فوق هام السحب ( الشعر الشعبي) على متن القوافي

[الحمدان]

خفف عتابك والزعّل لايجي فيك
أن كان تبغى الناس تقبل كلامك

ترى الكلام الزين بالخير ياتيك
تشوف به قدرك وزود أحترامك

وخلك على درب الصحابه مماشيك
واحذر طريق العيب ينقص مقامك

اطلب كريمٍ عنده الخير يعطيك
وخلك مُجدْ وبالمفيد أهتمامك

[الحمدان]

النفوس تعيش بالدنيا ودايع
والودايع ...للمنايا ...ماخذتها

وكلنا نشكي من هموم ومواجع
والهموم ذنوبنا اللي... سببتها

دامنا فوق البسيطة ونتقاطع!!!
ليش نذكر بعض لاصرنا تحتها؟

فالفتن لا...شتت شمل الجمايع
القرابة.... والرحم ... ماجمعتها

[الحمدان]

‏ياليل يعجبني سكونك وهاويك
ماغير انا وياك والناس نامت

فكري .. لقى راحته في مساريك
والنفس في مسرى لياليك هامت

[الحمدان]

اوّل قضايانا قضية فلسطين
والاولوية بين كل القضايا..

واحرار الامة كلهم مستعدين
يطهروها من كيان الخطايا..

على خطى القسام والشيخ ياسين
كل الكتايب جاهزة والسرايا..

من منطلق عزة ومن منطلق دين
والله ذي يعلم بصدق النوايا..

[الحمدان]

‌‎قرأنا قول من قالوا فقلنا
بما قالوا ليرتفع الملامُ

هو القلم الذي من فضل ربّي
به كسيف ينفضّ الخصامُ

تفاضلت الشّعوب به وسادت
على بعض وإن طال الوئامُ

ومن أقصاه أقصى كلّ خيرٍ
ومن أدناه أدناه السّلامُ

‎

[الحمدان]

‏بين حبٍّ جديد !
وبين حبٍّ قديم!

ما درى قلبي الولهان
منهو معه

ان ردعته تخلّى
وان تخلّى يهيم

وان صرخ وسط صدري
ماحدٍ يسمعه !

[الحمدان]

الله يا ( ذكرى ) زمان الطفوله
أيام ( عشناها ) بكل الفصول

عشنا المحبه والأخا من أصوله
والعفو والطيبه وطبعا خجول

وما طرا ب ( لبال ) لازم نقوله
وكل شي ينقال حسب الأصول

[الحمدان]

البارحه مرت الذكرى وصار الجدال
ما بين حب القلوب وبين فكر العقول

ما بين ذل السؤال و بين عز السؤال
تمرجحت يا عسى غيبتك ماهي تطول

لو لي ثلاثين بال تمر في كل بال
كنك موصى على بالي وطبعك عجول

ايي والله اشتقت وأيامي بدونك ثقاال
واشتقت لجروحك اللي كم لها من قبول

[الحمدان]

لبيك يامن وجهي اتوجّه في الشده إليك
إليك يامدرك خفايا مستحيل إدراكها

سلّمت لك أمري وظني بك ومتوكل عليك
عليك فُك أضياقها في الحال يافكّاكها

[الحمدان]

القذفُ يا رامياً عِرضي بباطلِهِ
سهمٌ من البغيِ مرتدٌّ على الرامي

غداً ترى عرضَكَ المنحطَّ ممتهَناً
وعرضَ خصمِكَ في إيوانِهِ السامي

تسيرُ في كلِّ دربٍ مُطرِقاً خجِلاً
والناسُ تَبصُقُ من خلفٍ وقدّامِ

وحين تُبعَثُ تَلقَى ما سعيتَ لهُ
ويَجمَعُ اللهُ مظلوماً بظَلّامِ

فواز اللعبون

[الحمدان]

همومُ الحياةِ إذا أقبلَتْ
وسدَّت عليكَ جميعَ السبلْ

فيمِّم فؤادَكَ نحو الذي
يُزيلُ ويبعدُ كلَّ العِللْ

إلهي إلهي هو المُرتجى
تباركتَ يا ربُّ أنتَ الأملْ

[الحمدان]

تذهب كنوز الحياة وزيفها الفاني
‏ولا يثبت الا كنوز الحق والسنّة

‏إصنع من أيام عمرك عمرك الثاني
‏عساك إذا متّ بكرة تدخل الجنّة

[الحمدان]

‏يـا مرحبا ترحيبـة البـدو بالبـرق
اللي لهم عاميـن مـا رحبـوا بـه

ياللي سرقت النوم والعافيـة سـرق
يازاد قلب اللـي هـواك وحروبـه

كسرت كل أبواب وصلك من الطرق
وغيرك طرق قلبي ولانيب صوبـه

[الحمدان]

تدري وش الي بالهوى يقتل الود
جو الغموض الي يلف الأماكن

لاجيت تحمل في يدك باقة الورد
ضاعت حروفك بين يمكن ولكن

[الحمدان]

‏سَيُهزَمُ الجَمعُ وعد الله نَقرؤهُ
إِن تنصُرُوا اللَّه يَنصُركُم فلا تهنوا

والله ما ارتفعوا إلا لحاصدهم
وليس إلا ليوم النحر قد سمنوا

فإن أُصبنا فقد ذاقوا مصائبهم
وإن فزعنا فلا والله ما أمنوا

نرجو من الله مالا يرتجون فما
ظن الذين بوصف الذل قد قُرِنوا

‎
خالد العتيق

[الحمدان]

‏اهل المصالح يا عشيري كثيرين
واهل النميمه والحسد ما يعدون

لاصرت طيب قالوا فلان مسكين
ولا صرت فاهم قالوا فلان ملعون

[الحمدان]

فوق الجروح اللي بقلبي من سنين
يكفي دخيل الله لا تجرحوني

وش من عذابي والعنا مستفيدين !
وش مصلحتكم يوم تبكي عيوني!

ما دامكم ما انتم لجرحي مداوين
انسوا وجودي بينكم واتركوني

[الحمدان]

قربك نعيم وشوفتك تسـعد الروح
والوقت لو يمضي بدونك خــساره

انت الهـوىظ° والحب والشعر والبوح
وانت اعـذب الأبيات وأجمل عباره

[الحمدان]

‏يا بوي ماخلّيت لي شيٍ ابنيه
‏يا بوي درب الطيب كلّه ختمته
‏
‏في سكتك تكثر علي المشاريه
‏وتصغر مواقيفي بفعلٍ رسمته
‏
‏اتعب على ضلعٍ طويلة مراقيه
‏وإليا وصلت إلا أنت قبلي وسمته
‏
‏اسمك رفعني عندالأجناب طاريه
‏ودرسك وأنا طفلٍ صغيّر فهمته
‏


‏‌ حمد المخلفيâپ©

[الحمدان]

خلك على النيه تشع التوافيق
لو أغلب قلوب المخاليق ظلما

الله يبّل الريق يا حزة الضيق
لو شحت كفوف المخاليق بالما

[الحمدان]

‏الرابح اللي بني عمه يحبونه
‏لو كان مستور و الاحوال مستوره
‏
‏حتى لو انهم على دلة يمرونه
‏جنابه الزين يكفي قبل ميسوره
‏

[الحمدان]

‏مانيب في شرح التفاصيل مكلوف
‏ولااعتنزت بمجد ناس ٍ توفّوا

‏كم لي ّ في بطون الرياجيل معروف
‏ولاأبلشتهم في منّتي يوم قفّوا

‏داروا ولفّوا واسرفوا بي وانا اشوف
‏ويوم انتهى الموضوع داروا ولفّوا

‏نواجه احراجات ونواجه ظروف
‏لو واجهت بعض الرجال استخفوا

....

[الحمدان]

‏إن شلت لك من جور وقتك حمولة
‏لا يبيح سدك لو غزا رأسك الشيب

‏صبرك على زلات ربعك رجولة
‏وسبك لهم وسط المجالس عذاريب

‏‌ حمد المخلفي⁩

[الحمدان]

‏صبرك على فقرك ولا منـة النــاس
‏لابـــد مايـاتــي مــن الله فرجـهــا
‏
‏من يحتري المدات من كف هلاّس
‏نفسه مــع الايــام يكثـر حرجـهــا
‏

[الحمدان]

‏يالله عسى فالامر خيره ومقسوم
‏عن ماتعاف النفس واللي تحبه

‏ارزاقنا تاتي على غير معلوم
‏العبد يسعى .. والعطا عند ربه

[الحمدان]

‏يا بايعٍ جوخٍ على غير اهاليه
‏مثل الذي ينزل بقصرٍ خرابه

‏لو يدهجه وبل الثريّا ويسقيه
‏ويمطر بياقوتٍ ومسكٍ سحابه

‏ما ينبت النوّار لو سال واديه
‏صبخا وجفجافٍ هيارٍ جنابه

‏ولد الردي لو طاب لك لا تماشيه
‏يومين والثالث يبين الردى به


‏‌ مشعان هذالâپ©

[الحمدان]

أدري إنك صرت ضمن المستحيل
بس قلبي رغم بعدك ما نساك

وادري اني منك ضيعت الدليل
والسبب لا شك هو كثرة غلاك

وادري اني من سبب بعدك عليل
الله اكبر صار حبك لي هلاك

وادري اني ممكن القى لك بديل
بس وين اللي يساويك بغلاك

[الحمدان]

قال المغني دروب المجد لي وحدي
ايمان حكمه عزيمه ربي اعطاني

من هيبتي كله العالم وقف ضدي
الكون كله طرف وانا طرف ثاني

ما دام ربي معي ب أخذ معه و ادي
بــقوة الله نــردع كــــل شيطــاني

من عنده النصر وانا الصبر من عندي
ومن يبا الــعــز مابه عــز مجــاني

[الحمدان]

ياحاملات الموت في كــل الاجـــواء*
يامحدثات في الكون نقطــة تحــول

اقحمتى اسرائيل في حرب شعــــواء
حتى اتضح وجه العميل والمـــمـــول

جاري زوال صهيون في كل خطوى
من خارطة بقعاء ومن سوقGoogle

والامركه متدهورة نحـــو الاسوا
ماشي لها من امر ربي موحول

لاقـــوة الا قوة الله الاقواء
وشعب ابوجبـــــريل لله مـوكل

[الحمدان]

يافاقدين أحبابكم وش تسوون
‏لا مدت الذكرى الحزينة يديها

‏كيف نتجاوز حزننا ماتعرفون
‏بعض الطواري موجعة مانبيها

‏دايم على بال المواجع يمرون
‏مافيه ضحكة مالهم صوت فيها

‏ياليتهم عن ضيقة الفقد يدرون
‏ودروبهم وشلون دايم نجيها

‏من كثر ماصاروا على البال يطرون
‏حتى خطاياهم ولهنا عليها

[الحمدان]

يارب غزه ما لغزه مسااااند
الا انت من هول الضروف الشديده

انصر كتايبها على كل حاقد
يا الله بك كل الثقه و العقيده

[الحمدان]

مبادئي والثوابت دائماً ساميه
والحرية عشق والناموس ملبس وقوت

ما ننصهر في حرايبها وهي حاميه
وفي المهمات ما نعرف طريق البيوت

لاجل الكرامة دخلنا معركة داميه
إما ونحيا حياة بعز ولا نموت

[الحمدان]

‏ياجفن لا تبكي على ماضيِ فات
الدمع مارجّع على الحي ميته

ياعين ماينفعك كثر الحسافات
ولا عاد ينفع قول ياليت ليته

[الحمدان]

‏لولاك مازار القمر ليل الأحباب
ولا لوَّحت شمس المحبَّه جبيني

ولولاك مايلفى على الدَّار غيَّاب
ولاتبكي الَّلي مفارق الدَّار عيني

يالّلي حنانك نظرةٍ بين الأهداب
ردِّي علي بعـض العـزا ناظــريني


بدر بن عبدالمحسن

[الحمدان]

‏وبي شوقٌ إلى الأحباب مرٌ
‏يعذبني ويفتك في الحنايا
‏
‏ويشعل في صميم القلب همّاً
‏إذا وزّعته وسع البرايا

[الحمدان]

لولا الخطاء ما صار للصح قيمـه
ولولا وجود الصح كان الخطا دام

و الصاحب اللي له معزه وشيمه
نحذف خطاه خلاف و نروح قدام

[الحمدان]

ابدت لنا الايام ماكان تخفيه
من الظروف القاسيات الشديده

اسفارنا من واقع التيه لا التيه
ويـن الـحياه الـلي يقولو سـعيده

امـا الـمواجع يـكفي الـقلب مافيه
مـاعاد يـتحمل مـواجع جـديده

إن كان ماتقدر على الجرح تشفيه
انـــا دخــيـلـك بــ الألــم لاتــزيـده

[الحمدان]

‏لمّا قرأتكِ في فؤادي لم أجد
إلا حروفَ الحب في أعماقي

ورجعت أقرأ ما تضمّ دفاتري
فإذابروحك أنتِ في أوراقي

حتى الصباحُ قرأت كلَّ حروفه
فوجدت وجهَك منه في الإشراقِ

لمّا سألتُ،أجاب قلبي:لاتسَلْ
عماأحسّ به من الأشواقِ

[الحمدان]

ورزقُك ليس يُنقصه التــأني
وليس يَزيد في الرزق العناء

ولا حزنٌ يدوم ولا ســرور
ولا بؤسٌ عليك ولا رخـاء

إذا ما كنتَ ذا قلبٍ قـوع
فأنت ومالكُ الدنيا ســواء

ومن نزلتْ بساحته المنايــا
فلا أرضٌ تقيه ولا سمــاء

وأرضُ الله واسعــةٌ ولكن
إذا نزل القضا ضاق الفضاء

دع الأيام تغدرُ كلَّ حيــن
فما يُغني عن الموت الـدواء

الإمام الشافعي

[الحمدان]

‏خلك سما واترك هل القاع للقاع
وارفع عيونك ، للنجوم المطله

وخلك مثل ما قيل للعزم تبّاع
مافيه صعب ، إلا وربك يحله .

[الحمدان]

حاول تخلّي جلستك عند العرب ركعة وتر
خفيفةٍ تقضي لزومك كل ماصليتها

وحاول تخلّي كلمتك عند العرب ليلة قدر
كلٍ يدوّرها ولا يدرى متى توقيتها

وحاول تخلّي كلمتك وقت العتب رشّة عطر
يفطن لها المخطي ولاتندم إذا رشيتها

[الحمدان]

عـيش الليالـي على مهلك وسايرها
لا تأمــن الدهــر والايــــــــام دواره

دنـياك احذر تغـــرك فـي مـناظرها
مهما ابتسم ثغرها لا شك غدااااره

خافي حـقـايق زمنـها غير ظاهـرها
تغويك بأطـماعها والنفس امّاااااره

اصبر على ضيقها وافهم مخاطرها
الجهل لا تنظر الواقـع بمـنظاااااره

من قبل تّبلى بحب النفس عاصرها
وعيش بالوعي واغنم واسع افكاره

لا خيـر فالناس لاعـمــيت بصايرها
الطيب يبقـى مع من طابت اخـباره

والسيره الطــيـبه تبــقى مئااااثرها
والعـمر بي ينـتهي لو طال مشواره

[الحمدان]

الصاحب اللي خوته ترفع الراس
‏مثل الذهب في معدنه في بريقه

‏اللي بنا بيت المراجل على ساس
‏عز الخوي لا قيل مثلك صديقه

[الحمدان]

لاشان وجه الوقت والحقني شقاه
ماشان و جھي في وجيه | الطيبين

يا الله لا تجعلني ضعيف في الحياه
واجعلني من الشاكرين | الذاكرين

[الحمدان]

ماهي غريبة شي على قوم النفاق
في السابقة ياصاحبي واللاحقه

بالغدر ملصوقين والشر التصاق
واعمالهم باليهودة متطابقة

[الحمدان]

‏يارب فرجهــا على ضايــق الحال
اللي همومــه في خفوقـه دفينه

سهل امـــوره يا إلهـي والاحوال
وامـلا حياته بالفــرح والسكينه

يارب لاتبلـي عبــادك بالاحمال
ولاتجعـل الدنيـا لعبدك تهينه

واعطيةياربي من الرزق والمال
وارفق بعبدك في حياته وعينه

[الحمدان]

مره نعالـجها ومره بدون اعلاج
ومره نســـبرها ومرات متعـاجه

وليله تسلـينا وليله كدر وحراج
وليله ضلام ولـيله انوار وهاجه

[الحمدان]

لاتحتزم باللي ضعيف حــــــزامه
مافي حزامه شي غير المكاذيب

خلك مع اللي مايحلل حــــرامه
تــــــرقى معه عاليات المراقيب

[الحمدان]

‏لا تنكسر بالوقت وتموت الأحلام
قـنـاعـتك بـالحـظ أكـبر هـزيـمة

عش مبتسم ياصاحبي رغم الآلام
ما فـاز غـير أهل القلوب السليمة

ون ظاقت الدنياء ترى الخير قدام
شف كيف شح القاع تسقيه غيمة!

الله كرمنا بـالـعـروبة والأسـلام
والله وهبنا أشياء جداً عـظيمة

[الحمدان]

‏يموت الرجل لا شاف له نظرة استعطاف
تغثّ الكفو ويصّد والصده الصده

ويعيش الردي على الاهانه والاستخفاف
لـــو يُمَّدّ له بالرجِل مايرفض المَّدَّه

[الحمدان]

قلب الثقه مقتول من سهم خذلان
ماعد تضره منك اليوم. طعنه

ماعاد هو مهتم بفلان وفلان
اهتم لاما خاب فالكل ضنه

اخذ وعلمته من. الوقت. لا. الان
ولو دخلته بخرجك غصب. منه

[الحمدان]

يارب جملني مع كل محتاج
ولا تدع لي عند الانذال حاجه

نفسي عزيزه والكرامه كما تاج
والقلب حاكم جيد والعز تاجه

[الحمدان]

يامتابع الحاله جوابك لي نجاه
بالله تعطيني من علمك نيوز

ذي مايصدقني وانا صادق معاه
يجوز انا اكذب عليه او مايجوز

[الحمدان]

‏هذي حياة مسطرين التواريخ
وهذي مضاربهم وهذا دبشهم

من دونها كم راح شيخٍ ولدشيخ
ماتروي حياض المنايا عطشهم

[الحمدان]

‏فقدنا وجيهٍ بالثرى جعلها الفردوس
معاها طراة العمر شدت ركايبها

فقدنا زحازيحٍ تدوس النوايب دوس
تشين المجالس لأنفقد صوت شايبها

[الحمدان]

‏الردي لو يستره ثوب وش يستر رداه
دام مايحشم قرابه ولا يحشم وجيه

إنصحوه يبيع ثوبه ويشري له عباه
طاح من عين المراجل ولا عادت تبيه

والسفيه إن ما تبلاك ما تسلم غثاه
حاول إنك ماتقرب يدينك في ايديه

وصافح كفوف الزمن وإبتسم للحياه
وإعلم إن الله اذا احب عبده يبتليه.

[الحمدان]

‏بيض الله وجه من سدد وقارب
‏وكمل الواجب وعن ربعه تغاضى
‏
‏الصبر مطلوب في وصل الأقارب
‏ومن يشيل الحقد ماعمره تقاضى
‏

[الحمدان]

‏الله يبيض وجه صكات الضروف
‏الي عن الاصحاب تكشف ماخفى

‏منها عرفت الطيبين،،،من الضعوف
‏ وجحادة المعروف ..واصحاب الوفى

‏

[الحمدان]

‏لو كل زلة رفيق اشيل منها واضيق
‏عذّرت في الرفقه وصكيت بيبانها
‏
‏ماكل من قال اناصاحبك اعده صديق
‏ولاكل زلة صديق ازعل على شانها
‏

[الحمدان]

‏منهج كرامتنا على العز ما مات
‏نموت لاجل نصونها ما ارتخينا
‏
‏من طيبنا نرقى بروس الطويلات
‏ولا ننشد اللي قال وش قال فينا
‏
‏نسمع وندفن جمرها داخل الذات
‏نضحـك لها لو كان كبرت علينا
‏
‏نواجه الصدمات باحساس الاموات
‏ونقول ما ندري ..لو انا درينا
‏

[الحمدان]

‏كلام السفيه ان مر ماضر مهما كان
‏ولا اثّر على سوق التجاره ولا العمله
‏
‏لاشفته يحاول يسرج الخيل لـ الميدان
‏وانا خابره مافيه قوه ولا صمله
‏
‏تبسمت له ماهوب ذله ولا نقصان
‏تبسّم نبي الله سليمان لـ النمله
‏

[الحمدان]

‏وَمن يعْتَمد يَوْمًا على اللهِ يكفِهِ
مخافَةَ مَا فِي الْيَوْم والأمس والغدِ

فَلَا ترجُ غيرَ اللهِ فِي كلِّ حالةٍ
مُعيناً فَمَا لَا يُصلح اللهُ يفسُدِ

[الحمدان]

وش قومك وش فيك ولا علامك
قد لك معي كم يوم وعلومك علوم

وأنا أدري أني يا مرامي مرامك
لو تقعد الدنيا ولا تقدر تقوم

عطيتني قلب وبخلت بسلامك
وش فايدة حبك أنا منك محروم

لا عاد تزعل وأحيني بابتسامك
ضحكك يزيل أوجاع وجروح وهموم

وكلام عينك ما يهمش كلامك
كلام عينك كوم وحكاك لي كوم

لا غبت عن عيني روح أنشد غرامك
تلقاك في قلبي مقلط ومحشوم

بعدين يا غلا الناس وفر ملامك
ترا الغلا يجفل على كثرة اللوم

دونك خفوقي ممتلي من سهامك
ولا شكيتك جرحه وقلة النوم

القلب مثل الطير وفر حمامك
إن افلس قبال السما يقلب الحوم

لكن قبل لا أنسي بنبهك دامك
مسلم وباقي كم شهر يدخل الصوم

لا يذبح الموضوع قل اهتمامك
طعني وشوفلك شيخ يفتي لك اليوم

ما ظنتي يا زين يقبل صيامك
ريقك عسل علمني شلون بتصوم


محمد بن فطيس

[الحمدان]

يا عيد سود العيون استنكرن منّي
وشلون ابارجع وارجّع وقتي الماضي

اسأل عن حالهن ما سائلن عنّي
الله يغربل حياةٍ جوّها فاضي

يا عيد رمح الهوى بالقلب طاعنّي
والحب يمضي ورمحه بالهوى ماضي

يا عيد حدب الضلوع تصيح وتحنّي
من عام الأول وانا صابر ومتغاضي

يا عيد أنا مولعٍ بصغير السنّي
والحال منّي قضى وأنا بعد قاضي

يا عيد لي صاحبٍ فاتن وفاتنّي
ولو مبسمه سمّ قبّلته وانا راضي



خلف بن هذال

[الحمدان]

‏نصبر على المكتوب لو جار ما جار
‏و نجبر خواطرنا و لو هي كسيره

‏و حكم القدر واقع ولا تنفع أعذار
‏و إعرف ترى بعض المقادير خيره

[الحمدان]

‏أنا وروحي وعذب الشعر جينالك
‏والقلب نبضه معكـ ويقول كلي لك

‏والشعرمرسالي المخلص ومرسالك
‏والقلب مهما قست الأيام وافي لك

[الحمدان]

الامل مفقود من فتره طويله
والحظوظ العاثره ما فارقتني

عايش ايامي ولا باليد حيله
والحياه العاصيه ما صادقتني

[الحمدان]

‏يا ساتر الزلّه بثوبك تعلّقْت
‏ياالله صباح المغفره والتوافيق
‏.
‏جرّبت لذّات المشارب ولا ذِقْت
‏ألذّ من ذِكْرِك على فكّة الرِّيق

[الحمدان]

‌‏من ضحكة الضاحك ومن لومة اللّايم
دنياك ماهيب لك عشره .. على عشره

فيها الفرح و الحزن دايم ماهو دايم
بتشوف ما تشتهي وتشوف ما تكره

[الحمدان]

مبطين ماجانا من الغيم هتان
واليوم زان الجو وزداد غيمه

يامرحبا في طلته كل ماحان
يالله عسى مثله علينا يديمه

[الحمدان]

ما كلُّ باذخةٍ بالحسنِ بلقيسُ
وليس كل مصابٍ بالهوى قيسُ

بعضُ النّسيبِ هروبٌ من مشاعرنا
وبعضه عن طويل الصّمتِ تنفيسُ

والشعرُ مالم يكن للحق منتصرًا
فكلهُ باطلٌ يحدوهُ إبليسُ

فمنه صدقٌ وأمثالٌ محلقةٌ
ومنه سحرٌ وإغراءٌ وتلبيسُ

وما نفى شاعرٌ* أمرًا يخالجه
إلا وفي النفي توكيدُ وتكريسُ

كم أطلقَ الشعرُ أيمانًا مغلظةً
وكل أيمانهِ زورٌ وتدليسُ

‎...

[الحمدان]

‏يالله بليلٍ خياله يدفع خياله
‏برقه يتل القلوب ويشرح الخطّر
‏
‏لاهب نسناسه اللّي قبل همّاله
‏يلج صوت الحشو وتبرّك الفطّر
‏

[الحمدان]

‏ثلاث ودك يعرض الشخص عنها
‏الكذب واعراض البشر والظلايم
‏
‏وثلاث ودك يقرب الشخص منها
‏الصلح والاحسان والخير دايم
‏
‏

[الحمدان]

‏قل للنفوس الي مع الوقت شانت
‏اني على كثر العطا ماتندمت
‏
‏لو ماقست دنياي واقفت ولانت
‏ماكان من حرة قساها تعلمت
‏

[الحمدان]

‏ترا غناة النفس هي أصدق غناه
‏وترى جمال الشي ما قلّ و ندّر
‏
‏وترا البعاد أحيان نوع من النجاة
‏والسكوت أحيان من باب العذر
‏
‏لا تكبرون إلا على ظروف الحياة
‏ولا تحزنون إلا على غالي قـدر
‏

[الحمدان]

‏سود الله لحيتي يوم اترجى واتحرى
‏احسبن عيال خلق الله تبي تقضي لزومي

‏الرفيق اللي عن ايام الشتاء فيه اتذرا
‏عقب الرفقه وراه وعارض الخط العمومي

‏صاحبن ماهوب ياقف معك في سرا وضرا
‏لاتجي قدمه على المفرق وتاقفله وتومي

‏

[الحمدان]

‏بيض الله وجه من سدد وقارب
‏وكمل الواجب وعن ربعه تغاضى
‏
‏الصبر مطلوب في وصل الأقارب
‏ومن يشيل الحقد ماعمره تقاضى
‏

[الحمدان]

خطر غصن القنا
وارد على الماء نزل وادي بناء
ومرِ جنبي وبأجفانه رنا
نحوي وصوب سهامه واعتنى
وصاب قلبي أنا يا بوي أنا

لمه تقسى لمه
وتهجر ابصر حبيبك ما أرحمه
هايم بحبك ترفق وارحم
لا تعدمه الجفا شا تعدمه
والذنب ذنبك
أنا يا بوي أنا .. أنا يا بوي أنا

أخذ قلبي وراح
وشق صدري بالاعيان الصحاح
يا طول همي
ويا طول النواح
من حب من حل هجري واستباح
قتلي وظلمي
أنا يا بوي أنا .. أنا يا بوي أنا


مطهر علي الارياني
اليمن

[الحمدان]

اللي يتحرى لطيحتنا ولا طحنا
يبي الشمايت علينا والله انجانا
ظ“
راد الله إنا نذب الريع وافلحنا
وهو يراقب علينا و يتحرانا
ظ“
حياتنا مبلشتنا في مصالحنا
ونجاحنا فالحياه يكثر اعدانا
ظ“
والله على طيب نيتنا يسامحنا
اثر الاوادم ورانا تحسب اخطانا

[الحمدان]

يا وقت قد مليت واستوفيت حقـي واكتفيت
خطيت وتخطيت ما حطيت للدنيـا حساب

إن عشت مااستجديت من بقعا سوى خبزه وزيت
وان مت ما هميت ازيد انزل مسافه بالتـراب

أهم شي يا ليت ياللي بعت فينـا واشتـريت
تشعر بما سويت وايش اسقيت شعبك من شراب

[الحمدان]

الهوى علّه .. وأنا أعطيـك الدليـل
يا الحبيب اللي من الحب اكتوى

ما سمعت الناس لا شافوا علـيـل
قالوا : المسكين ذا (ماكـل هــوى)!

[الحمدان]

مـن*لـوعة*الـبعد*جـاء*الـهم*أسرابا
والـجسم*صار*مع*الأدواء*أصحابا

كـأنـما*الـجـد*والإخــلاص*مُـمتَهَنٌ
عـقـابـه*أن*نـعـيش*الـعـمر*أغـرابـا

مهما*تفانيت.*مهما*عشت*مجتهدا
مـازلت*أشـرب*كـأس*الـمر*أنـخابا

يـعلو*الـذي*مااستحق*القدر*منزلة
وصاحب*الجد*والإخلاص*قد*غابا

مـاعاد*لـلعدل*والإنـصاف*من*سند
وبــــرر*الــقــوم*لــلـجـلاد*أسـبـابـا

وأصـبح*الظلم*والإجحاف*منهجنا
نــال*الـنـفاق*بـهذا*الـعصر*إعـجابا

لـمـن*سـنـشكو*بـظـلم*جـرعوه*لـنا
من*يملك*اليوم*للسلطان*إغضابا؟

يـارب*وحدك*أنت*العدل*في*زمن
للظلم فيــــه غــدا الحكام حُجَّابَا

إلـيـك*نـرفـع*شـكـوانا*عـلـى*ثـقـة
أن*الــرجــا*فـيـك-يارحمن-ماخابا

وأن*عـدلـك*لــن*يـرضـى*مـداهـنة
فـي*أي*حـق*ومـا*لـلظلم*قـد*حابا

[الحمدان]

صباحك بالنسيم شذى وعطرا
وآمـــــال نــهـدهـدهـا ســويــا

صـباحك بسمة في ثغر طفل
وقـبـلـة عــاشـق طـهـرا نـقـيا

صـبـاحك دعـوة مـن قـلب أم
تــرافـق غـائـبـا مـــادام حــيـا

صـباحك مـن تـعز الـعز عـذب
بــــه لـلـظـامئين نـــدى وريـــا

[الحمدان]

‏هجرت البعض طوعاً لأنني
‏رأيت قلوبهم تهوى فُراقي

‏نعم أشتاق لكن
‏وضعت كرامتي فوق إشتياقي

‏وأرغب في وصلهم دوماً ولكن
‏طريقُ الذل لا تهواه ساقي

[الحمدان]

‏صبرنا على قل الدراهم وكثر الدين
‏وحفظنا كرامتنا من اللّاش وازعاجه

‏نسلّف وحن متسلفين ومحتاجيين
‏ونفزع لراعي الحاجه وحن على حاجه

‏

[الحمدان]

نوفي مع الوافي بكل المطاليب
ونشّد ظهر الكفو لا ضاق حاله

نعيش بالعليا على منهج الطيب
والحر مايخضع ليا ضاق باله

[الحمدان]

‏اجعل بداية صباحك ركعتين الفجر
اليا بغيت السعاده والهنا وانشراح

واكسب رضا خالقك والمغفرة والأجر
في روضة باالمساجد عامره بالصلاح

فيها السكينه وراحة بالدعاء والذكر
مابين صفٍ توافد بالمساء والصباح

ما يقربك من يضرك من جنون وبشر
في ذمة الله ومحفوظٍ بدرع وسلاح
‎

[الحمدان]

عش حر لو أن الليالي تحداك
لو تشرب العلقم ترى العز حالي

لاصرت رأس يطيح منهو تهقواك
تصير شامخ مثل روس الجبالي

ولاصرت تابع كل قاصر توطاك
ما عاد تسوى في عيون الرجالي

تصير تحت الأمر والأمر يا طاك
ومجلسك عند الباب حد النعالي

[الحمدان]

الله على اللي يوم يفتل عموده
يطلع ثرى ارضٍ بعَد القيض ماها

ليونس ثقيل الترس يرخي عضوده
شيهانةٍ ترخ المتون العشاها

عَده على اللي ما يدرهم قعوده
من صار زيزوم المشاكل حماها

وقتٍ ركض كلبه ونامت فهوده
مما تشوف العين طوَل عماها

المال سالم والوجيه أمعبوده
برق التيوس اللي تواما لحاها

راعي صلاة الفرض بيَن سجوده
وراعي غرابيل النمايم لقاها




بندر بن سرور

[الحمدان]

‏راحت بنا سود الليالي مدابير
‏نبدي سعادتنا ونخفي وجعنا

‏بعنا هقاوينا بسوق المخاسير
‏والمدح في سوقه شرينا وبعنا

‏نصارع الايام ورد ومصادير
‏وفي مسرح الدنيا عصينا وطعنا

‏ياما تقبلنا هزال المعاذير
‏وياما تحملنا نكد واستطعنا

[الحمدان]

‏ياشين طبعٍ عند بعض المخاليق
‏يظن فيك السوء قبل الحقيقة

‏على كلام الناس سريع تصديق
‏وينسى العلوم الطيّبة في دقيقة

[الحمدان]

سقى الله ليالً عشت فيها مع الأحباب
‏ليا جيتهم ضايق رجع خاطري سالي

‏سقى الله بلادٍ فيه للطيبين أقراب
‏وسقى الله مكانًا فيه لرسومهم تالي

‏أحب التراب اللي مشو به لو إنه تراب
‏وأمر المكان اللي لهم فيه مدهالي

‏عليهم عيوني دمعها دايمٍ صباب
‏وأنا ما خبرت العين تبكي على الخالي

[الحمدان]

تدور الليالي وانتم انتم وحنّا حن
‏لكم سهلها والصعب نطّاحته حنّـا
‏
‏فإذا قلتوا المشروه ينساق على من
‏على واحدٍ يضحك علينا وهو منّا
‏

[الحمدان]

ياليـــت والقلب حقي مثـل جوالي
يرسل ويمسح ويستقبل على مهله

وان زاد هـمه وضيقه أو شغل بالي
افرمته في ثواني وامسك الـــشغله

[الحمدان]

ياهاجسي شمر سواعيدك وقم
أنا علي من المواقف لزايـــــم

أكبر من التفكير وأدهى من الغم
لا صارت فعولك هباب وقسايم

و من عمنا خيرهنعده لنا عم
و اليا صفا وقتك فـ لاهوب دايم

ولياضيفتوا فاورد ع صافي الجم
ادحم ب جنبك ياقوي العزايم

و عن دلة الارفل تنز وقل اكرم
لا بارك الله في دلال الجلايم

و الشور صيده والرجاجيل مغنم
ان كان لك حظوه ولك حظ قايم

و لا تجي في محفلٍ قبل تعزم
ومن جاء بلا داعي يشوف النقايم

وإن شفت مايجرحك في مجلس قم
مرواحك أجمل من مجالس هلايم

ي حبني حبّاه لمنـثــّر الدم
و إكرام من يستاهلون ( الكرايم )

تغابنو العربان في الحال والضم
وفي البندق الزينه وفأم الزمايم

و أحذر ليا سليت سيفك ( تندم )
مايقصر الاشبارغير الندايم

و اجعل مراتب خطوتك طلع سلم
ي نازل السلم فلا لك سلايم

و اليا دعاك اللي تحبه فقل تم
مزاور الغاليين هبة نسايم

و جنب عن الغيبات و الذم والنم
أخس ناس ( منقلين النمايم )

وإن شفت في نفسك شفاحة هوى صم
النفس ماتشفحك لا صرت صايم

ومن يتبع الحرمات لابد يحرم
تر ماورى الحرمات غير الحرايم

ويامطاوع الخفرات تؤكل وتهضم
و تغدي فريسه للجزوع المهايم

واليا بغيت البنت فانشد عن الأم
الخال خالي والعمام العمايم

وترى النسب ريحانة قدرها الشم
ومايأكل الريحان غير البهايم

وعن ما جهلته قولك الله واعلم
أفضل و لا مبنى يجيله هدايم

ورفيقك إليا شفت منه أذى شُم
جـنــّـبه حتى أنها تبين الوسايم

أفطن من أللي كنهم شوك معــّـقم
صرايمٍ عكس السيوف الصرايم

و إليا بليت تحمــد الله و تنعم
الشاكرين أولي النعم و النعايم

وإن كان ما قسمك من الشاة مقدم
جوعك شبع ولا صغار القسايم

ومن كثر الصدقان لابد يغــّـرم
تر كثرة الصدقان ساس الوزايم

صدقان للضحكة وصدقان للهم
وصدقان لا جاب الزمان الطمايم

فإذا عرفت الراس والعين والفم
فمالك ومال جنوبها والقوايم

و أوزن كلامك قبل يظهر وتبلم
هرّجك يورّدك الضرم والضرايم

كم واحد من منطقه يشرب السم
مصطح وهروجه هروج السقايم

ولاتشكـّـا للعرب وأنت تعلم
إن التشكــّي هزّمةً من هزايم

ما يرخص الرجال غير التهمهم
وإضرب مثل ( مايشتكون الصتايم )

ومن عوّد الحـُرّمه على حاضر وسم
بكره تبيعه بيع ( لا سام سايم )

إن نوّمتك فقـــوم وإن نامت فنم
و قارن جداد امورها ب القدايم



علي بن حمري

[الحمدان]

يا وجدي على اللي رقمها خمسه وصفرين
عفيفه ولا هو بأي واحد يرقمها

سعودية المنشأ عليها شعار الدين
وتاريخ دولتنا من أبرز معالمها

تحب الملوك وتعشق اولاد باخشوين
وتسعى اتجاه الراجحي قبل يزهمها

تعدتني البارح وانا اصيح وينك وين
واقفت وانا في خاطري كنت بعزمها

‏أثر عيبها ماتعشق الشاعر المسكين
وتشرد منه قدام بالكف يلزمها

تقول انت يالمسكين يكفيك شوفة العين
وحكم القدر في كف غيري يسلمها

[الحمدان]

كل الثوانـي والـدقـائـق والأيام
للمـرأه اللـي قـدرهــا قـدر عـالي

الأم، والزوجه، وبنتك والارحام
بهجة حياتك بالشعــور الخيالي

ماهو مثيل المحتفل يوم بالعام
ومن طباعه مـا ترك قلـب سالي

أعزنا الرحمن في ديـن الاسلام
والذل دونـه يا الـذي مــا تبالي

[الحمدان]

‏الطيب سعره صعب ماهو بلاشي
‏فازوا به اللي يدفعون الثمن كاش

‏ما جاب غيب قلوبهم كل واشـي
‏بين القبايل ذكرهم يدهش ادهاش

‏مافض مجلسهم خطات الدفاشي
‏اللي يتوع بكلمة تـصطـح الجـاش

‏ليا نصحته زاد شره و طاشـي
‏انحل أمانه و انفرط تقل رشـاش !



‏عبدالله بن زويبن

[الحمدان]

‏صدتك عن بعض السوالف شجاعة
‏شيمة وعزةٍ نفس ماهو رداً منك

‏صدتك عنها طيب نفس وقناعة
‏ترفعك بعيون العرب ماتطمنك

[الحمدان]

مافيه داعي للزعل والانفعال
‏ومجادل الجاهل وكثر اللجلجه

‏خلك على ماقيل شيال الثقال
‏واللي يبي يزعجك صمتك يزعجه

[الحمدان]

إن شانت الدنيا ترا العمر مقسوم
‏محدٍ حياته جت على ما يريده

‏دايم تفائل بالامل واترك اللوم
‏عش لحضتك واللي مضى لا تعيده

[الحمدان]

الحظ ماهو حظ من يملك المال
‏الحظ حظ اللـي تمّسك بدينه

‏الخير في قلبه توّثق ولا زال
‏وبعد رضا الله مرضيٍ والدينه

[الحمدان]

يابوي مالي في حياتي مطاليب
‏رضاك عني " غايتي وامنياتي "

‏يا تاج راسي يا معلمني الطيب
‏يا عزوتي يا هيبتي يا غناتي

[الحمدان]

اللي تعود على الصاحين
يتعب مع العالم المرضى

مدام قولك وفعلك زين
اللي زعل منك لا يرضى

[الحمدان]

سبحان من يعطي قـبول المخاليق
‏وسبحان من يفرق عطا عبد عن عبد

‏بعض الأوادم شوفها يجلي الضيق
‏وبعض الأوادم شوفها يلوع الكبد

[الحمدان]

بعض العـرب طبعه صراحه يحيّر
‏ليا تركته جاك وإن جيت خلّآك
‏ظ°
‏و بعض العرب مثل الذهب ماتغيّر
‏مادام له عندك قدر صعب ينساك

[الحمدان]

ادمح ( الزلة ) قدر ماتستطيع
‏وصد عن بعض الامور وخلها
‏
‏والمشاكل لو تجي مع كل ريع
‏( الله ) اللي جابها ويحلها

[الحمدان]

اصبر على ما جاك وإقبل بما جاك
وحبل الرجا خله مباري لـ حبلك
ظ°
لو تضرب الدنيا من هناك لـ هناك
مالك من الدنيا سوى ما كتب لك

[الحمدان]

ما تغيّر شي واللي فات ماله قيمه
‏علّم اللي ضيّع الفرحه ولا دوّرها!!

‏مابقى في ذا البلاد الا فقير وغيمه
‏كل مامرت عليه وشافها صورها.!!

[الحمدان]

‏تظاهرت اني سالي ولاعلي خلاف
‏وعيني تروب بصافي الدمع وتريقه

‏هني من غفت عينه بنومه وجر لحاف
‏ولاقزته بعض التفاكير و الضيقه

[الحمدان]

والله ماينكر فضلها غير جاحد
‏هي جنه الدنيا وروح المواعيد

‏ماينحصر حب امي بيوم واحد
‏بوجودها كل الليالي لنا عيد .

[الحمدان]

‏سامحــوني لو حصـل مني خــطا
واعـذروني وان حصل مني قصـور

الحــــياه الفــانيه أخــــــذ وعـطا
ســنة الدنيــا على مر العصـــور

[الحمدان]

‏لا ضـاقت الدنيـا عـلى الجيـد ضـاقت
تنزل علـى قـلـبه بضـربه عمـيقـه

وان قـررت فـي أي لـحظـه وراقـت
تحـسب علـيه الـثانيه والدقـيقـه

[الحمدان]

زرع الجميل اثمــر بردات الجـمايل
والقبيلة مصنع الفعـــــل الــــجميل

عمر الفسالة جرم في شرع القبايل
ترك الشرف والعرف فيها مستحيل

اصل الرجال اقحـاح يادار الاصايل
ما يبلغ العزة ســـوى غير الاصــيل

[الحمدان]

على مدار اليوم جالس على جوالي
فاتح النت ومن تطبيق الى تطبيق

مامعي شي بس من ضيق حــــالي
ادور على شي يبعـــد عني الضيق

ولنّي وحيد ومامعي احـــــد غالي
صــرت اعبس الوجه وابزق الريق

[الحمدان]

‏كبر البيوت وصغرها مالها دور
من ناحية طيب الرجال ورداها

كم بيت ياكبره من الناس مهجور
من قل ماتلقى كرامة لحاها

وكم بيت ياصغره وبالناس معمور
إمّا غداها فيه وإلا عشاها

[الحمدان]

‏من أول العربان لاجاهم الضيف
العود يدرج والدلال معموره

واليوم لاتنشد عن العود والكيف
اهم شي تاخذ مع الضيف صوره

[الحمدان]

‏ما للبيوت العامره طعم يا سعود
إذا خلت في يوم من حس شايـب

بيبانها طرما وجدرانها ســــــود
ويصفق درايشها قوي الهبايـــب

في كل ركن لحزنها اثبات وشهود
على فراق مهونين الصعايــــــب

كانوا هنا وكان السعد ماله حـدود
وكان الرضا يملا قلوب الحبايــب

[الحمدان]

ماكل عاوي في الفلا نحسبه ذيب
بعض البشر يهدر و وضعه عويله

ولا كل من يقنص يجيب المكاسيب
الطيب بيِّن مايبي له دليله

[الحمدان]

راع الردى لا تجبرونه على الطيب
العبـد مالـه غيـر مـالله كتـب لـه

اشهد شهادة حق مدح الردي عيب
مثل الصلاه اللي على غير قبله

[الحمدان]

‏تجود النفوس اللي من الاصل فيها جود
‏ويقدم على الجزلات من يعشق الجزله

‏عساني ما ألد العين للي رداه يزود
‏ولا اسوق رجلي يم ابو نيّةٍ هزله

[الحمدان]

‏لاصرت ماتتعب على النعم قدر المستطاع
‏صدت ولفت لك ظهرها وعطتك عرقوبها

‏واليا تملكت الكرم والحكمه وطول الذراع
‏لاتشغلك نفسك تراك اعطيتها ماجوبها

‏والواحد اللي لاحكيم ولاكريم ولاشجاع
‏مفروض يعطي ثوبه الحرمه ويلبس ثوبها

[الحمدان]

‏ماعاد في قلبي من الحب تذكار
‏هذي الحياه وهذي إحدى سننها

‏العاشق اللي كانت أحلامه كبار
‏صلى عليها ركعتين . . و دفنها ..

[الحمدان]

على الزعل والضيق حنّا كبرنا
ماعاد فيه أشياء تستاهل الضيق

واذا اعتزلنا الكلّ محدٍ جبرنا !
العزله أصدق من وجيه المخاليق

حتّى على صدّ الحبايب صبرنا !
الحلم لولا الصبر مافيه تحقيق

من كثر خيبات الحياه اعتبرنا !
العمر لحظة والليالي توافيق

[الحمدان]

مادام جودات الفتى من ذراعه
فانا طويل الباع ماني بمجهول

ماني امير مير طيب جماعه
سيف لربعي بالمواجيب مسلول

لاقدموني لابتي ظرف ساعه
قدمتهم قدام خمسة عشر حول

[الحمدان]

الرجل لامنه تكبــــر علــى الناس
تـــراه من ورك المطيـــه تــدلا

لو هو من شيوخٍ بعيدين الأرماس
من يستهين بحق الأجواد ولا

لاجنّب الواجب ودلبح مع الساس
وانحاز مع بعض الوجيه يتسلاّ

مثل الجمل ماعنده شعور واحساس
اليا ملا بطنه تياسر وفلاّ

[الحمدان]

ابسط حقوق الحب " الصدق و الوفــــاء
واكبر حقوقه " تضحيه تتبعها مجــازفه

واعظم حقاره بالحب وصلّ بعده جفـاء
وتضمد الجروح الا جروح الحب نــازفه

[الحمدان]

خنّت المحبه وكنت احسبــك وافي
حسبي الله فيك ياناكـــــــر العشره

ادري انك بدوني بخير ومتعــــافي
واحب اشكرك على الدرس والعبره

[الحمدان]

بان المغطى وانكشفت الحقايق
ولا عاد شي يزور حال واقعنــا

غزه باتت بين اللهب والحرايق
وذل اصحاب المعالي واجعنـــا

[الحمدان]

مايحب الاشعار الا انســـــان فيه عله
اما حزين او "فقد له غالي" او ضايق

مثلي انا الشـــاعر كم لي اعذب الدله
لجل البيوت اللي تخلي الحزين رايق

[الحمدان]

‏وينك تعال اليوم ودي. آحاكيك
ودي اقول اللي بصدري..... خفيته

انت الوحيد اللي خفوقي يناديك
وانت الوحيد اللي بعمري.. بغيته

[الحمدان]

من رافق الخايب سكن دوم واياه
لبس الدناسه عقب لبس الجدادي

ومن طاوع الشيطان في دينه اغواه
يصبح غريقن بين الامواج غادي

ومن عاشر الطيب ترى الطيب شرواه
وبالطيب يرقى نايفات المباديء

خلك مع الطيب وممشاك ممشاه
ورافق من الربع القروم العوادي

عز الفتى دينه وسلمه ومرباه
وربعه عضوده عند قدح الزنادي

تاقف معه وبقدر الامكان تحماه
لا صار باطراف الحبال انعقادي

[الحمدان]

والله لو نتبع من الناس زلات
لغير نبقى بالمجالس وحدنا

لكن نصد.. ونحتفظ بالعلاقات
ونبقى على الخوه ونوفي وعدنا

[الحمدان]

والله لو نتبع من الناس زلات
لغير نبقى بالمجالس وحدنا

لكن نصد.. ونحتفظ بالعلاقات
ونبقى على الخوه ونوفي وعدنا

[الحمدان]

محتاج لي شخص يسمعني ويفهمني
ودي افضفض عن اللي بالحشا خافي

تعبت اخفي الهموم اللي تزاحمني
وعجزت لاقول لـهموم الزمن كافي

[الحمدان]

يالله ياعزيزاً ف سماك العاليه
رجاك ولارجا عبادك البخالي

ليا ضاقت علي دنياك دانيه
رب البشر منت بتتركني خالي

[الحمدان]

صبرنا على حمل النوايب لو انها ثقال
عليها انتداحم لا اختلفنا ولا خفنا

خذينا من الدنيا طناخة وطولة بال
ولا غيرت صكات الايام موقفنا

[الحمدان]

خطاك عندي قابرك وانت مامت
تثبت لك الايام ليه اتكلم

مهو دليل الود شفتك وسلمت
الي يمر القبر سنه يسلم

[الحمدان]

يارب جملني مع كل محتاج
ولا تدع لي عند الانذال حاجه

نفسي عزيزه والكرامه كما التاج
والقلب حاكم جيد والعز تاجه

[الحمدان]

الذيب ذيب يستاهل كل مايريد
والرجل رجل ما يحصل منه تقصير

الفعل باين فى النشاما الصناديد
اللى تجيب الحق بالسيف وتسير

[الحمدان]

تعال أبنشدك يادكتور عن مرفت
الحق وجهه جري وأنته تقول الحق

مدري دخلنا الكبر وعقولنا خفت
ولا حدانا الزمان وحظنا الامحق

البنت هذي ردايفها ليا قفت
اللي تقول انتظر واللي تقول الحق

ان كان ماعمرها دارت ولا لفت
تستاهل الفلة الدورين والملحق


سعد بن جدلان

[الحمدان]

اهديت باقة ورد من ضمن الابواق
لاقول لحد خذها ولا قول ذقها

و دي بالأنفس كلها اصحاب واصداق
ولا اخشى عقايبها ولا ارجي نفقها

خلقت الاراضي و السموات بطباق
و شع الاوادم طبقة من طبقها

فا لآدمي لولا المكارم والاخلاق
كا لحنظله من ساسها لا ورقها


سعد بن جدلان

[الحمدان]

يامرحبا يادهر قلبي ورجعانه
ابكي لقربك وبعدك مني يسنيبي

يابو عيون بخمر الحب سكرانه
ياجرح قلبي عليك ويافري جيبي

دامت حياتي وموتي عندك ارهانه
الموت اريح لي من قهري وتعذيبي

والا اركزي فوق حيد القبر ريحانه
واقضي علي ياجميله مافعلتي بي

والا اوقفي وقفة الوافي لديانه
واعاملك لين نمشط روسنا شيبي

والله مايشفي غليل القلب واحزانه
الا سجود السهو بين التلابيبي !

والا ليا راح ابوي يخلص اثمانه
والا يصك الشبيري في عراقيبي




سعد بن جدلان

[الحمدان]

‏نوعين من كثر اختلاطي مع الناس
‏من اصعب الانواع .. طبع وغريزة
‏
‏حاول تجنـب تجرح انسان حساس
‏واحذر اهانة شخص نفسه عزيزة
‏

[الحمدان]

‏كل طيّب خوته تأمين شامل
‏لـ الظروف اللي توقف في طريقك
‏
‏تصدم الأيام ماتمسك فرامل
‏لا ذكرت أنه على الشّده رفيقك
‏

[الحمدان]

‏ما الله خلقنا نرضي فلان وفلان
‏إليا رضى ربي علينا اكتفينا

‏نداري الخطر على حسب الامكان
‏اما مشت بالطيب ولا مشينا

‏

[الحمدان]

‏ما يضاهي عزّة النفس بالدنيا غناة
‏عن دروب الذل يا خطوة العز أنتحي

‏الردي لو يشري المدح ما يخفى رداه
‏ندري أن ما كل من خاف ربّه ملتحي

‏مشكلتنا كل مخطي نبرّر له خطاه
‏نستحي في وقت فيه العرب ما تستحي

[الحمدان]

يا بعيد الدار و أقرب من ضلوعي
‏أسقني حبك ومن صافي حنانك

‏لو تجي دنياي في كيفي وطوعي
‏كان ما يبعد مكاني عن مكانك

[الحمدان]

التغابي فن و إن دل دل أنك ذهيِن
عش غبي والناس تلعب على مكشوفها

النفوُس جنود من جند رب العَالمين
نفسٍ نوقف عليِها ونفس نطوفها

المصَافح بالأحاسيس ماهو باليديِن
البشر تستَخدم إحساسها بكفوُفها

أرض نفسك أولى من الناس أجمعين
إن تبعت الناس بتموت وأنت تحوفها

[الحمدان]

" العقل ، والتجربه نعمه " وسترة نجاه
والقل قل الثقه ، والضعف ضعف العزوم

أقرب من اللي ما يدرون العرب وش وراه
الآ لجات العلوم ، اللي عليها العلوم

أبعد عن الي يحاول ، يلفت الأنتباه
مثل ما تبعد عن اللي ما يسد اللزوم…

[الحمدان]

الناس نعمه ونقمه والثقه ماتدوم
مهما تكابرتها والا تصاغرتها

بعض الاوادم ليا شفته نسيت الهموم
وبعض الاوادم ليا شفته تذكرتها

[الحمدان]

الكلام أذواق والذوق يبغى له نبيه
يدري إن ما كل كلمة مودة لايقه

مثل بيتٍ فيه قوة وبيتٍ لك عليه
مايفرّق في بعضها عديم الذايقه

[الحمدان]

ألمَس حنانك في يدينك و استريـح
من وين ما يوجعني يدينك تمسَحه

هان التّعب لأني إذا فكرت اطيـح
اتـذكّر إنّك فـي حياتي و انزحَـه ..

[الحمدان]

ملامح ٍ هامت عيوني فيها
والله ما تِمسي وهي زعلانه

من حقّها تزعل علي وأرضيها
حتى لو إنها كانت الغلطانه

[الحمدان]

تفاصيلك لها سمعي شغوف وخاطري حواف
أجمعها بحرصٍ من بخيل وفطنة اعرابي

عسى من لامني ينلام لا اعطيت الخلايق طاف
من اللي عقب وجهك يستحق النيل بأعجابي

ولو ما صابني منك سوى التخمين ما تنعاف
خذيت القلب مني وش علي ان راحت اعصابي

[الحمدان]

والله انك ياعديل الـروح غاليي
واثمن من السر بأعماق الضمـاير

فـرحه عيّــوني ليا شفتــك قبالـي
فرحه الكسبان مـن بعد الخـساير

[الحمدان]

‏
لمـلـم الليـل ثـوبـه واخـتـفـى
والشـفـق بان والصبـح انبلج

والضنك حاطني وجـه وقفا
والـهـمـوم اقبلت من كل فج

والـهـدب ياعيونـي مـاغـفـى
لكـن الـصـبـر مفتـاح الفــرج

كــل غـمّــة وتالـيـهـا صـفــاء
من تصـبّـر على اوجاعه درج

والنـزق والقطيعة والـجـفـاء
تجعل المورد الصافي خمج

يا مواطن على الدنيا الـعـفـا
مال لصمّـامك اليـوم افتلـج

مـدّ رجلك علـى قـدر الدفـاء
واطلع السطح من باب الدرج

واقـتـدي بالنبي الـمـصـطـفى
في جميع القضايا و الحجج

واحمي الدين في راس الشفا
خير لك من مية عمرة وحج

واجتنب شور مقلوب الحفاء
واتركـه لو هـرج كـمّـا هــرج

والذي ظاهــره غيـر الخـفـاء
مايهــم الـمــلامـة والـحـرج

ان فرقـتـه يذمّك في القـفـاء
وان لـقـيـتـه تبـسّـم وابتـهـج

وان ضفا في المواقف ماعفى
وان حضر مايقادي لك عوج

لكـن الكـفـو لا طـرّف كـفـى
وان توسل به الحانب خرج

عنده الصدق معيار الوفـاء
والنصيحـة علامات الحنـج

مايدور من اوجاعك شفاء
لو تحمـل مدامـيـك الفلج

[الحمدان]

إن قلت وش لونك؟ فلانيب بالحيل
همي كبير وداخل القلب علّه

عيّا يرد الصّبح مسترسل الليل
وعيّا يقوم الحظ من طيحةٍ له

رجلي وغيري راكبٍ صهوة الخيل
أشقى وغيري ياخذ الكار كلّه

يا بندر امزج فايح البنّ والهيل
وبهّر بها يا بوك للكيف دلّه

أبا اطرد هموم تلاطم كما السّيل
كل ما بغى يدله فوادي تتلّه

عجزت متوني وارتدم فوقي الشّيل
والرّجل جاها من حصا الدرب خلّه

تمشي جروح الوقت في خافقي غيل
وتلمع سيوف الضّيم في الوجه سلّه

إن قمت طقّ الغار راسي من الميل
وإن جيت أبا اقعد فوق جمرٍ وملّه


الأمير خالد الفيصل

[الحمدان]

يا ثقلي ويامقوا عزومي وياصبري
أجامل على جرحي وأنا أشوف دكتوره

تزود عذابي وكل شين على خبري
لا شين تغير لا طبيعه ولا صوره

جبرني غرامك بالطيف الحشاء جبري
على الموقف اللي فيه الانظار محصوره

لا رحت منكم كني أحدا على قبري
ولا جيتكم ودي بالأحوال مستوره

متى يعلن أجهاد المحبه سبا هبري
وترفع مساجين الهوى بيرق الثوره


سعد بن جدلان

[الحمدان]

‏منهج كرامتنا على العز ما مات
‏نموت لـ أجل نصونها ما ارتخينا

‏من طيبنا نرقى? بروس الطويلات
‏ولا ننشد اللي قال وش قال فينا

‏

[الحمدان]

‏ليت رَدّ الجمايلْ مثلْ ردّ السلام
‏لكنْ الله جعلها مثل دين وقضى
‏
‏كنّها في يدين اللاش برد وسلام
‏وكنّهافي يدين الحُرّ جمرة غضى
‏

[الحمدان]

‏من تأسف واعتذر عن خطا والا جهَل
‏مايردّه غير بعْض النفوس الجاهله

‏العوارف لـ اولين ضْربوا فيها مثل
‏(لحيةٍ ماتقبل العذر ما تستاهله)

‏

[الحمدان]

اربع ليا جات فالرجال ياطيبه
الطيب والجود والاخلاق والذمه

واربع ليا جات فالرجال والخيبه
البخل والكذب والخذلان والنّمه

[الحمدان]

‏يالله عسى ماتكتبه من مقادير
خيرٍلنا ماهوب شرّ ( ن ) علينا

ويالله عسى كل الليالي لناخير
وفيهاالحظوظ الطيبة تحترينا

[الحمدان]

اربع؛ تخلي الرجل من دون قيمه
ويصير من بين الرياجيل ممقوت

الكذب،والغيبه ، ونقل النميمه
وكثر الكلام ..اللي بلا فعل وثبوت

واربع؛ سبب فرقى النديم ونديمه
المال والنسوان والحسد والموت

[الحمدان]

احذر ثلاثه بالخصــــامه عذاريب
الورع والحرمه وخبـل الجمــاعه

الورع ناقص والمـــره ضربها عيب
وخبل الجماعه عيب فيه الشجاعه
.

[الحمدان]

يارب ياغافر ذنوب.. المصلين
إغفر جهلنا وأغفر ذنوبنا العمد

والغافل اللي مادخل قلبه الدين
وقت المنيّه يجلي عيونه الرّمد

وحنّا على كل المقادير راضين
بالخير والمكروه قلنا لك الحمد

[الحمدان]

اصحابنا بالرخا مثل ازدحام النجوم
نشوفهم واجد في كل صبح ومسا

واليا نخينا حديهم عند وقت اللزوم
قام يتناقص عددهم من مدار السما

[الحمدان]

سامح وغض الطرف لو كان ما كان
عمر البحر ما ضاق من لطمة الموج

لو تلتفت في كل زلّة من أنسان
كان البشر من حولك ارقابهم عوج

[الحمدان]

‏نجـود من مايجـود ربـي علينـا
ونعين ونعاون ونحتـاج للعـون

إن سـاعفت مانـبذل إﻵ الثمينـا
وان عاضبتنا..حـالنا ماتشوفون

على سـلوم جـدودنـا اï»·وّلـينـا
والناس فيها خير وابليس ملعون

الله يديم أمن الوطن ويحمينا
لاقاموا اهل الشر للشر يسعون

[الحمدان]

مساء الامل بـ الله والخير والتوفيق
مساء الظنـون الطيبه بـ الـقـدر كله

ترا الابتسامه والبشاشه تفك الضيق
تبسم وقل هـ الابتسامه لـ وجـه الله

[الحمدان]

1- قال بعضُ الشُّعَراءِ :
إذا المرءُ لم يمدحْه حُسنُ فِعالِه
فمادِحُه يَهذي وإن كان مُفْصِحَا

2- وقال آخَرُ :
إذا المرءُ لم يمدَحْه حُسنُ فِعالِه
فليس له -واللهِ- ما عاش مادِحُ

3- وقال غيرُه :
وما شَرَفٌ أن يَمدَحَ المرءُ نَفسَه
ولكِنَّ أعمالًا تَذُمُّ وتَمدَحُ

4- وفي النَّهيِ عن الإفراط في المدحِ أنشَدَ الخطَّابيُّ :
ولا تَغُلْ في شيءٍ من الأمرِ واقتَصِدْ
كِلا طرَفَيْ قَصدِ الأمورِ ذَميمُ

5-وقال آخَرُ :
عليك بأوساطِ الأمورِ فإنَّها
نجاةٌ ولا تركَبْ ذَلولًا ولا صَعْبَا

[الحمدان]

‏زلة رفيقك صد عنها وجنب
لابد من يومن ليا حتجت ينفعك

ادمح له الزله على شأن قربه
حتى ولو هرجه مع الناس يوجعك

ترى التسامح من صفات ظ*الرجالي
تلجم عدوك قبل يضحك ويطمعك

لا ترخي اسموعك لهرج المساكين
احرص على اللي عند الاجواد يرفعك

[الحمدان]

يا غناة القلب يا مدهل الصدر الوسيع
يوم صدر الشاعر الذرب محدً يدهله

جيّتك تكفيه عن جية العالم جميييع
قافل مخرج مكانك و قافل مدخله

انت شوفك خير و امطار و سيول و ربيع
و شوف غيرك مثل شوف الديار الممحله

[الحمدان]

ايست الأخبار من صوبكـم ياهـل الجنـوب
داركم عقب البطاء سعد ابـو مـن زارهـا

سيّفوا بشراعنا صـوب نسنـاس الهبـوب
ضايـقٍ صـدري وعينـي تهـل اعبارهـا

[الحمدان]

‏ادري كبرت وصارت احلامي كبار
‏وبديت احس ان الليالي عجوله

‏واللي اكتشفته بعد ماهالعمر دار
‏إن اجمـل سنين الحيـاه الطفوله

‏

[الحمدان]

ياقلب.. خل السر بينك وبيني
لاعاد تحكي قصتي للمخاليق

ولا تعاتب صاحبي قد نسيني
كم ناس خانو..ف القيم والمواثيق

خل الألم.. والقهر.. والهم.. فيني
قد صرت متعود على الهم والضيق

حقيقة الواقع.. شرحها أنيني
والحال ماتحتاج محضر وتحقيق

تشهد على كثر المواجع.. سنيني
ياكم شربت المر فيها.. على الريق

مابا اقدر أمسح ما كتب في جبيني
ولا معي خطه بديله.. وتنسيق

واقدار ربي.. فوق راسي وعيني
راضي بحظي.. والمعيشه توافيق

[الحمدان]

اهم حاجه تعيش و نظرتك عليا
لو ترخي السمع نص الناس هراجه

وان جاك واحد مسوي .. فاهم الدنيا
حاول تصير انت ماتفهم ولا حاجه .

[الحمدان]

‏ربع القوافي اللي لها طعم حلقوم
أبعث له ألأشواق صبح ومسيه

ماكل من طاح البحر غاص ويعوم
ولا من المرجان جاب الهديه

بحر الشعر مسحوبها دوم وتزوم
وتجيب در ن من جواهر شهيه

[الحمدان]

حدتني الفرقا .. على نظم الأبيات
واستهدف المعنى ضلوع وشرايين

وإلا الحقيقه .. طبعنا فايتٍ فاااات
مقفين عن نظمه ولا احنا بسالين

[الحمدان]

‏كل مابيّن خمال الصاحب أرفه
‏التغاضي فيه نوع من الرجوله

‏زينة الرجال يـوم يغضّ طرفه
‏عن سفايف كلمةً ماهيب حوله

‏لو تدوّر لـ اختلاف الراي صرفه
‏لاتجي من يمك الكلمه عجوله

‏التعامل بـ الكلام الزين ' حرفه
‏ماحدً يقدر عليها بالسهووله

‏ما يهم انك تقول اللي تعرفه
‏المهم انك تعرف اللي تقوله !

‏

[الحمدان]

يالله عفوك يوم تصفية الحساب
يومٍ حصاد لما زرعنا في السنين

يوم الحشر قرب ولا معنا زهاب
اليوم في الدنيا وبكره راحلين

نجمع ذنوب ونرتجي عفو وثواب
وعلى نصر ربي لنا مستعجلين

تدرون ليه آمالنا كنها سراب ؟
تدرون ليه النصر سيف الأولين؟

الأولين أعمالهم وفق الكتاب
قاموا عليه وباعوا الدنيا بدين

وحنا غفلنا بين ما لذ وطــاب
والنصر سيف ما يسله غافلين

نصبح على شوف انتهاكات وخراب
ونمسي على دمع وتنهات ونين

بصدورنا شي تذوب إله الهضاب
وأفعالنا والواقع رياح وطحين

وعلى العيون من الفتن مثل الضباب
ماعاد ندري من يسار ومن يمين

ما للضعيف إلا الدعا لو ما يجاب
ما غيره إلا الشوف مكتوف اليدين

يالله زلزل تحت الأعداء التراب
والطف بنا واحقن دماء المسلمين

ندعيك يا قادر على جعل السحاب
جيش لنصر قلة مستضعفين

أغرقهم بنوع من أنواع العقاب
غرق الغلام اللي يحسب أنه فطين

لو ما عصا نوح نجابه في رحاب
سفينته وأمضى معه ف العمر حين

لكنه اختار الخسارة والذهاب
إصنع بهم صنعك به وأنت المتين

وإلا خذهم يا مجريٍ سود الحقاب
أخذ العجوز اللي بقت في الغابرين

ذوقهم اللهم أنواع العذاب
اللي عثوا في أرضك من المفسدين

وألطف بمن لبسوا من التقوى ثياب
عبادك المستهدفين المتقين

تكالبت عليهم أنياب الذئاب
ولا غير عونك يا معين الصابرين

من بينهم شيبة يعجزون الشباب
من وقفته من طولها في الركعتين

ومن بينهم عذرا توّن بلا حجاب
حجابها لفوا به الجرح المكين

تصيح ما هو من ألم ولا صواب
تبغي الحجاب اللي خذوه المسعفين

وطفل عن عيون أمه الثنتين غاب
تبكيه عين وتلتفت لأخيه عين

من هول ما يجري لهم شاب الغراب
يا وسع حلمك وأنت ما فوقك مدين

أدعيك وأنت أدرى بحال أهل المصاب
وأمد كفي لك يا أكرم الأكرمين


محمد بن فطيس المري

[الحمدان]

‏ياللي تحاسبني على مدّ يمناي
ما أنت بشريكٍ لي بحالي ومالي

ابي أبذل المعروف وأطنخ بدنياي
ولا متّ لي قبرٍ يسعني لحالي !!

[الحمدان]

‏على الله يزين الوقت وان زان وان مازان
مقاسيم ربي كلها عندنا خيره

فلا غيره المعطي ولاغيره المنان
وآمور البشر تخضع لـ حكمه وتقديره

[الحمدان]

‏الصبر نكوي به قلوب الحواسيد
لو كآن مانملك من الزاد وجبه

والصمت نجرح به كبود المقاريد
أللي تدور سرنا وتهرجبه

[الحمدان]

أمك ماغير أمك وطن يابن الاجواد
فرصة حياتك ( برها ) وإغتنمها

في حضنها رحمه وقصه وميلاد
ويكفيك بالجنه ! مواطي قدمها

[الحمدان]

بشرت غلطا تى بحسن التصاريف
واخذت من نفسي لنفسي بشاره

وش يحرج الانسان غيرالمواقيف
اللي تنزل هيبته واعتباره

والله لوتعرض رقبتى على السيف
*أهون علي من الندم والخساره !

[الحمدان]

كنت أحب الليل وأحب القمر
يوم كان الليل يعني لي كثير

من عرفتك وأنت لأحلامي عمر
ومن فقدتك مابقى بالحب خير

[الحمدان]

ياسكون الليل ياصوت المطر
مانويت اذكر زمانه مانويت

مرني طيفه على بالي خطر
مرني قبل المنام ومارتويت

بين حرفي والكتابه والسطر
اذكره بين القوافي بيت بيت

اكتب روايه حزينه من خطر
ياسكون الليل فيها ماقريت

[الحمدان]

أستحلي فيّة القلب مادونك ستار
يابعد من شاقه البرق وأغراه الحيا

شايفك من عاد الأحلام بعيونك صغار
قبل معك الوجد يكبر والأرواح تحيا

[الحمدان]

انت وجهك من لقاه اصلًا عشان يخلّا ؟
يالقبال اللي به ظروف الدهر منّانه

ماينافسني على صادق محبتك .. إلا
العقيم اللي تعلّق في عيال أخوانه

[الحمدان]

بسيطه انك حلمي ولا تحققت
الموت من عض الندم بالنواجد

طالبك لا عاد اتغيّر مع الوقت
خايف يقللك الزمن وانت واااجد

[الحمدان]

ألمَس حنانك في يدينك و استريـح
من وين ما يوجعني يدينك تمسَحه

هان التّعب لأني إذا فكرت اطيـح
اتـذكّر إنّك فـي حياتي و انزحَـه ..

[الحمدان]

ملامح ٍ هامت عيوني فيها
والله ما تِمسي وهي زعلانه

من حقّها تزعل علي وأرضيها
حتى لو إنها كانت الغلطانه

[الحمدان]

والله انك ياعديل الـروح غاليي
واثمن من السر بأعماق الضمـاير

فـرحه عيّــوني ليا شفتــك قبالـي
فرحه الكسبان مـن بعد الخـساير

[الحمدان]

‏بين ميراد الهقاوي ومصدار الظنون
‏صار في نفسي قناعه وفي سمعي ثقل

‏تكتفي رواد الابداع عن مايكتبون
‏لا اصبح الاعلام تطبيل والساحه نقل

‏كل يوم يزودون العدد ويلمعون
‏لين صار الشعر مفقود والمبدع مقل

‏من يتيه شرد الافكار في ريف الشجون
‏مستحيل انقول موهبته بحاجة صقل

‏العرب والله ماعاد ندري وش يبون
‏والصدور من المشاريه صارت معتقل

‏تغلط العقال ونقول لـ الطيب يمون
‏وتغلط الجهال وانقول تكبر وتعقل

‏مايهم انهم يذمون ولا يمدحون
‏الاهم ، ارتاح عن ، مايلي ، على الاقل

‏

[الحمدان]

قالوا تجامل قلت لابد أجامل
ادرى واداري وادفع الشي بالشي

واللي مايعرف كيف فن التعامل
يعيش ماله لاصديقٍ ولا خي

لأني أعلم ماحد مخلوق كامل
بعض المرض ماينفعه كثرة الكي

الوقت هذا فيه تقرير شامل
يودع الميت ويستقبل الحي



عبدالله الجبرتي

[الحمدان]

مايفرح الرجال طيحة بناخيه
ولايزعل الطيب نجاح ابن عمه

واللي يحارب بالمواقف عوانيه
انا اشهد ان الحسد يجري بدمه

[الحمدان]

اثبت وجودك في صفوف المصلين
واقرأ حديث الترمذي وابن ماجه

واطلب من الله يصلح الحال ويعين
فالثلث الآخر مدّ يدّك وناجه

[الحمدان]

الآ يالله أنا طالبك كل ما صليت
تغفر الذنوب و كل الاحزان تفرجها

وانا من سلاح الصبر لو طال مامليت
عسى النفس بامرالله تحصل مخارجها

[الحمدان]

اثنين تلقى قربهم راحة البال
ومن برّ فيهم عند ربه جزاته

واثنين تلقى قربهم سو الاحوال
من قاطع ارحامه وقاطع صلاته

[الحمدان]

الذيب لا جاع ما يأكل من الحرجه
واليا شبع ما دفن للقابلة سوره

الرزق مقسوم و الضيقات منفرجه
والحمد لله دام الحال مستوره

[الحمدان]

حاول تخلي جلستك عند العرب ركعة وتر
خفيفةٍ تقضي لزومك اذا صليتها

وحاول تخلي كلمتك عند العرب ليلة قدر
كلٍ يدورها ولا يدري متى توقيتها

وحاول تخلي كلمتك وقت العتب رشة عطر
يفطن لها المخطي ولا تندم اذا رشيتها

[الحمدان]

يا صاحبي والعيب ما عـاد به عيب
واللــي يــدارون المنــاقيــد ماتـو

باالحيل لو دققت شفت العذاريب
وعقيّلنــا مــع مايــل الوقت هاتو

الوقـت هـذا طلّـع بروسنا شيـــب
نبكــي علــى أياماً جميلات فاتو

[الحمدان]

حنيـن حنيت لـك يـا لابــس الخنة
يا مـن لك اعيان كحـلا ســود قتالة

ما ظـن قلبـي ابـد ينســاك ما ظنه
ولا اقدر انسى غرامك طول ماطاله

يـا فـاتنـــي يـا دوى قلبــي و يافنه
مـن حب مـزيون مثلك حلو يهنالة

في بعدك اصبحت بين النار والجنة
عـايش بـدونك مبهـذل حالتي حالة

[الحمدان]

آه من قلبي اللي دايمٍ في ذهول
والله انه ثقيلٍ لين جوه الثقال

ياقطاة العبيه ياهيام الذلول
ياعيون النداوي يارقبة الغزال

نور وجهك على من شاف منك القبول
نور صبحٍ تبسم في رهاد الجبال

كني اقرا على طُرّة جبينك تقول
انا قلبي يحبك ياحبيبـي تعال

كان قدمي حدٍ فالحب راح مهبول
والله انه خطيرٍ لايجيني هبال

المحبه جملها مرسلٍ ومعقول
لنعنبو من يقول ان المحبه خبال

والذي ليلة الاسراء عرج بالرسول
ان حبك لحال وحب غيرك لحال


سعد بن جدلان

[الحمدان]

‏ماحب الرفيق اللي يحب يتجمل في
‏احب الرفيق اللي ماقد شفت معروفه
‏
‏هذا مااشعر بحريتي معه دامه حي
‏وذاك اشعر بحريتي كل ماشوفه.
‏

[الحمدان]

‏الي على الفطره وصافي مع الناس
‏في هالزمن محسوب "دقه قديمه"
‏
‏واللي على غرات الاجواد بلاس
‏يلقى من الغادين حشمه وقيمه
‏

[الحمدان]

يا صاحبي مهما يميلن الاوضاع
الله كريم وكل صعب يحله

وكسب ينزلنا من الرجم للقاع
لو كان ياقف في نصدنا نزله

نشوم شومة عز عن بعض الاطماع
لا صار تلحق عزة النفس خله

حنا عزاز ولا نحب التخضاع
والله خلق فينا الكرامه جبله

نكره وجيه الكبر في كل الاصقاع
والكبر يرخص كل نفس تشله

من عاش عمره للمخاليق تباع
‏ يشرب فناجيل الغبن والمذله

‏وراع المعزه لو من الوقت يلتاع
‏ يعيش شامخ ما انحنى غير لله


خليل بن هدلان

[الحمدان]

يا كثر صدقان الصحن والمعاميل
ويا قلهم لامن تقادح شررها

إعلم ترى الخوه فعول وغرابيل
في دورة الأيام يجنا ثمرها

بعض العرب للتمشيه والتساهيل
وبعض العرب للمعضلات وخطرها

أحدن توصل به بعيد المواصيل
وإذا معه لك حاجتن ما ذخرها

وأحدن هبيل ويحسب انا مهابيل
نستر عيوبه والله اللي سترها

ظهره ظهر عقرب وبطنه بطن فيل
ووقفات سمحين اللحى ماقدرها



رشيد الزلامي

[الحمدان]

يا صاحبي مافي عسل من ذبابة
وِلَأّ حليب اسمه حليب العصافير

صٌأّحٌبِ يِّطّلَعٌ صٌأّحٌبِهِ لَلََّسحٌأّأّبِهِ
وِصٌأّأّحٌبِ يِّنِزِّلَ صٌأّحٌبِهِ قِأّعٌةّ أّلَبِيِّر

وِبِعٌضّ أّلَصٌدِأّقِهِ لَعٌنِ أّبِوِهِأّ صٌدِأّقِهِ
مَثّلَ أّلَنِجِأّرهِ ع«لَ أّبِوِوِهِأّ مََّسأّأّمَيِّر

[الحمدان]

لاصرت ترمي لك جبل غلطةٍ منك
وامرٍ طبيعي لارميته تصيبه

بلاه كبره وانت محدٍ درا عنْك
يزداد هيبه وانت تزداد خيبه


الشاعر الكويتي
حمد السعيد

[الحمدان]

لا جزا الله حمامه فوق الأبراج ناحت
أشغلتني ولا أدري وش بلاها تنوحي

سامره ليلها في بِرجها ما أستراحت
لو هي تندب لها حيٍ لزومٍ بيُوحي

ذكّرتني ليالٍ بأول العمر راحت
قبل تظهر مغاتيرٍ بوجهي تلوحي

أه يافرصتي ضيّعتها يوم ناحت
أحسب إن الليالي الممتعة ماتروحي

كبدي اللّي تشادي دلّةٍ يوم فاحت
سَج عنها المقهوي فوق جَمرٍ تفُوحي


شعر: سليمان الهويدي

[الحمدان]

أنا الذي شفت البـلاوي وصديـت
ومن باعد الصدات قلّـت شطونـه

ماني ونا بندر بهيـت ولـد هيـت
هيـت يجامـل خمـة يكرهونـه

من كثر ما جربت واقبلت واقفيـت
قولك هلا لمن لا يـودك مهمونـه

والله يا لولا قول يا رجـل زليـت
لاعـد شـي مـا ترقـع شنونـه

سلط على النصراني اللي لقى الزيت
ياعل نبع الزيت يعمـي عيونـه

لولاه تحتـاج المراجـل شفاليـت
تحتاج شي يقصـر النـذل دونـه

عزب على الفرجه وقطع الخلاليت
حتى عيال البـوم مـا يقطعونـه

ثلاث مـن كـل المعانـي تنقيـت
اللي بقـى كـل المـلا يقدرونـه

مابي جزاهن غير من خالق البيـت
عن مالهـن للنـاس مـا ينفعونـه



بندر بن سرور

[الحمدان]

‏من لا يداري خاطرك لا تداريه
‏بعض المدارى لـلخواطر مذله
‏
‏كم واحدآ تتعب على شان ترضيه
‏ويصير ظنك فيه ماهو محله
‏
‏والصحبه اللي من وراها مشاريه
‏احظر تجامل صحبته رح وخله
‏
‏عليك باللي كل ماحل طاريه
‏كلمة نعم تنساقله وتحصله
‏

[الحمدان]

‏يالله عسي بيت الكرم والمواجيب
‏يبقي عزيز وشامخات(ن) ركونه
‏
‏بيت الذي به منقع الجود والطيب
‏للضيف والمحتاج واللي يجونه
‏

[الحمدان]

‏صحيح ماندري عن الي يكنّون
‏ولحدٍ عـن قلـوب الأوادم تـنّبا
‏
‏مهما الليالي تستر اللي يخبّون
‏تبــدي لـك الأيـام شيٍ مــخبّا

‏

[الحمدان]

‏احوالنا ماهي بدايم على دوك
‏ولا لــقيـنـاهـا بكـار ٍ حــلايــب

‏ناخذ قروض بنوك ونسدد بنوك
‏واحيان ماتقضى يكون بطلايب

‏ونصبر ولوقدنا من الحملة بروك
‏ونقوم ولو تضلع خفاف الركايب

‏يابوك انا في حكم الايام مملوك
‏مره تزين ومرتينٍ غلايب

‏سعيد بن مقبل

[الحمدان]

‏لو ابجادل بالزمن كل هرّاج
‏قللت من عرفي ونزلت قدري
‏
‏واليا بلاني بالسواليف هلباج
‏سلّكت له واللي بصدري بصدري !
‏

[الحمدان]

‏العسر معه اليسر والصبر بابه
‏ولا يقطع الفرجه ضعيف الأشاوير

‏والمرجله جوٍ تطارد سرابه
‏عليه من صلفات الأريا معاصير

‏ما يقطعه كود أبلجٍ ينغزا به
‏اللي يوردها على جمة البير

‏على خويه غشنةٍ من سحابه
‏وعلى عدوه قطعةٍ من زمهرير

‏‌

[الحمدان]

يانعمة النسيان يارحمة الله
لولاك أنا عزاه وش كان سويت

لو أذكر اللي كان دقه وجـله
مـاكان سـاعة في حيـاتي تهنيت

لولا أسلي خـاطر جـاه عله
وأرتاح لين أرسلت بعض التناهيت

لاضعت بالنسيان وقتل يدله
وليت ياوقت العنـا كيف عييت

خل الفكر يرتاح والقلب خـله
في غيمة النسـيان يلقى بها بيت

اسج بعض الوقت وماهو بكله
وأعود كني ماعن الحـال سجيت

وأشوف كلش ثـابت في محلـه
عن واقع الأيام ماكنــــي أقفيـت

هذا ضحى شمسـي وهـذاك ظله
والليل رعشة سـاليات المواقيت




الأمير خالد الفيصل

[الحمدان]

على الله تكلت الشون كلـه وانـا لله
من الراجعون إليـه بالعـز والذلـه

الله يقطع الحاجه ومشي بلا مشهـاه
والله يقطع اللي كل من قاربـه ملـه

والله يقطع اللـي لابغينـاه مانلقـاه
والله يقطع اللي لا صفا ماصفا كلـه

سلامي على حثلان واللي مثل شرواه
اي والله ثم اي والله ويقفاهم اي والله

أنه مسند الأصحاب في وجه ولا جاه
وانه اللي خلقه الله على طبع وجبله

لعل الله يعطـر قبـر شايـب ربـاه
ويعطر قبر من علقت ميـزب شلـه

لولا الله تعالى بعض الأحيان ثم لولاه
غدينا جفيـر لا نصـاب ولا سلـه



سعد بن جدلان

[الحمدان]

صنايع الجُمل والمعروف دين السَلَف
ومن تسلَّف قضاء بالالف مثله الوف

بعض الصداقات ماداعي عليها الأسف
والعابره ماعليها لو تولِّي حسوف

وداعة الله ياصحبه سببها الصدف
ظروف قد جمّعتها وابعدتها ظروف

صحبه تشوف المصالح عندها اكبرهدف
لها العمى ياجعلها عمرها ما تشوف

ماصحبه إلا على مبدأ وفيها شرف
فيها الوفاء ساعة الحاجه تشب النكوف

في نصرة الحق من ظالم شديد الصَلَف
في دعم مظلوم يلقى كل يوم الحتوف

ذيما لها ساس ماكن فالوسط والطرف
تطيح الاركان واتهاوت عليها السقوف

وماسقط من نجوم البرد ينقص و خف
وتكتسي كل حدباء من وَبَرها و صوف

ومن تجمَّل لقي جُمله مع اهل النصف
الوقت دوَّار وايام الشدايد تطوف

[الحمدان]

‏لاصرت مستانس وعايش حياتك
فلا عليك من العرب وش يقولون !

إكسب رضا الشيبان وإحفظ صلاتك
ومالك ومال الناس صاحي ومجنون!!

[الحمدان]

‏ياللي صنعت الجهاز اللي يغسل الكلى
ليتك صنعت الجهاز اللي يغسل القلوب

قلوب بعض العرب مرضى و فيها بلا
يجمّعون الهروج العوج من كل صوب

[الحمدان]

ناسٍ بدون اسباب تلقى جفاها
يا كثر ما شفنا من الناس مرضى

سود الليالي علمتني غثاها
مهما تسوي طيب .. ماعنك ترضى

[الحمدان]

‏ياما وقفت بوجه الأيام ماطحت
‏ وياما وثقت بناس والناس طاحو
‏
‏ مشيت بالدنيا وتعلمت وارتحت
‏ اهل المصالح لاخذوا شي راحو

[الحمدان]

‏قفلت بيبان العتب والمشاريه
‏وفتحت بيبان الرضى والكرامه

‏اللي يجينا جعل ربي يحييه
‏ومن صد مانكثر عليه الملامه

‏اكثر كلام الناس ما كني اوحيه
‏بعض التغافل طيب ماهو رخامه

[الحمدان]

‏ياسعود مايجرح الرجال ويهمه ..
‏الا الخطأ والجفأ والغبن والحاجة
‏
‏واخوك ماهوب شرط انك جنين امه
‏اخوك من لا ضهدك الوقت تحتاجة
‏

[الحمدان]

‏اليا بدا النقص في حالي وفي مالي
‏ على كثير العرب ،، ماني ،، بـ متجري
‏ً
‏اترك ملايين ،، وانصى واحدٍ ،، غالي
‏اما قضى لازمي ،، ولا حفظ سري

‏سفر الدغيلبي

[الحمدان]

‏ياقدرة الله والصدف والمعاوين
‏صار الزعل ومعاتب الخلق موضه

‏يشوف حاله صح والناس مخطين
‏ومـن لا يطاوع رايـه الله يعوضه

‏من لا هداه الله على المنطق الزين
‏ضيع مقاسيمه وشانت حظوظه

‏حنا ترانا يا ابيض الوجه صاحين
‏درب الخطا والهيـنه مانخوضه
‏

[الحمدان]

‏رغم خيبات الظنون اللي تهد الطاقه
‏الامـل بالله كبير و رحـمـته تكفيني
‏
‏رحمة الرحمن لاجت للبشر منساقه
‏تبهج نفوس ٍ عناهـا صـايرٍ روتيني
‏

[الحمدان]

‏غفلت عن عمري وسايرت الأيام
‏والعمر مثل العصر والعصر فوات
‏
‏وكسبت من كثرالاماني والأحلام
‏حلمٍ تعلق لا تحقق ... ولا مات
‏
‏‌

[الحمدان]

‏العذر يقبل لاحصل فيه تبرير
‏من الرجال الي صريحن هدفها

‏وفي كل شيء قد تجوز المعاذير
‏الا على اعراض الرجال وشرفها !!

‏‌ عبدالرحمن بن بديع

[الحمدان]

‏من بغى فزعة رفيقه في نهار الشده
‏لا يقصر في لزومه لا بداله حاجه

‏من حفظ قدر الرجال الرجال تعده
‏لاوطاه الوقت يبشرمايضيق حجاجه

‏الوفاء عند العرب ..عودٍ يذعذع نده
‏باقيٍ دام الجمايل.. نارها وهاجه

‏مع هل المعروف كفك بالجمايل مده
‏بالوفاءوطيب العلوم الغانمه ومواجه

‏ضيف الله أباالعون

[الحمدان]

وطن عظيم وشعب مخلص وقاده
‏وأرضٍ عَلَمْهَا غير عن كل الاعلام

أرضٍ عليها صارت أطهر ولاده
‏أرض النبي وأصحابه الغر الأعلام

أرض الرسول وعمر وأبو قتاده
‏منها سطع نورٍ غشى الشرق والشام

واليوم أخو نوره وهذي بلاده
‏المملكه حضن العرب قلب الإسلام

‏يقودها وأنعم بها من قياده
‏خادم بيوت الله وللأمه إمام

‏سلمان سلمان العزم والإراده
‏أعظم ملوك الأرض من عرب وأعجام

هو امتداد ابوه وانت امتداده
‏للدين خدامٍ وللشعب حكام

بك سطوة معزي وبك من سداده
‏عبدالعزيز الملهم الصارم الهام

كن المؤسس جا على شكل إعاده
‫نفس الفكر نفس الشكل نفس الأجسام‬‬‬

وشابهت تركي هيبته واجتهاده
يومه على شان الحكم حث الأقدام

هذا الإمام اللي له العفو عاده
‏تركي ابن عبدالله بسِلم وخصام

والله جمع لك بين ملك وعقاده
‏وشعب تحيزم فيك وأنت أطلق حزام

فاخر ومثلك يفتخر في اجداده
‏واحد بنى دولة وواحد فخر يام

‏جدَّك معزي فوق صهوة جواده
‏أسس كيان وملك في عدة أعوام

‏وراكان جدك وأنت وارث شداده
‏ومن مثل ابن حثلين فارس وهَمّام

‏خوالك الحثلين شيخة وسادة
‏بيت المفاخر والبطولة والإقدام

يمضي بنا محمد بعزم وجلاده
‏للمجد ويسابق بنا بيض الأيام

كنه يقول لمن يبون انتقاده
‏قدام يا بيض المقادير قدام

خليتو الفاسد يعيش النكاده
‏يدفع وهو صاغر ثمن ذيك الآثام

حنا نشوفك حلم حناه مداده
واصل الحقايق كان مجرد أحلام

رؤياك مستقبل وطن واستفاده
‏من كبرها تصعب على بعض الأفهام

‏ونستبشر برؤياك خير وسعاده
‏ونشوف واقعها حسابات وأرقام

‏بلد على البترول كان اعتماده
‏تعددت مصادره بس في عام

‏رفعت من شان الوطن واقتصاده
‏في كل درب إصلاح لك بصمة إبهام

‏ذي غرسة محمد وهذا حصاده
‏وهناك أثر كفه على وجه الإجرام

‏حرب على الفاسد بليا هواده
‏وحرب على زمرة سفهاء الأحلام

‏وعلى المخدرات أعلنت حرب الإباده
‏يـخـوضـها بـأمـرك عسـاكـر وخـدام

‏خل البلد يشفى وينظف زياده
‏مثل الجسد لا عالجو منه الأسقام

‏واللي عن اليمّه تشوف ابتعاده
‏اجتث من راسه بيمناك الأورام

‏قد قلت لن ينجو أحد من فساده
‏ونفذت ما قلته على الخاص والعام

‏خلـيتو الفـاسد يعيش النكاده
‏يدفع وهو صاغر ثمن ذيك الأثام

‏هـذي نـتايـج رؤيـته واعـتقاده
‏أصبح سموه للعرب مصدر إلهام

لكم على الدنيا وأهلها سياده
‏وبارقابنا بيعة لكم والعهد تام

حنا فتيل الحرب وانتم زناده
‏اقلط بنا وابشر بنا درع وحسام



معالي الأستاذ
سعود بن عبدالله القحطاني
“ضاري”

[الحمدان]

ياحلو مدري ياحبيبي ياحبيبي ياحلو
من باب دافع الاشتياق اللي تبي منها اختره

إي والله احبك وصايبني على حبك غلو
اشد من غلو التزام الدين عقب الهستره

الناس شدوا من محل الجهل الأول ونزلوا
في دار كل ينقل أقلامه وينقل دفتره

اليا عطاك الله قبول الناس يمك لااقبلوا
ابرك من اللي لاعطيته وجه يعطيك اظهره


سعد بن جدلان رحمه الله

[الحمدان]

نطوي مع الأيام عـام ٍ ورا عـام
وتمر ساعات الفـرح فـي دقايـق

أيام راحت بالعمر مثـل الأحـلام
يوم ٍ بهـا زعـلان وأيـام رايـق

درست من دنياي وأتعبت الأقـدام
وبدلت عن بعض الطرايق طرايـق

وكفخت بأفكاري كما الطير لا حام
وما عاقني عن ماكـر العـز عايـق

يا صاحبي خذني معك سيف وحزام
وياك في وقت الرخـا والضوايـق

وترى البشر يا خوك منقسمه أقسام
بين الردي والطيب شفت الحقايـق

لقيت من صلى وزكى ومن صـام
ولقيت من هو لأقرب النـاس بايـق

ولقيت من قلبه حقـود ٍ ونمـام
ولقيت من قلبـه يعـز الرفايـق

ولقيت من يبني الأمل فوق الأوهام
واللي يموت ولا يعـرف الاالعوايـق

ولقيت من يملك بساتيـن وأنعـام
واللي من الحاجة ينـام متضايـق

الله خلق هالخلق سـادة وخـدام
ذي دبـرة الرحمـن رب الخلايـق

وآخرك يابن آدم ترى قطعة الخـام
أمـراً أكيـد وما يبيلـه وثايـق

يالله عسى ما أكون قطاع الأرحـام
وعساي من عقب القبر في حدايـق

جاك الكلام وخذ معه بصمة إبهـام
إن العمـر كلـه مجـرد دقايق




مطلق الثبيتي

[الحمدان]

ياللي بحاجه .. للتجارب والدروس
بعطيك درسٍ دوّنه في صفحتك

الصحبه اللي تشبه أوجاع الضروس
مابين يوم ويوم ... تقلق صحتك

هي صحبة أللي لايراس ولا يروس
حذراك منها كان .... تبغىَ راحتك

[الحمدان]

بعض المشاريه* مدري*وين اوديها
مبادي* الذوق* ...*عيت* لاتحملها
،،
مكانها* الصح** تبقى* عند* راعيها
اسوقها * لين* تبرك**في* محاملها
،،
اللي*يخم**السوالف*ثم* يخطيها
شرهاته* العوج**والله* ما نجاملها
،،
سلم* على* اللي* مواجيبه**يبديها
واللي ماهي واجبه يمشي ويهملها

ضيف الله أباالعون

[الحمدان]

عودت نفسي ما تحسف على شي !
لو كان غالي ارخصه لنهِ قفا

من عاش بالظلمة ترى يكره الضي
وأنا بوسط الليل صرت أتخفا !

خلف السراب اركض , أدور على في
ما مال لي ظلٍ ولا نلت شفا

داويت جرح القلب مجبور بل كي
كود اللهيب إلي تزايد يخفا

زودت في ضيمه تعذب وهو حي
من حسرتي صكيت كفٍ بكفا

خسران في دنياي لا ذي ولا ذي
طال العنابي لين كفا ووفا

يا زينها الظلمة ولو ما بها شي
يكفي أألف من خيالي وصفا

بنات فكرٍ جافله تكره الغي
يلها بها الشقيان لا يستخفا !!

الشاعره نبض الحيارى

[الحمدان]

‏لاتحرق أعصابك وتجرح مشاعرك
‏اللي مضا ماهو على الكيف راجع

‏هون على نفسك وريّح الْ خاطرك
‏ترى الهموم تزيد كثر المواجع

‏مافات فات و خل همّك بحاظرك
‏واصل طموحك وانتبه لاتراجع

‏وسارع لفعل الخير والرب ياجرك
‏والصبر وقت الضيق لك حل ناجع

‏‌ سعود عايد الحربي

[الحمدان]

تدري متى يلعب بك ألفين وسواس
وتحس نفسك فاهم الناس توّك

اليا ظلمك إنسان كان أقرب الناس
وأنصفك شخصٍ تحسب إنه عدوّك

[الحمدان]

‏الذكريات بكل الاحوال تشقيك
‏مافيه روح من الحنين استراحت

‏تحزن على ذكرى حزينه تبكيك
‏وتضيق من ذكرى جميله وراحت

‏

[الحمدان]

‏ما يلحق التقصير عزمي وباسي
‏لكن ظروف الوقت عيّت ترفق
‏
‏ما عاد ابي عقل الذكي والسياسي
‏اليوم ابي حظ الغشيم الموفق

‏

[الحمدان]

‏من طبعنا نسمع عبارات الاعجاب
‏ونشكر مصادرها بعرف ولباقه

‏لكن بعضهم لاسمع بعض الالقاب
‏لو يحصل له ضافها بالبطاقه

‏‌

[الحمدان]

‏والله لو نتبع من الناس زلات
‏لا غير نبقى بالمجالس وّحدنا

‏لكن نصد ونحتفظ بالعلاقات
‏ونبقى على الخوّه ونوفي وعدنا

‏وصدورنا مثل الفجوج الوسيعات
‏وعن الدروب الغانمه ما ابتعدنا

[الحمدان]

‏حتى معاديك لا تفرح بهفواته
‏خله وتلقى كلامه يشبه سكوته

‏الادمي عمره اقصر من عداواته
‏يكفيه عايش ولا يدري متى موته

[الحمدان]

‏غفلت عن عمري وسايرت الأيام
‏والعمر مثل العصر والعصر فوات
‏
‏وكسبت من كثرالاماني والأحلام
‏حلمٍ تعلق لا تحقق ... ولا مات
‏
‏‌

[الحمدان]

‏تعايش مع العالم وتسلم من الاحراج
‏وبعض العلوم التافهه لا تكبرها
‏
‏ودور لزلات المعرب مية مخراج
‏وزلة ضعيف الرابعه لا تعبرها
‏
‏وترى من يبيح السد ياطيب المنهاج
‏مثل مشتكي ظروفه لمن لا يقدرها
‏
‏ احمد ال سليم