فوق هام السحب ( الشعر الشعبي) على متن القوافي

[الحمدان]

مسني بالشوق يسعد لي مساك
كل لهفه تنتظر موعد لقى

قلبي وروحي وتفكيري معاك
كلها تحسب لوصلك كم بقى

.....

[الحمدان]

يالله يالي لك عبادك يصلون
نطلبك سترك والعفو والعافيه

أنت الكريم الي له الناس يدعون
وأنت المجيب الي تجيب الداعيه

عز الله إني من عطاياك مديون
والنفس في روضة نعيمك ساليه

قلبٍ مشى بالذكر ماهوب محزون
لو كان يسكن في الجبال الخاليه

.....

[الحمدان]

عزاز النفوس تعيش لو هي بِدون بخوُت‏
مَاهِي تنحني للذُل وتضيّع السمعه

.....

[الحمدان]

ياسعود قلبّي كل مَاحل طاريه
يفز له ياسعود تسعِين فزه

.....

[الحمدان]

جعل ماجانا من الوقت كفارة ذنووب
وجعل طربات الليالي تجينا مخاوية

.....

[الحمدان]

صوتك يخلق من شقى همّي فرح
الله ياصُوتك كيف ينسيني العنا

.....

[الحمدان]

ياحزن ياريتُ اعِرفك چَنت
اسِويلك حديقِة يّاسمين

وممشِى مُن گاشيّ الفِرح
جدّام بيتكْ يّاحَزن ياريتُ

اعِرفك وين تسگُن چَنت
أگُلك لاتجينيّ وتمشِي

گُل هُاي المسِافة أنهَ
وحَدي چَان أجيتكْ

يّاحَزن وحيّاة حَزنك
مُاعرفتك چَنك مغيّر مشيتكْ

حاطِ ريحةٌ رخيصَة گلّش
يارخيصَ شگد بچيتكْ

شعر عراقي

[الحمدان]

يدور الشك بين الناس
والأعمال بالنيّات

‏ ويمر الواثق بنفسه
عليهم ويتعدّاهم

.....

[الحمدان]

أن حدك الوقوت بالسيف الشطير
ابتسم له غصب كنك هازمه

وان رماك الهم بالبحر الغزير
صب له فنجال كنك عازمه

.....

[الحمدان]

أردد أسمك طرب وأكرر أحروفك
‏وأهيجنك من صميم القلب وأجرك

‏أكذب ليا قلت قلبي يقدرأيعوفك
‏وأكذب لياقلت حالي بعدك يسرك

.....

[الحمدان]

مرّ من بين الاغاني والسوالف
‏واخذني بايديك على حين غرّه

‏واعتذر لي عن خطاك وقول اسف
‏اعترف لي بالخطا لو بس مرّه

‏لاتكابر واتغلا وانت عارف
‏لوّ ما احبك صدق والله ماتشرّه

.....

[الحمدان]

المبسم النرجسي والنظره الخجلا
‏تناقضـاتك تزيد أهل الهوى عله

‏وش هو له تكٌحلين عيونك النجلا
‏انتي الكحل في عيونك وهبه من الله

.....

[الحمدان]

غريب ٍكل ماطاح الظلام وبان فيك الخُوف
‏هربت من إرتيابك والأرق للشِّعر والمسرى

‏تفكر في لياليك القِدام وحلمك المكتوف
‏وأمانيك القديمه في زنازين الظروف أسرى

‏نسى وجه المدينه وجهك المتوهِّج المألوف
‏وفقد درب المرابي خطوتك بالِّليله الغدرا

.....

[الحمدان]

تسوق الطف أنسام الغلا ضحكة محياك
على روح من طالت عقوده وهو ضامي

ياسبحان من خلاني أدورك والقاك
وأشوف أبسط حقوقي معاك أكبر أحلامي

لا تستغرب إن بعت الوجيه وشريت رضاك
وأنا مرخص ليومٍ معك جملة أيامي

تمثنى فجوج القلب وأسلى وسج خطاك
على عين حاسد ضحكتي لك ولوّامي

.....

[الحمدان]

اضحك عسى مايضحك انسان غيرك
اضحك جعل قلبك على طول مرتاح

اضحك طلبتك ياسعادة اميرك
يااللي بضحكك تجعل القلب يرتاح

اضحك عسى درب السعاده تنيرك
وتدوم لك كل السعاده والافراح

.....

[الحمدان]

الكفو مايصبر على الغبن والهون
‏لاشاف مايكره من الناس قفّى

‏والا ضعيف الهمة اللي يقولون
‏يمشي بدرب الهون لين يتوفّى

.....

[الحمدان]

اللي على الشده ضعيفه عزومه
‏تدوسه الدنيا تحت رجلها دوس

‏وسيفٍ يخبا بالقسا وش لزومه
‏لاصار ما هو باللقا ينسف الروس

‏ومن لا تعدي دون حده سهومه
‏عقب التروس يصبح الصبح مريوس

‏الخلق ما هي في بعضها رحومه
‏من طاح تبطش به مخاليب وضروس

.....

[الحمدان]

تغانم الوصل لان البعد لابد منه
ياتيك في يوم ثم ياخذك بدراجه

غالي وتبخل عليّ وتطول الغيبه
الله يسامح غلاك ويقطع الحاجه

.....

[الحمدان]

ياكثر ماحَطه على النار راعيه
حتى تغيّر من صلا النار لوُنه

عز الله إنه يقعد الراس شَاهيه
ويخلي المحزوُن ينسى حزونه

.....

[الحمدان]

معك واشتاق لك وشلون وانا بعيد
والمشاعر ضوامي غصب تنساق لك

كل ما ابطت بي الايام شوقي يزيد
شف جنون الغلا عقبك وانا عاقلك

فيني شعور احسه نابع من الوريد
من يلوم الخفوق إن صار تواق لك

ريف قلبي ومرباعه وشوفتك عيد
وانت مثل الهواء وارضي والآفاق لك

.....

[الحمدان]

لبى العيون ورمشها والحجاجين
ولبى المعنق والنحر النهودي

ولبى يدٍ ماحط فيها غدى زين
ولبى يدٍ النعومه والدلع الركودي

لبى الكلام الذرب واللطف واللين
ولبى اشقرٍ كده على دهن عودي

لبى اهلك لعيونك اليوم غالين
ولبى خوالك كلهم والجدودي

.....

[الحمدان]

ليا شفت وجهك والله ان ماعلّي اخلاف
‏فلا تنشد اللي شاف غايته وش لونه

عيونك مثل مجد قصر دونه اللي خاف
‏وانا اللي يحب المجد ويموت من دونه

.....

[الحمدان]

يالله بعلم يشرح قلوب الأحباب
ويمطر على النفس الحزينه فرحها

العين تنظر للسماء بعشق وأعجاب
عشق السحايب يوم ينزل مطرها

مابين وصل وشوق وحظور وغياب
حيٍ السنين الي جميله صورها

ماصك باب الا وربي فتح باب
وايدين رفعت للولي ماخذلها

.....

[الحمدان]

يالله بصبح فيه خير وتوافيق
ويوم على ماقيل كله سهاله

يهنى يشوفه من برى حاله الضيق
ويلقى السعد والخير من ضاق باله

ويالله توفق من دعى بالتوافيق
وتسخر الدنياء على ماسعاله

ويارب سهلني لدرب المطاليق
وتجعلني من أهل الوفاء والجماله

.....

[الحمدان]

‏والله إن اللي تحبه لو الدنيا تميل
‏لاطرى وجهه يخليك ذو صدرٍ رحب

‏تشعر إن الذاكره دايم تسوي جميل
‏كل ماجابت على البالّ وجه اللي تحب

.....

[الحمدان]

دريت انّ العُمر دمعة مشاعر وإبتسامة عين
‏وجيتك مثل جيّات الكلام اللي على حلّه

‏معك شفت الحزن ليلة وشفت الضاحكات سنين
‏معاك أمّا الصحاري صادقة ولّا المطر زلّه

.....

[الحمدان]

ياعابرين الدروب وعابرين القلوب
‏رغم إختلاف المقاصد كلكم عابرين

‏اثاركم في المشاعر مثل اثار الحروب
‏اللي تشتّ الشمل وتروّع الآمنين

.....

[الحمدان]

‏لاترسلين الورد وانتي من الورد
صوتك وبوحك يجمع الورد كله

ياغايتي ومناي ياباهي الخد
سؤال حاير فالهواء من يحله

نعيش بالاشواق لشراقة الغد
عشان دمعي في فراقك ما اهله

.....

[الحمدان]

متعوّد اكلمك واواصلك كل يوم
‏والي تعوّد له على شيء مايتركه

‏انت اكثر انسان في الدنيا صدوق وكتوم
‏ازعله وارضيه وابكّيه واضحّكه

‏تقول ويش القمر واقول ويش النجوم
‏وتقول ويش الحسن واقول فيك ابركه

‏من شاف وجهك وركز في القمر قال توم
‏بس القمر في المجره وانت في المملكه

.....

[الحمدان]

‏زرعت لك في داخل القلب احساس
ونثرت لك بالحرف عذب القوافي

ياللي غلاك مخالطٍ عذب الانفاس
يالله عساك لنبض روحي عوافي

دامك سكنتي الروح من بد ذالناس
شعر الغزل يزهاك والقاف وافي

.....

[الحمدان]

‏روضت لك خيل الغلا لين طاعت
‏والشوق يصهل في ميادين صدري
‏
‏وسرحت لك خيل المحبة وقامت
‏ليتك عن اللي بين الأضلاع تدري

.....

[الحمدان]

تمنيتك معي قصه طويله
تمتعني وتسعد لي حياتي

بك الدنيا في الواقع جميله
وواصلك ماسواته امنياتي

احبك والهوا قلبه دليله
وسميتك في الدنيا غلاتي

نوصل حبنا واحذر تحيله
وحبك ماتركه لما مماتي

لقلبي ماسو قلبك خليله
فديتك يا الذي وسط الرياتي

ولاعاش الذي يعلن رحيله
ولا لك حب فا الدنيا سواتي

.....

[الحمدان]

‏ترا جرح المشاعر مايجيبه غيبةً وفراق
‏يجيبه كلمةً ترمي مقام بجرح مايبرى

‏عليك الود من كف الشعور المعتبر ينساق
‏شعورً مستمر له ضلوعي مرزم ومجرى

‏بديت الحرب مع طيفك وطيفك شدد الاخناق
‏وشفت بعينك النصر المؤزّر اقرب واحرى

.....

[الحمدان]

‏المحبة وهبةً من قلب واحساس وصنيع
‏اغمري بالحب قلبً غير قلبك ماغمر

‏اسكني قلبً من اشواقه خطير انه يميع
‏علّقه مخلب هواك وفي مخاليبك ضمر

‏احفظي قلبً تركته من ورا عينك وديع
‏لاتورّينه جفى ولا توطينه جمر

.....

[الحمدان]

تعالي لي على هيئة سؤالً ما لقى سائل
‏واجيلك جيتً فيها جواب ماهقيتي به

‏تشاكيني من الدنيا وانا اشكي حظي المائل
‏تعالي واخذي الخافق وغني له وهلّي به

‏انا كيف ارسم احساسً عجز عن حسنك الطائل
‏جمالك لو بغيت ارسمه ماقدر له ولا اجيبه

.....

[الحمدان]

‏لاتاخذك الظنون وشرهة العذّال والغالين
‏كلامك يكسب إعجاب القلوب وصمتك إعجوبه

‏أثر حتى كلام القلب يوصل عن طريق العين
‏سواة إللي يوصل كلمته بلسان مندوبه

.....

[الحمدان]

‏أستقبلك كن مالي قبل عرفك طراه
‏وأستدبر الأرض عنوه والبساط احمدي

‏سمي دروبي بأساميها مضيق ونفاه
‏وأخذي من الشعر إذعان الرضا واخلدي

‏ محتاج وجهٍ يرجعني أحب الحياة
‏وأنت جميع الحلول الممكنة في يدي

.....

[الحمدان]

‏ياوجودي كل ماهبّ نسناس الشمال
‏وجد من حده زمانه على اللي مايبيه

‏وياوجودي كل ما اضحيت ثم مال الظلال
‏لاغفت عيني ولا ذقت شيٍ مشتهيه

‏وجد من قفّى وهو في رجا كلمة تعال
‏والتفت من عقب ما اقفى ولا احدٍ لدّ فيه

.....

[الحمدان]

‏أنا أذكر ضحكتك وأذكر حنين الشِّعر للإسهاب
‏وأنا أذكر كم قصيدة تنسلب من وارف أهدابك

‏فداك الشِّعر وشتات البعاد وطاري الأحباب
‏وحنين الليل يوم إنّه وقف بي أرتقب بابك

‏نديم البال ماجاد القصيد ولا مكثت أرتاب
‏وأنا وهذا القصِيد اللي بعد ماغبت ماغابك

.....

[الحمدان]

ودي أسهر في عتيم عيونك السود وهدبها
‏واتوضأ في دموعك عن عظيمات الخطايا

‏كل فرحه تهدم جبال الحزن كنتِ سببها
‏والوجع حَبٍ عصي الطحن ويدينك رحايا

‏علميني من هو مثلك ياهوى النفس وطلبها
‏لاوجيه ولا نجوم ولا خيال ولا مرايا

.....

[الحمدان]

على الموعد أمانينا تهاوى بين ليت وعلّ
‏ قبل مايبتعد درب الكلام وتثقل حمولي

‏زرعت الليل عن شمس العيون وكنت أحسبه ظلّ
‏ولا فادت مظاليل الليال ومات محصولي

.....

[الحمدان]

انت الشعور الصادق وغيرك سراب
وانت المقرّ الثابت وغيرك ممر

غلاك بضلوعي تربّع لين ذاب
يفوح مثل العود من فوق الجمر

يا أغلى البشر وجهك علاج الإكتئاب
ومْواصلك مثل السحاب المنّهمر

حتى ولو قلبي شَعر بالإغتراب
انت الوطن واجمل ملذّات العمر

.....

[الحمدان]

فيك من إبداع ربي في جمالك
ماتسبّح له عيون الشايفِين

ما اظن القى على الدنيا مثالك
والذي شافوك مثلي عارفِين

ميزك ربي عن العالم لحالك
القمر والشمس حولك واقفين

انت حالي والحلا كله حلاك
ياوطن للحب يأوي الخايفين

خوف عيني خوف قلبي من سؤالك
ودي اعرف مسكني بالحب فيَن

هل بقلبك لي مكانه مثلما لك
وسط قلبي لجل نبقى مكتفين

ودي اشرح لو تبادر بأتصالك
كم بقلبي لك من الشوق الدفَين

.....

[الحمدان]

برد الشتاء والليل لاطال مسراه
‏ياحيّ ذا الطاري من البرد والليل

‏ماكل شبة نار فيها دفى البرد
‏برد الشتاء اهون من برود المشاعر

.....

[الحمدان]

‏أنا وهو من دون ذكر التفاصيل
الصمت طال ونتتظر من يبادر

كنت استعد انطق له اشتقت بالحيل
ومن قبل اقول اشتقت شفته يغادر

.....

[الحمدان]

‏الصاحب الغالي ليا من فقدناه
نسعى على شوفه بكل الوسايل

والا الردي لاصد واقفى شكرناه
كنه ليا فارق مسوي جمايل

.....

[الحمدان]

بنت بدوي راسها مليان بحميه
تحب تسمع قصايد عن قبيلتها

وإن جات للموضة ولأشياء عصريه
يقلدونها البنات بزين كشختها

.....

[الحمدان]

وش لون تبخل على المجروح بعلاجه
وش لو قاواك قلبك رده وصده

مع انه بين عليه الضعف والحاجه
ياقو قلبك برد ايمينك ورده

محمد بن فطيس

[الحمدان]

كان مقصد صدتك مني تغلى
والله انا شابعين من التغلي

كان مقصدها على اعصابي تسلى
فانا لله من بعض التسلي

فلاح المسردي

[الحمدان]

دار الزمان وشفت فيه العجايــب
شفت الغلا والكره والزين والشين

وشفت القلوب الحاقده والحبايب
واللي يعيش بوجه واللي بوجهين

.....

[الحمدان]

‏عيش طيب ولكن كل شي له مقام
خل قلبك على صون الكرامه حريص

لاتبالغ في التقدير والاهتمام
لجل ماترخص الغالي وتغلي رخيص

.....

[الحمدان]

حنا كذا من يوم للأرض جينا
الله خلقنا فوق لسياد سادة

ماهمنا من ساق هرجه علينا
ماهمنا هرجة وكل أنتقادة

نفعل نسوي ماطلع في يدينا
والله وحدة بس يرزق عبادة

.....

[الحمدان]

الهبايب نسنست والروح خفّت
‏أقلطي ياضيقة الخاطر وتمي

‏الحزن مايعترف باحلم وعفّت
‏والصبر ماهوب مثل عيال عمي

‏والوصل لامالت دروبه ولفت
‏مالي الا أغيب واستغفر واسمّي

.....

[الحمدان]

‏برد وشتاء واحساس فيك دافي
‏ليت المساء كله مع البرد يطريك

‏ياللي غلاك بداخل القلب غافي
‏يصحا على صوت المشاعر تناديك

.....

[الحمدان]

يالآدمي مادمت في صحة وخير
تحمد الله وأعتبر نفسك غني

لاصرت متعافي ولو انك فقير
تراك فعيون المريض أكبر غني

.....

[الحمدان]

‏لاتلومني لاجيت كلي من اقصاي
مافيه غيرك لاتضايقت جيته

جيتك وقلبي دقته تسبق اخطاي
جيتك اقول مفارقك ماقويته

.....

[الحمدان]

أنا الحضور اللي مايشبه للغياب
‏وانا الغياب اللي شعر به من حضر

‏لاجيت مثل المزن في عرض السحاب
‏وغيري سحابٍ مايجي منه مطر

.....

[الحمدان]

أجيك مرهق ومتضايق ومتعني
‏واروح ودموع عيني عنك ساترها

‏ودي اعلمك بهمومي ولكني
‏اخاف أعلمك فيها وما تقدرها

‏وانا حياوي وطبعي من صغر سني
‏أفارق الناس قبل اجرح مشاعرها

.....

[الحمدان]

ماملكنا الا المقام اللّي تطيح الناس دونه
وماكسبنا الاّ الفعول اللّي تردّ العلم عنّا

بقلمي

[الحمدان]

وجدي على اللي ماترك فالعيون نعاس
سهرت الليل لاجله والسهر كنت مادانيه

اغني مع طيوفه واغني مع الهوجاس
لعله يرد الصوت ويقول يالبيه

....

[الحمدان]

علموه ان عاد قلبي فالمحبه صوبه
ماتغيره الظروف القاسيه واشهبها

.....

[الحمدان]

حَبيبي وداعتك تتلاگه الوجوه
وعلى كلشي نتحاسب وحدة وحدة

أجرحَك بالعتب ماجرحك بسيف
لأن جرح العتب محد يضمده

وگتلك ترا هالدنيا دوﻻب
وإذا فرت عكس حِيلك تهدّه

شعر عراقي

[الحمدان]

مازلت في صدر المقادير عسَّاس
ممحل وبارق ضحكتك شعّ نوره

قلبي معك من وين ماهبّ نسناس
يرَفى صواديف الزمن في حضوره

وشلون ينسى طلّتك يا أعذب الناس
لا صار وجهك كل ساعه يزوره

.....

[الحمدان]

‏انتي الفارقه والنادرة والثمينه
‏عاد اساميك واجد لاتقولين قلها

‏يمكن يوقف الدنيا على راحتينه
‏ويتحدّى الظروف اللي محد يحتملها

.....

[الحمدان]

‏أنس كل الي حصل واخذ نفس واخذ قرارك
‏ وبعد ماتاخذ قرارك عطني ايديك الرقيقه

‏وبسألك بتحبني ولا الهوى عمره مازارك
‏وقول أحبك عندي احبك أهم من الحقيقه

.....

[الحمدان]

إكتشفت إن الحياة بكبرها قطعة مسافه
‏تغوي المفتون لين العقل يصحى ويتنبه

‏وإستعذت مْن الدروب اللي نهايتها حسافه
‏قبل ترميني ملذات الزمن في جوف غبه

‏مايخاف المؤمن اللي فيه من ربه مخافه
‏مصدر الخوف الحقيقي واحدٍ ماخاف ربه

.....

[الحمدان]

‏هي شيخة الزين والاخلاق والعفه
سبحان من زين الخلقه وسواها

هي بكفه وخلق ربي كله بكفه
تفرق عن العالم بمجمل مزاياها

الوجه والخد والعينين والشفه
تبطي بطون الحريم تجيب شرواها

.....

[الحمدان]

مال الطناخه غير روس المطانيخ
اللي سلوم اجدادهم مانسوها

ماكل راعي بشت شيخ ولد شيخ
تالي الزمن حتى الرخوم لبسوها

.....

[الحمدان]

للفخر حزه مثل مال المواقف حزه
ومن بييع أسمه واسم جده هذي مشكلته

خل عنك اللي يقول ان الدراهم رزه
رزة الرجال والله دينه ومرجلته

.....

[الحمدان]

‏تموت النفوس ولا تموت الكرامه
وعاداتنا ماننكر ونجحد الطيب

هاذي عوايدنا ليوم القيامه
نحذر من المنقود ونجنب العيب

.....

[الحمدان]

‏دريت إن المحبه وقفت من يوم جرّ خطاه
‏ودريت إن كبدي بتبطي من الفرقا ولا ارتاحت

‏ياكم مره نويت انساه لكن مستحيل انساه
‏هو اللي وسّم ضلوعي هو الرسام والناحت

‏صحيح إن الجفا طوّل ولكن حشمه لذكراه
‏بقلطها ليا مرّت وأودعها ليا راحت

.....

[الحمدان]

‏تقوّي ترى الخاطر لهالحين باقي فيه
‏تعابير وجهك قاطعتني وأنا توّي

‏تزبر دموعك في محاجر عيونك ليه
‏أوآسيك والا أجرحك والا وش أسوي

.....

[الحمدان]

فمان الله ياغلى من خذلني يوم انا شاريه
‏عجز قلبي لاينسى الي يحبه رغم خذلانه

‏بيذكرني لاشاف ان الليالي تحاول تبكيه
‏بيذكرني لاحس انه غريب اشتاق لوطانه

‏انا ذاك المكان الي سكنته واترعرع فيه
‏تشوفه من بعيد وصعب تاصل صوب بيبانه

.....

[الحمدان]

‏طهارة وجهك الراضي كأنه منخلق من لين
‏سحابٍ يروي احساسي طهر ويلملم شتاتي

‏ذخرتك للشقى صدرٍ يكفيني عن الباقين
‏وذخرتك للمدى هقوه تشتت كل ضيقاتي

‏انا ياضحكة سنين الزمان وكل علمٍ زين
‏تركت الناس متعمد وعليك اسوق هقواتي

.....

[الحمدان]

‏صاحبي ياناس يا إللي فوق يا الوزن الثقيل
‏لدّ النظر فالعالم إللي ماتبلّ حلوقها

‏وشلون أبرّر موقفي وأجزا كثيرك بالقليل
‏وأنا يديني في فم الحيّه ورجلي فوقها

.....

[الحمدان]

‏تفاصيل وجهك جعل بعض الوجيه فداه
‏هي اللي ماخلّت للنجاه أحتماليّه

‏أنا أضيع دونك وأسهر الليل من مبداه
‏مثل ضيعة الجاهل الى غاب واليّه

.....

[الحمدان]

من متى كانت أجابتنا على قد السؤال
‏ومن متى كانت سوالفنا سوالف باردة

‏ومن متى الوعد يتأجل ويتأجل الأتصال
‏ومن متى قلبي فأمانك والهجوس أطارده

‏ومن متى كلمة أحبك يوم كامل ماتقال
‏ومن متى أسولف على عينك وعينك شاردة

.....

[الحمدان]

‏تجمعنا بعد سطو الفراق وسيفه البتار
‏كأني بليلة عتمه ضواها وجهك بنوره

‏تعالي لي أنا ما أحتاج من بعد الغياب أعذار
‏وزلاتك قبل لا أسمعك معفيه ومغفوره

‏تهادي في كنف صدر على حبك أبد مابار
‏وضمي بسمة بعدك لها عامين مكسوره

.....

[الحمدان]

ياسبحان من خلاني أدورك والقاك
‏وأشوف أبسط حقوقي معاك أكبر أحلامي

‏لاتستغرب إن بعت الوجيه وشريت رضاك
‏وأنا مرخص ليومٍ معك جملة أيامي

‏تمثنّى فجوج القلب وأسلى وسّج خطاك
‏على عين حاسد ضحكتي لك ولوّامي

.....

[الحمدان]

‏سامحني انا وقلبي سهرنا الليل وأغتبناك
‏وتسامرنا بحكي واجد لعلّ الدمع كفاره

‏ضحكنا من مواقفنا سكتنا شوي وعاتبناك
‏ياليت ان البداية سجن مانطلع من أسواره

‏تصارحنا انا وياه من اللي ماقدر ينساك
‏وطاح القلب من عيني وانا طايح من أنظاره

.....

[الحمدان]

انطقي له يامشاعر واقلعي مقلع طميّه
‏وازبني له زبنةً منها تفر اهل البشوت

‏وارسمي له رسمةً فيها المشاعر والوصيه
‏وادركيه من الخيال اللي متاهاته شتوت

‏في سواد عيونك اشوف الحياة المخمليه
‏من سكن فيها يعيش ومن سقط منها يموت

.....

[الحمدان]

لك من الغيم اقتناص ومن النور أقتباس
‏حتى لو مالك مع الناس والدنيا بدل

‏والسجع والتورية والتطابق والجناس
‏والزهر لافاح والطير لاطار وهدل

‏الغزل في غير وجهك ظليمة وأختلاس
‏بس في ضحكاتك إنصاف وبعينك عدل

.....

[الحمدان]

الظروف اللي تساومني وتحرج وجهي
‏ماحشمت وجه الكريم من الزمن واحراجه

‏كل طيب لانشدني وش ظروفك وش هي
‏قلت ربّـي فزعة المحتاج وقت الحاجة

‏غير يانفسي تمشّي فالبسيطة واسهي
‏ماني لحالي يواجه في الزمن ماواجه

.....

[الحمدان]

غنيت باسمك قصيدي بأجمل الحاني
‏اسمك يعطر حروفي في قوافيها

‏أنت بيوت القصيد بكل الأوزاني
‏بإسمك بيوت الشعر تكمل معانيها

.....

[الحمدان]

تضحك الدنيا لأهلها وتاليها الزوال
‏والغنا فِي عزة النفس والعرض النزيه

‏لاتغبط أهل الطمايع وعبّاد الريال
‏حظ من قام بصلاته وبرّ بوالديه

.....

[الحمدان]

‏الليه الجو بارد والمشاعر تفوح
مدري وش اللي جمع الثنين برد ودفى

وين أنت ياللي كلامك فيه للروح روح
من شدّة البرد عيّا شوقنا ماطفى

.....

[الحمدان]

‏مانرخص الغالين مع مر الازمان
‏نحفظ حقوق اهل الوفاء والشهامه

‏في عرفهم ماني مع الوقت خسران
‏اللي لهم بالطيب بصمة زعامه

‏ومن شانهم ماهمنا قول فتان
‏راع الحكي ماهمنا والنمامه

‏وانا مع الوافين لاشك كسبان
‏ماهوب لاحقني معاهم ملامه

.....

[الحمدان]

ليت صوتك ينشرب واقول صبه
لين ما تروى عروقي من حنانه

من كثرما اتوه في صوتك واحبه
اشعر أن الحكي مخلوقٍ عشانه

.....

[الحمدان]

أحدٍ يدور لك خطا وأنت ما اخطيت
وأحدٍ يدور لك عذر وأنت مخطي

.....

[الحمدان]

‏تقولين أحبك قلت مالشّعور لسان
على قلبي المغرم وروحي تمكنتي

أحبك مع أفراحي وأحبك مع الاحزان
وأحب الحياه اللي معك كيف ماكنتي

على كثر ماشافت عيوني من الغزلان
عليّ الحرام إن ماملا عيني الا أنتي

.....

[الحمدان]

هذاك كل الخطاوي تِتجه صوبه
لو غاب عني أحسه في شراييني

هذاك حتى كلامه غير وأسلوبه
مدري على وين لاسولف يودّيني

.....

[الحمدان]

والله أني شخص ماني سريع اعجاب
ولا كل حاجه عابره تكسب اعجابي

غلبت الهوى فتره لكن الهَوى غلاّب
تمادى ووقف في طريقي وانا مابي

دخلت في حياتي عرض من اوسع الابواب
وانا للحبايب ماني مشّرع ابوابي

عطاك الله من الود والحب والاعجاب
مايجعلك سيّد قلبي وسيّد احبابي

.....

[الحمدان]

يالبا الكلام الذوق والمنطق الجذاب
مجمل مكمل في تواصيفك وطيبك

أنا العاشق اللي من غرامك ترى ماتاب
وانا الهايم اللي قد تحملت تعذيبك

.....

[الحمدان]

‏عطر لسانك بذكر الله وقول الرسول
اخير لك من كثير الهرج والبربرة

مالك ومال البشر ياللي تحب الفضول
لاجاك علم ٍ ماتدري عنه لاتنشره

.....

[الحمدان]

‏واقراك في صمت العيون وهدبها
لاهز رمشك عرش قلبي بلفته

معك أحس الروح تعلن طربها
والحب لامن غبت يازين عفته

.....

[الحمدان]

وجهك محطّ أنظار شعّار الغرام
شاعرك يلقى من دواعيك السرور

اليا تلاشى النور من جنح الظلام
قام يتشعشع وجهك الفتان نور

.....

[الحمدان]

‏استلذ بليلتي يوم أشوفك متصل
واستلذ بطلتك رغم شح الإتصال

واستلذ بجيتك يوم تاتيني عجل
واستلذ بكلمتك كلما قلتي تعال

.....

[الحمدان]

‏عليك قلبي طواه من الوله طاوي
والصدر ضاق وتبيّح كل مكنونه

مدري عقب هالغياب المرّ وش ناوي
خلّيت روحي من التفكير مرهونه

كل شي في غيبتك بالعين متساوي
نفس الطعم والشعور وشكله ولونه

واليا فقدت ايّ شي اقول بالهاوي
فقدت كل الحياه بغيبة عيونه

.....

[الحمدان]

احفظ غلاي وخل صدرك لي وسيع
وأبشر بمنهو يحفظك يا أغلى غلا

انا وداعه في عيونك يا وديع
وانت الغلا اللي ما انخلق مثله غلا

.....

[الحمدان]

ماترضا عليه حتى من اصير وياك
ومن گد ماحرت وياك محتارك

ع مودك للمحاكم والتهم طبيت
وشلت عنك التهمة وفرحوا كبارك

واجيت تزورني ومن شفت بيدي قيود
اشتهيت تغيظني وسلمت بسوارك

شعر عراقي

[الحمدان]

‏من غرامك غرام ومن دلالك دلال
في عيونك رماح وفي جبينك ضياء

انت حاجه خيال ومن نسيج الخيال
صورك من نزل وحيه على الانبياء

الله امكملك سبحانه اله الكمال
بالعقل والثقل والعرف والكبرياء

.....

[الحمدان]

‏دام قلبي لك سما ضم السحاب
في ضلوعي تشرق وغيرك غرب

لو ابحسب فيك بيضيع الحساب
انت واحد لكن بقلبي عرب

.....

[الحمدان]

من الذهب والماس قيمه والوان
مابين نحل وخيل ورد وغزاله

مجموعتك روعه علئ هيئة انسان
لكن انا وياك كل شي لحاله

.....

[الحمدان]

‏ياللي قسمت القلب نصفين نصفين
نصفه غرام والنص الآخر عنادك

امسك كفوفي وقابل العين بالعين
وأبصم على قلب المتيّم وسامك

.....

[الحمدان]

‏يسعد مساء عينك وزولك وحبي لك
ويسعد مساء كل مايعنيك ويخصك

انكان ممداك توصلني فرح بي لك
خذ نصي اللي تبيه وخل لي نصك

.....

[الحمدان]

‏قرب عسى العذال تفدى مواطيك
وتعال لين تصير يدك بيدي

باقول لك جمله عن الكل تغنيكك
مادمت عندي مالحد شي عندي

.....

[الحمدان]

‏أنت الغرام وشمعة الجلاس
ونورك على قلب العناء شارق

وجهك من الفردوس والنوماس
وخصرك قتيل ومبسمك سارق

كل يوم أشوفك غير كل الناس
وكل يوم أشوفك نادر وفارق

.....

[الحمدان]

‏احفظي يابيض الايام من يرعى الجميل
لو نست سود الليالي خبيثين العمل

باقي الا يوم رست على الوزن الثقيل
بي تبرك من عناها جمل يدحن جمل

[الحمدان]

خذنا بقايا جسد ياحظنا العايب
بذمتك لاتزيد الوضع تعقيده

مشيتنا عكس ماكان الأمل ذاهب
وخذت منا الفرح في كل تنهيده

من قهرك امسيت يالحظ الردي شايب
وبان في وجهي الصافي تجاعيده

.....

[الحمدان]

يانفس ما باليد حيله ولا مَيل
في عودة ايام الزمان الجميله

لاعاد تتمني أنا فاقد الحيل
بعض الأماني للأسف مستحيله

.....

[الحمدان]

تجارب الوقت مامرّت مرور الكرام
‏خلّت عقول الرجال اكبر من اعمارها

.....

[الحمدان]

استريحي ياعيوني مابقي فالامر شك
خان قلبي فالنهايه من حسبته مايخون

والله ان القلب موجع والالم فالروح دك
وامتلا الاحساس بالحسره وخيبات الظنون

مابقي من بعد هذا يازمن لاكان بك
في شعور الغدر من بعد الثقه فرصه تكون

روح يامن خنت عهدك وانقلع واللعن لك
اوعدك تلقى انتقامي يملي احساسك غبون

كنت افكر مابقي فالبحر من بعدك سمك
بعدما شفتك على الشاطئ وحزنك فالعيون

تشتكي لي من همومك والالم ذا حل بك
وانت تبحث عن محبه تملي ايامك سكون

واحتويتك بعدما قلبي برغبه سلمك
كامل السلطه على كل المشاعر والشجون

وانت جازيت الوفا مني خيانه وايش لك
من فوايد غير ذكرى خايبه يا آخر زبون

......

[الحمدان]

‏تضيق لكن فزعة الله قريبه
الله مقرب فزعته يوم تنصاه

والجود لولا الجود نخوة وطيبة
كان العرب متساويه مالحد جاه

الناس تعرف في الظروف العصيبة
حد فاله البيضاء وحد فاله عداه

من شق جيب الناس ينشق جيبه
ومن يجحد المعروف ماعاد يلقاه

والله قسم للخلق كلن نصيبه
والدائم الله يا المتيم بدنياه

ردي عليهم يا الجبال الصليبة
قولي لهم من يزرع الطيب يجناه

.....

[الحمدان]

‌‎وش دوى البرد جيبوا لي علاجه وطبّه
مانفعني عسل دوعن ولا لوز خولان

مايضمّد جراحي غير قرب ‎الاحبه
وما يداوي فؤادي غير مزيون الاعيان

.....

[الحمدان]

لله درك اينما كنت لله
الله خصك بالسلوك الرفيعه

من حيث ماحل الوفا فانت تاطاه
فيك الوفا والطيب طبع وطبيعه

ياطيب طابت لياليه مغلاه
ماينحني للوقت صيفه ربيعه

نمشي على كف القدر ماحسبناه
ونضحك فلا ضاقت علينا الوسيعة

لنا في مصاف الخير عالم بنيناه
من الحب ماتجري عليه القطيعه

من الطيب نشري من شرانا ونفداه
ومن طبعنا من باعنا مانبيعه

.....

[الحمدان]

‏ساري الليل ما ادري وين عز الطلب
كل ماشفت زولْ قلت ربعي قريب

غيب الجدي والسبعه وصبحي قرب
النجوم اختفت كل الشواهد تغيب

عادتي في سكون الليل اشوف العجـب
اهتدي بالنجوم ونظرتي ماتخيب

.....

[الحمدان]

‏درهموا بالركايب يازهات السلب
وردوها وراها قيض حامي لهيب

واين راعي المشورة والعزوم العجب
والله اني بحاجة للرفيق الصليب

الفسـالة سهيلة والجمالة تعب
والمراحل طويلة حظنا والنصيب

.....

[الحمدان]

يامرحبا وهلين ياطيب الفال
‏اقلط بصدري وبضلوعه تفيا

‏جيتك ونا كلي من الجال للجال
‏معجب وهايمبك وعاشق سويا

‏شارب هواكِ شرب كيفٍ بفنجال
‏كيفٍ يروّق راس مغليك ذيا

‏مالك شبيهه نادره حسن وقبال
‏الله حسيبك ويش سويت فيا

.....

[الحمدان]

الصراحه كلها سبعة حروف
وكل حرف منها يوزن ذهب

والخيانه مثلھا سبعة حروف
وكل حرف منها يشعل لهب

.....

[الحمدان]

‏ودي أضيع بين يديك عقب البعاد
‏ضيعة إللي ماعيّن عاقلٍ ينصحه

‏سولفي أنتي أفصح من نطق حرف ضاد
‏لو كلامك خطا جمالك يصحّحه

‏مقتنع في جمييع آراءك من الوداد
‏لو تقولين طار الطير دون أجنحه

.....

[الحمدان]

‏أنا عالمك واصحابك وانا الأحباب
‏وانا اللي دون عمرك ما أبي عمري

‏تعال سولف عنّك بدون اسباب
‏لو إن البرد غيّر صوتك الخمري

‏لضحكاتك وله في قلبي المرتاب
‏تمادى بالشعور اللي سكن صدري

‏أنا ادري أحبك فوق الاستيعاب
‏لكنْ شكثر احبّك إيه ما ادري

.....

[الحمدان]

حبك اللي كف نفسي عن دروب الضياع
‏لايوردني على الموت فالفصل الأخير

‏كثر خيرك في فقير لقى الدنيا متاع
‏واغتنى من بعد حبك وصار أغنى فقير

.....

[الحمدان]

أنت وحدك تستفزّ الصمّت وتردّ الطواري
‏ماقدرت ألدّ لك تقدير وإلا أصدّ شيمة

‏ماعلي من الجفاف إن طالت يدينه دياري
‏وين مالدّيت أشوفك نوض بَرق ووبل غيمة

.....

[الحمدان]

‏أسلم يا أحلى ويا أغلى الناس وأجملها
‏سولف ياصوتٍ يموتني ويحييني

‏عطني علومك وطولها وفصلها
‏ترحب أذني وقلبي وإيدي وعيني

‏وأبعد عن الارض وأبعد عن مشاكلها
‏صوتك عن الناس والدنيا يكفيني

.....

[الحمدان]

‏بعد ماطارت طيور الهوى بارزاقها ياخِلّ
‏كبر فيني الشعور وطير من العش عصفوره

‏تهاجر لك مشاعر قلب حبك فارتحال وحل
‏مع كل انتفاضه شوق مغبونه ومقهوره

‏بعد مادارت الايام واحساس الوله ماقل
‏هنا خلف الضلوع العوج قلب تربكه صوره

.....

[الحمدان]

‏شد حيلكَ طالبك لاعاد ترخص قدري
‏والله أني بين فك البعد وحظٍ عاثر

‏أنت تدري والعرب عن حبنا مَاتدري
‏ياحبيبي ليه في وصلك علي متكاثر
‏ㅤ
‏كم شريدة شوق شفها في زوايا صدري
‏أجمع اللي باقيٍ من شوقي المتناثر

.....

[الحمدان]

‏من يعيد الشغف للي نفذ من رصيده
‏لايعيد الرفاق ولا يعيد المقاهي

‏فاقد الرغبه يشوف الثمينه زهيده
‏لي سنه ماخبر حاجة تشدّ أنتباهي

.....

[الحمدان]

خذلكْ الظن ياموهوم لاتشره على الخلان
‏غفت عين العتب من بعد ماسالت دموع اللوم

‏هي الأيام هذا طبعها من سالف الأزمان
‏من المؤسف بعد رغدْ الطموح تْدوّر المقسوم

‏يداويني كلام وفي مُراعاة الشعور إحسان
‏عسى بعض الكلام اللي على هيئة حياه يدوم

.....

[الحمدان]

‏من معطيات التجارب واختصار الكلام
‏أنجح عقول الخلايق فالزمان أربعة
‏
‏من فضل الصمت لازادت هروج الأنام
‏ومن ينثر الطيب لاشاف العرب تجمعه
‏
‏ومن شاف زلة رفيقه في طريقه وشام
‏ومن برّ في والدينه بِرّه ابينفعه

.....

[الحمدان]

لاتغارب لاتنزحت وجلست لحالي
‏الحزين احيان مردود السلام يكوده
‏
‏كل مامر المكان البالي اشغل بالي
‏والله ان كن الوجيه الغايبه موجوده

.....

[الحمدان]

‏اسافر من محطات الخيال لوقفة التفكير
‏واغني باللحون اللي صداها يطرب أسماعي

‏جناحي ذكرياتي والسما فكرة واحب اطير
‏كرهت الواقع اللي يحبس افكاري في قاعي

‏جفيت الليلة اللي تشغل الخاطر عن التعبير
‏وسكنت الليلة اللي في دجاها يظهر ابداعي

.....

[الحمدان]

حنّيتك من العتب يوم ان بعض العتاب
‏اقطع من السيف واصدق من دموع اليتيم

‏اهديت لك ورد واهديتيني اخطر صواب
‏محدٍ رمى الورد غير انتي وعبدالحليم

‏شكراً على مامضى لي معْك حتى الغياب
‏انتي غيابك صنع للناس شاعر عظيم

.....

[الحمدان]

تعبت أمد الصوت في صمت إمتّلى بالتايهين
‏وتعبت أدوّر للجواب اللي خنق هلأسئلة

‏عايش على قيد الأمل ماني على قيد اليقين
‏أكبر من الأحلام وأصغر من غموض المرحلة

.....

[الحمدان]

ياعاشق الليل وش خليت لعيوني
لو هامت بالليل تنشد نظرة عيونك

ماهي عداله بحب اثنين مفتوني
امّا انا او سمو الليل مفتونك

.....

[الحمدان]

‏بالمحبة والمودة لك حبيبٍ زاد شوقه
والمشاعر صادقة درب الوفا تمشيه رجله

ولا يداوي جرح ود القلب لازادت حروقه
غير قربك خل سير أقدامكم للوصل عجله

.....

[الحمدان]

ياما على وصلك ركضت وتعنيت
وفتحت لك قلبٍ من الحب تايب

وياما كسرت خاطري كل ماجيت
ارجع ودمعي فوق خدي سكايب

والحين عنك ياهوى البال صديت
حال الفراق وخاطري منك طايب

.....

[الحمدان]

ياصاحب الكف المخضب بحناء
يامن أسرت القلب في نقش حناك

ياناقش الكفين يسرى ويمنى
سبحان من صور جمالك وسواك

.....

[الحمدان]

‏حي المساء اللي نشوفك تجي فيه
ياللي عليك الروح كل يوم توله

يالذ واجمل شي تطري طواريه
ياغاية المشتاق واللي يقوله

.....

[الحمدان]

اشفق عليك واعتني بك واداريك
واسكّنك عنّ البشر وسط عيني

ياما زعلت وقلت ماعاد احاكيك
ويردني شوقي عليك وحنيني

خوذ الصراحه من حبيبٍ مصافيك
انت اجمل اللي مرني في سنيني

.....

[الحمدان]

‏نمسي على حال ونصبح على حال
‏يوم ٍلنا واليوم الآخر علينا

يوم ٍسلا خاطر ويوم ٍغثا بال
‏طبع الزمان وحكمة الله فينا

.....

[الحمدان]

غابت اللي مايوصفها الحنين
غابت اللي وجهها وجه السعد

من ملامحها خلق ربي اربعين
يوم غابت كلهم غابوا بعد

.....

[الحمدان]

ياغافل اتوضى مع من توضى
لاتترك السنّه ولا تهمل الفرض

لاشحّت الحاجه لها ألف مقضى
عند الذي لا اعطاك مايطلُب القرض

العافيه كم فالعنايات مرضى
ماتنفع القوّه ولا الطول والعرض

إقنع بما قدّر لك الله وارضىٰ
واركن على رب السماوات والأرض

.....

[الحمدان]

تدري وش إلي يقهر الرجال في درب الفراق
لارفرفت ذكرىٰ وليف القلب واتذكر غلاه

حتى العسل في غيبته والله مابه له مذاق
يضيع طعمه فالغياب وتنتهي لذة حلاه

.....

[الحمدان]

‏نمشي على حكم الزمن غصب عنا
‏ونقول ياقلب العنا الف لاباس

‏حتى ولو بالقلب سهم طعنا
‏نضحك ونخفي كل جرح عن الناس

.....

[الحمدان]

غدرتني وأنا من القلب حبيت
وجرحتني وانا احسبك دوايه

لكن تبغى الصدق تراك مخطيت
هذا غلط مني وهذا خطايه

لوني اعرف نيتك ماتماديت
فـي حب شخصً مايثمن غلايه

.....

[الحمدان]

لاتخدعك دمعة ولا يخدعك بوح
بعض الغلا أحيان ماله معاني

كم واحدٍ كنت أحسبه حسبة الروح
صدّت به سنين الحياة ونساني

.....

[الحمدان]

‏سولف مع العالم مثل مايحبون
واترك لهم على الهوامش مساحة

اثنين في هذا الزمن مايعيشون
راعي الضمير ومن يقول الصراحة

.....

[الحمدان]

‏احسدوني عليك وضيقوا صدري
وكل ماجيت ابيك عيونهم صوبي

تدري اني عشقتك وانت ماتدري
صعب ذوقي وحصلتك على ذوقي

.....

[الحمدان]

‏يا ام العيون الذابحات المراييش
الناعسات النجل يفتن هدبها

غطي عيونك خلي العالم تعيش
خافي من الله لانموت بسببها

.....

[الحمدان]

مافيه داعي تزعلين وتغارين
انتي يغار البدر من قو زينك

عاد البنات الفاتنات المزايين
بالله وشهن عند سلهام عينك

.....

[الحمدان]

إِنْ يحسدوني فإِني لا أَلُومهمُ
قبلي من الناس أَهلُ الفضلِ قَد حسدوا

فدام لي ولهم ما بي وما بهمُ
ومات أكثرهم غيظًا بما يجدُ

أنا الذي يجدوني في صدورهمُ
لا ابتغي صدراً منها ولا أردُ

وما أُؤمّلُ مِن أَمر يسوؤُهمُ
إِلّا وعندي لَهُم من مثلهِ مَدَدُ

.....

[الحمدان]

يافتنة النفس وأنفاس الحبيب الجريح
أنا على شوفة عيونك وْوجهك عَجِل

شيلي يدينك عن الوجه الجميل المليح
لاتحرمين العيون أحلى ملامح خجل

.....

[الحمدان]

ويقرأُ الناسُ أحرُفَنا فتعجبُهم
ويحسبونَ بأن الحُزنَ إبداعُ

ويشهدُ الحرفُ أن الحبرَ أدمُعنا
لو يعلمون وأن السطرَ أوجاعُ

والبوحُ فيضٌ من الآلامِ لو حُبِسَت
تهشّمت من أزيزِ الصدرِ أضلاعُ

ولا سبيلَ لها إلا قصائدُنا
فتستجيبُ لنا والوزنُ ينصاعُ

.....

[الحمدان]

‏يلي معاك السوالف غير كل الملا
بعد امتلكت المشاعر لاتشح بعطاك

طاريك عنه الخفوق وهاجسي ماسلا
يلّي نفس صبحك الساحر يعطّر مساك

ان جيت صدر الهوى تستاهله والغلا
وان رحت خذ ماتبقّا من حياتي معاك

.....

[الحمدان]

صحيح ماندري عن اللي يكنون
ولا احدن على قلوب الاوادم تنبا

مهما الليالي تستر اللي يخبون
تبدي لك الايام شين مخبا

.....

[الحمدان]

‏ياصباح الخير ياكل الأحبه
‏ياصباح الطيب والورد وعبيره

‏المشاعر كلها ورد ومحبه
‏وأنتم إحساس الغلا من كل ديره

.....

[الحمدان]

‏خلوه ياخذ من قصيدي كلامه
تفداه عين الشعر كان ادمعت له

لاتلحقونه بالعتب والملامه
انا حروفي من غلاه ابدعت له

.....

[الحمدان]

‏⁧ يسعد صباحك⁩ يابعد كل الأحباب
‏شوفك حلا والصوت فنجال دله

‏جيتك غلا جيتك شعر جيتك أعجاب
‏يامن خذيت القلب والحب كله

[الحمدان]

‏اعتبرني في حياتك من الماضي الجميل
ان ذكرتة تبتسم وان بغيته مارجع

.....

[الحمدان]

‏اقربي بين السوالف وكتفي والذراع
‏وانظري ليّ نظرة الشوق للشيء القديم

.....

[الحمدان]

‏اعشقيني رجل في عزّته ساكن
‏واجهري بي عشق يابنت الحلال

‏اعشقيني ماني بطمّاع لكن
‏خايف تروحين لشباه الرجال

.....

[الحمدان]

‏حبيبتي مثل القمر تملي العين
‏وأبعد علي من القمر في طلوعه

‏كانت توصيني على الوصل والحين
‏قامت تغلا لين صارت قطوعه

.....

[الحمدان]

انا احبك ولا لي في المحبّه راي
اعرف اني ابيك اقرب من ظلالِي

ابيك لغُربتي ديره وابي مسراي
يطول اللي مشيته مَعك يحلالي

سراب العمر توّه معاك خطاي
ولا فكرت في حلّي وترحالي

.....

[الحمدان]

لاصرت مؤمن بالعسر والتياسير
وعينك بعين الله مايكسرونك

.....

[الحمدان]

‏الكامل الله والخطا طبع الانسان
‏والدرب يفرق عن يساره ويمينه

‏والصاحب اللي له معزه وله شان
‏ان جاني بشينه تذكرت زينه

.....

[الحمدان]

‏من جهل خافي ضميرك لاتلومه
‏كل رايق يحسب ان الكل رايق

‏حط نفسك موقفه تعذر علومه
‏البشر ماهي على صدرك توايق

.....

[الحمدان]

‏القبول أوّل عناوين المودّه
‏واحترام الذات من طيب العقول

‏شخص تحترمه من إسلوبه ورده
‏وشخص ماله لا احترام ولا قبول

.....

[الحمدان]

إنسان ليت إنك عرفته من إسنين
وإنسان ليت إنك أبد ما عرفته

وإنسان مايسقط خياله من العين
وإنسان ماكنك مع الوقت شفته

.....

[الحمدان]

‏خذ ياسحاب الشوق من قلبي الشوق
وارحل جعل مسعاك درب السلامة

صوب الذي له شان ومكانته فوق
وسط الضلوع العوج ساكن غرامه

قله قسم قلبي من الشوق محروق
والنار تنهش في الخفوق إلتهامه

والجسم كامل صابه الياس والعوق
والقلب ينزف داخلي من سقامه

.....

[الحمدان]

احنا على العهد ياذي تسألوا عنا
كفوفنا للإخا وللعز ممدوده

يتغير الوقت واحنن ماتغيرنا
الاسم هو الاسم والجوده هي الجوده

.....

[الحمدان]

‌‎لو وصفتك شعر أغرق في بحورك
ولو كتبتك حرف أعيتني القوافي

ولو رسمتك نسخ تتشابه سطورك
ولو بغيت اعترف هذا أعترافي

لاظهرت ابهر العالم ظهورك
واعظم من اللي ظهر ماكان خافي

اعذريني لختلط شعري بشعورك
يشهد الله القلب في نيته صافي
⁦
.....

[الحمدان]

‏تأخذني الغيره عليك بجنح خوف
إلين مارهقت الفكر باصابعك

الضحكة الّي بعدها ضمّة كفوف
لاعاد تضحكها وانا ماني معك

.....

[الحمدان]

علم الفلك حائر على وصف حبك
يللي معه في القلب كل الحصانه

لاغاب طيفك في الفلك دوم قربك
كل الكواكب في جبينك ضمانة

ويلعن ابوه الهجر وياكم لعبك
مادام في قربك لنفسي مكانة

احن لك واشتاق ماخفت ربك
واكن لك في القلب كل أستكانه

بالله خاف الله ياخـل وشبك
تغيب عن عيني وما في امانه

.....

[الحمدان]

كان القمر مسؤول عن خطف الأنظار
انته ترى المسؤول عن خطف روحي

أن زان لي وصلك تحديت الاخطار
وإن شح بي وصلك تهدم صروحي

.....

[الحمدان]

ضاعت احاسيس المحبه مع الناس
هذا يحب وذاك يعشق مزاجه

احيان ودك يملي الكون إحساس
واحيان ودك ماتحس باي حاجه

.....

[الحمدان]

لاتَحْسَبْ الدنيا تجي لك على الكيف
ماطاوعت قبلك هل المجد والجاه

فيها المصاعب والتعب والتكاليف
هذا تغدابه وهذا تعشاه

كم فرقت من بين ناسٍ مواليف
واللي لها مشتاق ماتتبع أرضاه

تبغى الحقيقه ماعليها تحاسيف
والرابح اللي قام في حق مولاه

.....

[الحمدان]

‏من باب الاعجاب لاتسأل عن اعجابي
اسألني تحب بجاوبك حبيتك

أي والله إني عشقتك يا آخر احبابي
وصديت عن مجمل البشر من جيتك

في وجه غيرك مسكر عيني وبابي
غالي وزاد الغلا يوم إني أغليتك

.....

[الحمدان]

‏اميرتي لك بين الأضلاع منزال
داخل حنايا الصدر قصرك بنيته

حطيت لك بالقلب مسكن ومدهال
ملكك وغيرك لو بغاني جفيته

.....

[الحمدان]

منساك لو ينسى الكحل سود الأهداب
شلون تنسى العين صافي نظرها

ليت العيون إلي تريد اليوم فرقاك
تفقد مع الأيام نعمة بصرها

عهداً علي وناقض العهد خوان
منساك لو تنسى الروح جسدها

.....

[الحمدان]

يامجمل اسلوبك وضحكك ووقفتك
ويامطيب احساسك ومطيبك كلك

خل التعذر لاتردد بجيتك
تراك لامن جيت جيت بمحلك

.....

[الحمدان]

‏يالله صبآح العطآ والقرب والطآعة
‏يآمآلك الجود يآمعطي بلا منّه
‏
‏عفوك بعبدٍ لشوفك كثرت أطمآعه
‏يبغى يفوز برضآك ويدخل الجنه

.....

[الحمدان]

افا يصدري ضقت من جاير الوقت
‏خابرك ياصدري تشيل الثقايل

‏وش فيك علمني لك ايام مارقت
‏ضايق وفيك الهم صايل وجايل

‏خابرك ماعمرك للأحزان رافقت
‏واليوم كنك شايل جبال حايل

.....

[الحمدان]

ملكنا جمال الشكل وما تباهينا فيه
‏تباهينا بطيب القلب والنيه الزينه

.....

[الحمدان]

أنا تركتك للزمن والمقادير
طويت لي صفحه وسكرت بابي

بعض المواقف مالها اي تبرير
تراكمات وانا عدوي عتابي

.....

[الحمدان]

عفت العتب واكرمت نفسي واقفيت
وكتمت لهفة خاطري واشتياقي

.....

[الحمدان]

إيه أحبك باختياري واستخير
‏واترك الاحلام في مشوارها
‏
جيتني صدفة وحبيتك كثير
والصدف مافي احد يختارها

.....

[الحمدان]

انت بحياتي شي ثاني عن الغير
تقدر تقول اجمل حدث في حياتي

من كثر ماخانت غلاك التعابير
معاك احس اصدق كلامي سكاتي

.....

[الحمدان]

على الوعد والعهد عامٍ ورى عام
‏ياشوق روحي يادوايه وطبي

‏واللي خلق هالكون في سته أيام
‏مايعلم اللي بيننا غير ربي

.....

[الحمدان]

‏لاتنشد المشتاق وشلون يشتاق
هذا السوال اللي بليا إجابه

‏الحب من ربي يجي كله أشواق
من غير ماتعلم وتحسب إحسابه

.....

[الحمدان]

بعض القلوب إحساسها يشبه الورد
‏تزهر لقا وإن مرّها البعد تذبل

‏وأجمل قلوب نعيشها شايلة الود
‏فيها الوفا وإن هزّها الشوق تسأل

.....

[الحمدان]

جعل السعاده يامتابع لك غيوم
‏تمطر على ارض المشاعر وترويك

‏وان كان في صدرك تعاليل وهموم
‏تغسل مجاري خافقك لين ترضيك

مني لكم مع التحية

[الحمدان]

وش عاد لو جرح المفارق وجعني
مصير ضيقات الليالي تداويه

والغايب اللي في غيابه جرحني
الله يسهل له دروبه ويهديه

.....

[الحمدان]

ماكل مافي القلب لازم تقوله
ويسد عن طول الكلام العناوين

من قبل ماتعشق ومن قبل توله
جرح الهوا ماعالجوه المداوين

.....

[الحمدان]

هات الوداع وخذ معك جرح الايام
يمكن يكون فراقنا فيه خيره

خذ دمعتي والحب وكبار الاحلام
وارسم بها للشووق لوحه كبيره

.....

[الحمدان]

وين اودي شوق قلبي والوله
لوغديت بعيد عني مااسمعك

تملك احساسي وفكري تشغله
ترحل طيوفك وفكري يجمعك

هاك قلبي هاك ليتك تقبله
خذ سنين العمر او خذني معك

انت تالي الحب عندي واوله
من يقول إني نسيتك يخدعك

.....

[الحمدان]

انتي جديدي وانتي اخر حروفي
وانتي وجودي وانتي الكون كله

وانتي غرامي وانتي احلا ظروفي
وانتي الهناء اللي عشت انا تحت ظله

.....

[الحمدان]

الحب نبضة قلب في صدر إنسان
تجي من الله مالها اي تفسير

ماتنحصر بأشخاص ولا ببلدان
هي نوع واحد لكن اشكالها غير

.....

[الحمدان]

‏والله انّي في محبّتك إكتفيت
‏والسعاده في وصالك تستمر

‏انت ماتدري بشعوري لاحكيت
‏كلمةٍ منّك تكفّيني عمر

.....

[الحمدان]

حي المساء اللي تنفس بالاذكار
يشرح صدور اللي يعانون ضيقه

سبح وهلل واسلك دروب الابرار
وتصير اسعد شخص بين الخليقه

.....

[الحمدان]

كف المخاليق لاتعطي ولاتمنع
المعطي المانع الوهاب سبحانه

النفس عاداتها فالزود ماتقنع
لوتملك من الذهب وديان مليانه

.....

[الحمدان]

قامت الدنيا تمادى وتعطينا عروض
يالله توفيقك وعفوك وسترك والنجاه

ندري ان العمر محدود والدنيا حظوظ
واثمرتها السيره المستقيمه والصلاه

.....

[الحمدان]

عرفت كيف اليوم يفرق عن الامس
‏وخذيت عن بعد المحبين فكره

‏ياليت غيبتهم مثل غيبت الشمس
‏اللي تغيب اليوم وتبين بكره

.....

[الحمدان]

غرد على كيفك وذوقك ومشهاك
وان كنت طيب طاب مثلك كلامك

خذ هالنصيحه وخلها دوم وياك
كل ما احترمت الناس زاد ‎احترامك

.....

[الحمدان]

ياحروفي وإن حصل مني خطأ
خبّري المحبوب مو قصدي سهيت

ياحروفي والله أتعبني البطى
كلّ ماطالعت لشباهه بكيت

.....

[الحمدان]

مثل العسل اسمك إذا قمت أناديك
ومثل البدر رسمك بعتم الليالي

أعشق عذاب العشق وأموت أنا فيك
وأهوى أجازف في بحورك لحالِي

.....

[الحمدان]

في غيابك من قصيده لاقصيده
ودّي أنسى والقصايد تنتبه لك

كل مافتح بالخفا صفحه جديده
يرتسم وجهك عليها واتّجه لك

.....

[الحمدان]

صوتـك تمرجح بين امر ولبيه
‏وحتى عيوني في وصالك تحاكت

‏لاجيت لك مشتاق خل المشاريه
‏ولا قلت احبك ضمني وانت ساكت

.....

[الحمدان]

طيبك مع الطيب يزيده نقاوة
مثل الذهب ينفعك دامك حشمته

وطيبك مع الخايب يزيده غباوه
من ضعف عقله يحسبك مافهمته

.....

[الحمدان]

حسبت قلبي ياهوى البال سالي
‏لا واللذي اعطاك في داخلي حب

‏اطردك من قلبي واشوفك في بالي
‏واطردك من بالي والاقيك بالقلب

.....

[الحمدان]

النفس طابت والحياه اجبرتني
اساير أيامي على قدر المكان

والوقت قاسي والظروف اتعبتني
والحظ مايل عن مسارة ولا زان

.....

[الحمدان]

تستانس الروح لاجتني مراسيلك
والنفس ترتاح يانبض الغلا كله

والقلب يافرحته لحظة مواصيلك
ينسا التعب والوجع والضيق أي والله

.....

[الحمدان]

الورد يبقى ورد في كل الأزمان
لو غيروا بالورد حجمه ولونه

وأنا أحب الورد في كل الألوان
وأحب ناس بطيبهم يشبهونه

.....

[الحمدان]

دار الزمان وشفت فيه العجايب
شفت الغلا والكره والزين والشين

وشفت القلوب الحاقده والحبايب
واللي يعيش بوجه واللي بوجهين

.....

[الحمدان]

حبيبي آه كم أهوى وصالك
وفي بُعدك أنا كم لي أعاني

فقلبي في الهوى دايم حلالك
وبُعدك يالغلا زود جناني

وطول الليل أسبَح في خيالك
وأرسم صورتك داخل كياني

فمن مثلك ومن يرقى دلالك
أنا ما انساك ياروحي ثواني

نجوم الليل تسأل كيف حالك
وعن حسنك حبيبي اللي سباني

بذلت الروح والمهجة فدا لك
ولك باهدي ورود الأقحواني

أهنِّي من بهذا الحسن نالك
فحسنك حاز أوصاف المعاني

وحتى البدر سبَّح في جمالك
مثيلك مارأيت بالحسن ثاني

.....

[الحمدان]

حبيبي ياقره أعياني
ياروح روحي وريحاني

حليت وحدك بوجداني
أنت الوحيد ما إلك ثاني

.....

[الحمدان]

قلبي يحبك ومغرم بك
وراحة الروح في قربك

فلا تعذب حبيب قلبك
ولا تحاول تخون حبك

.....

[الحمدان]

باهي الخدود أنت يافتان
ياقمري ياساجي الاعيان

يابدر في منتصف شعبان
سبحان من زينك سبحان

.....

[الحمدان]

يافاتني ياعسل صافي
ريقك دوا للقلوب شافي

قهوه محوج ونسكافي
النظره منك صبوح وافي

.....

[الحمدان]

أنت حبيب قلبي الغالي
حبك مخيم على بالي

لولاك ماكنت انا سالي
ولا ارتقى حبي البالي

.....

[الحمدان]

الحب ياخلي من نظره
والعمر محسوب لك مره

هيا معي نحيي السمره
لاتعتذر او تقول بكره

.....

[الحمدان]

نحيي سمرنا بوقع الدان
أنت وانا وحدنا الاثنان

ونغلق الباب والروشان
ومالنا من فلان وفلتان

.....

[الحمدان]

خليك في عشقتك صادق
وريحة الورد فيك عابق

ياغصن بين الغصون باسق
إمشي معي في خطاك واثق

.....

[الحمدان]

حروفه اللي تجيني وتحمل احساسه
فديت الاحساس واللي يحس محبوبي

ياحلوها يوم تسكب داخلي انفاسه
واحس باللي بقلبه جمر مشبوبي

نجود الفيصل

[الحمدان]

اوفيت لك دام الوفا حصانه الشوق
وتستاهل الاشواق ياراعي الطيب

انت الوفي وفارس الشوق ياذوق
ومنزلك مابين الضلوع المحاديب

نجود الفيصل

[الحمدان]

أنا قتيله وأنا أمنه وأنا خوفه
وأنا غناته وأنا طرحه وأنا جمعه

ياجعلي أسابقه للموت وأطوفه
محبتن فيه لاخذله ولا رمعه

.....

[الحمدان]

‏يافالق الاصباح من بعد الظلام
‏ياخالق الإنسان من روح وجسد

‏تجعل مسيرتنا على الدنيا سلام
‏ماعندنا للناس حقد ولاحسد

.....

[الحمدان]

‏معشوقتي جري القصايد مواويل
‏لين الهواواي يسّتلذ بغرامة

‏مع العصر والفجر وان خّيم الليل
‏نوحي الا من غبت نوح الحمامة

‏أيه افخري بي ماعشقتي لك خبيل
‏ويفداك رجلً ماتشيلة عظامة

‏وليا نشدك منّقل القال والقيل
‏منهو عشّيرك علمينا مقامة

‏قولي عشّيري بينكم كنه سهّيل
‏بين النجوم بطلعته وأعتصامة

....

[الحمدان]

‏يارفيق الذكريات ويا شريك فؤادي
‏كل ظنٍ فيك ظنيته تجي من فوقه

‏يتسلل صوتك من الذاكره وينادي
‏لين يفتق جوفي اللي كنت أخيط فتوقه

‏ايه يالبيه ياموتي ويا ميلادي
‏جعل حزنٍ مرني ماتونسه وتذوقه

‏ياوقودي وإندفاعي بالحياة وزادي
‏ياحشاشة جوفي وقلبي ودم عروقه

.....

[الحمدان]

‏سرقني مثل مايسرق هدب عيني لذيذ نعاس
‏وأخذني مثل ماحوله خذت رجلي على السكّه
‏
‏على وجهه يدور من العجب دهشه وحبس أنفاس
‏تشك إنه ملاك ولا ابتسم ماتلحقه شكه

.....

[الحمدان]

صباح السعاده والرضا وأول التوفيق
‏مقامك صلاة الصبح والناس هجاعه

‏ترى في نسيم الفجر متعه وفكة ضيق
‏ونعيم يصد الشر عن صاحب الطاعه

‏تفكر بفطرة خالق الخلق بالتدقيق
‏مع الصبح ينشر خلق ربك على اسناعه

.....

[الحمدان]

وصل الكلام اخر حدود الميانة
‏واللي تعثر قام واللي قسى حن

‏مافيه احد يستاهل انّك عشانه
‏تعيش راجي فضل وتموت ممتن

‏ودّك ترجّع كلّ شيّ بمكانه
‏ بسّ المسير لوين والخطوة لمن

‏لاخانك اللي كنت خوفه وأمانه
‏بيخونك التعبير ويخونك الظن

.....

[الحمدان]

‏معك ربّيت المحبة على قد الطموح
‏والنصيب يحدها والجفى يومي لها

‏اثري الغيبه حقيقة وأنا احسبها مزوح
‏قامت الدنيا علينا وشدّت حيلها

‏ياحبيبي انشد الوقت والحظ الشحوح
‏من جدار البال ، صورتك كيف أشيلها

.....

[الحمدان]

يا واحد جابك الله حلم وأعجوبة
‏الأرض ماتليق بك خذ موطنك صدري

‏قبلك حياتي ترى ماهي بمرغوبة
‏وشلون جدّد وجودك رغبتي مدري

‏عن عيني الناس ملغيه ومحجوبة
‏ما أشوفك إلا سماي وكلهم حدري

.....

[الحمدان]

يا واحدٍ ماخاب من لاذ بحماه
‏يارب وانت اللي بالاحوال داري

‏طالبك يامن تلهج الناس باسماه
‏غيثٍ سنا برقه يشق الغداري

‏يمطر على قفرٍ له سنين مظماه
‏عقب الظما يصبح ربيع وخباري

‏يبطي على وجه الثرا ناقعٍ ماه
‏في كـل وادي كنه النهر جاري

.....

[الحمدان]

أخاف أشكي ويلحقني من أفواه العرب تجريح
‏وأخاف أبكي ويلوموني على دمعٍ تساهلته

‏عجزت أشيلها نفسي وأنا لامن وقفت أطيح
‏معاذ الله من شيءٍ حصل لي ماتحمّلته

‏تلاشت كل لحظات الأماني في مهبّ الريح
‏َولا شيءٍ بقى لي غير حسراتي ولملمته

.....

[الحمدان]

كثر ماحن صدري للونيس وكثر مادرهمت
‏فجع صدري حنيني واتعب الاقدام درهامي

‏أحسب انك تيمم بأتجاهي وين مايمّمت
‏اثر لا انت بورايه بالطريق ولانت قدّامي

‏ختام السالفه ياطيب العشره كرمت ودمت
‏هذا حقك علي وحق شرهاتي على أوهامي

سعد بن جدلان

[الحمدان]

‏عز الله اني جزت عن كل ماقول
‏لاشك ردتني على القول صيحه

‏لاياعيون اللي ليا صك بالجول
‏منه ابرق الجنحان عجلٍ مطيحه

‏ياعود ريحانٍ رفع غصنه الطول
‏بستم قليبه مايهون ضبيحه

‏يوم استوى عوده على داير الحول
‏عجو به التجار من زين ريحه

‏ياشيخة الخفرات من زين ودلول
‏من مات من سبّتك ربه يبيحه

.....

[الحمدان]

‏ياربيبة قصيدً مايبرر غيابه
‏الا موت الشغف والا غياب النديمه

‏خلّي الشعر يلقى فيك حضرة جنابه
‏لين يزهر يباسه ويتجدد قديمه

‏وسولفي لين اشوف لكل ضيقه رحابه
‏واضحكي لين اشوف دروبنا مستقيمه

‏من يحبك يخاف من الفراق ويهابه
‏ومن بعد موعدك ما للمواعيد قيمه

.....

[الحمدان]

‏هلا مرحبا ماذعذع امن الشمال البرْد
‏وماناحت الورقى وماعسكر الذاري

‏وجودك معي مصدر فرح ياشبيه الورْد
‏وبدونك تفاصيل الفرح مالها طاري

‏طواني غرامك مثل طوْي السنين الجرْد
‏ولا زال حبك فالحشى بايع وشاري

‏هواجيس قلبي جا لها فالحنايا ورْد
‏من البارحه مفعولها فالحشى ساري

.....

[الحمدان]

‏لو مسكت السحابه مابعد قلت هلّي
‏التعفّف فضيله والوقاحه جروّه

‏والمروه لو إنها فالفقير المولي
‏أفضل من الغني اللي ماعنده مروه

‏حيّ طاري القروم وفرقا طاري اللي
‏لاصديقه صديق ولا عدوه عدوّه

.....

[الحمدان]

‏عسى الطيّب من القوم يبطي وهو موجود
‏ولا ينقطع حس النقى من تراحيبه
‏
يسابق مديح ضيوفه بما عليكم زود
‏فداه الذي مايذكر ان طوّل الغيبه

‏*يقول العذر والفال فوق الصحن مفرود
‏وانا داريً ان مابه سوى العود في جيبه

.....

[الحمدان]

اظن بعض المدح شتمٍ وتوبيخ
لاصار ماهو واردٍ في محله

المدح للمطنوخ نسل المطانيخ
اللي فعول الطيب عنده جبلّه

ماقال انا حاتم ولا قال انا شيخ
لكن فعوله قالت العلم كلّه

.....

[الحمدان]

يامجمل الصبح دام الصبح في ذكرك
‏يالله تقسم لنا من قسمك الوافي

‏صباح مافيه لاحمدك ولا شكرك
‏راعيه ماهو بمتوفق ومتعافي

.....

[الحمدان]

‏على الهون ياللي رمش عينك سحر واسلاح
‏انا داري ان كلمتك ماهي بعفويه

‏تسولف معي ودك يجي فالكلام ايضاح
‏وشعور التعجب واضح بنظرتك ليه

‏تردد علي مرتاح واقول لك مرتاح
‏وانا للقلق في خافقي جمرة حيه

‏مثل ما المحبه الفجوج الصدر تجتاح
‏اشوف الفراق يحاول يصافح ايديه

‏لاتستغرب ان شفت الحزن في عيوني لاح
‏احبك وخايف من وداعاً بلى جيه

‏ترا كسرت الخاطر لباب الحزن مفتاح
‏ولا فالحزن رحمه ولا فيه ماويه

‏وان داري بحظي واعرف الليالي اشحاح
‏ياما جرعتني المر واونست بالكيه

‏ولو ان جرح الحب طبه مع الجراح
‏ماشفت اله فعيون المجاريح ماريه

.....

[الحمدان]

‏يابعد من مابعد جا ومن هدا
‏ويابعد من ساج روض الحشا نشره

‏يوم صار الحب جزيه ولك تدا
‏والقصيد اسهل من كتابته نشره

‏خذ قصيدي ياشذا الورد لاندا
‏وأنتبه لي واستمع موجز النشره

‏والله أنك بالغلا فارق جدا
‏مثل فرق الابتسامه عن الكشره

.....

[الحمدان]

‏عرضتني للهبايب والضما والمهمهيّه
‏واتركتني للزعل والشوق والكبر وغلاها
‏
‏والغلا ماهو في يديها ولا هو في يديّه
‏الغلا شيٍ من الله واشهد ان الله عطاها
‏
‏من غلاها لو توردني على حوض المنيّه
‏كنها تسقيني الشِهد المصفى من شفاها

.....

[الحمدان]

جمال الحرف في مدحك حبيبي
يرونق أجمل أبيات المعاني

وماغيرك سكن في جوف قلبي
ومالي دون حبك حب ثاني

غرامي أنت يانسناس حُبي
وعشقي أنت يابهجة كياني

أحبك يادواء روحي وطبي
ويابلسم جروحي اللي تعاني

أحبك واعشقك وابيك جنبي
تعبت احسب للقيانا الثواني

طموحي أن تكن وحدك نصيبي
وحلمي فيك يتمنى الأماني

وذا قلبي دعا قلبك يلبّي
متى ماشتاق لك عبر الزماني

اتقبل حبي لك وأعطيك طيبي
ونسمع حينها أحلا الأغاني

ونسمر والسمر يسجع ويسبي
على لحن الهوى يادان داني

.....

[الحمدان]

يستريح البال لاهبّت انسام الهبوب
‏سامحٍ من هزل بعض العباد وجدّهم

‏في رجا إللي يفرج الهم ويغسل القلوب
‏عن بشر ماني بمعهم ولاني ضدّهم

‏فيه ناسٍ ماورا عرفهم غير الذنوب
‏ماقدرت اشري غلاهم ولا اخطب ودّهم

‏خيرةٍ لي يوم راحوا مع وساع الدروب
‏ياعسى دربٍ خذاهم ماعاد يردّهم

.....

[الحمدان]

طاحت اوراق السوالف في خريف العاطفه
وانكسرغصن المشاعرجفت احلام القصيد

كان في صدري مواني قبل ذيك العاصفه
للاسف زلزال طيشك ماترك حتى الجريد

.....

[الحمدان]

‏ماعاد صرت اعرف وفاء الوفيّين
‏قامت تطيح الأقنعه لامشينا

‏مره من المرات في درب ماشين
‏وياليتنا في دربنا مابدينا

‏نيّتك لاصارت مع الوقت ثنتين
‏لو طوّلت والله ماتمشي علينا

.....