فوق هام السحب ( الشعر الشعبي) على متن القوافي

[الحمدان]

ياطير ياللي أنت في الجو طيار
وقف وخذ لي فوق ريشك رسالة

سافربها ياطير من دار لادار
لأهل الصداقه والوفاء والاصالة

....

[الحمدان]

الناس ماتدري وش اللي ورانا
مب كل شي داخل القلب ينقال

نعطيهم الضحكه ونخفي عنانا
نسكت ونحمد ربنا بكل الأحوال

....

[الحمدان]

عز الله انا في شدايد عرفناه
محبته ذنب ومن الذنب تبنا

يوم انها طيب ومواقف غلبناه
ويوم انها كذب وضعافه غلبنا

....

[الحمدان]

‏ماعاد خلّيت للأشواق صوبك مرور
ماتدري إن الحبايب يُخلقون أبرياء

عاملتني بإصطناع الكبرياء والغرور
وأنا لسان الغرور وسيّد الكبرياء

....

[الحمدان]

طالت عليك الليالي يالقوي الشديد
‏
اللي جروحك عتاق وذكرياتك شقى

[الحمدان]

لعنبوها عيونها تذبح بدون سلاح
ماتمهل المذبوح نطق الشهاده

في رمشها الايمن سكاكين ورماح
وفي رمشها الايسر حقوق السيادة

....

[الحمدان]

‏اكبـــر سعـــاده فـي حياتك ودنياك
انك تشـوف احباب قلبــك بخيرين

تزورك افراحـــك وتملــــى محياك
وتحس بالراحه في القلب ضعفين

يا الله ياسامــع دعاء كل من جاك
ياالله تسعد من على القلب غالين

واحمي حبايبنا من الشـر بحماك
واسعد جميع الخلق يارب آمين

....

[الحمدان]

بعض البشر يكفيك منه كلامه
فيه الأدب والطيب زايد والأخلاق

يفرض على كل العباد احترامه
قدره يزيد وينغمس بين الأعماق

يرفع بحفظه للأخوه مقامه
عز الصداق يصون مليون ميثاق

وبعض البشر لاقابلك بابتسامه
يستوطن الوجدان بإسلوب ذواق

....

[الحمدان]

المجتمع مملي تفاهات وخبول
وانا عن الزلة مثمن كلامي

كم كلمةٍ بالخاطر تصول وتجول
تردّني عنها فلوس المحامي

....

[الحمدان]

مانيب مجبور اخاطب على قد العقول
والله إن بعض القناعات عندي مهمله

الكلام تشوفه الناس حل من الحلول
مثل ما اشوف التجاهل يحل المشكله

....

[الحمدان]

ستر المواجع داخل القلب راحه
لو يمتلي صدري بها ماتكلمت

ماهو جديد القلب يخفي جراحه
ولاهو غريب الضحك مهما تألمت

....

[الحمدان]

‏فقدتك وقلبي من الفرقا يقول
‏ماعاد للدنيا بعد فقدك حلا

‏ياليتها شده مع الوقت وتزول
‏واقول همٍ فالمحاني وانجلا

‏ولكنها صارت في ذاكرتي تجول
‏والبال من كثر الطواري ماسلا

‏فقدت صوتك والرحابه والقبول
‏والإبتسامه والرضا والمسهلا

....

[الحمدان]

الزمـن دوار والموقف وعد
‏وأكثر آلأفعـآل داخلها إشتباه

‏الغريب يقول تبشـر ب السعد
‏والقريب يقـول تشغلني الحياه

....

[الحمدان]

‏لانوم متعدل ولا خاطرٍ طاب
‏والسهر مع الهواجيس مصيبه

‏منهو يواسي لامن الظن خاب
‏والفؤاد المنجرح منهو طبيبه

....

[الحمدان]

‏مدري متى ياعين ودك تنامين
‏نامت عيون الناس والليل قفى

‏عمر السهر مالم شمل المحبين
‏نامي وشوق القلب كفى ووفى

....

[الحمدان]

الـتـجـربه يـاذيب لاشـيـب الراس
تكشف لك الايـام مــافــي خـفـاها

لولا احتياج الـنـاس ياذيب للناس
محدن عرف طيب الرجال ورداها

....

[الحمدان]

‏تب علينا يامجيب لمن دعاك
ربنا المعبود جلّ في علاه

الجباه الساجده تطلب رضاك
يركع المؤمن ويسجد فالصلاة

جلّ شانك ياعظيم ولاسواك
غير ايمانك فلا قلبي ملاه

....

[الحمدان]

‏ان كان حظك مافرش لك وغطاك
لاترتجي من حظ غيرك يغطيك

مادام رزقك كاتبه يوم سواك
خلك صبور وقاسم الرزق يعطيك

....

[الحمدان]

‏يازيف الآمال والإنسان عابر سبيل
والعمر لحظات والدنيا لأهلها ممر

يالله بقلبٍ شكورٍ لك وصبرٍ جميل
وبرحمـةٍ منك فوقي ظلّها مستمر

وبتوبةٍ قبل موتي يامنجّي الدخيل
تجبّ ماقد سلف وتبدّل أمرٍ بأمر

وبمنزلٍ في جنان الخلد ظلّه ظليل
مع النبي وآل بيته وابوبكر وعمر

....

[الحمدان]

‏من لايودك صادقٍ لا تودّه
ومن لايداري خاطرك لاتداريه

القلب يجفل من وجيهٍ مصدّه
وانا اشهد ان القلب دليل راعيه

وسيلٍ جرى عن مدرجه لاتحدّه
جنب وخل السيل يضرب مجاريه

ومافات من دنياك صعبٍ مردّه
خذلك من الماضي عباره وتوجيه

....

[الحمدان]

‏تدري وش المال وكنوز الذهب والغناه
ماهـوب مـال الحياه اللي مافيه ثمـره

المال مـال العباده والذكر والصلاه
رصيدك اللـي نهـار الحشر ما تخسـره

....

[الحمدان]

‏احسِن النية قبل وقت المنية
السراير تنكشف يوم القيامة

لاتغرك ضحكة الدنيا الدنية
كـم عقوبه ظنها الجاهل كرامة

....

[الحمدان]

‏ليه الغزل كله مركز على العين
عين المها والريم والعين نجلا

والعين ذباحه بمحجر ورمشين
والعين مسكن للغلا دون خجلا

والعين تذرف دمعها لاجل غالين
والعين في سلهامها شعر زجلا

والعين فيها لسان صمت المحبين
تشرح خوافيهم ومن غير دجلا

....

[الحمدان]

تجاهل الجاهل على شان ترتاح
‏واسمع من العارف لامنه تكلم

‏لاتندفع وتنطـّح صياح بصياح
‏اصمت وحاول تستفيد وتعلم

....

[الحمدان]

حاچيني
يمكن ماكو باجر
يمكن اموت واعوف الك
بس الصور والرسائل

شعر عراقي

[الحمدان]

ماحچينه بس بچينه
وبُقت بس ترجف ادينه
وما نسينه بَس
تجاهلنه ومشينه

شعر عراقي

[الحمدان]

لوحـت لك ياحبيب القلب بيديني
ومشيت كنك ولا شايف ولا حاجه

أنا استحق الذي منك حصل فيني
من خاض بحر الهوى يتحمل امواجه

....

[الحمدان]

‏يالله بصبحٍ فيه رحمة وتوفيق
‏من عند ربٍ ما انقفل يوم بابه

‏صبح السعه مافيه همٍ ولا ضيق
‏فوق البشاير دعوّةٍ مستجابه

....

[الحمدان]

‏ياليت لقلــوب البشر فيـه تطبيق
‏سجل دخول وشوف كامل صفاته

‏اما احتفظ به فالسجلات تــوثيق
‏والا احذفه واحــذف معه ذكرياته

....

[الحمدان]

‏انتبه من طيحةٍ ما عــــاد منْها قومه
‏وانتبه من قومة ٍ مجلاسك ابرك منْها

‏المواقف تمسك الرجال من حلقومه
‏يا يداحمهــا بجنبه يا يجنـــب عنْــها

....

[الحمدان]

‏وسنّد على اللي في يده ملك الأملاك
‏اللــي ملــــوك الارض عنده مماليك

‏أليا عطى لو ضــــدك العالم أعطاك
‏واليا منع ما حــدٍ من الناس معطيك

....

[الحمدان]

‏اتجلّد والمشاريه في صدري ثقال
‏كل يوم أدفع ضريبة سماحة نيّتي

‏الخلا اللي كل ما أضيق ناداني تعال
‏يا كثر ما له جمايل على نفسيتي


....

[الحمدان]

يعجبني اللي فاهم ويفهم الناس
‏وليا سألته قال ما أوحيت ماشفت

‏تقول ماعنده مشاعر ولا إحساس
‏متغابي وساكت وهو يعرف الكفت


....

[الحمدان]

‏وش عاد لو طالت علي المشاوير
‏أوصل على شانك نجوم الثريّا

‏ماهم روحي شي مادامك بخير
‏اللي يهم الحين إنك هنيـّا

....

[الحمدان]

عطيتك احساسي وضحيت لرضاك
وحفظت حبك داخل الروح صنته

تعبتني واقول يالغالي افداك
لاجل الغرام اللي بقلبي دفنته

اخفيت نفسي لجل اكلمك والقاك
باسماء مستعاره لجل قلبن سجنته

....

[الحمدان]

‏ماحد يشق القلب من غير تفكير
‏حتى الأطباء ترتجف ثم تحتار

والحب شَق الجوف من دون تخدير
وبَناء قصور بداخل القلب وانهار

هذي حقيقة قلتها صدق تعبير
وأرسلتها في جهر فعلي والاسرار


....

[الحمدان]

رسالتي لك....

[ يابُني لاتقصص رؤياك على إخوتك
فيكيدوا لك كيدا ]
لاتذكُر النّعم أمام كلّ أحد
فليس كلّ مُستمعٍ لك محب
لاتكُن كتابًا مفتوحًا
مُتاحًا لمن حولك
وإن كانوا مُقربين
وإن كانوا أهلك
أخفِ بعض أسرارك
فرُبما لن يملك أحد قميص يوسف
ولن تملك أنت صبر وإيمان يعقوب

بقلمي

[الحمدان]

رساله لي ولك....

ماكُسِبَت القلوب بشيء
‏مثل الأخلاق الطيّبة
‏والبشاشة في المُحيّا
‏والحرارة في السلام
‏واللُطف في العبارة
تجد من يجمع تلك الصفات
محبوبًا أينما حَلّ
‏مفقودًا إذا غاب
ينشر الأُلفة والمودّة
أينما ارتحل
‏تُجلّه النفوس تقديرًا
‏وحُبًا واحترامًا

بقلمي

[الحمدان]

‏مساك وطيوفك قناديل وورود
ينثر عبق وردك نسايم زهورك

مساك مسك يفوح بروايح العود
عودٍ ممزوج مع خلاصة عطورك

....

[الحمدان]

‏هات قلبك بهمس بشوقي غزل
عش مع أنفاسي جنوني لو سمحت

عيش ثقلك عيش في جدك هزل
بس هاتك وراضي لو منك انجرحت

....

[الحمدان]

أنا لابغيت أسج من طلعت المرقاب
تعرض لي المقرود حظي وتنكيده

تداوج همومي بالصدر دوجة الركاب
على تكسي والعيد باكـر مواعيده

على واحد قلبي معه عاد عمري شاب
ولا زال معلـوق الضماير مواريـده

نزح وانتزح مني ودبر مع الأجناب
يبي موتري دونه ثمانين تبريـده


....

[الحمدان]

لحدن يعاتبني على بيعة الجيب
بعته وانا في كل الأحوال راضي

مارخصته الا دون حرش العراقيب
ماهوب من دون الفلل والاراضي

خلوني اسلى في هوى شمّخ النيب
وأنتم تسلّوا فالمجال الرياضي

يغنيني الله عن فزوع الاصاحيب
اللي لهم فالطيب حاضر وماضي


محمد بن هضيب

[الحمدان]

علموه اني بدونه وش انا من دونه
مالحد منا غناةٍ من وجود الثاني

وعلموه اني على خبره وطيب ظنونه
اذكره ما نساه لو انه نوى ينساني

وعلموه اني على شانه ولجل اعيونه
متعبٍ حالي ونا الي ما نقضالي شاني


...

[الحمدان]

يامل قلب ٍ يلوعه طاري الفرقا
كما يلوع الحمام الورق شيهانـه

إن حوّلن حوّلت وإليا رقن ترقـا
متعليّتهـن وهـي حدمه وجيعانـه

على وليفٍ نحا مع روق عن برقا
عليه عيني بصاف الدمع غرقانه

أبوثـمـانٍ رهــاف ودقــةٍ زرقـــا
موتي ولا صدته عني وهجرانه


....

[الحمدان]

الا يالله وان تغفر ذنوب اللي عصاك وتاب

كسيرٍ عند بابك وانت راع الجود والمنه


حمد البادي

[الحمدان]

على الهون ياراعي الشماته تراها دين

ولا تأمن صدوف القدر تجعلك شمتّه


معدي الكذوب

[الحمدان]

اجمع له سمان الهرج خوفٍ من التقصير

والا جيت ابشرح له كلامي تهيزلته


سعد بن جدلان

[الحمدان]

مايفرح الرجال طيحة بناخيه
ولايزعل الطيب نجاح ابن عمه

واللي يحارب بالمواقف عوانيه
انا اشهد ان الحسد يجري بدمه


المجاراة....
والحسد علة قلب ابسط معانيه
يلبس الرجال ثوب المذمه

ولا ينجذب للعز والطيب راعيه
ولايندفع نحو الامور المهمه

بالمختصر راعيه محدن يدانيه
وهو سلعته مابين غيبه ونمه

[الحمدان]

يالله بصبراً في الليال الوحيشه

حلاوته تنسي مرارته فاتلاه


سعود الشطيطي

[الحمدان]

لو تطلب النفس الكريمه تلبيك

وشلون لو تطلب كريم خلقها


....

[الحمدان]

لابد ماتصفي عدود المشاريب
ويبين من عقب السواد البياضي

الرجل يركض مثل مايركض الذيب
ويصير عنده للحياه آنتهاضي

ولا ينسدح مثل البنات الرعابيب
ويربض سوات الي تحب الرباضي

محمد بن هضيب

[الحمدان]

‏مانكشف اسرار الصديق المقفي
نوفي معه لآخر حياته ونبكيه

وليا ذكروه بسو نزعل وننفي
ونذكر محاسن سيرته يوم نغليه

....

[الحمدان]

انا من غيرتي حتى الهوى لاتعداك

اقول وش تبي ياهوى في حلالي

خالد الفيصل

[الحمدان]

بالعز نمشي لورجعنا مقاتيل

وعيشت أهل الذل يلعن جدها

[الحمدان]

ماكل من حبيت واغليت يغليك
‏
ولا كل من تشفق على حبه اغلاك

[الحمدان]

‏عن عيون الناس تسترني ثيابي
وكل حيّ ٍ غير ربي مارجيته

ويوم شفت إن الكفن ماله مخابي
كل مايطري على بالي شريته

....

[الحمدان]

صباح الوردِ ياوَردَاً تَهادَى
وبثَّ النور في حُسْنٍ وأقْبَلْ

وَفاحَ العِطرُ مِنْ خَدّيهِ يَشْذو
فَأسْقى الوردَ مِنْ خَمرٍ وَأثْمَلْ

فَغَارتْ رِقَّةُ الأزهارِ حَيرى
وَظَلّتْ عَنْ بَهاءِ الحُسْنِ تَسْألْ

ورقَّ الزَهرُ وَالأغصانُ خَجلى
فَغَنّى الصُبحُ أشْعاراً وَرَتَّلْ

صَباحُ الشوقِ يَاحُسْناً فَقَلبي
يُعاني الوَجْدَ مِنْ شوقٍ تَغَلْغَلْ

تَمَهّلْ أبتغي في بوحِ سِرّي
فداكَ الشعر يَاعُمري تَمَهَّلْ

....

[الحمدان]

‏يأكثر حبي لك وياكثر ما اغليك
وياكثر مالك في ضميري معزه

انسى حياتي بس ماني بناسيك
حبك وسط القلب محدن يهزه

....

[الحمدان]

‏فيك العطور تغار من نفحة العود
وانت جمالك سحر ومشاهدك ويل

تدري وش الابداع نظراتك السود
تجمع بريق الصبح مع ظلمة الليل

....

[الحمدان]

‏لاصرت طيّب لاتهاب الضعيفين
لابد ماتلقى ضعيفٍ يسبك

اليا تباغض واحدٍ لك او اثنين
يكفي مطاليق الجماعه تحبّك

....

[الحمدان]

مافيه حلمً بالهوى ماضاع
دامك وصلت لغايتك معذور

كانك على وصلي قصير ذراع
انا على الفرقا طويل إشبور

....

[الحمدان]

لاتطول بالسكوت وبالملام
خل عينك تاخذ اللي هي تبي

مابقى عندي بعد هذا كلام
بس لامن طحت دونك منكبي

إذكر انك قبل توديع وسلام
شعرة في لحيتي قبل شنبي

رح على وضح النقا قدر ومقام
ولا تخليني بأحاسيسي غبي

....

[الحمدان]

شف من اللي بالمواقف لك صفو
وشخص واحد خوته لك كافيه

وأن طلبت اطلب من الله العفو
واسأله من بعد عفوه عافيه

....

[الحمدان]

‏لابارك الله بالرفيق الي ليا منه زعل
جاب العلوم الي ببطنه كلبوها وكبها

بقلمي

[الحمدان]

من طلب سلم منا يعتبر سالم
ومن طلب شر يبشر قوم حرابه

بقلمي

[الحمدان]

‏ترى الرجال افعال والعمر مره
اظهر بفعلٍ يطلق الوجه ويسر

بقلمي

[الحمدان]

سَنة ماشايفك بس إنت موجود
لهسه أشتم عطر من شوفة العام

ماتاجرت بإسمك بس تعاطيت
بيني ماتاجرت بإسمك بس تعاطيت

بيني وبين روحي وهجَرك إعدام
شفتك بالحلم فزيت مرعوب

مالحگت أشوفك مِسرع أجدام
نذر لو ملتفتلي چا تحَنيت من
اطراف جدمي لشعرة الهام

شعر عراقي

[الحمدان]

خِذني يَمّك كُلشي مِن دونك مَلل
فرحَة أصيرلك لو يُمر بيك الزعَل

خِذني يَمّك گلبي مِنك مَايمِل
خِذني يَمّك أنه ألك دِيرة وأهَل

شعر عراقي

[الحمدان]

أنت ماخِذ رُوحِيّ مِني
يَاسَبب جَرحِي اليغني

أنت دَفانك دِفني
وَاعِله گبرك كِتبوا إسمِي

شعر عراقي

[الحمدان]

يَصف العراقيين حُزنهم بأشعار مَثلًا :

المَا شايف الشفته لايظل يلوم

اليجي للفاتحَة مو مِثل صاحبها

[الحمدان]

مَاشِفت مِنك بَس حِزن

ينفتِح شباچ السِجن

بَس مايفّوت نسمَة

انت الكِتاب الحافظه

ولليوم مامِفتهمة

ماريد يبقى بخاطِري

وماريد أحس بذنبك

أتمنى أوصل مَرحلة

لاأكرهَك ولا أحبَك

شعر عراقي

[الحمدان]

شوية وجهَك لاتديره

هوَ بس هالواحِد أنت

وفرگة الواحِد چبيرة

شعر عراقي

[الحمدان]

وعَاتبني إذا غيري صبر وياك

مِثل گلبي جذب يتحمل ويصبر

شعر عراقي

[الحمدان]

‏مساءالخير ياطير خذ مني سلام وتحايا
‏واقصد بها ناس على العز رابيين

‏ناس لهم طبع المحبـّه سجايا
وفيهم من أصناف الكرامة عناوين

‏ماقول فيهم شعر أبغي جزايا
‏لأنهم عن الأشعار ياناس عاليين

....

[الحمدان]

يالله بدعوة مسلم مستجابه
من عابدٍ له نافله تالي الليل

يطلب بها ربه ويرجي ثوابه
وقلبه نظيف من الريا والتضاليل

رزقه حلال وملبسه واكتسابه
ماللربا بحساب رزقه مداخيل

دعواه عن عجم البهايم نيابه
اللي شكت من كوتها فترة الحيل

....

[الحمدان]

اجمل هدايا العمر انسان يغليك
‏وجمل هدايا الحب انسان وافي

‏روحه رهينه لك وبالعمر يفديك
‏فيه الوفاء والعهد للحب صافي

....

[الحمدان]

‏لاتطـفي شموع الغلا ياغـلا الروح
الـروح تـفـرح يـوم شـافـت غـلاها

تدري احبك وراعي الحب مفظوح
وخـل الشـمـوع مـنوره في سماها

....

[الحمدان]

كافح*ولا*ترضى*بفعل*التردي
عيش*الحياه*بعز*لاتقبل*الهون

خلك*طموح*وفيك*روح*التحدي
وسلّم*أمورك*للذي*خالق*الكون

....

[الحمدان]

‏نبع الغـــــلا عنـدك وعنـدي مصبـه
ومن الولا فــي خافقـي لك ولايات

وطيفك حطب عيني وعيني مشبه
والشــوق برد ما انقطع لو للحظات

....

[الحمدان]

دامك معي لاتحسب لغيرك حساب
اعطيك قلبي يامناتي هديه

واقفل عليه براحتك عدة ابواب
تصبح علاقة ودنا سرمديه

....

[الحمدان]

‏لو الغلا يكتب على كف مغليك
نقشت حرف اسمك على كف يمناي

ولو العمر يهدى على الناس لهديك
عمري وكل اللي ملكته بدنياي

....

[الحمدان]

‏هنيت فيك الشعر والشعر هناك
ياللي ملكت القلب عرضه وطوله

ياكاملٍ فالزين محلا سجاياك
فوق الحلا والزين نفسك خجوله

[الحمدان]

غنيت لك حبي على كل الالحان
‏
وجريت صوتي على امر ولبيك

[الحمدان]

‏الي يقدر قيمتك يرفعك فوق
‏وإذا تكدر خاطرك جاك يرضيك

‏يسقيك من عذب السواليف والشوق
‏مهما حصل في دنيتك مايخليك

....

[الحمدان]

خلني قصة هوى تسكن عيونك
خلني صورة مسافر في سماك

خذ حياتي خلها شمعة زمانك
خذ عيوني ماسكن فيها سواك

[الحمدان]

‏ﺃﻏﻠﻴـﻚ ﻭﺃﺣﻨـلك ﻭﺃﺣﺒـﻚ ﻭﺃﺩﺍﺭﻳـﻚ
‏ﻭﺍﺷﺘـﺎﻕ ﻟـﻚ ﻓـ ﺍﻟﺜﺎﻧﻴﻪ ﻭﺍﻟﺪﻗﻴﻘـﻪ

‏ﻭﺍﻋﺸﻖ ﻭﺟﻮﺩﻙ ﻓﻲ ﺣﻴﺎﺗﻲ ﻭﺃﻟﺒّﻴـﻚ
‏ﻫـﺬﺍ ﻫـﻮ ﺍﻟﻤﻮﺟﺰ ﻭﻛـﻞ ﺍﻟﺤﻘﻴﻘـﻪ

....

[الحمدان]

‏الله يا عذوبّة وحنيّة هالبيت :
‏
أدك الأرض لامنك زعلتي بالخطاوي دك
‏أسابق بالرضا دمعك قبل لايجرح أهدابك

[الحمدان]

‏ازعلي اصلاً أحبك تزعلين
‏لجل أضمك وأعتذر عن مامضى

‏لين أشوفك ياحياتي تضحكين
‏وجهك أحلى لازعل ثمن رضى

....

[الحمدان]

‏يقولون وين اللي يمثّل بكل اتقان
‏واقول اكثر العالم بدا يتقن التمثيل
‏
‏شف اللي يمثّل دور عنتر وهوْ جبان
‏وشف اللي يمثّل دور حاتم وهوّ بخيل
‏
‏وانا فيه دور يشدني فـ أكثر الاحيان
‏احبه واحب اللي بعد يتقنه بالحيل
‏
‏احب الفقير اللي مسوي غني لو كان
‏مايلقى عشاه اللي يعشيه ذاك الليل

....

[الحمدان]

‏سافرت ناوي اترك الحب لحظات
‏لقيت طيفك بالسفر محتويني

‏حاولت ابعد عن خيالك مسافات
‏الله حسيبك وين مارحت فيني

‏غيرك نسيت ماطرى لي بحزات
‏الا انت دايم بالثواني تجيني

....

[الحمدان]

‏وينك تـرى بالحيـل طول غيابـك
‏وينك ترى في غيبتك خاطري ضاق
‏
‏هذا جوابي وانت عطني جوابك
‏اشتقت والا مابعد قلبـك اشتاق

....

[الحمدان]

‏على تبسّامة الذكرى ودمع الحنين
‏ذكرتك وطاحت الدمعة وأنا مبتسم

‏ياما تذكّرت ضحكاتك وقلبي حزين
‏وياما تمنيت قربك بس مالله قسم

‏مابين مشتاق لك وأخاف لاترجع
‏أنا مابين الشعور المنقسم منقسم

‏مع إن تنفسي مافيه نقص أكسجين
‏وراي لامن تذكّرتك يضيق النسم

....

[الحمدان]

الوقت وصدوف الليال السريعه
‏مصيرها تكشف قناع المقنّع

‏وتبين اللي طيب راسه طبيعه
‏وتبين اللي طيب راسه تصنّع

....

[الحمدان]

تبقى اغلا من عرفته ومن طرى
وتبقى شي في خاطري عيا يشين

وتبقى اكثر من أخذ حب وغلا
وتبقى اصدق شعر تقراه السنين

....

[الحمدان]

‏ياليل لي مخلوق غالي على البال
دايم مع صمتك خيالي يراعيه

هـو يسهرك مثلي قصـايد وموال
سلم علـى قلبه وداعب امانيه

....

[الحمدان]

‏أدري اني غير مهتم و ان شعوري باخل
‏وأدري ان أقصى كلامي وينك ووشلونك

‏أتثيقل عن غرامك ولا أنا من داخل
‏عاشقٍ باع الحياه الفانيه لعيونك

....

[الحمدان]

تلعب طرب وانا بنومي هواجيس
ماسهرك بالليل كثر الهمومي

أسهر إلى نامت عيون الهداريس
بالليل اراعي ساهرت النجومي

أونس بقلبي مثل صلو المحاميس
الله يلوم اللي لحالي يلومي

الشيخ والشاعر تركي بن حميد

[الحمدان]

مرحبا يا أعذب الأصوات وأغلاها
‏صوتها العذب مرسلته على شاني

‏والمشاعر ترحب بِه من أقصاها
‏من خفوقي ومن دمي وشرياني

‏كل كلمة تداعب حمرَة شفاها
‏تمتلكني وتآمرني وتنهاني

‏أنا وأرضي وشعريَ من فداياها
‏حتى بحري ولولوي ومرجاني

....

[الحمدان]

وانتي اختصرتي ‎بالجمال المزايين

حتى كسبتي من طرفهن عداوه

[الحمدان]

‏هذي فياض المحبّه يوم صارت هجير
‏معاد فيها نعيم وعيشةٍ هانيه

‏ليتك قبل لاتوادعني الوداع الأخير
‏ماقلت لي خلّ أشوفك مرّةٍ ثانيه

....

[الحمدان]

‏يالله بليل فيه رحمة وتوفيق
‏من عند ربٍ ما انقفل يوم بابه

‏ليل السعه مافيه همٍ ولا ضيق
‏فوق البشاير دعوّةٍ مستجابه

بقلمي

[الحمدان]

‏مدغم بو شيبه يقول :

‏ودّي إني في المجره وأسولف للنجوم
‏لا أتكلم مع هل الأرض ولا أسمع كلام

[الحمدان]

‏رح مراح اللي من كبار الخطايا معفي
‏لا تقول اخاف نظرات العرب وألسنها

‏انت حبك والله انه مثل نقطة ضعفي
‏حاجةٍ مهما حصل ماني مسولف عنها

....

[الحمدان]

‏تعال سولف علي بأسلوبك الساخر
‏خلّ الحزن ذاك تِضحكني تفاصيله

‏الليلة أن كان عندك للمطاف آخر
‏وصّلني آخر مطاف أحزانك الليلة

....

[الحمدان]

مصير الأيام تكشف لك كنين الصدور
‏كانك تشوف الوجيه وتجهل قلوبها

‏قلبك دليلك ليا اشتبهت عليك الأمور
‏لاتقرب اللي يجيك الشك من صوبها

....

[الحمدان]

‏يامقهوي قهوني جعل كيفك مايهان
‏ الصداع اللي عبث بالخلايا وقفه

‏صب لي فنجال قهوة بريح الزعفران
‏والقبس يلهب وصفر الدلال مطرفة

....

[الحمدان]

‏من جهل خافي ضميرك لاتلومه
‏كل رايق يحسب ان الكل رايق

‏حط نفسك موقفه تعذر علومه
‏آلبشر ماهي على صدرك توايق

....

[الحمدان]

ياما ورى بعض أبتسامات الوجيّه
‏
خواطر جار الزمَان وكسرها

بقلمي

[الحمدان]

‏لاشفت من يزعل بليّا خطا منك
‏حاول عن اسباب الزعل لاتقصّى

‏أمّا لقى نمّامٍ مسولفٍ عنك
‏والّا على ماقيل خبلٍ موصّى

....

[الحمدان]

كل ماشفت وجهك
ودي اكتب قصيده

‏انت وجهك بحور
ومفردات ومعاني

....

[الحمدان]

إسكن بقلبي وإحسب البيت بيتك
وفيه إعتبرني ضيف قاصد محياك

إن احتواك الشوق وإلا احتويتك
خذ ناظر عيوني على كيف ماجاك

وإن ماكفاك القلب روحي عطيتك
يفداك قلبٍ قلبه الروح تفداك

....

[الحمدان]

ياناس ياعالم وياكل عابر
ليش الهوى ماني ملاقي طبيبه

حنين قلبي ماتحن الطواير
على الذي ياناس فارق حبيبه

من يوم فارقته وانا دوم ضاجر
حتى وجع قلبي تكاثر لهيبه

وصابر على فرقاك ياخل صابر
لاكن صبري قال يبغا ضريبه

تمنيت لو نرجع لتلك المجابر
تمنيت ضحكاته عناده نحـيبه

تمنيت لاكن سرت مكسور خاطر
خيبه وجت من بعدها الف خيبه

....

[الحمدان]

يانفس هديها وتهدى وتنشال
لايصير حزنك بين هالناس عادة

يبي يجيب الله عقب ضيقة البال
سعادة ٍ مابعدها من سعادة

....

[الحمدان]

‏اعلان للي ما بعد جرب الحب
يسلك طريق الحب بس بشجاعه

فيه الوفاء والغدر والصدق والكذب
وفيه الفراق وفيه شوق اجتماعه

حظك على حظك تشجّع وجرّب
ان صبت والا غير تاخذ مناعه

....

[الحمدان]

بعض الكلام اسرار لا صار تلميح
‏ مثل المعاني بالقصايد غرييقه

‏وبعض السكوت طعون من غير تجريح
‏تكشف خفايا الناس لو هي عمييقه

....

[الحمدان]

ياراعي الدله ترى خاطري ضاق
والصدر لامن ضاق أمساء خلاوي

صبيت لي فنجال وتقول مشتاق
والشوق بعد الجرح ماله مداوي

....

[الحمدان]

لايضيق بالك يالغلا دامني حي
امسح دموعك وابتسم لاتحاتي

قرب وحط ايديك في راحة ايدي
واللي بغيته جاك لوهي حياتي

....

[الحمدان]

‏شفتك وجيت أقـــول مسيت بالخير
يسعد مساك ويسعد الله حضورك

ياللي حضورك غير يفرق عن الغير
الجــو جووك واجمل النــــور نورك

....

[الحمدان]

هلا وجيتك جية وطلتك غير
راعي القصيد الله يصلح امورك

اجمل تحية للجميع عبر الاثير
انتم الروح لروح القصيد بشورك

....

[الحمدان]

‏كل ضيقة تنتهي مهما تطول
والمطر ياتي معه برق ورعد

كل ماضاقت علي اضحك واقول
اجمل الايام لم تأتي بعد

....

[الحمدان]

‏لبى مسائك ولبى الشوق وعيونك
ولبى الشعر لاتغزل فيك واغراني

وامسيت اغني غلاك ونزوة جنونك
وكتبت بوحي وجيت بشوق تقراني

....

[الحمدان]

‏بعيش احبك غايب او كنت موجود
تبقى بقلبي مثل ماكنـت غالي

ماغيرت قدرك مسافات وحدوود
لازلت في هالقلب حاكم ووالي

....

[الحمدان]

رغم ابتعادي عن مراسيء تلاقيك
تبقى على ضفة فؤادي سفينه

أحيان اشوفك في خيالي واناجيك
وأحيان فصل الشوق يمطر حنينه

....

[الحمدان]

‏قصايدي كلها لعيونك ابدعها
حتى المعاني تقول اكتب على شانه

قصيدتي ماتبي غيرك يطالعها
لنّك غرام القصيد العذب واوزانه

....

[الحمدان]

‏ياليتـني عندك تقهويني يمنـاك
أشرب دلالك والحلى من عيونك

في مدة الفنجال تغمزلي حياك
وأقول تبقى فـي خفوقٍ يصونك

....

[الحمدان]

‏الشعر أنا كاتبه ل أجلك ولعيونك
وأنا عشانك بجيب الشعر واقرأ لك

كان القصايد ترد احساس مفتونك
اصير شاعر غزل كله على شانك

....

[الحمدان]

شل قلبي معك يازين ارجوك شله
شل قلبي ونا بحط اسمك محله

وان قدك في حضور الزين ياقلب قله
صاحبي قال لي انك دوا كل عله

....

[الحمدان]

تمر احلا هواجيس القصيد لخاطرك ورضاك
مثل مامر قدّام الفقير ابعد ملذّاته

تعالي لين مايبقى مكان مْن الحـنين الّاك
تعالي لين يكسـرْك الوله واكسر معاناته

حبيبي خاطري لاتستمع لـ الماضـي الشكّاك
وانا بعدك نسيت العمر وايّامه وساعاته

اشوف الليل بك يـبدا واشوف ان القمر إياك
وتطربني نسانيسه وانا اسولف معْ سكاته

وش الهجره وانا اللي ماينام الا على الشبّاك
وش الترحال ياصوت الوطن بين اخذه وهاته

تسافر بي نواعسْك الفريده رحلتين افلاك
واسافر بك قصيد اجدّده واعانق ابياته

....

[الحمدان]

واجد الي قالوا الظاهر ان خلك نساك
بس انا لازلت صابر ومشتاق وحزين

يابعد كل الحبايب عسى الدنيا فداك
حيرتني غيبتك واتعب الشك اليقين

ودي ادري من هو الي بعد ربي خذاك
مني ان كانه نصيبك ترى ماهو بزين

....

[الحمدان]

من عرفت انك تحبّين القصيد وتحفظينه
جبت لك در القصيد وسقت لعيونك ركابي

يكفي ان اسمي أنا من بين الأسما تعرفينه
كان خفتي لاتخافي ايّ شي إلاّ غيّابي

شاعرك من عادته لاغاب عوّد بالثمينه
دام طيفك لادنى صوبي مايفقدني صوابي

القلوب العاشقه حرّه ولكنها سجينه
والآمل لوينعش احلامي ماهو جابر مصابي

كم رواية مبهره كانت نهايتها حزينه
لايروح العمر قبل اغنم معك زهرة شبابي

....

[الحمدان]

بديت اتعمق بنفسي ولا اهتم لكلام الغير
يقولون الهوى غفله وأقول إن المدى واعي

غديت اودع المقفي ولا احب اسمع التبرير
أشووف ان التفاصيل الكثيره مالها داعي

....

[الحمدان]

أسعد الله مسائك يارقيق المشاعر
واسعد الله حياتك كل وقت ٍ وحين

يارقيق المشاعر رِق لحساس شاعر
من فراقك فؤاد احساس شاعر حزين

....

[الحمدان]

سراب الأعذار مايقطع ضما الوارد
‏في عينه الأرض جردا والسماء زرقا

‏ردودك الباردة وأسلوبك البارد
‏كنّها توريني الممهاج والفرقا

‏وأعذارك الواهيه من ذهنك الشارد
‏أغصان هجرن عليها ناحت الورقا

من دون طيحة غلاك حروب ومطارد
‏والعين ماطاح منها مستحيل يرقا

....

[الحمدان]

لاتجيني تعتذر وتقول آسف
لاتحدثني عن اسباب الغياب

لاتحاول أن تثير بي العواطف
دام حبك كذب واوهام وسراب

لاتبرر لاتفسر وانت عارف
إن جرحك ما التئم للأن وطاب

ياحبيبي أنتهىٰ وقت السوالف
عن غـيابك وابتدأ وقت الحساب

.....

[الحمدان]

دام يومي معك يبدأ من صباحه
الوكاد انه سيبقىٰ يوم سعيد

السعاده آخذه أكبر مساحه
والسرور اليوم هذا شيء أكيد

....

[الحمدان]

أسعد الله مسائك ياجميل الصفات
واسعد الله حياتك كلها ياجميل

في حضورك يصير المُر سكر نبات
والظلام نور والعلقم كما السلسبيل

....

[الحمدان]

‏من لايحس بقيمتك وانت موجود
‏ماهو بناشد عنك لاصرت غايب

‏حاول تفرق بيض الأيام والسود
‏ياقلب ما كل الحبايب حبايب

‏اللي يبيك يجيك لو دونك قيود
‏يكسر على شانك خشوم الصعايب

....

[الحمدان]

‏طبيعة الشخــص فـ اخــلاقه وفـي نبله
‏ان كان تبغى جمــيل القــول ينسب لك

‏انت إجتهد في الكلام الــزين واتعب لـه
‏وتلقى حصيله مع اهل الطيب يرقب لك

....

[الحمدان]

‏مرات تلقى شخص ترتاح له حيل
‏ودك تسولف له ويسمع همومك

‏ومرآت تلقى الهم والغم والويل
‏واقرب قريب تخاف يعرف علومك

....

[الحمدان]

‏ناس تنام وناس تصبح على خير
‏وانا بهالموال ماسك جهازي
‏
‏لو السهر يعطي شهادات تقدير
‏يمدي من البارح اخذت امتيازي

....

[الحمدان]

تدرون ويش أطيب من الجاه والمال
وأطيب من الشهَّـرة ومن محتـواهـا

لا صرت متعافـي وعنـدك سـَتر حال
والنـاس مـالـك حـاجـةٍ مـن وراهـا


....

[الحمدان]

تبي الكلام الصدق بيني وبينك
‏اسمع معي هالبيت مادمت وياك

‏من باع كل الناس من شان عينك
‏حطه بعينك واجعله نور دنياك

....

[الحمدان]

‏حي المساء اللي نشوفك تجي فيه
ياللي عليك الروح كل يـوم تـولـه


يالذ واجمل شي تطري طواريه
ياغاية المشتاق واللي يـقـولـه

....

[الحمدان]

اهدي له ورد من النبض ماجف
عطر الغلا منثور باقصى الحنايا

يطول عمر القلب والشوق ماخف
بعض الأوادم في حياتي هدايا

....

[الحمدان]

‏على سبيل الصمت يامكبر البوح
‏والعين تحكي بوح قد طال صمته

‏بعض الكلام يعانق الروح ويروح
‏وبعض الكلام يموت بك مانطقته

....

[الحمدان]

أبعتذر وإرسل مع الشوق عذري
ياللي مكانك بين عيني وقلبي

أنا مقصر والظروف اجبرتني
وأبيك تقبل إعتذاري وظرفي

والله ماني مهملك في حياتي
لكن حياتي كلها أتعبتني

....

[الحمدان]

‏عن كمية الالم في الفراق الاجباري

‏- يقول ضيدان بن قضعان
‏وجد من قفى وهو في رجا كلمة تعال
‏والتفت من عقب م قفا ولا حدٍ لد فيه

‏- ويقول راكان بن ملهي :
‏والله إن أقسى من البعد وأوقات الوداع
‏لحظةٍ يمشي بها الشخص وعيونه وراه

[الحمدان]

حلمت فيك البارحة تصافحني
‏سمعت صوتك يناديني ولبيته

‏فزيت مفزوع الا وينك وويني
‏واثاريك حلم على الواقع تمنيته

....

[الحمدان]

الزمن دوار والموقف وعد
‏وأكثر الأفعال داخلها إشتباه

‏الغريب يقول تبشـر بالسعد
‏والقريب يقول تشغلني الحياه

....

[الحمدان]

واحد ويسوى في عيوني ملاين
هو عالم احبابي وناسي وربعي

وان ماتغطى الجفن وتوسد العين
القاه بين اعروق قلبي وضلعي

....

[الحمدان]

سعد من يجلس معك في وسط بيتك
‏رايق ويقعد معك لو ربع ساعه

‏وان بغيت تروح عن دربك نهيتك
‏والأوامر كلها سمعٍ وطاعه

‏ليتني لا من بغيت اجيك جيتك
‏وليتنا مع ربعكم ربع وجماعه

‏ابك انا في كل حالاتك بغيتك
‏وشوفتك عندي تراها اكبر طماعه

....

[الحمدان]

مالنا روسٍ تدنق ولا عينٍ تلد
القناعة زادنا والفخر ملبوسنا

كل ماضيق بنا الوقت سقناها جلد
تببطي ظروف الليالي تنزل روسنا

....

[الحمدان]

يارجل لاشفت الزمن متحديك
احذر تبين للمخاليق سدك

والمصدر اللي منه الرزق ميجيك
عنه الخلايق هرجهم لايردك

ترا الحرام اللي عن الناس بيغنيك
يسوى الحلال اللي عليهم يحدك

....

[الحمدان]

لو تشين اضروفنا والله انها مـاتضيـق
ان مشت بزيـن ولا العـزوم اتـحـلـهـا

ف المواقف ذي عنيه تسبب نشف ريق
فعلنا بايسقي احلوقها ويبلها

....

[الحمدان]

ابتديتك غلا ولا عرفت انتهيك
‏وشرف الضيق بالصدر الوسيع وقلط

‏عادني في رجاك وعاد عيني عليك
‏وعادني فالطريق وخابر انه غلط

....

[الحمدان]

چان بوكتها حرب
والقادة نصحّونا
الما ينتبه ينكتل
ولاتنشغل بالمُضى
ضلوا يذكرونا
بس ما سمعت الحچي
چنت أمشي وسط العدو
وبچفي احط صورته
وأصفن على عيونه
وثاري اليعوفه العدو
ناسه اليكتلونه

شعر عراقي

[الحمدان]

كلشي جربيت وما الي حظ
انشدك بالهوى ينشاف ينكض

جبتها من صباي وهسه لبلاي
الدنيا خلصتها وياي بس عظ

وداعاً يا عمر تعبتك وياي
دخلي نموت خاف هوايه تعرض

شعر عراقي

[الحمدان]

مَرات أحتِاج العَتب
بَس قررِت مَا أعاتبّة

وأصعَب أحاسِيس البُعد
مِن يَمشي وأبقى مراقَبة

چنهَ مِثل مَاي وهوى
حَالة صداقِة وحُب سَوة

وهسِة أنةٌ واحَد منهِدم
فَارگ حبيبّة وصاحَبة

شعر عراقي

[الحمدان]

عليك من انسأل تصفن بروحي سنين
وما اميز بين اللچمه والدگة

ال عَلي سألوك هم سألوني واحتاريت
وسويتك نبي گلت انجبر حگة

اناشغ والبجي يوصل السابع ليل
وفشلتي بدمعه تبدي وتنتهي بصفگة

طش بديرتي حتى التفت والگاك
اختنگ صدري ومتت بمدافع السحگه

شعر عراقي

[الحمدان]

وفجرك هوى يمرني وماشتميته

اثر طعنتك زنجر والخناجر بيض

عكس گلبك وياي الما صفت نيته

انا دمعت غريب بكل سهولة اطيح

جدمي لذكرياتك ليش وديته

فراگك والگبر يشابهن بالعين

منو المنهن يعيش بروحي وصيته

بظهر كلماً يمر تسافر الدمعات

بس انتَ عليك العمر بديته

اذا تمشي بخيالي تعثرك اللحظات

البيهن جدمك وي الغير مشيته

شعر عراقي

[الحمدان]

ان كان تنشد يا الهويدي عن الطير
الطير والله يا الهويدي غدالي

طيري عذاب معسكرات المسامير
ان حل عند قطيهن الجفالي

ان جا نهار فيه شر بلا خير
وغدا لهن عند الطريح اجتوالي

ان دبرن خيل وخيل مناحير
وغدن مثل مخزمات الجمالي

على الرمك صيده عيال مناعير
وشره على نشر الحريب الموالي

يضحك ليا صكت عليه الطوابير
طير السعد قلبه من الخوف خالي

خيالنا وان عرجدن المظاهير
وزيزوم عيرات طواها الحيالي

غيث لنا وان جت ليالي المعاسير
وبالشح ريف للضعوف الهذالي

يسقى ثراه من الروايح مزابير
تمطر على قبر سكن فيه غالي


شالح بن هدلان

[الحمدان]

كل ما هبّت على قلبي نسانيس الليالي
‏قمت احسّب ماكسبت من الحياه وماخسرته

‏واتذكر مكسبي واللي غدا من راس مالي
‏واتذكر كل حلم ما هدمته لا عمرته

‏واتذكر كم غدالي من صديق وكم بقالي
‏وكم صديق حافظ بـ كرّته وصد وضاع كرته

....

[الحمدان]

‏يارب يسرها على كل ضايق
وارفع ستار الهم عن كل محزون

لو كان في درب السعاده عوايق*
تهون مع رحمتك ياخالق الكون

....

[الحمدان]

عليك من الوله عيني تولجها* المدامع لين
ذبل حلم الغريب اللي حلم يلقاك من مده

َوعليك من الخفوق اللي تغذا من غلاك سنين
سلام الغايب اللي راح منّك والزمن حده

....

[الحمدان]

خل النوايا الطيبه نصب عينك
واعبر طريقك لامشيت وترفّق

حتى لو إن أهل الردى محتسينك
من أخلص النيّه لربه توفّق

[الحمدان]

‏ناس على قل الوصل حيل تغليك
وناسٍ مقابلهـــم عـمـر يكرهــونك

بعض البشر مهما هملته يراعيك
والبعض لو تعطيه عـمـرك يخونك

....

[الحمدان]

من جاهد الدنيا على قل تفكير
ما يستفيد الاّ التعب والكلايف

خلك صبور ويرزقك رازق الطير
وما فات لاتكثر عليه الحسايف

....

[الحمدان]

البعض صحبتهم عذاب
معد لهم بحسب حساب

بفتح لهم مليون باب
كلن طريقه يعرفه

البعض يقطع معرفه
والبعض معد نعرفه

كلن عرفنا موقفه
يلعن ابوها معرفه

مادام انا طبعي وفي
ماهمني من يختفي

بالعز طبعي واكتفي
واعيش مسيره مشرفه

....

[الحمدان]

‏ ‏ماتغيرنا السنين ولا يغيرنا الزمن
‏لو يشين الوقـت حنا بأذن ربي مانشين

‏نخسر الدنيا وندفع كل مافيها ثمن
‏اهم شي نكون في صدق التعامل عايشين

....

[الحمدان]

هلا فيك ياروح الغلا والوله منقاد
هلا فيك من نفس ٍ من البعد مكتوفه

هلا فيك تبقى للهوى والعشق وقاد
هلا والغلا في داخلي ضاعت وصوفه

ياغاية حبيب ٍ هام بك يوم ربي راد
عرفنا الغلا منك والأسباب معروفه

....

[الحمدان]

‏اغرقتني في غلاك ولا بغيت النجاه
ياحلو معك الغرق فالحب واللي بعد

انت اول انسان حبيته فوجه الحياه
وانت آخر اللي تربع فالخفوق وقعد

....

[الحمدان]

‏أول أحبه والشعر فيه أغنيـه
‏واليوم غايب بس أتابع حضوره

‌‏مدري أعزي قلبٍ ذاب بطواريه
‏ولا أعيش الحب ذكرى وصوره

....

[الحمدان]

‏تعال خذني بين اياديك مشتاق
‏قبل نتفارق حط يدك بيدي
‏
‏بقعد معك ساعة حبايب وعشاق
‏ومن بعدها كيفك لو اتصرت ضدي

....

[الحمدان]

‏خلنـي حلمك واشيلك في عيوني
واخذك حلمي وشلني في عيونك

خلني فـي وسـط قلبك لايجوني
واخذك في وسط قلبي مايجونك

خلنـي فـي داخلك لاتحط دوني
واخذك في داخلي ما احط دونك

....

[الحمدان]

‏يا ليـــل يا جامـــع علـى الود قلبين
ويش اجبــرك ياليـل تسرق حواسي

من وقت ما ناظرت مكحولة العين
نسيــت كونــي به واهلـي وناسي

لحظـة لقــاء فيها تلاقــا المحبين
وفيها اجتمع عشاق فوق الكراسي

صدفـه بلا موعـد ولا ايت عناوين
سرق المشاعـر حبهـا مـن اساسي

....

[الحمدان]

‏لاشحو الناس ربي يعطي الجنه
‏مايغني الا كريم الوجه سبحانه
‏
‏العز للنفس واجب والحيا سنه
‏وأنا يديني من الثنتين مليانه

....

[الحمدان]

‏يرضيني اني عشت وافي ولا برت
‏واعلنت بالهرج الصريح انطباعي
‏
‏زاد النفاق الاجتماعي وانا صرت
‏ماعاد احب أصير شخص اجتماعي

....

[الحمدان]

‏لاتساومني وأنا أدري وأنت تدري
‏إني أعاف الجفى لكن ما أخافه
‏
‏َخابرٍ قدرك بصدري بس صدري
‏ماتعوّد يلحِق الـمقفي حسافه

....

[الحمدان]

‏المعارف فالعمر حظ ونصيب
‏والأسف بعد الخطا من يصرفه

‏مايجيك الجرح من واحد غريب
‏مايجيك الاّ من اللي تعرفه

....

[الحمدان]

‏كنت أحب الصبر وأحلامي تضيع
‏وضاعت الأحلام يوم إنـي صبرت
‏
‏كنت أقول أكبر وأحققها جميع
‏ماتحقق شيء غير إني كبرت

....

[الحمدان]

‏قلوب البشر ماني على ودها مكلوف
‏رضاها علي ماهو مدخلني الجنّه

‏عسى الله يبيض وجه من يذكر المعروف
‏يماري براع الطيب لامن حكو عنه

‏بوقت أشوف الناس تخرج عن المألوف
‏تكب الصحيح وتترك الفرض والسنّه

‏نعاف المكان اللي حشم هرجة الملقوف
‏ونعاف الجميل اللي يجي من ورا منّه

....

[الحمدان]

‏القاسي اللي ماتغيره الاوقات
‏ليّن قساه اللي بعوده ليانه

‏ياغايبه ما فات لي معك مامات
‏بين الظلوع العوج مثل الامانه

‏لازلت اشوفك غير رغم المسافات
‏اللي ترجّع كل واحد مكانه

....

[الحمدان]

ودي ارد قلبي بالغزل ياغزاله
‏لايسوي سوات اللي يهمّل رفيقه

‏الهوى لذّته في طيشه وفي هباله
‏ولذّة اول شعور وربكة اول دقيقه

‏وجهٍ اللي يشوفه ينبهر من جماله
‏وطلةٍ تجعل الرجال يشرغ بريقه

‏ودي امثل مثول المتهم للعداله
‏ماعلي دامني بين اليدين الرقيقه

‏العفو ياشبيه اللي جفل من ظلاله
‏نظرتي في التفاصيل الدقيقه دقيقه

‏انت حتى الذهب يزهاه جيدك لحاله
‏ويتلاشى على غيرك ويفقد بريقه

....

[الحمدان]

يارب زدنا خشوع وحسن ظن وتقى
ياللي ماتاخذك لحظه نوم ولا سنه

اغفر لنا اللي مضى واحسن لنا اللي بقى
واختر لنا من العمل ومن الكلام أحسنه

بقلمي

[الحمدان]

‏تغير علينا الوقت مدري وش الاسباب
‏وأنا صار يتعبني الذي كان يسعدني

‏لو أحط لي بيتين ذلحين فالاصحاب
‏طلع لي كذا صاحب يقول أنت تقصدني

....

[الحمدان]

‏اوادعك والدموع اللي تسابقني
‏أصدق من أحساس من حبك ومن بوحه

‏وشلون تدعي لي أن الله يوفقني
‏وأنا بلياك شخصٍ فاقدٍ روحه

....

[الحمدان]

‏خايلت همال الحيا وعسيت في روضك أريج
‏وقمت تلوى ماعطيت العلم كنـك زوبعـه

‏خذنـي معك قدام يعلا الصوت ونعود لجيج
‏ويضحك علينا في تويتر كل صاحي وإمعه

....

[الحمدان]

‏ياناعس الطرف ماني مدوّر الطارف
‏عزالله اني نقيتك نقو مترفّق

‏اعذب من المال لامن عدّه الصارف
‏والطف من النود لامنّ العصر شفّق

‏احنّك من البرود ودمعك الذارف
‏وادرى على سمعتك من هرجة الطُفّق

‏عن غيري الروح منلدّه وانا عارف
‏والقلب لمواجهك هاوي ومتشفّق

....

[الحمدان]

سبحانه اللي يزرع بذور المحبه فالقلوب
‏واليا عطى عبده قبول الناس جاته مقبله

‏بعض الاوادم تقبله لو فيه شي من العيوب
‏وبعض الاوادم لو تحاول تقبله ماتقبله

....

[الحمدان]

‏مثل الجبال الراسيات الشواهيق
‏بعض الرجال وبعضها كالنثيلة

‏وإليا لزمت إلزم خوي المطاليق
‏وجنب عـن اللي خوته لك وسيلة

....

[الحمدان]

بيت قريته ماعرفت أسم راعيه
‏ألا ان راع البيت خط الجزاله

‏يقول في بيته وقافه وما فيه
‏بيت ٍيهيض المستمع من جماله

‏حقد البعيد يموت لامات راعيه
‏وحقد القريب يورثه في عياله

‏_______________

‏لاسكر الله باب يفتح لنا أبواب
‏واليا ظلمونا خلق سخر لنا خلق

‏حكمه من الرحمن وأحكامه أسباب
‏حتى نعرف الناس ونميز الفرق

‏_______________

‏مادام جودات الفتى من ذراعه
‏فأنا طويل الباع ماني بمجهول

‏_______________

‏يخشى من التقصير من يفعل الطيب
‏ لو كان وافي قال مانيب وافي

‏يحرص على السمعه ويدرى من آلعيب
‏ وإلا الردي يشوف عمره سنافي

‏_______________

‏تعيش ياراسي وتفداك الأنذال
‏ومن لاحسب لك لاتحسب حسابه

[الحمدان]

افعل المعروف وتشوف العجايب
‏كل حاجة ممكنه تقدر عليها

‏يمكن تنجّيك من بعض المصايب
‏حاجةٍ في وقتها وفقت فيها

‏قمت مع محتاج والا أسعدت شايب
‏أنت ناسيها وربّك مانسيها

....

[الحمدان]

‏جنّدي روحي تحت راية دلالك
‏و مهجة ٍ كنّك برمشك قاسمتها

‏قامة ٍ فيها من الفتنة مهالك
‏ وش مخُيلتي لو إنها راسمتها

‏معركة طرفي على مجابه جمالك
‏معركة من قبل تبدأ حاسمتها

‏مايغيب السارح إلاّ معْ خيالك
‏صورتك في كل بال ٍ واسمتها

....

[الحمدان]

‏لكن هنوف مثلت دور العزيزه في مصر
‏قدت قميصي واسرفت في وصلها قبل انتبه

‏يوم انتبهت استشهدت ضدي بحراس وقصر
‏قلت ارحمي عزيز قوم ذل وارخى منكبه

‏ماني نبي الله اقاوم حسن خصرك لا انصهر
‏أنا بشر عبد ضعيف كل برق يجذبه

‏والحب شي لو حصرته في ضلوعي مانحصر
‏يطغى على حدب المحاني لين ابيحه واكتبه

....

[الحمدان]

‏ثلاث شهور وأنا أفضّل العزله عن الجلّاس
‏ماغير أمشي على طاريك وأسولف على ظلّي

‏أقوم هناك كنّ الليل يبغاني بكلمة راس
‏بنفس الموعد إللي قلت فيه لدمعتي هلّي

‏كرهت الناس عقبك وأقتنعت انّي عدوّ الناس
‏أشوف قلوبها تدعي عليّ وقلبك يهلي

....

[الحمدان]

‏استانسو ترا الليالي زايله
‏ولا تكدركم تصاريف الحياه

‏ماينفع المهموم همٍ شايله
‏الرابح الي يعطي الدنيا قفاه

‏وترا التشكي بالظروف المايله
‏اتشين الرجال وتقلل حلاه

‏حتى ولو عاين نجوم القايله
‏يخلي الشكوى لربه في دعاه

‏واللي يدور لدروب الطايله
‏فلا يخلي طاعة الله والصلاه

[الحمدان]

فرق الطموح وفرق* عزم الرياجيل
‏يفرق مابين الناس بالعمر كله

‏أحدن عيونه ترقب الجدي وسهيل
‏وأحد ٍعيونه حدهـا حدود ظله

....

[الحمدان]

‏قدرت اكفّ مَسمَع عشان تغضّ طرف
‏المسامع والمحاجر مرايات القلوب

‏تنهزم من عدة ظروف لين يجيك ظرف
‏تشعر إنك منتصر فيه لو كنت مْغلوب

‏وقّفتني سود الايام بعدك فوق جرف
‏والليالي صارت أقصر من حبال الكذوب

‏صارت اللهفة طبيعة وصار الشوق عُرف
‏ياحبيبي كل ليلة نتوب وما نتوب

....

[الحمدان]

‏انتهت رحلة غرامك والسلام
‏واجمل ايامي معك ضيعتهم

‏دام مال الحب عندك اهتمام
‏ليه اعاتب وانت صعبه تفتهم

‏رح ولا يطري على قلبك ملام
‏واجد اللي من قبل ودعتهم

‏علموني عنك تجار الكلام
‏وغلطتي في وقتها كذبتهم

‏ليتني وياك ماعشت الغرام
‏وليتني لما حكو صدقتهم

....

[الحمدان]

لابد من عقب المصاعب تياسير
والآدمي يصبر وصبره عبادة

نتعب ونقطع بالركادة مشاوير
وسعي الطفاقه غير سعي الركادة

ظروفنا صعبة وتبغى مناعير
معها على سود الليالي جلادة

بكره يبين الصبح ويغرد الطير
وامشي مع العالم واوزع سعادة

....

[الحمدان]

أحذر تجامل كلمة الحق قلها
ولا خير باللي عادته يخفي النور

ترى الخطيه خاسرن من فعلها
ولا بيض الله وجه من يشهد الزور

ناسٍ تشوف الطيبه في عملها
تلقى لها فعلٍ به الخير مذكور

وناسٍ بها تقصير ماكثر جهلها
ماتسمع الناصح ولا تقبل الشور

....

[الحمدان]

الرزق مايوخذ بحيله وقوه
الرزق ياتي من ولي المخاليق

واللي أمرك مدبر الكون سوه
بذل السبب والله عليه التوافيق

....

[الحمدان]

‏رسالتي لك....

امدح من يستحق
واشكر من أسدى إليك معروفاً
وقل خيراً للجميع
فبعضهم يستمد سعادته من كلماتك
ويصنع منها تفاؤله

بقلمي

[الحمدان]

‏المرايا تعكس اشكال الوجيه
‏والتعامل يعكس اخلاق الرجال

‏والكرم أما يجـي والا نجيه
‏واحترام الناس من زين الخصال

‏والزعل والضيق ماهو شي وجيه
‏واجتناب الهرج اذا فيها مجال

‏ياالله ياللي كل واحد يرتجيه
‏تهدي ارباب الدعاوي والجدال

....

[الحمدان]

يامحسن الظن لاتندم على طيبك
‏طيب النوايا فضيلة لاتخليها

‏واصبر وصابر وخل اجرك على ربك
‏عالطيب يجزيك أجور ماتخيلها

بقلمي

[الحمدان]

‏الجمايل باقية طول الأبد
والوفاءلأهل الوفاءطول السنين

والنقاء والطيب ماهو ملك حد
غير أصحاب النقاء والطيبين

....

[الحمدان]

ي ملهمة شاعر مصوب بسهمك
ودي ولو لحظات في عمري القاك

متى يزين الوقت واعيش يمك
وامسك يميني يالحبيبه بيمناك

يازينه اسلوبك ومنطوق فمك
اللي تملك وامتلك قلب مضناك

رقيقة الاحساس والحب نجمك
والذوق منك والحلا في محياك

ياورد لافاح في البساتين شمك
يعطر اجوائي بريحان طرواك

ملكة جمال الكون ي مهجة امك
ميزك ربي بين خلقه وحلاك

....

[الحمدان]

‏نخفي شعور الحب والقلب مشتاق
‏لوينكشف بوح الحب يصبح جريمه

‏مثل الشجر رغم التباعد بالأوراق
‏تبقى جذوره بالتواصل عظيمه

....

[الحمدان]

‏ياصمت حكمك بعض الأحيان قاسي
‏حرام تمنعني عن البوح ياصمت

‏كم جتني الفرصه عدد شعر راسي
‏ويا للأسف فاتت علي ماتكلمت

....

[الحمدان]

على ما قال
سعد بن جدلان رحمه الله

اما تجي حكمة تغلب على الصمت
‏ولا التزم بالصمت والصمت حكمه

[الحمدان]

‏محتاج لي قلب مايتعب من هيامه
‏ ان حب له شخص وفارق مايتعبني

‏ومحتاج لي وقت يغنيني من أيامه
‏كل يوم اجمل من الثاني ويعجبني

‏ومحتاج لي شخص لو سولفت قدامه
‏عن كل حـاجه بنفسي مـايعاتبني

....

[الحمدان]

خلك مع اللي بكل الأحوال شاريك
‏وابعد عن الي لا قسى الوقت باعك

‏اللــي بـ حــالـه ثـم مــاله يفاديك
‏لا اشرّتْ له لوّ هو على الموت طاعك

....

[الحمدان]

‏برق الغلا يسبق رعود المواصيل
‏ونبض الحنين بيصير خلك وخلي

‏أنت فيك قمة الذوق جملة وتفاصيل
‏وفيني أنا هزيمة شوق تجتاح كلي

....

ً

[الحمدان]

يالله بحظٍ رفيع وسمعةٍ ماتبور
و يـاربي أنت تعرف الحاجه الثانيه

[الحمدان]

‏تعال قبل الورد يذبل والسهر عينه تنام
‏قبل تجف الـ مرحبا وتموت بـ لساني هلا
‏
‏ترى عزيز النفس لامن عاف عاف بلا كلام
‏والله لو أنه وطـن ماعاد له حب وولا
‏
‏ماينتهي كثر الغـلا إلا بـ قلّ الإهتمام
‏وإن جيتني بعدين مالك لاحضوَر ولا غلا

....

[الحمدان]

يقولون الزمن عايب وانا اقول الزمان ادوال
ولا دامـــت لغيـــر الله ما دامت لاحد ثاني

زمانك لو صفالك فاحتزم له والرجال افعال
يجي لك يوم وانك ما تجـد قاصي ولا داني

يقولون العــرب الايام عبـرة والزمان احوال
تعلمـــك الحياة الدرس والتعليم مجــــاني

....

[الحمدان]

ان كان قلبك يحس وعينك تشوف
قلوبنا لو خذاها البعد متلاقيه

رغم البطا والمشاكل كلها والظروف
محبتك في ضميري باقيه باقيّه

....

[الحمدان]

مامشتاگلي ماگلبك موازيك
ماگلك أريده وحيل معتازه

اعثر بالنفس خليتني بفرگاك
مشيت شايب ومابيده عكازه


شعر عراقي

[الحمدان]

ابوج يريد بيت وعندي كومه بيوت
متنازل كلتله وكلها منطيها

هز ايده وضحك كلالي يبن الناس
ترى بيوت الشعر ماينسكن بيها

شعر عراقي

[الحمدان]

اخطيت في حقي ولا زلتَ غالي
شفني على كبر الخطا ما كرهتك

خليتك لنفسك وسَود الليالي
اقدر على جرحك لكن ما جرحتك

....

[الحمدان]

أحتياج المرحلةأختصره
ناصر الحمادين في :

محتاج للعزلة عن العالم وعن وجه السنين
مثل ماتحتاج البيوت العامرة شيبانها

[الحمدان]

‏صَديت عنك وأنا مُجبره على صَدك
ماهو بكيفي ولاهو رغبـةٍ منـي

وإن كان حمل الفراق اللي حَصل هَدك
ترى فـراقك لَعب فينـي وجَننـي

....

[الحمدان]

‏مرحبا يانفحت الصبح ونسيمه
اشرقت لنوار من كل النواحي

وجهك اللي ياعسا ربي يديمه
مصدر البهجة وسر الانشراحي

طلتك ياصاحبي لفته كريمه
جعلها ابرك طلةٍ وابرك صباحي

....

[الحمدان]

‏مع فعولنا تكبر هقاوي ويقنب ذيب
‏وعلى الموقف الصامل ندسّم شواربنا

‏تتوب الرخوم مْن المراجل وفعل الطيب
‏وحنا على كسب النواميس ماتبنا

....

[الحمدان]

لاتاخذك شكه مع اللي يشكون
‏ماني بلا مرخص ولاني بجاحد

‏قلبي لو ان حوله من الناس مليون
‏مافيه غيرك ساكنه وانت واحد

....

[الحمدان]

والله اني حرةٍ من مواكير الحرار
‏معربٍ ساسي وراسي على العليا رساء

‏ماعطيت لجاهل الراي وجهات اعتبار
‏ولا حسبت لنظرة الحسد بعيون النساء

‏قيمتي في عين نفسي عمااارٍ في عمار
‏والي يتمنى من الخلق طيحتنا يخساء

....

[الحمدان]

‏‏ما تغيرنا السنين ولا يغيرنا الزمن
‏لو يشين الوقت حنا بأذن ربي ما نشين

‏نخسر الدنيا وندفع كل مافيها ثمن
‏اهم شي نكون في صدق التعامل عايشين

....

[الحمدان]

شدوا بدو قلبي عن ديار قلبك
والبدو لاشدوا عن الدار يبطون

واذا انشدوك الناس وش كان ذنبك
قل البدو لآعافو القاع يمشون

....

[الحمدان]

لاتعيش بلا أمال ولا هدف
ولا تقول ان الزمن دايم بخيل

أجمل الأشياء تلقاها صدف
والفرح دايم ورى الصبر الجميل

....

[الحمدان]

‏يسعد صباح اللي له القلب يشتاق
يسعد صباح اللي سكن في ضلوعي

ماغيره من الناس اللي له أشتاق
غالي ومالي عن غرامه رجوعي

....

[الحمدان]

‏احرص على الكلمة وعالمنطق الزين
أكسب رضا نفسك ولا تجرح الناس

بعض الكلام أثقل من الهم والدين
يقطع غصون الود والغصن حساس

....

[الحمدان]

سمعت احلى احبك في حياتي كلها بشفاك
اثر بعض الشفايف همسها غيمه وبرّاقي

مساعد الرشيدي

[الحمدان]

خايفه وانتي عن احبابك بعيده
مبتعد عنك المطر والغيم ملّك

بعد ماحس الجدار انك وحيده
انكسر قلبه عليك وصار ظلك

....

[الحمدان]

ولا تحزن على الماضي ولا تقلق من اللي جاي
‏يجيك المقدّر غصب لو كان ما جيته
‏
عكاش الذيابي

[الحمدان]

‏سيّد أصابيح الهوى والأمسيات
‏لأجلك مغاليق الضلوع مشرّعه

‏استرجع فبالي شريط الذكريات
‏وان جات لحظات الفراق أسرّعه

مشاعل عبدالعزيز

[الحمدان]

لاتشوف الناس ضعفك وانكسارك
‏لو عظامك تنكسر ماجبروها

‏انتصب كنك طلعت من المعارك
‏ماخذٍ ثار القبيلة كل ابوها


....

[الحمدان]

‏القلب يكسره اللسان ولا تجبره اليدين
‏ماهوب عظمٍ كل يوم تكسره وتجبره

صالح النشيرا

[الحمدان]

أمانه وش معي ولّا وش اللي من غيابك لي
‏ياكود الونّة اللي ماتعدّت صدر راعيها

‏مشعان البراق

[الحمدان]

ظني أمك شاعره وأبوك شاعر
‏وانت يبغونك تجي قفلة قصيده

‏
حزمي بن سعد واصفاً آخر العنقود

[الحمدان]

ياعيون اللي قضى دين طاروحه

نادرن جنسه غـرام الطـواريحي

[الحمدان]

طيبَة الخاطر مالها رجُوع ونهاية مؤسفة
‏جسّدها متعب التركي :

‏حتى لو جابتك الأشواق صوبي
‏أنا اعتبرتك مّت من ضمن الأموات

[الحمدان]

عبدالله بن زويبن الله يرحمه

‏وصف الأرق:
‏غفوات شاويٍ تحوفه سباعي

‏وصف غلطة الصاحب:
‏جرة مطر جاها العجاج ودفنها

‏وصف الهواجيس:
‏راحن بقلبي ولا ادري وين ودنّه

[الحمدان]

لو كان له في غاية القلب منزال
‏ماتنرجى وحبال فالح وراها

‏
من دون سرد القصة يتضّح لنا عظيم اليأس وكبر المُصاب في قلب شاعر هذا البيت ولكن أراد الله ان يكون سبب ضيقه هو سبب نصرِه في ذات الوقت

[الحمدان]

النصح في بعض القلوب المصده
‏مثل المطر فوق السحال المكفّاه

‏محمد السديري

[الحمدان]

تحيّرني الرغبتان المتناقضتان لدى الإنسان
‏رغبته في الاختفاء ورغبته في أن يراه الجميع
‏هذا النص يشرح الأزمة الوجودية لدى الإنسان


‏إن رحت مالي سنع وإن جيت مالي لزوم
‏ياليت قلبي يعلمني وش اللي يبيه

[الحمدان]

خذ قصيدي يا شذا الورد لاندَّا
‏وأنتبه لي وأستمع موجز النشره
‏
‏والله إنك فارق بالغلا جدَّا
‏مثل فرق الأبتسامة عن الكشره

....

[الحمدان]

تمرك دورة الارض وخطاوي العابرين كثار
وربيعك في يدك محدٍ قطف من سلتك وردة

على ساقين والوقفة هي الوقفة بكل إصرار
كأنك موعد مركون مامر الوفا وعده


....

[الحمدان]

احس فيني ضيق ما ياسع فَضا
لو الشوارع والاارضي فاضيه

ما عاد في صدري مساحه للرضا
غير ابتسم واتظاهر اني راضيه

....

[الحمدان]

أبوي من كثر ماهو في نظر عيني كبير
‏أحس ما انخلق مثله على ھالأرض رجال

‏انا المها والريم والخشف والخيل
‏في بيت رجالٍ ومن بيت خياّل

....

[الحمدان]

تليا بغيت تعيش عش عمرك وحد
لاتخاف من هجر ولا تطمع في لقى

ماعاد به على المواقف متحد
ولا عاد به حب على وضح النقاء

اللي كذب واللي غدر واللي جحد
واللي تعب واللي تردى من بقى

والادمي ماهوب يولد في لحد
ماكانت طبوع المخاليق محقا

مع الخميس الجمعة السبت الأحد
تغيرت جميع الاشياء أهقى

من اول يقولون مافي الحمض احد
اليوم حتى الحمض معاد ينلقى

....