فوق هام السحب ( الشعر الشعبي) على متن القوافي

[الحمدان]

لاعاد تنشد عـن علاقات الاصحاب
‏ماتوا ولا باقي سوى أهل المصالح

‏اذا بغـوا حاجاتهم صاروا أحباب
‏وإذا قضت حاجاتهم ما انت صالح

....

[الحمدان]

‏تبختري بين التواضع والغرور
وأخذي من أبيات الغزل ماتشتهين

ومري على قصايديومثل البخور
لين اتنفس شعر مهوب اكسجين

الحب إذا ماكان لك ماهو شعور
والشعر إذا ماكان لك ماهوب زين

وكل الكلام اللي على بالي يدور
يضيع في ضحكة وفي غمازتين

....

[الحمدان]

‏اللي ماهو قاسمه ربي لا يمكن يصير
‏الله كفيل العباد وكافل ارزاقها

‏نفسك لا تُسجن وتصبح لـ الاماني أسير
‏واذا اغربت دنيتك ابحث عن اشراقها

‏مدام نبض الكرامه في ضلوعك حصير
‏اصبر وتاقف لك الدنيا على ساقها

....

[الحمدان]

يرحـم الله والدينك أنـت وينك
استلذوا فـي طعونـي كـل أبوهم

كانوا يغارون من عشقي لعينك
وضايقوني عقب عينك لعنبوهم

....

[الحمدان]

‏هنوفٍ عيوفٍ من تولع بها مسموح
كساها الحلا من الراس لاحد مقدمها

غنوجٍ عنوجٍ بهرجها للعرب سحوح
فتونٍ يضيع كلمته من يكلمها

بها من مهاة الريم غره وفيها لموح
تذوب القلوب بنارها ماتقاومها

....

[الحمدان]

لالقيت المعترض في الحلوق وفي الدروب
ان تعديته قدا وإن توطيته قدا

مايفكك من عفون البشر حسن السلوب
الردى حزات ماله علاج الا الردى

....

[الحمدان]

راسي وراه من المشاريه قافي
‏وقلبي تصبّح بالهموم وتبيّت

‏لا عاد تنشد وين مرواس قافي
‏انا دفنت السر في قبر ميّت

‏والنيّه اللي تتضح لك عوافي
‏بس البلا فـ النيه اللي تبيّت

‏نفسي تمشّيني على الشوك حافي
‏كم مرةٍ حاولت فيها وعيّت

‏فـ لا قدرت ارمي الحسايف خلافي
‏ولا اغتنمت الفرصه اللي تهيّت

....

[الحمدان]

يا ابن آدم من بغى شيٍ وصل له
‏بالعمل والجهد ماهو بالتمني

‏تحسب ان دنياي دايم مسفهله
‏وتحسب اني مستريح وتحسب اني

‏والفضل للي مظللنا بظله
‏يقدر الواحد من الضيقه يغني

‏فكّر بـ مستقبلك دقه وجله
‏وانتبه له واصرف التفكير عني

‏ما انت حاسدني على ما اعطاني الله
‏لو عرفت اللي خذاه الله مني

بقلمي

[الحمدان]

صامت على الدنيا مثل صمت القبور
‏ و واقف لها مثل وقوف المأذنه

‏احب كل الصادقين بلا شعور
‏الا الشعور اللي احبه ادفنه

‏انا معي قلب قديم و مايبور
‏والناس مدري وش بلاها تحزنه

‏نصيبه من الحب نصيب الطيور
‏اللي تهاجر من سنه الى سنه

....

[الحمدان]

ترى الأماني في نفوس الشقيين
‏مثل الأوادم يوم تولد وتقبر

‏الموت ماهو رجعة الطين للطين
‏الموت لا من قيل للصابر أصبر

‏وليا إنحنت لله روس المصلين
‏ ماعاد للأصوات غير الله أكبر

‏لا أقبل زمانك صارو الناس زينين
‏ لكن تعال ودوّر الناس لا أدبر

ذائقة

[الحمدان]

يالله ياللي بأمرك الرزق مقسوم
‏منك العفو ومنك الرجا والثباتي

‏إنك تشيل الهم عن كل مهموم
‏وإنك تزين ما بقى من حياتي

....

[الحمدان]

مديت لك يمنى تحب المواجيب
‏وخليتك اللي في زماني مبدا

‏واعطيتني درسٍ حفظته ترا غيب
‏درسٍ لا مر الذاكره ماتعدى

‏اثر الردي مهما تسوي له الطيب
‏يرجع لساسه بالردى ويتردى

....

[الحمدان]

الساكت الممتلي بـ الياس
‏يبكي على الغدّ من أمسه

‏دايم قليل الخطا فـ الناس
‏أكثر خطاياه في نفسه

أيمن الرويلي

[الحمدان]

خبروه إني على وصله حييت
و إن تفارقنا ترى موتي دنا

لي حبيب يوم روّح ما سليت
يعلم الله تو ما ذقت العنا

عبرتي هليتها حزن وبكيت
يا ردى عمر الحسوفه ما جنا

ذقت من دنيا حبيبي وما إرتويت
جنة الدنيا حبيبي والمنا

عشت بأحلام الهوى ليـل وبنيت
كل أمالي تداركها الفنا

في حياتي ما ذكــرت إني شكيت
في هوانا ضحكت الدنيا لنا

لا حياة ً عقب محبوبي رأيت
والممات أرحم ولا فرقا السنا

هو سنا شمسي وغيره ماهقيت
يفرح بوصلي ولو موته دنا

....

[الحمدان]

يالقهوجي شايك ولو جونا حر
‏كيفٍ يعدل راس منهو يعاني

‏عجل لي وعند الله النفع والضر
‏ومافيه حميه كان مالله حماني

‏جب لي من الحالى ولاتجيب لى مر
‏في المر ماقصر لك الله زماني

....

[الحمدان]

كل ما وطيت راسك توطوك الرجال
‏الرجال اللي عليهم تنص اللايحه

‏ياكريم الوجه ترزقني الرزق الحلال
‏لاتطيح حظي مع الحظوظ الطايحه

‏القناعة والكرامة غناة وراس مال
‏من ملكها مانشد وين بقعا رايحه

....

[الحمدان]

المــرجلة ماهـــي بعلـم وشهـادة
والعلم يابن الناس له فضل معلوم

المرجلــة لو صـــرت راعـــي ارادة
والله عطـــاك ايمان واخلاق وعزوم

والصـــدق والهمــة مـلاك القيـادة
ان ما وصلت اليـــوم توصل بها يوم

للنـــاس في كل المجــالات عـــادة
واحــد جزاه الطيب واخــر له القوم

واحــد يهــدم في المـواقف عنــاده
وواحد عنـاده يجعل القــاعد يقــوم

دنيـــاك يابــن ادم عــزوم وركـــادة
ولا تقضيهــا ســواليـــف وهمـــوم

....

[الحمدان]

‏كم لي وانا ادوّر على قارب نجاه
تقول في صدري من الضيقه حجر

ولا لقيت الراحة ألا فـ الصلاه
والركعتين اللي قبل فرض الفجر

....

[الحمدان]

والهوى معروف شيٍ لا إرادي
‏والنتيجه مؤسفه ما احدٍ حمدها

‏يتسرب مع حلاه من المبادي
‏سم حيّه والفراق أَمَر وادهى

‏لو صبر راع الهوى صبر المهادي
‏الجروح تبين لو انه جحدها

....

[الحمدان]

‏لا تنشدوني عن علومي والعلوم
‏ماهيب تفرح لا رفيّق ولا عدو
‏
‏من كثر مايقلط على صدري هموم
‏راسي ثلاث ايام ما ذاق الهدوّ
‏
‏في داخله من زحمة الافكار كوم
‏متشابكه تشابك خيوط السدو
‏
‏يا حظ تكفى قم وقومني واقوم
‏صبري نفذ واحلامي قريّب بدو

....

[الحمدان]

‏مع العزله احس بقناعة رضى وشعور
‏لو اني من الايام فيني وما فيني

‏وادور على كسَب الجمايل بدون قصور
‏ولا اعطيت ما ادور من الناس تعطيني

‏واسامح واعذر الناس لو مَاني بمعذور
‏وعسى الله عن الناس وعطا الناس يغنيني

‏عسى راسي بطيب الوفا والنبا مذكور
‏وعسَاها على الماجوب ما تقصر يديني

....

[الحمدان]

‏الصبر زين وعزت النفس تغنيك
‏عن منة العربان قاصي وداني
‏
‏أن ماعطاك الله فلا احدً بمعطيك
‏أقنع بمقسومك ترى العمر فاني

....

[الحمدان]

‏لاتامن جميع اصحابك الله يبارك فيك
‏من اسباب فقـدان الامن يـوم تامنها

‏ترى احيان يطلع راعي اقدرك واغليك
‏هـو اشر عدوانك على الارض والعنها

‏ورفـيق ٍمهوب يناصحك كنه معاديك
‏لو تعيش معه افضل لياليك واحسنها

‏مامثل الرفيق اللي مثل لمبة التشييك
‏لياشاف عندك مشكله حـذرك منها

‏
سليمان النصيف

[الحمدان]

‏يالله عسى فالامر خيره ومقسوم
‏عن ماتعاف النفس واللي تحبه

‏ارزاقنا تاتي على غير معلوم
‏العبد يسعى والعطا عند ربه

....

[الحمدان]

‏دام راسي بخير ونجدتي من ذراعي
‏شرهتي بالضمير وصدتي عن قناعه

‏من يخوض المعارك لازم يكون واعي
‏الهزيمه سريعه والنصر صبر ساعه

‏والخزى والله اني عنه طاوٍ شراعي
‏ودي اني بسوقه ماتجي لي بضاعه

‏ماحتمل شرهة الطيب حميد المساعي
‏لاسمع مني اللي مايسره سماعه

‏
خالد ماطر

[الحمدان]

‏لا بد من عقب المطاريش معــواد
‏ولا بد من عقب المواجع عوافـي
‏
‏ولا بد من عقب السهر لذة رقــاد
‏ولا بدمن عقب الكدر جو صافي
‏

....

[الحمدان]

‏كل ما شانت وجيه الناس وسّع صدرك
‏لا تحسب إن في يدين الناس نار وجنّه

‏القريّب لا تكدّر خاطره وإستدرك
‏سامحه وإن جيته بزلّه تسامح منه

‏ولا تعلّق خافقك باللي ما يحفظ قدرك
‏كثر ما تقدر توخّر عنْه وخّر عنّه

....

[الحمدان]

‏النعم مايطلق على كل رجال
‏ولا كل من يبغى المديحه وجدها

‏ولا كل رجلن للثقيلات شيال
‏ولا كل من يزرع زروعن حصدها

‏النعم للي لـ الصعيبات حلّال
‏ولا شانت القالات حلل عقدها

‏لا جا مجال الطيب يضربه امثال
‏على اسمه الخفره تسمي ولدها

‏ماهوب ملقوفن على الربع شيّال
‏معطيه ربه نعمةٍ ما حمدها

....

[الحمدان]

‏ما يجحد حقوق الرياجيل رجال
‏ولا يحقر سلوم الصداقه سنافي

‏لا خابت الهقوات في بعض الاشكال
‏ماخابت الهقوات في كل وافي

....

[الحمدان]

‏ماتكنّ القلوب وماتشيل المخابي
‏بوحها يلحق الرجّال شكه وريبه
‏
‏بين هرجة عذول وبين شخصً حكابي
‏العرب صدقوا وانا دفعت الضريبه

‏لو نواياي تستر ما انكشف من ثيابي
‏المجامل ب من لايستحقه مصيبه

‏
محمد مريبد

[الحمدان]

‏جعلنا في حاجة الي نخانا قادرين
‏إن ذكر معروفنا وإن جحد معروفنا

‏نجتهد وندور الطيب لأنا طيبين
‏ماهو بوالله عشان الرجال تشوفنا

‏
خالد ماطر

[الحمدان]

‏اليتم يتم الأدب والموت موت الضمير
‏ والحب حب المعالي ... باختلافاتها
‏،
‏والجرح جرح المشاعر من لسان الحقير
‏والصوم صوم الجوارح عن شهواتها
‏،
‏والبخل بخل الغني والجود جود الفقير
‏والبعد بعد النظر ماهي مسافاتها
‏
‏
راجح المغيري

[الحمدان]

‏اليتم يتم الأدب والموت موت الضمير
‏ والحب حب المعالي باختلافاتها
‏
‏والجرح جرح المشاعر من لسان الحقير
‏والصوم صوم الجوارح عن شهواتها
‏
‏والبخل بخل الغني والجود جود الفقير
‏والبعد بعد النظر ماهي مسافاتها
‏
‏راجح المغيري

[الحمدان]

‏بعض البشر يعجبك حتى آحترآمه
وتحب فيه آجمل صفآته و ترتآح

آن غآب تشفق في لقآه وسلآمه
واليا حضر همك من القلب انزاح

....

[الحمدان]

‏ترحب بغيري وانا واقفه هناك
‏امسح بقايا الدمع بأطراف كمي

‏يعني نسيت ايامنا والغلا ذاك
‏يعني رضيت الجرح ياكبر همي

‏وشلون بقوى غيبتك واتناساك
‏ياحرقه اعصابي وياحرق دمي

بعد الفراق انا يا وين بلقاك
لا انت بولد خالي ولا ولد عمي

....

[الحمدان]

ما باقي معاي أعصاب يا بالي المشدود
أنا بس مره ودي أحس بك داله

مايلحق غيابي لا ملامه ولا منقود
إذا فـ الحضور القلب بـ إحساسه لحاله

بقت عزلتي غايه لو أن العمر معدود
أهديّه يوم أكتب من الشعر وأقرا له

حبيبة سنيني لو أباعد أنا موجود
أنا وحشتك والليل والباب وأقفاله

لا طوّلت بغيابي، مردي معك موعود
نسيم الصبا حملتّه لـ قلبك رساله

حبيبك مسافاته حنينه لا زاد يعود
فؤاده يشوفك أم وعيونك عياله

....

[الحمدان]

مدري ملى صدري البارح حنين وهيام
ولا برى قلبي المهوم طول البطا

تخاصموا عقلي وقلبي أشد الخصام
ضميري الحي بكى جرحي اللي سطا

ياحظ من ينجرح جرحٍ يقص العظام
الموت جرحٍ عليه الروح ستر وغطا

تغانم أيام عمرك والهمام الهمام
قبل يروح العمر منك مراح القطا

مجاهد النفس خصلة من خصال الكرام
ومن يذكر الطيب ماهو ضاريٍ بالعطا

ومن يتبع النفس لو زكى وصلى وصام
يابعده من الصواب وقربه من الخطا

....

[الحمدان]

انت مزهدني من الناس مافيها جديد
‏وناس واجد من يدي قد قطعت آمالها

‏ماخذٍ قلبي وقلبي من النوع الفريد
‏وودي اصارحك بعلومه اللي قالها

‏كل بنتٍ قابليه ومنسبها جويد
‏ودها تفخر بك وفي حماك لحالها

‏خل عاد اللي ثنتها على حبل الوريد
‏وخلت شماغك يسلم على سلسالها

....

[الحمدان]

البارحه يوم سرتني طيوفك سريت
أحاول أسهى بذكر عيونك الساهيه

ينتابني خوف في ليلٍ شعوره مُميت
الليل دايم عتيم وطلتك باهيه

عطيتك اللي تبي من حب ولا خذيت
الا غيابٍ بعدْه أعذارك الواهيه

أنا توقعت بـ أني داهيه مادريت
أني تولعت فيك ورحت في داهيه

....

[الحمدان]

لا توصيني على اللي فات يالعمر المولّي
السنين تدور والأحداث ماهي مستمره

أتداعى لا هدأ روعي ولا عيّنت خلي
وأفهق شماغي وأجرّ الصوت وأفك الأزره

ماتنسيني وجيه العابرين الغايب اللي
باقيٍ في عيني طيوفه وفي قلبي مقره

وش عليه أن غره المحبوب وأغراه التغلي
ذاخرٍ له من سنيني عقد ومن الأرض دره

لي على الأطلال وقفة خاطر ولحظة تجلي
وشرهةٍ كم ضيعتّها الفاتنه في كل مره

أتطوى بين طيّات الغلا وأضيع كلي
وأتجرع سكرة العشاق لين أموت حرَّه

للجديل اللي يحجب الشمس ترحالي وحلي
سرمديٍ كل مافلّ المساء لله دره

لا تزعلك الليال السود يالريم المفلّي
أضحك أنت، وتضحك الأيام وتعود المسره

أن فقدتك في مشاوير السنين البرق من لي
وأن ذكرتك ماعليّ من الزمن خيره وشرّه

....

[الحمدان]

حلّيت ليل وعشت متبعثر شعور
‏ماجيتني عادي ولا رحت عادي

‏تيْه الدروب أمرها ستة شهور
‏وأوجست بي غربة وطن في بلادي

‏ماعاد تاسعني من الضيقه صْدور
‏لو كنت أجر خْطاي في كل وادي

‏حبيبي الغايب سنا كل ديجور
‏في غيبتك دلّ الوهم جوف غادي

....

[الحمدان]

أنا أدري أن الدمع من محجرك هلّ
لكن كذا الإنسان لا إنهد حيله

إليا ضماك الوقت من مشربي عِلّ
وأن كان ماعَلّ الضما عزتي له

قبلك عرفت أن الهواوي ليا مَلّ
دوّر على وجنتين وجديله

حبيت لكن خَطب الأحباب لا جَلّ
ماعاشه الا من رضى بـ القليله

قمرًا، تهدْي بنورها القلب لا ضَلّ
ومابيني وبين السنا غير شيله

قلت إسمحي لي دامنا في كنف ظلّ
أنتي بعد ذنب والليالي فضيله

من شفت رمشك قلت يارمشها صلّ
أنا يا لولا الرمش ما أذنبت ليله

ومن خطوتك من لام متني ليا كَلّ
كنها تخطرا فوق جمر المليله

لكن مادام العمر معنا على مَلّ
وأنا سليل أحرار وأنتي سليله

تدرين وأدري عن عنى القلب لا ذَلّ
وش عاد لا غِلل بيشفي غليله

مايبدع الشاعر وهو مافقد خلّ
قفّي وأنا إبن الشعر وأنا خليله

ضمن الحلول الواجده مابقى حَلّ
حظ الحظيظ اللي يشوفك حليله

بينك وبين الشعر يا ليت يا علّ
أنتي جميله والقصايد جميله

....

[الحمدان]

‏من غلاك آطى على شوكك وجمرك
‏ما عليّ من السؤال ولا الاجابه

‏بين ايدينك عند عينك تحت أمرك
‏خدمتك واجب ورغباتك مُجابه

‏وعن جميع جروحك وصدمات عمرك
‏اعتبرني كلمة آسف بالنيابه

....

[الحمدان]

‏يشفع له الماضي وتشهد له افعال
‏واللي حصل مدفون بينه وبيني

‏ماننكر العشرة ولا نسمع اقوال
‏بس البلا لاصار شوف عيني

‏يبقى العزيز اللي عرفته ولا زال
‏الوافي اللي بالمواقف يعيني

‏تبدلت الأوضاع واتغير الحال
‏واشياء كثيره واسئله تحتريني

‏عهد علي ما يلحقه قيلٍ وقال
‏واحفظ حقوق الود طول السنيني

....

[الحمدان]

هذا الفجر حزنه يشابه لطعم الغياب
اللي بكت به عيوني شوق يوم اذكرك
‏
هذي سنه ماخذه عمري بدون انسياب
والعذر اصعب من اني اختنق واعذرك
‏
وحشتني قد ما كحلي عرَف الانسكاب
و من الغبا ارفضه و من الغلا انطرك
‏
اتجاهلك قد ما اقدر واحسبك للذهاب
والقاك خطوهْ توافيقي لو استحقرك
‏
الجرح من طيبة احساسي تعلّم وطاب
ولا حان وقت الفجر اتنفسك وانهرك
‏
الله ياخذني لـ دربك بـ رحلة اياب
القاك فيها القديم من اولك لاخرك

....

[الحمدان]

سولف على النوار والنود والريف
همسك رشاش وضحكتك برق غيمه

تمطر على البيداء من السيف للسيف
أربع ليال وخالف السيل ديمه

منها العروق تصير خضر ومواريف
عقب ماكانت يباس وهشيمه

....

[الحمدان]

حاولت اعديها مع الصدر الوسيع
وارسم على وجه الزعل وجه الرضا

لكن بعض الاحيان قلبي مايطيع
بعض الخطا يضيق به وسع الفضا

....

[الحمدان]

صدّت تبي يعني تغلى يابلفيت
‏قصايدي فيها علي كبرّتها

‏والله ماعاد تذوق مني ولا بيت
‏إلا رثاها لاسكنّت مقبرتها

مبارك المطرباني

[الحمدان]

اتركوني في متاهات الحياة اشوالي
وابتسامات المجامل والحقيقة مرّه

جالس مع الناس لكن عالمي بلحالي
غربتي بيني وبيني والبشر منغرّه

يطربون ان جيت اغنّي بالشعر موّالي
ويسحر الاذان صوتي يوم اقوم آجرّه

وابتسم لكنّ في صدري لهيبٍ صالي
المشاعر تايهه والكبد فيها حرّه

ما اهتويت الحزن من فضوه ودمعي سالي
امتلا صدري حزن من كبر ذنب اقرّه

يا اله الكون يارحمن تصلح حالي
واقبل التوبة وانا ذنبي ما عاد آكرّه

وعلّق القلب المعنّى فيك يا متعالي
واقبل التوبة وانا ماعيدها بالمرّه

....

[الحمدان]

يانجد سميّتك على الغالية نجد
اسمك كبير وكبرتّه العذيـة

ديرة هل العوجا تهجد العدو هجد
اهل السيوف المرهفات القويّة

اللي بنوها مجد من مجد في مجد
من المؤسس لين ساعتك ذيّه

....

[الحمدان]

‏أسمٍ بقى رغم المسافات مآثور
‏كلّ ما طرأ لي عاود البال طيشه

‏وأنا طيورٍ فوق شبّاكك تدور
‏باعت مسافات الخضار بـ دريشة

‏ما زال وجهك غربة سنين وشهور
‏أحتاج أحبه مرّة أخرى وأعيشه

....

[الحمدان]

‏خذتني الذكريات وجيت لك سيراً على الاحلام
‏لو اني ما اذكر اني قلت لك بمشي وقلتي وين

‏يا فرصة عمر كيف افرح بها واعيشها مادام
‏بغمضة عين جات وسافرت عني بغمضة عين

‏ذكرتك وابتسمت وبانت الدمعه ولا تنلام
‏ذكرت احلى الليالي من شهر سته لشهر اثنين

‏محمد المسعري

[الحمدان]

مذهبٍ حالي بطاريك يامال الذهاب
مابقى بالقلب من سبتك عرقٍ ندي

أن نسيتك فـ أعرف أني موارى فـ التراب
وأن تذكرتك عسى الله يسامح ويهدي

....

[الحمدان]

تعبت من الجفا لاني ابيه بخيره و شره
ولكن عزتي ضدي تشوف افعاله بمجهر

رضيت استسلم لعقلي وقلبي مارضخ مره
يقول ان فازت العزه ترى الفرقا بعد تقهر

احس اني من الحيره صغيرٍ ماسكٍ جمره
اباكابر و لكني لقيت ان حرقتي اكبر

....

[الحمدان]

عز الله ان الشدايد عندي اكبــر فضيله
عرفت فيها جميع الناس هــين وغـالي

عرفت فيها النشاما والنفــوس الـذليله
كسبت منها رجال الجــود وهل المعالي

ياعاشق المال كسب المال ماهو وسيله
انا الشرف والمروه والكرم راس مـــالي

....

[الحمدان]

برآفو على الزمن يكشف الناس
ويظهر لك نفوسٍ قديم مرضها

تظن رفقتهم مكاسب ونوماس
ويامسرع ماتقفي ليا آخذت غرضها

....

[الحمدان]

ماكل بنت سوت احساب تبغاك
يالي على الخاص لاحق طرفها

اقولها واشهر بها واتحداك
بنت الاصل منت بلاحق شرفها

....

[الحمدان]

‏حب البـشر والـكره ماهــوب مقياس
‏بعض البشر لأنك كفو يكرهونك

‏ومافيه أحد يقدر يحقق رضا الناس
‏حتى أنت ماكــل البشر يعجبونك

....

[الحمدان]

حسن الله بالوقار ولا اختلف مذهبنا
من تغير مذهبه جعله فدا رجلينا

واللي اقفانا بهرج الزور وبيعذربنا
بيشيب رمش عينه مابحث خافينا

يكفي اللي سوات المنقله لاغبنا
يعتدل وضعه سوات المسطره لاجينا

...

[الحمدان]

مالي غناةٍ عنك يامال الغناه
‏أنت الحياه اللي أهيم بحبها

‏طيفك يحاصرني مع كل اتجاه
‏يا اجمل مواضيع القصيد ولبّها

‏شُفهم لا قالوا إنت تحب الحياه
‏أتخيّلك واقول اي والله احبها

....

[الحمدان]

مجالسٍ تنصى لحاجات الاجواد
‏ومجالسٍ ماغير قهوه وشاهي

‏ولو القضيه بس دله وبرّاد
‏تكفي عن بيوت الرجال المقاهي

....

[الحمدان]

خــايف يـطول الـبعـد وتسج مـني
وياخذ مكانك شخص ماهو بيسواك

وش عاد اسوي يومك اقفيت عني
لا انا اتبع المقفي ولا احب فرقاك

....

[الحمدان]

‏مايدوم الحب لاصار به قل أهتمام
‏يـا تزيده بـ المواصـيــل ولا فكني
‏
‏لاتقول أني أحبك ترا سهل الكلام
‏حبني مـــن قلب ولاّ لاعاد تحبني

....

[الحمدان]

‏سبحان من يعطي قبول المخاليق
‏وسبحان من يفرق عطا عبد عن عبد

‏بعض الاوادم شوفها يجلي الضيق
‏وبعض الاوادم شوفها يدبل الكبد

....

[الحمدان]

ليت ذعذاع الهوى الغربي يجنب دربي
‏في بعض الاحيان ولا بعضها ياطيبه

‏يامخاشرني معي في زادي وفي شربي
‏لا تعودني على بعدك وانا مالي به

‏كل ماسجيت من حبك غلاك افجَر بي
‏اه من حبٍ جميع الذكريات تجيبه

....

[الحمدان]

لو خاب ضني بالزمن والمخاليق
ما خاب ضني في جزيل العطيه

نصبرعلى الدنياء ونصبرعلى الظيق
وعـزومنـا مـن فـظـل ربي قـويـه

....

[الحمدان]

لو المراجل بـ الذهب نشتريـها
يدفـع ثمنها كارهـين الرخامـه

والنـاس مربـاها على والديـها
أما تـربـى صـقـر ولا حمـامـه

....

[الحمدان]

‏تضيق بـ امر الله و بـ امر الله تزين
ما فيه مدخالٍ على غير مخراج

لا اعطاك من له حاجةٍ فيك بعدين
سبحان من يعطي ولا هو بـ محتاج

....

[الحمدان]

عسى لي اثر طيب ومواقف وذكرى خير
‏ونـفـسٍ تنول اللي تمناه ياربي

‏ولا تبتليـني بالسعي في نصيب الغير
‏ولا تـضيّـع سـنيـني وانا ادور لطـبي

‏وهـب لي بصيره ما توردني التقصير
‏تميز قلوب النـاس في كرهي وحـبي

‏ونورني اشوف الحقيقه مثل ما تصيـر
‏انا اشوف الاشياء مثل ما يشتهي قلبي

....

[الحمدان]

ربتني الدنيا على الحمد لله
‏عندي يقين و عنده الامر كله

‏على الطريق اللي عيوبه مزاياه
‏ماكنت اعقد الحبل عشان احله

‏ياما رميت الحزن لـلا مبالاه
‏و ياما صنعت الضحكة المسفهله

‏دليلي ان الحظ لا ضاع ابلقاه
‏احساس و الاحساس سيد الادله

....

[الحمدان]

اتوقى عن لهيب الليالي بالصلاة
‏مالي بدونك يا ربي حلول ولا مفر

‏التعلق فيك مكسب ورضوان وغناة
‏يا كريمٍ ينحمد فالمسره والضرر

‏عنك لا تخفى سريره ولا تكتم وصاه
‏كل قوه غير قوتك ياهي تندمر

‏اقسم لحظي توافيقٍ تهز السراه
‏ينطلق وجهي بعدها واسولف للقمر

....

[الحمدان]

‏ﻃﺒﻌﻲ آﻣﺪ آﻟﻄﻴﺐ ﻭآﺟﻨﺐ آﻟﻌﻴﺐ
ﻭآﺭقـى ﺑـ فعـلي ﻋـﺎﻟﻴﺎﺕ آﻟﻨﻮآﻳﻒ

ﻭﻻ ﻗﺪ ﺗﺤﺴﻔﻨﺎ ﻋﻠﻰ ﻣﺪﺕ آﻟﻄﻴﺐ
ما ﺗﻀﻮﻱ بـ َﻋﻴﻦ آﻟﻜﺮﻳﻢ آﻟﺤﺴﺎﻳﻒ

....

[الحمدان]

من شاف نفسه فوقنا ماحسبناه
حنا عِـزاز نعزّ من يحترمنا

واللي يقدّرنا نسوي سواياه
ونموت من دونه ليامن زهمنا

....

[الحمدان]

‏احفظ لسانك عن البهتان والغيبه
وأغنم حياة السعد والعز من بدري
من ينشغل في عيوب الناس عن عيبه

زادت عيوبه وهو مشغول مايدري

....

[الحمدان]

يانفس لا ضقتي من افراق غاليك
تجبري بالله عسى الله يعينك

اللي يبيـك بصدق بيروح ويجيك
واللي رحل ماهو يهمه ونينك

....

[الحمدان]

بعض العرب بالهرج والفعل قمه
ودك تحطه في عيونك ولا تسد

وبعض العرب بالهرج والفعل رمه
ودك تسوقه بـ المخمس على الخد

....

[الحمدان]

قدّام تكتبني الأماني كتبتك
‏على جبين الجاي من دون سبّه

‏بكرة ليا منّي كبرت ولبستك
‏بـ اكون لابستك مع اللي أحبّه

....

[الحمدان]

ماكان عندي شي أغلى من الروح
ولاكنت أحب أحد كثر روحي

وعرفت أن الروح ترخص لاجل روح
روحن غلاها زاد عن حب روحي

....

[الحمدان]

والهوى معروف شيٍ لا إرادي
‏والنتيجه مؤسفه ما احدٍ حمدها

‏يتسرب مع حلاه من المبادي
‏سم حيّه والفراق أَمَر وادهى

‏لو صبر راع الهوى صبر المهادي
‏الجروح تبين لو انه جحدها

....

[الحمدان]

ودي امسي فـي مساڪم مساء الخـير
وارسل لڪـم مــع زود شوقــي تـحايا

وانثـــر علـى وجـــه الـرفاقــة نـواويـر
مـــن روض بستـــان المحبــة هـــدايـا

بقلمي

[الحمدان]

احبها صح بس احبها باحترام
حتى من النفس صاينها ما ضريتها

كتبت فيها البيوت اللي بعضها حرام
وانا علي الحرام اني ما مسيّتها

اطهر من الغيث لا وطاه بطن الغمام
وانقى من انقى هناديبي لا غنيتها

....

[الحمدان]

لاعاد تنشـدني عـن العمـر ياعيد
الـشكـل مايعطيـك تقـريـر عنـي

خلتني ظروف الزمن والتجاعيد
اكبـر من الـسـن الحقيقي لـسني

....

[الحمدان]

رحت منه لا سلام ولا كلام
خايفه نفسه و نفسي خايفه

و راح مني في عتيم و في ظلام
روحَة اللي راح ماني شايفه

ليله ما هي على صدري وسام
ليلةٍ ما هي بـ ليلةٍ كايفه

افترقنا عاد في عينه غرام
و الغرام اللي لـ غيره عايفه

....

[الحمدان]

إتركيني بين الأحلام أنا أحب الخيال
الخيال أحلا من الواقع الواقع مرير

جيت أقاتل و إنقتلت أوّل أيام القتال
دايم أوّل ثوره تثور فـ الراس الكبير

....

[الحمدان]

الله يمسي صادق القلب بالخير
صدره نظيف وكل حكيه صراحه

اهل النفوس الصافيه قربهم غير
متبادلين الطيب في كل راحه

بقلمي

[الحمدان]

رفّ الهدب وإنحنى راس القصيد وطمن
وجتني حَوَرها مدار ووجنتيها سنا

بنتٍ تزيد القلايد في نحرها ثمن
وشلون ترخص ملامح وجهها للعنا

كانت بعيد أمنياتي لين قالت تمن
وتقرّب الحلم من كفّ السنين ودنا

قلت أصبري لين أخلّد طلّتك بالزمن
وجهك خِلق للقصايد ماخِلق للفنا

....

[الحمدان]

‏ماقلت لك عمر سيف العشق مايقتلك
‏ماتشوفني حي قدامك وانا اموت فيك

‏اشتقت لك قبل اجيك وجيت واشتقتلك
‏البارحه طول ليلي بين هذي وذيك

‏مليت جمر انتظارك واستحيت اسالك
‏وحسبتني مابعد جيتك وفكرت اجيك

‏اثرك بقلبي من البارح وانا استعجلك
‏واثري نسيتك من الفرحه وقمت احتريك

....

[الحمدان]

‏مثل ماترقّب راعي الطير شوف سهيل
‏ترقّبت شوف سهيل قلبي ومرباعه

‏يقولون لاجاء سهيل لاتامنون السيل
‏وانا روض قلبي مبطي السيل من قاعه

....

[الحمدان]

الرسوم الناعمه والجمره المعسوله
والرموش الفارسيه والعيون الخدّر

والخدود اللي من ألوان الغسق مغسوله
والجبين اللي مثل ضي البدر لا بدّر

من بيوت المشيخه والرايه المحموله
والأصايل ما تحب إلا الحرار الندّر

....

[الحمدان]

اصـبـر عـلى اصحـابك ولابـد الايـام
تكشف لك الطيب ومتظاهر الطيب

موعـدك ويـاهـم عـلى الدرب قدام
لاتسبق الاحـداث مـاتـعـلم الغيب

اليا حصـلك فـالـزمـن شــدة حـزام
تكشف لك الشده جميع العذاريب

وقـت الرخى ماهـو مجـال للأحكام
سـواد لـيـلٍ ظـلـمتـه تستر العيب

ذائقة

[الحمدان]

‏يـالله يـا جالي صدى حـزن يعـقـوب
عـقـب التـوجـد والـرجـاء والتماني

جاه القميص وشم بـه ريح محبـوب
وعـاد البصـر من يوم جته التهاني

يـا فـارج الشـدات عن عبـدك أيـوب
أطـلب نـجـوحي كـان صار أمتحاني

في ساعـة يلفح على الوجه لاهـوب
يـوم الحشر به واهج الشمس داني

....

[الحمدان]

يالله فرّج ضيق صدري إذا ضاق
واجعل مطاريق الحزن لاتجيني

والخير دايم في دروبي والارزاق
يااارب واغفر زلتي واقض ديني

....

[الحمدان]

والله ماأنسى صاحب مانساني
لو طالت الغيبه وضاعت نواحيه

يبقى معي مابين قلبي وعيني
والنفس من بد المخاليق تغليه
وأنشد عن أحواله بعاصف سنيني
وأرتاح لازانت وطابت لياليه

....

[الحمدان]

اللي تبينه على خشمي وجعله فداك
والطعنة اللي تجيني من يدك جايزة

إن كان هذا تغلي مايغرك غلاك
وإن كان هذا تحدي فـ أنتي الفايزة

....

[الحمدان]

البنت هذي هناي وجنتي فـ الغرام
لو حولي الحور قلبي ما يبي غيرها

مياسةٍ في جسدها لـ الحلي أنسجام
من كعبها لي قلايدها لـ أساويرها

الفتح ماهو جلوسي في رصافة هشام
الفتح هو فتح أصابعها لـ ازاريرها

....

[الحمدان]

سوْ ما ودّك حبيبي لا يهمّك
من يشوفك حلم ما ودّه يفيقك

ما حسدت إلاّ عيون أبيك وأمّك
والتراب اللي وطيته في طريقك

ألثمك من واهج اللهفة وأشمّك
أنت ما أحلى من شهدْكْ إلاّ رحيقك

الدفى ما يجهله صدر يضمّك
و الظماء ما يعرفه من ذاق ريقك

....

[الحمدان]

يا الله يامن رحمتك مثل وصفك
يامستجيب لكل داعــي دعاويه

حقق لنا كل الامانـــي بعطفك
وجودك اللي مالجودك يجاريه

يارب كل انسان طامـع بلطفك
وكل من له حلم نفسه تساويه

يامن امانـي كل واحـــد بكفك
يارب حقق مـن دعا لك امانيه

....

[الحمدان]

‏نعتذر بـالصمت من كبر الجروح
‏ونبتسم للحزن لو متنا ألم

‏وش يفيد البوح لو نبغى نبوح
‏دام بعض البوح يوصل للندم

....

[الحمدان]

‏دروس الأيام خذنا قسمنا منها
‏وأسرار الأيام ما نعرف خوافيها

‏اللّي حفر حفرةٍ لاخيه يدفنها
‏يمكن يدور الزمان و يندفن فيها

....

‏‌

[الحمدان]

رزه طويلة عنق وعيونها وساع
متسيده بالزين سيد المفاريع

ياكن ممشاها على جرهد القاع
خطوا غزالٍ ذيروها البواتيع

غروٍ يتل القلب من بين الاضلاع
تل الحرار الصارمات الطواليع

....

[الحمدان]

لا تلومني لا جيت كلي من أقصاي
مافيـه غيرك لا تضايقت جيتـه

جيتك ولا غيرك ذكرته بمسـراي
جيتك وكل إنسان غيرك نسيتـه

جيتك وأنا ماني بـ أنا تايه الـراي
جيتك وأنا مدري وش اللي بغيته

....

[الحمدان]

بعض الرسائل خطها ينعش الروح
لاجات من غالي وقلبك يوده

تشفي عليل النفس ان كان مجروح
وتخلي اوقاته رخاء بعد شده

ترى الغلا ما بين الاثنين مسموح
ما احد تحكم في فؤاده بيده

....

[الحمدان]

عذرا من اصحابي الي خارج اللابه
انتم ونعم الحزام ان زاد بي همي

لكن ليا سولفو بالطيب واصحابه
تقول مافوق الارض الا بني عمي

....

[الحمدان]

‏والقلب لو يحكي حروفه بنبضات
نبرت وريـد القلـب جـاتك تنـاديك

ويــن التفت عنك ياضـو المجرات
غطيتني بالنـــور وشـلون اجازيك

....

[الحمدان]

‏خاويت بالدنيا خلايق وفارقت
‏انا الوحيد اللي لنفسي بقالي

‏ماني بمحتاج البشر لاتضايقت
‏اقدر اكمل نص عمري لحالي

....

[الحمدان]

اومن برب العيون الناعسات الوساع
‏سلهامها ياخذ العشاق لـ ابعد مدا

‏سهوم نظرتك ما يقدم عليها شجاع
‏حتى لو انه من اللي ينطحون العدا

‏لعيونك معرضٍ عمري لـ درب الضياع
‏واللي بقى منه واللي راح جعله فدا

‏احنك من الوداع ومن جروح الوداع
‏مثل ما احن الرفيق الطيب من الردى


....

[الحمدان]

‏ندري إن الوقت دوّار و اللي فيه فيه
‏و المواقف درس و السبت قافيه الأحد

‏إن صفت الايام فـ ابرك و هذا اللي نبيه
‏و كانها عيّت فـ الايام ما تصفي لحد

....

[الحمدان]

‏ان طعتني لاعاد تشره على الناس
مـن جاك رحب بـه ومـن راح خله

لا تجرح الغالي ولا تقطع الياس
واضحك ولـو بالقلب ستين عله

لا تنقل الهرجه ولا تصير بـلّاس
حتى ولـو تملك عليها الأدله

واحذر تصير انسان ضايق وحساس
وتـبـالـش الـعـالـم عـلـى كـل زلـه

....

[الحمدان]

‏مهما فعلت الطيب في واحد وراح
الطيب مع هالوقت كيف ايتوافق

الناس بالغيبه لها هرج وصياح
وكلن على شكله ونوعه يرافق

حتى الكفو ما عاد خلوه يرتاح
لا طاب قالو والله انّه منافق

‎
عبدالله بن هندي

[الحمدان]

كنت الامان بـ وجه حزنك وخوفك
‏وكل دربٍ يودّي لـ فرحك ادلّه

‏لو انّي ما احبّك واقدّر ظروفك
‏ماكان سامحتك على كل زلّه

....

[الحمدان]

‏و تدور الأيام و أحلامي هي أحلامي
عزيمتي ثابتة و الوقت متغيّر

عديت خوفي ما دام الحلم قدامي
مسيّرٍ بالخفا و بالظاهر مخيّر

و عيونك السود كانت مصدر إلهامي
في ليلها كنت أشوف وصولي النيّر

وأنا صغيّر أراقب سرعة أيامي
واليوم ليت الزمن خلاني صغيّر

....

[الحمدان]

من صان حق الناس بالغيب صانوه
محفوظ لو هو كان غـايب مقامـه

ومـن هـان خلـق الله تعثر وهـانـوه*
لـو كـان شـيخ ومن سلايل زعامه

....

[الحمدان]

يالله يالي فزعتك تكشف الضيق
في بحر عفوك ماتضيق المراسي

انا في وجهك من قليل التوافيق
ومن موقفن مايرتفع فيه راسي

....

[الحمدان]

نكسب من الدنيا المخوه مع الجيد
والجيد مثلك له مكانة وعزة

أنت الخوي الي كما شامخ الحيد
ثابت مكانة ما العواصف تهزة

....

[الحمدان]

كل غالي بقلبي موقعه ما تغير
بالاخاء والمروه والوفاء كالذخيرة

ذكركم في فؤادي كل لحظة واكثر
فيكم أغلى الاخوة والقلوب المنيرة

....

[الحمدان]

الحال ما نشكيه عند المخاليق

و همومنا تكثر وهي داخليه

واليا خسرنا نطلب الله توافيق

ما ندور التعويض ولا العطيه

....

[الحمدان]

ترآ طبـوع الناس آنـواع وآشكال
عمر آلاصابع ماتساوت فآلآيدين

آحدن طبوعه تبري القلب وآلبآل
وحدن طبوعه فعلها تبكي آلعين

....

[الحمدان]

يا وليف الروح يا حلو الوصايف
‏يا بعد من شافت عيوني عيونه

‏ايه احبك غير عن كـل الولايف
‏حب صعب ان الاوادم يفهمونه

‏الغلا لك والمحبه وانت شايـف
‏كيف عذال الهوى منك مغبونه

‏وانا قبلك من دروب الحب عايف
‏لين شفتك واخلف الخاطر ظنونه

....

[الحمدان]

مايرخص إلا اللي تربى على الرخص
وأهل الفضيله يعشقون الفضيلـه

أحيان سبة شخص تترك كذا شخص
وأحيان سبّة شخْص تغلي قبيلـه

....

[الحمدان]

‏فتحت لك دربٍ عن الناس مسدود
‏ عازلك عنهم بالحنايا لحالك
‏
‏اما تجيني حب ما بعده صدود
‏والا تروح وجمل الله حالـك

....

[الحمدان]

من عاش فالدنياء بنعمه وسالي
ينام ماحـد يزعجه من رفاقه

ومن عاش فالدنياء همومه ثقالي
يسهر ويكتب قصته عالصداقه

ومن عاش فالدنياء مفارق لغالي
يبكي ويشكي والالم من فراقه

....

[الحمدان]

الصاحب اللي معدنه مثل الذهب
ما يقتلب لونه ولا عمره يميل

لاتصحب الاّ شخص مرفوع الرتب
صادق محنك بالصداقه مايكيل

الصاحب اللي لادعاه صاحب وجب
يوفي بحمله لو حمل حملاً ثقيل

صداقته ثروه غزيره لا تهب
تكون له صاحب مع رد الجميل

صداقة الاخيار يا نعم الصحب
هي مثلماالاطياب واثمار النخيل

من يصحب الوافي ويبقى مستحب
يتذكروه الناس جيلا بعدجيل

وانا عليا العار ماا خون الصحب
ولا اخون العهد في صاحب أصيل

....

[الحمدان]

‏قلوبنا ما تعرف الحقد والصد
‏ونطيب فـاللي ما يطيبون فينا

‏ونحبّ لكن فـالمحبه لنا حد
‏لا وصلت لحد الكرامة مشينا

‏وان ضاقت الأيام نوقف لها ند
‏نضحك لها من قبل تضحك علينا

....

[الحمدان]

لا شفت أحد طاح لا ترمي سكاكينك
الوقت دوّار لا تشمت ولا تضحك

بكرة إذا طحت والدمعة ملت عينك
بتشوف منهو يجي يضحك على جرحك

....

[الحمدان]

‏دايم اقول الحب عنوان الانسان
ماهو بقصدي حب نظرة وعلاقه

الحب نصح وعطف وفاء واحسان
هو تضحيه واجمل مثال للصداقة

[الحمدان]

‏شفتك وأنا عن جرح الأقدار مسؤول
‏كبير وجروحي على حجم قدري

‏خفت اسـألك تذكر وخفت إنك تقول
‏أنا أذكر إني شايفك وين مدري

....

[الحمدان]

يسألوني اعله حـالـي شبيك مـابيك
اشـو وجــهك كئيب ولــونـه شاحب

وجــــــاوبـهـم وأگـــول الــحـمد لله
بـس عـيـنـي عكـس شفتي تجـاوب

واجاريهـم أحــاول مــــا يـحـســون
ادري عـــيـــون شـــمــاتــي تـراقب

واضـحـك شـفــتـي گــدام اليسألون
وأنـه بصدري حـزن يلطــم مــواكب

يـگــلولي ضحكتك بــارده هــــــواي
وشو للصفنـــه دومك حيل راغـب

گبل چانت ضحكتك مالـــيه البيت
ولـسانـك حــرك كـلـش مشاغـب

شـجـاك شغيرك وشصـــايــــر ويــاك
تـوزع هموم وبيدك چــن محاسب

شعر عراقي

[الحمدان]

يا وش بقى بأعطيك مني ولاجاك
ماباقي إلا روحي أحيا بها لك

يالغايب الحاضر بقلبي ولا القاك
اقرب من عروقي وصعب منالك

شالك زماني عن عيوني ووداك
لا شك وثق في ضلوعي حبالك

يا حاجب شمسي وراه ليل جفواك
ما بالعهد بك قاصي ٍفي وصالك


ولا انتفض قلبي من الحب لولاك
ولولاك ما يبدي عليك ما بدالك

....

[الحمدان]

رقمن تحفظه ولا يحتاج تخزينه
ورقمن لو أنه مخزن راح من بالك

ورقمن اليا دق في شاشتك يازينه
ماهو مميز ولكن غصب يحلا لك

....

[الحمدان]

تبغي تعرف اللي مع الوقت مايروح
‏اهل الوفا مع اهل الوفا دوم يوفون

‏وتبغي تعرف اللي مع الوقت مفضوح
‏اهل المصالح لا قضوها يروحون

....

[الحمدان]

انا صديقك لا قسى الوقت واكفيك
ولاني من اللي وقت المصالح يجونك

اعزك يا صاحبي بكل مافيك
ومن كثر مااعزك صرت اعز اللي يعزونك

افتخر لاقالوا اني مخاويك
منبع الطيب قلبك والصفا في عيونك

....

[الحمدان]

نـاس تردد كـل بـيـت اكتـبـه فــيــك
والناس ماتدري خفا بعض الاشعار

انا اكتبه من شوق والبيـت يعنــيـك
والـناس تاخـذ من قصيدي وتختـار

....

[الحمدان]

في ذمة العشق والعشرة وفي ذمّتي
انك خدين الظلوع و كبدي الضاميه

ادخل على الله من الفرقا و يا يمّتي
من جور ليل الجفا وجروحه الداميه

....

[الحمدان]

يغري جمال الكون والـورد يـغري
وموج البحر مع طلعة الشمس جذاب

والفـكـر يـسـرح كـيــف وشـلــون مـــدري
واللـي يقـول أقـدر علـى القـلـب كــذاب

والشعـر يشـرح بعـض الاحيـان صـدري
ومن أعذبه لو كان قلبـي صخـر ذاب

....

[الحمدان]

‏دكتور زاد الشوق في داخل اعضاي
ابغــا عـــلاج الشوق وابغـا أدله

هل تمتلك ياسيدي طب شكواي
و لا نصحت القلب يوقـف محله

حب الزمن هـذا تفاصيل بلواي
اخذ الحبيب الزين قلبي وشله

ماكنت متوقع من الشوق إغواي
وإلا عـذاب الحب يأتــي بعله

لاكن وقعنا زادني الحب إغراي
حتى تمكـن واسكن القلـب كله

....

[الحمدان]

عزاز نفس وبالمقادير راضين
‏ونفوسنا من فضل ربي رضيّة
‏
‏ وإن جرّحتنا بالظروف السكاكين
‏ نشكي مواجعنا لرب البريـّة

‏ما عندنا بالأرض خصم ومعادين
‏ولا نقابل بالأذيّه أذيـّة
‏
‏حنّا تربينا على اللطف واللّين
‏وصدورنا لصدور الأحباب فَيّة

....

[الحمدان]

احزنت من فرقاه لكن البقا
‏في راسي اللي لا يبور ولا يلين

‏هقيت وماني بـ اول انسان يهقا
‏وتخيب هقواته على مر السنين

‏كنا اصدقا وصرنا ماحنا بـ اصدقا
‏ولا بقا في الخاطر الا كلمتين

‏جعل الرفيق اللي على وضح النقا
‏بعد رفيقٍ يوم زين و يوم شين

....

[الحمدان]

انا كبريائي ماتجيبـه لحون الناي
‏لو إن اللحون اللي تغنّى على الفطره
‏ِ
‏أحب اتأنّى في كلامي وفي ممشاي
‏وأفاخر بفعل وسيرة جدودي العطره
‏ِ
‏ماحب أطرد المقفي ولا أقول عود جاي
‏لو إن كبدي من الشوق والحزن منفطره

....

[الحمدان]

درب المراجل صعب ياهل التماثيل
وما كل من حــاول يطــوله يطـوله

ما طــاله الا من زحول الرجاجيل
اللــي تشــرف بالشــدايد فعــوله

....

[الحمدان]

‏ترانا نعرف ونفهم السالفه ونشوف
لكـن الضعوف أنطوفها ونتجاهلها

ْماهو كبر لا واللي خلقني ولاهو خوف
لكن الأوادم عوجها من يعدلها

....

[الحمدان]

‏قمة الاخـلاق والذوق الرفيع
لاتركت الكـبر وأرخيت الجناب

وأعتبرت الخلق في عينك جميع
كلهم لادم وادم من تراب

....

[الحمدان]

الحال مادامت لحرمه ورجال
وايامنا مابين بسمه وحزينه

لكن املنا بالذي يعلم الحال
والنفس ماكسبت تكون الرهينه

....

[الحمدان]

‏ياما فقدنا تحت عوج النصايب
واللي فقدناهم على القلب غالين

من بعد فرقاهم تهون المصايب
لوكثرت الاحزان ما تدمع العين

وان ادري ان الحزن ما رد غابب
لاكن على ما قدّر الله راضين

....

[الحمدان]

‏يآ كثر من خانوآ المحبه ومآ خنت
‏و يآ كثر من عالجتهم و إطعنوني
‏
‏من كثر خذلاني تمنّيت مآ كنت
‏طيّب مـع أشخاص ما قدّروني

....

[الحمدان]

‏عليك الغلا مردود يالغايب الموجود
‏سوالفك غابت غير طواريك ما غابت

‏غيابك حضور له بصدر البيوت شهود
‏ وش اللي يغيب ضحكتك و الغلا ثابت

‏أحنك مثل ما أحن وجهي من المنقود
‏وأعدك ليا عديت الأيام وش جابت

....

[الحمدان]

‏هل تسأل الليل وانجوم السماء ساعي
اسأل عليك كل نجمه في السماء وينك

شبيته النار ياغايب في أضلاعي
وأنهيته الود ما بيني وما بينك

يرقى بدايت شعري وأ خر أبداعي
ماودي أذكر لحد زينك ولا شينك

الله معك روح ماشي للعتب داعي
يدي لك ألله من قدك ومن طينك

....

[الحمدان]

‏إنس الهموم وبدل الحزن بـ افراح
إضحك و ثقل الهم بـ الصبر تقـواه

هلل و كبر واذكر الله يا صاح
محدن فـ هالدنيا نصيبه تعداه

....

[الحمدان]

‏ياليل كان الشوق موْصاً به وصاة
‏طمّن حبيب الروح لو كان خافي

‏علّم قرير العين لا يطلب اثبات
‏دام الغلا مفضوح نبض وقوافي

....

[الحمدان]

‏ظنيت فيك المحبّه واختلف ظني
‏وصيتك تصون حبي لك وضيعته

‏حبيتك ولا هقيت ان الخطأ مني
‏عصيت عقلي وقلبي معك طاوعته

‏كنت أحسب اني سعيد الحظ يوم اني
‏فتحت لك بابي المُغلق وشرّعته

....

[الحمدان]

ياطير يلي على غصن الشجر غـرد
قل الحبيب المغيب ليه يجفاني

كم يارسـاله عطيته مابعث لي رد
في غيبته يعلم الله زادت اشجاني

يازين وين المحبه وين ذاك الود
ارفق بحالي فديتك لا تـناساني

شفت الحلاء في عيونك رمشها ممتد
تشبه سراياء عساكر وسط ميداني

ماقلت غير الحقيقه ربنا يـشهد
مامثلك الله خلق في الأنس والجاني

يازين خـذني معـك وانا معك باسعد
مانفترق ياحبيبي طول لأزماني

بعدك علي نار يحرق جمرها الكبد
شبت لضاه على قلبي وشرياني

حبك ذبحني ونار الشوق تتوقد
والله مانساك كون الموت ينساني

فاالعين تالي زماني عافت المرقـد
مشغول بالي ونوم العيـن ماجاني

اعـد ليام والسـاعات لجلك عــد
ماتدري ان العمر ياصاحبي فاني

متى التقي فيك قلي ياجميل الخـد
ليتك تحدد مكانك وين تـلقاني

في غيبتك ياالقمر ليلي ضلام اسود
غبـتي وغـاب البـدر يانـور لعـياني

....

[الحمدان]

يا شبيه الورد في صافي الخدود
تسحر عيوني وتجذبني بحلاك

مال روحي غير زولك في الوجود
‏ومال عيني في الصبايا الا هواك

....

[الحمدان]

‏لا تطلق السر من سجنه وتطلب كفيل
دمار بعض القلوب البيض من طيبها

غير انتبه لا يجي سرك كرامة بخيل
ما ينبسط لين كل الناس تدريبها


عشق بن مسفر

[الحمدان]

تَعَبت من كثر المجــامل ومليت
ومن المثالية تضـايقت بالحــيل

من كثر ما اعدي واعدي ومشيت
قامت تهاون بي ضعوف الرجاجيل


ثامر السهلي

[الحمدان]

الصمت في بعض المواضيع مطلوب
والناس قبلـــي قالوا الصمت حكمة

بعض الســوالف تِلحق إبن آدم ذنوب
و يآثم و هـــو من قـــبل هرجه بنعمة

ترى النــبأ الطيب مع الـناس محبوب
و العيب يبقى عيب واضـح من اسمه


ثامر السهلي

[الحمدان]

الحرار تموت ما تاكل لحوم الحرار
والثعل عند الرعيّة يدور مطمعه

عيش ياراسي على العز والدنيا مدار
ما تضيق صدورنا و الدروب موسعه


ذائقه

[الحمدان]

أداريه و أضحك له و أضحّك عليه بدود
و أضحك عليه اللي يموتون ضحكٍ له

كذا عـشت في دنياي ما لي مدا و قيود
صديق الـصديق و للعدو علقم و عله

فمادام الفجوج وساع والمزن ماه يجود
و ما دام الـنجوم نجوم ما هيب اهله

أبتبع هوى بالـي و أسير و اجي للذود
و إلا ضقت جيت اللي من يجيه ما مله


....

[الحمدان]

أشوف العرب تالي الزمن تشتكي وتصيح
من اصحـــابها تبغـــى المـــواقيف بالقوه

وإذا المرجله باللـــوم والســـب والتجريح
فــلا عـــادت الـــرفقه ولا دامـــت الخـوه

وانا فزعة أصحـــابي تسـابق هبوب الريح
يدور الزمن و الصـــاحب الكفـــو هو هوه


ردة الطلحي

[الحمدان]

ما ضرنا قل نسـعى في مناكبها
انقدم الطيب واليا جحد نعتاضي

نصـح القلوب المـوده لا تغاربها
ونات شايب بناته تحت الانقاضي

قررت مازعل على العالم واعاتبها
ما دام ربي عليــنا سـاتـر وراضـي

عيب القلوب المصده لو تشربها
من دم قلبك تمجـه راح بالفاضي


عبدالعزيز قالط

[الحمدان]

يازين طبعك قبل لا يمتلي جيبك
ويابرد وجهك عقب ماكثرة فلوسك

وشلون غير نباك وحلو أساليبك
لا يضيٌع المال من سمتك وناموسك

وتفقد عزاز النفوس اللي تهليبك
لا ضايقتك الهموم وكثرت هجوسك


عبدالله الصبيحي

[الحمدان]

خلوه يزعل لين ترضيه الايام
وعقبني الفنجال لارحت اراضيه

اللي زعل باوهام ترضيه الاوهام
خله على الصده ولاني براجيه


تركي العريدي

[الحمدان]

واهني الي من الهم مرتاح الضمير
ما قست سود الليالي عليه ضروفها

ما بعد جرب تنهاتت الضيقه عصير
ولا بعد ضحكت عليه السنين اصدوفها

لي حوالي خمسة شهور والخاطر كسير
والعيون من السهر قام يخطي شوفها

دورة الايام مثل الرحى الي يستدير
مثلي من الناس قد حيّل دون شفوفها


....

[الحمدان]

لو هي على كثـر التـمنـي والامـال
بـ قـول شـيٍ في ضـلـوعي تـخفى

كل يوم نفقد من هل الطيب رجال
يـوم الـردي بـظل الرجـال يـتعفى

نزعل ليــا غابـوا حشيمين ورجال
ولا الردي بطيـح الرجـال يـتشفى

عمر الرجل ودك على قد الافعال
من طاب عـاش ومن تردى تـوفى


صلاح مطرف

[الحمدان]

الكريم يذاع صيته والبخيل يهمّل
والمواقف مرّة فرضً ومرً سنّه

من تجمل ساعة فيها الكلام يكمّل
ما يرد المدح لي جات المدايح منّه

ومن تردا فالرجال وفعل ابيه يجمّل
جعل وجهه فالتراب وجعل ابيه الجنّه


مهدي اليامي

[الحمدان]

انا لي رفيق دق صدره و تالي حاص
يشين الوعود الي تجي عـقبها الحوصه

رجال ما يحمي كلمته نعتبـره هلاص
ولوهـو من رجـال بالامجاد مخـصـوصه

خدعنا لـميع الـبدي واثرالبلاء بالـشاص
ولافا دناقـوله نضيـفه و مفحوصه

وتراء المشكله ماهوب ديـن بلا مخلاص
لكن البلاء في دقه الصدروالحوصه


عايض ملهي

[الحمدان]

ترى المال والمنصب عقوبه على راعيه
احد يرتفع به فـوق والثانـي يحـدر

عسى الله يطول عمر ابو ويش تامر فيه
وعسى الله يقصر عمر ابو صعبه ومقدر


هاضل ابو ليل

[الحمدان]

كثر الله خير سود الليالي والظروف
سوت لبعض المخاليق عندي فلتره

لاتحط ببارد الجوف والخبل امعروف
كل ماسويت به طيب لقاك ظهره


هاضل ابو ليل

[الحمدان]

عـسى بارد الجنّه وحوض النبي والحور
جـزا واحـدن مـوجـعني اليـوم فقدانه

وعسى مجلسه في جنة الخلد منبر نور
يـجـاور بـهـا رب الـسـمـوات سـبـحانه

رحـيـل الأبـو يـتـرك فؤاد الولد مكسور
بعد كان لا ضاقت لقى الأمن بأحضانه


عبدالله بن رشيد الجش

[الحمدان]

والله اني يوم أسج القدم* وأبعد*خطاي
لجل مافقد كامل الصبر*ويضيع*جهدي

قلو الأصحاب من حولي وكثرو*عداي
والسبب يوم أمدح الكفو وأسب الردي

الظروف أحيان ماتشفع لبعض أخوياي
حاجةً مايحتملها*البساط الأحمدي

ولوتزيد صدوف الأيام* ماجابت مداي
متكل باللي على يديه حزني*وسعدي


جري بن عبيد

[الحمدان]

مزحنا معك والحين بالله وش المطلوب
مادام النوايا سود والضن ذا لونه

نوايا الرجال الطيب والمنطق المحسوب
لو امزوحها في بعض الاحيان مدفونه
ً
عرفنا خفاك وقدر الله وذا مكتوب
وهالحين شف لك حل فالحبل ابو غونه
ً
نعاف الوطى ونجنب المشرب المشروب
ونارد قراح الماء لو الموت من دونهً


....

[الحمدان]

مدحناك ياراس المغفل وجبت العيد
حـــلالاه لــوانــا سـلـمـنـا مـدايـحـنـا

نظـر عينك قريّب وحـنـا نظـرنـا بعيد
اشر راحتك وانس المعرفه وريحنا


عبدالرحمن بن بديع

[الحمدان]

تدور الليالي بس تبقى الرجال رجال
تغيب الاسامي والمواقف تعرفها

تشيل الحمول ولا تشوف الحمول ثقال
وطيب الرجال وفعلها اللي يشرفها

تجيني بيوت الشعر في مدحهم تختال
ثمينه مثل نقد الفلـوس بمصارفها


....

[الحمدان]

الوداع اللي يقولونه وداع الميت
لاحضنته قبل قبْره يحْرمك من شوفه
ِ
الفراق فراق من عنه المنيه عيّت
خل فرقا واحدٍ عيّت عليه ظروفه


....

[الحمدان]

الرفيق اللي نهار الضيق مامنه مسّـره
في الرخا جعله مهف مقيط مالي فيه حاجه

اتشـره ليـه لاجلـه لاحـرام مااتشّـره
التشره في رديين العرب نقص وسماجـه

....

[الحمدان]

يامعلم الناس علم نفسك وفدها
عاين عيوبك وخل عيوب خلق الله

من قبل ماتلتفت للناس تنقدها
حاول تنزّه من العذروب والخله


محسن تركي

[الحمدان]

المعاريف الكبيره لاحطت بالضعوف
أصبحت فعيون أهلها عذاب ومظلّمه

مايعومس كل طيّب وصنّاع أمعروف
غير لا حط المعاريف في بطن أرخمـه


خالد الشلاحي

[الحمدان]

تدري وش اللي يصدم النفس ويحز
واللي بخيبــات الهــقـــاوي يخــمك

اذا احتــزمت لـمـوقف الطيب والعز
ولـقـيــت عـــدوانــك بـه اولاد عــمك


غازي الشمراني

[الحمدان]

‏في حاجتك لابد من صرف الفلوس
في راحتك لابد من صرف الــنـظـر

إدارة اموالك تعـــلــمك الــدروس
إدارة افعالك تعــــلـمك الـصبر


فريد السحيمي

[الحمدان]

الله خلق والله فـرق بين هالناس
والله جعل فيهم سمات ومواري

فلا تنزعج لاشفت لك ناسٍ أنجاس
لولا الردى مـا بـان للطيب طـاري

....

[الحمدان]

ماعلمك طول الغياب إني كبير
وإني على كثر إشتياقي ماأتبعك
َ
ماقلت لك قبل التمادي استخير
خل العناد اللي غدابك ينفعك

....

[الحمدان]

يامعشر اللي عمركم بالثلاثين
عن مجريات ايامكم طمنونا

هل عمرنا فـ اول شبابه وبادين
والا خلاص المجتمع ما يبونا

....

[الحمدان]

ودي على شوفتك لو انها من بعيد
الشوفه اللي تسابقني عليها خطاي

احب نظراتك اللي رحت منها فقيد
اللي تخفف من احزاني وتقطع ضماي

سرقتني مثل ما تسرق بيوت القصيد
تجيبها من زعل واجيبها من رضاي

وانا على غيبتك ماعاد عندي جديد
واليا ذكرتك تضيق ارضي وتصغر سماي

....

[الحمدان]

مال الشجاعه عمر وانتي كبيره
نظراتك بوجه العدا سيف ذبـاح

لو كان ما عندك جيوش وذخيره
من قو باسك شوكتك صارت سلاح

....

[الحمدان]

ياللي من الناس تعجبني اساليبك
لا صار هرجك رحيق وضحكتك حلوى

سبحان من جمل بعيني عذاريبك
ياللي وصالك غرام وغيبتك بلوى

....

[الحمدان]

يـا ليت ربي خـالـق الصدر شـفـاف
وأقـول طالع خـافقي و أنت تدري

والله لـو إن اللي بالأعماق ينشــاف
مـا تلمح إلا صورتك وسـط صدري

....

[الحمدان]

‏لا تعاتب نظرة عيوني وتستغرب حضوري
والله ان فيها كلام اكثر من اللي في المحاني

فيك ما يخجل احاسيسي وما يرضي غروري
انت حلمٍ ماتمنيته وجابته الأماني

كل ما شفتك وجيت اصارحك صادق شعوري
قالت عيوني احبك واستحى منها لساني

....

[الحمدان]

ألا ياغزالٍ في عيونك سهوم الموت
وفي مبسمك جنة وفي شوفتك راحه

ياحلو المعنّق والسوالف وحلو الصوت
لو إن السوالف .. بالتغناج* ذبّاحه

تغار البني من طلّتك والقمر و التوت
يا ميّاسة الحسن الطبيعي ومصباحه

....

[الحمدان]

انت الصباح اللي خيوطه تبوج الظلام
والبسمه الدايمه والوجهه الراحبه

صبحٍ يجيبك نعانق به رحاب الغمام
وصبحٍ بدونك شحيب وطلته شاحبه

....

[الحمدان]

‏لا مات الكلام و ما بقى فالعيون عتاب
مابين المواصل والمفارق وش اخترتي
ㅤㅤ
سكوتك وتقصيرك و صدّك بدون اسباب
أنا ما تغيّرت أنتي اللي تغيّرتي

....

[الحمدان]

وقتنا صعب والأصعب علينا انفرض
‏بين واقعْك وأحلامك شكوك ويقين
‏
‏لا تعاتب ولا تحزن ولا تعترض
‏اجتهد لـ الفرح والا بـ تبقى حزين
‏
‏لاحضورك علاج ولاغيابك مرض
‏عيش عمرك لــ نفسك وأترك الآخرين
‏
‏لا تحبّ الحياه أكثر من المفترض
‏ولا تخاف الفراق وكلّنا راحلين

....

[الحمدان]

كتبت لك يانور عيني مقالة
‏على ورق إيفور فاخر ولمّــاع

‏انت الحبيب ولارضينا بداله
‏اقولها والكل ينظر وسمّاع

‏بيتين شعر وبوستين و رســالة
‏مضمونها بالحب راقي وطمّاع

....

[الحمدان]

يا مرحبا ترحيب يكتب بالأنوار
يا مرحبا باللي يـشرّف حظوره

أسمك مثل برق يبشر بالأمطار
على الوفا والطيب تكتب سطوره

....

[الحمدان]

تمرجح عزوم الناس بين الرجا والياس
‏ومن شدّ باسه بالولي ما أنثنى باسه

‏تبي سطوة الأيـام حـرٍ صميدع راس
‏ليا أشتد باس الوقت مايرتخي راسه

‏ومن عاش مابين الأوادم يباري الساس
‏غدا بين نيبان أقشر الوقت وأضراسه

....

[الحمدان]

عسى كل عيـنٍ دمعها بالوفاء رقراق
‏تزين الليالي لو على شان خاطرها

‏الا ياعيونٍ سبّلت دمعها الحـرّاق
‏ونامت حزينة مالقت من يعبرها

....

[الحمدان]

الذنوب تهز روحي والفناء يربكني
‏من يحرّرني من أغلال السهر لو مرة

‏الفرح يشمت بحالي والحزن يضحكني
‏صار قلبي يرعبه صوت الفرح ويضره

‏ودي أترك كل طاري يرحل ويتركني
‏بين هقواتي ولوعات الحياة المرة

....

[الحمدان]

نعيش ف الدنيا العريضه ونحلم
‏ويمكن نحب ااشياء وفيها مضره
‏ٰ
‏يارب وانت اللي عن الغيب تعلم
‏اكتب لنا اللي فيه خيير ومسره

....

[الحمدان]

دخيلك اليا من جابني طاري وحنيت
‏لاتذخر من احساس الوله شي لعيوني

‏معاك المشاعر طبقت خطة التكويت
‏تمنيتك انت وواجد اللي تمنوني

....

[الحمدان]

تمنيت لو عطري من الجاعد المنثور
‏ومن خدها قوتي ومن ريقها خمري

‏على جيدها لو ذاب سلسالها معذور
‏انا يوم ماكتب فيه الاشعار وش عذري

‏تقول انت شاعر قلت للفاترات الحور
‏تقول انت عاشق قلت لمعنق العفري

‏انا والقصيد وقلبي المنهي المأمور
‏فدا قالت انت انسان مجنون قلت ادري

....

[الحمدان]

اللي تجي بيني و بينك وش تبي
‏إن كانها تبغى هواك مطوّله

‏علّم قليل الفهم و امّات العبي
‏اني معاك الآخره و الأوّله

‏واللي معي ويطالع بغيري غبي
‏أنا في ربّات الجمال الأوّله

‏واللي تنافسني على الزين تهبي
‏زيني طبيعي والوصوف مهوّله

‏واني فريده بينهم من صيت ابي
‏واني من القمرا عليك محوله

....

[الحمدان]

يا مالك ٍقلبي وعيني تراعيِك
‏لبّيت قلبي يوم هاض بغرامك

‏احترت من زوُد الغلا وين اوديك
‏حتى عيوني ما تليق بمقامك

‏والله لو صدري يضمّك ويحويك
‏لجعلك فوق القلب تبني خيامك

....

[الحمدان]

قال أخاف تكون في حبي مخادع
‏قلت لا واللي صدف بينك و بيني

‏والدليل انه يجيني منك رادع
‏كل ماجيت اهتني بك مايجيني

....

[الحمدان]

لا تراعي اذواق البشر في مصيرك
‏ لو صرت بعيون الخلايق بلا ذوق

‏ اهم شي فـ العمر ترضى ضميرك
‏ لو ما رضى عنك من الناس مخلوق

....

[الحمدان]

مالي علاقة مع أهل الحب بالمره
‏ولاني غرامي لو أبياتي غرامية

‏حتى ولو شفتني فـ الحب متشره
‏علاقتي مع جميع الناس سطحية

بقلمي

[الحمدان]

ما يسلى حزني ويفرحني ويسعدني
‏إلا أنت ياللي جذبت العين بوصوفك

‏يا جعل ما فيه شيّ عنك يبعدني
‏لا من ظروفي ولا من جانب اظروفك

‏آبيك يا ملهم احساسي تساعدني
‏وابي اعتبر مطلبي من طيب معروفك

‏آبيك تكفى قبل لا تغيب توعدني
‏تقول لي لاجل اجي في الحال وآشوفك

....

[الحمدان]

بكيت وابكيت شعرٍ فيك بكاني
‏حزين من غيبتك وانا شقاويه

‏تعال وتشوف همي وين وداني
‏كني بلياك بالدنيا خلاويه

‏اجر صوتي واغني عذب الالحاني
‏واكتب لك الشعر من دمعي ومافيه

‏حتى بيوت الشعر ماعاد تزهاني
‏عفت الكتابه وعفت الشعر موليه

....

[الحمدان]

قالت تشوف طرفي قلت أنا وش بلاه
‏قالت وش رايـك بزينه تحسه مثير

‏قلت بـ عيونك الثنتين مـوت وحيـاه
‏تقتـل العاشـقين وتحـيي المستـجير

‏قالت أصلا أنا أجمـل وأعـظم فـتاه
‏قلت هذا الغـرور اللـي مخليـك غير

....

[الحمدان]

والا أنت يا أبو العيون الناعسات الوساع
‏سلهامها يأخذ العشاق لـ أبعد مدى
‏
‏سهوم نظرتك ما يقدم عليها شجاع
‏حتى لو أنه من اللي ينطحون العدى
‏
‏لعيونك معرضٍ عمري لدرب الضياع
‏واللي بقى منه واللي راح جعله فدى
‏
‏أحنّك من الوداع و من جروح الوداع
‏مثل ما أحن الرفيق الطيّب من الردى

....

[الحمدان]

احب الحساء من حب اهلها ولا ادري ليه
‏من الله كذا لا جيتها ينشرح صدري

‏ديارن تذّكر داله البال عن ماضيه
‏دوى اللي فقد طيب العرب كان مايدري

....

[الحمدان]

‏ترفق بحال اللي بصدق الغلا يغليك
‏ولك في خفوقه حب مكسـي محنيه

‏ورب الخلايق يريش العين كل مافيك
‏احبه محبه حافها صادق النيه

‏لك القلب مرفا والصدر ساحلن ياويك
‏وخفـوقي ربيعك والمعاليق منقيه

‏وبالعين مرباعك وسمع ايتونس بيك
‏وضلوعي عليك ضلال والكبد زوليه

....

[الحمدان]

تلاشت احلامي مع الواقع المر
‏يم الاماني البيض مسدود دربي

‏وتسارعت دقات قلبي ليا مر
‏طيف الوليف اللي خذا لب قلبي
‏
‏كان البدايه عشق ونهاية الأمر
‏دمعة ندم طاحت على صدق حبي

....

[الحمدان]

ضايق صدري وفي عيني أحر الدموع
‏وآتحرى ادناة فرصه على شان أهلّها

‏فاقدٍ لي ضلع واحد وفي صدري ضلوع
‏لو رجع لي قلت هاكم ضلوعي كلها


محمد السكران

[الحمدان]

عمرك ثمين ولا تضيع حياتك
‏بـ أشياء ماتسوى من العمر ساعه

‏أبدى عليك من المخاليق ذاتك
‏لاشفت من حولك بدوا باللكاعه

‏ لاتبلش بشيٍ مع الوقت فاتك
‏وحاول تعيش اللي بقى عن قناعه

‏ ماحد يرد الموت لحظة وفاتك
‏ وماحد لجل ترضى بيكسر ذراعه

....

[الحمدان]

عواك ياذيب الخلاء يوجع الروح
‏من أيش تعوي وانت ذيب الليالي

‏خوف ولا جوع ولاانت مجروح
‏ولا مفارق شخص ياذيب غالي

‏صوتك به العبرات والحزن والبوح
‏عزي لصوتك مثل عزي لحالي

....

[الحمدان]

انـا اخـترت الـقرار الـي يناسـبني
‏ عن معظم الناس قمت أغير الوجهه

‏من يـبدي الوصـل لايـمكن يعاتبني
‏ومن يقطع الوصل خليته على وجه

بقلمي

[الحمدان]

على ذكرياتك خالفتني سحابة ياس
‏سماها مغنّ احلامنا وارضها صدري

‏تبسمت يوم عيونك تقول لي لاباس
‏وانا ذقت ثلثين الحزن وانت ماتدري

....

[الحمدان]

من شاف وجه القمر فالارض حطه وليف
حتى لو انه على حد السراط انحرف

مضارب رموشك الى حدها حد سيف
مكانها فالصـدر وغيـرها فالطــرف

في مثل هـذي العيـون اللى هدبها كثيف
تسـلم الروح ويمـوت الشجـاع بشرف

....

[الحمدان]

يـا مرحبا ترحيبـة البـدو بالبـرق
‏اللي لهم عاميـن مـا رحبـوا بـه

‏ياللي سرقت النوم والعافيـة سـرق
‏يازاد قلب اللـي هـواك وحروبـه

‏كسرت كل أبواب وصلك من الطرق
‏وغيرك طرق قلبي ولانيب صوبـه

....

[الحمدان]

أحلامنا كانت على ريشة الطير
‏والطير طار وريشة الطير طاحت

‏وأيامنا صلفه وفيها معاصير
‏شوفوا بقايا أحلامنا وين راحت

ذائقة

[الحمدان]

اقبلي يمي ولا لك سوى حسن القبال
غير ترديد التراحيب ما انتي لاقـيه

مرحبا والساعه اللي تحيبك راس مال
في دقايقـها نعيم القلوب الشاقيه

ليـله جادت بـ وصلك بعد شح الليال
ليلهٍ ماهـيب مثل اللـيال البـاقيه

....

[الحمدان]

اسهر واخاوي نجمة الليل وانوح
‏واجاذب الاهات والناس غافين

‏تعبت اترجم علة الصدر وابوح
‏وتعبت اداري دمعة العين ياعين

....

[الحمدان]

ياهاجـسي دندن على تالي الليـل
واطرب مزاج اللي مع الليل يشڪون
‏
وابعد عن أهل القول والقال والقيل
‏وامسح دموع اللي من البعد يبڪون
‏
واقرب من اللي يعشقون المواويل
‏وارفق على اللي بالخفايا يونون

....

[الحمدان]

يامتابعين ابيات بوحي لو ابوح
‏شكري وتقديري لكم مايكفي

‏ما اقدر أقول الا من الروح للروح
‏متابعتكم تاج ع الراس والعين

بقلمي

[الحمدان]

يدور الزمان وكل غالي يبي يخليك
‏هذا درس كنت اسمع به وشفته بعيني
‏ㅤㅤ
‏خذاك النصيب ورحت جعل الله يهنيك
‏لو ان خاطري بك وانت لو خاطرك فيني

....

[الحمدان]

قلبي على شوفك من الشوق هلّا

‏والشوق من طاريك يا زين هزه

‏مابيــك عن حبي تصــد وتخــلا

‏قلب يحبك فــوق الاحبــاب عزه

‏جيتـك غلا ما جيت لك بـ اتسلى

‏حــبٍ عن عيــون الخـلايق تنـزّه

‏حبــك خـذا قلبـي ولا شــي خلّا

‏حتـى شعــوري بالغــلا يستفــزه

....

[الحمدان]

انتي اجمل من كتبته في حروفي
وانت اروع من له الهاجس تكلف

وانتي احلا من تحلت به وصوفي
وانتي اطيب من رحيق الورد والطف

وانتي اول من دعمني في ظروفي
وانتي اوفا من وفي فالناس وانصف

وانتي اول من كسر شكي وخـوفـي
وانتي انزه من سكن قلبي وشـــرف

....

[الحمدان]

من دروب اهل الهوى والعاشقين
‏جعـل مـا غيـرك غـرام ولا حبيب

‏وعن دروب اهل الجفا والراحلين
‏جعل عينك عـن عيوني مـا تغيب

....

[الحمدان]

اهديت لك من زهور الشوق كم باقه
‏ومجنونه الود ماينفع بها الراقي

‏النفس ولهه وروح الرح مشتاقه
‏وماينعش الزرع غير الماء مع الساقي

....

[الحمدان]

قلبي اخذته وانا والله ما اعطيتك
‏وشلون تاخذ خفوقي يا مشقيني

‏والله ما جيتلك وشلون انا جيتك
‏علمي بنفسي ترى يومك تناديني

‏رحبت يامرحبا واثر الحشى بيتك
‏كنك تبي عن حزن قلبي تنسيني

....

[الحمدان]

يابوي عطني موترك خلني اسوق
‏صبري على بعده تعدى الحدودي

‏الغالي اللي هزني يمه الشوق
‏وبيح خفايا خاطري والسدودي

‏ماتشوفني يابوي متعب ومحروق
‏والحال ناحل والتعب في خدودي

....

[الحمدان]

يالله يا رازق البايع من الشاري
‏يامعطي الخلق من فضلك بلا منّه

‏إنك تبارك صباح اليوم للقاري
‏وتكتب له الخير والتوفيق والجنه
‏
بقلمي

[الحمدان]

تمنيتك وقلت في خاطري ليته تمناني
‏وانا ماكل واحد شافته عيني تمنييته

‏على كيفك تذكرني على كيفك تناساني
‏وانا طاريك في قلبي ولا يوم تناسيته

‏زرعتك وردة حمرا تزين كل بستاني
‏ودفنت القلب في تربة مشاعرنا وخليته


....

[الحمدان]

عليك الغلا مردود يـ الغايب الموجود
‏سوالفك غابت مير طواريك ماغابت

‏غيابك حضورٍ له بصدر البيوت شهود
‏وش اللّي يغيب ضحكتك والغلا ثابت

‏أحنك مثل ما أحن وجهي من المنقود
‏وأعدك ليا عديت الأيام وش جابت

....

[الحمدان]

توب وارجع للــخطا عقب ما اتــوب
‏ارجـع ولـو مـازال فالنفـس شيمـــة

‏وامشي على دربي واجنب لــي دروب
‏درب يجــدد ذكــريــــــات الليمه

‏على رصيفه دمعه وحــرف مكتـــوب
‏وقلب تمكنه السهم فــي صميمة

‏ياليتنا عشنا بلا احساس وقلـــــوب
‏وياليتنا ننـــسى الامـــور القديمة

‏وليت الزمن لاطال مايظهـر عيـــوب
‏ناس لهــم فالقلب قدر وقيمــــــــة

‏تلعب بي الدنيا على كــل مسحوب
‏ياما ضحكت لي والعواقب وخيمـة

‏كني بها في صوب والضحك في صوب
‏وقسمي بها حــزن وجروح سقيمـــه

‏مليت من قولــة مقـــدر ومكتـــــوب
‏ومليت عطف اهل القلوب الرحيمـة

‏انا الذي من لـــذة الوقت مســلوب
‏وانا الذي ماعـاد يعـرف خصيـمـه

‏ارجع على نفس الخطأ عقب ما اتوب
‏لو انها فـــي حـــق نفسي جريمــــه

....

[الحمدان]

نمسي على حال ونصبح على حال
يوم لنا واليوم الاخر علينا

يومِ سلى خاطر ويوم غثا بال
طبع الزمان وحكمة الله فينا

....

[الحمدان]

رسالتي لك

‏لاصرت في نعمه وصحه ومرتاح
‏والناس سالم من أذاها وحسدها

‏اسجد سجود الشكر لخلاق الأرواح
‏تراك في نعمــة وغيـرك فقدها

[الحمدان]

عمر الرخا مايكشف الناس للناس
‏مايكشف الرجال غير الشدايد

‏ناسٍ تشوف الصعب وتقول لا باس
‏وناسٍ تشوف السهل وتقول كايد

....

[الحمدان]

‏انت لو تظما من عروقى سقيتك
وانت لو تبعد يصير الجو ثاني

وانت لو يقـسى زمانى ماجفيتـك
كن ربى عن هـوى غيرك نهاني

من يقول انساك يكذب مانسيتك
كيف وانت القلب من دونك عصاني

....

[الحمدان]

حي طرقاً كل ماهزها الشوق وحكت
الهوى يطرق ثغرها ويضّحك سنها

ضحكها يمزّع معاليق قلبي لاضحكت
كنّها تملك مفاتيح قلبي كنّها

....

[الحمدان]

نصف الحكمة :
الصمت

نصف الراحة :
في عدم مراقبة الآخرين

نصف الثقة بالنفس :
عدم المقارنة مع أحد

نصف الأدب :
عدم التدخل في ما لا يعنيك

لو تعلَّم نصف البشر
عدم التدخل فيما لايعنيهم
لعاش النصف الآخر بخير

رسالتي لك....

[الحمدان]

اعمارنا تجري مع خط الاقلام
‏تطوي بها الأيام طي الوثايق

‏فيها الفرح مره ومرات أوهام
‏وهذا هو الواقع بجد وحقايق

....

[الحمدان]

صار اللي صار وانتهينا على خير
‏وعيوننا عاشت وشافت ودارت
‏
‏مو كل شي بكيفنا لازم يصير
‏اشياء واجد م نبيها وصارت

....

[الحمدان]

ماكلّ غايب عن عـيوني فقدته
‏و ماكل شخص القاه يستاهل اغليه

‏من بعْد ما قلبي شقيته وعدته
‏ما يسكنه غير الّـذي يعتني فيه

....

[الحمدان]

ليّت مالي من ورا الشعر محـبوبٍ ابيه
‏كان ماشافوا العَرب حزن عيني لا طرا

والله اني كل بيتٍ كتبته كان فيه
‏وما انتظرت ان كان يقرا او انه ما قرا

....

[الحمدان]

‏جاني ويسأل كيف نومك وممساك
قــلت السهر صار لحياتي مخاوي

ماغير أهوجس بين صوتك وذكراك
ومـــا غير أسلي خاطري بألحكاوي

....

[الحمدان]

‏ترا الصداقه تشبه أنواع السيوف
و ما كل سيف ياصاحبي ظنه قوي

سيفٍ بريقه باللعب بين الصفوف
وسيفٍ صليله بالوغى يدوي دوي

....

[الحمدان]

ياصاحبي أنت السند حزة الضيق
وأنت الذي يغني عن الناس ظله
ٰ
الطيب يرفع من مقام المخاليق
وأنت بمقامك ترفع الطيب كله

....

[الحمدان]

تعوذ برب الناس من كل شر وباس
ولا تنشغل في خلق ربي تراقبها

عسى من يحسد الناس والايضر الناس
يـجـيـه العمى فـ عيونه اللي يشوفبها

....

[الحمدان]

خيره تموت احلامنا في مهَدَها
احسن ولا ينقال ماتت كبيره

يا فهد لو دنياك يبطي شهَدَها
مرّات بعض المّر يا خوك خيره

....

[الحمدان]

من زينها مال القصايد معاذير
ينساب حرفي من هوايل حلاها

المهره اللي غير وأوصافها غير
كل العذارى بالمراتب وراها

....

[الحمدان]

‏تخفي غرامك لـكـن الشوق فضاح
والحب ما يستر عـيـوب المحبين

واللي ابتلي بالحب وشلون يرتاح
لاصار عنده جرح واليوم جرحين

....

[الحمدان]

‏مابقالي قلب يشفع لك خطيه
ذوبته اجروح صدك والخطايا

صاحبي با الله لاتعتب عليه
العتب معاد تاسعه الحنايا

....