فوق هام السحب ( الشعر الشعبي) على متن القوافي

[الحمدان]

‏
يا وليف الـروح عـندي لك سؤال
جـاوبـه بالله يا القلـب العـطوف

القصـايد فيـك ما تعـرف محـال
السبب فيـك أنت ولا فالحـروف

....

[الحمدان]

قانع من الدنيا مثل منت شايف
لو هي تجي وتقول طب وتخيّر

مافيه حاجه تستحق الحسايف
غير الرفيق الطيب إليا تغيّر

بقلمي

[الحمدان]

‏لولا الخطا ماصار للصّح قيّمه
‏ولولا وجود الصح كان الخطا دام
‏
والصاحب اللي له معزه وشيّمه
‏نحذف خطاه خلاف ونروح قدام

....

[الحمدان]

‏الصمت نعمه لكن البوح راحه
وياحظ من صمته يدله ويغويه

وياحظ من جوفه يعيش الصراحه
مايشغله هرج العرب والمشاريه

....

[الحمدان]

‏مابقى في بحة حروفي كلام
وما يھم إن قام حظي أو قعد

من تعب صدر العنا ودي أنام
نومة أهل الكھف أو أطول بعد

....

[الحمدان]

‏خذيت من مر الزمن ماكفاني
وعطيت غيري كثر ماكنت محتاج

بغيت لي حاجه وحظي عصاني
من عقبها صديت منعاً للأحراج

....

[الحمدان]

‏يامن يراقبني ترى الحرف لك إنت
تعال وإكتب وش شعورك تجاهي

تعبت ألمح لك شعوري فلاهنت
وأخاف تفهمها القلوب السواهي

....

[الحمدان]

‏مايرقد المشتاق ولا يعرف النوم
عطشان وصلك منتظر يزول همه

كنه رضيعن ماله ايام مفطوم
يبي حنان الام والصدر ضمه

....

[الحمدان]

‏بعض العرب لاحب بالحيل ينحب
وبعض العرب مايقتله غير حبه

أعظم جروح الحب لاخانك محب
وأكبر ذنوب الحب فرقا الاحبه

....

[الحمدان]

‏السوال اللي خفوقي له جواب
من سهم سلهامها صاب الهوى

والعيون اللي لقت فيني صواب
ذاب فيها خافق الذيب وعوى

جامعه مالذ للعاشق وطاب
قد تعدا الوصف حجم المحتوى

....

[الحمدان]

‏خل البشر تذكرك بالخير والطيب
السمعه الزينه رصيد وغنيمه

إن جيت تلقى المسهلا والتراحيب
وإن غبت تمدحك النفوس الكريمه

....

[الحمدان]

‏الصاحب اللي كل ماجيت احييه
رد التحايا فوق ماني متصور

لاقبل علي وقلت لبيه لبيه
يقول ياشمس الغوالي منور

هذا اللذي شوفه لقلبي مناويه
لانه يجوع لشوفتي ويتضور

غيره من الخلان مانيب باغيه
دامه معي ماني لغيره مدور

....

[الحمدان]

‏ماني موّكل على العالم ولا لي وكيل
‏الحلم في مزهبي والحمل في منكبي

‏مابين وصلٍ جميل وبين هجرٍ جميل
‏أختار منها وانا حاضر على ماتبي

....

[الحمدان]

‏إحرص على اللي كل ماقال يفعل
وابعد عن اللي كل فعله بالأقوال

وخلك مع اللي كل ماغبت يسأل
واترك رفيقن مايلقي لـك البال

....

[الحمدان]

لاتنكسر دامك على قيد الحياة
‏اللي مايذبح ينفعك لو يجرحك

‏واخسر مدام إن الخسارة ربح ذات
‏ولا تربح اللي مايحاول يربحك

....

[الحمدان]

ياصاحبي لاعاش من يتجاهلك
شرع القبائل تفتخر باصحابها

والمجد والتاريخ لاصحابك ولك
وانتم نشاما خصمها يهتابها

لوالسماء تنهار وينهار الفلك
والشمس كفّت وأشرقت من غابها

ماينقص الحب الذي في القلب لك
حتى تلاقي كل نفس ترابها

....

[الحمدان]

ياليت لو ترجع من العآم لحظاتّ
ولحظات كانت بالفرح تحتوينا

وياليتها ترجع على الوجه بسماتّ
بسمات تخفي لمحت الحزن فينا

....

[الحمدان]

‏على الهون يابرد شديد علينا اليوم
معالييق صدري كلبوها تجاريه

ترا ليلي البارح قضيته سهر وهموم
ولاني بقدك يالهبوب الشماليه

....

[الحمدان]

شابت الاحلام في عز الشباب
والصدر للذكريات اصبح قبر

....

[الحمدان]

خلّوه يحضن راحة القلب وينام
قــرا كـــلام الله ونـامت عيــونه

خلَّى لكـم كلّ الدفــاتر والأقلام
خلّـوا له القرآن لاتاخذونه


سداح العتيبي

[الحمدان]

القوم قامت تحوف الريف
كود الرسايل توصّل له

علمٍ وكادٍ بلا تحريف
ياناقلٍ علمك افطن له

جدعان مابه بلا ياخليف
ماكان حول البلا كلّه

مار السوالف سحابة صيف
تناقلت علمها الشلّه

مابه معزب ولا به ضيف
بالنار مافاحت الدلّه


ثامر الفاعوري

[الحمدان]

‏ياالله طلبتك وأنا مرتعش خافق الصوت
انت الكريم الغفور ورحيم بعباده

أعطني ثلاث الى دنت سكرة الموت
الصبر والقوه ونطق الشهاده

بقلمي

[الحمدان]

ياقلب لاتتعب من هموم الايام
خابرك ياقلبي تشيل الثقيله

ياما عطاك الوقت من همه اكوام
محدن درى عن همك اللي تشيله

....

[الحمدان]

من ذاق مر الصبر مل العناوين
تلقاه من صدات الاحباب خايف

ولو الجفى قدر دموع المحبين
ما راحت ايام المولع حسايف

....

[الحمدان]

أحس روحي لحقها قلّ جهد وفتور
‏من كثر ما أحترت في أحلامي وحيرتها

‏عودتها كل من يبعد بعيد معذور
‏وعمرتها بالتسامح لين دمرتها

‏أحيان أقول ليت الله خلقنا طيور
‏حتى أقدر أتلاحق الفرصة لاطيرتها

‏أو ياليت ربّ مكملني بقلبٍ صبور
‏أن كان نفسي من الأوهام حررتها

....

[الحمدان]

من ابجديات المسار الجهادي
تدريس فن المعركه والقياده

يستشهد القايد وتحيا المبادي
يقتل ويبقى حي بعد الشهاده

يعني القيادي فيه بعده قيادي
كم جهدها اسرائيل تغتال قاده

قام المنادي بعد يحيى ينادي
نمضي على نهجه وسيرة جهاده

الوضع في حاجة هجوم ارتدادي
فعل نظام الحذف والاستعاده

بقلمي

[الحمدان]

يوم خيرني الزمن فالناس سهلت إختياري
‏كنت أشوفك كل هالدنيا بعيني كل حزه

‏ماعشقتك نزوه وعذّبتك بطول إنتظاري
‏جيتك أسرع من جناح الطير لاعجّل مفزه

لاتوقفني على خفة شموخي وإنكساري
‏ولا تساومني على العزه مدام إن لي معزه

‏أعتذر لي عن جروحك مره ورد إعتباري
لاتدنس كل لحظه لي معك وأنت المنزه

....

[الحمدان]

جف صوت الحروف وشح فكر الكلام
‏وانعقد حبل فوقه عبرة جانيه

‏كل ماقلت هانت بذكر الله وانام
‏ناخ ركب الجروح اللي لفت عانيه

‏كل ليلة بصدري مؤتمر لسلام
‏وينقصف مايكمل بالفرح ثانيه

‏الطف الكذب قولة بأن حالي تمام
‏والمعارك بصدري طحن متفانيه

بين خابت ظنوني بين كثر الملام
ارجي الله جزانا ثمرة دانيه

كيف بقنع عزومي تستمر ل الامام
وانا حكمة حياتي فانيه فانيه

....

[الحمدان]

اذكرك ياقلبي قبل عده سنين
‏تعشق تفاصيل الحياة وصخبها

‏عايش بدون قيود وبدون روتين
‏تمشي ورا احلامك وتنسى تعبها

‏هاذا وتوك ما وصلت الثلاثين
‏موتت شغفك الغامضه وش سببها

....

[الحمدان]

‏ظروف الليالي تصنع من الرجال رجال
وتضعف ضعيف العزم لا مرّتـه مـرّه

ظروف الليالي صنفره والقسا لاطال
يبين لك المقـدام واللـي علـى الجـرّه

ويظِهر لك الرجلي ويظِهر لك الخيّال
ويظهِـر لك الحلوه ويظهِر لك المـرّه

ويظِهر رجالٍ كان ماهم بلك فالبال
ويصغِر رجالٍ فيهم الناس مغتـرّه

مشعل

[الحمدان]

‏فقدنا وجيهٍ بالثرى جعلها الفردوس
معاها طراة العمر شدت ركايبها

فقدنا زحازيحٍ تدوس النوايب دوس
تشين المجالس لأنفقد صوت شايبها

متعب البيد

[الحمدان]

‏لقيت فالتسبيح ساعه من الليل
مع ركعتين اعلاج همي وخوفي

شفي من الدله ثلاثة فناجيل
وشفي من الدنيا صلاتي وشوفي

فلابد من فرقا الاهل والمداهيل
وفرقا جماهيري وفرقا صفوفي
'

زامل السبيعي

[الحمدان]

‏الفجر يسأل عن صفوف المصلّين
يامقاطعين الفجر ليش القطاعه

إلى متىَ ياغافي القلب والعين
ماكنّ عندك للصلاه استطاعه

لو قيل لك موتك بعد يوم يومين
ماظنّي بتغفي ولو ربع ساعه

بتصلّي يامسلم أو بتنتظر لين
تموت وتصّلي عليك الجماعه


ابو فهد

[الحمدان]

‏لابد ماتصفي عدود المشاريب
ويبين من عقب السواد البياضي

الرجل يركض مثل مايركض الذيب
ويصير عنده للحياه آنتهاضي

و لا ينسدح مثل البنات الرعابيب
ويربض سوات الي تحب الرباضي


محمد بن هضيب

[الحمدان]

‏لاقست سود الليالي على مستور حال
ينعزل بهموم وقته عن الخلق اجمعين

العرب ماعاد فيهم على الصبر احتمال
والليالي ماتقدّر ظروف الطيبين

....

[الحمدان]

انا ويش بـ ابدي من ضميري وويش اكن
ولي وجهٍ ابيض واحد ونيةٍ وحده

اغيب ولا ادري وين اسج وادوي كن
بي علة فـ الصدر ماهي بـ منجحده

انا في رجا من قال للشي بإسمه كن
من الانعزال وتكة الصدر والوحده

....

[الحمدان]

يامساء الشعر في حضرت جنابك
لاكتبته واعجبك حـبكه وسبكه

يامساء الـشـوق دام الشوق جابك
في خـفوق اللي لاشافك جته ربكه

....

[الحمدان]

تمهـل تمهـل ياحبيبي شـوي شـوي
على ويش مستعجل كذا هدئ السرعه

تراني من البارح لامـيت ولا انا حـــي
مابين الحياه والموت حـــالي كذا وضعه

ومن قال لي وش بك اقل له ولا بي شـي
أحـــاول أكابر مــير تفضـحــنـي الدمـعه


....

[الحمدان]

أضحك وأسـولف وآتواصل مع الناس
والناس ما تـدري عـن اللي بـ صـــدري

وأخفـي حزن قلبي ولا أبيّن إحسـاس
خـايف عـيون الناس بـ الضيــق تـدري

بغيت افض الصمت هوجاس هوجاس
وقلـت ياصــدري على البـوح بـدري

ذاب الكـلام اللـي في الصـــدر والراس
مـدري وش اللـي غــيّـر الوضــع مدري

....

[الحمدان]

لاينشغل بالك ولا تكون حـساس
هاذي حياتك ما لـ احد خص فيها

عشها على كيفك ولا تجعل الناس
تجبرك تفعل حـاجت (ن) ما تبيها

....

[الحمدان]

تدري وش اللي غير طباع الانسان
شـرع المصـالح وانعـدام الصـراحه

صرنا نجـامل بالخـطاء كـل غلطان
لين اكـثر الغلـطات صــارت مبـاحه

نمـدح كـلام فـلان من دون بـرهان
وفلان نجــرح بالتجـاهـل نجـاحــه

....

[الحمدان]

غلطان ياللي تنطوي كل ماضقت
اضـحـك لـو إن النفس فيها وفيها

تأكــد إن الـمـسـألـة مـسـألـة وقت
بـتـمـر ذكـراها وتـضــحـك عـلـيـها

....

[الحمدان]

فيك من لطف الفقير وفيك من طبع الاماره
يا الـغــزال اللـي يـعــزز زيـنـها قـــوة نسـبها

الجـمال اللي جـمع بـين البداوه والحضاره
صــبـه الله والله الي فـي مـفـاتـنـها وهبها

العــيـون تشـن غاره والرمـوش تشـن غاره
ان تفاديت العــيون الموت من طعنت هدبها

....

[الحمدان]

ما للحكي فايده دامك نويت الفراق
الله يسهل طريقك بـ اولـه و آخـــره

ان كنت ذاخر حبيب تبادله لاشتياق
أنا ماعندي حبيب لـ غـيـبتك ذاخـره

....

[الحمدان]

أبيك تدري وانت بـ الفعل تدري
إنـي أحــبك بس انا فضـّل الصمت

تدري احـبك بس في غـير شـعـري
من دون تسمح لو امـوت ماتكلمت

طعنتني بـ الحب من خلـف ظهري
يالـــيت تدري يـ الغـلا كــم تألـمـت

وآخـر رسـاله مـنك يا بـعـد عـمري
ياكم وكم منك ومنها تعلـمـت

اقـــرا الرساله كلما ضـاق صدري
وكلـمـا اقـرا الرســــاله تبسمت


....

[الحمدان]

فوائد لغوية

الفرق بين: (الجِسم والجَسَد والبَدَن)

الجِسم: يُطلق على العقلاء حال الحياة
قال تعالى :
«قال إنَّ الله اصطفاه عليكم وزاده بسطةً في العِلم والجِسم»

الجَسَد: يُطلق على مالا روح فيه
قال تعالى :
«فأخرج لهم عجلًا جسدًا»

البَدَن: يُطلق على العقلاء بعد ‏الموت
قال تعالى :
«فاليوم ننجيك ببدنك لتكون لمن خلف آية»

بقلمي

[الحمدان]

- السّاعاتُ تهدمُ الأعمار

- المِزاحُ يُورثُ الضّغينة

- العُسْرُ غُربةُ الوطن

- شرُّ المصائبِ الجهلُ


الأمثال والحكم للماوردي

[الحمدان]

ما أقسى من الجرح إلا الجرح لو جاك
من قلبٍ ضيّعت عُمرك تمسَح جروحه

....

[الحمدان]

النفوس الصافيه إصدق معاها
والقلـوب الطاهرة حافظ عليـها

بقلمي

[الحمدان]

عسانا لاحصل منا قصور بساعة الأفراح
‏مايلقون العرب منا قصور بساعة الشدة

....

[الحمدان]

‏ماني على الطيب والمعروف متحسّف
لاضاع عند الردي ماضـاع عند الله

....

[الحمدان]

هقينا الزمان يزين الحال والأحوال
وخابت هقاوينا عسى الخير قافيها

....

[الحمدان]

اجلس مع الجلاس لو هم ثمانين
و يشرد بي الهوجاس كني لحالي

....

[الحمدان]

اتموت صعبة ابنيته بين الغرايب
رواتها دنياها الهظم شافت نوايب

بچتها وشكد علعلت بنت الاطايب
وگليبها الوالدها حن وشكثر ناحت

شعر عراقي

[الحمدان]

آني هنا وللأبد بس مو مَيخالف
الأمر اليوجع ارواحنّا ويخليها تطفى

بعمره ما صار ولا راح يصير مَيخالف
لانضحك على روحنا بهالكلمة

شعر عراقي

[الحمدان]

تدري وش اللي يتعب القلب ياجماعة
شخص تشيله في عيونك ويعميك

بقلمي

[الحمدان]

‏قولو لمن يسأل عن الكيف والحال
‏ماتوقف الدنيا على كيف حالي

‏انا اقول بخير في كل الاحوال
‏ان كان حالي مر او كان حالي

....

‏ ‌

[الحمدان]

‏سلمت لك قلبي ووصيتك عليه
قلبن سليمن ما يعرف الخيانه

امسك وصاتي ثم حبه وداريه
وان جاز لك خله بصدرك امانه


....

[الحمدان]

‏تحدني الدنيا على غير ماود
وأطيعها لاشك ماهو بودي

أمشي بدرب باين بأخره سد
وأقول ياربي عساني أعدي

....

[الحمدان]

وش قومك وش فيك وإلا علامك
قد لك معي كم يوم وأعلومك أعلوم

وأنا أدري أني يا مرامي مرامك
لو تقعد الدنيا ولا تقدر تقوم

عطيتني قلب وبخلت بسلامك
وش فايدة حبك وأنا منك محروم

لاعاد تزعل وأحييني ببتسامك
ضحكك يزيل أوجاع وجروح وهموم

وكلام عينك مايهمش كلامك
كلام عينك كوم وحكاك لي كوم

لاغبت عن عيني رح انشد غرامك
تلقاك في قلبي مقلط ومحشوم

بعدين يا أغلى الناس وفر ملامك
ترى الغلا يجفل على كثرة اللوم

دونك خفوقي ممتلي من سهامك
ولا شكيتك جرحه وقلة النوم

القلب مثل الطير وفر حمامك
إن افلس اقفى لسماء يقلب الحوم

لكن قبل لا انسى بنبهك دامك
مسلم وباقي كم شهر ويدخل الصوم

لايذبح الموضوع قل اهتمامك
طعني وشف لك شيخ يفتي لك اليوم

ماظنتي يا زين يقبل صيامك
ريقك عسل علمني وشلون بتصوم

....

[الحمدان]

‏أمنتك الله لايطول غيابك
وش تنفع الدنيا بليا وجودك

يمكن غيابي مايسبب عذابك
لكن عذابي ياعذابي صدودك

غالي وتبقى غالي في غيابك
لكن يزيدك من غلاتك وجودك

....

[الحمدان]

أدمنت صوتك والإدمان أذواق
فالعين تعشق والآذان تشتاق

في رنة الحرف انغام وسلطنة
كذلك الصمت أسرار وآفاق

للعاشقين كلام الحب مسبحة
في كل لؤلؤة شهد وترياق

أحتاج صدرك فوق الغيم يحملني
سرير عشق عليه الورد اطواق

احتاج صبرك يحميني فيا ألمي
من آفة الشك فالوسواس سراق

ادمنت كلك تطويني وتنثرني
في الليل عتم وفي الإصباح إشراق

كن لي طبيبا فهذا الشوق أتلفني
يامالك الروح إن الحب أخلاق

....

[الحمدان]

ودي اكتب والقلم عيا يطيع
ما ادري الأشواق والا انت السبب

كيف اعبر والحكي مني يضيع
اسعفيني ياقواميس العرب

....

[الحمدان]

‏حسن النوايا بين الاجواد بنيان
ولايمكن يهـده زمـان العـجـايب

يـاحلـو قلبن مـاتغـيـره الازمـان
لو شاف بالدنيا هموم وعجايب

....

[الحمدان]

‏استلذ بليلتي يوم أشوفك متصل
واستلذ بطلتك رغم شح الإتصال

واستلذ بجيتك يوم تاتيني عجل
واستلذ بكلمتك كلما قلتي تعال

....

[الحمدان]

‏مظاهر الناس ماهي مثل خافيها
لاتنخدع واكثر الازوال خداعة
ٰ
اكثر نفوس البشر لو شفت مافيها
ماعاد تقبل مقابلها ولو ساعة

بقلمي

[الحمدان]

‏ليه صوتك يابحر دايم حزين
‏لاأنتفض موجك على الشاطئ ومات

‏في ظلام أعماقك أخفيت الونين
‏أسألك بالله ما اتعبك السكات

‏قال يوجعني وداع الراحلين
‏لانثروا عندي دموع الذكريات

....

[الحمدان]

‏ياكبر قدرك بعيني ولكن ماتشوف
الغلا اللي لك تجدد وفي قلبي ربا

الطواري كل يومٍ تجيبك والطيوف
والمشاعر في غيابك مراضى واتعبا

لو تاخذك الليالي وتاخذك الظروف
مانسيتك شاء من شا ويأبا من أبا

ولو مايبقى من الوصل شي الا الصدوف
مرحبا بالصدفه اللي تجيبك مرحبا

....

[الحمدان]

ياكحيل العيون الله يصيب المحبه
ماعرفت ان من بعد المواصيل فُرقى

بعض الأحيان أدور للقاء ألف سبه
لكن الحين أقول ابقى مع قلبي ابقى

كانت اوضاع قلبي يالغلا مستتبه
كنت أشوف السماء يازين من قبل زرقى

ويش ذنب المولع ياعرب ويش ذنبه
كلما دور الـراحه تخلوه يشقى

إيه لاترخصون القلب ماهو بلعبه
ألف رجال يفدونه ومليون عنقى

....

[الحمدان]

والله ان صدري معافى وخفاقي نظيف
لو اشوف الحزن في عين حسادي زعلت

الملامح بعض الاحيان تظهرني عنيف
ولا انا بالكلمه الطيبه ماقد بخلت

اقبل بوجهٍ يشرف ومنطوقٍ عفيف
ولا لقيت اللي ينقص من حضوري رحلت

اتعدا عن عيوب البشر كني كفيف
ولا تبين شيء للعين جنبت وغفلت

....

[الحمدان]

‏لاتعاتب الغايب وتقول وش فيه
ولا تسيء الظـن حتى تشوفه

من الغلا إن غاب عنك تحاتيه
ومن الوفاء إنك تقدر ظروفه

....

[الحمدان]

بعض البشر مثل الملائكه الكرام
تشوفهم كالبدر فـ الخامس عشر

يعاملوك بكل طيبه واحترام
إن جيتهم ماجاك منهم أي شر

كأنهم من نور خُلقوا والسلام
ملائكه لـكن في هيئة بشر

....

[الحمدان]

مافيك عيب إلا قلبك متيني
وتصد عني والصدود القطيعه

إن كان واصلني فهذي يميني
مبسوطه لك والمواصل شريعه

وإن كان قاطعني يبالله يعيني
مر الفراق ولا حلاوة خديعه

لكن صبري والرجاء واليقيني
وسيلتي عن كل بلوى وجيعه


....

[الحمدان]

تستاهل الحب نجديه
رفيعة الشان عجابة

العين ياعين نجديه
لقلوب الاحباب نهابة

والجيد ياجيد ريمية
تجفل من الزول لعابه

والريح يا ريح وسمية
نبت الخزامى تثنابة

صفيت مع صافي النية
يوم الذي صابنى صابه

معاد لى روحة وجية
وقف هوانا على بابة


....

[الحمدان]

ياعين شيهان الجبال المطاليق
ترفرف الجنحان بجبال حائل

شيهانةٍ ماجودتها المسابيق
وحش ولاركزت بوسط النثايل

من شافها مايبلع بحلقه الريق
مزيونةٍ تضفي عليها الجدايل

ياتل قلبي تل باقصى المعاليق
تلة رشا الضميان وسط القوايل

على التي لفراقها ماقدر اطيق
اللي سباني بالعيون الظلايل

تضيع بوصوفه جميع العشاشيق
ووصله صعيبٍ في جميع الوسائل

خلي ماهو من اهل العقول المطافيق
عقله رزين من البنات الثقايل


....

[الحمدان]

ياشين صد الرفيق ومسة الحاجة
وفقدانك الحاجة اللى كنت ذاخرها

وصد أقرب الناس لك لاصرت محتاجة
يثر على النفس ويزود مواجعها

واللى يزود عذاب القلب واوجاعه
مقابل الناس لاشانت خواطرها


....

[الحمدان]

كان القلـم يطـوي دروب الدفاتـر
وفي كل صفحه يترك الحرف ديـره

ودايم تسافر كنت دايـم تسافـر
وكانت تثيرك حتى الاشيا الصغيره

بك يتسع صـدر المكـان ويغامـر
طفل فـقد لـــوح الـدروس الأخيـره

بك يستعيد الصبح خيمـة مشاعـر
يرمى بها ســـرح الظـلال الكبيـره

يبكي لك المحار يبحـر بخاطـر
يبني على رعـشـة يدينـك جزيـره

وجزت التخوم وعانقتـك المنابـر
هتفت وينك وانحذف لك حريره

كانت مناظر واتبعتـك المناظـر
مرت مع الشـبـاك واطفـت عبيـره


....

[الحمدان]

ياصباح الخير يالصبح الجميل
‏ياصباح الحرف وإحساس الشعر

‏ياصباح الذوق يالوجه الأصيل
‏ياهبوب الصبح غني له شعر

....

[الحمدان]

‏مافيه صوتٍ ينسمع عقب صوته
في نبرته عزف وشجون ومواساه

مفروض صوته ينكتب فوق نوته
اذا حضر تسْمعه وان غاب تقراه

....

[الحمدان]

‏تدري الدنيــا بلا طيفـــك مواجع
كل مـا أقفيـــت زاد الهـــم فيني

غيبتك سوت من اعيوني مدامع
من سوايل دامعــه تجري بعيني

يارقيــق الطبــع يابــو طبع رايع
اسالك بالله راعــــي لـي حنيني

طلتك عندي دواء كل المواجع
جعل ماتبعـد على مـر السنيني

....

[الحمدان]

‏تدرون وش يعنـــــي كتابـــة قصيـده
يعنــي شعـور وبــوح يطلع من الروح

يحكـــــي بها الشاعــــر بكل مايريده
ويترجم اللـي داخــل القلب مطروح

وانا كلامـــــــي لك اقـــــول وعيده
واحكية من احساس طاغي ومفضوح

كثــــر الغيـــاب امانتـك لاتزيـــده
لاتتعب القلـب الذي فيــك مذبوح

....

[الحمدان]

‏جيتني مشتاق ولا الوقت جابك
ياهلا بك في غيابك لين جيت

جابتك دنياك او وحشة غيابك
المهم انك وصلت اللي بغيت

....

[الحمدان]

دائماً أقول الحب عنوان الإنسان
ماهو بقصدي حب نظـره وعلاقة

الحب نصح وعطف وفاء واحسان
هو تضحيه واجمل مثال الصداقه

....

[الحمدان]

رزة البرقع على عيونك هلاك
والهلاك إنك بلا برقع جميله

اشهد انك يابعد روحي ملاك
والجميله كلمه بحقك قليله

....

[الحمدان]

لاتجيني بعد مافات الأوان
انتهينا وانتهى الحب انتها

لاتقلي وين ودك والحنان
والعلاقه انت من دمرتها

....

[الحمدان]

‏رسالتي لك...

عندما تعجبنا الروح
‏تعجبنا الملامح
حتى لو لم تكن جمِيلة
‏و كما قيل :
لاترى العين عيبا
إذا أحب القلب قلبا
سعادة الأخرين لن تضرك
وغناهم لن يقلل رزقك
عش نقياً
وتمنى للناس ماتتمناه لنفسك

بقلمي

[الحمدان]

الله يـعين القلب لاساقه الشوق
صوب الـديار اللي سكنها وليفي

الصدر من كثر الهواجيس مخنوق
والوقت ماجاني على كيف كيفي

....

[الحمدان]

‏رسالتي لك...

ﻻتخبئ مشاعرك
فلن يرثها أحد ليقولها
ولا تؤجل الرسائل
فقد تتغير العناوين وتموت حروفك
عبّر عن مشاعرك الجميلة في حينها
لاتؤجل
لاتخجل
لاتتكبر على شعورك
امنح أحبابك صدق مشاعرك
لاتنتظر للغد
فقد لاتقودك قدماك للغد
أو قد لاتجد من تُريده في الغد

بقلمي

[الحمدان]

ياصباح الخير يالصبح الجميل
‏ياصباح الحرف وإحساس الشعر

‏ياصباح الذوق يالوجه الأصيل
‏ياهبوب الصبح غني له شعر

....

[الحمدان]

‏زار الحنين أسوار فكري بطرياك
وأوقد ظنون الشوق جمر انتظاري

أبـعثرك في داخل الــقــلب والقاك
حـرفٍ يـــمر الشوق في كل طاري

....

[الحمدان]

‏انا لي وليفه والله انهاح خفيفة ظل
كثر ماعشقت عيونها الاأستحي منها

تقول اجمع شتاتي بقلبك حبيبي وقل
عسى ما تفارق ضحكتك عن مواطنها

....

[الحمدان]

تدري وش اللي يجعل العشق ذباح
‏بنتٍ تحبك بارتياح وإثـاره

‏وتدري وش اللي يجبر البنت ترتاح
‏بسمة رجل فيها الوفا والطهاره

....

[الحمدان]

من يماشيني على الطيب يبشر بسعده
‏يعتبر روحي بروحه ولو راحت فدى

‏ومن يماشيني بعكسه فيلزم مقعده
‏والله انه لانزل من صعود ولا بدى

‏لاعملت الطيب فاللي يعرفه يشهده
‏والردي تعمل به الطيب ويعود ردى

‏وكل من سويت به علم طيب وجحده
‏كم جميل حط في غير موضعه وغدى

اميره الورد

[الحمدان]

الكامل الله والخطا طبع الانسان
‏والدرب يفرق عن يساره يمينه

‏والصاحب اللي له معزه وله شان
‏ان جاني بشينه تذكرت زينه

....

[الحمدان]

تفداه عيني لو على شانه تذوب
ويفداه من مثله على الدنيا مشى

عز الله ان القلب في شوفه طروب
يصحى عليه شوي وشوي يغشى

....

[الحمدان]

حبيبي اللي عنه شعري مايتوب
حرفي على طاريه لين الله يشا

غالي ولاهو من غلا نوبٍ ونوب
لاوالله الا داخل الصدر احتشى

....

[الحمدان]

‏هذا المسا قلبي من الحب مخلوق
‏ أشوف بك روح وحياة وحبايب
‏
‏أحس لي جنحـان وأرقى بها فـوق
‏ وأعانق نـجوم السما والسحايب

....

[الحمدان]

‏دام الغلا في القلـب مابقدر انسـاك
ودام الهـــوا بتنفســــه مانسيتـــك

قلبـي اخذته والمشاعـــر بيمنـــــاك
والنبض لك ياروح روحـي عطيتك

كيف اتركك والقلب دارك ومـــأواك
والروح منزل لك وقصـرك وبيتـــك

ياجعل قلبــي ياغلا الروح يفـــداك
وبكل غالــــي يا حياتـــي فديتـــك

....

[الحمدان]

‏ماجـور ياللي رهنت العمر لـ أحبابك
‏ومن الوفاء تستحي يدرون عن جرحك

‏صارت دموعك تخاف تلامس اهدابك
‏هذا انت فـ أمس حاجة للبكاء وتضحك

....

[الحمدان]

كل واحـد في حيـاته ذكريات
بالمواجـع والسـعـاده والالم

واللـيالي كــلبــوهـا فـانيات
والوجع ما احـدٍ ابد منه سلم

....

[الحمدان]

‏رح مراح اللي من كبار الخطايا معفي
‏لاتقول اخاف نظرات العرب وألسنها

‏انت حبك والله انه مثل نقطة ضعفي
‏حاجةٍ مهما حصل ماني مسولف عنها

....

[الحمدان]

جادلٍ لاشاقها البرق وأغراها الرفيف
السماء تقرأ عليها والأرض تزفّها

إن تهادت يفهق الليل برّاق القنيف
وإن مشت تمشي على الريح يوم تدفّها

وش يعذرني من الشعر فالقدّ الرهيف
كل مافلّت جعدها وحنّت كفّها

....

[الحمدان]

‏ســـود الليالي طغت يابيـــض الايامِِِ
عـــابت وخـــابت ولا بيضاء تنقيهــا

مابين جـور السـنين وجرحها الدامـي
الناس تعبـت عســى يالله تجـليهــا

يسـعد مساء الوفــأ يا حزمه الضامي
وأيامك البـيض يـــسعد لي لياليهـــا

يا شــوق يا زهــرة أيامــي وأحــلامـي
يا اعــــز عندي مــــن الدنيـا وما فيها

ان عـاد في العمر باقي جاتـك اعـوامي
العيــن ماتفقـد الا شـــوف غــاليهـا


علوي الباشا

[الحمدان]

كل الخُطى عند رب العرش محسوبه
وكل لقمة ومكتوبة لآكلها

والناس تؤمن بغيبيات محجوبه
والسر في روحها لافي هياكلها

والموت ميعادها فالتوبة التوبه
كم كافحت ناس ماانحلت مشاكلها


....

[الحمدان]

عن سماحةمستشار اللاشعور
عن فضيلة لاشعور المستشار

حدثتني فرشنر عن راف فور
عن همرعن ريز عن Gاكس آر

عن ابي رافال سوخو رابتور
عن ابي كنـجـال باتريو قـطار

عن ابي بويـنق دلفين الطيور
مفتي الأجواء قديس البحار

قال دام الله للـجـهل الـغرور
والتعاسه والفشل والانكسار

بشّر الـجاهـل بجـنّـة دار فـور
والبنات العورMade inقندهار

قله ان الجـهل جـنّه and نور
واكتساب العلم ظلمه andنار

والتطرف خير من خير الأمور
والتطور طرطره والوعي عار

والخرافه فاكـهة كـل العصور
والتناحه نافـعه والفـهم ضار

والفـضيله بين لـف وبين دور
والرذيله فـخـر صـنّـاع الـقرار

والحداثه زخرفة عـلم الدبور
واحتـقار المـعـرفه والابتـكار

واعتبار الظـاهره قـيد الظهور
جاريه والـوضع قـيد الانتظار

قلت هذا واقرأوا بين السطور
والخطاء وارد ورود الاعـتذار

ختمـها صـلوا عـلى بدر البدور
الـخيار ابن الـخيـار ابن الخيار


محمد الذياجي

[الحمدان]

أبيك تدري وانت بـ الفعل تدري
إنـي أحــبك بس انا فضـّل الصمت

تدري احـبك بس في غـير شـعـري
من دون تسمح لو امـوت ماتكلمت

طعنتني بـ الحب من خلـف ظهري
يالـــيت تدري يـ الغـلا كــم تألـمـت

وآخـر رسـاله مـنك يابـعـد عـمري
ياكم وكم منك ومنها تعلـمـت

اقـــرا الرساله كلما ضـاق صدري
وكلـمـا اقـرا الرســــاله تبسمت

....

[الحمدان]

يانجوم الليل هاتي لي خبر
من حبيبي ودي اطمن علية

كلما صبرت قلبي ماصبر
كل ساعه القلب يسالني علية

وينسأل يوم القيامه لانكر
عن حبيبا كان يطمن علية

....

[الحمدان]

‏لافقدنا شخص تكثر فالدروب أشباهه
‏كنّ وجهه في وجيـه العابرين يوزع

....

[الحمدان]

‏لايهمك كلّ نفسٍ لـ الجفا متجهه
القلوب الحانية وقت القسى معروفة

والله انّ اللي يحبّك تعرفه من وجهه
نظرته فيها حنان وبسمته مألوفة

....

[الحمدان]

خلك خفيف النفس راقي وجذاب
‏لاتصير بعيـون المخـاليـق علـه

‏اضحك وفرفش لكن بحب وآداب
‏اعرف حدود المزح واعرف محله

....

[الحمدان]

‏بشرّوا من يلزم الصبر ويردّه حياه
‏بالغنايم دام ربي معين الصابرين

‏ينكسر ويهل دمعه بسجدات الصلاه
‏وعند خلق الله شامخ يقول الله يعين

....

[الحمدان]

‏بشرّوا من يلزم الصبر ويردّه حياه
‏بالغنايم دام ربي معين الصابرين

‏ينكسر ويهل دمعه بسجدات الصلاه
‏وعند خلق الله شامخ يقول الله يعين

بقلمي

[الحمدان]

‏كبار ماحنا من اهل التفاهات
ونفوسنا من بعض الاشياء عيوفه

والحاجه اللي ننتظرها ولا جات
ان جات ولا ماعليها حسوفه

....

[الحمدان]

‏ماقلت لك ياغايتي يومك اقفيت
‏انك بتجيني وقلت ياشيخ تبطي

‏واليوم جيت وليتك اليوم ماجيت
‏ولاهي غريبه جيّه لشخص مخطي

‏وعجله بعد جيتك ياليتك ابطيت
‏لقيت لي غيرك وابشرك مبطي

‏انا وفيت بوعدي اما انت ماوفيت
‏اللي مو قد الوعد ليه يعطي

....

[الحمدان]

إن دعآك الضيق فـ إحذر لآ تضيق
‏كم عطيت الوقت لكنّه جحد
‏
‏آختر من الوقت لـ درووبك صديق
‏يستمع لك بسّ لآ تضمن أحد

....

[الحمدان]

شيهانةٍ متعليه بالمراقيب
‏حذرا من الصقار دايم لبيبه

‏تمشي دروبٍ بالنقاء مابها ريب
‏محشومةٍ عن الردى ماتجيبه

....

[الحمدان]

دايم اسولف للسما عن وصوفك
يا ملح خلق الله واجملهم اطباع

الجو يوم انه درى اني بـ شوفك
لبس سماه الغيم وامطرلك القاع

....

[الحمدان]

‏يالله بصبحٍ فيه رحمة وتوفيق
‏من عند ربٍ ما انقفل يوم بابه

‏صبح السعه مافيه همٍ ولا ضيق
‏فوق البشاير دعوّةٍ مستجابه

....

[الحمدان]

‏أحيان تاخذني عن الناس سجه
‏واقند القهـوه قرنفل مـع الهيل

‏أحتاج انا في بعض لحيان هجه
‏واقعد لحالي بين* شعر ومواويل

....

[الحمدان]

‏ابيك حبٍ ما إمتلك قلب أنسان
وأبيك قلبٍ مانبض غير فيني

وأبيك شعر غامضٍ دون عنوان
محد قراه إلا رموشي وعيني

....

[الحمدان]

لو كان الغلا بالكون يازين محدود
اعرف ترى غلاك تعدى حدوده

ولو كان حب الناس ماهو بموجود
حبي لاجل عينك يفرض وجوده

....

[الحمدان]

‏يا الله تصبح كل الأجواد بالخير
‏وتجعل لهم في كل خطوة سلامة

‏في كل صبح وكل ماغرد الطير
‏نرسل صباح الخير حب وكرامة

....

[الحمدان]

‏نصوم ونصلي وندعي ونرتجيك
‏رضاك مكسبنا وعفوك رضانا

‏موحدين وكلنا منك واليك
‏عساك ي غفار تغفر خطانا

....

[الحمدان]

‏يشد فيني الحنين لماضي أيامي
‏ وأحن له كثر ماهو داخلي يقسى

‏ مهما تمر السنين وتمضي أعوامي
‏ مازلت مشتاق الى أيام لاتُنسى

....

[الحمدان]

مشاعر الحب تعطي والعطاء واجب
‏تفرض علينا المشاعر كل واجبها

‏لو قالوا العين ماتعلى على الحاجب
‏الروح ماتغلا على من يصاحبها

....

[الحمدان]

‏كفكفي دمع المحاجر على فوح الزهر
‏مايحسك من صدوف الدهر جعله فداك

‏لو نضمت سنين عمري على جيدك مهر
‏ماتساوي دمع عينك ولا ضحكة شفاك

....

[الحمدان]

تغارين من كثر الفتن والجميع أشباه
ياصغري معك ولا مع الناس ياكبري

على عودك المبري بري حالي وعزّاه
يا ليت اليدين حزام في عودك المبري

أنا التايه اللي شاف فيك القدا ثم تاه
معَ دربك اللي بـ آخره لفّه وكبري

اِلْي جرةٍ لو صالف الوقت مايمحاه
وراع المحل ماينتقارن مع العبري

تعالي لا ظَلم ليلنا وأستوى مسراه
مسار الليال علاج للهايم المبري

تقولين وش ودك؟ وأقول البقاء لله
لا مت أحفري فـ جبالك الشامخه قبري

....

[الحمدان]

انا احَبك
حتى احارب بيك رُوحي
حتى اعرُف شرد اسوي
وما اخلص عُمري طيش
انا احَبك
بكثر ماضاعت سنيني
بكثر ماباعوني غيرك مدري بِيش
انتَ اذا مو بيها ماتسوى حَياتي
وحتى ماتسوة اعيش

شعر عراقي

[الحمدان]

لاتقطع ارحامك ويشملك الوعيد
ولا تخسر الغالي ولا ترخص غلاه

ترى الاخو مهما حصل يبقى عضيد
وترى عيال العم ماعنهم غناة

....

[الحمدان]

‏قربك من الطيب لنفسسك كرامه
‏ وبعدك عن اللي مايودك شرف لك

‏مالك ومال اهل الحسد والنمامه
‏خلك مع أللي لانصصيته وقف لك

....

[الحمدان]

لاتوضّح ضيقتك لو تضيق الأرض فيك
‏خل في صدرك مقابر وفي وجهك حياة

بقلمي

[الحمدان]

‏ماتعودت أحني الراس بين الصفوف
‏ولا تعودت أتذرى وأدور لي ذرى

‏إن وردت آرد على العدّ والعالم تشوف
‏وإن وقفت آقف على العز والعالم ترى

‏وإن طغت سُود الليالي على وجه الظروف
‏عاد لي شيّمه ومبدأ على وجه الثرى

....

[الحمدان]

‏يفرح اليا جوه النشاما مسايير
‏وكفه كريم ولا حسب وش وراها

‏في مجلسه تلقى الدلال المباهير
‏ونفسه خفيفه والمراجل رقاها

....

[الحمدان]

تعجبني الطنخه ويعجبني الطيب
وتعجبني عزوم الرجال القويه

ويعجبني اللي يجتلد كنه الذيب
هقوات راسه فالشدايد جريه

....

[الحمدان]

ياما على وصلك ركضت وتعنيت
وفتحت لك قلبٍ من الحب تايب

وياما كسرت خاطري كل ماجيت
ارجع ودمعي فوق خدي سكايب

والحين عنك ياهوى البال صديت
حال الفراق وخاطري منك طايب

....

[الحمدان]

‏صباح الورود اللي مغلف بباقات
باقة ورود لكل واحد تصله

اهديتها عبر القصايد والابيات
لكل غالي توصله فـي محله

وفوقها اجمل سلام وتحيات
للاصدقاء بأطيب عطره وفله

وصبحكم الله بالرضا والمسرات
ياللي غلاكم ماخذ القلب كله

....

[الحمدان]

‏الصدفة اللي جابتك وإلا القدر
مدري ولكن المشاعر حيّت بك

القلب شرّع لك غلاه وما استخر
لين استراحت مُهجتي في ظلك

دايم تبشرين بـ المطر وأنتي المطر
ياللي يربّـع خاطري من جيتك

....

[الحمدان]

خِذالعفو وترفع عن الناس لويخطُون
‏ومن ظن فِيك بسُوء خله على ظِنه

بقلمي

[الحمدان]

ماكل غالي بالقصايد نوفيه
بعض الغلا في داخل القلب ذكراه

دايم لكل إنسان ميزه تحليه
وأنت بعيني شي ما ألحق أقصاه

....

[الحمدان]

ماودي افتح مع العالم ملفاتي
ولاني من اللي يدوّر عندهم خِله

أنا على نيتي وامشي بنيّاتي
ولاني بمجبور اجيب اللغز مع حله

خليت لفظ المحبّه من حساباتي
إلا محبة الي احبه لوجه الله

ماهمني ساعة الفرقى متى بتاتي
مادام عندي قناعة تبري العله

....

[الحمدان]

ياللي تعلمني على النحو والصرف
ماعلموك شلون جبر الخواطر

عطني حروف الجر واختار لك حرف
خابرك في جر المعاليق شاطر

....

[الحمدان]

كان المسافة ترفض اني اشوفك
خل اتصالك غصب عنها يجيني

وكان اتصالك يمنعنه ظروفك
تكفي الرسايل شوق بينك وبيني

وان كان مالي حظ حتى بحروفك
خلك بعيد ومسكنك وسط عيني

....

[الحمدان]

رسالتي لك...

وضعفت علاقتهما...
ليس بسبب مشاجرة أو موقف عنيف
إنما بسبب حالة من الإهمال التدريجي

الطرف الأول...
وثق بتواجده الدائم فأهمله
والآخر لايتحمل أن يكون هامش بعد أن كان قريب
‏تذكروا أن ماينتهي ببطء
لايعود أبدا بسهوله

بقلمي

[الحمدان]

سلام الله لمن يقرأ سلامي
ويسلم من يبادلني سلامه

سلامي يرتوي به كل ضامي
وفي الوجدان تبقى له علامه

ويشفي من بقلبه جرح دامي
ويزرع في الوجوه الابتسامه

بقلمي

[الحمدان]

الشرف منا وفينا والكرم منا ولينا
مالدى حد مالدينا هكذا والله خلق

ماشكينا مابكينا مارضخنا مانحنينا
ان عطينا ماخذينا ون خذينا بالعرق

بقلمي

[الحمدان]

ماحدن على الدنيا من الناس مرتاح
كلن بصدره ضيق واحزان وهموم

يالله عسى الضيقة تبدل بالافراح
وطير السعادة بارضنا يدرج الحوم

....

[الحمدان]

جيتك قصيد والقلم ضاق حبره
من وحشتك والبعد مثقل خطاويه

ضميت لك والقلب عطشان صبـره
اشتقت لك والشوق طالت مساريه

....

[الحمدان]

كتبت ابيات من كلبي والك بس
والك اثار بخدودي والك بس

تغازلني بكلام الحب والك بس
غرامك حط عشر وجعات بيه

شعر عراقي

[الحمدان]

تحلو في كفك لو ان طعمها مرّ
‏يامحلية بوجودك ايّات حاجه

‏عندك ليا قيدني الوقت انا حر
‏و الكون يطفي لاضويتي .. سراجه

‏لي في تفاصيلك سما .. بحر .. لي بر
‏قلبي يلاقي في وصالك علاجه

....

[الحمدان]

والبس من ثياب المعزة لك لباس
وناس مايفرح قربها لاتجيها

واليا بنيت ابن العلاقة على ساس
وارض النفوس اللي تبيك وتبيها

....

[الحمدان]

أحس روحي لحقها قلّ جهد وفتور
‏من كثر ما أحترت في أحلامي وحيرتها

‏عودتها كل من يبعد بعيد معذور
‏وعمرتها بالتسامح لين دمرتها

‏أحيان أقول ليت الله خلقنا طيور
‏حتى أقدر أتلاحق الفرصة لا طيرتها

‏أو ياليت ربّ مكملني بقلبٍ صبور
‏أن كان نفسي من الأوهام حررتها

....

[الحمدان]

ياللي معك يصفى المزاج المعكّر
‏من يعرفك ماشاف غيرك فقيده

‏عليك انا ممنون لك ومتشكّر
‏ياللي معك عشت الحياة الرغيده

‏لك ينفتح باب القصيد المسكّر
‏ولك تنحني كل البيوت العنيده

‏ولجلك سهرت وكل ليلـي افكّر
‏وشلون أكتب بالقصيده قصيده

....

[الحمدان]

ياسلامي على غزه ومعبر رفح
ياسلامي على القدس الشريف النظيف

ياسلامي على كمِِّن شجاع استلح
دين الاسلام منهجنا القويم الحنيف

ياسلامي على بندق جهادي قرح
في جماجم بني صهيون ينقف نقيف

ياسلامي على قائد مجاهد نصح
في جهاده وكان اشجع مقاوم مخيف

ياسلامي على السنوار ذي ماسمح
لابن صهيون يتعدى حدود الرصيف

قائد أشتد به كمِِّن بطل وارتزح
في الصفوف الاماميه مجاهد عنيف

يقذف الرعب في جيش العدو لاسرح
والكيان اليهودي في وجوده ضعيف

عاش مغوار واستشهد بطل ماطرح
وارتقى في سبيل الله مؤمن شريف


....

[الحمدان]

تعال دام الليل تـوّه بدا فيـك
لاينجلي هالليل من دون نورك

أسهر معك أسُولف وأحاكيك
واقول لك كل الخلايق حضورك

....

[الحمدان]

كلن على عرقه يمد المواجيب
وكلن على مرباه ينطق لسانه

....

[الحمدان]

قال شاعر :
من لم يزرنا والديارُ مُخيفةً
لامرحبًا بهِ والديارُ أمانُ

وقال آخر :
مُعيبٌ أن تُضاحكني نهارًا
وفِي ليل الهمومِ تفرُّ منِّي

[الحمدان]

‏مساء الخير ياللي من غلاكم
تحملنا البواطل والملامة

نقاضي بالوفا سالف وفاكم
ونسكِب فوقها طيب وشهامة

ولـو دارت على الباغي رحاكم
طحنا فوقها مده وقامة

بقلمي

[الحمدان]

خلي جديلك ينتشر بين الهبوب
‏اللي يسرّيني ليا منّه سرى

‏مخلوق من خصلات والا من قلوب
‏يبي له احباب وقصايد واشعرا

‏قولي لرمشك عن براءاته يتوب
‏لاعاد يذبحني وكنّه مادرى

....

[الحمدان]

على موعد تلاقينا ويا حلو اللقى والجوّ
سرقت من القمر ضيّه وغارت منك نجماته

وأنا أشوف الثواني كل مامرت معك تحلّو
يطيب العمر بمقابل سنَا وجهك وضحكاته

وأنا اللي ودي أنطق قبل لاتمشي حبيبي توّ
أحس الوقت تسبقني معاك أحيان ساعاته

....

[الحمدان]

حكيتي ولا أدري لين مَدّ الصباح إيديه
وأنا من العشاء ماقلت كلمة من لساني

وش بخاطرك واللي مهو بخاطرك: قوليه
مايبقى بنفسك شيء كان الله أحياني

فدى رأسك اللي يوم عفته ونفسي فيه
طريقٍ مهو لرضاك ما أجيه لو جاني

قبل تطلبيني بعت عمري وأنا شاريه
أجل وش بسوّي يوم قلتي على شاني


....

[الحمدان]

كان يفخر فيك صبحك ويختال النهار
كنك أنت اللي لكل العباد تنوَّره

وغبت ووجيه الصباحات غاشيها سمار
مابقى صبحٍ يجيبك عشان أدوَّره

....

[الحمدان]

‏تعالي يا أوّل إحساس القصيد وباله التوّاق
‏معك ماجفّ حِزني لو تبلّل ضحكتك صمتي

‏تفزّ لْك الديار ويستفزّك للصباح إشراق
‏يداعبك النسِيم وذعذعاته وين ماكنتي

‏وتهادي كل ماضجّ السحاب وشدّ لك برّاق
‏على قلب بدويٍ مايعرْف إلّا الشعر وأنتي

....

[الحمدان]

انت وجهك زين ولا انا ماشفت زين
انا فكري من تأملت في وجهك دشر

كن ربي خالقك من فلك ماهوب طين
الجمال الي اشوفه ماشفته في بشر

فيك من نجم الثريا ونجم الفرقدين
وفيك من نور اول الصبح لامنه انتشر

لو يناظر فيك عالم فلك خبرة سنين
اعلن ان الارض فيها بدر خمسه عشر

....

[الحمدان]

‏يفرح اليا جوه النشاما مسايير
‏وكفه كريم ولا حسب وش وراها

‏في مجلسه تلقى الدلال المباهير
‏ونفسه خفيفه والمراجل رقاها

....

[الحمدان]

‏صلو مدام العهد بالله الصلاه
‏يامسلمين الي تركها قد كفر

‏لايغركم ماتملكونه بالحياه
‏ترا الحياه بكبرها سكه سفر

الحمدان

[الحمدان]

بالله لاترقص على جرح مغليك
الجرح نازف والمواجع دفينه

رغم الالم والبعد ماهو بناسيك
وأنته أمل عمره من أول سنينه

ولا تحسب انه في بعاده مجافيك
لا والله إِلَّا زايدٍ لك حنينه

والله ولا فكّر بلحظه يخليك
لكن على فرقاك ربّه يعينه

في كل يوم احساس قلبه يناديك
انصت توالي الليل تسمع ونينه

وان كان ودك تعرف احوال غاليك
اقرأ بقلبك ماتخطه يمينه

....

[الحمدان]

سوا اللي براسك ولا تذكر اسبـاب
لاصرت بايعني توكـل علـى الله

مابيني وبينـك مشاريـه وعتـاب
شف دربك اللي جيـت منـه تدلـه

مـاراح تـغـلـبـنـي لو الحب غلاب
من حـضـرتك عشان قلـبي تذله

في ذمتي لجعلك عبره للاحباب
لين الخليل يتوب عن جرح خله

....

[الحمدان]

بعض البشر اجمل من الشعر والبوح
واجمل من الوان الرسم والمعاني

بعض البشر ترد في نبضك الروح
من تبتسم لك يبتدى عمر ثاني

....

[الحمدان]

بعد حبك ماعرفت اعشق بشر
كيف اسوي لجل اغادر من هواك

لاقدرت اهوى ولاقلــبي قدر
ماحدن غيرك وصل لامستواك

ان نويت انسى نزل دمعي مطر
وان نويت البعد قلبي مانساك

وان نويت ارجع لحبك يانظر
احضن اللحضات واتذكر قساك

كنت احبك بس قلبك من حجر
كنت عايش في غرامك للهلاك

بعد هجرك قد تعودت السهر
كل لحضه تغمض اعياني اراك

من الوم الحظ او لوم القدر
او الوم القلب ذي ودف معاك

كلما شفت القمر قلبي ذكر
كل لحضه ذكرتني في حلاك

....

[الحمدان]

‏تناديني وانا اسمع لك ولكن للفراق عزوم
وصميم القلب من عزّم ترك حُبك وبدّاني

فمان الله يا اخر درب واول صدمة المقسوم
فمان الله يا اكثر من جرح قلبي وعنّاني

على خط الفراق الموعد الليله امر محسوم
توفى مابقى من حُبك الليله وخلّاني

اجامل لوعة الفرقا غصب عني وانا ملزوم
ومن بين الرضى والياس ادور ناتج احزاني

مثل ماقلت من حبك سحابة صيف صعب تدوم
تحقق ماتوقعته لذا صح الله لساني

ثقيله خطوة الفرقا اذا كان الامل معدوم
لكنّ العزه تخفف على نفسي وترعاني

كبير اطيح من عينك ولا اصغر في عيوني يوم
انا ماني على كيفك تدوّرني وتلقاني

عطيتك من رضى قلبي وصدّرته بدون رسوم
وقدّرتك على غيرك وعرفتك على احساني

هقيتك بالهوى ملفى هقيتك ضحكة المهموم
خساره خيبة الهاقي غرامك وين وداني

ادور بعدك المنفى واطيح بغيبتك واقوم
وادور راحتي دونك وابي منك تناساني

تبي تفقد تبي تنسى تبي تشتاق صح النوم
انا مثل العمر لارحت مابعد العمر ثاني

....

[الحمدان]

من قال لك اني بحـبك بخـتلي
لا والذي حلاك ماخلي عشقتك

حتئ ولو جيت بنفسك قلتلـي
رحـلك وفلتـني أبد مـا افـلتـك

كيف اتركك وانا بحبك مبتلـي
كيف اتركك والموت عندي فرقتك

ما عشت لو بنساك لحضه يالغلي
جعلي الموت لو قلت اتركـك

ايش الذهب وايش الجواهر والحلي
وايشي كنوز الارض جانب بسمتك

ايش باتجي الدنيا بجانبك يالغلي
وش باتجي الدنيا بجانب ضحكتك

سيبك من الأوهام وسمع ذي يلي
ياعز من في القلب ربي يحفظك

شوف الفراق يازين ماهو بالدلي
بلخاص بين اثنين يحرسهم ملك

مثل الجسد معروف في ثنتين كلي
لا فشلت اليمنئ مع اليسرئ هلك

وإن ما هلك ياذا الدكاتر غسلي
سبحان من أبدع مسارات الفلك

شوف احناخلقنا يازين انالك وانت لي
فالا تسبق الأحداث يازين اخوتك

اسالك بالي فوق عرشه معتلي
شيل الوساوس شيل وحسن فكرتك

....

[الحمدان]

يالآدمي مـادمـت فـي صحـة وخير
تحمــد الله وأعتـبـر نـفـسـك غـنـي

لاصـرت متعـافي ولـو انـك فـقـيــــر
تراك فعيون المريـض أكبـر غنـــي


....

[الحمدان]

‏وش قيمة الحب كان القلب ماشالك
وأرسى على قمة أعماقي منادي لك

أنا وروحي وعذب الشعر جينا لك
والقلب نبضه معكـ وَيقول كلي لك

والشعر مرسالي المخلص وَمرسالك
والقلب مهما قست الأيام وافي لك
.
.
.

....

[الحمدان]

لان سـكّرت في وجهي البيبان
رجواي باللي يكشف الضيقه

الـواحد الـرازق عظيم الشأن
مـالي سـوى عـفوه وتـوفيقه


بقلمي

[الحمدان]

من رافق الطيب شرب صافي المي
ومن رافق الهافي جفا الما كفـوفـه

لاتنـكـر الـمـعـروف لـو انـه شــوي
مـن قــدم المـعـروف رد معـروفـه

تـرى اللـيـالي تـطـوي ايـامـنا طـي
يالـله بحـسـن الخاتمه والـمـروفـه

....

[الحمدان]

يااللي توصيني على الصبر وينه
وتقول حد الصبر لو يلحق اقصاه

الصبر مفتاح الفرج خابرينه
لكن مفتاح الصبر وين نلقاه

....

[الحمدان]

تبقى المبادئ ثابتة كل الأوقات
‏ مانشتري بايع ولا نبيع شاري

....

[الحمدان]

لاتخليني نديم يشتكي فرقى نديمه
‏وانت حبك قد وسمته في معاليق الحنايا

‏وين مالديت فكري شفت لك صورة قديمه
‏ووين ماوجهت وجهي شفتك بكل الزوايا

....

[الحمدان]

‏خلك على النيّه تجيك التوافيق
‏لو اغلب قلوب المخاليق ظلما
‏َ
‏الله يبلّ الريق في حزة الضيق
‏لاشحت كفوف المخاليق بالماء

....

[الحمدان]

انسى الوجع ياطير اش جرا لك
مجروح والا الوقْت غيّر حالك

ياطير قلبك حاير
مهموم تشكي مالزمان الجاير

ملزوم تبقى في سماك وطاير
واياك تنسى عزتك ودلالك

وان كان حتى الجرح ياسر غاير
الجرح يبرى والحياه تحلا لك

ياطير انسى اوجاعك
وانسى عزيز عليك خان وباعك

مادام فيك جناح قد اوضاعك
وانساه وجع القْلب ريّح بالك

والجو يبقى مكسبك ومتاعك
ولا حد يقْدر يوصلك يلفالك

....

[الحمدان]

إياك لاتحزن ترى الرزق مضمون
ابذل سبب والله عليه التوافيق

اللي خلقك من العدم خالق الكون
هو الذي يرزقك في ساعة الضيق

ولا تكون أنسان بالوقت محزون
وانته تحت رحمة ولي المخاليق

....

[الحمدان]

الغسل والطيب والكهف وتلاوتها
ومسابق صفوفٍ من الصبح مجتمعه

حاجاتٍ اربع ليا فزت بحلاوتها
تغسل ذنوبك من الجمعه ليا الجمعه

بقلمي

أكثرو من الصلاة على النبي
ليله الجمعه ويومها
اللهم صل وسلم وبارك على نبينا محمد

[الحمدان]

رفيقك اليا زلْ وإلا تردى
عليك واجب ما تصد وتخليه

بكره تزل و زلتك ما تعدى
لاصرت ما تدمح خطاه وتعديه

....

[الحمدان]

أحذر تصدق في وكالة يقولون
بعض المصادر ماتجيب الحقايق

منهاجهم دايم على الكذب يمشون
جابوا كلامٍ مالقي له وثايق

ذولا هم اللي بالتناقض يسمون
كلامهم يرْفَضْ ولاهو بلايق

خدّام للشيطان للشر يسعون
ماخافوا المعبود رب الخلايق

....

[الحمدان]

خلّ في صدرك على الدنيا قبول
واعرف ان الشمس تشرق لو تغيب

وعوّد لسانك ليا ضاقت يقول
الأماني في رجا الله ماتخيب

....

[الحمدان]

احاول اتصبر ويفضحني الشوق
اعكس ملامح حبهم في عيوني

مادام باب الوصل ياشوق مغلوق
ياوحشتي من بعدهم ياَجنوني

....

[الحمدان]

‏الناس لاتبدي لها بعض الاوضاع
ماكل نيات الاوادم نظيفه

اعيون خلق الله على الزله وساع
وعن ماتسوي من جمايل كفيفه

....

[الحمدان]

بعض الغلا يستوطن النون بالعين
تحت الهدب مع غـظته وانتهاضه

ولا المحاني ضمته بين قوسين
نبض الـوريد وخفقته وانحفاظه

....

[الحمدان]

‏احفظ مقام الناس تحفظ مقامك
‏ يكبر مقامك بين عز وحشيمـه

‏خل الوصل لو كان بـس بـسلامك
والـصمت حكمه للعقوول الفهيمـه

....

[الحمدان]

الطيب رزق مقسمه راع الأرزاق
والله جعل بين المخاليك فارق

احدنً على المعروف والطيب سباق
واحدنً بنمات المخاليق غارق

....

[الحمدان]

سايرتهم من شان فهم الأساليب
حتى خذيت من التجارب شهايد

حتى عرفت أطباع بعض الأصاحيب
وعرفت ويش أختار وقت الشدايد

ماكل من خاواك يرهي لك الطيب
ولا شك بالأجواد ناقص وزايد

....

[الحمدان]

ناسٍ ليا غابو على البال يطرون
وغيابهم لازاد يأثر علينا

وناسٍ ولو كانو يرحون ويجون
بغيابهم وحضورهم مادرينا

....

[الحمدان]

لاتنشـدوني يـاعرب وين بـ اروح
بسري مع الهاجوس وأتبع ظنونـي

الضيقه اللـي تاتـي شوي وتـروح
أحـيان تقعــد لـين تبكـي عيونـي

....

[الحمدان]

‏إبتسم للصبح لو تقسى الظروف
من سحاب الكون ماضاقت سماه

كم كفيف قلبه المُبصر يشوف
وكم بصيرن قلبه الميت عماه

....

[الحمدان]

‏الجرح يبقى مابتمحيه الاعذار
حتى ولو قلنا لك العذر مقبول

كسر الزجاج اذا انجبر كله اضرار
والجرح غاير حيل والقلب معلول

حنا نجامل بعضنا مابه أسرار
ترى المجامل زين إذا الهرج معسول

بقلمي

[الحمدان]

رسالتي لك...

لاتبادل الكراهيه بالكراهيه مع أحد
أحرجه بالطيب فيصبح بين أمرين
أما أن يكفيك شره
أو يخجل ويتحول إلى صديق

بقلمي

[الحمدان]

‏حرف ٍ كتبته جاز لي في معانيه
وحرف ٍ على سطر المعاني كتبني

شاعر وسولف عن زماني وحاكيه
واطلب هجوس القاف لو ماطلبني

والليا زهمته باح سده وخافيه
كنه يقول احساس حرفك جذبني

يسري وانا مع هجعة الليل اسريه
اقوله حياك ويقول زدني

....

[الحمدان]

‏المواقف بينت معدن قلوب البشر
والنوايا الباطنه ينكشف لك سرها

القلوب السود بالوقت قامت تنتشر
والقلوب الوافيه عظم الله أجرها

....

[الحمدان]

الليله اللي وراها يسري الساري
فيها من الدمع والحرمان ماريّه

وقفت لابايع اللحظه ولا شاري
لين ابتدت في ضميري جمرهٍ حيّه

يجيبه الليل والنسناس والطاري
ولا يجيب القصيد الا طواريّه

....

[الحمدان]

في غيبتك تثقل علي الدقايق
والوقت مع غيرك ماعاد ينطاق

ربطتني ما بين عهد ووثايق
وخليتني بس للقصايد والاوراق

واليوم اقول لك دون كل الخلايق
ماعيني لغيرك من الناس تشتاق

....

[الحمدان]

نكتب شعر حتى نفضفض ونرتاح
مانكتبه حتى يقولون شاعر

يطرب له اللي داخله هم وجراح
وللي سكن قلبه رقيق المشاعر

....

[الحمدان]

ياصباح الحنين وكل ذكرى لها ميعاد
مع الشوق وأنسام الصباح وعصافيره

وصباح الغلا اللي كان من بيننا معتاد
على بحت الصوت وعلى الحب والغيره

....

[الحمدان]

‏غن ياقلبي من الهم والضيقه كفاك
‏الهموم اللي من العام وأنت تلمّها
‏ㅤ
‏ماحصل نسيان همك وهمك مانساك
‏حالة النسيان نعمه ولا انت بيمّها

....

[الحمدان]

قل للزمن لآضاق صدري عوآفي
‏ بكره تزين وينشرح خآطر آلوجد
‏
‏كآن الآلم في محجر آلعين غآفي
‏ ترآ الآمل مآله وسط خآفقي حد

....

[الحمدان]

‏لو تغيب الشمس عوضها القمر
‏هكذا من غاب مانطرد وراه

‏من بقى غالي ويبقى لي ذخر
‏ومن رحل دربه خضر والله معاه

....

[الحمدان]

‏في مجتمع كذاب ويحب النفاق
‏نفسي تحب الإنعزال بحالها

‏ناس تمثل لي الغلا والأشتياق
‏وأنا أدري إني ماخطرت فبالها

....

[الحمدان]

نضحك بوجه الحزن وانجابه سنين
لو بكره يسوي من الأمس إعاده

وبتزين إن ضاقت علينا تبي تزين
من الله اللي مايخلي عباده

....

[الحمدان]

عزّت علي نفسي ونفسي عزيزه
‏ماهيب ترضى موقف الذل والهون

‏الله خلق فيها الكرامه غريزه
‏ياكون في راس الهرم والّا ماكون
‏
سعد علوش

[الحمدان]

رح وين ماتشتهي رح قد ماتقدر
انا اول الناس في قلبك وانا التالي

نايف صقر

[الحمدان]

يارب وانت بكل مافيني عليم
سخّر لي أصحاب النفوس الصافية

لو شحّت ظروفي فلا غيرك كريم
وان جارت ذنوبي عساها خافية

عن كل ذنب استغفر الله العظيم
عن كل كسرة نفس أجر وعافية

....

[الحمدان]

‏‌رسالتي لك...

البعضُ يَظنَّ أنَّ رُجولة الرَّجُل تَنخدِش ‏عندما يكون يسيرًا ، رحيمًا ، حنونًا
يظنُّون الرُّجولة في إظهار صلابَته
وقوَّتِه وصوتِه العالي
‏الرجولة أن تكون سندًا وملجئًا
أن تكون زوجًا صالحًا
أخًا حنونًا ووالدًا رحيمًا
الرجولة أن تكونَ رَجُلاً لها
وليس عليها
قال الحبيب صل الله عليه وسلم محمد :
(خَيرُكُم خيركم لِأهله وأنا خيرُكم لأهلي )
بأبي أنت وأمي طِبت حيًّا وميّتًا
اللهم صل وسلم وبارك على سيدنا محمد

بقلمي

[الحمدان]

حاول تخلي جلستك عند العرب ركعة وتر
خفيفة تقضي لزومك كلما صليتها

وحاول تخلي كلمتك عند العرب ليلة قدر
كلٍّ يدورها ولا يدري متى توقيتها

وحاول تخلي كلمتك وقت العتب رشة عطر
يفطن لها المخطي ولا تندم إذا رشيتها

سعد علوش

[الحمدان]

والله اني ما اتردى ولا احب القصور
واتجاهل كل من هو ضعيف ومبتلي

رافعتني عزة النفس لـ حد الغرور
والثقه بالنفس لأعلى مكانٍ معتلي

لادعولي والديني بتيسير الامور
ماعلي من باقي الناس لو تدعي علي

....

[الحمدان]

‏قابل ظروف الوقت بـ الصدر الوسيع
‏ماتجهله فـ السبت تدري به الاحد

‏اللي يخاوي كل خلق الله يضيع
‏لو كان تبذل فيه معروفك جحد

‏مثل الحياة اللي يخاويها الجميع
‏غرارةً ماعمرها دامت لـ احد

....

[الحمدان]

ماغير روح التحدي في عروقي تفوح
‏قوة صمودي على جور الزمن خارقه

‏رغم إمتداد التعب عيا يموت الطموح
‏والشمس بكره رغم أنف الدجى شارقه

‏مادام فيني نفس يذري وفيني جموح
‏بابٍ وراه اعتزازي طـارقه طارقه

....

[الحمدان]

قلوب الناس ماتسوى تعب قلبك وقلبك بار
ياقلبّ طيبته عزت عليه وغرّبت داره

يصدك من يعافك لو تجيب الغيم والأمطار
ويودك من يبيلك ولو هواك يمّوت غباره

يجيلك من يبي لو الدروب انفرش مسمار
وإذا القلب اشتهى ساق القدم مادور اعذاره

ومن يستاهلك مايتركك ساعة عمر تحتار
ومن يستاهلك مايتركك تشتاق لـ اخباره

وما دام الناس مابيدنها جنة ولا نار
عساهم مارضوا وليّا رضوا كلّ ومقداره

ترى هالعمر رحلة والخلايق كلهم زوار
عسانا من خّيار اللي خطروه وخير زواره

تدور الأرض وتدور معاها دورة الأقدار
وكّل ساقي سيسقى ماسقى والأرض دواره

لذلك لاتعامل هالبشر بالمثل لا واختار
تكون ياللي يجمل بـ العفو والطيبه اقداره

تشبّه فيك لاتشبه أحد لو ترهب الانظار
ولا تسمح لأحد يسلبك منّك قوّ تياره

وحاول تترك بكل الأماكن قيمة وتذكار
يموت الادمي ويعّيشه فعله وتذكاره

حبيسين بزوايا الأرض ماحنا ابد أحرار
ولا حرّ بهالدنيا سوى من حرر افكاره

....

[الحمدان]

خلك سما واترك هل القاع للقاع
‏وارفع عيونك للنجوم المطله

‏وخلك مثل ماقيل للعزم تبّاع
‏مافيه صعب إلا وربك يحله

....

[الحمدان]

مني لكم مع التحية....

رَاحة بَال وخَبر سَار وَرزق
وعافية ورِضا الرحمَن
تلكَ الأماني أتمناها لي ولكم
اللهمَ أرزقنا من العـافيه أكملها
ومن الںدنيا خيرها
وَمن الآخره نعيمها

بقلمي

[الحمدان]

علمتها فن الغزل من كلامي
وعلمتني اضحك اليا شوش البال

ليا اقبلت قامت تراجف عظامي
وان دبرت كنه ضرب الارض زلزال

تحبني وتحب عزت مقامي
واحبها واحب في خدها الخال

من عينها تروي القلوب الضوامي
من وجهها تقرا تبارك والانفال

‏يا غارت الله وين اودي هيامي
لامن على جيد الظبي لفت الشال

لاتسالوني بالغلا ويش علامي
وعلى فراق عيونها ليش محتال

طقت كعبها في البلاط الرخامي
تلوي رقاب القوم رجال رجال

....

[الحمدان]

اسلي الخاطر واغرد مع الناس
والصدرمن كثرالهموم متضايق

واكتب انا الابيات لادق هوجاس
واقول رايق والفكر غير رايق

....

[الحمدان]

مظاهر الناس لو تجذب وتخدعنا
تهون عند الذي يخدعك منطوقه

في ذمتي مالعب فينا وضيعنا
الا الثقه لا اصبحت عميا ومطفوقه

[الحمدان]

القصيده في عيوني بدونك ماتزين
‏لازم ان اجيب طاريك ياملح النشيد

‏انت ياللي من بطين الفؤاد الى الاذين
‏والله ان حبك مع الوقت ماينقص يزيد

‏في غيابك لك محبه ولك شوق وونين
‏وفي حضورك شف عيوني كلامي مايفيد

....

[الحمدان]

محدن عليها بسالي والحياه ما تدوم
كم وأحدن غثّته وكم واحدن سـرّته

ارفع يدينك لربك من يزيل الهموم
الـلي جميع الخلايق ترتجي رحمته


ذائقة

[الحمدان]

النفوس العظيمه تعرف اللّي تبيه
ماتدوّر رضا العالم وتركض وراه

من يجامل وجيهٍ ويستحي من وجيه
راح عمره وهو يمشي بدون اتجاه

البس اللي يعجبك واكل ماتشتهيه
دامك في طاعة الرحمن عيش الحياه

لاتروح لمكان الا وراحتك فيه
ولا تجي من مكان الا بسيره وجاه

....

[الحمدان]

أجعل أسمك فالمقام الأولي وأصنع مصيره
‏يوم تقسيم الفعول ويوم ترتيب الأسامي

‏حتى فالدين الصفوف الأوله غير الأخيره
‏الاجر يفرق ليا صليت فالصف الأمامي

....

[الحمدان]

هذي قوانين الصدف والأماكن
‏وهذي مقادير الزمان وظروفه

‏تشوف ناس كثار صدفه ولكن
‏اللي تمنى شوفته ماتشوفه
‏
....

[الحمدان]

‏القادر على صياغة اعذب الكلمات قادر على صياغة اكثر الكلمات مرارة لكنها الرأفة والنبل
وعلى هذا السياق
يقول الشاعر :

والله إني عارف دروب الكلام الجارح
غير اجنب حشمه وخشيه وذل من الله

[الحمدان]

‏خلك بحر غامض وباعماقك أسرار
‏وفي ظاهرك للناس عزه وهيبة

‏لاتشتكي جرح الليالي والاقدار
‏يدوس جرحك من تحسبه طبيبه

....

[الحمدان]

تلعب طرب وانا بنومي هواجيس
ماسهرك بالليل كثر الهمومي

اسهر أليا نامت عيون الهداريس
وبالليل اراعي ساهرات النجومي

اوجس بقلبي مثل دق النحاحيس
الله يلوم اللي لحالي يلومي

اشوف عدلات الليالي مقابيس
ولا احدن من الدنيا عظامه سلومي

تضحك وتخفي لك خفي الهناديس
تفطر لها يومن ويومن تصومي

إعمل وتلقا وافهم العلم بالقيس
دنياك لو زانت تراها نقومي

قالوا جهلت وقلت جهلن بلا قيس
الجاهل اللي مايعرف اليمومي

من لايدوس الراي من قبل ماديس
عليه داسوه العيال القرومي

ومن لايقلط شذرة السيف والكيس
تبدي عليه من الليالي ثلومي

ومن لاخذا الدنيا بميزن وتقييس
مثل الذي يسبح بليلن يعومي

والقصر مايصلح على غير تأسيس
ومن لاتعلم ماتسر العلومي

إليا توافق مشور السو وابليس
تبر منه وعز ربي يدومي

كلَ القلم من كتبنا بالقراطيس
وركابنا من كثر الاقران تومي

لاخير في كثر الحكي والتماليس
هرجن بلا فعلن يجي به وهومي

والعز فوق معسكرات السواديس
إليا قصدت اللي بالاشيا رحومي

قب تنازى بالنشاما كراديس
والطير في روجاتهنه يحومي

بالليل اصالي حاميات المحاميس
والصبح ألاوي كل قبا قحومي

اربع سنين ودمع عيني اماريس
العين تسهر كن فيها هزومي

وإليا ركبت معالجات المضاريس
يبرد على قلبي لهيب السمومي

صوابنا بالميل غمقن إليا قيس
وطريحنا في مثبره مايقومي

إن جن بنا مثل النعام الاماريس
لاخف عجلن مع رقاق الحزومي

استلحق اللي يطلبون النواميس
اللي من الاقصين وأدنى اللحومي

إن جن بالميدان مثل الدواويس
وطار الغطا عن قانيات الرقومي

عرجن بأهلهن كنهن القرانيس
على الطريح مصوبراتن كظومي

فـ لومي على اللي ينقلون العبابيس
واهل الفرنج وكل رامي لحومي

وشلفن تركب بالعروق المناسيس
وقحص المهار وكل قبا قحومي

إليا سمك عج الرمك بالملابيس
المسعد اللي حظ ربعه يقومي

والشيخ من يعطي الفقارا المفاليس
يبدل الساعه بعزن يقومي

والحر لا دبت عليه النواميس
يشهر وعن دار المذله يشومي

وإليا اكترب من بعض الاشيا نسانيس
اعزم ولابد الفرج بالعزومي

باب الفرج لبسك نظيف الملابيس
ينجيك بأيام الكرب والزحومي

يجلي صدا قلبي ضبيح المهاريس
لاقام شراب القهاوي يعومي

ودلال فوق النار دايم مجاليس
إكرامهن حقن علينا لزومي

من صنعة الصبة وخمس التخاميس
برايتن يعمل بها كل يومي

وبهارهن هيلن بليا حواسيس
كيفن يعدى للنشاما القرومي

عده لحماي العياد المراويس
والا الحصان اللي بقينه وهومي

حتى يزين لنا المثل والتوانيس
والكيف طاب لمن يفك القحومي

وصلاة ربي عدَ رمل الطعاميس
على شفيع الخلق يوم اللمومي


تركي بن حميد

[الحمدان]

مناسبة القصيدة انه بينما كان الامير يؤدي مناسك الحج حدث وباء مكه ومات عدد من مرافقيه فقال قصيدته التاليه:


قم يامحمد خط لي خمسة اسطار
واسمع وطع وادر الزلل والاثامي

لا والذي ينجي محمد من النار
والاوليا والصالحين الكرامي

في ماقفن مافيه مهله ومعذار
لاعلق الميزان والحق قامي

يالله بطلبة عابدن تايبن زار
اللي وقف بين الحجر والمقامي

تغفر ذنوبن لي عظيمات وكثار
يامرجعن عقب المحل بالوسامي

وارحم عبيدك حيثك النافع الضار
وادخلهم الجنه ببرد وسلامي

اكتب من القيفان مافيه تذكار
ربعن يسرك فعلهم والعلامي

ابكي على ربعي بعيدين الاذكار
اهل السموت ولابسين التوامي

امس وهم عندي جلوس وحضار
واليوم عليهم النصايب علامي

راحوا ولا منهم على الخد ديار
ولحدن على الدنيا مقيمن دوامي

واليوم اشوف البس والديك والفار
طمعين في رقي العلى والمقامي


تركي بن حميد

[الحمدان]

التوجد على الاهل
مناسبتها ان تركي قالها حين حصل وباء مكه ومات فيه جماعته ممن كانوا هنالك


ياسين ما من واحد قال : ياسين
شرارها ياسين قدحه زنادي

شوفي بعيني والخلايق ملبين
مثل الضحايا دنيت للعيادي

الناس زرع وجملة الناس غاوين
إصفر عوده واستعد للعيادي


تركي بن حميد

[الحمدان]

معركة مع الامام فيصل بن تركي

مناسبتها يتحدث الامير تركي فيها عن شجاعة قومه واستبسالهم في الدفاع عن مواقعهم في نجد
وقال عبدالرحمن الظاهري المؤرخ الكبير انه نظمها سنة 1247هجرية في غزوة الامام فيصل بن تركي آل سعود على الروقة من عتيبة ولم يحضرها تركي حيث كان ساعتها في غزوة على الطرسان من قبيلة حرب .


ذا قيل من غنى ومن هاض ماخفى
بدت لي وغيري جاهلن مادرى لها

إصحى تكن روع إليا شفت حادث
تزري تميز حرمها من حلالها

إليا اوجعك ضرسك خذ القاز واقلعه
وان كان في عينك فـ دور دوا لها

ترى حلاة الرجل لاشق يرفا
دربن يميز فـتلها وانحلالها

عيبن على اللي بدل الهدر بالرغا
ولا كل من يبغي المراجل ينالها

وانا ما بلاي الا سباعن تقانبت
تناطف ملاكمها وجر العوا لها

ومن شب نار الحرب للنار يصطلي
كثر مقابيسه وزاد اشتعالها

كم غارتن منا على فاقة الضحى
يشبك على روس المعادي ظلالها

غزينا على الطرسان من دون صارة
اخذنا مغاتيـــر نذبح عيالها

كم جادلن من غبنا تذهل الغطا
ترفع صليب الصوت تبكي عيالها

وكم مهرتن قبا تجينا قلاعه
رمينا براكبها وفاخت حبالها

اقوله وانا من لابة تنثر الدما
مناة الحرايب دايم في قتالها

ذقنا حلاويها وذقنا مرورها
ولو هي صفت يوم سريع زوالها

ولاتفرحوا ياشامتين من العدا
ان طالت الدنيا يجيكم بدالها

حق علينا الهجن تمشي مسيمه
وخيل اصايل معتبـين الحذا لها

عيناك يانجد المسمى بفعلنا
والا منازلنا فلا احد ينالها

إليا قالوا الحكام رزوا بيارق
ننسف على شيب الغوارب ثقالها

ولا عندنا في حلتن عند حاكم
على الراي حكام طوال حبالها

هذا وصلوا ياحضور على النبي
أزكي قريش وكلمة الحق قالها


تركي بن حميد

[الحمدان]

يتوجد الامير تركي على فرسة المصابة في ساقها بعد احدى المعارك، وينهيها بتوجيه النصيحة لابنه عبيد ويقول :


من يوم صندوق الحشا بالخفا بان
والعين سهرت بين هم وهوجاس

البارحة جفني عن النوم سهران
كني عليلن مسهره بعض الاضراس

على جوادٍ ضالعٍ غب الاكوان
فيها اختلط حبل الرجا هو والاياس

جندرتها من صوف سلكٍ وريمان
وانا لها عن لذة النوم حرَاس

ماني مجندرها على زود الاثمان
إلا ليومن فيه الارياق يباس

لاجاء نهارن فيه روغات الاذهان
باغي عليها بأول الخيل نوماس

عرجن إليا ما طبَـحن خلف الاظعان
والسوق مابين الاجاويد مقياس

ياعبيد قيَـس ما على الروح ضمَـان
رزقك مع اجلك خـطَ في طلح قرطاس

ماخط لك مافات شوفٍ بالاعيان
وبعض الأوادم مامعه ميز وقياس

لاحاسـدٍ يمنع ولايرزق انسان
إلا بتدبير الصمد والي الناس

ثم أنصح الباقي ترى القصر خربان
ما اعتزَ قصرن مايوثَـق على ساس


تركي بن حميد

[الحمدان]

ياراكب من فوق حر ذعيري
سبق الظليم اليا تقافى بمرواح

يسرح من الطايف ويمسى البصيري
دار العمور متيهة خلف ولقاح

كعامة العايل بحد الشطيري
بمسلبات مع معاطيب ورماح

سلم على ابن هنود راعي القصيري
قل له قصيرك يا ابيض الوجه هو راح

إما تقاضى فيه ولد الاميري
والا تقاضى فيه ياظبي الابراح


تركي بن حميد

[الحمدان]

ياراكب اللي مايداني الصفيري
هميلعن من نقوة الهجن سرساح

أمه نعامه وضربوها بعيري
جا مشبهاني على خف وجناح

عليه خرج من سلوك الحريري
وسفايفه مثل الغرابين طفاح

يسرح من الطايف ويمسي البصيري
والسوق والبصرة دهجهن بمرواح

مزهبك ياراعيه تمر ومضيري
واحذر تشب النار يجفل من الضاح

واليا ورد يشرب ثمانين بيري
غرافهن تسعين ودليهن ماح

رجليه بالحرة وصدره يسيري
ويشرب براسه من على جمة رماح

ياويش هو شي طويل قصيري
يسبق زعاجيل الهوا يوم تنداح


تركي بن حميد


وقد تعجب الشيخ محمد بن هادي بن قرمله ولم يعرف ويستوعب ماقاله الامير تركي ولكنه رد عليه بجدية متحديا :

ياتركي بن حميد وش ذا البعيري
ماتجلبونه كان تبغون الارباح

لاعاد له خف وجناحن يطيري
انا اذكر الله راكبه كيف ما طاح

أنا لقيت الكذب في كل اميري
ويا حلو كذب مروية علط الارماح

كيف النعامه نوخت للبعيري
أقول ذا كذب على الناس فضاح

[الحمدان]

سرنا لينبوع الصخا مكرم الجار
اللي سعى لرعيته بالصلاحي

نقاض مايفتل حيولن ومكار
يصمت ولو هو يسمع العلم صاحي

جبنا له اللي كنها ظبي الاقفار
مركوب من يروي شباة السلاحي

لافين عنه عند ماقلط النار
ولاني على اللي ينتوي له شحاحي

واقبل لنا بالعلم واقفى الدويدار
وجانا من الفندي جواب قراحي

قالوا جوابن لاحكي به ولا صار
الله يعين اهل العقول الصحاحي

جانا بعذر وقلت انا الرب ستار
رزقي على مذري هبوب الرياحي

الرزق يأتي مثل هتاش الامطار
ما له مصك ولاش دونه سلاحي

إن كان تسمع من هل الكذب والعار
ودَع بنا رازق خفوق الجناحي

وعدنا على هجنن من البعد ضمار
من القفل يشدن النعام المداحي

تودع حصا الرشراش بالدو طيار
الا ونقدع روسهن باللواحي

خذوا عليهن ساعتن وقم مغوار
وعن الوعر عطوا بهن السماحي

كم ليلتن سرنا على هجن ومهار
نطلب من اللي خزنته ما تباحي

حنا كما حر مرابيه الاوعار
يشهر أليا شاف الجفا عنه راحي

وحنا مسقية العدو كاس الامرار
ومعشية بالضيق برق الجناحي

ياما نزلنا منزلن غب الامطار
السبر ينطش والجهامه ضواحي

كم ذود مصلاحن على راعي الاقفار
ناخذ قلايعهن بروس الرماحي

والطرش جاك مشوح عقب ماذار
هج الحلال وغثبروا بالصياحي

وفزوا من المجلس على شبة النار
تناولوا سلم القوايم صحاحي

ولحقوا عيالن ماتمالوا بالاشوار
ضارين في نثر الدما بالرماحي

كم خيَرن في مطرد الخيل قد عار
وبيضه عليه يكثرن الصياحي

ياما حديناهم على الميسم الحار
هدات حرَن تعجب اللي يناحي

وجاني جوادن مارجن زينه وسار
بأيمان ربعن يبعدون المناحي

كان الخطا منكم تقبلنا الاعذار
وان كان منا طالبين السماحي

ما ابيع ديني بالدراهم والافجار
المال يذهب وآخر العمر ماحي


تركي بن حميد

[الحمدان]

أدى الامير تركي بن حميد العتيبي سنة 1279 هجرية مناسك الحج وهو هنالك بلغه مقتل أخيه الاصغر علوش بن صنهات بن حميد في إحدى المعارك فقال هذه القصيدة في رثائه وكانت بنت علوش تؤدي الحج برفقته ، وتتضح تأثيرات اجواء الحج على اسلوب تركي بالقصيدة التي يغلب عليها النصح والتسليم بالقضاء
وانشد يقول:


ذا قول من هوجس ومن باح ماخفى
من عبرةٍ بالصدر بيَـح كنينها

من عبرةٍ كنَـيتها تفرك الحشا
محال حضرٍ في يدي شاغلينها

تدور الدواير بالليالي وغـرَني
سريعٍ ترددها وصكَـة سنينها

دنياك لو هي ساعفت يوم كدَرت
غيورٍ تحلَ الحيل ومفارقينها

على الرغم ماهي بالتمنَي وبالهوى
جري المغربل والعرب عارفينها

على مسايرها كثيرٍ همومها
وعلى شين جيرتها العرب عاشقينها

عمن شاف في جبر الليالي وكسرها
هي المنجل الخافي جفاها ولينها

مخلوطةٍ عسر الليالي بيسرها
صروف الليالي دقَـقت في طحينها

دنياك لو رادتك يومٍ بطربة
صفق موج بقعا لين تملا جرينها

تجدَد مكاويها على الغيظ والرضا
ولاتعذَرنا ولا عاذرينها

كم خيَرٍ يجلي الصدا عضَـه البلا
تضحك له الدنيا وتخفي رطينها

ياطالب الدنيا فـ هي تستغرَك
كم فرَقت من مرضعٍ عن جنينها

جرَبت من حلو الليالي ومرَها
وازريت اميَـز هزلها من سمينها

أنا حالفٍ لابيعها بيع مرخص
معيفٍ ولو غيري حدٍ راغبينها

مخيفٍ معيفٍ من عناها وهمَـها
كما تركة ايتامٍ حضر مستدينها

حرَج محرَجها وجاها زبونها
على سملها البالي حريصٍ ضمينها

سوى مهرةٍ قبَـا وسيفٍ مجرَب
وشلفا لقوات العدا محتسينها

ومناسفٍ يعدا بها كل ساعة
بأمر الولي يلقونها محترينها

ومن صنع بغدادٍ دلالٍ نظايف
مهاريسها بالليل يسهر دنينها

على جال نارٍ للمسايير دايمه
وثلاث حاجاتٍ لها معتبينها

رسمٍ لعطران الشوارب على القسا
خصَ مروَي حربته من مكينها

واللي جمع مالٍ ولا أدَى نوايبه
لعل ماله غوشةٍ وارثينها

هذاك مثل الديك يذَن ولا سجد
ينفع بها غيره ونفسه يهينها

وبالقلب دقَاقٍ تعومس به الدوا
تاه الطبيب بعلَةٍ ناقلينها

انا هاض مابي تالي الليل بكرة
في ليلة الجمعة تزايد حنينها

تجر صليب الصوت مما جرى لها
تجرَه من الوجلا وفرقا ضمينها

تشبَ السعاير في الضماير وتعتلي
كما هيش قصبا بالضوا مولعينها

تقرَحت عينٍ سفوحٍ تزايدت
كالمزنة الغرَا حقوقٍ غشينها

على اخوي ماشفت الغضب في حجاجه
يقدم لها قدَام يقدم ذهينها

عبدٍ ليا ارسلته عقابٍ ليا شهر
نمرٍ ليا جا الخيل فرَق ضنينها

وش خانة الدنيا ولو به رغبنا
حنَا وناسٍ قدمنا جاربينها

زبنت من يمنع ولا عنه مانع
ربي عن الزلاَت نفسي يعينها

ياغافر الزلاَت تدمح لي الخطا
لابد ملايكة الرضا حافظينها

حاسب محاسبها وعطيت كتابها
بشمالها والا جعل في يمينها

ياقلب هوَد واطرد الهم بالنجم
الافراج من عند الولي مرتجينها

طلبت من يمنع ولا منه مانع
إلاهي وباقي اسبابهم عايفينها

لزمت حبل الوالي الواحد الصمد
ليا خاف رعب القلب وايقن ذهينها

والفتل من قبل الامور الحوادث
ينقض لوالب قالةٍ فاتلينـها

إليا صرَت الاقلام ما فاد من حكي
فاتت على طلاَبـةٍ طالبينهـا

من لايصافي مايصافي صميدع
صبَـار في عسر الليالي ولينها

ومن لايغالي لا خذا بنت طيَـب
يكفيه عن ظيم الليالي جنينها

ومن لايخاشر بالقليل ابن عمه
يجيه من ظيم الليالي سنينها

وصلوا على خير البرايا محمد
وقوموا بتقوى الله وتقويم دينها


تركي بن حميد

[الحمدان]

عبيد الخيل الفارس الشهير هو ابن الفارس والقائد الامير تركي بن صنهات بن حميد العتيـبي يوصيه بمكارم الاخلاق ومصاحبة الطيب فيقـول الوصية :

يا ماحلا ياعبيد في وقت الاسفار
جذب الفراش وشب ضو المناره

مع دلة تجـذا على واهج النار
ونجر إليا حرك تزايد عبـاره

في ربعتن ماهي بـ تحجب عن الجار
لا من خطو اللاش ما شب ناره

النجر دق وجاوبه كل مرَار
ما لـفَـه الملفوف من دون جاره

وأخير منها ركعتين بالاسحار
لاطاب نوم اللي حياته خساره

تلقاه في يومن يضيعن الافكار
يومن على المخلوق ما اطول نهاره

وقم في قصير البيت حشمة ومقدار
لو جار فأدمح له ولو به خساره

ترى النبي وصى على الجار لو جار
خذ الحذر ياعبيد عقب النذاره

رافق قوي الدين حفاظ الاسرار
ينفعك في يومن يجي به كراره

ترى الهوى والغي هن شر الاشرار
ومن داس عار الناس داسوا لعاره

جنَـب ردي الكار مافيه تعبار
مافيه من فعل المناعير شاره

جنَـب عنه خله لقصاف الاعمار
واحفظ وصاتي يا رفيع المنارة

واسلم ودم بالخير ياطير غيمار
وصلوا على المختار ما غار غارة


تركي بن حميد

[الحمدان]

من الوصايا والحكم التي قالها الامير تركي لابنه عبيد ونصحه بمرافقة الفارس الشجاع موضحا ان صداقته هي المغنم الحقيقي
حيث قال :


قال الذي بيَن من القلب مكنون
في حنكتن بالصدر ما بان لحذاك

إترك عشيرن عشرته يوم او دون
ثم يبدل بك عشيرن وينساك

إشتف قطامي على السد مأمون
درع القفا ماينهض الراس لحذاك

اللي ليا اوحى فيك ناسن يقولون
حامى على عرضك ويدمح خطاياك

أنا رفيقي لو يجي دونه الدون
ما انساه لو اني على حوض الادراك

يستاهل البيضا والاخيار يوحون
والا الردي خله يباري بيسراك

شم للعلا واترك هوى كل مزيون
لاتعتني بالغيَ يازبن من جاك

ترى الهوى ضرب المعادي بمسنون
ورَد على التالي إليا قام ينخاك

وترى الهوى في يوم طاعن ومطعون
بيوم تغاب الشمس من كل الافلاك

هذا الهوى يعتز ربعه ضحى الكون
فعلن وبه نعمن إليا قيل يقراك

ياعبيد خذ مني من القول مازون
واسلم ودم ما غرد الورق بالراك


تركي بن حميد

[الحمدان]

القصيدة هذه يبين تركي ابتعاد ابناء عمه آل هندي طلبا للمرعى لحلالهم ويذكر فيها زوجته بنت هندي التي رحلت معهم وذكر الفهيد انها في التغزل بفتاه اخرى من عتيبه رآها عندما كان مدعوا لدى أهلها :


لا والله الا اقفوا وساع النحايا
ماهللوا ولهم على الحزم معلوق

يتلون من تبدي عليه الخفايا
عقله رزين ومغلقن له بصندوق

يبون براق صدوق العشايا
تشبع رعاياهم بعرفج ورقروق

أقفوا بغرو ما يطب القرايا
تجيه حاجاته وهو مايجي السوق

أنا مريض ودوروا لي دوايا
من ما البرد والا ترى النقع مطروق


تركي بن حميد

[الحمدان]

ياراكب اللي بقلهن توَثنا
فج العضود مدمثات المحاصير

لاهنَ لاقعس ولا هن بدنَا
متيهات في ليالي المخاضير

الصبح من وادي الرشا ينشرنا
من بيت ابو خالد زبون المقاصير

يلفن ابو تركي زبون المجنى
ريف الهشالى في الليالي المعاسير

الشيخ مثلك مانزل شعر عنا
وادنى عتيبه حايلن دونه النير

جانا الصعيري قال صولوا وصلنا
صلنا نحسب انه على راي تدبير

أثر الصعيري فزعته ماج عنا
واقفن ظعونه عقب ما هن مناحير

وجينا على ركب الحريب ونزلنا
صرنا دواوير وصاروا دواوير

ياكبر زبر جموعهم يوم جنا
أرواحنا ترخص وهي للمقادير

بإيماننا صوارمن يقطعنا
سقى القنيدة من حقوق الشخاتير

من عقب هذا لامطير وحنا
لاصلب جدَ ولا بهم نية الخير

لكنهم يوم انجلى السو عنا
هذا طريح وذاك ذبَ المعابير

لي لابتن تشلع مع السن سنا
ان كان بالغارات والا الطوابير

ناسن إليا حلوا على القحص جنا
في منتهاه ننزح النمر والزير


تركي بن حميد

[الحمدان]

ارسل تركي هذه القصيدة لآل هندي ابناء عمه واهل زوجته وكانوا ما يزالون في بوادي الحجاز يخبرهم بمعاركه في نجد وانتصاراته المتتاليه ويصف كرم القبيله وشجاعتها ويطلب منهم القدوم :


يار اكبن من عندنا نابية شط
تشدي ظليمن بالخلا طايعه ذور

وقم الرباع ونابها مابعد نط
تكسر عصى الكور لو كان ماسور

تشدي لكدري القطا حين قرط
إنصف ريشه عقب ماهو بمنشور

تلفى بني عمي ورا نجد بهبط
أهل بيوت كنها شمخ القور

اهل صحون بالمجاعه تقلط
ذباحة مازاد نيه من الخور

إن جيتهم ملزوم بالصوت تصعط
وعطهم مكاتيبي قبل تجدع الكور

واخبر بني عمي ترى الشيل بي غط
والنفس ماتصبر على الضيم والجور

عطوا كما عطت حصانن إليا عط
خطو الاصيل اللي من الزاد مبرور

لعينيك يا اللي بالعويدي تمشط
دقيق رمش العين كنه من الحور

ليته حضرنا يوم سو البلا شط
نار الذليل وردَها كل مسطور

شمالنا من مس الارسان تنفط
وايماننا تطلق من السو مقدور

وارخصت عمري عند جيش المخلط
ماهمني ناسن يقولون حاذور

الغوج رديته على غير يصفط
على شنق كنه من القين مكسور

كم فارسن من راس رمحي تفرشط
مدح راسه حط في الحزم جافور

عليه خفرات بالاسلاب تشعط
خلَي عشا لمرهفل الذيب وطيور


تركي بن حميد

[الحمدان]

ياسابقي صكوا عليك القبايل
الحضر والبدوان راحوا نحية

قومن من العارض اليا سوق حايل
لاقرب جد ولابهم مرحمية

قامت تروجن بينهم بالشلايل
تعاونوا عقب النقا بالحمية

ياقومنا لاتكثرون العذايل
اشوف لي شق توسع رفيه

ياعنك جتنا من عزيز القبايل
حكام نجد القطع الصيرمية

لو انها من نازحين الحمايل
ماسلت لو شرَه تلاحق ضوية

العمر بيد الله منشي المخايل
حق على الراعي صلاح الرعية

نرد الخطر والعمر لابد زايل
عقب الخطر نشرب ركايا عذيه

إن كان مانرخي رقاب الاصايل
والا منازلنا غدت جاهلية

بدهم الفرنج مطوعة كل عايل
فودن لنا ماقط جتنا حذيه

ومصقلات تودع الراس مايل
من صنع مفراص وساع هويه

إن كان ماترَث يدينا فعايل
يحرم علينا شربة ( الشاذلية )

والزعفران وحب سمر الجدايل
وحط الشحم وسط البيوت الذرية

الحرَ لاصكت عليه الحبايل
يشهر وتاتي له من الله فضية

عاداتنا نروي حدود السلايل
بإيماننا في محتضر كل هيَـة

حريبنا يسهر ونومه ملايل
وألي نسى يوم نجدد كويَـة

وصلاة ربي عـد مازال زايل
على نبي الدين سيد البرية


تركي بن حميد

[الحمدان]

البارحة بالنوم كني مورَا
جا حلم ليلٍ عبَـر ولا شيف

أونست هاجوس على الصدر مرا
منه الفواد معلقٍ بالمخاطيف

وابدي كنين الروح داخل وبرا
من نقض مايفتل وفتلٍ بتكليف

يارازق اللي في رجاك يتحرا
من مـدَ جودك ياوسيع المحاريف

إن جت من الله ماعدوَ يضرا
وليا ادبرت قـلَت دبور المصاريف

مادون ربك واحدٍ لك يسرا
للرب حكمه بالمعاني وتصريف

قم يامحمد سوَ حلوٍ ومرا
رسمٍ إليا جوك النشاما هل الكيف

مع منسفٍ حل المنارة يجرَا
واشناق حيلٍ صفوها له ذواريف

واعمل بخير ولا تجازي بشرَا
وأرج الفرج من عند والي المصاريف

واجهد بتقوى الله لدار المقرا
العبد طرقي ركابه مناكيف

دنياك لو زانت تراها مغرَا
دنيا خراب ولا عليها تحاسيف

فيها لبيب العقل مايستغرَا
لو امهلت لابد رحله وتخفيف

إخشع تواضع لاتكبَـر تزرَا
ماشفت ميلات الليالي مراديف

ورفيقك الغالي منه لاتبرَا
إدمح خطاه إليا تعبَـث عجاريف

يشرب معك صافي وكدرٍ ومرَا
ويارد معك حوض المنايا إليا عيف

نوبٍ تذرَى به ونوب يتـذرَا
عديل عمرك بالليالي الشفاشيف

جر القلم واكتب لنا اللي تورا
سلام احلى من حليب المشاغيف

مـنَـي لمن تابع هوى كل غـرَا
شيخٍ يروَي بالملاقى شبا السيف

زيزوم غلبا كل يومٍ تجـرَا
واطرافها تاطا الغبا والمشاريف

ذولي يسرَحهن وذولي تسرَا
وذولي مغيراتٍ وذولي مناكيف

والي عدا باللي عدا فيه غـرَا
بربعٍ على قحص المهار المزاغيف

سلاحهم شغل العجم والمجرَا
ودهم الفرنج مفرقات المواليف

وصلوا على المختار والصحب طرَا
ماهبَـت الانسام من رايح الصيف


تركي بن حميد

[الحمدان]

يالله ياللي ماش حالن يكوده
رب لطيف صرف الريح تصريف

ان ترحم اللي وحدوا به جنوده
احد صلح وأحدن تحدر على السيف

حنا اليا كلن تمصلح بقوده
نصلح بقب كنهن الشواحيف

طريحنا سحم الضواري تروده
اليا ركبنا لينات المحاريف

ماحدت الابرق لشرقي نفوده
اصيح للغلبا بروس المشاريف

اهل بلاد موثقين حدوده
واهل مهار يلعبن العجاريف

وانشد سعد من خالهم ويش فوده
اللي يصرف له من الحكي تصريف

ماجاب طهطام حصان يقوده
ولا مهرة تبرى لجيش مناكيف

ان خاف قرب جدهم من جدوده
وهم على عامر عصاة مواليف

وليا من ليم عليكم جروده
جاهم مع الوادي جموعه مراديف

يوم الحوية ما أمنتكم عهوده
رمى وصبحكم جموعن مراديف


تركي بن حميد

[الحمدان]

يا راكبن من عندنا فوق ضبيان
يلفي لنا شيخن عديم الوصايف

قل بعدنا اشلا لك من القرب لو كان
ترى قربنا موردات الرهايف

اما نصيب دحيم والا ابن شبنان
والا انت ياعيد الركاب النكايف

إليا ركبنا فوق قرنات الاوذان
عاداتنا قرن الاخوان الولايف

مع لابتن سقم المعادي بالاكوان
بسبر وجرد بين قرح وعسايف


بن عضيب .. رد ع تركي بن حميد

[الحمدان]

ياراكبن من عندنا فوق شقران
يلفي على شيخ نزل بالحضايف

يتلونه العاصم نجوع وسلفان
وطرشن على رعي المخافة زهايف

ياحيسفا يانزلته فوق بـبـان
واليا بغى يندى بذيـك الندايف

قطعاننا مابين كشب وفيحان
مانشتحن لو حضبونا الحفايف


تركي بن حميد

[الحمدان]

ان صاح صياح براس الغاره
وغارت على حص الوبر عدوانها

الجيش زرفل والجموع انحازت
عيت على المدب عصت عيانها

وحنا لحقنا فوق قب قرح
كله لعين البل وحلو ألبانها

وش عذرنا من دون حلوات اللبن
لاضيعت بالمعركة حيرانها

لا من عج الخيل ثور دونها
ورمت تواديها بحث اثـفانها

انا على قبن قحوم قارح
خطرن على الحنكان من ذرعانها

إليا تلاقا ذيلها مع راسها
تسمع ضريس ضروسها بعنانها

كن المعارف يوم تنهض راسها
ثليل عذرا كاسي أمتانها

تثلث على رجلن تقول مكسورة
حلية عيدان السلم سيقانها

يا الصانع البيطار واسمع مني
دع بالك المسمار يخطي شانها

الله ياقاها نهار الهيـه
من عين رماي حفظ علمانها

مع سربتن يذهل لميع سيوفها
وقصارها تلوذ في فرسانها

الموت معهم واردن ومصدر
والروح كنه واقفن ديانها

كم واحدن بالقاع يسهج طايح
عليه بيض حرقن اوجانها

ياما طرحنا دونها من فارس
عقب الشجاعه ياكله سرحانها

ترعى بنا العرا ويكبر نيها
وننزح العدوان عن حدانها

وننزل بها في كل وادي مخضر
ترعى وسو الموت عند اركانها

في نجد نرعى مانعلق عاني
بسيوف هندن ماضي برهانها

يشهد لنا وادي الرشا بأفعالنا
وتشهد لنا نجد وحصا ضلعانها

قول بليا فعل فعيب واضح
والصدق ما يمحاه طول ازمانها



تركي بن حميد

[الحمدان]

ياراكبن من فوق بواجة الخلا
من البقل ما بانت مواري فطورها

زعولن من الراكب جزوعن من العصا
خطر على فزاتها قصم كورها

ركابها من ربعنا خابرينه
دليلة الظلما إليا غاب نورها

انص (ابن هادي) ريف هشالة الخلا
ريف الهجافا في ليالي عسورها

في مجلسه تلقى علومن طرايف
وحيل تطاها كل يوم قدورها

قل له طلبنا الصلح منكم ولا حصل
دنياك مايبقى بها الا صبورها

ترى الحرب سقم العين ماهو بـ راحه
تسهر ويقزي نومها عن حجورها

وإليا حربتونا فحنا حريبه
ماحن بشيان قصارن شبورها

تضدوننا بالكثر ، وحنا نضدكم
بأكوان منا ما تجبر كسورها

نقفي وحنا عيننا في حريبنا
نعقب لهم نمرا تعاقب سبورها

ونرد سرحات الخلايع مشايع
كبار القفاير نابيات ظهورها

إما نوافق غرة تـتـفق لنا
والا مقابيـس تقسـم شرورها

يرجا لفزعتنا إليا جاء كميننا
بدهم الفرنج اللي وساعن قرورها

كرامة للي تشوق لحربنا
لو انتحوا عنا بعيدن نزورها

وما أذمكم ياربعنا نعمن بكم
انتم سباع الهيش وحنا نمورها

وانتم كما ضلعن صبور على الشقا
وحنا حرار في مشاذيب قورها

ساعة تجيكم خيلنا عارفينها
معاريض والا معطيتكم نحورها

وساعة تجينا خيلكم عارفينها
نحد السبايا لين تركب وعورها (السبايا : الخيل)

كم سربتن دهما دهوم نجرها
تحاكوا بها غيابها مع حضورها

إليا نسيتوها عليكم نجرها
تموتون وانتم مانسيتوا حرورها

تصبح مداس الخيل من غب كوننا
تشبع حناديها وباقي نسورها

ماينفع الا الصدق والفعل والنقا
وباقي الحكايا بايهات أمورها

عاداتنا لطم المعادي على النقا
والا العميلة راتعه مانذورها



تركي بن حميد

[الحمدان]

يازبن كرب فوق مايطرد النوم
حراير يازبن مثل الاهلة

مرباعهم مابين ظلم والاكموم
ومن السفايف يرمحن الاظلة

ملفاك شيخن بالقسا يذبح الكوم
شيخ وشيخان القبايل تدله

تلقا محمد زبن من جاه مضيوم
زبن الذليل اللي مخيفن محله

وإليا لفيت الشيخ يازبن ملزوم
تعطيه مرسومن بوسطه سجله

وان كان جيت النضو يازبن ماسوم
رد الخبر والنضو يازبن خله

جانا من الشايب مكاتيب وعلوم
حي الكتاب اللي لفا حشمتن له

الشايب اللي ينقل الكبر والزوم
باغي لحكمي مير انا عاصي له

الله يغشك يوم غشيتنا اليوم
تقرا الكتاب ولا تهاب المظلة

جزاك من عندي من الخيل حثلوم
مثل البرد من مزنتن مستهلة

ان كان تذكر سابقن لك من اليوم
فرس عتيبي ورد شاهدن له

انا برمحي بأول الخيل ملحوم
والا انت رمحك عند سارة تشله

أديت انا اربع قحص والخامس التوم
وقعود زبن اللي بغا ماحصل له

لا والله الا راحوا اصحابنا قوم
تنافضت من بينهم بالاجله

والحرب شب وشبشبة كل شغموم
من شبته ملح الفرنجي عصا له

اعرف ترى من طاح ماهوب مرحوم
ياكود من رب الملا شافع له

شافي وجرمان غدوا باول القوم
خلوا مطوعهم وانا شاهد له

خلوا مطوعهم على غوجة التوم
وعزي لمن حط الردى مسند له

وانتم كما حوتن على الشط لاهوم
وحنا خلقنا للواهيم عله

وانتم كما ضلعن طويل ومزموم
وحنا خلقنا الله نجومن تهله

وانتم كما طير البحر ذاك ابا الحوم
وطير البحر مايذبحه غير ظله


تركي بن حميد