فوق هام السحب ( الشعر الشعبي) على متن القوافي

[الحمدان]

‏المحبة ماكنت اشوفها راس مال
‏كنت اشوف الحياة الفانية عبرها

‏راح منها شعور وراح منها وصال
‏لين دار الزمان وراحت بكبرها

‏سهل ترجع على خبري هذيك الليال
‏البلا من يرجّعني على خبرها

.....

[الحمدان]

‏على شان عنقٍ كل ماجيت له موعود
‏أجي له وأنا مرمي وأعوّد وأنا رامي

‏يالبيه يحلى فاتنة من بنات العود
‏يالبيه لين يجيبك العمر قدّامي

‏اسوق الهقاوي مالشوقي عليك حدود
‏وادوّرك وأسرج مهرتي واكرب حزامي

‏وأرد البرا وأقول يا ام العيون السود
‏انا الصادق اللي موقفه فالهوى سامي

.....

[الحمدان]

‏كان لي ذنب واحد ما عليه اغفريه
‏ليلة الهجر تجرح عين من نامها

‏شوفي اقرب مطوّع حولكم و انشديه
‏من كلت كبد عاشقها وش آثامها

.....

[الحمدان]

‏ما كرهت بـهالحياه الا الغياب
‏ولا ذبحني بدنيتي غير الرحيل

‏ولا عرفت ان الفراق اكبر عذاب
‏لين عشته في دجى الليل الطويل

.....

[الحمدان]

‏يا الله يا اللي تسجد الخلق لرضاه
‏ياوامرٍ عبده على حج بيته

‏تفرج لمن سده على الناس ما أبداه
‏راض ٍ على مقسومك اللي عطيته

.....

[الحمدان]

ظروف الاقدار مدري كيف نامنها
‏عز الله ان الحياة ظروفها خطره

‏كم واحدٍ كان مستانس وضامنها
‏وامسى وكبده من الحرمان منفطره

.....

[الحمدان]

‏اعتبرني معطيات الواقع اللي يستثيرك
‏وحبني مثل الخيال وخلّني مثل المخيله

‏القبال اللي تشوفه قادر يحدد مصيرك
‏والقبول اللي لمسته منك يكفي عن قبيله

‏يوم مريت بحياتي كلها ماشفت غيرك
‏أنت صورة كل مشهد وأنت قصّة كل ليله

.....

[الحمدان]

‏مرحبا وأنتي العوض فالغايه إللي ماتهيّت
‏لايق الترحيب ياشبه القمر والا نزيده

‏تكرمين من الهروب بصمت والعذر المبيّت
‏العذر ماهوب متوافق مع سلم الوليده

‏عاضني ربي وأنا إللي شجّع العبره وعيّت
‏وجادت الفرحه على روحي بعودتها الحميده

.....

[الحمدان]

‏يعم الهدوء ويستثير السكون الصوت
‏وأنا بين صوت العقل وإحساسي الجايش

‏ماضيّعني وذوّقني الموت قبل أموت
‏إلا عقلي المتحرّص وقلبي الطايش

‏ترا ما أصعب من الموت واللي خلاف الموت
‏إلا الفتره اللي لا أنت ميت ولا عايش

.....

[الحمدان]

يالله صباحٍ منك خير ومسرات
‏ويوم ٍ يشع بنور عز وكرامه

‏اغفر لنا يارب واغفر للأموات
‏اللي تحت رحمتك يوم القيامه

.....

[الحمدان]

‏سرى اللّيل والذِّكرى ثلاثيّة الأبعاد
‏بعد ماتغيب الشمس تبدأ طواريها

‏على الساعة الثنتين في وقتها المعتاد
‏عسى الله يعين اللّي سواتي يعانيها

‏حنينٍ على الماضي وشوق وعنا وجهاد
‏وجمرة غضى لاهبّت الرّيح تحييها

‏ياكم ذكرياتٍ نزفها فالحنايا حاد
‏لو أتصنّع النسيان مانيب ناسيها

.....

[الحمدان]

‏سنيني ظما والا عزومي طويلة بال
‏انا وإن تقللت المشاوير ياكثري

‏على هامتي كنّ الشوارد سنين اقبال
‏يهون التعب ما هان وجهي ولا قدري

.....

[الحمدان]

‏الصباح اللي اشرق من ملامحك نوره
‏فيه من كل خير وفيه من كل راحه

‏كلما هبّت انسامه غشتنا عطوره
‏جعل يفداه صبحٍ غارقٍ في جراحه

.....

[الحمدان]

‏لاتجاهلني تراني على الصده جسور
‏من عطاك الوجه يقدر يلقيك ظهره

‏اتغاضى بعض الأحيان عن بعض الأمور
‏وان بغيت اجرح جرحتك وخاطرك اكسره

.....

[الحمدان]

ماني على تبرير الأحداث مجبور
‏وماعاد عندي للتخاطب وسيله

‏برحل ودنياك الدنيه تبي تدور
‏وتقول ليت الأرض تنبت مثيله

‏بتفقد اللي يفقدك بين الحضور
‏وتبحث عن شعوره بقصه بديله

‏فقد الأحبّه ماتعيشه على الفور
‏باكر تفوق وتجني أردى حصيله

.....

[الحمدان]

‏متقلب الود لاتقبل معاذيره
‏خله يذوق الجفى والويل والحره

‏من يضمن تسامح ذنوبه وتقصيره
‏يقدر يعيد الخطاء نفسه مية مره

.....

[الحمدان]

‏مايزعلني غيابك ياغايب بدون أسباب
‏ليه ازعل وأنا من غيبتك صرت متعوّد

‏ما والله تسمع من فمي كلمتين عتاب
‏على راحتك روح وعلى راحتك عوّد

.....

[الحمدان]

يالله لاتقطع رجانا مع الصبح
‏ في ساعةً ندعي ونرفع يدينا

‏غفرانك ورحمتك هي غاية الربح
‏اغفر لنا وارحمنا ولوالدينا

.....

[الحمدان]

فيني على عسف الشرايد غلاثه
‏مطنوخ واشري معرفة كل مطنوخ

‏ولا اكره بحياتي الا ثلاثه
‏الامعه والجاهل وماسح الجوخ

.....

[الحمدان]

سلم على اللي دوخ الفقر تدويخ
‏يضحك وراس المال سجدة صلاته

‏ممشاه من عرض النشاما المطانيخ
‏خفيف نفس ومدح ربهه غناته

.....

[الحمدان]

‏كلهم شافوك واحد بس انا شفتك وطن
‏والله انك في عيوني كل كوني والحياه

‏لو يشوفونك فعيني شافوا ان مالك ثمن
‏ياغناة الي يدور من فقر عمره غناه

.....

[الحمدان]

‏لاتحسبين الاغاني تنسينا الغياب
‏ماتنسينا الأغاني يابنت الباديه

‏انتي أنفاسك عذوبه ونظراتك عذاب
‏وطلتك فتنه وصوتك موسيقى هاديه

‏خلي الأرواح بالحب ترقى للسحاب
‏واعذرينا لو طلعنا بطلعه غاديه

‏وقتنا اللي راح لاعاد نحسب له حساب
‏توني بادي حياتي وتوك باديه

.....

[الحمدان]

‏ياكل الكلام اللي يجي عقب لو وليت
‏وش الحل مع بالٍ يطرّيك له مدّة

‏أنا ماتخيّلت بحياتي ولا ظنّيت
‏يجي يوم وتصدّين والصدة الصدّة

‏مع إن الغرور يحق لي كل ما انغرّيت
‏ولكن معك كان التواضع على آشدّه

‏تقولين من قدّي ليا قلت فيني بيت
‏وأنا آقول بيتٍ ينكتب فيك من قدّه

.....

[الحمدان]

‏محتاج أجرّ النسم في درب ما أنت بْهواه
‏أنا في صدري كلام وفي ضلوعي ثقل

‏كنّي وصلت بْشعوري معك ذروة عطاه
‏أو حول هذا الشعور الموجع أكثر أقل

‏لي عين تتبع خِطاي وعقلٍ أتبع خطاه
‏لكن قراري معك ماكان عين العقل

.....

[الحمدان]

‏لاتضيق من الحياه ولا تفكر
‏قد نشف من طردها ياخوك ريقي

‏وان تسايف بابها والا تسكر
‏الليالي ذا سنعها يارفيقي

‏الليالي كنها حفلة تنكر
‏ماتناسب راعي الوجه الحقيقي

.....

[الحمدان]

‏اتركوني لاضوى الليل للشعر الحزين
‏وان نشدتو لا متى قلت مدري لا متى

‏ُالشتا ليله معادي صدور العاشقين
‏وش بقى ماجبت من هم ياليل الشتاء

.....

[الحمدان]

‏تقبل علي ويتبرا مني عنادي
‏ماكني الثابت اللي محكم وثاقه

‏اذا تركت المعاند عندها عادي
‏انا هواوي وهي حلوه ومشتاقه

.....

[الحمدان]

‏ياماخذٍ تاج الجمال بزمنا
‏في ذوقك الراقي وفي كل مابك

‏وش فيك قطعت المواصيل عنّا
‏حتى وصالك نشحذه من جنابك

.....

[الحمدان]

‏هوجاس قلبي لأتلع الجيد نزاع
‏وقلبي على شانه يحب الهواجيس

‏ابو رموش بابيض الخد شراع
‏بعده يغصب دموع عينٍ محابيس

.....

[الحمدان]

التشبه بالغلا مثل التشبه
‏بالامور اللي محد يقدر عليها

‏غشّني في كل شي الا المحبه
‏المحبه مستحيل انغش فيها

.....

[الحمدان]

‏ماتبيني وإن هدى بالك تبيني
‏بين قسوة بردك وسطوة عجاجك

‏يوم تكرهني ويوم تموت فيني
‏لامتى وأنا تحت رحمة مزاجك

.....

[الحمدان]

تبسمي واخذي من احساسي يقين
‏الحزن مايصلح على وجهك ابد

‏الله خلق وجهك يسرّ الناظرين
‏حتى لو ان الله خلقنا في كبد

.....

[الحمدان]

‏اشرب قبل تقفي عليك المشارب
‏ما للحسايف فالمقابيل راحه

‏السم دايم في ذيول العقارب
‏والحر دايم رفعته من جناحه

‏لاتعطي الدنيا استراحة محارب
‏حارب ترى الدنيا ما فيها استراحه

.....

[الحمدان]

‏خذتك الهبايب ثم بك جاتني تختال
‏يابو ضحكةٍ كنها من البرق مخطوفه

‏عطاك الله المعطي سوالف وحلو قبال
‏وزين وجناب وخاطرٍ سمح ومروفه

‏وصوتٍ ليا سولفت كنّه مافيه حبال
‏تحلف انه اوتار وتقاسيم معزوفه

.....

[الحمدان]

‏على وجهي تباريح السهر تاخذ لها مقعاد
‏تربّع في حنايا ضحكتي وتجدد الآمي

.....

[الحمدان]

الحقوق اللي على الرجْل مافيها عَفو
‏مايكفّر في خطاها صيام ولا فدي

‏لايغرّك ضحكة أهل السنون ليا صفو
‏ماهي بدايم سلامات وبِساط أحمدي

‏والله إن اللي يعاديك ويشوفك كفو
‏أبرك من اللي يجاملْك ويشوفك ردي

.....

[الحمدان]

خاو الرجال اللي مراجلها تزود
‏وكبْ الرجال اللي مراجلها سلف

‏بعض البشر ودك تعشيها قعود
‏وبعض البشر ودك تعشيها علف

.....

[الحمدان]

يملكني المعروف بالذات لا صار
‏ماهوب لعيون الرياجيل مكشوف

‏ياحّبني للي معاريفه اسرار
‏مهما بذل معروف ماهوب معروف

.....

[الحمدان]

دورة الايام مافيها جميل ولا مجامل
‏كان ماقويت عزمك جاتك بعزم ورهاوه

‏الحياة الصامله ماتبغي الا قلب صامل
‏والظروف القاسيه ماتمشي الا بالقساوه

......

[الحمدان]

‏وجهك صباح الحلم شمسٍ على بحر
‏وفي طلتك كل يوم خايف توارى

‏تشبه عبير الحب لاهب من نحر
‏لفحت غنج مغروره بين العذارى

.....

[الحمدان]

‏مرحبا لو أن زولك بعيد من البصر
‏مرحبا ياريف صدري وأول غايته

‏عشت والا مت طال العمر والا قصر
‏الغلا اللي بدايته أنت وانت نهايته

.....

[الحمدان]

‏من نموذج في خيالي الى اعجوبة عصر
‏ياخي مدري كيف اعبّر وويش اقول فيك

‏مايحصَّل لك شبه فالخليج وفي مصر
‏ناادر فالخُلق والشكل وبهاذي وذيك

‏طوول عنق ووسع عين وتعزّال وخصر
‏نازلٍ من مصنعك فل ماشاء الله علييك

.....

[الحمدان]

‏ماعاتبك من شان أزعّل محيّاك
‏ياللي تحسب اللي عملته شويّه

‏خلّيت عيني جعل هالعين تفداك
‏تضعف وهي قدام غيرك قويّة

‏أحبك اللي كانت بحدّ الادراك
‏معاك طاح إدراكها من يديّه

‏مايكفي إنك جيتني شايل رضاك
‏تنهكني بكثر الجمايل عليّه

‏قبل لاتستوعب كلايف هداياك
‏استوعب انك جبت نفسك هديّة

.....

[الحمدان]

‏أتمادى في حضورك وأتودَّد
‏يابعد من يَنسِج الغيمة قلايد

‏فيك أمدّ الصوت والليل يْتمدَّد
‏لين أحبَّ الوجنتيْن أمّ الرغايد

‏كيف أبى أتخيَّر سناك وليش أحدَّد
‏والسنين مسيَّرة والعمر بايد

‏آه يامِلْح اللّيالي لاتصدَّد
‏أنت صدَّك ماتخفّفه القصايد

.....

[الحمدان]

‏ماجيت اسمّعك الكلام اللي تبيه
‏جيت أودِع الذكرى القديمة فاللحد

‏خل الكلام الحاد والراي الوجيه
‏يمكن يكون الاعتراف أقسى واحد

‏ماكنت وجه وبس من ضمن الوجيه
‏إنسان عاهدني على شي وجحد

‏أنت الشعور اللي ماقد حسيت فيه
‏وأنت الكلام اللي ماقد قلته لاحد

.....

[الحمدان]

‏تجاوز الذكريات وكبّر الهقوه
‏في ذاتك وشيل غيرك من قواميسك

‏يمر واجد ويبقى نقوة النقوه
‏حسب مقاييس وقتك لا مقاييسك

‏دام الجفا من وصل والوصل من جفوه
‏ياحادي العيس وش حدك على عيسك

‏عن جلسةٍ ماتسر احسن لك الخلوه
‏لو كان مالك جليس الا مع ابليسك

.....

[الحمدان]

منتي نبيلة فقط أنتي وريثة نُبل
‏حفيدة أول رجل يطري ببال الدخيل

‏وحيدتي قلبي الغارق بحبك ذبل
‏محتاج منّك شعور يمكّن المستحيل

.....

[الحمدان]

تقول:
‏
أحبّك وعرضت النقايد هبوب النود
‏فعولك اتنومسني وذكرك يهيضني

‏يالبيه ياوجهٍ عليه الرضا معقود
‏اشوفه وأشوفك في سنيني معوضني

‏علي نذر لمسح شيب دقنك بدهن العود
‏وأضمك لو الدنيا وأهلها تعارضني

.....

[الحمدان]

‏تحريّت منك الوصل ياقبلة الغالين
‏لو ان الظروف تحول من بينك وبيني

‏تماديت في حبك وقربك ووصلك لين
‏عطيتك رغم كثر العنا ضحكة سنيني

‏تقولين لي ليه العتب كل ماتقفين
‏اذا اسهبت في بعض التفاصيل خليني

‏انا خايف ادورك في يوم وتضيعين
‏مثل ضيعة احلام الطفولة من يديني

.....

[الحمدان]

‏ألطف من الغيم وأمتع من رذاذ المطر
‏في عيوني أحلى من القمرا ومن نورها

‏تصدّقي بالكلام اللي ماهو مختصر
‏الناس دايم تصدّق حسب ميسورها

‏أنا فقير المواصل وانت كلك نظر
‏ترى الفقارى قليلك يبهّج صدورها

‏الليله اللي تجيبك ذيك ليلة عمر
‏وأنتي مسا خيرها وانتي مسا نورها

.....

[الحمدان]

‏أثِرْني من عام الاوّل وانا مثل الطريح
‏يوم أجوّد من حبال الرجا مقطوعها

‏كنت أحسب إن لليالي معك وجهٍ مليح
‏لين شفت إن روس أصابع يديّ شموعها

‏القلوب اللي هَواها ومبداها صِحيح
‏ماتشدّ خْفاف الأعذار بال سْموعها

‏لاتظنّ إنك من العين لايُمكن تطيح
‏أنا عيني زين منها تشيل دموعها

.....

[الحمدان]

‏كنت غالي وكان لك قدر ومقام
‏وكنت هاقي فيك فاليوم العسر

‏كنت أشوفك وسط هالظلمة نهار
‏وكنت أظن وصار ظني مايسر

‏جيت أمررها كأن ماشي صار
‏بس قسم بالله عيّت لا تمر

‏إيه متشرّه وشرهاتي كبار
‏وشرهة الغالي على الغالي عمر

.....

[الحمدان]

احط راسي على كتف الكرامه وأنام
‏لا دلهم الليل وإحتاج الخليل الخليل
‏ㅤㅤ
‏أغناني الله من اللي يدّعون الغرام
‏والعالم اللي يحطون المشاعر سبيل

.....

[الحمدان]

‏ماركنت لعزلتي في رجاء لفت انتباه
‏غير اشوف ان باقيٍ لي مع الاحلام دين

‏من يطارد حلم ويعيش عمره في رجاه
‏ما اعتقد لاجته فرصه يفكر مرتين

.....

[الحمدان]

‏ضامي لصوتك وضحكتك يالوجه الخجول
‏ومشفي لنظرة عيونٍ ماهيب مسالمه

‏اعتقد فحبال صوتك مزيج من الكحول
‏مستحيل افقد شعوري وانا فمكالمه

.....

[الحمدان]

‏يعيش الغلا باسباب والا بدون اسباب
‏ لو اقدر اتوب من الغلا ماهو بتايب

‏تقول الحنين اسبابه الفقد والغيّاب
‏انا احن لك موجود واحن لك غايب

.....

[الحمدان]

‏انتهى طيش المحبه وترويض الجنون
‏وابتدى قطع المواصل غرور وكبريا

‏ماتمنيت اجرح قلوب وابكّي عيون
‏بس مايعبث مع الاقويا الا الاقويا

.....

[الحمدان]

‏رميت الاحلام في وجه الزمان البخيل
‏وعزّيت نفسي وعز النفس عصيانها
‏ٰ
‏وعن الحضور المهمّش مرحبا يالرحيل
‏مادمت تحفظ كرامة نفسي وشانها

.....

[الحمدان]

‏والله إني ماتصنعّت الشعور
‏معك يانبض الغلا كيف أصنعه

‏‌هام قلبي فيك والقلب معذور
‏ولاقويت أنهاه عنك ولا أمنعه

.....

[الحمدان]

لا تلومني لابديت تشوف تقصيري
‏أهملت وصلي ولا قدّمت تبريرك

‏مادامك تشوفني مثلي مثل غيري
‏وشلون تبغاني اميّزك عن غيرك

.....

[الحمدان]

ياصاحبي اللي مغير لي حياتي
‏انت في عمري مثل نقطة تحول
‏
‏فيك احس الصبح له تأثير ذاتي
‏وكل صبح يمرني احلى من اول

.....

[الحمدان]

الرزق بيبانه تشرعها ملايكة الصباح
‏لو يدري النايم برزقه نومته ماعادها

‏الادمي لو يعتبر بالطير خفاق الجناح
‏ماشال هم مصارع الدنيا وهم جهادها

.....

[الحمدان]

الكنز كنز القناعة والغنى في القلوب
‏ماني بغابط هل الدنيا وعشاقها

‏الفقر ياصاحبي ماهوب فقر الجيوب
‏الفقر فقر العقول وقلة اخلاقها

.....

[الحمدان]

لاتحسب ان الوقت لاشان مازان
‏ولا تحسب انك بتعدى نصيبك

‏الارزاق مكتوبه وللدّهر عوان
‏واللي كتبه الله عليك بيصيبك

.....

[الحمدان]

رزق البشر لاتعلق فيه تفكيرك
‏لو تقنع براس مال العافيه ترضى

‏ان كان ربك منعك اللي عطى غيرك
‏اكرمك بالنعمه اللي تنقص المرضى

.....

[الحمدان]

‏أنت وحدك تستفزّ الصمّت وتردّ الطواري
‏ماقدرت ألدّ لك تقدير وإلا أصدّ شيمة

‏ماعليّ من الجفاف إن طالت يدينه دياري
‏وين مالدّيت أشوفك نوض بَرق ووبل غيمة

.....

[الحمدان]

‏عداك الملام وشرهة الولف يانزّاح
‏عن دياري اللي منت بأول خسايرها

‏تبعت السراب الين سلّمك للمرواح
‏ولدّيت وعيونك تزوّر عبايرها

‏قنعت وتركتك للزمن والزمن فضاح
‏على مهله اسرار المخاليق يظهرها

‏بقى لك معي ذكرى ليا غمّض المرتاح
‏تمشّط بقايا كبدي بروس اظافرها

.....

[الحمدان]

‏لاستانس الخافق ذكر من يحبه
‏ورجع يراجع فى الوناسات مافات
‏
‏يامرتع القلب الحزين ومربّه
‏يزين بك مثل الذهب صدر الابيات
‏
‏هيهات ينسى القلب شخصٍ يحبه
‏وهيهات يدله خاطري منك هيهات
‏
‏ونبع الغلا عندك وعندي مصبه
‏ومن الوله في خافقي لك ولايات

.....

[الحمدان]

‏ان رفضت العذر مالي سوى الاربع حروف
‏وان قبلته قلت ماخاب حسن الظن فيك

‏ياكثر ما اجمّر الحلم واحطب الشفوف
‏يوم احاتي رجفة البرد لاتسكن يديك

‏قبل تغريك الليالي وتاخذك الظروف
‏كنت ابيك ويمضي العمر ولَا زلت ابيك

‏انت عيش اللي بقى لك من الدنيا عيوف
‏ولا انا ياميتٍ منْك ياميت عليك

.....

[الحمدان]

تنفس الصبح جعل الخير يقبل به
‏بامر العزيز الكريم المعطي المانع

‏الي لقيت السعد والخير في قربه
‏وانا بما يكتبه ربي علي قانع

.....

[الحمدان]

في ليلةٍ لحظاتها سراقة
‏والبرق يبرق جل شان المنشي

‏ريح المطر مغنيني استنشاقه
‏عن ريحة الشانيل والجيڤنشي

.....

[الحمدان]

أحب اروح بصمت لا اجادل ولا ابادل تُهَم
‏اذا إنجرحت أقفّل الموضوع واقطع دابره

‏اواصل مواصل وفي وافارق مفارَق شهم
‏أموت ما اذكر ذنب محبوبي لو إني خابره

.....

[الحمدان]

‏عند التشابه يجب توضيح بعض الفروق
‏الفرق شاسع مابين الغطرسه والثقل

‏الناجح اللي يشوف الناس منّه وفوق
‏والفاشل اللي يشوف الناس منّه واقل

.....

[الحمدان]

أحسب أني يوم أعدي على الضلع المنيف
‏قلبي ابيبرى صوابه وتركد ونته

‏واقف مثل المعزب على باب المضيف
‏بيت شعر كل ماقلت بنسى غنته

‏علموها لاتسامر ببعدي كل طيف
‏في رجى ليل رسمته وصبح ظنته

‏مابقى لنصاف الاحلام في صدري مصيف
‏صدري أنهكته دروب الحياة وعنته

.....

[الحمدان]

‏مايهدي لهفه الشوق ياكود العناق
‏السوالف عبر الأقمار ماتوفي غرض

‏والله إن درب المواصيل للعشاق شاق
‏ياوقوف يدرك الوصل ياطيحة مرض

.....

[الحمدان]

الناس بس البرد راح البرد جاء
اللي يحس ببرد يلبس عباته

الناس تشكي من برودة هالاجواء
وانا اشتكي هالبرد من ذكرياته

.....

[الحمدان]

‏عَذب الكلام اللي معك مايجرح الحب النبيل
‏اعتق نسايم كلمتك وأسمح لها الليله تهب

‏سولف ترى صمتك طويل وليلي الأظلم طويل
‏ولا يقصر الليل الطويل إلا سوالف من تَحب

.....

[الحمدان]

تنفس الصبح جعل الخير يقبل به
‏بامر العزيز الكريم المعطي المانع

‏الي لقيت السعد والخير في قربه
‏وانا بما يكتبه ربي علي قانع

.....

[الحمدان]

‏حديتني للبُعد ماكنت ناويه
‏خيرتني مابين عزّي وذلي

‏انت الوحيد الي انا كنت أغليه
‏وأخذتها حجة وعناد وتغلّي

‏قلبٍ مليته بالعتب وين أوديه
‏ابغاك مره تحط نفسك محلي

‏انا تعبت أشيل حُبك وترميه
‏وشلون هاين تجرحه وأنت خلي

‏خليتني في وقت محتاج لك فيه
‏هذا وانا اللي كنت اسميك ظلي

.....

[الحمدان]

‏رحلت عن دارك وانا خاطري فيك
‏رحيل حاكم دولته مستحلّه

‏حاولت أكابر وأنسى ماضي لياليك
‏جتني طيوفك زادت الطين بلّه

‏سالت دموعي فوق خدّي تناديك
‏عقبك ترى دنياي صارت مملّه

‏اببتعد عنك وانا خاطري فيك
‏بسوق رجلي واتوّكل على الله

.....

[الحمدان]

‏يارب تفتح لي مغاليق الأبواب
‏اللّي على غيرك ومثلي عسيره

‏وهيئ لنا فضلك ومن خير الأسباب
‏واكتب لنا في كل مشوار خيره

‏واجعل لنا قوة وصدق أولو الألباب
‏واجعل لنا مع طيب الذكر سيره

.....

[الحمدان]

اصبحت باحسن حال والحمدلله
‏الفضل له والشكر له والثنى له

‏ماخاب من يرجي ثوابه ويخشاه
‏والله وكيل اللي عليه اتكاله

.....

[الحمدان]

الكريم ليا عطا كنه مايعطي من حلاله
‏لو طلبته ثوبه اللي لابسه يعطيك ثوبه

‏لعنبو جد البخل واللي يحطه راس ماله
‏البخيل بخيل مايعطيك حتى من ذنوبه

.....

[الحمدان]

قبل تعزم اعرف من اللي تعزمه
‏عساه فعلاً يستحق العزيمة

‏والا الردي لو تعزمه صرت فأزمة
‏وشلون تذبح للبهيمة بهيمة

.....

[الحمدان]

والله اني ما اتحسف واتصاغر حالي
‏غير يوم أخطي على طيّب ويغضي عني

‏الله يقطع هرجةٍ تجرح مشاعر غالي
‏والله يقطع هرجةٍ تزعل صديقي مني

.....

[الحمدان]

تذكرتني بعد اربع سنين مدري خمس
‏هذا شوق ولا عوق ولّا وش تسمّيه

‏ترى عادة جروح الهوى تشتعل باللمس
‏وانا خايف انك تلمس الجرح وتصحّيه

‏سمح خاطري من رحلةٍ كلبوها شمس
‏ومكانٍ بغيت اجيه ولا قدرت اجيه

.....

[الحمدان]

‏بس اقنعي عقلي يا ناقضة الجديل
‏وشلون طاح الليل وبالظهْر استوى

‏وكيف الخصر من ليلك الهادي يميل
‏ومن رقه النسناس وشلون انزوى
‏
‏انتي الهوى او شي من هذا القبيل
‏وانتي الشعور المخملي والمحتوى

.....

[الحمدان]

‏جعل يسقى يوم عاد الهوى كله شجون
‏والطمع محصور فالعين والصوت الشجي

‏قبل تدخل سوقه اهل اللهو واهل المجون
‏وينقطع حبل الرجى في يدين المرتجي

‏راح وقت ٍ كانت ايامه اجمل مايكون
‏يوم كانت تعترض لي شوي وتحتجي

‏تختلق الاعذار لاجل العرب مايفطنون
‏ماتجي بالماء من الوايت اللا لين اجي

.....

[الحمدان]

‏سلهمي بعيونك الثنتين دايم
‏واحرقي قلبي بنظرات المحبه

‏واتركيني طول عمري فيك هايم
‏مثل نظرات البعيد اللي مشبه

‏لو هلك يدرون ماحطوا تمايم
‏دامها فالشرع سنه مستحبه

‏انتي المفروض يحذف لك عمايم
‏من شغاميم العيال الملتهبه

.....

[الحمدان]

‏عسى لي أثر طيب مواقف وذكرى خير
‏ونفسٍ تنول اللي تمناه ياربي

‏ولا تبتليني بالسّعي في نصيب الغير
‏ولا تضيع سنيني وأنا أدور لطبي

‏وهب لي بصيرة ماتوردني التقصير
‏تميّز قلوب الناس في كرهي وحبي

‏ونولني أشوف الحقيقة مثل ماتصير
‏أنا أشوف الأشياء مثل مايشتهي قلبي

.....

[الحمدان]

‏والله اني ما احملك الخطا يازماني
‏ان قدرت ابلغ المقصود وان ماقدرته

‏الله اللي حرمني والله اللي عطاني
‏ان حرمني حمدته وان عطاني شكرته

.....

[الحمدان]

يموت العذر ويموت العتب دام الغلط مرجوع
‏ويبقى الحب مرسول السلام اللي يواسيني

‏تطمّن ياحبيبي لاتقول وصالنا ممنوع
‏وانا في كل يوم القاك بين دعاي وآميني

‏تمادى فالطعون الخضر مادام العتب مرفوع
‏ترى قلبي ملاذك لانويت تطيح من عيني

.....

[الحمدان]

صباح الطالب اللي قام فيه نْعاس
‏وسرح بدري يبي يلحق على الطابور

‏صباح الحصه الأولى وصوت الناس
‏وريح الخبز لادخّن مع التنور

.....

[الحمدان]

‏رشة مطر والجو غيم وبرادي
‏جو ٍ يعالج كل نفس ٍ عليلة

‏والخير مقبل للحضر والبوادي
‏والنفس زانت كل لحن ٍ تشيله

.....

[الحمدان]

الناس فيها الطيْب والحقد والغيض
‏مغشـوشةٍ مثل العسل وازرق العود

‏تلقى وجيهٍ سود وقلوبهم بيض
‏وتلقى وجيهٍ بيض وقلوبهم سود

.....

[الحمدان]

لاترتجي من زمانك يكشف أسراره
‏خلّك شجاعٍ يمارا به ويوعد به

‏إنطح سبايب زعْلك وثوٌر غباره
‏رمحٍ يخمّك ولا رمحٍ تهدد به

.....

[الحمدان]

مافيه احد يبقى معك طول الطريق
‏حتى ظلالك يتركك بعد العصر

‏احرص على دينك وهو نعم الصديق
‏ينفعك في يوم القيامه والحشر

.....

[الحمدان]

‏الي تبينه على خشمي وجعله فداك
‏والطعنه الي تجيني من يدك جايزه

‏ان كان هذا تغلي مايغرك غلاك
‏وان كان هذا تحدي فانتي الفايزه

.....

[الحمدان]

‏وش تبين من المطر والغيم ياضحكات خلي
‏من يشوفك شاف نوض البرق في عرض المخيله

‏زابن الصوت الرقيق وزابن الوجه المهلي
‏ماتسيّل وادي مانيب في حاجة مسيله

‏وامسك ايدي لين اجي كلي معك واروح كلي
‏اعتبرني تايه خلاك في الدرب الدليله

.....

[الحمدان]

عودتني ماتمر ان جيت عابر سبيل
‏الليله اشعر برود احساسك وشايفه

‏واشم ريح الجفا خلف السكوت الطويل
‏واحس ضمتك هذي خلفها سالفه

‏وادري بأن جية الليله موادع رحيل
‏أحس وجهك غريب وضحكتك ناشفه

‏سولف ترى حادي الفرقا يحط ويشيل
‏ودروبنا بعد هذا العمر متخالفه

‏لو تمنع الطعنه اللي في ضلوعي تسيل
‏وش يمنع الدمعه اللي بالهدب واقفه

‏لاتهربك نظرتي لو كان صمتي ثقيل
‏أخاف أصد وتطيح الدمعه الطارفه

‏ماودي تشوفني ليلة فراقك هزيل
‏حتى وخضر الطعون بدمها طايفه

‏وان ذللتني وجيه الناس ماني ذليل
‏يزيد راسي شموخ ان زادت العاصفه

‏تعال قبل الطريق بذكرياتك يميل
‏عانق ضلوعي ترا من غيبتك خايفه

.....

[الحمدان]

‏ياليت بعض الهقاوي قبل لاتنهقي
‏ماتنهقي غير تدري وين مدهالها

‏وياليت بعض الرسايل قبل لاتنرسل
‏يكتب عليها ترى مايصلح إرسالها

.....

[الحمدان]

‏الهوا اللي ناطحه راسي قبل راس الهواوي
‏من مهبه مالقيت الحاجه اللي كنت ابيها

‏لو نسانيس الهوا الغربي مثل طب المداوي
‏كان شرعت الضلوع العوج لين يهب فيها

.....

[الحمدان]

‏من المستحيل أنساك وأنت الأمل بالذات
‏خطيّتك تدمح والغلط منك مرجوعي

‏أشاهدك سبع سنين عندي سبع ساعات
‏وسبع الدقايق عقبكم عندي إسبوعي

‏أحبّك ولا أسمع فيك عاذل ولا شمّات
‏وأقدرك وأعزّك ولو إنك دلوعي

‏ترى بالهوى جنّه وللحُبّ تأثيرات
‏مقسّم على جزئين مرئي ومسموعي

.....

[الحمدان]

‏صار الزعل من بينا ماله أسباب
‏وعلى الرضا ماعاد للقلب طاقه

‏وقلت سوالفنا عقب ذاك الاسهاد
‏وراح التودد واصطناع اللباقه

‏طاحت مناعة حبنا والغلا شاب
‏وهذي مواري قرب موت العلاقه

.....

[الحمدان]

‏عندي من الصبر مايكسر ظهور الجمال
‏وفيني من العز مايسند مقام وقدر

‏احداث الأيام مقبوله على كل حال
‏إليّا اقبلت خير وإن قفّت قضاء وقدر

.....

[الحمدان]

‏غريبه كنّها من بطن ريح ومن ظهر عبرود
‏أصيله كنّها المجد التليد وسيرة أسلافي

‏عظيمه كنّها الدين الحنيف وحلمي المنشود
‏كريمه كنّها مطيري الكريم وخيرها الضافي

.....

[الحمدان]

‏فلا استبدّ الليل وأنهى مع النور الجدال
‏تهجع قلوب الخلايق وقلبي ماهجع

‏أسهر وكنّ السهر بعد طول الارتحال
‏خذ محلّه بين جفني وجفني واضتجع

.....

[الحمدان]

‏بعض الغناه تجيك في هيئة انسان
يغنيك عن باقي الاوادم والاموال

ياسلوة الخاطر ويا المطلب الآن
ليت الاماني تصير واجيك فالحال

.....

[الحمدان]

‏يامساء الشوق هذي لك لحالك
يامساء الخير هذي للبقيه

أنت مامثلك ولا عندي بدالك
واهني اللي يشوفك واهنيه

......

[الحمدان]

من جرب الحب مايعرف طريق الجفا
ولا عرف خافقه غير النظيف النظيف

ياظالم الحب وارباب المحبه كفا
والعمر بالحب يامسكين كله خريف

اغنم زمانك وذا الدنيا عليها العفا
واسمح لقلبك يخذ منها الخفيف الخفيف

الحب مثل العسل طعمه وفيه الشفا
وصفه لمن كان قلبه من زمانه ضعيف

علمني الحب درس التضحيه والوفا
واصبح معي ضد غدرك يازماني حليف

عايش بنور المحبه والظلام اختفا
ليلي سعاده وليلك يامعقد مخيف

.....

[الحمدان]

يازين الاهداف حطيتك امام المشاف
تعيش في كف والعالم بكله بكف

لابد للحظ من بعد السنين العجاف
مايترك الكف تتقلد وسام الشرف

تحمل الجور بالاكتاف هن والخفاف
يوصل السهم من قوس الوفا للهدف

العمر رحله قصيره والحياه اكتشاف
وكل واحد من السكه مسكله طرف

تخاف حمران العيان الذي ماتخاف
من باطل الوقت مالقيت للضلمه نصف

الجهل صلا بواقع مجتمعها وطاف
وصار مملوك لمعدوم ألابا والشرف

لاحاول الحر يتهرب من الاعتراف
بيجبره وقته القاسي اذاما اعترف

وعزة النفس يحنيها امام الضعاف
ويسقط العز والناموس لجل الترف

تمكن الذيب ياراعي قطيع الخراف
العين بالعين وابواب المواقف سلف

لنته حسبته حسابك أن به التفاف
ومنعطف تسلكه من خلف هذ الملف

بيجبرك يارهيف الروح ببسط خلاف
تصالح الذيب والقطعان ترجع علف

.....

[الحمدان]

سحرتيني ياغلا روحي بمكتوبك
وحروفك الي بعطر الورد نفاحه

أنت الغلا أنت وحدك والحلا ثوبك
همسك لقلبي دواه وبلسم جراحه

لو غبتي عني أطير بخآفقي صوبك
يقلع بي الشوق يحملني على جنآحه

.....

[الحمدان]

إذا شبّ الفتى عشرين عام
ولم يملأ عيون المكربات

فلا تفرح به ايلا قيل حيّ
ولا تبكي عليه ان قيل مات

.....

[الحمدان]

لاتشتآك للماله خلگ ملكاك

الجية بلا هلا من بعيد

مثل الگال الله وياك

شعر عراقي

[الحمدان]

من مثلي صار وياك بلسم علجروح

تطعني طعنت موت وتخلي وتروح

شعر عراقي

[الحمدان]

‏كل الليالي انگضن بس ليلك شكبره
‏دورلي يمك صبر گلبي خلص صبره

شعر عراقي

[الحمدان]

بس هاي النهاية وياك
وانفض جرحي وترابة

احرگ كلشي للمشتاگ
بس لا تحرگ اعصابة

شعر عراقي

[الحمدان]

الدايم الله ولو مِشوا يتعوضون

قوي گلبك وانسه كُل واحد نِساك

شعر عراقي

[الحمدان]

يَبو عيون ألوسيعَة ألمالهِن تَعيوب

يالأسمَر يالضِحكتك تسوَة ألولاية

شعر عراقي

[الحمدان]

‏اكتبيني شعر وانثرني حنين
لاتقولين الهوى والعمر فات

وارسميني في خيالك ياسمين
بعثري همسك ولميني فتات

افرحي فيني وقولي للسنين
توني جمّعت عمري من شتات

عانقيها يالسعادة كلّ حين
داعبي أحضان خلّي في سكات

حلّقي فيها لأحلى أكسجين
عطريها من نسيم انفس نبات

.....

[الحمدان]

بعدني شما يمر طرواك
احس بروحي تجويني

بعدني شما تجي بالي
احس انباكن سنيني

بعدني عله العهد باقي
هاي الجلمة تأذيني

شعر عراقي

[الحمدان]

تدري شعمل فرگاك من غبت عني

جثة وعلى التربان محد دفني

شعر عراقي

[الحمدان]

‏الناس يابن الناس رامي وعواد
ومن لامعه همة فلا منه افاده

يابايع الحجة ترى السوق نقاد
سوق التجارة له اصول وركاده

وياهل المواقف بين صادر ووراد
ماكل من هو يسرج المهر قاده

ويا مدور الهين ترى الموت حصاد
ماحد على الدنيا يحصل مراده

.....

[الحمدان]

ياصاحبي إن كان ماحققت غايه فالحياه
بالمختصر ياتارك احلامك لفرصه زاخره

نصيحتي حافظ في الدنيا على فرض الصلاه
اقل شي تخرج بحاجه تنفعك فالاخره

.....

[الحمدان]

قالت احبك والمحبه عنيه
قلت ارحبي من قل لعارش تحبي

قالت أحبك حُب عن حسن نيه
قلت النوايا علمها عند ربي

امانه انتي ولد اولا بنيه
قالت بنيه لاتخاف اتصل بي

قلت اعذريني باقتي منتهيه
عبي لمحبوبش باالفين عبي

عبي رصيدي وامهليني شويه
قالت لمه قلت اخضراللون جنبي

لويسمعش لايشحن البندقيه
ويحدث الجِهّال تحديث حربي

ويشن حرباً ثالثه عالميه
في ذمتش قالت ونا ويش ذنبي

قلت ايش اسمش والبلد والهويه
قالت بلاد الشام يانبض قلبي

وعايشه في الغرب عيشه هنيه
مش حانبه مثلك بزادي وشربي

قلت اوقفي قدامنا منحنيه
سباء وبلقيس امنا لاتسبي

احنا رعيه سكهينا الأذيه
لاتغنجي قدامنا غُنج غربي

مابش اوروبيه تغازل رعيه
مع السلامه دوّري لش اوربي


ابراهيم مفتاح
اليمن

[الحمدان]

مابين برد الشتاء والوقت وسكاتك
ذابت شموع الفجر والليل يحرقها

وتروح عنّي وتترك ضيقة شتاتك
ضلوع صدري هبوب الليل يكسرها

.....

[الحمدان]

يامنتهى الذوق كلمني وخبرني
‏عن صحتك يا أعز الناس وأغلاها

‏وعن زايد الشوق طمني وبشرني
‏وعن المحبة بقلبك كيف دنياها

‏حي الله اللي ملك روحي وسيرني
‏على دروب الغلا والنفس يدراها

.....

[الحمدان]

هم يحسبون الدرب كلّه ملذات
‏وحنا على بعض السوالف كبرنا

.....

[الحمدان]

بادر بوصلك مدام ظروفنا سمحه
بكره يشح الزمن وتردك ظروفك

على الاقل خلها لو بالشهر لمحه
ترا اسعد ايام عمري ساعة اشوفك

.....

[الحمدان]

لاصار طب البرد ضم الحبايب
الله يعين اللي حبيبه مجافيه

واللي حبيبه دوم مبعد وغايب
ماظن حتى الشمس ممكن تدفيه

.....

[الحمدان]

تكفون ياللي تشوفونه ابي شوفه
كيف العمل لامشاهدته ولا سمعه

خلوني احب خشمه والمس كفوفه
لو كان أشوفه من الجمعه إلى الجمعه

ياكبر حمله علي وكبر معروفه
ولبيّه والناس مفترقه ومجتمعه

عن وصل غيره يدين الحب مكتوفه
وعن شوف غيره عيوني مالها طمعه

.....

[الحمدان]

‏ماقلت لـي وينك ولا شفتك أشتقت
‏إحساس حطم كل الإحساس فيني

‏أكذب عليك إن قلت لك ماتضايقـت
‏وأكذب عليك إن قلت لك لاتجيني

.....

[الحمدان]

‏اثر الشدايد تكشف الناس للناس
‏ويبين فيها اهل الحكي والصمايل

‏كم واحدٍ وقت الرخا تحسبه راس
‏ولا هبته هوج العواصف تمايل

.....

[الحمدان]

ماتشيب الاماني لو تخيب الظنون
وماتضيق الحياه وعند ربي سعه

.....

[الحمدان]

نصبر على الدنيا وحذفات الاقدار
ونقول يمكن تالي الصبر خيره

.....

[الحمدان]

‏مهما بلغت من الضيق والحزن تأكد إن :

‏تبي تزين الامور وينشرح صدرك
‏العسر بعده يسر لو طالت المدّة

.....

[الحمدان]

‏والله انك في عيوني كنز مايفقد غلاه
درة فاقت جميع الوصف غالي اثمانها

كيف اوصف لك شعور القلب ياغاية مناه
وانت حبك في معاليق الخفوق اوطانها

.....

[الحمدان]

‏ثنتين لو مهما حصل لاتجي فيك
‏كره الرفيق وحب من لايودك
‏
‏والثالثة كانك تبي الناس تعطيك
‏مكانتك فاعرف مع الناس حدك

.....

[الحمدان]

بعض القلوب إحساسها يشبه الورد
‏تزهر لقا وإن مرّها البعد تذبل

‏وأجمل قلوب نعيشها شايلة الود
‏فيها الوفا وإن هزّها الشوق تسأل

.....

[الحمدان]

‏ياذا المساء روق وجيب الطواريق
‏خل النفوس بروعة الجو تسلى

‏فنجال من دله وكاسه من ابريق
‏ونفسٍ خفيفه مع قصيدٍ محلى

.....

[الحمدان]

أقفى مع الشيبان ذوق المجالس
والعرف وسكان السوالف والأمثال

وشلون تبغى العز من شخص جالس
وبالإذن سماعه وباليد جوال

.....

[الحمدان]

والله ان البعد ذنب على بعض القلوب
عزتي للي زمانه على البعد يحدآه

.....

[الحمدان]

دنيا العجب فيها دروس وتعاجيب
وعلى كثر صكاتها ما انكسرنا

.....

[الحمدان]

روح دور لك عذر على هواك
وان لقيت العذر دورني انا

.....

[الحمدان]

لولا الخطأ محدٍ تعلم من الناس
ولولا الجفا محدٍ عرف قدر غاليه

.....

[الحمدان]

السن مايحكم عقول الاوادم
‏وميزان عقل الادمي في لسانه

.....

[الحمدان]

الله خلق والله فرق بين هالناس
والله جعل فيهم سمات ومواري

فلا تنزعج لاشفت لك ناس انجاس
لولا الردا مابان للطيب طاري

.....

[الحمدان]

‏الحلم له نافذه والرزق بابه كبير
‏لاتقفل الباب وتعوّد على النافذه
‏َ
‏ٓلايشغلك طير غيرك وانت طيرك يطير
‏ياتيك رزقك ورزق الناس ماتاخذه

.....

[الحمدان]

ميزان عقلك يافتى من كلامك
‏مير الله الله بالهدو والسكينه

‏اعداك خلفك لكن الدرب امامك
اترك يسار الدرب والزم يمينه

واللي تشوف انه ينزّل مقامك
‏اقطع حبال الوصل بينك وبينه

.....

[الحمدان]

مايندم الساكت كثر من تكلم
ولا يامن العاقل صواديف الايام

.....

[الحمدان]

قلبي مساك وليلي بشوفتك غير
يااللي غشاك الليل قلبي يحبك

يسعد مسا قلبك انا قلبي بخير
بس انت قلي ياالغلا كيف قلبك


.....

[الحمدان]

يازين المحبه لاتوافق عليها إثنين
ويا زين اللقى لاصارت النفس مشتاقه

.....

[الحمدان]

ياقبلة الروح يانبع الحياة انتي
يادولة العشق والهامي وكل البوح

انتي القصايد وانتي النبض لاهنتي
نبضة حياتي حياتك هاهنا فالروح

.....

[الحمدان]

الرزق ضيفٍ لابغى الله يجيبه
‏يجيك لو سكرت من دونه الباب

.....

[الحمدان]

لاتنخدع والناس موّاتت ضمير
‏غير المصالح مايمر في بالها

‏أحبّك اللي كنت تسمعها كثير
‏هو واحد اللي حبّك وما قالها

.....

[الحمدان]

جعل ماجانا من الوقت كفارة ذنوب
‏وجعل طربات الليالي تجي متخاويه

‏بين تقليب المواجع وتنفيس الكروب
‏تنوي الدنيا ولا ادري وش اللي ناويه

.....

[الحمدان]

أفضّل الصمت لو يظلم معي قدرك
‏أما كلام ماتشعر فيه وشهو له

‏والله لو أحط قلبيّ في قفص صدرك
‏ماراح تستوعب اللي ودي أقوله

.....

[الحمدان]

‏احيان ابوح وداخلي روح شاعر
‏واحيان شاعر بس خالي من الروح

‏ماني من اللي يجرحون المشاعر
‏حتى ولو قلبي من الكل مجروح

.....

[الحمدان]

‏يقول خذني لك وأنا أقول حياك
قلبي وطن وضلوع صدري معابر

أنت تعال وإعتق الشوق بخطاك
كلي دفا وإحساس وأحلى مشاعر

.....

[الحمدان]

‏عساي ما اثقّل على قلب مخلوق
‏ولا اسوّي مايسبّب عتابه
‏
‏انا احب الذوق وادوّر الذوق
‏عند التعامل والحكي والكتابه

.....

[الحمدان]

‏والله إني ماتصنعّت الشعور
‏معّك يانبض الغلا كيف أصنعه

‌‏هام قلبي فيك والقلب معذور
‏ولاقويت أنهاه عنك ولا أمنعه

.....

[الحمدان]

تدري وش اللي يقهر بعالم الشوق
إذا عطيت القلب لنسان جاحد

لايحفظ إحساسك ولايعرف الذوق
يختار عشره وأنت مختار واحد

.....

[الحمدان]

ﺳﻼﻡ ﻷﻫﻞ ﺍﻟﻌﺰ ﺑﺎﻟﻌﺰ ﻣﻘﺼﻮﺩ
ﺃﻫﻞ ﺍﻟﺸﻬﺎﻣﻪ ﻭﺍﻟﻮﻓﺎﺀ ﻭﺍﻟﻤﺮﻭّﻩ

ﻷﻫﻞ ﺍﻟﻐﻼ ﻣﻨﻲ ﺳﻼﻡ ﻏﻴﺮ ﻣﺤﺪﻭﺩ
ﺗﺎﺝ ﺍﻟﺼﺪﺍﻗﻪ ﻭﺍﻟﺼﺤﺐ ﻭﺍﻹﺧﻮّﻩ

ﺃﻫﻞ ﺍﻟﻜﺮﺍﻣﻪ ﻭﺍﻟﻜﺮﻡ ﻣﻨﺒﻊ ﺍﻟﺠﻮﺩ
ﻓﺨﺮ ﺍﻟﻘﺒﺎﻳﻞ ﻭﺍﻟﻨﻘﺎﺀ ﻭﺍﻻﺧﻮﻩ

.....

[الحمدان]

خذني معك لأخر مدارات الاشواق
واشعل على متن السحابه حنيني

خل الوله يمطر على غصن الأوراق
يروي جفاف فصول باقي سنيني

.....

[الحمدان]

يامفترق درب اللقاء بالمفارق
كمل جميلك واقطع الدرب مره

لاتترك التايه في الوهم غارق
مات المسافر قبل ياصل مقره

ماشفت في سعيي معاك اي فارق
ولا جنيت غير التعب والمضره

ومادام ماجاني من الوصل بارق
خلاص خذ وهمك بخيره وشره

.....

[الحمدان]

يابو يوسف لاتعاتب من جفاك
من زهد في عشرتك خله يروح

والطمع بللي على غاية هواك
مايواريك الجفا قلبه نصوح

مايخونك دايم يتبع رضاك
حافظٍ عرضه وسده مايبوح

لاتبع هذا ولا وقف لذاك
وما حكوا به هو يروح وما يروح

وإن تكدر خاطرك يحزن معاك
يتعبه همك ومن نوحك ينوح

.....

[الحمدان]

يالله ياللي كافل الجن والانس
عبدك وش يسوي اذا خاب له ظن

حلمه يقول آصبر وياسه يقول أنس
ولا عاد يدري ياخذ العلم من من

.....

[الحمدان]

اجبر بخاطر من تعزه وتغليه
وهده شعور الجبر من طيب خاطر

وعطه الغلا من يستحق منك تعطيه
لين الغلا يظهر بفيض المشاعر

واوفي بوعدك من عطا وعد يوفيه
لاتوعد الا وانت عالوعد قادر

ومن عطيته بالوفا عهد يرضيه
اوفي معه بالعهد غايب وحاظر

والصادق الي بالمشاعر تجاريه
اقوئ وابلغ من مجاراة شاعر

.....

[الحمدان]

‏الناس تعشق كلهم حسب الاذواق
ونا عشقتك عشق حسب ذوقي

ياما رسمتك شمس تشرق بالافاق
واشتاق إلك يغلا غرام ابخفوقي

ياموطني لك حب يسكن بالاعماق
يغلا قصيدي في عذوبة طروقي

.....

[الحمدان]

‏يالله لاتجعل حاجتي عند غيرك
دام البشر من مد جودك يمدون

استقدرك في قدرتك واستخيرك
دبرلي الحاجات يامدبر الكون

.....

[الحمدان]

‏ياكثر مامرت على عيوني عيون
تمرني وأسأل عليك إنت وينك

ماهمنـي لو بالثواني يمرون
تكفي عن عيون المخاليق عينك

.....

[الحمدان]

اشتقت لك يلي على البال مريت
‏وجلست أفكر فيك من غير مدري

‏حاولت أسلي خاطري عنك وأزريت
‏قلبي معك مشغول ياليت تدري

.....

[الحمدان]

‏ياعايش الدنيا ترى الحظ مقسوم
مثل الهبوب اللي بلا دار وديار

نجري ورى الدنيا مع الليل واليوم
وياما وطت الأقدام عجلات الأقدار

.....

[الحمدان]

حي الغلا حي المحبه والأشواق
حياك ياقلبن بالأحساس وافي

أهلاً هلا ياللي له القلب يشتاق
ومهما أقول وقلت ماهو بكافي

غلاك مثل الصبح في لحظة إشراق
في داخلي يظهر جميع الخوافي

.....

[الحمدان]

جيتي الأرض المليئة بالنواقص آية
‏تحيي أجداث الشعور لواهسي ولفنّي

‏فإن ضحكتي كن ما للضحك خط نهاية
‏و إن زعلتي كنّك تدوّرين خيبة ظنّي

‏الشعر ماكان يعنيني حكي قرّايه
‏ومن قريتي صرت أدوّر للسبب وأغنّي

.....

[الحمدان]

أثر الأماني وارفات ظْلال دانية القطوف
‏والأمنيات أكثر مايخشى الحالمين إسرافها

‏على رصيف الصبر ملّ المنتظر طول الوقوف
‏وين الحياة اللي تخيّلت و لمحت أوصافها

.....

[الحمدان]

ياكثر المرحبا والمسهلا والشوق وال لبّيه
‏على الشبّاك نفسه باقيه ماراح طاريها

‏هذا نفس المكان اللي بدينا فيه جينا فيه
‏نعيد الذكريات ونستفز اشواقنا فيها

.....

[الحمدان]

من يقنع الشوق باشغالك وبظروفك
‏أقنعت قلبي وعيّا يقتنع قلبي
‏
‏دقايقٍ ما اسمعك فيها ولا اشوفك
‏ياوين ابا اروح من تفكيري السلبي

.....

[الحمدان]

أنا المقتنع بإن آخر المجريات أنصاف
‏لذا ماتزيد جروحي إلّا أبتساماتي

‏ولوّ مهل الله ماهمّل قلبي الشفاف
‏يجي يوم والدنيا تعدّ انتصاراتي

‏تخافون دورات الليالي وأنا ما اخاف
‏ تبي ترد لي معروفي وبيض وقفاتي

.....

[الحمدان]

‏أجمع له سمان الهرج خوف من التقصير
‏واليا جيت أبشرح له كلامي تهيزلته

‏يجيني منه هيبه معزه سحى تقدير
‏أقابله عندي علم وأروح ماقلته

سعد بن جدلان

[الحمدان]

كيف لامر السهر من دونك استعذب نعاسي
‏وأنت تدري مالعيني من بعد عينك مسرّه

‏كل ماطال السكوت بسور صدري طال باسي
‏كني اللي راضي التعذيب من قوّ المضره

‏والله إني ماتحلويت الجفى لو كنت قاسي
‏مير قلبي من كثر حبه عجز منك يتشره

.....

[الحمدان]

عن ضجيج الناس وأ حداث اللّيال المستمرّه
‏ودّي أبعد عن مدى الأنظار لو إني لحالي

‏ماورى كثر العلوم الدارجه غير التشرّه
‏يوم ترضي لك قريب ويوم يزعل منك غالي

.....

[الحمدان]

‏ماعليك من البرود وما عليك من المكابر
‏والله انك غاليٍ جدّا وفي قلبي لحالك
‏
‏انت في قلبي مقيم وغيرك من الناس عابر
‏وانت تامر ياحبيبي كل ماعندي حلالك
‏
‏وماعليك من الكلام وما عليك من المخابر
‏قلبي اعلن واعترف بان الغلا وان الولا لك

.....

[الحمدان]

‏أنت وحدك تستفزّ الصمّت وتردّ الطواري
‏ماقدرت ألدّ لك تقدير وإلا أصدّ شيمة

‏ماعليّ من الجفاف إن طالت ايدينه دياري
‏وين مالدّيت أشوفك نوض بَرق ووبل غيمة

.....

[الحمدان]

‏خذ ياسحاب الشوق من قلبي الشوق
وارحل جعل مسعاك درب السلامة

صـوب الذي له شآن ومكانته فوق
وسط الضلوع العوج ساكن غرامه

قله قسم قلبي من الشوق محروق
والنار تنهش في الخفوق إلتهامه

والجسم كامل صابه الياس والعوق
والقلب ينزف داخلي من سقامه

.....

[الحمدان]

للسوالف معك لذه وطربه وانتعاش
‏لو تخربط فالسوالف أَحب السالفه

‏في عيون اللي يحبك فهاوه واندهاش
‏والجوارح في وجودك غدّت متخالفه

‏من غلاك أَشوف ذا الناس في عيني بلاش
‏وكل من جاني يوالف عجزت اوالفه

.....

[الحمدان]

‏وين أنت ياللي تقدر ترجّع لعمري ساعتين
‏وأعطيك من باقي حياتي ما يسرّك حالها

‏رغم إنهزامي مع دنوّ الليل وابداي الكنين
‏إلّا إنّي أحفظ قيمة العبرة على منزالها

‏ليلٍ سرى في ظلمته وحشه وفي صدري حنين
‏وأحداث حربٍ في معاركها تموت أبطالها

.....

[الحمدان]

‏على وين رايح عاد عمري معك ماملّ
‏تعوشب معك واخضر عوده على نبته

‏يادربي الوحيد شلون اهدك وانا مادلّ
‏سوى وجهك اللي يهدي الرشد واتبعه

‏على دربك تقل الخطاوي وينبت فُلّ
‏هذا الدرب وهذي زحمة اهله وذا طبعه

‏عليك البشر تفتح شبابيكها وتطلّ
‏من يشوف وجهك شاف روحه على ربعه

.....

[الحمدان]

‏فمان الله عَسى مايردّك لقلبي وَلَه وشعُور
‏ليا هَبّ الحنين وجيت لك طيف وتغافلتك

‏تجاهلتك وانا ضايق شعور وخاطري مكسور
‏تخيّل قدّ ماني بحاجه وصالك تجاهلتك

.....

[الحمدان]

‏في سماء حضنك عن الدنيا وما فيها سليت
‏ياعوض ربّي على قلبي وجنّة مشتهاه

‏عوّدت روحي ومن لجّة بحر حزني نجيت
‏جيت لك غارق وجيتيني مثل طوق النجاة

‏لو بذلت الروح لجل أفدى عيونك ماوفيت
‏ ماعطيتيني حنان أنت ِ عطيتيني حياة

.....

[الحمدان]

سلامي على اللي تسرق الروح والاعجاب
‏فدتها العرب والروح والصاحب الخيّب

‏مطر صوتها لاداهم السمع والاعصاب
‏هنا أحسّ بان الموت لنفاسي قريّب

‏لها في خيالي رش ديمه وقرع أبواب
‏ولها في خفوقي حب لايمكن يشيّب

‏أنا من ينجّيني ليا سلّت الاهداب
‏وهدبها كلام الحق لا قيل من طيّب

.....

[الحمدان]

اعتبرني معطيات الواقع اللي يستثيرك
‏وحبني مثل الخيال وخلّني مثل المخيله

‏القبال اللي تشوفه قادر يحدد مصيرك
‏والقبول اللي لمسته منك يكفي عن قبيله

‏يوم مرتني حياتي كلها ماشفت غيرك
‏أنت صورة كل مشهد وأنت قصّة كل ليله

.....

[الحمدان]

‏مطيح المطر بالارض يشبه مطيح خطاك
‏على جرف جفني يامطر ناظري مرّي

‏أحبّـك وأقول إني أحبّط ولا يخفاك
‏أنا المعجب المُعلن وأنا المعجب السرّي

.....

[الحمدان]

يامحلا الجلسه مع اللى توده
وقلبه تعرف انه يودك ويغليك

والله لو تأخذ من الوقت مده
فى رأيك ان الوقت ماهو مكفيك

.....

[الحمدان]

تملكني الطيبه ويملكني الذوق
‏ويملكني الي صادق في كلامه

‏ياحظ منهو يحترم كل مخلوق
‏بشوش متواضع رفيع مقامه

.....

[الحمدان]

احتاج افضفض بس مدري ويش اقول
‏ياحظ منهو لابغا يحكي حكا

‏بين احتمالات الغرابه والذهول
‏ياقرب بعض الصمت من بعض البكا

.....

[الحمدان]

‏كنت اعاف اللي يميل وكنت احب الاختصار
‏لين ملتي واستقام العشق بالقلب وزما

‏والله اني قبل اشوفك ماعرفت اخذ قرار
‏لا انسألت ارد يمكن واحتمال وربما

‏ما انفرضتي في تفاصيل الحياة انتِ اختيار
‏غيمٍ اوحى الريح تدعي والمطر حن وهما

.....

[الحمدان]

‏تراقبك العيون اللي تحبّك والمحب يخاف
‏عسى ربّي يجيرك من عيون الخلق عز وجل
‏
‏على ماخصّك بزود الجمال ونادر الأوصاف
‏أنا ما ألوم من خافوا عليك من الحسد والغل
‏
‏مع إني لو تكلّمت بحياديّة عن الانصاف
‏من الواجب عليهم يفرشون الارض ورد وفل

.....

[الحمدان]

‏على كثر الشتات اللي يمر ويربك افكاري
‏لقيتك ظلي الثابت معي دايم على الهقوة

‏ياوجهٍ كل ماضاقت علي وشانت اقداري
‏ذكرته وانجلى ضيقي وصارت عبرتي غنوة

‏تخيرتك ولو غيرك وجوده عندي اجباري
‏اعرف ان الحياة بدون وصلك ماهي بحلوة

.....

[الحمدان]

اخاف ان الغلا ينقص ليا من مر يوم ويوم
‏وحنا ماتواصلنا وكلن متصل نكه

‏بعد شوط الفراق الي تقفاه التعب وهموم
‏يراسلني يقول انه دعالي في حرم مكه

‏عسى حاله بخير وياعسى له السعاده دوم
‏وعساه يعيش في دربه بدون الهم والشكه

.....

[الحمدان]

عشان تشوف قيمة غيبتي وتقدّر حضوري
‏تركتك والليال السود تكفي يا أبيض الغرّه

‏بدا دور الليالي وإلا أنا معك أنتهى دوري
‏ومعك ماعاد تنفع شرهتي وحكاي بالمرّه

‏فمان اللي زرع حبك بقلبي وأصدق شعوري
‏وأنا شخصٍ ليّا ترجم شعوره ينكشف سرّه

.....

[الحمدان]

تجيني على غفلة من الليل والترحال
‏وأحب النسيم اللي يجيبك وأهلّي به

‏زرعك الله فقلبي مثل مازرع فالبال
‏سوالفك صورّك وصوتك وترحيبه

‏تنحّرت لي بعض المساعي ودربي طال
‏وعرفت إنك المسعى بحلوه وتعذيب

.....

[الحمدان]

‏أنا ماهمني لاصار سيلي عارفٍ مجراه
‏أبفرش ضحكتي بعيون كل اللي يمروني

‏أنا لاني طريقٍ محدٍ صابر على ممشاه
‏ولاني دربٍ اخضر كل من جوني تمشوني

‏وأنا ماني ببحرٍ كل من جاني شرب من ماه
‏أنا صفحه من التاريخ تذكرني ماتنساني

.....

[الحمدان]

إلين الفجر تعّبت المساري لين قل الحيل
‏تقدّيني هواجيس السهر وتتوّه دروبي

‏أنا تعرفني أرصفة الطرق وأشجارها والليل
‏كثر ماهيب تجهلني النوايا وقلب محبوبي

.....

[الحمدان]

‏ألا ياقلب لاتشره عليه ولي متى غيره
‏يغيب برآحته خلّه يروح يعالم النسيان

‏كفاك تدور آعذار لغيابه فضها سيره
‏تماديت بغلاه ومن تمادى بالغلا خسران

‏أبد مافيه بالدنيا بشر يستاهلك غيره
‏يغيب ولارجع ماكنك الا العاشق الولهان

.....

[الحمدان]

‏لازال الوحيد اللي سكن بالي الدواج
‏على كثر مامر وعلى كثر ما واجه

‏شعوري وانا انتظره وابيّن له اني ساج
‏شعور الفقير اللي يكابر على الحاجه

.....

[الحمدان]

‏الليالي صابها الخوف واخطاها الامان
‏والمشاعر بعد طول الصفو متكدره

‏رغم صدمات الاوادم وصدمات الزمان
‏صدمتي فيك انت لا زالت المتصدره

.....

[الحمدان]

‏تجيبك لي الاحلام واحضنك لين افيق
‏تروح وتغيب ايام واحلامي تجيبك

‏اماريبك الاحباب وادعي لك التوفيق
‏شف شكثر غلطاتك بحقي واماريبك

‏عذاريبك الواجد بعيني عليك تليق
‏انا اشوف من ضمن المزايا عذاريبك

‏شسويبك ان جيت اتناساك جاني ضيق
‏وانا كل ماضاقت ذكرتك شسوي بك

.....

[الحمدان]

ياحبيبي لالقيت اللي بدالي لاتبالي
‏انت مختاره وهذا قلبك وهذي المحبه
‏
لاتواسيني على حالي لو انه بري حالي
‏من يقول ان الجروح كبار وان الشوق سبه
‏
كل ماحزن لاتوريني الغلا لو كنت غالي
‏في شعوري كل ماجيت المسه بعِّد وخبّه

‏وش تبي فيني وانا عابر سبيل وراس مالي
‏ذكريات جت مكان الواقع اللي كنت احبه
‏
خذ بشوري واترك ايديني انا دايم لحالي
‏فيني شعر ابي بكاه وفيني دمع ابي اكبّه

.....

[الحمدان]

‏هي مذهله بالوفاء وبطيبها مذهله
‏مافيه منها بطيبتها سوى ذاتها

‏بالذوق واخلاقها من شافها تذهله
‏في إبداعها في تعاملها وروعاتها

.....

[الحمدان]

‏طبيعة الشخص في اخلاقه وفي نبله
‏ان كان تبغى جميل القول ينسب لك

‏انت إجتهد في الكلام الزين واتعب له
‏وتلقى حصيله مع اهل الطيب يرقب لك

.....

[الحمدان]

‏ليه صوتك يابحر دايم حزين
‏لا أنتفض موجك على الشاطي ومات

‏في ظلام أعماقك أخفيت الونين
‏أسألك بالله ما اتعبك السكات

‏قال يوجعني وداع الراحلين
‏لنثروا عندي دموع الذكريات

.....

[الحمدان]

‏يامالك قلبي وعيني تراعيك
لبيت قلبي يوم هـاض بغرامك

أحترت من زود الغلا وين اوديك
حتي عيوني ماتليق بمقامك

والله لو صدري يضمك ويحويك
لجعلك فوق القلب تبني خيامك

.....

[الحمدان]

ماحسدت المطر على مكان النزول
لين بلّل جدايلها وهي ضاحكه

كانت كفوفنا ملامح مْن الذهول
مدري كفوف ولّا ارواح متشابكه

جعل غيمٍ يوسّع خاطرك مايزول
وجعل كل الليالي فيك متباركه

.....

[الحمدان]

حنا العصاه اللي علىٰ مر الايام
نرسي كما ترسي ثقال الجبالي

اليا خذينا قسمنا خير الاقسام
واليا عطينا ماحسبنا التوالي


الحمدان

[الحمدان]

الله يمسي كل الأحباب بالخير
ويسعد لياليهم ويسعد مساهم

وياالله يامعبود يارازق الطير
ريح خواطرهم وزود هناهم

[الحمدان]

اصبحت اصون الود بالبعد واسري
واحفظ لها باقي عهودي ونذري

وانا اللذي بالعهد صوله وجوله
وهي بعد في محتوى القلب تدري

يا قشر فرقاهم وياقشر ساعه
فيها الدقايق يحتويها وداعه

راحت وقالت رحلتي استعدت
كنه على موتي نوا الوقت بدري

.....

[الحمدان]

سمعت لي كلمةً مدري وش أقصّاها
‏حزتّ بصدري و أنا ماني بهارجها

‏لو كل كلمةً اليّا جتنا طردناها
‏بعنا الثمينة بسعرً ما يخارجها

‏لو مرت السمع ماكنّا سمعناها
‏ونقفل الراس عنها لا يبرمجها

‏ومن يمّ هذا لهذا ما نقلناها
‏والناس واجد وتلقى من يروجها

.....

[الحمدان]

حاول تعيش بصمت قدر المستطاع
ولاتقيس الناس بالهرج تغدي

اخر من يسولف عن الحرب الشجاع
واكثر من يسولف عن الطيب الردي

.....

[الحمدان]

خلك غريب وممتلي حلم واسرار
‏حتى طموحك مختلف فاتجاهه

‏عادي تغيب احيان عن كل الأنظار
‏البعد عن بعض الأوادم نقاهه

.....

[الحمدان]

اعوذ بك يارب من ضيق الانفاس
‏ومن عبرةٍ لاجاني الليل جتني

‏لي حاجةٍ لاجيت اعلم بها الناس
‏ تمنعنيّ الشيمه وهي مرهقتني

‏اقول كلش زين والوضع لاباس
‏وارتاح لاشفت العرب صدقتني

.....

[الحمدان]

اضحك ترا عوج الليالي مدابير
‏ وما للخلايق في قضا الرب حيله

‏أضحك ولو هموم قلبك طوابير
‏ وما يقسمه ربك تروح وتجي له

‏لو ضاقت الدنيا تراها مقادير
‏وخلك جبل ماهزته كل ميله

.....

[الحمدان]

‏عهد الغلا يالغلا باقي على وضعه
‏لو غبت وابطيت ماتتغير اوضاعه

‏مغليك لو طال بعدك مأختلف طبعه
‏لو شان طبع الزمن ماشانت اطباعه

.....

[الحمدان]

‏عزيز النفس مايقبل محبه بابها مسدود
ولا يمشي على دربٍ يذل الراس ويضره

.....

[الحمدان]

مايرتفع من طاح قدره من العين
لو يمتلي لولو من الراس للساس

.....

[الحمدان]

خلوني اخذ مع دروب الخلا سجه
البر عندي طبيب القلب وعلاجه

.....

[الحمدان]

‏فوق السحاب وجالسٍ وسْطْ خيمه
‏غنّيتْ واحلامي تطارد سرابه

‏بين الغيوم وبين هتّان دِيمه
‏تذرف دموع العين شوق وصَبَابَه

‏إلى متى والحلم دمعه يتيمه
‏وانا الّذي ناطِرْهْ فوق السحابه

.....

[الحمدان]

‏لاصار نومك مايجيك بسهوله
والهم والهوجاس يقدح زناده

اقراء كتاب الله واذكر رسوله
ترى السعاده كلها فالعباده

.....

[الحمدان]

‏يارب مسي كل غالي بغاليه
واجعل لهم من كل شبر سلامة

واجعل لهم بمنزل الطيب عاليه
وأحفظ عبيدك من دروب الندامه

.....

[الحمدان]

عسى روسنا ماتنحني للبشر ملي
لو انها تواجه من زمنها اللي تواجــه

صبرنا على الدنيا واهلها وحنا اللي
لو نموت مانرضى على انفوسنا حاجه

.....

[الحمدان]

الله على جو الغلا بين الاثنين
حب ومشاعر شوق واحساس عشاق

يروق جو الحب مابين قلبين
مزح وضحك واللعب مابينهم راق

في مرتع العشاق والحب لاهين
في جلسة تحلى بها لعب الأشواق

.....

[الحمدان]

‏يازين السعه والبعد عن قوم قال وقيل
‏وعن اللي لسانه يمنع الناس من قربه

.....

[الحمدان]

تعطري يابنت وأرهي من العود
حطي على كبد المعادين جمرة

لايهمك اللي هرجهم تقل بارود
وسيري بدربك لايكونون عثرة

يالله عساهم فدوة عيونك السود
اللي لها في هامة السحب نظره

.....

[الحمدان]

بعض البشر محتاج للذوق خبره
‏عندي نصيحه له على مَرّ الازمان

‏المرء بأخلاقه وذوقه وفكره
‏وبروعةأسلوبه يصيرأجمل انسان

.....

[الحمدان]

اخذ النصيحة لاتخلي صلاتك
احرص عليها قبل ينقال مرحوم

اجمع حصيلك قبل موعد مماتك
الموت لامن جاك ماعاد لك يوم

.....

[الحمدان]

صحيح ماندري عن اللي يكنّون
ولا أحدٍ على قلوب الاوادم تنبّا

مهما الليالي تستر اللي يخبّون
تبدي لك الايام شيءٍ مخبّا

.....

[الحمدان]

لوتعطي الناس الذهب والجواهر
ماراح ترضى عنك لوكنت عادل

ولوكنت قايد للسفينة وماهر
لابد يطلع لك غشيمٍ يجادل

.....

[الحمدان]

يقولون متغير وانا ماتغيــرت
من جيت للدنيا وهذا مسيـري

من عادتي لاضقت وإلا تحيرت
اصد واكفي الناس شري وخيري

.....

[الحمدان]

خاويت لي شخصٍ يسبونه الناس
ابعرف العالم وراها تسبه

ولقيت له في قمة المجد مجلاس
يعطي العطاء ومكمل حق ربه

اهل الحسد لاغاضهم طيب الراس
عجزوا به وسبوه من دون سبه

.....

[الحمدان]

وقفنا على باب الأمل وقفة المحتاج
‏ورجينا كريمٍ ماهو يصكّ بيبانه

‏يناجيه عبده وما يردّه سحا واحراج
‏ويطلبه من فضله ومدّته واحسانه

‏عسى مِقبِل الأيام يسر ورخا وافراج
‏وعسى مامضى يمحاه عفوه وغفرانه

.....

[الحمدان]

يامالك الملك يارحمن سبحانك
لي خمس دعوات ياربي تحققها

‏جودك وسترك وعافيتك وغفرانك
والخامسة روحي من النار تعتقها

....

[الحمدان]

لهفة مساء الخير في يوم الخميس
تشبه نسانيس الهوى عقب المطر

يانسمة البسمة ترى يومي ونيس
رش من النسناس بثيابي عطر

.....

[الحمدان]

أكثر كلام الناس ماكني اوحيه
بعض التجاهل طيب ماهو رخامة

ماصادق الجاهل ولاني معاديه
يكفي سلام ومرحبا والسلامه

.....

[الحمدان]

الصبر هيبه والتواضع معزّه
وخير الكلام اللي به الصدق موجود

ومن لايعزك جنبه لاتعزّه
مانته على اللي تكره النفس محدود

.....

[الحمدان]

ابوي رباني على مكسب الطيب
ومن قبلها جدي على الطيب رباه

نقصر عن دروب الردى والعذاريب
والطيب نلحق صاحبه ونتعداه

.....

[الحمدان]

الخطوة اللي ماتعزك بممشاك
لا تهتويها واقصر المشي عنها

لاصار ماترفع مقامك بدنياك
احذر تجاملها وترخص ثمنها

.....

[الحمدان]

الله يمسيكم بخير وكرامه
ويجعل مساء اليوم عز وتوافيق

عسى لكم في كل خطوه سلامه
ويارب يبعد عنكم الهم والضيق

.....

[الحمدان]

بعض البشر بالكون مصدر سعاده
مثل الذهب مطرزينه بالالماس

وبعضهم كسرة خشب في رماده
ماجاك من دخانها الا وجع راس

.....

[الحمدان]

‏على سبيل الشوق مامرك الوقت
‏مدري عقارب ساعتي وش تحرا
‏
‏تدري وش اسوي ليا مني اشتقت
‏ماغير في وجيه القصيد اتذرا

.....

[الحمدان]

‏القاك في درب القصايد والاشعار
والقاك في كل المشاعر أحادي

مالك شريك بقلب حطك له اسوار
واشوف غيرك في عيوني جمادي

جتني طواريك مع الليل زوار
احسها كل ماتصيح وتنادي

اعبر بها يمك على موج الافكار
خيال لكنة بقلبي وكادي

.....