فوق هام السحب ( الشعر الشعبي) على متن القوافي

[الحمدان]

‏ماوحشتك يابعد كل الخطايا
يا اعز انسان واقسى من عرفت

شفت نفسي فيك وانكرت المرايا
ليتني ماقلت احبك واعترفت

.....

[الحمدان]

بعض الرسايل خطها ينعش الروح
لاجات من غالي وقلبك يوده

تشفى عليل النفس وان كان مجروح
وتخلي أوقاته رخا بعد شده

ترى الغلا مابين الاثنين مسموح
ما احد تحكم في فؤاده بيده

.....

[الحمدان]

من بغى قربك يسوى المستحيل
ومن يشوف ان خساره اخسره

لا تنادي من بغى درب الرحيل
ابتسم له وفي رحيله أشكره

.....

[الحمدان]

ليت الوفا سلعه لها الناس تشــري
كان اشتري بعض الوفا وامنح الناس

بس الوفا فطـره مـع الــدم تجري
ماهي صناعه بالخواطر والاحساس

.....

[الحمدان]

‏يا صاحبي كان تفهمني وتسمعني
لا تشتري رفقة اللي فالزمن باعك

ايدك ولو توجعك لا تقول توجعني
بكره يدور الزمن ثم يلوي ذراعك

.....

[الحمدان]

‏هوًن على قلبك ترى الوضع عادي
انا من طعون الليالي تعلمت

اني اكون بوجه الايام هادي
حتى لو اني من غيابك تألمت

.....

[الحمدان]

الهوى علّه وأنا أعطيـك الدليـل
يا الحبيب اللي من الحب اكتوى

ما سمعت الناس لا شافوا علـيـل
قالوا المسكين ذا ماكـل هــوى

.....

[الحمدان]

يا ليت دمع العين يكفي عن البوح
كان ارتويت من الحزن دون ما أقول

.....

[الحمدان]

إن غِبت عنِّي لظروفك ودّعتك الله
قلبي معك وإن طوّل البُعد مسراه

.....

[الحمدان]

أسأل إله العرش سترٍ وأمان
وين ما تخطي خطاك الله ينفع

يسّر دروبك يا بعد كل الأزمان
وخلّى دروب الحزن عنك تُقطّع

واذكر غلاك إن غبت عنّي بالأذان
ترى بدعاي اسمك أبد ما ينقطع

.....

[الحمدان]

غفت كلمـاتي فـي غيابك وتنثرت
وصـار الحرف فـي غيبتك حلم

أحاسيسي تهدمت عقبك وتبعثرت
وصارت دنيتي بعدك جروح والم

.....

[الحمدان]

انتهاء ما بيننا كل شي انتهاء
والفراش والوساده عننا اتباعدو

والديار صارت خراب بعد البناء
واهل النفاق والحسد اتوحدو

افترقنا وانتهاء وعد اللقاء
اين ذاك العهد ذي لنا عاهدو

اين تلك الليالي اين ذاك الهناء
ياخساره احباب قلبي اتباعدو

باعو الحب وتضحياتي والعطاء
وتلك الايام الجميله لها اتعمدو

اين ذاك الحب ذي بنيناه باالوفاء
ليش عننا حلم الحياه اتعقدو

باعني طبيب قلبي والدواء
واستمع قول العواذل والعدو

كم حاربو مابيننا ذاك الهواء
عواذلي هم للفراق ذا اتقصدو

مهما هجرني او تركني او جفاء
بااضل احبه وخلق ربي يشهدو

وذا عهد لك مني يصل سابع سماء
ماانساك لو باالتراب لي اتلحدو

الشاعر ابوسامي النهاري

[الحمدان]

احقر بشر ذي يصحبك للمصلحه
لااجل الفلوس والمال بايمشي معك

اين الرجوله يالطيف مااوقحه
والعيش والملح ذي بصحنك بايعك

عاد لقمة العيش بيننا كانت البارحه
واليوم خلف الضهر بطعنه يوجعك

الرفيق ذي مثل ذا يارفيقي امسحه
اسمه ورقمه وابعده من موقعك

دام الشهامه والرجوله فيه طايحه
بس يكفي انه من الدروس قد علمك

والان اخر كلامي لاازم اني انصحه
عزت النفس هي كنز عالي ترفعك

الشاعر ابوسامي النهاري

[الحمدان]

قالو ان الاخ مسند خويه
وانه سند له بكل المواقف

الاخ جنب الاخ قوه قويه
سلاح ضد الاعداء ناسف

بس للاسف خابت المعنويه
بااقولها اليوم للاخ آسف

المخوه اصناف غير مستويه
اخ يمشي بعد قول المكالف

واخ فيه كل الصفات الوفيه
واخ في خط المصالح واقف

واخ يفرح لااتتك المنيه
واخ يفضل علئ الاخ طارف

هاذه حقايق يابشر واقعيه
يعرف بها ذي ماكان عارف

مات الوفاء والصفات النقيه
وارتمو اهله بريح العواصف

الطيبون هم اليوم ضحيه
همومهم فوق العناء رصايف

يارب جملنا مع الناس الوفيه
باالحياه مادمت باالعين وشايف

الشاعر ابوسامي النهاري

[الحمدان]

قالت تغزل في عيوني يا معذبها
قلت اسمعيني ياجعل الناس يفدونك

عيونك اكثر قصيده مقدر اكتبها
اخاف من كثر ما اوصفها يعرفونك

.....

[الحمدان]

العشق من بعدك محرم ومـــمــنـوع
يا من مسمى غصب عني حياتي

والقلب لا غيرك له الخط مـــقــطوع
كــن المراحل في غيابك شتاتي

يا من غرام اسمه في القلب مطبوع
يا حاوي الدنيا وكل الــــــصفاتي

عشقك معايا في حشا الروح مزروع
يا النحس ذا ينبض بداخل رياتي

من غيبتك يا دنيتي سرت مـوجوع
واحكيت حبي لك بكل الـلــغــاتي

انت المحبه وانت لي كل مــشـروع
عهد الوفاء لا زال حتى الــــمـمــاتي

.....

[الحمدان]

الله يسامحك ضيعتني من يديك
قلت لك لا تخليني وخليتني

اعتبرني مثل فرصه وراحت عليك
كم تمسكت فيك وكم هديتني

وش أسوي مدام النفس ما تشتهيك
شف فعلك وجرحك وين وديتني

أيه كانت مشاعر خاطري ترتجيك
واكذب ان قلت في صدك ما هميتني

.....

[الحمدان]

ما طارَ قلبي للحبيبِ مُسلماً
إلَّا وألفى جنةً ونعيمَا

يا ليتني قدْ عشتُ حقبةَ أحمدٍ
بجوارِ خيرِ المُرسلينَ مُقيمَا

أو كُنت تحتَ يديهِ أعملُ خادماً
لأفوزَ فوزاً في الحياةِ عظيمَا

صل الله عليه وسلم

[الحمدان]

سوالف الناس من عقبك حلاها قليل
تعال سولف علي حتى يبين الفجر

محتاج للضحكة وللهرجة السلسبيل
اللي تلين فؤاد اللي فؤاده حجر

.....

[الحمدان]

لك الله يا قلب ٍليا ذعذع النسناس
ما يطري عليه إلا مداهيل خلّانه

.....

[الحمدان]

غايتي يانفس ماهي مستحيلة
لو تطير أحلام عمري من يديني

ودي إني كل صبح وكل ليله
مرضي ربي ومرضي والديني

.....

[الحمدان]

ان ما تعبت لغاية الحلم ما ارتحت
بيضيع عمرك بين الأفضل والأسوء

حتى مطيحك ودك إنك ليا طحت
ما تطيح لك من شي ماهوب يسوى

.....

[الحمدان]

تمكنت من روحي وماخذ ثلاث ارباع
بقى ربع واحد وانت حاكم مرابعها

يا ليت الظروف اللي تحدك لها مِقراع
ما تاخذ دروبك عن دروبي وتمنعهـا

.....

[الحمدان]

تشـين وتـعود وبأمـر الله تـزين
‏مافيـه نفـس بالنكايـد مـديمـه

‏يعـطي وياخذ والقسـا يعقبه ليـن
‏عـظيم واقـداره بفضـله عظيـمه

.....

[الحمدان]

اتصل لك في خيالي كــل ساعه
والحديث يدور ما بينك وبيني

يا خشيف الريم في صوتك مناعه
وفي قبالك راحه الدنيا تجيني

انت عندي مثل ما غالي بضاععه
والبضاعه سمتها بباقي سنيني

.....

[الحمدان]

عيش طيب ولكن كل شي له مــقام
خل قـلبك على صون الكرامه حـريص

لا تبالغ فـــي التــقـديـر والاهــتـمام
لجل ما يرخص الغالي ويُغلا الرخيص

.....

[الحمدان]

ما كل من تحسن به الظن طيّب
احيان ظنك مـا يجي في مـحلّـه

مثل السراب اللي تشوفه قريّب
واليا قـربـته بالنظـر ضاع كـله

.....

[الحمدان]

‏شفت الزمن وشلون يقسى علينا
صرنا انا وياك في حبنا اغراب

مدري من الدنيا او العيب فينا
صرنا نتجاهل بعضنا دون اسباب

.....

[الحمدان]

‏مثلي مثل غيري مزاجي وحساس
ماهو ضروري مثل ما اصبحت أمسي

احيان اشعر ب ارتياحي مع الناس
واحيان مالي خلق حتى لنفسي

.....

[الحمدان]

‏كل رغبه لو تجيني بعد طول انتظار
‏ما تعادل لـذة اللي تجي في وقتها

.....

[الحمدان]

‏يا صاحبي لا تحبس أشواقك وعطني من غلاك
‏وأعطيك كل إللي ذخرته للسنين المقبله

‏خذ ماتبي من خبرتي فالحب والباقي فداك
‏وحافظ على أسرار المحبه وأصدق العشق أنبله

‏قلّ لي أحبك لين أشوف البرق يبرق من شفاك
‏وأقول أحبك لين ينبت لك في صدري سنبله

.....

[الحمدان]

‏كل يوم يمر واحلامي وراه تنادي
‏والظروف السود ترسم خطّها وتسنّه

‏ما كسبت من الغياب المُر غير عنادي
‏وما طمعت الا لبابٍ من وراه الجنّه

‏من هدى نفسه لرشده مؤمنٍ متهادي
‏مايهمّه شي دامه متّبِع للسِنّه

.....

[الحمدان]

‏تمرّ البال ياسيد الوجيه اللي تمرّ البال
‏تمرّ البال والساعة توقف لك دقايقها

‏توّقف لك دقايقها رضا نفس وقدر وأجلال
‏على لحظة لقا من بدّ هاللحظات سارقها

‏أحبك كثر ما ذعذع لك الغربي وعودك مال
‏أحبك كثر ما تكذب علي عينك وأصدقها

.....

[الحمدان]

‏فمان الله ياحب وقف ماكمل المشوار
‏عرفنا مفرق الدربين مايحتاج تكميله

‏بقت بس المعزه بيننا ماكن شي صار
‏وصرنا اغراب عقب الود يادنيا من انتي له

‏فمان الله ياقصه غرام واصبحت تذكار
‏صنعها الحب في لحظه ولاكمل تفاصيله

.....

[الحمدان]

الهوى دربه طويل وحرّ شمسك جايزٍ لي
‏كلما ازداد الشعور تقل لرضاك المسافة

‏لا تحاول يا بعد كل الأحبة خاطر اللي
‏ما تلدّد في ديارك غير من كثر الحسافة

‏إن رضيت أجيك كلي وإن زعلت أجيك كلي
‏أنت ذنبٍ لو يُعاد الوقت بأعيد اقترافه

.....

[الحمدان]

‏جيتــك امسي يا منــى الروح بالنور
وأقـول يا الغالي هـلا كيـــف حـالك

يالله عساك بخـير طيـــب ومسرور
ويالله عساني مانحـرم من وصالك

وعساك طول العمر بالخير مغمور
وعسى السعاده دايـم الدوم فالك

.....

[الحمدان]

‏أمرّ الدرب وأشوفه عتيم ومن عليه أشباح
‏وتِشرق لي دهاليز الطريق إلى ضحك سنّك
‏
‏مثل ما كنت أجيك من التعب والناس لاجل أرتاح
‏جعل ما آجي ما بين الناس أدوّر راحتي عنّك

.....

[الحمدان]

‏رفيق الدرب تذكرك الليال الموحشه بالخير
‏وعينٍ لا تناست شافتك وسط القمر صوره

‏تمّتع واضحك بوجهي كِبر واللي يصير يصير
‏ابيك تغيض حزني لين يطلع عن مدى طوره

‏يصبرني على بعض الشعور انّك لا زلت بخير
‏انا احوالي ليا منّك غديت بخير مستوره

.....

[الحمدان]

كيف اهمّش دور ذكراك مع مر السنين
‏والطواري مالها شغل غيرك من إلى

‏أنت مثل الدمعه اللي ورا جفن الحزين
‏ان ردعها ما سلى وان ذرفها ما سلى

.....

[الحمدان]

‏لاتعاند شوفنـــي عايـــــش وحيد
مامعي في الكـون معشوقً سواك

انت ساكـــن يا الغـلا بيـن الوريد
مااحـد قبلك وصـل في مستواك

يا رقيــق الطبـع يا الذوق الفريد
ليت تعـرف داخلـي معنى غلاك

انت عشق وانت حب وانت عيد
وانت نـــور الكون وانـواره معاك

.....

[الحمدان]

هلا بك كثر ما ماتت جروح وزانت أخلاقي
‏حسافة عمري اللي قد مضى لي ما عرفتك به

‏تسنّد بي أنا أصدق من ظنون الخايف الهاقي
‏وتعال وموطنك صدري إذا حسيت بالغربة

.....

[الحمدان]

لا تحبس الدمعه عن العين بسكات
أنا لو إني قادر اجيك جيتك

قطعت لعيونك طوال المسافات
ولا انتهت فيني على باب بيتك

حتى لو أعيد النظر ف العلاقات
وانسى ثلاث ارباعها ما نسيتك

أنساك هذي ثامن المستحيلات
السابعه كانت لقاك ولقيتك

.....

[الحمدان]

فمان الله يا قصه غرام واصبحت تذكار
صنعها الحب في لحظه ولا كمل تفاصيله

.....

[الحمدان]

‏على ضحكاتك تساق البشاير للوزن والقاف
‏لا عديت البيوت اللي من الاعماق مقصوده

‏لقيتك فالبداية امنيّات ورحلة استكشاف
‏واثاري مقبلات الخير في غرتّك معقوده

‏انا اللي كنت احبك ضعف واليوم بثمان اضعاف
‏معاك الحب ولذات الهوى ما هيب محدوده

.....

[الحمدان]

‏اخذت القلب كله ما حشمت معاتب الضلعين
‏ولا خليت لي عرقً اجامل به محبيني

‏أصد العين عنك كثر ما ودي ألد العين
‏اخاف عيونهم تبحث خفاي وتلمحك فيني

‏أحبك كثر ما أحب الشعر وأتملل الروتين
‏و أحبك كثر ما أكره غيابك عن نظر عيني

.....

[الحمدان]

: حبيبي لا تخليني انا مدري وش اللي صار
وش اللي حايلٍ بيني وبينك ما تحاكيني

انا مأظن زعلتك وفكري تآيه ومحتار
افكر بالجفا اللي صايرٍ منكم معنيني

انا حبك يقويني بدون الحب انا انهار
تعالي يا بعد عمري بجنبي لا تخليني

تعالي نجتمع في قلب واحد ننهي المشوار
وابطفي شمعة الدنيا لجل نورك يكفيني

تعالي وافتحي قلبك وقولي خافي الأسرار
ولا تكتم بقلبك هم وافرح يا نظر عيني

انا لا من تبسمتي من عيوني عليك أغار
اذوب بصوتك وهمسك وبسلوبك تشديني

انا لجلك حيآتي ذقت انا في دنيتي أمرآر
وانا ما ظن يا عمري بهاللحظه تجافيني

انا لجل الوفآ أوفيت ولاني بالهوى غدآر
اصون الحب لك وحدك ولا غيرك يهنيني

ولا مره تشك اني حبيبي غيركم اختآر
انا لك وانتي لي ما نفترق يا بسمة سنيني

أعيش الحب واسعدبه واعاند لجلك الاقدار
ولوا كان الزمن ظالم لذيذ الشوق يكفيني

حمدان خلف النماصي

[الحمدان]

الاكرام لو تنوش شيٍ ماهو يناش
حدتها عن علومٍ كثيره كرامتها

اعزاز النفوس اللي على الذل ما تعتاش
تموت بشرف ما يرخي الوقت هامتها

خليل بن هدلان

[الحمدان]

الذكريات اللي يلاعبني هواها كل حين
‏على مرارة قسوة الدنيا ماهيب محلّيه

‏أحس بأحساس متقلب لا سعيد ولا حزين
‏وأعيش وظروف الحياة معليه ومدليه

‏تمرني لحظات أردد تالي الدنيا تزين
‏وتمرني لحظات أقول إن الأمور مولّيه

.....

[الحمدان]

‏ما عاد باقي للدموع الصامتات الا شوَي
‏والحمد لله خافقّي ماهو ببايع سمعته

‏حبَيتها وانا الشجاع الي عطاها كل شي
‏وفارقتها وانا الكبير اللي ما طيّح دمعته

.....

[الحمدان]

‏حبيبي والسلام ابطى علينا والعذر موجود
‏سِلمنا من سلامٍ ما وراه مواصل مبارك

‏عيوني ما تشوف إلا وصالك حلمي المنشود
‏لو إن دونه مشاريه الرحيل وظلمك ونارك

‏يعورني كلام إنك رحلت ومستحيل تعود
‏وأنا مدري عن شعورك ولا ادري عن هوى دارك

.....

[الحمدان]

بارك الله بالهوى والليل وأنفاس المدينة
‏وقصّر الله خطوة الغالي وقلل من سفرها

‏استراح الضيق وايديني مشابك في يدينه
‏ودّي إن سنيني بذيك الثواني مختصرها

‏كيف يقدر شخص يجمع راحة الدنيا بعينه
‏لا نظر لي كنّه يجمّع ذنوبي ويغفرها

.....

[الحمدان]

‏بغيتك وحظي بالمواصل لك الله شح
‏خذتك الليال وفيك لازلت متجود

‏توكل على الله لا تناظر وراك ورح
‏وليا صكتك الايام واحتجتني عود

.....

[الحمدان]

وترحل ما لحقك إلا القصِيد وشرهة الطلاب
‏وقلبٍ ما يخونه في الحياة إلّا تجاريبه
‏
‏أنا ماني بعاقلك الدروب ولا رضيت أحباب
‏حزين إني أشوفك حق وأنت تشوفني ريبة
‏
‏لو إن الغيمة أقفت ما تلحقت الهبوب عتاب
‏أنا حتى الجفاف إن كان في طارفك راضِي به

.....

[الحمدان]

يطيح الليل من عيني وأدور بالدروب احساس
‏ولا أسمع صوت بالدنيا سوى شعري وخطواتي

‏ظلام الشوق ياخذني على كف الحزن واليأس
‏ ياثقل الظلم لا قامت تعاتبني طموحاتي

‏احس بصدري المعبد واحس براسي الأجراس
‏ يـدق الحزن في راسي وتضحك لي خرافاتي

.....

[الحمدان]

الحنين اللي على وجهك عن الخذلان خبّه
‏خلنا مابين لوعة شوق وشفاقة رسالة

‏الحطب لا طاح من عقب العتب لازم نشبّه
‏يا أصدق أجوبْة الوجود أن كان حاير في سؤاله

‏ووجهك اللي في رفوف الذاكره والله لا أحبّه
‏لو رضيت أو ما رضيت أوعدك أحبه لا محاله

.....

[الحمدان]

‏دوروا لي عمر ثاني هالعمر ماخوذ خيره
‏بين لوعات الغياب اللي التوى خيره بشره

‏ما سكن غيره خيالي والغلا ماهو لغيره
‏واحدٍ لا من طرالي جاب طاريه المسره

‏والله اني في غرامه لين لحظاتي الاخيره
‏ما تنزح لين نجم سهيل ينزح من مقره

.....

[الحمدان]

‏إذا بغيـت أفــرح وخانقني الشوق
أرجع و أدور راحتــي فـي الرسايل

اقراء كلامـك يبتعـد منـي العوق
واحس راحةتنعش القلب واصل

لكن فديتـك يا غلا الروح برفوق
قلبي تــرى ما عاد للشـوق شايل

ارحم متيم قلبه اليــوم محروق
من غيبتك ضاقت علية الوسايل

.....

[الحمدان]

الخصوم اللي تصيّد من ورانا مستجنّة
‏ما لقت شيٍ يقال ولا لقت عيبٍ يذاعي

.....

[الحمدان]

‌‎عز نفسك وارتقي وخلّك طموح
الطموح بعزم يرفعك السما

لا تهاون لا نويت تروح روح
خل عزمك مثل ما يروي الضما

.....

[الحمدان]

‏دمح الخطا بين الرفاقه والاقراب
مثل المطر عقب الدهر والهبايب

وكثر العتب ومطاردة ويش الاسباب
مامن وراه الا الكدر والمصايب

.....

[الحمدان]

‏الراس مملي بالعتب والعين تملاها الملام
‏والعقل ناوي والخفوق يحاول إنه يسترك

‏يا ما تحمّلتك وشلت الضيق في يدين السلام
‏وياما تزاعلنا وحتى بالخصام اقدرك

‏ما عاد عندي حيل أكثّر بالعناد و بالكلام
‏في ذمتي لا طال موضوعك معاي ابخسرك

.....

[الحمدان]

‏يا خِل فيني شــوق ما حل بإنسان
يا خِل احس الروح ماهي بروحي

يا خِل حبي في سما حُبك ادمان
يا خِل داوينــي وداوي جروحي

يشهد عليا من خلق كل الاكوان
الواحــد اللي يعلم اسرار روحي

إني احبك حُـب ماحبــه انسان
حبً من الاعماق يا روح روحي

.....

[الحمدان]

‏لو الغـلاء يُكتـب علـى كــف مغليك
نقشت حرف اسمك على كف يمناي

ولو العمر يهـدى على الناس لهديك
عمـــــري وكل اللـي ملكتـه بدنياي

يا سكنــن روحــــي انا ميتــن فيك
واهواك واحبك من اقصاي لقصاي

ومن زود حبـك يا غلا الروح افديك
بروحي وقلبي لك مع كامل اعضاي

.....

[الحمدان]

‏لاتعاند شوفنـــي عايـــــش وحيد
مامعي في الكـون معشوقً سواك

انت ساكـــن يا الغـلا بيـن الوريد
مااحـد قبلك وصـل في مستواك

يا رقيــق الطبـع يا الذوق الفريد
ليت تعـرف داخلـي معنى غلاك

انت عشق وانت حب وانت عيد
وانت نـــور الكون وانـواره معاك

.....

[الحمدان]

‏يوم خيرني الزمن فالناس سهلت إختياري
‏كنت أشوفك كل هالدنيا بعيني كل حزه

‏ما عشقتك نزوه وعذبتك بطول إنتظاري
‏جيتك أسرع من جناح الطير لا عجل مفزه

‏لا توقفني على حفة شموخي وإنكساري
‏ولا تساومني على العزه مدام إن لي معزه

.....

[الحمدان]

‏شعوري معك يحتار يبدا معك من وين
‏تلوم السكوت ومن يشوفك معه عذره
‏
‏لا عمّ الشعور الصمت ناظر عيوني زين
‏كلام العيون اصدق من الصوت والنبره

.....

[الحمدان]

عليه من الملامة ما يصحح غلطة المخطي
‏و أنا باسقي نوابت ضيقتي بأسوء قراراتي

‏باصد وباشعل من الهجر نار وتنطفي نارين
‏واروح الروحه اللي توجع أرضي ثقل خطواتي

‏باشبع رغبة الهجران فيني واتماد لين
‏احس اني على كثر ابتعادي مرضي ٍذاتي

.....

[الحمدان]

ذروة الاحتياج وذروة المشتهى
‏كنت المزايا وكل الناس كانوا عيوب

‏وكانت يدينك سراب ولا تناوشتها
‏مرّيت مثل الحياه ورحت مثل الهبوب

‏حلوك و حلو الليال اللي معك عشتها
‏مع انها كانت اقصر من حبال الكذوب

.....

[الحمدان]

ترا الوفاء بقلوبنا ما له أسباب
فطرة خلقها الله وصارت طبيعه

نسأل عن الخلان ونعز الأحباب
واللي شرانا بالغلا ما نبيعه

.....

[الحمدان]

عليه اللوم ودموع الهقاوي والسلام الحار
‏كثر ماكان في صدري حكي قاسي ولا قلته

‏رميته بالفراق الواضح اللي ما عليه غبار
‏وغسلت ايدي وقلبي من هذاك اليوم غاسلته

‏بيفقدني وياكله الندم وبتوجعه الافكار
‏وأنا جعل الله يقطعني إذا في يوم واصلته

.....

[الحمدان]

مشاعر العشاق دايم من صراع الى صراع
‏لو ينتهي عمر المحبه ما انتهى مفعولها

‏اللي عيونه يمكن توصّلني لحد الضياع
‏صوته يحسسني بأمان من الليال وهولها

‏عذروبه انه يطوي احلامي مثل طي الشراع
‏وعذروبي إني ما اترك الأحلام لين انولها

.....

[الحمدان]

أنا المقتنع بإن آخر المجريات أنصاف
‏لـذا مـا تزيد جروحي إلّا أبتسامـاتي

‏ولو مهل الله ما هـمّـل قلبي الشفاف
‏ يجـي يــوم و الدنيا تـعـدّ انتصاراتـي

‏ تخافون دورات الليالي و أنا ما اخاف
‏ تبي تـرد لـي معروفي وبيض وقفاتـي

.....

[الحمدان]

سامح الله من خذا مني هدوي وإرتياحي
‏لين حدني على بعض الأمور اللي مابيها

‏مرحلة مدري متى تعتقني وتطلق سراحي
‏ما قدرت أعيشها ولا أنتقل للي يليها

‏لو تساعدني خطاوي رجلي بحزة مراحي
‏من يساعدني على روحٍ يدب الشوق فيها

.....

[الحمدان]

‏من يلومك شايفٍ حالك وفي بداية شبابك
‏ طاغي تجرح قلوب الناس تحسبها بطوله

‏يا كثر ما كانت ظنوني دخيل الله تهابك
‏بس اكذبها وأقول اوهام والقلب وميوله

‏وأثرك اللي تستلذ إن ذاقوا العالم عذابك
‏مشكلة والمشكلة هذي بسيطة ومحلوله

.....

[الحمدان]

أحبك ولو عادت جميع الوجيه أغراب
‏خذيتك أمان يشرّد الخوف من طيِبه

‏أشوف الحياة اللي مع الناس ملح وذاب
‏وأشوفك يقينٍ يقطع الشك والريبة

‏أبيع السنين اللي بدونك برخص تراب
‏وأساوم على اللحظة معاك أنت باللي به

.....

[الحمدان]

لا ياخذ الحرمان فرصه لين يكبر له مقام
‏ماينعطى الحرمان وجه أنا أعرف الحرمان زين
‏
‏والله ماطوي عن غلاك الوجد لين أطوى بخام
‏لو ما أطلع من العمر غير بطعنتين و دمعتين

.....

[الحمدان]

‏ما دامك من بنات الغيم مدري من خوات النود
‏تمثّني للضلوع اللي تضمك .. و آتثنالك

‏أنا ميّت ضما و أنتي هواك العيلم المورود
‏يمرّ الموت بالي كل ما مرّ " الجفا " بالك

‏لا تعميك الدموع اللي ما خلقت للوساع السود
‏عسى روحي فدا واهج .. ثغرك و ليلك الحالك

.....

[الحمدان]

على النسيان ما مرَّ الطريق ولا كساك إنصاف
‏مثل ما اواجه أقدار العمر ذكراك أواجهها

‏تبين بـ كل غيمة ما تضرّ .. وكل غصنٍ جاف
‏أشوفك فالوجيه اللي أحبّ وفاللي أكرهها

.....

[الحمدان]

‏انا يـاريـف قلـبي لو لحقـني من زعـلك ارهـاق
‏طويت ايام عمـري في رضاك وقلت لك توبـه

‏فداك البـيد وعذوق النخـل والنـوق والاعـراق
‏وفداك اللي رحـل واللي بقى والحـزن وكروبـه

.....

[الحمدان]

وسايل الشوق القديم وعطرك
واول لقاء على الرصيف الهادي

محفورةً بالقلب صوت وصوره
لو كان شفت الشيب فيني بادي

الحب نفحات سرى ساريها
تقول سيلٍ ضاربً له وادي

.....

[الحمدان]

‏يا فرصة العمر الثمينه .. لا متى وانا انتظر
‏مات الشغف عندي و نفسي زادها ماتقبله

‏طال الصبر .. وانا انتظر وقول يازين الصبر
‏لكن ظروفي كل مايكبر طموحي .. تقتله

.....

[الحمدان]

‏ياكثر الكلام اللي يدف الصدر بيديه
‏ يباا الانصراف وعوج الاضلاع مانعته

‏بلشنا فـ ابو وجهين مدري ثلاث وجيه
‏وسمحنا من الفلم الطويل ومتَابعته

‏يخيب الامل في واحدن كنت هاقي فيه
‏ويطيب ، الامل في واحدن ماتوقعته

.....

[الحمدان]

مدامي في ذرى قلبك عن الصدمات والتقصير
‏ماعاد أخاف من طول الطريق وضيقة المسرى

‏أحبك والهوى فوق الكلام العذب والتفسير
‏ياوجهٍ فيه مستقبل شعوري ماغدا ذكرى

‏عرفت إنك فرح قلبي وضحكات الليال وخير
‏يا حلم العمر مابعدك غرام وفرصةٍ أُخرى

.....

[الحمدان]

‏الناس نامــت مابقــي حد صاحي
ماغير انا واحساس قلبـي والافكار

نمسي نقضـي الليل بين النواحي
ونترجم اشواق المشاعر بالاشعار

هذا شعور اللي في الهجـر طاحي
واللي غدا قلبه من العشق منهار

يمسي يناجي الليل لين الصباحي
والرووح مشتاقـه وقلبـه على نار

.....

[الحمدان]

‏مشتاق لك واحسـاس قلبي يناديك
وعينـي على شوفك تخايل بصـرها

الروح ذابــت يابعـــد روح مغليك
والنفس تعبت مـن غيابك كسرها

يا كم سهر قلبـي وشوقــه يناديك
يحاكي السما منك ويسال قمرها

وينك قسم نفسي ترى ذايبه فيك
والروح مشتاقه وبُعـــدك أسرها

.....

[الحمدان]

‏يسعد مساء اللي على القلب غاليين
قبل اللسان القلــــب سـاق التحيه

مكانهم عنــدي على الراس والعين
وأحبهـــم في الله من طيــب نيـه

سـلام مـــن قلبي عليكــم ملايين
يا اهل النفـــوس الطيبه والوفيـه

يااللي غلاكـم في صميم الشرايين
ومكانكم وســط الضلوع الحنيـه

.....

[الحمدان]

‏يا حبيــب الروووح لاتهـمــــل ضياعي
عاشقـــك اصبـــح في الدنيا قطيع

صرت مثل اليخـت مقطوع الشراعي
تايهـــن دربه في البحـــــر الوسيع

ليت يا المحبــوب تصغي لاستماعي
قبـــل ماعقلي مــن الفرقى يضيع

لاتعـــــذبني بهجــــــــري وانقطاعي
يكفي ان القلب من هجرك وجيع

.....

[الحمدان]

‏القلب مغـرم في سمينات الارداف
ياجنس حوى ما احــب الرشاقه

روحي تحـب اللي بدينه بالاطراف
واللي بهــا سمنــه وخفــة لياقه

هذا انا المغــرم ولاعندي إخلاف
موافق بهـا اتزوج وادفـع سياقه

زين البدينه داخلي مالها اوصاف
والقلــب يعشقها لاخــر نطاقه

.....

[الحمدان]

‏إن كنت لي مشتاق شوقي لك اضعاف
وشوقي ضعـف شوقـك بعشرين مره

ياليت كان الشـــوق بالعيـــن ينشاف
كانك عرفت بكبــــر شوقـــي وقدره

ياخل شوقي لك قسـم ماله اوصاف
من غيبتــك قلبـــي تعــــذب بقهره

راعي شعـــورك لو مــن الله بتخاف
وارحم معـذب عاش دونك بحسره

.....

[الحمدان]

‏الناس مـن حـولك يشوفـــك مرتاح
ويحســدوا حظـــك اذا كنــت رايق

مايـدروا ان النفـــس مليانه اجراح
والقلـب من كثــر المواجيـع زاهق

حال البشر نظراتهم عكس ياصاح
مايشعــروا باللــي خفتـه الحقايق

يقيموا وضعك على ضحك وامزح
ولو كان قلبك داخل الصدر ضايق

.....

[الحمدان]

‏اوقــات اتمنى مــــن النـــاس واحد
يستوعب احساسي اذا جيت احاكيه

يحس بي فــي ضيقتــي والشدايد
ويداوي اوجاعــــي برقــة حكاويه

يااهل الشعور النفس صارت بدايد
والصدر ضايــق ما لقي من يداويه

والروح محتاجــــه رفــاق وسنايد
والقلب يبغا في العمر من يواسيه

.....

[الحمدان]

دامك سكنت بداخل القلب يرعاك
هذا خفوقي و أنشده كيف يغليك

قلبي و أعـرفه بالغـلا كـم تمناك
مدري على كثـر الغلا ويـن أوديك

.....

[الحمدان]

يموت العذر ويموت العتب دام الغلط مرجوع
‏ويبقى الحُب مرسول السلام اللي يواسيني
‏
‏تطمّن يا حبيبي لا تقول وصالنا ممنوع
‏وأنا في كل يوم ألقاك بين دعاي ، وآميني
‏
‏تمادى فالطعون الخضر ما دام العتب مرفوع
‏ترا قلبي ملاذك لا نويت تطيح من عيني

.....

[الحمدان]

‏خلوا الهايم يهوجس .. و يتمتع في هيامه
‏كل ماعادت به الذكرى وليل الحزن هوّد

‏و الحبيب اللي كلام عيونه أكثر من كلامه
‏ودي أمسك كل لحظه في وصاله و اتجوّد

‏في غيابك جالس أدوّر على نص ابتسامه
‏قال خايف ؟ قلت أخاف انك تروح ماتعوّد

.....

[الحمدان]

تراقبك العيون اللي تحبّك والمحب يخاف
‏عسى ربّي يجيرك من عيون الخلق عز وجل
‏
‏على ماخصّك بـ زود الجمال ونادر الأوصاف
‏أنا ما ألوم من خافوا عليك من الحسد والغل
‏
‏مع إني . . لو تكلّمت بـ حياديّة عن الانصاف
‏من الواجب عليهم يفرشون الارض ورد وفل

.....

[الحمدان]

‏جفت عـروق الشــــوق يا سارق الروح
وانساب فـي صــدر المواجــع غيابك

تعبــــــت اخبــــي ما اهذريه وانوح
والقلـــب يا قلبي حـــرق من عذابك

لي نبض متعـذب ولـي قلب مذبوح
ولي روح تســرح كل يومــي صوابك

ولي جفن مايغفي ولي دمع مسفوح
ولي عيـــن توله بالسهــر في عتابك

......

[الحمدان]

‏يا نــوم صارحنـي وقـــول الحقيقه
ويـش المشاكـل بينـك انته وعيني

متفارقيــــن وكل مـــن في طريقه
ومرت على ذا الحال عدت سنيني

يانــوم!! عينـي زوجتك مو طليقه
ليش الجفا والحقـد هذا الدفيني

إتصالحو كثــر السهـــر ما اطيقه
والله حـــــرام اللي تســووه فيني

.....

[الحمدان]

‏في داخلي شـوق ن من ايام مخفيه
وأحـــرق بناره بس اراعـي ظروفك

ومنتظــر فرصــه على شان ابديه
وانثرلك احساسي بلحظة اشوفك

يامن غرامك ساكن القلب يا هيه
وينــــك حبيبي عذبتني طيـوفك

قلبي معـذب فيـك ليتـك تداويه
واكبر علاج القلب لمسة كفوفك

.....

[الحمدان]

‏الصبح وعيونك حكايات عشاق
لاسلهمت لي ضعت كلي من الشوق

انت صباحك يشتعل كله اشواق
وانا صباحي فيك يمنحني الذوق

.....

[الحمدان]

‏اضحك ومن شاف الضحك قال مرتاح
وامـرح ومــن شاف المـرح قال سالي

مايدري انـي ضحكتي ضحكت اجراح
ومايدري ان المـــزح من ضيق حالي

يااهل العيـون الحاسده وضعنا طاح
ماعاد بقـــــــي للراحــه ايت مجالي

الوضع حطــم داخلــــي كل الافراح
والياس حطــــــم داخلـــي مابقالي

.....

[الحمدان]

‏محدن يمشينا على رغبته غصب
ولا نـزعل على غيرنا بليا سبايب

وثنتين في الدنيا ترى مالها طب
خيـانة الصحبه ، و ظلم القرايب

.....

[الحمدان]

أنا الحاضر مع الذكرى وأنا الغايب عن الجلَّاس
وأنا الواضح وأنا اللي حاجته ماهيب مكشوفه.

أنا الضاحك بوجه الحظ لو حظي عليه غيوم
‏ لعل أيامي الجايـة تغيث القلب وتسـرّه

.....

[الحمدان]

على حبك فمان الله و لا تنتظرني يا وسيع العين
‏عسى عقبي لعينك من يجي يعمي نواظرها

‏عطيتك غلا ما عطيته حد من حوالي سنين
‏و مشاعر كثيره كنت دايم أولها و اخرهـا

‏و لينت لك قلب والله ما عمره مع الدنيا يلين
‏و مديت لك نعمه منت حامدها و شاكرها

.....

[الحمدان]

‏وإن زعلت مابقى للعمر والتاريخ قيمة
‏والأسف سكّة طويلة لين يركع بـ إتجاهك

‏اذكرني نار بدوٍ في لياليك العتيمة
‏وقبل أشد ركاب جرحي كنت أبشد إنتباهك

‏يا انتصاري في طريق الفقد ودروب الهزيمة
‏حالف إني لا ارسم البسمة على طارف شفاهك

.....

[الحمدان]

‏كنت أدوّر عن مساء الخِير وعيوني جفوله
‏من وجيه ، ومن مشاهد ليتها ما طالعتها

‏قاتل الله .. صدق روحي وعفويْتي العجوله
‏لا متى ، بتبع خطاها وأجتهد بـ مْصارعتها؟

‏ليت مالي نيّةٍ سمحه ، ولا نفسٍ خجوله
‏كان .. كل ماجيت أبنطق كلمةٍ مارجّعتها

......

[الحمدان]

فديت من هو لالقى الصدر ضايق
‏أقبل يغني بالصوت لا لاتضايقونه

‏وضحكت كني طول هالوقت رايق
‏مدري لصوته أو لخاطر عيونه

.....

[الحمدان]

‏وسّع حدود السماء والارض لي يا خلّي
‏خلّها تكفي مدارات الهوى و زياده

‏والله انّي من عرفت احب مانيب اللي
‏صرت اشوف ان الفلَك ما تستقّر ابعاده

‏نوب تبسط لي جناب الارض لو هي ملّي
‏ونوب تجعلها علي اضيق من السجَاده

.....

[الحمدان]

‏ما يهمّ العمر لا منّه وقف لـ عيون غالي!
‏كيف عاد أسوق لك عمري سحاب ولا تخيْله

‏ردّني ... لـ أيّامك الصّلفات لا زاد اِنعزالي
‏آه «يا ذلّ السؤال» إن صار ما فـ اليد حيْلة

.....

[الحمدان]

‏اعترف إنك غايه القلب ولك الشأن الكبير
‏ و تفداك كل حاجه تأشر عليها بـ اصبعك

‏ من كثر حبك و من كبره مبدا عن الغير
‏ مستعد اسفهه الناس كلهم و اسمعك

‏ أنت والله الي في قربك ماني مستخير
‏ ملذات الحياه ما تسوا الجلسه معك

.....

[الحمدان]

‏فداك العمَّر وأشجان الليال ولمة السمار
‏ياصوتٍ علّم عيون المعنى لوعة المسرى

‏وأنا والله ياروح القصايد ما عرفت الدار
‏أهيمك كل ماهبّ النسيم وليلتي غدرى

.....

[الحمدان]

خلص كل الكلام ولا بقى غير القصيد عتاب
‏نشف وجه الجراح ولا بقي غير السهر راحه

‏سلامات تطولك .. لاتجيني خايف مرتاب
‏ترى لك وحشةٍ مثل الظلام ان مات مصباحه

‏رهنت لغيبتك ظلٍ نحيل .. ودمعتين وباب
‏على قلبي قفلته والوفا همه ومفتاحه

.....

[الحمدان]

‏انا يا أجمل أحلامي عيوني ماتشوف إلاك ..
‏وانا بالحب لا قبلي ولا بعدي بيجي مخلوق ..

‏لي أصدق قلب ودروبي ربيعٍ مابها أشواك ..
‏ولي أصدق عين تفضح ماخفى المنطوق ..

‏انا ماهتمّ لعيوبك ولا ادور عن مزاياك ..
‏انا احبك لو إن مابينك وبين اي احد فروق

.....

[الحمدان]

اعرف إن الطواري ماتمّر إلا تجيب احباب
‏يجي طاريك كن البال في جدول مواعيده

‏ادوّر لك عذر ياللي تدوّر لـ الغياب أسباب
‏يا شبه الكلمة اللي بعدها غصّة و تنهيـده

‏من آداب الفراق إنّك تصون العهد للغيّاب
‏أخاف الجرح يهدى وإنت تلقى عذر وتزيده

.....

[الحمدان]

‏على مهل القلوب اللي تدامى والدروب طوال
‏وأنا ما لي سوى قلبٍ يخاف ويحشم ضلوعي

‏حبيبي يا مدى العمر الرحيب و مغريات البال
‏تركتك قبل ما ينقص غلاك .. و تكثر دموعي

.....

[الحمدان]

‏على سكة متاهات المشاعر واخر المشوار
‏خذتني لهفة اشواقي على ذكرى بداياتي

‏غريب استوطن اعماقي وسبب حالة استنفار
‏وضيع كل تفاصيلي بعد ما شتت شتاتي

‏نطق حرف ونزف جرح وتحرر عقلي المنهار
‏وكتبتك لـ السكوت اللي تكلم عن متاهاتي

.....

[الحمدان]

‏علي ربي الشاهِد مايغنيني منك حيّ
‏فلا تبعدك شكـه .. ولا قـول متقـوّل
‏
‏في عيني غديت الكِل ولا البشر ؟ لا شي
‏و حبـك منـع قلبي .. لا يـدخله متجوّل
‏
‏تغيب وتحسّب حبك عندي بيخف شوي
‏وترجعّ ، وتلقاني عليك .. أشفق مـن أول
‏
.....

[الحمدان]

‏متاهات الحياه اللي مداها ساري المفعول
‏تغير طبع ناس .. وناس ما تقدر .. تغيرهم

‏تحك المعدن الخافي محكٍ ماهو بمعقول
‏وتخفيهم وتظهرهم .. وتنهيهم وتامرهم

‏وانا اللي لو يغيبون الاوادم عن عيوني حول
‏ليا جوني .. لقوني كني البارح مسامرهم

.....

[الحمدان]

إذا قام الحنين يسوق قلبي قمت أسوق خطاي
‏أدوّر من دروبك درب قد جيناه . . و أضيعه

‏يا كثر صورك اللي مانساها بالي النسّاي
‏لو إن عمري معك مرّت سنينه مثل أسابيعه

‏حبيبي كيف أمر بشارعك ما تدري إني جاي
‏وأنا أعرف الصباح اللي يجيبك من ذعاذيعه

.....

[الحمدان]

‏لا تاخذك الليالي والليالي ماهي بشرواي
‏تداري خاطرك من كل تنهيده وتلويعه

‏عفى الله عن حبيبي لو حبيبي ماهو بـ معاي
‏كثر ما أعاند الشوق بغيابه وأرجع أطيعه

‏عليه من السرور اللي ماهو في وجهي البكاي
‏وعليه من السلام اللي ماهو في ليل توديعه

.....

[الحمدان]

‏أنا أذكر ضحكتك وأذكر حنين الشِّعر للإسهاب
‏وأنا أذكر كم قصيدة تنسلب من وارف أهدابك

‏فداك الشِّعر وشتات البعاد وطاري الأحباب
‏وحنين الليل يوم إنّه وقف بي أرتقب بابك

‏نديم البال ما جاد القصيد ولا مكثت أرتاب
‏وأنا وهذا القصِيد اللي بعد ما غبت ما غابك

.....

[الحمدان]

‏لقيت إبتساماتي رهن ضحكة محيّاه
‏ويضيع الكلام ويعجز لساني إفصاحه

‏يصبّ السوالف صبة الكيف من يمناه
‏على مسمع ٍ خرمان حتى تنحناحه

.....

[الحمدان]

‏صحيح إن الغياب اللي حصل بيني وبينك طال
‏لكن ما هوب أنا اللي فوق حُبه يسفي السافي

‏لحقني من غلاك ومن جفاك اللي يرقّ الحال
‏مثل ما كنّي أشوف الحزن في طرفك الغافي

‏يروح اللي يروح من العمر واللي بقى لا زال
‏ويبين اللي يبين من الغَلا و الخافي الخافي

.....

[الحمدان]

اضحك ترا عوج الليَالي مدابير
وما للخلايق فِ قضا الرب حيله

أضحك لو هموم قلبك طوابِير
وما يقسمه ربك تروح وتجي له

لو ضاقت الدنيا تراها مقادير
وخلك جبل ما هزته كل ميله

.....

[الحمدان]

الذكريات .. اللي يلاعبني هواها كل حين
‏على مرارة قسوة الدنيا .. ماهيب مخلّيه

‏أحس بإحساس متقلّب لا سعيد ولا حزين
‏واعيش .. وظروف الحياة معلّيه ومدلّية

‏تمرني لحظات ، آردد " تالي الدنيا تزين "
‏وتمرّني لحظات .. اقول ان الامور مولّية

.....

[الحمدان]

‏لاتشتكـــي للنــاس مهـمـــا تألمت
خلــي كلامــــك داخـــلك لا تبيحه

الناس تشمـت فيك لامــن تكلمت
وبالذات اصحاب النفوس القبيحه

ياصاحبي من كثــر جرحـي تعلمت
ان الثقـه في الناس ماهــي مليحه

يا كم وثقــت بناس لاكــن تندمت
والروح صــارت بــ الخيانه جريحه

.....

[الحمدان]

‏تعانقني طيّيوفك كل ليلة في كنف ذكراك
‏يا ليتك لو تجي ليله مع طيوفك تعانقني

‏احبّبك كثر ما ادورك ف اشباهك ولا القاك
‏احببك كثر ما حبك مشتتِتني ومرههقني

‏تتّتلاحقني مثل ظلي ولاني قادر اتعداك
‏انا وشللون ابترك ظلي وظلي يلاحقني

......

[الحمدان]

على الصدر الحنون انام من شوقٍ ضناني لين
‏يصحّيني صدى صوتٍ تدافق من شفايفها

‏توصّيني تقول الوصل خله في رقبتك دين
‏ترى الأيام مَ تترك رداها و أنت عارفهااا

‏و أنا عاهدتها مَ ابور فيها دامنا حيّين
‏لها وجهي لو تبور الولايف في ولايفها

.....

[الحمدان]

‏ليتك معـــي تسمع كلام اخر الليل
وتحس بي واشلون وضعي بدونك

حالي ترى من غيبتك هده الحيل
والعيـــن تتمنـى تناظـــر عيونك

اسهـر على ذكـراك ويجيني الويل
والنار في صــدري تــردد لحونك

وضعي صراحـه مايبي اي تأجيل
ارجوك ما تسـوى حياتي بدونك

.....

[الحمدان]

في حطام الوقت والحسره على مرّ الليالي
‏ بين تقليب المواجع والمحطات الأليمه

‏ كنت أزيل الذكريات اللي تمرّ بدون والي
‏ لين ماوقّف حنيني في مشاهده القديمه

‏ عند صورة وجهك اللي ماتزعزع من خيالي
‏ كل مايطري فـ بالي تلحقه بسمه .. يتيمه

.....

[الحمدان]

تبسم نعنبو من لامني في ضحكتـك ورضاك
‏تبسم واخذنـي من عالمـي إلـى عالـمٍ ثانـي

‏تبسم لي فداك اللي مضى واللي بقى يفداك
‏تـرى لـولا غلاك وضحكتـك مابعـت خلانـي

‏ولا جيـت اتدارك مابقى من فرحتـي والقاك
‏وابيـع العمـر كله لا ابتسم ثغرك على شانـي

.....

[الحمدان]

ظنك إنـك يوم ضقتي رحت ادور لك بدايـل
‏أنتي الشي الوحيـد اللي مـاراح القـى بديلـه

‏وأنتي الشـي الوحيـد اللـي بقلبـي ما تمايـل
‏كـل فجـر وكل صبـح وكل عصـر وكـل ليلـه

‏وأنتي الشـي الكثيـر وكـل مـن حولـك قلايـل
‏و الكثير إليا حصل لي طاب نفسي من قليلـه

.....

[الحمدان]

‏في ليلةٍ تاهت الخطوة وطال الوقوف
‏هي نفسها الليلة اللي .. شرّها خيرها

‏جيت ومعي قلب يحب، ويحن، ويروف
‏ورحت ومعي قلبٍ أقسى من معاذيرها

.....

[الحمدان]

زمّليني من هواجيس الغياب الّا إرادي
‏إن ذبحني طاري الفرقا وش أنتي مستفيده ؟

‏لا أستوت فـ عيونك الثنتين قربي وإبتعادي
‏والظروف أقسى من الماضي على اللّي يستعيده

‏المصافح فالقلوب أصدق من مصافح الأيادي
‏إسمحي لي كل يوم أصافحك وأنتي بعيده

.....

[الحمدان]

‏تبدَّد ريبة الفجر الطويل، ولا لحقك قصور
‏أنا أكثر من يعرفك لو جهل في ضحكتك جاهل

‏تجيني ما ورا جفنك ديار ولا لـ بيتك سور
‏مثل كل الكلام اللي يجي ويروح بالساهل

‏ورا عينك سهامٍ طايشه وإلَّا الهوى معذور
‏وأنا جرحك أحبَه “ ياحبيبي “ وأنت تستاهل

.....

[الحمدان]

‏مع إن الذكريات وناسها ما هم بـ عتق رقاب
‏سجينة بالي اللي ما تمل يدينه جيوبه ..

‏أحسب إن السنين إن طولت تستأذن الغيّاب
‏وتبدا تمحي آثار السوالف .. نوبة .. ونوبة !

‏وعرفت إن الزمن ما يستحي وإن الأمل كذّاب
‏إذا ما هان جرح الآدمي .. ما هان محبوبه

.....

[الحمدان]

‏ماعاد بي شده على طرد السراب
‏ومراقبه شمسٍ توارت للغروب

‏اما وجود يلوي ذراع ..الغياب
‏ولا غياب يفضح الوصل الكذوب

.....

[الحمدان]

‏تطمني وافرحي يالجادل الترفة
من عادة أهل الغلا ماترخص الغالي

القلب ماينصرف لو حاولوا صرفه
عن حبكم كل عذالك وعذالي

.....

[الحمدان]

‏لعيـــون حســادي تبسمــت للضـيق
مافيــه أحــد يقــــدر يعكـــر مزاجي

اضحـك مع اعدائي ولو نشفت الريق
وامرح ولو جــــوي غشـاه العجاجي

طبعي اكابـر واقلــب الضيــق ترويق
واعيـش حظـــي في فـرح وابتهاجي

واحرق قلـوب اللي بهم حقد تحريق
واغيـــض كل اللي يريــــد انزعاجي

.....

[الحمدان]

انا الطريق الممتلي بالمحطات
لا تخدعك رحابتي وإمتدادي

مافي دروب التايه الا المتاهات
وصوله بوادي ومشيه بوادي

غيري كثير اخترتني ليه بالذات
ليه اختيارك كان غير اعتيادي

بتشوفني قدام كل المرايات
وابسمعك حتى ولو ما تنادي

.....

[الحمدان]

ضايق صدري وفي عيني احَر الدموع
واتحرى ادناة فرصه عشان اهلّها

فاقدٍ لي ضلع واحد وفي صدري ضلوع
لو رجع لي قلت هاكم ضلوعي كلهـا

.....

[الحمدان]

‏ يامن اخذت القلب والروح وياك
‏لا تفتكر في يوم ابعد واخليك
‏
ما ذقت طعم الحب ياشوق لولاك
‏كل الهنى شفته في نظرات عيناك

.....

[الحمدان]

غــلاك عندي ما يجي فيـه تشكيك
لو بجمعه يصعب على الروح جمعه

متعلـي قـدرك ولا أحـد يســاويـك
ولا هـمني غـــيرك ولو سـال دمعـه

.....

[الحمدان]

اؤمن برب العيون الناعسات الوساع
‏سلهامها ياخذ العشاق لـ ابعد مدا

‏سهوم نظرتكْ ما يقدم عليها شجاع
‏حتى لو انه من اللي ينطحون العدا

.....

[الحمدان]

نظــــــرة عيونك سهـــــم للقلـب ذباح
ومبسمك شهد العســل فـي الجباحي

وصورتك تشفــــي من الروح الاجراح
ووجهك مثيل الشمس وقت الصباحي

احبــك وحبـك فـي سمـا دنيتـي لاح
وعشقك ملكنـي من جميـع النواحي

روحـــي فـــدا لك انت يا روح الاروح
يا غايــة آمالــــــــي وكـــــل ارتياحي

.....

[الحمدان]

‏الشـوق مثـل المــوت نزاع للروح
ياخذ مـن اجسـاد البشــر عافيتها

كنه شعور الطـيـــر لا صار مذبوح
يرقـــص ألم للـــروح بـ مفارقتها

وانا من الاشــواق عايــش بلا روح
والروح طارت فـي سمـا عاشقتها

حتى عيونـي تشكي الشوق وتنوح
من يــــوم عيني بالنظــر ناظرتها

.....

[الحمدان]

‏انت لك عنـــدي محبــه لو تشوف
كُبـر هالعالــم بكامـــــل مجمعه

لو اجمّــــع لك احاسيسي حروف
من كثّر هالحــب مقدرت اجمعه

وسـط قلبي لك غـلا ماله وصوف
ممكـن تحســه بـدون ان تسمعه

مسكنه جوفي وبالنبض الشغوف
ذاك حبي لــك وهــــــذا موقعه

.....

[الحمدان]

على رفقة الطيّب نزيد العزوم عزوم
‏وفي خوّة اهل الطيب مانيب متردد

.....

[الحمدان]

‏تسوق الطف أنسام الغلا ضحكة محياك
‏على روح من طالت عقوده وهو ضامي

‏ياسبحان من خلاني أدورك .. والقاك
‏وأشوف أبسط حقوقي معاك أكبر أحلامي

‏لا تستغرب إن بعت الوجيه وشريت رضاك
‏وأنا مرخص ليومٍ معك .. جملة أيامي

‏تمثنى فجوج القلب وأسلى وسج خطاك
‏على عين حاسد ضحكتي لك .. ولوّامي

.....

[الحمدان]

‏بعض البشـر ذكــراه يبقى ولو غاب
في كل لحظـــــه مايفــارق خيالي

غلاه متوغـــل معي بين الاعصاب
إن جاء فهو غالــــي وإن راح غالي

عز الرفيق اللي له الشـوق ينساب
والحـب له موجــود في كل حالي

تبقى غلاته بيـــن عيني والاهداب
ويبقى وسط قلبي فريد الخصالي

.....

[الحمدان]

‏دام الأمـــل موجـــود لا تتـبع الياس
وافـتح مــــع الآمال صفحـه جديده

والضـيــق ما هو للمخاليق مقياس
كم ضـايقن تصبــــح حياته سعيده

يا الله يا عالــم شعوري والاحساس
اجبــر خواطـــر في الضماير نكيده

إسعدقلوب الناس ياصاحب الباس
فيـك الامــل يا الله وفيـك العقيده

.....

[الحمدان]

في حطام الوقت والحسره على مرّ الليالي
‏بين تقليب المواجع والمحطات الأليمه

‏كنت أزيل الذكريات اللي تمرّ بدون والي
‏لين ماوقّف حنيني في مشاهده القديمه

‏عند صورة وجهك اللي ماتزعزع من خيالي
‏كل مايطري فـ بالي تلحقه بسمه .. يتيمه

....

[الحمدان]

كشفك الزمان الله لايكشف لنا مستور
‏وعلم عليك الشان ، واللازم الحاضي

‏وقف بيني وبينك صدى بيتي المشهور
‏وقفلت باب الشرهه اللي على الفاضي

‏تعاملت حتى مع قصورك ، بدون قصور
‏وتخطيتها ، مثل الحسايف على الماضي

.....

[الحمدان]

لا تخاف من الليالي وظلمات الدروب
‏دامك اللي ماغدرت وظلمت ولا وجعت

‏لا تعاند فرض الأقدار سلّم للغيوب
‏تظلم حظوظك لو إنك تعادي ماجهلت

‏يمكن اللّه شال من دربك مخاليق وقلوب
‏لأنه شاف اللي ما شفت وسمع مالا سمعت

.....

[الحمدان]

‏مشيت وخطوتي يمكن تشكل للغريب بلاد
‏ضجيج الأرض من خلفي وقدم عيوني السجّه

‏ركنت الحلم في رفّ الأماني بعد كثر إجهاد
‏أنا اللي ما ملك حاجة لو إنه يملك الحجّه

.....

[الحمدان]

‏سكتّ .. مدري خوف ، ولّا تخلي
‏لكن على أيّة حال مَعفي و مسموح

‏خليتني واقف على عتابي .. اللي
‏أكبر من الكتمان و أصغر من البوح

.....

[الحمدان]

‏علاقات البشر تالي الزمان تميل للتغيير
‏و انا اقول القلوب الصافية ماهيب ميّاله

‏لكن ما اخلف ظنوني و ابتلاني و ابتليته غير
‏حديث المقفي الي وده يقوله ولا قاله

‏عسى الله يذكر أيامٍ مضت من عمرنا بالخير
‏قبل لا ندري إن الوقت ما يبقى على حاله

.....

[الحمدان]

‏تهقويت الليالي من ظمى خاطر ودم حار
‏وأنا اللي كلّما جادت يدي شحت مشاربها

‏لقيت إن كل قلبٍ له حبيب وكل بيت أسوار
‏ولقيت إن العيون أقوى من الشلف ومضاربها

‏قديمي وإنت غافل عن مداي ولا سردت أعذار
‏أنا كم لي أصالح ماضي أيامك وأحاربها

.....

[الحمدان]

لاتسأل وش اللي جابني لك عقب ما غبت
‏انا من تصاريف الزمن جيت لك ضامي

‏من مشاهدك ما تاب قلبي وانا ما تبت
‏تعال امسح كفوفك على جرحي الدامي

‏تمر الديار المجدبات ويعيش النبت
‏اجل كيف قلبي حالته وانت قدامي

‏انا ما نسيتك لو تدور السنين وشبت
‏اشوفك صباي اللي رحل وآخر احلامي

.....

[الحمدان]

اللي عرف ضيق الشعور وقسوته حزة عصير
‏يفهم وش اللي غير الطيّب رغم عفويته

‏يـ أصحابي الغالين دايم لو يصير اللي يصير
‏لي قلب واضح في شعوره مايخالف نيّته

‏منهو تركني بساعة الشدة وانا قلبي كسير
‏لا يرجع بوقت الرخا .. ماني بحاجة جيّته

......

[الحمدان]

‏تهاونت البعاد وغنّت الفرقا على ليلاك
‏عليك من الملام اللي يزل وتخطي أقدامه

‏سريتك حلم وعيونك طريقي وانقضى مسراك
‏مثل ما ينقضي عمر اليتيم وتذبل أعوامه

‏سلام الله على صدق الشعور وطلة محيّاك
‏سلام اللي سمح من رغبته ومْن أكبر أحلامه

.....

[الحمدان]

المشآعر روح بآحسآس الحروف
ترجمتها أحسآس في وسط الگلام

گم يذوب القلب من ضم الگفوف
وگم يذوب الشوق بعيون الهيآم

.....

[الحمدان]

‏رد قلبي للدفا ، للصبح وأحلامي القديمه
‏لليقين إن أجمل أيام العُمر فيما تبقّى

‏للكلام اللي عثت به شر خيبات الهزيمه
‏لين ما خيّم عليه الصمت وحروفه تتقى

‏ردني للفجر الأزرق يوم للضحكات قيمه
‏تنتشي فيني قصايد حُب لو قلبي مشقّى

.....

[الحمدان]

‏ياما خسرنا والحياة استمرت
‏حنا من اللي .. ما نعد الخساير

.....

[الحمدان]

‏أعيش أعذب ليال الحُب بلا حاكم ولا دستور
‏ولاني سامع لرأي ولاني خالفٍ ديني

‏قلبٍ كم سعى لِرضاي ولا قد لاح منه الجور
‏وعينٍ ما غفت ترجي لقانا لأجل تحويني

‏أحبِّك يا أول أحباب المُحب الشامخ المغرور
‏وأحبِّك يا آخر أحبابي ولو زادوا مُحبيني

.....

[الحمدان]

بنت شيخٍ لاحضرت نورت كل المكان
كنها شمس أشرقت و المحاسن فالها

.....

[الحمدان]

‏سلامة جفاك اللي خذا البال من دنياي
‏احب السكوت ان صار كل الحكي كذبه

‏تكاثرت عذرك لين صار الفراق رضاي
‏وانا شخص ما يكذب لسانه على قلبه

.....

[الحمدان]

ارسل يقول ابتصل قلت حياك
مفتوح لك مابين الاضلاع طاقه

القلب قلبك والخلايا خلاياك
وانت اعتبرها حب ولا صداقه

ودي اسولف لك واسمع خفاياك
عقب انقطاعك مابقى الا اشتياقه

.....

[الحمدان]

ظروف الايام مثل السمعه الشينه
‏ ماودك تشوفها في واحد غالي

.....

[الحمدان]

الشعر مايروي عطش قلب مقهور
ولا يداوي جرح نفس مغبونه

لو نكتب الابيات باحساس وشعور
نار الحزن يفرض عليها لحونه

.....

[الحمدان]

على طاري اللي لا طرالي وانا مرتاح
‏تسابق هموم الصدر وتحول الدمعه

‏سريت اتبع القمرا ونور القمر وضاح
‏وانا ماسريت الا وانا عايف الجمعه

‏عطيت البريمي ضيقتي خابر انه سلاح
‏خوي المساري ليلة السبت والجمعه

‏دوا ضيقتي لا قام يطوي طوي مسباح
‏خطوط الطريق الي لا كهرب ولا شمعه

.....

[الحمدان]

طريت في بالي وفجــــــــــأه تبسمت
وغمضت من لـــــذة خيــالي عيــــــوني


الليــــل والذكرئ وطـــــــاريك والصمت
هالأربعـــــــــه في غيبتـــك ســــامروني

.....

[الحمدان]

ترى التشكي للمخاليق يشــــــنـاك
يحط من قدرك ويفـرح امعــاديـك

وكثر التـشره يجعـل الناس تجـفاك
ولاعــاد تلـقى بيـنهـم من يخـاويك

.....

[الحمدان]

حسبي على مـــــن خلوا الناس يبكون
وحسبي على المخرج ما عنده تعاطف

يا شارع الاعشـــى وش الـــي تســـوون
خلـــوا سعد تكفون ياخـــذ عواطـــف

.....

[الحمدان]

ابيك تحفظ صورتــــــي ولا تضيعها
وخلها معك يمكن مع الايام تفقدني

اما انت ما عليك صــورتك حافظها
مكانك بقلبي بين رمشـــي وعينــي

.....

[الحمدان]

‏تدري إني بنت ماني سريعه إعجابّ
ولا كل حاجه عابره تكسب اعجابي

غلبت الهوى فتره لكن الهَوى غلاّب
تمادى ووقف في طريقي وأنا مابي

دخلت فـ حياتي عرض من اوسع الابوابَ
وانا للحبايب ماني مشّرع ابوابي

عطاك الله من الود والحُب والإعجاب
مايجعلك سيّد قلبي وسيّد احبابي

.....

[الحمدان]

أخفض تناهيدك على قد سمعك
وأحذر تقول أسباب حزنك لمغليك

ترى القريب إذا عرف سر دمعك
إذا تردى يعرف شلون يبكيك

.....

[الحمدان]

ما ينتهي حبك لو طال البُعد
دُمت ف حفظ الله ثم فعيوني
.....

[الحمدان]

الا يا حمد ويش حيله الي فقد مغليه
علئ طاري الذكرئ هوجسي تسريني

.....

[الحمدان]

‏معزوفة العشق كـيف ابـدى …حكايتها
‏في مطلع إبريل ولا اغسطس …الجاري

‏قـصـة غــرامــي بـدايـتـهـا …نـهـايـتـها
‏راحت كما عشب صيفٍ سافه الذاري

.....

[الحمدان]

عزالله انك تحدد للمعاني مصير
‏وترضي غرور القصيد المعتبر ياولد

‏شاعر ودايم يجي ردك سريع وخطير
‏ولردت افعال غيرك دايم مستعد

.....

[الحمدان]

ما غيّر الليل لونك يا بياض القنوف
‏ولا كفكف الصمت بوحك والقصيد ثروي

‏انا اكثر اللي تحدّت في الحياة الظروف
‏وانا اكبر اللي تعالت والذياب تْعوي

‏ما هزّني ريح هجرك دام كلي وقوف
‏ان قلتها في المجاز او قلتها معنوي

‏ما مات عقبك شجر روحي ولا اشعر بخوف
‏مع اني الطف من النسمات قلبي قوي

‏والله لا ادوس المحبة وانت عينك تشوف
‏ما قلت ادوسك لانك يالبعيد بدوي

‏انا احترم كل من كانوا بقلبي ضيوف
‏مع السلامه وداعاً روح دوّر خوي

.....

[الحمدان]

في غيابك دمع عين وعزف ناي
‏و ودي اسأل عنك كل الامكنه !

‏وفي حضورك حلمي يلامس سماي
‏ومستحيلات الاماني ممكنه

.....

[الحمدان]

‏اعشق حروف الشعر عشقي للمطر
‏لا أينعت لذّ القطوف الدانيه

‏شاعر ووجدانه على هيئة شطر
‏عسّال إحساس ٍ وقلبي آنيه

‏روحي على هجر القصايد في خطر
‏ٍ والفرقى نار وبالمحاني سانيه

‏بس اسمعوا نقطة نهايه للسطر
‏مقدر اعيش العمر دونه ثانيه

[الحمدان]

سلام وشلونك عسى حالك بخير ؟
اشتقت .. يا ملح الحياة القديمة

في غيبتك لـ الناس قيمه و تقدير
وان جيت .. ما يبقى لهم اي قيمة

.....

[الحمدان]

‏على سبيل الغلا ماهو سببل المثال
‏قلبي ما أحطه سبيل لكل عابر سبيل

‏لو رحت لاقدر الله والرجوع إستحال
‏يبقى مكانك على غيرك من المستحيل

.....

[الحمدان]

‏يا قـرة عيـوني يالغـلا مــانسيتك
أحس بأحساسك وانا في مكاني

تبقى القلـوب كبار مهمـا جفيتك
ويبقى غلاك بداخلي مــاجفـاني

.....

[الحمدان]

يا ليت الانسام لا هبّت علي من شمال
يمر ذعذاعها البارد طرف شالها

.....

[الحمدان]

مايجيب الا التفاكير وطيوف النديم
واحدٍ عن باقي الناس يفرق في غلاه

الحبيب اللي خذا الحب من وقتٍ قديم
لا قدرت اقوى غيابه وقلبي مانساه

.....

[الحمدان]

كل ماغربت الشمس ومالت للغروب
لج هاجوس الضماير وجاب اللي وراه

مايجيب الا التفاكير وطيوف اللعوب
واحدٍ عن باقي الناس يفرق في غلاه

.....

[الحمدان]

هيه ياللي غرّك الليل واغراك النديم
هيه يالي هزّك الشوق والمسرى ضياع

وقــّفي بين الخطا والصراط المستقيم
والعبي بين التراحيب وكفوف الوداع

.....

[الحمدان]

اشوفك بعيد وانت الحين قدامي
يا صعب درب الشتات اللي تساهلته

مشيت فيه ابني مع الخطوة أحلامي
ورغم ان الآمال خابت فيك كملته

مدري غموضك يزيد الجرح وآلامي
ولا آخر الحب ما يشبه لأولته

تقول لي لا تجي يمي بالاقدامي
وعيونك تقول لي عكس الذي قلته

.....

[الحمدان]

اشفق على شوفه وضحكة حجاجه
واشتاق له شوق المغاليق للبوح

واليا ارتخى ليله وولع سراجه
جريت له صوتٍ من الشوق مبحوح

.....

[الحمدان]

لـو الغياب يحس في لوعة الشوق
‏ماياخذ اللي في حشى الروح ساكن

‏لكن على الله ما يعوق اللقا عوق
‏ويعود محبوب النظررر والأماكن

.....

[الحمدان]

‏اي والله ان الطيب يبقا والعمر فاني
‏ومن يزرع الطيب ماخابت محاصيله

.....

[الحمدان]

قلوبنا من طيبها تحفظ الطيب
واللي يجينا من ردى الناس ننساه

.....

[الحمدان]

حاول تميزني عن باقي الناس
‏مالله خلقني يا ابيض الوجه عادي

‏عطهم مساء الخير والورد لا باس
‏وعطني مساء الحب في صوت هادي

.....

[الحمدان]

‏مرحبّا يا غاية القلب واقصى منتهاه
‏ريف قلبي جعل عُمري معك ما ينتهي

‏والله أنك وسط قلبي وهذا مبتغاه
‏والعمر من دون وصلك ترى ما ينشري

‏والله أنك زين مبسم وطبع وزين جاه
‏جعل عين الناس منك تسجّ وتلتهي
‏
.....

[الحمدان]

‏مالي حل معك إلا الصمت و الحيره
‏تركت درب العتب من كثر ما فيني

‏طبعك تغير معاي وصعب تفسيره
‏تجرح شعوري جفا وتقول تغليني

.....

[الحمدان]

‏نبغي نسج شوي من دون تبرير
لحدٍ يحسب انه حدا والدينا

ما.باقي الا طلعة المرقب عصير
انكان قد فيها خشير انتهينا

.....

[الحمدان]

لا صار لك شخصً تحبه وتغليه
‏لا تدخله في كل طاري وسيره

‏سكر عيون الناس لاصرت شاريه
‏محدٍ في هذا الوقت يعطيك خيره

.....

[الحمدان]

اهذري بحـبه واتوجد على لقـياه
وهو خابر إن القلب مايسكنه غيره

.....

[الحمدان]

احبك والسفر نوع من التغيير
اسافر لك وأنا في زحمة اعذاري

اقول اسف وأنا الاسف على التأخير
انا المشتاق للغُربه عن دياري

واذا تسأل عن اخباري بكون بخير
ما دامك انت تسألني عن أخباري

.....

[الحمدان]

والله لو تبطي عن القلب وتغيب
ماضخت عروق المحبه لغيريك

.....

[الحمدان]

‏يا وحشة الفرقى على قلب مشتاق
حلمي لقانـا بـس الأقـدار عيـت

....د

[الحمدان]

يمر العمر والدنيا لقى وفراق
واللي سكن بقلوبنا صعب ننساه

.....

[الحمدان]

من كان قـربه لك مــوده وتقـدير
يبقى معك وافي لوضروفه تحده

واهل المصالح ما من ابوهم خير
با يخذلك ويخـون الرفاقه وعهده

.....

[الحمدان]

‏ناديت لك مــن بين الايام ويـــن انت
محتاج أفضفض لك حديث المحاني

تعال وابعدنـــي من الحــزن لاهنت
ماغيـــرك انـت اللي يلطـــف زماني

ياحب ضايـق خاطـري وانت مابنت
وشوفــك علاجــي لو مجــرد ثواني

يامــن بعشقك وسـط قلبي تمكنت
ومحبتـــك حلــت بداخـــل كياني

.....

[الحمدان]

يا زين طيفك في خفوقي تحرّك
يزرع فرح ويحيي بساتين جفوني

ما غيرك اللي في غيابي له أشتاق
يا روح عمري يا هوى في شجوني

إن غبت عني ضاع فيني توازُن
وإن جيت زانت بي دقايق سنيني

أنت الهناء وأنت للكون معنى
وأنت العوض في كل دربٍ يجيني

ألقاك في صدري وتلقاني حبّك
ساكن معاليقي وساكن عروقي

مهما كتب شعر الغزل عنك شاعر
تبقى أبد فوق الشعر في عيوني

.....

[الحمدان]

‏لو طلبت الروح خذ روحــي هديه
وان طلبت القلب خذ قلبي فداك

انت اغلا مـن معـــي بين البريه
مامعــي مخلوق يتساهل غلاك

قلتها لك والقسـم من طيب نيه
من شعور انسان ميت في هواك

ولو تحب اكتب على هذا وصيه
مستعد اوصـي لهم كلي فداك

.....

[الحمدان]

‏ليــت الوجــــع ماجاء على يد الاحباب
جرح الحبايب صعــب نوصف علاجه

لو هو غريب الناس مابحسب احساب
امـا قريــــــــب الناس يا الله خراجه

جرح الحبايب داخــل الصدر ماطاب
اوجاع تفـــــرق عـن وجع كل حاجه

تبقــى معـي طول العمـر جرح لهاب
واكسار قلبــي مثل كســـر الزجاجه

.....

[الحمدان]

‏مساكم الله بالرضى والمســرات
واجمل حروف الشعر واجمل قوافي

لكل غالــــي مسكنه داخـــل الذات
ومكانته وســـط الضلـــوع الخوافي

مني ســلام الود واجمـــــل تحيات
مخصوص توصـــل كل انسان وافي

بالورد والنرجــس على شكل باقات
من قلب صافــي للقلوب الصوافي


.....

[الحمدان]

‏خلونـي ارقد عسى الله يصلح احوالي
واصحـى من النوم ألقا الحال متغير

يكفـــي عيونــي سهــــر ايام وليالي
والنـــوم يحــرم عَلي من كثر مافكر

امسي بفرشـي ونا زهقان من حالي
والقلـب ضايــق من الدنيا ومتكدر

والعقل مشغول طول الليل والبالي
من كثــر ما.نا مـن الاوهـــام متوتر

.....

[الحمدان]

‏والله آنـي مابقـــــــى فيني مشاعر
كامل اشعاري مــن اوهـام الخيال

اكتـب ابياتـــي لقلبي جبـر خاطر
رغم ان الحزن في صــدري جبال

يا ظـروف العمــر كم نبقى نكابر
ضاقــت انفاسي ولاعد بي مجال

راحتي ساعـه وباق الوقت ضاجر
والسعادةاصبحت صعب المنال

.....

[الحمدان]

‏الشـوق ماله وقـت يا ساكــن الروح
ما دام طيفـــك ما يفــــارق خيالي

اتذكــرك والقلــب يشتــاق وينوح
ويصيــح فــي الاعماق يابعد حالي

كابرت شوقي لاكن الشوق مفضوح
والشوق مالـــي في سكوته مجالي

حاول تحــس بلهفـت الروح ياروح
وخليـك اقــرب يا الغلا في وصالي

.....

[الحمدان]

‏سلامـي على ناســن عليـنا عزيزين
قبل اللسان القلـــب سـاق التحيه

مكانهم عنـدي على الراس والعين
وأحبهــم في الله من طيــب نيـه

سـلام مــن قلبي عليكــم ملايين
يا اهل النفــوس الطيبه والوفيـه

يا اللي غلاكم في صميم الشرايين
ومكانكم وســط الضلوع الحنيـه

.....

[الحمدان]

‏تمطـــر مشاعـرنا مــن الود مالاق
لاهـل النفـــوس الطيبــة والانيقة

اللي غلاهم في صميمي والأعماق
ومكانهم وسـط الخفوق العميقه

يسعد مساكم بالمحبه والاشواق
واطيب ورد الكون واجمل رحيقه

خطيتها من هاجسي فوق الأوراق
مني لكم يا اهل القلـوب الرقيقه

.....

[الحمدان]

‏بعض البشر لا غاب عن ناظـر العين
احـس كل الناس في الكـون راحت

وبعض البشر لوغاب ايام واسنين
ما اشتاق له قلبي ولا النفس ناحت

انا اشهد ان البعـض ماله شبيهين
بافعاله اللي مثلما الطيـب فاحت

غالي وحُبـــه حــل بين الشرايين
ومكانته وسـط القلوب استباحت

.....

[الحمدان]

‏أرهقـت نفسي بإنتظـارك ولا جيت
والناس حولي شافت الشوق فيني

لا مرني بيتن عــن الحـب صديت
شعــرن جـرحني وزاد فيني حنيني

يا غايبــــن عني تـــرا عني ابطيت
بُعــــدك علينـا ايـام كِنهـا سنيني

كل ما تذكرتك من الشـوق حنيت
ودموع شوقي واضحة.وسط عيني

.....

[الحمدان]

‏النـاس مـا تشعـر بحاسيــس الانسان
كل البشــــــر تحكـم علـى ماتشوفه

ما يدرو ان الشخص في بعض الاحيان
يضحك علن والســـــر يبكي ظروفه

طبــع البشر هـذا علـى مــر الازمان
يتحاسـدوا حظـــك ولو به حسوفه

ولو ضاق قلبـك بالتعاسـه والاحزان
يقولــــوا انك فــي سعـاده شغوفه

.....

[الحمدان]

‏يا.قلب لا تبــدي جروحي على الناس
كم واحــدن يا.قلـب يفـــرح بقهري

إخفي همومي بين غصه واحساس
وخَلي غبوني خافيــه وسط صدري

ياقلـب وان زاد الوجـع فيك لا.باس
حظـوظنـــــا ما جاتـنـــــا بالتمني

اهـم شي لا تنشعــر يــوم بالياس
ولا تخيـب عنــد الاعـــداء ظني

.....

[الحمدان]

‏المعذره شوقي في القلب قد مات
وداخل ضلوعـي كل شوقـي قبرته

ما ينفعـك ترجع وما فات قد فات
وشـــوق قلبي فـي بـرودك قتلته

خليك لاهي في السهر والملذات
وامـرح بجــوك دام قلبي كسرته

وانا عسا تجبر جروحي في الذات
ويعيـــن ربـــي قلبي اللي قهرته

.....

[الحمدان]

بعض البشر يجمع شتاتك حضوره
في شوفته بهجة ومنطوقه علاج

.....

[الحمدان]

يداعب انسام صبحه زينه الباهي
‏متفردٍ بالوصايف كنّه لحاله

‏مع فكة الريق ما يستطعم الشاهي
‏زايد حلا الريق عن مقداره بياله

.....

[الحمدان]

قرين الوفاء نبذل معه فوق ما نقدر
ومهما بذلنا نشعر ان ما وفينا له

من الذل نحفظ ماء وجهه ولا نهدر
أمانيه بل نسعى لتحقيق آماله

ولو حد تجاهلنا نغادر ولا نغدر
ومن له علينا جُمل ما ننكر اجماله

صلاتي على من بالكرامات متصدَّر
محمد صفي الله خليله و مرساله

.....

[الحمدان]

كان ربي كتب لك بالمحبة فراق
‏فارق اللي تحبه بس لاتكسره

.....

[الحمدان]

‏يا باقي العمر دنيــا الناس خداعة
تجــري سفنها ولا نعرف مراسيها

تطوي من أعمـارنا باليوم والساعة
والعــالم الله كيف نعيش باقيهــا

يالله بحسن الختام وصادق الطاعة
وأعمــال تبقى تبيض وجه راعيهـا

.....

[الحمدان]

‏جعل يفداك يا راسي، مباري الهبايب
‏الصواديف فـ معاندك تظلم بخَتها

‏غنّ ويطيب لك ما كان ماهو بـ طايب
‏من مقافي سنين العُمر لـظ° مقبلتها

‏لي ثلاثة ليالي من غياب الحبايب
‏وانا نفس العلوم ادور في دايرتها

‏أول الليل شابّ وتالي الليل شايب
‏كل ساعه عليّ تطول عن سابقتها

‏فاقد لي ذهيبٍ، غير كل الذهايب
‏اعقلتها المحبّه والظروف أطلقتها

‏وساقت الريح بخطاها صِدوق السحايب
‏وأودعتها الحيا وارتاحت و ودّعتها

‏إفقدوها ليا ظميَت عروق الرحايب
‏واذكروها ليا سالت بطون أوديَتها

‏أما انا ماني بـ باذل لها الا السبايب
‏لين ترجع بها الدنيا مثل ما خذتها

‏لو تقسّيني الدنيا على كل غايب
‏ماني مبدّلٍ مشاعري ناحيَتها

‏باقي لغيرها فأطرف ضلوعي نصايب
‏ودعوةٍ مجريات البين ما غيّرتها

‏كل ما إجترّت أيامي علي العقايب
‏يالله بحظ عقدٍ لبّسته رقبتها

‏بين سود القرون وبين بيض الترايب
‏ماني بـ ناشدٍ الايام عن خاتمتها

‏وان تحلوَت عيوني ناقضات الذوايب
‏رجّعتني نسايم عطرها مع جهتها

‏رجعة المؤمن اللي من معاصيه تايب
‏ما له الا يكفّر سيّته بـ حْسنتها

‏قانعٍ ما لقى عنها على الارض نايب
‏والله اعلم بعد ما هو بـ لاقي تحتها

محمد المطيرات

[الحمدان]

واسلّم عليك اعجاب واكبار واستعظام
‏وسلامي لغيرك حق مسلم على مسلم

.....

[الحمدان]

تداعت أحزان قلبي تالي الليل
‏نا غشتها بالقصايد والأغاني

‏هبت وصبت على صدري هماليل
‏لين اللّتطم سيلها بين المحاني

‏الدمع ما يرخصه رخص المناديل
‏الدمع فوح القلوب اللي تعاني

‏وأنا كثر ما تحملت الغرابيل
‏ما زلت بين التهاون والتفاني

‏دايم رهين المشاعر والتفاصيل
‏لي شخص ثاني ولا لي وجه ثاني

‏أحيانًا أبكي على غيب المقابيل
‏وأحيانًا أضحك على قسوة زماني

‏وأحيانًا أغيب عن مجلس رياجيل
‏وارجع وأعّين مكاني في مكاني

‏وأحيان تزعلني أصوات المواويل
‏الين ترضيني السبع المثاني

‏وأحيانًا أضيق من مَدحة وتبجيل
‏وأحيان أبي كلمةً تنصف كياني

‏ وأحيانًا أحزن على بعض المداهيل
‏واقرا تجاعيدها على المباني

‏وأحيان وأحيان لا قوة ولا حيل
‏حتى الكلام يتلاشى في لساني

‏غرابة إنسان بين الحط والشيل
‏اللي قرا ما كتبته ما قراني


سعود بن مبارك

[الحمدان]

مشتاقه لصوتك وعيني على الوقت
متى يمر الوقت وأضمّ صوتك

ابتسام الشمري

[الحمدان]

أنت طيّب والصباح اللي يجيبك طيّب
جعل تفداك الليال السود ليله ، ليله

عبدالعزيز العبلان

[الحمدان]

‏وإنّ تجوّدت يا ظِلٍّ غْصونه رطيبة
‏ما تحلويت مقيالي، ولا شفّ بالي

‏ممحلٍ داخلي من صِرْف الأيّام ريبة
‏كثر ما غرّبوا نوقي.. وْشَدوا رْحالي

‏إن هدى اللّيل عوّدت الظّنون الرتيبة
‏وإن تبدّيت سلّيت السِّنين الخوالي

‏كيف أجددك يا علمٍ مع النّاس غيبه
‏وكلّما طاب جرحٍ منك؟ ما طاب فالي

‏وش مْضيق صْدور أهل الصدور الرحيبة؟
‏غير وقفة وداعٍ... ما لها منك والي

‏شبّ قلبي على عدِّك.. ولا هي غريبة
‏لو ذبحني حلاك الوِرْد من فاك حالي

‏بْدويٍّ على نجمك يسوق النجيبة
‏مرخصٍ لأجل ضحكة ليلتك كلّ غالي

‏شايفٍ فيك: دوحته القديمة، وْصَيبه
‏وعبرةٍ وش طلبها؟ غير سوْد اللّيَالي

‏ جعل دارك مْرِيف، وجعل ربعك قريبة
‏يا أوَّلٍ.. ما لقيت لـْ ضيق مسراه تالي

‏في رجاك الحقايق كلّ خطب ٍ تْجيبه
‏كيف ما جابت عيونٍ هدبها ظْلالي؟

‏والله إنك مْصيب، وْجِيتني في مصيبة
‏وأنت يفداك حالي -يا حبيبي- ومَالي

‏طالبك طلبة اللي فاريّ الوقت جَيْبه
‏لا تخليني.. أخوض المعارك لحالي

محمد السلطان

[الحمدان]

أنا عاشق شعوري من ورق وضلوع صدري ناي
‏اقول الشعر وارزّ علمه وارعغŒ مرابغŒعه

‏اقول بكل مرّة ماني مغنّي على ليلاي
‏انا اكبر من مشاوير الغرام ومن مواضيعه

‏و اذا قام الحنين يسوق قلبي قمت اسوق خطاي
‏ادور من دروبك درب قد جيناه و اضيعه

يا كثر صورك اللي ما نساها بالي النسّاي
‏لو ان عمري معك مرّت سنينه مثل اسابيعه
‏
‏حبيبي كيف أمرّ بشارعك ماتدري اني جاي
‏وانا اعرف الصباح اللي يجيبك من ذعاذيعه
‏
‏يا سحر آخر قصيدة في عيون الشاعر الغوّاي
‏يا وجه مستعد اعيش عمري في تقاطيعه

أمانه لا تغرّك مرحباي وضحكة محيّاي
‏ترى حزني مثل رمشك طويل وضيعتي ضيعه
‏
‏تركت وجيه خلاني وراي وجيتك من اقصاي
‏وانا بعض الوجيه اليا شريته ماقدر ابيعه
‏
‏أخشّ اسمك عن أطراف الحديث وتفضحه دعواي
‏وتهتف له عروق القلب وتجدّد له البيعة

لا تاخذك الليالي والليالي ماهي بشرواي
‏تداري خاطرك من كل تنهيده و تلويعه

يقولون ان حبيبك ما تهزه حشرجات الناي
‏واقول بصوت عاشق مابيدّه غير اصابيعه
‏
‏عفى الله عن حبيبي لو حبيبي ما هو بـ ويّاي
‏كثر ما اعاند الشوق بغيابه وارجع اطيعه
‏
‏عليه من السرور اللي ماهو في وجهي البكّاي
‏وعليه من السلام اللي ماهو في ليل توديعه

عبدالله بن ناصر السبيعي

[الحمدان]

شاعره واستنطق شعوري واغنّيه بمحلّي
وانثر غبار الحروف اللي يعاتبني شغفها

كلّما اسدلت الستار وصاحت الأوجاع ملّي
هِلَّت حروف الشعر من ياءها حتى ألفها

في قصيدي مربط احساسي ومشكلتي وحلّي
آتداوى به، مع انه لا لقى احزاني عزفها

ماكتبت الشعر في لحظة ترف ولّا تسلّي
شاعرة وآعيش بالأبيات واهيييم بكنفها

امتلى بيتي من الزوّار واحساسي يهلّي
والبيوت اللي كتبت ازريت لا اقفّل غرفها

القصايد ليه يطرب من ألمها القارئ اللّي
يقطف ابيات القصيده ويتبختر لا قطفها

دمعةٍ هلّيتها حزن ؟ اصبحت دمعة تجلّي
آتمكّنها واعانق جرحٍ بقلبي نزفها

آتسلّف من سنيني ضحكةٍ في وجه خلّي
واختلق له ضحكةٍ تربكْه من زايد ترفها

كلّما صدّيت اداري الحزن شكّ انّه تغلّي
خااايفه أرضي ليال العمر وارجّع سلفها

الحبيب اللي عشانه ارتحلت وجيت كلّي
آتحلوى كلّ غلطه لجل خاطرْه اقترفها

كيف اعيد ايامنا الحلوه من العمر المولّي
والدروب اللي تودّي له علقت بـ منتصفها

مشكلة قلبي كريم شعور، يذعره التخلّي
يعتنق كلّ المشاعر ويتعلّق في طرفها

لو ترجّيت السنين تعيد أجمل ما حصلّي
مستحيل ان الليال السود تعرب عن أسفها

.....

[الحمدان]

‏يا حبيبي والقصايد ما تسلّي
‏والمدى شف وجهه المرتاب ليّل
‏
‏فيه غصنٍ ذابل وشِعر وتجلّي
‏وفيه قلبٍ ما يملّ وضحك عيّل

‏للصباحات القديمة جيت كلّي
‏جيت أفتّش عن صباحٍ لي مهيّل

‏كل ما ضاقت بي الأيّام قلّي
‏ليه أغمض وأنطق اِسمك وأتخيّل

محمد السلطان

[الحمدان]

نسيت اللقا والحب والا نسيت اتحس
‏اداريك حتى من ملامي على جرحك

‏عليك الكرامه واقفه والشعور يعسّ
‏اماكن لقانا كلها ملح من ملحك

ناصر مناحي

[الحمدان]

ضاق صدري من غثى الوقت عقب الاتساع
‏جعل يسقى يوم عندي على الضيقه مدا

‏الطواري تدمر الحال بعد الانقطاع
‏اشهد ان ما عاد لي من طواريك مغدا

‏ودي ابوج التخاتيخ واذب الرفاع
‏واستعيد اللي لـ ماضيه واذكاره صدا

‏يمكن القى جرعة امال وشعور اقتناع
‏والعقل يسترجع الوعي والقلب يهدا

‏لا متى وانا احسن الظن واحسن الاستماع
‏والتمس لك عذر واعذرك واسجل فدا

‏اعتذر ما عاد به عذر قدر المستطاع
‏انت معك الصبر تعليقه وضيعت جدا

‏ان قدرت ازيح عن عتمت الشك القناع
‏ما قدرت ابدل الطيب الاول بـ الردى

‏الهوى زهرة شبابه تنسيك الضياع
‏ليتني ما طعت قلبي وجنبت القدا

‏مايفيد اللي يحبون طول الاجتماع
‏لازم يلبون يوم التفراق الندا

‏كل يوم ارسم بروفه على هيئة وداع
‏داري ان الحب تاليه فرقا وزهدا

محسن بن مترك

[الحمدان]

‏سرنا بدرب المجد حتى وصلناه
‏احرار ماتفرض علينا الأقاويل

.....

[الحمدان]

‏عن الردي والعيب عديت مشراف
‏ شيٍ تحت رجلي وشيٍ خلافي

[الحمدان]

‏طبعي عفيف ، وبين الأخيار مرباي
‏بين عِز الشموخ ، وبين طِيب العزَاوي

.....

[الحمدان]

أتعب على اللي ما يطولونه الناس
‏ شيءٍ تطوله الناس للناس خلّه

.....

[الحمدان]

احبك واودكّ والمخاليق ما يدرون
‏لو انك قطوع ووصلك اغلى من الواصل

‏لك التمّ و اللبيه واللي تبيه يكون
‏وغيرك لوى واللي يبي ماهو بحاصل

.....

[الحمدان]

محدٍ على الدنيا ينافس غلاتك
‏تتعب جميع الناس ما يوصلو لك

‏العين لأجلك ماتراعي سواتك
‏والقلب يحرم بالهوى ما يخونك

.....

[الحمدان]

تعال لي كلك وأنا أجيك كلي
‏لا تتابع اخباري من بعيد لبعيد

‏لاتقتل الفرحه ب سيف التغلي
‏ترا حلاة العمر وصل ومواعيد

.....

[الحمدان]

على النقا حبّك من أول وهالحين
‏كنّك وكاد . . وكنّ غيرك هقاوي

.....

[الحمدان]

تقتحم موجة التفكير لحظة سكون
‏و يراودك شـك ، فـي حـبك و نوعيّته
‏
‏ترى الغلا ساري المفعول مهما يكون
‏ غـلاك . . ما تنـتـهي مـدة صـلاحيته

.....

[الحمدان]

ابشر بقلبٍ مايبي غير طاريك
‏و ابشر بعينٍ ماتبي غير شوفك

‏و ابشر بحبٍ لو قسى الوقت يرعاك
‏وابشر بروحٍ من غلاها تحوفك

.....

[الحمدان]

للروح قيمة ، و عزّ الروح دايم .. لذا
‏اصبر .. و لو تثقل العزة على كاهلك

‏لا تعطي قلبك سوا اللي عارفٍ وش خذا
‏ ما كلّ مخلوق في دنياك يستاهلك

.....

[الحمدان]

ياحلو الصمت لو أنه تحت صمت الشعور نواح
‏أخاف تجف صُحفي لا حكيت وترفع اقلامي

‏يروحون و يجيب الله على دربي كثر ما راح
‏و لكن ما خذا غيرك بـ عمري نزعة هَيامي

‏كأنك منخلق من ضلع قلبي " أندماج أرواح "
‏ما بيني و بينك أحساسً غريب اغرب من اوهامي

.....

[الحمدان]

عسى الله يجيب الخير ويحقق الامال
‏مدام السنين بحكمة رضاه ملحوقه

.....