فوق هام السحب ( الشعر الشعبي) على متن القوافي

[الحمدان]

‏احب الرفيق اللي يسير بلا ميعاد
‏ واحب الشجاع اللي خصومه يهابونه

.....

[الحمدان]

‏ياطواري الوجد والشوق والليل الطويل
‏كيف اجاري دمع عيني وانا قلبي يذوب

‏خلني في بحر حبك ما ابي بحر الخليل
‏في كنف صدر المشاعر وبالبال الرحوب

.....

[الحمدان]

الـــــود لايـطلبْ ولاينعطــــى جبر
‏إن كان مـاسـاقـه لـهيب المـشـاعـر

‏من عُـقب لهفة شوق ومجالد وصبر
‏وأحساس مُرهف يجعل القلب شاعر

.....

[الحمدان]

‏أنت لي في صبح الأشواق تعديلة مزاج
‏كن صوتك لا أصبح الصبح فنجال قهوه

.....

[الحمدان]

‏فعيوننا عند لحظات الوداع إشتياق
‏إذا حصل بيننا اللي ما نبيه يحصل

‏انـظر لي بنظرة اللي يكرهون الفراق
‏وانظر لك بنظرة اللي يعشقون الوصل
‏
بدر بندر

[الحمدان]

لاتقوم تحط نفسك تحت رحمة حظك
اجتهد وان طاح حظك حط رجلك فوقه

.....

[الحمدان]

‏الظروف تفر راسي وانا بالي طويل
‏ما ذبلت عزوم نفسي ولا ذليتھا

‏الليالي ما عطتني سوى الشي القليل
‏بس روحي من قليل العطا اغنيتها

.....

[الحمدان]

‏تهز البدن كلمه تجي من عديم شعور
‏ويقفي ولا يدري وش أتلى عواقبها

.....

[الحمدان]

‏مؤمن بالقدر والصبر إتخاذي
‏ما بعد ضيق الصدور إلا سعتها

‏وش يحزّن خاطري والارض هذي
‏كل حي ٍفوقها يرجع تحتها

.....

[الحمدان]

‏عسى الأفراح في قلبي وكل الخير في دربي
‏وتبقى دايم بوجهي ملامح فرحتي حيه

آمين

[الحمدان]

من المَاسي كل يومّ الحظ عَيا مايقوممِ
في كل ليله انتظرَ فرحه تنسَيني الهموم

.....

[الحمدان]

لا تمد لكل واحد غير حقه
البن ادم لا لقى الزود يتعدى

.....

[الحمدان]

كم خاب ظنن كنت اظنه مايخيب
وكم باروا الاصحاب فينا للاسف

وكم صالفت بقعا عساها للذهيب
وفي عز شدتها قلبناها ترف

مساعد الرشيدي

[الحمدان]

‏عليك السلام وكل ماجيت لك سلّمت
سلام العفيف اللي يحبك على الفطره

.....

[الحمدان]

أكتب غلاك بصفحة الطيب والجود
على الوفاء يا صاحبـي ما نسيتك

وأنا الذي في صحبتك حيل محسود
لو تطلب عيـوني وروحي عطيتك

.....

[الحمدان]

يارب يسرها على كل ضايق
ورفع ستار الهم عن كل محزون

لو كان في درب السعادة عوائق
تهون مع رحمتك يا خالق الكون

آمين

[الحمدان]

‏عقب الغلا ومزارق الطيب بالطيب
‏صار الغلا والطيب ذكرى قديمه

‌‏الله يعين اللي جروحه معاطيب
‏وباقي على مبدأ وشيمه وقيمه

.....

[الحمدان]

‏الحب لك يالروح أكثر من أحساس
‏والعشق لك فى القلب حتى مماتي

‏أنا معك انسان عارف ولي احساس
‏وأنا بغير انسان فاقد حياتي

.....

[الحمدان]

يا كثر مافي شعوري حنين وذكريات
‏كثر ما سرّيت قلبي بطاريك وسريت

‏يا نديم الشاعرية وروح المفردات
‏ما بعد يا وجد روحي عليك إلا ياليت

‏البيوت اللي تعلّمك عن معنى الحياة
‏لو تحس بصادق احساسها كان استحيت

‏يوم ودّعنا بعضنا وحسيت بشتات
‏اذكر اني بعدها مانمت لكن | ما صحيت

‏توّي اصحى يا حبيبي بعد طول السبات
‏اثرني ميّت من الشوق وأنا ما دريت

.....

[الحمدان]

‏معك عشت إنتصار ومنك ذقت انهزام
‏وفيك صغت الحروف وعنك ردّيتها

‏كل طعنة بصدري مثل طعن الحسام
‏كنت خايف تسوّيها وسوّيتها

‏وكل فرصة عذر مرّت مرور الكرام
‏كنت اظنّك تغانمها وخلّيتها

‏أنت مثل الحياة الفانية بالتمام
‏عارف إني بخلّيها وحبّيتها

.....

[الحمدان]

‏شبّهوا وجهك ببدرٍ تجلى وسط ليل
‏وقالوا أحلى منك بشوي قلت مْفارقه

‏ما لـ زينك يا حبيبي شبيه ولا مثيل
‏كنك من جْنان ربي تعالى سارقه

.....

[الحمدان]

‏لا تهز المشاعر في سُبات الكلام
‏قيمة الصمت اثمن من لذيذ الحكي

‏مابقى بالعواطف غير جرح وملام
‏ومابقى بالمحاجر غير غصة بكي

.....

[الحمدان]

‏بين مجدول الحرير وبين رمشٍ ساهي
‏يمكن يحجب الضيا لو ما تردّه يدها

‏ضاعت آمال وطموح الشاعر المتباهي
‏قبل ترجع رجعة الضحكة على فاقدها

‏قالت اني مثل غيري و أربعين أشباهي
‏قلت وأنا أسوّي الأبيات و أرددها

‏من كتبت الشعر بك يا ام الجمال الباهي
‏كل ما سمعتهم بيتين قالو عدها

.....

[الحمدان]

لا يا بعد كل الوجيه الصادقه والأقنعه
‏ في ضحكتك كم زهرةٍ توُرق وكم بارق يلوح

‏ أنت الفصول الأربعه وأنت الجهات الأربعه
‏ وأنا ليا مني بغيت أروح منّك وين أروح

.....

[الحمدان]

القلوب اللي مشاعرها رهيفه
تختلف لاهزها شعر الهواوي

والهوى لاجات نسماته لطيفه
عالجت قلب عجز فيه المداوي

.....

[الحمدان]

كل ما مريت في شارع حبيبي
لفتي يمناي وعيوني شمال

ليتنا جيران او ليته قريبي
ليته من اعمام والا من خوال

.....

[الحمدان]

عن كل درب عليه النفس أماره
تردنا شيمة الشيبان ولحاها

.....

[الحمدان]

سمح المحيّا لاضحك ينجلي الهم
‏جامعٍ تواصيف الرضّا في حلاياه

.....

[الحمدان]

زينها لا جت تمخطر في المدى
تمشي وهيبه والهدب فوق العيون

تمشي على ساسٍ من العز اعتدى
ولا التواضع في خطاها مهانون

الإبل تاج البوادي والمدا
زين العطا والطيب فيها مكنون

كم شاعرٍ كتب الغلا فيها ندى
وكم بدويٍ دونها ما يستكين

رفقة سفر وكنز عزٍ ما بدا
ورمز الصبر وطيبها ما له ثمن

فيها الأمانة والوفا والمرشدا
وفيها الأصالة والعرب فيها يزين

إن قلت فزعة هي لها درب العدا
وإن قلت زينة زينها ما له قرين

تبقى الإبل فخر السنين اللي مضى
وسنا العرب من ماضيٍ ما له ظنين

.....

[الحمدان]

ياروح روحي مهجة الروح تفداك
راحت على مركب غرامك وساقه

.....

[الحمدان]

يالله عسى لجواد من زود في زود
والله يديم العافيه في بدنها

آمين

[الحمدان]

‏في وجودك ماتضيع إلا الجُمل
‏وفي غيابك كل مافيني معاك

‏ماحدٍ يشبهك في لون وشكل
‏ الله اللي جملك والله عطاك

.....

[الحمدان]

‏لولا صواديف الزمـان الثقيلات
‏ماينعرف طيب العرب من رداها

‏مشكور ياوقت ٍغـدا فيه ميلات*
‏عرفتني بـالناس وش هو مداها

.....

[الحمدان]

‏لولا صواديف الزمـان الثقيلات
‏ماينعرف طيب العرب من رداها

‏مشكور ياوقت ٍغـدا فيه ميلات
‏عرفتني بـالناس وش هو مداها

.....

[الحمدان]

يازلف يتغاوى ويا الليل
بطراف الكصيبه

هاك روحي الماغفت
بالطيف مامره حبيبه

هاك جرحي الماتعطب
وانتَ عطابه ولهيبه

شعر عراقي

[الحمدان]

سريت مسرى اللي على الخط مانام
مغرم وساري له على صوت نبره

.....

[الحمدان]

‏اذا تبي الصحبه مع اصحابك تدوم
‏ولك عـندهم قـدر وقبـول ومعـزه

‏ابعد عن التجريح والعـذل واللـوم
‏والزيـن جـب طـاريه والشـين وزه

‏مافيه مخلوق من الذنب معصـوم
‏ولا بــه بشــر عن الخطــايا منــزه

.....

[الحمدان]

كنت اقول السُكوت انه علامة رضى
لين سكتني الواقع وانا مارضيت

.....

[الحمدان]

‏وش المحبه دون وصل المحبين
ووش المواصل دون شوق الحبايب

ترى المحبه تقسم القلب نصفين
وعزي لمن نصفه غدا اليوم غايب

.....

[الحمدان]

اشوفَك بالدروب وفي الملامـّح كل يوم تبيّن
واحس ان الخطاوي كلها صوبِّـك تودينـي

.....

[الحمدان]

الوجيه اللي تمر تمر ماتغويني
ماتحرك غافية صدري ولا سماره

غير وجهٍكٍ ضحكته تلزمني وتعنيني
فاقدها ومعلق الضحكه على مسياره

يبتدي فيها الشعور وينتهي به فيني
كنها تمرالشعور في قلبي ويختاره

.....

[الحمدان]

‏تدري احبك حـب زايــد على الناس
‏واحبك اكثــــر مــن محبـة حياتي

‏ربي زرع حُبــك بقلبي من احساس
‏وزرع غرامـــك فـي كيانــي وذاتي

‏فطره من الله مابها سحر طلماس
‏ولاهو مجـــرد هــرج قاله شفاتي

‏حُبك وربي في الحشا ماله اقياس
‏ولااستطيـــع احكيه في مفرداتي

.....

[الحمدان]

الحُب عِند الناس كلمه وحَرفين
والحُب عندييَ له معـانيي ثِمينهه

.....

[الحمدان]

والله اني كل ماشفت بالعتمه قمر
‏اتخيل وجهك الزين لامنه ضحك

.....

[الحمدان]

مات الشغف والجرح بالقلب مامات
تو انتظـارك واللـيالي ممله

ارقب ظهورك كلما غبت با الذات
وكل غايب له مشاعر تدله

حاولت الملم من شتاتي لك اوقات
ياخل طبعك ماترفق بخله

ياما شكيتك جرح الاهمال بـساكات
وكل مره بسمتك تستغله

كم قلت لك كل الفرص لايدك جات
قلبي يحبك لاتحاول تذله

واهملـت ودي لين ما كل شـي فات
وانهيت فينا ماضي الحب كله

مات الهوى لخصت لك مجمل ابيات
من غاب لا يرجع يدور محله

.....

[الحمدان]

طال انتظارك وانطفا فيني الشوق
وارهقني اهـمالك بطـول انتظارك

اشتاق لك ورفع يدي للـذي فوق
يحميك واتنهــد على ما جـرالك

وازهـد بــعفه ما تــراها بمـخلوق
كـل امنياتي والــسعادة جـوارك

.....

[الحمدان]

البخيل اللي يمينه كنها مشلولة
‏لاتحـدونه على الدلة ولاصبتها

‏مايمد الكف رجٌـالٍ يده مغلولة
‏بتر مفصلها عليه اخف من مدتها

.....

[الحمدان]

أنت وحدك تستفزّ الصمّت وتردّ الطواري
‏ما قدرت ألدّ لك تقدير وإلا أصدّ شيمة

‏ما عليّ من الجفاف إن طالت يدينه دياري
‏وين ما لدّيت أشوفك نوض بَرق ووبل غيمة

.....

[الحمدان]

الهادي الله والعمر ما يعاضي
والتربيه ما تنحصر في هل البيت

ياتي من العربيد شيخٍ وقاضي
وياتي من عيال المراجل سرابيت

.....

[الحمدان]

الله الله يالدروب المستقيمة
‏كيف أجادل واحدٍ ماهوب قدّي

‏شرهة العاقل على النفس الكريمة
‏وأحتفظ بالرد في مزحي وجدّي

‏يفرح الجاهل ويحسبها هزيمة
‏ما درى عيني لمثله ماتلدّي

‏صدّتي من بعض خلق الله غنيمة
‏ما يوالف قلبي القلب المصدّي

.....

[الحمدان]

حق الاخْــــوّه مثل حق الابُــــوّه
اوصى به الله في الكتاب السماوي

ولا ينزّل قدرها من عــلُـوّه
غير الذي راسه من العقل خاوي

الحقد في صدر ابن آدم عُبُوة
إذا تِفَـجّـر به تِفَـجّـر بَـلاوي

والــود بلسم كل دَاوي ودُوّه
لِمَـن معه في القـلب دُوّه وداَوي

.....

[الحمدان]

من تمنيته تمنا لي الفنا
بعدما افنيت المشاعر في هواه

ما توقعت المتاعب والعنا
تتا تجي من شخص ما ودي سواه

.....

[الحمدان]

ماني ولد شيخ يحل المناشيب
ولاني ولد تاجر ترزه فلوسه

انا ولد رجال قليل العذاريب
تقرا معاني المرجله من جلوسه

.....

[الحمدان]

‏ليه اجادل كل ناقص عقل يتعبني جداله
يفهم الكلمه خطا ويخلي الموضوع سيره

.....

[الحمدان]

‏يامساء الشوق والقلب الحنون
‏يا مسـائـي فيــك يا أحلا مسـا

‏لو تضيق الأرض شلتك بالعيون
‏ولـو نساك الكـون قلبي مانسـا

.....

[الحمدان]

‏مامر لي طاري علــى درب بالك
ياللي علــى بالي تسابق طواريك

قصدي أسالك بس وشلون حالك
ان كان طيب جعل يفداك مغليك

.....

[الحمدان]

كل العرب دوني وخلفي وحولي
محدٍ عطيته بالغلا نص ما جاك

.....

[الحمدان]

‏طوّل وسجلته على الكشف تاخير
يمكن حداه العارض الي حداني

لكن مواري صدته هالسنه غير
والا قبل لو زَعـل رد ابثواني

معقوله ان الي حصل كان تخدير
يـبغى يـنسيـنـي وراح ونساني

لكن على ماقيل يالله عسى خير
مالله كتب لمواصله عمر ثاني

.....

[الحمدان]

‏ أنتِ إللي في جمالك هزيمة وإنتصار
‏ونظرة عيونك طبيعي تحسم المعركة

.....

[الحمدان]

من غـلاتك ما اقـارن بك احد
إنت في كفه وغيرك في كفوف

مايطـيب الجو ويصفا لي ابد
غير فـي قربك ولو حولي ألوف

.....

[الحمدان]

لا تزعل من اللي يخيب هقاويك
بعض الاوادم تكتشفها المواقف

.....

[الحمدان]

خــوفي من الله وإتكالي على الله
‏لا خــايــفٍ هــذا ولا راجيـــاً ذاك

‏يا خـــالقــي يرجعلك الامــر كـله
‏المــد مــدك والعــطايا عــطاياك

سبحانه

[الحمدان]

وتـ‌مـ‌ر فــي بالـي مثـ‌ل الغـالـي اﻟمـيـت ‏
لا اﻟمــ‌وت نـقـ‌ص غـلاه و لا الغــلا رده

.....

[الحمدان]

صمت الغلا في داخلي يكتب أبيات
عيت قوافي الشعر تعرف بحرها

أصدق كلام الحب لاصار دمعات
واصدق دموع الحب لحظة سهرها

.....

[الحمدان]

‏غفلت عن عمري وسايرت الأيام
‏والعمر مثل العصر والعصر فوات

‏وكسبت من كثرالاماني والأحلام
‏حلمٍ تعلق لا تحقق ولا مات

.....

[الحمدان]

على الراحلين اللي بقى ذكرهم ماراح
سلام الفؤاد اللي يسلم وهو صآدق

.....

[الحمدان]

يابوي بشرني عسى القبر ممطور
جانا المطر بشر عسى خيره اسقاك

وعسى البرد حبه على القبر منثور
بشر عسى جنة هل الخلد مثواك

رحمه الله

[الحمدان]

ذنبك على جنبك ولا لي شغل فيك
ما دام مأنت بتستمع للنصيحه

كل ما نصحتك تحسب اني معاديك
وانا اشوف انياب حولك كليحه

قال المثل خلك مع من يبكيك
من يضحكك دوّر عليك الفضيحه

.....

[الحمدان]

تركت وجيه خلاني وراي وجيتك من أقصاي
‏وأنا بعض الوجيه اليا شريته ماقدر أبيعه
‏ٰ
‏أدس اسمك عن أطراف الحديث وتفضحه دعواي
‏ وتهتف له عروق القلب وتجدّد له البيعة

.....

[الحمدان]

ياعديل الروح وش لك بالظلايم
‏ليه تفتح للجفى بابٍ مسكر

‏كبروا راسك مناديب النمايم
‏غييروك وجوك الصافي تعكر

‏غرك اني ماتسمع فيك لايم
‏من مجاميع المؤنث والمذكر

‏وتحسب ان قلبي ملكته ملك دايم
‏يوم شفته لا يخوون ولا تنكر

‏انتبه من سجة القلب المهايم
‏لا نسى ينسى ولا عاد يتذكر

.....

[الحمدان]

سوالفه من حرير وضحكته ونسه
‏رقراق نهرٍ على طول السنه يجري

مساعد الرشيدي

[الحمدان]

‏انا ويّاك رحنا والزمن اللي جمعنا راح
‏ولكن ذكرياتك من خيالي وش يروّحها

‏صورك استوطنت ذاكرتي وعاشت بسبع ارواح
‏لو يطول الزمن مايقدر يشوّه ملامحها

.....

[الحمدان]

أنا بين التجاهل والضجيج ودوشة الإدراك
‏ أفتّش عن مفاتيح الطريق وألقاك قدامي

.....

[الحمدان]

ابي طريق بدون نقطه ورادار
‏بابعد عن الازعاج واروح سيده

‏من ضجّة العالم ومن زحمة الدار
‏زاد الملل والصبر على الحديده

‏خلوني اطلع يا طويلين الاعمار
‏لين الخيال الواسع افك قيده

‏واليا سريت مع الطواري والافكار
‏اما رجعت بجرح ولا قصيده

.....

[الحمدان]

تسلفت الحقايق مابكيت ولا ضحك لي ناب
‏أشوف أنك كلامٍ ما معي قوة على قوله

‏ماهو من طبعي أمل المدينة وأتبع الغيّاب
‏أنا يوم إني أتبع ضحكتك لي عام وشهوله

.....

[الحمدان]

يا عيد من فيض المشاعر والإحساس
زف الـتـهـانـي بــالـحـروف الـجـزيـلـه

لـ اهـل الـشهامه والوفاء خيرة الناس
الأصــدقــاء طـــب الـقـلـوب الـعـلـيله

سـلم عـليهم مـني اخـماس واسـداس
واجــمـل تـحـية للـرجـال الأصـيـلة

ذي قـدرهـم يعلى على العيـن والراس
ولـــهــم بــوجـــدانـي مــآثــــر جمـيلـه

.....

[الحمدان]

لا تنتظِرْ مِن غيرِ نفسِكَ داعمًا
فالنَّفسُ أوفَى مَن أعانَ وحرَّضَا

.....

[الحمدان]

شعر ليبي...

عندى عقل زعال حواس تاعبنى امعاه بخياله

مالبخت قاسى الراس وعنيد راى ما ينفتاله

ينشد على كل شى قصقاص حتى الوطن عاتب اطلاله

عليش ساكتات وخلاص مايحكن عللى ماجراله

نهار فيك ثاب الرصاص من سيبه ومن مشاله

على رقدوا نوم البساس وعاد ياكلو من الزباله

نين هلبوا أوقات الحساس واليوم وطنا هم أبطاله

هم فعلهم فعل الانجاس سرق وكذب وتناله

حلال دفنهم تحت ترباس عليهم اتسكر أقفاله

يقضوا عمارهم جوا حباس جزاهم اصحاب الرزاله

الحق حق والحق لا باس والحق ينحكابه قباله

عالحمد كثر العطاس والباطل طغا عالعداله

وراه المركب بكثر رياس راح بالبناخى وخاله

صالح بوعياد الله يرحمه

[الحمدان]

يالله عساني مع نبيك والأبرار
في ساعة كلٍ يعدد ذنوبه

مخطين واجد و انتعوذ من النار
يارب عفوك والهدى والمتوبه

آمين

[الحمدان]

من يزرع العزة يحوش المحاصيل
‏ومن يرخي الهامه وطته الحسايف

‏ماعادت الأمداح نار ومعاميل
‏وسوالف جدودٍ حطبها طرايف

‏صناعة التاريخ في ذاكرة جيل
‏فعل وطموح وبعد فكر وكلايف

.....

[الحمدان]

لاترهق افكارك ولا تسرح بعيد
‏الشمس تفضح ماخفا بشروقها

‏ازرع بوقتك طيب وأنت المستفيد
‏الطيب شجره ماتموت اعروقها

.....

[الحمدان]

هلا بالكال اجيك وراح مايه
نطرته وما وصل للريج مايه

هلا بالعندي يسوى اعدال ميه
بجفن واتنطره يسلم عليه

شعر عراقي

[الحمدان]

عقب الغياب اللي تبرره الليالي والظروف
سلام تسليمة وفا من غايب عذره معه

.....

[الحمدان]

‏عسى ايامي في نواصيها الفرح معقود
‏عسى حظَّي ليا كبرت يجمِّلني بمواقيفه

.....

[الحمدان]

طال عمر الجرح ياعمّر الزهور
والربيع أن مات مافيد المطر

ذبـلت اغصاني ولابه اي نور
يضوي ايامي اذا غاب القمر

واقفه والأرض من حولي تدور
ترجف ايديني اذا طيفه حضر

اتثاقل خطوتي بكل الأمور
خايفه لا اشوف وجهه بالبشر

كان لي حلم وعلاقات وحضور
وكان لي قلبٍ عشى فيه الدهر

عاتبوني يحسبونه من غرور
انـعزالي كان من طعنة غدر

قلت اجبر ماتبقى من كسور
وأنقضى عمري ولاشي انجبر

نجد

[الحمدان]

مانت اول اللي غاب عني بشدّه
انت اول اللي ما توقعت فِرقاك

سبحان من شَيّد غلانا وهدّه
وسبحان من قوا عزومي وقواك

بعض الشعور اكبر من الشعر عدّه
تركته بصدري يجاور خطاياك

واليا طرالك وصلنا بعد مدّه
خل المواصِل دعوة في مصلاك

.....

[الحمدان]

‏ليه اشغل التفكير بالربح والربح
‏عند اللي لوجهه اصلي صلاتي

‏يارب ترزقني معَ طلعة الصبح
‏رزقٍ تغيّر فيه مجرى حياتي

آمين

[الحمدان]

كبرت ومامعك غير القلم والفكر والقرطاس
وبيتٍ مابقى من روحه إلا هالة سراجه

تعبت وقلبك المؤمن يناجي جرحك الخنّاس
لا يكشف عورة أوجاعك مادام الناس هراجه

تعبت تشوف وجهك في عيون الحزن والجلاس
تعبت تصارع المجد التليد وعاتي أمواجه

تعبت وريح همّك في ضلوعك تقرع الأجراس
تعبت وحلمك المنفي بجوفك تلمح إحراجه

تمرك سالف الذكرى ويجرح خاطرك لا باس
وتركض في مسافات السنين وتلعن الحاجه

وتاصل لآخر حدود المواجع ناحلٍ حسّاس
تهزّك نسمة الماضي وحلمك يسحب أدراجه

.....

[الحمدان]

‏يضيق البال من جرح الزمان وخاطري مكسور
‏تقول الضيق كله لا زبن يزبن على صدري

.....

[الحمدان]

‏استغفر الله من طيشي وتقصيري
‏الطيش بالذنب والتقصير بالطاعة

‏يا عالم بـِ بكل ما لا يعلمه غيري
‏رحمتك قبل القبر والحشر والساعة

آمين

[الحمدان]

‏ياعاشق الدنيا تراها محطات
‏تعيش في ديره وتفنى بديره

‏لا ياخذك طرد الهوىٰ والملذات
‏اذكر محطات الحياه الاخيره

.....

[الحمدان]

نمشي ولا ندري متى الوقت بيزين
ونصبر ولو جور الـــــدهر ما رحمنا

.....

[الحمدان]

أنا اشوف المفارق خير من وصلٍ بلا ودّ
‏علاقات المحبه ودّها أكبر من مواصلها

.....

[الحمدان]

على الله يزين الحال وان كان مازان
مقاسيم ربي كلها عندنا خير‌ه

.....

[الحمدان]

تعال حل المساء دام المساء حل
تحلا بك الجلسه ويحلا بك الجو

غيابك اللي طال مالك معه حل
غيرك يجوني بس ما كنهم جو

.....

[الحمدان]

يـاظلام الليل ماعـنـدك جـواب
عـن ولـيف راح والـخــافـــق معه

.....

[الحمدان]

عزاي إني على قيد الأمل لو السنين تميل
مثل شمسٍ تعدّاها المغيب وتنتظر بكره

.....

[الحمدان]

عيش الحياه وعيشها كيف ما جات
تكسب رضـا نفـسـك ويرتاح بـالك

لاصـار ما هـي دايـمـه لك سهالات
اخـسـر ولا تخسـر رفيـقٍ صفـالك

.....

[الحمدان]

بعض الوجيه جميله نفس وأطباع
ما يشبه إحساسها إلا جمال الطبيعة

وبعض الووجيه جماد لها بس بقناع
لو تكشفه تشوف لك شوفه فضيعه

.....

[الحمدان]

خلك مثل ماقيل للعزم تبّاع
مافيه صعب الا وربك يحلّه

.....

[الحمدان]

لو القمر يقدر يوكل محامين
‏ويرفع على زينك ملف وقضيّه

‏مايغلبك بالزين ياكامل الزين
‏وفيك الحلا والذوق والجاذبيّه

.....

[الحمدان]

أشهد إن القلب يجهل والحياه تعلّم
والضروف تقيّم الأصحاب واحد واحد

.....

[الحمدان]

أوّل أيامي معك جامعه كل الشتات
‏ أذكري كيف آتمنى وصالك واللقى

‏يا حبيبي عاشقك باقيٍ ليين الممات
‏ لا تروح وتتركه بين همّه والشقى

.....

[الحمدان]

‏قالـو غـلاتـه قـلت يـانـاس صعبه
‏أُوصِّف غلاه اللي على الروح مغليه

‏ سـعادتي لـوهـي دقايـق بـقـربـه
‏تسوى العـمـر كـله مع كـل ماضيه

.....

[الحمدان]

يابنت ياللي تعرفين المشاكيل
‏لا تعشقين الامعه والهلامه

‏والشاعر اللي بين ضول الرياجيل
‏يسوقه لدرب الملامه كلامه

‏اما ذكر وصفك بادق التفاصيل
‏ولا تكلم عن خصايص غرامه

‏شومي لذربين الكلام الحلاحيل
‏اهل الكرم والمعرفه والشهامه

.....

[الحمدان]

‏ماعليك من البرود وما عليك من المكابر
‏والله انك غاليٍ جدّا وفي قلبي لحالك
‏
‏انت في قلبي مقيم وغيرك من الناس عابر
‏وانت تامر ياحبيبي كل ماعندي حلالك
‏
‏وماعليك من الكلام وما عليك من المخابر
‏قلبي اعلن واعترف بان الغلا وان الولا لك

.....

[الحمدان]

عليك الغرآم يحدني حدة المحتاج
‏ذبحه الحيا والناس شحت بمدتها
‏
‏أنا ابغيك بس خايف من الإحراج
‏وانا مادمرني غير نفسي وعزتها

.....

[الحمدان]

على نور الصباح وهب ذعذاعه وصوت الطير
‏ثلاث أشياء كفيله تنعش أشواقي وتحييها

‏صباح الطيب ولا الفل ولا الحب ولا الخير
‏تخيّر في الصباحات الجميله وأنت راعيها

.....

[الحمدان]

‏انطق بقول الحق والحق راحة
مافاد في العالم فنون التعامـل

جاملتهم قالوا وين الصراحة
صارحتهم قالو ماتعرف تجامل

.....

[الحمدان]

‏كانك تبي تامن الطيحه
‏ لا تكسب العالم اخسرها

‏ الـقلب بالصدر مرجيحه
‏ كثر المحبين تكسرهـا

.....

[الحمدان]

ياللي خطفت بكل مافيك الأضواء
أنت البلاد وباقي الناس غربه

البيت هذا ماهو بحاجة إهداء
مجرد إني أكتبه دل دربه

.....

[الحمدان]

الوقـــت لا بده ليا شـان واعياك
‏يسقيك من حلوه وتنسى هماجه

‏اصبر على الشدات مهما تحداك
‏كـــم مزنةٍ يسبق مطرها عجاجه

.....

[الحمدان]

‏على كوب قهوه والبحـر عانه اقبالك
‏تجي لك طـيـوفٍ قبل مانت بتمناها

‏ولـكـن بـعـض احيان الافكار تحلالك
‏لامنك وضعت ايمينك بوسط يمناها

.....

[الحمدان]

على تفاصيلك وعطرك عظيم السلام
‏وعيونك اللي تجيب العيد من غير عيد

‏انتي كريمة ومريتي مرور الكرام
‏ولا تركتي خلافك غير قبر وشهيد

‏يا فاتنه من الى حتى بلوغ المرام
‏لا زال عودك طري لا زال طلعك نضيد

‏لو ضمت كفوفي كفوفك علي الحرام
‏ماحط في ذمتي غيرك من الغيد غيد

.....

[الحمدان]

‏يا مالـك قلبـي و عينـي تراعيـك
‏لبيت قلبي يوم هـاض بغرامـك

‏أحترت مـن زود الغلا ويـن اوديك
‏حتي عيونـي ماتليـق بــمقامـك

‏والله لو صدري يضمـك ويحويك
‏لجعلك فوق القلب تبني خيامـك

.....

[الحمدان]

زين حياتك بالدعاء والعبادات
وامشى بها واطلع نقي السريره

لا تخاف من قرب الوعد للنهايات
الله غفور ولو ذنوبك كثيره

.....

[الحمدان]

‏ياللي مسـاك اسعــد خلايـق يمسّون
و ياللي صباحك به نسايم واحاسيس

و ياللي مكانك داخل القلب مضمون
والحسْـن عندك ما تقيسـه مقاييس

.....

[الحمدان]

أشوفك بالدروب وفالملامح كل يوم تبين
‏وأحس إن الخطاوي كلها صوبك توديني

.....

[الحمدان]

يا غصن الغرام الي سقاه القصيد ومال
‏ما مرك سحاب الوصل في يوم عصريه

.....

[الحمدان]

‏قلبـــي سجيـــــن الحيأ وطيبته زاده
لو شان وجه الزمـن ما شانت أخلاقي

وانا تربيــــــت والطيبــــه لنـا عاده
واخلاقـــــي العاليه واسلوبي الراقي

قصــر المكارم مشيـد فيني امجاده
وقصر الوفا والشهامه ساكن اعماقي

والطيب في داخلي مغروسه اوتاده
ماحيل وابقـى على عهدي وميثاقي

.....

[الحمدان]

مانسيتك والقلم حبره جمد
في معاريض الخلايق للغرام

انت قلبك ينكتب له يعتمد
وينكتب لقلوبهم حسب النظام

.....

[الحمدان]

‏واليوم بنسى مثل ماالناس ينسون
‏والنار في قلبي مع الوقت تطفي

‏بعلمك وشلون الاحرار يقفون
‏واعلمك وشلون الاشواق تقفي

.....

[الحمدان]

‏ترا رفقت اهل الطيب تبقى فخر ووسام
‏ثمرها يجي بين المطاليق متعدد

‏سلامي على اللي رفقته للرفيق حزام
‏يسابق علوم الطيب ماهو بمتردد

.....

[الحمدان]

تعدّى الظروف بلين جانب وقوّة باس
‏وتوكّل على اللي بيده العجز والقدره

‏من يحطّ قـدره سلعةٍ في يدين الناس
‏لا يزعل لا حطّوه الاوادم تحت قـدره

.....

[الحمدان]

‏الظروف تعلّم اللي ماتعلّم
‏كلمتٍ كِتِبَت على باب الليالي

‏صاحبي كانك لفرقاي مْتولم
‏ليه اكبّر شرهتي واطرح سؤالي

.....

[الحمدان]

الـعلم ميراث الـنّبيِّ كـذا أتى
في النّصّ، والعلماء هم وُرَّاثُهُ

مـا وَرَّثَ الـمختار غير حديثه
فـيـنا، فــذاك مـتـاعه وأَثـاثُـهُ

فـلـنا الـحـديثُ وراثــةً نـبـويّةً
ولـكلّ مُـحدِثِ بِـدعةٍ إِحـداثُهُ

.....

[الحمدان]

‏يا نحلة أقـراص العســـل وين مرساك
يبست زهــــور الحـب داخل ضلوعي

ماترحمــي ياطـول هجرك ومقساك
ضامـي غزاه الشوق وايبس جذوعي

أمسي أناجي الليل عن حال ممساك
وأسال نجـــوم الليل ليـــه القطوعي

والقلــب هايـم ماقــــدر يوم ينساك
تشهد سطـوري والقلــم والشموعي

.....

[الحمدان]

‏الطيب الطيب لو إن مامعه شي
‏حتى لـو أيـام الرخــى ما تهــيت

‏كم ميتٍ ذكره مع اهل الوفا حي
‏وكم حي لاكنه مع الــناس مـيت

.....

[الحمدان]

ماني عليهم في حياتي عابي
وان باعدوا لا نلوم لا نحاسبهم

وبالعيب ما نعاود العيب انزابي
ساعة اللوم بطيبتي غالبهم

نضحك ونلعب والجميع احبابي
لا يعاتبوني لا انريد نا انعاتبهم

شعر ليبي

[الحمدان]

ياما حلا المسيار في وقت حله
يم الرفيق اللي يعزك اليا جيت

يفرح ليا منك دخلت بمحله
ويكره اليا منك تغربت وابطيت

.....

[الحمدان]

‏لاتعتبر صدك عن الناقصه عيب
العيب والله زلة فوق. زله

اهل المكارم تجزي الطيب بالطيب
والناقصه ردك عليها مذله

.....

[الحمدان]

‏احذر تعاتب من تعمد يجافيك
لوم العتب بعـد التجافي مذله

لاخير في من باع عهد الوفا فيك
ولاخير في خلن جفا عهـد خـله

.....

[الحمدان]

‏وش المحبه دون وصل المحبين
و وش المواصل دون شوق الحبايب

ترى المحبه تقسم القلب نصفين
وعزي لمن نصفه غدا اليوم غايب

.....

[الحمدان]

‏ودي بقـربك واحـــلم اني احاكيك
و يشدني لك شــوق صمته ذبحني

دايم بعـيني ويـن مَ رحـت الاقيك
حبك ترى عن حب غيرك سـرقني

ياساكــن أعماقــي أنا ميتـن فيك
وعشقــك تملكني وحبـك اسرني

وعقلي بكل الوقت يسرح بطاريك
والشوق لك ياحـب روحي حرقني

.....

[الحمدان]

‏يارب يارحمـــــن ياعالــــي الشان
ادعيـك تجعـل دعوتــي مستجابه

تبعـد على قلبي همومـي والاحزان
وتزيــــــح عنـــي ضيقتي والكآبه

ويارب تـرزقني السكينه والايمـان
وتملى حياتــي بالفــرح والطرابه

وتحفظ بحق اليوم اهلي والاخوان
وتحفـظ لقلبي رفقتــه والصحابه

.....

[الحمدان]

‏لو يتيح العمـــــر فرصــه في حياتي
كـان ماحبيـــــت فــي الايـام غيرك

انت غايــة مطلبـــي وانـت امنياتي
وانت قصـري في الهوى وانا اميرك

اعشقك عشق الهواء مـن كل ذاتي
واعشقـك كلك مـع شـرك وخيرك

واوعــدك مادام باقـي فــي حياتي
والقسم طول العمر ما ارضا بغيرك

.....

[الحمدان]

‏جيتــك اصبــح يامنــى الروح بالنور
وأقـول يا الغالي هـلا كيـــف حـالك

يالله عساك بخـير طيـــب ومسرور
ويالله عساني مانحـرم من وصالك

وعساك طول العمر بالخير مغمور
وعسى السعاده دايـم الدوم فالك

.....

[الحمدان]

‏لاتعاند شوفنـــي عايـــــش وحيد
مامعي في الكـون معشوقً سواك

انت ساكـــن يا الغـلا بيـن الوريد
مااحـد قبلك وصـل في مستواك

يا رقيــق الطبـع يا الذوق الفريد
ليت تعـرف داخلـي معنى غلاك

انت عشق وانت حب وانت عيد
وانت نـــور الكون وانـواره معاك

.....

[الحمدان]

‏بعض البشر مثـــل العســل والجواهر
مهمـا وصفته بالحـــلا مالـه أوصـاف

وبعض البشر طيبـه على الناس ظاهر
ما يختفــي مثـل القمر دوم ينـشـاف

وبعض البشر غايــب وإن كان حاضر
من ثقـل دمـــه شوفتـه دوم تنعـاف

وبعض البشر اقسم قسم جبر خاطر
ويسعد قلوب الناس بطيبه والالطاف

.....

[الحمدان]

منت عابر سبيل أنت عابر عمر
‏ليتك العادي اللي مر عابر سبيل

.....

[الحمدان]

‏مسامحك جعل كل اللي فعلته فداك
‏ضيعت فرصة عمر واخترت غلطة عمر

‏لاتحسبـني ليا مـن رحت بطـرد وراك
‏لا غابت الشمس ياتـي من وراهـا قمر

فتى الجوف

[الحمدان]

‏حـب الـبـشر والكُـره ماهو بمقياس
‏بـعـض الـبشـر لأنـك كـفو يكرهونك
‏
‏ومافيه أحد يقدر يحقق رضا الناس
‏حـتـى أنـت مـا كل البشر يعجبونك

.....

[الحمدان]

قوي العزآيم ما يهمه كلام الناس
‏يسوق الطموح لغايته لين يدركهآ

صحيح الهبوب تهب وتطيرالقرطاس
لاشـك الجبال الراسيه ماتحركها

.....

[الحمدان]

محتزم لظروف الايام بالصبر الجميل
ومن نشدني قلت طيبّ واموري طيّبة

مارجيت من البشر لا كثير ولا قليل
في رجا اللي من رجا رحمته ماخيّبه

.....

[الحمدان]

يامهجتي يانبض قلبي على الكون
ياصاحب اوصاف الملوك والسلاطين

في بعـدكم كني مكبل ومسجون
و من الحـروف اكتب لبعدك دواوين

.....

[الحمدان]

‏نطوي مع الايام عام ورا عام
تمر ساعات الفرح في دقايق

ايام راحت بالعمر مثل الاحلام
يوم بها زعلان وايام رايق

درست من دنياي واتعبت الاقدام
وبدلت عن بعض الطرايق طرايق

وكفخت بافكاري كما الطير لاحام
وما عاقني عن ماكر العز عايق

مطلق الثبيتي رحمه الله

[الحمدان]

‏يا سرعها سرعاه دورات الايام
العام كنّه شهر واليوم ساعه

اعمارنا في نقص عام ٍ بعد عام
وتزيدنا سود الليالي بشاعه

تلبّس الصادق من الوهم هندام
وتلبّس الكاذب ثياب القناعه

وتقول للصاحي ترا الوعد قدام
وتقول للمجنون سمعاً وطاعه

سعيد العلياني

[الحمدان]

نطوي سنه مرت بها ضيق وافراح
‏ونبدي سنه فيها العلوم السعـيده

‏يالله تجعل مامضى العام ينزاح
‏ونلقى السعاده في سـنتنا الجديده

.....

[الحمدان]

يا غزال الريم ياظبي الفلا
ارحم اللي منك عينه ما تنام

يا هلا في شوف زولك يا هلا
يا لطيف الروح خذ مني سلام

ارحم اللي في هواكم مبتلى
من ودادك نايحٍ نوح الحمام

المحبة والملاحة والهوى
زاهياتٍ فيك يا بدر التمام

.....

[الحمدان]

ما وصلت أبوي في طيبه وقوة باسه
بس أنا من قو باس أبوي يقوى باسي

ودي إني حايش الطيب وأرفع رأسه
بس حاش الطيب كله قبل يخلق رأسي

.....

[الحمدان]

‏حبّه بصدري سالفة سر في بير
وكن الفؤاد يقول هذا زبيني

أشفق على علمٍ يجي منه من غير
لا يسمع اللي سولفو به ونيني

ياكثرهم غيره ولكن خبر خير
ماغير شوفه فالوجود يهنيني

‏محمد ابن فطيس

[الحمدان]

أغبط تقيٍّ صار زوده بتقواه
عبدٍ لصوت الحق يرخي سموعه

يفرح بصوت منادي الحق لا أوحاه
‏عجلٍ على المسجد بطيٍّ ركوعه

بندر بن سرور

[الحمدان]

يارب يارب ياعالم بحال الفقير
يارب يارب ياجابر عظام الكسير

يارب يارب يامعطي الجزيل الكثير
يارب يارب يامعطي العظيم الكبير

أسألك رحمة عظيمة للذميم الحقير
بها ينال الأماني جلّها والصغير

يارب يارب هب لي فوق مافي الضمير
يارب يارب يامن له إليه المصير

يارب أنت وكيلي والولي والنصير
يارب يسّر لنا اليسرى وفكّ العسير

وأطلق قيودي من الأهواء وحلّ الأسير
إليكَ أشكو وبك ياخالقي أستجير

وحسن ظني بفضلك يا إلهي غزير
فلا تخيّب رجائي يا السميع البصير

واختم بخير إذا حان السفر والمسير
وصلّ ربّي على الهادي البشير النذير

والآل والصحب تعداد النعم والحمير
مع السلام الذي ماله شبيه أو نظير

والحمدلله حمدًا ليس له من أخير
ندخل به جنة المأوى وما له نظير

ابن طاهر

[الحمدان]

‏جعل نفسي في ذرى ربي ورحمة ربي
‏من ذنوب الغافلين ومن ظنون الريبه

.....

[الحمدان]

‏اليتم يتم الأدب والموت موت الضمير
والحب حب المعالي باختلافاتها
‏
‏والجرح جرح المشاعر من لسان الحقير
‏والصوم صوم الجوارح عن شهواتها
‏
‏والبخل بخل الغني والجود جود الفقير
‏والبعد بعد النظر ماهي مسافاتها
‏
‏راجح المغيري

[الحمدان]

يموت القصيد إن ما لقى منك الترديد
‏مثل ما يموت الليل لا شحّت أوقاتك

.....

[الحمدان]

ياسعود أنا مريت لي بيت مهجور
‏موحش وصوت الريح تصفق طياقه

‏وقفت به لحظه وعيني على السور
‏رغم ارتفاعه قاسي الهجر ذاقه

‏ماجور يابيتٍ شكى الهجر ماجور
‏وقت اللقا دايم سريعٍ فراقه

.....

[الحمدان]

ﻗـاﻟﻮﺍ ﺁﻥ ﺁﻟـﻮﺻﻞ وﺁﻟﻔـﺮﻗﻰ ﻧﺼﻴـﺐَ
ﺅﺁﻟﻨﺼﻴﺐ ﺁﻥ ﺷـاﻥ ﺳﻴﻴﻞ ﻣـﺪﻣﻌك

وانـا ﺩﻋﻴــﺖ الله والله ﻳﺴـــﺘﺠﻴﺐَ
ﺅﻳﻦ ما ﻳاﺧــﺬﻙ ﻱَ ﺧـﺬﻧﻲ ﻣــﻌـك

.....

[الحمدان]

ابك يا أصدق شعورٍ دخل قلبي بلا استئذان
‏هلا بك يا النصيب الي نثر وجهه على اوقاتي

‏احبك والهوى نعمة وحبك نعمة الرحمن
‏ولو كان الهوى غلطة فحبك كل غلطاتي

.....

[الحمدان]

دايم على بالي وطاريك ماغاب
مشتاق لك عسى الليالي تجيبك

.....

[الحمدان]

وقفت افكّر و ارسم احلام كنّي
‏طفلٍ يراقب من ورا الباب جيله

.....

[الحمدان]

سامحيني لا تركتك واعذريني لا هجرتك
‏مابقى فالناس ناسً يستحقون الهدايا

.....

[الحمدان]

أنا أشهـد إن الـوقت هذا تغيـر
‏يا راحة الميت ويا بلشة الحـي

‏حتى ولو جيت ابن عمك مسير
‏قالـوا تـرى ما سير إلا يبـي شـي

.....

[الحمدان]

‏هذا المساء ما يشبه إلا مباديك
جداً جميل وطلتك به جميله

يسعد مساك ويسعد الله لياليك
عساك تسلم في مساء كل ليله

.....

[الحمدان]

‏ياصقر...

فل الجناح وبالفضاء داعب الريح
خذ راحتك من فوق متن السحابي

لا واهنيك مانت محتاج تصريح
تمسي وتصبح فوق عال الهضابي

.....

[الحمدان]

فيها سحر مدري عذوبه وطغيان
وفيها شعور المنتصر والهزيمه

.....

[الحمدان]

مانشدت الشمس عن حزن الغياب
علمتنا الشمس نرضى بالرحيل

كل يومٍ يغرق الضي في عــبــاب
ما سمعنا ناعي ٍ مابه عــويل

وما هقيت الموت يجرحني جـــواب
لين شفتك في سما عمري اصيــل

البدر

[الحمدان]

نحب نكره نخاصم ناس نتصالح
نقرب ونبعد وتجمع بيننا القبله

اليوم نزعل ويوم الغد نتصافح
التضحيه عار لجل الفلس والغله

باالعفو والمعذره نسمح ونتسامح
ماينفع الشخص كثر المال او قله

بالحق نحكم وبالمعروف نتناصح
الصح بالصح مانسمع من الشله

.....

[الحمدان]

‏عــاد الأيام حُبلى في حشاهــا جـديد
مُقْبِلــه بالعَجَــايب ما تجامل أحـــد

ما عليهـا كبيــر إلا القــوي الشديــد
لا سـلاها يــدوم ولا نـكــدها نكـــد

إن صَفَت يوم عَابَت في الحَكِيم الرشيد
وإن جفَّت عـاد تبا تصحب قليل الجهد

الليالــي حبالـى لـو بغيــت الأكيـــد
والمـراحل طــويلة يحفظـك يا بلــد

.....

[الحمدان]

اشتقتلك بس ماودي آحاكيك
أبيك من كيفك تحن وتجينـي

.....

[الحمدان]

‏ان حكينـا يقولوا هو يـزل السقـوف
وان سكتنا يقولوا هو لغـب واختلف

اتعبتنـا المراحل واوجعتنا الشفـوف
واثقلتنـا طمــوح محققـين الهــدف

عـادها بي تـزين وريت عينك تشـوف
يا قضيــة كبيـرة ما احتملهـا ملــف

.....

[الحمدان]

‏فالقلب قـــصرٍ للغـلا وأنت بانيه
حراسه أشــــواقـي وطيبة ظنوني

أظن بك ظن الوفـاء وأنت راعـيه
ياللي طيوفك في الغياب إسكنوني

.....

[الحمدان]

في وجودك ماتضيع إلا الجُمل
وفي غيابك كل مافيني معاك

ماحدٍ يشبهك في لون وشكل
الله اللي جملك والله عطاك

.....

[الحمدان]

يا مـدّعــي حـب لـيلى بِـئس مـا تدّعي
حبّك لها ضيـق لا يوصف وحبّـي سعه

كيف اْقطع الياس من ليلى وليلى معي
في مهجة القـلب فـوق العرش متربّعه

صدري لها قـصر والسور المنيع اضلعي
عـظـيـمة الشأن مـحشـومـه ومـترفّـعه

يا لائمي في هـواها حِـس واْسمع وعي
عـشـقــي لـهـا طُـهـر لا لـذه ولا منـفـعه

انـا قَـدَرهــا ووآقــعــهـا وهـي وآقـعـي
قضى لنا الامـر من فـوق السما السابعه

.....

[الحمدان]

‏وصفك على وصـف المخاليق يفرق
مــدري حــواك الزيـــن ولا حويته

وطلتك في العيـــن تنـــور وتشرق
مثل القمر والشمـس نورك فديته

لي قلب متعذب وبي شوق محرق
ولك عشق طاغي بالحشا ماقويته

وفيني محبــه لك في الروح تغرق
عالم بأسره في ضلوعـــي خفيته

.....

[الحمدان]

‏ياحضــرة الشـــوق عبّــر كل مافيني
البوح عاجــز عــن التعبيــر له فتره

قــل للرفاقــه غلاهـم ساكنن عيني
مافارق الروح والإحسـاس والنظره

مهمـــا ابتعدنا وفاهـم شي يعنيني
كل المشاعــر لأعـز الناس منتظره

حماهــم الله وهـــذا الـي مكفيني
دعـــوه من القلب للي نال تقديره

.....

[الحمدان]

‏يارب غفرانك ليا اصبحت وامسيت
مـن الخطـايا والذنـــــوب الثقيله

ادعيك تغفر لي خطايا إذا اخطيت
وكــل ذنـبن يا إلهـــــي تزيله

يارب أنا فــي دعـــوتك ما تونيت
وحاجتي ماهــي عليـك مستحيله

ارزقني الراحـــــه علـى ما تمنيت
وسهـل برزقي في السنين المحيله

.....

[الحمدان]

‏ياقلبي إتفائــل ولو فيــك مافيك
مافايـــده ياقلـــب كثــر التمني

إغنـم حياتك واسأل الله يهديك
وعيـش عمــرك بالرضا والتأني

ياقلب لاتلحق ورا الياس يبكيك
ما من ورا الضيقات غير التعني

وكٌل امورك رب الارباب يكفيك
ولاخاب من في رحمة الله ظني

.....

[الحمدان]

‏نامت حروف العتب وأستحى وجه الغياب
وأنطفى شمع الوصل من رياح الراحلين

.....

[الحمدان]

فمان الله من قلبي لو ان البعد يوجعني
تروح بحفظه وترجع مثل مارحت تلقاني

.....

[الحمدان]

تعال اضمك دفه الروح بروح
طفه عنا قلبي ولهفة حنيني

أنا بدونك كنني طير مذبوح
يامنتهى أحلامي ويا نور عيني

طيفك ببالي اين ماجيت واروح
الله يلم الشمل بينك وبيني

.....

[الحمدان]

كل شخصٍ له مزاج وميزةٍ تحسب له
‏الذوايق تختلف والحكم حكم القاضي

‏كل شيٍ في الزمان اللي مضى نطرب له
‏والعيون اليا بكت ما تبكي الا الماضي

‏السوالف فالخلا مع شايبٍ عند ابله
‏افضل من السينما ومن الكلام الفاضي

.....

[الحمدان]

لـك فــي عيوني دار عز ومھـابه
‏وفـي وسط قـلبـي للغلا كل تقدير

‏ولك فــــي الحنايا شي مـا ينحكا به
‏حتى أحـاسيسي معه دايمٍ غير

.....

[الحمدان]

‏لاتعاند شوفنـــي عايـــــش وحيد
مامعي في الكـون معشوقً سواك

انت ساكـــن يا الغـلا بيـن الوريد
ما احـد قبلك وصـل في مستواك

يا رقيــق الطبـع يا الذوق الفريد
ليت تعـرف داخلـي معنى غلاك

انت عشق وانت حب وانت عيد
وانت نـــور الكون وانـواره معاك

.....

[الحمدان]

‏ياصاحبي كنت أمس محشوم
واليوم صد بجيتك وأختصرها

خلك بعيد أبعد من العام لليوم
وأدنى من أحلام النجوم وقمرها

بعض الكلام الي تحليه مسموم
وما كل كف صافحتك تغدرها

كم طيبٍ سأقته الأقدار لرخوم
ويا كثر ناس ننخدع في صورها

.....

[الحمدان]

‏الناس نامــت مابقــي حد صاحي
ماغير انا واحساس قلبـي والافكار

نمسي نقضـي الليل بين النواحي
ونترجم اشواق المشاعر بالاشعار

هذا شعور اللي في الهجـر طاحي
واللي غدا قلبه من العشق منهار

يمسي يناجي الليل لين الصباحي
والرووح مشتاقـه وقلبـه على نار

.....

[الحمدان]

‏بعض البشر لا غاب عن ناظر العين
احـس كل الناس في الكـون راحت

وبعض البشر لو غاب ايام واسنين
مااشتاق له قلبي ولا النفس ناحت

انا اشهد ان البعـض ماله شبيهين
بافعاله اللي مثلما الطيـب فاحت

غالي وحُبـــه حــل بين الشرايين
ومكانته وسـط القلوب استباحت

.....

[الحمدان]

‏ياليـت لو للجســــــم ورشــة صيانه
للبرمجـه قابـــل على الفــك والربط

من شان افرمــت بالجسد كل خانه
واعالــج أوضاعـــــي بإعادة الضبط

اما كــذا حالــــي تدهـــــور امانه
فيرس نظامي خابطن داخلي خبط

كثر السهر هــد الجســد من كيانه
وكثر القلق والهم رافع لي الضغط

.....

[الحمدان]

‏القلب مغـرم في سمينات الارداف
ياجنس حوى ما احــب الرشاقه

روحي تحـب اللي بدينه بالاطراف
واللي بهــا سمنــه وخفــة لياقه

هذا انا المغــرم ولاعندي إخلاف
موافق بهـا اتزوج وادفـع سياقه

زين البدينه داخلي مالها اوصاف
والقلــب يعشقها لاخــر نطاقه

.....

[الحمدان]

‏اوقــات اتمنى مــــن النـــاس واحد
يستوعب احساسي اذا جيت احاكيه

يحس بي فــي ضيقتــي والشدايد
ويداوي اوجاعــــي برقــة حكاويه

يا اهل الشعور النفس صارت بدايد
والصدر ضايــق ما لقي من يداويه

والروح محتاجــــه رفــاق وسنايد
والقلب يبغا في العمر من يواسيه

.....

[الحمدان]

‏ليتك معـــي تسمع كلام اخر الليل
وتحس بي واشلون وضعي بدونك

حالي ترى من غيبتك هده الحيل
والعيـــن تتمنـى تناظـــر عيونك

اسهـر على ذكـراك ويجيني الويل
والنار في صــدري تــردد لحونك

وضعي صراحـه مايبي اي تأجيل
ارجوك ما تسـوى حياتي بدونك

.....

[الحمدان]

جاري الكتابه ونبضي بالغلا جاري
يتبع عيون الوفاء في ليل جواله

لا من تأخرت قلبي شتت افكاري
وش له تاخر علي وحالتي حاله

.....

[الحمدان]

بنـت البدو في كـل محفــل أميــره
فيـهــا الحـــلاء كـلـه وفيهـا الحنــاني

حشمــه أدب وأخــلاق هيبـه وغيــره
سبحـــان مـن ســواك سـت الحسـاني

.....

[الحمدان]

‏على جسر الأماني فوق شط الحرب والاحـزان
نقضيهــا عنــاد ونكتــب الفـرحـة ونمحيهـا

وعلى أوتار الامل نعزف ندندن كن ماشـي كان
ونرسـم من معــاناة الوطــن لـوحة ونشريـها

جــديد أيامنــا مثل القديــم وصــبرنا عنـوان
طبــاع البــدو ما نركن على الدولة ونحميهـا

تجي ننصح ولانجرح تجي نكتب على الجدران
ســلام الله عــلى اللـي ما يكحلهــا ويعميهــا

علوي الباشا

[الحمدان]

بعض البشر تلقاه صدفه وتغليه
حتى القلم يمه يحب الكتابه

أفرح وأهلي فيه يوم التقي فيه
وشكرت حظ ساقني له وجابه

.....

[الحمدان]

‏تواصل مع اللي في وصاله مطر وغيوم
‏ومن صد جعله للتساهيل في صده

‏وتركّد على قلبك ولاتثقله بهموم
‏كثير الزعل يتعب لك القلب ويهده

.....

[الحمدان]

قالوا طريق الحب كله مجانين
قلت الطريق الصعب يبغى مجنون

.....

[الحمدان]

اااجلس وجالس معى من يجلس المجلس
واجلس وجالس معــى من جلسته جلسه

بعض المجالس قـــســــــم بالله مايجلس
غير الذي قد غضب ربـــــــــي على نفسه

عبدالله عامر

[الحمدان]

قالوا ولا زال مسكيناً وفي تعبٍ
من ليس يعرف يوماً لهجة العجمِ

فليس يفهم ما قالوا وما نطقوا
وليس يعرف معنى القول والكلمِ

فقلت والله بل ما زال منحرماً
من السعادة والأفراح والنعمِ

من ليس يفهم فصحانا ويدركها
وظل في الجهل بالآيات والحِكَمِ

فليس ينفع فهم الخلق كلهمُ
مَن ليس يفهم رب الخلق والأممِ

عبدالله الجعيدي

[الحمدان]

‏الحاجة اللي دونها كل منان
‏عرضت على النفس العزيزه وعيّت

‏منتب على مدح اكثر الناس شفقان
‏ولا على مسّاحة الجوخ ميّت

‏كم مرةٍ جاتك معزه وسفطان
‏تركتها مثل الطعام المبيّت

.....

[الحمدان]

‏اشوف القلوب اللي تنافق ماهيب صحاح
‏واشوف النفوس اللي تودد ماهيب اللي

‏على كثر مالي فالخزينه من الارباح
‏احب الفقير اللي على المال ما ولّي

‏عسا اللي يدينه فاللوازم ندية راح
‏بعد من يدينه تحسب المتر والملي

‏تدور الليالي فالعشيه وفالإصباح
‏وانا كل ماجيت ابرد من الزعل غلي

‏عصت نفسي التبرير والشرح والإيضاح
‏لو ان الضمير أكثر من اقول له قل لي

‏ياكم غاليٍ كنت اتوّجد عقب ماراح
‏على جيته ماعاد ارحب ولا اهلّي

‏سلامي على وجه المعزه سلام سلاح
‏وعلى قلبي اللي بآخر الصبر متحلي

‏الى عشت ماني من صدوف الدهر مرتاح
‏والى مت ماني والله بميتٍ كلي

.....

[الحمدان]

‏يامجمول ما للحب بدٍ من التنويه
‏وانا اللي عجز لا يوصف احساسه لسانه

‏الى قلت احبك لا تجاوب علي بليه
‏احبك ولا ادري ويش أحبك على شانه

.....

[الحمدان]

‏بشروك بما تحبين يا الحب الوحيد
‏انتي اللي عن جميع البنات مْغايره

‏قفلي باب السوالف بقفلٍ من حديد
‏وقولي احبك وحطي عليها دايره

‏ورافقيني موقفي صعب واحلامي بعيد
‏جعلني ما احلم بحاجات ماهي صايره

.....

[الحمدان]

من نحرها المنتعم اليا خصرها الملتوي
‏تقول ماليه ابن سعود ماليه

‏في جيدها فوضويه شاعر فوضوي
‏وفي عينها قسوه الفارس وحنيته

‏يهزها الشوق لين تخضر وتستوي
‏وتعيش من حسنه المؤمن ومن سيئته

أثارها بنت حواء فااتنه وتغوي
‏جات تاخذ الثار من ادم وذريته

.....

[الحمدان]

يالله عسى كل كدّ في رجاك مخلوف
واعوذ بك م الحسايف والزّرى والنّدم

الله يا ما قصَرت النفْس دون الشفوف
واليا بغيت انتهج عيّت تزوع القدم

الله يصيب العدم والله يصيب الظروف
الله يصيب الظروف اللي تجيب العدم

.....

[الحمدان]

الفسل تسمع لهجته مثل الهنود
اذا سمع فزعه ترابش مجبره

.....

[الحمدان]

‏لا ضاقت الدنيا قل الحمد لله
حتى ولو انك من الوقت هايم

ماخاب من هو يحسن الظن بالله
وماضاق صدرن يذكر الله دايم

.....

[الحمدان]

من عنفوان الحرف هذا استمديت
إلهام واحكام المعاني الفريده

لملمت احاسيسي وحطيت شليت
نقبت عنها من مناقب عديده

وابحرت في عمق الجزالة ورسيت
في شط هذه المفردات الوليده

مسكت في طرفة شباكي ومديت
حَبلي لصيدالشارده والطريده

وغُصت في بحر الغزل ثم لويّت
حول الحسان المِقربه والبعيده

من بين كل الحسنوات قدتنقيت
اجمل غزال ذات الصفات المجيده

سلام يا بدر السماء حين ضويت
أضأتهامن حضرموت للحديده

يامن بطلعة حاجبيك استلذيت
كأنني حصلت ماكنت اريده

بل كنت انت الإمنية ذي تمنيت
وكنت لي فرحة زماني الوحيده

يا من بجلباب المحاسن تغطيت
لبست ثوب الحسن لِبس الكَشيده

عليّت فوق اهل الجمال ثم عليت
وصرت فوق الكل حُلة جديده

مُحنّاة اطرافك بلا ما تحنيت
والورد بخدودك يداعب جليده

ما شفت مثلك في جمالك ولا رريت
لا في القرى ولا القصور المشيده

الحور لاخليت منها ولا ابقيت
أخشىَ عليك أن توقعك في مكيده

وقفت بابياتي امامك ترن زيت
واخذت من قيفانها كل جيده

كتبت عَنّك نحو سته عشر بيت
والا انت تستاهل ثلاثين قصيده

عبدالله البحم

[الحمدان]

يا من يسلم لي على الغالي
ويجيب لي منه مراسيله

راحت ليالي منشغل بالي
ما غمضت عيني ولا ليله

يا طول صبري آه يا عزالي
قلبي من الهجران يا ويله

من كثر صده خلي صد حالي
مدري شاسوي ضاعت الحيله

.....

[الحمدان]

ظبي العيون ومبسمه مرتع التوت
والليل بخصال الشعر يستر الغيم

مزيون ومدلل و في طبعه كيوت
يكسر شموخ الذيب ويلاعب الريم

.....

[الحمدان]

‏وين أتوجه والليالي ماتطاق
‏وأنت الوحيد اللي دموعي تألفه

‏ما عاد لي عقبك اصحاب ولا رفاق
‏لا ولا لقى قلبي قلوب موالفه

‏ملّ الجفن يذرف دموعي الرقاق
‏خذني بصدرك ما بقى وجـه آلفه

‏وعلم شعوري لانزف جرحي وفاق
‏ إن الندوب اللي بصدري تـالفه
ِ
.....

[الحمدان]

‏انا الحزين الحزين اللي عليه الكلام
‏وأنا الغريب الغريب المغترب بوطنه

‏وأنا الي أقصى طموحاته يعيش بسلام
‏فاقد شعور السلام الداخلي كم سنه

‏بعض الليالي مامرتني مرور الكرام
‏احداثها مُحزنه وامراضها مُزمنه

‏ياصاحبي صاحبك ماهو على مايرام
‏الحزن مثّر على نفسّيته وبدنه
ِ
.....

[الحمدان]

‏البارحة مابين ذكرى وتذكار
‏عيا يطب النوم سود الجفوني

‏ياغايبي والشوق مخلوق من نار
‏ماهنت لو غيرك عليا يهوني

‏وشلون تتركني على عتبة الدار
‏وانت الوحيد اللي بكت له عيوني

‏اسألك في وجه الولي رب الابرار
‏رازق ضعيف الطير فوق الغصوني

‏ان كان باقي لي معزة ومقدار
‏عوود ترا شوفتك تشفي طعوني
ِ
.....

[الحمدان]

‏يفز الحنين من آخر الصمت والفقدان
‏وتهيج الجروح اللي عن الشِعر حابسها

‏فقدتك وفقدانك على وجه عمري بان
‏وانا اخترتك بمعشب سنيني ويابسها

‏عيون ٍ روَت وجهك عمر ماملاها انسان
‏يغني لها الملح وترفرف نوارسها

‏ياكثرك بذاكرتي تمر وتسيل أشجان
‏وتفاصيلك بكل الوجيه اتلمسها

‏تمر الحياه وليت الاقدار بالامكان
‏واعرف الليالي وش تخفي بواهسها

‏يا كيف اتجاوز ما مضى واقدر النسيان
‏ولك ضحكة ٍ في تربة البال غارسها

.....

[الحمدان]

‏أغلب رفوف الكتب ما حرَّكت ساكن
‏كثر ما حرَّك شعور القلب مسودّة

‏مثل الهوامش وأمان شْعوري الراكن
‏يدرى إختلاس العيون العابرة ودّه

‏وش أنتظر له لطيف أن مرَّ الأماكن
‏صدري يجرّ النسم كنّ النسم نِدّه

‏قرَّبت منّه قميصي ليلة ولكن
‏لا من دُبر قدَّه ولا من قُدم قدَّه

.....

[الحمدان]

يا ذا القمر.. قامت تغيِّر مساريك
يا بطي مطلاعك.. ويا سرع مسراك

طفت النجوم اللي من أول تباريك
ما شفت نجم بان قبلك وخاواك

قبل أمس.. أعدّ لك الليالي وراعيك
واليوم عني نازح البعد.. خفاك

يا نجد.. جعل مروّح الغيث يسقيك
يعل ريانك.. ويسقي ظماياك

يا نجد حبيناك.. من حب راعيك
اللي بنى مجدك وصانك وسواك

يا نجد.. قلبي ينفعه يوم يطريك
الله يلوم اللي يلومه إلى أطراك

الأمن.. والإيمان متوطن فيك
فضل المليك اللي ربا فيك.. وارباك

العين في سود الليالي.. تناجيك
لو هي (بلندن) كانها اليوم بحماك

كلام مشتاق يبي شوف أراضيك
جنسيته تحمل فصيلة.. رعاياك

ماهو كلام إمخادعي.. يسميك
باسم تنافا مع حلاياك.. واسماك

بالشر يدعي لك.. وبالخير ناسيك
ما يدري أن أهلك تسلو.. بذكراك

لبيك يا داري من البعد لبيك
صرخة غريب ما يصدق بلاماك


شعر: خلف بن هذال العتيبي

[الحمدان]

‏يا أهل الصدور الضايقه عيّنو خيـر
لجروحـكم عـندي عـلاجن يضمّـد

لآ شـانت ظروف الزمن والمقآدير
صلوّ على خير البريّه محمد

عليه أفضل الصلاة وأتم التسليم

[الحمدان]

‏كسّرني الوقت وظنون الهُوى خـابت
‏ياغـاية الـرُوح روحـي من يواسّيهـا

.....

[الحمدان]

ماني مبشر بالعوض وأنتَ موجود
‏أنتَ الأصل جعل الأصل مايبدل

.....

[الحمدان]

عسى كل عيـنٍ دمعها بالوفاء رقراق
‏تزين الليالي لو على شان خاطرها

‏الا ياعيونٍ سبّلت دمعها الحـرّاق
‏ونامت حزينة مالقت من يعبرها

.....

[الحمدان]

خل الغياب لغيرنا حنا تعودنا الوصال
انا انتظر وصلك عمرَ واردد ان شفتك هلا

مكانك بقلبي هنا ماياخذه غيرك تعال
يفز قلبي لو تمر وان غبت قلبي ماسلا

.....

[الحمدان]

‏تطري علي واشتاق لك واتمناك
‏والقاك حلمٍ من بعض ذكرياتي

انا ادري اني صرت ماني بوياك
‏لكنك احلى حلم مر بحياتي

من عاشرك ماظنتي بيوم ينساك
‏مهما تغيب تكون لي مثل ذاتي

واصعب مواقف دنيتي يوم فرقاك
‏فيها عرفت انك تساوي حياتي

.....

[الحمدان]

عسى وجهك يسامحني على التقصير
‏يابو وجهٍ يغربني عن افكاري

‏احبك والسفر نوعٍ من التغيير
‏اسافر لك وأنا في زحمة اعذاري

‏اقول اسف وأنا الأسف على التأخير
‏انا المشتاق للغربه عن دياري

‏واذا تسأل عن اخباري بكون بخير
‏مدامك أنت تسألني عن اخباري

.....

[الحمدان]

افعل المعروف وتشوف العجايب
كل حاجه ممكنه تقدر عليها

يمكن تنجّيك من بعض المصايب
حاجةٍ في وقتها وفقت فيها

قمت معّ محتاج والا اسعدت شايب
انت ناسيها وربك مانسيها

.....

[الحمدان]

ياما قطعناها من الميل للميل
تبي تجمركنا ولا جمركتنا

تلعب بنا الدنيا وحنا رياجيل
لا غيّرت فينا ولا حركتنا

.....