فوق هام السحب ( الشعر الشعبي) على متن القوافي

[الحمدان]

ياناس ياللي نومكم فالمخابي
ماحدٍ يسلفني من النوم غطه

النوم فازوا به كبار العلابي
كنهم يعبونه من اقرب محطه

......

[الحمدان]

الزين فتنه والحيا زادها زين
وليا مشت سبحان ربي خلقها

ما كنها إلا مهره بـالمياديـن
الله عن الخيل الأصيله فرقها

......

[الحمدان]

‏متابعيني كلهم قمــة الذوق
من حبهـم حتى التواصـل هويته

اناوهم تشبيه عاشــق ومعشوق
وغلاتهم داخــل خفوقــي بنيته

هذا كلام القلب من كل الاخفوق
من قلب صادق بالمحبه حكيته

ارسل لهم حبي مع كامل الشوق
لكل غالـي فـي حياتــــي هديته



اهداء لمتابعيني

[الحمدان]

مانبدي الزله ولانقبل الزيف
‏وان ضيعوا بعض البشر ماغدينا

‏تبقى لنا بصمه ونحفظ معاريف
‏على دورب الطيب حنا نشينا

......

[الحمدان]

‏كم من ظروفٍ فرّقت بين الأحبـاب
‏لــكن مــن يــغليك مــا شي يعيـقـه

‏ومــهما تباعدنـا ومهما الجسد غَـاب
‏أحــس رُوحــه دوم جنبـي رفيقـة

......

[الحمدان]

‏من حفظي لحبّك تركتك على شان
‏ما تمشي الفرقا كذا بالتدرّج
‏محمد المقحم

‏احسن يموت الوصل وتعيش الأحزان
‏ولا يموت الحبّ وأنا اتفرّج
‏عفّاس بن حرباش

[الحمدان]

تخفي غرامك لـكـن الشوق فضاح
والحب ما يستر عـيـوب المحبين

واللي ابتلي بالحب وشلون يرتاح
لاصار عنده جرح واليوم جرحين

......

[الحمدان]

لو عرفت أن الوفاء ما له ضمان
كان كلن راح في دربه وشانه

كل ما تعطي وفاء لغدر الزمان
ما يجيك من الوفاء غير الخيانة

وكل ما حطيت للواجب مكان
ما لقيت لواجبه قدر ومكانه

......

[الحمدان]

الضمائر تحتظر والأم تبحث عن بقايا
من بقايا عيش نسيوها عديمين الكرامة

وسط برميل القمامة فتشت كل الزوايا
لم تجد غير الضمائر ميتة بين القمامة

محمد قعشه

[الحمدان]

‏ياما فقدنا تحت عوج النصايب
واللي فقدناهم على القلب غالين

من بعد فرقاهم تهون المصايب
لوكثرت الاحزان ما تدمع العين

وان ادري ان الحزن ما رد غابب
لاكن على ما قدّر الله راضين

.....

[الحمدان]

كُنّ غَنِيٌّ الْقَلْب وإقنع بِالْقَلِيل
مِتّ ولاتطلب مَعَاشًا مِنْ لَئِيمٍ

لَا تَكُنْ لِلْعَيْش مَجْرُوحٌ الْفُؤَاد
إنَّمَا الرِّزْقِ عَلَى اللَّهِ الْكَرِيمِ

.....

[الحمدان]

تدري وش اكبر قهر شفته بدنياي
اني عطيت القلب لانسان خانه

كنت اعتقد انه ملاذي وملجاي
لكن نهب قلبي وخان الامانه

وحب عمري صار من اكبر اعداي
وخسر فؤادي في المحبه رهانه

يا غلطتي الاولى ويا اكبر اخطاي
يا حب ب الله رد قلبي مكانه


......

[الحمدان]

هــذي خفايا القلب ان كان ترضيك
ومـرسـال حـبي جــاك والـقلـب دزه

بالحـيل انا احبك وبالحيل انا اغليك
ومــع الغلا والـحــب جــتك المعـزه

......

[الحمدان]

‏ارسـم خيالـك واعتنـي بـه واحاكيـه
‏واقـص لـه فـي كـل لـحظـه حكايـه
‏
‏واقطف ورود الود والشوق واعطيه
‏وابنـي لـه قصـور الفرح في سمايه

......

[الحمدان]

تعال يسعد مساء قلبك وابشرح لك
عن قوة اشواق قلبـي كان مـا تدري

شعـري والايام يـ الغالـي توضـح لك
ان مابه احـدن يبيك ويعشقك كثري

......

[الحمدان]

مراسّيلك دوة مـن أشتـاگ أرد الهـا

شنهي اخبار هجرك مانويت تعود

يبن كلبي الهجر فرهود ماضل عود

‏ذمه برگبتك روحِي وايامِي الخذتهن

وذمه برگبتك سَاعة سَاعة الما نمتَهن

سولفلـي بضوة عيونـك

شحلات ألناس لو كُلهم يشّبهونـك

شعر عراقي

[الحمدان]

‏عطني وعد انك معي طول الأيــام
‏واعطيـــك عهـــد انــك حيـــاتي وذاتــــي

‏اخاف تتعبني معك وارسم احلام
‏والقــاك بكــــره صـــرت من ذكريــــاتــي

......

[الحمدان]

ها يروحي شحصليتي

كتلج الوادم سوالف

لا قنعتي ولا رضيتي

الناس تتعافه على كلبي

چي يحاجيهم صدك


شعر عراقي

[الحمدان]

الدايم الله ولو مشو يتعوضون
قوي كلبك وانسى كل واحد نساك

لا تجلبلي بكفى الرايد يروح
ولا تكلة شلون اكضيها بجفاك

كلها تكطع والله مايكطع حنين
شما تسمعة انطيني تسمع منة هاك

شعر عراقي

[الحمدان]

قدّام تكتبني الأماني كتبتك
‏على جبين الجاي من دون سبّه

‏بكرة ليا منّي كبرت ولبستك
‏بـ اكون لابستك مع اللي أحبّه

......

[الحمدان]

ماكان عندي شي أغلى من الروح
ولاكنت أحب أحد كثر روحي

وعرفت أن الروح ترخص لاجل روح
روحن غلاها زاد عن حب روحي

......

[الحمدان]

شَنسى مِنك وبالي گله وياك
صعَب مثل الچَمر ماينحمل فَرگاك

وگلت أنساك باجر مَن يمر الليل
أثاري الليل جَايب گل غرامِي وياك

كل أيامنا الچَانت ضحك وافراح
هَسه تحولت دمعَات بـَس تنعاك

شعر عراقي

[الحمدان]

خليني يَمك يا ضَوى
مَا احَب لحِظة بدَونك

مِن الدِنيا اني شحصَلت
أمّي وجمِال عيوَنك

شعر عراقي

[الحمدان]

مابـين جوع الذيب وإحساس الإنسان
تبقــى العــلاقه بـين حاجـــه و لــوعه

فالذيب مايرقد ليا صـــار جــوعــــان
يسري بتالي الليل من شان جــوعــــــه

مثل الحبيب ليا صار ضايق وزعـــــلان
سهران طول الليل يمسح دمـــوعـــــه

......

[الحمدان]

ياذيب لاتشكي على قلبي الان
احس قلبي منكسر من ضلوعه

احاول اتماسك ترى قدر الامكان
حتى الصبر قد هو بيعلن خضوعه

ماعاد لي صاحب ولاعاد اخوان
قد كل واحد همه الي يذوقه

الوان ياذيب الخلا كله الوان
وكل لون يبين ساعة شروقه

......

[الحمدان]

‏ياليل تكفى علّمه كيف الأحوال
قلّه ترى ياليل ياما ذكرته

قلّه ترى جرح المحبه برى الحال
و أنا معك ياليل حزني سهرته

......

[الحمدان]

أرتجف لاإجيت أكتبلك الكلام
وإن سكت الشوق في قلبي يزيد

تسهر عيوني ليالي ماتنام
مغترب كأني في الدنيا وحيد

وأن بغيت أنسااك تصوبني سهام
تخترق روحي لو روحي من حديد

......

[الحمدان]

ياوجودي وجد من فارق خليله
‏حدته عوج الظروف القاسياتي

‏عن وصاله والوصل غيمه مخيله
‏غيمتن تروى العروق الضامياتي

‏ من وصاله مابقى في اليد حيله
‏والله ان فرقاه سلمني للماتي

‏زاد بي شوقي من الجمره مليله
‏وهني اللي مع العالم يباتي

‏مسهرن عيني فراقه كل لليله
‏والهجوس موردات وصادراتي

فاقدن غالي ولا أرضا في بديله
‏مير كيف الحل ياهل الطايلاتي

‏حيرن فكري ولاعندي وسيله
‏والهموم بوسط صدري ساكناتي

‏والسبب من مهرتن عطرا أصيله
‏فارقه في زينها واحلا الصفاتي

‏فاتنن محدن ينافسها بجيله
‏العذراء من حلاها غايراتي

‏والله انها طيبه ماهي بخيله
‏بس طبع العوب فيها معانداتي

‏كرهتني بالمحبه والجميلة
‏بعدها معاد اطالع بالبناتي

......

[الحمدان]

الطيب مثل الصيد نادر ومفقود
والمرجله سيف الرجال وغناها

والعز والناموس والفخر والجود
اربع ترى يتعب لها من بغاها

......

[الحمدان]

عَلي تُعبر إذا حَطولي سِم بالزاد
وما تعبر عَلي وجوه مَسمومة

ناس تِحب خَراب وكُل طشاش ثنين
يحِسدون الگِصيبة اشلون مَلمومة

شَردت مِن السِجن مو حكمي چان طويل
ولا متضايگ مِن الگعده والگومه

واحد مِختلف يرضَى إعله نَفسه شلون
هدوم السِجن گلها مشابهه هدومه

بَس أنتَ العِزلتك بين هاي الناس
ورمَمتك وأنه بيوت أهلي مهجومة

بَس أنتَ الردت يومي گبُل يومه
لا تِلچم جروحي التَوها مَلچومة

عَصافير السوالف چالات بزور
وبَس تِشمر حَصه يگومن فَرد گومه

شعر عراقي

[الحمدان]

الذوق ذوقك والمزايا مزاياك
أنت اللي تستاهل عيون المتابع

لو نحسب أصحاب التميّز لقيناك
من أول العشره بـ روس الأصـابع

......

[الحمدان]

نسيتك چذبة عبرت ع الخلگ كلها
وبعدها جروح گلبي عيونك تحلها

بعدني من أذكر أيامك گليبي يشيط
مدلل وأبچي خايب ياهو يقبلها

نسيتَك من سمعها الگلب فَز مرعوب
حتى السودة منَّك آنة أشتاگ الها


شعر عراقي

[الحمدان]

تــــغيرنه وتبدل طـــبع الاحباب
ورق اشجار صرنه وبلهوه انطيح

عين بكاع جنه وننضح اشواك
وهسه احنه سفينه بلا ملاليح

اذا مات النبض شصيح الكلوب
مثل غركان ناشد عل السوابيح

هياكل فارغه وعافتنه الارواح
الوكت عيد وعليه شحت مراجيح

كتلك جيب كلبك عوفه وياي
المن عفته باقي بنوحه ويصيح

مثل طفل بنهر عايفته الاحضان
فتحة ريج لحلوك التماسيح

شعر عراقي

[الحمدان]

‏نور القمر في وجودك يالغلا عادي
لامن حضرتي جمالك يخفي وجوده

يجذبني الزين بعيونك وبي سادي
يستحوذ الفكر والإحساس ويسوده

ون كان غبتي يكون البدر لي بادي
يعكس خيالك ولو منتي بموجوده

اسامره وحكي معه والروح تنقادي
كنك قبالي وطيفك داخل حدوده

......

[الحمدان]

نهـارٍ غثيـره يـرضي الخـااطر الزعلان
لك الله كن الشمس بـ الغيم محجوبه

تخفى بعضها فـ الغثير وبعضهـاا بان
مثثل بنت عودٍ يـوم شـاافوه هلوا به

عطوه النشاما منحر المجلس المليان
وهي تتقي من زحمة الناس في ثوبه

......

[الحمدان]

‏والله إن بالي طويل ودايم صدري شمالي
‏والزمن يبغى يبّيح سدي وبيحت سده

‏طاح من عيني عتاب وطاح دمع وطاح غالي
‏والعيون إن طاح منها شي ما والله تردّه

......

[الحمدان]

هــذي دلعها غيــر وجنــونها غير
محـلا الطفـوله في سـوالف دلعها

إليا أزعلت قالت أشوفك على خير
وإليا رضت جابت لي الغيم معها

......

[الحمدان]

‏أكتب على كيفك ترى الناس تقراك
‏وإن كنت طيب طاب مثلك كلامك

‏خذهــــــا نصيحة وخلها دوم وياك
‏كل ماأحترمت الناس زاد أحترامك

......

[الحمدان]

مافيه مثل العافية ستر وغناة
ان جات للمسلم تراها كافية

كم واحدٍ يطلب ملذات الحياة
واذا مرض مايطلب الا العافية

اللهم اشفي مرضنا وجميع مرضى المسلمين يارب العالمين

[الحمدان]

بعض البشر يجيك وسواس خناس
اللي يجي ويشب 🔥 نار المشاكل

نقال هرج وشغلته قالوا الناس
على لحوم الناس يقلط وياكل

هذا بلاه العرق والعرق دساس
لو كان صدرك من غثاها يتواكل

وان كان تبغى لك معزه ونوماس
خاوى معادن لاتخاوى هياكل


فايز المنصوري
‎

[الحمدان]

شاعر ينومس كل ماجرالأقلام
وشاعر فلاشات المحافل تجرًه

يسّوم كبود العرب صنع الإعلام
لابارك الله فيه يسقيك مرًه


فايز المنصوري
‎

[الحمدان]

يقولون قدر الناس بريال وريالين
وأنا ماعطيت لمايقولون أهمية

فقيرٍ بليا مال لكن طويل يدين
هذا اللي له التقدير من باب أحقية


فهد الزعبي

‎

[الحمدان]

اسمحولي بشطر بيتٍ فالصميم
والق نظره يامتابع واستمع

الرجيم ان كان ودك بالرجيم
عن للحوم الناس وقف وامتنع


سعد الحداري

‎

[الحمدان]

حاجتين والله مايبررها مبرّر
توجع الرجال وتقرب همومه

الخطا من صاحبه لامن تكرّر
وابن عمه لاتردّا في لزومه


عنيزان البقمي

[الحمدان]

وليف معي ذكراه تصبح معي وتبات
معي في آلمنام و له خيآلٍ يباريني

غـدوا في محلٍ مالنا صوبهم حاجات
ولابه سلومً صوب بيته تجريني


......

[الحمدان]

أحب النقا وأهل النقا لي مراد وشف
ورفيق المصالح حالف مايخاويني

ليا لفت حبال الزمن في حياتي لف
عرفت الرفيق اللي مع الوقت شاريني


حمد السحيمي

‎

[الحمدان]

لامنك عرفت الواحد فلاهو اخذ وخل
تبي تاخذه فخذه تبي شوي فخله

عسى كل عود مايجي تحت غصنه ظل
يجيه الضما وتلوفه النود وتشله


بوشعرتين

[الحمدان]

تدور الليال السود مابين زين وشين
وفبطونها اسرار المقابيل مخفيه

ومن لايجرب فالحياه القسى واللين
لايامن مع الايام يصبح لها ضحيه


عون بن جبيع

[الحمدان]

الا يالبنادم لو صفالك زمانك زين
توقع ترى الايام ماهيب مامونه

تبسم لك الدنيا وتبدي لك السنّين
وياسرع ماتطا على الراس ومتونه


ممدوح المرزوقي

[الحمدان]

قوي العزايم ما يهمه كـلام إعداه
ولايلتفت في صاحب الكلمه الطفسه

وضعيف الروابع يزعج المجتمع برغاه
على كل كلمة يلحقه شك في نفسه


أحمد البلادي

‎

[الحمدان]

يالله دخيلك من المنقود والزله
والناس ماهيب لا ترحم ولا تاوي

ياكثر ناسٍ بلا مذهب ولا مله
تترك طريق الصلاح وتتبع الغاوي


غازي الخراص

‎

[الحمدان]

الصمت حكمة لايغرك لسانك
كم هــرجةٍ تجلب لهلها نقــادة

اعرف خراجك ثم حدد مكانك
فـ الهرج والا الصمت تلقى اشاده


علي الشريف

‎

[الحمدان]

ياصاحبي وشفيك قلّي عسى خير
تشكي وانا خابرك رمز الشجاعة

ان كان حاديك الزمن والمقادير
الصبر للرجال يعطي مناعة

اسمع وخذ مني نصيحه وتذكير
ذرب الكلام اللي يفيدك سماعه

صواديف الدنيا ورود ومصادير
وافضل كنوز الوقت كنز القناعة


......

[الحمدان]

تضيق فيني هالحياه الوسيعه
لا شفت لي طيّب عياله تردوا

المشكـلة و الكارثـة و الفجيعه
ان كـنت متجّـمل بعالم و صدوا


عبدالله دليهي

[الحمدان]

اليا أذن المذن تهيّا للصلاه
والله ماتلقى خير من تاخيّرها

قد ماتوا اللي يستحقون الحياه
يعني بتبقى حي دور غيرهّا


خالد بن مبارك

[الحمدان]

من لا إستشارك لا تبدي له الشور

ومن لا يودك نور عينك فراقه


الشاعرة الدقيس الصلبية

[الحمدان]

الـمـراجـل كايده عـزٍ لـمـن يجمعها
ماجمعها الا ابلجٍ لاجا اللزوم يجمل

والـمراجل بنت شيخٍ والكفو يطمعها
والـردي عزمه ضعيف ولاهومتحمل

الكـفو تـندى يمينه والـردي يزمعها
والردي من كثر مايقبض يديه اتنمل

ومن شهرذكره يجيله سمعةٍ تسمعها
مثل نوٍ زابـرٍ ان جاد ولاهمل


فيصل ابن ظهيرة

‎

[الحمدان]

حنا عزاز ولا نحب التخضاع
والله خلق فينا الكرامه جبله

نكره وجيه الكبر في كل الاصقاع
والكبر يرخص كل نفس تشله

من عاش عمره للمخاليق تباع
يشرب فناجيل الغبن والمذله

وراع المعزه لو من الوقت يلتاع
يعيش شامخ ما انحنى غير لله


خليل بن هدلان

[الحمدان]

احذر من اللي يخلط المزح بالجد
اللي على ماقيل سارق ومزاح

حده على القصيا ورده ورى الحد
واقطع علاقاته وقل هم وانزاح


عبدالله الطلحي

‎

[الحمدان]

الحياة جـهاد ودروس وعبر
والحظيظ اللي طلع منها بخير

قول للي مابعد عنده خبر
لو يطول العـمر ماتصبح كبير

ماكبرت ان كان عقلك ماكبر
الحـقيقة غير والاوهـام غير

من جهل فن التغافل والصبر
لو يشيٍّب عارضه يبقى صغير


عبدالله الطلحي

‎

[الحمدان]

خل اتكالك على اللي يعلم الخافي
خذ مابدا لك وخل اللي يخبونه

اليوم حتى الكريم الصادق الوافي
لابد في المجتـمع ناسٍ يسبونه

ماترضي الناس لو إنك عسل صافي
حتى العسل فيه ناسٍ مايحبونه


عبدالله الطلحي

‎

[الحمدان]

لاصرت ماتعرف حقوق الرياجيل
يالاجودي مالك على الناس شرهه

جنب وتنبيك السنين المقابيل
ويّبين وجه الوقت حبه وكرهه


حمود العصيمي

‎

[الحمدان]

ياشين شوف الدار من عقبهم شيناه
مداهيلهم ماشفت انا الزول يمشي به

والله لولا الصبر يوم اجحده واكناه
لاصيح واشلع مقدم الثوب وارمي به


......

[الحمدان]

المرجله تصعب على بارد الحيل
حسب الفتى ماهيب حسب الضروفي

وان جيت اشوف الفرق بين الرياجيل
يكفي ليامن شفت اصابع كفوفي


زامل السبيعي
‎

[الحمدان]

أنا والأيام شيل وحط من مبطي
بأحوالها بين منعدله ومنعاجه

الحظ يومٍ يصيب وسبعةٍ يخطي
وكم صاحبٍ غاب يومٍ كنت محتاجِه

لكن واثق بربي الرازق المعطي
عطاه يغني ومده يقضي الحاجه


النجم العالي

‎
‎

[الحمدان]

يا شيّن أساليب بعض الناس بالمجتمع
من يدّعون المثاليه وهُم يكذبون

يحذّرون البشر من الجشع والطمع
لكنهم فوق موضوع الطمع يسرقون

حديثهم عن سمات الخير يُبكي جمِع
وأفعالهم كل أبوها عكس ما يدّعون


النجم العالي

[الحمدان]

صامت ومن صمتي عرفت وتعلمّت
ان الـرجـال ابـحـور للـي عـبـرهـا

مـاكِـل هـرجـه لانـصـتـنـي تولمّت
ولاكِــل نـيّـه تــوزم اللي سـبـرهـا

اخــاف لامـنّـي زعـلـت وتـكـلـمّـت
اجـيـب وحـده عند ربي خـبرهـا


ابراهيم مرشود

‎

[الحمدان]

انا خوي اللي يبوج الخرايم
صميدعيً يلتهب كنه الذيب

حاسيه لاجات الأمور العظايم
حلحيل حلالً يحل المناشيب

عفيف نفسً مايدور و لايم
من شبته حتى غطا رأسه الشيب


حمود الجداعي

[الحمدان]

والله لا لولا امداريات العلومي
واحفظ قدم رجلي وثبت مواطيه

من خوف أزل ومن تعدا السلومي
تضيع هقواته و تضعف مباديه

وتبدي علي من الليالي ثلومي
وابعد عن اللي كنت أنا في حراويه

واخاف من كلمت مهوب محشومي
يفرح بها نذلً ضعيفه هقاويه


حمود الجداعي

[الحمدان]

مراحل حياه الادمي بالسنين دروس
لها يفطن العاقل ويجهل بها الجاهل

لاتحرص على الضيقه من الواقع الملموس
تجاهل ترى دنياك ماهيب تستاهل


عبدالهادي بن قنيفذ

[الحمدان]

لا تبدي الشكوى ولو ضامك الشيل

الا على رجلن يحس بوجعها


عبدالله بن عون
‎

[الحمدان]

ماراح من دنيا الفنا بألف طقاق

العمر سلفه والأوادم طراقي


عبدالله بن زويبن
‎

[الحمدان]

عيب على الرجال في مدح روحه

الرجل يفعل والاجاويد تكفيه


رشيد الزلامي
‎

[الحمدان]

يادهر أشوفك بالأجاويـد مايل
وأهل الكرامه في ميولك يحسون

يادهر لاتظلم عيـال الحمايل
اللي بعسرات المواقف يشافون


رشيد الزلامي

‎

[الحمدان]

مصادر الحق مثل السـيف وانصـابه
والنقص فالقول لطم العين بالرمشي

الصـدق مـاهو رخيص لكل نصـابه
صـافي ولايدخلـه شـكـه ولانمشـي

الناس ماتنصـف المعروف واصـحابه
ماهمهـا الا على مـاتشـتهي تمشي


غازي الشاطري

‎

[الحمدان]

يـامشغـل افكارك بامـورٍ خفـايـف
تشقي بهانفسك ويفرح بها عداك

أما علـى مستقبـلك دوم خـايـف
وإلاعلى بـعض الذي فات ماامداك

ما فيـه شـيٍ يستحق الحسـايـف
تـرىَ الذي مقسوم لك ما تعـداك


النجم العالي

‎

[الحمدان]

اضحك وكن الصدر مايوجعه شي
وياما جحيمً بالضلوع إيتلضا

مافيه شبر من ضلوعي بقاني
نجظت ضلوعي من سعيرً تشضا

ولامن تبرا الحي من حاجة الحي
نرجع لماعونالصبر وانتـوضا

الحاجه اللي تحد وجهي على عي
ارضيت عنها خـاطرً ما يرضّـا


تركي العريدي

[الحمدان]

هو ليه حرف المواجع لا كتبته عبيط
ما ياخذ الفكره اللي جيت حطابها

ظروف الايام تقطع فـ الوريد وتخيط
وضماد حرف المواجع عند كتّابها

لا صار حتى العقاري عند بابه وسيط
رصيد بالي ثلاث امتار ما جابها


جحان زيد
‎

[الحمدان]

قبل تلحقنا مشاريه وعتاب
نصايحك ماهي على بطن بكره

لاصار في ريش الصقر ريشة غراب
فرقاه لو فوق المراقيب وكره


تركي الحرقان

‎

[الحمدان]

جمعة ربوعك يابيض الوجه نومــاس
ربعك دروعــك دونهم كن حمـــاسي

خلك حشيـم الربع في وقت الاونــاس
عند الطلب اشمـخ شمـوخ الــرواسي


عبدالعزيز بن قالط

‎

[الحمدان]

نحب فعل الطيب ومزارق الطيب
وتكرم عن دروب الرخامه لحانا

ولا جاتنا زلة قريب محاضيب
نشوم عن هرج الردي ماعلينا


حمود العصيمي

‎

[الحمدان]

البنك بنك المراجل واكتساب ونعم
ماهوب بنك الدراهم جعلها ماتزيد

لو أن كلمة نعم ماعاد فيها طعم
تصرف لكل البشر طيب وملعون سيد


فلاح بن مشوط

‎

[الحمدان]

طرد المقفي عيب لوكان ابن عّم
من فّزلك لوّه من القوم قم له

من طاب لومابينكم لِحمه ودم
لاجاك ضايق يالعديم ابتسم له

طرد المقفي عيب لوكان ابن عّم
من فّزلك لوّه من القوم قم له

من طاب لومابينكم لِحمه ودم
لاجاك ضايق يالعديم ابتسم له


فلاح بن مشوط

‎
‎

[الحمدان]

لوكان حُب النـاس لِك فوق الخيال
وسمعتك بين الناس ياقوت وذهب

ولوكان لك منصب ولك عزوه ومال
ولوكان لك فالناس جاه ولك نسـب

احذر مريض النفس وخْبول الرجال
فالنّـاس تلقا كارهيـن ابلا سـبب

نقرأ ونكتـب ونتفنن فـي المقال
كـم واحدٍن يجهل وينسـٰى ماكتـب


حمود الذويبي

[الحمدان]

يـا مـن تـباطيت الفرج مامن بطى
عـلى اتـجاهات الفرج حث المسير

الله خـلـق و الله مـنع و الله عـطى
سـبـحـانه الـقـادر ولا غـيـره قـديـر

اللي جعل ليل الدجى ستر وغطى
مـاخاب مـن يـرجيه بـالثلث الأخير


سعد المخلفي

‎

[الحمدان]

اقـفـل ابـوابـك تـرا الايـام تـاتي بـالـهـبـايـب
وعرف اسبابك ترا جهلك يجيب الك الهزيمه

والحكيم اللي تـدارا قبل ياقع بالـمـصـايـب
يعرف اسباب الرداوالنفس من خلقةسليمه

ولا تصاحب جـاهـل افعاله ولو كنتو قرايب
اترك اللي يجهل اسباب الفعل فعله غريمه


تركي الحرازه
‎

[الحمدان]

دنياك ماتصفي ولا الناس يصفون
اصـــبر على وقتـــك بحلـــوه ومره

قلـــيل من يفـــزع ليا قلت تكفون
ويا كثـــرهم ما حـــركت فـــيه ذره

لا تشكـــي الدنيا ولا تطلب العون
الا من اللـــي خـــافــين عنك سره


ِتركي الحرازه

[الحمدان]

المراجل تبغي الرجل يلقفها لقف
لو هدومه مستعاره ورجله حافيه

والصحيب الي يجمل صحيبه لا وقف
ودنــابـــه مــثل مــاودنـــا بالــعافيه


عبود بن سعد بن جدلان

[الحمدان]

خلوني ارقد في مداهيل جرّاح
واحط لي وسط الطريق استراحه

يمكني ادله باقي الوقت وارتاح
لو كان مافي جور الايام راحه


عبدالله العير
‎

[الحمدان]

اختلف طبع الرفيق وبانت علومن خفايا
وصارت الطيبه ضعافه عند منهو يفتقدها

الذكي صار يتغابا والغبي قام يتذاكا
وراعي المنقود ينقد غير نفسه ماحسبها

والحكيم الي فهمها والرفيع الي تحاشا
والضعيف الي تحسس من كلامي وانتسبها


فيصل الحرقي

[الحمدان]

صباح آلأحترآم وخآلص آلود وآلتقدير
لكم كلكم وآللـه على آلخير يجمعنآ

عسى آلله يصحـح غلطة مآلهآ تبرير
وعسـى آلله يعدي كلمة مآلهآ معنآ

[الحمدان]

الله يـصبحـكم من الخيـر بالخيـر
ويكتب لكم طيب الحياه وسعدها

ويكفيكـم شـرور الـزمن والمقادير
ويـرزقـكـم الـجنـه و زايــد رغـدها

[الحمدان]

الصاحب اللي في نواياك شكّاك
ومن كثر ما بـررت لـه ما تطمّن

لو كنت تعتبره حزامك ويمناك
أترك مقامـه يـنـحـدر ويتطمّن

ماهو بشرط أنك تفسّـر نواياك
وخل الـذي يبغى يخمّن يخمّن


عبدالله حمد

‎

[الحمدان]

الليالي غـادرت بالقـرايب و الصّديق
كم قريبٍ ذاق فرقا قريبه و أصدقاه

لا تضايق وسّع الصدر و الدنيا حريق
من يفـكّر فالنّـوازل بيبطي في شقاه

ولا يردّك ما ترى من عوايق فالطريق
الجبل من ينظر أحجار سفحه مارقاه


عبدالله الشلوي

[الحمدان]

سبحانه اللي يزرع بذور المحبة فالقلوب
واليا عطى عبده قبول الناس جاته مقبلة

بعض الآوادم تقبله لو فيه شي من العيوب
وبعض الآوادم لو تحااول تقبله ما تقبله


......

[الحمدان]

ماتضيق صدور والدنيا وسيعه
والله أرحمْ بالعباد اللي خلقها

فارج الشدات مداته سريعه
كل نفسٍ من عطى جوده رزقها

يربح اللي يعبده وامره يطيعه
ويخسر اللي صد والدنيا عشقها

كل شخصٍ له مزاج وله طبيعه
والله الخلاًق وعباده فرقها


سعود الحربي

‎

[الحمدان]

صبرنا على قل الدراهم وكثر الدين
وحفظنا شيمنا عن اللاش و ازعاجه

نسلّف و حن متسلّفين و محتاجين
ونفزع لـ راع الحاجه وحن على حاجه


غريب الحبابي

[الحمدان]

المجد يبغى فعل والفعل يبغى ولد
كثر الحكي والمدايح ماتكبّر صغير

والياهرجت الحقيقه ماعلي من أحد
مايزعل من الحقيقه واحدً فيه خير


بدر العائذي

[الحمدان]

يالواحد المعبود رجواك والياس
ماهو لرحلة عمرنا في سفرها

خلقتنا من طين أنواع وأجناس
وقبورنا تعرف من اللي حفرها

يالله بعفوٍ منك ماهو من الناس
تمسح جميع ذنوبنا وتغفرها


مبعد الحوم

‎

[الحمدان]

باقي شرايد عز في بعض الوجيه
أغلب وجيه العز راحت بالقبور

قفوا هل الرأي المصوقر والوجيه
اللي بهم رأي المهمات مخبور

الله من عودٍ إليا ضقنا نجيه
من قبل لا تمسي ليالينا دبور


مبعد الحوم

‎

[الحمدان]

نجّتهد والله لا يحرمنا رضاه ولا قبوله
نعرف الواقع ولا نقدر نغيّر مجرياته

والبنادم لا طمع في شربةٍ ماهيب حوله
لو جرت من تحته الأنهار ماتقطع شفاته


ذائقه

[الحمدان]

تفوّح الأرض من شدة حرارتها
اجل جهنم وش تساوي مع الكنه

أن كان هاللي وصلنا فيح زفرتها
مسكين رجّال ما يبكي على الجنه


غالب الظاهري

‎

[الحمدان]

للراحلين جروح تبقى مع الوقت
ولا فيهم اللي رغم جرحه ذبحني

انا ذبحني شخص فاقده لا ضقت
اللي رحل عني وهو ما جرحني


......

[الحمدان]

ودك الرجال لا منّه زِعل يحفظ لسانه
ويكرم اسماع الرجال من المسبّه والشتيمه

التشفّي بالهروج العوج نوع من الاهانه
والحكي في حزة الشيطان عاقبته وخيمه


ظافر بن فرحان

[الحمدان]

ياجاهل أحـداث الليالي على وين
الوقـت شيـن وغفلـة القلـب علـه

لا تاخذ الدنيـاء ولا تتـرك الـدين
أخـذ النصيـب وباقي العمـر خلـه

أن زأنت أيامـك هذا حظك الـزين
وأن شانت أخذ العـز قبل المـذله

ضيم الزمان يشيّب الرمش والعين
وضيـم الرجـال يشيّب الـراس كلـه


ماجد المسعودي

‎

[الحمدان]

ماعاد حنا ياسعد مستريحين
وأيامنـا ماغـيـر تـطـرد ورانا

لـو أنهـا زانـت لنا يوم يومين
جابت خبرنا قبل ياصل سرانا

شبنا وشيّبنا على سن عشرين
وانته تقول الشيب وش لون جانا

ولا عاد ندري ويش حنا مسوين
عز الله أنا صدق دوب أستوانا


ماجد المسعودي

‎

[الحمدان]

أذا شفت شي يعجبك قول ما شاء الله
ترا العين حق وسنة المصطفى سنه

عسى كل مسلم حي ما يطلبه يلقاه
وعسى كل مسلم مات مثواه للجنه


سلمان بن رازن

[الحمدان]

الضيقه أحيان من لا شي تبلاني
وأنا بلا شي فيني ما يكفيني
ِ
أسألك ربي تخفف جملة أحزاني
وتدخل على قلبي الفرحه وتهديني


......

[الحمدان]

تـرى الصـلاه بـوقتـهـا راحـة البال
احفظ عمـاد الدين فيها نجـاحك

حيـّا على الصلاه تبي لـهـا إقبـال
وحيـّا على الفـلاح فيـهــا فـلاحك

صـلاة مودّع صلّ يا طيّب الفـال
تـرى صـلاتك نور فيهـا انشراحك


......

[الحمدان]

أجمع جميع الخطايا وأدخل الجامع
إللي به الناس كل أسبوع مجتمعه

ماجيت بيت الكريم ألّا وأنا طامع
يغفر ذنوبي من الجمعه إلى الجمعه


......

[الحمدان]

مـاني بحاجة خـويٍّ تـارك السنّة
ما بين لهـو الحياة وبين شيطانه

محتاج خوّه تساعدني على الجنّة
ما بين قال الرسـول وقال سبحانه


......

[الحمدان]

لاحـــدك الوقت الردي للردى عي
تــرى الردى وشــمٍ على وجه راعيه

ولا شفت من ياكــل لحوم البشر ني
جنب طـريقـه وحـتـرص لاتـبـاريــه

ولا تضحك وتشمت اليا شفت مبلي
احـمد وليــك وطلب الله يعــافيــه


محمد الخمعلي
ِ
ِ ‎

[الحمدان]

اللي زعل من غير سبه مايرضى
لاشايلٍ همه ولاني بمرضيه

ولاله عليه ميت النار فرضا
يفرض علي الصلح خابت مساعيه

لاخذت مال ولا تقفيت عرضا
ومن صد انا ماعاد لي لازمٍ فيه

ناسن ركبها ابليس وقلوب مرضا
وكلن مصيبه كبر وبليس مغويه


زايد بن محيا

[الحمدان]

يا بو علوم ان كان تبغى علومي
سبّح وهلل ماانت لاقي لك علوم

الموت ياكل فالرياجيل يومي
وانته تبربر فوق راسي من اليوم



مستور المقاطي

[الحمدان]

كنّا شبابٍ مثلكم ثم شبنا
والله إن ياتي دوركم ثم تشيبون

بيتٍ على الدنيا من الطوب يبنى
لابد ما يخرب وراعيه مدفون


عايد رغيان الشراري

[الحمدان]

الناس مايعطون في ذمتي خير
وان ماخذوا منا تري ماعطونا

قلوبنا فيها النوايا مغاتير
لكن علي فل الحجاج احسدونا


محمد السليس

‎

[الحمدان]

لاتقدّر غـيـر من يحرص على تقديرك
لجل تلقى في عيون الناس قدر وشيمه

ماشين من انك تدوّر من يدوّر غيرك
غير فقدانك لـ وصله فاقداً لك قيمه


عمر العطاوي

[الحمدان]

انا من يصافيني عطيته عيوني ذي
ولا والله أيحصل جفيًا وثقل وزوم

أعرف أعطي حقوق الوفاء وأخذ اللي لي
علي شان أجي محشوم وأمشي وانا محشوم

ولا أحب أجامل والمجامل شعورٍ سي
أحب أيقض عيون الصراحه وأطير نوم

لنا أوجيهنا اللي ماقصرها من الله شي
ومعنا خشومٍ ماتـدنًق تحب خشوم


مشيع بن فهيد

[الحمدان]

لاتكاثر ماتسـوقه فالمجال الطيـب
الثمن فالطيّب غالي والرداء مجاني

الـدروب ثنين والاول ماهوب قريّب
يتّعب اللي نظرته يم الطريـق الثاني

والفتى من طيب راسه فاللزوم يغيّب
ماحسب للي يخسّره فالزمان الفاني

كل همه يعتلي فالنعم قبل يشيـّب
ماحداه عن الشموخ ملهي الرّعيـاني


لاحق العضياني

‎

[الحمدان]

الصاحب اللي كل ماجيه يرتاع
يحسّب إني جيت محتاج حاجه

يبدأ يسولف عن همومه والأوجاع
ويشين وجهه ويتعقد حجاجه

يشكي ويتذمُر على سوء الأوضاع
ويضيق صدره ويتعكر مزاجه

خوته نقصٍ مابها زود مطماع
مامن ورآه إلا الغثاء والسماجه


النجم العالي

‎

[الحمدان]

أنا والأيام شيل وحط من مبطي
بأحوالها بين منعدله ومنعاجه

الحظ يومٍ يصيب وسبعةٍ يخطي
وكم صاحبٍ غاب يومٍ كنت محتاجِه

لكن واثق بربي الرازق المعطي
عطاه يغني ومده يقضي الحاجه


النجم العالي

‎

[الحمدان]

لـي صـاحب الـيا تـضايقت جيته
مثل الطبيب اشكي عليه المواجع

الـنفس وجـهتها عـنالـناس بـيته
تـأتـيـه عـنـد سـرورهـا والـفواجع

اكـبـر هـموموي لاوصـلت ولـقيته
تـذوب بطراف الرموش السواجع


بن زابن
‎

[الحمدان]

يقطعك يادنيا التجاهل والاهمال
وقل الذخيره يوم تجر الجواري

نـوب اصعـدهـا علـى كـف جـمال
ونـوب يحدرها ضعيف الطواري

الـعـام انـا والـعـافيه نطرد المال
نجري وراها مثل جري الضواري

والـيوم انا والمال مانبري الحال
الـلـي عـلـيـه مـن الـشقيا مواري


بن زابن
‎

[الحمدان]

سلومنا تمنع العاقل من الزله
ولانحط لاصحابنا الغالين محباله

سواد وجــه الردي تلقاه بسجله
وبياض وجـه الكفو تلقاه بأفعاله

جنب عن اللي قباله كلٍ يمله
عليك بللي يسر الروح ف إقباله

إترك ردي العزوم وبارد الحله
وقليل الرابعه لاكثرو اشكاله


زويد الهويملي

‎

[الحمدان]

الصريح من الرياجيل والرجال العروف
مستحيل ادنات حاجه عليه تخمني
ٰ
والخطاء والرميه اللي تجيني من زهوف
ماحسبت حساب اهلها عشان تهمني
ٰ
يابن عمي مالك الا ابن عمك فالظروف
حطني فالموقفف اللي تبيه وسسمني
ٰ
عدتها رغم انف لا والله الارغم انوف
لايهمك من مدحني ولا من ذممني


علي الدعيه

[الحمدان]

بعض العرب يازين مزحه وعوجاه
من خف نفسه كل مايقول مقبول

وبعض العرب يادبلة الكبد دبلاه
اثقل على بطون الاوادم من الفول


تركي العريدي

[الحمدان]

يامـدعـين الطـيب لطيـب منهاج
صعبٍ على اللي ودهم يدعونه

فالقلب عرقه ماله حجاب وسياج
ويبان في الطيب بنظرت عيونه

ماهو تصنع طبع والقلب كالصاج
عمـلة نـقـاء ومـشيـداتن ركونه

ولاهوب هذرة هرج من كل هراج
طـبـعٍ تـمــيـزبـه رجـالٍ تصونه


سلطان الجابري
‎

[الحمدان]

يامسلمين اللي من ذنوبه يتوب
يبا يجي وجهه مثل نور الفجر

الهجر وجه كره والوصل محبوب
والله مال الهجر حل الا الهجر

تسامحوا جعل الله يغفر الذنوب
وتناصحوا جعل اللي يزيد الاجر

قلوبكم لن صابها حجر القلوب
حجر القلوب اشد حجر من الحجر


مشاري النثري

‎

[الحمدان]

الوقت يكشف لك الاصحاب بالمرّه
لو كان صبرك على الايام فولاذي

اللي ماهو معك فـ الحلوه وفـ المرّه
لاعاد ترجيه في هاذي وفي هاذي


مشاري النثري

‎

[الحمدان]

يا ربّ هذا زمن فتنة و وقت إنقسام
ما أدوّر إلا الثبات وما أطلب إلا اليقين

أدعي مثل ما دعا يوسف عليه السلام
توفني مسلماً وألحقني بـ الصالحين


......

[الحمدان]

كرامة الرجل وجه ابيض وعرضٍ نزيه
والسمعه الطيبه ماهي بـ عقد اشتراك

عن طلبة التاجراللي حاجتك في يديه
رح اطلب الواحد المعطي وتلقا عطاك

لا تجعل اسمك بشاره في لسان السفيه
ترا المعزه تجاره .والضعافه هلاك

يحاربون الحيا اللي يعبدون الوجيه
يالله لك الحمد يوم انّا مانعبد سواك


ابن خشمان

[الحمدان]

ياراسي لاحدتك الصواديف سج وغن
مصير الظروف تشين وتزين وتغني

اعرف صاحبك قدام تعرف عدوك من
والحقني ملام ان شفت كثر العتب مني

ترا الموقف الغصاب رؤيه ونبذه عن
وجيه الرجال اللي خذو نبذه عني

اقول المشاكل من ورا سيئين الظن
ولقيت المشاكل كلها من حسن ظني


عبدالله بن خشمان

[الحمدان]

يانفسي ترا الدنيا عقايب وهجمة خيل
من المغريات ولذة المعصيه توبي

انا والهموم الجايحه بين حط وشيل
الد النظر عنها وهي تلفت صوبي

افكار البنادم عند نفسه ضعيفة حيل
ياساتر عيوب المسلمين استر عيوبي

ترا اللي قدر يغسل بطون الثرا بـ السيل
هو القادر من المعصيه يغسل ذنوبي


عبدالله بن خشمان

[الحمدان]

مايهتني بالنوم قلب النداوي
تومي به الدنيا على كل مرقاب

لو هو على الاقراب عدٍ رهاوي
ما يامن الايام من قرصة الداب

ولا هو على الدنيا كثير الهقاوي
ان ما حدَاه القوم حدوه الاقراب


صهيب السلمي

‎

[الحمدان]

‏لا تعجّل خذ الدنيا على مهلك
كان تبغى مع الايام تتعلم

ماتجيك المشاكل غير من جهلك
من تعلم عرف وشلون يتكلم

لاتجـاوب سـؤالٍ ماتوجه لك
ولاتعاتب غريبٍ مر ماسلّم

خل شرهتك وميانتك عند اهلك
عند الاغـراب لاتشره وتتظلم


عبدالله الطلحي

[الحمدان]

حطّيت لك عندي مكانـه وقيمه
وعلى جميع الناس دايم مبدّيك

وجازيتـني بعد الخطـا بالضليمه
لكن عسى ربي على الحق يهديك

مضـرّة الاجواد ماهي غنيمه
ترجع عليك ان قاله الله وتعميك

ان طعتني خـل النوايا سليمه
من قبل لاتندم وتصفق بأياديك


الصريح

‎

[الحمدان]

الزمن يدرج رحاه ودورته مقلوبه
ابتلش به عاقل العقال ممّا شافه

والسبايب عالمٍ من جهلها منكوبه
سالفتهم وش دخل بالبنك والصرّافه

مادروا ان الحساب اللّي وراه عقوبه
مايساوي وزن عود الرّاك والاّ السّافه


محسن المداريه

‎

[الحمدان]

دورات الايام يـومً لك ويـومً عليك
ماهيب دايـم سعة خاطـر ووجـهٍ رضِي

اوداعتك لاقضى صبرك وخليت يديك
وبيح سدودك امحاضى لازمً ماقِضِي

لاتشكي ضروفك وتبدي خفى مالديك
الا على مشوربٍ بـ نصاف مثلك حَظِي

ترى الشكاوي على الي مايحسون فيك
مثل الـصـلاة الي تصلـى بليا وضِي


سلطان بن الشايب

[الحمدان]

لايغرك الظاهر من النقص والزود
وجه الرضا تبين فيه العباده

لاتنخدع في حسن منطق ومردود
متسلّقين المرجله في زياده

حتى البخيل يسولف بمدة الجود
وهو بخيل اخلاق من قبل زاده

عز الله ان بعض الجمر يظلم العود
العود كمبودي وجمره رماده


بن كحله

‎

[الحمدان]

حنا ضيوف الارض والكل عابر
كم غاليً عقب المواصل فقدناه

رحلة قصيرة و النهايه مقابر
فيها مصير الادمي والمجازاه

يشقى بها اللي بالمعاصي يكابر
ويسعد بها من طاب دينه ودنياه

وياالله عفوك وانت للكسر جابر
يوم الحشر والناس حافين وعراه


رجا عوض العازمي

[الحمدان]

يالله اني في رجـا مـدك وجـودك
يـاكـريـم مـدتـه تـغـنـي الفقارا

يـا الـه الـكـون يـاجـزل العطـيه
يــاوليٍ نـطـلـبـه ســرّ وجــهــارا

مارجيت الا انت يارب الخـلايـق
في خـشـوع وفي تـذلل ونكسارا

طـلـبـتـي لك عـزّ مافيها مـذله
يوم رجوى الناس للنفس احتقارا


محمد مسرع



‎

[الحمدان]

حيل الله أقوى وش حنا مسوين
غير العلوم الطيبه فالقرابه

عزالله إنا للجماله حريصين
وإن هب ريح الطيب حنا هبابه

وقفاتنا تجرح كبود المعادين
ويفرح بها من فك للطيب بابه

واللي يعرف ويفرق الزين والشين
مال الردى والطيب وصل وتشابه


لاحق العضياني

‎

[الحمدان]

الناس كانت تفتخر بالبطولات
ينشأ على الفعل المشرف ولدها

واليوم صارت تفتخر بالترندات
اللي تصير ترند محداً بعدها

علومهم وفعولهم فالسنابات
تعطي خبر لو كان محداً نشدها

مشهور وموثق فعوله بالاثبات
وسوالفه اهل الشرف تنتقدها


ماجد القريني

‎

[الحمدان]

ضعاف النفوس اللي تتبع لك الغفلات
قصار اليدين اللي جداها مايسقيها

سوات الثعالب ماتحصّل ياكود فتات
بقايا عشاء سرحان يمكن يعشيها

عليها السواد موشحتبه ُجمل وأشتات
وعليها من الله حقها اللي
يكفيها


مرزوق الصبحي
‎

[الحمدان]

توب وارجع للــخطا عقب ما اتــوب
‏ارجـع ولـو مـازال فالنفـس شيمـــة

‏وامشي على دربي واجنب لــي دروب
‏درب يجــدد ذكــريــــــات الليمه

‏على رصيفه دمعه وحــرف مكتـــوب
‏وقلب تمكنه السهم فــي صميمة

‏ياليتنا عشنا بلا احساس وقلـــــوب
‏وياليتنا ننـــسى الامـــور القديمة

‏وليت الزمن لاطال مايظهـر عيـــوب
‏ناس لهــم فالقلب قدر وقيمــــــــة

‏تلعب بي الدنيا على كــل مسحوب
‏ياما اضحكت لي والعواقب وخيمـة

‏كني بها في صوب والضحك في صوب
‏وقسمي بها حــزن وجروح سقيمـــه

‏مليت من قولــة مقـــدر ومكتـــــوب
‏ومليت عطف اهل القلوب الرحيمـة

‏انا الذي من لـــذة الوقت مســلوب
‏وانا الذي ماعـاد يعـرف خصيـمـه

‏ارجع على نفس الخطأ عقب ما اتوب
‏لو انها فـــي حـــق نفسي جريمــــه

......

[الحمدان]

‏يا مرحبا ترحيبة ترفع الــــــــراس
نفخر ونذكر في وجود النشاما

ترحيبة من قلب وشعور وإحساس
ريح النفل منها وريح الخزاما

ذائقة

[الحمدان]

لبيه يا صوته اللي يطرب أسماعي
ولبيه ياللي طربنا من صدى صوته

طلته بتزيل عني كل الاوجاعي
والقلب يعزف على اوتاره بلا نوته

......

[الحمدان]

متفرد بحسنك وطبعك عن الناس
واسلوب متميز و كلك فخامة

حتى المشاعر و المحبة و الاحساس
الناس فيهم من صفاتك علامة

......

[الحمدان]

اغازلك بأبيات شعري ولكن
لا شفت وجهك فارقتني العباره

يامن غرامك في حشا القلب ساكن
مشتاق لك شوق الكلاْ للمطاره

اتخيلك صوره بكل الاماااكن
واسعى على قربك من اول اشاره

......

[الحمدان]

قالوا جننت بمن تهوى فقلت لهم
ما لذة العيش إلا للمجانين

العشق لا يستفيق الدهر صاحبه
وإنما يصرع المجنون في الحين

نعم جننت فهاتوا من جننت به
إن كان يشفي جنوني لا تلوموني

في القلب داء وهذا الداء يضنيني
وهل سوى موقفي في الداء يشفيني

قالوا تموت بها حبا فقلت لهم
ألا اذكروها على قبري فتحييني

قالوا تخير سواها فهي قاسية
فقلت لا غير ليلى ليس يرضيني

فلو جمعتم جمال الكون أجمعه
في شخص أخر وقد جاءت تناجيني

لكنت كالصخرة الصماء عاطفة
وقلت هذا جمال ليس يعنيني

إن العيون التي بالوصل تضحكني
هي العيون التي بالهجر تبكيني

قالوا ضللت فلذ بالدين تلق هدى
فقلت من غير ليلى في الورى ديني

أليس ما في حنايا الصدر يعبدها
وكل ما جال في طي الشرايين

......

[الحمدان]

تخفي غرامك لـكـن الشوق فضاح
والحب ما يستر عـيـوب المحبين

واللي ابتلي بالحب وشلون يرتاح
لاصار عنده جرح واليوم جرحين

......

[الحمدان]

‏توسعوا يامدورين المشاريه
‏خذوا من ارض الله شبر واتركوني

‏من يسمع اول هرجكم عاف تاليّه
‏لكن قبل لا ترشدون أسمعوني

‏رضاكم الله لايحييه ما ابيه
‏والبعد عنكم مايحرك شجّوني

......

[الحمدان]

‏ماجيت لك بإحساس كاتب وشاعر
عاشق يردد إسمك بـ كل ليله

تعال فتّش بـ الورق والدفاتر
في كل صفحة ذكرياتك جميله

تعبت في غيبتك أعاني وأكابر
كل الليالي في غيابك ثقيله

ماانت بـ مجرد ضحكه وجبر خاطر
أكثر شعور به الحياه أنتمي له

......

[الحمدان]

ياللي تردد لبيه كل ماكلمتك
لبى عروقك ولبى قلبك وكلك

لبيه يامالك غلا قلب مغليك
لبيه مني تاصلك في محلك

......

[الحمدان]

‏انا لي ثلاث ايام والحال كنه اشلا
شليٍ بحال وحال ماهوب متشالي

سبايب وليفٍ كل ماشافني بـ اسلا
يعرّض علي ويقول حي الله السالي

......

[الحمدان]

ودي اسولف واكسر الصمت وقول
ابي وصالك بس كيف الطريقه

يالغلا ماشدك الشعر معقول
ماهزك احساس القصيد وبريقه

......

[الحمدان]

اللطف من الغيمه البيضا الى درت
واحلى من السكر اللي باخر الشاهي

ابسط وصايف غزال الريم لا مرت
تلّهي المنتبه و تنبه اللاهي

......

[الحمدان]

ضايقٍ من فراق وضايقٍ من تجافي
اتقوى وانا حالي دنى من مطيحه

يكذب اللي يقول ان المفارق عوافي
لا يحس بشعور ولا يعرف النصيحه

......

[الحمدان]

يا ويــل قلبي منـــك لاحــل طاريك
نفسي وهــي نفسي تشــك بـغلاها

أنسى اسامي الناس واغلط واناديك
قلبي معــك كـل الاسامـــي نساها

ياساكـن اعماقــي انا ميتن فيك
ومشاعــري بالقلــب حبك خذاها

وقلبي مولـع بك وهايـــم بطاريك
وروحي تحبـك حــب لاخـر مداها

......

[الحمدان]

تكلّمي صوتك يجيب العوافي
‏لا تسكتين الين تبرى المعاليق

‏قلبي على جال السواليف غافي
‏غافل عن همومه ولا وده يفيق

‏برد وكلامك ياصل الروح دافي
‏لحضة سعه في منتصف ليلة الضيق

‏سبحان من جابك وطن بالمنافي
‏ومن سخّرك لقليّل الحظ توفيق

......

‏‌

[الحمدان]

يازين الخيال اللي بلا موعد ومرسول
‏لا صور لي اللي ما تصّوره كيمرتي

‏تمرين مثل الحلم فالذاكره و اقول
‏عسى الله يخلي لي خيالي وذاكرتي

......

[الحمدان]

بعض البشر تلقاه صدفه وتغليه
حتى الـقلم يمـه يحب الـكـتـابه

أفـرح وأهلـي فيه يـوم التقي فيه
وشكـرت حظ ساقني له وجابه

......

[الحمدان]

مكاسب الدنيا حظوظ وتوافيق
وحكم القدر كل البشر يجهلونه

والرزق لاساقه ولي المخاليق
محدٍ قدر ياقف من الناس دونه

......

[الحمدان]

بين السكوت اللي حفظنا به الود
و بين العتاب اللي ماهو في متمّه

عشنا الهوى دافي ولا مرّه البرد
و اللي نثره الوقت قمنا نلمّه

حشمت حبّه عن جراحي عن الصدّ
و لا عثت فيه الظروف الملمّة

أحبّ قلبه حبّ لو شالته نجد
تطرب معاها بالهوى كل يمّه

......

[الحمدان]

كم غايب ما غاب ذكره عن البال
وكم حاضر يشبه حضوره غيابه

ما كل من يبعد عن العين ننساه
بعض البشر طيبه يعوض مكانه

......

[الحمدان]

حلم يراودني على مر الايام
والحلم قاسي والمشاعر رقيقه

حاولت افسر ماجرالي من احلام
واحترت بين اضغاثها والحقيقه

عليك ياللي رمش عينيك مقدام
وانا امنياتي في بحورك غريقه

......

[الحمدان]

لا تلبسين الذهب وٱنـَتي الذهب كله
ما ظنتي للذهب في معصمك خانه

لا تحسبين الذهب مانتي بـ كفواً له
انتي خلاص الذهب لا غلا ميزانه

......

[الحمدان]

‏سمحنا و عفنا و انثنينا عقب الأقبال
و ذي عادتً لا يمكن ان حن نخليها

الى ما لقينا من هل الدار طيبة فال
نشوم و نخليها لمن هو سكن فيها

صحيح الفراق مضرّ لكن على ما قال
ما تحرق الجمره سوى رجل واطيها

عرفنا بعز النفس من عاد حن جهال
و كبرنا و من له عادتٍ ما يخليها

......

[الحمدان]

‏مجامل المخطي على فعله خطأ
وفـ المجتمع عـاده نفاق ورديه

يامجامل المخطي ولوطال البطا
لابد مـا تاصلك منه الخطيه

......

[الحمدان]

الليل دون احباب عمرک ماهو ليل
‏لا صرت وحدک بين ضيق واغاني

‏مثل الشعور اللي بليا تفاصيل
‏اسمه شعور ولا يھز المحاني

......

[الحمدان]

‏أمان الله عليك مْن الليالي والزمان الشين
‏وضيقة صدرك اللي ماهيّ بْادناة ماشرحتَه

‏عساك السالي اللي دوم مجلاسك مع الطربين
‏ولك ضحكات مِلَّا يحسب ان الارض من تحتَه

......

[الحمدان]

كاس الهوى بأروع مذاق شربتـه
وكاس الوفاء مني هديه ‎لطاريك

لولا ألغـلا شـف للشعـر ماكتبتـه
يبوح لك احساس ‎قلبي ويهديك

......

[الحمدان]

تغيب عن عيني ولا غـاب لك طيف
واسامح جروحك ولو كنت مخطي

ليتك تعرف الشوق في غيبتك كيف
حتى تعرف القلب وشلون يعطي

......

[الحمدان]

‏القلـب يا قـلبي إذا غـبت نــــاداك
‏والعين يا عيني رجـاها تــشـــوفـك

‏والروح يـا روحي عن البعـد تــنـهاك
‏والنفـس يا نـفـسي حيـاها وجــودك

......

[الحمدان]

مساء الـــذوق والــورد وغـــلاكم
وشـموع الـود والـــبسمه الــقريبة

مساء الــطيب يـاروعــة حــلاكم
مسائي عــطر طـلــتكم وطـيبه

بقلمي

[الحمدان]

‏لو غبت عني كيف بتغيب ذكراك
‏ياللي تسـاوي كل شي بـ حيـاتي

‏أنت الوحيد إللي خفوقي تمنـاك
‏ياللي صفاتك نسخه من صفاتي

......

[الحمدان]

‏نور الـمساء اللي على طلتك فاق
يقطف من اشواق المحبين باقـه

بينك وبين المساء تحتار الأذواق
سكـر حضـورك نادراً في مـذاقـه

......

[الحمدان]

بعض البشر للذووق رمز وعلامه
وعلى احترامه تنجبر كل الأرواح

وفي غيبته فز الحنين لكـلامه
ولا أقبل عليك الهم يقفي وينزاح

......

[الحمدان]

أشتقت لعيــونك وصوتك ونجواك
أشتقت لظروفـــك لو هـــي عنيدة

حبـــك شربتة كيف ما أقدر أظماك
حبــك عرفتة كيف ما حتاج اعيده

......

[الحمدان]

حلالاه لو إني تأخرت في التفكير
‏لكني شقي وأكبر عذاريبي العجله

‏شرحت الأمور ابغى يجي من وراها خير
‏وحطتني الايام في وقفةٍ خجله

‏وأنا عاليٍ جاهي وقدري ماهوب صغير
‏أعرف الدروب وكل منهاجٍ انهجله

......

[الحمدان]

‏الله اللي حط في قلبي غلاك
والله اللي ميزك دون البشر

لو طلبت العمر ياعمري فداك
انت بس اطلب ويفداك العمر

......

[الحمدان]

‏اَعط الحزن حقّه مدام إنّ له حق
‏ماهو مقفّي عنْك من دون حقّه

‏اِحزن وإذا حسّيت في ضيقتك ضق
‏واللي كتبت بدفترك لاتشقّه

‏بكرا الفرح يوقف على الباب ويدق
‏وتنسى الحزن كلّه مع أدناة دقّة

‏وإذا لقيت الرقعة أصغر من الشقّ
‏ترا البنآدم منخلق للمشقّة

......

[الحمدان]

حطيت لهروج المهبل ملفات
‏وحطيتها تحت القدم وارفعتني

‏وحطيت لهروج النشاما بطاقات
‏وحفظتها فالمحفظِه و انفعتني

‏ليت العمر مسجد والايام ركعات
‏و يا ليتني لاتبت مااعيد ذنبي

‏مهما تجرب من شعور الملذات
‏مافيه أجمل من شعور المصلي

سعد بن جدلان

[الحمدان]

‏المحبّه أنت وأنت الغير عادي
‏من عرفتك والمشاعر مستقره

‏يبتسم يومي ويطرب بك فؤادي
‏راحتي برضاك حلّت كل مُره

‏هاك قلب وهاك عين وهاك غادي
‏دلّه لدربك وخذ خيره وشره

‏وش أبي بوجيه خلق الله وأنادي
‏وجهك الله خالقه طيب ومسره

......

[الحمدان]

‏أبطيت عنـي واشوفك مـا تكلمنــي
ماتدري اني اشوف النور من نورك

وان كـان تبغـى فراقـي لا تعلمنـي
خـلك مقفـي وانـا بتأمـل حضـورك

......

[الحمدان]

‏يا وقت آنآ لي صآحب وين دنيآه
‏غآبـت مرآسيله وغاب آتصـآله
‏

‏من عقب مآكنت آقضي آلوقت ويآه
‏آليــوم شفنا كـل وآحـد لحآله

......

[الحمدان]

‏لا هزك الشوق وأختلت موازينك
تعال أقرا شعوُري وأخر اخباري

وإذا خذلوك البشر وأقربّ محبينك
تذكر إني على عهد الوفاء باقي

......

[الحمدان]

‏يسعد مسا اللي على بالي سواليفه
‏اللي اذا صار حولي زانت اخلاقي


‏نبضي وانا والقصايد من مواليفه
‏والروح والبوح له والقلب يشتاقي

......

[الحمدان]

‏احيان توجعك وتهزك قارورة عطر

‏حتى لو انك تقول اني سليت ونسيت

‏يا ليتني مابكي الا مع نزول المطر

‏ما ودي احد يحس اني ضعفت وبكيت

......

[الحمدان]

في مهرتــي يانـاس بالحيل مفتون
والمـوت والله في محـاجـر عيوونه

هي اعذب اصناف العذوبه بهالكون
حتـــى مـــلاك الحـور مـايشبهونه

......

[الحمدان]

‏لا تعقد حجاجك ولا تقعد تلوم
‏اللي ما ودك تمدحه لا تسبه

‏حب اللي بدنياك ماودك يدوم
‏اللي تبيه يدوم لك لا تحبه

......

[الحمدان]

‏ما كل صوتٍ يهز القلب و أركونه
ألاّ أنت صوتك وحسك لاعبٍ فيني

يازين هرجك ليا من قلت وشلونك
و أقول طيّبْه مادام أنك تحاكيني

......

[الحمدان]

لا تـــربط الطيبه مع الناس بحدود
‏ولا تــــلتفت لأهل الحكي والسوالف

‏عــمر النوايا البيض م تخالط السود
‏وعــمر القلوب الحاقده ماتوالف

......

[الحمدان]

بعض الكلام كبعض الشجر
جميل القوام شحيح الثمر

وخير الكلام قليل الحروف
كثير القطوف بليغ الاثر

وفرز النفوس كافرز الصخور
ففيها النفيس وفيها الحجر

وبعض الوعود كبعض الغيوم
قوي الرعود شحيح المطر

ولو لم تهز الرياح الزهور
لما فاح عطر ومات زهور

......

[الحمدان]

بنت بدوٍ ما تلدّ عيونها إلا في صورها
والمطر والغيم والنسناس والنار الشبوبه

كل صبحٍ ما بدت شمسه تعلّق في نحرها
وكل ليلٍ ما تلحّف عطرها تبرد هبوبه

إن بكت وش يمنع الدنيا تلقّينا ظهرها
وإن رضت وش يقنع السبع البحور من العذوبه

......

[الحمدان]

‏توسعوا يامدورين المشاريه
‏خذوا من ارض الله شبر واتركوني

‏من يسمع اول هرجكم عاف تاليّه
‏لكن قبل تسترشدون أسمعوني

‏رضاكم الله لايحييه ما ابيه
‏والبعد عنكم مايحرك شجوني

......

[الحمدان]

الخاطر إن عاف مثل النفس لا طابت
‏تقفي ولا عاد به شي ٍ يجودها

‏أنا بغيت الغلا يوم الغلا ثابت
‏و اقفيت و النفس مدري وش يراودها

‏رميت لي رمية ٍ وحده ولا صابت
‏و حلفت بالله ماعـاد أتعودها

......

[الحمدان]

‏ماجيت لك بإحساس كاتب وشاعر
عاشق يردد إسمك بـ كل ليله

تعال فتّش بـ الورق والدفاتر
في كل صفحة ذكرياتك جميله

تعبت في غيبتك أعاني وأكابر
كل الليالي في غيابك ثقيله

ماانت بـ مجرد ضحكه وجبر خاطر
أكثر شعور به الحياه أنتمي له

......

[الحمدان]

‏انا لي ثلاث ايام والحال كنه اشلا
شليٍ بحال وحال ماهوب متشالي

سبايب وليفٍ كل ماشافني بـ اسلا
يعرّض علي ويقول حي الله السالي

......

[الحمدان]

ضايقٍ من فراق وضايقٍ من تجافي
اتقوى وانا حالي دنى من مطيحه

يكذب اللي يقول ان المفارق عوافي
لا يحس بشعور ولا يعرف النصيحه

......

[الحمدان]

يا ويــل قلبي منـــك لاحــل طاريك
نفسي وهــي نفسي تشــك بـغلاها

أنسى اسامي الناس واغلط واناديك
قلبي معــك كـل الاسامـــي نساها

ياساكـن اعماقــي انا ميتن فيك
ومشاعــري بالقلــب حبك خذاها

وقلبي مولـع بك وهايـــم بطاريك
وروحي تحبـك حــب لاخـر مداها

......

[الحمدان]

‏أحبك وأشوف إن العمر في مداك يدور
‏حنيني على لقياك ما يسعفه صبري

‏عسى الليلة اللي تفرش أحلامنا بالدور
‏سماها يتوه الفجر عنها ولا تسري

......

[الحمدان]

يازين الخيال اللي بلا موعد ومرسول
‏لا صور لي اللي ما تصّوره كيمرتي

‏تمرين مثل الحلم فالذاكره و اقول
‏عسى الله يخلي لي خيالي وذاكرتي

......

[الحمدان]

‏ليت قلبي حديد وليت نفسي جريّه
‏في مواجه مقادير الزمن الازدواجي

‏صار حتى القصيد اللي طروقه عذيّه
‏أكبر أسباب ضيقة خاطري وانزعاجي

‏ودي أغيب و أبعد في الفجوج الخليّه
‏وانقطع مع طريق الانقطاع المفاجىء

......

[الحمدان]

إتركيني بين الأحلام أنا أحب الخيال
الخيال أحلا من الواقع الواقع مرير

جيت أقاتل و إنقتلت أوّل أيام القتال
دايم أوّل ثوره تثور فالراس الكبير

......

[الحمدان]

‏عـرفنا صـروف الـدهــر هبة بهبة
وعشـنا وشـفنا في زمنـا تجـاريب

الاعمــار تفــنى والليـالــي مغبــة
ومن لا يخاف الله ما يعرف العيب

ومن لا قضاهـا بالرضـا عنــد ربـه
ما ينفعـه مدح العرب والاجـانيب


......

[الحمدان]

لا لمحت الكبر في منطق رفاقي
قلت يا نفسي ولا نصبر دقيقه

الكرامه دونها لو ما نلاقي
من نصاحب كل واحد في طريقه

من تغير واختلف ماعاد باقي
في وجوده اي داعي فالحقيقه

من يريد البعد ويدور فراقي
لا يدور عن سبب ولا طريقه

يبتعد ما دام ما ناسب مذاقي
لا يجيني في تصرف ما اطيقه


......

[الحمدان]

‏وش رأيكم في شخص بارد مشاعر
‏يحمل جنون العشق وأسلوبه الصمت

‏صحيح هـو طيب ويراعي الخواطر
‏لكنني مـن صمـت بوحـه تألمت

......

[الحمدان]

‏خلك بحر غامض وباعماقك أسرار
وفي ظاهرك للناس عزه وهيبه

لاتشتكي جرح الليالي والاقدار
يدوس جرحك من تحسبه طبيبه

......

[الحمدان]

مالله خلقني للمخاليق تباع
ولا اشرب الشربة وغيري سكبهاا

إما خذينا مطلب الروح بذراع
وإلا تعف أرواحنا عن طلبها

......

[الحمدان]

الظروف القاسية تتعب زحول الرجال
تتعب اللي في المواقف يجمل صيتها

والزمان الشين يضربنا في كل حال
والصعايب تحدتني وانا تحديتها

......

[الحمدان]

إما جلوس العز بين الأجاويد
ربعٍ على المذهب ونعم البطانه


والا لحالك سج رجلك مع البيد
واحذر جلوس المهزله والمهانه

......

[الحمدان]

دنياك ما تستاهل الكبر والطيش
رحله قصيره ينتهي كل طايش

محدٍ مخلد دايم الــــدوم ويـعيــش
ومحدٍ ظمن يصبح مع الناس عايش

......

[الحمدان]

والله لو تملك من المال مليار
وانته قليل الدين مالك سعاده

أن كـان تبغالك معزه ومقدار
خـل أجتهادك في كثير العباده

......

[الحمدان]

‏ياصدري فتحت ازرار ثوبي وشلت الكوت
‏ابي تنطفي نار في الأضلاع مشبوبه

‏انا معي ضيقة شايب سمع طاري الموت
‏يشوف الحكي صوبه وهم ماهم صوبه

‏يعرف ان وقته زل وان العمر موقوت
‏ولا هو بعايش كثر عمر انقضى دوبه

‏فنو جيله اللي عمرو في البلاد بيوت
‏ليا شافها من عقبهم ضاق به ثوبه

ولا عاد به ناس تزوره ترد الصوت
‏يقضي فراغه منطوي يحسب ذنوبه

‏الا ياصدر لا ضايقك همك المكبوت
‏توجه لـ رب يشفي ويقبل التوبه

‏لو انك ب ليل وموج بحر وببطن الحوت
‏اذا انك دعيت الله نجاك بأعجوبه

......

[الحمدان]

كابر على حزنك وخلك هادي
‏وان جابوا لـ طاري المفارق سيره

‏قل المفارق لو كسرنا عادي
‏اختاره الله واختياره خيره

......

[الحمدان]

‏ي اعز واغلا من تشوفه عيوني
يا منوور الدنيا عليه بطلتك

عليك عذال الهوى يحسدوني
مانقصوا عندي غلاك ومحبتك

......

[الحمدان]

‏مابي اعترفلـك بالغلا و أنت غالي
خلگ كذا مـا بيـن ضامن و شكاك

مره تقول أن فيْـہ غيـرك فـبالـي
تقول أن مابہ انسان يسواك

......

[الحمدان]

حاولت انام بس ماتهيا لي النوم
والنوم والهاجوس ماهم ولايف

ماتستريح العين والبال مهموم
ولا يستقر الحال والقلب خايف

غديت مثل اللي بالاعدام محكوم
ما مات لكنه من العمر عايف


......

[الحمدان]

بنت الشيوخ اللي يفكون الأنشاب
خل الغلا والحب تبقى على جنب

تكتب شعر تلفت نظر تحرق أعصاب
والذنب ذنب الشعر هي مالها ذنب


......

[الحمدان]

الصمت يغنيني عن القال والقيل
لاصار بعض القول كله سماجه

أصمت و كني مااجيد التماثيل
من خوف لا خبلن يكثر إزعاجه

صوته يلعلع دون فهم وتفاصيل
هو يحسبنك مندمج بندماجه

......

[الحمدان]

الحق ما كل المخاليق تبغاه
ما كل من شاف الحقيقه قبلها

ومن لارضي بالحق لا يهمّك رضاه
لو تزعله في كلمة الحق قلها

فرقاه عيد وراحتك يوم فرقاه
مكسبْك من بعض الاوادم زعلها

......

[الحمدان]

ترا ذكراكم في قلبي وتراهي
تخليني متأمل من حياتي ترا

طول طريق السفر انا لاهي
ياللي غلاكم في عيوني سرا

......

[الحمدان]

الله يسعـد لي مسـا هالتواجــد
اللي له بقلبي وقار وحشيمـــه

في موقعك عالم من الناس واجد
لكن حضورك غير وآللَّـہ يديمه

لاشفت نكك في الحضور متواجد
أحـس لحروفي وللشعـر قيمـــه


ذائقة

[الحمدان]

قالوا تحبه قلت لا والله أغليه
‏وترى الغلا فوق المحبة وزايد

‏لبيه من قلب يحبه ومغليه
‏دام الغلا في القلب فايض وزايد

......

[الحمدان]

‏انت لوحة عشق بعيوني رسمتك
كل م اغمّض أشوفك وسط عيني

وعن عيون الناس في قلبي حفظتك
كل م ينبض أحسّك انت فيني

......

[الحمدان]

اراقبك والقلب داخل حـــسابك
متا بنورك في عيــوني تـــبان

اخاف لو جيتك ودقيت بابك
ماعاد. تعطي من يريدك مكان

اقلق اذا شفتك مطول.غيابك
وارتاح لاشفت اتصالك كمان

احيان احس اني ملاحق سرابك
واحيان احسك لي بكلك امان

احيان ودي بس لمحه جـوابك
واحيان اقل قلبه احسه ملان

حاير متيم فيك ماذي جــرا بك
والخوف منك لو خسرت الرهان

......

[الحمدان]

‏لا ضاقـت الدنيا قل الحمد للـه
‏حتى ولو إنـك مـن الوقـت هايـم

‏ما خاب منهـو يحسن الظن باللـه
‏وما ضاق صدرن يذكر اللـه دايـم

......

[الحمدان]

‏وافي مع الوافي بكل المطاليب
‏على النقاء والطيب حبلك تمده

‏انت الكفو اللي يعرف المواجيب
‏والمحزم اللي بالمواقف نعده

......

[الحمدان]

لله درّي على الصبر و على الاعتياد
‏أواجه الوقت صلب وخاطري ما حكى

‏انا أكثر إنسان تشكي له قلوب العباد
‏وعلى كثر ما يواسيهم ما عمره شكى


......

[الحمدان]

نخسر بشر بس مانخسر مبادينا
‏ودروبنا صوب فعل الطيب مندفعه

‏ما نلتفت لـ الكلام اللي يجي فينا
‏نفوسنا عن كلام الناس مرتفعه

......

[الحمدان]

أحفظ لسانك عن البهتان والغيبه
‏وأغنم حياة السعد والعز من بدري
‏ِ
‏من ينشغل في عيوب الناس عن عيبه
‏زادت عيوبه وهو مشغول ما يدري

......

[الحمدان]

غلاك ما يحتاج توثيق وحلوف
‏الله خلق حبك من الحب فيني

‏عزفت نغمة عشق عن كل معزوف
‏وسكنت في قلبي وروحي وعيني

‏أغلى المشاعر جتك في شعر وحروف
‏قلبي كتبها قبـل تكتبها يمينـي

......

[الحمدان]

حي من اغلب تفاصيله معاي
‏وحي من لبى نداي بضحكته

‏لو نويت احكي عن الحب و هواي
‏مستحيل انسى غلاه وسيرته

.....

[الحمدان]

كان المسافه ترفض اني اشوفك
خل اتصالك غصب عنها يجيني

وكان اتصالك حال دونه ضروفك
يكفي رسايل شوق بيني وبينك

وان كان مالي حظ حتى بحروفك
خلك بعيد ومسكنك وسط عيني

......

[الحمدان]

يالمستمع عندي نصيحه كلمتين
اهم من بني القصور الفاخره

عليك بالتقوى وبر الوالدين
وتفوز بالدنياء وجنة لآخره

......

[الحمدان]

دكتور لا تشرح ترى الفكر سارح
في حب من يسوى خفوقي وروحي

البعد يا دكتور مؤلم وجارح
والياس يا دكتور زوّد جروحي

وابا اختصر لك شي ماني بشارح
قوّيت عزمي ماوصل له طموحي

......

[الحمدان]

‏بيني وبينك حرقة البعد والشوق
زادت على نار المحبـّـه حطبهـا

انت الذي لاغبت عنـّي له اتوق
وانـت الـذي للـنـفس اول طـلبها

......

[الحمدان]

‏الوصل مثل الطب و البعد قتّال
بآنـبـّـهـك دام الله اليوم جـآبـك

دامك تعرف ان غيبتك تدمر الحال
لاعاد تبطي وآنجني من عذابك

......

[الحمدان]

‏البوح طير وصدتي برقع الطير
والحزن وكر وضامي الشوق صقار

أيحدني شـوقي على البـوح للغيـر
ويردني صمتي عن العيب والعار

......

[الحمدان]

‏انشهد اول الحب نظرة إعجاب
و تسجيل موقف بين بوحك و بوحه

و أن شفت نفسك مرتبك كل ماغاب
اعرف تراك اشتقت و أدمنت روحه

......

[الحمدان]

‏الله على وقت ٍ نحبه ونغليه
لاجيت أسولف ذكرياته كثيره

أحن له من صادق القلب وأبكيه
وشلون ما أبكي والخساره كبيره

......

[الحمدان]

حزن المشاعر والقصيد أن كتبته
بالضيق مال الصبر قيمه وبرهان

مايحتمل قلبي من البوح صمته
ولا هو يخفف من عنا هم الأحزان

واللي من الدنيا بكيت وفقدته
معاد يرجع لي على كثر الاشجان

......

[الحمدان]

بنت الشيوخ اللي يفكون الأنشاب
خل الغلا والحب تبقى على جنب

تكتب شعر تلفت نظر تحرق أعصاب
والذنب ذنب الشعر هي مالها ذنب

......

[الحمدان]

يا طير ياللي بالفضا عيشتك غير
وش حيلة اللي ضايق البال قلي

ياليت لي مثلك جناحين و اطير
واشوف من هو بالغلا فاطنن لي

......

[الحمدان]

لو نجـازي كـل غلطـه بالزعل
ما بقى معنا من الرفقه رفيق

مير نتجاهل عن المخطي لعل
يـدرك الغالـي ويرجع للطريق

......

[الحمدان]

راسي عنيد ولا كل شي يرضيني
طبعي مكابر وكايد واعترف قاسي

من صد ماني بقايل لا تخليني
حتى لو إنه يساوي نسمة أنفاسي

......

[الحمدان]

قالت ...
هـاك الحـروف وامسك الجوال طوالي
واعـزف جـزال الكلام بصوت مـوالـك

واستـقبل البـوح من شـاشات جـوالي
واكـتب من الـشـعر ما يخطر علي بـالـك

قلت ...
كتبت ف الشعر مايطرى على بالي
وعزفت اجمل حروفي لك ولمثالك

والبوح بوح المشاعر والذهب غالي
وانا قصيدي ذهب يابنت يهنالك

[الحمدان]

رفّ الهدب وإنحنى راس القصيد وطمن ْ
وجتني حَوَرها مدار ووجنتيها سنا

بنتٍ تزيد القلايد في نحرها ثمن ْ
وشلون ترخص ملامح وجهها للعنا؟

كانت بعيد أمنياتي لين قالت تمن ْ
وتقرّب الحلم من كفّ السنين ودنا

قلت أصبري لين أخلّد طلّتك بالزمن ْ
وجهك خِلق للقصايد ماخِلق للفنا

.....

[الحمدان]

‏ماقلت لك عمر سيف العشق مايقتلك
‏ماتشوفني حي قدامك وانا اموت فيك

‏اشتقت لك قبل اجيك وجيت واشتقتلك
‏البارحه طول ليلي بين هذي وذيك

‏مليت جمر انتظارك واستحيت اسالك
‏وحسبتني مابعد جيتك وفكرت اجيك

‏اثرك بقلبي من البارح وانا استعجلك
‏واثري نسيتك من الفرحه وقمت احتريك

......