فوق هام السحب ( الشعر الشعبي) على متن القوافي

[الحمدان]

‏يا صاحبي دنياك حظوظ ومقادير
تضحك معك والله يعينك عليها

ناسٍ بقوّه " حظها يطرح الطير "
وناسٍ تطير طيورها من يديها

...

[الحمدان]

أشوف طيبك من سنين الطفولة
‏لين الجمايل في بطون الرياجيل

‏يا أطيب من الشعر و من اللي يقوله
‏و أكرم من الهمّال و أضوى من سهيل

‏تفر من روس الرجال الرجولة
‏فالموقف اللّي في عيونك تساهيل

...

[الحمدان]

‏انسحب من كل قلبٍ مايشيلك
و ابتعـد عـن كل عينٍ ما تـودك

و لا تجي للي تـجيه وما يـجيلك
و لا تـعد اللي تـعمد ما يـعـدك

...

[الحمدان]

‏تغيــب يالغــالي ولا زلــت غالــي
وتعــود وغيابـك سنــة كنها يــوم

وتــرد وانا اقــول حيــدي ومــالي
وتصــد وانا اقول وافـي ومحشوم

ان جات زينه هي لـك اول وتـــالي
وان جات شينة مافي الطيب ملزوم

خــلك على ما قيل صـدره شمالـي
وعــزمه جنـوبي يترك الزاد ويقـوم


...

[الحمدان]

ياحليل اللي تذاكا .. وهو ماهو ذكي
وابتلش في اللي تغابا وهو مابه غبأ

الغشيم مضيع الوقت في كثر الحكي
والنباء قد جابه الطير من وادي سبأ

....

[الحمدان]

فاقدك والكون بغيابك كئيب
لا أحد قبلك ولا بعدك أحد

عفت خلق الله من بعيد وقريب
وأعتزلت الناس بعدك للأبد

كل واحد صار بعيوني غريب
مافقدتك كن فاقد لي بلد

كان همي في حياتي لاتغيب
الحياه بدون ضحكاتك : نكد

ماني أول شخص فاقد له حبيب
بسّ بـغيابك : أنا أكثر من فقد


...

[الحمدان]

- ‏نـاس على زلـة الاجـواد ستاره
لـو تنشد الـناس عنهـا ماتبينها

ونـاس على زلـة الاجـواد عـياره
تحب يدري بها اللي مادرى عنها


...

[الحمدان]

‏‌
‏‌

‏
‏عسى المطر يغسل قلوب المخاليق
‏من همّها من غمّها من كدرها

‏ويمطر على اللي فالقبور المغاليق
‏من مزنةٍ يسبق بردها رعدها

...

[الحمدان]

ما لهذا الشوق اخر ولا هو بالاخير
غيبتك طالت ولكن عجزت اعتادها

اضحك بـ وجه الاماني وانا ماني بخير
ضحكهٍ لا في سنعها ولا ميعادها


...

[الحمدان]

يا حابس النور في كفوفك
سلِّم عسى ينجلي همك

إنسى الزعل خلنا نشوفك
مدّ العتب نسبح فيَمِّك

الناس ما همها ظروفك
كود الذي يحزن لغمك

إنسى الزعل خلنا نشوفك
مدّ العتب نسبح فيَمِّك

و ان شلت حِملك على كتوفك
بتموت محدٍ ترى يمك

إنسى الزعل خلنا نشوفك
مدّ العتب نسبح فيَمِّك



بدر بن عبدالمحسن

[الحمدان]

‏واحد من الناس يكفيني وراضيبه
ماريد غيره ابيه اموت واحيابه

يامر وينهى ولبي لـه مطاليبه
تفداه روحي وقلبن تله انهابه

الزين والذوق هي جملة عذاريبه
وحلو النبا مع دلولن حيل جذابه

...

[الحمدان]

‏كتبت لي جملة على شاطيئ الشوق
وعبرت فيها عن مضامين .. شوقي

يوم احتضنها موج الانظار عن ذوق
واستلهمت احساس فكري و ذوقي

اخذت لي مع سجة البال .. طاروق
وغنيت لحن استاحشت به عروقي

...

[الحمدان]

التقى حـبك مع ضــيق الحيـاه
وانتهى الضيق المهيمن وانسحب

انت من دنياي تخجل من حـياه
في وجودك يستحي حتى التعب

كل شي لجلك يعدل محـتوااااه
والزمن يـأتي على حسـب الطلب

انت راحه تنسي القاسي قـساه
انت فرحه تطفي احساس الغضب

في حلاك البدر ما قارن حلاه
كلما شــافك تـولى واحتــجب

جمّـلك من قد تعلا فــي سماااه
واكرمك بالـذوق يامولى الأدب

...

[الحمدان]

يقول سفر الدغيلبي :

انا متيم .. وفاقد نصفي الثاني
مشفن لزوله ومشتاق لمداهيله

عز الله .. انه عقدلي سحرٍ عماني
مستدخله معي من مبطي وانا اشيله

[الحمدان]

يا كثر ما الأمـس انخدعـنا بالاقـوال
واليـوم كـلاً يشـتـكي ســوء حــالــه

الهـرج لـي مـا يتبعه صـدق الافـعال
كـم نـاس مثـلي منجـرح من فـعـاله

...

[الحمدان]

احـذر تبـوح الـسـر يا صـاح لـ اثنـيـن
انسـان متـخـبـط ولـ انسـان ملـقـوف

حـافـظ على سـرك كـمـا نيـني العـين
بالصـمـت والـكتـمان مغـلَّف وملفوف

...

[الحمدان]

تبسّم ترى الدنيا مثل آلة التصوير
تصورك في غفلتك وتوزع الصورة

وجوه البشر وجهين وجهٍ بشارة خير
ووجهٍ يجيب الهم شوفته وحضوره

عبدالله الطلحي

[الحمدان]

إذا أعـجـبـك شيء بالإنـسـان صرّح به
وإن ما أعجبك كفّ عنه حكاك ولسانك

اللي مايعجبك بعض الناس يعَجَبْ به
وأكـبـر خـطـا تـحـكـم الـعـالم بميزانك

عبدالله بن رشيد الجش

[الحمدان]

خلك بحالك واترك الناس ترتاح
اترك هموم الخلق للي خلقها

مالك ومال الناس فاضح وفضاح
الناس كثر همومها من بعضها ..

الهاب بدر

[الحمدان]

ابو وجه قدامي وعشرة وجيه اخلاف
لعل الضروف تحول مابيني وبينه
،
سرابٍ يجي ويروح في ساعة الميقاف
ينوع لي الضحكات والغدر في عينه
،
عايض ابوشيبه

[الحمدان]

قطف أمل دنياك وأبعد عن الياس
وأضحك وعيش "وتالي العمر" بايد
.
مهما تسوي طيب ما ترضي الناس
من خلقة الدنيا ، رضى الناس كايد
.
حمود البغيلى

[الحمدان]

‏صدق المشاعر تصنع انسان شاعر
والناس تقرا وش كتب في جديده

عينه تشوف ان القصايد.. مشاعر
وعيونهم تلقى المشاعر ... قصيدة

...

[الحمدان]

‏عسى ذكرياتي في عيونك خفيفة ظل
‏عيونك هي اللي لا أزال أستحي منها

‏تشره ولا تعذر، ترى ظروفي أخذ وخل
‏مخاوف سنيني غيبتك كانت أزمنها

‏تعال أجمع شتات الحكي والعتاب وقل
‏من اللي مشرد ضحكتك عن مواطنها

‏وقم وارسم البسمة على أيام عمري عل
‏إليا دارت الأيام من بعدك أضمنها


...

[الحمدان]

يا ونةٍ و نيّتها تالي اللّيل
والعين ملّت نومها من قشرها

عليك ياراعي الرموش المضاليل
اللي يهدد سحرها من نظرها

سودٍ ولا تحتاج للكحل والميل
الله عطاها الزين بدّت بشرها

أحتاجها حاجة بشر مصر للنيل
لولا النهر جاها الجفاف و دمرها

أجمل عباد الله كما نجمة سهيل
وأنت القمر بين النجوم و قمرها

تزورني و زيارتك كنّها السيل
تحيي عروقي لين ينبت ثمرها

و إن غبت عني جاني الهمّ و الويل
وعوّد على الروح الشقيّه كدرها

كم ليلةٍ عقبك بدعت التماثيل
وبيوت شعرٍ جبتها من بحرها

أرسمك في قلبي وأحللك تحليل
و تصوّرك عيني و يسرح بصرها

عز الله إني شفت منك الغرابيل
روحي قزازه مير حبّك كسرها

...

[الحمدان]

‏يالله برزقٍ يحوّل مثل وبل السحاب
‏ألذ من شربة الماء بعد طول الضما

‏ويالله بدعوة خشوعٍ وقتها مستجاب
‏تروح من خاطري سيده لباب السما

...

[الحمدان]

لا زاد ظلم الزمـان وكثـرت أوجاعه
‏بـالعزم والصبـر والحكمـه نعالجها

‏مالي ورا الناس لا مطلب ولاحاجه
‏أرفـع يـدينـي وأقـول الله يفرجهـا

...

[الحمدان]

‏مستعد أعطيك لو تطــلب عيــوني
ما لي أغلى من نظر عيني سواك

لو جميع النــاس من حبك جفوني
يكفي انك مخلص لي في هــــواك

صـورتك بالعين تحميهـــا جفـــوني
وصوره الإخلاص جسدها وفــاك


...

[الحمدان]

‏لبا مساك وهيبة طلــتك والتفاتك
‏ولباك كلك دامكك عل البال تــطري

‏مدري كيف اوصفك او اعدد صفاتك
‏لكن صفاتك غير البشر كــان تدري

...

[الحمدان]

‏يا صباح الهيـل والبن النظـيف
نـسكبـه للـي لهـم قـدر و غلا

تدري أن الكيف مايكمل بكيف
الا إذا حطـوا مع القهوه حلا

....

[الحمدان]

‏اشتقتلك بالامس واليوم مشتاق
وبكرة اذا شفتك يزيد اشتياقي

لجلك يزيد الحب وتزيد الاشواق
ويزيد من بين الظلوع احتراقي

الله جمع فيك الحلاوة والاخلاق
مثلك ولو دورت ماني ملاقي

....

[الحمدان]

قالت هـلا قلت الهلا من شفاياك
تسوى ملايين البشر.. في عيوني

قالت غلا قلت الغلا في محياك
ياصرخة إزعاجي وقمة سكوني

قالت وله قلت الوله يوم لقياك
لو وقفو حساد دونك... ودوني

قالت دلع قلت الدلع في حلاياك
يا ابلغ قصيده ترجمتها فنوني


....

[الحمدان]

أشتقت لك واللي خلق حلو الإحساس
يامشغل قلبي وروحي وعيني

حبي لك أكبر من هوى الناس للناس
تبعد .. تقرب .. أنت موجود فيني

أنت الحبيب اللي على العين والراس
قربك هوى قلبي وأحلى سنيني

....

[الحمدان]

زرعت الــشـوووق كله بإنتظارك
‏وأخذت الإنتظار وجيت عاني

نسيت النــــاس لكن مانسيتك
‏عجزت أنســاك حتى لوثواني

وجودك صعب والأصعب غيابـــك
وأنا في الحالتين أتعب وآعـــاني


....

[الحمدان]

أبيك مثل الورد في الروح مزروع
‏والروح والاحساس والنفس بيتك
‏
‏أبيك مثل النور في العين مطبوع
‏وأنظرك يوم أشتاق شوفك فديتك
‏
‏أبيك مثل الطير له صوت مسموع
‏صوت يداعب مسمعي لو بغيتك


....

[الحمدان]

الوقت يمك ، يـقـربني و يبعدني
والا خفوقي : وصالك شفه و وده

انت بـ مجرد وجودك بس تسعدني
وشلون لا شفت شوقك واصلاُ حده


....

[الحمدان]

احرص على هرجتك عند الاجاويد
لا تنطق الا اللي يعزز مقامك

خلك على هقوة زحول الصناديد
واختار مَنهم بالمواقف حزامك

....

[الحمدان]

‏يقطـع الله حب " مافيه احترام
‏ويقطع الله وصل تاليه الجفاء

ويحفظ الله حب " فيه الإهتمام
على التسامح والتعاطف والوفاء

....

[الحمدان]

‏ياطير طمني على ناس غااالين
واحمل مع نبض المشاعر سلامي

الي لهم موقع بقلبي وفي العين
يسعدهم الله دون ذكر الاسامي

....

[الحمدان]

‏لو إن حظـي يوردنـي دروب العنا
‏مانـي ماخذ من الدنيا سوى قسـمتي

‏لا تحسب إني تعـمدت المفارق وأنا
‏إليا ذكرتك تخالـط دمعتي بسمتي

....

[الحمدان]

عودتني عند ضيق الحال
اسمع كلامك يسليني

القلب قد صار لك ميال
والعين تهواك والنيني

قد انتظرتك بطولت بال
من الليالي تخلصني

حتى لقيتك وهمي زال
ياويلتك لو تجافيني

....

[الحمدان]

‏
‏يا أهل الحزن والياس والحظ الأغبر
‏علاجكم .. موجود .. بين الصلوات

‏اللي فهم ..... وش يعني : الله أكبر
‏كل الأمور .. تصير عنده .. سهالات

....

[الحمدان]

‏خل في صدرك على الدنيا قبول
‏واعرف ان الشمس تشرق لو تغيب

‏وعود لسانك ليا ضاقت يقول
‏الأماني في رجى الله ما تخيب

....

[الحمدان]

‏يالله ياللي عليك الامـر والشكوى
‏يا خالـق الناس يا عالم سرايرها

‏سألتك العافيه والخيـر والتقـوى
‏ والجنه ،، اللي عبـاد الله تدورها

....

[الحمدان]

‏لا ترخص الروح للي ما عرف قدرك
‌لوكان حبه يســـــم القلــــــب ويعلة

‌واللي يقدرك حطة في وسط صدرك
‌وقلة مكانك هنـــا يا عـــــز خلق الله

....

[الحمدان]

يازين ذكر الله في كل الأوقات
وياحظ من قلبه لربه رهينه

لامالت انفوس البشر للملذات
هو لذته ذِكِر وخشوع وسكينه

....

[الحمدان]

‏الله يمسيكم من الخير بالخير
ويكتب لكم طيب الحياه وسعدها

ويكفيكم شرور الزمن والمقادير
ويرزقكم الجنه و زايد رغدها

....

[الحمدان]

‏مشـتاق لـك لاغـبــت عنـــي دقـايق
ودقيـقتــي فــي غيبـتك كنـها عـام

لـحظة غيابك تجعــل القلب ضايق
وتشتـت الافكــــار مــابـين الايــام

ارحم متيم في هواء الحب عاشق
هايم بِشعــره والمشاعــر والالهام

راضي بحبــك سالـي البال رايق
يابلسم اجراحي وياطب الاسقام

....

[الحمدان]

مديت لك عمري على كف يمناك
وغيرك على رجوى هلا مد عمره

نزعت بيبان الثقل غاية رضاك
وشرّعت لك قلبي ويا طول صبره

ميّت شعور وفز قلبي ل طرياك
وأعرف شعوري ما يجي غير مرّه

.....

[الحمدان]

‏خلك كريم الفعل والطيب والجاه
‏و اسلك طريق النعم بالطول والعرض !
‏
‏ضعيّف الوقفه يمن بـ عطاياه
‏ولا ترى الطيّب يشوف الكرم : فرض
‏
‏الغيم لا منّه عطى الارض من ماه
‏ماينتظر رد العطايا من الارض

.....

[الحمدان]

من يوم خيبو بعض الناس ظني
زادت طموحاتي ثقه ما تلاشـت

خسرت بعض الناس يمكن لظ²ني
اخلاقي مع رغباتھم ما تماشـت

.....

[الحمدان]

يا كثر ما الأمـس انخدعـنا بالاقـوال
واليـوم كـلاً يشـتـكي ســوء حــالــه

الهـرج لـي مـا يتبعه صـدق الافـعال
كـم نـاس مثـلي منجـرح من فـعـاله

.....

[الحمدان]

مساء الخير والرحمه وحلو التراحيب
‏ويـارب تسعد لــي مسـاي ومساهم

‏عسانا علـى حوض السعاده مواريد
‏وعسانا مـن اللـي خيـر ربي عطاهم

......

[الحمدان]

كلمة مساء الخير تستدعي الخير
الذكر حصن العبد وابليس مدحور

أسـتغفر الله كـل ما غرّد الطير
واستغفر الله كـل مـا بيّن النور
استغفر
......

[الحمدان]

لا زاد ظلم الزمـان وكثـرت أوجاعه
‏بـالعزم والصبـر والحكمـه نعالجها

‏مالي ورا الناس لا مطلب ولاحاجه
‏أرفـع يـدينـي وأقـول الله يفرجهـا

......

[الحمدان]

‏مآ يذبح الرجل الثقيل السنآفي
‏إلآ العلياء إللي تعرف الموآجيب
‏
‏بنت الرجآل إللي بهآ الزين ضآفي
‏إللي تعرف الطيب و تجنّب العيب

......

[الحمدان]

مساء الغلا والشوق والود والتقـديـر
‏مســاء المحبـه والمحبــه عمـوميـــة

‏مساء المواصل والتواصل بلا تقصير
‏مسـاء التفـائـل يالقلــوب الشقـاويــة

......

[الحمدان]

ماجيتك ألعب بالمشاعر وأخليك
وماجيتك لأجل أستغفلك وأستغلك

گيف أنشغل عنك؟ وأنا منشغل فيك
ليت الشعور ؛ اللي بقلبي وصلك

تغريني أشيائك ، وأتوه بمعانيك
وأقرا تفاصيلك وبعضك وكلك

طموحي : أستحوذ على كل مافيك
أنا معاگ أشعر بـ "حب التملك "

......

[الحمدان]

من وده الناس تفخر به وتثني عليه
ويعيش مستور فالدنيا ويرقا مقاااام

يطيع ربه ويسعى في رضا والديه
ويعامل اخلاق من حوله بكل احترام


......

[الحمدان]

فيك فن وفيك بوح وفيك ذوق
وفيك كل اللي من الدنيا بغيت
..
كل ما فيني عليك يموت شوق !
والمشاعر و الخفوق الي خذيت

.....

[الحمدان]

ذكراك تبقى دام لي نبض' وروح
حرام انك في ضميري مخلد

لو تمضي الايام او وين ما اروح
في ذاكرة قلبي لعشقك مجلد

.....

[الحمدان]

‏الجمايل باقية طول الأبـــــــــد
والوفاءلأهل الوفاءطول السنين

والنقاء والطيب ما هو ملك حـد
غير أصحاب النقــاء والطيبيـــن

.....

[الحمدان]

لبيه لبيه من روحي الى روحي
لبيه يا اغلى من الدنيا ومافيها

لبيه احبك كثر ما تعشق جروحي
لبى حياتك من اولها لتـاليـها

.....

[الحمدان]

خل صدرك على جور الليالي وسيع
‏واعرف ان كل عسر مقتفيه اليسر

‏ولا تحسف على طيبك لو انه يضيع
‏راعي الطيب رابح لو خسر ما خسر

.....

[الحمدان]

عاقلة وأوزن عتابي والملام
لو دموعي بالمعاتب موجعة

هادية من داخلي مثل السلام
وخاطري مثل الفصول الأربعة

راضية ومسامحة لاجيت أنام
للزعل جلباب ماضي وأنزعة

ما أضر وما أحب الإنتقام
للدعاء بيبان صدر مشرّعة

......

[الحمدان]

ماكلّ غـايـــب عـن عـيــونـي فقدته
‏و ماكل شخص القاه يستاهل اغليه

‏مـن بـعْـــد ما قلبي شقيتــه وعدته
‏ما يسكنه غـيــــر الّـذي يعتني فيه

.....

[الحمدان]

‏تغيـب لكنـك علـى البال بـــــــاقي
واكذب على عمري اذا قلت بنساك

اشتاق لـك وان زاد فينـي اشتياقي
ارفـع كفوفـي وادعـي الرب يرعاك


......

[الحمدان]

‏كتبت فيك القصيد اللي يعز القصيد
‏واثريت باسمك بيوت الشعر واغنيتها
‏
‏والله مافيه عندي غير حبك رصيد
‏إلا قصيدة غزل لااشتقت غنيتها

......

[الحمدان]

وشلون اعلّمك بـ اني مانسيتك أبد ؟
و شلون أوصف لك الحزن بشعور اشتياق
‌
بعدك وانا الساكت اللي ما يسولف لاحد
بعدك وانا المندمج مع كل دمعة فراق !
‌
اعطيك عمري فدا بس انت عطني وعد
ان طول الله عمرك لا يطول الفراق


......

[الحمدان]

العز يبقى، والرفاقة توافيق
يا حظ مَن خاوى النفوس الكريمة

لو خيَّروني بين كل المخاليق
أختاركم يا أهل النوايا السليمة

ويبقى غلاكم في صميم المعاليق
وتبقون رأس المال، وأكبر غنيمة

لو طاحت اسواق الذهب والصناديق
ما طاح سوق اهل الوفاء والعزيمة



......

[الحمدان]

‏شمس المحبه للغياب استعدت
ولا عاد لي في ظل رجواك مقبال

ورباح شوقك كان صلفه وهدت
وظلال عهدك يوم طال المدى مال

وبدو الهيام من المعاليق شدت
والشوق مثل البدو نازل ورحال

وكبدي لكل رماح صدك تصدت
والقلب عز الله للحزن.. خيال

والعين بدموع الحسايف ..تبدت
والحال ويش الحال معاد به حال

......

[الحمدان]

‏بعض الغلا يعــرف مفاهيم الاشواق
من شوفت عيونــــــك يترجم كلامك

الشوق ..ماهو ..كله حزن ..و فراق
الشوق يا زيـــــــــن مفهومه فعيونك

......

[الحمدان]

واقلبي ،اللي ،يوم ،ألد، النظر،فيه
كنه ، ابريقً ،عند ،فوج ، الجهادي

من كثر ماحطه، على ،النار راعيه
غاشيه من عقب البياض السوادي


......

[الحمدان]

‏ياليت بعض الناس مايشغل الناس
ويكـون في نفسه جميع اهتمامه

بعض العرب هماز ، لماز ، بلاس
نسي العذاب ونسي يوم القيامة

......

[الحمدان]

هو يجوز القلب يستأجر شعور؟
مرة ٍ للحب ومرة للجفاء

ماهقيت القلب يكسره الدبور
لى صدقْ في الود ما حصل
وفاء

والشعور الصادق اللي ما يبور
مات في قلب المعنّى واختفى

من براد الهجر مايلقى دثور
ومن هجير الحزن ورمضاها
حفاء

وما ركد قلبه على موج البحور
وما صفى جوه ولا وقته صفى

ولا لقى منهو على الرفقةصبور
يسعفه لحتاج ترياق الشفاء

احترق قلبه لمرضات مغرور
ونور قلبه صار جمره وانطفى

جامع ٍ بالكف حفنه من سرور
والفرح ماتم...... عثرة وانكفى

وهل يجوز يعيش مكسور الشعور؟
ولشتكى من جور قلنا له كفى



......

[الحمدان]

لا تتبع مقفي وتشقى تناديه
الناس تتعب من يدور رضاها
اللي يحبك ثابت ٍ في مباديه

واللي يبي حاجه يدور قضاها


......

[الحمدان]

الوقت لى عيا يجيلك على كيف
دور مع الأيام حل ٍ وصرفه

وحذرا تراجع عند صعب المواقيف
ترا الزمن دوار لازم تعرفه

وإلى استوالك حظ عقب التكاليف
مثل الثمر لازم تبادر تخرفه

وإلى حذفك الوقت بين الملاقيف
بعض البشر غدار لو غض طرفه

واعلم ترا الأفعال ماهي سواليف
وجود على سرك بصدرك وظرفه

ياكم من واثق بروس المشاريف
زلت به الاقدام وانهال جرفه





......

[الحمدان]

ودي بشوفك كل مااصبحت وامسيت
ممســاك فـي قلبـي وصبحـك بعينـي

ان قلـت احط بداخـل العيـن لك بيـت
خـايـف يحـول الرمـش بينـك وبينـي

وان قلت احطـك داخـل القلب عييـت
صعبه علي اخفيك عن شـوف عيني


......

[الحمدان]

‏مـن ﺻﺐ ﻟﻲ ﻣـﻦ ﺩﻟﺘﻪ ﺭﺑـﻊ ﻓﻨﺠﺎﻝ
صبيت لـه مــن خـافـق الـروح دلـه

ﻭﻣﻦ ﺳﺎﻕ ﻟﻲ ﺑﺎﻟﻄﻴﺐ ﻗﻮﻝ ﻭﺃﻓﻌﺎﻝ
ﺃﺳــﻮﻕ ﻟــﻪ ﺍﻟـــﺮﻭﺡ ﻭﺍﻟـﻌــﻤـﺮ كـلّـه

......

[الحمدان]

لاتصغّرين النفس وانتِ كبيره
‏ولا تمسكين الوقت وانتِ الخيارات

‏ولا تسمعين الزيف وانتِ بصيره
‏ولا تغيرين الطبع وانتِ القناعات

‏ولا تشابهين بشي وانتِ الاخيره
‏ولا تسابقين الغير وانتِ البدايات

‏ولاتقبلين القِل وانتِ كثيره
‏ولا تطلبين الحل وانتِ الاجابات

......

[الحمدان]

‏عيني بعينــك خـــل عيني تشوفك
اشتقت اقـــرأ في عيونك حكاويك

ودي اذوب بنظــرتي في وصوفك
وابحر بعالم فيـه كامــل خوافيك

ياليت تعـــرف يوم جتني طيوفك
حسيـت روحي ذايبه ياالغلا فيك

مشاعـري لك كل ابوهــا تحوفك
والله مابه شخص عندي يساويك

......

[الحمدان]

شلتك بصدري يوم ضاقت لياليك
‏و أشعلت لك نار كوتها ضلوعي

‏أخطيت في حقيّ ولازلت أناديك
‏ عندي أمل بكره تحن لرجوعي

‏ أنا الأمان اللي قتلته بـ أياديك
‏ و أنا ضياك شلون تطفي شموعي؟

‏ بالأمس توعدني وعد ما أخليك
‏واليوم أحارب بالمفارق دموعي .

......

[الحمدان]

خل السكوت يسود كل المواضيع
أنا أكبر من اللوم ومن التشكّي

من أبسط حقوق الكلام إنّه يْضيع
الواقع أصدق من يقيني وشكّي

لا تنتظر منّي عبارات توديع
ما عندي ألّا الضحكة اللي تبكّي

......

[الحمدان]

اليوم ماعاد به !. شي يهقويني
‏الوقت بوّار والنخوات معدومه

‏واشوف شي طلع ماهوب مرضيني
‏ذكرني اللي !. من اول مبعد حومه

‏يشقى بن آدم وهو مخلوق من طيني
‏ويرجع على !. حفرة بالطين مردومه

‏لابد يوم به !.. المرسول ياتيني
‏العمر له حد والآجال محتومه

......

[الحمدان]

حنا كبرنا على المشروه والانتقاد
سمه تغافل تجاهل سمه اللي تبيه

حتى الرفيق السنافي والرفيق الحشاد
من خيب الظن منهم ماشرهنا عليه

يمرنا يعتذر عقب الزعل والعناد
ويروح من عندنا ماسمع شرهه وليه

ان قال كبوة جواد نقول كبوة جواد
وان قال طيحة جمل قلنا جمل ماعليه

......

[الحمدان]

‏تفاءلوا بالخير .. ياتيكم الخير
ما للحياه بدون الآمال .. قيمه

َالصبر مفتاح الفرج والتباشير
والياس مفتاح الحزن والهزيمه

......

[الحمدان]

وش فيك تالي الليل جريت،،،،موال
صحيت به من كان نايم،،،،،،وهادي

سرا يقلب ذكرياته،،،،،،،،،،،،،،ولازال
يجمع شتات ويصفق(ن)،،،بالايادي

يهل دمع(ن) من سبايبك،،،،،،،همال
فاضت عليه وسيلت كل،،،،،،،،وادي

......

[الحمدان]

الكلمة الزينة على الراس والعين
والثانية في صفحة اللي نطقها

المنبت الطيّب يجي منتجه زين
ولاّ الخبيثـه بيّنه من ورقها

......

[الحمدان]

يا شبيه الريم يالطرف الخجول
يا عيون الحر يا باهي الجمال

يا فريد الحسن يالريم الجفول
وصفك اشبه ما يقارب للخيال

......

[الحمدان]

‏سجل قصيد آلغلآ بـ أسمك وسجلني
أول متآبع لـ أحآسيسك ...ولمسآتك

لو تكسر آلبيت كمل .....لآتكلمني
يكفيني أسمك مسجل بـ أخر أبيآتك

......

[الحمدان]

‏أبكتب قصيدي فيك وأعلن غلاك إعلان
‏وأسميك نبض الشعر والشعر مجنونك

‏تجاوز غرامك واقع الصمت والنسيان
‏أحبك وأحب أرضك وناسٍ يحبونك

......

[الحمدان]

‏تعال زيح السكوت اللي كتم صدري
‏احتاج نسمة سوالف بيني و بينك

‏ما عاد باقي من أجوبتي سوى مدري
‏ولا عاد باقي من اسألتي سوى وينگ

......

[الحمدان]

أبكتب قصيدي فيك وأعلن غلاك إعلان
وأسميك ليل الشعر والشعر مجنونك

تجاوز غرامك واقع الصمت والنسيان
أحبك وأحب أرضك وناس يحبونك

......

[الحمدان]

يحميك ربي من متاهات الأقدار
‏يا بهجة الدنيـا ونجمــة سمـاها

‏بينك وبين العمر لو كنت باختار
‏أرخصت نفسٍ لك عطت ما وراها


......

[الحمدان]

‏لـو نجازي كل غلطـه بـ الزعـل

مـا بقى معنـا من الرفقه رفيق

بس نتجاهل عن المخطي لعل

يدرك الغالي ويرجع لـ الطريق


......

[الحمدان]

‏كـانت صدور الناس جداً وسيعة
واليوم لا هرجة ولا خاطرٍ زين

عقب الوصل دبت خيوط القطيعة
ياالله على هذا الزمان انگ تعين

......

[الحمدان]

‏بعض الكلام اللي ماتحسب له حساب
في قلب غيرك ما يمر بسهوله

خلك مع العالم تعاملك من باب
اللي ما ترضى تسمعه لا تقوله



......

[الحمدان]

‏ﻳﺒﻘﻰ ﻏـﻼﻙ ﻣـﻌﻠﻘﻦ بين ﺍﻷﻧﻔﺎﺱ
ﻏـﻼﻙ ﻳـﺒﻘﻰ ﻓـﻲ ﺧﻔـﻮﻗﻲ ﻣـﻘﺮﻩ


ﻭﺇﻥ ﺻﺎﺭ ﻓﻲ ﺩﻧﻴﺎﻙ ﺿﻴﻘﺔ ﻭ ﻫﻮﺟﺎﺱ
ﻓـ ﺃﻧﺎ ﻣﻌﻚ ﻓﻲ ﺧـﻴﺮ ﻭﻗـﺘﻚ ﻭﺷﺮﻩ

.....

[الحمدان]

من عرفتك وأنت ل عيوني نظرها
ليه ما أحبك ؟ و أفسر بك جنوني

كيف ألد العين و أسلا في بصرها ،
وأنت شوفي وين ما راحت عيوني

......

[الحمدان]

تبقى وليف القلب لو صار ما صار
وتبقى نظر للعين لو ما تشوفك

وتبقى سلاح الروح ولو منك اضرار
وتبقى عزيز وعزتك من وصوفك

اسمك نقشته بين الاضلاع تذكار
وقلبي نزعته خوف يزعج حروفك

......

[الحمدان]

‏الغـلآ رغم بعـدك عن عيوني يزيد
تحت ظل الغياب ورغم كل الظروف

يوم كل تمنى . . شوفـة اللي يريد
يعلم الله غـيرك ماتمـنيت أشوف


......

[الحمدان]

ياحي من جاني وفي عينه الشوق
ياحـي منـطـوقـه وياحـي شـــوفه

الـغالي اللــي بالغــلا مـنزله فــوق
كل المـشاعر فـي حضـوره شغوفه

‎

.....

[الحمدان]

فيني عتب اكبر من الكون كله
‏ وفيني على صدة وليفي مشاريه
‏
‏ بس الكرامه فيني تقول خلّه
‏ من لا يداري خاطرك لا تداريه

.....

[الحمدان]

طاب المساء يازين واعز مخلوق
بلسم علاجي حين يطلع ضهورك

اراقبك عن بعد والقلب به شوق
يا عـز ووفاء حـب جـينا. نـزورك

ع الوفاء والحب والصدق يذوق
نبقى كما العشاق نكمل سرورك

......

[الحمدان]

‏أبكتب قصيدي فيك وأعلن غلاك إعلان
‏وأسميك نبض الشعر والشعر مجنونك

‏تجاوز غرامك واقع الصمت والنسيان
‏أحبك وأحب أرضك وناسٍ يحبونك

......

[الحمدان]

‏تسرقني اللحظات لاصرت وياك
كن الزمن غير الزمن في حضوورك

من كثر مااحبك ومن كثر ماهواك
ومن كثر ماااعيني تمنى ظهورك

حتى مكاانك لاا تركته تمناك
مثلي ولا يبقى لنا الا عطورك

.....

[الحمدان]

‏ما يعزك في زمانك وأنت حي
‏غير مد العون* للناس* الجميع

‏ولا يذلك في زمانك غير شي
‏الحيا لاضاع من وجهك تضيع

.....

[الحمدان]

صف النوايا و خلك للوفا وافي
ومنابع الود جنّب مـا يكدرها

لاترمي أحجار شكك والنهر صافي
حاول تعرف الحقيقه من مصادرها

......

[الحمدان]

هون على نفسك إذا ضقت وتهون
لا تنشغل بالشرح والجرح جرحك

الي يبي كرهك بيكرهك من دون
واللي يحبك ما هو محتاج شرحك

.....

[الحمدان]

قصيدة الاستغاثة

بديت باسم الواحد النافع الضار
سامع دعاء يونس بجنح الضلامي

اللي نصر عبده على احزاب الاشرار
رب تخاضعله رقاب الانامي

نخضع له ونسجدله اجلال وكبار
الهنا في طاعته مانلامي

واللي بعدها نبتدي بدع الاشعار
من هاجس يبدع بجزل الكلامي

ياخذ من خيار المعاني ويختار
ويروي بها عطاش الكبود الحيامي

الشعر له في محضر الطيب محضار
ولا يسمو الا في لقاء كل سامي

وانا ماجيب عن المواقيف معذار
احضر مع اهل الطيب واكرب حزامي

امشي قدم ويمين ماعود يسار
وارفع نضر عيني على العز امامي

شاعر ولي فالشعر مارد ومصدار
ليا وردت العد ماجيت ضامي

وانا حضرت بلازمي بين الاخيار
طبع (ن) لجداني وابوي وعمامي

في حلة (ن) تجمع طويلين الاعمار
روس الشيوخ مجملين المقامي

شيوخ قوم جالهم صيت واخبار
في وقتنا الحاضر وماضي العوامي

حضرو مقام اللي له المدح والكار
اسمه يعد مع اولين الاسامي

طاريه بين الناس ممدوح الاذكار
تاج الشرف لبسه وشد الحزامي

في ماقفه صامل ولا دور اعذار
شجيع راس وقلب صلب العضامي

وافي خصايل من طويلين الاشبار
قسمه مه اهل المجد راس السنامي

ابو فلاح مدله الضيف والجار
النادر الحر العديم القطامي

حر شهر مجناه من ماكر احرار
كريم يمنى من سلالة كرامي

جده متعّب فاللقاء قحص الامهار
يمسي جنوب ويصبح الصبح شامي

يصبح بدار ويمسي الليل في دار
عقيد قومه فاللقاء والزحامي

طلق ليا عدو بعيدين الانضار
تاريخ مجده مايجيه الملامي

من عزوة تسقي المعادين الامرار
الاد روق وصفهم مايضامي

وعلى الرسول الهاشمي سيد الابرار
صلو عدد ماهل وبل الغمامي



خلف بن زهيميل الحربي

[الحمدان]

اقـبـل يـحـرك خـطـوة الـرجـل بـرفـوق
والـقــاع لمـصـافـح خـطــاه يـتـشــوق

مخـلـوق لكـنـه مـاهـو بــأي مـخـلـوق
عــلــى بــنــات آدم وحـــــوى تــفـــوق

عليـه لبـس ٍ يجمـع الوسـع والضـوق
مـوسـع بعـضـه وبعـضـه مـضـوق

مــر وتـعـدا مـابــدا مـنــه مـنـطـوق
الا انـــه بـجـيــش الـمـفـاتـن مــطــوق

خلاني امشي واقضـب الـدرب واتـوق
مـانــي بـتـايـق عـقــل لــكــن مــتــوق

تقووول مرمي ٍ على الارض من فوق
والا مــن الـسـم السقـطـري مــذوق

يغـفـى عـلـي شــوي وشــوي ٍ افـــوق
واقــــول لاستـيـقـضـت والــبــال روق

مـــدام لامـعــوق ولا صـايـبـه عــــوق
وراه يـمـشـي مـثــل مـشــي الـمـعـوق

اللي على حاله خطر من هـل السـوق
مـفــروض يـمـنـع مـايــروح يـتـسـوق



لافي الغيداني

[الحمدان]

يا راكبٍ من عندنا فوق مهذاب
مامون قطاع الفيافي الى نويت

عند الفضيلة عد يومين بحساب
اول قراهم قول ياضيف حييت

حرٍ صغير وتوما شق له ناب
وعقب القرا ودع رجال لهم صيت

وليا ركبته ضربه خل الاجناب
وانحر لنجم الجدي وإن كان مديت

واسلم وسلم لي على عقاب وحجاب
سلم على مضنون عيني إلى الفيت

بالحال خص عقاب فكاك الانشاب
ينجيك كان انك عن الحق عديت

قل له ترى شامخ شمخ عقب ماشاب
وياعقاب والله ذللوني وذليت

وياعقاب حدوني على غير ما طاب
وقالوا تودر من ورى الما وتعديت

من عقب ماني سترهم عند الاجناب
وليابلتهم قالة ما تتقيت

مادام شامخ مالك جرد الأرقاب
لوزين الفنجال لى ماتقهويت

ياعقاب حط بثومة القلب مخلاب
من العام في نوم العرب ماتهنيت

الجفن عن نوم الملا فيه نتاب
وعد الطعام مدوس به حلاتيت

عقب المعزة صرت ياعقاب مرعاب
والناس حيين وأنا عقبكم ميت

من الضيم ياعقاب السرب عارضي شاب
واذويت من كثر العنا واستخفيت

فاتن ثلاث سنين والنوم ماطاب
وشكواي من صدري عبار وتناهيت

البيت مايبنى بلا عمد واطناب
متي يجينا عقاب يبني لنا البيت

مالي جدا إلا عضة البهم بالناب
وراعيت كثر الحيف بالعين واغضيت

ارجي بشير الخير مع كل هباب
ومتي يجونا اخوان نمشة على الصيت



سعدون العواجي

[الحمدان]

‏الحمدلله انا عقب المطر طيّب
‏ولي دعوةٍ فالمطر ماني بمخفيها

‏عسى الغشين القراح النافع الصيّب
‏يغسل صدور البشر مما أعتلج فيها


......

[الحمدان]

‏الظاهر أحيان ما هو مثل غيب الأمور
‏من يكتفي بـ المظاهر فـ الليالي غوى

‏-البدو- جلفين لكن مرهفين الشعور
‏شعورهم يجرحه مرات .. هب الهوا

‏إستثقلو (لا) و شافوها تحس الصدور
‏و إستبدلوها عن القسوة بـ (ما لك لوا)

......

[الحمدان]

‏والله ماندري نحب الناس ولا نعيف
‏ماعاد فينا على بعض الاوادم صبر
‏
‏اذا اعطيت البشر وجهك قالولك خفيف
‏و اذا تعديت قالو عنك وش هالكبر

......

[الحمدان]

دام قلبي لك سما . . .ضـم السـحاب
في ضلوعي تشرق . . .و غيرك غرب

لو آبحسب فيك . . بيضيع الحساب
اَنت واحــــد لكن . . . بـ قلبي عرب


......

[الحمدان]

‏معادابي حبك على كل الاحوال
‏ونسيانكم اشوفه افضل طريقه

‏الكذب محبه والصدق ينقال
‏معاد ابي شوفك ولو هي دقيقه

‏من يتبع المقفين مهو برجال
‏مجاملك يبنت هاذي الحقيقه

‏وهذ شهر معاد تطري على البال
‏واليا طرى طاريك قلت بحريقه

......

[الحمدان]

‏في زوايا تالي الليل يرتاح الضمير
‏لا فهق عقب اول الليل باقي ضيقته

‏لا كذب وجهي عليكم وقال اني بخير
‏برقّوا في لمعة عيونه وتدنيقته


......

[الحمدان]

تقصيرنا واجد وغلطاتنا كوم
‏وامالنا في رحمة الله كبيره

‏ما تأخذه سنة ولا يأخذه نوم
ولايعلم اسرار المخاليق غيره

......

[الحمدان]

لولا الشجاعه ماظهر صيت عنتر
‏ولولا الكرم ماجا لحاتم حظابه

‏ولولا اكبود الحوت ماصار عنبر
‏ولولا العدل في الارض راحت خرابه

‏
محمد الخس

[الحمدان]

لا تساومني وانا ادري وانت تدري
‏اني اعاف الجفى لكن ما اخافه

‏خابرٍ قدرك بصدري بس صدري
‏ما تعوّد يلحق المقفي حسافه

......

[الحمدان]

‏لاغاب عنك اللي غيابه مصيبه
‏وطالت به الغيبه ولاجابه الشـوق

‏ما فيه داعي تنشده عن مغيبه
‏ماغاب عنك الا وهو منك مسروق

‏خله يكمل غيبـته وش تـبي به
‏لا تلحقه لو كل مطـرود ملحوق

‏ترى المحبه ما تجي ب الغصيبّه
‏لو السما تطبق على الارض من فوق

......

[الحمدان]

ابن شايق طيّب الله ثراه قال :
" أحب التراب اللي مشوا به لو إنه تراب
وأمر المكان اللي لهم فيه مدهالي "

وقال سعد علوش :
" روّح مع الشارع اللي قلبي يحبّه
من حب راعيه .. ولا هو ترى شارع

[الحمدان]

الجمال الي يقولون في وصف الجمال
زاده الله مع حلاها حلا منطوقها

فيك من عين الندواي ومن عنق الغزال
فيك من لون الخزامى ومن زملوقها

......

[الحمدان]

‏يستريح البال لاهبت أنسام الـهبوب
‏سامح من هزل بعض العباد وجـدهم

‏في رجا اللي يفرج الهم ويغسل الـقلوب
‏عن بشر .. ماني بـ معهم ولاني ضـدهم*

‏فيه ناس ماورى عرفهم .. غير الذنـوب
‏ماقدرت اشري غلاهم ولاخطب ودهـم

‏خيرة لي .. يوم راحوا مع وساع الـدروب
‏ياعسى درب خذاهم ماعاد يـردهم


......

[الحمدان]

‏حطني في قلبك وعينك وبين اهدابك
‏وعطني كفوفك كلام الناس مايعنيني

‏يا فديت اطباعك وضحكاتك وترحابك
‏وعينك اللي لا رضيت تحطها في عيني

‏والقصيد اللي معي يبدا بك وينهى بك
‏جعلني ما ابكيك يوم وجعل ماتبكيني

‏مادريت اني تعديت السما بأسبابك !
‏لين شفت الكل بالإجماع مُعجب فيني


......

[الحمدان]

ﻣï؛ژ ï؛—ـﻌﻮï؛©ï»§ـï؛ژ ﻋï»*ـï»° ï؛£ـï؛گ ï؛چï»ںﻜï؛کـــﻮﻑ
ï»» ï؛»ـï»گï»´ــï؛® ï»*ï»» ï»›ـï؛’ï»´ـï؛® ï»*ï»» ï؛چﻣـï»´ــï؛®

ï»*ﻣـï؛ژ ï؛—ﻌﻮï؛©ï»§ـï؛ژ ﻋï»*ï»° ﻣـï؛ھ ï؛چï»ںﻜﻔــــﻮﻑ
ï»ںï»® ﻧﻌﻴï؛¶ ï؛‘ﻼ ﻓï؛®ï؛چï؛µ ï»*ï»» ï؛£ï؛¼ï»´ــï؛®


......

[الحمدان]

يازينها والله حياة .......القديمين
اللي مـا تعجبـهم علـوم الـرخـامـه

عاشو على ظهر البسيطه عزيزين
وضمتهم بـطـون الـقـبـور بكرامـه


......

[الحمدان]

‏قلبي خذاه اللي يحبه ويغليه
وروحي معه بالحب غصب خذاها

يموت في حبي وأنا ميت فيه
وأعطيه من روحي مثل ماعطاها


......

[الحمدان]

‏ياذا المساء روق وجيب الطواريق
خل النفوس بروعة الجو تسلى

فنجال من دله وكاسه من ابريق
ونفس خفيفه مع قصيد محلى


......

[الحمدان]

ودي بشوفك كل مااصبحت وامسيت
ممســاك فـي قلبـي وصبحـك بعينـي

ان قلـت احط بداخـل العيـن لك بيـت
خـايـف يحـول الرمـش بينـك وبينـي

وان قلت احطـك داخـل القلب عييـت
صعبه علي اخفيك عن شـوف عيني


......

[الحمدان]

قلت الغلا تاجك و قالت فديتك
قلت الحشا بيتك و قالت سكنته

ضيعت قلبي بين عشقك و بيتك
حتى الغزل لا من لمحتك سجنته


......

[الحمدان]

‏العافية والستر ، مع راحة البال
هذي الثلاث ، اعدها راس مالي

ياللي تقول الغالي اشريه بالمال
اللي يجي بالمال ، ماهوب غالي


......

[الحمدان]

‏حمدتك على خير وحمدتك على مكروه
‏وسبحانك اللي لا ألتجى عبدك، أنصفته

‏أجي لك بوجهٍ ساير الناس ما شافوه
‏على شان وجهٍ ساير الناس عارفته


......

[الحمدان]

ياكثر ماشابت مع الوقت والاحلام
وياكثر ماخابت مع الناس هقوه

لكن على الله..... يا صواديف الأيـام
بكره يطيب الجو.... ويطيب جوه


......

[الحمدان]

‏ﺗﺪﺭﻱ .. ﻭﺵ ﺍﻟﻠﻲ ﻳﺬﺑﺢ ﺍﻟﻮﺭﺩ ﺑﺪﺭﻱ ؟
ﻻ‌ﻣﻦ ﺯﺭﻋﺘﻪ ﺑـ ﺍﺭﺽ ﻣﺎﻫﻲ ﺑـ ﺍﺭﺍﺿﻴﻪ

ﻭﺗﺪﺭﻱ ﻭﺵ ﺍﻟﻠﻲ ﻳﺤﺰﻥ ﺍﻟﻘﻠﺐ .ﺗﺪﺭﻱ
ﻗﻠﺐٍ ( ﻳﺬﻭﻕ ﺍﻟﻤﺮ )..ﻣﻦ ﻛﻒ تغليه


......

[الحمدان]

ما نشدت الشمس عن حزن الغياب
‏ علّمتنا الشمس نرضى بالرحيل

‏

‏ ‌الامير بدر بن عبدالمحسن⁩

[الحمدان]

‏لابدّها يا سعود بتغيب شمسي
‏ذي سنةٍ رب الخلايق فرضها

‏و لعلها حريتي بعد حبسي
‏و لعلي ألقى عند ربي عوضها

‏
‏‌ الامير بدر بن عبدالمحسن⁩

[الحمدان]

‏لـو نجازي كل غلطـه بـ الزعـل
مـا بقى معنـا من الرفقه رفيق

بس نتجاهل عن المخطي لعل
يدرك الغالي ويرجع لـ الطريق



......

[الحمدان]

‏عسى تالي الايام للصابرين إفراج
ويالله على من ضاق صدره تفرجها

انا ماني لغير الله بفزعته ..محتاج
هواللي خلق خلقه ويقضي حوايجها


......

[الحمدان]

روحي بلاش من السوالف والأعذار
خليني أنسى حبنا وأعذريني

ضاعت أمانينا ودار الهوى دار
وهبت هبوب البعد بينك وبيني

تتجدد الأيام والوقت غدّار
وتعلّمي من مقبلات السنيني

كان الهوى جنّة وصار الهوى نار
نار الفراق تعذّب العاشقيني

كنّا نعيش بجوّ أفراح وأسرار
مانستمع لـ كلمة الحاسديني

واليوم صارت قصة الحب تذكار
يفرح بها القلب الرقيق الحزيني

كتبت من أجلك حسينات الأشعار
آخر قصيدة قلت فيها اذكريني

روحي بلاش من السوالف والأعذار
خليني أنسى حبنا وأعذريني



حمود البغيلي

[الحمدان]

قالوا توجّد قلت ياناس ماسرّ
كثر التوّجد مايسر المحبين

قالوا علامك ؟ قلت ضايق ومحتر
من واحدٍ في القلب حبّه من سنين

أنا انتظر والزين طول ولا مر
هذا شهر واسبوع غايب عن العين

الله واكبر ياحبيب تجبّر
بعد المحبة بدل الزين بالشين

مادري بلاه الوقت ولا تغير
الظاهر انه غيّروه المعادين

ان كان غيره الزمان وتكبّر
ماني من اللي يطردون المقفين


حمود البغيلي
الكويت

[الحمدان]

مايتفق بالكون عاقل ومطفوق
وحنا من العلم الصحيح اقترحنا

نسرح ونضوي لاسرح كل هذلوق
واليا ضوى بالعلم الاشدق سرحنا

نقصر أخطانا مانجي كل صلفوق
اليا تبعنا طايح الهرج طحنا

نرفع نظرنا عن نظر راعي البوق
نتبع نصيحة جدنا اللي نصحنا

جعنا ونبغا درتن من لبن نوق
أنياق شاوي لو ظفرنا ذبحنا

جينا خفا بالليل عن كل محموق
وكلب الشواوي في نبيحه فضحنا

نبح ونشقته من الملح مسحوق
وطرّح يديه وبعدها مانبحنا

نمسح ديوس خيارة الهدل وتفوق
وفاقت ومنها ماملينا قدحنا

اغنى تجار السوق ابو راس محلوق
زنده قصير وشوف عينه طفحنا

راكب شبح ويكايد الناس بالسوق
وحنا رفيعات المعاني شبحنا

ورحنا البقوم اللي من ايمن بني روق
وعن العطيف وحزم ركبه شطحنا

سارين لاما شعشع الصبح بشروق
وبزكا وجيه من الرجال اصطبحنا

ابو بدر فيصل وناصر ومرزوق
ولبو بدر في خافي السر بحنا

عزيز قوم وحر بالعلم ماثوق
وان ماصلح مقصودنا ماصلحنا

يحمل صفات ترجح الوزن وتشوق
صفات صدق بنشرها مامزحنا

هيبه وجاه وطيب مع حسن منطوق
علمه يداوي جرحنا ماجرحنا

والليل عسعس واصبح الخط مفروق
وحنا حجزنا بالسفينه ورحنا

داخل بحر كل الخطر فيه مرفوق
لو تستريح اقدامنا ماسترحنا

يصفق بنا من موج الابحار صافوق
واليا صفقنا عن سناالدرب زحنا

وخيلّ خيال وبه عواصيف وبروق
وموجن تقفانا وموجن نطحنا

والباخره راحت تقل حجم زاروق
وفكيت بيبان النجاه وطبحنا

الما دخلها مع طرف لوح مشقوق
ماخشها مع بابها اللي فتحنا

نبغى السلامه مانبي مال وحقوق
اما غطانا الموج واللا سبحنا

وارواحنا سلمت ولا جالها عوق
والباخره بأنقاذها مانجحنا

وفرح الحزين اللي من الهم محروق
وحنا زعلنا في ليالي فرحنا

احداث منها يدهش الفكر ويفوق
وحنا اليا خسرو أعدانا ربحنا

اول لنا في خزنة المال صندوق
والمدح كلاً في وسامه منحنا

كلاً مدحنا في سوالف لها ذوق
وضاع الرصيد وسبنا اللي مدحنا

كتبت قصة حب عاشق لمعشوق
والحب رمز وعن رموزه شرحنا

وراحت سوالف بين سارق ومسروق
واللي كتبنا من كتابه مسحنا

ياساعي الاخبار مانته بمطلوق
اجلس بالامر وجانح اللي جنحنا

اوقف وقوف أحصان بأصطبل مزنوق
وغادر حدود الدار لنا سمحنا


مسعد راس الجهني

[الحمدان]

ياوجد قلبن صابه الوجد والشوق
وجددد اليتيم اللي فقد والدينيه

يبكي عليهم دم من قلب محرووق
روحه من اصروف الليالي حزينه

على الذي حبه سكن جوف واعروق
قفا واخذ قلبي برااااحة يدييينه

......

[الحمدان]

كم سؤال مات في صدري جوابه
وكم اجابه حية قبل السؤال

السؤال يتيه في ليل سرا به
والاجابه ثابته في كل حال

والسؤال اللي له بنفسي مهابه
ليه احبك حب جاوز الخيال

.......

[الحمدان]

‏أعطش لشوفك وترتـوي بك عيوني
لأنـك غدير اللي من الوجد عطشان

أشتاق لك شــوقن يهــيض شجـــوني
شـوق المحب اللي تعلق بخــلان

أهواك لاخر حــد يرضي جنوني
وأبقى أحبك طول عمري والازمان


.......

[الحمدان]

‏أنا القصيد .. اللي يبادلك الأشواق
و أنا الحروف اللـي تنـاثر عشانك

لانك غلاي وكلك أشواق بـ أشواق
لاھنت يا شوق .. ولا الوقت ھانك


.......

[الحمدان]

الناس والدنيا منازل بلا ساس
‏رحيلها وان طولت مقتفيها

‏هذي هي الدنيا وهذي هي الناس
‏خسران من علق هقاويه فيها

‏
......

[الحمدان]

بيني وبين الحب حرب من سنين
‏اشد واقوى من حروب الرغامه

‏احط هدنه لجل اعرف الموازين
‏وعشان ما توصل لحد الكرامه

‏طبيعتي ما اتبع دروب المقفين
‏لكن لحد يلحق علي الملامه

‏لو الغلا ما يخلط الزين بالشين
‏ما كان للاحباب قدر ومقامه

‏يا وجد روحي ما مضى غير عامين
‏وش له يداهمنا الحزن و الندامه ؟

‏اثر الزمن غدار وبدون "تامين"
‏ناوي علي واقابله ب ابتسامه

‏حنا على هفوات الايام ماشين
‏والادمي فاهي ليوم القيامه

‏جاني يواد عني وداع المحبين
‏مع السلامه " قلت ما من سلامه"


.......

[الحمدان]

‏العقل ماهو بشرط انه يجي في الكبير
واللي يقيس العقل بالسن مدري عنه

تلقى لك انسان وش كبره وعقله صغير
وتلقى لك اصغير سن وعقله اكبر منه


......

[الحمدان]

صحيح ما جتنا الليالي على الكيف
مره تجينا ثقال ومره خفافي

الحال مايحتاج نشده وتوصيف
ما كل يوم ينحسب لي عوافي

ظروفنا تشبهة سحاب منالصيف
بعد المطر تهب صلف السواقي

وليا نشدنا من يحب السواليف
قلنا بخير ولا لحقنا خلافي


.......

[الحمدان]

يا راكب اللي ما لحنه ظلافه
ولا داره الجمّال يدني العلف له

ما مون توه يصطفق في عسافه
لو طال طيول المدى زاد جفله

يا دار يا دار العنا والتلافه
وين الغضي ويش أمره اللي صدف له

تقول أخيله يوم عقب سنافه
واليوم ما درى وين دربٍ ذلف له

يا دار يا ما جيت لك بانصرافه
نوب على عينه ونوب بغفله

يا دار ياللي مثل بو وقافه
تبهل عليه الطايلة وتعطف له

البارحة شفت الحبيب خطافه
خبرك بشوف الليل ما ينصرف له

وبوي ما زين وقفته بانحرافه
والكل منهن يوم دنق وقف له



فهيد المجماج

[الحمدان]

ياغصن موز ناعم له تمرياع
ومنين ماهب الهوا مال حمله

عليه ماوقفت عيوني بالأدماع
وهجس إن يلحقني على الطول سمله

أعوي عوا ذيب ورا النزل لاجاع
يقنب إلين الله يجيب اللحم له

يامل قلب من هوى زيد ينصاع
كما يصوع الصيد رام خطم له

حبه يخج القلب ما يوجع أوجاع
لاشك قلبي مودعه بيت نمله



فهيد المجماج

[الحمدان]

لا تكبّر الهقوة ترى الناس تخذلك
وخل الثقه بحدود واحسن نواياك

واحرص على فعلٍ جميلٍ يجمّلك
وخلك كريم أخلاق والطيب مبداك


.......

[الحمدان]

أمسيت بيت الغلا عايش به لحالي
واصبحت في عزلةً ماني بقاويها

كنت أحسب اني قوي فرقا ولا أبالي
وان هاجت أشواقي احاول أهديها

كابرت واصبرت عنها لاكن البالي
ما سج منها ولا فكر يخليها

ياشبه وضحاً تذبّ المرقب العالي
من حبها عند راعيها يباريها

‎


فالح علوش

[الحمدان]

مرحبا من سبب ولا بليّا سبايب
ياسبب كل جرح ويادوى كل عله

ياحبيبي بدون أدنى شكوك وطلايب
والله وبالله اللي كوّن الكون كله

إنك الحاضر اللي كن ماهوب غايب
وإنك الغايب اللي ماتغير محله


.......

[الحمدان]

‏نصبر على ميل الزمن ،، و انعواجه
ونسعى لكسب الطيب في كل منهاج

مرات نقضي للمطاليق حاجه
ومرات حنا للمطاليق نحتاج


.......

[الحمدان]

يا باذل الطيب خل الطيب في فاله
إبذل وتلقى جزا الإحسان عند الله

الناس لو يمدحون الشخص لأفعاله
بكره يذمّون نفس الشخص من زلّه


.......

[الحمدان]

‏تفاءلوا بالخير .. ياتيكم الخير
ما للحياه بدون الآمال .. قيمه

َالصبر مفتاح الفرج والتباشير
والياس مفتاح الحزن والهزيمه


.......

[الحمدان]

اما عن الأمآني :
‏تمنيت شي وقدر الله شي وصار
‏ولا لي سوى وجه الرضى لو تصنعته .

‏اما عن الخيره :
‏انا هقيت ان راحة العبد في ما اختار
‏واثر خيرة المولى لعبده مسنعته .

‏اما عن الواقع :
‏تبون الصراحة والله اني بغيت انهار
‏ضروف الحياة اقسى من الي توقعته

.......

[الحمدان]

القلوب اللي نواياها نظافي
ما تلاقا مع قلوبٍ مستهيمه

ومن يريد المقبلات من المقافي
مثل طلاب العداله من خصيمه

والسمان اللي تلفت للعجافي
بينها تفرق وسيمه من وسيمه

غلطت الجاهل لها سبعين رافي
وغلطت العاقل عواقبها وخيمه


.......

[الحمدان]

قبلة الله على وجهٍ يسد وينوب
‏عن أمهار الجزيره و أزين أفراسها

‏ تلبس الجاذبيه والغنج لبس ثوب
‏وصيت أهلها عباةٍ تستر لباسها

‏كل عرقٍ جذبها نخبوي ومحسوب
‏فخمةٍ بالجمال و فخمه بساسها

‏غيدٍ أخاف من شدة ترفها تذوب
‏لا طواها الحنين وطال هوجاسها


.......

[الحمدان]

استصغر الدنيا تراها صغيره
بعين القدير اللي خلقك وخلقها

والنفس عزه لاتعود حقيره
واحذرلعين ابليس ياسق وسقها

واحفظ لسانك لايذب الجريره
ودهم الهروج العوج جنب رفقها

وخاو ابلجٍ مطنوخ ابيض سريره
دروب* المعالي في حياته طرقها


.......

[الحمدان]

‏الشـوق ما يهدأ علـى غيـــر مشتاق
ياللـي غـــلاك بداخـل القلـب باقي

يا طيــر ياللـي بالجناحـــين خفاق
بلـــغ سلامـي والوفـــاء واشتياقي

للي خذا مابــين جوفـي والأعماق
واللي ملك كـل الشعــور العماقي

قله رفيقـك مـات مابـين الأشواق
بين البعـــاد وبين جمـــر الفراقي



.......

[الحمدان]

‏تضــيق ..لكن فــزعة الله قـــريـبه
الله مقـــرب فــزعته يوم تنصـــاه

والجود لولا الجود نخــوة وطيــبة
كان العــرب متساويه ما لاحد جاه

الناس تعرف ف الظروف العصيبة
حد فاله البيضـاء وحد فاله عــداه

ردي عليهــم يا الجبـال الصليــبة
قولي لهـم من يزرع الطيب يجنـاه



.......

[الحمدان]

يجـور الوقت والدنيا علينــا
ولـو طالت علينا ما شكينــا

هممنـا ما يحطمهــا وجعنا
يطيب الجـرح ما كنا درينــا

يطير الرأس ما انهدت عزيمة
عليهــا من طفــولتنـا ربيــنا

تـربينــا على كـــره الــمذلـه
وحب الخيـر من مالله عطينا

وما دامــت كـرامتنا مصـانة
كأن الارض في قبضة يدينــا

.......

[الحمدان]

بحجر الله مـــري يا سحـابة
على دار الحبيب اللي هوينا

اذا جيتيــه ردي له ســـلامي
وقــولي له.. بلينـــا وابتلينـا

عسى الايام تجمعنـــا قريب
نعـــود .. مثل ما كنــا بدينا

تعبنا من صهيل الموت فينا
واوجعنــا.. ولكن ما انحينــا

اذا الله كتب في العمــر بـاقي
تطمـــن.. عــاد احنا الا بدينا


.......

[الحمدان]

يا خليل القلب قُـلي كيف اقـلّك
كيـف اقـلّك يا خليل القـلب قُلّي

قُـل لكلّي كيف كُـلّي حب كـلّك
كيف كُلّي حب كُـلّك قُـل لكلّي

كيف ضلّلته بضلّي قُـل لضلّك
قُل لضلّك كيف ضلّلته بضِلّي

قُل لعشقي كيف حلّك واستحلّك
كيف عشقك داخل الشريان حلّي

مـا نبـّض فـيني ورّيد إلا لأجـلك
مـا سكن روحك شـعور إلا لأجلي

هلّني في نبض نبضك ونت هلّك
نبض نبضي في محاريبك تصلّي

ليش مِـن دون الملأ مـا يوم ملّك
ليش عَـن كل الملأ مايل و ملّي

يا حبـيـبي يـا جِـعـلّي ما جِـعلّك
أو جِـعـلّـك يا حـبيـبي مـا جـعلّي

يا مخلـخل بالـتخلّـي قلب خِلك
قـلب خِـلّك ما تخلخل بالتخلّي

خلّـني يا خِـل خِلك ونت خَلّك
او تـخـلــيــنـا و لا خـــلّاك بخِــلّي

يا خـليلي خَل خِـلّك في محلّك
ونت خَـلّك يا خلـيلي في محلّي

لو حـبـيب الـقـلـب عزّيتـه و ذلّك
هـو يـقـع تبـقـى مـعـه عَزي وذلّي

لو خـيـالك يا خليلي مِـستـغِـلّك
خَل خِلـخـالك على خالك يولّي

مـا تبقـى مِن عـسـاي إلا لعـلّك
كلـما شـحـت عـسـاك أجدب لعلّي



.......

[الحمدان]

‏اقسى من الدمع صوتٍ تقتله ونّه
‏و الونّه اللي تجـي من شوق غلاّبه

‏لـ انسان من كـثر ما تغليه وتحنّه
‏تختار فرقاه وانت تضيع فـ غيابه


.......

[الحمدان]

لافاح عطرك و بخورك.. انتشى ذكرياتي
لباااك قلبي و المشاعرتناديك

يانور صبحي .. بالغلا وأمسياتي
يأجمل خواطر خاطري يوم يطريك

الله عليك .. اكبر "دخلت بحياتي
وعلمتني .. كيف افهم الحب واغليك

يامالك احساسي .. و روحي وذاتي
لاشفتني خذني .. على راحت ايديك


.......

[الحمدان]

نخفي الوله وقلوبنا كلها شوق
وعيوننا تخفي غراماً ، خفيناه

نكتب مشاعرنا تحت رأية الذوق
والحرف من جوف الحنايا نزعناه


.......

[الحمدان]

‏الدَّين عز وعزة النفس بالدَّين
ومن لايعز النفس يرضى الإهانه

والله لو يملك قصور وملايين
ما دام ما به دَّين ما له مكانه

هذا الصحيح وعنه الاخيار دارين
و من ما درا بالحق هذا بيانه

الآدمي نطفه ومخلوق من طين
و مكلّفه ربي بحمل الامانه


محمد بن مشرع

[الحمدان]

‏يستريح البال لاهبت أنسام الـهبوب
‏سامح من هزل بعض العباد وجـدهم

‏في رجا اللي يفرج الهم ويغسل الـقلوب
‏عن بشر .. ماني بـ معهم ولاني ضـدهم

‏فيه ناس ماورى عرفهم .. غير الذنـوب
‏ماقدرت اشري غلاهم ولاخطب ودهـم

‏خيرة لي .. يوم راحوا مع وساع الـدروب
‏ياعسى درب خذاهم ماعاد يـردهم


.......

[الحمدان]

‏بعض الزعل مطلوب مابين الاحباب
‏يومين ، والثالث اذا حيل طوّل

‏وبعض الزعل مجهول حتى بالاسباب
‏تلقى السبب حجة علشان يزعل


.......

[الحمدان]

‏نصيحتي لا تظلمون ،، وتضـرّون
‏وصدّوا عن عيوب البشر واستروها
‏
‏ولغيركـم حبّـوا مثـل ،، ما تحبـون
‏ونفوسكم بالناس ،،،،، لا تشغلوها


.......

[الحمدان]

‎لا تلتفت للناس وتقول قالوا
‌‏عليك في نفسك ولا تتبع الناس
‌‏
‌‏وان كان هم فى غفلة الوقت مالوا
‌‏خلك جبل واثبت على مبدأ وساس


.......

[الحمدان]

‏اقسى من الدمع صوتٍ تقتله ونّه
‏و الونّه اللي تجـي من شوق غلاّبه

‏لـ انسان من كـثر ما تغليه وتحنّه
‏تختار فرقاه وانت تضيع فـ غيابه

.......

[الحمدان]

صـادق صديقـك واللـه اللـه تخاويـه
وحفـض عيـوبه والـصـداقـه اخـــوه

وكـن يمينـه فــي المهــااات وحـويـه
وبنـي علـى يمنـــااك قـــوه ونخـــوه


.......

[الحمدان]

ما عاد فيني خلق لمعاتب الناس
ي كثر ما عاتبتهم واخذلوني

يموت فيني البوح وتضيق الانفاس
ويجف دمعي في محاجر عيوني


.......

[الحمدان]

‏مهما تردّى وقتنا لازم نطيب
‏ما نكسر بْـ خاطر ولا نجرح شعور

‏نعاف من ينسى جمايلنا ويعيب
‏ونحبّ من ينصح إذا فينا قصور

‏نموت من خذلان صاحب أو حبيب
‏ونعيش لوّ أقدارنا عيّت تدور

‏ان ما حضرنا بْـ ما يجمّلنا نغيب
‏بعض الغياب أجمل كثير مْن الحضور


......

[الحمدان]

‏نفرح لو ان الضيق منّا وفينا
‏بعيوننا تصغر كبار الاسامي

‏ولو ترفع الدنيا قضايا.. علينا
‏نوكّل الله .. ما نوكّل محامي


.......

[الحمدان]

‏ترا جمال الشخص في حسن الاخلاق
‏وشخصٍ بدون اخلاق ماله محبه

‏لو تختلف عند العرب بعض الاذواق
‏تلقى خفيف النفس كلن يحبه

‏
......

[الحمدان]

اثقل ديون الطيب دين الجماله
‏وألذ طعم الطيب طيب المواقيف

‏وازكى دروب الطيب درب العداله
‏وابرز صفات الطيب رد المعاريف

‏واللي تجمل فيك بأغلا حلاله
‏لا تتركه* لا عارضنه* صواديف

‏ترا الجزاله مالها الا الجزاله
‏و المرجله قد قيل تبغا تكاليف


.......

[الحمدان]

‏ان كان ماتجزا هل الطيش بالطيـش
‏عـزالله ان تبقـى من الهـــمّ نـــادم

‏العز ما يبغـى مداهَـن وبخشـيــش
‏العـز من دونـه هقــاوي تحــــادم

‏اقلط على الميدان وتقدم الجيــش
‏واقدم على صف العدا سيل هــادم

‏وان ثارت الهيجا ترى احمالها ريـش
‏لاترخي اعزومك ترى النصـر قــادم

‏عاند وصادم واقفل اللعب بالشيش
‏وان اقفلت بالشيش عاند وصـــادم

‏والا تراك ان طحت ماضـن بتعيــش
‏الا لـرغبـات الريــاجيــل خـــــادِم

‏محمد صالح الزهراني

[الحمدان]

‏غاب الظلام وبانت الشمس من شرق
‏ لا خاطرٍ هوّد ولا عين باتت

‏العمر فرصة والصدف مفترق طرق
‏لا تنكسر لو فرصة العمر فاتت

‏حثّ القدم من وين ما يسري البرق
‏الناس لو ماتتبع البرق ماتت

‏
سلطان بن سعيدان

[الحمدان]

‏الطيب فطرة في نفوس المطاليق
‏والرجل موقف والدراهم وسيلة

‏حتى لو انه حدك العوز والضيق
‏بيجمل الله من نوى بالجميلة

‏خالد القرني

[الحمدان]

بيت ٍقريته ماعرفت أسم راعيه
ألا ان راع ِالبيت خط الجزاله

يقول في بيته وقافه وما فيه
بيت ٍيهيض المستمع من جماله

حقد البعيد يموت لا مات راعيه
وحقد القريب يورثه في عياله


.......

[الحمدان]

هلا عد ماهبت هبايب نسيم النود
هلا مرحبا بمتابعيني ورددها

محبه لوجه الله مانبغى عليها فود
هلا عد براق السحايب وراعدها

[الحمدان]

اللي نسى قدر الصداقه نسيناه
والله يسامحنا و يخلف تعبنا

و ان مر له طارى و سيره مدحناه
ما هو من طيبه لكن من ادبنا

عزالله انا فالشدايد عرفناه
و صداقته ذنب ومن الذنب تبنا

يوم انها طيب و مواقف غلبناه
و يوم انها كذب و ضعافه غلبنا

.......

[الحمدان]

‏خلك كريم الفعل والطيب والجاه
‏و اسلك طريق النعم بالطول والعرض !

‏ضعيّف الوقفه يمن بـ عطاياه
‏ولا ترى الطيّب يشوف الكرم : فرض

‏الغيم لا منّه عطى الارض من ماه
‏ماينتظر رد العطايا من الارض


.......

[الحمدان]

والله لوتملك من المال مليار
وانته قليل الدين مالك سعاده

أن كان تبغالك معزه ومقدار
خل اجتهادك في كثير العباده

ترى صلاتك هي نجاتك من النار
وعدوك الشيطان واصل جهاده

واطلب ولي العرش لاصرت محتار
هوالذي يغفر ويرحم عباده


.......

[الحمدان]

فقدنا وجيهٍ بالثرى جعلها الفردوس
معاها طراة العمر شدت ركايبها

فقدنا زحازيحٍ تدوس النوايب دوس
تشين المجالس لأنفقد صوت شايبها



.......

[الحمدان]

اضحك ومن شاف الضحك قال مرتاح
وامـرح ومــن شاف المـرح قال سالي

مايدري انـي ضحكتي ضحكت اجراح
ومايدري ان المـــزح من ضيق حالي


.......

[الحمدان]

اجزم وخل مكسرين المجاديـف
ولا تقـول إن الـلـيالـيزطـويله
.
انطح بصدرك عاتيات العواصيف
مـا تـبـلغ الغـايـة بليّا الوسيلـه


.......

[الحمدان]

‏عزاز نفس وبالمقادير راضين
‏ ونفوسنا من فضل ربي رضيّة
‏
‏ وإن جرحّتنا بالظروف السكاكين
‏ نشكي مواجعنا لرب البريـّة

‏ما عندنا بالأرض خصم ومعادين
‏ ولا نقـابـل بالأذيـّه أذيـّة
‏
‏حنّا تربينا على اللطف واللّين
‏ وصدورنا لصدور الأحباب وفـّيـه


.......

[الحمدان]

اعلم ترا مالي مع الناس مصلوح
ولا جيت ادوّر بين خلقه صداقه


جيت انثر شعورٍ تمثّل من البوح
حـرفٍ يـراودني ولي بـه عـلاقـه


ماعاد يعنيني سوى راحة الروح
ونفسٍ تعوّذ من ذنوب وطفاقه


.......

[الحمدان]

خـل النوايـا بيض واحسـن ظنونك
واغفـل عن اللي ما يهمـك ويعنيك

واصرف عن اعْيوب الخلايق عيونك
تـرا عـيـون الخلق تبصـر مسـاويك

واحـذر تـكـبّر او تـرى الناس دونك
تصـغر بعين الله وخـلـقـه تعـاديك


.......

[الحمدان]

‏أكبر هموم القلب تركك للصلاة
والا ترى الدنيا مشاكلها تهون

ماتستريح النفس وتزين الحياة
إلا مع اللي يركعون ويسجدون


.......

[الحمدان]

‏لمع بارق الفرقا وهلت دموع العين
وانا اقول ياعين الشقا ليه هماله

بلاش التعاسه واعرفي كلنا مقفين
والا عمار جرف لا اقبل الموت هياله

.......

[الحمدان]

تـدري متى تـرتـاح وتـكون فـي خير
لاصـار مالك قلـب يحقـد على الناس

عش في الحياه ويرزقك رازق الطير
ولـ غيـر رب الـنـاس لاتحـني الـراس


.......

[الحمدان]

ياقلب يالي من غثا الوقت مللاع
اصــبر وصــابر لـو الايــام تقسى

بكـره يـزول الهم وتزين الاوضـاع
ويطيب فال النفس والقلب ينسى

وتستسلم الأجـفان للنــوم هـجاع
وتنـام ليـنه يكشـف الليـل شمسا

وان كان شح الوقت والحظ ماطاع
اصـبروتلقالك مـع الصـبر مـرسى


.......

[الحمدان]

‏نعيش الحياه ومانبي إلا سلامتنا
‏لنا بـ الظواهر مالنا في خوافيها
‏
‏ولو الناس في بعض القناعات لامتنا
‏ترى أهم حاجه فـ الأوادم مباديها
‏
‏على كل حاجه نصبر إلا : كرامتنا
‏هي الحاجه اللي ما نساوم حدٍ فيها
.......

[الحمدان]

‏واللـه يالـولا طيـبنـا اللـي ورثنــاه
ماكـان تاخذنا الحيل والدغايــل

نضحك وكن اللي حصل مافهمناه
وحنا نشـوف لكل خمله دلايــل

عزالله ان الصبـر تحمـد سجـايـاه
ويحول دون المعضلات الجلايل

ماراح قلنا روحـت مقيـط ورشاه
وماجـا عدلنـا به عـوج كـل مايل


شايع العيافي

[الحمدان]

‏يروحون ويعودون وانا على مركاي
وأذا ماخذو عبره متى توخذ العبره

حياة الهبيل مع المراسيل رايح جاي
ولا في يده حيله ولا في يده دبره

انا لو أبا ازعل واتحما وأجيب اقصاي
فجوج الفيافي راحت اضيق من الابره

تعاوا ذياب الليل وانا على ممشاي
ويلقاني الطيّب على ضنه وخبره


.......

[الحمدان]

‏حنا الذي بالطيب نثري عربــنا
افعالنــا هي شاهد القول فيــنا
‏
مـن التواضع ماذكرنـا نسبــنـا
تاريخنا معروف وفيه اكتفــينـا

على الردي مايوم حنــا عتبـنـا
هقواتـنا بالناس دايــم ثميــنــا
‏
نرخص بغالي الروح للي طلبـنـا
‏حيث الكرم موجود براحة يدينا


.......

[الحمدان]

‏مهمـا تسوي مـن معاريـف فـ الناس
لايـمكـن انـك تـرضـي الـخلـق كـلـه

تسعى وتبذل جـاه والناس جـلاس
وتتعـب ورى الموضوع حتى تحله

احيان يصلح معك واحيان ينحاس
واحيان تدفـع مـن حلالك رضى له

واللـي يغـث النفـس ويعكـر الراس
لاجـاك مـن بـعـض الـمـقـاريـد زلـه


.......

[الحمدان]

ما كل نظرة تبيّن في البنادم شعور
يا كون نظرة سحى تغلب عليها الثقة

من العيون الوساع اللي زهاها الغرور
اللي تلفّاتها في العاشقين صدقة

الى متى وانت يا قلبي كتوم وصبور
واهدافك مشتّته وآمالِك معلّقه

لكن حصل خير يا قلبي ثواب وطهور
كم عاشقٍ عاش حلم ومات ما حقّقه


.......

[الحمدان]

صوتي تجرح ما بقى غير همسي
وعسى حروفي اليوم توفي بغرضها

کن السنين استكثرت طول عرسي
سبعين غيري ما حصلّه بعضها

ولا بدها يا سعود بتغيب شمسي
ذي سنة رب الخلايق فرضها

ولعلها حريتي بعد حبسي
ولعلي ألقى عند ربي عوضها

لولاي أحبك ما تذكرت نفسي
ولا انتبهت لعجزها أو مرضها

ومادام أشوفك طاب حزني وأنسي
وما همني حلو الحياة ومضضها

لعل قبل سعود لحدي ورَمسي
أخوي من أثرى حياتي ونهضها

ويا من ذكرني ما تذكرت منسي
ذكرت من عد النجوم وقبضها

أنا الذي لو تلمس الريح خمسي
كان السحاب أرخى العباة ونفضها

هذا الشجن حرثي والأيام غرسي
قصيدتي يبطي الزمن ما نقضها


أبيات للشاعر الأمير #بدر_بن_عبدالمحسن مخاطبًا أخوه الأمير سعود في أزمته الصحية

الله يرحمه ويغفرله ويجعل ما أصابه رفعةً له بالدرجات ويعوضه بالفردوس الأعلى ..

[الحمدان]

‏لا ضاقت الدنيا عليك و تشاويت
‏خلق الله اللي فالرخا كان .. واجد

‏و من العرب و الصوت و الثوب مليت
‏و قامت عليك هموم بقعاء تراجد

‏فارفع يديك لخالقك لا توضيت
‏و ادعو تراك أقرب إليا صرت ساجد .

محمد بن فطيس

[الحمدان]

‏خذها نصيحھ دام قدامك الوقت
اتعب على اللي يسعدك في حياتك

واللي يزوّد ضيقة الصـــدر لاضقت
ما هو كفو تخليھ في وسط ذاتك



.......

[الحمدان]

مايرفع المنصب قصيرين الأشبار
ضعف الفريق أول يخليه جندي

الهندي يكيف على الفلفل الحار
مايعترف فالعود والعود هندي

اللي يدور زلتك مايبا أعذار
عطه الخطا واضح وماجاك عندي


.......

[الحمدان]

البيت من عقبه سكت كل مافيه
ناسه وجدرانه وسوره وبابه

والبيت ما يحييه يا كود غاليه
عقب الحياه أصبح بعيني خرابه

في مجلسه أحيان أهوجس وأناديه
ويرجع صدى صوتي بليّا إجابة


.......

[الحمدان]

على اللي يصبح كل يوم بصباح الخير
صباحک ، صباح النور ياسيد احبابي

صباح الغلا والحب والشوق والتقدير
مع اجمل تحياتي ولک خالص اعجابي.


.......

[الحمدان]

‏ماهو ضروري كل حاقد أعاديه
ولاهو ضروري كل طّيب رفيقي

علم الردي والطيب يبقى لراعيه
وأنا على دربي وعارف طريقي


.......

[الحمدان]

أنا ما أشيّر بالفرقا ولا أحدك على المقعاد
تخير في طريق الوصل ولا درب هجراني

إلا ياصاحبي الرفقه ترى ماهي ثياب جداد
تبدلها اذا مليت وتـلبس غيرها ثاني


.......

[الحمدان]

شخصين جنّب عنهم وابعد خطاك
‏لو ما تخاوي ،، بالعمر غير ظلك

‏اللي تسوي به جميلٍ ويجفاك
‏واللي يسوي بك جميل ويذلّك


.......

[الحمدان]

شعاني غزال ٍ باالهواء جاهلٍ وصغير
شبيه ال بنات الحور سبحان خلاقة

جماله يخلي كامل العقل فيه يحير
وطعم العسل من ريقها يوخذ اذواقه

لامن شافها العاقل يحتاربه ويحير
تعلي علي الخفرات زين ٍورى الطاقه

انهوده كماالتفاح فيه الحلا ومثير
وخصره دقاق ٍ يذبح اليوم عشاقه


.......

[الحمدان]

هلابك هلا يالنادر المترف الجذّاب
تراحيب قلبي فيك من قبل ترحابي

غلبت الهوى فترة..لكن الهوى غلّاب
لحقني ووقف في طريقي وأنا مابي

دخلت في حياتي عرض من أوسع الأبواب
وأنا للحبايب ..ماني مشّـرع أبوابي

عيونك قصيد وبسمتك تخطف الألباب
وكلامك جميل وحكمتك حكمة أعرابي


.......

[الحمدان]

أضحك و خلّك لوجه الله متوّجه
‏والمجتمع لا يضرك كثرة أزعاجه

‏أطلق صراح الزعل والضيق والصجه
‏وأرفع كفوف الرجا .. للخالق وناجّه

‏خذ لك عن الحزن في جو الخلا سجّه
‏حاجتك لله ومالك في البشر حاجه


.......

[الحمدان]

لا تتعب اقدامك على كل محضار
البعد عن بعض المجالس غنيمه

ما كل مجلس فيه حكمه وتذكار
ولا كل مجلس به كرامه وشيمه

بعض المجالس كنها مثل الاوكار
اوكار للغيبه ونشر النميمه


........

[الحمدان]

تجاهل الجاهل على شان ترتاح
‏واسمع من العارف لا منّه تكلّم

‏لا تندفع تنطح لك صياح بصياح
‏اصمت وحاول تستفيد ،، وتعلّم


........

[الحمدان]

‏لا صرت ماتمشي مع الناس محتاج
‏ولا جاك في بيتك من الناس ديان

‏ولا شلت في جيبك مواعيد وعلاج
‏هذي غناةٍ ما تقدر بالأثمان


........

[الحمدان]

من لا يحوش المرجله قبل لا يشيب
‏ويشوف بعيون الرجال احترامه

‏اصغر عيال الذيب يكبر وهو ذيب
‏وفرخ النعامه طول عمره نعامه


........

[الحمدان]

من الادب لامن تخاصمت وياك
احفظ لسانك مثل ماحفظ لساني

انصت لي بوعيّك وناقش بـ آدراك
ولا تسير بكل موقف اناني

اسلوبك ونطقك ومعدنك واقصاك
يبين لي وقت الزعل في ثواني

اما كبرت بعين صاحبك واغلاك
والا غديت بعينه انسان ثاني


.......

[الحمدان]

‏قلوبنا ماتعرف الحقد والصد
‏ ونطيب فاللي مايطيبون فينا
‏
‏نحب لكن فالمحبه لنا حد
‏ لا وصلت حدود الكرامه مشينا
‏
‏وان ضاقت الايام ناقف لها ند
‏ نضحك لها قدام تضحك علينا

.......

[الحمدان]

ماكل من تعرفه ترتاح لأطباعه
‏الناس في القلب من قيمة مواقفها

‏تقابل انسان وعيونك على الساعه
‏وانسان لاقابلك ودك توقفها


.......

[الحمدان]

مافيه داعي ل الزعل والانفعال
‏ومجادل الجاهل وكثر اللجلجه

‏خلك على ماقيل شيّال الثقال
‏ومن يبي يزعجك صمتك يزعجه


.......

[الحمدان]

‏النبا الزين يكفي عن قعود وخروف
‏مانصوك العرب من جوع والا ضما

‏واحدً يلتوي وجهه لا شاف الضيوف
‏جعله الوجه وعيونه عساها العما

‏عبدالعزيز الوذيناني

[الحمدان]

‏بعض العـرب طبعه صراحه يحيّر
‏ليا تركته جاك وإن جيت خلّآك

‏و بعض العرب مثل الذهب ماتغيّر
‏مادام له عندك قدر صعب ينساك
‏
.......

[الحمدان]

العمـر كلـه دورت ايام وسنيـن
والنفس تجلس في لحدها وحيده

مـاينفعك يـاكود دعـوة محبين
وافعال خير في حياتك مديده


.......

[الحمدان]

امانه يانسيم الليل تحياتي توديها
إلى عند الوليف اللي بصده حرق اشجاني.

وشف لي وش دها حاله وحالي لاتخفيها
ابيك توضح لخلي غرامآ هز وجداني.

ترى الاحزان من عقبه معي زادت تحديها
واخاف ان طالت المده اموت وكلي احزاني


.......

[الحمدان]

‏كل ما حطيت راسي عالوساده
آتذكرّ من خطأ بحقي و أسامح

و الله الإنسان لا طهرّ فؤاده
يصبح لطهره على وجهه ملامح


.......

[الحمدان]

‏شجاعتك في وجه الانثى رخامه
وعطفك عليها شي مخلوف فيها

اقصى حدود المرجله والشهامه
لا صرت فيها اخير من والديها

.......

[الحمدان]

الله....من قلب...المفارق ليا اشتاق.
لاجاه نص....الليل في الشوق غارق.

كم قد سمعنا في قصص ناس عشاق.
هذا لقي.....خله..... وهاذا مفااارق.

وانا على موج المحبه.......ولشوااق.
قدصرت في حبه..... متيم... وعاشق.

خلن له الميزاات... راقي......وذواق.
حالي وبسماته.. كما البرق..باااارق.

شوفته. تجلي ضيق قلبي..ليا ضاااق.
لا قاال.. حبي.... يقلب...الجو راايق


.......

[الحمدان]

‏لا ترخص الروح للي ما عرف قدرك
‌لوكان حبه يســـــم القلــــــب ويعلة

‌واللي يقدرك حطة في وسط صدرك
‌وقلة مكانك هنـــا يا عـــــز خلق الله


.......

[الحمدان]

‏لا تتلف الروح لأجل الناس ترضيها
وهم ولا يوم سووها على شأنك

والله م تندم على الدنيا وما فيها
لو تعرف الوقت من موتك لنسيانك


.......

[الحمدان]

مكتفي باللي يجي منك من باب الوصال
إن عجزت تسوي الصعب ، سوّ المفترض

أرسل إن عيّت عليك الظروف الإتصال
الرسايل بعض الأحيان توفي بـ الغرض


.......

[الحمدان]

النفوس الوافيه رغم المصاعب ماتميل
والسماء كثر السحب ما يغطي نورها

الوافي لأجل الوفاء ما يذله مستحيل
والثقه بالنفس حصن القلوب وسورها


.......

[الحمدان]

مديد البال حبي لك مثل صبري طويل البال
‏احبك و المحبه ليتها ما فتحت عيني

‏على قلبك و قلبك بيني و بينه كثير أزوال
‏حَكم حكم الزمن لموالفك تسبق شراييني

‏تشفق لك عيون وروح و ضلوع و شعر و أمال
‏تموت منطق لساني و تحييّ ربكه يديني

‏ولو قالوا احبك قلت في صوت العجب من قال ؟
‏ولا كنك خذيت اللي سكن ما بين ضلعيني


.......

[الحمدان]

‏لا تتلف الروح لأجل الناس ترضيها
وهم ولا يوم سووها على شأنك

والله م تندم على الدنيا وما فيها
لو تعرف الوقت من موتك لنسيانك


.......

[الحمدان]

ارفع ايديك وناج رب السماوات
‏واستمطر احلامك سحابة سحابة

‏حتى ولو حلمك من المستحيلات
‏بينك وبينه .. دعوةٍ مستجابة

‏كثر المعاصي واتّباع الملذات
‏من اعظم اسباب القلق والكآبة

‏مدامنا حيين والوقت مافات
‏باقي لنا فرصة رجوع وإنابة

‏يمكن لو ان الروح ترجع للأموات
‏عاشو مع الحيين مثل الصحابة


.......

[الحمدان]

لا تـنبش الماضي و لا تنشغل فيه
الدمع ما يـرقى من العـين لا طـاح

لا تنـتظر من فاقـد الشي يعـطيك
عمر العزا ما صار في صالة افرا ح


.......

[الحمدان]

‏لاتلتفت للـــناس مهما يقولـــون
خـل القـفا لأهـــل القفا لاتحـاكت

أقهر عدوك خل قهرك على الهون
تطحن كبود القوم لاصرت ساكت


........

[الحمدان]

بعض المحبيـن لا يركد و لا يهجـد
‏مناهج الحـب عنـده مايثمنـها

‏مـشـاعره كـنّـها بـرّادة الـمسـجـد
‏سبيل مافيه واحد ماشرب منها


.......

[الحمدان]

يقول منهو على صوت الغناء غنا
على الذي درات الافكار من شانه

ياشوق طبع الوفاء منكم وهو منا
تبقى الاساليب مقبولة وفنــــــانه

حنا على العهد لا خنتم ولا خنـــا
ولا نطيع الذي فالحـب خـــــــوانه

مادام حنا بصحبتكم تمـاكنـّــــا
فالقلب يازين لا تكثربه اشجــانه

يازين عنـا علـى درب الهــوى عنـأ
لا تحرم النفس دام النفس شفقانه

ترنا على عهـدكـم باقي كما كنـــا
مازال شوق الهوى فينا وتحنــــانه


.......

[الحمدان]

‏
‏ماعاد ندري من الضيقه وشـ انسوي
‏جمعات الاجواد صرنا نبتعد عنها
‏
‏الجو ذا الوقت لاجوّك ولا جوي
‏ضيقة لياليه ليته فكنا منها
‏
‏ان قلت له خف قال اصبر علي توي
‏وشـ حيلتي فيه دامه يامر وينها
‏
‏اليا مته والشقى حاضر ومتقوي
‏والنفس ، وين الصديق اللي يطمنها


.......

[الحمدان]

بوصف شعور وتاه حرفي دونه
‏بعض المشاعر صعب اعبّر عنها
‏
‏كل الكلام بروعته وفنونه
‏مافيه جمله يمكن ابدا منها
‏
‏كبر الغلا لامن ثبت بركونه
‏يامر على صدق الشعور وينها
‏
‏واللي خذى قلبي فديت عيونه
‏فوق اجزل ابيات الشعر وازينها


.......

[الحمدان]

محدن يمشينا على رغبته غصب
ولا نزعل على غيرنا بليا سبايب

وثنتين في الدنيا تري مالها طب
خيانة الصحبه وظلم القرايب


.......

[الحمدان]

‏راس مالي نادر الجيل لا عد الحضور
‏صاحب(ن) وقت المواقف اعده محزمي
‏
‏لا لمحني ضايق الصدر لي فج النحور
‏وقف بماقف يجمل ودوني يحتمي
‏
‏والله اني خابرك درع جنب(ن)ما يبور
‏والله اني خابر الطيب لسمك ينتمي


.......

[الحمدان]

يازينها والله حياة .......القديمين
اللي مـا تعجبـهم علـوم الـرخـامـه

عاشو على ظهر البسيطه عزيزين
وضمتهم بـطـون الـقـبـور بكرامـه


.......

[الحمدان]

ياربي عساني ما توانا بفعل الخير
‏أعنّي على نفسي وأعنها على شكرك

‏وأنا عبدك اللي ما عصمته عن التقصير
‏يوقف على شرعك وينصاع تحت أمرك

‏وأنا عبدك اللي من ذنوبه ماعيّن خير
‏يا حلمك على زلات عبدك وياصبرك

‏وأنا عبدك اللي مسرف في حياته غير
‏تولّاني برحمتك وأسترني بسترك



.......