فوق هام السحب ( الشعر الشعبي) على متن القوافي

[الحمدان]

من أول :
مشينا على كيفك نبي خاطرك ينساح
ندوّر سِعة صدرك لو انها تضايقنا

اما الأن :
ما حنا على ضيقتك يا الاجودي دارين
لا صارت بدون اسباب عساك ماترضى

[الحمدان]

الله لايسامح الاشواق وطيوفك
وياويل قلبي من الحرمان والحره

ياليتها في يدي واغير ظروفـك
او ليتني ماعرفت الحب بالمره

....

[الحمدان]

ماهي حكاية عتاب ولهفة مواجه
شف الثقه فـ الليالي كيف سوت بي

ضحيت في كل حاجه في رجا حاجه
والحاجه اللي لها ضحيت ضحت بي

....

[الحمدان]

ان خفتي ادور بدالك تحلمين
الي تعلق فالهوى يموت فيه

اشوف وجهك في وجيه العابرين
مع فارق التشبيه يالوجه النزيه

ابيك و الدنيا تبي و انتي تبين
واليا اجتمعنا صار كل الي نبيه

....

[الحمدان]

مواري غلاك تبين ف عيوني الثنتين
وانا ودي اخفيها عن الناس واكتمها

ابعطيك نُبذه ممكن اتفيدك لـبعدين
قبل لا يغشاها الشوق والبعد ياسمها

مدامي اشوفك شي فارق عن الثانين
دروس الوفا والحب حاول تعلمها

بعيداً عن التغيير ياقبلة الحييّن
هنا اجمل محطاتك وحقي ارممها

....

[الحمدان]

ياتل قلبي تل دلوٍ على الرقوه
جذب حبلها من جمة البير متلقوي
مطحس بن حمد

عيوني تقول يساقي حجورها سقوه
سبب ساطياً بين السراجيف مستقوي
ماجد بن عيسى

يالوع قلبي لوع زرعٍ وقف سقوه
صرمه العطش ولا بقا فيه متبقوي
محمد بن حمد

[الحمدان]

فمان الله ياغلى من خذلني يوم انا شاريه
عجز قلبي لا ينسى الي يحبه رغم خذلانه

بيذكرني لا شاف ان الليالي تحاول تبكيه
بيذكرني لا حس انه غريب شتاق لوطانه

انا ذاك المكان الي سكنته و ترعرع فيه
تشوفه من بعيد وصعب تاصل صوب بيبانه

....

[الحمدان]

ياهنوفٍ علقت قلب شاعرها وطاح
واحفرت له في مسابل مدامعها ضريح

تنقله من بورة اجراح إلى بورة جراح
مثل ماينقل على متن الإسعاف الجريح

....

[الحمدان]

اتعب ورى حلمٍ عقدت الامل فيه
لو مابقى من عمرك الا شرايد

وان صلفقتك اللي لها عدّة وجيه
اضحك لها ضحكة وسيع البنايد

ولا تقنع العالم بشيٍ تسويه
قد قيل من مبطي رضا الناس كايد

الناقصين يكّبرون المشاريه
و الواثقين يكّبرون الوسايد

....

[الحمدان]

جيتك ورق مكشوف مافيه تمثيل
حفظت حبك مثل حفظ الأمانه

مارحت أسولف فيك للقال والقيل
حتى ولو بيني وبينه ميانه

....

[الحمدان]

شتان بين الواقع الي نعيشه
وأحلامنا الي مثلنا ما تجرا

الحلم من صدرك لحد الدريشة
والضيق من حد الدريشة وبرا

....

[الحمدان]

‏ياسعود ماينفع عتبنا مع اللوم
‏من يوم راح اللي مغطي ظهرها

‏قصت شعرها تبي موضة اليوم
‏حسبي عليها ليه قصت شعرها

....

[الحمدان]

‏أحب فيك الحب يا جامع أثنين
‏الزين وطبوع (ن) تكمل حلاتك

‏خالد الفيصل⁩

[الحمدان]

‏ناس غلاهم داخل القلب ما راح
‏يمشي معك في خافقك وين ماتروح

‏سبحان من سخر غلا بعض الأرواح
‏بعض البشر تفديه لو يطلب الروح

....

[الحمدان]

ما بعتك بالسحايب والبروق السمر والانسام
وساموني بتلويحة وداع وبعت بأول سوم

سئمت العيش نون وصاد واللذات سين ولام
بنادم والبنادم حيلته ما توجد المعدوم

بعد ما الصحف جفت وانت رحت ورفعت الاقلام
على حب من اول يوم وفراق من اول يوم

....

[الحمدان]

كم خطا خبّاه جهلي و كْشفته سنيني
إيه يا نفسي عليك أخطيت ماني جاحد

عيبي إني شلت واجد بالغلط في عيني
و عيبهم طاحوا مع الأيام واحد واحد

....

[الحمدان]

‏ماني صديق اللي يشيل بقلبه
‏انا صديق الطيّبين الندّر

‏أشباهي اللي طيبته من قلبه
‏يسامح المخطي قبل يتعذّر

بقلمي

[الحمدان]

‏إلا أنت خلك معي ولا تجافيني
‏غيرك يروح وجعله ما يجي ثاني

‏لا صرت قريب مني وما تخليني
‏ماهمني من هجر قلبي وخلاني

....

[الحمدان]

‏سألوا حكيم فقالوا له : من القوي من الناس
‏قال : هو من يستطيع أن يكبت جماح نفسه

‏فقيل له ومن الضعيف
‏فقال : هو من تسمع صوته مدويا

‏قيل ومن هو العاقل
‏قال : هو من ينحني للعواصف

‏قيل فمن هو المجنون
‏قال : هو من يدعي العقل

‏فقيل من هو التافه
‏قال : هو من يتصور أنه أذكى الناس

[الحمدان]

صباح المطر والنار والدله الرسلان
‏صباح القبال السمح والخاطر الراضي
‏
‏صباح الرفيق الي لاجيته وانا زعلان
‏تلاشت جميع اهمومي وطابت امراضي

بقلمي

[الحمدان]

الشعور اللي أحسّه مَا تحسه
والغياب اللي هلكني صار عادي

والخفوق اللي أحسّه مات حسّه
كم ينادي و لا حياه لمن تنادي

....

[الحمدان]

تباهيّ وغني وأضحكي لايهمك شيّ
لامالت ظروفك فيك لك من يعدلها

بتلقين لك في جوف قلبي براد وفي
هنا منزلك والناس تعرف منازلها

ماتقدر تزعلك الليالي وراسي حيّ
لو تزعلك سود الليالي بزعلها

....

[الحمدان]

في مجريات الحياة العقل دربه دليل
اسرافك الزايد بطيبك بلا فايده

حاول تجي معتدل ويصير مالك مثيل
ما ينكب الطيّب الا الطيبه الزايده

....

[الحمدان]

وليا تعانق خجلها مع تواضعها
عانقت ليلٍ على مسراه شجّعني

لو ينسري ليلها سريت بايعها
بَشر ولا الله عن الزلّة مرفّعني

واصبحت من عقب ماني ضدها معها
ان ضاعت أضيع وان دلّت تسنعني

وان شفت بالعين قلبي بين اصابعها
سجدت لله ويالله لاتضيعني

....

[الحمدان]

تربعي بين الحشى والازارير
وأخذي على ترويقة البال فلّه

والا أصبري بطيّر القلب تطيير
وانتي تعالي واجلسي في محلّه

....

[الحمدان]

‏المحبّه أنت وأنت الغير عادي
من عرفتك والمشاعر مستقره

يبتسم يومي ويطرب بك فؤادي
راحتي برضاك حلّت كل مُره

هاك قلب وهاك عين وهاك غادي
دلّه لدربك وخذ خيره وشره

وش أبي بوجيه خلق الله وأنادي
وجهك الله خالقه طيب ومسرّه

....

[الحمدان]

ان بغيت اخلي اعصابي تلين
قمت اطالع وجهك وسماحته

وانتي الله يحفظك لاتستحين
خلي المشتاق ياخذ راحته

....

[الحمدان]

راعي الهوى كايدٍ رده وتغييره
لوّه بنار الهوى مطروق ومعرقا

يصبر على الجفوه ويصبر على الغيره
ويمسح جفونه ومحاجره غرقا

ومقطعٍ شفته من كثر تفكيره
واصابعه بارده واطرافها زرقا

تلقاه ما يسطي انه يطلب الخيره
من خوف لا تطلع الخيره هي الفرقا

....

[الحمدان]

يا فتاة الصبح سوقي من المشرق صباح
واشرقي صبحٍ تقطّع بطلته الدجا

حلقي بي في فضا الطير خفّاق الجناح
وابعدي بي عن صدودك وعن قطع الرجا

....

[الحمدان]

يوم اتصلت ولقيت الهاتف مسكر
دريت وشفيك ماتقرا مراسيلي

في غيبتك ماشرب الشاهي مع السكر
اخاف لا استطعم السكر وتطريلي

....

[الحمدان]

يالله بـ صبح ٍحافـل ٍ بالمسـرّات
‏تفتح به ابواب السعد والتوافيق

‏يا مالك الدنــيا بديع السماوات
‏احفظنا يا ربي من الهم والضيق

بقلمي

[الحمدان]

الخوه الخوه الله يرحم الخوه
‏ويرحم قبور الرجال اللي تقدرها

‏شيمه و فزعه و خفة نفس و مروه
‏صعبه على الجاهل اللي ما يدبرها

الحمدان....

[الحمدان]

‏يالادمي دنياك رحله ومشوار
‏كم واحدً ماحققت له مشاهي

‏لا تامن الايام والوقت دوار
‏ما ينفعك* بالوقت كثر التباهي

....

[الحمدان]

‏وين ياوي من تركتيه لأشواقه نهيب
‏عينك النجلاء بلاده و حضنك مسكنه

‏إن تسلى بين الأنسام و الروض الخصيب
‏ما قدر يهرب من الواقع اللي محزنه

‏راهنٍ لرضاك عمره وقلب ٍ مايشيب
‏لو معاه أغلى من العمر والقلب ارهنه

‏لا تقولين إن ظروف الزمن ما تستجيب
‏من يحب يخلي المستحيله ممكنه

....

[الحمدان]

‏شفت الفجر مع طلعة النور ضاحك
‏قلت الأكيد إنه لمح بسمتك لمّح

‏مدري صباح الخير وإلا صباحك
‏بالحالتين الخير في وجهك السمح

....

[الحمدان]

‏غديت اودع المقفي ولا آحب اسمع التبرير
‏أشوف ان التفاصيل الكثيره ما لها داعي

‏فـ انا يا اللي تظن اني بدونك ما احسن التدبير
‏هجرتك واشتعل نور الحياه و زانت اوضاعي

‏فلا شكراً على وقتك ولا اعذرني على التقصير
‏انا من يوم فارقتك تلاشت معظم اوجاعي

....

[الحمدان]

‏وإن جات عنِّي مثل ما حضرتك شايف
‏أطمّن الليل وأنت أول معازيْمَه

‏أطوي المدى عنك وأنا شايف وعايف
‏وجيهٍ أضحت جفاف و وجنتك ديمَّه

‏كيف أتخاذلّ وأنا أدري إن بابك مسايف
‏إن جابني النود ولَّا جات بي غيمه

....

[الحمدان]

‏من بديت أستصغر شعور العتاب
‏حبل وصلك ماحرصت أجوّده

‏أذكر إني كنت أخاف من الغياب
‏المخيف إني بديت أتعوده

....

[الحمدان]

‏في قلبي مْن الحزن واسباب الفراق
‏نارً تواقد والهبوب تكرّها

‏ياغايبه هجرك ترا مر المذاق
‏ولاهو يسر النفس بس يضرّها

‏استغفر الله عشت عقبك في نفاق
‏اضحك وكبدي تشتوي من حرّها

....

[الحمدان]

‏حاولت اعديها مع الصدر الوسيع
‏وارسم على وجه الزعل وجه الرضا

‏لكن بعض الاحيان قلبي ما يطيع
‏بعض الخطا يضيق به وسع الفضا

....

[الحمدان]

‏أنا مدمن حركاتك وسربوتك
‏وقصيدي فيك فلتة عالم الذرّة

‏ترى خلاياي مدمّنةٍ على صوتك
‏كلمني الصبح مرة والمساء مرّة

....

[الحمدان]

‏تكشفكم الايام يا اهل التلوي
‏بكره تبين الطيّبه والرديّه

‏يعجبني الواضح لو إنه عدوي
‏واكره صديقي لا تلوّن عليّه

....

[الحمدان]

‏بين هذاك معطى وذاك مالله عطاه
‏وبين عيش الكفاف وعيشة ٍ فاخره

‏مكسب ٍمن حصل له راس مال وغناه
‏عافيه بالحياه وعفو بالآخره

‏سِعد من هو رصيده بالحساني ملاه
‏في رصيف النجاه مرَسّي الباخره

....

[الحمدان]

بعض المواقف تثيرالقاف وحروفي
‏والشعر مبطي رسايل مدحٍ اوذمي

‏وأنا سلامي على اللي لا وعد يوفي
‏وإذا نخيته بضيقٍ ينجلي همي

‏واللي تردى معي في شدة ظروفي
‏ماني بعده لو إنه من بني عمي

....

[الحمدان]

‏إطلالة الصبح تعطي للنفوس إرتياح
‏شعور يشَعُر به اللي قام صلىَ الفجر

‏إسأل مجرب تعوّد ماينام الصباح
‏وانظر عصافير تلعب فوق خضر الشجر

بقلمي

[الحمدان]

‏ياسلامي على تطبيق تابـي وتمـارا
‏محزم اللي تردى صاحبه في لزومه

‏له بوقت اللوازم وقفـةٍ ما تجـارا
‏فزعته للجميع اجناب وابناء عمومـه

‏ومن كسب فزعته لو يختفي ويتوارا
‏غصب عنه يسدد قسطه بنفس يومه

....

[الحمدان]

عسىَ من يمنون الجمايل بهمّ وضيق
‏ وعسىَ مالهم فضلٍ علينا ولامنه

‏يحسبون كسب الطيب بالصوت والتصفيق
‏عساهم فدىَ اللي يبَذِل ويبتغي الجنه

....

[الحمدان]

أسهر وانا في حاجة النوم بالحيل
‏والفكرصاحي لو تغمّض عيوني

‏اسري مع الأفكار ليلٍ وراء ليل
‏ما صرت اميز واقعي من جنوني

‏دنيا بها شفت العناء والغرابيل
‏دايم تعاندني وتخلف ضنوني

‏كم صدمةٍمرت مثل كبوت الخيل
‏واقول بأمر الله تزين وتهوني

....

[الحمدان]

‏لو جاك من بعض المهابيل زلات
‏أرفع مقامك لا تدقق ورآهم

‏وتجاهل الجاهل تعيش بسلامات
‏خذها نصيحه وابتعد عن غثآهم

‏ولا تشغل افكارك تراها سهالات
‏بعض البشر لا تنزل لمستوآهم

....

[الحمدان]

‏تبي الصحيح أني بلياك مفقود
‏جسمي هنا والروح عندك وهايب

‏تفداك عين تنظرك وأنت موجود
‏ويفداك قلب يذكرك وأنت غايب

....

[الحمدان]

كتبت ف الشعر مايطرى على بالي
وعزفت اجمل حروفي لك ولمثالك

والبوح بوح المشاعر والذهب غالي
وانا قصيدي ذهب يابنت يهنالك

....

[الحمدان]

تعال ضم الشوق في قلب ناداك
‏صبح على قلبٍ تحرّى حضورك ⁩ ㅤ
‏ㅤ
‏قل له⁧ صباح⁩ الخير والخير لقياك
‏الصباح ما ينور اذا⁧ غاب⁩ نورك

....

[الحمدان]

‏الحب مثل الورد واحساسنا تراب
‏يسقى من الاشواق قدام عينك
‏
‏الحب روح وقلب وعيون واهداب
‏وشفاه تهمس لك وله واحشينك

....

[الحمدان]

‏اثر القلوب تذوب من بعد الاحباب
‏وأثر الغياب غياب وصلك وصوتك
‏
‏وأقسى جروح الوقت صوتك اذا غاب
‏وأعظم عذاب القلب لحظة سكوتك

....

[الحمدان]

‏من أقوى مراحل قوة الشخصية
‏تواسي إنسان بنفس الموضوع اللي تعاني منه

‏ما كل ساكت ما على خاطره شيء
‏و لا كل صرخات الحناجر لها صوت

بقلمي

[الحمدان]

‏ابتسم للوقت واضحك للحياه
لا يروح الوقت في هم ونكد

عيش يومك واحتسب للي وراه
من يعد الوقت يبلش في العدد

ذائقة

[الحمدان]

‏شيمة الانسان ميزان اعتـداله وانحرافه
تنذره لاا شافت الأوضاع ماهي مستتبه

إن عجزت إنّك ترد النفس عن شيٍ تعافه
ماقدرت تحطّ نفسك فالمكان اللي تحبه

....

[الحمدان]

طيفك مثل طبع الهواء وين ماكان
‏ألقاه حولي وين ماكنت واكون

انت السماء والارض وانواع الالوان
‏وانت القمر والشمس والغيم والكون

....

[الحمدان]

العيش بلوة و امتحان و شـهـادات
والناس في الدنيا تلامـيـذ يـقـرون

منا من يـواصـل حـيـاتـه تـفـاهـات
ومنا من يطبق على الغـيـر قـانـون

أكره من يـحـاول يـدس الـعـبـارات
لكن احب اللي لـيـا قـالـو يـسـوون

كـل الحكي مـا ينحكي الا لـغـايـات
والا ترى مـاكـل مـن قـال مـجـنـون

وزين الحكي هومن يزيل المسافات
يوصل لقلب انسان ويقول ممـنـون

خلك من اول شي شوف النـهـايـات
هي من تحددمن معك أومن يخون

واستشعر اخطارك قبل رفـع رايـات
واعرف عدوك قبل من هـم يـودون

للشر كـم نسمع دروس و حـكـايـات
والخيرمايسكن سوى صدر مبخون

ومبادئ حقوق الـبشـر و الـروايـات
صارت مثل نكتة عليها يضـحـكـون

والناس ماتت قهر. واحزان وظ±هـات
ومن هو يراعي كاتم الهـم مـغـبـون

حتى الرفيق اللي ليا قال لـك هـات
أن ماعطيته مـاعـفـا عـنـك وتـهـون

وإياك من ظلم الـزمن والـمـتـاهـات
إن ما حذرت تقابلك غـدر وطـعـون

وياصاحبي لا تامن اهل الوشـايـات
ترى كثير الشك في حبس مسجون

ناس ن تغـطي وجـهـهـا بالعـبـايـات
وناس ن ليامـنك تجيهم يـروحـون

وحـنا على الدنيا ضيوف ورسالات
واحـنا تعودنا على ربـح مـضـمـون


....

[الحمدان]

دايم على الخاطر تجي مثل الأمطار
وانا اعترف أني من الشوق ضامي

أنا فرشت القلب لك ورد وازهار
وأنت بغلاك أخذت كل إهتمامي

....

[الحمدان]

‏أفرح ولـو إني مـن الوقت عانيت
أسعى وانا راضـي بـما ينكتب لي

لـو إني احيانا أردد شـطر بـــيت
وجــه الزمن وش فـيه ما يبتسم لي

....

[الحمدان]

‏ياجعلني م افقد وجودك وانا حي
وي جعل حبً ساق قلبي يسوقك

مابي بعد شوفتك من دنيتي شي
لبا هدب عينك ولبا خفوقك

....

[الحمدان]

يا صاحبي وش بك علينا تغيرت
حتى الرسايل من طرفكم قليله
ٰ
مدري الزمن قساك ولا تكبرت
ولا الزمن نساك ذكرى جميله

....

[الحمدان]

بدر عبد المحسن :
أخاف أتعود غيابك وأخاف أرتاح

سعد بن جدلان :
أخاف من صبرٍ على غير توفيق

خالد الفيصل :
أخاف يجي يوم وما عاد تلقاني

نايف الحزيمي :
أخاف من طاري الفرقا و أحب الوصال

نايف صقر :
أخاف أموت من الضما ما سقاني

[الحمدان]

لاتختبر حبي ولا تبحث اقصاه
‏اقصاه مثل ادناه وافي وصافي

‏لحظه وناظر بـسمتي و إنَت تقراه
‏وتشوف كل الحب لو كنت غافي

....

[الحمدان]

من غلاتك شفت بالعين الهوايل
‏واجد الحلويـن لكن فيك ميـزة

‏لاشبيـه ولا مثيل ولا بدايل
‏أنت بين ضلوع من حَبّك ركيـزة

....

[الحمدان]

‏على النقا نبقى ولو عاقنا عوق
‏ويبقى الوفـا منّا وفينا و إلينا

‏ووجيهنا بيضه و هاماتنا فـوق
‏وإن ضاقت الدنيا ما ضاقت علينا

....

[الحمدان]

رسالتي لك ....

لماذا يبتليني الله .. لأنه يحبك

لكنه عذبني .. بل هذبك

لكنني أتألم .. لتؤجر

لكنني أحزن .. ستفرج

ضاقت .. ستتسع

ضعيف أنا .. قوي هو

أيحبني .. يحبك

أيحبني و يبكيني .. ليطهرك

أيحبني و يبتليني .. ليقربك

و ماذا في القرب .. نجاة

لو ما أحبك .. ما ابتلاك ليقربك

[الحمدان]

‏يامساء الـود والـورد وشـذاه
للجمـيع بدون ما اسمـي أحـد

كل شخصٍ مره الحرف وقراه
ياعسى مساه تباشـير وسـعد

بقلمي

[الحمدان]

تعكزي بي ترى وضعي على مايرام
‏حتى ولو شفتي بيمناي غصن شجرة

‏أنا وعدتك قبل خمسة وخمسين عام
‏مايلحقك من غرابيل الزمان اشعره

....

[الحمدان]

لوï»» الدï»»ل وشبة النار و الكيف
والعود اï»»زرق والكرم و الطناخه

وكلمة هلا واقلط على العز ياضيف
ما كان بيت الطيب يعرف مناخه

....

[الحمدان]

يالله برزقٍ مادرى عنه مغتاب
‏ولا حال كم دونه خبيث السريره

‏يقضي لوازمنا ويفتح لنا باب
‏على الحياة المزهره والمنيره

بقلمي

[الحمدان]

يا قاضي الحب قلبي متهم مظلوم
افتح ملف القضيه واسمع اقوالي

واحد ذبحني وجرحي بالحشا مكتوم
مجروح والي جرحني للاسف غالي

بقلمي

[الحمدان]

ماكلّ غايب عن عيوني فقدته
‏وماكل شخص القاه يستاهل اغليه

‏من بعد ما قلبي شقيته وعدته
‏ما يسكنه غـير الّذي يعتني فيه

بقلمي

[الحمدان]

صار اللي صار وانتهينا على خير
‏وعيوننا عاشت وشافت ودارت
‏
‏مو كل شي بكيفنا لازم يصير
‏اشياء واجد م نبيها وصارت

....

[الحمدان]

‏على مفرق بدايات الجروح ودمعة المقهوّر
‏عرفت ان الزمن لا شان وجهه ماتت امالي

‏اشوف الحزن ما خلا على وجه البسيّطه نور
‏اجر الصوت واغني على جرحي وترحّالي

‏اوسع خاطري وادري تضيق من الهمّوم صدور
‏وعسى الله مايطول ضيقة الخاطر على بالي

....

[الحمدان]

أحدٍ على سر الصداقه يصونك
وأحدٍ على سر الصداقه حكى فيك

ربع الرخا لاضقت صعبه يجونك
وربع الشدايد واحدٍ بس يكفيك

....

[الحمدان]

الى مرّ بي دربي على بيتهم ونيت
وراعي المودة ما تفيده تناهيته

اميّل نظر عيني على البيت لا مريت
واعدل عليه مرايتي لا تعديته

....

[الحمدان]

ما أظن فيه ٳنسان خالي من العيب
الكل منّا محتوي طيب وعيوب

حنا بشر نخطي وفينا عذاريب
والدايم الله ۆكل شمس لھا غروب

....

[الحمدان]

ما كل من يضحك سعيد بدنياه
وما كل من يبكي دموعه حزينه

أحدن بكى والكل يدري عن بكاه
واحدن مع الضحكه تحس بونينـه

....

[الحمدان]

دنياك عشها تواضع وانتبه تظلم
احسب حسابك ترى الايام دواره

وغض البصر لا تدور غرة المسلم
من لاستر عار غيره ينكشف عاره

....

[الحمدان]

جعـل ﺎلسعـاده يـا متابع لك غيوم
تمطر على ارض المشاعر وترويك

وان كان في صدرك تعاليل وهموم
تغسـل مجاري خافقك لين ترضيك

بقلمي

[الحمدان]

لا عطاك الحظ فرصه لا تشاور
ولا بديت تخُـوض فيها لا تفكر

ولا انقفل باَب افتح الباب المجاور
وافتح اَلثالث إذا الثاني مسكر

....

[الحمدان]

اللي يرخّص قدرنا كيف نغليه
واللي خذلنا ما نثمّن وقوفه

لاضاعت الهقوه وكل الرجا فيه
لو هو بجنب اكتافنا ما نشوفه

....

[الحمدان]

الناس مثل البن والوقت محماس
ومن تحتهم نار السنين العجافي

نوعٍ ليا ذقته يكيف لك الـرأس
ونوعٍ عسى ربي يديم العوافي

....

[الحمدان]

ليت الكلام يدآوي الجرح والروح
كان القصيد اللي نقوله .. نفعنا

أو ليتنا لا فضفض لساننا بوح
يطيب جرح (ن) غافيٍ يمتحنا

....

[الحمدان]

اهل الكرم والطيب دايم على طيب
حتى لو ان الوقت قاسي ومتعوب

ترى البشر نوعين مخطين ومصيب
خلك حكيم ولا تكن شخص مغلوب

....

[الحمدان]

ياقلبي اللي ما قدرت الحق جزاك
اسف على جور الليالي والسنين

ماعاد باقي لك من الماضي هذاك
ألا بقايا من شعور ومن حنين

يا كثر ما قلت لك ولا ربي هداك
ماهيب لا مره ولا هي مرتين

اغلب مشاكلك الكبيره من وفاك
ما عاد لي قدرة لتلويح اليدين

....

[الحمدان]

غزيت قلبي دون ماتشعل الحرب
وفرضت عشقك دون خطه وتكتيك

سلاح حبك فاق ماتصنع الغـرب
سلاح ضارب فكك القلب تفكيك

سهام حبك دمرت درعي الصلب
وصرت أحبك حب مـافيه تشكيك

أنت الوحيد اللي سكن داخل القلب
وكتبت لك بالقلب والروح تمليك

....

[الحمدان]

يطيب لي بـالشوق ذكرك وطاريـك
‏وأسـرح وأفكر فيك وأدرس صفاتك
‏
‏لو جيتني مشتاق تدري وش أعطيك
‏قـل لي أبي روحك وأنا أقول جاتك

....

[الحمدان]

‏ضي البدر لا غيّبته السحايب
ما يشبه الا وجهك اللي فقدته

موجود في قلبي و لو كنت غايب
وحبل الوصل ممدود مهما عقدته

....

[الحمدان]

ياعـلـي قــول ولا لـــواردك مـلـطـوم
يـاراعـي الخـرمـة حـديــد البـقـومـي

عنـدي علـوم وخـابـر عـنـدك عـلـوم
وتـبــي تعلـمـنـي وتـاخــذ عـلـومــي

لا كـن انـا مـانـي رفـيـق لــك الـيـوم
أنـــا رفـيــق لـلـشـقـاء والـهـمـومـي

الـبـارحـة والـيــوم مـاجـانـي الـنــوم
بينـي وبينـه مـثـل حــرب النجـومـي

سهران طول الليـل لا أرقـد ولا أقـوم
أقـالــب الجنـبـيـن تـقــل مـحـمـومـي

وأن نمت صحانـي مـن النـوم جاثـوم
الـلـي يصـحـي غـارقـيـن الحـلـومـي

الله علـى اللـي مقـدمـه تـقـل مـبـروم
شــد الخـواجـه مــا ببـديـه هشـومـي

ماجِـيـب عــن السمكريـيـن مـصـدوم
ولا قـيـل هــو مسـيـوم ولا نسـومـي

مـقـوس الـصـدام وجـنـوطـه كـــروم
فكـسـار مـنـوة كــل راعــي لـزومـي

إلــى مـشـى بالـخـط ولـخـط مـزحـوم
يـروج مـثـل السـيـل بـيـن العقـومـي

بالوصـف كنـه فــارس يمـنـع الـقـوم
يرخـي العـنـان ولا يـحـزم الكمـومـي

فــارس وشـيـخٍ للمـغـاويـر زيـــزوم
قــدام شـيـخـان الـعـبـي والخـتـومـي

شيـخ بكفـه رمـح مسـقـى ومسـمـوم
أمــا مــن الـدوشـان وإلا الـفـرومـي

وإلى أعترض خطه لشعبـان وحـزوم
يشـبـه لـسـبـاحٍ يـغــوص ويـعـومـي

ما قص له لوحـات بحـروف وأرقـوم
إلا سـنـد جـمـرك بـدفــع الـرسـومـي

أبيـه عــن دارٍ بـهـا الـصـدر مكـتـوم
يبـعـد مسـايـه قـبـل أمــزع هـدومــي

لأرضٍ يساقيهـا مـن الشـبـط ديـمـوم
ومـن أول الوسـمـي عليـهـا قـدومـي

فيـاض وجبـالٍ لـهـن طــور ورجــوم
ملـس المـراقـي مكنـعـات الخشـومـي

مـا فقسـت بلجوفـهـن بيـضـة الـبـوم
مرفـا الحـرار مخاشـرات السهـومـي

مـاكـنـي إلا عـايــشٍ دايــــم الــــدوم
إلـــى رقـيــت منـاطـحـات الغـيـومـي

أرتـاح وألقـى متـعـة الطـيـر بالـحـوم
يوم الهـوى ينفـض شماغـي وتومـي
وياعلي أنا قبلك عن الشعر أبا أصوم

زيـنـه وشيـنـه مبـعـدٍ عـنـه حـومــي
وش عاد ابا بالشعر والشعـر مظلـوم

وإلـى سمعـت النـاس ردوا عـزومـي
اللـي لـيـا سمـعـوا شـريـط أم كلـثـوم

مــن الـطـرب كــل ٍ يـطـق البهـومـي
هيضتنـي يـا ذخـر مـن يذبـح الـكـوم

فـي ساعـةٍ فيـهـا البخـيـل مهـزومـي
يقلـط وهـو كنـه علـى الوجـه مرثـوم

يطيـح وجهـه مـع وجـيـه الرخـومـي
وأصل البخيل خمـام معطـى ومحـروم

وكفـه لـيـا جــات الـلـزوم محـزومـي
والـنـاس بـالأفـعـال فـايــز ومـذمــوم

وإلـى النواصـي مـا عليهـا وسـومـي
وأنته مع أهل الطيب لك حـظ وقسـوم

وعن الردى فـي كـل حـال محشومـي
لـك مسهـمٍ بالطيـب مـا هـوب مثلـوم

ياطـيـب الرفـقـة شـريـف السـلـومـي
وتم الكـلام اللـي مـن الـراس منظـوم
وعسـى حياتـك ( يازميلـي ) تدومـي

وإن مت جعلك من سنا النار معصوم
فـي جـاه غـفـار الـذنـوب الرحـومـي


عبدالله بن زويبن

[الحمدان]

عسـى الله ينجينـي مـن المـدفـع الـلـي ثــار
بعيـد الـمـدى الـلـي كــل الأهــداف يعطبـهـا

يـخــوف ويـرعــب كـــل مـاثــار يـاسـتــار
يــهــد الـمـبـانـي والــرواســي يـشـطـبـهـا

حـديـث المـديـل الـلـي عـلـى كـهـربـا وزار
عـسـى الله يعـيـن الـقـوة الـلــي يحـاربـهـا

رمانـي وجانـي مـن سهومـه مطـر وغـبـار
ولـغــات الـمـدافـع بالـصـواريـخ أخاطـبـهـا

ألا يــاهــلا يـامـرحـبـا والـكـبــار صــغـــار
وتــرى الـنــاس تـهـديـد الـعــدا مايهيـبـهـا

عزمنـا علـى عـسـف النـظـا نـسـع الأزوار
وجزمنـا علـى مـس الكـتـب فــي غواربـهـا

وكربنـا الأشـدة فوقهـن فـي حقـب وخصـار
ونـسـفـنـا مـواركـهــا وشـلـنــا مـزاهـبـهــا

ونويـنـا عـلــى رد الـنـقـا للعـمـيـل جـهــار
عـلـى شــان صعـبـات الـمـواقـف يجـربـهـا

تـــدور الـمـعـارك والجـنـايـز لــهــا قــبــار
لـهــا مــــن يكـفـنـهـا ويــركــز نصـايـبـهـا

حصـل ماحـصـل والمبـتـدي ماعلـيـه حـيـار
وتــرى الـلـي تـقـدم لحيـتـه عـنـد شاربـهـا

وتـرا الشـك ودى لــه رياجـيـل يــم شـهـار
تـربــع بـلـيـس بـروسـهـم لــيــن خـربـهــا

مع الدرب الأيمن رح وخـل الشكـوك يسـار
تـراهــا بـعـيــدة عــنــك وأنــتــه تـقـربـهـا

عطيـنـاك بـشـتٍ ماتخـالـف بـهــا الأنـظــار
نقيـنـا المشـالـح لـيـن جبـنـا لـــك أطيـبـهـا

وقبلـت الهديـة ثـم مـدري وش اللـي صــار
لـقـيـنـاك يــــوم تـصـلــي الـعـيــد قـالـبـهـا

وأنــا يـاعـلـي مـانــي مـــراوغ ولا غـــدار
أقـــدر خـويــي والمحـابـيـل مـــا أنصـبـهـا

وأجنـب عـن الشينـة ونفـسـي لـهـا مـقـدار
مــع الطـيـب تمـشـي والــردا مــا يناسبـهـا

وأنـا مـانـي الـلـي يعـتـرض سـكـة الـمـرار
أنــا لــي طـريـق وبـاقـي الـطـرق أجنـبـهـا

أخل العـرب وأسرارهـا مـا أبحـث الأسـرار
أجـنــب ولالـــي فـــي خـطـاهـا وصـايـبـهـا

أعـرف أن لـو أنــه يـطـق الحـجـار حـجـار
تـقــوم الـسـبـاع إلـهــا سـبــاعٍ تـجـاوبـهـا

وتصيـر القضيـة مسألـة بحـث واستفـسـار
وعـلــى راس منشـيـهـا تـعــود عـواقـبـهـا

وتراك انـت راع الرميـة اللـي بـدون عيـار
طـريـقـة خـطــا مـــدري عـلـيـه مصـوبـهـا

تبـجـح وتنـظـر لــي بتصـغـيـر واستـهـتـار
كبيـرة علـيـك ولا أعــرف ويــش واجبـهـا

وتقـول أنـك انـت الشاعـر الماهـر البيـطـار
جـمـيـع المـثـايـل مـفــردٍ فــــي غـرايـبـهـا

وأنـا خابـر انــك لــك بضـايـع مــع التـجـار
عـلـى كــل ســوقٍ يـشـري الـزيـن تجلبـهـا

وبالأسـهـم تسـاهـم بالجنـيـهـات والـــدولار
مـع أرقـى البنـوك اللـي تضاعـف مكاسبهـا

وتـرى كـل ديــرة غـيـر ديــرة بـهـا خـبـار
أهـــل مـعـرفـة بسبـاعـهـا مــــن ثعـالـبـهـا

وتـرى كـل ديـرة غـيـر ديــرة بـهـا صـقـار
يعـرف الصقـور الرقـش ويعـرف أ رانبـهـا

وأنـا يـوم سـويـت القصـيـدة خـبـر وانــذار
وأنـا مـا أحسـب انـك تشتـبـه فــي مآربـهـا

وتعبـت وتعبنـا والنتيجـة مـا غـيـر أصـفـار
والأصـفـار بالأصـفـار وشـلــون نضـربـهـا

وأنـا مسهمـي ماهـو بنـاقـص مــع الشـعـار
أروض صـعـيـبــات الـمـثـايــل وأرتــبــهــا

وأسـوق القوافـي ليـن تمشـي مـع المعـبـار
كـمـا ســوق هـجـنٍ حـنــوة الـعــود تـدبـهـا

عـلـى درب شـيـخٍ كـــل يـــومٍ يـصـبـح دار
يـسـج النشـيـط مــن النـظـا لـيــن يتعـبـهـا

وأجيـب البيـوت المـفـردة وأتــرك التـكـرار
نـقـيــض الــفــوا رغ بـنـدقــي ماتـزهـبـهـا

وأطـب الفيـاض المخضـرة واقطـف النـوار
اقــص الـزهــور النـاعـمـة مـــن ذوايـبـهـا

واطــب الـمـزارع واتـنـقـى مـــن الأثـمــار
أنـقــي نـبــات اثـمـارهـا مــــن شـوايـبـهـا

وأغوص البحور اللي بهـا الحـص والمحـار
وأخـلــص عمـيـلـي ديـنـتـه قـبــل يطلـبـهـا

وأعرف البضايع واعرف السوق والأسعار
واثـمــن واقـــدر سلـعـتـي قــبــل أطـبـبـهـا

وتـرى اللـي سـواك نشيمـه شيمـة الخطـار
وفــاء والنـفـوس الطـيـبـة لـيــه نغضـبـهـا

لاكـنـا عـلـى الـلـي فـيـه زودة لغـانـا حـــار
مـشـاهـيــب ســـنـــاء ويــــــل نـجـذبــهــا

تواهـج توهـج شقـر الأسيـاخ وسـط الـنـار
لــوانـــا نـمـثـنـيـهـا صـــفـــاتٍ تــذوبــهــا

وترى الشعر فتل ونقض ماهو بخبط أشجار
وتـرى الفـرق بعـقـول الـرجـال ومواهبـهـا

وتـرى الحكمـة البلغـة وبـاق الـكـلام بـخـار
يـمــر الـحـلـوق الـنـاشـفـة مــــا يـرطـبـهـا

والايــام والدنـيـا تـــرى مـالـهـا اسـتـقـرار
عـلــى نجـومـهـا تـطـلـع نــجــومٍ تغـيـبـهـا

الأيــــام تـخـفــي غـيـبـهـا والــزمــن دوار
بـطـش بالمـلـوك وحالـهـا عــن مناصـبـهـا

على عروشهـا مثـل النـوادر علـى الأوكـار
وتـصــف العـسـاكـر بالـطـريـق لمـواكـبـهـا

تلاشـوا مثـل نبـتٍ بـروض وطــاه عـصـار
عـواصــف ريـــاحٍ طـيــرت بـــه هبايـبـهـا

نواعـم غصونـه طـار فيهـا الـهـوى التـيـار
وبقـايـا عـروقـة جـــارح الـسـيـل سالـبـهـا

تـعـيـش الأوادم بـالأمــل والـعـمـار قـصــار
وراهـــا مـحـاسـب والله الـلــي يحـاسـبـهـا

رجـانــا وملـجـانـا هـــو الـواحــد الـقـهــار
ولـــي الـعـبــاد الــلــي يـحـقــق مطـالـبـهـا

وقرينـا الكتـاب اللـي نـزل لأولـي الأبـصـار
بـشـيــر ونــذيــر ولابــــه آيــــه نـكـذبـهـا

قـريـنــاه بـالـغـنـة والأخــفــا وبـالأظــهــار
وبـالإدغــام والـلــي بـالـحـركـات نـعـربـهـا

وتبعنـا طريـق اللـي كسـر شكـوكـة الكـفـار
ونقـيـم الـصــلاة الـواجـبـة مـــع رواتـبـهـا

وتركـت المـجـال لصاحـبـي لـجـل مايحـتـار
تـقـصـرت ولـــى لـــو تقـصـيـت أشـيـبـهـا

وأنـا خـابـر انــه صـقـر مايـاكـل االاســوار
وطـعـام الصـقـور الجـارحـة مــن مخالبـهـا

وتـقـبـل تحـيـاتـي وهـــذا اخـــر الـمـشـوار
قصـيـدة جـديــدة بـــأزرق الـحـبـر كاتـبـهـا

قصـيـدة تـشـره مابـهـا شـجـب واستـنـكـار
نـظـيـفـه عـفـيـفـة مـابـهــا مــــا يـعـيـبـهـا

عـلــى مبـتـداهـا رايــــةٍ لـلـســلام شــعــار
وعـلـى منتـهـاهـا الـعــود الأزرق يطيـبـهـا

وصــلاة الله الـبـاري عـلـى سـيـد الأبــرار
شفـيـع الخـلايـق يـــوم تـكـشـف حقايـبـهـا

نـبـيٍ أوحــي لــه بالرسـالـة وهــو بـالـغـار
بـهـا خـصـه الله مــن عـبـاده وفــاز ابـهــا


عبدالله بن زويبن

[الحمدان]

سمعـت لـي كلمـة مـدري وش اقصاهـا
حـزت بنفـسـي وأنــا مـانـي بهارجـهـا

لـوكــل كـلـمـة إلـــى جـتـنـا طـردنـاهـا
بـعـنـا الثمـيـنـة بـسـعــر مايـخـارجـهـا

لــو مــرت الـسـمـع مـاكـنـا سمعـنـاهـا
ونقـفـل الـــراس عـنـهـا لا يبرمـجـهـا

ومـــن يـــم هــــذا لــهــذا مانقـلـنـاهـا
والنـاس واجــد وتلـقـى مــن يروجـهـا

مــن جابـهـا بـيــن خـلــق الله وداهـــا
لـو بـه مراجـل تـرى نفـسـه يسمجـهـا

ومن عامل الناس فـي سابـق خطاياهـا
يـقـعـد بـــدار خـــلا مـــاداج دايـجـهــا

فـي كنـة تـشـوي الجـربـوع رمضـاهـا
وتابس غصون الشجر من حر واهجها

والناس بالحق حكم الشيخ مـا أرضاهـا
ماتقـنـع الـنـاس لـــو انـــك تحجـجـهـا

يالـلـي تـبـا الطيـبـة خـذهـا وعطـنـاهـا
وخـــل الطـريـفـة طـريــة لا تثـلـجـهـا

وأقضب طريق الأوادم وامش ممشاهـا
أتـبـع دروب الـعـرب وأدرج مدارجـهـا

وأرســم لنـفـسـك حـــدود ولا تـعـداهـا
من حط نفسه بـدرب الضيـق يحرجهـا

وان كـان نفسـك هـواهـا قــام ينحـاهـا
حـط الأعنـة بـروس الخيـل وأسرجـهـا

وفــكــر بمنـكـافـهـا قـــــدام مـغــزاهــا
واضـرب حساباتهـا وتـشـوف ناتجـهـا

وكــل بعـضـده يـمـوح الـدلـو برشـاهـا
وتلقـى كبـود الضوامـي مـن يبرهجهـا

وان كـان تـوك علـى صـدرك تهجـاهـا
حـنـا تـرانــا نـــدرس فـــي مناهـجـهـا

مــن يــم مصبـاحـهـا نـبـعـد معـشـاهـا
إلــى قـعـد راعـــي الـضـلـع يـدرجـهـا

لـو هـي صعيبـة إلـى انعاجـت عدلناهـا
واللـي تجـي مستقيـمـة مــا نعروجـهـا

نهـتـم فــي وزنـهــا وابـــرام معـنـاهـا
ومــن الكـرسـتـال والـلـولـو نتـوجـهـا

مـثـل الجـواهـر لـيــا مـنــا نضمـنـاهـا
وسلوكهـا مـن جديـد الـزري ننسجـهـا

مـخـايـل تـردتــدم والـصــدر منـشـاهـا
لا دك بـالــبــال داكــــــوك يـهـيـجـهــا

وليا أمطرت ضاقـت الوديـان فـي ماهـا
تاخـذ إلـى الحـول مـا يبسـت مدالجـهـا

وان صدت الناس عنـا مـا أعترضناهـا
مــا تقـفـي الـنــاس عـنــا ونتولـجـهـا

وإن جاتـنـا الطيـبـة بالطـيـب زدنـاهــا
الطيـبـة بالـعـسـل والـسـمـن نمـزجـهـا

وان جاتـنـا الثانـيـة نصـبـر ونـرفـاهـا
يمـكـن إلــى فــاق راعـيـهـا يعالـجـهـا

وان عـادهـا عـــودة مـاعــاد ينـسـاهـا
مـن حربـة فـي صميـم الصـدر نولجهـا

مسـمـومـة يـبـلـش الـدكـتـور بـدواهــا
مايقـنـع الخـبـل لـيــن أنـــه يلامـجـهـا


عبدالله بن زويبن

[الحمدان]

يا وجـودي وجـد مجـروح الفـوادي
مـن هنـوف ثوبـهـا يـجـرح نهـدهـا

شـافـهـا بالملـعـبـة يـــوم الـعـيـادي
طشت الشيلـة و ماحـت فـي جعدهـا

كـنـهـا بالملـعـبـة صـفــرا تــــرادي
بالـحـبـال الـلــي مـلــواتٍ عـقـدهــا

سمعت أصوات العـزاوي والهنـادي
مـن عياطيـر السطـر يطفـر زبـدهـا

تحـتـري شـيـخٍ يـقـود ولا يـقــادي
منـكـفٍ بطـمـاعـةٍ لـحـقـوا طـردهــا

لحقـوا الفرسـان بظـهـور الجـيـادي
وكـل راعـي مـهـرةٍ ركــب ولكـدهـا

لابــةٍ تقـلـط عـلـى جـمـع المـعـادي
ميـر ربـي عاقـهـا وأطـفـى سعـدهـا

خيلهـم يـم الـخـلا عـقـب الـطـرادي
مــا تبـقـي مــا يبـقـى مــن جهـدهـا

روحـت مثـل النعـام امــع الحـمـادي
يـوم سمعـت صـوت خـيـالٍ رهـدهـا

بنـت شيـخٍ مــا ينـافـس بالـشـدادي
كـلـمـتـه كــــل القـبـيـلـة تعـتـمـدهـا

مـا تلـد بعينهـا فـي شخـص عــادي
ولا يسـود الغـابـة إلا حـكـم أسـدهـا

أتفـق معهـا عـلـى غـيـر الفـسـادي
ايـتـزوجـهــا ويـاخــذهــا بــيــدهــا

فـوق خـبـرا جمـعـت كــل الـبـوادي
كـل مــن عـلـم بـهـا شــد ووردهــا

سيلتـهـا يــوم هــل قـــران حـــادي
مزنـةٍ كـبـر القـطـاة أصـغـر بـردهـا

وكـل مـدة قيضهـم والوضـع هــادي
وأن حصل لـه فرصـة جـدد عهدهـا

ليـن قـام الـحـر ينـقـص والـبـرادي
يتـزايـد والـمـزون أوحــم رعـدهــا

نـاحـرت لـديـارهـا قـطــم الـتــوادي
أورحـت ريــح الحـيـا يـمـت بلـدهـا

وأرسلـوا عـسـاس للعـلـم الـوكـادي
ثــم جـاهـم فــي عـلـومٍ مــا بـعـدهـا

ما بعدهـا غيـر صـوت اللـي ينـادي
وكــل راعــي خيـمـةٍ شـلـع وتـدهـا

وقربـوا حـمـر الونيـتـات الـجـدادي
والبيوت السـود طـاروا فـي عمدهـا

أستخـفـوا تـقــل قافـيـهـم هـجــادي
كـل مـا جـو مصـغـرٍ شـالـوا ولـدهـا

مالـهـم يــم الغـنـم شــف ومـــرادي
مـــا شـقــوا بنعيـمـهـا ولا نـجـدهـا

روحــت قطعانـهـم مـثـل الـجــرادي
تتعـب الحسـاب مـا يحصـي عـددهـا

والهـوى معـروف شـيٍ لا إيــرادي
والنتيجـة موسفـة مـا أحــدٍ حمـدهـا

يتسـرب مــع حــلاه مــن المـبـادي
ســم حـيـة والـفـراق أمــر وأدهــى

لو صبر راع الهوى صبر المهـادي
الـجـروح تبـيـن لــو أنــه جـحـدهـا

أنطلـق مــع دربـهـم حـاديـه حــادي
وكـل مـا جـاء نـزلـةٍ مــر ونشـدهـا

لـيـن بــاد ولا لـقـى عـلـمٍ وكـــادي
باهـت الأخـبـار عنـهـم مــا وجـدهـا

كنت غـادي وأحسـب المـدّل غـادي
والنتيجـة تنكشـف لـو طــال أمـدهـا

كـنـت أغـنـي مــع مغـنـي يـابـلادي
وأحسب أن اسمي مسجل في سندها

ليـن عرضـت للمـسـاوم والـمـزادي
عكس ما جاء في كتاب اللـي مهدهـا


عبدالله بن زويبن

[الحمدان]

يا سيد الاحباب زحت الهم عن بالـي
عنـدك بكسـب الحبايـب دبلوماسـيـة

لك فرصـة تجمـع الغالـي مـع الغالـي
من غير موعد تجي وتـروح عفويـة

أخذتني مـن معاصيـر أشهـب اللالـي
ورمستني رمس بأجواك الرومانسية

غطيت وجه السمـاء بغيـوم وخيالـي
والأرض غطيتـهـا بــورود سحـريـة

متشابـكٍ نبتهـا مــن كــل الأشكـالـي
من كل الأشكال تقـل انقـوش زوليـة

وصممـت طـيـارةٍ تصميمـهـا عـالـي
مــا صممتـهـا الـولايــات المريـكـيـة

من غير كبتن تجـول فـوق الأطلالـي
وغمـزت زر المحـرك وأقلـعـت فـيّـه

طارت عن الأرض مليارات الأميالي
شـوي وإلا لمسـت الشـمـس بيـديـة

وتحطمت بالمضامي والخلاء الخالـي
جيـعـان ضمـيـان لا هــذي ولا ذيــة

متعلـقٍ فـي عـمـود الـيـاس بحبـالـي
متلـولـحٍ مــا تـطـب الأرض رجلـيـة

جميـع مـا شفـت بـس أشيـاً تهيـالـي
أفـكـار وضـنــون وأوهـــامٍ خيـالـيـة

يا سيد الأحباب تضرب فيك الأمثالي
من سابق الكون لك حسنة ولك سية

حسنتك تجمع لك أجيـالٍ مـع أجيالـي
الـعـالـم الـمـيـتـه والـعـالــم الـحـيــة

وسيتـك تـدفـن بـوايـق كــل ختـالـي
مـن السبـاع الضـوراي والحرامـيـة


عبدالله بن زويبن

[الحمدان]

يــا مــل قـلــبٍ هواجـيـسـه يسـجـنـه
سـج النضـا بالمطـارق والمشاعيـبـي

هـن ودهـن كـل روضٍ زيـن يرعـنـه
وهـم ودهـم المسـاء عنـد المعازيـبـي

يـوم انتهـاء كـل مـا بالخـرج والشنـة
تـواعـدوا بـيـت نـطــاح المواجـيـبـي

شيخٍ صدى صوت نجره كـل مـا دنـه
يقنـب بـروس النـوازي قنبـة الذيبـي

يرخـص خروفـه ولا يبخـل علـى بنـه
ويشكر ويذكر ليـا عـدوا هـل الطيبـي

تريـحـن وأمـرحــن يومـنـهـن جـنــه
وأنا الهواجيـس تسرحبـي وتسريبـي

راحـن بقلبـي ولا أدري ويــن ودنــه
أخـذت فـي جـوهـن غـفـوة وتغييـبـي

سجيـت معـهـن عـلـى فـلـمٍ يعرضـنـه
عن غيب بعض القرايب والأصاحيبي

ابلـيـس لــولاه كــل الـنـاس بالـجـنـة
لاكـــــن يـلـعـبـنـا راع الـتـلاعـيـبــي

يا شين بعض الأوادم لو ضحـك سنـه
يضحك بوجهي ويشذب في عراقيبـي

واللـي ليـا غبـت غوجـه للطـرد عنـه
وجـرد سيوفـه عطيبـات المضاريـبـي

هـجـرت كــل الــدروب الـلـي يمـرنـه
أخيـر لـي مـن مجيـه ، عنـه تجنيبـي

ولو ما أقتـدي فـي كتـاب الله والسنـة
خليـت كــلٍ عـلـى ديـنـه يصـلـي بــي


عبدالله بن زويبن

[الحمدان]

ياراكـب اللـي يـوم تسـمـع وشيـشـه
وشيـش رقطـاً ذيلهـا بالعصـاء نيـش

قــامــت تــحــك جنوبهامستـهـيـشـة
وتبـيـن أنـيـابٍ ســـوات المنـاقـيـش

يمـرج مـع البيـدا إمــراج الخريـشـة
إلى أمرجت بين الوحش والنواحيش

مــن عـقـب مـاهـي للمنـايـا وليـشـة
بيـن الصقـور ومبهمـات النواتـيـش

حيـت حيـاة الـلـي بتـالـي الحشيـشـة
عقب الدرك شرب القراح النقاريـش

جمـسٍ يربـح كـل مــن حــط شيـشـة
يتـعـب بتعبيـتـه طــوال الخراطـيـش

إلـى وقـف يكـوي الكبـود الغشيـشـة
وإلى مشى ما يلحقـه مومـي الريـش

بـرقٍ مـن العـارض جذبنـي رعيشـه
يـــوم يتـلالابـالـمـزون الـمـراهـيـش

وأثــره مــا يسـقـي الكبودالعطـيـشـة
يبرق ويرعد ميرمـدري علـى ويـش

لا تحتـزم بالـلـي ضلـوعـه هشيـشـة
اللـي ليـا سمـع النـداء صـد تطنيـش

لاتحـتـزم بــه لــو تـحـيـزم بخـيـشـة
مـا يقطـع الدِيـان ركــض الأكـاديـش

وبـيـتٍ بلـيـا ســاس مـثـل العريـشـة
يطـيـح لـولـمـع بـبـويـه و ورنـيــش

وجـرد السهـال الخالـيـات الوحيـشـة
اللـي تطـوى فـي شجرهـا الحنافيـش

أخيـر مـن ضـلـه وبـعـض المعيـشـة
يعافهـا الطيـب ويفـرح بـهـا الـديـش

وقـال المثـل مامـن ورى طلـع بيشـه
عيشة وراس الضبي ما به عراميش


عبدالله بن زويبن

[الحمدان]

يامختلف في كل حاجه عن الغير
ألغيتـهم يا خـل ساعـه حضورك

مدري صباح الخير ولا مساء الخير
تلخبط الساعـات لحظـة مرورك

....

[الحمدان]

ماجاك جا من طيب خاطر* بس باخذ حاجتين
‏أباخذ الباقي من شعوري وأباخذ راحتي

‏إلى متى وأنا آتسامح وأخفي الوجه الحزين
‏وإلى متى عوجاك تتمرد على سماحتي

....

[الحمدان]

‏فالنفوس اللي لا تشبع بي ولا تروى بي
‏ليل هقواتي طويل وشمسها مكسوفه

‏كل ماظنيت ظنٍ في كنفها خابي
‏عندها أوهامي ضحاياها ضحايا الكوفه

‏احسن اجيها زهابي في ظهور ركابي
‏لا تكلفني وهي عني ماهي مكلوفه

‏لأجل ما أسبب قلق فكري وحرق اعصابي
‏وإنشغالي من قويين الدهر وضعوفه

‏سعد بن جدلان
‏رحمه الله

[الحمدان]

اعتقيني عتق الارقاب ياحزة عصير
واستريني واصلحي بين عرفي وجهلي
ْ
عادة الذكرى تصحّي رقود بالضمير
والضمير ايامه التاليه ماهو خلي
ْ
مالها الا راس عيطا مثل ناب البعير
انحريها ياقدم واطلعيها وانزلي
ْ
لو مسافتها بعيدة ومرقاها عسير
مااتريّح لين اشرّف حجاها المعتلي

....

[الحمدان]

و الله أني ضايق الصدر من كل الجهات
و فاقد النوم الطبيعي لي اكثر من شهر

المداهيل القديمه و بعض الذكريات
أظهرت من عيني الخافي اللي ماظهر

....

[الحمدان]

يا باقي العمر دنيــا الناس خداعة
تجــري سفنها ولا نعرف مراسيها

تطوي من أعمـارنا باليوم والساعة
والعــالم الله كيف نعيش باقيهــا

يالله بحسن الختام وصادق الطاعة
وأعمــال تبقى تبيض وجه راعيهـا

نفــوسنا في الـدنا ما هي بطمـاعة
وصدورنــا تاســع اولهــا وتـاليهـا

يامـا صبرنا على اللي شينه طباعـه
فضـلا عن اللي طباعه نفتخر فيهـا

ويامـا حملنا زمان الجـور واوجـاعه
ولا شـكينــا ولـو جـارت عـلاويهــا

والليل لو طـال عاد الصبـح مطلاعه
يشـرق ويبدي لك القصـة وما فيها

....

[الحمدان]

قالو علامك في دجى الليل سهران
‏قلت اسئلو خلن مسهر جفوني

‏لاجيت أغمض مثل بدر الدجى بان
‏صورة خياله ابد ماتفارق عيوني

....

[الحمدان]

اغار عليك مني ومن عيوني
ومنك ومن الزمان والمكان

ولو اني خبئتك في عيوني
الى يوم القيامة ما كفاني

....

[الحمدان]

‏قصيدة بدء من الشاعر الحو ثي عبد الرحمن محمد جعدان الذي أساء فيها. الى أحرار 26 سبتمبر
ويليها جواب الشاعر : مجلي القبيسي


سبتمريون في احضان مملكة
لايحملون شعاراً يحفظ اليمنا

ولا لهم في ضمير الشعب منطلق
ولاسياج منيع يحرس الوطنا

سبتمبريون لاذوا بالفرار وهم
من اشعل الحرب ضد الشعب والفتنا

من هيكل الجيش من اطفا مشاعله
من وظف السذج البلها والجبنا

من شرعن القصف للعدوان غيرهم
من فرق الشمل ياوطني ومزقنا

سبتمبريون والحكام دونهم
وقادة الراى في اعماقهم سجنا

تجمعوا عبثا والكره يملئهم
والياس منهم والاحباط يملئنا

سبتمبريون لكن اين قادتهم
في كل قطر اثاروا العجز والوهنا


وهذا الجواب

سبتمبريون والتحرير موعدنا
وحسبنا الله فيكم أيها الجبنا

سبتمبريون هاجـرنا وغايتنا
حماية الشعب كي يبقى لكم ولنا

سبتمبريون والأهداف واضحة
عـدالـةٌ عــزةٌ حـريـةٌ وبـنـا

سبتمبريون نادينا عروبتكم
وماسمعنا لكم صوتاً يقول أنا

ثرنا لنستأصل القمل التي سكنت
مابين أذنيك يا(جـعـدان) والكتنا

وفزعة الجار ذو القربى مشرفة
قل لي بربك أين المخزياتُ هنا

لا عيب أن يسند المكلومَ أخوتُه
العيبُ حين اعتبرتَ الفرسَ إخوتَنا

والخزيُ والعارُ للباغي وعكفتهِ
وللكهوفِ التي مازارهـنَّ سـنـا

لشعبنا ثورةٌ شـرعـيـةٌ وُلِدتْ
وثـورةُ العرق والطغيان بنتُ زنى

فـلا يُـقَـبّـلُ أقـدامَ الطـغـاةِ سـوى
مـن كان أ تـفـه ممن يـعـبـدُ الوثنا

[الحمدان]

رسالتي لك....

لو جُمعت للمرء أشكال المواساة
و ألوانها فلن يجد شيئًا
يمسح على قلبه
مثل تفويض أمره لله ..
و استشعاره أنه في ظلال معيّته
و أنَّ الله مُتولٍّ أمره و كافيه همّه

[الحمدان]

‏حُبُّ النَّبيِّ على الأنامِ فريضةٌ
لا تنسَ ذكرَ الهاشميِّ الأكرَمِ

إنَّ الصَّلاةَ على النَّبيِّ وسيلةٌ
فيها النَّجاةُ لكلِّ عَبدٍ مُسلِمِ

صَلُّوا على القمرِ المُنيرِ فإنَّهُ
نُورٌ تبدَّى في الغمامِ المُظلمِ

اللهم صل وسلم على نبينا محمد

[الحمدان]

يا بنت من شانك عشقت الكتابه
وفي هواك امسيت احب المواويل

خليني اطرد في غرامك سرابه
واهيم في سود العيون المكاحيل

في ساحل السكر مخايل سحابه
ميت ظما يا ما حلا ريحة السيل

خليني اتهنى بصافي شرابه
وانسى عذابات الزمن والغرابيل

تحنان حظنـك فيه عزّ ومهـابه
بعده يطيب الليل حـبّ وتعاليل

غنى معي يا بنت قوس الربابه
طاب السمر يا ليل يا عين يا ليل

....

[الحمدان]

فديت ينك ياھوى البال محلإك
وفديت زينك يآبعد كل غالي

من شإف رمشك قال يازين مغلإك
ومن شـاف عينك قال يا ويل حالي

....

[الحمدان]

فقدتك حيل لكني تعبت أشتاق
فقدتك حيل والذكرى تبكيني

لو انك صدق عارف وحشة العشاق
قسم بالله ما تبعد عن إيديني

....

[الحمدان]

وينك تعال حروف الشوق لك ولهى
‏ياقرة العين يا نفسي وما فيها

‏اناظر الوقت واسرح بك وثم اسهى
‏واقلب الذكريات بكل ماضيها

....

[الحمدان]

انت لو همّك شعوري و الوصال
ما تخلّي لـ الحزن فيني نصيب

لا تبرر لي غياَبك بـ انشغال
حتى انا مشغول لكنّ ما اغيب

....

[الحمدان]

‏قالت تغـزل بعيوني يامعذبها
قلـت اسمعيني جعل الناس يفدونك

عيونك اجمل قصيده ماقدر اكتبها
اخاف من كثر ماوصفها يعرفونك

....

[الحمدان]

الحب غفوه نوم في جفن سهران
سحابه الاشـواق والوصل ديمه

والبعد جرح انسان في داخل انسان
تبطي وسومه بالحنايا مقيمه

....

[الحمدان]

أنحني لك شوق وأرقي بك غلا
وأستثيرك حب وأعيشك جنون

جعلني من قربك أنت ما أخلا
وجعلني من دون حبك ما أكون

....

[الحمدان]

‏ذكروني فيك والحزن احتوآني
‏والبعد قاسي ودمعاتي قريبه

‏م تركتك ب الرضا لكن زماني
‏م رضى يجمع حبيب مع حبيبه

....

[الحمدان]

‏عندي سؤال وخاطري في اجابه
‏ابسألك ياللي تتابعني لحظات
‏
‏اللي عشق غالي و هو ما درابه
‏يصارحه والا يخليه بسكات

....

[الحمدان]

للقلوب أقفال وللماضي حنين
ومن معه مفتاح قلبي ضيّعه

لا قدرت أبوح بـ السّر الدفين
ولاقدرت أشكي من اللي أوجعـه

....

[الحمدان]

لي وليف عشقني صدق وانا عشقته
والمحبه من الله والهوى بالتراضي

ما يهم ان سبقني بالغلا او سبقته
نتفق بالمحبه دون شاهد و قاضي

....

[الحمدان]

‏يابو عيونٍ وسيعه كنّها عين حور
‏قلبي جهاز انقطع في غيبتك وايره

‏غديت ادور وصالك بين دور ودور
‏كنّي ادور زوايا داخل الدايره

....

[الحمدان]

‏اما عشقنا عشق مافيه تلفيق
والا هجرنا الحب مذهب ومله

اما غرام يشرح الصدر طاريه
والا عسانا ياعرب ماعشقنا

....

[الحمدان]

لمحت انا بين المخاليق مخلوق
من زينها بالليل طفيت ضوي

يا زينها تضوي على الخلق ببروق
ورموشها تطلق صواريخ جوي

لولا الحيا من الناس والهرج ما يلوق
سلمت له واللي يريده يسوي

....

[الحمدان]

‏مآ يذبح الرجل الثقيل السنآفي
‏إلآ الهنوف إللي تعرف الموآجيب

بنت الرجآل إللي بهآ الزين ضآفي
‏إللي تعرف الطيب وتجنّب العيب

....

[الحمدان]

‏البارحه طاري الهواجيس هدّام
هدّ العيون اللي هجرها منامي

دق الوتد ثم شَيّد بصدري خيام
‏فيني جها من صلف الأيام حامي

‏كنّي بقايا بيت ورڪونه حطامم
‏ماظنتي بَ يفيد جمع الحطامي

....

[الحمدان]

‏لا تشوف اللي تحب بنظرةٍ مألوفه
‏انت عاشق و النظر جهر الشعور و سرّه
‏ㅤ
‏لا قدرت تشوف وجه اللي تحبه شوفه
‏كنّك اول مرّه تشوفه او آخر مرّه

....

[الحمدان]

وﺩﻱ ﺃﺟﻴﺒﻚ ﻓﻲ ﺳﻤﺎ ﺍﻟﺤﺐ ﻏﻴﻤﻪ
ﺗﻤﻄﺮ ﺗﻔﺎﺻﻴﻠﻲ ﻭ ﻳﻜﺘﺒﻨﻲ ﺍﻟﺪﻳﻢ

ﻳﻤﻜﻦ ﺗﻨﺴﻴﻨﻲ ﺟﺮﻭﺡٍ ﻗﺪﻳﻤﻪ
ﻭ ﺃﻟﻘﺎﻟﻲ ﻓﻲ ﺻﺪﺭﻙ ﻭﻃﻦ ﻳﺸﺒﻪ ﺍﻟﻐﻴﻢ

....

[الحمدان]

ناديت بإسمه ورد بشوق ي عيونه
‏ذابت عروقي ودارت دنيتي فيني

فدوه لعينه وعيون اللي يحبونه
‏واحد يساوي بهالدنيا نظرعيني

....

[الحمدان]

تعبت من الجفا لاني ابيه بخيره و شره
ولكن عزتي ضدي تشوف افعاله بمجهر

رضيت استسلم لعقلي وقلبي مارضخ مره
يقول ان فازت العزه ترى الفرقا بعد تقهر

احس اني من الحيره صغيرٍ ماسكٍ جمره
اباكابر و لكني لقيت ان حرقتي اكبر

....

[الحمدان]

ليتك تقول بعالي الصوت وشفيك
واقول لك يـ حي زولك فقدتتك

وتحلف بعالي الصوت والله مّ خليك
وانا اقول اني بقلبي حفظتك

....

[الحمدان]

يلي تغيب وغيبتك توجع الراس
ماشتقت لي وماجيت لحظه فبالك

من غبت كن الكون ماعاد به ناس
عايش على صورتك طيف وخيالك

....

[الحمدان]

اشتقت لاسلوبك ومنطوق فمك
يا أمل حياتي وين ما اوجه ألقاك

عليك أخاف أكثر من أبوك وامك
والله ما فيه مثل قلبي بغلاك

باقي معي اغلا هديه تهمك
صورتك كاتب فوقها ما اقدر انساك

....

[الحمدان]

انتظرتك لين ‏حي على الفلاح
‏وقلبك من القسوة ‏ما ظني طهر

‏لا تجيني لا بدت ‏شمس الصبآح
‏إنتظرتك ليل ‏وأعماني السهر

....

[الحمدان]

لبى القصيد الي تشوفه وتقراه
وش فايدة شعري اذا م اقريته

لولا عيونك يالغلا ما كتبناه
ولولا غلاتك يا غلاتي رميته

....

[الحمدان]

جبل جبل ماهمني حذف حذاف
ولاضاق من فعل المساكين صدري

قدري مع اهل الطيب والناس الاشراف
ماجيت ادور عند الانذال قدري


مشعل الشعيفاني

[الحمدان]

من لاملك روس الرياجيل بالطيب
لايحسب انه بالدراهم ملكها

واللي يجنب لانصته المواجيب
يبطي دروب المرجله ماسلكها


مشعل الشعيفاني

[الحمدان]

لاترخص ولد عمك لو انه جفاك وصد
مصير الضروف تعلمه وش ورى الصده

لاضاقت به الدنيا وضده عدو الجد
اول مايجي في البال فزعة ذخر جده


دوخي بن حريش

[الحمدان]

اخوك لامن شب نار العداوه
اهم حاجه لا تزود حطبها

النار إذا راقبتها في هداوه
تاكل حطبها ثم يطفي لهبها


عبدالله الطلحي

[الحمدان]

بين مدّاح البهايم وشحاذ الشيوخ
راحت وجيه الرياجيل مثل ظهورها

الدراهم علموك انها تلبسك جوخ
والكرامه نسيو يعلمونك دورها


سعد المشعبي

[الحمدان]

طموح الرجال يحطمه قل رآس المآل
اذا قل مال الرجل ضاعت طموحاته

لو الرآس قاسي والعزايم تهد جبال
تحده ظروف الوقت وتضيع هقوآته


م

[الحمدان]

تدور الدواير بالشدايد على المرتاح
تولاه بقعا عقب ما والف الراحه

لكن السنافي لو عليه السنين شحاح
شباريه تندى والمعاميل فواحه

م

[الحمدان]

والله إن العقل نعمه والعقول أصنافي
والعرب لا من عرف داها يهون دواها

يالله إني في حجاك وفي ذراك الظافي
من ظلايم عالمٍ ماتنحمد عقباها


ذائقه

[الحمدان]

الايالله المعبود لطفك وحسن رضاك
يامحيي العظام البايده يوم تبعثها

اناالمذنب اللي لااظلم الليل به ناجاك
من الذنب نفسه ياكريم العطاغثها

م

[الحمدان]

يالله صبآح العطآ والقرب والطآعه
يآ مآلك الجود يآ معطي بلا منّه

عفوك بعبدً لشوفك كثرت أطمآعه
يبغى يفوز برضآك ويدخل الجنّه

ذائقه

[الحمدان]

عز الله اني عايف الناس ياسعود
ودي اصد وصدتي خير صده

ما عاد بي شده على كل منقود
ولالي على هرج المخاليق شده

م

[الحمدان]

اليا اقضبوك الرجال بطيب وإلا معروف
اشقح كبار الهقاوي لا تجي دوونها

واليا نصوك الضيوف انطح عيون الضيوف
ترا عيون الضيوف اوسع من ابطونها


....

[الحمدان]

عسـىَ من يمنون الجمايـل بهـمّ وضيق
وعسـىَ مالهـم فضلٍ علينا ولامنه

يحسبون كسب الطيب بالصوت والتصفيـق
عساهم فدىَ اللي يبَذِل ويبتغي الجنه


النجم العالي

[الحمدان]

لاصاروا العقال مثل الجهاهيل
وشلون نلقى بالمجالس عوارف

حتى الذي ماينقص الوزن و الكيل
الي علومه مثل نقد المصارف

قامت علومه تشطح ايسار وتميل
مع مركب الجهال و السيل جارف


حمود البيضاني

[الحمدان]

يا مالك الملك انا مالي غنى عنّك
ياما رجيتك ومن خيرك كثر خيري

ولا تعجّلت مدّات الفرج منّك
إلا على شان افرّجها على غيري

م

[الحمدان]

لا يغرك عن صلاة الفجر نوم
ركعتين الفجر خير من الحياة

قوم لايلعب بك الشيطان قوم
لاتقول النوم خير من الصلاة


عبدالله الطلحي

[الحمدان]

صباح آلأحترآم وخآلص آلود وآلتقدير
لكم كلكم وآللـه على آلخير يجمعنآ

عسى آلله يصحـح غلطة مآلهآ تبرير
وعسـى آلله يعدي كلمة مآلهآ معنآ

م

[الحمدان]

أغراب والدنيا مثل صالة مطار
والناس فيها قادمة ومغادرة

وأنا مسجل في سجل الانتظار
مدري متى يبدأ صعود الطائرة


عبدالله الطلحي

[الحمدان]

خلوه سارح مع طواريه وانسوه
يسترجع اللي فات من ذكرياته

يمكن تذكر من تفوه وخلوه
ولا تذكر ضحكة اصغر بناته

ولا يهوجس بأطيب اثنين جابوه
ولا يفكر بعمر مضى من حياته


....

[الحمدان]

ياصاحبي ترىَ اكثر الناس تخطي
وعن الخطاء مافيه إنسان معصوم

طبع البشر ماهو من اليوم مبطي
وشرواك لو يخطي مقدر ومحشوم

ندمح له الزله وناخذ ونعطي
والا الردي مابي له علوم وسلوم

هذا العلم ويطول عمرك ويبطي
والرزق عند الله مقدر ومقسوم


النجم العالي

[الحمدان]

عشنا على الدنيا هموم ومسرات
وعرفت من كثرالـمحن والتجارب

اردى صداقه بين كـل الصداقات
صـداقـة اللـي لـه وراها مـأرب

واقـوى خـيانه بين كـل الخيانات
خـيـانـة اللي معك ماكـل وشارب

واقسى عـداوه بين كل العداوات
لاجـا عـدوك واحـد مـن الاقارب


مهنا السعدي

[الحمدان]

سامحوني والله اني على الرجعه شغوف
ووالله ان الشوق للشعر والساحه دبل

غبت والغيبه ماهي غيبة احساس وحروف
غيبة الي مابقى له من احلامه سبل

لي ثلاث سنين وانا تحت ضغط الظروف
ودي ارجع مثل ماكنت واحسن من قبل


....

[الحمدان]

من عصر ابو تركي زبون المخاسير
اللي تقدّم بالعزم والاراده

قيدوم جيش روّحن حزة عصير
و خامس ليال العيد حقق عياده

وقامت من المصمك تزف التباشير
ساد اللذي سيّد على كل ساده

عبدالعزيز وحرر الفكر تحرير
وعطى الحقوق وحث على العباده


سعد الجذع

[الحمدان]

ياالله ياللي فزعتك تكشف الضيق
في بحر عفوك ماتضيق المراسي

انا فوجهك من قـليل التوافـيق
ومـن موقف مايرتفع فـيـه راسي


....

[الحمدان]

نمشي ولا ندري على وين ماشين
والعمـر لامـن راح محـدن يرده

يالله عفـوك يوم وضع الموازين
ويالله دخيلك مـن عناء كل شده

....

[الحمدان]

في زحمه الهرج تلقي للحقيقه مقام
يوم المجالس مدارس والاسامي سمت

سلّم على اللي ليا جر الكلام الكلام
أمّا تكلم بـ كلمة حق ولا صمت


ذائقه

[الحمدان]

‏لو مانت غالي علينا ما صبرنا عليك
وياخوفي العزم يرخيه الزمان ونمل

كانك تبينا ترانا من غلاتك نبيك
خل الفعايل شواريها تجمّع شمل


جحان زيد

[الحمدان]

ياطيب بعض الناس ياناس طيباه
لياعضته بعض النوايب جحدها

مايشتكي للناس وضعه وماجاه
يصبر على عسر الليال ونكدها

مشكاه لله خالق الكونزمولاه
علام ماب الكون محصي عددها

يرفع لرب الكون وضعه و شكواه
في سجدته لامن ركع ثم سجدها


مشعل فهد ابن موطان

[الحمدان]

يامدور الغلطه على شخص غافل
لابد من يومٍ يجي منك غلطات

لاتحْسب أيامك بها العز حافل
ماتصفي الدنيا على طول الاوقات

أخشى الكريم اللي للارزاق كافل
هو الذي خلاّق سبع السموات

وخلك بدينك من هل الشر جافل
أبليس من بين المخاليق مامات


سعود الحربي

[الحمدان]

ماني علـى بعض السوالف معاتبك
بعـض السوالـف والمعـاتـب نـقـاده

لاصرت ماتعرف طريقك وواجبك
وليا نصحـتك قمـت تـزعـل زيـاده

خلك على وضعك ليا صار عاجبك
مـادام قـلـبـك مـا تـحـقــق مــراده

لابـد وقـتـك مايغـثـرب مـشـاربـك
ويصحي اللي ماصحى مـن رقاده


شريف العضياني

[الحمدان]

على الطيب والطيّب زحول الرجال تشوش
ياكم طيبٍ جود رقبتك بمعروفه

عسى اسمي الى من مر فالمجلس المفروش
تشوف ونعم في كل حرفٍ من حروفه


ناصر الحمادي

[الحمدان]

احفظ لسانك لابلوك المعاثير
والكلمة اللي دون ميزان خفها

يجوز ترمي كلمةٍ دون تفكير
والصبح سودان القلوب تخطفها


عبدالرحمن بن بديع

[الحمدان]

صنايع المعروف والصدق والصبر
زودٍ على التقوى وحسن العبادة

تنفعك في الدنيا وتنفعك في القبر
وتكون لك يوم القيامة شهادة


عبدالله الطلحي

[الحمدان]

خلك على ماقيل رهن الاشاره
اليا نصاك اللي من القِلّ محتاج

اطْلِقْ له حجاجك وحشِّم وقاره
ولا تبدي اسراره على كل هراج

صنايع المعروف ماهي خساره
صنايع المعروف للـشّر مزلاج

واعرف تـرا الايـام تـاره وتـاره
ويـومٍ مــن الايام لابـد تحتاج

قاسم الصالحي

[الحمدان]

تمر الليالي مسرعه بين امان وخوف
وحياة الفتى دايم بالاخطار محفوفه

مايدفع خطرها غير صنائع المعروف
الياء قدمتها يدك ماهي بمكشوفه


....

[الحمدان]

وقتي يصارعني بحدب السيوفي
وأصارعه لوو ما معي خيل وسيوف

يا كبر هقواتيي ويا كثر خوفي
تدفعني الهقوة ويمنعني الخوف

واللي حدانيي عن مرادي ظروفي
صرت أتنازل عن حقوقي وأنا أشوفف

....

[الحمدان]

‏الذيب لآ منه عوى قعّد اموآت
‏والكلب لآ منه نبح بحّ صوته

‏بين البشر تفرق مقآمآت واصوآت
‏آحدن تشيله فوق وآحدن تشوفه

....

[الحمدان]

الله خلق والله فرق بـين هالناس
والله جعـل فيهم سمات ومواري

فلا تـنزعج لاشفت لك ناس انجاس
لولا الردا ما بان للطيب طاري

....

[الحمدان]

انشهد ان الحرب في الميدان من حرابها
والخيل قد قال العرب والبدو من خيالها

القوم تبغا تقهرك لا تستفز اعصابها
ولاتغوص دروب لن تصبر لحر اهوالها

....

[الحمدان]

يا صاحبي ما كل رجّال رجّال
والمَرْجلة ماهي بعمْر وتجارب

يا كَم صغيرن ماعلى راسه عقال
إذا حَكى سكّت طوال الشّوارب

....

[الحمدان]

اللي يبي درب الجمالات يتعب
درب الجميل اليوم عسرٍ وكايد

وقت الرخا ياخوي مافيه خوه
لا صار مَ أنت بخوي وقت الشدايد

الأيام واجد والليالي طويله
وباقي من أيام السعاده شرايد

لا صار وقت الحر ماذقت نفعك
مابغيك لاهبّت نسيم البرايد

....

[الحمدان]

‏لا صار وقتك صعيب ومرتكز عجه
‏ضحكتك بوجه الليالي القشر يزعجها

‏اطعن بلاوي الدهر بالضحك والسجه
‏واضرب برجلك دروب العز واسهجها

....

[الحمدان]

‏حي الولد لا جاك في راسه عناد
و أبوه في حب الرجال مولعه

خير من اللي قد بلغ سن الرشاد
و أمه لي هالحين ما غير تدلعه

....

[الحمدان]

‏الكيف والذود والفنجال والدله
‏أربع يحكمن علينا في بداوتنا
‏،
‏والضيف والجار والاسلام والمله
‏أربع يحكمن علينا في مجالسنا

بقلمي

[الحمدان]

‏مع فعولنا تكبر هقاوي ويقنب ذيب
‏وعلى الموقف الصامل ندسّم شواربنا

‏تتوب الرخوم من المراجل وفعل الطيب
‏وحنا على كسب النواميس ما تبنا

....

[الحمدان]

‏ناطحن ضيم الليالي والظروف
‏في حما رب المكارم والسخا

‏والشقا دامه معوض وامخلوف
‏والله ان يبطي حزامي م ارتخا

....

[الحمدان]

‏نرتفع ونشوم عن فعل القبيح
‏والرخامه ما طرقنا ابوابها

‏ولا نخاوي غير كساب المديح
‏والرخوم لها رخوم اولابها

....

[الحمدان]

‏مال للطناخّة غير رُوس المطانيخ
ومن قبلهم أجدادهُم مانِسوها

ماكل راعِي بشت شيخٍ.‏وٌلد شيخ،
تالي الزمّن حتى الرخّوم لبسوها

....

[الحمدان]

‏للساقطه لاقط وللطايله ذيب
وللدرب قصّاصه وللسيف سلّه

وللهرج ناس وللفعايل معازيب
واللي يبا درب المراجل يدله

ذائقة

[الحمدان]

يا نفس شومي واعتلي فوق مبداك
ومبداك روس النايفات الطويلات

جعل الردي يفداك واللاش يفداك
واهل الحكي واهل النفوس الثقييله

....

[الحمدان]

‏ماتساوى الروس في عز النفوس
فرق شاسع بالمكانه والقدر

فيه روسٍ تنحني قدام روس
وفيه روسٍ شامخه عز و فخر

....

[الحمدان]

‏يا رفيقاً يحد السيف ويسله
كل ما اقفا رفيقه حش عرقوبه

رفقتن مالها مذهب ولا مله
يالله العفو والغفران والتوبه

....

[الحمدان]

‏يقولون وشفيك متغير وحالك حال
‏وانا اقول مايبقى على حاله الا الله

‏مقادير وظروف وهقاوي وقيل وقال
‏ووضع يكدر صافي البال ويعله

....

[الحمدان]

مايعتذر بالمال عند المواجيب
من كان نفسه بالمكارم غنيه

الفقر مارد النشاما عن الطيب
والمال ماعز النفوس الرديه

....

[الحمدان]

‏ربعن على درب المراجل تدلك
‏وربعن على دروب الردايا توديك

‏وربعن تعزك لانوى الوقت ذلـك
‏وربعن على سود الفعايل تبديك

....

[الحمدان]

‏يا قلبي أدري فيك طاهر وحسّاس
لا باس وإن كانت جروحك كثيره

حزنك وضيقك وإنعزالك عن الناس
صدقني إنها ببعض الأحيان خيره

....

[الحمدان]

دام وصلكَ فيه شي منَ المذله
اعتبرنيَ فرصه جاتك وراحتَ

يامطيح دمعِتي ودعتكَ الله
والله أنك طحتَ معها يوم طاحتَ

....

[الحمدان]

‏الزين في وجه الفتى مايعزه
ان كان ماهو في الطبايع والافعال

بيت ٍ لـ أبو الطيّب عظيمٍ منزه
سقته بتعبيري ولاهان من قال

ترى الفتى لاصار مافيه فزه
والله مايبلغ من العز مثقال

ودك اذا شفت الهلامه تكزه
حتى يسير مثل الرجاجيل رجال

....

[الحمدان]

حكم القدر ماشي علا الكل ماشي
والكل للمكتوب لابد يلقاه

والحض ما ياتي نفاق و تراشي
من عزه الرحمن فالناس رقّاه

كم من فقير الأمس لازال ناشي
واليوم ناشط فوق ماحد تعداه

وكم من غني مغرور كاذب ولاشي
ورده ذبل مهما من الماء سقّاه

غره زمانه في نعيم و تماشي
حتى تناسى من له المال واغناه

دنيا دنيه ما تساوي ولا شي
ويا ويل من يغتر في عز دنياه

....

[الحمدان]

‏ليت المواجع تبتعد عن طريقي
وليت المأسي ماتجيني من الساس

وليت الملل والياس ماهو رفيقي
وليت الزهـق ماحل قلبي والانفاس

وليت الامل يملا الشعور العميقي
وليت الفرح يملاخفوقي والاحساس

وليت ان حظي ما تعلق بضيقي
وليت ان قلبي ماعرف لحظةالياس

....

[الحمدان]

أبتسم للنـاس وأضحـك للحيـاه
‏ولو تضيق اليوم قل:بكره تزين

‏أعــرف أن اللـه وحـده لا سـواه
‏قـادر إنـه يبهج الصـدر الحزين

....

[الحمدان]

فديت منهو لا لقى الصدر ضايق
اقبل يجر الصوت لا تضايقونه

وضحكت كني طول هالوقت رايق
مدري لصوته او لخاطر عيونه

....

[الحمدان]

يارب وان ضاقت عليّ الوسيعه
انت الذي لا ضاق صدري اناجيه

وعبدك لو ان الوقت عيّا يطيعه
ما ينحني راسه لغيرك ويرجيه

....

[الحمدان]

‏اللي يحبك صدق بـ القلب والروح
‏مهما حصل يبقـى غراامك محله

‏واللي غرامه تقضية وقت ومزوح
‏يقدر يضـحي بك على ايـة زلــه

....

[الحمدان]

على الهقوه اللي في رحاب الظنون تدوج
اركاب الاماني دكها شح مرعاها

لاصار العشم بابه بـ قفل الصبر مزلوج
لا يمكن نحد اهل المعاذير لاقصاها

عزاز النفوس تجنب المشرب المسهوج
لو الفقر تطبع بصمته في محياها

زحول المعرفه هرجها ماهو بمفلوج
وآكبار البخت زين النبا يخدم اسماها

صحيح الظروف تحدنا والسنين تحوج
لاكن الوجيه البيض ندرى على ماها

لا شفنا الروابع تصتفق مثل صفق الموج
نصينا البيوت اللي على العز مبناها

مانقلط على اللي منكبه كنه مبنى هوج
حصيل الرمال الزاحفه وسط مذراها

عيال الرخى سكبت ملابس وصف هروج
ولا تغر غير اوادم كنها اياها

ترى اهل المهايط والحكي والعلوم العوج
زمول لاثقل حمولها طنب رغاها

سوالف طحاطيح السعه مالها منتوج
يامكبر دعاويها ومقرب معشاها

الى شان وجه الوقت والفوج قابل فوج
فريس المجالس خلها تمسك سراها

تحيزم لساعات النشب ببلج مرجوج
يشوف الجموع الهايله ويتمثناها

....

[الحمدان]

احبك وعرضت النقايد هبوب النود
فعولك اتنومسني وذكرك يهيضني

يالبيه ياوجهٍ عليه الرضا معقود
اشوفه واشوفك في سنيني معوضني

عليه نذر لامسح دقنك بدهن العود
واضمك لو الدنيا واهلها تعارضني

....

[الحمدان]

ياراع الوساع السود يا ناسع الخمري
علي الحرام اني على شوفتك ضامي

خصال الجمال اليوسفيه يغلب امري
عذاب* ٍعلى من حج لله ومن صامي

يا راسي ويا صلب عضامي وياعمري
يجيني بلا لاشفت صورتْك قدامي

اشوف الحياه اللي يغني لها القمري
على حاجبيك السود في دمك الشامي

....

[الحمدان]

مواري غلاك تبين ف عيوني الثنتين
وانا ودي اخفيها عن الناس واكتمها

ابعطيك نُبذه ممكن اتفيدك لـبعدين
قبل لا يغشاها الشوق والبعد ياسمها

مدامي اشوفك شي فارق عن الثانين
دروس الوفا والحب حاول تعلمها

بعيداً عن التغيير ياقبلة الحييّن
هنا اجمل محطاتك وحقي ارممها

....

[الحمدان]

‏خذني على قدّ الغلا والإهتمام
نظراتنا و قلوبنا متئآلفه

لا تلومني لاشفتك وضاع الكلام
نظرة عيونك سالفتها سالفه

....

[الحمدان]

أعتبرني ليا من ضاق صدرك مكان
فدوتك لو بكيت الليلة بـ طولها

أعتبرني حضن لامن فقدت الحنان
خل سِحبْ الهموم تصّب هملولها

أعتبرني ملاذ تحّس قربه بـ أمان
وأيّ كلمة تخاف تقولها قولها

أعتبرني شعور وفاقده من زمان
وجاء يلبّي نداء عينك ومرسولها

....

[الحمدان]

لمّني مابين سلسالك و شالك
واسقني من ريقك الشهد المحلّى

انحناءة خصرك ورسمة ظلالك
ما تخلّي شفق بالصبر يتحلّى

في لثامك ليل ماغطّى جمالك
مدري وجهك نور والاّ صبح والاّ

ادري ان الليل مهما كان حالك
مايحجب البدر لا منه تجلّى

....

[الحمدان]

ياخذني الشوق لـ عيونك و أجي كلًي
يدفعني الحب جعل الناس يفدونك

لو كان طيفك مخاويني مثل ظلًي
أشتاق لـ مصافحك و أشتاق لعيونك

....

[الحمدان]

‏الطيب أصلك ماشريته بالأثمان
‏متسلسل من نبع ناسٍ عزيزين

‏الطيب ساسك وإنت للطيب عنوان
‏قولٍ صحيح ولايبيله براهين

‏لبست من طيبك على الراس تيجان
‏تاجٍ قوي ولاتهزه سلاطين

....

[الحمدان]

‏يا فريد الغيد يالقلب العنيد
‏كيف قلبك صار يهواه الصدود

‏فالمحبه كيف قفلت الرصيد
‏وانت كلك ذوق واحساسك يزود

‏كان تبغا الراي والعلم الاكيد
‏انت غير وغيركم ماله وجود

....

[الحمدان]

جعل يفداك القصيد اللي يثير أعجابك
‏تدري إن ذكراك بين الذكريات أزينها

‏حافظك بـ أصغر تفاصيلك و أدقّ أسبابك
‏و معتبرك أجمل توافيق القدر و أثمنها

....

[الحمدان]

وش ذا الخفوق العطيب اللي على ناره
‏وش ذا الجفى اللي ماهو منك ولا مني

‏مشتاق لك يأقرب من الثوب لزراره
‏شوق ابونوره لكني ماعرف أغني

‏ادري مانيب إختيارٍ سهل تختاره
‏ظني لو افتش غلاي بيختلف ظني

‏وادري لو اموت لك واعيش لك تاره
‏بعيش واموت منت بداريٍ عني

....

[الحمدان]

ماكن منها شبيه يعوض الاربعين
مدري انتهى شكلها ولاانعدم حسها

جلسه فتره وانا اشبه عليها سنين
ماتشبه الناس كانت تشبه النفسها

[الحمدان]

‏رح مراح اللي من كبار الخطايا معفي
‏لا تقول اخاف نظرات العرب وألسنها

‏انت حبك والله انه مثل نقطة ضعفي
‏حاجةٍ مهما حصل ماني مسولف عنها

....

[الحمدان]

‏تملكني الطيبه ويملكني الذوق
‏ويملكني اللي صادق في كلامه

‏ياحظ منهو يحترم كل مخلوق
‏بشوش متواضع رفيع مقامه

....

[الحمدان]

لعَل البخِيل الراهِي اللي ببشت وتاج
‏أتكَشر له الدنيا ولا يضحَك حجاجه
‏
‏ولعَل الفقير اللي يدينه مثل هدّاج
‏تحوّل له أموال الردي وأطول أبراجه

‏وعسى المعْسراللّي حاجته ردها الأحراج
‏ما يصبح عليه الصبح ويديه محتاجه

....

[الحمدان]

ماهوب شرط يكون لبسك فخامة
‏دام الفخامة واضحة في تعاملك

‏يكفيك ثوب الستر من اي خامة
‏إسمع نصيحة واحدٍ ما يجاملك

‏ثوب الفخامة ما يحَجب الرخامة
‏بصمة لسانك مثل بصمات اناملك

....

[الحمدان]

بعض الكلام اللي ماتحسب له حساب
‏في قلب غيرك ما يمر بــ سهوله

‏خلك مع العالم تعاملك من باب
‏اللي ما ترضى تسمعه لا تقوله

....

[الحمدان]

دام قلبي لك سما ضم السحاب
في ضلوعي تشرق و غيرك غرب

لو آبحسب فيك بيضيع الحساب
اَنت واحد لكن بـ قلبي عرب

....

[الحمدان]

قدمت حبي لك بهيئة اكاليل
واحساس قلبي والمشاعر هدايا

اشتاق لك واذكر جمال التفاصيل
يامن غرامك فيه كل المزايا

حلاك واسلوبك وذوق المراسيل
وضحكتك راحه وصوتك دوايا

اسهر مع الحيره وكثر التحاليل
لا طال بعدك من جميع الزوايا

لا تبتعد عني كما الشوق ياليل
يمر ما بين الكبد والحنايا

ولا تصدق بيننا كلما ما قيل
لا يوهموك اهل الحيل والروايا

يا كنزي الغالي وخير المحاصيل
يا حلمي الباقي وغاية منايا

....

[الحمدان]

ما عاد أميز بين صادق وكذاب
مادام صار الكذب فن وشطاره

أدقق النظرات بوجيه الأصحاب
خايف تكون وجوههم مستعاره

....

[الحمدان]

مواقف بها قد يكرم المرء او يهان
تحرى القناعه لجل تظمن سلامتك

اذا لم تجد رغبه وماكان لك مكان
تعلم تغادر قبل تخسر كرامتك

....

[الحمدان]

‏لـو نجازي كل غلطـه بـ الزعـل
ما بقى معنا من الرفقه رفيق

بس نتجاهل عن المخطي لعل
يدرك الغالي ويرجع لـ الطريق

....

[الحمدان]

ياالله طلبتك دعوة مستجابة
في ليله الجمعه على ماتمناه

انت الذي رحمتك تسبق عذابه
وانت الذي ماغيرك اللي دعيناه

بقلمي

[الحمدان]

‏رسالتي لك....
وتبقى ثقة الإنسان بالله تعالى
‏هي مفتاح كل شيء
عندها يدرك الإنسان أن تيسير
جميع أموره من الله
فتملأ قلبه السكينة والطمأنينة
ويصبح مقبلا على
الحياة بعين الرضا

[الحمدان]

مهجتي تهواه بالصدفه وحظ
كيف لو عاند نصيبي في الحظوظ

لو اردت انساه وجداني اعترض
والوله يرجع بتفكيري يخوض

كم رسم له في خيالي وافترض
يا قسى محبوب يعطيني الغموض

لو لهيب الشوق في شعري انتفض
لا تلمني انت يا بحر العروض

الهوى لو صار في روحي مرض
لا تداووني بغيره للنهوض

منيتي ذاك المهنى والغرض
جانـح الفرسان في حـبي يـروض

....

[الحمدان]

مِن خسرتك
صغرت بعيني خسَارات العُمر

ودِرت وجه عيوني عنّك
خاف ألمحَك وانكسِر

شكثر باچي لخاطرك گلي شكثر
تغلط بحَقي وادورلك عذر

جيت أدور كِلمه بأنقاض الدَفاتر
ماردت مِنك سَطر

شعر عراقي

[الحمدان]

تكتِل ناس چَي ما گدروا يحَبوك
ودَرس عَن الحُسين تريد تنطيني

تدليَني بدرب ما تِدري دَربه منين
دندَل الدرب بعدين دليني

شعر عراقي

[الحمدان]

امُوتن الف موته بعِتبة الدَار
لأن كُل ذِكرياتك سَاكنة البَيت

مرّة هنا گعدَنا هناك مَرات
مرّة هنا نمت وهنا مرّة لِمحتك

شعر عراقي

[الحمدان]

وفجرك هوى يمُرني و ما إشتميته

اثر طعنتك زنجّر و الخناجر بيض

عَكس گلبك وياي الما صِفت نيته

أنا دمعة غريب بكل سهولة تطيح

جدمي لذكرياتك ليش وَديته

فراغك و الگبر يتشابهن بالعِين

منو المِنهن يعيش بروحي وصيته

بظهر كل مَن يمُرني تسافر الدمعَات

بس إنت عليك العُمر بدّيته

إذا تمشي بخِيالي تعثرك اللحظات

البيهن جدمك ويَ غيري مشيته

شعر عراقي

[الحمدان]

تسألني الشوارع وَين الأحباب

وَين اليوگفون بعتبة الباب

ابشرك سلموني بحلگ الذياب

نسوا اني جنت في يوم خِلهم

ما ظلّي أهل حتّى أرجعلهم

انا احباب گلبي ارحلوا كلهم

بالغربه وعليَ جروحي صاحت

وحرت مدري أشدهم مَدري افلهم

ما ظلّي أهل ما ظلوا أحباب

وأعز الناس ناموا جوا التراب

بقى بَس الجرح والجرح ماطاب

شعر عراقي

[الحمدان]

‏لو المراجل بـ الذهب نشتريها
يدفع ثمنها كارهين الرخامه

والناس مرباها على والديها
أما تربى صقر ولا حمامه

....

[الحمدان]

‏امــد النظـر واسـاير الشـوف في دنيــاه
واشوف الجمال اقوى من الحرب وسنينه

واشوف الحيــاة اخـلاق ما تشترى بالجاه
واشوف الوفــا من شيمة الرجل من دينه

صديق الشدايد حي شوفه طوال خطاه
وصديق الفهـاني كل مخلـوق له زينــه

على الـراس قــدر من يحطك على يمنـاه
وعلى القـاع حــط الغير بالطـيب واللينـه

تـســير الحيــاة وكل واحــد على ليـــلاه
يغـــرد وكل انســـان بـــيده مــوازيـنــة

مـــع الله يـاللـي مـا حسبـهــا وهـــي لله
مــقنـف على دنيــاه ما قـد ملـت عينــه

....

[الحمدان]

يسعد صباحك عاد وش له النوم
النوم ماهو للحبايب يخلي

الشوق جاك يصافحك ي آلغلا قوم
صحصح فديتك ي بعد كل من لي

....

[الحمدان]

أحيان أحسّك طيف من روح غالي
‏واحيان أحسّك روح والطيف فيني

‏مره اقول الدرب موحش وخالي
‏ومره احس ايديك تمسك ايديني

....

[الحمدان]

أنشدوني عنك وماحبيت أعلم
‏قالو ابطى قلت مهما صار غالي ‏

وقلت دايم يتصل فيني ويسلم
ما دروا بـ انك مخليني لحالي

....

[الحمدان]

الورد ياخذ له من اوصافك وصوف
والعطر ياخذ لهه من انفاسك عطر

واللي قدر يجمع وصايفك بحروف
مثل الذي يقدر على جمع المطر

....

[الحمدان]

‏ياحي طبع اللي يصون الصداقه*
حتى لو انّه ما تعنّى و سيَّر

يحفظ أصول المعرفه و العلاقه
ويبقى على طول الدّهر ماتغيّر

....

[الحمدان]

من جهلنا شافنا عند القتالي
مثلنا ماعاش مجهول الهويه

نحن اهل الحرب واصحاب القتالي
نحن من حل الجبال المعتليه

....

[الحمدان]

كم واحدا جده بالافعال عالي
واخلف مساره في الفعول وتوطا

وكم واحدا جده من الطيب خالي
لكنن على درب المراجل تخطا

من لا يفرق بين مرا وحالي
عز الله انه بالخمار يتغطا

....

[الحمدان]

‏الصاحب اللي بدل الوقت ممشاه
اللي تردى بي وأنا ما ترديت

لا يحسبني بالردى باتحداه
له تربيه وانا على ما تربيت

بقلمي

[الحمدان]

بعض البشر ترتاح له في ثواني
كنك تعرفه صار لك عدة سنين

وبعض البشر دمه ثقيل واناني
ما ينهضم لو يجلس اسنين وسنين

....

[الحمدان]

لا تكثر اقـوالك اذا مالك أفعـال
المفترض مثلك من القول خاجل

سهله عليك تكون عادي ورجال
لكـنها صعبه عليك المراجل

....

[الحمدان]

يسبنا جاهل من الناس مــقـرود
وينسى تواريـخ الليالي القديمه

حـنـا مـقر الـطيب مـركاز للجود
وقت الـمـلاقأ مـانـذب الخـريمه

ياصاحبي من راح ماعنه منشود
محدن يبي قرب الديار الوخيمه

دور وتـلـقـانا ليـا صـرت مضهود
ماهو عـلى كبر الصحن والوليمه

....

[الحمدان]

نمشي في الدنياء مع خط مرسوم
نحو الهدف مهما يكلف رسومه

نرضى بما جانا مقدر ومقسسوم
والراس من دون الكرامه نسومه

....

[الحمدان]

‏الطيب في روس النشاما علامات
واللي كسب نعمين لله دره

احدن يموت وتبكي العين لا مات
واحدن يموت ويكفي الناس شره

....

[الحمدان]

يا عزة النفس مــا عد باقي الا انتي
بتحفظي ماء وجهي ساعة الحاجه

الله يطول بعمرك كيف ما كنتي
والله يديمك ودمتي للوفي تاجه

....

[الحمدان]

من يشتكي همه على ساير الناس
ان كان ما زادوه ما ينفعونه

ما يجلي هموم المخاليق والباس
غير الله اللي ما تغمض عيونه

....

[الحمدان]

ليالي تكلفنا مواجيبنا كلاف
علاشان لايدفن براهينها السافي

وليله علا حمر الوبر نبدي المشراف
وليله نوردها علا المنهل الصافي

....

[الحمدان]

لو تجور الليالي ماتلين الجهود
عمر الاجواد ماجور الزمن هدها

كل مازاد جور الوقت زدنا صمود
خل الايام تمضي كيف ما ودها

....

[الحمدان]

‏ما عادت الأيام هي نفس الأيام
‏ولا عادت الناس الحبيبه حبيبه
‏
‏أحتار فكري قبل تحتار الأقدام
‏الدرب موحش و المشاعر غريبة

....