فوق هام السحب ( الشعر الشعبي) على متن القوافي

[الحمدان]

قالوا حبيبك يسمع الشعر قلت إيه
يقراه بعيوني قبل تسمعونه

لولاه حتى طاري الشعر مابيه
مير اكتبه من شان خاطر عيونه

هو روح شعري وامنياته وماضيه
جذع الشجر وش كان لولا اغصونه

اكتب لغيره والقصايد تجي فيه
كن القصايد حالفه ماتخونه

هذاك لامنه زعل قمت اهاديه
حتى وهو مخطي تعذرت دونه

يمكن لو انه يلمس الجرح بيديه
يستغرب ان اللي لمسها طعونه

ابطى وهو غايب وزلت حراويه
وأنا من العام اتحرى مزونه

هو مادرى اني في غيابه محاتيه
ليته نشّد عن حالي ياللي يجونه

وقلبي اللي توه افلت عراويه
كيف انسرق وضلوع صدري حصونه

عجزت ارده كن ماني براعيه
يوم انتثر شوقه وهاضت اشجونه

يبسن عروقه لكن اللي يعزيه
ان اكثر العالم تردد لحونه

خافوا من الله لاتجيبون طاريه
لاصرت انا موجود لاتذكرونه

لو كل غالي جابه الله لغاليه
ماشفت لك مخلوق تبكي عيونه

.....

[الحمدان]

ثنتين يعطونك معزه وتقدير
‏دينك وفعل البر في والدينك

‏وثنتين لو طال الزمن مابهن خير
‏هرج القفا ومجاملة من يهينك

.....

[الحمدان]

على حالنا ماغير الوقت فينا شي
نعيش بكرامة نفس ونموت ماخنا

ندور بياض الوجه ياهل الضمير الحي
نعز الرفيق ولا يجيه الخطا منا

طموحاتنا هي هي وعزومنا هي هي
تلين الجبال الراسيه مابعد لنا

.....

[الحمدان]

شي بقلبي واهجه مستمري
لولا ازرق الدخان يطفي لهيبه

سلط على الدخان لوهو مضري
له حزه عند احتكام المصيبه

وانا الذي مبدي على الناس سري
من خوف سودان الوجيه تحكيبه

.....

[الحمدان]

يابنت انا جني طويلات الاشبار
حرٍ سلايل حر ماني بمجنون

يوم اسجد لربي خوفي من النار
اللي عيال البوم فيها يطيحون

.....

[الحمدان]

لو جار فيك الزمن والوقت وأيامه
ماهي غريبه مادام الدنيا دواره

احدن يقوم الصباح يخطط احلامه
ويمسي وهو ف القبر سَرَت به اقداره

.....

[الحمدان]

نكتم شعور قلوبنا من حيا الروح
دام الاماني بالمحاني كثيره

أحيان نطريها على البال وتروح
وأحيان تطغى بالخفوق وتثيره

.....

[الحمدان]

خذ لك نصيحة واحد داج الاكوان
جرب غرابيل الدهر من نصيبه

من جاهد الدنيا بلا رووس جنحان
يصبر لصكّات الزمان الرهيبه

.....

[الحمدان]

‏يادانة البيت لاتمشين زعلانه
ترى ظروف الزمن ماهيب بيديني

الود ودي اسج الرجل يا الدانه
اطرب على طرقةٍ فيها تخاويني

.....

[الحمدان]

‏في زحمة العالم لو تمر لحظات
‏كنّ المكان اللي تجي فيه فاضي

‏بس أنت من يجعل من الهم بسمات
‏يمرك الزعلان و يروح راضي

.....

[الحمدان]

‏عليك السلام الوافر اللي بدون قياس
ياشخص عليه معلق باقي مالي

يطل القمر ولا يغيب القمر لاباس
الأغلى تهون بحضرته قيمم الغالي

عن الطله اللي تنتظرها جميع الناس
أنا بأنتظار الطله اللي على بالي

.....

[الحمدان]

فقدتك وقلبي من الفرقا يقول
ماعاد للدنيا بعد فقدك حلا

ياليتها شده مع الوقت وتزول
واقول همٍ فالمحاني وانجلا

ولكنها صارت في ذاكرتي تجول
والبال من كثر الطواري ماسلا

فقدت صوتك والرحابه والقبول
والإبتسامه والرضا والمسهلا

.....

[الحمدان]

‏لو تشوف الكل عكس الإتجاه
‏لاتسوي شيء من غير إقتناع
‏
‏إختلاف الراي مفهوم الحياه
‏وإتباع الناس مفهوم الضياع

‏عبدالله النفيعي

[الحمدان]

عقدٍ يليق بجيدك إللي فارقٍ عن كل جيد
والشفّه إلّلي هرجها معسول يخرب بيتها

مرة شقاها للشقي ولذة سعدها للسعيد
وألذ منها الجمره إللي في يدي ضميتها

.....

[الحمدان]

اذا شفتو الشخص ماهو على عادته الأوله
لا تنشدونه خلوه في حاله

ومثل ماقال
الشاعر مبارك الحجيلان :

تجيه رايق وانت تجهل خفاياه
وتشيّن اخلاقه وتنبش اهمومه

ياخوي من صمته تبان المعاناه
يمكن لو إلحاله يشقق هدومه

[الحمدان]

‏صدوف الليالي مدرسه والحياه ظروف
ولا فيه شي احلى من الطيب في حله

لاتندم على المعروف ياراعي المعروف
ليا ضاع عند الناس ماضاع عند الله

.....

[الحمدان]

‏مايدوم الوقت ولا حالك يدوم
كل حاجه مسجله داخل كتاب

كان سترك فوق الدنيا هدوم
الستر أعمال في يوم الحساب

.....

[الحمدان]

‏لا تنزعج وإن عذربوك القريبين
نصيحةٍ قد قالها راس شايب

تجيك مدحة من رجالٍ بعيدين
تغنيك عن جملة حروف القرايب

.....

[الحمدان]

ياحزن ياريتُ اعِرفك چَنت
اسِويلك حديقِة يّاسمين

وممشِى مُن گاشيّ الفِرح
جدّام بيتكْ يّاحَزن ياريتُ

اعِرفك وين تسگُن چَنت
أگُلك لاتجينيّ وتمشِي

گُل هُاي المسِافة أنهَ
وحَدي چَان أجيتكْ

يّاحَزن وحيّاة حَزنك
مُاعرفتك چَنك مغيّر مشيتكْ

حاطِ ريحةٌ رخيصَة گلّش
يارخيصَ شكد بچيتكْ

شعر عراقي

[الحمدان]

يوم اقبلت غنا لها القلب موال
فاعت لها خضر الجروح وسرتها

فيها من أوصاف الحلا الوان أشكال
حتى الدروب اليا مشت زينتها

.....

[الحمدان]

سقى الله ليالٍ فايته مالها مردود
يوم ان الوصل ممدود ماصابته خِله

ليا من تباطيته يقول الفرح مفقود
ولا من تباطاني غدا القلب به عله

ولا من طلبني قلتله يانحيل العود
حبيبك فداك وما ملك والعمر كله

نظمت الشعر لجله وهو دايم المقصود
عسى شعري المرسول يُنشر وياصلّه

.....

[الحمدان]

يهب البراد وتالي الليل صبري طال
على الهون ياليل الشتاء قلت الحيلة

دخيلك من الذكرى ترى الحال مابه حال
ترفق علي وضيقة البال وش هـي له

.....

[الحمدان]

ياسعود عيني قاطعت لذة النوم
واليا غفت تطري عليها طواري

يملي المحاجر دمعها دايم الدوم
وبين الهدب ياسعود جاله مواري

.....

[الحمدان]

تزم المعنق والخصر كنه مجوّد
ولا تحته إلا طوبةٍ جنبها طوبه

اغض البصر والقلب لاصد متكوّد
اعيد البصر واقول ياقابل التوبه

ياويل الخفوق اللي من البيض ماهوّد
ليا سج منهم مر فالدرب رعبوبه

.....

[الحمدان]

أنا حبيبي لارمى الصيد ما أخطاه
أكحل له عيوني وأفك الجدايل

خلي عفيف ويعشق اربعه بدنياه
انا وذوده و القنص والجمايل


.....

[الحمدان]

لايخدعك هذا الفتور الوقتي
بكره تثور اشواقك الوقاده

ولا هيّضك صوت المطر واشتقتي
تلقينني مشتاق لك وزيادة

.....

[الحمدان]

في رحاب عيونك الحور ينقال القصيد
من عشق مثلك يْعشق القصيد ويكتبه

كنتي أنتي مُعجبة لين صرتي في الوريد
القصايد فيك صارت هي اللي مُعجبه

اهداء لكل مزيونه

[الحمدان]

ياما وقفت بوجه الأيام ماطحت
وياما وثقت بناس والناس طاحوا
ٰ
مشيت بالدنيا وتعلمت وارتحت
اهل المصالح لاخذوا شي راحوا

.....

[الحمدان]

بعض المواقف مالها أي تبرير
تراكمت وأنا عدوي عتابي

أعاتبك مره على شأن تقدير
عنواني يمكن ماوضح من كتابي

وأعاتبك مره كأسلوب تحذير
إما اعتدل والا خصيمك غيابي

والثالثة لو توقع النفس وتطير
لي عزة تفرض عليّه صوابي

اللي يحب رضاه برضاه بيصير
إلا الكرامة جرحها من عذابي

.....

[الحمدان]

لاتضايق لو يصير اللي يصير
‏كل قلبٍ من همومه مرتوي

‏دام لك ربٍ على همك كبير
‏خل قلبك في مواقيفه قوي

.....

[الحمدان]

‏هذي السعوديه ذرى عز وفخر
‏نحيا بظل الله وتحت ظلالها🇸🇦

بقلمي

[الحمدان]

‏يا الله يامن رحمتك مثل وصفك
يامستجيب لكل داعي دعاويه

حقق لنا كل الاماني بعطفك
وجودك اللي مال جودك يجاريه

يارب كل انسان طامع بلطفك
وكل من له حلم نفسه تساويه

يامن اماني كل واحد بكفك
يارب حقق من دعا لك امانيه

بقلمي

[الحمدان]

‏ليت الهموم اللي تجينا تولي
وليت الحزن يطري علا القلب ويروح

وليت المواجع بالحشا ماتضلي
وليت الزعل ياصاح مايسكن الروح

وليت السعاده في سمانا تِحلي
وليت الفرح يملا سكنا والاصروح

وليت الاماني بالبشاير تهلي
وليت الحظوظ تهب لنا كل مملوح

.....

[الحمدان]

‏الشوق مثل الموت نزاع للروح
ياخذ من اجساد البشر عافيتها

كنه شعور الطير لاصار مذبوح
يرقص ألم للروح بمفارقتها

وانا من الاشواق عايش بلا روح
والروح طارت في سما عاشقتها

حتى عيوني تشكي الشوق وتنوح
ودموع شوقي للجفون اغرقتها

.....

[الحمدان]

‏في ذمتي اغليك واغليك واغليك
وحبك سكن مابين قلبي والاحساس

ماشفت غيرك لجل اعزه واخليك
اعميتني ياروح قلبي عن الناس

سكنت قلبي غصب عني تماتيك
من غير خلق الله تربعت من ساس

ياجعل قلبك في هوى العشق يبليك
وتموت في حبي على ساير الناس

.....

[الحمدان]

‏نمشي على بيض النوايا والاسباب
لاهمنا المقفي ولا من جفانا

لانسأل الواشي عن العيب لاعاب
ولا ننشد اللي خاننا في قفانا

بعض الصداقه مثلها مثل الاسراب
تغري نظرنا وقت لحظه ظمانا

وإن جيتهم ظميان صارو لنا اغراب
حتى قريب الناس ماعاد لفانا

.....

[الحمدان]

‏ناديت لك من بين الايام وين انت
محتاج أفضفض لك حديث المحاني

تعال وابعدني من الحزن لاهنت
ماغيرك انت اللي يلطف زماني

ياحب ضايق خاطري وانت مابنت
وشوفك علاجي لو مجرد ثواني

يامن بعشقك وسط قلبي تمكنت
ومحبتك حلت بداخل كياني

.....

[الحمدان]

‏اللي يعبر وغيره ملتزم بالسكوت
احيان صمتك يهد الحلم ويحطمه

اهم حاجه شعورك فالزمن لايموت
عبر عن اللي يجي فالنفس لاتكتمه

.....

[الحمدان]

‏ماكنّك إلا بدايات الشتا في السّنين
‏ مهما تتكرر لها التقدير والمَرحبا

.....

[الحمدان]

ترى مساء الخير مثل البشاره
لاقلتها للي تعزه وتغليه

ولا قلتها للغير ماهي خساره
تكسب ردود الخير بأجمل معانيه

.....

[الحمدان]

أنتي أول حب وإنتي أخره
وأنتي أفكار القصيد وحبها

حتى لو إني بوسط محاضره
روحي تلقى في خيالك طبها

أنتي يابنت القصيد الفاخره
الأماني معك وصلت ربها

.....

[الحمدان]

ريح ضميرك عن كثير الهواجيس

ترى السعاده دوم في قوا الايمان

وأحذر طريق الشر لاتتبع أبليس

خلك عشير المرجله عالي الشان

ومن لاتعب ماحاش فعل النواميس

صبرك على ماجاك لو كان ماكان

والحر ماله بالمذله مجاليس

.....

[الحمدان]

لاتعطي الناس حجم أكثر من اللازم
الغالي غالي لو أنك ماتوضح له

واللي على موادعك متزهب وعازم
بيروح ماهوب ناطر منك تسمح له

.....

[الحمدان]

لاتحاول ترضي الناس ورضاها صعيب
من يسد بطونها مايسد عيونها

لارضو عليك خلوك للعين القريب
والعرب وش يفرق عيونها عن نونها

وان تغير حالها قامت ظنونك تخيب
ينكرونك لو جمايلك وسط بطونها

.....

[الحمدان]

‏اصد عن زلة قريب الجماعه
مانيب سيفٍ يضرب كتوف راعيه

والا الشجاعه مانقصنا شجاعه
لكن ترا الدنيا سلوم ومشاريه

.....

[الحمدان]

اشرب من اسلوم الرجاجيل فنجال
واعيف من بعض السفاهات دله

واذخر لصكات المقادير رجال
واهجر من اشباه الرجاجيل شله

.....

[الحمدان]

خل اكلك خاف ماعندك خبر
راد يوكف كلبي بس ربك ستر

وقاومت كدام عينك بس وراك
الله شاهد حتى بالشارع بجيت

شعر عراقي

[الحمدان]

ياعاشق الدنيا تراها محطات
تعيش في ديره وتفنـى بديره

لاياخذك طرد الهواء والملذات
اذكر محطات الحياة الاخيره

.....

[الحمدان]

‏لولا ظروف الحياه اللي تقص الحديد
‏ماكان سرّيت رجلي والذياب تعوي

‏البارحه طحت والا الصبر عيا يفيد
‏مابين صدة حبيب وبين شرهة خوي

.....

[الحمدان]

لاتصغّرين النفس وأنتي كبيره
‏ولا تمسكين الوقت وأنتي الخيارات

‏ولا تسمعين الزيف وأنتي بصيره
‏ولا تغيرين الطبع وأنتي القناعات

‏ولا تشابهين بشي وأنتي الاخيره
‏ولا تسابقين الغير وأنتي البدايات

‏ولاتقبلين القِل وأنتي كثيره
‏ولا تطلبين الحل وأنتي الاجابات

.....

[الحمدان]

اصبري ياعين وأنتي من كبار العدود
‏لو يلج الموج وسط البحور الطاميه

‏اصبري لاعاد تشكين من كثر الجحود
‏لو تشوفين وعيون البشر متعاميه

‏اقبلت بقعا وهي ضاميه قدم الورود
‏ودها تارد وعييت واقفت ضاميه

‏كان ماتبكين لله في وقت السجود
‏ماتبكين المصايب وهي متراميه

ما انثنيت بساحة الحرب قدام الحشود
‏حاميٍ راسي وروس الدواهي حاميه

‏كيف تبغين انثني لك وقلبي فيه زود
‏ساميٍ نبضه وضخّات عرقه ساميه

.....

[الحمدان]

الناس تظهرها المواقف والأيام
والرجل تعرف قيمته من كلامه

رجلٍ يكفي فالمواقف ليا قام
ورجلٍ جلوسه خير له من مقامه

.....

[الحمدان]

لاتسمع الي قال واللي يقولون
بعض البشر ماهمهم غير قالو

ولا تميل لو شفت الخلايق يميلون
خليك جبل في ضلك الناس مالو

.....

[الحمدان]

خلاص لاترجع ترانا سلينا
ماكنت اصدق يوم اني انساك

في بعدكم ياما عليكم بكينا
واليوم ماتطري على البال ذكراك

انا ادري انك رغم صدك تبينا
لاشك ناس ضدنا تقصر خطاك

خل الذي غير حنانك علينا
يعطيك من قلبه ربع ماعطيناك

من سكرة الحب الصناعي صحينا
حتى المجالس عفتها خوف طرياك

ودعت ماضي حبنا وانتهينا
وقلب نسيته يوم لابد ينساك

ذكراك يالغدار هانت علينا
حتى دموع العين فرحت بفرقاك

حب جديد غير حبك لقينا
وحديتني جعل الليالي تحداك

.....

[الحمدان]

‏المحبَه أنت وأنت الغير عادي
‏من عرفتك والمشاعر مستقرّه

‏يبتسم يومي ويطرب بك فؤادي
‏راحتي برضاك حلّت كل مُرّه

‏هاك قلبي وهاك عين وهاك غادي
‏دلّه لدربك وخذ خيره وشرّه

‏وش أبي بوجيه خلق الله وأنادي
‏وجهك الله خالقه طيب ومسرّه

.....

[الحمدان]

من عطاني قدري أعطيه إحترامي
ومن تجاهلني تجاهلته وطفته

ومن يدوّر قربي أعطيه إهتمامي
ومن يقفّي عني أهملته وعفته

والمكان اللي ينزّل من مقامي
تنكسر رجلي ليا جيته وحفته

.....

[الحمدان]

التقينا والهوى ماله أمان
‏والخجل عم المكان وعمني

‏والسؤال اللي عجزت أرميه كان
‏أنت ماعندك يدين تضمني

.....

[الحمدان]

خل في صدرك على الدنيا قبول
واعرف ان الشمس تشرق لو تغيب

وعوّد لسانك ليا ضاقت يقول
الأماني في رجى الله ماتخيب

.....

[الحمدان]

مامشينا على طوعك ولا طوعه
والردي من خلقته مايدانينا

لو يشيل الحقد في داخل ضلوعه
ساعة الشدّة شفه يفتخر فينا

لاتعقّد عند الأجناب موضوعه
ماقضى موضوعه إلا بأسامينا

.....

[الحمدان]

ماتدري اني كم شعور ابتليته
وكم بيت دوزنته على نغمة الاه

مادام روحك للشعَر مستميته
تكفين قولي لي ياسهم ماشاء الله

.....

[الحمدان]

اكتب لغيرك طيب المشكله وين
هذا طبيعي فالشعَر ياشاطره

ذي عادتي والطبع هذا من اسنين
اكتب لغيرك بيت وانتي خاطره

.....

[الحمدان]

‏قلبي سجين الحيأ وطيبته زاده
لو شان وجه الزمن ماشانت أخلاقي

وانا تربيت والطيبه لنـا عاده
واخلاقي العاليه واسلوبي الراقي

قصر المكارم مشيد فيني امجاده
وقصر الوفا والشهامه ساكن اعماقي

والطيب في داخلي مغروسه اوتاده
ماحيل وابقى على عهدي وميثاقي

.....

[الحمدان]

فرحتي في شوفة الأرض الفسيحه
‏فرحة صغيّر لما شاف الملاهي

‏خلك من العود الأزرق والذبيحه
‏دام راعيھا راعي كبر وتباهي

‏ودنا باللي سواليفه مليحه
‏حتى لو انھا على براد شاهي

.....

[الحمدان]

انا الغايب الي كان بين العرب موجود
‏رفيق السهر لين السهر مل من عينه

‏تعبت من الدنيا ولا لي وراها زود
‏وانا من نشدني قلت له كلها زينه

.....

[الحمدان]

‏حتى لو تشوف التفاصيل بوضوح
‏لاتكبر الرجوى بعين المرتجي

‏من كثر ما اتعبني شعور إنك تروح
‏ماعاد يسعدني شعور إنك تجي

.....

[الحمدان]

‏مصير الأيام تكشف لك كنين الصدور
‏كانك تشوف الوجيه وتجهل قلوبها

‏قلبك دليلك ليا اشتبهت عليك الأمور
‏لاتقرب اللي يجيك الشك من صوبها

.....

[الحمدان]

دام العلاقه بيننا بس شاشات
مافيه داعي للعتب والمشاريه

الحب ماهو مقيدن بأسم نكات
الحب يربط شوف غالي بغاليه

.....

[الحمدان]

ماهو صحيح القلب للقلب شاهد
لو هو صحيح أصبحت مفتون فيني

بيني وبينك حب من قلب واحد
ليته يجيك من الهَوى مايجيني

وليتك تعرف الشوق لاصار واجد
وليتك تعرف أوجاع كثر الحنيني

أضحك وأنا لجروح الأحباب جاحد
أداري المكنون عن كل عيني

.....

[الحمدان]

اما وليفٍ يرفعك بالهوى فوق
والآ وليفٍ تكره الحب منّه

للنفس عزّه والكرامه لها حقوق
لجل الكرامه نار الفراق جنّه

بنت النماص

[الحمدان]

‏خل اهتمامك واتركه ماعاد ابي منْك اهتمام
‏تصنعك ماعاد يرضيني ولا عاد اطلبه

‏ياكم على شانك قلّبت الارض وابعدت الظلام
‏واحاول ارضي خاطرك لو كان في قطع رقبه

‏بعد الكلام البارحه ماعاد ابي منّك كلام
‏نقع كلامك في غزير دموع عينك واشربه

.....

[الحمدان]

‏البارحه والناس داله وسالي
‏يوم أنتصف ليلي تساويت للريح

‏والهم يلعب في ضميري وبالي
‏لعب الأصابع في خيوط المسابيح

‏مليت أنادي للسحايب تعالي
‏وتمرّني دهم السحايب مراويح

.....

[الحمدان]

‏لاتحط المشاعر بين كيف وليه
واضحه لو تركز فالشكل والذات

المحب الحقيقي لاتشكك فيه
اذبحه بس لاتطلب عليه اثبات

.....

[الحمدان]

لاجاك مني ياهوى البال عهود
‏باذن الله اني قدّها واحتميها

‏حبل الموده فـ المعاليق مشدود
‏لو كان بعض ظروفنا لك عليها

‏كل شيّ ينقص عندي وحبك يزود
‏وساعه وصالك كل يوم احتريها

‏يحن لك قلبي كما حنّت رعود
‏على سماء ديره انا وانت فيها

.....

[الحمدان]

‏الي متى والضيقه بصدري عمار في عمار
‏متى تمر الضحكه اللي تبطي بوجهي متى

‏ما اخاف من طعم الحزن اخاف طعم الانكسار
‏واحاتي الهم الكبير اللي على صدري عتا

‏في داخل ضلوعي حراره كل يوم تشب نار
‏منها اتدفى عن شديد البرد في ليل الشتاء

.....

[الحمدان]

‏كم سريت الليل أدوّرك ياصافي الجبين
‏وأدحم جنوب الليالي وأجاهدها جهاد

‏داريٍ بإن اللقى صعب لكنّ الحنين
‏ساقني لـك ياحبيبي وفي راسي عناد

‏مايقارن شوف وجهك بمال ولا بنين
‏حظ من يقضي الليالي معَك على انفراد

.....

[الحمدان]

الشموخ مع الركاده والثقل
‏في مفاهيم البشر صارت غرور

‏أحمد الله كامله كلي عقل
‏والثقه في خطوتي شيخة حضور

.....

[الحمدان]

احلى لقى لاصار من دون ميعاد
‏صدفه كذا مثل السماء يوم ترعد

‏رشة مطر ودك بها دوم تنعاد
‏احيّت جفاف الأرض من دون موعد

.....

[الحمدان]

سامرت وجه الحياه اللي عطتني عمر
‏حتى بدت تسرق القمرا وتسري بها

‏ماحولي إلا سنا ضو ٍحطبها سمر
‏وأفكاري اللي تقفي بي وأقفّي بها

‏وأطقطق الجمر بالملقاط وأسحب جمر
‏والجمره اللي بجوفي ويش أسوي بها

.....

[الحمدان]

نضحك ونمزح لاتعاتبنا على بعض المزوح
‏نحتاج ساعه للفرح لاصرت ماتحتاجها
‏
‏قفّل مجالات الزعل والضيقه اللي ماتروح
‏والعين عوّدها على الفلّه وفل حجاجها
‏
‏ان كان في صدرك جروح صدورنا فيها جروح
‏خلك على الهقوه ونلقى للجروح علاجها

.....

[الحمدان]

المسا هذي تفاصيله وهذا لونه
‏التحف بشته علوّ الديره وطامنها

‏كل مامرّت نسايمه الشجر وغصونه
‏تبعث اللي في قيود الصبر من مكمنها

‏الهوى ماينعذل قلب المهاوي دونه
‏والقنوع ان ذاق لذّات الحياه ادمنها

.....

[الحمدان]

‏تدارى الدمع بعيون القصايد واعتراه الخوف
‏قبل لاينكشف ستر الهدّب ويفيض ماخبّى

‏تمر البال لاقبلك حبيب ولا بعدك شفوف
‏ وأنا واقف على جرح الوداع ودمعة أحبّا

‏قبل لاتغيب ماكان السهر في رمشنا مكلوف
‏ولا به حاجةٍ عن مسمع الأيام تتغبّى

.....

[الحمدان]

‏انت الامان اللي ولا يوم خفتك
‏وانا اليدين اللي تبيها وجاتك

‏عندي قناعة ثابته من عرفتك
‏اني اببقى الفارقه في حياتك

.....

[الحمدان]

لاصرت مستانس وعايش حياتك
فلا عليك من العرب وش يقولون

اكسب رضا الشيبان واحفظ صلاتك
ومالك ومال الناس صاحي ومجنون

.....

[الحمدان]

‏تراودني تعاليل المَحبة والشعور اسراب
‏واغض البال لامنّي سرحت وقلت منسيّه

‏على هون اليدين اللي على جَرحي تطق الباب
‏وانا بابي ذرى عابر سبيل وصوت طرقيّه

.....

[الحمدان]

يامعشم خاطري معك بكبار الشفوف
‏راحت الدنيا مراح السنين الخاليه

‏احسب ان ما للهقاوي نصيب من الحسوف
‏لين مالِحقت على الأولات التاليه

‏كان لي عندك معزه ولي منك معروف
‏سلّني مع سلوة أهل القلوب الساليه

‏ولا تكلمني على عزة النفس العيوف
‏والله ان نفسي مثل منت غالي غاليه

.....

[الحمدان]

الليالي صابها الخوف واخطاها الامان
‏والمشاعر بعد طول الصفو متكدره

‏رغم صدمات الاوادم وصدمات الزمان
‏صدمتي فيك انت لازالت المتصدره

.....

[الحمدان]

‏حبني مثل الخيال وخلني مثل المخيله
‏القبول اللي لمسته منك يكفي عن قبيله

‏يوم مرتني حياتي كلها ماشفت غيرك
‏انت صورة كل مشهد وانت قصة كل ليله

.....

[الحمدان]

‏أنا نفسي عّزيزة ‏ماتود أللي وداده ضاع
ولا تهوى رفيقٍ كل يوم مبدل أطباعه

.....

[الحمدان]

‏مايذبح الرجال غير الحسايف
‏اليا تذكر فرصةً وقتها فات

‏يصير في صدره عليها لهايف
‏وده على ترجيعها مير هيهات

‏وإلا الحسايف عقب صدرت عايف
‏صيحت خلا يفرح بها كل شمات

‏تعلم الرجال عض الشفايف
‏وتذوقه موته وهو مابعد مات

.....

[الحمدان]

راحت حياتك بين واتساب وسناب
يامتصل بالله وش كان دورك

بكره إذا هلوا على قبرك تراب
صدقني ماينفعك آخر ظهورك

أرجوك لاتأخر صلاتك بلا أسباب
اجعل صلاتك دايماً في حضورك

تنفعك في قبرك وتبقى لك حجاب
يوم الصراط ويوم ياتي عبورك

بقلمي

[الحمدان]

القصيده في عيوني بدونك ماتزين
‏لازم ان اجيب طاريك ياملح النشيد

‏انت ياللي من بطين الفؤاد الى الاذين
‏والله ان حبك مع الوقت ماينقص يزيد

‏في غيابك لك محبه ولك شوق وونين
‏وفي حضورك شف عيوني كلامي مايفيد

.....

[الحمدان]

مافيه داعي للزعل والانفعال
‏ومجادل الجاهل وكثر اللجلجه

‏خلك على ماقيل شيال الثقال
‏واللي يبي يزعجك صمتك يزعجه

.....

[الحمدان]

عن الخطأ ماني منزه ومعصوم
‏لكن احاول قدر الإمكان ما اخطي

‏وان جاتني غلطه من انسان محشوم
‏اغض عنها الطرف لا اخذ ولا اعطي

‏الصمت يحميني من العيب واللوم
‏والهرج تأثيره يطول ويبطي

.....

[الحمدان]

ودّي اخسر كل شي إلا ضميري
‏اللي يسعف صاحبه لامن تحيّر

‏من كثر ماغيّرت الأيام غيري
‏والله اني خايف اني لا اتغيّر

.....

[الحمدان]

‏من يمنع الضيقة على قلب مرتاح
ومن يحتوي ضخ الغلا داخل الدم

هذي هي الدنيا بها هم وأفراح
ليت الفرح يقضي على زايد الهم

.....

[الحمدان]

خوفي لا فد يوم أغفى

وأصحى ما ألگاك يمي

خوفي من تبطل تگلي تحبني

ومن أسئلك ما تگلي

خوفي لاحِزني يبعدك وآنه أحبك

شعر عراقي

[الحمدان]

ما أدري أجرحك لو أداويك
حَنيني وثاري گامن لك سويه

شعر عراقي

[الحمدان]

‏معاك ياحلو الليالي والسنين
ليت الليالي معّك ماهي فانيه

احبك برغبه واحبك من يقين
واحب فيك القاصيه والدانيه

.....

[الحمدان]

‏حنا ليا شفنا ماعفنا من الناس
نقفي عن المخطي كرامه وشيمه

كلّش ولاجرح المشاعر والاحساس
للنفس عند الله والاجواد قيمه

.....

[الحمدان]

مادام صرح الهوى فاتح لنا بابه
تعال نكحل عيون العشق وأهدابه

لاعاد تبعد ترى مشتاق أسولف لك
عن ماسرابه غلاك ولا بعد جابه

.....

[الحمدان]

‏الشوق كايد والبطا زوّد الشوق
زدني بوصلك جعل ما اذوق حزنك

فيني جفاف سنين ماتت به عروق
وفيني صحاري ماتبي غير مزنك

.....

[الحمدان]

يا الليل شف لك حل او هات حلي
ماهي بحاله بالسهر تبتليني

كلما ندهتك شوق رديت يا اللي
سهران فك الصمت بينك وبيني

.....

[الحمدان]

الرفاقة تجارة والوفاء رأس مال
اشتر اللي يعزك كان تبغى حصيل

وإن بغيت المعزه في عيون الرجال
لاتجادل سفيه ولا تخاوي ذليل

.....

[الحمدان]

‏يامرحبا واللي مرحّب صدري
‏ولا يلام الصدر لارحّب بك

‏لاتنشد اشفيك والله مدري
‏أقول لك مشتاق والا أحبك

.....

[الحمدان]

‏وش ذنب من حبك وهو مايشوفك
والقلب من طول المسافات مفجوع

اكتب على صدري بداية حروفك
والقلب دقاته من البعد موجوع

.....

[الحمدان]

‏ﻳﺴﺒﻘﻨﻲ ﺍﻟﻘﻠﺐ ﻗﺒﻞ ﺍﻟﺸﻮﻕ ﺑـﺎﻟﻨﻈﺮﻩ
ﻭﺃﻏﺾ ﻧﺒﻀﻲ ﻗﺒﻞ ﻻ‌ﻳﻔﻀﺢ ﺃﺳﺮﺍﺭﻱ

ﻭﺃﻓﺘﺢ ﺷﺒﺎﺑﻴﻚ ﺳﻤﻌﻲ ﻻ‌ﻃﺮﻯ ﺫﻛﺮﻩ
ﻭﺃﻗﻮﻝ ﻣﺪﺭﻱ ﻭﺃﻧﺎ ﻓﻲ ﺫﻣﺘﻲ ﺩﺍري

.....

[الحمدان]

‏بعض البشر لاغاب عن ناظر العين
احس كل الناس في الكون راحت

وبعض البشر لوغاب ايام واسنين
ما اشتاق له قلبي ولا النفس ناحت

انا اشهد ان البعض ماله شبيهين
بافعاله اللي مثلما الطيب فاحت

غالي وحُبه حل بين الشرايين
ومكانته وسط القلوب استباحت

.....

[الحمدان]

كل ماجيت برسل له رسالة جديدة
‏أتراجع وأخاف تجيه منها مشاكل

‏والا أنا ودي أرسل له عتاب بقصيدة
‏ضيقةٍ مع عروق القلب تشرب وتاكل

.....

[الحمدان]

‏قلوبنا من طيبها تحفظ الطيب
‏واللي يجينا من ردى الناس ننساه

‏حنا بشر نخطي مع الوقت ونصيب
‏وان بان في ثوب الخوي شق نرفاه

.....

[الحمدان]

‏المراجل ماتبي مكسور خاطر
‏لاتقول أبشر ووجهك مايبشّر
‏
‏كن وجهك عقب عذرك وجه فاطر
‏فاطرٍ عيّت تموت ولا تعشّر

.....

[الحمدان]

‏أقسى من الدمع صوتٍ تقتله ونّه
‏والونّه اللي تجي من شوق غلّابه

‏لإنسان من كثر ماتغليه وتحنّه
‏تختار فرقاه وأنت تضيع في غيابه

.....

[الحمدان]

‏لاضاقت الدنيا قل الحمدلله
‏حتى ولو إنك من الوقت هايم
‏
‏ماخاب منهـو يحسن الظن بالله
‏وما ضاق صدرن يذكر الله دايم

.....

[الحمدان]

‏بعض العرب طبعه صراحه يحيّر
‏ليا تركته جاك وإن جيت خلّآك
‏
‏وبعض العرب مثل الذهب ماتغيّر
‏مادام له عندك قدر صعب ينساك

.....

[الحمدان]

‏الحياة أصل المشقات والدنيا ممر
‏تعطي الأنسان ليله وليله تحرمه

‏لو تعيش بدون ماتذوقك دنياك مر
‏وقتها بيمرك الحلو ماتستطعمه

.....

[الحمدان]

‏ياحظ من يدعي له الناس بالخير
‏كاسب قلوب الناس من فعل طيبه
‏
‏في كل قلبٍ له معزة وتقدير
‏وطاريه عند الناس كلن يجيبه

.....

[الحمدان]

‏لقيته بعد ماطوّل الصد والغيبه
‏ولقيت الجمال اللي مابعده ولا قبله
‏
‏هذا والله اللي مثل ماقال ابو شيبه
‏تجيه العرب صاحين وتروح منهبله

.....

[الحمدان]

‏الثقه بالنفس عمله نادره
‏والتواضع مايقلل لك مقام

‏من يمد الطيب طيبه بادره
‏واحترم منهو لفالك بأحترام

.....

[الحمدان]

‏اشتقت لك وأنا من الوصل مقطوع
‏رفّت عليك العين والاذن صاحت
‏
‏ياقربها لكن مثل حبة الكوع
‏الدمعه اللي لو تراخيت طاحت

.....

[الحمدان]

‏إعتقيني من مشاريه الغلا وأعفيني
‏الزعل ماهو يجيبه غير ليت وياما

‏أنتي أغلى من عرف قلبي وشافت عيني
‏وأنتي إجمل من لفتني به ليالي عاما

.....

[الحمدان]

‏نشري الذي بالطيب قلبه شرانا
‏غالي ومقداره علي الراس والعين

‏ولا نصاحب صاحبن مابغانا
‏حنا بعز وعن جنابه غنيين

.....

[الحمدان]

‏عز الله اني وصلت لمرحله صعبه
‏ماكل واحد من الناس يتحملّها

‏لكن ورب السماء والارض والكعبه
‏اني لها لين ماربي يسهلها

.....

[الحمدان]

مثل القمر قلبي وحيد ٍ بليّاك
‏طفل ٍ عن أحضان المحبين عيّا

‏وأنا مسكت إيدين قلبي وجيناك
‏لو ماخذيته حب خذني حميّا

.....

[الحمدان]

برد ليل ونور قمرا والأماني والبعاد
‏هيّضت فيني حنين ومن لغيرك هالحنين

‏غربتي دونك طويله وأنت للغربة بلاد
‏يامعين الصابرين أنك تعين الصابرين

.....

[الحمدان]

‏ياخاطري لايزعجك جور الايام
كم مرتن تكبر وترجع سهايل

صحيح توجعنا تصاريف الاحكام
لكن كثير الصبر جاب الجمايل

.....

[الحمدان]

أدفن همومك بالصدر واكرم الذات
سجن الحزن يبقي كرامتك حُرّه

تتعب على كتمان الاوجاع مرات
ولا تحس بذلـّة البوح مرة

.....

[الحمدان]

‏مكارم الناس بالاخلاق مذكوره
وبيض النوايا تبيض وجه راعيها

والكلمه الصادقه ماهيب مستوره
من بين الاجواد ماتقصر مساعيها

.....

[الحمدان]

‏مهما كتبت من الخواطر والأشعار
ومهما اصغت الحرف ياكيف مايكون

ورغم إن حرفي قد سلب كل الانظار
يبقى قليل وداخل الصدر مكنون

.....

[الحمدان]

لو الرسايل بين الاحباب مِقياس
أرسَلت لك في كُل لَحظه رِساله

لو الرّسايل تِشرح إللّي بالإحساس
صَوّرت لَك شوقي وكيف إشتِعاله

لكن غلاك أكبَر مِن حروف وأقواس
صَعب اشرَحه صَعب أوصِفَه في مَقاله

غَلاك فِكر وهاجِس وروح وأنفاس
غَـلاك شَيٍ ماتشيله رِساله

.....

[الحمدان]

‏كيف أبيّن لك وأغرد عن غلاك
وأنتي أكبر من حروف ومن قوافي

من وصوف الحور يتباهى حلاك
فـي حضورك تصبح الدنيا عوافي

.....

[الحمدان]

لي وليفٍ عشقني صدق وانا عشقته
والمحبه من الله والهوى بالتراضي

مايهم ان سبقني بالغلا او سبقته
نتفق بالمحبه دون شاهد وقاضي

.....

[الحمدان]

‏لاتحطك غيرتك بين نار وبين غار
‏سو مثلي قدّر الحب والا عبره

‏كان قصدك تختبرني فلا ذا باختبار
‏انتبه من كسر شيٍ ماعاد تجبره

.....

[الحمدان]

تبغى الصراحه انتهى وقت العتاب
‏ولا بقت لجروحنا رغبة دوا

‏حنا ترى صرنا على مفرق غياب
‏ياتبتدي بالهجر او ببدا انا

‏الى متى نصبر على كذب السراب
‏اذا العطش مايرتوي ليه الضما

.....

[الحمدان]

‏تدري متى يعجز لساني عن الشرْح
وأشعر بجسمي ماتشيله عظامي

إذا جرحْت اللي مايستاهل الجرْح
في حينها يذبح سكوتي كلامي

.....

[الحمدان]

‏يستاهل الحب من ضم الغلا جوفه
‏مدهاله القلب يتمشى به لحاله

‏يستاهل الورد من عطر به كفوفه
‏والي عطا الحب وسط العين منعزله

.....

[الحمدان]

‏القلب واحد والمخاليق عدّه
‏ولا هزّ قلبي بالهوا غير واحد

‏أنت الوحيد اللي خفوقي تشدّه
‏وغيرك أجامل حضرته لاتواجد

.....

[الحمدان]

‏ماني بمجبور أتعايش بوجهين
‏وجهي وحيد وجايزٍ لي مصبِّه

‏اللي مايملا العين مايسكن العين
‏واللي أحبّه يدري إني أحبّه

.....

[الحمدان]

‏ياصاحبي لو تسمع هروج عني
‏من ناس قالوا كلمةٍ مالها ساس

‏حاول تعاملني بما شفت مني
‏ماهو تعاملني بما قالوا الناس

.....

[الحمدان]

بعض البشر لاشاف نعمة حسدها
‏حاسد ويحسد فالسماء حايم الطير

‏وبعض البشر لاشاف نعمة حمدها
‏من طيب قلبه وده الناس في خير

.....

[الحمدان]

‏صدري بحر تلطم به أمواج بأمواج
‏يبطي خبير الغوص ماجاب قاعه

‏أدفن همومي به طوابير وأفواج
‏وأنسى المواجع كلها بظرف ساعه

.....

[الحمدان]

‏حاولت اعديها مع الصدر الوسيع
‏وارسم على وجه الزعل وجه الرضا

‏لكن بعض احيان قلبي مايطيع
‏بعض الخطا يضيق به وسع الفضا

.....

[الحمدان]

‏ماضاقت الا عند ربي فرجها
‏في طاعت الله تنفرج كل ضيقه
‏
‏كافل عباده معتني في حرجها
‏الله خلق عبده ويسر طريقه
‏
‏عنده مفاتيحن تعدل عوجها
‏ليا عوّد المسلم لرب الخليقه

.....

[الحمدان]

‏ياحلوها لاجات منك انا فداك
يلي غرامك داخل الروح ساكن

كلمة احبك ماله طعم لولاك
والكون لولا طلتك صار داكن

.....

[الحمدان]

‏لاتزعلين ان ماكتبت الشعر فيك
لكن معي بيت ومعانيه سيده

انتي قصيده في نظر عين مغليك
تاكدي منتي بحاجة قصيده

.....

[الحمدان]

من سواد العين والا من حلو سود الاهداب
الكحل ياخذ سواده من سواد عيونها

ومن بياض العين والا عينها ثلج وضباب
حتى أعطت للثلوج ولوّنتها بلونها

والزهر لونه وعطره سارقه خد الرباب
حتى أنها لامشت له تابعتها غصونها

والعسل ياخذ حلاوه من شفاها ومنها طاب
والنسيم العذب هل بشعرها ولمتونها

.....

[الحمدان]

اللي يحب الشمس يبكيه الغروب
واللي يحب الليل يضحك للقمر

واللي يحب انسان مايقدر يتوب
لاصار هذا الحب يسوى له عمر

.....

[الحمدان]

‏تبقين مثل التعافي في عروق الجريح
والغيمة اللي تفز الناس لحضورها

النادرة بالوصوف المعجزة بالمديح
المذهلة كل نور الأرض من نورها

.....

[الحمدان]

‏انا فَقيد النّاس لاصرت ويّاك
مَسجون عِندَك بين اصابع كُفوفَك

اللّي يِدقّق فـي كَلامي بيقراك
واللّي يركز في عُيوني يِشوفَك

.....

[الحمدان]

نخفي الوله وقلوبنا كلها شوق
‏وعيوننا تفضح غرامآ خفيناه

‏نكتب مشاعرنا تحت راية الذوق
‏والحرف من جوف الحنايا نزعناه

.....

[الحمدان]

خواطر الناس بحر وكل عاشق غريق
وانا غريق العيون اللي عليها الكلام

عيونك إن سلهمت للحب تفتح طريق
ماكنها إلا عصا موسى عليه السلام

.....

[الحمدان]

لاصار طب البرد ضم الحبايب
الله يعين الي حبيبه مجافيه

واللي حبيبه دوم مبعد وغايب
ما أظن حتا الشمس ممكن تدفيه

.....

[الحمدان]

وين اودي شوق قلبي والوله
لوغديت بعيد عني ما اسمعك

تملك احساسي وفكري تشغله
ترحل طيوفك وفكري يجمعك

هاك قلبي هاك ليتك تقبله
خذ سنين العمر او خذني معك

انت تالي الحب عندي واوله
من يقول إني نسيتك يخدعك

.....

[الحمدان]

يدور الزمان ويثبتون الكبار اكبار
على معرفة وفعول وسلوم ومروه

مو كل من ناداك يستاهل المشوار
ولا كل من خاواك يستاهل الخوه

.....

[الحمدان]

‏بعض البشر لو كل عمرك تراعيه
غلطه وحيده تهدم اللي بنيته

لاشاف شيءٍ مايوده ويرضيه
ينسى جميع اللي بذلت وعطيته

.....

[الحمدان]

‏نتعب علي الطيب والايام ملحوقه
واللي يقدر غيابك يحفظ اسبابك

الصاحب اللي رزين وعذب منطوقه
احفظ حضوره مثل مايحفظ اغيابك

.....

[الحمدان]

ان جهلت الخوف خاف مْن الأمان
‏وان بغيت تدل ضيّع وبتدل

‏والمكان اللي ماتلقى به مكان
‏بدله لاتدور لعزك بدل

‏ولا تعجل كل خافي له اوآن
‏مهما يخفيه الستار بينسدل

‏كم شيٍ شفته بحب وحنان
‏يوم عقلي فاق ماشفته عدل

.....

[الحمدان]

النفس لولا القناعة ماعسفناها
اللي لجل عزها قامت قيامتنا

كم حاجةٍ ودنا فيها وعفناها
مهما غلت ماهي اغلى من كرامتنا

.....

[الحمدان]

الفقر والفرقى وقل التوافيق
تقضي على الرجال باول شبابه

شفها تراها دايمً فالمطاليق
لاجاك شفته ضايقً من ثيابه

يفطن له الي جرب العسر والضيق
والا الردي في غفلته مادرى به

.....

[الحمدان]

انا ليَا شفت وضع مايناسبني
اقفيت من غير لا أوضح ولا انوّه

......

[الحمدان]

عز الله ان الشدايد عندي اكبر فضيله
عرفت فيها جميع الناس هين وغالي

عرفت فيها النشاما والنفوس الذليله
كسبت منها رجال الجود وهل المعالي

ياعاشق المال كسب المال ماهو وسيله
انا الشرف والمروه والكرم راس مالي

.....

[الحمدان]

بعض المجالس مالنا فيه مقعاد
يصلح لهزلين الرجال وهمجها

ارفع مقام النفس عن كل نقاد
واترك عصاي اليا تبين عوجها

.....

[الحمدان]

من يقول إن في بداوتنا شقى
البداوه علمتنـا حاجتين

مانحب إلا على وضح النقا
ومانعيف إلا وجيه الحاسدين

.....

[الحمدان]

‏تسوق الطف أنسام الغلا ضحكة محياك
‏على روح من طالت عقوده وهو ضامي

‏ياسبحان من خلاني أدورك والقاك
‏وأشوف أبسط حقوقي معاك أكبر أحلامي

‏لاتستغرب إن بعت الوجيه وشريت رضاك
‏وأنا مرخص ليومٍ معك جملة أيامي

‏تمثنى فجوج القلب وأسلى وسج خطاك
‏على عين حاسد ضحكتي لك ولوّامي

.....

[الحمدان]

يوم شفتك طحت للشوق وكرهت الغيبه
وجيتني عقب البطا تلعن سنين غيابك

استحيت اعاملك باللي تعاملني به
قلت لك يامرحبا ماقلت لك وش جابك

.....

[الحمدان]

تعال قرّب وخل أيامنا تحلا
يازين الأيام في قربك ويازينك

.....

[الحمدان]

‏اخاوي الضيق في حلي وترحالي
‏واشوف الايام ماتلطف وتجمعنا!

‏اواه ياحبيبي اللي على بالي
‏أضيق من كل حاجه مالها معنى

.....

[الحمدان]

‏ان قلت احبك زاد في قلبي الشوق
‏وان قلت لك مشتاق يزداد حبك

‏يعني ببساطه يابعد كل مخلوق
‏بالحالتين اشتاق لك وبعد احبك

.....

[الحمدان]

‏ياللي خذيت القلب مني وما فيه
إرفق بقلبي يابعد كل من له

جيتك وأنا شوقي يسابق خطاويه
شوق الخليل اللي فقد شوف خله

قلب تعنّى لك غلا لاتعنيه
أنت الوحيد اللي له القلب كله

.....

[الحمدان]

على البال لك سجة ولك سيره وتذكار
‏أضيعك بالواقع وألاقيك في بالي

.....

[الحمدان]

اوعدك كان حضوري مسبب إزعاج
اوادعك واغيب وألغي حضوري
ㅤ
ماني بفاتح باب قلبي للإحراج
وما احب اكون انسان ماهو ضروري

.....

[الحمدان]

لو تموت احلامنا تبقى السوالف
‏ماتنسينا الليالي وش حكينا
‏
‏ننجرح ونقول عادي مايخالف
‏وكل جرح يوصي الثاني علينا

.....

[الحمدان]

من مواني الليل لعيونك سريت
ودمعتي تحلف علي أهلها

كم بكيت بداخلي لو مابكيت
كبرت همومي وقلبي شلها

كم تناسيتك ولكن مانسيت
لو تغيب الشمس يبقى ظلها

بأنتهي بك مثل مافيك أبتديت
وما اسوت عزة زماني وذلها

.....

[الحمدان]

اجلس على شعر وارسلك اشعار
اقرا قصيد الناس واذكر عيونك

حب الكلام يموت لو عاش لحظات
وحب القلوب يعيش لو كان مدفون

.....

[الحمدان]

احب قربك وعيني تلتفت صوبك
ولا ضاقت ابك الدروب أقدر اظروفك

والله يسـامح غلاك ويغفر ذنوبك
اللي جبرني احبك قبل ماشوفك

.....

[الحمدان]

اقراء كلامي يا الغلا وافهمه زين
لاتحسب احساسـي مجرد خواطر

كل ماكتبت لخاطرك يا اريش العين
كله مشاعر من صميم المشاعر

انت الذي أعنيه وسـط الدواوين
وانت الذي خليتني صرت شاعر

وانت الذي وسط الكبد والشرايين
وانت الذي في الروح ناهي وآمر

.....

[الحمدان]

ماعشقت الصمت إلا من عرفتك
وما كرهت البوح إلا لجلك انتي

الله اكبر كيف لو شرحت صمتك
تنطق الصخره وانتي مانطقتي

عالوفاء والطيب يالزينه عرفتك
عن جميع الغانيات انتي انفردتي

انتي كل الذوق بل والذوق كلك
وش اقول يللي على حبي دريتي

تنتهي الكلمات لامني وصفتك
لو اكرس في وصوفك كل وقتي

راقيه تستاهلي كلمة فديتك
الغلا لك والعشق لك لاعشقتي

.....

[الحمدان]

غلاك مايشبه غلا باقي الناس
‏غلاك يفرق عن غلا كل الأمه

‏انت الذي حبك تعانق بالانفاس
‏ونت الذي موتي بضحكات فمه

‏قلبي عليك يغار واجد وحساس
‏لمي شتاتي بأبتسـامه تلمه

.....

[الحمدان]

ياقلب حبيتك ولك حب صافي
خط الوفا حبك وفيه احتريته

حنان قلبك يجعل القلب دافي
ياكنز في دنيا المواجع لقيته

انت الذي للقلب دكتور شافي
وانت الهوا والحب منك طريته

وانت النشيد المنبهر والقوافي
وانت الشرف ذا يلمع اليوم صيته

وانت الوفا في يوم ماعاد وافي
وانت الذي وحدك بقلبي هويته

وانت الشرف والطهر وانت العفافي
بك مكتفي قلبي وفيك اكتفيته

ماهما تشوف القلب وللا وطافي
يعود لك مادمت له كل بيته

حلق خيالاتك معي في ضفافي
ياللي نصع قلبي بطلقه رميته

ماعاد من دنيا المواجع نخافي
مادام قلبي وسط قلبك حميته

راحت سنين القهر راح الجفافي
من مثل حبك في الهوا لاسقيته

حبو وعيشو الحب دامت عوافي
ومن يحبك في الخفوق احتريته

.....

[الحمدان]

الضيقه اللي تكتم الصدر بالبوح
‏عجزت احصل في الوسيعه دواها
‏
‏احيان اقول الضيقه شوي وتروح
‏واحيان اقول البوح يروي ضماها

.....

[الحمدان]

‏لك من فؤادي محبه نابعه
وسوف تبقى إلى موتي اكيد

ولو المراثي لمثلك نافعه
ولا القصايد تردك من جديد

والله لا اجيب لاجلك طابعه
وان املي الأرض من شانك قصيد

لكن سهام المنايا لاذعه
ولا مخلد سوى الباري وحيد

افلام من ذو القدم متتابعه
لكن فيلمك وتاريخك مجيد

.....

[الحمدان]

‏مدري تتابع معي ولا نسيت الغلا
‏احتار فكري وقامت تكثر ضنوني

‏تعال عطني علومك يابعد هالملا
‏شوفتك عندي تساوي العمر ياعيوني

.....

[الحمدان]

أحس بك وسط الحنايا وأضمك
‏وأوله على حسك وهمسك ونجواك

‏في خاطري ذكرى جميله تهمك
‏صورتك كاتب فوقها مقدر أنسآك

.....

[الحمدان]

مساء الغلا والشوق لعيون مخلوق
‏أخذني عن العالم بحاسيس روحه

‏مسائي معه رايق وله منزلاً مرموق
‏احاسيسنا وحده وبوحي على بوحه

.....

[الحمدان]

‏أحلى هديه في حياتي وجودك
جتني من دروب الصدف بابتسامه

بالأمس خايف لاتعدى حدودك
واليوم اسمك في خفوقي فخامه

.....

[الحمدان]

أي والله إني أحبّك والمحبه جمر
يشبها الشوق وتدخن عباراتها

يامرحبا وأقلط بصدري وأخذ لك عمر
لابارك الله بدنيانا وصكّاتها

.....

[الحمدان]

فديت وقتن حطّ في دربي رفيق
واحدن يضحك معي واضحك معه

واحدن لا صار وسط القلب ضيق
بالسّوالف والمزايح وسعه

وإن حكى بأسلوبه العذب الرّقيق
يسرق من الجوف قلبن يسمعه

.....

[الحمدان]

ياوجهك اللي عطاه الله ملح وقبول
محظوظ من يقدر يشوفك ويقدر يجيك

من يوم ماصرت محبوبي وقلبي يقول
اسف على أيامي بدونك وشكرًا عليك

.....

[الحمدان]

‏يامراسيل الغلا ودي سلامي
‏واحذري لاترجعين الا بردّه

‏بلغيه أشواقي ولهفة غرامي
‏فوق باقة ورد مع زود الموده

.....

[الحمدان]

‏ياوسيع البال ضيّقت الصدور
‏رحت ماعلّمتني وين أنت ساري

‏في غيابك مالخلق الله حضور
‏وفي حضورك مالهم بالبال طاري

‏صاحبى محتاج لك شعر وشعور
‏وإحتياجى شي ماكان إختياري

‏من متى والغصن يختار الطيور
‏من متى والبال يختار الطواري

.....

[الحمدان]

‏على سور دارك صرت أشوف الورود أشواك
‏ولا عاد جيّاتي عليها تسلّيني

‏بكى كل طيرٍ كان يضحك على الشباك
‏يغرّد وكنّه في وداعك يواسيني

‏أنا منصدم وأعيش يومي بدون إدراك
‏ماباقي معي من عقلي اللي يقدّيني

‏أسولف على طيفك وأغني على ذكراك
‏عسى الله يضمّد جرح قلبي ويهديني

.....

[الحمدان]

ابتسم واجعل الدنيا معك تبتسم
‏وانسى همومك لو انها ضايمه

‏الدنيا لابد تاخذ من رحاها قِسم
‏لاحزن مستمر ولا سعاده دايمه

.....

[الحمدان]

‏ياطير⁩ تبكي ضما وألا بعد جايع
‏وألا وليفك هجرك وفارق غصونك

‏بقيت وحدك على أوراق الشجر ‌ضايع⁩
‏تبكي وليفك وأنا تبكيني ‌لحونك⁩

.....

[الحمدان]

كسب البشر ياناس بحسن التعامل
‏وزرع المودة في بساتين الاخلاق

‏صحيح محدن بالبشر شخص كامل
‏لكن طموح الشخص للطيب ينساق

.....

[الحمدان]

انكسر حلم الغرام وجفّت غصون الاماني
‏وخابت آمال الكسير وخالف الهقوه خويّه

‏واشرقت شمس الرحيل وطاري الفرقا دعاني
‏مابقى للحب حيل ولا معي فالوصل نيه

‏انذبل ورد الشعور وتاهت حروف المعاني
‏وضاقت انفاس القصيد اللي منوّل جرهديه

.....

[الحمدان]

‏يازين الركاده والتعامل بفن وذوق
‏لاصارت عقول الناس ماهيب محتشمه

.....

[الحمدان]

أدري انه يسمع الشِعر وتجيه العلوم
ويدري إنه من نصيبه قراه او ماقراه

‏كان عينك ترقد الليل عيني ماتنوم
‏لين يذّن مذّن الفجر وتقام الصلاه

محمد مريبد العازمي

[الحمدان]

‏يامساء الخير يا الوجه الضحوك
‏فاقدك والشوق مامر انسمك

‏من جمال أمك ومن هيبة أبوك
‏زاد حسنك لين مازاد اسهمك

‏أنت لو شافوك حكام وملوك
‏ضاع ملك أجدادهم عند قدمك

.....

[الحمدان]

‏ياحبيبي والغلا طيش وعيونك تمون
مثل مامانت على المزن صلفات الرياح

أتبخر لك مشاعر ونزوات وجنون
وأنت تجمعني سحابه وتمطرني قراح

.....

[الحمدان]

‏ماكنّك إلا بدايات الشتا في السنين
مهما تتكرر لها التقدير والمَرحبا

.....

[الحمدان]

‏إحساسنا يوصل مداه وزهوه
‏في طلعة الصبح الجميل الشادي
‏
‏وحضورك الداخل بطعم القهوة
‏تجعلني أؤمن بالجمال الهادي

.....

[الحمدان]

‏مع نفسي اعاتب نفسي واتأسّف
‏انا استاهل وإلا جد ما استاهل

‏اجي كلّي مع العالم واتحسّف
‏على وجه الردي وضحكة الجاهل

.....

[الحمدان]

‏ياليال البرد باسم اهل الهوى مشكوره
‏صاحبي ليل الشتاء مهما يضيق صدري

‏يقدر العاشق يخلص فيه كل اموره
‏يسهر ويشتاق ويعاني ويرقد بدري

.....

[الحمدان]

اضرب على الكفين واقول ياحيف
ياحيف عقب الطيب ياتي رداكم

.....

[الحمدان]

‏ابر العطايا في الأرامل والأرحام
‏وابر المخاصم ما انتهى بابتسامه

‏واشر الجروح اللي تداويه الايام
‏واشر القرايب من يحرمك سلامه

.....

[الحمدان]

والله إن اشدّ واقسى محطات الحنين
‏حاجةٍ ماهيب في يدك بس تشوفها

عناد الشيباني

[الحمدان]

حداني على طرق التوجد وانا مابيه
‏وهوى مستريحٍ حد نفسي على اقصاها

‏وانا كل ما امسى الليل همي سرى ساريه
‏سبب هاجسٍ لامن وطى العين سراها

.....

[الحمدان]

‏لاغشاك البرد ياسمح المحيّا
‏أحطب الطارف من ضلوعي وشبه

‏هات من عذب السوالف ماتهيّا
‏ودي أمسك صوتك بكفي واحبه

.....

[الحمدان]

لاصار لك من اقرب الناس عدوان
‏ارحل ترى بالبعد تلقى الكرامة

.....

[الحمدان]

اسئل عن اللي لاقسئ الوقت مامال
وفيه الثقه والصدق طبعه ومنهاج

.....

[الحمدان]

ابرسل تحياتي على شاشه الجوال
‏ومسي على من شافها دام يقراها

‏مساء الخير دام الحرف عبر عن الارسال
‏مساء الورد وحروف السعاده بمبداها

بقلمي

[الحمدان]

‏ماهو على كيف المخاليق تختار
‏مافيه أحد يعرف نهاية مصيره

‏حكم القدر واقع ولا تنفع أعذار
‏لكن ترى بعض المقادير خيره

.....

[الحمدان]

الناس والأيام تحتاج وجهين
وانا معي واحد ويبغى السلامه

.....

[الحمدان]

‏انعزل عن زحمة الناس والهرج الكثير
‏السعاده بعض الاحيان فنجال اقهوه
‏⁧
.....

[الحمدان]

‏لي صاحبٍ في تالي الوقت خيّب
وقام يتعمّد بالردى ويتحدى

وصار البعيد اللي من أول قريّب
من بعد ماكان الرفيق المبدى

كنت أفقده لو راح عني وغيّب
وكان الرفيق اللي له القدر جدا

ماني بقايل صاحبي كان طيّب
لو كان طيّب صاحبي ماتردى

.....

[الحمدان]

من لاحفظ حق المخوه والقسم
لايجمعك وياه في الدنياء طريق

.....

[الحمدان]

‏عشقي بعينك عشق فارس لخيله
‏عشق الفرس لاقادها هز خيال

‏فارس يترجم قصد معنى صهيله
‏والخيل تفهم كل ماهو على البال

.....

[الحمدان]

أعترض لي الحظ وانا من الواقع رضيت
داري انها ماتجيبك لعَل ويا عسى

انت ياللي تحسب إني نسيتك وانتهيت
عاد زولك في عييُوني وقلبي مانسى
⠀
.....

[الحمدان]

‏انا فارس الكلمه وانا فارس الميدان
طويل الذراع ويرجح الفعل ميزاني

كعام العداء في ساعة الحرب والعدوان
اخضب كفوف الارض بالسيف شاماني

.....

[الحمدان]

‏في رجا الله كل ماقام الصباح يسوق نوره
‏رحمة تطوي خيوط الظلمه اللي في فوادي
‏
‏كل ما اعانق هواه العذب وتغني طيوره
‏اتباشر يوم تعتقني يدينه من سهادي

.....

[الحمدان]

دايم اول تجربه لها مشاعر ماتكرر
احتفظ فيها كذكرى واحذر من آثارها

لاتفتّش عن شعور الدهشه الاولى تذكّر
تفقد الحاجات قيمتها مع استمرارها

الاماكن والتجارب والصدف واشياء أكثر
مايجرّدها من المتعه سوى تكرارها

.....

[الحمدان]

‏احلى لقى لاصار من دون ميعاد
‏صدفه كذا مثل السماء يوم ترعد

‏رشة مطر ودك بها دوم تنعاد
‏احيّت جفاف الأرض من دون موعد

.....

[الحمدان]

ظروف الايام مثل السمعه الشينه
ماودك اتشوفها في واحدٍ غالي

.....

[الحمدان]

يادوا القلب الحزين وياسبايب دمع عيني
القطاعه والجفاء والبعد ماهنّ شيء عادي

أشرقت شمس الضحى والنوم عيا لايجيني
والبشر ناموا وأنا مابين صبري وإجتهادي

والله أني آدمي والآدمي مخلوق طيني
تجبره كلمه وتكسر خاطره ويموت غادي

ماورا هجرك وجرحك غير موتٍ يحتريني
منت لاقي فالفراق وفالموادع قلب هادي

ليه يافرحة شبابي ليه يافرحة سنيني
وأنت عندي منت عادي شيء ثابت واعتيادي

البشر تلهى وأنا مازلت لاهي في حنيني
رغم صدك والجفاء ماكني إلا فيك بادي

بان شوقي فالعيون وحط عينك وسط عيني
تعرف أني من ثلاث شهور في سجن انفرادي

الشتاء مافاد فيني والمطر مافاد فيني
والربيع اللي يشوفونه خَضَر شفته رمادي

.....

[الحمدان]

‏الورد ماعاد له معنى ولا قيمه
دام الهدايا تموت بخزنة ادراجك

لو أقسم العمر قلي كيف تقسيمه
العمر كله مضى تنفيذ واخراجك

.....

[الحمدان]

‏ياناس راعي المحبة لاتعذلونه
مهوب عن صاحبه داله ولا سالي

لويسهر الليل كله لاتلومونه
الحب بلوى مانيب اول ولاتالي

.....

[الحمدان]

‏​عيونك تذوبني وأجيلك بدون شعور
ويروح العمر وأنا مع نظرتك سارح

أببقى معك حتى لو إن الليالي تدور
أنا كل يوم أحبك أكثر من البارح

.....

[الحمدان]

‏اجمل هدايا العمر انسان يغليك
واجمل هدايا الحب انسان وافي

روحه رهينه لك وبالعمر يفديك
فيه الوفاء والعهد للحب صافي

.....

[الحمدان]

مالي سوا صوتك اذا خاطري ضاق
ومالي سوا صدرك اذا ضايقوني

حتى الشعر ضاقت به صدور الاوراق
من كثر ما اكتب لك شعر عاتبوني

الصبر سلمني لنيران الاشواق
على غلاك بداخلي حاسبوني

عندي سؤال اردده كل ما اشتاق
الشوق يذبح صاحبه جاوبوني

.....

[الحمدان]

اشتقتلك واللي خلق حلو الإحساس
يامشغلن قلبي وروحي وعنيي

حبي لك أكبر من هوا الناس للناس
تبعد تقرب أنت موجود فيني

أنت الحبيب اللي على العين والراس
قربك هوا قلبي وأحلى سنيني

.....

[الحمدان]

ياللي غلآك أشبه بتاريخ الاجدآد
يسلبني إحـساسي إذا مرّ طاريه

وين إنت عني صار لجروحي أحفآد
طال إنتظاري يابعد خافقي ليه

.....

[الحمدان]

مغنيني الله عن زكاة المشاعر
‏والحمدلله ماعلى حالي قصور

‏أملك شموخ ملوك واحساس شاعر
‏وسويت لي من عزة النفس دستور
‏
.....

[الحمدان]

والله لوتسعى من الشرق للغرب
يالعبد مالك كود شيٍ كتب لك

هاذي هي الدنيا بها الضيق والكرب
كم واحدٍ فيها شكى الهم قبلك

تابع طريق المصطفى واسلك الدرب
ولاينقطع من عروة الدين حبلك

واحذر عدوك جاهده واعلن الحرب
شيطانك اللي بالمكايد نصب لك

.....

[الحمدان]

صحيح بين الناس فرق وتفاوت
من خلقة الدنيا ليوم القيامه

مثل الأصابع تختلف ماتساوت
واللي يقوله ماكذب في كلامه

ناسٍ على فعل المراجل تخاوت
وناسٍ عسى منهم تشوف السلامه

وكم راح بالدنيا عروشٍ تهاوت
ويبقى بها المؤمن رفيعٍ مقامه


.....

[الحمدان]

هات الكلام الصح وابعد عن الكذب
ترى الكلام الزين للنفس راحه

مثل القراح اللي من المنبّع العذْب
وخير الكلام اللي يجي به صراحه

ولاخير في قولٍ به السب والشّذْب
اللي نهانا عنه دين السماحه

وياطيب رجلٍ في كلامه مؤدّبْ
من يسْتَمع قوله يزود أنشراحه

.....

[الحمدان]

تغنيك عن لذّة الدنيا وأهلها ثلاث
الستر والعافيه والسمعه الطيّبه

بقلمي

[الحمدان]

يامعطي النفس بالعصيان رغبتها
ماتستحي من إلهٍ يعلم أسرارك

دنياك فتنه ولا دامت بلذتها
وأحذر تمادى على المحذور بإصرارك

غيّر من النفس للأحسان عادتها
وأصدق بتوبه وربك يقبل أعذارك

وأجعل أمورك لرب البيت وجهتها
سبحان من هو خلقك ويعلم أقدارك

.....

[الحمدان]

مادري علام الناس ماتترك الناس
تدخلوا حتى بخاف النوايا

هذا يقول افلان ماعنده أحساس
وهذا يقول فلان راعي خطايا

كلام فاضي مايثبّتْ على ساس
ماغير هرجٍ فيه كذب وحكايا

واقول بعض الهرج مافيه نوماس
مايقبله رجلٍ كريم السجايا

.....

[الحمدان]

مايذبح الرجال غير الحسايف
ليا ذكر له فرصةٍ وقتها فات

يصير في صدره عليها لهايف
وده على ترجيعها مار هيهات

ياليت عرفي يوم ركبي نكايف
قد صار عندي يوم ركبي مغيرات

والا الحسايف عقب صدرت عايف
صيحة خلا يفرح بها كل شمات

.....

[الحمدان]

ياصاحبي منته عن الناس مسؤول
ولا انته بلا حاكم ولأنته بقاضي

الناس يبن الناس صاحي ومبدول
ومشاكل العالم طوالٍ عراضي

اللي يبي نفسه سنافي ومقبول
لابد يستخدم نضام التغاضي

لو مانجامل كل فاضي ومشغول
صرنانشوف إن كل مشغول فاضي

.....

[الحمدان]

اليوم لاتبدي ظروفك على الغير
حتى الرفيق اللي من اول حزامك

الناس لاشافوا عليك اي تقصير
البعض يتحاشون ردة سلامك

عنّز على اللي يرزق النمل والطير
يدري بحالك قبل تنطق كلامك


.....

[الحمدان]

إذا كسرتك ظروفك والدهر خانك
فالله هو الواحد القادر على جبرك

إذا تقدم عطاه بيفحص إيمانك
وإذ تأخر عطاه بيختبر صبرك

لاتشكي الحال حتى لقرب اخوانك
الناس ياصاحبي ماهم على خبرك

ابشر ليا مت يجتمعون من شانك
واتلى العهد فيك لاحطوك في قبرك

.....

[الحمدان]

احمل طموحاتي على كف الاحلام
واقابل الدنيا بصبر وشراسه

وما زلت اعاني من شقى جور الايام
ولا زالت الاحلام قيد الدراسه

.....

[الحمدان]

قدّر شعور اللي يحبك من الناس
وخلك كريم وخلّ للنفس قيمه

واحشم مقام اللي يحطك على الراس
تراه مايستاهل إلا الحشيمه

وصف الشعور وخلّ في قلبك إحساس
وإيمان وإحسان وطموح وعزيمه

الناس ماترزق على قوة الباس
ماترزق إلا على النوايا السليمه

.....

[الحمدان]

أن جيت خل الكل يفرح بلقياك
محبوب عند الناس ويقدرونك

وفي غيبتك خل الجميع يتحراك
مثل المطر كل البشر يحترونك

.....

[الحمدان]

الناس ما ترزق على قوة الباس
ما ترزق إلا على النوايا السليمه

بقلمي

[الحمدان]

والله لوتسعى من الشرق للغرب
يالعبد مالك كود شيٍ كتب لك

هاذي هي الدنيا بها الضيق والكرب
كم واحدٍ فيها شكى الهم قبلك

تابع طريق المصطفى واسلك الدرب
ولاينقطع من عروة الدين حبلك

واحذر عدوك جاهده واعلن الحرب
شيطانك اللي بالعداوه نصب لك

.....

[الحمدان]

‏حاولت أبترك ماضيٍ فات وأنساه
وذكرني الجوال في ذكرياتك

رجعت للماضي وأنا أقول عزّاه
وش ينْفعك ياقلب كثر التفاتك

مافات فات ولا تفكر برجواه
خلك صبور ولاتكدر حياتك

ومن راح خله لايعذبك طرياه
خل المعزه دايمٍ من صفاتك

.....

[الحمدان]

لاصرت ماتاقف على كل زله
تراك تكبر في عيون الرجاجيل

خطأ مايقدح في كرامتك خله
رمي الحصا بالنيل ماعكر النيل

اصفح وخل الشك دقه وجله
مايظهر الأمراض غير التحاليل

.....

[الحمدان]

كُنْ مُوقِناً أنّ الزمانَ وإنْ غَدَا
لك رافعاً سيعودُ يوماً واضِعاَ

والطّيرُ لو بلغ السّماءَ مَحَلُّه
لابُدَّ يوماً أن تراهُ واقِعاَ

ابن عرّام الأسواني

[الحمدان]

لاصكت ابواب البشر لاتبالي
باب الولي مفتوح في كل الأوقات

.....

[الحمدان]

يارجل لاشفت الزمن متحديك
احذر تبين للمخاليق سدك

والمصدر اللي منه الرزق ميجيك
عنه الخلايق هرجهم لايردك

ترا الحرام اللي عن الناس بيغنيك
يسوى الحلال اللي عليهم يحدك

.....