فوق هام السحب ( الشعر الشعبي) على متن القوافي

[الحمدان]

معادلة حياتيّة....

‏مقدار إندافعك وحبك لشخص
مساوي لمقدار إنخذالك منه
مُستقبلاً ومن زاوية أخرى :

‏قالت فمان الله لي سبع مرّات
‏وأنتي بحفظه ما نطقها لساني

‏رسالة...
ضريبه الخذلان يدفعها دائماً الوفي
‏المخلص دائما مايحب أنه ينخذل
الخذلان شعور سيئ جدا
وثقيل وثقيل ع صدرك

بقلمي

[الحمدان]

إذا لزم النقد فليكن موجهًا
إلى الآراء بالتمحيص
لا إلى الأشخاص بالتنقيص


الإمام الإبراهيمي رحمه الله

[الحمدان]

‏تجمل بقلبي وارحم الحال قبل اروح
‏تراني ليا من رحت ما عاد لي رده

‏تغليك ماينفع ولا فالثقل مصلوح
‏لو ان الثقل في بعض الاحيان لا بده

‏لكن غيبتك فجاءه تخلي حشاي يفوح
‏وترسم على وجهي من الحزن مسوده

‏انا يوم احبك والله اني رخصت الروح
‏عشقتك بقلبٍ لا ارتخى عزمه يشده

...

[الحمدان]

ضيّقت خاطري بنت الغلا و القصيد
وأسرفت فالعتاب وبالكلام إجرحت

كل ماقلت قرب الصلح قالت بعيد
وكل ماقلت أحبك دنقت وأستحت

طفلةٍ ودها تكسر غرور العنيد
حاولت والمصيبة حاولت وأنجحت

ضعضعتني وقالت حبني من جديد
قلت أحبك وقالت حبني وأسمحت

...

[الحمدان]

مالك إلّا المراحب والهلا والسّلام
‏قلت بعض الكلام وعن كثيره سكّت

‏بعدك أحوالي بخير وظروفي تمام
‏وضحكت لي الدّنيا بس انا ما ضحكت

...

[الحمدان]

‏تجمل بقلبي وارحم الحال قبل اروح
‏تراني ليا من رحت ما عاد لي رده

‏تغليك ماينفع ولا فالثقل مصلوح
‏لو ان الثقل في بعض الاحيان لا بده

‏لكن غيبتك فجاءه تخلي حشاي يفوح
‏وترسم على وجهي من الحزن مسوده

‏انا يوم احبك والله اني رخصت الروح
‏عشقتك بقلبٍ لا ارتخى عزمه يشده

...

[الحمدان]

تعودت أسامر وحشة الليل وأخونك
عسى الله يعاوني على الحب لين أنساه

أشوف السماء وأعدد نجومها بدونك
وأغيّر بـ أسم كل نجم أنا وأنت سميناه

بديت أتعافى من قساك ومن طعونك
من يديك خفّاقي ياسبحان من نجّاه

توقّع ليا مريت راح أسأل شلونك ؟
وأعيد الخطا مْن بدايته معك لا بالله

...

[الحمدان]

‏تذكّرتك وأنا لا زال في قلبي حنين وخوف
‏تصاغرت السنين وما تجيب ولا تصاغرتك

‏تعوّدت أني أكون الغريب اللي عليه ظروف
‏لأنك أرض وظروفي تخون الأرض غادرتك

‏على كثر الوجيه اللي تمر ولا تزل الشوف
‏إلى مروا تذكّرتك وإلى غابوا تذكّرتك

...

[الحمدان]

لاتحرِمِـيـني مِن عَبيركِ و النَّدى
يكفي عذابي في النَّوى و توجُّعي

لاتحسَـبي أنِّي عشِـقـتُـكِ لاهـيـاً
لا والـذي أجـرَى بـخـدِّي أدمُعي

أنـتِ الـتي قالت أحِـبُّـكَ ليلـةً
فلَقِيتُ فيها دُون وعيٍ مَصرعي

فصحَـوتُ و الدنيا تدورُ بأعيُني
والدَّمعُ بَلّلَ تحَت خدِّي مخدَعي

عيناي في عينيكِ يمضي ليلُـها
فضعِي عُيوني في عُيونكِ وازرعِي

ضيَّعتُ في عينيكِ موضعَ قِبلتي
ونسيتُ في صَفِّ الجماعةِ موضعي

أهـواكِ لا أخـشـى مـلامـةَ لائـمٍ
والــشـعـرُ يـشـهَـدُ أنَّـنِـي لا أدَّعـي

هذا فؤادي دون سيفكِ فاضربي
وخذي وتِيني إن كَذبتُكِ واقطعي
سـأطيرُ في فَلَكِ السَّـماءِ مُغرِّداً

لو مـسَّ ظفرَكِ ذات يـومٍ إصبَعي

بالأمس ِجاء ليَ الفرزدقُ شاهداً
وأتى جريرٌ في رِكـاب الأصـمَعي

نظروا إلى قلبي فقالوا عاشـقٌ
وكذا رأوكِ مقيمةً في مَـدمـعي

قد وقـعـوا أنِّي أحِـبُّـك صادقاً
فخُذي كتـابَ العارفين و وقِّعي

...

[الحمدان]

ياكبر العتب لو كان مالي عليك عتاب
ولكن زعلت وحس بالقلب تطنيشك

ماجيتك بعلمٍ شين خارج عن الأداب
ولاقلت عطني ياشقرالريش من ريشك

...

[الحمدان]

‏السلام على الضاحكين وفي قلوبهم سنين بكاء
أولئك الذين قرروا العيش ولم تحالفهم الحياة بعد.


جلال الدين الرومي

[الحمدان]

شوفــك يـرد الـروح ويداوي الــروح
يــــاروح روح الـروح ياروح روحــي

اسـري مـع الاشواق واســراري تبوحي
مـن زايـد اشواقـي بحـــبك تبوحـــي

...

[الحمدان]

قلبي مساك وليلي بشوفتك غير
‏يااللي غشاك ااالليل قلبي يحبك

‏ يسعد مسا قلبك انا قلبي بخير
‏ بس انت قلي يا الغلا كيف قلبك

...

[الحمدان]

يتساقط الأصدقاء عاماً بعد عام
بعضهم يَسقط من القلب
وبعظهم من الذاكره
والبعض يَسقط من العين
حينها ندرك أنّ السعادة
ليست في عدد الأصدقاء
بل في قيمتهم.



بقلمي

[الحمدان]

شكثر وَصيتك
وگتلك مالي غيرك

يا مَلاذي وغيرتي
ولذة شبابي هنَّ

بَس أنت وعيونك
چا بَعد ياهُم أحبابي

شعر عراقي

[الحمدان]

ناري ما تطفى ولا نارك طفت
وعِيني گبلك تبچي إذا عينك بچت

شعر عراقي

[الحمدان]

أخاف أشتاگلك والگاك ما عايز
وأخاف من البصدري البعده ما جايز

وأخاف گبال عِينك نظرة من تصير
تشبه نظرة الخسران للفايز

ودعتك بلحظة امنيتي اچلب بيك
أودع وأبچي مِثل وداع الجنايز

كبرت بغِيبتك بس ماگدرت أنسى
وعرفت الفرق بين الصورة واللمسَة

يكون الله يجيك أحساسي وتحسه
وتشوف شگد وَجع وياك متجاوز

شعر عراقي

[الحمدان]

مِن خسرتك
صغرت بعيني خسَارات العُمر

ودِرت وجه عيوني عنّك
خاف ألمحَك وانكسِر

شكثر باچي لخاطرك گلي شكثر
تغلط بحَقي وادورلك عِذر

جيت أدور كِلمه بأنقاض الدَفاتر
ماردت مِنك سَطر

شعر عراقي

[الحمدان]

حرگت أحلامِي بيدي وگتلك ادفى
شسويلك بعد كل هذا ما كفة

شعر عراقي

[الحمدان]

مَابيه حِيل أخِذ نفس
مَاعِندي وَاهِس لِلحَچي

مِن برّة تِلگاني أبتسِم
ومِن جوّه اطِك مِن البَچي

مَابيه أكمِّل هَالدَرُب
تعبَان ، خلوني أنتِچي

شعر عراقي

[الحمدان]

‏واجب نمسيكم ونسئل عليكم
ياكل متفاعل وحاضر وغايب

بالخير يسعدكم وينعم مساكم
يامبدعين يا مرسلين المواهب

[الحمدان]

‏خذاني غرامه بالمحبه شوي شوي
‏وجاني على نوّي وجيته على نوّه

‏وأنا خابرٍ ما ني بصيده وقلبي حي
‏لكن مالنا فالحب حيله ولا قوّه

...

[الحمدان]

‏يسعد صباح اللي من النوم صاحي
مع قهوته يرشف من السعد فنجال

رايق بجو الصبح وفرحه وشاحي
يقرآ خواطر شعر مع روقة البال

...

[الحمدان]

دارنا بابك عن الذل موصود
زهر الفخر نبتك قديم وجدايد

وقت العسر بالدم نوفي لك عهود
ووقت الرخا بنقول مدح وقصايد

حفظك الله يا وطننا الغالي
من كل شر وحقد الحاقدين
وحسد الحاسدين
وللامام يا وطننا الغالي

[الحمدان]

اليوم الوطني السعود 94

رفرفي بالعز وامجادك شهود
فوق راس العز يبقالك ثبات

الله اللي عزّك بحكم آل سعود
والله اختارك لقبله للصلاة


دام عزك يا وطن 🇸🇦

[الحمدان]

🇸🇦💚

هذا الوطن حبه على الرأس والعين
‏ مرتع صبا عمري ومنشأ جدودي
‏
‏ اكتب على يمناي نخلة وسيفين
‏ واكتب على قلبي مواطن سعودي

[الحمدان]

ما رقى متن السما شعب سوانا
‏ولا لمع بين النجوم الا وطنا 🇸🇦

[الحمدان]

ارسـم خيالـك واعتنـي بـه واحاكيـه
واقـص لـه فـي كـل لـحظـه حكايـه

واقطف ورود الود والشوق واعطيه
وابنـي لـه قصـور الفرح في سمايه

...

[الحمدان]

ماكل خاطر نبي نتبع مراعاته
بعض الخواطر حرام انك تراعيها

اللي يقدّمك عن كل اهتماماته
حاول تقدّم له الدنيا بما فيها

بقلمي

[الحمدان]

‏لاتسولف عن غياب الي تحبه
واترك الدنيا تسوي الي تحب

دام تعرف كل نهر وله مصبه
من يحبك راح يرد لو يحب

...

[الحمدان]

‏مديت له الفنجان باسلوب حساس
‏قلت تفضل واطعم الكيف مني

‏فنجان من طيب الغلا يوزن الراس
‏وينعش خفوق اللي بليله يوني

بهارها غالي وموزون بقياس
‏مخصوص للغالين باسلوب فني

...

[الحمدان]

‏خبروه اني احبّه واجد وودي به
‏ما يقلل حبّه الغيبه وبعده مني
‏َ
‏والله ان الوصل فرحه والفراق مصيبه
‏لايزعلني عليه ولا يخيّب ظنّي

...

[الحمدان]

‏بين ايه وبين لا الله لنا
‏حرت مابين التناقض والوضوح

‏خايف أتعود على قربك وانا
‏كل ماقربت من حاجة تروح

...

[الحمدان]

‏تحبـك روحــي و أحسك نفس هـالــروح
وتـوحشني بــدون أسبــاب مـدري ليــه

‏يا كيف أشرح لك احساس أكبر من البوح
في قلــب يحبـك أكثر ما يحب راعيـه

...

[الحمدان]

عيش عمرك مثل ماودك تعيش
بس لاتظلم ولا تجرح أحد

بقلمي

[الحمدان]

يـاهواي وشف بالي ومطلوبي
كل كلمة حب في خاطرك قلها

عطني من الود حقّي و ماجوبي
واكشف اسرار المحبين وازهلها

وان قضى هرج المحبّه يامحبوبي
مفردات الحب عدها من أولها

يمكن عيونك لا لديتها صوبي
تنقز عيوني عليها وتاكلها

...

[الحمدان]

‏انا مالي سوى وجهك ينسيني عنا المشوار
‏ينسيني قسى بعض القلوب وجرح غاليني

‏ظميت وما شربت الا سنا وجهك وانا مختار
‏دلهت من الوجيه اللي تمُر وما ملت عيني

...

[الحمدان]

قلوبنا من جملة الغش صافين
اصفى من المي القراح الزلالي

على انقا سيد المها لو يحاكين
واللي على وضح النقا مايبالي

...

[الحمدان]

أيام مالها وصف إلا :

طيبين وعايشين الحياة بكل سرور
ونبتسم دام الضماير سترها ربنا

بقلمي

[الحمدان]

‏الطعون المستمره وخيبات الظنون
‏كثر ما هي قاسيه كثّر الله خيرها

‏علمتنا بعض الايام يالصدر الحنون
‏أن ما كل الفرص خيرها في غيرها

...

[الحمدان]

‏اضحك ترى عوج الليالي مدابير
‏وما للخلايق في قضاء الرب حيله

‏أضحك لو هموم قلبك طوابِير
‏ وما يقسمه ربك تروح وتجي له

‏لو ضاقت الدنيا تراها مقادير
‏وخلك جبل ما هزته كل ميله

...

[الحمدان]

‏سلام مثـل الغيث تحيا به القاع
يحـيي قلوبن ماتحـب القطيعه

قلوب تربطها الاخـوه بالاجماع
تتبادل المعـروف فـوق الوسيعه

...

[الحمدان]

‏طبعي أجنب عن غثا الناس وأصد
‏لاشفت ما لايستحق إهتمامي

‏في ذمتي ماهوب معجزني الرد
‏أنا اعتبر صمتي جزء من كلامي

‏لكن عندي كل حاجه لها حد
‏قبل تّوصل هيبتي واحترامي

‏صدي عن الي مايبادلني الود
‏شيمه لنفسي واحترام لمقامي

...

[الحمدان]

من غلاها لو توردني على حوض المنّيه
كنها تسقيني الشهد المصفى من شفاها

ومن حلاها ماتوصفها الحروف الأبجديه
كيف توصف وردةٍ يبري من العلّه شذاها

الورود تغار منها مزهريه مزهريه
وإن تباهت عذرها معها يحق لها تباها


اميره الورد

[الحمدان]

‏معجب لقا في صوتك العذب حلمه
والحلـــم ماهو بيّ شخص ٍ يلاقيه

يحضـــن تباشيرك بروحــه ودمه
قلبه بساتين الامـــل وانت ساقيه

...

[الحمدان]

‏دام الغــلا يمّــك ولجلك سبقـني
‏حاول تجي وتكون يمي عشاني

والله ورب الكون واللي خلقنـي
‏ما ابيــك تتركني بدونـك ثوانـي

...

[الحمدان]

‏ليت القمر يومك تشوفه واشوفه
يعكس صورنا في بعضنا دقايق

اشتقت لك والضيق جيش صفوفه
سير علي لحظة ترى الصدر ضايق

...

[الحمدان]

بلشت مدري يالغلا وين انزلك
قلبي يبيك وعيني تحب شـوفك

احطـك بقلـــبي وقلــــبي يدللك
والا بعــيني واتكحل وصـوفك

...

[الحمدان]

‏في داخلي شـوق ن من ايام مخفيه
وأحـــرق بناره بس اراعـي ظروفك

ومنتظــر فرصــه على شان ابديه
وانثرلك احساسي بلحظة اشوفك

يامن غرامك ساكن القلب يا هيه
وينــــك حبيبي عذبتني طيـوفك

قلبي معـذب فيـك ليتـك تداويه
واكبر علاج القلب لمسة كفوفك

...

[الحمدان]

‏يا وقـت امانه هــل تَغيـرت ؟ او الناس
هي مـن تغيــــر حالهــا والطبيعه

زمــان كان الطيـــب عـــــزه ونمواس
واليوم صار الطيـب مكر وخديعة

ياوقت ليت تشوف كيف صارو الناس
ضاع الوفاء فيهــم وقاموا ببيعه

قلبي من افعـال البشــر صابه الياس
والروح من كيــد الاوادم وجيعه

...

[الحمدان]

‏لبى المساء تاملته على شانك
‏ولبى حروف تفرقها وتجمعها

‏يازين كلمة مـساء الخير بلسانك
‏من حلوها كني اول مره آسمعها

...

[الحمدان]

‏ان كنت تجهلّني فـ أخذ مني التعريف
‏ أنا درب ما تقدر بوجهين تسلكني

‏أنا أكبر من التلميع والبهّرجه والزيف
‏لاغبْت أنفقد وإن جيت ربي مجملّني

...

[الحمدان]

‏لاتعلقنّي على براق صيفك
‏من قليل مواصلك محتر صدري

‏لا تخليني على كيفك وكيفك
‏يوم زين ويوم شين ويوم مدري

...

[الحمدان]

‏اللي يخافون من تلويحة الراحلين
‏يرضيهم ابسط لقا لو يحصل بعجله

‏لاتنزعج من فضول محبة الصامتين
‏ماعذب الصامتين الا كثر الأسئله

...

[الحمدان]

كتبت ف الشعر مايطرى على بالي
وعزفت اجمل حروفي لك ولمثالك

والبوح بوح المشاعر والذهب غالي
وانا قصيدي ذهب يابنت يهنالك

...

[الحمدان]

تغانم الوصل لان البعد لا بده
‏يأتيك في يوم ثم ياخذك بـ أدراجه

‏غالي وتبخل علي وتطول الصده
‏الله يسامح غلاك ويلعن الحاجه

...

[الحمدان]

يامن نويت الهجر حيرني الغياب
والبعد قد طال وايش السالفه

غياب دون اسباب يا زين الحجاب
واحنا سواء جمعه بنفس الطايفه

فالفيس تضهر كان ماعندك صحاب
ولا معـك إنسـان عنده عاطفه

وإن جيت تتكلم تكلمني عتاب
وإن كان لي نص الامل لك ناصفه

لو كنت قاضي كيف حكمك والعقاب
لمن هجر قومه بيوم العاصفه

ياليتها تفهم وترسـل لي جوال
كل القبيله بعدها متخالفه

...

[الحمدان]

‏لو كان قسمي من افراح الليالي زهيد
‏مسامح اللي يروح وقابل اللي بقى

‏الله عطاني مشاعر ماعطاني حديد
‏تستفقد الراحلين اهل الطهر والنقى

‏اللي عليهم حنيني كل مده يزيد
‏الله يبيح الفراق اللي ماعقبه لقى

...

[الحمدان]

صف النوايا واذكر الله وترتاح
واللي تشوفه قابله بـ ابتسامه

خلك وسيع البال طيب ومزاح
ترى الزمن ما يستحق الملامه

...

[الحمدان]

‏ان ما مدحت العيون اللي تسريني
‏ماني بمادح عيونٍ نايمه عني

‏وان ما كتبت الشعور اللي يدفيني
‏ماني بكاتب شعورٍ ياخذك عني

...

[الحمدان]

‏حنا اختلفنا فالمشاعر والكلام
‏الوضع باين والعقول تصوّره

‏تجيني تسلم وارد لك السلام
‏مع كلمتين وضحكتين مزوّره

‏مافيه داعي للتشره والملام
‏كلن ضميره فالحياه ينوّره

‏ان جيت عينت الغلا والاحترام
‏وان رحت قلبي ماقدرت تعوّره

‏مانيب من متسولين الاهتمام
‏ان ماحصل ماجيت منك ادوّره

...

[الحمدان]

‏مدام رزقي عند رب المخاليق
‏مالي ومال الناس واللي وراها

‏يارب تجعل كل عمري توافيق
‏ونفسي من الزلات تغفر خطاها

...

[الحمدان]

‏لاصررت طيب قالو الناس مسكين
‏ولا صرت في حالك تجيك المصايب

‏يعني لو البس لي مع الناس وجهين
‏ واصبح منآفق يكثرۆن الحبايـب

...

[الحمدان]

‏لابد ما نفـرح ولو صابنا الياس
ولابد ما نرتـاح عُقـب المأسي

ولابد مانضحك بقوه للاتعاس
ولابد نتبسـم لكــل إنتكاسي

ولابد نتجاوز وجعنــا والاحساس
ولابد ننعــم بالشعـور الحماسي

ولابد مانسرح ونمرح مع الناس
ولابد ما نسعَـــــد لاخــر قياسي

...

[الحمدان]

‏بيني وبيـــن الناس عنـــدي قوانين
واعامـــل الانسان حسّـب احترامه

اللي بغى قربــي هلا فيــه واهلين
واللي بغــى فرقاي مـــع السلامه

هــذا انا ماحــــب درب المقفين
وحضورهم عنـدي مثيل انعدامه

واقدر الوافـي واحطه على العين
وارمي وراء ظهـري عيال الرخامه


...

[الحمدان]

الله خلقني كذا ما احب طول الجدال
‏والمخطي اسرّحه والطيّب اقدرْه
‏
‏وماهو صحيح المواقف كلّها للرجال
‏احيان تغني عن الوقفات وقفة مرْه

...

[الحمدان]

‏تجمّل يامال العافية دام راسك حي
‏ترى زينة وجيه النشاما فعايلها
‏
‏عرفنا مفاهيم الليالي جميل وسي
‏تموت الآوادم بس تبقى جمايلها

...

[الحمدان]

‏كل يوم أبيع من صبري لـ ياسي
‏لين صرت إنسان مدري كيف صرته
‏
‏مابقى من راس مالي غير راسي
‏راسي اللي فدوته كل ماخسرته

...

[الحمدان]

‏اقطف ثمر دنياك وابعد عن الياس
‏اضحك وعيش وتالي العمر بايد

‏مهما تسوي طيب ما ترضي الناس
‏من خلقة الدنيا رضى الناس كايد

...

[الحمدان]

عليك العتب ياصانع النت والارسال
فقدنا رسايل ناس ياحي طاريهم

فقدنا سلام ومرحبا بك وكيف الحال
وفقدنا العتب من ناس بالحيل نغليهم

...

[الحمدان]

‏انشهد أني من عنا الوقت مليت
‏مليت من وصلً يجي بالغصايب
‏
‏ياصاحبي والحي يفرق عن الميت
‏عجل بوصلك قبل ركز النصايب

...

[الحمدان]

يا وقت لا تبحث خفايا المخاليق
ما عاد نبغى منك غير السلامة

أنا السعيدة اللي ملا صدرها الضيق
وانا الحزين اللي بكا ب إبتسامة

بقلمي

[الحمدان]

ابكي على ما جرالي يا هلي
قلبي انا بالمحبه مبتلي

ولا حصل من يحل المشكلي
مع ناعم العود انا لي مسأله

...

[الحمدان]

‏كل جرح بالدنيا له أحساس ومقام
لان المشاعر تختلف عند البشر

طعنه القوي لاطعني بالامام
أشرف لي من طعنه خويي بالظهر

...

[الحمدان]

طلة مسا الخير من دونك بلا معنى
أنت ابتسامة مساي وبهجة انواره

يا ناعس الطرف ليت الليل يجمعنا
وكلاً يفضفض لخله خافي اسراره

...

[الحمدان]

تبي الكلام الصدق بيني وبينك
‏اسمع معي هالبيت مادمت وياك

‏من باع كل الناس من شان عينك
‏حطه بعينك واجعله نور دنياك

...

[الحمدان]

عيش الحياه بـ رغبتك وبمباديك
‏عيش منغلق عيش منفتح لاتعاني

اللي يحبك كيف ماكنت بيجيك
‏وان جاك مانت بحاجه لشخص ثاني

...

[الحمدان]

‏لاتشتري من حاولو يخسرونك
‏ولا تخسر اللي فكر بيوم يشريك

‏مافيه أجمل من صديق يصونك
‏ولا فيه أقسى من قريب يعاديك

...

[الحمدان]

ياليت لي قدره على طي الايام
‏واقدر اعيد سنين واقدم سنين

ودي انام الحين واصحى قبل عام
‏العام كان اجمل بواجد من الحين


...

[الحمدان]

ﺯﻋﻼﻥ ﻣﻨﻲ ﻛﻞ ﻛﻠﻲ ﻳﺮﺍﺿﻴﻚ
ﻣﺎﺣﺪ ﻏﻴﺮﻱ ﻳﻌﺮﻑ ﺑﻄﺒﻊ ﺧﻠﻲ

ﺑﺎﻟﻠﻪ ﺍﺑﺘﺴﻢ ﻳﺎﻟﻠﻪ ﺫﺑﺤﻨﻲ ﺗﻐﻠﻴﻚ
ﻳﻜﻔﻲ ﺣﺒﻴﺒﻲ ﻣﺪ ﺑﻮﺯ ﻭﺗﻐﻠﻲ

...

[الحمدان]

من بعد غيبه جيت والقلب حياك
حياك يامن قد وحشني سؤالك

أن كنت تسألني عن الحال ياذاك
أنا بخير وأهم شي كيف حالك

مادمت تذكرني ترى الروح تفداك
تفداك روحي دآم وأنا ببالك

والله مهما صار لايمكن أنساك
مادمت ساكن وسط قلبي لحالك

...

[الحمدان]

لو قســـــى قلبك بلحظه ما قسا/
عن طريقك يالحبيبه مــــا يحيد

إن خطيتي قـــــام سجـــلها فدى/
وان عطفتي ذاب لك مثل الجليد

...

[الحمدان]

‏دامك سكنت بداخل القلب يرعاك
‏هذا خفوقي و أنشده كيف يغليك

‏قلبي و أعـرفه بالغـلا كـم تمناك
‏مدري على كثـر الغلا ويـن أوديك

...

[الحمدان]

على طاري غلاك اللي ذبحني
تذكرتك وانا اللي مانسيتك

وعلى كثر الغياب اللي جرحني
عذرتك في غيابك واحتريتك

...

[الحمدان]

بيني وبينك تشرق الشمس وتغيب
ولو يفرق التوقيت ما يفرق غلاك

ولو غنت الفرقا على لحن النصيب
ماسارت اقدامي على سكة جفاك

معك معك لو انك لغيري حبيب
قدامك دروب القدر وأنا وراك

وراك والدنيا تجيب اللي تجيب
في ذمتي ما يرضي الخاطر سواك

...

[الحمدان]

‏اسقاني الـورد مـن لـطفه وبـأسلوبه
وروي فـؤادي بـعد ماكان ضـمياني

وأعطاني الشوق وإحساسه ومطلوبه
وحـلـف بـأنـه ابــد مـايـوم يـنـساني

وانـي انـا بـس دون الـناس مـحبوبه
ولـو غبت لحظه سرى شوقه وناداني

وبـقـول تـدري قـليبي ويـش عـذروبه
اذا غـف جـفن عـيني قـام صحاني

...

[الحمدان]

انتظر لـك شوق لـو طال انتـظاري
واحتـمل تأخــيرك المجــهول سِرّه

دام حــبك كان قـصدي واختـياري
مايمــل القـــلــب او صبـره يــضرّه

قربك اصلا غايـــتي واصبح قراري
لا تفكر با اتركــك والـــــحـب مـــرّه

في لقاك اقـبل مـــع الدنيا حـــواري
وان غبت افقد على الدنــيـا المسرّه

لو هجوم الشوق في وضـع انتحاري
في هدوئي بــا يـــلاقـي مـــا يســرّه

المشـاعــر كلـــها تتـــبع شـــعاري
الوفـى لو ضـــاقـت اقـــطار المجرّه

لجل قـربك لو تركت ارضي وداري
حـبـك اصـبــــح عـالـــمـــــي لله درّه

...

[الحمدان]

اختصر وجهك تـفاصيـل الحكـــايه
يوم كنت اكتب عن الحسن المثالي

الجـمال اللـــي عـــطـــاك الله آيـــه
ضيّعت كل الـصور ذا في خـيالي

...

[الحمدان]

‏ياليل دمّك ثقيل وسهرتك شينه
وتزيد شوق المحب المغرم المنسي

مابين هجر الحبيب وماضي سنينه
ماغير أهوجس واعزّي نفسي بـ نفسي

...

[الحمدان]

انتي روح الحرف والهام الجديد
كل ماحرفي على الطاروق غنى

اكتبك والشوق تسهر له قصيد
ودها تكسب رضاكي وما تمنى

...

[الحمدان]

‏يالله عسى من تركني ساعة الشدّه
تحده ظروف وقته لين ياتيني

حتى اني اعطيه مطلـوبه ولا اردّه
ويشوف فرق المراجل بينه وبيني

انا رفيقي على العسرات ما اهـدّه
ادرا رفيقـي مثل مدرا على عيـني

وانا رفيقي اذا شفت الزمن ضـدّه
اقـوم في واجبـه من قبـل يدعيني

...

[الحمدان]

‏اشتاقت عيوني لها حزت النوم
وسرت بي الذكرى بقمة حنيني

في ليلة فيها نصيبي ومقسوم
افارق اللي ماتفارق اسنيني

اللي غلاها كل يوم ن ورى يوم
يكبر مثل مايكبر العمر فيني

...

[الحمدان]

‌‎لبي العيون الي تبي حزه النوم
اصدق من اللي نكتبه بالرسايل

لغـه عجيـبه للقـلوب المواليف
مشـفّره فيها رمــوز ودلايـــل

...

[الحمدان]

‏مو گل صدفه للبشر تجمع احباب
ولا كل فرصه في حياتـك سعيده

يمكن يكون احيان اغلاق الكتـاب
أفضل ترى من فتح صفحه جديده

...

[الحمدان]

آتعمد صدتي عن وصل خلي
مال وصله بعد طول الهجر داعي

واشعر سيوف الوغى جوفي تسلي
من سبق جرب عذابي والتياعي

...

[الحمدان]

اليوم احـس القلـــب سالي وطربان
واحس فرحـــه عارمـــه في خفوقي

قلبي نسى كامــل همومه والاحزان
ونسى جروحـه والوجـع والحروقي

يارب حمدي لك عدد قطر الامزان
يامن شرحت القلب داخل عموقي

...

[الحمدان]

على كثر ما قال غيري وما قلت
بين العصور الماضية والجديده

بحثت عن اجمل قصيدة و حصّلت
اسمي على لسانك هو اجمل قصيده

...

[الحمدان]

سود الليالي هينه لاتحـاتين
إذا على سود الليالي عوافي

يخوفك درب الشقى لا تخافين
لاصرت أنا ماني بموجود خافي

على هواك وسوي اللي تسوين
أنا بوجه الضيم وأنتي خلافي

...

[الحمدان]

خايف من الليل من جـوه و عـبراته
خايف من الشوق وماثقل دمه وشعوره

خايف من شجون قلب ذاق سكراته
ومن ذكرى الايام بين الحـرف وسطوره

...

[الحمدان]

قولوا لبعض العرب يمشي على وده
‏لكن مع الوقت لاينسى مواقفنا

‏حنا معه يوم عاد اللي معه ضده
‏واليوم كنه على الدنيا مايعرفنا

...

[الحمدان]

يا الله يامن فــوق عرشـــك تعليت
يامــن تدبــــر كل زينـه وشينه

ادعيك تغفرلي خطايا اذا اخطيت
وتمسح ذنوبي كل ذنبٍ بحينه

بقلمي

[الحمدان]

يارب يلــي لك عبــدتك وصليت
عبــدك لجا لك يا إلهي تعينه

ترزقني الراحـــه علــى ماتمنيت
وتملا حياتي بالفرح والسكينه

بقلمي

[الحمدان]

لاتطلب الحاجات من فاقد الشي
كيف الذي ماعنده الشي يعطيه

بعض الشجر تاجد بها بارد الفي
وبعض الشجر ماله ظلال تغطيه

...

[الحمدان]

مثل الشمس تعطي لنا واهج الضي
ولاالنجم مابه شعاع ن يجديه

أسأل آله الكون يبعث لنا المي
ويسيل الوديان والكل يسقيه

بقلمي

[الحمدان]

عليك باللي يلحق القول بأفعال
ولا الردي خله وجنِّب مساره

أنشهد أنه ما كذب واحدٍ قال
من لايعدِك ربح عدّه خساره

...

[الحمدان]

تغرس بذور الغلا ويموت غارسها
والموت موت المشاعر ماهو الفرقى

عندي قناعه من الايام دارسها
الحب يبقى لو اهل الحب ماتبقى

...

[الحمدان]

ماني بفاضي للعتب والمشاريه
ماني بفاضي للزعل والحماقه

ماعاد ابي زايد كـلام وطـواريه
من دونها سكّـرت باب العلاقه

...

[الحمدان]

‏أرسل سلامي واحترامي والأشواق
للـي يبـادلنـي الـوفاء والمـوده

وعذبن من الإحساس ياتيه منساق
مرســول مـن وسـط الضماير لعنده

...

[الحمدان]

لاتعاتبني على قل اهتمامي
وانت ما اعطيت اهتمامي اي قيمه

اهتمامك ماروى خفاق ضامي
بخل والا هي أحاسيسك عقيمه

ليش وأنا فيك اشوف الحب سامي
وفي مرافي جفنك ابياتي مقيمه

التجاهل من تجاهك جرح دامي
يادواء نفس من افعالك سقيمه

انتهت من قسوة اسلوبك عظامي
والضلوع العوج صارت مستقيمه

...

[الحمدان]

الغلا رغم بعـــدك عن عيـــوني يزيد
‏تحت ظل الغياب ورغم كل الظروف

‏يوم كل تمنى شوفــــــة اللي يريـــد
‏يعلـــم الله غيــرك ما تمنيت أشوفه

...

[الحمدان]

‏يسعد مسا الي يقرأ وموجود
‏واللـي يتابعنا ومعــنا مـــواصل

‏بالمسك والريحان والطيب والجود
‏اربع سوا مابينهن شي فاصـــل

...

[الحمدان]

محدن بكامل والبشر كله عيوب
لا تستمع للي حكو لك حكو بك

خلك مابين الناس غالي ومحبوب
وأستر عيوب الناس تستر عيوبك

...

[الحمدان]

لاتـبـتـعـد عـني تـراني لك احـتـاج
ولا لي بغـيرك بالمخـاليـق حـاجـه

وان كان لك في قربي ازعاج واحراج
خـلك من احسـاسي قريّب ونـاجـه

بَعدك غـدا قلبي له الضـيق منهـاج
والـبـال من بُعـدِك تـكـدر مـزاجـه

...

[الحمدان]

"
الرُوحْ دربِكْ والمشآوِيـرْ كونِكْ
العينْ بيتكْ والمسآفآتْ لكْ حَي

أدري جنُـونيْ مآ يشآبهْ جنُـونكْ
زآيِد خيآليْ عن خيآلآتِكْ شوَي

ليـهْ السعَآدةْ مآلهآ طعمْ بـِ دُونكْ
حتَّى الدقـآيقْ دونْ شوفِكْ ولآ شي

...

[الحمدان]

"
الرُوحْ دربِكْ والمشآوِيـرْ كونِكْ
العينْ بيتكْ والمسآفآتْ لكْ حَي

أدري جنُـونيْ مآ يشآبهْ جنُـونكْ
زآيِد خيآليْ عن خيآلآتِكْ شوَي

ليـهْ السعَآدةْ مآلهآ طعمْ بـِ دُونكْ
حتَّى الدقـآيقْ دونْ شوفِكْ ولآ شي

...

[الحمدان]

بعض البشر يعجبك حتى حترامه
وتحب فيه اجمل صفاته وترتاح

ان غاب تشفق في لقاه وسلامه
واليا حظر همك من القلب ينزاح

...

[الحمدان]

لاترخص الروح للي ما عرف قدرك
‌‏لوكان حبه يسم القلب ويعلة

‌‏واللي يقدرك حطة في وسط صدرك
‌‏وقلة مكانك هنيا ياعز خلق الله

...

[الحمدان]

‏مابين عين الريم ومعاند الخيل
قمة جمــال وبــه شموخ ومهابه

الريم يجفل لا لفـى ساري الليل
يفــز مــا يقبــل ســؤال واجابه

بعيونها نــرسم عيون المكاحيل
اليا كتبنا الشعـر بحظــرة جنابه

...

[الحمدان]

ألا يا غزالٍ في عيونك سهُوم الموت
‏وفي مبسمك جنه وفي شوفتك راحه
‏
‏شموخ ودلال وقدرك أغلى من الياقوت
‏وفيك الجمال اليوسفي يلبس وشاحه

...

[الحمدان]

‏ماغفيت اليوم والبارح كذالك
حيل انا تعبان واشواقي ثقيله

حالة الاشواق ماترحم لحالك
دائماً تغزي القلوب المستحيله

ياخفـوق القلب بالله ماجرا لك
جاوبيني الشوق من اشعل فتيله

ادري ان البُعد حطم لك منالك
ياحبيب الروح ارحمني قليله

[الحمدان]

استر عيوب الناس تستر عيوبك
يا اللـي لسانك للمخاليق فضّاح

واترك ذنوب الخلق وانظر ذنوبك
ترى الزمن دوّار والسّر ينباح

...

[الحمدان]

الناس يابن الناس اشكال والوان
مايستوو في طبعهم والفصيله

احيان تلقا شخص عاقل وفهمان
واحيان تلقا شخص طبعه هبيله

انسان تلقا فيه طيبه واحسان
وانسان تافه ويعشق الرذيله

رجال حطه فوق راسك والاعيان
والبعض حطه في شوارع شميله

عند النوايب للرجاجيل ميزان
توزن بها كل الرجال فى القبيله

رجال يوزن بالذهب فوق الاطنان
والبعض ميزانه كما الزنجبيله

سايرت كل الناس والخافي ابتان
وابتانو اهل الجود واهل الرذيله

ماكنت متعلم ولا كنت فهمان
بس الزمان علمني اشيا جميله

من يرتضي بالهون يبقا كما كان
بين المهانه ما ترفع قليله

العز يبقاء للرجاجيل عنوان
عز القبيلي من رجال القبيله

...

[الحمدان]

بالعرف نتعرف ونعــرف من عـــرف
للمعرفه مصـــحف ومافـــيها خلاف

نصطف ونتكاتف إذا شـــــب النكف
والقبيله مصـرف من اتقبيل وطاف

نعتز ونشــــرف مع الناس الشـــرف
للمرجله مشرف ومن شـرف مخاف

واللي خلف وارجف من العز انتسف
والمنــذله تلقف من اتخـــــلف يعاف

ياويل من خـــــرف وبالفــسله هتف
يخسف ويتغلف بافــعال الضــــعاف

ماله مكــان اريف ولا طرف طـــرف
منفي كما المكلف من القوم الشراف

...

[الحمدان]

حكم القدر ماشي علا الكل ماشي
والكل للمكتوب لابد يلقاه

والحض ما ياتي نفاق وتراشي
من عزه الرحمن فالناس رقّاه

كم من فقير الأمس لازال ناشي
واليوم ناشط فوق ماحد تعداه

وكم من غني مغرور كاذب ولاشي
ورده ذبل مهما من الماء سقّاه

غره زمانه في نعيم وتماشي
حتى تناسى من له المال واغناه

ضن الخلايق عنده مواشي
ينذل راعي الفقر عنده اذا جاه

بالمختصر ياللي بغيتو نقاشي
الصدق والاخلاص للعبد منجاه

دنيا دنيه ما تساوي ولا شي
وياويل من يغتر في عز دنياه

...

[الحمدان]

‏ليت المواجـع تبتعــــد عــن طريقي
وليت المأسي ماتجيني مــن الساس

وليت الملل واليـاس ماهـــو رفيقي
وليت الزهـق ماحـل قلبي والانفاس

وليت الامل يملا الشعــور العميقي
وليت الفرح يملاخفوقي والاحساس

وليت ان حظـي ما تعلـــق بضيقي
وليت ان قلبي ماعرف لحظةالياس

...

[الحمدان]

البُنُّ في عينيكِ يغلبُ قهوتي
‏لاتحرميني لذة الفنجانِ

‏عربيةٌ تلك العيون أليمةٌ
‏جمعتْ مذاق البُنّ والهذيان

‏تحكي عن التاريخ تروي قصةً
‏عن أُسْدِ ذي قارٍ بَني شيْبانِ

‏كِسرى يغادر مِن رموشك هارباً
‏والعُرْبُ تكسر راية الطغيانِ

‏ويطول ليلي والعيون تروح بي
‏ ما بين سحر العين والإدمان

...

[الحمدان]

اقــرب اشـــوفك يامكحل عيونك
واضمن نجــاك من كل زله ضمانه

تـعـال مـــالـــي روح تحيى بدونك
يامن خــذيت في قلبي اعلا مكانه

اظهر معي في الوصل كامل فنونك
مــادام روحـــك في حياتي مصانه

...

[الحمدان]

‏يالله بصبحٍ يجتمع فيه ثنتين
سترك وعفوك ياكريم العطايا

وانك تثبتنا على منهج الدين
والرابعه تمحي جميع الخطايا

صباح الخير والعافيه

[الحمدان]

على اللي يصبح كل يوم بصباح الخير
صباحك صباح النور ياسيد احبابي

صباح الغلا والحب والشوق والتقدير
مع اجمل تحياتي ولك خالص اعجابي

...

[الحمدان]

قالت أحــــبك قلت أبغـى دلايل
لـ اني بـ حبك صرت يازين مجـنون

قالت ههه انتم فـ الخــــداع الأوايل
دايم تســوّوَا عكس ما انتم تقولون

قلت اعرف اعرف أيه بس القلايل
من كــــيدكن في كل وادي يهـيمون

لـولا البـنات الفـاتـنـات الأصـــايل
ماصار سلطان شاعر ولاقيس مجنون

...

[الحمدان]

‏ياصباح الشوق والذوق وألحان القصيد
صبح يأتيني بطيفك صبــاح العافيـة

أسعدالله صبح من ساكن وسط الوريد
مالك قلبي واظن الأشــــاره كافيـة

[الحمدان]

‏سبح وهلل واذكر الله دقايق
‏ما اظن تاخذ وقت ي مضيع الوقت

‏واطلب جليل المُلك لاصرت ضايق
‏عساه يفرج ضيقتك كل ماضقت

...

[الحمدان]

‏يا لابسه البرقع على هونك شوي
من شوفتك ضيعت وزن القصيدة

طلة جبينك بالسماء تشعل الضيء
ونظرة عيونك في حلاها فريده

...

[الحمدان]

لاطالت الغيبه تزيد التراحيب
يامرحبا يازهرة التلي وسراجه‏

نورتي يامنبع الذوق والطيب
ياقمر ياشمس بنوره وهاجه‏

...

[الحمدان]

‏العافية والستر مع راحة البالم
‏هذي الثلاث اعدها راس مالي

‏ياللي تقول الغالي اشريه بالمال
‏اللي يجي بالمال ماهوب غالي

[الحمدان]

لاشفت ماللسالفه رد اعتببار
وجهالها تغلط على عقالها

البعد عن بعض المخاليق انتصار
خل الطيور تطيح فوق اشكالها

...

[الحمدان]

قاﻟوا ﺗﻤﻨى قلت يامم تمنيت
‏الحظ ضدي والأماني كثيره

‏ياما كتبت من القصايد ۈغنيت
‏الحظ عاثر واﻟﺨواطر كسيره

[الحمدان]

‏عقب الغلا مالي مع الناس مجلاس
وش هي حياتي لافقدتك ثواني

جمعت لك حبي بقلبي على ساس
تبقى الوحيد ولا معك شخص ثاني

...

[الحمدان]

ودي ابوح اليوم واقول ولهان
وافتح ملفات العشق في حياتي

حبه سكن قلبي من ايام وزمان
ليتك تحس بشوق قلبي وذاتي

...

[الحمدان]

شفتك ولا مليــــت من نظرتــي فيك
سبحـان من زيــــــن حلاتك وسواك

فيك العيــــون اللـي كُحلها محليك
وفيك الوصوف اللي بها الرب حلاك

من يوم شفتك خافقي صــار بيديك
والعقل عنـــدك ماقـدر يوم ينساك

يفداك شاعر خـط شعــره لما فيك
وكتـب قصيـده في حلاتك وطرياك

...

[الحمدان]

‏اكتفيت بوجودك ليــن عشتك حياه
شـوفتك نور بدر وبسمتك ممتعه

كل ما جيت ابحكي عن غلاك ومداه
ضاع تعبير شوقي ما قدرت اجمعه

...

[الحمدان]

الشعر هذا ترى فيك مخصوص
ماكنت بكتب بك ولاني بناويك

مير الغلا جاب القلم قال مرخوص
يومٍ سرى هاجوس فكري بطاريك

...

[الحمدان]

يازين لو حبــك يوزع علــى الناس
ماكان فــي الدنيا حروب ونزاعــات

مسكنك في قلبي وقدرك على الراس
والشــوق مـاله ياحبيبــي نهـايات

قوم اسقني من عذب حـبك ولو كاس
وافرش لك الدنيا زهــــور وفراشات

واسقيك من نهر الغــلا دون مقياس
واشغل بك العالم قصايد جزيـــلات

...

[الحمدان]

‏بنت العرب بنت النسب دائماً غير
في حسنها في دينها في حياها

لها وصايف كنها الخيل والطير
ماكل واحد لابغاها لقاها

...

[الحمدان]

‏تدري من اكثرشخص بالناس محبوب
شخصن إذا شاف الأوادم تبسّم


ماهوعلى الضحكه مع الناس مغصُوب
طبع التواضع في حياته ترسم

...

[الحمدان]

‏أكتب معاناتك عبر نزف الأقلام
‏وسلم أمر دنياك للي خلقها
‏
‏أرسل قصيدة عشق ماهي للاعلام
‏الحبر أحاسيسك وقلبك ورقهـا

...

[الحمدان]

‏لولا الظنون الطيبه مات الإحساس
‏ولولا التسامح بالحياه إنقرضنا
‏
‏ولولا الأمل تهنا على سكة الياس
‏ولولا مخاسير الزمن ما أتعضنا

بقلمي

[الحمدان]

مـن عــرفتك صارت الدنيا جميلة
وشفت فـي حــبك تفاصيل الامان

في حنانك عشت ليلة ب الف ليلة
ودي اعــرف انتي وينك مـن زمان

...

[الحمدان]

لك طلةٍ مثل القــمر بين إلافـلاك
ولك نظرةٍ يعجبني فيها كسوفك

مــن يوم تقبل يفز قلبي وحياك
وإذا رحلت ابقـى أسير لطيوفك

...

[الحمدان]

‏ابشرك قلبـي علـى ما انت خابر
‏يحبك ويعشق لقاك وطواريك
‏
‏قلبي كبير ولكـن احــيان يكابر
‏يقول ما احــبك وهو ميتٍ فيك

...

[الحمدان]

‏ماهمني كم شخص عندي يتابع
والله ولو خمسه تراهم يكفون

يعجبهم احساسٍ من القلب نابع
واهدي لهم شعرٍ له سنين مدفون

بقلمي

[الحمدان]

‏اشتقت لك واللي خلق حلو الاحساس
يامشغل قلبي ورحي وعيني

حبي لك اكبر من هوى الناس للناس
تبعد تقرب انت موجود فيني

...

[الحمدان]

‏هذي هي الدنيا تجارب على الدوم
تعطي دروس وقيمة الدرس فكره

إن كان درس الامس مافادك اليوم
لايكثر عتابك على حال بكره

...

[الحمدان]

‏من يريدك عن درووبه لاتميل
‏ومن يشوف إنك خسارة إخسره

‏ولا تجادل من طرق باب الرحيل
‏إبتسم له وفي رحيله إشكره

...

[الحمدان]

يسعد صباح من شابه الورد خده
في ملمسه في صورته في عبيره

ويسعد صباح من شابه الغصن قده
في قامته في هامته في اثيره

...

[الحمدان]

‏أجمل صباحات المحبه والغرام
لاطلعت شمس الصباح وحلتك

اول صباح الخير منك والسلام
وأرد لك بالخير يسعد طلتك

...

[الحمدان]

‏ما قلتلك انك عن الباقين غير
‏وفي شوفتك معنى ملذات الحياه

‏يا مٌلهمي يا سيد الحب الكبير
‏يا أوّله يا أصدقه يا مُنتهاه


...

[الحمدان]

أنأ أنكسر من واهج الشوق بدري
وهموم صدري يعتريها سكوتك

من تتصل وانا أبتسم ليه مدري
كيف إرتبط حس السعاده بصوتك

...

[الحمدان]

يرضيني اني عشت وافي ولا برت
واعلنت بالهرج الصريح انطباعي

زاد النفاق الاجتماعي وانا صرت
ما عاد احب أصير شخص اجتماعي

...

[الحمدان]

‏اللي فقدني في غيابي فديته
واللي نساني جعل دربه تساهيل

واللي تجاهلـني وانـا ماجفيته
ماعاد له في وسط قلبي مساهيل

...

[الحمدان]

‏دار الزمان وشفت فيه العجايب
‏شفت الغلا والبين والزين والشين

‏شفت القلوب الحاقده والحبايب
‏واللى يعيش بوجه واللى بوجهين

‏تلقى الجفا والصد طبع القرايب
‏والا الوصل والطيب طبع البعيدين

...

[الحمدان]

‏لو ان الغلا والحب فالقلب له مقياس
‏على الصدر يّبين والاوادم يشوفونه


‏عشان نعرف صادق الود والاحساس
‏وتبين العلوم اللي ورى الصدر مدفونه

...

[الحمدان]

‏ماغاب طاريك عن بالـي ولاساعه
لو رحت يم البحر طيفك يباريني

القلب يشكي عليك الهم ووجاعه
وحضورك اكثر مسكن لي يداويني

....

[الحمدان]

أصون عهد الصداقه بحفظ ميثاقه
‏وأموت ما خنت عهد اللي مأمني

‏ولا أحب حكي القفا فيني ولا أطيقه
‏اللي يبـي شي في وجهي يقابلني

...

[الحمدان]

اللي يدقق في جميع اخطائي
ماني بحاجة مدحه ولا دعمه

بعض الوجيه احبها تلقائي
وبعض الوجيه الله يديم النعمه

...

[الحمدان]

بعض القلوب إحساسها يشبه الورد
تزهر لقا وإن مرها البعد تذبل

وأجمل قلوب نعيشها شايلة الود
فيها الوفا وإن هزّها الشوق تسأل

اميره الورد

[الحمدان]

بعض البشر لو يطلب الروح تفداه ‍
نرخص غلانا في غلا شخص نغليه
‍
نوقف معه مهما الخلائق تعداه ‍
لو نصرف أخر دمنا ما نخليه ‍

لان الوفاء والطيب والصدق مبداه ‍
وكل الصفات الطيبة تنوصف فيه ‍

وان عاكسه ظرفه وحظه تعداه ‍
ما ينحني راسه ولا هو يوطيه


اميره الورد

[الحمدان]

لو حصل من بيننا صدّ وجفا

شمس حبك في عيوني ما تغيب

وفي حنانك يا بعد عمري وفاء

فيك معنى الحب يا روحي يطيب

صادق شوقك وشوقي صفاء

لو تروح بعيد من قلبي قريب

في غرامك هام قلبي واكتفاء

في غيابك مشتعل مثل اللهيب

ومن عرفتك شوق قلبي ما طفاء

صدق إنّي وافي يا أغلى حبيب

صادق ما فيه مثلي بالوفاء

كنت أظن الشوق للبعد وحده

ولم أدر أن الشوق للبعد والقرب


أميرة الورد

[الحمدان]

اليا حضر في حضوره مايسر القلوب
حضور يجعل دجى الضلما عليّ أسفره

ينوب وأن غاب محدٍ عن غيابه ينوب
لاغبت يا العود لا أبو الجمر والمبخره

أميرة الورد

[الحمدان]

يضحك لنا النور وتغني لنا النسمه
‏مع كل طاري يجيب إحساس غيّابي

‏يسعد مساء الشعور الممتلي بسمه
‏ويسعد مساء الحنين لشوفة أحبابي

...

[الحمدان]

‏تعجبني الحكمه بصدر القوافي
‏لاقالها شاعر ولامس بها جرح

‏صدق الشعر يكتب وكنّه يشافي
‏ياخذك في صوره تبيّن لك الشرح

‏واحيان صافي بس ماهو بصافي
‏يحتاج له تحليل بالجمع والطرح

‏وحده من الثنتين والّا عوافي
‏اما هدم به صرح ولا بنا صرح

...

[الحمدان]

‏معذور لو تشتاق لك حاسة اللمس
معذور لو تشتاق لك حاسة الذوق

انت القمر ماني مشبهك بالشمس
ماطالعك غير الذي نظرته فوق

تبغى الحقيقه كل حواسي الخمس
تبغى وصالك يابعد كل مخلوق

...

[الحمدان]

‌‏مَثل ٱلخيآل ٱللي سگن عين إنسآن
‏حُبك سگن وَسط ٱلخفوُق وَگيآني

‏مشتآق لك وَٱلشوُق يبگي وَتعبآن
‏حتىٰ ٱلغــلاَ للعيـن قـآم وَشـگآنـي

...

[الحمدان]

‏تراني على ظن النشاما وربي فوق
ولانيب من صوب المطاليق متردي

اسوق القدم للطيب رغم المتاعب سوق
وتبطي ظروف الوقت مابيحت سدي

بقلمي

[الحمدان]

‏ليت الهواجيس في غي الدجى ترقد
وياليت عين الشقيء ماهيب وقاده

ما كل من غاب يَ ليل العنا يفقد
إلا مليك الضلوع وسـيد السادههَ

...

[الحمدان]

‏في وجودك للفرح مليون طيف
‏وفي غيابك للحزن مليون آآه

‏انت كل الكون يالقلب النظيف
‏وأنت كل الحب وزهور الحياه

...

[الحمدان]

يا من سكن في خـافق القلب وده
بعدك يسبب لي متاعيب واجروح

بحر الهــوى لا استاق جزره ومده
ابقا بقايا انسـان فاليم مجروح

مالـي على فـرقاك طاقه وحده
اكتب معاناتي لك اشروح واشروح

ناديت لك من قلب فيه الموده
وكتبت لك وانا من العشق مطروح

يامن يعذبني فراقه وبعده
‏او من يرد الروح لمفارق الروح

بيني وبينه حاجز الصمت عقده
‏لاهـو يجي يمي ولايمه اروح

حال الزمن مابين رخـيا وشده
وطابع الايام تاريخ مشروح

تساندك مده وتلقيك مده
بس الهوى احكامه لها اركان واصروح


أميرة الورد

[الحمدان]

حتى نسيم المساء رايق وهادي
كنه يقول الزين من غفوته بان

اللي حظـوره شـي ماهو بعادي
يسعد مساك اللي له الزين عنوان

...

[الحمدان]

‏حفظتها في خافقي حفظ المصلّي للصلاه
‏وداريت سمعتها وصنت العهد لأجل عيونها

‏تبغي الصحيح أحبها والحب نبراس الحياه
‏لاتنشدوني عن بنود العهد وش مضمونها

‏صدّيت عن كل البنات ومن دعاني قلت هاه
‏لبّيه ذاخرها لـ نبرتها وجرّ لحونها

...

[الحمدان]

النفوس خيول والخيل ما معه معدا
‏والبنادم فوقها لاعنان ولا لجام

‏مايسمي أي حاجة على طول المدى
‏يختلف بالتسمية كل شهر وكل عام

‏إن يبس ريقه يحارب على قطرة ندى
‏و إن روى عقب الظما يرفع شعار السلام

‏و أنت يا اللي كل ماجا من عيونك* فدى
‏من تباريح السهر لي دهاليز الهيام

‏غلطتك يوم الغلا راح بـ عيونك سدى
‏وغلطتي أصغر بواجد من عتاب وملام

‏مت أنادي ولا يرد لـ نداي إلا الصدى
‏ومت أكثر بـ الكلام وماهي بلحية كلام

‏كيف من كنت لـ هبوبه تمايل وتحدى
‏صرت لا من هب من شرق أخذت ورحت شام

‏كل شي يهون من ما حصلي ماعدى
‏أنك تسهرني الليل وتروح وتنام

‏مدري ميّت قلب من طيب ولا من ردى
‏هقوتي أنك ماتعرف الحلال من الحرام

‏ضحكتك يوم نتوادع و أنا مالي جدى
‏ماتهادت كثر ما زادت بـ قلبي حطام

‏لاتقول ختامها مسك ظنك بـ هدى
‏رد لي لوع البداية ولا مسك الختام

...

[الحمدان]

النفوس خيول والخيل ما معه معدا
‏والبنادم فوقها لاعنان ولا لجام

‏مايسمي أي حاجة على طول المدى
‏يختلف بالتسمية كل شهر وكل عام

‏إن يبس ريقه يحارب على قطرة ندى
‏و إن روى عقب الظما يرفع شعار السلام

‏و أنت يا اللي كل ماجا من عيونك* فدى
‏من تباريح السهر لي دهاليز الهيام

‏غلطتك يوم الغلا راح بـ عيونك سدى
‏وغلطتي أصغر بواجد من عتاب وملام

‏مت أنادي ولا يرد لـ نداي إلا الصدى
‏ومت أكثر بـ الكلام وماهي بلحية كلام

‏كيف من كنت لـ هبوبه تمايل وتحدى
‏صرت لا من هب من شرق أخذت ورحت شام

‏كل شي يهون من ما حصلي ماعدى
‏أنك تسهرني الليل وتروح وتنام

‏مدري ميّت قلب من طيب ولا من ردى
‏هقوتي أنك ماتعرف الحلال من الحرام

‏ضحكتك يوم نتوادع و أنا مالي جدى
‏ماتهادت كثر ما زادت بـ قلبي حطام

‏لاتقول ختامها مسك ظنك بـ هدى
‏رد لي لوع البداية ولا مسك الختام

...

[الحمدان]

‏كن في راسي وفودٍ يرقبون إذن الخليفه
‏خابرينه يكرم الشعار ويحب القصايد

‏لو تنطحت الهبوب إللي نسايمها خفيفه
‏ما إنجلا همً ورا الأضلاع يكبر ويتزايد

‏سقتها بحمولها لين أبركت بي فـ النصيفه
‏ما على الخلق إتكال ولا على الخلّاق كايد

...

[الحمدان]

‏دورة الايام مثل الرحى اللي تستدير
‏شي تسهم في وجُوده وشي تغيّره

‏واكثر الاحلام كحلٍ على الرمش القصير
‏الاصابع ترسمه والهبوب تطيّره

...

[الحمدان]

‏عطّ الليل فرصة من جديلك ياروح الروح
‏معك ودّي إن الشمس تشرق بعد بكره

‏أنا اشفق على لبّيه من صوتك المبحوح
‏لا حلّ الظلام وعوّد الطير في وكره

‏تحت عنقك الفارع ورى زرارك المفتوح
‏ما باقي عليّ إلّا ألحق السكره السكره

‏يغنّي على شباك دارك حمام الدوح
‏وأغنّي عليك البيت والقاف والفكره

...

[الحمدان]

ودّعوني كل مايسرق الشمس الغروب
‏المسا يحتاج عُزلة ونظرة عن كثَب

‏اتركوني كلّي بـ صوب والعالم بـ صوب
‏وارفعو عن طيش الاقلام والفكر العتَب

‏هاجسي كنّه يدور على باب الهروب
‏مايريّح لين ما ألقى على المطلع سبَب

‏عاد انا اللي كل ما طالت طوال الدروب
‏ما تحد ركاب صبري على ثني الركَب

‏كل ماعيّت تهيّا تباشييير النصوب
‏اتبسّم لـ المقابيل واصبر واحتسب

‏وأتغنّى فـ المواعيد ياخضر القلوب
‏لين اقرّب كل صدفة يميّلها الطرب

‏ياهنوفٍ دونها العمر ماهو بـ محسوب
‏الزعل تبّت يدينه وما جابت وتبّ

‏أقبلي مثل الهمايل على القاع الجدوب
‏وأوقفي لين أسرق النوم من شّط الهدب

‏وانثني مثل الخزامى ليا هبّت هبوب
‏وإثبتي مثل المواثيق مابين العرب

‏وإقلطي لاجابك الشوق فالصدر الرحوب
‏وهزّي جذوع القريحه تساقط لك كُتب

‏وعاتبيني كان ما ألبستك من الودّ ثوب
‏وإعذريني لو تماديت في ساعة غضب

‏والله إن ماني على كيّة الحب مْغصوب
‏مير ماعيّنت مثلك على الكون الرحب

‏لك كلام اعذب من الما ولك صوتٍ عذوب
‏يشهد الله كنّه العافيه عقب التعَب

‏ولي خفوقٍ عن محبّتك عيّا لايتوب
‏جنّته وصلك وفرقالك سوء المنقلب

...

[الحمدان]

ودّعوني كل مايسرق الشمس الغروب
‏المسا يحتاج عُزلة ونظرة عن كثَب

‏اتركوني كلّي بـ صوب والعالم بـ صوب
‏وارفعو عن طيش الاقلام والفكر العتَب

‏هاجسي كنّه يدور على باب الهروب
‏مايريّح لين ما ألقى على المطلع سبَب

‏عاد انا اللي كل ما طالت طوال الدروب
‏ما تحد ركاب صبري على ثني الركَب

‏كل ماعيّت تهيّا تباشييير النصوب
‏اتبسّم لـ المقابيل واصبر واحتسب

‏وأتغنّى فـ المواعيد ياخضر القلوب
‏لين اقرّب كل صدفة يميّلها الطرب

‏ياهنوفٍ دونها العمر ماهو بـ محسوب
‏الزعل تبّت يدينه وما جابت وتبّ

‏أقبلي مثل الهمايل على القاع الجدوب
‏وأوقفي لين أسرق النوم من شّط الهدب

‏وانثني مثل الخزامى ليا هبّت هبوب
‏وإثبتي مثل المواثيق مابين العرب

‏وإقلطي لاجابك الشوق فالصدر الرحوب
‏وهزّي جذوع القريحه تساقط لك كُتب

‏وعاتبيني كان ما ألبستك من الودّ ثوب
‏وإعذريني لو تماديت في ساعة غضب

‏والله إن ماني على كيّة الحب مْغصوب
‏مير ماعيّنت مثلك على الكون الرحب

‏لك كلام اعذب من الما ولك صوتٍ عذوب
‏يشهد الله كنّه العافيه عقب التعَب

‏ولي خفوقٍ عن محبّتك عيّا لايتوب
‏جنّته وصلك وفرقالك سوء المنقلب

...

[الحمدان]

‏لاتعاتبني ترى ما على مثلي ملاّم
‏والحبيب اللي يغيب مايغيب بلا سبب

‏والله انك لو تحاول اني أحكي ألف عام
‏بسكت ولو راعد الشوق في قلبي ضرب

‏والغياب اللي تشوفه ماهو من قل اهتمام
‏الغياب اللي تشوفه شخص من همه تعب

‏لاتبرر والعذر مّا عاد باقي له مقام
‏شخص حبك مايبي غيرك ولو غيرك عرب

...

[الحمدان]

‏الزمن يجري ومن يجري وراه
‏مايحصل حاجةٍ يرغب بها

‏اكتشفت من الحياة ان الحياة
‏مخلصة للي ماهوب يحبّها

...

[الحمدان]

‏مصدر الإقناع صدقك واعتدالك
‏والله اللي عنده اسباب الهداية

‏العقل ماهوب فوزك في جدالك
‏العقل ترك الجدال من البداية

...

[الحمدان]

‏ياحي من منهجه بالدين عدل وسوي
‏اخــــلاق الإســـلام فــاله دايم ٍفالها

‏وياحي قلب ٍعلى الايـــام عزمه قوي
‏روابعــــه ثــــابته كالارض واجــبالها

‏وياحي راس ٍيشوش لكل فعل حموي
‏الطيـــبه سلعته دايــــم ويسعى لها

‏النعـــم كلمه لها تأثيــــرها المعنوي
‏من ابسط حقوق من يتعب ويرقالها

...

[الحمدان]

ســود اللـــيالي علمتني حاجتين
‏ان الحــياه دروس والعيشه كفاح

‏ان حاربوني فـ النجاح الساقطين
‏اقول حرب الساقطين اكبر نجاح

...

[الحمدان]

‏يجر الحزن صوته ويبكي على ليلاه
‏وتمر الطواري كل نسّاي وتسلّم

‏ورى صدري علوم وورى خافقيوعزاه
‏وعلى غلطتي حتى المجانين تتعلّم

‏حصل لي معك موقّف من المستحيل أنساه
‏ومن المسَتحيل إني عن الموقف اتكلَم

...

[الحمدان]

‏الشارع اللي حالف ًحلف ماجيه
‏الله يسامحني على الحلف جيته

‏جابتني اشواقي لجل واحدن فيه
‏كله عشان امر وشوف بيته

...

[الحمدان]

‏تدري وش لي يضايقني ويزعجني
‏ويشب في وسط قلبي نار وهاجه

‏لاجاني الي بفعل الطيب محرجني
‏ثم قال محتاج وأنا مامعي حاجه

بقلمي

[الحمدان]

فضفضة....

إسم الضفدعة في تعز
دندغه
وإسمها في صنعاء
عقعقه
واسمها في إب
نقنقه
واسمها في صعده
قراره
واسمها بالمحويت
شفندقه


والمصيبه مش هنا
المصيبه ان كل واحد
يضحكك ع لهجة الثاني

[الحمدان]

‏ياويل قلبي منك ياكثر مغليك
اغلى من الدنيا ثراها وسماها

ياويل قلبي منك لأحل طاريك
نفسي وهي نفسي تشك بغلاها

انسى اسامي الناس واغلط واناديك
قلبي معك وكل الأسامي نساها

...

[الحمدان]

‏تدري أنك عندي أغلى من الغالي وزود
‏وان لك فالقلب جره ولك ماطى قدم

‏جعلني ماذوق حزنك وجعلك فالوجود
‏وجعلني ما أعتاض ولا خلا ولا عدم

...

[الحمدان]

‏السطور أوتار والريشه قلم
‏وأنت حرفك يعزف لـ قلبي كلام

‏لاكتبت غياب يقراك بألم
‏وإن عزفت حضور ردد ياسلام

...

[الحمدان]

‏نبض المشاعر يجذب القلب للقلب
من غير لاتنطق ولو كنت شاعر

والحب دمج ارواح ونتاجها حب
ومن يجهله مايستحق المشاعر

...

[الحمدان]

اليوم الوطني ٩٤ السعودي ⁩
‏⁧ نحلم ونحقق ⁩

‏💚🇸🇦💚
‏جديدي 2024
‏بمناسبة اليوم الوطني ٩٤
‏قصيدة ( مع حكامنا )

‏خبروا التاريـخَ عن هـذي البلادِ 🇸🇦
‏يقودُها سلمان الشهمٌ الطموحُ 💚

‏ياجبـال طويـق وجنـوب البلاد 🇸🇦
‏رؤيــة محمـد في العليـا تلـوحُ

[الحمدان]

أكتب قصيدي فيك وأشطب حروفي
أغار من شعري عليك أنت بالذات

وأحيان أحس الحرف ماعاد يوفي
لأنك بقلبي فوق كل العبارات

...

[الحمدان]

مشاعرنا ضحايا الصمت والڪتمان
‏وڪرامتنا تخـيرنا مابين أمرين

‏جميل الصبر والا نعمة النسيان
‏عسى ربي ما يحرمنـا من الثنتين

...

[الحمدان]

عالَم منافق
يكافِىء المجرم
ويُعاقِب الضحية
اعتذارات العالم أَجمع
لن تكفي خيبة إنسان خُذلتموه ياسادة
نـــدين نشجب نستنكر ننـــدد
إلى متى

وديني دِينُ عِـزٍ لستُ أدري
أذِلّـةُ قومِنا مِـنْ أَيـنَ جـاؤُوا

بقلمي

[الحمدان]

المحبوب مُستثنى حتى في الجراح
يقول مدغم أبو شيبة

أعذريني يوم اقابل طعونك بإرتياح
كيف لا والجرح مملوح والجارح مليح

وضيدان بن قضعان ايضًا قال
تحاليت الجروح اللي تجيني في يدينك لين
دريت أن كل جرحٍ في حشاي أغلى من الثاني

[الحمدان]

لغة العيون والشعراء ....

نظرة العين تنبي عن كنين الجوف
غط صدرك وعينك لاتغطيها
ملفي المورقي

ياكثر ما تلزم الصمت وعيونك تنوب
لحظةٍ فيها لسانك رهين الاعتقال
جابر النشيرا

قبل ليلين من ذا الليل شفت عيونك الثنتين
ودريت اني هذاك الليل اخر مره اشوفك
عبدالله ال لزيوح

متحلفٍ فالسـانه اِنه ما يـقول
وعـينَه ماخلت شيءٍ اِلا قالته
عُمر بن خلف بن هذال

خل الكلام من اللسان واخذ الكلام من العيون
اذا بغيت تترجم شعور العرب واحساسها
محمد الشمالي المري

[الحمدان]

ذكرته و انا أبادل يديني على الطاره
بدارٍ خلا و الخاطر أضيق من الدبله

هذي دار أبوه ودار جده وذي داره
سقى الله ليالي عنتر العبسي وعبله

...

[الحمدان]

علم الرسام لا يتعب يدينه
وعلم المرسوم ماله فيه حاجه

طاح في موقف عسى ربي يعينه
وحاول ايخبي عن الناس انزعاجه

واحتقر رسماته وخبرة سنينه
وحال خوفه دون فالرسم اندماجه

رسمته للمستحيل اكبر غبينه
مثل من يصلح تكسّار الزجاجه

مستحيل يجيب خشمه فوق عينه
ابتلش عاده يبي يرسم حجاجه

...

[الحمدان]

ياشينها لا صار خصمك قريبك
خصومته بين المعاليق تجرحك

إن طبت به ماشاف فعلك وطيبك
وإن شنت به عند الرياجيل يفضحك

...

[الحمدان]

‏من حلاها ماتوصفها الحروُف الابجديه
كيف توصّف وردةٍ يبري العلة شذاها

الورود تغار منها مزهرية مزهرية
وان تباهت عذرها معها يحق لها تباها

ما يشابها شبيه ولا يحاليها حلية
جل ربٍ يوم صورها فرقها عن سواها

...

[الحمدان]

أوعدك تلقاني جنبك وأحتويك
يوم غيرك كان حلمه أوعده

إيه أغار وما أبي احد يجيك
حتى ظلّك لو أطوله ببعده

قلبي مثل المملكه وإنت المليك
يعني قلبك واجب اني أسعده

ما أبيك تروح عنّي بس أبيك
تقرا أوّل بيت وإفهَم مقصده

...

[الحمدان]

أحمد الله مابقالي على الدنيا حسوف
الفرح يلقى شكر والحزن دفعة بلا

الليّالي علمتني وأنا طبعي عيوف
أرتجي ربّ الملا ماترجّيت الملا

والله إني ما تضيعف مع الناس الضعوف
أقفي ليا صار مالي لاقبول ولا غلا

...

[الحمدان]

الغيم مايحزن على موت الأشجار
والشمس تشرق لي وتشرق لـ غيري

والناس تتزاحم على شرب الأنهار
وانا مكفيني عن الناس بيري

ويوم الطيور تهاجر وتقطع إبحار
انا مبرقع داخل الصدر طيري

ماني لكل مضيّع دياره ديار
ولاهو ضروري كلِ يذوق خيري

انا فدى اللي ينتظرني على نار
ان غبت عنه مايعوضه غيري

...

[الحمدان]

ياراع الوساع السود يا ناسع الخمري
علي الحرام اني على شوفتك ضامي

خصال الجمال اليوسفيه يغلب امري
عذاب ٍعلى من حج لله ومن صامي

يا راسي ويا صلب عضامي وياعمري
يجيني بلا لاشفت صورتْك قدامي

اشوف الحياه اللي يغني لها القمري
على حاجبيك السود في دمك الشامي

...

[الحمدان]

مواري غلاك تبين ف عيوني الثنتين
وانا ودي اخفيها عن الناس واكتمها

ابعطيك نُبذه ممكن اتفيدك لـبعدين
قبل لا يغشاها الشوق والبعد ياسمها

مدامي اشوفك شي فارق عن الثانين
دروس الوفا والحب حاول تعلمها

بعيداً عن التغيير ياقبلة الحييّن
هنا اجمل محطاتك وحقي ارممها

...

[الحمدان]

ياليت الزمن يرجع معي يوم كنت صغير
الأحلام محدوده والايام تقزيره

ماكنت أتضايق ضيقه اللي غدا له طير
في جو خلا موحش ولا حولهم ديره

على اللي تعبت انسى غلاه وتعبت اسير
على جرته من يوم قفت مظاهيره

حداني على شينين بالموت بالتهجير
بعد كنت في بيت الغلا اغلى مساييره

...

[الحمدان]

اكبر خطا واكثر غباء فـ المحبه
انك تحب انسان قد جربّ الحب

اما قعدت تشكّ فـ اللي يحبه
واﻻ اعترف لك عاد ذي مالها طب

...

[الحمدان]

ماعاد لي خاطر ولا عاد لي نفس
ولا قمت أدور وصل من لا يجيني

من قرب بخطوه أقرب له بخمس
و من هو تغير عمد لا يحتريني

...

[الحمدان]

أنا وعمري وكل وجهاتي فدى
لـ عيونك من أول هدب لاخر هدب

أسهل من غيابك ومن طول المدى
جرحً ينوش الكبد بالسيف الحدب

وشلون اصد أي والله إن مالي جدى
كلك نظر كلك خجل كلك ادب

...

[الحمدان]

رحت انا ويا الهواجيس في روح وتعال
القوافي شيّبت والنصوص مقوله

كل ما لديت فالنايفات من الجبال
شفت جرة شرهتي طالعه ومحوّله

...

[الحمدان]

التمادي كسر خاطر والوقوف اجباري
والرجوع ارخص ثمن من عمري اللي سقته

وانت ماعادك بالاول وانا قدني داري
حتى عطرك لو يسولف عنك ماصدقته

ياجديد الشعر والا ياقديم اخباري
لايموت الحب خل الحب ياخذ وقته

بري حالي منك مدري وش يجيب الطاري
وانت حلمٍ لاعتق روحي ولا حققته

...

[الحمدان]

يا مقهوي قهوني جعل كيفك ما يهان
الصداع اللي عبث بالخلايا وقفه

صب لي فنجال قهوة بريح الزعفران
والقبس يلهب وصفر الدلال مطرفة

قهوةً ماهي من ستاربكس ومن كيان
مدري اغلبها من ايات نوع مؤلفة

...

[الحمدان]

مال الشجاعه عمر وانتي كبيره
نظراتك بوجه العدا سيف ذبـاح

لو كان ما عندك جيوش وذخيره
من قو باسك شوكتك صارت سلاح

...

[الحمدان]

من تولع له بـ غيداً نسبها يستثير
لا تقول انه مع الوقت يمكنه يمل

أسمها من اربع حروف شرً مستطير
مقبرة عدوان الاسلام وشيوخ الشمل

فارقه بـ الطول والعنق والوجه النظير
كنها غزيزة الشيخ فالذود الهمل

زينها ماهوب يعرف كبير ولا صغير
في هواها تشبك الحر وتسوق الجمل

...

[الحمدان]

حتى لو ان الضيق ماله مواثيق
ماتوقف الأيام بـ اسباب ضيقه

تضيق ثم تضيق وتضيق وتضيق
لكن فرجها عند ربي بـ دقيقه

...

[الحمدان]

عذرك تحبين القصايد وعذري
انك طموحات القلوب النبيله

أنا اختصرت الناس بـ إبداع شعري
وأنتي اختصرتي كل أنثى جميله

...

[الحمدان]

لاتطري الفرقا ولو كنت مزاح
فيني من فراق المحبين خرعه

تبي تأكد من كلامي وترتاح
اطر الفراق وشوف وجهي بسرعه

...

[الحمدان]

كم غايب ماغاب ذكره عن البال
وكم حاضر يشبه حضوره غيابه

ماكل من يبعد عن العين ننساه
بعض البشر طيبه يعوض مكانه

...

[الحمدان]

من شرب من سم لذّات الغرايم
مانفعه وصفة طبيب وصوت قاري
مطحس بن حمد

لا وأهني قلبٍ من الحب مصدوف
ما ذاق لذات الغرام وعذابه
سعود بن جمعان

[الحمدان]

جوارحي للغياب المرّ مضطرّه
والوصل مانيب فيه اليوم متجوّد
ٰ
ان كانك تروح مرّه وتحضر مرّه
انا اقدر اروح لكن ماقدر اعوّد

...

[الحمدان]

اخفيت وجه الحزن وظهرت وجهٍ ضحوك
‏ وجبرت نفسي على تمثيل بعض الوجيه

‏احيان تِجبر على تمثيل بعض السلوك
‏تظهر بمظهر ماهو مظهرك لو ماتبيه

...

[الحمدان]

أهديتك الحلم وأنت أهديت حرمانك
‏إلى متى وأنت في حزني تسـاومني

‏هذي سوايا الغياب وهذي أحزانك
‏وهذا شتات الخفـوق اللي تقاسمني

‏تبقى المواجع معاك ويبقى تحنانك
‏وتبقى أنت عندي أعزّ إنسـان ظالمني

...

[الحمدان]

مدح النشاما واجب دون مصلوح
والا الردي مامدحه لو هو بنا خي

نمدح رجال بالفخر تبني صروح
‏ربع على كبد الردي تنجح الكي

بقلمي

[الحمدان]

‌‌‌‎بانت خفايا ناس كانوا عزيزين
‌‌‌‎جابت لنا الايام ما كان فيهم

‌‌‌‎ماني معاتبهم عتاب المحبين
‌‌‌‎الله يسامحهم ويستر عليهم

...

[الحمدان]

اللي يبي ودك وقربك ورضاك
يدور لك العذر لو بغلى بضاعه

واللي يبي صدك وبعدك وفرقاك
يدور لك الزله عشان القطاعه

...

[الحمدان]

ترا الغلا لا صار كله مكابر
ينعاف لو راعيه بالحيل غالي

بقلمي

[الحمدان]

وشلون أسج القدم وأرتاح من كل ضيق
ومساحة الضيقه أوسع من فجوج اوطني

الضحكه الدايمة في مبسمي ماتليق
كنها قصيدة فقيرٍ مشتريها غني

...

[الحمدان]

كوت قلبي اللي قبل لاينكوي مجروح
واحبها واحب جروحها واعتذر عنها

وهي كلما تبرى جروحي تحط جروح
واجيها واداوي جروح قلبي واطمّنها

رغم ذلك يتسائل :
لكن عقب فرقاها ليّا غبت وين اروح
وانا كلما يكفخ خيالي تزينها

...

[الحمدان]

صَرت أَهاب المَساء وَالشّمس عند الزّوال
تَـاخـذ الـقَـلْـب في مَــنـها وَحـالة عَـزل

وأوصل لَـكـل مَـا فـيـني يَـنـادي تَـعال
لَـيتـك تَـشوف الـشَّوق بَــداخلي مَـخْتزل

مَـن يـقول الـمَفـارق في الـمَحبه حَـلال
وَالله أَنّــه حَــرام وَ منّـه حَــالـي هَـزل

...

[الحمدان]

غرو كساه الجمال وزاده عذوبه
ومن الحلا كن وجهه سكر زياده

بياض غر السحاب وطلت نصوبه
من حسن وجهه خذا حكمه مع اسناده

ونور القمر من جماله بان عذروبه
ياخذ على احلا معاني وصفه سياده

صارت حقوق الحلا في الناس مسلوبه
من كثر ما الله من اوصاف الحسن زاده

...

[الحمدان]

بين القلب والعقل اتأرجح قائله :

أتوه ونصي مهتدي والنص الاخر ضال
تجاذبني طقوسي بين مرفوضه ومرغوبه

[الحمدان]

وعن الإدراك المروع قالو :

ذخرتك طلقةٍ ترمى بصدر الصّاحب الكذّاب
لعل سلاحي موجّه على صدري وشرياني

[الحمدان]

من نوادر الشاعر فلاح القرقاح :

تعال خاشرني ترا الحي للحيّ
الخير خير الله ماهوب خيري

[الحمدان]

من عذرهن بنات جيلك يغارون
انتي حدث محدٍ تخيل حدوثه

وما لومهم لو كان عنك يصدون
دام بحضورك يفقدن الانوثه

...

[الحمدان]

‏يا أم آلأنوثه والدلع والنعومه
مشتاق أبزرع في يدينك حناني

أنتي حرام أصلا تجيك الامومه
تبقين طفله من دلعه تعاني

...

[الحمدان]

للزين والحسن والأخلاق مضرب مثال
عن باقي العالم أغنتني وأنا أغنيتها

ما اقول انا كامله لله وصف الكمال
لكنّها أجمل بعد ممّا تمنّيتها

...

[الحمدان]

قيل عن طيبة الخاطر :

‏والله لو تجلس على رمش عيني
‏ماعاد اشوفك مثل ما كنت اشوفك
‏
ياساتر يالصده

[الحمدان]

جادل ربي حباها في ملامح يوسفيه
عنق وإلا خصر وإلا يادخيل المستعان

إن تهادت في خطاها تسلب العقل برويه
وإن تثنت شحت كفي وش بقى للخيزران

...

[الحمدان]

العتب مايلحقك يلحق بياض أحلامي
‏ قبل أعرف إن الدروب إللي تجيب تودّي

‏ ذاخرك توقف معي لاوقفوا قدامي
‏ وأثرك أول من تردى بي ووقف ضدّي

‏كنت أعدك بـ المواقف بندقي وحزامي
‏ وأثر ما إنت بقد وقفاتي ولا إنت بقدّي

...

[الحمدان]

ليه طيحت قدرك من غلاي وعيوني
‏ليه نزلت نفسك وانت عالي مكان

‏فيك ما خاب ظني فيك خابت ظنوني
‏لا ولا عاد شيء بعدك اسمه أمان

...

[الحمدان]

من لا وزن كلمته من قبل ينطقها
تجيه له كلمةٍ ماهي بموزونه

ومن لاحفظ طلقته في بطن بندقها
بنادق الناس ماهي دوم مامونه

...