فوق هام السحب ( الشعر الشعبي) على متن القوافي

[الحمدان]

دكتور قوللي وش علاج المحبه
وين العلاج اللي يداوي المحبين

لافادني المرهم ولا الف حبه
ولا المهدي والابره والبروفيين

القلب شاغلني ومغرم بحبه
واخاف نصبح بعد فتره مجانين

.....


جواب رد من ابوشاجع

عندي عـــــلاجك يالـمتيم وطبـه
لك ياكحيل الـعين يالحالي الزين

دكتـور مـــختص للمحبين طبـه
خبيــر و اعــالج جميــع المحبين

رقم العــياده هو عالوتس ذي بـه
دق الرقم ورسل شكاويك ذلحين

كـل الفــحوصـات والتحليل كبـه
دام والعلاج عندي لكل المصابين

[الحمدان]

يامساء الـشوق وإحـساس الغياب
ويا مساء إللـي ذكـــر خلّه بخير

مــن ذكـرته انـفـتـح للمساء بـاب
ھـمـّي المعتاد والـشـوق الـكثير

.....

[الحمدان]

مِتولعَـه بـالشِعـر واحسَاسهِا غير
وكل ماعَجبهآ بِيت قَالت عَلى الجرْح

محدن يِشـابـهآ بكل الـغنِاديـر
في زينَهآ واحساسها يصعب الشرح

.....

[الحمدان]

‏القـلب بيتـــك والغـــــلا ورد وزهـور
يفـوح عـطر الشــوق لحظة مـرورك

جـاوزت لعـيـونك مـحطات وبحـور
من قبل أصافــح بالمعاني سطورك

ياخل غرامــك صار فالروح منثور
في الدم يجــري به غلاك وشعورك

وانت نبض القلب والشمس والنور
ولو غاب كل الكـون يبقى حضورك

.....

[الحمدان]

اعشق حروفك واعشق اسمك والهدف
.واعشق دلالك والدلع واعشق غلاك

اعشق عيونك ذا بها كل الشغف
واعشق عنادك والعتاب واعشق غواك

اعشق حماسك في الهوى لاقد عصف
واعشق زعل قلبك وحين اطلب رضاك

.....

[الحمدان]

‏غالـــي وتبــطي داخل الـقلب غالـي
‏تعال عــندي وأفــتح القلب وتشوف

‏لامرنــي طيــفك وداعـب خيـــالـي
‏أسكت وأقول بخاطري حيّ ذا الشُوف

.....

[الحمدان]

‏أعاتبها ويلمع دمعها واغير الموضوع
أنا الغلطان دام السالفه تاصل مدامعها

.....

[الحمدان]

اقـنـع بحـالك والظروف المحيطه
دام السـعاده والـرضا بالـمـقـادير

بسيط وتحب الحياة البسيطـــه
خلك على هالقاعده وابشر بخير

.....

[الحمدان]

كافحت بالدنيا وخضت التجاريب
وعِرفت منتـوج العمر من كفاحـه

أكبر سبب يجلب عدوات ويجيب
للناجـح المـوهـوب قـوة نجاحـه

.....

[الحمدان]

يارب زدني تمسك بالشيم والمبادي
بدون بعض المبادي ما للانسان قيمه

سفر الدغيلبي

[الحمدان]

‏لا تكتم شعورك وانا شابع سكات
‏لا أشتقت لي قلّي وباقول لا اشتقت

‏وصوّر لي عيونك على مر الأوقات
‏مردّها بْتقفِي عيونك مع الوقت

.....

[الحمدان]

‏ياللي عن أنـظـار المضافين خافي
‏مالي على التغريد بـغـيابكم شف

‏والنـاظر المـحـزون للنـوم عــافي
‏لا تطول الغـيـبات في حـالتي رف

.....

[الحمدان]

طرف الليل وانقاد النسيم وتنبه
‏خاطرٍ من صواديف الزمن فيه حرّه

‏ليت قلبي ذعاذيع الغلا ما تهبه
‏وليت عيني تجود بدمعها ما تثره

‏كيف ابسلا وانا اطا كل ليله مربه
‏وتعترض صورته واقول لله دره

‏تهت مابين عنق وبين منحر و لبه
‏وعين حر وجديلٍ ضافي وخصر حرّه

‏قد طلبته وانا المطلوب مانيب احبه
‏وقد تبعته وانا مانيب تباع جرّه

‏يوم شفته نوا الهجران من دون سبه
‏وقام يكثْر علي من العتب و يتشرّه

‏قلت درب الفراق اللي تطريه ذبه
‏واخذ معك الغلا الباقي بخيره وشره

‏قال قلبك قسى بعد الوفاء ؟ قلت صبه
‏ما بقى في مداهيله للاشواق جرّه

‏من طروق الغرام ومن دروب المحبه
‏سامحٍ خاطري ماعاد لي شف مره

.....

[الحمدان]

‏ذقنا ملذات الهوى حب وفراق
‏وشفنا من صدوف الزمن واكتفينا

‏وعشنا ثلاث سنين بالضبط عشاق
‏احلى ثلاث سنين مرت علينا

.....

[الحمدان]

‏ماتركته في حدود الممكنه والمستحيله
‏كنت اداري خاطره لو خاطره مدري علامه
‏
‏إن ثقل همّه على متنه فـ انا اوّل من يشيله
‏وان تمادى بالسهر ليله فـ انا اخر من ينامه

‏يدري ان الدمعه اللي في طرف عيني ثقيله
‏وادري ان عيونه اللي صدّت ابلغ من كلامه

.....

[الحمدان]

‏لعنبو من ذل نفسه لغــير امه وابوه
‏لو تــروح الـروح نفس الفتى ما ذلها

‏علموا من هان نفسه لمطمع علموه
‏شيمة الرجـــال تســوى حياته كلھا

.....

[الحمدان]

‏أصل البكا يا صاحبي من كذا نوع
‏مره وله ومره حزن ومره إخلاص

‏إحدٍ إليا منه بكا طـــاحت دموع
‏وإحدٍ إليا منه بكا طاحوا آشخاص

.....

[الحمدان]

‏عذرك تحبين القصايد وعذري
‏انك طموحات القلوب النبيله

‏أنا اختصرت الناس بإبداع شعري
‏وانتي اختصرتي كل أنثى جميله

.....

[الحمدان]

‏عطوني اللي مرّها ماهو مثل مرّ الحياة
‏ما كنّها الّا ترفةٍ يستر زعلها زِينها

.....

[الحمدان]

‏وقفة الطيّب اكبر من حدود الكلام
‏الذهب مايصدّي والمواقف محك

‏عـادة الوافي اللـــي يدفعك للامام
‏كل ماضــاقت الدنيا بعينك ضحك

.....

[الحمدان]

‏منطق لسانك يكشف السر للناس
‏عن تربيتك وساس جدك ومعدنك

‏لو كـان للطيب علامــه على الراس
‏مـا قـيـل مـن لا يعرفك مـا يثمنك

.....

[الحمدان]

‏يا خليل القلب ماعاد يصلح له خليل
‏ غيرك الله يلعن اللي ليا عاهد يخون

‏ لاتجاملني ترا قلبي أحساسه ثقيل
‏ لو تقول أهلاً وسهلاً يحس انه يمون

‏أنت لوتدري بحبك طلبت المستحيل
‏مستحيل عندك وعندي أهون ما يكونّ

.....

[الحمدان]

إليكم مع التحيه...

أهلاً بكلِّ مُتابعٍ ومتابِعَةْ
بقناتِنَا الشعريةِ المُتَوَاضِعَةْ

موسوعةٌ جمعت قصائد جمة
فكأنها بحرٌ عميقٌ في السِّعَةْ

أبياتها كلآليءٍ قد أُفْرِغَتْ
فيها كأمثالِ النجوم اللامِعَةْ

طوبى لمن قد بات فيها متابعاً
يقتصُّ من هذي الثمارِ اليانِعَةْ

[الحمدان]

العز له ساسه وراعي الطيب معروف
والـصبر فـي بـعض الـمواقف رجـوله

الـلي يـجامل تـالي الـوقت مـكشوف
والـمـجـد مــاهـو أي واحـــد يـطـوله

.....

[الحمدان]

‏حظ من حطك بجوفه وسكرّ غطاه
‏حتى صوتك ما وده بالعرب تسمعه
‏
‏من يحبك وربي من غرامك عطاه
‏وش يبي من حياته غير شوفك معه

.....

[الحمدان]

كان عندك عيوب وكان عندي عيوب
عيبك انك سكتّ وعيبي اني مشيت

.....

[الحمدان]

‏حُبك عطاني درس ماني بناسيه
درس هدم أحلام عمري بـ ثواني

مهمّا تحب وتخلص لشخص تغليه
تلقى النهاية يحب له شخص ثاني

.....

[الحمدان]

السنافي ليت راسه مايشيّب
وليت عمره يندبل تسعين مره

والردي ليته من الدنيا يغيّب
دام خيره مايعادل ربع شره

.....

[الحمدان]

ارفق ترا النفس العزيزة عيوفه
‏ماكل عذر ٍبأقبله منك لا أخطيت

.....

[الحمدان]

اخوي لا ضاق الفضا والدهر شان
يبقي علي سود الليالي عضيدي

اضرب بسيفه هيبة الانس والجان
واسقيه لامنه ظما من وريدي

.....

[الحمدان]

انا الكبير بعين من يعرف الناس
وانا الصغير بعين من يحتقرهم

تدري وش الافلاس لا قِيل الافلاس
اللي عرف له طيبين وخسرهم

الأمير خالدالفيصل

[الحمدان]

والنوم لي وقت لاجيته ولاجاني
يرسل علي والسهر يذبح مراسيله

ماعندي الا القصيد يترجم احزاني
اصرف شعر واعتصم بالله واشكي له

سفر الدغيلبي

[الحمدان]

‏يالعفاف المهذّب والحيا والحشيمة
‏والجمال الحقيقي والوقار المهيّب

‏كل عينٍ ماتشبع من عيونك كريمة
‏ما لحسنك شبيه ولا لزينك معيّب

‏ماتهون المصايب والجروح الأليمة
‏لين شعرك من العود المعتّق يطيّب

‏وكل فكرة تغنّى فيك فكرة عظيمة
‏لين راسي يشيب ولين قافي يشيّب

.....

[الحمدان]

‏عزي لحال اللي من الفقد مفجوع
‏مــن كثـر مامر بحيــاته وواجه

‏صار الحزن في داخله نبت مزروع
‏تسقيه ذكرى وسمها في حجاجه

‏لاحول لا قوه ولا صوت مسموع
‏ من كل حاجه ناقصه الف حاجه

.....

[الحمدان]

‏يـالله ياللي نطلبـك حزة الضيـق
‏وللضيـق عنـدك ياكريم انفراجه

‏تفرج لمن همه عن الضحكه يعيق
‏فاقد شعاع الشمس طافي سراجه

‏همه ثقيل ٍ وان حكى ييبس الريق
‏بعض المواقف زودت بانـحراجه

‏عليك يشكي الحمل ما يقدر يطيق
‏فيك التجى وحدك وعندك عـلاجه

.....

[الحمدان]

‏ياصفحة الخذلان ماعاد نبغيك
‏قصة حياتي ماتحمل هزيمه

‏وان كانها لابد شوفي مراميك
‏في داخلي باقي علامه قديمه

.....

[الحمدان]

‏أحبّك و أنا اللي لو جميلك علي شوي
‏قدرت أتناسى ليلةٍ ما أنت ناسيها

....

[الحمدان]

‏ملامح عفيف النفس ما تقبل التاويل
‏عن اللي حياه العفٌ يمنعني أقوله

‏ما بين أرتكازة معتدل وأنحدارة ميل
‏وخصرً هذا ضيقه وعنقً هذا طوله

‏سحاويً يروح الشفق لا انولج فالليل
‏مثل وجنته لا دسهّاا تحت مجدوله

‏نحيل القوام اللي قطاته قطاة الخيل
‏يا حظ اشقرً يقتضّ ويلف من حوله

.....

[الحمدان]

‏ودّي أسلي شوقي إللي كل ما تركد غصونه
‏هبّت الذكرى من الماضي القديم وحركتها

‏وإنْ بغيت أنسى غرامك وقّفت ذكراك دونه
‏وردت أركاب المحَبه فالخفوق وبرّكتها

.....

[الحمدان]

‏لولا الحياء والملام وهرج عذّالي
‏لاقول بيتٍ يراودني وخبّيته
‏
‏فلان كل الوجيه اللي على بالي
‏وفلان كل القصيد اللي تغنّيته

.....

[الحمدان]

‏لاعاد تنشدني عن فلان وفلان
‏حيين لاكن عندي انهم توفو

‏علمي بهم نمشيى سوا مثل الاخوان
‏لكنهم يوم استوى الدرب لفو

‏معاد بالدنيا لا خوه ولا امان
‏لاصار مابه مصلحه منك قفو

.....

[الحمدان]

‏اعتذر من صاحبي حتى لو أنه مخطي
‏والخطا لاجا من الغالين تحت أقدامي

‏بس تدري وش يجنني ويرفع ضغطي
‏واحد يحكي وراي ويبتسم قدامي

.....

[الحمدان]

‏البارحــة مـرني طيفك بنص الكلام
‏واشتقت لك لين قالوا كمل السالفة

.....

[الحمدان]

‏لا تدقق في الامـــور ولا تبرق
‏بارك الله فالبساطه والسهوله

‏الكـــلام الـزين يجمع ما يفرق
‏والكلام الشين ودك ما تقوله

.....

[الحمدان]

كن مـثل ما ودّك تكـــون لكن لاتصير
‏مثل من يجهــل مكانه ولاّ ينشــد عنه

‏وانتبه لا تحقــر صغـــير وتجادل كبير
‏الصغير اضحك معه والكبير استح منه

.....

[الحمدان]

‏اليوم ما عاد به صكات ومواجه
‏في ساير الناس لا اشكك ولا ارّيب

‏لاشفت من غيرت الايام منهاجه
‏جزعت منه جزوع امجري الهيّب

‏مالي ورى الناس لا مطلب ولا حاجه
‏ما دام رايي وجيه ومنهجي طيّب

.....

[الحمدان]

ريحت شمــاغ ابــوي لاجاء من الذود
‏وريح الجـــلال اللـــي تصلـــي به امي

‏اطيب من اغلى نوع في المسك والعود
‏وعـــلاج صـــدري كـــل مــا زاد همي

.....

[الحمدان]

‏الأم موطن حب وإحساس وأمان
‏يـدري بها اللي في حـياته فـقدها

‏تجمع شتات البيت مابين الأخوان
‏وفـي عينهـا أغلى الـخلايق و لدها

‏عد وتخــير في البشر كـل من كان
‏كم خـرجـت إنســـان ناجح بيدها

‏الناس تلهى عنك في بعض الأحيان
‏وأمك مـدار الوقت تسخي جهدها

.....

[الحمدان]

‏تمر الشعور وتسكن الصوت حين دْعاه
‏وتستوحش دْروب أنتظاري مشاويرك

‏يا ذنب الشعور اللي متى ما تتوب خْطاه
‏تعثِّر له الذكرى على درب تكفيرك

‏يمرّون غيرك فوق موق العيون أشباه
‏فتنت الليالي لين عافت عوض غيرك

.....

[الحمدان]

‏اهم حاجه ما قال الله وقال الرسول
‏يا راجي الناس عند الناس وش ترتجي

‏الزود زود الثقه والنقص نقص العقول
‏مهوب نقص الفلوس اللي تروح وتجي

.....

[الحمدان]

‏حزن كبدي لا طرت ذكريات الراحلين
‏حزن عودن هل دمعه على قبر ولده

.....

[الحمدان]

‏لاتحسبني حـريصً عند حب الظهور
‏يا صاحبن فـي نهار المعضله ذاخره

‏اجامل الناس وامـثل مع الضحك دور
‏ودي تـسافر هـمومي في ظهر باخره

‏احيان تلهيـني الدنيا واحس بقصور
‏وشلون ارد الزمان من اوّله لآخره

‏يارب طاعتك الاولى عن جميع الامور
‏عساي ما انسى الكفن والقبر والآخره

.....

[الحمدان]

‏شرايد المدخول ننطح بها ضيف
‏والّا نسلّفها رفيقٍ سنافي
‏ْ
‏ما نقدر نخطط على سفرة الصيف
‏الراتب يجينا له الفين قافي
‏ْ
‏خلك تمشّى بين باريس وجنيف
‏والمجلس الرسمي من العام طافي

.....

[الحمدان]

‏الحمدلله صرت متعوّد على كل الظروف
‏لو كان نفسي في بعض الأحيان تتبع غيّها

‏حتى الحياه إللي من أول كنت الحّقها حسوف
‏ما عاد أفكر لا فواجدها ولا فشويّها

‏سلمي مع ظروف الليالي مثل سلمي للضيوف
‏لا جاتني صكات بقعا قلت يالله حيّها

.....

[الحمدان]

يالله لا تجعل المعروف لي سيه
ولا تشمت بحالي تو عدواني

من العدم مالقيت حواية الدله
الا بعودن سلف من عند جيراني

.....

[الحمدان]

‏صار التعامل صعب جداً مع الناس
ماعاد تعرف صاحبك من عدوّك

حاول تصير انسان ماعندك احساس
يمكن يزين الوضع وتعيش جوّك

سعيد العلياني

[الحمدان]

ساس الرجوله كلها دين وافعال
ومن غير هالثنتين ماهي رجوله

ماهي تراها بالمهايط ولا المال
ولا هي بكبر المرتبه والحموله

المال كل يملكه حتى الانذال
والمرجله ماكل رجلّ يطوله

لان المراجل ماتجي بأي رجال
الا الذي تشهد لهرجه فعوله

.....

[الحمدان]

ياكثر كرهي للعفون اللي مثل شغل النمل
اللي تجمع للـــوريث ولا تـــــسر نفوســها

وياكثر حبي للرجال اللي يلــــمون الشمل
اللي يصادمها الزمان ولا يلـــــــين روسها

الراي يبغاله رجل والحـــمل يبغاله جمل
والطيب يبغاله رجال ماتــــــصر فلوسها

مفلح الرقابي

[الحمدان]

‏خذني على قد قلبي خل عقلي بعيد
‏العقل مهما كبر فالحب وش دخله

‏مشاعر الناس ما تمشي بعقلٍ رشيد
‏تمشي بحكم الغلا والعاطفه والولَه

.....

[الحمدان]

‏قلبي سنافي ماهوب أدناة ما جابه
‏ما جابه الا قرامة قلبك النشمي

‏ يوم أنفرد به على جنب وتلوّى به
‏وبغى المحبه وقال أبشر على خشمي

.....

[الحمدان]

زينة الدنيا القلوب اللي وفاها عاده
‏والعيون اللي ليا أخطينا تغاضت عنّا

....

[الحمدان]

‏خواطر العالم تبي شخص فاضي
‏تزعل و ترضى دون سـبّه وبرهان

‏نمشي عن الزعـــلان نلقاه راضي
‏ونرجع على الراضي ونلقاه زعلان

.....

[الحمدان]

‏تمكّنت في عوج المحاديب وأستوطنت
‏وبان الغلا وأشوف بعض العرب فاطن

‏وخليت صدري موطن ماسكنه إلا أنت
‏ولا فيه غير القلب في حكمك مواطن

.....

[الحمدان]

وش جاب طاريّه مع وقت المغيب
‏ياحي ذا الطاري وحـي الله نباه

‏يالعنبا اللي يحسبون الحب عيب
‏وهـو تنـاقله الـرواه من الرواه

‏وشلون احب بلا رقيب ولا حسيب
‏وقلبي لامنه حب يسرف في عطاه

‏غير الرقيب الذاتي ابغى لي رقيب
‏خـايف رقيبي لا يـضيّع الاتجـاه

‏احترت بين القلب والعقل اللبيب
‏في حب من حيرني بحبه جفاه

‏احرمني من الوصل والعذر النصيب
‏واكرمني من الهجر يامال الغناه

‏عقلي يقول ابعد عن الحب المريب
‏وقلبي يقول ايحبك وهذا جزاه

‏تـرا الجفا مـايعتبر منه غريب
‏عوايده دايم يسوي ذا السواه (؛

‏زعلان والزعلان لويخطي مصيب
‏حقه مهوب تجفاه حقه في رضاه

‏الهجر مايرضي حبيبً من حبيب
‏لكن حبيبك والله ان عذره معاه

‏انا المجرب فالمحبه والطبيب
‏عندي شهاده من وفاك ومن وفاه

‏كـلش يـهـون الا غـيابه لايغيب
‏وان صمم انه يغيب ياخذني معاه

‏نعيش وظـنون المحبه مـاتخيب
‏ويجرح على كيفه عسى جرحي فداه

‏كل الجروح اتطيب والجرح العطيب
‏من واحدن غلا جروحه من غلاه

‏مابي الجروح اللي تجي منه تطيب
‏ابي جروحه باقيه مدى الحياه

.....

[الحمدان]

‏كنها إللي كل ما أقفيت قالت لي تعال
‏وإكشفت ذرو اللّثامه وبيّن خدّها

‏مبسمً ما بين غمّازتين ودق خال
‏إذبحتني لعنبوها على أبو جدّها

.....

[الحمدان]

‏يا بعيد الدار و أقرب من ضلوعي
‏أسقني حبك ومن صافي حنانك

‏لو تجي دنياي في كيفي وطوعي
‏ كان ما يبعد مكاني عن مكانك

.....

[الحمدان]

تخيّر وخاو من الرياجيل نادر نوع
‏يعزّ الخويّ من المناقيد ويحنّه

‏ولا تخاوي اللي كنّه التاير المرقوع
‏يمشيك لكن ما أنت متطمّنٍ منه

.....

[الحمدان]

خطاياك واجد والعذر ماقدرت القاه
‏جروحك يحس بضيقها من مجربها

‏ولو الغلا يدمح خطايّاك في مأواه
‏ترى النفّس في حفظ الكرامه مدربها

‏تحمّلتك الين الصبر طاح من مركاه
‏واخاف انفجر من شي تافه واخربها

.....

[الحمدان]

بعترف لك بالحقيقه كامله وانت وضميرك
‏بعد ماخضت الحياة بسكة الصبر الطويله

‏يوم مرتني حياتي كلها ما شفت غيرك
‏انت صورة كل مشهد وانت قصة كل ليله

.....

[الحمدان]

رمى ورد الحبايب خلفه وقال الجفى قدام
‏تركني لأمري الواقع مابين الجرح وضماده

‏بدون أسباب معروفة تناسى سالف الأيام
‏تصاغرني وأنا أكبر من حفظ له ملحه وزاده

‏دريت أن القطيعه رغبته وأن الغرام أوهام
‏وأنا اللي كنت أظن الحب حنا سادة أسياده

.....

[الحمدان]

مرهقني الشوق واجد والسهر والبعاد
‏ياعمري اللي بقناعاتي غصب عشتك

‏ خل الزعل لا نطوّل بالزعل والعناد
‏ للحين أحبك لو اتعب من مناقشتك

.....

[الحمدان]

ليه نضعف كل ما مرّ الحنين
وليه نتعب كل ما نذكر احد

وليه ماضينا حكايا راحلين
وليه نوفي والزمن فينا جحد

.....

[الحمدان]

يـامنبع النور بنت الغيم لا تزعلين
‏علامي اشوف لمعت عينك الواسعه

‏محبوبك الطرب دايم صار جداً حزين
‏والكـون كله بعد ضيقتك مـا ياسعه

‏نحتاج مـوعد غرام الساعه اللي تبين
‏إما على الثامنه ولا على التاسعه

.....

[الحمدان]

يالله ياحامل مفاتيح الارزاق
المعتني في رزق نفس خلقها

عن الخفايا ما على عينك رواق
واذنك عن الاسرار ماهي بصقها

تجعل نفسي من غضب وجهك اعتاق
وبيديك علق الامور ووفقها

اغسل قلوب اهل التباغض والاشقاق
وهون مسالبها وريح شفقها

سعد بن جدلان

[الحمدان]

أمنت بن الله ربي مرسل محمد نبي
جل وتعالى قل هو الله احد والله الصمد

وأمنت بالقرآن والسنه وحمبل مذهبي
وبايعت وانا من رجالآ ما يخونون العهد

سعد بن جدلان رحمه الله

[الحمدان]

طبعك هو اللّي على الفرقى مقدّرني
‏واحس نفسك على التجريح مجبولة

‏تعرف تقول الكلام اللّي يكدّرني
‏بسّ الكلام الحلو ما تعرف تقوله

.....

[الحمدان]

بالله عليكم انصحوه يتراجع
ليش الجفاء ياناس وانا حبه

خلاني اغرق في هواه وتجرع
ماباقي الاموت انا من سبه

خليت قلبي في هواه يتمتع
يرتح قلبي دايمن في قربه

يازين احبك بس كون اتواضع
خلك يحبك صدق وانته طبه

تترك فوادي في الحياه يتوجع
وانا الذي موجعت مره قلبه

يازين لحضه ذي بها نتوادع
مابعدها كلين يمشي دربه

.....

[الحمدان]

كثر البرود احيان يقتل علاقات
لن البرود احيان مثل التجاهل

وانا أنصحك ياصاحبي أنت بالذات
أنا تراني في العتابات فاشل

تتجاهل إحساسي حبيبي سلامات
ماني على طرد المقفين صامل

لاشفتني اهتم بك بعض الاوقات
اهتم بك من دون اية مقابل

لا تحط في راسك علوم وحكايات
ولا تحسب إنك صرت إنسان كامل

ماني من الي يعشقون البدايات
يهمني الاسلوب عند التعامل

.....

[الحمدان]

لك بـالغلا قمة ولك بـالحشى بيـت
ما يسكـنه غيـرك ولـو كـان غـالي

انت الوحـيد اللي بحبـه تمـاديت
وغيـرك بـوسـط القلب ماله مجـالي

.....

[الحمدان]

من كثرت اشواقي نويت احكي بمافي خافقي
وارتب اوراقي ودون كل شي واوثقه

اشتاقت احداقي لشوفك يالأمير الرونقي
نضره لمشتاقي تخلدها القلوب العاشقه

ذكرى وتنساقي تدون عند مولع عاشقي
ذكرى الهواء الراقي جميله للقلوب الصادقه

.....

[الحمدان]

‏لبى المساء تاملته على شانك
‏ولبى حروف تفرقها وتجمعها

‏يازين كلمة مـساء الخير بلسانك
‏من حلوها كني اول مره آسمعها

.....

[الحمدان]

‏أبتسم ترى العمر تحصيل حاصل
كُن سعيد اكثـر تكون اكثر وسامه

السلام أسهل أساليب التواصل
واجمل أنواع السلام الإبتسامه

.....

[الحمدان]

‏ماكل شخصٍ يملي الطيب عينه
‏بعض البشر لو زاد طيبك تمرد

.....

[الحمدان]

‏قلوبنا ما تعرف الحقد والصد
‏ونطيب فـاللي ما يطيبون فينا

‏ونحبّ لكن فـالمحبه لنا حد
‏لا وصلت لحد الكرامة مشينا

‏وان ضاقت الأيام نوقف لها ند
‏نضحك لها من قبل تضحك علينا

.....

[الحمدان]

‏ياللي غيابك حطني في مصيبه
‏اختار من بين الحلول ابسطها ؟

‏تبغى جفى ، ولا وصل ، او غيبه
‏فكر ترا خير الامور اوسطها

.....

[الحمدان]

‏أنا جناحي عز يا وجه الأيام
كيف ألتفت للي يجيني بوجهين

.....

[الحمدان]

في خيالي وجهك المألوف ساطع
عفت كل الناس من زحمه طيوفك

كـــن وجهك لافته في كـل شارع
وين ما اتوجهت فعيوني اشوفك

.....

[الحمدان]

تقاويت سلمي احسبني عليك امون
‏اثرني غلطت وغلطتي مالها داعي

.....

[الحمدان]

المواقف ما تجامل و الفرص دواره
‏والليالي تكشف اللي بالحكى متزيّن

.....

[الحمدان]

‏ بشروا راعي الصبر حلمه قريب
‏ لو يطول الوقت لا يفقد رجاه

.....

[الحمدان]

عزة النفس فيني من صغر سني
مـن صـد عني بيـبطي ماتـباطيـته

مغنيني الله عن اللي مغتني عـني
و الرزق من غيـر ربـي ما ترجـيـتـه

.....

[الحمدان]

محبوبتي ذات المكارم كلها
ما همني لو بعت عمري لجلها

ذات الخصال الراقيه في خاطري
تسوى لي الدنيا وما في ظهرها

انا زايداً لن انثني بمبادئي
وشهامتي ورجولتي في قربها

سأحطها تاجي وأرفع قدرها
وبوسط قلبي سوف ابني عرشها

محبوبتي أطيب فؤاد بدنيتي
وأرق أنثى والبرائة سرها

ياقوم إن سكنتها بين أضلعي
وبوسط عيني قد فرشت سريرها

ما دامها كالورد تبعث عطرها
فيي العزيزه في زماني وحدها

حسناء مظهر روحها وكلامها
هيفاء لحن مجازها وشعورها

غيداء في زمن القساوة الشحب
زهرة وباقي الخلق تربه حولها

.....

[الحمدان]

الكبار اللي تراهن بالكبــاره
واحترام الجيد مبداء كل جيد

.....

[الحمدان]

‏يا فاتنه جات المواضيع الكبار
وانتي لها من دون نقص ودون زود

طلي مـع الشباك ويـروح الغبار
وياتي السحاب وتنبت الدنيا ورود

.....

[الحمدان]

‏قلوبنا ماهــي كـراسي للأغـراب
‏ولامحطــّه فـي دروب التـجارب
‏
‏مو كل من يطـرق فتحنا له الباب
‏ولاكل من جانا بالاشــواق راغب

.....

[الحمدان]

حل الفراق وخاطري منك ماطابّ
وانا طريح الحب لا اخذ ولا اجَيب

واقول يادار الخطا وين الاحبابَ
احباب قلبّ اللي جروحه معاطيب

خالي من الاحباب مقطوع الاسّباب
يسترسل العبره مع شقة الجيب

يقنب قنيب الذيبَ في كل مرقاب
لا سائل عنهم ولا راجي الطيب

.....

[الحمدان]

‏تعال عطيني من مساءك دقائق
خلي المساء بطلتك يشعل النور

تدري مسائك يجعل البال رايق
ويخلي الدنيــــا بها الورد منثور

.....

[الحمدان]

ياللي تشّكا على المليان والفاضي
لا توصف المر دامك جاهلٍ طعمه

مادمت مبعد عن الدكتور والقاضي
تراك من فضل ربي عايش بنعمه

.....

[الحمدان]

تأخر الليل لكن جيت في بالي
دخلت اسلَم على عيونك واغطيها

بتنام يالله عسى لا نمت يالغالي
احلامك اسعد من الدنيا وما فيها

.....

[الحمدان]

كلما قلت له زاد جناني
قال باجيك انا بعد ساعة

وانتظر له يشرف مكاني
بالاقل نجتمع نصف ساعة

فايجدد جفاه قصد عاني
وايخيب مرادي بساعة

.....

[الحمدان]

اسامر نجوم الليل واسلى مع ذكراه
واخاوي نسيم الشوق وآقف على بابه

أزاور لطيف الروح وأجيه في ممساه
وأقضي معه وقت من الليل يسلا به

.....

[الحمدان]

ياسارق احلامنا بـ إحساس متمادي
فتش عن اتعابنا واسرق تعب واحد

لا تحسب الآمر هيّن والخبر عادي
ماينكر الحق غير الباطل الجاحد

.....

[الحمدان]

‏على العـز والناموس والـدين والبلد
قرعنا جحافل قد خذت معظم البلاد

نهــار القبائل حد مــواجه وحد شرد
صــرفنا خيـار القــوم وعيالنا الجياد

وكانت ملاحم خالدة نصرها صعــد
وراحت خسائر مــا تعــوض ولا تعاد

على مذهب الجدعان..بالله ثم السند
ردعنا جيوش الـزحف..بالـدم والزناد

عيال الحمــايل قـدمت كل ما تجــد
واهل المتـارس قدموا ارواحهم وعاد

ومن بعد ما اقلينا بها النجــد والعكد
عطيناهم الموقف وركبوا على الشداد

وطـالت حبال الحرب والجيد ما رقـد
ولا همه المكسب ولا خصمه استفاد

ومهما جـرى من بعد والا يجي بَـعَــد
على الله ذا حكمه على الارض والعباد

علوي الباشا

[الحمدان]

ياللي على راحة كفوفي تفتحتي
من وين جانا القسا وقلوبنا خضرا

.....

[الحمدان]

بسم الله الرحـمـن ربـي والرحـيم
اللي اذا حــب عـبده يرفعـه

واعوذ به مـن كل شيطان ٍ رجيم
ومن الكلام اللي ماودك تسمعه

.....

[الحمدان]

لـو الغلا والحب يوزن بميزان
مـا أظـن يـوزن بـالموازين حبي

وإن كان فيه إنسان يموت بإنسان
أنا عاشقك والحُب من فضل ربي

وإن كان غيري يرسم أشكال وألوان
أنـا رسمتك فـي شرايين قـلـبـي

.....

[الحمدان]

برد وغزل وأفكار شعر وهواجيس
وهموم مدري وش بلاها تجيني

وعتب وأشواق حب واحاسيس
تجمعت في وسط قلبي وعيني

.....

[الحمدان]

‏ماكنت أعرف إن المكان إللي يضمّك موطني
‏وإن البلاد الخاليه منك محطات أنتظار

.....

[الحمدان]

دايم على الخاطر تجي مثل الامطار
‏ كنك تعرف اني من الشــــوق ظامي

‏انا فرشت القلـــــــب لك ورد وأزهار
‏وأنت ابغــــلاك أخذت كل أهتمامي

.....

[الحمدان]

المحتــرم يلــقى معـــزه وتــرحـيب
يفــرض على البــاقين غصب احتـرامــه

معـروف راعي الطيب يلـقى هل الطيب
واهـل الـكرامــه يعشقــون الـكرامــه

والــذيب في العــاده تــرى خـوتــه ذيب
مــا يــوم قالــوا ذيب خـــاوى نعـامـه

والـلي لسانــه رث مــا فيـه تهــذيب
يقـل مقــــداره وينـــزل مقـامـــه

ثـرثــار مـتربيي عـلى كثــرة العـيب
عـــايب ولا همـــه رداءة كلامـــه

.....

[الحمدان]

أضحك وخلّك لوجه الله متوّجه
‏والمجتمع لا يضرك كثرة أزعاجه

‏أطلق صراح الزعل والضيق والصجه
‏وأرفع كفوف الرجا للخالق وناجّه

‏خذ لك عن الحزن في جو الخلا سجّه
‏حاجتك لله ومالك في البشر حاجه

.....

[الحمدان]

ونقولك علي ما غبت مازال لك غلا
ومازلت عندي يا الغالي غالي

ونقولك بلاك تقول عايش في خلا
وماعد اشقي بي في غيابك والي

ونقولك انك خاطيك ما والي ملا
عيوني ولا حتى يجي في بالي

شعر ليبي

[الحمدان]

تعـال دام الجـو بـارد وجذاب
واقلط على صدرالمولع وضمه

إن كان تبغيهـا سعادة وترحاب
إنثـر غـلاي وخل شوقي يلمه

.....

[الحمدان]

‏كل ما طاوعت قلبي يوديني اليك
‏وكل فكره في مواصل غرامك عفتها

‏والله ان بعض الاغاني لها طاري عليك
‏كني اشوفك قبالي اليا شغلتها

.....

[الحمدان]

ضحيت من شانه ربوع وجماعه
وكسرت من شانه قوانين وأحكام

.....

[الحمدان]

سر القلوب البيض والمنطق الزين
على سلوم اجدادنا الاولينا

جور الزمن ننطحه بالصبر والدين
من شافنا نضحك حسبا سلينا

الفعل ويا الجزل ورث المسمين
يالله في راع الحسسد لا تبتلينا

بعض العرب لو يوم نحرر فلسطين
يمكن مع اليهود تزعل علينا

[الحمدان]

ربي وأنا المطمئن لرضاه واهابه
‏جعله يسامح خطاي وما يواخذني

‏الضيقة اللي توّجهني على بابه
‏أطيب من الفرحة اللي منه تاخذني

.....

[الحمدان]

‏اضبط لسانك بالحكي واحسن الظن
‏حتى مع العالم يزيد احترامك

‏ترا اللطافه والادب تعتبر فن
‏ألزم حدودك ترتفع في مقامك

.....

[الحمدان]

‏لو ان عند الناس بعض القناعه
‏ويمان بالمكتوب ماصارو ثنين

‏احدٍ من همومه يبي اليوم ساعه
‏واحدٍ من الفرحه يبي اليوم يومين

.....

[الحمدان]

‏يالله على بابك يافتاح الابواب
‏مافيه غيرك يقصد العبد بابه
‏
‏ف ان راح رزقٍ حاسبينٍ له حساب
‏يالله برزقٍ ما حسبنا حسابه

.....

[الحمدان]

‏ماعندي لكشف النوايا مرونة
‏من طاب فالجنة ومن خاب فالنار

‏أعامل العالم بما يظهرونه
‏واترك خوافيهم لعلّام الاسرار

.....

[الحمدان]

‏من لايعيش العمر سامي ومتغاضي
‏ماهيب دايم ضروف الوقت خادمته

‏كنز القناعه غنـاة النفس للراضي
‏يعيش دنياه فـاهمها وفاهمته

.....

[الحمدان]

‏من خان مره فالهوى لا تامنه
‏لو قال أحبك حاول إنك تنسحب

‏عجايب الدنيا سبع والثامنه
‏إن القلوب الخاينه تقدر تحب

.....

[الحمدان]

بقى ذنب واحد من ذنوبي عجزت انساه
‏بعـد ما هـداك اللّٰه يا قـلبي على التوبـهَ

‏لك الشــوق ياذنـب تركتــه لوجـه اللّٰه
‏عــسى سيئـات الشوق ماهي بمحسوبـه

.....

[الحمدان]

‏احسب اني كل ما طالت المده سليت
‏واثر قلبي لو يطول المفارق ماسلى

‏كل ماعرّض خياله على بالي بكيت
‏آخ يا ذيك الليالي و ياذاك الغلى

.....

[الحمدان]

‏لا إله الا الله اللي لا إله الا هو
‏يامجير المستجير ومن لجى لك جرني

‏دلني لا تهت واصرفني عن اللي تاهو
‏واهدني للحق واغفر زلتي واسترني

آمين

[الحمدان]

لاتدّور ترى ماغير نسخة وحيدة
‏تلقى غيري ولكن منت لاقي بدالي

‏الفقيدة ماهو اللي يموت الفقيدة
‏غاليٍ صار مع الايام مهوب غالي

.....

[الحمدان]

لا صــارت الدنيــــا زحام وجمهــرة
أبحث عن الحكمة بقـدر المستطاع

الصمت متعــــة فـي زمان الثرثــرة
وأجمل حضور اتقان فـن الاستماع

.....

[الحمدان]

خفف عتابك والزعّل لايجي فيك
أن كان تبغى الناس تقبل كلامك

ترى الكلام الزين بالخير ياتيك
تشوف به قدرك وزود أحترامك

وخلك على درب الصحابه مماشيك
واحذر طريق العيب ينقص مقامك

اطلب كريمٍ عنده الخير يعطيك
وخلك مُجدْ وبالمفيد أهتمامك

سعود عايد

[الحمدان]

ياللي بحاجه للتجارب والدروس
بعطيك درسٍ دوّنه في صفحتك

الصحبه اللي تشبه أوجاع الضروس
مابين يوم ويوم تقلق صحتك

هي صحبة أللي لايراس ولا يروس
حذراك منها كان تبغىَ راحتك

النجم العالي

[الحمدان]

ياذيب لاتبدي على الناس خافيك
من دون سدك جوّد القفل والباب

كم من رفيقٍ تحسب إنه مصافيك
يغلب عليه الوقت والوقت غلاب

والناس لو تضحك لك الله يعافيك
إعلم ترى الضحكة لها عدة اسباب

كم منك متعجب وكم معجبٍ فيك
وشـتان مابين التعجب والإعجاب

عبدالله الطلحي

[الحمدان]

اشتقت اسولف معه لا صابني ضيق
ويطيب مافي خاطري من كلاامه

.....

[الحمدان]

‏يا مصورين صحونكم ما تخافون
حوبات نظرات البطون الجياعي

تصورون الحشو والضان بصحون
وضعوف غزه في طواها تراعي

خافوا من الله ياعرب وش تخبرون
خافوا ترى الدنيا غرور المتاعي

.....

[الحمدان]

ياحي صوتك لاعدمته وأنا حيَّ
يامرحبا بالصوت وياحي راعيه

.....

[الحمدان]

وأجيك مغمّض اللهفه أجيك واجهل الأسباب
‏اقول اني كثر مَ أغليك يجوز انك بتغليني

‏فؤادي ماعرف الا ملامح بسمتك أحباب
‏ودروبي ماتبي الا صوب دربك توديني

‏اضم الليل في حضني سهيرٍ ماعليه عتاب
‏اراقب في السماء ضيّك عساك بيوم تضويني

.....

[الحمدان]

جيتك مجيَّ الكرام اللي تحب الكرام
‏واخترت دربٍ توقف عندك ، نهايته

‏أن كان جيتي مجيَّك فوق صدري وسام
‏وان كان رحتي فمان الله ورعايته

.....

[الحمدان]

‏أنا ما عاد تغريني الوجيه ووجهك البرّاق!
‏ملاذي لا قوى حيل الزمان وشانت أخلاقه

‏يحبّك قلب في درب المحبة ساهي ومنساق
‏يشوف بخافقك عالمه وبضحكتك إشراقه

‏كتب حتى نزف كل الشُعور وملّته الأوراق
‏وكنّه مافصح مرّة عن اللي داخل أعماقه

.....

[الحمدان]

إذا ضاقت بك الدنيا وأنا حي من الحيّين
‏لا تاخذك الظنون اللي رديّات هقاويها

‏حرام اني ماخليه يتولّاك الزمان الشين
‏لو اتلى العهد بك وجعةٍ مانيب ناسيها

.....

[الحمدان]

يدور الوقت و الواقع يغنّي لي على ليلاه
‏سراب الحلم يتعبني وصمت الليل يشقيني

‏تسرّيني الظنون إللي تحد الواحد لين أقصاه
‏على بابه وأنا ما كل سجّاتي تسرِّيني

.....

[الحمدان]

أبوي ينطح كايدات المواجيب
وماله لغير الطيب مقصد ووجهة

ماهي غريبة لا امتلا عارضه شيب
والناس تدعي بيض الله وجهه

.....

[الحمدان]

اللي يجي من عقب قوة ومجهود
ألذ من مجناه كسرة عناده

.....

[الحمدان]

في زحمة الإعجاب وود الحضور
وش مطمعي بغيرك وأنا كلّي معك

أحيان تاكلك المظنّة بلا شعور
وأنت الذي تحكم فؤادي باصبعك

ما اخترتك من الناس ياوجه السرور
لأجل أزعزع من ثباتك وأفزعك

لوك تشوف آثار حبك بالصدور
كان اقتنعت إني مُحال أستشبعك

.....

[الحمدان]

تعال ونِلم النسّايم في وعدك
ونحنّي الريضان ونكحّل هلا

ونسمي الحزّات تبشر في سعدك
وندنى لأدنى نبض فينا ونْعلا

ويبدأ حديث الماء يسلسل مِن بردك
قصة حياة الماء من أولها إلى

مساعد الرشيدي

[الحمدان]

ياسعود كان الناس يدرون عن شيّ
أشياء ترى ما تدري الناس عنها

يدري بها اللي يازن الشمس والفيّ
مكفّن أسرار القلوب بكفنها

أنا بشر، وشتّى هموم البشر فيّ
وإن شفتني مانيب جزعان منها

ترا ما غير أضحك وأجاملكم شوي
"وأدمدم" جروحٍ نبشها زمنها

سفر الدغيلبي

[الحمدان]

خل في صدرك على الدنيا قبول
واعرف إن الشمس تشرق لو تغيب

وعوّد لسانك ليا ضاقت يقول
الأماني في رجاء الله ما تخيب

.....

[الحمدان]

القلــب دولــه والمشاعـــــر عساكر
والحـــــب غـازي كل دولــه ومحتل

لاقـد غـــزاء للقلــــب حاذق وماكر
يتمــلك السلطــه بقــــــوه ويحتل

القلب تحت امــره يطيـــع الاوامر
والجيــش مايملي له الحب يفعل

والعقل مثل الشعب بالحب ساكر
يفقد نظامـه فـي المحبـه ويختل

.....

[الحمدان]

أعطيه من وقتي يسولف وأسمعه
‏وأرخي له فؤادي وأرخي مسمعي

‏من كثر ما قلبي وتفكيري معه
‏أشتاق له حتى وهو يتكلم معي

.....

[الحمدان]

رحل حلو المنام وما طرَق باب الجفون نعاس
نسيت النوم بعدك والسهر يستوطنُ أجفانِي

.....

[الحمدان]

على زاهي غرامك ما على وجه الممات قصور
‏لك الوقت الثمين من الوصل ولغيرك الغيبة

.....

[الحمدان]

‏لا تستفزّك ذكريات الراحلين
‏مافيه أحد يبقى معك إلى الأبد

‏تظاهر بضحكتك لو قلبك حزين
‏ملامحك فيها من الغربة بلد

‏حاول تعيش العمْر بإحساس السنين
‏عابر وإذا مرّيت ما ترجع لأحد

‏وإذا ذبحك الشوق وأوجعك الحنين
‏تذكّر إنك ما انت وحدك من فقد

.....

[الحمدان]

ودي أسمع صوتك اللي لاسمعته
من عميق الحزن للفرحة خذاني

ودي أسمع صوتك اللي من فقدته
صرت فاقد كل حاجة في زماني

.....

[الحمدان]

‏من سنين وحبيبي كل يوم في دبور
اعقد امال عمري ويعقد حاجبه

عشت الايام في ضيقه وعشت بسرور
مثل من عاش في وضعً مهو عاجبه

ما ترديت معه ولا لحقني قصور
قبل يقفي خذا حقه واخذ واجبه

.....

[الحمدان]

رسمت حلمي في الخـيال الـواسـع
ومــالـي الـقـدره عـــلا تـحـقـيـقه

ضاعـت سنيني والسفر متـقـاطـع
والـوقـت حملني وجـع مـاطـيـقه

مــا بـيـن آهـات الـزمــان الخـادع
ذا يبـتـسـم والـسـم الارقم ريـقه

لازلـت اواصـل حلمي المتـواضـع
وأرسـم طريـقه وأبتـدي توسـيقه

عسـى مــع الايـام يـصـبـح واقـع
مــا دام ربــي مـا قـطـع تـوفـيـقه

.....

[الحمدان]

قالوا تمنى قلت ماعاد أبي شي
غير السلامه كان فيها سلامه

طويت حلماً كان في خاطري حي
وصديت عن دنيا الشقا والندامه

.....

[الحمدان]

من تركني ساعة الضيق ماعاد ارتجيه
لـو يوقـف في العـوافي على طاقـيته

الكريم الصح من يعطي اللي في يديه
والبخيل الصح من يبخل بجاهيته

.....

[الحمدان]

‏بعض البشر ياتي على جروحنا شاش
‏وبـعـض الـبشـر يـخفي علينا دواها

‏لـكن على ما قـيل عـيـني لك فـراش
‏والـعـين الأخرى للرفاقه غـطـاهـا

.....

[الحمدان]

صف النوايا واذكر الله وترتاح
واللي تشوفه قابله بابتسامه

خلك وسيع البال طيب ومزاح
ترى الزمن ما يستحق الملامه

.....

[الحمدان]

ياليتني ماطبت في بعض الاشكـال
اللي استغلّو طيبتي واتعبــوني

ارخصـت لاجل رضـاهم الحال والمال
وان جيت اذكــّرهم بطيبي نســوني

وان جيت اجادلهـم تراجعت فالحال
بس الوكاد ان الرخوم جحــدوني

تعبت اجـامل والثمـن راحة البـال
وصداع راسـي والسهـر في عيونـي

.....

[الحمدان]

جعل القلوب اللى له القلب يشتاق
‏تصبح وتمسي بالهنا والسعاده

‏وجعل النفوس اللى تحلت بالاخلاق
‏تصبح وتمسي ماتشوف النكاده

.....

[الحمدان]

مستحيل ترجع الدنيا مكانة شخص غالي
ساعة انه طاح من عيني مثل ساعة وفاته

.....

[الحمدان]

كل القصيد اللي على حسنك قليل
عمدًا بعد سلهامة عيونك سقط

اذا كتبته في سنا ضوحك جزيل
لو أترك حروفه حروف بلا نقط

هذا فقط من باب مردود الجميل
اللي يجي من عينك النجلا فقط

.....

[الحمدان]

غيرك تطمن بالحشا مابعد داج
وضعي و وضعك للبشر ما شرحته

للقلب باب ودون الأضلاع مزلاج
عن حب غيرك قافلة مافتحته

.....

[الحمدان]

الا ياغزالٍ في عيونك سهوم الموت
وفي مبسمك جنه وفي شوفتك راحة

تغار البني من طلتك والقمر والتوت
يا مياسة الحسن الطبيعي ومصباحه

.....

[الحمدان]

مايلوي ذراع الصبر غير الاقدار
أو دعوةٍ نامت بمتن السحابه

شيٍ نبيه ويمشي العمر ماصار
وشيٍ يصير و ما حسبنا حسابه

.....

[الحمدان]

اناشــــــدك بالله يا شـــــوق باللهون
قلبي فقـد يا شـــوق كامـــل عزومه

على الحبيب اللي في الروح مدفون
الغايـــب اللي في خـيالــــي رسـومه

ياشـوق خـذنــي وين ماكان ويكون
ودي ازور الـزين واعـــــرف عـلــومه

حـتـى ولو قالـــوا لي الناس مجنون
انا اعـرف المجـــنـــون ماحـد يلومه

.....

[الحمدان]

تدري وش اللي تعتبرها غريبه
اذا فقدت انسان غالي وهو حي

وتدري وش اللي تعتبرها مصيبه
انـك تـضـحي والـمقابـل ولا شي

.....

[الحمدان]

فقدتك ما دريت إني بصير الفاقد المفقود
‏اشوف اشباهك توّزع في وجهي وين ما افرّه

.....

[الحمدان]

لـو هـو على كيفـي عزلتـك عن النـاس
ومـا فيـه عيـن غيـر عينـي تشوفـك

وحطيـت لـك بين الشراييـن مجـلاس
راعـي محـل وقلبـي آغلـى ضيوفـك

.....

[الحمدان]

ناسٍ تخوفها اقنعه وناسٍ يخوفها الوضوّح
وناسٍ على وضح النقى تبني شجاعتها صروح

.....

[الحمدان]

هزتني الذكرى وانا بين الاجواد
ساعة عرفت اللي لفاني ولدها

طمنت احبه والغلا فيني يزداد
شميت ريحه حبها في سندها

ضميته بصدري على جروح جداد
من غير ما اشعر احسب اني بيدها

رديت للماضي وهو بين الاياد
نفسي من الموقف اكابد جهدها

سألته ودمع الوله فاض وقاد
أسمك وشنهو رد لي من بعدها

مسمى على اسمي ما نست حب الامجاد
الله حسيب اللي حسدني وحسدها

مرت سنين كلها شوق تنعاد
بعيوني اللي عارفه وش عددها

صدفه وفيها الخير من الف ميعاد
لي ضاق صدري رحت اطالع ولدها

.....

[الحمدان]

كن شوق الأماكن يوم غنّى ابو نوره
ايقظ الجرح في قلبي وينزف وريده

جيت فرصة عمر وسط الضمير معموره
كل طاري يجيبك لي فرصة سعيده

.....

[الحمدان]

ياليل خبرني عن اللي انا اغليه
عن واحد روحي بحبه شغووفه

يطلب عيوني يطلب القلب اعطيه
وارهن حياتي بين ضمة كفوفه

.....

[الحمدان]

لاجفاك اللي من الناس له عندك مقام
نعمـة النسيان نعمه وفالدنيا سعه

لا جفاك ابلا سبب لا تلحقه الملام
إن رجع يامرحبا وإن رحل عذره معه

.....

[الحمدان]

عسى مراتع ضحكة شفاك للسيل
من ساحل ضلوعي إلى قمة أبهـا

مساعد الرشيدي

[الحمدان]

سلم على اطيب راس واكبر منزله واطول يمين
الصامل اللي تركد الدنيا ليا دق نحره

......

[الحمدان]

-‏من يزرع المعروف في غير قاعه
يحصّد محاصيل الحسايف والاوجاع

.....

[الحمدان]

‏الكبد مجروحه والأحساس ملّهود
‏والصدر ضايق والعذاب متواصل

‏والقلب يبغى شي ماهوب موجود
‏والعين تبغي شي ماهوب حاصل

.....

[الحمدان]

‏الناس مثل الناس والكل من طين
والفضل بين الناس حسب العباده

العز والنوماس والطيب بالدين
ما هو بيـاض الجـلـد وإلا سواده

.....

[الحمدان]

دايم مواقفنا على الدرب النزيه
‏عند اللوازم ما نغيب وما نصد

‏ولا يزعّـلنا حكي سود الوجيه
‏ما نلـتفت لأهل الردى واهل الحسد

.....

[الحمدان]

‏جيتك غلا يوم الغلا وسط قلبي
أسس مدينة عاصمتها وجودك

اي والله انك طب لاقلت طبي
ياطب روحي لاتطول صدودك

.....

[الحمدان]

‏خلّ عنك اللي لو يلجّ العرب بصياحه
‏وكلّم اللي ما تغيضه عثرة المتكلّم

‏صمته أبلغ من مديح العالم المدّاحه
‏واحد ٍيقضي لزوم ولا يحب يعلّم

.....

[الحمدان]

ويتكدر خاطري يوم آتذكّر
‏جادلٍ قادت مقاديم العفارى

‏باب قلبه عن هوى غيري مسكّر
‏مثل قلبي عن هوى باق العذارى

‏يا عيون اللي على الداعي تنكر
‏بايتٍ بالرجم ما صاد الحبارى

‏يجدعون الشلو قدمه ويتفكر
‏ضيّقوا صدره مداوير السدارى

.....

[الحمدان]

‏من اللي يقول العين ماتكشف المستور
‏كلام العيون اصدق من الموت في حيّنه

‏صحيح الصدور قبور بس العيون تبور
‏خصوصاً ليا سن الجفا راس سكينه

‏هذا اكبر دليل اللي تغافل وعاش الدور
‏بغا ينكر الموضوع واستسلمت عينه

.....

[الحمدان]

‏حمامة سلام ساقك الله لقلبي لين
‏ربيتي ورى عوج الضلوع وتمكنتي

‏عليك السلام الصادق ايلين يوم الدين
‏سلام يحفك بالرضى وين ما كنتي

‏ياكثر الوله من يوم غبتي اللى هالحين
‏وياكبر الفراغ اللي ما يملاه غير انتي

‏لاعل العوض فالليله اللي تضم ثنين
‏اللى امنّت بعد الفاتحه وانتي امنتي

.....

[الحمدان]

‏القلب بيت شيوخ ماهو بفندق
‏ما كل من زاره حبيبي سكن فيه
‏
‏ودك تصدق ما تبي لاتصدق
‏قلبي تربى ما يبي من يربيه

.....

[الحمدان]

‏افتح شبابيك الامـــل واطــرد الياس
وعيش عمــرك دون غصه وضيقه

مهما يضيق الوقـت وتزيد الاتعاس
لابـــد يفتــــح لك إلهـــي طريقه

ياخوك لاتجرح شعورك والاحساس
ولا تحتمـــل من فوق مالاتطيقه

خل السعاده داخلك دون مقياس
وعيش عمـرك كن عمرك دقيقه

.....

[الحمدان]

‏يا ساكنــــين القلــب يسعد مساكم
بالعووود والعنبـــر ونفحــة عطوره

والله ورب البيـــت ماقــــد نساكم
واشلون ينسى من سكن في قصوره

في داخلـي ماحد وصـل مستواكم
زايــد غلاكم صعب نوصف شعوره

لو تعرفــــوا مقــدار زايـــد غلاكم
مايوصفه شاعـــر بكامــل سطوره

.....

[الحمدان]

‏اخفي غلاك وفاضــح الشوق يبديك
واشتـاق لـك في كــل لحظـه شويه

لمسة كفوفي ترتجــي ضمة إيديك
وإحساس روحـــي لهفته لك قويه

هذا شعور انسان من قلـب يغليك
ويهيـم بك من قلــب صادق ونيه

ياللي في اعماقـي تملكـت تمليك
ومحبتــك بيــن الضلــوع الحنيه

.....

[الحمدان]

‏اشتاق لك با لثانيه والدقيقه
وافرح بشوفه كنها ليلة العيد

هذي مشاعر قلتها والحقيقه
اهواك ياكل الحلا سيد الغيد

.....

[الحمدان]

‏تدري من اللي يمون ومسكنه عيني
‏تعال واقرب وناظر زين بعيوني
‏
‏إن شفت غيرك تراك مضيّع فيني
‏وإن شفت نفسك تسمّع زين بلحوني
‏
‏الحرف لاجلك تخطه رعشة يديني
‏واليوم دونك أعده يوم من دوني
‏
‏يانور ليلي ولقيا غربة سنيني
‏ياصادق الود يامشكاي واشجوني

.....

[الحمدان]

‏خلك معي وأبشر بقلب يداريك
يصون حبك في زمان المجامل

يغليك يعني في عيونه يخليك
واعرف ترى ما بالمخاليق كامل

.....

[الحمدان]

يوم إنك رحت رحت برغبتك مارحت بالتلميح
وراك الحين يوم إنك تبي ترجع تلمّح لي

.....

[الحمدان]

‏حتى ولو دونك مسافه لا تشك إنك بعيد
‏مافيه روحٍ جسمها ماهو يباري ظلها

.....

[الحمدان]

‏ودي ابـوح بخافــي القلــب وابديه
‏واترجــم احساسي بحـرف القوافي

‏من اجل تعرف داخل القلب مافيه
‏وتعــرف اللي بيـــن الاعماق خافي

‏ايه اعشقك والعشق طالت مبانيه
‏والحب لك بيــن الضلوع الرهافي

‏من خافقي حبيــت تعرف خوافيه
‏هــذه احاسيسي وهــــذا اعترافي

.....

[الحمدان]

‏اللي يسلّم على مسلم عليه السـلام
‏ما أعـدّه الا عزيز و واحدٍ من هلي

الزبده النوم ما جاني وعـيّيت انـام
‏اللي معه سالفه حلوه يسولف عليّ

.....

[الحمدان]

‏نفرح لو ان الضيق منا وفينا
‏بعيوننا تصغر كبار الاسامي

‏ولو ترفع الدنيا قضايا علينا
‏نوكل الله ما نوكـــل محامي

.....

[الحمدان]

‏شـمس العصر ميلت واليل ياقربه
‏وانـا من الليـل يـا وجـدي وياضيقي

‏كنه على حدب جـوفي ينكسرحربه
‏والا يـنـاثر فــؤادي من مـعـالـيقي

.....

[الحمدان]

‏بيـن الـصبر والصمت والخاطر الـشين
‏مـاقـلـت يـالـيـل العـنـا وش جــرالي

‏مـن كـثر صـدمـاتي بـناسٍ عــزيـزيـن
‏قـمـت اتـحـرى صـدمـتي مـن ضـلالي

.....

[الحمدان]

‏فديت عينـــك لو تبي العيــن خذها
وخذ النظـر مادمت في الروح غالي

واشلـــون اغليها وحبـــــك سكنها
وانت الوحيـد اللي سكن في خيالي

لا تسألونــــي يا هــل العشق عنها
ضاع الجواب وضاع معها السؤالي

اخفيــــــت طاريهـا وقلبـي علنها
وقال اعشقـك يابعد حالـي ومالي

.....

[الحمدان]

‏المعذره شوقي في القلب قد مات
وداخل ضلوعـي كل شوقـي قبرته

ماينفعـك ترجع ومافات قد فات
وشـــوق قلبي فـي بـرودك قتلته

خليك لاهي في السهر والملذات
وامـرح بجــوك دام قلبي كسرته

واناعسا تجبر جروحي في الذات
ويعيـــن ربـــي قلبي اللي قهرته

.....

[الحمدان]

‏قلبي بلانــي في هــوى شخص دلوع
فيـه الدلـع من ساق ساســه لراسه

غنــوج فيــه الغنـج ثابـت ومطبوع
وعناد دايـــم ووسـط راسـه يباسه

لاكن احبــه واعشقـه عشق ممنوع
واعشـق غــروره والدلـع والغلاسه

وعشقةتمكن وسط قلبي والاضلوع
عشقـن مـن الاعمـاق لاخـر قياسه

.....

[الحمدان]

‏أرهقـت نفسي بإنتظـارك ولا جيت
والناس حولي شافت الشوق فيني

لا مرني بيتن عــن الحـب صديت
شعــرن جـرحني وزاد فيني حنيني

يا غايبــــن عني تـــرا عني ابطيت
بُعــــدك علينـا ايـام كِنهـا سنيني

كل ما تذكرتك من الشـوق حنيت
ودموع شوقي واضحة وسط عيني

.....

[الحمدان]

هي نبض عمري وبهجته وكل ما فيه
وهي زينها اللي بالمحاسن يجي به

لها العمر لو تطلبه حاضر أهديه
ولها القلب من دون البشر أحتري به

.....

[الحمدان]

صحيح قد ضاقت بنا كل الاحوال
لكني اوسع من شواطي تهامة

وصح ماتت داخلي كل الآمال
لكن ما مات الوفا والشهامة

وصح أنا من افقر الناس في المال
لكني اغنى آدمي في الكرامة

ابكي لحالي قهر من ضيقة الحال
واضحك أمام اعداي والناس عامة

أمسح بدمع العين آنات الأبطال
واقتل عدو الله بالابتسامة

أنا رجل يسوى ثمانين رجال
ماينحني لاما تقوم القيامة

مجيب غنيم

[الحمدان]

ياسـامـع الـصـوت قـالت ام غــزاويه
من يشتري مني الاقصى بكيلو طحين

اثنين مليون محصورين في زاويه
واثنين مليار في غفله ومتخاذلين

.....

[الحمدان]

ما تنسّي جرح الاحساس السنـين
أو يجـبِّـر كـسرة الـخـاطـر رقـــاع

ولا يـوصّـل لـلأمـان الـمـبـحــريـن
لو غشاهـم موج في الدنـيا شــراع

.....

[الحمدان]

‏يا الله عونــك على الدنيــا ومن فيهــا
واجعل صحائف عملنا صالحة الاعمال

انــت الــذي كلــما ضـاقت تجليـهــا
ما شي لها غير جهـدك يا وسيع البــال

يا مــركب الميل خفــف من علاويهـا
عـاد المـراحل طـويلة والحبـال طـوال

علوي الباشا

[الحمدان]

مالك من ايامك الا صالح اعمالك
والا انت جثّه واعز الناس يدفنها

.....

[الحمدان]

‏يا سهيــل اليمـاني قــل لنجم الثـريـا
المـراحـل طويلــه اركـدي يا النجـوم

وارحـبي يا الغصايب لو ضويتي وهـيّـا
ما يخــاف المسـاري إلا ردي العـــزوم

وامـرحـي يا السنافـيه جميل المحـيا
في حمـاية بني عمـش دفـاع وهجــوم

من بني عمه الجـدعـان شوق الطنيـا
ما يــوطي جبينــه لو القيامــه تقــوم

كــن ربـي خلقنــا للــوفــا والـحميــا
ما خذلنا الصديق ولا شتمنا الخصوم

إن يبوا السلم نبغى السلم واهلا وحيّا
وإن يبـوا الحرب في وقتـه نسد اللزوم

علوي الباشا