فوق هام السحب ( الشعر الشعبي) على متن القوافي

[الحمدان]

‏مايوفق للصواب الا من الله دلّه
‏جعلنا لامن دعانا الحق مانستكبر

‏قانعين ان الحياه موليّه ومزلّه
‏عندنا عنها خبر والله هو الي اخبر

‏الآدمي ماهوب قاعد حي عمره كله
‏والله ان يجيه يوم يموت فيه ويقبر

‏احمدك واستغفرك يالله وسبحان الله
‏ولا اله الا الله المعبود ( والله اكبر )

‏مطحس بن حمد

[الحمدان]

نمشي بهالدنيا ولا نعلم الغيب
‏وننسج من خيوط الامل عمرثاني

‏العاقل يآخذ من حياته تجاريب
‏يدري بأن العمر لوطال فاني

‏مسكين منهو كسى راسه الشيب
‏مازال في غيٌه عيانن بياني

‏الموت قبله شال عكف الاشانيب
‏والقبر بيته لو يطول الزماني

[الحمدان]

ياللي علينا زعلت وشانت أخلاقك
وش غيّرك والغلا لك ينبت ويرقا

أول تقول الممات أهون من فراقك
واليوم أشوفك تموت بطاري الفرقا

[الحمدان]

‏عيش ‌ بصراحة وابتسـآمةوطيبة..
‏وتصير لجلك معظم الناس عشاق ...
‏
‏إنك فقـير ‌المال مـاهـي مصيبة..
‏بس المصيبه تكون معدوم ‌ الأخلاق

[الحمدان]

تجاهلي لبعض الاوادم من الله
‏ماهيب شوفة نفس والا كِبر في

‏احب انزل كل شخص بمحله
‏ولا احب اجي لي في محلٍ مهو لي .

[الحمدان]

يالله ياعالم بهمسي ولسرار
فيك الرجا مانطلب اسواك ثاني

يالله زدني وعي ويمان وصرار
وافرغ علينا الصبر يارب عالي

لاتخزني يوم القيامه ب لوزار
القاك وجه ابيض وشامخ كياني

ياناصر اجنودك على كل جبار
وعلى يدينك ننتقم كل داني

اوفي سبيلك نحمل الحمل لو جار
نحمل عنا المستضعف اللي يعاني

[الحمدان]

‏شعوري معك يحتار يبدا معك من وين
‏تلوم السكوت ومن يشوفك معه عذره
‏
‏لا عمّ الشعور الصمت ناظر عيوني زين
‏كلام العيون اصدق من الصوت والنبره

[الحمدان]

‏مساحة الليل ما كانت تكفّينا
‏كنا نسولف ثواني والفجر يطلع

‏والحين عقب المفارق صار يمدينا
‏نشبع هواجيس من 1 الين 4

[الحمدان]

‏اعتبر صمتي محبّه يا الحنون المُدرك
‏انت غير الناس هذي لا بغيت الزبده

‏علّق الشطر الاخير .. قلادةٍ في صدرك
‏من فقد مثلك فقد له قطعةٍ من كبده

[الحمدان]

‏استانسي واخذي القلب النزيه الغيور
‏يالفتنه اللي زمام الامر .. في يدينها
‏َ
‏الى غشاك الكبر ولا غشاك الغرور
‏هذي من حقوقك اللي تستحقينها !

[الحمدان]

‏اقبل وجعل الليالي على وجهك نذر
‏جيّتك عيد لحاله اذا الله ساقها

‏كنها أول عيد وأول لقى وأطيب عذر
‏وآخر أيام المساجين قبل اطلاقها

‏شوفتك ماعاد تبقي هموم و لا تذر
‏كان تقدر تشبك ايديك خلفي لاقها

‏خايفٍ يفضحني الشوق لو إني حذر
‏ما يبيّح سد الاحباب غير اشواقها .

[الحمدان]

‏عشت ياصوتٍ يعود الليل ذكراه وحنينه
‏قالو العالم نساك وقلت والله ما نساني

‏والله ان قلبه جريح والله ان نفسه حزينه
‏والله انه مثل ما اعاني من الفرقا يعاني

‏لو نسى وجه الفجر صبحً يصبر ساهرينه
‏مانسيتك ي اول احبك نطق فيها لساني

[الحمدان]

‏يارفيق الذات من باب الحديث الودّي
‏صاحبك همه يموت ولا تخيب ظنه

‏والله إنه من غلاك وكبر قدرك ودّي
‏انتخاوى فـ الحياة ونلتقي فـ الجنة

[الحمدان]

‏ضعيف النفس خان العهد ماقدر ظروفي
‏ولكن مايخون الا الذي نفسه ضعيفه

‏انا متوقع انه يغدر ولو قال يوفي
‏لذلك كانت الصدمه على نفسي خفيفه .

[الحمدان]

يابن الحلال ان طاب خاطرك منّا
قلي وانا ماني على الدرب عاقه

انتم على ماقد نويتو وحنا
اهل الشموخ اللي جويدٍ وثاقه

وان شفتنا في بعض الاحوال لنّا
تراه من باب الادب و اللباقه

حنا خفاف نفوس لاتحسب انّا
بيتٍ عموده مايقوم رواقه

من زان زناّ له ومن شان شنا
حتى يتوب من الجهل والحماقه

نرجح بكفة عصبته لا وزنّا
والموج نعرف غبته من زراقه

ماننخدع في قول كنا وكنا
ونشوم عن بعض العلوم الدقاقه

من صد عنا لو زعل ماشحنا
نعطيه في وجهه ونكسب فراقه

عاد انت هاك موثق العلم منّا
فحوى الكلام يبين لك من سياقه

قلنا بعد باسم العزيز استعنا
منّا الى من خان عهد الصداقه

اليا بدا لك هجرنا لاتونا
انس العلاقه وانس راع العلاقه


نجم الاسلمي

[الحمدان]

الصبر حكمه بس من يقنع الناس
دونه حياة الناس من دون قيمه

والعجله اللي حطتك بين الاضراس
منتوج راي اهل العقول السقيمه

من لا حسب للراي بالخُف ينداس
تقصر مطاميعه عن شداد ريمه

العرف لاهل العرف مبدا ونبراس
اللي مراجلهم تسوق الغنيمه

[الحمدان]

لا صارت ابواب المنازل مقافيل
والناس كل" في حلى النوم نايم

انهض وقم بالثلث الاخر من الليل
ان كان تبي المرجله والغنايم

ارصد لقل الحيل دامك معك حيل
العمر ماهو طول الايام دايم

[الحمدان]

يارب لاتكتب لنا الجهد ضايع
توفقنا بيديك والفعل منّا

ما غيرت فينا سلوم وطبايع
لو مايصير اللي نبي وانتمنا

يوم الاماني في يدينك ودايع
حنا رجانا فيك كله واملنّا

يارب لاضاقت علينا الوسايع
على ظروف الوقت يارب عنّا

[الحمدان]

مايلـم الشـمل .. غـير الطيبـين
ولايحل المشـكله غير الحـكيم

ولايفـرق دايـم .. الا حـاجتين
هوشة الجهال وهروج الحريم

[الحمدان]

أحب الرفيق . اللي تجي رفقته بإنصاح
اللي عن غلاي وزود قدري .يصارحني

نصوح ، صريح ، محزم ينذخر ، وسلاح
الى طبت يفرح لي والا اخطيت ينصحني

[الحمدان]

طموح الرجال يحطمه قل رآس المآل
اذا قل مال الرجل ضاعت طموحاته

لو الرآس قاسي. والعزايم تهد جبال
تحده ظروف الوقت وتضيع هقوآته

[الحمدان]

‏قد قال لي تكفى وقلت ارقا سنود
[وقد قلت له تكفى ودنق واستحى ]

بعض اللحى تنقص ولايمكن تزود
[ياحيف ياهقواتي ببعض اللحى ]

[الحمدان]

لاتزعجون الناس بافعال الاموات
كفـوا.. وقفـوا.. كاسبين الجميلـه

عد انت وش سويت من فعل بالذات
اما كسبت النـعم والا .. بديلـه

[الحمدان]

يا وقت ماني طامعٍ في عطاياك
لادامت الدنيا و لانيب دايم

الله يجمّل سيرتي و آتعداك
للجنه اللي من كبار الغنايم

[الحمدان]

ياذيب لاتبدي على الناس خافيك
من دون سدك جوّد القفل والباب

كم من رفيقٍ تحسب إنه مصافيك
يغلب عليه الوقت والوقت غلاب

والناس لو تضحك لك الله يعافيك
إعلم ترى الضحكة لها عدة اسباب

كم منك متعجب وكم معجبٍ فيك
وشـتان مابين التعجب والإعجاب

[الحمدان]

لاتترك اللي خوته تجلب الطيب
أحرص على قربه لو الفقر غطاه

واحذرمن اللي خوته تجلب العيب
لوكثر ماله و اعتلى سور مبناه

الصنف الأول يرفعك بالمواجيب
والصنف الآخر للمذمات ممشاه

هذي تجارب من علا راسه الشيب
واصبح خبير في صواديف دنياه

[الحمدان]

‏احب الرفيق اللي ليا شافني زليت
يوضّح خطاي وكلمة الحق ترضيني

صريحٍ بوجهي يحترمني ليا صديت
ليا ضاقت الدنيا علي ما يخليني

هذا والله اللي لا طرت سيرته فزّيت
وانا له رفيقٍ وقفته تبهج العيني

مشخص الفهري

[الحمدان]

‏القلّ ماهو للمناعير عذروب
العيب باللي واجبه مايسدّه

كم واحد ٍ طيّب مقدّر ومحسوب
لو كان ماعنده رصيد ٍ يعدّه

من طيب فعله له مقام ٍ ومحبوب
عند العرب تلقاه كلٍ يودّه

سمح النبا ماغاب عن كل ماجوب
متعود ٍ للطيب من ورث جدّه

[الحمدان]

‏أنا كذا .. من يوم ربي خلقني
يقنعني الظاهر ولا أبحث خفا الناس

واللي عن وجيهٍ تشابه فرقني
أموت .. ما أدخل فالنوايا والإحساس

[الحمدان]

‏يا الله سترك غدت لـ أسرار مكشوفه
يارب لا ينكشف ستري ونقصــاني

طوعت نفسي وعاد النفس ملقوفه
الله ولا كلمة ٍ بتزعل أخواني

الكره نسمعه لكن مانبي شوفه
مقابل الكره يبغي له عمر ثاني

مايعرف الطيب رجلٍ صر مصروفه
والصيت بين العرب ماهو بـ مجاني !

[الحمدان]

‏

فـدوة عيونك لوغـدت روح مغليـك
وش عاد لو راحت لعينك عشاير

أبيع مايغلى على الكـون وأشـريـك
واسوق لا جتي علومك بشاير

وازعِل جميع الناس بالحيل وارضيك
واصبر ولو دارت علي الدوايـر

وآخذ من أيامي لك أيـام وأعطـيـك
وان راح عمري لك فلا هو خساير


الأمير خالد الفيصل

[الحمدان]

كل دارٍ أرجعت وانا سناوي
عزتي للي سواتي عزتي له

زادت الحمى فرحنا للمداوي
والمداوي زود الحمى مليله

ياجميله قام يطوي الحال طاوي
والله ان كبدي على شوفك غليله

والله ان قلبي على اللاماء شفاوي
غير مافي يدي ولا في يديك حيله

سجليني في علم حبك فداوي
انا مجنونك عقب مجنون ليله

يا رقبه الخشف ياعين النداوي
ياسراجيف الذلول المستحيله

يامناةٍ تنقصر عنها المناوي
ياخيار الدهم يالقبا الاصيله

نعنبوك انتي مكاسر عود جاوي
ملبسك سندس وشربك سلسبيله

لو تمرين الشيوخ اهل الفتاوي
عودوا مثلي يجرون الطويله

من عشق شرواك ولا لايهاوي
التقيد من بعض الاشياء فضيله


سعد بن جدلان

[الحمدان]

كم مفرق كل ماجيته تعديته
لاشوف خطه ولا أقراء ويش لوحاته

ياكود مفرق رقبة العطف لاجيته
يفرض علي الألتفاته والتنهاته

في حشمة اللي مصافيني وصافيته
من خلقتي ماحد سوى بي سواته
.
مايسمح البال لين أقف على بيته
وأضرم له أضرامة الزيدي على قاته


سعد بن جدلان

[الحمدان]

يا ليت من هو باله اليوم مرتاح
نومــه هنـي يرقــد و عينه قريره

مثل الطفل لا طاح في مرقده طاح
لا شــاغله هــمه و لا هـم غـيره
يا قلب لا تحــزن على فايتٍ راح
كثر الألـم والحــزن ما فيه خـيره

باب يجيب الهــم صكـه وأرتاح
خلـه بديره و أنت خـلك بديره

ماراح راح و عادة الكرب ينـزاح
أصبر عليه شــوي ويطير طيره

ترى الليالي فيهن أتراح و أفـراح
كم من عسيرة جا بعدها يسيره

محمد سعد بن بصيص

[الحمدان]

ياصباح الخير ياطلة الصبح السعيد
جل شان اللي مصورك عما يا صفون

انت نبذة معشر الانس والشي الفريـــد
ليـــش مدري بس لله في خلقه شؤون

ياصبابة ذوق الالباب واصغاي النشيـد
يالقبال السمح يالخاطر الرحب الميون

يا ملذة روعة الانس في العيش الرغيد
يا رحابة شارد الفكر في شجن الشجون

يا بريق ربما أقـــول بالماس الفريــــــد
بــل يا سحر يدفع العقل لـ حـد الجنون

ياذهب قارون ياملك هارون الرشيــــد
من لقــاه اغناه والسابقون السابقون

تدري انك ضفت للعولمه بحث(ن)جديد
علم هــــديف الانــــامط وقراء العيون

انت تبغى زبدة العلم والشي الاكيــــــد
انت في كون(ن)لحاله وخلق الله بكون

كان كل اللي فعلته من اجلك مايفيــــد
والا انا لله وانا اليه راجعون


سعد بن جدلان

[الحمدان]

ماعاد لي في الشعر عشق ومطاليب
ولاهمني منه الوصل والتجافي

لاشفت احفادي صفت لي مشاريب
وصغيرهم يركض على القلب حافي

وتكفيني اللي قطّعتني الاصاعيب
واستحملت همي ورضيت كفافي

يالله يالمطلوب ياعالم الغيب
تقبل صلاتي لك وتقبل طوافي

وتصون عرضي ياملاذي عن العيب
وتجعل بقايا العمر ستر وعوافي



الأمير بدر بن عبدالمحسن

[الحمدان]

‏تساؤلات خالد الفيصل لأخيه عبد الله الفيصل

ياقديم الغوص في بحر الهوى
وش لقيت بغبة البحر الغزير.. ؟

علم اللي جس شطه واهتوى
ما بعد جرب طويله .. والقصير!

قالوا انه من جميع أمر حوى
فيه سر وفيه شر وفيه خير

وش جمع حلوه على مره سوا
هي حلاة الحب في الكاس المرير؟

[الحمدان]

‏اضحك مع الدنيا وعدّل مزاجك
وش فايده تزعل وتجرح مشاعرك

خلك عزيز النفس طلقٍ حجاجك
مافات فات وخل همك بحاظرك

والصبر خله منهجك هو علاجك
والله على ماجاك من هم ياجرك

[الحمدان]

‏تمنعني الشيمه وبعض المشاريه
‏واصبر لون الصبر مرن مذاقه
‏
‏لو كل من يخطي علينا نجازيه
‏ضعنا بعجات الغضب والحماقه
‏
‏لكن مدام الوضع يمشي نمشيه
‏من شأن مانقطع حبال العلاقه
‏
‏

[الحمدان]

كبرنا وشبنا واصبح الحال غيرالحال
شهود الزمن فينا وحنا نزكّيها

تشيب العقول ولاتزال القلوب اطفال
تحب الفرح واقل حاجه تبكّيها

أنا لاتذكرت الذي فات دمعي سال
وش الفايده من قصتي لو نحكّيها؟

حصل ماحصل واللي حصل ماخطر ع البال
ولاينفع النفس العليله تشكّيها

[الحمدان]

‏لا بدت فتنه..إلى الفتنه الاخرى تبين
ولا انتهى شر ..إلى الشر الأخر مقتفيه

وكل ماقلنا عسى الله يزينها تزين
شفت شي ..في زمان العجايب ماتبيه

اه ياوجدي على جيلكم يالطيبين
جيل بيضان النوايا، وبيضان الوجيه

[الحمدان]

‏لولا الرجا بالله ماعاشت الناس
‏ولولا الشدايد ماظهر راعي الطيب
‏
‏جمّل حياتك بالأمل واترك الياس
‏وجنّب طريقٍ فيه عند العرب عيب
‏
‏العز للرجال في كل نوماس
‏واللوم للي مايسد المواجيب

‏وصحيح فعل المرجله يرفع الراس
‏هو مكسب اللي بالوفا له تجاريب

‏

[الحمدان]

‏رجلٍ يسرك في نهارالشدايد
‏ورجلٍ يغرك في كلامه ولو قال

‏سلم على راع الفخر والعوايد
‏اللي على الوقفات يضربْ به امثال

‏وجنب رديٍ مايجيب الفوايد
‏غير السوالف ماذكَرْ عنده أفعال

‏الطيب صعب وعند الانذال كايد
‏ولاحصًله بالناس ياكود الابطال


...

[الحمدان]

‏يوم ضاق الوقت فيني والليالي غارت
‏غاب من كنت احسب انه من خيار اصحابي
‏
‏بار فيني يوم شاف ان الليالي بارت
‏اه ليت الموت قبل يبور بي ..قفابي
‏
‏كسرة الخاطر قويه والحقيقه صارت
‏الله يقدرني امسك في لقاه اعصابي
‏
‏علموه إن شان وقته والليالي دارت
‏لايحسب اني بسوي مثل ماسوابي
‏
‏سعود الرساسمة

[الحمدان]

‏والله اني بخير وخاطري مستريح
‏ومؤمنً بـ التجارب والقضا والقدر
‏
‏ومنعزل عن مّروجة الكلام القبيح
‏ماتقصر شبر ولا تطول شبر
‏
‏أن تكلمت قالوا منت حول الصحيح
‏وإن سكت بـ وقار وثقل قالوا كبر
‏
‏جلسةً عنهم لحالي لو أني جريح
‏أبرك من اجلس بـ خيبه وحولي عشر
‏

[الحمدان]

‏الصبر زين وعزت النفس تغنيك
‏عن منة العربان قاصي وداني
‏
‏أن ماعطاك الله فلا احدً بمعطيك
‏أقنع بمقسومك ترى العمر فاني

[الحمدان]

‏الطيب غاية طيّب الساس والراس
‏ولا يذخر من الطيب مثقال ذره
‏ِ
‏واللي ما يقدر يفعل الطيب للناس
‏على الأقـل يكافي الناس شره

[الحمدان]

‏أخاف اثقل الخطوات تنساني مع الناسين
‏واخاف اجيك كلي و الضلوع أكسر خواطرها

‏تجي مثل الشعر و أجيك مثل العالم الغاوين
‏وتطربني السوالف من لسانك لو تكررها

‏شعوري لك يذكرني من الرهبه و حكي العين
‏قصيدة تنتشر بين العرب مجهول شاعرها .

[الحمدان]

كم على وجه الاراضين من ذيبٍ جويع
يجتلد ليله نهاره ولا يلقى عشاه

والكسل ماهوب يلحق للذات الربيع
والصلاه ابرك من النوم حي للصلاه

والجمايل في بنوك الجمايل ماتضيع
وراعي المعروف لاجاء يدورله لقاه

ولاتعرض صاحبك شدة الوقت السريع
اتركه للوقت والوقت يبحث لك مداه

سعد بن جدلان

[الحمدان]

قريبٌ رغم بُعدكَ عنْ عيوني
وتأخذني لأبعدِ منْ جنوني

أُحبُّكَ غايةً في الطهرِ لٰكنْ
أقدّسُ فيكَ آلاءَ المجونِ

وما إنْ أحتسي منْ فيكَ شهدي
أدوخُ أدوخُ يا تَرِفَ الشجونِ

ويا أشهى مِنْ السكراتِ طعماً
وأزكى مِنْ عطورِ الزيزفونِ

أريدكَ همسةً ضمّاً عناقاً
أريدكَ في الحقيقةِ والظنونِ

أريدكَ قُبلةً تُرضي غروري
وتغسلُ ما تكدّسَ من فتوني

فبي امرأةُ العزيز وأنتَ قلبٌ
ليوسفَ خلفَ قضبانِ السجونِ

‎

[الحمدان]

‏الخافي أعظم يازمان العجــايب
وش عاد باقي ما لفت به لياليك

عشنـا وشفنا فيك كل الغـــرايب
يكفي ترا ماعاد نقدر نجـــاريك

[الحمدان]

‏ترا ماحـدن منا سلم من كلام الناس
‏مـدام إن به مـن ينقـل الهـرج ويـرده
‏
‏وسيع البنايد يبتسم من طناخة راس
‏وضعيف الروابع تجلس بخاطره مده


‏ذائقه

[الحمدان]

سامرت وجه الحياه اللي عطتني عمر
حتى بدت تسرق القمرا وتسري بها

احرك الجمر بالملقاط و اسحب جمر
والجمره اللي بجوفي ويش اسوي بها

[الحمدان]

‏اه يا ثقل الكلام اللي ورى صدري عتابه

‏واه يا شين الطواري يوم اقلبها براسي

[الحمدان]

‏يا رب صبرك يا معين الصابرين
‏فرج عن اللي لا تضايق ما هرج
‏
‏تسوقه الدنيا وهو جرحه دفين
‏ويخفي دموعه لا تسبب له حرج

[الحمدان]

‏صَفْ النوايا واترك الهرج للناس
‏الناس محد ٍ سالم ٍ مـن احـكاها
‏
‏بعض الهروج اللّي تجي مالها ساس
‏تتعـبك لافـتّشت فـي مــحـتـواهـا
‏
‏لَـ تصير في بعض المواقيف حسّاس
‏الناس يـبـلـش مـن يـدَوّر رضـاها
‏

[الحمدان]

هذه القصيدة لرجل من
يدعى ابا القنص توفي له
اربعة ابناء وبلغ من الكبر عتيا ورزقه الله ولدا على مكبره اسماه فهد،
وكان هذا الفهد متولعا بالصيد مثل ابوه،وحدث مره ان خرج الاب للصيد
وترك فهد بالبيت ولكنه غافل امه واخذ الباروده ولحق ابوه للصيد،وفي
طريق فهد للصيد صادف طير فمد عليه وصاده، وهو في الطريق اشتد
عليه الحر فجلس على تل وفرش طير الحباري على راسه ليقيه الشمس
،ولجل الصدف والتقادير يمر ابوه من هناك ويشاهد طير الحباري،فيمد
عليه ويصيده،وما ان وصل ليأخذ الصيد حتى صعقه ما رأى فاذا هو
قد ذبح ولده وحيده دون قصد،فما كان منه الا ان حمله بين يديه وبكاه......
وفي تلك الفتره كان نمر بن عدوان قد فقد زوجته وكان يبكيها بشده،
فارسل له ابو القنص هذه القصيده.

ياراكب الملحا لها الكور شدي
قم ياوليفي واعتلي فوق هياف

تسبق نسيم الريح يومن تمدي
واسرع من اللي بالسما ريشها ارداف

ودي تزور الهند والسند ودي
وتدور الدنيا من الكاف للكاف

ودي ل ابن عدوان مكتوب ودي
ل نمر هلي للخطاطير وقاف

يانمر وين اللي بنى قصر جدي
وين الصحابه يانمر وين اهل كاف

وين السليم من النيا والتعدي
والبين ما لطم اخدوده ولا شاف

من قبل منك مرود العين صدي
والعين تذرف دمعها جواز وارداف

على جنين بأول العمر مدي
هو مهجتي يانمر من ورى القاف

صيده حباري والحر زايد بشدي
وناثر من الجنحان على الراس رفراف

كن لاحلي بالزول مثل المهدي
مشعل فتيله وناهظه بين الكتاف

علمي امغيظه ما تغالط بيدي
ثار الطلق من ثوعته والقلب خاف

يومن حظنته وهدب عينه مندي
يخبط حمر من جوة القلب نساف

شلته بيدي والتقيته بزندي
ودمعي نزل من مقلة العين رشاف

ناديت بجنح الليل على ام فهد
هيي لقدر مانشى البين باطراف

راحت ورجعتلي ومابه تحدي
وتقول عزراييل ماظن حدا عاف

الموت ما ينحاه كثر التفدي
يرميك لاونك على راس مشراف

[الحمدان]

‏اسحب على اللي ما يقدّر مقامك
‏ اللي مجيّك ما يلقي له البال
‏
‏واحرص على اللي ما يقلّ احترامك
‏ اللي يفز بشوفتك فزة اجلال
‏
‏كرامتك عطها جميع اهتمامك
‏لا تبيعها من شان منصب ولا مال
‏
‏وجودك بلياها يساوي عدامك
‏ومن دونها تراك ما انته برجال
‏

[الحمدان]

‏من لارفع نفسه عن الضعف والعيب
واحفظ عن الزلات دايم السانه

لا ينتظر تقدير لابه و اجانيب
ولا يدور ، بين ربعه ، مكانه

[الحمدان]

‏قلو رجال الموجبات الطحاطيح
اللي اليا مال الدهر مايميلون

اللي مراجلهم على هبت الريح
ياجعلهم فالمجتمع مايقلون

وكثرو مروجت الهروج السلاتيح
اللي وظايفهم يقول ويقولون

لاذرعو على صحون المفاطيح
زال الصحن قدامهم مايقومون

[الحمدان]

‏يالله ياللي بيدك الضيق وافراجه
ياخالق الخلق ياقاضي حوايجها

تفرج لعينٍ إليا غضت بسوهاجه
تجهز عليها الطواري لين تزعجها

بالصدر ضيقه ونوم العين هملاجه
عينٍ من العام والسهر أمتولجها


عبد الله بن عون

[الحمدان]

نمشي على درب التواضع والخلاق
اطياب ما جتنا في الوقت زلات

تاريخنا مكتوب في بيض الوراق
والمرجله فيها لنا اكبر سجلات

عشاق للعزه وللموت نشتاق
رغباتنا ماهي على اشياء مملات

الجيد نفخر به ومن ضاق له ضاق
والمعذره عقب البيوت المقلات

[الحمدان]

‏يازين الخوي اللي يدلك لفعل الخير
يخاف الله ويمشي على الشرع والسنه

يحثك على الصلاة ويذكرك تذكير
كثر ما هو يحبك يبي تدخل الجنه

[الحمدان]

‏ضعيف الروابع لا تحطه على يمناك
و لا تعتزي به لا بدا اللازم الحاضي

و لا تخشره بأمرك و لا يعترض دعواك
لجل ما تطيح بخصمة ٍ تبحل القاضي

توخذ الحذر واحرص على وجهك ومخباك
من العالم اللي معرفتهم على الفاضي

‎

[الحمدان]

لا تكاثر جـيّــتي .. يا نظر عيني
الله اللي جــابني لك، وعنّاني

ماشيٍ دربٍ مشوه المحــبيــني
بالــــمودة .. راجحٍ لك بمــيزاني

أحسب انّك.. مثل ما اغليك تغليني
ما دريت انّك.. عدوٍّ، وقوماني

واثر لك.. يا متلف الروح قلبـيني
قلب يبغـضـني، و قلب يتمنّاني

كم هنوفٍ عند اهـلهــا.. تمانـيني
دزّت الــــمرسول.. كلّه على شاني

تحـسـب ان الله قطـوعٍ يخـــليني
ربّي المعـــبود.. ما عاد ينسـاني

وتحسب انك يوم قفّيت..كاويني
يوم تچفي الحوض.. في وجه ظمياني

سـّيد الخفرات .. ماتوفي الديـني
خـنـتـني .. من غيـــر حق و برهـاني

الجفـا من بينـنا.. موقــفه شــيني
من فعــل خـير .. يجزى بالاحـــساني

خوفي الله لا تصــيريـن لاثــنيني
صفـّـي الــنية، و صــيري لوحــداني

يا حـبيـبي .. إسقـني ..لا تخليني
لو امــوت من الظـما محدٍ .. اسقاني






سالم الحربي

[الحمدان]

لي متانا يااتلع الجيد ونـا صابريـن
كـان للغايـة حـدود وصلنـا حدهـا

والمدور في متاهات سـر الصامتيـن
ايتحير ماعرف كرههـا مـن ودهـا

لا يغرك من يقول تالي الخافي يبين
الاوادم نصفها مايباح بسدها

كم شفوفٍ خيمت في نفوس المستحين
لين ماتت بين بني الامال وهدها

خذ عبره من كلام العوارف الاولين
كل كلمه تستحي من هدفها بدها

بن جدلان رحمه الله

[الحمدان]

‏أحب الصراحه وأكره الكذب والكذاب
وأحب الرفيق اللي على الطيب يجذبني

ولا أحب ابو وجهين ومنافق وكذاب
ضحوك قدام وجهي ولا اقفيت يكذبني

الى ضاع ضنك في رفيقٍ عزيز وخاب
هذا والله اللي يجرح القلب ويغبني

تبون الصراحة مابقى في الزمان اصحاب
بقى مصلحه والمصلحه ما تناسبني

[الحمدان]

هني الذي لا حل طاري وليفه طرب
وانا صاحبي لحل طاريه عزّربي

انا وين ابلقا واحدٍ زايره في قرب
يجيب الخبر من صاحبي ويتوجّر بي

يداوي كبودٍ من سموم المفارق جرب
كبود العرب ينقص عناها وهي تربي

ياليت المحبه يالغظي لا تعود حرب
لا منك نويت اتبور بي لا تعذر بي

كيف انساك يمالك اعموق وجمال وذرب
وهي الثلاث المغريه لذة العِرْبي



سعد بن جدلان الاكلبي

[الحمدان]

عباد مغفلها الزمان وتعجبي
يحسبون قل المال فالرجل عذروبه

وأنا قانع باللي على كاتبه ربي
ومؤمن بمقدوره وقانع بمكتوبه

ولا ابغى عمى الرأي برايه يجزي
وهو ما عرف ما جوب ربه وما جوبي

هذور المجالس راعي المدح والسبي
وهو بالخلا لوجاه بنت خذت ثوبه

ديار الوباء من طبها راح متوبي
وقرابة الجرباء على الحول مجروبه

انا عارف منصاي الا من بدأ نبي
وعارف طريقي والذي بالتجه صوبه

وانا اعرف من اعادي وانا اعرفا من احبي
وبه ناس لا تعرف ولا هيب محبوبه


سعد بن جدلان

[الحمدان]

من حل دار الناس حلوا دياره
‏لابدّ ما تسكن دياره .. ويغبَنْ

‏ومن شق ستر الناس .. شقوا ستاره !
‏ومن ضحك بالثرمان يضحك بلا سنْ

[الحمدان]

والله ان صدري معافى وخفاقي نظيف
‏لو أشوف الحزن في عين حسّادي زعلت

‏الملامح بعض الأحيان تظهرني عنيف
‏ولاّ أنا بالكلمة الطيبة .. ماقد بخلت

‏أقبل بوجهٍ يشرف ومنطوقٍ عفيف
‏ولا لقيت اللي ينقص من حضوري رحلت

‏أتعدا عن عيوب البشر كني كفيف
‏ولا تبيّن شي للعين جنبت وغفلت

[الحمدان]

يالله برزقٍ مـا حسبنا حسابه
‏ما للردي في سوقته يمنا يدْ

‏يسوقه اللي قال محكم كتابه
‏استغفروا وابواب الارزاق تمتدْ

‏استغفرك يا ذا العفو والإجابة
‏وانزهك مالك شبيهٍ ولا ند

‏يا سـايقٍ عذب المطر من سحابه
‏يا منبت الشوكة على ساقة الوردْ

[الحمدان]

لا يحزنك هاجس الفرقى وكَبت الشعور
‏وظروفنا اللي شتاها أحر من صيفها

‏أهم حاجة محبتنا وباقي الامور
‏إن زانت تزين وإن مازانت بـ كيفها

[الحمدان]

ياوليفـي دمعكـم فـي غيابـي ردّ لـي
وأدري انّ دمعتك خوفٍ عليّ ومن غلاي

أنت ممرضني وأشوف المرض فيكم وفيّ
الهبوب البارده منّك هبّت فـي حشـاي

والله انّ كبدي عليكم عراويهـا أضمـيّ
والمشارب غير هرجتك ماتقطع ضمـاي

كيف تستغرب بطاي ومجييّ يوم أجـيّ
منك اجيك أبدون رأيٍ وأروح ابدون رأي

ليلي أسهر به والا جاء النهار أشلى
شوّيمـرتٍ أشلـى ومـرٍ يعاودنـي بـلاي

وأنت سبّة كلّ شـي ولا داويـت شـيّ
كيف ياقـادر علـى داي ماتقـدر دواي

بعد مـا شتتـوّ الفكـر وأخليتـو يـديّ
كثرت أعلوم الشماميت وأفرحتو عـداي

مابعد جاني من يوم التقـو بـي والـديّ
ولابعد مرّ المحبين مـنّ حـوّاء وجـاي

لوّ خبر به حيّ يبكي على فقـدان حـيّ
كان يمدي من عرفني يشاركني عـزاي

جعل يسقى يوم كان الهوى ماغير غـيّ
فأول الرحلـه مثـل مبتـداك ومبتـداي


سعد بن جدلان

[الحمدان]

هذا الزمن لا عاد تشره على الناس
ولا تعاتب كل ما شفت زله

كثر التشره والعتب يوجع الراس
من جاز لك جز له ومن شان خله

من تابع الزلات لابد يحتاس
وتجرعه بقعا ثمانين عله

وان زاد همك وابتلا الصدر هوجاس
سج القدم وابعد عن الحي كله

واختر رفيق ٍنادر ماله اجناس
صميدعٍ من رافقه ما يمله

راع الفعول الوافيه طيب الساس
يهوى المراجل والوفا عادةٍ له

يشوم عن درب الرذاله والادناس
ويشهر على حد النجوم المطله

ولا اخذت لك مع ذرب الافعال مرواس
في خايعٍ دهم السحايب تعله

تنسى سوالف كل باير وبلاس
وينزاح عنك الهم دقه وجله

البعد زين وعزة النفس نوماس
اخير لك من ربع قلي وقله

مالك مع نقالة الهرج مجلاس
احشم جنابك عن مكان المذله

من جالس اهل القيل يبشر بالافلاس
لو كان ريس دولةٍ مستقله



خليل بن هدلان

[الحمدان]

‏نظـراتنـا دايـم علـى الـعـز قـدام
‏وصدورنا وقت المصايب رحيبه
‏
‏صغيرنا دايم على الطيب مقدام
‏وكـبيرنا وقـت الفـعايـل مصيبـه
‏
‏نقَدم على الكايد وناطا بالاقدام
‏وقـت الرخا ولا الامـور الصعيبه
‏
‏وان كشرت سود الليالي والايام
‏نسـوقـهـا واللـي تجيبـه تجيـبه
‏

[الحمدان]

‏أحب الصراحه وأكره الكذب والكذاب
وأحب الرفيق اللي على الطيب يجذبني

ولا أحب ابو وجهين ومنافق وكذاب
ضحوك قدام وجهي ولا اقفيت يكذبني

الى ضاع ضنك في رفيقٍ عزيز وخاب
هذا والله اللي يجرح القلب ويغبني

تبون الصراحة مابقى في الزمان اصحاب
بقى مصلحه والمصلحه ما تناسبني

[الحمدان]

يـامساء الخير ي يوم الخميس
‏هدِ نفسـك مـالـنا عـنك غنـاه
‏
‏انت خير أيامنا وانت الونيس
‏جعل يفداك الأحد واللي وراه

[الحمدان]

دنيا شقاها بـين مسرى و مسراح
ولحدن تشوفـه سالـم مـن غثاها

واللي مضى ماعاد يرجع ليا راح
والمقبله مـدري وش اللي وراهـا

[الحمدان]

حنا بـدو مانقبل .. الغدر والعيب
خـوينا نغليه .. حـاضـر وغـايـب

كرم شجاعة عيبنا نعشق الطيب
بصدورنا ننطح كبار .. المصايب

[الحمدان]

هذي سنه راحــت وانا خاطري شين
عسى الجديده تدمـــح اللــــي وراها

هــــــذي سنه يا علها فـــدوة السنين
سجيت فيــــها بالخـــلا مــــن شقاها

ماعاد ينفــــع للعــــذر زود تسمــــين
وصــــل النوايا مقترن مــــع خــطاها

تحب تخطــــي تعتذر زيــــن بعــدين
مــــن يقـــدر يرجـــع للاحـــداق ماها

[الحمدان]

حنا نحب الصدق ونقول الصحيح
وقلـــوبنا ما كـــل مـــن جاها قلط

مو مشكله لا صــار منطقنا صريـــح
المشكــله فـــي الناس تفهـمنا غلط

[الحمدان]

احشم بنات الناس تحشم خواتك
لا تقرب اعراض المخاليق بالشين

الدين يرجع لك ولو في بناتك
كما تدين تدان ولو هو بعد حين

[الحمدان]

ياسعود وضعي توتر ويش اسويبـه
مع صاحبٍ من ورى عشرين طلابي

من اول(ن) حولنا وتجـي مناديبـه
واليـوم لاعادلاذكـر(ن) ولا نابـي

خلي بعيد(ن) عن الشكات والريبـه
وانا مقامي رفيع(ن) عند الاجنابـي

ان جيت ابا اجيه شافوني معازيبـه
وان جيتهم ماقدرت اقول ويش ابي

عز الله انها على اللي مثلي اصعيبه
اجي معـزز وادور لازم(ن) غابـي

وسوالفه عقب فرقا الشمل والغيبه
الذ من سكر(ن) فـي در حيزابـي

فالحب من ذاق خمره من رعابيبـه
والله يكد النواصي بيض ماتابـي



سعد بن جدلان

[الحمدان]

علمو مـن ينقل الهـرج لفـلان وفـلان
لا يجيب الهرج عندي ولا يجلس معي

السوالـــف بالقفا مالها عنـــدي مكان
قبل لا احشم السانـي حاشــم مسمعي

[الحمدان]

ما اظن حد من غيبة الناس سالم
لـــو ينعــزل لازم تجــيه النميمـــه

طعن القفا في ذا الزمن صار قايم
والحـــق غايب والصراحــة جـريمه

[الحمدان]

‏ترى الوفا بقلوبنا ماله اسباب
‏فطره خلقهـا الله وصارت طبيعه
‏
‏ننشد عن الخلان ونعز الاحباب
‏واللي شرانا بالغلا مـا نبيعهه
‏
‏ذائقه

[الحمدان]

تلمّست لك عذر وتأملت بك ميعاد
من العام واقدامي على الدرب دوّاجه

اجي من هنا وانتي تروحين بي من غاد
تـِقل ما خـلق ربي مواعـيد ومـواجه

[الحمدان]

عز الله ان آخر هوى النفس الاقناع
مهما ..! يكون النصح والعذل واللّوم

لآ وهني ) بعض العرب يكبر بساع
و يـزوّد اعـلـوم (ن) و يـزداد بـعلوم

وحنّا كبرنا غير في بعض الاوضاع
( و الله ) ..! ما كـنّا كبرنا ولا يـوم



سعد بن جدلان

[الحمدان]

ياصباح الخير ياطلة الصبح السعيد
جل شان اللي مصورك عما ياصفون

انت نبذة معشر الإنس والشي الفريد
ليش مدري بس لله في خلقه شؤون

ياصبابة ذوق الألباب واصغاي النشيد
يالقبال السمح يالخاطر الرحب الميون

انت تبغى زبده العلم والشي الأكيد
انت في كون لحاله وخلق الله في كون


سعد بن جدلان

[الحمدان]

تمهل زل همومي هلا ياهلالٍ هل
هلالٍ هبلني واهله الْهوه ما هلّي

دخيلك ترى اللي خل خلّة فؤادي خل
تخلخل مع الخلوه وعطني خبر خلي

زوانا زمنا زوي زرع(ن) نزيزه زل
وزولي يـزولـه وزوله يـزولّي

لافك تلابيبٍ كما ريح روض التل
تنهت وقلبـي لـو تنهـت ينتـلّي


سعد بن جدلان

[الحمدان]

‏قامت علي هموم بقعا تحامـا
‏ياطلعة الجوزا متى طلعة سهيل

‏ماني بـ غصنٍ بالهبوب يتوامـا
‏ركـنٍ تذرا في حجاه الرياجيل

‏لكن تبكينـي دموع اليـتامـا
‏وتشاف في وجهي وسوم الغرابيل

‏بالله يامجمـول كيف نتساما
‏والحب يجبرنا على سكة الميل

‏حنا نشاما وانت شوق النشاما
‏صاحيـن لكن بالمحبـه مهابيل

‏مخضار قلبي والنفل والخزامى
‏تدهـر بهجرك وتحيـا بالمواصيل

‏ياما تمثنيـت المتاعب وياما
‏حرمت نفسي من شراب الشهاليل

‏وان كان بعد الحب مافيه لامـا
‏غير السهر والشعر مابه محاصيل

‏عزام الشعيفاني

[الحمدان]

‏يامعاتبنا على قصرة خطى رجلينا
‏فكّنا من نار شرهاتك ومن داخنها
‏
‏البساط الأحمدي مع واحدٍ يغلينا
‏خير من ناسٍ نجالسها ولانأمنها
‏
‏من ثقتنا في البشر ياكثر ما انغشّينا
‏لين صار اكثر دعانا يالله تزينها
‏

[الحمدان]

ياللي قــريت بصفحتي كــــم منشور
ماكــــل موقف فــي حياتــــي نشرته

شمال الصــدر عندي البــوح محظور
كــــم فيه مـــن موضــوع انا ماذكرته

[الحمدان]

تفاصيلك لها سمعي شغوف وخاطري حواف
أجمعها بحرصٍ من بخيل وفطنة اعرابي

عسى من لامني ينلام لا اعطيت الخلايق طاف
من اللي عقب وجهك يستحق النيل بأعجابي

ولو ما صابني منك سوى التخمين ما تنعاف
خذيت القلب مني وش علي ان راحت اعصابي

[الحمدان]

الكلام أذواق والذوق يبغى له نبيه
يدري إن ما كل كلمة مودة لايقه

مثل بيتٍ فيه قوة وبيتٍ لك عليه
مايفرّق في بعضها عديم الذايقه

[الحمدان]

رجـل ليا جيته هـروجه مفاليس
ورجــل ليا جيته ابــــد ماتمــــله

ورجل اذا شفته تعوذ مــن ابليس
ورجــل تشـــوف بوجه الخير كله

[الحمدان]

يافاطري تستاهلين الشماشيل
لا قام حصّاد الغروس يحصدها

وتستاهلين الهوبله و المواويل
و تستاهل اللي بالطياح يعمدها

احبها حب الهبال المهابيل
و أتبع رضاها و اجتهد في سعدها

وضحىٍ مثل رخم النصوب المحاميل
من قو برداها يثوّر زبدها

كنها تسمع فاالسما صوت جبريل
و الا تحقر المنغبط من حسدها

تمنع ولدها من قروم الرياجيل
من كبرياها ما يرغّى ولدها

من لاّ يحب ارزامها تالي الليل
تومي به الدنيا على طول يدها


سعد بن جدلان

[الحمدان]

‏خلك كريم الفعل والطيب والجاه
‏و اسلك طريق النعم بالطول والعرض !
‏
‏ضعيّف الوقفه يمن بـ عطاياه
‏ولا ترى الطيّب يشوف الكرم : فرض
‏
‏الغيم لا منّه عطى الارض من ماه
‏ماينتظر رد العطايا من الارض !

[الحمدان]

عيوني على سهر آخر الليل حدتني
تولع بها سهر الليالي وضريتبه

همومي عن الرقده من النوم جزتني
وقلبي هواجيسه مع الهم لعبتبه

وليّ حركت دقات قلبي تشاوتني
وغنى لها الشيطان صوتٍ تلاحتبه

على مركب الاوهام والهم شالتني
وعلى سيف بحر الياس ركّت ورسّت به

ولي صورت خلي على الطيف نبتني
ولي قمت مغير الخيال اتلفتبه

الا يا وليفي سيطرتكم تولتني
كتب حبكم في القلب وموضحٍ كتبه

اشهّد على حبك ملوكٍ على متني
ويشخط ضميري من ونينٍ تنهتبه

اراعيك بالذكرى وذكرك يقوتني
ولي غاب ذكرك ويش عاد اتقوتبه

ولامن بغيت اسج عن صورتك جتني
مع الطيف والا علمك الناس ما جتبه

عليك الضمير مهايمٍ وانتها حتمي
هبوب الشمال من المعاليق هبّت به

احيى على ذكرك وبعدك يموتني
ولا لي بغير لا معاشٍ ولا رتبه



سعد بن جدلان

[الحمدان]

الا ياوليفي سيطرتكم تولتني
كتب حبكم فالقلب وموضحٍ كتبه

أشهّد على حبك ملوكٍ على متني
ويشهد ضميري من ونين تنهتبه

انا لابغيت اسج عن صورتك جتني
مع الطيف وإلا علمك الناس ماجتب به


سعد بن جدلان

[الحمدان]

البارحة عنزت للراس كفي
ونيت من باب الشرس والحماقه

حبيت ابين من خفوقي واخفي
ملامحٍ عن الاصدقاء والرفاقه

صديقي اللي لسانه يرفي
ولي صملت مني نوى لنسراقه

احسن يقفي عن طريقي واقفي
مستغنيٍ الله والا ذي الصداقه

ورفيقي اللي ما يوقف بصفي
لا يمتكن بيني وبينه علاقه

فرقاه ربح وجيته ما تشفي
الا الذي ماله على الشي طاقه

والا بعضهم للعلوم متلفي
لي جاه علمٍ حط فوقه وساقه

كبير قلبٍ في الحياة متعفي
راسٍ خلقه الله في جسم ناقه

لا مولعٍ نارٍ ولا هو مطفي
من حيث ما يصفق به الموج ساقه


سعد بن جدلان

[الحمدان]

يا الله ياوالي على كل والي
ياخير من يدعا لكشف الجليله

المالك المعبود محصي الرمالي
الكون والدنيا ومابه فهي له

ما كان به أول وماكان تالي
ملكه يدَيّر به على مايجي له

يمضي ويقضي قادر مايبالي
والخلق ما تفعل بلا أمره فعيله

ماله شريك جل فوق متعالي
علمه أحاط بدقهتا والجليله

اشهد فلا غيره إله ِولالي
ربٍّ سواه أخشاه وأرجي لنيله

ياواحد فوق السموات عالي
من سطوته كل الخلايق ذليله

يافارج الشدة بضيق الحوالي
إفرج لعبدك يامنجي خليله

وإنظر بعينك يابا الأفراج حالي
فرد غريب والمصاغي قليله

وحيد مالي غير ظلك ظلالي
ذليل مالي غير عزك وسيله

ياراحم إرحم شيبتي وانخذالي
ياجابر أجبر عثرتي والفشيله

وألطف وناظر يالولي في سؤالي
لاتواخذن فيما مضا من فعيله

لاأخوان لاعمان لامن خوالي
ولامن صديق ٍبالورى نشتكيله

لو كان مايجلى سواء الله جالي
ما شفت عبد ٍهرجته لي جميله

تقطعت وذم العرى والمدالي
من جملة الخلان والمستخيله

وقضيت من المخلوق ماحد بقالي
إلا أنت يالي ما يخلي عميله

عادوني كل الناس شرق وشمالي
ولا بقا غيرك ذراً التجي له

شافون مذلول وحيد لحالي
ولا لي من الفزعات مومي شليله

وأنا بعون الله امتانٍ حبالي
متجود بحبال منشي المخيله

لو كان كلٍّ له صديق اموالي
اقراب واخوان وعزوة قبيله

أنا لي اللّي زابنه مايسالي
جزل العطا مبري الجسوم العليله

اليا دعوا حبانهم فز بالي
رفعت طرفي له وقمت اشتكي له

وإلى تنادوا بينهم للّنوالي
ناديت باسمك يامنجي دخيله

ومن لاذبك ماصار بالضيق تالي
يصير الاول لو اعظامه هزيله

أنا دخيلك ياعزيز الجلالي
حاشا كرم جودك يضيع عميله

بريت من غيرك بحالي ومالي
وزبنت أنا بحماك عن كل ميله

من شر خلقك لايذبك ولالي
لغيرك ملاذ شامخ ينعني له

يارب مالي غير جدواك والي
وان كان خليتن فلالي عقيله

يا عالم بالمخطية والعدالي
تشوف مالي غير عدلك وسيله

فلا تواخذني بماضي افعالي
يا ساتر العورات مضفي جميله

لو كان ذنبي راجح بالجبالي
عفوك عظيم ليس ذنبي عديله

أطلبك تقبل توبتي عن خمالي
وأطلبك عني كل كرب تزيله

وأطلبك تغفرلي وتصلح اعمالي
يا مزبن الخايف إلى باد حيله

مولاي لامنجا ولا ملتجالي
إلا انت ياللي مايذير نزيله

يافزعت المظلوم منشي الخيالي
يا فارج الشدات لو هي ثقيله

أفرج لمن بالحبس دونه رجالي
وابواب واقفال واحصون طويله

في وسط دباب غريب لحالي
أظلم ولادري وش نهاره وليله

متروك مالي من يرد المقالي
لاحد يبي قولي ولا أحد يشيله

ولا واحد غيرك عليه إتكالي
إلا انت يامنجي دريك الدبيله

مادام تنظرلي وتسمع مقالي
ماخاب عبد يدري انك وكيله

ياسامع بالليل حس النمالي
وتصويت يونس بالبحور الطويله

الماء وضرب الموج مثل الجبالي
فوقه أجيبت دعوته وتهليله

يامصرف الأيام هي واليالي
في قولته يجري القلم بتعديله

ادعوك باسماك العظام الجزالي
وابحق ماخصيت لك من فضيلة

وابحق عظمة قدرتك والجلالي
وابحق نورك والفعال الجميله

وابحق مانزلته اول وتالي
تجيرني من شر خلقك طويله

وتزيل كربات علنا ثقالي
تغطلست مالي سوا الله دليله

آمن على قلب يجتول بجتوالي
يا مسكن الروعات سكن جفيله

أسرع علينا يا قريب النوالي
لا تجعل الشده علينا طويله

يافارج الكربة بضيق الحوالي
أومر لعبدك بالفرج وتعجيله

وإجل الأمور المعضله والجلالي
عني وكل عبد مسلمٍ يندعي له

وصلاة ربي عد رمل السهالي
على نبي وضح الله دليله

صفوة قريش اللي مشى بالعدالي
نبينا المعصوم عن كل ميله




محمد العوني

[الحمدان]

يافاطري تستاهلين الشماشيل
لا قام حصّاد الغروس يحصدها

وتستاهلين الهوبله و المواويل
و تستاهل اللي بالطياح يعمدها

احبها حب الهبال المهابيل
و أتبع رضاها و اجتهد في سعدها

وضحىٍ مثل رخم النصوب المحاميل
من قو برداها يثوّر زبدها

كنها تسمع فاالسما صوت جبريل
و الا تحقر المنغبط من حسدها

تمنع ولدها من قروم الرياجيل
من كبرياها ما يرغّى ولدها

من لاّ يحب ارزامها تالي الليل
تومي به الدنيا على طول يدها


سعد بن جدلان

[الحمدان]

يستريح البال لا هبّت انسام الهبوب
‏سامحٍ من هزل بعض العباد وجِدّهم
‏
‏في رجا اللي يفرج الهمّ ويغسل القلوب
‏عن بشر ماني بمعهم ولاني ضدّهم
‏
‏فيه ناسٍ ماورى عرفهم غير الذنوب
‏ماقدرت اشري غلاهم ولا اخطب ودّهم
‏
‏خيرةٍ لي يوم راحوا مع وساع الدروب
‏ياعسى دربٍ خذاهم ماعاد يردّهم

[الحمدان]

أشوف الكواكب وأنظرك ثامن السبّع
وأشوف الثلاث البيض وأشوفك الرابع

مامثلك بعيني في بهاء الحسن متربّع
ماترفع الأرض السابعه للسماء السابع

سعد بن جدلان

[الحمدان]

ياوليفي دمعكم في غيابي رد لي
وأدري ان دمعتك خوف علي ومن غلاي

أنت ممرضني وأعرف المرض فيكم وفي
والهبوب البارده منك هبت في حشاي

والله ان كبدي عليكم عراويها أضمي
والمشارب غير هرجتك ماتقطع ضماي

كيف تستغرب بطاي ومجيي يوم اجي
منك اجيك أبدون رأي وأروح بدون رأي

ليلي أسهر به والا جاء النهار أشلى شوي
مرت أشلى ومر يعاودني بلاي

وأنت سبة كل شي ولا داويت شي

كيف ياقادر على داي ماتقدر دواي
بعد ما شتتو الفكر وأخليتو يدي

كثرت اعلوم الشماميت وأفرحتو عداي
مابعد جاني من يوم التقوا بي والدي

ولابعد مر المحبين من حواء وجاي

لو خبر به حي يبكي على فقدان حي
كان يمدي من عرفني يشاركني عزاي

جعل يسقى يوم كان الهوى ماغير غي
فأول الرحله مثل مبتداك ومبتداي



سعد بن جدلان

[الحمدان]

ياعيون اللي على المرقب تعلاّ
مايرب الا المراقيب الطوالا

طرتّك منها غثاء البال يتجلاّ
نعسٍ مابينها بيضٍ تلالا

تذهل إلّي في جواهرها تحلاّ
واهني من ذاق من ريقك زلالا

لا وجاه الله ومنّ زكّى وصلاّ
مانبيك الاّ على السنّه حلالا

مايرّد الجوع شخبٍ في المفلاّ
ولا يخضّ السعن من ذوده هجالا

أنت غالي ياوليفي لا تغلاّ
يثبت الليّ بيننا ايامٍ طوالا

واللهّ انّي ميسٍ من وصلك الاّ
فزعةٍ من ربنا جلّ وتعالا

أدخل الضولات من شان أتسلاّ
كود جرح القلب يبرى ويتشالا

والمجنّب من الأوادم مايخلاّ
لا سلم من شرّ ذولا جوه ذولا


سعد بن جدلان

[الحمدان]

‏ياصاحبي لو تسمع هروج عني
‏من ناس قالو كلمتن مالها ساس
‏
‏حاول تعاملني بما شفت مني
‏ماهو تعاملني ..بما قالو الناس
‏‌

[الحمدان]

حتى ولو جوني حبايب وخلان
حتى ولو شفته .... يدور بدلنا

والله فلاني بعاشقٍ غيره انسان
حتى و لو يقسى . . علينا زمنا

لو خانته الايام ضحى بنا وخان
قدااااام يطعنا . . زمااانه طعنا

غديت انا وياك والوقت عدوان
لحدٍ نشد عنا .... و لحدٍ رحمنا

[الحمدان]

يا بوي ماخلّيت لي شيٍ ابنيه
يا بوي درب الطيب كلّه ختمته

في سكتك تكثر علي المشاريه
وتصغر مواقيفي بفعلٍ رسمته

اتعب على ضلعٍ طويلة مراقيه
وإليا وصلت إلا أنت قبلي وسمته

اسمك رفعني عندالأجناب طاريه
ودرسك وأنا طفلٍ صغيّر فهمته

[الحمدان]

احب الكريم الي على الطيبين يجود
واحب المطر لو كان سيله مجنبني

واعرف الردي لو زاد ماله رداه يزود
فلا يعجبه طبعي .. ولاهو معجبني

نجاح الفتى سمٍ على اهل الكبود السود
يموت .. الحسود بجرعه الهم والغبني

وتجزعت من راعي الردى راعي المنقود
عدوٍ شريف .. ولا خسيسً يصاحبني


سعود الفهد

[الحمدان]

الأجواد واجـد والمراجـل لهـا كســــــاب
لكن واعد العشـرة ليـا صـرت جمالـــي

يطير الشـرار وكـل نـارٍ لهـا شبــــــاب
ومن ولع النيران يصبـر علـى الصالـي

تجارب حياتي معجـزة والدروب أصعــاب
ولقيت الرجال انـواع والـوان وأشكالـــي

صديق الشدايد ما خذا منك علـم وجاب
وسيع الصدر يضحـك ولا هـو بزعالــــي

صديـق الشدايـد لا ينافـق ولا يغتــــاب
يدلـه غريـب الـدار ويزبن الجـــــــالي

وصديق الرخى عقاب ومصادقـه عقـاب
شجاع الحكي والمـدح بالقيـل والقــــالي

وصديق الرخى ما غير صورة ولبس ثياب
يا ليتـه يبرقـع مالـه شمـاغ وعقـــــــالي

وعندي نصيحـه جـد ما قلتهـا لعــــــاب
أقول الصحيـح ونايـم القلـب يصحـــــالي

ترا خوة أهل الطيـب يالطيبيـن أطبـاب
يطيـّب السقيـم وخـوة اللاش ســـــلالي

تغانم شبابك يا أبيض الوجه دامـك شـاب
ترى البدر لو يطلع قمـر عـود أهــــلالي

فلا تهجر المسجد وخلك ورى المـــحـراب
ترى روضة المسجد لهـا منـزلٍ عـــــالي

ولا تترك اللي يزهمـك خايـفٍ مـــرتاب
ترى الذل ما نجى الثعـل با التحـــيالي

ولا للنِدى غير الفدى لو تروح إرقـــــاب
ومن ضاع شوره يأخذ الشــور ويمـــالي

ومن با شرك بالعـذر لا تلحقه بعتــــاب
ولا تشوف نفسك شيخ والنـاس عمـــالي

ولا تهين نفسك لو تجي بين ضرس وناب
وهيبتك لا تنقـص ولـو ربـع مثقـــــالي

وبنت الردي لا يعجبـك زينهـا الجـذاب
تراهـا كمـا المخيـال خيـل وتخيــــــالي

ولو شفت حمر خدودها والثمان أعـذاب
لا بدك تمنـى ليـت مـا جالـك إعيــالي

ولدها ليا شاف اللقـى والملاقــى هـاب
ذليـلٍ بخيـلٍ فيـه خفخـاف وجفـــــالي

أخذ بنت قرمٍ طيـبٍ ساسهـا مـا عــــاب
تنومسك بنت الشبـل ويجي لك أشـــبالي

أعيال الذياب تصــير مثل الذيـاب أذياب
وعـــيال الثعالـب مثلهـا زهـر الاذيالي

وفرخ الصقر مثله وفرخ الغراب غـراب
وبوم الخـراب ايقابـل العـش ويـــلالي

إلي صار راسك فوق يا طيب الأنســاب
فـلا ينحنـي لأقـدام رجليـن ونعـالـي

لكن الله اللي يكتب الـرزق يـا خطــاب
هو اللي يفك البـاب ويقـص الأقفــــالي

ولا يهمـل الا واحـدِ عايـفٍ الاشبــــــاب
ولا ضيع أحقوق البشر غيـر الأهمــــالي

وترى للقصايد كيف والكيف له شـــراب
وانا ما أشرب الا كيف راسـي بفنجــالي

ولا طاوع الجاهـل ولا جامـل النصــــاب
أقـدم يميـن الحـق واحــط معــــدالي

ولاني بو الله طيب إلا مـع مـن طـاب
ومن طاب لي برخص له الحـال والمالـي

أكذب وانا خابـر واجامـل وانـا كـذاب
سنين مضت هـي صـدق وإلا يــورالي

تلخبط جهاز المخ وانهـارت الاعصـاب
وفورت دمي وارتفـع ضغطه العــالي

لكن في رجى اللي من رجى رحمته ماخاب
هو الواحد العالي وهو ربنا الــــــــــوالي

وهو الخالق الرازق وهو المعطي الوهـاب
له الملك كله والكمايل والإكمـــــــــالي

رؤوفٍ رئيـفٍ رحمتـه تنقـذ المنصـــــاب
يغيث الديـار الممحلـه عقـب الإمحـــالي

شديد العقاب ويعتق المذنـب اللـي تـاب
عسـى مـا يوخذنـا بسيـات الاعمــــــالي

كما قاله الله فصبـروا يأولـي الألبــــاب
ترى الصبر زين وكلمـة الحـق تنقــالـي

واصلي واسلم عد مـا تنبـت الأعشـاب
وما لاح بـراقٍ سـرى يشعـل أشعــالـي

على المصطفى اللي وحد الدين والاحزاب
شفيع أمتـه يـوم الهوايـل والاهــــوالي


عبدالله بن شايق

[الحمدان]

عيوني على سهر أخر الليل حدتني
تولع بها سهر الليالي وظريت به

همومي على الرقده من النوم جزتني
وقلبي هواجيسه مع الهم لعبتبه

ولا حركت دقات قلبي تشاوتني
وغنا لها الشيطان صوت تلا حتبه

على مركب الأوهام والهم شالتني
وعلى سيف بحر الياس ركت ورستبه

ولا صورت خلي على طيف نبتني
وإلا قمت ماغير الخيال اتلفتبه

ألا يا وليفي صيطرتكم تولتني
كتب حبكم بالقلب وموضح كتبه

أشهد على حبك أملوك على متني
ويشهد ضميري من ونين تنهتبه

أراعيك من ذكرا وذكرك يوقتني
ولو غاب ذكرك ويش عاد أتقوت به

أنا لا بغيت أسج عن صورتك جتني
مع الطيف وإلا علمك الناس ماجبته

عليك الضمير أمهايم وأنتها حتني
هبوب الشمال من المعاليق هبتبه


سعد بن جدلان

[الحمدان]

يفوح لك شوقي مثل فوحت الهيل
في دلةٍ صفرة على الجمر فاحت

ويفز لك قلبي مثل فزة الخيل
لا شاف سيوف العرب فوق لاحت

[الحمدان]

احاول أوسع خاطري بين حين وحين
وامشي حياتـــي لين ربــــي يفرجـــها

اجامل على عيون العرب كل شي زين
ودون الضلوع هـــروج مانـــي بهارجها

[الحمدان]

ياشين طبعٍ عند بعض المخاليق
يظن فيك السوء قبل الحقيقة

على كلام الناس سريع تصديق
وينسى العلوم الطيّبة في دقيقة

[الحمدان]

المهره اللي تنـطلق دون تصفـيـق
في ملعب الاحساس تدبك وحدها

بين الغياب وبين لحظـات تشويق
نور القمر والشوق يطري وعدها

[الحمدان]

الصمت عن زلات الاقراب حشمه
والصمت عن زلة معاديك حقران

يعني بكل احوالك الصمت حكمه
اما يجيك بربح او منت خسران

[الحمدان]

تعوّد على صنع المروّات والجميل
وراعي ظروف الناس تظفر بودّها

ولا تنتظر منهم مقـابل ولا بـديـل
ومش شرط من عنده جمالة يردّها

ولا تلغي المعروف بالموقف الهزيل
ترى الـمَـنّ لو طال المباني يـهـدّهـا

ولا تتخذ في الدهر غير النقاء سبيل
وراقب ضميرك والزِم النفس حدّها

وخليك دوما"صاحب المعدن الأصيل
ومخزن في ايام العوافي واشدّها

وخير العطاء ماكان دايم ولو قليل
وراحة رجال الجود في راح يدّها

ومتى ماكرهت البخل لاتكره البخيل
فـهـذا مـنـافي للشريعة وضدّها

ولا تحكي الا عذب صافي وسلسبيل
فـمـا كل هـوّة قول عـفـوا" يسدّها

كما الحُب ماهو حظ من شرد الصميل
ولا حظ مـن سوى الجمايل وعدّها

وطبع التساهل يجعل السهل مستحيل
وبعض الحكاوي هزلها مثل جدها

فلا تدّعي من دون حجة ولا دليل
ولا تدخل الحاجة اذا ما انت قدّها

مع الحق سافر ألف كيلو وألف ميل
وقاوم بسيفك كل عوجاء وصدّها

ومدّ القدم نحو المعالي ولاتميل
واياك في درب الخيانة تمدها

فكم يادماء سالت وكم يادماء تسيل
وكم عين بكيت واغرق الدمع خدّها

دبور الخيانة حسبنا الله والوكيل
على كل خاين علّ كبدي وغدّها

فتبت يد الخاين وتبت يد العميل
ويلعن ابـو أم الخيانة وجـدهـا

[الحمدان]

لا شفت عينك من بعد تخطف القلب
اغمض عيوني لين يرجع القلب لي

ياللي خليتني بين هاك وخذ الطلب
الشوق ماهو بكيفي اخفف واعلّي

[الحمدان]

يمّوت الوصــّال ماعدا المشّاعر حيّه
والشوق سفــّاح في صدور المحبيّن

عنّاد خلى كلاً من الآخر ينتظر جيه
ولا حدا قدر غلا غـالي ولامال لليّن

[الحمدان]

تجور الايام وتتغيّــــــــــر الاحوال
والرجــــال تبتّان بالمواقف القويه

الذيب بـ صدره الوجع اثقــــــــال
بس الذيب ذيب ولو سمعنا عويه

[الحمدان]

‏وش ذنب من حبك وهو ما يشوفك
والقلب من طول المسافات مفجوع

اكتب على صــدري بــداية حـروفك
والقــلب دقــاته من البـعد موجــوع

[الحمدان]

ياليت قلبي مثل قلبي وانا صغير
لا جاني النوم نمت وطابت ايامي

يانوم قلي وش اللي فيك متغير
لا الوقت وقتك ولا احلام احلامي

[الحمدان]

‏ﺍﻟﺸﻌﺮ ﻣﺎﻫﻮ ﺑﺲ ﺗﺮﺗﻴﺐ ﺍﻻﺑﻴـﺎﺕ
ﻭﻻﻫﻮ ﻛـﻼﻡ ﻭﻧﻨﻄﻘﻪ ﺑﺎﻟﺴﻬـﻮﻟﻪ

ﺍﻟﺸـﻌﺮ ﻟﻪ ﻓﻲ ﺗـﺎﻟﻲ ﺍﻟﻠﻴـﻞ ﺣﺰﺍﺕ
ﺗﻠﺘـﻢ ﻓﺮﺳـﺎﻧﻪ ﻭﺗﺼـﻬﻞ ﺧـﻴـﻮﻟﻪ

[الحمدان]

ياعيوني والغلا أهديك السلام
وجعلني برمش عينك فديتك

ماغيرتني ظروف الحياة والكلام
ولا ينسيني الزمن حبك ولا نسيتك

اختبرتني في حاجة تحتاج أهتمام
وانت تستاهل القلب لو عطيتك

قد ما شفت زولك تناديني فالنام
عرفت أني في حياتك وصيتك

ياليت أختباراتك من ذوق الغرام
ولا هي تسبب لي الجرح وقفيتك

أبغاك من عمري لأخر الأيام
ولا يشغلك فكر القلق لو مالقيتك

تبقى بقلبي والعين ياوجه الوسام
اثابر لجلك ولو غدت روحي مانسيتك

[الحمدان]

أنا على طريق المفارق ومعيار الزمان
لو كنت أعاتب هاذة العتاب وهله

طريقي للّه ماهو لأي شخص كان
يرزقني ولا يمني بحاجة وأرضي بعدله

[الحمدان]

‏بينك وبين الخلق تكفيك الأخلاق
‏وبينك وبين الله صلاتك صلاتك
‏
‏الأوّلة تفتح لك آفاق وآفاق
‏والثانية معنى لـقيمة حياتك
‏
‏

[الحمدان]

‏صغر البيوت وكبيرها مالها دور
‏من ناحية طيب الرجال ورداها
‏.
‏كم بيت يا كبره من الناس مهجور
‏من قل ما تلقى كرامة لحاها
‏.
‏وكم بيت يا صغره وبالناس معمور
‏اما غداها فيه والا عشاها
‏
‏‌ لافي حمود الغيدانيâپ©

[الحمدان]

خوة عزيز الأصل تبقى كما الشيك
حتى لو انه عن ديارك تنحئ

وخوة خبيثين الطبوع الصعاليك
اقصر من مفلى الغنم فالمضحئ

واللي عشان المصالح يخاويك
اليا انتهاء منها بصحبتك ضحئ

وياللي ابليس مفشخ بين أذانيك
قلبك عليه ستار ماتنتصحئ

بالهرج تقفاني وتنفخ علابيك
هذي رجوله لعنبووو ذا الملحئ

انا ليا مني بغيت الهرج فيك
هرجت باللي فيك وأذنك تووحئ


.....

[الحمدان]

ياراكب اللي ركوبه يبرد الغلي
ايقرب البعد والنصاب ينصبه

لكن أنا بس شاريه بلزومن لي
ماني بناصب عليه ولا اتكسبه

ماله حلي بالوصايف يوم ابحلي
يعجبك وصفه وتحتار وتعجبه

يأخذ من الصقر فوق الوكر ويخلي
وإلا الفحل من هديره كل ماقبه

مافيه مسمار متراخي ومنحلي
ولا نيش بدية بشاكوش ومرزبه

آليا تمعنت بخطوطه ايخلي
صفة سنابل شعير فاخرن حبة

صناعة اللي ماعمره قال ابصلي
مازار مكة ولا عمرة طلب ربه

آليا مسكت الفرامل ما درج ملئ
يجمد على القار قبل يولع اصطبه

واليا تكفف ظلام الليل متجلي
البدر كنه سنا نار ن وراء تبه

صليت لي ركعتينن مخلصن للي
ينجي غريق البحر من حومة الغبه

دقيت سلفه لاعل الله يسهل لي
ومريت راع الوقود وقلت له عبه

رح لطرمبه وشغلها وحط اللي
ألين يرجع عليك الزود ويكبه

إلى الرياض العجيب عيار عصملي
ماني مطفئ اسويكه قبل ماطبه

قعدت أغني وشكمانه ايمولي
على مرادي تلحن صوته الدبة

لاقام يطوي الخرايم طويت الزلي
ودك ادنق على الطبلون واتحبه

أبي رفيقن على الشدات صافنلي
أكره معاديه وأعلن حب من حبه

له منزلن في ظلام الليل يندلي
ناره على العز والنوماس مشتبه

ايناطح الضيف بالترحيب ويهلي
من يوم يقبل على بيته ايرحبه

قرمن برأيه ايعقد الحبل ويحلي
يحسب حسابه ويحسب له ويحسبه

لاعل يمناه ما تنعاق وتشلي
مع طول الأيام ماتكواء على الصبة

يا منيف عن وضعي اللي قلت لك قلي
ابطيت يامنيف وأنت تقول ابتعبه

واليوم هذا شهرنا العام قد هلي
وأنا احسبنه يجئ ساعة اتطالبه

لا كن كأنك عن الموضوع
متخليالله يعافيك علمني وش السبة


.....

[الحمدان]

نسائـم ازهــار المــــودة تــناديك
تستأذنك لحظــة تـقبــل جفونك

والورد تتمايــل غصونــه ويأتيك
ويفوح عطره لجل خاطر عيونك

والشعر يتــألــق بحضـرة معاليك
والقلب يعزف بهجته من لحونك

رب الخلايق يــا مهذب يخــليـك
وفي حياتــك من بلاها يصــونك

[الحمدان]

‏‌ والله ودي ولا ادري كيف ابطلبك ودِي
‏ودِي ولا ادري كيف ياصلك ‌بوحي

‏‌ سدي فتح لك باب واعطاك سدي
‏عقد انتثر لك والجـواهر تلووحي

[الحمدان]

‏صغر البيوت وكبرها .. مالها دور
‏من ناحية طيب الرجال ورداها
‏
‏كم بيت يا كبره .. من الناس مهجور
‏من قل ما تلقى كرامة لحاها
‏
‏وكم بيت يا صغره .. وبالناس معمور
‏اما غداها فيه .. والا عشاها
‏
‏‌ لافي حمود الغيداني

[الحمدان]

لاصار طبعي يابيض الوجه ..دماح
‏لاتحسب اني ميت القلب والروح
‏
‏بعض الخطايا موجعه كنها رماح
‏وبعض الخطايا تاخذ شوي وتروح
‏

[الحمدان]

‏بينك وبين الخلق تكفيك الأخلاق
‏وبينك وبين الله صلاتك صلاتك
‏
‏الأوّلة تفتح لك آفاق وآفاق
‏والثانية معنى لـقيمة حياتك
‏
‏

[الحمدان]

انا يا ولد رجال يقنيني المعروف
رعى الاوله يسلم من يدي ولساني

ولو يخطي وكل اذن تسمع وعين تشوف
هو الطيب الاول وانا الطيب الثاني

ضعاف الروابع ما يخلون شي يطوف
وانا اجنب امن الضايعة واتعداني

صدفني من صدوف الزمان العنيد صدوف
وعنز لي الي تسمعه يوم حاكاني

فاذا قال لي كلمة تراها ثلاث حروف
ولا نزلت قدري ولا قللت شاني

عسى الوقت ينصفني واحط الجميل نصوف
ويبشر لما حده زمانه وناداني

انا الظاهر البين وانا الشاعر المعروف
وهو الجاني الي عاده يزبن الجاني

سمعناك واقطع واردك بس يا الملقوف
هو الطيب الاول وانا الطيب الثاني



عبدالله بن مجحود

[الحمدان]

ألا ياتل قلب تل من تل اليدا كلّه
تمادى يلقط المحّار في غبّات الأهوالي

يتل السّيب وأمهل له ياليت السيب ما أمهل له
على ماقيل يبغي المال وارخص عمره الغالي

تعرض له بوسط القوع جرجورٍ ضفا ظلّه
بغى عنه المراغ ولاحصل له حيل يحتالي

تشقلَب وانقلب له ولهبه لاشك فطنٍ له
اله ينظر المخلوق من سابع سماً عالي

عجب له يوم صاح وْ ثالث الجرجور عن حلّه
ونتل حبل السبق والسّيب جاب الغيص فالحالي

وْشَهق عند الطلوع وْطاح من جرجور من ذله
اخذ مقدار لايبصر ولايشعر ولايْسالي


....

[الحمدان]

انا تل قلبي تل شاصً مع المغباش
يتله عديمن باغين دار مضنونه

حذف غترته من حر نارٍ بوسط الجاش
حداه الغلا لين اوصل الجيب طبلونه

سمع له طرف علمن هو عاته شواش
ولو شاف موته دونها دونها مايردونه

من اللي على شانه نبيع العمرببلاش
لوان العرب عن نازح البعد يهونه



....

[الحمدان]

اخر لقى من بيننا شوق و هيام
‏في ذاكرة سمعي كلامه حفظته

‏قلت الوعد قال الوعد معك قدام
‏و كم وادي مظلم عشانه قطعته

‏ارسلت كم طير على ديرته حام
‏حتى بمراسيلي و فيت و رفعته

‏مشيت لين العام عدى ورى عام
‏ولا شفت قاعه ثمر ما زرعته

[الحمدان]

‏ماكنت اقصر فيك من كثر الاعجاب
‏يومك تساوي عندي الكون كله

‏كنت القريب وكلهم كانوا أغراب
‏حتى القمر لاغاب شفتك محله

‏خلاص لاترجع ترا خاطري طاب
‏الخاطر اللي كنت عايش بظله

‏رح واعتبرني واحد أذنب وتاب
‏ماني بثوب تلبسه ثم تمله

‏مايجتمع بالحب صادق وكذاب
‏رزقي على الله وانت رزقك على الله

[الحمدان]

‏ماكنت اتحرا الوجعه اللي عقب ماجات
‏تهشم لها قلب الشجاع ونفذ صبره

‏مجيك ب ليل من ليالي الشتا بالذات
‏مجي الحزين اللي كلت حاله العبره

‏مثل جية اللي يوم قالو رفيقك مات
‏درا ان اليالي توجع وتخلف الدبره

‏يحاول يسج اوقات لكن بعض لاوقات
‏الى اشتاق له مره ووقف على قبره

[الحمدان]

‏الحب يفنى لا تعرّض للاهمال
‏يقوله اللي شاااف منه الشماته

‏لقيت فيه اللي مايخطر على البال
‏وطلعت منه وقلبي اجمع شتاته

‏صدّه و هجر و ضيقه و قلّة وصال
‏و سهر و تفكير و تعب و التفااته

‏من الحبيب اللي تركني ولا زاال
‏معلّقه فـ الذاكره ذكرياته

[الحمدان]

‏المكابر بالهوى صعب تفسيره
‏بين ايه وبين كيفه ولا جاني

‏كل ما لديت عيني على غيره
‏استخرت وردني سلم جداني

‏الوفا يا اهل الوفا رغم تقصيره
‏لو ظروفي مع ظروفه تحداني

[الحمدان]

‏يا سنة مرت ويا عمر انطوى
‏ويا سنين مقبلة وش تحملين

‏عام راح بكل ما فيه وطوى
‏صفحة أيامه ولوعات السنين

‏مدري الأيام تخلينا نبقى سوى
‏يا المحبة الطاهرة أو ترحلين

‏يا ترى منهو على الفرقى نوى
‏ومن نويتي يا سنيني تسرقين

[الحمدان]

‏ماكنت اقصر فيك من كثر الاعجاب
‏يومك تساوي عندي الكون كله

‏كنت القريب وكلهم كانوا أغراب
‏حتى القمر لاغاب شفتك محله

‏خلاص لاترجع ترا خاطري طاب
‏الخاطر اللي كنت عايش بظله

‏رح واعتبرني واحد أذنب وتاب
‏ماني بثوب تلبسه ثم تمله

‏مايجتمع بالحب صادق وكذاب
‏رزقي على الله وانت رزقك على الله

[الحمدان]

‏مرات أقول الخطا مني وأنا السبه
‏ومرات أقول السبب قسوة مقاديري

‏وياعيني الي تهل الدمع وتصبه
‏على فراقٍ سرق فرحة تباشيري

‏تقول سامح زمانك والحزن خبه
‏وأقول منهو يعوضني مخاسيري

‏وشلون أسامح زماني واللي أحبه
‏خذاه غيري وأنا أولى فيه من غيري

[الحمدان]

‏هات الجروم وشب ضوّك يا بدر
‏فيني من الضيقات قومه واقعده

‏من ليـلة الـبـآرح وانا راسي سدر
‏فيـه الطواري بالحبال .. امعقده

‏فوّح لـي الشااهي والا منّه خدر
‏صـبّـه وخـل المهتني في مـرقده

‏العبـره الي خايفً منـها اتـحدر
‏قـامت تدفّ الرمش عنها وتبعده

‏ان حـوّلت محوالها ضيقة صدر
‏كـني بها معادهي .. ( بـ معوّده )

‏ادري بـها لا صار نـيّـتها .. هدر
‏كنـها تقول الدمع يبشر بسعده

‏قد رمششهاا طآيح ومحجرها كدر
‏الـي نظرها من قـبل يا مبـعده

‏ادري ان راسك يا بدر قدهو سدر
‏مـالك ومال المـبتلي .. لا تسعده‏

رح مرقدك وارتآح منـي يـابدر
‏فيني من الضيقاآت قومه واقعده

[الحمدان]

‏ماعاد في روحي مقر لشي ..
‏لاضحك حاضر .. لاحزن ماضي

‏ودعت كل حاجة .. شوي شوي
‏البال فاضي ، والحشا فاضي

‏كنت مْتغاضي .. كنت ميت حي
‏تاكلني شكوكي ، و متغاضي

‏وكان السهر ما بين ذي ، و ذي
‏ يحيي هقاويي على الفاضي ..

‏وامسيت من حسيت منت بـ لي
‏واصبحت لا زعلان لا راضي

[الحمدان]

‏يا قوّ حسراتك على مُر فرقاي
‏أنا الحظوظ النادرة والكبيرة

‏صوت العتب جارح وواضح من غْناي
‏نبرة وداعي من رضاها فقيرة

‏اغفر لي غيابي وسامح خطاياي
‏واذكر حناني كل ما جات سيرة

‏ما ظنتي بنساك وإن قلت ! حكّاي
‏أقول بنسى .. بس ما رحت ديرة

[الحمدان]

‏علمتك ان الحب دربه مغبّه
‏وعلمتك ان الشوق هذي سواياه

‏لا تتركيني للهوى مع مهبّه
‏والخاطر اللي لهفته جابت اقصاه

‏ليل انتظارك ماكسَرْه المنبّه
‏اللي عقارب ساعتي دوم تنعاه

‏قلبي على نهْر الشعور ومصبّه
‏كلْ شي منّك فـ الحياه ايتمناه

‏مثل الطفَل لاشاف شيٍ يحبّه
‏يصيح للي من حوالينه : ابغاه

[الحمدان]

انا اعْرفك من قبل لا تلبس عباه
‏من يوم كنا إصغار والدنيا بخير
‏
‏من يوم كانت بيننا حذفة حصاه
‏ومن يوم كنا نلعب بحزة عصير
‏
‏لكّن سيف الهجرْ حدد الأتجاه
‏والكل منا راح في دربٍ عسير
‏
‏ان ماجمعنا حبنا في ذا الحياه
‏ابجتمع وياك في يوم المصير

[الحمدان]

‏اشوف صورتك و دموعي تسابقني
‏و ياكثر مَ جيت أبمسحها وأخليها

‏ فارقتني و ضحكتك عيت تفارقني
‏ و الله يلعن ؟ ابوالفرقا و طاريها

[الحمدان]

مره ذكرتك .. وطاح البال
‏من ثقل ذكراك ..ماشالك

‏وانا اعرف الي مضى مازال
‏عطر متعلق على شالك

‏ياللي غيابك مداه ..اجيال
‏زالت ..ولا صار متهالك

‏جروحك الي تركت اطوال
‏طالت فوادي..ولا طالك

‏انا بدونك كلام انقال
‏لو عاده الوقت ما قالك

‏والله ما احسد كثير المال
‏انا احسد اللي على بالك

[الحمدان]

‏ومدام باقي معاي أحلاّم
‏هات سنينك على سنيني

‏حبيب العّمر والأعوام
‏مو خايف أنساك صدقني

‏خايف إذا دارت الأيّام
‏أغيب .. ولا تلاقيني

[الحمدان]

‏ليتني أعرف ظروفه وتفكيره
‏ كان وده جيّتي جيت له عاني

‏ المكابر بالهوى صعب تفسيره
‏ بين أبيه وبين كيفه ولا جاني

‏ كل ما لديت عيني على غيره
‏ إستخرت وردني سلم جداني

‏ الوفا يا اهل الوفا رغم تقصيره
‏ لو ظروفي مّع ظروفه تحداني

‏ اتصبّر كل ما ضاقت الديره
‏ وأتعزوى لابغى الضيق يقواني

[الحمدان]

‏اسمعي هالبيت من قبل تقفين
‏من قبل اقوله طالبك سامحيني

‏يابنت والصورة وسط محجر العين
‏ماتنمحي منها لو ابط عيني

وأخر طلب مادام هالحين مقفين
لامرك الطاري بخير مرني

[الحمدان]

رغم الظروف اللي تمرنا عايشين
و الوقت يمشي ما يطالع فايته ؟

ممتع شعور الصبر بكل الحالتين
يعلمك كل شي .. بيوصل غايته ؟

نتصنع الضحكه وحناا ساكتين
فالساكتين أشياء ماهي ساكته

[الحمدان]

رغم الظروف اللي تمرنا عايشين
و الوقت يمشي ما يطالع فايته

ممتع شعور الصبر بكل الحالتين
يعلمك كل شي .. بيوصل غايته

نتصنع الضحكه وحناا ساكتين
فالساكتين أشياء ماهي ساكته

[الحمدان]

‏و عن الاماني من كثر ما تخليت
‏ احس ما كانت حياتي .. حياتي

‏ابعدت عن نفسي بنفسي و ردّيت
‏صحّحت بعض أخطائي و سيّئاتي

‏كبّرت فـ مراح الاوادم و صليت
‏عنهم ما عاد انشد ولا عاد احاتي

‏ انا تغيّرت و كبرت و تعاليت
‏و اذا بغيت احب بـ احب ذاتي
‏

[الحمدان]

‏الحب مايعرف قبيله ولا دين
‏نكّس حكوماتٍ وكسّر أشدّه

‏جاووه عقّـالٍ وراحو مجانين
‏وكم واحدٍ خاضه ولاهو بقدّه

‏يقوله اللي جاحدٍ علتّه لين
‏بارت محافيره وبيح بسدّه

‏هذا كلامي وأنت بتشوف بعدين
‏والله إن تميّز بين مزحه وجدّه

[الحمدان]

‏يا خاطري لو عليك الوقت كثّر و مال
‏تذكر إن التعاسة ماضيه .. ماضيه

‏بدون الأعذار نفتح للتسامح مجال
‏ترتاح لو نظرتك بـِ الناس متغاضيه

‏من البساطه يفرحنا مسج و اتصال
‏و من العتب و الظنون قلوبنا فاضيه

‏وجيهنا مسفهله لو تشين الليال
‏صدورنا لو كلاها حزنها راضيه

[الحمدان]

أختفي عن العالم وأنام عشرين ساعه
وأتواصل مع الشعر .. والناس ناسيها

عندي هواجيس وبقلبي عالمٍ ملتاعه
وماعندي كلام واللجّه بصدري راميها

تصحصحني الدلّه وصوت عبادي وسماعّه
وتهديني السجّه عن ناسٍ ماني مدانيها

هذي أوضاعي وبالي مدري وش أوضاعه
لكن الأكيد الناس هذي ما أدانيها

[الحمدان]

‏كم تمرّ ظروف .. وتعدّي ظروف
‏ما نزعل من أقدارنا لا ابتلينا

‏تعدّي الأحلام .. وعيوننا تشوف
‏وبما كتب ربّي علينا رضينا

‏نطيب مانرجي من الطيب معروف
‏ونتجاهل أخطاء الخلايق علينا

‏واذا تجاهلنا ترى ماهو بـ خوف
‏اللي منعنا .. " تربية والدينا "

[الحمدان]

‏صوتك مدام أنا وإنت حيّين
‏لاتقطعه عني بعد ماسمعته

‏وإذا حصل شوفتك من حين لـ حين
‏تـعال وأسق بداخلي مازرعته

‏عطني وعد نبقى على الحب ماشين
‏مهما حصل درب الغلا مارجعته

‏عـشان لا منك تغيرت بعدين ؟
‏أذكرك في وعدك اللي قطعته

[الحمدان]

انا لي وليفٍ يا الجميل عجزت انساه
‏يجيني وانا فـ أحلى منامي يصحيني

‏ماغير اتخيل صورته من بعد فرقاه
‏تخفف علي لا توقف شراييني

‏عسى من يلوم القلب في واحدٍ يبغاه
‏يحطه زمانه في مكاني و يعفيني

‏عشان يعرف راعي المحبه محد يشناه
‏ويدري عن اللي داخل القلب كاويني

[الحمدان]

‏ليتك تعرف تخون واقول خني
‏عشان القى سبب واتناساك
‏
‏وليت الزمن ف محبتك م خذلني
‏وليت الهجر من طيب خاطرك ورضاك
‏
‏لو ان قربك والوصل بالتمني
‏م غبت عن عيني كثر م اتمناك
‏
‏خايف يطول البعد وتسج مني
‏وياخذ مكانك شخص مهو بيسواك
‏
‏وش عاد اسوي يومك اقفيت عني
‏لا نتبع المقفي ولا نحب فرقاك

[الحمدان]

فيني من الضيق مايخنق لي أحلامي
حدّ البكاء حسبي الله لا تضايقت

هذا شهر راح وأيامي هي أيامي
لو طحت من صدمتي / للحين مافقت

هو زين منّي تشيل أوجاعي عظامي
دامي من فعولها مبطي تعتّقت

أدوج لكنّ أحاسيسي هي أقدامي
أمشي على كيفها بالذات لـ إشتقت !

دنقت من دمعةٍ طاحت على عامي
اللي مضى لي معاه وما توفقت

الله عطاني ضميرٍ بالوفا سامي
وحظٍ يوقّف بنحري لا تعلّقت

كبرت لكن بعين الناس و آلامي
لا غيّروني ولا علّمني الوقت

وراي ذكراي والمجهول قدّامي
كنّي بعين الجرح حلم وتحقّقت

جميل وجهي وبهذلته بهندامي
أشفق على حالتي من يوم فارقت

[الحمدان]

صافي الجو مير البال ما هو بصافي
‏کن باقصاه ريحٍ عاتيه مستبده

‏فيه رجوغ وليف و فيه نخوة سنافي
‏و فيه شيٍ جديد و شي من قبل مده

‏ كل ما جيت ابارمي بعض الاشيا خلافي
‏استحي لا يقول الهم ماني بقده

‏ ما يهاب الثقال الا الرجال الضعافي
‏لا تذكرت هذي قلت مافيه صده

[الحمدان]

يالله انك تعين .. و يالله انك تكافي
‏من شمامغ خلقك و الوجيه المصده

‏ افرج اللي عليك اليوم ما هو بخافي
‏و انصر اللي لحاله و اغبر الوقت ضده

‏رغم مر الليالي و السنين العجافي
‏ياخذ الوقت حقي و اعتزي و استرده

‏ما شكيت لهروج ولا ترجغ هافي
‏ الين صار الرخا عندي عواصيف شده

[الحمدان]

كل ما طال ليلي و اشتكاني لحافي
‏ارتقص و الحق لحافي مصير المخده

‏ما خلقنا لنوم فوق دغباج دافي
‏دايم نفوسنا للكايده مستعده

‏شيّب الراس لكن ما بعد شاب قافي
‏كل يومٍ و سيف الشعر يزداد حده

‏لو غزتني همومي ما تراجع و اخافي
‏همٍ نطعن حشاه و همٍ اخر نقده

[الحمدان]

لا تزيد الحسايف يا خلف جدي
‏خالق الخلق ما ينسى مخاليقه

‏هي مثل ما تقول ايام و تعدي
‏يا كثر ما تعودنا على الضيقه

‏لو تشوف الليالي وقفت ضدي
‏لذة الحلم في جمعه و تفريقه

[الحمدان]

البارحه تحتريك النود
‏يامجسر النود للمسرى

‏عينت قلبى قليل الفود
‏مالي خبر فيه وانت ادرى

‏إليا تذكرك زاد لهود
‏وان سج في سيرتك هذرى

‏وان جيت يمي رقيت سنود
‏والساعه اللي ماهى قشرى

‏وان غبت ماكن احد موجود
‏لله ولا كن احد يطرى

‏هيّف على قلبي الملهود
‏ان مابرى منك مايبرى

[الحمدان]

ريح الصبا وأن حملت رْضاي وأتعابي
‏لا تضوي ألّا ضرورة جيّتك قصوى

‏مسايفٍ عن تصدّع غرفتي؛ بابي !
‏خايف يكون لْشقوق جْدارها عدوى

‏الله يجمّل بقاي .. ويغفر غيابي !
‏أن صار لي فالقلوب الطيّبة مثوى
‏
‏تعمُّد الوقت يطوي سيرة أحبابي؛
‏أكّد لي أنّ فيه يوم لْسيرتي تِطوى

[الحمدان]

يا دربٍ من طمأنينه مثل دعوة رضا وآمين
‏وقلب أشوف به ربعي وكل أصحابي والخوه
‏
‏جيت بوجهك الواحد ووقفاتك عن العشرين
‏وخابت ناسٍ بـ عيني ولا قد خيّبت لي هقوه
‏
‏ياعلّ يفدى تبسامك ردي القوم أبو وجهين
‏بوجه همومي بسماتك ذخيرة قلبي والعزوه

[الحمدان]

لو جهلت بكل حاجه ما أجهلك
‏بـ المحبّه ما يصحّ إلا الصحيح
‏
‏ما وصلت لـ هالرضا قبل أوصلك
‏كنت أشوف العُمر من قبلك شحيح
‏
‏لو سمح لي صوتي إني اسألك
‏بسألك ليه العُمر جنبك فسيح ؟
‏
‏كل ما هبّت ظروفي .. مِلت لك
‏وكل مرّه استند بك قبل أطيح !

[الحمدان]

ماخلقنا الله نزيد الطين بله
‏قل فرقنا عن عباد المستديره
‏
‏ولاتمرجلنا على شاهي ودله
‏ولاتهقوينا وهقوتنا قصيره
‏
‏والصراحه في بعض لاحيان عله
‏والكذوب امثال واحباله قصيره
‏
‏واحدن ماينفع اللي منه خله
‏خله ودور على رجال غيره
‏
‏من كثر ماسمجو والنعم والله
‏قمت احس ان ونعم كلمه حقيره

[الحمدان]

قالوا حبيبك يسمع الشعر قلت إيه
‏يقراه بعيوني قبل تسمعونه

‏لولاه حتى طاري الشعر مابيه
‏مير اكتبه من شان خاطر عيونه

‏هو روح شعري وامنياته وماضيه
‏جذع الشجر وش كان لولا اغصونه

‏اكتب لغيره والقصايد تجي فيه
‏كن القصايد حالفه ماتخونه

[الحمدان]

اخذي حياتي كلها وعمري الجاي
‏ومري مع كل الليالي وطوفي

‏لو اقدر افتح لك ضلوعي بيمناي
‏خليتك بعينك تشوفين جوفي

‏واقول وإحساسي يردد من اقصاي
‏هذا مكانك داخل القلب شوفي

[الحمدان]

هاك القصايد لا تضايقت، و أقرا
‏شف وش كثر فيها لضحكاتك أشتقت

‏لا تنشغل فيني .. أنا بحالي أدرى
‏قلبٍ تعلّق فيك ينسى مع الوقت

‏أشوف لك من وين ما رحت ذكرى
‏ولا شفتها .. صدّيت عنها ودنّقت

‏ما كل جرحٍ لا خذ أيام .. يبرى
‏بعض الجروح يزيد شرّه مع الوقت

[الحمدان]

مع إنك بعيد لكن بقى التذكار
‏ليا شافته عيني تتسابق مدامعها

‏دفنت الغرام بخافقي والقلوب أسرار
‏مشاعر هقت إن الليالي تضيعها

‏جحدت الغلا لين أمتلى بـ الخفوق وثار
‏قصايد عساها اليوم تطرق مسامعها

‏يقولون ما ودّعك؟ قلت الفراق وصار
‏والإنسان روحه تنسلب مايودّعها

[الحمدان]

‏يالله ياللي عليك الضيق وفراجه
‏يارازق النفـس ياعالـم مواجعها
‏
‏ارزق عبادٍ مافي يديها ولا حـاجه
‏بيـديك الارزاق تعطيها وتمنعها

[الحمدان]

يقولون جرح الحب حده سنه ويطيب
وانا اقول جرحي ينزف سنين ماطابي

وترى اللي يبكر بالذوايب طلوع الشيب
سهام الغياب اللي بها القلب منصابي



سلطان فيحان الركيبي

[الحمدان]

يقطعك دنيا مالها اول وتالي
لو اضحكت للغبن تقرع بالاجراس

المستريح اللي ما العقل خالي
ما هو بلجات الهواجيس غطاس


محمد السديري

[الحمدان]

‏عطوني علاجي لو انه عنزروت
ما هوب مـر المـر جـربت طعمه

ثنتين ورني مماتي قبل امــوت
يـوم الفراق وحـاجـةٍ عند رخمه

نجم الاسلمي

[الحمدان]

محدن بكامل والبشر كله عيوب
لا تستمع للي حكو لك حكو بك

خلك مابين الناس غالي ومحبوب
وأستر عيوب الناس تستر عيوبك

[الحمدان]

‏الصداقه مواقف والتجارب مراية
تكشف الوجه الابيض والوجيه السمر

لكن الصدمه الي حطمت كل غاية
لاغدربك صحيبك بعد عشرة عمر

[الحمدان]

صدرك على خافي سرايرك زره
لاتصير سطح كل ماجا المطر خر

ولسانك أصحاب الفتن لاتجره
في كلمه عوجا يجي ردها مر

[الحمدان]

‏إن بغيت تعيش مرتاح الضمير
الحسد والحقد لا يطـري عليك

وان بغيت العـز والمجد الكبير
طاعة الله ثم طـاعة والــديك

[الحمدان]

‏لا تشيل هـم الوقت برده و حره
‏واحذر تصير بقسمة الناس مقهور
‏
‏وحكم القدر لاجاك خيره و شره
‏اشكر عـظيم الشان و الذنب مغفور

[الحمدان]

قصيدة بعنوان: وكالة يقولون


سرى الليل والساري سرى قبل يسرون
وأنا من صلاة الصبح وانا اتحراه

اناديه بأعلى الصوت لو كان يوحون
عسى يا لعله يسمع العلم لو جاه

نبش عن كلامٍ من هكا الوقت مدفون
وجابه وجبنا اللي يعرفون دعواه

نجاسة كلامه ما يطهره صابون
لو إنه تطهر في أول الوقت واتلاه

كذوبٍ ربادي ينقل الهرج بفنون
تفنن في نقل الهرج لين إنه أعماه

له عيون بس ما تنفعه لو له عيون
وله سمع بس ما يسمعك لو ترجاه

يدودي مع اللي في الأوادم يدودون
يسب الخطايا والخطايا خطاياه

يقولون قالوا في وكالة يقولون
كلامٍ بعد ما قاله الناس قلناه

عن فلان قلنا قولة الحق موزون
وزناه بالحكمة على قدر بلواه

وأنا اقول من كثر ترى الهرج مغبون
هروجه حطب في النار بكره تغشاه

وحتيش لو اخطأ الخطأ الناس يخطون
وش اللي يبيح إنك تسبه وتشناه

ضعيف الروابع في آخر الوقت مدفون
بقبرٍ هيالٍ دون مالٍ ولا جاه

يحسبنها عدت بعد ما يقفون
وثاري كتابه كاتبه ما تخطاه

يجيك البعض من كثرة الهرج مديون
لسانه سباه وطيره عن سباياه

مثل من جمع له مال والمال مركون
على جال بيرٍ لا وردنا وطيناه

تركها وكل الناس للبير يردون
وحنا عذلنا ثم بعدها تركناه

عيون الأفاعي حول ماله يدورون
تدور الدواير في الدواير على ماه

وجوك النشامى بعدها حيل يعدون
يبونه يوقف عن بعض من سواياه

تبخرت يامالٍ به العبد مفتون
يدين الحرامي شالته شيلة الشاة

ولا كان في حرزٍ ولا كان مصيون
وروح كما روحت يا مقيط ورشاه

تجي صاحبه تلقاه بالحيل محزون
يعلمك وش جاء له على جال مركاه

ترى ذا مثل من ينقل الهرج بلحون
كلامه كثير ولا لحقنا على اقصاه

يغرك كلامه بالفصاحة وملسون
يعبر عن اللي باديٍ في محياه

وانا اشهد شهادة حق والناس يدرون
نداري بعضنا عن بعضها مداراه

نسوي لها فرجة على شان يمشون
ما دام إنها تمشي وعلومه مسواه

على شان تبقى لك محبة ويبقون
جماعة وقايدهم قوي لا عدمناه

وفي اختامها صلوا مع اللي يصلون
على الهادي اللي دلنا وإتبعناه

عدد ما يصوم الناس واللي يحجون
ومن قام للباري يحبه ويخشاه

يصلون فرضه وآخر الليل يدعون
ومن يطلب المولى على الخير مبداه

ويرقى المعالي مثل ما الناس يرقون
على سلم الأمجاد والعز مرقاه

[الحمدان]

تبدي لك الشدات ماكان خافي
اللي بها يظهر حصان الأطاليب

ياكثرهم لاصار هون وعوافي
وياقلهم لاحل وقت المواجيب

ماينطح القالات كود السنافي
اللي مطاليعه على العز والطيب

لو شانت الايام صامل اوافي
ماهو من اللي لابدا اللازم إيغيب


سعود عايد العلوي الحربي

[الحمدان]

يانفس ما باليد حيله ولا ميل
قد راحت أيام الزمان الجميلة

لاعاد تتمني ونا فاقد الحيل
بعض الأماني للأسف مستحيلة

عيشي على الحاصل في الخير والويل
لا يقهرك همي ولا ترخصي له

لا الهم فارس ممتطي صهوة الخيل
ف ابو علي رجال يسوا قبيلة

خاويت جرحي والمعاناه والليل
وأسهرت طرفي بالحروف الجزيلة

والحلم ذي كنت احلمه شله السيل
وغاب عن عيني مراحل طويلة

لا طعم للراحه وللبن والهيل
مع معانات الرجال الأصيلة

عزاز ما للهم من عزنا نيل
ومن خضع للهم يصبح قتيلة

....

[الحمدان]

لاتسأل الساكت عن اشفيه مافيه
يغـني عن السكته ملامـح عيونه

مثل الشجر لحتاج لإنسان يسقيه
ساكت ونعرف حاجته من غصونه

[الحمدان]

انا رفيقك وأبن عمك وأنا أخوك
وأنا عضيدك لو تجور اليالي

وأنا الوفا لو كل الاحباب خانوك
وأنا الوطن وأنا الديار الخوالي

[الحمدان]

ياسعـود يامشكـاي ويـش التدابيـر
لاتشتكي جـور السنيـن وشطفهـا

جـور السنيـن يحـل ويـمـر ويصـيـر
راجـع حياتك واكثـر النـاس شفهـا

النـاس لاحقهـا مـن الوقـت تاثيـيـر
وتصبر على باس السنين وصلفهـا

تـمـيـل مـيــلات المـقـاديـر وتـغـيـر
وان وصفـت بتعـذب اللـي وصفـهـا

فحرص على قرب الرجال المناعير
الـلــي دروب المـرجـلـه تحتـرفـهـا

تـلـقـى بخـوتـهـم مـعــزه وتـقـديـر
ومجـالـسٍ مادنـسـت مــن عرفـهـا

تاقف معك لو همك اكبـر مـن النيـر
وبعزمهـا حتـى الصعـاب اتعسفهـا

ولا قــدر الله ثــم رمـتـك المقـاديـر
الـرجـل منـهـم وقـفـتـه لا وقـفـهـا

تسـوا لهـا فزعـة صفـوف وطوابيـر
ماهـوب لا شـاف الصمايـل حرفهـا

يقلط على الشده كما سالـم الزيـر
وتامن به الديـره وهـو فـي طرفهـا

لامازهمتـه قـام يشتـح كمـا الطيـر
لاضــف جنـحـانـه وكـفــه عكـفـهـا

واهـل الـردى مالـك وراهـا مداويـر
جـنـب مجالسـهـا وجـنــب ولـفـهـا

لو اضحكتلك في السنين المياسير
لابـد فـي وقـت القـسـا تكتشفـهـا

تفِرح بك الشمات لـو ذنبـك اصغيـر
وتحتـار فـي اصغـر غلطـةٍ تقترفهـا

ويصير همك كبر هضبـة شمنصيـر
لـكــن جـنــب معـرفـتـهـا وعـفـهــا

لانــذال رفقتـهـا مهـونـه وتقـصـيـر
وتِكثـر عنـا نفسـك وتكِثـر حسفهـا

فالرفقـه اللـي ماتدلـك علـى خيـر
آلــلّــه يلـعـنـهـا ويـلـعــن جـدفـهــا

ولا تـــرادع جاهـلـيـن المـحـاضـيـر
ولو تعترض لك كلمة اللاش طفهـا

واحفظ السانـك لـو بلـوك المعاثيـر
الكلـمـه الـلـي دون مـيـزان خفـهـا

يـجـوز تـرمـي كـلـمـة دون تفـكـيـر
والصبـح سـودان القلـوب اتخطفهـا

واصـدر ليامـا عفـت صـدارت ابعـيـر
لاترتجيـهـا واطـلـب الله خلفـهـا

وتـرا النصيـب يصيـب مافيـه تغييـر
لــو تجـبـد امــواج البـحـر وتغرفـهـا

وعـذر الرجـال الوافيـه خلـه ايصيـر
ابـيــك تـعـذرهـا وتـقـبـل وسـفـهـا

العـذر يقـبـل لاحـصـل فـيـه تبـريـر
امـن الرجـال اللـي صريـحٍ هدفـهـا

في كـل شـي قـد تجـوز المعاذيـر
الا علـى اعـراض الرجـال وشرفهـا

اقولهـا وانــا الــذي سلـوتـي غـيـر
البعـد عـن ضيـق البـيـوت وكنفـهـا

اسـج فـي خبـت كستـه النواويـر
حيثـه ظفـر روحـي وحيثـه نصفهـا

واسواق الاسهم والذهب والدنانير
لـو سلموهـا فـي يـديّ اصطرفـهـا

ينوبهـا ملـحـاٍ مــن ابــل المناصـيـر
ارعابـهـا زهــر الفـيـاض وقطـفـهـا








الشاعر عبدالرحمن بن بديع

[الحمدان]

لوجيهنا قيمة ولصدورنا غيب
ما الله خلقنا ريشة في عجاجة

للطيب طيب وللمودة تراحيب
وللجد حد وللسماجة سماجة

ابعد عن اللي لا زعل ينكر الطيب
اللي تقلب عشرته مع مزاجه

ان راق رقاها طوال المراقيب
وان ضاق ضيقها على ادناة حاجة

ماهو صحيبن لي ولاني له صحيب
حتى لو انا كل يوم نتواجه

احرص على اللي خوته حوة الذيب
لماح دماح طليقن حجاجه

يفز لام نجت منك المناديب
ويجلي عمس عين الخوي وانزعاجه

يستر رفيقه عن كبار العذاريب
ويعرف مداخيله ويعرف خراجه

جربت في الاصحاب كل الأساليب
ولقيت معظمهم سواة الخواجه

اما لقى عندك متاع وملي جيب
ولا يبيعك بيع شاوي نعاجه

رفقة فلس ما من وراها مكاسيب
تبي لا حمية الأيام ساجه

في كل يوم كاسب له معازيب
واللي قضى من درب الاشغال ماجه

ولا حزامي في الليال المعاصيب
روس الرجال وعز راسي وتاجه

محازم مافي فشقها مكاذيب
ونار يشب الجار منها سراجه

افخر بهم ما تطلع الشمس وتغيب
واعينهم واسدهم في المواجه

ولاني على الزلة قريب محاضيب
حر على روس الطوال دراجه

اعامل العالم بحنكة وتهذيب
واشوم عن بعض الحكي واللجاجة

وان شفت عوج الاش صديت
ماني بمكلوف اعدل ميلته وانعواجه

وليا وردنا صافيات المشاريب
نشرب قراح الماء ونترك هماجه



ناصر الرزيني

[الحمدان]

هكذا الإنسان عقله والشعور
الأماني حلم والواقع مخيف

من تحلى بالثقه قالوا غرور
ومن تواضع للبشر قالوا ضعيف

[الحمدان]

كالطير فرقت الدموع بخفية
مثل المداد على القصيد فأوجعك

يا مسكني و سكينتي وسكوني
قد جف حبري في القصيد مطلعك

كيف الحديث عن العيون وعشقها
فاق الكلام بلاغة فأخضعك

عجز اللسان عن الكلام بوصفها
فالنور نور و النجوم ملمعك

كل الحروف لوصفك تترنم
ماذا فعلت لكي أنال مرجعك

فالليل أظلم في سواد عيونها
فأنارت القلب الضعيف و أخشعك

سبع عجاف بالليالي موجعة
فلرب وصل بالفؤاد أدمعك

كيف الفراق والعيون أدمعت
شوقا وحزنا فالقلب مودعك

كيف النجاة من العيون وسجنُها
قد ضمد الجرح العميق و أخضعك

يا ويلتي ليت الغرام يكفه
لكنه قتل الفؤاد مدمعك

أضغاث أيام أيا قمري أنا
فلرب وصل في الفؤاد مرجعك

[الحمدان]

يارب تفرج هم من كان مهموم
وتشفي مريضٍ يسهر الليل مانام

وتلم شمل اللي من البعد مكلوم
وتعصم جوارحنا من ذنوب وآثام

[الحمدان]

الـجـاهل احـذر لا تجـادلـه يـبلاك
في كـلـمة بين الـمخاليـق تعميك

والهرجة العوجا لو أنه تنصاك
حاول تجاهلها وخله تعديك

ولا تخيب هقوة اللي تـهقواك
مادام جاء بين المخاليق ناصيك

واحـذر تـهـزا يـافـتـى بخلق مولاك
تشوفها باقرب قريبٍ يوالـيك

ولاتفرح بزودٍ على الحق وإن جاك
زودك ترى نقصٍ على حق ذوليـك



أحمد العريفي

[الحمدان]

ياليتني ماشفت زولك ولا جيت
دربك ولا شافت عيوني عيونك

ليتي معك بالمعرفة ما تماديت
ليت الظروف وسود الأيام دونك

من قبل أشوفك ليتني عنك صديت
قبل تمكن بالضماير طعونك

الوقت ما جالي على ما تمنيت
خلن بحالي ما ترجيت عونك

يا زين من طول المشاوير مليت
يا مشغل قلب شقا فيك هونك

وين أنت أنا لك تالي الليل ناديت
حتى السهر ماله حلاة بدونك



عبدالله العليوي

[الحمدان]

‏يآ هلا ومية هلا يآ رحـب ومية رحب
الرحب تنقل رحب والهلا تـنقـل هلا

لين تاصل غاية امناك يا اغلى من نحب
ان سـلا قـلبك مـن الحــب ولّـا ! مـا ســلا

شوفتك عـندي بسـاتين واطــلـال وسحب
ووحشتك يوم ابتعد عنك يـا دافـع البلا



سعد بن جدلان

[الحمدان]

‏لاتوصي الطيّب على ماقف الطيب
‏اللي على كبار المواقف تعود

‏ولا تخاوي اللي مايعرف المواجيب
‏يمشي معك وأن صمّل العلم عود

[الحمدان]

‏مال الكسور بخاطر الوجد جابر
‏ومال الدموع بحاجر العين مرما

‏صدورنا لصكات بقعا .. مقابر
‏وافواهنا عن ذكر الاوجاع طرما

[الحمدان]

ما يمدح الرجـال بالشكـل واللـون
ابحث معه لينك تعـرف القريحـة

تراك تعرف عنه وأنتـم تهرجـون
يبين لك من كـل جـودٍ نضيحـه

المستريح اللي من الشـك مأمـون
مع كل خلـق الله علومـه مليحـة

كم واحدٍ حيٍ لـه النـاس يثنـون
وإلى توفـى قـالـوا الله يبيـحـه

وكم واحد لو هو با الألحاد مدفـون
ذكراه عند الناس بيضـا صفيحـة

وكم واحدٍ يجمع ملاييـن وخـزون
مـالٍ تنميـه اليديـن الشحيـحـة

لا تشكره رملا ولا فـك مديـون
ولا حل مشكلة النطيـح ونطيحـة

ولا له على جاره من الفضل ماعون
لو إن جيرانـه تشـوف الذبيحـة

وكم واحدٍ جيران بيتـه يحمـدون
للجـار ريـف وللجماعـة منيحـة

وكم واحدٍ منه العـوادي يخافـون
زبن المخيف اللي كثيـر فحيحـه

ربعه نهار الضيـق فيـه يتـذرون
لاجا نهـارٍ فيـه لجـه وصيحـة

وبعض الرجال بهم شريفين وعفون
كل علـى ماقـال يرجـع لكيحـه

وبعض الرجال بضحكهم يستغلـون
يجيبها مـن نـوع زلقـة بطيحـة

هذاك بين له من الهـرج مدفـون
خلـه إلا شافـك يزيـن سميحـه

الهرج لـه نقـال والـرد للشـون
مزح الجزع يثـر بكبـدك جريحـه

هذا وأنا ماني من الناس ملسـون
لا شك أرفض مـن تزايـد جميحـه

قلته وكل الناس غيـري يقولـون
راع الظليمـة لا تباطـى مطيحـه


مرشد البذال

[الحمدان]

لليل أحبك ما بقى في السما نور
وإلي ضواني الليل للصبح أحبك

واللحظة اللي كلها صد وغرور
أشوف قبري بين عينك وقلبك

في صدري اسراجٍ حزين ومكسور
رغم المطر والريح شلته افدربك

والله ما به غير لوعاتي قصور
وخوفي عليك الله ربي وربك

إلى متى ببني على صمتك جسور
لاحيرتني أسباب سلمك وحربك

العمر أحبك ما بقي فيني شعور
ومتى جفاني العمر وشلون أحبك


الأمير بدر بن عبدالمحسن

[الحمدان]

الحقوق الي على الرجْل مافيها عَفو
ما يكفّر في خطاها .. صيام ولا فِدي

لايغرّك ضحكة أهل السنون ليا صِفو
ماهي بدايم سلامات وبِساط أحمدي

والله إن اللي يعاديك ويشوفك كفو ؟
أبرك من اللي يجاملْك ويشوفك ردي


فالح الغنامي

[الحمدان]

القبور الي تجهز وحنا غافلين
والمنايا من ورانا سوات العاديات

مابنينا شي للآخره يالله تعيـن
لجل ذلك نكـره المـوت ونحب الحياة

[الحمدان]

حنـا لنا صدات في بعض الاحـوال
مانطلق الساقـيـن مـن دون داعي

الـمـجـتـمع تلقابه الوان واشكـال
لاتصـيـر في كـل الامـور اجـتماعي

رد السلام ونـاشـد الحـال بالحـال
وسـلم لـيـا مـريـت تسليم سـاعي

اذنـك لاترخيها على القيل والقال
وشوفك على الغرات خله ضباعي

[الحمدان]

والله انا في زمان (ن) مـايطمّــن
فـيـه ذيب وفـيـه داب وفـيـه حـيّه

لو تـروح لصاحبك تـبغى تـطمّن!!
قال مدري ويش عنده فـي مجيّه؟

[الحمدان]

تبسّم ترى الدنيا مثل آلة التصوير
تصورك في غفلتك وتوزع الصورة

وجوه البشر وجهين وجهٍ بشارة خير
ووجهٍ يجيب الهم شوفته وحضوره



عبدالله الطلحي

[الحمدان]

‏مع العزله اللي تكتم الصدر والانفاس
ولا الجمعه الي لا مزاجي ولا شفّي !

انا العاقل الي كل ما ضايقوه الناس
يوقف دقيقة صمت ويصد ويقفي

[الحمدان]

لا اله الا الله الواحد الفرد المعين
العظيم الخالق المقتدر جل وعلا

نطلبك ياكافل ارزاق خلقك كل حين
يالله التوفيق و العفو يارب الملا

[الحمدان]

تضحك الدنيا لهلها وتاليها الزوال
والغنا في عزة النفس والعرض النزيه

لاتغبط اهل الطمايع وعبّاد الريال
حظ من قام بصلاته وبر بوالديه

[الحمدان]

الناس شتى بالمظـاهـر والافعـال
وكلٍ يشوف الناس في عين طبعه

كم واحدٍ في ظاهره خوش رجال
وخافيـه قرد ولابسٍ ثـوب ضبعه

كذاب خايـن له دغايـل ومحتـال
صديـق هو وبليس واهداه قبعـه

وكم واحدٍ عادي ولاهو على البال
لكـنـّـه بـالأمجـاد مقــدام ربـعـه

[الحمدان]

أصحابك اللي بالسوالف سلاطين
وان حدت الحاجه ماتلقى بعضهم

حاول تصفيهم على واحد اثنين
ودور من اعيال النشاما عوضهم

[الحمدان]

يارب أنا في رجاء رحمتك لاصرت عود
في ساعةٍ ماعرف جوري من الجوهره

لامن جسمي بدا ينقص وعمري يزود
والشخص ماميزه رجال وإلا مره

وأسمع بذان الصلاه اللي ماعنها صدود
وتهوم نفسي على الممشى ولاتقدره

وأعضاي ماعاد تتحمل ركوع سجود
من دون في دون لكن يالله المغفره

[الحمدان]

ظروف الزمان المر تمشي على المقلوب
ودروب الصبر صارت طويلة ومنعاجة

صبرنا على سـود الليالي صـبر أيوب
لكـن صبـرنا عـيًا يسـوي لـنا حاجـة

بنـادم يحـاول بـس مالة عن المكتوب
وكلن حسب قسمة و حظة و منهاجة

احـد جاتـة الدنيا على غاية المطلوب
واحد مثل ماقالو ظروفه على الصاجة

[الحمدان]

من يفصل ثيابه علشان عيد الدار
لا من الشدايد بينتّ قيّف بداله

وطنا عليه من اي نسمة هبوب نغار
ولا نستلذ الا بشمسه وبظلاله

وطنا رياله عندنا اغلا من الدولار
على شان حب الصوره اللي على رياله

وطنا نشوف ارضه رياضٍ خضر وانهار
نحتنا محبتنا العظيمه على اجباله

وطنا اليا صبت على ترابه الأمطار
نخاف المطر من حبه ايجرح اطلاله

هذا اطهر بلد يستاهل الحمد والاذكار
يطهر خفوق اللي تيمم من رماله

وطنا وطنا ما دخل فيه الاستعمار
ولا وقف اللي طامعٍ به على جاله

[الحمدان]

خلك مع اللي لا قسى الوقت ما مال
مركـــاك لا مــالت عليــك الليـــالي

وإلا تــرى وقــت الـرخــا فـيه الانــذال
كــلاً يـقـول انــا الرفـيق المـــوالي


الهاب بدر

[الحمدان]

‏مانلتفت للحـذفة اللي من اخلاف
ولا ننشد اللـي شافها من حذفّها

وان جـاء يعـلّمنا بـها واحـد شـاف
نقول حـذفـة جنّبت عـن هـدفّها

نغضي عن الزلات من كل الاطياف
واصدورنا يتعب بها من وصـفّها

ونهتـم بعـلوم المطاليـق الاشـراف
والا سوالـيـف الـرخـوم انعـرفّها

[الحمدان]

‏ركعة وتـر في تالي الليل تغنيك
عن ما جمعته في حياتك من أموال

من فضلها يمكن من النار تنجيك
يوم الحساب وتصفيت كل الأعمال


جازع الرياحي

[الحمدان]

أنا لي أيام وأنا أوجس براسي صداع
والعالم الله من الخيبه وقل الوفوق

الله مشين الجميل لابذرته وضاع
والله من شين الثقة فالخاين والسروق

بعض الأوادم رداهم راضعينه رضاع
وأبوانهم قبلهم مافيهم اللي يشوق

واعرف ترا الحذفه اللي في يدين الشجاع
أنفع من البندق اللي في يدين الذروق

محمد المقحم

[الحمدان]

أبدا باسم من خضوعي له وتوحيدي
والسبحنه والتشهد والتحياتي

كرسي جلاله على عرشه مدا الميدي
في وسع سبع الاراضي والسمواتي

عسى عراه الوثق طوق على جيدي
ولا يفرّح حساسيدي وشمّاتي

إللي كتب في عبيده شقي واسعيدي
ورفع بعضهم على بعضٍ درجاتي

ويد ل منطق لساني في الأ ناشيدي
ويزيدني مع هل العرف إعتباراتي

إن ناشني من رجال العرف تأييدي
حبّيت نشرالجرايد والمجلاتي

وإذاجذ بني كلامي للمناقيدي
قبل مآسي كلامي ياجب إسكاتي

شرّد إبكار النشيد أجفل من الصيدي
ومن القنانيص قدها مستذيراتي

يقنص لهابالمحازم والبواريدي
تنصاد مرّه وتسلم عشر مراتي

الشعرصدقه على الأفعال تأكيدي
وتقبل إشهوده دون صكوك واثباتي

مجده يخلد إبيوتٍ للأجاويدي
تبقى إضويه بعد الاسلاف حياتي

وأكد بطبع العروبه والتقاليدي
من لا نفع حيٍ مايفقد إليا ماتي

ماهوب شعر المظاهر والمقاصيدي
ياصاحبي رش خبزك من لبن شاتي

الحر ياقع مع الحقب المجاليدي
و يقول طيري وراي وسويّ سواتي

قريحتي ميلت شعري وتمجيدي
لمعانق الشرد في روس المنيفاتي

حذرات الاشعارفي روضه مقاييدي
إلشرد اللي مطاردهن عسيراتي

إلقلّط إلمترفات إلعنس الغيدي
إللي عدمهن على إلشعارحسراتي

شيخٍ قصيده قداوه للقواصيدي
وشخصه قداوه واساليبه قداواتي

إمخلدٍ في سنام المجد تخليدي
أرسى من إطويق وجبال السراواتي

ياحق الإنصاف لطّام الأضاديدي
يالهيلع إللي تطيع له الصعيباتي

ياسيدي خالد الفيصل ولد سيدي
ياسيدي سيد قومي وسيد ساداتي

كل الشكاوي على مجدك مسانيدي
إلليا حداه من الايام صكّاتي

يامحقق أهداف شرهين المقاصيدي
في جانبك تكبر إشروهي وهقواتي

عزمي يحط الثريا والقمر في يدي
واسعى وعجزت جهودي عن طموحاتي

أرهي على جمع زرع ٍ حصده بعيدي
ولا أتحسف على الفايت إليافاتي

عسى السعاده تجدد معك تجديدي
وعطال سيري إمهندسه أنت بالذاتي

ياسيدي خالد الفيصل ولد سيدي
أهديك ياخالد الفيصل تحياتي



سعد بن جدلان

[الحمدان]

يامجمول مابه واحدٍ ماعليه هموم
اللّي جاك من فوح الدهر لحقنا غلْوه

انا والله اني خابرٍ من وراك علوم
ولذات الهوى يازين فالمبتدى حلوه

تسلا وانا قلبي من التسليه مفطوم
ولي مدةٍ وانا اتغصب على السلوه


سعد بن جدلان

[الحمدان]

اكبر فخر للناس انك من الناس
واكبر فخر للارض ممشاك فيها

بي من غلاك احساس ما يحده قياس
اغلى من الدنيا ومنهو عليها

اسمك مع الانفاس به نرفع الراس
نفس بكل نفوسنا نفتديها

انت بشر او انت فرد من الاجناس
يا شمسة شدت الكواكب اليها

وتبهر من يشوفك ولك قلب حساس
منك السعادة للقلوب تعطيها

يا طيب منهو بطيب يشرب بلا كاس
يا مبتدت الدنيا ويا مبتديها

اغلى من الالماس واقطع من الالماس
نظراتك ما حد يوم يعصيها

كل القلوب جنود حولك وحراس
تبدلك باحلى المشاعر ايديها


محمد بن راشد

[الحمدان]

تهيج المشاعر في غرام العيون السود
وأجر القوافي في عيونك و أغنيها

يا مسك المحبه والتلاقي و ريح العود
فدتك المعاني و القصايد وقاريها

أنا من كثر ما أشتاق لك يا نعيم العود
أسابق طيوفك في خيالي و أناديها

[الحمدان]

اُمك ما غير اُمك وطن يابن الاجواد
فرصة حياتك ( بــرها ) واُغـتنمها

في حضنها رحمه و قصه و ميلاد
و يكفيك بالجنه مـواطي قدمها

[الحمدان]

سلم على المحترم واسلوبه الراقي
وجنب عن اللي علومه ما يثمنها

أعامل الناس باسلوبي وباخلاقي
والناس باسلوبها تعرف معادنها

[الحمدان]

والله لو تملك من المال مليار
وانته قليل الدين مالك سعاده

أن كـان تبغالك معزه ومقدار
خـل أجتهادك في كثر العباده

[الحمدان]

أمر مراً مـر فـي دنيتـي لـي
وأمر مرٍ مـر لـي فـي حياتـي

لاجاني العانـي وانـا مامعـي شـي
ودي تجينـي قبـل ياتـي وفاتـي

ان اعتذرته ظن ظن الرداء بـي
وانا الرداء ماهو صفة من صفاتـي

أضحك واهليبه وانـا منكـوي كـي
من خوفي التقصيـر فـي واجباتـي

ومن لا أشتهر بالطيب صيته وهو حي
ماطالع له صيـت عقـب المماتـي


منصور الرمالي

[الحمدان]

خلٍ صناديق صَدري منه مختلّه
بطّل علـي الهـوى مع كل بيبانه

لين احترق زرع قلبي وانصرم كُله
والقلب وش خانته لا راح بستَـانه

قلبٍ شعاه الغرام وصـادفه علـه
ماله علاجٍ يلين يشوف خلانـه

[الحمدان]

أنا والله المجنون والناس ما يدرون
و حي المجنن تنتداوا . . . ولا جني

تجننت من خمرة لسانٍ وسحر عيون
ولا لي جدا غير أرفع الصوت وأغني

ولاصدت منها الا اربعٍ تبحث المكنون
يا وجدي ، وياليته ، ويمكن ، ولو أني ؟

سعد ابن جدلان

[الحمدان]

أبو علي قال.. لا انته لي ولانا لك
يامن نسيت الوفاء والطيب والمعروف

لا خير في غيبتك عني ولا إقبالك
يكفي مظاهر قد اللي داخلك مكشوف

تهرج ب الاقوال لكن ويني أفعالك
ياذي تشدقته إنك بالكرم موصوف

ماكنت أظن الجفاء يأتي من أمثالك
خذلتني يوم شفته معصمي مكتوف

لو انت مقدام كان الصحبه أبقاء لك
باتسندك يوم ظهرك للوراء مدهوف

أما من أطماع بقعاء ياتعب حالك
درب الطمع ياصديقي بالخطر محفوف

والله لا فقرنا دايم ولا أموالك
ولا على العيش في دنيا النكد مأسوف

راسي يقل لي شموخ العز يهنا لك
وذي بلا عز راسه للقدم معطوف

[الحمدان]

‏ما فيه ناسٍ من الاوجاع مرتاحه
‏والصبر في مثلها من ربنا منحه
‏
‏لولا التعب مـا عرفنا قيمة الراحه
‏ولولا المرض ما عرفنا قيمة الصحه

[الحمدان]

في هواها راح عمري و لا ألحقته حسوف
مستحيل اعدد اللي فعلتْ من اولا

دايم المنّه الى جات من عقب امعروف
لا غدا مكسب جمالة ولا دفعة بلا

القلوب تشوف و أنا احسب انها ماتشوف
والعيون تمييييل وتحب قدام الملا

اطهر مْن المحرم اللي على الكعبه يطوف
و اصدق مْن الموت و اذير من ريوم الفلا

لو تمارس كبرياها على بعض الحروف
‏كل حرفٍ ماتقوله مجنبه الحلا

‏قالت انت اللي يجمل لاجا بين الصفوف
‏قلت انا اللي ماتشالا ولا حوله شلا

شاهرٍ سيف الهلالي على حدب السيوف
‏من كفله الله جعل له من الناس كفلا

تبشر بوقفة شجاع ما يربكه الوقوف
بين تأنيب الضمير ومشاريه زملا

[الحمدان]

دون وجهك ماحسبت حساب غالي
‏والعسيره لانصت مثلك بسيطه

‏ياحزامي لاعبس وجه الليالي
‏واستفاق الهم والدنيا شطيطه

‏والله إنّي مالتفت في ضيق بالي
‏لاذكرت إنك على وَجه البسيطه

[الحمدان]

‏يقولون من لاخاف درب الخطايا زل
‏وتمام العقل من خاف من وجه خلاّقه
‏َ
‏تذكر رقابة خالق الكون .. عز وجل
‏وتذكر عطاه وستره وفايض آرزاقه
‏َ
‏وتذكر وقوفك يوم تاقف ماعندك حل
‏في يومٍ يشيب الراس من شدة آرهاقه
‏

[الحمدان]

اشتقت لعيونك وزايد بي الشوق
‏نظراتك اللي تشلع القلب والروح

‏فارق بزين الوصف عن كل مخلوق
‏شعر الغزل لجلك نجيبه مع البوحًً

[الحمدان]

بعض البشر مثل العسل والجواهر
مهما وصفته بالطيب ماله أوصاف ..

وبعض البشر طيبه على الناس ظاهر
ما يختفي مثل القمر دووم ينشاف

[الحمدان]

على الهون ياسود الليالي تراني ماش
ونفسي من ظروف الزمن باح خافيها

عيوني على حظي وحظي طريح فراش
والامال والله مندرى ويش تاليها

[الحمدان]

السنين معجزه والعرب متغيرين
والديار من الاجاويد شبه الخاليه

عزتي للي يـدور سلوم...الأوليين
العرب جاها بلا فـ السنين التاليه

[الحمدان]

‏اثر الشـدايـد تكـشـف الناس للناس
ويبيـن فيها اهـل الحكي والصمايل

كم واحدٍ وقـت الرخا تحسبـه راس
ولا هبّـتـه هـــوج العــواصف تمايل

[الحمدان]

لـيـتـك تفاجئني بصــوت اتصــالك
عشان اسج من التعب والتعب غير

على الاقل : لو قلت وشلون حالك
آقول طيّب حتــى لو ماني بخير

[الحمدان]

فيها تمرد وعنفوان وقووووه
وشموخ نظراتها يعانق الغيم

ياعاشقين الخيل شوفوا علوه
سبحان ربي خالق الخيل والريم

فيها أختلاط من صفات المرووه
وفيها جمال العين والشكل تصميم

[الحمدان]

‏من لا يحس بقيمتك وانت موجود
ماهو بناشد عنك لا صرت غايب .

حاول تفرق بيض الأيام والسود
ياقلب ماكل الحبايب .. حبايب

اللي يبيك يجيك لو دونك قيود
يكسر على شانك خشوم الصعايب

واللي يبي فرقاك لو دربك .. ورود !
ما جاك لو إنك من أدني القرايب

[الحمدان]

انتي قوافي الشعر وسجعي ونثري
وانتي لقلبي نبض ولجسمي الروح

أنتي زهور فلي ومسكي وعطري
همسات فمك تجعل الصدر مشروح

شيدت* لك مسكن.. سقفته بصدري
وأقفلت عليك قلبي الذي كان مفتوح

[الحمدان]

‏مثل الوسم طلة حروفك ومبداك
‏يـروي عرووقٍ يابســه لاغمرهــا


‏عنيـت لك قـافي على حدّ يمناك
‏وارخيت لك هدب العيون ونظرها