فوق هام السحب ( الشعر الشعبي) على متن القوافي

[الحمدان]

من بغى قربك يسوي المستحيل
‏ومن يشوفك خساره اخسره

‏لاتنادي من بغى درب الرحيل
‏ابتسم له في رحيله واشكره

....

[الحمدان]

‏هد بالك مالك بصدري مشارك
‏وحدك اللي حط به بصمه وحيده
‏
‏بصمةٍ ماهي بيمناك ويسارك
‏بالشعور اللي مواثيقه جويده
‏
‏شب نارك بالضلوع وطف نارك
‏سوّ فيها ماتشاء وما تريده
‏
‏والله إني ما أنشدك ويش أنت تارك
‏لو مايبقى من معاليقي شريده

....

[الحمدان]

يابنت يالي تكتبين الجزايل
تعجبني بيوتك وطرحك والاوزان

متابعك وانا بقلبي غلاايل
اطلب وصالك دايم بكل الاحيان

لانك من رجالاً مافيهم تمايل
يصطون وقت الازمه واهم فرسان

ويابنت انا دمعي على الخد سايل
سبايبك يابنـت في كل الاحيان

لاشفت منطوقك اقوم اتخايل
واطلب من المولى وهو عالي الشان

يجمعني ابحبك وابدع مثايل
واجر صوتي عذب واثير بركان

....

[الحمدان]

‏بعض الكلام احيان خنجر وسكين
أن ماطعن شق الصدر حيل وأدماه

واللي سأل عن أبرة البنج مسكين
للبنج وقت إليا انتھى صاح ويلاه

....

[الحمدان]

‌‎لاتلمح للظروف ولا تدقق
خلها بالصدر تحرق ماتبقىً

دام باقي في ضلوعه ماتشقق
مايضـرّه لو تعب والا تشقى

باقيٍ به نبـض حلمٍ ماتحقق
والامل باللّه من نـاره توقى


‏مادام روحك ساكنة جوف الأعماق
أكيد حبك من يقيد ‎وثاقي

لك ‎عهد مني ياحياتي ‎وميثاق
ما أنسـاك ‎طول العمر ما دمت ‎باقي

....

[الحمدان]

‏الناس عادات وقناعات وطبوع
وأنا ما أحب أزيد معهم كلامي

لاصرت أجاريهم في كل موضوع
لاشك بفقد هيبتي وأحترامي

....

[الحمدان]

الشتاء واليل موحش والشجر صوته حزين
من ورا الشباك عيني تعكس انوار المدينه

الشوارع والاماكن كلها اكتضت حنين
لك شعوري لو وصفته فوق ماتتخيلينه

....

[الحمدان]

‏ولد في مكة
فأصبحت مكرمة

وهاجر إلى المدينة
فأصبحت منورة

ودخل قلوبنا
فأصبحت مطهرة


اللهم صل وسلم وبارك على نبينا محمد
فصلو عليه

[الحمدان]

مع رجعة البرد خل النار وهاجه
وسطر دلالك على ضوك وبهرها

وكان الدفا بالحطب مايكفي الحاجه
عليك بالحاجة اللي أنت خابرها

....

[الحمدان]

يامُعـاتبني على قِل رزقي
لاتُعاتِـبني تَرى الرزق مكتوب

قد تِعبت وانا على العز بشقي
في زمان الذل للنفس محبوب

مِن هوى نفسي قد اعلنت عِتقي
يوم بعض الناس للنفس مغصوب

ماعرفت الكذب مِن كُثر صِدقي
يوم صار الصدق بالناس مسلوب

الوفى كالدم يمشي بعرقي
ما الخيانه طبعها غير مرغوب

إنْ نطقت الوعد باوفي بنُطقي
والجمايل ردها شرط مطلوب

والصديق الفسل شوكه بحلقي
عالقه ماشي لها حل مرقوب


....

[الحمدان]

‏الصمت يغني عن كثير السوالف
لاصار مضمون الحكاوي نميمة

هرج القفا في غايب الناس تآلف
قلة حيا وذنوب من دون قيمة

....

[الحمدان]

‏انضج مراحل فالحياة التغافل
تدري عن الزله وتسكت عن الرد

....

[الحمدان]

مشينا مع اللي خوته ما بها تفرييط
خوي السعد والطيب والمحزم الوافي

....

[الحمدان]

الظلم مهما طال عقباه الندم
والكبت والإرغام والحكم المشين

والدار لاقد مال ركنه وانهدم
تستوطن الفوضى شماله واليمين

والوعي يأتي بالإراده من عدم
والطائفية تورث الحقد الدفين

....

[الحمدان]

زولة عينيها ابتسامة
وطولها مد النيل عذوبة

ضل وطن للشمسو نازحة
وصوت سلام عز الحروبة

زولة بيت بابو المحنة
ومبني بالحب طوبة طوبة

كلما تطرى الأماكن
تبقي ليك حلة ودروبة

وتبقي ليك اصحاب ورفقة
من جفا الغربة وشحوبة


....

[الحمدان]

كل ماسألت لي شايب سؤال
‏عن هل العشق الحقيقي والرزين

‏لوّح بيمناه متضايق وقال
‏أنت طيب بس راحو الطيبين

....

[الحمدان]

دنياك لو تسوى من الحــزن ذره
ماكان تاليها توابيت وقبور

العمر يمضي بين حلوه ومره
والموت حق وقابض الروح مأمور

دام الحياة الفانية مستقره
ورزقك يجيك وبين الأجواد مستور

لاتنشغل بالوقت برده وحره
واحذر تصير بقسمة الناس مقهور

حكم القدر لاجاك خيره وشره
أشكر عظيم الشان والذنب مغفـور

أطلق خيالك وأترك النفس حره
وخل الطبيعة في حياتك لها دور

وبالليل لابانت نجوم المجره
أذكر بديع الخلق بحساس وشعور

وأسجد لرب الكون مره ومره
وأحفظ لسانك وأترك الكذب والزور

وفروض ربك خلها مستمره
وطاعتك لايدخل بها نقص وقصور


حمد المغيولي

[الحمدان]

ليت صوتك ينشرب وأقول صبّه
لين ما تروِي عروقي من حَنانك

من كثر ما أتوه فِي صوتك وأحبّه
أشعر إن الحَكي مخلوق عشانك

....

[الحمدان]

مرحبا وفداك مافات ياعذب القبول
أشهد إن طلتك للمشتحن دفعة بلآ

أكتفيت بوجهك السمح مدري ويش أقول
جعلني ما اذوق حزنك ولا منك أخلا

....

[الحمدان]

اغار من شوقي اذا جاك مشتاق
وشلون يسبق شوف عيني لعينك

لك الغلا من داخل الروح ينساق
اسقي ثواني لهفتي من سنينك

....

[الحمدان]

‏بيني وبين الحب رمز وإشارات
افهم حروفه قبل يفهم حروفي

يكتب لي الكلمه ويترك فراغات
واترجم المقصود فـي وسط جوفي

وإن غاب عن عيني تجيني علامات
ويزيد نبض القلب من كثر خـوفي


....

[الحمدان]

‏سرقني مثل مايسرق هدب عيني لذيذ نعاس
وأخذني مثل ماحوله خذت رجلي على السكّه

على وجهه يدور من العجب دهشه وحبس أنفاس
تشك إنه ملاك ولا إبتسم ما تلحقه شكه

....

[الحمدان]

حيرتني وشلون اكتب وجازيك
الذوق منك والوفا من خصالك

القلب يستبشر اذا حل طاريك
والعين دايم يحتويها خيالك

....

[الحمدان]

‏وش حيلتي غير القصيد أكتبه فيك
لاصار ماني حول زولك ولاماك

أكتبك بإحساسي قصايد وأغنيك
وأخلي العالم ورىٰ الحرف تقراك

....

[الحمدان]

سكنتك بقلبي ولاحد حواليك
وحطيت لك بوسط قلبي مكانه

مغليك من بد المخاليق مغليك
واصون حبك مثل صون الامانه

....

[الحمدان]

سكنت روحي وحولت الجسد دارك
وأنته لي الروح واغلا أمنيه والدار

هل في المحبه إليك ساقتني أقدارك
أو أن حظي وضعني في يدك واختار

بالله عليك لاتعذبني على نارك
وروضتك قلبي المفروش بالأزهار

نصبت من شوق وسط القلب تذكارك
ولهفة النفس تطوي بعدك المشوار

واطوف ساعي ملبي حول مضمارك
واهلهلك في دعاء أهل الحب والأذكار

أقطع مدى الليل ساري خلف أنوارك
مع بروق الأمل والغيم والأمطار

غزيتني دون مايسبق لي إنذارك
والأرض دونك أراها ضيقه وامتار

....

[الحمدان]

ياشوق لاعبني من الشوق طيفك
احلم وامني النفس حال المواليف

لاجيت أنا مشتاق والشوق ضيفك
وش عندكم للشوق من واجب الضيف

....

[الحمدان]

‏أعطّرك من فيض شعري وأغنّيك
‏وأنسَى مع شوفتك باقي همومي

وأمُد لك فنجال عشقي وأخلّيك
‏تصرخ بعالِ الصّوت ضاعت علومي

....

[الحمدان]

حاولت انام وما تهيا لي النوم
النوم والهواجيس ماهم ولايف

ماتستريح العين والبال مهموم
ولا يستقر الحال والقلب خايف

من عقبكم كني بالاعدام محكوم
مامات لكنه من العمر عايف

....

[الحمدان]

‏العز عز الروح ماهو بالأموال
والطيب طيب الذات رفعه وهامه

والفقر فقر الفكر مع مَر الأجيال
يامن تحْسَب الفقر عيب وملامه

....

[الحمدان]

بنص هَذا الضياع انتَ المصَبرني

وتهديني شوَكت ماوكتي وترني

انتَ العافيه وانتَ انتِصار الذات

مو وياي احسَك لا جزء مِني

والله عُيونك سالفه اتعب

چذب تارس عُيون الناس

بس عُيونك الحلوات مچذب


شعر عراقي

[الحمدان]

‏لبيه لبًا وردك اللي حملتيه
لبّا عيون ٍ تنظر الطيف فوقي

هاتيه أضم الورد وأضم راعيه
يامن ملكت كل حسن وذوقي

...

[الحمدان]

‏اكتب لك اشعاري واكتب حروفي
لجلك واسمك يامنى القلب مكتوب

طيفك ملازمني وسره يحوفي
ياعالم العشاق للعشق مندوب

هذا الغرام الي سرا في نحوفي
حب الحبيب الي بالقلب مجذوب

....

[الحمدان]

انت حبك في صميم القلب كالف
وراسخ رسوخ المبادي والعقيده

ودام قلبك يالغلا لقلبي محالف
فالليالي كلها بقربك سعيده

....

[الحمدان]

‏دام قلبي لك سما ضم السحاب
في ضلوعي تشرق وغيرك غرب

لو آبحسب فيك بيضيع الحساب
اَنت واحد لكن بقلبي عرب

....

[الحمدان]

‏من غرامك غرام ومن دلالك دلال
في عيونك رماح وفي جبينك ضياء

انت حاجه خيال ومن نسيج الخيال
صورك من نزل وحيه على الانبياء

الله امكملك سبحانه اله الكمال
بالعقل والثقل والعرف والكبرياء

....

[الحمدان]

‏يامليح الوجه منحول الخصر
واجبي احصّنك واسمي عليك

باني الك داخل اعماقي قصر
بأعذب احساس الـمحبه يحتويك

وتسبق انفاس الغلا لمح البصر
المنافذ كلها منك وإليك

....

[الحمدان]

‏ايه اعشقك يابنت يآم العواطف
ياملهمة شعري وروحي احبك

ان كنت قصرت اعتذر لك واسف
مالي طمع والله ابي بس قلبك

ياما على صدري نثرتي سوالف
وياما ضحك قلبي إذا كان قربك

....

[الحمدان]

محتاج لك حاجه التاعب لشرب العلاج
محتاج لك حاجه الضامي يداوي ضماه

العمر دونك صراحه سار مابه خراج
والقلب ياقلب يتحسب لقلبك لقاه

انت النضر ياعيوني والهوا والسراج
والقلب ماغير ضماتك بتمسي دواه

القلب لاحام ذكرك فيه دوا وهاج
والنت الذي يسكن احساسي ولاحد سواه

ياقبله الحب ذي للحــب والعشق تاج
وحدك سكن داخل اعماقي ووحدك هواه

....

[الحمدان]

ضحكتي صارت ملامحها حزينه
كلّ ماجاني فرح ضقت وبكيت

....

[الحمدان]

‏الله حسيب الوله والشوق والغصه
‏والله حسيب الحنين اللي برى حالي

‏اجلس مع الناس لكن قصتي قصه
‏الفكر شارد وعيني صوب جوالي

....

[الحمدان]

‏خذني فداك وشيل حزنك وهمك
تفداك روحي يالغلا إيه تفدااك

‏أبنثرك في عروق قلبـي وضمك
‏انت الذي اعشقك وغليك وهواك

....

[الحمدان]

اللي سالني وش بلا خاطرك ضاق
البوح يقتل والإجابه مصيبه

....

[الحمدان]

وأُقسِمُ أنك نورٌ لقلبي
وحُبٌّ أعادَ الحياةَ إليّا

وأنك حُلمٌ سرى في خيالي
وأشرق كالشمسِ في مُقلتَيا

....

[الحمدان]

هلبا اللي يلفتو العين

لاكن نادر اللي يلفت القلب

شعر ليبي

[الحمدان]

‏دنياك ياصاحبي حظوظ ومقادير
‏تضحك معك والله يعينك عليها

‏ ناسٍ بقوة حظها تطرح الطير
‏ وناسٍ تطير طيورها من يديها

....

[الحمدان]

لاصكت الطقم بوجه احمر العين
بخشم ابو صاروخ يفتح طرقها

بتولها لاتصادفو القوم ععجلين
ككم لليل من بين الكمايل نتقها

شاصه معود تخلي الصف صفين
واذا اقلععت معاد طارد لحقها

سسواقها مقال فلواجب اسين
من ققوم ملقانون وطى عنقها

....

[الحمدان]

غرب كورنيش الخبر شرقٍ عن الظهراني
أقبلت وأستغفرالله كنها حوريّه

‏والشعر مثل الذهب يلعب على الأمتاني
وإن تثنّث كنّها مامورةٍ منهيّه

‏وإن تمايل عودها يالله لاتبلاني
‏جيدها فتان والفتنه تجيب السيّه


سلطان الهاجري

[الحمدان]

تدري وش الي يدبل الجرح جرحين
لاجتك طعنت غدر من ناس غاليين

....

[الحمدان]

يالله وانا أدعيـك تكتـب لنا الخير
وأعوذ بك من شر النفوس وجهلها

ياكافل رزق البشـر مشبـع الطير
اغفر لنفسٍ قصرت في عملها

....

[الحمدان]

مال الكسور بخاطر الوجد جابر
ومال الدموع بحاجر العين مرما

صدورنا لصكات بقعا مقابر
وافواهنا عن ذكر الاوجاع طرما

....

[الحمدان]

‏ترى الرخوم اللي تفاخر بالفلوس
‏وتبخل على المحتاج حتى بمرحبا

‏مثل السيوف اللي تسلّلّ فالعروس
‏ماغير عرضه لانصاب ولا شبا

....

[الحمدان]

‏يارب وان ضاقت عليّ الوسيعه
‏انت الذي لاضاق صدري اناجيه

‏وعبدك لو ان الوقت عيّا يطيعه
‏ماينحني راسه لغيرك ويرجيه

....

[الحمدان]

قال نشوان الحميري الذي عاش في القرن السادس الهجري :


بصعدة من أولاد خولان سبعةً
أحلهمُ فيها القنا والصفائحِ

سحار ورشوان وحي. هانيء
وأزمع ايضا ثم سعد ورازحِ

مضوا مع حجر ابن الربيعة قادهم
إلى الحقل من صرواح ليثُ مكافحِ

وإخوانهم مابين صنعاء ومأربً
معايشةً أوطانهم والمسارحِ

حبيب وذكران وعمرو وأصهبً
وقيس جميعاً والنبيت الجاجحِ

بنو القرم خولان ليوث قضاعةً
بني حميرً إن صاح بالجد صائحِ

[الحمدان]

من يجحد الوجعات ماهوب جاحد
ومن يدمح الزلات ماهوب مسكين

ومن يجمع الصفين في صف واحد
اطيب من اللي يقسم الصف صفين

....

[الحمدان]

لاتجبر الناس بالدنيا على قربك
يبقى لعمرك ثمن مهما تساهلته

البعض تهتم له بس ماهو يحبك
والبعض يبدأ يحبك لاتجاهلته

....

[الحمدان]

يالله انا طالبك ياسَامع الصَوت
يامن خخَلقت الخلق لجل العباد

ترزقني التوبه قبل ساعة الموتت
ومن قبل نزع الروحَ نطق الشهاده

....

[الحمدان]

تدري وش الي يجرح القلب والروح
انك تذوق المر وتقول حالي

وتضحك ولا كنك من القلب مجروح
عشان ماتجرح لك أنسان غالي

....

[الحمدان]

يوم الليالي تصطفق مثل الامواج
كم شارب زكاه موس الحلاقه

سلّم على مدته مثل هدّاج
ماهو يصد من الوفاء والطلاقه

إليا غدى وجه الزمن كنّه الصاج
ماترتعد في ساعة الضيق ساقه

والمجلس اللي مفرشه زل ديباج
وراعيه ماله في الجمايل علاقه

والله ما ازوره لو على منكبه تاج
وعنده قصور وعنده الفين ناقه

النفس عفه والسحى عوق الإحراج
ياللي تحسب إن التعفف حماقه

ماني موردها على مارد هماج
ياللي توردها مع كل فاقه

حزامي اللي ذاخره كل ما احتاج
قرمن شجاع و من زحول الرفاقه

لاصار مدخال الصداقات مخراج
واجب نعزي الأخوياء في الصداقه

لاصارت هموم الحشاء تقبل افواج
ولا معي من نعمة الصبر طاقه

ترى السفر في نظرتي وصفة علاج
لاصار نوم العين ياتي شفاقه

ابغى جوازي ناوي اليوم منهاج
ماعادها ياصاح لحية بطاقه


فهد القشانين

[الحمدان]

إحذر رفيق المصلحه لايباريك
اللي يرى قدرك بحسبة ريالك

ان زان وقتك قام يتبع خطاويك
وان شان دور له رفيقن بدالك

....

[الحمدان]

معك ما استصعب محال وما توقفني خرافة
‏لـ الصبر آخر وأنا دايم معك صبري مكفّي

‏كنت أوصي لك هبوب النود من بُعد المسافة
‏لـ الديار اللي خذاني ساكنيها بشوق لفّي

‏كل جرحٍ كنت أخاف أبكيه ماظني بخافه
‏وكل عمرٍ مانعيشه بالقناعة مايكفّي

‏جيت شايل وسط كفّي ألف رهبة وارتجافه
‏مادريت إن الأمان يعيش عمره وسط كفّي

‏لايروح العمر من غيرك تناهيد وحسافة
‏وكان ودك بالمفارق ما انخلقت ألحق مقفّي

....

[الحمدان]

معك ياحلو الشعور ومعك ياحلو السوالف
‏لاضحكت بسبّه ولامن ضحكت بدون سبه

‏أنت يوم الارض مليانه سواليف ومواقف
‏دلّك الله الكلام اللي أفكّر به واحبّه

....

[الحمدان]

مسافة السعي خلف الحلم ماهيب يوم
‏مسافة العمر مابين المهد واللحد

‏وإن وقّفوا ضدّك اللي يحبطون العزوم
‏وقّف لهم وقفة اللي ماعليه من أحد

....

[الحمدان]

لاتقتحم موجة التفكير لحظة سكون
‏ويراودك شك في حبك ونوعيّته
‏ㅤㅤ
‏ترى الغلا ساري المفعول مهما يكون
‏ غلاك ماتنتهي مدة صلاحيته

....

[الحمدان]

ياخذ الوقت حقه من وساع الصدور
لين تمشي بودٍ ماهو بودّها

....

[الحمدان]

من فك للخبّلان باب المّيانة
‏قاموُا عليه بكل حاجة يموُنون

....

[الحمدان]

‏ليت النوايا مالها ستر ولباس
‏تظهر من صدور المخاليق جردى

‏اللي تظنه غير عن كل هالناس
‏بكره تشوفه مثل هالناس واردى

....

[الحمدان]

صلاةُ اللهِ ماجادَ السَّحابُ
وما رَبَتْ الفيافِي والرِّحابُ

على المبعوثِ من ربٍّ رحيمٍ
ليَحْيَى الخيرُ فينا والصَّوابُ

فَجَودوا بالصَّلاةِ بكلِ حينٍ
ليغشاكم من اللهِ الثوابُ


اللهم صل وسلم وبارك على نبينا محمد

[الحمدان]

‏لاجاك ضيق أستغفر الله وترتاح
‏وإن صار هم أكثر من الحمد لله
‏
‏وإللي رفع قدر البشر بين الأرواح
‏ماخاب من هو ردد أستغفر الله

....

[الحمدان]

‏لو شلت هم مايشيله جبل طي
‏حذراك لاتبدي على الناس سرّك
‏
‏من قال لك وش فيك قل له ولاشي
‏ومن قال كيف الحال قل له تسرّك

....

[الحمدان]

لاصار لك شخص تحبه وتغليه
وحالت ظروف الوقت دونك ودونه

حاول وحاول قدر الامكان ترضيه
ومن لايخونك لاتحاول تخونه

....

[الحمدان]

ياحي طبع اللي يصون الصداقه
حتى لو انّه ماتعنّى وسيَّر

يحفظ أصول المعرفه والعلاقه
ويبقى على طول الدّهر ماتغيّر

....

[الحمدان]

‏يامنتهى الذوق كلمني وخبرني
عن صحتك يا أعز الناس وأغلاها

‏وعن زايد الشوق طمني وبشرني
وعن المحبة بقلبك كيف دنياها

....

[الحمدان]

‏قد نلتقي أَو لانَعُودُ لِحُبنا
‏كُل النتائجِ فِي النهايةِ واردةْ

‏ أُولَى علاماتِ الرحِيلِ قطِيعَةٌ
‏ وَدَلِيلُهَا خُطُوَاتنا المُتباعدة

‏ لِلكِبرياءِ نتائجٌ مَذمُومَةٌ
‏بينَ الأَحبةِ لَاتَعُودُ بِفائِدةْ

....

[الحمدان]

راحتي غاية منى قلبي معه
فرحتي بسمة تعابري هناي

في كيان الذات رووحي تجمعه
وفي سمو الروح مستحوذ مداي

همس عينه نبض قلبي يسمعه
وبسمتة تذكار عمري محتواي

كل خطوة سقتها ود اتبعه
وكل نظرة من عيونه منتهاي

....

[الحمدان]

‏أرى الكلمات أقربها المُحَالة
فكيف أبوح باسمكِ ياغزالة

أهذي الكأسُ أم هذي يميني
وهذا الوحي أم هذي الثُمالة

تعالي نملَؤ الليل احتراقاً
فهذا الصمت يملؤني مَلالَة

أفي شَفتَيكِ عَذبٌ أم عذابٌ
وفي نهديكِ ظُلمٌ أم عدالَة

....

[الحمدان]

يالله عساني منك مانيب محروم
‏انت الوحيد اللي بقلبي تمكنّت

‏اسهرتني وحرمت عيني من النوم
‏عـزالله انه ماملك روحـي الا انت

....

[الحمدان]

أذكرّك ياقلبي قبل عدة سنيّن
تعشق تفاصيل الحياة وصخبها

عايش بدون قيود وبدون روتين
تمشي ورى أحلامك وتنسى تعبها

هذا وتوّك ماوصلت الثلاثين
موتت شغفك الغامضه وش سببها

....

[الحمدان]

لو يطول الصمت في بعض المواقف
لاتظنه خوف يستوطِن حِمانا

والله ان العز فينا سغل جارف
والشجاعة والحميه في دمانا

بس نصبر طالما الحكمه تضاعف
قوة الموقف وتكسر من رمانا

ولإ نوينا الحرب واجهنا العواصف
والمنايا لو تحلّق في سمانا

....

[الحمدان]

يارفيقي فرق بين المخطيه والصايبه
واعرف ان الوقت دوار والدينا حضوض

من تجمل في عدوه وخلا صاحبه
مثل من صلى النوافل ولاصلى الفروض

....

[الحمدان]

‏ليِت الأماني كل ماجّت على البال
يضحك لها الحظ الجميل وتحقق

....

[الحمدان]

طبع الوفاء في بعض الاصحاب ماغاب
والبعض متغير ومعلن غيابه

الله يالدنيا من بعض الاصحاب
كيف اصبحوا حتى برد الاجابه

البعض متكبر والبعض كذاب
والبعض حُب النفس يعمي صوابه

والبعض متغير ولا عـنده أسباب
كنه اذا لاقاك زاد اكتئابه

والبعض عـن ذكر الوفاء عامل اضراب
كن الوفاء ظالم مقرر عقابه

والبعض له لسان حالي وجذاب
شغًّال في وجهي وفي الخلف نابه

والبعض كم ياجمايل مالها عد وحساب
لاكن جمايل صادفت في ذبابه

والبعض كم كنت احسبه اخ وثاب
لاكن مع الايام غير خطابه

والبعض كم يارسايل بفسوك وتساب
ويوم ما احتجته تغلق حسابه

والبعض لا زالو معي عز الاصحاب
اخوه ولا ناديت وقفة ذيابه

افخر بهم من منهم خاطري طاب
وقدرهم عندي يفوق الكتابه

من بين الفين شفتهم خمسه اصحاب
ما اتغرو يوم العنى والشقابه

....

[الحمدان]

‏ليِت الأماني كل ماجّت على البال
يضحك لها الحظ الجميل وتحقق

....

[الحمدان]

كنت احاول ابتسم رغم الظرُوف
ومرّت أيامي ودمعي ماسقط

مابكيت إلا على بعض الحرُوف
وما ضحكت إلا على نفسي فقط

بقلمي

[الحمدان]

وين أنت يامسعد مسائي بطلتك
تعال أنا توي من النوم صاحي

بروي عيوني منك وأفرح بشوفتك
يسعد مسائك يامحلي مسائي

....

[الحمدان]

‏وين ابلقاك ياشهد الحروف
لين يرضى علي عذب اللما

جيت للشعر واتعبني الوقوف
عند بابه وبي جوع وظما

ماذبح لي مصابيح وطيوف
ولا سقاني الكواكب في السما

ان سألني حبيبي والكفوف
تضرب الغيم والاشعار ما

عن قصيدي تذكرت الظروف
وقلت شعري نسيته انما

ليتني قبل اشوفك ما اشوف
وليت قلبي قبل حبّك عمى

....

[الحمدان]

‏والله لو تدري بقلبي وش اغليك
ان تحلف ان دم الشرايين دمك

تصدق اني وين ما اروح الاقيك
طيفك عطر من وين ما اروح اشمك

....

[الحمدان]

طحت من عيني على كفي وشلتك
التمست العذر يوم اذكر غلاتك

من عرفتك قلت لو تخطي عذرتك
لو طلبت الروح قلت الروح جاتك

....

[الحمدان]

‏الله يجيب اللي تصب الوبل وتعم البلاد
‏دهم المزون اللي تفرا بالقراح جيوبها

‏وسميةً ترخي همايلها على وجه الحماد
‏مثل هميل اللي تنكس بالحياض غروبها

....

[الحمدان]

والله ان حبك مع الوقت ماينقص يزيد
في غيابك لك محبه ولك شوق ونيين

وفي حضورك شف عيوني كلامي ما يفيد
اقهر الضيقه بذكراك من حين لحين

وانثر دموعي على وصلك من عيد لعيد
افتضحت من الهواجيس بك فالمسلمين

كل من سولف عليه اقل له ويش قلت
عيد الهوى سجن العشاشيق وانا لك سجين

وودي ان سجني مؤبد ولي حارس وبيت
عزتي لك من فراقك عسى ربي يعيين

....

[الحمدان]

العُمر يفنا والحياة احلام والدنيا متاع
ياكم نفسً روحت ماحققت مطلوبها

....

[الحمدان]

يصد عني ناوي بالتغلي
كنه تحدي عن طريق المكابر

واعلنت له قبل يجي في محلي
اني على شلفا الجفا دوم صابر

وشالت بقايا كل شي وصل لي
من ذكريات ومن حروف ومحابر

المشكله اني لاشفـته اهلي
مثل اليتيم اللي له سنين عابر

حتى وانا ساجد لربي اصلي
يطري عليه وسط ذيك المنابر

....

[الحمدان]

‏ليتك معي تسمع كلام اخر الليل
وتحس بي واشلون وضعي بدونك

حالي ترى من غيبتك هده الحيل
والعين تتمنى تناظر عيونك

اسهر على ذكراك ويجيني الويل
والنار في صدري تردد لحونك

وضعي صراحه مايبي اي تأجيل
ارجوك ماتسوى حياتي بدونك


....

[الحمدان]

‏إن كنت لي مشتاق شوقي لك اضعاف
وشوقي ضعف شوقك بعشرين مره

ياليت كان الشوق بالعين ينشاف
كانك عرفت بكبر شوقي وقدره

ياخل شوقي لك قسم ماله اوصاف
من غيبتك قلبي تعذب بقهره

راعي شعورك لو من الله بتخاف
وارحم معذب عاش دونك بحسره


....

[الحمدان]

‏الصدفة اللي جابتك وإلا القدر
مدري ولكن المشاعر حيّت بك

القلب شرّع لك غلاه وما استخر
لين استراحت مُهجتي في ظلك

دايم تبشرين بالمطر وأنتي المطر
اللي يربّـع خاطري من جيتك

....

[الحمدان]

‏لاتعاتبني على الصدّه فالأيام الآخيره
‏والتمس لي عذر لاقمت أتعذّر وأتصدّد

‏بين دورات الليالي والطموحات الكبيره
‏ضعت ضيعة حلم ليلٍ مرّه الصبح وتبدّد

‏صرت مثل الطيّب إللي زل ضيفه في قصيره
‏إن وقف مع ذا تردّد وإن وقف مع ذا تردّد

....

[الحمدان]

بعدك يهد القلب وقلبي بيمناك
شف غيبتك ليه بكت لي جفوني

ودمرت خاطري من قبل لقياك
ريت قلبي مايظّهر خفايا شجوني

تمنيت القى ياريت والنفس تلقاك
وحضى بحضنك وتفرح به عيوني

ياريت بوصلك والعمر كله فداك
واسعد بقربك وفي قربك جنوني

على حبي النقي لاتزيد الجرح بفرقاك
بكون سعيد الحض وبنسى من هاجروني

ويا فرحة وعيوني مدى الأيام تنهاك
انا حبك رغم كل البشر منك يبعدوني

وببقى في هواء حبك ومحياك
على رغم الذي في عشقتك يمنعوني

....

[الحمدان]

‏وين ابلقاك ياشهد الحروف
لين يرضى علي عذب اللما

جيت للشعر واتعبني الوقوف
عند بابه وبي جوع وظما

ماذبح لي مصابيح وطيوف
ولا سقاني الكواكب في السما

ان سألني حبيبي والكفوف
تضرب الغيم والاشعار ما

عن قصيدي تذكرت الظروف
وقلت شعري نسيته انما

ليتني قبل اشوفك ما اشوف
وليت قلبي قبل حبّك عمى

....

[الحمدان]

حبوا بعض في كل يوم وكل ليل
ومن دون عذال الهوا حطوا سياج

مافيه شيٍ فالمحبه مستحيل
تفاهموا والرزق فاطراف العجاج


بقلمي

[الحمدان]

مرحبا ماهي بمررة ولا عشرين مرره
‏لين يقطع صوتي ويبتدي ترحييب عيني

‏آصلك والوصل كنه على العاتق مبّره
‏مثل ما أبّر فخواني وأبرّ فـ والديني

‏كنت أحسب الصوت ماهو يرد الروح مرّه
‏وأثر صوتك لاسمعته يرد الروح فيني

.....

[الحمدان]

‏ﺍﻟﻬﻮﻯ ﻣﺜﻞ ﺍﻟﺒﺤﺮ ﻭﺍﻟﺸﻮﻕ ﻭﺍﻟﺬﻛﺮﻯ ﺟﺰﻳﺮﻩ
ﻛﻞ ﻣﺎﺳﺎﻓﺮ ﻟﻬﺎ ﻣﺮﻛﺐ ﺧﻴﺎﻟﻲ عذّبتني

ﻭﺍﻟﻠﻪ ﺍﻧﻲ ﻣﺎﺩﺭﻳﺖ ﺍﻥ ﺍﻟهوى ﻟﻌﺒﻪ ﺧﻄﻴﺮﻩ
ﻟﻴﻦ ﻧﻮﺧﺖ ﺍﻟﺭﻛﺎﻳﺐ ﻓﺎﻟﻘﻠﻮﺏ ﺍﻟﻠﻲ ﺩعتني

.....

[الحمدان]

‏اشتقت لك ماعاد لعيوني صبر
البرد بعدك والدفى ضمة يديك

صدري تشكل غيم ودموعي مطر
ومشاعري بالحب تسبقني عليك

.....

[الحمدان]

أشتـاق لك وأخاف لاقول مشتـاق
‏فيني حيا فيني وفا وانتي فيني

‏انتي انشراح الصدر لو خاطري ضاق
‏وانتي على بالي وروحي وعيني

.....

[الحمدان]

‏من صد عنك وراح مالك وماله
عند اتفه الاسباب منته مراضيه

وايّاك سبّه لاعرضلك مجاله
خله يروح وطول الايام ترضيه

.....

[الحمدان]

‏أذكرك و أذكر تفاصيل الوله والحنين
‏حتى لو ان الليال بغيبتك ناكرة

‏وشلون أبنساك ياعشقٍ بقلبي دفين
‏وانت المشاعر معك ممتنة وشاكرة

‏صحيح انا الساهي النسّاي في كل حين
‏الا معاك انت ماخانتني الذاكره

.....

[الحمدان]

‏قالت وصالك مثل قهوتك مُرّه
قلت منهو قال لك فرقاك حالي

لو يطيح النجم من عين المجرّه
ماتطيح الغاليه من عين غالي

جاتني تبغي المسرّه والمسرّه
لو أدل دروبها سرّيت حالي

.....

[الحمدان]

اهتزّ غصن الحنين وطاحت اوراق ابيك
‏من ريح فرقاك مير الله ستر ما انكسر

‏واسقيتها الذكريات وأردفت هذي بذيك
‏واستورق بلا تغيب ولا يطول الهجر

‏تلاحق اللي تبقى من الغلا بين ايديك
‏وش يجمعه لو تطول غيبتك وانتثر

.....

[الحمدان]

‏ياسارق العين مدري سارق ذاتي
‏اجمل صفات البشر وشلون تجمعها

‏عيني تسولف غلا رغماً عن سكاتي
‏من شاف عيني تأمل فيك يسمعها

.....

[الحمدان]

‏جاني من الصدمات ماشيب الراس
‏وقدرت أميّز بين صالح وطالح

‏و عرفت بان الناس ماهيب للناس
‏ومن طول الغيبات جا للمصالح

.....

[الحمدان]

من لايعيش العمر سامي ومتغاضي
ماهيب دايم ظروف الوقت خادمته

كنز القناعه غناة النفس للراضي
يعيش دنياه فاهمها وفاهمته


.....

[الحمدان]

من تخيّر دربك المهجور عن باقي دروبه
‏لاقيٍ بعيونك الثنتين مضياف وكرامه

‏لاتلومه لو تشوف الصمت ذنبٍ من ذنوبه
‏وش يقول اللي يشوف احساسه اكبر من كلامه

‏واحدٍ مهما تضيق بعينه الارض الرحوبه
‏مايبيّن في عيون الناس ضعفه و إنهزامه


.....

[الحمدان]

هني والله اللي فيك مايقبل التبديل
‏يبيع الحياة إن قيل له لأجلها بعها

‏يعرف إنك اطيب ماخلق بين هذا الجيل
‏وقلبك مهوب الحاجة اللي يضيعها


.....

[الحمدان]

‏الناس ماخلت حدٍ ماحكت فيه
‏كم قيل في غيري وكم قيل فيني

‏لو كل من يحكي بي اطرد حكاويه
‏تاهت بي الخطوه وضاعت سنيني

‏وانا احمد الله درب الاكرام ماشيه
‏ومدي الفروض ومرضيٍ والديني

‏واليا ترك بعض الخلايق مباديه
‏صنت المبادي في سلومي وديني


.....

[الحمدان]

ياحلمً تناوش قلب موقن ونظرة شاك
‏تباكى لك رعودي وتضحك بك بروقي

‏غفى نجمك الطالع على منكب الأفلاك
‏وظمى في جفافك بير قلبي ومنطوقي

‏أمالي عيوني بك وهي ماتبي فرقاك
‏لاجيت أنثرك يستاثر الدمع في موقي

.....

[الحمدان]

‏أنا أذكر ضحكتك وأذكر حنين الشِّعر للإسهاب
‏وأنا أذكر كم قصيدة تنسلب من وارف أهدابك

‏فداك الشِّعر وشتات البعاد وطاري الأحباب
‏وحنين الليل يوم إنّه وقف بي أرتقب بابك

‏نديم البال ماجاد القصيد ولا مكثت أرتاب
‏وأنا وهذا القصِيد اللي بعد ماغبت ماغابك


.....

[الحمدان]

حتى لو أن الضيق ماله مواثيق
‏ماتوقف الأيام بأسباب ضيقة

‏تضيق ثم تضيق وتضيق وتضيق
‏لكن فرجها عند ربي بدقيقة


.....

[الحمدان]

‏نمشي مع الوقت لو طالت مشاويره
وافراحنا من ورا الضيقات نسرقھا

الحلم بالنوم يمكن سھل تفسيره
لكن لامن صحينا من يحققها

.....

[الحمدان]

شيخة وقمة في الجمال ورحومه
وفيها الصفات الطيبة كلبوها

بنت أمها في زينها والنعومة
وفأطباعها اللي باقيه بنت أبوها

.....

[الحمدان]

‏مع الفجر احبّك قبل حتى صباح الخير
وقبل لايغادر طير الأغصان من عشه

احبّك كثير ماهبّ نسمه وغرّد طير
مع إن المشاعر خلف الأضلاع منخشّه

.....

[الحمدان]

‏جفت عروق الشوق ياسارق
الروح
وانساب في صدر المواجع غيابك

تعبت اخبي ما اهذريه وانوح
والقلب ياقلبي حرق من عذابك

لي نبض متعذب ولـي قلب مذبوح
ولي روح تسرح كل يومي صوابك

ولي جفن مايغفي ولي دمع مسفوح
ولي عين توله بالسهر في عتابك


.....

[الحمدان]

وصفي لها في كل مشهد حقيقه
اغلب تفاصيل الشعَر تنحكي عنْه

من كثر ماهي في عيوني رقيقه
حتى طرف خلخالها تنزعج منْه

.....

[الحمدان]

عسى الفرح دايم يغرد بدنياك
وعسى الحزن يمك يضيع طريقه

جعل السعادة ماتفارق محياك
وعسى طريقك دوم محدن يعيقه

.....

[الحمدان]

بعض البشر محتاج للذوق خبره
عندي نصيحه له على مر الازمان

المرء بأخلاقه وذوقه وفكره
وبروعة أسلوبه يصير أجمل انسان

[الحمدان]

الرّدي ⁩ يطيح بالدرب معثور
‏وخالص النيّه يسير ولا يهاب

‏ولا يشوّه وردتي نظرة حسود
‏ولا يجرّح لحظتي تايه صواب

‏.....

[الحمدان]

أنت ضحكه ساندتني رغم الأوقات العنيده
مثل ماني بالوُجود وفُوق هالدّنيا سندها

أنت غيمة مرّت بقاعٍ شكت للغيم بيده
وأرتوت فيك الصّحاري من جفافٍ قد حصَدها

أنت حبٌ مع مرور الوقت يتزايد وأزيده
وحدك اللي مكتفي بك والبشر ينقص عددها

.....

[الحمدان]

افرح عشانك معي فرحه ومن دون ليه
‏يكفيني اعيش في طرفك وانا اتأمله

‏العالم تشوف وجهك مثل كل الوجيه
‏واشوف وجهك بعيني عالم بأكمله

.....

[الحمدان]

‏أنت ياللي في حنان كفوفك البيضا وشاحي
‏أرتمي له لاحداني جور وقتي بالحساير

‏والله اني ما أخاف الغدر دام أنّك سلاحي
‏جنبك أعد الحياة أرباح لو كانت خساير

....

[الحمدان]

‏غياب الاموات تؤمن به جميع البشر
‏وغياب الاحياء كثير الناس منه اجزعوا

‏يالغالي اللي غيابك فوق عام وشهر
‏انت اصدق الراحلين اللي ماعاد ارجعوا


.....

[الحمدان]

ترا كان قلبك يارفيقي عليه اخلاف
‏ اخذ نصف قلبي لين تسلم اكراميه

‏وانا ماعطيتك نصف قلبي ياكون إسعاف
‏وإلى من طلعت من الخطر رجعه ليّه

.....

[الحمدان]

لبيه لبيه من روحي الى روحي
لبيه يا اغلى من الدنيا ومافيها

لبيه احبك كثر ماتعشق جروحي
لبى حياتك من اولها لتاليها

.....

[الحمدان]

عذابي من عيونك ومن رمشك المسلول
‏ومن الثنتين اللي سنا الشوق محرقها

‏لاتبخل علي بشوفتك يافريع الطول
‏مواعيد حبك قمت احسب دقايقها

‏غزتني طيوفك غزوة اللي سلب له شول
‏عديمِ عليه القوم تلحم بنادقها

‏سهوم المحبه توجع الخاطر المذهول
‏رمتني وانا اللي في هوى الحب سايقها


.....

[الحمدان]

‏حاجتي فالحب حاجه منطقيه
‏والمحبه ما تجينا بالوراثه

‏أبتسامه وأهتمام وطيب نيه
‏وين أحصل ناس تجمع هالكلام


.....

[الحمدان]

‏عودتني لاضاق حالي نصيتك
واليوم جيتك مالقيتك ولاريت

بعدت عني ماعرفت اين بيتك
وبجيتك من شوف عيني تواريت

ياحظ مـن فرقا حبيبي نخيتك
يكفي من الهجران ماقد تلقيت

حاول تجمع شملنا به فديتك
ياحظ لانا حي دونه ولا ميت


.....

[الحمدان]

لاتوصيني على حفظ السراير وانت غالي
‏والله اني حافظك وادرى عليك وكلني لك

‏لاكتبت اسمك وانا فالبر لو اني لحالي
‏ألتفت وامحيه من خوفي عليك وحبني لك

.....

[الحمدان]

‏حاول توازن بين عقلك والإحساس
وعيش الحياة اللي تبيها لذاتك

إن كنت بتوّقف حياتك على الناس
بتموت ماسويت شي بحياتك

بقلمي

[الحمدان]

‏سبحانه اللي يزرع بذور المحبة فالقلوب
‏واليا عطى عبده قبول الناس جاته مقبلة

‏بعض الآوادم تقبله لو فيه شي من العيوب
‏وبعض الآوادم لو تحاول تقبله ماتقبله

....

[الحمدان]

‏نبضي يدق بداخل الصدر لبيك
مدري احتويت القلب ولااحتويتك

اسمع معي دقات قلبي تناديك
حتى عروق القلب تصرخ فديتك

....

[الحمدان]

الجو غيم وفيه رذاذ هتان
‏يمطر شوي ويمطر أحيان قوَّه

‏صوت المطر يشبه تعاليل خلان
‏في حبهم صدق وعفاف ومروَّه


....

[الحمدان]

ماوطى راسي على الدنيا لأحد
رغم ضيق الوقت واتعاب السنين

عزتي مقياس وشموخي بلد
والمواقف درسها عندي ثمين

....

[الحمدان]

‏عن الكلام اللي في القلب مخفيه
يا اهل العيون اللي تناظر كلامي

برد الشتاء بالروح من هو يدفيه
واللي احبه ما اشوفه امامي

فيني من الاشواق يانبض مغليه
مايحرق اعصابي وينهش عظامي

بعُد المسافه والقـدر باعدت فيه
والحظ باعد بيننا والسلامي


....

[الحمدان]

يبين الغلا في ناظري لابغيت اخفيه
‏واصدّ النظر من عاذلي واحقر اسألته
‏
‏واكرّم من الفنجال والبن عاده فيه
‏إلا جابوا اسمه حمل ذكراه ما احتلته
‏
‏واخلي العرب والقلب جور الوجع يفريه
‏والى صرت مبعد دمع الأعيان حوّلته

‏جريحٍ وقلبي يندب الصوت من خافيه
‏على اللي ليا ذلحين في القلب منزلته


....

[الحمدان]

آثر العيون احيان تصبح كفيفه
من دافع الغيره ومن دافع الشوق

قلوبنا مثل الغصون الخفيفه
لاهب ذعذاع الغلا شالها فوق

....

[الحمدان]

ياخدينة روح الإدهاش وكبار العروش
‏فيك للعطشان مارد وللعاشق هوى

‏عينك اللي تسلب الروح والوجه البشوش
‏أجمل بواجد من الغيد وأعلى مستوى

....

[الحمدان]

‏ماكنت أغبط الحكومات بممالكها
‏وصرت أغبط الحاشي المفرود والناقة

‏صفرٍ لاشافتك دكّت من مباركها
‏تبادلك بالمشاعر ولف وعشاقة

‏على شماغك تعبّر عن مداركها
‏وعلى طرف متنك تقول لْك مشتاقة

.....

[الحمدان]

القصايد سلوة النفس والابداع ذوق
وكل بيتٍ يلفت النظر يسلم شاعره

سفر الدغيلبي

[الحمدان]

الوصل مرهم كبد وإلا الجفا حرق
‏والصبر ينفض في غيابك جيوبه

‏كسرت كل أبواب وصلك من الطرق
‏وغيرك طرق قلبي ولاني بصوبه

‏واللي يريد الوصل يامكثر الطرق
‏لو وقفوا كل العرب في دروبه

.....

[الحمدان]

والله ان صدري معافى وخفاقي نظيف
لو أشوف الحزن في عين حسادي زعلت

الملامح بعض الاحيان تظهرني عنيف
ولا انا بالكلمه الطيبه ماقد بخلت

اقبل بوجهٍ يشرف ومنطوقٍ عفيف
ولا لقيت اللي ينقص من حضوري رحلت

اتعدا عن عيوب البشر كني كفيف
ولا تبيّن شي للعين جنّبت وغفلت

.....

[الحمدان]

‏وإن زعلتي مابقى للعمر والتاريخ قيمه
‏والأسف سكة طويلة لين يركع باتجاهك

‏أذكريني نار بدوٍ في لياليك العتيمه
‏وقبل أشد ركاب جرحي كنت أبشد أنتباهك

‏يا أنتصاري في طريق الفقد ودروب الهزيمه
‏حالف إني لا أرسم البسمه على طارف شفاهك

.....

[الحمدان]

وهبتك قلبي اللي غير قلبك محدٍ ينوله
‏ودمعٍ كم ذرفته بالهوى في راحه يديني

‏حبيبي مابقى لك وسط صدري شيً اقوله
‏فمان اللي رعى قلبٍ جروحه قد عثت فيني

‏تذكرني معك ياما مشيت دروب مجهولة
‏ولا ملت دروبي من ظلامٍ معك يسريني

.....

[الحمدان]

للسوالف معك لذة وطربه وانتعاش
‏لو تخربط فالسوالف أحب السالفه

‏في عيون اللي يحبك فهاوه واندهاش
‏والجوارح في وجودك غدت متخالفه

‏من غلاك أشوف ذا الناس في عيني بلاش
‏وكل من جاني يوالف عجزت اوالفه

.....

[الحمدان]

ناسن تذمك وبالمجامل تجاريك
وناسن تدور خوتك واشتروها

وناسنء تجيك والبلا ماتدانيك
وناسنء تغيب وخوتك مانسوها

.....

[الحمدان]

‏هذي قوانين الصدف والأماكن
‏وهذي مقادير الزمان وظروفه

‏تشوف ناس كثار صدفه ولكن
‏اللي تمنى شوفته ماتشوفه

.....

[الحمدان]

‏فالعمر بين التراجع والتمادي
‏عقلك احذر لاتنقّص من مقامه

‏اعتذر عن كلّ شيّ الّا المبادي
‏واعتدل في كلّ شيّ الا الكرامه

‏.....

[الحمدان]

ياوردة البستان ياريح ريحان
‏يشمّك الصاحي ويسكر على الريح

‏الخشم سلة سيف والرمش فتّان
‏والعين عين اللي كسر للملاويح

‏وشعرٍ حرير لانزل فوق الأمتان
‏أرجعه بأصابعي فوق ويطيح

‏وكتف وردف وجسم وعود ريّان
‏ياجرح ياطب القلوب المجاريح

‏حرام مامثلك رأت عيني إنسان
‏ياقاهر الزينات سيد المماليح

.....

[الحمدان]

لازاد التغلي وانقطع طاري الاعذار
يقل الغلا ويغادر بشكل تدريجي

عليك السلام المعتبر والسلام الحار
على الشامة اللي في مكان استراتيجي

.....

[الحمدان]

حضورها يشبه حضور السحابه
لحضورها هيبه ولغيابها شوق

في وصفهادايم شموخ ومهابه
اميرةالاخلاق والزين والذوق

.....

[الحمدان]

‏لو المسافة عاندتني بدربي
‏من وين بلقى لي مسافة وأكونّك

‏كل يوم أسولف عن عيونك لقلبي
‏مافيه طاري عندي إلا عيونك

.....

[الحمدان]

‏ليت المساء قدام عينك اعيشه
واقراء بعينك عشقها والمعاني

يكفي اضمك بالحشا ضم ريشه
حتى ولو مر المساء في ثواني

اتخيلك ساهر معي في العريشه
والنور نورك يامنير المكاني

احلم معـي في حلم واقع نعيشه
عل الزمن يأتي بطيب الاماني

.....

[الحمدان]

‏ليت المساء قدام عينك اعيشه
واقراء بعينك عشقها والمعاني

يكفي اضمك بالحشا ضم ريشه
حتى ولو مر المساء في ثواني

اتخيلك ساهر معي في العريشه
والنور نورك يامنير المكاني

احلم معـي في حلم واقع نعيشه
عل الزمن يأتي بطيب الاماني

.....

[الحمدان]

‏القلوب اللي على الفطره تودك
‏إزرع الخيرات والمعروف فيها

‏والقلوب اللي على الصعبه تحدك
‏ لاتخاويها ولا تشره عليها


.....

[الحمدان]

كل يوم اقول يمكن ماتدري واندفاع
‏بس مصّخت المحبه وعشرتنا شويّ

‏لك علي ان مر طاريك حسن الاستماع
‏مستحيل اكل لحم صدك وطاريييك نيّ

‏دام في عينك يهون الغلا ويوم الوداع
‏هذا وجهي كان جيتك ومشروهك عليّ


.....

[الحمدان]

تكسر البرد عن صدري وبديت ادفى
لبيه ياصوتٍ من اشواقه يدفيني

كم عشت غايب واحس بغيبتك منفى
ماتدري انك عن العالم مكفيني

.....

[الحمدان]

لدي النظر يام العيون اللي نهايتها احتلال
‏ملامحك لاشافها المخطي يبادر بالعذر

‏انتي اليقين الراسخ اللي مايشوبه احتمال
‏وانتي الثواب اللي تجلّى لي بعد شدّة صبر

‏من حقّق الله حلمه ونالك رغم أنف المحال
‏يستاهل يعيش الحياه وبداخله نشوة نصـر


.....

[الحمدان]

ليه تبخل بالشعور وبالكلام
ماورا حلو الكلام الا الأجر

كن صمتك ليل حالك بالظلام
وكن حكْيَك فيه من روح الفجر


.....

[الحمدان]

خلك اكبر من تفاصيل الضعوف
‏وخل ذاتك لو تعزوى عزوتك

‏انتزع عن وجه حلمك كل خوف
‏وافرض بروس المعالي سطوتك

....

[الحمدان]

انا على كف الزمن عايش الجو
‏لو الظروف اقسى من اللي تجينا

‏عشت الحياه وقلت ياخاطري سو
‏محدٍ تفضل بالوناسه علينا

....

[الحمدان]

‏لاتعوّدني على الوصل وتغيبّ
ولا تخلينيُ احبك وُاخسرك

انت لي موطن ونبضات وحبيبّ
لاتروح ان رحت ماراح اعذرك

....

[الحمدان]

‏عليك مني كل ماجيت فالبال
‏سلام ياروح السلام و تحيّه

‏ِلك وحشةٍ بين المحاديب تختال
‏يفرح بها صدري وتثر عليّه

....

[الحمدان]

ثِنى رجلي الحِزن والراس طخ الگاع
ورگعني وتگلي تهون لا ترگع

غير الروح تقنع مِن أگلها تهون
العَطش مِن السراب شيرتوي شيقنع

شعر عراقي

[الحمدان]

تعال أشمر حچاية وگول مشتاگ
لتحسسني عِندك مالي قيمة

لتخليني أتاني وجرحِي مفتوح
مِثل فطر الحياطين القديمة

شعر عراقي

[الحمدان]

واعوفك للزمن تلويك الأيام
بضِلك باچر يبين إنكسارك

تظن الذكريات تعوفك بخِير
محطة تمرها يوميه بقطارك

وتذكرني بشكو شلونك بالوجوه
ويصفى الندم عِنوان باشعارك

شعر عراقي

[الحمدان]

‏اجمل ثواني العمر لحظة محبه
‏تتعانق الأرواح في ساعة الذوق

‏الليل والقمرا وشخصٍ تحبه
‏رابعكم الفرحه وخامسكم الشوق

....

[الحمدان]

تفداك نفـس شالها الشوق صوبك
ويفداك قلب مالقى مثلك أبد

وتفداك عين ماتبي غير شوفك
ويفداك عمر مافدى قبلك أحد

....

[الحمدان]

تفداك نفـس شالها الشوق صوبك
ويفداك قلب مالقى مثلك أبد

وتفداك عين ماتبي غير شوفك
ويفداك عمر مافدى قبلك أحد

....

[الحمدان]

ياكثر الضحايا دون حرش العراقيب
عسا الله يرحمهم نهار القيامه

وفي كل عام الها علينا مواجيب
وربي جعل للخلق فيها علامه

حبيب العازمي

[الحمدان]

لك من مسائي وانفاسي نصيب
‏وكل احآسيس قلبي فيك حيه

‏أشغلتني وكيف عن عيني تغيب
‏وطيفك معي ومشاعري لك وفيه

....

[الحمدان]

‏لو إن الزمن قادر يرجّعك بين يديّ
‏من يرجّعك في نظرتي مثل ماكنتي

‏يروحون كل الناس مني شويّ شويّ
‏ولا فيه أحد يبقى على البال غير أنتي

....

[الحمدان]

علقت فيك امال عمري والوعد
خنت الوعد من بعد ماعطيتني

تركتني والجرح منك ماضمد
جزا محبك هجر به جازيتني

....

[الحمدان]

‏طاريك عندي كنه العطر لافاح
لك موقع بالقلب ما احد يدله

أنت العزيز الي له النفس ترتاح
وأنت الغلا والشوق والطيب كله

....

[الحمدان]

رحت يوم انك تبي الفرقا وقلبك سامح
‏وجيت يوم ان الليالي في عيوني زانت

‏مستعد أسامحك لكن قبل لا أسامح
‏تضمن أن نفوسنا ترجع مثل ما
كانت

....

[الحمدان]

لك من مسائي وانفاسي نصيب
‏وكل احآسيس قلبي فيك حيه

‏أشغلتني وكيف عن عيني تغيب
‏وطيفك معي ومشاعري لك وفيه

....

[الحمدان]

‏لو إن الزمن قادر يرجّعك بين يديّ
‏من يرجّعك في نظرتي مثل ماكنتي

‏يروحون كل الناس مني شويّ شويّ
‏ولا فيه أحد يبقى على البال غير أنتي

....

[الحمدان]

علقت فيك امال عمري والوعد
خنت الوعد من بعد ماعطيتني

تركتني والجرح منك ماضمد
جزا محبك هجر به جازيتني

....

[الحمدان]

‏طاريك عندي كنه العطر لافاح
لك موقع بالقلب ما احد يدله

أنت العزيز الي له النفس ترتاح
وأنت الغلا والشوق والطيب كله

....

[الحمدان]

رحت يوم انك تبي الفرقا وقلبك سامح
‏وجيت يوم ان الليالي في عيوني زانت

‏مستعد أسامحك لكن قبل لا أسامح
‏تضمن أن نفوسنا ترجع مثل ما
كانت

....

[الحمدان]

والله انه جرح قلبي وانه طبه
ولجله تهون الكليفه والصعيبه

....

[الحمدان]

ما دامنا نمشي على الأرض حيين
ولا بعد صرنا تحتها هياكل

بنبكي ونضحك وبتشين وتزين
وبنجوع وبنضمى ونشرب وناكل

‎عبدالعزيز بن سدحان

[الحمدان]

يامسهّرتني في وساع نْعاس
‏ماينقصك في الحسن غير الظّن

‏مستغرب إن إحساسك الحسّاس
‏يْعرف يقسى مايْعرف يحّن

‏ليتك غصون و ليتني نسناس
‏ واهّبْ لك في كل روض أغّن

‏هذا القوام الأهيّف الميّاس
‏الله خلق هذا الجمال لمن

....

[الحمدان]

مارحمك الوقت يالقلب الكبير
‏تستحي والناس حولك ما استحو

‏ترسم آمالك مع الثلث الأخير
‏وتدفن آمالك إذا العالم صحو

....

[الحمدان]

‏ياكثر مايفرق حضورك عن الغير
‏مثل المطر مهما هطل ما أكتفينا

....

[الحمدان]

واخذ من أيامي لك أيام وأعطيك
وإن راح عُمري لك فلا هو خساير

احب أنا اشوفك وصوتك وطاريك
دايم وفكري فيك هايم وحاير

بالصمت اهوجس بك وبالصوت أناديك
والله عليم البيّنه والسّراير


....

[الحمدان]

لاتستغلين ضعفي معك وقت الزعل
‏غطّي ملامحك عنّي لجل اطوّل كفاح

وشلون أبصمل وأنا اشوف الشهد والعسل
‏حتى لو إن الحطب ماطاح باقول طاح

‏بعدين كلّش ولا نظرتك مهما حصل
‏ترا عيونك ماهيب عيون هذي سلاح

‏وسواد رمشك على بياض خدك مثل
‏الحزّه اللي تجي بين الفجر والصباح

....

[الحمدان]

ياصاحبي لاعاد تسأل عن الضيق
مالك لزوم ولنت مقعد نصيبي

والله ما اشكي ضيقتي للمخاليق
الي خلقني من عدم يعتني بي


فهد سعد السليمي

[الحمدان]

دوروا نوم العيون اللي هجرني
لايكون انه نوى قطع العلاقه

مافقدته والله انه ماكسرني
غير ابوي اللي جرح قلبي فراقه

[الحمدان]

قولوا لبيت الفقر لايامن الغنا
وبيت الغنى لايامن الفقر عايد

يقول الخلاوي الذي مايكوده
جديد البنا من غاليات القصايد

قصايد لابد الملا تستفيدها
لأمسى غريم الروح للروح صايد

لعل الذي يروونها يذكرونني
بترحيمة تودع عضامي جدايد

واوصيك ياولدي وصاة تضمها
الى عاد مالي من مدى العمر زايد

وصية عود ثالثت رجله العصا
وقصرت خطاه الي من اول بعايد

وصية عود زل حلو شبابه
وعانيه بالدنيا وعانيك واحد

يبديك بالغالي على شف نفسه
شفوق من أيام الرضا عنك ناشد

لاتاخذ الهزلا علشان مالها
ولاتقتبس من نارها بالوكايد

لاتاخذ الا بنت قوم حميده
عسى ولدها لك يجيب الحمايد

يجزى عمل راعي الحساني بمثلها
ويجزى عمل راعي النكد بالنكايد

ولاتتقي في خصلة مابها ذرا
ولاتنزل الا عند راعي الوكايد

ولاتسفه المنيوب لاجاك عاني
اياك ياولدي ومطل الوعايد

أبيك تسوي بي سواتي بوالدي
وأنته على مثلي من الناس زايد

فلي من قديم العمر نفسٍ عزيزة
أعض على عصيانها بالنواجد

فياطول ماوسدت راسي كدادةً
من خوفتي يعتاد لين الوسايد

فمن عود العين الرقاد تعودت
ومن عود العين المساري تعايد

ومن عود الصبيان من زاد بيته
عادوه في عسر الليال الشدايد

ومن عود الصبيان ضرب بالقنا
نخوه نهار الكون يابا العوايد

ومن تابع المشراق والكن والذرا
يموت ماحاشت يديه فوايد

الايام مابقى بها كثر مامضى
والأعمار ما اللي فات منها بعايد

نعد الليالي والليالي تعدنا
والأعمار تفنى والليالي بزايد

الى دقت الوسطى بالأبهام
تذكرتزمان مضى ماهو لمثلي بعايد

فلابد ماسحم الضواري تحوفني
بليل ولالي عن لقاهن بزايد

ومن سرته الأيام ينقاد حبله
وينقض في حبل اللذي ماتساعد

قولوا لبيت الفقر لايامن الغنا
وبيت الغنى لايامن الفقر عايد

ولايامن المضهود قوم تعزه
ولايامن الجمع العزيز الضهايد

وواد جرى لابد يجري من الحيا
ان ماجرى عامه جرى عام عايد

وصلوا على خير البرايا محمد
ماناح ورق فوق حدب الجرايد



راشد الخلاوي

[الحمدان]

هلا مرحبا ماذعذع من الشمال البرد
‏وماناحت الورقى وماعسكر الذاري

‏طواني غرامك مثل طوي السنين الجرد
‏ولا زال حبك فالحشى بايع وشاري

‏هواجيس قلبي جا لها فالحنايا ورد
‏من البارحه مفعولها فالحشى ساري

.....

[الحمدان]

لو اللي بقى لي ريحة شماغك البسام
‏وسواليف ابوي ان مر طاريك واخواني

‏أحبك ومن كثر الجروح ارفع الاعلام
‏وش اعظم من احساسي وانا احب واعاني

.....

[الحمدان]

في عيونك⁩ حياة وفي ⁧حروفك⁩ دفا
وفي شفاتك⁩ قراح لذةٍ للشاربين

حط ايدك بأيدي لين تعرق⁩ وفا
⁧ ضمني⁩ لين تسمع ⁧ للمحاني⁩ ونين

.....

[الحمدان]

بَرَى كبدي إقبالُها وصدودُها
وأنْفَد ماءَ العينِ من قبلُ عِيدُها

وأسقم قلبي ذكرُها إذ تناله
من الوجد نيران بطيء خمودها

لقد ضرني من قبل أن كنت نائيا
فما لي وقد أضحى قريبا بعيدُها

وأشهد ربي أنها ماتقصّدت
لضري ولكن الهوى مَن يقودها

وأشهد ربي أنها قطّ مابغت
وأن عهودي وافقتها عهودها

ولكنّها أسراب عادية النوى
تصيب فؤادينا ولا نستقيدها

فلومك فاستبق لنفسك إنني
أصم عن اللوام فيمن أريدها

مطهرة الأثواب واضحة الخطا
نسيبة أعراب كرام جدودها

وقورة إقبال بهية طلعة
وكل معاني الحسن فيها شهودها

فلولا خُمارُ الخمرِ قيل حديثها
ولولا ذبول الورد قيل خدودها

.....

[الحمدان]

يامن غرامك داخل الدم يسري
ووسط قلبي لك لحالك مساحه

بدري على بعد المحبين بدري
يامن خدوده ناعمه كالتفاحه

ياليت صدرك لو يعانق لصدري
في ضمتك جنه وفسحه وراحه

مافارقك لو سرت في وسط قبري
بعدك يسبب ياحبيبي انطفاحه

قلبي يحبك حب ان كنت تدري
يابدر لانور ملا كل ساحه

.....

[الحمدان]

كل دارٍ يستريح بها ضميري داري
وكل وجهٍ يستريح له الفؤاد أحبه

.....

[الحمدان]

أن جاء نحطه بين طيّات الأهداب
‏وان صد ماعشنا العمر بانتظاره

.....

[الحمدان]

إعتزلت الناس في جواً لحالي
‏واثر طول البعد مايبرى جريحه

‏خذت منك شربةٍ ماعدتها لي
‏مثل سقي أهل الضحية للذبيحه

....

[الحمدان]

سارٍ إليكَ يسوقُني بردُ الرضا
الكونُ مِن خلفي وأنتَ أمامي

ما دام قلبي في رحابكَ عامرٌ
يَجِدُ النعيمَ فما يضرُّ حُطامِي

.....

[الحمدان]

‏العام في حضنك عن البرد والناس
‏واليوم شفني في حضن ذكرياتك

.....

[الحمدان]

‏لو ينقطع من بعض الايام صوتك
‏ماينقطع من كل الأيام طاريك

.....

[الحمدان]

‏اعميتني عن شوف غيرك وصديت
‏واصبحت لا اشوفك ولا اشوف غيرك

.....

[الحمدان]

لا تغبط النايم على كل الاحوال
‏النوم ملجا للنفوس الحزينة

‏يمكن يطير النوم من وسعة البال
‏ويمكن تنوم من القهر والغبينة

.....

[الحمدان]

بالميانه قد تعدينا الضيافه والولايم
‏كنّه امبرّك جمل لاساق لي فنجال دلّة
‏
سفر الدغيلبي

[الحمدان]

‏لاصرت متعافي وطيب ومستور
غيرك تمنى العافية والستيرة

العافية تسوى ملايين وقصور
يعرف ثمنها من يلازم سريره

.....

[الحمدان]

‏وش اجمل شيء بعيون الأنسان
انه يشوف إنسان يسوى عيونه

يعني تشوف الناس في كل الأحيان
وتحس كل الكون غايب بدونه

.....

[الحمدان]

وراء كل مشرق شمس ومداعبة نسناس
‏على غرّةٍ محبوسه وضحكةٍ حرّه

‏أوقّف بفوضى نفس ومغالبة وسواس
‏وأشوف الحقيقه مرّه ووقفتي مرّه

‏ياليت الحياه تبرّني برّها بالناس
‏ولك وجهي إن مالي سوى وجهك أبرّه

‏أنا حاشد شعورٍ حقيقي وشِعْر وباس
‏وراء كلمةٍ بقولها في العمر مرّه

.....

[الحمدان]

‏أجرح مثل ماتبي وأِقبل وعذرك سمين
‏وشلون أواخذ يدك وأستلطف طعونها

‏ضيعتني لين ضاعت من حياتي سنين
‏راحت فدا عيون تذبحني على هونها

.....

[الحمدان]

عسى مدهال ملهوف الحشا للرايح الصباب
يصب من الوله ويعانق المحبوب محبوبه

كلام الحب وعيون القصيد ونظرة الإعجاب
تناقلها القلوب الخاليه وتروح مجلوبه

ونور الشمس والما والضمأ والريح والترحاب
فدا للجادل اللي من زلال الغيم مصبوبه

تقول الآدمي قلبه رهيف أن حب حنّ وذاب
وأقول القلب راح قلادةٍ في عنق رعبوبه

عنودٍ كل يوم أقرأ عليها صفحتين كتاب
وهي سطرٍ من سطور الكتاب وثامن أعجوبه

مضى عمري على طرد الهوى وأثر الهوى غلّاب
وأنا راضي أعيد حكايته وأعاود ذنوبه

ماعندي للقصيد إلا الجروح اللي من الأحباب
ولا عندي جديد إلا الغرام وتالي دروبه

حديثي في تفاصيل الحياه وكل فصل وباب
والأجدر بالحديث أن نعمة النسيان مسلوبه

ياكثري يوم أوزع بسمتي في شارع الغيَّاب
ويا قلي يوم أحاول حاجةٍ ماهيب مكتوبه

وش يطمنك من بعد الجفا ياقلبي المرتاب
وأنا شاعر يشوف البيد بيته والقلق ثوبه

.....

[الحمدان]

مابقى في ليلة فراقك معي صبر وجلاده
كلما تطري عيونك ليت ذاك الليل هوّد

ماهقيت أني على التذكار مسلوب الإراده
من مشى سكة سفرك بكل ميلافه تزوّد

أضحكي لأجل الربيع يصير طول العام عاده
وأرجعي دام المواجع ثايره والوجد كوّد

غادةٍ لاقبلها غاده ولا بعدين غاده
تربك اللي في عُرى الإيمان والدين متجوّد

سامحي من ماتت حروفه على كبوة جواده
ماقدر ينسى هواك ولا يعيش ولا تعوّد

صرت مثل اللي تهجّر وأنحرم نسمة بلاده
ضاق في وسع الفجاج وماتنفّس لين عوّد

.....

[الحمدان]

ويَكفِينِي مِنَ الدُّنيَا جَمَالًا
دُعَاءٌ مِن مُحِبٍّ دُونَ عِلمِي

يُناجِي اللّٰهَ يَسألُهُ هَنَائِي
وَ يُرسِلُ فِي الدُّجَىٰ للَّهِ إسمِي

.....

[الحمدان]

لبيك من قاصي خفوقي ولبيك
‏يالي لك الاشواق في القلب حيه

‏اسكن بقلبً ماعشق غير طاريك
‏مـن يوم شافك رحب وقال حيه

‏بين البشر والكون محدن يساويك
‏غلاك زايد لعنبو حي حيه

.....

[الحمدان]

يهزني لك عظيم الشوق وأضمه
‏والـوم واشـره واعـاتب وحشة ايامي

‏واضوي بطاريك داج الليل والظلمه
‏واروي من اسرار حبك ظامي الهامي

.....

[الحمدان]

تحملي ياعين لاعاد تبكين
‏وخفي دموعك وادعي بالمره

‏الصدر ضايق والملا ماملا العين
‏والكون ضاق وحالي الصبر مره

‏ختامها ياعين كنك بتوحين
‏ كثر البكى مارد غايب ومره

.....

[الحمدان]

ياهاجسي لاضواك الليل سامرني
‏مادام أنا وأنت فالدنيا تخاوينا

‏أدعي لعينك حروفي وأنت تامرني
‏تبحر وتلقى ضلوعي ساحل ومينا
‏
.....

[الحمدان]

انا معك لو كنت ماني بموجود
‏ومن يوم حبك زاد زودت بوحي

‏نثرت لك حبي وحبيتك بزود
‏وزرعت حبك بين قلبي وروحي

.....

[الحمدان]

ياخذني الشوق لعيونك واجي كلي
‏ يدفعني الحب جعل الناس يفدونك

‏ لو كان طيفك مخاويني مثل ظلي
‏ أشتاق لمصافحك وأشتاق لعيونك

.....

[الحمدان]

وتقول لاتبطي وأنا بانتظارك
‏ابشر بسعدك واصلينك على خير

‏اباصلك لو هي بعيده ديارك
‏لوسرت لك حافي معني القدم سير

‏اباصلك غصبا علي باعتبارك
‏دنياي اذا ما انته بها مابها خير

‏بعيش حتى في عذابك ونارك
‏النار افضلها ولا منة الغير

.....

[الحمدان]

والروح خيل تكره الجور يفلان
‏ما الله خلقها للرسن كان تجهل

‏ماجربت بين العساسيف تنهان
‏تركض وسط بيض الحنايا وتصهل

.....

[الحمدان]

تزاحمت بالصدر بعض العبارات
‏وفضلت عن بعض الكلام السكوتي

‏واخذت لي هدنه ووقفه مع الذات
‏حتي اختفت بالحلق نبرات صوتي

.....

[الحمدان]

لي وليفٍ عشقني صدق وانا عشقته
‏والمحبه من الله والهوى بالتراضي

‏مايهم ان سبقني بالغلا او سبقته
‏نتفق بالمحبه دون شاهد وقاضي

.....

[الحمدان]

يلي تحب الهمس وتعشق ثراها
‏وتشوف فيها شي ماهو مع الغير

‏تعال عطني بيت يوصف حلاها
‏ومسموح لو زاد الغلا بالتعابير

‏خل السعاده تعيش لحظه غلاها
‏وانثر عبير الحرف مثل التباشير

.....

[الحمدان]

لاتقول اني سحرتك من عرفتك
‏السحر والشعوذه ماهي دروبي

‏لو تشوف اني من العالم سرقتك
‏ماسرقتك غير في راقي سلوبي

‏والله اني ياحبيبي ماسحرتك
‏السحر كله من الزين الجنوبي

.....

[الحمدان]

اهلا مساء الورد ياطيف خلي
‏يامرحبا والشوق دايم يناديك

‏يشوقني شوفك وارحب وهلي
‏ألا مساء الحب ياحي طاريك

‏اقرب تفضل فالحشا لك محلي
‏في مجلس الأشواق الله يحييك

.....

[الحمدان]

خذني من العالم المزحوم واسرقني
‏ياموطن افراحي وياهادم احزاني

‏لو العمر ينقسم قسمين صدقني
‏لأعطيك الأول وأحبك موت بالثاني

.....

[الحمدان]

طاحَن بالخريف أوراقي كلت تهون
تانيت الربيع وطاحَت الشجرة

أجر بيها بسناسل ما أجت وياي
ويه الغير أجت بخيوط بكرة

شعر عراقي

[الحمدان]

باب السوالف يدخلونه ملايين
وباب الفعايل بس لأهل الفعايل

.....

[الحمدان]

جمالها وعيونها تلفت الناس
من زينها كل العذارى وراها

كل الوصايف وكل حاجه ثمينه
تنشاف فيها والله الي عطاها

.....

[الحمدان]

‏ليه القلوب الصادقه تجني احزان
وليه القلوب الكاذبه ماتعاني

وليه البشر صنفين حاقد وخوان
وليه الرفيق احيان يصبح اناني

'
.....

[الحمدان]

الحاجه تدور المحتاج وتهينه
كم من كريم وطيب ماهو بخالي

ظروف الايام مثل السمعه الشينه
ماودك تشوفها في واحد غالي

....

[الحمدان]

ان كنت تجهلني فخذ مني التعريف
‏انا درب ماتقدر بوجهين تسلكني

‏انا اكبر من التلميع والبهرجه والزيف
‏لاغبت انفقد وان جيت ربي مجملني

.....

[الحمدان]

‏شفت الفجر مع طلعة النور ضاحك
‏قلت الأكيد إنه لمح بسمتك لمح

‏مدري صباح الخير وإلا صباحك
‏بالحالتين الخير في وجهك السمح

.....

[الحمدان]

يابالي الناس مانطري على بالها
من راح جعله بخير وجعل عمره مديد

خل الوجيه القديمه تمضي بحالها
لاعاد ترسم ملامحها لنا من جديد

.....

[الحمدان]

‏امانه لارحلتي ودّعي قلبي شوي شوي
‏تراني منكسر من سيرة الفرقا وطاريها

‏تراني من هذاك اليوم لاميّت ولاني حي
‏ولا أدري عن جميع الناس قاصيها ودانيها

‏أمانه وش معي ولا وش اللي من غيابك لي
‏ياكود الونّه اللي ماتعدت صدر راعيها

.....

[الحمدان]

دامك بقلبي ماعلى قلبي خلاف
حتى ولو مانته قريب من الشوف

لأن الغلا ماهو بمخلوق ينشاف
تقدر تقول شعور نابع من الجوف

.....

[الحمدان]

تعَبت وروحي جزعت من العتاب
كُل ما أريد أسولف تغرك العين

انا بيّة سوالف تشتهي الموت
ويكلي الموت لامو هسه بَعدين

يسألوني وأگلهم عايش بخير
انا چذاب عِشت العُمر مو زين

هاي الناس تضحَك واني مَهموم
عشت حُر بَس شلت ضيم المساجين

بَعدني بعِز شَبابي وبيّن الشيب
ويني ووين شيبي وعُمري عشرين

بَعدني صغير مو مالت حِزن دوم
ماشابِع لعِب ويه الجوارين

ياروحي اصبري سنين وتهون
واذا ما هانَت اكطَعها الشَرايين

شعر عراقي

[الحمدان]

تستانس الروح لاجتني مراسيلك
والنفس ترتاح يانبض الغلا كله

والقلب يافرحته لحظة مواصيلك
ينسا التعب والوجع والضيق والعله

.....

[الحمدان]

‏اشتاق واسكت ولا ودي على ازعاجك
وانت لهالحين عذرك حيل مشغول

جيتك لأني احس بصدق محتاجك
ليتك بتفهم شعوري قبل ما اقوله

.....

[الحمدان]

‏لك من عطور الشعر ماينعش الروح
ولك من مواجيب الغلا نبض واحساس

ولك في خفوقي بيت مازال مفتوح
مايسكنه غير انت يانقوة الناس

.....

[الحمدان]

‏تكفون ماكل البشر يجذبوني
‏اللي جذبني واحد يعشق الروح

‏ليا كتبت الشعر لاتعذلوني
‏مانيب شاعر لكن القلب له بوح

.....

[الحمدان]

‏تدري وش اللي يملك الروح لروح
ليا صفا قلبين في صادق الشوق

على الوفاء كلاً عطى خافي البوح
وإخلاصهم في وصل الاشواق موثوق

.....

[الحمدان]

حاولت اعبر مابقلبي من الشوق
‏مير الكلام يضيع حزة وجودك

‏ايه اعشقك واغليك يامنبع الذوق
‏انشد وتلقى بالمشاعر شهودك

.....

[الحمدان]

‏تغاضي ياعيوني والسنين قصار
‏مادام الوقت لا أنصفني ولا أنصفته

‏أحب إللي مضالي وأكره التكرار
‏وأشوف إللي يخوفني ولا خفته

‏غريب شعور والواقع غريب أطوار
‏كثر ماكنت راضي كثر ماعفته

‏ياكثر إللي تحاشيته يصير وصار
‏وياكثر إللي تمنيته ولا شفته
ِ
.....

[الحمدان]

‏على سور دارك صرت أشوف الورود أشواك
‏ولاعاد جيّاتي عليها تسلّيني

‏بكى كل طيرٍ كان يضحك على الشباك
‏يغرّد وكنّه في وداعك يواسيني

‏أنا منصدم وأعيش يومي بدون إدراك
‏ماباقي معي من عقلي اللي يقدّيني

‏أسولف على طيفك وأغني على ذكراك
‏عسى الله يضمّد جرح قلبي ويهديني
ِ
.....

[الحمدان]

‏يوم الأيام السعيده علي متتاليه
‏حيّها مزين ظماها ومزين جوعها

‏راحت أيامٍ ومرّت علينا غاليه
‏عاد حنا في رجاها يعود رجوعها

‏تايهٍ في مجتمع ذا السنين التاليه
‏عالمٍ متغيرٍ سلمها وطبوعها
ِ
.....