كثــر مغليلك
ودايـم مكانك في الشموخ العليه


.....

[الحمدان]

يـامساء الـخير أصحاب التحف
يـاجمالا زاد فـي الـقلب الشغف

جـئـتـكم ظـــام وصــبـا مـولـعا
وفــؤادي بــردا الـشوق الـتحف

جـئت أروي الـقلب مـن أنهاركم
بعدما لاحظت نهري اليوم جف

فاسكبوا عذب القوافي واملأوا
مـنـتدى أقـلام صـفا بـعد صـف

غــبـت عـنـكـم مـجـبرا لاراغـبـا
وظــروفـي أشـغـلـتني لـلأسـف

إنــمـا لـلـشـعر تــاقـت مـهـجتي
وبــهـذا الـجـمع مــازال الـكـلف

......

[الحمدان]

مشيت بالدنيا وانا عالي راس
‏ولا رجيت الا كريم العطايا

‏ماحب بلساني تجي سيرة الناس
‏ولاسقت رجلي فـي دروب الخطايا

‏اعوذ بالرحمن من كل وسـواس
‏ولااحب صحبة خايبين النوايا

......

[الحمدان]

‏ياعيـون الكون لو شفتي عيونه
كان مالمتي كذا اللي يعشقون

ودي اسأل كيف لو هم يعرفـــــــــونه
ااه من حبٍ سكن وسط العيـــــــــون

في ذمتي لو يعرفون ويفهمونه
كان جاهم من محبته الجنون

[الحمدان]

‏والله إنا عارفين الطـيب شـيك مصدق
ينصرف بين الرجــال ولاتضيع حقوقه

ذي حقيقه عاد صدق اوعسى متصدق
ماصرفته من يمينك لــرجال تـذوقـــه

ون صرفته للــردي مثل رصاصة بندق
من حزامك عودت في ناحرك مدقوقه

......

[الحمدان]

‏أعمارنا مثل الحطب في طرف نار
شي أحترق واللي بقىظ° جايه الدور

وأرزاقنـا مثل السحايب والأمطار
اللي مهو مقسوم ماهو بممطور

.....

[الحمدان]

همس الوفاء باقي مع النبض والصوت
لــو غبت يبقالك ضمير الــوفاء حي

بين الرجاء والياس والحلم والموت
وبين الفرح والحزن والشمس والفي

أشتاق لك شوق عظيم ومكبوت
شوق الضريـر اللي تعانق مع الضي

.....

[الحمدان]

‏يا لابسه البرقع على هونك شوي
من شوفتك ضيعت وزن القصيدة

طلة جبينك بالسماء تشعل الضيء
ونظرة عيونك في حلاها فريده

.......

[الحمدان]

‏عسى الله يوفقنا بـ فضله لما يرضيه
وعسى الله يرحم ضعفنا ويعفي عنا

دعـينا كـريمن ما يخيّـب رجاء داعيه
وعلى اللي عليه ارزاق خلقـه توكلنا

.....

[الحمدان]

‏أعطيتُها كفّي لتقرأ طَالعي
ما همّني ما قد يُقالُ لمسمَعي

أحببتُ كفّي أن يُلامسَ كفّها
فيكونُ حَظي أن تُحسّ أصَابعي

قَالت وقالت وما وعيتُ لقولِها
أُصغي لبوح ِأناملٍ تَحكي معي

......

[الحمدان]

وين انت ياصوت كني به يناديني
من بين الاصوات حبيته وفضلته

ابطيت عني وانا طالت بي سنيني
طالت سنيني وبُعدك ماتحملته


....

[الحمدان]

يا كبر قدرك يا رفيقي عن الناس
مـا يشبهك في طبعك ، الا المرايا

هي تعكس الاشيا بدقة ومقياس
وانت تعكس طيبك وبيض النوايا

......

[الحمدان]

‏يا مساء الخير والدنيا بخير
يا مساء مسكنه بيض القلوب

يامساء الطير لا غنى لطير
في لحن شوق له المسمع يذوب

يامساء الورد باحساس مثير
انتشى ريحة وعطر كل صوب


......

[الحمدان]

ماكـل حـب يدخل القلــب سكـان
بعض الغلا لامن خذى ايام راحي

يــروح كـنه ماتــصـور ولا كــان
ويمحاه من لوعات الايام مـاحـي

والله لو ان الحب يشرى بالاثمان
لاشريه من خبل واحطه بصاحـي

......

[الحمدان]

‏صوتك حياة وراحتينك أماني
ونبضك قيود مايفك الرهينه

واحد ولاغيرك من الناس ثاني
والروح دونك ياغلاتي حزينه

والود ..ودي ما أشوفك تعاني
ودي تعيش براحتك والسكينه

......

[الحمدان]

خُـذني بـْحَنانَك يابـَعد عين مغلـيـك
خُـذني وخَـل الروح تحيا مع الروح

رَسِّي سفيـنـة عاشقَـك في موانـيـك
خَـل المشاعر تكـشف السر فـِ البـوح

غنيت لك واحساس ❤ قلبي يغنيك
مثل القصب حنيت والصوت مبحوح

ودي عـلــى شَــط الأمـانـي أرســـيـك
إن كـان ذا مـمنـوع او كـان مســموح

أَنـسى مَــعاك هْـمـوم قلـبي وانـسّـيك
نـبـحر بـعـيد بْـقـارب الشـوق ونـروح

موج البـحر هـَدّار حــذراك يـغـريـــك
راعـي الهَوى والحب لاشـك مفضوح

غَـمـِّض عـيونـك واشـبك ايدي بيَديك
عيش الحلم باحساس نابع من الروح

ودي عـلى رمــل الشّواطـي أمَـشّـيـك
أمشي معك ونضيع في كون مَـفـتوح

إن ضـعت بالواقـع ب الاحلام الاقيـك
قُـصّـة غرامي والـغـلا طـيـر مـذبـوح

إن كـان مـاتـدري تـرى مَـّيت ن فـيــك
أرجـوك لاتـعـزف عـلـى اوتـار مجروح


......

[الحمدان]

حساس قلبي في محبتك حساس
‏ينبض غـــرام وصابته حالة جنون

‏حبــــك تلبسني من الساس للراس
‏سيطر على عمري وانا فيه ممنـون

‏ليت الزمن يصفى وتنساني الناس
‏وأبقى وسط قلبك مخبى ومسجــون

......

[الحمدان]

ياهـــجـسي ســجـل وربــي شـــاهــد
ابيـات شُـعري مـن صميم اعمــاقي

عـبــر بـكـل الشوق اذي مــتواجـــد
فـيـنـي لـكـامـل خــبــرتي ورفــاقي

وارسـل الـى صحاب واحــد واحــد
اجـمـل تـحـيــاتي وكـــل اشـواقـــي

يامــن فــؤادي فـي هـــواكم شــــارد
ونـبـض قــلبـي بـسمـكم خـفـــاقي

لــكـــم مــعـــزه فـي فــــؤادي زايــــد
وفــوق راســــي مــستــــواكم راقـــي

انـتـم ذراعـي والــكـتف والـســاعد
وانـتـم سـلاحـي والدروع الــواقي

صــح الـمـسافـه بـيـنـنا مـتبـاعــــد
لاكــن غـلاكم وســط قلبي باقــي

......

[الحمدان]

‏أنت الهوى والغـلا والحـب وفنونـه
أنـت الشفـا والوفـا ومبـدد أحـزانـي

أنت الشجر والزهر والغيث ومزونه
أنت بحياتي مثـل ماأحتـاج شرياني

ماأقول روحي تحبك وحيـل مفتونه
أقول روحـي بدونـك تنسـج أكفانـي

......

[الحمدان]

‏ذكريات الغايبين أعفوا الضماير عنها
‏وأتركوا قلب فقد طعم الهنا وأفراحه

‏والله إنّ قلوبنا .. من يوم رحتوا منها
‏أنعدم منها الأمان وغادرتها الرّااااحه

‏.....

[الحمدان]

‏لك وحشة ٍ يانور عيني عـن النـاس
‏ولك لهفة ٍ عاشق ويرجـي حنينـك

‏يسكن غلاك القلب كلـه والاحسـاس
‏تنطق شفـاي الوجـد لاشفـت عينـك

‏زاهي بقربك شامـخ ٍ رافـع الـراس
‏كني ملكـت الكـون فـي نضرة عيونك

‏ماللحزن في طلـة المحبوب مجـلاس
‏اخذت الغلا برضاي واصبـح سجينـك

......

[الحمدان]

يا نور عيني عليك الشوق يفضحني
احاول اخفيه و اعيوني تسولف به

احب و اشتاق و الهجران يذبحني
وكتب شعوري قصيد و لا اتكلف به


......

[الحمدان]

‏ياحروفــي وإن حصــل مني خطـأ
خبّري المحبوب مو قصدي سهيت

ياحروفـــي والله اتعبني البطــآ
كل ما طالعت أشباهـه بكيــت




.......

[الحمدان]

يالله انك ترحم أصحاب القبـور
‏وتغفر لـ عبـدٍ نسوه من الدعا

‏يالله برحمتك له يوم النشور
‏يـوم لاينفع قرايب ولااصدقا

......

[الحمدان]

‏يافارقه بـين ربّات الحسن والجمال
مبسمك طوق النجاة وعينك التهلُكه

من أبسط حقوقك تشوفين نفسك لحال
ماحولك إلا ملامح ناس مُستهلكه

......

[الحمدان]

وينك..؟ مسائي بَعَد فَرقَآك مآ جَآب
إلا صوَرك و ذكريآتك و مآضيه

أَبَستمرّ يَعني كِذآ غيآب بـ غيآب
والله كِذآ يأسرني الحزن و التيه

يَ آوَّل قصيدَة فِي مساء صفحَة كتآب
شِعري و غَنَّآك القصيد وقوافيه

[الحمدان]

ياليت قلبي يستطيع الزيارة
اقلع برحله من جميع المطارات

اهجم بشوقي والمحبه بغارة
وارفض محاكم في جميع القرارات

واعمل بجلدي لك مضله ستارة
واصنع لقلبك من عيوني اطارات

واسمر معك في كل ليله بقارة
نفطر با لندن والعشاء بالامارات

واجعل عيوني لك تولع انارة
واقسم ضلوعي لك شوارع وحارات

......

[الحمدان]

يا بنت من شانـك عشقت الكتابه
وفي هواك امسيت احب المواويل

خليني اطرد في غرامـك سرابــه
واهيم في سود العيون المكاحيـل

في ساحل السكر مخايل سحابه
ميت ظما يا ما حلا ريحـة السيل

خليني اتهنـى بصافـي شــرابــه
وانسى عذابات الزمن والغرابيــل

تحنان حظنـك فيـه عــزّ ومهـابـــه
بعده يطيــب الليــل حـبّ وتعاليـل

غنى معــي يا بنت قوس الربابه
طاب السمـر يا ليل يا عين يا ليل

......

[الحمدان]

‏ليتك تذوق الشـوق من ريـق عطشـان
وليـته يـحــس بـضيقـتــي لا فـقدتــه

رسمـت لـك لوحــه على كـل الالــوان
وبينـت لـك خافــي شعــوري كتمتــه

لانـي ربحت الحـب ولانـي بخســران
يا من خذيت القلـب ونومي سرقتــه

ودي اقــول اليــوم واصـيــح ولهــان
وافتــح ملفــات الغــلا اللي عشقتــه

‏

......

[الحمدان]

‌‌‏رباه ها أنا ذا خلصت من الهوى
واستقبل القلب الخلي هواكَ

ونسيت حبي واعتزلت أحبتي
ونسيت نفسي خوف أن أنساكَ

وتركت أنسي بالحياة ولهوها
ولقيت كل الأنس في نجواكَ

......

[الحمدان]

‏ودي أكتب والقلم عيا يطيـع
مدري الأشـواق والا أنتي السبب

كيف اعبر والحكي منـي يضيـع
أسعفينـي يا ''قـواميس'' العرب !

ياحــروفي أشــعر بشـي فظيـــع
في خفــوقي نـار واشــواقي لــهب

هــذي اقــلامي بكسرهـا جميـــع
في سكوتي تصبح اشواقي ذهب

......