فوق هام السحب ( الشعر الشعبي) على متن القوافي

[الحمدان]

لو تموت المحبه ما تموت الطيوف
دام طبع الطيوف أوفى من أصحابها

‏الحبايب حبايب لو تخون الظروف
‏ما تخون الحبايب عشرة احبابها

....

[الحمدان]

لا زاد ظلم الزمـان وكثـرت أوجاعه
‏بـالعزم والصبـر والحكمـه نعالجها

‏مالي ورا الناس لا مطلب ولاحاجه
‏أرفـع يـدينـي وأقـول الله يفرجهـا

....

[الحمدان]

أسج من ضيقتي والناس متجمعه
والنفس ماتعلم العالم بحالتها

والله مابه صديق أصدق من الدمعه
تشارك النفس ضيقتها وفرحتها

....

[الحمدان]

ان صدوا الناس لاتحـزن على حالك
العيب ماكان في طبعك ولا أسلوبك

اسمع كلامــــي وحطه زين في بالك
اللي يحبك يحبـك انت وعيــــــوبك

خلك نجم لو خفاك الغيـــــم ماطالك
لابد ماتلتفت ارقابهــــــم صوبك

....

[الحمدان]

ً
‏يا جمال الصمت في عز الكلام
‏ويا جمال الكلمه اللي في الصميم
‏
‏ان لزمت الصمت ما تلقى ملام
‏وان حكيت المختصر وضعك سليم

....

[الحمدان]

‏لا صار طبعي يا أبيض الوجه دمّاح
‏لا تحسبني ميت القلب والروح
‏
‏بعض الخطايا موجعة كنها رماح
‏وبعض الخطايا تاخذ شوي وتروح

....

[الحمدان]

‏ترى التواضع يجعل الشخص غالي
والكبر شين وعادته يقتل الحي

ناسن تشوف نفوسها بالعلالي
والواقع الملموس تطلع وﻻ شي

....

[الحمدان]

ستر المواجع داخل القلب راحه
لو يمتلي صدري بها ماتكلمت

ما هو جديد القلب يخفي جراحه
ولاهو غريب الضحك مهما تألمت

....

[الحمدان]

كامل الزين من حقّه ليا شاف حاله
وإن تغطرس على جيله من ابسط حقوقه

لا مشى ما مشى الا ماخذٍ راس ماله
وان قعد قعّد الحلوات والسوق سوقه

من غروره يمشّيها على ما بداله
كن ما الارض تحته والسماوات فوقه

....

[الحمدان]

ياكثر ماشفنا من الناس غلطات
وصدورنا من فضل ربي وسيعه

نقدر الصاحب وننسى الذي فات
ماهو ضعف منا ولكـن طبيعه

....

[الحمدان]

لابدها ياسعود بتغيب شمسي
ذي سنةٍ رب الخلايق فرضها

و لعلها حريتي بعد حبسي
و لعلي ألقى عند ربي عوضها

البدر

[الحمدان]

أنا بدوي ثوبي على المتن مشقوق
ومثل الجبال السمر صبري ثباتي

ومثل النخيل خلقت أنا وهامتي فوق
ما اعتدت أنا احني قامتي إلا فـ صلاتي

البدر

[الحمدان]

‏ماكلّ غايب عن عيوني فقدته
‏و ماكل شخص القاه يستاهل اغليه

‏مـن بعْد ما قلبي شقيته وعدته
‏ما يسكنه غـير الّـذي يعتني فيه

....

[الحمدان]

جعل صبحً فيه من وجهك قبول وطيبه
‏ مايجيك بيوم ماوجهه يشابه وجهك

‏انت شي لجل عينك كل شي اصخيبه
‏حتى فرحة خاطري لا جاتني تتجهك

....

[الحمدان]

‏انا الطرقي اللي ماذخر للزمن مخباه
‏زهد في زهابه .. من رغيفه ليا تمره

‏رهن مابقى لأحبابه الوجه قبل الجاه
‏بعد ما استخار* وسلّم براحتيه امره

‏كريم الشعور ادناة حاجه تجيب اقصاه
‏وكثير المسامح لا ابتلوه ابتلى عمره

....

[الحمدان]

‏كنت ابتسم وافرح وانا ماتكلّمت
‏لـ الطاري اللي هامته ما توطّى

‏ياوجهٍ آغوتك الظروف وتلثّمت
‏مثل السنا اللي بالسحاب يتغطّى

‏الذكريات آمرّها بعدك بـ صمت
‏كنّي على أعتاب القبور آتوطّى

‏البارحة ذكرتك وما تبسّمت
‏يبدو علي إني بديت آتخطّى

....

[الحمدان]

‏أنا حالف لو كنت تحت اللحد مانساه
‏ولا أجوز من حبه ولا أطرّي التوبه

‏و مع حزة الغيبه توادعت أنا وياه
‏قفّى وأنا قفيت والقلب قفو به

‏وعيني تهل دموعها يوم وادعناه
‏ولا باقي إلا الجسم والقلب راحو به

‏وأنا يالطيف الرّوح روحي تراك دواه
‏مريض الهوى ماينفعه كود محبوبه

....

[الحمدان]

‏مل كبدٍ ما تقاوم الى زاد الحنـين
‏مستواهـا فالمناعه عن الفرقا صفر

‏يمتحنها* بـ التناهـيت وانواع الونين
‏السفر لا بـارك الله في طاري السفر

‏اخ ياحر الموادع على جاش الحزين
‏لاغدت فرقا المحبين ما منها مفر

....

[الحمدان]

‏في سكوتك يحاصرني فضول
‏ودي أسرق كلامك وأنتشيه

‏كل ما جيتني قلبي يقول
‏أرحب وسَم وش تامر عليه

....

[الحمدان]

يا حلم وقفني على باب الأحلام
‏دقه وقول ابطيت واشتاق واشتقت

‏حناجر سنيني بكت هدر الأيام
‏ياحلم وين المشكله لو تحققت

....

[الحمدان]

‏ِ
‏الصمت حكمة والمجادل وجع راس
‏والمســتريــح اللـــي كـــلامه مقنن

‏ما يتعب اعصــابه ولا يزعـــل الناس
‏يخـــتار مــن ذرب الحكـــي ويتفنن

‏هرجــه ومنطــوقه على عقله قياس
‏ما هـرجـــة العقّــال مـــثل المجنن

....

[الحمدان]

‏سيدي .. ماعاد عندي كثير ولا قليل
‏هانت النفس العزيزة لجل محبوبها

‏استبح حرمة غروري جعل عمرك طويل
‏والجروح الي تجي منك في ماجوبها

‏إنهـزمت وقلت احبـك وهذا أكبر دليل
‏مايهزم أكابر القوم غير قلوبـها

....

[الحمدان]

‏رجع على طبعه وعفته وصديت
‏طبع الردي ما يستحي لو حشمته

‏جاني بوجهً غير وجهه وهليت
‏هقيت فيه الطيب واثري ظلمته

....

[الحمدان]

‏الليلة الحزن لو شفته يبين عليك
‏ما عاد عندي مشاعر قابله للبذل

‏عادي لو اعيش جرحٍ من فعايل يديك
‏ولا اني اعيش اصايد شف قلبٍ نذل

‏على مشارف حدود الياس مت احتريك
‏و تركتني لجل كلمه في طرفها عذل

‏لا عاد تمّل على قلبٍ جرحته يجيك
‏خذلت لك واحدٍ ما يستحق الخذل

....

[الحمدان]

صاحبي مني و انا من صاحبي
ما تفرقنا الشدايد و الصعاب

إن ضعف عزمي و قف لا جانبي
و اسنده و احميه لو حد فيه عاب

واجبه نحوي و نحوه واجبي
من فزع ما جف ريقه و اللعاب

....

[الحمدان]

‏يالله توسّع خاطري دامني حي
‏وتجعل هناي وراحتي في صلاتي

‏يارب مابي خاطري يكسره شي
‏ابيك تسعد ما بقى من حياتي

....

[الحمدان]

النيه الطيّبه مــن طيـــب منبعهـــا
وكلّن على قدر طيبه يسرج خيوله

مـثل القصيده يدلّـك طيب مطلعها
عنها وتبقـى بكل لسان مقيوله

....

[الحمدان]

‏أحرص على الكلمة والمنطق الزين
أكسب رضا نفسك ولاتجرح النـاس

بعض الكلام أثقل من الهم والدين
يقطع غصون الود والغصن حساس

....

[الحمدان]

مرحبا يا نادر الوصف يابو المُغريات
‏انت مخلوقٍ من تراب ولا من زهر

‏ينكتب في قدك الزين عشر معلَّقات
‏ومن زعل يزعل وجعله يطق من القهر

‏ووجهك المملوح يحرق كروت الفاتنات
‏والعيون الناعسه حسن ولا من سهر

....

[الحمدان]

ابوك في صغرك على العز رباك
‏على امل توفي له الدين كله

‏ان كان ما رديت له بعض ماجاك
‏على الاقل في سمعتك لا تذله

....

‏

[الحمدان]

‏الظن يوجع راعي الظن لا خاب
‏والنفس لا طابت من الشي طابت

‏عز الله ان الجرح يبطي ولا طاب
‏والمشكله لا عافت النفس عافت

....

[الحمدان]

ترا الوفا والصد كله توافيق
‏ونفوسنا شافت كثير وعافت

‏مانزعل لمنهو نسانا عقب ضيق
‏الناس تنسىٰ علاجها لاتشافت


....

[الحمدان]

‏تغِيب وتـترك في خـفـوقي متاهات
وكل يوم يمضي يتعب الشوق صبري

احاول اسلى وانسحب عنك بسكات
وكل ما نويت انساك بالبال تطري


....

[الحمدان]

‏الناس والدنيا منازل بلا ساس
رحيلها وان طولت مقتفيها

هذي هي الدنيا وهذي هي الناس
خسران من علق هقاويه فيها

....

[الحمدان]

‏الرجل يتعب مع دروب المناعير
وإن عدوا القمة خذا الرقم الأول

وألا بعضهم مثل شغل الأصنصير
أليا همزوة الناس جاهم محول

....

[الحمدان]

ترى جمال الشخص في حسن الاخلاق
وشخص ٍ بـدون اخـلاق مـالـه محبـه

لو تختلف عند البشر بعض الاذواق
تلقـى خفيـف النـفـس كلن يحبه

....

[الحمدان]

هناك من نقابلهم صدفه ولا ننساهم
هناك من نعيش معهم ولا نراهم
هناك من نشتاق لهم ولا يشعرون بنا
هناك من يشتاقون لنا ولا نشعر بهم
هناك من نفقدهم وهم بيننا
و هناك من نفقد أنفسنا ونحن معهم

[الحمدان]

‏من يهمه حضـوري يسعد الله نباه
ومن لا يهمه حضوري مرحبا به هلا

وانت يَااللي وجـودك يلفت الانتباه
من وجودك ياعساني يَاالغلا ماخلا

....

[الحمدان]

لا تتميز شخصية كل شخص بمقياس المظاهر

لا ينفع التظاهر والتباهي مع جوهر الانسان

هناك مظهر يلفت النظر ولكن محتواه فارغ

وهناك محتوى مملوء بالعطاء ولا يلفت النظر

قوة الشخصية تتميز بالنفس وليس باراء الاخرين

[الحمدان]

رَقِيقٌ وعَذبٌ لَا أملُّ حَدِيثَهُ
وإنْ غَاب عَن عَينِي فَـ فِي القَلبِ حَاضِرُ
رَعى اللّه صَديقًا لو مَشى
في الروحِ ما أثقَلها رَفيقٌ رقيقٌ
خَفيفٌ كأنّ لا ظِل لهُ

[الحمدان]

مرحبا بالي حضوره سر بالي
‏له معزه وسط قلبي يمتلكها

‏الغلا له وسط قلبي دوم غالي
‏له محبه وسط شرياني شبكها

....

[الحمدان]

‏بعض البشر طبعه مقدر ومحشوم
‏وبعض البشر عيبٍ عليك احترامه

‏اللي ستر عيبه عن الناس بهـدوم
‏وش يستره لاصار عيبـه كلامـه

....

[الحمدان]

‏الله اللي حط في قلبي غلاك
والله اللي ميزك دون البشر

لو طلبت العمر ياعمري فداك
انت بس اطلب ويفداك العمر

....

[الحمدان]

‏خاويت بالدنيا خلايق وفارقت
‏انا الوحيد اللي لنفسي بقالي

‏ماني بمحتاج البشر لاتضايقت
‏اقدر اكمل نص عمري لحالي

....

[الحمدان]

اومن برب العيون الناعسات الوساع
‏سلهامها ياخذ العشاق لـ ابعد مدا

‏سهوم نظرتك ما يقدم عليها شجاع
‏حتى لو انه من اللي ينطحون العدا

‏لعيونك معرضٍ عمري لـ درب الضياع
‏واللي بقى منه واللي راح جعله فدا

‏احنك من الوداع ، ومن جروح الوداع
‏مثل ما احن الرفيق الطيب من الردى

....

[الحمدان]

عادتك ما تترك لغـيرك مجال
‏يختفون الكل اذا نـجمك لمع

‏يضربون بنـورك الطاغي مثال
‏منزلك عالي وشانك مرتفع

....

[الحمدان]

وين اجي وين اروح ادعس على النار وانوح
مابقاء لي طموح الوضع دمر طموحي

الليالي عناء وجروح والحلم مذبوح
ارثي الواقع المجروح او اعصب جروحي

يختلف ياسفينة نوح من روح لا روح
لو يكون العطاء مسموح لا اعطيك روحي

....

[الحمدان]

‏من ذاق حبك ياغلا الروح ماتاب
‏يبقي سنين العمر لاهي وعاصي
‏
‏وعن حب غيرك قافل كل الابواب
‏يذوب في حبك بنوع اختصاصي

....

[الحمدان]

‏متل القمر واجمل من اطلالة الشمس
والقلب حـدد فـي غرامـك مصـيره

بيني وبـينك حاجز بشاشة اللمـس
الــعيـن تبـصـر والايـادي قـصـيرة

....

[الحمدان]

‏ياوقت مآني طآمع في عطآياك
لآ دامـت الدنيـآ ولآ نيب دايـم

الله يجمّـل سيرتي وأتعـداك
للجنه اللـي من كبـآر الغنايـم

....

[الحمدان]

جتني تمشى تجر الثوب خجلانه
تقول لولا الغلا ماجيت انا يمك

قلت ارحبي يامنى قلبي وشريانه
دام الغلا ساري في دمي ودمك

....

[الحمدان]

ناديتني وقلبك بالشوق عامر
وجاوبتگ بصوتي العذب لبيه

لبيه ياللي في بحور الهوى تامر
لبيه ياقلبن بقلبي واخاف عليه

....

[الحمدان]

بعلمك وش داخل الصدر واهديك
بيت على بحر الأحاسيس موزون

يومي ليا منه إبتدا وانتهى فيك
إي والله اني اسعد إنسانه بالكون

....

[الحمدان]

ما دريت أن القلوب العاشقه حسّاسه
ليـن من وثـق قيادي حطني في كمّـه

شالني والحب ذعذع وأحتمی نسناسه
و العهـد بينـي و بينـه مـا تبـور الذمّـه

واحدٍ طوّع عنـادي قبل أليّن باسـه
و الجـوارح كلبوهـا بـ وصلتهـا يمّـه

أتجمد فوق صمتـه وأحترق بأنفاسه
وأتبخّـر من هيـامي و أنثـره و المّـه

....

[الحمدان]

إن جيت كنّي جيّة المنفلت لا ثار
وإن رحت كنّي غفوة الذاهن الراقد

إن شفت نفسك حاجه نادرة تكرار
أنا الحاجه اللي مالها لك بدل فاقد

....

[الحمدان]

يا وجودي كل مارحت بـ لحالي
كل قـااعٍ جرهديّـه غدت كنهـَاا

جفرةٍ ما دوننهـا عِرق ورمالي
طامنه حتتى الذعاذيع تدفنهـَا

....

[الحمدان]

احبك ومن حبك خسرت اقرب الاصحاب
اذا عاتـبوني فــيك وعـتابهم مــابيـه

احبك وﻻ تسأل حبيبي عن الاسباب
انا لو اعرف اسباب حبك قدرت انهيه

....

[الحمدان]

رحنا وجينا وصار الصبر مثل السلاح
‏ماعندنا كان ماطاعك زمانك طعه

‏نخاشر الطير لو انه يرفّ الجناح
‏ونسوق الاقدام ودروب النشاما سعه

....

[الحمدان]

هل السلام عليكم جايةٍ من سلام
ناسٍ تسلم علي والكره في عيونها

ترى العدو المبيّن يستحق إحترام
العله اللي عداوتهم يخشونها

وأنا لو الكره يزعجني تراه اهتمام
حياتكم لجل كرهي لا تخلونها

تعبت أعلمكم إن الحب وإلا المقام
يعطيها ربي ماهم بالناس يعطونها

يا لايمي ماعليك ولا عليهم ملام
لـ أهل المعالي طرايق ما تعرفونها

السكته اللي على رضاها يدور الكلام
بدري عليك أنت وأمثالك تسوونها

....

[الحمدان]

الشوق يكبر وقدرك بالغلا يكبر
شف ودّك اللي خذاني وين وداني
.
من كثر ماشتاقلك وأغليك وأتصبر
قام يتلعثم حنين القلب بلساني
.
أخاف أبين مدى حبك و تتّكبر
وأخاف أبين صبر قلبي وتنساني

....

[الحمدان]

يا غناة القلب يا مدهل الصدر الوسيع
يوم صدر الشاعر الذرب محدً يدهله

جيّتك تكفيه عن جية العالم جميييع
قافل مخرج مكانك و قافل مدخله

انت شوفك خير و امطار و سيول و ربيع
و شوف غيرك مثل شوف الديار المضحله

....

[الحمدان]

سعد علوش يوم يقول عن فقدان الشغف

‏تمركّ العابرين وما تسلم عليك
‏إلا غريبٍ طوته الأرض بسنينها

‏قال أنت جالس لحالك تنتظر من يجيك
‏قلت انتظر نفسي اللي ما اعرف وينها

[الحمدان]

جعـل غصن مآ يذري ولآ تحـته مقيل
تحرقـه سـود آللـيآلي على دآفورهآ

رفقتن مآهيب توزن من آلوزن آلثقيل
بيعهآ بـأرخص ثمن لآتطآوع شورهآ

....

[الحمدان]

قهويت صدري من طواريك فنجال
وعيا الفــؤاد يرد فنجال طاريك

فنجال شوقن يشكي الحـال للحال
فنجـــــال مـــاينمد إلا لمغليك

....

[الحمدان]

ابلجٍ بـين الـكـرامه ودول ام البهار
‏مرحباه تسـابق ضـيوفه بـ تسليمها

‏رغـم فـقره كـل ليلٍ يقلط له فقار
‏وفيه هقوات المطاليق تاصل تيمها

‏للظفر فـ الرجل شاره وفـ وجهه شنار
‏قـبل يـنوي بـ الـعزيمه وفي تقديمها

‏لحيةٍ تـكريمها الـعود الأزرق والوقار
‏ولحيةٍ غير ازرق الموس وش تكريمها

....

[الحمدان]

‏الصبر زين وتالي الصبر الافراج
وخلك على درب التصبر مبادر

واليا تصافق حلم قلبك بالامواج
الله على تحقيق الاحلام قادر

....

[الحمدان]

يا جافي الغصّن لا تبكي على أوراقه
‏بعد البطى خل دمعك لانزل يرقا

‏خلّك مع اللي يحاول يصنع أشواقه
‏يتصنّع إن الهوى في خافقه يرقا

‏العام علمتك إن ما عاد لي طاقه
‏واليّا افترقنا ترى الفرقا هي الفرقى

....

[الحمدان]

على الطريق اللي نهاياته بدايات انطلاق
‏يبدا الخيال يعيش جوه والقديم يجدده

‏خلوني اخذ راحتي وارتاح من ضيق الخناق
‏محتاج لي سجّه تعيد الراحه المستبعده

....

[الحمدان]

‏مايموت الشوق واغصانه نديه
ولايموت اسم يھذري به لساني

يشھد الله كل ماتطري عليه
تسرح افكاري وأعيش بجو ثاني

....

[الحمدان]

ابرك الساعات ساعة وصـالك
‏وابرك الايام اللي فيهـا تـجـيني

‏افرح بقربك ولحظة إتـصـالك
‏لو ثواني بس ترا فيـها تحييني

....

[الحمدان]

الله من ضيقةٍ في الصدر ما تنشكى
إلا على الواحد الحيّ السميع المجيب

أبا تذيـكا عليها لو مامن ذكـى
لا تنكشف ضِحكة العدا وحزن الصحيب

وإن زادت الضيقه اللي تاليتها البكى
ببكي لحالي قبل لايبكي أقرب قريب

....

[الحمدان]

‏الشـوق لك وحـدك من بـد هـالناس
لك المشـاعر تــشتعل في خـفوقـي

الشوق يشعل جمرته صوت الأنفاس
ولا شب جـمر الشوق هليت مـوقي

عليك ياضبي الفـلا طـيب السـاس
الـي عـلى جــاله تـدفى عـروقي

....

[الحمدان]

‏تغيب عن عيني ولا غاب لك طيف
واسامح جروحك ولو كنت مخطي

ليتك تعرف الشوق في غيبتك كيف
حتى تعرف القلب وشلون يعطي

....

[الحمدان]

يـا مسـاء الخير يا كل الحضور
ويا مسـاء الطيب والورد وعبيره

المشاعر كلها ورد وزهور
وأنتم إحساس الغلا من كل ديـره

بقلمي

[الحمدان]

الصعب هلاّ قلت ياصعب سهلا
دامك تبيني فانت ياصعب شوقي

احب اعسف المهرة اللي تغلى
واحب اروض كل طرف يموقي

....

[الحمدان]

اتصالك عن وصـال الغيـر قانع
دام صوتك يشرح الخاطر سمَاعه

لا تخلّي فارق التوقيت مانع
والله أنه مرحبا فـ كل ساعه

....

[الحمدان]

انا تولعت بك ما عاد لي فكه
مـدري البلا منك ولا اني تبليتك

ما قلت احبك عبث والا عن الشكه
تبيني اقسم قسم بـ الله حبيتك

....

[الحمدان]

ياحبيبي ليه تزعل علي مالك دليل
لا تصدق كل علمنً يرد لك اخبره

انت عندي بالغلا والحلا مالك مثيل
من عرفتك ماملا العين في وزنك مره

لا تغلى وانت غالي من الوزن الثقيل
مايهز اجمل بنات العرب منك اشعره

....

[الحمدان]

نكتم شعور قلوبنا من حيا الروح
دام الامـانـي بالمحاني كثيره

أحيان نطـريها على البـال وتروح
وأحيان تطغى بالخفوق وتثيره

....

[الحمدان]

انـشــر لك إحـساسـي على شان تقراه
ماهو ع شـان تسوي اعجـاب وتروح

حبيت تعرف ماحــوى القلب واخفاه
وتفهم فديتك ماقصــدته في البوح

لك في خـفوقـي حب ياحب ما اقواه
ولك عشق فـينـي ساكن الروح ياروح

ولك في صميمي ود ما ودي انساه
ولك شوق دايـــم مسكنه داخل الروح

....

[الحمدان]

كتبت لك أعــذب الكلمات والحبر جف
واكملتــها ياهــوغŒ قلبــي بـ دم الوريـد

كلمات من نبـع وجـدانــي لإجـلك تزف
وكل كلمــة لها بـ القلـــب معنـغŒ اكيـــد

كأنهــا عـــقـــد من لؤلؤ ودر الصــدف
هديتي لك عـسغŒ يبقىظ° فــؤادك سـظ“عيد

أنتـي مرادي وانتي مقصــدي والهدف
وانتي حياتي ولا غـيرك لها القلب سيد

شرع المحـــبه على منهاج من قد سلف
حبيب لـ الروح ماقصدي فريسة وصيد

....

[الحمدان]

نطيح من عـين الردي ما بها عيب
ولا همنا لو قال ما قال فينا

مادام نسكن في محاجر هل الطيب
ومنزالنا فـ عيونهم وش علينا

....

[الحمدان]

من دون لا تفكير ولا سابق وعد
صارت علاقتهم مع دروب الجنون

صار الغزل مابينهم برق ورعد
وطير الوهم غـرّد على جـرد الغصون

قالت احبك قال انا احبك بعد
بس الحقيقة كل ابوهـم يكذبون

....

[الحمدان]

من شـد على يدك حـذاري تخليه
ولو فلتـوه النـاس حـطـه بقلبـك

ولو طال وقتك إحذر إنك تعاديه
ولا تجحد المعروف ان خفت ربك

الشخص يسقط حين تسقط مباديه
وأنته تـأكد من طـريقك ودربـك

مش لجل تعند وأنت غلطان تمشيه
إحسب حسابك بين شرقك وغـربك

واختار لك بين البشر من تخاويه
تلقاه في ضيقك وسلمك وحربك

....

[الحمدان]

قولوا لـ محبوب قلبي لعن ابو جـده
يـترك غـروره ويتـنازل يكلمـنـي

لي خمس ساعات وانا منتظر رده
لي خمس ساعات مترقب ومستنـي

قولوا له اني أهيم واهواه واوده
وانـي بـ حُـبه أجــــر الصوت واغني

ما همت في شخص لاقبله ولابعده
قولوا لـه الكبر لله لا يعذبـنـي

....

[الحمدان]

من البارحة بيني وبين الفراش هموم
إذا جيت ابرقد مرقدي مايدانينـي

كأن الشقا لي والعنا والتعب مقسوم
تبين علامات القهر والسهر فينـي

فلا ليلتي ليلة ولا اليوم نفس اليوم
أهوجس ولاأدري وين شعري موديني

شعوراً غريب وداخلي متعب ومحموم
تولعني النيران مرة وتطفيني

اشوف الوفاء بين البشر طابعه معدوم
وهذا علي يكذب وهذا يمـنينـي

ومن لايداري سمعته والحيا واللوم
كلامه ودمعه والبكا مايسليني

ذائقة

[الحمدان]

احساس يفرح وفيه احساس يوجعني
احترت اصدق احاسيسي واكذبها

مره شعورالغلا للشوق يدفعني
واحيان حس الجفا للنفس يمنعها

مع صوت لب الهوى اصوات تمنعني
كثرالاحاسيس وسط الروح متعبها

بالله من هوخبيراحساس يقنعني
أي الأحاسيس قلب الخوف يتبعها

....

[الحمدان]

‏يطول ليل المساء والشوق ياخذنا
‏في عالم الشوق وجدانه ووجداني

‏صحيح باسم الهوى ماقد تصارحنا
‏لكن كل واحدن ميت على الثاني

....

[الحمدان]

‏لا تخفي الشوق كانك في الهوى صادق
‏خل المشاعر تسولف عن هــوى قلــبك

‏صارح حبيبك ترا كتم الهــوى حــارق
‏ماهيب صـــعبة تـــراها كلـــمة احبك

....

[الحمدان]

أحيان أحسّك طيف من روح غالي
‏واحيان أحسّك روح والطيف فيني

‏مره اقول الدرب موحش وخالي
‏ومره احس ايديك تمسك ايديني

....

[الحمدان]

ابشرك لا زال قلبي ينبض
بالحب لك والشوق لك يملاني

الروح تواقه وعقلي يرفض
فكره محبة اي واحد ثاني

والعين تسأل والمشاعر تلفض
رغباتها كلمات من وجداني

تعبير يشرح لك ومعنى يوقض
ضمير قلب احساسك الانساني

من اجل لا تجبر شعوري يفرض
واقع وينسا كل من ينساني

....

[الحمدان]

يامنتهى الذوق كلمني وخبرني
‏عن صحتك ياأعز الناس وأغلاها

‏وعن زايد الشوق طمني وبشرني
‏وعن المحبة بقلبك كيف دنياها

‏حي الله اللي ملك قلبي وعذبني
‏على دروب الغلا والنفس يدراها

....

[الحمدان]

مدري على العهد يذكرني وفي باله
‏و إلا مع الخلق سج وصار ناسيني
‏
‏وأنا على العهد حافظ كل ماقاله
‏دايم على البال لو ماشافته عيني

....

[الحمدان]

‏مشتاق لـه ياطيـر والشـوق حامـى
‏الشـوق مشعـل فـى فـوادى شظيـه

‏والعـيـن مشقيـهـا قلـيـل المـنـامـى
‏مـا طـاب نومـك يالعـيـون الشقـيـه

....

[الحمدان]

‏الصبح ماهو بس شمس وعصافير
‏الصبح بسماتك وصوتك ونورك

‏يعني صباح الورد والنور والخير
‏مفروض ماتنقال غير بحضورك

....

[الحمدان]

‏يابحر خذني بين مــدّك والامــواج
‏اعزف نغم شوقي وهمسة حنيني

‏وارسم لخافقي مع الوقت مـنهاج
‏واخفي تعب روحي وصرخة ونيني

....

[الحمدان]

‏يامرحبا والعيون بـ شوفتك قرت
‏من يوم غيبتْك واشواقي على ماهي

‏اقول نورت ولا جيتك سرّت
‏قلبً عشق وجنتك مع طرفك الساهي

‏اللطف من الغيمه البيضا الى درت
‏واحلا من السكر اللي باخر الشاهي

‏ابسط وصايف غزال الريم لا مرت
‏تلّهي المنتبه وتنبه اللاهي

....

[الحمدان]

المحبوب مُستثنى حتى في الجراح

مدغم أبو شيبة :
أعذريني يوم أقابل طعونك بإرتياح
كيف لا والجرح مملوح والجارح مليح

ضيدان بن قضعان قال :
تحاليت الجروح اللي تجيني من يدينك لين
دريت إن كل جرحٍ في حشاي أغلى من الثاني

سلطان الهاجري :
فديتك أنت وكل طعنه من يدك فديتها

[الحمدان]

‏أعذب ماجاء في باب تأكيد المحبّه :
‏
‏ولا يلحق فؤادك شكٍ وريبة
‏والله إنك خليل الفؤاد وحبيبه

[الحمدان]

على ماتشتهي خذني معك يا شوقي المعتاد
الا ياروح روحي وين ما ودك أنا راضي

توسّدني وطن لو ما وسع صدرك فضاء وبلاد
أنا كل الدروب اللي تبيها حاضر وماضي

....

[الحمدان]

عليه السلام العذب لا مرني طاريه
اضم الهبايب من جهاته واسامرها

يفز الشعور لكل دربٍ مشينا فيه
تبسمت من بسمته يوم اتذكرها

....

[الحمدان]

‏هلا يا غاية العمر وهلا يا أجمل الزوّار
‏هلابك قد ما تبرى جروحي بلمسة إيدينك

‏هلابك قد ما زان العمر وأبتسمت الأقدار
‏وكنّ إللي مضى وهمٍ نسيته بين ضلعينك

....

[الحمدان]

اي والله انك في عيوني اميره
ماهو حكي ازينه لأجل يغريك

انتي صفاتك يا غرامي مثيره
تثير روح البوح في نبض مغليك

....

[الحمدان]

‏مثل مانيب اتعمد فـ القصيد ارضي غروري
‏ودي انك ما تعمد تلحق شفوفك حسوفه
‏
‏صرت اكذب شوف عيني فيك واصدق شعوري
‏الشعور يشوف شي العين ما تقدر تشوفه

....

[الحمدان]

معك آلسوآلف غير ومقآبلك غيـر
آلله عطـآك مـن آلسوآلـف حلآهـآ

لك في خفوقي حب ثآني وتقدير
و مكآنـةِ تصعب على من بغآهآ

....

[الحمدان]

تعاﻝ ﻣِﻦ ﻭﻳﻦ ﻣﺂ ﺑﺪﻙ ﻋﻠﻰ ﻭﺩﻙ
ﻛﺮﻣﺂﻝ ﻋﻴﻨﻚ ﻋﻠﻰ ﻛﻴﻔﻚ ﻭ ﻛﺮﻣﺂﻟﻲ

ﻟﻮ ﺗﻄﻠﺐ ﺁﻟﻌﻴﻦ ﺑﺮﺧﺼﮭﺂ ﻭﺷﻮ ﺑﺪﻙ
ﻛﻠﻲ ﻓﺪﻯ ﻵﺟﻞ ﺃﺷﻮﻓﻚ ﺩﺁﻳﻢ ﺁﻗﺒﺂﻟﻲ

....

[الحمدان]

سرحان ومقابل طيوفك وماضيك
ومسوّي لـ ذكرى غرامك إعاده

رسايلك صوتك سوالفْك طاريك
كانوا على الخفّاق مصـدر سعاده

....

[الحمدان]

اهلا مساء الورد ياطيف خلي
‏يامرحبا والشوق دايم يناديك

‏يشوقني شوفك وارحب وهلي
‏ألا مساء الحب ياحي طـاريك

‏اقـرب تفضل فالحشا لك محلي
‏في مجلس الأشواق الله يحييك

....

[الحمدان]

يا ويل قلبي منّك لاحل طاريك
نفسي وهــي نفسي تشك بـ غلاها

أنسى اسامي الناس واغلط واناديك
قلبي معك كل الاسامي نساها

ياساكن اعماقي انا ميت ن فيك
ومشاعري بالقلب حُبك خذاها

وقلبي مولَع بك وهايم بطاريك
وروحي تحبك حُب لآخر مداها

....

[الحمدان]

أسرفت في حبك وماني بـ نادم
أنا وريث أكرام وأنتي نبيله

أخذتيني من بين كل الاوادم
وأخذتك بصدري وتركت القبيله

....

[الحمدان]

ماغيرت بعد آلمسافة غلاتك
‏لو تكثر الأميال مابيننا آلبين
‏
‏حتى آلحروف بشوقها آليوم جاتك
‏ياقربك لقلبي وبعدك عن العين

....

[الحمدان]

ماغاب حبك ولا طيفك ولا ذكرك
حتى لو انك بعيد مسجـل حضـورك

إن زاد فيني الحنين أرش من عطرك
لو إنه مايشبهـك بس يشبه شعورك

....

[الحمدان]

‏الملح عمره ما اجتمع وسط سكر
إلا معك شفت الحلا ممتلي ملح

يا أقصى طموحآت المـزاج المعكر
يقتل تفاصيل الغضب وجهك السمح

....

[الحمدان]

‏اشتاقلك شوق يليق بمقـامك
يعني حدود الشوق ماتنتهي فيك

يسعد خلايا القلب حتى سلامك
اشلون حالي عاد لا صرت احاكيك

ياللي خذا قلبي هواك و غـرامك
وسخّرت حرفي فيك عساه يرضيك

....

[الحمدان]

لاتستعجل اقدارك
فكل شيء مكتوب ميعاده
لن يتقدم ساعه ولن يتاخر
فلن تشرق شمس فرج
ولن تذهب ظلمة بلاء الا باذنه
فاصبر واطمئن
مدبر الامر عليمٌ حكيم رحيم كريم

رسالتي لك

[الحمدان]

كيف يمحي الوقت مابينه وبيني
‏وذكرياته منهو ابيدفع ثمنها

‏حتى لو صديت عن وجهه بعيني
‏صورته فالبال وين اصد عنها

....

[الحمدان]

كسرت لاجله قوانيني وعاداتي
ولو قلت اكبّه انا وشلون ابا كبّه

ماعمري انهرت في مُجمل علاقاتي
الا معه طحت واجد لني احبّه

....

[الحمدان]

‏أكتب هوى قلبي من الشعر بحروف
ويفهم وليف الروح أنه مرادي

ويرد في منشه على طول ويشوف
كثر اشتياق الخل ويقول داري

....

[الحمدان]

صارت ورود الغرام اشواك
في قلب من جاك واختارك

جيتك وان عارفً وش جاك
من يوم شديّت عن دارك

كنت متلهف على لقياك
واضمّ يمناك ويسارك

ياليتني صدق قبل القاك
فهمت وش كانت اعذارك

اخترت وصلك على فرقاك
وطلع لي سعيد اخو مبارك

....

[الحمدان]

‏تساميت عن حبٍ تساوم به الخلان
‏وتنازلت لك عن عرش قلبي ووليتك

‏ماحبيتك بقدر استطاعه وقدر امكان
‏انا فوق ما لا يمكن احب حبيتك

....

[الحمدان]

‏فمان الله والتوديع ما ينطاق
‏يا اصدق حب من دنياي سارقني
‏
‏غيابك جرح بس الموت بالاشواق
‏امانه علم طيوفك تفارقني
‏
‏عمر وسنين تركض والزمن سراق
‏وانا مدري متى هالشوق يعتقني

....

****

[الحمدان]

ابيك حب مامتلك قلب انسان
‏وابيك قلب مانبض غير فيني

‏وابيك شعر غامض دون عنوان
‏محدٍ قراه الا رموشي وعيني

‏ ابيك دنيا اعيشها طول الازمان
‏ وابيك شوق كثر مابيه يبيني
‏
‏وابيك حب ماشعر فيه انسان
‏وابيك عشق بين قلبي وعيني

....

[الحمدان]

‏بديت أشوف التفاصيل بشكل سلبي
‏إلى متى وأغلب أوجاعي من أطباعي

‏محتاج أراجع حساباتي مع قلبي
‏أشياء واجد بقلبي مالها داعي

....

[الحمدان]

حيا مراسيلك وحيا كلامك
يامن نهبت الروح والناس دارين

مادمت اعيش بكل لحظه غرامك
واعيش حبك من فؤادي ملايين

احب صوتك واعشقك من سلامك
وقول طيفك داخل الراس والعين

الروح لك والقلب مرمى سهامك
والفكر بيتك يا أمير المحبين

وصلك دواء مجروح عاشق علومك
والعالم الله هجركم عننا شين

ووين انت ياللي ضاع عنا هيامك
ترا الجفي مقفي على ناس غالين

....

[الحمدان]

سيّر إن هبّت رياح الشوق حاول تغتنمها
هات عذر وهات قلب وهات ماودك تصرّف

ما هو موعد خلها صدفة ليالي نقتسمها
مرني عابر قصيد بمطلع البيت نتعرّف

....

[الحمدان]

تستحق احزن على شانك وأعاني
‏واتعنى لو مسافاتك طويله
‏
‏و الحياة اللي أمتلت بعدك أماني
‏لو أحققها بلا وصلك بخيله

....

[الحمدان]

لاتختبر حبي ولا تبحث اقصاه
‏اقصاه مثل ادناه وافي وصافي

‏لحظه وناظر بسمتي و انت تقراه
‏وتشوف كل الحب لو كنت غافي

....

[الحمدان]

‏في عيونك ينتهي بي كل شوق
وفي وجودك دائما انشد وصال

مانت كلي وانت نبضي بالخفوق
انت حرفي وانت بوحي والسؤال

....

[الحمدان]

‏ايه اعشقك يابنت يآم العواطف
ياملهمة شعري وروحي احبك

ان كنت قصرت اعتذر لك واسف
مالي طمع والله ابي بس قلبك

ياما على صدري نثرتي سوالف
وياما ضحك قلبي إذا كان قربك

....

[الحمدان]

نحن الذين :
إذا صادقنا صادقنا بصدق
وإذا أحببنا أحببنا بصدق
لا نحب أنصاف الأشياء
و لا نحب النفاق
في تعاملنا
مع قلوب الآخرين
كما لا نحب من يتعامل
معنا بالنصف
ويبقى الصادقون
هم خير ثروة
تحصل عليها
في زمن كثر فيه الزائفون

رسالتي لك.....

[الحمدان]

جعل القلوب اللي لها القلب يشتاق
‏تصبح وتمسي بالهناء والسعاده
‏
‏وجعـل النفوس اللي تحلّت بالأخلاق
‏تصبح وتمسي ماتشوف النكاده

بقلمي

[الحمدان]

في حنانك يا بعد عمري وفاء
فيك معنى الحب ياروحي يطيب

صادق شوقك وشوقي لك صفا
لو تروح بعيد من قلبي قريب

في غرامك هام قلبي واكتفاء
في غيابك مشتعل مثل اللهيب

....

[الحمدان]

حبك على عيني وقدرك على الراس
ما اغليت غيرك فالبشر ياعيوني

بنيت حبك في ضميري على ساس
ما لوم عيوني لو عليك اسهروني

....

[الحمدان]

صباح الورد يافال السعد مني صباح الخير
صباح النور ياوجه الصباح ونور تسبيحه

صباح الفل والكادي صباح النبت والتزهير
صباح المسك والعنبر صباحه لانتثر ريحه

....

[الحمدان]

ماضرنا بعد السماء وان عـلت
ما دمت يارب السماء قريب

أتضرنا أبواب خلـق أغلقت
والله نطرق بابه فيجيب

....

[الحمدان]

الإنسان حساس مع من يحب

قال الشاعر ..
أطراف قلبي من جهتكم رقاقة
لا مرها النسناس يثر عليها

[الحمدان]

‏لا ترمي المزحه على كل جالس
‏ترا نفوس الناس ماهي سويّه

‏احفظ لسانك لادخلت المجالس
‏ماكل من قابلت تصبح خويّه

....

[الحمدان]

ياكثر ماتطري على البال واطريك
في ضيقت الايام لا ضاق صدري

واللي يخليني اليا ضقت اناديك
اني معك عارف غلاتي وقدري

وانك بوقت الضيق ما رخصت غاليك
ماهي خساره معك لا راح عمري

....

[الحمدان]

ماعاد تكْفي خرمة الراس فنجال
‏زيدوا مع الفنجال فنجال ثاني

‏من دلةٍ في بطنها خمسة اشكال
‏يطغى عليها لونها الزعفراني

....

[الحمدان]

‏إسعى ورى حلمك التايه وخلّك جزوم
لا تحسب حساب من ساعد ولا من جحد

مسافة السعي خلف الحلم ماهيب يوم
مسافة العمر ما بين المهد واللحد

وان وقّفوا ضدّك اللي يحبطون العزوم
وقّف لهم وقفة اللي ما عليه مْن أحد

....

[الحمدان]

ودي بقربك و احلم اني احاكيك
ويشدني لك شوق صمته ذبحني

دايم بـ عيني وين ما رحت ألاقيك
حبك ترى عن حب غيرك سرقني

....

[الحمدان]

لولا التغاضي بيننا والتسامح
ماشفت بين الناس ود ومحبه

والقدر يبقى للكريم المسامح
ومن يحترم الناس كلن يحبه

بقلمي

[الحمدان]

ان كان عندك كلام بخاطرك خله
ما فيه داعي انا مجروح من دونه

بـ عيونك اشوف تلويح وفمان الله
انا أعرف اللي يبي الفرقى من عيونه

ذائقة

[الحمدان]

ياغريبه ويش أسوي وانا شاعر حزين
يوم شافك قال قلبه لـ قلبك ياهلاا

والله انه مايزين قصيد المبدعين
غير وجه ياخذ العقل وينقط حلا

....

[الحمدان]

كل شي منك مقبول كود انك تقول
انسني وان قلتها قلت لك لا لا بدى

كيف بنسى من على شانك ارخص كل زول
لا بغت تضعف علاقاتك جدد وابتدى

جعل شطّت خاطري عقب بعدك ما تطول
احسب ان عندي مدى واثر ما عندي مدى

....

[الحمدان]

ياقلبي لا تشره على كل مخلوق
كلن يشوف الناس في عين طبعه

قلبي واعرفه ابيض اللون موثوق
لا يجرح اصحابه ولا يخون ربعه

....

[الحمدان]

صباح الرضا و ان كان ودك صباح الخير
اشوف الصباح بدون وجهك حكي فاضي
ㅤㅤ
انا و النسيم و طلة الشمس حتى الطير
من البارحه نرقب سنا وجهك الراضي

....

[الحمدان]

رهيف شعور ويداري شعور الخاطر المكسور
رغم كل الشدايد ما تنازل عن طموحاته

بنا مستقبل احلامه من أفكار وصور وشعور
إذا الواقع قسى يرحل ويسكن في خيالاته

....

[الحمدان]

يارب وسع خاطر العبد لا ضاق
ماغيرك اللي عالمٍ ما خفينا

ياربي أجرنا على حسن الأخلاق
وعند الخطا يارب تستر علينا

بقلمي

[الحمدان]

‏ياطير وسّع خاطرك فوق الاشجار
واصدح بزينات اللحون الجميله

لو بالخواطر ضيق واحزان واسرار
الصبر غايات النفوس النبيله

ذائقة

[الحمدان]

لي نفس تتغاضى ولي خاطرٍ سمـح
عن البشر قفلت انا بـاب العتاب

لولا التغاضي مابقى بـ أرضنا رمح
ولادامت الرفقة ولاباقي اصحاب

بقلمي

[الحمدان]

يا احلا صباح يمرني واجمل ايامي
ياللي خذيت الغلا كله وحليته

لاصرت اشوفك بعين الحب قدامي
في كل صباح على طلتك غنيته

....

[الحمدان]

ظروفنإ شاءت أنھإ ما تخلينإ
والوقت كاتب لنا ليله ودآعيه

لحظه قبل نبعد و تذبل أمآنينا
نأخذ مع أشيآئنإ صوره جماعيه

....

[الحمدان]

كرهت الغرام اللي يخلي القلوب هشاش
مرده وداع وهرجةٍ بيني وبيني

وكرهت الهوا اللي فيه ضيقه وونة جاش
لكم دينكم ياهل المحبه ولي ديني

....

[الحمدان]

صديت عن بعض المخاليق بالعمد
لاهو كبر مني ولاهي حماقه

لكن بعض الناس يالله لك الحمد
مافيه امل معهم تدوم العلاقه

بقلمي

[الحمدان]

لاضاق صدر اللي يعبدون الغرام
اكنّها ماضاق صدري ونسمي

امّا اني معزّز ولي قدر ومقام
ولا وطيت شعوري بطرف قدمي

....

[الحمدان]

تباهي وغني واضحكي ولايهمك شيء
لامالت ظروفك فيه لك من يعدلها

بتلقين لك في جوف قلبي براد وفّي
هنا منزلك والناس تعرف منازلها

....

[الحمدان]

يهبّ الهوى ويحرك الشوق والأغصان
على العاشق اللي وده يعانّق النسمه

ترا أوّل علامات المحبه على الأنسان
يخف الكلام شوي وتطوّل البسمه

....

[الحمدان]

الزين ياسعود مشغولن تلفونه
والظاهر انه بعد ياسعود عطلاني

أدق عشرين مره مايشيلونه
ياسعود ماكنّ وسط البيت عرباني

رحت اتنشد عنه ناسن يعرفونه
قالـوا عشيرك لقى له واحدٍ.ثاني

قلت الله أكبر ما صدّق ما تقولونه
ماهو بـ حقّن لطيف الروح ينساني

....

[الحمدان]

‏الناس تملكهم بالأخــلاق والطــيب
وحسن التعامل من صفات السعاده

وحفظ الصداقه من سمات المواجيب
والجود يبقى عـند الأجــواد عــاده

....

[الحمدان]

في قوانين الهَوى بين الأحبّه
من تمادى بالجفا عنده بديـل
‏
الاكتفاء أبرز علامات المـحبّه
والتجاهل من علامات الرحيل

....

[الحمدان]

أهم شي بهـ الحياة الاحترام
افرض على الكل احترامك ياذكي

احيان تاخذ نقص من زود الكلام
واحيان تاخذ زود من قّل الحكي

....

[الحمدان]

‏أخطيت يا خلّي و أنا مثلك أخطيت
‏و ما فادني صبري ولا فاد صبرك

‏لا تحسب اني كارهك يوم صـدّيت
‏قلبي على حطّت يدينك وخبرك

‏سويت كل حاجة تجيبك ولا جيت
‏وش بـاقي اسوي سواة الله ابرك

....

[الحمدان]

‏قل للزمن لآضاق صدري عوافي
‏بكره تزين وينشرح خاطر الوجد

‏كان الآلم في محجر العين غافي
‏ترآ الآمل ماله وسط خافقي حد

....

[الحمدان]

‏أحبّه لو إن القلب من غيبته مرتاب
‏وقربه سعادة خاطر ومقصد وغايه

‏يقول الليالي طبعها تبعد الأحباب
‏وانا ادري ماهو طبع الليالي هذا رايه

....

[الحمدان]

لا تذيّر وانت يا الريم المذيّر
‏فوق سحر عيونك الكف المحنّا

‏خصلتك مع كل ذعذاع اتغيّر
‏والخصر معى النسانيس ايتثنّا

‏والله ان وصلك هو الشيك المجيّر
‏و بعدك يبعّد لذيذ النوم عنّا

‏كل ما جيت لهواجيسي مسيّر
‏أومي المسباح منّا وانت منّا

‏ماني مخيّر معاك ولا مسيّر
‏ولا حَزن شعري عليك ولا تهنّا

....

[الحمدان]

‏خطيت فيك اشعـار ماقالهـا انسان
‏وكتبت فيك ابيات ماحد كتبها

‏ورسمت لك لوحه بها كل الالوان
‏من قبلي الشُعار ماحد رسمها

‏ياحب قلبي فيك ذايب وولهان
‏والروح ياروحي غرامك نهبها

‏وعشقك تملك داخلي كل شريان
‏حتى العظام اللي بجسمي سكنها

....

[الحمدان]

لا لمحت الكبر في منطق رفاقي
قلت يا نفسي ولا نصبر دقيقه

الكرامه دونها لو ما نلاقي
من نصاحب كل واحد في طريقه

من تغير واختلف ماعاد باقي
في وجوده اي داعي فالحقيقه

من يريد البعد ويدور فراقي
لا يدور عن سبب ولا طريقه

يبتعد ما دام ما ناسب مذاقي
لا يجيني في تصرف ما اطيقه

....

[الحمدان]

‏نصيحتي لا تظلمون وتضرّون
وصدّوا عن عيوب البشر واستروها
‏
ولغيركم حبّوا مثل ما تحبون
ونفوسكم بالناس لا تشغلوها

رسالتي لك....
بقلمي

[الحمدان]

راحت معاوشنا على خفْ وجناح
نوبٍ على هذي ونوبٍ على ذي

وأيامنا صارت مشافيح وشحاح
والعذر مايرضابه اللي يبي شي

والرزق مكتوبٍ على صمّ الالواح
والموت لابدّه يسيّر على الحيّ

نفرح ليامنا سمعنا المطر طاح
وننسى طلوع الشمس يلحق على الفي


لاحق العضياني

‎

[الحمدان]

عـدوّك البيّن ابرك لك من الخافـي
اللي يعاديك ويِسمّك على الصامت

الوجه وجه الصديق المخلص الوافي
والقلب قلب العدوّ الحاقد الشامت

ابن دلامه

[الحمدان]

تخاوا بخيل المرجله مع بخيل المال
هـذا منطلق مـفهوم ماتنفـع الخـوه

هذا مايقول اقلـط وذا مايسوق ريال
وذا مانفـع ربعه وذا ماشـعم ضـوه

محمد القضيع

[الحمدان]

اتركوني عايشٍ في محتوى تفكيري
عن ضجيج العالم اللي مالله بـ هاديها
َ
عزلتي من واقع ايامي ومن تقديري
راحةٍ فيها الحياه اللي محد لاقيها

....

[الحمدان]

الله خلق والله فـرق بين هالناس
والله جعل فيهم سمات ومواري

فلا تنزعج لاشفت لك ناسٍ أنجاس
لولا الردى مـا بـان للطيب طـاري

....

[الحمدان]

أبلغ المحبه محبة الحميّا ومما قالو فيها :

إن كان ما جتني عليك الحميّا
ماعاد لي في باقي العمر ملزوم
-مساعد الشريدي

كيف ما أسمع منك وأستعذب هماجك
وأنا تاخذني على جدك حميّا
-عبدالله السبيعي

كل ماعز الطلب عندي وقالت لي عشاني
قلت من هذي قبل هذي وجابتني حميّا
-فهد عافت

[الحمدان]

ناح ورق الشوق والعين راجت بالدموع
والاماني مال صلف الهوى بـ عذوقها

اقنعنتي سود الايام لو ماني قنوع
وحرمتني دلة الوصل قبل اذوقها

يجتلد ذيب الطواري ورى عوج الضلوع
والهموم آتدك ذود الشقى وتسوقها

اتقوى والهوى شر والفرقا تروع
وذكريات الفقد غنت على طاروقها

واقف لي عام بين التقدم والرجوع
في رجاء سحًب التواصل تلوح بروقها

ياعشيري عادني لـ الوعود اضما واجوع
وانت ماضني وثاق العهود تبوقها

ليه تقطعني وانا خابرك منت بـ قطوع
وليه ماتعطي كبار الحقوق حقوقها

لو تقول الصبر نوره مثل نور الشموع
الامل لـ الحين شمسه ماشفت شروقها

لا توضح وانت قلبك على الصده جزوع
العذر ورد الهقاوي مابل حلوقها

بين مضمار التخطي ومضمار الوقوع
رحلة الاقناع عيت تبين فروقها

ليت لي عين ماتبكي وقلب مايزوع
وليت لو ان ليت ماعاد يمشي سوقها

المحبه خلّت اللي يفضون الجموع
تفرك كفوف الندامه وتشكي عوقها

....

[الحمدان]

في وداعك ليلة السبت تشكي للربوع
موعد فيه المواصل طموح ومطمعه

لو كسر صوم المشاريه تذريف الدموع
أنهمر مزن من الموق محد يمنعه

غبت وأوقدت المحاني وطفيت الشموع
وأجترعت بـ فقدتك سم محد يجرعه

وإستحل الحزن ما بين حدبان الضلوع
صرت أشوف الحزن مال الجهات الاربعه

والحـزن بـ القلب ليته بـ تذريف الدموع
إشهد أن الحزن بـ القلب حاجة موجعه

....

[الحمدان]

ليت الخيارات في الدنيا خياراتي
وليت الهقاوي تفرّح ظن هاقيها

يزعجني الجد وتضحكني سخافاتي
أضحّك النفس ومن داخل أواسيها

مروّعني الوقت لو ياخذ طموحاتي
وتروّعني الناس في صدمة مباديها

....

[الحمدان]

احيان عن معــنى المحبه لي ابيات
واحيان عن شوقي ولهـفــة ســروري

احيان اكتب عن مدا الضيق حالات
واحيان همـي ينقطع به حـظــوري

....

[الحمدان]

قالت تحدَّثْ عن ودادكَ يافتى
صِفْ لي غرامكَ والجوى ياشاعري

قلتُ اسمعي منِّي فإنيَ عاشقٌ
أسكنتُ حُبكِ والغرام بخاطري

قالت أتدري كم أحبك لو ترى
ماطاب لي عيشٌ بدونك ساحري

قلتُ الهوى والحبُّ أنتِ والمنى
يامن لكِ عِشقي وكل مشاعري

أقسمتُ أنِّي قد جعلتكِ وجهتي
من حبَّ مثلكِ ليس ليس بخاسرِ

....

[الحمدان]

وفجرك هوى يمُرني و ما إشتميته
اثر طعنتك زنجّر و الخناجر بيض

عَكس گلبك وياي الما صِفت نيته
أنا دمعة غريب بكل سهولة تطيح

جدمي لذكرياتك ليش وَديته
فراغك و الگبر يتشابهن بالعِين

منو المِنهن يعيش بروحي وصيته
بظهر كل مَن يمُرني تسافر الدمعَات

بس إنت عليك العُمر بدّيته
إذا تمشي بخِيالي تعثرك اللحظات
البيهن جدمك ويَ غيري مشيته

شعر عراقي

[الحمدان]

ياهاتفي وصل من الشعر ما طاب
وأسمى شعور الود مع نفحة الطيب

باسم الوفاء خاطب عزيزين واحباب
واحمل مضامين الغلاء والمواجيب

بقلمي

[الحمدان]

‏شف مكانك في مكانن عن العالم دفين
‏في مكانن من وراء مثل عيدان الجريد

‏مكرمن حبك وله ف الحشا سمن وسمين
‏يقدع من الحال واصبله بن الوريد

‏افتضحت من الهواجيس بك فالمسلمين
‏كل من سولف علي قلت له وش قلت عيد

....

[الحمدان]

‏أحبك غير عن كل الغرام الي يجي بالك
‏غرامٍ مامشى غيرك خطاه وصرت مكتوبة

‏وأشوفك غير عن كل الوجيه الي تهيا لك
‏وعن من حاول يشابة حلاك وماني بصوبة

‏وأحسك غير وأنت الي على الاحساس لحالك
‏تنافس نفسك بصدرٍ تضيق بدونك رحوبة

....

[الحمدان]

زودٍ على همي تحملت لي هم
‏تاخذني الاحداث واقول هيا

‏حاولت اقول اني بها غير مهتم
‏لكن عيا القلب والفكر عيا

....

[الحمدان]

‏ثنتيـن حارب دونها لذة النوم
‏فرض الصلاة وباب رزق انفتح لك

‏عن غيرها لو نمت ما يلحقك لوم
‏ما كل ما يصلح لغيرك صلح لك

بقلمي

[الحمدان]

‏خذني على جفنٍ من الشوق غارق
‏ما للندم نظره ولا للعتب صوت

‏لا بد ما نفقد بعض و انتفارق
‏امّا من الايام ولا من الموت

....

[الحمدان]

يطري على بالي وانا قول لا باس
بعض الطواري خاتمتها سعاده

هو الذهب عندي مع اللول والماس
وعندي الوفا والطيب للزين عاده

هو اختيار القلب من بين هالناس
ماخذ مابين الغيد دوم الرياده

....

[الحمدان]

‏الشعر كان الطريق وكان وصلك هدف
وانا رفيق الشعر وأسلوبه ومايحتوي


أنت اجمل الناس بعيوني وخير الصدف
وانا لك العاشق المتألق الفوضوي

....

[الحمدان]

ذوق العــــباره والحـــلا كلـهم فيك
والقـــلب من نشــرك يـزيد انشراحه

تســـلم انامل اصبــعك في اياديــك
ذي تنـــظم الروعه بحرف الفصاحه

فارسم أحاسيس المشاعر بما فــيك
لتـســتبــيح الوجـد فـيــنا استباحه

كل الأدب و الذوق يازيـن شـــاريك
هـذي الحقــيقة قــلتــها بالصـــراحه

من يشـبهك من ذا يدانـي معــالــيك
كن بلسم الوجدان تــشــفي جـراحـه

انثـــر نفيس الــدر وانــظم لآليــك
بالـوعي يا أعــقـل عقـول الرجـــاحـه

....

[الحمدان]

مهجتي تهواه بالصدفه وحظ
كيف لو عاند نصيبي في الحظوظ

لو اردت انساه وجداني اعترض
والوله يرجع بتفكيري يخوض

كم رسم له في خيالي وافترض
يا قسى محبوب يعطيني الغموض

لو لهيب الشوق في شعري انتفض
لا تلمني انت يا بحر العروض

الهوى لو صار في روحي مرض
لا تداووني بغيره للنهوض

منيتي ذاك المعنا والغرض
جانح الفرسان في حبي يروض

....

[الحمدان]

انا من الواقع قنعت وتعلمت
محداً يدوم ولا تدوم العلاقه

مهما ركضت وفي سنعهم تجملت
الطيب في هالوقت مثل الحماقه

....

[الحمدان]

نخسر بشر بس مانخسر مبادينا
‏ودروبنا صوب فعل الطيب مندفعه

‏ما نلتفت لـ الكلام اللي يجي فينا
‏نفوسنا عن كلام الناس مرتفعه

....

[الحمدان]

‏وضعي طبيعي بين ديني ودنياي
‏واعرف ظروف الناس واعرف ظروفي

‏احب فرقى اللي يحبون فرقاي
‏وأحب شوف اللي يحبون شوفي

....

[الحمدان]

‏لك حق بين الخلق ولغيرك حقوق
أحفظ حقوق الناس عندك وادّها

راقب ضميرك لاتغش ولاتبوق
وإن جاتك الهقوات خلك قدّها

أحذر تسولف غير بـ لسان الصدوق
الكذب يكسر هيبتك ويهدّها

كلّ الخلايق ما تحبّ إلّا الخلوق
حافظ على أخلاقك وتكسب ودّها

....

[الحمدان]

‏الله يمسي صادق القلب بالخير
‏صدره نظيف ومايعرف النذاله

‏اهل النفوس الصافيه قربهم غير
‏متبادلين الطيب فـي كل حاله

....

[الحمدان]

‏بعض الكلام اللي ماتحسب له حساب
‏ في قلب غيرك ما يمر بسهوله
‏
‏خلك مع العالم تعاملك من باب
‏اللي ما ترضى تسمعه لا تقوله

....

[الحمدان]

‏القلوب اللي على الفطره تودك
‏إزرع الخيرات والمعروف فيها

‏والقلوب اللي على الصعبه تحدك
‏لا تخاويها ولا تشره عليها

....

[الحمدان]

‏لاتامن جميع اصحابك الله يبارك فيك
‏من اسباب فقدان الامن يوم تامنها

‏ترى احيان يطلع راعي اقدرك واغليك
‏هـو اشر عدوانك على الارض والعنها

‏ورفـيق ٍمهوب يناصحك كنه معاديك
‏لو تعيش معه افضل أيامك واحسنها

‏مامثل الرفيق اللي مثل لمبة التشييك
‏لياشاف عندك مشكله حذرك منها

....

[الحمدان]

مدام لك ربٍ عن الخلق يكفيك
لا تشتكي للخلق قاصي وداني

اسجد وقل يارب ماخاب راجيك
وابشر بتحقيق الرجاء والاماني

....

[الحمدان]

مو كل صدفة للبشر تجمع أحباب
ولا كل فرصة في حياتك سعيدة

يمكن يكون أحيان إغلاق الكتاب
أفضل ترى من فتح صفحة جديدة

....

[الحمدان]

لاتشتري ميزان توزن به الناس
الناس ما ميزانها إلا الشدايد

عند الشدايد كل مخلوق ينقاس
وترجّح الكفّات لأهل العوايد

....

[الحمدان]

‏⠀
ماتفعله يمناك في واجب الغير
تلقاه لاضاقت عليك الوسيعه

ابذل من المعروف وابذل من الخير
الرازق الله والجمايل وديعه

....

[الحمدان]

عشتوا وعشنا وشفتوا مثل ماشفنا
‎سبحان من يسلب الطّماع توفيقه

قناعتك في قليلك كنز لايفنى
‎وحسدك لغيرك يورث داخلك ضيقة

....

[الحمدان]

‏ياشين طبعٍ عند بعض المخاليق
‏يظن فيك السوء قبل الحقيقة
‏
‏على كلام الناس سريع تصديق
‏وينسى العلوم الطيبة في دقيقة

....

[الحمدان]

احترامك للبشر ماهو بخوف
بل دليل انـك أصيل ومحترم

لاتغير ميزتك لجل الضروف
عيش عمرك بالشهامه والكرم

كم ضعوف فارقوا الدنيا ضعوف
وكم نشاما ذكرهم فوق القمم

....

[الحمدان]

قصيدتي من فوق خصرك للاعيان
واللي وراه الله يغفر ذنوبي

اللي علي أرضيك لو كنت زعلان
وأنتي عقوبة كل غيداً لعوبي

تمايلي قدام عيني على شان
أميل للقاف الرهيف الطروبي

والله لا لبسك أجزل الشعر لو كان
أركي له من الفجر لين الغروبي

....

[الحمدان]

لجل الغلا الأوليّ وأحساسه الباقي
كل الأماكن معك تستاهل العنوه

لا زلت بـ أعماق من بمحبتك شاقي
ولا زال قدرك عزيز وشوفتك منوه

....

[الحمدان]

ابتسم للوقت واضحك للحياه
لا يروح الوقت .. في هم ونكد

عيش يومك واحتسب للي وراه
من يعد الوقت يبلش في العدد

....

[الحمدان]

الضامي اللي جف ريقه على ماك
اسقه من عدود الغرام المناضيح

معطيك روحه وانته أجزل عطاياك
جرحٍ مثل مضراب شلفا شليويح

....

[الحمدان]

خلك صريح و بعض الاحيان جامل
ولا تتعب العالم معك قدر الامكان

و ان ما قدرت تكون انسان كامل
حاول تكون بقدر الامكان انسان

....

[الحمدان]

الحب فن و ذوق و اخلاق و اسلوب
و مشاعراً تعطى ما هي بمغصوبه

و انا هوى بالي من البيض رعبوب
يلفح جدايلها نسايم هبوبه

كامل حسين اوصاف ما فيه عذروب
لا شفت وجهه ما تدور عيوبه

بيديه لو يسقيني السم مشروب
اذوق بلساني ل سمه عذوبه

....

[الحمدان]

استغفر الله واطلبه واترجاه
عن كل يومٍ مرني ما شكرته

واستغفر الله وانكسر واطلب رضاه
عن كل ليل بغير طاعه سهرته

بقلمي

[الحمدان]

يا دقيـق العـنق يا شبه القمر
يا كحيل العين يا عذب الشفاه

مالي الساقين مدقوق الخصر
عود موز تاه في غاية رواه

....

[الحمدان]

من شالنا بالعين شلناه بالعين
وان ضاقت الدنيا لقانا رصيده

ومن خصنا بالزين نكسيه بالزين
غصبا على خشم الامور العنيده

....

[الحمدان]

‏لا بغيت اسج شفت الصور والذكريات
وابتدا حزني يراجع مع الذكرى عناي

من فقد له محزمٍ في الامور المعضلات
ابتلاه الحزن في سكته رايح و جاي

والله اني عقب موته وانا كلي شتات
انكسر عزمي وتاهت على السكه خطاي

....

[الحمدان]

ناح ورق الشوق والعين راجت بالدموع
والاماني مال صلف الهوى بـ عذوقها

اقنعنتي سود الايام لو ماني قنوع
وحرمتني دلة الوصل قبل اذوقها

يجتلد ذيب الطواري ورى عوج الضلوع
والهموم آتدك ذود الشقى وتسوقها

اتقوى والهوى شر والفرقا تروع
وذكريات الفقد غنت على طاروقها

واقف لي عام بين التقدم والرجوع
في رجاء سحًب التواصل تلوح بروقها

ياعشيري عادني لـ الوعود اضما واجوع
وانت ماضني وثاق العهود تبوقها

ليه تقطعني وانا خابرك منت بـ قطوع
وليه ماتعطي كبار الحقوق حقوقها

لو تقول الصبر نوره مثل نور الشموع
الامل لـ الحين شمسه ماشفت شروقها

لا توضح وانت قلبك على الصده جزوع
العذر ورد الهقاوي مابل حلوقها

بين مضمار التخطي ومضمار الوقوع
رحلة الاقناع عيت تبين فروقها

ليت لي عين ماتبكي وقلب مايزوع
وليت لو آن ليت ماعاد يمشي سوقها

المحبه خلّت اللي يفضون الجموع
تفرك كفوف الندامه وتشكي عوقها

....

[الحمدان]

في وداعك : ليلة السبت تشكي للربوع
موعد فيه المواصل طموح ومطمعه

لو كسر صوم المشاريه تذريف الدموع
أنهمر مزن من الموق محد يمنعه

غبت وأوقدت المحاني وطفيت الشموع
وأجترعت بـ فقدتك سم محد يجرعه

وإستحل الحزن ما بين حدبان الضلوع
صرت أشوف الحزن مال الجهات الاربعه

والحـزن بـ القلب ليته بـ تذريف الدموع
إشهد أن الحزن بـ القلب حاجة موجعه

....

[الحمدان]

ياقوّ قلبي يوم صديت قوّاه
عن الذي اموت ولا تركته

الخاطر اليا طاب اعوذ بالله
لو كان باقي لي كلامً شرحته

لعلّها خيره بما اختارها الله
على كثر ماكنت احبه كرهته

....

[الحمدان]

الله على جو الغلا بين الاثنين
حب ومشاعر شوق واحساس عشاق

يروق جو الحب مابين قلبين
مزح وضحك واللعب مابينهم راق

في مرتع العشاق والحب لاهين
في جلسة يحلى بها لعب الأشواق

....

[الحمدان]

ماهيـب تحتاج للمكياج والفلتر
الجادل الفارع اللي زينها كـلـي

من كثر ماهي جميله يالطيف استر
جايه على شكل قلب بجسمها السفلي

....

[الحمدان]

النعومة و الدلع و الهيكل المتناسق
والكحل والمسكرة والخد ابو غمازه

تلعب بقلب المطوع قبل قلب الفاسق
تحيي فؤاد الرجل لو هو على عكازه

....

[الحمدان]

أوفى وأصدق وأعمق ماكتبه الشعراء في وصف الحُب بمنظورهم :

يقول سعد بن جدلان :
أي والله أحبك وصايبني على حبك غلو
أشد من غلو إلتزام الدين بعد الهستره


إما مساعد الرشيدي يقول :
أحبك لو يموت الحب وتصير القلوب قبور
أشوف الجرح يكبر وأنت تكبر وسط تفكيري

[الحمدان]

‏اهلا مساء الورد ياطيف خلي
يامرحبا والشوق دايم يناديك

يشوقني شوفك وارحب وهلي
ألا مساء الحب ياحي طاريك

اقرب تفضل فالحشا لك محلي
في مجلس الأشواق الله يحييك

....

[الحمدان]

يا ليت القلوب الباردة تنعرض للسوم
أبـ أشريك يا قلب أجوديٍّ على بالي

أبـ آخذك وقت النوم لين أنّي أشبع نوم
وأرجّعك حين أصحى من النوم طوالي

....

[الحمدان]

مهرةٍ من مربطٍ ما أعلن أفلاسه
لادجرت كن السماء تهوي نجومه

بنت شوخٍ لأحمر الموت دواسه
من تقدم في نحرهم فقد زومه

للسرب في ساحة الحرب روّاسه
يوم كلٍ للقاء ينفذ كمومه

مع سطرهم والكرم عرف وفراسه
خصمهم ينشب كلامه بحلقومه

....

[الحمدان]

‏لا تنشدوني عن علومي والعلوم
‏ماهيب تفرح لا رفيّق ولا عدو
‏⠀
‏من كثر مايقلط على صدري هموم
‏راسي ثلاث ايام ما ذاق الهدوّ
‏⠀
‏في داخله من زحمة الافكار كوم
‏متشابكه تشابك خيوط السدو
‏⠀
‏يا حظ تكفى قم وقومني واقوم
‏صبري نفذ واحلامي قريّب بدو

....

[الحمدان]

معك المحبه غير وباعاند الحظ
وبمشي معك ياعلاج قلبي وطبه

قلبك على الدنيا من الطول للعرض
ماشفت مثله قلب في حب حبه

قلبك لو انه ينزرع تحت هالارض
تنبت على الدنيا سلام ومحبه

....

[الحمدان]

و ياما كسرت بخاطري كل ما جيت
‏أرجع و دمعي فوق خدي سكايب

‏و الحين عنك يا هوى البال صديت
‏حل الفراق و خاطري منك طايب

....

[الحمدان]

ماني بثوبٍ تلبسه ثم تمله
‏رح واعتبرني واحد اذنب وتاب

‏حتى القمر لاغاب شفتك محله
‏كنت القريب وكلهم كانوا أغراب

‏ماراح تغلبني لو الحب غلاب
‏شف دربك اللي جيت منه تدله
‏
....

[الحمدان]

فاقدك والكون بغيابك كئيب
‏لا أحد قبلك ولا بعدك أحد

‏عفت خلق الله من بعيد وقريب
‏وأعتزلت الناس بعدك للأبد

‏كل واحد صار بعيوني غريب
‏مافقدتك كن فاقد لي بلد

‏كان همي في حياتي لاتغيب
‏الحياه بدون ضحكاتك : نكد

‏ماني أول شخص فاقد له حبيب
‏بسّ بـغيابك أنا أكثر من فقد

....

[الحمدان]

‏لابأس ياراسٍ ملته التفاكير
‏وعاف المنام وعاف لين الوسادة

‏لابد من عقب المصاعب تياسير
‏والآدمي يصبر وصبره عبادة

‏نتعب ونقطع بالركادة مشاوير
‏وسعي الطفاقه غير سعي الركادة

‏ظروفنا صعبة وتبغى مناعير
‏معها على سود الليالي جلادة

‏بكره يبين الصبح ويغرد الطير
‏وامشي مع العالم واوزع سعادة

....

[الحمدان]

‏شرعي باب المعاتب بدون مقدمات
‏واطلقي ماكان في صدرك اطلاق سجنا

‏حاصريني بالتشره من الاربع جهات
‏انتي المشروه منك مثل رد الثنا

صح ماودي بهجرك لو يطول السكات
‏بس ماودي بوصلك وانا مانيب انا

....

[الحمدان]

اضحك وسج وهون الدعوة وصدقني تهون
‏مافيه بابٍ ينقفل الا وربك يفتحه

‏الحزن لامن طال لابده يودي للجنون
‏اما يقوم ويذبحك ولا تقوم وتذبحه

....

[الحمدان]

ماكلّ غايب عن عيوني فقدته
‏و ماكل شخص القاه يستاهل اغليه

‏من بعْد ما قلبي شقيته وعدته
‏ما يسكنه غـير الّـذي يعتني فيه

....

[الحمدان]

من يزرع بدرب الرفيق العوايق
ماعاد تنفع فيه شرهه ولا عتاب

ثنتين تشعل ف القلوب الحرايق
غدر الرفيق وحلم الأيام لاخاب

....

[الحمدان]

‏خذ ماتبي مني وابي منك ثنتين
‏ومثلي تسّرك نفعته لا نفعته

‏صوتك مدامنا انا وات حيّين
‏لاتقطعه عني بعد ماسمعته

‏واذا حصل شوفتك من حين لـ حين
‏تعال واسق بداخلي مازرعته

[الحمدان]

‏ودي اغرد كل ماغرد الطير
مليت من حبس المشاعر صراحه

ماني بظامنها تعدي على خير
الضيق ماخلا بصدري مساحه

....

[الحمدان]

يا رب يسرها على كل ضاايق
وارفع ستار الهم عن كل محزون

لو كان في درب السعاده عوايق
تهون مع رحمتك يا خالق الكون

....

[الحمدان]

يازمان الصمّت وش ذنب الحروف
لا بغّت تحكي مُعاناتك شطر

الوطن ديرة حنين وفيها خوف
والحكي يشبه جروحك والعطر

....

[الحمدان]

يا نسمة الصُبح ياجو الصفاء العابر
يا زهرة الحب والتقدير في قلبي

يا نفحة الشوق عطّر وردي الزاهر
يا ريحة الفُلووالأزهار في دربي

يا روعة الوجه نورك نوري الجاهر
يا مجهر القلب والتشخيص في طبي

يا رونق العشق والأحباب ياساحر
يا سحر فاخر أسرني وإمتلك لُبي

يا طيف طوّف شعوري حلّ بالخاطر
حلوه جميله خلقها بالزمن ربي

....

[الحمدان]

عطيتك اللي في الهوى ماطرا لك
وخليت قلبي لك مقيضً ومرباع
ٓ
والا أنت مدري كيف فالحب حالك
مدري غرامك صدق ولا تصناّع

....

[الحمدان]

‏مشاغل الوقت تاخذنا عن الطاعه
والناس ماتت ولا قضت مشاغلّها

يارب لطفك بنا لا قامت الساعه
في يومن النفس تبكي من عمايلها

بقلمي

[الحمدان]

‏لا تلومني لا جيت كلي من أقصاي
‏مافيه غيرك لا تضايقت جيته

‏جيتك ولا غيرك ذكرته بمسراي
‏جيتك وكل إنسان غيرك نسيته

‏جيتك وأنا ماني بـ أنا تايه الـراي
‏جيتك وأنا مدري وش اللي بغيته

....

[الحمدان]

أسوق الخطاوي والخطاوي تبي مشوار
ياوين الطريق اللي نهايته ومضه نور

معي قلب ثلثينه محبّه وثلث أسرار
يخاف السنين تحده ويكشف المستوُر

....

[الحمدان]

من بلاغة الشعراء في ( وصف العيون )

يا فلذة كبدي المتفرّده بين الصبايا
وش يقول الشاعر إللي عينك أوسع من خياله
جمال بندر

طرف خادرته لو أقرب منه وأقوس إتساعه
لاتغارب يمكن أحلف إنّه أوسع من خيالي

[الحمدان]

عقلي الشايب ويا قلبي الشاب
المتزن مابي يضيع اتزانه

لا تفضحوني عند تلعات الارقاب
والناس تعرفني رزين وتكانه

انا هواوي والهوى سلم الاحباب
ولا خير في سلم المحبين كانه

يلحقني بمنقود عكفان الاشناب
ولّا يورّدني دروب المهانه

....

[الحمدان]

مابي اعترف لك بالغلا وانت غالي
خلك كذا مابين ضامن وشكاك

مره تقول ان فيه غيرك فـ بالي
ومره تقول ان مابه إنسان يسواك

....

[الحمدان]

‏ماعلمك طول الغياب إني كبير
وإني على كثر إشتياقي ما أتبعك

ماقلت لك قبل التمادي استخير
خل العناد اللي غدابك ينفعك

....

[الحمدان]

يهمّني همّك وأحاتي محاتاك
أنا معك في كل فرحك وهمّك

لا خان وقتك وأقرب الناس خلّاك
تلقاني أقرب من وريدك لدمّك

....