فوق هام السحب ( الشعر الشعبي) على متن القوافي

[الحمدان]

جت تدفعها الثقه و الفخامه و الغرور
هيبة تمشي على الارض فوق اقدامها

اقبلت شيخة نسا جيلها بدر البدور
وارفعت من فوق عرش الجمال اعلامها


......

[الحمدان]

لافاح عطرك وتذكرت ذكرياتي
لباك قلبي والمشاعر تناديك

يانور صـبحي بالغلا وأمسياتي
يأجمل خواطر خاطري يوم يطريك

الله عليك اكبر دخلت بحياتي
وعلمتني كيف افهم الحب واغليك

يامالك احساسي وروحي وذاتي
لاشفتني خذني على راحت ايديك


......

[الحمدان]

‏إذا بغيـت أفــرح وخانقني الشوق
أرجع و أدور راحتــي فـي الرسايل

اقراء كلامـك يبتعـد منـي العوق
واحس راحةتنعش القلب واصل

لاكن فديتـك يا غلا الروح برفوق
قلبي تــرئ ماعاد للشـوق شايل

ارحم متيم قلبه اليــوم محروق
من غيبتك ضاقت عليةالوسايل

......

[الحمدان]

‏وصفك على وصـف المخاليق يفرق
مــدري حــواك الزيـــن ولا حويته

وطلتك في العيـــن تنـــور وتشرق
مثل القمر والشمـس نورك فديته

لي قلب متعذب وبي شوق محرق
ولك عشق طاغي بالحشا ماقويته

وفيني محبــه لك في الروح تغرق
عالم بأسره في ضلوعـــي خفيته


......

[الحمدان]

مالي غنا عنك.. أنا الله فيك مغنيني
ولالي عوض عنك.. أنا الله فيك عوضني

ماغيرك انسان.. يسعدني ويشقيني
وصلك دوا.. والغياب إن طال يمرضني


الأمير بدر بن عبدالمحسن

[الحمدان]

احاول اسلا ولو ما خاطري سالي
واحاول اصبر وانا ما آخالف السنه

لا انعادت الذكريات الي بجوالي
جاء للمشاعر ورى عوج الصدر حنّه

لا يا وجودي وجود ويا بري حالي
الي خذته الليالي ما يردنه

ذي حالة الغالي الي فاقد غالي
اليا ذكرته بكيته جعله الجنه


......

[الحمدان]

دار الفكر مع هجعة المستريحين
وابحر بي الهاجوس في بحر الالهام

وكتبت شعر فارقٍ بالمضامين
وعبرت عن شيٍ بصدري من العام

شاعر ولي بالشعر نهج وقوانين
وقصايدي ماهيب في حاجة اعلام

شعرٍ يقدم في صدور الدواوين
ويطرب لعده كل وافي وضرغام

معانيٍ ترجح بكل الموازين
ماهي حكايا خايب وهرج نمام

امشي على نهج الرجال العزيزين
كل ارجحٍ في منهج العز مقدام

ولا اتسموى لي بناسٍ بعيدين
اسمي مشرفني على طول الايام

ولا ارافق الا الطيبين الميامين
اهل العوايد والمراجل والاقدام

وابعد مجالي عن مجال الرديين
ولا ابعدت عن الانذال مانيب منلام

رفقة رخوم الناس لو كان يومين
تحصد نتايجها ردى عشرة اعوام

واهل الحسد لو تنعق يسار ويمين
في كل درب ادوسها تحت الاقدام

واليا حكى فيني من الناس مسكين
ماهو منقص قيمتي هرجة خمام

مادام لي في ذروة المجد تمكين
وكفي على كسب النواميس عزام

القى المدايح من رجالٍ مسمين
اهل الفعول اللي مدايحهم وسام

وترى الضعيف من اول الوقت للحين
دايم خلاف الناس ماهوب قدام

كل الملا عن منهج اللاش دارين
من شبته في غبة الحكي عوام

كنه بشذب الناس يربح ملايين
على الهروج الضايعه يضرم اضرام

ياما اعترض له بالمجالس مقفين
يذرع لسانٍ بالمخاليق ذمام

يمقت عباد الله على الشين والزين
من اليمن للشرق للغرب للشام

ويمدح لروحه راعي المنهج الشين
و يسرد علومٍ كنها بعض الافلام

ويعد نفسه وين وان سيرته وين
ضعيف راي وغرته بعض الاوهام

متخيل انه من حساب السلاطين
ما يدري انه ينحسب ضمن الاقزام

قصير شبرٍ لا غدا العلم علمين
لا نومس اصحابه ولا ضد الاخصام

وطير الرخم لو كان يملك جناحين
ما صاد صيدٍ يعجب العين لو حام

والفرق واضح بين روس وكراعين
فارقهم اللي جاعلٍ خلقه اقسام

ومن ضيع حقوقٍ عليها براهين
يعيش عمره طول الايام منضام

ومن لا جمع بيض الفعايل مع الدين
اخطى مناهيج الرجوله والاسلام


خليل بن هدلان

[الحمدان]

ماعاد يزعلني جفا بعض الاصحاب
ولا عاد قلبي ينكسر من جفاهم

قلبي تعوّد دايم" يخسر احباب
ولاهي غريبه ينصدم في خفاهم

صح الامل ياثر على النفس لاخاب
بس العمر ماهو رهينة وفاهم

.....

[الحمدان]

كم سؤال مات في صدري جوابه
وكم اجابه حية قبل السؤال

السؤال يتيه في ليل سرا به
والاجابه ثابته في كل حال

والسؤال اللي له بنفسي مهابه
ليه احبك حب متعدي الخيال


......

[الحمدان]

استنسخ الفرحة من افواه الأطفال
الي تفر حهم من الضيق لعبة

وامرر الواقع على حلو الآمال
لو كانت احلامي من الوقت صعبة

واكتب حروف البوح عن راحة البال
والضحك فيني داخل البوح كذبة

......

[الحمدان]

اضبط لسانك لابديت وتكلمت
خل الحكي مثل الشهد منك حالي

لاتجرح الانسان لو كان بالصمت
قدّر من اجناس العرب كل غالي


......

[الحمدان]

خل صدرك على جور الليالي وسيع
‏واعرف ان كل عسرٍ مقتفيه اليّسر

‏ولاتحسف على طيبك لو انه يضيع
‏راعي الطيب رابح لو خسر ما خسر


......

[الحمدان]

أنت الوحيد اللي مع الوقت نبغاك
ونرخص لأجل عينك نوايا كريمه

خلك بجنبي كان وقتك تحداك
وشوف الفعول الراقيه والعظيمه

في ذمتي لأشيل حزنك وما جاك
واسقيك حبي من مشاعر رحيمه


......

[الحمدان]

عطاك الليل ياسِهد العيون سْهاده المعتاد
على سِلمه، وأنا رجل يقدر من على سِلمه

ياسيدي فـ الصدر ذاك الشعور اللي كسى بغداد
بعد ماصارت حقوق المواطن في الوطن حلمه

جفن ليه أبتلي بك والسهر، هو عاد فيك رقاد ؟
تحت سودك خذا مدري عطاك الليل من دِلمه

تريّح، مابقى غصنٍ يعشمّه الهوى معواد
ولا طيرٍ يرجعه الشتاء فـ الليله الظلمه

ولا عاد السفر يغري وراه، ولا البلاد بلاد
ولا صبحٍ، ولا طارش يرد العلم من علمْه

ربيب الذاكره، صدر الحليم أوسع من المعتاد
على خبرك إلين أحباب قلبه تختبر حلمه

تشابه قسوة أيام الغريب أن مرّها الأعياد
طواريك الجميله .. ياكريمٍ عادني ظلمه

تحسب أن الكلام أخف جرح، وغايبه ماعاد
أنا اللي حال مابيني ومابين الكرى كلمه


......

[الحمدان]

طويتك حافظ الصفحه ممله والسنين كتاب
كتاب العمر عنوانه: نغيب أن ضاقت البقعه

فمان اللي كتب بعد هذا العمر نصير أغراب
ولا به شيء يعطيني على وصلك أبد دفعه

فمان الشوق والذكرى وأماني لمة الأحباب
فمان الله وخذ حبك ماعاد الصدر يتسعه


......

[الحمدان]

كل ما في هذه الدنيا اختبار
و النتائج عند علًظ“ام الغيوب

و الحوادث كلما ثار الغبار
في خباياها نجاحك و الرسوب

التواضع يثبت اخلاق الكبار
يا من أفسد كبركم ود القلوب


......

[الحمدان]

يا عـذاب القلب من بعد القنوع
افتــرقنــا والحبـال مقطعـــه

قـرر الفـرقى وانا انويت الــرجوع
رغبتــه .. وانا استحيــت اتمنعـه

انقلب طبعــه علي زيـــن الطبوع
يعلم الله اش جـرى له ايش معــه

قمـت اودع في سكـون في خشوع
وهو يـــودع في بـــرود اتصنعـــه

مشهد يحبـس في العين الدمــوع
ولحظــة كنها الفصـــول الاربــعه

يا عــذاب القلـب من بعد القنــوع
الرجـــاء في الله والدنيــا ســعـــه


......

[الحمدان]

‏تدري وش اللي غيّر الناس يا فلان
‏شرع المصالح وانعدام الصراحه

‏صرنا نجامل بالخطا كل غلطان
‏لين اكثر الغلطات صارت مباحه


......

[الحمدان]

نسمع كلام وعندنا مثله علوم
لاشك عن هزل الهروج اعتلينا

عن الطمان يردنا طبع وسلوم
وعلى العلوم الهينه ما ربينا

اليا بسط برخيصة السعر مذموم
لو يعترض في دربنا ما شرينا

ننصى الثمين ونشتري منه بالكوم
لو كان سعره غاليٍ ما علينا

عاداتنا بالمعتلا نشهر الحوم
ومن الوفاء والطيب تكسب يدينا

نرهي على الطاله بوقفات وعزوم
حتى على عرش المديح استوينا

الله خلقنا روس ودهاة وقروم
وغير الدروب الطيبه ما مشينا

خليل بن هدلان

[الحمدان]

‏ماكان عادي تجرح الروح وتروح
‏لو قلتلك من طيبة القلب عادي

‏وبابي على كثرة خطاياك مفتوح
‏لو شفتني عن عزة النفس غادي

‏فضفضت لك يوم إنك أقرب من الروح
‏وكني وأنا افضفض لقلبك معادي

‏أنا هذاك الي من الضيقة ينوح
‏ماني هذاك الي ليا ضاق هادي

‏علمتني إن الحب جارح ومجروح
‏وعلمتك إن الحب ود وتهادي

......

[الحمدان]

انا عايش في الارض جسم بليا روح
‏سبايب ظروفي جعل ربي يزينها

‏ترى والله انه ما يزيد الجروح جروح
‏الا من نشد عنها وهو داري عنها

......

[الحمدان]

‏الضيقة اللي منت عارف سببها
ومنها توارى عن عيون الرياجيل

كان الاطباء حايرة في طببها
ترا دواها سجدةٍ ف اخر الليل

‎عبدالرحمن القوس

[الحمدان]

‏باب السوالف يدخلونه ملايين
‏وباب الفعايل بس لاهل الفعايل

‏والعاقل الواعي منول وهالحين
‏يربط علومه بالحكم والدلايل

‏‌ صالح الناصر⁩

[الحمدان]

‏من يــدوّر للمشــاكل والكلام الفــاضي
‏بشّره يلقــاء بها قسمــه ويشبــع منها

‏عزتي لـه كانه بوضعــه ونفســه راضي
‏ويحسب العالم بترفعــها اليا طمّــنها

‏لايقول أن غلطتي بكره بتصبح ماضي
‏لا أحصلت ما عاد ينفع لو تراجع عنها

‏ ‌ عبدالله حمد⁩

[الحمدان]

لا صار صاحبك بين الرَيب والشِكّة
‏لا تعطي الأجودي قدرٍ ماهو قدره
‏
‏لو هو ضحك والسنون البيض مصطكّه
‏ماتامنه و الزمن ماينومن غدره
‏
‏وإن جيت فالموقف اللّي ما مِنْه فكّة
‏الله لا يحداك فوق الفزعة الودره
‏
‏أحدٍ ليا قلت تكفى يضرب السكّة
‏و أحدٍ ليا قلت له تكفى ضرب صدره
‏
‏‌ عيضه الثبيتي

[الحمدان]

تدري وش اللي لافقدته خساره
‏ماينتعوض لو رصيدك ملى ابنوك

‏اخوك لا منك هفيت بوقاره
‏وخاويتلك من نايد الناس صعلوك

‏مكسبك فالدنيا وساس التجاره
‏تراه اخوك ولا احد ايعوّض اخوك

‏مادامكم حيين خلك جواره
‏ماينفعك لامات لو فيه عزوك

‏ ‌ حراز البقمي⁩

[الحمدان]

الطلقة اللي بالظهر من ولد عّم
‏أنشهد إنها يافهد روعتني

‏حاولت أغطي جرحها واستر الدم
‏وأقول ثارت بالخطأ ماوجعتني

‏‌ زياد بن نحيت⁩

[الحمدان]

‏على الهون يا وقتٍ خذا كل راحة بال
‏عزاز النفوس لذلّها منت حاديها

‏ليا هانت العشره وجات القصار طوال
‏تموت الرجال بعزّها ..وبمباديها

‏ترى اللي تسوق إله الغرابيل فالفنجال
‏كبار الخطوب وهو صبي متقهويها

‏من إشتدّ عوده في معافر ردى الأحوال
‏بعد ما بلغ شدّه ماهو مبتلش فيها

‏فهد سفر

[الحمدان]

تغاضى وخلك سمح وابعد عن الواشين
‏ترا اهل الوشا دايم على النار وقاده

‏تعايش مع الافكار مابين زين وشين
‏وحذرا تحلل كل منطوق يزياده

‏ولاجل ماتعيش العمر كله مابين وبين
‏تجاهل ترا بعض الجهل نوعه عباده

‏يقولون لاتسمع سواليف ابووجهين
‏وانا اقول سور الصين من يقدر ابعاده

‏‌ نواف العضياني⁩

[الحمدان]

تـدور السنين وكـل عـود مكانه عود
‏عـلى مـانـبـت والاول يـورث الثاني
‏
‏هل الجود لوبيض الليالي تعود سود
‏مواثـيـر راع الطيب تبقى للازماني
‏
‏وعود الردا لوخالط الراك مامن فود
‏يعود عـلى مجناه طيـر ابن برماني
‏
‏هذاه الصحيح وكل بند عليه شهود
‏ولافيه عـود يشب من دون دخاني

‏
‏‌ نواف

[الحمدان]

لاتقول ابشر لانخوك الرجاجيل
‏الا انت قدّن له وكفو وصتيمه

‏النعم كايد مايجي بالتعاليــل
‏قول وفعل ماهو سوالف هليمه

‏اليا بغيت النعم خاو المشاكيل
‏وافزع لمن ضاقت عليه الخريمه

‏وخلك على ماقيل طيب وحلحيل
‏عزيز قوم وفيك نخوة وشيمه


‏‌ محمد بن طواله⁩

[الحمدان]

غياب الكفوا يوّجع وفرقىَ الردي نعمه
‏وأنا اقولها من واقع .. التجربه برهان

‏أعز الكفوا وأغليه ... في ذمتي ذمه
‏وأقدر جنابه زانت أو شانت ألأزمان

‏ووجه الردي ما يفقده غير قلب أمه
‏خوي الفلَس ماينحسب حسبةألشجعان


‏‌ النجم العالي⁩

[الحمدان]

‏ياباغي الرفعه ترى العز بالدين
لا عـز للانسان مـن غيـر دينـه

والمرجله عشق الرجال المديحين
ومـن كبها يا عنك تربت يمينه


سعود القت

[الحمدان]

‏أنا أشهد ان الصمت للعاقل علاج
والعذر منكـم كان طـوّل سـكـوتي

لاكثـروا أهل الهرج ماني ب هـراج
ولانـي على بلـوى الخلايق شموتي

امـا كـلام ً مطلـعـه نـور وسـراج
ولا بلاشـي تسمـع النـاس صـوتـي

أعيـش لـي سيـرة ومبـدا ومنهـاج
مـن يـوم ميـلادي لـيـا يـوم مـوتي


ماجد المسعودي

[الحمدان]

‏بيض الله وجه الايام ياوجه الحسود
أنت والرديان مثلك وجيه مصديه

يالوجيه اللي من الذل والخذلان سود
حظكم جاب النطيحه مع المترديه

العلوم الغانمه مالها معكم وجود
كل يوم تمر من عندكم متعديه

والكريم ليا تضايق من الدنيا يجود
يوم يعطي كنه آكل حبوب مهديه


......

[الحمدان]

مر با الصدفه امامي وابتسم
وابتساماته بقـلبه. مخفيه

من حلا الموقف.تلوا.وابترم
يوم شافتني.توارت مقفيه

شفت يده ترتعش بعد القدم
كنها للموت تمشي. مــلفيه

هو مثيل الشمس نوره عم عم
والقمر جنبه قـــدي متخفيه

صوتها قـــوه.بيتناغم.نــغــم
البشر من بعد صوته معفيه

للفواد اجتاح والقلب اقتحم
والصبايا بعد شوفه منفيه

حاز باالحسن الانيق اعلا رقم
والتحيا في هـــوها موفيه

......

[الحمدان]

انت الذي اهواك يانور عيني
وانت الذي ماشفت مثلك وشرواك

تبقى حبيب الروح طول السنيني
ويبقى على مر الزمن دوم ذكراك

اي والله احبك وابي تحتويني
انت الغلا والحب لايمكن انساك

ياحي زولك يوم اشوفك تجيني
يرتاح بالي كل ماصرت وياك

ابيات شعري طالعه من حنيني
احب انا قربك وضحكت محياك

......

[الحمدان]

‏آلله يمسي كل من مر بالخير
ولا يهون اللي حدنة ضروفة

ولذا وذا كل احتراماً وتقدير
واللي نشوفة والذي ما نشوفة

ناسا بطلتهم نشوف التباشير
وناسا بغيبتهم نشوف الحسوفة


بقلمي

[الحمدان]

‏ياويل قلبي منك ياكثرمغليك
أغلى من الدنيا ثرها وسماها

ياويل قلبي منك لاحل طاريك
نفسي وهي نفسي تشك بغلاها

انسى اسامي الناس واغلط واناديك
قلبي معك وكل الاسامي نساها

‌‎ياويل قلبي منك شوق يداهمه
ان لاح منك ماضي كنت أخفيه


......

[الحمدان]

‏ياشوق خبرنى عن اللى انا اغليه
عن واحد روحى بحبه ...مشوقه

اغليه من بين الخلائق ...وافديه
واحس للفرحه طعم يوم اشوفه

يطلب عيونى يطلب القلب اعطيه
وارهن حياتى بين ضمة...كفوفه




......

[الحمدان]

‏تبرّيت من صوتي بعد ماعلي قسّاك
‏ووقفت لا ذاكر دروبي ولا ناسي

‏أعرف أتكلم لين أجي لزعلك ورضاك
‏أشوف الكلام أصغر بواجد من أحساسي

‏وأنا والله أن البسمه اللي تمر شفاك
‏أدوّر عليها كنّي أدوّر أنفاسي


......

[الحمدان]

عطاك الليل ياسِهد العيون سْهاده المعتاد
على سِلمه، وأنا رجل يقدر من على سِلمه

ياسيدي فـ الصدر ذاك الشعور اللي كسى بغداد
بعد ماصارت حقوق المواطن في الوطن حلمه

جفن ليه أبتلي بك والسهر، هو عاد فيك رقاد ؟
تحت سودك خذا مدري عطاك الليل من دِلمه

تريّح، مابقى غصنٍ يعشمّه الهوى معواد
ولا طيرٍ يرجعه الشتاء فـ الليله الظلمه

ولا عاد السفر يغري وراه، ولا البلاد بلاد
ولا صبحٍ، ولا طارش يرد العلم من علمْه

ربيب الذاكره، صدر الحليم أوسع من المعتاد
على خبرك إلين أحباب قلبه تختبر حلمه

تشابه قسوة أيام الغريب أن مرّها الأعياد
طواريك الجميله .. ياكريمٍ عادني ظلمه

تحسب أن الكلام أخف جرح، وغايبه ماعاد
أنا اللي حال مابيني ومابين الكرى: كلم


......

[الحمدان]

مرّي على البال مثل الريب والإشتباه
عندك مايبعث شعور الزعزعه فـ جسدي

الصمت مالي زوايا يومي ولا وراه
الا إعتراضي على صمتي وقَلّ جْهدي

مرّي مثل ذُعر في غمرة سبات الرفاه
مرّي مثل دمعة المستهتر إليا هُدي

مستاحش البال مايدعوه للإنتباه
وأنتي جميع الحلول الممكنه في يدي

يمكن يحايل رهيف الضحك معك الشفاه
وتحايل القلب والقلب الشقّي أجودي


وأنتي من أول ماخلّتك الدروب إتجاه
كني من إعراج ناصي قبلتك ومهدي

أستقبلك كن مالي قبل عرفك طرَاه
وأستدير الأرض عنوه والبساط أحمدي

سمي دروبي بـ أساميها، مضيق ونفاه
وإخذي من الشعر إذعان الرضا وإخلدي

محتاج وجهٍ يرجعني أحب الحياه
وأنتي جميع الحلول الممكنه في يدي


......

[الحمدان]

‏الفزعة اللي ماتجي وقت اللزومّ
أقسم برب البيت ماودي بـها

في ذمتي ماينفعك غير القرومّ
أهل الوفاء وقفاتها من طيبهاا

وشريحة الجوال مليانه أرقومّ
لكن بعضها قل الله صيبها


......

[الحمدان]

‏الجادل الي لها ارخصت العمر والشفوف
وعرفت معنى النوايا البيض من لونها

قولو لها ان الهوى مايعترف بـ الضعوف
واني لو ابطي عليها ما آخلف ظنونها

بدري على الوقت والغربه وعوج الصفوف
تحوول من دونها وانا انثني دوونها

كسرت خشم السلوم العايقه والظروف
وكسرت حتى بيوت الشعر لـ عيونها


......

[الحمدان]

حـلـيت في قلـبٍ يـحـبـك ونـورت
واخـذت مـن دلـة محبتـه فنجـال

واخذت جوله في ربوعـه وصـورت
واخترت لك باجمـل روابيـه مـنزال

واعطاك فوق اللي رغبت وتصورت
حب وغلا واصدق تراحيب واجـلال


......

[الحمدان]

الصمت بوح لبعض حالات الانسان
يشــرح لـه أحزانه ويشــرح سروره

حتى ترى الشاعر وهو شاعر أحيان
يحتاج له شاعـــر يترجــم شعوره


......

[الحمدان]

انـا احبـك ياهوى البـال واغليـك
وان غبت عني يالغـلا ضاق صدري

قلبـي يحبـك لـو دروبـك تهاليـك
وش حيلتي لا صرت مغرور تـدري

انت الوحيد اللي احبك واداريـك
انت الحيـاه يانبض قلبي وعمري

امـر تدلل يالغـلا عند غاليك
قلبي يحبك يالغـلا وانت تدري


......

[الحمدان]

‏ما درى باللي تكن الضلوع الّا الضلوع
وش تبي تنفعني الناس لو تدري بها

اثرني في ضحكة الزيف لي عام مخدوع
اتصنعها ولا ادري وش انا ابي بها

صاحبي مابعد ونس الليال الّا الدموع
معك ياخوف الاحاسيس من تغريبها

الغلا له عدة انواع وانت اشر نوع
جعل روحي همّها منك ما يبطي بها


......

[الحمدان]

‏يا نعمة أيامي ويا حكمة الغيب
يا ألطف مقاديري وأحب الحبايب

غيرك خذا معزة القلب بالطيب
الا أنت اخذت القلب مني غصايب

من دون ليه أرهى حشاي التراحيب
ضيفك قلبي والمحبة وهايب

يحبك اللي حب فيك العذاريب
من دون ما يعرف لحبك سبايب


......

[الحمدان]

ارتحت من حبك ورجوى وصالك
وارتحت من كثرة محاتاة فراقك

وارتحت من كثر انتظار اتصالك
ومن حفظ جدول يومك ووقت ممساك

ماعاد جاني قبل لا ارقد خيالك
ولا عاد تشغلني الى اصبحت ذكراك

جدا طبيعي يوم جابو مجالك
ابشرك قلبي بدا صدق ينسّاك

سلم على روحك وخلك لحالك
قلبي خلص والشوق والحب يفداك


......

[الحمدان]

ما هو جفا لو شفتني عنك صديت
عمر الجفا ما راود النفس يمك

باسم الغلا ساكن وبالقلب حليت
بقصى خفوقي مسكنك يوم ضمك

لا ما تخلى عنك لو غبت وأبطيت
غلاك يسريبي مثل ما سـار دمـك


......

[الحمدان]

‏قلوبنا ماهــي كـراسي للأغـراب
ولامحطــّه فـي دروب التـجارب

مو كل من يطـرق فتحنا له الباب
ولا كل من جانا بالاشــواق راغب


......

[الحمدان]

لها من ورى عوج الحنايا وطن ومراح
ومكان ٍ ما غير جاير الوقت منزلته

اغني لها المنكوس واردد الرواح
وا قاوم وصدري نار الاشواق مشعلته

على مدهله حلم توفى وحض ٍ طاح
وحنين ذبح روح التفائل معاملته

من العام وعيون المضحي على السراح
ولازال يبني حلم ويكرر اسئلته


......

[الحمدان]

سلامي على المتحكمة بـزعلي ورضاي
وعلى الغرة اللي طوقتني على غرة

ولا هان عود شوفته تطلق محياي
نسيم الهبوب يداعبه كل ما مره

هذي جرته في مرتع الصدر رايح جاي
من أبسط حقوق الحر خطواته الحرة

يا محبوبتي لا زال كوعي على مركاي
تحلويت صكات الليالي و هي مرة

أنا أجر قلبي مع طريقك وأجر خطاي
وأخاف أجرحه ويسيل دمي على الجرة

تغربت حتى عن ربوعي وعن مرباي
أحس الوطن ما فيه عارض ولا حرة

بعدك الليالي صوتها صوت عازف ناي
يهيض جروح القلب ويقلب الصوره

اذا ما بقى حنيةٍ تستعيد قواي
حنانيك باللي يقطع الشوق بالمرة

وقوف الحياد أستنقصه من سنين صباي
أشوف أهله في الغالب أصغر من الذرة

لا شان الزمان يضرني واحد من عداي
ولا غاليٍ لا سر وضعي ولا ضره

لو الموت مرة ما تعنيت في دنياي
أنا أشوف لي حيين ماتوا مية مرة


......

[الحمدان]

‏معاه السوالف غير يا حلوها حلواه
تذوب الحروف الأبجديه وأنا معها

لذيذه مساء الخير لا قالها بشفاه
يا حلو اللي قايلها ويا حظ سامعها


......

[الحمدان]

‏لا عشت ياراع النمايم والانفاق
عقرب ثرى تلدغ على دفعتيني

اهل الحسد ماقفلو باب الارزاق
رزقي على اللي كاتبه في جبيني

شذابة العرقوب قطاعة الساق
تقصر يمينٍ ماتساوي يميني


خلف قطنان

[الحمدان]

‏ماشفت من بين المخاليق مخلوق
اردى من اللي فيه حقد ونذاله

قلبه على كل المطاليق محروق
بالحقد لجله قاصرات ٍ حباله

على النذاله دوم ماهو بمسبوق
طبيعته من قشر حظه وفاله


بدر الجميلي

[الحمدان]

‏وعد اللقاء طـــول وانا ياخي اشتقت
والشــوق مالــي فيـــه يا حب حيله

ذايب وميت فيك واشتقت وادمنت
والبُعـــد قاتـل والمراحـــل طويله

ياحـب يا اللي في خفوقــي تمكنت
على اللقاء ياحـب شف لي وسيله

ماعاد اطيــق البُعــد ياخي تجننت
والشــوق قطــع قلبــي الله وكيله


......

[الحمدان]

وافين ونخاوي مطاليق وافين
وعمر السنافي مايبيع السنافي

ونسري معا ليل الرفاقه مطفين
ولا غاب نور البدر مابه خلافي

وحنا فلا جات المهمات صلفين
ولا نحب الزوبعه في العوافـي


......

[الحمدان]

كل شي فاني ويبقا سواء فعل الجميل
طيبة الرجال مع ذي قرابه والبعيد

الوفاء والطيب والجود والشبر الطويل
والمعرفه والجمايل هي الكنز المديد

كم بشر كانو وقد غادرو الدنيا الرحيل
حد بقا علمه وحد مابقا منه جديد

بعضهم ماله مع اهل الوفا مبدى جزيل
مايجمل في المواجب وفي ملقا الوعيد

ان حضر ون غاب لافرق في كثر اوقليل
ون هرج ماحد سمع له ولا هرجه سديد

ماهو اخساره ولاهو بربح اولأ ظليل
بس فقدانه على اهله امد وقتآ عديد

والبعض ذكره مع الناس جيلآ بعد.جيل
حي ذكره عند لجواد ماكنه فقيد

لا ملك مالآ ولاكن عريق اساس اصيل
فعله اينومس علومه وباسه ذي شديد

كل ماصكة صدوف الزمن بلمستحيل
حل صكات المغالق ولوهي من حديد

تفقده ربعه وقومه ويفقده الدخيل
يفقدوه اهل المواقف ويفقده العديد

خبر الي مايشل الخفيفه والثقيل
والجماله ما كسبها ولا الفعل الفريد


......

[الحمدان]

على الوجه الأبيض والمراجل وطيب الفال
أخذنا من دروس الليالي شهايدنا

رخصنا الرصيد المعتبر في بنوك المال
و كسبنا من بنوك الجمايل فوايدنا

وقفنا على شان الكرامة وقوف جبال
و لا غـيّـرت سود الليالي عـوايدنا


......

[الحمدان]

المواقف عز والصاحب مدد
والمخوه مال والجوده رصيد

والجماله ربح والوحده سند
والنشاماء كنز للوقت الشديد

والوفاء عنوان للوافي وعد
مثل ما المعروف ماينساه جيد


......

[الحمدان]

والله يارفيقي ماعد ادري وش اقول
والوضع ماهو مثل وضعي من اول

اجاهد الدنيا من العرض ل طول
وارقى على راس الطويله واحول

ولا عاد اروح شوي ورجع على طول
ان رحت ذي المره تراني مطول


......

[الحمدان]

‏لي عيونــن كل ما اغفـت تشوفك
ولي خفوقــن كل ما تنبـض تراك

ولي خيالٍ واسعٍ يهـوى طيوفك
لو تغيــب اسنيـن ما والله نساك

ياملاك الروح انا عاشق وصوفك
وروحـي الحيــه مذوبهــا حلاك

وعقلي الواله تجنن في شغوفك
وقلبـي الولهان ذايب في هواك



......

[الحمدان]

لي عيونــن كل ما اغفـت تشوفك
ولي خفوقــن كل ما تنبـض تراك

ولي خيالٍ واسعٍ يهـوى طيوفك
لو تغيــب اسنيـن ما والله نساك

ياملاك الروح انا عاشق وصوفك
وروحـي الحيــه مذوبهــا حلاك

وعقلي الواله تجنن في شغوفك
وقلبـي الولهان ذايب في هواك

وقلبـي الولهان ذايب في هواك

‏يا ويــل قلبي منّـــك لاحــل طاريك
نفسي وهــي نفسي تشــك بـ غلاها

أنسى اسامي الناس واغلط واناديك
قلبي معــك كـل الاسامـــي نساها

ياساكـن اعماقــي انا ميت ن فيك
ومشاعــري بالقلــب حُبك خذاها

وقلبي مولَـع بك وهايـــم بطاريك
وروحي تحبـك حُــب لآخـر مداها

......

[الحمدان]

‏ذبحني غيابـك يامــن الروح لك بيت
والقلـب فاقـــد لك من اعماق ذاته

بكيــت مــن بُعـــدك عليـا وونيت
ونت مصـاب اليــآس دمـــر حياته

في كـل لحظـــه لاذكرتــك ووليت
اصيــح لك من قلـب واضح شتاته

فيك الامل ياللي في القلـب حليت
وانت الحيــاه للروح وانت امنياته


......

[الحمدان]

‏ودي اخبرهــم على الخاص والعام
وانشرقصيدي لك وهوجس وغني

واطلع في التلفاز واعلـن خبر هام
هـذا حبيبــــي مالكم دخــل مني

انا عشقتـه اي وربــــي عشق تام
وعشقــه تملكنــي وحُبــه سكني

وقلبي تعلق به وميـت من اعوام
وزينه اسر روحي وحسنه غمرني


......

[الحمدان]

‏فيـــك الرفاهيــــه لهـا عــــدة الوان
ذوق ودلال وعِــــز واحســـاس راقي

اعميت عينـي من هـــواء اي انسان
واخــذت قلبــي يا الغـلا من عماقي

واشلون ما احبــك وما اكون سكران
من خمــــر حُبــك يا لذيذ المذاقي

اشتاق لك شـوق المهاجــر للاوطان
واعشق وجودك من صميم اشتياقي


......

[الحمدان]

‏الصـبــر يا قلبـــي على مُـــر الايام
لاتنطـــوي ياقلــب خليـــك رايق

مَنتةلحالك في همومك والاوهام
كم يابشر قلبـه مـن الحال ضايق

ياقلب هذاالوقت صابك بالاسقام
وحمــلك احمــال مَنتـه بِطـايق

لاكــن عسى بالصبـر تنزاح الآلام
وتنزاح من دربك جميـع العوايق


......

[الحمدان]

‏يامن احبـك خاطـري بالجفا ضاق
وبُعــدك عليا صـاب قلبي بضيقه

قلبي قسم بالله يحــرق بالاشواق
والشوق في صدري مولع حريقه

يامن احبك غيبتك صعب تنطاق
قلبي بدونك عايشن وسط ضيقه

ماريد تبعد يوم عن ضو الاحداق
ولا اطيق بُعدك ولو هي دقيقه



......

[الحمدان]

‏يا الله يامن فــوق عرشـــك تعليت
يامــن تدبـــر كل زينـه وشينه

ادعيك تغفر لي خطايا اذا اخطيت
وتمسح ذنوبي كل ذنبٍ بحينه

يارب يااللي لك عبـــدتك وصليت
عبــدك لجا لك يا إلهي تعينه

ترزقني الراحـــــه علــى ماتمنيت
وتملا حياتي بالفرح والسكينه


بقلمي

[الحمدان]

‏الصمت بوح لبعض حالات الانسان
يشــرح لـه أحزانه ويشــرح سروره

حتى ترى الشاعر وهو شاعر أحيان
يحتاج له شاعـــر يترجــم شعوره

وانا بجو الصمت مدمن به إدمان
أخفي ورا صمت المحاني كسوره

ماحـب احكي ما بقلبي من احزان
وصمتي يترجم كبر ضيقي وجوره



......

[الحمدان]

يارب تعرفني وتعرف نواياي
وتعرف جميع ظروفي المستبده

احيان اصيب الراي واضيع الراي
واحيان افتح باب واحيان اسده


......

[الحمدان]

ياقلبي ادري داخلك شي حساس
لاباس وان كانت جروحك كثيره

حزنك وضيقك وانفرادك عن الناس
صدقني انها بعض الاحيان خيره

بقلمي

[الحمدان]

اعط الحقوق لراعي الحق لا اخطيت
وحاول مثل ماتـاخذ الـحـق تعطي

مـاهوب عيب ان قلت مخطي وزليت
العيب تنكـر زلـتـك وانـت مخطي


بقلمي

[الحمدان]

من ينتظر رد الجمايل من الناس
كفه على فعل الوفاء لا يمده

واللي يبي له ذكر طيب ونوماس
شيٍ يسوي للبشر لا يعده


بقلمي

[الحمدان]

الناس ماعادها بالطبع تتشابه
ماعاد بالارض واحد يشبه الثاني

تدري متى الشخص مايسال عن اصحابه
لا صار حتى مع الاصحاب وحداني

وتدري متى الشخص مايشتاق لاحبابه
لاصار في قربهم مهموم ويعاني

وتدري متى الشخص مايتمالك اعصابه
لا صار مجني عليه ويعتبر جاني


بقلمي

[الحمدان]

بعض البشـر محتـاج للذوق خبره
عنـدي نصيحه له على مر الازمان

المرء باخلاقه وذوقه وفكره
وبروعة اسلوبه يصير اجمل انسان

بقلمي

[الحمدان]

الطيب جمع ناس لا عرق فيها
والحقد فرق ناس من صلب جدان

عمر الردايا ما تمثل ذويها
والطيبين اخوان لو ماهم اخوان


بقلمي

[الحمدان]

افتحوا باب التسامح عساكم تسلمون

العمر ماهو بمضمون والدنيا سعه

انخدعنا بالمظاهر وغرتنا الظنون

وضيعتنا كلمة ابليس من باعك بعه


......

[الحمدان]

فاح القصيد اللي مع هجعة الليل
وارسلت نجمه ساهره في سماها

يا معشر العشاق ما عاد بي حيل
تاهت دروبي و الأمل في لقاها

مهره أبد ماتقرب الشك والميل
متربعه في صدر شخصٍ شراها


......

[الحمدان]

‏قلبي اللي مايبــي غـيره وسـيـم
ياعيونه .. ياقصيده .. ما اجملـه
‏
‏والله انّي في نعـيم .. وفي نعـيم
‏مِن عَرفـتـه .. ما اذكر إنّي مزَعلـِه
‏
"‏عين"حرفه مُبتَدا اسمه مستقيم
‏والعـرب ... كل العـرب ما تجـهـله
‏
‏والله إنه في حشـى جوفي مقيـم
و‏غير حُبّه .. والله انـي ما أقـبلــه


......

[الحمدان]

في معزل عن جميع الخلق وازعاجه
م اسمع من الناس لو تكثر لجالجها

ما غير اهوجس تقول مضيعٍ حاجه
واخذ واسسند على روحي واهرجها

وادوج لو كان رجلي غير دواجه
ادله النففس لين الله يففرجها

......

[الحمدان]

اترك الناس فيها مايكفيها
واجتهد في صلاح القلب والسيرة

دايم النية اللي ماتصفيها
عاقبتـها عليـك الهـم والحـيرة

كل نار لها شي يطفيـها
غير نار الحسد والحقد والغيرة


......

[الحمدان]

نقول للمقفي محلل ومسموح
حتى لو انه بـ بالنهايه خذلنا

من عادت الدنيا ابتسامات وجروح
حنا نعرف اطباعها ما جهلنا

اللي بيتركنا على الدرب ويروح
لا يبتسم في وجهنا لا وصلنا


......

[الحمدان]

احيانا الصده عن العالم علاج
ويشهد على قولي كلام السديري

ابعد عن اللي قلبه اسود من الصاج
وترى الزمن مثل الرحى يستديري


......

[الحمدان]

يارب و انت بكل ما فيني عليم
سخر لي اصحاب النفوس الصافيه

لو شحت ظروفي فلا غيرك كريم
وان جارت ذنوبي عساها خافيـه

عن كل ذنب استغفر الله العظيم
عن كل كسرة نفس اجر وعافيه


.....

[الحمدان]

يقول حمد السعيد فالعتاب

جَرْح قلبي من الصدَّه وقل السؤال
و الهواجيس ذيبٍ و يتحوَّف نزّل

ما حصلي رقاد في الليالي الطوال
وخايف من اتصال فيه أكابر و أَزِلّ


ويقول تركي الميزاني في الالم

على الهون ياجرح المفارق وضيق البال
على الهون ياهمٍ سطابي وقدرته

لجل من ملك قلبي من الجال لين الجال
وفكيت له بابٍ عن الناس سكرته

[الحمدان]

انـا احبـك ياهوى البـال ، واغليـك
وان غبت عني يالغـلا ضاق صدري

قلبـي يحبـك لـو دروبـك تهاليـك
وش حيلتي لا صرت مغرور تـدري

انت الوحيد اللي احبك واداريـك
انت الحيـاه يانبض قلبي وعمري

امـر تدلل يالغـلا عند غاليك
قلبي يحبك يالغـلا وانت تدري


.....

[الحمدان]

‏ما درى باللي تكن الضلوع الّا الضلوع
وش تبي تنفعني الناس لو تدري بها

اثرني في ضحكة الزيف لي عام مخدوع
اتصنعها ولا ادري وش انا ابي بها

صاحبي مابعد ونس الليال الّا الدموع
معك ياخوف الاحاسيس من تغريبها

الغلا له عدة انواع وانت اشر نوع
جعل روحي همّها منك ما يبطي بها


......

[الحمدان]

تسوقنا الاقدار ونسوق الاقدام
يومٍ لنا يحسب ويومٍ علينا

للخلف ماننظر والارزاق قدام
ومقسومنا الطيّب تحوشه يدينا


......

[الحمدان]

‏يا نعمة أيامي ويا حكمة الغيب
يا ألطف مقاديري وأحب الحبايب

غيرك خذا معزة القلب بالطيب
الا أنت اخذت القلب مني غصايب

من دون ليه أرهى حشاي التراحيب
ضفتك بقلبي والمحبة وهايب

يحبك اللي حب فيك العذاريب
من دون ما يعرف لحبك سبايب


......

[الحمدان]

وليف الروح يا حلو الوصايف
يا بعد من شافت عيوني عيونه

ايه احبك غير عن كـل الولايف
حب صعب ان الاوادم يفهمونه

الغلا لك والمحبه وانت شايـف
كيف عذال الهوى منك مغبونه

وانا قبلك من دروب الحب عايف
لين شفتك واخلف الخاطر ظنونه


......

[الحمدان]

غديتي على بال القصايد بدون شعور
مثل كلمةٍ دايم على البال موجودة

وش العذر يا غصنٍ تعدى حدود السور
والأعذار ماتت والمراسيل مفقودة

أنا قد خلقت من العتم والغياهب نور
مشيت بذهابٍ ما تمنيت به عودة

عزاي إن قريتي وصفك اللي ما بين سطور
وعرفتي مقامك وإنك الحين مقصودة


......

[الحمدان]

عيونك الكحلا وخدينك الحُمر
تسوى القمر والشمس والارض جمعه

تميزك عن باقي البيض والسمُر
فيه اختلاف الله ابدع بصنعه

ودي معك ارتاح في باقي العمُر
واتأملك في كل سهره وطلعه


......

[الحمدان]

إن ضاقت أيامك وتحتاج تغيير
‏لا تظهر الأوجاع والحزن خبّه

‏العمر ضحكه ضيّعتها المقادير
‏وماعاش غير اللي رضا بحكم ربّه

‏دايم تظاهر لـ الجميع إنّك بخير
‏أقل حاجه لو عشان " الأحبّه "

‏مافيه حاجه تستحق الحزن غير
‏وفاة غالي .. أو مرض من تحبّه


......

[الحمدان]

اصبر على دنياك وإقبل بما جاك
وحبل الرجا خله مباري لحبلك

لو تضرب الدنيا من هناك لهناك
مالك من الدنيا سوى ما كتب لك


بقلمي

[الحمدان]

ما طفت ضوّه ولا عقّد حجاجه
‏لو تكبّد من ظروفه ما تكبّد

‏كل ما كبرت وجا وقت المواجه
‏ازهمه ويجيك يرثع ويتهبّد

‏يقضي الحاجة وهو بـ امسّ حاجة
‏ويعتق المسجون لو سجنه مؤبّد


.....

[الحمدان]

ذات ليـلـة كنت في قمـــة كسـوفي وإنكــــسـاري
كانت احلامي ليالي ســـــود وافكاري ســــقيـــمة

بين ثقل الجــفن والتفكيــــــر في قــــادم نهــاري
شلني حلمي وســــافر بي من شـــعور الهــــزيــمة

من على بحر العـرب خَذني مع الفُلك الجـــــواري
من جنوب افريقيا والصيـــن والهـــند القــــــديمة

في ظـــــلام الليل يهدينا سبـــلنا نجــــم ســــاري
مبتـعد عـنا وتجمــــعنا مـــــعه قــــــصة حمـــيمة

وانتهينا عند شــــــط البحــر في مــــينـا تجــاري
من خـلاله تظــــهر اسرار الحضــــارات العظيــمة

في قنا حيث انحنى التاريخ للعـــــرش الحضاري
واكتسب من شهرته تخليــــد للماضـــــي وقـيمه

واعـلنت ضـــفة قنا بوصـــــولنا حـــــــالة طـواري
واقبل التجار ينقــون البضــــــاعات الســـــــــليمة

واستقــر البــــــحر يتفرج عــلى بائع وشــــــــاري
وابتســـم من روعـــة المـــــــنظر وداعبنا نســيمه

واشرقت شمس الصــــــباح تغازل الحان القماري
وانطـــــلقنا في قــــوافـــلنا تســايرنا العــــــزيمة

من هضاب جنوب شبوة سرت لدروب الصحاري
حيث لامســـــنا رغيـد العــــــيش وادركنا نعيمه

بين ســــاحــــات القصور الشاهقة طال انتظاري
راقب امجادي وهي في شاهق الماضي مقــيمة

واذهلتني قوة البــــنيان والنقــــــــش الجــداري
والسيـــــــــادة وامتلاك الراي بـسياسة حكــيـمة

والقرار الصلب للمســـــؤول والعقــــــل والإداري
حيث ما يلقى كبــــير البطن فـــ السفـرة ولـيمة

تزدحم فيها القوافل عاكـــــــــسة لون ازدهـاري
كن شـــــبوة قلب للتـــــــاريخ والميناء صميمه

في شــــــوارعها يــــمر العطر في لنفاس عاري
والبخور يلقــــح افــــــواج الهباهـــيب العقيمة

صرت ذاهـــل ما عــــرفت ان البلد والدار داري
وان قبلي ناس عاشوا في الوطن عيشة كريمة

يا رجــــال المجــد ما زال الأمل* والحلم جاري
دام وانتوا تحــــــملون قلوب حســاسة رحيمة

دام وحــــــــدتوا هدفكم والمقــاصد والمـهاري
سوف نتـــــجاوز بكم كل الصــــراعات الألـيمة

وش جنينا من صــــراع الغاب وقتال الظواري
غير ثكلى تستمد الجــــــرح من صرخة يتيمة

غير شائب دمعتــــه تفضـــــح وكفّينه تـواري
يذرف العبـــــرات من قهر النــهايات الوخـيمة

بارك الله مؤتـــــمرنا من يميني لا يســـــــاري
واتحاد الصــــــف قوتنا عسـى المولى يـديمه

مد لي كــــفك وســـايرني وكتفك لا جـواري
ســـــر معي قدام بانمشي بخطوة مـستقيمة

وليكن اول هـــدفنا العلم نوجـد شعب قـاري
جهلنا هو ذي يعــــززنا بلــــفكار الغشـــــــيمة

حين تتـــبدل حقيب العلم بشناط الجــــفاري
تذهب الرحمة ونتربى على فعل الجــــــريـمة

عودة حقوقي وارضي مطلبي هو واختياري
كيف تقتلنا سيوف الجوع والثروة جـــسيمة

كم مـــوارد في بلدنا سايبة والشـــــعب داري
منشــــأة بلـــحاف والعقـــلة وجنة والنـشيمة

والســــمك من كل صنفه أين تخفيه الهـواري
والمــــواطن ع الرغيف الحاف يتمنى كـزيمه

والسـرائر والخــوافي في السواحل والبــراري
كلما راحـت مصـــــائب فاطمة عادت حــليمة

مؤتمرنا لو صـــــدقنا با يرجـــــع لي قـــــراري
في المـــوارد والمناصب يــ هل لبـــاب الفهيمة

أملك العقـــل الرئاســــي وأملك العقل الوزاري
وأملك العـــقل الإداري وأمتلك من كل شــيمة

بملك الســـــلطة وبتــــحرر وبارد اعــــــــتباري
موطني ملكي وانا تاجه وانا حــــــضرة زعيمه

عادني بنـــــشد قـــصيد الحب عـ اللون النزاري
بعد ما بدعس على روس الشــــياطين الرجيمة

أحمد بن فرج الجبواني
اليمن

[الحمدان]

اكرمـت فـقر الشـعور من القصيد الجزيل
واسقيت بيض الذوايق مـن دُرر محتواي

ابيات شعري تردد جيل من بعد جيل
ولا بها يليق شاعر غيري ولا سواي

يبقى سهيل القصايد بالقصايد سهيل
مزجـت مضـمونها بقوتي وماي وهواي

واعطي ضعيف المشاعر لو طلبني بديل
افـضل مـن أنه يـحاول يوصل لمستواي

انا فــقــط بلتفاته طــوّع المــستحيل
وكــل داء فـ الــبلاغه عــالجــه من دواي

ناصر الرخيص

[الحمدان]

يا واثق في مشيتك كنك الخيل
‏انت شموخ العز وانت سنامه

‏نفرح بشوفك فرحة البدو للسيل
‏عشق بدوي يا فرحتة يا غرامه

نظرة عيونك تجذب الليل وسهيل
‏والفارس اللي ملك وانته مرامه


......

[الحمدان]

ماعاد يزعلني جفا بعض الاصحاب
ولا عاد قلبي ينكسر من جفاهم

قلبي تعوّد دايم يخسر احباب
ولاهي غريبه ينصدم في خفاهم

صح الامل ياثر على النفس لاخاب
بس العمر ماهو رهينة وفاهم


......

[الحمدان]

كان في قلبه لقلبي محنيّة
يدري ان الحال عقبه مهوب اللي

وكان لي عنده علوم خصوصيّة
احضنيها يالهبوب احترماً لي

وارسليها عبر الاقمار سريّة
هو طبيبي والرسايل علاجٍ لي

ولا يواخذني على قلة الجيّة
ود عيني مير ماهو بجايٍ لي


......

[الحمدان]

صف النوايا واذكر الله وترتاح
‏واللي تشوفه قابله بابتسامه

‏خلك وسيع البال طيب و مزاح
‏ترى الزمن ما يستحق الملامه


......

[الحمدان]

‏صب الوجع وأغسل همومك من الدمع
ترى البكا في بعض الاحيان لايق

مع عبرتك لا تتخذ منهج القمع
الدمعة اللي ماتحوّل تضايق


......

[الحمدان]

التيس الاجرب فالجبل حك ظهره
قصده يلمع صورة الراعي الخيس

راعــي دراهــم مـا معه أي مهره
يدور الشهره على صفحة الفيس

خلو قصير الباع يذرع بشبره
على أساس انه حفيد امرؤ القيس

سيل الجبل ما يبطي إلا لكبره
لا روح الراعي ولا روح التيس

صالح الاحمدي

[الحمدان]

‏اصبــر على الـــدنيا وقــدر ثمنهــا
ولا تبيــع الاخـــرة لاجـــل دنيــاك

بالعقـل تعـرف قبحهـا من حسنـها
وبالقلـب تعرف من يحبك ويشناك

ان اقبلـت لا تأمـــن العيـــب منهـا
وان ادبـرت نـوخ على الله مطاياك

الاقــدار ما تعمـي اذا الله دحنـــها
والابصار ما تنجيك لو جت منـاياك


علوي الباشا

[الحمدان]

‏العافية والستر مع راحة البال
هذي الثلاث اعدها راس مالي

ياللي تقول الغالي اشريه بالمال
اللي يجي بالمال ماهوب غالي


......

[الحمدان]

القناعه كنز في وسط السطور
للسعاده وللحياه الصافيه

لو ملكت المال وانواع القصور
كلها تنباع لأجــل العافيه


......

[الحمدان]

لاصار شفّك بعيد ومحزمك فاضي
والوقــتَ حملـه ثقـيل وعلّتـه علّه

لاتلتفتَ في حسايف وقتك الماضي
غامر على العّز والتوفيَق عند الله


......

[الحمدان]

لايقودك سوء ظنك مثل قود الذلول
مايقاد الا البهايم وعميان القلوب

من عطا عقله لغيره مغفل ومهبول
وظالم ٍ نفسه بظنه وحملها الذنوب

......

[الحمدان]

الناس لو تسلم من القيل والقال
تبقى الخواطــــر والنوايا نظيفه

ترى هروج الكذب من طبع الانذال
ما تصدر الا من قلـــوب ٍ ضعيفه

......

[الحمدان]

خل السوالف والمغازل على جنب
القلـب ولـّى والمشاعـر علـى الله

ماتـدري ان عيـونك لحالهـا ذنـب
ماغيـر اطالـع فيـك و استغفـرالله


......

[الحمدان]

غديتي على بال القصايد بدون شعور
مثل كلمةٍ دايم على البال موجودة

وش العذر يا غصنٍ تعدى حدود السور
والأعذار ماتت والمراسيل مفقودة

أنا قد خلقت من العتم والغياهب نور
مشيت بذهابٍ ما تمنيت به عودة

عزاي إن قريتي وصفك اللي ما بين سطور
وعرفتي مقامك وإنك الحين مقصودة


......

[الحمدان]

قلوبنا بين نفّاره .. ومؤتلفه
وشفوفنا بين مهْتوْيَه ومغصوبه

لا تنصح القلب عن حبه و عن وِلْفه
رح انصح الطير ليه يوالف دروبه

يخلي السحب فوقه والفضا خلفَه
ويرجع على کف سجانه بلا توبه


......

[الحمدان]

سلم سلام الموادع رافعن كفة
واغضى بنجلً تقول النوم داخلها

وانا عيوني تهل الدمع واكفه
اكف دمعي بكفيني واناملها

كله على شان ماشوش على شفه
اخشى يشاهد دموعي ويتخيلها

غالي وابا أغلية واقف معة في صفة
وأطاوعة لو أضيم النفس و ازعلها


......

[الحمدان]

طل الصباح وفوق الاغصان غنى
طيرٍ عزف من فرحته عذب الانغام

كنـه يقــول الصبــح ياذا المُعنــى
اقبـل يبـدد بألامـل ليل الاوهــام

اغنــم مقــادير الـزمــن لا تـمنــى
عمــر التمني مـايحقق لك احـلام


......

[الحمدان]

تربعي بين الحشى و الأزارير
و أخذي على ترويقة البال فلّه

و إلا أصبري بطيّر القلب تطيّير
و أنتي تعالي و أجلسي في محلّه


......

[الحمدان]

حياويةٍ لكنّها .. تلفت الانظار
تجف القلوب الخضر من تحت خطوتها

تجمّع بها الماء العذب مع ضدّه من النار
ولو أنّها من طين يا زين طينتها !

ما فيها ولا عذروب لكنّ بس تغار
تزيّن لي الدلّه على نار غيرتها


......

[الحمدان]

أنا شاعرٍ وجهه حياوي وقلبه حي
خذا الشعر من راحة ضميره كثر ما أعطى

على أدنى سبب يسهر خرز سبحتي بيدي
ويجي ياقلادة عنق ياحيةٍ رقطا

أعالج به اللي عارضٍ صابره للكي
وأعاتب به اللي كل ما أدرك غلاه أخطى

شعور مْتناقض كل يومين يلبس زي
تسلى به السمّار وتدوره لا أبطى

ويقولون روف بقلبك الغض بعض الشيء
وأقول العروق الخضر ماهي عروق أرطى

لا صار بين القلب والعقل طق عصيّ
أبـ أكرر الأخطا لو أصحح الأخطا

من يفوت عمره وأمنياته مثل ماهي
عرف حسرة المحروم من فرحة المعطى

حسبنا سنين العمر تمشي شوي شوي
وأثرها تسابق طق الإبهام للوسطى

......

[الحمدان]

‏يـارب ثبتنــي اذا جـانــي المـوت
لآ غـرغرت روحي وخلّت جسدها

رحماك يا منجي نبيك من الحوت
في ساعتن تنسى الحنونـه ولدها


بقلمي

[الحمدان]

لو بأعتذر للوقت ما فااد عذري
‌‏آدور الغلطه و أصافح أيديها
‌‏
‌‏و لو ترجع الايام و اعيد عمري
‌‏بعض الأوادم ما آتعرف عليها

......

‎

[الحمدان]

‏ماكان عادي تجرح الروح وتروح
‏لو قلتلك من طيبة القلب عادي

‏وبابي على كثرة خطاياك مفتوح
‏لو شفتني عن عزة النفس غادي

‏فضفضت لك يوم إنك أقرب من الروح
‏وكني وأنا افضفض لقلبك معادي

‏أنا هذاك الي من الضيقة ينوح
‏ماني هذاك الي ليا ضاق هادي

‏علمتني إن الحب جارح ومجروح
‏وعلمتك إن الحب ود وتهادي

......

[الحمدان]

مشتــــاق لــك يازيـن واللــه مشتاق
والشــوق لــك مبنــي بلمســة كفوفــك

فيــاحــض قلبــي يــوم جيته بالشـواق
وياسعــد يومــي يــوم عينــي تشوفـك

والقلــب عــن فرقــاك يازييــن ماطـــاق
مجنــون فــي حبــك وعـاشــق حــروفك

فهيــا نزيــل الشــــــوق يازيــن بعنــــاق
نروي الضمــاء وارســم بقلبي طيوفــــك

ابوضاح النفيش

[الحمدان]

قلبــي هــواها وقلبــي يابشـــر حبهــا
وانا الذي يـوم شفته طرت من حينها

وانــا الــــذي نار حبه داخلــي شبـــها
وانا الــذي صرت فارس في ميادينهـا

وانا الــذي مــــادواي الا دواء طبهــــا
وانــا الذي شل ذي بقطــف بساتينهــا

هي حقي القلب راضي لو بهــا مابــها
والكــل مابا يساوو رمش مــن عينهـا

هي نـور عيني ونا الدقــات في قلبها
هــي الحنــونه بقسـوتها وفــي لينهـا

انا وهــي قلــب واحـد حلــوها قبهــا
هي روح روحي ونا ذي في شرايينها

ابوضاح النفيش
اليمن

[الحمدان]

يانــاس قلبــي ذاب داخــل هواهــا
وذاب مــن شــدة حـــلاها وغـــرب

تعال شل الــروح واروي ضــماهـــا
وكون من قلبي ومن عيني اقـــرب

فياليتنــي فــي كــل لحضه معاهـا
اروي ضما قلــبي ومن ثغره اشرب

هــي راحتــي وانــا وروحي فداها
ويــارب تسعدهــا ويـــارب يـــارب


ابوضاح النُفيش

[الحمدان]

يا غايبه إلا عن الخافق سلام
ردي علي يا همسة العاشق سلام

ردي وخذي مني ليالي من العمر
أقطف لك النجمه وأذوّب لك قمر

وألبسك ثوب النسيم وأعطّر أيامك زهر
وأقول احبك وأفرش لك الدنيا حرير

ماهو على الغالي كثير..
ياعذبة الصوت نادي الهوا فيني

مل السهر حيل من صحبته لعيني
أسهر وأسهّرلك نجوم

وأصحى على طيفك وأنوم
وأنتظر للصبح مرسول الشعاع

نورك اللي غاب من يوم الوداع
وأقول أحبك..انا أحبك

لو أفرش لك الدنيا حرير
ماهو على الغالي كثير


الامير خالد الفيصل

[الحمدان]

يافاقدين احبابكم وش تسون
لامدت الذكرى الحزينه يديها

كيف اتجاوز حزننا ماتعرفون
بعض الطواري موجعه مانبيها

دايم ع بال المواجع يمرون
مافي ضحكه مالهم صوت فيها

يالتيهم عن ضيقه الفقد يدرون
ودروبهم وش لون دايم نجبها

من كثر ماصاروا على البال يطرون
حتى خطايهم ولهنا عليها

......

[الحمدان]

‎فنـجال قهــوه و أبتـسامه و سعة بال
تلقـى المســاء يروق لو كنت ضايق

لا تقـول مـالي خلـق و تـكـدر الحـال
حـــاول تـعيــش من التفـاؤل دقـايق



......

[الحمدان]

توك وتو الليالي جعل عمّرك طويل
هاذي دروس الزمان اللي تمرك لذا

لاعاد تشره على العالم وخلك ثقيل
الوقت يبغى كذا والناس تبغى كذا



......

[الحمدان]

‏عن هجير الروح كان الصمت ظلّي
وإن حكيت أغني الغربه وأموّل

ليه أدور نصفي الثاني وأنا اللي
في حياتي ما لقيت النصف الأول

......

[الحمدان]

عن الإكتفاء بالذات والثقة بالنفس اقول

مالي مع الناس لا مطلب ولا غاية
لاسلمت منها فهذي غاية المطلب

لاصرت في خير وبصحة ترا كفاية
هذي هي اكبر غناة وخيرة المكسب

بقلمي

[الحمدان]

قالت وش اللي يشبه الناس فيني
قلت انتي كل الناس مايشبهونك

قـالت تعال وحط عينك…بعيني
قـلت البلا يالفاتنه في عيونك

......

‏

[الحمدان]

سآمَحَ الله سهوة الفكر يوم اِنهآ تجول
في سحآبة وَجد وأستآسمت ذكرآك عل

بس لآمنِّي ذكَرتك دريت إني بَـ آقول
قَدَّرَ الله بـ عبده و مآشآء فعل

......

[الحمدان]

‏أنا غيرتي من يوم ربي خلقني نار
‏لاحبيت مابي تسأل إلا عن أخباري

‏لو إنك تسولف سالفه فالجماد أغار
‏فما بالك إليا جبت لي للبشر طاري

......

[الحمدان]

‏خلوني ابعد عن الواقع واعيش الخيال
‏مع اني العاقل اللي عايشٍ واقعي

‏لكن من لا يحمد الله على كل حال
‏اما ماعنده صبر والا ماعنده وعي

......

[الحمدان]

ان كان حظك مافرش لك وغطاك
لا ترتجي من حظ غيرك يغطيك

وان عاندك سلم امورك لْ مولاك
واصبر على الشدات وارفع هقاويك

مادام رزقك كاتبه يوم سواك
خلك صبور وقاسم الرزق يعطيك

......

[الحمدان]

‏في كسـور القلب ما فاد الكلام
والله إن الصمت نص العافيه

لا كلام ولا عتـاب ولا ملام
عافت النفس القلوب القاسيه

......

[الحمدان]

‏ياللي معاهدني على الحب والطيب
اسـعدتني .. والقلــب زاد انشـراحـه

لا شـفت مرسـالك تـزيـد التراحيـب
وانسى الدوا والقلـب ينسى جراحه

معـك معـك ولـو مـلا راسي الشيب
هـذي الصـراحه لابغـيت الصـراحه

أوعدك ياروحي وانا ما اعلـم الغيب
القلـب بيتــك .. والعيـون اسـتراحـه

......

[الحمدان]

‏الليالـي درسـتني مـفاهـيم الـحياه
‏وعلمتني من عدوي ومنهم الاصدقا
‏
والـرفيق الـكفو دايم يشرفني نـباه
‏صاحبً دايم على الطيب والطاله رقا

......

[الحمدان]

اترتجي من فاقد الشي يعطيه
ولاتثق في خاين.... الملح والزاد

ولا تقل للمبتلي..... ماحصل فيه
سود الليالي عكرت صفو الأجواد

......

[الحمدان]

المحبَه أنت .. وأنت الغير عادي
من عرفتك .. و المشاعر مستقرّه

يبتسم يومي و يطرب بك فؤادي
راحتي برضاك .. حلّت كل مُرّه

هاك قلبي وهاك عين وهاك غادي
دلّه لدربك .. وخذ خيره و شرّه

وش أبي بوجيه خلق الله و أنادي
وجهك الله خالقه طيب و مسرّه

......

[الحمدان]

استانسو ترا الليالي زايله
‏ولا تكدركم تصاريف الحياه

‏ماينفع المهموم همٍ شايله
‏الرابح الي يعطي الدنيا قفاه

‏وترا التشكي بالظروف المايله
‏اتشين الانسان وتقلل حلاه

‏حتى ولو عاين نجوم القايله
‏يخلي الشكوى لربه في دعاه

‏واللي يدور للدروب الطايله
‏فلا يخلي طاعة الله والصلاه

......

[الحمدان]

تركت ظنون الناس عني و رأيهم
فقد كان يكفيني صحيح ظنوني

و أعرف من نفسي الذي يجهلونه
و أفهم ذاتي في جميع شؤوني

و لا أرقب التقدير في عين ناقص
إذا كان قدري كاملا في عيوني

......

[الحمدان]

بيني وبين النفس حرب و طلایب
مرات أنا الغالب و مرات مغلوب

تمضي حياتي بين مذنب و تایب
واللي يريده خالق الناس مكتوب

و الغيب عند الرب ماهو بغايب
لكن عن المخلوق خافي و محجوب

......

[الحمدان]

ياشين الغياب اللي بلا سبه وتبرير
غياب اللي ما فكر بـ قلبي ولا حنه

يموت الغلا من قلة الوصل والتقدير
مثل موتت المعروف لا صـار به منه

......

[الحمدان]

بـــدئت بك يا اللــه يـــا الفـــرد الصمد
يا منـــزل القــران و الذكـــــر الحكيم

يا منــــزل الأ مطــــار رحمــة للبلد
بالــرزق متكفل و بعبـــادك رحيــــــم

يامن لك المــؤمن بــرغبــة قد عبــــد
فــي طـــاعتك يــاللـــه قلبي مستهيم

يا سعد من للــه برغبــة قد سجـــــد
وياسعــد من لا قاه ولــه قلبــــاً سليم

للمؤ منييين اللـــه بالجنـــة و عـــد
وخصص لهم بالفــوز جنـــــات النعيم

في مُحكم الآيــات وعــــده قـــد ورد
سبحــــان ربي بالعطــــاء دائم كريم

اعـوذ بـك ياللــه من شـــــر الحسد
واعــوذ بـــك من كل شيطــــان رجيم

......

[الحمدان]

انا شهد.ان الاصل يلمع كما الذهب
ماشي يغير خامته حتا الطقوس

لويندفن بين الوحل ولاترب
سنين ويتعرض لبرده والشموس

انه مكانه ميزته تعلا الرتب
اما قليل الاصل لو حتاء لموس

تلمس بيدك في ثواني وخترب
يعني اختصار بلقول مادعي خسوس

......

[الحمدان]

العاشـق الي بالخفا صـار ولـهـان
قامت سهوم اهل الهوى ترتميبه

لاحـل وقـت النـوم والكل غفيان
قـام يتـذكـر والـعـنـا هـو نصيبه

تبدا المواجع شارد الفكر سرحان
صـدره من العـبـره سمعنا نحيبه

هذا الولع يالي على الحب شفقان
هـذا بـلا الـي مـا درا بـه حـبـيـبـه

......

[الحمدان]

مَـعقول لليـوم ما مـريت فــي بــــالك ‍
ما هــزك الشــوق مــره بس تـــذكرني
‍
لو بس رحـمـــة تـحرك خـط جـــوالك ‍
ماهـو ضــروري اتــصالك بس راسلني
‍
مَــعقول يا نور عيـني لأجـل عــــذالك ‍
تــهجـر مُــحــبك ولا حـتى تـــكــلمني ‍

وانا الـذي فــي غرامك صب مــــتهالك ‍
ذايب خفـوقي وبـعـدك حـيل دمـــرني
‍
وأسـال الـنــجم واتنـشد عـن أحــوالك ‍
لـوعنــي الشــوق طيـفك ما يفـــارقني
‍
يا كــم ســـهرت اللـيالي بس كــــرمالك ‍
اتـخـيلك يا غــلاة الــروح تــسامـــرني ‍

يا لب قـلبك فــداك الكــون وانا فـدالك ‍
يا مــــنيــتي يا غـــــلاتي لا تــعــــذبني
‍
لا تــقـول ما ابيك فــال الله ولا فـــالك ‍
يا غــايتي يا مــرادي رق وارحــــــمني
‍
انا الــذي فــي الحنايا حب قـــد شالك ‍
فـكيف يا مــنتهـى امــالي تــــــذوبنـي ‍

ما يسعد الخافق الولهان سوى وصالك ‍
ياليت من فيـض حـبك دوم تـــغـمرني ‍


......

[الحمدان]

يقول مساعد الرشيدي. رحمه الله

‏الي يبيك يجيك لو دونك قيود
‏يكسر عشانك خشوم الصعايب

‏واللي يبي فرقاك لو دروبك ورود
‏ماجاك لو انك من ادني القرايب

[الحمدان]

حب من حــبك ولا تــجرح كــيانه
لان حبه فــــرض واجـــب للـــعيــان

وان داعاك الشوق في لهفت حنانه
قوم بادر واغــــترف مــنه الــــحنان

لاتـقول الـــيوم قـــلبي فــــي مـكانه
يمـــكن ان غيــــبت مـــا تلــقى مكـان

ولاتحط النفس بــين اهل الخـــيانه
يـــوم من الأيـــــام تبا تــــصبح مهـــان

والصقر لاشـــال صيده فـــي بنــــانـه
يفتـــرس حـــبك ولا يقبــــل جـــــبان



......

[الحمدان]

‏السنين شحاح والجمه عليها مايح
‏والهقاوي مظمحله والظنون تخيّب

‏والليالي رايحه والعمر كله رايح
‏والدروب طوال والرحله مهيب قريب

‏دامني من عين ابو وجهين طايح طايح
‏جعلني ما اطيح من عين الرفيق الطيب

‏علي الدعيه

[الحمدان]

جيتك ... توقعـت الغـلا مثل ماكان
واثرك عـلى فرقـاي عجـلٍ ذهـابك

ادوّر الـزلـه معي … قـدر الامكـان
من شـان تصّــنع من وراها غـيابك

ليت الليــالي علّمت عنّك يافـلان
قدام أعيشك حلم .. واطرد سرابك


......

[الحمدان]

وليفي عساك من الزمان وغثاه مجار
نسيت الوعد ولا تناسيت صارحني

من أيامنا وش عاد باقي من الاعمار
اذا منت مداوي جروحي لاتجرحني

اظني سمحت من المواعيد والاعذار
مع اني مهب بأدناة حاجة تسمحني


.....

[الحمدان]

فقدتك ولازلت اتوجد على لآماك
واخاف ان صبرّت شوي ماعاد تلقاني

ياكم مرة ٍ ناديت بـ اسمك بدون إدراك
وانا داري انه بيبطي الرد ماجاني

إلى جتني علومك من هناك ولاهناك
تشاليت لو اني من البعد متداني

عن اللي لحقنيّ عقب فرقاك وش دراك
ياليتك دريت ان الحزن ماتعداني


......

[الحمدان]

احذر من اللي ينقل الهرج لعداك
يظهر لك الطيب وهو منه معدوم

قلبه مريض ويخلط السم بدواك
يعرض عليك الراي والراي مسموم


بقلمي

[الحمدان]

نفسي على الشك تنحاني وانا منتحي
لو بيني وبينها في الامر اخذ وعطا

يانفس شومي عن اسفاف العرب وافلحي
عشاقة النايفه تكره حدور الوطى

حنى كبرنا على شرهات بعض اللحي
وانا على نهج من قبلي بحث الخٌطا

الفقر مايستحي ووجيهنا تستحي
وكفوفنا الله خلقها مسرفه بالعطا


......

[الحمدان]

ياقلب راعه ظروف الوقت واحواله
واحذر تعاند كبير السن او جاهل

خلي شعورك تناسب حالة امثاله
وامشي مع الوقت خلي الكيل متبادل

......

[الحمدان]

‏ما عاد لي في تـالي العمر حاجـه
إلا صـلاةٍ مع جـمـوع الـمصلـيـن

سـتـيــن عـام وكنـنـا في عجاجـه
نركض ورا الدنيا مع الناس لاهين

راح الشبـاب وراح وقت ابتـهاجـه
والشيب لاح بعارضي والكبر شين

وبان الظهر لا قمت فيه إعواججه
وصار النظر مهب بعيدٍ عن العين

بديوي الوقداني

[الحمدان]

‏سمعت لي كلمةٍ مدري وش أقصاها
حزت بنفسي وأنا مانيب هارجها

ْلو كل كلمة اليا جتنا طردناها
بعنا الثمينه بسعرٍ ما يخارجها

ْلو مرت السمع ما كنا سمعناها
ونقفل الـراس عـنها لا يبرمجها

ومن يم هذا لهذا ما نقلناها
والناس واجد وتلقى من يروجها


عبدالله بن زويبن

[الحمدان]

في خاطري شي ماظني حد حس فيه
البارحه عبرتي فالصدر كنيتها

ودي بواحد يسولف لي واسولف عليه
من دون ماحدد الحزه وتوقيتها

مندبلةٍ كبدي من الشعر من دون ليه
ياشلة اسلم ترى اسلم ذي مليتها

ودي بـ عزله عن الواقع وبعض الوجيه
مليت اجامل وجيه اضيق لاريتها


......

[الحمدان]

تجي بعذرك المالح وهي جرحها مفتوح
تجنّبتها يوم الوفا ما تجنّبها

عليك السؤال الي من عيونها مطروح
وعليك الملامة من قبل لا تجاوبها

توّضح لك الواضح وتشرح لك المشروح
و على شي ماهو في يديها تحاسبها

بكت حر فقدك لو ضحك وجهها المملوح
لكَّن البقى فـ أيّامها مع قرايبها


......

[الحمدان]

اعشق قصيده لاتهيض وغناه
واعشق تفاصيله واغني لحونه

هذاك لو يامرعلى القلب يفداه
اللي خذى قلبي وزلزل ركونه

اتخيله والقاه لو كنت مالقاه
واضمه بصدري واقبل عيونه


......

[الحمدان]

تطمن يا حبيبي و الغلا ما يقبل التخمين
لا تنشدني عن أسباب المحبه وانت خابرها

بعد سجلتها باسمك و رسمك داخل القوسين
عسى القوسين عن نظرة عيون الناس تحصرها

صحيح قلوبنا ماهيب مصنوعه من الفلين
لكن ألين من الديباج الاملس في مشاعرها


......

[الحمدان]

تباهي وغني واضحكي لا يهمك شي
لا مالت ظروفك فيك لك من يعدلها

بتلقين لك في جوف قلبي براد وفي
هنا منزلك والناس تعرف منازلها

ماتقدر تزعلك الليالي وراسي حي
لو تزعلك سود الليالي بزعلها

......

[الحمدان]

‏يدور الشك بين الناس والأعمال بالنيّات

‏ويمر الواثق بنفسه عليهم ويتعداهم


بيت عن قصيدة

[الحمدان]

اضحك مع الدنيا ترا العمر فاني
أن كان ماجاك الكبر جايك الموت

ونا أتمنا كأنها بتماني،،،
يارب جملني قبل فايت الفوت

......

[الحمدان]

‏تسامحت مع نفسي وهوّن عليّ دعاي
خصوصاً دعاي اللي دعيته وأنا ساجد

غمرني شعور من الرضا للزمان الجاي
ولا صار عندي خوف من عضة الناجد

اثر من عطاه الله نزاهة ضمير ورأي
يغيب الغياب اللي يخلّيه متواجد

لاتشره عليّ يوم أبتسم في وجيه عداي
محبّيني أكثر من معاديني بواجد

......

[الحمدان]

ثنتيـن حـارب دونـهـا لـذة الـنـوم
فرض الصلاة وباب رزق انفتح لك

عن غيرها لو نمت ما يلحقك لوم
مـا كـل مـا يصلح لغيرك صلح لك

......
.

[الحمدان]

النوايا بـيـض والـنـظـره بـعـيـده
والصراحه ميزة الناس الصريـحه

ان كـسبنا ماكـسبنا الا الولــيـده
وان خسرنا نخسر وجيهن قبيحه

بندر بن غصين

[الحمدان]

أدري أن العز في أصلي وراثه
والشموخ اللي من الغيمة قريب

ولآ بغيت أفخر ابـفخر بـثلآثه
بنت عز وبنت شيخ وبنت طيب

.....

[الحمدان]

‏يا صاحبي صاحبـك ما يعـرف البـوح
صعبـه يسولف لك عن اخـر جروحه

صاحبك يضحك لو غدى كله جروح
واليـا تضايق شال ضيقـه بروحـه

......

[الحمدان]

‏يا الله يامــن في يــدك حـــل الالغاز
وعندك حلول المشكلات الصعيبه

ادعيك تكشف كربت الناس الاعزاز
وتجبر كسور اهل القلوب الرحيبه

يارب من يقصـد رجاء رحمتك فاز
ياخيـــر من كل البشـــــر تنتخيبه

عبــدك على بابـك وطامع ومعتاز
وانت الكريــم لكل داعـــي تجيبه

......

[الحمدان]

ياشينها لا صرت معجب من الروح
في شخص گنه بالغلا قطعةٍ منك

لا تقدر تعبّر ولا تقدر تبوح
مشغول به بالك وهو ما درى عـنك

......

[الحمدان]

‏دكتور زاد الشوق في داخل اعضاي
ابغــا عـــلاج الشوق وابغـا أدله

هل تمتلك ياسيدي طب شكواي
ولانصحت القلب يوقـف محله

حب الزمن هـذا تفاصيل بلواي
اخذ الحبيب الزين قلبي وشله

ماكنت متوقع من الشوق إغواي
وإلا عـذاب الحب يأتــي بعله

لاكن وقعنا زادني الحب إغراي
حتى تمكـن واسكن القلـب كله

......

[الحمدان]

تعلمت من سود الليالي حكَم ودروس
‏ولازلت أردد بيت شعرٍ على لساني

‏صديق المصالح لو شرى خوّتك بفلوس
‏طبيعي يبيعك لا قسى الوقت مجاني

......

[الحمدان]

خيره تموت احلامنا في مهَدَها
احسن ولا ينقال ماتت كبيره

يا فهد لو دنياك يبطي شهَدَها
مرّات بعض المّر يا فهد خيره

......

[الحمدان]

اقــرب اشـــوفك يامكحل عيونك
واضمن نجــاك من كل زله ضمانه

تـعـال مـــالـــي روح تحيى بدونك
يامن خــذيت في قلبي اعلا مكانه

اظهر معي في الوصل كامل فنونك
مــادام روحـــك في حياتي مصانه

......

[الحمدان]

لاهـنـت شــل اجـزالـها يــا يـراعـي
واســرج لـبـلبلها الـجـهادي جـواده

وفــك لارجــازي مـحـازم شـراعـي
مـــوال يـعـمـل لـلـزمـان اسـتـعاده

ســجـل بـقـر مـتـجبرات الـمـراعي
تـمـحـر طـيـاس الـمـعقله بـالـبلاده

واحــد مـدلـس لـلـمريكي مـراعـي
ويـعـدعد الـساعات يـقصف بـلاده

والـثاني اتـموضع هجومي دفاعي
مــع الـيـهودي جـنب الاول حـماده

شـطـاح مـتـفلسف تـقـلا الـرفـاعي
وحـــاز فـالـتـدجين رتــبـة عـمـاده

طـاعـون يـتـغلغل حـنـاها قـلاعـي
يـحمى مـع الـفوضى حـمية قواده

يـخبت ويـتشبب سـواعي سواعي
مــا بـين الـخماهو وعـرق امـتداده

مـرض قلوب اسدل ستار اقتناعي
مــن بـهـرج الـعـجز الـمثوي زيـاده

والسن زعاف افتك من ام الافاعي
لـلقدح مـنقوعه فـي اوسـخ بـياده

الـفـاصله بـيـن الـمـكارح و واعــي
شـوكـة تـقـى تـرزح جـبال الـعباده

والـمعترك مـن جـيل لاجيل شاعي
بــيـن الـعـقيده والاسـيـر اعـتـقاده

وجـرعة الـحسنى الـمضاد المناعي
تـبري حـمق مـتعصي اعـسر عياده

ويـبـرد الـمـكوى لـثـب دود قـاعـي
يـشرب مـن الـقلفوع قـاهد فـؤاده

حسن المهدي

[الحمدان]

يا غافر الزلات جيتك يا عظيم المغفرة
اشعر بتقصيري والوم النفس واقتلها عتاب

ان ما غفرت الذنب يا مولاي مالي مقدرة
اقوى على نارك واعاني من لظاها والعذاب

واجعل حياتي لك وروحي طايعة مستبصرة
واختم حياتي بالشهاادة لك وبالجنة مئاب


وثبت اركاني على حرب القوى المستكبرة
وافرغ علي الصبر في وقت المعارك والحراب

واجعل جميع اعمالي الكبرى معك مستنفرة
وكل مجهودي على الميدان من نهج الكتاب

واعوذ بك يا الله من شر الاناس المدبرة
اذا دعاها داعي المظلوم ما يلقى الجواب

واعوذ بك من كل خطوة عاجزة متعثرة
سيطر عليها الوهن واضعفها التبلد و الخراب

واعوذ بك من كل خصلة في الدماء متجذرة
السيئة فيها تبين وعند خلق الله تعاب

......

[الحمدان]

يا حادي الروح في درب الأسى و الألم
سلّم على صفوة الباري جزيل السلام

في يوم ذكراه مصباح الوجود ابتسم
يرسم ليوم الكرامة فالثغور ابتسام

سجّل مكانك و دوّن موقفك يا قلم
و اكتب عهود الوفا للمؤمنين العظام

اهل التقى و النقا و اهل العطا و الكرم
و البذل يوم الفدا و التضحيات الجسام

على هدى الله سبحانه و نهج العلم
و موقف الحق ساروا منجزين المهام

و كل مؤمن على درب الشهادة عزم
بفضل ربي تقلّد بالشهادة وسام

لاجل الشرف و المبادئ كلها و القيم
جهّز عتاده مع ربي و شد الحزام

يا شوقه الشوق لا يوم الطعان احتدم
بسود الاخشام و البارود مثل الغمام

عهده مع الله سبحانه معمّد بدم
و جرحه النازف اصدق من بليغ الكلام

أجر المجاهد و فضله ما يحيطه رقم
زايد على فضل من صلى و زكّى و صام

و من بدع بالكرامة بالشهادة ختم
يا سعد من فارق الدنيا بحسن الختام


......

[الحمدان]

عشنـا ملـوك الارض عشنا سلاطين
رغم الظروف القاسيـه ما خضعنــا

هيبـاتنـا تخـضـع أُلـوف المــلاييـــن
والعـز والنـامـوس سـاسـه نبعّـنــــا

احنا ليوث الحرب واحنا المياميــن
واحنـا قـريـن الموت روحه جمعنـا

يخضع لنا العالم ويسجد علا الطين
يخشـــع ويتضـرع لضــى لا ولعـنــا

سكـان هاذا الكـون مـنـا مهــابيــــن
والاغـلبـيــه مـات يـوم ان فـزعـنــا

والـديـن والايمان وســط الشـرايين
نخـوه شـرف مبـداء قيم مجتمـعنـا

فـزعـاتـنـا تـرهـب كـبــار الفــراعيـن
تـرهـب قوى عظمـى وترجع تبعنـــا

ونـداءنـا فـي المعــركـه والميـاديــن
واذا بــدعــنا للـمـهمـــه بــدعنـــــا

مـانـرجـع الا والعـدو داخـل الطيـن
والا مع الاسعـاف تـرجـع قطعنا

بقلمي

[الحمدان]

‏في ضحكتك ينزاح حزني وهمي
ووجهك مثل فردوس ربي بأرضه

من شاف حسنك واجب انه يسمي
ويذكر عليك الرب ويتم فرضه

......

[الحمدان]

‏غلاه في خاطري مرسوم بالملّي
قام يتولّى ضميري والله الوالي

بالناس متدنّي وبالناس متعلّي
وقدره بقلبي رفيع ومنزله عالي

افزّ مع نغمة الجوَّال لا ارسلّي
وان غاب مع غيبته قفّلت جوّالي

......

[الحمدان]

يا متاهات الشعور الفوضوي
ترجمي صرخةمشاعر فوضويّة

الـصدى فـي داخلي يدوي دوي
الأسى يرقص على صرخةدويّه

الألم يفزع بحافــز مـعنوي
الأمـل يـكـبـح جـماح المـعنويّه

يا زمـن ساويت ما لا يستوي
وين حر الطيش من برد الرويّة

يا زمن ما ظن حد مثلي هَـوَي
ينـتـهى فـيه المطاف بلا هويّه

كِـن حبلك حول عُنقـي ملتوي
و انـتقـامك مـتـخـذني اولويّة

......

[الحمدان]

إن ضاقت أيامك وتحتاج تغييـر
‏لا تظهر الأوجاع .. والحزن خبّـه

‏دايم تظاهر لـ الجميع إنّك بخير
‏أقل حاجـه .. .. لو عشان الأحبّـه

‏مافيه حاجه تستحق الحزن غير
‏وفاة غالي .. أو مـرض من تحبّـه

......

[الحمدان]

‏احب الرفيق اللي يسير بلا ميعاد
‏واحب الشجاع اللي خصومه يهابونه
‏
‏واحب الاصيل اللي تقيد بسلم اجداد
‏يهب الهواء و يزل ما حرك اغصونه

بقلمي

[الحمدان]

يقول : سعد بن جدلان رحمه الله

ياعزة النفس !.. لاهنتي ولا ملتي
لو كان بعض الاوادم بان تقصيره

انا مع العالم اعرف ويش مشكلتي
عطيت بعض الأوادم فوق تقديره

[الحمدان]

‏ما كل من يكتب عن الحزن مجروح
‏ولا كل من يكتب غزل صار عاشق

‏خواطر تجي على البال وتروح
‏اكتب عن الاحزان والبال رايق

......

[الحمدان]

تباهي وغني واضحكي لا يهمك شي
لا مالت ظروفك فيك لك من يعدلها

بتلقين لك في جوف قلبي براد وفي
هنا منزلك والناس تعرف منازلها

ماتقدر تزعلك الليالي وراسي حي
لو تزعلك سود الليالي بزعلها

......

[الحمدان]

تمايلت خطواتها لبايع الورد
ودَب التنافس كل ورده عليها

تقول للبايع أبي ذي وتْصد
والورد يصرخ يامعزب نبييها

......

[الحمدان]

دفنت الغرام بخافقي والقلوب أسرار
مشاعر .. هقيت ان الليالي تضيّعها

جحدت الغلا لين أمتلى بـ الخفوق وثار
قصايد عساها اليوم تطرق مسامعها

تكاثرت منك الصد و أثر العلوم ، كبار
لقيتك على نفسي تقلب مواجعها

يقولون ما ودّعك ؟ قلت الفراق وصار
والانسان روحه تنسلب ما يودّعها

......

[الحمدان]

لله در الظروف وعثرت ايامي
خلتني اعرف حقايق كنت جاهلها

ما تدفي النار بردٍ داخل عضامي
ولا يدفي الكتف حمل فوق كاهلها

اورد على البير واصدّر وانا ضامي
كرامه النفس تنبع من مناهلها

......

[الحمدان]

هنا عين ماهي لْكل نجلاء وسيعة عين
وهنا عنق يزهى اللولو المنتظم حوله

أنا لا سرحت بصوتك وقلت بالك وين
نسيت الكلام اللي قبل كنت ابقوله

عطيتك حياة أحلامها في رْقبتك دين
وروح ٍ معك عن باقي الناس مشغولة

......

[الحمدان]

‏جتني تدوش الوطا عنقاً سحاويه
الصبح قدامها والليل خالفها

غيداً تواصيفها ….. ماهي بعاديه
تمشي على كيفها محدن تنكفها

ماعندها لـ القلوب الخضر ماويه
تدوشها بالتغنج لين تتلفها

......

[الحمدان]

طال العتاب وبارق المعركهه لاح
من قال له كلمه يحصل دبلها

وجات الطعون الي بلا دم وسلاح
وماذاق طعم العافيه من نقلها

وبانت مواري الدمع الازرق ولا طاح
وإن طاح مامر القلوب وغسلها

صار الغلا الي كان يحتل الارواح
جنازةً يمشي بها من قتلها

ماعاد باقي غير كلمهه ونرتاح
وانا استحي لا اقولها وانت قلها

......

[الحمدان]

قلبي تولع بزينٍ ماله اية مثيل
طاغي حلا كاملٍ في كل شيٍ يبيه

من رمش عينه الى صفة نهوده جميل
ماودك الى تشوفه و اتّلمس يديه

ابو عيونٍ حلاها فايق ومستحيل
لامن نظرته ثبت جسمي وعيني عليه

ودي اعيش العمر معاه لو هو قليل
واهيم به واعشقه واغليه ثم احتويه

......

[الحمدان]

مرحبا لبيه ياللي وسايدك الجفون
فرشك الـ لبيه والمقربا والمرحبا

الردي من قال لك لاء يا نجل العيون
أبشري برضاك واللي يزعلّك يهبا

عودك المترف تكوّن على أجمل ما يكون
لين ورّد من نعومة وندّى من صِبا

جل من عودك خلق فيه من لين الغصون
ومن سراجيف الجياد ومن أجياد الظباء

......

[الحمدان]

هيضني الضلع في كبد الثرى راكن
وان حدك الضيم قل للضلع ياسيدي

واركيت ظهري على ظل الجبل لكن
ماجت مواااعيد ظلّه مع مواعيدي

......

[الحمدان]

شعر عراقي
ابد ما شاف كلبي بيوم راحات
انه شوداني للحب وله راحات

ضلت الولف ضلت وجع راحات
بنص ليل يبدي الوجع بيا

محسن ماجد

[الحمدان]

‏ياعاشـق القـمًـه لايشقـيـك هـرًاج
‏واصـل طـريقك يابـعيد الهقـاوي

‏در البحر من دونه تهـدر الامـواج
‏وراس الجبل من دونه الذيب عاوي

......

[الحمدان]

الصبر حكمه والامل يطرد الياس
‏والـجـد والأخلاص قيمه وشيمه

‏والعز هيبه والشرف يرفع الراس
‏والـكـذب سلعه مالها.....اي قيمه

......

[الحمدان]

اصحابنا ماعاد مروا علينا
ابطوا ولا ادري ويش سبة بطاهم

كان الخطا منا فزعنا وجينا
وكان الخطا منهم دمحنا خطاهم

اما سعوا باللي نبيه ورضينا
ولا سعينا كلنا في رضاهم

وان ما تغاضينا قدر مانسينا
ضاعت روابعهم وضعنا معاهم


مبارك بن عيينان

[الحمدان]

كم واحد ٍ ضاعت حقوقه على شان
ماعنده اسلوب ٍ ولاعنده اخلاق

دايم يهاجم لو على زلة لسان
ضيع ،،، حياته دوم للشر علاق

ومكارم ،،، الاخلاق هي تاج الانسان
واجره على رب ٍ كفل كل الارزاق

بين ،،، البشر لو مالقى رد الاحسان
ماضاق صدره دام للطيب سباق

بدر الجميلي

[الحمدان]

الهرجه اللي مابها للعرب خير
تنعاف هي والشّامت اللي هرجها

يضحك على العالم ضعيفٍ معيثير
خيْله مع رجال العرب ماسرجها

واليوم جاك يبهّر الهرج تبهير
علّة عسى المولى يعجّل فرجها

اللي يسب الناس من دون تبرير
ليته سكت والسّالفة ماهرجها


عيد الخمشي

[الحمدان]

الشدايد ميّـلت عـن كـل وجـه قـنـاعـه
وانكشف زيـف ازهـل ودورني وتلقاني

الـمراجـل طبع ذاتي والجميل طماعه
والمبادي تتضح في الموقف الانساني

عقّب اللي للردى حـط العـذر شماعـه
الله لايـحـوجـني لاشكـاله ولايـحـداني


محمد بن موفي

[الحمدان]

طلوع المعالي ما يشابه نزول القاع
طواريقنا من شـرّد الفكـر منقيّه

يقول ويطول اللي له الكايده مطواع
قليل السوالف والمواقف حقيقيّه

فداياه عفنٍ لـين يفنى قصيـر ذراع
تضيق الفيافي فيه لا شاف طرقيّه

علومه وضيعه عنده بكل ساع قناع
يضيع القوايل ويتعامل بفوقيّه

سالم الحويمضي

[الحمدان]

ياللي تناقشني وانا مستحي منك
ماودي اكشف لك ملف الحقايق

اخاف لايجرح ضميرك ويحزنك
ويصبح عليك الصبح مانمت فايق

غالي وحنيتك من الضيق والضنك
وعن مايثير الشك بين الخلايق

واللي من علوم المقاريد يشحنك
تراه يستانس الى صرت ضايق

سلمان بدر الحويفي

[الحمدان]

يا فاعل الخير لاتحصي وتستكثر
اعمالك اللي لوجه الله تسويها

صحّح نواياك لا زليت واستغفر
تكسب رضا خالق الدنيا ومفنيها

اللي بذكره قلوب اهل التقى تطهر
والنفس بالطاعة العظمى يزكّيها

يافاعل الخير قدّم واحتسب واصبر
والناس مهما تحاول صعب ترضيها


رجا عوض العازمي

[الحمدان]

لا تخلي ماضي جروحك يهدم احلامك
المصايب ما تطيح الا براس الطيب

جعل يسقئ ياحبيبي يوم كنت حزامك
كل ماضاقت اضيق بضيقتك و اغـيّب

فدوتك ماراح وابشر بالعوض قدامك
ابك انا سقت المصايب لين راسي شيّب

ماقدرت اكافح الضيقه بعز ايامك
كيف تبغاني اكافحها و منت قريّب


علي حامد

[الحمدان]

حكمة الصمت منها عزة النفس ملت
عزتي للصراحـه والنفوس الصـريـحـه

في زمـنـا الاوادم عـن شيـمها تـخـلت
والنوايا تسودها الوجيــه الـقـبـيـحـه

كـل ماجـامـل الـعـالم تـمـادت وزلت
ان سكتنا فضيحه وان هرجنا فضيحه


محمد بن موفي

[الحمدان]

‏ترى الغرور يحوّل الرجل من فوق
بين الرجال ايصير ماله مكانه

ابليس يلعب فيه ويحط به عوق
واللي يطيع ابليس يلقى الاهانه

من يفتقد للدّين والطيب والذوق
مثـل الذي خان العهد والامانه

كن الفكر عنده معطّل ومسروق
مثـل البهيـمه راح غلطة زمانه

ابو محمد

[الحمدان]

صكات بقعا تنطح الأدمي نطح
والرابح اللي معه صبر وعزيمه

ماكل من باع وشرى فاز بالربح
احيان راس المال ربح وغنيمه

والمرجله والدين والخاطر السمح
من دونها الرجال من غير قيمه

ولاهان من يمناه ماتعرف الشح
في سلمه ان الشح ضلم وجريمه


جري بن عبيد

[الحمدان]

يقولون من خاف القضا جنّب المحراف
تركّد على عمرك ترى العمر له قيمه

وانا اقول ماتسلم من الموت ياخوّاف
لو إنك تموت بدون طقّه وتعليمه

ذليله حياة اللي مايعرف ولا ينشاف
لو إنه بخير ونعمه وراحه مقيمه

عساها فدا راسي وانا اعدّي المشراف
اناطح مقاديم السحاب بمقاديمه


......

[الحمدان]

مالقيت أمحق مصايد من شفوف النفوس
والنفوس اللي توالف ما كانت تنفره

والشيوخ اللي تخضّع على شان الفلوس
والثريّ اللي يلقّي المواجيب إظهره

والضعيف اللي يحرّك مثل حرب البسوس
والقوي إن هاز حملٍ خفيف ولا إقدره

والكلام اللي ورى درفة الصدر إمحبوس
لا ظهر في غير وقته وهِمّش جوهره


......

[الحمدان]

‏يا رفيقي ما ورى الدنيا وأهلها طمعه
والأماني ما تحقق حلم للمتحلّم

أجتهد فالدين دام الدين راس السمعه
وأستعن بالله وخلّك للسفر متولّم

حظ من حول لوجه الله تعالى دمعه
وكل ما ضاقت به الدنيا سجد ما كلّم

وتدري الخسران منهو في نهار الجمعه
اللي ما صلى على وجه الرسول وسلّم


......

[الحمدان]

انا لي ثلاث سنين ضرفي عديم اخلاق
قعد للإماني من عناده يعاندها

تركني رهين هموم مدري رهين اشواق
على حاجتن لي عدة سنين فاقدها

بعد صار من بيني وبين الشفوف فراق
صدوف الزمان الجايره من يجاهدها؟

دروب السعه لو من وراها تعب وارهاق
ابا اروح معها قبل ماروح مع يدها


متعب جريس

[الحمدان]

ماعاد فينا حيل لمجاهد الناس
من زان زنا له ومن شان شنا

الكفو يربطنا معه مذهب و ساس
ولا ردي الراس .. ماهوب منا

سوالف عيال الهواين وجع راس
ماغير حنا اللي .. وحنا وحنا

قلو هل الافعال والدرع والطاس
و كثرت مرددت الكلام المغنى

سعود ابو ذراع

[الحمدان]

شرّعت بيبـان المــوده للاقــراب
والراي لن جاء فالصميم احترمته

وانا علـّيه للسـنع بــذل الاسـباب
وليا عـرض منهاج طيب اغتنمّتـه

وإما حصلي فيه موقع ومضـراب
عقّلت مذلـوق اللسان وحشمّتـه

لكـون كثـر الهرج يفتـح مية باب
وأعلاء مراتب هيبتة الرجل صمّته


لاحق العضياني

[الحمدان]

يارب تلبسني عن الشامـت لـبـاس
عبدك ويخطي والرجاء في سمايحك

يـاللي بـشِـعـرك تشـرح الناس للناس
والناس يعجبـها كـلامـك وتمـدحك

تـرى على مـاقـلـت يـاتيـك عسـاس
وفعلك هـو اللي للرياجيـل يشرحك


بادي النفيعي

[الحمدان]

يا صاحبي هد الوضع لاتروّع
خل الحكي في داخل الصدر مكبوت

البعض يخلط بالفرض والتطوع
والجاهل أصبح شيخ والعلم مثبوت

ماهوب شرط ابن المطوّع مطوّع
يمكن يجي صايع وضايع وسربوت

‎
.......

[الحمدان]

يـا ويـل منهو غافـلً عـن صلاتـه
نفسة تـرده عن صفوف المـصلين

مدري وش اللي يرتجيه بحياته
خسران فالدنيا وخسران فالدين

جزا الغيداني

[الحمدان]

عبيد هو عبيد رغم المشاكل
رغم الهجوم اللي على سمعتي شرس

ناساً تحب السحت تشرب وتاكل
لو يدعون اسلام اذناب للفرس

عبادة الاوثان بس الهياكل
مثل البهايم عندهم ضايع الدرس

ماهمني من قال عايب وشاكل
ابقى عزيز وعزتي نابته غرس

ماهي مثل تركيب بعض النياكل
والا مظاهر مثل زينات العراس


......

[الحمدان]

كل يبي ياخذ نصيبه وهو حي
ويلقا حسابه عند ربه ليامات

ياصاحبي ركز معي واستمع في
عندي وصيه صغتها بربع ابيات

وصية ماقلتها ارجي بها . شي
ولالي وراهايابيض الوجه غايات

اليا دعاااااك ابليس للمعصيه عي
قله اخااااااف الله رب السموات
‎

عبدالله الضبيطي

[الحمدان]

اظن بعض المدح شتمٍ وتوبيخ
لاصار ماهو واردٍ في محله

المدح للمطنوخ نسل المطانيخ
اللي فعول الطيب عنده جبلّة

ماقال انا حـاتم ولاقال انا شيخ
لكن فعوله قالت العلـم كله
‎

عبدالله الطلحي

[الحمدان]

الوداع اللي يقولونه وداع الميت
لاحضنته قبل قبره يحرمك من شوفه
ㅤ
الفراق فراق من عنه المنيه عيّت
خل فرقـا واحد عيّت عليه ظروفـه

......

[الحمدان]

ياربي على وعدك و عهدك خفا وجهار
نقر بألوهيتك يا رب مـا أشركنا

إليك الرجاء و الملتجاء من عذاب النار
عسى عتقك ورحمتك يا رب تدركنا

......

[الحمدان]

من لايراني في عيونه تجاره
اراه بعيوني خساره ونقصان

من باعني بعته ولو بالخساره
فرقاه عيد وذلفته خير واحسان

واللي شراني بالوفا والجداره
اشريه بالغالي وجودات الاثمان

الصادق الوافي رضيت اختياره
اقولها واثق ومن قلب ولسان

جنبي وانا جنبه مداري مداره
والناس لي فيهم علامه وبرهان

......

[الحمدان]

مرحبا يا ام الحكايا مزعلة الحريم
مرحبا .باللي علينا . خطاويها ثقال

ان دعيتك نجمة السيح ولا خشف ريم
تزعل نجوم السماء والبلاجيك الطوال

......

[الحمدان]

لله در الظروف وعثرت ايامي
خلتني اعرف حقايق كنت جاهلها

ما تدفي النار بردٍ داخل عضامي
ولا يدفي الكتف حمل فوق كاهلها

اورد على البير واصدّر وانا ضامي
كرامه النفس تنبع من مناهلها

......

[الحمدان]

سلم على دنيا تعبها على ماش
وأنا بها بدروب إلا يام.ماشي

الناس تتعب بالليالي وتعتاش
وكلن يدور في زمانه معاشي

أما تجي با لدين ولا تجي كاش
ما فيه شئ في هواها بلاشي

......

[الحمدان]

ليہ دايم بدايات.المحبہ.سعيدھ
بين لھفہ. وتقدير وغلا. واشتياق

وبالنھايہ طبوع.الحب تصبح عنيدھ
يا تموت المشاعر.او يصير الفراق

......

[الحمدان]

مدري القصايد فيك وش ممكن تكون
لا صرت صفحه بالغلا مالـهــا طــي

ما أبيك تسأل كيف أنا أغليك وشلون
الحب كله فيك أنا أشــوفـه شــــوي

يكفي أشوفك كل شي بــهــالـكـــون
ويكفي أشوف الكون دونك ولا شــي

......

[الحمدان]

‏طبعي كتـــوم ومــن سمعني عذرني
ماحـب احكـــي ما بقلبي من اسرار

آآنا كذا من يــــــوم ربــــي خلقني
اخفـي بصـــدري ماجرالي وماصار

حال الزمـــن والوقـت هذا جبرني
خلاني اعشق وحدتي خلف الانظار

اكتم شعــوري داخلي غصـب عني
واضمد اوجاعـي ومابي من اكسار

......

[الحمدان]

يااا كم فؤادي في المحبه تحمل
وياا كثر ما حبيت والقلب خالي

كم ناس حلت في فؤادي وترحل
ومن رحل يرررررحل ولانا مبالي

ماا غير واحد يوم ما شفته اقبل
في ظرف ليله صار عالقلب غالي

هو الآخير وصار في الحب الاول
معه عرفت الشوق ب اول وتالي

ظنيت ان حظي معي.. قد تجمل
وقلت الا يااااا ليت يصبح حلالي

لكن حبي ب........المحبه تجاهل
نوى يفارقني......ويقطع وصالي

وغاب عن عيني ولا عااااد يسئل
وسافر وخلاني اعاني ل....حالي

قد قلتلك يااا قلب من قبل تزعل
مالي وماااال الحب يا قلب مالي


......

[الحمدان]

‏اعيش لي حرب ماترحم كبار العقول
‏الها اربع سنين عيت تستوي وتهدي

‏لولاي اكافح بقال الله وقال الرسول
‏يمديني اشيل عقلي فوق راحة يدي

‏انا معي خشية مطوع وقلب مهبول
‏تومي به الريح في شمس الضحى ويغدي


......

[الحمدان]

ليه "سيف العشق" يجرح خاطر اللّي سلّه؟
وليه " لا صحّيت جمرة" ضوّها حرّاقه؟

كنت اكابر في عيون الناس وانا والله
كل ليلة اشتكي له قسوته و فراقه

أشتريته وردة سنيني .. بعمري كلّه
وأقتنيته.. لكن عيون البشر سرّاقه

ودي أقدار الزمان ..اليا تزايد غلّه
تستحي من لهفة المشتاق للمشتاقه



.....

[الحمدان]

يامدور الهيّن تـرى الكايد أحلـى
و أسأل مغنّـي كايدات الطروقـي

الزين غالـي لكـن الأزيـن أغلـى
و الكلّ شـرّاي ٍ بضاعـة وسوقـي


......

[الحمدان]

أقبلـي يـا طب قلبـي وإرتياعـي
أقبلي عقب المسافات الطويله

واحضنيني يا جميله من ضياعي
الضياع اللـي مـاخـلا لي وسيلـه

مرحبابـك من ذراعي لـ ذراعـي
جابك الله علم وأنتي حلم ليله

يا ثمر قلبي وشوقي وإندفاعـي
يا غناتي فالسنين المستحيلـه


......

[الحمدان]

قبل ينهدم صرح الغلا والنفوس تشيِن
فمان الكريم اللي عطاياه ما تحصى

اتركني على كف المقادير بين إثنين
زمان ماهو لقصى وحظٍ ماهو لقصى

و تطمن تراك اللي بقى لي من الغالين
يامنصاي عن كل البشر لابغيت انصى

والله ما تحرر من غرامك ليوم الدين
لو يحررون القدس والمسجد الأقصى


......

[الحمدان]

ياخمري الغيّ مجنون الهوى لا سكرك
اللذه اللي تفقّد يشتهي لبّها

كيف اختلي بك عن العالم واقبل ثغرك
واشرب من الشفتين التوت و احبها

واميل بشويش لين اشم ريحة نحرك
واشواقي الدافيه في حضنك اصبها

واليا تقطع خجلك اللي يزيّن قمرك
ويلي على النود لو تهب و اهبها


......

[الحمدان]

‏فيـــك الرفاهيــــــه لهـا عـــدة الوان
ذوق ودلال وعِـــــز واحســـاس راقي

اعميت عينـي من هـواء اي انسان
واخــذت قلبـي يا الغـلا من عماقي

واشلون ما احبــك وما اكون سكران
من خمـــــر حُبــك يا لذيذ المذاقي


......

[الحمدان]

‏إلىٰ اللّٰهِ مَا نَرجُوهُ فِي كُلِّ حَاجَةٍ
وَ عِندَ إلٰهِ الكَونِ تُقضَىٰ الحَوَائِجُ

إلىٰ اللّٰهِ حَبلٌ بِاليَقِينُ نَمُدُّهُ
إذَا قُطِعَت بِالأقرَبينَ الوَشَائِجُ

إلىٰ اللّٰهِ فِي فَجرٍ أتَىٰ بَعدَ ظُلمَةٍ
إلىٰ اللّٰهِ فِي حُزنٍ تَلِيهِ المَبَاهِجُ

إلىٰ اللّٰهِ فِي ضِيقِ الحَيَاةِ وَ عُسرِهَا
وَ مَن غَيرُ رَبِّي فِي المُلِمَّاتِ فَارِجُ!.

محمد المقرن

[الحمدان]

قَبيحٌ مِن الإنسانِ ينسى عيوبَهُ
وَ يَذكرُ عيبًا في أخيهِ قَدِ اختفى

وَ لو كانَ ذا عَقلٍ لما عابَ غيرهُ
وَ فيه عيوبٌ لو رآها بِهِ اكتفى

......

[الحمدان]

يا هداية قلب كنت أخشى ضياعه
جيتني مثل السعة من بعد ضيقة

ما قدرت أكبح شعوري واندفاعه
خاطري مُرهف وأحاسيسي رقيقة

عاشقك ماله على الصبر أستطاعة
كل ما جاء يلثم الورد ورحيقه

إن قدر يصبر لجل لقياك ساعة
ما قدر يصبر على بُعدك دقيقة

......

[الحمدان]

طاغي الجمال اللي لفت إنتباهي
سبحان ربي كيف ربي مسويه

لامرني وقفت مُعجب وفاهي
أصد لكن غصب أرد النظر فيه

يمشي على هونه ميول وتباهي
جذاب فيه من الحلا ما يكفيه

أظن لا منه أخذ كوب شاهي
بدون سكر ريقه اللي يحليه

......

[الحمدان]

رفّ الهدب وإنحنى راس القصيد وطمن ْ
وجتني : حَوَرها مدار ووجنتيها سنا

بنتٍ .. تزيد القلايد في نحرها ثمن ْ
وشلون ترخص ملامح وجهها للعنا؟

كانت بعيد أمنياتي .. لين قالت تمن ْ
وتقرّب الحلم من كفّ السنين ودنا

قلت أصبري لين أخلّد طلّتك بالزمن ْ
وجهك خِلق للقصايد ماخِلق للفنا

......

[الحمدان]

لمّني مابين سلسالك و شالك
واسقني من ريقك الشهد المحلّى

انحناءة خصرك ورسمة ظلالك
ما تخلّي شفق بالصبر يتحلّى

في لثامك ليل ماغطّى جمالك
مدري وجهك نور والاّ صبح والاّ

ادري ان الليل مهما كان حالك
مايحجب البدر لا منه تجلّى

......