فوق هام السحب ( الشعر الشعبي) على متن القوافي

[الحمدان]

‏يالله تفرجها على كل من ضاق
‏يالواحد المعبود يا فارج الضيق
‏
‏يسر امور اللي احتمل فوق ما طاق
‏اكتب لعبدك حزة الضيق توفيق

.....

[الحمدان]

احدٍ اليا رافقك في رفقته خير
واحدٍ ليا رافقك جاب المطمه

رفقه مباديها معزه وتقدير
ورفقه توجه بك على غير يمه

.....

[الحمدان]

انا أشهد أنك ذوق وأكثر من الذوق
وأنا أشهد انك زين وأكثر من الزين

أن صار منطوقك على خير منطوق
وإن صرت في حكيك ثقيل الموازين

.....

[الحمدان]

لنفوس أنواع والدنيا مصالح
والستر مكسب ويغنيك إن كسبته

لا جبرك الوقت تشرب ماء مالح
أشرب ولا تقول للعالم شربته

.....

[الحمدان]

‏من عاش بالحيلات يرجع للافلاس
لابد من يومٍ يشوف الخساره

لاكاسبٍ طوله ولاجاب نوماس
ماشاف عند الناس كود أحتقاره

والصدق سمعة صاحبه ترفع الراس
عند العرب يبقى رفيعٍ وقاره

اللي كلامه دوم يبنى على ساس
وعلى الطريق الصح دايم مساره

.....

[الحمدان]

‏ما طمعنا غير في طاعت الله والصلاه
وخوت اللي خوتــه ما يجي فيها ردى

الكـــفو نقدر جنابه ولا ينقص غــــلاه
والجمايل بين الاجوآد ما تذهب سدى

فتى الجوف

[الحمدان]

قالوا توادع قلت يا صعب الوداع
‏وشلون اوادع من معه قلبي وديع

.....

[الحمدان]

محتار فسلوكك ومحتار انا فيك
مدري تحب وصادق الحب ما بان

تلعب بفكري جعل ربي يخليك
ما كنك إلا حرب حيفاء وطهران

معاد ندري نعشقك او نخليك
متخوفاً من طيف خيبه وخذلان

قامت صراعات المحاني تناديك
واتقاسمت ما بين نبضاً وشريان

فتى الجوف

[الحمدان]

والله انك في عيوني لو تكابر
من عرفتك وانت في عيني كبير

لك مكانك وسط قلبي وأنت خابر
مرتكي بين المشاعر والضمير

.....

[الحمدان]

يا قلب حبيتك ولك حب صافي
خط الوفا حبك وفيه احتريته

حنان قلبك يجعل القلب دافي
يازكنز في دنيا المواجع لقيته

انت الذي للقلب دكتــور شافي
وانت الهوا والحب منك طريته

وانت النشيد المنبهر والقوافي
وانت الشرف ذا يلمع اليوم صيته

وانت الوفا في يوم ما عاد وافي
وانت الذي وحدك بقلبي هويته

وانت الشرف والطهر وانت العفافي
بك مكتفي قلبي وفيك اكتـــفيته

مهما تـشوف القلب لوا وطـــافي
يعود لك ما دمت له كــل بيته

حلق خيالاتك معي في ضفــافي
يالي نصع قلبي بطلقه رميته

ما عاد من دنيا المواجع نخافي
ما دام قلبي وسط قلبك حميته

راحت سنين القهر راح الجفافي
من مثل حبك فا الهوا لا سقيته

حبو وعيشو الحب دامت عوافي
ومن يحبك فا الخفوق احتريته

.....

[الحمدان]

‏يارب وإن جاتك الدعوات مكسوره
إفرد جناح الرضا وأجبر خواطرنا

آمين

[الحمدان]

قلوبنا ما تعرف الحقد والصّد
ونطيب ف اللي ما يطيبون فينا

ونحبّ ولكن ف المحبّه لنا حَد
لا وصلت لحد الكرامة مشينا

وإن ضاقت الأيام نوقف لها نَد
نضحك لها من قِبل تضحك علينا

.....

[الحمدان]

يستفز الشوق قلبي وانت تدري
ما على قلبي عتب قدام شوقي

لك بصدري شي ما ياسعه صدري
ولك بدمي شي فاضت به عروقي

.....

[الحمدان]

‏ماني مثل غيري ولا الغير مثلي
لي خط سيرٍ مختلف في زماني

صعبه على غيري يسد بمحلي
ومحدن كفو ياخذ بوقتي مكاني

.....

[الحمدان]

‏لا تطلق السر من سجنه وتطلب كفيل
دمار بعض القلوب البيض من طيبها

غير انتبه لا يجي سـرّك ذبيحـة بخيـل
ما ينبسـط لين كـل الناس تدري بها

.....

[الحمدان]

ياليتني من قبل لا أحبه أقفيت
ولا أن دروبي عن دروبه تناحت

.....

[الحمدان]

زهرة شبابك لا قضت وانت محروم
وش فايدة راحتك لا صرت شايب

.....

[الحمدان]

‏وأنا من الناس يا سهلي ويا صعبي
بحر تشوفه ولا تقدر على عومه

.....

[الحمدان]

‏عيا يوالف خاطري بعض الأوناس
‏حاولت بس الناس ماهم بناسي

‏.....

[الحمدان]

المحبه من الله والغلا له سبايّب
وأنت سبة غلاك إني أحبك من الله

.....

[الحمدان]

‏كرامة النفس أعظم من مشاعرها
‏من عز نفسه لقى في الناس مقداره

.....

[الحمدان]

من يحط لسيء ظنونه رسن
عاش عمره في سلام وفي هدو

الكلام الذرب والظن الحسن
ما تخلي لك على الدنيا عدو

.....

[الحمدان]

ليت الطريق اللـي غدابـك يجيبـك
والصدفه اللي جابتـك ليـت تنعـاد

.....

[الحمدان]

‏لك الله يا أحن المخاليق وش قسّاك
‏وش اللي نزع ضحكة لقانا وكفّنها

‏وش اللي تغير وآخر أيامنا وش جاك
‏وش اللي حداك لكلمةٍ ما تثمنّها

‏وعلى الروح ياقطعةٍ من الروح وش قوّاك
‏وهي روحٍ أدنى ماتسويه فيها يوجعها

.....

[الحمدان]

‏أتباشر فيك ، واسوق البشاير
‏للخفوق اللي على شوفك تشّفق

‏مابعد وجهك هموم ولا خساير
‏كل من شافك ، بإذن الله توّفق

.....

[الحمدان]

‏كان اصطفاك الشوق يا راعي الشوق
‏من بد خلق الله وسلم لك أمري

‏خذها عهد من شاعر ٍ يملك الذوق
‏بموت واحيا وامرك اليوم سري

.....

[الحمدان]

‏اعلن مراسيم الوداع ان كنت للفرقى شغوف
‏شد الرّحال و مالك الا الي يلقيك القفى

‏الي يجي حسب الظروف اودّعه حسب الظروف
‏قلبي مع الي بايع العشره مثل صم الصفى

‏حتى «احبك » بعتبرها كلمة من اربع حروف
‏وانت اعتبرها مثل ماودّك وصل ولا جفى

.....

[الحمدان]

يافارج الشـدات ياخالق الكون
يالواحداللـي كاملٍ فـي صـفاتك

انت الـذي موجودوالخلـق يفنون
كل البـشر تحتار فـي مـعجـزاتك

يامعطي الجنه لك الخلق يرجون
كلٍ يبـي فضلك وزود احسناتك

ربٍ كريم وعندك الرزق مضمون
مالك شريكٍ في صفاتك وذاتك

.....

[الحمدان]

عليك بذكــر الٰله تـرى آلعمر محدود
وآردع هــــوى آلنفس آلدنيّه و قدهآ

وآحفظ صلآتك تكسب آٰلرزق وآلفود
تكســب مكآسيب آلحيآة وسَعـدهآ

.....

[الحمدان]

‏ماكنّك إلا بدايات الشتا في السّنين
‏ مهما تتكرر لها التقدير والمَرحبا

.....

[الحمدان]

‏لولاك ما يسطي على الشعر ساطي
‏يا مترجمه شعر العتب والقطيعه

‏شف موجك أللي ما سلم منه شاطي
‏حطم مراكب شعرنا أللي تذيعه

.....

[الحمدان]

‏والله ان شعورنا يستر غلانا
‏مير بعض الشعر تفضحه القريحه

‏لا تقول ان الهوا شح ونسانا
‏ما تشح إلا النفوس المستريحه

.....

[الحمدان]

‏علاج الكبود اليا تعدت حدود النور
‏على ضو قمراً في طرف خايعٍ خالي

‏⁧ .....

[الحمدان]

ما يخفف ضغط الايام وظروف الحياه
‏غير سجده بـآخر الليل مكسبها عفو

‏سجدةٍ يطلب بها العبد كل اللي بغاه
‏من عظيم الشان يوم اكثر العالم غفو

.....

[الحمدان]

‏عيا الـقلم يكتب شعوري بالأبيات
‏أبيات شعر في ضميري سجينـه

‏ترجمـتها في ضامر الروح عـبرات
‏عبرات حزن في عيـوني دفينـه

.....

[الحمدان]

‏غنّت الارض والطاري لاذعذع نسيمه
‏قمت اغنّيك . . والشتوّيه اوّل شهرها
‏
‏يا عسى ، كلّ ما شدّيت تلحقْك ديمه
‏وين ماجيت لك ديره ترشرش مطرها

.....

[الحمدان]

يا ليتني رسّام وأرسِمك وأمحيك
وارسمك مرّة ثانية وأحتفظ بك

وأرفعك فوق النجم وأرجع اوطّيك
وارفعك مرّة ثانية وأفتخر بك

واجعلك شمعة للجميلات وأطفيك
واشعلك مرّة ثانية وأحترق بك

واذوب مثل الروج من فوق اشافيك
وألثِم رحيق مبيسمك وأنفتن بك

.....

[الحمدان]

هلابك يا منى قلبن حلف لك ماهو غيرك
تمكن به غلاك وصار يثبت لك وبحلف لك

حلفلك ماحوى عرشه سوى اسمك وتصويرك
ومن شوقه يناديلك ويوله لك ويهتف لك

وفالك بالغلا الوافي وجارى نهجك وسيرك
وحصن نبعه الصافي لجل من ماه يغرف لك

غدير البوح عانق به زهو حرفك وتعبيرك
بكل اخلاص يعرب لك عن احساسه ويوصف لك

ومع ذلك تحمل جور شكاتك وتفسيرك
ومن اجمل ورود الحب يزرع لك ويقطف لك

هلا بك قالها قلبن سئم بعدك وتبريرك
ويحمد من قسم قربك و يخلص لك وينصف لك

وختام البوح افاخر بك واماري بزود تقديرك
واكافح لوعة الفرقا ببوحن صار يألف لك

واذا الدنيا واهلها بيوم ساءت مع مقاديرك
أذل الكل لعيونك وأفز بعز وأوقف لك

.....

[الحمدان]

آه من قلبي اللي دايمٍ في ذهول
والله انه ثقيلٍ لين جوه الثقال

يا قطاة العبيه يا هيام الذلول
يا عيون النداوي يا رقبة الغزال

نور وجهك على من شاف منك القبول
نور صبحٍ تبسم في رهاد الجبال

كني اقرا على طُرّة جبينك تقول
انا قلبي يحبك يا حبيبي تعال

كان قدمي حدٍ فالحب راح مهبول
والله انه خطيرٍ لا يجيني هبال

المحبه جملها مرسلٍ ومعقول
نعنبو من يقول ان المحبه خبال

والذي ليلة الاسراء عرج بالرسول
ان حبك لحال وحب غيرك لحال

سعد بن جدلان رحمه الله

[الحمدان]

يا عيون اللي على المرقب تعلاّ
ما يرب الا المراقيب الطوالا

طرتّك منها غثا البال يتجلاّ
نعسٍ مابينها بيضٍ تلالا

تذهل إلّي في جواهرها تحلاّ
واهني من ذاق من ريقك زلالا

لا وجاه الله ومنّ زكّى وصلاّ
مانبيك الاّ على السنّه حلالا

مايرّد الجوع شخبٍ في المفلاّ
ولا يخضّ السعن من ذوده هجالا

أنت غالي ياوليفي لا تغلاّ
يثبت الليّ بيننا ايامٍ طوالا

واللهّ انّي ميسٍ من وصلك الاّ
فزعةٍ من ربنا جلّ وتعالا

أدخل الضولات من شان أتسلاّ
كود جرح القلب يبرى ويتشالا

والمجنّب من الأوادم مايخلاّ
لاسلم من شرّ ذولا جوه ذولا

سعد بن جدلان رحمه الله

[الحمدان]

قالوا تحبه قلت مليون مرّة
ما لي وطن في كل الاقطار غيره

هذا هو الشامخ ولله درّه
اللي ربينا في ربوعه وخيره

هذا هو الوافي وللعين قرّه
يا رب من كل البلاوي تجيره

حبه قديم وبالضماير مقرّه
اللي على درب الشريعة مسيره

.....

[الحمدان]

يامنكرين الجمايل من حلف له حلف
الناس تاخذ وتعطي والذكي من ذكاه

انتم حسبتوا جمايلكم عليــنا سلـــف
واحنا حسبنا جمايلنا عليــــكم زكـــاه

.....

[الحمدان]

قُل للمـقوت في الشتاءِ المـفزعِ
مـاذا فَـعـلـتَ بشـاعـرٍ مـتسـكّـعِ

قدكان في فصلِ الخريفِ مدللاً
تحـنـو عـلـيـه بقـلـبِ اُمٍ مُـرضعٍ

إن غـابَ تشـكو لـوعـةً وصـبابةً
والعُـذر مهـما كـان لـيس بمـقنعِ

فــإذا أتــاكَ لـقـيـتَـهُ مُـتـلـهـفـاً
ووهـبـتَـهُ قُـبَـلَاً بـغـيـرِ تمـوضعِ

ومـنحـتَـهُ بـعـد الـعـنـاقِ مُـرادَهُ
وبـقـيـتَ بـيـن مـرحّبٍ ومـودّعِ

حـتى إذا جـاء الضريبُ ركضتهُ
ومضـيت دربك كالبعير المسرعِ

ونسيت يا مـغرور ان تبكي على
مـا قـد ينـالك من هـجاءٍ مُقذعِ

ها قد كفيتُكَ شـرَ غضبة هاجسٍ
ورفـعت أمـرك للشجـاع الأقـرعِ

محمد الذياجي

[الحمدان]

‏أنا المُضطَر أرجو منك عفوًا
ومن يرجو رضَاك فلن يخيبَا

أنا المقطوعُ فارحمنِي وصِلني
ويسِّر منكَ لي فرجًا قريبَا

.....

[الحمدان]

يا صــاحبي كيف بارويك وانت اعــرف
اركن على الله وابشـر ما عليك خــلاف

لا عاد تشكي ولا اشكي لك ولا تاســف
ما ضاقت إلا وتفرج والجميل أســلاف

هم يحسـبوها شطارة والحليم اخجف
واحنا الوفـا اللي يعطفنـا لهم عطــاف

لولا الحيــا ما عديم الراي متــعجــرف
ولا قــليـــل المعــارف حيّــر العــراف

كانــوا يقولــوا لنا الشيبــان لا تختـــف
أيــام كنـا صغــار.. ومــزحنـا دلهـــاف

ويقــولوا الجايــف الأسفل وراه أجــيف
به جايــف أعلى يبيعـون الصعيف أعلاف

ويقــولــوا إن الكـريم يمــوت متعفــف
وإن الوفــا ديـن حتى والسـمان عجــاف

خيــره على دولـة المنـدوب والمشــرف
وخـيـرة الله افهمــوا يا قبيلــة وإشــراف

عــاد با يجــي يــوم لا زامـل ولا منكـــف
ويحكـم الله حكــم العــدل والإنـصــاف

علوي الباشا

[الحمدان]

‏له في وجيه العابرين وفـ الممر
‏طيفٍ يعاملني مثل ما آعامله

‏لو ما كمَل به نصف دين ولا عمر
‏لا زلت آداري خاطره وآجامله

‏في كل ليلة طاب لي فيها السمر
‏كنّه يشكّلها بـروس آنامله

‏إن ما طغى نوره على نور القمر
‏عطاني المشهد بصورة كامله

.....

[الحمدان]

‏على صوته تعاد الرسايل ويرجع خلّ
‏لا طاح امطره من بطن سُحبه على كبده

‏أنا الهادي اللّي شاف عمره معاك وظلّ
‏إذا شفتني أنهيت عمري معاك أبده

‏مكاشيف برقه كنّها ثغرك المبتلّ
‏يا سبحانه اللي علّق العبد في عبده

.....

[الحمدان]

ويجي بكرة و تتمنى الزمان يعود
‏لاترجع لك الدنيا ولا ارجع لك انا

.....

[الحمدان]

يافارج الشـدات ياخالق الكون
يالواحداللـي كاملٍ فـي صـفاتك

انت الـذي موجودوالخلـق يفنون
كل البـشر تحتار فـي مـعجـزاتك

يامعطي الجنه لك الخلق يرجون
كلٍ يبـي فضلك وزود احسناتك

ربٍ كريم وعندك الرزق مضمون
مالك شريكٍ في صفاتك وذاتك

فتى الجوف

[الحمدان]

يا شينها لا صرت طيّب على طول
تظهر رضا نفسك وتخفي زعلها

وقلوب بعض الناس تحتاج ديتول
يقتل جراثيم الحسَد ويغسلها

.....

[الحمدان]

مثل ما تجيك الكربه اللي بدون إشعار
يجيك الفرج من خالقك وانت ما تدري

.....

[الحمدان]

‏ليه صديت عني حسبي الله عليـك
‏ابـك انا مـا تركتك يـوم ناديتني

‏بيض الله وجهي يوم فزيـت فيـك
‏وسود الله وجهك يوم خليتني

.....

[الحمدان]

‏أستر عيوب الناس، تستر عيوبك
‏ياللي لسانك للمخاليق فضاح

‏وأترك ذنوب الخلق وأنظر ذنوبك
‏ترا الزمـن دوار والسـر ينباح

.....

[الحمدان]

جامل زمانك لو حصل منه تقصير
محدٍ يجي دنياه حسب اختياره

.....

[الحمدان]

‏لا ترخص اللي سامك بسعر غالي
ولا تخذل اللي باح لك كل سره

اوفي مع اللي حط لك قدر عالي
وابعد عن اللي يرخصك كل مره

.....

[الحمدان]

‏ما نسيتك لو تحس إني نسيت
‏سيرتك للحين تملاني حضور
‏
‏أذكر إني يوم ودعتك بكيت
‏من بعد هاليوم ما أملك شعور

.....

[الحمدان]

‏هَذا شبيّهك وإلا أنا ممتليِ غي
يشّبَه تفاصيلك وِيشّبه وصوفِك

الليّله هٰذي ما فقدتِك ولا شي
قاعد أطالع في سِمانا واشوٌفِكْ

.....

[الحمدان]

‏عسى ربي يوسع رزقنا مع كل فكة باب
‏قبل لا ننشغل في حاجةً ما هيب مكتوبه

....

[الحمدان]

كيف أقول إنّك ربيع القلب وإنّك
أكثر العالم طُهر روح ورحابه

جابك الله في زحام العمر كنّك
دعوة أمٍ وافقت وقت إستجابه

.....

[الحمدان]

‏ما بين الدروب اللي تزعلك رايح جاي
أشوف الليالي تسرقك ما معي حيله

ما عمري شعرت بكسري وجيتك من أقصاي
ولا أحتجت لك كثر أحتياجي لك الليله

.....

[الحمدان]

‏جادلً ربي عطاها قابليه
بالنبا الطيب وبالطبع الحياوي

درةً عن المطاميع محميه
ما تطيش الا على اصوت العزاوي

من سلايل عزوةً فالجاهليه
الخصوم بفعلهم راحو نحـاوي

وصفها وصف الزعوج الباتليه
بالحلا والرق والزين الرهـاوي

كن لون يدينها لون برديه
والكفوف خضابها جمرً يضاوي

.....

[الحمدان]

الهـرج واجـد والعـرَب مسـتمـعه
والـنـار وسـمٍ فـي رِجـل واطيها

مگـانة الرجّـال مـثـل الـدمـعـه
لا طاحت امن العين لا يرجيها

عبدالرحمن بن مدغم

[الحمدان]

ياليت لي سلطة مثل ما يقولون
على الردي واللاش في كل ديرة

في ذمتي لاحطهم وسط كرتون
واضرب عليهم كل يومن ذخيرة

.....

[الحمدان]

نفوسنا سمحه ، ونياتنا بيض
‏واللي يجي بقلوبنا بـ ألسنتنا

‏نقول قول الحق لو انه يغيض
‏هذي معادنا ، وهذي سمتنا

.....

[الحمدان]

كم ضحكةٍ ماكانت إلا لغز للشخص الفهيم
‏وكم كذبةٍ مشيتها من باب تفكير الكبار

‏وكم واحدٍ بعامله بالمثل لكني عظيم
‏وكم كلمةٍ بادلتها بالصمت وانهيت الحوار

‏وكم زلةٍ عديتها لو انها جت بالصميم
‏وكم فعلةٍ خليتها للوقت لين الوقت دار

.....

[الحمدان]

أحبَّك والعمر صبره سجين وسطوته سجَّان
‏مع غيرك حدودي ثابتات .. ومعك متمادي

.....

[الحمدان]

مدرك الدنياء مثل درك اليقين
ومبتسم للوقت بسمه مبهمه

ودي اغني من احساس ويقين
بس قلبي صعب شخصً يفهمه

.....

[الحمدان]

‏معك وصلت الى حـدود الانبهار
‏صرت آتمعّـن لا إرادي وابتسم

‏من يـوم ناظـرتـك بعيـن الاعتبار
‏ونا مُتيم فيـك حتى فـ الاسم

‏ما يشبهك فالحسن في كل المدار
‏الا سحَاب الغيث في وقت الوسم

.....

[الحمدان]

‏إن كان ودك فـ أنا لي حاضر وماضي
‏عشقت قبلك ولكن الزمن لده
‏
‏إن جيت يا مرحبا وإن رحت أنا راضي
‏ما قمت أحس بشعور العشق من مده

.....

[الحمدان]

‏احتجت كلك في حضورك غيابك
‏عندي ولكن فاقد اليوم كلك

‏بغيت اسولف معك واسأل جنابك
‏يابرد قلبك والمشاعر تملك

‏مافي تفاعل لا تقلّب كتابك
‏جلست قدامك اطالع لظلك

.....

[الحمدان]

‏متغير الحب في قلبي وغيرني
‏وشلون احب الجروح واكره الجارح

‏ما عاد باقي لي معه شي يكسرني
‏الا دموع الفراق وطاحت البارح

.....

[الحمدان]

على وجهك اللي نوره يقدّي السارين
‏ملامح فراق .. ونيةٍ مابعد بانت

‏تكبَّر ماكن الله عطا الناس مثلك زين
‏وأشوفك بعينٍ منْك .. ماكنها عانت

‏حقيقة غلاك أكبر من الظن والتخمين
‏تهون الجروح .. ونظرتي فيك ماهانت

‏مصير الزمن لا دار .. كانك من الحيين
‏يعلمك أنا وش كنت والناس وش كانت


عبدالعزيز العبلان

[الحمدان]

وأنت يا شرهة معاذيري وحلِّي واِرتحالي
‏أعرْفك نجمٍ ما تستوعب مساريه المجرَّة

.....

[الحمدان]

أنا بي جرح مدري مين ابوه وليه ما سمّاه
‏أنا لي وجه، خلاّه الجفاف السرمديّ اشهب

‏عليه اعتب اذا شفت الوجيه من الوجيه اشباه
‏أعرفه يستحي مثلي ومن (مثله) عليه اعتب

‏عشان ارتاح قلت اشطب فـ صدري بالكتابة (آهـ)
‏كأني ما شطبت وما كتبت الا عشان اتعب

عبدالله الكايد

[الحمدان]

أعيشك حلم و أحيابك طواري عابرة و وصال
‏و أموت بكل كلمة من شفاهك و أنت ما تدري

.....

[الحمدان]

خطاك السوء / يا قلب الشقيّ مدري خطاك الليل
‏امانتك النهار اللي بقى لي منك في صدري

‏عليّ ليلين /.. ليل ٍ يرتعد من شعلة القنديل
‏و ليل ٍ لو تصب الشمس فوقه ما نوى يسري

‏هنيّ الناس ب الليل القصير / اليا جفاه سهيل
‏أشيل من الليالي ثلثها / .. والناس ما تدري

‏عفا الله عنك / ياوجه النهار اللي يجر الذيل
‏ترى منت الوحيد اللي تعثر والزمن يجري

‏دخيلك / لا انفلت منك الضيا / لا ترمي المنديل
‏تعكز لو على قاف القصيد و صوتي المبري

‏انا مثلك عثرت / وفاتني ركب الحياة محيل
‏تقل غصن ٍ تعداه الربيع / وجف من بدري

‏تغيرت / وجهلني من عرفت / وزاد حمل شعيل
‏عسى منت العوض ب القشة اللي قوست ظهري

‏خذيت من اكتئابي / قلة الحيلة وفقر الحيل
‏أعيش ب عزلة ٍ طااااالت معي حتى نفد صبري

‏خلا المجلس / من وجيه الرجال / ومن صحون الحِيل
‏بعد ما صيته اول صيت في بال الكرم يطري

‏معاميلي نست جمري / وفوح الماء / وريح الهيل
‏مع اني في حشاي أركيت خفاقي على جمري

‏عزايه للوجار اللي من اول فيه حط وشيل
‏انا / ماني على خبر الوجار / ولا على خبري

‏يساومني على طبعي يحسب اني غديت بخيل
‏انا اللي قد دفعت لعين محبوبي / ذهب عمري

‏و حتى الليل بعد اني عرفت ان السواد يسيل
‏تماكنت وحبسته / عن جميع الناس في صدري

حمد المشيعلي

[الحمدان]

‏قالوا يدور الزمن وابطا الزمن ماستدار
‏والضحكة اللي خذاها الوقت ماجابها

.....

[الحمدان]

والله إن بالي طويل ودايمٍ صدري شمالي
والزمن يبغى يبّيح سدي وبيحت سده

والكلام اللي ليا من مر قدمي ضاق بالي
أحذفه فالصدر كني حاذفه في بحر جده

طاح من عيني عتاب وطاح دمع وطاح غالي
والعيون إن طاح منها شي ما والله تردّه

.....

[الحمدان]

لا ضاق صدري قلت يا رب رحماك
ياللي بذكرك ينجلي ضيق صدري

أستغفرك وأتوب لك وأطلب رضاك
ما غيرك أحدٍ عن خفا النفس يدري

.....

[الحمدان]

يا اجمل من البدر حاول تلتفت حولك
واقراء حروفي ووثق محتوى اقوالي

ترجم شـعـور ابـجدياتي على مهـلك
نبض المعاني بمضمون النـقاء غـالي

طيفك نـقاء روح مـا يرتـاح الا لك
ولا لغيرك وطن في وضعنا الحالي

قلبي يقلك تطمن دوم من فضلك
بداخله عرش حـبك مركـزك* عالي

ما شفت وجهك ولونك ولا شكلك
لكن شعوري تعلق فـيك طوالي

الانتماء انت وانـت الانـتماء كلـك
واجمل وطن بالولاء حبيت يبقا لي

منفى اغترابي بدونك بس يشرحلك
انك هوية شعوري يوم تطرا لي

.....

[الحمدان]

اهـواك واخـفي معانات الهـوى عنـك
واعيش قصة غرام العاشق المخفي

ادمنت حـبك حبيبي والهـــوى لانك
تستاهل ادماني المعروف من حرفي

مدمن غرامك حبيبي والبقاء ضمنك
ياموطن الروح عن باقي البشريكفي

الحب لك والمشاعر تتجه صـوبك
والروح دونك حبيبي بالحياة منفي

.....

[الحمدان]

حاجتي فالحب حاجه منطقيه
والمحبه ما تجينا بـالـوراثه

أبتسامه وأهتمام وطيب نيه
وين أحصل ناس تجمع هالثلاثه

.....

[الحمدان]

‏طاب ليلي معك وخاطري منك طاب
ولا عرفت ابتديك ولا قدرت انتهيك

بين سين السؤال وبين جيم الجواب
لحظه ازعل معك ولحظه ارضا عليك

تلك فيها مـلام وتلك فيها عـتـاب
وتيك تشرح وتطعن في تفاصيل تيك

بين هذه خطأ وبين هذه صواب
تايهه في غرامك بين هذه وذيك

شابت اشواق قلبي والاماني شباب
قلبي الي تولع ذاب منك وفيك

كلما انهاء كتاب امسا يألف كتاب
يوم عقلي يبيعك خافقي يشتريك

لا قفل باب فك القلب عشرين باب
كم شكت لك دموعي و المقل تشتكيك

يا حضور احتضني بعد ما اقفا وغاب
كم تجيني وكم من دون ماجيك اجيك

قلت لي ما ذكرتك يا رفيع الجناب
ما ذكرتك لاني خاطري مانسيك

واكثر اللي من اعيانك يجيب العذاب
نظرة اللي يبيك بعين ذي ما يبيـــك

.....

[الحمدان]

ياسقا الله يارعى الله الســــنين الماضيات
ليتها ترجــع ونعــــرف عظــــــيم اخبـارها

كنت لعــيوني قمر فاللـيـــالي المظــلـمات
وكنت للدنــيا خــــزاين ومخــــبا اسرارها

كانت احــــزاني بوجــودك تــولي مدبرات
وتزورني الافــــراح نفــاحـتن بعطــــورها

نظرتك كانــــــت دوا للجــــروح المؤلمات
ولمســـة ايدينـــــك ليــدي تمـــثل دورها

وللاسف صارت سنين الســعادة ضايعات
وصارت الجــارة تقفي بمحـــــضر جارها

والحبيـــبة الاولة نور عيــــني والمـــنات
غيرت عـــني الطـــــــريق الموصل دارها

يعلـــــم الله كــره والا الليالي مقـفـــيات
احتـــرق قلـــبي بشــــــــعلة لهايب نارها

ليت والله طبــعها مثل طــبع الهايمـــات
وتحبني باخـلاص واسلم عذاب اعذارها

قلبي المغروم في حـــبها بالفــعل مـــات
وهي تشربني المــــرارة بكل اصـــــرارها

.....

[الحمدان]

سلام يا ساكن افكاري ومحتلها
وصرت ما كن بمخرجها ومدخولها

يا زين فيه المحاسن والحلا كلها
مكتملة الوصف يوم الوصف منقولها

من وين بابدع لها بلوصف واجيلها
ابدع من الخد او العينين او طولها

او رمشها او عنقها او ذكاء عقلها
ولا من اخلاقها والجود باصولها

بالحسن ما قد رأت عيني بشر مثلها
كئنها حوريه في الارض بحلولها

لو ادري ان حدسكن في الارض من قبلها
باصول في هاذه الدنياء وباجولها

اغار عليها من اخوتها وحتى اهلها
واضيق لا شفت واحد منهم حولها

لا بد ما ادفع لبوها المهر واشلها
لو بعت حتى جرب جدي ومحصولها

لا حد يلوم الفتى بلوصف او نقلها
هو هاجسي لا حضر يكتب بمدلولها

هي عارفه كل ماهو لي وماهو لها
وفاهمه كل كلمه قبل ما قولها

.....

[الحمدان]

صيحتك في نظرة الطيب علاج
والا ضعيف النفس صعبن علاجه

لو قلت له وسط الحرم حج يا حاج
يشيل في نفسه ويعقد حجاجه


.....

[الحمدان]

يا معاتب الناس لا تعتب ولا تشره
‏موارد الطيب بين الناس معروفه

.....

[الحمدان]

كسرت كل أبواب وصلك من الطرق
وغيـرك طـرق قلبي ولأنـي بصوبــه

واللي يريد الوصـل يا مكثــر الطـرق
لو وقفوا كل العـرب فـي دروبــه

.....

[الحمدان]

يا وقفة الشادن اللي قمت أشُوفه
هَزَّت معاليق الحشا في فوادي


جِيدَه تِعَلَّى ناظرٍ في طروفه
كِنِّه يِدَوِّر غايبٍ في البِعادي

عينه وسيعة بالنظر في حقوفه
عين الغَضنفر لْيا نظَرْ بَعد هَادِي

رافع يِديه ولا وِسَطْنا وقوفه
مِتْحَيِّرٍ ما بين جَيَّه وغَادِي

أرقط لِطيف وميَّزاته وصوفه
مثل القمر لا شَعْ بليل السَّوَادِي

مِصَيِّخٍ آذانه تِجَمِّع حروفه
يَرْقِب صدى صوتٍ لِفَا له ينادي

هذا هو الريم اللي عجزنا نشوفه
حتى في برامج صور من بلادي

كِنِّه غريم الروح لا جت صدوفه
فيه الحلا طاغي وفيه العِنادِي

خايف جفول وكاثِراتٍ حسوفه
طَبْع الحبيب اللي سكن في مِدَادِي

يِشْبه لِمحبوبي وزايدٍ فيه خوفه
لْيا جيت أبا وصله نِوَى لابتِعادي

قلبي لِيا شافه تِزَايَد لهوفه
والعقل مِنِّي تايهٍ في كل وَادِي

سبحان من صَوَّرْ وزَيَّن قطوفه
خَلاَّه نادِر ما لِمِثْلِه مِقَادِي

هذا كلام اللي هجوسه تِحُوفه
والوصف جَزْل وما نطَقْت الرِّكَادِي

بن شملان الصلاحي الدهمي

[الحمدان]

‏يآ مالكَ إحسآسيّ ونور المشاوير
‏خذنيّ منَ الأحلآمَ ربعَ وقرآبهَ

‏وديّ أعيش اليومَ مثل العصآفير
‏وآقفَ على الشبآكَ كلي رحآبهَ

.....

[الحمدان]

‏تاريخنا هجري على روس الاشهاد
‏واعيادنا عيد الفطر والضحيه

‏ما عندنا في شرعنا يوم ميلاد
‏على كتاب الله وسنة نبيه

‏عيد الكريسمس للنصارى يالاجواد
‏ما هو لنا يا اهل الشرف والحميه

.....

[الحمدان]

يالله يالي لك عبادك يصلون
نطلبك سترك والعفو والعافيه

أنت الكريم الي له الناس يدعون
وأنت المجيب الي تجيب الداعيه

عز الله إني من عطاياك مديون
والنفس في روضة نعيمك ساليه

قلبٍ مشى بالذكر ماهوب محزون
لو كان يسكن في الجبال الخاليه

فتى الجوف

[الحمدان]

انا كيف ابسلا عن غرامه وكيف انساه
وانا راح قلبي مع حلاها ونظرتها

هنوفن تمخطر بالحلا جل من سواه
ما يشبه جمال أوصافها إلا مرايتها

تشابه بياض الغيم في طهره ومنشاه
تقول البرد منها وبطراف غرتها

عزيزة مقام وبنت شيخ ٍكبير الجاه
تنزل له اكبار الرجاجيل هامتها

من بيت عودٍ يملك الطيب في يمناه
وهي تاخذ من العود عزتها وهيبتها

وتاخذ بعد من زين طبعه ومن مبداه
ومن طيب ابوها تجود بالطيب مدتها

جماله طغا سبحن من بالحسن سواه
طغا زينها الطاغي على زود حشمتها

خذت قلب شاعرها من اوله لين اقصاه
بزين الوصوف وزين بذات طخمتها

تواصيف وصفه ما يجيد القصيد غناه
تبي تتعب الشاعر ويتعب قريحتها

هنوفن خذت عقلي وقلبي بدون وصاه
عسى الله يجيبه كثر ما جيب سيرتها

اهوجس وهذري به واغيب مع طرياه
خذتني من العالم وضعت بمسرتها

غناتي عن العالم واحبه واحب رضاه
وآنا تبتسم عيني ليا شفت ضحكتها

ولولا غلاها ما جفيت البشر لرضاه
غلاه بقلبي وقدرها بعز هامتها

غيابه ترك قلبي بظلم الحزن وإلا اه
ولو طال حزن القلب مارخص محبتها

يطول المدى والا قصر بنتظر لقياه
وعلى العهد وافي بالغلا في علاقتها

.....

[الحمدان]

‏الموت ماهو بس في طلعت الروح
‏أكبر جريمة قتل كسر الخواطر

‏لو العزاء في غير الأموات مسموح
‏أعظم تعازي في جريح المشاعر

.....

[الحمدان]

صدفه وساقتني عليك المقادير
‏واصبحت تملك من حياتي حياتي

‏طويت لعيونك بعيد المشاوير
‏وواجهت لرضاك الرياح العواتي

‏واخلصت لك فالود من غير تقصير
‏واخفيت عن وجهك ملامح شتاتي

.....

[الحمدان]

والله ما عمري للصعيبات دنقت
إلا لا منها جت تبي تحب رأسي

.....

[الحمدان]

كمل غيابك ازمة الشوق عدت
ما بيك ترجع خاطري فيك طايب

قلبي نساك وكل الاشواق صدت
انا وانت ما عاد نصلح حبايب

.....

[الحمدان]

غالي وتسوى من غلاتك عيوني
لا فرق الله بيّن روحي وروحك

.....

[الحمدان]

تدري من اللي يستحق المحبه
اللي يداري خاطرك لا تضايقت

اللي من كلامك بالكتابه تنبه
يفهمك متضايق ويفهمك لا رقت

.....

[الحمدان]

الحظيظ اللي بعمره جمع دنيا ودين
‏ما تـرك حق الرفاقه ولا فوت صلاة

.....

[الحمدان]

‏نسهر وتسهرنا مقادير الأعوام
‏ودروبنآ ممتفرقه ومعزوله

‏يا صاحبي ما فادنا كثر الأحلام
‏واللي بخآطرنا عجزنا نقوله

.....

[الحمدان]

‏تفداك عين تنظـرك وأنت موجود
‏ويفداك قلب يذكرك وأنت غايب

.....

[الحمدان]

تفداك نفس شالها الشوق صوبك
ويفداك قلـب مالقى مثلك أبد

و تفداك عين ما تبي غير شوفك
و يفداك عمر ما فدى قبلك أحد

.....

[الحمدان]

تعبنــا منَ الدُّنيـا علينـا تسـوقْ اللَّــومْ
ضغـوطِ الحيـاةِ وحالـةِ النَّاسِ تَعبـانَهْ

ولَغِبنا منَ اللِّي يعطفِ القومَ فوقِ القومْ
عُيـونُه تَشوفُ العيـبَ والبغـضُ مليّانَهْ

وصبـرْنا وقلنا يا عَسَى الجاي غيرَ اليـومْ
على شـانِ بعضِ النّاسِ وأيضًا على شَانَهْ

ومشينـا على عـاداتِ أهلِنـا وَفَـا وعـزومْ
نُعَزّ الرفيـقَ ونَحســبْ إنَّا من إخــوانَـهْ

ونَحمي الصـديقَ ولو غَلَطْ تونا مَحشومْ
وإيـشِ الطّيـبْ لو ما صِرتْ بيتَه وعنوانَهْ

لأنَّ الحيــاةَ تَــزولْ والبـاقيـاتْ تَـدومْ
ولا بَـاقــي إلّا رحـمـةُ اللــهْ سبـحــانَهْ

علوي الباشا

[الحمدان]

اغبط تقيٍ صار زوده بتقواه
‏عبدٍ لصوت الحق يرخي سموعه

‏يفرح بصوت منادي الحق لا اوحاه
‏عجل على المسجد بطيٍّ ركوعه

بندر بن سرور

[الحمدان]

سكنت قلبــــي وخليتـــه لك لحالك
وحبـك مع الدم يجري في شراييني

الله يرعاك فـــي حلك وترحالــك
ياغايتي في الغرام وشمعة سنيني

.....

[الحمدان]

‏جيت مثل السحابة يا اللطيف الجميل
في شفاهك بروق .. وفي كلامك رعد

بين قدّ ٍ ليان .. وبين طرف ٍ كحيل
ما لوجهك مسمّى غير وجه السعد

.....

[الحمدان]

بنبطي نحب البل وبنورّث التالين
ومن جيل يتبع جيل نرّث محبّتها

عطايا الله اللي كان حنّا من الحييّن
بنشرب لبنها ونتفاخر بسيرتها

وناكل لحمها ونطعم الجار والمسكين
ونكرم عزيزين القدر من كرامته

.....

[الحمدان]

‏لا تنتظر رد الجـمايـــل والاربـــاح
ولا تلتفت في طيبك اللي صنعته

الطيب في وجه المطاليق ماراح
ولا الـــردي ماينفعك لـــو نفعته

.....

[الحمدان]

خلك بـحر غامض وباعماقك أسرار
وفي ظاهـرك للناس عزه وهيبــة

لا تشتـكي جــرح الليــالي والاقدار
يدوس جرحك من تحسبه طبيبه

.....

[الحمدان]

ان صابت الهقوات فالشك زايل
وان خابت الهقوات مانعلم الغيب

عادي لاشفت من الحياه الهوايل
الناس مختلفين بالذات فالعيب

ترى الردي يطرب لهزل الفعايل
مثل مايطرب راعي الطيب للطيب

.....

[الحمدان]

يا فارج الشـدات يا خالق الكون
يالواحد اللـي كاملٍ فـي صـفاتك

انت الـذي موجود والخلـق يفنون
كل البـشر تحتار فـي مـعجـزاتك

يا معطي الجنه لك الخلق يرجون
كلٍ يبـي فضلك وزود احسناتك

ربٍ كريم وعندك الرزق مضمون
مالك شريكٍ في صفاتك وذاتك

سبحانه

[الحمدان]

يالله يالي لك عبادك يصلون
نطلبك سترك والعفو والعافيه

أنت الكريم الي له الناس يدعون
وأنت المجيب الي تجيب الداعيه

عز الله إني من عطاياك مديون
والنفس في روضة نعيمك ساليه

قلبٍ مشى بالذكر ماهوب محزون
لو كان يسكن في الجبال الخاليه

.....

[الحمدان]

‏يا رقيقة مدّي الحسْن وتمادي
‏واشرحي لليل مفهوم الوسامه

‏وافتحي شبّاك تفكيري ونادي
‏كل نجم اخايله .. تارك علامه

‏اضحكي للغيم دام الجو هادي
‏مثلك انتي ؟ له غلاه وله مقامه

‏رافقتْك الشمس يا قمرة فوادي
‏لو تدور الارض ، عدّتك الملامه

‏القصايد مالها موقف حِيادي
‏في عيونك يعلن الشعر انهزامه

.....

[الحمدان]

‏ارْقا جبال العـز وتشوف لك ناس
‏في سوق صعبات المراجل تجوّل
‏
‏ان كان تبغى مثلهم حـارب الياس
‏وان كان تبغى مـــــوتة النار حوّل

.....

[الحمدان]

‏َعليك السلام ورحمة الله والرضوان
‏يا قلبٌ تعب واخفى عن العالم اوجاعه
‏ㅤㅤㅤㅤㅤ
‏يذوق الالم ومكابد الضيق والّاحزان
‏ولا يشتكي لو تلوي الضيقه ذراعه
‏ㅤㅤㅤㅤㅤ
‏توشح بصبر ايوب والصمت له عنوان
‏ولا غيرت ضيقات الايام باطباعه

.....

[الحمدان]

الشعر مصباح الحكم والعواطف
والقاف يرقى بالنفوس النقيه

والنفس تكسرها ردود المواقف
لو قابلت بعض الفعول الرديه

أصبحت مع بعض المخاليق والف
اعرف معادنهم ولو هي خفيه

يا كثرهم وقت الرخا والسوالف
ويا قلهم وقت الوفا والحميه

.....

[الحمدان]

‏تاخـرالليل لكـن جيـت فـي بالـي
‏دخلـت اسلم علي عيونـك واغطيها

‏بتنام يالله عسى لا نمـت يالغالي
‏احلامـك اسعـد من الدنيـا وما فيها

.....

[الحمدان]

‏فارقت يوم إن المفارق ضروري
‏وخليتهم للوقت والوقت دوار

‏لله در الكبريا في شعوري
‏كبير وجروحه بعد مثله كبار

‏ما عاد يرضينا الهوى يا غروري
‏خل الهوى للي يجيدون الادوار

.....

[الحمدان]

ليت القلوب تكون مثل الاسامي
تبقى ولو طال الزمن ما تغيّر

.....

[الحمدان]

تلاحق سنينك واطلب من الله التوفيق
ترى العمر ما ياقف على حاجةٍ راحت

.....

[الحمدان]

↯على كثر ما عشنا وشفنا من الأيام
‏سمحنا من العالم وطابت خواطرنا

.....

[الحمدان]

ياللي بوصلك تفرح الروح والنفس
ياللي بقربك تبعد أحزان ضيقي

يا حالي الاوصاف والحرف والهمس
تعال أنت اعلاج بوحي وشوقي

.....

[الحمدان]

‏يسعد مسـاكم بالرضاء والعافيه
يـوم الغــلاء بين المحاني مرتكـي

أقـولـهـا قبـل الـــوزن والقـافيـــه
المكسب أنتم والشعر يبقى حكي

.....

[الحمدان]

الوقت جاحد والخلايق مصالح
والكل طيبَ لين يقضي لزومه

.....

[الحمدان]

نبني قصور احلامنا واثرها ثلج
اذا اشرقت شمس الضحى ذوبتها

.....

[الحمدان]

إتعب على اللي يطلب الوصل لرضاك
وجنب عن اللي ما درا عنك لا غبت

.....

[الحمدان]

ماني وكيل ادم على كل من خاب
من طاب طاب ومن تردى تردى

اللي يبي يزعل بلا ذنب واسباب
درب السلامه مـر وإلا تعـدى

.....

[الحمدان]

عرفت ناسٍ واجد اشكال وانواع
واخذت لي من ناتج العرف طابع

الأغلبيه كـذب وانـفـاق وخـداع
والـطيبـين اعــدهـم بالاصـابـع

.....

[الحمدان]

ترى اللي يسوي الطيب في ناكر المعروف
مثل من يصب الماء على وردة الزينه

.....

[الحمدان]

ما خلقنا الله نداري في بشرها
وما تربينا نبادلها الملامه

من بغانا ياخذ العين ونظرها
ومن تركنا جعل تصحبه السلامه

.....

[الحمدان]

استر عيوب الناس وتعيش مستور
الله خلق والله عن الناس داري

.....

[الحمدان]

يا مسبب أوجاعي وكاسر شعوري
أحزاني الواجد تبي بس فرحه

لو كان يكفي عن غيابي حضوري
جيتك وجبت احساس قلبي وجرحه

.....

[الحمدان]

الظروف تحد بسيوف القدر
‏وان شكيت الحال لله شكوّتي

‏اشهد انه شيخ والشيخه قدر
‏يوم ترحيبه قصر من عنوّتي

‏بيض الله وجه من دق الصدر
‏جيت له هاقي وصابت هقوّتي

‏الظنون تجنّب الوجه الودر
‏ابخص وجيه الرجال بنقوّتي

.....

[الحمدان]

‏الرابح اللي إذا ضاقت بوجهه سجد
لا نزل الرأس لـ الخالق ، ودمعه رقى

اللي لقى درب ربه بـ الزمن وش فقد
واللي فقد درب ربه بالزمن وش لقى

فيصل الرياحي رحمه الله

[الحمدان]

ان كان حظك مافرش لك وغطاك
‏لاترتجي من حظ غيرك يغطيك

‏مادام رزقك كاتبه يوم سواك
‏خلك صبور وقاسم الرزق يعطيك

.....

[الحمدان]

خلك على ربعك غصونٍ مضلّه
‏ملاذ عن حر الزمان وعجاجه

‏وإن جتك منهم يابيض الوجه زله
‏اضحك وسولف كن ماصار حاجه

.....

[الحمدان]

مستحيل اسألك شاللي جاك مني
لأني أدري ما تجي مني مضره

كل ما ظنيت فيك يخيب ظني
كم مره إنخذلت و كم مره ؟

و تحلف لي في غلاتي و أدري إني
مالي بـ قلبك و لا مثقال ذره

.....

[الحمدان]

‏يا راع المحبه لا تخلي البشر يدرون
ترى لو درو عن عشرة الحب ما دامت

حلاة الغلا والحب في سره المدفون
يا حلو المحبه والغلا اللي على الصامت

.....

[الحمدان]

سحرتني ياغلآ روحي بمكتوبك
وحروفك الي بعطر الورد نفآآآحه

أنت الغلآ أنت وحدك والحلآ ثوبك
همسك لقلبي دوآآه وبلسم جرآآحه

لو غبت عني أطير بخآآفقي صوبك
يقلع بي الشوق يحملني على جنآآحه

.....

[الحمدان]

إن بان لك في وجيه الناس حسن القبول
اللي ورى صدورها خله ورى صدورها

.....

[الحمدان]

لا مات صبر الحليم وضاعت الذمه
‏سافر بليا موادع والطريق اطوه
‏
‏عزز طموحك وشد الحيل والهمه
‏ما يرضخ المجد غير لواثق الخطوه

.....

[الحمدان]

إن طعتني لاعاد تشره على الناس
من جاك رحّب به ومن راح خله

لا تجرح الغالي ولا تقطع الياس
واضحك ولو بالقلب ستين عله

لا تنقل الهرجة ولا تصير بلاس
حتى ولو تملك عليها الأدله

واحذر تصير انسان ضايق وحساس
وتبالش العالم على كل زله

واصبر على دنياك بالعزم والباس
حتى لو انك عايش فوق ملّه

.....

[الحمدان]

واللي بلاه الغرام وطاح في بيره
الله يجبّر عزاه ويلطف بـ حاله

.....

[الحمدان]

‏جيت محتاجك وفيني كلامٍ ما يقال
‏اتعزز وارفع الصوت وامشي واعدي

‏حطني في وجه حضنك من صدوف الليال
‏تايهٍ لخطيت من ضمتك وين اغدي

‏غبّ على كيفك وانا بين هقوات الوصال
‏اتحرّى لك وروحي على راحة يدي

‏واكتبك بالشعر والشعر دوامة خيال
‏يتضح فيها بعيد المدى والمبتدي

.....

[الحمدان]

‏لو يصير الصمت عادي .. منت عادي
‏انت ميلادي وخوفي واجتهادي

‏ليه صوتك بس اعيده بالرسايل
‏والرسايل لا تحس ولا تنادي

‏نسمع التكرار والتكرار .. قاتل
‏اقرب الاشياء للحلم الرمادي

‏يا أمان اللي فقد داره وامانه
‏للوعود احساس ودموع ومبادي

‏كيف تضحك وانت ما تضحك لـ غيره
‏ضحكة الاطفال .. قدّام العيادي

‏الهدوء ازعاج والتفكير مُزمن
‏وانت فكره .. كانت الاكثر تمادي

‏السجين اللي تركته ما يحبك
‏قال احبك وبشكل غير اعتيادي

‏تحت سقف الظلم زادت مغرياته
‏بالهوى ماكان مكتوف الايادي

‏جاك من صدر الجدار وقام يكتب
‏" غربتي ما ودّها تشتم بـلادي "

‏ما تنازل عن قراراته وحلمه
‏واجتمع ويّاك في سجن انفرادي

.....

[الحمدان]

نطيح من عين الردي مابها عيب
‏ولا همنا لو قال ما قال فينا

‏مدام نسكن في محاجر هل الطيب
‏ومنزالنا فـ عيونهم ما علينا

.....

[الحمدان]

كسبت من دنيا العناء طولت البال
‏ما ارخيت راسي تحت موطى قدمها

‏لو حدني وقتي على هايف الجال
‏روحي على الدنيا طويلٍ نسمها

‏لا تبدي الحاجه على بعض الاشكال
‏الناس تال الوقت قلت شيمها

‏احذر من اللي ينقل القيل والقال
‏الحيه اللي سمها وسط فمها

.....

[الحمدان]

لا شفت لك حاجةٍ ماهيب قد المقام
‏استر خللها وغُض الطرف من دونها

‏كم طيبٍ ما تهيا له بلوغ المرام
‏وكم خيبٍ جت له الدنيا على هونها

.....

[الحمدان]

لا تعتب على دنياك يالخاطر المجروح
‏تبا تروح من دنياك والنفس مارتاحت

‏تمر السنين وكل ساعه تجي وتروح
‏ولك ساعةٍ فالعمر لا جات ما راحت

.....

[الحمدان]

‏لولا الظنون الطيبه مات الإحساس
ولولا التسامح بالحياه إنقرضنا

ولولا الأمل تهنا على سكة اليأس
ولولا مخاسير الزمن ما أتعضنا

.....

[الحمدان]

‏بين أحط الرحّال وبين أشد الرحيل
خايف إن لذة العمر المطرف تطوف

ليت قلبي مقفل كنّه مجلس بخيل
لا يقلط ضيوف ولا يودع ضيوف

.....

[الحمدان]

اغبط تقيٍ صار زوده بتقواه
‏عبدٍ لصوت الحق يرخي سموعه

‏يفرح بصوت منادي الحق لا اوحاه
‏عجل على المسجد بطيٍّ ركوعه

بندر بن سرور

[الحمدان]

‏عسى الله يجيب الخير ويحقق المطلوب
ما دام الظنون بمالك الملك ما خابت

.....

[الحمدان]

تدري متى يلعب بك ألفين وسواس
وتحس نفسك فاهم الناس توّك

اليا ظلمك إنسان كان أقرب الناس
وأنصفك شخصٍ تحسب إنه عدوّك

.....

[الحمدان]

تدري متى يلعب بك ألفين وسواس
وتحس نفسك فاهم الناس توّك

اليا ظلمك إنسان كان أقرب الناس
وأنصفك شخصٍ تحسب إنه عدوّك

.....

[الحمدان]

‏أنتِ اليقين الراسخ اللي ما يشوبه إحتمال
‏وأنتِ الثواب إللي تجلّى لي بعد شدّة صبر

‏من حقق الله حلمه و نالك رغم أنف المُحال
‏يستاهل يعيش الحياة و بداخله نشوة نصر

.....

[الحمدان]

لو عقد وجه الزمان المستبد حجاجه
‏بين اموت بعزتي والا اعيش بذلي

‏ما رضيت الذل لو وقتي يشد سياجه
‏ولا قبلت الهون من دقي ولا من جلي

.....

[الحمدان]

‏نمشي على حكم الزمن غصب عنا
ونقول يا قلب العنا الف لا بأس

حتى ولو بالقلب سهم طعنا
نضحك ونخفي كل جرح عن الناس

.....

[الحمدان]

لو عقد وجه الزمان المستبد حجاجه
‏بين اموت بعزتي والا اعيش بذلي

‏ما رضيت الذل لو وقتي يشد سياجه
‏ولا قبلت الهون من دقي ولا من جلي

.....

[الحمدان]

مرّي على البال مثل الريب والإشتباه
عندك مايبعث شعور الزعزعه فـ جسدي

الصمت مالي زوايا يومي ولا وراه
الا إعتراضي على صمتي وقَلّ جْهدي

مرّي مثل ذُعر في غمرة سبات الرفاه
مرّي مثل دمعة المستهتر إليا هُدي

مستاحش البال مايدعوه للإنتباه
وأنتي جميع الحلول الممكنه في يدي

يمكن يحايل رهيف الضحك معك الشفاه
وتحايل القلب والقلب الشقّي أجودي

مبطي ماجابته ضحكه .. أو ودتّه آه
مبطي ماقال لـ ضلوع الصدر وين آغدي

وأنتي من أول ماخلّتك الدروب إتجاه
كني من إعراج ناصي قبلتك ومهدي

أستقبلك كن مالي قبل عرفك طرَاه
وأستدير الأرض عنوه والبساط أحمدي

سمي دروبي بـ أساميها، مضيق ونفاه
وإخذي من الشعر إذعان الرضا وإخلدي

محتاج وجهٍ يرجعني أحب الحياه
وأنتي جميع الحلول الممكنه في يدي

.....

[الحمدان]

مد لي صوتك يا أول الأحباب قبل أسريك كلي
وأسترد العارض المنشود، لين أسرق جفافه

ياحبيبي كل ماهلّ السحاب، وسال، قلّي :
من تحب عيونك من الناس ولا من تخافه ؟

مر نورك بين "تلويح الحياه" وبين ظلي
وعشت عن بارد هواه، فـ شرهته، وأول عْجافه

أتمنى ضحكتك، صوتك، وش أحدد وأخلي ؟
الجفاف يحدني .. والبيد زادتني صلافه

أن عذرت الطاري المرّار في طيّة سجلي ؟
ماعذرت عيونك النجلاء على قِلّ الكلافه !

أتماهى مع ديارك .. فيك ترحالي وحلّي
لين أرجّع سيرة العشاق ورا "جسر الرصافه"

السنين أستأذنتني، والهوى صوته مْجلي !
والطريق اللي تعرفه زين، ميّلت أنتصافه

وأن هدأ صوت الكلام، أحتلت في دقي وجلي
كف صمتك ماتقدّر عيشي، وتعرف كفافه

أتكاثر نظرتك "في صفحتي" وأحب قِلّي !
من قدر غيرك على قلبي ومن أحب أختلافه ؟

في مقامك أنسج الغيمه على الغصن المدلّي
قل لعودك: ياخذ من البارق الوسمي لْحافه

وأنت وحدك تمنح الأشياء مقامات، وتجلّي
مابقى إلا شاعرٍ بلّت غيومك ضفافه

هات ظلّك، قرّب أيامك، أخذني من محلي
شدني لين "الحقايق" تحتضر فيها الخرافه

كيف عينك تقتل الرجال، ورموشك تصلي ؟
ليش صوتك يجرح الأيام وأحبه، وأخافه !

شرّد الأحزان .. مارد السكون إلا التخلي
عاشقك قدامه سيوفك، وفزعاتك خلافه

وأترك الصوت الرقيق "أن زلّت الريبه" يهلي
وأبشر بـ شعرٍ تذوب الناس في وزنه، وقافه !

عاد قلبك وأعرفه، وأجهل مشاويري، وغلّي
لو قدرت أجودّه؟ وشلون أبىْ أمِلْ أرتجافه

الهوى دربه طويل، وحِر شمسك جايزٍ لي
كلما أزداد الشعور، تقلّ لـ رضاك المسافه

لا تحاول "يابعد كل الأحبه" خاطر اللي:
ماتلدد في ديارك غير من كثر الحسافه

أن رضيت أجيك كلي، وأن زعلت أجيك كلي
أنت ذنبٍ لو يعاد الوقت؟ أبعيد أقترافه

.....

[الحمدان]

عطاك الليل ياسِهد العيون سْهاده المعتاد
على سِلمه، وأنا رجل يقدر من على سِلمه

ياسيدي فـ الصدر ذاك الشعور اللي كسى بغداد
بعد ماصارت حقوق المواطن في الوطن - حلمه -

جفن ليه أبتلي بك والسهر، هو عاد فيك رقاد ؟
تحت سودك خذا مدري عطاك الليل من دِلمه

تريّح، مابقى غصنٍ يعشمّه الهوى معواد
ولا طيرٍ يرجعه الشتاء فـ الليله الظلمه

ولا عاد السفر يغري وراه، ولا البلاد بلاد
ولا صبحٍ، ولا طارش يرد العلم من علمْه

ربيب الذاكره، صدر الحليم أوسع من المعتاد
على خبرك إلين أحباب قلبه تختبر حلمه

تشابه قسوة أيام الغريب أن مرّها الأعياد
طواريك الجميله .. ياكريمٍ عادني ظلمه

تحسب أن الكلام أخف جرح، وغايبه ماعاد
أنا اللي حال مابيني وبين الكرى كلمه

.....

[الحمدان]

أنا شاعرٍ وجهه حياوي .. وقلبه حي
خذا الشعر من راحة ضميره كثر ما أعطى

على أدنى سبب يسهر خرز سبحتي بيدي
ويجي يا قلادة عنق .. يا حيةٍ رقطا

أعالج به اللي عارضٍ صابره للكي
وأعاتب به اللي كل ما أدرك غلاه أخطى

شعور مْتناقض .. كل يومين يلبس زي
تسلى به السمّار وتدوره لا أبطى

ويقولون روف بقلبك الغض بعض الشيء
وأقول العروق الخضر ماهي عروق أرطى

لا صار بين القلب والعقل طق عصيّ
أبـ أكرر الأخطا لو أصحح الأخطا

من يفوت عمره وأمنياته مثل ماهي
عرف حسرة المحروم من فرحة المعطى

حسبنا سنين العمر تمشي شوي شوي
وأثرها تسابق طق الإبهام للوسطى

.....

[الحمدان]

مدري ملى صدري البارح حنين وهيام
ولا برى قلبي المهوم .. طول البطا

تخاصموا عقلي وقلبي أشد الخصام
ضميري الحي بكى جرحي اللي سطا

ياحظ من ينجرح جرحٍ يقص العظام
الموت جرحٍ عليه الروح ستر وغطا

تغانم أيام عمرك .. والهمام الهمام
قبل يروح العمر منك مراح القطا

مجاهد النفس خصلة من خصال الكرام
ومن يذكر الطيب ماهو ضاريٍ بالعطا

ومن يتبع النفس لو زكى وصلى وصام
يابعده من الصواب، وقربه من الخطا

.....

[الحمدان]

انت مزهدني من الناس مافيها جديد
‏وناس واجد من يدي قد قطعت آمالها

‏ماخذٍ قلبي وقلبي من النوع الفريد
‏وودي اصارحك بعلومه اللي قالها

‏كل بنتٍ قابليه ومنسبها جويد
‏ودها تفخر بك وفي حماك لحالها

‏خل عاد اللي ثنتها على حبل الوريد
‏وخلت شماغك يسلم على سلسالها

.....

[الحمدان]

البارحه يوم سرتني طيوفك سريت
أحاول أسهى بذكر عيونك الساهيه

ينتابني خوف في ليلٍ شعوره مُميت
الليل دايم عتيم .. وطلتك باهيه

عطيتك اللي تبي من حب ولا خذيت
الا غيابٍ .. بعدْه أعذارك الواهيه

أنا توقعت بـ أني داهيه، مادريت
أني تولعت فيك ورحت في داهيه

.....

[الحمدان]

ضاق بي ثوبي، وضاقت بي وساع الفجوج
وبان تأثير المجامل على نفسيتي

أتصبّر، وأدفر الضيق بالسجّه، وأدْوج
ما أبغي العالم تلاحظ على شخصيتي

صرت أجنّب ضولة الناس، وأعاف الهروج
وأتضايق من شماغي، ومن طاقيتي

ودي أسجل من الحزن وطقوسه خروج
وأستعيد أيامي المرحه .. وحريتي

.....

[الحمدان]

‏على طاري الغلا اللي مايبي له نشده وتبرير
‏يا كيف يسج منك واحدٍ ما غبت عن باله

.....

[الحمدان]

‏من غلاك آطى على شوكك وجمرك
‏ما عليّ من السؤال ولا الاجابه

‏بين ايدينك عند عينك تحت أمرك
‏خدمتك واجب ورغباتك مُجابه

‏وعن جميع جروحك وصدمات عمرك
‏اعتبرني كلمة آسف بالنيابه

.....

[الحمدان]

‏يشفع له الماضي وتشهد له افعال
‏واللي حصل مدفون بينه وبيني

‏ماننكر العشرة ولا نسمع اقوال
‏بس البلا لاصار شوف عيني

‏يبقى العزيز اللي عرفته ولا زال
‏الوافي اللي بالمواقف يعيني

‏تبدلت الأوضاع واتغير الحال
‏واشياء كثيره واسئله تحتريني

‏عهد علي ما يلحقه قيلٍ وقال
‏واحفظ حقوق الود طول السنيني

.....

[الحمدان]

سولف على النوار والنود والريف
همسك رشاش وضحكتك برق غيمه

تمطر على البيداء من السيف للسيف
أربع ليال وخالف السيل ديمه

منها العروق تصير خضر ومواريف
عقب ماكانت يباس وهشيمه

.....

[الحمدان]

مبارك المطرباني يقول :

صدّت ، تبي يعني تغلى يابلفيت
‏قصايدي فيها ، علي كبرّتها

‏والله ماعاد تذوق مني ولا بيت
‏إلا رثاها ، لاسكنّت مقبرتها


لكن اعلن انهزامه بعد ماساقته الهواجيس لدروب حبيبته وقال :

وأرضيني ، أدنات حاجه منكْ ترضيني
‏خيْطي معاليق قلبي وأخمدي ناره

‏لعيونش السود كن القاف يدعيني
‏أطاوع القاف تاره والعنه تـاره

‏ماردني عن سواد عيونش يْميني ؟
‏كتبت فيها قصيييد ، وسقت كفاره ..

[الحمدان]

يا نجد سميّتك على الغالية نجــد
اسمك كبير .. وكبرتّه العذيـة

ديرة هل العوجا تهجد العدو هجد
اهل السيوف المرهفات القويّة

اللي بنوها مجد من مجد ، في مجد
من المؤسس لين ساعتك ذيّه

.....

[الحمدان]

‏خذتني الذكريات وجيت لك سيراً على الاحلام
‏لو اني ما اذكر اني قلت لك بمشي وقلتي وين

‏يا فرصة عمر كيف افرح بها واعيشها مادام
‏بغمضة عين جات وسافرت عني بغمضة عين

‏ذكرتك وابتسمت وبانت الدمعه ولا تنلام
‏ذكرت احلى الليالي من شهر سته لشهر اثنين

‏محمد المسعري

[الحمدان]

مذهبٍ حالي بطاريك يامال الذهاب
مابقى بالقلب من سبتك عرقٍ ندي

أن نسيتك فـ أعرف أني موارى فـ التراب
وأن تذكرتك عسى الله يسامح ويهدي

.....

[الحمدان]

مايعنيني غياب ولا تضيعني مسافه
‏والتجارب عن قناعة كافله للي يليها

‏كل شي كنت أخافه شوفني ماعاد اخافه
‏وكل حاجة كنت أبيها هذا انا ماعاد ابيها

‏بختصار إني بعد ماذقت من مر الحسافه
‏وانتهيت الحمدلله حالفٍ ماعاد أجيها

‏التبلد صار عندي له مكان وله ضيافه
‏لو طلبني فرحتي بقول له تأمر عليها

.....

[الحمدان]

‏سلامي على اللي حبها ساقني للجال
‏وقامت تليّن في طبوعي وانا قاسي

‏تمر المره من عقبها كنها رجال
‏ما والله تحرك شعرةٍ من شعر راسي

محمد المقحم

[الحمدان]

ياحبيبي والمحبه بدايتها سؤال
والنهايه قسوةٍ تكسر الغصن الندي

والذي فضّل جمالك على كل الجمال
- أنك أغلى من عيوني ودمّ جسدي -

معك جربت الهدايه وجربت الظلال
قلبي أعلن لك ظلاله وعقلي مهتدي

والهروب أحيان نوع من أنواع النضال
لا وطت رجلك طريق الضياع السرمدي

حطني في وجه حضنك من صدوف الليال
تايهٍ لا أخطيت من ضمتك وين أغدي !

أخذني من واقعٍ ماعرف قدر الرجال
السنافي فيه يْغصّب على شور الردي

عن ضجيج الناس والمجتمع جاني جفال
كن ما ذولا بـ ناسي ولا ذي بـ بلدي

مستعد أبيع عمري لأجل كلمة تعال
في رجا ليلي وصبحي وريحة معبدي

والعيون اللي هدبها ينادي للقتال
صوبتني باللواحظ وبيحّت جهدي

وأن شعرت بيوم في حبنا بـ الإبتذال
ردني لأول جروحك ترا صبري مدي

غبّ على كيفك، وأنا بين هقوات الوصال
أتحرى لك، وروحي على راحة يدي

وأكتبك بشعر والشعر دوامة خيال
يتضّح فيها بعيد المدى والمبتدي

وكاني مارويت الأسماع بسحر الحلال
طحت من عين الثريا ومن عين الجدي

.....

[الحمدان]

تجاوزتك ياجرح الكلمه اللي قالها مجروح
تجاوزتك ياكذب الكلمه وياصدق راعيها

مناضيح المواجع تتضح لك في شفيف البوح
تْبيّن الوجعه اللي في صميم القلب كانيها

وأنا بين الخطأ والصح ماقررت وين أردجوح
أخاف، وخوف الأنفس مايوصلها مشاهيها

أجامل لي عبادٍ مالها في دنيتي مصلوح
أعرف وجيهها وأصواتها وأجهل مباديها

يقولون السحابه في مثانيها البروق تلوح
وأنا أقول السحابه تحمل الما في مثانيها

عساها تنهشم فوق الضلوع اللي تحتها فوح
تطفي نارها ولا تقضقض مابقى فيها

عروشٍ خاويه ماعاد فيها للسعاده روح
سكنها الحزن وأطفى نورها وأمحل بأراضيها

سقى الله يوم كانت تكتفخ فيها حمامة دوح
ترفرف للزهور اللي منابتها مواطيها

تطير الفجر لا غازل نواظرها شعاع الضوح
وترجع مع مغيب الشمس قلبي بين أياديها

تقاوم خوفها واليا تحشرج صوتها المملوح
أهدي روعها وأمسح يدي على ثناديها

سمحت من السنين اللي خذتها والخطأ مدموح
ألوم ظروفها ؟ ولا أرتجي فرحة لياليها

.....

[الحمدان]

تعودت أسامر وحشة الليل وأخونك
عسى الله يعاوني على الحب لين أنساه

أشوف السماء وأعدد نجومها بدونك
وأغيّر بـ أسم كل نجم أنا وأنت سميناه

بديت أتعافى من قساك ومن طعونك
من يديك خفّاقي ياسبحان من نجّاه

توقّع ليا مريت راح أسأل شلونك
وأعيد الخطا مْن بدايته معك لا بالله

.....

[الحمدان]

لو كنت جرحي عسى هالجرح مايبرى
وإقبل عيوبي قبل تقبل معاذيري

وصلت لك من بعد ماطوّل المسرى
لعل شوقي يكفّر ذنب تقديري

أدري لا مني كتبت بغيبتك تقرأ
وأنك عجزت تقبّل شعر من غيري

.....

[الحمدان]

يقولون مايبكي على المقفيّه رجال
وانا اقول جعل قلوبهم مالها والي

خلاص انتهينا ما بقى للسنين آمال
بعد ماقصر مرسالها مات مرسالي

اللحين صارت راعية بيت وام عيال
وانا اللحين مثل اول على خبرها حالي

.....

[الحمدان]

‏سافري من دون تلويحة وداع
‏سافري وانسي الوداع وفكرته

‏الشجاع اللي تخبرينه شجاع
‏في وداعك ما تشيله ركبته

.....

[الحمدان]

يمر الوقت، وأيامك تشابه والسنين تطوف
ولا لك غير مشوارٍ قديم بسكّة الذكرى

عليه تمر لا بان الحزن في وجهك المخطوف
من الشكّ الوشيك اللي ليا مرّ الوهم يِطرى

غريب ٍ كل ماطاح الظلام وبان فيك الخوف
هربت مْن إرتيابك، والأرق، للشعر والمسرى

تِفَكّر في لياليك القِدام وحلمك المكتوف
وأمانيك القديمه في زنازين الظروف أسرى

نسى وجه المدينه وجهك المتوهج المألوف
وفقد درب المرابي خطوتك بالليله الغدرى

بهت وجه الحياه بداخلك وإستنزفتك حْتوف
بهوتٍ ماشْعله ضحكة صغير وسلهمة عذرى

.....

[الحمدان]

بين اللقا والبعد كم خطوه مواريها سراب
مدري بقربك مرتوي، مدري ذبح قلبي الظما

كنت الوطن لا مال وقتك، ليه أحس بـ إغتراب؟
كنت أنتمي لك، ليه مالك لا ولاء ولا إنتما؟

كنت أنتقي بين الخطايا لحظة بروز الصواب
كنت الوضوح اللي تشوفه، ليه يغريك العمى؟

كنت السؤال المنطقي، لا صارت الراحه جواب
كنت الرضا قبل الزعل يطلب من الجرح الدما

كنت البراهين لـ سكون الوقت، وأنت الإرتياب
وكنت اليقين بعز شكك، ليه أشوفك ربما؟

كنت الشتاء يوم المقيض يمر تلقاني سحاب
وكنت الغيوم اللي تغيثك يوم وبلك ما هما

على رصيف الأمنيات، لخطوتي مافيه باب
إلا وتقفّل يارفيق أشتد ساعدْه ورمى!

صار الرحيل أكثر هدوء بدون عثرات العذاب
ضاعت عناوين الآمان، وخطوة أمجاد الحمى

- ذاك الشروق اللي تخبره مابقى بـ نوره عتاب -
طاح الشفق غرب الأماني، وإنطفى ضيّ السما

أما بعد هذا الشطر، في داخلي آخر خطاب
بـ وداعة الله ياطموحٍ في سنيني ما نمى

.....

[الحمدان]

نمشي مع الدنيا على العسر واللين
‏ونصبر على الدنيا ولو هي عسيره

‏ولو دارت الدنيا على السير ماشين
‏نصبر على المقسوم والصبر خيرة

.....