فوق هام السحب ( الشعر الشعبي) على متن القوافي

[الحمدان]

يقـول الفتـى ذيــاب بــن غـانـم
والنـار مـن جـوّ الضلـوع شجونهـا

يا امير حسـن لـولا ذيـاب بـن غانـم
غدا ضعنكم بحـرب الزناتـي رهونهـا

ولمـا قتلـت الهيدبـي وأنـت شاهـد
وأبو زيـد حاضـر كيفكـم تنكرونهـا

طعنتـه رميتـه والقنـا يقـرع القـنـا
بيـض العـذارى شاخصـاتٍ عيونهـا

وملكتـم نـجـد العـذيّـه وراضـهـا
وقفـت بهـا بيـض العـذارى فتونهـا

تكاونـت أنــا والزنـاتـي خليـفـه
وما تعـلـم الأرواح من ـهـو زبونـهـا

وقد راحت الخضرا وشتـت بهـا النيـا
ومن طول عمري من عدا الوقت اصونها

وجاؤونـي بـنـي هــلال وعـامـر
وجاؤونـي بنـات هــلال ينبونـهـا

وجابـوا*القمـاش الحريـر الغـالـي
وجابـوا لـي الخـضـراء يكفنـونـهـا

حفرت لهـا بـالأرض قامـه ومثلهـا
خايـف وحـوش البـر لا ينهشونـهـا

أن مــت بالله ادفنـونـي بجنـبـهـا
في وسـط روضـه موضـعٍ يدفنونهـا

عسـى نلتقـي يـوم القيامـه جميـعـا
وأقبـل الخضـرا ومـسـح عيونـهـا


ذياب بن غانم

[الحمدان]

يقول الفتـى الزعبـي ذيـاب بـن غانـم
لي راي اقسى مـن حديـد المبـارد

ولي حربة سميتها (سـم ساعـه)
اعـــرض بـهــا فـالـكـون مــــا كــايــد

حـنــا بلـيـنـا فـالـخـلا بـالــف فـــارس
وحـــنـــا ثــلاثــيـــن ولا زاد زايـــــــد

اهـل عشـر مـنـا تــدب الخـيـل بالقـنـا
كــز لـيـا شــروا هـشـيـم الـوقـايـد

ابا زيد من ايمنهـم وانـا مـن شمالهـم
كمـا النـار لا شبـت ببعـض الحصـايـد

واهل عشر منـا هملـوا روس خيلهـم
واهـل عشـر مـنـا موكـديـن الشهـايـد

ينخـون خـيـال بـهـم مــا عرفـتـه
يقـولـون يــا وهــق يــا ابــا الـعـوايـد

ضربني وهق وانـا مشيـح لغيـره
وليا الدرع غاد فوق متني بجايـد

ضربني برمح تسعة ابواع طوله
وقنطـاره اللـي مـن ورى البـاع زايــد

سديـتـه بسـمـاي وثـوبـي ومشـلـحـي
ايـضــا ولا ســــده جـمـيــع الـسـدايــد

ولكن طاحت الدهما وانا طحت فوقه
ايـا طيحـة مــا هــي لـنـا بالعـوايـد

ولكـن قـامـت ا لدهـمـا تـومـي بعـدتـه
وانـا كمـا شـن علـى القـاع بـايـد

وانـا رفعـت الـراس مـن بـعـد ســدره
لـيـا الخـيـل يدبـهـا ســرور بــن قـايـد

علـى سـرج قـبـا عـنـدل بـنـت عـنـدل
مرفـوعـة الـذرعـان مــن خـيـل قـايـد

قل عشـت يـا قـرم ثنـا دون ربعـه
بيـوم بــه المسـنـاد والــرد كـايـد

حنـا عصافيـر وابـا زيــد ســدره
نـلـوذ بـــه عـــن مـرهـفـات الـحـدايـد


ذياب بن غانم

[الحمدان]

الموت تالي العمر والدنيا مقيل
والآخرة هي منتهانا لا محال

وديني وحب الناس والخلق النبيل
ثلاث هي دربي إلى حسن المئال

الله يقدرني على رد الجميل
والله يجملني إلا جالي مجال


محمد بن فطيس

[الحمدان]

بعد الوصل صارت قليله مساعيك
والـــروح صـارت ضـيقه و مغبونه

مانــيب والله ياول الحب ناسيك
حـــتى لــو ان البعد تجرح طعونه

أغلــيك بحضورك و بغيابك أغليك
حـــبك بقلـبي يشـهد الله لصونه


......

[الحمدان]

‏سبح* ، وهلل ، واذكر الله ، دقايق
‏ما اظن تاخذ وقت ي مضيع الوقت

‏واطلب جليل المُلك لا صرت ضايق
‏عساه يفرج ضيقتك كل ما ضقت

[الحمدان]

بـعضالأوادم لـو تعمل له المستحيل
‏مـا يعترف بك ويحسب بإنك تجامله

‏والبعض من طيبته ماله شبيه ومثيل
‏تـشوف فـيه الـوفا يـوم إنـك تعامله
‏
‏......

[الحمدان]

يالله بدعوه صادقه من ظهر غيب
مـــن و احـــدٍ محبــته لـك من الله

تفتح لك ابواب السماء والدواليب
و تظلك بـــيوم الحشـــر تحت ظله

دعـــوة محبن ما وراهـــا مكاسيب
من قلب مؤمن لاخطا أستغفر الله

......

[الحمدان]

محتريك وكل نبض ن بي يبيك
محتريك ولهفتي والشوق نار

ابتلا قلبي عسی الله يبتليك
في غلاي ولاني بطلاب ثار

بس ابيك تحس روحن ترتجيك
وتدري ان المبتلی ماله خيار

[الحمدان]

عليك روحي يباس وخافقي جاعي
ويشكي معاليك عن علة سبب جوعه

يانور الاعيان ودي شوفك سراعي
من قبل روحي بغيابك يلحقه لوعه

وشلي بها لناس دام القلب بضلاعي
والقلب ماهو عليك اليوم مرجوعه


......

[الحمدان]

‏محلى المساء اليا اجتمع مع عيونك
كنــه بيكتــب مـن جمـالك دواوين

وكنه غفى ليل السحــر في جفونك
وكن القمر ياخذ رســـومـك عناوين

......

[الحمدان]

‏اشتقتلك و انا علي البعد مجبوور
‏ودي اغمض و افتح العين و القاك

‏ارسلتلك شوقي عصافير وطيور
‏وش حيلت الي يرتجي لمس يمناك


......

[الحمدان]

بنــــت الترف والعز والجاه والمال
كشخاتها هـــزت ملــوك وسلاطين

ما جابها التاريخ اسطـــــورة اجيال
شيخة عرب من صلب قومن عزيزين


......

[الحمدان]

نمسي على حال ونصبح على حال
يوم لنا واليوم الاخر علينا

يومِ سلى خاطر ؟ ويوم غثا بال
طبع الزمان وحكمة الله فينا

......

[الحمدان]

عطني حنانك وانا بعطيك روحي
يللي ملكت الذوق والشوق كله

ما غيركم ينفع لتشفى جروحي
بلسمك يشفي القلب من كل عله

تكفى عليك الله لتزيد نوحي
مشتاق وصلك موت يعيون خله

......

[الحمدان]

سـلام مثل الغيث تحيا بـه القاع
‏يحيي قلوبن مـا تـحـب القطيعه

‏قـلـوب تربطها الاخـوه بالاجماع
‏تتبادل المعروف فـوق الوسيعه

‏......

[الحمدان]

‏ي مسى فيه خير وريح مسك وريح كادي
يبتدي بك يا معرضني على بدع القصايد

شاعرٍن لجلك بهيم بكل درب وكل وادي
لين ما اجيب البيوت النادرات إمن الفرايد

......

[الحمدان]

‏إسكن تفاصيل المساء لاعدمتك
واجتاح قلبٍ خافقه بك ينادي

ياحلو نظراتك الي من زهمتك
تشرح معاليقي وتبري فؤادي

......

[الحمدان]

‏أضحك وأسولف وآتواصل مع الناس
‏والناس ما تـدري عن اللي بصـدري

‏وأخفي حزن قلبي ولا أبيّن إحسـاس
‏خـايف عيون الناس بالضيــق تـدري

‏بغيت افض الصمت هوجاس هوجاس
‏ثم قلت ياصدري على البـوح بـدري


......

[الحمدان]

عيني بعينك و العتب بين قلبين
خلها تبوح بما تحسه من الشوق

ترا المعاتب سحر بين المحبين
يلهب مشاعر بين عاشق ومعشوق

وتبقى لنا دنيا السعاده عناوين
نترك* شرور النفس يا قمة الذوق


......

[الحمدان]

‏ياشوق يدي لو تلامس ...اياديك
تسرق من اكفوفك حكاية عطرها

يالمختلف حتى في روعة مباديك
مثل السماء تفرق بطلّة .. قمرها

ومثل البحر لانام ماه .. بموانيك
يفز موجه من غلاك .... وغمرها

......

[الحمدان]

‏كل ماتعديت من عندك وانا رايح
يجذبني الشوق يمك وانت ماتدري

يابعد روح الغلاء قلبي معك طايح
احس نبضات عشقك ترجف بصدري

لاتلوم قلب العنى يومه معك رايح
ولد الاصل عشقه مانزل بقدري

......

[الحمدان]

‏لا تلومين المشاعـر يوم فاضت فيني
شاعرك يلعـب بقافه لعبه بمسباحه

العـرب يا نـور عيـني كلهـم غـاديني
جعلهم فـدوة عيـون بفعلها ذباحـه

لو تناديني و انا مبعد اجي من حيني
لو أغوص البحر و الا اقطعه بسباحه

......

[الحمدان]

انــا لــو قـلـت دوري يـالـجبال الـراسـيه دارت
انا من دق خصمه دق على خشمه في النبوت

انـــا مـــن دك حــيـد الــعـر لـمـا قـوتـه خــارت
انــا الـبـاهوت والـرازم عـلى الـشعار لـما مـوت

انــا وحــدي مـن اتـصدى لـمن كـلماتهم بـارت
يـضنوا قـوة الـشاعر فـي السبه ورفع الصوت

خـساره قـال اخـو خالد كيف اخلاقهم صارت
بــلا وازع تــرى هـلـفوت جـهراً يـدعمه هـلفوت

قـسـم بالله لــو لا الـعيب مـا كـلماتي احـتارت
وبـجعل مـعظم الـشعار في الدنيا عشاء للحوت


......

[الحمدان]

من توكل علا رب السماء
واقتنع كان حسبه والوكيل

قد تكون النتيجه مثلما
كان يكتال حبه من يكيل

بلغو كل من صابه عمى
بيننا يا ذره يوم المكيل

......

[الحمدان]

‏و أحسّك لذة الضحكة بعد تنهيد
‏و أحسّك حلم ما يوقف على رقادي

‏معاك اصبحت مغرورة و شيخة غيد
‏و معاي أصبحت متسيّد و متمادي

......

[الحمدان]

‏مكتفي با اللي يجي منك من باب الوصال
‏إن عجزت تسوي الصعب ، سوّ المفترض

‏أرسل .. إن عيّت عليك الظروف الاتصال
‏الرسايل بعض الاحيان .. توفي بـ الغرض

‏عبدالله السراهيد

[الحمدان]

‏عين الردي يقصر نظرها من الطيب
‏لو كان ، شوفه شوف زرقاء اليمامه

‏يغويه شور قريّبين ، المحااضيـب
‏ويعميه من كسب الجميل الرخامه


......

‏‌

[الحمدان]

‏أنا وأنت جعل الله ماياخذ حدٍ من حّد
‏نعيش الحياه وندري أن العمر فاني

‏على رغم من بُعد المسافه وبُعد الجَد
‏لكن مالاحدٍ منا غناةٍ عن الثاني

......

[الحمدان]

‏عشان ما أملك معَ غيرك احساس
‏مصيري إللّي فيك.. ماهو مخيَّـر
‏
‏تتغيّر الدنيا.. وتتغيّـر الناس
‏إلا أنت وحدك ما أبيك أتغيّر

......

[الحمدان]

بعض البشر متلبس بـ جلد أفعى
يوم معك .. واليوم الآخر نقيضة

الأخيار حتى لو بـ تُدفن وتُنعى
ودك تسجلهم على أكبر عريضة

وتقول : ذولا اللي بـ صكات بقعى
منهو نصاهم! .. والله إنه حظيظة

ناس تعذرب فعل الأخيار تُدعى
يا أماً مريضة ، يا أما أنها مريضة

سلمان بن خالد

[الحمدان]

‏شيمة الانسان ميزان .. اعتداله وانحرافه
‏تنذره ، لا شافت الاوضاع ما هي مستتبه

‏إن عجزت إنك ترد النفس عن شيٍ تعافه
‏ماقدرت تحط نفسك فالمكان اللي تحبه


......

[الحمدان]

‏أنصحك لاتبكي على واحدن راح
لو كان همه فيك ماراح عنك

‏دام الفراق أختار ياصاحبي طاح
مادام وده فرقتك ويش همك

‏دوم أبتسم وفرح ولوداخلك اح
‏كم ناس قبله خيبت فيك ضنك


.....

[الحمدان]

‏القبول من الله ليا من وهبك ابركته
‏لـ الصدور اقفال يفتحهاا عطا رباني

‏يمكن انك تسمع من اثنين نفس النكته
‏تضحك من الاول ولا تضحك من الثاني

......

[الحمدان]

‏اغنم شبابك قبل تفنى تواليه
‏ماينفعك لاشبت كثر الندامه

‏من لاكسب صيته على أول خطاويه
‏ماهو بكاسبها ليوم القيامه

‏وإعلم ترى الإناء ينضح بما فيه
‏إن طاب … طاب وجنبته الملامه

......

[الحمدان]

‏وين أنت رايـح وقلبـي فيك متعلق
‏ما تدري انه بدونك يعتبر عاجز

‏صحيح قلبي جبـل ما جـاه متسلق
‏الا أنت مثل العلــــــم في قمته راكز

......

[الحمدان]

‏حبيت شخصك وانا ما احب بالساهل
‏قسمه والانسان .. مايدري بمصلوحه

‏اي والله اني احبك وانت ( تستاهل )
‏يا اغلا من عيون من حبك ومن روحه

......

[الحمدان]

انت حتى لو معي ظالم وجاير
‏راح اطوف كل زله واتغاضى

‏وان زعلنا من بعضنا ما انت طاير
‏بنتواجه ..وانتعاتب .. ونتراضى

......

[الحمدان]

‏عليك من سخط الملامح رحمه
‏وعليك من كثر التباهي قله

‏كل الوجيه الله يديم النعمه
‏بس وجهك اللي لا إله الا الله

......

[الحمدان]

كلامها ما تفصحه ، ولسانها تشره عليه
تثني حروف الجر في فمها ، وتثني عودها

ما تنطق الحرف الهجائي لين تلعن والديه
كنه يقول اليا طلع ، والله ما عاد أعودها

......

[الحمدان]

تعاملك خلـه عـلى قـد الـعـقول
‏ترا عـقـول الـنـاس ماخلقت سوا
‏
‏احذر من الطلعات واحذر بالنزول
‏والصمت يدفـع شـر والحكمة دوا

......

[الحمدان]

هي فــاهيه والا الحلا له فهاوه
احـس كن عيونها ماخذه بنج

تقــول في فمهــا تلاعب حلاوه
واثر الحلاوه كلّبوها من الغنج

......

[الحمدان]

الهوى ودروب الاحباب ما منها خراج
قد مشوا فيها المشايخ ورعيان الغنم

دافع الحب الحقيقي محبة واحتياج
والهواوي فالهوى شخص جدا محترم

ياحبيبي وان بدى لك من الناس انزعاج
حبنا يحتاج وقفه على ساق وقدم

ليلةٍ فيها تزين الخواطر والمزاج
كن صوتك يوم يطرق على سمعي نغم

......

[الحمدان]

‏ملائكي وجهك .. وروحك جناحين
‏طيري على كتف السماء يا ثمينه

‏هربت من صحراء العلاقات سنتين
‏ولقيت في قلبك شعور المدينه .. !!

‏على الشواطي نبني الحلم من طين
‏أمنتك الله فييييه .. لا تهدمينه ..!

‏حنا سفينه والبحر حب شخصين
‏ولو لا البحر وش قيمتك يالسفينه

......

[الحمدان]

أحبك لو ان حبك يودي لـمدري وين
‏جعلني فدا حبك ووصلك ومقعادك

‏أحب السوالف معك منا لـيوم الدين
‏وأحب التغلي منك واموت بـعنادك

‏ تسولف لي بتاريخ جدانك الميتين
‏ وهو والله التاريخ ، تاريخ ميييلادك

......

[الحمدان]

يقول ياسر التويجري :

‏عِـش الحـياة بـرغـبـتـك .. وبـ مباديك
‏عِـش منغلق .. عِش منفتح ..لا تعاني

‏الـلي يـحـبك كـيـف ما كـنـت بـ يجيك
‏وإن جاك ماانت بحاجه لشخص ثاني

[الحمدان]

‏خلنا من كل ضيقه وخيبه وانكسار
‏وعطني اللي كل ما أتوبها ما أتوبها

‏قهوةٍ ماهيب من هيل ولا من بهار
‏من ورا شط البرازيل جات حبوبها

‏مالها عذروب عندي ولا منها مضار
‏غير بس أنها تخلص هذا عذروبها

......

[الحمدان]

‏تغاضيت عن زلة رفيق وعتب . غالين
‏وصبّرت قلب سود الأيام .... موجعته
‏َ
‏رميت العتب في سلة المهملات الين
‏لحقني الخطأ من ... واحداً ماتوقعته

......

[الحمدان]

يا حبيبي مـال قلبي فيك لايم
‏عاشقٍ طب الهوى و ازرى يكبه

‏من يحب جفين عينك و أنت نايم
‏محسن اعماله و راضٍ عنه ربه
‏ㅤㅤ
‏ليتني لـو من نسمك اخذ نسايم
‏وليتني من شفتيك اذوق حبّه

......

[الحمدان]

‏تحت سقف الذكريات اشعر بـ وحده
‏يبدو أن حظي عـلـى الطيحه مسيّس !
‏
‏كوب شاي ، وليل شوق ، وطيف وحده
‏قلبي كويّس .. وحـظـي : مـش كويّس

......

[الحمدان]

‏قلبي احساسه مثل كف الفقير
‏يأخذ المقسوم وله ما يطلبه
‏
‏إن زعل ما شال وان سامح كبير
‏ بس لا منه انخذل لا تقربه

......

[الحمدان]

‏لا تضحكون بكل حاجه على الناس
‏ولا تجرحون شعـورهم في يديـكم

‏ولا تجعلون من الكبر ثوب ولباس
‏ترى الـبشر ماهي عـبيد لحديـكم

‏ماالله خلقكم غير ولا علـى سـاس
‏زدتوا عليهم وانتم الـنقص فـيكم

‏تـكـلموا بذوق ولطافه واحـساس
‏عـشان مـاتـدور اللـيالـي عـليـكم

......

[الحمدان]

الصمت ملجاي لامن شان وجه الكلام
خل عنك الشرهه اللي ماتحملتها

الكلمه اللي مثل وقع الكسر فالعظام
والله لو انك تعرفني زين ماقلتها

......

[الحمدان]

‏لا جفاك الليّ تحبه فلا تلحق وراه
‏ما جفاك الا وهو وده انك تقطعه

‏عز نفسك عن تقفاه لا لقى قفاه
‏مخبل اللي كل ما اقفى وليّفه يتبعه

‏والله لو انه يحبك ماسوا ذا السّواه
‏كان يمدي دافع الشوق صوبك يدفعه

......

[الحمدان]

لعيونك اكتب حرف واصد عن حرف
من خوفي لاتجرح حروفي شعورك

ماعندي احد يسواك ياناعس الطرف
و لا فيه احد عندي يساوي حضورك

......

[الحمدان]

‏والله اني ما احملك الخطا يازماني
‏ان قدرت ابلغ المقصود وان ماقدرته

‏الله اللي حرمني والله اللي عطاني
‏ان حرمني حمدته وان عطاني شكرته

......

[الحمدان]

أرهقت نفسي بإنتظارك ولا جيت
والناس حولي شافت الشوق فيني

لا مرني بيتٍ عن الحب صديت
شعرٍ جرحني وزاد فيني حنيني

.....

[الحمدان]

ولا أنت يا أبو العيون الناعسات الوساع
سلهامها يأخذ العشاق لـ أبعد مدى
⠀
سهوم نظرتك ما يقدم عليها شجاع
حتى لو أنه من اللي ينطحون العدى
⠀
لعيونك معرضٍ عمري لدرب الضياع
واللي بقى منه واللي راح جعله فدى
⠀
أحنّك من الوداع و من جروح الوداع
مثل ما أحن الرفيق الطيّب من الردى

......

[الحمدان]

هلّت على الغصن الكسيّر المهمّش
وأحيت معاليقه و قوّت عروقه

من بعد كان ( المنعزل والمكمّش )
بانت بساتين الفرح وسط موقه

ماترمش جفونه وتضحك ورمّش
وضحك ماكنّ هموم الايام فوقه

......

[الحمدان]

يافاتنه ، ماني ،، نبي ، ولا رسول
اقاوم الخصر النحيل اليا انثنا

غير الاناقه والملامح والقبول
آنتي حضورك نور والعالم سنا

ان غبتي انتظرك على باب الوصول
واللى حضرتي ضعت مدري وين انا

كن المشاعر كل ما اشوفك تقول
الله لنا ، الله لنا ، الله لنا

......

[الحمدان]

‏طمـوح الإنسـان ياكـبره وعمره قصـير
‏كم يرسم أهداف .. وتعّود مجـرد كلام

‏ياكثرها أحـلام ضاعت مثل ظل العصيّر
‏يمتد طول الجبال .. ويختفي بالظلام

‏‌

النجم العالي⁩

[الحمدان]

‏يموت المنافق ماشبع من حياة الذل
‏لاهون عن الطرقة ولاحقق مراده

‏محطات كره الناس منها لاعبى فل
‏ما يرجعلها الا بعد تصفير عداده

‏
مسلم العزيزي

[الحمدان]

‏مال القمر حضره ليا بان بدرك
والشمس غابت لا اشرقت وجنتيك

والليل ياخذ لون من لون شعرك
والصبح ياخذ طلته من جبينك

ومن شفتينك كيف تعطين خمرك
وإلا الخمر مقطوع من شفتينك

ولا ادري عيونك واسعه كبر خصرك
أو خصرك اللي ضيقٍ كبر عينك

......

[الحمدان]

‏يمر الصباح اللي بـ نوره يجر الخير
‏مثل وجه طفلٍ ما تصنّع تعابيره

‏على كل غصنٍ طال ظله أماني طير
‏عجز لا يكمل مابقى من مشاويره

‏ انا واقف لأحلام عمري وقوفٍ غير
‏وقوف الكريم إليا تلافوا مساييره

‏لو ان سري بين حدب الحنايا بير
‏ما اصبحت حلمٍ تجهل الناس تفسيره

......

‏‌

[الحمدان]

اشتــــقت لك يامن اشــــوفك متـصل
جدد غلاتــــــك بالغــــلا نفس الشعور

والله مســــائي والســعا ده تكتــمل
ان قلـت حــــــــيابك واعـلنت الحظـور

......

[الحمدان]

كان قالو فالهوى بايع وشاري
قولي اصلاً وش على العذال منا

وكان قالو مابقى للعشق طاري
قولي ادري اخر العشاق حنا

......

[الحمدان]

ماجاك مني جرح ماجاك تقصير
ماجتك غير الذكريات الجميله

واللي لقيته منْك من دون تفسير
هــمً يلـوج الصدر ويهد حيله

كنت احسبنك غيثً يسوق التباشير
وغيوم وصلك بالمحبة هميلة

وثرك سحابة صيف ماتسقي الطير
لا بارك الله في القلوب البخيله

......

[الحمدان]

الله يـمـسـيـكم علـــى ماتحبـون
والله يـقويكم لـ طـاعـته ورضـاه

ياجعل من عسرت مطاليبه تهون
وياجعل من له منوةٍ يلحـق مناه
‌
الحمدان....

[الحمدان]

لو تشوف الكل عكس الاتجاه
لا تسوي شي من غير اقتناع

اختلاف الراي مفهوم الحياه
واتباع الناس مفهوم الضياع

......

[الحمدان]

مايزعج النفس إلا بـــــعد غاليها
ولايسعد القلب إلا شوفة أحبابه

ياعين خلي دموعك فيك خــليها
القلب يكفيه من الاحزان ماصابه

......

[الحمدان]

يناظر في القمر ويغيب نوره من ضيا موقه
وينظر في النجوم البيض ويناظر نواهيده

اموتً بقذلةً شقرا ليا من جات مفهوقه
وجسمً ماتقول الا غصن خضرا عناقيده

تمايل لعنبو جد القوام ورق سمحوقه
تقول انه مثل موجً ،يركده الله ويعيده

......

[الحمدان]

يازين ، زينك ويا حلوك ويا مرك
وجهك يخلي جميع الناس مسروره

لا صارت جالس فديتك لا لا تتحرك
رزتك في جلستك حلوه ومخبوره

حر العذارى لو انها ناويه تحرك
ترى العذارى ليا حرتك معذوره

لا من ذبحني حنيني رحت لصورّك
واقبل البومها صوره ورى صوره

......

[الحمدان]

والله إني ضايق في خلاي و من خلاي
خاطري ماهو بودّه ونفسي ودّها

وعاصيٍ نفسي علشان ما أرخي مستواي
لو بطيع النفس بعدين كيف أردّها ؟

يافهد صرت أشرب الماء ولايقطع ضماي
لاتعاتبني ترى النفس وصلت حدّها

......

[الحمدان]

الحب فن و ذوق و اخلاق و اسلوب
و مشاعراً تعطى ما هي بمغصوبه

و انا هوى بالي من البيض رعبوب
يلفح جدايلها نسايم هبوبه

كامل حسين اوصاف ما فيه عذروب
لا شفت وجهه ما تدور عيوبه

بيديه لو يسقيني السم مشروب
اذوق بلساني ل سمه عذوبه

......

[الحمدان]

عطني علومك ، وطوّلها وفصّلها
‏وترحبّ أذني وقلبي وايدي وعيني

‏وأبعد عن الأرض وأبعد عن مشاكلها
‏وصوتك عن الناس والدنيا يكفيني

......

[الحمدان]

الحب ورد الشوق والقلب بستان
والنبض غيمه تمطر الود بالروح

والذوق كل الذوق لو كنت هيمان
بين الخجل والصمت تطرب مع البوح


......

[الحمدان]

اهـواك واحبك واداريك وافديك
وافديك واحبك واداريك واهواك

لخبطت تفكيري عسى الله يخلیك
وخليتني اعيد شطري بسواياك


......

[الحمدان]

المحبَه أنت وأنت الغير عادي
‏من عرفتك والمشاعر مستقرّه

‏يبتسم يومي و يطرب بك فؤادي
‏راحتي برضاك حلّت كل مُرّه

‏هاك قلبي وهاك عين وهاك غادي
‏دلّه لدربك وخذ خيره و شرّه

‏وش أبي بوجيه خلق الله و أنادي
‏وجهك الله خالقه طيب و مسرّه

......

[الحمدان]

بين تلع الرقاب وبين سود الجدايل
طال سقمي وانا اشري علتي من معاشي

ياقطار الهوى ماعاد ابي لك جمايل
لاتجيني وانا في كل الاحوال ماشي

تبت عن كل بيضاء من بنات الحمايل
وهمت في حب سمراء من بلاد النجاشي

ماتبي لي قصيد ولا تبي لي رسايل
بس انا مقدر اخفي لهفتي واندهاشي

......

[الحمدان]

شخصيتي ماتقدر توثقها
لا تشغل افكارك وترهقها

ياسيف انا والله مدري لكن
بعطيك فكرة وعقبها نسقها

شخصيتي فيها كذا شخصية
اشكال منكرها ولا احققها

عالم من الفوضة تنام وتصحى
عجلة وشمسه والصلف لاحقها


......

[الحمدان]

اعلان للي ما بعد جرب الحب
يسلك طريق الحب بس بشجاعه

فيه الوفا والغدر والصدق والكذب
وفيه الفراق وفيه شوق اجتماعه

حظك على حظك تشجع وجرب
ان صبت والا غير تاخذ مناعه


......

[الحمدان]

ودي ألبي كل مطلوب غالي
وتردني حاجه عن مواكب الجيل

شعر الغزل في الغيد ماله مجالي
ولا اني حريص انشر قصايده بالحيل

يمكني اوصف لكم من خيالي
وسرد لكم وصفي بدق التفاصيل

اما حبيبة قلبي وراس مالي
والله ما عرض وصفها للرياجيل


......

[الحمدان]

لو إن الزمن قادر يرجعك بين يدي
من يرجعك في نظرتي مثل ما كنتي

مع إنك تركتي عاشقك في دروب الغي
وفي عينه الايام شانت ولا شنتي

من المستحيل يحول عن ذكرياتك شي
لو يحول من دون اللقاء حاجز اسمنتي

يروحون كل الناس مني شوي شوي
ولا فيه أحد يبقى على البال غير أنتي


......

[الحمدان]

أعتبرني ليا من ضاق صدرك : مكان
فدوتك لو بكيت الليلة بـ طولها

أعتبرني حضن لامن فقدت الحنان
خل سِحبْ الهموم تصّب هملولها

أعتبرني ملاذ تحّس قربه بـ أمان
وأيّ كلمة تخاف تقولها ؟ قولها

أعتبرني شعور وفاقده من زمان
وجاء يلبّي نداء عينك ومرسولها


......

[الحمدان]

انت مجرم حب ما من هواك الا العذاب
‏كل مجرم يكرهونه يا كون انت محبوب

‏زينك الفتان عيّا يغطيه الحجاب
‏وهرجك المعسول عيا يخلينا نتوب

‏ويشني وياك ‌لا⁩ زاد عندي الالتهاب
‏‌لا⁩ ‌تعالجني⁩ ‌بطب⁩ ‌الدكاتر⁩ والحبوب


......

[الحمدان]

تغريني البسمه على وجهك الزين
‏مثل مايغريني المطر في بلادي

‏ياللي لك الدنيا على ماتحبين
‏حبيني وخلي المبادي مبادي

‏سلهامة عيونك لو انك تشوفين
‏قامت تغربي مع كل وادي

‏احب وجهك من ضميري وتدرين
‏اني ليا حبيت مانيب عادي


......

[الحمدان]

أنتي خلقـتي للجواهر دعايات
‏ ياللي جمالك مابه إنسان قـده

‏أبيض نحر وعيون كنـهن وسامـات
‏ وإلا القـمر زعلان من نور خـده

‏والصـوت ياجعله فدى كل الأصـوات
‏لا واهني الحرف لا منه مـده


......

[الحمدان]

‏احدٍ على شانه تجوز المشاريه
‏و أحدٍ تعدا بالخطايا حدوده

‏من لا يعزّك ، لا تعزّه و تغليه
‏ومن لا رفع قدرك تجاهل وجوده


......

[الحمدان]

‏ماكان هذا العشم يانصفي الثاني
‏شلون تصدمني بظنك وتفكيرك

‏في جرح قلبي وتعذيبي وحرماني
‏طالت معاناتي وطالت مشاويرك

‏تطري على البال وتحاصرني احزاني
‏واقول . . ياليتها من واحدٍ غيرك

‏ياغلطة العمر وين القى عمر ثاني
‏وجروحي اكبر من اعذراك وتبريرك


......

[الحمدان]

‏ٰهو الله عطاه الصبر عنّي وأنا والله
‏ما اخلي جدارٍ ما اتلوى بـ زاويته

‏عسى الله يبرّي ذمتي من خطا فرقاه
‏كثر ما انتظرته فالدروب وتحرّيته

‏
مطلق بْن شويّه

[الحمدان]

‏احيان وقفة بنت بمفردها بظروفك تغنيك عن وقفة أشباه الرجال تسندك وقت ضعفك وحاجتك واحياناً حتى بحزنك

‏يقول حامد زيد:
‏بنتٍ ليا منك وقعت تشيلك من القاع شيل
‏أبرك من وجيه الرجال اللي لْيا طحت جفلت

‏يقول بندر الدويش:
‏يوم حدّته اللّيالي ومسته الظروف
‏صدوا أشباه الرياجيل وانقذته مره

[الحمدان]

‏أجاهد غيابه والطواري وضيق البال
‏وأردد عسى مايكرهه خاطري خيره
‏⠀
‏ولكن غـلاه بكل حـالٍ من الأحوال
‏عذاب الخفوق الصعب وأجمل مقاديره
‏⠀
‏عليه السلام وخالص الود والاجلال
‏وعلي الهـيام أخفيه ، ويلوح تأثيره .

......

[الحمدان]

اترك حـلاتك ياعزيزي على جنب
غير الحـــــلا تعجبني بزود طيبك

كلك علــــى بعضك تجنن وتنحب
حظــــي كبير اللي جعلني رفيقك

مــــاأقول غير : الله يخليك يارب
ويعمي عيونٍ من حسدها تصيبك


......

[الحمدان]

‏قل الكلام ولا بقى شي ينقال
‏وشرع وراه الصمت باب الندام
‏
‏ومن طال صبره مات من ضيقة البال
‏ومن طال صمته مات خيرة كلامه.
‏
‏حتى الكلام يضيع خيره اليا طال
‏وراعيه يفقد هيبته واحترامه
‏
‏لو يضرب الدنيا من الجال لـ الجال
‏قلنا يا شين الذل عقب الكرامه


......

[الحمدان]

‏لا توصلها معي حد الجنون
‏لعنبو جد الغلا ما أشتقت لي

‏أتحرى جيتك وأضرب ظنون
‏والخفوق بداخل الصدر يغلي

‏ماجمعت من الشتات الا الطعون
‏وأنت الادرى بالطعون وعدلي


......

[الحمدان]

‏بين*المطر*والريح والغيم والبرد
‏كبد السماء كنه يحظن السحابه

‏مشتاق والمشتاق عرقه.. تجمد
‏للغايب اللي في حظوره رحابه

‏مبطي عليه الشوق ماهزه الوجد
‏ولا ذعذع الغربي نسايم.. جوابه

‏كتبت له واهديته البوح والورد
‏يختال طيفه مع حروف الكتابه

......

[الحمدان]

‏يامرتبط في كل جرح من الجروح
‏مثل ارتباط الحزن فالصوت الشجي

‏قد انتهى الحلم وقد اغتيل الطموح
‏وانا ماجيت امدح ولاجيت اهجي

‏حتى لو تشوف التفاصيل بوضوح
‏لاتكبر الرجوى بعين المرتجي

‏من كثر مااتعبني شعور انك تروح
‏ما عاد يسعدني شعور انك تجي


......

[الحمدان]

‏أضيق بـ غيبتك ويصير
‏كئيب الكون من دونك

‏من النسمه عليك أغير
‏ومن شعّرك على متونك

‏ولا تعاتب شعوري غير
‏بـ كيفي صرت مجنونك

‏أنا الـ مشتاق فيك أطيير
‏من الفرحه ومن شلونك

‏ولا تنطق صباح الخير
‏لأن الخير بـ عيونك


......

[الحمدان]

يقول الشاعـر :

‏والله ما اغرب من الضحكه بـ وجه الحزين
‏الا دموع الحنين اللي على المبتسم

‏الى ان وصل وختمها بـ :

‏واللي مهوّن على نفسي عذاب الحنين
‏اني تفانيت في قربك ولا الله قسم

[الحمدان]

‏يارقيقة مدّي الحسن وتمادي
‏وإشرحي لـ ليل مفهوم الوسامه

‏وإفتحي شبّاك تفكيري ونادي
‏كل نجم أخايله تارك علامة

‏إضحكي للغيم دام الجو هادي
‏مثلك إنتي له غلاه وله مقامه

‏القصايد مالها موقف حيادي
‏في عيونك يعلن الشعر انهزامه


......

[الحمدان]

‏من باب الإعجاب لا تسأل عن إعجابي
‏إسألنّي تحب ؟ وبجاوبك حبيتك

‏اي والله إني عشقتك يا آخر أحبابي
‏وصديت عن مجمل الناس من جيتك

‏في وجه غيرك مسكر عيني وبابي
‏غالي و زاد الغلا يوم إني أغليّـتك

‏شفني ليا مر طيفك فزة أهدابي
‏وشلون لا منّك ندهت إسمي و لبيتك


......

[الحمدان]

اغرد لحالي .. و أنا داخل السرب
‏و اعاف سهل القاع وأحب رجمه!

‏أنا البسيط الواضح الصادق الذرب
‏اللي كثييير تْمنوا يغيب نجمه

‏ما أشبه الا الواحد فـ جدول الضرب
‏كل شخص اناظر له على قد حجمه
‏

......

[الحمدان]

‏الشاعر لما يُرحب في محبوبه يبتذل
‏ويطلع بأقوى وأرق التراحيِّب
‏
‏مثل سعد بن جدلان :
‏يامرحبـا يادهر قلبي ورجعّانه
‏ياجرح قلبي عليك ويافري جيبي

‏وقالوا بعد:
‏مرحبا بك في مداهيل قلبٍ ما وطاه الا انت
‏يا اغلى من وطّى حبه جال قلبي وشريانه

[الحمدان]

فمان الله يا نجد العذيّه و الوعد بعدين
‏متى بعدين مدري بس خليني على ماني

‏مصير الوقت ينصف طيّبينه و الامور تزين
‏وبرجع لك ليا زانت معي كان الله احياني

‏فمان الله يـ القلب الحنون ويـ الجناب الزين
‏كثر ما حبّكم يسكن معاليقي و شرياني


......

[الحمدان]

‏على إبتسامه ثغرك العذب الزلال
‏تحيه الطيب على حلو النبا
‏ㅤ
‏أنت على قلبي مثل مزن الخيال
‏وأنت على روحي مثل ريح الصبا
‏ㅤ
‏ريح لاهبت على مزعوج بال
‏كنه مصلي الفجر في مسجد قبا


......

[الحمدان]

‏اذا أجتمعت خيبة الظن والندم :

‏ظنّيت فيها بـ ظنّ ! وخابت ظنوني
‏وصار الثمن دمعة ٍ عجزت أجوّدها

‏الغلطه اللي ثمنها دمعة عيوني '
‏لو يرجع الوقت والله ما أتعوّدها


......

[الحمدان]

اسرف بي التفكير واجهدني جهاد
والحب و الذكرى و ادق التفاصيل

وحملً من ظروف المقادير يزداد
تبطي متونك ما تحمّله يا شعيل


......

[الحمدان]

الله على جو الغلا بين الاثنين
حب ومشاعر شوق واحساس عشاق

يروق جو الحب مابين قلبين
مزح وضحك واللعب مابينهم راق

في مرتع العشاق والحب لاهين
في جلسة يحلى بها لعب الأشواق


......

[الحمدان]

‏موضروري من هداك الابتسامه
‏شايلٍ لك مثل ( روعتها) خفوقه

‏بعضهم تشوف.في وجهه علامه
‏غصب عنه لو تودد لك تبوقـه


......

[الحمدان]

ادري من الصوت وش تخفي لي ضلوعك
سلامة ضلوع صدرك لا تعورها

تعبت وأنا أضمك وأتعبك وأجوعك
وتقولي اسف وربي ما اكررها

وترجع على نفس الخطأ تتبع طبوعك
خذ باقي طبوعك معك لا تبررها

الروح ما هي تحت أمرك ولا طوعك
أصونها و أخسر العالم ولا أخسرها


.....

[الحمدان]

‏متعب التركي قال عن الجرح :
‏يمكن لو انه يلمس الجرح بيديه
‏يستغرب أن اللي لمسها طعونه

‏وقال عن الفراق :
‏حلوه عذاريبك وحلوه مزاياك
‏حتى بيوم فراقنا كنت هادي

‏وقال عن الوداع :
‏يقولون ماودعّك؟ قلت الفراق وصار
‏الإنسان روحه تنسلب ما يودعها

[الحمدان]

‏متلازمة الخوف من غياب الشخص علاقه طرديه ، فكل ماكثر تقديرك للشخص كل ما كبر ضنك برحيله

‏اخاف من يوم اصحى فيه ما القاك فيه
‏وانتي علي الحرام انك تسوينها
‏فهد قطنان

‏لا تحسب ان المحبه دايمه والحب دايم
‏شايلً هم الفراق اللي ماندري عن مصيره
‏سمح

[الحمدان]

مال القمر حضره ليا بان بدرك
والشمس غابت لا اشرقت وجنتيك

والليل ياخذ لون من لون شعرك
والصبح ياخذ طلته من جبينك

ومن شفتينك كيف تعطين خمرك
وإلا الخمر مقطوع من شفتينك

ولا ادري عيونك واسعه كبر خصرك
أو خصرك اللي ضيقٍ كبر عينك


......

[الحمدان]

الأماكن والاوادم والجهات
تسرق الأنظار لو تمرها

وكل بنت مرتك في هالحياة
همسة آنفاسك تساوي عطرها

لانك أنت الغير ياغلى الأمنيات
ولا تغرك هالوجيه وكثرها

شوفتك ماهي بجزء من الحياة
شوفتك تسوى الحياة بكبرها


......

[الحمدان]

المهره اللي لها قدر ومقام وشان
من عزوة جل شان اللي رفع شانها

هي نخبة النخبة اللي زينها فتان
مضرب مثل زينها والزين عنوانها

هي شيخة الزين لا من طبت الميدان
تكسب رهان التحدي وسط ميدانها

متبجحه بالكبر والعز والعنفوان
والهيبة اللي وراها فعل جدانها


......

[الحمدان]

‏نقول للمقفي محلل ومسموح
‏حتى لو انه بـ بالنهايه خذلنا

‏من عادت الدنيا ابتسامات وجروح
‏حنا نعرف اطباعها ما جهلنا

‏اللي بيتركنا على الدرب ويروح
‏لا يبتسم في وجهنا لا وصلنا

......

[الحمدان]

‏لا يهمك كلّ نفسٍ لـ الجفا متجهه
‏القلوب الحانية وقت القسى معروفة

‏والله انّ اللي يحبّك تعرفه من وجهه
‏نظرته فيها حنان وبسمته مألوفة


......

[الحمدان]

كفايه تعذر وانت غالي علي وتمون
‏لو ينقص بعيني قدرهم مانقص شانك
‏ِ
‏لـجل خاطرك يخطون ماكنهم يخطون
‏علي الحرام اني احترمهم على شانك

[الحمدان]

اللهم صلي وسلم على نبينا محمد
اللهم صلي وسلم على نبينا محمد
اللهم صلي وسلم على نبينا محمد

[الحمدان]

عَلَيكَ صَلَاةُ اللّهِ مَا جَادَتِ السَّمَا
وَ مَا اشتَاقَ مُشتَاقٌ وَ مَا عَادَ تَائِهُ

عَلَيكَ سَلَامُ اللّظهِ يَا خَيرَ مُرسَلٍ
وَ يَا سَيِّدَ الكَونَينِ مَا حَنَّ وَالِهُ

[الحمدان]

لا تقيس المحبة في وصوف الكلام
قيسها في عيوني لا احضنت طلتك

تحكي الحب وشعور الفرح والسلام
لو تناظرك طول العمر ما ملتك



......

[الحمدان]

الحب ورد الشوق والقلب بستان
والنبض غيمه تمطر الود بالروح

والذوق كل الذوق لو كنت هيمان
بين الخجل والصمت تطرب مع البوح


......

[الحمدان]

‏يذكرك بالخير يالوجه اللطيف الحنون
‏لا زال غالي مكانك لو مكانك فضى
‏
‏تعرف معزّتك عندي والبشر يعرفون
‏ما فيه غيرك يعوضني عن اللي مضى


......

[الحمدان]

اليا بغو يمسوون قالوا ﮼مساء ﮼الخير
وإذا گشخوٰ قاالو مساء ﮼الوٰرد ﮼ياوٰرد

وحناا مساانا غيير ﮼وٰأحساسنا ﮼غير
انا مسائي انت وٰأتركلك ﮼الرد


......

[الحمدان]

من أجمل النداءات الشعريّه :

تعال يا كل الوطن مع شعوبه
* أنا بدونك ديرةً مابها حيّ

[الحمدان]

‏تموت الرغبة إن جاء بـ المحبة شح
‏و تموت الكلمة إن جاء ردها تأخير

‏حبيبك .. مو حبيبك لا بغاك تلح
‏و كلامك مو كلامك لو يبي تفسير

‏و إذا حسيت مو هذا مكانك ، رح !
‏ترا بعض الجلوس أحيان مابه خير


......

[الحمدان]

عشت الهوى يومي تهنيت وياه
وصارت عيوني بشوف غيره ضريره

يفرق عن العشاق طبعه ومسماه
والقلب قانع فيه ولا يبغي غيره


......

[الحمدان]

تخيّل ثغرها ملقي عليه اللؤلؤ المنثور
تمرّد في طرف توتٍ حسد ومضاته وادمى

تخيلها سحابة وسم وانهلّت عليه شهور
تخيّرها من الأسما سما فالليلة الدلما

ولكّن السما ظلما دموس وينتصفها نور
وهي عكس السما نورٍ توسط عنقها ظلما


......

[الحمدان]

العلاقه ميّته و الحبايب عايشين
و الشعور اللي يجمع مشاعرنا بهت

لو تعدّيتك يرجعني لدربك حنين
ولو تناسيتك ترى ذكرياتك ما سهت

أصعب أنواع العلاقه نكون معلقين
لا رجعنا مثل أوَّل ولا حتى انتهت


......

[الحمدان]

اليوم صرتي بعيدة بعد ما كنتي
ميناء المشاعر وربّانة بواخرها

قلتي الليالي عزاك وقلت لاهنتي
ما طيّبتني وأنا جمرة مباخرها

ناديت لك فالحنايا ما تبيّنتي
يالضحكة اللي عن الأيام ذاخرها

وشلون بنساك لو طال الجفا وأنتي
أول عناقيد ذاكرتي وآخرها


......

[الحمدان]

الشوق غنالك من البوح بيتين
وانا لك من الشوق غنيت كلي

تعال يانبض الحشا والشرايين
للخاطر اللي لالفيته يهلي


......

[الحمدان]

‏الوقت في غيبتك يثقل مروره
‏افهم كلامي وأسمع العلم مني

‏أشد أنواع العقاارب خطوره
‏عقاارب ألساعه ليا غبت عنّي

[الحمدان]

اغار من شوقي اذا جاك مشتاق
وشلون يسبق شوف عيني لعينك

لك الغلا من داخل الروح ينساق
اسقي ثواني لهفتي من سنينك


......

[الحمدان]

ألو لبيه يا صيته
يا ألذ من عاش في صدري

لبيه لبيه يا فيّي ومشراقي
يا اغلا غلا في حياتي يا اثمن بضاعه

لبيه يا رمشٍ طرق خدّها طرق
طرق الهوى لي يوم رمشه طرق له


ضيدان بن قضعان

[الحمدان]

يا حبيبة عمر شاعرها لوين
ولمتى حنا مشاعرنا كما هي

السنين اللي مضت ماهي سنين
والحقيقة زابنه وجهي وجاهي

قرّبي وجهك لوجهي تسمعين
ودي شفاهك تحب اطراف فاهي

والله ان ودي احب الجمرتين
الحمار اللي خذاها لون شاهي

لين اتمتم لك وحنا غافلين
يا إلاهي كثر ماني فيك لاهي

كنت ابيها علم في صدري حنين
واثرها حلمٍ بهزبك وانت ساهي


......

[الحمدان]

يكفيني رحلت ولا حصل مني خطا وقصور
وانا حتى وداعي فيه بصمه تثبت اخلاقي

تخير فالديار اللي يغشيها ظلام ونور
وفرق النور بالظلمه يبين غلطة فراقي

تمرك ليلة تطغى مشاعرها على المغرور
تدور فالبشر مثلي ولكن صعبه تلاقي

فمان الله يا اخر محطه والسنين تدور
فمان الله والهقوه تخيب هقوة الهاقي


......

[الحمدان]

رفقتك مثل الذهب بالهون والشده
ماتختلف بإختلاف العالم الحآلي

غيرك إليا غاب ما حسبه و لاعده
وإلا إنت غير البشر دايم على بالي


......

[الحمدان]

اضحك ترا عوج الليَالي مدابير
وما للخلايق فِ قضا الرب حيله

أضحك لو هموم قلبك طوابِير
وما يقسمه ربك تروح وتجي له

لو ضاقت الدنيا تراها مقادير
وخلك جبل ما هزته كل ميله


......

[الحمدان]

على غثا الدنيا ترى الصبر مطلوب
واجــــه عناء الدنيا بصبر وعـــزيمه

يالله تــــرزقنا مثل صـبـــر أيــــوب
صبــــراً تــواليه الفـــــرج والغنيمه

......

[الحمدان]

والدمعة اللي توايق في محاجرها
تعلقت في طرف جفني ولا ساّلت

وش عذر عيني ليا هلت عبايرها
من عبرةٍ فالضماير حبلها فالت

......

[الحمدان]

عن الاعترافات بـ هزيمه الحب :

سعود مبارك :
أنهزمت وقلت أحبك وهذا أكبر دليل
ما يهزم أكابر القوم . . غير قلوبها

جابر النشيرا :
أطيح طيحة قوي ماهي بـ طيحة ضعيف
طيحة شجاعٍ هزمه الحب لين . . أعترف

سعود مهدي :
معك عشت أول هزيمة بطعم الإنتصار
والعيون تشوف ضحكتك ضمن حقوقها

[الحمدان]

‏مشتاق لك واحســاس قلبي يناديك
وعينــي على شوفك تخايل بصـرها

الروح ذابــت يابعـــد روح مغليك
والنفس تعبت مـن غيابك كسرها

يا كم سهر قلبـي وشوقــه يناديك
يحاكي السما منك ويسـال قمرها

وينك قسم نفسي ترى ذايبه فيك
والروح مشتاقه وبُعــــدك أسرها

......

[الحمدان]

‏ارحـب على خشمـي تراحيـب الامزان
يا اللي غـلاك بداخـــــل الروح ماكن

قلبي وروحـــــي يا غلا الروح ميدان
اسرح وامــــرح في جميــع الاماكن

مادام قلبـــي مارضي غيــرك انسان
خليك واثـــــق في المحبــه وراكن

انت الوحيـد اللي خفوقي له اوطان
وانت الحبيب اللي في القلب ساكن

......

[الحمدان]

‏ماكنــت متوقــع جمــالك بها الشكل
ولاكنـت اظــن انك مـلاكــن سماوي

كنت احسب انك مثل ماباقي الخلق
اثر البشر فــي الزيـــن مو بالتساوي

سبحان من افرق جمـالك على الكل
واطغا جمالك عـن جميـع النساوي

وجمـلك بأوصــاف ماشفتهــا قبل
مثل القمر في الليـل لحظة يضاوي

......

[الحمدان]

‏دايـم افكر فيــك واعيــش الاوقات
في يآس يحـــرق يا حياتــي حياتي

ياكيــف مااحبــك وانت المسرات
وانته في الاعمــــــاق كـل امنياتي

ياللي بنيت بداخـل القلب ميقات
وزرعت حبــك في كيانـــي وذاتي

وحدك تربعت الحشا انت بالذات
يابلسم اجراحـــي وبسمة شفاتي

‎......

[الحمدان]

‏يا غلاي الرووووح ولهـانـه عليك
ياغلاي النفس واحساسي معاك

ياغلاي القلب في قبضة يديك
ياغلاي ارحـم متيـم في هواك

ياغلاي العقل مالحظه نِسيك
ياغلاي البـااال والله مـانساك

ياغلاي بخافقـي مالك شريك
ياغلاي بخافقـي مالي سواك


......

[الحمدان]

‏اناشــــدك بالله يا شــــوق باللهون
قلبي فقـد يا شـــوق كامــل عزومه

على الحبيب اللي في الروح مدفون
الغايـــب اللي في خيالـــي رسومه

ياشوق خذنـــي وين ماكان ويكون
ودي ازور الحـــب واعــرف علومه

حتى ولو قالـــوا لي الناس مجنون
انا اعرف المجنــون ماحــد يلومه

......

[الحمدان]

‏يا ما كتبـت اشعـار وابيـات وحــروف
ونشرتهـــــا ماشفــــت اي استجابه

وقلت في نفسي يجــي يوم ويشوف
اشعـــاري اللــي قلتهــــا في عتابه

اشعار تحكي قصـة انسان مشغوف
في عشـق من احــرق فؤادي غيابه

دونتها من شوق واحساس ملهوف
وقلب قاسىَ فــــي غرامــه عذابه

......

[الحمدان]

‏يا نــوم صارحنـي وقـــول الحقيقه
ويـش المشاكـل بينـك انته وعيني

متفارقيــــن وكل مــن في طريقه
ومرت على ذاالحال عدت سنيني

يانـوم!! عينـي زوجتك مو طليقه
ليش الجفا والحقد هذا الدفيني

إتصالحو كثــر السهــر ما اطيقه
والله حـــــرام اللي تســووه فيني


......

[الحمدان]

‏يا ليـــل لي موعــد مع النوم يا ليل
لاكن عيونــي ساهــــــره ما توده

راح المساء ماعاد لي بالسهر حيل
وكثر السهر للجســـم ياليل هده

ياشوق سابق بالحشا صهوة الخيل
هدي على الاضلاع يا شوق هده

انت السبب في سهرتي لاخر الليل
والي وقف نوم الهناء عند حده


......

[الحمدان]

‏علاقتـــــــي بالناس مثــــــل الاخوه
محال افرق بين الاخـوه والاصحاب

طبعي اذا صاحبـــت اصاحـب بقوه
وانصح في الصحبه ولاهُم الاتعاب

واقــدر الصاحــــــب وقــدر سموه
وارفع مكانه واحفظه بين الاهداب

......

[الحمدان]

أحنه من الدنيا و أحبه نقا و أغليه
‏وهو بالغلا عندي يجي بعد شيباني

‏واداريه حتى من النسانيس لا توذيه
‏واخصه بدعواتي لاصليت وانساني

‏له عهود قلبي تالي الوقت وماضيه
‏ما ابدل مكانه لو يقفي ويجفاني

‏بعوّد على العزله واردد قصيدي فيه
‏وهو لو قسى وقته بيرجع ويلقاني

......

[الحمدان]

‏يداعــب الشـــــوق قلبي كل ماتطري
او مــر طيفـــك على بالــي ووجداني

ويِحــرق الشـوق قلبي وانت ماتدري
وتلهــــب النار فـــي نبضي وشرياني

ياغايــــب ايام عـن عيني نفذ صبري
البُعد متعـــب وكثــر البعد اشقاني

ياليت يامغرمـي وتكــون في صدري
وتطفي الشوق اللي بالصدر اضناني

......

[الحمدان]

‏اضحك ومن شاف الضحك قال مرتاح
وامرح ومن شاف المرح قال سالي

مايدري انـي ضحكتي ضحكت اجراح
ومايدري ان المزح من ضيق حالي

يااهل العيـون الحاسده وضعنا طاح
ماعاد بقــــي للراحـه ايت مجالي

الوضع حطــم داخلــــي كل الافراح
والياس حطــم داخلـــي مابقالي


......

[الحمدان]

‏حبيبي و ان تمادت بك ظنونك تتبع المجهول
تكلم قبل لا تلعب خيوط الشك بـ أفكارك

أحبك و العمر مرّة و أحبك والسنين فصول
وإذا كان العمر يرجع باحبك و ارجع اختارك

تشوف الأرض لو جنّة ملوها الناس عرض وطول
تركت الناس والجنة وراي و عشت في نارك


......

[الحمدان]

‏تعال قبل الوّرد يذبل والسهر عينه تنام
قبل تجف الـ مرحبا وتموت بلسانيَ هلا

ترىّ عزيز النفس لامن عاف ، عاف بلا كلام
والله لو أنه وطن .. ماعاد له حبَ وولا

ماينتهيّ كثر الغلا .. إلا بقل الأهتمام
وإن جيتني بعدين مالك لا حضوَر ولا غلا


......

[الحمدان]

‏ليش؟ البشـر صارو غريبيـن الاطوار
وصـارو ابو وجهيــن مخلـص وبايق

من كثرهــم مقـدرت اميز بالانظار
ولااقدرت افرق بين كاذب وصادق

حتى الصديق اللي أعـــده للاخطار
واللي أضنه للصحـب شخص لايق

يتقـــــن ويتفنــن بتمثيــل الادوار
وفي طلتي صــادق وخلفـي منافق


......

[الحمدان]

‏الشـوق ما يهدأ علـى غيـــر مشتاق
ياللـي غـــلاك بداخـل القلـب باقي

يا طيــر ياللـي بالجناحـــين خفاق
بلـــغ سلامـي والوفـــاء واشتياقي

للي خذا مابــين جوفـي والأعماق
واللي ملك كـل الشعــور العماقي

قله رفيقـك مـات مابـين الأشواق
بين البعـــاد وبين جمـــر الفراقي


......

[الحمدان]

‏لاتكابــر شـــوف لك نظــــره وعدي
ماعلى النظــره على اشعاري حساب

ادخــل اقـــراء ماكتــب قلبي بيدي
من قصايد شــوق واشعــار العتاب

كلها لك وانت مقصــودي وقصدي
وانت تدري بــس ما تعطـي جواب

طبعك القاسـي حـرق قلبي وكبدي
وذقت منه الويل واصناف العذاب

......

[الحمدان]

ياللي على شان معكازي تبين لي
رجلي على حالها وأنا على حالي

والكسر ما هوب في رجلي علي كلّي
وانت السبب في الغرابيل اول وتالي

تكفي مراسيلنا العجلات ي خلي
عن مخذ الأخبار والا شوف الازوالي

قلبي وقلبك توصّلك وترسلك لي
والله انها اشد من موجات الارسالي

ردن سلامي عليك وجن وقالن لّي
انك ترحب وانا في خاطرك غالي

ليت الغرابيل جتني من عدو لّي
إن ما تقاضيت والا بيتقاضى لي

لكن من واحداً ذكره .. غناة لي
ما زلت أحبه وابا احبه ولا ابالي

لا مر طرق بخدراته سلام لّي
كنّه يسلم علي بصوته العالي

خلوني اسج عن موضوعه احسن لي
ولا الغلا والله ان يبطي وهو غالي


سعد بن جدلان

[الحمدان]

‏صراحــــه انتـه شــــي نادر لقيته
كلك على بعضك على الناس تفرق

كنك بذوقـــــك والجمال اعتليته
واخذت مـن زين الدلع كل منطق

حقيقــه اللي شفــت منك وريته
خلانــي اتمناك واهواك واعشق

والله ورب البيـت فيــك اكتفيته
وحلمي بوصـلك يا حياتي تحقق

......

[الحمدان]

‏خطيت فيك اشعـار ماقالهـا انسان
وكتبـت فيك ابيـات ماحـــد كتبها

ورسمت لك لوحــه بها كل الالوان
من قبلــي الشُعار ماحـــد رسمها

ياحـب قلبـي فيـك ذايب وولهان
والروح ياروحـــــي غرامـك نهبها

وعشقك تملك داخلي كل شريان
حتى العظام اللي بجسمي سكنها

......

[الحمدان]

‏اللي يقــدر قيمتـــك يرفعـــــك فوق
واذا تكــدر خاطـــــرك جاك يرضيك

يسقيك من عذب السواليف والشوق
ومهما حصــل فـي دنيتك ما يخليك

وانا معك يا صاحب الحسن والذوق
لو تطلب انفاسي ترى النفس تفديك

وان حالة الدنيـــا ومـن غير منطوق
ابشــر بعـــزك لو تبي الروح اعطيك


......

[الحمدان]

‏صـدري وطــن لو خانتك كل الاوطان
لو فارقــــوك الكـل عمــري مخونك

انت الذي لك في حشا الروح بستان
ووسط الكبد غارس ونابت غصونك

والله لو ماضـــل في الكــون انسان
انا معــك احفــظ مقامك واصونك

ولو حــال فيمـا بيننا قهـــر الازمان
يحــرم عليا العيـــش لحظه بدونك

......

[الحمدان]

القلوب آسرآر و آلدنيآ عبر
وآلعمر لو طآل تآليه آلرحيل

و آلخوآطر كسرهآ مآله جبر
لو يعيد آلوقت مآضيه آلجميل

......

[الحمدان]

‏يشد فيني الحنين لماضي أيامي
وأحن له كثر ماهو داخلي يقسى

مهما تمر السنين وتمضي أعوامي
مازلت مشتاق الى أيام لا تُنسى

......

[الحمدان]

‏طبعي كتـــوم ومــن سمعني عذرني
ماحـب احكـــي ما بقلبي من اسرار

آآنا كذا من يــــــوم ربــــي خلقني
اخفـي بصـــدري ماجرالي وماصار

حال الزمـــن والوقـت هذا جبرني
خلاني اعشق وحدتي خلف الانظار

اكتم شعــوري داخلي غصـب عني
واضمد اوجاعـي ومابي من اكسار

......

[الحمدان]

‏يا ويــل قلبي منّـــك لاحــل طاريك
نفسي وهــي نفسي تشــك بـ غلاها

أنسى اسامي الناس واغلط واناديك
قلبي معــك كـل الاسامـــي نساها

ياساكـن اعماقــي انا ميت ن فيك
ومشاعــري بالقلــب حُبك خذاها

وقلبي مولَـع بك وهايـــم بطاريك
وروحي تحبـك حُــب لآخـر مداها


......

[الحمدان]

‏من ناحيـة قلبي قسمتـه لك أنصاف
النصـف لك والنصـف الآخر لاهلك

اللي عطوني بنت ماشي لها اصناف
ولا شاهـدت عيني بها الكون مثلك

تحفه خلقها الله محمـود الالطاف
سبحان مـن صّـور حلاتك وشكلك

اعطاك ربي زيــــن نادر بالاوصاف
ومن اجمـل الاوصاف ربي وهبلك

......

[الحمدان]

على بَالي وَمـا تِعلم بِحـالـي
وعَـايش فِي حَياتك مُستَريح

أُفكّـر فيـكَ انا طُـولَ الليَالي
وانا تَعبـانَ فِي فرشِي طَريـح

فُؤادك ياغَلى بالشـوقَ خَـالـي
ومِن شَوقي فُؤادي هُو يَصيح

تـمُـر أيّـامَ مِـن غـيـرَ التَلاقِي
ولا حـتّـى رِســالـة يـا مَـلـيـح

وجُـودك هوسلى قلبي وحَـالي
وكُل فَرحـة وسَـط قَلبي يُتيح

أمَـانـة لا تَغيبَ ارحَـم لحَـالي
وخلَّـيـنـي أشُـوفـك واستَـرِيح

غَريب الحُب ومنّه كَم يُعـاني
ومنّه كَـم وَكـم واحِــد جَـريـح

......

[الحمدان]

‏جعـل السعـاده يـا متابع لك غيوم
‏تمطر على ارض المشاعر وترويك

‏وان كان في صدرك تعاليل وهموم
‏تغسـل مجاري خافقك لين ترضيك

الحمدان ....

[الحمدان]

يا بايع الورد لا تزعل ولا تشره
من جرح الأحباب مكسوره خواطرنا

باقه من الورد للّي خانوا العشره
أحسابها 1000 دمعه من محاجرنا

......

[الحمدان]

‏ياحروف الشعر وابيات القصيد
‏انشدي عنه وداري لهفتي

‏ارسلي حرفه وحرفي من جديد
‏خلي ابياته تعاند وحشتي


......

[الحمدان]

يا جمال الصمت في عز الكلام
‏ويا جمال الكلمه اللي في الصميم
‏
‏ان لزمت الصمت ما تلقى ملام
‏وان حكيت المختصر وضعك سليم

......

[الحمدان]

زانت بحبك يا حياتي حياتي
و من عقبكم صفوي تكدّر عليّه

يا دعوتي باوّل و تالي صلاتي
و يا نيّتي ما دام بالحب نيّه

......

[الحمدان]

يازين والله طلتك يوم طليت
‏مالك شبيه الا القمر في طلوعه
‏
‏احس كل الكون منور لياجيت
‏حي الله اللي طيبن في طبوعه

......

[الحمدان]

‏يـا مرحبا ترحيبـة البـدو بالبـرق
اللي لهم عاميـن مـا رحبـوا بـه

ياللي سرقت النوم والعافيـة سـرق
يازاد قلب اللـي هـواك وحروبـه

كسرت كل أبواب وصلك من الطرق
وغيرك طرق قلبي ولانيب صوبـه

....

[الحمدان]

أداريه وأحبه عسى العين ماتبكيه
تعدا حدود الحب وأغلى من الغالي

أنا لا دعيته باأسمه وقال لي لبيه
تزين الحياه بـعيني وينشرح بالي

......

[الحمدان]

‏يا عالم الغيب و النيات سبحانك
رحمتك خير من الدنيا و ما فيها

آسئلك يا رب توفيقـك وغفرانك
و سعادة ما تخيب قلب راجيها



بقلمي

[الحمدان]

ياخوي انت السند حزه الضيق
وانت الذي يغني عن الناس ظله

الطيب يرفع من مقام المخاليق
وانت بمقامك ترفع الطيب كله


......

[الحمدان]

تمردت ليلة البارح على الساهرين
وضاقت علي البسيطة بـ اربع جهاتها

ياليل لا تعتذر لو ان عذرك سمين
سلامتك بس ، وجروحي سلاماتها

ما عاد تفرق معي تزين ولا تشين
جميع حاجه تضيّق خاطري هاتها

ضَحكت يوم ضحَكَت الايام لي ضحكتين
واثـر اللـيالي ما هي تتـرك حركاتـها

......

[الحمدان]

يـوم شفـتـه دقّ قلـبي وارتجــف
وصابني بالـعين والـرمش الكثيف

نـاقـش الكـفّيـن نقشـة محتـرف
لابس الخلخال لـه صوتٍ خفيف

كـامـل الأوصـاف مـا تقـدر تصف
في جمـالـه مـا تلاقي لـه وصيف

له عيون الظبي ما تخطي الهـدف
مـن رآهــا صـاح يـاالله يا لـطـيـف

كالـقمـر في نـص شهـره إنتصـف
بعـد ليله مـاطـره بفصل الخـريف

وقامته كالغصـن يتمـايل شغـف
ومشيته قـايد مـع رتبـة عـريـف

عن جميـع الغيـد حسنـه مختلـف
وفوق ذاك الحسن متحشّم عفيف

قد سلب قلبي وعقلي قد خطـف
بالـعيون الحـور والخصـر النحيف

......

[الحمدان]

أنت حبك مرتبط في حب ذاتي
أعمق من إعجاب وأصدق من موده

أنت تسع أعشار مجموع أمنياتي
أمنياتي . . الماضيه والمستجده

أنت صوتي وابتسامي والتفاتي
للحنين اللي ما وقف عند حدّه

أنت مستقبل جديد لـ ذكرياتي
والوحيد اللي عجزت أكون ضده

......

[الحمدان]

بعض البشر كثر العطا ما يكفيه
ينسى جميلك و الوفا في ثواني

لو تنحرم من قوت يومك وتعطيه
يقول : لو هو بحاجته ما عطاني

......

[الحمدان]

ياصاحبي لاتشتكي الوقت والحال
خل الذي في قلبك اليوم خافي

ما كل حكيٍ يا ابيض القلب ينقال
و لا كل عمرٍ من شقى الحال غافي

رح و اشتكي للي له الكل رحال
و ارفع كفوفك له ترى الله كافي

و اعرف ترى كلٍ من همومها شال
و لا عاد شفت اللي من الهم صافي

......

[الحمدان]

يحدني وقتي على شيء مابيه
وامشي على درب المجامل غصيبه

اشيل ضيقات العتب والمشاريه
وادفع من اعصابي وعمري ضريبه

......

[الحمدان]

لاحدتك سود الليالي على الناس
اصبر على المكتوب ربي يعينك

الناس لو تعطيك وتقول لاباس
يمكن مع الايام بكرة تهينك

......

[الحمدان]

اصبر على ما جاك وإقبل بما جاك
وحبل الرجا خله مباري لـ حبلك

لو تضرب الدنيا من هناك لـ هناك
مالك من الدنيا سوى ما كتب لك

......

[الحمدان]

يا شاري الدنيا على ويش فرحان
فرحتك يا ( المسكين ) جدًا حزينة

دام الصلاة بّ جدولك ما لها شان
ابنشدك بِ "الله" وين السكينة

الحمدان....

[الحمدان]

زلـة لسـآن آلآدمـي بعـض آلآحيـآن
تقـطـع عـلآقـآت آلـرفيـق بـرفيقـه

كم من رفآقہ دآمت آزمآن وآزمآن
عقـب آلمـعـزّھ تنتـہي فـي دقـيقـه

بقلمي

[الحمدان]

فيني عتب اكبر .. من الكون كله
‏ وفيني على صدة وليفي مشاريه
‏
‏ بس الكرامه فيني تقول خلّه
‏ من لا يداري خاطرك لا تداريه

......

[الحمدان]

فيني عتب ماله وسط صدري مكان
ضاقت .. به ضلوعي .. ولازم اقوله

هو صدق فيه إنسان يجرح له إنسان
وبكل ...ظلم .. يعد جرحه ...بطوله

وساعه دفنت الجرح والحزن بي بان
غنى لهم حزني.. وهم .... صفقوا له

......

[الحمدان]

‏اللي علي الاجتهاد .. أما القبول
سبحان من يهب القبول لمن يشاء

لقيت في صمتي مفاتيح القفول
يوم ابتسم فالجهر و أحزن فالخفاء

مع احترامي للمشاعر عرض وطول
مافيه أجمــل من شعـور الإكتفاء

......

[الحمدان]

يقول المثل من جا بليا عزيمة
اليا ضواه الليل يرقد بلا فراش

ومن باع قلبه ماطلب فيه قيمه
يستاهل اللّي يرخص النفس ببلاش

ويامساير العالم بنيّه سليمه
لابد تنشب بين خاين وغشاش

......

[الحمدان]

‏بين تأكيدي وما بين إحتمالي
‏كم كشفت أشياء ماحب اكتشفها
‏
‏الأمور اللي تنقص قدر غالي
‏والله إن ودي آموت ولا أعرفها

......

[الحمدان]

ياصاحبي ماعاد بالخاطر أحلام
لا الروح مرتاحه ولا القلب هادي

من كثر ماجارت بنا ظروف الأيام
صرنا نرى صدماتنا شيء عادي

......

[الحمدان]

اخـذ النصيحة لا تخلي صلاتك
احـرص عليها قبل ينقال مرحوم

اجمع حصيلك قبل موعد مماتك
الموت لا من جاك ماعاد لك يـوم


......

[الحمدان]

أحذر من اللي يذكرك لا شافك
وينساك لامن عنك صدّت عينه

وأحرص على اللي لا أنكسر مجدافك
لو هو من أقصى الناس مدّ يمينه

......

[الحمدان]

‏بـكره نعيش الفرح بكره تطيب الجـروح
بكره نـرد الزمـان اللي يـلم الشـمل

قبـل يموت الأمل إسـقه شويـة طموح
وقبل يموت الطموح إسقه شوية امل

......

[الحمدان]

ياعاشق الليل وش خليت لعيوني
لو هامت بليل تنشد نظرة عيونك

ماهي عداله بحب اثنين مفتوني
امّا انا او سمو الليل ~~ مفتونك

......

[الحمدان]

‏الحنين لا يمتلك اجنحه
لكنه لأيؤمن بقانون المسافات

حبك تعدى حب كل المخاليق
حتى غديت انت الاهل والقرابه

......

[الحمدان]

القلب غرفة جلوسك والحشى سوره
مع كل نـبـضـة خـفـوق اكيد تلقاني

وجـودك اصل السعاده طلتك نـوره
يـفـداك قـلـبـي و خفاقي و شرياني

......

[الحمدان]

يا جعل وجهك ضحوك و خاطرك سالم
و عسى حنينــك لـ صــوتي دايــم يهبّك


ودّي أخبّيك فـي صدري .. عــن العالم
و أكتـب لك الشعــر و آغنّيــك و أحــبّك

......

[الحمدان]

نظــــــرة عيونك سهـــــم للقلـب ذباح
ومبسمك شهد العســل فـي الجباحي

وصورتك تشفــــي من الروح الاجراح
ووجهك مثيل الشمس وقت الصباحي

احبــك وحبـك فـي سمـا دنيتـي لاح
وعشقك ملكنـي من جميـع النواحي

روحـــي فـــدا لك انت يا روح الاروح
يا غايــة آمالــــــــي وكـــــل ارتياح

......

[الحمدان]

ليه واقف بين وصلي والمسافه
تطرق ابواب الأماني ثم تروح

ليه صوتك فيه ربكة وارتجافه
حايرٍ بين المشاعر والجروح

ليه احس بخاطرك شيٍّ تخافه
هات خوفك واتبع احلام الطموح

جرب اقرب ماعلى الدنيا حسافه
الغموض أول مشاوير الوضوح

لا الهوى ذنبٍ ولا القرب اقترافه
لا الرحيل اجرٍ ولا التوبه نزوح

......

[الحمدان]

يازين طبعك والوفا منك وفيك
ورثت من طيبب البداوه الاصاله

كلك غلا كلك حلا الله يهنيك
حتئ الوفا بك خصلتٍة من خصاله

علئ شان ذا قلبي يحبك ويغليك
انت الوحيد اللي اتمنئ وصاله

كل الخصال الطيبه في مباديك
الريم لا شافك خجل من جماله

والله لو تامر علئ اعيوني اعطيك
حبك ملكني وماادور بداله

مااقول اشر خاف تتعب اياديك
واخاف تتعب يوم تكتب رساله

رنه صغيره بالتيلفون واجيك
ياامنيه المجبور ويا راس ماله

احارب العالم على شان ارضيك
من زود حبي لك وماهي جهاله

......

[الحمدان]

اطنخ تدلل دام أنا وأنت حبيبن
تفداك روحي كان روحي تسدك

ديرتك قلبي والشوارع الشريين
تمشي مع الشريان من حيث ودك

ياغرام العمر قلبي محتويك
من قديم الوقت وضلوعي تضمك

أن طلبت القلب قلبي بين يديك
وإن بغيت الشوق خافقي يمك

......

[الحمدان]

جنست حبك داخل الروح تجنيس
وقـلبـي لحبـك صـار مـبنـی وزارة

انـت الـوزير الي تدير الاحاسيـس
وعقلي لحبـك صـار مكتب سفارة

......

[الحمدان]

ياطير ياللي في السماء تنفض الريش
‏خــــذني على ريشك لدار الحبايب

‏مافي السماء ياطير نقطه وتفتيش
‏ولا على العشـــــاق يعطو ضرايب

‏من دون حب صويحبي كيف باعيش
‏اخــــاف يذبحني هوى قلب ذايب

......

[الحمدان]

مالي مع الناس لا مطلب ولا غاية
لاسلمت منها فهذي غاية المطلب

لاصرت في خير وبصحة ترا كفاية
هذي هي اكبر غناة وخيرة المكسب

......

[الحمدان]

لبيه حاضر وش الي تطلبه قلي
وش غايتي كان ما لبيت مطلوبك

بس انتبه لاتناديني وانا اصلي
يمكن اخلي صلاتي والتفت صوبك

......

[الحمدان]

يا صباح الخير يا بسمة صفاء
يا قمر بالليل وشمسي بالنهار

همسك الراقي لاجراحي شفاء
حسنك الآسر لاشعاااااري فنار

حبي اللي كان داااائم بالخفاء
صار مكشوف للذي مني يغار

كل جسمي في قدومك بإحتفاء
مثل افراااااح الوطن بالانتصار

يا فديتك ..اقصري عني الجفاء
ارحمي دمعات من عيني غزار

حب لك خالص انا رمز الوفاء
الوفاء بالعهد في طبعي شعار

وانتي نبع حبي و ماء السماء
ومن كلماتك اجني واقطف ال ثمار

......

[الحمدان]

تراني واذا غرّبت عنّك ولو شرّقت
‏على درب غيرك ما خذا القلب منهاجه

‏يقولون بلقى لك شبيه بس ما صدقت
‏شبيهك على درب النقا وقّف إنتاجه

......

[الحمدان]

كن صوتك لا سمعته وانا شفقٍ عليك
‏يطرد الضيقات مني ويحذفها وراه

‏حالتي من دون حسّك مثل حاله دريك
‏ما لقى شيٍ يدله ولا يروي ضماه

‏من تعلق خاطره فيك وعيونه تبيك
‏جعل ربي ما يحرمه ولا يقطع رجاه

......

[الحمدان]

لا تصحب الا كفو ولا تصحب جبان
الكفو يوفي لك ولا يـــــوم يخذلك

والنذل يبقاء نــذل على مــر الزمان
حتاء ولو تسقط تـــرى مــا يحملك

ياطير لا تصحب الـــــي ماله امــان
لشتدت ايامــــك تـــــراه يتجاهلك

خليك مـع الاجياد ولي كمن فـــلان
الـــي فــي الــشــده معك ما يهملك

ابقاء وفي ياطير ومــن غادر وخان
يندم على فعله وعاودالابين ارجلك


......

[الحمدان]

‏اضحك وسولف وابتسم للمخاليق
‏وخل الامل بين العيون وهدبها

‏دنياك ما تسوا يجي داخلك ضيق
‏وايامك اللي ماضيه لا تحسبها

......

[الحمدان]

سولف علي تراني أصغي بإهتمام
‏متشفق ومبطي . ومشتاق وبعيد

‏وأنـا بسولف لين أحس أن الكلام
‏بدايته لهفه …….. وتاليته قصيد

......

[الحمدان]

جيتِك وانا كُـُلِي من الحُـب اشواق
ليتِك تلبي اليوم ماجِيت لاجله

جيتِك وانا لي قـلب عاشـق وذواق
ماقد لقيت يابنت او شفت مثله

جيتِك وانا لي قلب هايم ومشتاق
والكل يعرف عن شعوري وشكله

جيِتك وانا لي قلب شامخ وعملاق
ساكن وسْط صدري وفارض محله

جيِتك وانا لي قلب يابنت مُنساق
وانتي التي نحوك طلبني بنقله

جيِتك وانا لي قلب طيب واخلاق
كم ياقلوب صارت تِحـلم بوصله

......

[الحمدان]

اشتقت لك يا راحــــة القلب والروح
واشتقت اسولف لك عن الحب وينك

الشوق لأجلك داخــل العين مفضوح
ليتك تشوف الشوق وعيني بعينك

......

[الحمدان]

اكتبيني شعر و انثرني حنين
لا تقولين الهوى و العمر فات

و ارسميني في خيالك ياسمين
بعثري همسك و لميني فتات

افرحي فيني و قـولي للسنين
توني جمّعت عمري من شتات

عانقيني يالسعادة كلّ حين
داعبي أحضان خلّك في سكات

حلّـقي فيه لأحـلى أكسجـين
عطر من نسيم انفاسك نبات

......

[الحمدان]

يازين على لحظة بها الروح تلقاك
تزين عيوونك ياحبابه عـيوني

تصـبح على هـمسه غـلا من ثناياك
وتمسي على طيب الخواطـر شجـوني

......

[الحمدان]

‏اطيب كلام الشخص لا جاك في حلّه
‏نفسك لها حق فـ انزلها بـ منزلها

‏صحيح انا معك فـ مجامل عباد الله
‏لكن على حساب نفسك .. لا تجاملها

......

[الحمدان]

ياطير سلم لي على كامل الزين
وقله لماذاء غـــاب عني وغيب

ما جـــت رساله او ظهوره تبين
خــــلا وليفه في غيابه تعيب

انا اعرفه وافي بــ المحبه رزين
بـس الغياب عني اشوفه غريب

يازين وينك تعال يااكحل العين
ما هاكذاء يازين يعملو بلحبيب

لاشفت حرفك هي حياتي تزين
هيا تعالي كن لحرفي استجيب

على فراقك قلبنا شوف حـزيـن
بكثرت الغيبه احتواني النحيب


.....

[الحمدان]

‏بعض البشر يكفيك منه كلامه
‏فيه الأدب والطيب زايد والأخلاق

‏يفرض على كل العباد احترامه
‏وينطبع قدره في اعماق الأعماق

......

[الحمدان]

رجاي بالله والأمل دوم موجود
الخير عنده لا نوىٰ يَسّره لي

جزل العطايا خالق الكون معبود
المعتلي سبحانه الواحد الحَي

الآدمي يسعىٰ بحياته علىٰ الزود
ويجي له المقسوم ماغايب ٍ شي

......

[الحمدان]

‏عليك الغلا مردود يـ الغايب الموجود
‏سوالفك غابت مير طواريك ماغابت

‏غيابك حضورٍ له بصدر البيوت شهود
‏وش اللّي يغيب ضحكتك والغلا ثابت

‏أحنك مثل ما أحن وجهي من المنقود
‏وأعدك ليا عديت الأيام وش جابت

......

[الحمدان]

‏سبحان ربي مـن رفـع هامتــك فوق
‏وسـط الضلــوع الكاســـرات النحيله

‏غالي ولك موطن فـي الروح منسوق
‏قــدرك فــي الاعمـــاق مـافـي مثيله

‏مستوطن اشواقي ولك كامل الشوق
‏ساكـــن بعـــرق الدم جــاري بسيله

......

[الحمدان]

هذي قوانين الصدف والأماكن
وهذي مقادير الزمان وظروفه

تشوف ناس كثار صدفه ولكن
واللي تمنى شوفته ما تشوفه

......

[الحمدان]

ياالله يلِّي من ترجـاك يعتـــــاض
ياواحـدٍ ملـزوم نَتْبَــعْ فروضــــه

يالله يارزاق ياخير عواض
لامِن بغيـت العبـد تاقف حظوظه

يامن شفيت أيوب من عقب الأمراض
تكتب لعبدك مارجاه وتعوضه

......

[الحمدان]

أنا عن الحبّ لامنّي نويّت السفر
يردِّني حبّي لمحبوبي بحيّنها

اللي غرامه مشبعنّي سرور وفخر
في أول سنين الغرام وتالي سنينها

......

[الحمدان]

انت الاول في عيوني والحبيب الغالي
لايهمونك عساهم كلهم يفدونك

لو تفتش حضرتك في قائمة جوالي
ماتشوف إلا عيوني في محيط عيونك

......

[الحمدان]

يسعد مساگ بگل ساعـه سعيدهـ
ويسعد مساء قلبً بحبگ مليتيه

يالنـادرهـ يالفــارقـه يالفـــريـــدهـ
بعْـدّ غيـابگ. قلب حـرفي ذبحتيه

عودي وردي بالبيوت الجـــديـدهـ
طول اغيابگ جعـل مابـاس ياهيه

......

[الحمدان]

‏أعيش بالفوضويه ماعرفت النظام
‏مؤمن وأعرف النهايه بين قبر ولحد

‏أقول أموري تمام .. وكل شي تمام
‏لو أن سيوف القدر قدام عيني تحد

‏أخذت من تجربة الأيام زبدة كلام
‏أليا تحدتك ميلات الليالي تحد

‏أما تعلويت في الأمجاد ذروة سنام
‏ولا توفيت .. والدنيا ما قرت لحد

......

[الحمدان]

لا صرت متعافي ولابك عذاريب
‏ والروح ماتشكي عوارض جسدها

‏ اسجد لواحد يعلم السر والغيب
‏ تراك في نعمة وغيرك فقدها

بقلمي

[الحمدان]

في طبعها رقّة .. و ودّ وتآلف
وفي صوتها ، حلم وهدوء وسكينة

تسكت إلين يبين شوق السوالف
واليا حكت حسّ السّكوت بـ غبينة

......

[الحمدان]

‏الا ياقمر ذكرتني بواحدٍ مغليه
بعد ما اكتملت وشفت نورك تذكّرته

اشوفه تجلى فيك وان غبت اشوفك فيه
عسى الله يصبر خافقٍ عنه صبرته

......

[الحمدان]

مع غيرك أنت ما تطيب السواليف
يــاللي على قلبي مزوحـك خفيفه

قصة غلاك تشرف القلب ‌تشــريف
سيرة غــلآ بيـــن القلـوب النـظيـفه

......

[الحمدان]

‏ما عندي الا جسد ربي نفخ فيه روح
‏ماهمه يحاسب العالم ولا تحاسبه

‏انا صديق الوفا وانا صديق الوضوح
‏اللي معاها كثير من البشر .. راسبه

‏ما كل من شافني شفته بـ عين الطموح
‏احساس الانسان ماهو بـ آلةٍ حاسبه

‏ما بين ناسٍ تجي ومابين ناسٍ تروح
‏ما كل واحد .. يناسبني لو اناسبه

......

[الحمدان]

الحنين الصدق ماهو عشان الراحلين
( نعمة النسيان ) ما ينجحد معروفها

والله انّ اشد واقسى محطات الحنين
حاجةٍ ماهيب في يدك بس اتشوفها

......

[الحمدان]

العين ياعين الغلا عافت النوم
و البعد يابعد العنا هو سببها

و الشوق يذبحني ولا عاد لي لوم
ليتك معي يا نار شوقي و حطبها

......

[الحمدان]

‏العام كنت احسب اني عارف الوضع زين
‏واليوم اسف من العالم وصدماتهم

‏تطوّر الوضـع والرّديان متطوريـن
‏حتـى ابليس يتعـوّذ من حركاتهم

......

[الحمدان]

‏ناشك الحزن يا وجه الصديق السنافي
‏واضحٍ فيك حتى ضحكتك لي عليها

‏لا نشدتك تطمني بـ كلمة عوافي
‏والعوافي بعيدٍ منك لو تدعيها

......

[الحمدان]

‏وش هالغياب إللي له شهور ما طاب
‏أراقب الساعه و أدور مكانك

‏لانت إللي مصارح والا الوقت كذاب
‏طبع الزمن خانك أو الوقت خانك

‏أنا تعبت أخلق لـ غيباتك أسباب
‏وأصدق ظروفك وأعاتب زمانك

‏حتى الدقايييق مالها عـذر وأسباب
‏الظاهر أن الوقت واقف عشانك

......

[الحمدان]

‏لا تشرح الوضع وتبرر دوافع خطاك
‏يالغايب اللي سبايب غيبتك والمه

‏ماعاد يمديك خلك من جفاك ووراك
‏ليل المواصيل حلمٍ ما ادركه حالمه

‏العام طير الغلا يرقى الهوى في سماك
‏واليوم بين لي اني مخطي وظالمه

‏لاعاد تثني اتصالاتك وترخص غلاك
‏ما يجبر كسور قلب العاشق مكالمه

......

[الحمدان]

‏تعال عندي أبيك بسالفه قرب
‏بعلمك وش يسر القلب ويضره

‏الحب تدري وشهو اسأل مجرب
‏الحب قهوة بدو حلوه وهي مره

‏اتبع حبيبك بحبه شرق والا بغرب
‏قلوب الأحباب مملوكه وهي حره

‏ان خرب الكون خلك مثله واخرب
‏حلاوة الحب مره وحنا عمرنا مره

‏ان هاجر الدار وعاش العمر متغرب
‏خاوه لو انه يحد الموت ويجره


......

[الحمدان]

‏علمني إن الشعور اللي لغيري حرام
‏ولا تغير مكاني و أختلف موضعي

‏أتعبني الخوف و التفكير و الأهتمام
‏قل للظنون أطمئني و أيقني و أسمعي

‏طبطب على قلبي المنهك و زدني غرام
‏أحضن يديني وخذني لك ولمّ أذرعي

‏علمني إني بصدرك ..رغم كل الزحام
‏وحدي تسيّدت في قلبك و قلبك معي

......

[الحمدان]

عُمري ما گلت للناس مِحتاج
بس تنازلت مِحتاج أشوفك

لتگلي الظروف معاندة وياي
ظروفي معاندة أكثر من ظروفك

شعر عراقي

[الحمدان]

يوم ارتوت جِرد العروق المفاطيم
من لذّة الاحلام كأسًا دِهاقا

‏عادي نكون أحباب نشتاق ونهيم
‏عادي وحنّا مستحيل نتلاقى

......

[الحمدان]

لاح في مبسمك ضوحٍ تباشير صبحه
خلّت البدو تستاق الظعن و الرواحل

والشعيب ارتوى شيحه و سدره وطلحه
بسمتك يا حبيبي مورقة كل قاحل

ماخذ مْن المها عين و من الريم لمحه
بالرموش المظلّه والوساع الكواحل

سولف الدمع عن شاطي عيونك و ملحه
قلت انا كم رماني موجها لـ السواحل

صوتك اللي تمركز فـ ايسر الصدر رمحه
نادني فيه و يبور الشهد فـ المناحل

يوم قلبي تدحرج من علوّه لـ سفحه
طاح ما ردّته عوج الضلوع النواحل

لوّ الايام كانت مثل طلّتْك سمحه
كان يمدي تعديت الغياب بـ مراحل

والله ان الغلا جاير وملعون صفحه
ايحدى الرجل صوب المسكنه والمساحل

دورة الوقت ما خلّت لـ هالعمر فرحه
و الحزن ما بعث ميت ولا رد راحل

......

[الحمدان]

يقول مدغم أبو شيبة عن التغيُّر في شكل العلاقه

‏العام في حضنها طفلٍ ما تم شهرين
‏على لبنها تغذَّى لين كبر وحبَا

‏واليوم معها وجودي في كِلا الحالتين
‏إن جيت يا مرحبا وان رحت يا مرحبَا

[الحمدان]

ما جذبني شعر بن برد لو صبه صبوب
مثلما تجذبني لاميتن للشنفره

جاهلي عنده بصيره ولا مسلم كذوب
و الذي ما له مبادي ف عادي تخسره

لا غزاك الوقت بالضيق يا الصدر الرحوب
وارتفع بالضيق منسوب حتى الحنجره

فاستعن رب السموات في دفع الكروب
وسبح المولى المهيمن و قوم استغفره

......